BELONGS TO YOU By BEARR_CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

BELONGS TO YOU By BEARR_CHHAKCHHUAK (Completed)

Unread post by Ngaia » April 4th, 2021, 2:14 pm

#BELONGS_TO_YOU By #BEARR_CHHAKCHHUAK


_______________________________

🌿 Prologue 👇

"Ka thiante sawi ka lo awihlo kha tun ah,nilo a hma daih atang tawh khan ka in chhir tawh! Kha coffee no khat lek pawh kha lo dawm pui lo tawp tur che hi ka nia ka tisual takzet ani"

"Kendra...Evan, a tu a pawh chu lo ni la ka ngai pawimawh lo ,kan ram a ka kir dawn vang a he lai a i rawn in lan ve leh chauh pawh hi in thlahrun na chhete mah I neilo ami?"

"Neilo.."

"A tawk anihchu,nang nen a kan inkar pawh hi ka kham tawh lutuk" ka bag a ken lai chu ka chhuh sak pawp a "

"Khawi ah mah min kalsan thei chuanglo ang"

"Thei e,ka thei lutuk nangpawh in a I tih ang chiah khan,chuan maw nang lo mipa tha tam tak ka hmu ve tho"

"Kei lo mipa dang I nei ang maw?" bang tauh dawt khawp a na chuan min nem nghal pawp! a mitmeng a thip leh hlar tawh!

Ka mizo pui helai a lehkha zir a awm ve ho chu an rawn tlan khawm a,ka hma mipa ding erawh chuan tumah a ngaihsak eih lo

"Rinkim lo kal hnai suh" a lam ah chuan ka kut ka phar phei a

"An ni sawn an chhan theih che I beisei em ni?"

"Aw..chuan nang leh kei hi kan in then" ka tha chu khur ve der der mahsela ka hlauh zia ka ti lang duhlo

kan in zui nasat ve tawh avangin a zia a tam zawk chu ka hre chiang a ka hlauh na ka tih lan tam pauh leh a zau thau telh telh ang,chuan a tha pawh a chak sauh thin a kei leh midang tan chuan chu thil chu hlauhawm tak ani

"Man bet rawh u" a thuih hruai te ka ti mai,engtik lai pawhin a kiang ah an awm thin,ka ban tawn tawn chu min man beh sak a ka tal eih lo,a chhan pawh ka hneh dawnlo tih ka chian vang leh ka hma a mipa ding hian min tih nat tak tak ka rin loh vang ani

"Enge I ngaihtuah a sawng mihring ho hma ah sawn ka sawi sak ngam loh che I ring ami?" Ka nghawng chu a kut khat a rawn rek chawt in hnai tak ah hian min en a "ngaithla rawh,min kalsan I sawi leh anihchuan he I nghâwng tetakte hi he lai hmun ah hian ka ti tliak nghal ang,chu chu ka tih hreh ring bawk suh ang che"

g9ooyjxy.jpg

CHAPTER-1🌿




"Gloria,I va ngaihawm dawn tak! Min rawn be ziah ang che aw" lengpui airport kawt a kan din laiin ka best Rosangi chuan ati mawlh mawlh a,ka bul chiah ah ka bialpa Remsanga a ding ve bawk



Mi tawng tam leh ti ti bawrh bawrh chi anih loh avangin ka kal tur pawh min ui ru reng chung si chuan eng vak a sawi lo a mahse ka hlat ah a awm lo hrim hrim a



"Lo kal teh.." basketball khel thin tih tak ah a sang tha bawk ah a khabe pawh ka chen mang lo,a zak hnuai lam ah chuan ka ban rawlh phei in ka kuah ve chial a,kan nu leh pa te pawn kan inkawp hi min hriat pui vangin leh min pawn ve ve vangin zah ah pawh ka la tawhlo



"Hetah zir zawk mai la, American ho bul a zu chen ve kha ka ngaihtuah riau che ania" ati deuh hmuk a



"Hmm ati leh tan ta! nizan ah pawh kan sawi dun vek tawh kha.." ka tih chuan tum hmuk chungin a bu nghal zauh "min ring rawh khung lai a mi tumah I thin ti rim thei zawngin ka melh in ka be miahlo ang,nangmah chauh ka ngaihtuah che anga maw,a tha em?"



"Um I tih tlat chuan" min rawn kuah let ve nghal in ka lu ah chuan a rawn fawp zauh a " ka lo nghak reng dawn che nia..tha takin zu zir ang che" nghet lehzual a min kuah pahin atih chuan khi var var chungin ka bu ve nghat nghat



Ani pawh College la kal tur chu ania,mahse an chhungkaw chhiat tawh vangin engmah a zir thei talo khan a zir lo chhunzawm zel ta ani " kal rawh le..saw midang pawh an lut tan ania" ka pa in atih chuan thaw halh pahin Remsanga kut chu ka vuan a



"Min lo nghak reng rawh aw..." Ka tih chuan nui hmel min hmuh ve ta hram a a buk zeuh pahin kal turin min ti bawk,ka chhungte chu ka kuah diat diat a, California lam a awm tum ka nih avangin ka chhungte hmuh leh mai mai chu a harsa dawn tih ka hria,mahse ka hmalam hun atan thil tha ber ka duh ve tho bawk si a



"Mangtha vek u aw..." Ka in her a,a hma a ka phur ve tehreng nen tun ah chuan ka chhungril atangin ka tap tan,in chhung ah chuan lut in Remsanga leh ka chhungte ka hmuh theih chhung zawng chu back zawng in ka kal ngat ngat,an hmuh theih ta lo maw tih ah chuan ka mittui a rawn luang thla puar!



California kher a kal ka thlan chhan pawh Mizo lehkha zir an awm ve tho vang te leh ka ram kal chak na ber anih vang ani,zir na a tha ve tho a kan thenawm ami u ziri pawh chutah chuan a awm a lehkha zir ve tho in..a mah leh Mizo dang awm ten min lo buaipui theih dawn vang a kal hlau lo ka ni bawk



"Chak takin ka awm angai..Remsanga nen inthen. Miahlo a kan awm reng theih chuan engtik ah emaw kan la in nei ve anga chutiang hun ah chuan pasal te chawm bik nilo a hna nei nih ve angai" duhthusam melh melh pahin ka zinkawng thui tak chu ka zawh tan ta a.

________________________________________

★ California - Ontario ★



"Wow..!! Ka nu leh pa te lehkha lo zir sang leh hna tha an lo nei ve kha ka van lawm em..ni lo se chuan ka kal chak na ram ah ngei college pawh hi ka zawm thei awm silo a"



"Gloria..he lam ah" U ziri chuan a ban alo vai lauh lauh a,ka hai tep a dang tawh lutuk a..ban vai ve lauh lauh pahin ka pan phei nghal chawt a taxi la in a in luah na lam ah min kalpui nghal a



"Hostel chu ka lo be fel tawh a maw,tah chuan awm phawt mai la roommate pawh I nei sa ania..ka bul ah awm tir che ka duh viau na in kan in luah a te ve ang reng sia kan chep bawk nen ka in thlahrung deuh a"



"Um a pawilo reng reng,nakin ah in hlawh pah na tur a awm chuan ka in hlawh anga in luah tur chu ka hmu ve mai ang"



"Awle,min hrethiam aniang chu tiraw? Ka luah pui te ho hian keipawh luah man min chawi tlem tir bik bawk sia ka in thlahrung mawle,nilo se chu ka bul ah I awm thei mai tur ania"



"A ho lutuk,min ngaihtuah anihkha..ka upa tawh alawm ka awm thei lutuk ang..nu leh pa te kalsan meuhin helai ah ka rawn kal ania heng mai mai chu ka paltlang thei lutuk ringawt"



"Wow! Puitling tawh hle tak tak mai" atih chuan nui sak in motor tukverh ah chuan ka dak chhuak a,ka ram kal chak na ber a ka awm ta mai chu chhungril tak hian ka lawm bawk a ka khi var var reng mai



"kan thleng e..ka pu hetah hian aw" U ziri'n atih chuan keipawh ka hawi let vat a College building lian turu lutuk leh a kawt zau nawm hmel deuh a student ho tei vel ka hmuh chuan ka phur tawh takzet



"Hei kan college chu aw..mahse saw lam ah sawn kal phawt ang saw lam ah sawn in report phawt ila hostel chu Rinkima te nen kan kal dawn nia" atih chuan taxi tlan liam en pahin



"Tinge saw saw kan in nghah tir mai loh a?" Ka lo ti a



"Nia..mahse fare hi an ti sang uchuak thei lutuk q mi an nghah phei chuan maw..fare ngailo in Rinkima a awm a lawm kan in thlah tir dawn nia"



"E awle.." ka lo ti ve mai a,india ram hmun hrang hrang leh changkang tak tak ah te kal ve fo tawh mahila he ram hi chu ka ngai hlu bik riau bawk nen a dang zar mai chet vel pawh ka buai ve deuh



"Thiante u..?" U ziri chuan ka thawmhnaw bag pakhat zawk chu khai in keiin pakhat ka khai leh a a mi koh te lam a kan kal chuan ka mizo pui te an lo thu khawm dal a ka awm a nuam zual



"Hi... vawiin class I kal lo ngawt a professor in a hre thei teh ania aw I Mark a chhe viau tur ania" tiin an lo fiam zui nghal zat a



"Min star vang anihchu" U ziri pawhin ngam zet hian alo ti let ve bawk " e chuan hei kan nau thar aw..ka va hruai a Chuvang a lawm ka rawn kal loh Gloria hei lo hmelhriat rawh,hei hi muansanga ania,hei sawmtei,Dawngi,Rinkima,Zualtea,Kima,Hruaia chuan ka bul ber ami hi zampuii"



U ziri chuan min in hmelhriat tir diat diat a,helai ah an awm rei tawh ani chêk ang chu an hmel pawh a zo lo lek lek tawh an thawmhnaw te nen,a mawi lo ka tih na lampang nilo in kei a in chei nalh over into ve ai chuan an simple tho sia kei ai in an changkang in an mawi daih zawk



"Gloria lalruatsangi ka nia,ka hmu cheu a ka lawm" nui deuh var var pahin ka tih chuan an ni pawh in nui chungin min chibai a an fel hlawm tawp bawk,an bul a thu ve turin min tih chuan u ziri'n tih fel ngai kan neih thu hrilh in Rinkima a tih chu kan pahnih min kalpui ve turin a sawm a tichuan kan pathum in kan kal hrang ta a



"Gloria...ri ve bawrh bawrh rawh aw chuti lo chu nuam I ti lo ang,helai ah chuan a nasa apiang in nuam an ti ania I zah zum lutuk chuan min nuih za siam na ah I chang thuai mai ang" kal pahin atih chuan ka ding deuh chawt



"Hey,khatun lo sawi thaih vak zel suh aw a hlau ange,hawh Mate ka bul ah" ka ban ah chuan rawn kuah in min kalpui hlawk hlawk a Rinkima chuan ka bag a lian zawk chu khai in u Ziri'n pakhat a khai bawk,zawn pui a ka sawm pawn ngailo a ti deuh tlat



"Hlau reng reng suh a sawi thaih vel che anihkha" ka kal deuh chut chut tak ah chuan ka awm anuam lo tih a hria aniang, diktak chuan ka huai lo pawh anilo midang nen a buaina neih tih vel hi ka neih ngailoh vang te hian chutiang tawh chu ka hlau thin mi nen in ti buai pawh ni ila ka sa a pan ve bawk sia tumah pawh ka hneh ve lo ang tih tur ani chuvang chuan midang nen a in tihbuai ka duhlo bur! Helai ah phei chuan an hmeichhia te pawh an nu lian ang reng hlawm bawk sia



"Enteh u zir.." office pakhat chhung a kan luh hma deuhin student ni awm tak ho hian phul a mu mipa pakhat hi an lo din hual a kal pah chuan ka en zui reng



"En tawh suh,sawng mi Hausa fa in la sual khir khawn ho sawn an ngam zawng an tibuai veleh tawp tawh anih saw....mahni thawh chhuah pawh nilo in an han pawng paw chapo ve ngawt a! nidang ah pawh sawng ho saw chu ngaihsak duh suh tumah an dim lo ania hman ni ah pawh Rinkima te thian nen an in khusi buai tep a lawm tiraw Lalrin...?"



"Ni e... Jacob saw a lawm a chapo reuh lutuk a zir na lam ah nise a hnu fual tehreng nen a la chapo em em zui a! Hman ni khan guard chu lo kal lo se chu kan in sual hman ang" atih chuan ka lo nui tet tet "enge a ?" Ka dar ah chuan a rawn pen zeuh a



"Englo...I cho hmel ropui sia an ni saw a palian hlang lehnghal I hneh dawn ami tih ka lo ngaihtuah a" ka tih chuan lu thing chungin Jacob a rih te lam chu a thlir dauh dauh a



"I hmu lian mai mai anihchu ka chen loh na a tam vaklo ania,bak ah a thiante nen lo chuan engmah anilo insual pawh a thiam hleinem a thiante zar vek a lawm a intih huai ve theih chhan pawh"



"Um lut phawt ang u" U ziri chuan ati a ka bag te chu office pawn lam ah Rinkima chuan a lo veng a keini pahnih in teacher kan be thung, naktuk atang a class tan turin kan in tih fel hnu chuan kan hostel tur lam pan in kan chhuak phei a



"Chhar Suh" kan hma a mipa kal in a tarmit a thlauh vangin chhar sak ka tum chu u ziri'n a lo phal lo nasa mai! mahse ka chhar sak lui ta tho a ka va um deuh hnu ah ka va nang ching hram



"Hey,,I tarmit sawtah khan I thlauh a" rawn hawi pawh a rawn hawi duhlo,min hnungchhawn zawng in ding tlat mahse a kun ngul tih chu a awmdan ah ka hre thei a tarmit ka ken lai chu rawn hawi miahlo in a rawn ban a



"Kha le.." a rawn ban fuh Chuang silo tinge a rawn hawi mai loh le? A kut ah chuan ka lo hmeh bel sak a a kal nghal hlawk hlawk,keiin q chet dan chu mak ti deuhin ka thlir reng a..a palian bawk sia a huai awm nen tinge hlauh nei ang mai a tikhan a awm chuih le?



"Kendra hi chu a van khawngaih thlak tak,tum ve deuh se chuan Jacob kut pawh hi a tuar ziah lo ang mawle! Ka ding lam leh vei lam ah U ziri leh Rinkima an rawn ding ve nghal



"Kendra maw? " U ziri chu a lo bu deuh nghat nghat a " enteh a dawih hmel lutuk a tarmit a la tur te khan min hnungchhawn chungin a la mawle! A palian bawk sia a dawih hmel bawk si a in hmeh lo tawp a"



"Nia tiraw a pian hi chu a tha mahse a lak tlak loh em ani" Rinkima chuan lo ti zawm ve zat bawk a " in sual thiam leh Jacob te an zia pu atan hian ka it ania a chak hmel bawk si a pian leh hmel en hi chuan tuma cho loh val ni awm ania,.mahse e"



"A nep ani.." u ziri chuan a lo sawi khalh " a nep zia hi chu ka sawi peihlo zawk,a pian phung ang te sawn a zia te chu awm se tuman an ngam teuhlo,Jacob te ang sawmsarih pawh a darkar chanve chhungin a buai bo vek thei ang chu...mahse a zawr emai a thil tha hi lo hisap pui vak chi anilo"



"In ti khawngaih thlak e!" nui chung In ka tih chuan an ni pawh a nui hak hak a "in kawm ve daih lo ni a nangni chuan in ti duh dah ve awm silo a"



"Tumah a kawm duh hleinem,mahni a awm nuam ati zawk alawm heta a rawn luh tirh pawn kawm kan tum a kan be rawng zo lo,bak ah min tlan san zel a lawm,mahni a awm saw a inhmeh tawh zawk,tuman an ngaina lo,an duh hun hun ah an fiam a an ti duh dah a ngawi rengin a ni in alo tuar a a tawp ani tawp mai"



"Chutiang te chu teacher ten an hrem lo ami ati duh dah tu te chu?" Ka lo ti nghal vat,khawi ah pawh hian college emaw High school pawh nise hetiang a hmusit rawn hi chu an awm ve ziah mai ka lo khawngaih thin



"Hria e,a mah bawk a lawm a mah ber in mi khawih ka nilo ati zel sia teacher te tan hmalak ngawt theih ani bik hleinem" kal pahin Kendra chanchin ngawt chu kan sawi a



"A nu leh pa te...?"



"Nu leh pa a neih awm pawh ka hrelo, College function vel ah pawh ani chu a mah Chauhin a awm ka hmu thin nu leh pa te a nei tawhlo ani mai thei Lalrin I hre mial em?"



"Hre lo..ka ngaihven vaklo a nu leh pa te chu a nei ve bawk ang chu tiang College tha ah te a lut pha ania,an chhungkaw in kungkaih na a tha tawklo aniang"



"Ni ve tho mai,â nichin a ta tawh kan sawi ho lutuk Kendra ber kher lehnghal hostel ah chuan kal phawt ang u" U ziri bawk chuan ti in taxi kan la a kan chhuak nghal a hostel pawh chu college nen chuan alo in hlat vaklo, hostel nen a dawr in hnaih deuh te leh ka mamawh lam na tur awm ang chu u ziri'n tlan pahin min hrilh zel, hostel chu kan thleng phei nghal deuh mai a



Ka room tur thleng kan kal hnu ah an pahnih chuan min let san a,ka lung a rawn leng tan ta! Khum ah ka mu a ka roommate lah chuan ka lungleng chu min hriatthiam loh bak ah min be bawk silo a ka be hmasa ngam bik bawk silo, phone ah kan thlalak te ka en a Remsanga thlalak ka hmuh phei chuan ka lung a leng zual



Ka laptop la chhuak in ka chhungte ka video call a,kan inbiak chhung chuan ka lungleng pawh a reh hman..mahse inbiak reng theih bik ni hek lo kan in be zo ka lungleng a rawn in tan tha leh laptop atangin Remsanga ka bia a min chhang mai bawk silo nen ka mu leh tawp



"Kha in rawh,keipawh khatiang khan a lawm a tir ah chuan ka awm" ka roommate chuan a coke in lai ang chu bur khat min rawn pe ve mial a, nungchang tha pangngai leh zia tha uchuak chu anih hmel loh...thawmhnaw tawi tak,ka sawi awmzia chu kawr bah satliah leh kekawr bul zet a ha a a dum vek lehnghal a hmui hnawih te thleng in a dum vek



"Ka lawm e, Gloria ka nia Mizoram a tangin ka lo kal a" coke la pahin ka tih chuan a bu nghat a a ma lam han in sawi kual veleh pawh a tum tawh chiahlo aniang,bel a har dawn khawp mai "khawi atangin nge I lo kal ve? Nge hemi ram mi hi I ni sa zawk?"



"Nilo, Turkey atangin...ka hming Naom " atih chuan ka thin a phu nghal zawk, Turkish serial ka en nasat ho ka mitthla ah an rawn lang nghal zawt zawt,a nawm reuh dan hi..!



"Tak tak ami? In ram film hi ka en nasa asin a bik in Broken pieces kha" ka tih chuan a bu leh nghat ringawt,sual Chuang silo mahse kawm tlangnel har chi ni in ka hre mai Turkish serial ka en nasat nen an ram mi ngei pawh ka hrelo ania ka la en nasa tawklo aniang



"Zan rei ah chauh ka rawn haw dawn a chahbi spare hi kawl rawh,I mut duh pawn mu ka kawngka kalh theihnghilh Suh..keiin hei hi ka kawl anga" tiin chahbi spare Chu min pe a,chahbi pangngai a ni in a kawl thung,Naom chhuah hnu atang chuan ka mu leh chawt a ei in lam reng a lang lo a khat tawkin Remsanga min reply na hmuh beisei in laptop ka on chhen bawk,zan ah min rawn be ta hram!




"Hi..." Ka bialpa,ka duh leh ka hmangaih em em in min rawn video call ta chu lawm a vangin ka zuang tawr tawr lo chauh ani



"I tha em? I lungleng lo maw?" Ka kalsan meuh chuan ka that leh that loh te pawh min zawt ve ta alawm,min care viau e ti lo hian tiang lam te hi min zawt khat ve ania aw


"Um tha ani mai,ka lungleng lutuk ka ngai em em che a chu zawng chu,thil pawh ka la ei lo ka ngai lutuk cheu a" a nui ve sup a,mi bialpa te ang in zei ve lo mahsela a theihtawp chu a chhuah ve thin,keimah zawk hian ka nuihzat thin vangin min ngaihsak tha duh lo zawk tawh


"Ei tur zawng la,in ei puar rawh kan ram ai I rawn cher haw chuan a chi viau lo ang"


"Ui nang hi,awm bo san zeuh zeuh che ila a tha ang,I bul a ka awm lai a i sawi awmlo deuh deuh te I sawi tawh vel ania" kan fiam zui zeuh a,a ner nghal nang mai


"I ho emai...ei tur chu ngaihtuah la in ei puar rawh chu chu a pawimawh hmasa,keipawh ka thiante nen basketball lampang ah in hmuh khawm angai dawn a"


"Um anihchu,I hman vel ah min lo be leh rawh aw ka ngai che ania"

"Ok..chuan I dah hma in.."

"Hmm enge? Ka sawi dawnlo sawi hmasa rawh" ka ti ve zaih

"Nangman sawi la chuan ka sawi ang"

"Hmm..phakar e! a nih leh.. Hmeltha pa ka hmangaih che um"

"Awle,keipawn ka hmangaih che in enkawl tha la" tiin kan in biak na kan ti tawp a,ka pum rawn ri chu nui kurh kurh chungin ka dawm a,Ei tur lei tum in ka chhuak a duty in min la hau zui! Gate kalh a hun tep tawh vangin hmanhmawh turin min ti a keipawh ka kal vung khawp mai U ziri dawr min hrilh ah ngei khan ka kal a



"Oh ka tihpalh!" Dawr a ka lut tur chu mipa pakhat lo chhuak nen kan in su chawrh a keimah zawk ka pai let dawrh! "Ui..Kendra nangmah maw ka su na che em?"


"Na lo..." Min nel lo tih hriat tak hian ka kut chu a vai thla pawp a,a tarmit siam tha in a kun deuh ngul a,a kal chak khawp mai motor dum pakhat hian a lut a an tlan nghal nal nal


"Um,in ei puar phawt ang" tiin a chet dan mak ti bawk si chuan dawr ah ka lut a

______________________________________


"Vawiin ah khan tunge I sawisak kha? ngaihtuah let rawh Jacob"


"Tu maw? Vawiin ah te chuan mi tam tak ka sawi sa alawm,ve a che tunge I nih a ka kawng a ta kal kiang rawh u anihloh chuan nang pawh hi ka khawih ve mai ang che"


"Ruih chu nuam I ti hle mai maw? Chapo pa,pa thawh chhuah hmang a chapo satliah hian tupawh I ti na thei ah I ngai tiraw?"


"Tunge maw I nih chu le I hmel rawn lan ta che, dawihzep thawmhnaw takin thim zing ah I biru a maw "


"Boss engtin nge kan tih dawn?"

"A kut leh ke vaw tliak rawh u"

"Kendra! nang Boss maw? nilo engtin mah min ti Suh u Kendra min hnaih tawhlo turin hrilh rawh"

"Tu chu nge Kendra ni a I hriat? vawiin a I thil tih a vang khan heng I kut leh ke I hman tangkai tak te hi I chan dawn...vaw rawh u,a kut leh ke a tliah hma chuan vua ang che u"



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2021, 2:14 pm

CHAPTER-2🌿




"Oh! I lo haw hma lehsi ami?" Dorm ka thlen chuan Naom a lo awm khiau a a bag ah chuan zawn anei aniang a a hai vak vak a,a pawimawh hmel viau aniang bag pawh thinrim hai let ang mai ani "zawn I nei ami?" dam dap hian ka ti leh a



"Card ilo hmu em?" A bag mawlh chu a hai kual a keimah pawh min melh eih chuanglo,ka hmuh loh thu a ka chhan vangin a ngawi leh mai a min be chhunzawm tawhlo,eng card nge pawh hre chuanglo in ka zawn pui ve hmiah a



"A pawimawh viau aniang maw" couch hnuai bih pah a ka tih lai chuan dawhkan chu a ri pawp a ka hawi rang hle,Naom chu rilru hah hmel deuh hian alo kun lap a a lehkhabu chhah zet in dawhkan kha a vaw pawp ni tur ani



"A pawimawh lutuk,a pawimawh takzet ka tan chuan ka nun na tluk vel ani" beidawn hmel zet hian ati a,han tih ngaih na bik vak ka hre bawk silo Naom lah a zawn hmuh lawk loh vangin a mangang thinrim tan tawh bawk si



"Enteh,han zawng tha leh deuh ila kan hmu mai ang lungngai suh pawn lam a a awm te anihloh chuan kan hmu vat mai ang" ka ti ve bawk a awmzia a nei vak chuanglo



"Zanin a ka hmuh ngei ngei angai" tiin ka hnem ve na te pawh hria ang a awm chuanglo in a a zawng chhunzawm leh mawlh mawlh a keipawh ka thil lei ei hman lek lo in ka zawng buai veleh,rei tawk tak kan zawn hnu chuan



"Ka hmu e..." A rawn ti hlawl a khum hnuai a ka vah luh lai tak ani bawk nen ka tal chhuak mai theilo lehnghal khum hnuai atang chuan ka lo lawm pui ve em em a ka tal chhuah meuh chuan a lo awm tawhlo!



"In nel chu a har dawn hle mai" ti sap in ka ei tur lei chu ka thet a, diktak chuan riltam chung chung pawhin ka ei hmasak ai ka zawn pui ve ania a hmuh pawhin ka lawm pui ve nen lawmthu te pawh tlem tal in sawi ve awm ka ngei tep ani



"Ha! Eng pawh ni rawh se roommate bak kan ni Chuang hleinem college ah te chuan u ziri te nen kan in zui thei a biak nel vak bik angailo kan in huat loh chuan a tawk mai" tiin ka ei tur chu ka ei mawlh mawlh a ei kham ah naktuk atan a in buatsaih lawk in ka hak tur te ka khai chhuak sa thlap a Remsanga nen in be leh phawt in ka mu ve chauh





"Class I kal dawn lo ami?" Ka meng diar diar in a Naom sam kir buk chhup ka hmu thut chu ka phu lutuk a ka thin hi a tek chhawk hman in ka hria! nizan te kha chuan a sam a ngil sia min ti hlau hman tak tak



"Ka tum ai in ka mutui " tih leh thawh kan ka rual a towel la lawk in bathroom ah ka tlan lut nghal,ka chhuah leh chuan Naom chuan cigarette a lo zu khu hlarh hlarh a mak ka ti lem chuanglo,ka sam ka hru mawlh mawlh lai chu cigarette zu pah chuan min lo en reng



"Englo I card kha eng atan nge I hman a?" Min en reng bawk sia thawm hnaw ka la in bel fum fe lo bawk nen ka hmeichhiat pui pawh ni mahse ka zak deuh tlat



"Party nan,kha Card hmang kha chuan engpawh a thlawn vek a lawm..mipa chen in" atih chuan ka lo um aw liam mai mai a,a hma ka rin ang vel deuh kha ani hmeichhe nuntluang tak chu ani bik tawp lo mai



"Ka rual in I chhuak dawn nge?" A bag chu a la a,lu lo thing vut vut pahin


"Muang chang in ka lo kal mai ang" ka tih chuan aw pawh ti tawh lem lo in a chhuak nal nal a,min ngaihsak lo tawp chu ani bik lo mahse nel a har



Class kal tur a ka in peih vek hnu chuan dining hall a thil ei mai tawh turin ka chhuak ve nghal a,kal pahin u ziri ka call a ala pick theilo zui mahni in hostel atang chuan taxi in college ka pan a



Traffic jam a kan din lai chuan ka thut na lam footpath ah Kendra a rawn kal phei bauh bauh chu ka hmu a,tinge mihring dawihzep lutuk ang maiin. A awm tlat ka hrethiam lo! A kun ngul zel a a palian bawk si a a che vel chu a inhmeh lo hliah hliah



"Kendra..hi" taxi atang chuan ka vai lauh lauh a,thian siam thiam chu nilo mahila hetiang em em a awm te hi chu ka khawngaih thin tlat a kawm tlangnel hi ka duh thin



"Lo kal rawh, hawh lo Chuang ve daih rawh kan kal rual dawn nia ke chuan a la hla ania" a ding eih lo a kal tlang hmiah hmiah! Min hlau zawk a maw tih mai tur ani,chhuah a va koh leh ka tum lai chuan mipa pahnih an rawn lang thut a ka kawngka hawn tum mek chu an rawn tlawh pawp!



Ka hlauh zia chu sawi in a siak lo ngawi rengin ka en ringawt,a rawn tlawh tu zawk chuan min en char char hnu in a bul ami chu eng emaw hi a hrilh a " Hey,sawpa saw zui suh, anihloh chuan I ke in I kal leh tawh ngailo ang" a thusawi te chuan ka hmulthi a ti ding ur ur mai!



"I hria maw?" Taxi chung chu an chum deuh pawp pawp a,taxi driver chuan a taxi chu dim turin alo hau ve bawk,an pahnih chuan Kendra kal na hnu ah pawh chuan kal in Kendra chu an zui ru ni awm tak ani



"A tha ang chu maw?" Ka thin zawn dawm pah in ka ti a,driver chuan tlangval awm tha duhlo ho an nih thu te mi lo hrilh mawlh mawlh a,mahse Kendra kha keichuan ka ngaihtuah daih! Khang mi te khan an zui ru anga nimin a mi in an lo sawp ang khan an sawp ve ka hlau



"Ka pu tlan vat vat teh a,ka thianpa kha ka ngaihven a ngai a" ka tih chuan signal light pawh a green ve chiah bawk a a tlan nghal vat bawk a kawng ah chuan Kendra hmuh beisei deuhin ka sak chhuak a mahse college kan thlen thlengin ka hmu lo



"Glo...helam ah " u ziri te ho chuan min lo hui lauh lauh a Kendra ka hmuh tak miau loh vangin an lam pan chuan ka kal phei a "I va tlai ve?"


"Nia traffic a jam rei reuh lutuk a,tak a Kendra alo thleng tawh em?" Ka tih chuan nui sak chungin Kendra awm na lampang chu an kawk a


"Hey I lo star ange aw,mihring chut lutuk ngaihzawn chu a rapthlak ania keipawn ka ngaizawng tawh kan college ami tho hi,awi rapthlak engtin khan nge ka lo nih pui theih ka hrelo!"


"A hunlai te kha chuan I duh vei huam huam em kha aw" midang chuan an lo fiam zui luai luai a, keiin Kendra ngawt ka mitmei thung,a tawp ah chuan College building a a lut tur ka va hmu a va um pawh ka tum chuanglo a that hmel em vangin ka en liam leh tawp



U ziri te nen ka class tur kan pan lai chuan student dang hi chu an lo pung khawm teuh a,ka class luh na tur dal zawng kher a awm an nih vangin enge an awm khawm chhan tih hriat tumin mi kar ah chuan kan in zep ve hlawm a



"Sawi rawh,tunge nizan ah ilo pun ve khanglang a nep a? " mipa pahnih hian Kendra chu a dar ah an lo nem sawk sawk a,tham lo zet a an tih dan vel ah chuan Kendra chu a ngawi reng a engmah a sawi ve eih lo!



"Beng ngawng pa,min chhang ta che I hlau lehsi ami a?" A bag ah lai leh a tarmit vuah lai chu dim lo deuh hian an lak thlak sak a,a tarmit chu chhuat ah paih in an la rah keh sak zui an va sual ber tak!



"Hawh Glo...kal daih ang u tiang buaina ah chuan in lan tam ve loh a tha zawk " u ziri te ho chuan kalsawn an rawt a,u ziri ban ah chuan khauh zeuh pahin zawi te hian



"Nizan ah Kendra saw dawr ah ka hmu a lawm,chuan motor pakhat ah a Chuang a an tlan daih" ka tih chuan u ziri chu anui ringawt a



"Um,sawi Chuang Suh an buaina pawh kan hriat chuangloh hi sawi mahla an awih teuhlo mai, Kendra ber lah sawn I thusawi pawh kha a tawm pui duh chuanglo ang che"



"Mak e...tinge a dawih em em le mahni dik na te chu sawi chhuah ve ngam tur a lawm a atthlak emai" tiin kan kalsawn deuh a,an buai tawlh tawlh dawn emaw ka tih lai takin professor a lo kal hlauh an vai chuan a hnawt darh vek a Kendra leh a mah ti duh dah zet tu te pahnih chu teacher te room a kal turin a hrilh a keini ho chu class a lut turin min ti thung




Professor in class a lak chhung zawng chuan Kendra te chu an rawn lang miahlo,class zawh vel ah u ziri te ho fin ve tum a ka kal laiin a rawn kal phei nen kan in tawk hlauh a be mahila min chhan tum na a neilo tih a hriat sa reng vangin biak pawh ka tum em em Chuang lo a zawn ma thlen in chik deuh tak hian ka en a,a mah chuan melh khat te pawhin min melh lo





"Min lo hrethiam lawk,nichin an buaina kha in hre ve em?" Kendra ka kal pelh tawh fe hnu ah student dang lo awm te chu ka zawt ve thawr a



"Hre chiang chiahlo,mahse kha Samuel te thianpa Jacob kha nizan ah mi in an lo sawi sa chiam a a ban leh ke a tliak an tia...thi chhawng in an lo dah ani awm e a dam chhungin a kal theih tawh hmel loh an tia"



"Chuan chu chu Kendra kha an puh tihna ami? Ka van hrethiam lo ve" ka tih chuan an ni pawh bang bo hmel takin a awm a



"Chutiang deuh chu aniang Samuel khan a zawh dan atangin, mahse Kendra ber kher chu ka ringlo a dawih zia pawh mi zawng zawng in kan hria a" an tih chuan keipawh ka lo bu ve lauh lauh



"Glo..khawi ah nge I kal nghal daih a kan rawn zawng che a lawm lo kal rawh thil ei turin kal lawk ang u,tukin chu engmah ka ei lo a ka tam chhawk tep" u Ziri bawk in atih chuan ka mi biak te kalsan in thil ei tur chuan kan kal a keipawh chu ka riltam vei nen Kendra vangin engmah tun thlengin ka eilo!



College bul lawk a burger dawr ah chuan kal an tih tlat vangin kan lut a,midang in ei tur an order lai chuan washroom ah kal in ka chhuak leh lam chuan hmanhmawh deuh a Kendra dawr chhuahsan lai ka va hmu,sawtah nichin lawk a ka kal pelh avangin heta ka hmu leh mai chu mak ka ti ang reng viau



"Kendra kha in lo hmu em?" A chhuak lai kha" ka tih chuan an lo ' e ' dual hlawm a


"Nang hi a zûn ah ilo uai hman ami a? Awi rapthlak e duh reng reng suh aw" an vai chuan min fiam luih luih a nuam pawh ka tih loh phah vek


"Ka tih chhan chu nichin lawk ah College ah khan ka hmu sia hetah ka hmu leh thut a mak ka tia lawm" ka tih pawhin an mi chhaih an chawl chuanglo



Ka awm ti nuamlo thak khawp a min chhaih hnu ah kan chhuak ve hram,midang kar ah chuan ngawi rengin ka kal ve hnak hnak a " ri ve bawrh bawrh rawh ka tihkha,nuamlo I tih vang khan kan ngaihsak chiam dawnlo che ania" Rinkima chuan min rawn kuah nghal pawp



"Enge Kendra min dem reng anihkha ka awm a nuam lo zo vek a lawm" tum bar a ka tih chuan nui chungin min kuah nghet sauh a " a mah kha ka khawngaih vang a lawm ka ngaihven a"



"Um kan hria a lawm,an chhaih ve mai mai che anihkha" tiin muangchang chuan min kalpui a,ka rin ai in a fel phian,midang U Ziri takngial pawhin min ngaihven tak loh avangin Rinkima ka bel chawt a,a chang phei chuan ka bialpa Remsanga biak in ka lo be thut zel!







"Gloria..zanin dar 9 ah freshers party kan neih dawn kha aw kan rawn lam dawn che mi? Nge nangmah in ilo kal dawn?" Hostel lam pan a ka kal tur chu U Ziri te thian ho in min rawn au leh a



"Min lo lam mai ru" tiin taxi ah chuan ka Chuang zui a, dorm thlen vat vat ka chak tawh Rinkima ka kawm rei lutuk vangin Remsanga ka ngaih phah vek,an tawngkam a in ang dun si



"Hi...I haw hma bik ami?" Naom khum ah chuan mu an awm vangin ka be ve ngei a,nel har viau mahse ka pa polite na hmun leh hun min zirtir tawh te chu ka theihnghilh lo a ka chhawn chho ve zel tho



"Ka va inbual ange" min chhan siloh vangin bathroom ah inbual turin ka lut nghal a,ka inbual chhung chuan eng emaw tak hian mi mawlh tlat anihchu! rilru nuam lo deuh a ka chhuah hnu chuan Naom khum a lo mu chu a mah anilo tih ka va hmu thut ka rak thawt lehnghal



"I van bengchheng ve a" tiin negro pa lian zet hi a rawn tho tuah tuah a,ka tha alo khur hmanhmawh! Thawmhnaw ka la in bel bawk silo khum ah chuan Naom a lo mu tel velo lehnghal,ka rilru ah in pawngsual na kaih hnawih a rawn lang nghal zut zut



"Engtin mah min ti suh aw" a rawn din chhuah rualin ka lo ti nghal tawp,chuvel ah kawngka lam panin ka tlan phei nghal a towel bak in bel ka neilo tih ka hria mahse ka him a pawimawh ber rih



"Aw Lalpa! "Kawngka ka thleng chiah,tu emaw in alo hawng bawk si,intauh in ka thal tawp! Ka hai chhawlh lehnghal in chung lam chu che lo in ka melh reng ringawt a chutah negro pa chu rawn ding in min rawn melh chhuk run mai!



"I tha em? I rawn kal tih ka hrelo a" chupa hlau zet a ka en lai chuan Naom a rawn lang ve nghal bawk,chu a zawng ai chuan ka towel hi a te si ka lang vek!



"Ka zak lutuk" ka taksa zawng zawng chu a sa chhuak vek a sai sir in ka mu tawm nghal tawp,ka zah dan chu pui tak ani ka underpant nen zawng zawng a lan kha ka zak lutuk ka thi dawn hial in ka hria!



"Khatiang te chu kan hmu ngun lutuk" chu negro pa chuan a la rawn ti zui! Ka dar ah rawn khawih in a kawr a bat a a chhuak nghal bawk,a thusawi te khan ka awm atih nawm phah eih lo



"I hnar athi anihkha" Naom chuan min kai tho in a khum lam ah min kai phei a ka hnar thi min hruk sak mai chuan tang tung leh la zak deuh si in a mah chu ka en a


"Keini ho nun dan te chu I hre lawm ni? Khatiang a lan te kha chu ngahmah kan ngai hleinem tang tung tawh suh" atih pawhin ka zak zual tawlh tawlh zawk


"I...I bialpa ami?" Ka tih chuan a bu zeuh a "hetah hian kal an phal ami? Naom in..in pahnih khan"


"Kan mu dun thin a lawm,ka bialpa anih piah lam ah sumdawng hausa deuh fapa ania ka college fee leh thil dang tam tak ka hmuh theih na awlsam ania" ati awlsam et chu mak ka lo ti viau


"Hawh in hlawh na tur zawng zawk ila, hetia sum I lak luh chuan a dik lo,nilo a tha lo e ka ti hna zawng ila keipawn ka mamawh ve tho a lawm,bak ah I bialpa nen hian in in kawp reng awm silo a chumi hun ah chuan engtin nge i awm ang?"



"Midang ka zawng leh mai ang,nang bialpa I nei em?" La pua dang lak pahin atih chuan ka lo bu nghauh nghauh a "I hmangaih hle ang tiraw?" A tih leh pawhin ka lo bu zel a


"Keichuan ka hmangaih hleinem,kan in an loh na lai ka sawi zuai anihchu ani lo pawh hi duh hun a pan mai tur chu ka nei sa reng a lawm"


"Naom,nangmah ka ngaihtuah vang che ania lehkha tha takin I zir theihloh phah anga nakin ah I hmalam hun in ala tuar dawn a sin" ka tih chuan thinrim ang deuh hian a ngawi ta hmak a

IMG_20210125_211641.jpg
IMG_20210125_211641.jpg (89.66 KiB) Viewed 4251 times

________________________________________

★ Kendra POV ★



"Hetah hian rawn kal fo suh u" naupang ngaih a min la ngai tu chu rum leh hriam hrak hian ka ti a,ka ngaina lo tih hi vawi engzat nge ka lan tir tawh! Ka huat zia pawh a hria a engvang a min rawn tlawh fo nge anih hrep!



"Zah takin min be rawh Evan" atih vel ah chuan a hma ah tak ka whiskey ûm ken lai chu ka paih keh chuaih a " Evan! tha takin awm rawh..anihloh chuan jail ah ka thawn vang vang ang che"



"Jail a? I ti dawn lo tih ka hria..a chhan chu jail ka luh rual rualin nangpawh I rawn lut dawn tih I chian vang ani,Evan naupang chaklo biak tum a rawn kal fo hi bansan rawh..kha naupang khawlai a vak vai tur a I hnutchhiah kha a thi tawh"



"Ngawi hmak rawh,eng ang pawn in lak hran tum mahla ka thuhnuai ah ila awm reng tih hre rawh,midang hmang a nun I hman kual chungchang hi ka sawi chhuah vaih chuan I ngaih ang ai a hreawm I hmachhawn ang"



"Ka hlau tur ah I ngai ami?" Ka pan phei pawk pawk a a mah veng tu pakhat chu a kawr ah tham in ka kuai thli zui a chhuat ah chuan ka hnek chilh hmiah hmiah,nikhaw hrelo a a awm hma chuan ka hnek ngar ngar



"Evan duhtawk nghal rawh I that dawn ania" a aw a tang a zam na ka hriat rual chuan ka tawp hmak,ka tho chhuah pah chuan cho zet hian a mit ah tak ka en a


"I hlau anihkha,a dik em? Nang hian min hlau..ka hlauhawm zia I hria a I tan ka tangkai dawn tih I hriat avang a min rawn pan I ni tih ka hai I ring ami? Teuhlo tun ah chuan chhungkua ka duh duh a ka kaih hruai theih ka nei tawh nang mihring phiangsen hi ka mamawh eih lo che" Ka nam nghal dawrh "engtik ah emaw chuan nangpawh hi ka la dah tha ang che.." ka jacket la turin ka khum lam ka pan a



"Hetah hian I cheng reng theilo ang,heng in te lutuk leh ramsa te pawh an chen peihloh na hmun ah hian rei tak I awm thei dawnlo,I biruk na hmun hi nakin lawk ah chuan an la rawn hrechhuak dawn Evan"



"Ka pawi sa lo..."



"Pawi sa lo mahla police ten a n ngaihven reng che,an la man thuai dawn che Evan"



"Chutih hun ah chuan ka that hman tawh ang che" ka chhuah pahin ka nek sawk a, hmanhmawh takin ka kal chhuak nghal bawk,ka thinrim em vangin tum lam em em pawh neilo chuan ka kal hmawk hmawk a


"Kendra..!" Ka rilru a fim meuh chuan college hostel bul hnaih ah ka lo awm der tawh! Min au tu lah chu ka hriat ngai mi anihloh vangin ka jacket hnuai atang chuan ka lemchan na pakhat,ka tarmit chu ka la chhuak a



Hetia lemchan reng pawh hi ka hne tawh takzet ani,mi kut ka tawrh te kha tum nei nilo ila chuan khatih rual rual khan an ka that nghal vek tawh thin ang! "Khawi ah nge I kal dawn a?" Kha nu bawk kha! Khawi ah emaw kal tum ni awm takin thawmhnaw tle zet a ha bawk



"Ah.. tihpalh I tawng tlem viau ami a? Enteh Keichu ka sual velo ania,thian nih I duh em? College ah te kan inkawm thin anga" chu hnam dang nu chuan min nel hmel zet hian ati a,ka chhang eih lo..a chhan chu heng thil te hi ka tan an tangkai ve loh vang ani



"Kha..." A kut a coffee cup pakhat zawk chu la turin min rawn ken hnaih a " kha..thian nih I duhloh pawn khaw vawt ka lo tih reh sak ang che in in lum rawh" ka duhlo emaw ka tih laiin coffee cup chu ka lo dawm reng tawh!



"Mahni chauh a awm chawt ai chuan thian kawm anuam zawk ania" coffee ka lak sak chu a lawm hmel em vangin kei mood tha lo sa bawk chuan hla deuh tak ah chuan ka paih sak nghal nawlh "Kendra..!"



Ka chet dan vang chuan mak ti leh lawm lo hmel tak hian min en a,ngatan mah ka tilo tumah hian min ngaina ve ngailo se ka duh midang ka ngaina ngailo ang chiah hian

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2021, 2:15 pm

CHAPTER-3🌿



"I duhloh chuan min pek let leh mai tur che a lawm" tiin a in her pawp a min biak leh tum tawhlo tih hriat takin hostel lam pan chuan a kal nghal vang vang


"Hey...I duh chuan va chhar leh mai ta che" ti a ka auh chuan dar kan zuk pah a rawn hawi in ngawi reng chuan min en vang vang a


"College ah pawh khatiang khan awm ta che,mi tih duh dah I tuar lo deuh ang chu" ka zawh na chhan na nilo leh min hmusit ang mai a a tawng vang chuan ka in hum ruh nghal tung,va pan a va sawisak nek ka tum a



A thiante ni awm tak an rawn lan tak vangin ka tum thulh leh chuan chulai hmun atang chuan ka in thiar fihlim nghal vat a,midang bul a awm te leh an tan a tangkai tak a awm te hi ka thei ve lo,midang bul ah chuan hreawm ka ti a mahni a ka awm hian midang chuan khawhar leh hreawm ti tur ah min ngai thin,mahse an ngai diklo



"Jacob leh a chhungten I lak ah thubuai an theh lut ania..boss engtin nge I tih dawn? Kendra ang a lem I chan reng chuan an man thuai zawk ang che"


"Hospital a kan kal angai anih chu" tiin chak takin ka nau te pahnih William leh Damon nen chuan hospital lam kan pan nghal a


"Kendra ang chuan a chhung ah ka lut theilo tih in hria,in hna tan rawh u" ka tih vel ah car atang a chhuak in hospital staff thawmhnaw hmanrua a kan hman thin chu la in kan in bel sawk sawk a Will zawk chu dam lo na tak ang a chang in hospital ah chuan kan lut a



"Ngati I duhloh chuan min pek leh mai loh,ka pawisa neih ang ang in anihkha coffee kha kao leo sak che..tinge midang I pek leh daih a?" Chutia kan kal tlang pawp pawp tawh hnu a kan kawi dawn lai tak chuan nichin lawk a ka thil tawn ang chiah kha ka va hmu a ka ding deuh chawt



"Boss I tha em?" Damon min rawn khawih chuan lu thing nawk in kan tum lam pan chuan ka kal leh nghal hmawk hmawk,mahse khami te ka hmuh atang khan khanu coffee min pek tum kha ka ngaihtuah ta reng ringawt! "at thlak hian.." ka ti chhuak hrawk ringawt a ka nau te chuan ka awm dan chu mak an tih hmel ngang mai



"Min ngaihven Suh u in hna chauh ngaihtuah rawh u" tiin nurse lo kal chu ka kawh hmuh pah bawk a, Damon chuan Jacob hmela room awm na zawt in an in hrilh fel hnu chuan ka nau te pahnih chu in thlak fel in kei erawh in surgical mask chauh nilo in doctor thuam nen lam ka la in bel reng tho



"Heta hi..." Damon an atih rual deuh thaw chuan kawngka chu ka hawng nghal pawp a,mahse ka tum ang in a chet theih dawn hauhlo,hmela chu a mah chauh a awm anihloh vangin ka kut chu hnunglam a dah in ka nau te pahnih chu pawn lam a awm turin ka signal zeuh a



"Doctor..kan fapa hi a va dam har ve le! " Hmeichhia zawk chuan khum a mu mek kut a dawm pahin atih chuan mask chhan atangin ka khi sak



"Tupawh ni se ka fapa khawih tu chu him in ka chhuah miahlo ang, police hnen ah ka report anga jail ah ka thawn dawn ani" thinrim tak a ti tu chu khawih nek ka chak takzet a ruk a in hum ruh in ka melh nghal ran a



Hmela chu an thut chilh tlat avangin pawn lam ah an kalsan hun nghak turin ka chhuak a leh ta ngawt a,ka tum ang a ka khawih nghal theilo pawh chu ka thinrim hlur ringawt, doctor tak tak ka nih miau loh vang leh midang hriatchhuah ka nih loh nan tiin ka nau te nen chuan car a nghak zawk turin kan in zui a kan chhuak tep tawh tih in



"Doctor, doctor!! Ka thiannu hian a ke a ti ulh a khawngaih in lo en mai midang kan pan hman tawhlo" khanu bawk kha! engtin nge hetah a rawn in lan leh hman! "Doctor khawngaih in lo buaipui hram teh" ka ban ah chuan min vuan chawt a ka nau te pahnih lah chuan kei ai ai in tih ngaihna an la hrelo leh chhawng



"Doctor dang pan mai rawh" a kut chu vai thla pawp pahin kal ka tum a,angai te ah bawk mi rawn vuan leh! Ka thin in a tuar lo tep tawh ani



"Doctor I nihkha,hna pawimawh I nei anihloh chuan min buaipui sak hram rawh a na ati tawh bawk sia" ka ban ah chuan min chelh tlat a,ngen ngawl tak a min dil chu a hma daih tawh a tu emaw hnen a ka tih dan ang chiah ani tih min ngaihtuah chhuah tir



"Pawm rawh" Will chu ka melh a ngawi rengin a pawm ve mai bawk, doctor tak ka nihloh vangin doctor dang hmuh a ka awm chu thil tih chi anihloh vangin chumu hnen ah chuan a din na ngai a lo ding reng turin ka hrilh a mahse a luhlul a chhuah ve khanglang!



"Hetah I din loh chuan I thiannu hi ka enkawl lo ang" ka tih tak ah chuan hah hmel tak a thawk la hawk hawk chungin a din na ngai ah chuan a ding ta reng a ,ka nau te pahnih nen chuan tum na bik em em pawh neilo in kan lut leh ta ringawt


___________________________________________

★ Gloria POV ★



"Eng ang doctor nge anih ngai le? Khatiang khan biak nuam lo tak leh min vau ti tih in a awm ania, doctor pawh a ang lo" ka hah lutuk vang a ka thin zawn dawm pahin U Ziri an kalpui mek chu ka thlir reng a



"Gloria..Ziri chu enge a an a? In chanchin ka rawn hria a ka rawn kal ve nghal" Rinkima pawh hah hmel tak in a rawn tlan thleng ve chiah a,a pheikhawk bun sang lutuk in taxi kan chan chhungin a lo in rap ulh hman hnawh thu ka hrilh a



"Doctor,U Ziri chu a tha em? " Doctor pa chu dress dang daih nen a rawn chhuak a,mask erawh a la rawn vuah tho mahse ka azawh na zawh kha a hrelo nge ni min kal pel hmiah a,chu doctor pa chet dan chu mak tih hian a sawifiah thiamlo



"Kha chu, Kendra Ava ang ve" Rinkima'n kawk deuh pahin alo tih chuan,mak ti viau e ti lo in a ban bul ah chuan ka beng deuh pawp a "enge a?"



"Engtin nge Kendra anih theih ang? Kendra zia leh kha doctor pa zia kha chu dang tak ani..a mah khan u Ziri a buaipui a mahse a lo chhuahsan daih bawk sia" ka tih tak ah chuan thil fel lo a awm hlau in kan in melh zawk zawk a kan tlan lut nghal



Party na a kal tur e ti lo chuan kan buai ta phian mai, u Ziri ang lo takin high heels ka bun velo hlauh a ka vannei ani..bun ve phei ila chuan a 5u a mah hospital a in hruai tur kan awm lo ang,ka hmangaih pa in Mizoram atangin high heels bun a rawn phallo vang vang a a thu chu awihlo ila chuan kan buai khawp ang



* NEXT MORNING *



"I thiannu ke chu enge a an? " Coffee nen zingkar a ka bialpa biak vel chu nuam tak ani,mahse a tan erawh a nuam chiahlo mai thei helam leh Mizoram te chu kan ni hman a in ang tawh tlat silo a



"Um a zia a tia nichin a ka va call chuan...party na ah pawh kan kal ta chuanglo,kan haw pui a kal leh a peih awm tawhlo kan tia kan haw tlang ve nghal daih a"



"A that chu,a him zawk daih a lawm" ka awm bo san atangin a tawng duh riau tawh mai,chuan Remsanga hi nimin ka thil tawn engmah ka hrilh lo, hrilh ve hrim hrim ka duh thin na in ka zak tlat thin,Noam leh a bialpa hmuh a lang huau a ka tluk chungchang vel kha



"Nia...oh " ka sana chu en in ka thing thawt a "in siam ka ngai tawh,hma deuh hlek a thlen ve ka duh tawh a" ka tih lai takin Noam chu ka bul ah a rawn ding a laptop a ka bialpa chu rawn en ve in Remsanga pawhin run zet hian a en ve reng bawk



"I bialpa em ni?" atih chuan ka bu nghauh a " a hmelthat hi..mahse tlem in Chinese a ang" tiin a kalsawn lehnghal daih a,ka nui ringawt Remsanga lah chuan Chinese ang tih a duhlo nge tha deuh a in thlah hma in a off daih!



Muangchang tawhlo in bathroom ah ka lut a,ka inbual zo thil ei buai leh vel chuan ka tlai leh hman ang tih turin sana alo kal leh duak duak tawh! Ka sam ka hru ro sawk sawk a lotion takngial pawh in hnawih lo in ka thawmhnaw ka ha a ka hmai erawh cream ka hnawih ve hman hram



"Tinge I hmanhmawh thar thut a?" Ka phar kual hmanhmawh vel lutuk chu Naom chuan a khum a mu der der chungin min lo ti a


"Um nia..kal hma ve deuh hlek ka duh tawh a" ka tih chuan a mu lai rawn thu tho in


"I bialpa vang anihkha" a rawn ti kher anihchu! Remsanga nen te chuan hman lai in kan in bia a hun pawh a la thawl tha,ka inbual rei em vang zawk ani


"Teuhlo, a mah vang anilo ka inbual rei lutuk anih hi" tiin ka bialpa chu ka chhan ve zaih,ani te chuan inbiak pawh ka hunawl fe lo ah chuan min tihbuai a hlauh vangin a duhlo ania khatia rawn puh teh thlawt kha ka lo ngei pui


"Ka kal ania.." kawngka chu ka khar deuh chawrh " mood a chhe vek tep a lawm! " ti a phun nuah nuah chungin taxi ah chuan ka lut a,ka bialpa a puh na vang a ka lo thinrim ve hlur chu ka nuih te a za leh hnuhnawh vel,kawng lak ah thil ka ei leh hnuhnawh


"Hey.. morning helam ah aw" Rinkima'n min hui vat a an lam a ka kal phei lai chuan tu emaw hian min rawn su pawp! Ka vir nawk hian ka in hria "I na em..hey fimkhur ta che u..zia lo ve" Rinkima a chuan a kut min rawn pe in min kai tho a



"Ka kawng ka herh in ka hria" tiin ka zut ka zut a,min rawn su tu te pawh ka hre tawh chuanglo ngaihdam pawh min dil lo in an kal liam ngawt a an polite lo khawp mai



"Na viau em?" Midang ho pawh an rawn kal phei a min lo thinrim pui ve hlawm khawp mai, college ania mi pawh tam viau mahila a hnu leh ah pawh kan in hrechhuak thut thei tih te an hre velo amaw ni



"Na vak tawhlo" tiin class lam ah kan kal a,nimin ang tho in Kendra pawh tlar hnuhnung leh a kil ber ah in thlahrun hmel zet in alo thu leh khiau tawh,biak ka tum hran tawhlo nizan a min tih dan reuh kha ka ngei



Ka ngaihtuah na hria a lawm lo ni awm takin a rawn hawi a,a tho thut a class chu a chhuahsan nal nal class lak a hun ti tih tawh ania "Min lo pui lawk thei em?" A hamsa lam a ka thut vangin student pakhat chuan paper pawm teuh chungin arawn ti a



"Awle..ka lo keng then dawn ami?" tiin a paper pawm chu ka ken then sak a class chhuahsan a a dah na hmun tur a sawi thleng kan kal hnu chuan let leh mai ka tum a mahse chu room thil an dah nual na chu eng emaw ti tak a mak ka tih deuh vangin in chung leh bang kil te thil in khuh deuh te chu chik deuhin ka en a


"Thil hlui ngaina chi ami I nih a?" Ka kal pui nu chuan arawn ti a


"Ngaina em em chuanglo, room hi eng emaw ti deuhin a danglam ka ti riau a"


"Keipawh ka nia lawm heta ka luh hmasak ber chuan eng emaw hian mit a la riau a ka hre bik chuanglo ka chhuahsan lawk thei hleinem,sawng hlum a siam thil lem te sawn an dangdai bawk sia"


"Um nia an mawi reuh tawp,a siam tu te chu an thiam in an kut hnu a mawi khawp mai"


"Hemi kan college a tang a graduate tawh te siam ania..teacher ten an ngai hlu a ti hian an la dah reng anih hi..eng emaw ni khua ah an la chhuak thin..ila awm dawn nge kan kal rual dawn?"



"Kan en zuai zuai lawk ka rawn kal ve nghal ang" ka tih vangin min kal chhuahsan a,thil dang in hung te ka en kual mai mai lai chuan eng emaw hi a rawn ri rawk a kawngka lam ka en chuan alo in khar phui khup!



"Nilo..nilo! Hawng ru ka awm ania" kawngka chu ka beng dawt dawt a ka thawm hria an awm lo aniang tuman an rawn hawng mai lo " awm in awm hnai em?"



"Class an nei mek ang" chu aw vang chuan ka taksa a che nghal dawt,ka hmuk thi a rawn ding nghal sung mai! Mit lehlam chhing chungin lehlam chuan ka en a Kendra lek chu lo ni in



"Hetah enge I tih? Kawngka hi nangma khar tir ami? anih chuan hawn tir leh vat rawh" a tawp lam chu ka vin lek lek,bak ah hetah a mah nen chauh a tan dun vel chu ka duh teuhlo!



"Ka nilo,,heta awm hi chu nuam ka ti" tiin a kal daih a kan tang ro ro tiin a hnung ah ka zui ve ringawt,mi te sawi dan ka hre nual tawh a hetia mahni a hmun reh tak a awm chu nuam ati zawk reng ang chu tumah a ngaina ve hleinem



"Tinge thian neih I duhloh a? " A thut kun reng na bul ah chuan ka va ding a "thian te kawm ve la tun ang hi I ni lo ang,nangmah venghim a I kiang a awm reng tur I mamawh anihkha..mi kut tawrh reng kha hreawm I ti lo ami?"



"Aih..." Tih Chauhin min chhang a biak leh a chakawm lo hliah hliah,thu tha sawipui a harsa takzet a tan a tha tur takngial pawh a ngaithla duhlo



"Awle..ka khawngaih che vang ania ka sawi mai mai,thian I mamawh chuan kei leh ka thiante kan awm reng ania tuman kan ti na velo ang che" min chhang chuanglo! a bul ah chuan ka zuk thu ve a a tawlh hla sawt



"Min hlau suh.. keichuan hetiang lutuk a I awm hi ka lo khawngaih che a chuvang ania kawm nel hram hram che ka tum ni,midang mamawh lo a i inhriat pawh khan a tak tak ah chuan I mamawh lutuk ania..I in hrethiam lo anihkha"



"Enteh Kendra"


"Tumah ka ngaina lo" a rawn ti nghal hmuk


" Awle.." ka thaw deuh hak a,thawh kan pahin " ka ti lui miahlo che ania,I thinlung kha midang tan hawng ve chhin la,thian leh thil dang pawimawh zia I hrethiam mai ang"



Kal kalsan tur chu ka ban ah rawn man chawt in a bul a thu ve rih tur chuan min ti ta hram,ngawi rengin ka thu thla leh mai a ka bag ka lo ak hlauh chu ka bag ka dap nghal rawk rawk..kang lak a ka thil ei pah a ka lei chocolate tlawm hnih chu ka phawrh chhuak a



"Kha ei ve rawh.."


"Aih.."


"A tui ania...heng te te pawh hi thian siam na vek ania" nui pah a ka tih chuan ka lam pawh rawn melh tha mang lo in a la mai a



Ka kheh a ka keih chiah tihin kawngka an rawn hawng lehsi a ka tho nghal zawt,Kendra pawh ngaihtuah leh tawh lem hlei lo in ka tlan nghal nal nal,kawngka ah chuan Rinkima a te leh nichin a ka kalpui nu kha an lo awm hlawm a



"Kan rawn zawng che I tha em?"


"Um tha e ka hlau deuh a,mahse kan tha e"


"Kan a? awm ve dang an awm ami?"


"Um Kendra pawh a awm ve alawm" tiin kan pahnih a thut na lam ah ka kalpui a mahse Kendra chu alo awm tawh miahlo!


"Khawi ah nge? a awm ve I ti sia" kan thut na lai ah chuan ka chocolate pek kha alo awm a ka chhar lai chuan Rinkima'n min lo la hauh thut zui


"Kendra hi I vei emai a ngaih na awm lo,I duh chuan kan tih pui ang che" tiin min fiam leh sup sup tawh!


"A awm chiang sia khawi ah nge a kal hman le?" Tiin ka hawi kual vel a room zau tak anilo a tukverh emaw kawngka ah bak sawn chhuah na dang a awm lo,mahse engtin nge a bo daih theih?


"Ramhuai anihchu...a inhmeh lo hran chuanglo Ghost Kendra..." midang chuan an lo ti leh hmanhmawh tawh!


"In sual thiam lutuk,tha tak a in kawm ve duhloh vang anihkha hetiang a a awm tlat ni.. khatiang khan chhaih zel lo ula a tlangnel ve mai ang"



Ka hmelhriat ve lem loh te pawh ka hau ve hmiah,an vai chuan ka kalsan daih a nileng in Kendra chu ka hmu leh tawhlo,class ban ah U Ziri tlawh in kan kal a tukin a dam a in tih tehreng nen a ke chu alo vung leh tan tawh...rei mawi tawk vel kan awm hnu chuan kan haw san leh a



"Thlah I ngai em?" Rinkima chuan a rawn ti a,mahse zampuii chu a bike ah a lawn nghal thak vangin aw pawh ka ti duh ta lo a mahni in ka haw ta hnak hnak,khua athim tan a mahse taxi lak nan a hnai tho bawk sia muangchang in ka kal a

IMG_20210127_221207.jpg
IMG_20210127_221207.jpg (11.86 KiB) Viewed 3797 times


"Kendra..?" Ka tlan phei nghal dawt dawt a car a lut tur chu ka va nang ching hman hram,a bul mai a ding te pahnih chu ka hmuh hnu an ang ka ti riau kan College ami an ang ka ti dawn nge khawi ah emaw ka hmu tawh ani



"Enge I duh?" Vawiin ang lo takin a awm leh hmuk tawh!



"Engmah sawilo a I kal bo daih avangin in tur min lei thei" ka ti ve hmiah,ti ti pui ka duh vang lek ani.. vawiin khan engtin nge a bo daih theih tih te zawh ka duh



"Awle.." ka rinloh deuhin in tur lei chu alo duh awlsam et a nihchu...kan in tawh na piah lawk a coffee shop ah chuan kan plin zui phei a a bul a mi te rawh an kal ta daih thung



"Vawiin khan.. Engtin nge I bo daih theih a?"


"Thuruk ania" tiin a rawn nui ve suk


"Ahh! I nui ve nia!" Ka nuih let vak vak a college ang lo deuhin a tum hmuk tawhlo a nui ve zel "tiang khan nui ziah rawh I hmeltha bawk si mi pawhin an nel vat mai ang che"


"Awle.."


"Anih I tet lai in hetiang hian ami I awm? tun ang reng hian ami I in lak hran reng zel a " ka thusawi tin ah chuan a ka fiam zel a a ni pawhin nui chungin min chhang ve zel


"Ni bik lo e...ka tet lai chuan thian ka ngah alawm" ati ve mai a


"Coffee hi I paih daih tawh em lo ang chu tiraw?" Kan coffee tur an rawn dah lai chuan nizan a thil tih chu fiam nan tak ka hmang a


"Paih tawhlo ang.. coffee ka in leh hmasak na ber tur ani"


"Kan pahnih tan chuan coffee kan in dun hmasak na ber aniang a chuan I student pui te zing ah pawh q hmasa ber ka ni em?"


"Aw..a hmasa ber I ni"


"A ban nuam em! Kendra nen coffee kan in dun tih mi ten an awih theih pawh ka ringlo.. evidence tur ka mamawh " ka phone chu ak phawrh a thla ka la nghal vat a ka en chian nak chuan a kut in a hnar leh hmui a lo hliah hmanhmawh!



"Van sual tak! Pawilo mai ti hian kan kawl tha ve reng reng ange" tiin ka phone chu ka ak tha leh thlap a, coffee in zo a mahni haw na lam tur ve ve kan pan emaw ka tih laiin ka hnung ah min lo la zui reng



"I him tih ka hriat angai..chuti lo chuan buaina I tawh hun ah min mawh puh palh ang.. College qng buaina pawn lam ah lehzel neih ka duh biklo" atih chuan ka nui hawk



"Ka bialpa ang chiah I ni..tawng duh sawt lutuk mai" tiin ka lo la fiam hlak zui a,a la lai em em lehnghal,kan hostel pan a kan kal dun chu a man sawi tur a van em vangin ka nuih vak vak zel khua athim tawh vangin vei vak an tlem tawh sawt bawk a in thlahrun vak angailo kawngpui ah pawh



"Hey thiannu,thianpa pawisa in nei mial lo maw?" Kawng lak ah chuan sap tlangval rual chak hmel zet zet chuan min lo ti ding a


"Aih nei miahlo,hawh Kendra kal ang" a ban ah chuan ka kai a,a zia ka hriat chian vangin keimah zawk in huaisen ka chhuah angai ani


"Kal mai lo e,pawisa I neihloh chuan nangmah hi I ni mai" tiin ka kawng ah chuan hnunglam atangin an rawn kuah thut a,min kuah na kut a suih nghal tlat vangin ka tal chhuak theilo lehnghal


"Kendra..." a ding khawng reng chu midang awm hek lo le ka au ve ngawt


"Khawngaih in thlah rawh u,min kal tir ru" ka ban ah chuan min dawm in min pawt ve tlat a mahse awmzia a awmlo


"Nang ve mai mai hi kalsawn teh" an rawn tlawh thal tawp a, theihtawp in tang mahila hnunglam atang a beih ka nih vangin chet lak ngaihna ka hrelo ka tal vak vak ringawt Kendra chu an chhuih deuh hrep a



"Aih ka duhlo min thlah rawh hmeichhe pa..." Min pawm kang nawlh in Kendra hlat ah chuan min kalsawn pui daih a ka tap vak vak tawh,min pawn bet tlat tu leh a thian te chuan min hruai hla tial tial a ka hlauh na pawh an pung tial tial



"Aih! Ka duhlo..." Kawngpui sir a phul ah chuan min bawh bet in ka ban leh ke te chu min dawm beh sak tlat a,khawvel a ka neih hlu ber chan mai tur a ka in ngaihtuah chuan ka na in hreawm ka ti takzet



"Kalsan rawh u" an tho nghal dual a kawngpui ah chuan mipa pakhat lo ding in lukhum a khum a,mask a vuah bawk min dawm tu awm ta lo chu ka tawlh hla rang ngei mai,engmah pawh sawi miahlo in an in sual ta chiam! An in sual ka en that ngam loh vangin phul ah chuan ka bawk thlawp



"Nula..." Ka hawi chhuak ngam tawhlo,mahse ka ban ah chuan rawn vuan in min pawt ding a " I him tawh" tih te hi a sawi leh a a hmel pawh ka hmu fiah manglo ka mit te hi mittui in a khat vek



"Min pawngsual tawh dawn emaw ka tia" khawlai ah chuan ka tap vak a,nula a pum pa a tah belh theih ngei mai tun zet chu...zan pawh ka dawn tawhlo a kawr ah te chuan ka tham a ka hlau bawk si nen kuah vak mai te ka duh2 rum rum tawh



"Hostel thleng ka hruai ang che" atih chuan Kendra ka rilru ah a rawn lang thut


"Ka..ka thianpa Kendra kha..sawtah khan"


"Ka tha...ka sawi awmzia chu a tha" tiin ka bag ah sawi bawih chu min siam that sak in hostel lam pan chuan min hruai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2021, 2:15 pm

CHAPTER-4🌿




"Min lo puih vangin ka lawm lutuk aw" ka la in hnit hlap hlap reng a,chupa chu a tawng miahlo hostel gate kan thlen chuan ka ban ah vuan in keiin a mah chu ka en a



"Ka pui che tih hi tuma hnen ah I sawi tur anilo,I sawi chhuak anihchuan ka chhan chhuah ang chiah che hian nichin ai a hreawm kha I tawng ang" min chhan tu chu a ni meuh mai,mahse a tawngkam chu a thlamuan thlak loh takzet!



"An mahni ang tho kha I ni maw?" Ka kut a chelh lai chu ka phuh thla pawp a ka tawlh hnung nghal hrut hrut bawk,min nuih zat tih hriat tak hian amit a zim nghal san a



"Tlan rawh..." atih rual chuan chak zet in hostel building lam pan chuan ka tlan lut a,ka him tih ka hriat chian hma chu hawi let ka tum lo bur



"Tinge a?" Naom lo kal lam nen kan in su chawrh a a mah chu ka kuah nghal tawp "um tu che an awm ami?" a tih pawhin ka chhang theilo,ka kâ ka an hlek pawhin ka tap dawn zel



"Lut phawt teh ang" ti in min kuah a kan dorm lam ah chuan kan kal chho a, room kan thlen hma chuan hmalam bak ka melh ngam lo a Naom pawh nghet uchuak in ka kuah tlat



"Min hrilh teh,um tu che an awm ami?" Tui min pek pahin ka bul ah bawk chuan a rawn thu ve a


"Tlangval rual in min tihbuai an tum a chuan "


"Chuan enge?" A lehpek hriat chak hmel deuhin atih chuan ka tawp chawt,min chhan tupa Khan engmah sawilo turin min ti



"Ka rawn tlan chhia..." A khum a tang a tho in ka khum ah ka in sawn phei a ka mu nghal daih,ka awm pawh anuam tawhlo ka in khuh vek a ka hlauh a reh phah lo,Remsanga be dawn ila kan hun hman a in an loh vangin ka in thlahrung ve deuh bawk si



"Khawngaih takin Lalpa min venghim la,tui takin ka mut theih nan ka hlauh na te min lak kian sak hram ang che..I fapa Isua Krista hming in ka dil a che" chutiang chuan vawi tam ka tawngtai a



A chang chuan naktuk a haw daih mai te ka rilruk rum rum thin..zanlai a pelh fel tawh pawhin ka la meng kar a puan erawh chuan ka in khuh reng tho..khaw vawh lai nilo phei se chuan ka thlan huh vek tawh ang



"Babe..Thawm dim deuh la" Naom tawng ka hriat chuan a bialpa a rawn hruai lut tih ka hre mai " ouch..! dim suh" Naom nuam ti thawm ka hre zui chiah chu ka phu nghal zawk! thawh a room atang a tlan chhuah na chi ani tawh silo Naom te pahnih lah chuan thawm an chhuah reng bawk si!



"Duhtawk hram teh u!" tiin mahni hriat tawk vel chuan ka phun mawlh mawlh,ka beng ka hup a awmzia a awm loh vangin lukham ten ka in hup bet thil,kan khum a in hlat vaklo bawk nen room a lian vak bawk silo a a ngai ngai in an thawm ka hria ani ringawt!







"Ka mit ka men leh meuh chuan ka puan sin var sar chu a lo eng tlang deuh a khua avar tawh ani ngei ang,nizan khan engtin nge ka muthilh ve tak mai pawh ka hrelo ka beng ka hup chhan na lukham pawh a ngai ngai in ka beng zawn ah a la awm,puan kar atang a ka bih dek dek chuan Naom khum chu alo ruak vek tawh a




"A haw ta aniang a" tiin muangchang in ka tho a ka mu tha lo bawk nen ka lu a rit khawp mai,ka tho chhuak in Naom lo tei lauh lauh ka hmuh chuan ka meng phar nghal kawk " enge I hak kha?"



"Enge a?" A mah chu a in en a engmah pawi a hmulo aniang kei chuan sawtiang a a awm saw hmuh hreawm ka ti, hmeichhia ve ve pawh ni mahila a nuam lo ka tan



"Thawmhnaw pangngai deuh in bel teh,kan pahnih Chauhin awm mahila a nuam lo ania " kawr tawi te ha in a hnuai ah underpants bak a ha lo anihchu!



"Eh! aw ni tak,ka inbual zo chiah a..in ram ah tiang hian in awm ve ngailo ami?" a rawn tih chuan rang deuhin ka lo bu vat " in va ti mak ve! in ram ah chuan ka awm peih dawnloh tawp chu" a ti teh daih



"Kan ram nawm zia chu a!" Ka ti leh kher inbual turin ka luh san a,nizan a bialpa nen a an awmdan ka inbual pah a ka ngaihtuah chhuak thut te chu ka zak leh tawp zel keimah in



"Thil ei dun ila,kan kal rual dawn nia" ka lehkhabu bag a ka khung mawlh mawlh laiin a rawn tih chuan ka lo aw ve mai a,ka in ak fel chiah tihin ka hmui ah lipstick min rawn hnawih thut



"Che suh a pherh phah zawk ang" ka duh ang tak a ka hmai ka hnawih tawh vangin lipstick vang a pherh buaipui leh ka peihlo chuan ka dawh ve hmiah,min van hnawih rei tak!



"Awi tiang te chuan ka chhuak ngam teuhlo!" Ka âng hlawi hlawi a, darthlalang tê ah chuan ka ka hmui chu rapthlak ti zet in ka en ngar ngar "a reh thei thaklo lehnghal!"



"Nuai nuai duh suh,a tha chi ania a reh har viau ang" a la ti zui! Loh theihloh chuan hmui sen tai hlar chungin kan in zui chhuak a,kal pahin ka hmui chu ka tuai lui reng tho taxi ah pawh ka la nuai reng,College thlen hma tal pawh tlem a a sen hi a reh hman tak in



"Tah sawn.." kawng lak ah chuan chhuk in dawr ah chuan kan lut a,ka mi hmuh hmasak ber chuan nizan a min rawn chhan tu kha a an em vangin ka kal zel thei tawhlo ka ding nghal tawp "tinge a?"



"He..hetah chuan ei lo ang" Naom chu ka pawt nghal ngawng ngawng



"Hetah lo chuan college ah ani tawh mai" tiin heta ei ngei ngei a duh hmel sia kei ka lut zel ngam tawh silo ka sawi chhuak thiang bawk silo a van hreawm tak



"Enge I hriat a? " Ka pawt reng chu a ning aniang,vin deuh tak hian a ti a midang ho pawh chu an rawn hawi nghal thap a khapa pawh kha a bang bik lo,a kut in a hmui vel chu a hliah tlat a mahse min rawn hmu chu mak a ti nge a ding thut a kan lam a rawn pan nghal hlawk hlawk



"Ka duhlo..." Ka back dawt dawt a dawr kawt ah chuan ka ding khawng tawp,chupa chuan rawn chhuah pahin min melh ngar ngar tho,a kut pawh a tih dan ngai in ala ti reng tho a chak takin..ka tih awmzia chu a rawn chhuah lai ai a chak in a kal nghal nal nal a en pawh ka en zui tawhlo ka tlan lut lehnghal



"Tunge kha kha? Nizan a um tu che kha ami?" Ka luh vel ah Naom chuan min lo zawt nghal


"Ai,nilo a ni emaw ka ti hman a mahse anilo" thutna awl lai ah chuan thu in dawhkan chu ka bawh nghal thlawp a,ka lungphu ri te hi ka in hriat sak thei!Remsanga leh ka chhungte hi hrilh chi an ni angem tih ka ngaihtuah



Order ang ang kan ei zawh chuan muangchang tawhlo in kan chhuak nghal a, College kan thleng chiah tihin Kendra a rawn thleng ve leh chiah..min hmuh chuan hmanhmawh deuhin ka bul ah a rawn kal a



"Nizan khan..ka englo" a in thiamlo tih ka hre reng,a nungchang leh zia ka hria a thinrim chi ni in ka hrelo,bak ah ka chung ah thil thalo a thleng Chuang hleinem



"Ka tha a lawm in thiamlo duh suh,ka hlau lutuk khan ka rawn ngaihtuah hman lo che a engtin nge I haw? nizan khan na I nei em?" a kut vel te chu la kang in ka en dik sak a



"Ka kalsan cheu ania" Naom chuan kan pahnih a min kalsan in keichuan Kendra ka la en dik mawlh mawlh


"Ka tha lawm...ka chhan ngam silo che a ka nep takzet"


"Theihnghilh tawh rawh,kan him dam ve ve a a tha lutuk a lawm" a kut chu ka dawm sak a mahse a pawt thla nghal vat



Kan subject lak a in an vangin class ah pawh kan thu dun ta daih a,kan inkawm thei chu college mi tam zawk in mak an ti a a then min chhaih phah tawk lah an awm bawk,U Ziri ke a la dam loh vangin a mah ang in midang ka nel teh chiam biklo bawk nen Kendra nen chuan kan in zui deuh chawt


_____________________________________

★ 2 week's later ★



"Glo...zanin chu ka rualin chhuak ve la" Naom chuan a lipstick dum zet in hnawih mawlh mawlh pahin ati a



"Party na ah maw? chhuak lo mai ang ka bialpa leh ka chhungte an hriat chuan a chi loh dawn lutuk..bak ah Kendra nen project eng emaw tih dun kan ngai a



"I bialpa thar kha maw?" atih chuan ka nui phut



"Teuhlo mai thian a lawm kan nih,thian chauh..bialpa nghet ka nei a midang kawp ka duhlo hrim hrim"



"Um I rinawm ang hian I bialpa chu a la rinawm em?" a rawn ti teh daih a nui chungin ka lo bu nghat nghat,mahse tunkar chu kan in be khat tawp



"Hetia gate khar tawh hnu a ilo haw hian an hrem ngailo che ami? Zan rei tak thleng I chhuak a chuan awlsam deuhin ilo haw leh mai a nangmah chauh pawh nilo I bialpa nen pawh awlsam deuhin in rawn lut mai a"



"College anih hi,gate te chu a awm ve mai mai a lawm,bak ah kei chauh haw tlai bik tur ah I ngai ami? Teuhlo mai,kei ai ai a haw tlai hi an tam a nia..bialpa chungchang ah pawh " nui har har chungin ati a sawi ve tur pawh ka hre tawhlo ka rin ai in in khuahkhirh na hi a chhe riau!



"Kendra anih hi" phone massage chu ka en a, project ti tur a a rawn kal hman leh loh thu a rawn sawi chuan Awle tih te in ka reply a



"Tun ah chuan tih tur dang I neilo,in khung reng lo hian min zui rawh,hepa I kawp reng chuan nangpawh a mah ang a mi a ah hian a la chhuah ve ang che.." min pawt tho in a thawmhnaw te lampang ho chu a la chhuak a



"Ka ha duhlo ka lai a lang vek a lawm" tiin min in bel tir a piang chu ka sawi sel zel a a tawp ah a ning lutuk chuan a jacket nalh lutuk mai chu min hak tir a a hnuai ah jeans ka ha a



"I nalh reuh phian kha" min thlek vung vung pahin atih chuan ka nui deuh suk a,Remsanga pawn ati thin reng ani nasa deuh a in chei ai chuan tiang hian ka mawi daih zawk



"Ka haw leh duh thut pawhin min haw pui leh angai ang" ka tih chuan Abu ve nghauh nghauh a,in ngaina vût silo hian kan in ngeih leh thut zel





"Tah sawn" taxi atang a kan chhuak chu nuam ka ti talo riau,party pangngai emaw anih ka ring ania,hetah chuan party pangngai pawh a ang lo, In ah emaw kan party dawn ka tia khawi lai hmun reh zet a emaw kan kal daih!



"Hey guys,," Naom chuan a thian dang te chu a ko khawm a min in hmelhriat tir pah zel bawk,nasa deuhin mei an tuah alh hluah hluah a,a rui phur tawh ho ka ti dawn nge mei alh te chu an zuan khum vel a ka lo tum ur ur thei




"Nuam I ti vaklo ami?" Naom chuan in tur min rawn pek pahin ati a,ka lo bu nghauh..nuam ka ti lo reng ani "awm rei deuh la nuam I ti mai ang,in chhung tawt lutuk ai chuan hetiang ramhnuai hmun reh lai hi anuam zawk daih ania




"Enga! ramhnuai maw?" Ka tho nghal vat a,kan bul vel a awm te chuan min lo nuih char char bawk,Naom chuan thu turin min mitmei char char bawk a " Ka haw duh.." a bak engmah dang ka sawilo haw vat ka duh a ani mai




"Glo...thu phawt teh kan thlen chauh hi" ka ban ah chuan min vuan a mahse ka lo thing thla nghal nawk,a thian dang te chuan che thing min tih hmel deuh hian min rel deuh sap sap a ka melh hrep hlawm ringawt,helai ramhnuai a party a awm ve reng ai chuan haw ka duh hi ani tawp mai




"Min haw pui theihloh pawn keimah in ka haw mai ang" in tur ka ken lai chu lei ah dah in ka in her vut a kan kal na lam a ka let leh nghal char char, hlau hle e tilo chuan ka thinrim leh saw lai hmun nuam ka tilo lutuk khan a ngai ah min let tir theilo




Ramhnuai atang a hostel pan ngawt pawh chu a hla tham bawk nen hman zan ang khan tu misual emaw ka tawh ka hlau ve tho bawk sia,ka phone chu phawrh in ka ngam ve deuh ber Rinkima ka call ve hmiah a tlai deuh tawh vangin ka awm na ka hrilh lai te chuan a aw ah mak tihna a rawn lang nghal zut




"Min lo hruai thei angem?" ngen ngawl tak a ka tih vang chuan zan a zan in a rawn chhuah nghal tur thu a sawi a,an ni chu hostel a awm an nih ve loh avangin an tan chhuah pawh a harsa lo ang




Ka din na hmun ngai a lo nghah tawp chu party na nen a in hlat vak bawk silo nen ka duh leh siloh vangin ka kalsawn deuh a phone light ka on dawn chiah tihin tu emaw hian min rawn su her lawp a ka phone ka la thlauh daih zui a thim ta mup mai!




"Ramhuai ni Suh, ramhuai nilo hram rawh" meng pawh ni ila a thim vek a engmah ka hmu fiah dawn chuanglo tih ka hre reng a mahse ka meng ngam tawhlo ramhuai in hnai deuh ah min lo en ang tih ka hlau




"Nu...?" Aw thum deuh takin a tih rual chuan ka ban ah min man chawt a chu vel ah au rawh tih hran pa ngailo in nasa mang kheng in ka au nghal tuarh a min vuan tu chu thin thlak tumin ka ban ka vai lawp lawp bawk "Nu...min kalsan suh"




Ka taksa chu a rawn lum nghal zat a tu emaw chuan min kuah ani,,a taksa khur nasa lutuk te chu a ngai ang ang in ka hre thei vek! eng emaw tak hlauh nei in a tih reh a tum ang mai hian nghet takin min kuah a ka hmul thi a ding sung sung tawh,tunge min kuah tu hi ka hre bawk silo ramhuai nge mihring?




"Khawngaih takin min thlah rawh,I nu ka nilo" mit chhing chung in ka ti char char,ka thusawi a ngaithla miahlo a min chhang bawk hek lo 'Nu' tiin a phun char char a chu chauh chu ani mai,mahse min chhan loh na tak hian ka hlauh a ti zual




"Ka pu..awm sawn hram teh" tap ti tih a ka sawi pawhin min kuah nghet sauh,min kuah dan atang pawhin a chak zia a hriat a tal chhuah chu a harsa dawn lutuk mahse ka tum hrim hrim ang




"Glo..." Naom ni in ka hria phone light hian an rawn en phei a ka au theilo ka hlauh vangin ka taksa te hi a tang a ka pum a na vek bawk "nangmah I ni em? " An rawn hnai zel a ka lawm takzet,a mah chauh anihloh vangin ka thla a muang hle bawk




"Glo..tunge kha kha" midang te nen min rawn en fuh chiah..min kuah tupa an hmuh chuan an aw phawi atang rengin mak an ti a ka hlau telh telh tawh mai si,ka dar ah a khabe a nghah tlat vangin tunge anih ka la hre thei chuanglo




"Awm sawn nghal rawh Kendra" Naom chuan vij zet hian ati chiah chu ka phawk nghal hru..hetah Kendra maw? a ni te chuan project pawh min tihpui hman lo tih tur a neih thu kha a sawi sia! Ka nam ta pawp a ani pawn min kuah nghet tawh lo




"Tah hian tinge I awm?" Midang in an en vangin Chiang deuhin engkim ka hmu thei vek tawh,lei a ka phone tla chhar na chang pawh ka la hre chuanglo "chuan tinge heng thuam te hi I in bel?" ka kawm ngeih tawh em vangin tun a thuam te hi mak ka ti misual hotu ber ang mai ani, nidang a Kendra thuam hak thin nen chuan a danglam lutuk!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2021, 2:15 pm

CHAPTER-5🌿




"Min chhang teh kendra? heng thuam te hi..! A mak ka ti,chuan nang hetah, phone ah khan project pawh min tih pui hman loh thu I sawi a hetah I rawn kal leh bawk si heng I kal duh vang hian ami dawt min rawn hrilh kher?"




"Nu...! Ka hlau ania" a ti chhen a ka zawh na kha chhan atum miahlo amaw ni? A kawr ah chuan pawt in ka sawi vak vak a min ngaihsak na chhete mah a lan tir lo!




"Min chhang teh! " Ka tih vel ah chuan ka ban ah min man chawt in min en vung vung a min nam tlu nghal pawp! Naom chuan min rawn pui vat in min kai tho a Kendra chet dan chu nidang nen a in an loh em vnagin thinrim pawh ka thinrim lo mak tihna in ka khat vek




"I va che mawi lo ve a,kalbo nghal rawh" Naom chuan vin zet in ati nghal a kalsawn pawh a tum Chuang silo chi Naom ngei a zual hlauh aniang,a thian mipa rawn kal tel ve te chu hnawt sawn turin a hrilh a




"Hey,nang mi chut pa kalbo nghal rawh khawih I duh loh chuan,nge ni a haw theilo in kan siam zawk dawn che? Hmeichhia te ka nam ve e I tia maw? Hmeichhe lak ah chauh ami I inlak pa ngam a nep a..!"




"Engtin mah ti su" a kawr ah chuan tham in pawh sawn an tum a,ka lo dang veleh "a tih luih ani hleinem a buai anih hi a thim bawk sia a hlau aniang min kuah lai pawh khan a hlauh thu a sawi a lawm




"I mak emai Glo..!" a tih luih tih chu keini pawhin kan Chiang alawm chhan a tul lo helai atang hian kalbo vat zawk rawh se chuan keini in kan thlah haw ang che" Naom chuan chang deuh fak hian ati a




"Ai,,a ngailo Ka thianpa Rinkima'n min lo hruai dawn alo thleng tep ang, Kendra hi chua kan rualin haw mai rawh se" ka tih tlat vangin hahthlak min tih hmel deuh hian a thaw zui hawk a




"I mak hle mai,keichu ni ila ka tanpui in ka ngaihsak tawh hauhlo ang" Naom chuan party na lam a let leh pahin a tih chuan keipawh ka thaw zui kawk




"Dawh theih na leh hriatthiam na zawng zawng ani hi chuan a mamawh tlat alawm,chu chu in hriatthiam sak duhlo anihkha..a pawilo e keiman ka buaipui thei a lawm" tiin midang kal zawh vek hma chuan ka phone tla chu ka chhar a,chhiat na em em a nei lo hlauh




"Kan haw dawn nia" a kawr ban ah chuan ka vuan a midang zawng zawng an let leh vek vangin ka phone light chu ka on a "Tinge hetah I kal ve reng reng le?" Ka tih lai chuan kan piah hla tak ah hian motor eng aniang chu a rawn de phei vâ vâ a




"I chhungte I call dawn em? Khawi ah nge I tarmit,a tello in I awm tha thei silo a tinge I bun loh a" A mah chu light chuan ka en deuh a,a kun ngul bawk sia ka tih ve lek lek ani zan thim hnuai ah lehnghal chuan,min chhang dawn leh tawhlo emaw ka tih laiin a lu a thing zauh a chutih mek lai chuan motor pakhat a rawn thleng phei hlawl





"Kalsan rawh kan hruai haw dawn" mipa pahnih chuan thupe zet hian min rawn ti a, Kendra chu ka en thin a a mah rawn hruai tum te chu a chhungte nge misual pawh ka hriat siloh vangin kal tir ngawt chu ka hreh bawk si a ma hlau ve bawk si




"Keiman ka haw pui mai ang,a chhungte in nihloh chuan a mah in in rual hian ka haw tir ngawt theilo,ka rualin ka hruai haw..." Ka ti chiah Kendra chuan a kawr ka pawh na chu thing thla phut in motor lam ah chuan pai zet hian a kal phei a keiin a kal kawng te chu ka phone light chuan ka lo en sak ve bawk




"Glo...nangmah I ni em?" Rinkima a lo thleng ve chiah,chumi te chu hmanhmawh deuh hian motor ah an lut a Kendra chu an tlanpui ta daih "tu te nge a?" a rawn tih chuan Kendra leh a mah rawn hruaitu te an nih thu ka hrilh a




"Hetah Kendra kha ka hmuh ka ring miahlo!" Bike a lawn pahin ka tih chuan Rinkima pawhin mak atih thu alo sawi ve bawk







"Tunlai chu practice ka ngai nasa deuh a ka be hman mang lo che anih hi" Remsanga nen zing lam ah bawk kan in be leh a Naom pawh nizan ah khan a riak chhuak nghal aniang alo haw miahlo




"Um a pawi hleinem keipawh tunkar chu ka buai hmel" ka tih chuan a ner deuh nang a "ka ngai tawh che e,lo haw mai te ka duh helai chu tumah thian tha tak tak ah ka nei theilo a a hreawm ka ti"




"Kumin chhung chu tuar hram hram mai rawh,I kal ta sa sa hlawhthlin na I chan angai ania..kumin bak te chu helam ah I chhungte I ngaihtuah tir mai dawn alawm zir zawm na tur.. anihloh pawn inneih lam kan sawi hnai anga"



"Awi nangpa hi ilo ril ru reuh e! Inneih I sawi hi chuan upat leh zual hi ka chak thin ania aw" tiin ka nui hak hak a, Remsanga nen hian kan in zui rei tawh a,kan in ngaihzawn chhungin in hauh buai hi kan nei ngai manglo a vawikhatmah kan la in then ve eih lo bawk,ka hmangaih a amah bak hi pasal atan ka la ngaihtuah ngailo hrim hrim




"Upat vak I ngai hleinem,I rilru kha a pawimawh zawk...class I kal dawn em? Dawn chuan muang mar in insiam rawh I tlai ange"



"Awle ka duhpa.." ka tih chuan lawm lo deuh si hian a nui huk hak a



"Khatin mi ko ziah Suh ka duhlo ania" arawn ti nghal pang pang,kan inbiak zawh daih a ka insiam xo vek tawh tihin Naom a lo lut hlawl a a sam te chu keh hrep hnu ang maiin a pawr pheng phung mai




"I van rui awm ve!" a la pai deuh vangin a ban ah ka lo dawm a,a rim chu chhe tak ani zu leh thil chi hrang hrang rim a nam pawlh nuai mai "Engtin nge guard I rawn paltlang mai theih zawk le"




"Awlsam lutuk,pawisa hian thil atih theih zia ila hrelo anihkha" ka biang ah chuan min piai vak vak a "Bawihi enteh,nizan khan engzat nge ka lak I hre duh em? nuaih chuang mawle,he ka taksa hian zankhat lek ah nuaih chuang a hmu daih ania aw a ropui a sin"




"I a tawh anihkha! Mu phawt teh" a khum ah chuan ka mut tir a " Class kal turin chhuah ka tum chiah a,ka awmpui dawn che em? nangmah chuan I in buaipui thei awm silo a"




"Kal rawh,kal rawh..Naom hi a puitling tawh a lawm rui chhia ang in lang mahila ka in buaipui thei lutuk ringawt kal rawh class ah chuan..keichu hetah ka lo mu mai mai ang" tiin a in let nghal thak




"Hui ham!! awle ka kal ania aw" chhuah hma chuan juice ka chhawp sak leh hram



"Hi..." Kan hostel kawt a min lo nghak tu vang chuan mak tiin ka meng pawng pawp pawp



"Hi...hetah nang?" hmanhmawh deuhin ka chhuk thla zel a,a hmel atang chuan a zam ni mai hian a hriat ka zu thlen thlak pawn ka mit ah tak pawh min en ngam lo "I tha tawh maw?"



"Aw,,nizan vang khan min hrethiam rawh,min hrilh thin ang khan midang zing a awm ve te leh thian siam te ka tum ve chhin ang ka tia,mahse kha I hmuh leh hriat ang khan.." a dar chu zam hmel pu tak hian a kan ak ak a



"Keimah vang vek alo nihchu,mahse Kendra thian siam nan te khanglai a mi te kher pan kha a tha Chuang hleinem.. college ah na nangmah ang a fel deuh te pawh an awm alawm chung ho chu thian ah siam tum la atha in ka hria"



"Nia...chuan nizan khan..ka sawi awmzia chu I na em? " Tinge a hmel ah hian zam na hlor ka hmuh ka hrethiam lo a che sek a,min en tha duhlo in hmun dang dang a melh kual bawk



"Um ka tha alawm engmah anihloh kha,sawi tawhlo ang nuam i tilo tih ka hre vek ania theihnghilh daih rawh" a kut ah chuan ka kai a college lam pan tur taxi chang turin kawngpui lam ka pan pui hnak hnak





"Hey Glo.." college kan thleng fel chiah tihin U Ziri chuan min lo bye lauh lauh a,ka bye let ve mek laiin Kendra chu kalsawn nghal daih a tum a a ban ah ka man bet nghal vat



"Party na hmun pawh thian siam turin I pan ngam anihchuan an ni I hmuh theihloh bik chhan tur a awm lo" ti chungin u Ziri te lam ah chuan ka kai phei zel a ani pawhin min hnial lem chuanglo



"Nangni pahnih hi in in zui ngawrh riau mai" Sawmtei leh Dawngi te chuan an lo ti rual thawt a kan nui ringawt



"Kendra hi tun atang chuan kan thian nih ve a duh tawh a,kawm ve hram hram ang u aw " ka tih chuan tha deuhin aw min lo pawh ve mai bawk a



"enteh u..." Zampuii chuan a phone chu kan za vai hmuh theih turin a rawn dah hnai a " Jacob an a kut leh ke hmang thei tawhlo tur a siam sak tu ah Kendra a puh kha hei ngaihdam dil na video clip a rawn post ania"



"A ni maw!" midang chuan phone chu an bih sap sap hlawm a,kei chuan Kendra chu khi vur vur chungin ka en a ani erawh lawm hmel pawh a pu lo



"I lawm ve lo ami a? a lawm awm em hi ngaihdam a dil che ania " ka chhaih pah chu a duh vaklo nge a kalsawn nghal hmak! "Min lo nghak teh" a hnung ah chuan ka um zui dawt dawt


______________________________________


"Khapa kha I duh ami?" Kendra nen in tih thawven pahin movie en kan rawt a,nilo ka rawt ani mah zawk ka in siam mek laiin Naom chuan khum atangin a rawn ti a



"Teuhlo thian chauh a lawm kan nih a,mi zawng zawng hian in ngaizawng tur ah min ngai vek a! nang te chuan bialpa ka nei tih i hre vek a lawm" ka sam ka tawn dawn nge ka thlah dawn tih ka ngaihtuah chhungin a tlai leh hman takngial dawn




"A nihchuan engvang in nge a hmuh a nalh tak a lan I tum? " Ka thil tih lai chu ka chawl dat,ni e engvang in nge ka thian nen a chhuak mai mai turin ka tan viau ni? Remsanga nen kan chhuah dun pawhin ka in chei tha peih ngailo kha ania



"Ahh..englo midang hi an nalh thei em a lawm thing deuh a chhuah bik te chua anuam hleinem" ka thusawi chu awihlo tih hriat tak hian a khi deuh sak a rawn thawh chhuah pahin darthlalangah chuan a rawn in en vang vang a




" I duh tan anihkha...mahse ka hrilh ang che hepa I hmelhriat leh thian a I siam hi ila in chhir mai thei..." Confi zet hian a ti chhuak sak mai,a lam ah chuan in her in a mah chu ka en vang vang a " kei chauh in hetiang hian ka ngaihtuah lo...khang I thian I hnam pui te pawh khan an ngaihtuah vek"




"Kendra hi a sual emaw in tia..in kawm ngailoh avangin in hrelo mai mai anihkha..a fel lutuk" ka in her leh pawp a ka in siam chhunzawm mawlh mawlh



"A sual tih ka sawi hleinem,I tan chuan mipa tha tak anilo ang ka ti mai a lawm tun a I bialpa nen hian nakin lawk ah buaina ala siam sak cheu anga I kiang ah a awm dawn emaw I tih laiin hla tak ah a kalsan daih ang che"



"I van hrechiang si ve" Kendra a chhia hlir an puh thin hi a chang chuan keimah zawk ka lo thinrim thin,enge a chhan pawh ka hrelo ka tawrh ang ah ka lo in chan tawp zel a na ka lo ti thin ani ber



"Hrechiang lo e...mahse hei en ve hrim hrim la" a phone chu phawrh in thlalak min en tir a , Kendra ni ngei in ka hria mi a hnek lai tak thlalak ani,ka hmui hup in ka ding hla deuh dat a Naom chu ka en leh ringawt zel



"Jacob anihkha, ngaihdam dil na video pawh a neih kha...Hnaih tawh vaklo la atha mai thei ani,a tih nat loh che pawhin buai na a la thlen ang che...I thian te kha chuan heng hi an hmu lo a mahse khapa kha hnaih lo turin an duh viau ang che..mahse an hrilh duhlo che pawh ani ang"




Ka rilru a kal kual nuaih nuaih hian ka hre ta mai,Kendra ni ngei in ka hre sia mahse kan pahnih a kan awm dun lai zawng zawng te kha chuan hetiang hian a che ngailo...nilo a tih ani theilo hrim hrim "Naom ka en tha leh duh" a phone chu ka lak sak a thlalak chu chiang zawk in ka en thin ka awih thei hlawl lo




"Movie en tur chuan I kal dawn nge,I thulh hmak zawk dawn?* Phone ka bih ngur ngir laiin a tih chuan ka dak chhuak nghal vat a, Kendra zawh chian na hun remchang anih ka hai biklo,ka bag la in ka chhuak nghal




"Kendra I thleng tawh em?" Taxi a ka chuan laiin ka call a,a thlen tawh thu leh min lo nghah thu a sawi chuan engmah pawh sawi leh tawhlo in ka off nghal hmak



"Hi .." ka thleng chiah chu a lo nui deuh suk a,ka nuih let ve miahloh vang chuan min rawn pan nghal vat " dik lo a awm ami?"



"Tawlh hla rawh" min rawn hnaih mah mah a ka hriat vang chuan ka ti nghal pawp a,nidang a keimah zawkin ti deuh huam huam thin ka nih vangin ka awmdan chu mak ati khawp mai



"Tinge a?"


"Hman zan ah tu emaw I sawi sa tiraw? Nilo ka sawi awmzia chu Jacob kha.."


"Maw! " a nui hul hak " tumah ka sawisa lo, engtin nge chung chu ka tih theih ang?"


"Nia ka ring bik lo mahse thlalak ah khan nangmah ngei ni a ,chuan...aaaa ka buai vek tawh"


"Khawi thlalak ah,tunge kawl?"


"Ka roommate, thudik min hrilh teh Kendra, college ah hian lem I chang tihna ami?"


"Ka tih anih I ring tihna ami? a nih chuan let leh rawh" theatre kawt ah kan awm vek tawh,let leh tur a min ti chu ka awih theilo


"Thalak ami chu I nihloh chuan thlarau tihna ami? Kendra ka tan thian tha tak I ni a chuan ka tan I hlu lutuk nangpawn thian hlut zia chu I hria ang,i thian ka ni a thudik min hrilh teh"


"Min ring lo tu thian a tan ka mamawh hrep lo" tiin min kalsan hmak! Tun a a che zia leh nungchang kha a mah ani theilo reng reng! Ka movie en pui tur ber a haw daih si vangin keipawh hostel lampang ah chuan ka let leh hnak hnak a taxi pawh ka la peih tawhlo ke in ka kal hmiah hmiah




Thian tha tak engkim min hrilh thin tu tur ang a ka ngaih in ka lak a zep a nei leh lem a chang tih ka hriat chuan ka rilru ana takzet,ka lo khawngaih ve thin tehreng nen ani erawh in lem a lo chang lek a! Eng atan chuan nge lem te chu a chan reng reng ni?




"Ka lo let leh tawh e.." chuai raih in ka ti a room chu zan dang ang lo takin alo thim deuh mup,Naom hian chhuak daih pawh nise light a off ngailo ania zanin chu a off teh mial aniang




"Gloria..min pui rawh" ka bag dawhkan a ka dah lai chuan Naom aw ka hre thut a,mak deuh maiin ka hlau ta tlat! hmanhmawh deuhin current ka on a..kil khat a Naom thisen chhuak a lo thu zawi reng ka hmuh chuan ka in rin hma hauh in ka au chhuak vak




"Enge ni?" Room damg ami hi an lo tlan khawm vat a Naom thi hnuang a lo thu chu an buaipui nghal sawk sawk a,kei a hmu hmasa ber tu ka nih vangin ka hlau lutuk chu ka khawng vek ani ber mai midang chuan min bawih sawm ta ringawt




A harh that lai a tunge khawih tu an zawh chuan a âwm lampang an khawih na nen thi chhuak bawk nen a tawng thei tawhlo a âng thin a mahse a tawng ri chhuak thei miahlo,a nun na an chhan hman loh an hlauh vangin zawh na dang pawh zawt tawhlo in hospital ah an tlan nghal a kei lah ka thil hmuh chu min zawt chhen bawk




"Ka thiannu kha tu emaw in an sawi sa aniang,ka..ka haw khan current a thim vek a chuan a aw ka hria a..." Hostel mi leh khawlai a tei vak te kar ah chuan Kendra ang zet lo ding ve reng ka hmu zuai a ka en let leh chuan alo bo daih!



"Kendra...nangmah I ni maw?" hlauh chu sawiloh min buaipui tu te pawh tlansan meuh in chupa kal na ni awm lam a ka rin ah chuan ka tlan pawp a ka um zui anih ber chu


___________________________________


"A rawn um zui che ania Boss" car a ka luh rualin Will chuan a lo ti a,ka kut a thisen kai hruk mawlh mawlh pahin ka lukhum khum lai chu ka pe a



"I hna tan rawh" tiin car atang chuan ka chhuah tir a,keimah ang a lem a chan thin vangin Gloria pawh a hmin mai ang, Kendra a rinhlelh fo chuan engtik ah emaw ka nih na hi a la hrechhuak vek ang



"Nun..nun na hlut zia I hria em? " a khur nasa lutuk tih ka va hre thei,Will nen an an inbia chu a ruk in car atangin ka thlir reng a,mi danglam tak ani a kiang a awm pawh nuam ka ti hle bawk ani pawhin chutiang chiah chuan,mahse Kendra ang Chauhin a kiang ah ka awm thei a Evan ang in a kiang ah ka awm a rem angem?

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2021, 2:15 pm

CHAPTER-6🌿




"Kendra I ni...I ni Chiang lutuk " ka in her lai takin min bawih sawm tu hi kan hostel ami te chu an rawn tlan phei ve a ka hnung a ding pa chu a a tlanchhe nghal vat a ka in her rang ve tho bawk nen a hmel kha ka hmu zuai ang vel ani.. Kendra ani miahlo!




"Tunge anih a?" An rawn tlan thleng chuan an rawn ti nghal sap sap a mipa an awm mumal loh vangin a tu mahin an um zui ngam tawhlo, hostel lam ah kan kir leh a Naom a awm lo bawk nen kan room chu police lam ho in tumah awm an phal rihloh vangin kan room piah chiah ami te bul ah chuan ka mu ve tawp




Zankhua in ka muhil lo a Naom thatloh thu min hrilh thut ang tih ka ngaihtuah phei chuan ka mu theilo zual ani ber,ka mut pui te pahnih tui tak a an mu ka hmuh te chuan hreawm ka ti a,a chang leh ka nu te ka phone anga min hruai haw daih turin ka ti dawn mawni ka ti rum rum







"Gloria! I tha em? Nizan in chanchin ka hria a" college ka thlen rual deuh thaw in Kendra chuan a rawn ti a,zan ka mu miahlo bawk nen ka lu ana in ni eng ringawt pawh hian ka men a ti nuam lo thei



"Kendra ka be duh rihlo che keimah in min awm tir rawh" tiin a kut chu ka vai thla deuh sawk a,nizan ami kha amah anilo tih hre mahila Kendra ka rinhlelh na ati nep chuanglo



Nizan ami kha chu a hmel tak engmah hmulo mahila a tawng dan te leh a mah,a pian phung hrim hrim khan Kendra nen in an na a neilo hrim hrim,mahse mipui kar a ka hmuh kha chu Kendra ni ngeiin ka hria




"Gloria..." Min rawn au leh a mahse ka ngaithla duh lo ka kal hmiah hmiah a,u Ziri te lo awm khawm in an lam ka pan tih an hmuh chuan ka lam ah an rawn tlan vat a nizan chungchang min zawt nghal char char!



"Nizan ka mu tlem lutuk a min hrethiam rih ru class a kal ka duh ka chau lutuk" tiin an ni pawh chu ka kalsan a,class lak lai te chuan ka lo muthlu leh lawp lawp thin Kendra pawh ka biak duhloh vangin ka thut na ka sawn daih bawk a,ka mut chhuak a reh hlei theilo teacher lo lut piang in min kai tho ti ila a dik ber ang




"Miss Gloria... miss Gloria?" Ka lo mut leh hman zeuh laiin tu emaw hian min ko chhen a,ka mit thip zet nuam lo deuh a ka men chuan professor in min lo din chilh reng tawh, muangchang in ka ding chhuak ringawt a




"Nizan chungchang ah biak che an duh a" class kawngka lam a melh pahin keipawh in ka melh phei ve nghal a, police pahnih class kawngka a rawn ding te ka hmuh chuan ka tha a khur nghal ringawt! chil lem khawlh pahin Kendra kan hma lam daih a thu chu ka zuk melh a




"Aw...awle" ka bag la in police te lam chu ka pan a,midang kan hostel a awm leh nizan chungchang hre lem lo te chuan tihsual ka nei ah ngaiin min tih en deuh tlat a,nawm sam loh nen chuan chung mai mai pawh chuan thin a ti rim thei




Police ho chu zui chhuak in hostel lam ah chuan kan kal a,kan room luh te chu ka hlauh deuh tlat tawh avangin warden in min kalpui ve in a mah chu zah pawh dawn lo in a kut ah ka chelh char char,nizan thil awm dan leh Naom ka va hmuh dan te chu chip chiar zawk a min zawt in keipawh angai ang chiahin ka lo hrilh leh





Police lam in min haw san hnu chuan college ah pawh let tawhlo in warden office ah chuan ka cham bang ta reng a,Naom chanchin hriat ka duh vangin warden file atang chuan Naom number la chhuak in ka call a..ka theihnghilh chu a biak theih angem tih ani a harhchhuah tawh leh tawhloh pawh ka hrelo a




"Hello..." dah leh ka rilruk laiin mipa hian min lo chhang a


"A...ih Naom a tha em?"


"A la rawn harh lo" a ti bul deuh hmuk a


"Aw anihchu,ka..a roommate kha ka nia ih a chanchin hriat ka rawn duh a,a bialpa kha I ni em?"


"Aw ni e...a harh hun ah ka rawn hrilh ang che" tiin a off zui a, warden office a tal deuh tawp chu khua a la thim mai dawn bawk silo nen hreawm ka ti ru tawh hle..kan dorm ah ka awm ngam bawk silo






"Gloria,, Glo...?" Warden office ah ka lo muthlu leh hman! U ziri leh Rinkima te an lo kal a U ziri'n an in luah a awm ve rih turin min rawn sawm hlauh chu ka lawm lutuk vangin ka hnuk te a ulh




"I thiante ka tibuai dawn lo ami?" Ka tih chuan min hriatthiam vek thu a sawi a ka bungrua tlem a zawng Rinkima'n min lak sak in an in lam pan chuan kan in zui chhuak a,mut reng reng ka kham theilo taxi ah pawh ka lo muthlu leh hman!




"Glo...tah sawn tinge a lo awm ve ngawt a?" U Ziri te in kawt ah chuan Kendra a lo tei nawlh nawlh mai,U Ziri ai ai in mak ka ti zawk Rinkima chu a lo khuh kheuh kheuh lehnghal min dem hi an bansan theilo!




"Kendra tinge tah khan ilo awm a? Nang hi min zui ru ami?" Ka kal phei pah chuan ka vin nghal hlawk hlawk, rinhlelh tawh sa nak laiin tiang a a lo awm thut hian ka rinhlelh na rilru a ti nghet sauh




"Biak che ka duh, movie en kan tum zan a ka awm dna vang khan ka tihpalh...chuan khang thil kal zel ah khan min ringhlel tih pawh ka hria mahse ka nilo" a rawn ti nghal bawrh bawrh!




"Engtik laiin nge ka rinhlelh thu che ka sawi? Kendra thudik min hrilh rawh nizan ami nen khan in kungkaih na in nei em? Chuan mi zing a ka hmuh kha I ni tiraw? Kha lai hmun ah khan enge I rawn tih?"




"Ka nilo...kha tih lai khan kei chu ka in ah ka awm I duh chuan ka fiah thei" mihring dawih an tih ang chi ani tih tak ah a hmel ah te chuan a hlauthawng hle ani tih ka hmu a ka rin a duh zia pawh ka hmu tel vek




"Ai... police in an fiah mai ang" U Ziri te kawngka a min lo nghak reng tawh zawk chu pan pahin ka ti a "thian tha tak kan nih ka beisei a,mahse ka tisual aniang..thian chuan dawt an in hrilh ngailo...zep pawh an nei tur anilo...mahse nangchu chutiang I nilo ka lak ah zep I nei a college I nungchang leh pawn lam a I nungchang in thlah lutuk te kha!"





"Chuan...Naom in i thlalak min hmuh thu ka hrilh zan chiah che khan ani Naom chung ah khatiang khan a thlen,thudik chu police in an la hre mai ang...tun atang chuan nangnen a inkawm hi ka duh tawhlo" U Ziri te zui lut in in chhung ka lut chiah chu ka thaw nghal kawk





"Diktak a sawi chuan hnailo la kan tia...mahse I khawngaih tlat bawk sia engmah kan sawi duhlo anihkha" I ziri'n alo ti ve chauh!



______________________________________



Ni a liam zel a College emaw khawi emaw pawh nise Kendra chu ka hlat sauh sauh a,ani pawhin min biak a tum ngai eih tawhlo..thian kan ni tawhlo e ka tih na chu anilo ka kawm duh tawhlo ani ber zawk,Naom pawh a harh tawh a mahse a chhungte Turkey atang a rawn zin vang vang in an hruai haw ta daih a keimah chauh ka ni tawh





A case pawh a chhungte ngen na vangin an ti tawp ringawt a ka lo ui ru hle thung, khatiang khawp a an fanu tina tu chhui chhuah an duhlo kha ka awih theilo hial zawk,an mak hi ka ti! " Glo.. naktuk camp ah chuan I kal ve dawn em?" Tukverh a ka dah vauh vauh laiin U Ziri chuan a rawn ti a





"Ka hrelo Kendra a kal veleh ka hlau a, diktak chuan a mah hel ngai reng hi ka hne tawh" ka ti zawi sap a, diktak chuan min biak tum si se lo mahse min mitmei reng thin tih a ruk in ka hre ve tho a chu chuan ka awm ati nuam lo thin Remsanga phei chu ka hrilh ngamlo





"Kal dawn ami, hetiang te chu a nuam tih chi pawh ani awm lo emai a nang ber in I kawm duh tawh bawk silo a,kawm tur dang a nei chuanglo anga a kal duh lo ang" a lo ti sam et a,a ni ve tho mai ka kawm tawhloh atangin a hrang lehzual a mi in tibuai mahse ka va pui duh tawh ngailo,ka hua pawh anilo thuruk nei thian leh in sual ching ka duhlo tawp ani mai





"Chuan kal chu I tum em?" A rawn tih zawm leh zat a,kal ve chu ka chak deuh tho...Naom leh Kendra te vangin awm nuam lo in ka awm rei bawk sia ka tawt tun a keimah hi ramhuai vel a thawveng deuh a chet tlat vel pawh College a Kendra hmuh reng ngai ai chuan ka chak zawk hrim hrim





"Um ka kal ve ang...mahse I bul ah ka mu dawn ania" ka tih chuan min piai chungin a bu nghut nghut a "camp haw hun ah chuan hostel ah ka let leh tawh ang,a nu leh apa te pawn a inthlahrun awm tawh an tia keipawh hi ka tum ai in ka awm rei tawh mah mah I thiante pawn an lawm tawhlo ang camp zawh veleh hostel lam ah in sawn chhuah a ngai tawh"





"A ho emai ka thiante pawn I duh chen chen I awm dawn nia an tih kha,bak ah in room ngai kha chu I awm hlau ani lawm ni?" atih pawhin awm man ka chawi ve bawk silo nen ei in engkim an mahni in an ngaihtuah zel bawk sia ka in thlahrung zo zai tawh




"Engpawh nise kumkhua in ka awm thei dawn chuanglo a chhuah vat hi a tha zawk,anihloh chuan ka ngai cheu anga ka chhuak theilo palh ang..hman ni khan warden ka phone a 3rd floor ah roommate tur duh an awm atia chumi bul ah chuan ka in sawn mai ang ka ti deuh"




"Um a tha alawm engkim I tih dan dan ani mai, naktuk tir atan chuan in siam lawk deuh rawh aw zing ah kan chhuak dawn ania" tiin u Ziri chuan min in siam pui ve daih a, ramhnuai a camp mai mai turin thawmhnaw chhing leh make-up a keng nual mai




"Kekawr bul deuh hlir I keng a, ramhnuai ah alawm kan kal dawn hling ten an tai che ange" ka tih chuan a nui vak vak a "a nia lawm..keichu kekawr tlawm leh kawr ban tlawn deuh hlir ka keng ania" ka ti leh a chutah pawh a nuih ala za tho!




"Kan Mizoram ang ani hleinem chutiang hling te chu kan awm na lai tur ah an vang lutuk ang,a pik zual lai ah bak a awm teuhlo..bak ah ramhnuai ah kawr leh kekawr tlawn nen I awm reng peih teuhlo ang a lum dawn si" ti mahse ka bag pack sa chu ka phawrh duh tawhlo




★ NEXT MORNING ★



"Glo...Glo tho teh kan kal tep tawh ania tho la in phih fai rawh midang pawh an tho vek tawh a engtin nge ila mut theih a!" U Ziri chuan phur leh tha tho zet hian min sawi nawk nawk a bathroom ka luh lai te chuan ka la meng manglo





"Ehe! Va la phak ve" U ziri'n nen bag zawn a kan chhuah chuan Rinkima'n alo ti a nuih pawh ka la nuih peihlo, hetiang em em a hma ah kan chhuak dawn tih hria ila chu ka kal ve miahlo ang mawle ka mut ala chhuak lutuk




"Ka kai tho chawp anih hi lawm nuih chu ala har deuh ang" U Ziri bawkin a lo ti veleh,mak ka tih deuh chu Rinkima'n min fiam te hian Zampuii hi alo tum bar zel a a chang leh a kal daih thul... Rinkima nen an in ngaizawng bawk silo a hetia a lo awm ziah hian nuam ka tilo




"lut ang u..." Zampuii chuan tum deuh hian a ti a,Camp na a kal tur kan tha hnem ang reng avangin mahni motor tuman ken an rem ti lo a bus pahnih in kan kal vek tur ani an ti deuh tawp bawk...henglai bus te chu an len tham vangin pakhat ah pawh kan leng thei teuh




"Gloria...khawi ka lo khai luh sak ang che u" Rinkima'n arawn tih vel ah chuan ka pawt hla nghal dawrh a u Ziri pawh a tlu tep! Zampuii tum hmel ka hmuh peih tawhloh vangin keiman bag chu ka buaipui theih thu ka hrilh pawp a




"Ka khai ve thei alawm,lut hmasa rawh u" ka tia keimah zawk kan lut hmasa leh thauh si anihkha! Nui chungin min rawn zui dat dat hlawm a kan seat tur pawh uluk deuhin ka en phawt a chhan chu Kendra a lo awm leh ka hlau




"Enge a?"



"Kendra a thu ve em tih ka zawng" thu mai lo in ka en dan dan a



"I duh palh hlauh ange aw" ka beng bul ah arawn ti sap a ka lo uak vak kher " ti khan ti ti mahla in duh na hi rinloh deuhin a lo piang thei ania"



"U Zir! Min ti a dawn alawm.. Remsanga nen kan la tha lutuk midang duh tur te chuan min ti teh suh a"



"Tu Remsanga" Zualtea te,Kima leh Hruaia te ho in an lo tih chuan ka zak leh si chu ka thu nghal hmak,camp na tur lam pan a kan chhuak tawh tur chu driver in motor a ti ding thut



"Enge a?" Ka earphone vuah lai ka phawi chuan U Ziri'n hmanhmawh a bus a lo lut te en turin min ti a ka va en nak chuan Kendra arawn lut hlawl a mahse a mah chauh nilo in a thian nge a bialnu ni zawk a rawn kai lut bawk! tupawh mai chuan mak ti in ka hau chuan kan en a



"Engtin nge I tih dawn?" U Ziri chuan min nghawk nghal sawk sawk



"Emgtin mah, engtin nge ka tih vak anga?" ka lo ti vin deuh pawp,chhan em em pawh awm lo in an pahnih chu ka ngei nghal ringawt,a lo kal ka hlauh lutuk ang ngei a alo kal ve vang pawh ani mai thei


"U zir en chho reng suh a ninawm ania"


"Aw enge,a mak em a lawm Kendra ber kher in hmeichhia a rawn hruai ve hi"


"Nia..bak ah kan college mi pawh ani ami? Engtin nge tuman an hauh loh theih a?"


"Theih deuh tho e,teacher phal na an lak angai a,an mahni buaipui tur an hruai thei a lawm Kendra hi chu tiang lam ah chuan an duhsak ang"


"I thik tihna ami?" Dawngi chuan a la rawn ti zui


"Kal teh! a teuhlo rapthlak lutuk a!" Hmalam melh tur in a ring ka kuai her sak vak, vawikhat na na na chu ka han melh ru ve zeuh a,ka bul ah te chuan nui mahse tiang khian a nui ngai tawp silo a!





"Kan thleng dawn hnai ania bag kha aw,kan la chhuak kim lo hlauh ange,kan chhuah hmasak loh chuan riah na tur hmun zawk kai kan chuh hman dawnlo ania"



"Awle..." Bus din vel a in la chhuak turin bag khai na chu ka dawm far hlawm a



"Kal ang le..." A ding chiah tihin chhuah hmasak tum in kan ding a bag ka khai pakhat zawk a rawn tla hmanhmawh! "Glo..enge ila tih a? Ka kal" U ziri hmanhmawh tawh bawk si chuan min chhuahsan daih!



"Puih I ngai em?" Kendra te pahnih chhuak ve tur chuan a bul a. Nula in a rawn ti a,a hmel a nui sâng mai bawk sia a mitmeng a te nen lam chuan a mawi in a nalh kual vel vek mai,a chhelo bawk si mahse college kal rual hmel a la pu tlat lo




"Ngailo mai" Kendra zawk pawhin puih ka ngai em tih pawh min zawt lo! A thian ka nih thin tawh vang tal khan a ti ve tur ani sin "mawl lutuk!" ti nghek in bus atangin ka chhuak nghal hmak a




Bus kal theih chin a tawp vangin kawngpui atangin ke in kan kal phei zel a,mipa hi in kan bag te min han ken sak lawp lawp thin mahse hah chin an neih ve tho avangin ken veleh kan ngai a kan awm hmun tur kan thlen meuh chuan kan thaw hlawp hlawp hlawm mai




"Ka lo tih pui ang che" ka bag atang a puan in hrim na tur ka pawh chhuah mai theihloh avangin Kendra bawk a rawn in lan leh!



"A ngailo ka ti thei..." tiin ka pawt lui vei tawng tawng a,a rawn chhuak thut bawk nen ka thal tawp a sin le! Kendra a awm reng vang chuan hmanhmawh in ka thu chhuak lehnghal



"I in ti na em?" Min khawih thawh nan a kut a rawn dawh chu ka lo vai kiang deuh sawk,tinge ka sual tak vak pawh ka hrelo!



"Gloria min la ringhlel fo ami a?" aw ti a chhan ka tum lai takin a bialnu chu a rawn thleng chawp chilh veleh,an van ninawm dun tak!



"Tun ah chuan thian thar I nei tawh bawk a keichu min rawn tibuai tawh Suh,tuman an tibuai ngai tawhlo bawk che a nuam deuhin hmang ru" ka ti pawp pawp ringawt a bul a mi lah chuan min ngei nge mak min ti pawh ka hrelo



"A thian chiah pawh ka nilo ..engpawh ni se Emerda ka nia Germany atangin Evan...ka sawi awmzia chu Kendra hi ka rawn tlawh a chuan hetah in kal dawn tih ka hriat khan ka kal ve chak vangin dil na ka theh lut ve tawp a"



"A nihchu..nuam deuhin I awm dawn nia mamawh I neih chuan sawi hreh suh aw" a kut a rawn lek kang leh kher bawk nen chibai loh a han kalsan ka chak a sin,mahse a mawilo tih ka hre ve vek a kan chibai leh tak kha "ka kal ange..." Midang awm ve loh na a fal lai chu ka pan ding nghal char char




"Ka bialnu anilo...." Ka ban ah chuan min rawn kai in min pawt let dawrh a, Kendra ani tih ka hriat vangin tan ka lo khawh ve nghal




"Ni pawh nise nilo pawh nise ka tan a tangkai lo emai..a bul ah va let leh tawh rawh" min vawn na chu ka kut leh lam in phelh ka tum ngar ngar a a tha chak zia chu!



"Min thlah teh Kendra" ka tang ve tho bawk si ka kut chu a na tial tial" a mitmeng chu rapthlak deuh hian a rawn in thlak danglam a thinrim so bulh bulh ang mai hian a mah chu a awm bawk!



"Min lo pui teh u..." Midang hlat a kal ka ni tih ka theihnghilh...ka hlau tih a hriat vang nge a kut chu a thlah dil tial tial a ka tlanchhuah theih ka in beisei vangin a tan ka han khawh leh deuh a ka tal chhuak ta mai, hmanhmawh deuhin midang awm na pan chuan ka tlan a



"Engvang phiangsen hian nge I tello in ka awm theih tak loh min hrilh teh?" tiin a rawn au hrawk a ka tlan lai chu ka sing dawt



"Thian kan nih bak kha I lak ah eng rilru dang mah ka pu lo..." Min rawn pan leh lai chuan ka lo ti chhuak sap a



"Emerda I thik zia kha ka hria...ka hmu tlang vek...!" Nia a sawi dik,ka thik pawh ani mai thei ka thinrim bawk,mahse chuvang chuan ka duh tih na a nilo



"Thian awm zia I hrelo anihkha" ka tih rual vel deuh thaw chuan min rawn fawp nghal tawn tawn! Ka first kiss nilo mahse a hmasa ber ang maiin ka awm! A duhthawh tial tial tih ka hriat chuan dan a hnek in ka lo chhanglet nia! Ka hn**e a th*m chiah chu ka nam sawn nghal pawp




"A theihloh! Ka duhlo kan ti sual ani..ka ti sual! Remsanga pawi ka sawi" ka hmui chu ka hup a Kendra chu awm ve lo ang hmak in ka tlan san nal nal

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)