YOU ARE STUNNING BY BEARR CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: YOU ARE STUNNING BY BEARR CHHAKCHHUAK (Completed)

Unread post by Ngaia » November 22nd, 2020, 1:09 pm

CHAPTER - 25♥️






"A nihchuan min ngaih reng loh nan ka bul ah lo let leh la! Aw Jeddah,lo let leh rawh aw" min chhang lo a,a ngawi vung vung mai chu ka lo nghak char char thung " I duhlo ami? " chuai raih in ka tia thaw deuh hrawk pahin







"Theilo.." tih te chauh chuan min chhang a,na ti mahila hriatthiam na chin ka nei ve tho bawk si a tih luih theih dawn chuanglo tih ka hriat chian em vangin phone chu ka la thla riai riai a "ka tum ka puitlin hun ah Pa ka nih min la phalsak angem?" A rawn tih leh vangin phone chu ka beng bul ah bawk ka dah leh a









"Ka lo nghak reng ang che" tiin ka chhang ta zawk,a tum a hlen hun ah ka kiang ah a lo kir leh dawn tih ka chiang lutuk a thusawi kal hmang atang khan! lo hnar tum pawh ni ila tun a luhlul a chhuah ang chiah hian hnar hleih theihloh in luhlul a chhuah leh dawn tho tih ka hria








"Hruai tur cheu in ka lo kir leh ang,mino nghak tlat ang che mipa dang I ngaihsak lo anga kei leh kan fa lo piang tur chauh kha ngaihtuah ang che.. anihloh chuan ka tum ai a tam ka that palh mai ang" a thusawi duh dan te chu rapthlak viau mahse kei leh a naute lo piang tur min ta neih/hauh ve bur na ah ka ngai









"Rei tak min kalsan theilo ang, Jeddah lo kir leh mai rawh..enteh i pa I hmangaih a a tan I ti dawn tih ka hria..mahsela I tum I hlawhtlin na khan I pa a rawn hruai kir thei dawn chuanglo..a ni chu vanram ah a awm tawh a lawm hmun nuam deuh ah"








"Khawi ah mah a kal reng reng lo! Min lo nghak mek zawk..khawi ah mah a kal lo,a muhil mai chauh ani ka pa hian a fapa awm loh na hmun hi vawikhat mah nuam ati ngailo,a ti ngai bawk lo ang" phone atang chuan thinrim in min vin ta nghek a,a pa a chan a hnem a ngai tih chu ka hria..mahsela tun ah chuan hrilhfiah a a tum thulh tir angai zawk









"Vanram ah a awm tawh alawm..I ko kir thei tawhlo hriatthiam tum rawh..." Ka tih vel ah chuan phone chu a tawp ta hmak! Ka call nawn a mahse a chhang duh tawhlo ka nu ka kaih na kut tang nasa lutuk ah chuan ka nu in min lo la din pui ve reng tih ka hre chiah "nu ka tah a chhuak lutuk" ka ti ta thlawt









"Bawihte,I tah a chhuah chuan tap tawp rawh min veng thawng reng reng suh" atih vel ah chuan ka tap ri ta chiah, Jeddah min kalsan ta mai chu ka lak nat rualin tual a that leh dawn tih ka hriat na chuan a let tam tak in min ti na zawk,ka kiang a lo kir theilo hian man a tawk ang tih ka hlau ber a hrem na tur chu ka Chiang ve tawk bawk






★ 6 months later ★






"Bawihte chaw tlem tal ei tum teh,a thla a thla Chuang chaw I ei mumal tawhlo ania,nau pai I ni lehnghal damdawi lah I ei tha mang bawk silo khati chuan naute pawh a ngaihtuah awm dawn lutuk ania"






"Nu ka ei chak thlawtlo ani" khum ah chuan sai sir zawngin ka mu a naute pawh a lian tawh khawp mai, California kan awm lai khan thla khat ani tawh a tun ah chuan thla sarih lai ani ve ta! Keimah ka tet ang ai in ka pum chu a lian daih thung







"Naute tan tal pawh tlem chu han ei leh la.." atih pawhin ngawi rengin lu ka thing a, Jeddah kalbo dawn a kan in biak bak kha vawikhat mah kan in be leh tawhlo! Ka call tlut tlut a vawikhatmah a la lo thung ka beidawng em em a khua a lo var erawh chuan beidawng chung pawhin ka call leh tlut tlut zel








Police in an man ta ani thei ang tih te ka ngaihtuah phei chuan ka mangang lutuk hi ka nau pai rilru damlo sa nen ka buai vek thin,ka thaw te a hah a reitak chhung biak theihloh ten ka lo awm thin bawk..hun a liam chak viau a mahse Jeddah erawh a reh tlawk tlawk thung..a chanchin thar lam eng emaw tak hriat tur a awm takin tiin rampawn lam news pawh a vil hian ka vil deuh tluk tluk









"In awm maw?" Zan anih vangin tunge lo kal tih ngaihven turin ka nu chuan ka room a tang in min chhuahsan a,kei erawh a ngai rengin ka lo





"Bawihte Duhsanga te thian anlo kal ania lo chhuak rawh le..in leng te an hnar do ngailo ania" ka nu chu hmanhmawh takin a rawn lut leh a, Mizoram ka let hnu rei vaklo atang khan Duhsanga hi a rawn ta zeuh zeuh a Jeddah ka lo ngai ve bawk nen a chang phei chuan room ah ka rawm tlat thin








Nau pai lai ka ni tih an hre chung pawhin rawn len an bansan chuanglo,chuan Duhsanga hi ka bo lai pawh a min zawng nasa ber tu officer Ruata nau chiah ani..ka thawh peih chang chuan tha takin ka kawm ve mai a ngaihzawn en ah erawh chuan ka en eih lo..chu bak ah Jeddah pawh ka tiam tawh a ka lo nghak reng ang tiin,in be lo rei tawh viau pawh ni mahila a tan chauh a lo rinawm rih hi ka duh ani









"In lo leng ani maw?" Zawi zet a ti in an piah lawk ah chuan ka thu ve a,ka tap nasa thin nen ka mit te hi engtik lai pawn a bui chuk reng thin,bak ah Duhsanga hi rawn leng satliah bik anilo a High school te kha kan kal ho ve thin a mahse ka bang ta daih kha ania,khata tang khan minlo hmelhriat ve ani awm e nau ka pai tih hre reng chung a a lo leng te hi thenkhat chuan zaktheilo chhuah in minlo chhuah leh hman tawh!









"Aw I va nawm loh hmel ve?" Chik deuh hlek hian min en a,ka mit chu ka lo tuai nawk nawk,an lo len chhung a min ngaihsak ang tak a a awm te hian Jeddah min ti hrechhuak daih thin,a ni kha chuan min ngaihsak dan kha mizo te tih dan ang in a thiam velo a,midang lak a min lak hran te,an hnaih a min awm tir loh te kha chuan min ngaihsak leh min duat ah a in ngai ve tawp zel









"Nuam e,,ka tlai mut a chuvang anih hi" ka pum puar ve tawh tak a melh leh daih vangin ka awm ati nuamlo deuh chuan ka bul lawk a ka nu puan dah chu la in ka pum hliah tur kher chuan ka in tuam daih a,ani pawhin ka awm dan chu a hrethiam nge a hawi sawn veleh daih









Jeddah awmloh hnu atangin thawm kan ngah phah zawk a,khawi ah nge a kal tak a,Engtin nge a fa ka pai theih tih te thleng in zawhna chhan sen loh ka dawng thin,thla 6 lai a liam tawh chung pawhin a khat tawkin chung zawh na te chu min zawt tawk an la awm reng a chhan na erawh ka pe ngailo ka nuih liam loh leh ka mimawl kalsan tawp thin









"High school kan kal lai ai khan I thau ta in ka hria,naute vang pawh kha ani zawk mai thei" min fiam nan ti mahse ka nuih a za vaklo,mahsela in leng an nih ang in a thusawi chu zat hmel deuh hian ka lo nuih a,thla 6..kha thla 6 liam ta zawng zawng te khan za takin vawikhat mah ka nui ngailo Jeddah awmloh chuan ka nun chu Pathian in khawvel a siam tirh ang mai kha ani a ruak a engmah a awmlo a tello chuan









"Thau ami? Tunlai chu chaw ka ei mumal lo lutuk zawk a ka cher ngawt zawk ang" ka lo ti liam ve puat a




" E kha...hei Kan Monu in rai lai chuan chaw ei theilo an awm thin a heng hi kan ei nasa atia kan rawn ken ve che anih hi la ngei ngei rawh aw kan lei vek tawh ania"




"Ai..ka duhlo angailo hrim hrim chaw ei theilo ka ni hleinem ka chakloh deuh hian ka eilo ve tawp zawk alawm ka duh miahlo aw hetiang hi Duhsang! A ngailo ka lawm lutuk"





"Aaa,la rawh Rs..Duhsanga nen veng dang ah kan va lei ve ngat anihkha a cial chi ngat kan zawng a " Duhsanga thianpa malsawma chuan alo ti ve bawk a mahse ka lo nawr let ve tang tang tho





"Hetia in tih chuan nuam ka tilo ania ka be duh tawh miahlo ang cheu" ka tau der ta ringawt! an thil phal na chu lawm awm viau mahse kan tan pawh a zahthlak ve tho rasgulla mai mai lei theilo bik kan nilo a mite hriat ah pawh a mawilo








Ka pa pawh in zu a in mang tawhlo a,a chak zualpui a chiri dawn ang ah te chuan a in leh thin..a lo in nasa ve tawh em bawk a nghei tak tak chu a harsa tawh pawh ani mai thei bawk,a mah ber in zu a in tlem tak vangin pawisa pawh a lo thlawn in a kal tawhlo deuh a ruih sual a nei ngai ta manglo bawk nen kei nen pawh in be thalo mahila kan in haw em em tawhlo








"La mai rawh,kan rawn lei tawh a va dah let leh kha kan tan a buaithlak tawh ania" ka bul ah chuan a rawn nghat pawp a a thut na ah a thu lehnghal,pek let duh viau mahila phal tak a min pe ah an in ngai bawk nen nuam tiko deuhin ka la a








"Anih ka lawm lutuk aw" thawh kan pahin ka ti a "lo thu rawh u thingpui ka va lum ang" choka lam ah ka phei a ka pum lah chu a lian ve tawh reuh bawk nen han chet zung zung te ka harsat ve ta deuh a bak ah fa hmasa ber tur anih ang in ka dim ve hle bawk choka hrang hlak a nei kan nih chuangloh vangin thingpui lum pah pawhin kan in be zel tho a








Ka thingpui lum zo,pe tur a ka kal phei lai takin tu emaw ka hmu! mak ka ti bawk si in ka va en nawn leh chuan kan kawt ah Jeddah leh Jasper te an lo ding reng! Ka thingpui ken lai pawh ka ngaihtuah tawhlo ka nghat tawp a ka tlanchhhuak nghal "Hi.." alo tih rualin ka ngaih zia tih lan nan leh a tak ani ngei em tih fiah nan ka kuah nghal thlawp








"A tak I ni tiraw? Nangmah ngei I ni tiraw?" La kuah reng pahin ka ti mawlh mawlh a nui ri hak chungin



"Ni e,keimah ngei ka ni a lawm,hruai tur che in ka lo kal a" atih chuan ka tah nuih tawp



"Min theihnghilh tawh emaw ka ti a sin! Ngati nge I reh vang vang ringawt a? Engmah min hrilh ngai silo min call ngailo a massage takngial pawh!"



"Shhh,ka tihpalh..hun ka neilo em ani,kan inbia anihchuan ka tum min thulh tir I tum dawb tih ka hria " chutia atih lai chuan kawngka ah ka chhungte leh Duhsanga te an rawn chhuak ve chiah




"Tunge..?"Duhsanga,ala hmuh ngai miahloh a hmuh vangin mak ti si, thinrim hmel pu deuh si chuan ati a "min chhang rawh"a vin leh dawn tan! Ka chhan dawn lai tak chuan Duhsanga chu a va pan ta mai!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 22nd, 2020, 1:10 pm

CHAPTER - 26♥️





"Ui ha! Jeddah khatin va ti ringawt suh" Duhsanga kawr ah chuan tham hlawk in a pawt hnai nghal hrawk a ka va tlan let lehnghal "thlah rawh a fel a sin Jeddah Engtin mah ti Suh" Duhsanga kawr a tham na chu ka lo pawt ve bawk







"Hepa hian hetah enge atih ve? Chuan tunge anih helai a awm ve tur hian I tan enge pawimawh na aneih?" Zan a la reilo hrim hrim a khaw lai a tei vel tawk an awm ve reng bawk nen Jeddah an hmu chu an rawn pungkhawm leh tan tawh!







"Ka thian a lawm, school kan kal ho thin a" a lut chu thlah thla turin ka pawt ve ngar ngar "Duhsang hrethiam hram rawh aw, Jeddah thlah teh!" Tlem in ka vin ve deuh a ngai,a ni pawh chuan a thlah nghal vat a Duhsanga thianpa malsawma pawh alo in hum ruh hman








"Awi sawi ngaihna pawh ka hrelo Duhsang ka tihpalh lutuk,mizo te in leng neih dan a hre ve lo a hrethiam hram rawh u" tiin thupha ka chawi sak mawlh mawlh a, Duhsanga pawh lawm vaklo hmel nen a bu ve nghut tho ka nu chuan luh pui vat turin min lo signal a







"Kan va haw phawt ange" tiin thil dang pawh kan sawi hma chuan an kal ta daih a,in thlahrun awm duh tak ani,auh let leh chi ni tawh hek lo Jeddah chu ka en reng ringawt a ani lah chuan Duhsanga te kal ta daih chu lawm hmel deuhin nui deuh hian a lo en zui ve vawng vawng








"sawi tur ka nei" midang rawn pungkhawm ho pawh ngaihsak lo in min kaih luh a tum a,ka nu kawngka a h a din ve khiau vangin a ding leh chawt "Mom..?" tiin a au leh ngawt,ka nu chuan kawng kal na tur a lo kian a Jeddah pawhin lawm hmel deuhin min hruai lut nghal bawk








"Engkim a tha em?" Tum nei a min kalsan kha ania he zawh na hi ka zawh a tul takzet,khang thla 6 liam ta te khan a tum kha a thulh fai vek angem? Nge ni a a puitlin vek tawh a min lo hruai a tum zawk? chu zawh na chuan min tibuai khawp mai







"Tha e,a tha mah mah" chapo hmel takin a nui lui sak a kei erawh ka awm a lo nuam lo em em thung ka rilru ah hlauhthawn na a in tuh nghet sauh a California kal chak na ka nei tam lo rial tial bawk "zanin ah kan chhuah lehnghal angai hetah ka awm reng theilo,hmabak ka la ngah lutuk" a lam hawi turin min kuai her a








"I ti tiraw? Phuba la in tual I that leh ani tiraw" ka men nghal puau a aw tih chhan na ka dawng dawn tih in hre Chiang mahila aw ti a min chhan chu ka hlau takzet thung " Jeddah, hlim takin kan awm thei reng a sin..I pa kha ka ngaihtuah loh bik vang anilo mahse I Chung ah eng emaw thleng ta se I tello in Engtin nge kan lo awm ang? Thla 6 chhung lek pawh khan ka â alo chauh a sin"









"Engkim a thleng tawh,huaisen tak a I hmachhawn thei dawn anihchuan ka kiang ah ka hruai ang che.. anihloh chuan" ka lo tah nghal ringawt vangin kawngka hlat tak ah min hruai a "shhh,ka sawi awnzia chu engkim ka thlen tir tawh a chumi vang a harsatna kan tawh pawhin chhel tak leh huai tak a I hmachhawn ngam dawn anihloh chuan I natna hmun tur a hruai che ka duh lo.chu ai chuan hlim leh him takin hetah hian awm la ka ti tho"









"I tello in ka awm thei hleinem I sual lutuk! Nangmah vangin ka naute pawh ka enkawl tha theilo ka ngai lutuk che a " tah tawng chungin a âwm ah chuan ka chum nghek nghek a,ani chuan nui chungin ka pum puar ve tawh zet chu a lo chul heuh heuh thung









"A va loan tawh ve,reilote ah kan in hmu thei tawh dawn ani maw!" Ka hma ah chuan thingthi in ka kawr chu a hlim chho deuh a ka dul ah chuan a fawp vawng vawng " I pa hian thil tha tam tak a zir ve ngailo a I lo pian hun ah pawh eng thil tha mah zirtir tir che a hre velo ang! Mahsela hmangaih na a dawn ngai miahloh ang zawng zawng kha a pe vek ang che" fawp leh in min rawn chhoh en a








"Ka hmangaih che.." mittui parawl zet in ka lo ti ve chiah




"A let tam takin ka hmangaih che" rawn ding chhuak in ka chal ah chuan a fawp leh vawng vawng a,ka rilru chanve hmawk chuan awmdan thiamlo in hlim na ka nei leh tawh, chutiang bawk in a chanve dang te chuan rilru hah na nasa tak an la pai reng bawk






"Tun ah I nu leh pa te bia la kan chhuak nghal ang" ati ta chung chung mai sia pawn lam ah mi an la awm deuh nual bawk nen chutih lai a ani hnam dang lehnghal zui chhuah chu ka nu te phur rit leh vek tur ani,zawh na ka chhan sen loh kha an mahni ah an bur bun vek dawn tih ka hre ve tho







"Tun ah maw? Mahse engtin nge sawng ho hmuh lai sawn kan chhuah theih ang?" Ka nu te tan harsatna a nih theih zia te ka hrilh ve luam a,ani pawh hmanhmawh hmel viau mahse awm rih chu a duh ve ta tho,a thu duhlo a a tei sek a sana a melh vung vung bawk kei pawh muangchang in ka in siam a









Jeddah bul a ka awm tawh tur te chu ka ngaihtuah thin a,in siam pahin ka lo nui leh vur vur thin! A chang leh thlamuang in kan awm dawnlo tih ka ngaihtuah chhuak leh a ka ngui leh bur tho..ka lo in tih fai lem loh vangin mi tam loh lai kan nghak ta rau rau ti in bathroom ah ka lut a Jeddah leh Jasper chu ngawi rengin ka room bul lawk ah an thu fel at









"Keimah pawh hi in update ve lawk teh ang" phur sarh a inbual pahin ka nui leh vur vur thin, Jeddah awm loh a tang kha chuan ka mi a awm deuh tawp a Duhsanga te thian dun lo leng ngailo phei se chuan tuman min be tawng zo lo ang tih tur ani








Tun ah chuan ka hmangaih em em pa a lo kir leh tawh a in update ve deuh ka ngai tawh.. phone pawh ka bih ngailo a ka bih chhun chuan Jeddah te tui khai lai video a ka lak chauh kha ka en thin a bak ah chuan vawikhat mah ka online ngailo ani mai,ka nau ten online games khelh nan ka phone an hmang thin a chu chu ka phone online ve chhung ani mai








Bathroom ah hian in bual pah a zai ngaihthlak ka chin thin vangin ka phone chu ka keng lut tel bawk a,ka in bual zawh vek hnu ah chhuah hma in in update nan tiin news te ka en kual a "ka duh theilo.." bathroom kawngka chu hawn ka tum tawh mahse ka thulh chiang takzet "Jeddah nangma tih ami?" ka mittui a rawn tling nghal pam a ka beng a sa vek bawk









Ram pawn lam news zing ah chuan California police tun hnai ah suat (thah) an nih thu alo in ziak nasa mai! Police leh FBI ten an chhui zui ngawrh hle tih te in thu an ziak nual a,thu thenkhat ah phei chuan rinhlelh an neih tawh thu leh an man chhuah tep tawh thu te a in ziak bawk! Ka lungphu hi a rawn rang nghal dawt dawt a Jeddah bak rin ka neilo








"Kawngka hawng teh,I rei mah mah I tha em?" Jeddah an pawn lam a tang in min rawn bia a kawngka a kik bawk ka biang a mittui lo luang thla hmanhmawh te chu ka hru hul thuak thuak a





"Ka lo chhuak ani mai" tap lo ang deuhin ka ti a, kawngka ka hawn rual a a hmel ka hmuh chuan ka tah chhuak thar leh vangin ka hnar a rawn thip nghal vut vut





"Engkim a tha em?" Chik takin min en a nui lui chungin ka lo bu nghut nghut, engkim chu a la tha tun ah rih chuan mahse reilote ah a tha lo vat dawn! a thil tih an la man chhuak ngei dawn tih hi kei ai pawhin a mah hian a chiang ang,mahse a hmel ah hlauhthawn na te,buai na te a awm velo,keimah ah hian a awm vek zawk







"Engtik lai pawhin ka hmangaih reng ang che Jeddah,eng thil mahin min pawt then theilo ang..kan in hmangaih na hian pum khat ah min siam anga khawvel tawp thleng pawhin pumkhat,tuma then hran theihloh kan ni tawh ang" tiin ka sawi ve phawng ringawt!







"Hei vang chiah hi ani,tu midang mahin I hmangaih na an dawn ve ka phalloh ni,helai ami tiam lo in" ka pum chu a dawm a min fawh a tum laiin Jasper chuan ring deuh tak hian a aw alo thian kharh kharh a, Jeddah nen pawh kan in nuih ringawt








Ka nu te an lo luh fel chuan Jeddah zui a kal ve ka ngaih thu te ka hrilh a mahse alo rem ti chiahlo,a chhan pawh naute vang ani.. Jeddah chuan chhungte a nei em tih te min zawt a,a nei tawhlo tih ka hrilh phei chuan zui chu a phallo lehzual! naute ka neih hun ah te tunge min buaipui in min enkawl pui ang tih thleng in a lo ngaihtuah vek








Ka nu sawi chu a dik na chen a awm ani,nau ka vawikhat neih na tur ania,thiam engmah ka nei lo a ka nu hi ka mamawh dawn lutuk! Mahsela Jeddah tello a ka awm reng a ngai tawh dawn bawk si,ka nu chuan duhthlang turin min ti ta tawp! Jeddah bul a ka kal chuan engkim naute nen lam mahni a ka buaipui angai dawn a, anihloh a ka nu te kiang a ka awm chuan min buaipui vek thei dawn a,kal a phal loh lam nilo in min ngaihtuah vang zawk ani,eng zawk zawk pawh thlang ila ka duhthlan na a ding nghet ngam turin min duh










A tawp ah chuan Jeddah ka thlang ta nge nge a, muangchang hman kan ni chiahlo bawk nen a zan a zan in kan chhuak dawn ta..ka chhungkua te chu engkim huam in ka kalsan leh dawn a...ka pa'n a ze sual tak te a sim tawh a tun ah chuan rilru nuam tak in ka kal ve thei tawh ngei ang,ka nu te chu thlah na thu ka hrilh mawlh mawlh a ka nau te pawh anlo men ve puau mai








"Kal tawh rawh u,a hmanhmawh thlak ang" ka nu chuan a mittui hru chungin ati a




" Awle.." lo ding ngawi ve reng ka pa chu ka en a " pa" ka tih chuan rang deuhin min en nghal "ka nu te hi ilo enkawl tha ang tiraw?" Ka tih chuan a hnuk a ulh ta nge a kut in a mit a hup a a kun ngul bawk





"Ka fanu lak a ka tihsual te pawh siamthat na hun ka nei thei dawnlo anih hi" a rawn tap aw tuau a a tawp a tawp ah chuan ka pa ka hlauh leh ka huat em em thin chu ka kuah ve ngam ta!




"Mom.. you're the best I've ever seen" tiin Jeddah chuan ka nu chu a kuah thut a ka nu pawh a meng phawk hra mai,nu a duh ve zia te leh nu hmangaih nih a duh ve thin zia te ka hriat pui a mak pawh ka ti hran lo





"Nu,kuah let ve rawh,nu tha tak I nih thu a hrilh che anihkha..nu leh pa a nei tawhlo a nu leh pa tha deuh neih ve a duh thin a" ka tih chuan ka nu pawhin hrethiam takin alo kuah let ve a,an van hmuhnawm dun tak em aw! Ka nu chuan an in kuah zawh te chuan pha leh pha lo in a biang ah te a fapa a duat em em ang maiin a khawih sak a chu lek pawh chu Jeddah tan chuan thil pek hlu tak ang mai ani








Tichuan kan vai a in mangtha in California pan tur chuan ka chhungkua te chu kan kalsan ta a, vawikhatmah phone kha ka en leh tawhlo bawk,news rilru ti nuam lo tak tak ngaihthlak leh ai Chuan hetia engmah hrelo a awm hi ka duh tawh zawk, Jeddah ngheng in ka thu ngawi reng a,ani pawhin min lo pawm nghal vat bawk ka lu ah fawp in a ngawi ve vang vang a



___________________________________

★ CALIFORNIA ★





"Kan va in hmu khat ve.." car atang a ka chhuah rualin Jeddah in lian tak lo ding khup chu ka nuih var var a ka kut ah min rawn chelh tu awm chuan a lam ka hawi a " min lo hruai leh kha ka ringlo hman tep a" ka tih chuan a ner deuh nang a







"Engvang in? Jeddah hi a mah in a khawsa thiam tawh hleinem..ui kawlh te pawh thian a siam theitu hmeichhia chen loh na ah chuan a Cheng thiam tawhlo" midang in min zui luh ve tawh miau loh vangin ka kawr chu ka dar ah pawt liam in a fawp nghal nawk nawk a







"Hetah ni lo Jeddah! A ual au lutuk,bak ah naute a lian tawh a tih chi tawhloh ania" ka tih pawhin min ngaithla duh tawhlo dik deuh a min pawm in room ah min chhoh pui a ka thawmhnaw zawng zawng min hlih sak nghal vek! Ka hma ah thu hniam in ka pum chu zir chiang ang mai in a en dauh dauh a "enge en tlang I tum a?" nui chungin ka lo ti a







"Ka nu pum chhung ah khan hetiang tho hian ami ka awm ve?"a rawn hawi chho nghal vut bawk a rang deuhin aw ka lo ti a,mahse a hlim nge hlim lo pawh ka hre lo,ka pum ah chuan fawp in a fawp thla zel a ka chh* a fawp chiah chu ka ip nghal zawt! a nui ri nghal hak a a fawp nawn leh ngat a ka taksa te hi a mur chhuak ve thei!








Khum ah chuan min mut tir in ka baap pahnih chu chuanglam ah min vawn chhoh sak a,nau ka pai miau vangin ka mal in kar ah chuan a z*ng khawng leh li*n zet chu rawlh lut in a hr**t chiam a,a in hrithla ani ber ang chu..a zawh hnu chuan thaw ham ham chungin a rawn mu ve a a âwm a ka bawh rualin a lungphu ri rang zet chu ka beng ah a ri nghal tluk tluk bawk









"Va in ti fai rawh" atih leh daih si vangin ka hmui ka ti pawrh vung a engmah dang a sawi leh loh vangin tau deuh reuh chuan ka tho a ka in zo lo ve bawk sia ka che muang ania! Bathroom ah chuan lut in ka in tleuh leh te te a





"Ka zo..va ti ve rawh nangpawh" kawngka a chhuah pahin ka tih chuan ka hma ah a rawn thingthi nghal ngawt a! "Enge I tih a I tho a thut ami?" Ka lo fiam zui leh kher a mahse a nui miahlo a zungbun nalh zet hi a rawn lek chhuak ta mai





"Rose,Cheng dun satliah,naute vang a awmdun satliah nih chauh ka duh tawhlo! min nei duh angem?" a tih chuan ngaihtuah pawh in ngaihtuah lo in ka aw nghal pawp! In ngaihtuah pawh ni ila ka chan na chu aw ani tho tho






"Hmangaih na vangin mi te chu an lo in siam tha pawh ani thei,mahse keichuan ka duh velo hmangaih na vang a danglam a in siam that te hi,tun ah pawh I hria anga ka thil tih chu" zam ve hmel takin hnuai lam a bih zeuh a " kan hmangaih te vang chauh a kan danglam anihchuan,kan hmangaih te an awmloh hun ah chuan a ngai ah tho kan let leh ngei dawn! Chu thil chu a thlen loh nan danglam ka duhlo ani"







"Chumi avang erawh chuan min hnar lo la,ka nihna ang ang te hian min pawm la ka duh,in siam tha kher lo mahila itan chuan mipa tha tak ka ni thei tho ania" ngen ngawl hmel takin atih chuan ka kut chu zungbun bun tir rem tur takin ka dah nghal a,ka pawm zia a hrethiam ani chek ang chu zungbun chu a bawm atangin a la chhuak a ka kut tang sin ve tak ah chuan a rawlh lut nghal zal zal







"Nupa kan ni tawh tun ah chuan" ka kun that theih tawhloh vangin ka pawt tho a ka kuah nghal vawng vawng,chumi ni atang a reilote ah chuan midang hriatpui ve lem loh in kan innei a,ka suangtuah thin inneih na ang nilo mahse ka Jeddah ka pasal ani pawh chuan min ti hlim tawh lutuk Mizoram lam a ka nu te chuan min hriatpui thung








Jeddah thil sual tih pawh in ka rilru ti hah thin mahse tun thleng in an la man chhuak lo a,ka lawm piah lam ah man chhuak ngailo se tih mawlh chu tawngtai na ah ka telh ziah! Midang tan chuan ngeiawm phah dawn viau mahila ka dil lui zel tho


IMG_20201110_001123.jpg
IMG_20201110_001123.jpg (90.69 KiB) Viewed 3630 times

★ 2 months later ★






"Hi..." Ka harh hlim atangin ei tur in min lo hnuak nghal a van nuam thin tak!




"Hi.. Daddy" ka lo ti ve vat, Daddy ti a koh hi nuam ati tih ka hria a,a hlim pui ve theih em vangin chutiang chuan ka ko ziah tawh





"Vawiin chuan kan in check up anga,chuan enge kan tih ang?" Phur takin a rawn thu a keiin kan tih tur tul ang ang te chu ka lo sawi zung zung a,naute nen kan nih tawh vangin rai puar ho exercise lak na ah kan kal nitin a thil tha a piang chu kan ti ve zel ani mai




"Pawn lam ah phone ka va hmang lawk ange" ti a a chhuak tur chu kei ka pum a rawn na ta thut! Ka lu a rawn hai deuh bawk a ka khaw hmuh a phe nghal ruaih




"Daddy.." Jeddah chu ring takin ka au a a rawn tlan let lehnghal, ka pum nat thu te hrilh in hospital kal ka duh thu ka hrilh a a ni pawh hmanhmawh phele in a che nghal zung zung bawk





Hospital kan thlen chuan doctor ten nau ka vei dawn tan tih an lo sawi a ka pum lah chu a na zual zel bawk si, Jeddah kut ka chelh theih chhung chu ka chelh ngar ngar a room hran ah min nawr luh hnu chuan thlahlel takin a kut chu ka thlah a,tih ngai zawng zawng an ti nghal sup sup a ka pum a naute chu rawn chhuak nghal mai tur ang in a awm tawh








Rei vaklo hnu ah chuan nau nei tur a in peih in an awm ta hlawm a nurse chuan ka kut a min chelh sak in zawi muang a sang turin min hrilh a a harsa takzet! ?Ka nu ka mamawh na a sang hle bawk..thawkhleh khat ah ka lu hai a zual thut a tha pawh neilo in ka ring takngial pawh ka tun theilo! ka thil hriat a Chiang thei ta lo a nurse chuan mangang takin ka thatloh thu nau chhar in ring ran a awm doctor chu a hrilh a










Nurse chuan min fuih in tang hram hram tur chuan min ti a ka naute chhan ka duh chuan theihtawp ka chhuah angaih thu min hrilh a ka thlan te chu min hruk sak zung zung bawk..darkar ngial ka beih pawhin awmiza a awm thei meuhlo! Ka beidawng ru rum rum tawh a naute chu tha lo takin ka hrin ka hlau a ka rilru a na nghal ut ut








"Awle vawikhat aw theihtawp han chhuah teh le, hmeichhe huaisen mahni fa ngei chhan him tur I nihkha" nurse in a tih rual chuqn theih tawp in ka bei leh a ka thi mai dawn a ka in hriat rual chuan naute tap thawm ka hre ta!







"Hmeichhia anih hi" doctor in a tih phei chuan Ka lawm lutuk chu ka tap nghal tawp! Ka chauh em vangin naute pawh kuah ta lo chuan ka chhin san vang vang a engmah ka hre zui tawhlo






*





"Hi..mommy" naute tap ri ah bawk ka harh leh! Ka mit ka men rual a Jeddah an kan fanu a lo pawm ka hmuh chuan mittui tling pam in ka en a room pangngai ah kan lo awm tawh,engmah hrelo khan ka lo muhil rei hle aniang! "Ka lawm e" a fanu en in rawn kal hnaih pah chuan ka chal ah a fawp a,pawm zei vaklo tih hriat takin nurse chuan a lo veng deuh ran a






"Ka lafanu duhawm,ilo pian avang hian ka lawm takzet ani ka thinlung zawng zawng in ka hmangaih ang che" a fanu engmah la hrethiam lo chu a hmangaih thu a hrilh mawlh mawlh a,an va han hmuhnawm tak e aw!






"A hming phuah la" ka tih chuan a ngawi deuh vang vang a "I duh duh phuah rawh,I fanu ani a I thu ber ania" ka ti chhunzawm leh a nui chung a a fanu thlir dauh dauh pah in






"Rose ang mai ani,a no nalh in a duhawm takzet ani thlir nin a har dawn lutuk.." rawn hawi in a nui leh rih thin "Rosalin Emerda Modraz" ti in a fanu hming chu a phuah a keipawh in ka pawm pui thlap






"Mr Jeddah tun ah hian man I ni,naute kha I tih nat hma in dah la chung lam ah I ban phar rawh" kan lo hlim ve em em laiin police lampang an rawn lut hlawl! Ka hlauhthawn thin ngei kha a lo thleng dik dawn!






"I unaupa leh California police paruk te thih na ah thiamloh chan tir I ni,I thil tih thin engkim hriatchhuah a fin fiah ani tawh,ram tan a killer hlauhawm tak I ni a tun ah hian min zui lo anihchuan nangmah thah theih na warrant kan dawng vek tawh"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 22nd, 2020, 1:10 pm

CHAPTER - 27♥️





"Jeddah! Ani theilo khawi ah mah min kalsan theilo ania!" police in man an tum a silai a an tin reng chung pawhin hlauhthawn na leh mangang na a hmel ah hmuh tur a awm lo! "Min kalsan theilo ang,I fanu I kalsan theilo ania!" Khum a mu chungin ka mittui luang kar atangin ka en a ka nau neih na vangin ka la che tha ngam lo







"Emerda..ka hmangaih tereuhte" kan fanu ke ah chuan a fawh sak a,keiin hnuk ulh tun in ka lo en a tum sa leh hriat lawk sa ang mai in man an tum chuan a mah ah nghawng chhete mah aneilo " I pa hian tun chauh lo pawh hi hmangaih che a chak a sin,ka awm loh hun ah pa dang lo neih lo ngen miah suh aw,pa tha tak ni turin ka lo kir leh vat ang"








"Hruai rawh u" police officer pakhat in atih chuan Jeddah chu handcuff bun tir tum in tan an la nghal mai a,kan fanu Emerda pawh nurse in alo la nghal vat Jeddah chuan engtin mah a bei let lo a an tih ang ang chuan a awm tawp! Hruai chhuah an tum lai chuan a tang ta deuh a nurse chu an bul mai ah ala din vangin nurse leh Emerda chu a pan hnai a








"You are stunning " tiin a fanu chu a nuih var var a kei khum a mu reng min rawn en leh pahin "hmangaih te vang a danglam lo ka nih hi Rose,chuvang tak chuan engmah in min ti na theilo, hmangaih na vang a danglam mihring chu,chu hmangaih in a kal hlat san vel ah a tlu chhia anga tho leh tur a awm tawhlo ang"








"Mahse keichu ka nilo,ka nunna ai pawhin hmangaih che mahila ka hmangaih na che vangin ka danglam ve ngailo a chuvang chuan keichu chak takin ka awm reng ang..ka danglam loh rah chu tun ah hian I hmu em? ka hmangaih che Mrs Modraz.." nui chungin ati a an hruai chhuah a an liam thleng chuan ka en zui a Jasper pawh engkim hriatpui a tih pui tu anih vangin an man ve bawk!








"Miss,la che vak suh I nau neih na kha i la che tha theilo ania" nurse chuan naute pawm pahin thawh ka tum chu min lo dang a ka puan sin lai a ka mittui te hru tawk tawk chungin kawngka lam chu ka melh reng a, Jeddah te tih loh tumah min buaipui tur an awm loh vangin ka fanu nen chuan kan mal tlawk tlawk













"Miss,in lam ah kan haw thei e" Mr modraz veng deuh chawt thin tu chuan ka fanu ka lo mutpui laiin a rawn ti a,chutia min rawn ngaihtuah tu an awm ta chu ka lo tap leh ti tih tawh! "I tan kan awm reng e,ka pu khan a boral hnu ah pawh nang leh a tu lo piang tur tan a rinawm tak a thawk turin min chah ani"







"Jeddah te kha engtin nge an awm ang? Police station ah khan kan kal ve angai ania" ka tih chuan police lam in tuma hmuh an phal rihloh thu a sawi a ni reilote hnu ah court ah an in lan a ngaih tur thu a sawi bawk "Engtin nge ni ang? Eng hrem na nge an pek ang?" Chu zawh na chhan na chu a hma atangin ka hre chak tawh damchhung emaw tih hlum emaw nilo se ka ti ber








"Serial killer ang a ngaih anih vangin a hrem na chu a nep lo khawp ang,mahse lungngai suh kan ram lawyer tha ber ber te nen kan bei dawn a lawm" tiin min tawng thlamuan ve luam a,mahse awnzia a nei tam tehchiam lo,ka fanu tui tak a muhil chu ka en a Jeddah fawh sak na lam a ke chu ka dawm sak vawng vawng








"Daddy khan a dawn ngailoh hmangaih na ang zawng zawng kha pek che a duh asin..a duh pakhat lek pawh a ti hlawhtling thei dawnlo anih hi, daddy chu huat chuang miahloh tur aw..a lo let leh hun ah chuan a tum ai nasa in a hmangaih ang che" kan boruak tawn mek te hrethiam ve hek lo le,tui takin a muhil bawrh bawrh








Ka nau neih atangin la reilo viau mahse hospital a police te lo kal vang khan kan room a an rawn lut lai hmu an awm ve bawk avangin rawn ngaihven tawk an awm ve reng a nuam ka tih chialoh vangin doctor kan nawr deuh bawk nen chhuah min phalsak ta hram a tichuan in dim thei ang ber in kan chhuak ta a








In kan lut te chu alo reh ruih mai bawk si a,tah vak mai te hi a chakawm Dennis (Mr modraz vengtu) chuan a pawm a min pawm in Jeddah room ah naute nen chuan min awm tir a,kan nu fa him zawk nan guard pawh an dah belh thu an sawi bawk,ka fanu Emerda chu ka thiam dan leh theih ang tawk in ka enkawl ve a ka fa pakhat na anih vangin ka zei vaklo




_______________________________________




"I tha em? Engtin nge an tih che,lo haw tawh rawh Jeddah" zing ka tho chu phone ah min call avangin ka Jeddah ah ka ngai a ka tawng nghal bawrh bawrh "kan ngai tawh che ania daddy" thawh Phan pawh sawilo in ka ti nghal zung zung a






"Mrs Modraz,court hun ah nangpawh lo tel tur a hriattir I ni,i pasal thil tih chungchang ah nangpawh rinhlelh I nih avangin court hun ah I rawn in lan ngei angai e" tiin tu emaw hian a rawn ti a bedsheet chu ka tham nghal tawk! Engkim ka sawi dawn chuan Jeddah hi a tang ngei dawn mahse chu chu ka phal silo






"Aw..awle ka lo tum ang" khum ka fanu muttui em em melh pahin ka ti a, phone ka dah rualin tih harh hlau takin a bul ah chuan ka mu ve a,ka thin te hi a phu nasa tawh lutuk,court ah chuan thudik ka sawi angai a mahse chu ka thudik sawi chuan ka pasal jail ah a tan tir dawn si







Emerda mut lai chuan bathroom ah in phih fai tum in khum atang ka tho chhuak ve ngawt a ka nau neih na vang in ka ding in,ka che tha thei thlawt rihlo chu khum ah sai sir ti tih in ka muthla nghal tawp! Emerda mu a harh ka hlauh lutuk vangin ka en nghal vat a,mahse a lo harh lo phian Dennis chu ka ko ta ringawt a bathroom thleng min hruai in ka in tih fai chhung Emerda chu lo veng turin ka ti a







Ka chet that hleih theihloh vangin ka in tifai pawh darkar chanve vel lawih aniang hun ka hman! Kawngka ka hawn dawn a Emerda tap ka hriat rual ka hawng sawk sawk a ka na pawh ka ngaihtuah hman lo ka tlan chhuak nghal tawp! Khum zawn pawh ka thlen hma in chhuat ah ka thu thla hnawk a ka na vang chuan ka then sawk sawk hi ani mai







"Min lo pawm tir mai rawh" na ti chung chungin ka ban ka phar chhuak a, Dennis chuan Emerda tap chu alo thlem ve ngar ngar a mahse nausen mai anih vangin awmzia a awm tam lo takzet,a nausen em vangin a aw pawh a la sin tha khawp mai







"Emerda, bawihte ka tihpalh lutuk mommy hi a in ti fai lawk a lawm khawi ah mah a kalsawn hleinem tap tawh Suh le..." tiin ka fanu min rawn pek rual chuan pawm in ka awi hliau hliau a hn**e pek a thlen ka duh vangin Dennis pawh chu ka chhuah tir a ,chhuat pawh sawi lo in ka in hrai ta tawp







"Jeddah,awm ve la chu âw..I fanu te hi a tap miahlo ang mawle,I thiam dan ang ang khan ilo thlem veleh anga tiraw? Kan chung a thleng hi kan phu reng vang pawh nise ka hrethiam in ka pawm thiam theilo...ka ngai lutuk che" tiin mittui tling pam chuan ngawi reng a ka fanu hn**e hne lai chu ka en a







Jeddah chu police custody ah a awm thu leh thu an zawh fiah reng thu Dennis an min hrilh chuan biak theih ka chak takzet,enge ka sawi ang pawh hrelo mahila a mah biak hrim hrim ka duh,a that leh thatloh tal pawh hre turin biak ka chak ani..tun dinhmun ah chuan ka che sawn hlei thei bawk silo nen rilru hah tak chung a in a lo awm mai bak tih theih ka nei chuanglo







"Ka duatte,hei I pu in itan a min pek ania a mah hmu ve hman talo mahla hei hi I awrh chhung chuan I pu chu I kiang ah a awm reng ani mai" Mr modraz an hman tawh a thi fa kan neih hun atan a min pek kha ka la kawl that ve reng vangin ka la chhuak a ka fanu chu ka awrh tir nghal bawk






★ 1 week's later






"I tha em?" A tawp atawp ah chuan ka hmu ve thei ta hram e! Kar khat chhung ngawt kha hmuh min phalsak lo a,tun ah pawh police tam tak in min veng thap bawk, Jeddah nunrawng leh lutuk ang maiin an lantir a an ti mah mah ka ti bawk,chutiang a ami hmuh that nghal pawp pawp duh mi chu ani bik lo







"Tha mah mah" Emerda chu pawm chak viau mahse handcuff an bun tir tlat avangin a en in a en ringawt a, Emerda lah a muhil bawk nen chhaih pawh a chhaih theilo,mahsela a fanu a hmu ringawt pawh chu a lawm zia ka hmu tlang vek " ka ngai lutuk che..a bik in" a fanu en tawhlo in ka lam a rawn hawi chhuak a








"Keipawn...ka ngai lutuk che" Emerda ka pawm na kut lehlam chu la in a kut pahnih dawhkan a a nghah chu ka dawm sak a " ei tur an pe che em? Zan ah te engtin nge I mut? I mumang a tha em,zanlai ah I buai lo tiraw?" Zawh na ka zawh zawng te chuan keimah hi ka hnuk a ulh zel







"Min ngaihtuah suh,pasal leh pa ka ni a heng mai mai chu ka tuar thei lutuk tlat..I hria em? Ka naupan lai atang tawh khan heng tawrh te chu ka lo zir lawk vek tawh a lawm..chuvang in min ngaihtuah lo la ka ka lalfanu hi tha takin I enkawl dawn nia.. hmangaih na pek ka tum tawh zawng zawng te kha nangin I pek angai dawn ania..chhel takin awm ang che"







"Ka theilo, Jeddah I tello chuan ka puitlin theilo ang! Nangmah nen lo chuan ka theilo..he hmun atang hian lo chhuak vat rawh aw..ilo chhuak vat dawn tira?" Ngen ngawl takin ka ti a,fanu lai nei tawh mahila ka pangchang a Jeddah chu lo chhuak turin ka ngen tawp bawk,ka tap ah Emerda pawh a lo tal ve bawk








"Shhh,kan lalfanu te hi mut kham loh chuan anu leh pa chung ah a thinrim palh hlauh ange..a pa min chhun chuan a thinrim nasa dawn ania" fiamthu ti takzet hian ati a mittui luang chungin Emerda ka pawm lai chu ka sawi che deuh a,a muhil leh mai bawk a " a pa chhun a thu a awih anihka le.." a rawn tih leh chuan ka tah nuih tawp








"Ilo haw vat ang tiraw?" A theihloh zia hre mahila ka beisei lui tlat dawn ani, engtik ah emaw chuan a lo haw vat ka ring a ka beisei tlat ani





"Rose tun a kan dinhmun ah chuan" ati dek dek a,ring deuh tak hian





"A theihloh tiin min chhang suh,kan nu fa hian Daddy hi kan mamawh lutuk,a tello in kan awm theilo" ka tih tak ah chuan a kut pahnih a a hmai hup ngar ngar in a kut a lak thlak rual chuan a mit a sen ram mai,a tap ani ka Jeddah pawn a na a a tap ani





" Tun atang a ni thum hnu ah court ah kan in lan tawh dawn a, nangpawh zawh na zawh i ni dawn" kan bul a vengtu te hriatloh tur tawk vel a ti a, handcuff an bun tir chu hnawk ka lo ti takzet a fanu pawh a khawih that theihloh phah a "zawh na zawh I nih hun ah pawh engmah i hriat ve loh thu in chhang ang che"







"mahse Jeddah ,I dik na tlem te tal ka sawi duh alawm I lak ah zah an ngai anga rei pawh hetah I awm angailo mai dawn alawm,I naupan lai vangin kanwg tha lo I zawh palh ani mai a lawm thudik tlem te tal pawh kan hrilh ve theilo ami?"







"Ai,,min tan zawng a I tawng chhuah chuan thil a buai mai mai zawk ang" ka kut in a kut chu va dawm leh ka tum a,a mah zawk in min lo dawm let thung a ka kut chu ngai leh thlahlel ang maiin a fawp vanwg vawng "khang thil ka tih te vang a ka tawrh ve loh chuan ka fanu thlengin a la nghawng lo ang tih pawh a sawi theihloh,chuvang chuan engpawh thleng se chhel tak a awm in, tuar hram hram la ka duh"







"Ka nu leh pa te ka chung a an sual thin em vangin hun tha ka neih vel ah that turin ka pan a,chutah chuan kum 14 chauh ka la ni..a tir chuan ka huat viau te an ni chung khan thah ka hreh em em a..mahse ka pa min beih let tum in hrui hruai nen min pan lai khan .kha hrui hrual ngei a min vuak thin na te kha ka hrechhuak a tichuan vawilehkhat ah a nun na chu ka lak sak ta ani..chutiang bawk in ka nu pawh"








"Ka ngaidam vek che...natna I tawrh thin vang ani tih ka hria a lawm..tun ah chuan I ti ngai tawh hleinem" ka ti a,a nu kha a thah hnu atang in a mang lam ah te a hmu zui a chuvang a mu tha theilo te a lo ni thin!





"Hun a tawp..tun ah hruai hrang nghal rawh u" chief officer chu rawn kal in Jeddah chu an hruai ta daih ,tah a thil thleng en liam tawp bak tih theih ka nei silo,a dik na lai sawi chhuah sak lo turin an min ti bawk si ka mangang takzet tawh



IMG_20201112_235916.jpg
IMG_20201112_235916.jpg (66.79 KiB) Viewed 3087 times







Hun a liam zung zung a reilote ah court ni tur chu alo thleng ta der mai! Ka huphurh lutuk vang nge nizan ka mumang lah chu a thalo riau lehnghal a! "Ka fanu,ka hmangaih te.. vawiin chu daddy tan theihtawp in bei ang aw" car a kan luh dawn chuan ka ti a, Mizoram lam pawh naute kan neih tawh thu ka hrilh a Jeddah an hmuh ve ngailoh vang a a awm na min zawh te chuan hna vangin a zin chhuak ka tih loh leh chhuak lam dang dang ka hmang ve a









Court room kan thleng chu zam na nasa lutuk in min tuam nghal lup a,nu thenkhat an lo awm thap tawh bawk a Dennis an min hrilh dan in Jeddah thah tak nupui leh chhungte an ni awm e.. Emerda a la tet vangin a pawm in ka la pawm deuh tawp a,nu ho in min rawn hmu chiah chu Jeddah nupui ka ni tih an lo hre tawh nge ni min melh a min ngei hmel tak chungin an thiante chu an bia a,hrelo ang a awm in ka lut tlang a thuthleng a ka thu chiah chu ka zawi nghal hnawk!








"Lalpa ka pasal hi tanpui hram ang che aw" tiin ka tawngtai tawp a ka men rualin Jeddah leh Jasper te chu an lo hruai bawk,a taksa leh hmel ah han tlak na em em a awm lo chu ka lawm takzet bawk,min hmuh chuan a nui suk a, keipawh lungchhe si in ka nui ve bawk a tichuan judge te ten nen kan kim ta thap mai








"Jeddah hrilh tawh che ang khan koh chhuah I nih hun ah pawh engmah sawi Suh ang che,a nihloh chuan thil pawi zawk a thleng thei ania" Dennis an atih chuan hreh tak chungin ka bu nghut a,chutih lai chuan Jeremiah dam lai daih tawh a min chiu thin tu nurse step a accident tawk palh kha a rawn lut a







"A mah saw ka hria" ka lo ti nghal vat a Dennis pawn a en ve nghal




"Kan lam tang ani lo, Mr Jeddah nau boral ta chungchang leh a thusawi a hriat te a sawi chhuak anga kan tan hlawk na a awm chuanglo ang" atih chuan ka beisei ve hman tehreng nen ka nguai nghal vek







Court hun chu kan tan a defence lawyer chuan Jeddah chu thiam tak leh in puan tir ngei ngei tum in zawh na a zawt a, Jeddah erawh in puan mai a tum bik lo..Dennis a sawi dan in ani pawh dan(LAW) zir chhuak ve tho ani a chutiang mai mai in a dawp chhuak lo ang Jeddah lawyer pawhin theihtawp chhuah in a bei ve w,mahsela Jeddah chuan thil a tih sual ngei si vangin a dinhmun a tha thei meuhlo









Nurse chu ko chhuak in zawh na an zawt a,nurse chuan Jeremiah an ka bul a alo sawi tawh Jeddah chungchang thalo tak te leh tualthah a chin thu thleng in a sawi tih asawi chhuak a, vawikhat mai pawh nilo vawi tam tak a unaupa ngei chu tualthat tu anih thu a sawi thin tih a sawi bawk..a mah ngei pawh mi tha anilo a step atang a nam thla tu pawh Jeremiah anih thu a sawi bawk a









Hearing chu rei tak kan nei tawh,Jeddah thah tak chhungte leh nupui te chuan Jeddah chu zahngai miahlo a a chung a rorel dak turin thu zawhfiah na hmun a an din lai te chuan an ti a , thenkhat phei chuan ti hlum ve nghal turin judge chu an ngen bawk,mi hrang hrang zawh na zawh ani a a tawp ah chuan ka hun a thleng ta! Ka fanu chu Dennis kut ah hlan in ka va ding chhuak a defence lawyer chuan zawh na chhan sen loh min lo zawt nghal mawp mawp









Jeddah sawi ang Chauhin ka awm a,a dik na tlem tal sawi duh mahila a phal miau loh vangin engmah ka hriat ve loh thu chuan judge chu dawt ka hrilh ta tawp a ka kut tha khur mai mai pawh chu lawyer chuan a chaw tak khuk pui vek tawh a,zawh na min zawh dan lah chu a a hlauhawm in a bik bawk si a ka tap lek lek a,chuvang tak chuan Jeddah pawh a lo thinrim leh hle tawh









"Jeddah Modraz,tun ah hian enge sawi duh I neih? I thil tih zo zai ah hian in thiamloh na I nei em? " Judge zahawm tak chuan ati a mahse Jeddah mizia in chutiang chu a ti ngai dawnlo,in chhir in hreawm ti mahse a sawi chhuak kher lo ang " in chhir na pakhat mah I neilo anihchuan hetiang hi ka thu tluk na ani e"








"Tualthah leh rukruk..mahni unaupa thah thubuai ah te thiamloh chan tir I ni a I unaupa ruang hmang a I tihsual te finfiah anih ang in court chuan first degree murder case in..kar thar lo awm ah tih hlum tur che a thu tawp siam ani e"







"Nilo khawngaih in zahngai hram rawh judge, khawngaih takin mintih hlum sak Suh u ka pasal hi ngaidam rawh u.." court chhung pawh sawilo in ka tap vak vak tawp! Court in nihkhat chhung lek a thu tluk na a siam mai chu awih harsa ka ti ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 22nd, 2020, 1:10 pm

CHAPTER - 28 (Last)♥️






"Khawngaih takin min tih hlum sak suh u" ka hawi kual vel a,tuman ka thusawi chu min ngaih pawimawh sak duhlo! A mi thah tak nupui leh chhungte hmel a hlim na lo lang te chuan min ti thin ur ve takzet, Jeddah a thiam lo tih chu hre mahila ka Jeddah an thah dawn avang hian an hmangaih kal ta te kha an lo kir phah dawn lo







"Judge zahawm tak,thil pakha ka la sawi duh chu " defence lawyer chuan a la rawn ti ta deuh deuh lehnghal a! A thusawi tur chu uluk takin tupawn kan ngaithla ang tih theih ani " ani hian a company neitu tam tak leh a unaupa mai nilo kan ram Police tha ber ber te suat tu ngei kha ani,hei a finfiah na pawh" a lehkha ken lai chu judge hnen ah chuan a hlan a








"Ka hnial kalh e majesty,ka lawyer pui zahawm tak hian ka client hi a chung a rorel anih tawh na chu duhkhawp lo in hrem na nasa tak pe tur a nawr na ang ah tun a a thusawi kha ka ngai e tun a a puh na hi fin fiah na awm mahse,ka client chung ah rorel na ah hian lungawi tawk tur a ni"








"Duhkhawp e,kan ram him nan zel a sawi lang mai ka ni e,helai hmun ah hian kan police chhungkua pawh tam tak an rawn kal ve a,an tan a dik na hmuh chhuah sak hi ka hna a ni miau sia ni..." Jeddah lawyer leh defence lampang chu a mawi hnai tawk vel in an in hnial tan a Jeddah chu ka va en thin








A ngawi ngul a engmah sawi a tum lo,tun tum zet chu a ma dik na tlem te tal pawh sawi a tum lo chu ka haw takzet ani "judge zahawm tak,ka lawyer pui zahawm tak in rorel tawh hnu a hetiang a sawi chhuah tak ah chuan sawi duh ka nei a min phalsak chuan." Jeddah lawyer chuan ati a judge pawhi a phalsak mai bawk








"Ka client hi rilru lam ah harsatna a nei ani,a thil tih thin tam tak hi chung a harsat na te chuan an thunun thin vang a ti ani bawk..dan in chutiang chu an chung ah zahngaih na a lantir thin tih ka lawyer pui ngei pawh hian a hriat ka ring, chutiang anihchuan ka client chung a thi tur a rorel tawh hi tih nep sak turin ka ngen ani e"








"A rilru lam ah harsatna a nei tih fiah na I nei em?" a tih chuan lehkha bawk an in hlan chhawng leh a,lawyer David chuan Jeddah pa in Jeddah enkawl sak tur a a biak fel vek tawh,mahse Jeddah ber in a duhloh vang a a enkawl tak loh doctor chu court chhung ah a ko lut ta bawk keipawh ka thut na lam pan turin min hrilh a ka va thu phei chiah chu ka tha hi a khur bawp bawp a Emerda pawh ka pawm tha hlei theilo










"Court hun a tawp a naktuk ah helai ah hian ngaihtuah that leh turin khar ani rih e.." judge chu a tho a hlauthawng leh awm nuam lo takin ka la thu ngawi reng a Jeddah an hruai chhuah hun mawlh chu ka lo chang, reilote pawh biak ka chak ani, Jeddah an hruai chhuah dawn chuan ka tho ve nghal vat a mahse biak an lo phal miahlo!









Tap chungin an kalpui lai chu ka en tlawk tlawk a Jasper nen hian tinge an ngawih ngul reng mai ka hrelo,an zaidam in tihsual neilo ang maiin an ngawi chawi bawk! " Court hian a phu tawk hrem na a pek ah a din ngheh loh chuan keichu court sang zawk ah ka kal ang" chhuah dawn pah a nu thenkhat ho in an tih chuan ka lo ngawi reng a Emerda lah chu vawiin enge a hriat ni a muhil tui em em mai a









"Ka pi..in ngaidam thei mai lo ami? A thil tih sual kha a rapthlak takzet tih hre mahila khawngaih in ngaidam hram rawh u.."





"Ngaidam a! A mah vang khan kan chhungkua in engtiang chiah in nge kan tawrh I hria em? Kan pasal te min thah sak chu sawiloh kan company thlengin min ruk sak a khawlai ah kut kan dawh lo chauh anih hi"





"Ni e,a sawi dik chiah.. ngaihdan a phu hlawl lo khai hlum nghal sela kan duh zawk" tiin midang pawh chuan min an khum ta piap piap a





"A ni in hrem vang hian in pasal te kha an lo kir phah dawn Chuang hleinem, ngaidam ula...alo laksam tawh zawng zawng cheu chu kan rul leh vek ang che u khawngaih in ngaidam hram teh u,fanu kan nei ve chauh ani a a pa hmel damchhung a a hmu ve theilo tur hi in lainat ve lo ami?"







Zah pawh dawn lo in ka ti chhuak ve tawp tawp a Dennis an min chhuah pui a tum pawhin ka la tang ve tlat,tu emaw tak hian ngaidam sela ka duh ani..tichuan a chung a hrem na pawh a nep mahna, tih theih dang ka neilo a heng tal ka tih ve loh chuan ka pasal hi ka chan mai ang!








"I fanu hmang a khawngaih na dil kha I zak miah nange? Mi nun na la tu fanu anih vang pawh hian ka ngaidam ngailo ang" naute ka pawm tih hre chung pawhin chhuah pah chuan min su lui sawk a Dennis an tih let a tum pawhin ka lo dang zel..a tawp ber a nu chuan min kal pel tawh hnu in a rawn let leh a







"Keichuan ka ngaidam vek ani" a rawn ti chu ka hawi chhuak nghal pawp a,a hmel ah natna tam tak awm mahse a ngil neih na vang chuan a danglam hliah hliah bik! Ka fanu ka pawm na kut chu rawn dawm vawng vanwg chungin hreawm na hmel nen nui chung si hian min en a







"I sawi dik chiah ani,tawrh tir in awnzia a awm lo a mah ang kan nih na mai mai ani..ngaidam ila engkim a tha ani mai.. ngaihdam theih hi khawvel a thil Pawimawh ber ani...ka pasal kha ka hmangaih lutuk a mahse chumi vang chuan midang ka tawrh tir khan awmzia a awm lo ka pasal boral ta kha a rawn hruai kir dawn tawhlo"








"Ka pasal pawh khan thiamloh na tam tak a nei a, company pawh kha thianghlim tak a a neih anihloh vangin keichuan I pasal thil tih ah hian thiamloh ka chantir velo... naktuk ah chuan I pasal tan ka theih na ah ka lo ding ve ange"








"Ka Pi.. Engtin nge lawmthu ka hrilh ang che!" Ka hnuk ulh nasa lutuk tawh vang chuan tawng pawh ka tawng tluang thei tawhlo a tawp chut chut tawh "ka lawm takzet ani...ka pasal hian in siam that a tum ve mek a mahse a pa kha a boral ta bawk si a "







"Lawmthu sawi angailo reng reng, ngaihdam thei tur a chak na ka nei hi ka lawm takzet ani...chuan I fanu chu a hmeltha hle mai tha takin I enkawl dawn nia" tihin min chhuahsan zui a ka tah chhuah tawh em vangin Dennis a ban pakhat vuan chuan ka tap kun tlawk tlawk



IMG_20201115_232856.jpg
IMG_20201115_232856.jpg (83.68 KiB) Viewed 3131 times







"Emerda bawihte, daddy chuan a ngai tawh ngawt ang che..I pian hlim bak khan a pawm thei ta silo che a,tun ah chuan nangmah hi daddy chak na pe thei tu tha ber I ni a daddy awm pui tlat rawh aw" ka fanu chu a oil hnawih sak mawlh mawlh pahin ka ti a






"Deniss..!" Hmanhmawh tak a Dennis a rawn kal lut chu ka lo melh deuh hâ a,a hmel atang chuan diklo a awm tih ka hre nghal bawk




"Miss,media lampang an rawn pung deuh hluai mai tukverh leh a lang thei lai ang ah lo awm lo phawt rawh u aw" atih chuan ka thu ngil nghal zawt





"Tun ang zan ah te an lo kal a maw? " Jeddah an man tuk atangin news hrang hrang ah a darh nghal zung zung tawh a an lo kal hi a mak vak chuanglo mahsela zan ah ber kher!





"Aw,engpawh nise nangmah leh naute hi an hmuh duh ber in ni a..kan ram mi I nihloh vangin an hmuh a in lan hi a chi loh lehzual, anihloh chuan Mr Jeddah hian buaina dang a tawh belh ang"







Dennis chhuah hnu chuan Emerda nen room ah kan awm chawt a naktuk ka nghakhlel rualin ka huphurh takzet bawk si, court in a thu tluk na a sawh sawn lo anihchuan Jeddah hi ka chan kumkhua tawh dawn si a,mu tha meuhlo chuan khum ah ka fanu muhil tui em em mai chu ka en a a âwm ah ka kut nghat in ka ti che keuh keuh








A chang phei chuan media lam kal darh hun ah Jeddah hmuh dil in ka kal chhuak mai dawn mawni ka ti rum rum,ka fanu harh hlau a veng bawk, Jeddah ngaihtuah vang a mu theilo bawk nen vawiin ka tah na ka mit thip bawk chu ka meng ngar ngar hi ani tawp mai khawvar dawn hnaih ah Emerda ka thlak zawhin ka muhil ve ta hram





★ Next Morning ★






"Deniss, Dennis.." media ho engtik laiin nge an rawn pun khawm hman ka hrelo! Court a kal kan ngaih si vangin an awm loh lai chang ang kan tia kan chhuak ve kha ania, bak ah engtin nge Jeddah in hi an rawn hmuh nghal ka hrelo Jeddah leh a mah hnaih tak tu te lo chuan kan hrelo ani sia







"Miss lut vat ang" Emerda ka pawm bawk vangin ka kal chak theilo media ho rawn pung khawm nasa leh tan tawh chu Deniss an Emerda a rawn la lawk a car ah ka luh rualin min pe lehnghal vat a tichuan kan tlan chhuak nghal.. court kan thlen chuan midang an lo awm thap tawh a nimin a min puih hreh lo tu nu fel tak pawh kha alo awm tawh kan thlen atang a minute reilote ah kan tan nghal a








Jeddah chuan rorel ai mahin kei leh a fanu chu a ngaihsak a maw tih tur hian kan lam a rawn hawi leh reng thin a Jasper erawh a hawi chhuak ve lo an pahnih tan chuan rilru in ka tawngtai ngar ngar...lawyer pahnih te thu chu uluk takin kan ngaithla a thu hre tu ni a in sawi tam tak koh chhuah an ni bawk a an vaiin Jeddah chu thiamloh an chantir vek,kei erawh Jeddah ber in ngawih chuh tur a min tih vangin ka ngawi reng thung









"Emerda! Bawihte tuar hram hram rawh Daddy kan awmpui loh chuan a chi loh ania" ka fanu chu a tlei duh ta reng reng lo mai,a tap ti tih zel si court chhung anih vangin bengchheng siam a ngam awm siloh ka theihtawp a control tum in thu chung chuan ka awi a judge pawhin min rawn mit mei veleh zeuh zel tih ka hria,in thlahrun a na duh lutuk!







Nimin a min lam a min puih hreh lo tu nu pawh chu kan tan a ding ngei a mahse lehlam in an nawr nasat bak ah Jeddah an puh na chu a dik vek si vangin tih theih vang a awm chuanglo,ka thut hmun ah chuan ka lo tang em em a ka fanu ka pawm lai pawh ka lo pawm na hman lek lek thin bawk







"Ka naute duat I nihkha khawngaih in tha deuhin awm la!" Ka tih lai chuan judge chuan Jeddah chu a nu leh pa that tawh tu ani tih an hriatchhuah leh thu a rawn sawi chhuak a ka ding zuau hman tawh "Emerda khawngaih in.." a tawng rin ngam bawk silo,a tawp a tawp ah chuan ka pawm muhil leh thei ta hram!








"Nimin lam a court in a rel tawh ang in Jeddah Modraz leh a thurual pui Jasper Holdd te chu thi tur a rel nawn leh ani e..an ni hian mi tam tak that in an company an ruk sak a California dan ang in kar thar ni hmasa ber ah tih hlum tur an ni" judge in ati chu ka awih theilo, Jeddah hrem ngei ngei a duh ni mai hian ka hria






"A theihloh,ka pasal kha min tih hlum sak theilo ang" Jeddah sawi ang a ngawih tluan path chu tum mahila ka thei tawh thlawtlo,ka thut hmun atangin ka ding chhuak a ka au tel bawk avangin ka fanu Emerda pawh a phu zawk "ka pasal hian a unaupa kha a duh vang rengin a that lo.."






"Miss,tun ah thu lehnghal rawh anihloh chuan nangpawh thudik I sawi avangin tang thei I nia.." ka bul mai a thu Dennis chuan zawi sep hian ati a mahse ka tawngchhuak laklawh tawh "Miss a tlai hma hian thu rawh,thudik I zep laklawh tawh a tun a I puan chhuah leh chuan I tan phah thei ania I fanu ngaihtuah ta che.."







Ka harh chhuak zawk! Ka thil tih atthlak zia chu ka hria a ka Chiang lutuk tun ah hian keimah ngei ka in pe ani ringawt! Defence lawyer chuan ka thusawi chu a lo chik nghal hle tih a hmel ah a hriat a ka zam leh hnuhnawh chuan Jeddah ka en ringawt a ani pawhin ka tawngchhuak chu tha tilo hmel takin min en bawk







"Mrs Modraz,thu zep I nei em ni? Anihchuan nangpawh hi thil sual ti zing ah i tel ve tihna ani em,I pasal hum him nan zep I nei ami? Thil pawi a thlen hma hian court hma ah thudik tak sawi rawh anihloh chuan I fanu kalsan khan hmun hran ah I awm angai ange"








"Ka hnial e,ka lawyer pui zahawm tak hian ka client nupui pawi sawilo hi helai mi te hriat leh hmuh lai ngei hian a vo ani,heng vo na leh in sawi thaih na hi ka client nupui pawi sawilo chung ah hian ti nawn tawhlo se ka ti ani" kan lawyer chuan a lo ti ve bawk







"Pawm ani e " judge in alo tih chuan chhungril ah hian ka thaw huai " Mrs Modraz,thudik la sawiloh I nei anihchuan tun ah hian sawi tur a tih I ni e" judge bawk in atih chuan Jeddah lo chu ka melh thei tawhlo enge ka sawi anga Engtin nge ka phat kual ang pawh ka hre tawhlo hrim hrim ka â vek tawh!







"Ka client nupui Mrs Modraz hi a rilru a hah hle mai a,tun ah court in a pasal pawm lai chung ah hetiang hian ro a rel sak a a rilru a fim chiahlo ani e, judge zahawm tak hma ah a ai awh in ngaihdam ka dil sak e" judge pawh chuan alo pawm sak a Deniss chuan thu turin min lo hrilh vat







"Court thu rel tawh chu kal tlang pui ani anga,tichuan court rorel na chu khar ani e" hearing a zawh fel meuh chuan ka thut hmun pawh ka sawn thei tawhlo Engtin nge hma ka lak ang ka hre bawk silo ka mittui rawn luang thla chu a khat tawkin ka hru tawk thin a,ka fanu leh Jeddah chu ka melh tawn chhen bawk








"Hey..." Hnai tak ah a aw ka hria chu ka phu deuh zawk! Kan thut na bul ah chuan a rawn kal reng chu ni in..ka lo tah khum leh tan tawh "engkim a tha vek ang ka tiam a che" arawn tih chuan ka haw tlat zawk a! Kar thar chu naktuk tukleh mai ani tawh a engtin nge engkim a that theih tawh ang








"Engati nge I beih let ve miahloh a!" rawn thu hniam ani bawk a,Ka nau pawm loh na kut in a dar ah ka chum sak nghek nghek a "bei let ve ta che,I diklo bik vek lo a sin" Emerda muhil pawh ka ngaihtuah tawhlo aw tawk chhuah in ka tap a Jeddah chuan Emerda tap vak vak avangin Deniss hnen ah chuan lo pawm sawn turin a hrilh a








"Min hmangaih ani lawm ni" atih chuan tap chungin ka bu nghauh nghauh a " anihchuan engkim a tha leh mai ang" ka hmui leh chal ah te a fawp vawng vawng a a kut ah kawl an bun tir si vangin khawih pawh a duh ang in min khawih theilo,a rim pa hrak te,a mitmeng te leh a engkim mai hi ka ngai dawn lutuk







"Kal ang.." police te chuan an hruai dawn ta mai a a ban ah chuan ka lo chelh sak ve tlat thung, police te nen chuan kan in chuh ani ber mai




"Min kalsan theilo ang! I tello in kan awm theilo kumkhua in kan in then theilo asin khawngaih in kal suh" tiin ka chelh ve tawk tawk a,awmzia erawh a awm tam lo





"Ka hmangaih che" tiin ka thlah a,chubak sawi mai tur pawh ka hre tawhlo,court room ka chhuahsan tur chu luhai in ka tlu a Deniss leh a nau te chuan Emerda nen min buaipui nghal chung chung








Ni a liam zel a naktuk mai Alo ni ta, hospital atangin in lam a ruk thei ang ber in kan pan a, media lam tan chuan Jeddah leh a chanchin chu an chaw tui tak ani rih,a chhungte a thah dan nen lam in news ah an puang chhuak vek a,kei ngei pawh ram dang atangin nawm chen nan min lei tih an sawi tel bawk







"Kan ram hi I chhuahsan rih mai dawn em ni" Emerda pawm a ka thut ngawih reng laiin Dennis chuan a rawn ti a mahse lu ka lo thing san thung " naktuk ani tawh ania.." a tih rualin ka mittui a rawn tla leh tawh!





"Ka pasalni in,ka fanu pa ani bawk a ka hmangaih a Khawi ah mah ka kalsan lo ang...a tan ka tawngtai a Pathian in min chhang ngei ang" ti in inti pa chang lui mahila ka chhungril erawh chuan ka hlau ru takzet,tih theih pakhat pawh kan nei tawh silo





"Awle I thu thu ani mai" Dennis chhuah hnu chuan Emerda nen kan mu a ka muhil thei chuanglo, naktuk hi thleng theilo se ka ti a,theih ni ngat se chuan hun hi chelh din reng mai ka duh naktuk thleng thei ngailo tur hian





"Daddy chu dem miah Suh aw...a ni chuan I bul a hlen chhuah tur tam tak a neih pawh a sawi teuh tawh ania,midang te hian an phal sak lo mai ani bawihte" ka fanu muhil thaw sak sak âwm chuan chuan khawih sak pahin ka ti a




★ Next Morning ★





Hringnun a kan thu ber loh zia ti chiang turin vawiin ka huphurh em em,lo thleng thei ngailo se ka tih ngei kha a lo thleng a ,tuk dang ang in engkim a ngai ang in awm leh mahse thil pakhat lek in ka nun zawng zawng a control vek tawh!chu chu khawvel a ka mipa hmangaih ber ka chan na tur ani







"Kal chu I duh a maw?" Emerda ka siam mawlh mawlh laiin Dennis chuan a rawn ti a lu bu nghut in ka siam chhunzawm leh mawlh mawlh,ka huphurh em em thil ni mahse ka hmangaih ka hmuh theih hun hnuhnung ber tur ani tawh a kal ngei ka duh








An ram in rel bawl na ang in serial killer ang a ngaih anih vangin thu neitu lam ruat ang a tih hlum tur an ti a,chumi lam pan chuan kal kan ngai bawk..hreh em em mahila tun bak chu kan in hmu thei tawh awm silo a chuvang chuan pa chang takin leh thlamuang tak a a awm theih nan a kiang ah ka awm tlat angai ani







"Kal ang" tuar lo ang mai in ka awm lui a media ho hma ah pawh na tuar ang in ka awm duh tawhlo,ka la tuar dawn chauh sia!




"Awle.." Dennis te nen chuan kan kal chhuak a, Jeddah tih hlum an tum na hmun kan thlen atangin ka huphurh lutuk vang nge ka hmulthi te hi a ding sung sung mai





"Ka pu khawngaih in ka pasal min hmuh tir thei angem?" Room pakhat kawngka bul ah mi pa 3 vel chauh an lo awm a,thu neitu ten serial killer reng reng an tih hlum dawn chuan a boruak nei tam lo thei tur ber in mi tlem te chauh an buaipui tir thin tih Dennis hian kan kal pah khan a sawi tawh






"A pawi khawp mai tun atan chuani hmu theilo ang" mipa pakhat nel awm na nei miahlo hian a rawn ti nghal phawng ringawt a,ka lo ngei takzet bawk a hun tawp dawn ah pawh engvang a hmuh min phalsak lo nge anih ka hre hrep lo





"Jeddah..!" room a an hruai lut tur lai ka hmuh chuan tlan a va pan ka tum a,mahse a mah hmuh min phalsak lo tu bawk khan min lo dang tlat! Emerda nausen mai ka la pawm tih hrelo lek in chupa dan na a ta ka tlan chhuak a mahse an lo luh pui hman!





"Kawngka hawng rawh u,ka pasal ka hmu duh " tap chung in kawngka ka beng dawt dawt a ka thawm vangin Emerda pawh a lo tap chhuak a Dennis an ka kut ata min lak sak nghal "mawh khawngaih takin ka Jeddah kha min hmuh tir leh rawh u" vawikhat kawngka ka beng leh chiah chu current a rawn thip vek a in chhung lam ah chuan current hmang a eng emaw shock ang mai hian a phe zawk zawk







"Jeddah! "Kawngka pawh chu ka khawih si ngam tawhlo a chhung ah sawn ka Jeddah kha an hruai lut a chuan tun ah hian thil tha lo tak a thleng " ka Jeddah...ka naute pa min lak sak..!" hnung lam ah back hret hret pahin ka ti a mi ang lo chiah chiah ka ni tawh,ka mit sulh a ka fanu tap thawm pawhin min mai harh zo tawhlo!













"Naktuk chu daddy tan thil tui tak siam ang aw.." ka fanu chu mi a ang maiin ka bia a, Jeddah boral atang pawhin thla tam a liam tawh..ka la pangngai thei meuhlo a kan zing a Cheng ve ang maiin ka awm a,ei ka siam leh a tan ka siam ziah a keimah hian ka lunglen hi ka thar thawh leh thin






A ruang pawh hmuh ka hreh vangin thu neitu lam in an buaipui vek tur thu an sawi a,a boral tawh tih hre mahila a la dam ni a hriat na ka neih tlat vangin ka thil tih engkim ah ka tih kep ngei ngei ziah! Chuvang tak chuan mi te pawn mi a ang maiin min chhuah phah tawh! Ka fanu chu pawm in Jeddah nen a kan room ah chuan mu turin ka chhoh pui a







"Aw Lalpa! " Room a Jasper ka hmu thut chu ramhuai emaw tiin ka au thawt a Emerda lo phu ve bawk chu a tap nghal a thlem pawh ka tum tawhlo mak ka ti lutuk chu ka hlau bawk nen ka ding khur hlawk hlawk,ka hlauh viau chhan pawh Jasper pawh kha Jeddah ang a tih hlum ve anih vang ani







"Tun ah min zui angai" ka ngawi reng a ka hlau ani tih ka hmel ah a lang nge ni a ning hmel deuh hian amit a chet kual ralh a " a tu ve ve pawh kan la dam,a mah I hmuh duh chuan tun ah in siam ula chhuak ang" hmanhmawh hmel tak hian ati a ka lawm a,mahse enge tih tur pawh ka hrelo







Ka chet miau loh avangin ka thawmhnaw leh Emerda thawmhnaw chu a khung mawlh mawlh a ka kut ah min kai in min chhuah pui nghal nal nal,zawh duh ka ngah a mahse tun a thil thleng mek hian min thawng lutuk a sawi ngaihna pawh ka hre lo " Hlim takin I awm tawh dawn nia" Dennis pawh in hlim hmel deuh hian a rawn ti a







Jasper a hmu te chu mak a ti ve miahlo! Car ah chuan min chuan pui in zan rei tawh ah chuan chak deuh hian min tlan pui nghal a ka la hlauh ruk reng avangin biak pawh ka be ngam lo..rei tawk tak kan tlan hnu chuan motor ati ding a min chhuahpui rual a mipa ka hmangaih ngei mai,a thi tawh emaw ka tih chuan min lo nghak ran anihchu!







"Ka awih theilo! " Chak deuhin ka pan a "ka ngai lutuk che.." engkim chu mumang an ang hliah hliah! Mumang a ni tak tak ang tih erawh ka hlau takzet thung si "I la dam! Khawi ah nge I awm char char I thi tak tak emaw ka ti a sin"





"Sawi tur a tam lutuk muangchang in ka la hrilh ang che,tun ah chuan he ram hi kan chhuahsan phawt ang" min kai a ka kalsawn mai loh vangin a rawn hawi leh engkim hi min hrilhfiah loh chuan ka awm thiamlo ka â tak tak tawh dawn in ka hria! " Min hmangaih in min ring rawh ka tih kha... Jeddah hi heng hmeichhe pahnih te tih loh chuan an ti na mai mai lo ang" kei leh ka fanu chu min melh tawn a






"Chuan ka la dam aw... Hun rei tak ka bi bo chhan chu nang leh ka fanu him nan ani keipawh hian ka ngai lutuk cheu ania" ka hmui ah chuan a rawn fawp vanwg vawng a,mitthi anilo tih ka chiang lehzual "tun atang chuan kan awm ho kumkhua tawh ang heng buaina hi chuan engtik ah mah min rawn hnaih tawhlo ang"






"Mahse engtin nge? Kha lai hmun ah khan"




"I pasal thil tih theih zia hi ila hre dawn chauh " nui chungin a bul mai a private jet ah chuan min kai lut a keichu ka la ni chhuih mai




"Engkim a atha vek ania hlauthawng suh,nun thar leh engkim athar in bul kan tan tawh ang" a fanu ka pawm lai lak pahin ati a,a fanu en vang vang pah chuan " YOU ARE STUNNING " a rawn ti chhuak hlawl a,kan in tawn tirh kha keichuan ka lo hrechhuak!




IMG_20201115_233708.jpg
IMG_20201115_233708.jpg (94.86 KiB) Viewed 3131 times

★ 3 Years later ★






"Mommy.." Emerda chu rak chul chungin a rawn tlan lut a,a aw tang in a hlau tih ka hriat vang chuan ka ei siam lai tlan san in ka pan ve nghal " Jeddah lo kal lawk teh.." ani pawh ka ai nghal vat a




"Bawihte tinge a enge I hlauh" pawn ah a in fiam mai mai kha ania a hmai te a rawn bal haw lutuk chu ka lo hru fai sawk sawk " tinge tunge ti hlau che..?" Mang ang tak a ka tih laiin Jeddah pawh a rawn thleng fel der




"Papa..Evan an min hau" tawng fiah vaklo hian a ti a ,zo zet in Jeddah chuan a pawm kang nghal lawp a a fanu in a pa chhan tu tha a nei tih a in hre thar leh chu a nui leh vur vur tawh




"Ka lalfanu chu tunge lo hau, in chung ah kan hlang daih dawn ami?" atih chuan Emerda pawh a lo phur ngang mai ,a nui khek leh tuar tuar tawh!



"Evan chu tinge a? nidang ah te chuan a duat theih em che kha vawiin chu a mood a fu lo aniang a" an pafa in chhaih lai chuan ka lo ti a





Tun ah chuan California a engkim kalsan in nun thar tak meuh meuh a hmang turin Germany an kan kal ta ania,helai ah chuan mi thar ang hlak in kan nung a tupawh in min nel in min ngai na a Jeddah ngei pawh,tun ah chuan hlauhthawn angai tawhlo a Jeddah a dam chhuah leh dan kha ka zawt ngai tawhlo bawk







Tun ah chuan chhungkua in hlim takin kan awm ho tawh a,chubak khawvel ah hian awh reng reng ka nei tawhlo ka nun na te pahnih kiang ah ka cheng a,nitin zan tin an kiang ah mu in hun ka hmang liam a ka tan hei tluk a nuam leh hun hlu a awm Chuang tawhlo, Emerda pawh kum 3 leh tlem ani ve tawh a a pa a chhaih thiam nasa tawh bawk nen pathum lek cheng e ti lo chuan zan rei tawh ah pawh thawm kan la nei ring thei khawp mai chuan kan pali leh dawn tan tawh,an pa fa in chhaih lai ka lo thlir dauh dauh laiin kan thenawm chiah a awm Evan a nu leh Evan te chu an lo kal a







"Oh in lo kal maw pi Alice..lo thu ula.. Emerda bawihte hei Evan te an lo kal" ka tih chuan an in chhaih pawh chu an tawp hmak a, Jeddah lah hi a fanu chhan ati na thei sia Emerda a lo zualko haw tawh hi chuan a zualko chhan naupang nu te an rawn len leh hian a lo nelawm lo nghal ngawt zel






"Aw,hei nichin kha Evan te pahnih kha ka lo en reng a ka fapa hian Emerda bawihtei'n thian dang a kawm tel ve kha a lo thik deuh aniang,an ni pahnih hi chu an in kawm nasa bik nen Evan hian Alo duh vaklo aniang Emerda hi an lo kawm hrang deuh bawk sia"






"Aw ani maw! An lo in hau ve ah ka ngai hman alawm Emerda bawihte, Evan hian a hau lo che ania aw a thian bik bik kha I nia chuvang in a hauh deuh bur che anihkha Evan chu huat loh tur aw.." ka tih vel ah chuan apa pawm na atangin a tal chhuak a






"Emerda,hawh in kawm leh ila" Evan chuan in thlahrun hmel deuh hian ati reuh a Emerda pawhin phur deuh a a kut ah kai chung in sitting room lam ah an in kai phei a, puitling pathum chuan kan lo en reng, Evan nu chuan a haw san a heta in kawm a rei tak awm fo thin anih vangin Evan pawh kan bul ah hnutchhiah chu ngai ah a nei tawh








"An hmuhnawm tiraw?" Ka fanu te inkawm lai kawkan bul a ding chungin ka thlir lai chuan ka kawng ah a rawn kuah a




"Khawvel a pangpar mawi ber te chuan hmuhnawm loh lai an nei ngai hleinem,ka lalfanu pawh chutiang chiah chu ani mai lawm ni"




"Ka lawm e aw..ilo la dam avang khan" ka tih chuan a nui nghawr dat a




"Jeddah hi tuman an that mai mai lo ang"tiin ka biang ah chuan a fawp zeuha "keipawh, sawtiang a fanu hmeltha, hmangaih theih tur min pek a vangin ka lawm e" a ti chhuak sap a




"A tir a lo in um lut kha an in ngeih leh tawh zia saw, Evan lah chuan midang a kawm tel ve a lo duhlo ansa bawk sia maw a lo thik ve aniang" ka tih chuan ka sam ah fawh pahin




"Nang leh kei ang chiah in tiraw? Kan bul tan dan kha natna leh thik na in a ni a Jeremiah I hnaih bik a I biak tam bik te khan ka lo thik a tih nat ngawt che ka ngaihtuah thin...mahse reilote ah chuan kan fanu te ang chiah sawn kan awm a.."




"Ka nu leh pa ka thah dawn khan enge ka zawh I hre duh em? " Ka beng ka chhi nghal kar a "vawikhat chauh min hmangaih ve thei angem? tiin ka zawt a mahse chhan na chu 'aih' tih chauh"




"Khang thil avang khan in ti na tawh suh aw,anni khan hmangaih thei tawhlo che mahse I fanu nen kan awm reng ania..chuan helai ami pawh hi" ka pum chu ka dawm a,a ni pawh a nui ve suk,tun ah hian kan fa pahnih na tur ka pai tan leh mek bawk





"Daddy, mommy kan zai dawn Evan lo kal rawh le" kan pahnih hma ah chuan Evan nen an lo zir fo thin nursery rhymes ami fingers family hla chu an sa a, Jeddah chuan min la kuah reng chungin ka beng bul ah chuan





"Hei hi nun tak tak leh hmangaih na tak tak in a thlen hlim na chu anih hi" tiin min hrilh a,ni e a sawi dik chiah hei hi Hlim na leh hmangaih na in a hrinchhuah ngei chu ani engtik ah mah a tawp kan phal tawhlo ang.







♥️ THE END ♥️







♥️..... NOTE : Awle ka story YOU ARE STUNNING chu a lo tawp ve ta der mai,he story ber kher a ka regu loh lehzual zia chu nangni bak a chiang an awm chuanglo🤭chuti chung pawh a a tir atang a a tawp thak thleng a min la chhiar sak zel vangin ka lawm a, group min luah lum pui tu te a bik in ka lawm nawn awn² e💞,completed nghak te chung ah pawh ka lawmthu lawk sa em em e😘😅lawmthu Ka sawi duah dawn chuan ka in sawi bo vek ang tih ka hlau sia😆 Chuvang in a kaih tawi nan ka lawm em em e💞 tih hi ni mai rawh se (a laklawh a min peih loh san ta te pawh ka lawmthu e🤣) a tawp na te ani bawk a vawikhatmah la cmt lo in awm chiang 🤨😆 Chuvang in a tawp na ah hi chuan in lo cmt ve ngei dawn nia tuman kan hau lo ang che u😘🤭

STORY ziah hi ka thiam vang a ziak ka nilo a,ka tui vang chauh ani tih min hriat sak ula,writer thiam tak tak te story nen phei chuan ngaihruat a khaikhin chi pawh anilo,chuvang in ngaihnawm dangdai tak ang a ka ziak velo anih pawhin keimah,ka mimal ngaihtuah/ngaihruat thiam ve phak na a tang tak meuh a ka ziah ani tih min hriat sak zel chungin min chhiar sak thin ula aw😁 anyway ka hmangaih em em che u ka duat te u💌🤍.....♥️

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)