BEFORE YOU GO BY BEARR CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

BEFORE YOU GO BY BEARR CHHAKCHHUAK (Completed)

Unread post by Ngaia » May 30th, 2021, 4:08 pm

❄️PROLOGUE
"Enteh..ani saw ka pasal tur a ka lo suangtuah ve char char thin kha ania..a mah ngei pawhin pasal ka neih theih hun thleng min nghah kha a intiam a!" Inneih thutiam tir tu tur Pastor hma a mipa ding ngawi reng melh pahin ka khi suk
"I nat na te hi chu ila tuar chhuak mai ang chhel deuhin awm tur,mipa dang tha tak I tawng leh mai ang" ka bul a mipa thu chuan a ruk in ka kut ah min chelh sak,khaw dang reng reng ka hawi theilo a,maicham hma a ding te lo chu melh tur pawh ka hrelo
"Nia tiraw,mahse ani lo saw chu tumah ka duh chuang silo hmeichhe buaithlak tak chu ka ni...chuvang chuan aniang tiang hian thil alo danglam tak daih"
"Arin...ila naupang a hmabak eng tak ila nei, hetiang vang hian hnual phah suh,keipawh in hetiang deuh hi ka tawng tawh a lawm mahsela hmalam pan in ka kal lui zel a, hetiang ang hian ka lo chhuak leh thei chauh"
"Mahse..ka mipa hmangaih ber ka makpa ani dawn asin! " ka mittui te chu a hma ang bawk in an rawn luang chhuak leh tawh! Biakin chhung pawh sawilo in ka kun tlawk tlawk a hetiang bak a na hi ka damchhung hian ka la tuar ngailo!


ips8vuxp.jpg

CHAPTER-1❄️



"Huizz,tah hi chuan kan awm rei ve tawh deuh ang chu! Kan in sawn ngun zia hi a rapthlak zawk!" Kan in luah thar tur chhung a parcel box thiar luh pahin ka ti a ka chhungte chu an lo nui kurh kurh in sawn ka ning lutuk hi kan in sawn ni nileng hian ka phun char char zel

"Awm rei thei tawh tur ah ngai ang" ka pa chuan nui chungin alo ti ve bawk,eng emaw vangin inhmun lei tur kan nei thei lawk lo a kan zir na sen so alo sang ve bawk nen inhmun man pawh hman then alo ngai zel bawk sia ti hian in kan luah kual chhen mai,kan in luah na hmasa ho lah kha a tir ah man hniam deuhin min luah tir a reilote ah a man an san leh dawrh a!

"Ka in zir chhuah hun ah chuan aw..ka hlawh in in lian pui ka la sa ang mawle hetia in sawn kual reng ngai tawhlo tur hian,chuan kan in luah tu te pawh man hniam te in ka luah tir anga kan in luah na hlui te ang kha chuan fair lo deuhin ka ti ve miahlo ang" ka ti ve tan tan a,mi frank ve tak leh tawng tam mah mah thin mi ka ni bawk nen a chang chuan khap ka ngai fo thin

Kan chhungkua hi pali te chauh kan ni a ka nu leh pa leh ka u Mami nen,ka pa hi Department pakhat ah hna chhete anei ve a,ka nu erawh a hrisel vaklo bawk nen in nghak ani deuh tawp, kan unau in Lehkha kan la zir a Class 12 ka kal mek a ka u erawh college a kal mek thung, chhungkua rethei zawk zawk kan nilo bawk a kan khawsak pawh a harsa em em lo

"Mate..i inhaler kha I ak tiraw?" pawn lam a ka awm chu ka u in min rawn au a,ani hi chu ka u anih piah lam ah ka nu pakhat ang mai ani,min hmangaih in min duat em em ringawt mai ani,kei hi tet lai atang a thaw hah (Asthma) nei ka nih leh zel avangin keh thei dawm tak meuhin min dawm bawk

"Aw ak e.." parcel bawk pawm a luh ka tum laiin kan in chunglam atangin nu pakhat hi a rawn chhuk a Tupper ware pahnih a keng bawk a,a lo chhuk lai chu ngawi rengin ka lo en a rawn thlen thlak rual chuan min nuih phawt a

"In lo thlen lai kan lo hrelo a,I chhungte an awm maw?" Zaidam takin atih chuan in chhung lam ka kawk a,nui chung bawkin a lut lehnghal a keipawn a hnung ah ka zui lut ve bawk

"Eee,in lo thleng ta maw? Kan lo hrelo a lawm mawle a zialo hle mai" Chu nu hmeltha deuh in lut pah a atih chuan ka chhungte ho pawh kan pahnih lam ah an rawn hawi dial a, hmelhriat sa ang mai a kan chhungkua min rawn chei bawl chu a mak lek lek zawk,nge ni a a fel ve hrim hrim a mah hi

"Aw thleng ta anih hi,engmah pawh kan lo in hrilh hmasa lo a,a zialo khawp mai kan han in hlang lut mawlh mawlh mai ania.." ka pa chuan polite deuhin a lo chhang a

"E,aw a pawi Chuang miahlo keimah zawk hi lo lang hma tur ka nia in chhung lam ah ka lo che nasa deuh bawk nen ka lo theihnghilh hmun thak alawm,kha hei hi la rawh u" a Tupper ware ken chu an lam ah a leng kang phei a

"E a ngailo enge ni zo zai?" Ka nu chuan alo ti ve bawk,keipawh enge anih hriat tumin ka lo thle ve dûk dûk bawk

"Arsa leh Sangha anih hi..kan chhungkaw ei thin dan in ka siam ve ngawt a in duh ange maw,tlai ani tawh bawk sia eirawngbawl tur chuan in la in dah fel mang bawk silo rawngbawl a zia awm deuh nan tlem a zawng ka lo siam anih hi"

"Awi kan lawm em mai,mahse kan in bawl ve thei mai ang hetiang te lo siam duh! Kan lawm lutuk tho" ka chhungte chuan polite deuhin an hnar ve tlat a,kei lah chuan arsa ber chu ka lo ei chak nasa sia

"Nu..pa,la mai ula keichu ka ei chak ve reng" ka lo tih chuan an vaiin an nui hawk a,ka u chuan a ruk in min lo khap zeuh bawk

Chutia ka tih bawk si vang chuan nawr lui in Chu nu hmeltha-i pawh chuan a pe thei ta hram,an in biak hlan in ka u nen kitchen ah kan phei pui a,ka hawng chhin chu a lo tui hmel nasa bawk si nen ka tem ru hram!

Bungrua awm zawng zawng kan thiar zawh vek hnu chuan chawp chilh deuh a in bawl in chaw kan ei ve ta hram,zan dar 9 a rik meuh chuan ka in bual fai diam tawh! Hah tak a awm chi ka nihloh vangin ka chhungte chuan engvakmah min tih that tir duhlo a tun ah pawh an pathum in in chhung bungrua an la rem fel

"Hnial dawn cheu lah hian min be duh ngai bawk silo" couch a thu chungin ka sam ka hru mawlh mawlh a, tih pui luih ka tum chuan kan inhnial vakloh leh ka lak a ti tau ang maiin an ngawi daih zel a,ka ti lui duh tawh ngailo

"Min puih I duh chuan muangchang a kal in,inchung te Tupper ware kha han pe la.."ka u chuan Tupper ware sil fai sa chu kawk pahin ati a

"Ka ngam teuhlo,an chhungkua an awm kim tawh awm sia ka zak kan la in pawh vak bawk silo"

"An nu kha ala meng ang ka ring, nichin pawn a ka chhuah khan pawn lam ah ka la hmu in ka hria"

"Awle.. anihchuan ka han pe ang" Tupper ware chu la in ka chhuak ve mai a,muangchang in step te chu ka kal vel a chhan pawh hah ka hlau ani,ka hah deuh hlek chuan ka thaw hah hi a chhuak zel a a buaithlak vek zel

"In awm em? Eh..! door bell a awm reng a lawm mawle" mawl deuh a ka auh tawh hnu ah door bell chu ka hmet leh hram! an nula ni awm tak in alo hawn pah chuan luh pawh tum chuanglo in Tupper ware chu ka lek chhuak a

"Hei in ta aw..kan lawm lutuk" ti a let lehnghal mai ka tum a

"Nangmah a law? Lo kal rawh lo lut ve hrim hrim rawh" Nu hmeltha-i chuan alo ti,mahse ka zah ve deuh a tho vangin ka hnial ve a

"A tlai tawh em mai,tun ang a ka rawn len chuan mi in mak min ti ang" Ka ti ve bawk a chu min sawm nasat em vangin ka lut ve ta pawp a,mahse thut pawh ka thu duhlo kawngka bul ah chuan ka ding reng

An inchhung mawi dangdai zet ka en kual vel pah chuan sitting room ni awm tak a, tlangval pahnih in ang deuh lo awm te chu ka va hmu thei a, pakhat zawk chuan games a khel ni awm tak ani,couch ah chuan a mu awn deuh duai a pakhat zawk chuan couch hran ah thu in guitar a lo perh a,hriat tham loh hian a zai ni ber in ka hria

"Ka fapa te an nih saw" chutia ka lo thlek daw daw lai chuan nu hmeltha-i chuan a rawn ti thut a,ka thinphu a rang nghal zawt "thu ta che tinge I din reng a!" tiin ka thut na tur te chu min kawh hmuh a

"Oh! A ka haw phawt mai ang" ka la ti hram a, hmelhriat than pawh an nilo bawk nen awm reng chu nuam ka ti viau lo,chutia haw ka tum a ka sawi vel lai chuan a fapa te pahnih chu an rawn phei a

"E! Tunge a?" Pakhat zawk chuan arawn ti a, pakhat zawk erawh chuan ngawi rengin min en tawp, phir an ni mai in ka hria an in ang over mahse guiter perh tu zawk ni in ka hria a mit sir ah khuavang fiah vaklo a nei

"Aw kan in hnuai te mawle, vawiin ah an rawn in suan lut alawm..." nu hmeltha-i chuan coffee min rawn pe!

"Awi thil kan ei na a la reilo a sin , nangmah ni khan in zawk ru ka lawm lutuk tho" ka ti ve luam a

"Ka nu coffee hi chu a tui ania in sak rawh" chupa bawk chuan lo tiin an pahnih chuan an kalsawn leh mai a

"A nih..ka lawm e aw" coffee no lak pahin ka ti a ka bul ah chuan thu in min ti ti pui mawlh mawlh a,ka upa ve tawh viau emaw ka in tia..an ni ang rual han kawm vel chu la thiamlo tak ka ni..ka nui tut tut ringawt

"Nichin ami te kha i fapa te ami? an in ang reuh ka tia" sawi tur dang ka hre teh chiam lo bawk nen chuan,a fapa te an rawn lawr leh zeuh bawk nen ti ti nan ka lo hmang ve zaih

"Aw nih kha.. phir an nia U ang chiah in en la,puih in ngaih na ah pawh rawn pun hreh reng reng su aw..an mahni hi an tawng tam lutuk lo a a bik in a U zawk hi..mahse an sual hran lo ania"

"Awle..." Ka lo ti liam mai a,mahni chhungte pawh ni lo chu Engtin nge kan pun bawrh bawrh ngam ang ni!

"Kha mit sir a khuavang nei zawk kha maw Amon Vanrammuana ania..a upa zawk bawk,chuan a nau kha Aron vanrammawia ve thung aw mi hi chuan Amon,Aron an ti mai zel a"

"I van sawi thiam em em " tiin ka lo nui hak hak a,keipawhin khuavang hmang khan ka lo hria

"Hre hrang theilo hi an tam lutuk a, khuavang hmang hian anlo chhinchhiah thin aniang keipawh in ka sawifiah dawn chuan tiang hlir hian ka sawi tawp zel a maw" nu nuih duh hmel a put ang chiah in a nui hawk hawk reng mai

"Ui ka rei tawh lutuk ka zuk haw ange ka lawm lutuk I coffee chu a tui si" ka ti ve luam a,an in ka chhuahsan chiah chu ka tang tung ani tih ka in hre chiah!

"I va lo chhuk har ve I buai hman emaw ka tia lawm! rawn chhoh ve ka tum chiah a" ka u nen kawngka ah kan in tawk,ani hi chu ka nu ang mai ani ka tih tawh kha mi hi a ngaihtuah thei ania

"Nia.. coffee te min in tir leh sia ka zah zia chu" tiin in chhung ah ka sawi lut nghal mawlh mawlh a,mut na te ti fel in kan mut meuh chuan alo tlai duai tawh!



"Mate..mate hei thawh kan hai ania school kal I ngaih kha" ka muhil chauh emaw ka tih laiin ka u chuan min rawn sawi nawk nawk,keipawh chu kan in sawn vangin school chawlh tur emaw ka ti leh ringawt tawh

Hmanhmawh phele in ka in siam a,ka u nen a chaw kan ei chhungin ka nu in ka uniform alo nawt ve bawk,hah chi ka ni bawk silo ka hmanhmawh bawk si a buaithlak ngei mai! A tawp a tawp ah chuan ka in peih thei ta hram

"Kan kal ania bye.." scooty khalh thiamlo na na na chuan taxi ka chan leh angai dawn anih hi,kan school hla viau lo mahse ke a kal ngawt chu ka ti ve deuh ka u lah a tlai ve tawh tho a ni dang ang in min thlah hman tawh bik bawk silo

"I inhaler I ak maw?" A tlanchhuah hma in ka u chuan a ti leh a a mah pawh en chuanglo in ka bu nghut nghut,ka u nen chuan kan in then ta a,ka thiante lah kan in sawn na veng ah lo vek an awm vangin kalpui tur pawh ka neilo

Hmanhmawh tho si, hmanhmawh uchuak ngam bawk silo in ka kal pangngai vel ta mai mai,lehlam ah chuan kan teacher te hi an fel a ka thawhah min hriatpui ve vek bawk avangin kawng tam tak ah chuan min hriatthiam phah thin zirlai thenkhat ten min ngei na chhan pawh ani thin,a bik in Sir Duhzuala kan sir te zing a chhelo ber in min hrethiam ngun ber bawk a,a over zual ho phei chuan in ngaizawng ang ten min lo sawi thin!

"Kha fimkhur rawh" ka bag hrui ka siam that lai chuan nu pakhat hi a au deuh thawt a keimah ber chu ka din na atang in ka sawn dawrh! a rik pawp rual chuan mit ka chhing ve nghal

"In tha em?" Khawlai awm remchang ho an lo pungkhawm ni awm tak ani ka meng chuan min lo bih laih laih a

"Ka kawng ka herh a in ka hria" na nei nghal ang maiin ka awm!

"I thianpa kha a tha maw?" an tih chuan hnunglam ah ka ring ka hawi nghal chu Amon lek kha! A khuavang ka hmuh vang chauh ka lo la delh char char zui ka in en hnai bawk si,ka kawng ah a la kuah tlat lehnghal ka thinphu hi a rang tan dawn in ka hria!

"Ui ka duhlo I na em? " Ka mang a rawn ang deuh thut,nichin a ri pawp kha a mah hi em ni ang? cement bang ah a in tauh chu a ni em lo maw!

"Tho phawt la.." dam deuh hian ati a keipawh ka tal sawn sawt sawt

"Ka tihpalh lutuk,ka bag ka siamtha laklawh lutuk a,na I nei em?" a rawn tho chu ka lo en duk nghal mawlh mawlh " I lu te I sawh em nichin khan a ri pawp sia.."

"Ka dar.." tih ringawt a min chhang in a bag tla chu a chhar a ben fai pah chuan "na kan neilo,ka kal ange" midang lo pungkhawm ve te bul ah chuan ati a,midang chuan kha tih lai a bike mumal lo zet a lo tlan vel vang a chesual kan nih anlo sawi ve bawk

"Ka lawm lutuk U Amon" polite deuh a ka tih chuan a nui chhuak hawk,lawmthu ka hrilh a tinge a nuih daih ka hrelo

"I u tur ka ni em ni?" tiin zawh na min zawt let hlauh! A kum zat ka hriat miau loh vang leh kei ai a hmel leh pian phung ah pawh a upat hmel hrim hrim vangin kei ai chuan a naupang lo tawp ang

"Ka hrelo,I nu khan ka u tur che u a tia" zawi te hian ka ti a,nizan khan ka en chian nen nizan a hmel nen a danglam vek tawh! A hmeltha a,a palian in a chhelo kual vel vek..a nuih zawng a ha in to thuah var sar leh a khuavang,a mah ka chhinchhiah na ngei mai te kha a in hmeh thlawt

"Englo..ka lawm lutuk aw" a kal daih dawn vangin ka ti leh hram a,rawn leh hawi a nuih pahin ka sam ah a rawn chul ringawt! Keipawh le atih na ah ka ngai hmiah! ka tlai ta tho tho tiin keipawh chu muangchang chuan ka kal leh a



"In in luah na chu anuam em?" Class ah chuan ka thutpui leh ka best ni bawk Kimkimi chuan a lo ti vat a, vawiin pawh Sir Duhzuala bawkin min ngaidam leh tawh, thenkhat titi ti nuam tu kan ni leh ringawt dawn!

"Um,nuam ani mai" ka ti satliah a,tlem in ka thawk hi a nuam lo deuh a tawng pawh a nuam chiahlo

"Enteh Estheri te sawn anlo rel leh hman tawh che ania" Estheri te tlat ho melh hraw pahin ati akeipawh ka va hawi phei ve zawk

"An tih dan alawm,Sir Duhzuala vang bak anilo ang" tiin dawhkan bawh chuan ka awm a,ka thawk tih nawm dan ngawt hi ka ngaihtuah,inhaler ak tho mahila a tello a reitak awm ve theih ka duh ani

"An lerh hlawm si,mi rel an hrat si ka Ning hlawm ania mahni zirtirtu te an ngaizawng vel a an zaktheilo si ka hne tawp class khat a awm te hi"

"Ngahmah ngai duh suh,an tan a tangkai lo tur ah ti sawn buai se keini chuan hmalam panin lehkha lo zir daih ang" ka note book la chhuak in ka keu a ka thaw leh halh thin

"Enteh,I zawng chhuak tawh em? Tinge hriat a har em em le mizo ah hetiang a in thup rei thei hi an awm ngai ka hrelo! Ka note book phek hmasa ber a ka mipa star em em lem ka ziah a hmuh rualin ati a

"Zawng chhuak lo,zawn ngaih na ka hrelo ka beidawng tep tawh ani! "Ka ti chuai raih a,kum 3 liam tawh atang khan IG ah mipa pakhat ka hria a,a hmel phei chu ka hrelo,a video uploaded thin te avangin ka vei bur ani mai

Guitar perh a thiam bak ah a zai thiam em em bawk a,a aw a nalh bawk nen a hla sak lah hi a common lo thei bawk sia a mah ah hian ka luangliam ve thlawt ani mai,mahse a video ah te a hmel ati lang ngailo a,a IG post ah a hmel ati lang duhlo chu tak chu ka buai na a ni

Kei a mah vei em em tu hian a hmel hmuh ka chak tehreng nen ani chuan a aw leh a Guitar perh lai bak a rawn pho chhuak duh bawk silo,vei tak te hian ka vei ani ber..a aw atangin a mah ang tur te ka suangtuah thul a hreawm zawk hial ani,tunlai story chhiar thin ten a piang lo Val zun a uai an tih ang deuh ka hi ka ni maie

Kei erawh a piang ani tih ka hriat mai bak ah mizo ani tih ka hre lehzel a mahse engmah a chanchin leh a mah hriatchian na tur a awm miahlo hi story chhiar te nen kan in ang na chu ani ber in ka hria,ka vei bur a a tak ah hmuh tur a awm bawk silo

"Tiang em em a mihring in thup thei hi chu an vang ani,nizan ah lah nangmah vangin ka mumang ah ka la hmu zui"

"A ni maw! A hmel I hmu em?" Ka lo ti nghal vat

"Hmu teuhlo a thin vek a lawm" atih chuan kan nui ringawt! Kan vei zia hi chu hria se chuan lawmthu min hrilh mawlh mawlh duh ka ring ani



"In then leh tawh phawt mai ang" mahni veng awm na lam pan tur bus a chuan pahin kan in bye a,in ka thlen chu couch ah ka bawk nghal thlawp!

"Vawiin lam ah harsatna I va tawk em?" Ka nu chuan rawngbawl mawlh mawlh pahin a rawn ti a

"Aih tawklo e,kan sir fel bawkin min ngaidam leh tawh nu.." tih pahin room ah ka va in thlak a,ka chhuah hnu ah ka nu thingpui leh chhang min lo siam sak ei in pahin pawn veranda ah ka thu a

"Ah.. vawiin kha.." Amon zawk ni in ka hria ngawi rengin an in pan chhoh na step ah chuan a kal dawn a,ka lo tawng ve ting tang tawh vangin ka thusawi leh tur nghak chuan step ah a ding ngawi reng a

"Sawi la.." thum deuh bul hian ati a, vawiin ah a mood an tih chhiat sak nge ka hrelo zing ami ai khan a nelawm loh

"Amon,hei I guitar" mipa pakhat hian a rawn tia, guitar ka hmuh chuan ka duhpa ka hrechhuak zawk ka thil ei lai thial pawp pawp in ka lem nghal kawk a

"Kha kha..ui ka duh theilo!" A mah chu ni ah ka ngai nghal tawp! Ka duh em vang khan a video hi cik leh uluk fahran in ka en chiam zel a,a hmel lan theihloh vangin a lang thei lai chu chik takin ka en tawp zel..Amon guitar hi ka duhpa guitar nen a in ang chiah chiah!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 4:09 pm

CHAPTER-2❄️




"Enge..?" Tiin a guitar ken lai chu a melh ve a

"Kha kha! Khawi atangin nge I neih? " Ka ti chhuak tawp ringawt

"Dawr atang in,a tam a lawm" ti chungin a chho tlang nghal daih a,mahse keichu ka ngaih a thalo..tha lo tih ah a mah anih rinhlelh na vang in

"Lo ni ta se,a mak awm! Awi a ni theilo ang tiang khawp hian a in thup nasa a,timai chuan ka hrechhuak thei tawp nang " mahni in hnial chungin ka lut hnak hnak a

"Nu,ka inbual dawn aw" tih leh ka thil in na no va dah ka rual a

"Um,mahse rei tawhlo la bathroom hi zai nan I hmang tel thin a,I inbual rei phah emai" nui tet tet chungin a tih chuan kei ka lo ner ve nang thung

"A nuam ve alawm,mi hriat ah kan zai tha ngam chuanglo a" tiin inbual tur chuan ka kal a,zai hi nuam ka ti a ka thiam em em chuanglo,mahsela mi hma ah ka zai ngamlo thung

Ka dawihzep vang nilo in ka thaw lam vang zawk ani,tang tak a ka zai ve te hian ka thaw a hah dawn zel a chuvang in mi hma ah ka zai ngam ngailo,ka duhpa ang deuhin bathroom ah ka zai hmiah zel



"E kha in awm maw?" ka u nen room a lehkha kan zir lai in aw kan hriat vel ah rang deuhin kan tlan chhuak nghal,nu hmeltha-i te nupa chuan thut hmun an lo rem fel diam tawh a

"Lehkha in zir ami?" Nu hmeltha-i bawk chuan kan unau lam hawi pahin a rawn ti a,kan lo bu zauh ka nu te nen hian anlo in nel leh viau tawh aniang hetia an lo len mai theih dan ah hian

"U,,,Kimkimi ania.." ka phone ri ral ral en pahin ka u hnen ah chuan ka ti a,pawn lam ah chhuak in ka va be zui nghal

"Ui ka nu!" Kimkimi nen a kan in be zo ka in her let chu Aron nge Amon zawk pawh ka hre hman lo ka hnung ah a lo ding ngawi reng! "ramhuai a maw ka ti che a lawm!"

"Chuti maw? aaa,ka nu te an awm em?" A hmel chu êng ah Chiang deuhin ka en phawt " diklo a awm ami?" ka en hu hu vang chuan a ti leh,a mit bul ah khuavang a awm nge awm lo ka en phawt,chuti anihloh chuan Aron nge Amon ka hre theilo

"Hey! I va nuihzat thlak reuh,Aron zawk aw ka nih"

"Nia ka hre chiah,in in ang lutuk a"

"Phir te chu kan in ang ve ang chu,a vawh vawh nen lo kal rawh lut ve ang" ka ban ah chuan min kai ve tawp a ka lo meng phawk nasa mai

"Hey! ngahmah ngai suh" tiin min kai nghet sauh! Ka lo tal deuh lai takin ngawi reng hian Amon chu step ah a lo chhuk a

"Mam,lo lut ve la" Aron zawk chuan a hui zeuh a mahse lu thing chungin a rawn kal thla leh zel,ka kut chu ka tal pit nghal vat a ngawi reng aa lo chhuk ka en lai chuan a ner sak

" Vawiin vang kha ami?" a dar a khawih rual chuan ka lo ti nghal vat a, Aron chuan mak ti deuhin min en dun bawk

"Nilo,thil dang zawk" tiin a kalsawn nghal daih a,ka en zui reng tho,a dar chu a ti che vak vak a,a kham emaw a na emaw vang bak anilo tih ka chiang

"Vawiin khan min chhan a,I u nge I nau zawk?" Ka tih chuan nui chungin

"Ka u zawk anihkha,a chhan che pawh chu a mak lo e" tiin kan in zui lut a,nimin ah kan awm ve tan chauh a tiang a rawn leng tur hian anlo in nel hman ania!

Ka u in lehkha zir angaih nasat vangin thingpui min lum tir daih lehnghal! Midang mut reh lai chuan lehkha ka zir e ka ti veleh khanglang a thlasik a in tan tawh bawk nen vawt tak ani

"Tunge le a van zai thiam reuh" ka lehkha zir lai chuan zawi te a zai thawm hi ka hre zeuh zeuh a,mi an mut rem deuh tawh vangin a chiang ve tawlh tawlh

"Before you go
Was there something I couldn't said to make it all stop hurting
It kills me how your mind can make you feel so worthless
So.. before you go"

Tiin ka hla nalh tih deuh mai a sak chu ka lo sakpui ve a,tunge anih hrelo mahila a zai thiam reuh takzet,ka phu zawk a hriatchhuah ka nei nghal! Hmanhmawh uchuak in kan room tukverh chu ka hawng a,zai thawm lo chhuah na ni a ka hriat lam chu ka hawi kual nghal

"Ka duhpa kha ani thei! A aw te kha..chuan,chuan!" Ka thinphu te hi a rang nghal vek! Ka chhuah ngam chiah siloh vangin tukverh atangin ka enkual a tumah hmuh erawh ka neilo, ui deuh chung chuan tukverh chu ka khar hna hna a

"Nangmah ni la aw,kum thum ngawt ka vei tawh che a,zawn chhuah che chu a hun ve tawh a sin" ti chungin puan ka sin tha sauh sauh a lehkha pawh zir tawh chuanglo in ka mu a



"Mate tho rawh le,tuk dang ang a thawh hai chu a chi tawh miahlo ania" ka nu chuan min rawn kaih thawh pahin ati a,keipawh lu na bur in ka tho

Tho in ka in ti fai nghal sawk sawk a,chaw kan ei lai chuan "vawiin chu ka thaw hi a nuam dawnlo riau in ka hria ka inbual lai atang tawh khan ka nuamlo" ka tih chuan ngawi rengin min en thap

"Anihchuan chawl mai rawh,nuam lo sa a kal zawng itan chuan a chi veloh" ka pa chuan ati nghal a keichuan lu thing chungin

"Ai,, chutiang a chawlh phah na chu pawh anilo tlem te in a lawm a nawm loh" ka tih pawhin kal an phal ta tlat lo,ka hnial nasat hma in ka pa chuan kan Headmaster a phone a ka chungchang a hrilh leh vek tawh!

"A pa chu ka nuam lo over lo ka tih ka tih pawhin I phone tlat a! Ka attendance a chhe zual vek dawn a sin chhiat sa nak lai a! " Ka chaw ei pawh a tui tawhlo

"Vawiin chu engpawh nise awm phawt rawh,I dam deuh anga naktuk ah I kal lehnghal thei mai dawn a lawm" thawh pahin atih chuan ka ner nang ringawt,ka pa leh ka u te chhuak chu tha deuhin ka thlah ve tho a, school kal theilo ta chu pawn ah ni lum ai pahin earphone ah hla ngaithla in ka lo phun pui vel mai mai a

"Ka lo thu ve ang chu?" Ka hma ah rawn ding in ka earphone chu a pawt phawi a,Aron nge Amon ka hre chiahlo! a tu a pawh chu nise ka buai peihlo

"Aaaa..."

"Thut ve chauh a lawm" ka nu veng thawng a in chhung lam ka va hawi phei lai chuan alo ti a

"Awle,I duh na lai ah hian lo thu mai rawh" tiin ka tawlh sawn hret a

"Tah hian.." tiin ka bul lawk ah chuan a rawn thu a,a guitar ken chu a bul chiah an a hung bawk

"Amon nge Aron I nih?" ni in min en khalh deuh bak ah kan in thut hnaih em vangin Chiang deuhin ka en ngam chiahlo

"Amon zawk,chuan zai I duh em?" A guitar kuah pahin a perh ri zauh a

"Aa,aih duhlo mai ka zai thiamlo" ka taksa chu a tang deuh tung a,ka kekawr khup zawn chu a ruk in ka tham vak

"Thiamloh tur a awm lo,tun ah pawh khan ilo phun pui reng tho kha" ka earphone pluge chu a pawt phawi daih a,a ruk tak chuan in thlahrung lo ka ti tawp

"Zai rawh,I zak em ni?"

"Aii,,,ka duhlo ka zai chuan ka.."

" A harsa hleinem" a ti lui tlat a,ka thawk lam ah harsatna ka neih hre lek lo a min ti lui ngawt chu ka ngei tep

"Awle..buaina ka tawh vaih chuan I thiamloh ani mai" ka ti a,a nui ri hak..ka buaina tawh tur hi a hrethiam lo ani

"Hei hi I thiam em?" Lucky tih hla Colbie Caillat leh Jason Mraz te sak chu a phone ah a lyrics min rawn hmuh a

"Um hria e" ka ti ringawt,mi hriatloh a zai ve thin chauh ka nia..bak ah a ni hi ka nel em em lo a chuan han zai dun pui chu ka ngam lo hrim hrim

"Zah angailo.." tiin guitar chu a perh tan a

*🧒🏻* Do you hear me I'm talking to you
Across the water across the deep blue ocean
Under the Open sky,oh my baby im trying
*👩🏻* Boy I hear you in my dreams
I feel your whisper across the sea
I keep you with me in my heart
You make it easier when life gets hard

"Ka thei tawhlo.. " ka âwm zawn chu ka dawm vawng vawng a, lehlam in a guitar perh na lam a ban chu ka va vuan ding chawt

"Ngati nge.." ka zai pah khan ka zak bawk nen ka tang ve deuh bawk sia..bak ah zaithiam lo ti a min nuih ka hlauh luat ah ka tang nasa deuh ani ka thawk nuam vaklo sa kha a nuam lo zual

"Ngatimah.." tiin ka tlan lut nghal,ka that leh that loh min zawh na pawh ka chhang thei tawhlo ka nu bul ah pawh engmah ka sawilo room ah ka lut a inhaler ka hmang nghal mawlh mawlh

"Tuma...bul ah...ka...ka zai.. ve...tawh...lo ang" thaw kawk kawk pahin ka ti mawlh mawlh,thawhah ka nih kha a hriat hman ka hlau lutuk a!




"Vawiin enge ilo an a" tv en a ka lo thut laiin ka pa lo haw chuan a rawn ti a

" Ka tha lutuk tawh, naktuk chu ka kal ngei ngei tawh ang aw..thiante thiam ang pawh ka thiam ve hman lo takngial dawn"

"Tehreng e,nangmah kan ngaihtuah vang che ania nikhat lek chawlh kha chu ala zia zawk a lawm" nui chungin kitchen lam ah thingpui in turin a phei a

Tv en pah a kan in pawn lam a kal ka hmuh chuan ka thin phu alo rang hman lutuk a! tukverh atangin ngawi reng hian min en a,zing lam a kan zai dun kha ka la hrechhuak leh zui!

"Kal ta che,kalsawn rawh" ti sep sep chungin ka mit sir reng a,tinge sawtah sawn a din reng chu le? a rawn hawi lut ni a ka hriat phei chuan en pawh ka en tha ngamlo

"Lawk..!" Nichin kan zai dun lai khan ka tang rilruk vangin engmah ka lo ngaihtuah hman lo,a aw te kha ka duhpa a ang riau a hriat na ka nei thar thut! rang deuhin ka phone ka en a ig ah ka lut nghal vat

"I ni em le?" ti chungin a mah nen chuan ka duhpa zai chu ka en kawp tawp! ani thei hian ka hre chiah silo ang tih thut na ka nei ziah hi mak ka in ti

"Enge I tih a?" Phone ka melh ngawt ngawt lai chuan a rawn ti thut "Aron zawk aw..min hai leh takin" nui chung hian a ti a

"Enge rawn tih I tum?" Ka phu Chiang bawk nen phone thuhruk pahin ka ti a, Tupper ware a ken lai chu a rawn lek chhuak va va a

"Hei mawle,ka nu chawhmeh siam ania,lo tem ve ru" tih leh kalsawn a rual a,ka nu hnen ah a thil rawn ken chu a va pe a,ka phone bawk chu la chhuak in ka en lehnghal

"I duh hle ani maw?" a rawn tih chuan ka au thawt!

"Aw..aw duh e" ka ti nghal pawp ringawt

"Ka lawm e.." ka sam ah chuan chul in a chhuak nghal daih

"Lawk.." ka um chhuak ve nghal "nangmah I ni em?" Step a a kal tawh chu ka han au leh a

"I ring em?" tih chauh a min chhang in a chho tlang ta daih

IMG_20201221_203126.jpg
IMG_20201221_203126.jpg (76.72 KiB) Viewed 4062 times


"Ka ring a lawm,mahse a chanve Chauhin" ti chung chuan ka lut a

"in va in nel tawh awm ve" ka nu in nui kurh kurh chungin alo tih chuan lu thing ringawt in ka lut tlang a

"A mah kha lo ni ta se,mahse anih dawn chuan Amon hian a ang ka ti zawk bawk si mahse amah khan lawmthu min hrilh ngawt bawk sia!"

"Awi dar engzat nge?" tiin ka phone ka la kang a dar zat en in ka thaw deuh huai..dar 6 vel hian ka duhpa hian video a uploaded ve deuh ziah a,nitin nilo mahse a uploaded chhun ah hi chuan dar 6 vel ah a uploaded deuh zel a ka chhinchhiah hneh tawh hle

"Rawng min lo bawl pui peih em?" Ka nu chuan kitchen atangin min rawn au lawm lawm a

"Um,ka lo phei ang" tiin ka nu rawngbawl pui tur chuan ka chhuak phei a

★★

"I van lo haw har.." ei kan peih vek tawh,ka u chauh kan nghak tawh a dar 6 dawn ah alo thleng chauh! Ka duhpa video en hmasa a tan loh ka hlau bawk nen chaw ei ka rawt chhen tawh

"Nia.. scooty a chhia a,ka buai lutuk alawm Aron nen hian kan in tawk hlauh a ka rawn haw thei hram" tiin pawn lam kawngka chu a melh a

"Ani maw! Aron-a chu I va ti lawm awm ve lo lut ve ta che" ka nu chuan polite zet hian alo ti nghal luam a,keipawh in alo luh hun nghak chuan ka mit in ka lo chang ve ran bawk

"Lut lo phawt ang,tih tur ka la nei a bak ah chaw ei a hun dawn a,ka rawn tibuai lo law law ang che u" tiin pawn atang chuan a chhang a,a reh zui hmak bawk

"Scooty chu Engtin maw a chhiat a? Min lo phone mai lo nia kan rawn hruai tur che..kha Aron alo awm hlauh a a tih zia khawp mai"

"Nia..rawn phone cheu ka tum a chu Aron khan min pui ta tho sia ka tia ka rawn call ta lo mai anihkha.. scooty pawh kan veng ah siam turin ka rawn dah nghal"

"Chaw ei ang u ka duhpa ka en hmanlo ange" an pahnih buaina pawh ngaihsak sak velo in chaw ei ka siam nghal mawlh mawlh! Ka chaw ei te chu ka hmanhmawh tawh sia ka helh awk awk mai!

"Dar 6 hi a van pawimawh thin em" ka pa chuan ka tui min rawn pek pahin ati a,nuih pawh ka nuih let tha hman lo tui ka in pawp a ka lem thla chiah chu na tak ani!

"Ka tho mai" ka duhpa video upload loh zan hi chuan ka ei kham tawh pawn ti ti hian ka thu muang ve ziah a,mahse zanin chu a tur tu a na tlat tawh..ka thleng chu sil tur ah dah rawk in room ah ka tlan lut nghal

"Lehkha zir I ngaih kha aw" ka nu rawn au lawm lawm chu phone lak kan pahin

"Aw ka hria lawm" ti in ka au let ve a "awi ka van ui tak!" Ka duhpa chuan video alo upload daih tawh! En hmasa pawl a tan ka chak tehreng nen! Comment te chu ka chhiar a en hmasa ah ka tang theilo bawk nen ka thinrim hlur mai an comment mai mai pawh

"I hmel hi ka hmu chak lutuk tih I hria em? Ka duh zia che hi chu hria la I lawm ngawt ang.. movies ang deuh hian maw khawi ah emaw in hmu thut ila min lo duh ru ve ngei bawk la maw" tiin khum ah ka let tawp

★ NEXT MORNING ★

"Lo kal ve rawh " zing nilum ai tur a ka chhuah chuan kan kawt ah Amon te unau chu badminton khel in an lo in fiam a

"A..aih a vawt emai ka peih ve lo" tiin nilum awm na thuthleng ah chuan ka thu a,tukin ah chuan ka tho hma a in siam hma leh hmanhmawh pawh angailo

"I infiam lum dawn reng a lawm" nui chungin atih chuan ka khi suk ringawt,an pahnih infiam chu uluk deuhin ka lo en a, puitling uai tawh hian ka hria a mahse an chet phung a naupang chhia thei tawp

"Ka duhpa chu I ni tak tak em le" tiin ka phun sep sep a, Aron khan a mah nih hmel takin lawmthu min hrilh a,a nih ka rin rualin ka chhungril hian eng emaw a rin loh na anei ru tlat bawk si!

"Ouch!! " Ka chal chu a thip zawt mai

"Sorry..a na viau em?" Aron nge Amon pawh ka hre mai lo a rawn tlan vat a ka chal dawn na kut pawt thla pahin ka hma ah a rawn thu hniam a

"Na ve deuh" then sawk sawk pahin ka tih chuan nui deuh chung hian ka sam chu a hui kiang a ka chal chu uluk takin min en sak bawk,ka thin chu nasa deuh hian a rawn phu ngawt lehnghal!

"Tu zawk nge ka nih ah I buai leh tawh em ni?" Ka chal en pah si hian ati a

"Aihhhh,tehlo mai ka chal chauh ka ngaihtuah" ka ti va hmak a,a nih pawh a ni reng ani

"Amon zawk "tiin a vei nuih suk a, a van hmeltha reuh tak!

"Arin..I na viau em? kan va ti zia lo tak" Aron chuan a lo ti zung zung

"A tir chuan na deuh mahse tun ah chuan a na tawhlo" tiin ka lo chhang ve vata ,Amon pawhin min khawih reng ka duhloh vangin a kut chu ka bek a dawm na tang a lak thlak ka tum a

Alo phal lo nge a duhlo,nge ni a a la en dik zo lo zawk? A kut lehlam chuan ka kut chu lo man in ka mal ah a nghat hmak anihchu! a mah chu phawk deuh hian ka en a

"Ka va khung fel ange" Aron chu let in Amon nen a an racket vel chu a bag ngai ah a khung a

" A dam mai kha.." ka chal ah chuan a rawn fawp ngawt! Ka phawk lutuk leh min thawng lutuk chu tui hak ang mai in ka meng pawng zawrh zawrh!

"Enge diklo awm?" Tiin a la nui puih mai mai lehnghal

"Engmah..!" Tiin ka tho pawp a ka tlan lut nghal ka thinphu leh biang sa hut hut te chu hreawm ru tak ani..tih reh mai a theih bawk silo room ah ka lut a school kal turin ka in siam nghal chaw ei in ka in peih at chuan kawngka lam ka pan a

"Kan rualin lo kal ve la.." ka chhuak chiah chu an unau bawkin ka tawk leh! Amon ni a ka hriat zawk chu en pawh ka en tha duhlo nichin vang khan ka zak tlat

"Aih..kan kal na tur pawh a in ang lo ang" tiin an mahni chu ka tlan pel hmak a,an mahni vang a ka tlan thut hi ka ning ,hah chi ka ni bawk silo ka tum loh deuh hian ka tlan thut ziah mai

"Arin.." bus ka chan ah tak ka best a lo chuang fu hlauh! tuk dang ah te chuan kan kal dun ngai meuhlo ania a hmanhmawh uchuak thei bik lutuk a

"Awi a nuam e" tiin ka lut ve nghal a traffic jam ah kan tan laiin kan bus bul chiah ah chuan Amon te bawk an rawn ding veleh! an tih luih anih hial te ka ring zawk

"I hmelhriat te ami?" Kimkimi chuan a rawn ti aka zuk en reng vang pawh ani mai thei

"Awi aih teuhlo mai,anilo mahse kan in luah na neitu fapa te an nia"

"Um an chhelo reuh tawp" tiin a nui vur vur a mi la nghawk kher zui

"I ho emai..ka duhpa an tluk chuanglo..e enteh maw an pahnih zing a pakhat khian ka duhpa ni ang deuh khan a in sawi a lawmthu min hrilh vel ania" a hmel chu au chhuah tum ani tih ka hriat vangina

"Au suh..anilo mai thei bawk ania" ka tih chuan khi vur vur chungin a bu nghut a

"Awi lo ni ta se I lawm dan tur ka feel pui che a lawm.." tiin a za nghal cheng,lo ni tak tak se keipawh ka awmdan tur chu ka sawi thei biklo a nuam over dawn hi ani tawp mai

_____________________________________

"A nâ! " school kan ban dawn ah kan chhuah lam in kan gate chu a chhuak hmasa ten an rawn nem let leh chu kei ka lo kal hmanhmawh ve tho bawk nen ka kut a rawn vaw deuh pawp

"Arin.. a na em? LalDavid lo kal teh Arini kut hi a sen tul ania!" Kan mipa kawm ve ber David-a chu Kimkimi chuan a au vak a

"Engtin nge I tih a? " Chutia min buaipui lai chuan ka na ti chu ka mittui tling puau chungin ka thiante pahnih chu ka en

"Sir te kan hrilh dawn nge kan haw pui tawp dawn?" Ka kut tang tir atang a ka ban rek chin chu a â vek hian ka hria khua a vawt tawh bawk nen a na takzet

"Haw mai ang u, anihloh pawn kawng lak ah entir tur an awm mai ang" kan thian zirlai dang te chuan min lo hual tau tuau a, teacher te hi kan haw fel hnu chauh a haw thin an nih vangin kan in ti na tih pawh an rawn hrelo aniang

"I kal dawn nge ka paw dawn che?" David an atih chuan a dar ah Kimkimi'n alo beng pawp

"A kut a lawm na,a ke a na tel hleinem" alo ti veleh an pahnih inhnial chu hunlo ti zet in ka en a,ka kut na lah chu a zia thei der bawk silo a ka ban rek ah chuan ka hmer khalh tawp

"Na neih te chuan kal theilo leh taksa dang shock tel pawh an awm ve thin a lawm" tiin David-a chuan min pua a,thian kan ni tho bawk a ka zak lem lo

"A la na viau em?" Kimkimi chuan min ngaihtuah takin min zawt deuh reng a ka bag pawh min ah sak bawk

"Um na lutuk a tliak aniang" hnuk ulh lek lek in ka tia,na ka neih hrim hrim hian keh thei dawm a dawm ka nih miau vangin ka zuau zual a na vaklo pawh hi na over ang hian ka chhuah phah ziah

"Ka hrechhuak..putea entir ve hrim hrim ang u saw a clinic a awm a lawm" Kimkimi chuan David a min kalpui hlawk hlawk tawh chu a pawt ding a,keini pawhin hetia in thlen ringawt ai chuan tiin kan lo rem ti ve bawk

Kimkimi putea'n a thiam ang tawk a min enkawl lai chuan ka mittui a luang zawih zawih,nula uai tawh pawh ni mahila a na lutuk hi tah loh na chi zia zâng anilo,a hmeh te chuan ka au teuh ther ther thei lutuk..min spray sak hnu ah min tuam sak leh thlap a ka thawl hawk thei

"Taxi la ang u.." David an atih chuan taxi la in kan in lam pan chuan kan haw a,ka nu leh pa ten min hmuh hun a an hmel awmdan tur leh an Mangan lehnghal chung chung dan tur ka hriat lawk vangin na nei a haw chu ka huphurh takzet

Kan in kan thlen hma deuh lawk hian Amon te unau pawh chu bike in compound chhunglam ah an tlan lut ve chiah tih ka va hmu..ka thiante pahnih chuan min dim takin kan thlen vel ah min chhuah pui a David-a,a mipa zawk na na na chuan min veng uluk bak ah min hneh chawt chawt khawp mai

"Ehe..! I va in tuam nasa ve a" Aron a niang a tawng duh in mi hi a be hmasa ve deuh ziah zawk,step an kal chho tur chiah chu a rawn let leh

"Ka kut ka ti na a" an ni hmuh em em a tah ka duhloh vangin na tawhlo ang deuhin ka lo chhang a

"A va zia lo ve..khawi maw engtin nge I tih nat a?" Ka kut chu a rawn thlek dun dun a" ka kut chu hmuh tumin ka lek kang a ani pawhin alo dawm a hnai deuh ah a en bawk

"In tuam mar deuh nge a va rêk ang reng ve.." atih lai chuan ka kut na hrelo ang mai in Amon an a rawn a rawn la pawp! Ka kut chu a man a dawn daih a

"A ruh a tliak lo ang,a na tir anih vang anihkha enkawl uluk la kar khat pawh angailo ang a dam nghal ani mai hlauhthawn na tur a awm lo" awlsam et hian min tih sak a

"Chho ang" Aron chu tum hmuk a melh pahin a mah chu a chho hmasa a,ka kut a lak dim loh em vang khan a tur deuh et et!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 4:09 pm

CHAPTER-3❄️



"Um..ka han chho phawt ange" tiin Aron chuan a unaupa chu a zui chho a,keini pawh kan in ah chuan kan lut tlang nghal bawk

"Nu..." Kan lut chiah chu ka nu ka au nghal vak a,ani pawh hmanhmawh deuhin a lo kal ve bawk,ka kut a hmu chiah chu a hmel a mangang nghal vek

"Mamte.. engati nge I kut chu?" A rawn thu thla nghal chawt a ka kut tuam chu phelh a en a tum ta mai,ka lo dang nghal vat

"Nu Kimkimi putea'n min tuam sak chiah ania phelh tawh rihlo ang ana lutuk" tap tuau chungin ka sawi chhuak a

"Um awle I tih nat dan min hrilh teh,I tlu ami?" Ka nu chuan zawh na min zawt nghal chung chung

"Gate an rawn nem let in ka lo in tauh a" ka tah a chhuak tulh tulh! hetiang a na leh thil dang neih a nu hrilh tur ka la neih vang hian ka pangchang a, pangchang theih na tur ka la nei hi ka lawm takzet bawk

"Fimkhur deuh tur a lawm" tiin kan tuam loh na lai te chu zawi te te hian min hmeh sak a,ka lo ner sawk sawk

"In inchung tlangval te kha ruh lampang hria ami? Nichin khan kan rawn tawk a a ngaih nep hmel bawk sia a dam har lo ang kha atia" David-a chuan ka nu bul ah alo ti a

"Awi ani maw,ka va hrelo ve chutiang an nih pawh" tiin alo chhhang a,ka thiante pahnih in min haw san hnu chuan room ah ka nu in min in thlak pui a,ka upa tawh viau bawk a mahni nu te pawh nise han inthlak pui tir chu a nuam vak tawhlo



Tlai chaw ei a hun meuh chuan min ngaihtuah leh duat luat ah ka u leh ka pa chuan room atang a ka chhuak tur chu min vil deuh chawt

"Engtin vak a awm tawhlo ania min vil reng su" chaw ei dawhkan kil tum a ka pan lai chuan ka ti deuh vak rimgawt,naute pawh ka ni tawh lo a hetiang em em a vil ka ngai biklo a nat tirh khan ka pangchang em a chuvang mai mai chu ani

"Aw hello.." chaw kan ei dawn chiah tihin ka pa an lo phone leh,hmun dang ah bia in a kalsawn a,alo let chuan a hmanhmawh hmel ta riau "kan hotupa a boral thut anihchu ka va kal ve loh chuan" tiin chaw a rawn bar mawlh mawlh a,ka kut hman thiam loh lam tak a na a ka vannei hlauh

"Eng tia boral nge?" Ka nu in alo tih chuan

"Thaw hah ania..nat na neuh neuh a ngah anti bawk" atih chuan ka thil hawp ve lai ka tawp chawt

"Mate..I rilru lo ti hah ve suh nangchu a dam lam zel I nihkha" ka nu chuan ka ngawih deuh vangin a rawn ti thuai

"Bawihte tih hlauh na che anilo ania..nangchu I hrisel tha a lawm" ka pa pawhin alo tih zawm ve bawk

Hetia thawhah vang a boral te ka hriat hian keimah ah nghanwg a nei thin, thawhah ve tho ka nih vangin. ka boral ve mai angem tih te ka ngaihtuah ve tawp a chu chuan rei tak chhung ka awm atih nawm loh phah thin

"Nia keichu ka hrisel a engtin mah ka awm lo ang" za lo deuh a nui chungin chaw chu ka ei zawm a,ka pa mitthi in a kal tur kan thlah lai takin inchung nu nu hmeltha-i alo chhuk ve chiah

"E kha,I kal chhuak dawn em ni a?"

"Kan hnathawh na a kan pu a boral deuh thut a hei ka va kal ve loh chuan "

"Aw anihchu a va pawi ve aw,chaw in ei tawh em ni? Hei chawhmeh ka rawn suah ang cheu ka tia in lo ei tawh sia"

"Chawhmeh min lo suah ziah a! Keini lam in enah kan rawn pe ngai bawk silo cheu a..in siam tui thei bawk si a in thlahrun awm"

"In thlahrun na tur a awm reng reng lo,ei siam hi nuam ka tia mahni ei loh tur pawh hi ka siam teuh teuh zel alawm..kha la hrim hrim ru naktuk zing ah pawh a la tui tho ang" tiin a chawhmeh bawm rawn ken chu ka nu kut ah a hlan a

"Aw kha I kut I ti na ami a?" A rawn ti lehnghal zat

"Um gate ah ka tauh a"

"A va zia lo em? Spray in nei em? In kawl loh lai anih pawhin kan kawl reng ania aw" ati nghal luam a,a fel reuh takzet

"Awle..a dam vat mai ang a mah pawhin na atih tawh hmel vaklo" ka nu chuan alo ti ve bawk

"Anih u aw ka va kal ve ange" tiin ka pa chu a a chhuak a,chaw kan ei tawh tho bawk nen lehkha zir ka ngaih vangin engmah tilo chuan room ah ka in khung a


★ 3 Month's Later ★

Thla 3 ngawt kan awm ta,kan in luah na hmasa te ai a an fel vang nge chhungkaw khat ang maiin kan awm a,keini lam in kan pawh that ngam loh viau lai pawhin an ni chuan an chhungte ang mai a min ngai in min ngaihsak a,nu ber phei hi chuan ati mah mah emaw ka ti hial thin

"Arin..zai nuam I ti em ni?" Pawn ah nilum ai a ka awm laiin Aron a rawn kal a,mi te khan Engtin nge an hriat hran loh theih ka hrelo

A tir kha chuan buai viau mahila,thla 3 vel a liam meuh chuan ka hre hrang tawh lutuk..hmuh sual leh hmun hla over anihloh chuan ka hre thei nghal mai tawh "um ti ve tho.." ti dak in ka ti a

Ka hla play ka zai pui lai hi min rawn hmu thei lutuk a ka ning tlat!mi bul a zai chi vak ka ni bawk silo zai pui ah hian min sawm an hrat phian lehnghal a!

"Zai ila.. guitar ka han la ange" tiin a tlan chho nghal

"Mawh..maw! Hey ka duhlo ka zai peih lo ania" ka ti thawt a mahse a awm zia vak tawhlo..thawh san a luh daih ka tum laiin a rawn tlan thla leh hman

"Enge kan sak ang?" tiin ka bul chet ah chuan phur zet hian a rawn thu a

"Engmah,ka zai peihlo" ka ti ve daih "bak ah I perh thiam ami? Amon zawk in emaw perh thiam ka tia"

"Ummm" a hmui a ti pawrh deuh nang a " Amon chu ka tluk lo,mahse ka thiam pangngai,hawh le zai ang,kan hla sak tur chu thlang rawh..a nihloh chuan keiman ka thlang mai ang"

"Ka zai duhlo tak tak" ka tih ve tlat vangin min nawr lui ta zel bik lo chuan a mah in ka bul ah chuan a zai a, Lewis Capaldi hla before you go chu a rawn sa hlawl!

"Ka zaithiam lo viau ami?" Pawi tih hmel deuh hian a rawn ti a,ang huau leh mak tih hmel deuh a ka lo en ngar ngar vang aniang

"Ah..ai chutiang anilo ih enteh u Amon"

"Um eng maw ka en ang" nui chung chuan atia

"Ih zan ah hemi hla sa hian I zai tiraw?" Ka tih chuan a ngawi vung vung a,hrelo ang mai a ngaihtuah let hmel a pu bawk..a rei ve tawh bawk em ani "kan lo awm tirh khan ania"

"Um..a va rei tawh ve!" Ka sam ah chuan a tuai vak a,keipawh ka zawt hlui lutuk tih ka in ngaihtuah let ka zak tep "ka sa thin..mahse ka chiang tawhlo tinge?"

"Ih englo,I zai kha aniang..ka lo hria a" ka tih chuan a khi deuh suk a

"He hla hi chu a nalh ka ti reuh a,Amon phei chuan nalh ati lutuk" atih lai takin gate atangin a rawn lut ve chiah

"Amon an maw?" Ka tih vangin a hming ka sawi chu hria ang deuh hian kan lam a rawn hawi nghal a

"Hetah enge I tih? Tukin kha chuan I ke ana emaw ka tia" tiin thinrim hmel deuh hian a rawn ti a Aron chu za vaklo hian a nui a

"Na e..a zia tawh a lawm..tiraw Arin?" an pahnih buaina a min tel a tum ngawt chu ka duhlo ngang mai! bak ah tlem in Amon zawk hi ka nel chiahlo bawk a ka hawi a hû,chutiang ke nat chungchang engmah ka hre ve bawk silo a!

"Englo ih" Aron chuan a ma lam tang tur a min tih hmel deuhin min en a,Amon lah chuan thudik ka hrilh loh chuan min thah mai duh hmel a pu bawk

"A ho emai nikhat lek ka kal loh in ka taksa a chhiat phah chuanglo tur ah ngai ang" tiin Aron a nui mai mai a,Amon lah a lawm loh hmel bawk si keichu luh hmak mai ka duh ni lum ka ai apiang lah hian an lo kal ve ziah mai

" Ka lut tawh dawn" tiin thawh ka tum a

"Aw Vawiin chu Saturday ania school kal I ngai Chuang hleinem, awm ho ve ang u nang ai a kan upat vang nge mi hi i nel lo riau mai" tiin min vuan deuh tlat!

"Chutiang pawh ani lo" tiin ka thu tha veleh mai a diktak chuan nuam ka tilo..bak ah mipa ve ve han awm pui vel kha nuam ka tilo hrim hrim

"Rinpui..I bazar a law" ka u chawhmeh lei a bazar rawn haw chu Aron bawkin nel deuh hian a lo bia a

"Um,bazar a mahse chawhmeh a vang lutuk" tiin tha deuh chuan an in bia a

"Ehe..I u khan chawhmeh mak deuh a lei in ka hria ka va en pui chhin" tiin kan pahnih chuan min luh san daih

"Um..keipawh ka va lut mai ang" tiin ka tho leh them them a

"Ka bul a awm a nuam vaklo ami?" Kan thuthleng ah bawk Amon chu a rawn thu leh! Ka van Ning tak ka nula ve tawh bawk nen thil a ngaih kawih loh theih bik silo!

"Nuam lo pawh ka hrelo" ka ner deuh nang tawh ka zak ru ve tho bawk si

"A nihchuan thu la..u ang chiahin min en tho ani lawm ni engmah ngaih kawih tur a awm lo" hmalam en chungin a nui suk a,enge ni na vai tiin thaw kawk 0ah chuan ka thu leh

"Englo..tunge in unau ab upa zawk?" Ka ti mawl ve tawp a,thu turin min ti mahse min be hmasa tu ah a tang leh chuang silo

"Keimah " atih deuh hmuk vang chuan ka be chhunzawm ngam tawhlo " Bialpa I nei em?" A rawn ti chhuak hlawl

"Awi teuhlo mai! ka tih awmzia chu neilo" atir ah ka sawi pawr em vangin a tawp lam ah zawi te chuan ka sawi leh a

"A that chu"

"Maw?.."

"Midang rilru na a siam ai chuan ngaihzawng neihloh mai tur"

"I sawi awmzia ka bo" pawh ngam chiah silo hrethiam bawk silo in ka awm

"Nangmah Suh tu a ruk in awm se ngaihzawng ilo neih khan a rilru tur I hrethiam em?"

"E aw hrethiam e,mahse keichu bialpa neih ka tum lo mi duh ka nei daih tawh, chupa chu maw a dangdai lutuk a a mah khan min hip tawp ani mai a hmel phei chu ka la hmu lo..mahse a hmelth tih Chiang takin ka hria"

Ka lo sawi tui leh hman tawh!min en deuh reng vang chuan nuam ka ti leh lo "tihpalh,a chanchin ka sawi tawh hi chuan ka thiante lo ah pawh ka lo tlak duah zel a"

"A tha vek a lawm,chupa chuan a vanneih zia a hriat vat ka beisei" tiin a tho thurh a an in lam pan in a chho hnak hnak

Keipawh rawn thu an awm leh hman hlau in ka tlan lut ve nghal, school kal loh ni anih miau vangin ka nu nen ka u nen pangpar ho kan ching let vel a, diktak chhuan keimah chuan ka thawk lo ka lo sawi vel mai mai zawk



"Mate ka va kal mai dawn ami?" Ka u chuan ka chhuak tur chu min lo au leh

"Ngailo,a hla chuang hleinem" tiin zan zan ah chuan ka chhuak a,pawn chu vawt tak ani vawt tak!

Zanin KTP in advance Christmas an hman dawn vangin gift exchange an ti dawn sia..keini vawiin kan pangpar sawngbawl in kan lo theihnghilh bawk nen tan hun a tlai hlauh a hmanhmawh a ngailo hlauh zawk

Ka la in lak naupan ve tlat vangin KTP ah ka la tel ve duhlo a,helai a kan awm na arei tawh tho bawk a ka u chu tlangnel takin KTP member pawh a va ni leh mai,ka u present ken tur leh a tuam na lei sak tumin ka chhuak kha ania,present chu a man a duh ang zawng a sawi vangin awlsam deuhin ka lei a Ka tuam tir nghal thlap bawk,ka haw leh lam ah chuan khawlai a bike nen Amon lo ding ka hmu a

"Khawi ah nge I kal a" min rawn hmu tho sia,ka kal na tur lam ah kher alo ding bawk si nen be lo a kal tlang mawl tawp chu ka hreh ve deuh bawk sia

"Ka tlan kual mai mai" tih pahin present ka khai lai chu a melh a "KTP lam maw?" min hmel deuh hian a ti a

"Um,I kal ve dawnlo ami?"

"Enge ka va tih ve ang?" atih chuan ka ngaihtuah na a kal thui hman khawp mai,a hmel pawh fel hmel viau lo mahse a rilru a la sual zawk hram

"KTP programme ah I va tel ve ang,I Inkhawm ngailo ami?" Ka tih teh daih vang chuan a nui suk a,a inkhawm peihloh hmel em ani min chhan dan kha

"Ngailo.." ati awlsam et a

"Meidil ah I tla anga sin" ka tih chuan vei nuih suk pahin

"Thlasik lai chuan a pawi vak ami a lum nuam daih zawk ang chu" ati ham ham anihchu!

"I van hlau lo em em? tla tak tak la chuan I rak chhe nasa ngawt ang" khaw vawh lutuk vang a khur beuh pahin ka ti a

"Sawng inkhawm thin thenkhat ho ai saw chuan ka la fel zawk tho ang..alang a mawi atan a Biakin pan ai chuan mahni nih dan dan a lan a awm hi ka duh zawk.thenkhat ho chhungril nen sawn kan in ang reng tho..ani lawm ni?"

A rawn ding ngil thut ah ka hma ah tak chuan a rawn ding phei nghal zat! Min en chungin a nuih deuh suk zel a,keichu min lo hnaih lutuk vangin vur tlang ang maiin ka ding khawng reng

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 4:09 pm

CHAPTER-4❄️



"Ka hrelo e a..chutiang in ka hrechiang hleinem che" ka tawlh hnung deuh dat a

"Ani maw? Min hrechiang viau emaw ka lo tia" min nuih zat tih hriat deuh hian a awm kher a,ka kut chu hum vak pahin

"I nelawm loh em alawm I unaupa ai in" tih pah chuan ka haw na tur kawng lam ah ka in her a

"Ka rualin haw ta che" atih rual in a bike head light chu a ti eng a

"Ai,a ngailo mai ka hmanhmawh a bak ah nangchu kal kawi na tur nei ila ang emai ka u tan present ka lei a ka pek vat loh chuan a thleng hman lo ang"

"I ke ai chuan bike hi a chak daih zawk lo maw?" Thaw hawk pahin ka hawi let a "ka sawi diklo ami,kan naute thar?"

"Naute thar ka nilo"

"Ka nu in a tia lawm,nula than kin tep tawh naute ah kan nei che a,,zan tin in min ti nui ziah"

"Min va hmusit ve a!" Ka ti vin let hrep a,a bike a chuan pahin a la bu nghauh nghauh zui "I bike ke kha thep vek rawh se" tiin kan in lam pan chuan ka kal nghal hlawk hlawk

"Lo Chuang rawh" thui pawh ka kal hma in min rawn um pha leh

"Ka peihlo"

"Khua hi a vawt viau ania"

"Bike a chuan thawt ai chuan ke a kal ka la thlang tho tho..ka kal lum mai ang"

"I tih tlat chuan le.."

Min han tlan pel nghal fua chu a thaw lehzual a vawt tak ani,in ka thleng chu ka u leh a kalpui tur te ni awm tak chu gate bul ah anlo ding a keipawh ka hmanhmawh zual sawt ka va thleng phei fel tawk tihin ka present khai lai chu a lo la vat a

"Mate..I va rei ve ka hmanhmawh nen?" A hmel ah pawh a hmanhmawh tawh tih a hmuh theih..hun bi vawng leh lutuk ho hi chu a chang hi chuan vuak nek an chakawm thin

"Nia..mi nen kan in hnial a.." phawk deuh chuan a thian te nen min melh a "chutia in hnial chiam lam anilo,a pawimawh lo kal ru" tiin ka bye a a vawh em vangin keipawn ka luh san nghal

"Nu mk,Arini a awm em?" Ka vawt ti deuhin a kawrlum dang ka hak thuah laiin ka hminglam ei ka hria a,ka room pawn lam ah chuan ka vak dak chhuak heu

"Aw awm e,ka rawn ko ang..I KTP ve nange? In in ang lutuk a a! Amon nge Aron I nih pawh ka hrelo" nui pah in ka nu chuan ka room a rawn pan a

"Aron zawk aw..min chhinchhiah tawhla ka u ai chuan ka hmeltha zawk" nui pahin alo chhang let vaw bawk

"E..hei alo dak alawm..saw Amon a lo kal a,a mamawh deuh che aniang" a rawn tih chuan a chhan ka lo zawt vat a " ka hrelo ,rawn chhuak hrim hrim la" tiin a kalsawn lehnghal daih a

"Um,U Aron min mamawh ami?" Chhuah pahin ka tih chuan alo nui var var a

"Um aw..hei I pawisa thlauh,ka u in pe let tur che in min tia ka rawn chhuak thla tho a ka rawn pe nghal che anih hi"

"Ka thlauh maw?" tiin ka ngaihtuah let nghal vat a

"Um,nichin a present I lei na vang aniang,Amon an a chhar a"

"Eh ni tak! Ka lo hre tawh miah hleinem ka lawm e"

"Keipawh le.."

"Ka nu kha ilo pe mai lo nia..an mahni pe tur tho ka nia"

"A chhar tupa hian nangmah kher a duh aniang pek che,bak ah a tha hrim hrim alawm I thlauh tih I hriat chhuah phah a" nui chungin a tlan chhuak nal nal

"In va Chimawm unau tak!" Tiin pawisa chu ka nu leh pa TV en te bul ah theh phei in room ah lehkha zir tur chuan ka lut ve ngei a,mahse lehkha zir chu hnailo tak ani ka duhpa video upload tawh sa ka en kual chhuak leh vek

"Hey, assignment kha engtin nge ni ang?" Kimkimi'n min lo call

"Ka hrelo ka la zir lo,kan pa video ka la en char char"

"Kan pa ati leh ta ngawt e! I duh zia hi hria se aw" a rawn ti vawng vawng a keipawh ka nui ringawt

"Ni e..a mawl viau loh chuan ala hre ve mai ang,a video tin ah ka comment ziah a lawm comment reply ngailoah nise a chhiar ve vek tho ang ka ring"

"Dik chiah a chhinchhiah kar mai thei che ani"

"Hey ti khan sawi ziah Suh,khatia I sawi khan beisei na beidawn thlak ka neih phah ziah ania"

"Chhe e! Enteh ih maw.. hman ni ah ka cousin Ruatfeli khan Instagram ah sap pa a vei deuh a va DM a alo seen a chuan a massage kha lo like sak asin"

"Ani maw a van vannei em em!"

"Um ni e..chuvang chuan in pa kha va DM ve tawp chhin teh,ani phei chu mizo ania I thusawi engkim a hrethiam in I mizo pui anih na ang pawhin a reply ve thut mai thei che a sin"

"Ka chak alawm,mahse ka beidawng nghal..a video comment pawh reply ngailo chuan engtin nge min reply se I tih? Ma beidawng nghal hluah hluah"

"Chhe suh! Dm te chu vawikhat pawh ila DM lo a try ve chhin hrim hrim la..a tih a hma a beidawn nghal ngawt te chu!"

"Nia,a dik.. vawikhat chauh chu DM ang..min chhang lo pawh nise min zawng chhuak dawn chuanglo a zahthlak loh emai" tiin ka inbiak na chu ka ti tawp nghal hmak a IG ah ka lut nghal

* Misualnu! Hmanhmawh thet thawt lutuk* tiin massage a rawn thawn zui a,kei lah khan ka off ringawt a! Reply tawhlo in ka duhpa ka massage dan tur chu ka ngaihtuah nghal ngawr ngawr

"Min ngaih nep ka hlau ve tho bawk si ka va tih huam huam chuan min mil lo nghal ngawt ang tih ka hlau tel bawk sia,pawilo 'Hi ' tih te hi ka thawn chhin ang,min reply loh pawhin a zahthlak dan a nep deuh"

Massage chu ka type keuh a,mit chhing pahin chupawh ka send hram! A tak ah hmu thut ila chuan engtin nge ka awm vel ang pawh ka ngaihtuah duhlo zawk..ka send zo chiah chu phur bawk, hlauhthawn ruk na nen ka khum ah ka tal nghal pawp pawp



"Lalkimi vang vek!" Ka phone chu dawhkan ah ka dah ri deuh pawp,dar 11 a ri tep tawh a mahse engmah reply na ka dawnglo,phu lo viau mahila ka beisei ru ve tlat si

"Ehe! Ila mu nange?" Ka u te KTP lampang a kal pawh anlo haw leh der tawh! Tum bur in ka lo chhawn a "tinge I tum tak bur a? Ka nu ten engmah an sawi silo"

"An mahni vang pawh anilo,ka duhpa vang mawle" ka khum a leh tawp pahin lungawi lo hnuk ulh deuh chuan ka in khuh hmak "khaw vawt vawt in mut pawh mu lum duhlo in ka nghak ve a"

"Tinge video a upload leh pek lo ami? Mut daih tur che ami?"

"Ai..chutiang pawh anilo muttui" tiin ka chhing nghal hmak a,chuti pawn ka la mu thei mailo..ka ringlo chungin a reply ve thut na ka beisei ru bawk si ka awm dan hi ka ning lutuk!

_________________________________________

"Nu ka kal aw bye" thawh ka hai leh lek lek vangin ka hmanhmawh leh tlat tawh

"Um,tlan suh aw I hah ange" tiin ka nu chuan min au zui a ka u nen pawh kan chhuak rual theilo

"Awle.." ti mahila hmanhmawh hi chuan tlan bak tih theih a awm lo " ka lo kal hmasa" gate ah Amon te unau an lo chhuak ve dawn chiah nen ka va nek nghal pawp pawp a

"Hmanhmawh ve le.." tiin min lo chhaih zui a mahse engtin mah ka chhang hman lo, hmanhmawh over silo in ka tlan deuh tho a bus stand ka thleng chu ka thawk a nuam lo nghal inhaler la chhuak in ka hip nghal mawlh mawlh

"Arin..I tha em? na I nei ami?" Kan CR (Class Representative) Nunsanga chuan bus kawngka alo chhuk deuh pahin ati a,bu nghut nghut pahin ka lawn ve nghal

"Harsatna I neilo tak tak maw? na nei I va ang ve" min chik deuh a min en dun dun thin vangin bus a Chuang ve dang te chuan ti ti nan tak min lo hmang leh tawh!

"Neilo..ka rawn tlan a ka hah lutuk a chuvang mai mai" tiin ka lo chhang a,ani pawh ka bul chiah ah chuan a rawn thu ve nghal bawk

"Um..na I neih chuan sir te I hrilh hreh leh keimah min hrilh dawn nia" ati a,keipawh ka lo bu nghat nghat



"Kim enteh vawiin chu ka awm hi a nuam thei der lo..khawsik tur ang mai hian ka awm char char a" last period ah chiah dawhkan bawh chungin ka phun bul bul a

"Ani maw! I hrisel lo hi chu ka van khawngaih tak che" thlasik khawvawh lai alo ni bawk nen zing lam a ka in thuam na lum tawk chiah pawh kha a lum tawk lo lek lek tawh ani

"Hawh..haw dil mai rawh bang tep tawh mahila I zual chuan a buaithlak mai mai..David a saw kan sawi tir leh ange" thawh atum chu a ban ah ka vuan a

"Period khat chauh a awm tawh alawm,ka khua a sik pawh anilo sik tur ang deuh hian ka awm a chuvang mawle " tiin ka tuar lui a,ka hrisel lo bik lutuk hi kei ngei pawh a chang chuan ka vui thin

"Vawiin chu teacher's committee neih a ngai thut mai haw hma mai kan rawt anihkha" tiin Miss Zialo a rawn lut a,kan class ho pawh an au nghal chul

"LalDavid rawn kal teh"

"Enge? Vawiin chu in rualin ka haw lo mai ang inkhelh kan ngai a" peihloh hmel deuhin kan lam ah a rawn kal phei a

"Tibuai suh a in khelh khat tawh em hi" ka lo tih vangin Kimkimi pawh chuan kal leh zawk turin ati a

"Naktuk ah I challo ang" tiin a au zui hram,nuam lo deuh chung chuan bag ak in kan in zui chhuak a taxi kan chan lai te chuan ka khur leh thut thin

"Damdawi lei kawi ila"

"Ai,ngailo haw vel ah ka ei mai ang ei lai bik ka nei bawk sia"

"Um anihleh le, aw sawtah sawn lut vat ang" tiin taxi awl ah chuan kan lut nghal rawk rawk a,ka damloh hian ka taksa te hi a na a,a kham thum thin vangin kan chuan chhung chuan ka thu ngil peihlo Kimkimi dar ah lu nghat in ka thu awn duai a

"Arin..I zual tak tak ami a?" ti a ka mutui tur chiah min sawi harh leh si chu ka ui takzet

"Ai,,ka muhil mai mai anih hi" tiin ka ngheng leh a traffic jam ah kan ding deuh dawt "Ke in kal mai ang" ka tih chuan min melh deuh hâw a

"I â tawh ami,I nuam sam lo a ti chung chuan ke in kan kal ang maw?"

"Aw,a rei leh dawn sia tunlai phei chu a jam nasa zual bawk si in thlen vat ka duh alawm"

"Um anih leh I nu ten min hauh vaih" tih pahin ka bag min ah sak a taxi atang chuan laklawh deuhin kan chhuak a

"Oh! U Amon I haw tawh dawn ami?" Kan chhuak fel chiah chu ke a Amon lo kal phei nen kan in tawk,bu nghut chungin hmalam a melh nghal a

"Arin saw ka crush" tiin kan hmalam a rawn kal phei mek te chu min hmuh a

"Um,in ni daih tawh emaw ka tia" ka lo tih chuan Amon chu alo nui ri hak a

"Naupang in la nih kha " tiin a tum lehnghal hmuk, Kimkimi pawh a zak hman lek lek

"Kimi in bang chiah alaw" tiin a rawn be ve ngei bawk,a thiante nen chuan an rawn ding khawm nghal laih laih a,din na ka lo kian ve loh vang nge Amon chuan ka dar a vuan in min ding sawn tir a

"Um..ih bang deuh chiah anih hi" a lai chhe lehnghal ngawt chu ka lo nuih ru char char, phone ah pawh an inbiak ngun tawh nen a la lai tho nia!

"Um keini pawh practice turin kan kal dawn chiah a" Kimkimi tan sawi leh tur a van dawn zia chu ka lo hrethiam nghal vek

"Kan lo va kal dawn em ni?" Amon chuan kun deuh chungin min lo en a,chutiang a min nel leh ngai na ber ang a awm chu mak tiin ka en reng a

"I thiannu kha ami? ka thianpa te zing ami Lawmsangzuala'n a star teh ania" Kimkimi crush pa Thakima chuan ati a..a sawi ual au lutuk chu hmaichhan a in bem ang mai hian ka lo zak chem chem

"A ni maw? A mah pawh hi a single ania" fiamthu deuh si,chance a la pah deuh hian alo ti ve bawk

"I kal dawnloh chuan ka lo va kal ange" tiin Amon chu a kal nghal hmak a,min star ve tu awm chu an sawi lehnghal vangin damloh taksa nat pawh sawilo in Kimkimi chu ka tlan san a Amon ka va ui zui daih

"Sorry lutuk" lalkimi min auh na pawh eih duh tawhlo in ka hrelo awm hmiah hmiah " I rualin " ka va tih lai tak chuan alo ding si,kei ka tlan dan speed a la chak bawk nen a hnung ah chuan ka va in tauh chawrh!

"A na em?" Ka back dawt dawt a ka tlu tur chu ka kut ah man in min pawt ding chawt a,dawt sawi loh chuan ka lu a ti na in a hai zuala

Bak ah Amon zia hi mak ka ti present ka lei zan te kha chuan nelawm loh leh tawng ngailo ang maiin a khawsa a tun ah chuan nelawm tak leh min ngaihtuah ber ang in a awm leh si!

"I damlo ani maw?" Ka kut a lum chhuah tawh vang nge ni,lo ding hnai in ka pang a dep a a meng a danglam hman lek lek

"Haw vat ang" tiin min kai kal nghal dawr dawr a mahse nichin ka tlan vang khan ka tha neih zawng zawng ka hmang zo ta nge ka kal chak peih der tawhlo!

"Ka lo pua ang che"

"Maw!..ngati?"

"Zah vak angailo"

"Ka kal thei alawm"

"Khatiang dem dem a I kal chuan I damchhuak zo lo ang"

"Sual mange! "

A bag chu hmalam a ak in ka hma ah a thut tak tlat si vang chuan kal tha peih tawh biklo chu ka in puak tir ve thuai! a ma sawi hmasak ania in thlahrung over lo phawt ang

"Kan naute I nih kha" a rawn tih leh chuan ka nui ringawt,mi in ka hmel hmulo se ka duh vangin ka lu ka kawm ngur a ka zak tih alo hre ve aniang

"Mi in chutiang an rawn hre pha tawh hleinem"

"I sawi thei a lawm" a rawn tih tak ah chuan huaisen takin ka awm tha ngam ta hram a,a hnung zâng hlai thlup ah chuan hahdam zet in ka bei nghal hle hle.

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Ads i la click ve lo a ni maw? A hnuaia ads milem khu lo click ve rawh le

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 4:09 pm

CHAPTER-5❄️



"Kan naute chu a va ngampa sawt ve" tih ri a ka harh chuan rang tawkin ka tal thla nghal vat,awm nuam lo chu ni lo ila ka muhil thei miahlo ang in puak mai mai ah lehnghal ah

"Ka rit em?" Ka tih vel ah chuan a nui suk a

"Rit e.." tiin a ban rek te chu a chet kual vel a

"Ka lawm e..ka awm a nuam vak lo a chuvangin ka lo muthlu deuh aniang"

"Pawi hleinem" tiin an in lam ah a chho a keipawh lut in ka nu couch a lo thu bul ah chuan ka va mu thlawp

"I damlo leh dawn tawh ani maw!"ka pang chu a rawn dek a,tho thurh in damdawi bawm a va la nghal

"Ngati nge ka hrisel loh bik em em a? Mi te ang pawhin a awm ve theihloh" tiin ka mittui a tling nghal pam a couch chu ka chum pawp,ka nu in damdawi min ei tir hnu chuan mu turin kan room ah ka lut nghal



"I khawsik chu enge a an a?" Kan room kawngkhar ri khep ah chuan ka va hawi phei a ka pa alo ding reng

"Ka zia,ka awm nuamlo pawh a reh tawh" ka khum bul ah chuan a rawn thu a "pa tinge ka hrisel loh bik em em le? Ka Asthma hi chu thuhran nise ka khua te hi a sik awlsam bik riau te hian ka hria"

"Ni e tiraw,a zia lo emai hetia I awm thin bik hi..mahse Pathian rorel dan ani miau a tuman kan ti danglam thei bawk silo..mahsela hei kan duat phah viau che a lawm..anilo ami?"

"I uang daih zel a!" Ka biang a rawn piai na chu ka lo ben sak vak a

"Kan vui vai tam pawhin Pathian bak rorel tu a awm chuanglo a,a rorel na a in nghah leh a mah rin tlat hi a tha ani mai..I natna te pawh hi nakin ah midang toh chak nan te pawh engti kawng emaw tal chuan a la hman tangkai sak mai thei che asin"

"Keima pa fel zia hi chu aw!" tiin kan pahnih chuan kan in kawm vel ta mai mai a,chhungte ka nel em em pawh nise ngaihzawng lampang ka la sawipui ngai miahloh vang hian chhungkaw ti ti na ah pawh keichu ngaihzawng neilo tur ah min dah deuh tawp a duat rawn ka ni bawk nen chutiang lam chu min sawipui ngailo hrim hrim

"Lo kal ru le..." Ka pa nen kan inkawm reilo viau emaw ka tia ka nu in chaw ei turin min lo ko der tawh!

"Pa min lo paw phei" ka tih chuan nui chungin a hnung a rawn dawh nalh a,ka in puak tir dawn lai takin Amon an min puak lai ka hre chhuak a

"I duh leh silo ami?" A rawn tih vel ah aw ti a chhang nalh in keimah in ka kal nal nal



"Mâ Din.. in chung te in ah chuan kan han leng ve dawn ami? Vawiin khan an pa nen kan rawn haw rual a,leng lut khat min ti deuh sia an ni an rawn tlang nel bawk sia vawikhat na na na chu han leng lut ve ila"

"Nia,an chhungkua hi an fel khawp mai keini lahin kan pawh tha ve ngam chiah silo a,han len ve tawh pawh chu a tha a lawm chutia min sawm tho te chuan,kan in suan luh na pawh a rei tawh a laqm"

Ka nu te pahnih chuan in chung te in a leng tur chuan ka u nen min chhuahsan a,ka u lah chu inbual in bathroom ah min luh san daih! Tun ang khaw vawt ah pawh ani chuan zan inbual hi a sim theilo,ka duhpa video ka lo en mawlh mawlh laiin

"In awm em?" Mahni chauh a awm ang reng ka nih vangin kawngka ka kalh hmanhmawh! Tukverh atangin tunge anih ka bih thla phawt a Amon ani tih ka hriat vel ah ka sam te,ka thawmhnaw te ka siamtha mawlh mawlh

"Enge ka hriat a?" Chutia Amon lo kal dawn vang a ka lo in siam tha vel chu mak ka in ti tawp! Kawngka chu zawi muangin ka hawng a,ka hawng full duh chuanglo chuti chung pawn

"Ka lo lut dawn,I phal em? Nge min hlau?" thum deuh tak hian a ti nghal a

"Enge ilo tih dawn?" luh tlang tir mai biklo a ka tih vel ah chuan a hnung ah Aron rawn lang hlawl in

"Class neih pui tur a nei a "nui sâng hian a rawn ti a,chutia an tih tak si ah chuan keipawn ka luh tir ve ta mai bawk

"Ngati nge in in ah?"

"Helai hi a reh that a ring aniang" tiin an rawn lut tlang a ka u inbual zo thawm ka hriat phak vangin ka thaw deuh huai

"Um anihchu.." tiin couch ah ka thu a "englo khawi ah nge class chu I lak pui duh a? Sitting room ah hian nge kitchen lam ah sawn?"

"Kitchen lam ah ni rawh se" tiin a phei zui mai a..an in tho tih tak ah han chet pawh a awlsam khawp mai kitchen lam a pan ding nghal chawt thei

"Lo inkawm daih ila..lehkha zir I ngai lo ami?" atih chuan ka nawm sam vakloh vangin ka la zir tan loh thu ka lo hrilh a

Couch a ka thu chu ka bul chiah ah chuan min si lo tawk vel hian a rawn thu a..in ngaizawng kan an em vangin ka nu te lo haw thut ka hlau bawk nen kalsawn tir ma hreh ve deuh sia keimah zawk chu ka tawlh hla hret hret a

"U Amon saw zirtirtu ami?"

"Teuhlo mai, college a chhuak chauh a lawm..kan veng naupang ho hian tution pe turin an rawn dil thin a ti sawn online in tution a pe thin a nih saw"

"Um a va taima ve hlawh a nei nghal der anihchu"

"Nia..tluk loh rim a nam khawp mai u zawk na na na chu.. keipawh min rawn dil a ka peihlo tih ka lo hrilh anihkha"

"Timaw?"

"A chhan chu mi bem ching hi an awm leh zeuh thin a,ka ngai theilo"

"Amon pawh I tihna ami?" ring leng lawng chuan ka ti nghal pawp a amah ngei pawh a rawn hawi

Kan sitting room leh kitchen a in hmuh reng vangin dining table a thu phei chu kan in hmachhawn ani ringawt,kan awm na a hla a chu zawng chu ani mai

"Ni ang chu kei ai pawhin a luck a lawm" atih chuan ka thin hi chhungril ah a phu nghal dup dup a,mahse a chhan tak erawh ka hre thiam hauhlo!

"Enge keichu?" A laptop khup meuhin min rawn en phei ta reng a,ka chhang zak tawh bawk si in Aron chu ka sik vak ringawt

"Engvak anilo.."Aron chuan ati hlauh a ani pawh a hna ngai a tan lehnghal,ka u inbual zo pawh chu a va rawn chhuak har tak!

"Chho ila.." tiin a nau chu a rawn sawm a "I khawsik chu enge a an?" A rawn tih leh vangin ka tho tur pawh chu ka thu rem leh

"Ka tha tawh ani mai"

"Ok.." ati ringawt a chubak engmah a sawi tawhlo

"Kan naute thar I ni bawk a Amon pawhin a ngaihsak hle mai che" tiin Aron chuan a la ti zui! "Min lo thlah la kawngka thleng aw" atih chuan nui chungin

"Um.." Aron kal hmasa zawk zui a kawngka thleng thlah ve ka tum chu Amon an ka dar ah min vuan ding tlat!

"Khua a vawt..rawn chhuah angailo" tiin a kal ve nghal daih a Aron zui a phallo ngawt chu ka hrethiam lo,keichuan kawngka thleng chauh ania zui ka tum,pawn a chhuak tur nilo in!

"An kal tawh ami?" Ka u in a rawn tih chuan tum bur chungin ka melh a room ah lut in ka mu nghal daih,a ruk te chuan ka nurvous ve tho a ka awm ti nuam tur tal pawn lo kal chhuah ve tur ania

"Lawks.." ka phone chu hmet eng in IG ah ka lut nghal a,ka duhpa ka Dm na kha reply ka ni em tih check tur a lut ber ka ni "aw Lalpa! U lo tlan teh!" Ka au nghal chul

"Enge...enge?" Hlauh ka nei emaw tiin hmunphiah nen a lo tlan lut chu ka lo hui nghal vat

"Ka duhpa ka Dm a min lo reply ania enteh hei" phone chu a hmuh theih turin ka her rem a,ani pawh nui tut tut chungin a rawn kal hnai a

"I va vannei ve I vei bawk a" atih chuan khi vur vur chungin ka lo bu nghauh nghauh,ka lawm zia hi ka sawifiah thiamlo.."Hi " tih tawp kha ka thawn ania min chhan duh pawh ka rin loh tehreng nen " Hi " tiin min rawn reply ve nia!

"Ui ka lawm e! ka tah te hi a chhuak zawk,Lalkimi ka hrilh nghal dawn " tiin ka u awm lai chuan Kimkimi ka phone a, tawng ve na hun chang hman lek lo in ka siam a ani pawh alo lawm ve rapthlak!

★ Next Morning ★

"Kha fimkhur rawh" bus stand pan a ka kal laiin ka uniform pawnfen chu thli in a rawn chhem chho hman tep!

"Ka lawm e.." ka mal a ka pawnfen min dawm beh sak tu lak atang a tal chhuah vat pahin ka ti a

"Sorry..ka tum em em vang anilo ania" Aron anih vangin ka ngawi nghal ngul a, diktak chuan ka zak ru hle bawk ani ka mal a man bet chiang bawk si

"Ka hmanhmawh a ka kal mai ang" tiin ka in her a ka kalsan nghal vang vang ka zak lutuk kha sawi ngaih na pawh ka hrelo

Bus lo ding ve chiah bawk nen vannei inti zet in ka lut a nizan vangin tukin thlengin lawm loh hian ka la khi vur vur zel! Bus a ka luh hnu chuan a tlan tan chiah tihin tlangval pathum an rawn lut a seat kan chan tawhloh vangin kan ding deuh nual

Chumi te ho nen chuan kan ding tlang a chu kan tawt hran miahlo kha ania,min rawn nek lui a ka taksa an rawn si nasa leh lutuk chu ka lo ngai theilo,ka melh hraw hraw a an ni lah chuan tenawm deuh deuh hian min la nuih zui

"In tawlh hma deuh thei em? Kan tawt vaklo ania min rawn nek nasa lutuk ania"

"Khua a vawh hi,in nek vak pawh ni ila a pawi em ni kan lum hma ting ani mai alawm"

"Tenawm Chiang!" tiin ka din na sawn ka tum a ka bag hnung ah min lo la pawh sak zui chu ka hlauh ve deuh vang leh ka ten bawk si vangin a pheikhawk man to hmel leh nalh zet ah chuan ka rah sak pawp a min thlah vel ah midang kar ah ka rawlh ru daih

Bus a din vel ah hmanhmawh deuhin ka chhuk a,khami te bawk kha! ka chhuah loh na hmalam kawngka a rawn chhuak in ka kal na tur zawn ah kher chuan min din khalh a,ngawi reng a kal pelh mai ka tum laiin min nek sawk avang chuan kei hmeichhe âwm nem chu ka ban bul in vuah na a na zawk

"Ka pheikhawk ah min rap vel a" tiin ka bag ah lai chu min pawh chhuah sak a, Engtin mah ka ti let ngam lo,mi tam vak na a ni tawhlo bawk nenmi kawng kal chuan min rawn chhan silo hian min kal pelh en tawp

"School kal tur ka nia ka bag kha min pe let rawh"

"Keipawh College ka kal dawn a lawm Mami,mahse awmdan mawi hrilh hriat phawt I ngai"

"Nangmah ni thiamloh a lawm...min"

"I kalsawn vat loh chuan in sual ka hnial miahlo ania" Amon rawn lang hlawl in chupa ka bag min lak sak tu chu a dar ah nam her sawk pah in ka bag chu a chhuah sak a

"Awmdan mawi kan zirtir hlak ang chu..?"

"Nichin atang khan I chet dan mawilo tak kha ka lo hmu tawh,chuan ani hi kan naute anih avangin a zir tur awm ang chu keiman ka zirtir ang.."

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 4:09 pm

CHAPTER-6❄️



"Haa! Korea ram emaw I ti ami? I bianu I chhan duh vangin I nau ang in I rawn sawi a,Ka awih I ring em ni? Tuai lutuk,dawih zep thawmhnaw"

"Kal rawh hetiang ngaihsak an ngailo" ka bag chu min ah that tir in ka hma lam a chuan min nawr kal a keipawh chak deuhin ka kal nal nal

"Tinge ka kalsan ngawt a? An lo insual ange khawlai ah lehnghal ka zak dawn lutuk keimah vang ani si" tiin thui deuh ka kal tawh hnu chuan ka va hawi let leh a mahse Amon chu alo awm tawhlo a khapa te erawh kha chu an la awm reng

"Ka van lawm tak em!" Thaw chhuak halh pahin kan school lam pan chuan ka kal lehnghal char char a, classroom ka thlen vel ah Kimkimi midang ho nen a lo ti ti lai chu pawt hrang nawlh in ka thil tawn chu ka hrilh nghal mawlh mawlh

"A ngaizawng che anih chu" ti awlsam et in midang ti ti na ah chuan min kalsan leh daih!

"I van chhe tak! Engmah ka hrilh tawh dawn lo che" ti chungin lehlam ka hawi ve hmak

________________________________________

★ Aron POV ★


"Arini kha I duh tiraw?" Amon rawn kal phei chu ka lo ti nghal phawng

"Tunge ti? I va sawi ho ve" tih pahin min kalsan leh mai a keipawn ka zui ve nghal bawk

"Sawi ve mai la" a dar ah chuan kuah in ka kalpui deuh hlawk hlawk a

"Ho lutuk,naupang an la nihkha" atih chuan ka lo ner khum sak a,mipa ka nia chumi piah lam ah a unaupa ka ni bawk,a awmdan hi ka hriatthiam loh bik a ring emaw ni

"Anihchuan keiman ka bem ang aw,I duh chuangloh chuan keiman ka bem dawn ania" a hmel ah chuan danglam na chhete mah a awm lo

"I thu thu a lawm" ti sam et in Arini u Rinpuii a hmuh chuan ding deuh chawt

"Enge a? Hey nang hi a u zawk saw I melh tai tih min hrilh miah suh" fiamthu ti tak deuh hian ka nek deuh sawk a

"I va ninawm tak! ngawi ve mai mai rawh anihloh chuan kan veng nuthlawi nen khan ka dem leh ziah mai tur che ania I huat theih viau kha"

"Sual a! " A ban bul ah chuan ka hnek deuh chawrh "kha nu kha chu aw,ka pui tawhlo Chiang ngawt ang khatia mi chhuah leh si kha ka zak lutuk a hunlai phei kha chuan tlanbo hial ania ka chak ni

Kan veng nuthlawi zak theilo zet pakhat ka puih na lam ah amah zawk in ka ngaizawng a ka pui ang ah alo in sawi mawi hrep a tlem a tlem ah ka mualpho tep ani kan veng ah phei chuan 'Thlawi Lawma' tiin ka lar phah vek!

"Rinpui vawiin chu I va tlai ve a"

"Nia ka ken tur ho ka zawng khaw muang leh vel a chuvang mawle,ka kal lehnghal mai ang aw ka hmanhmawh tawh sia"

"Awle,,e tak a zanin ah Arini kha kan in ah ilo kal tir lawk thei angem? zawh duh ka nei a a pawimawh ang reng sia"

"E aw awle ka lo kal tir dawn nia" tiin min kalsan leh mai a, Amon nen pawh music class nei turin kan in zui veleh bawk

____________________________________

★ Arini POV ★


"Mate chaw ei kham ah Aron an lo kal lawk se atia,zawh tur che anei aniang"

"Ngati maw?" Ka nu chuan chik deuh hian min rawn en nghal a chaw hmuam tun chungin ka lo en ve reng bawk

"Ka hrelo a pawimawh a tia" ka u in a tih rual chuan ka meng rum nghal ul a ka nu chu en leh pahin ka chaw hmuam zawng zawng ka lem nghal hrawk

" Nu..! Ti khan min en suh ka star bawk lo aw a hneawm mi in thil min zawt duh ani ve mai a ka hne e nangchu"

" I star pawh ka tih loh kha" tiin chaw a ei chhunzawm leh mai a,keipawh in ei pah chuan chho tur a min tih chhan tur awm ang ka ngaihtuah char char bawk

Chaw ei kham a thleng ka seng fel laiin ka u chuan chho turin min ti a,min koh chhan ka hriat miau loh vangin chhoh mai ka tum bik lo

"Han chho vat la,ilo chhuk leh vat zawk dawn nia " ka dawhkan nawh na puan min lak sak pahin a tih chuan per dawt dawt pahin ka chhuak hnak hnak

"A va vawt reuh ve " ka kawr lum hma zipper zip chho pah a inchung te step a ka kal chu ka kawr ka zip na lam ah ka in rap sual thut,step ah chuan ka bawk lo chauh ani

Mi in min hmu em tih hriat tumin beng sa hat hat pahin ka hawi kual nghal vut vut a,che sual lai kher mi in an hmuh hi chu tuman kan duh ka ringlo tumah vak vel ka hmuhloh vang chuan fuh ti zet in ka chho lehnghal vat a

"Oh,u Amon I nau a awm em? thil min zawh duh anei a tia a u bul ah alo sawi a ka lo kal" couch a guitar alo perh lai chu pan phei in ka va zawt a

"A awm lo" alo tih deuh hmuk vangin a nu te biak tum zawkin ka kal phei leh a

"Khawi ah nge I chhung te? Midang an awm loh chuan ka chhuk leh rih mai ang"

"E! Arin ilo leng dawn ami? " In bual zo tih hriat tak hian a sam a rawn hru thla mawlh mawlh a

"Um leng chu ani deuh mai,u Aron khan thul min zawh duh a nei a chuvang chuan ka lo kal a mahse u Amon sawn a awmlo alo tia ka chhuk leh rih mai ang ka lo tia"

"Maw,,a tih der che anih chu a room ah a awm reng a lawm ka han au ange" atih chuan Amon awm na lam ka va hawi nghal vat,alo nui suk a ka ngei zia chu a!

"Ngati nge min tih der a,mi mah hman leh hman lo in ka rawn chho a" a guitar nen a rawn phei in kei in ka lo vin deuh hrep

"A chhan chu chhoh ka phal loh vangin,lo kal rawh min lo zui la"

"Teuhlo,chutin ka kal kual vel hman lo Aron-a ka bia anga chuan ka chhuk lehnghal dawn a vawt ropui si" a guitar chu hung tha in ka ban ah min vuan thut a min kal chhuah pui nghal nawlh ,ka tang hman eih lo!

"Kal muang deuh teh kan tlu ange!" Step a kan kal lai chuan ka hlau thawng ngang mai

"Ka vawn che hi" tiin a kal ngai reng a chak chuan a kal zel a

"Khawi ah nge min hruai I tum?" Gate pawn a kan chhuah lehzel tak avangin ka tang ve ta deuh

"Khawi ah vak mah,tei mai mai ang"

"Hmmh, chutiang ka peihlo a vawh em hi ka lut leh dawn" in kuang kuah hmak chungin ka melh nghal ran a

"Kan naute I nih a,u te thu ang ang chuan awm mai tur,bak ah vawiin a ka chhan che vang khan lawmthu min hrilh I tum miahlo ami?"

"Zaklo e,min chhan rawn pawh ka ti tawp si a"

"Maw?"

"Engmah, anih chuan sâw lai a street light bul thleng saw ka kalpui ang che a bak chu ka peihlo ania"

"Ok.." ti ve mai bawk in kan pahnih chuan kan in zui phei a,ti ti miah chuanglo in kan kal zel a ka tih ai a thui daih ka kal pui tawh,mahse let tum na em em ka neilo Amon hi a cool ta ruih a hriat na ka nei

"Englo..bialnu I nei em?" Ka ti thawr ringawt a bak han sawipui tur em em ka hrelo ka ti dawn nge ka hre lutuk mah mah zawk ni?

"Aih,neilo..nang I nei em bialpa?" a tih chuan phir deuhin nui chung hian

"Aih neilo mahse duh over ka nei a" ka lo ti nghal vat a

"Tunge? "

"Ka sawithiam lo, Mizo chu ania mahse vawikhatmah a hmel ka la hmu lo a" midang hrilh atan a atthlak ka tih ve deuh vangin ka tlawm nuih vel ngawt a

"A va mak ve.."

"Nia tiraw,mahse nakin ah ka tawngtai ngat ngat anga vawikhat tal chu ka la hmu ve ngei ang,ka duh zia te ka hrilh anga "

"Duh ve lo ta che se " mi a va han ti beidawng ve le,ka duhpa ani ang tih te pawh a hlauhawm

"Min duh ve loh pawn a pawi hleinem,a tar thih thak thlengin single se ka lawm tawk lutuk alawm"

"Vawikhatmah ila hmu lo amaw?"

"Um..a chhan chu a hmel a ti lang duh ngailo a,mahse a hmeltha tih ka chiang"

"Chhe mai thei asin,chuvang chuan a nghawng chin chauh pawh ati lang ani thei"

"Lawk..Engtin nge a nghawng chin chauh a ti lang tih I hriat a?"

"I sawi atang khan a hriat mai a lawm"

"Um anihchu,chuan ngati nge bialnu I neihloh a? nang te chu I palian a I hmel pawh a tha a nula leh tleirawl te duhzawng ang tak pian leh mizia I nei a"

"Tangkai na a awm lo,let tawh rawh" ati zawm nghal zat"

"Nang khawi ah nge ila kal dawn I let ve dawnlo ami?"

"Dawnlo..khawi ah emaw kal ka la ngai"

"Awle.. anihchuan ka phei mai ang" tiin kan in lam pan chuan ka let san leh a gate bul ah chuan Amon chhungte leh ka chhungte an lo awm deuh thap

"In bo a maw kan tia lawm,khawi ah nge in kal a" ka u chuan mang an hmel deuhin alo ti a,Amon nen kan tei mai mai thu ka hrilh chuan an nui tawp

"Amon chu khawi ah nge a kal dawn a?"

"Ka hre bik lo,ka zawt a mahse a sawi lo a"

"Ani hi thlanmual ah khan a lo va kal leh a mawn le?" Aron chuan phawk deuhin a nu chu a melh a a tlan chhuak phut!

"Tinge thlanmual ah te a kal ang?"

"Nia Mama hi nikum khan a bialnu in naupang te in a boral san a lawm mawle,a ngaih hi a reh hlei theilo a,a rilru a a awm tawh phei chuan a dan theih thin loh a thlan tlawh hian a duh hun ah a kal tawp zel a"

Nu hmeltha-i chuan chuai raih hian ati a,keipawh a mah a ka kalsan daih vang khan ka in thiamlo ta hnuhnawh Aron zui veleh tum ta ila a kal thui tawh awm bawk sia,rilru nuam lo deuh chuan in lam panin kan in zui hnak hnak a

"Nu hmeltha..U Amon chu a tha a ngen,thil tha lo te a lo ti lo ang maw? Kan va zawng ve mai dawn mi?" Ka rilru nuam ngang lo chuan ka luh dawn te ah ka ti leh hram a

"A nau a va kal tawh kha,thil tha lo hi chu a ti ngai lem lo..a lungleng reh hnu ah a rawn haw ve mai zel a,an ngaihtuah awm lo ang" kan vai chuan kan in zui lut a, puitling ho thingpui in tur lum a ka din lai pawhin ka ngaihtuah reng mai

"Mate kha a so liam bawrh bawrh ania" ka melh ngai ka melh ngawt ngawt vangin ka u chu rawn tlan phei in gas chu a rawn off a,thingpui siam sawk sawk a tray a ka nu te awm na lam ka pan lai takin kawngka an rawn hawng

"Kan lo haw aw,kan chho tlang nghal mai ang" Amon hmuh tumin ka thlek deuh a Aron hnung ah alo ding run a,nichin kan kal dun lai a a hmel put ang kha chu bo pil hneh sawh tak ani

A mit a sen ram a,a tap pawh ani mahna a tum hmuk bawk nen biak a huphurh awm takzet,ka en reng a ani pawhin min en reng tho,ka nu in thingpui a rawn sawi rik leh vangin dawhkan ah chuan ka va nghat a Aron te unau pawh an in zui chho nghal


Zan mut hlim atang tawh in ka awm anuam lo thar! Ka ngaihtuah ngut ngut reng a,a chang leh Amon tawrh na tuar ang chiah a ka feel phei chuan ka lo na ve em em ringawt bawk! Chutiang chuan rei fe ka awm a ka mu thei lawk lo lehnghal!

"A chung ah that ka chhuah angai ani"



"Ehe! In kal dawn chiah ami? Kal rual ang u" Amon bik chu nizan ang lo takin that hmel deuh hian chhuak turin alo in peih diam tawh! Arin zawk chuan an bul a kal turin min hui zeuh a

Diktak chuan ka zak ru ve tho,mahse nau ang in min en bawk a keipawh in u ang takin ka ngaihsak anga ka tih hlim angai ani,a bialnu chu a boral tawh a a hun kal tawh avang khan a lungngaih reng hi a tha lo zawk

"Ngati nge min rawn hnaih kher?" A mah si lek lek a ka va din vang chuan duhloh hmel deuhin a rawn ti a,ka zak ru a nia âw mahse ka nui lui hram hram a zak lo ang deuhin ka awm tlat

"I ngaihawm ve a " ka tih teh thlawt vangin Aron a lo nui dir char char

"Kal ang..." Min ning hmel deuh a kei min sawm tel ve miahlo a Aron chauh a signal chu ka haw takzet,nizan a ka sawi kha ka thulh rilru lek lek,bak ah enge tihsual ka neih?

Nizan ah pawh a mah zawk in ania min hruai chhuak a min tei kual pui ni,tun ah min nel lo leh min ning ang hrim in a awm leh a! A mizia hi ka hrethiam ve neih nuaih lo a!

"Lo kal ta che.." ka din bik reng vangin a rawn ti leh hmuk

"Aw.. Awle zawi muang chuan ka zui ve dat dat a,kan kal na tur a in ang em pawh ka hre chuanglo a mahse bus stand thleng chuan an kal thin tih ka hria bak ah tunlai chu bike an khalh ngailo reng reng

Chhhun lam ah kal hrang kan nih miau vangin in ah bak ka hmu mang lo a,ka theih ang chin chin ah chuan a lak ah ka fel ve tawp "U..englo a nu in pudding a siam a I lo ei ve duh em a tam ania" an in pan a tum lai chuan ka au a

"Ka chanchin I hriat vang a khatiang a awm kha angailo,engmah I tih danglam phah chuanglo ang duhtawk ang che" tiin ngeiawm tak hian ati a,ka chhungril lam chu thinrim so bulh bulh mahse nui hmel ka hmuh hram tho

"Tuma khawngaih na ka mamawh lo, khawngaih na chuan mihring a ti chaklo thin.. chuvang chuan duhtawk nghal ang che"

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)