BEFORE YOU GO BY BEARR CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: BEFORE YOU GO BY BEARR CHHAKCHHUAK (Completed)

Unread post by Ngaia » May 30th, 2021, 4:17 pm

CHAPTER-37❄️



"Mate..tun ah haw rawh I dam lo pawn chhuak suh" a hma ang khan sual tak ang chuan ka ti a keipawh min thah mai chak hmel hian min rawn melh nghal



"A pawi lo,a luhlul zia chu tu pawh in kan hria a lawm I tir haw chuanglo ang" Amon chuan min lo khap a, Matei ka hau chu a duhlo nge pawh ka hre tawhlo



"Amon..." A kalsawn tak nal nal vangin ka um zui ve vat a,gate kan luh dawn chuan "ti sawn kan kalsan ngawt theilo anv Hminga bul ah lehnghal" ka tih chuan a ding dat a



"Zorina a awm a lawm,a rawn hruai haw ang" a tih chuan hrethiam lo zet in ka melh tlawk tlawk a,kan awm ho na lai ah khan Zorina ka hmu lo hrim hrim q engtin nge Hminga lak atangin Matei chu a rawn hruai hran ringawt ang?



"Khawi phone chu.." a tih leh rual chuan Ka bag a Hminga audio ka record na zawk chu ka la chhuak leh a ka tha khur pawh ala reh fel lo



Nichin khan audio ka record kha nilo in kan tawng pangngai mai mai ka record zawk ania a delete ni, ngaithla kher in fiah a tum ang tih ka hlauh em vang khan ka lemchan pawh ka tlin tha hlei theilo tep anihkha, Amon phei chu rawn lang hman lo se chuan ka tal buai anga min man chhuak vek ang



A hma daih in Amon hian thil a kal sual loh nan tiin audio record na tur phone min pe ru tawh a chu chu nichin khan ka hmang zawk nghe nghe,Amon ein lawk ang chiah in Hminga a che a ka phone a Amon ka call vang khan Hminga khan ka phone ah chauh audio kha ka record ah angai aniang



"Engkim a tawp thei tawh ang tiraw? He thil nen hi chuan Matei kan chhanhim thei tawh angem?" Ka tih chuan a bu nghut a



"Engkim ka kut ah dah tawh rawh.." a tih chuan ka thawveng huai thei,chutih lai mek in Matei leh Zorina an rawn kal tlang a mak ka ti chu ka meng phar deuh awk



"Hmanhmawh lutuk hi kan tan a pawi mai mai,thil fel tak a ngaihtuah ka duh thin..." A tih chuan ka nui suk ringawt, Zorina khan Matei kha engtin tak Hminga lak atangin rawn thlem chhuak ang maw?



"Inneih na hi engtin nge ni ang Amon hun a tam tawh lo ania" ka tih chuan hmalam melh in a thaw halh a "Muankima ka be tawh a,mahse min nei duh chuanglo,tun ah bialnu a nei leh tawh.." ka ti chuai raih a,Muankima ka tih chu tun a ka nau pai lai pa hi ani college khat ah kan kal ho a keini ai chuan an senior thung



"A pawi loh chu,mipa nep tak beisei reng a tullo,ka awm a kan la ngaihtuah zel dawn nia" a ti leh a, diktak chuan thil a kal fu lo anga Amon nen kumkhua ni turin kan inneih ang tih ka hlau ani, Hminga lah in pawisak anei silo



Amon nen kan lo inneih palh chuan Matei hian min haw hlum lo chauh ang,a mizia ka Chiang a tun ah pawh hian Amon nen min haw tawk tawh lutuk kan inneih phei chuan min that duh mai ang! Man hlan ni hi Amon an a thil tum puitlin a tum ni ani a engkim kaltluang se ka ti



"Thil hi kal tluang ta lo se kan inneih chuan Amon.." ka ti leh hram a audio record na phone chu a melh vung vung a



"Hmalam hun ka sawi theilo a engkim a that beisei ang,tupawh kan na vek a mahse kan hlim nan theih kan beih angai si anih hi...thil a kal tluang ta lo anihchuan kan la ngaihtuah chhunzawm dawn nia,a tha ber dinhmun engtik lai pawh in kan chelh theilo a chuvang chuan engpawh thiam tak a hmachhawn thei tur a keimah ni kan in luah chah a pawimawh ber" tiin min melh a,keipawh bu nghut in kan in zui phei a


__________________________________

★ Arini POV ★



Ka u leh Vanrammuana te lo in zui chu thin tawt up up chungin tukverh atang chuan ka thlir reng a,tinge keimah nilo a ka u a thlan tak tlat ani,a ni ang hian tuman min hmangaih ve theilo asin a hmangaih na kha a tak ani a,chu chu a mah khan a ti fiah thin em em bawk




"Bawihte chaw ei tawh ila" ka u te ka thlir reng laiin ka nu chuan a rawn ti a lu ka lo thing san hmuk thung,engmah ka ei chak lo a ei ka ngaihtuah ringawt pawhin ka luak a chhuak ngawih ngawih thin,ka thil ngaihtuah tam ber chu ka video tenawm tak kha tlangzarh ani angem? Vanrammuana'n ka u a nei dawn tih te,engvang a min kalsan ta nge anih tih te leh an inneih ni tur a hnai tawh lutuk tih te chu ani



"Ka u a rawn luh vel ah ka tho nawlh a, room ah ka tlan lut nghal" an inneih na ka dang theilo a chuvang chuan huat tawhloh ka duh thin,mahse ka theilo Vanrammuana nupui ni a chhungkua an din tur te ka ngaihtuah chian ngat phei chuan ka tap tawp thin




"Thil ei tha tur in doctor hneh ah I intiam vek tawh kha" ka mut na bul ah ka nu chu a rawn thu a,khum ah pawh ka mu lo ka u khum hnaih lo lam ka khum bul chhuat ah mut na min phah sak a tah chuan ka mu tawp thin



"Nu Aizawl hlat ah chhungte kan nei em?" Ka tih chuan 'tinge' tih zawh na mitmeng hian min en a



"Aizawl hlat lutuk ah kan neilo a an awm hnai hlawm khawp mai,a hla ber a ka hriat ve chu keitum ah ania I pu unau te an awm a,kha I u Hminga te veng a kan awm lai pawhin vawikhat chu an lo kal tawh kha..zin nuam tilo an ni bawk sia kan in hmu khat khawp mai,nang phei chuan I hre vaklo ang,ngati nge?"



"Inneih na ah in sawm ve dawn em?" A zawh na chhan na pawh pe lo in zawh na bawk ka zawt leh a


"Dawn ta lo mai,helam ah pawh bawmgkawn a I pu te chhung kan sawm anga,lungdai a lam an theih leh an rawn tel anga ani mai, Muana te lam khan mi sawm tam vak kha an ti silo a bak ah in awn so a hautak lo bawk a"



"Awle " tiin ka in khuh hmak a thil ei tur a min sawm leh pawhin ka ngawi tlat tawh, beidawng aw zet a phun chungin min chhuahsan a



Tun a ka rilru a awm lian bet chu tuma hriatloh a keitum ah chuan kalbo daih ani,ka nu emaw ka pa pawh nise tumah hrilh lo a kal daih ka duh..heng thil zawng zawng hi tlan chhiat san ka duh a chung zawng zawng ai chuan au Hminga hmuh theihloh a awm ka duh ber,kha mihring ka rin na zawng zawng ti chhia a ka thianghlim na min lak sak tu kha kumkhua a hmu leh tawhlo tur a tlan bo san ka duh ani



Mutthilh leh daih ka tum laiin ka phone a rawn ri a tun hnai atangin phone hi ka khawih tam lo zual a ka khawih tam ber thin chhan Vanrammuana ber ka be ngam tawhlo a,chutin ka thiante pawh ka be nang lo Vanrammuana ka hmuh te hian keimah hi ka in ten ngawih ngawih tawh, hmeichhe tleirawl thianghlim tak anga min ngai in min lo ngaizawng ve thin kha ani awm si a hre ta se engkim hi,a tawp hmuk in ka ring ani



Phone chu ka la in ka en lo hrim hrim a a ring ral zo chiah massage a rawn thleng nghal zut zut! chuti fa ko a massage a lo thlen tam tak mawlh mawlh ah chuan phone chu ka ban a mahse au Hminga anih ka rin vangin ka theh sawn leh tawp,nileng in ka mu a ka riltam tawngkhawng ah bawnghnute tlem ka in a ka pum a nuam lo thin hle bawk




Tlai lam ah in hnunglam ah ka awm a ka nu pangpar khawih vel chu ka en mai mai a in tih harh ve ka tum leh ka chau zual hi ani ringawt,thol dang ka hmuh loh a ka mut tawp thin te hian video kha ka ngaihtuah zel a hlauh na in ka khat nghal tawp thin,inneih na a awm dawn vangin ka nu pawhin theihtawp in in leh a vel a ti fai a pangpar te pawh a enkawl tha leh lutuk ema with mai tur an ni,chutia ka nu che tla ka en reng lai chuan tu emaw hi ka bul ah a rawn ding a au Hminga anih ka hlauh na vang chuan hawi pawh ka hawi ngam lawk lo



"E Muana ilo kal maw? Rinpuii chu a thian tur nen an chhuak anihkha" ka nu in atih rual chuan ka thin a phu rang nghal dawt dawt,ka tho lawp a in chhung luh ka tum laiin ka ban bul ah a a vuan a mak ti deuhin ka en bawk



"Rini hi biak lawk ka duh a" ka nu bul a atih chuan ka nu in min en tawn zak zak a



"Aaa,a ma thu thu kha ani mai" ka nu chuan hnial hreh deuh aw hian ati a, engvang in nge Vanrammuana hi an zah in an hlauh em em tih hi ka hrethiam theilo!



"Rem a ti a" atih vang chuan min dawn na chu pheh sak ka tum a ani a tang na sauh!



"Nu kal suh..." Ka nu kal tur chu ka ti tuarh a ani pawh a ding chawt "kal suh hepa hi ka be duhlo" ka tih chuan Vanrammuana chu a melh zauh a



"Bawihte a rei lo ang,hetah in hnaih lawk ah hian ka lo awm ang" tiin a lut lui tho a,ka nu thleng chuan ka haw vek tawh,chapo a,sual a, thinrim thei ka ni lo hlir na ka nei tawhlo mahse kalsan ka nih teh thut na hian min luah hneh em ani



"Inneih na ah chuan ka awm lo ang,beisei suh" ka ti ringawt a



"Ka ngai tawh lutuk che.." tiin a taksa lian leh hlai thlup ah chuan min kuah bet chawrh a ka tal nghal vak vak bawk "dawt ka sawilo, Duatbik ka tuar zo dawn lo takngial..!" tiin min kuah nghet sauh a



"I tenawm lutuk! Min thlah rawh ka u pasal tur I nihkha I tan hlut na ka nei tawhlo" ka ti tuarh a



"Nei e,I hlu lutuk, khawvel thil ka neih zawng zawng zing ah hian I hlu ber,thil kal dan hi a dik ta lo em ani" atih chuan theih tawp in nem hlat ve ka tum a



"Engvang in nge min kalsan? Mawh engvang in nge? Ka mamawh ngawih ngawih lai che in tinge ka kiang ah I awm ve duhloh? Nep a I nep lutuk!" Ka tih rak thawt thawt a



"I sawi dik ka nep a lawm,I tan thil tha ber tih ka duh a mahse ka theilo ka nep lutuk! theih nise chuan vawilehkhat ah ka ti tawp vek ang mahse mihring ve tho ka ni a.." a thaw hrawih hrawih a "engkim hi I tan vek ani" a tih chuan a lo in thlah dul bawk nen nam sawn in a hmai ah ka beng chawrh!



"Ka hua che au Hminga ang lek I ni? Min venghim theilo a tawngka bak in ka tan I awm lo" ka tih chuan a mitmeng zawng zawng nen mak ti tak hian min en a,engmah sawi tawhlo in ka tlan luh san hmak,ka room ah lut in tah rin hlau bawk si chuan khur dawt dawt chungin ka khum bedsheet chu ka tham tawn tawn!





Ni a liam zel a ka huphurh em em ka u te inneih ni tur chu kan thleng hnai ta vawiin chhun lam ah man hlan na te nei in hun an hmang a,thil ngaihtuah hmel pu takin Vanrammuana chu a ngawi rengin a awm a,a hmel tha tak thin a lungngaih na thuk tak ka hmuh chuan mak ka ti takzet,hlim tur ani a sin...a duh thlan na ngeiin nupui a nei dawn a



Thingpui lum eng ilo chu hmeichhe awm ve dang ho in an lum a Kimkimi pawh school kal lo in min rawn pui ve a kei erawh ka nu in a sawi sa vangin engmah min tih tir ve lo, Vanrammuana hmel dam lo zet leh dâng var lap chu kil khat atangin ka thlir reng a ka u pawh ani tho,thil pawi tak thleng ang maiin an thu thim khup mai




Au Hminga pawh a bang lo vawiin kan zing ah a lo tel a chupawh ka nu leh pa te sawm avangin,nitin chhun zan zawm in a rawn kal reng a min vau lo in a haw ngailo a awm chhung hi chuan hreawm ka ti thin lutuk hi ka thawk te hi a buai phah thelh thin! Ka hlau a,min nuih ve te pawh hian ka rap zawk thin




Ni e,mi te chuan ka chung a thleng ang hi an tawn ve miau loh avangin awlsam takin ngaihdan an siam zung zung anga,min dem tu pawh an awm ang,mahse ka tawn ang hi tawng ve se kei ai pawhin an tuar na mai thei asin, thil reng reng hi mahni ngei in kan tawn loh chuan a hreawm zia te,a nat zia te hi kan hre tak tak lo...chu chuan diklo takin mi dang te ngaihdan mak sak leh a tuar tu dem na a neih tir thin




"Room ah awm ila..a nih loh pawh in pawn lam ah hotel a awm tho a" ka beng bul ah chuan a ti su su a,ka ten lutuk chu ben sawk mai ka duh,chhan ka tum chiah Aron an min rawn kai in min chhuah pui dawr dawr a,ani hi awm thin lo se chuan khang ni liam ta te khan ka at phah vek tawh in ka ring ani,au Hminga lak atangin min la hrang fo a ka him phah thin




"Hminga kha hnaih tawhlo teh Arin,ka mil thei tawp lo" pawn veranda ah chuan a ti bul deuh hmuk a, engkim hrilh ka chak a mahse ka sawichhuak anihchuan au Hminga'n min ti mualpho dawn si,tu hmel mah hmu ngam tawhlo a zak tak a awm chu ka ngai ngam theilo




"Lungngai suh... Ka ti ringawt a sawi tur dang ka hrelo au Hminga bawk chu a rawn chhuak zui veleh a,ni e midang a bik in Vanrammuana te unau ka hnaih hi a duhlo bur



"I thiante saw kan pui ve dawn em ni?" Ka kawng ah chuan rawn dawm pahin ati a ka tang nghal tung bawk,min khawih ringawt pawh hian hlauh lutuk vangin ka mur chhuak vek thei, Aron chu ka melh tlawk tlawk a min hruai hrang leh daih se ka ti takzet




"Che chi anilo a dam tha lo lutuk" Aron chuan alo ti ve vat a,au Hminga chuan nui hmel pu sâng si in a melh ngur ngur a



"Ka chau lutuk a ka mu dawn" min kuah na chu ka phih thla hlawk a in chhung lam an ri deuh nak nak bawk nen ka chau tak tak ani,ka thaw a hah mai dawn in ka hria




Ka room pan a ka kal laiin Vanrammuana khawi ah nge kal a tum ka hrelo kan in hmachhawn ran,a hmel ka hmuh te hian ka na thar thin man hlan lai phei kha chuan ka tap chhuak lo chauh! kal pelh mai ka tum a a ruk chuan ka ban ah min lo chelh a tal pawh ka tum lo



"Ka mu dawn a,ka chau lutuk min kal tir rawh" ka ti zawi sap a



"Ka be duh che" a ti zawi ve sup bawk,ka thaw halh a ,a mitmeng chau hmel tak leh a a vun dâng lap vang chuan a lang sang takzet



"In biak fal na chi ani tawhlo" tiin midang ho ka melh kual dan dan a mahse in chhung a awm an awm mang tawhlo Vanrammuana te in ah an in zui chho deuh vek a Kimkimi chuan kawngka biang ah biru deuh si hian min lo en a



"Kim lo kal rawh room ah awm ang" ka ti daih a Vanrammuana chuan min thlakhleh hmel tak hian min en tlawk tlawk a ka hrelo der ringawt



Thlahlel lo bik ka nilo,a ni ai pawh hian keimah hian ka thlahlel zawk ang mahse ka ti lang thiang tawhlo ,min la hmangaih ve reng te ka ring a chutih rualin hmangaih tlak ka nih tawhloh zia leh ka tenawm zia ka hre chiang tawh si



"Duatbik,ka be duh che a pawimawh lutuk" a tih tak tlat vang leh min thlah duh bawk siloh avangin ka room lam ah chuan kan in zui a lut a



" Sawi rawh.." kan luh fel rual chuan ka ti bung churh a


"Engkim ka thil tih avang khan ka tihpalh,min huat zia ka hria mahse engkim ka tih chhan hi nangmah I ni, Hminga'n I lak a tenawm tak a thil a tih kha ka hre vek,man anih theih nan i u nen ruahman na kan siam a I tan a him zawk nan engmah hrilh lo che ka ni" A ti chiah chu ka nghing lawih thei,min thawng a mahse a tha lo lam erawh anilo



"I..I hre vek a maw? Kei kei hi pawngsual ka ni tih I hria a maw,chuan ka u pawhin?" Ka tih chuan min rawn kuah thut a, pawngsual ka nih thu ka in hriat nawn fo hian ka thinlung hliam hi a na zual sauh thin,ka u ang a ka en ka thinlung zawng zawng a ka ein thin ngei khan min lo pawngsual thin a



"Aw,kan hre vek hma kan la a Hminga man na turin Hminga bum let a man chhuah kan tun a mahse thil erawh a kal tluang theilo,heng inneih na te hi I tan a him zawk nan a ti vek ka ni"



"Ka awihlo.." ka tal chhuak thut a, ring tur a min beisei zet hian min en a " ka tan nise engmah ka lak ah I zep lo ang,mahse I zep a chu chu ka nat phah asin"



"Ka hria,mahse Hminga lak a I him ka duh em vang ani,hman ni I thusawi atang khan nang pawh in khang thil tenawm tak I chung a thleng kha I hrechhuak tih ka hria,enteh I u neih tum lo ila chuan Hminga khan video kha a theh darh tawh ang,nang leh a ma inkar a hnawk ka nih avangin min haw em em a I u nen kan inneih theih nan ruahman na siam in I u pawh a vau a,a duh ang khan thil thlen tir reng lo ila chuan mualpho takin I awm tawh ang"



"Duhtawk rawh!!" Ka ti tuarh a, mualpho tak a awm a,pawngsual hmeichhia ti a mi ten min hre tur a ka ngaihtuah ringawt pawh hian ka na takzet



"Min ring turin ka duh che,I u ka nei tak tak dawn lo tih hria la ka hmangaih awm chhun I ni tih ring rawh I that na tur vek a ti kan ni,ka tan I hlu lutuk a I tan ka bei anih hi,ka na lo bik lo a sin I hlat a awm te I rilru tih nat reng te kha hreawm ka ti be tho asin, hmingchhiat na zawng zawng i chan loh nan kawng ka zawng anih hi"



"Min hmangaih tawh suh, hmangaih tlak ka nilo duhtawk rawh u.." ka tih rual vel chuan min rawn fawp thut a,lo tang viau mahila ka kawng ah leh ka hnungzâng thleng a min pawm beh nghal vek vangin ka tang tha theilo



Ka in control theih ngang tawhloh vang leh ka thlakhleh na a nasat em vangin ka chhang let ve ta nge nge a,ka in haw takzet bawk hmangaih tlak leh beisei tlak ka nih tawhloh teh lul nen,ka u neih a tum chhan te kha ka lak a a hmangaih na a tawp tak vang ah ka lo ngai a



"Man hlan kan kal tlang pui chhan pawh Hminga hetah man awlsam turin awm ve reng se ka tih vang ani...mahse kan tum ang in thil a kal lo a man hlan zawh hma a Hminga man kha kan tum dan ania...khawngaih in, min ring rawh" ka chal a rawn sik tir rual chuan a ti a,kan thaw rang lutuk te chuan kan la in mamawh tawn zia ati lang chiang takzet mahse...




"Man hlan ani tawh a au Hminga chu man mahse ka chân hlen dawn tho che a sin..."



"Ka tihpalh..." ti ringawt in min chhuahsan a ka mangang lutuk chu,thawk la kawk kawk in ka thawhah rawn chhuak tur chu ka âwm ka dawm vawng vawng a ka drower hawng in inhaler chu ka hip nghal vat



"Arin..." Kimkimi'n min rawn hmu chu min rawn thut chilh a keiin ka thawhah beih let pahin ka lo kuah a ka tap theilo ka na lutuk hi ka tap theilo hial zawk



Naktuk chu tih hreh in ka hreh hluah hluah,lo thleng theilo se zan ni mahse zan chu ral theilo se ka ti takzet ani,hun ka pawt ding theilo a ka chelh thei hek lo chu thil chuan na min siam a,mal ngawih ngawih a ka awm hun tur te ka ngaihtuah chuan thih daih ka chak hluah hluah





"Naktuk hi ka phur lo ani diktak chuan.." ka nu in room kan chhuahsan laiin a ti a ka u leh a thian tur Mamawii te room ah mo thuam nen an rawn hnawk tak nuaih vangin awm hreawm ka ti a room ka chhuahsan ta daih anihkha



"Keipawh diktak chuan Bawihtei ka ngaihtuah a ka phur lo ani, Muana nen lo I kawp ve lo se chuan hlim takin Bawihi pawh kan thlah thei anga, Bawihtei lungchhe zawng a la tur a lo awm bawk nen" ka pa'n atih chuan ngaihtuah ka nih zia ka hria a ka tah a chhuak thar ut ut tawh



Kan chhungte an rawn lang leh sap sap a ka pu te in a awm u Zo-i chuan naktuk a hak tur in ang thap tui tir in ka hak tur min rawn pe a ka lungchhiat a zual sauh,hun chelh ding theilo ka nih zia a lang zel a zan a rei tawlh tawlh a ka mu theilo hrim hrim, naktuk ka huphurh lutuk avang chuan mut hmun ah ka tha a khur zawih zawih



Ka kiang a awm turin Vanrammuana ka nei tawh ngai dawn lo a,ka lak a thikthu ti chhe turin ka kiang ah pawh a awm tawh ngai dawn lo ka u pasal ni in ka makpa ani tawh anga " a theihloh!!!" tiin ka mittui luang chu ka hru mawlh mawlh a



Ka u nen min puih nan ruahman na an siam a,chu ruahman na hmang chuan pumkhat ah an in siam dawn si ka hmalam hun venghim tu tur ni mahse ka hlim phah lo



Zingkhua a lo var a tupawh mai chu an ri mup mup tawh,zingkar a in suih tur an nih avangin hma tak ah kan tho vek a keimah pawh a ka in siam peihloh vangin Kimkimi rawn kal hma in min insiam pui a ka nu te room ah Kimkimi chu ka tah khum leh nghek



Biakin lam kan pan lai te chuan ka tha a zawi ngawih ngawih a hlim hmel ka pu lui theilo, Aron chuan ka kiang ah awm reng a duh thu hrilh in min veng chawt a,ka nu leh pa te sawm na ang in au Hminga pawh a rawn lang tawh bawk,ka kiang ah awm tum viau mahse Aron an min ven em vangin a duh ang in a awm thei biklo,Chhungkhat tur kan ni tawh a lawm tih chhuanlam in Aron chu ka bul ah a thu a a ruk in ka tap leh thin


"Arin..." Zawi sup chuan ati a


"Enteh..ani saw ka pasal tur a ka lo suangtuah ve char char thin kha ania..a mah ngei pawhin pasal ka neih theih hun thleng min nghah kha a intiam a!" Inneih thutiam tir tu tur Pastor hma a mipa ding ngawi reng melh pahin ka khi suk



"I nat na te hi chu ila tuar chhuak mai ang chhel deuhin awm tur,mipa dang tha tak I tawng leh mai ang" ka bul a mipa thu chuan a ruk in ka kut ah min chelh sak,khaw dang reng reng ka hawi theilo a,maicham hma a ding te lo chu melh tur pawh ka hrelo



"Nia tiraw,mahse ani lo saw chu tumah ka duh chuang silo hmeichhe buaithlak tak chu ka ni...chuvang chuan aniang tiang hian thil alo danglam tak daih"



"Arin...ila naupang a hmabak eng tak ila nei, hetiang vang hian hnual phah suh,keipawh in hetiang deuh hi ka tawng tawh a lawm mahsela hmalam pan in ka kal lui zel a, hetiang ang hian ka lo chhuak leh thei chauh"



"Mahse..ka mipa hmangaih ber ka makpa ani dawn asin! " ka mittui te chu a hma ang bawk in an rawn luang chhuak leh tawh! Biakin chhung pawh sawilo in ka kun tlawk tlawk a hetiang bak a na hi ka damchhung hian ka la tuar ngailo! Pawngsual ka ni a neih tlak leh hmangaih tlak ka ni tawhlo tih hre mahila ani saw ka tan ka la beisei ve tlat si ani


___________________________________

★ Amon POV ★



"Amon ka thei tawhlo..!" Rinpuii'n a ti zawi sup a,kei tak hian a nia thei tawhlo ka tum ang in thil a kal mai silo,nilo se chuan nimin khan Hminga kan man tawh tur ania tun a thil thleng zawng zawng te hi an thleng lo tawp tur



"Zorina alo thleng tep ang" ka ti ringawt a ka beidawng ve ta lek lek mai,nimin a lo kal tur anih laiin kan audio te kha a chhungkhat police a thawk in enfiah leh phawt an duh avangin nimin ah Hminga man turin alo kal thei ta lo ani a Zorina pawh ka haw lek lek tawh, Zorin I hmanhmawh a ngai tiin ka rilru chuan ka phun mawlh mawlh




Pastor in thu tiam chham tur a min zawt tur chiah chu kawngka lam ah a thawm a rawn awm a kan vaiin kan hawi nghal dual,ka rilru in chunglam hnen ah lawmthu ka sawi nghal mawlh mawlh police leh Zorina te rawn lut chu ka lo melh tlawk tlawk a




"In boruak kan rawn ti chhia a pawi kan ti khawp mai,he lai ah hian Lalhmingliana man tur a lo kal kan ni, hmeichhe pakhat hrai rui a a khawih chhiat vang leh mawi hnai lo tak a video siam sak a vau nan a hman a vangin man turin kan lo kal ani" tiin Hminga chu an en a Hminga pawh a meng atangin a buai nghal vek tih a hmuh theih




Ka hrilh lawk tawh ang in Duatbiki hming sawi lan anilo a a mualpho kha ka hlau ani "tih sual ka neilo.." Hminga chu a rawn ding chhuak a thinrim zet a kan lam rawn hawi in ati tuarh a



"Fin fiah na tha tawk tak kan nei a,I tihsual pawm mai rawh,tun ah hian I phone kan kut ah hlan bawk ang che" tiin a ban leh lam lehlam ah man in a phone ah lai an lak sak a an hruai chhuak a, boruak tang ulh tawh ah chuan tuman inneih lam kan buaipui tawhlo,chu chu ka duh dan pawh ani.. Duatbiki nu leh pa te chuan engmah ka hre hek lo an zui chhuak ve nghal a



"Ka lawm e..." Rinpuii'n a tih chuan ka bu nghut,keipawh ka thawveng ta huai mai,chutah au thawm a awm tak ah chuan hmahmawh zet in ka tlan chhuak nghal a pawn a Hminga'n Duatbiki a ban a lo kuah bet chungin chemte chuan alo tin ka va hmu,engtin nge sawtiang a che tur sawn an thlah theih zawk?




"Min hnaih vaih chuan henu hi ka that nghal ang" tiin hnaih tum an awm chuan Duatbiki nghawng a a chuktuah ran tawh chemte chu a hnaih zual sauh a Duatbiki mangang hmel leh hlau hmel dâng lup tawh chuan min awm tir mai mai theilo ka pan hnai a



"Ai lo kal suh ka hlau..." Duatbiki zawk in atih chuan ka ding leh chawt "min chhan rawh thih ka la duhlo" tiin mittui tling pam chuan min en a



"Lo kal hnai hlek suh ang che u anihloh chuan henu thah hi ka hreh miahlo ania" tiin a rak tuarh tuarh a,gate ah chuan chhuah pui in tlan chhiat dan a ngaihtuah ani mahna



"Zorin,,hel rawh..." Ka tih rual deuh thaw a ri pawp a rang lutuk in ka tlan thla nghal, kawngpui a Hminga leh Duatbiki te thisen nen an lo let nuaih chu ka hmu a ka khup tha a zawi nghal vek ka thingthi thla hnawk a,an mahni su tu taxi chuan a su na hle ani ngei ang Duatbiki phei chu taxi hlat tak ah bawk zawng in a lo awm a Hminga erawh thi chhawng a awm in taxi hma lam hnuai ah a kawng a chin hmawk a lo in barh lut



"Duatbik.." ka ti tham chhalh a,ka mangang na chuan min tuam hmeh takzet, Zorina'n min rawn tung tho a Duatbiki lam ah chuan min kal phei pui nghal a,mu leh mal pawh ka nei thei meuhlo, Duatbiki kan pan lai chuan na tak a tuar tih hriat zet hian a taksa chu a che leh thut thin



"Duati..Duatbik ka thinlung leh ka nun na I nihkha khawngaih in min kalsan suh" tiin ka kuai let a ka theih tawk in a taksa chu ka pawm khawm a ka taksa zawk pawh a khur hlawk hlawk a hmai te chu an pem nuaih a a lu atangin thisen a chhuak bawk "Ka Duatbiki hian na ka siam pawhin min kalsan ngai lo tun ah pawh hian a kal miah lo ang" ka ti sup



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 4:17 pm

CHAPTER-38 (Last)❄️



"Thiana in ti pangchang hran hram rawh" Duatbiki ka kuah lai chuan Zorina'n a rawn ti a,ni e tun ang hun ah chuan in ti pangchang ka ngai takzet,mahse a har ani mipa ka ni a mipa puitling,mahse ka hmangaih awm dan vang hian ka pachang thei meuhlo



"Amon..." Aron chuan min rawn au a Duatbiki hospital hruai na turin car an rawn ding nghal bawk a ka che khaw lo vek tawh! Zorina'n Duatbiki chu rawn dawm in Aron nen an zawn lut a keipawh min kai tho in Duatbiki bul ah chuan min thut luh tir a hospital lam ah kan tlan nghal



"Kan sual chhuak tawh a sin, engkim a tha vek tawh a sin Duatbik!" tiin a kut zawi hnuang chu ka chelh sak a Zorina'n ka dar ah min lo sawm ve bawk



Hospital kan thlen rual chuan an hruai lut vat a,pawn ah kan lo nghak thap ka tha khue pawh a reh theilo, hetiang deuh a Duati ka chân tawh avang khan ka buai ka chi ai vek tawh ani leh zel hi chu chân hlen ka duhlo,ka a thei mai ang!



Rei vaklo ah midang in Hminga an rawn nawr lut veleh a Duatbiki nu te ho leh hmeichhe dang ho chu an tap nghal vak vak ringawt! Duatbiki thi tur ang mai a an dah vang chuan ka thinrim takzet,ri ngial kan nghah hnu ah doctor a rawn chhuak a a that thu leh a lu bak ah hliam a neih mumal loh thu an sawi a thisen a hlauh hnem vangin a rawn harh mai loh tur thu min hrilh a hlauthawn tur a awm loh thu pawh min hrilh tel



"Thiana a lawm awm hle mai" Zorina pawh mahni tawk ah alo mangang ve hle aniang Duatbiki a ngaihtuah awm lo tih thu kan hriat tlan meuh chuan a thaw huai a min rawn kuah thlawp, Duati ka chan a ka nat zia a hria a Duatbiki leh zel chân tur chuan min duh tawh biklo ani mahna thian tha tak zawng ani





Duatbiki chu keiman ka awmpui chawt a doctor in sawi sa tawh mahse nikhat chhung teh meuh harh miahlo a a mutthilh tawh vangin a rawn harh har ka tih takzet! ka awm hle hle thei meuh tawhlo,in lam ah Rinpuii chuan thil awmdan zawng zawng alo hrilh fiah vek a, Duatbiki nu phei chuan a fanu an fapa ang mai a an en thin in alo pawngsual tih a hriat phei chuan a tap ani awm e




Inneih chungchang pawh sawifiah in ka pa chuan min hrethiam takin inneih na puitlin tak loh pawh tih tawp a rem ti a Rinpuii pawhin a nau pai na pa leh an chungchang te pawh sawi in an buai ve nuaih ani awm a mahse in hmangaih lo kan nih liau avangin engmah sawi buai theih an neilo,a tawi zawng in sawi mai ila engkim a tha,a tha vek tawh




"Kan lo check leh lawk ang chu?" Duatbiki kut a chelh in ka awm lai chuan doctor in a rawn ti a keipawh ka thu hla deuh, awmpui tur a ka in dah luih tlat vangin tuman min hnial ngam lo a nitin an rawn kal ziah thung a thiante pahnih pawhin an rawn tlawh ve fo a an zirtirtu te pawh an rawn kal ve bawk




"E hei a rawn harh ve dawn ta anih hi" Zorina'n kan chanchin massage a min rawn zawh na ka chhan laiin doctor chuan lawm aw tak hian a rawn ti a phone chu dah nghal hmak in ka thut hnaih lehnghal



"Nula tawrh chhel chu a hmel hmuh a nuam hle mai" a rawn meng diar diar a doctor thusawi vang chuan ka lo nui suk,a sawi dik em vang ani Duatbiki ang bak a hmeichhe tawrh chhel hi an tam lo khawp ang



"Hi..." Ka awm ve tih hria ni awm tak a ka lam a rawn thlek phei avangin ka lo ti sup a, engkim a tha tawh tih hrilh lo mahila min nuih ve suk



"A bp leh engkim a tha e...rei han awm ula a dam vat mai ang" tiin kan pahnih chuan min chhuahsan a, Duatbiki chuan min la en reng tho



"In lam kan hrilh ange" tiin phone ka ban a in lam call in Duatbiki harh thu te chu ka hrilh a,an ni pawh an lawm khawp mai an rawn kal nghal tur thu a min chhang in phone ka dah a



"In innei tawh em?" A tih chuan a hriat na a hlauh emaw ka ti hman hial,ka ngawi vung vung a "I pathlawi zawk ami?" A rawn tih chuan ka nui chhuak hawk



"Pathlawi ta ila min la nei duh tho angem?" Ka tih chuan zawi muang a lu thing chungin chunglam a melh zui daih "Ka Duatbik,nang lo chu tumah ka nei dawn lo I pasal neih theih hun thleng ka nghak ang che ka tih tawh kha.." tiin ka tho kang deuh a chal ah chuan ka fawp vawng vawng,a sam chhuak leh hi kei tluk a lawm an awm kher lo ang




In lam ami ho an rawn thlen thuai vangin han in biak vak na hun a awm lo a,chim hup hup a chi loh avangin tupawh mai chuan kan dim em em vek a a nu phei chu tah in sum zo lo in a fanu chu a tah khum nghek a,a chung a thil thleng tenawm tak an lo ngaih thah lutuk te vang khan ngaihdam a dil mawlh mawlh a




midang chuan sawi chhuah sak tawhlo turin an lo hrilh ve bawk a,mahse a in thiamlo ngang ani mahna,Duatbiki pawh a rilru a nat thar ka ein tehreng nen,nula fel tih tak ah a nu in asawi chhuah pawhin anuih pui mai mai tawh,a chhungril tak erawh ka hrelo na in na ang a lan a duh tawhlo ani hmel,




A u nen kan inkar te leh engkim a that tawh thu te a hriat ve tak ah chuan a u pawh a haw ta em em lo anih hmel a be ve bawrh bawrh tawh a,a nui hmel ka hmuh ringawt pawh hian ka dam sawng sawng in ka hria



Ni a liam zel a damdawiin chhuahsan min ngen nasa viau mahse dam tha ver vawr a ka la ngaih ve loh avangin ka phallo tlat a min tih tauh khum reng mai, College lam ah hna ka neih tak avangin chhin lam ah chuan Anu leh ka nu ten an awmpui a zan lam ah ka eih pui thung ka va lan hi chuan a hmel ngui lutuk leh min ngai lutuk hi a reh nghal vek thin tih ka nu hian a lo sawi ngei ngei




Ka awm loh chuan a lo pangchang in a sual thiam ve reuh thin aniang damdawi te alo ei duhlo thin a kei ka va lan tawh erawh chuan ei rawh tih angai lo damdawi ei ka hun tawh ati nghal zat thin,min hlau anilo a in tih thiam loh a lungawi loh vel a duhloh vang leh ani ai a ka luhlul zawk vang ani a ei hma chuan ka tur dawn tih a hre Chiang bawk a




Hminga chanchin a sawi ngailo a tuman kan hrilh hre ngai hek lo,a chhan pawh a a boral tawh vang ani..reitak engmah hrelo a hospital ah enkawl anih hnu ah a hliam a nat avangin a boral ta kha ania a vui na ah pawh Duatbiki nu te chu an va kal ve tho,a chhungte lam pawhin huat na an neilo a chhan chu an fapa khan thil a tisual miau ani, diktak chuan ka dam se ka ti mihring ka ni miau a ka rilru chhiat na peng pakhat avang hian ka thi mai lo se hreawm ti takin jail tang se ka duh mahse a nun na chung ah thu ka nei miau lo ani


_________________________________

★ Arini POV ★



"Naktuk ah chhuah min dil sak tawh rawh thlakhat ka awm tling tep tawh ania ka hne tawh lutuk damdawiin hi a rim chhe si" ka bul a phone khawih malh malh chung a thu nui vur vur pa chu ka en a tunlai chu College lam nen zan ah min riah pui ziah bawk sia a chau aniang a hmel lan dan pawh a dik lo vek




"Ai... thlakhat tal I awm tlin angai" ti hmuk in a phone bawk chu a melh ngar ngar,ka lukham chu la in a phone chu ka vawm sak pawp a



"I phone nge I hmangaih keimah?" Ka tih chuan a phone chu min rawn pe nghal hmak "I thil tih a ho si, patling" online games a lo khelh mai mai vangin ka ti vin hlar a



"Hmm,patling te min tia? Kan inneih hma te chuan patling ka ni dawn lo hrim hrim" nghal zet hian min chhang let ve khanglang a lei ka chhuah khum ringawt



"Ka duhpa ka bialpa thar ka en san daih dawn che" tiin a phone atang chuan ig ah ka lut a,a account check ka chak tlat vangin a account ah ka lut hmasa a ka thil hmuh vang chuan phone chu khum ah ka thlauh dawt



"Hmmm,I duhpa chu a tha viau em?" Nui chung a arawn tih chuan nidang a ka tih dan in ka ban pahnih chu kuah ka ngai tih nan Ka phar chhuak a ani pawhin hrethiam zet a tho chhuak in min rawn kuah nghal



"Misual pa tinge I in zep char char a?" Ka duhpa lek ani tih a account a video atang leh a profile name a V_m ka hmuh atang chuan ka hre nghal mak ka ti min thawng a ka tah te lam a chhuak ka lungphu hi a phu dik thei lo takngial dawn in ka hria



" A remchang theilo em a lawm,bak ah ka lak a I thinrim pawn I duhpa hmang in I in ti lungawi chawp zel a kha kha a tha ka tia ka hrilh lo che anihkha" a tih chuan a dar ah ka seh sak ringawt,a lak a ka lungawi loh chuan ka duhpa video te en in ka in ti lungawi chawp thin reng ani



"Ui ka a mai dawn in ka hria! Kha leh Chen kha..awi ka sawi theilo" tiin ka hmuk ulh tun vang chuan ka ngawi a mah chu nghet takin ka kuah vawng vawng,a mah ani tih hre lek lo in a bul ah te khan ka lo in puang nasa ve thei sia ka van zak hnuhnawh tak!



"Chi hnih a min duh pawh I thiam hi a,min lerh san ange aw" tiin min fiam zui a ka lawm lutuk leh min thawn lutuk vang chuan ka tah nuih hawk ringawt "pasal hi nei thei tawh la ka va ti ve..." A rawn tih pawhin ka nui mang lo ka tap zel!



"Awi ka hmangaih lutuk che hi ka a dawn" tikn ka in la hrang a,a mitmeng mawi leh pa zet ah chuan Chiang takin ka en a min hmangaih a thik zet ka hmuh chuan min ti hlim hliah hliah,ka chân kumkhua tawh dawn emaw ka tih kha ka ta ka ta kumkhua ani tawh zawk tun ah chuan "college kal lo in ka nei mai ang che, anihloh chuan Remruati te kha an lo hrâng leh palh ang" ka tih chuan nui hawk chungin ka biang tawn tawn ah a vuan a




"Hrâng mahse ani ai in I hrâng na thiam daih tho a lawm" tikn duhthawh zet hian min fawp vawng vawng a,ka hlim..ka hlim takzet hun harsa tak ka tawh reng hnu ah hlim na ka chang leh a hei bak bak ka tan a awm thei tawhlo ang



"Ka lawm e aw,ka chung a thil thleng zawng zawng hre vek chungin min ka hmangaih a ka kiang ah ila awm duh bawk a,ka tan I beih nasat zia te kha wngti kawng mahin ka eul let zo lo ang che" kan chal in sik tir in ka tih chuan ka hnar ah a rawn fawp zauh a




"Ka hmangaih che a chuvang a lawm,I hriat reng tur chu an sawi do ang in nuam sa tur chuan hreawm tawrh hamsak angai a chumi hnu ah nawm sak na.. chutiang chiah chuan hlim tur chuan hreawm kan tawrh hmasak angai thin.." tiin min fuih nghal





Hospital chhuahsan min phal siloh vangin ka la awm reng a ka thaw hah thut thin leh ka lu accident ka tawh na vang a la na zeuh a awm tih bak chu na dang ka nei tawhlo,au Hminga kha haw viau mahila accident kan tawh dan ah khan a lak ah lawm na ka nei ka hnung ah khan awm in motor khan min phen lo se chuan ka dam chhuak kher lo ang





Amah vangin thih pui tham na ka nei lo hlauh a ka vanneih vang ani pakhat bawk



Vanrammuana nen nun hlimawm tak kan hmang chho zel a kan inneih hun tur mawlh ka suangtuah tawh,a chang chuan ka lo piang har lutuk leh ka naupang lutuk chu ka thinrim thin inneih vat vat ka chak tawh takzet



Ka duhpa ani tih ka hriat hnu phei chuan a hma ai in ka thikthu ka ti chhia a video upload tawh ngailo mahse a upload na sa a comment ho ka chhiar nawn leh te hian ka la thinrim tun thei an lo duh ve thei lutuk te hi ka thinrim phah fo,a mah lah chuan min nuih ziah lehnghal, account ah keimah chauh min follow a story neih te pawh a hrat ve viau tawh, college a awm chhung in story a nei tlangpui thin a,ka muhil lai thlalak te hmang in min tag ziah bawk a ka lo hlim ve em em thin




Kan pahnih a kan awm chuan kan zai dun ziah a kan sak tam ber pawh Lewis Capaldi hla before you go kha ani, Duati tan khan a sa fo tih Aron an min hrilh tawh a a mah vang liau liau in keipawn nalh ka ti thar tawh, Duatiah chuan ka thikthu a chhe hran lo a hmalam hun kan in tawn a kan in hriat hma ami kha anih miau vang ani




Vanrammuana hmel leh zai chu in hmeh lo ka ti thar daih thung,a hmel hmu lo a ka awm lai kha chuan zai bak a inhmeh a neilo ka ti fo kha ani a mah ani tih ka hriat leh a nungchang a mi zia ka hriat chian tak si ah hian zai kha inhmeh lo ka ti thar riau a bul ah phei chuan ka sawi duhlo thung a ti tau ang, puitling uai si hian a ti tau thut zel a




"Vawiin chu ka lo kal hma lo mai thei aw, Zemabawk lam ah kal lawk ka ngai dawn a ka reilo ang" tlai alo kal ka nghahhleh vei nen a thu rawn sawi vang chuan ka tum nghal bur a



"Enge I tih dawn? Ka ti tawi tup a,ka aw atangin ka lungawi zan lo tih a hria aniang a rawn nui ri hak a



"Zorina te College thil lampang ania a reilo ang Zorina'n ka kalpui a duh tlat sia kan tan a tangkai thin zia I hriat kha kan rei ka ringlo ka lo tlang nghal ang,chuan thil tha deuh ka lo Hawn dawn che nia"



"Zo chhehot-a lah hi a!" Ka tih chuan lehlam atangin


"Min va ti duh dah ve a!" Fiamthu aw zet in a rawn ti a Zorina ani tih ka hre nghal mai


"Chhe hot dun Lutuk mai...lo let vat ru" tiin phone chu ka dah zui a, Vanrammuana rawn kal hma lo tur chu ka nguai churh mai,tlai dawn lam a ka lu a nat deuh vangin nurse in damdawi min pe a ka mut a ti chhuak riau


"Nu Vanrammuana lo kal hun ah min lo kai tho rawh aw ka mu lawk dawn ania" tiin ka mu rem sawk sawk a


"Nang lah hi Vanrammuana I ti leh ngawt zel a I bialpa pawh ni mahse I in upat hleih em hi tha deuhin ko ve rawh" a tih chuan ka nui suk



"A ho emai Vanrammuan ka tih hian ka ta bik anih zia ka ti lang ve ani mai" ka ti vei luam a min nuih ringawt reilote ah ka muhil zui mai a,rei tak ka mut hnu a ka harh pawhin Vanrammuana chu alo la kal lo zung turin ka tho chhuak a bathroom atang a ka chhuak leh chu ka thaw a rawn hah ringawt!



Hmanhmawh lutuk in ka nu in doctor a ko a a min buaipui nghal sawk sawk,inhaler nen an beih chuan tlem in ka thaw pawh a zia awm ta deuh, naupangte ka nih atang a ka vei tawh natna ni mahse ngai a neih a mahni a in buaipui hi ka theilo




Chutah Ka nu in ka u te a phone nge ka u a rawn tlan lut hlawl a,mit sen ram a min melh chungin min khawngaih hmel tak chuan ka kut a rawn chelh a "Mate... Amon, Amon damdawiin ah a awm" a rawn ti chu ka inhaler hip lai pawh ka tawp chawt




"A..a lûng ah thisen khar a lo tling reng a tlai ah khan a na thut a hospital ah a awm...a harh theilo an ti" A tih phei chuan ka tawp hmuk! Ka u thusawi chu ka awih theilo a ka thinlung hi a keh sawm vek ni mai hian ka hria! Dawt anih ka ein em vangin ka u chu ka haw lek lek


"Hei..hei Aron an a lo call" tiin phone chu ka mut na bul ah dah in speaker a on a



"Arin..Amon an a be duh che" Aron thusawi chu mittui luang zawih zawih chungin ka ngaithla a, Vanrammuana chutiang thut a a awm chu ka awih theilo kan awm dun nitin a that loh na leh rinhlelh awm na a nei ngailo a dam tha lutuk!



"Duatbik..." A aw chu Vanrammuana ngei ani tih ka hria inhaler hip mek ka nih vangin leh ka thaw hah vang chuan ka tawng theilo



"Ka tihpalh.. engtik ah emaw" a aw chu bur chhung atang a tawng rawn chhuak ang mai ani ka rilru a awm hmasa ber pawh oxygen a hip tih ani,keipawn oxygen chu ka hmang ve tawh a kan aw chhuah dan sang thin pawh ka hre thiam thei



A reh vung vung a ka u in dawt min hrilh lo tih ka Chiang ta tawlh tawlh a ka tah a chhuak si ka tap thei silo ka chhungril ah hian min hnawh tu lian tak a awm ang maiin ka sak tulh,ka mit ka chhing vang vang a thil thleng mek chu ka mumang ni turin Pathian ka dil hman hial



"Before you go..was there something I could've said to make your heartbeat better.." tih hriat theih chang chang chauh a sak ka hriat chuan ka meng zawk a,hmu turin ka kal nghal thei silo ka mut hmun atang chuan hmui phun chungin ka lo zawm ve a,mahse aw chu a tawp thut



"Bawiha.." ti a nu pakhat au rawl ka hriat rual chuan ka mittui a rawn luang chhuak a,a tawp,a tawp vek! Ka thinlung lak bo sak in ka awm!duh tak a min kuah thin lai te chu ka mitthla ah an lang nghal zat,Vanrammuana lak bo sak ka ni!

___________________________________

★ Aron POV ★



"Doctor ka u hi" ti a au thawt in Amon chu ka sawi nawk nawk a heng thil thleng thut hian min ti a vek dawn! "Ila kal theilo! A theihloh a rang lutuk Amon Arini khawngaih ve ta che engtin nge I tello in a awm anga?" Ka unaupa nun na nei tawhlo tih hriat tak a zawi vek taksa chung ah chuan ka ka tap a mipa mah ni ila in sum harsa ka ti takzet tawh



"In hlim na turin I beih nasat tehreng nen hetiang hian maw In hneh na chan chu I lawm dawn? Amon min chhang teh Arini vang pawhin I lo kir angai tuman nangmah ang in kan enkawl theilo..Amon!!" Ka rawl tawp tawp in ka au a ka nu leh pa pawh puitlin chhuah thei an awm lo an in dawn kun a an tap hlawp hlawp




"A pawi khawp mai kan chhan hman ta lo ani" tiin doctor chuan a rawn check hnu ah a sawi a chhuat ah chuan ka thingthi hnawk,ani ang mi kha hetiang mai a kal tur anilo asin "doctor check tha leh rawh,a hma pawh in na anei ngailo vawiin ah a na thut a hetiang mai chuan a nun na athlah theilo check tha leh teh" tiin doctor chu ka ngen a




"A nat na ang hi Mizoram ah vei kan la vang em em a ni,a na in hna alo thawk rang lutuk bawk si nen a taksa a thu hnun hneh tawh si a,a pawi ka ti khawp mai" ati a Amon chu ka melh tlawk tlawk ringawt a thi tih pawn har ka ti a ka unaupa hi hetiang zawng a chan hi ka beisei ngailo!





Ka u ruang ni ani a Arini ber mai chuan tawrh thiam har ati ani,kei erawh ka in ti pachang hram hram a a chhan pawh Amon a kal tawh a Arini buaipui ka hna anih tawh vang ani,a ruang bul ah chuan a thu a,a lo thlen tirh atangin a la tap lo a tap theilo zawk pawh ani mahna, Amon hmai te chu a chul sak a,ngai tih hriat tak hian a hmai leh Amon hmai te chu a sik tir thin




A awmdan chuan tupawh mai chu an mittui a tlak tir a tih theih ang,nizan lam ka tah na vangin keipawh ka mit a na thum tawh,Arini chu a tho thut a pawn lam ah a chhuak vang vang a hmanhmawh takin ka zui ve nghal kan gate bul ah chuan alo thu sawp nuaih a



"Arin..." zawi te hian ka va ti a



"A.. Aron...lo thu ve rawh Vanrammuana a lo thleng tep,ih ih zemabawk ah a kal a lo haw tep tah hian lo nghak ang hawh thu ve rawh" a thut na bul chiah chu a kut lawng in a ti fai sawk sawk a,min bia ang pawhin a awm chuanglo,a awmdan chuan min tah that tir takngial dawn Amon thih na a tawrh zia ka hmu Chiang zual a,a at phah lek lek anih hi



"Arin,Amon chu in chhung ah a awm saw" tiin a dar ah ka vuan a



"Ai..ai saw saw ka Vanrammuana a nilo saw chuan ka biak pawh in min chhang duhlo,ka Vanrammuana chuan ka biak apiang in rang deuhin min chhang thin,saw chu ka Vanrammuana a nilo" tiin a lu a thing a



"A bul ah va awm rawh...a kiang ah I awm rei thei tawh dawn lo ania Arin" tiin ahma zawn ah tak chuan ka thu hniam a



"Ai..saw chu Vanrammuana a nilo, a bul ah sawn ka awm duhlo ka biak pawhin min chhang duh silo ka ngaina lo a lawm Vanrammuana chu a lo thleng tep ang,thil min hawn dawn a Aron " mangang leh beisei nei tlat chung a nui hmel pu hian min en a,na ka lo ti takzet Amon khan kalsan hma mah mah a in ti ve ngei ang



"Arin..enteh Amon chu a lo haw daih tawh a lawm" ka tih chuan phawk lutuk in min en a,a awmdan chu tam tak tan chuan hlauh hial chi zawk ani,mahse a tawrh hi a na em a ni



"A ni maw!?" A ti sup a ka bu nghut ringawt


"A bul ah ka hruai ang che aw...I duh em?" Ka tih chuan a bu ve nghut a a thu sawp nuaih chu kai tho in a thawmhnaw ka tih fai sak a


"Saw saw maw?" Ka u ruang awm na kan thlen hma deuh chuan duhlo aw hmel tak hian min en ngawih ngawih chungin ati a



"Aw... Amon ania a bul ah sawn thu turin a duh che a,a thu I awih thin em kha va thu rawh aw" ka tih chuan a ngaih na hrelo hmel leh lungchhe van kai hmel tak hian min en a chutah ka dawm na atangin a tal chhuak phut a ka u ruang bul ah chuan a va ding chawt



"Khawi ah nge I thil min hawn tur chu? Khawi ah nge I dah that min hrilh rawh?" tiin a au vak a, Amon lah chhang tur a awm tawh silo a hmangaih mipa chan a vang a mi a ang mai a awm Arini vang chuan tah in sum takin ka ding khawng zuarh ringawt



"Aron..min chhang duh miahlo!" beidawng aw tak hian a rawn ti a in chhung a awm zawng zawng chu an tap fai vek in ka hria,ka mittui rawn luang thla chu ka tuai fai puat a Arini lam chu ka pan nghal bawk



"A chhan chu maw...van ah a kal daih vang ania,ih tih tur tam tak a nei a reitak a awm dawn a" tiin ka thusawi lai chu uluk tak hian min en a



"A mah hi ka Vanrammuana kha ani tak tak ami?" a tih chuan ka tawng theih tawh thlawt loh avangin ka bu tawp a chuveleh chhuak em em hian a tap a chhuat ah thu in Amon chu a sawi thin,chhan na a dawng lo beidawng tap te chu hmuh a hreawm takzet



"Ngati nge,ngati nge keimah chauhin min kalsan? Duatbiki hi I khawngaih lo ami? Heti mai chuan kan pahnih thawnthu hi a tawp ka rem tilo a fair lo..lo kir rawh ka Vanrammuana a kha ka kiang ah awm turin ka duh...ka Vanrammuana kha ka duh let leh" tiin a tap chhuak ta!




A rak tuarh tuarh a ka chan nilo mahse an pahnih hringnun hi fair lo ka lo ti takzet,na zawng zawng an tawrh zawh hnu ah hetiang hian Amon a kal ta si! hlim an phu asin khawvel mihring piang tawh zing ah hian an ni tluk a hlim phu hi an awm dawn em ni? An pahnih tan a chunglam in ro arel dan hi a fair lo bik takzet ani




Amon ruang buaipui tur a lo awm hnai te chu Arini chuan alo hau vak vak a lak sawn a kuang chhung a dah ani tur chu a phal theilo,ka pa chuan Arini tawrh na hrethiam in reilote hun pe turin a ngen sak a, vawikhat zai leh an rawt avangin midang chu an zai a,kei erawh in Arini ka thut chilh a ka veng reng




"Before you go was there something I could've said to make it all stop hurting It kills me how your mind can make you feel so worthless" mi zai kar ah chuan hospital a ka u in phone atang a a sak sak hla a sak zawh hman takloh ngei chu Arini chuan Amon hmai leh a ma hmai sik tir chungin phun sap sap hian a sak sak a



Amon hmai ah chuan a fawp vawng vawng a,ngai leh thlahlel tih hriat tak a hmai chul sak in a en ngawih ngawih tawp...!



"Inneih kan la ngaih kha tiraw? chumi vang tal pawh chuan Kan pahnih tan khawvel thar awm leh se ka ti...kan thawnthu te hi hetiang hian tawp in hlim ve ta lo mahila,engtik ah mah ka theihnghilh tawhlo ang nangmah chen in..."



"Kan hringnun thawnthu tawi tak leh kan hmangaih na hlim na a tawp tluan tling ve thei ta lo kha khawvel ah hian a tawp mai dawn lo,Vanrammuana leh Duatbiki te hi kumkhua atan kan in thlah hlen lo a,a sawi thin ang ngei in nakin ah hlim tak a awm dun leh turin tun ah hreawm kan tuar rih anih hi" A tih chuan ka in sum thei tawhlo ka tap chhuak hawk a



"Duati...ka lo kal ve hma zawng chu min lo enkawl sak rawh aw" tiin chunglam a melh a, Arini puitling lutuk hi ka fak zawk hial,kei ni ila a tih ang hian ka ti ve thei kher angem? Amon bawk chu melh in a biang ah bawk chuan a fawp vawng vawng a a hmai a chul sak in thlakhleh hmel tak chung chuan



" Ka Vanrammuana kha vanram ah thlamuang takin chawl tawh rawh se " tiin Amon chu a thlah ve ta!




❄️ THE END ❄️



🎶 Before you go Was there something I could've said to make your heartbeat better If only I'd have known you had a storm to weather
So...Before you go Was there something I could've said to make it all stop hurting It kills me how your mind can make you feel so worthless...So....before you go 🎶



❤️ TRUE LOVE DOESN'T HAVE A HAPPY ENDING!
BECAUSE TRUE LOVE NEVER END'S ❤️
*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)