LUNGHLU BY BEARR_CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

LUNGHLU BY BEARR_CHHAKCHHUAK (Completed)

Unread post by Ngaia » July 25th, 2021, 6:33 pm

26h1kuir.jpg
💎Tunlai khua a lum thei bawk a Story hmang in khua ti vawt ruih teh ang😂 ngaihnawm a ni hran lo ang 😅short Story aw.. chhunzawm na erawh kar thar lam ah ani chauh ang,ka theihnghilh hma in ka rawn vawm lut zuai😆💎



CHAPTER-1💎



"U hmahmawh teh kan tlai tawh ania ahla si" kawngka chhuah dawn ah phone ka hman laiin ka farnu Daisy chuan ka ban lehlam a rawn sawi chungin ati a



"Lo va kalsawn rawh" ka tih chuan tum hmuk chungin a kalsawn a,ka phone biak lai chu ka biak chhunzawm nghal mawlh mawlh,ka biak zawh vel ah ka nu leh pa te lam chu ka pan a



"Ka kal ve kher angai amawn le?" ka va tih chuan an ngawi dak a,tun ah hian Keitum khua ka pi leh pu te chen na ah Christmas leh Kumthar hmang turin kan kal dawn a,kan ti ila kei erawh hruai luh tur ka ni zawk ang



"I peih lo viau anihchuan rawn kal angai Chuang hleinem I u te in ah an awm dawn tho a" ka pa in arawn tih chuan ka nui ru suk,ka nu erawh in ka pa alo nghawk zauh a



"Kal ve ngei ngei angai,I pi leh pu te pawhin an hmu chak tawh che u kum 5 in nih atangin an la hmu leh miah lo cheu ania tun ah hei nang phei chu nupui nei rual I ni tep tawh a ngaihtuah ve ta che an hmuh chak dan tur che chu" ka nu chuan ati mawlh mawlh a ning zet in ka lo thaw hak



"Phone ah ka be thei reng alawm" ka tih leh pawhin min hnial tlat a,Daisy nen ka kal ve loh chuan an kal bik loh tur thu an sawi a,lehlam ah ka pi leh pu te chuan kan chhungkua min hmuh an chak tawh nen tar an ni tawh a chu lo ah hun pui te anih dawn avangin eng tih vak tur a awm chuanglo bawk nen kal chu ka rem ti hram



"Bike ka keng ang" ka tih chuan ka nu chu a ner nang a ka kal leh duhloh palh hlau ang hrim in Daisy chuan ka nu chu alo nghawk nghal zauh ang



"Awle a tha lawm" ka nu chuan ati hluai a khi suk chungin ka bike chahbi la tur chuan in ah ka let leh a "hepa hi chu aw a upa tawlh tawlh a a luhlul tawlh tawlh mai..!!" ti a ka nu ang tawn tawn chu ka la hre pha



"I fapa ka nia lawm" ti sup in bike chahbi chu ka la a,kal tum vaklo ka nih avangin siam pawh ka in siam hran lo,ka thawmhnaw leh mamawh tur ang erawh min kal tir an tum em avangin Daisy'n bag ah alo khung ve tawp tawp kha ania




Joel Lalrinmuana ka ni a, Shillong a piang leh seilian ka ni,helai a kan mizo pui awm te leh ka chhungte chuan Rinmuan min ti mai thin a ka hnamdang thian te erawh chuan Joel min ti thung mizo ai in hnamdang thian ka ngah zawk bawk a ka mizo hming an lam thiam mang lo,bak ah Joel min tih hian ka confi zawk




Tlangval fel tak tih tur chu ka nilo a mahse midang kâ a tang hian ka sual na sawichhuah a awm hi ka la hre ngai meuhlo,keima that that in ka tha ve tawp ani mai..kum 25 ka ni tawh a unau pianpui pathum nei in a mi lai ka ni a ka u Hlima hian nupui fanau nei tawh in a chen erawh kan la cheng ho vek,an ni chhung erawh an nu zuali hian nausen thla 5 mi a pawm vangin in nghak ah an tang dawn thung




"Shillong atang a Keitum in khalh thlen thak chu a rapthlak viau ang" ka va chhuah hnu pawhin ka nu chuan alo la ti hram,a hreawm ka ti tur ai mahin min ngaihtuah a ka chet sual a hlauh vang zawk ani,bike khalh hi nuam ka ti tlan pawh ka tlan chak thin,hei vang te pawh ani mahna bike khalh a phal loh em em



"Nu sawi sawi duh suh I fapa luhlul zia te chu I hriat ve vek kha..I khalh loh tir phah chuanglo ang kal vat zawk ang u " Daisy bawk chuan a ti a "Apu te chu an tar viau tawh em le...ka hmu chak tawh w lian min ti tawh viau ang" atih chuan mit ka lo chet kual ralh




Unau ah pawh mize danglam bik hlak an awm thin an tih kha,keipawh chutiang zing ami chu ka ni ka unau te ang in ka nu leh pa an ni chen in ka ti ti pui bawrh bawrh ngailo a ka fiam ngai hek lo,an ni pawhin ngai ah nei in min en liam mai mai tawh,ka tawng tam a ka ti ti nasat ve na chu keimah a room a ka awm leh ka thiante bul ah a ni mai




Keitum lam pan in kan chhuak a Shillong chhuahsan ngai manglo ka ni a Aizawl ka kal zeuh thin tih loh chu,zin nuam ti mi ka nilo bawk nen kawng ka hre viau lo ka pa in car a khalh a an hnung ah muangchang in ka tlan ve..an tlan muang bawk nen kawng hre ngat ila chuan kan tlan san nal nal tawh ang





"Ngati nge in din?" Shillong kan chhuahsan fel chiah ka pa te an din vangin bike atang a chhuk lem lo chuan ka va ti a



"I nau a rui leh der tawh!" ka nu in a Daisy luak tum chal a dawn sak pahin atih chuan ka ner nang a,a phur tehreng nen a rui nghal der chu ania Keitum thleng tur chuan hreawm ati ve khawp ang chu



"Ka lo va tlan ang" tiin bike ka ti nung a


"A ngailo in hmu phak lo a awm angailo" ka nu'n a tih chuan ning zet in ka thaw hawk a an in buaipui chhungin phone ka khawih san miah miah



Rei ngial an in buaipui hnu ah kan tlanchhuak leh a,Daisy chuan huphurh thut se pet leh thlang se ka to rilru ngei mai, a hma atang tawh a thiante nen kum in Christmas chu nuam thei ang ber in hmang ang ti a lo rel lawk diam pawh kha kan ni a,ka kal thu pawh la la hrilh lo an hriat hun chuan min khawih chak mai thei ani,keimah ber pawh hi Christmas hmun dang a hmang ngailo ka nih avangin tun hi ka vawikhat hman hran na tur ania eng tak ang ang maw?





Kan tlan zel a Daisy vang lo chuan kan ding meuh lo a chhan chu kan kal na tur ka pi te khua chu a hlat em vang ania Aizawl atang pawhin a la hla ve deuh an ti, Shillong atang a kal phei chu hla vang vang tak ani bike khalh nuam ti viau pawhin duh ang a ka tlan chak theih siloh vangin ka ning hle tawh




Kawng lak a kan chawlh reng avangin tlan a sawt lo ngat ngat khawp mai,kan chawlh laiin Ka nu in Daisy rui nasa lutuk chu Aizawl ah zankhat chawlh a rawt Ka pa pawhin a lo pawm pui mai,chutah pawh chhungte kan nei tho, inthlahrun vak na tur a awm lo.. Aizawl luh hma in ka pa'n a be lawk a an ni lam pawhin harsat na a awm loh thu leh kan unau pawh min hmuh chak thu an lo sawi luam ani awm e





Shillong atang a Aizawl thlen tum pawh rapthlak tak ani bike ka hmang pawh ka in chhir lek lek tep tawh,tlai ania khua vawh vang lai ani bawk nen khua a thin tan chu vawt ver ver tak ani,kan ding chhen bawk nen zanlai ah Aizawl ka lut chauh,eng ti khawmuang lo in kan in zui lut a engmah pawh ka ei lo ka chau bawk nen ka mu thlawp




Tap thawm in zanlai ah min tih harh avangin muangchang in ka thu chhuak a ka putea fapa room ah min riah tir avangin tu dang mah awm ve ta lo chu duh duh in ka awm kual a room a study table ah chuan ka ei tur an lo dah bawk,la ei laiin tap thawm bawk chuan ka beng a rawn luh lehnghal zat



"Tu chu nge mawn le?" tiin thawm awn ma lampang a ka hriat ka putea te in thenawm lam chu tukverh hawng in ka dak chhuak a, hmeichhe tap ni mai in ka hria tu emaw hming lam in a au a a tap bawk hmelhriat pawh ni hleilo chu tukverh khar in thil ka ei san a ka ei zawh ah ka mu lehnghal hmak





Zing ah hma zet ah ka harh a khua vawt mahse kawt vel ah ka tei chhuak mai mai a,nizan a ka thawm hriat kha ka hrechhuak zawk a thenawm in kawt lam chu ka va pan a khaw vawt hnuai ah chupawh zingkar lutuk ah hmeichhe pakhat a hmel en reng reng pawh a la naupang tih hriat tak hi in kawt gate bul ah chuan a lo thu sawp niaih a a bul ah chuan pangpar tam tak a lo awm bawk



"Pangpar zuar a mawn le.." ka tih rilruk laiin ka bul chiah ah putea a rawn ding a ka phu tep


"Mak I ti ve tho ami? Helai a awm thang lo ho chuan mak an ti fo ania" atih chuan chhan pawh chhang lem lo in hmeichhia bawk chu ka melh a


"Pangpar hmang a pawisa hmuh tum chuh" ka tih chuan putea chu a nui hak a


"Pawisa hmuh nan ati ani hleinem, Arini anih saw hemi in neitu te Inhnuai a awm hi an nia favang tawp lam khan a bialpa,hei an in luah na neitu fapa Amon-a'n a boral san a,a khawngaih thlak asin a boral san na pawh a rei ve tawh nen a tuar khawp mai,a boral kha a tuar lutuk a ti hian gate bul ah tuk tin pangpar dah in a thu reng thin a, Amon khan a boral san hma deuhin Zemabawk a kal tur thu a lo hrilh aniang chu chu a lo haw tep ang pangpar nen ka lo nghak dawn ati thin a ti hian tuk tin pangpar nen athu thin anih hi,zan lam ah lah a ngai hian a tap nasa thin ania nizan pawhin a tap thawm kan hria..a khawngaih thlak a sin a la naupang si" a tih chuan ngaihtuah na a kal thui nghal khawp mai



"A bialpa chu engtiang a boral nge?" Ka tih chuan Arini a tih lam melh chungin


"Lûng a thisen khar tling ania a na deuh thut a a kal ta mai ani awm e..." A tih chuan ka bu nghut a nula awm dan nen chuan ka hmeh bel a ka khawngaih ve viau ringawt


"Arin..hawh lut tawh ila.." tiin tlangval pakhat rawn kal chuan nula chu a rawn hruai lut a putea nen ngawi rengin kan lo en tawp


"Amon a nau anihkha a phir pui ania...ti sawn a u ai Arini saw a enkawl chawt ani mai" tiin a sawi a,ka nun ah chân ka la nei miahlo a thinlung tak chuan ka tawrh pui thiam lo nat chu a na viau ngei ang


"Tirawh lut ila khua a vawt emai chaw te ei hma ila in kal na tur ala thui ang reng sia" a tih tak ah chuan ngawi rengin in lam ah kan in zui lut a,chaw kan ei hnu ah muangchang a in siam in Keitum lam chu kan pan leh a



★ KEITUM ★



Kan thleng chu rin loh deuhin an lo la meng thap a, naupang te pahnih pawh an la meng tumah han hriat em em chu ka neilo ka oi leh pu te chu an ni mai,an tar ta khawp mai ka hmuh hnuhnun ber kha chuan sawtiang em em sawn an cher in an vun te pawh a chuar lo asin le




"E in lo thleng maw,in tluang em? Hei kan in hmu khat sia kan tia kan lo hmuak deuh thap cheu anih hi" ka pu zawk chu a rawn tho chhuak a kan chhung chu min chibai nghal liam liam Daisy chu a rui chau bawk nen a mu hawl mai



"Bawihpuia chu a va han tlangval tawh ve nupui a nei hial tawh lawng maw? Kan hmuh hnuhnun ber kha chuan naupang mai kha ala nia" Ka pu in Bawihpuia min han ti chu kei in la tlangval senior zet tawh tan chuan nuih sak loh a har ngang mai



"La nei bik nang ka pa,a ngaihsak lo lutuk hi kan mangang anih hi a luhlul em em ringawt" ka nu chuan fiamthu ti tak deuh si hian a rawn ti a ka lo ner nang



Zan dar 11 lai a pelh tawh avangin titi em em tawhlo chuan mut zai kan rel a,In hrang chang tawh ka pa unau te pawh an haw tham tham a chhuat a mut na tur an phah chu ka melh tlawk tlawk ringawt "Chhuat a mu tur ka ni tih in hria ila chuan ka kal lo Chiang ngawt ang,in ah khum dup nuam lutuk kha engtin nge ka kalsan phal theih?" Ka ti sup a




"A hreawm in ti lo ang maw? In duh chuan phah belh tur a awm ania khua a vawt si a " ka pi chuan a tar a tar in mut bu a rawn pawm chhuak teuh



"A ngailo ka nu,tihian kan mu thei lutuk ang a sin tur lam hi awm in lum se a tha ani mai" ka nu chuan alo ti luam a,in chhung zau lo te chu ka lo thlek kual vel mai mai



Thingtlang a nih na lai ah gas ai in mei an hmang nasa tih a hriat in chung rangva te chu a dum deuh kak hlawm a,an bungbel lam ka en nghal vat mahse ka rin loh deuhin a lo fai kuarh mai a tlet hian a tle ani zawk mah,ka nu hian I pi che fel fai peih lutuk kha kan chen ho lai khan a chang chuan hahthlak ka ti hial zawk thin mahse ka lo chhawm ve lo ang tih kha ka hlau hnuhnawh ati thin reng a




"Thuthleng ah hian ka mu dawn" tiin thuthleng ah chuan ka mu a ka nu in ka sin tur leh lukham min rawn pe a, diktak chuan vawikhat te mah thuthleng ah ka la riak ngailo a a nawm pawh ka ringlo mahse ka nu leh pa te bul a chhuat a mut ai chuan ka la thlang zawk tho tho




"Bawihpui..a vawt I tih chuan puan sin tur rawn lak belh mai rawh aw.." ka pi chuan a rawn ti a ngawi rengin ka bu nghut ringawt Bawihpui min tih reng chuan ka luak thei mai ang, awm ve naw naw phawt ila a hreawm a nuam ka ti viau loh chuan Christmas hma in ka haw leh zawk ang,mahni in hrem reng ka peihlo




Thawm ri that that ah chuan Chiang mang lo in ka harh a,chutah mau vuak pawp ri in a zui nghal a ka harh Chiang ngang mai,nimin lam kan tlan chau nen ka lu na deuh ut ut chu dawm in muangchang chuan ka thu chhuak a ka pu in mei chhem pahin a tuah belh tur mau pum a lo vaw keh lek ani ka pa alo tho tawh a an ti ti dun bawrh bawrh a ka nu pawh a harh ve chiah Daisy erawh a la muttui hmel khawp mai




"E I va rawn tho hma ve Bawihpui, thingpui I in duh em?" Ka pu in a tih chuan lu ka thing zauh a



"Thingpui hi a in ngailo tluk ani" ka pa chuan alo ti vat a bathroom an tih ah chuan zingkar pawh sawilo in ka in bual a,mahni in lo ah mikhual khawsak in ka khawsa a ka thiam lo a hreawm tan der chu ani mai



Ka in bual zawh a ka chhuak tur chu mipa naupang pahnih fel then a lo thu ka hmu a,min en duh ngang mai min la hmu ngailo tih hre mahila hetia in en vak vak Kher hi ka duh lem lo



"Pute...?" Hmun leh hmun ah mipa naupang pakhat zawk chuan min bye a, engtin mah han tih let loh chu ka hreh deuh vangin ka bu nghut a ka nuih suk ringawt,an tlan chhuak lehnghal mai a keipawh hawi thawven pah a khua hriat deuh ka duh vangin in ka chhuahsan a




Nizan khan kan tlai bawk nen ka hawi mang lo a ka pu te in bul lawk ah chuan Biakin alo awm,haqi phei a hla vaklo ah chuan naupang in ball an lo pet a chumi lam ah chuan ka phei ve hmiah,ka phone ka en pah a ka thianten ka zin san vang a min huat thu te an rawn thawn nual mai,hnam dang mah nise thiantha an ni a min ngai in min thlahlel thin massage tam tak zing ah ka bialnu Kimi massage pawh a tel tumah ka reply lo




"Hey,in va phakar ve a!" rak tuarh aw ka hriat rualin phone chu ka ak tha a,aw lo chhuah na lam chu ka en nghal bawk, hmeichhia sam kir lampang a hmel en pawh a naupang hmel tak hi mipa naupang in khel zing ah chuan alo tel ve a


"Enge kan phakar na? " Mipa naupang ho chuan an lo ti ve sap sap a



"Khatin min chhang su,in phakar ka tih chuan in phakar ani mai infiam na ah phakar ka duhlo in tel ve tawh lo mai ang fair leh tha deuhin khel ve rawh u" a ti lang lang a,a zia te reuh chu ka
duhzawng tak ani,fair tak a thil tih hi ka ngaina



"Awle in khel leh tawh ang u" an ti sap sap a chumu te ka lo en reng lai chuan ka lam a rawn hawi a ahmel a danglam chuang lo a hawi let leh mai a



"U I van tho hma..?" Daisy ka bul ah a rawn ding a,kan unau hi kan chhang a khat ve deuh a ka upa ber nen hian kum 3 in kan in thlau a Daisy nen hian kum 6 ngawt in kan in thlau



"Ka pu thawm in min ti harh a" ka ti mai a kan unau hnih chuan chung naupang inkhel ho chu kan en mai mai a,midang kawng kal leh tei vak te chuan min en leh hu thin,helai ah kan lang ngailo a hmel dang min ti te pawh ani mahna



"I lo tel ve duh em?" Chu sam kir tereuhte chuan Daisy hma a rawn din pahin ati a Daisy chuan lu thing chungin



"Ai duhlo mai ka inkhel ve ngailo a" atih chuan a hrethiam chiahlo nge a ner khum nang a,kei erawh min melh lo hrim hrim min ngaina vaklo pawh ani mahna bak ah min ngaina tur in hriat pawh kan in hre ngai hleinem



"Zing a ka thawh lai kha chuan in mutui ania aw,Pupuii ka nia tunge I hming ve?" a tih chuan Pupuii tiin ka lo phun sup a alo hria nge min rawn melh zauh



"Apu te chhung I ni ami? Ka Hming chu Daisy lalrinnungi"" Daisy'n a tih chuan a bu nghut a



"an tunu a lawm ka nih a nu a thi tawh a,a pa in nupui a nei a apu te ka awmpui a,nizan khan ka mu hma lutuk a min hmu lo mai mai anihkha" a ti luam a


"Laldinpuii ka hming pum chu...Ka u tunge I hming ve?" Naupang dang ka en lai a min rawn biak thut vangin ka hawi a tep nghe nghe



"Joel..ka tih chuan a ner nang a"


"Mizo hming I nei ve lo ami?" A tih chuan ka thaw hawk


"Ahh.. Lalrinmuana ania,kan in rual vel ang tiraw a nuam dawn tawp kawm tur ka neilo ka lo ti rilru a" Daisy bawk in atih chuan a nuih ve suk a


"Saw apu in min rawn auh a tum phei ang u chaw ei a hun tawh aniang" a tih chuan ka rilru te te in chaw kan va ei hma dawn ve ka ti nauh nauh,in lam ah chuan phei in chaw chu kan ei ta mai a engkim chuba dang hlak ani mai kan tam ang reng bawk nen nuam vaklo tak ani






Ni thum ngawt kan awm tawh, Christmas kan hman sawn ngai meuhloh avangin heta Christmas hmang tur pawhin kan kal hma hle kha ania a rei ngat ngat dawn khawp mai,mak tak in Pupuii che tla vel chu hmuhnawm hi ka ti riau a,phone ka khawih reng emaw ka in tih lai hian Ka lo en leh vung vung thin,tunlai nula changkang tak ang in awm in khawsa lo mahse dangdai ka ti a hmuhnawm tling tak ani mipa tih awm tak tak thil tih lah a hrat reuh a Daisy nen an in rual tep a,kum khat in a naupang zawk na a an in kawm thei viau tho



"Ka u..." Zan ah pawn Veranda a ka thut laiin min rawn ko thut a ka che deuh lawih,hunpui ani dawn hnai nen keini kan awm bawk nen chhungte dang an rawn leng lut nual a kan tam thawkhat bawk nen kei mahni a awm nuam ti na na na chuan an zing a awm peihlo in Veranda ah ka thutchhuah san kha ania



"Khatiang a tih thut kha sim rawh" ka ti vin thut ringawt, thinrim hmel put ai in mak ti hmel a pu daih ka la vin ngai miahlo a kan awm ve tawh chin ah chuvang a mak ti hmel pu pawh ani mahna



"Ka tihpalh..." Atih chuan ka bu leh nghut ringawt "ngati nge I tawng vak ngailoh a?" A ti teh thlawt


"A chhan chu tumah ka be chaklo" ka tih chuan a thaw halh a


"Sawmsang..." min chhang let dawn emaw ka tih laiin a au thut,kan awm na lam pan a mipa pakhat lo kal chu ka en ve nghal vat,a bialpa pawh ani mahna a phur teh hawrh emai


"Hey,I va muang ve kal tawh ang" a rawn ti a chupa chu chik takin ka lo en ani pawhin min hmuh chuan a ding deuh dat a


"Ka hman vek tawh alawm" tiin pan mai a tum a,ka tum loh deuhin a ban ah ka lo kai thut! rang zet in a rawn kal tur pawh chu a rawn hawi let a "ngati nge?" mak ti mitmeng nen a min zawh chuan aw ka thian kharh


"Mipa nen zan a chhuah a tul ami?" In ti u tak chuan ka ti ve hmiah,a bu nghut a ka chelh na kut en pah chuan


"Christmas a hla rem tur senior department in kan zir dawn a" dam dap hian ati a


"I u te chu ami?" Chupa bawk chuan a rawn ti a Pupuii pawh a bu nghut


"Rawn haw tlai suh ang che" tiin ka thlah a bu nghut in chupa nen chuan an kal chhuak a,a kal hma zawng pawn ka ngaihven teh chiam lo a,a kal ta erawh nuam lo tih na ka nei thar!


"Hrep chuan a! Joel I nau anihkha" duh ni a ka in chan ringawt avang chuan thinrim zet in ka ti chhuak hrawk a kawngkhar biang ngheng in kan nau mipa naupang pakhat chuan min lo bih dek dek


"Duh I nei ami?" Ka tih chuan chhan pawh min chhang lo in a lut tlum nghal zuk

______________________________________


Hun a liam zel a Christmas kar alo ni ta der mai, Kumthar hman tel ala ngai dawn a ka ning sa takzet, chutih rualin Pupuii bawk chu! Ka mit a la tawlh tawlh a a che vel engkim chuan min hneh ka ti,bialnu ka nei tih ka in hria kan la tha hle bawk Pupuii pawh ka ngaizawng ta e ka tilo mahse a duhawm ani,a sam kir zet sei ve tak a thlah phei chuan naute lem (doll) hi ka tehkhin ber a meng lian reuh si a kum ang ai in a te bawk




Nikhat chu kan pahnih chauhin in ah kan awm a ka pu leh midang ho chu dil ah Sangha man turin an in zui chhuak vek,kei chu ka kal peihlo hrim hrim a Pupuii erawh in ti fel tur leh an lo haw hun a lo buaipui turin in ah a awm ve thung



"U thingpui I duh em?" Kimi nen kan in biak laiin a rawn ti a ka kut in ka duhlo tih ka lo lan tir mai,mahse a hrethiam lo nge "U I duh em?" a rawn ti nawn leh! Kimi nen kan in hau ve deuh bawk nen ka mood tha vaklo chuan phone chu off in



"Ka duhlo ka ti ani lawm ni,dah bo rawh" ka ti vin that a a meng atang chuan min hlauh hmel kher mai,ngawi rengin room atang chuan a thingpui no ken sa chu a keng chhuak leh a ka in thiamlo hnuhnawh chuan ka zui chhuak veleh



"Hey..." Khawi ah nge maw a kal hman reuh ni a lo bo hman daih! "Hey khawi ah nge I awm?" Ka tih pawh chuan a reh tlawk tlawk a bathroom a tui ri barh barh ka hriat tak ah chuan bathroom lam ah ka kal phei a ka thlen rualin khawngkhar ka nem nghal a lo in hawng mai bawk



"Kal bo rawh..." Min hmuh rual chuan a ti thawp sat a ,alo tap ringawt anihchu! A hma ah chuan ka zuk thu hniam a ka mit ah tak min lo en



"Ka vin vak vang che khan ami?" Ka tih chuan a bu nghut a



"Tuman min vin ngailo a pu te pawn, thingpui kha I duhlo toh ka hrelo a lawm" vin ngailoh ka lo vin chu a la na kher mai



"Ok ka tihpalh anihchu..." tiin ka kai tho a a tah vangin a hmai te a lo phih ni ngei tur ani "ka tihpalh anihkha.."ka kuah chak thut avang chuan tum lawk miahlo in ka kuah thut a a ni pawh a thawng nge che lo in a awm mawl tawp



"Khawi ah nge ka thingpui tur chu..?" Ka tih chuan ka awmdan chu ka awih lo hial zawk! Thingpui in ngai hleilo in a tah avangin thingpui in sak ka tum ve ngawt a! Ani lah chuan ka âwm a hmai phum kak chungin



"Englo,nichin khan min vin vak sia ka thinrim in ka in zo daih" a tih chuan ka nui chhuak hawk, thinrim pe na chi anih ngei dawn hi a



"Ui...!!" Ka kuah na atang chuan a tal chhuak thut a min en zeuh a laih hmel tak hian hnuai lam a melh nghal hmak a "kan awm dan kha a tenawm tawp! Film tha lo ami a ang" tiin bathroom atang chuan a chhuak daih a keipawh bathroom a awm reng chhan tur awm lo chu ka chhuak ve nghal in be tawh chuanglo in room ah ka lut a



"Joel mahni in tih mualpho I tum em ni? Mahni chhungte lak ah lehnghal maw?" Ka thil tih zawh chiah chu atthlak ti zet in room ah chuan ka vei chhen a Kimi'n min lo call leh chiah bawk,min then thei tak tak silo hian min thinrim khum ve ziah a ka thlem ngai dawn lo tih hrechiang tu ania rei a thinrim ngam tak tak chuanglo



"Duat...ka tihpalh anihkha,min zin san daih a ka massage pawh I reply bawk silo a ka mangang a lawm,chuvang ania ka thinrim ka tihpalh aw" phone ka lak rualin a rawn tih chuan awih lo zet in ka ner sak



"Dah phawt teh.." ka ti bung churh a, diktak chuan a mah it awm in ka thu thu in awm tir theilo ila chuan bialnu atan pawh ka duh kher lo ang,a hmangaih na kawng zawng tak phei chuan ani hi chu ka duhlo bur "Dah rawh ka tih chu...!" vin zet in ka ti a ka in her chuan Pupuii bawk room parda keu in alo ding a min hlauh hmel kher mai



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:33 pm

CHAPTER-2💎



"Duh I nei ami?" Ka tih chuan lu a thing a



"Apa te in ah ka kal lawk dawn a" a tih chuan ka bu nghut "in ah hian ilo awm thei angem? In hi kan chhuahsan ngailoh vangin kalh na kan nei silo a I lo ven theih chuan" a tih chuan ka ner khum nang a



"Kal rawh ka lo awm dawn nia" ka tih chuan bu nghut in kawrlum rawn la in a ha a apa te in a kal tur chuan a chhuak a mahni a awm chu mak takin nuam lo ka ti ta riau! In ah te chuan nuam ka tih vei nen awm an tlem pauh leh nuam ka ting kha ania hetah chuan anuam hauhlo



"Engvang in nge maw ka lo zui ve mai loh le?" ti a phun bul bul chungin ka phone ah chuan games ka khel a



Reilote ah ka pu te ho Sangha man chu rawn haw in naupang an hruai ho pawh an rawn paw phak hlawm mai, dum ag an cheng nimai hian ka hria an pawt dan chu an rim lah a thâng lek lek lehnghal,min ngai na laklawh ve bawk nen ka thut na bul vel ah an rawn tei sek a kei ka lo in ti nelawm loh sauh thung,ka bul a thu ngam chiah silo in ilmin hel min hel ringawt



"Khawi ah nge Pupuii hi..?" Ka pi'n atih chuan apa te in ah a kal thu ka lo hrilh a "thingpui te kan in chak a sin mawle a kal na a rei tawh em?" A tih chuan lu ka thing zauh a



"Ka nu a pawilo keiman kan lum ange" ka nu chuan ati a thingpui bel a chuh nghal rak rak,in a awm ber mah ni ila ka tih ngailoh a nih vang leh ka thiam miau loh avangin tih tum na ka neilo hrim hrim,bak ah Sangha man a kal an tam a an vai in tur chu ka lum peih dawn lo hrim hrim bawk



"Pi in lo haw tawh a law?" Ka nu in gas ah thingpui a chhuang kai chiah Pupuii chu a rawn lut a naute kum la tling lo tih hriat tak nau em em tawh silo chu a rawn paw lut a



"Aw haw deuh chiah hei thingpui I pi in a lo lum a I awm silo a,han tih chhawk la a chau ang" a tih chuan bu nghut in naute nen chuan thingpui chu a vil a a che tla bawk chu ngawi rengin ka lo en leh tawh,nu ni in fa pawh pawm se chet chu a harsat dawn loh tawp hi



"Pupui...thil sa nen nau chet pui suh hei I u Rinmuana hi lo paqm tir rawh,I ti kang palh ang thingpui a sa dawn ai" a che vel ka en lai a ka nu tawng vang chuan ka harh deuh zawk,naute ka pawm ang maw? Engtin? Ka thiam reng reng hleinem!



"U lo pawm lawk mai" naute chu min rawn pe a thinrim zet in ka lo va mai bawk, engtia han pawm a han tih tur nge ka hrelo ka pawm bet dawn nge thuthleng ah hian ka mut tawp zawk dawn? Ka u Hlima te fa pawh a en a ka en bak ka la khawih eih lo ania tih ngaih na ka hrelo takzet!


_______________________________________

★ Pupuii POV ★



Thingpui ka sem pahin U Joel-a lam chu ka va melh zauh zel a ,han chhiah fiam a tih ngaih na hrelo si a a meng buai vel chu a hmuhnawm ka ti riau, thingpui ka pek zawh vel ah pawh ka la lak sak duh mai lo



"I hman chuan rawn la sawn vat teh" a rawn tih tak ah chuan ngawi rengin ka nau chu ka va lak sak a a bul chiah ah chuan thu in ka nau chu ka lawm vel mai mai a ka pu te Sangha Hawn chu ka va en leh zauh thin, Sangha sen chuan ka mit an la hliah hliah a tui dawn lutuk hi



"Ka phone.." ti a U Joel-a kut in a phone a rawn dap tur chu ka kut a rawn tawk zauh a ka lo thu mar nghal ut! Ngawi rengin min en nghal kur a nichin tawh a kan in kuah ngawt vang khan ka rilru hi a kal diklo vek tawh ka ngai lerh em em ringawt mahse lan tir ka tum chuanglo



"Ngati nge min en char char a?" Ka tih chuan ka mawng,ka mawng pawh ni em em lo chu a rawn beng dawt a ka phu lutuk ka ngei bawk si



"I thut.." a tih chuan rang lutuk in ka ding a a phone ka lo thut char char chu ni in! Phone chu a la a room ah a lut lehnghal daih



Naupang ho chu an in bual a,ka pi in naute chu alo awm a ka che sawk sawk a Sangha pawh tlai a siam buai ngailo in ka chhum lawk nghal vek,kan tam bawk a ei in siam pawh a buaithlak ve det ani





Zan ah thawmhnaw vawiin an chhuah pui na ho ka suk chu pawn ah ka zar thli thlawr a u Joel-a hmahmawh deuh a rawn chhuak ka hmuh chuan ngawi rengin ka en zui reng a "u khawi ah nge I kal dawn?" Daisy chuan a u zui a chhan pawh a rawn chhang lo,khawi ah tak kal tum ni maw kawng pawh a hre reng reng a maw ni?



"Kawng a hria ami?" Thawmhnaw zar mawlh mawlh pahin ka tih chuan Daisy chu ka bul a rawn ding in a u kal na lam chu a en vang vang a



"Ka hrelo e a,a chhuak ve ringawt a a bo em lo ang chu maw?" A tih chuan ka nui suk a



"Bo bik lo ang,kan khua hi a lian em em hleinem a rawn haw veleh mai ang" ka tih chuan ngaih that hmel deuhin ka tih lai chu min tih pui a



Rei tawk fan in ah kan awm hnu pawhin u Joel chu a rawn haw miahlo, Daisy nen chuan kan khaw chanchin leh school chanchin te kan sawi mai mai a,a khat tawk in a u Joel-a chungchang a sawi reng bawk,a rawn let har ve tawh em bawk ani



"Hawh sawlai field vel ah khan kan va en dawn ami?" Ka tih chuan a bu nghut a ka nau mipa pakhat hruai tel in kan phei a a tlai ve deuh tawh bawk nen thenkhat chu an mu tawh tih hriat takin pawn veranda light an lo off tawh,thlasik khua ani bawk nen khua a tlai chak khawp mai nipui lai chu nise tun ang ah te chuan tumah an la mu lo ang



"Bawiha au Daisy hi sawlai Peng thleng khan va kal pui la helam ah ka lo en ang,Peng thleng bak chu kal su aw a tlai tawh si in hmuh loh chuan in lo let leh daih dawn nia" ka tih chuan Daisy nen in kai in an kal hrang a keipawh an kal loh na lam ah ka kal ve nghal



"U..?" Vawikhat chu ka au a mahse a reh ang reng khawp mai,ka phei deuh zel a,mahni khua ania han hlauh em em na ka neilo,Pu tluanga te in veranda thim lai ka kal pel chiah tih in tawng ri sep sep hi ka hria a,mak deuh maiin ka hlau thut chu in her a tlan let ka tum a mahse Joel tih a tawng ka hriat fak ah chuan kawi lai chu ka va en deuh a




Ka thil hmuh avang chuan ka ding khawng deuh tawp,khua a vawt bawk nen khur beuh beuh pahin u Joel leh hmeichhe pian nalh zet te lo in fawp tawn tawn chu ka en mawl tawp,mi in fawp ka vawikhat hmuh na ania film chu thuhran a tak ah tiang a chiang hian ka la hmu ngailo!



"Duat... thinrim tawhlo la ka ngaih lutuk vang che in ka rawn zin ve vang vang anih hi" hmeichhia zawk in atih chuan a bialnu ani tih ka ring thiam nghal mai "khi lai lawk ah khian ka pu te an awm a ka rawn kal ve nghal anih hi..ka ngai tawh rapthlak che" hmeichhia chuan a kuah deuh chawt reng a



"Uiii...!" Ka lo in hum ruh tung ringawt avang chuan mawl in ti zet in ka in thlah dul nghal a haw tum a ka in her tur chu lei thil rap ri hrawk in ka kar full teuh ngei mai! Hmahmawh lutuk in ka ding tha lehnghal a min rawn hmu em ti a ka hawi let chu an pahnih hnih in min lo en kur!



Hmeichhia zawk ka hmuh chuan ka hriat hnu ang ka ti thar ta riau,en chik vak na hun awm hek lo chak tawk chuan ka kal hlawk hlawk a field tê ah chuan Daisy leh Bawiha ten min lo nghak reng tawh



"I va hmu em? Saw lam ah chuan kan hmu lo" ka va thlen phei rual in Daisy chuan alo ti a an hmel ah chuan vawt an ti tih ka hai lo



"Um,sawtah a bialnu nen an in hmu a,a lo kal vat dawn anihchu" ka ti ringawt a Daisy min melh dan atang chuan a bialnu ka sawi chu mak atih hmel kher mai



"A bialnu a? Kimi kha maw?" A tih hluai a


"Aw a bialnu,a hming chu ka hrelo" ka tih chuan a bu nghut a,in lam kan pan pah chuan


"Engtin nge alo kal ve theih zawk le? Hetah chhung te an nei aniang a" a ti nauh nauh a engmah ka sawi tawh lem lo an in fawp ka hmuh phei chu sawi ka tum lo hul hual ka thin te hi a phu zawk zamah!




Daisy te pafa ho mut na kan siam mek laiin u Joel-a chu a rawn lut nawlh a Daisy chuan khawi ah nge a kal tih a zawt a 'sawtah' ati ringawt a nu leh pa te chuan engmah an zawt lem lo,a hmel tum hmuk atang hian zawh chi ani chiah pawhin ka hrelo keipawn,mut na kan siam zo ka tho chhuak chu a mut na tur a thu in min lo en kur a ka inthlahrung thut chu thil dang ka melh nghal daih,nichin khan en thla ah min ngai aniang


_______________________________________


Ni a liam zel a Christmas pawh a lo thleng dawn ta der mai,mahni tawk ah kan buai ve em em a in leh a vel tih fai te leh neih ang ang a in chhung chei te chu kan hna ve ber ani,urlawk zan ani a chhungkua in hrang chamg tawh ho nen ar kang turin kan in buatsaih ve a nuam ve tak ani, naktuk inkhawm na a ka hak tur ka in hlawh ve na ngat a ka thui tir kawr pawh a khat tawkin almirah atangin ka la chhuak a ka en deuh chhen tawh




"Pupui...?" Puitling ho bul a ka thut ve laiin Sawmsanga leh ka thian thartei te ho an lo kal a thian ho a urlawk zan hman an rawn rawt ve ngei,keichuan apu te chhuah ka dil peihloh vangin ka kal lo mai ang ka ti a mahse min nghak tlat a a chang leh apu te chu min dil sak tur thu te an sawi thul



"Bawihte,kal ta che kha an nghah reng che kha mahse lo haw tlai lo ula aw.." ka pu in atih chuan mak ti deuh si lawm ru deuh chuan ka bu nghut a, diktak chuan kal kha ka chak ve tho a mahse dil a an phalloh leh ka hlauh vangin ka sawi duhlo law law kha ania



"Min lo nghak rawh u,kawr lum ka va hak thuah lawk" tiin room ka pan a u Joel-a pawh a nu te mut na puan thuah thleh sa ho delh ti tih deuhin phone a lo khawih mial mial,mi zing a awm nuam ati vaklo ani mahna an rawn thlen atangin a hrang thei emai



"Khawi ah nge I kal dawn?" Ka in hak thuah zo chiah tihin min rawn bia a,hman zan vang kha ka hmu zak deuh tlat tawh enge a chhan ber pawh ka hrelo!



"Ka thiante nen urlawk zan kan hmang ho ve dawn a" ka ti mai a,ner suk chung hian phone chu a thut na bul ah a dah a arawn tho chhuak chu chil lem dawk chungin ka lo en reng



Hnaih zet ah chuan rawn ding in a kut a la kang chu ka mit ka lo chhing tawp ringawt! Enge thleng dawn pawh ka ngaihtuah thiamlo ka tha te hi a rawn khur hial in ka hria! Ka beng a sa nghal pup pup lehnghal



"Fimkhur ang che,nula I nih tawh kha' a tih chuan ka meng nghal vat a ka jamper hak thuah zawh chiah lukhum lo in bilh lut ni awm tak chuan a pawt chhuak zal zal a,melh chho hâ chungin a mit leh hmui ringawt chu ka lo en chhawk zak zak



"Ka lawm e.." ka rilru in thil dang ngaihtuah daih mahse chu thu chu ka sawichhuak tho,a nui suk a Abu leh nghut ringawt "I bialnu kha ka hriat hnu a ang ka ti" ka tih rual vel chuan a nui hmel chu a tawp nghal hmak! I sawi chhuah avangin ka that dawn che min ti ang mai a rum hian min en a



"Lalpui..I rei lutuk" thartei rawn ti ah chuan u Joel-a thinrim tlan chhiat san na remchang tih hria in room chu chak tawk a kal in ka chhuahsan nghal a room ah khan ka tang tung tih ka chhuahsan rual in ka hre chiah!



Tichuan kan thian ho in kan in zui chhuak a urlawk zan nuam tak chu kan hmang zo a dar 1:30 rik dawn tep ah ka thianten veranda thleng min thlah in ka haw ta a,midang pawh an tih tur ang an ti zo aniang an lo mu thup tawh kawngka dim te in ka hawng a ka luh them them lai a Daisy u Joel-a bawh ti tih deuh a chhuat a lo thingthi ka hmuh chuan ka phu lutuk ka thin ka dawm nghal vawng vawng ramhuai hmuh in ka hmu deuh bawk sia light a thik tawh ang reng nen ka au chhuak tep ani




"Daisy,enge I tih a?" Mawmgkaw hriat tham vel tur a zawi hian ka ti a rawn hawi thut in ani pawh a phu deuh aniang chhuat ah a thu tawp,a nu te pahnih chu an mutui tawh khawp mai




"Shhhh,lo kal teh" tiin kal hnai tur chuan min hui a marker alo keng bawk u Joel-a hmel ka hmu chu ka nui tep Daisy chu a upat tawh nen a che naupang chhia tawp a u hmai ah zawhte hmuihmul leh hnar ang in alo ziah sak a hnar a lo thai dum sak bawk



"Tinge ti khan I tih a? Zing ah a thinrim ange" ka tih chuan tawng dim turin min ti leh a



"Kha lo ziak tak deuh teh ka ziah sa hi a la dum Tak lo lutuk,ka inthiar a chhuak lutuk ka cheh dawn..lo ziak ngei ngei rawh" tiin marker min pe a bathroom lam a kal a rual nghal a



"A van ho tak e aw" tih pahin dim lutuk chuan a hmai chu ka ziak a a mithmul chhah zet ka melh ngur ngur lai chuan ka kut a rawn man thut a ka phu lutuk au chhuah ka hlau bawk nen ka hmui ka hup vat



"Enge I tih?" tih leh ka kut a man na lam a marker ka ken chu a pawt chhuak pawp a a hmai a tuai nghal bawk a rawn thu chhuak a ka kut erawh a la thlah lo "lalrinnungi'n atih tir che ani maw?" In en kher lo mahse marker vang chuan a hrethiam a ni ngei ang,a nihloh pawhin Daisy'n a vawikhat ziah na anilo pawh ani mahn



"Eng lo Daisy'n ziak rawh atia" ka tih chuan a ner nang a marker chuan ka hmai ah a rawn thai thut a ka mengphawk nghal hru "ka duhlo.." rawn thai nawn leh a tum chuan ka ti thawt a anu te pahnih harh ka hlau leh si ka ngawi vung vung



"Lo awm hle hle rawh" a tih pawh chuan ka hmai a thai belh leh ka hlauh vangin ka kun deuh tlat a min kawih dak a tum ngar ngar tho,mipa na na na chu ka hneh ngang lo chhuat ah ka thu tawp bawk nen a bawp pahnih chuan nghet zet in min kar cheh a a kut pakhat chuan min kuai dak pawp



"I va hmang nuam awm ve?" Ti a nui suk chungin ka hmai chu min thai sak a,zep miahlo chuan a hmeltha ka ti,a nuih phei kha chuan a tha tawp hi ani mai,a rawn kun hniam thut a min fawh a tum ni a ka hriat vangin ka mit ka chhing nghal sawk min rawn hnaih zia chu a a thaw lum ham ham ah ka hre thei keimah hi ka sa chhuak vek!



Bathroom kawngkhar kalh na ri khep ah chuan rang lutuk in ka meng a u Joel-a chuan hnai deuh ah min lo la en chu ni in! Ka che vak a ni pawhin min chelh tawh biklo Daisy'n a u a rawn tho tih a rawn hmuh chuan a then sak a a u hauh hlauh hmel zet hian a hmai a hup daih bawk



"U sorry aw.." a tia a nu te bul ah mu in a in khuh daih zui chhuat vawt ah ka thu reng bawk nen ka mawng te hi a vawt vek


"Va mu tawh rawh.." tiin marker chu min pe a ani pawh a mu tha nghal sawk sawk,thinphu dawt dawt chungin mu tur chuan ka lut a





Christmas tuk ani ta! Zingkar ah bial tu Pastor leh upa ho in Christmas chibai min rawn buk liam liam a,nizan kan mengrei bawk nen ka tho hma bawk sia ka lu a na ut ut,chaw ei in inkhawm turin kan in siam a u Joel-a erawh a thu mai mai inkhawm ve a tum lo aniang



"Rinmuan, Christmas ah em em te hi chuan inkhawm ve teh" a nu in ati a hria ang pawhin a awm lo,a nu sawi dan hmang a tang chuan a inkhawm khat hle tih a hriat mai,nilo a inkhawm ngai miahlo zawk aniang



"Nakin ah ka rawn kal ang" ati ve hmiah a mi te chu hma tawk ah an kal thin ania a hmahmawh lo khawp mai, Daisy nen kan in siam dun a ka kawr thar hak chak ve em em ka ha chu mahni tawk ah nalh ka in ti ve takzet



Pian mawi tak a nei ti a sawi tur chu ka nilo mahse ka thawmhnaw te hi keimah te hian inhmeh ka in ti ve em em a,mawi in ti ve thei teu teu tak ka ni...mi in an sawisel ve pawhin ka taksa ania an thu lo em mai sawisel mahse ka ruh te hi an in vuah dik phah dawn chuanglo ka ti ve hmiah a ka thinrim vak zel



Kan in siam peih vek tawh hnu ah u Joel-a chu a rawn in siam ve a a kamiz hak te chu inhmeh tak ani,a in chei tak tak chuan a duh dah miahlo a a zahawm zual thlup mai,kan chhungin inkhawm tur chuan kan chhuak a tu pawh mai chuan mahni nei mil tawk a mawi hnai in kan in chei vek a confi pawh kan confi hmel hlawm lah lah khawp mai



"Inkhua hi a nuam e nipui vel ah ka awm chak,thlasik lai chuan a vawt em a duh ang in a tal theihloh a " Daisy'n atih chuan ka nui sup a



Biakin pan chhoh na kan thleng tep tihin ka pu Thanga apu tlangval lai a thian tawh te in atangin u Joel-a chu tu emaw hian a rawn au a kan hawi rual dual,a hmel ka hmuh rual chuan ka lo zak ringawt u Joel-a fawh hmeichhia kha ani tih ka hria chuan ka hriat hnu a ang ka tih pawh kha apu Thanga te chhung alo nih lek vang,ka hre tawh in ka hre reng ani



"U I bialnu saw heta zin turin I sawm ve ami a?" Daisy'n atih chuan u Joel-a chu a ngawi reng a a bialnu lam chu a en char char,chhelo a va han ti awm em em ve



"Hey Daisy?" A rawn thleng phei a Daisy chu nui sâng hian a rawn bia a kei chu min hmu lo awm hmiah hmiah,a pian leh hmel in chawih lutuk te chu vannei ka lo ti hluah hluah,u Joel-a ban ah chuan a rawn dawm chat a ka tum em em pawh anilo ka lo hmu fuh lutuk zawk



"Daisy lo han kal ila" ka tih lai chuan


"Lawk.. Pupuii kha I ni tiraw ka pu Zau-a tunu kha? ka hai dawn che a lawm I van lian tawh ve" a rawn ti a min biak dan vel chu min naupang chhe chei riau hian ka hria


"Aw ni e..I dam maw?" Ka ti tha ve mai a


"Um dam a lawm,I lo nula tawh hle mai..kha I kawr te chu a van nalh ve..mahse a design kha a hmanlai deuh tawh anihkha" ka lawm ve hman teuh tawh nen ka tum nghal hmuk in ka changkang lutuk mai



Ka kawr ka duh dan tak a ka thui tir ve ania,a ni min sawi sel sak hi a tul thlawt lo ka thui tir na ah hian cheng khat pawhin a a pawisa a thawh lo hrim hrim duhleh ka pi te hunlai kawr ang pawn thui tir ang hmiang, Angel ni ta bik lo chu nalh ka in tih em em lai a sawisel na ka tawk chuan ka mood a ti chhia in ka haw ta hlur mai!



"Nia... thingtlang ang ah chuan kan hak phak tawk ania" ka ti tha ve mai a ka rilru tak erawh chuan 'hmelchhe nu mi sawisel I va hrat awm ve engvak I nih bikloh kha' ka ti mawlh mawlh "Sawmsang min lo nghak.." ka thianpa te rawn kal chiah nen an pathum chuan ka kalsan nal nal



Sawmsanga bul ah chuan ka phun nawi char char a ka thinrim ve em ani,ka lo zaidam bik zawk zawk lo bawk nen inkhawm chhung pawh chuan ka kawr chu a mawi lo bik tiin ka in ngaihtuah char char a ka thinrim tulh tulh lehnghal!



Inkhawm ban ah thingpui ruai an lo buatsaih a engmah pawh ei lo in a pa te ho bul ah ka kal daih a naute ka pawm mai mai laiin u Joel-a a rawn kal hlawl,apa nen chuan an in be bawrh bawrh a in ah a nu te pawh a be mumal lo a apa nen erawh chuan thiantha ang maiin an ti ti dun leh si



"Haw thla rual ila.." naute ka lawm lai a a rawn tih chuan lu ka thing a "I nalh daih zawk.." ka beng bul ah chuan a rawn ti sup a ka lo ner nghal nang,a bialnu ka ngei tih hria a chhan nan a rawn ti vei khanglang ah ka ngai



"Nalh nang, mihring changkang lutuk ho chu keini te chuan kan tluk ve teuhlo.." ka lo ti ve hmak



"I nalh ka ti zawk tho a lawm I sam kir zawng zawng nen hian" a tih chuan ka in rin hma in ka nui chhuak hawk,ka pian pui sam kir hi tuman hetiang zawng hian min la sawi sak ngailo



"I thaw ve anihchu.." ka thiante na zet a ka chhan thin dan in ka tih chuan a ngawi nghal hmuk


"Pui...thla la ho ve ang u" thartei leh Sawmsanga te pahnih rawn kal in an tih chuan ka lo bu nghut a naute chu ka nu pe in in zui phei kan tum a


"Ka nghah che hi.." u Joel-a chuan a lo ti a, Sawmsanga leh Thartei chu an lo in en hrek hrek


"Thla kan..."ka ti hman tawk


"Ka nghak che.." min lo tih khalh leh apa te chhung nen ka thiante nen kan awm bawk nen ka lai chhe kual vel vek tawh


"Ehem..tah khan law ilo awm daih?" Ti a rawn phei a bialnu u Kimi chu ka lo melh vat a


"A lan dan chuan nghak tu I nei zawk a nih hmel" ka ti ve halh in ka thiante chu ka zui lui a,a hmel ah khan a lawm loh zia ka hmu thei,ka pawi sa lo ka tih lawm chhan tur pawh ka hre hek lo

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:33 pm

CHAPTER-3💎



"In chhungte zing ami kha tiraw? A chhelo e" Biakin chhung a luh pahin Thartei chuan ati a ka bu nghut,Chhelo tih thu ah chuan chhelo tak ani



"A star che in ka hria,mahse chhung leh chhung in ngaihzawn chu a chi miahloh" Sawmsanga'n alo tih chuan ka ner sawk q,chhung leh chhung in ngaihzawn te chu a mak emai a



Biakin ah thla kan lak fel hnu in kan haw darh a haw pah a u Kimi leh a cousin helam a awm ho thla lo la ve ka hmuh chuan ding meuhin ka en, a hmeltha in a chhelo a tleirawl mipa ho pawhin thla an lak pui na sa mahse keichu Inkhawm kal lai a min tih dan vang khan ka hmuh dan a kawi vek tawh



In ah ka haw thla a an lo awm deuh nak nak,ka in thlak laiin u Joel-a a rawn lut thut a bra nen chauh ka lo awm avangin ka au tuarh,ka au nasa lutuk chu ngawi rengin min en char char a ka zak lutuk hi a sat in ka sa chhuak vek,ka beng te hlei hlei an kang ani ringawt



"Hn**e I va nei te ve" min la ti zui! Ka zak lutuk chu khuk chem chem a ral daih ka chak


"Chhuak rawh.." ka ti tuarh a nui suk chungin a hnar a tuai zauh a


"Tih tur nei a rawn lut ka nia,kan zo fel lawk ange" tiin a phone a phawrh a


"Hey,thla min lak ruk I tum ange aw min lak vaih chuan ka khai zai ang che" ka ti hrep a ka chhing atang a ka le ler thlengin min en chhuak dap ni hian ka hria


"Engah chuan nge thla ka lak ngawt ang che" nui suk chungin phone ah chuan tu emaw a bia a towel pakhat chu la in hrui kan zam ah chuan ka zar a hmahmawh zet in ka in thlak sawk sawk



Tunge a biak chu ka hrelo mizo anilo ti erawh English ngar ngar a hman dan ah ka hrethiam mai,a English hman dan te lah chu nalh zaih zaih tak ani,ka in thlak fel tawh tho tiin a tawng chu ka ngaithla reng a hrethiam vek seng lo mahila ngaihthlak a nuam lutuk



"Bawihte, thingpui sen hang rawn lum lawk teh" ka pi'n a rawn ti lawng lawng a


"Aw ka lo phei" tih leh ka towel zar pawh thlak ka rual a u Joel-a ka hmu thut chu towel ka vawr lawp!


"Min ngaithla reng tih ka hria a lawm" a mit ah chuan in rintawk na thuk tak ka hmu thei


"Ngaithla e,I English hman dan vel kha a nalh in ngaihthlak a nuam em a" ka tih chuan a nui suk a ngawi rengin min chhuah khalh daih



Keipawh ka chhuak ve a ka pi te ho thingpui ka lum sak hnu ah pawn ah ni lum ai pahin ka thu mai mai a,kan upa ve tawlh tawlh a Christmas pawh a ho ve tawlh tawlh tawh..kum hmasa lam te ang in han lawm a han tih chiam chak na a bo tial tial a urlawk zan hman dan pawh kan kum mil in a dang ve ta tial tial





Chawhnu kan inkhawm a,ban atangin tlai eirawng kan bawl nghal a kan bawl lai atang chuan ka pum anuam tlat lo,pum tha vaklo ka ni bawk nen chhun lam a chhang ban kan ei leh vang kha nge ka pum hian a zo vaklo aniang in thiar ka tum lah in a chhuak silo,na vut silo hian a nuam lo ru veng veng



Chaw kan ei kham a ka pum a nuam lo telh telh,han sawi vut tur a na em em anilo bawk nen khum ah ka mutpui deuh tawp a phu sak hunlai alo ni bawk nen tu lem mahin min ngaihsak lo,min rawn tibuai chhen lo a a nuam zawk



"Bawihte I va mu lai ve I inkhawm dawn lo ami?" Ka pi aw ka hriat rualin min sawi deuh nawk nawk a ka lo muhil der anihkha! Biakin dar ti bak bal in a zui bawk



"Pi inkhawm chu ka duh tho aahsw ka pum hi a nuam lo reuh lutuk a ka inkhawm lo mai ang mut rih ka duh" ka tih chuan a bu nghut a a kalsawn a reilote ah rawn phei leh in damdawi min rawn ei tir a min rawn be liam liam a Daisy pawn ka tello a inkhawm chu a chak viaulo aniang min nghak deuh tlat a mahse a nu ten an kalpui thei hram



"Ka van ning tak! Ka inkhawm ve chak asin le.." ti bui bui chungin ka in let a


" I pum chu a la na em?" Ti a ka khum zar hliah na puan rawn keu tu chu rang lutuk in ka lo en vat,a inkhawm ve tur ah ka ngai a


"Zia em em lo,a zia tep ang a pi in damdawi min ei tir tawh a" ka tih chuan a bu nghut a " ih kan pahnih chiah in ami kan awm?" Ka tih chuan lu thing chungin


"I patea nen kan pathum in" a ti chhum hmuk a puan chu zar leh mai in a kalsawn a chhuah em chu a chhuak lo in la hria "sawi rawh..." Tih ri ah chuan


"Engmaw." Ka lo ti zawi sup a a thusawi chu ka bo hu


"Ka inkhawm peihlo,helai thleng min rawn zui avang khan kan inkar a fel emaw ti suh,ka ngaih dan a pelh tawh chuan a tawp Chiang viau ang ka tih tawh kha Kimi,min tih thinrim belh tum lo mai rawh" a tih tak luam ah chuan min be lo tih ka hre chiah



"An in duh hmel nen,hman zan lawk pawn an in fawp sia" tiin ka lo phun sup a thawm a rawn neih vang chuan ka muhil der ringawt

___________________________________

★ Joel POV ★



"Bro a nuam maw? Helam ah I hmang lo chu ila in chhir thuai dawn ania" Shillong lam a ka thianten phur zet a min rawn bia in an kiang a Christmas peh Kumthar ka hmang lo tur chu ka in chhir vat tur thu an sawi cham chi a



"Ngawi mai teh u, Kumthar hmang hman in ka rawn haw lo ang tih tinge sawi thei" tiin ka chhang let ve nghal a, sitting room ah Pupuii patea nen kan awm a tlangval senior zet tawh tawng ngai manglo anih avangin kei lah chutiang deuh chi ka lo ni bawk nen in be lo in kan awm ngar ngar a TV a la en daih zui



Leng chhuak dawn ila kal na tur em em ka hre velo a bak ah Pupuii nuam sam lo ngaihven ka duh pah bawk nen ning zet in ka thu ngawi reng,ka thiante hian min rawn call hamsa lo phei se chuan ning lutuk a vangin pawn lam ah ka chhuak risk hmiah mai thei ani,



Ka thiante nen kan in biak lai chuan mipa pahnih an rawn lut a Pupuii patea chu an biak an biak hnu ah leng turin an chhuak daih a ka nuam huai zawk in ka hria,kum hi thar vat vat se Shillong a let ka chak zek zek tawh,hetah mi mitmei ven ngai reng a awm hi ka hne ka duh na ah ka kal theilo a helai hmun hi ka ngai na lo tawp zawk in ka hria




"Nakin ah ka rawn be leh ang che u" rum nghet nghet ri hria a ka in hriat tlat avangin phone ka off a room lam ah ka lut phei a Pupuii awm na ka keu chu a pum na tih hmel tak a lo dawm in a lo thlan hluam mai!



Ka zu khawih chu min rawn en a a tap ta thut! Tih ngaih na teh vak ka hre silo a pum chu ka chul sak ringawt " ka pum hi a na lutuk..!" Tap chung chuan a rawn ti a keimah bak ka awm silo tih ngaih na ka hrelo ka thinrim zo takngial dawn



"A na viau ami?" Ka tih chuan in hnit hlap hlap chungin a bu nghauh nghauh a a thlan fim a tla bawk a ka kut lehlam in ka tuai hul sak bawk "Damdawi awm na I hria em in kawl sa em?' ka tih chuan damdawi awm na min hrilh a



Hmahmawh deuh a la in ka ei tir sawk sawk a,a pum chu tih dan dang hre hek lo la chul sak a midang chu nise ka khawih duh bik kher lo ang,ani pawn na ati em a ka thiam dan in ka buaipui ve ani mai ngaih kawih tur a tih engmah ka neilo



"A nuam deuh" rei tawk fan kan in chul hnu chuan a rawn ti ve hram,thut pawh thu rem mang lo a awm ka nih vangin ka ke te lam lam a kham tawh khum ah chuan ka thu chho ve a ka le kham lutuk awh a zia sawt



"A zia deuh chuan ka va chhuak phei lawk ange" ti a ka tho tur chu ka kut a rawn chelh a "mamawh I nei ami?" Ka tih chuan a khap fak a lu thing chungin a chal a thlan chu a tuai puat a



"A ngai leh lo ka pum a na leh dawn a maw ka tia" a tih chuan ka bu nghut a " ka tah kha sawi miah suh aw.." a tih chuan tum loh deuhin ka nui chhuak phut



"A tha a lawm, chutiang mai mai sawichhuak rual pawh ka ni tawh hleinem" tiin ka thawh san a, sitting room lam ah awm in ka mu zal mai mai a ka la mu reilo viau emaw ka tih laiin inkhawm an bang der!



An rawn haw chu an ri leh hluk tawh, Pupuii an chhuah hma a pum na pawh a chin min zawt reng room lam ah ka phei san leh a Pupuii pawh a rawn tho chhuak tawh,na a nei tawhlo anih hmel khawp mai lai hmel zet hian min en a hnuailam a melh nghal daih



"Min len pui ta che" ka tih chuan mak ti hmel deuh a rawn hawi chhuak in min en a "khua hi vawikhat na na na chu kal kual chhuah ka duh" ka tih chuan a ngawi vung vung a



"Awle kawrlum kan hak belh lawk,ka pum pawh a na tawh miahlo" a tih chuan nui suk in a in ha chu ka nghak a



Tichuan kan pahnih in kan chhuak a mi khawlai a tei vak pawh an tam khawp mai, hmeichhe thenkhat lah chuan min en duh phian lehnghal,kal pahin an veng vel chu min hrilh a kan chhung hnai te ho in pawh min hrilh pah zel



"Duat..." Hmeichhe aw kan hriat rualin Pupuii chu a ngawi nghal hmak a tum deuh hmuk hian min en zui a


"Hetah enge in tih a in pahnih chauhin?" Kimi rawn thleng pheiin atih chuan ka ngawi reng a, diktak chuan a rawn kal hma khan mipa nen an leng chhuak tih ka hria a kan inkar tih tawp nghal pawh ka rawt anihkha



Mahse min then phallo,chuvang a helai thleng thleng a rawn kal pawh ani..hman zan kha chuan kan in fawp ngei a ka zep lo,mahse a ma tan hmasak ania kei mipa ka nia ka lak a in phal miau te chu ka fawh let ve mai loh in,chuvang erawh chuan in ngaihzawn chhunzawm ka duh tihna anilo



"Saw ka thiante,an bul ah ka va kal ange" tia Pupuii kalsawn atum chu a ban a ka vuan bet a hlauthawng leh mak ti a min melh ma chu ka hrelo lui tlat, chutiang bawk in Kimi pawhin mak ati



"Kan kal ange len na tur kan la nei tlat" tiin ka kalsawn pui nghal hlawk hlawk a Pupuii pawh a tang lem lo



"Min ngei ngawt ang" a tih tak ah chuan ka kal muang deuh a,a mah chu ka en a ani pawhin min lo en ve chiah ka mitmeng a zawh na awm te hrethiam ang mai hian a thaw halh a " in inkar tibuai tu ah min ngai awm sia nichin te khan min haw viau thei ani,mahse keini chu unau ang kan nia bak ah I bialnu ania ngati nge I ngaihsak loh em em a?"




"Ka bialnu ah pawh ka ngai tawh hleinem" ka ti sam et a,a mitmeng chu ka chhiar thiam in ka hria lerh min tih hmel a pu tlat,a awm lo hran lo e.. hmangaih te chu tawng ila chuan hetiang mai mai hian ka awm biklo ang,mahse hmangaih hi ka nun ah ka la tawng miahlo a ngaihzawng nen chuan a hran hlak ka ring a tun ang mai mai hian ka tih kual ka ringlo bawk




"Bialpa chi pawh I nih loh chu I ti beidawng thiam emai" a tih chuan ka nui sup a,khawi khawi emaw ah min kal pui a tum ai in kan leng rei ta phian mai, haw kan tum a step kan chhuk dawn lai chuan Pupuii tu emaw in a lo au a



"Sawmsang in va leng rei ve a?haw tawh rawh u" tiin a thian atih pa chu a be nghal luam a



"Lo kal lawk teh.." tiin a rawn kai hrang nawlh a,a rawn hruai hrang dawn tih hria ila chuan awlsam takin ka kal tir miahlo ang,a kal fal pui mah mah a ka hriat avangin ka va kal ve a ka chum buai kher erawh ka tum lo



"Ka duh na che a rei tawh a,mahse nangmah ka ngai chang che a chuvang in thian ang in ka la en eih che anih hi...mahse ka zep reng thei tawh dawn lo a tun ah ka hrilh che anih hi..min duh ve em?" ka va kal hnaih rual a ka thu hriat vang chuan ka in hum ruh nghal tung



"Sawmsang...ih nang chu thian ang in ka en che a bialpa tur chuan ka la ngaihtuah ngailo hrim hrim che,bak ah Anuni'n a duh che tih ka hrilh tawh che kha! Kan thian ve tho ania kan pahnih kan in kawp te chuan a rilru a na dawn asin" Pupuii chuan mangang aw lek lek hian ati a, thian lak a tang a duh na chuan a thawng ve deuh pawh ani mah na



"Anuni ka duhlo tih ka hrilh vek tawh che kha min hrilh tirh pawn,duh ka nei sa ka tia chu chu nangmah a lawm" a tih chuan engmah pawi sa lo in ka va phei tlang a tihbuai ka tum lem lo na in hruai hran a ngai tlat in ka hre tawh



"Bialpa neih a la in peihlo anih hi, nawr lui suh thian ang pawhin I chân palh ange" ka va tih chuan mak tiin an pahnih chuan min en reng a "kan haw dawn mi a tlai tawh riau" ka tih chuan a bu nghut a kan in zui nghal daih



"Ka zak ngawih ngawih.." kan kal lai chuan a rawn ti chhuak tawl a " thian ang bakin ka en theilo,ka thian kawm ve thin zing a mi in a star bawk sia a nuam lo ka ti zo vek" a tih chuan ka pawt ding a muangchang in ka hma lam hawi tur chuan ka kuai her a



"Hrelo ang in awm la a tha vek ani mai,a hma ang a I awm thei talo anih pawhin lan tir lo la a ni pawhin a sawi zui reng lo ang" ka tih chuan thaw halh in min rawn en chho a a nui ver ver mai a duhawm thlawt



"Ka fawp chak che..." Ka ti chu a nui tawp chawt "I duhlo ami?" Ka tih leh chuan a meng a vek in ka hria,keipawh enge maw ka hriat tak ni mahni nau, Chhungkhat zing ami ni bawk fawh chak na hial ka nei ta ania ka chung ah eng thil nge thleng ta ni?



"Ka u I nia..a theihloh hetiang hian awm suh" a ti zawi sup a ka mit ah pawh min en ngam tawhlo hnuailam a bih ngur



"Ok.. theihnghilh rawh" ka ti mai a mahse ka chhungril lam atang chuan fawp lui tur a min nawr tu a nasa lutuk!



"Haw ang" a ti a in her tur chu ka kuai thut a a biang tawn tawn a vuan in ka fawp nghal tawn tawn,ka rui lo a tun a ka thil tih vang hian ka in chhir dawn in ka hrelo,a duhawm a min hip em ani,min nam pawp a a hmui a tuai nghal bawk



"U Joel..!!" Ka chet dan chu mak ti leh min hlau hmel pu zet hian ati chhuak that a "Sawmsanga vang a ka rilru buai pawh a la..."



"Sawmsanga ka ni hleinem" ka tih chuan thinrim hmel pu lek lek hian min en a, engmah sawilo in a a kal nghal hlawk hlawk a tawng pawh a tawng tawhlo in chhung kan luh hnu ah room ah a lut a a mu hmak aniang thawm a rawn nei tawhlo keipawh ka mu zui nghal mai





Khua a var a tukin chu tuk dang aiin ka tho har deuh,ka thawh chuan eng emaw an lo rel sap sap hlawm a angai te bawk in naupang ho pawh an lo zi leh sup sup tawh,emgtin nge maw hetiang kar ah khan ka lo muttui viau theih zawk le?



"U nizan ah ka hmu che ania aw" Daisy chu ka thut na bul ah a rawn thu thauh a,eng maw ti meng a ka en avang chuan a khi suk a "nizan ah sawlai field ah khan Pupuii.."



"Ngawi rawh" ka ti nghal hmuk,ka zah vang lam nilo in ngawi tur a ka tih chhan zawk chu Pupuii room atang a alo chhuah ve chiah vang ani



"Ti kha chuan,ka duh hun hun ah ka blackmail thei tawh dawn che a nuam e" a pawi pang pawh ngaihtuah lo in phur zet chuan a kalsawn a,ka nau ve hi zawng a upa tawlh tawlh a a â tawlh tawlh ni mai hian ka hria




Mi nau te chu nise a ngaihtuah a nga hetiang in blackmail na lam ai chuan a pawi zia leh mahni chhungte an nih ang a Chhungkhat anga en zawk tur tih te pawh a sawi ngei ang "at khat hi a che thin.." ti sup in Pupuii chu ka melh leh a,a lai tih hai rual anilo en pawh min en ngam manglo min kal pel dawn te chuan min tih ang hrim a hla thei ang ber in a kal kual a




Rei vaklo ah chaw ei an peih a chaw ei lai chuan lui ah chhungkua a picnic an rawt a lo ania,a hma atangin an lo tum deuh sa hrim hrim ani awm e chutah ka lu in " hei I pu Thanga tunu Kimi Shillong a awm pawh in rawn kal ve a chak a in hruai ve dawn nia,tukin ka han len khan a lo sawi a Bawihpuia nen hian an lo in hre nel tawh viau anih hmel a lawm awm khawp mai mihrang kan ni chuanglo a in hruai ve dawn nia"




"I hak a law...?" Ka nu in Pupuii hnung a ben karh karh pahin atih chuan ka en nghal vat,hai rual loh in Kimi rawn kal ve tur khan a thawng a ni tih ka hria keipawh ka ni tho,bak ah kal ve ka tum chiahlo




Chaw ei kham fel hnu ah pick-up an chhung zing ami in an thawh a nausen pawm tih loh chu an kal deuh vek kei erawh Veranda a thu in cigarette ka zu mai mai a ka pa in lukhum khum pah a ka bul a rawn ding in "in siam ve la..kal tur kan tam deuh sia I nau leh Pupuii I phurh then ve loh chuan" a ti a



"Ka tum vaklo asin..." Ka tih chuan ka naui bawk a rawn kal a



"Min phur loh chuan ani mai" in ti thei zet in ati vei a, sawichhuak mahse ka hlau hauhlo Pupuii ka ven thawn vang mai mai ani a bul chiah ah ding in a sen tawn tawn a



"I duh chuan sawi la" ka ti chu min ngei leh hlauthawng hmel pu chungin Pupuii chuan min en a a a rilru a hah hmel kher bawk



"I van sual tak!!" tiin pick-up ah chuan a lawn a,a sawi mai bik dawn lo tih ka hria Pupuii a zah a duh bik tak tak teuhlo



"Jo..." Bike start tur a ka tho chiah chu Kimi aw ka hre zui nghal a pick-up a la lawn ve lo Pupuii chu ka en nghal zauh a in chhung ah a lo lut hman daih



"Min phur rawh aw.. Serchhip kal nan Scooty an hmang ve sia ken tur ka neilo a pick-up ah chuan ka la Chuang ngai silo a min phur rawh aw" a rawn ti nghal tawp tawp a



Chutah Pupuii tum bar in a rawn chhuak a ngawi rengin pick-up ah chuan a Chuang a,a kal dawn avang leh Kimi kal tur bawk nen Kimi'n buaina a thlen palh ang tih thil thu ah tiin picnic na a kal tur chuan ka in siam ve hnuhnawh a "Joel I a tawh anih hi..." Midang ngaihsak a ka awm chu ka in hmusit lek lek zawk




Peihlo zet in Kimi chu ka phur a pick-up hnung ah chuan in hlauh lo tur tawk a muang in kan tlan a,Kimi'n min be mahse ka ngaihsak lem lo pick-up a Chuang sam kir chiat hmel hlim lo zet chuan ka mit a la tlat a ka ngaihtuah na zawng zawng nen




Lui kan thleng a rinai in a nuam phian, Shillong ah in awm tam lo a chhuak tam mah ni ila hetiang lam kher kan la tih ho ngailoh a vangin,a nuam letling phian mai Kimi chuan min zui chawt a kan nau mipa naupang kum 13 bawr vel ho chuan min lo chhaih ve khanglang thin Kimi lah chuan nuam a ti zawk phian lehnghal




"Pupuii I tlu na em?" Daisy au deuh lawng lawng ah chuan ka hawi vat a, Pupuii alo tlu lek chu ni in a bul ah mau hring a lo awm bawk a in pal ani mahna



"A na lo.." a na vak lo tak tak aniang nui hak hak pahin Daisy mangang lutuk hneh ah chuan a nat loh thu a hrilh a



"Jo..I ngaihsak mah mah in ka hria, mihring changkang lutuk I nia sawtiang mi mai mai I duh theih hi ka ring miahlo,bak ah I Chhungkua ami tho ania"



"Tunge ka duh tih sawi..?" Tiin ka melh kar a,ngawi rengin a ni pawhin min en tawp "I sawi loh tur I sawi hnem mah mah tawh Kimi, hetiang reng a I awm chuan ka tih tur chu I hriat kha" ka tih chuan a ngawi vang vang a



"Ka tihpalh anihkha,I ngaihsak ta viau in ka hria a chuvang ania, Jo kan inkar hi engtik ah nge kan siamthat dawn..Dev nen te kha chuan veng khat ah kan awm a ka tlai haw lam nen kan in tawk kha kan kal rual mai mai a lawm"



"Khatiang sawi ka peihlo engpawh ti rawh u engtin pawn awm ula ka ngaihsak lo a pawi ka ti hek lo" tiin ka kalsawn hmak a chumi hnu lam ah chuan min zui tawhlo Daisy leh Pupuii pawh ka hmu lo tui awm na lai ah lung sang leh lian tak mut nan a rem deuh si a awm a chutah chuan pa kai a chung pang lam thing in ni sa a hliah tho bawk nen nuam ti zet chuan ka mu a hnuailam ah tui nen a nuam dangdai phian mai




Rei pawh ka mu lo phun bul bul ri ah chuan ka hawi chhuak a Daisy leh Pupuii te in zui ka hmuh chuan ka tho thut a an awm na lam ka pan nghal " diklo a awm ami?" Ka tih chuan Daisy chu a ngawi reng a Pupuii chuan lung in tui chu a vawm ri burh burh a,a hnu ah chuan a rawn ding nawlh a min en vang vang hnu ah



"Ka nun a mi ka tawn tawh zawng zawng zing ah mi hmusit a la hrat ber ang! Kan chhungte emaw kei ai a upa pawh nise tun bak kha chu ka ngawi tawh dawn lo in sual angai anih pawhin ka sual mai ang" ka ti chhuak tawn tawn a



"Enge I sawi awmzia ?" Ka tih chuan a ngawi leh daih a


"U..in in ngaizawng a maw a tia a ko hrang a,chuan ..." tiin Pupuii kal daih chu a melh zui a,kan kiang ah Kimi a rawn lang lehnghal zat



"Daisy ti kha chuan I u bul ah dawt in min puh lo la..a rilru na zawk ka nih hi engmah I hriat chian loh kha,keichuan Pupuii kha biak ka tum mai ania a mah zawk khan min chhang deuh pawng pawng a ka zilh ve satliah anihkha"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:33 pm

CHAPTER-4💎



"Mahse dawt ka sawi hleinem in piah ah khan ka rawn kal ve reng a lawm" Daisy chuan alo ti ve hluai a


"Thil nih na ka hrilh mai ania,a mah khan min ngaithla lo in min hnial nasa em a chuvang in ka zilh ta ngawt anihkha"


"A nilo I tih dan kha ka hre vek a lawm" Daisy bawk in atih chuan an in hnial tan ta mai


"A tawk...ngawi ve ve rawh u" ka ti tuarh a kan piah hla tak a awm khawm kan chhungte ho pawh an rawn hawi thup


"U dawt ka sawi miahlo ania aw..." Daisy'n atih chuan ka bu nghut a


"Kimi let rawh..nangpawh ka nu te bul ah va kal rawh keiman Pupuii chu ka va ngaihven ang" ti in a tu mah mah in min chhan hma chuan Pupuii ka na lam ah ka kal a


"Tah khan maw I thut" tiin lui tui dai pah a Pupuii thu bul ah chuan ka va thu ve a chhan pawh min chhang chuanglo,midang hmuh phak loh a awm daih kan nih avangin ka thut hnaih hle bawk


"Chhungte ang tho in ka en a mahse ka mil theilo min hmusit lutuk kha" a ti tham tiak a,a aw atang chuan a tah a chhuak hle tih a hriat


"Enge I bul ah a sawi?" Ti a ka zawh chuan tui a ung vawm vawm pahin a thaw halh a


"Ngaizawng lo tur che in min tia,thingtlang mi hriat leh thiam neilo chuan ka phu lo che tiin a sawi a chutiang vel chu.." a ti daih a


"Min phu in I in hria em?" Ka tih chuan ka lam a rawn hawi zawk a mahse a hawi sawn lehnghal


"Chhungkhat kan nia phu che pawh ni ila kan in ngaizawng theilo hrim hrim..."


"Min en teh.." tih pahin a khabe ah ka dawm sak a ka lam a hawi turin ka kuai her a,a lai leh tawh tih ka hria a mitmeng dawih nghal vek dan atangin


"Tumah hian phu loh kan neilo,nangpawn in khua ah hian pakhat tal I hria ang Chhungkhat innei ta pawh an tam lutuk..chuan I thu sawi vel dan atang hian min duh na tlem tal I nei tih ka hria"



In ringtawk zet a ka tih chuan a mitmeng dawih sa lutuk pawh a dawih zual sauh a,chu chu min duh tih tih Chiang zual tu mai ani,a lam ah chuan awm hnai in a hmui nem zet chu ka fawp nghal zat a ani pawhin min hnial lo a a dawh hle hle tawp


_____________________________________

★ Pupuii POV ★



Engthil nge ka tih pawh hi ka hre tawhlo ka chaw mawlh vek tawh! Min fawh na pawh ka hnar theilo ka dawh mawl tawp ani lah chuan ka hnar loh vang nge a duhthawh tial tial lehnghal! Tunge kan bul vel ah awm pawh kan ngaihtuah tawhlo ani ber,bak ah ka tan chuan ka mipa fawh hmasak ber ani a nizan khan a vawikhat na ni mahse tun ah pawh a vawikhat na ang tho khan ka awm mahse khatah kha chuan ka in la hrang hram anihkha




"Tumah in kawp theilo an awm lo, reilote pawh nise an in duh na chu mei alh ang mai a nasa lutuk anih tawh chuan in Chhungkhat na pawh in a an in kar a dal pha lo ang" a in lak hran rualin a ti a ka biang leh beng a sa nghal hat hat




"Va kal ve tawh ang midang bul ah" tiin ka tho nghal daih,ka awm dan hi ka hrethiam lo ka u ngawih ngawih ang ania engtin nge khatiang khan ka awm pui ngam zawk? Ani chu mipa ani a hriatthiam na chin a mual mual chu ka nei mahse keimah hi ka in dem



"Enge maw I sawi nuah nuah le..?" Ka hnunglam atang a min rawn biak vang chuan ka kal chak zual sauh,midang zing ah u Kimi pawh tum bar in alo thu a midang in an biak chuan tha deuhin a chhang tho keichuan va biak tum na ka nei tawhlo hrim hrim



U Kimi nen chuan kan in tih buai leh a hlau nge ka bul ah a awm ve duh hrim hrim pawh ka hrelo u Joel-a chuan min vil deuh chawt hian ka hria ka awm na ah chuan a awm ve zel tih theih ani,midang lah chuan han chik a ngaih bel nachang an hrelo nge tiang lam an ngaihsak lo ve hrim hrim zawk ni engmah an sawilo kan awmdun pawn




Ani chu pangngai deuhin a awm zui mai a keichu ka ni velo,ka lai tlat tawh tha tak leh pangngai tak a min biak pawn ka chhang tha fun fe ngam lo ka zak deuh tlat zel a Daisy lah chuan alo hrethiam nasa si,kan va zawm ve lai khan u Joel-a nen kan klin kiss kha min lo hmu leh pek a!




"A hahthlak thin emai,ngai ah neih tum rawh" ka sam a rawn khawih zauh pahin u Joel-a chuan a rawn ti sup a,theih chu nise pangngai takin ka awm daih tawh ang,mahse min hnaih zual ngat phei chuan ka che buai vek thei hial,chuti khawp chuan a bul ah ka zam chhe tawh



"Ka thei ngawt hleinem" thinrim aw lek lek a ka tih chuan nui suk in min kal pel a,pa (man) ta riau hriat na ka nei lehnghal kei hi ka a tawh in ka in hria!



Kan kal chhan kan tih zawh meuh chuan a tu a mah rak a che vak vak peih kan awm tawhlo,a vawt a vawt a tui cheng hram ho phei chu an mu tlawn zuah tawh mai an chau aniang,u Kimi erawh a bo daih a midang lah mahni tawk a buai kan nih avangin an ngaihsak lo kei erawh in u Joel-a ka bul ah a awm reng bawk nen min lo ngei leh tak viau in ti khan ka ngaihven ru reng a chuvang a a awm lo tih hria pawh ka nia thil kan ei hnu atang khan ka hmu tawhlo




"Apu sawtah khan mi an tla tui ah" ka nau te pahnih in hlauthawng hmel pu zet a u Joel-a pa leh apa an rawn hrilh chuan kan ding suau a



"U Kimi aniang a awm miahlo ania!" Daisy'n a rawn ti a ka nau te pahnih sawi na lam ah chuan kan tlan phei nghal vek,lung leh tiau hmun anih avangin chet sual a in pal tluk tawp theih na ani bawk nen duh ang tak a tlan chak a har u Joel-a erawh a pa in hmanhmawh zual tur a a hrilh ang in hmuh hman ani tawhlo



"Ui Kimi chu ngati nge?" Kan va thlen phei meuh chuan u Joel-a'n a tlak na ah hleuh phei in vau kam lam a rawn pan pui mek tawh a kan vai chuan kan phusa vek ani mai a thi ang tih hlauthawn na nen keipawh ka tha a khur ti tih



U Joel-a chuan harsa zet in a rawn phei pui thei hram a,lei ah chuan mut in a âwm ah a nem a a la harh mai lo zui "Bawiha thawk pe teh,awi a va mangan thlak tak em?" U Joel-a nu in atih chuan u Joel-a chuan ngawi rengin u Kimi chu ahnar a hup pin sak a,a kâ ah chuan thawk a pe a chutah chiah chuan awmze neilo in ka lo na em em ringawt




An in fawp lai pawh hmu in engtinmah awm lo mahila,tun tun zet chu dan theih rual loh in ka thik a ka na ve ringawt! Mi thih leh dam inkar mah nise ka in thu nun theilo a fawp ah ka ngai tlat a ka chhungril hi a na ngut ngut! Mahni te a ding in ka âwm zawn na lutuk chu ka dawm a chumi rual chuan ka chhing zui vawng vawng a u Joel-a ka lo duh zia ka in hrechhuak chiah bawk




"Aw aw a tha e a harh" an tih ri ah chuan ka phu zawk a ka meng nghal vat bawk,u Kimi chuan hlauthawng tak hian u Joel-a chu a kuah a a tap bawk,tuman awm ang lo lutuk an ti lo a chhan pawh a hun tawn in a zir lo em ani u Joel-a chuan kei ka ding khawng reng chu min rawn en a ka hmel ab ka thik zia ka lo ti lang nge u Kimi kuah na chu phelh sak a tum a u Kimi lah chuan zawngte ang maiin a lo kuah bet lui tlat




Buk te ang reng deuh tur a an zar hnuai ah u Kimi chu a pawm phei a rei mawi tawk a hahdam hnu ah u Joel-a chu in thlak tum in a kal sawn dawn a kei ka lo sing ngawi reng chu min melh zauh in pick-up awm na ah zui turin min ti a,ani chu a kal nghal mai keichu u Kimi'n a chet sual dan a sawi hun nghak in ka ding ren rawn phawt




U Kimi chuan an zawh ngun em avangin a tlak dan chu tui a dai mai mai a,chhuah a tum laiin a sam tawn na a ti tla palh a tui in a len chu chhar mai tum in a zui a a rap pial phut chu tui in len zui in a thuk lai ah a len luh thu a sawi a,ka awih lo bik hran lo a va kal na kha thuk lo te ang a lang thuk deuh mai ania tui nat na lai a ni bawk,tichuan u Joel-a awm na lam ah chuan ka va phei leh a



"Enge...?" ka va thlen phei rualin ka ti a boxer nen chauh alo awm tawh, a san buk lek lek chu a kut in a a tuai nawk nawk a towel pakhat chu a nghawng ah alo awrh bawk,a chhelo hluah hluah a fresh bawk si



"Nichin vang khan I thinrim em ni?" A ti nghal tlawng a lu ka lo thin san mai a "Kimi hnen a kan kal phei hma kha chuan I hmel a pangngai viau sia..." A rawn ti zawm leh zat a



"Ka lo Mangan ve lutuk vang aniang,ka phei lehnghal mai" tiin in her ka tum a ka ban ah rawn lam in a lam hawi tur chuan min pawt her leh a



" thih leh dam inkar ani a thinrim a tullo ania" tiin a rawn awm hnai a ka chal ah chuan a fawp nghal zauh bawk a ka pum in ka sa chhuak nghal pup,kan awmdan chu in ngaizawng ti tau in thlem kan ang tawp!



"U..u Joel hetiang chuan awm tawhlo ang nuam ka tilo a..nakin ah chhungkaw buaina te kan thlen palh ang" ka tih chuan a bu nghut a,ka thusawi chu a pawm mai ni in ka hria



"I duh chuan I awm thei a lawm, keichuan ka duh leh tha ka tih dan apiang in ka awm ang" a ti bul hmuk a,tawp san mai chu a tum hmel loh takzet,ka duhlo bik ani tawhlo ka pi leh pu ka Chhungkua te ka ngaihtuah hian hlauh na nasa tak ka nei ani



Kan pahnih chuan kan in zui phei a kan in be lem tawhlo,rei pawh kan awm phei hma in a pa chuan haw a rawt a midang pawhin an chauh deuh tawh vangin an hnial lem lo,kan vai chuan kan haw a u Kimi chu pick-up hma lam seat ah an chuan tir a u Joel-a'n min phurh a tum viau na in naupang pahnih an phurh tir a a lawm loh hmel ngang mai





In kan thlen ah in bual hmasa ah tang in inbual zawh ah in ma ti fai sawk sawk a, tlai ah muang mar a eirawng ka bawl hnu in Thartei a rawn lut hlawl a,a hmel atang chuan eng emaw thil hlimawm lam a tawng tih a hriat mai a nui a min rawn signal leh zeuh thin bathroom atang a u Joel-a in bual zo rawn chhuak a hmuh chuan a ang phuau a



"Saw a en reng che..." Tiin ka lo hrilh sak pek a,nuih pawh a nui lo a bu nghut a room lam ah a phei nghal daih



"Bawl zo vat rawh saw volleyball an beng leh tawh ania en ve vat ang,hemi en tur hian chhun atangin rawng ka bawl tawh keichu" a tih chuan rapthlak ti zet in ka en a,kan veng field tê ah hian tlaj tih deuh thaw mipa ho in volleyball an beng thin a in El na tak tak nilo mahse en peih tawk hi chu an kat nuk thin



"Ka peihlo mai vawiin tlai chu,chhun ah lui ah kan kal a ka rawl tawp" ka tih chuan a ner nang a


"Hmahmawh mai teh I star pa pawh beng turin a rawn kal leh vang vang tawh ania,en hman loh I hlauh theih em kha" a tih rual vel in u Joel-a a rawn phei a,hmui phun chungin Thartei chu ngawi turin ka lo hrilh vat


"Tu maw a star a?" tiin a sam hruk pah chuan Thartei bul ah chuan a thu a, Malsawmthari chhiat zep zuap zia hi aw! U Joel-a a bul a a thu chu lai deuh chungin ka star pa chu a kawk a a thawmhnaw hak nen lam a lo hrilh ringawt! U Joel-a hmuh siloh in ka rawngbawl na fian pui chuan ka tin ur ur ringawt



"A chhiat hran loh saw" tiin min rawn en a rang lutuk in ka chawhmeh kan lai ka melh nghal awmze neilo in ka chawk kual vak vak ringawt



"Pupuii pawh hi a star deuhin kan hria,ball beng kan en te hian a star pa hi a bul ah te a rawn thu thin mawle.."



"Malsawmthar,dak zuap zuap suh ka khawng kaih ang che lo va phei rawh ka lo phei ang" a sawi tam zel ka hlauh vangin ka vin pawng pawng a



"Aw enge ka lo sawm ve em em che a tikhan dah mai rawh,hei a pu te pawh an awm a vil ve lawk mai rawh se" a ti a u Joel-a pawh tho in room lam ah bawk a lut leh a Thartei chu ka melh hrep! ka huat ber tum ala ni hial ang chu mawle min puan vek anih ber kha!



"Ka la talh ang che" ti chungin gas ka off a,min nghak tlat bawk nen kei volleyball beng en nuam ti ka lo ni ve bawk sia kan pahnih chuan kan in zui phei ta nge nge a



Ball beng en pawh an lo tam ngang mai,kan veng phei na leh field tê in zawm na ah chuan kan thu a ka star pa pawhin a lo khel chiang mai,engvak a lak tum loh pawh hian a khelh tawh hi chuan ka tum ai hma hian ka lo tang leh hlut thin



"Pupui..?" Daisy'n phur fe hian min rawn au a u Joel-a a rawn pawt kal tawng tawng bawk,enge maw rawn tih ve an tum le? An en ve chuan duh ang in ka tang ngam lo ang



"Aw in lo en ve dawn ami?" Ka tih chuan a bu nghat a I Joel-a ka en a ani chu a ngawi kur thung



U Joel-a awm ta chu tleirawl lerh hre ve chin tawh ho an rawn kal kual sek hlawm mai a ruk in ka lo ning takzet,a chang leh a mah en in thil an sawi sep sep zel a,engtinmah a tih silo hian an mahni hi an in ti lai chawp ani ber ang chu! Ka vaw er hrep chak hlawm ania



"Ui a tlu...!" Ka star pa tluk lai chuan ka lo ti deuh that a ka tang lutuk bawk nen ka taksa te hi a khawng thut zel..A va hahthlak theih tak!



"In sum deuh rawh ka thikthu a chhia ania" ka beng bul chet ah a rawn tih chuan ka tawlh hma nghal dawrh,mi tam na lai a chutiang te sawi! Daisy leh Thartei te chu ka en a mahse an ni chuan inkhel lam ringawt an lo ngaihtuah aniang min ngaihven lo an la inkawm miahlo a mahse in nel takin an ti ti bawrh bawrh thei nghal



"U va tel ve la.. basketball nen a danglam chuang awm lo e.." Daisy'n atih chuan ka beng ka chhi kar


"A khel ve thin ami?" Thartei'n a tih chuan Daisy'n nuih hak hak pahin


"Khel ngai eihlo,mahse basketball a khel thin a tleirawl deuh lai atangin a khel a,Shillong ah phei chuan a lar teh ania a thiam lutuk mahse a mah hi a in duh lutuk a khelh pui ah pawh an sawm chhuak tha thei lo"


"Ani maw basketball khel thin hi an pa ka ti an sang thei si" Thartei bawk chuan ati a ka nui suk, basketball khel lai TV ah pawh a en tha peih meuhlo ania u Joel-a a nih tak avang a han in tih duh tak vel!


"Thar ek lerh-i" hnunglam pawh hawi talo chua ka va tia min rawn sik vak


"Mahse tun ah chuan a khel ngai tawhlo a in ti upa tawh lutuk a " Daisy bawkin atih chuan,ka lo ngaihtuah zui vawng vawng, basketball a khelh thin vang anih dawn hi a sâng that em em ni a hrisel that hmel bawk nen hian khang hunlai atang khan a in uluk dawn tih a hriat mai a mah en reng reng hian



I khel ve chak em ti a u Joel-a biak ka tum chu thartei'n min rawn sawi nawk nawk a "enge!!?" Ka ti vin hlar a a mit in kan piah lam a rawn melh zawk zawk a en ve turin min ti ni ber hian ka hria, Thartei ngei ru deuh chungin hnunglam ka hawi a kan awm na lam pan ni awm tak a rawn kal ka duhpa in khel zo tawh ka hmu chu ka thin a phu rang nghal



"Chawhmeh siam theihnghilh ka nei" ka ti vak a haw ka tum chu Thartei leh Daisy chuan 'a ngailo' tiin min dang tlat! Ka star pa U Rinsanga chu a rawn thleng phei a ka kut in ka kawr hmawr ka tham hrep ringawt



"Khelh tirh ah ka hmu lo che a I rawn en dawn lo amaw ka tia ka khel chhe teuh khawp mai" tiin nui sâng chuan ka bul ah a rawn ding ve a ka hnung chiah a ding u Joel-a chu a khuh kharh kharh a chu lek pawh chuan ka awm zu ti nuam ta der lo a mawle!



A mah hi kan khua a luck ve deuh mai ania, volleyball a thiam bak ah a cher sang bawk nen a hmel a chhe zawk zawk bawk silo a kei kher lo chhelo ti tu pawh an tam mai,u Joel-a chu a awm ve reng a u Rinsanga lah a kalsawn leh mai bawk silo mahni te hian hreawm ka ti ve em em ringawt mai ani




Nidang ah te chuan min biak te hian nuam ka tih ve thin nen tun tum zet chu min be ngun ka ti ta hle,u Joel-a awm vang vek ani,a tawng tam sawt te hian ka hre ta hial! a thusawi thenkhat a hma pawh a ka nuih pui bawk bawk thin pawh tun ah rih chuan ho ka tiin ngawi daih se ka ti rilru hle ringawt a



"Rinsang..?" Ti a an rawn auh avangin a tawp atawp ah chuan a phei ta hram! Ka thaw huai thei ania!


"Ahhh,khawi ah nge a U kha?" Daisy'n a tih chuan ka hawi let nghal vat a u Joel-a alo awm tawh miahlo! Engtik khan nge a kalsawn pawh a hrelo reng reng


"A haw aniang" thartei'n atih chuan a bu nghut a a ngaihtuah zui lem lo,kei erawh rilru nuam zan lo in ka awm ta char char





Ni a liam zung zung a kumhlui thlah zan kan thleng dawn ta der mai,khami ni volleyball beng kan en ni atang khan u Joel-a chuan min be ngai ta miahlo a ka biak pawhin a rul tawk chauhin min chhang a biak nawn leh chakawm lo khawp hian a awm tawh,nuam lo ka tih sa tawh tehreng nen chutia a awm phei chu chhungril ah hian hreawm ka ti em em ringawt



"Pui..zanin chu I rualin ka lo kal ve hetah naupang nen ringawt a awm ka peihlo,I thiannu khan kumhlui thlah zan ah lo kal ve rawh atia min sawm a" a tih chuan ka bu nghut a



"I peih phawt chuan ilo kal ve dawn nia" ka ti a min kuai her in uluk zet hian min en a



"Ka u vang ani maw I va han zawi em em ve" a tih chuan ka nui suk a lu ka thin khum ringawt,tawngkam in ka chhang lo a chhan chu a u vang ani tak tak miau a lawm



"Ahhh! enteh saw?" Pawn veranda ah ka nau te ho nen sikri kan ai avangin kan veng len phei a lo kal mek chu min kawh hmuh a ka va hawi chuan ka thin zawn a na nghal ut a mahse tha vek ang a lan ka tum thung



"An in zui tha leh dawn a mawn le" an rawn kal phei mek laiin a Daisy chuan a lo ti sa sa a " ti daih ila hman ni a u Kimi thih teuh zia kha" a ti duah a ka nui chhuak ringawt



"Bawiha I unau te nen khan kuhva han lei lawk teh u" tiin apa te rawn leng chuan pawn a ka nau te ho thu ho chu dawr kal turin arawn ti a,kal hlawh an nei dawn bawk a hnial eih lo in an phu suau a an tlan nghal nal nal



"Kum a thar tep tawh sia,ka peihlo e kan haw a hnai zel bawk si helai ah nuam ka tia ka tlangnel chho dawn chauh a engtik nge kan lo kal leh theih ang pawh a hriat tawh siloh" Daisy chuan a ti bui bui a



"Christmas leh pek ah rawn zin tun leh ula" ka tih chuan a bu nghat nghat a kan bul rawn thleng tep tawh u Joel-a te pahnih chu ka mit sir reng tho,hman ni atang khan a mah in zan ah q tei chhuak ve zauh zauh a kal na tur a hre em em pawn ka hrelo na in a lo haw tlai thei khawp mai



"Ahhh.." sikri ka chhem nung sauh sauh lai a Daisy mak ti aw chuan en tur lam hrilh ngailo in u Joel-a te lam ka en vat a u Kimi chu a rawn kal tlang mai a u Joel-a erawh muang zet in a rawn kal thung



U Kimi chuan kan pahnih in min kal pel mai q enge a rawn tih dawn pawh ka hrelo, hmanni tui a tlak hlum loh chauh ni atang khan a reh riau a tun kha ka hmuh leh na chauh ani, Daisy nen a ngaih na hrelo zet a kan in en reng laiin u Joel-a a rawn thleng phei a ka naute thut na awl ah chuan a rawn thu chat



"U in in zui leh tan tawh ami a?" Daisy'n ati a keichu ngawi rengin sikri ka melh char char



"I unaunu hi a awm alo nuam lo hman ami a?" Atih chuan phawk zet in ka hawi chhuak a,a va sawi dik reuh tak, diktak chuan an pahnih rawn in zui phei khan ka awm an ti nuam lo takzet



"A that vek thu hrilh la..star a neih tawhloh hun ah tha takin kan in be thei ang tih hrilh bawk ang che" Daisy zawk be reng si in min en a,a va han ngeiawm thiam tak,a duh chuan ka bul ah a sawi thei reng in si lo chauhin kan thu a engvang a nghal chhuah kher nge maw anih chu?



"Kir bep.." ka melh rum em vangin a rawn ti a ka theih pa tawp a rum in ka melh leh,ka sam kir mahse kir bep in tih kher ka duhlo! thawh pah chuan ka chhip ah a fawp a in chhung ah a lut zui nghal daih, Daisy lah chuan



"Ka u han cute sawt zia hi!" tiin a lo khek tuarh tuarh a,ka a zo dawn!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:34 pm

CHAPTER-5 (Last)💎



"Enge a cute na? A ngeiawm hlawm hlak" ka tih chuan a nui uar sauh a,min chhaih nghal char char!



"Awi kan la awm ho reilo em a mak in cute I tilo mai mai anihkha, Shillong ah te chuan Hitler chiah chiah a lawm, ngaihtuah teh Hitler a cute thut tur kha,awi a za tawp" a ti chul a



"I ho emai" tiin sikri chu ka chhem vak vak a,u Kimi kha ka ngaihtuah chhuak thut enge maw a rawn tih dawn ni? Hriat ka chak a chutih rualin hre turin ka lut duh chai silo



Dar 8 hma deuhin ka thianten min rawn sawm a Daisy nen chuan kumhlui thlah zan hmang ho turin kan thiante chu kan zui a,nuam deuhin hun kan hmang a tum dang ah kan hman khawm vak ngailoh vangin nuam ve tak ani.. Kumthar vel ah Kumthar chibai kan in buk ve liam liam a ti chuan dar 1:30 vel ah kan haw darh ta hlawm a,zan a rei tawh bawk a khua pawh a vawt tha tek tuk khawp mai



"U hetah enge ila tih a?I mut daih tawh ka ring ania" u Joel-a pawn khaw vawt ah a lo awm a vangin Daisy chuan a ti a



"Lo zu lut rawh" tiin keimah chu min rawn kai a field lam ah bawk chuan min kalpui leh



"Ngati nge helam ah kan kal? Vawt ka ti tawh lutuk ania" tiin ka kut chu pawh pit ka tum a,a man nghet lutuk bawk si nen ka tang tha thei lo



Chutah a kal lai chu ding thut in Biakin hung na cement bang sâng zet ngheng tur chuan min nam a ka nghen dawt rual chuan rawn kal hnai in ka kawng ah a rawn dawm a ka nghawng ah a kut lehlam a dawm leh in duhthawh zet chuan min fawp nghal tawn tawn!



A che thut bawk nen ka lo awm mawl leh tawp tawh,a lei lum tha zet ka kâ chhung a rawn nawr lut in a duhtawk chuan a che kual a ka zam bawk si ka hnar thei bik bawk silo chu ka kut hum ruh in ka ip vak ringawt, A van atthlak tak e aw! A in la hrang hlek a thaw ham ham in ka chal leh a chal a in sik tir a



"I rawn haw hma zawng khan ka ngaihtuah ngat ngat che tih I hria em? Tu nen nge in awm anga tu nge kumhlui i thlah pui tih te,a bik in I star pa kha " a tih chuan a mah chu tim deuh hian ka en tawp a,chhan ngaihna ka hre lo tih a hrethiam nge nui suk in ka hmui sir ah a rawn fawp zauh a



Tih ngaih na ka hrelo ka hma ah in nem khalh run in a awm bawk si min en reng bawk sia ka lai lutuk hi ka thi khawng lo chauh tawh "ka zak lutuk...!" tiin ka kuah ringawt a taksa lah chu a lian tha mai sia ka ban pawhin a kuah zo lo tep ani,a rawn nui ri hak a ka zak zual sauh nghet zet hian min rawn kuah let a



"Star ka neih chhung chu inbiak a in hmuh vel a theihloh emaw ka tia" ka tih chuan a nui ri hak a


"Nia..mahse nang te reuh hian min len san char char anihkha" tiin ka bel ah a fawp leh zauh a "Kan let dawn ami?" A tih chuan rang zet in ka kuah na ka thlah a


"Aw, awle" ka ti bah niah chu min nuih suk a ka biang a rawn piai zeuh pahin


"Lunghlu..." a ti sup a


"Maw? Lunghlu maw?" Ka tih chuan bu nghut in ka hnunglam ah chuan a ding a,enge tih a tum aw ka tih laiin ka hnunglam a tang chuan min lo kuah a


"Um..Lunghlu ka tan chuan I nia...tuma neih ve loh lunghlu dangdai tak" a tih chuan ka tum ai a hma in ka nui suk



Kan pahnih chuan in zui phei in kan kut pawh in thlah lo chuan in chhung luh hma zawng chu kan in kai char char,ni e ka duh a a pawi na a awm bik in ka ring lo,mi te pawh an hring tu te nen ngei a innei te,mahni mo te ngei nei duh te pawh an awm ve tho a lawm tiin mahni chu ka in thiam ve char char





Ni a liam zel a u Joel-a te pawh an chhungkaw pawimawh vangin reitak awm thei lo in kar thar lo awm tur a haw turin rilru an siam fel tawh a ka huphurh takzet ani,kumhlui thlah zan atang khan in ngaizawng pangngai tak ang in kan awm a,in chhung ah erawh chuan kan in be mang ngailo a chhan chu mahni in thiamloh na ka nei tlat rih ani,chutin u Joel-a erawh ka thlah phal bik chuanglo




U Kimi pawh khami zan a lo kal kha a pu te ho a lo Mangtha lek alo ni a,a tuk ah Shillong ah a chhuk nghal daih,u Joel-a chuan fiamthu ti tak deuh hian Shillong a zui thla daih turin leh khuta zir na zawm zawk turin min ti ve ziah a ka nuih liam ringawt,keima thu a zu awm tum ve kha ka duhlo bur



Bak ah a pu te ka kalsan chuan patea te nen ringawt chuan ka awm tir theilo,tet lai atang a min enkawl tawh tu an ni a ka kalsan hreh thlawt ani,Kumthar,hun thar boruak thar tha zawk leh bialpa thar nen engkim chu a thar hlak vek hi ani tawp mai, Sawmsanga nen pawh kan inkawm zui zel a mahse a hma ang tak kha chuan ka awm thei tawhlo,amaherawh chu a mah in hreawm atih loh nan Ka in thup ve hram hram thin



"Zanin ah kan leng dawn ami? In a tawm khat deuh mai ka nia ka ning thin teh ania" ka hnung a min rawn kuah tu chu ka lo nghawk deuh pawp, room ah kan pahnih chauhin awm mahila tupawh lo lut thut thei an ni



"Kalsawn rawh an lo lut ange" tiin ka in her a uluk toh hriat zet hian min lo chhuk en deuh run a,tê over lo mahila a bul ah hi chuan ka hniam ruih thin



"Ok..." tiin a tawlh sawn mai a "ka va in bual lawk ange" tiin min rawn kuah leh zauh a ka chhip a fawp in a kalsawn a



Thawmhnaw suk ho ka dah fel mawlh mawlh laiin kan in thlang daih a awm ka cousin a lo tlan chho a ka ni tluk sual thu a rawn sawi ta mai,a serious viau aniang a hmel atang pawhin a mangang toh a hriat,u Joel-a pawh a in bual zo chiah a pa chuan in thlak sawk sawk a chhuk ve turin a ti a keini ho zawng chu kan tlan thla nghal




Ka ni chu a lo biak theihloh a,u Joel-a rawn chhuk hnu ah an motor in ani chu serchhip ah an kal pui nghal a u Joel-a'n a khalh a api leh ani fanu leh a pasal in an kalpui bawk a keini in lam ah chanchin ngai chang in kan awm a,tumah mah in report an la rawn nei lo




Tlai chaw ei kham hnu daih ah u Joel-a'n a rawn phone a ani chu a harh tawh thu leh a lo in sawh nat deuh vang a biak tawng theihloh anih thu a rawn sawi a,tun ah chuan ngaihtuah awm anihloh thu an sawi a a harh tha tawh bawk a an rawn haw leh mai theih thu an sawi bawk




"Pupui..room ah lo kal lawk teh" U Joel-a nu in a tih chuan muangchang lo in ka va phei nghal a ka pi leh pu nen u Joel-a nu chu an lo awm a,ka tim nghal dai mai min lo en deuh thap bawk sia



"Lo thu phawt teh Bawihte" apu chuan ati a an mahni hmachhawn tur chuan rilru nuam zan in ka lo thu a,an mahni chu ka en thin,ka lak a thinrim hmel pawh an pu silo mahse tun kan boruak hi nuam lo tih na riau ka nei



"Aaa, Pupui ka koh chhan che chu zawh duh che ka nei a" a tih chuan zam deuh chungin ka bu nghut a "I u Joel-a nen hian in lo in ngaizawng ami a?" a tih chu ka thin hi vawilehkhat ah a phu dup a,phu leh tawh ngailo turin a tawp nghal vek in ka hria!



"Bawihte a zia lo emai, hetiang zawng a Chhungkhat hnai tak awm hi chu,hnam pui satliah chu ni ila a pawi miahlo,mahse Chhungkhat..Chhungkhat ah pawh in hnaih lutuk I pa leh Joel-a pa pawh uanu an nia a dik theilo ani" ka pi chuan a lo ti ve bawk a ka zak takzet,hawi pawh ka hawi chhuak ngam tawhlo



"Bawihte a pawi thui hma in in thlah zawk rawh u.. Chhungkhat in ngaihzawn zawng a dik lo emai in kum a la in thlau ang reng si a ani chu tlangval ania,nang I puitling chho dawn chauh a" ka pu in alo ti ve leh a ka mittui a hnam tiam tiam a,ka kut hum ruh in tap lo tur chuan ka in sum ngar ngar ka zak,ka zak takzet ani


______________________________________

★ Joel POV ★



Serchhip atang in zan ah kan haw a,a hla em em lo bawk nen kan thleng har lo...in kan lut a Pupuii ka hmu mai lo kan in ei puar hnu thleng pawhin Pupuii hmel reng reng ka hmu lo,nidang ah te chuan a ma thu in a rawn in lan ve fo tawh kha ania



"Nichin khan a mu daih a,a muhil nghal daih aniang" Daisy chuan a ruk ti tih hian min rawn hrilh a room ah chuan ka va phei nghal



"I nuam sam lo ami?" tiin a khum puan zar hliah chu ka va keu a puan in alo in khuh phui vek,puan chu muangchang in ka pawt aaka lam hawi zawng a mu sai sir anih avangin a hmel Chuang takin ka hmu thei



"Mutthilh der angailo ania, tho teh" ka ti nghal hluk a,rawn thaw deuh hrawk in a rawn tho tuah tuah a "na I nei ami?" Ka tih chuan lu a thing a



"Ka mut a chhuak a ka muhil zuai a,mahse in lo haw hma deuh khan ka harh tawh ka muhil der a ka lo fiam ve che anihkha" a tih chuan ka awih chiahlo mahse engmah ka sawi zui tawh lem lo



"A nih chuan lo tho la ka ngai tawh che ania" ka tih chuan a nui suk a phur deuhin a lo tho ve mai bawk "kan phei hma lawk.." tiin ka ka fawp zauh a ka awm ah min beng pawp ringawt



"Kir bep..." Ka tih chuan rum zet in min melh a ka pheikhawk ah a rawn rap thut a,a rap na reuh phian lehnghal kal tau nghawng nghawng chungin room a chhuahsan a



Midang Pupuii ni ngaihven in an chhuk nual a,mahse ka pu ber a awm avangin duh angin a bul hnai ah pawh ka awm theilo Daisy lah chuan min lo tih thik tum in Pupuii bul ah a thu a kuah vel chung bawk,mipa leh hmeichhia kan nih na ang in ka va hnaih ve a rem rih silo ka awm dan chu ngeiawm duh tak ani



Chhuak ho an lo haw sap sap a thlasik khua anih vangin dar zat ah chuan la hma viau mahse khua erawh a tlai khawp mai,mut an rel nghal mai a phone ka khawih melh melh laiin Pupuii chu a rawn kal a "lo la muhil suh aw..." ti sup in a kalsawn lehnghal a nui suk in ka en zui vawng vawng



Tichuan midang mut reh vek ah pawh ka la meng ta reng a dar 11 dawn ah thawm a rawn nei a,ka kut a min kai in thawm dim zet chuan pawn chhuah na kawngkhar chu a nem hawng a thawm dim lutuk posi vel chuan ka nuih a ti za takzet pawn kan chhuak chu a vawt vur mai



"A mak lutuk ka ngai tawp che a serchhip I kal chhung te khan" a tih chuan nui suk in ka kuah nghal hlun a


"Chuvang ani maw I lo mut vum thur?" Ka tih chuan a nui hak hak a


"Ni e..lunglen chuan mut daih tur an tia lawm ka thian ten" a tih chuan in sum hman lo in ka nui hawk



Pawn khua vawt viau mahse duh ang tak a ka bul a awm ngam ve na hun anih avangin kan awm dun reng a,min ngai leh min thlahlel lutuk ang mai a a awm te chuan a bul a awm chauh nilo helai leh he hmun hi nuam min tih tir vek tawh ani ber ang chu,dar 1 dawn thleng awm a ngen a mahse a vawh zual zel avangin haw ka rawt a min hnial chuanglo



Kan phei tur chu min pawt thut in a a mah zawk chuan min fawp ve a,a duhawm hliah hliah hetiang tak hian mi ka duh ang tih ngaih na ka hrelo! Ka rilru zawng zawng ka pe a ka chet phung pawh a mah mil zel in ka thlak danglam tih ka in hria



"In haw hun chu ka van peihlo tak, Shillong ah chuan nula chhelo an tam awm ropui sia" a tih chuan kal pah a kan in kaih na kut chu ka en a



"Ka lunghlu hi tuman an tluk Chuang hleinem" tiin a kut chu ka la kang a ka fawp nghal zauh bawk



"Thingtlang nula leh khawpui ami chu an in that hleih dawn lutuk tlat..mahse a pawilo star che mahse I star ve dawn Chuang in ka hrelo" tiin a mit ko a san keuh keuh reuh a a biang ah chuan ka piai vak ringawt



In kan luh chuan a ngai te bawk in thawm dim zet chuan a lut leh a tichuan in Mangtha in kan mu a,mut hmun ah a mit ko san keuh keuh lai ka a rawn lan chuan ka nui suk zel






"U tho teh..." Zawi sap hian Daisy'n min kaih thawh tum in min ko a nizan kan meng rei bawk nen ka lu na bur in ka tho chhuak a "Pupuii a bo daih a" ka sam ka khawih lai takin a rawn ti a ka meng nghal kawk



"In fiam na chi anilo ania Daisy,ka thinrim chuan ka sial zia I hriat kha" ka ti chhuak tawl a ka thu chhuak nghal bawk ka pi leh pu ka nu leh pa te ho an lo thu khawm laih a,an awmdan atang chuan diklo a awm tih ka hre mai



"Khawi ah nge Pupuii..?" Tiin an zing ah chuan ka va kal phei a a tuman min chhan tum hmel an pu lo "a bo ami?" Ka ti chhuak tawl a ka pu chuan aw thian kharh kharh pahin min en a



"Bawihpui thu phawt teh" tiin ka thut na tir atih lam a melh a ka thu ve mai bawk "Hei ka tho hmasa ber a,ka thawh atangin ka la hmu miahlo ala mu ah ka ngai a,a tlai tak hnu in va kaih thawh ka tum a a lo mu ta miahlo mai a,chhungte ho kan zawh lahin a lo kal lo an ti zel bawk sia "



"Zawn angai anihchu" ka ti bung churh a,chutah room atangin Daisy hmahmawh deuhin a lo tlan chhuak a


"Pa hei en teh u, Pupuii hnutchhiah a niang a khun ah ka hmu" tiin lehkha a rawn leng chhuak a



* Api.. Apu min zawng su aw kan chhungte bul ah ka kal lawk ania,ka ngaihtuah awm loh * tih te mai hi a ziak a



"Khua ah chuan a awm lo tawp ang,in hau ami?" Ngainat awm lo zet chuan ka ti a



"Chutiang pawh a awm lo,a chhuah hma zawng pawhin a mah ah engmah danglam a awm loh kha,a hlim em em ringawt a" an ti a



Keichuan thil awm dan ka ngaihtuah Chiang a diklo a awm tam tulh tulh in ka hre mai, serchhip ka kal Hawn ah pawh a lo mu bo daih a a tir a ka va en pawhin a hlim hmel reng reng lo,chuan zan ah khan tum dang ang lo tak in a nungchang a thlak a keiman ka tih hmasak ngai miahlo in min pan a min ngai leh min thlahlel ang ber khan a awm bawk



"I kalbo daih dawn vang ani maw khatiang khan ilo awm?" Ka ti sup a ka jamper ha in ka chhuak nghal,khua ah a awm ringlo mahila a thiannu Thartei kha ka hmuh a tul eng emaw tal alo hriat sak takin



"U khawi ah nge I kal dawn?" Daisy chuan a rawn ti a min um zui bawk



"A thiannu te in kha I kal tawh tiraw? Min hruai rawh" tiin ka farnu chu ka kai kal dawt dawt a, Thartei te in kan thleng a kan lut chu mak an lo ti ngei mai



Thil awmdan te ka sawi a, Pupuii chanchin a hriat leh hriatloh ka zawt bawk a mahse ani pawhin engvak a lo hrelo,ka sawi atangin a kalbo tih pawh a lo hre ve chauh zawk! Mahse serchhip kan awm lai khan reilote chu a lo han leng a,a rilru buai thu leh reilote chhung kalbo a chak thu te alo hrilh ani awm e mahse a kal tum na erawh a sawi bik lo



Thinrim zet in Thartei te in chu kan chhuahsan leh a ka hmuh hmasak ber na field tê kan thlen chuan Daisy chu a ding dat a "u.. hrilh tur che ka nei a" a tih chuan Pupuii awm na hria ni a ka rin vangin ka in her nghal vat



"Ih,midang bul ah thinrim lo la aw,ih serchhip I kal hlan khan a nu ten Pupuii room ah an bia a chuan in pahnih chungchang an zawt a in ngaizawng tawhlo tur cheu in an tia,chuan Pupuii a rilru a na lutuk a a tap a,apu te a zah ve bawk sia ngaihdam te a dil a,chumi vang vel chuan aniang a kalbo daih" ati chiah chu ka thaw hawk a



"Min theihnghilh nan a kalbo anih chu" tiin ka in her let vut a in lam ka pan phei hlawk hlawk,in ka lut chiah " kan pahnih inkar chungchang ah in lo zilh a amaw?kan in kawp chu enge a rem loh na? Kan in duh tawn a Chhungkhat kan nih vangin a bul ah a theihloh tiin in lo zilh a maw?" Ka ti nghal thawr a



"Joel I pi leh pu te an awm hi tawng fimkhur rawh" ka pa chuan a rawn ti leh ka thinrim zual sauh thung

____________________________________

★ Daisy POV ★



Ka u chu a ang bawrh bawrh a,sual in luhlul ve thin viau mahse hetiang hian a ang chiam ngailo a ngawi tawp thin zawk,ka pa chuan thil nih na hrilh fiah tum mahse a fapa luhlul lutuk chuan a ngaithla meuhlo a thu kun ngul a



"Joel.. thinrim a hun lo,in bengdai vat rawh" a pa chuan a ti thawt a,ka u a thinrim a a ngawih ngul tawh chuan thil pawi lutuk a thleng thin a thleng reng lo,mahse a thinrim tawp khawl chuan dan theih anilo ramsa kawlh ang mai in a awm thin a pa pawh in a bengdai thei ngailo



"Ka zawng dawn,min dan tum buai suh u ka pa" tiin a chhuak a tuman kan um zui lo apa pawhin



Chaw eilo in bike nen a chhuak a khawi ah tak zawng ang maw? Pupuii pawh a ngaihtuah awm lo tur ah ngai tawp ang a awm na chin lah kan hre silo engkim a buai vek tawh ani ber mai,ka u chu nileng in a chhuak a tlai thin dawn ah pawh ala rawn haw lo ka ngaihtuah takzet



A pa pawhin thil awmdan anu te a zawt a,an sawi ta chu ka pa chuan tunlai thil ah hetiang a in kawp an tam tawh zia te sawi In ka u chu a tan hnuhnawh a,bak ah khatih lai khan a pa'n engmah a hrelo a,hria nise chuan tiang hi a thleng lo mai thei ani



"U i riltam em?" Ka u rawn lut hlawl chu ka lo pan chat a ka biak pawh min chhang lo in a ngawi reng a room ah a lut zui daih,tuman an va pawh ngam lo



Ni 2 lai a liam tawh Pupuii chanchin kan hrelo a,tupawh mai chu kan mangang tawh ani ber ka u pawhin a zawng reng a mahse ni 2 a liam meuh chuan a beidawng ve ta deuh aniang 'min hmuh tawhloh nan I kalbo anihchuan keipawh ka kalbo ve tawh ang' a ti a mahse a hmuh hma chuan Shillong ah a haw thla dawn lo tih ka chiang



"Joel khawi ah nge I kal leh dawn? Zan anih tawh hi" tiin ka u chhuak tur chu a pa chuan ati a


"Ka zawng leh dawn,ka hmu anih pawhin ka rawn kir pui mai lo ang" a ti a a chhuak zui nghal bawk,ka u ka khawngaih ber tum ala ni hial ang ka ring


"A duh dan tak chuan awm teh se" apa chuan a ti tawp,a thunun theihloh zia a Chiang em bawk ani


A chhuah a tang a dar 6 lai a liam hnu chuan ka phone ah ka u massage ka dawng nawlh a hmanhmawh lutuk in ka en nghal "Ka hmu tawh,kan tha aw,ka rawn let pui rihlo ang" tih te mai hi ania ka lawm lutuk chu ak ding zawt a



Thil awm dan a pa te ka hrilh chuan an tha tih an hria nen tupawh mai chu hmel hlim kan pu sar mai,lo haw pui a tum rihloh thu a sawi vangin kan haw tum hun pawh kan thulh tawp a naktuk tukleh mai a haw thlak tum tawh chu a pa'n karleh ah a sawn a,chumi hma chuan thlem lungawi a koh haw ngei an ngai a ti bawk a an in kar thu ah tuman engmah sawi tawhlo turin a ti bawk


___________________________________


"Min rawn zawn pawh ka ringlo a" ti a ka bul a rawn thu chu ka en a


"Engvang in? Awlsam deuh a min kalbo san hlen theih I in ring reng reng ami?" tiin ka mal chung ah ka hlang nawlh a a lai chhe leh der tawh


"Um.. nikhat vel ka lo haw loh chuan Shillong ah I kal leh mai ang ka tia"


"Teuhlo lutuk,ka lunghlu awlsam takin ka kalsan mai mai dawnlo" tiin ka fawp zui zat bawk "chuan tah hian kan pahnih in kan mut angai ang,chhuat ah emaw thuthleng a riak tur chuan ka in phallo" tiin a hn**e chu ka tham sak a


"I nghal thei emai aw! bak ah I tawng eing lutuk Pitei te'n an hriat chuan min hau ani mai kan riak dun theilo hrim hrim"


"Ka zawn nasat che ngaihtuah chuan riah dun chu ka phu ve a lawm,a ni lo ami? riah dun lo pawh thil dang tih pah ngai kan nei a"


"I hur emai!!"


"Ka hmangaih che.."


"Maw..?"


"Ka lunghlu hi ka hmangaih ka ti anihchu"


"Ka awihlo.."


"Ok a tha a lawm,kan tih tur chu ti tawh ila"


"Eng maw? Hamhaih hmel deuh hian ati a


"Naute siam mawle..." Ka ti chu a biang a sen nghal tawn tawn


"Hur suh in chung ah ka riak dawn" tiin kalsawn a tin a ka pawt let nghal vat


"Hey,hey min thlah rawh naute siam nan chuan khua a vawt lutuk"


"A lum chho mai ang"


"Hey ka duhlo a vawt ania..!!"



*Ka hmangaih na rah chhuah chuan ka lunghlu pawh min neih kir tir leh ta,hei hi kan nun chu ani kan hmalam hun a kan la tawn dun zel tur hrelo mahila tun ah chuan kan hlim..kan la hlim dawn chauh*



💎 THE END 💎

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)