SUBTLE LOVE By BEARR CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: SUBTLE LOVE By BEARR CHHAKCHHUAK (Completed)

Unread post by Ngaia » June 7th, 2020, 8:24 pm

CHAPTER - 25🍂









Chupa chuan min pawm chhuak in car ah min nghat lut a,lo tal a tlanchhuah tum na chhete mah pawh ka neilo..mahse mansion pan lo a ka kawi khawmuang kha ka in chhir ani mahni a awm thawven ka duh luat ah ka tang ta zawk chu anih hi













"party na ah chuan kan hruai tak tak dawn em ni?" hmeichhe hlauthawng aw tih hriat tak hian ka thut na seat ve tho ah hian arawn ti chhuak a,min pawm chhuak tu pa lah chuan vin zet hian ngawi turin ati nghal ringawt " ka tihpalh lutuk aw..bul ka tan tawh sia min ngaidam dawn nia" ka ban puam ah a rawn vuan a keimah ngaihdam min dil tih ka hre chiah













"Ngati nge..?" ka hriat thiamloh em vang chuan ka han ti a,a lam pawh ka hawi thei chuanglo ka zawi ang reng lutuk bak ah ka mut a chhuak nimai te hian ka hria ka awmdan hi!













"Hey hmeichhia I va nem ta ve minutes reilote liam ta a damdawi pe tu kha nangmah ngei hi I nihkha
..tawng tam vak suh aw anihloh chuan he nu ang hian I awm ve palh mai ange,,duh I thlang tawh a I duhthlan na ah chuan I ding nghet ang I chhungkua nge henu hi i chhanhim dawn?" chupa thusawi pawh chu ka la hrethiam ve chuanglo engati nge thil mak deuh deuh hi an sawi dun le













"Awle..ka hrethiam e" chupa aw aṭang ringawt pawh Chuan a nel awm loh em a chunu pawh Chuan ka ban puam a vawn na pawh a thlah ta daih a car chu ti nung in kan tlanchhuak nghal bawk,mi ti buai tur ringawt a min hruai tur chu mak ka tih piah lam ah enge an tan hlawk na aw. a ang ka hrelo mahse ti turin min ti a ka ti ngei bawk ang













"Tah hian minlo nghak ang che" rei pawh kan la tlan meuhlo tihin car Chu ati ding a a chhuak tih ka hria, Reilote ah ka ban arawn man chawt a min pawt chhuak nghal dawr dawr bawk.. mutchhuak chau rau ang maiin ka awm ka tih tawh kha a âwm ngheng chuan ka ding kawi nguaih bawk a













"enge ila tih dawn? party na a kal pui tur kan nih kha!" hmeichhia pawh chuan arawn ti zui lang lang a,car kawngka ri leh ah chuan a rawn chhuak ve ani mai thei chupa chuan tha deuh a ka din theih nan ka kawng lam ah min kuah a ka taksa chu a taksa si chet in min nem er nghal zat













"Ngawi la car ah lut rawh,kan rawn let hma chuan minlo nghak ang che buaina I siam tur anilo.. anihloh chuan helai hmun ah hian I ruang ka phum bo ang..I hrethiam em car ah lut nghal rawh..Daniel Pentagon a khawih chhiat tawh hnu mai mai hian thianghlim na a nei tawh hleinem"













Ka beng kâwm ah te chuan a rawn liak vel a ka lo thle sawn ve daih bawk,min in her pui in kan in her na hmalam ah chuan min kalpui a Kan awm na lai vel hi a reh tha lutuk mi kal zen zen loh na aniang ka ring,bak ah nichin lawk aṭang khan kawngpui metal road ah kan kal tawhlo tih ka hria lei ṭhil ang deuh ah kan kal char char tawh













"a na..!" chupa nen kan kal dun lai chuan thil ari chawrh a hmalam ah ka tlu bawk nghal thlawp bawk,min kuah tupa ban in min delh bawk nen a tho chhuak theilo a mahse tu emaw hian min rawn pawt tho nghal lawp a ka tluk na ka khabe leh hmun dang a lung te ṭhil kai te chu min ben fai sak mawlh mawlh bawk













"Khatiang a ti tur a tirh kan ni lo... aLo kal rawh,min zui rawh hepa hian pawngsual che atum ania tlanbo vat ang" car a ngaihdam min dil tu nu aw bawk kha ani min kaiin a hriat na lam kawng ah kan kal zel a hnunglam ah thinrim hmel tak a aw chhuah tu hian hlat hmel tak aṭang in min rawn au bawk min kai tunu erawh chuan min din pui chu sawiloh theih ang ang a chak in min tlan pui thung













"aw..awle hetah hian kan him rih ang" a hlauthawng chu a aw chhuak pawh dang awk ang mai ani tawh,min thut tir a ngawi tlat tur a min ti in in si rial chuan kan thu dun a a ni chu a hlauthawng piah lam ah a hah zual aniang thawk rin hlauh hmel deuh hian a thaw hrawk hrawk a













"Daniel a bul ah ka kal duh, birthday party na ah kal pui turin ka tiam vek tawh asin...min zawng nasa lutuk tawh ang.. Damon a birthday ania Daniel an kalpui turin min duh a..."













"Mr Daniel a bul ah chuan ka hruai theilo ang che ka tihpalh ani min hrethiam rawh,mahse ka chhanhim ang che tih ka tiam e" ka kut ah hum in thlamuang tur chuan min ben sak thek thek a,mak tak maiin ka nu min ti hrechhuak daih! kum tam tak chu ka nu hrechhuak lo hian engkim ka tawng tawh mahse tun ami hian ka nu awlsam takin min hriatchhuah tir thung si













"Ngati nge min hruai theihloh a? minlo nghak tawh asin tibuai tur leh party a buai na siam turin min ti anihkha tinge abul ah chuan kan kal leh theih siloh a?" tibuai tur a min ti chu thuhran ka ngai tawh a him deuhin abul ah awm leh ka chak tawh













"Miss Dilbara ka sawi tur hi ngun deuhin lo ngaithla rawh, Chuan a hmasa in ngaihdam ka dil nawn leh che kei hi Julian Cole ka nia a hma chuan reporter ka ni thin Mr Daniel an min ban hma kha chuan...chupawh a in kawt a I thla ka lak fuh thai bo na tur chauh in" chutia a sawi chu Daniel a in kawt a ka thlalak chungchang kha a ma post vek alo nih Chu!













"Min ban tir khan ka la na in ka thinrim em em a,a chhan chu ka chhungkaw chawm tu ber ka nih vang ani..keichuan reporter ka nih na ang in mi lian leh hausa te chungchang ngat phei chuan min kai san tir dawt thei tih ka hria a ka tih tur leh hnathawh tur ti ah ka in ngai mai a,mahse Mr Daniel khan a pawm velo"













"Mr Daniel leh Miss Lory te thlalak rawn thawn thin tu che pawh kha keimah hi ka nia..a chhan chu phuba lak ka duh ani..mahse ka tih Dillon Zia ka hria a mahse ka tawp san theilo..hmeichhe pakhat lak ah ka tang a a duh ang a ka tihloh chuan ka fa leh ka chhungkua ten an tuar ang tiin min vau a hetiang hi ka thlen phah ani"













"Tunge chu chu?" Ka sawi zo chiah a min kai tho in min kalpui leh nghal dawr dawr a kawngpui kan thlen rualin motor pakhat a phar ding a min nam lut rawk rawk in a tlan chhuah tir nghal a "Daniel a bul ah min hruai dawn tiraw?"













"Aw ka hruai ang che..mahse khawngaih in engmah sawi chhuaklo hram rawh aw Mr Daniel an jail min tan tir duh ngei ang jail ka tang anihchuan ka chhungkua te ei tur neilo in an awm mai ang..tun ah pawh an nun na thap in thil pawi ka ti tawh anih hi khawngaih in engmah sawi suh aw"





________________________________


★ Daniel POV ★









"Boss a rawn kal chu I ring amaw? programme hman chhung in ka lo zawng kual dawn em ni?" pawn lam melh in ka hawi chhuak a diktak chuan khawi hmun ah mai pawh hmuh in ring em em in ka awm ani ber Damon takngial pawh a hranpa in ka la hmulo Dilbara ka call tlang theilo a hetah a rawn kal tlang ka rin vangin ka chak hran loh tak Lory hruai in ka kal ta anihkha













"A ngailo... tun a ṭang a darkar chanve ah pawh ala rawn lan loh chuan police te nen a ruk in zawng ang che u...a chung ah a thil thalo a thleng anih vaih chuan enge ka tih dawn ka sawi theilo ania..." ka wine dawm lai chu chawl map lo in vawikhat ah ka tlak nghal vek a Jonathan a kalsawn chiah tihin Lory bawk arawn lang zui leh













"Daniel..ilo in mai a! nakin atan khek zawk ta che bak ah nang hi Dilbara ringawt ami ila ngaihtuah a? enteh ka sawi ve theih ani em chu ka hrelo a mahse lo kal tur chu ni se la arawn kal daih tawh ang chu ka ti...nangpawn kal angaih thu te pawh I hrilh chu a nia nga..ngai pawimawh che sela chu arawn lan ahun tawh viau I ti velo ami?"













Mood chhiat sa nak laiin Lory chuan ka mood ti chhe zual turin tawngkam eng eng emaw a rawn nei zui ka no dawm lai pawh ka hum keh loh chauh tawh.. engvang teh hrep a helai party na hmun phiangsen ah hian kal nge ka nih pawh ka in hre teh hrep lo Dilbara ngaihsak zui lo helai ka thleng hi ka mawl takzet ani..ka nu leh pa Damon nen lam an rawn kal ta chu theihtawp a nasa in ka lo in sum ve bawk













Ka farnu..he in chhung ka rah tawh a piang a phi chung thin leh min si chet lo a awm ngai miahlo kha a rawn tel ve miahlo chu mak ka ti letling zawk..nidang ang chu nise Dilbara ka kiang ah a awm vang ringawt pawhin buaina a siam leh duh tawh ang chu...tun ah rih chuan ani chu sawiloh Dilbara takngial pawh ka kiang ah a awmlo













"Ka fapa..I rawn kal chu a lawm awm hle mai, Damon pawh a lawm zual sawt dawn anihkha..ani lawm ni ka fapa?" ka pa phur hmel te chuan ka thin an ti rim lek lek zawk Damon pawh keimah min chik ru tak si in a nui ve sup a kei erawh in ka lo en nelawm viau lo,a chhan chu Dilbara chauh ka ngaihtuah vang ani













"Daniel ka be lawk thei che angem?" a hma aṭang a awm velo ka farnu Jasmine chuan kan awm na piah lawk a ding in arawn ti a ka nu erawh in nakin a sawi mai turin alo ti vat a chhan pawh ka hria Lory kalsan tur a min duhloh vang ani "a pawimawh ania" arawn tih leh tak ah chuan ka coat siamtha zeuh in ka phei a













"enge I sawi duh? sawi nan minutes tlem te chiah I nei sawi nghal rawh" ka sana en vut pahin ka ti a nui sup in thinrim hmel zet chuan kawngka lam a hawi a,ka farnu leh nau anih na ang in kawng thenkhat ah chuan keimah ang mai ani a rilru put hmang diklo zet te tello hian













"Lory duh silo hi ngati nge khanu bul a awmlo khan i rawn kalpui tih ka hre chak mawle" a thusawi nilo a zawhna ho lutuk vang chuan ka in hum ruh tung a,tun a ka rilruk ber tawh chu he hmun phiangsen aṭang a chhuah a Dilbara zawn ani..a awm veloh na chu khawi mah nuam ka ti chuanglo













"Chutiang thu ho mai mai ka sawi hman lo... Dilbara hi ka hmangaih a q hmeichhe dang engatan mah ka tilo bawk" kal chhuah ka tum a ka ban ah minlo vuan leh chu rum nghut in ka thlah tir nghal bawk " ka sawi tawh kha unaupa ang a min en theilo anihchuan kan inhmu khat tawh viau ang"













"Ka hrethiam reng...tun ah pawh harsa ti chung chung in ka beih ve mek hi min duh em em tu ka tawng a vawi tam tak ka hnawl tawh nangmah vangin mahse midang ang lo takin min la nghak reng a chuan chance min pe duh silo a ka chhang anihkha... nangmah vangin ka duhloh thil pawh ka tih phah anih hi"













"Engtik ah mah chance chu ka pe lo ang che tih I Chiang..i thil tih hi a tha em tih ngaihna ka hrelo thung,kei leh Dilbara tan buaina I siam loh chhung chuan farnu tha tak ang in ka en reng ang che tih erawh I hre dawn nia.. unaupa tha tak neih i duh chuan fel takin awm la Dilbara I ti buai lo bawk ang"













"Tibuai tu ka ni hleinem..I hmangaih i Chu hmeichhe dangin an tibuai ni in ka hria I ngaihtuah viau chuan kal la va ngaihven vat rawh" Dilbara pawn ah a awm thu a sawi vangin engthil dang mah ka ngaihtuah thei tawhlo tlan chhuah nghal ka tum a " Daniel farnu sual tak chu ka ni biklo ania.. Dilbara tan pawh theihtawp ka chhuah"













Ka chhang let lo na chungin ka nuih ve sup..Chu pawh Dilbara awm hnaih vang chauh ani hmanhmawh takin ka kal chhuak a taxi pakhat ah hmeichhe pakhat lut in alo tlan chhuak hman a Dilbara erawh Jonathan nen anlo in dawm ding a,eng emaw tak athleng ani tih ka hre nghal mai Jonathan kuah na pawh thlak sak pahin ka hma ah ngil zet chuan ka din tir a,a zawi viau tih erawh ka hre thung













"engkim min hrilh rawh" a ban bul ah na takin ka hmer a en pawh min tum hranlo ni ber in ka hria,a lu a bu leh nghut nghut bawk a sam tla chhum te chu ka kut lehlam chuan ka hui kian sak bawk "eng emaw I chung ah a thleng tiraw? a dik em,chu thil ti tu chu min hrilh rawh na leh hreawm thei ang ber in ka siam ang"













"Damdawi eng emaw ruih a nei in ka hria.. doctor check tir vat ila athat ka ring Boss" Jonathan lo tawng ve chu ngawi turin ka ti a ngun thluk zet in Dilbara awmdan vel chu ka en a entir a ngai dawn tih chu chu ka hmuh phat aṭang khan ka hre tawh..eng emaw tal min hrilh phawt turin ka duh ani..a chung a he thil ti tu hi ka hriatchhuah Chuan ka awm mai mai tir lo ang














"Tu thil tih nge min hrilh rawh...ka zawng hmu anga he thil I chung a a tih vang hian hrem na na tak ka pek loh pawhin ka pawt sawm vek ang,,min hrilh rawh Dilbara" a hmai ah chuan ka beng thak thak a,a rawn tap chhuak ta ringawt! chhuak em em hian a tap a ngawi rengin Jonathan nen kan en reng tap zo phawt sela engkim a sawi thei zawk mahna













"Min hmangaih lo ami? min hmangaih lo antia chuvang in ka tap anih hi tinge min hmangaih ve loh a! I phakar emai keimah chauhin ka hmangaih tur che ami?" ka âwm ah chuan a rawn chum ve nghek nghek a nasa leh ring zet in a tap bawk,in chhung lam a awm te an rawn chhuak ta tliar tliar a ka nu lawm lutuk lo hmel pawh midang kar atangin ka hmu nghal chat bawk













"Lory ai pawhin ka hmangaih che a sin,mahse Lory chauh I hmangaih bik a a fair lo emai Daniel" midang zawng zawng hma a min hmangaih thu a sawi chuan hun lo viau mahse min ti nui tlat pek a! a hmui peh huh hnawm chap te chu uluk takin ka en a, hmeichhe dang ang tho ni mahse a mah ah hian thil mak leh danglam hi chu a awm ani













"Daniel khanu thusawi kha ring miah suh" ka nu a rawn tawng chhuah phat atangin ka thinrim a in tan lehnghal der tawh! ngaihsak tha duhlo in in sum tak chuan Jonathan hnen ah tui la turin ka ti a car a bottle pakhat chu min rawn pek rualin ka hawng a Dilbara lu aṭang chuan ka leih thla piap piap a hreawm a tih hmel loh a mahse a phu zuk, hospital kal hma in hei ai hian a harh angai tlat engkim hriat ka ngai bawk













"Daniel kalsan teh..hei kan khual tha ten an en reng che hi khatiang hmeichhia tawp lutuk tanpui kha a ngai hleinem a mamawh zat te chu nakin ah sawi sela kan buaipui leh mai dawn nia..Damon a cake takngial pawh kan la zai lo ania" ka lo rum nghut a ka nu tihloh ka pa chen in an ngawi thap "minlo hrethiam ru,ka fapa hi chuan midang tanpui hi a peih leh lutuk a, tihian an rawn pan leh tawp thin anih hi lo hrethiam hram rawh u aw"













"Duhtawk rawh...anihloh Chuan I duhloh dan in ka tawng chhuak ve palh mai ange Ka nu" ngeiawm takin ka nuih sup a ka pa chuan thawk lak halh pahin kan vai chuan min luh san ta daih a, Dilbara kuah in car ah luh pui ka tum a ka nu a rawn thleng phei nghal vat bawk Dilbara zawk ban ah a rawn vuan nghal chat a keiin ka lo vuan ve bawk













"Daniel,he nu hi I hrechiang lo anihkha a bum che ania aw nangmah hi a hmangaih hleinem che I pawisa chauh alawm a duh... nangmah hmangaih tu diktak chu Lory ania sin..he,,he hmeichhia hian I pawisa chauh aduh I hria em a pa pawh jail tang ania a damloh vangin hospital ah zai angai a henu hi ka hnen ah rawn kal in nangmah pawisa puk dil tur che in min rawn vau asin!"














"I hnen ah 2 million ka dil che kha I hria tiraw kha kha alawm,ka sawichhuah chuan tih hmingchhiat che a tum thu a sawi a Lory pawh hian a hria alawm...mahse ka fapa I nia I hmingchhiat ka duhloh vangin a duh dan chuan ka ti ta mai zawk ani..henu hi mi phakar leh sum duh lutuk hmeichhia anih hi mi hausa nilo la chuan a rawn pan tawp lo ang che, hmangaih che chu sawiloh I pawisa hmang in mi hausa nih a tum anih hi"













"Ngawi rawh ka nu.." Dilbara en reng pahin ka ti a ka Dilbara pawh tui ka leih vang nge harh ta hlek ang in a rawn meng fiah a ka nu thusawi chu mak tih hmel takin takin a awm bawk,a hmai a tui luang thla te chu ka hruk hul sak a tun ah chuan engpawh nise hospital bak kalpui tum na ka nei rihlo













"engvang in nge ka ngawih ang..ka fapa hmingchhiat hi ka phal reng reng hleinem a tul anih chuan henu thil tih dang zawng zawng hi ka sawi chhuak vek ang" confi lutuk a ka nu tawng dan chuan min ti thinrim zawk..ka hriat tur leh thudik chu Dilbara hian min hrilh tawhin ka hria













"Ngawi tawh rawh ka tih chu! ani thil tih hi kei hian ka hriatpui vek...chuan nang ve I fapa ka nia ka hmingchhiat I duhlo ani lawm ni.. anihchuan engvang in nge ani hi diklo takin I puh ngam ka hma ah lehnghal! I fapa ka ni chungin ka hriat miahloh in ka hmangaih hmeichhia hi ilo hmang a bawk a...a dik tiraw?













"Daniel enge maw I sawi le! engthil nge kei in ka sawi dikloh a? henu bum tum na che ka sawi mai ania..ka fapa i tan a tha tur ka tih laiin nang chuan he bum hmang nu hi ila tan a maw!" Dilbara chu Jonathan hnen ah ka thianpa hospital lo va pan pui turin ka ti a a lak sawn rualin ka nu hma ah ka va ding nghal chat bawk













"ka hmingchhiat duh silo hian engvang in nge a fapa hriat miahloh thil atih tih hi ka hre duh ani..ka zawhna min chhang thei anihchuan Dilbara chung a i thil lo tih tawh te a chanve tal pawh ka ngaidam thei mai thei che asin" ka thinrim em a kan chhungkua leh Dilbara inkar a buaina ni mahse midang awm ve chu ka pawisa tawhlo













"enge I sawi hi le! I nu ngei pawh saw nu vang sawn min do dawn amaw? ka fapa I nihkha Daniel ka chawm leh enkawl seilen I nihkha I nu hi min kalh tur anilo asin..eng thil chu nge ka tih sawi la" ka coat nghawng ah chuan tham in rilru nat hmel zet chuan min en a lem a chang tih erawh a fapa bawk hian ka hai lo nasa













"I hre duh amaw? nangmah ngeiin a I thil tih Chu heng ho zawng zawng hma ah hian ka sawichhuah I duh tak tak a maw?" midang awm ve te chu lalber eng mai a in dah sang vah pahin ka en a Damon pawhin a birthday party boruak chhia ai pawhin ka nu thil tih hriatchak vangin a in seh ruh tih ka hmu thei " I fapa pakhat zawk chung ah hi chuan I tih veloh angai ang.. anihloh chuan kei hi ka ngawi mai mai tawh lo ang"













Ka thil tih dan engkim chu a mal te te in ka sawichhuak a..a mitmeng a hlauhthawn na pawh ka hmu thei ngawi tur a min ti in a thinrim chu in chhung lam ah a tlan in a tlan lut a " I lam ah ka tang tlat ania.." Damon pawh unaupa tha tak a rawn ni e " Dilbara kha hmeichhe dang dai tak ani..hlim takin awm ang che u.. in zavai in ngaihdam ka dil che u mahse zan in atan chuan party tih tawp ani e"













"Daniel khatin I nu chhanglet mah ta che nangmah hring tu che ania,I tan a hmeichhe thalo hnawh kian sak che a tum anihkha hrethiam ta che,nu a nih na ang in I tan a tha ber a ngaihtuah ve anihkha" ka ban puam a rawn chelh tu chu ka lo phih thla pawp a hlauh hmel takin min en bawk













"Ka hmangaih tihnat tum leh a piang chu tupawh nise damin ka chhuah tawhlo ang...he thil ah hian I lo inrawlh ve anih vaih chuan nangpawh ka awm tir mai mai lo ang che,chu chu hre rawh" ka thinrim tawh em vangin ka duh duh ka sawi piap piap a Dilbara tihnat tum tu erawh na thei ang ber in ka siam ang













Car ah lut in Dilbara te awm na lam panin ka in khalh chhuak veleh nghal a, hospital ka va thlen meuh Chuan anlo check zo lo aniang a chhung aṭang a pawn lam rawn panin Jonathan a lo kal mek a..a rawn let leh hma dan ah buaina a nei deuh ani ngei ang,chu chu ka duh dan lo ber ani kawngka panin ka kal chhuak nghal a kan intawk ta chiah bawk













"Doctor in damdawi chawh pawlh pek anih thu a sawi a..a taksa aṭang in tun ah an la chhuak dawn mek,a bak ah chuan a ngaih tuah awmlo anti anihchu" a dar ah chuan ben thak thak pahin kan in zui lut dawn a ka car ( ka sawi awmzia chu ka car pakhat Dilbara leh Jonathan te pahnih hospital pan na car kha) kawngka ri rawk ah chuan ka hawi let a mipa pakhat hian ka car chhung chu endik ni awm tak ani













"Tunge..?" Jonathan tawng rual rualin chupa chu tlan chhiat lehnghal a tum a Jonathan pawh in a um zui nghal bawk,a kawr nghawng ah man in a pawt let dawrh a chupa pawh chu tlawm mai tum lo in a lo bei let a Jonathan nen pawh an in chai tawk viau e " Tunge I nih sawi nghal rawh, anihloh chuan police hnen ah kan hlan ang che" a tawp ah Jonathan chuan hneh takin a tuk zal nghal mai a













"Tunge ka nih in hriat ve a tullo e" chapo leh hlauh neilo zet lei a Jonathan nam beh reng chu ka pan a rum takin minlo melh zui nghal bawk " nanghi maw Daniel Pentagon chu,I bialnu duhawm zet fawp tu ka ni tih I hria em? Chu ai a thui pawh kan kal mai thei damdawi a rui khan sex chauh a ngaihtuah"













Hepa phiangsen hian enge ka chung ah tih a duh ka hre hrep lo,ka hmangaih chungchang a sawi avang erawh in tun ah pawh hian pawh sawn vek ka duh..mahse tun a tih tur tha ber anilo hetiang a a rawn chet ngawt dan ah hian tu emaw hetiang tih tir tu hi an awm tih ka hre mai..Chu mihring phiangsen Chu tupawh nise ka chhuah lo ang













"Hruai rawh.." Jonathan hnen ah tih pahin ka phone ka phawrh a Jonathan pawhin min hnial lo in a pawt tho lawp a vawi tam hnek in a zal zarh hnu chuan car ah a nawr lut rawk rawk " Dilbara lo awmpui ang che, darkar khat hnu ah ka rawn let leh ang tih ilo hrilh dawn nia" hospital hming te hrilh in Tory Chu Dilbara awmpui turin ka call a keini erawh thil dang ti turin kan tlan chhuak




*



*




"I duhtawk in min khawih rawh,engmah ka hrilh chuanglo ang che" a kâ a tang a thi chhuak chhah chhuah thawt pahin rum zet chuan min melh a,a hma ah chair pakhat chu dahin ka thu thla a ka mal ah kiau nghat in ka kut hnih chu ka suih than bawk













"engatan mah ka ti vak hleinem,nang lah chuan ka ngaih pawimawh miahloh thil chu I theihtawp..nilo na tuar chung pawhin ilo zep tang tang ania..I khawngaih thlak hle mai helai hmun ah kan in hmachhawn chhan hi I chianglo zawk pawh ani mai thei ani" ngeiawm lutuk in ka ti let ve a rum nghut in ka hma ah chuan a thi bawk a rawn chhak leh a ka lo in hum ruh hman tawh













"Helai a min hruai chhan hi engkim ka hria,khanu chung a thil ti tu hriat I duh vang ani lawm ni,ka hrilh ang che ka lak aṭang chuan engmah I hrelo ang hei erawh ka hrilh mai mai ang che,i bialnu thianghlim na pawh nei tawhlo khan thih bak hmabak a nei tawhlo athih na tur in a hmuak mek" a nui chu ka thin in a tuar ngang loh vangin ka tho lawk a ka tlawh thal nghal tawp













"Zawng phiangsen,ka hmeichhia ilo khawih amaw! ka that dawn chiang lutuk che" thut chilh in ka hnek nghal hmiah hmiah bawk tumah mindang tu tur an awmlo bawk a ka thinrim a reh hma chuan thi dawn pawh nise ka khawih char char ang tih rilru pu in ka hnek hmiah hmiah













"Boss a thih chuan buaina lian zawk ah kan in hnuk lut dawn ania" Jonathan chuan min rawn kuai a ka lo phih thla nghal pawp a ka hnek zui leh hmiah hmiah,ka duhtawk a na in ka khawih hnu chuan ka tawp san thei hram ka coat hak lai hlip in lei ah ka vawm thla nawk a ka kamiz kawr ban thlep chho in chupa lei a mu zal reng chu ka melh leh thin,hnek lehnghal mai hi ka duh ka hmeichhia a sawi dan khan ka thin a ti rim hluah hluah













"I thinrim hle mai maw,I bialnu thianghlim loh thu mai mai pawhin a ti thinrim che chu ania mi hausa nep tak I ni...min hrilh teh,nangpawh in I khawih chhiat tawh chu lo khawih ve mahila enge a pawi na hmeichhe tenawm ani tho tho" a lam ah kal in a nak ah chuan ka chhir nghal zawt a a thaw nghal hrawk hrawk bawk,kei erawh in nuam ka ti takzet thung Dilbara phuba la ang mai ah ka in ngai













"Khanu phiangsen kha awmlo se chuan ka ta ah ka siam ni mai tur,khanu phiangsen pawh kha ka zawng hmu anga ani pawh ka that ang" a thusawi kal hmang ah chuan a ruk te in ka lo thaw huai a Dilbara a khawih chhe hman emaw ka ti tawh, vanneih thlak lutuk in alo la khawih hmanlo tih a thusawi ah ka hre mai ka awm a nuam huai bawk ka hmangaih hi tuman an khawih dawnlo hrim hrim













"Tun ah hian na tak tuar in ka dah bo thei che tih I hria em? ka tan chuan a harsa lo tih pawh I hre tel ang chu tiraw?" a kawr nghawng ah ka kut khat a tham in ka pawt dak deuh awrh a a thi chhuak te chu ngeiawm takin ka nuih sak vel bawk a " nang chauh hi he thil a in rawlh I nilo tih ka hria, engkim min hrilh la I hrem na pawh a nep deuh mai thei asin"













Ka chhungril tak erawh chuan khawih hrep ka chak,mahse ka tum miahloh hian ka zaidam leh tlat thin engvang phiangsen chu nge ni ka hmangaih alo ruk bo hnu pawhin a chung ah zah ngaihna ka la tih lan ni! a lu thing mut mut in ka hnen ah engmah a sawi chhuah dawnloh thu a sawi a a na tuar erawh a in seh ruh nasa in a nak ka hnek na te nen a khuh bawrh bawrh













"Ka hrilh ang che maw,teuhlo hmeichhe pakhat hmangaih in I a zo tawh anihkha nang ang mihring nep lutuk hian engtin nge mipa ka ni ila in tih theih,khawngaih thlak lutuk hmeichhe mawl lutuk bum na thang ah I tang mek chu ania!"













"Jonathan lo va chhuak rawh" ka tie ka pawh thawl tawh pawh chu duhtawk lo in ka pawt hlip a chhuat ah paih in Jonathan chhuak chiah chu kan din na piah a thing zai bung ka la lawk a ka thinrim in up bet tawh chu in sum thei tawhlo in vawilehkhat ah ka hlap thal tawp













"police hnen ah hlan ang che, a in puan hma Chu dawp rawh se" kan awm na hmun chhuahsan pahin ka ti a car dang min rawn hruai tur a call in a rawn thlen chuan hospital bawk kan pan leh a Jonathan erawh kha pa nen khan police station panin an in khalh chhuak tawh,ka hmangaih tih nat tum chu ka chhuah mai mai tawhlo ang ka nu pawh ni rawh se





___________________________________






"Tory,, engtik ah nge alo kal ang?" sir lam hawi in hnungchhawn zawng a ka khum sir lawk a thu chu ka bia a Tory thawm nilo thawm dang a rawn awm tak vangin ka in let nghal thawk Daniel ngei a rawn lut a mahse a lan dan chu a mak,ka sawi thiam chiahlo Chuan coat chung pawh a ha tawh lo bawk













"Khawi ah nge I kal daih a? Ka mangang hman tep a sin"ka khum a rawn thu thla fel chiah tihin thlahlel em em chuan ka kuah nghal vat a ka hnung ah min chul sak nghal heuh heuh bawk,min chhanglo a a thinphu rang lutuk erawh ka hre thei thung













"I him na tur ngaihtuah in ka chhuak lawk anihkha, hlauthawng suh khawi ah mah ka kalsan lo ang che hetah I bul ah ka awm hi" ka sam ah chuan fawp zeuhin min mut that tir a,a awm tawh vangin Tory pawh haw a chawl hahdam turin ati tel bawk "enge I an tawh,a hma ang in I harh tha tawh em?"













"Hey,,sual suh a hma pawn ka harh over ngai ami a! ka tha lutuk min ngaihtuah suh mahse Daniel khapa khan ih englo a mah fawp tur khan min ti a" a meng dur nghal khup in ka hria,mahse a lak ah hian zep neih a ngai tawhlo ka nat phah na tur pawh nise ka hrilh hre vek tawh ang " enge ka chung ah khan thleng pawh ka hrelo khatia a rawn kal hnai kha ka fawp nghal ringawt a! tih pawh ka tum lo ka ngaihtuah dan lo ang in ka che ani ber!"













"Damdawi vang anihkha, ngahmah ngai suh theihnghilh vang vang rawh" a thinrim emaw ka tih laiin zaidam deuh chuan a rawn ti a ka chal ah a rawn fawp zui nghal bawk "Chuan min hrilh loh ila neih kha engtin nge ni ang,ka nu thusawi kha I hre ve vek tih ka hria,I pa enkawl nan ka nu ilo vau maw?"













"enga! enge I sawi awmzia engkim ka hrilh vek tawh che kha I nu ka vau lo hrim hrim amah khan pawisa kha min pek sak zawk a chuan.." khatia min mawh puh theih nan khan alo ruahman vek anihkha keiin engmah ngaihtuah lo in ka lo pawm ringawt bawk a! a thang ah min awh tir in Daniel nen kan in kar min tih tawp sak a tum anih hi













"Chuan ilo pawm a,thil dang zawng zawng min hrilh in kha thil kha I zep bawk a engvang in? ka thinrim anga kan in kar a tawp theih nan...a dik em I pa leh pawisa hmang a kan inkar lo tih tawp tho chu I tum tihna ani maw" a mit ti zim sun in chik deuh chuan min en a tho chhuak in thuthleng pakhat leh dawhkan pakhat awm na chu a pan a ka room hi Private anih vangin engkim a awm deuh vek













"Daniel enge maw I sawi le! ka hmangaih che a engkim ka hrilh bawk che hetiang hi a thlen ka ringlo I nu khan dawt in min puh ang tih ka ring pha bik hauhlo min puh pawh nise dawt anihkha,ka hmangaih che a then tum na che rilru ka nei tawhlo hrim hrim" thuthleng ah ava thut daih vangin ka tho chuuak a a hma ah tak chuan ka va ding nghal













"Min hmangaih maw?" ka lo bu nghauh nghauh a lawm hmel pawh a pu lo a nui daih anihchu! tinge hetia a zia a thlak tak thut pawh ka hrelo midang ang maiin a awm ni ber hian ka hria " min hmangaih tak tak lo in ka pawisa hi lo duh ta la..I pa leh kha I naupan lai hmangaih pa nen khan lo tlanbo dawn ta ila,ka nu thusawi kha a dik mai lawng maw"













"Diklo..! Daniel enge maw I hriat le tinge tiang hian I awm thut a,ka damlo a min duat tur I nih laiin I nu thusawi vangin kan inkar boruak tihbuai tak tak I tum zawk ami? ka hmangaih che a I thusawi engmah kha tih tum na ka neilo Jonas Chu ka naupan lai hmangaih a ni tih ka hria mahse hun kal tawh ani tun a ka hmangaih awmchhun Chu nang chauh"













"A nihchuan,pawisa chu I tan engmah anilo tihna ami I pa enkawl nan pawh a tangkai lo tihna ani mai em" awi a mizia a thlak thut hi awmzia pawh ka hrelo,a nu lam tang ang mai ani tawh in ka hria kan inkar tih buai phet te hi a tum zawk emaw ni " sawi teh,I pa leh pawisa nge kei pawimawh ang? 2 million lai mai ka hriat miahloh in ruk sak ka nia"













"a dik alawm..pawisa hi ka tan a pawimawh ber ani a bak thil dang pawimawh engmah dang a awm lo" ka hma a mipa chik tak a min en tu thuran chu ka tawngkhum chiam,ka thinrim ve leh tan tawhin ka hria! hetia a tawng reng te chuan kei ka thinchhe bawk si a nu duh dan ang khan kan in ti thiamlo takngial dawn,ka thusawi erawh a bengkhawn vaklo anih hmel!













A tih dan ve reng bawk ania,a kut leh lam in a ban a sana man to zet chu a tuai nauh nauh reng bawk,tun a a awmdan vel te hi ka nel lo nghal ringawt,kan in hriat tirh ang mai khan a awm a nel awm lo a a ngeiawm takzet bawk min tih thinrim ngei ngei tum a sual chhuah lui hi a ang ka ti ber,a chang te phei chuan a hma a ka ding reng te chu min melh kan ta daih ni te chuan ka hria min van ngaihsak lo tak













"enteh Mr Daniel Pentagon,I pawisa ruk sak che min ti ami kha(h)..mahse ka ru hauhlo I nu thil tum pawh pakhatmah ka hrelo hria ni ila kan inkar tawp ai in midang tanpui na pawh ka dil em em ang, Jonas hnen ah kal in ka in tanpui tir anga chuan ka pa nen kan kalbo daih thei bawk..mahse I pawisa ka ruk sak che anilo a ka puk ti zawk mai ang..ka rul let leh ang che tinge I lak thutak viau a nang ang millionaire tan chuan heng te chu a tlem viau ang"













Ka thinrim tawh em a ka tawng zawng te chuan ka tang talh tawh, thinrim loh tum viau mahila a man ati lui zel sia ka zaidam na in atlin biklo "pawisa I mamawh chuan ka hnen atangin ila mai tur ani lawm ni" thinrim ve hman tawh nen a thu rawn sawi leh daih vang chuan mak tiin ka meng phawk hman lek lek a rawn ding nghal hluai a













"I mamawh a piang I nei thei tih kha ka sawi tawh in ka hria,,chuan thil pakhat ka lak aṭang a kalbo Chu ngaihtuah pawh ngaihtuah tawh suh..a chhan chu kei hian engtik ah mah rem ka tih dawnloh vang ani" ka bul a rawn thlen rualin sexy zet chuan a rawn nui a a nungchang leh zia a thlak danglam hneh lutuk chu mak tiin ka lo chho thlir dauh dauh













"Ka nu la tan zawk tur khawp a mawl ka nihloh hi...min hmangaih thu vawi tam tak I sawi lai hriat chu a nuam dangdai hle mai" ka kut la kang in a fawp zeuh a engkim ka hrethiam ve chiah hepa hian a nghal chhuah in min tih hlauhthawn a tum mai mai anih hi! ka kut ka pawt thla hlawk a khum lam ah kal in ka lawn a puan in ka in khuh nghal thak













"Ka nu leh midang zawng zawng ai pawhin ka ring zawk che tih hi hre reng tawh ang che" sir zawng a ka mut vangin ka mawng a rawn tham chiah chu phu zawk in ka thu chhuak nghal nawlh "Keipawn ka hmangaih che duhawm nu,eng ang pawn thinrim mahla ka thlem lungawi thei dawn che tih hi ka Chiang thawkhat chuan ka hria"













"Tun tum chuan ka lungawi mai mai dawnlo min tih hlauhthawn hman zia kha I hrelo ami, fiamthu na chi pawh anilo ania" ka mittui a tling nghal ringawt,tlak tir mai mai erawh ka tumlo " min khawih suh,ka lungawi lo teh ania ka ngei che" ka kut a rawn hum te chu nuam ti viau mahila ka lo vai sawn leh nawlh thin













"Awle, Sorry ka thlahlelh em em ka hre tawh bawk a tun ah chuan thlem lungawi lungawi dan che kawng ka dap dawn tan ami" min kuai nghal in duhthawh zet chuan min fawp a lo tang ve teh mahila reilote ah a thu hnuai ah bawk ka kun leh zal zal tawh " ka hmeichhe hmangaih leh thlahlelh ber hnen aṭang a min hmangaih na thu vawi duai lo a saw lai hriat ka chak na hi a rei tawh em ani"













"Ka hmangaih che mi sual pa,I nghal ropui si" a âwm ah chuan ka chum taih taih a ka chum a piang in min fawp bawk " Chuan hrilh tur che dang ka nei a" ka thusawi tur ah chuan in ring takin alo thu rem a ka hmui phun mai mai pawh chik tum hmel tak ani













"Ka pa khan ka nuhrawn fapa James tan ai a lo tan sak a, hospital an awm lai khan lawyer nen an in be lai ka ngaihthla fuh a" engkim ka pa tualthat miah silo in alo tan dan te chu ka hrilh fai ta vek a "ka pa hi ka hua ani,a fanu in theihtawp chhuah a ka beih sak lai pawhin tawngkam khat te mah pawhin a dik zia min hrilh a tumlo,vawi tam ka kan bawk a khang lai te khan min hrilh na hun chu atam lutuk tlat"













"Tun ah chuan hahdam phawt rawh,I pa in thil sual atilo anihchuan arawn chhuak vat mai ang..pa ani a pa anih na a hlen chhuak ah ngai ta che ka pa pawh nise kei a fapa tan chuan a tang zawk duh tho ang" James hi ka pa fa hrawn ani tih a hre chung pawh in hrethiam turin min ti zawk ania hepa danglam nasat dan em em hi ka awih theilo,a thusawi lai te chu hmuhnawm ti takin ka lo en a













"Chuan thil dang a la awm a?" min mut that tir leh in puan min sin tir mek lai chuan ka ti a,khum sir a thut na ngai te ah bawk chuan athu leh a " khatia damdawi ka ruih lai khan hmeichhe fel deuh ka tawng a mahse atir kha chuan kha misual pa nen khan an tang dun in ka hria"













"Aih,, Daniel khawngaih in police Chu phone suh chhungte chawm ngai leh chawmtu ber ania ka chung ah eng thil sual mah atilo helai ka rawn thlen theih na pawh ama min puih vang vek anihkha police in an man chuan a chhungte an tam mai ang..mahse anihkha zawn hmuh ka duh ani..a tlanbo chuan a tan a himlo zual zawk ang" phone phawrh a tum police hnen ah a report ka hlau si chuan a kut ka lo dawm beh sak a













"A thawh pui pa niawm tak Chu kan man tawh,i hmeichhe sawi chauh Chu kam hmu anihchuan engkim ka duh engkim kan hre thei tawh ang,tu mihring phiangsen ruahman na in nge tihnat che anlo tum tih hi ka hrechhuak dawn ami tawp mai,nungdam in ka chhuah lo ang" Daniel a luhlul chuan atih luih tlat vang erawh in Julian zawng turin mi a ruai a





________________________________



★ Lory POV ★









"Phiangsen hian! phiangsen che hian Dilbara" hospital hnuai garage a ka car dah ke chu ka chhir nghek nghek! engati nge Daniel hian ala hriatthiam theih chiangloh chu ni tinge he Dilbara hi a hmangaih em e a! kei min hmangaih duh der silo nichin ah pawh an room pawn lam ah ka awm tih a hriat vang chauhin a nihkha Dilbara a fiam kual vel













"Hneh na ka chan tir theilo ang che u,tun a ka thil tih hi chu ka puitlin ngei ngei angai tawh,ka thi thei mai dawn! ka hnen ah Daniel hi awm sela hmangaih leh duh takin min kuah ve rawh se, chutiang a nih dawnloh chuan Dilbara pawh hi a bul ah a awm biklo ang ka awm tir dawn biklo"













"Hmeli,,I ngam anih phawt chuan engkim sawi han tum leh la, anihloh chuan I chhungkua leh nangmah chawp hian ka that vek ang che u" car chhung a thu lut in Julian Cole kan duh in an thin vang leh tih luih na a ka thawhpui chu call in awm tur a ka tih na hmun pan chuan ka chhuak veleh nghal a













Ka nun ah a vawikhat nan ka ta tur ngawih ngawih chhuh sak ka ni a,awlsam tak a ka tuar dam mai mai theih an ring anihchuan an ring sual khawp ang, Daniel ka ta anilo anihchuan Dilbara Gomez hi khawvel ata ka thawn chhuak mai zawk ang.. chuan he hmeli pawh hi ka dah that angai min chhui chhuah loh nan chuan an dawp theih tur pawh a thaw lo in siam angai






*






"Ka pi..min hrethiam rawh kan thil tih lai hi bansan ka duh ani Dilbara leh Mr Daniel tihbuai ka duh tawhlo" Chu dawihzep aw Chu ka hua a tawp thleng a kal theilo ho hi ka hua "min hrethiam rawh,thil thleng tawh chu ka sawichhuak miahlo ang"












"Nanghian min phatsan anga maw? teuhlo hna kan zawh hma chuan min bansan lo ang Daniel pawh ka ta ala ni hleinem,chuan kha Dilbara hmeli kha nangmah hian tiraw chhan chhuak a thudik engkim hrilh kha..a ropui e bum hmang dik tak chu ilo ni" ka thusawi chu ngahmah a ngailo engkim tih tawp a duh thu leh a chhungte chhuah zalen sak tur in min ngen char char













"Miss Lory khawngaih in zah ngai rawh ka fapa ala te si ka pa a dam thalo bawk nen min kal tir rawh engmah dang ka sawi chhuak tawhlo ang ka in tiam e,ka tiam che khawngaih in min kal tir rawh he thil ah hian in hnamhnawih ve ka duh tawhlo"













"Ngawi hmak rawh ka thluak I tibuai,ngawi tawh rawh ka tih Chu!" ka thusawi a ngaithla lo mi a ang maiin a tawng mawlh mawlh "Zawngi I phu tawk chiah" ka bang a tangin ka silai a ruk a ka lei Chu ka phawrh a a tukhum lam atangin ka kap nghal thuai a lei ah a tlu nghal tawp bawk "Hello..! awle Dilbara chu ka lo awmpui ve ang"













"nangpawh hi mi lak tlak loh I nih hi mahni fapa pawh thunun theilo,nu lak tlak loh lutuk" ka phone wall a ka hman Daniel leh a chhungte a nu ber chu ka tawngkhum nghek "Min pui thei tawh dawnlo mahla pawi ka tilo, Daniel hi ka nei dawn chu chu ani mai..hmeli pawh a dam rei tawhlo ang reilote ah van lam ah ka thawn chho ang"












🍂 Reader's zawng zawng te rei tak ka chawlh vangin in za vai chung ah ngaihdam ka dil cheu a a ngaihnawm loh zia chu kei a ziak tu ngei pawh hian ka hria,mahse ka theih tawk leh thiam dan tawk ania chuti chung pawh a duhsak tak a min la chhiar sak ve zel vangin in chung ah ka lawm takzet ani a tawi in duh thu sam lo mahsela ngaihdam na sang ber nen aw😁Chuan tun chapter hi ka zawm leh lawk lo mai thei a mimal thil vangin in mi Hriatthiam na sang tak ka dil nghal bawk che u🙏💜🍂



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:24 pm

CHAPTER - 26🍂




"ohh! nang hetah i muhil kumkhua tawh dawn sia I pa leh I fapa te chu ka khawngaih hle mai, riltam a an thih loh hram beisei ang aw" nui sup in ka hma mi thi ruang let reng chu ka nuih a in her in hospital lam bawk ka pan leh,helai a ruang hi tuman an hmu mai mai dawnlo tih ka hre bawk













"Nang nu ve mai mai hian ka ngen na te kha ilo hnawl vel a tiraw? ka Daniel min chhuhsak ve ringawt a bawk a jail tang fanu ve mai mai hian! tha takin min pui mai la chuan tun a thleng tur zawng zawng pawh hi a thleng lo thei tur ania..mahse nang chuan min puih ai in Daniel a hnen a in in hmangaih thu ka bul a sawi tur in ilo ti vel anihkha!"













Car steering chu hum nghet sauh in ka speed ka ti sang bawk a, hospital ka thlen rual a Dilbara hmeli chu ka silai kawl lai a kah pawp pawp Mai te ka chak hluah hluah Daniel an a kuah ka hmuh phei kha chuan ka puak keh lo chauh ani, tichuan hospital ka thlen rualin Dilbara room lam bawk ka pan lehnghal a mahse room a ka luh chuan anlo awm tawh hauhlo!













"Khawi ah nge? khawi ah nge heta damlo kha a awm?" nurse thil lo ti fel mawlh mawlh chauh awm tawh chu ka ti vin nghal hlur a,min hnungchhawn zawng a awm anih vangin ka vin nghal teh tuarh chu a phu zuk in a rawn hawi nghal vut a













"an chhuak tawh miss, Mr Daniel khan a bialnu kha in lam ah a enkawl zawk tur thu a sawi a private nurse nen an chhuak deuh chiah













"Bialnu a! nang nu hi I a deuh chu anilo maw? hah a bialnu chu kei chauh ka ni I hria maw" chhuak lehnghal in Daniel a in lam ka pan leh a tun ah chuan engpawh thleng se Daniel hi tuman min laksak ka phal tawhlo ang ka ta sa ania Dilbara te ang hmeichhia lak ah ka chan mai mai dawn lo













"Miss,,,ka pu in tumah tihbuai a phal rihlo a khawngaih in lo nghak rawh" Daniel a maid zing ami chuan minlo dang ve khanglang a in chung chhoh na step ah min lo ti ding " Ka pu in miss Dilbara nen eng emaw sawidun an ngai tih a sawi a tuman tibuai lo turin min ti ani"













"umm aw ka hria alawm chu chu mahse keichu Daniel an hna thil Dilbara te nen a sawi ho tur a min koh vang zawk ania heta ka lo kal,nilo se tun ang zan rei tawh ah ka rawn kal thei nang tiraw? bak ah hetia minlo dan reng chuan Daniel a ka hmuh har phah anga a thinrim chuan a ban duh mai ang che tih ka hlau tlat"













"Ka pu chuan ati tak tak ami?" heng hnathawk lak tlak loh lutuk te hian an pu chu sakei ang maiin an hlau ani tih ka hria tun ah hian min kal tlang tir ngei dawn tih ka hre bawk,aw tih nan ka lo bu nghut a " ka han zawt phawt ang" ala tih ṭalh vang chuan ka thin in a tuar lo lek lek tawh a ban ah man in ka pawt deuh chawrh a













"I hna chauh thawk rawh,bak ah chutia I hlauh viau si te chuan an inbiak zawh chu ka lo nghak dawn nia" ka thusawi tawp lam erawh ka inti nelawm chawp leh mai a ka hne tawh takzet heng nungchang tha lutuk lem chan reng te hi













"awle,mahse miss khawngaih in an inbiak zawh lo nghak hram hram rawh aw" ala ti hram! nui lui sup chungin ka bu nghut ka chho nghal vat bawk Daniel a room kawngka chu tlem in ka nem kau deuh a,kha mimawl nu vang a tun thleng a Dilbara nui hmel ka la hmu chuan min ti thinrim takzet













"A nihchuan keiman ka be mai ang,a tha em Mr Gomez hnen ah chuan a fanu hi nupui ah kumkhua atan neih ka duh tih ka hrilh anga" Daniel a kâ ngei aṭang a nupui neih chungchang a ri chhuak chu ka awih theilo hial zawk! mahse a nupui tur ka nihloh miau vangin ka thinrim em em tawp













"aih angailo,tun ah chuan ka pa biak rih ka duhlo alawm thil awmzia chu ka hrilh tawh che kha a fapa tak pawh nilo tan amah leh a fanu hi hreawm kan tuar ania athil tih dan hian ka lung ati awi biklo asin keiin theihtawp chhuah in jail aṭang a ka lak chhuah theih nan ka bei bawk a mahse khatih chhung zawng pawh khan thudik min hrilh lo asin"













"Ka hria mahse chuvang chuan I in tih lungngaih kher angailo thudik hre mahla hreawm tak a awm ai chuan a hma a i rilru put ang kha pu reng zawk ta che" Daniel a in thlak danglam tawh lutuk hi awih har ka ti takzet ani " chuvang in I pa I dem kher angailo I kiang ah ka awm a I hlim na belh chhah turin I pa I ngaidam mai ang"













"Khawi lam thli tha in nge I thluak kha chhem sak che a,tiang teh duah sawi tur hian ka lo ngaihtuah ngai miahlo che asin ka hmangaih em em pa" Dilbara chuan a hmui in ka mipa hmangaih ngei mai chu a fawp a ka lut dawn hial in ka in hria mahse ka in sum ta hram a an pahnih awm dun lai chu ka en thla reng zawk













"Ka hmangaih em em nu thli pawh ani mai thei" Daniel pawhin afawp let leh a an pahnih awmdan chuan ka thin ati rim piah lam ah Dilbara chu ka thik ngawih ngawih,ka tih theih ve chu a ban a kuah chauh! mahse Reilote ah chuan engkim sawng ai a thui pawh saw ani nen kan thleng ve tawh ang













"umm a tawk midang anlo lut ange,bak ah kan sawidun tawh kha kan in neih hma chuan sex chu a theihloh bur tihkha" ka thluak ah hian Dilbara thah bak eng thil dang mah a awm theilo! a chhan pawh ka ta tur min chuh pui vang ani





___________________________________


★ Dilbara POV ★








"lawk in tah sawn awm an awm tlat in ka hria" kawngka lo kau deuh ka va hmuh lai tak a phe deuh zawk vangin Daniel chu ka nem sawn deuh a,ani ka hn**e hm*r khal tui chuan tumah an awmlo tih ringawt in min chhang a mahse eng emaw kha chu ka hmu than ani













"A tawk tawh ana ve thei tho ania! kalsawn rawh damlo hi min tibuai reng mai" nam sawn dawrh in dawhkan hnuai chhuat a kan mut na tur ah ka mu daih a ani pawh a rawn kal veleh nghal puan chuan ka nghawng thleng vel thawk in ka in khuh a mit ka chhing nghal vat bawk hospital a awm ai chuan hetah hian ka harh tha chak daih zawk in ka hria,chuan min pui tu nu Julian kha ka ngaihtuah deuh reng bawk a dam tha em ang chu maw!













"anihchuan I bul ah pawh mut ve I phallo tihna ami? pawilo e midang bul ah mut na tur kan zawng ange mahni chuan ka mulum thei dawn silo a" thawh kan a tum chu a ban ah pawt in arawn mut thlak rual chuan a taksa ah ka bet nghal tai a khum dup nuam tak a ka mipa hmangaih em em a mutdun tluk hi a awmlo













"I pa chu bia ang che, anihloh chuan keiman ka hmu ang phone ai chuan hmaichhan a hrilh hian a chiang zawk ang" a ai a nghet in ka lo kuah leh a, diktak chuan ka pa tan a ka thil tih kha a mihring zawng tak a ngaihtuah chuan a tha nat thlak ve takzet ani hreawm pawh pawi salo in a chhuah theih na tur atan ka tia ka lak ah thudik alo zep tlat bawk si kha!













"Keiman ka lo be mai ang" peih vak silo chuan ka ti a,a chhan pakhat pawh amah vang hi ani ka pa nen inneih chungchang an sawi dun dawn Chuan ka pa hian phallo ta ang se a tham duh emaw a vin leh khui khui duh mai thei a keimah nen kan boruak siam that nan pawh a tha zawk hrim hrim





* Next morning *







"Hmeltha? tho tawh la,rannung tam zawk pawn an thawh khalh daih tawh che ania" ka beng bul chet ah chuan arawn ti se se a nui chungin kan in leh san daih a bul a ka mut tawh hi chuan ka mutui thei lutuk hi a buaithlak mahse ani hi chu a mutui vak thin hian ka hrelo chhuat ah kan mu zel sia a hrang a mut a duh bik bawk silo













"anihchuan ka kal mai ania, vawiin chuan hna kal lo ang che" khum che dawt ah chuan ka meng nghal vat,tun ang zing hma lutuk ah khawi ah nge chhuah atum le! "vawiin ah Mansion a pel tur anilo engpawh thleng se min rawn hriattir vat ang che u" maid pakhat a hrilh lai chuan ka tho a abul ah ka tlan phei nghal













"khawi ah nge I kal dawn a? a la hma em hi" suit nen office kal in peih at a alo awm leh tawh vangin a coat ban ah ka va dawm bet a, diktak chuan hna kal chu ka peihlo a mah ber in chawlh a phal tho a mahse in ah min awmpui ve dawn maw ka ti ania a tello te chuan nileng in ka in khung peih hleinem













"Meeting nei turin ka kal dawn,Zan ah chauh ka rawn let hman dawn a lo in enkawl tha ang che aw" a ban ka vawn loh na lam chu rawn lek kang in a kut hlai leh lian zet chuan ka biang a dawm a " Kal loh ka tum viau na a a pawimawh ang reng sia I hrethiam tiraw?" kun deuh pahin min en a keiin tum ti tih in ka lo en let ve bawk a maid pawh Daniel a bag khai in a chhuak daih













"Vawiin chuan kan pahnih in awm mai mai ila ka ti ve a sin le! tinge vawiin ah kher kher meeting chu I neih a? a fair lo lutuk mahni chauhin he in lian pui ah hian ka tei rawk rawk angai dawn asin kal lo mai rawh" in tih pangchang ve lai lai in ka awmdan chu min nuih zat mai mai anihchu!













"Ok, anihchuan ka kal lo mai ang" a phone a phawrh nghal! a ti tak tak nia min nuih sia tinge kal loh chu a tum leh nghal si le! " Lory vawiin meeting ah ka rawn kal dawnlo a ka ai ilo awh mai dawn ania...aih Dilbara damthat hma chauh ani mai" min duat hmel takin ka biang ah bawk a rawn nul leh neuh neuh a Lory kher a hrilh chu eng emaw ti hian nuam ka lo ti huai thei













"I ti tak tak ami,anih meeting chu a pawimawh viau em?" ka in thiamlo leh deuh si vang in phone a dah rual chuan ka lo ti a,min awmpui se ka tih rualin a hna ka ngaih pawimawh pui ve deuh tho bawk sia a hna pawimawh tak lak aṭang a bialnu sual tak ang maiin pawh hran chu nuam ka ti leh chiahlo













"Nang ai chuan pawimawh lo e" zaidam deuh a tih pah hian ka hmui a rawn fawp zeuh a a âwm ah chum in thudik min hrilh turin ka ti leh kher " ka hmeichhe hmangaih ai a pawimawh thil dang an awm hleinem..chutih rualin vawiin ka meeting chu pawimawh tak chu ani company than chhoh theih na tur atan a pawimawh tak tak te an rawn tel dawn bawk a"













"A nihchuan kal mai rawh,I hna chu thawk zo phawt la chuan chumi hnu ah chuan ka bul ah I awm char char ang,I hrethiam em meeting zawh vel ah lo haw nghal rawh aw ka ngai che ania" hmui pawrh vung pahin ka ti nuah nuah a nui chung in min kuai dak nghal bawk













"I hun hman a nawm loh phah dawn ai chuan ka kal lo thei reng alawm,nang ai a pawimawh eng dang mah a awmlo ka tih kha" a tih tak zia ka hria hei ai hian nawr nasa ila chu a kal lo duh tak tak ang mahse ka sawi tawh kha bialnu khirh leh tih mawh nih ka duhlo













"Kal zawk rawh,lo haw hma la atha ani mai bialnu fel tak nih ka duh alawm in ah ka lo awm anga ilo haw hun ka lo nghak char char dawn che ania aw" kal a tum tawhloh thu a sawi nawn leh ngat a kei erawh in kal turin ka nawr lui veleh thung " ka sawi tawh kha ka lo nghak zawk ang che tha deuhin ka lo awm ang,mahse ilo haw hma tur thu min tiam la"













"Ok..anihchuan hma thei ang ber ah ka rawn haw anga chuan I bul ah ka awm char char tawh ang,a tha em?" ka lo bu nghut a ka ngai dawn lutuk hi ka nui lui theilo tinge tiang em em hian ka ngaih tak pawh ka hrelo " bialnu fel tak I nih dawn kha,nui chung a min thlah loh chuan meeting turin ka kal dawnlo ania"













"Nupui pawh ila sawi tello" ti sup pahin ka nui lui hram a ani pawh a nui ri ve hak bawk ka hmui ah chuan a rawn fawp vawng vawng a a rimtui pa hrak mai te chu midang in an hip ve ka hlau hliah hliah tinge tiang em em a rimtui a chhuah a tum le hmeichhe dangin anlo hip ve palh anga sin!













"Lo in enkawl tha la,hun ka neih a piang in ka rawn call bawk ang che, hrethiam em? lo pangchang lo la theih ang a rangin ka rawn haw leh dawn nia aw Ka hmangaih che ania, khawvel ah nang bak a hmangaih ka neilo tih hre reng rawh" ka chal ah fawp in kan in zui chhuak a car thleng ka thlah hnu chuan mahni te in ka lut leh hrak hrak a













"Hailey inlo buai em? miss Jane in tha maw?" in hmu ngai tawhlo ang mai a ka tih vang chuan mak ti si nui hmel pu bawk pah chuan an bu zeuh a ka la chauh deuh hlek vangin ka ei tur min siam sak pawh pui nachang ka lo hrelo! "vawiin Chu min hrethiam mai ru aw naktuk aṭang chuan ka pui zat zat tawh ang che u"













"a ngailo a ho lutuk thil harsa pawh ani hleinem hahdam deuh khan awm rawh" Miss Jane chuan zaidam takin alo ti a Hailey pawn pawm pui zet in alo bu ve nghauh, riltam viau e tilo chuan tam pawh ka ei theilo min siam sak tu te an zahawm ka tih vang hrim hrim in ka ei lui hram zawk,bak ah dawhkan tuktin deuh thaw min kil pui tu Daniel a awmlo tlat a ka ei tuilo zual













"Lo ti suh han hahchawl rawh,I ei tlem bawk si I dam kawr bawk sia I ei tui vaklo anihkha tlai vel aṭang chuan I ei tui thei deuh tawh ang" bu nghut in ka tho a ka ei na seng fel ve ka tum pawh chu min lak sak daih a ka la zawi bawk Daniel a awmlo zawi zual bawk chu inchung lam ah ka chhoh san a













"Hello..?" room ka lut chiah tihin ka phone call Chu ka rinloh lutuk in Jonathan call daih ani mawle! ani meuh in min rawn call chuan a pawimawh viau tur ah ngai ang bak ah kan in hriat aṭang in tun hi min rawn call vawikhat na nita in ka hria,nge ni a vawihnih zawk? kan in biak khat dan chu pui tak ani bak ah kan inhmu ve reng tho a chuti chung pawn hmaichhan ah pawh kan in be mumal chuanglo













"Mansion ah I awm em? harsatna I neilo tiraw Buaina a awm chuan Boss be lo in keimah min rawn call ang che" a chhan ka zawh chuan chiang tak hian a nui ri ka hria " Boss chuan meeting a nei alawm tihbuai I duh ami?" tih ringawt in min chhang













"awle ka rawn call thin dawn che nia,mahse Daniel an atih tir che nge nang mipa zeilo leh ro rum lutuk hian na chang te ilo hre ve tawh zawk?" fiam pah kher chuan ka ti a a nui ri hriat zui tur a awm leh tawh miahlo ka thusawi chu ala na ve deuh emaw ni,ka sawi sual bawk silo ani te chu a rum ul reng alawm Daniel ai pawn a chang chuan a nelawm loh bak ah Daniel tihloh phei chu mi tupawh hi a care tehchiam lo ni in ka hria













"a pahnih in..." min chhang silo a off ka tum laiin arawn ti veleh hram ka nui ri nghal hawk hawk a ni erawh a in ka nuih zawh a nghak nge pawh ka hrelo a reh leh vang vang tawh " be duh che an awm" a reh nghal hmak a mak tiin phone a la cut loh miau vang chuan ka lo nghak reng ka thin te a phu vel!













"Hello ka fanu.." ka pa aw ka hria chu mak tihna in ka khat nghal eng engtin nge Jonathan bul ah a awm daih theih! " Ka fanu I pa hi min ngaidam ang che thil sual tak ka ti tih chu ka hria,ka fanu hreawm tawrh pawh ngaihtuah lo in ngawih ka lo chuh tlat a ka thiamloh ani" ka chhungril atang a tah chhuak tur ang maiin ka awm leh tawh













"Pa kha thil kha chu sawi chhuak tawh suh engkim a nih dan tur ang in a awm vek tawh a tih theih ka nei chuanglo I lak ah thinrim viau mahila hun kal tawh ka ko kir thei chuang hleinem tiraw? mahse tinge James vang a pawi khawih miahlo in i tawrh luih tlat kha ka hrethiam thlawtlo ani,khang lai te khan ka mamawh lutuk che a sin Diana min tih hreawm lai zawng zawng te khan ka mamawh che a sin ka bul ah awm la min chhan anga tiin ka suangtuah nasa thin asin pa!"













"Engkim hi ka thiamloh vek ani ka fanu min ngaidam hram teh" ka pa hnuk ulh tun in a rawn tih chuan in sum hman lo in ka tap chhuak ta hawm hawm a hmaichhan pawh nilo mahse ka na takzet hmaichhan ah phei chuan ni se engtin nge ka awm ang pawh ka sawi theilo













"James khan vawi tam tak keihi min pawngsual atum asin,chu mihring tenawm lutuk tan chuan nang in kum tam I nun jail chhung ah I hmang a, engtin nge I ngaih pa? I fanu hi I hmangaih I fapa ang a I chhal ngeiin pawngsual atum thin asin mahni in veng reng reng in kha in ah khan ka awm thin asin pa" ka au ta chiam a phone pawh ka off nghal hmak kha thil ka sawi chhuah apiang khan chemte a vih sawk sawk ang maiin ka na thin













Ka mittui nen ka luhai bawk nen khum ah chuan ka let tawp a theihtawp a na in bedsheet Chu ka ham bawk kawngka kik thawm awm mahse chet pawh ka che sawn lo ka awm ngai reng chuan ka awm a,ka pa jail aṭang a alo chhuah hun ah ka hun tawn harsa tak tak te ka hrilh anga na mahila ka pa min hnem turin a awm tawh ang tiin ka lo suangtuah ve fo a mahse engmah hi ka suangtuah ang in a kal ngailo chu anih hi mahsela tun a ka pa lak ah ka in bun ruah khan ka thawl huai tho













"Dilbara I tha em? hei Jonathan an ngaihven tur che in min rawn phone a I tha maw ka rawn haw lut dawn em?" Miss Jane aw ani tih ka hriat vangin ka in nem kang a hnar ping tun chuan ka that thu ka lo hrilh mai a thawm a neih zui tak loh avangin a kal ta ah ngaiin Daniel call tum chuan phone bawk chu ka la kang a phone ka off aṭang khan Jonathan call vawi sawm chuang alo awm hman!














Phone ka silent bawk nen a rawn call tih pawh ka lo hrelo ka lak loh vangin miss Jane kha alo phone ani ngei ang, Daniel call tum in ka dial tawh vawihnih vel chauh a ring tih ah chuan ka off leh daih a tun ah te chuan meeting em pawh anla tan lo ang tih tur ala ania ka tihbuai lutuk chuan atha biklo " Engtin nge ka pa bul ah khan I awm theih?" Jonathan an a rawn call nawn leh ngat













"I tap ami? " zawi sup leh thum deuh hian a rawn ti a,ka zawh na a hmasak miau vangin min chhang turin ka ti leh kher a " Boss in min tir" atih tak ah chuan ka thaw deuh huai ka pa hospital awm awmpui turin Jonathan alo tir thlap anihchu! he mihring hi chu ka hmangaih takzet ani a lan dan ang hi anihloh zia ka hmu in ka hre tam telh telh zawng anih hi













"Ka pa hnen ah khan ka ngaidam tih minlo hrilh sak dawn nia,ka theih chuan Daniel a lo haw hma in ka rawn tlawh ang Chuan ka hmangaih lutuk bawk ania" min chhan leh hma in ka off leh daih a ani pawn min rawn call zui tawhlo " Daniel meuhin engkim siamtha a theihnghilh turin min duh chuan keipawn ka ti thei ngei ang"













Inneih chungchang ah pawh biak ka ngaih tho vangin phone ai chuan hmaichhan ngei a hrilh hi a tha zawk in ka hria,a lak ah lungawi lo mahila ka pa ania ka hmangaih em em tho hun kal tawh chu ka theihnghilh vang vang tawh ang hospital a awm lai a an zai hma a tang tawhin ka rilru a buai vek tawh a engtin nge reitak ka huat theih ang ni, dam tha vat sela a case te pawh chin fel sak vat ka duh James leh Diana te vang hian ka pa leh kei hian kan tuar reng tawh biklo ang







*






"Hailey ka chhuak lawk dawn a sin" chhun pangngai ani tep tawh in a awm tlawng Chu aninawm takzet Daniel a biak theih bawk siloha, siam pawh ka insiam manglo ka peih thlawtlo ka in phih fai ve hlek a cream ka inhnawih ve det a chu zawng Chu ani mai ka la chau viau lehnghal,Hailey room pakhat tifai lai chu a rawn chhuak a













"Vawiin Chu ka ngaihtuah che e chhuak rihlo mai la a pawimawh viau ami,ka lo kalpui ang che" min ngaihtuah hmel takin a ti a kei erawh in lu ka lo thing san "Ka pu khan nangmah a chhuah a phal bawk silo a mah be hrim hrim la"













"Meeting an nei awm sia ka call ngamlo a bak ah min ngaihtuah suh hospital ah tho alawm ka kal dawn ka pa ka hmuh angai a keipawh ka in check-up pah leh mai mai, Daniel lo haw hma in ka rawn let hman ang,hman loh tak thut leh ka call mai dawn nia"













"Aw anih fimkhur rawh aw,ka ngaihtuah che e Hospital I thlen vel ah ngaih that nan minlo call rawh aw" ati nghal zung zung a keipawh ka lo bu liam ve puat puat taxi min koh sak in kan tlan liam thlengin min en zui a, traffic jam ah kan la tang zui! ka phone phawrh in Daniel chu ka text ta ringawt call em Chu tihbuai ka hlau sia a hman hun ah tal a en atan













"Aw! Alo call anih dawn hi" bag ah phone dah leh ka tum chiah phone screen ah erawh Daniel a hming a lang lo " aw Hello" phur vaklo hian ka ti a nilo ka biak peihloh vang nilo in Daniel ni tur a ka lo beisei lutuk vang zawk mawle













"Min va theihnghilh hma ve I tha maw kan inbe khat riau mai" zâng vah in Jonas chuan a rawn ti a,nui lui sak in ka that thu te ka hrilh liam ve puat a, Daniel nen kan inkar a that hnu lawk khan ramdang ah hna buaipui in a kal ta daih a a nu pawh a hruai nghe nghe













"Ka tha lutuk nangmah vang liau liau in" za vaklo chuan ka nui a seat hnung ka ngheng nghal dawt bawk " I nu chu a tha tawh em? enge a an zel a?" ka tih chuan phur fahran in a dam chak tawh thu te min hrilh a kripawh in mite tih fo dan ang chuan ka lawmpui thu te pawh ka lo hrilh ve a













"Mahse min hrilh teh tha miahlo chungin tinge I that thu I sawi tlat a? I aw aṭang ringawt pawh khan I chau tih a hriat a alawm" dam thlap si lawm lo aw deuh bawk si chuan arawn ti a ka thut na siam rem in ka hawi kual nghal hruk hruk ringawt a chhan pawh minlo hmuh khiau ka rin vang ani diktak chuan ka tha chiahlo













"Tlem in ka chau deuh alawm chubak thatloh na ka neilo" enge ka tih,eng ka tih na vang nge ka chauh? tih zawhna ka dawng zui nghal zat bawk " Jonas duhtawk teh min ti chau zual ania" ka tih chuan a reh zui nghal daih a phone erawh ala dah lo













"um anihchuan kan inhmu lawk thei angem,nizan ah ka rawn let a tun bak chu he ram ah hian ka awm tawhlo ang ramdang ah sumdawn na dang buaipui angai tawh a I hman angem?" atih chuan phone la sawn in ka hmet eng a dar zat ka en chuan dar12:30 a pel tawh













"Ka hrelo le ka pa tlawh turin kal ka lo tum mek a traffic jam ah ka la tang bawk sia,bak ah nizan a lo haw daih tawh Chu min van rawn be har zawk ve I awm rei tawh dawnlo lehnghal a engmah min hrilh lo in I awm rei thei ngei mai" lungawi lo ti tih chungin ka phun bui bui a













Diktak chuan engkim ah kan in hriat leh hnu aṭang tawhin min pui bâng lo a mumal tak pawn lawmthu ka la hrilh lo,tun ah a kal bo leh tawh dawn a chupawh a dâwn tawh lam ah chauh min hrilh leh a! Eng emaw tal a lawmthu sawi ve pawh ka duh a sin le













"Nia ka nu a dam deuh tawh bawk a,bak ah a hma a ka lo tum tawh hrim hrim zawk ania mahse hei ka la kal chuang hleinem tiraw,zanin ah ka chhuah lehnghal angai dawn sia hun chu I nei thei dawn em? chuan patea pawh a tha zel anih hmel a a lawm awm khawp mai"













"Nia lawm awm lutuk heng pawh nangma zar vek ani lawmthu hrilh che pawh bul tan dan tur thiam a har"ka tawngkam thiam dan dan chu ka chhak chhuak ve e ka tia! "Tun ah inhmu mai ila zanin ah I kal dawn si chuan tlai lam ah chuan Daniel lo haw hma in mansion thlen leh hman ka duh dawn a"













"Ok.. anihchuan ka nu kan enkawl na thin hospital kha I hria tiraw khami piah a dawr ah khan ilo kal mai dawn nia in thlah nan eng emaw pek che ka duh a" anu heta an enkawl lai khan ka kal ve fo vangin dawr awm na pawh ka hre mai a ka pa chu en lai a ka tlawh hmanloh tak leh Zan ah peih chuan Daniel bul ah kan tur a kal dun ka dil mai ang













"Awle ka lo kal dawn nia," dar2 hma a ka va thlen hman chuan a pawilo atih vangin a ka hmanhmawh lutuk lo,kan inbiak laklawh lai a call ka dawn vangin kan dah a Daniel call ngei anih chu ka awihlo lek lek zawk "Ka ngai tawh lutuk che ania lo haw tawh rawh"













Phone ka pick rualin ka ti nghal bui bui a ka chuan na taxi khalh tu pa upa lam tawh pawh alo nui vur vur ringawt, ngaihsak zui duhlo in ka thut na ka siam rem te te phawt a ka biak pa lahin ka tawng nghal bui bui ringawt Chu alo nuih pui ve huah huah bawk a "Rawn haw vat Chu ka tum alawm mahse meeting hian rei a awh phian mai thei ani,mahni ngaihdan sawiin an buai rei mah mah a thu kan ti tlu mai thei dawnlo anih hmel"












"Eng em em nge sawi tur awm a? chumi te pawh chu enge sawi buai chhen a tul na mipa ve si an va tawng thei hlawm em em!" meeting awmzia pawh hrelo hian awm hmun ah ka lo phun nasa mai












"Ni e rawn hau hlawm teh,Ka nupui hual bul a awm vat vat ka chak tawh ania" a fiamthu ve ngei! hepa hi chu aw ka van duh reuh tak









"minlo hruai rawh ka rawn hau vek dawn" nuih insum zet a ka tih chuan nui pahin min ngaih tak tak tawh thu a rawn sawi nawn leh a " Keipawn ka ngai che ania,tun ah meeting in neilo tihna ilo call theih dan ah?"












"Neilo Chu anih hi,nei pawh ni ila ka ngaih che chuan ka rawn call tho ang che" ka lo nuih liam sak ringawt a mahse ati leh duh tak tak mai thei bawk "Chuan tun ah enge ilo tih a? ilo mu vum leh thur tawh lo maw?"












"Aiii...mu vum thur bik nang,ka pa hmu turin ka chhuak a mahse Jonas nen kan in bia a chuan kan ram chhuahsan in ramdang ah awm hlen a tum tawh thu a rawn sawi a min mangtha pah nan inhmuh lawk atia chumi lam pan chuan ka kal mek a ka pa ka tlawh hmanloh chuan nangman zan ah min kalpui la,,aw?"













"Dilbara.." hahdam lo zet hian a rawn thaw hawk a " in a in khung Chu a hreawm dawn tih ka hria alawm mahse chhuaklo la ka duh asin nangma tan a him na tur vek ania"










"Ka hria alawm,mahse Jonas zanin ah akal tawh dawn sia bak ah I him tawh min tih kha" pawi khawih tupa ti a Daniel an min hrilh kha chu jail ah a an tawh thu min hrilh a chuvang a chhuah ngam pa ta em em pawh ka ni,mahse min pui tu nu erawh kha chu a chin tuman an hre lo khawi hmun ah emaw a tlanbo pawh ani mai thei













"Ni e,,Ka ngaihtuah zia Che pawh I hre tel ang tiraw?" chang deuh fak hian a rawn ti a chhuaklo tur khan a kal dawn pawhin min chah reng kha ania " Chuan ngaihtuah ngai a awmlo turin leh ka ngaih ti tha turin ka duh che"












Sawi chiang bal lo mahse haw nghal tur a min duh zia ka hrethiam nghal vek mahse Jonas zanin ah a kal daih dawn bawk sia " darkar khat chauh aniang khawngaih in Daniel! in ah I awm ve silo midang in hna an thawk vek a a hreawm lutuk bak ah Jonas" Jonas hming ka lam rik rualin a rawn rum ta nghut ka ngawi nghal hmak













"Tinge I phalloh tlat a! " ka aw ki ka san vak kher a diktak chuan ka hlau tawhlo bik anilo Jonas engtik lai mai pawh a min tanpui tu ka tan a thian hlu em em hi engtik ah nge ka hmuh leh ang ka hre bik silo anih hi " anih ka kal miahlo ang"













Min chhang duh miahlo chu thinrim ah tlak zui in phone ka off hmak,ka ngai viau a mahse a in la khirh mah mah tun ah chuan khirh tak a awm rih a theih biklo emergency thil ang mai ani tawh alawm "Tinge traffic pawh hi a jam chhen a!" traffic alo jam leh tawh! Chu Mai Mai pawh Chuan thin an ti rim lek lek ta













"Nula traffic lehzel chu thinrim khum lo la" driver chuan min fiam pah hian a rawn ti ve kher! " Ka va thlah ang che, Daniel te chuan kal lui pawh ni la a thinrim khum leh teuhlo ang che" Chu aw ka hriat vang chuan ka thut na lam a car var awm Chu ka melh phei vat













"Lory nang! hetah Tinge ka hmuh che a meeting na ah I kal ve emaw ka tia!" mak ka tih em vangin ka ang hau chuan ka ti a ani pawh anui ringawt mak ka ti pawh hi a maklo daih zawk meeting na a awm tur nisi hetah ka hmu daih a













"Nia,kan company lampang buaina a awm deuh vangin chingfel turin kan meeting Chu ka kalsan ta mai anih hi,Saw a tlan theih tawh e lo kal rawh keiman ka lo phur ve tawh ang che kan kal na lam tur a in ang hlauh chuan I vannei...a in ang loh pawn ka va thlah tho ang che sum save ani mai"













Chutia min sawm ta deuh tlat bawk si chu ka hnial hreh ve deuh bawk nen bak ah sum save ania ka chuan man chanve lawih ka la save Chuan Jonas tan in thlah na present pawh ka lei thei mai thei asin, Driver hnen ah Chuan ka chuan man chanve pe in Lory car ah chuan ka in suan phei a Jonas nen kan inhmuh na tur ka sawi chuan chulam a tang a kal ve tho tur anih thu a sawi a












"A remchang hle mai kan in hmu chu"






"Nia,ka pawisa hman teuh tur lak ah min chhanhim anihkha" za vaklo chuan ka nui a diktak chuan hman a a hmel nui sâng kha a awm tawh miahlo a mak tak maiin kan pahnih chauh a chuan dun chu nuamlo ka ti ru viau bawk









"Hman zan thil thleng kha pawi ka ti khawp mai,misual pawh an man tawh a a zia khawp mai" buai na ka tawh vel kha alo hria aniang









"Um nia, khatiang tawn kha ka in beisei lo reng reng ka ngaihtuah let ringawt pawh hian min la ti tim thei nia! tak a Lory khami zan khan min pui tu a awm a mahse tun thlengin a a chin kan hre leh tawhlo a ani kha ka ngaihtuah takzet ani engtin nge a awm ang tih te ka ngaihtuah"











"A thi daih tawh"



"Maw! enge thi I tih awmzia chu?"



"Awi nilo Dilbara sorry lutuk thildang ka lo ngaihtuah daih a nizan ka film en ami mawle ka rawn sawi ve ringawt ni,ka van hahthlak thin tak!"










Zah zel nuih ang mai hian anui Chu mak tiin ka la en fan tho,a chhan ka thusawi nilo pui chhan na min pe Chung khan ka awm ati nuamlo nghal ut ut a mitmeng,a car khalh na steering vawn dan ah te chuan eng emaw nervous riau na nei ang mai ani ka chik tawlh tawlh a eng emaw hlauhthawn ruk na ka nei lian tawlh tawlh bawk













"Kha hei in rawh bur hnih ka la a, pakhat ka lo kam tawk leh chiah zawk sia paih ai chuan" cold drinks min rawn pe a hmanhmawh hmel tak hian en pawh min enlo hrim hrim a thil min pek tum pawh chu a great lo nghal nge ka mal chung ah a rawn dah deuh pawp












"Ka lawm e " car chhung lum lutuk a awm reng lai a cold drinks a thlawn a dawn chu lem a kalh kalh ila nimai,ka massage dawn ka en chuan Daniel an Jonas bul a kal a phal thu leh awm rei erawh a phal loh bur thu. arawn sawi na ani khi suk chungin drinks Chu ka lem a





*


*






"Tinge a!" ruah sur thawm ni in ka hria ka han thut rem a ka in thing harh fe chuan ruah sur hnuai ah Kan la tlan char char ani tih ka hrechhuak " Lory Kan tlan na hi a dik miahlo ania ka kal na tur I tlan pel thui tawh lutuk"












ka thusawi ngaihsak Chu sawiloh hria ang pawhin a awmlo kawng Chu uluk takin a en a ruah lah chu a sur nasa em em lehnghal,Ka bag a phone la turin ka indap chu ka phone chauh nilo ka bag takngial pawh ka ak tawhlo! "Ka bag! " car chhung chu ka thlek kual nghal












"Ka paih bo tawh,Pawi ka ti Dilbara vawiin hian I thih tawh ngei angai ka kut ah hian I thih phawt loh chuan thlamuan in ka awm ve thei dawnlo Daniel nen" Lory kam aṭang a chhuak a tan chuan a rapthlak deuh ani













"Eng thil nge I sawi a Lory kir lehnghal rawh" tih theih dang ka neilo ke a let tur chuan ka chau chhe hman mai ang steering Chu ka va chuh pui ve a car turn turin theihtawp ka chhuah ve nghal bawk keiin turn turin tha ka thawh a ani lah in hmalam pan tumin tha a thawh ve bawk atir aṭang tawh khan nuamlo ka ti tawh sa reng ani












"Tiang hian awm suh"





"ngawi hmak rawh tiang a ka awmchan chu nangmah vang vek anih hi, engkim hi I thiamloh vek chuvang in nanghi vawiin ni hian ka ti tawp dawn che








"Lory ti suh, thlah rawh" steering vuan tu bik nih inchuh in kan buai vek tawh car chhung ah kan pahnih chauh awm mahila thinrim hlauhthawn na nen beng ngawng ang mai a ring in kan inbe tawh,Kan tlan na lah hi khawi nge tih ka hre tawhlo netal road pawh ani tawh bawklo nen car pawh a kawi zawk zawk thin













"Mangtha " rapawm zet a min nuih in a che lawih a car aṭang chuan a zuang chhuak ta Mai! ka lo hlauthawng sa tawh bawk nen ani hmeichhia lehnghal car chak tak a tlan lai aṭang a zuang chhuak chu thinphu dawt dawt chungin ka melh zui













"Nilo nilo! " ka hma zawn ah chuan tlan na tur mumal reng a awm tawhlo theihtawp a in thunun in driver seat ah chuan ka thu phei a car khalh ka thiam chuang silo car turn tur pawhin ka liam thla hman tawh ang break Chu na deuhin ka rap vak a awmzia a awmlo













"Nilo Khawngaih in" car break na hrui zawng zawng alo chat vek tawh! ka mittui a luang zawih zawih "thih mai ka la duhlo" tha khur zawih zawih chungin ka phun sep a













Ni e ka dam chhuah angai ani,ka ti ang tih pawh ka la ngaihtuah ngailoh Chu ti turin car tlan liam tep tawh aṭang chuan ka zuang thla nghal a ka nak leh ban piahlam ah ka lu ka sawh hai chhap bawk ka vial nawk nawk a zawl mah nise car tlan lai aṭang a zuan thlak chu a nat bak ah ka lum zui nawk nawk ka ding tawh mai dawn emaw ka tih laiin ka tla liam tel dawn ta mai!












"Ka chelh che" ka kut chelh tu an awm ! ka ban leh nak ka lu leh taksa engkim mai hi a nat in a na ngawih ngawih Jonathan hmel ka hmuh chuan ka lawm lutuk hi ka tap chhuak theilo a hmel lan dan aṭang ringawt pawhin a tang zia a chal vel thisen zam lang kulh aṭang in ka hre thei,ruah a sur nasa bawk si













Thli a rawn thaw chho vuk vuk a melh lo Mahila Jonathan hian min thlah se chu hmun sang tak a ṭang a tla in ka damchhuak tawh dawnlo tih ka chiang chu chuan ka hliam te hi anti zual in ka hria "Engtin mah I awmlo ang,ka la chho thuai ang che" a aw ngainat awm ngai miahlo bawk chuan a rawm ti a












"Thlah rawh Jonathan, thah tel ve kher che ka duhlo ania" Jonathan hnunglam a ding silai nen a tin tu chu ka han hmu ve thei Jonathan lah chuan harsa tih hmel tak chungin min pawh chhoh atum lui ngar ngar,Lory tiang em e. a a hmeichhe rapthlak anih hi ka ring pha ngailo chu pawh Daniel vang chauhin!












"Thlah rawh Jonathan tun bak ka sawi nawn tawhlo ang,anih loh chuan helai hmun ah hian ka that ve ve ang che u" silai chu a load ta mai!




____________________________



★ Jonas POV ★







"engati ta em em nge aw!" dar2:18 ani tawh Dilbara a la rawn thlenglo,ruah sur ah a tang pawh ani mai thei mahse call tal lak tur ania call leh ka tum lai takin Daniel a rawn lut hlawl "Khawi ah nge Dilbara?"












"Phiangsen che hian!" ka zawhna chhan chu sawiloh a rawn thleng phei chuan kut a rawn thawh nghal ringawt lei char ah chuan kei in ring biklo chu ka tlu sawp nuaih a "Khawi ah nge ka nupui I hruai bo? sawi nghal vat rawh ka thah hma che hian" a thinrim zia hai rual anilo ka kawr âwm a tham in min pawt tho lawp a mahse eng chungchang nge a sawi hi ka hre hauhlo!












Dilbara nen kan in hmuh na tur sawi a ka awm diam tawh vangin Daniel a chet dan chuan customer dang te mit pawh a ti tlai ngei mai ngawi reng in anlo en thap hlawm a " I Sawi awmzia ka hrelo" min tham na pawh thlak pawp pahin ka ti leh kher hetia a duh duh a min khawih reng tur hi ani biklo tlat












" I thlem chhuak ani lawm ni? khawi ah nge sawi vat rawh"





"Nia ka ko alawm mahse tun thlengin a la rawn kal lo chu anih hi" ka hmai ah a rawn hnek leh chu ka dawh mai mai thei tawh lo ka hnek let ve nghal pawp a duhtawk mai ala tum hmel loh, engthil chu nge maw thleng le!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:24 pm

CHAPTER - 27 (Last)🍂








"Dawt sawi suh hmel a!" a la thinrim ta deuh deuh keipawn engmah ka hriat bikloh vang leh ka thiamloh ni miahlo a min khawih ngawt chu ka ngai thei biklo dawr chhung pawh sawilo in kan in hnek ta siah siah mai













"Tawp rawh u hetah hian enge thleng?? Mr Pentagon! Mr Burk ! " officer pahnih rawn lut in chief zawk chuan Daniel a ka hnek leh tur chiah chu min rawn khap a hnek talo chuan ka kut ka dah thla nghal mai bawk a chhan chu thinrim hmasa ka nih loh tlat vang ani













"Chief engmah anilo,Mr Daniel hian hriatsual palh vangin buaina a rawn siam deuh a I rawn kal tawh bawk a lo in ching fel mai ula" ka coat siamtha pahin ka bul mai a thinrim puak keh mai tur hmel pu tu chu ka melh leh zauh bawk













"A chung ah engpawh a thleng anihchuan ka that nghal ang che" a thinrim bawk a tawngkam pawh a duh tuilo sawt hle mai, keipawh Chu ka lo bu ve nghut ringawt chutah dawr kawngka aṭang in a secretary hmeichhia Chu a rawn lut hmanhmawh hle a













"Boss, Miss Dilbara pa hnen atangin call I dawng a" chunu chu rawn kal phei dawr dawr in phone Chu a rawn pe a, Daniel a pawh chuan phone chu lo la ve mai in ka hnek na thi chhuak chu a tuai puat bawk nui nghawr dat chungin officer te nen a phone hman zawh hun kan lo chang thap













"Hrep tak chuan! " phone Chu rei pawh a ngaithla lo chhuat ah a paih darh chuai a, hmanhmawh bak leng in kal chhuak nghal bawk a secretary kal tur chu a ban ah ka lo chelh ve bawk a













"Enge thleng? "










"Miss Dilbara a bo ani awm e,Mansion ah a awmlo a Hospital ah a pa hmu turin a kal bawk lo a..mahse Jonathan an Miss Dilbara chu tu emaw in car ah a phur tih Miss Dilbara pa hnen ah alo sawi a a zui nghal bawk ani awm e mahse ani pawh a biak theihloh a a phone aṭang in a awm na ka chhui tir mek a bul ah Miss Dilbara pawh a awm ngei kan ring"













Ka mit sulh mai Daniel kha engvang a thinrim em em nge anih ka hre ta chiah Dilbara ka lo lo ve bawk nen a bo chhan ah hian min puh deuh tawp anih chiah hi,keilah chuan ngaihsak lek lo in a rawn kal ka lo nghak ve tawp bawk a! mimawl tak ka ni a rawn thlen har chuan a chin hriat tumin ka ngaihven tur ani asin le Daniel Pentagon meuh in ruah sur kar ah. arawn zawng anihchuan thil diklo a awm tih hrethiam daih tawh tur hi ka nia












"Mr Burk tun a thil thleng.."











"Chief min hrethiam rawh buaina kan tawk tlat in tanpui na pawh kan mamawh ang,ani nen hian lo sawi dun rawh u a rintlak ania" Daniel a secretary Chu ka melh a " helam lo chingfel la ka duh hle mai I thei angem?" ka tih chuan a bu nghut a keipawh ka tlan chhuak ve leh nghal













Ruah a sur nasa phian mai a sur tih hre mahila dawr chhung aṭang a hriat ngawt ai chuan alo sur hnem zawk anih hi,car ah lut in Daniel a tlan na awm a ka rin lam ah chuan chak lutuk in ka in khalh chhuak ve nghal,thui pawh ka tlan hma in traffic jam zar ah Daniel a motor chu ka va hmu hlauh a bul mai ah chuan ka ding ve nghal a car horn Chu nasa mangkheng in a hmet ri tuarh tuarh bawk













Traffic light a hring chiah tihin a tlanchhuak nghal vat a keipawh in Dilbara te awm na a hria ah ngaiin ka zui ve zel bawk kan kal na hmun chuan eng emaw ti tak hian rilru nawm loh na min neih tir a, Dilbara chung ah eng emaw a thleng ang tih hlauh na hian min zar buai reng ta bawk,ka koh chhuah ani a ni e a chung ah engpawh a thlen chuan ka thiamloh vek ani ang













Ka lêi a ka hmui thi ka tawh fuh vang chuan ka tuai zuk a " Ka thiamloh anih na chhan chu anih hi" ti sup in Daniel a um phak tum chuan speed ka ti sang bawk, Dilbara chung ah engmah thleng lo se ka duh ani





__________________________________


★ Dilbara POV ★








"Ramhnuai ah khan lo thi zawk law law la atha tur ania Jonathan pawh hian a tuar phah lo tur " a lu thing in min en a nichin a zuan thlak na lam ah khan a in hliam ve nual aniang,ruah sur nasa bawk si in min tlak reng vang chuan men a harsa a Jonathan min vawn na pawh a nal leh tial tial thin













"Ramhnuai a!" Lory thusawi chuan min ti bo hman takzet,Mahse little Daniel kha ka hrechhuak kan pahnih in ramhnuai ah kan bi ru anihkha,khang thil kha ama tih vek hi tihna ami?













"Ai,,ai,ai Dilbara nilo e khatiang khan min melh suh,ka thil tih ani miahlo ania, keichuan khang ho kha ka lo hmang tangkai ve ringawt alawm" za lo zet hian min nuih sup a,a mitmeng ah chuan min huat na leh kei min thah a chak zia bak hmuh tur a awmlo













"Jonathan thlah rawh,chhiahhlawh ang mai a henu thu hnuai a kun hi I duh ami? keichu ni ila ka thlah thla vang vang tawh ang ka thih phah na tur anih ai chuan" silai chu a hmet puak mai duh biklo, Jonathan leh kei a tan chuan vanneih na thuah thum ang vel ani,a biak na pawh hrelo ang maiin Jonathan chuan a chal a thisen zam pawng tawlh tawlh khawp in min vuan nghet in a ṭang a













"Jonathan a harsa tih ka hria,mahse khawngaih takin min thlah suh khawngaih in min chelh tlat rawh aw" ka Motor zuan thlak na ka na bawk nen tawng pawh a harsa,bak ah ka hnuailam hian nasa takin min ti tim bawk tla mai tawh tur a ka in ngaihtuah thut phei chuan rem se chu tah hawm hawm ka chak takzet













"Awle I cho chhuah ni rawh se,henu a dam leh dawn ai chuan nangpawh thi law law zawk mai rawh" a sawi zo hman tawk ring lutuk in silai a ri nghal phut'a rang lutuk Chu ka react theilo zawk,ka lungphu rang lutuk Chu theih se dawm beh hial a chakawm, Jonathan chu nasa lutuk a meng zau thut in a meng zim nghal siai siai ta mai













"Jo...Jonathan!" a hming ka lam zo chiah a rawn khuh kherh a,a kâ aṭang in thi a rawn chhuak ta mai ka a vek lo chauh duh eng ang mahse rei min chelh thei tawh dawnlo tih ka hria ka tah a chhuah rualin ka tap thei bawk silo Jonathan erawh hliam a tuar chung pawhin a awm ngai rengin a awm a a tha erawh a zawi tial tial tih ka hria













"Min thlah rawh" ka ti ta thlawt,nichin lawk kha chuan min thlah lo turin ka ngen lawm lawm a mahse tun ah chuan ka rilru ka thlak Chiang hle tawh, Daniel a thusawi ka awih loh rah anih hi Jonathan lehzel chuan a tawrh ka rem tilo, Jonathan chuan lu a thing a na a tuar chung pawhin min thlah a tum chuanglo!













"An lo thleng tep ang" harsa tak hian a rawn ti tham tiak a, mahse ka thei tawhlo ka thuawih loh rah vang a midang in an tuar leh zel tur hi ka duhlo " Ti suh, I thih Chu duh ila a tir aṭang khan ka thlah daih tawh ang che" a kut thlah ka tum tuk laiin a la rawn ti chang faih














"Min thlah mai rawh" harsa tak chungin ka ti chhuak thei hram, diktak chuan ka hreh lutuk Daniel a ngaihdam dil miahlo a kal mai chu ka hreh takzet,hmabak tam tak ka la nei a ka in tiam na ang in pasal ah neih pawh ka la duh mahse ka thei dawn tawhlo chu anih hi... Thawklehkhat ah Lory a lo rak ri thawt!













"Daniel! Daniel " mit khap kar lo a Daniel ka hmuh vang chuan ka a chhuih! ka mumang ani em tih pawh ka in zawt hman lo Jonathan min chelh na chu vawilehkhat ah a dul thut a ka rak ve thawt bawk min chelh thei tawhlo ani tih a hmel na tuar lan dan ah chuan ka hmu thei













"Nang ngei pawhin tihnat I tum anihchuan ka that ang che ka tihkha" thinrim ha seh chilh zet chuan ati a Lory Chu thah nghal mai tum ang hrim in a nghawng ah a rek char char,ka tap chhuah rualin Jonas a rawn lang hlawl hmanhmawh takin min pawt chho a ka tla thei tawhlo tih ka hriat rualin ka tap nasa zual a Jonas Chu ka kuah nghal vat bawk













"Ka,,ka thi tawh dawn emaw ka ti a! " Jonas chuan duat takin min kuah a Daniel erawh in a thinrim em vangin min ngaihtuah tawhlo Lory chu a rek dâng vek tawh Lory meng pawh a dik tawhlo tih ka hmu mahse ka tawp tir lo "Jo,, Jonathan" Jonas min kuah na aṭang in ka tal chhuak a Jonathan na tuar let reng lu chu ka chawi kang nghal













"Ambulance Ko vat rawh u" police an rawn thleng chawp chilh nghal a chief in ambulance Ko turin a nau te a ti nghal chul bawk Daniel leh Lory pawh an pawt hrang thei ta hram Daniel chu a rawn kal pawk pawk a na zet a min kuah bet in ka chhip sam ah a a fawp vawng vawng,min kuah chiah chu nasa theihtawp in ka hahdam nghal!













"Jonathan hi chhanhim rawh" ti tham tiak in a. kawr ah ka tham ngar ngar a,ka nun na chhanhim tu chuan dam a phu ngawih ngawih ani












"Ambulance chu ko vat ta che u" ring leng lawng in a au chhuak thawt a min kuah chung vek in Jonathan bul ah min thut hniam pui nghal bawk " tuar rawh I dam chhuak ang,I dam tur ani " Jonathan na tuar rum nghut nghut tawh kut ah chuan a man sak a nat hmel takin a hum sak nghal zat













"Ka,,,ka tihpalh" rik chhuah pawh ri chhuak manglo in ka ti sup a mahse Jonathan chuan a hre pha tho aniang min en reng a Daniel thinrim tawh sa chuan police leh midang Chu ambulance ko thleng thuai turin a vin tuarh tuarh reng bawk













"Jonathan tuar rawh ka thusawi I hria em? ambulance chu ko phiangsen ta che u" hawi let dawrh in a au nghek Jonathan chuan mit a meng lo lek lek tawh,a na bawk nen a khuh a piang in a kâ aṭang in thi a rawn chhuak zel bawk si "Thu ka pek che chu Jonathan! ka thupek I hnial dawn ami?"













Daniel awmdan chu mak ka ti lek lek zawk Jonathan chu chan hlau lutuk ang maiin a be reng a a mit chhin a phallo a,tuar hram turin a ti chhen bawk Jonathan tan erawh thupek pawh nise zawm mumal ngaihna a awmlo na satliah pawh nilo a tuar mek a ni sia,a unaupa ngawih ngawih chan hlau ang maiin Daniel chuan a ti harh lui zel a













"Lo kal rawh" Jonas chuan min pawt a keipawh ka tal biklo Daniel a min pawm na aṭang chuan ka tal chhuak a Lory pawh police ten car lam panin an hruai ve mek bawk,hrem na na ak hmu se ka ti a chhan pawh kei min thah atum Chu sawiloh Jonathan a pawi sawi miahlo tu a tih nat vang ani













"Jonathan? Jonathan thu ka pek che chu I hria em I mit kha chhing hauh suh" thinrim ha seh chilh zet hian ati a ambulance ri ka hriat rualin ambulance ti chuan ka phun chhuak sup a Daniel pawn alo hria a niang a rawn hawi vut a Jonathan chu a sawi che zui lehnghal













"Nang nu khan ka nun leh ka ta tur zawng zawng iti chhe vek!" Lory rawn au rual chuan arawn tlan phei ta mai a che thut kha officer nu khan alo chelh nghet hmanlo ani mahna,chuta kar ah a silai ah lai a phawi tel bawk a la kal hla lo bawk nen min rawn khawih a tum zui Chu Daniel an minlo pawt sawn a tumloh deuhin a pe tek chu a tla dawn ta mai mahse min thah Chu a tum ruh takzet ka lam ah awn dawrh chung pawhin silai a la rawn lek tho













"Hmeli..!" au thawt in chu veleh Jonathan na tuar let reng chuan a lo pawt thut a an pahnih chuan an tla liam ta anihchu! Lory au ri ring tak in a zui nghal zat bawk ka a nghal vek in ka hria kei,,keimah vangin Jonathan an a nun na a chan phah! keimah vang vekin engkim a thleng ka thiam loh vek ani engkim hi













"Jonathan !" ka dar tawn tawn a min dawm tu Daniel chuan ati chhuak sup,ani pawh a thawng ve mah mah ani chet ngaihna pawh a hrelo reng reng, Police tam takin an tlak na Chu an en a an damchhuak tawhlo ah an ngai tawp,a san piah lam ah tupui lian tak ruah sur nasa kar a tui tam leh fawn hlup hlup nen ani silai kah na tuar tan chuan damchhuah chu thil theihloh tluk ani mahse damchhuak turin ka duh takzet si













"Phiangsen cheu hian! khawi ah nge in ambulance koh phiangsen pawh Chu a awm? nang ni ho teh hrep vangin ka nun a mi pawimawh tak ka chan tih in hria em?" officer pakhat in an ruang zawng tur a mi a tirh laiin Daniel thinrim in sum hmanlo chuan a kawr awm ah tham in a hmai silo chauh chuan a melh rum nghal ul a













"Ka pu kan tihpalh ani,tun ah zawng tur mi pawh ka tir tawh e ruah sur a han hun ah chuan hei ai a nasa hian kan zawng ang" officer chuan hlauh hmel takin ati tawk tawk a ka din na piah hla lo tak a Jonathan tlak na Chu melh in ka mittui luang Chu ka hru zauh a Jonas an min rawm din hnaih nghal bawk













"Ka thiamloh vek ani min ngaidam dawn nia" ka ti sap a Jonathan vangin kei ka na a a lak ah ka in thiamloh em vangin, Jonathan vang vek in Daniel chu ramsa kawlh ang maiin a thinrim in a na bawk Jonathan a tan a pawimawh zia pawh ka hria













Keimah ang in tawng tamlo mahse ka nel em em a, hmeichhia a ngaihsak miahloh vang a ka fiam nasat lai te chu ka mitthla ah a rawn lang uarh uarh a Hospital a Daniel leh Lory te thu dun in kar a va kal thu tur a min tih lai te chu ka ngaihtuah a thian ang takin min enlo mahse thian ang takin min care ve tawk ani tih ka hria a zia a danglam a a rum ul reng a chuti chung pawn ka ngaina em em tho a chhan chu a sual lo ani tih ka hre tlat a













"Lo kal teh.." a la thinrim hle tih hriat takin ha chang thial bap bap chung hian Daniel chuan min rawn pawt a officer kha a kal tir lai reng reng ka lo hrelo keipawh chu a lam ah ka kal nghal bawk,nghet takin min kuah a a lungphu ka hriat rual chuan na tak tuar ani tih ka hre thei













"Ka hmangaih che," ka chhip sam ah chuan a fawp zeuh a ruah atla bang lo bawk nen vawt ka ti ka khur hlak hlak tawh,bak ah ka taksa na lo lai awmlo hian khawsik nen mi tham er er tawhin ka hria ka ban a na lutuk a a khur dur dur reng mai













"Ka thiamloh ani min ngaidam rawh,I thu kha lo awih ila chuan Jonathan hian eng nat na mah a tuar lo tur ania sin" ka tha neih zawng zawng in a kawr ah ka tham tel bawk ani pawn nghet lehzual in min kuah ve a













"I thiamloh anilo... lungngai suh Jonathan hi a thi mai mai dawnlo a la dam tih ka chiang" a thinrim a reh lo chung pawhin ka lak ah chuan tawngkam nem tak a hmang reng tho hei vang hian ani ka Daniel hi a danglam chak a ka hmangaih zual thin em em






______________________________________


★ 4 Month's Later ★







"Kal chu I duh tak tak a maw? nakin ah hei ai a boruak a ziawm hun ah kan pahnih in kan kal thei reng ania" Jonathan vui na a kal turin a insiam chu ka pui a tie suih sakin a mah chu ka melh leh zauh thin a la na reng ani tih ka hmu thei chutiang bawkin keipawh mahni in huat na in ka khat a engvang in nge Jonathan ai khan ka lo thih zawk mai loh tih te ka ngaihtuah thin













"Ka kal ngei ngei angai tun bak chu kan inhmu tawh dawnlo" a rawn ti chhuak sup a, hahdam lo tih hriat takin ka chhip zawn vel ah chuan a rawn thaw chhuak hak " nangpawh Nangpawn i in hrem na rilru kha dah tha la min zui ang che aw"













Kha thil rapthlak tak kan tawn aṭang in thla 4 a liam tawh a kan boruak tawn pawhin ram chhung chauh nilo ram pawn thlengin a luah khat vek a,mite ti ti ala ni reng bawk Daniel a company pawh a buai ve map bawk a chhan pawh Lory nen an thawh dun vang ani mahse thil thlen hnu aṭang erawh Daniel a Lory nen an thawh ho na zawng zawng ati tawp vek tawh a,a suah sual vangin a nu leh pa te ngei pawh zak takin a awm tir a dinhmun chhe ber an chang hi ani tawp mai













Thla liam ta chhung zawng khan Lory leh Jonathan te ruang chu zawn ani a Lory ruang chu lung lian tak chung ah an hmu a police te sawi dan chuan an tlak na ah khan vanduai ah tangin lung ah hian a tla ani awm a a hmel hmuh tlak pawh awmlo khawp in a tla na aniang Jonathan erawh tun thlengin a ruang an la hmulo a thla hmasa khan a vui na neih an tum tawh a a nu leh pa te mahse Daniel an a la thi lo tiin vui na hun hman a phal tlat lo a a nu leh pa pawn an la rin em vangin vuina hun pawh hmanglo in kan zawng chhunzawm zel a mahse a reh tlawk tlawk ani ber mai













Jonathan nu leh pa te chuan thu neitu lam rawn ang in hreh tak chungin vui na hun chu vawiin hian hman an tum a a ruang takngial pawh hmulo a mahni fa hrin ngei thlah Chu a har viau ang, Daniel pawn a beidawn san ta nge vui na hun an nei tawh dawn tih a hriat pawn engmah a sawi buai tawhlo a chhungril tak erawh chuan a la pawm loh zia ka hria a hmasa phei kha chuan vui na hun hman a la phalloh vangin buaina asiam phah tep













Nitin zan tin in a tan alo hlut zia a sawi thin a an pahnih in in pawh ang takin awm ngailo mahse unaupa ang mai a an in ngaih thu te chu a sawi tam ber ani,a ngaih thu sawi chhuak ngailo mahse a chungchang a sawi chhuak leh nawlh zel a a chang phei chuan Mansion kawt ah Jonathan an engtik lai mai pawh a alo zui kual na thin car kha a khalh kual chiam thin Daniel a mizia hre thang tan chuan mak tihna chen a tam lutuk Jonathan ai awh turin tumah lak a tum tawhlo bawk a mah hlir in office pawh a in khalh theng tawg thin












"Jonathan nu leh pa te pawn min hmu tel ve duhlo ang tun ah chuan,keimah vang vek a ni sia thil thleng kha"












"i bul ah ka awm hi,I inthiamloh na kha dah tha la a tawp nan ngaihdam dil turin I kal zawk tur ani lawm ni?" ka biang tawn tawn ah dawm in min kuai dak deuh a ka hmui a rawn fawp zui zauh bawk min nuih eng ang mahse keimah min tih phur a tum vang chauh tih ka hria













"In siam ve rawh le" zaidam dup a tiin min fawp leh a Keipawh thaw hawk in ka lo bu ve bawk ka ngaihdam dil theih hun hnuhnung ber pawh ka tlanchhiat san ang maw? nilo keimah ngeiin ngaihdam ka dil ang ka thawmhnaw awm nap pan in ka in thlak ve nghal a Daniel pawhin engkim a dum vek a in bel













Ka pa pawh a dam tha tawh a kan boruak vangin ani pawh alo in thiamlo ve em em bawk,Jonas a zar ah keimah ni in ngei ah a awm leh tawh a Diana leh James erawh tualthah leh dawt sawi vangin jail an tang tawh a Daniel a lawyer tha lutuk Chu awmlo se Chu ka pa pawh thla reilote ala tang ang a chhan pawh court hma ah dawt alo sawi vangin













"I nalh lutuk,ka hmangaih che"



"Tak tak maw? I nui hmel ka hmuhloh na arei tawh lutuk"




"um.." darthlalang hma a ka in en chu hnunglam aṭang a min kuah in ka kut Chu a lek kang a,kan in hual na zing bun Chu thlek in a thaw hak a " boruak hi reh fel deuh se inneih na Chu kan ngaihtuah tha dawn nia"












Thil thleng ani leh ta nuaih nen Jonathan kan zawng reng bawk a,ka pa court nen hun tha a awm mangloh bak ah Jonathan lo let thut takin ti chuan inneih pawh kan sawn ta ringawt a a chhan pawh Daniel an kan inneih hun ah Jonas nen mopa thian a hman a tum ruh em vang ani mahse tun thlengin kan hmu zo ta silo













"Ka hmangaih che" in her in a hmui ah chuan ka han ding di hlip fawp ve a,tichuan Jonathan te in lam ah vuina hun a va tel ve tur chuan kan chhuak a,Kan thleng a vuina hun pawh an hmang nghal mawlh mawlh a anu phei chu a tah chhuak a tap thei bawk silo ka khawngaih lutuk vangin ka mittui alo tling ve pam tawh













"Pu Daniel inlo kal ve ani maw? kan va lawm em" Jonathan a pa leh nu chu an rawn thleng phei nghal a, Jonathan te chhungkua hi an rethei hauhlo a duh chuan tlangval thenkhat ang in nileng thak pawn mu mai mai se an nghei ngailo ang tih tur vel a hauda lawr lak an lo ni reng a mahse a man Daniel a hnuai driver nih kha a duh tlat anti a nu leh pa te chuan












"Aw,,ka nupui hual Dilbara nen kan rawn kal anih hi mamawh in nei em?" Daniel chuan a mood diklo em em Chu thlak in pangngai thei ang ber chuan a lo chhang zui a chutih rualin a nu zawk chuan ka kut a rawn hun tawm nghal vek a tah chhuak in sum takin min en bawk













"Nangmah hi maw Dilbara chu? "
lawm hmel tak hian a n a nui leh ,a ngaihna hrelo a as nui ka en lai chun a thaw hak a hmel
lo deuh a fiah tawlh tawlh kan pahnih kan kalsan rih a "Ka fapa khan a hmangaih Che sin"













"Ka pi,ih eglo Dilbara cu ka nia mahse keilo midang ani lo maw?"






"Aiii,,nangnah ngei hi I ni i I lan dan engkim hi a dik vek nangmah ngei hi ka fapa hmangaih chu I ni sawichhuak lo mahse i ti hlim asin a vawikhat nak meuh hmangaih anei ve a,a sawi chhuah a rem silo I khel nat tum a a kut I chelh sak thu pawh min hrilh tak asin















"Pentagon mansion ah" ka taxi chhung ah chuan tlangval la thalai deuh hi a rawn lut nfhal thurh






"Pentagon Manson ah maw? tlangval hna I dil dawn em ni? tunge I nih a reng reng a Pentagon mansion Chu tinge kal ki duh a?"










"Ka tan a thil pawimawh tak chulai hmun ah chuan a awm" ngainat awmlo zet in ati a






"Chuan.. I hming?"






"Jonathan..!"








🍂 THE END 🍂









* A hlut na bo thak khawp a ka chawlh rei vangin ngaihdam ka dil che u Chuan chuti chung pawh a min la chhiar sak zel vang pawhin ka lawm lutuk takzet in duhthusam in a tawp lo ang tih pawh ka hria ka tih tawp thiam dan ani miau bawk sia 😁 Love you all 💜👋🍂

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)