BELONGS TO YOU By BEARR_CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: BELONGS TO YOU By BEARR_CHHAKCHHUAK (Completed)

Unread post by Ngaia » April 4th, 2021, 2:18 pm

🌿ka tho a thut a😂tak tak in naktuk zan ah ka dah thei dawn lo a chumi vangin a hun ai hma in ka rawn dah aw...🌿



CHAPTER-19🌿




"Enge I sawi awmzia?" Ka ti deuh halh,bialnu dang anei tawh a min la beisei fo tih na zawk ami? tenawm lutuk mai "enteh Kendra, Melissa nen in inkar ka hria,ka lo nghah che a ngaih chhan tur ka hrelo thung,ka hmangaih che tih ka tlangau pui pawh ani mahna mahse ka ruih vang pawh ani zawk mai thei a sin"





Mahse kha thil ka sawi lai khan ka rui tawh hauhlo,ka chung a a thil tih te khan ka ruih an ti reh vek ang,mahni in control thei khawp in ka harh fim phah bawk,ka hmangaih thu ka sawi pawh kha ka ruih vang ani chai lo bawk,mahse heng leh zel hre tur hian ka duhlo





"I ruih vang maw?" A ti a ka lo bu nghal vut "Ok,ka hresual anih dawn chu" tih leh car start a rual a,chak lutuk in a tlan chhuak nghal bawk,a la na tih kha ka hai miahlo,mahse ka ngaihven dawn biklo ngaihven tu tur Melissa a awm tawh a lawm le









"Nizan I van lo haw har awm ve ka hlau vak tawhlo a room ah ka lo nghak che a mahse ka lo muhil hman aniang I rawn haw hma in" a thawh pahin ati siam siam a,nizan vang kha nge zing ah ka harh hma tawp





"Nia room ah in thlak hmasak a rawn koh che ka tum a mahse I mu ka hmu ta sia" ka ti ve mai a ka harh hma viau a ka la tho chhuak chuanglo, Jona thawh na a thil ei phei turin ka in ruahman sa vek vangin in siam nan hma ka la ti deuh a ka mu lui vel mai mai





"Ka inbual lawk dawn aw,nizan khan ka chhuak miahlo chungin inbual nachang ka ko hre miahlo a" tih leh towel lak a rual a a kal tur chuan kan dawhkan a su chawrh,ka nuih vak vangin a tum deuh bar mai dawhkan a sut pah a a bag tla chu a chhar a a let ling lek lek zawng a a ken vangin a bag chhung ami arawn tla chhuak nuaih mai,chhar sak tum a ka thawh ve laiin a bag atang a tla zing ah pawisa in tawn hlawm lian zet a tel tih ka hmuh chuan ka ding deuh chawt






"Kha kha enge a?" Pawisa a ni tih hre tho mahila ka zawt nawn leh kher,chutia ka zawh tak vang nge hmanhmawh deuhin a chhar a bag ah a khung sawk sawk a ka zawh na pawh min chhan a tum lo





"Lo khawih ve suh" ka va chhar pui dawn laiin a ti vin ta hlur ringawt! Ka nuih nghek vang kha nge pawh ka hrelo a mah a a chhar mawlh mawlh lai chu ka en reng ringawt,tinge khatia a thinrim tak hlur le?





"Katt,I thinrim a law?" Ka ti leh ringawt a lu thing chungin hmanhmawh zet hian a tho a,a bag nen lam bathroom ah alut hmiah! A chet dan chu mak ka tih em vangin ka ding ngai a ding in bathroom lam ka hawi reng




Phone a rawn rik vangin khum lam ka pan hnak hnak a, massage zawk anih vangin ka en nghal mai a Remsanga massage ka dawng leh nawlh chu mak ka ti ang reng,kan in biak loh chin a rei tawh lutuk vang leh Kendra ngawt ka buaipui thin vang khan ka rilru ah a awm ngai eihlo





"I dam em?" Tih zawng min rawn thawn a


"Aw dam" tih Chauhin ka chhang let,ka reply na ngaihtuah chuan min reply leh a chakawm viau tawhlo mai thei mahse ka thawn hnu lawk ah a rawn reply lehnghal a


"Ka ngai lutuk che" tih te mai hi,za miah lo in ka nui chhuak hawk Remsanga zia chu ka sawi nual tawh kha




Kendra nen in an na lai a nei ve nual bawk a tawng tam lo a mi cool zawk zawk ani bik lo a hetiang thu sawi hi atih ngai zen zen anilo bawk,a in hmeh lo hluah hluah zawk kan in ngaizawn chhung pawh khan ani tho,ka tih nuih luih tum a tam a fiamthu a thawh ngai meuhlo midang phei chuan kan mizia in perh san lutuk chung a kum dâwn kan in zui thei kha mak an ti thin





Mahse pawn lam lan dan ngawt hi chuan engkim hriat vek a har em ani,a chhungril atha a min ngaihsak em em bawk,mipa dang ang in a zei lem lo a mahse min ngaihtuah ati na a tawngkam thlum tak hmang ngailo mahse a che zia hian min care zia chu a sawifiah vek thei "ughhh,em em chuan a! Tinge ka bialpa hlui chu ka fak tak chiam a? Kendra lak a ka lungawi loh vangin maw?"




"Ka ring chiahlo" tih te mai hi ka thawn a,ka thawn zawh rual vel in a seen nghal bawk a ala na nge ka hrelo a reh zui vang vang, bathroom atangin Katty a rawn chhuak a college kal dun ta fo kan nia mahse vawiin chu a la thinrim nge ni min nghak lo in a kal chhuak hmasa daih!





Inbual turin ka lut ve a, shower hnuai a ka din lai chuan 'min lo nghak rawh' Kendra thusawi ngei mai kha ka ngaihtuah chhuak thut,tunge nghak tur a min tih le? Melissa then leh a kei nen a in kawp a duh ta tihna chu ani em lo maw? "Atthlak lutuk!" Ti sup in ka inbual sawk sawk a insiam fel vek a ka chhuah dawn in massage ka dawng leh





"Ka lak atang chuan engmah I ring thei tawhlo ang tih ka hria,mahse ka ngai takzet che..Glo hmaichhan ah engkim sawifiah ka chak takzet,kha zan kha ka dam chhung a ka zan huat ber ala ni reng a sin" tih a rawn thawn leh, Remsanga pawh hi Kendra ang chiah ani tawh a danglam thut..ughh Kendra mawlh ka tehkhin chu le!




"I ruih vang ania,keipawh atir khan ka la na em a chuvang in I rilru a nuam lo anih dawn kha,mahse ka haw tawhlo che ania rilru nuam takin awm tawh rawh" tiin ka thawn let ve a,nia ka ngaihtuah chhuah miahloh chuan ka haw lo a lawm ka ngaihtuah chhuah pawhin ka haw lo a mahse ka na ani




A seen rualin a rawn call ta mai,biak a han biak em chu ka duhloh vangin ka ring ral tir thak, India sana ka en a tun ang hun ah chuan tui takin an mut a hun a sin le tinge tun thleng pawh a ala mut loh bik? A rawn call nawn tawhlo a keipawh College lam ah ka kal ve nghal





"Hey..." Jona alo thawk tan leh der tawh! Ka lut vat a thil ei phei tum ka ni tho bawk nen ala hma vviau bawk,mahse tun ang ah chuan ala rawn thawh zawm ka ring lo hul hual




"A va rapthlak em!" Ka ti chhuak ringawt a ban pakhat pawh a chet tha thei manglo chu ania,a nak lam ah nen na ala tih viau kha le ka tlawh hnuhnung ber pawn




"Rapthlak ami? Hna ka thawh loh chuan ka zeng mut reng a ka zeng takngial dawn a lawm min rawn tlawh tha duh silo " ati tau aw ve khanglang anihchu!




" Tlangval fel an ti tau ngailo" tih pahin ka mit ka siai keuh a, hriatchhuah ka nei thut tinge nizan khan Kendra hnen ah Jona a sut chhan kha ka lo zawh lo le? In haw tur pawhin an la in hmu in ka ring silo "I la na sia tinge I thawh leh hma viau a?"




"Glo...hun ila nei em? Ih hrilh tur che ka nei a" a hmel ah chuan nui hmel nilo in zam hmel ka hmu ta tlat,bak ah tinge ka zawh na nilo in min biak daih?



"Um hun chu ka.."



"A neilo,chuan nang hian be fo lo la a that ka ring" ka dar a min rawn kuah chungin Kendra a rawn in lan nghal zat



"Nang! " A ban chu ka nem thla nghal vat a, cho tih hriat zet hian Jona chu a melh ngar ngar bawk,nizan a ngen na mitmeng leh che zia neitu kha chu ani tawhlo chiang khawp mai

IMG_20210309_215156.jpg
IMG_20210309_215156.jpg (13.05 KiB) Viewed 2627 times


"A bialpa ami I nih a?" Jona biak dan hmang atang chuan ala hre ngailo a nih hmel khawp mai, anihchuan in huat chhan tur an nei in ka ring ta lo,mahse Katty khan Kendra ani tih a sawi sia




"Mai thei...ka nilo anih pawhin a ni hi hnaih tam suh, anihloh chuan I duh ai a hma in lei hnuai ah I awm palh mai ang" a thusawi chu ka hresual em ka ti zawk ka in her vut a a kawr ah chuan ka pet hret bawk




"Tawngkam pangngai tak I hmang theilo ami?" Customer dang an awm ve tho vangin a hriat tur tawk lek hian ka ti a,nui suk chungin Jona lak atangin a mit a la sawn ve thei chiah




"Thei e,mahse I bul ah chauh" ngei tur nge lawm tur pawh ka hre lo e a! Jona hma chutiang a mi ti vel chu a nawm loh vangin engmah ei ta lo chuan ka chhuak daih a Kendra bawk in min lo zui leh




"I thil tih kha I hria em? Ka thianpa kha engvang a khatia rawn be ve ngawt nge I nih?"



"Ka hre chuanglo,ka duhai in a hnaih mah mah vang che pawh aniang" awlsam zet hian ati a ka thaw hak "ka riltam ania" a rawn ti leh sup a,nichin a hmel hlauhawm leh pawisak neilo hmel zet kha an bo leh vek tawh!



"Ka tam ve tho nangmah vangin engmah eilo in ka awm phah anih hi" ka ti vin hlar a,anui duh lek chauh! A car awm na lam ah a thle zauh a lut turin min ti tih ka hria mahse a teuhlo



"College kal ka ngai, nangpawn I ngai khawi ah mah ka peng hmanlo" ka thusawi a nuihzat tur awm a ka hriatloh ah a nui chhuak hawk,za lo mahse tun a a nuih dan hi hlim nui a ang reuh lutuk



"College ah tih tur ka nei tawh hleinem" a ti mai a ka lo ner khum ringawt



"Anihchuan thil ei na hun I ngah tih na anihchu, Melissa nen ei dun ula I puar anuam deuh ang chu" ka van tawng hnem tak!



"I thik viau ami?" Nuih za aw deuh hian ati a ka ngei thar thut,ka in her a college kawng lam ah ka kal dawn chu ka ban ah a rawn vuan chawt a a lam ah min pawt hrawk



"Khawlai anih hi min thlah vat rawh" a âwm ah ka va in tauh chawrh zui,ka kawng ah a dawm a,thutak hmel fe hian min en bawk



"Saw dawr ah kher lo sawn kal na tur dang I hrelo ami? " Ati sup,ka lo bu ve nghauh bawk kal na tur dang te chu ka hre lutuk mahse runluih nan pawh ka kal ziah ang,a duh dan dan a ka awm dawn loh zia hi hre rawh se



"Hria pawh ni ila sawtah sawn ka kal zel ang" ka ti ve salh a ka kawng a kuah na a ti nghet nghal sauh "min thlah teh,in ngaizawng ang a mi ten min hriat ka duh miahlo ania"



"Kan in ngaizawng lo ami?" Ka meng phawk nghal hru, engvang in nge a zah theihloh em em a? "Aw nge aih?" A rawn ti nawn leh



"Bialnu nei lai i nih kha theihnghilh miah suh,kei hian duh na che chhete mah ka nei tawhlo,kan in ngaizawng lo a ka tan chuan ka thinlung ti na tu bak I ni tawhlo"



"A pawi ka ti,nizan ah ka sawi vek tawh kha..." A ti sam et a ka rilru nat dan te Melissa ka thik dan te kha hria se chuan 'a pawi ka ti' tih chauh lo pawh a sawi ngei ang



"Pawi I tih vang chuan ka na te hi pakhat mah a dam phah lo,kan tawp tawh" ka tal vak a min thlah ve mai bawk



"Min lo nghak rawh, engkim ka hrilh che a rem hun ah I na zawng zawng ka ti dam anga engkim ka hrilh ang che" ka in her rualin a ti sup a ka nui ringawt



"Melissa I hmangaih thu maw nakin ah chuan min hrilh ang? Tun ah khan sawi mai zawk la" ka ti ve halh,mahse sawilo turin ka duh takzet zawk thung



"Melissa, Melissa! Ka kham tawh lutuk Gloria" a ti ta hrawk, Kendra misual tak kha ani leh ta chiah "ka hmangaih leh hmangaihloh ah I buai angailo"



Chutia min ti leh si chu ka na leh thung,ka in her a min Kuai let dawrh in khawlai pawh sawilo chuan min fawp nghal tawn tawn! Ka beisei miahloh anih vangin ka ding mawl tawp a chhan let pawh ka tum lo anih erawh chuan a duhthawh tial tial




"Min nghak rawh" a in lak hran rualin ka biang tawn tawn ah a vuan a ka chal rawn si in a thaw ham ham bawk "chuan,ka bul a awm turin ka duh che" a ti leh sup a,a hmel ka en ngam loh avangin ka mit ka chhing tlat bawk




"Glo..." A mah bawk chuan a rawn ti leh, engkim hi a reh duk ni maiin ka hria,kan vel a motor tlan in mi vei tawk awm mahse engkim hi a reh ruih "I zak em ni?" A tih pawhin ka meng ngam chuanglo a aw pa leh thum zet ti nen chuan a nui hak a ka hmui ah a rawn fawp leh zauh




"Co... college kal ka ngai tawh" ka ti ban churh a,a mi uap na lutuk te hi ka zo lo leh takngial dawn! A lam a ka let leh chuan engtik ah emaw ka na leh dawn mahse tun ah tak chuan ka hnar thei rihlo




"Vawiin chuan nilo e..." Ka ban ah min kai a kan kalsawn dawn tih ka hriat vangin ka meng ta nge nge a,a mi kaih ang ang chuan ka kal hmiah hmiah a car ah min luh tir in a rawn luh rual in a tlan chhuak nghal a,ka zui hi a tha em pawh ka hrelo




"I in ah maw?" Kan thlen rualin ka ti sup a nui chungin a bu nghut,kan tlan chung zawng khan kan in be lo a khawi ah nge min hruai dawn tih takngial pawh ka zawt lo,a chhuak a ka awm na lam kawngkhar a rawn hawng a ka chhuak ve mai bawk




"Kendra..!" In kan luh rual a min rawn kuah nghal vangin ka phu deuh zawk,pawn lam lan dan ang em em chuan a chhe hran lo, engkim deuh thaw a awm a mahse a zim lu lai lutuk "engtin nge chaw I ei?" Ka rilru a awm hmasa ber ka zawt hmiah




"Ka eilo mai..." A ti sup ringawt



"Melissa nen ei chhuah a rem zawk ami?"



"Glo...a tawk tun ah ani sawi angailo" a thaw hawk a ka dar ah khabe a rawn nghat bawk,kan in san hleih zia hi ka sawi ka sawi peihlo "A nuam lo na in hmun dang kal na vak tur ka hrelo a" a aw ah chuan in thlahrung aw ka hre tel tlat



"A nuam a lawm" ka ti ve hmiah, engvang a a rilru tih nawm sak tum ngawt nge maw ka nih le?



"Takzet?" Min kuai her a ka hmui ah a rawn fawp leh zauh "kei lo in an fawp tawh em?" Ati zui zat a a zawh na vang chuan ka nui lo theilo tinge min tih ta tu em em a?



"Fawp tawh e.." ka nui na in dawt ka hrilh lo zawk, Remsanga nen kan nih lai khan kan in kiss tawh miau a lawm



"Tu...?" A ti chang nghal ruih,nui chungin ka bialpa hlui anih thu ka hrilh a, thinrim zet in anchhia a lawh nghal mawlh mawlh anihchu!



"Duhtawk teh,ka bialpa hlui a lawm,kan in then tawh" ka nuih ringawt a,a nui ve duh miahlo a nuih ve hma chu tiin ka nuih lui ngar ngar a ka nuih lui tih a hriat vang nge a nui ve ta suk



Min pawm kang nawlh a,tlak hlau in a nghawng ah nen a kawng ah nen ka kherh bet nghal thuai "ka chhuk duh ka riltam na a rei tawh ania" ka ti kawi rat a,enge a beisei ka hria keipawn ka chak tho mahse kan inkar em pawh kan sawi fel lo a tiang a ka awm ngawt chuan min ngai nep lutuk thei




"Keipawh ka tam a lawm,mahse heng hi ka ei phawt duh" a kun dui dui a ka hn**e chu ka kawr chhan ah a rawn seh a ka phu zawk a na tep lehnghal,a rawn awm that rualin ka hmui a rawn fawp lehnghal zat a duhthawh tial tial a keipawh ka ni tho,ka fawp let a ka duhthawh hle bawk tun lawk a insum ka duh na rilru te kha chu an thlawk bo zo vek tawh




In a zim ka tih tawh kha vawi tam a pen hma in khum a thleng der,min nghat a min fawh erawh a chawl chuanglo ka hn**e leh ka chh* a khawih tawn chhen bawk,a kut tang sei thlurh ka chh* chhung a a rawlh lut chu na ka tih lutuk vangin ka thaw kawk a ka mar awk bawk



"A na viau em?" aw lawi rat chuan a rawn tia,a in thiamloh ka hlauh luat ah lu ka thing ringawt, ka thawmhnaw min hlih sak vek a,a in phelh mek chu ka lo pui ve bawk,ka chak na so sang tawh lutuk chuan khua min hmuh tir lo a ka thil tih mek hi a dik em tih ngaihtuah turin ka fim tawh hek lo,a z*ng khawng luah mai ka chh* ah a rawn nawr luh rual chuan ka mittui a tla sawk! a kut a hman ai khan a na zual takzet




"Kendra..!" A hnung zâng hlai thlup ah chuan na ka tih lutuk vangin ka tham nghek a ka mittui luan na lai chu fawp in ka beng bul ah




"Ka tihpalh,a na reilo ang" a ti thawp sat a dim te in min d*p zui bawk,ka awm dan chu ka ten hluah hluah a ka in phal awlsam lutuk chu ka in haw takzet,chutih rualin nuam ka ti a,sex ka hman pui hi mipa dang nilo in Kendra ngei ani bawk




"Ka hmangaih che..." A che rang tial tial a,ka thu hriat leh tun a kan awmdan hi a in mil hluah hluah,keimah min en turin a biang tawn tawn ah ka vuan a,a mitmeng pa hrak leh nuam a chen na vang a mitmeng de sawr sawr chuan hnai tak ah min en a




"Ka hmangaih lutuk che..." Keimah zawk in a hmui ah chuan ka fawp a,ka in lak hran leh rual a ka taksa chhung rawn lum lut pap chu ka feel thei, hreawm ka tilo a ka hlim takzet zawk




Chau zet a kan chet hnu ah a ban kham in ka mu a ka kalsawn san hlau ang maiin min kuah bet chial bawk,a khat tawkin ka hmui leh chal ah a fawh chhawk chhen bawk a,tun ang hian hlim reng theih ka chak takzet "muhil la..." Ka hn**e hm*r khawih ne ne pahin atih chuan ka nui sup,ni e mut chu ka mamawh ka chau lutuk




"Nia mut chu ka duh a,mahse he kut nghal zet hia a chet tawhloh hun ah lo chuan ka mu tui thei dawn chuanglo a,che lo a a awm hun ka nghak zawk mai ang" ka tih chuan a ner nghal nang a




"Ok anih chuan muhil rawh,I mut ngheh hun ah ka khawih leh mai ang" a ti awlsam et a,a kut a la sawn ve mai bawk " chuan a hmasa ber ka ni hi ka thinlung zawng zawng in ka lawm" ati leh sup a van duhawm tak! reilote ah ka muhil thuai a




College lam reng reng ka ngaihtuah lo,tui takin ka mu a,ka bul ah ka mipa hmangaih em em a mu bawk a engkim mai chu a nuam in a dik thlup ani ber mai,rei tak ka mu chuan ka hria pen deuh dawt dawt ka hriat in min ti harh a kabul ka en chuan Kendra a mu tawh miahlo ka tho vat a pawn ah thawm ka hre zui leh bawk





Ruak vek a ka awm vangin ka puan sin lai chuan ka in tuam a,hnuk dekh delh pahin kawngka lam ka pan a a lo in khar ti tih vangin ka nem hawng hret a ka thil hmuh vang chuan ka tlu lo chauh,hetah Melissa engtin? duhthawh tak a an in fawp chu ka hawn tak vangin an tawp hmak bawk





"Glo..." Kendra chuan a hmui tuai puat chungin min rawn ban a tum a ka tawlh hnung nghal hrut



"Min khawih miah suh" ka tah aw tuau a mahse an hma ah hian ka tap dawn hlek lo



"Hei...Kendra min hmu tawh tho alawm hrilh tawh mai rawh" Melissa chuan kan mu dun tih hre sa vek ang maiin a ti a,heta ka awm chu mak pawh a tih hmel loh



"Eng maw min hrilh tur chu?" Ka hrawk tawt lutuk chu ka dawm a ka kut lehlam ka puan in tuam na ka tham khawm na chu ka ti nghet sauh, Kendra chu ka melh a a ngawi reng ringawt




"Keiman ka sawi mai ang, nang hian ilo beisei fo a,mipa anih ang in i duh chu nichin lawk ah a pe tawh che a na chu ti viau mahila mahse a hmangaih loh che tih ka hriat chian vangin leh ka hmeichhiat pui I nih vangin ka khawngaih ve che sia I duh nawm chen na pe tur che chuan ka lo ti ta mai anihkha...mahse a hmangaih lo che tih min hrilh a I rawn harh vel ah hrilh che a tum bawk a"




"A dik em chu chu" Melissa nilo in Kendra chu ka melh a,tinge a ngawih tlat? " Ka rin na zawng zawng I ti chhia"




"Awww... I duh a pek tho che kha..bak ah I bialpa khan a hrechhuak palh ange aw.."min nuih sawh na tawngkam chu ka hua a na ka ti mahse Kendra min bum vang hian ka na takzet zawk "vawiin ah ka pa hnen ah in hual kan dil dawn" a ti leh lek lek phei chu chem in min vit pawp pawp ni mai hian ka hria





"Ka lawmpui a che..ka duh nawm chen na ka hmu tawh bawk a ka kal ange" ka na lutuk chu ka kalsawn thei pawhin ka in ringlo,mahse ka kal vat loh chuan hetah hian ka natna tur hlir ka hriat belh zel dawn tih ka hai lo




"Min Lawmpui vangin kan lawm e,mahse ka pasal ni vat tur hi tun bak rawn beisei zui tawhlo ka ka ti" a ti leh siah,ka theihtawp in ka in seh ruh a na neilo ang maiin lan ka tum tlat bawk




"Beisei nawn tawhlo ang,tun atang chuan ka bialpa lak ah ka chak na te chu ka lo hri thla zel tawh ang" min ngai tenawm ta sa sa engmah ka sawifiah dawn lo



"Hmeichhe tenawm" ka thawmhnaw la tur a khum lam ka pan laiin a ti sup ka hria,ni e a sawi dik ka tenawm takzet



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2021, 2:18 pm

CHAPTER-20🌿




"A kal tawh dawn tho a,a kal vel ah ka duh ve..." Melissa beisei na aw chuan min ti na takzet,ka in ha saw sawk a ka taksa na pawh a dam hma hauh a hetiang tak a nat na ka tuar leh hi ka vanduai takzet hian ka in hre tawh




"Rinkim,nakin ah kan in be dawn nia" ka chhuah hma in a rawn call a,kawngka pawn lam a awm te runluih nan ka ti chuanglo,a call ka chhan loh chuan college ah ka awm na min zawt ang tih ka hlau zawk,ka off nghal daih a ka bag nen pawn lam ka pan a




"I va tap hmasa phawt ami,I rei ka lo tia" ka kal pelh dawn ah Melissa zawk in a rawn ti leh kher,ka ding a a lam hawi in za miahlo chuan ka nui suk



"Hetiang te chu ka lo beisei lawk hrim hrim a,bak ah tah hi ka tum buai lo ka tah chuan I bialpa hian hreawm ati anga min hnem tumin min kuah palh ka hlau a nang I awm ve bawk sia chu chu ka tan a nuam vak dawn silo a"



"I zak theilo hle mai" a thinrim tih ka hria,mahse a ma tan hmasak ania thiamloh na ka neilo tawngkam pangngai tak hmang se chuan ka ti thinrim bik hauhlo ang



"Ka zahtheihloh na pakhat mah ka hrelo a,tun a thil thleng kha ka nawr luih na nilo in he I bialpa nen a kan duh ve ve vang a thleng ani tih I hre ve dawn nia...I tawngkam i fimkhur loh chuan keipawh ka fimkhur a ngai biklo"




Kendra chuan ka ban rek ah a rawn vuan chawt a thin thlak tum in ka tal nawk nawk bawk "lo awm rawh" Melissa melh chuang miahlo in a ti a,min kai kal nghal dawr dawr bawk,phelh sak ka tum a ka beng vak vak bawk,min kal chak pui leh lutuk bawk nen ka in pal tlu lo chauh zel




"Min thlah rawh..tun ah Kendra" kawngpui kan thlen phei hma chiah chuan a ding thut a,a hnung ah ka in tauh chawrh



"A na em?" A rawn leh hawi vat a ka biang tawn tawn ah vuan in chik zet hian ka hmai chu a en kual a



"Min ngaihsak ang a awm der vel kha a tullo" a kut pahnih chu ka vei sawn nawk a, thinrim hmel deuhin a rum hawk bawk



"Glo...engmah ka hrilh thei rihlo che ka tih kha thinrim Suh" dam tak in a ti a,mahse awlsam lutuk a a sawi hian min ti thinrim sauh zawk



"Thinrim Suh a? Eng..engtin nge thinrim lo turin min la hrilh theih zawk a? Ka na tih I hria em..ka na lutuk a nang,nang hian ka engkim I ti chhe vek"



"Ka hria,I na tih ka hre lutuk I nat chuan keipawh ka na...mahse tuar rih la ka duh"



"Maw..?" Ka thaw kawk ringawt,he mihring tenawm lutuk ka biak reng chuan rilru nat lutuk vangin ka thi thei mai ang "I a tawh anihkha...hmuh leh che ka duh tawhlo"



"Min hmangaih ani lawm ni?" Zawi sup hian a ti leh a



"Aw,,nichin thil thleng ka hmuh hma zawng kha chuan...kan tawp Chiang viau tawh in ka hria" ka in sut hraih a,ka bag hrui ka tham vak bawk



"Kan tawp theilo" thinrim in seh ruh zet chung hian ati a



"Chuan Melissa nen min kawp kual vel ang maw? Ka Ben chak zia che hi I hria em?" Ka ti halh,nia ka beng chak takzet ka thianghlim na ka pek hnu lawk a min bum tih ka hriatchhuah vang ringawt pawh hian vawi duai lo bawn sawk sawk ka duh



"Min beng la...I na a dam na tur anih phawt chuan min beng mai ta che.."



"Ka ben vang che in ka na te hi an dam dawnlo,engtik ah mah a dam theih ka ringlo...tinge tiang hian I tih le?" Ka hreawm beidawng bawk si chuan ka ti tawp,ka tah a chhuak a mahse min ngaih nep zual na tur mai mai a tah ka duh silo




"Nang lo chu hmangaih ka nei miahlo.. Glo min ngaithla teh.. engkim hi"



"A tawk engmah ka ngaithla duhlo,min hmangaih ni la min ti na ngai miahlo ang! kan in kar a thleng engkim kha tun la la a theihnghilh ka duh tawh keichuan...ka hmangaih tawhlo che Kendra..."



"Chuan in hual na tur ah khan duhsak na ka hlan a che...pasal tha tak I ni dawn nia" hmalam ka pan a taxi ka hmuh hmasak ber ah ka lut a hostel lam pan in kan kal chiah chu driver pawh veng thawng hlek lo in ka tap nghal hawm hawm


____________________________________



"Glo ka mang I ti ang emai I thi thei takngial dawn ania eng emaw tal ei teh aw..ka ngen zawk che anihchu" U Ziri chuan thil ei turin min tur char char ka chhang miahlo thung




Ka chung a thleng te kha engmah an hrelo a ka virgin tawhlo tih takngial pawh an hrelo,tun a hetia ka awm chhan pawh Kendra nen kan in then fel tak tak tawh leh an in hual dawn vang ah an ngai mai..an in hual tur thu pawh College ah hria an awm nual vangin chuta tang chuan an hre chauh.midang share ka tum lo a mahni in ka tuar tlawk tlawk ani ber




Chaw ka ei ngailo a,ka taksa chak na tur thil engmah ka ei ngailo hrim hrim, Kendra nen kan tawp atangin thla 3 ngawt a liam tawh a ani pawh hmuh tur a awm ngai tawhlo,an in hual dawn tih erawh Melissa nau Adeline hnen atangin ka hria,ka na tawk tawh lutuk a an in hual tur pawhin a ai na in min ti na thei tawhlo zawk ani ber




"Engmah ka ei chaklo... mut ka duh zawk" ka ei tur min lo ken sak te chu ka nawr sawn a sir zawng in ka mu nghal daih,ka ril a tam lo bik anilo ka ei theilo a chak na ka neilo ani ber




U Ziri I mangang in ka chhungte a phone a an ni lam lah in haw turin min ti deuh ruai ruai bawk,haw nghal mai tur chuan ka zirlai te an ngaihtuah a chutih rualin ka awm dan ah an ngaih a tha bawk silo haw turin min duh rualin ka zirlai tha tak a ka zawh min duh pui ve tho bawk si




"Zir...in thlak pui teh, hetiang chuan a dik ngawt lo a a zo mai dawn college a kal ngai mang lo a a in khung bet tlut tlut bawk si chhuah thawven pui ang" Rinkima chu a tho lawk a pawn lam ah a chhuak nghal




U Ziri chuan min thlak a siam takngial pawh ka in siam peihlo,chuti khawp chuan Kendra'n ka nun ah nghawng a nei lian a mahse kir tum na ka neilo...hmalam ka pan san theilo anih pawhin ka kir leh tawhlo ang...min tih ang ang in ka awm a min hruai chhuah pawn ka kal ve mawp mawp tho a phur na pakhatmah ka neilo thung




"Lo Chuang rawh u...bike in ka rawn zui mai ang che u" taxi kawngka a lo hawng fel diam tawh a,ka peih em peih lo em pawh ka hrelo khawi ah nge min chhuah thawven pui dawn pawh hrelo in ka Chuang ve mai a u Ziri rawn thu lut chiah chu a âwm ah bei in ka ngawi reng




"Glo...a tha leh vek mai ang, Kendra ai a tha mipa an tam a lawm mi nun ngil tak, Kendra ang a ti na ve mai mai lo tur che an tam a lawm beidawng mai suh,ti hian in inthen anga hun te liam deuh se I hreawm tih na pawh a zia mai ang"




"Thla 3 a liam tawh awmzia a awm chuanglo" ka ti sap a,nghet lehzual in ka kuah bawk kan tlan atang a reilote ah kan kal na tur kan thleng aniang taxi a ding a kan chhuah chuan midang, Kima te Zualtea te ho in min lo nghak thap a




"Ka bialnu that tur chu a van chhelo lehpek em!" Kima'n min rawn kuah pahin ati hluai a,ani hi chu fiamthu deuh reng ania..mahse tun tun erawh min tih hlim tum a ang ta zawk mah




"Hawh u lut ila ka riltam tawh lutuk" Zualtea leh Dawngi ten an lo ti ve bawk, Zampuii pawh a awm a nidang ang chuan min melh na vak tawh lo kan in zui lut a ei chak ka neilo ka ti chungin ei tur tam tawk min order sak tho




"A nih tlem kan ei ange pawisa a uihawm" nui suk pahin ka ti chu an thil ei lai tawp chawt in min en thap a ka hmai ah thil kai a awm zawk emaw ni? Zualtea chuan a thil seh lai hip lut pawp pawp in hmanhmawh zet hian




"A pangngai tan ania..." Lawm hmel zet hian ati hu a ka nui ringawt,na chu ka nei ngei a ka awmdan phung tam tak ka hlauh phah bawk a mahse ka la a em hleinem,thil ka ei that loh na a rei tawh leh lutuk vang aniang ka thil ei a tui ve phian na in ka ei tam theilo




"Glo..min lo zui lawk teh" Zampuii chu a tho a ka kut ah chuan min rawn kai a Rinkima'n lehlam ah min lo chelh ve bawk "eng thil tha lo mah ka ti dawn lo" Rinkima melh pahin atih chuan Rinkima min vawn na ka thlah a Zampuii chu ka zui ve mai




"Sawi duh I nei ami" women toilet ah min luh pui vangin kan luh rual deuh thaw chuan ka ti a,a bag atangin make up a la chhuak a "U ziri'n min hnawih vek tawh a lawm" ka ti chungin min hnawih lui tho,a hmel chu ka en a eng emaw vei nei tlat in ka hre bawk




"Min ngaidam dawn nia,khatia Rinkima'n a kuah che ka hmuh khan ka in control hman lo a ka rawn ang chiam ringawt a...pawi ka ti khawp mai" ka mit ah tak min en lo a mahse a ti tak tak ni in ka hria




"A pawi hleinem.." ka ti satliah ve tawp,lehlam darthlalang ah chuan ka in en a mitthi tawh ruh a




"Ih...ka hrilh che hi a tha em ka hrelo a, nichin khan Kendra leh a nupui hual kha ni in ka hria an rawn lut ve ka hmu a,mahse an hmu lo che" ka meng buai nghal vek chu min hrethiam aniang




"Heta tang hian ka chhuah angai..ka haw vat loh chuan ka thi thei mai ang" ka mittui a parawl leh kung tawh,ka awmdan hrethiam in Zampuii chuan makeup a khung sawk sawk a min chhuahpui nghal thuai thuai




"Zir... Gloria hi hmanhmawh deuh a chhuah" Zampuii ding chawt chu ka su chawrh a ka hnunglam ah ka pai dawt bawk,U Ziri te dawhkan kil na bul a Kendra ding reng ka hmuh chuan ramhuai hmu ang maiin a ka meng phawk hru




"Ka be duh lawk atia " U Ziri chuan in thiamlo hmel deuh hian ati a,midang an lo ngawi thap biak ka duh dawn lo tih an hre ve pawh ani mahna lu ka thing a Kendra chuan ner suk in a thle zauh bawk, Zampuii khan Melissa nen an lo ka a ti sia khawi ah nge a awm bo leh tak ni, tawng kam chhe zet a min tawng khum leh hma in kal vat ka duh





"Ka be duh lo..." tih leh tlan chhuah ka rual a,thla thum ngawt kan in hmu tawhlo a tinge tun ah a rawn in lan leh eng fa lo nge sawi tur a la neih a?




"Glo...in biak kan ngai" min au a min rawn zui tih ka hre chiah,ka tlan chak zual sauh a kawngpui lehlam pan ka tum ani ber



"Ka be duhlo che min kalsan rawh" ka leh hawi zawk chhung in motor break a ri tuar a ka hlauh lutuk vangin ka tlu tawp bawk min su emaw ka ti hman zawk



"Kawngpui anih hi,motor an tlan mek tih I hmu reng ani lawm ni engvang in nge I kal luih talh?" Min rawn pawt tho lawp a min vin nghal tuarh ringawt



"Ilo buai ve na tur a awm lo..khawi min thlah rawh" mi tam tak in mi a ang maiin min en thup a traffic ti jam tur tak in kan ding reng bawk



"Inbiak kan ngai...min lo zui rawh"



"Aih ka duhlo"



"Min ti thinrim suh,min zui rawh ka tih chuan min zui mai rawh" ka ban rek ah chuan na zet in a hmer a,tih luih chi ni a ka hriat tawhloh vangin min kaih ang ang chuan ka kal ta tawp.. kawngpui lehlam ah chuan min phei pui a a car alo awm aniang min luh tir rawk rawk in a tlan chhuak nghal




"I nupui hual nen in lo kal ani lawm ni?" Min chhang lo a hmalam a melh ngar ngar,a phone rik rual in a la chhuak a tum reng vang pawh nilo in Melissa call a ni tih ka va hmu




"Ka chhuak lawk, nakin ah ka rawn lam ang che" phone chu a dah leh mai a, rilru nawm loh hmel takin a thaw hawk bawk "Glo ka sawi duh chu"



"Sawi angai lo..in inhual thu anihchuan a hre hmasa ber tu ka nih kha I theihnghilh tawh ami?" Ngeiawm fahran hian ka ti nghal vat



"Chu chu ka sawi tum anilo,kan pahnih inkar leh thil dang ani sawi ka tum " chak lehzual in a tlan chhuak a engmah sawi belh ka tum tawhlo hmeichhe luhlul ber ang maiin ka ngawi ngal




"Ok...min chhang dawnlo mahla ka sawi tur chu ka sawi tho ang" beidawn hmel deuh hian ati a,thui tawk kan tlan hnu ah kawng reh lai ah chuan a ding a "I va cher ta ve..." Rawn hawi in ka cher chhe ta lutuk chu hreawm ti ber ang zia zâng in a awm vel a ka ten hluah hluah




"La hun lo mahse tun a ka sawi hi a tha zawk a ni mahna,A hma daih in I hnen ah ka sawi tawh kha...ka nu chungchang I bul ah" sawi harsa tih hmel takin a hmui a pet a "ka nu khan saw college a ka luh theih nan ka putea a ngen a,ani chuan zan ah college ah chuan a kal tir a tupawn zan ah college an khar vek tih chu an hai lo ka nu ngei pawhin"




"ka tan beisei na a neih san em avangin a kal ta tho a,mahse chu hmun ah chuan ka college kal theih na tur a pawimawh engmah in alo hmuak reng reng lo..." Steering chu tih bun tum ang mai in a tham tawn tawn a,a bek a thisen zam te chu an pawng tawlh tawlh bawk




"An lo pawngsual a..." Ka in rin hma hauh in ka mittui a rawn luang chhuak ringawt! "Police ah report a theh lut a mahse awmzia a awmlo,Ka putea hnen ah tanpui a dil leh a mahse ani chuan tanpui a hnek in mahni in ti hlum turin a lo ti a...ka nu tan khan pawngsual nih pawh kha a na tawh a sin"




"In tih hlum mai kha a duhlo,ka nu chuan ka putea mualpho theih na tur thil tam tak a lo hre ve reng a,a thawh pui te bum kual,nula mutpui,pawisa khelh leh dan lo a bungrua lak luh na tam tak pawh a hre ve vek chuvang in putea chuan ka nu kha thi turin a duh ngawih ngawih a,chuan a ti hlum ta chiah bawk"




"Ka nu khan a phone ah video pawimawh tak,a thah ani tih lantir theih na tur a lo nei a,chubak ah ka putea'n a bum na zawng zawng pawh...midang chuan mahni in ti hlum a a building atang a zuangthla ah an ngai vek kei tih loh chuan...chu video erawh chu ka kawl lo"




"College ah sawn thuh ruk vek ani a chumi ka zawn vang a hetiang a Kendra mi dawihzep tak ang a saw college ah sawn rawn lut pawh ka ni,mahse ka la zawng hmu thei hrep lo! Tunge ka putea chu I hre duh em?"




"Melissa pa maw?" Engtin nge ka rin nghal chawt theih pawh ka hrelo,mahse ka rilru ah a rawn lang hmasa ber tlat!




"Ni e...chuvang chuan ka duh ka hmuh vat theih nan Melissa hi ka ngaizawng a,hual pawh ka in hual pui hial bawk"




"Midang nun tih chhiat belh kher hi a tullo,I duh chun police puih na pawh I dil thei...a tha lo lam zawng hlir in a nih hi I khawsak...! Hmeichhe pahnih nun I ti chhe vek tawh chu anih hi"




"Pawi ka tilo...ka nu khan thah anih zia kha midang in hria se thudik puan chhuah in awm se a duh a,chu chu ka hlen chhuah sak dawn mai chauh ani,tunge tuar a tunge thih pui ka pawi sa lo"




"Thil pakhat erawh ka sawi duh,kan inkar hi a der anilo a I lak a ka rilru put pawh a der ani hek lo...ka hmangaih che a..."




"Min hmangaih ni la hetiang hian I khawsa lo ang,engpawh sawi la ka tan engmah ani lo Melissa pasal tur I nih na a dang hek lo...I nu chung a thleng chu ka tawrh pui che mahse ka nun I ti chhia"




"Chhan leh vang nei a thil ti ka ni tih I hre vek chung pawhin min hrethiam theilo a maw?" Ka chhuak a ani pawh a rawn chhuak ve bawk "Glo .hei bak chuan ka buaipui thei rihlo che,mahse min ring la ka duh Melissa chu ka hmanrua chauh ani a nang erawh ka hmangaih takzet che,kan in kar hi a la tawp lo ania"




"I a zo tawh anihkha,eng in kar mah sawi tur kan neilo...I phuba lak duh na in I mit a ti del zo tawh anihkha...kan tawp fel tawh tih chu kan hre ve ve I nu chungchang ah erawh pawi ka ti...a theih chuan min dah let leh tawh ta che" ka ti dam thluam a





Khawngaih lo bik chu ka ni hauhlo, Melissa chu lo hmang mai mai pawh nise an in neih loh phah dawn chuanglo a...an pahnih vang a ka tawrh tawh na zawng zawng te khan awlsam takin min let tir thei tawhlo ani,engmah ka sawi duh tak miahloh vangin a thaw hak a





" Ka va thlah ang che,lo lut rawh" ati a keipawn tha te inka lut a hotel ah chuan u Ziri ten min lo la nghak reng,ka bag leh phone ka ken telloh vangin hetah bawk ka kir leh an ring aniang




"Oh...nang bawk maw? Kan in hmu khat hle mai kan in hual chungchang kha I lo hria ang chu tiraw?" Kendra ban a rawn vuan chat a ka nu nghut ringawt "kal tawh ila ka pa nen in neih na hmun tur vel thlan kan la ngai dawn sia"




"Kal ang" an pahnih in zui chhuak chu ka thlir lo theilo,an kal hnu lawk ah kan haw ve a,kawng ah U Ziri'n min hruaichhuak kher kher chu a inthiamlo thu a sawi char char,a thiamloh pawh ani bik lo ka vanduai ani mai keimah hi






"I tha em? Ka rawn haw a ilo awm silo a ka mangang tep a lawm, vawiin chu I lang zia deuhin ka hria" Katty chuan a lo ti nghal luam a



"Nia ka thianten min chhuahpui a" khum ah bawk ka mu leh tawp,thil ka ei tam loh vangin ka pum hi a nuam lo deuh reng a vawiin erawh tlem a zawng ka ei vangin a nuam lo lutuk tawhlo



"Kendra nen in la in hmu em? Nupui hual anei tih ka hre ve a thla tam liam tawh atang khan I awm dan hi a dik tawhlo,na I tuar tih a hai theihloh"



"Ka tha a lawm.." ka ti mai a,ka khum bul ah rawn kal in a rawn thu a



"Glo...enteh I roommate satliah nilo in I best ang in min ngai la ka duh,keipawn a hma atang tawhin chutiang chuan ka ngai che,ka tani in pum pek a hlau tak a ka awm pawhin nangmah bak in min ngaihsaktak tak lo ka thian dang te ai pawhin ka ngai hlu che... engkim min hrilh la min share la mahni tawrh ngawt ai chuan a hahdam zawk ania"




"Kendra'n a sawi dan chuan min hmangaih a Melissa nilo in,mahse a nu phuba a lak duh vang a Melissa hi hnaih a nih thu a sawi a...phuba la duh pawh ni se ka hrethiam lo min hmangaih ni si in tinge Melissa in zawm na nghet neih pui a tum ni?"



"A nu phuba maw?"


"Aw...a nu an tih hlum sak a lawm"


"Tu in...?"


"Kendra sawi dan chuan Melissa pa Mr Thompson ania"


"Chuvang chuan Melissa a in hual pui a?"


"Ka ring..."


"A hmangaih che anihchuan ati lo ang"




Ka mittui ka dang zo lo ka na a chhuak a,ka tap nghal hlawp hlawp bawk, theihtawp in Katty'n min hnem ve a "shhh.. lungngai suh I tha leh mai ang, Kendra chuan hmangaih che pawh nise I tan a mipa tha lo ani mahna I thianpa pawh motor a su hlum lo chauh ania...chuan nang a ti na reng bawk che a Melissa a in hual pui bawk"




"Hahdam phawt rawh, Kendra chuan a hmangaih tak tak che a nih chuan phuba la lo in I hnen ah alo kir leh mai ang" thim thak thlengin Katty'n min thut pui a engtik laiin nge ka lo muthilh ka hrelo,ka harh leh chuan keimah Chauhin ka lo awm tawh




"Nilo eng thil nge ka tih kha! Haw viau mahila a thuruk ril ber ka sawichhuah sak tur anilo a sin,ka thiamloh vek ani" hreawm tih lutuk vangin ka tei chhen ringawt,ka awm a nuam theilo Kendra ka hua a nih pawhin a thuruk ka sawichhuak tur ani kher lo mahse ka sawi vek tawh a tlai tawh




"Ni e,ni e Katty chuan a zep thei mai ang" tiin mahni ka in fuih tawp


____________________________________

★ Melissa POV ★



"Ka fanu, Melissa enge maw I tih le?" Kha thil kha tun ah min pe rawh" ka hnunglam a ka pa lo ding reng chu khur zawih zawih chungin ka en a ka thil ken lai erawh pek ka tum biklo




"Pa,,tual I lo that a maw? Chupawh Kendra nu chung ah lehnghal.." ka hlauh na aw chuan ka pa a ti lawm hle tih a hriat theih




"Tumah ka that lo,mahni a in ti hlum anihkha" lu ka thing a,a nihloh zia ka hria, Kendra hnen atangin engkim ka hre tawh a ka pa mah nise ka awih thei tawhlo



"Min pe rawh le..ka tan a pawimawh viau ania, engtin nge ilo hmuh chhuah reuh ni" a ban a rawn phar phei a,nidang a ka pa nui hmel nen a ngai reng chuan ka hria,mahse Kendra thusawi ka hriat atang kha chuan dawng a nui hmel te saw ka rap zo vek tawh




"Aih..hei hi chu Kendra ta tur ani,pa ngati nge a nu I thah sak a?" Ka ti thawp sat,ka pa thah anih ka ring phallo a mahse hei a fiah na engkim ka kut ah a awm ran si




"Tumah ka that lo... Kendra maw? A bum che anihkha khawvel ah hian Kendra an awm lo kha mihring kha Kendra nilo in Evan anihkha...min pe rawh le ka fanu duat I nihkha..I ngen na vangin in in hual tur pawh ka pawm sak cheu a ni lawm ni?"




"Thil nih na ka hriat chuan loh vang ani, Evan emaw Kendra pawh nise ka hmangaih tho tho..chuan he thil hi Kendra hnen ah ka thlen ngei dawn"




"Luhlul chhuah a hun lo a nia...I pa hi diklo tak a puh thluk in awm se I ti em ni?" Ka pa be reng chung chuan tlan chhiat na tur ka zawng ru reng a,he thil hi a kut a ka hlan loh chuan min ti na ve lo ang tih pawh a sawi theihloh chuvang in ka him na tur ka zawn angai





"Miss...bum in I awm ania" room chhung ah chuan hmeichhe pakhat alo lut a ka hre tlat tawh in ka hre bawk




"Nang hi..! Gloria thian kha I ni lawm ni?" Ka au vak ringawt



"Aih,thian kan ni lo..hei hi ngaithla la ka duh I lam ka tang ania" phone hi a rawn lek chhuak a,a hmeh rualin audio a rawn in play nghal bawk




* "Kendra'n a sawi dan chuan min hmangaih a Melissa nilo in,mahse a nu phuba a lak duh vang a Melissa hi hnaih a nih thu a sawi a...phuba la duh pawh ni se ka hrethiam lo min hmangaih ni si in tinge Melissa in zawm na nghet neih pui a tum ni?"


"A nu phuba maw?"

"Aw...a nu an tih hlum sak a lawm"

"Tu in...?"

"Kendra sawi dan chuan Melissa pa Mr Thompson ania"

"Chuvang chuan Melissa a in hual pui a?"

"Ka ring..Kendra sawi dan ania"

"A hmangaih che anihchuan ati lo ang"




"Thudik zawk chu I hre tawh em? Evan hian a bum mai mai che ani...tah khan eng fiah na mah a awm lo...Evan nu khan kei leh he College tih hmingchhiat nan thudik lo a record teuh a chupawh a fapa in he College a kal ve an phal sak loh vangin,a rilru na in khatiang khan ati anihkha,mahni in ti hlum ani a Evan khan chu chu pawm lo in kan thah ang ah a ngai anihkha"





"Kendra'n phuba lak nan min lo hmang tangkai mai mai a maw?"




"Aw ni e,,ka sawi tawh ang in Kendra anilo a he hming pawh hi phuba lak nan a in phuah chawp ani,ka fanu hi bum na thang a a awh reng hi ka phallo ania...kha thil kha min pe la Evan kiang ah hlim takin ka awm tir ang che"




"Aih...eng ang pawh in min lo bum mahse pawi ka tilo,min hmangaih hun a la nei mai ang" ka ti lui ve tlat " Thudik chu police ten ngaihtuah se a tha zawk ang,he thil hi Kendra ka pek loh pawhin police hnen ah tal ka hlan ang"




"A nihchuan ka fanu hian duh thlan tur min pe ta lo ah ka ngai ange" a coat hnuai atangin silai a rawn phawrh ta mai! Ka hlau chu ka khur hlawk hlawk a engtin nge him takin ka chhuah theih tak ang? Helai ka kal thu hi Kendra takngial pawhin a hre silo kal lo tur khan min tia mahse thudik hriat ka duh vangin ka kal ta tho a tun ah chuan ka pa kut ah ka thi dawn ta anih hi engtin nge he bawm hi Kendra hnen ka thlen tak ang?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2021, 2:19 pm

CHAPTER-21🌿





"Pa ti suh, khawngaih in" ka pa mitmeng a tualthah pawi tih loh na ka hmu chu awih har ka tia takzet he bawm engmah a nilo ti chung a neih let a duh vang a kei takngial pawh min thah a hreh lo anihchuan thil pawimawh lutuk ani ngei ang





"Vawikhat chiah ka sawi ang,kha bawm kha min pe la helai hmun atang hian kalbo nghal rawh" ring miah silo in vin tak hian ati a,ka mittui a tla ringawt bawk "ka fanu tih nat che ka duhlo ania,ka ti na ngailo ang che tih I hria..I pa hi mi pakhat in thudik lo a pawm tlat vang a jail tang turin I duh em ni?"




"Pa...!"




"Min pe rawh,chuan Evan nen in inkar chu ka Siam that sak vek ang che u .a tha em? Pasal atan I duh ani lawm ni?"




"Aw...mahse pa... Kendra chuan" min rawn pan phei a silai pawhin min tin tawhlo,a rawn thlen phei rualin duat takin min kuah a



"Le...min pe rawh le..he thil vang a ka fanu leh a pasal hual an in then phah hi ka duh miahlo ania,le ka kut ah hian min pe rawh le..." A kut chu a rawn dawh a




"Pa...."



"Tha lutuk...khati mai tur kha ani..I pa hi min ring la I pa hian engkim ka tih fel sak vek ang che"



"I duh ka pe tawh che a,kei leh Kendra chu hlim takin min awm tir ang tiraw?"



"Tehreng mai...chumi ai ah chuan thil pakhat Kendra tan a thil tha ber ni bawk min tih sak ang che aw"



"Awle...Ka Hmangaih che pa..."


_____________________________________

★ Gloria POV ★




"Katt khawi ah nge I kal daih a?" Zanlai ah thawm ka hriat vangin ka harh a,mit thip run chungin ka lu ka kan a hmanhmawh deuh a khum a a lawn mek chu ka va biak vangin a phu zawk lehnghal,ka nghah lai khan ka lo muhil leh daih aniang keipawh




"Englo..ih englo ka chhungte an rawn kal a kan in hmu lawk a duhai in ka rei a lawm mawle" sa na ka en a chutiang zan lai thleng em em a han in hmuh chu mak ka ti ang reng "ram dang atang a rawn kal an nia ka hmu chak tawh lutuk a"




"Um anihchu thil I ei tawh ang tiraw?" Ka tih chuan a bu nghauh a,han ti ti leh liam na chu anih tawhloh vang leh ka mutchhuak ala nasat vangin ka mu tha leh mai a "Katt.. Kendra chungchang ka hrilh che kha tuma bul ah I sawilo ang tiraw?"




"Maw! Teuhlo mai thuruk tur ani tih ka hria a lawm" atih tak ah chuan ka awm anuam ta huai,zing ah hma tak ah ka harh a ka nun phung pawn pangngai lam a pan leh tan tawh ah ka ngai ka tho reng ka nuam emai





Ka in bual fai a,mumal a ka nun ka hman loh lai pawh khan Nitin chuan ka in bual tho..mahse tukin chu ka fai bik ta riau in ka hria a,ka rilru lam thleng hian a fresh ni mai in ka hre hial zawk.." Glo enteh.." ka in bual zo ka chhuak chu Katty a lo harh tawh hmanhmawh deuhin a phone chu min rawn en tir a





Phone ka en rual chuan ka ka sam hruk na towel ka thlauh nghal tawp, Melissa chuan interview a nei ni awm tak ani





'ka pasal hual hi Kendra nilo in a hming tak chu Evan ani... hmeichhe pakhat in a ngaihzawn a a tihbuai chiam thin avangin tlan chhiat san nan hming lem nen lam a in vuah phah angai a,hmun dang atangin a rawn tlanchhia a mahse chuti chung pawhin a rawn zawng chhuak leh tho...chu nu chuan kan in hual hnu thleng pawhin a rawn tibuai chhunzawm zel a..hei a mah chu' tiin ka thlalak Chiang zet hi reporter ho hma ah chuan ati lang anihchu! Ka hming chu a chhe zawng in a kar nghal Hut hut bawk tih ka hai lo





"A dik lo..! Ka tibuai lo Katt" ka tha ve dawn chauh amaw ka tia nat na bawk ka dawng leh tawh! Ka phone a rawn ri a lak pawh ka tum lo mahse Katt chuan min lak sak a ka chhungte call alo ni




"Nu..." Ka aw chu theihtawp in ka control ve a,mahse a zia awm Chuang in ka hrelo,ka nu aw ka hre chiah phei chu ka tah a chhuak zual sauh




"Bawihte...I pu a boral a" ka nu pawh a hnuk a rawn ulh tih ka hre thei,ka thu tawp a in sum na pakhatmah neilo in ka tap nghal hawm hawm,ka pu ka tan a hlu lutuk in min boral san thut chu ka awih theilo ka awih hlawl lo,that loh na aneih an sawi ngailo kan in biak pawh in,chutin a kal mai theilo ang




"Nu..." Ka ngawi leh ren rawn a ka hun tawn rapthlak bik lutuk hi chunglam ka dem hial tawh! Kendra nen kan inkar that lam pan ai in a chhe tial tial a chuta kar ah ka pu boral thu Deng khawng lutuk ka hre leh bawk a




"Ka lo haw dawn" Katt chuan ka dar ah min vuan a,haw lo tur a min duh ang maiin min en bawk,mahse keichuan haw ka duh tawh ani hetah ka tuar hnem lutuk tawh ka awm luih reng chuan ka thi thei mai ang




"Ni e...I thu thu ani mai I pu in I lo haw hun a nghahhlelh tehreng nen a hmu hman ta silo che a,a kal dan reh thut hi a rang em ani" ka nu pawh anin sum a a lungchhia tih ka hriat phei chuan haw ka duh na a lian tulh tulh tawh





"Glo...I haw ngawt theilo Kendra engtin nge a awm ang?" Ka bag ka ah lai chuan min vuan ding a ka in sut hruih hruih bawk




"Ka na tawk tawh Katt, engkim hi tlanchhiat san a kalbo vang vang ka duh,, Kendra chuan ka ngaihtuah na a mamawh lo Melissa a nei..mahse keichuan tumah ka neilo helai ah...nilo nilo Kendra pawh anilo Evan nihkha..min bum tu"




"Glo..ding teh" ka tlan chhuak a college lam pan in taxi chuan ka kal a,I Ziri te ka pun loh chuan mahni maiin engmah ka ti thei dawnlo ka haw na tur takngial pawh ka buaipui tha thei tawhlo chu anih hi




"Glo..tinge a?" College ka thlen vel ah u Ziri ka kuah pawp a,ka pu ka sûn tha leh ani ringawt,chuan diklo tak a puh ka nih vangin ka na tel bawk, engkim mai ah khan bum ka lo ni a Kendra emaw ka tih kha Evan alo ni bawk a!




Ka thil tawn engkim ka sawi a,haw ka duh tut tut thu nen lam..an puih ka ngaih thu ka sawi bawk a college mi ho pawhin Melissa interview chu an lo hre pung nual tawh ani mahna kei leh Kendra chu min dem tawn a, hmeichhe zaktheilo tih in ka lar tawh Kendra pawh mi bum hmang tih in





"Awle kan lo buaipui ang haw na tur chu,I thawmhnaw te engtin nge?" An phi li ta chung chung a Rinkima'n min thlamuan nan ilu Ziri lak atangin min hruai hrang a min kuah tlat bawk,u Ziri te leh Dawngi, Zampuii te ho chuan airport lampang min biak sak an tum a





"College ah chuan ka let pui ang che..thiante u vawiin class chu ngai pawimawh lo phawt mai ang u" Rinkima chuan thiante ho chu a hrilh a midang pawhin min hrethiam takin an lo aw ve bawk,ka zirlai chu eng pawh ni rawh se helai ah hian ka awm reng theilo





"Gate bul ah min lo nghak rawh aw bike ka va la lawk ange" tiin a kal a keipawh in zawi muang in gate lam ka pan a ,gate bul hnai a awm te chuan min sawi sep sep bawk,ka tum loh deuhin ka uak thut ringawt,ka pum chu anuam lo nghal em em ringawt a rai no ho ang maiin luak tak tak silo in ka uak ta vak vak ringawt!


IMG_20210313_200336.jpg


Gate chu ka dawm a midang awm pawh pawi sa lo in ka uak vak vak a ka mittui a tling pam bawk,ka kaw ruak lutuk vang pawh ani mahna "Glo...na I nei ami?" Motor ri tuarh ka hriat rualin kendra'n min rawn dawm nawlh!




"Min khawih suh"ka nam sawn pawp a,a hmel ka hmu ringawt pawh hi ka luak tak tak dawn in ka hria! "Mualpho tak a min siam kha in la duhtawk lo ami?"




"Kha thil kha engmah ka hriatpui lo,dawt anih zia chu kan pahnih in kan chian viau kha" thinrim in seh ruh zet hian a ti nghal thawt




"Kalbo rawh,bum hmang I nihkha... Kendra pawh I nilo Evan I nihkha... engtiang a rei nge min bum I tum a? Duhtawk ve tawh hram teh..!"




"Evan ka nilo,tu Evan mah an awm lo,chuan min zui ang che" min rawn khawih leh a tum chu a hmai ah ka lo beng pawp! Ka kut a thip nghal vut bawk




"Daw heh pa! I lemchan tenawm lutuk vang hian engtiang in nge ka nat tawh I hria em? I duh duh hun ah min ngaihsak anga I duh hun ah Melissa min pan san anga maw?"




"Gloria..min ti thinrim miah suh...tun ah hian ngawi reng in min zui rawh" thupe zet hian min ti a,ka zui lo Chiang ngawt ang




"I duh duh a min tih kual hi ka rem ti tawh biklo Kan ram ah ka kir dawn...nang hlat ah hian awm kum khua ka duh tawh...kan tawp tawh a helai ah hian rawn I lan fo tawh suh.."




"Enga! Glo...khawi ah mah min kalsan miahlo ang.." a kut a hum ruh a,a mitmeng ringawt pawh chu rapthlak tak ani! Min thah chak a tui hal hmel hi a pu ni ber in ka hria




"Enge I tih anga...I thusawi awih in min tih nat mai mai tur in hetah ka awm reng ang maw?"



"Engpawh ka ti ang,tihnat che angai anih pawhin ka hreh hauhlo" a thusawi a tih tak zia ka hria ka rap thar riau bawk,kan in hau chuan mi zawng zawng a ko khawm a ni ber




"Ka thiante sawi ka lo awihlo kha tun ah,nilo a hma daih atang tawh khan ka in chhir tawh! Kha coffee no khat lek pawh kha lo dawm pui lo tawp tur che hi ka nia ka tisual takzet ani"




"Kendra...Evan, a tu a pawh chu lo ni la ka ngai pawimawh lo ,kan ram a ka kir dawn vang a he lai a i rawn in lan ve leh chauh pawh hi in thlahrun na chhete mah I neilo ami?"




"Neilo.."




"A tawk anihchu,nang nen a kan inkar pawh hi ka kham tawh lutuk" ka bag a ken lai chu ka chhuh sak pawp a "




"Khawi ah mah min kalsan thei chuanglo ang"




"Thei e,ka thei lutuk nangpawh in a I tih ang chiah khan,chuan maw nang lo mipa tha tam tak ka hmu ve tho"




"Kei lo mipa dang I nei ang maw?" bang tauh dawt khawp a na chuan min nem nghal pawp! a mitmeng a thip leh hlar tawh!




Ka mizo thiante ho pawh chu an rawn tlan khawm a,ka hma mipa ding erawh chuan tumah a ngaihsak eih lo




"Rinkim lo kal hnai suh" a lam ah chuan ka kut ka phar phei a




"An ni sawn an chhan theih che I beisei em ni?"




"Aw..chuan nang leh kei hi kan in then" ka tha chu khur ve der der mahsela ka hlauh zia ka ti lang duhlo




kan in zui ve zuai zuai tawh a zia a tam zawk chu ka hre chiang a ka hlauh na ka tih lan tam pauh leh a zau thau telh telh ang,chuan a tha pawh a chak sauh thin a kei leh midang tan chuan chu thil chu hlauhawm tak ani




"Man bet rawh u" a thuih hruai te ka ti mai,engtik lai pawhin a kiang ah an awm thin,ka ban tawn tawn chu min man beh sak a ka tal eih lo,a chhan pawh ka hneh dawnlo tih ka chian vang leh ka hma a mipa ding hian min tih nat tak tak ka rin loh vang ani




"Enge I ngaihtuah a sawng mihring ho hma ah sawn ka sawi sak ngam loh che I ring ami?" Ka nghawng chu a kut khat a rawn rek chawt in hnai tak ah hian min en a "ngaithla rawh,min kalsan I sawi leh anihchuan he I nghâwng tetakte hi he lai hmun ah hian ka ti tliak nghal ang,chu chu ka tih hreh ring bawk suh ang che"




A nau te pahnih chuan min thlah a motor ah an out zui bawk, Kendra mitmeng sen ram chu hmuh a hreawm takzet,tual thah mai pawh hreh lo hmel a pu a,tun lawk a a thusawi te kha a ti hlawhtling lo ang tih pawh a sawi theihloh mahse enge hlauh tur ka neih tawh Chuang?




"I sual leh rapthlak zia ka hmu tam telh telh tawh,I duh duh tirawh I duh leh min that rawh,min bum na ai a ka tan a na a awm chuanglo nangmah vangin ka nunphung pangngai pawh ka hlauh vek tawh Evan"




"Hrep chuan! Tunge Evan i tih ziah chu?" Min thlah thut a kal hla deuh hret bawk,a mah lo tunge ni Chuang ang,ting a la zep fo ni a mah ngeiin Melissa pawh a hrilh aniang chu Melissa in interview na meuh a huaisen tak a a sawi chhuah ngam dan ah




"Helai ilo kal chhan hi ka nih ka ringlo, Rinkim kal tawh ang" Rinkima'n bu nghut pahin min rawn pan a a bike pawh a lo hung fel vek tawh,midang ho pawh an kal darh sung sung bawk




"I tha em?" Ka nghawng chu min en sak a, Kendra chuan a lo ngai thei vaklo ani mahna a kawr ah pawt in kan pahnih chuan min pawt hrang nghal dawrh! Rinkima in ringlo chu a thal tawp bawk




"Khawih suh...I khawih chuan police hnen ah ka report ang che ka bialpa I sawi sa tih in" Rinkima hma ah ka va ding a ka ban ka phar hluai bawk,rim hriat ka neih pawh ka hrelo mahse ka luak hi a chhuak huam huam ani tawp mai! min hnek a tum a a kut la kang in a hum ruh tang nghal tung bawk,ka hlau a mahse tih lan ka duhlo ka mit ka chhing nghal a ka kun bawk




"Engkim a tawp tawh...ka venhim na I mamawh lo" Ti in a nau te luh na car ah chuan a lut a an tlan sawn vang vang bawk, Rinkima chu ka kai tho a ka biang a rawn khawih rual chuan ka mittui an lo tla toh ka hre chauh




Hostel ah kan let a dorm ah keimah chauh a awm in ka tap nghek,ka tah zawh ah Rinkima ka ko lut chauh a min in siam pui sawk sawk bawk,u Ziri ten vawiin chhuak tur thlawhna pakhat chiah a awm tawh thu phone in min rawn hrilh a chupawh zan lam ah,hun a la tam em vangin Rinkima chu college lam ah ka kal tir leh rih a ka chhuah hman hun a call mai turin min chah bawk





"Katt..nakin ah sawi ila" phone ka lak rual deuh thaw in ka ti a,ti ti mood ah ka cheng lo takzet ani...bak ah Kendra..nilo Evan zawk vangin ka rilru hi a pangngai thei tawhlo bawk ngai awh leh ka duh anihchuan ka haw angai..





"Glo.. hrilh tur che ka nei a pawimawh lutuk" hmanhmawh tak a tlan ang maiin a thaw hlawp hlawp a,ka tawng ve dawn chiah "Glo.. Glo hostel kha chhuahsan vat rawh" a rawn au hrawk a phone chu a in cut nghal daih bawk ka call nawn a ala tawh miahlo





*Glo.. hostel ah khan awm suh college ah I thiante bul ah kal vat rawh* Jona massage ka dawng lehnghal nawlh! Min rawn tih dan vel chuan ka awm ati nuam ta chiahlo,ka call a mahse a la miahlo,thla 3 chhung khan kan in be mumal vaklo a a hna ah a buai ah ka ngai mai a keimah zawk pawh ka nunphung mumal loh vangin biak tum na ka nei ngailo





Rinkima ka call a thil awmdan ka hrilh chuan ani pawh a ngaih a tha vak talo aniang min rawn lam tur thu leh ka bungrua ho nen a hostel kawt ah lo nghak turin min ti a,keipawh chuan hnial buai lo in ka aw ve mai a hostel lam pan chuan ka bungrua nen ka chhuak a warden office a lo ruah vangin engmah pawh ka hrilh ta lo





"Hello..kan in hmu khat hle mai" rei pawh ka din hma in car hi ka zawn ah tak a rawn ding a Mr Thompson ka hmuh chuan ka thawveng huai mai, hlauh tur ka hrelo na in Katty leh Jona te vangin ka awm a nuam lo ve tawp kha ania





"Mr Thompson..hetah enge I rawn tih dawn a?" Pangngai tak chuan ka ti a,ka bungrua te melh dan dan pahin a nui suk a




"Min lo zui rawh le.." ti ta ngawt! Ka zui chhan tur ka hriatloh vangin ka melh reng ringawt a a nui hmel chu a dang ta riau in ka hre mai



"Aih...tun ah chuan khawi ah mah ka kal kawi theilo ka thianpa in min rawn lam dawn a"



"Lo lut rawh" a ti lehnghal hmuk,a nui tawh miahlo lehnghal



"Min hrethiam rawh vawiin chu hun ka nei lo" ka tih rual vel deuh thaw chuan a coat a zen a silai rawn phawrh in min tin ta mai! Ka hlau lutuk chu ka ding mar awt a ka thin a phu nghal dup dup



"Ilo lut dawn nge hetah hian ka tawp tir dawn che? I duh I thlang thei ang?"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2021, 2:19 pm

CHAPTER-22🌿 (Last)



★ Rinkima POV ★



"Glo ka lo thleng ania ilo la chhuak lo ami?" Gate bul ah bike nen ka din rualin ka call a ,ka kal hma khan lo awm tawh turin ka hrilh a a mi pawh in min hnial lo khan aw ati mai sia ka tlan rei ang reng nen mahse alo la awm miahlo




"Rin..Rinkim keimah in hotel ka pan mai..tah chuan awm rih ka duh zawk a..ka,ka tibuai lutuk che in ka hria,min ngaihtuah suh aw hotel atangin airport chu ka pan leh mai ang..anih phawt le"




Ka chhan leh hma in phone a off daih a,a che zia chu mak ka tih bak ah a tawng tawp lam ah khan a tah chhuak ni maiin ka hria a aw kha! Ka call nawn a a la tawh miahlo bawk...a man min rawn call a thil tha lo a thlen kan hlauh ve ve vangin in hruai kha kan tum ania tun ah a mah in hostel a pan leh daih a!




"Zir... Kendra biak pawh theih na tur lo ngaihtuah teh a phone number tal pawh neih dan lo ngaihtuah rawh.." ka rilru a awm hmasa ber chu ka ti a,Gloria in hotel a pan leh thut dan ah Kendra a hlau pawh ani mai thei ka biak angai in ka hria




"Nakin ah ka rawn hrilh fiah ang che tun ah chuan ka sawi ang hian ti phawt rawh" ka ti a aw min pawh rual in phone ka off a hostel kawt ah chuan ka ding khawmuang rih, Glo ka call reng bawk a a la miahlo lehnghal a hotel kal na ber pawh ka zawt hman ta lo kha ania hria ila chuan ka kal nghal thei mai tur




Darkar chanve a ka tling lo deuh ang tih ah chuan Ziri'n min rawn call a "Aw.. number chu I nei thei em?"



"Theilo...tumah han kawm anei silo a Glo tih loh chu,a number nei tur awm ka hre tawhlo" a rawn tih chuan ka thaw halh



"Ok..." Hriatchhuah ka neih vangin Tawi khawmuang leh tawhlo chuan Mr Thompson in lam ka pan a, Melissa biak theih na a chhungte ka dil anga Melissa hnen atangin Kendra number chu ka nei thei mai ang




Mr Thompson in ka thlen chuan a nupui in min lo chhawn a Melissa biak ka mamawh thu ka sawi chuan hospital ah a awm thu min hrilh a Melissa number dil in an in pawh chu ka chhuahsan lehnghal,kal pahi Melissa chu ka call a, Glo lhan a ngai na lo tih ka hria Kendra vang ringawt pawh in..ka bia tih hria se chuan a thinrim khawp ang,mahse a pawimawh lutuk tlat





"Dr Melissa ka nia tunge aw?" Zaidam zet hian ka call a lak rual chuan a rawn ti a




"Gloria thian ka nia,I chhungte in ah kan in hmuh tawh kha,min hre tawhlo zawk mai thei.. Kendra number ka mamawh a min pek theih chuan a lawm awm ngawt ang"




"Engatan nge I tih a? Gloria vang pawh in ka pek duh che I ring ami? " ngeiawm fahran hian a rawn nui nghal a,mipa chu nise ka hmuh rual velnin ka hnek chawrh duh ang




"Gloria thian ka nih na ang nilo in ka dil che anihchu, Kendra biak vat ka ngai" ka ti deuh hrawk,min pek mai a tum dawn lo tih chu ka hre tho na in biak loh chu duhthlan tur ka hre tlat lo, Kendra nen kan in kawm ngailo a thian pawh kan ni hek lo diktak chuan Gloria vang a hnaih ve ta fo ka ni mai zawk a chuti nilo phei se chuan ka ngaihven ngai hauhlo ang





"Pawi khawp mai midang hnen atangin hriat tum mai ta che, Gloria vangin Kendra biak I tum lo ang tih pawh ka hre hleinem tiraw" engmah sawi zui ka tum tawhlo phone chu ka dah a chak zet in ka tlan zel a, Kendra zawn ngaih na ka hrelo..hotel lah chu henglai hnai ah pawh a tam vangin Gloria han zawn risk tawp chu ni in ka hre silo





"Zir..." Ziri'n min rawn call leh vangin kawng sir rem lai ah chuan ka ding a,ka awmdan hi ka in hrethiam lo! Thil pawi engmah thleng silo in ka buai phili em em ringawt a!




"Kendra ka hmu a,kha kan thil ei na thin dawr bul mai ah khan...mahse an kal leh chiah a,hmalam pan zawng in,a pawimawh hmel sia ka rawn call che... Gloria a tha hrim hrim em?"




"Ka hrelo.." ti sup in ka off zui a kan thil ei na lampang ah chuan ka tlan lehnghal a,chhun lai tak vel chauh ala nih vangin a la zia hrim hrim,a let zawng a an kal anihloh chuan kan in tawk thei mai in ka ring,mahse mi en chian chu ka ngai dawn anih hi





Uluk leh zawi muang a tlan in ka motor tawh apiang chu chik takin ka en a,ka beidawn dawn lam ah ka hmu ta hlauh,an car hma ah tak chuan ka bike ka din tir a a thiante nge pawh ka hre lo an rawn chhuk a kawng dal lo turin min rawn hrilh




"Khawi ah nge Gloria?" Kendra rawn chhuak ve chiah chu ka pan pawk pawk a a kawr nghawng ah tham in ka melh nghal kar a, ngeiawm fahran a nui chung in ka kut chu a vai thla sawk bawk




"Engtin nge ka hriat ang? Ka ngaihven eih hleinem nang a thlang zawk che a I hre zawk fe ang chu..kan kawng dal lo hian kal sawn vat mai rawh" ati sam et a ka hnek chak takzet




"Gloria kal bo tur hi I phal tak tak em? I hmangaih em?" Ka zawh na vang chuan a nui suk a a kekawr ip te zen chungin luhlul hmel zet hian a thle deuh hâ a




"Chu thil ah chuan ilo buai ve angailo.."mipa ve ve kan ni a,ka mipat pui chu hriatthiam na chin ka nei ve bawk,a mitmeng atang chuan thup tam tak a nei ni hian ka hmu tlat!




"Gloria ka be tlang theilo,hotel ah ka kal atia chu bak ka be thei tawhlo zawng ang I puih kan ngai" car lam chu min pan san a hawi pawh rawn hawi tawh chuanglo in




"Engvang in nge ka puih ang che,ka venhim mamawh tawhlo in ani khan min hnar a lawm...a lak a ka tih tur engmah a awm lo"




"I hmangaih anihchuan I zawng hmu tur ani,hmun him ah I hruai ang,chu chu mipa in a hmangaih lak a a tih dan tur ani" ka vin ta mah mah " a nih loh leh I hmangaih lo anihchuan keiin ka hmangaih a ka zawn angai tih na anihchu...rawn beisei tawh Suh ang che"




"Khanglang a che...!" A rawn let rawk rawk a min rawn hnek nghal chawrh! Khawih let chu duh mahila in sual na hun a awm lo "Ka hmangaih midang in min tawm ve an tum vaih chuan chumi chu ka that Chiang ngawt ang" min hrilh lo mahse min vau tih ka hria




"Anihchuan zawng rawh" ka ti let leh sak a in seh ruh teuh chungin min melh ngawt ngawt a,a phone a ri a tunge rawn call pawh ka hrelo Melissa pawh ani mai thei...a biak lai chuan thinrim zet hian a ha chang a thial bap bap a




"A taksa ah I kut hnu ka hmuh vaih chuan hre rawh ka that Chiang viau ang che..." A au ta hrawk a,car hmalam chung chu a chum dawt dawt



"Police call rawh...khaw pawn factory hlui ah" hmanhmawh hmel zet hian a rawn ti thut a car ah lut in a mah chuan a khalh a a nau te pahnih chuan zui an tum na in a phal tlat lo, boruak chu enge anih hrelo mahila a chhe tial tial a hriat na ka nei tawh



_______________________________________

★ Gloria POV ★



"A rawn kal thuai ang" tunge a biak chu ka hrelo,min tanpui thei tu tur nise ka duh takzet,ka kut min phuar sak a ka tawng ve theih nan erawh ka hmui min tuam sak lo thing,hetia ka chung a an che hi ka hrethiam lo takzet ani Mr Thompson a lak ah hi chuan ka beisei lo hul hual




"A...na I nei em lo ang chu maw? Hetia kan tih luih che angai hi pawi ka ti khawp mai..mahse engtin mah kan ti dawnlo che ania...Evan alo kal anga nangchu him deuhin kan kal tir leh mai ang che" chhuat ah min thut sawp tir a ka bungrua pawh ka bul ah fel takin an hung bawk ka hma a chair ah chuan a thu a




"Kendra nen in zawm na kan nei tawhlo khawngaih in min kal tir rawh u,ka..ka pu a boral a zanin ah ka haw ngei ngei angai khawngaih in,I fanu vang a ti I nihchuan Kendra nen engmah in zawm na kan nei tawhlo Mr Thompson" ka khur deuh dat dat a,tu emaw tal in min pui se ka ti takzet




"Ka fanu vang a ti ka ni hleinem,heng thil hi chu Evan nen a kan in kar thil ani tumah an in rawlh ka duhlo bawk...amaherawh chu nang alo hmangaih tak ah che chuan I tel ve lo theilo a helai ah pawh hian nangmah vang a lo kal tur ani..he thil hi" a coat hnuai atang chuan eng emaw hi a rawn la chhuak a silai emaw a lak leh dawn ka ti hman tawh





"Evan nu thih na evidence pawimawh zawng zawng awm na ani a Evan chu nang leh he thil la let tur hian a rawn kal ngei ang...chutah chiah chuan kei hian hetah hian a nun na ka lo ti tawp ang" rapthlak khawp hian a mitmeng a danglam nghal vek a ka hlau takzet





"A sawi kha a dik ani maw! A nu in thah sak kha" ka ti chhuak thei tawk,engtin nge Chiang tak a thil hi ka ngaihtuah loh bik thin le.. Kendra pawhin min hrilh mawlh mawlh reng a ka tawrh pui thu bak in ka chhang duhlo anihkha,mahse hei a dik zia ka hmuh sak ta reng si





"Kan that hleinem amah in a zuangthla a lawm kha building atang khan...a thih hma a a thusawi ah khan kan hming a lan avangin Evan chuan kan thah emaw ati anihkha,kha hmeichhia a fapa nawm sak a Suh na vang a ataksa pawh hlan duh mai mai kha engvang in nge kan thah ngawt ang han ngaihtuah teh"





"An pawngsual a lawm!" Ka tum ai a ring in ka au nghek a min nuih liam mai mai thung,pawn lam ah thawm a awm rualin a ding hluai a a nau te ho chu kal turin thu a pe nghal bawk




"A lo thleng anihchu,I bialpa thi lai hmel hmuh I duhloh chuan ngawi rengin lo awm ang che...tih nat tel ve kher che ka duhlo ania Miss" ka sam ah chuan a rawn khawih a ka hawi sawn nghal hrawk "lo awm pui ang che" tiin a kal zui a




"Gloria...?!" Mr Thompson a min kalsan hnu lawk chuan Kendra ani ngei ang ka hming in ring takin min au a,a aw atang pawh in a thinrim zia ka hre thei, room lehlam ah an awm ani mahna a hnai a mahse engkim a in ping dang vek a kan in hmu theilo




"Kendra...hetah ka awm Ken..." Min awm pui tu chuan ka kâ a rawn hup thut a ka mengphawk hle bawk,ka tal ve vak vak a mahse a palian in tha a ngah lutuk a ka tal chhuak hneh lo,ka kut min phuar sak tlat vangin kut tello chuan a na thei tak tak bawk silo ka mangang takzet





"Zawngi leh...!" Ka kâ a hup na zung tang pakhat chu a rem lai takin ka seh vak a hmalam ah min nam bawk thlawp in ka seh na vang chuan thinrim eng phiar zet hian ka sam ah min tham lehnghal a na ka tih lutuk vangin ka rak tuarh bawk





"Zirtir na pek hlak I ngai dawn anih hi" ka sam a tham nghet sauh pah in min hnuk a a nat lutuk vang chuan tap zawih zawih chungin ka sam chu ka dawm ve bawk




"Zawng phiangsen ka that dawn Chiang che" Kendra a rawn tlan lut hlawl a,in sual ani tih a hmel hmai pem thi nuaih ah te chuan a hriat hliah hliah,a mitmeng sen ram chuan ka sam a min tham tupa chu a rawn melh a, Kendra lo lang ka thlamuan tawh dan chu ka sawi theilo zawk,ka tah a chhuak zual a ka thaw hlawp hlawp bawk chupa chuan min thlah chawrh in Kendra a pan a an in sual chu ani mai,a ri pawp pawp a en pawh ka en tha ngam tawhlo




"Lalpa khawngaih in tanpui hram teh" mit ka chhing a Kendra tan ka tawngtai ringawt, vawilehkhat ah a reh duak a lei a ka let reng lai min rawn khawih chu ka phu zawk a ka tal nghal chiam bawk,mahse kha misual kha nilo in Kendra ani tih ka hriat rual chuan ka tap vak vak a nghet takin ka kuah bawk





"Khawngaih takin min hruai haw rawh ka hlau lutuk!" ti chungin ka tap zawm zel a,in sum tum viau mahila ka thei ngang lo "Kha pa kha..." engtin nge a awm tih en tum in ka hawi dawn a ka biang tawn tawn ah chuan min vuan in amah chuan min en tlat




"En a ngailo... engkim a tha vek tep tawh ania" ka mit ah tak min en a,a hmel chu sawisak ve tho ani tih a hriat a nidang a hmel him pial nen chuan a in ang lo takzet,a hmai khawi lai mai pawh chu a thi seng sung a a pilh in a duk bawk





Ka kut in a hmai thi thenkhat chu tih reh sak ka tum a ka tuai a mahse na ati aniang engmah sawi chuanglo in a then sak a ka kut chu a khut khat a rawn vuan in ka kut phah chu a fawp vawng vawng a "ka tihpalh lutuk...ka..ka huat lutuk che avangin ka ring ngailo che a,ka tihpalh lutuk Kendra"





"Min hmangaih tho a lawm tiraw?" Harsa tih hmel zet hian anui suk a ka tah nuih ringawt "helai hi chhuahsan ang aw..." Tiin min kai tho a ka tum loh deuh a Kendra insual pui pa thi tawh tih hriat tak,a pum zawn a thil zum in a chhun tlang ka hmu chu ka phu zawk!




"Glo...min en teh" min kuai her pawp a ka sam chu hui kiang thuak thuak in ka chal ah a fawp vawng vawng phawt a " venhim che ka duh vang anih hi...I hrethiam tiraw? chhan tha tak vangin ka that anih saw" a mah ber pawh ka hlauh a hlau pawh ani ang ring tur a min duh hmel zet hian a ti nghal zung zung





"Kan la zo fel lo ania Evan" Mr Thompson pawh thi kai hnuang in a rawn lang a, Kendra'n a sawi sa ve pawh ani mahna amah veng tu pakhat nen silai in kan pahnih chuan min tin ran bawk a ka hlauh dan chu namen lo tak ani "I nu hnen ah I kal ahun viau tawh ani...nung dam a awm I duh chuan kha I thil lak kha min pe rawh"





"Engtik ah mah I hmu let tawhlo ang" Kendra chuan min rawn en a " I mit chhing tlat rawh..." Ti sup in ka mit ka chhin dawn chuan a jacket hnuai atangin silai a phawrh ka hmu hman,min kuah a hnung zawng in min tluk pui rual chuan silai a ri nghal pawp pawp a ka thi tawh emaw ka in ti hial zawk hei bak bak a thih na ko tlang a din hi a awm leh tawh kher in ka ring lo






Silai ri chu a khawk rum rum a ka beng ka hup tel tlat chung pawh in ring tak ani.. hetiang reng a Kendra tualthah hreh lo hi a mak kati,min venhim na chu ni mahse nakin ah jail atan phah dawn a chu chu ka duhlo,ka duhlo takzet ani





"Glo...kal ang kan chhuah fel hma chuan I mit meng Suh ang che..kan hmanhmawh a ngai ania" a che hrut a silai puak ri pawh a awm tawhlo a tho ani ngei ang min kai tho a men a phalloh vangin a mi hruai dan ang ang chuan ka kal tawp a ka in pal leh nawk thin





Kan chhuak tawh ni tur ah ka ngai a men ka tum chiah chu Kendra'n min nem pawp a sir lam ah ka tlu phei chawrh a silai ri in a zui bawk,ka meng lo thei tawhlo ka men rual a Kendra lei a thisen nen alo tlu ka hmu chu ka mang vek! Ka tawng dawn a ka tawng thei mai lo Kendra kah anih vang chuan ka taksa leh rilru a buai nghal vek





"Pawi ka ti lutuk Kendra..min bum kher lo la chuan tiang hi ka ti bik lo ang min ngaidam rawh" pawn lam atang chuan Melissa silai nen a rawn lut a a tap bawk, Kendra chu a tin reng a




"Min bum avangin ani pawh saw ka zuah dawn lo,ka hmangaih che a sin ngati nge min bum kual mai mai a? Min chhang rawh Kendra" a au chiam a Kendra a kah leh ka hlauh lutuk vangin ka bul hnai a in ven na tur ka hmuh chhun chu ka la lawk a




"Ka nun I ti chhia a ka hmangaih na pawh engmah lo ah nang hian I chan tir zo vek tawh! Ka pa min thah sak bawk a nangpawh thi ve rawh" hmanhmawh tak a tlan phei in,ka hmanraw ken chuan ka vaw nghal chawrh a,a tlu hlawm tawp chu thaw hlawp hlawp chungin ka en a




"Glo...I thil ken lai kha paih nghal rawh" Kendra chuan na tuar chungin thinrim hmel takin a ti a keipawh chuan ka paih vat bawk,ka thu hniam a Melissa kah na lai thi chhuak tlchu tih tawp sak tum in ka hip bawk a ka mittui ka dang seng thlawt lo




"Min kalsan suh aw khawngaih in,ka hmangaih che Kendra khawngaih in min kalsan suh" ka ti mawlh mawlh a ka kut mai chuan a thi chhuak chu ka ti tawp theilo



"Heta tang hian kal rawh,I kal vat angai" tiin min kal tir a tum a tap chung in ka lu ka thing nawk nawk



"Khawi ah mah ka kalsan dawn lo cje7, khawngaih in dam hram teh"



"Min ngaithla teh"



"Ai...ka ka dawn lo khawi ah mah ka kalsan dawn lo che "



"Min ngaithla rawh,hei hi la la.." a jacket ip te atang chuan bawm te tk hi a rawn phawrh chhuak a "police hnen ah pr ang che..ka nu dik na kan pho chhuah sak theih na tur rei tak ka zawn tawh kha anih hi"



"La rawh.. police hnen ah kal pui rawh..ka ti theilo a nang talin ka nu rorrel na dik hmuh tir la ka duh..I thei ang tih ka hria..tun ah hian kal vat rawh hun a awm tawhlo ania"



"Ai ka kalsan duhlo che,kan pahnih in kal zawk ang tho turin ka kalsan dawn lo che..I bul ah ka awm dawn ka thiam ang ang ka ti anga I dam angai I tello chuan ka awm theilo ang"



"Hun a awm tawhlo ka tih chu Gloria ka hliam hi en ta che rei ka dam dawn lo...kei leh ka nu tan min tih sak rawh" a vin hle a mahse a thi zawm ka tum lo ka kalsan anihchuan reilote ah na turlar zo lo in a thi mai dawn a sin!



"Ai...ka tan tirawh, khawngaih in"



"Ka theilo..."



"Awle... anihchuan factory atang a hla lo te ah car ka dah a chutah chuan hliam enkawl na tur a awm va la rawh"



"Hliam...hliam enkawl na..?"



"Aw ni e..va la rawh,car awm na a hla deuh a I hmanhmawh dawn nia..kal rawh le"



"Min lo nghak rawh aw ka lo kir leh vat ang,min lo nghak char char rawh aw"



"Aw...kal rawh ka lo nghak ang che" ka tho tur chu ka ban ah chelh in min pawt kun a duhthawh tak in min fawp tawn tawn a " ka hmangaih che tih hre reng rawh,,ka tan I nun na tluk a hlu a awm lo ania" a ti zawi sap a




"Keipawn ka hmangaih che...Min lo nghak rawh aw ka lo let leh nghal ang" ka tho a car awm na lam a sawi ah chuan ka tlan char char,ka hmanhmawh luat ah ka tlu leh chawrh thin,kan thil tawn zo zai avangin ka che pawh a khaw lo vek tawh!




"Aw...aw ta saw car" Kendra car anih ring in ka tlan phei a alo ni ngei bawk,ka hawng pawp a mahse hliam enkawl na Kendra sawi chu ka hmu mai lo ka rilrua hmanhmawh tawh bawk si ka zawn ber lah chu ka hmu mai bawk silo Kendra alo chau zual ang tih ka hlau bawk nen ka tap vak ringawt factory leh car awm na a in hlat tham bawk si ka mangang takzet tawh





Motor pakhat hi a rawn thleng nawlh a tanpui ngen pawh ka sawi theilo hliam enkawl na mawlh chu ka zawn hmuh vat angai "Gloria...khawi ah nge Kendra?" Rinkima leh Kendra nau te pahnih an lo ni




"Hliam a tuar,,ih min chhan a chuan Melissa khan a rawn kap a...a rawn kap" ka thil zawn lai pawh ka tawp chuanglo ka zawn chhunzawm reng tho,khawi lai pawh chu ka en kim vek tawh mahse Kendra sawi reng reng ka hmu lo



"A nihchuan hetah enge I tih?" Kendra nau pakhat zawk ka hmuh ngun zawk chuan a rawn ti tuarh a



"Khawi ah nge hliam enkawl na a awm? Kendra'n la tur in min tir a,khawi ah nge a awm ka hmanhmawh lutuk a lo chau hman ang,min nghak reng ania khawi ah nge a sawi vat rawh"



"Enga! Eng hliam enkawl na maw? Chutiang chu Kendra'n a kawl ngai lo!" Mak ati chu ka haw hluah hluah,ka hmanhmawh tawh tehreng nen mak ti a phar buai na chi anilo




"Lawk in...dawt a hrilh che ani maw! " a tih rual chuan factory lam ka hawi a " thil tha lo tak a thleng dawn! Hmanhmawh ang u.." factory lam pan kan tum lai tak chuan vawilehkhat ah factory chu a puak darh nghal vek! Mei nasa takin a alh nghal hluah hluahbawk!



"Nilo...! Kendra" tlan luih ka tum a Rinkima'n min lo man bet bawk " ka Kendra a awm sawtah sawn,min nghak reng ania min kal tir rawh" tiin ka tap chhuak nghal hawm hawm



"A kang nasa lutuk kal hnaih na chi anilo" tiin min hrilh a mahse kan kal angai



"Kendra'n min lo nghak reng a lawm,a tello chuan ka awm duhlo min thlah rawh"



"Bomb a awm tih a hriat vangin hmun hla tak ah a kal tir che anih hi" tih chu ka hriat hnuhnung ber ani ta! Ka nun chhan nan dawt min hrilh a engmah ngaihtuah chianglo in kei khan ka kalsan bawk engtik ah mah ka in thiam thei tawh ngailo ang!


_______________________________________


"Hi Gloria I tha maw?" Vawiin hi kan graduation day ani a, ka hlim rualin ka lungchhe bawk Kendra min kalsan atangin thla 6 lai aliam tawh,a boral na in ka nun a nghawng em em a midang zing ah ka awm ngailo a mahse California erawh thil thlen hnu atang pawh khan ka chhuahsan leh lo hrim hrim ka rilru ka siam a helai atang a ka graduate hun ah chauh kan ram ah ka kir ang ti in




Ka chhungten engkim an hriat a min chah haw an tum pawhin ka hnial tang tang bawk a Kendra awm loh na chu a tha lam zawng in hman ka tum tlat a,nun hlim lo tak chungin ka zir na puitlin turin ka bei rang tang bawk a Chuta kar ah nau thla 4 mi ka pai tih ka in hre leh bawk,khami ni ka nau pai ka hriat chhuah ni kha chuan chhun lo chat lo in ka tap a Kendra kha la dam in a fa ka pai thu te kha hre ve se a lawm dawn nen tilih ka ngaihtuah thar phei chuan ka la tap ziah thin ka ngai a,mipa dang reng reng hi ka melh thei tawhlo




Zir na lam ah ka tang sauh a, Katty leh Jona te pawh Mr Thompson an lo tanpui a lem chang a ka thian tha tak ang a an lo awm der thin vang khan vawikhatmah ka hmu nawn leh tawhlo,tun ah chuan Kendra nu pawh in rorel na dik a hmu tawh mi tam tak mittui ati tla a, Kendra nun thap na chuan ngaihsan a hlawh hle bawk a,ka naute pa chu mahni in ka lo chhuang ve em em thin bawk



"Ka tha a lawm.." theihtawp in hlim ka tum a college khawi lai mai pawh chuan ka tah an ti chhuak hi ani tawp mai,hawi vel ila Kendra sulhnu deuh vek a ni zel a ka tan chuan a lungchhiat thlak vek mai, ceremony a zawh vel ah hostel ah ka let a tah chuan ka mizo thiante ho nen ka room ah kan awm khawm a kan ram a kan haw hun ah pawh khaw in ang lo tak tak kan nih vangin in biak pawh zel tum ang tu tiin thu te kan rel khawm a,kar 3 hnu ah haw rual vek kan tum na in Aizawl a awm lo an tam zawk a kei,U Ziri, Rinkima leh Zualtea te bak Aizawl a cheng kan awm lo chuvang tak a in biak pawh zel rel pawh chu kan ni





Kar 3 a liam leh meuh chuan India pann tur thlawh na ah kan Chuang vang tawh,ka naute pai alian ve tawh bawk nen ka riltam deuh reng ma,, Kendra unaupa Ethan pawhin min rawn ngaihven ve reng bawk a Kendra khan a mah enkawl tu te hne a kir turin alo tih vang khan a lo bo ta vang vang kha alo nia..rai chung a thlawh na chuan ka hreh ang ai in ka ti thei phian bawk, Kendra ka tawn na hmun ka chhuahsan vang vang chu a chang chuan ka in thiam lo thin..mahse kei leh ka fa tan a tha tur pawh a ni mahna..ka naute hian a pa tal hmu ve hman se a tha tur hi a nia






India kan thlen pawhin zankhat bak kan chawl lo a tuk ah Mizoram kan pan lehnghal a,thiante ho nen kan in zui vek bawk nau ka pai tih an hriat vangin min duat em em a chuan ka sawi hmaih loh tur chu Zampuii leh Rinkima an in kawp tawh tih hi ka Lawmpui ve takzet Zampuii pawhin keimah min hrilh hmasa ber bawk






Mizoram kan hnaih tawh lam ah chuan ka tah a chhuak thar a Kendra tello a nun ka hmang tawh tur ka in ngaihtuah chian chuan ka rilru a na in kha thil thleng kha mumang mai nise ka ti thin, engvang in nge dawt kha min lo hrilh kher ni tih te ka ngaihtuah thin bomb kha a awm tih a hre reng a chuti chung chuan kei chauh min ngaihtuah a





"I awm rei anga I ngaih chu a zia hret hret mai ang,naute tha deuhin I nei anga a pa a an phei chuan maw lunglen I hre hman dawn hleinem" U Ziri chuan min kuah a ani hian Kendra ka ngaih zia chu a chiang zual ber ang,a mah ngaiin zan tin ka tap thin tih pawh a hria a theihtawp in min fuih bawk





Chawl lo a kan thlawh char char tak ah chuan Mizoram kan thleng ta! Mumang ang mai ani lengpui airport kawt ah ka chhungte ka hmu chiah chu midang awm ve te ngaihtuah lek lo in ka tap nghal hawm hawm a ka chhungte zing a Remsanga min lo hmuak ve ka hmuh phei chuan mak tak in Kendra min ti hrechhuak a ka tap nasa zual sauh bawk



IMG_20210315_162110.jpg


"I chhungte chuan kei leh ka fa chu min lo lawm em ang chu maw.." tih leh ka kut rawn chelh rual tu chu phawk lutuk in ka en a,ka mumang emaw ka ti hial Kendra a thlarau ni silo a tak ngei ani tih ka chain nan a nghet tak a min kai tu chu ka en mawl tawp




"Kendra..." Ka ti chhuak sap ringawt,ka ngaih luat ah ka suangtuah na ah ka cheng zawk te hi ani ka ring rum rum "engtin nge anih theih?" a ruang takngial pawh hmuh tur awm lo khawp in factory kha a kang chhe hneh ania tun ah nung dam in ka kiang ah a ding reng si




"Thawn thu sei tak ani.." a thaw zui hawk a,ka kawng ah rawn kuah in a rawn kun hniam deuh a "engpawh nise..min lo ngai tawh em?" a ti sup a,engmah ka sawi theilo ka hlim lutuk chu ka nuih sep ringawt,ka nun chu hlim na in a khat leh dawn tih hi ka chiang takzet tawh a chhan chu ka kiang a mipa ding hi khawvel a ka mipa hmangaih ber leh ka fa pa ani tlat ani






🌿 THE END 🌿





🌿 STORY min chhiar sak tu te chung ah ka lawm nawn awn awn aw, story ziah hi ka thiam lo a mahse ka tui ve tlat bawk sia😂engpawh nise ka lawm hi a ni deuh tawp mai ka hmangaih em em che u❤️

Chuan,chuan BEFORE YOU GO Story a lak lawh a ka kalsan tak kha THURSDAY zan atangin ka rawn dah zawm ang aw,kan kalsan rei tawh sia in duh chuan review te kha in lo nei dawn nia in theihnghilh then tawh ang😂in lo chang vek dawn nia...😘🌿

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)