"Ka..! keimah ka nilo he thil hi ka lak anilo" bah lutuk in ka ti chhuak ngam tawk, birthday hmang tur a lo kal zawng zawng in rukru en a min en el chu ka chhungril hian na ati ngawih ngawih bawk
"Mahse kha kan thil zawn lai I lo keng daih bawk sia! hak tum I ang bawk nen khatiang tawh ah chuan in rin a har tawh e"
"Keimah ka nilo,ka nu ka pa keiman ka la lo he thil hi ka khum bul dawh,, dawhkan ah hian alo awm a chuan ka ta tur niawm takin thu hnutchhiah a awm bawk a chuvang in"
"Chuvang in tumah hrilh miahlo in hak ilo tum tihna,engtik lai khan nge I lo lak hman reng reng a? nangpawh hi I va dah fimkhur awmlo ve" Baby ti der tak a be vel chuan ka thinrim a ti zual takzet
"Nia a lo lak pawh ka ringlo asin" Baby hmel tenawm leh pawi sawilo ang mai chu melh duhlo in Sangsangi ka en ta daih ka chhungril tawt lutuk leh ka zak bawk nen boruak a tham ral mai te hi ka duh
"U Rinrini hian a ma thu chuan hetah a keng lut miahlo ang,ka hrechiang tuma thil a awt ngailo" Sangsangi ka lam a ṭang chuan ka na lutuk pawh ati zia deuh ka lam ah rawn phei in ka ban ah min rawn vuan a, ka tih ni miahlo ah thil ru ang a puh ka ni a mi zawng zawng hma ah lehnghal nang ni nita ula engtin nge in awm ang?
"Mahse kha en ta che a awt ngailo anih si chuan tinge a hak tur niawm tak a alo in teh kual si" tui ka pek nu zawk khan arawn ti chhuak leh theihtawp a in hum ruh in thawk ka la kawk a
"Ni e in sawi dik,in hmuh ang hian kawr chu mahni thu in ka in teh ngei alawm" mahni rukru tu ang a in chan chu a nuam lo rapthlak takzet " Mahse he kawr hi in rawn dah anilo ang tih tunge hria, nichin khan tui pe turin choka ah nang nen khan kan in zui lut a" ka tui pek nu bawk chu ka kawk ve ngat
"Nia Keipawn ka lo hria alawm" Sangsangi thiante zing a pakhat chuan a rawn ti ve chiah, hetiang em em hian ka huaisen theih pawh ka in beisei lo zawk mahse ka dik ani tih hi ka lantir ve angai
"Nia,,minlo hmu anih chuan kan in zui luh hnu khan ka chhuak leh lam in ka room awm na lam aṭang a Baby leh a thiannu rawn kal nen kan in su bawk,nilo min su lui zawk"
"Rinrin! I ti mak em mai bathroom ah kan kal anihkha Chuan.." Baby hmel a hlauhthawn na ka hmuh chuan dawt a sawi zia ka chiang ta sawt bawk,ka nu leh pa te hma ah engkim ka lan tir thei anihchuan kei hian engmah ruk ka tum lo tih an pawm mai ang
"Kha lam ah bathroom dang a awmlo a bathroom tih loh chu" Rinkima leh Lawmsangkima mi zawng zawng din na hnung kawngka ah lawr bik zet hian an lo lang hlawl! ka lawm ru lutuk chu sawi ngaihna pawh ka hrelo anlo thlen hma in Sangsangi hian min tan lo phei se chu ka chhanglet ngam kher lo ang
"Ka lawm lutuk.." keima hriat tawk lek in ka phun sup a awm ve ta chiah chu mi tam tak ka lam a tang ang mai ka ni ka hlauhthawn na te pawn min kian san sawt sawt a hriat na ka nei bawk,ka mipa hmangaih ber ka lam a ṭang anihchuan kei hian hlauh tur ka nei lo ve chuan kei hi ka dik bawk
"Chuan..?" midang in a rawn kal chu an lo kian sap sap a ka bul lawk chair a thu chungin Baby a en nghal ngul,a thinrim mi en nat zia chu tupawn an hria ang Baby pawh a meng khup nghal zul zul a " I dawt thu phuah chawp chu I sawi zo dawn nge keimah hian ka ti tawp zawk dawn?"
Baby chu a meng leh che a buai vek tawh Lawmsangkima a mipa duh em em in a dawt sawi a hriatchhuah loh nan a tawngtai mawlh mawlh angai tawh ang,dawt hi chuan a daih rei ngailo antih thin kha engtik ah emaw a lang chhuak tho tho thin
"Awi ka hrechhuak! " Baby thiannu chuan a rawn ti hluai ka nu leh ka pa midang te pawn an en thap a " Rinrini room hi ka hai aniang bathroom ni tur ah ngaiin in chei that ka duh bawk sia kan lut tawp a khami lai khan kan theihnghilh palh ani tak I hre ve tawh nange Baby?"
" Bathroom atan chuan a lian mah mah lo maw?" Lawmsangkima ding ta hluai chu an ni thian thum pawh an tawlh hnung dawrh
"A tawk e engpawh nise tumah mah thiam leh thiamlo bik in awmlo cake thu chu hetah hian tawp rih rawh se cake te chu zai phawt rawh u" chhuah pahin ka pa chuan ati a ka nu pawn a zui chhuak nghal bawk
Midang pawh an chhuak sap sap a Sangsangi pawhin Lawmsangkima awm vangin min chhuahsan duh ve chauh Baby erawh luhlul chhuah in a la ding reng,a thianten kal ang antih pawh in a kal duhlo lui tlat a a in hum ruh nghek bawk
"Ka lo va chhuak ange" Rinkima'n atih rual in Lawmsangkima pawh ka hma ah arawn ding nghal chat
"Ls..ka thiamloh engmah a awmlo ania present hi a bo tak tak mahse Rinrini thiamloh chan tir aiin keimah ni tih ang in kan sawi mai anihkha" Baby chuan a la ti zawmah! Lawmsangkima erawh in min en chhuk run a Baby dawt sawi chu ngei viau mahila Keipawh in a mah chauh ka chho en ve khai bawk
"Ls dawt ka sawi miahlo ania"
"Nia dawt a sawilo hrim hrim, bathroom kan zawng kha ania hetah pawh hian kan lut miahlo lut ang in kan in sawi ta ngawt anihkha Rinrini chhanhim nan,kan let in Rinrini kha kan su a khami aṭang khan a thinrim ru tlat tawh zawk a"
Dawt chiang lutuk hi engtin nge an sawi thei zawk ni thinrim in seh ruh ve tun chungin Lawmsangkima ka en char char a, anihloh chuan Baby te nen kan inhnial leh hrep ka hlau naupang chhia leh nep tak anga a awm ve ka duhlo,ka dik tih ka lantir thawkhat tawh pawhin ka zah na leh ka taksa khur ru takngial pawh a reh thei chuanglo
"Ls..? " Baby chuan a la rawn au leh " I ngawi reng a tunge dik zawk a I hriat reng reng a?" a mah a diklo zawk tih in hre reng chung pawhin thiam ala Moana in chan tlat anihchu!
"Mahni thiam thu pawh sawichhuak leh thei tawh ngailo tur a ka siam hma che hian chhuak nghal vat rawh " vin lutuk in Baby lam hawi pah chuan ati a keimah zawk pawh ka lo phu dawrh
"I la hre khawp ang" min rawn melh a tun ah tak saw chuan min thah pawh hreh loh hmel a pu "Haw nghal ang u" a thiante chu a kalsan hmak a an ni pawhin an zui chhuak ve nghal bawk
An chhuak chiah chu ka khum ah ka thu thla nghal hnawk a ka ke tha khur chu ka mal te aṭang a dawm nghal chat in tih reh ka tum a mahse ala khur char char tho " Lak ruk duh na ka neih tak tak I ring em?" ka zah lutuk lai khan tah vak ka chak a mahse ka theilo tun ah erawh chuan ka mittui nen ka meng phe tan tawh
"Ai,,ka bialnu hian chutiang rilru chu engtik ah mah a pu ngai lo ang tih ka chiang alawm" ka hma ah khup khat in a rawn thingthi a
"ih present kha a bo tih pawh ka hrelo room ah hian in phih fai in ka lut a chuan ka chhuah hnu ah heng hi ka hmu a,tukin ah khan min pek tur I neih thu I sawi sia ka ta tur ninawm takin lehkhabu alo awm bawk nen I dah anih ka ring a"
"A tawk,a tawk sawi tawh suh tun ah theihnghilh nghal rawh" a kut lian pui chuan ka biang a rawn khuap nghal vat " tihsual I neilo a I tisual dawnlo tih ka hre bawk ka ring che alawm chuan I tan ka awm reng ang" ka mittui ka dang hman lo a rawn luang thla nghal pap
"Nang leh Sangsangi chauhin min ring a,midang rilru ah chuan rukru ang a min ngaih na a awm reng tawh ang" ka sawi zo hman chiah duhthawh zet hian min fawp nghal tawn tawn a inchhung a awm kan nih vangin ka namsawn nghal vat bawk
"Tah khan lo awm teh" a ding hluai a kawngka lam panin a kal nghal bawk,a rawn let chuan bag lian vaklo hi arawn khai tel bawk
"kha kha enge a?" ka mittui luan na te lo hru ro in ka ti a
"Kha en rawh" ka thut na bul chiah ah chuan a dah a,a hma a rawn thut na ah chair hung rem deuh in min hmachhawn ran chuan athu nghal bawk
"Hei chu.. " Chaw ei na ah Sangsangi nen kan teddy bear duh ang kan sawi thin ngei mai kha!mite chuan lian pui an duh laiin keini chuan a ken nuam tawk vel kan duh thung "ai ka la duhlo hetiang hi ato asin"
"I lak loh chuan ka paih ang" kuangkuah chungin a chair thut lai hnung a ngheng dawt a
"Mahse hetiang chu" hetiang teddy bear hi chu a dangdai a a vang bak ah a to reuh viau bawk chutiang thil chu kei hian kawl ka in hmeh dawnlo lutuk bak ah a pawisa ka ei sak ani ringawt dawn asin!
"Midang thil pek dawn chungchang a min hau tu I nihkha" a rawn tih leh chuan ka nui chhuak hawk,a la hre reng ani maw school naupang ho thilpek vang a kan in hauh buai kha
"Awle a to em a kei ang lehnghal an a hetiang thil to lutuk lo neih kha a zahthlak alawm mahse ka la mai ang,ka lawm e aw" pa zet a nuih pah in a bu ve nghauh nichin a ka hreawm na zawng zawng te kha a ni a awm tak ah min chuan khuar khurum ah an tla vang vang tawh ani ber ang chu
"Teddy bear ani bawk a min pek ani lehzel bawk nen Nang leh kei kan in zawm na hriat reng nan ka kawl tha em tlat ang,kan hran loh zia lan tir nan Kei teddy nang bear aw?"
"A nihchuan engtik ah mah min kalsan suh ang che,i nat a I mal chang pawhin ka awm reng ani tih hria la engtik ah mah ka hlat ah awm suh ang che"
"ih..." ka kalsan dawn tih ka sawi miahlo chung pawhin ka kalsan hlau em em hian a rawn ti tawn tawn a!
"Teddy bear awmzia chu I hriat kha nang leh kei kan ni a Bear chu ramsa hlauhawm ani, Teddy tih thumal a vang chauhin thil duhawm leh mawi tak ani thei chauh chutiang chiah chuan Bear lak aṭang a Teddy a awm hrang anihchuan Bearr chu ramsa hlauhawm tak bak ani leh dawnlo"
"I hrethiam em ka sawi chu? ka lak aṭang a I kal bo a nihchuan kei hi ramsa kawlh leh sual ang kha ka ni mai" a sawi thutak zia ka hria mahse tunge kan hmalam hun hre bik le? tuman kan hrelo ani ngei pawh hian.. engkim hi vawilehkhat a tawp thut thei vek ani si a
"I bul a ka awm reng pawn I sual tho alawm,I hria em? U chhana pawh I sut tep tawh kha aw" ka tih chuan kun chungin a nui zeuh aa rawn hawi chhuak lehnghal
"i bul ah a lo awm vang anihkha chuvang alawm khatia ka tih" pawisak neilo hmel zet in a nui liam mai mai " chhuak ang cake te saw va ei pui ve rawh I nau-i saw"
"Hmm,I nau fe zawk anih saw I duat lo si" tunlai chu Sangsangi sawi ang deuhin a nui ngun ve tawh khawp mai chaw ei lai pawn arawn tawng ve leh phawng thin " aa tak tak in,lo va chhuak mai rawh keichu heta awm rih ka duh zawk nichin vang khan ka nu te hmuh pawh ka hreh vek tawh"
"Ok, anihchuan ka ti lui lo mai ang che mahse I rawn chhuah dawn ah minlo call ang che keipawh in chung ah hna ka han thawk ange"
"I awm ve dawnlo ami,I nau Birthday anih hi lawmpui ve la"
"Present ka pek tawh kha,I awmloh chuan ka awm chak hranlo" ti sup in a chhuak daih a keipawh chaw ei an duh hma chu ka chhuak lo ang tiin room ah chuan ka tawm ta reng a,kawr ka lo in teh ve pawh chu ka khung tha leh thlap a Sangsangi nakin a pek atan ka dah chiah tha daih bawk
★
"Rinrin hetah lo thu lawk teh" an chaw ei na zawng zawng ka tih fel hnu chuan ka nu in minlo au a, nichin thil a min be duh anih ka rin vangin ka lungphu a rang nghal dawt dawt
"Ka nu,nichin thil thleng kha"
"Aw nia,hei Mama pa nen kan lo sawi dun a engtin nge a kawr kha o room ah alo awm theih dan kha(h)! kan rin loh che vang nilo in"
"Ka nu ka hrethiam alawm, khatiang tawh ah chuan in rin leh hi a harsa tawh ang tih chu mahse min hriatsak ula kha kawr kha ka room ah alo awm dan ka hre miahlo chuan ka lo in teh chhan chu ka ta tur ang deuhin lehkha them ah alo in ziah vang ania"
"Chutia lehkha lo awm chu thuhran ni sela,tu hnen aṭang a dawng tur ah nge I in ngaih hrim hrim a?" ka pa chuan zaidam tak si hian a rawn ti a, police officer tih tak ah zawh na min zawt chik phian thung a zawh na lah chu ka chhang thei lo Lawmsangkima ka tih vaih chuan rinhleh na nasa zawk a piang dawn chiang sa
"Englo ania,khatia ka room a ih englo"
"Nu,, Pa a ho emai theihnghilh tawh ula U Rinrini tan pawh anuamlo ve tho dawn asin,bak ah kawr pawh a bo a ni chuanglo a ka la leh mai dawn alawm u Rinrin minlo dah that sak tiraw"
A nu te bul couch a rawn thut ve thak pahin ati a ka lo bu nghal nghut bawk, tisual tu ni lo mahila a nuam lo duh tawh takzet ani ka pa chuan " va mu hahdam daih rawh,nia kawr chungchang pawh kha theihnghilh hmak tur " a rawn ti leh hnuhnawh a keipawn hnial lo in ka luh san nghal bawk
"Nu in tha em?" ka nu'n phone a lak rualin ka ti nghal vat a
"Aw tha e i va chauh hmel ve" diktak chuan tlai thil thleng khan min la nghawng reng mahni in thiamloh na nen ka chau nghulh thei
"Chau lutuk lo e vawiin ah ka nau Birthday an lawm a chuvang ania"
"E anihchu, I rawn phone hlauh a atha e hei I pa hian rawn haw buai angailo a tia,an pahnih hian an zia deuh hlek bawk a I rawn haw leh lo mai dawn ami? reilote I rawn haw khan Mampuia lungleng tawk vel ani leh dawn sia
"An la dam chiang loh chuan lo haw hrim hrim ka duh,nangmah pawh I chau tawh ang hna I thawk bawk azan lam ah I ngaihtuah leh phei chuan nangpawn tlin loh chin I nei mai ang asin"
"Pathian in min awmpui dawn alawm,bak ah hei Mimi-i leh Chhana te an rawn kal deuh reng bawk a ka hahdam phah lutuk"
"ani maw an van fel em em, lawmthu minlo hrilh sak rawh aw" ka nu nen chuan kan ti ti char char a,haw loh pawh hlawh ka neih a buai loh phah zawk anga min tih luih tlat chuan ka haw leh lo tlang mai ang bak ah Lawmsangkima'n thinrim chhuan lam atan a hmang leh a maw ania nga
"E tak a Bawihi ka veng ami hausa deuh Pu Hmingliana kha I hria em? an awmpui nula kha a rai antia Pu Hmingliana fa anti lehnghal a"
"A ni maw! engtin a chhungte an thinrim aw mange an nu kha a thinchhe ve ropui sia"
"Nia an boruak a thatloh hmel khawp mai,an nu khan case file atum te an ti in ka hria" lehlam ah ka pa'n thil lo sawi dun ve vak vak rih lo turin ka nu nen minlo hau ve bawk " ka hriat vel khan ka rilru ah ilo lang hmasa ber che a, Bawihte I awm na te ah pawh tlangval an awm atia Mimi-i khan, hetiang vel lak ah hian fimkhur rawh aw"
Chutia ka nu'n ati ta chuka ngawi ta vang vang,enge Pu Hmingliana te nula nen chuan kan dinglam na? ani chuan fa apai ani mai a keipawn Lawmsangkima ka kawp mek bawk a kan dinhmun a danglam na a awm lo,an hriatchhuah hun ah enge ka chung ah thleng ang?
"Nu a tlai tawh emai mu tawh dawn mai ang aw" ti sep in kan in mangtha a,mut hmun ah pawh ka nu thusawi ngar ngar ka ngaihtuah a ka muhil thei miahlo Lehnghal!
_______________________________
"Morning.." mut kham koro lo deuhin ka tho a kitchen ah a ngai te bawk kha in a lo awm leh khiau tawh,ka hmu chiah chu ka nu thusawi * hetiang vel ah hian fimkhur rawh aw* a tih kha ka ngaihtuah chhuak nghal zat!
"Morning le" ti sep in ka in thing harh deuh a,a tho hma thin bawk a ka tho hma viau pawh hian a meng phan pawh kan hmu ve hman ngailo
"Tinge mut I kham lo ami?" a aw thum bul ka beng a thlen rual chuan ka kawng a rawn kuah in ka chhip ah khabe a nghat chat, Tinge maw ka than hi a kin hma bik em em chu le ani duhtawk in a thang bik a kei ve erawh a hniam zawng in ka thang zel.ni hian ka hria
"um kham vak lo" ka mut khamlo ai mahin ka chhan deuh hmuk vang a min zawt zawk ani tih ka hria " Kalsawn rawh I thlan lehnghal kawr I ha bawk silo thlan rim ka nam ange" a nak a ka nghawk deuh sawk bawk
"Niizan ah ka kuah hma che in minlo mut san bawk a ka kuah char char dawn che" atih chuan ka nui hawk ka nu te nen kan inbiak hnu khan ka mu tlang daih tak e
"I tawng dan vel chuh mipa naupang thinchhe lo deuh fel sim siam deuh I ang reuh" ka tih chuan ka taksa nghawr tel dat hian a nui a
"Ka fel alawm,I bul ah mipa tumah awm ve ngailo phei se chuan ka fel ngawt ang" ati zui kher a nak ah ka va nghawk leh sawk " dawt ka sawi hleinem min ti thinchhe tu leh misual a min chhuah ziah tu chu an ni kha "
"Chutin midang puh ngawt suh nangma thinchhiat pangngai ve hrim hrim anihkha,kha teh han inbual rawh Pu lecturer"
"Kan pahnih khan inbual leh ila" ka kawr chhung a zen in ka lai khuar ah a zungchal chuan a khawih kual neuh neuh a ka tal nghal vut " het che suh.." ka kawng ah a kut veilam a vuan bet in ka lai khuar ah chuan a in fiam ani ber ang chu
A za chu thuhran tisa chakna vang a a thaw lum ham ham in ka dar leh nghawng a a rawn thawk khum te chuan keipawh zep miahlo in ka lo danglam tan tawh * hetiang vel ah hian fimkhur rawh aw * ka nu thusawi bawk vang chuan ka rilru nu tan bulh tawh pawh vawilehkhat ah a fim nghal kuarh
IMG_20200703_233922.jpg
IMG_20200703_233922.jpg (60.52 KiB) Viewed 5826 times
"A tawk tawh han in bual rawh" ka kawr chhung lam a a kut chet reng chu ka dawm beh sak a rum nghut in ani pawn ala chhuak ve nghal
"Ok anihchuan min fawp phawt rawh" ati ve tak na in min kuai her lawp a duhthawh lutuk a min fawp nghal tawn tawn in a in lak hran rual chuan pa zet hian anui a "Ka Teddy" ati zui sep bawk
Min fawp leh zauh in inbual tur chuan a chho a ka nu leh ka pa te rawn tho chu tuk dang ang lo takin ka lo hmachhawn hreh em em ringawt,thil ti sual tu ka nilo chung pawhin mahni hreawm tih ruk na ka nei tlat tawh anni erawh in tuk dang nen a danglam chuang miahlo in min be bawrh bawrh tho
Tuk in chu u Puia phur chhuak in rawngbawl ka zawh tawh dawn lam ah min lo pui ve a Lawmsangkima min pui duhlo zawk lah chuan kan pahnih chu dining chair ah thu in minlo en ngul mai lehnghal,ka pa te awm ve lo se chuan eng emaw tin a awm leh duh tawh mai thei
"Haw chu a ngai lo ami?" midang an chhuak leh vek tawh a kan pahnih te in Kawngka ah in thlah tur chuan kan thian la ding vang mai
"Aw ngai leh lo aniang apa te nen kan inbia a" Tukin chu tuk dang zawng aiin a chhelo lehzual,a college zirlai te hmuh atan mai mai a in chei vak kher a! an lo hmu tai leh nasa dawn si ka ui tlat
"Ka kal ange,chuan Buaina emaw harsat na engpawh I neih chuan min be hmasa ber tawh ang "a hma haw ka tum thut khan a sawi tawh tak
"Awle tehreng mai kal tawh rawh I tlai palh ang" nupa tuak thar ang mai a in duh leh in thlahlel si a kan awm chu nuih te pawh a za zawk a ban ah bawk pawt in ka pawh kun rual chuan a sawi hmasak tawh ngai biklo in ahmui ah chuan ka fawh sak a
"Hre tawh hle mai" nuih suk pahin atih chuan lei ka lo chhuah tet ringawt, fimkhur thil ah tiin kawngka ah hian ka thlah mai thin a ani pawhin lungawi takin alo pawm ve thlap zel bawk "Bye.."
A kal fel vek hnu ah hna ka tan chauh a mahni te a in lian lutuk mai a han tei vel rawk rawk hi chu a chang chuan a hlauhawm zawk zamah hna a tam tak tak erawh chuan hlauh pawh a hriat hman meuhlo,a room ka tih fai vel lai chuan a lukham bul ah ka thlalak lo let reng ka hmu a marker hian a hnung lam ah * ka khawvel * tih a ziak tel bawk
"Ka hmangaih che Lawmsangkim, ka hmangaih lutuk che misual leh tih mawh thinchhe tak ang a awm tlat I tum a I rilru that zia leh I zaidam zia hi I inhre duhlo alawm" a mah awm ve miahlo chu ka be sep sep reng a
Dar 1 vel ah chuan in ei puar phawt tur in kitchen lam ah ka kal a ei tur ka siam zo chiah tihin door bell a rawn ri tlang tlang a hun lo ti zet in ka kal nghal bawk Kawngka ka hawn rual a ka rin loh deuh hmel ka hmuh tak vang chuan ka chhungril ah ngaih that loh na a lo thleng Chawp chilh tawp!
"Hetah enge ka ilo tih dawn a?" Sangzela pawn lam a ding reng chu a nui nghal sup n
"Ka thianpa te in ah ka leng dawn anih hi,tinge heta ka rawn kal chu I lawm vaklo ami a"a hmel pawh ka en reng tha peihlo hepa bi Chu diktak chuan ka ngaina lo takzet
"anih chu" ka ti deuh hmuk a,haw lehnghal zawk se ka tih tih nen a la thu fel than ta ang deuh deuh a!
"Thingpui ka lo siam ang che" kitchen ah a ranglam a tlan phei in Lawmsangkima hrilh tum hrim hrim chuan massage ka type a kitchen ah a rawn lut ve leh tih ka hriat rualin ka send hmanlo ka dah nghal daih!
__________________________________
★ RINKIMA POV ★
"Nang hi I a tawh tak tak anih hi" engtik lai mai pawh hian Rinrini a ngaihtuah tih hriat reng hetiang khawp a hmeichhia a duh ngai pawh ka la hrelo e a UK a awm lai pawhin sap nula pian nalh leh hleitling duh tu a ngah nen tun ah Rinrini zun ah a uai mek chu ani ta sia leh khawvel hi chu a vir Chiang ani
"Ka a phah pauh leh a tha ani mai" ala ti ta deuh deuh! naupan lai aṭang tawh a hmeichhia haw deuh bur thin khan tun ah at phah mahila a tha ati ta anihchu Rinrini a duh tih chu a hma aṭang tawhin ka lo hai lo nasa kei chuan,ani pawhin a zep lem lo bawk a
"Hmela hi a la dam lo cheu ami a?" atih chuan kan Sangzela a sawi tih ka hria ka lo bu ve nghal nghut bawk "Nimin kha chuan a dam viau kha hlawh lak a nghakhlelh theih nen"
"Hi Ls vawiin chu I va nalh ve" Malsawmtluangi a rawn lawr leh tawh,Ls-a hmu a be lo hian darkar chanve lek pawh a awm theilo chu anih hi nimin a vang te khan a zak ve miahlo emaw ni
"Tun ah khan thudik nge dawt I sawi ?" Ls-a lo chhan let dan chuan ati lawm teh chiamlo aniang melh rawm rawm pahin Ls-a dawhkan ah file a dah ri dawt a a kal nghal nal nal bawk,kan tunlai khawvel hi chu tiang vel mai mai hi kan ti ni tawh a a buaithlak tawh mang e
"Class ila nei em kei ka nei tawhlo mai thei a vawiin chu ka rawn leng kawi teh ang,a changtunu. thingpui siam pawh. in leh a chakawm tawh alawm le"
"A tul chhen lo" ti hmuk in class la tur in a chhuak nghal daih
Hepa hi chuan ahauh tawh hi chu a hauh bur zel naupan lai aṭang a inkawm tawh kan nia a zia hi chu ka chiang ve tawh khawp mai kan naupan lai a thil. kan in chuh te hi reilote ah a nei bik zung zung thin a chhan pawh a hauh tawh leh a duh tawh chu a neih hma a beih ngar ngar peih vang ani angai hlu thiam hle bawk
Ka peih ngang tawhlo chuan class la tawhhlo in Ls-a zawh hun ka lo nghak a.pen kawi ka tum tawh tho a a rualin kal leh thek mai ang,ka zirlai te paper ka en fel laiin Ls-a phone a ri chhen class a neih dawn of hi chuan a dawhkan ah a dah. hmak thin engmah in tih buai tir loh duh vangin
"Sangsang,I u chuan class a la mek a I haw leh der tawh alaw?" Sangsangi anih vang chauhin ka lo pick sak a
"U Rinkim,aw ka haw tawh a mahse U Rinrini hian kawngka a hawng thei miahlo gate a kalh silo a Kawngka hi chhunglam ah a kalh tlat bawk sia ka ngaih atha lo deuh tawh midang pun turin ka kalsawn san ngam silo a Mama nene khan an. in be hnai em le ka call pawn a la thei miahlo"
"Ai,,an la in be miahlo vawiin chuan" keipawh chu Sangsangi sawi dan hmang aṭang chuan ka rilru a buai ta deuh map Ls-a class la zo a rawn kal ve chiah "Kan rawn haw nghal ang lo ngaihven reng rawh" phone ka dah a Ls-a ka pan nghal
" Rinrini'n kawngka a hawng theilo atih anih chu Sangsangi pawn lam ah a awm mek haw ve nghal mai ang" ka thusawi a ngaithla zo hman pawhin ka hrelo min pel nghal fua a a phone takngial pawh a la lo, laksak in an in lam pan chuan kan chhuak a
A speed a san bawk a kan thleng hma khawp mai traffic a jam lo hlauh bawk a,nilo se chuan a thin in a tuar leh lo hman mai thei ani hmanhmawh lutuk in motor aṭang a chhuak a tu mah mah chuan Bolero park fel lam kan ngaihtuah hman tawhlo kan tlan chho nghal
"I au em?" Sangsangi lo ding reng chu a bia a
"Aw Mama ka au ngun lutuk mahse a eih lo,bak ah in chhung lam ah thawm a nei miahlo a keichu ka hlauthawng tawh lutuk ania aw"
"Lalrinmawi, Lalrinmawi kawngka hawng rawh" kawngka a beng nghal dawt dawt thawm engmah ala awm chuanglo " Tun ah hawng rawh" a thinrim tawh nen a au nghal tuarh
"Mama engtin nge kan tih dawn?" Sangsangi mangang pawh a tap tuau tawh Ls-a chuan luh na tur dang zawng in a kal kual a keini pawhin lehlam ah kan lo en ve bawk
"Tah hian ka lut thei ang" tukverh te pakhat alo in hawng hlauh keini mipa tan len ngaihna a awmloh vangin Sangsangi chu ka dawm kang a ka lawn kai luh tir thei hram
"Ls helam ah" Kawngka lam ah bawk ka au phei leh kawngka Sangsangi'n a hawn rualin Ls-a a tlan in lut a khawi lai mai pawh chu a chik em em vek
A hmasa ber in Rinrini room a en a Mahse a awmlo aniang a rawn chhuak lehnghal vat, inchung ah a chho a thawm aneih zui tak bik loh vangin kan chho veleh nghal a room ah Rinrini hmel thlabar tih hriat zet mai nghet tak a alo kuah lai ka hmuh chuan ka lo hahdam pui huai mai
"Sang,, Sangzela kha alo kal a,chuan..chuan min khawih luih a tum a" a lo tawt rei tawh aniang a tap chhuak nghal hawm hawm a Sangsangi pawh a thawng ve hle bawk
"Lo awm pui rawh" Sangsangi'n a va pan hnaih lai chuan alo ti a Rinrini bul ah emgmah hlau tawhlo tur a hrilh in a chal ah a fawh sak vawng vawng a chhuah atum chu a ban ah ka lo man sak
"Khawi ah nge I kal dawn I kalsan dawn ami" Rinrini hlau hmel dâng bal chu ka va melh a
"Ka that dawn kha zawng phiangsen a kha!' Ls-a thinrim chuan pawisak aneih zui loh hmel takzet a tlan chhuak a Keipawh in ka zui veleh nghal an car chahbi dahna ka hriat ve vek tawh vangin car chahbi ka la a achhan pawh min nghak tawhlo in Sangzela in lam a pan dawn tih ka hriat vang ani
Car hmanhmawh lutuk a la chhuak in Sangzela in luah lampang ka pan a,a in ka thlen meuh chuan Ls-a'n a hnek thal tawp tawh chhuat ah alo hnek chilh hmiah hmiah mai,ka pawt hrang lawp a in chhung ah chuan mipa tha chak rual kan insual ani ringawt
"Duhtawk rawh Ls,"
"ka duh tawk ang maw a teuh lo he mihring hi ka thah hma loh chuan ka duhtawk lo ang"
"I zahawm na ngaihtuah rawh" Sangzela let reng khawih leh a tum chu ka lo dang tang tang " I thian ve tho anih hi" Sangzela ka tan lam anilo bengdaih ka duh vang zawk ani
"Ka DUHLAI khawih tu mihring hi thian a tan ka mamawh phiangsen lo e"