"Mahse ka sawi zawk chu...ih pudding I ei duh leh duhloh ka zawt mai che ania ka khawngaih vang che ani hleinem" a mitmeng chu han tih luih na chi anilo tih ka hriat vangin ka ti sap a
"Ka duhlo..." tih leh an in chung a chhoh a rual a phun hlak hlak chungin ka luhlt veleh nghal mai a,tlai chaw ei hma a phone ka khawih in ka duhpa min dawn reply na chu vawi 20 Chuang ka en nawn a ka la awih thei chuanglo reng reng,ka hlim bawk si nen reply pawh reply tawhlo in ka la dah reng ringawt
"Mate...vawiin lam enge I an a?" Ka u inbual zo rawn lut in atih chuan nui suk chungin ka that thu ka hrilh a,ka u nen kan ti ti mawlh mawlh laiin ka nu in in chung te chawhmeh suah turin min rawn au a ka peih rihlo takzet
"Aw ka lo kal" tih leh khum thawh san ka rual a chawhmeh keng a in chung ka pan lai in Ui a rawn tlan thla thut a ka chawhmeh chawi lai sa zet chuan ka kut ka in tih buak a a sa thip vawng vawng
"Arin, sorry lutuk ben-a fel takin awm rawh" Aron a rawn chhuk thla a,ui chu a rawn hau nghal mawlh mawlh,a hma zawng khan ui an neih pawh ka lo hre miahlo! Ui pawh chu ka ke zawn vel ah a bawk a a in thlahrun ve hmel reuh phian lehnghal
"Khawi maw ka lo en chhin ange? A sa awm mange a la khu vut vut lehnghal" ka chawhmeh chawi lai chu a en a,a ner nang bawk thlauh baw vek lo mahila ka in tih buak tam thawkhat vangin a tlem vek an ei khawp pawh a tling tawh ange maw
"A na vak lo" ka ti ve mai a,mahse a ruk tak chuan a na reng a sa hat hat lehnghal,innah chuan awm ila chu ka nu bul ah ka pangchang leh nghal tawh viau ang
"Na ang,zu haw daih rawh hei kan ta tur ami? Ka lo la chho mai ang" ka chawhmeh ken lai chu ala a,a pawi miahlo kal luih chi anilo "Kan lawm e aw...chuan sorry bawk.. Ben-a hi a damlo char char a chhuah kan phallo a mahse hreawm ati tawh sia chhuah pui ka tum a a phur leh lutuk in a mah in a rawn tlan thla ve ngawt anih hi" ati zawm zat bawk
"A pawilo ka na lutuk hleinem,thu a awih reuh sia a lian si" ka thu hniam a ka chul veleh a rawn ding leh ur ur a ka tho chiang a sin aw...ui hi ka ngaina lem lo a, thenkhat ui te zet kawlh for der phei hi chu ka tih tlat thin
"Ben..lo kal rawh" kan chhak ah Amon a rawn ding ve a keini pahnih chu min en lo an ui Ben-a chiah a en, Ben-a chu a tlan chho a Amon chu ngaih hmel zet hian a nawk nghal ruai bawk "buaipui ngai anihloh kha rawn chho rawh" Aron chu a rawn ti leh
"Sual ve" ka ti sep,natna tha lo vei ang mai a ka bul a awm phallo te pawh a ang a lawm ngeiawm thiam lutuk! Ben-a nen chuan an lut nghal daih a kan awm rei tawh nen ui an neih kha ka hre ngailo hrim hrim a,tun ah rei tak an enkawl tawh ang maiin thu an pek theih ui an kawl leh mai bawk sia!
"Sual hleinem,ila nel thuai mai ang.." tiin min tlan chhoh san a keipawh ka haw thla leh hnak hnak,Aloa Vera nen ka kut sa chu kan buaipui a,nu leh pa te bul ah nge nge chuan a tir ai pawh in ka la na zawk
"Zanin chu I pu te in ah kan va leng phei dawn mawni kan tia.." ka nu nen a ka kut kan buaipui laiin ka pa chuan a rawn ti a "an tar chak lo ve tawh sia an ngai ve thei bawk cheu sia va tlawh in peih em?"
"Nia...pawilo a pu hi tunlai a dam tha lo an ti in ka hria u Sangi ka zawh khan" ka lo ti ve a,kan veng thenawm mai a awm an ni bawk a len pawh a peihawm lo hran lo
"I kal hman ami lehkha zir I ngaih kha in exam a hnai tawh si" ka u chuan a magazine bu Ken laiin min rawn khawng a ka lo melh rum nghal ul
"A ho emai zan dang ah ka zir mai dawn a lawm kal ang u...chaw ei vat vat ila" ka ti zung zung a ka kut lam chu dam hmak ang ani tawh
★
"Mate inhaler kha keng rawh aw" ka chhungte dang zawng zawng an in siam zo vek tawh a kal hmanhmawh ber kha ka in siam rei ber leh tawh,pawn lam atangin ka u in min rawn au lauh lauh a
"Um keng dawn e" tiin ka au zui a "khawi ah nge maw a awm le" ka zawng hmu mai lo,kal ka chak tawh bawk si chu ka tlan chhuak ta ringawt,zan ania eng thil hmanhmawh mah tih tur a awm lo bawk a kan awm rei vak dawn chuanglo ka mamawh hman kher lo ang
Ka pu te in ah chuan naupang ho nen kan awm khawm laih laih a,ka putea te nupa nen a cheng an nih vangin ngaihtuah awm an nilo putea te fa hi nen kan in kawm khawm a in tih hah a chi loh vangin tuman min infiam pui lo a kan thu khawm a kan ti ti ve tawp,an la naupang tho na in kawm theih tak an ni tawh, online games an khel na sa em em lehnghal
"Khawi ah nge I awm a? Ka lo kal ania in inkalh thap bawk sia" Kimkimi'n min rawn phone a
"Hetah a pu te in ah kan leng daih a lawm,enge zan zan ah te I rawn tih?"
"Van mawl tak! Naktuk a submit ngei ngei tawh tur Miss thianchhia in assignment min pek kha!"
"Ui...! Ka theihnghilh chiang lutuk ka lo leng ve ham ham a" ka pi leh pu leh midang ho chuan min en thap
"I pu te in chu a hla hleinem Scotty ka lo keng a ka lo hruai ang che,mahse kan reiloh zawk nan nangpawh rawn kal chhuak rawh kan in tawk dawn nia,rawn kal hmanhmawh reng reng suh aw I hah vaih chuan ka buaipui thiam miahlo che ania"
"Aw ka lo haw nghal" tih leh phone dah ka rual a,ka chapal ka bun sawk sawk a "Pa assignment tih tur kan nei ka theihnghilh daih a Kimkimi'n min lo lam dawn kan ti dun dawn a ka lo va haw mai ang"
"Aw keini pawh kan lo haw har lo ang,kawngka kha lo in kalh khum mai ru aw" bu nghut in in chahbi ka la a ka pu te in ka chhuahsan zui bawk,kal hmanhmawh loh ka tum pawhin ka hriatloh kar in ka lo hmanhmawh leh thin! Inhaler ka keng bawk silo
"Kim ilo thleng dawn tawh em ka hah tan in ka hria" kawng sir rem lai ah chuan ka ding a,kal lam ah pawh motor kan hman vangin engmah buai na ka neilo kha ania, Miss thianchhia I vang vek ani a mood duh lo in assignment la submit lo ho naktuk a submit vek turin a vau in min vau a
"Thleng dawn hnai ang a lang lai ah khan lo awm rawh rawn kal tawhlo mai rawh" kawng sir thuthleng an siam chawp ah chuan ka thu a,a reh vak lo na chungin mahni chuan ka hlau deuh,ka piah lawk ah tlangval ho an la thu khawm zui,street light eng hnuai ah chuan Kimi nghak in ka thu kun reng a
"Rinpuii nau I ni em?" Mipa pakhat hi a rawn ding hlawl a a hmel ka en chuan ka hriat ngai mi ani silo a engtin nge maw ka u te a hriat daih ni
"Aw ni e..." Ka ti mai a
"Zorina ka nia I u thianpa... college kan kal ho a ka hmu tawh tlat che khan ka hre reng ani" ka bul ah chuan a rawn thu ve chat
"Aw anihchu,mahse ka la hmu ve ngai miahlo che" a nui suk a kan piah mai a mipa awm khawm lam chu a en a
"Nia I u atang chuan la hmu lo che...mahse thianpa phone ah sawn ka hmu che a,I u nen chuan kan in kawm tho"
"Enga! " Ka awih lo em vangin ka nui ringawt,an ni ang rual min hre tur ka hrelo hrim hrim thian pawh ka nei ngailo an ni ang ho ah
"Saw Amon saw,an in in luah ani lawm ni" mipa awm khawm lam chu a kawk a Amon ti ti mawlh mawlh ka hmuh chuan mak ti lutuk in ka ang phuau ringawt,a thiante bul ah chuan a nelawm in a tawng duh hmel khawp mai
"Awih awm lo tak ani,an in luah mahila ka thlalak ani hnen atang a I hmuh thu a awm lo..engpawh nise ka kal phawt ang ka thiannu in min lo nghak a" ka tho daih a
"Ani tak tak a lawm,keipawn mak ka tia "ala rawn ti ta deuh deuh, Amon chuan ka thlalak anei pit ang
"Zorin kan kal dawn ami?"midang chuan an rawn au a Amon nen in hmuh ka duhloh vangin lehlam ka hawi nghal vat
"Ok...ka lo kal Amon hei enteh" chupa chuan min kuah in min kuai her nghal pawp a ka ding khawng tawp ringawt, tihsual nei nilo mahila a nun a buai lo tur khan min hrilh tawh miau a heta min hmuh chuan ka zui ru emaw ati palh ang
Rum zet hian kan pahnih lam chu a melh reng a,a thiante nen a an ti ti lai a a hmel ngainat awm zet kha a bo vek tawh,engmah sawilo in bike ah a lawn a tlan sawn nal nal bawk a thiante auh leh biak pawh kha ngatanmah a ngai duhlo reng reng!
"A va ti mak thei e aw!" Zorina chuan tiin a tlan na hnu chu a en zui vawng vawng a "in lam ah buaina ka thlen loh hram cheu ka beisei" pawi tih hmel si nui deuh si hian a rawn ti leh a ka melh vak ringawt
"Arin..." Kimkimi a lo thleng a Zorina te ho chu kalsan in kan in lam kan pan a,kan thleng a gate kan lut chiah chu
"Zan ah lehzel chuan min zui ru tawhlo la ka ti,khaw en lai pawh hi ka kham thawkhat viau che ania" an in chung pan na step pathum na vel ah chuan alo thu run a
"Enge a sawi awmzia" Kimkimi'n min rawn nghawk zauh in ka hriat tur tawk lek chuan min rawn bia a,lu thing chungin chahbi chu ka pe a
"Engmah anilo thil hriatsual anei anih saw,kan be lawk aw lo va lut rawh" kawngka lam ah chuan ka nam phei a ui hmel zet in a lut hnak hnak bawk,a luh a kawngkhar a khar fel vek hnu ah Amon chu ka pan chauh a
"Hriatsual I nei anihkha,kan chhungkua in ka pu te ka tlawh a ka assignment vangin ka haw hma mai anihkha,kha lai hmun ah khan I awm tih pawh ka hrelo hrim hrim" a hma ah chuan ka va ding a
"Ka awih che I ring ami? Ka bialnu nen a kan chanchin I hriat atangin nang hian ninawm khawp in min ngaihsak a..." San tawh sa nak laiin step ah a ding lehnghal a a rawn ding chhuak chiah chu ring thlep hnawk khawp in ka melh lo chauh ani
"Ninawm a! Chutiang chuan tuman ka bul ah an la sawi ngai miahlo!" ka thinrim ve lutuk, diklo zet in min puh a,chuan hmaichhan ah ninawm min la ti zui bawk a! Ka tum reng vangin zui ila chuan ka chhang zel bik miahlo ang,mahse chutiang anih tlat loh vang chuan ka ai a upa pawh nise ka dim dawn bik eih lo
IMG_20210318_194547.jpg
"Oh...a hmasa ber nih chu a nuam hle mai,lak pawh I lak nat kha le.." a hmel a min nuih sawh na lang chu ka haw takzet " kha ai a nasa kha I ngaithla zel duh anihloh chuan min zui ruk bansan ang che" a in her a,thil tisual ber ang mai a min kalsan tawp chu ka duh bik bau lo
"Hey..? tihsual nei ang mai a min puh vang khan ngaihdam min dil nghal rawh..a chhan chu tihsual ka neilo a nang ve mai mai kha ka zui ru peih bik bau lo che" a hnung ah chuan ka zui ve a "tah khan ding rawh, ngaihdam min dil rawh ka tih chu...hey..Vanrammuan..!"
"Shittt..!!" A hming pum a ka au chu a duhlo ngang aniang a rawn let thla rawk rawk a ka kawr âwm ah chuan tham in min pawt hnai hrawk a step anih vangin ka dingdi hlip tawp,a mitmeng mei alh ang mai chuan min en kang ral vek tum ni awm tak hian min en a
"Vawikhat pawh ka hming pum in min ko tawh tur anilo,I hrethiam em?" Ka kawr a tham na chuan min thing sawi lawp a,ka hlauh tak deuh vangin ka ngawi tlat a ka tawng leh chuan min that duh mai ang
"Mama,a va mak bawrh bawrh ve! hmeichhia anihkha tinge khatia ilo tih a thlah vat rawh" Nu hmeltha-i a rawn kal hlauh chu lawm vangin ka tap lo chauh, Ben-a a rawn tlan chhuak ve bawk a Amon chu a rawn nul nghal heuh heuh
"Thil kan lo in hrilh fiah mai ania...ani lawm ni?" Ka haw lutuk chu a sam buk tha lai a keh thlek nawk nawk ka chak! "Chho ang Ben-a" a ui nen chuan an in zui chho a,nu hmeltha-i chuan ka kawr âwm chu a rem lai lai min siamthat sak mawlh mawlh
"Awi ka fapa hi chu hrethiam thin mai teh aw,thian kawm hi a thiamlo nasa mai sia a pawi emai a! Na I nei em?" Atih Chuan lu thing in boruak ka hip ham ham a " a upa ve tawh nang in a che naupang chhia leh thut zel a a buaithlak thei ania"
"A pawi hleinem, assignment tih ka ngai a ka kalsan phawt ang che mangtha le" tih leh in her nghal ka rual a in chhung ka lut fel chiah chu Kimkimi'n ti dek hian min lo en a ka thinrim so sang a chhuak ve tan chiah lehnghal
"Enge a sawi kha? Ka hming pum in vawikhatmah min au tawh suh ati ami kha? Hah.. tun atang chuan a hming pum ngat in ka ko zel tawh ang,a va han thi lo mai mai tak...!"
"Assignment tih kan ngaih kha aw in bengdai vat teh I hlauhawm ren run lutuk" Kimkimi'n alo ti leh,boruak hip kawk kawk pahin 1 2 3 ka chhiar a 3 ka chhiar zo chiah
"Hmelchhe pa..! " In chung lam hawi in ka ti tuarh! Ka kawr a min tham lai kha chuan ka hlau ve lutuk a tun ah chuan a awm lo bawk a ka so thar hi ani ber! Ka au nghek chu Ka thinrim a zia hawk in ka hria,llo hre pha ngat phei se ka lawm hliah hliah ang
"Eng ang ah nge maw a in ngaih chu le,a hmelthat vang maiin khawi ah pawh ka zui zel ang maw.? Teuhlo lutuk!..khaw maw tui vawt min lo pe teh ka sa lutuk ka puak keh dawn in ka hria.." Kimi ka tir nghal zat a ka thinrim lai chu nilo se a kal dawn loh nen ka thinrim zet chuan tirh pawh a hnial lo khawp mai
Assignment tih lai pawhin Vanrammuana ngawt ka rilru ah a awm,a hunlai a ka lo chhang hrep lo kha ka in chhir hnuhnawh,mahse a hunlai kha chuan a mah kha a hlauhawm em a ka tawng tha ngam.lo kha ania "ka hne..!" Pen chu ka dah pawp a Kimkimi'n min melh nghal zak zak
"Ka haw dawn,I thinrim puak keh thawt tur kha ka tuar peih lo tui vawt pawn a hneh lo che anihkha" lehkhabu a khung sawk sawk a, assignment ati zo tawh bik bawk,ka chhungte an rawn haw ve chiah bawk a Kimi ka thlah fel hnu in ka room ah ka lut a ka mu nghal hmak
★
"Arin I walk dawn ami? A va tlai tawh ve" ka tho ve chiah pawn a ka chhuak chu Aron an a rawn ti a,ka nui ringawt,walk na chi pawh ni tawhlo chuan a! 20 Minute vel ka thut hahdam meuh chuan school kal tur a in siam a hun der tawh a lawm le
"Dawn teuhlo mai" kan veranda thuthleng ah chuan ka thu hnawk a,a ni pawh a rawn thu ve nghal a
"E tak a hman zan khan I lo kal leh silo a I u khan a hrilh lo che ami?" Atih chuan ka ngaihtuah let nghal vang vang
"E tah khan maw,kal e mahse Vanrammuana oh ka tih awmzia chu I u khan hmun dang ah min hruai ringawt anihkha,chuan kan buai ta nuaih sia"
"Thlanmual a a kal zan kha tiraw? Ka hre leh si um a Chiang e" a bu nghut nghut a keimah min bia pawh a ang tawhlo a mah leh a mah a in bia ni maiin ka hria
"Eng maw Chiang a?"
"Amon hian I lak ah eng emaw feelings a nei tih mawle..nakin ah I hrethiam mai ang,ka chho aw" ka dar a beng thak pahin a tlan chho a
"Feelings a? ka pian a hnu lam a ka thil awih loh ber ala ni ang" in siam turin ka lut veleh a
"I thinrim chu I rawn pai tel lo ang tiraw?" Assignment kan submit chhungin Kimi chuan zawi sap hian a rawn ti a,ka nui ringawt a lak a thinrim zawk te pawh ka ang a lawm le!
"Nahii... Vanrammuana ang a mawl ka ni hleinem" ka ti ve sak a tinge maw ka hmer tel kher chu le? Miss thianchhia in ngawi turin min rawn khak hmanhmawh! Kan school hlat thei ang ber ah sawn daih se ka ti ka hne kan Miss neih tawh zawng zawng ah ka la hne ber ang a tar si
Nileng a class lak chu ninawm duh tak ani,ban kan nghakhlel thei bawk a ban a hun hi chuan a chhuak hmasa pawl ah kan tang ziah vawiin pawn a ngai te bawk in kan hma leh ber "ui ber kher chuan a!" Kan in gate luh hma in kan in tawk
"Ka zui lo che kan haw rual anih hi" a rawn kal hnaih lai chuan ka lo ti vin ve thah,a nui suk a gate nam hawn pahin lut tur chuan min signal zeuh a a piangthar ta chu ani lo maw?
"Chutiang hre lo tur khawp a mi mawl ka ni hleinem,a lan dan chuan ka thusawi chu I ngai pawimawh hle anih hmel" min hmusit zawk emaw ni ka van in chhir tak enge maw ka tawng thawt thawt chu le
"I thusawi kha ka beng veilam ah a lut a dinglam ah a chhuak lehnghal"
"Ka rin sa alawm, hmeichhe naupang luhlul ve khanglang ho chin dan thar ania"
"Nang hi...!"
"Ka zaidam teh chiam lo ania,a bik in kan in luah tu te fanu chung ah chuan sual ka duh vaklo,a tul anih erawh chuan ka sual hreh lo thung a"
"A lo nih tak chu...in chung pa I nih ang in I lak ah that ka chhuah a,tun ah chuan a tul pawh ka ti bik chai tawhlo"
"A that hlauh chu" ka biak reng chuan ka thinrim leh dawn Chiang sa ka kalsawn vat hi a tha zawk,gate chu ka pet chawrh a melh kawr pahin ka lut hnak hnak
★
"Arin I puih ka mamawh please in...kan in ah ilo chho hman em?" Aron an min rawn text a,aih ti a chhan ka duh viau laiin min mamawh miau chuan ka ti a aw tiin ka chhang a, peihlo zet in ka chho a
"Nu hmeltha Aron a awm em le? Min rawn ko a" an pa nen TV en a an lo thu chu ka va au a a room ah a awm thu min hrilh a han chho rawh min tih vangin ka chho ve pawp
"I awm em ka lo lut ania" tih leh kawngka kik ka rual a,min chhan loh vangin a room anih ka ring lo a pian zawk chu ka kik leh a chupawh min chhang lo mahse ka rin zawk vangin ka lut pawp ringawt
"Kawngka I kik hmasa theilo ami?" Vanrammuana room ah zawk ka lut tih ka hre nghal, towel nen chauh a lo awm a a kap a lang tep lehnghal a!
"Ka kik reng a lawm sorry" ka ti ve hap a,tinge maw min huat tak em em chu? Couch pakhat ah Ben-a alo mu ve bawk a
"Ka va hre silo ve" a rawn ti leh kher! ka thaw hawk a,na zet in kawngkhar chu ka kik nawn leh kher a,a sam a hru lai chu khaw dang hawi lek lo in ka en a
"I hre tawh em? I beng a ngawng anihloh chuan I hria ang,chuan tum vang reng in ka rawn lut lo Aron a room emaw ka tih vang ania "
"In sawifiah rawh ka ti hleinem,I duh chuan I chhuak lehnghal thei reng a lawm..nge ni a ka in thlak lai a lo awm ve law law I duh zawk?" A rawn hawi a a nui nghal suk
"Hur lutuk!" Ti sup in kawngkhar vawn na ka chelh a,ka lam ah chuan lak tur a nei nge ka hrelo a rawn kal phei hmawk hmawk a
"Mihring hur lo chu an pangngai lo,nangpawh I hur tho ang nge ni a I pangngai lo bik zawk?" min chhuk en run pahin min nuih zat zet hian ati a ka then nghal sak sawi zah pawh a nei nek lo anih hi
"Enge maw I tih le!!" Ka kut ka thut in a dul sek ve tak chu min khawih tir thut a ka mur chuaih thei "aw Lalpa leh! Hur a tenawm hlek suh" ka kut in a taksa a zut apiang chu ka melh lo theilo
"Nangpawh I hur chu anihkha" ka kut lak let ka tum laiin ka kawng ah a kut lehlam in a rawn kuah thut a a taksa chu ka fawp lo chauh ani! Chutiang khawp a hnai ah chuan kan in din chilh
"Tawngkam mawi tak I hman theihloh chuan ngawih tam zir rawh" ka kut phih chhuak pawp in ka nem nghal pawp a,a tawlh hnung nghal hrut
"Ka kâ ania ka thu ber" ti hlak in ka chhuak vang vang,kan in sik lai a ka lungphu normal lo lutuk la chhunzawm reng chu tih tawp tum in ka âwm ka chum vak vak a
"Hey..hetah a lawm ka room! enge khatah I va tih daih daih a?" Aron chuan min rawn kai nawlh in a room ah min pawt lut a kan luh rual vel in min vawn na chu ka thing thla nawk a
"In ninawm in unau hi..!" Ka ti nghek a,thil diklo a awm tih hrethiam deuhin ngawi reng chuan min en a " Sorry,ka tet ang ai hian ka thinchhe ve a" ka ti leh ringawt
"Kan unau chuan kan tibuai thin viau che ani maw a zia lo hle mai" a kun lap a melh pawh min melh duhlo,khatia ka ti nghal vak ringawt kha ka in thiamlo hnuhnawh
"Hey..awi chutiang anilo ka mood a fu lo thut a khatin awm suh I upat tawh em kha ka thlem dawn miahlo che ania aw" ka ti nghal zung zung,tah a tum ten ka hria a!
"Kan tibuai hle mai che a van pawi tak"
"Awi ka awm I ti nuam lo vek tawh ania" a hma ah chuan ka va thu thla a,khum tlang a thu anih vangin chhuat ah a hma tak ah chuan ka thingthi a
"Nichin kha chu..englo mood fuhlo sa in ka lo chho a chuvang alawm,ka sawi ve mai mai anihkha min tibuai lo hrim hrim in ninawm lo bawk..nang phei chu I bul a awm anuam alawm"
A kut ka dawm chiah chu ka kut lehlam a rawn la kang thut a, Vanrammuana rawn luh lai ka hrelo reng reng! Min phih tho nawlh in kawngka pawn lam ah chuan min chhuah tir a thawmhnaw a lo in bel fel hman vek tawh!
"Mam..enge a? Mamawh na ka neih vangin ka ko anihkha!" Vanrammuana chet dan ka ngei em vangin in hum ruh tung chung chuan kan in melh ran a,a sam pawh kawlh vek a tuboh a chhut hrep ka chak a eng pawi nge ka sawi a tiang a a chet thut zel?
"Haw rawh..." tih leh Aron room kawngka khar thuai a rual a,ka phu deuh zawk bawk a ka haw lutuk chuan kawngka chu ka tlawh ve leh kher a ka chhuk tur chiah a rawn hawng leh
"Kawngka tlawh tur hian tunge I nih a?"ka kawr hnunglam ah tham in min 0awt let dawrh a
"Mam enge maw I hriat le?" Aron pawn a u chet dan chu mak ati aniang,a hrilh hai hmel takzet,min tham na chu tal chhuah phet ka tum a a kut khat lek pawn min tham hnehsawh khawp mai
"Ngawi reng in i room ah khan awm rawh"
"Engvang in..? Ani kha ka koh chhoh ania a chung ah khatiang I ti ringawt theilo I duh anihchuan nangman I koh chhoh hun ah I duh duh I ti dawn nia tun ah chuan ka mamawh"
"Min rawn pan hmasa a lawm..a dik em?" tih leh Aron rawn chhuah tum chu kawngkhar a khar khum a pawn lam ah a kalh nghal hmak bawk,Aron chu a rawn au a kawngkhar a beng dawt dawt bawk a engmah a ngailo
"Min thlah rawh ka chhuk dawn,nang be tur in hetah ka lo kal lo..ka rawn luh hmasak chhan chu room ka hriatloh vang ani" ka in thing nawk a,min thlah ve mai bawk nu hmeltha-i lo chho thawm kan hriat rualin Vanrammuana phen ah ka ding nghal daih
Aron vang a heta kal ka nia hepa nen a min hmuh dun zawk chuan ngaihdan tha lo pui pui a nei palh ang,chuta kar ah Aron a la kalh khum zui lehnghal a "in va bengchheng ve...tinge I nau chu? Arini nen khan an in hmu dawn ni lawm ni?" Vanrammuana chuan ka in phen na nih duhlo ang zia zâng in min hliah lo turin a ding sawn kher
"Aw Arin, room ah I awm emaw ka tia..." Aron kawngka in kalh chu a hawn sak a Aron chu thinrim zet in a rawn chhuak a Vanrammuana ban bul ah chuan a rawn hnek chawrh! "Nang pawh chu! enge a in lo in hau ami puitling in nih tawh kha in ti thinrim ziah suh u"
"Hepa hi a lawm mawl lutuk!" Thinrim zet in a melh nghal run a, Vanrammuana chuan alo nuih duh lek chauh
"Hett..kan sawi tam tawh Hepa ti ziah suh,I u ani a I zah tur ani... naupan lai atang tawh in a duat che a tha takin I rul let zel ang" thupe aw lek lek hian nu hmeltha-i chuan a ti nghal zat a an unau inkar ah chuan mak tiin ka ding khawng tawp
Vanrammuana hau tur anih zawk laiin Aron a hau hlauh a,chupawh hepa atih vang mai mai lehnghal in! Tun ang lai ah tiang tawngkam te chu an hmang nasa a tun tak phei chu Vanrammuana a thiamloh ania kawngkhar a khar khum anihkha
"Min kalh khum a lawm .."
"Engpawh nise in ti thinrim reng su.. nangpawh u zawk I nia I nau hi ti duh dah leh lutuk suh..chuan nagpawh u te thu hi hnial loh tur ania..ka chhuk san dawn cheu "
"Nu...thu hnial lam pawh anilo" a nu in a tan zawk lo chu beidawn hmel zet hian ati a anu lah chuan nui chungin a chhuk san daih "Arin ka mood a uih vek, naktuk zan ah ani mai"
A room lam ah a in her a kal luh pahin kawngka a khar nghal thuai bawk " nangmah vang vek anih kha" step ah chuan kal thlak ve ka tum a,ka kawr hnung ah bawk tham in a lam ah chuan min pawt let dawrh a
"Min tham lo viau suh aw" a pum ah chuan ka nghawk sawk a,na tih hmel deuh in a then sawk a a si hlarh bawk,ti fuh in ti zet hian ka nuih sep a
"Tham lo a! "A pum chu a kut lehlam in a dawm a lehlam erawh in min la vuan lui tang tang tho! "Ok...tham lo viau che pawh ni ila a awm tho lawm ni?" zawi muang in a ding mar a ka san zawng vang chuan min nuihzat tih ka hria a va han suak sual tak!
"Hey min thlah teh" a room lam a min pawh kal vangin an pangpar pot sang tha leh rih hmel zet ah chuan ka ke ti kawm in ka in bat tang ve tlat "nichin ah pawh kal turin min tih kha min thlah rawh"
"Nichin chuan ti e,tun ah ka ti rawh hleinem" min pawt na sauh a pot chu ka tih tluk a thil pawi tam zawk ka thlen ka hlauh vangin ka in bat tang ta lo
"Min pawngsual i tum chuan hre rawh ka pet sak hreh miahlo che ania aw.."
"Pawngsual tham pawh I nia mi?"
