JOSEDO BY BEARR CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: JOSEDO BY BEARR CHHAKCHHUAK (Completed)

Unread post by Ngaia » August 9th, 2020, 12:40 pm

CHAPTER - 25🌻







Tlai chaw la ei lo vek kan nih vangin in haw tir tum chuan kan in nawr vek a mahse haw bik nih chu nuamlo tak ani Pu Rama te chhung chu haw phawt turin kan ti a Terini te unau pawhin tlawmngaih chhuah in anlo awmpui theih thu an sawi a pu Rama erawh in haw mai a duhlo a Mimi-i bawkin pi masangi leh Mampuia te chu in hnawh puar ve pahin a hruai haw thei hram a pu Rama pawh ei tur an rawn kem sak tur thu an sawi kha











Pawn ah tlawng chuan darkar eng emaw zat kan awm a Rinrini harh thu reng kan la hre theilo Pi masangi te haw pawh an rawn kal leh tawh kan pathum ei tur an rawn ken ang ang te chu kan ei a ka chhungte pawh kan chanchin te sawi in ka haw mai loh tur thu ka hrilh nghal bawk,a tawp a tawp ah chuan doctor in thu lawmawm a rawn nei ta








"Damlo chu a rawn harh deuh tawh a,mahse rei vaklo chu la nghak phawt ang u aw kan chim buai nghal mai chuan a tha lo ang" atih vangin kan nghak leh rih phawt








"Engtik ah nge kan hmuh theih ang le?" Pi masangi chu a hawi kual chhen a doctor in Rinrini harh thu min hrilh aṭang a darkar chanve ngawt a liam hnu chuan pahnih luh min phalsak ta hlauh







"Chhana I pa Rama nen hian lut mai ta che u keichu ka tap ang tih ka hlau emai" a luh theih hma kha chuan pi masangi kha luh chak ber ania tun ah erawh a fanu na tuar hmuh a hreh luat ah lut turin min ti ta daih a keiin Terini Nurse ni bawk chu a awm ve tha a ka hriat vangin ka lo sawi lang ve thung










Mahse an vai in pu Rama rual chuan kal ve zawk turn in min ti vek a min rin tawk zia ka hmuh vangin ka hnial lui duh tawhlo pu Rama nen chuan kan lut ta a khum a Rinrini lo mu ka hmuh chuan ka ding deuh dawt, engtin em em nge darkar reilote chhung khan tiang sawn a tlak theih! a mak takzet mihring chaw tha ei tur hmulo ang maiin a lang nghal anihchu!









"Bawihte.." thawm dim tak chungin Pu Rama chu veilam sir ah a thu a kei dinglam ah ka thu ve thung,a chauh hmel ang ai erawh in a mitmeng a fiah







"Ngati nge engmah I sawi loh a? heng natna tihbaiawm lutuk I taksa in a vei tih hi ngati nge I zep I taksa in a tuar takloh hi,a tir ah min hrilh ni la chu I dam vek tawh tur asin engati nge I pa te bul ah hian I zep a?"








Rinrini chuan a pa chu a en tlawk tlawk a mahse a ngawi reng a chhan na a pe lo thung,a tawngchhuak thei rihlo pawh ani mai thei bawk,a pa lam a melh chu chunglam ceiling a han melh a a a mittui luang chu ka lo hmuh hmaih miahlo eng emaw tak a rilru tina tu a awm tih ka hria bak ah phone a hman hnu khan hetia awm zui hi ania eng emaw tak chu a awm ani








"Pawisa.." a rawn ti ta sep a






"Pawisa a! pawisa kan neih loh vangin I natna chu I zep char char a maw?" a lo bu leh nghut nghut a " Bawihi I nun na tluk a hlu hi a awm lo a sin pawisa chu eng ang pawhin neilo mahila I dam na tur anih te chuan ka ngaihtuah vek mai dawn alawm"









"Pawisa a kan harsa anih pawhin ka puk anga I dam vel ah rilru hahdam deuhin ka rul leh mai dawn a lawm" pu Rama te pa fa ka hmuh chuan ka rilru a lo na ve em em ringawt,mamawh tawk bak ai a tam pawisa nei an awm lai a Rinrini te ang a beidawng leh pawisa duh khawp neih veloh vang a natna tuar tlawk tlawk hi engzat tak la awm ang maw!








"Pa...naute neih ve ka duh asin" a rawn ti chhuak leh a




"Engw awmzia naute I pai em ni?" pu Rama chuan alo ti vat, keipawh in naute ti a a phun sap ka hriat tawh vang khan ka ngaihven hle bawk





"Doctor in naute ka pai thei lo tiin min hrilh a" a khuh ta vak vak mai kan hlauthawng chuan doctor kan au nghal chul a anni pawh arang lam in an rawn tlan lut nghal a thil pawi a ni lem lo hlauh mai









Chhuahsan rih tawh mai tur a min tih vangin kan chhuak leh ta rih a Rinrini thusawi zawh loh te erawh chuan min mawlh ta reng a engkim hriat duh na in min tur ut ut! Rinrini hian a cancer thu hi a hma aṭang khan a hria a nihchuan inneih an thulh chhan te hi a ni mai lo maw tih thlengin ka ngaihtuah ta naute a pai theihloh thu a hriat phei chuan inneih na kal tlangpui chu a chakawm viau lo mai thei










Rawn in sawn an nih avangin chhungte han awmpui tu tur mumal an neilo a kei leh Terini te unau deuh chauh chu ani mai awmpui,zan arei dawn tak a vangin rilru nuamlo deuh chuan kan haw ta a doctor in pakhat awm ula atih vangin pa Rama zawk a awm a nu masangi te pawh in thlengin kan thlah leh thlap











A tuk khua a lo var chuan rin phak bak in Rinrini chu a tha a,nizan lam ah pu Rama phei chuan a harh loh em vangin alo beidawng ru hman tih min hrilh a pi masangi phei chu a hrilh lo tih a sawi bawk office a hnathawk ka nih avangin ka kal kawi chuan ka hna zawm turin ka chhuahsan leh a hna erawh rilru ah a lang lo khawp mai, engtin emaw tak a Rinrini enkawl na tur hi ka ngaihtuah sak ve angai ani










"Pu Ram enge Rinrini chu a an a?" darkar tin dan ah ka call tih ka hai lo ka tihbuai pawh ka hlau na chungin eng emaw a thlen thut hlauh na ka neih ruk reng vangin Chanchin a khat tawk a hriat zel ka tum ve tlat






"Chawhma lam khan a chau zual leh a mahse hei chawhnu lam ah chuan a tha tawh khawp mai,a nau pawh a chhawn chhaih peih tawh a" ka thawl huai mai






"Aw ani maw a van lawm awm em! chuan in vai a luh an phal sak tawh che u a mi a?" Mampuia Rinrini nen an in chhawn chhaih thu a sawi chuan mak ti ka ti ve deuh hlek





"Aw phal ta mai anih hi a mah a zia lai ani bawk nen a nu hian a dil char char a" atih chuan ka khi sek a " min rawn ngaihven zui zel a a lawm awm khawp mai" a rawn ti leh bawk







"E lawmthu sawi na chi pawh anilo kan tih ve tur alawm,hei hna kan bang tep a ka rawn tlawh haw leh dawn cheu ania" phone off in ngaih tha deuh chuan hna ka thawh chhunzawm leh a









Tum ai a hna ka khawih rei leh si vangin dar 5 dawn ah chuan office aṭang in ka chhuak ve chauh a hospital ka pan ding nghal bawk zan lam a thawh tur ka la hawn bawk vangin tlai a ka tlawh haw ve hram loh chuan ka hman dawn tlatlo zan lam chu, tichuan hospital ka thleng a Rinrini dinhmun ka hmu chu Kawngka luh pahin ka nui ringawt! hma a lo sawn ani tih a hriat khawp mai








"Kha eng damdawi nge I ei a I va nula ve" a hmel lan dan ah ngaih that na tham changkan na hmu lo mahila a mit a men peih a midang te biak a la chhawn zel peih pawh chu doctor in a sawi dinhmun ah chuan nula tak ani








"Nia..ka hre bik lo le" tiin minlo chhang mai a a sir ah chuan ka thu thla ve nghal vat Pu Rama te ho pawh a piah deuh ah anlo awm daih bawk " Ka lawm e" a kut in ka kut nghah chu arawn vawn thuah a





__________________________________


★ LAWMSANGKIMA POV ★







"Hrep tak chuan le!" motor steering chu ka chum pawp a rilru hmanhmawh tawh nen, Champhai thlen dawn tep a kawng kal tlang na dang tak a motor lian lo let ve reng chu ka haw takzet








"Thiana in sum teh,eng em ati lo ang" Rinkima ngaihsam lutuk te chuan ka thinrim a belh chhah,ka farnu in ka hmangaih cancer natna vei thu min hrilh khan engtin nge ka awm takngial pawh ka hrelo! chutiang khawp chuan min shock a chan ka hlau takzet Rinkima nen in khalh chhuak in Champhai kan pan nghal









"Buaina! engvang a Buaina hian min kian san thei miahlo nge anih! buaina lo chhuah tan na ber ka chingfel chiah a tun ah ka duhlai in buaina dang alo tawk veleh si!" horn ka hmet tuarh tuarh a motor a lian bawk nen awlsam tak a lak kian mai theih anilo








"Kan phone mai dawn ami I ngaih te pawh a tha deuh ang chu" a phone a phawrh a aw ti pawhin ka chhang lo kan chhuah hma a Nautei biak ve ziah Mimi-i number a la fel diam bawk a a phone ta nge nge a kei erawh in kan tlan tlang theih hun ngaichang in hmalam ka melh ran










"Mimi-i maw? e I rawn biak thin Sangsangi u thianpa ka nia,Rinrini damlo I rawn sawi kha enge a an tawh a? Ls-a hian a ngaihtuah deuh hlek a hei kawng ah kan rawn tang leh bawk nen chanchin hriat kan duh a"










*A chanchin a chhe lam leh dinhmun thatloh na lam a nih phawt chuan ka ngaithla duhlo ka beng ka chhu ngawng lui tlat ang* ka hmalam en reng si chuan ka ngaihtuah na lam ah ka sawi char char thung " A hriat chin ah chuan a zia deuh anti ati anihchu" kan tlan tlang thei chiah tihin Rinkima'n thu lawmawm a rawn sawi ve bawk








"A that chu thlen vat vat ka duh" chak thei ang ber in ka tlan char char, zan rei dawn ah ka hriat rualin Rinkima ka phone a kan kal nghal ani mai bawk nen kan thleng tlai viau dawnlo e motor in min dang lo phei se chuan kan hnaih tawh ang










Tichuan thim hma hret in champhai kan lut a hospital an sawi lam ah kan kual nghal bawk hmanhmawh takin kan thlen rual chuan ka tlan lut a nurse hnen ah chuan nimin mai a damlo admit thar awm na ka zawt a min hrilh lam pan in Rinkima pawh nghak mumal lo chuan ka tlan zel a Kawngka pakhat zawn ka thlen chuan ka ding nghal chawt








"Tah khan a mi?" Rinkima rawn tlan pahin atih pawh chuan ka chhang theilo Kawngka chu tlem in ka hawng zau ta deuh a,mi pahnih awmdan ka hmuh chuan a hma a Lawmsangkima kha a lo chhuak mai dawn hian ka hria!








"Thiana..?" ka hmuh lai a rawn hmuh ve vangin a ngawi ta vang vang a nau mipa naupang chuan minlo hmu a a pa chu a hrilh nghal vat bawk a pa in min hmuh chuan a ding hluai a








"Ehe! Kima inlo kal alaw?" buk nghut pahin Bawihi te pahnih mak ti hmel en tur chuan ka hawi lehnghal a chupa ve sek in a lo awmpui chu duhlo in ka ner nghal a Bawihi mak ti hmel ka hmuh chuan ka thinrim khawp mai min hmuh chuan hlim tur ani a sin mak ti tur nilo in








"Kan lo lut dawn a pawi em?" ka ti a Bawihi leh a bul a mipa awm in en kher dan te chuan chhungril ah hian min pump nasa tawh mahsela mipa puitling ka ni a thil hrethiam lo let der pawh ka nilo chuvang chuan ka en liam mai mai rih ang,Bawihi'n engtin nge a lo chhan leh bik dawn pawh a hriat siloh










"Aw lo lut ru,lo lut ru kha thutna a awm kha" Inneih chungchang ah thu tawp siam tu ka nihloh vangin ka lak a lungawi lo thei an ni lo lungawi loh chu sawi loh in thiamloh na nen tha takin minlo chhawn zawk Rinkima nen chuan kan thu lut ve a








"Tinge inlo kal a?" hah hepa awm vang hian nge Chutia min tih kher chu,kan inkar a tha lo anih pawhin heta ka kal chhan hrelo der tur chu anilo mawle! ka ngaihtuah em vang a kal ka nih hi a hai der dawn amaw! chutiang chu ka thlen tir lo ang,a kiang ah ka awm anga a dam hma chuan ani tawp mai







"Kan lo kal chhan chu I.."




"I chanchin kan hriat khan Ls-a hian a ngaihtuah lutuk che a zan pawh sawilo in min rawn sawm a kan lo kal nghal anih hi" duhai a ka tawng nat dawn vangin Rinkima'n minlo chhan khalh vat








Ka hria ka zep lo,ka zaidam lo a ka thinchhiat bak ah ka thikthu pawh a chhe hle bawk a mah anih vang hrim hrim pawh hian,mahse hepa hmuh lai a min ngai pawimawh tawh miahlo ang a a awm hi ka duhlo min la hmangaih zia a hmel ah ka hmu thiam a mahse thup ṭalh atum anih hi mahse chutiang chu ka thlen tir reng dawnlo damlo anih ka hria midang nilo in ka duat chauh a mamawh








"Ka dam tep alawm" Chhana a tih ziah pa chuan tawng tam lo turin a lo ti ve bawk enge maw kan in biak na ah chuan buaina a lo neih ni? Bawihi veilam leh dinglam ah kan thu ve ve a,a khat tawkin Bawihi a melh dan chu ka chik reng bawk








"Nia tun ah kha chuan I zia deuh anihkha chhan te pawh minlo chhang peih a,a lawm awm khawp mai" Rinkima a lo tawng zel a Bawihi pawhin tha deuhin a lo chhang zel bawk mahse kei chu min melh eih duhlo chu chuan ka luhlul na kai tho in min en hma chu ka melh ngar ngar a rawn hawi a ka mit ah tak min en reng hma chu ani mai











A tawp ah chuan ka melh reng reng vangin ka lam ah a mit. fu ve ta nge nge a ngawi rengin min en,a natna vang a a hmel danglam zet ka hmuh te chuan ka kut ka hum ruh vak hetiang a thlen hma hian hre tur ka ni asin,ka ngaihsak tha in ka duat viau emaw ka ti a mahse a chanve ang pawhin ka la ngaihtuah tawk lo anih hi







"Ka va haw phawt ange hei khua a thim mai dawn,zan a hnathawh tur ka hawn bawk sia" Chhana chuan thawh pahin ati a Bawihi min en reng lai pawh a hawi sawn phah!






"Aw ani maw tluang deuhin I haw dawn nia minlo ngaihsak thin a a lawm awm khawp mai" Bawihi pa chuan a lo ti nghal vat Bawihi hlei hlei chuan a a haw tur chu a ui hmel hrep lehnghal!






"Hman tak leh naktuk lam ah ka rawn kal dawn nia,lo tha zel rawh aw" Bawihi sam a a chul sak chu ka ngai thei ta hauhlo ka che hluk tawh,dam lo mitmeng chau zet in min rawn en rual chuan ka thinrim na theihtawp in ka thunun nghal,hrep hian a Bawihi en mai mai ah pawh thu pek dawng ang maiin ka awm tawh chu ania!









"Pu Ram damlo hi check angai dawn a lo va chhuak leh ta tawh mai rawh u" a rei ber ah minute 10 vel bak kan la awm ve lo chhuak turin minlo ti lehnghal peihlo deuh chuan ka tho a pawn ah kan nghak ta thap








"An inkar ah eng emaw a lo awm tawh ani lo maw?" kha pa vang a lung lawm loh sa nak laiin Rinkima'n thu awmze neilo a la rawn sawi zui,mahse a sawi chu a awm ve tho Kawngka a kan din lai khan kha pa khan a nu leh pa te awm lai pawh sawilo in a chal ah a fawh sak anihkha!









"Thinrim belh na tur sawi teh suh" a ban bul ah chuan ka hnek dawt a " Chung ai chuan engtin nge Aizawl lam ah kan hruai thlak ang tih ngaihtuah angai heta enkawl tur ringawt chuan ka ring zo lo tha leh harh ang in lang mahse Bawihi khaa chau lutuk"









"Nia keipawh ka lo ti rilru a,a pawn lam lan dan ngawt kha anilo tih a hriat lutuk a khawngaih thlak emai a" chutia a sawi lai chuan ka ding hluai a Bawihi pa Pu Rama ka pan nghal chat a chutia a bul ah ka va kal ta chu mamawh ka neih leh neihloh minlo zawt nghal









"Rini hi min neih tir rawh u,biakin kher a ngailo khawi hmun pawh nise ka ta ah siam ka duh ani min phalsak ru" an nupa chuan an in en a Pu Rama chuan






"Keini lam ah chuan engtik lai pawhin a rem a,mahse kan fanu hian a duh miau lo ani bak ah hei tiang hi kan ni tawh a enkawl ngai lehnghal tawh I kut a hlan tawp mai che chu a tih chi loh hrim hrim"







"Ni e Kima,kan fanu I ngaihsak na leh duh na chu kan hrethiam lutuk pasal te neiin hlim takin awm se kan ti a mahse kan beisei loh thil a lo thleng leh ta bawk si.. Bawihi hi a natna in a chiah piah hneh tawh lutuk vangin nau pawh a pai thei lo a Chuvang a inneih pawh thulh kha anih hmel" Pi masangi pawhin alo ti








"Nau a pai theilo a maw?" ka ti chhuak hrawk




"Aw a natna vang ania a thisen te a chaklo a doctor chuan tun dinhmun ah naute pai chu a ni ang chu taksa ah chuan thil theihloh tluk ani atia"






"Fa in fiam pui tur I duh ve tawh thu I sawi thin te min hrilh a naute a pai sak thei dawnlo che tih a hriat khan a rilru a na viau aniang,fa tello chuan nupa kar a tha rei tak tak theilo antih te hi a lo hre ve emaw ni mahni in sit in Inneih hial pawh thulh a duh phah ta alawm"









"A luh theih em?" doctor rawn chhuak chu hmanhmawh takin ka lo zawt nghal pahnih chauh a tih vangin midang pawh rawn hmasa lo chuan ka lut nghal a midang min rawn zui an awmlo "Fa min hrin sak theih dawn loh avangin maw engkim I tih tawp?"









Aw tih nan a lo bu nghut a kan chhuah lai te kha chuan a harh viau in ka hre sia tun ah chuan men pawh a meng tha peih tawhlo! " Bawihi tinge hetiang hian I tih? kan in ngai a kan in mamawh a kan in hmangaih hle bawk chutiang chung chuan inneih I thulh a!"








"I tan engmah ka ni tawhlo" mit chhing chungin ati chhuak sep a a aw hi a thâm ve sa deuh bawk nen a tawng pawh a zawi zual








"Ni e,ka tan chuan ka engkim leh khawvel I ni ka tih thin kha I sawi chhan pawh ka hrethiam ka thusawi vang kha ani mahse ka ti tak tak lo ka thinrim em vang in ka sawi satliah anihkha,ka tihpalh!" a kut khur dar dar ah chuan ka dawm a la kang in ka fawp zui bawk








"Midang in an hnaih ringawt che pawh ka thik em em a chulai kar ah kha pa khan a fawp che ka hmuh phei chuan a tir ah ngat khan thah ka chak hluah hluah asin,mahse ka tilo a chhan chu a lak ah feelings engmah I nei ve lo tih ka chian vang ani ka thinrim na pawh ka thunun theilo anihkha!"









"Sual.." tih in min rawn au zui a a muhil nge ni a mit a chhing nghal vang vang




"Ni e ka sual a lawm, Bawihi bul a ka awm loh chuan ka sual tawlh tawlh" nui suk in ka hmui zawn ah a kut zawi zet chu ka dah a ka fawp chhen bawk









Chau viau mahila zan ah Rinkima nen a nu leh a pa te chu kan men chhawk a,kan tih luih nasat em vangin kan hnar haw thei hram anihkha dar11 vel ah Rinkima chau pawh thuthleng pakhat thu chungin a muhil bawrh bawrh a kei erawh ka meng lui ngar ngar







"Ka hmangaih,ka naute,ka duat em em te khawngaih takin min kalsan suh aw" darkar tiin chu thu chu ka hrilh mawlh mawlh,min mutthilh san hnu aṭang khan a la rawn harh miahlo a doctor ten an check vek tho bawk a mahse ka ngaih a thalo hle











A ban ah te chuan damdawi hmanrua chi hrang hrang an vuah fur hlawm a,a na tur ka ngaihtuah sak ringawt pawhin ka lo hreawm hluah hluah! dar2 dawn ah chuan nizan kan tlan tlaivar thak bawk nen ka lo muthlu ve a ka ban za mer mer ka hriat vangin ka meng riai riai








"Bawihi.." ka tum loh deuh a dam in ka hmuh vang chuan damdawi hnathawh a rawn Lang anih ringin ka nui suk a mahse a bul ah Chhana bawk chu alo awm leh tawh! "Nang enge I rawn tih leh dawn?" ning hmel zet in ka ti nghal









"Min chhuahsan tawh rawh,u Chhana hian min awmpui se ka duh" chu thu zet chuan ka thin a ti thawk nghal zak tho in a bul a awm chu ka pawt lawp a a kawr nghawng ah tham in cho zet hian ka en nghal








"He mihring pa awmpui hi I duhlo min tih thinrim leh tih thik nan anihkha I sawi" kan thawm ah Rinkima pawh a rawn harh kan chau chu kan lo muthlu tui phian aniang " Min hmangaih a ka awmpui che a ka duat che chauh I mamawh"








"Hepa lak a chan mai mai tur che hian min ngai ami? teuh tawhlo ka tihsual ka siamtha anga eng ang pawhin hun duh dawn mahse ka ta ah ka siam che anga ka nei let leh ang che"








"Ka hmangaih tawhlo che Lawmsangkim ka thinlung min tihnat sak tu hnen a let leh ai chuan thih pawh ka thlang zawk " a thawh kan theihloh vangin kan pahnih in melh chu minlo en reng,ka hnen a let leh ai chuan thih pawh a thlang zawk anihchu! hrep chuan le!








"Fanu nakin lawk a nei tur in min ngaihsak a min duat ka duhlo" atih chuan hriatthiam loh na nen thinrim na nen ka thluak a in chawh pawlh nuaih! a tawp ah chuan ka hrethiam ta Malsawmtluangi khan ka fa pai anga a in sawi khan naute chu hmeichhia a ni dawn tih a hriat ruk thu min hrilh ngei a chuan ka naute (Farnu) khan a thusawi hre ve bawk anihkha alo han zualko leh hman anihchu!










*Ka hmangaih tawhlo che* hmmm chu thu chuan keimah ah nghawng chhete mah hi a nei phalo min hmangaih tawhlo mahse ka hmangaih chhung chuan ka ta chauh ani ang hepa te ang lak ah hian chan mai mai ka tum hauhlo "Fanu maw I sawi?" Chhana thlah pawp pahin a bul ah chuan ka thu leh










"I thinlung kha ka tan bak i dah lo tih ka hria ka nei ang che,I mi hmangaih tawhloh na ringawt khan ka lak atangin a hruai hrang thei chuanglo ang che...Chuan"









"Ai teuhlo" ka sawi leh tur hre lawk ang maiin ati chhuak nghal thawt a kei erawh in hnuhnawm thlir in ka lo thlir thung a chauh leh mai erawh ka hlau takzet a awmdan hi ka hrethiam lo a dam leh harh that chuan damlo natna nei pawh a ang lo zawk " I fanu nu a tan chuan ka hlu mah mah"










"Fa pai ve theilo in reitak pawh dam dawnlo mahila ka nun a harsatna min thlen thintu nu fa chu ka enkawl pui lo ang che" arawn ti leh a Rinkima nen kan ngawi reng ringawt








"Rin, hahdam rawh kha I thawk a diklo tep ania doctor ka ko dawn em?" Chhana chuan alo ti a Rinkima doctor ko turin a chhuak nghal thurh "An awm tho a ka haw ang aw office kal hma a ngai sia" kan pahnih a min kalsan hnu chuan Bawihi mit chhing in a a awm ta tlat









Malsawmtluangi ka man chhuah dan te leh naute chungchang dawt ani tih ka hrilh chuan a thaw huai "Bawihi fa hi ka duh ber ani hleinem min ngaithla teh" a kut chu ka dawm leh a " fa nei kumkhua theilo mah ila pawi tihna ka neilo nang erawh ka kiang ah awm reng la ka duh ka hmangaih che a ka hmangaih nawn fo bawk ang che heng natna te leh naute chungchang vang hian tiraw kan inkar zawng zawng I tih tawp?"









"Aw.."




"Tinge chung chu I tih a? min hmangaih anihchuan tlang takin min hrilh ta che na I tawrh chuan keiman a tih dam dan ka ngaihtuah zel ang I tan ka awm reng tih ka sawi tawh kha"







Meng silo chuan a rawn tap chhuak a " rei tak dam ve ka duh asin I kiang a hun hman ka la kham lo" a chal ah chuan ka fawp nghal vawng vawng a kei ngei pawh ka in sum theilo tep!







"Kan suangtuah thin te kha tih puitlin ve ka duh a,fa hrin sak ve che ka duh asin"




"Bawihi a tawk tawng tawh suh" a khuh ta bawrh bawrh a boruak tlachham ang mai a a awm vang leh a hnar a rawn thi tak vang chuan tawp tur in ka ti a doctor rawn lut te chuan min chhuah tir a Kawngka an khar hmak









Ka rilru a kal bing em em a engtin nge a awm anga a thalo zual angem tih te chu ka ngaihtuah na ah a rawn lut zut zut Pu Rama te pawh an lo thleng ve chiah a boruak awm dan ni churh leh Bawihi chinchang ka la hre leh bawk silo chu ka tawt up up rei ngial kan nghak a








"Treatment lak nghal char char hi a tha ber tawh ani" doctor leh Pu Rama te chu an in bia a kei erawh hnuailam bih in ka thu kun ngul luh leh theih tawh se ka ti ber Bawihi a mah chauh a awm tur chu ka ngaihtuah ani.. theih se Aizawl lam a hruai thlak mai ka duh a tun dinhmun ah erawh khawi ah mah kalpui chi anilo
















Ni thum kan awm na ani ta hna ka ngaihven tawhlo a Rinkima erawh ka haw tir tawh, Bawihi lah chu a ni tel in a thalo tawlh tawlh mai si a ka mangang takzet thin a chang hi chuan rilru in chunglam ka dem leh fo bawk,a treatment la zo phei hi chu en pawh ka en tha duh thinlo mahse a mah ngaihven tu ber ka nih tawh vangin khum a hlan te leh thil dang dang pawh ka tih loh chu a duh miau lo a khum a hlang tur a ka pawm te hian ka hreawm ngawih ngawih thin naute lem pawm ang mai a zâng ani tawh











Chaw a ei thei tawhlo a drip khai te chuan a in chawm ani ringawt thin,harh mumal a nei tawhlo tluk ani bawk Mahse chuti chung pawh chuan a bul ah ka awm reng vangin a meng theihloh pawn ka khawhar loh nan a peih chuan min bia a a tawng pawn a tawng peihloh chang chuan ka kut ah a tin in a thai keuh keuh zel bawk chu lek pawh chuan min.ka ti hlim ve em em thin









"Ka kal hun ah hmangaih dang I nei angem?" harsa ti zet hian a rawn tawng chhuak a, vawiin treatment an lak na chu nidang ai in a hreawm a ti bawk




"Khawi ah mah I kal dawn hleinem,ka kiang ah I awm reng dawn a lawm Bawihi min kalsan daih te chuan tu lak ah nge thikthu ka tih chhiat tawh ang?"






"Theihtawp ka chhuah anga I dam theih nan engkim ka ti anga I dam leh vat mai ang Pathian hian ka hmangaih em em leh ka khawvel hi hetia awlsam tak a min laksak hi ka ringlo" beisei na a neih theih nan ka ti lui ve tlat







"Ni e a phal miahlo ang, Lawmsangkima te ang mipa luhlul veng tur hian min la dam tir reng ka ring ani" a beidawn ruk zia a mittui luang te chuan an in hrilhfiah vek a tu a mah chuan kan beidawn thu kan sawi chhuaklo









"Enge?" a kut tang ah chuan zungbun ka rawlh a



"Tun ah chuan ka nupui tak tak I ni tawh" a kut chu la in zungbun ah chuan ka fawp a



"Ka pasal..!"



"Aw ni e,I pasal ka ni tawh a nupa tak tak kan ni tawh e,ti hi chuan I dam vel a mo kawr var a bik tak a I tan a thui I hak theih hun nghah chiah ani tawh mai kan tih tur"










Nitin chu beidawn na in a belh chhah zel a naktuk hi kan pahnih in kan tho chhuak leh thei angem? mahni chauhin ka tho angem tih hlauthawng reng reng in ka in ngaihtuah a,ka rilru tawt chang te a mah biak theih anihloh chang pawhin a kut ka zungbun bun tir na ngei lam Chu chelh in ka a en leh reng thin



IMG_20200801_234252.jpg
IMG_20200801_234252.jpg (72.69 KiB) Viewed 5422 times





"hetiang a min chelh let thei tur tal pawh hian awm tir rawh aw" tiin chunglam ka hawi nghal a






"A dinhmun a hniam rih emai kan treatment lak te leh engmah hian awmzia aneilo ni ber in ka hria" doctor in atih chuan ka nu ka biak dawn thu te leh hospital Doctor a nih ve tho thu ka sawi a engpawh nise hetah awmze awmlo a enkawl na neih reng hi tha ka ti tawhlo Aizawl emaw Guwahati a kalpui mai ka duh tawh








"Min kal tir mai rawh,hahdam tawh rawh u"





"Bawihi chutiang sawi suh,i tello chuan Lawmsangkima hi engtih na mah ka nilo ania! khawvel a thar a hmang leh tur chuan ka theih na in atlin tawhlo..min kalsan chuan ka tlu anga tho leh tur awm tawhlo in ka tlu hlen ang"



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 9th, 2020, 12:40 pm

CHAPTER - 26(Last)🌻






★ LALRINMAWII POV ★





"Keimah vang a hetiang a in awm tur ka duhloh vang hi a lawm" ka ti chhuak thei tawk,ka mit te hi rei tak meng thei tawhlo meng thei leh chauh ang maiin a awm a na a tuma hmel ka hmu tha theilo!






"Nangmah vang anih chhan chu tupawh hian ka hmangaih che a I dam kan duh ani" ka chal ah chuan midang awm ve pawh zah lo in a fawp vawng vawng a " Ka tan bik tak hian I dam atul takzet,ka kiang ah awmlo la enge ka tih ang engtin nge nun ka hman ang?"









Keipawh hian damchhuah tluk a chak engmah dang ka neilo,mahse ka dinhmun doctor ten an sawi ka hre ve vek zel a treatment lak pawhin ka taksa ah chuan hna a thawk lo tluk ani bawk si hun ka ngah tawhloh zia doctor ten an chian tluk in ka Chiang ve bawk a beisei a sang thei ngang tawh silo ani mahsela Lawmsangkima a mah chauh a kalsan hi ka hreh lutuk hetia natna nei a ka dam ve reng lahin rilru nuam in nun ka hman tir dawn silo









"Beidawng suh kan pahnih in kan tuar anga kan paltlang thei ngei ang cancer vei damchhuak leh pawh an tam tawh alawm,phai ah kan kal anga reilote ah I dam tha leh mai ang helai ah beisei na ti tawp mai suh"










Lawmsangkima hmel lungngai tak ka hmuh te chuan thei ngat ila chu ka tap chhuak vak vak tawh ang,tun ah rih chuan tap tur pawhin chakna ka neilo a ni tel in ka chau a chaw ka ei theihlo a mahse ka mamawh si ka kawchhungte hi a thawl huai tawh a hriat na ka nei








"Suangtuah tih puitlin tur kan ngah kha tiraw? Shillong a kan let hun ah kan in bul ah khan pangpar chi hrang hrang i phun anga chuan a bul vel ah thlai dang te chin I la tum kha I tum pawh tih hlawhtlin I duh tawhlo ami?"









A tawng zawng te chuan a tah hlau ang maiin a in seh ruh a,ka kut chu a hum ngar ngar bawk ka chelh let tha thei tawhlo tha ka nei tawh tawhlo ani, nileng zankhua in min awm pui a a mah pawh a chauh tawh ngawt in ka ring haw a hahdam tur a an tih pawhin a duhlo tlat a damdawi la tur leh doctor a bia te anihloh chuan ka hlat ah a awm ngailo hrim hrim











"Vawiin chu nidang ai ka nuam" treatment ka la zo khum ah min hlang tur a min pawm kan lai chuan ka lo ti ve a ka nawm deuh thu te leh ka meng ve reng peih chang te hian a lawm thei lutuk







"A ni maw,I dam tep tawh anihchu tun ai a i nawm chuan Aizawl lam ah in enkawl chhunzawm turin kan kal dawn nia aw" min mut tir a puan min sin tir leh thlap bawk a, Keipawh thuawih deuhin ka lo bu ve a, a mah hian ka dam a beisei em vangin engmah ka sawi duh tawhlo a duh a pianh ka tih tir tawp ka dam ta anihchuan in chhung takin a awm thei dawn a chuta a hlim hmel hmuhnawm lutuk tur chu hmuh ka chak ani










"A vawi hnih nan innei leh ila.." ka dam chhung reilote ah hian ka pasal nih nawn tir fo hi ka duh ani,kumkhua hi ka tan a awm ve thei silo a, mihring mahni hmasial lutuk te ang in reilote chhung chuan pasal ah vawi tam tak neih nawn ka duh ani,ka thusawi mawlmang lutuk vang chuan ani pawh a rawn nui chhuak









"I duh phawt chuan vawi za chuang pawh kan innei dawn nia, khawvel pum in nupa kan ni tih an hriat hma chuan kan innei nawn zel dawn nia" fiamthu ti tak zet in ati a a tawp ah a nui leh bawk










"Damlo check a hun e" doctor a rawn lut a peihlo deuhin Lawmsangkima pawh a tho ve tuih tuih nitin a atih dan ani hrim hrim bawk,ka taksa chhe tawh zet vawikhat a hmuh ve a a hmel lan dan ka hmuh aṭang khan doctor in min check dawn emaw thil dang hrim hrim ah pawh pawn a awm turin ka ti lui tlat thin









Nidang ang lo takin doctor in min check zawh vek tawh ah pawh a la rawn lut mai lo,nidang ah chuan doctor zawh rual vel in a rawn lut lehnghal thin kha ania mahse tun tum chu a rawn lut mai lo,ka thawh theihloh vangin Kawngka lam chu mu chungin ka en reng a chutah ka pa te leh uChhana te an rawn in zui lut lut









"I van nula leh tawh ve!" U Chhana pawh a lawm hmel khawp mai,kei deuh hi ka lawm zual bawk a hma kha chuan doctor pawh a beidawng ti tih tawh ania hei vang tak hian ani Lawmsangkima pawh a hlauhthawn thin,tlem a ka zia deuh chuan damlo satliah ang maiin ka nula a,a hnu ah ka ti leh thut thin!








"Nia,lo thu rawh" ka dinglam a thut a rawn tum lai takin Lawmsangkima a rawn kal tlang fua a a rawn thut khalh nghal daih " I thut khalh daih a!" a thik tih ka hria







"A pawilo helam ah hian kan thu ange" U Chhana chu a let leh hnak hnak a ka veilam ah chuan ngawi rengin a thu a,ka pa ten anlo biak chhungin keiin Lawmsangkima thu ngui bur chu ka en char char,ka en char char vangin a nui leh ta ringawt







"I lo lut har lutuk a!"





"Ka in phih harh ve lawk e ka tia" a tih ziah dan in ka kut chu la in a hum leh vang vang ka bul hnai a awm chawt anih vangin ka kiang ah a awm tih hriat nan ka kut a hum bo vek thin






"Ka lu a hai lutuk" Ka mut zawng ringawt pawh chuan lirnghing in a sawi chet ang mai hian ka awm a ka luak a chhuak nghulh bawk






" Doctor kan ko ange" U Chhana a chhuah hnu phei chuan nasa lehzual in ka lu a hai Lawmsangkima a buai vek ang tih a awmdan a ka hmuh te chuan a chi ai zual loh nan pangngai ka tum em em a mahse a theihloh tawp!







"Kima kha a hnar a thi ania!" Ka nu mangang aw chu zawi te hian ka hria a chutih rualin Lawmsangkima min hruk fai na in a chhunzawm nghal bawk " Bawihte tinge I dam theihloh le!" ka khum bul ah ka nu a awm tih hriat takin a rawn tawng a







"Khawi ah chuan nge in awm phiangsen hlawm a hmanhmawh ta che u.. Bawihi engtinmah I awm dawnlo ka phallo! I tha leh mai ang" ka khuh zawng chuan ka kâ aṭang hian eng emaw rawn chhuak ang in a awm a ka thawk a nuamlo em em bawk "Check rawh u" rem leh rem lo in min kuah a








"Lo awm sawn rawh kan check dawn e" doctor rawn lut in atih chuan rang takin a tho chhuak. a ka mutna phah bul ah chuan a din ve reng vangin nurse chuan chhuak turin a hrilh ve a, uChhana leh midang pawh an chhuah tir vek tawh









"Engtinmah awm suh Bawihi pawn ah ka lo nghak reng ang che" hreh tak a chhuah pahin ati a doctor ten min check lai te chuan nung ve tawhlo ang mai hian ka awm ka taksa an khawih tih ka hre tawk tawk ka kâ lah chu a tui lo sawt em em bawk si min hru a min buaipui nasa hle









"A kal mai hi a hlauhawm khawp mai Aizawl lam ah engpawh huam in kan refer mai angai ani hetiang chuan heta kan hmanrua in awmzia a neilo kan in chan mai palh ang" Luhai leh taksa nuamlo deuh nen doctor sawi chu ka hre pha tawk








"Ka kal mai hi a tha zawk.." ka phun ve chuan ka in hria mahse tuman ka phun ri an hre velo ka khaw hmuh a thim tan a a hnu ah chuan engmah hre tawhlo turin ka muhil zui vang vang









Lawmsangkima nen boruak thalo kan neih chang te,thu hmuh loh vang a kan in hauh chang te leh Baby leh midang ten kan inkar a buai nan a hma an lak te khan thinrim in kan inhau a a chang phei chuan Pathian hial ka dem thin anihkha! Mahse chung ai a nasa chu ka chung ah a thleng a mahse vawikhat te mah Pathian ka la dem lo a chhan chu min tih dam ka rin tlat vang ani Lawmsangkima a mah chauh a awm tur a ka kalsan vang vang hi a phal bik lo ang











Darkar tin mai chuan ka chau zual a chawhma lam a meng peih ve tawh pawh kha tun ah men pawh ka peih leh tawhlo Lawmsangkima leh Ka pa chuan min hnem mawlh mawlh a ka men peih peihloh vangin ka muhil emaw anti aniang,ka nu chuan tap chung hian ka kalsan mai a hlauh thu asawi reng bawk,Ka mittui a rawn luang chhuak a chumi rual chuan ka pa nge Lawmsangkima zawk ang in ka mittui luang te chu anlo hru nghal vat










"I beidawng ami? beidawng suh ka tih kha a hma pawhin ka hrilh che kha I beidawn ngawih ngawih chang pawhin I tan beisei tur ka awm reng dawn tih kha I hria tiraw Chuvang chuan I beisei tur kei ber pawh ka beidawn loh chuan beidawng mai bik suh aw Bawihi?"








"A tha leh mai ang" U Chhana aw ani tih hriat deuhin a ti a





"Nia,a that chhuah leh hi a ngai ani" A hma chu nise mak tiin ka melh tawn chhen tawhin ka ring,mahse ka thei rihlo a ka chhungril erawh mak tihna in a khat thung chupawh Lawmsangkima'n u Chhana tha tak a a biak ve duh vangin







U Chhana hna nei anih vangin min haw san leh rih a "A na.." Chhungril lam aṭang hian ka ruh te hi a mal te te a elh tliah ang mai an ni





"Eng maw na? Khawi lai nge? Engtin nge a awm?" a hma ang bawkin na ka sawi tawh chuan a buai nghal vek,dam tha ila chu a buai chi ai hmel awmda in tur vang hian ka nuih zat nghek tawh ang






"Ka ruh ana" ka tap aw lek lek doctor te chu rei pawh an kal hrang hmanlo an au zel a, minute reilote ah ka na a rawn awm lehnghal zel vangin nurse pakhat min awm chilh tir tawp







"Engtik ah nge ka dam ang?" hmu phe vek mahila mit chhin reng ai tiin chuan a nuam hrim hrim, Lawmsangkima lam ah chuan ka hawi a







"Reilote ah.." duat takin ka sam ah min chul a a hma tang khan ka kalsan hlau hmel a pu ru reng tih ka hria, hreawm ka tih a hlauh vangin a thup lui mai mai ani









"Ka nu naktuk ah kan rawn chhuk dawn ania room vel chu lo be fel rawh" a nu ka bia tih ka hria a aw pawh a khur dar dar in ka hre bawk " hetah chuan kan in enkawl reng theilo engpawh huam in ka rawn chhuk pui dawn" ati lehnghal







"Tun ah chuan a muhil mek in ka hria" a tih fo dan chuan ka kut min hum hum sak a meng lo mahila engkim ka hria a ka feel thei tawk tawk bawk









"Ka ngaihtuah fel tawh ka nu,naktuk atan hospital leh room lo in buatsaih tawp rawh aw" a thaw ri hawk a,min buaipui na lam ah hian engtiang takin nge a chauh tawh ang ka hrelo ka khawngaih takzet a mah lah chuan ka chau lo ati zel bawk si! " I rawn thleng tawh em?" a tih vangin Rinkima emaw tu emaw Aizawl aṭang a lo kal tur an awm ka ring ve tawp







Ka dinhmun hi hriatthiam a har nem vang leh ka tha reng emaw tih lai a ka nat leh thut vang hian a muhil in ka hria tih chauhin a chhang zel " Tui deuhin lo mu rawh aw ka lo let leh vat ang" ka chal ah fawp in a tho tih hriat tak chuan a mah min uap na thin em em kha a reh nghal duak









"Ka thianpa a lo kal a kawt ah ka va chang lawk ange,Rini thil tur ka chah a" aw thup dut ina tih rual vel in Kawngka thawm a awm bawk a chhuak ta aniang,ka khua a har nghal em em ringawt!









"Kima hi chu a fel ngawt mai" ka nu leh ka pa an lo thu hnai a Keipawh ka meng ta diar diar " engthil nge maw a chah reng reng le, Bawihi tan a in pek zawh zia hi aw hlim deuh te hian awm ve thei tawh se ka van ti em!" ka nu chuan lungchhe tak hian ati a







"E hlim deuhin an la awm dawn alawm Bawihi nu,Kima'n a buaipui nasa bawk a Bawihi pawh a dam vat mai ang" ka nu lungchhe tap lek lek chu ka pa'n a thiam dan tawkin a lo hnem ve a









"Nu tun ah ti tawh ila" ka tih chhuah chuan ka meng chiang rualin ka nu thil theihnghilh hrechhuak leh hmel ka hmu nghal chat " lo surprise ka duh a" ka pa nen chuan lungchhe si hian an in en a an bu ta nghauh nurse min vil tu chu an bia a ani pawh chuan ka duhthusam te chu tih min iPhone phal sak ta hram!









Ka nu chuan Lawmsangkima hriatloh a a thil rawn ken chu a rawn phawrh a nurse leh ka pa chuan zawi muangin min tung tho bawk ,ka chet deuh hlek chuan ka na zual em em ringawt a ka ruh te hi a tliak thawt thawt ni ber in ka hria,mahse ka plan tih hlawhtlin ka duh em vangin engmah ka sawi duhlo a ka nih dan bak a tha a lan tum in ka nui a ka in ti harh lui hram hram bawk,mu lo a ka thu chhuak ve ringawt te chuan ka lu hai ati zual hle bawk









"Ka pu rei chu a chet tir chi loh ang aw" nurse chuan min ngaihtuah takin ka pa bul ah chuan ati a ka pa pawhin aw alo pawh ve vat bawk ka ngen nasat em vangin tun a ka duh pawh hi tih hlawhtlin min phalsak chauh ani








"Kha le I van mawi dawn em?" Ka nu chuan mittui tling puau chungin min thlak a nurse pawhin alo pui ve bawk ka kawr kan hlih dawn te chuan buaithlak tak ani nurse pawhin min khawngaih lutuk chu a in sut ve hraih hraih bawk









"Ka fanu hi a nalh lutuk" ka pa meuh pawh a rawn tap chhuak ka nalh loh zia chu ka hria ka taksa cher lutuk te chuan ka kawr hak te chu a mawi pui zo ve tawhlo tar chhia ei in tur tha hmulo ang mai ka ni tawh









Lawmsangkima'n min surprise a tum tih ka hriat vangin lo surprise khalh ka duh ani,mo kawr tak tak hak ka tan a rem loh vangin kawr var hlang a fual lo chu ka ha ve a chupawh ka dam that lai chu nise ka tawk ve chiah in ka ring mahse tun ah chuan ka tawk miahloh kawr ha lui tlat pawh ka ang lek lek ka lu ah chuan pangpar lem hmang a siam crown a kual bial chu min dah sak ve bawk









"Pa I fanu hi chuan engkim ka inhmeh bik vek alawm tiraw" fiamthu te chu ka thawh ve a mahse an nui theilo nurse te thleng in an in sut hraih hraih reng! "Nu alo luh hnu ah ka ding chauh mai ang ka thei rihlo" ka ti zawm nghal zat a








"Awle I duh dan dan ani mai" ka nu in ati zo chu Kawngka lam ah thawm a rawn awm tan a nurse leh ka nu chuan min kaih thawh in ring takin ka ban lehlam lehlam ah min vuan nghal








"Ka duh aiin ka rei a,Enge in tih kha?" Lawmsangkima mak ti hmel hmuhnawm zet chuan min ti hlim takzet a a hlauthawng hle tih a hriat bawk,a rualin Rinkima pawh a lo kal tel ve a pangpar tam tawk a rawn pawm hlun bawk








"E heu! I va mawi ve" ka hnual mai a hlau aniang ka inhmeh in ka mawi sia pui ve tawh miahlo chung chuan Rinkima'n nui chungin a lo ti a Lawmsangkima erawh mak ti leh hrethiam lo hmel a la pu reng









"Ka lawm e" tih pahin Lawmsangkima chu ka melh leh a " Ka nalh em?" ka ti chhunzawm nghal




"I nalh lutuk.." nidang a pawh thu chhuak peihlo ka lo thawh kan ve vang chuan mak tiin min la en reng a a hlim hmel nen a in chawh pawlh bawk





"A surprise zawk che anih hi" Rinkima bawkin a ti a kun chungin a hmai a tuai puat a ka lam a rawn pan nghal bawk







"Rinrin innei ang keihi I pasal tak tak kumkhua a I chenpui ni turin min duh tiraw" dam ila chuan ka zuang in ka au chiam ang ka hma ah chuan a khup khat a thingthi in zungbun a bawm nen thlap a awm chu a rawn phawrh lang a Chu vang a lawm ka nih rualin Rinrin tiin kan in hriat tirh atang khan min la au ngailo a vawikhat na ani








"I duh takzet anihchuan zungbun hi I pawm thu sawi rawh le"




"Ka pawm e.. Kumkhua pawhin I kiang ah awm theilo mahila ka pawm che engtik lai pawhin" ka nu ten min kaih thawh hma hauh chuan keimah in ka ding ve nia! " Mi dang chuan te ang in awm ve theilo mahila I mit ah chuan ka nalh ber tho ang tiraw? hei nangmah vang chauhin mahni in ka ding thei ania!"









Chu thu ka sawi vang chu nge a ding chhuak a Kawngka lam ah kal in Kawngka bul ah chuan a in kun char char a Rinkima'n alo be bawk,ka ring theilo Lawmsangkima keimah vangin a tap mek anihchu! ka lungphu te hi a tawp mai dawn hian ka hria keimah vangin mipa luhlul leh thin bu tut tak Lawmsangkima ngei mai kha a tap anihchu!







"Ka hmangaih che, khawngaih takin ka kiang ah hian awm reng rawh" a rawn let leh a min kuah nghal thlawp,kalsan lo tur hian a ngen in ka min ngen lawm lawm a!,min rawn pan lai khan a ṭah na vang a a mit sen ram te kha ka hmuh hmaih lo nasa lutuk keipawh tah vak ka chak mahse tun ang hi ka thleng ve tawh angem ka hre silo a a theih chhung chuan hlim char char ka duh








"Awle I bul ah hian ka awm reng dawn alawm" a hma ang tho in a âwm zawn ah chuan ka tawm kak a, hreawm a tih em vang leh a rilru nat em vang chuan a taksa pawh a khur hlawk hlawk " Lawmsangkima ka vel tap ania!" ka ti zui leh hram a










Midang Rinkima leh nurse pawh tiam in anlo in hru ve mawlh mawlh a Mampuia takngial pawh a nguai ruih mai! kan boruak uap churh chu a hreawm ti viau mahila ka duh dan a ka thlak danglam theih anihloh vangin ka tawrh luih tang tang angai " I dam theih nan hian enge ka tih ang? Pathian hian I dam theih nan engti turin nge min duh? engpawh ti rawh se sawisel miahlo in ka ti vek ang" min la kuah reng a









"Lungngai suh ka damchhuak leh ngei ngei ang,ka tan a I thawhrim na hi Pathian hian ati thlawn miahlo ang" a hnung ah chuan ka beng thek thek a " Mo dang te ang a Biak in chhung ngei ah I kut hi chelh ve ka chak a sin! chuan...."





_____________________________________


★ LAWMSANGKIMA POV ★






"Ka hawsan che khan ka ngai lutuk che a" a rawn tih chhuah chuan nghet lehzual in ka kuah a ka tihnat erawh ka hlau viau thung mahse min kalsan ka hlau em ani hetiang a nghet hian a taksa ka kuah leh thei angem ka hre silo







"Ka hmangaih che aw"






"Bawihi, Bawihi..?" a taksa ka kuah lai reng chu a rawn zawi nghal vek min kuah let ve tawhlo a kuah nghet lo phei ila chuan chhuat ah a tlu tawp tawh ang






"Tu emaw khan doctor lo ko teh u.." nurse chu a au nghal a doctor ko turin Rinkima a tlanchhuak bawk " khum ah hian mut tir vat ang u" nurse thleng in kan chi ai nghal vek, Bawihi buaipui theih loh ka hlauh em vangin chi ai lo tak a awm luih ka tum hram hram







"engtin nge a awm? a tha leh mai dawn em?" a dinglam a awm in nurse veilam a awm chu ka melh a ani chuan Bawihi hnar thi te chu a hru fai mawlh mawlh







"Ka sawi thei rihlo ka pu doctor lo kal phawt rawh se" a hmel a hlauthawn na ka hmuh tlat a vang chuan ka mangang lehzual doctor a rawn tlan lut a ngai te bawk nen in min chhuah tir leh vek ka kut a zungbun a bawm chawp a awm Bawihi bun pawh ka la bun tir hman loh chu melh in a khat tawk in ka tawngtai reng










"Thiana a tha leh mai ang" Rinkima chuan min hnem a min thlamuan tum ve viau mahse engmah anilo ka mangang a khawvel a ka hmeichhe hmangaih leh ka nupui ni bawk chuan min kalsan kumkhua ka hlau em ani








"Kal ta se engtin nge ka awm ang? Lawmsangkima hian nun dan ka hre dawnlo asin! ka hmangaih ka nupui in min kalsan chuan engtin nge ka mahni in khawvel ka hmachhawn ve tak ang?"








"Thiana ti teh,mipa chak leh puitling I nih kha hetiang zawng hian ngaihtuah reng reng suh a dam em em ang" Rinkima takngial pawhin dawt hmangin min hnem a tum anih hi dam tur ni sela a tan a ka tawngtai sak tirh ah khan a dam tawh ang









A tu mai pawh kan mangang a a nu leh pa te phei chu enkawl ve zawk an ngai hial in in ka hria, Bawihi ka enkawl na lam ah mut mumal ka la nei lo tluk ania chuti chung erawh chuan ka chau em tih takngial pawh ka hrelo! a tan anihchuan ka tluk sawp rawp thleng pawhin ka tuar zel ang,ka lak aṭang a lak hran nilo se ka duh ber ani









"Doctor..?"




"A dinhmun a tha lo khawp mai engpawh tawk lek thei in lo in ring phawt mai rawh u"



"I ti dam tur ani ti dam rawh a tello in ka awm theilo" ka ti teh thlawt tih theih awm tawhlo ti niawm tak a a hmel ka hmuh phei chuan hnek pawp ka duh anni lehzel an beidawn chuan engtin nge Bawihi hi a dam ang?






"Kan theihtawp kan chhuah dawn alawm" Bawihi an rawn nawr chhuak a ICU ah luh pui tumin hmanhmawh takin an kal nghal ka mangang tawlh tawlh a enge ka tih hmasak ber ang ka hrelo ani











Darkar fe a liam ta Chanchin hriat tur a la awm lo a Aizawl lam in min rawn be ve chhen bawk ka farnu mangang phei chuan tap chungin * a dam leh loh chuan u neihloh hlen ka duh * ati ve hial bawk! ka awm mai mai theilo a ka vei sek loh leh ka thu a ka khup ka ti che vak vak bawk









"Doctor ka nupui chu ka hmu thei angem?" doctor lo chhuak chu ka vei chhen na lam ah ka hmachhawn nghal hmak





"Va kal rawh.." ka dar ah chuan min beng thak thak a melh pawh min melh duhloh vangin ka ngaih a thalo zual sawt zawk lehnghal!






"Tih theih kan nei tawhlo tluk ani" doctor in ka nupui nu leh pa te a biak na chu ka luh pahin ka la hre pha, Bawihi ka hmuh meuh chuan ka ding dawt nurse te chuan theihtawp in anlo la buaipui a an vil reng ani mah zawk








"Ka pu lo kal rawh.." Bawihi a ma room a vil reng tu nurse chuan min nel takin a lo ti a zawi muangin ka pan hnai bawk " Hey Bawihte..Ka lo lut a nia ila hlau em? hlau tawh suh aw I pasal hetah I kiang ah ka awm leh tawh ania"









"Hetiang hian ami kan hmangaih na chu a thamral mai dawn a? min chhang teh I pasal in ka biak Che hi min chhan vat loh chuan ka thinrim leh reng dawn ania aw.." a kut ah chuan ka chelh a ka lungchhe nghal em em ringawt!










"Hei hi Hmangaih na a tel ve anih chuan he hmangaih na hi ka duh lo, min hmangaih lo la chuan lo harh chhuak leh rawh engtik ah mah kan in kawp rem theilo anih pawhin a pawi ka tilo I dam dawn anih phawt chuan hla tak ah pawh ka kalbo mai ang,min kalsan lo hram rawh"








" Mo nalh lo ber ka ni tiraw?" an rawn harh leh ani tih reng ka hrelo! Ka lawm em vang chuan a kut ah ka fawp vawng vawng a






"Khawvel mo awm na tawh zawng zawng ah I nalh ber ka tan chuan tumah tluk thei che an awmlo, chuvang chuan Bawihi Khawngaih takin keimah chauh chuan min kalsan suh aw" khawngaih ka dil mawlh mawlh ani ber mai e,pawi tihna ka neilo mahni chauh a hringnun hman ai chuan khawngaih ka dil vang a ani nen a hringnun hman dun hi ka la thlang zawk










"Ka kal hun ah Lawmsangkima hian hmangaih dang nei suh se aw,a chhan chu van aṭang in ka lo thlir reng dawn si a,ka lo nghah reng dawn avangin tumah hmangaih neilo se ka duh ani" a meng tawhlo q min be reng tho a ka tih theih chhun a kut chelh leh a khat tawk a fawh te chu ka ti chhen bawk










"I kal dawnlo ka phal miahlo, tumah hmangaih dang neih ka tumlo bawk he thinlung hi ka nupui tan chauh ani tawh,nupa kan ni tawh a chatuan thleng pawhin he nihna hi a reh tawhlo ang" ka zungbun la kawl reng chu la chhuak in a zungtang ah ka rawlh lut a










Sana te chu an kal zawt zawt nimai hian ka hria! Bawihi lah a biak mumal theih tawhloh a nurse te phallo chung pawh a la awm ani tih ka hriat theih nan a kut eng tin emaw tak ti che turin ka hrilh char char a a ni pawhin a ti ve zel bawk "Bawihte I tello chuan khawvel hi ka hlau kumkhua tawh dawn ania,mipa chak leh huaisen ka nilo ania aw I tello chuan mi khawvel mihring dawihzep ber ka ni mai"











"Min chelh tawhlo mai rawh,Ka na tawh lutuk!" a rawn tawng chhuak veleh ta! ka beisei na thamral tep tawh pawh a rawn in tan tha leh a,mahse a duh ang chu ka thlen tir theilo ka kut chu a rawn hum na ve deuh bawk hma a sawn ni a ka hriat vangin nurse te chu zawi te hian doctor ko turin ka ti a







"Hlauthawng suh aw...ka kal hun ah pawh kum sâng tam liam hnu pawhin he ka thinlung hian Lawmsangkima hi a lo hmangaih reng ang.."





"Bawihi..hriat a nuam takzet mahse I kal ka phal chuanglo keipawn ka hmangaih reng ang che" vawilehkhat ah ka ruak vek hian ka hria! " Thil dang min hrilh leh rawh,sawi leh rawh le Bawihi,,, Bawihi Khawngaih in eng emaw tal sawi leh teh eng thu pawh ni rawh se ka ngaithla reng ang min hau in min vin vak vak dawn pawh nila ka ngaithla zel ang che khawngaih in eng emaw tal sawi leh rawh"



IMG_20200805_232520.jpg
IMG_20200805_232520.jpg (55.06 KiB) Viewed 3348 times



"Ngati nge ka kut hi I chelh let ve tawhloh a Bawihi? min chelh leh la eng thu emaw tal sawi teh ka ngen a che! min biak leh hun ka nghak reng che ania "







* Ka thinlung hian Lawmsangkima hi a lo hmangaih reng ang* chu thu chu ka beng ah a ri nawn tluk tluk a,pawn lam ah na ka neilo a ka chhungril erawh a hliam na takzet ani






"He Hmangaih na thinlung neitu hi Lalpa min lak sak suh aw..!"



🌻

🌻


🖤True Love doesn't have a happy ending because True love never end's 🖤





🎶 I have died every day waiting for you
Darling don't be afraid I have Love you
for a thousand years
I'll love you for a thousand more..💓






🌻THE END 🌻
___________________________________________



NOTE👇


🌻 Josedo Story chu kan lo zo leh ta!( SILENT READERS TE LO CHHUAK VE TAWH EM EM RU😄) min chhiar sak tu zawng zawng te hman loh chang leh harsatna ka neih chang pawh a phun nawi lo a min nghak tang tang thin te leh story a bul a ṭang a tawp thleng a min ngaih hlut sak a cmt leh click min pe tu (In vai mai khan) ka lawm em em lutuk e💓Ka regu loh viau pawh a dawh thei tak leh tawngkam hriat nuamlo awm miahlo a min hriatthiam na thu ka hmuh te leh min ngaihsak na thu ah te ka lawm takzet zet a, Whatsapp group ka siam tirh a tang a a tawp thleng a group min luah lum pui tu te a bik in ka lawm em em bawk e💓



Story tawp dan chungchang ah hian laklawh ti pawh inlo awm mai thei a mahse hei hi ka tum lawk ania,a chhan chu ka story hmasa te happy ending vek ania,Sad ending kha hemi story ka ziah tirh aṭang a ka tum sa ania mahse sad ending kha in hlau hlawm sia😆sad ending in hlauh luat ah kei ve te hian idea pakhat ka nei ta hlauh a chu chu khi story tawp dan ah khian a hriat mai khi a Sad hlawm tawp lo a Happy ending ani bawk heklo(tui lai rap in ka dah che u tihna anihchu😅) Chumi awmzia chu Happy ending duh tan in ngaihtuah na hmangin Story in ziak dawn ani tihna anih hi ber chu..Happy ending duh te tan Happy ending tur a ngaihtuah ( rilru a phuah) zawm theih turin ka ti ani,Sad ending duh te tan pawh a sad zawng in rilru ah mahni duh dan tak khan phuah chhunzawm tawh mai tur ani 😅a peih ten In thluak ah Story in ziak ve dawn ani ber e😂...(💜 u all)




~ Bearr Cck🐼

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)