VANGELOBy Bearr Chhakchhuak (Dreamer) (Completed)

[Bearr]

CHAPTER-13‍🩹



Ka hawi let a,khawi ah nge a kal zui tak ka hrelo. A reh ṭhiap a. Tui dehna hmun ah chuan ka ṭap tih an hriat loh nan hmai ka phih leh tawp. Gos-a'n chaw a ei peih silo a,kei in ka chak ngang bik bawk silo ka siam sa chu ka ti fel leh vek a. Inchung a ka chhoh hmâ in ka hmai te chu darthlalang ah ka en hmasa phawt,ka ṭap ani tih ala lang chiang mai bawk sia engtia han tih tur nge pawh ka hrelo. Hmai ka phih tawh a,a zia ve deuh ka ring a sin mawle.


" Bawihtei khi hnute pek a ngai aniang,a pa'n a pawm a. A tal a tal tawh mai " ka nu alo chhuk thut a ka phu nasa ngang mai.

" A hnêk na a la rei lo a sin " kun deuh ngal pah chuan ka chho zui a.


U Nancy tal alo la awm ka rin laiin Gos-a leh Bawihtei te pahnih chiah chu an lo awm tawh. Ngawi rengin ka lut a,mut a hun tawh tho vangin kawngkhar pawh ka khar nghal. Min lo en a,laklawh deuh chuan ka awm phah tawp,ngawi reng a min en vang chuan nuam ka tilo lutuk a bathroom ah ka va lut ringawt. Ka va chhuah leh pawn ngawi rengin min lo la en,bawihtei chu ka lak sak a hnute ka pe lai chu ngawi reng hian min la en zui ta reng a. Ka rilru tak chuan a thinrim lutuk hian awm ngaihna a hrelo in ka ring hial tawh.


" I ṭap em ni? " A rawn ti chhuak hlawl.

" Ṭap lo e " ka en duh tawhlo. Ka mit a bui ang reng sia.

" I ṭap anihkha " ti hmuk in a tho chhuak a. Towel la in bathroom ah inbual tur chuan a lut zui a. Thil thleng aṭangin a ze ngai kha an bo vek tih ka hre thei a,engtin nge kan awm zui zel ang tih chuan ka rilru a tibuai ber tawh.


Ka hmangaih a,bawihtei pa alo nilo anih pawh in ṭhen emaw chân ka phallo. Mahse tih theih ka neilo a, ani'n inṭhen a lo duh zawk anih phei chuan,ka fa pa nilo chelh tlat turin dik na pakhatmah ka neilo bawk. Mahse a tello hi chuan ka awm thei tawh lo ang.


" Test neih ka duh " hnunglam ah Gos-a'n a rawn ti thut. Ka hawi â ruai a, a inbual zo tawh tih pawh ka lo theihnghilh hman. A kawr pawh ka la la chhuak hleinem.

" Eng " ka ti zet na in ka hrechhuak chiah.

" Thisen test. Florence -i hi ka fanu ani ngei em tih hriat ka duh. Engahmah hmâ in Remruata fanu ka nih tir tawp dâwn lo " a ti hmuk.

" Gos-a!! " He mihring hi tinge a rilru a ṭhat em em mai le? A awih awm lo hial zawk alawm,mi ṭhenkhat nise khami hunlai la la khan min ṭhen in min chhuah tîr ka ring.

" Ka fanu ani lo anihchuan.." ati hman hluk a,engmah a sawi zui duh tawh lo. Bawihtei a fanu anihloh chuan kan inṭhen dâwn tih chu a ṭawngka chhuak aṭang hian ka hrethiam thei tawh; ka van huphurh tak êm.

" Thil hriatsual palh vang liau liau ani. Tiang a tih che hi ka tum lo a sin " ka tih chuan thinrim ni awm zawk tak in a nui zui hawk.

"Rawn kal teh " sofa tê ah bawk chuan a ṭhu leh. Bawihtei a muhil fel chiah a,chutia min ko chu hrethiam lo deuh hian ka en a,dawhtheihna tlachham hmel tak a min en chungin " Vat in " a ti nawn leh.


Khum kalsan in a bul ah chuan ka va phei a,min en kur a,hman ata tawh ze ṭha tak nei si a hmel ngainat awmlo leh hmel rum deuh pu thung anih avang chiah khân tun ah a lungawilo bawk nen an hmêl pawh hmuh a nuam lo zual. Ka ding reng chu ning hmêl pu zet in a thaw hawk a,ka bân rek a man in min pawt ṭhu hnawk. A mal chung ah lai zet in ka ṭhu a,min tih nat a tum sa reng em ka hrelo na in ka ban rek a hmer na erawh a na vei phian.


" Engtin he hetiang hian ka chungah i tih theih? Ṭha takin ka enkawl lo che em ni? " Tûnah tak chuan mize dang daih nei ang maiin a awm.

" Aih "

" Anihchuan engvangin nge min bum? " A thinrim lutuk aniang ka ban rek a hmer na zual a,ka thisen kal lai chu a tawp dâwn ni mai hian ka hria.

" Ka..ka bum lo che. Nilo engmah ka hre bik lo a,thil hriatsual vang zawk ani. Heng thil hi tum rêng vang a thlen tir ka nilo " ka ti bah ta nawk.

" Ka rilru tur hi I ngaihtuah ve em? Ka chhûngkaw hnai tak leh ka nupui,ka hmangaih leh ka rin em em in ka hriat miah loh in fa in lo nei dun reng a"

" Ka tihpalh lutuk Gos-a "

" Tihpalh tih ringawt a tawk lo " a vin ṭhawt. ka phu lutuk a ka che sawn lawih thei.

" Min thlah teh Gos-a,min hmer na lutuk ania " min hmer na tawh lutuk chu ka tuar thei tawhlo. Ka kut phah lam te chu a mur uai uai tawh.

" Engtia rei nge in lo inkawp tawh. Engvangin nge min neih kher? Ka nun tih chhiat kher hi enge a ṭangkai na? Min chhâng rawh " min din pui thut a. Hnai tak a min melh in a thaw hlawih hlawih bawk.

" Min thlah rawh,ka inthiamlo ve tho a sin; engmah ka hre lawk bik hleinem "

" Dawt anihchu" ti hluk in min thlah a, thawmhnaw kan dahna wordrobe chu a hnek nghal ṭhuai. A thinrimna hi a âwm ka ti q,mahse tharum thawh tur ang zâwng chuan ka ngai lo. Kan thawm a na deuh aniang bawihtei a harh a,a ṭap nghal. U Nancy'n kan thawm chu alo hre bawk aniang kawngka a rawn kik in min lo au bawk.

" Inṭhen i duh em? " Min ti ta tawl!! Chhan ngaihna ka hrelo a, chhan dan tur pawh ka hre bawk hek lo.

" Nu leh Pa ni in chhûngkaw hlim tak kan din dawn emaw ka ti hman a sin. He thil atân hian engtiang fa ko in nge ka thawhrim i hria em? I hlim loh ka hlau a,ka theihtawp a hmangaih che ka tum bawk a " a ṭawng lai a ṭawng ve ka tum chuan min lo khap thuai.

" Theihnghilh rawh,awmzia awm tawh lo " ti sup in kawngka lam a pan a, a hâwn rualin U Nancy'n " tinge in thawm a va na ve? " Alo ti a.

" Engmah anilo " tih chiah in a chhâng a,a chhuak zui daih bawk.

" Zampui ngati nge a? " Tiin a rawn lut tlang tho a.

" Engmah anilo, kan in hau ve deuh a " ka ti a,mahse ka mit bui ala reh chian loh avangin ka hmêl a hmu chu mak a ti viau mai.

" I ṭap a law? " A ti a. Ka chhâng thei tawh lo, bawihtei ka pawm a hnute pek pah chuan ka insut leh ṭhin.

" Englampang nge a? " A rawn kal hnai a,tun kan in hauhna thu chu sawichhuak rih lo ila ka duh avangin thil dang daih chhuanlam chuan ka sawi a " I sawi ṭha duhlo emai " a tiin an chhuak lehnghal.


Kan nufa tê chuan kan mu a, Gos-a a lo lût leh tawh mai bawk silo nen ka be ngam tawh chiah lo. Pawn lam ah a chhuak leh tawh zâwk nge pawh ka hre lo a ka ngaihtuah ru khawp mai. Bawihtei pawh kan boruak tawn hria ni awm takin a mu ṭha reuh lutuk a,kei lah ka zuai phah bawk nen a mu ṭha duh chu ka lawm tak tak ani. Dar 11 thleng ka meng a, Gos-a rawn lut theilo chuan ka mang a ti ang tawh; ka tho chhuak a,chutih rual in kawngkhar a rawn in hawng ve nghal zat. A mah anih ringin ka mu ṭha leh thuai a,muhil ang chuan ka lo awm tawp. Ngawi rengin light a off a,naute kan neih chin a kan chhit ṭhin light tê chu êng dim deuh chu an rawn on zui bawk a,a rik deuh rak rak hnu ah bawihtei awmna lam ah chuan a rawn awm tih ka hre thei.


" Bawihte, ka fanu tak i lo nilo anih pawh in i pian tirh ang tho khan ka hmangaih ang che " ati a. A thusawi chuan ka thinlung a khawih lutuk a ka hnuk a ulh hman hial,ka harh reng ani tih a hriat ka hlauh avangin ka in sum hram hram.


Ka vanneih zia ka ngaihtuah a,ka ngaihzâwng ni miah lo a ka neih mipa ṭhat zia leh hmangaihna ngah zia hi. Ani ang mipa hi an tam dâwn lo a,ka tawng ka vanneih zia hi ka sawithiam lo hial zawk. Engtin nge hetiang chung pawh hian tiang rilru te kan lak ah a la put theih zawk ni? A rawn mu ve a,zan dang ang chuan min rawn hnaih lo. Ka hrethiam a,sawisel emaw huat pawh ka tum lo,a tân chuan ka tenawm dâwn êm a sin. A cousin lo mutpui tu ka ni a,tum rêng vang nilo hriatsual vang zawk in ka pasal anih a ngaih phah bawk a. Ka tân Tlanpuii theihtawp in a lak a ta a dah kiang ve bawk. Keimah hi anih hi heng buaina zawng zawng bul chu.


" Bawihte,Duati tinge i ṭah a? " Dar 2 bâwr ah Bawihtei chu a ṭap vak a,a tuihal ni tur ah ka ngai a hnute ka barh pawh in a hne mai theilo. Chhuak deuh hian a ṭap ve reuh a,ka pawm kâng a hnute bawk chu ka barh ṭha leh a,ka pawm tak ah chuan a zia ta deuh.

" Zanin chu i mu ṭha dâwn emaw ka tia " tiin an hnute hne chu ka en reng a. Gos-a a rawn chet ve tak ṭual ṭual vângin ngawi rengin Bawihtei chu ka melh lui char char.

" Hnute ngen ami? " A muhil ṭha nghal mai tur ah ka ngai a,a rawn ṭhu chhuak ve.

" Umm aniang " ka ti zo chiah a ṭap leh thut! Ka thawhchhuah pui a,room chhung ah chuan pawm pah in ka tei kual vel a.

A ṭap bâng mai silo a ka nu koh ka rilrûk hman deuh tawh Gos-a'n " ka lo pawm ve chhin ang " a tih vangin ka pe leh zawk. An pafa chuan an in awi a,mak deuh maiin an han in pawm a,an in awih rei deuh chuan bawihtei ṭap pawh a bâng ve ta mai!

" A pa pawm chu nuam i ti ami a? " A tih laiin Remruata leh Rengpuii te thusawi kha ka lo ngaihtuah hman a,nuam lo ti si, Gos-a leh Bawihtei te pahnih hmuhnawm ti bawk si chuan ka thlir reng tawp. Ka rilru in ka ṭawngṭai zui a, thil tam tak ka sawilo,bawihtei hi Gos-a fa anih theih nân ka dil tawp ani ber mai.


Bawihtei muthilh ngheh ah a rawn mut tîr a,kan pahnih chuan in be silo in kan la mu meng rih.Zanin chu ka nu, Gos-a a awm a ti deuh nge zan dang a min men pui fo ṭhin kha a chau tawngkhawng tawh zâwk ni? Bawihtei a ṭah rin reuh nen an rawn lang miah lo mai. Zan dang ah chuan a rawn lang chho vat ṭhin kha ania.


" I ban rek chu a nâ êm? " A rawn ti mial.

" Aih na lo e " tiin ka chhâng. A che a, tlêm in a rawn tawlh hnai deuh ni in ka hria.

" Naktuk ah thisen chu test ṭha ka ti " min râwn hran pawh anilo. A thutlûkna min hrilh a ni zawk mah.

" Ka pa te i hrilh angem? " Ka ti tawp. Nakinah an la hre ve vek dâwn tho si a. Mahse an hriat hun a hmachhawn ka hreh ani.

" Aih,a ruk in. Result a zir in kan sawi in kan sawi lo ang. Engamah hmâ a an rilru tih buai kha a ngai kher lo " ka lak ah a thinrim a min biak pawh in hriat a nuam lo a aw ki pawh a dang daih. Mahsela a ṭawng dan vel aṭang chuan bawihtei a fa ni a ngaihna chhete chu ala nei ve ni in ka hria.

" Awle "a bak sawi ngam ka neilo. Hnial ila tunai hian a thinrim thei tlat bawk si.

" Mut tum rawh a mut lai khan, a harh leh chuan min lo kai tho dawn ania " a ti a.

" Harh tawh lo tur ah ngai ang" ka ti a.

" An chhuah vek hnu ah kan kal dawn nia " q ti leh a,ka chhâng lem tawh lo, naktûk chu ka ngaihtuah a huphurh nâ nen mut pawh ka mu leh mai theilo.

*

" Nizân kha ngati nge a? " U Nancy'n nizân chungchâng bawk chu zing rawngbawl laiin min zawt leh.

" Kan in hau deuh a " ka ti a,a duh khawp chhânna a hmu lo aniang rang deuhin " chu te chu ka hria a lawm " a ti hmuk.

" Bawihtei zan ṭap nasa ṭhin hi entir atia,hruai chhuah ka la phal chiah silo a " ka ti ta ngawt. Bak ah vawiin ah thisen test kha a sawi sia kan chhûng a kan chhuah chuan zawhna an nei dâwn tho.

" Chutiang pawh ani ami? Hrim hrim ah Bawihtei a la sên êm hi,tun ang a han hruai chhuah dawn chu! Bak ah tiang te an entir ngai ami? " a ti niah niah. Ka chhâng duh tawh lo a,ani pawh in a sawi zui rei peih chuang lo.


Zîng chaw te kan han eikham a, Gos-a'n nizân a a sawi tawh ang in chhuak turin ka insiam rilru deuh. Bawihtei a la sên si a,chhuahpui chu ka huphurh a Gos-a hnial ka hreh bawk si. Tun ang bak hian kan inkar boruak hi chhiat belh tawhlo se ka ti. Ka nu'n Gos-a a awm vangin hnathawk turin min chhuahsan thuai a,U Nancy leh ka pa te an kal fel ah chuan bawihtei chu ka buaipui sawk sawk a. Ka tuam a,chhuah hun ah pawh harsatna a tawh loh nan ka ti uluk hle bawk. Ka siam zo a,ka kawr hak thlak ve ka tum avangin ka in hlip a,kawr ka lakchhuah mêk laiin Gos-a'n min rawn pawt lawp!! A lam ah ka pe tek phei nawk a,chumi rual deuhthaw chuan bang ah min nam bet nghal. Hnai zet ah hian min en a,engtia min tih nge a tum ka hrelo a mahse mit ka chhing tawp. A thinrim nge rim lo pawh ka hre hman lo.


" Ngati nge ka vanduai êm êm? " Remruata hnên a ka sawi ang chiah chiah khân a rawn sawi chhuak!! Ka meng dawn chiah a,ka hmui leh a hmui in sik avang chuan ka meng leh ngam lo.


Duhtawk chin a nei lo emaw tih tur hial khawp in min fawp nasa a,a tawp mai duh lo bawk. Ka chhâng theilo a,min fawh ang ang chuan ka lo dawh tawp. A lei lum ṭha zet in ka kâ chhûng a rawn luh rual chuan ka mur sawk! A in la hrang a,ka meng ngam mai lo. Tinge a awmdan hi a tih danglam thut thut thin le?? Min hua leh ka chung a thinrim ang maiin nizân ah pawh an khawsa a,tun ah duh hmel takin min fawp leh bawk si. Ka khabe chu an khawih kual a,chutah a rawn hmer thut! Ka meng nghal kawk a hlau takin ka en bawk.


" Ka fel miah lo a sin " a ti sap. Chu chu engvang a sawi nge anih ka hre hauh lo.

" Hetiang hian min en suh. Ka sual anih pawh in na takin ka siam ve hauh lo ang che " a ti ram hmak a. Ka hlau hmêl hmuh chu an duh lo ngang aniang.

" Min ṭhen mai rawh " ka ti chhuak sep. Ni e,ka lak ah hian a thinrim lutuk tih ka hria a,kan inṭhen hian thil a ṭhat zawk ka ring. Mahse a tello hian ka awm rei thei dawn lo.

A nui a,ka thusawi atthlak ti hmel hi a pu bawk " Nilo,nilo e ka damchhung kawppui atan ka thlang tawh che a,hei hi damchhung ala nilo. Kan thih hun ah pawh nupa kan la ni reng tur ani " a ti sap.

" Mahse min hua ani lawm ni? I hmeichhe huat leh I nun tih khawloh sak tu che chu I chenpui reng thei dâwn em ni? " Ka khabe kual a dawnna thlah in bawihtei muhil lam chu a en a.

" A ṭha leh vek mai ang " tih tawp in min chhâng a " inhnuai lam ah ka lo nghak ang che u " a ti zui leh ringawt.


Thinphu diklo zet in reitak chu ka dinna ngai ah ka ding reng a. Bawihtei tal pah in aw a lo chhuah deuh chuan ka harh zawk,ka pawm a,a la sên bawk si, Gos-a'n vawiin kher a chhuahpui a ti chu ka lawm vaklo. Inhnuai lam a kan chhuk chuan beisei loh deuhin mipa pakhat hi alo awm,eng emaw hi a rawn khai lut bawk. Bawihtei pawm pah chuan ka pan a, Gos-a ka melh rual in " Chhuahpui leh lo mai ang,ka ṭhianpa hian min rawn pan hman leh sia " a ti a. Bu nghat in chupa bul ah chuan ka ṭhu a.


Naute thisen lak na atân chuan ala hmâ ka tia,sawi erawh ka sawi chhuak ngam chuanglo. Bawihtei hian nâ ati ang tih mawlh ka hlau. Mahse Gos-a'n a en vang vang pah in " Dim rawh aw ala sên si " a lo ti leh ang lawi a.


" A nâ angem? " Ka ti a. Diktak chuan keipawh hian in chiu te,thisen lak te hi hrehawm ka tia ka hlau a, bawihtei thisen la tur pawh ka lo huphurh pui.

" Na ve deuh mai thei,kan ti zung zung dâwn nia" a ti a. Mak ka tih chu eng zawhna mah aneilo hi ani. Ani ang nausen thisen test turin kan la dawn ania,mak an ti miah lo nge Gos-a'n engkim a hrilh zawk.


Bawihtei chu a tap ta chiam a,thisen erawh an la la lo. Kan khawih kan khawih vang a harh leh ṭap ta zawk ania,mahse thisen lak hma in a ṭap nghal bawk sia ka khawngaih lehzual. Gos-a ka va en a,engtinmah alo ti lo a en tawp a, ka haw lek lek zawk.


" Lo pawm hnai deuh la,a reilo ang " thisen la tur pa chuan a ti a. Keimah takngial pawh in ka hlau sia ka hnaih pui ṭha ngam lo.A pian hma a ka in checkup leh eng emaw vel a in chiu ngai te khân ka hlau a,ka chi ai phah fo mai.

" Gos-a lo pawm mai teh,ka en theilo " ka ti tawp. A rawn tho a,bawihtei min lak sak rual chuan ka tho a,choka lam ah ka tlan phei nghal.

An chiu hun a bawihtei na ti ṭap tur ka ngaihtuah chuan ka tha te khur dawn hman lek lek. An thâwm ka ngaichang reng a,mahse ka beisei ang engmah ka hrelo. Va phei ka tum rilrûk lai takin " Ti rih lo mai ang, nâ ati dâwn emai " Gos-a'n a tih hi ka hre pha a. Chak tawk a kal in an bul ah ka va ding vat a, Gos-a'n ngawi rengin min lo en.


" Nidang ah ni mai rawh se,i lo kal hah viau a chu ti rih lo mai ang " Gos-a'n ati leh a, bawihtei min hlan lehnghal zat.

" Nia, tih rih loh kha a pawi lo " chupa pawh chuan ati ve a,lawm tawk in inchung lam ah kan in pawm chho nghal.


Bawihtei khum a ka mut fel chiah min lo call a,no lawng anih vang leh pawimawh a nih ka rin vangin ka chhâng mai a " Vawiin ah ka lo kal leh thei angem? Bawihtei kha ka ngai lutuk..nangpawh " a rawn ti!! tu dang anilo Remruata!! Ka block char char avangin no dang in min rawn be leh nia!!


" Lo phone chhên suh " ka ti tawp. A va han beidawng har em em ve!

" Khawi maw? " Gos-a a lo thleng chho leh dêr tawh!! Phone mi rawn chhuh a, caller id a en a,no lawng tawp anih miau vangin engmah a sawi lo. A beng zawn ah a dah a " I duhtawk mai mai dawn lo anihchuan ka chhûngte i nihna hi ka theihnghilh hmak ang "

" Remruat, a nei duh lo che. A chhan chu maw a hmangaih awmchhun ka nia,engpawh lo thleng Mahse nang kher pan tur che hi chuan ka thlah zalen lo tawp ang. Ka mizia chu i hriat vek kha " tiin phone chu a off hmak.

Ngawi reng a phone chu ban in kut ka dawh a,a ni chu alo nui ringawt " Ka'n kawl mai ange " a ti a,phone chu a rang a rang in ka pawt thla nghal.

" Minute reilote pawh min kawl tir phalloh chuan ka thikthu hi a chhe tawh viau ang " a ti a. A kut a rawn dawh leh.

" Tinge i zia hi I thlâk thut thut a? Ka lak ah i thinrim emaw tih laiin min fiam ti tih thil,ka hrethiam lo che. Min hua anihchuan thup suh " ka ti ta ngawt.

" Hua e,ka haw lutuk che a lawm. Ka thinrim lutuk hian engtia awm tur nge pawh ka hre tawh lo "ati a. Ka thaw halh a,bawihtei ka melh zui thuai " mahse ka huatna che ai hian ka hmangaihna che hi a la nasa zawk " a ti leh sup. Ka thin zawn chu engtin emaw hian a rawn awm thut in ka hria.

" Ka mawl anih hi,tiang hian tuman an tilo ang " ati sap a. A kut a chelh sak ka tum lai chuan an che hrut a kan nufa chuan min chhuahsan leh hmak.

[Bearr]

CHAPTER-14‍🩹



Bawihtei a muhil tho tiin Gos-a um zui chuan ka chhuak ve leh hnuhnawh. Inhnuai sofa ah ṭhu in a melh ngai a melh tlawk tlawk a, inthlahrung deuh a ka va pan chuan ka lam a rawn hawi a,a hmel lan dan chu hriatthiam a har enge a ngaihtuah ang tih takngial pawh rin thiam a har. Ka pan lui zêl a,a bul chiah ah chuan ka va ṭhu ve a. Min lo be lo na in ka va ṭhut ve chiah chuan a bân pakhat zawk in min lo kuah a,ka lak a hahdamna zawng ang mai hian a mit a chhing zui vang vang.


" Hetiang a in tih hrehawm reng ai chuan tinge thisen kha i lak tir mai loh? " Ka ti a.

Min chhan a tum lo emaw ka tih hnu tawh ah " in hlau nufa êm alawm. In hlau hmel hmuh kha ka thei ngang lo "

" Gos..ngaihdam dil dan tur che pawh ka hrelo " ka ti chhuak. Kan in en a,chiang tak hian a mitmeng a natna awm te chu ka hmu thei.

" Kan haw mai ang. Keipawn tihnat reng che a i na hmêl hmuh reng hi ka theih ka ring lo " ka ti tawp.

" A ngailo,mi pawn an fa ni miah lo te pawh hmangaih takin an enkawl thei alâwm. Keipawn ka thei ve em em ang,ka fanu ani emaw nilo emaw ka hmangaihna hi a danglam phah dâwn chuanglo. I pum chhûng a awm chungin rei tak ka kiang ah a cheng tawh a ka tan chuan ka fanu tak ang tho ani "

" Mahse Remruata hi " ka tih chuan hmalam a melh zui leh daih a.

" Tih dan ka la ngaihtuah dawn ania " a ti a. Ka la duhtawk lo " min neih a duh a lawm " ka tih chuan a mitmeng dul dap chu a rawn danglam nghal sawt a,thinrimna in a rawn luahlan emaw tih mai tur ani.

" A nei lul lo ang che. Ka phal dâwn teuhlo " ati hluk.

" Chutiang ringawt ani thei hleinem. Bawihtei pa a lo.. " ka sawi leh duh lo chuan ngawi ka chuh leh hnuhnawh.

" Bawihtei pa zawk pawh lo ni se in innei tur a ni lo. Kei lo midang i neih ka rem ti lo. Nupui ang a an chei bawl ve che pawh ka duh hek lo, Remruata'n i taksa alo tawk ve ani tih ka hriat ringawt pawh khân ka thinrim a sin!! " A tawp lam chu an vin ṭha ngang mai.

" Gos " ka thaw halh a,a ni'n thinrim hmêl pu tak chungin min lo en. Tun hi a hun ni in ka hria,engkim hrilh in sawifiah ila,hêng thil zawng zawng hi ka duh vang reng a thlen tir ka nilo tih hi hria se ka duh.

" Khami zan khan kan ṭhiante zing ami khan ruih chi min lo pe a,ka hre silo a ka in kha ka tal buai vek a chuan engmah hriat mumal ka nei tawh lo khan Remruata hi ka tawng fuh palh a..chuan,chuan kan..khatiang thil kha a thleng palh a. A hnu ah khân nang leh kei kha tihpalh thil thu bawk in kan in tawng fuh leh bawk a. Remruata nen khatiang kha a thleng tih ka hriatloh vang ania ka neih che,nilo se I fa nilo vangin ka nei lui lo ang che,tiang thil hi tum reng vang a ti ka nilo. Thil ka hriatsual palh vang liau liau ani " tiin kut khur dawt dawt chung chuan ka hrilh a.

" Ka hria alawm,kawng ah anihkha kan in chhar " a ti zawi sap.

" Kan lo intawng hmasa lo chu a pawi hle mai " a ti leh a,keichuan engmah ka sawi ve tawh lo.

*

Nun mumal lo deuh chuan kan awm chho ve naw naw a, Gos-a pawh in loh theihloh in kan inluah lam ah min haw san leh tawh a. Keini erawh bawihtei apa kan zui haw tur ni hma a a damloh deuh vangin Aizawl ah kan la cham char char. Bawihtei pawh thla 1 ani ve ṭep tawh a,zan mut erawh kan la harsat ṭalh ṭalh khawp mai. Gos-a a awm bawk silo a ka nu leh u Nancy te hi lo awm se chuan ka buai thei ngawt ang.


" E hei tunge lo kal hi? " Bawihtei men lai takin Mazuali a rawn leng lut hlawl.

" Awi biangpuartei chu a va lian tawh êm êm! " Tiin ka pawm lai chu min rawn lak sak nghal.

"A biang pawh a puar vak tawh lo biangpuartei hi " ka ti a. A pian hnu aṭang khan a biang hi a tam in a mah hi a chum ve reuh sia Gos-a hian bawihtei tih ai ah biangpuartei a ti fo mai a, api leh pu te midang dang pawh hian biangpuartei an tih phah ta fo mai.

" Enteh,hmanni ah Remruata khân min rawn bia a,nangmah leh a mah sawipui ve tur che in min rawn tia " a ti lehnghal. Phawk deuh in ka en a, ka rilru a thil awm hria ni awm tak in " Keipawn ka hre bik lo engtin nge ka no te alo neih " A ti lehnghal zat.


Mazuali hnên ah hian thil awmdan a nel nual in ka hrilh hre ve tawh a,min fuih tu pakhat ani bawk.


" Ka ring lo " thil dang daih sawi ka tum laiin a ni'n " dawt ka sawi lo " a ti hluai.

" I sawi ka tilo,ka rawn sawi zawk te chu bawihtei chungchâng ah hian mawle. Enge emaw ka tih ve a ngai in ka hria "

" Eng chu? Enge i rin loh ber? " A ti a,hriat chak hmel deuhin mi en ngat ngat.

" Englo khami zan khân Remruata leh Gos-a te kha..ka "

" Aw ania " sawi ka hreh tih a hrethiam aniang.

" Chuan Remruata'n a fa ang in bawihtei a lo chhâl nghal ngawt a, Gos-a fa nih theihna chance pawh a awm ve ani lâwm ni? "

" A dik chiah,thisen test te nei ula a chiang mai ang. Chutin engamah hmâ in rawn ta neih ngawt cheu kha a tih tur ani hleinem "

" Thisen lak chu vawikhat kha kan tum a,mahse bawihtei ka khawngaih a Gos-a pawn ani tho. Kan ṭhulh leh a"

Bawihtei chu a en a " ka khawngaih reuh ê" a ti chhuak nawlh " Remruata'n a rawn tih buai reng loh nan cheu thisen chu test tir thuai ula " a ti zui a.

"Zanin ah Gos-a ka'n sawipui leh chhin ange. Gos-a hi ni hram se " ka ti a.

" Ni chiah mai, biangpuartei a hmangaih bawk si. Nang lah nise tiang chung pawh in a la ṭhen phal miah lo che ania,i vannei ngawt mai. In lo innei lo ang tih a hlauhawm " a ti dap dap.

" Nia ka vannei ngawt mai,midang nei ta ila Gos-a ang hian ka lak ah an awm ve kher angem,tun thleng in min la chenpui duh angem tih te ka ngaihtuah ṭhin a,ka vannei tak tak ani "

" Hawh thil dang sawi daih ang, mood a chhe duh emai " a ti a, thu dang sawi chuan kan titi tui leh viau.

Hlim deuhin kan inkawm a,pasal ka neih hmâ hmalam nun te kha kan sawi dun a, reunion kan neih ṭum tih loh kha chu a nuam in a hlimawm vel vek mai.

" Zampui lo kal vat teh " Mazuali'n choka a ka va kal chiah hi mangang aw nen hian min rawn au. Hlauh a nei ta emaw ka tia hmanhmawh deuhin ka phei lehnghal a,kan kawngka a Remruata lo ding reng ka hmuh chuan ka ding dawt.

" Enge i rawn tih leh dâwn tak a? " Ka ṭawngkam pawh ka ti nêm duh lo. Ka hne hluah hluah he mihring hi.

" Ka fanu hmu tur a ka lo kal chu enge a sual na? " A nui suk a,a lan dan ah chuan chhun chhun ah a rui deuh anih hmel khawp mai,a meng sen ram a a mitmeng pawh a dik zan lo.

" Ka fanu ti ziah suh,engmah a chiang hleinem. Gos-a fa pawh ani ve thei tho. Haw rawh rawn kal tawh suh " ka ti nghek. Ka thusawi ngaihthah zet in kan sofa ah chuan ala ṭhu ta deuh deuh!

" Mazual,,room lam ah han awmpui rih mai rawh " Mazuali'n min rawn melh lai takin ka ti a. A tho tur chu Remruata'n a bân ah a lo chelh sak " thlah vat rawh Remruat,i van zaklo ve " tiin va pawh phelh ka tum.


Min lo khawih zawk hlauh a,Mazuali hmuh lai chuan a mal chung ah tihpalh thil thu in ka ṭhu thut!! Thawhchhuah ka tum chuan ka kawng ah min kuah bet a ka rim hnim ang deuh hian ala rawn awm zui,ka tal nghal vak. Rinai daih in tha alo ngah a,sipai ve ta na na na chu. Ka duh ang in ka che mai theilo a mahse in pawm tir reng ka tum lo.


" Ka dawhtheihna in a tawp a thleng tawh. Hre rawh zanin ah ka rawn kal anga i nu leh pa te hnên ah engkim ka sawi ang. In lam a i nu leh pa te hnên ah pawh "

" I zak nange? " Tiin a bân chu ka chum nghek nghek. Mazuali'n naute a pawm avangin min rawn pui mai theilo,mahse ka chum nasa bawk a reilo ah min thlah veleh mai. Rang tawk in ka awm sawn nghal.

" Chhuak rawh " Kawngka lam chu ka kawk a, ka thinrim au ti tih bawk nen bawihtei a ṭap tih tih dêr mai.

" Awle,zanah kan sawi khawm dawn ania " tiin chapo hmêl pu zet hian a rawn ding chhuak a.

" Lo in ring rawh " a tih leh ngawt chuan ka ngei avangin chhan pawh ka chhâng lo. Ka melh ngawt ngawt a,hlauh nachâng pawh ka hrelo ani tawh zawk.

" Gos-a'n a hriat chuan i chak lo ang " Mazuali'n alo ti ve khauh. A kal tur chu an rawn in her leh a " Mi pasal satliah mai mai hi ka hlauh in ring em mawni le? " Tiin a chhuak zui a,vawm lawlh ka chak zia chu.


A lo let leh mai kan hlauh vangin kawngkhar khar in kan kalh daih a, Mazuali haw tum pawh in min ngaihtuah ve deuh aniang min la awmpui leh rih a,dar 3 hma in a haw ve chiah.

*

" Kan biangpuartei chu a pian tirh in a nu a chhun nen ni a liam tak ah chuan a pa a ang ve tawlh tawlh mai a " ka nu'n a ti a. Tawite in ka lo nui ringawt.


Ka ngaihtuah a,ka nu hnên ah chuan kan in lam a awm phei rih mai ka dil dâwn emaw ni ka ti. Chhun lam ah hnathawk ten an chhuak vek si a, Remruata hian ka awm a ti nuam vak tawhlo. Vawiin ang te khân a rawn kal leh hlau deuh tlat, Mazuali awm lo se vawiin te khân engtin nge kan awm ang? Midang awmloh lai hian a rawn kal fo mai lehnghal a tiang chuan chhun reh lai in ka awm ngam tawh mang nang le.


" Apa hi a rawn haw dawn em? " A ti a. Mahse ka chhan hma in " a rawn haw leh mai ang,bawihtei a ngai ve thei emai " a ti leh a.

" Nia haw leh ang,an thil sak te hi zo vat vat tawh se. Kan la awmpui thei mang silo a ka ngaihtuah ṭhin mahni a in buaipui vek tur ka ngaihtuah hian " ka ti siam siam a.

" Ê khati lam zâwng ah chuan ngaihtuah suh. A têt lai aṭangin an unau hian inchhûng chet ah kan hrual nasa ve a,a in buaipui thei lutuk ang " ka nu'n atih mêk laiin kan in lam a phei rih bawk chu ka ngaihtuah leh.


Mahse ka in ngaihtuah chhûng in ka pa'n a rawn ko a,inhnuai lam ah bawihtei pawm in a chhuk thla. Ka awl lai tiin ka inbual a,anihloh bawihtei ngaihtuah nen duhthusam hian ka inbual theilo ṭhin. Towel la in ka inbual sawk sawk a,sam ka su bawk nen ka rei phah khawp mai. Bathroom aṭang a ka chhuah in U Nancy room ah alo awm reng a,min ti phu lek lek. A hmêl muk leh tak run avang chuan eng emaw min ngeina a nei leh tawh ni a ngai in be mai lo chuan ka en reng a.


" In ti fel la,inhnuai lam ah lo chhuk rawh " a ti a. Thudang engmah sawi lo in a chhuak lehnghal daih,bawihtei lam anih a sawi silo an,chaw kan ei fel vek tawh bawk si,chutia mumal tak a min rawn ko chu mak ka ti rilru viau.


Ka inthlak sawk sawk a,inhnuai lam a ka chhuk chu le, Remruata nen kan in hmu nghal chat. Tun ang hun a alo kal chu mak ka tia,step tawp a ka pen pawh a ban chut chut thei.


" Zampui,hetah lo ṭhu ve teh " ka pan rilru buai hmel deuh hian ati a. Ka nu leh u Nancy te an ṭhu ngawi kar bawk sia,ka ngaih a ṭha zan lo. Ka thut rual chuan Remruata tun ang hun a rawn inlâr tih ka ngaihtuah zui aṭangin ka hrethiam a, ka pa pawh ka melh ṭha ngam lo.

" Hei Remruata hian thu mak deuh mai a rawn sawi a,enge mawni awmzia le? " A aw ki chhuak aṭang pawh in a thu hriat chuan a ṭhawng thawkhat hlê ani tih a hriat theih,ka khawngaih zawk.

" Pa " Tiin inthlahrung ru tak chuan ka en a. Ka ṭhut fel rual in ka pa'n Remruata lam a hawi zauh a,ka awmdan chu a dik lo ru nuaih tawh.

" Hei Remruata hian naute chungchâng ah thu thinṭhawng deuh mai a rawn sawi a. Kan tunu pa ang in a rawn in sawi tlat mai a,enge maw awmzia ni le? " A ti ta dap dap. Remruata ka melh zauh chuan thil ṭha tak ti ang mai hian min la rawn nuih suk zui.

" Tlangval a pum pa in dawt rawn sawi ngawt thu a awm silo " ka nu'n alo tih belhchhah veleh.

" Nu..pa ,thil hriatsual kan nei a " an vai chuan ka thusawi leh tur chu an lo ngaichang ran. Ka kut tha a khur ti tih an,thup erawh ka tum hram hram. Gos-a awm ve se ka ti takzet. Tuman min demna thu sawichhuak lo mahse ka lam ṭang lo ang maiin ka hmu zo vek tawh.

" Eng thil,hei a mak khawp mai!! Rilru engtia han put chi nge pawh hriatthiam a har hle mai. Remruata thu rawn sawi hi a dik tihna em ni? "

" Bawihtei hi Mama nen a in fa ani nange? " U Nancy'n alo ti veleh chiah.

" Kan hrelo " chuai raih a ka tih chuan an ngawi ta ṭhiap. Engtia han sawifiah leh tur nge pawh ka hrelo.

" Gospela'n a hre tawh em? " Ka pa'n ati a. Ṭawngka a chhâng ta lo chuan ka bu nghat.

" Ka'n bia ange " U Nancy'n a phone a phawrh zui nghal. Bia se be lo se pawh ka ti theilo keimah takngial pawh hian awmdan ka thiam rih lo. Mahse ka pa'n a lo khap.

"Chuan ka pa in hruai lam te hi " Remruata'n a tih chuan hlauthawng lutuk in aw ka lo chhuah palh. Ka pa'n min rawn en pah a min khawngaihna hmêl a tih lan chuan ka lûng a ti chhia.

" Ê ngawi teh,i unaupa te pahnih hi in duh lo a innei pawh an nilo a,induh a ṭha tak a nupa a in siam an nia,chuti mai a in hruai chu a va tih chi awm lo ve. Sawi tawh ang in Zampuii pawh in hriatsual palh anih thu a sawi tawh a,a thu hrim in a hringtu nu leh pa lam nen te kan lo sawi khawm leh phawt anga Gospela pawh lo haw se,tun tut tut a thil tih chu a ṭha lo e. I pa te lam nen te pawh lo sawi ho phawt ula " ka pa'n a tih chuan ka thaw hawk.

" Um nia,keimah ni lam chu buaina em em a awm lo ang. Hetia ka rawn sawi mai chhan pawh amah hi nei duhlo bik ka nilo a,a chanchin ka hriat zui mai tak loh avâng leh vai ram lam a kan awm leh tâk avâng kha ania. Naute pa zawk ka nihna ang in Zampuii hi neih ngei ka duh a,ka hmeichhe duhzawng pawh ania " a thusawi lai chuan na thei ang ber in ka melh tawp. Vawiin a arawn khawsak duh dan leh tun a a ṭawngkam vel chu in thlau tak ani.

" Pa engmah a chiang hleinem,chutin amah hi ka nei duh ngawt lo. Thisen test hmasak kan rawt a" tiin ka pa hnên ah chuan kha hun a thil thlen dan ka hriatchhuah tak ang ang chu ka sawi hnuhnawh a,Remruata chauh nilo Gos-a nen pawh kan chesual tih pawh ka zep duh tawhlo. An tan hriat hrehawm dâwn mahse Remruata sawi vang chauh a Bawihtei Remruata fa anih an rin hi ka duh lo.

" Chutiang zâwk chu maw? Anihchuan Bawiha,thisen test na te chu i nei phawt ang u hmiang. Engamah hmâ a in ta neih ringawt zawng a diklo deuh chu ani "

" Nia,,Mama fa zawk pawh ani thei a" U Nancy'n alo ti chu ka lawm tak tak ani.

" Nia harsatna awm lo khatih lam ah chuan " a ti leh hmak si.


Remruata haw hnu ah kan chhungkua tê chuan kan ṭhu ngawi ṭhap a,engmah ka sawi hmasa ngam rih lo. Bawihtei lah chhuanlam a pawm turin a fel si a,ka nu'n a la pawm tui hmel ropui si.


" Mama'n a hriat chuan tinge inchhûng ah in sawichhuah vat loh a? Tunlai in boruak a chhia ka ti ru reng ani " U Nancy ṭawng hmasa ber ah a rawn ṭang.

" Nia,eng lo thisen test hmâ chuan sawiloh kan tia,a lo thlawn a in rilru tih hrehawm kha ṭha kan ti lo a " Ka ti zo chiah ka pa'n " thisen test thuai chu a ngai anih hi. Gospela rawn haw se kan la sawikhawm leh dâwn ania " a ti a. Tho in room lam ah chuan a kal phei chhat chhat.


An lak ah ka inthiamlo bawk si,tih ngaihna ka hre bawk silo nuam tilo deuh chuan ka ṭhu tawm chawih reng ringawt.


" Kan biangpuartei chu Mama fa aniang,a pa a an êm hi. Tiraw duati? " U Nancy'n bawihtei engmah la hrethiam lo chu bia in inchung lam ah min kalsan veleh a. Ka nu nen chauh chuan kan ṭhu ngawi dun reng.

" Thisen in test hun ah result engpawh lo ni se bawihtei hi chu kan hnen ah awm se ka ti. Kan tu hmuh hmasak ber ani bawk sia a awm loh chuan ka khua a har dawn êmai " ka nu'n min bia ni chiah chuang lo in a ti a.


Thu engmah ka sawipui ngam tawh rih lo, Bawihtei chungchâng ah ka chiang bik miau silo a. Mahsela Gos-a fa ni tur erawh in ka ṭawngṭai a, Pathian hnên ah pawh ka dil nasa.


Ka nu'n bawihtei min hlan hnu ah mu tûrin ka chhoh pui a. Bawihtei hnute pe a ka tih mut hnu ah mu zal ve nghal in zanin thil thleng chu ka ngaihtuah let a. Ka nu leh ka pa te,U Nancy te min ngaihdan tur ka ngaihtuah chuan hrehawm ka tiin an lak ah pawh ka in thiamlo zo tawh. An ni mai bak ah min hringtu ka nu leh pa te,ka unaupa thleng in engtin nge ka hrilh ang? An hriat hun ah an rilru a nâ in an zak awm si a. Bawihtei te chu ka theihtawp a uluk chuan ka en a, Remruata'n ka fa alo tih ve tawh vang nge tlemte a in an na nei ang chuan ka hmu a,ka duhlo lutuk chu mit ka chhing tawp ringawt. Bawihtei a mu nghet a, Gos-a nen kan in biak hun la nilo mahse phone ka la a, Gos-a mutna lam ṭhin a tawlh hlâ in Gos-a chu ka call zui nghal.


" In mu tawh ami? " Khatiang boruak ti nuaih chung a an hna lam a min kalsan hnu ah pawh min biak hi chuan chhe takin min be ngai hauh lo.

" Gos-a,, Remruata alo kal a" a hmâ zawng pawh a ṭah chhuak hauh silo kha Gos-a ka biak a thil awmdan ka sawi dawn chuan ka ṭap chhuak thut!!

" Eng a? Tinge zan zan ah alo kal? A la awm ami,nge a haw tawh zawk? " A ti nghal chul.

" Zampui min chhâng ta che! Enge a rawn tih a,engtin nge a tih che? " Ka ṭah vang a ka ṭawng theih mai tawhloh vangin ka in sut khum hlawp hlawp.

" Bawihtei " tih chiah ka sawi a,a hrethiam a niang " Mai mai chuan!! " A ti zui hlak.

" Naktuk ah ka rawn haw dawn e. Keiman ka lo bia ang,ka pa ten an hauh phah che em? " Tiang chung pawh a min la ngaihsak lutuk vang chuan ka ṭah chhuak a zual.

" Thisen test ang, vawiin chhun ah pawh alo kal a. Mawi lo deuh in arawn khawsa a,ka hlau tawh " tih te nen lam chuan ka sawi chhuak.

" Awle,hahdam rawh. Hlau reng reng suh ka rawn haw dawn a lawm. A ṭha leh vek mai ang " a ti a. Phone dah lo in ka ṭah zawh hun chu min lo nghak zui ta ngat ngat. A khât tawk in engkim a ṭhat leh vek tur thu chuan min rawn hnem leh ṭhin bawk.

*
" Pa..? " Ka pa chaw bar tur chu ka ko thut a,ngawi reng in a rawn hawi. An vaiin an hmêl leh an awmdan ah min ngei na emaw ka lak a lawm loh na an lantir hran ka hrelo a,zing kan thawhchhuah aṭang pawh in nidang ang deuh tho in min bia,mahse tuk dang ai chuan kan in be tam lo deuh thung.

" Gos-a'n hna kan chawl lawk atia,vawiin ah chaw ei kham lam ah a rawn haw dawn a. Thisen test tur chuan kal tel ve a duh a,kan lo nghak ang ka tia " ka pa'n a thianpa doctor min biak sak sa vangin chaw ei kham lam ah kal mai turin min ti ang tih ka hlau deuh.

" A ṭhat hlauh chu. Engpawh ni se tun aṭangin result ṭha tak i beisei ang u " ati a,chaw a ei zawm mai a,keichu ka chaw ei pawh a tui lo.

" I nu te lam chu la hrilh duh lo mai rawh " U Nancy'n atih chuan ka pa'n " hrilh loh ngawt pawh a ṭha dâwn em ni? " A ti a. Mahse an sawi an sawi a, result chhuah hmâ a lo va hrilh hrehawm kha ṭha an tih leh loh vangin keipawh hrilh rihlo turin min ti a.


Hmâ tak ah ka kham a, choka ka chhuahsan tawh hnu a ka nu'n " an khawngaihthlak nufa reuh êmai, Mama nen a an fa ni hrâm teh se " a tih chu ka la hre thei a,chutia min khawngaih tih ka hriat chuan ka lûng a ti chhe thar leh. Inchung lam ah ka chho a, Bawihtei mutui lai bulah chuan awm in ka ṭap ṭha leh ngawt. Midang in hnathawk tur a min chhuahsan vek hnu ah muangchang in kan nufa chuan kan in siam a. Dar 12 hma in Gos-a pawh a rawn thleng a,a in ti fai sawk sawk a, hospital a ka pa thianpa a biaksa tawh pan tur a chhuah chu kan tum a.


" Keiman ka lo awrh ange " bawihtei kan la puak phalloh vangin kan awrh mai thin.

" Motor i khalh dawn sia " ka tih chuan min chhâng chuanglo in puakpuan chu min rawn lak sak.

" Biangpuartei vang a motor khalh buai mai mai tur ka ni hleinem " a ti a. Awrh ve a tum tlat vangin hnial zui lo chuan ka awrh tir a. A pa lian ve reuh bawk si nen bawihtei a la tê ngang bawk sia an lang mak zawk.


Kan chhuak a,a sawi ang tak tak in motor khalh a buai phah lo khawp mai,kei ka lo hlauthawng zawk a,mahse apa a ngai ve tawh nge ni harh in a ṭap eih lo reng reng. Gos-a'n Remruata blood type a hriat sa thu a sawi a,vawiin a kan kal na hi hre ve rih kher lo se a duh thu a sawi tel nghal bawk. Hospital kan thleng a, ka huphurh zual lutuk chu thawk ka la kawk. Motor hûng fel in ke chuan kan kal a,an pafa in awrh chu kan mi tawh ṭhenkhat tlêm a la ṭhalai ve deuh te chuan kei ang tho in hmuhnawm an lo ti a,kan kal pelh hmeichhe pahnih in Gos-a pa (man) an tih zia an sawi pawh ka hre hman. Hospital building kan luh dâwn chuan ka zam vangin ka ding deuh hret, Gos-a'n hrethiam hmêl pu takin min en a.


" Hahdam rawh, kan fanu anih zia kan chian mai dawn chauh alawm" tiin min ṭawng thlamuan.

Ka kut ah chuan min rawn kai a,a kut lehlam in bawihtei a dawm pah bawk. A rawn awm hnai zual a,ka beng bul ah chuan " A ṭha leh vek mai ang. Ka hmangaih cheu ania" tiin a phun sap.

" Ka lawm e " ka lak a ṭha lutuk chu tih ngaihna ka hrelo, lawmthu hrilh tawp mai lo chu.

" Nupa kan nia lawm,engkim a chhia a ṭha,a nuam leh hrehawm hmachhawn dun tur a pumkhat an insiam kan nia. Chu chu theihnghilh lo la,i tân ka awm reng dâwn ka tih tawh kha" tiin a kut chuan mi chelh nghet sauh.

[Bearr]

CHAPTER-15‍🩹


Ka pa ṭhianpa chu kan va hmu a,ka pa'n engkim a hrilh chian hmasak vek tawh avangin kan va lan pawh in engvak sawi a ngai tawh lo a lo hrethiam nghal chat. A hranpa takin hun min pe a,bawihtei thisen an lak sak lai chuan a ṭap nasa hman reuh lutuk a ka khawngaih tak tak ani.


" Result lam turin kan la rawn ko leh dawn cheu ania " a ti a. Kei, Gos-a leh Remruata te blood type kan hriatsa vangin bawihtei bak chu han test ngai kan awm lo.

" I rilṭâm em? Enge kan ei ang " restaurant thar hmanni lawk a an siam pakhat lam ah chuan min hruai a.

" Ka hrelo le,ka ril pawh a ṭam vak lo a " ka tih chuan ka dar ah a rawn kuah hman zeuh a.

" Nangmah chauh i nih loh hi,i hnute ring a nung ve an awm tih hre reng la. Ei in ṭhat a pawimawh ania " bawihtei a awrh na chu a phelh thawl deuh pah a.

" Kan haw san hun ah che engtin nge i awm ang? " Rilru mumal pawh ka pu theilo,tiang thu sawi tûr pawh ka nilo a,sawi awm leh mawi pawh anilo. Mahse ka sawi zo vek tawh!!

" Khawi ah? " a hrethiam tih a hmêl awmdan aṭangin ka hre thei. Mahse min chhânna erawh engmah hrethiam lo ang in a awm daih thung.

" Kan in ah "

" Ka hrethiam che a lawm. I hlauthawng a,rilru hrehawmna leh hlauhna in a tuam vel che tih ka hria. Mahse in ti chak la,chuan Pathian ah rinna nghat tlat la ka duh bawk. Engkim hi kan tân a ṭha tur a ruat a lawm " tiin min han hnem zawk daih.

" Ka tum a lawm,ka ṭawngṭai nasa bawk a. Mahse tinge ka hrelo hlauthawnna ka neih hi a reh theilo. Ka la ṭawngṭai nasa tawk lo zawk nge"

" Tih takzet a kan dil phawt chuan, ani'n hun a tih ah min chhâng mai ang. Ti rawh le, biangpuartei harh hmâ in i in ei fel ila " ati a. A ni a dam êm vang chuan keipawh tlêm tê in ka hahdam ve deuh.

" In ah siam mai zawk ila,pawisa a hek a lawm " ka ti a,mahse ka zui tho.

" In pum puar loh hlau in a lawm hna ka thawh le,pawisa hek tih mai mai te chu " a ti a. Min ti hlim in ka mood min siam sak a tum ve hrim hrim nge ka hrelo a ṭawngkam a ti ṭha em em vek mai.


Dawr a kan in ei puar laiìn bawihtei chu a harh leh reuh a,a thawk te an fel phian a min lo pawm sak. Ka in ei zawh ah khawi ah mah kal kawi lo in in lam ah kan tlang lehnghal. Ka sawichhuak lo na in Gos-a lan dan chu a dik chiah lo a,nidang ai in a vun a lang thim a,a lang cher bawk. Ka awmpui loh hnu ah a hah leh viau tawh nge,kan boruak hi a ruk takin tawrh har ati a,a taksa lam in a tuar zawk pawh ka hrelo. In ah midang lo haw hmâ chuan kan awm a, Gos-a a awm vangin bawihtei ka pawm tir a. Kei inchhûng ti fel in ka vir buai nghal.


" Zampui rawn kal teh!! " Gos-a'n min rawn au vak. U Nancy room ka tih fai lai kalsan in ka tlan phei thuai.

" Enge? " A mangan hmêl deuh vangin ka va lut pawh ka phili ṭep.

" Hei, hêng zawng zawng hi an rawn chhuak a " bawihtei chu a irh aniang,a kâ aṭangin hnute a rawn irh chhuak ṭeuh.

" Min ti hlau dâwn alawm, a irh mai mai anihkha " tiin an hruk na tur la chuan ka pan hnai a.

" A ṭha lo aniang chu ka tia,a rawn chhuak tam êm a " a ti mai a,tawi te a nui in bawihtei irh chhuah chu ka hru fai a.

" Hnute a hne puar deuh aniang " tiin ka hruk zawh chuan ka kalsan leh mai.


Fridge chhûng tih fai ka duh avangin inhnuai lam ah an pafa chuan ka chhuk san zui a. Fridge a thil chhe lek lek tawh te chu la chhuak in a ṭhen ka paih a,ka tih fai vek hnu ah a awm zawng zawng rem lut ṭha leh in ka tih zawh chiah chuan sana ka melh zui. Ka tih ṭan hun kha ka chhinchhiah mai mai a, rinai ka ti fai rei. Choka aṭang a ka chhuah phei chuan Remruata ka hmu leh thut!! Tinge zahna leh inthlahrunna hi a tlâkchham viau mai le?


" Gos-a a awm ania haw vat rawh " ka ti a,ka hlauh deuh vangin anilo lo lam choka ah bawk ka back lût leh ringawt.

Ka ti fuh lo tih hria in chhuah a inchung lam pan zawk ka tum laiin a rawn lut ve ngawt! Gos-a koh nghal vak ka tum a,ka kâ a rawn hup chilh! Ka tal nghal vak a, ani erawh chuan nimin ang lo tak khân " Zampui khawngaih in min nei hrâm rawh. Kan chetsual hmâ aṭang tawh khan ka duh tawh che a sin. Mizoram a ka lo haw apiang khân nangmah hmuh che kha ka tum hmasa ber ṭhin "

" Ngaihzâwng nghet i neih avâng khân ka ti buai duhlo che a,min ring teh. Dawt ka sawi lo ania,ka duhna che a rei tawh lutuk! Tûnah naute avang chauh te a neih rawn tum che ka nilo. Min hriatthiam tum hram teh "

" Khawngaih in Gos-a hi ṭhen la,min nei rawh. Hlim takin I damchhung in ka siam ang che " mit ka chhing sawk a,ka duhloh zia hi hrethiam hrâm zawk se ka duh.

" Remruat!! " Tih ri ka hriat rual chuan Remruata a awm sawn dawrh!! Ka meng kawk a, Gos-a'n Remruata chu fridge ah a lo nem bet chawt.

" I va huangtau sawt ve a! Engmah ka sawi chhuah loh a, engtinmah ka tih ngailoh che avâng hian I duh duh a kan inchhûng a rawn che thei ah hian i in ngai ami? "

" Zampuii'n min ko alawm " dawt a sawi zia ka hriat chuan ka meng phawk vak ringawt. Hmun leh hmun ah engtin nge dawt a sawi pawp theih zawk chu!

" Ka ko reng reng lo che " ka lo ti ve hmak.

" Vawikhat pawh ilo tawk leh anihchuan chhûngkua kan ni tih ka theihnghilh tawh ang. Engmah ka ti ngam lo emaw i ti ange " a ti ram hmak. Remruata a thlah rual in choka chhuahna lam ah chuan a nam phei ti tih.

" Kan la hria ang chu, tih tak êm ah chuan nangai pawh in taksa te chu ka tawk hmasa daih a lawm. Tiraw Zampui? " Ngeiawm tak a rawn tih chuan Gos-a'n va hnek a tum a,kut thawh zâwng a che tur a ka duhloh avangin ka va dang thuai.


Remruata a haw aṭang chuan Gos-a pawh a mood a dik thei tawh lo. Tlai a ka pa te an rawn haw hmâ pawh in Remruata pa va biak a tum tawh a. Enge an fapa in chutia a rawn tih a,an ni chhûng hnih kar a buaina chhuahchhan bul pui an zawh ka hlauh vangin ka dang hram hram rih. Zah pawh a zahthlak zo zai tawh. Ka pa'n vawiin ah Remruata a rawn kal tih Gos-a hnên aṭang a a hriat velah thinrim deuhin a unaupa (Remruata pa) te lam a va be nghal. A hmâ khan Gos-a kha ka dang tawh na in ka pa chu ka dang ngam lo.


U Nancy'n " an ni pawn an hre ve vek tawh ang " alo ti zawk a,keipawn ka ngaihtuah chhuak hnuhnawh. Gos-a kha dang lo in lo va phone ta zawk pawh nise an lo bo lutuk lo mai thei ani

" A hrehawm ê " ka ti sep.

" Hrehawm ang,mahse mi i bum pawh ani chuang hleinem " a ti mai a,chuti lam zâwng a ka lak a ṭawngkam a nei chu ka lawm.

Ka pa'n a biak zawh ah Gos-a hnên ah chuan " Naktuk zan inkhawm ban lam ah an rawn lêng dâwn anihchu. Result pawh thawhṭanni lam ah a lam theih turah ngai ila. Kan buaina hi i ching fel vat teh ang u " a ti dap dap.

" Result chu engpawh lo ni se, Zampuii hruai lam kha chu sawi lo phawt rawh se " Gos-a'n alo ti ve hmak.

" Nia,bawihtei pa pawh lo ni se chutia rawn neih tum ve ringawt kha thil nih dan tur pawh ani ami,theih pawh a theih ngawt ngawt ami? " U Nancy bawk in a lo ti leh.

" A..chutiang lam sawi ala hun lo. Result chhuah hmâ chuan engmah sawi lawk vak vak chi pawh anilo " ka pa'n alo tih sak a.


Zanin chu kan boruak dik zân tawh lo bawk nen ka pa chiah inkhawm turin a chhuak a,ka nu leh u Nancy te pawh in ah an awm ve daih. Bawihtei vangin inhnuai lam ah pawh ka awm reilo,room ah kan in awmpui a,ka nu'n mut hmun thlak sak reng chu a ṭha lo a tih vangin room lo ah hi chuan ka mut tam tir viau lo. Hnute pe a kan in mutpui laiin Gos-a pawh an rawn chho ve a, sofa tê ah chuan ṭhu in phone a bih mial mial.


" Thawhṭan ah chuan i zingkar kal angem? " Tiin bawihtei muhil fel tawh chu thawh san in Gos-a bul lawk ah chuan ka va kal a.

Bawihtei pian hnu a,nau en na neuh neuh thil kan dawn ho ka dah deuh tawp rih chu ka hûng ṭha hlawm.

"Kal lo ang,pawi em em ani chuanglo a. Result lam hun ah ka kal chauh ang " a phone chu a la melh reng. Enge a en hriat ka chak vangin tlêm in ka ring ka kan deuh. Thawm neilo a thai kual reng vangin mi msg vel in a bia emaw ka tia. Bawihtei thalak vel en in alo thai kual mai mai.

" Remruata hi ka nei hnuhnawh duh lo ania " ka ti chhuak tawl. Kan thupui a dan deuh takah chuan ani pawh in phone hmet thim in keimah chu min en a.

" Engtik aṭang khân nge min lo hmangaih ve ṭan a? " Tih thu chu min zawt daih!

" Enge i sawi awmzia?? " Hrethiam lo takin ka en a.

" A hmâ zawng kha chuan min hmangaih chu sawiloh,duh pawh kha min duh loh hmel thei êm a. Kan inneih zan ah pawh Mazuali hnên ah khum khat min ṭawmpui i hreh thu kha i sawi in ka hria a " a ti a.

" Teuhlo emai " tiin ka thil tih lai chu ka chhunzawm san daih. A nui ri zawi tê in ka hria a,ka hawi leh tawh chuang lo. Khami zan khân Mazuali hnên a ka thusawi kha alo hre thei em mawni le? A hur ang tih te kha ka sawi vel sia,ka van zak reuh.

" Remruata nge keimah hmelṭha?? " Kan boruak ni chup kar ah chuan ka nui chhuak hawk.

" Gos " ka ti hliai a " ka hmelṭha zawk nge zawk lo?? " Alo ti vat.

" I ṭha zawk daih a lawm. I â reuh " ka tih chuan a ner sak.

" Ka hmelṭha zawk ti tu awmchhun ila ni in ka hria,kan naupan lai aṭang tawh in hmelṭha an ti zawk zêl a sin. Hmelṭha ti zawk la chu ka thinrim ngawt ang " a ti bung churh.

"I van ho tak. Remruata hi ka engmah a thawk lo,ka duhzâwng anilo a,ka hmelṭha tih chi pawh anilo. Bak ah nangmah ang anilo a,ka mipa duhzawng hi a mah ah sawn a awm lo. Hetiang hi lo ni ta lo pawh ni ila,Remruata te ang zia nei chu ka ngaizâwng lo ang " ka ti duah.

" Lo kal teh " a ti a. A kut a rawn dawh vangin ka thil tih lai chawl in a kut chu ka vuan a,a ni'n min lo kai tho nghal.

A mal a min ṭhut tir rual chuan ka kawr a hlim a,min tih phut deuh vangin ka lo dang vat. Mahse ṭawngkam a min chhâng miah chuang lo in ka kut chu min lak sawn sak. Enge tih a duh ka hria a,naute neih hmâ zawng lo in sûm tawh ta chu kan nei fel tawh bawk a, dan hran ka tum lo. Ka hn**e chu a khawih in a ṭham kual vel a, kan hman lohna a lo rei ve tawh deuh bawk nen a mood ah pawh ka cheng mai theilo,amaherawh chu tihbuai a tawp san hran ka tum lo thung. Ka hn**e chu vawikhat a fawp zauh a,a lei in a nawk fuh lai tak chuan ka thaw chhuak hawk,ka taksa hi a mur chhuak hman vek in ka hria. Ka mit ah tak chuan min rawn en a,a nui suk zui.


" Zanin chu kan boruak duhawm lo in lum let kual vel hi i theihnghilh rih ang hmiang " tiin min hrilh a. Lawm takin nui chung chuan ka lo bu nghat nghat.


Ding chhuak in min pawm kang zui nawlh a,a taksa ah chuan zâwng no ang mai in ka bet nghal ṭai. Min dawm mahse tlâk ka hlauh vangin a kawng ah nen lam chuan ka kherh bet a,a nghawng ah kut ka suih chial bawk. Khum lam ah chuan min dah in ka taksa chu duhtawk in a chen zui a, a mipatna in ka taksa chhûng a rawn thlen chuan nawmna avangin aw ka lo chhuah hman. Bawihtei kan hrechhuak ve ve aniang ka hmui ka hup rual in ani pawn ka hmui bawk a rawn hup hnan hnuhnawh. Ka in melh a,kan nui dun ringawt. Muangchang in min l* a ,bawihtei avangin duh ang pawh in kan khawsa theilo,kan tih harh chuan a pawi ngawt ang.

*

Sunday chu beisei loh deuh in Gos-a ṭhian hlui,a School kalpui ṭhinte, Rp-a ho in an rawn lêng lût nawlh!! Gos-a pawh nidang a midang lo lêng a chhawn ang nilo in a ri ve bawrh bawrh a,an ṭhianho inkawm khawm chu hmuh an nuam hlawm khawp mai. An mahni a hrim hrim pawh mi hlim thei, ṭhiante zingah pawh a hlimawm zawng a boruak siam thei rual ṭhah kha an nih hmel in ka hria.

"In nu ang hi zawn ve a ngai. Tlanpuii ai khan a fel zawk daih in ka hria " An zing a pakhat in a tih chu ka hre pha a, Tlanpuii an rawn sawichhuak chu ka duhloh rual in keimah min sawi that deuh avang chuan ka lawm ve viau tho.

" Fel lo thei nang, ka thlang uluk alawm " Gos-a'n alo ti ve zaih.

" A ti ve ngei,thlan pawh I thiam ami? Hman ata tawh a ngai char char i kawp a,tûnah i thlak ta mai ania. Ṭha leh ṭha lo pawh I hria em mawni? " An tih sak a,an nui dar dar hlawm.


Bawihtei pawh an pawm ve liam liam hlawm a,an haw dâwn ah chaw ei tûrin kan sawm ngial a,zan inkhawm ngai nen an laklawh an tih deuh tlat vangin an haw ta hlawm. Bakah zanin kha Remruata te chhûngkua rawn len an tum zan kha ania,midang lo awm ve viau na ni pawh ani chuang lo. Zanah pawh bawihtei chu han inkhawm pui ve kan tum zet a,mahse kan ngaihtuah leh hnuhnawh vangin Gos-a nen in ah kan lo awmpui leh.


" I huphurh em? " Ti a min zawh chuan " ka hrelo " tiin ka lo chhâng thuai.

" Huphurh vaklo tihna? " A tih chuan a lam ka hawi a.

" Engtin nge ka awm takngial pawh ka hre thei tawhlo " ka ti sep. Diktak chuan a ṭhiante haw aṭang phei kha chuan nuihna tur em em leh boruak han siam hluai kan awm tawh bawk silo an,kan buaina bawk ka ngaihtuah leh a,ka thawk hi an pik ngawih ngawih.

" Remruata hi alo kal ve angem le? " Ka ti zui a,lo kal ve lo se ka ti. Amah chu sawiloh a chhungte pawh ka hmu hreh ania.

" Kal mai thei,lo kal pawh nise hlau suh aw. Kan awmdun tlat dawn ania " a ti a. Ka hlauh lam ka hrelo a,hmuh ka chak zawk zawk loh vang zawk ani.


Inkhawm an rawn bang a,sawi lawk tawh ang in inhnuai lam ah Remruata te chhûngkua lo thlen hun chu kan nghak ran. Tur tu nei ang mai in ka za sek a,ka awm hi a nuam lo zual tulh tulh lehnghal. Inkhawm an bang har deuh bik nge ni dar 9 dâwn ah an rawn lang ve chiah. Ka beisei miah loh in Remruata a rawn kal ve lo,Remruata nu leh pa leh a nu unaupa te an rawn kal zawk hlauh. A tir chuan an rawn nelawm khawp a,ka pa'n thu a rawn sawichhuah tak ah chuan an hmêl a tak run a,an nelawm loh nghal vek.


" Nimin ah thisen chu kan test a. Result chu naktuk lam ah kan lam thei ang " Gos-a'n atih chuan an bu nghat nghat.

" Engtin nge Mampuia (Gos-a) zawk i neih hlauh theih dan hi? Mama chuan thil awmdan min hrilh vek tawh a,mahse a mak ka ti. Engtin nge I hai a i hriatsual theih zawk le! " Remruata nu chuan a ti a. Hmân ah khân naute thla zât min zawt tawh a,khatah khan a nelawm in a fel hmel viau a,zanin chu thupui a dang ta dawrh bawk a,nu tih mawh leh khirh deuh ang mai hian a rawn awm.

" Chu.. Remruata hnu ah kei nen kan lo awmdun leh a,a rui bawk sia a hrechhuak thei tawhlo " Tiin Gos-a'n min lo chhan khalh. Mahse a mi en dan chu en ringawt pawh in a dang nghal vek tih a hriat theih.

" Zu i in ve nasa ami? " Min ti bawl mai!!

" In ngai nang. Khami zan te chu thil tih khawmna a a kal vang ania,a in ngailo an lo pek hnial hreh vangin a la ve kha ania. In ngailo ta na na na chuan a zo lo anihkha " Gos-a'n ka thlavang hauh lutuk hian a rawn ti leh zung zung.

" E anihchu " a ti mai a,zu in ṭhin ang mai a min ngai hmêl a put vang chuan ka ngei hman ṭep ani.

" Anihchuan ka u, result te chhuak se engtin nge kan tih dawn le? Naute pa zawk chu a tu a pawh lo ni se " Remruata pa'n ka pa hnên ah chuan ati a.

" Chu chu ania kan koh chhan deuh cheu ni. Result chhuah hmâ chuan thil rel vak pawh an theih chuangloh a. Mahse, Remruata khân rawn neih te kha an duh rem rum mai a,naute pa ani emaw nilo emaw keini lam chuan khatia rawn neih leh tum ngawt kha ṭha kan tilo a. Bakah nangni pawn in hriat ang in Gospela leh Zampuii te hi in duhlo lutuk a innei pawh an nilo a, Remruata'n rawn neih a tum ngawt na lai kha. Zampuii lah in a nei duh hmêl lo a. Bakah thil nih dan pawh ani ngai em ni?? " Ka pa'n a ti dap dap. Ka taksa te chu a ṭang ru ṭeuh a, Gos-a vun ka sik lai pawh ka in hrelo a che thut a ka hrechhuak chiah.

" Nia keini pawn kan sawipui a,mahse ani pawh a U Mampuia ang mai hi ania,a luhlul bawk si a " Remruata pa'n alo ti thuai.

" Rawn neih tum ngawt kha a dik theilo a lawm pate. Bakah naute hi ka fa zawk anihloh pawh in fa anga enkawl zui leh pa nihna chelh kha ka inhuam reng a. Remruata chu ti hian awm tlang law law sela,nakin ah midang te pawh a la nei veleh zawk anga " Gos-a'n alo tih lai takin keima nu'n min lo phone. Min rawn en dial a,nuam ka tilo ngang mai. Ka hmet tawp rih a,a ruk deuh in ka buai thu chhuanlam in msg ka va thawn.

" Chutiang te pawh chuan a unau te pawn an sawi hmuh a lawm. A luhlul sia,lehlam ah chuan pa zawk nih a inrinna lai ah tiang zawng a ngaihtuah theih ve tho alo ni bawk si " Nu ber in a lo ti veleh. A mah chu ka en vang vang a,a ṭawngka chhuak vel aṭang pawh in Remruata chu a hlau in a thu a zawm awlsam dâwn riau a hriatna ka nei.


Kan sawi zau tawlh tawlh a,Remruata pa chuan Remruata rilru hmin tum phawt a ṭhat thu a sawi a. A rin dan a sawi ah chuan naute pa anih daih daih a ring lo anih hmel,a rin ang tak tak chuan thleng sela kan buaina te hi reh fel diak se ka ti. Dar 10:30 pelh ah an haw chiah a,thil han rel fel tûr pawh in result ber a la chhuak bawk silo an,eng em em mah kan sawichhuak chuanglo. Mut dawn ah pawh Pathian hnên ah inhlan thar in naktuk result ṭha tak min pe turin ka dil a,bawihtei hriselna kawng ah te,kei leh Gos-a,kan nupa kar ṭhat zêl theihnan te leh kan boruak ni nuaih te min tih kian sak a tur in ka dil nasa.

*

"Tu ber in nge result chu lam dawn? " chaw ei laiin U Nancy'n ati a.

" Keiman " Gos-a'n a ti thuai.

" Remruata pawh kha in hrilh hre ve vat dâwn ania " ka pa'n ati a, Gos-a erawh chuan engtinmah a chhâng zui lo.


Chaw te kan ei kham a, midang nen an chhuak rual ta mai lo in Gos-a chu a la awm khawtlai. Midang an chhuak fel chiah tih ah min lo a, bawihtei diaper ka thlak mek vangin ka kal mai hman lo. A mah zawk a rawn kal a,chhuak tur a a insiam fel vek hnu ah " ka chhuah hmâ in ṭawngṭai lawk ila " a ti a. Kan nupa chuan kut in chelh in kan ṭawngṭai dun a. Gos-a'n min hnem nasat êm vang leh Pathian hnên a kan dil a,kan ṭawngṭai nasat ve avangin tlêm tê chuan ka awm a nuam ve deuh. Gos-a a chhuak zui a,keiin a kal leh mai na tur ka lo buaipui fel sak thlap. Bawihtei nen chauh kan nih vangin inhnuai lam ah kan awm a,kawngka erawh ka in kalh khum daih.


" Nizân ah i pa'n lo lêng ve se a ti cheu a " ka nu ka bia a,nizan khan ka biak leh theihnghilh daih. Ka nu aw ka hriat chuan ka lunglêng deuh thut! Kan boruak a heti nuaih bawk nen,ka nu kiang a awm a in sawi thawl te chu ka chak hliah hliah.


Ka nu nen kan inbiak mawlh mawlh laiin kawngkâ an rawn kik a,Remruata anih ka hlauh vangin tukverh pakhat aṭang chuan ka en hmasa phawt. Mahse ka beisei loh lam daih in Gos-a a ni daih! Sana ka en a,a chhuah aṭangin darkar chanve pawh a liam hman em mawni, kawngkhar chu ka va hawng a,awih awm loh khawp a rang in ka thin a phu nghal ringawt!


" Engtin nge? " Ka ti a,a kut ah eng lehkha mah a hum loh avangin mak ka ti deuh.

Ngawi rengin a rawn lut phawt a,ka zui zel a bawihtei bul lawk ah chuan a ding ran. A awmdan avang chuan ka ngaih a ṭha theilo a,ka thaw pawh a zawi sawt hle. Ngawi rengin Gos-a chu ka melh.

" Zampui " a in her a,min en chuan a nui ta suk. Min kuah ringawt!

" Result a ṭha,kan beisei ang ani. Tiraw Gos-a? A ni em,kan dîlna chhan in a awm ami? " Tiin lawm lutuk a vang chuan ka hnuk a ulh nghal ṭeuh.

" Lehkha ilo hawn em? Ka en duh " ka in lâk hran velah ka ti chhunzawm a.

" A ngai em ni? Result ṭha tak kan neih te chuan " a mitmeng chu ka en chiang a,diklo awm tlat in ka hria.

" Ngati nge? Gos..khawi maw min lo entir teh " ka ti a,mahse lehkha reng reng min hmuh duh lo!! Ka ngaih ṭhatlohna a ti zual a,ka ṭah te pawh a chhuak dawn dawn mai.

" Result a ṭhat chuan lehkha en kher a ngai ami? " min ti daih!!

" Ka awih lo che. Lehkha ka hmu duh " ti a kut ka dawh chuan ngaihsak lo deuh hian bawihtei lam chu an en daih " Gos-a,tinge tiang hian i rawn awm thut a!? Ka ngaih i ti ṭha lo ania aw" tiin hnuk ulh ṭeuh chuan ka sawi a.

[Bearr]

CHAPTER-16‍🩹


" Khawi lehkha chu " tiin ka sawi nawn leh.

" Zampui ka sawi vek tawh kha mawle " ati a. Lehkha min pek a tum miau loh avangin ka rilru na tawh leh thinrim lek lek tawh chu bawihtei pawh ngaihsak lo in inchung lam ah ka chho.


Bag ka la chhuak a,ka thawmhnaw ka hmuh hmasak ang ang chu ka vawm lut nghal tawp tawp. Gos-a pawh bawihtei pawm in a rawn chho thleng thuai a,chutia ka lo awm min hmuh chuan bawihtei khum a dah in min rawn khawih a tum. Kei lah chuan duhlo in ka vai deuh sawk.


" Enge maw i tih le?!! " Hriatthiam loh hmel tak hian ati hap.

" Ka haw dawn. Midang nen a kan fa enkawl tir che ka duh lo " tiin thawmhnaw pawh ka khung belh mawlh mawlh

" Duhtawk teh,insiam tawh suh. Thil ka hrilh ang che " min ti a,ka ngaithla peih lo. Tûnah chuan hreh hle mahila ka haw hi a ṭha ta ber in ka hria,kan chen dun reng chuan nakin lawk ah bawihtei,a hrin loh fa avang hian buaina te,in hauhna te kan la nei dâwn. Chu chu thlen tir loh law law ka duh.

" Ngati nge kan ṭawngṭai nasat ve nen!! " Ka au ti tih a,ka kawr pakhat chu chhuat ah ka paih ṭhawt bawk.

" Pathian dem zâwng in rilru pu suh " min ti a,tih ngaihna hrelo leh rilru na bawk si chuan chhuat ah ka ṭhu hnawk a,ka kiang a awm ve te ngaihtuah lêk lo in ka ṭap chhuak ta tawp.

" Aw ka pa ? " Min hnem a tum viau a,ka pa hnen aṭang a phone call a dawn avangin a chhâng hmasa leh zawk.

" Aw lam tawh e,ka haw chiah. Aw hrilh tawh,Remruata tak chu ka la hrilh lo. Aw chutiang chiah chu " ati a. Ka lungphû pawh hi a dik hleithei tawhlo,ka tha te nên lam hian a khur.

" Ka pa'n result min rawn zawt a " a ti a. Ka bulah chuan ka ṭhut dan ang deuh in a rawn ṭhu ve a,chhan en ah pawh ka en lo.

" Zampui " ka kun deuh ngul tawh avangin min rawn bih ti tih. Ka be duh silo an,a bân pakhat in min rawn kuah zal zal.

" Bawihtei pa hi ka nia. Ka ni reng dâwn alawm " ati sap. Za lo fahran hian ka nui chhuak a. Ka ṭah na vang a mit phe ruai chungin a lam chu ka hawi a. Hmêl zangkhai vah hian min lo en.

" Ka rilru nâ thawi dam tum buai angai tawh lo. Gos-a min hua em? Hun khirh tak ka tawn tir che a,chutah i fa ni miah lo ka enkawl tir bawk che a "

" Engvangin nge ka huat ang che? Ka fanu alawm ka enkawl " tiin min la chhâng ta fo!

" Duhtawk ang. Zanin ah ka haw anga, bungraw dang chu ka rawn la leh mai ang. Inchhungkua tih mualpho tel ve cheu hi a ṭha ka ti lo "

" Haw a ngai lo,ka sawi vek tawh kha "a ti a. Mahse keimah ber hian nakin hunah pawh nuam ka ti dâwn lo. Gos-a hian eng ang pawh in min lo hrethiam in bawihtei a fanu ang ah ngai pawh ni sela mihring kan nih chhûng chuan he thil avang hian in hauh te kan la nei dâwn. Chutih hun a bawihtei hrehawm ti tur hi ka ngai ngam lo.


Min ring nange? " A ti vin thut. Ngawi rengin ka en a " Florence-i hi ka fanu diktak ani " ati a. Engtia han chhan tur nge ka hrelo.


Ngawi reng a ka en vangin ka biang tawn tawn ah chuan a rawn vuan a. A vawikhatna atân a mit a mittui rawn tling chu ka hmu!


" Diktak chuan, result ka va lam khan ka rawn haw kha lehkha kha ka hmu zo lo a. Car ah ka dah reng sia ka rawn thlen khan car chhûng vel ka zawng a ka hmu silo a. Min hauh ka hlauh avangin ka sawi duhlo anihkha "

" Mahse a details vel chu a ngai ang thlap in phone ah min thawn ta tho a. Chuvang ania lehkha ka neihloh " a tih chuan ka beng awk chak lutuk.

" Sawi mai ta che a tir ah,min ti hlau hmasa a!! "

" Min hauh ka hlau ve tho a lawm "

" Malsawmtluangzel " ka ti vin vak a " i tlaw lutuk " ka ti zui bawk. Engtin nge lehkha chu a tih bo ngawt theih?

" Result a ṭha tho a lawm. Min hau suh aw" a ti nui suk.

" I ti tak tak em??!! " A ai nasa in ka thinphu a rang.

" Aw tak tak e. Bingpuartei hi kan pahnih a fanu ngei ani e. Nichin ah pawh hrilh che ka tum a "

" Mawla!! Engati nge khatiang khân lem i rawn chan kual vel a? Min tih hlauhthawn zia kha I hria em? " Lawmna avâng zawk in ka ṭap ṭha leh.

" Âw enge,lehkha chungchâng kha sawi kher rih ka duh lo a. Bak ah min ngaithla duh lo anihkha "

" Sawi ve nghal mai ta che min tih hlauh zia kha. Ka haw hman ṭep hi " tiin ka chum vak.

" Awle ka tlawm e. Tûnah chuan hahdam deuhin kan awm thei ta e " tiin ka chum lai lai chuan min kuah chilh.

" Ka lawm ê, Hawh tawngtai ang lawmthu sawi in" ka ti a. Ani lah chuan " tun lawk ah i ngei hman ṭhelh sia,i lak ah hian alo ti tau angah" a la ti nui var var zui.

" Chhe lutuk " tiin a kut chu ka dawm sak. Kan ṭawngṭai dâwn zet a,mahse result chu hmuh ve hmasak hrim hrim ka duh avangin a phone en ka dil hmasa leh phawt.


Min en tir a. Result chungchâng a msg an thawn ka en chiah chuan ka thawl hawk in ka in hria. Doctor in kan fa anih chian na a hriatpuitu ang pawh in hming a lo sign hnan thlap. Ka lawm lutuk a,Gos-a te chu ka kuah leh vawng vawng ṭhin. Ka lawm lutuk a,engtia awm ber tur nge pawh ka hrelo. Kan nupa chuan kan ṭawngṭai ta a,ka lawm avang chuan kan ṭawngṭai lai in ka in sum theilo leh tawh! Ka ṭap a,ka thiam dan leh theih ang tawkin Pathian hnên ah lawmthu ka sawi.


" Ka lawm ê Gos-a,ka lawm zia hi " tiin vawi tam ka sawi a,ka kuah a a châng leh ka mittui a tla leh ṭhin. Midang lo haw pawh ka nghakhlel sawt a,thu lawmawm lo hrilh ka chak tawh.

" Anihchuan ka kal tawh mai dawn ami? " Ka hlim lutuk a, Gos-a hna lam ah kir a ngai tih pawh ka lo theihnghilh daih.

" Awm rih mai la,a theih tho lo ami? Hnathawk vil chiah ani tho sia " ka ti a,a nui a. Tho kang in keipawh min kai tho ve a.

"Ka chak lutuk alawm. Mahse hna ka thawh loh chuan nakin zêlah in tân vek tho ania" ati a.

"Nikhat lek te chu " ka la tih sak ṭalh avâng chuan a nui hak. Ka kawng ah kuah in a taksa si chet chuan min pawm bet nghal chial a.

" I tih tlat chuan le. In kiang a awm te chu kei ai a thlahlel an awm kher nang " tiin ka hmui ah chuan a fawp zui a.

" Tu emaw kan theihnghilh ṭep ania " ka tih tak ah chuan in la hrang in bawihtei khum a kan dah chu a pawm nghal thuai.

" Ka fanu,ka duatte..i nu leh pa te kan hlim zia hi i hre ve thei em? Ka Hmangaih lutuk che " tiin bawihtei lû ah chuan an fawp vawng vawng. An va han hmuhnawm fapa tak em!

" Nangpawh,ka Hmangaih lutuk che ania " hmuhnawm ti tak a ka lo en laiin a rawn ti a,nui chungin " keipawn ka hmangaih che a lawm, khawvel a hmeichhe vannei tam tak te ai pawh hian ka vannei in ka hria. Lo nei duhlo che ni ila chuan nang ang mipa,pasal leh pa ṭha lutuk hi kan tawng ngai dâwn silo an" ka ti zui sep.


Inhnuai lam ah chhuk thla in chhun a ei tur te kan siam a,bawihtei a harh deuh reng avangin Gos-a'n min va puak chhawk. Tlai ah chuan ka pa te an rawn haw khâwm ta ngei a,thu lawmawm kan lo hrilh ṭheuh chuan an hmêl awmdan chu hmuh a nuam ngei mai. Kan hlim tlâng a,kan hlim kar lak ah Gos-a chu an hau leh ṭhin. Lehkha a la hmu zo lo tlat lai kha nuih a zat hnuhnawh bak ah a awm ang lo lutuk a patling pui tawh thil tih bo ah chuan ka nu leh u Nancy'n an hau an hau mai. Result ṭha chu u Nancy leh ka nu'n lawm a ngai an tih vangin sa te kan lei chawpchilh leh a,hlim deuhin zanriah pawh kan kil theih tak kha.



Zanriah eikham ah Gos-a leh kei in lehkha chu motor chhung ah kan va zawng ṭha leh a,a chhan pawh Remruata te chhûngkua an rawn kal leh dâwn vang ania. Lehkha tello in min awih loh a hlauhawm ve tlat bawk sia. Lehkha chu vanneih thlâk deuhin seat hnung daih kil khawr tawk ah hian Gos-a'n a hmuchhuak leh. Rilru dam leh thlamuang deuh in kan awm thei tak tak tawh a, Remruata leh a chhûngte lo hmachhawn pawh ka hreh tawhlo.


Remruata te chhûng pawh an lo thleng ta ngei a,ka pa'n result chungchâng hrilh pah a lehkha a pêk chuan Remruata hmêl a danglam nghal vek. Kei leh Gos-a chu rum takin min en,a tir chuan ka hlau hman ṭep a,mahse Gos-a'n ka kut a chelh tlat avângin hnehna chang tu zâwk ang mai chuan ka en let ngam ve phah. Engmah sawi lo in thinrim deuh chuan a chhuak hmak. Engmah sawi vak tur dang pawh a awm tawh lo a. Ti hian kan buaina chu an tawp a tih thei mai ang chu.

_____

" Apa ilo haw dawn em ti la " phone chu bawihtei hmâ ah ka dah a. Engmah a la hrethiam lo na in a pa hian a hmu ve duh ṭhin sia,hetia tih mai hi a ngai ṭhin.


Kan boruak ni nuaih a reh aṭang khan thla 1 leh tlêm alo ni veleh tawh a. Hun a kal chak khawp mai!! Bawihtei nen pawh a pa awmna lam ah kan haw zuai a,mahse hritlang a kai leh a khua a sik ve deuh vangin Aizawl lam ah kan haw san leh rih a, kan la châm ta char char anih hi.


" Biangpuartei chu a va nula tawh ve aw, duati min hmu thei em? " Phone aṭang chuan an rawn bye bye.

" I ti upa emai a,thla 2 pawh a la tlin mang loh hi " ka lo ti a. Mahse bawihtei kut chu ka vai let tir ve tho.

" Nia,mahse a hmuhnawm em a lawm ka fanu kha. Ka tan chuan a ring a thle kual ve mai mai pawh kha hmuhnawm tham ania " kan nui dun hak hak a.

" Ânu i va thau reuh ve tunlai hi? " A rawn ti a,bawihtei ka pai lai te,ka neih hnu lam reilote kha chu ka cher viau a. Tûnah Aizawl kan awm leh hnu hian ka thau ta deuh.

" Ka bul a awm loh chu ilo ngeih viau ani maw. Ka duat ve ve che nen " a ti a. A rawn tau der vel.

" Awih awm loh lutuk a,tunlai chu kan boruak tawn in a zir em a ka thau ve deuh anih hi " ka tih chuan awihloh hmel deuh hian mi rawn en.

" Remruata hi a rawn kal leh tawh em? " A ti a. Remruata lam sawi tak ah chuan khami zan thisen test result hre tur a an rawn kal bak kha a rawn lang leh tawh lo hrim hrim.

" Aih,a zak tawh aniang " ka ti a. A nui zui hak.

" Ani duh khawp ang " a ti a. Bawihtei nen an lang reng pah in kan titi char char a. An hna pawh karleh lam ah chuan an zawh theih tawh tur thu te a sawi a. In lam a rawn haw a,bawihtei han chhaih a,puak hlu hlu te pawh an chak thu a sawi ve mial mial.


Kan in mangṭha dâwn chuan ṭawngṭai sak turin min ti a. Phone aṭang a in ṭawngṭai sak in kan in biakna pawh kan ti tawp zui. Bawihtei a la men ve kiau vangin,a ṭap chuang silo tiin kan thlalak ho chu ka en a,bawihtei thlalak pawh kan dah tel ve nual tawh. Kan inneih lâi te,bawihtei pian tirh a kan chhungkua tê a kan lak te leh Gos-a rawn haw kâr a Sunday a chhungkim a kan lak te nên lam chuan ka en chhuak vek. Thil tam tak ka ngaihtuah pah a, a tawp ah a hma ang tho in Gos-a ka nei ka vanneih zia bawk ka in hre thar leh. Khatih lai khan a tir ber an chhungkaw ai awh a mi an rawn len te khân neilo a lo hnial thlâk kha ka tum a. Mahse ka nu leh ka pa te' n ka tân a ṭha tur a nih an rin thu leh,naute fahrah a siam lo tur a min fuih avang te, Gos-a lo kal hmasak tawh zawk vang a an hmuh tawh rinchhan in mipa rintlak leh in nghahna tlak tak anih an rin tlat avang khan ka nei ta kha ania.


A tir kha chuan ka nu leh pa te sawi vang nilo se ka neih ka ring lo. A chhan chu ka phu loh mipa ni in ka hria a,kan in a alo kal hmasak ber kha chuan hmelṭha ka ti ngei a mahse,ka hriat ngailoh leh in hriatchian lâwkna pawh awm lo nei tawp tur khan ka iai ve deuh a tin ani. Mahse ka nu leh pa te thu awih in ka nei ta mai kha ania,tihsual erawh ka lo tisual hauh lo. Hei tûnah chuan khawvel a hmeichhe vannei ber ber te zing ami ka lo nih phah tak hi!

*

" Nizân in mu ṭha ami? " Ka nu'n ka zing tho chhuk thla min lo zawt.

" Dar 1 vel aṭang khân a kan mu mang lo " ka tih chuan

" Min va rawn ko lo ve,nizân chu ka mutui ang reng a engmah ka hre mang lo " a ti a.

" Nia,kan in pawm tlei thei tho a ka rawn ko lo che anihkha " ka ti ve thung a.


Rawng te kan han bâwl dun a,tukin chu u Nancy a rawn tho hmâ lo mial a,han koh kher ngai ka tih loh vang leh nidang a min awl ziah tho avangin rawngbawl ka chuh ve a,bawihtei ala mu tho bawk nen han tih hreh na êm em ka nei lo.


" Pa, vawiin chu bawihtei hi kan in lam ah ka va len pui dâwn a maw'n le " chaw ei laiin ka ti a,a hritlang an sawi lan ka rin vangin " A hritlang pawh a reh ti tih tho a. A pa bul a kan let leh hmâ in " ka ti leh nghal.

" A ṭha a lawm, an ni ai chuan in lêng hman zawk a. Va len pui ve rawh " a ti a. Tuman min sawisêl sak lem loh avang chuan phur deuh in ka bu zui nghat.

" Naktuk ah chhuak ila,class ka nei dâwn lo a" U Nancy'n ati a. Vawikhatmah kan la chhuah dun ngailoh avangin chutia a rawn sawi chu mak ka ti viau.

" Class i neilo maw, Khawi ah? " ka ti a.

" Ka ṭhiannu pakhat,a û in dawr thar a hawng a naute thawmhnaw lampang zawrhna. Lo kal r'u kan lo tlawm ang cheu an tia. Bawihtei thil tur vel va en ve ang ka ti " a ti a.

" A va ṭha ve,mahse pawisa bawihtei entir na leh damdawi man velah kan hmang nasa sia. A pa hi ka dil hreh deuh,thawmhnaw pawh a la nei nual mai " ka ti hnuhnawh.


Bawihtei hritlang kha a rei ang reng a,kan in entir ngun bakah damdawi kan lei nasa a,a to ve ṭhin reuh bawk sia,keiin hna ka thawh theihloh vangin pawisa pakhatmah ka neilo a, Gos-a pawisa vek kan hmang a. Chhûngkaw tân a thawkchhuak ni teh mahse a na zawng a dil leh thil pawimawh ngawih ngawih pawh nilo a ,thil dang leina tur va dil kha ka inthlahrung ve deuh. Bawihtei nise diaper lei a bâwm in kan lei ve reng bawk sia. Chuta kar a,a tello pawh a awm theih thil a pawisa lo in hman ve vak kha ṭha pawh ka ti chiah lo.


" Keiman ka lei dâwn a lawm mawle. Mama pun buai a ngailo " ati keuh mai a,hnial hi a duhlo ve thei bawk nen ka hnial buai vel peih lo. Bawihtei tân ani bawk a,a man a in huam tho bawk nen inthlahrung lo hnuhnawh mai ang.


Chaw ei kham ah midang kal vek hnu in in ka ti fel phawt a. Ka in siam hma a bawihtei damdawi ka pe chu a lem sual palh aniang hnute ka pe hmasa bawk nen an rawn luak vak!! Hlauthawng lutuk in ka kuah a,ka thiam ang ang in ka buaipui nghal a,engtin emaw a awm ang tih hlauhna avang chuan ka tha te hi a rawn khur thei hial! Ka nu te in lam a len pawh ka buai phili vel avangin ka ṭhulh leh ta ringawt. Bawihtei a ziaawm hnu ah pawh khawi dang ah mah kalsan lo in ka awmpui chawt a. A luak chuan min ti tal buai vek. Ka awm tawp a,a muhil pawh chu ka ṭhutchilh reng. A luak lai a ka thlaphang chiai vel te,a hmêl dâng hman vek te ka ngaihtuah let a,ka la ṭim uai uai thei.


Engmah ti lo a in ṭhutchilh reng ta na na na chu,zan lam ah kan lo mu ṭha teh chiam lo bawk nen mut a rawn chhuak ṭan a,reilote mut tumin bawihtei bulah chuan ka zâl ve ta hmiah. Ka mut aṭangin a rei tawh nge rei tawh lo ka hrelo a,ka hmai a zat mer mer avangin muangchang chuan ka men a,ka taksa khuap tu awm a ka hriat bawk avangin ngaihtuah mumal lo deuh in ka mengchhuak a,hnai lutuk a Remruata hmêl ka hmuh chuan ka thin hi a chhuak dâwn in ka hre hman. Ka phu lutuk a ka taksa pawh a che lawih thei. Ka hmuh ka beisei loh êm avângin phawk zet in ka en a,tal chhuah ka tum chuan min bawh bet a ka kâ a hup nghal. Engtin nge alo luh theih? Inhnuai kawngkhar kha ka kalh emaw ka ti a sin!


" Bengchheng suh " ati vin khur khur a,a ṭawng zawng chuan zu rim a nam nghal hawk.

" Nang hian min bum. Test result kha in thlak danglam ani tiraw? Naute pa ka nih i hlauh avang leh min neih duhloh avangin thil in ti danglam anihkha zawngi " tiin min ṭawng khum bawih bawih.

" Tal tawh suh.. nangni avâng a ka zah zia kha I hria em?" vin zet in a ti a. A lak aṭang a tal chhuah ka tum chu min vin vak vak a.

" Min neih duhloh man hi ila hmu dâwn a lawm " ka kekawr min pawh phelh sak a tum avangin au chhuah tum chuan ka tal ngial a,ka âwm ah a khup a min do in ka kâ a hup a,lehlam a ka thawmhnaw a khawih a vangin ka tal ṭha theilo.


Saisir ngial ka tum a,che ṭha theilo mahila a duh ang a ka taksa a khawih mai ka rem ti bik lo. Ka mit a ka hmuh theih chin ah bawihtei ka en a,mahse alo awm lo. Ka bul a mu kha ani a,engtin nge an bo daih theih ka hrelo. Pui tu tur ka mamawh takzet tawh!


" Min neih dâwn thu sawi la engtinmah ka tilo ang che. Mawh, min nei rawh Zampui ka hmangaih che ania " a ti a ka kâ a hup na alak sawn rual chuan ka au zui vak.

" Bengchheng suh " a ti leh hrawk.

" Ka nei duh lo che. Engtinmah min ti suh Remruat!! " Hlauthawng tak a ka tih chuan a nui a,a tha a zawi emaw tih tur a ka zan hawk lai chuan ka tal vak a,a tlu deuh chu tlanchhiatna hun a tan a hman tum in thawh ka tum.


Min rawn ban leh avangin kan mutna khum bul a dawhkan ami pangpar lem kan hun na pot chu ka la a,mahni in chhan nan a vuak ka tum chuan min lo dang hman. Thinrim lutuk hian min en a,ka kut a hmer nghal vak.


" Nang hian kut min thlak ve ang maw? Mawh, kut min thlak thei in i in hria em ni? " A kut a vai thut a,lû her sawk khawp chuan min vai a,ka lu hai chu khum ah ka let nghal tawp. Mahse a lak aṭang a talchhuah ka la duh fan avangin khum aṭang chuan lu hai chhulh chung a vah thlak ka tum a, mipa na na na a kut thlak a na lutuk chu ka thil hmuh pawh a fiah lo vek. Min pawt let a,khum ah a zangthal zawng a min awm tir chuan ka vai ve in ka in hria. Ka hmai a rawn thip nghal zawk a,min beng ni in ka hria. Ka lu hai a zual a,ka kekawr min pawh phelh sak tih ka hre thei a,hmuh erawh ka hmu ṭha thei tawhlo. Ka hn**e chu dim lo tak a ṭham nawk nawk ang mai hian a rawn nâ.


" He thil hi phubâ a nilo. I phu tawk chiah ani tih hria ang che " min la ti zui. Ka chung a thil thleng mek avang chuan mangan leh hlauhna avangin ka ṭap chhuak tawp.


Vawikhat chu ka lû a rawn na leh zawk a,chumi rual chuan ri pawp a awm bawk. Ka thi ngei dâwn in ka in hria,chubak chu a thim mup a engmah ka hre thei tawh lo.


" Mama, Zampuii hi engtin emaw a awm ania!!"

" Aw, ka haw a room ah alo awm nuaih a,lo haw vat mai teh ka hlauthawng ania " tih hi ka hre riai riai a. Mahse ka thil hriat a zawi tawlh tawlh a, a reh leh ta ṭhiap.

*

" Zampui..?!! " Ka mengchhuak hlawl a, Gos-a hmêl ka hmu chu ka phu zawk. A hmai a duk a,a sen ṭul bak ah band aid te alo in bel!!

" Ngati nge i hmai hi? " Ti a ka zawh chuan a mit a mittui tling ni awm tak hian ka hmu zui. Keipawh ka hmai hi a nâ in a tur ut ut mai!!

" Kan insual a "a ti zawi sup.

" Ngati nge? " Ka awmdan chu diklo riau hian ka hria,eng emaw theihnghilh nei tlat in ka hria,mahse chu chu enge anih ka hrechhuak theilo.

" A chhan chu ka nupui.." a ti a. Ka hmuh phak loh lam aṭang hian " La sawi suh,a harh chiah kha " an rawn ti a.

A ngawi leh daih a,engmah sawilo a a hmai ka khawih sak dawn lai chuan,thil ka hrechhuak thut! Engmah sawi lo in ka ṭap chhuak a, Gos-a'n min lo kuah nghal vat.

" Remruata alo kal ania!! " tiin ka ṭap nghal hawm hawm.

" A ṭha leh vek mai ang. I tân ka ding dawn a lawm. Hrem loh in ka chhuah hauh lo ang " tiin min hrilh a,ka chung a thil thleng chuan min ti na lutuk a ka ṭah leh ka na zual sauh in ka hria.

" Min ngaidam rawh. Ka venghim thei lo che a,ka tihpalh lutuk " tiin min pawm vawng vawng.

[Bearr]

‍🩹 You look as beautiful as ever,And I swear that everyday you'll get better
You make me feel this way somehow
I'm so in love with you,And I hope you know
Darling, your love is more than worth its weight in gold,And I wanna stay with you until we're grey and old‍🩹


CHAPTER-17 (LAST) ‍🩹


" Engtinmah ka awm lo tiraw? " Ṭap ṭuau in ka ti a. Ka ngaihtuahna a awm ang hi ka chung ah thleng tak tak lo hram se ka duh.

" I ṭha leh vat dâwn a lawm " tih chiah min hrilh a,ka van duh khawp lo em!

" Khawiah nge bawihtei? " Tiin ka hawi kual nghal ruai. Ka hriat chin ah bawihtei kha ka hmu lo a,khawiah nge a awm hriat ka duh.

" A ni leh api ten an awmpui. Bawihtei chu a ṭha,hahdam rih rawh " a ti a. Mahse ka harh aṭang chuan ka hahdam theilo,eng emaw tawk leh tur a in ngaihna ka nei tlat a,ka bul vel te chu ka hlau zo vek tawh.


Gos-a'n min ṭhutchilh char char chung pawh in eng emaw ri hlek ah chuan ka hawi nghal hrû tawh a. Remruata rawn lang leh tur a ka ngaihna chuan min ti awm mai mai theilo. Ka nu te an lo kal bawk a,ka lo ṭah khum leh nghek. An vaiin min awmpui mahse ka hlauhna chuan min kian san theilo! Hrehawm ka ti a,ka ṭap a,awmdan tur ber pawh hrelo in ka awm tawp a,ka chheh vel thil chuan min ti hlau ani ber.


" Police station lam ah FIR thehluh a ngai a,ka nu te ho nen hian lo awm lawk la " min ti a. Thawh a tum chu ka lo pawt nghal vat.

" Kalsawn suh,ka hlau " ka tih chuan min khawngaih hmêl pu zet hian min en a,a rawn ṭhu ṭha leh thuai.

" Remruata hremna pek i duh lo ami? Misual chu a sual man kan hmuh tir dâwn lo em ni? " Tiin min zawt a,ka chung a thil thleng te ngaihtuah let chuan ka mittui a rawn luang thla zawih!!

" I kal ang maw? " Ka nu'n alo ti a.

" Aw dawn e,ka chhungkua ka thisen zawm pawh nise mawi lo tak a ka nupui chung a khawsa mihring hi ka ngaidam mai mai dawn lo " a ti ram hmak.

" Ka kal ang aw,ka reilo ang. Reilote chiah min lo nghak rawh " a ti a. Remruata hremna pek ka duh êm avangin hreh tak chuan ka kal tir hram.


Mahse a awm loh aṭang chuan ka thlamuang lo zual a,a awm chung pawh a hlauh ka ngah tehreng nen a awm lo phei chu ka buai vek! Ka taksa te hi na lo lai an awm lo a,mu tur a min tih lah in ka mu ngam bawk silo. Keimah ka buai lutuk avangin bawihtei pawh vawikhat chiah ka pawm in ka hrai thei a,a bak chu midang in min laksak char char. Phone aṭang in Gos-a'n min rawn bia a, Police in min biak an duh thu leh thil min zawh an duh thu te a rawn sawi. Biak mai ka tum a,mahse ka hlauhna chu thuhran,phone hmai a chiang lo ruai a ka hmêl lan dan ka hmuh chuan min ti phu nasa lutuk a phone ka thlauh ṭep.


" Nu,ka hmai hi tinge? " Tiin ka nu te pahnih lam ah chuan ka hawi a ka ṭap ti tih bawk.


Gos-a'n kan insual a tih a,a hmai lan dan kha rapthlak ka tih tawh tehreng nen ka hmai ka hmu ve chu a ai a rapthlak zawk ani. Thawh ka tum a,mahse ka taksa a nat êm avang chuan ka che sawn theilo. Phone chu ka hmet tawp ngawt a,camera ka on chuan,ring takin ka ṭap chhuak leh. Hetiang khawp hian Remruata khân kut min thlak nasa ang tih ka ring theilo. Ka hmai a duk vek a,a vûng nasa in ka mit pawh a duk a,a vûng tel ve bawk. Engtin nge a vûng tih takngial pawh ka hriatloh theih zawk ni? A nâ ka ti em em a, mahse hetiang lutuk ka tawrh erawh ka beisei lo.


" Bawihte nakin lawk ah a dam leh mai dâwn a lawm. Hrehawm ti reng reng suh,a awm hlen dâwn hleinem " tiin ka nu te chuan min lo hnem a,mahse ka rilru nat lutuk avang chuan ka ṭap bâng theilo. Eng em em nge ka tihsual a tiang tak a ka lak a Remruata a nunrawng mai ni?!!

" Nu, Zampuii kha bengdai ula. Biak ka mamawh tih hrilh rawh u. A pawimawh ania " phone ah bawk chuan an rawn call nawn. Ka la na in ka chhâng lo a,ka nu'n speaker ah a rawn dah.

" Awle, lo nghak lawk ru aw " an ti a. Ka nu te chuan min bia a,thil min hrilh a,mahse ka rilru ah thil dang daih a awm avângin enge an sawi a,enge min hrilh pawh engmah ka hrelo. Hmalam ka en a,mahse engmah ka hmu lo. Ka mitthlâ ah daih la cheng a,ka hmai leh ka hmêl lan dan chuan min tibuai vek.

" Bawihte,hei in pa thusawi hi han ngaithla teh. Gos-a be mai teh " keima nu zawk chuan ati a. Ka nu ṭap ti tih avang chuan ka harh chhuak deuh zawk.

" Zampui,lo ngaithla teh. I hneh thei ania,i chung a khang thil ti tu kha hremna na tak i pe thei ania aw. Kan thlawp vek che ania,engmah hlauh tur a awm lo. I tân ka awm reng ania " tiin phone aṭang chuan an rawn sawi.

" I tan leh kan fanu tan,i ṭawng chhuah a ngai ania. Hlau suh,tun aṭang chuan ka veng tlat tawh dawn che a lawm " a rawn ti leh.


Ka nu te pahnih chu ka en a,an mitmeng a natna te min khawngaihna te ka hmuh chuan ka thin a ti ur a, khawngaih ngai te,lainat ngai te min siam tu,hetiang a chhe khawp a min siam tu leh nawm sip bâwl nan a min hmang tu ka mitthlâ a a rawn lan rual chuan thinrimna avangin ka taksa zawng zawng hi a sa chhuak vek!! Phone chu ka la lawk a,ka ngaithla ani tih hriat nân a Gos-a ka koh chuan hlim nui ri ka hre zui zat.


" Hmeichhe chak tak i nihkha. Ka chhuang lutuk che ania " a rawn ti zui.


Tichuan Police lam min biak tir a,ka thlalak te pawh an lo hmu tawh ani awm e. Zawhna tam tak min zawt a,a tir chuan min khawih dan te,ka taksa chungchang sawi te chu ka harsat deuh a,mahsela Remruata hrem loh a a chhuah ka hlauh êm avângin engkim chu ka sawichhuak leh vek. Ka sawi lai te chuan ka tha a khur a,khami lai a let leh ang mai khan hlauhna in mi tuam up up. Gos-a leh kan fanu Florence-i ka ngaihtuah a,an mahni avang chauh chuan thudik leh thil nihna engkim chu ka sawichhuak thei hram. Remruata jail a an kawl mek thu leh ka thusawi te a pawimawh êm vang a min be duh chung chung an nih thu Police lam pawh in min hrilh a,ka statement vang a lawmthu min rawn hrilh in duhsakna nen min thlah zui a.


Hospital ah kan awm a,room hran ah kan awm na in mi chuan min hmuh ka hlau a,ka mut pawh in bang lam hlir ka hawi. Gos-a alo let leh har ka ti tawh si, bawihtei lah ka hrai puar chhûng bak ka khawih tha ngam rih bawk silo. Ka mu kawm ngal a,ka rilru a thil awm tlat chu duhlo in theihtawp a thil dang ngaihtuah tum chuan ka buai ru ve em em a,mahse a harsa ka ti lutuk.


" Ka lo thleng e " Gos-a aw ka hria a,ka in her thuai. Bawihtei muhil alo pawm tel bawk.

" Remruata kha alo kal leh angem? " Tih ka lo zawt hmasa ber. Engtin emaw jail aṭangin a chhuak anga,min rawn khawih leh ang tih ka hlau.

" Ka va'n khawngaih tak che em, ka thiamloh vek ani " tiin mitmeng a natna pai ṭun chuan min en.

" A lo kal angem? Kan awmna hi a him lo ang " ka tih chuan ka kut a rawn vuan a.

" Remruata chu jail ah a ṭang daih dâwn a law. I him tawh,i him tawh lutuk. Tuman an khawih in an ti na tawhlo ang che " a ti a. Mahse ka hlauhna te chuan min la kian san theilo.


Kawngka lam ah thawm a rawn awm a, Remruata nu leh pa te hmêl ka hmuh chuan Remruata a tel ve dawn emaw ka ti a,ka hlauh lutuk avangin ka meng kawk kawk. An nupa chuan an ṭhu ngawi reng a,tuman an be mai lo. Ka pa takngial pawh in a unaupa te an nihna ang zâwng pawh in a lo be lumlam lo.


" A zia lo hle mai. Tiang em em hian a che duh ang tih kan ring pha lo a " Remruata pawh zawk chuan a rawn ti chhuak.

" Ni e,a zahthlak in a pawi khawp mai. A unaupa te nupa chung a a chet duh dan hi " a nupui paw'n alo ti ve nghal.

" Anih tur ang ani vek tawh a. Engpawh nise,keini tal hi chuan boruak i nei ṭha hlawm teh ang u. In ngaihdam tawnna hi a pawimawh ania " ka pa'n a ti a,ka nu leh keima nu ngei pawh in in ngaihdam tawn chu an lo pawm a, Gos-a erawh in engmah a sawi ve duh lo.


" Min ten angem? " Ti a Gos-a ka zawh vang0 chuan ka nu te pahnih a en daih.

" I duh vang reng a thleng anilo a,dem che a,ten chhan tur che ka neilo "

" Ka nupui,ka duh leh ka hmangaih em em i nia i chungah engpawh lo thleng se,heng I lak a ka rilru put hmang te hi an danglam ngai lo ang " tiin min hrilh a,lawm tak a lo ngaithla in hlimna avâng chuan ka biangah mittui a luang thla hial!!

_______

" I mutui em? " Tuk dang ang tho in an pafa chuan an lo in ṭhutchilh leh tawh. Bawihtei pawh thla 10 lai a upa ani ve reng tawh mai.

Ka harh chiah a,bawihtei pawh a pa a awm bawk a a tlei ve ṭhin ngei mai. Bu nghat in reilote chu kan in kuah a. Hei hi hman a hun harsa ka tawh lai khan min hnem nan leh ka hahdam theih nan te,ka kiang ah a awm reng a,hlauh tur a awm lo tih fiah nan in kuah hi kan ti ta ziah a,ngai ah kan nei a tuktin zingthawh hlim ah te hian tiang hian kan ti ngei ngei tawh ṭhin.

" Nizan kha,i mang a ṭha lo emawni ka tia. Tap tur ang deuh khân i awm a" a ti zui zat.

" Chutiang a ka awm pawh ka hrelo " ka ti mai a, diktak chuan kha thil ka chung a a thlen aṭang khan ka panngai hleithei tawh lo a,ka hlauhna te pawh in min la kian san tak tak theilo.


Chumi avâng chuan mangchhia te ka neih phah fo a,a tak ram thleng a tawrh chhuahh châng ka nei bawk. Eng emaw hlek ah ka ṭi em em tawh a,hlauh ka ngah zual a,a bik takin in a mahni a awm ka hlau zual. In ah pakhat tal in min awmpui loh chuan ka awm ngam tawh lo a,kha thil khan nasa takin keimah ah nghawng a nei a,nupa nun hman chungchang ah ngei pawh reitak chu Gos-a nen pawh kan mutdun loh phah. Amah hian min hrethiam in min ṭanpui nasa êm a,nilo se chuan tun ang thla tlemtê ah hian nasa takin hma ka sawn thei hauh lo ang. Ka tan chuan ka pasal hi a hlu ve thlâwt. Min ngaihtuah bawk a,an hna nen midang lah hna nei leh class nei an ni bawk si a, Gos-a'n min khawngaih in nula a la ta tawp a. Kan nula chuan inchhûng chet a min pui pah in nileng chuan min awmpui ta ṭhin a,kan in lam a ka nu pawh in min ngaihtuah avangin a hman chang apiang in a rawn leng a min awmpui ṭhin.


" Au Zampui, biangpuartei a lak theih tawh em? Api in a pawm duh a " room pawn lam aṭangin Puitei kan nula chuan min rawn ko lauh lauh.

" Aw theih e, Gos..khawngkhar hawn sak lawk la " ka ti a. Min hnial lo in a tho ve nghal zat. Bawihtei a pawm tel bawk a, Puitei hnên a bawihtei a pek hnu ah ka bulah chuan an rawn in thawlh nghal than.

" I lû hi ala na ṭhin em? " Tiin ka lû chu a khawih pah. Remruata khân ka lu lam ah kut min lo thlak tel a,kha vang khan tun thleng in lu na neuh neuh ka neih phah bawk. Ka hua ani,a mah avâng hian khawlohna ka ngah phah lutuk.

" Tun hnai chuan a na khât. Chuan,engtik nge kan Court leh dawn? " Ka ti a. A ngawi vang vang.

" Thla tawp lampang hi ania " a ti zawi sap.


Remruata kha jail ah awm mahse lawyer lo ruai ve hnuhnawh in Court hial thlen a ngaih leh phah a, court ah te kan kal ve reng rih a ngai ta bawk a,court pawh kan lut chhuak zing tawh khawp mai. Mahse keini lam lawyer khan buaina awm loh tur thu a sawi a,mi in a luh rûk,mi kutthlak leh pawngsual avang te in thiamloh a chang anga,kum tam tak jail a tan ngei a beisei thu leh kan chan a ṭhat zawk zia te a sawi a,chu chu thleng ngei se ka ti bawk. A hna aṭang pawh in ban ani bawk.


" Gos, vântirhkoh i ni em? " Min en a,a nui chhuak hak.

" Chung em em chu ka ni thei dawn em ni? " A ti hliai.

" A chhan chu e,nang ang mipa hi khawvel ah hian an awm theih ka ring lo ani. Hriatthiamna,Khawngaihna,hmangaihna leh dawhtheihna i ngah lutuk a,mihring panngai i nih hi ka ring lo lek lek ṭhin "

" Pathian ah rinna ka nghat tlat a lawm,khang hriatthiamna,khawngaihna te, hmangaihna leh dawhtheihna keimah a awm zawng zawng hi a mah ka pa Pathian aṭang a chhuak vek ani e " tiin min chhang a.

" Keipawh nangmah ang a Pathian a tluk luh lehzual ka ngai anih hi " ka ti a. Kan sawi kan sawi dun tak ah chuan rilru ah ṭawngṭai a rawn lang a,zingkar pawh sawilo in kan nupa chuan kan ṭawngṭai dun ta tawp.


Kan ṭawngṭai zo, inhnuai chhuk hmâ a ka insil fai vel chu toothpaste ka khawih dâwn chuan pum no nei thut in ka luak a chhuak nghal ut ut!! ka uak ta tuarh tuarh a, inrinhlelhna ka neih tak thut ah chuan ka chhuak a,test kit hi kan kawl sa thlap vangin ka va dap rawk rawk. Gos-a'n enge tih min lo zawh pawh in ka chhang hman rih lo. Bathroom ah bawk lut in ka in test nghal vat. Result a lan hmâ chu ka chhuak lo a,ka nghak char char. Gos-a'n ka awm rei tawh vangin min lo ngaihtuah deuh aniang min ko a,kawngka a rawn sawi deuh chhen. Result a rawn lang a,kawngka pawh rang tawkin ka hawng nghal.


" Gos, ka rai leh ania!! "

" Chhei!!! Tak tak ami? " A ṭhawng ve deuh aniang a mengzau kawk mai. Test kit chu ka hmuh a,natna hrik tetakte hmuh tum ni awm fahran a hnai hian lo en.

" Bawihtei a la tê si engtin nge ni ang? Kum 1 êm pawh a la tling silo,mi'n mak min ti ngawt ang " Ka lo ti a. Mit ko lehlam san vah hian mi rawn en.

" A ho ê,kan chhangchhe ve deuh anga ni mai a lawm " alo ti sam et.

Tun ami hi chu Gos-a fa ani tih a chiang tawh a,Remruata kha chuan min khawih ngei a,mahse..mahse,sawi nuam anilo na chungin sawi lang ta tho ila, khatih lai bawr khan test kan nei a,ka s*rh ah mipa chi hmuh anilo a. Khami avâng khân ka rai loh phah bak ah harsatna dang la awm thei lak aṭangin kan him theih phah.


" Lunngai suh,hna kan zo tawh a,tûnah chuan zan lam ah pawh ka pui bawm thei tawh dâwn tho che a lawm. Kan awm ho anga,bawihtei pawh a nula a,api te a duh bawk êm êm bawk a"

" Tun mai ah kan nei dâwn lo a,bawihtei pawh an upa leh sawt hman dawn a" ati leh zung zung.

" Ani tho a,mahse nau a neih hunah duh ang in kan inkuah thei dawn silo a ka khawngaih lawk a lawm " a nui a,hahdam tur a min ti ni awm takin ka bân ah chuan dawm in min chul hliau hliau.

" A la hla lutuk,engpawh nise Pathian kut ah dah tawp ang. Ani'n kan tân a ṭha tur in ro min rel sak anga,bawihtei pawh a mi enkawl pui turin a kut ah kan hlan vek tawh bawk a. Amaha rinna zawng zawng kan nghah a,a remruat ang ang lo pawm a lo kalpui ve kha ani mai " tiin min hrilh.

*

Kar a liam a,thla hial a vei leh tak ah chuan bawihtei piancham te pawh kan lo thleng ve der tawh. U Nancy leh Gos-a ten an duat bawk a,a piancham vawikhat a hman ve na tur ani bawk nen pui thei ang ber a lawm an tia, chhûngkhat leh ṭhenrualtha te, ṭhenawm khawveng te sâwm in chaw kan ei khawm luih luih a,bawihtei lah in duhsaktu a ngah a thilpek pawh an dawng hnem mai!! Zan lam thleng in kan awm khâwm hlawm a, Bawihtei paw'n nuam a ti ve lutuk,a ai a û te ho inchhaih kual a en a,a ma tawk ah a hlim in a rak ve nasa. A pa lah hian a vengthawng lutuk a,naupang dangin a eng emaw ti zawng a an khawih ni a a ngaih hi chuan alo pawm leh daih zel a,a palian ve reuh nen naupang dang ho hian an pafa in pawm chu an lo en chho leh hâ ṭhin.


" Puih kha duh mai la a ṭha tur ania " Birthday lawmna hnawk zawng zawng leh naupang tlat na a bal awm te kei leh u Nancy, Puitei te ho in kan tifai vek a,ka hah ve deuh. Sana ka en a, dar 11:30 alo ri leh reng tawh. Zan tir aṭangin khaw awmdan an dik vaklo a,inleng haw hnu lawk khan ruah pawh a sur ta cherh cherh mai.

" Kan ti thei tho a lawm. Kha chu leh,a va awm nuam ar ar ve " bawihtei a pa nên a phone en dun ka kalsan kha a ngai ang ang in a pa mu zangthal âwm ah bawk in a lo muhil.

" Nichin ah a duh ka hre silo a,ka hmeh kual sak chhûng khan a ṭap a ka khawngaih lutuk " ati leh tawh. Tûnah chuan neihchhun ani rih a,a ṭah satliah ve te hian hrehawm a lo ti thei ania âw.

" I duat leh lutuk a,i bul ah chuan a pangchang zêl anihkha. Ka bulah te chuan a nula vel ar ar thei lutuk " ka ti a,ani alo nui suk.

" Ka duatlo phal ngang hleinem fanu neihchhun te chu. A biang te hi ka duhai in a puar tawhlo ka thin a rim " a ti vei hmuk a,nui chungin inbual tûrin bathroom lam ah ka luh san.


Ka inbual zawh chuan an lo in mut ṭhat tir tawh a. Ka sam suk ngei ngei a ngaih avâng a ka suk tak chu a la huh ṭhat deuh avangin khum a lawn ve ta mai lo chuan sofa ah ka ṭhu rih a. Hair dryer ka hman ngam rih loh avang leh room pawn lam a ka chhuah ngam loh avangin ka sam ro hun chu ka nghak deuh tawp. Sawi tawh ang in,ka thil tawn te avangin nasa takin ka rilru lam a buai phah a,mi â chu ka nilo mahse, hlauh te ngah ta êm a,ka awmna chhehvel an reh ṭhiap phei chuan ṭap ṭeuh khawp hian ka hlau ṭhin. Chuvang room pawn lam a sam chhem ro ta mai lo chu ka ni.


" Inhnuai lam ah tui ka la dâwn ania,ka rual in chhuk la i sam kha ti ro rawh. I mengrei lutuk palh ang " a ti a. Ka hlau tih hi a hria a,ka ngawih ker tawh hi chuan a hrethiam vat ṭhin.

" A ro hmâ a lawm " ti a zui ka tum lem loh vangin min chhuk san zui. A rual a kal chu rem viau mahse bawihtei a mah a kalsan chu ka ngaihtuah deuh.


Sam hru chungin room ah chuan ka awm a,bawihtei mu chu a khât tawk in ka en ka en bawk. Tun hnai chu a harh tirh hian ṭah a ching ve reuh ṭhin a,a bul ah pakhat tal kan awm loh phei chuan a ṭap hi a bâng lawk thei thin lo a,a mut hi chuan midang an awm anihloh chuan ka kalsan ngam vak ṭhin lo. Harh thut te a nei ve zeuh zeuh bawk nen.


" I pa chu a va rei reuh " ka ti a,towel dah in inhnuai lam chu kawngkhar aṭangin ka bih. Tumah ka hmuh loh avangin leh a reh ṭhiap vang chuan ka hlau deuh a,ka lut leh rih. Mahse Gos-a chu alo chho ta mai silo a,eng emaw an zuk tâwk emaw tih ngaihdan ka nei a. Bawihtei chu hreh deuh in ka kalsan.


Inhnuai ah ka chhuk thla a, mahse step chanve ka kal chuan kan kawngkapui hmachhawn zawng a Gos-a ding ka hmu a,mi biak nei in ka hre bawk. Thawm pawh ka dim lem lo,ka chhuk thla mawp mawp a. Zêp lo chuan ka hlau tawh ang reng,tinge tun ang tawh a kawngkhar hâwng a lo awm reng tih te ka ngaihtuah kual chho a ka hlau tawlh tawlh. Thawm ka dim miau loh vangin Gos-a chuan a hria aniang a rawn hawi ta ngei,a rawn hawi pah chuan a hmâ a ding hmeichhia ka hmu a. Ka pen lai ka chawl dat.


" Tlanpui " tiin ka phun zui sap bawk. A huh vek a,a hmêl lan dan chu hriatthiam a har. Reitak Gos-a a rawn be tawhlo a, Gos-a pawh ka block sak aṭang khan vawikhatmah hmuh tur pawh a rawn in lan leh tawh lo. Mahse tûnah a rawn inlan leh hlawl a, Gos-a a rawn beisei thar leh nge thil dak zawk.

" Ka lo han chho leh rih ange " tiin ka in her. Chutia ka hmu dun ringawt chu ka thik a,bakah hetiang hmuh ka beisei loh avangin ka rilru a buai deuh nuaih.

" Hetah chuan riah a rem lo ang. Ka hrilh tawh che kha, nupui ka nei tawh a. Tlangval ka ni tawhlo,beisei chi ka ni tawhlo ania Tlanpui " Gos-a'n atih ri ka hria a, inchung lam ah chuan ka chho zui hlawk hlawk.


Room ka thlen in ka sam ro mang lo nen chuan ka mu ta ngawt. Bawihtei lam ka hawi char char a, reilote ah Gos-a pawh a rawn lut. Kawngkhar a kalh rik khep rual chuan ka mit chhing in hmui ka chip hmak.


" Lo tho lawk teh " muthilh na hman a la awm miau loh avangin ka la mu lo tih a chiang aniang mi rawn be zui nghal.

" Tho lawk teh " ka chet miahloh vangin ati leh.

" Ka ning ka peih lo " ka lo tih san leh hmak.

" Engmah kan ti lo ania. Min hmuh tumin an rawn kal aniang,inhnuai lam a ka chhuk lai tak khân kawngkhar a rawn kik a,chutin engmah pawh kan sawi chuanglo "

" Ka hria a lawm " ka ti leh tawp. Awmze neilo in ka thik a,chu chuan ka mood a ti chhe vek.

" Lo tho teh " ka bân a dawm meuh in a ti a,min tung tho ti tih.

Tih luih reng ka peih bik chuangloh avângin ka ṭhu ṭha veleh mai.

" I thinrim em ni? " A ti a,hnai deuh ah hian mi en kher.

" Ka hrelo "

" Engmah kan tilo tak tak ania. Ngai kawi suh "

" Ka hmelchhe bik sia, Tlanpuii a hmelṭha in ala nalh ropui si " ka ti chhuak phawng! Ṭha ka ti tak tak miah lo thung.

" Mawl lutuk!! I ṭha daih zawk. Khatiang khân ngaihtuah tawh reng reng suh,ka pen awk mai tur che asin " a lo ti hmak.

" Ka hmangaih che ania, i bialnu hlui ai a ka hmelchhiat leh zur hun ah pawh min kalsan miah suh. Min tiam vek tawh kha " ka ti sep.

A nui suk a,ka hmui ah chuan dim te hian a rawn fawp.

" Engtikahmah ka kalsan lo ang che. Pathian hmâ ah ngei kan intiam tawh a, ka thutiam hi engtikahmah ka bawhchhe ngailo ang " tiin ka kut chu an chelh zui a " Ka nupui ni tawh mahla, hmân ang tho khan i lak ah hian ka la luangliam reng ania " a ti nawn leh.


A hmêl chu ka en vang vang a, Vangelo a vâng a ka vanneih zia te ngaihtuah chungin ka nui ta sep.



‍🩹Tawp ho in ti em? ho ka tilo keichuan short story tur a ka tih mai kha ania,tum ai in ka ziak rei zawk. Engpawh nise, a tawp thut a, a tawp dan pawh in duhthusam anilo mai thei a, sorry nghal vek u🫢chuan, a tir aṭang a atawp thleng a min chhiar sak tu te inchung ah ka lawm em em e🫰 Pathian in rem atih a,kan dam chuan HERMANO S2 nen kan in hmu leh thuai dawn nia. Luv u all🫶🫶‍🩹