REWRITE THE STAR (BYG S-2) By Bearr Chhakchhuak (Completed)

[Ngaia]

CHAPTER-7


Bathroom ah ka lut a in ti fai pahin ka hmai te chu tui in ka phuh thet thet a, Johan khan min fiam kual mai mai ani tiin darthlalang hma ah chuan ka phun mawlh mawlh,phone phawrh in ka nu te ka va bia a thil chin chang ka hrilh chuan an mangang leh hle tawh a ka haq vat tur thu hrilh in ka off nghal..bathroom atang a ka let leh chuan angai te bawk in alo la thu a


"I tha maw? " Thawveng hmel zet a alo tih nuih sun sun vang chuan chhan pawh chhang lo in ka bag chu ka ak tha sauh sauh a


"Hospital thleng rawk ka kalpui tawh bawk che a ka haw tawh ange" Tih leh in her ka rual a mahse a man scooty chahbi a la kawl tih ka hriat vangin ka in her leh a


"Kha i thinrim hmel em mai" ngeiawm zet a nuih suk pahin chahbi a rawn vawr a, lo dawng chat in scooty awm na lam pan chuan ka kal nghal "Lo in ngaihtuah rawh aw.. " a la ti hram!


Chutah Reubena te pahnih lo kal hlawk hlawk nen kan in tawk a, Johan-a thusawi ka ngaih bel tak vang nge Reubena chuan lai deuh hian min rawn en ni mai ten ka hria! Ka ngaihven zui chiam chuanglo


Kawng tlem in a reh tawh tho tiin muangchang chuan ka in khalh chhuak ve a,a tan erawh ka tang ngang mai chetsual hlau in mi fate ai a muang in ka tlan a kan in a hla em em chuanglo bawk a him dam chuan ka thleng ngei ang


"Kim scooty ka hawn aw.. " kawt ah Kimkimi ka bia a, phone ka dah chiah Aron alo thleng ve chiah a chutia kawr huh pheuh pheuh a ka awm chu mal ti hmel deuh hian min en a


"I van tlai ve..? " tih pahin helmet chu a la thla a


"Nia.. Kan thian pakhat a chesual a hospital ah kan hruai leh a lawm mawle nangpawh i van tlai ve" Ka ti veleh a, engvang a Johan leh a nau te pui ka ni tih sawi mai zawk lo nge maw ka nih le?


"Tluangpuii ka thlah a, ka rei deuh anih hi.. Vawiin chu a nuam maw? Tukin ah lah ka rawn thli thlai hma che in i chhuak daih sia duhsak na pawh ka hlan hman lo che a" a tih leh dap dap a


"Nia kan hmanhmawh deuh a, ti daih ila engtik nge mo te kan lawm ve ang ? " fiamthu ti tak deuh hian ka zawt a, nui hawk in a lu a thing mat mat


"Thla li nga chauh alawm kan la in zui, innei tur te chuan chiang tak a in hriat te, leh thil tam tak paltlang te ala ngai a lawm.. Inneih chu hmanhmawh loh tur damchhung a kan kawppui tur kan thlan na anih vangin ulukleh fimkhur tak a thlan angai a Tluangpuii ka sel lam nilo in dam chhung daih thil ah chuan hmanhmawh loh a tha zawk" a ti mai a a sawi dik ve tho


"Mahse i tar tan tawh sia" Ka tih chuan ka chal ah a rawn pen kawrh a


"A ho e chi ka la thlah theih tho te chuan" a ti a ka lo uak der vel, kan in ah reilote a rawn lut kawi a chumi zawh ah a haw chho chauh


Chaw ei lai in ka chhungte bul ah chuan thio awmdan kimchang ka hrilh vek a, Johan-a hming chu ka sawi lang ngei a mahse heta buaina rawn siam thin te an ni tih erawh ka sawilo hrim hrim zawh na dang a tam mai mai


Nu hmelthai te chhungkua an rawn leng thla a, college chungchang te chu min sawi pui bawrh bawrh a keipawh in min zawt nasa em a in thlahrung miah lo in vawiin ka hun hman dan chu chip chiar zet hian ka hrilh a thian thar Moses-a kan neih thu te nen lam


Ka pa te nen an ti ti lai chuan thingpui ka siam a, ka va pek lai Aron a awm ve loh vangin pawn ah ka va chhuak a phone a lo hmang a a aw atang chuan hlim tak a mi bia chu ani lo tawp mai


"Aron..? " Ka tih tak ah chuan rawn hawi in phone pawh a off nghal


"Umm.. " Ti ringawt in a rawn phei a a hmel chu a dur deuh khup mai, ani hi chu mi nelawm a mizia hre hmasa lo tan pawh a nel nghal mai theih chi kha ania,Vanrammuana nen pawh khan phir an ni chungin ka hriat hran tak atang phei chuan phir mah nise an danglam ve zia ka hmuthiam a an erawh an in ang thlawt ani


Vanrammuana a nelawm loh em em lai pawh khan Aron chu ka nel nghal mai a mizia in alo zir bawk nen,mahse tun a a hmel lan dan tak erawh a nelawm hran lo midang daih te pawh a ang rum rum zawk


"Ngati nge a diklo a awm ami? " alo thlen phei rual a ka tih chuan nui suk in lu a thing a


"Awm lo ang ani mai, Tluangpuii ania ka biak hawh lut il" a to zung zung a


"In in hau ani maw,ngati nge a? " ka tih chuan nui chung hian


"Nangmah mawle, ka ngaihsak lutuk che hi a thik thin a a buaithlak ania mahse ngahmah ngai suh a lungawi leh tawh kha" a ti mai a, kei ka rilru a nuam lo nghal vawng vawng


"A van inthlahrun awm ve!! " tiin ka then sak a, a ban pakhat a min lo kuah zawk in a ding tha leh nghal a


"A ho lutuk kan tha alawm, ka ngaihsak viau che hi farnu ang a ka en ah che nilo in ka duh che vang emaw a tia,a ho tak tak ani!! ka ngaihsak chhan che Amon tih ka sawi zing em a a awih lo leh thut thin aniang, mahse kan sawifel tawh engmah in thlahrun na tur a awm lo aw.. Nang te chu ka naute ka farnu ve liau liau kha i nia lawm" tiin ka biang ah chuan a piai vak a


"A naaa!.. " tiin ka lo bengal hrep


"Lut ila.. Ka thingpui tur te kha an lo in leh daih ange" tiin kan in zui lut a


★


"Awi ka thi dawn!! " College kal tur a insiam pahin kitchen sitting room a ka awm chu Kimkimi couch ah rawn tlu lut tawp! a cher nen hian a hah hma thei ania aw


"Scooty ka kaal daih sia" Helai thleng te chu bus pawn rawn kal mai tur a lawm ka lo ti a a sam in a hmai a khuh ti tih vek chu hui kiang in


"Bus a kal law law turin a tawi tham sia, hah hman ka in ringlo mawle.. Kal pahin David nen kan in bia a" a ti thaw hlawi hlawi a


"Hepa hi enge nangmah ngawt a biak che a! Keipawh in ka ngai ve tho a a rawn haw hun chu a chak lo ang chu aw" Ka ti nghal buan buan a kil khat atang in ka pa alo nui kurh kurh


"E chuan nizan ami te kha engtin nge an awm tak? " a ti a mahse kal pah in kan sawi dawn nia ka tih tak ah chuan a bu nghat a


Ka in ei puar hnu ah muangchang in kan chhuak a, nizan a Johan-a thian ka sawi awmzia chu a nay ten an thlah khan a ṭih ruk zia a sawi a mahse, in an thlen dawn lam ah erawh an fel zia leh keimah Johan-a bul a ka kal vang a min ngaihtuah lo turin an lo hrilh ve thlap ati a


"A na kha an thui dawn a, keichu ka haw daih an that ka ring doctor khan a ngaihtuah awm lo ati hrim hrim a" Ka ti a engmah chu min zawt zui leh tawhlo


College kan thlen chuan Tetea leh Moses-a te pawh an lo awm leh tawh a higher kal lai atangin Tetea hi chu a hma thei thin hrim hrim, kan pali te chuan class neih hma kan awm ho leh a Moses-a chu keini ai kum khat chauhin a upa bawk a kan rualpui kawm hmiah hmiah


"Aw sawi sa e,Sawmkima kha kan khawih rawn a, a thih phah mai thei,tih hlauh a han vau vel chauh kha ania kan tum,mahse a mah kha alo pawr lutuk a kan khawih rawn anihkha.. " College building lam pan a kan kal ho lai chuan ka beng verh deuh thu ka hria a ka han ding leh deuh rih


"In sawi sa maw? I pate-a chuan an ngaidam emaw ka tia? " Mipa pa ruk vel zet hi an thu khawm a


"Ngaidam e, mahse an khawih ber ka cousin kha a lungawi silo a lawm" Pakhat chuan alo ti veleh, ding meuh a ka en vang chuan pakhat a lo hawi a


"Mamawh i nei ami? " A rawn ti a ka hawi a hman tep, lu ka thing nghal vat a min ngaihsak zui lem lo..Kimkimi chuan min lo pan leh a a piah deuh ah Tetea leh Moses-a ten min lo nghak bawk


"Enge a..? " Tiin min rawn kai a, engmah anihloh thu in ka lo chhang a Tetea te awm na lam ah kan in zui phei nghal a, ka rilru chuan 'khami te kha ani maw nizan a Sawmkima lo hliam tu te ' ka ti nghal niah niah

★

"Arin.. Tlai chu haw hma lo la inkhel en ho ag u" Tetea'n tlai ban haw dawn tawh ah chuan a tia


"Eng inkhel maw? " Ka lo ti deuh hû


"Kan veng leh Ramhlun an inkhel dawn a lawm, tan ana sia in veng nilo mahse a au phur tur ah pawh lo kal ve la Kimkimi chi a hman sa tawh a" A ti zung zung a


"Nia Arin, kal ve rawh kan pali a chhuah ho vawikhat na tur ani pah a lawm, i chhungten an rem ti angem? an phal chuan thlah pawh ka thlah haw mai ang che" Moses-a chuan alo ti ve bawk


"Awi inkhel lam chu ka hre ve vak bawk silo a, au phur tur phei chuan ka lak tlak lo e" tiin chhuanlam te chu ka han siam ve bawk a, mahse min hnial na tur an 6hre zel bawk sia a tawp ah chuan ka nu te ka call ta nge nge a an ni lah chuan an lo phal ve mai Kimkimi tel ve dawn vang pawh ani mahna


Tichuan haw lo in inkhelh na hmun pan tlang tur chuan rilru kan siam a, Kimkimi chuan enge maw a hriat ni Moses-a bul ah chuang ve thung rawh a ti tlat a, ka hreh thlu ngang mai! A mah te chu ka ngei lek lek ani a chhan ka zawh lah in Tetea nen thil ei tur leikawi ah an tangkai dawn zawk vang ati ringawt


"A buaithlak hleinem an kal chhungin kan lo va thleng hmasa daih dawn nia" seat hnung ben thak thak pah a a tih ve tak si ah chuan nuam lo ti deuh in ka chuang a, Moses-a bul a chuan ka hreh ngawr ngawr lam pawh ani bik lo Tetea bul pawh ni se ka hreh tho ang


"Sawtah khan ei tur an zuar tui a sin, inkhel en pah a ei a tan ngat phei chuan cial tawp ani mai, lo va tlan hmasa ila an lo va thlen hmasak bik thawt thawt ten" Kimkimi chuan ati a


"Anihchuan tlan vat ila an rual a thleng hman turin" Tetea'n alo ti ve bawk, an tlan hmasa a keini muang mar in kan tlan


Tlan chhungin Moses-a nen chuan kan in be miahlo a, nilo ka be hreh ani tawp mai, pali a kan awm leh pahnih boruak chu a dang bik lutuk! ani pawh a ngawi reng a awm khawm na lo ah chuan a tawng vak vak bik lo aniang, scooty nilo in bike a khalh bawk sia Aron ang a han kuah tawp anuam silo a ka chuang dik thei mang lo


Chanmari traffic point kan thlen chuan a lo jam deuh vangin kan tawlh leh ang lek lek ani leh tawh, Kimkimi te ka call a kan hnung mai ah an awm atia ka hawi let zawk a ka va hmu mai lo a mah chuan min rawn hmuh theih thu a sawi a an awm hla lo tih chu a hriat mai


"Kan chhuak tep ang a jam nasa tawhlo hmalam saw" Moses-a chuan phone ka off laiin a lo ti a


"Um a that hlauh chu" Ka lo ti leh ringawt, chutah kan hawi kual ve e ka tia ka beisei loh lutuk in lehlam dawr pakhat hma ah chuan Johan leh Reubena te Benjamina te an lo thu a chutia mi dawr hma a tlangval thiau han thut tawp mai chu ka ti rilru nauh nauh

IMG_735378282.jpg
IMG_735378282.jpg (32.6 KiB) Viewed 4248 times


Kawr dum plain a nghawng bial vest ni awm deuh a ban awm lo nak thleng vel a a ban sir zau a ha a,a ngai te bawk in beanie a khum leh bawk, hawi sawn ka tum chiah chu Reubena a be lai a rawn hawi fuh a, tih bai awm zet hian min rawn nuih nghal suk a hmun dang ka hawi nghal daih na chungin min la rawn en reng em tih chu ka mit sir reng tho


Chutah horn a ri deuh tuarh a ka lo phu nasa lutuk Moses-a pawh a nui hawk, horn ti ri tu kan piah a awm va en kher ka tum chu Johan-a kan lam pan a alo kal ka hmu thut a motor tawt kar ah chuan a rawn in zep phei a,a tlan hma tur thenkhat in an su ang tih pawh ngaihtuah hmel pu lek lo a nui chung hian kan awm na lam a rawn pan zel!


"Ilo in ngaihtuah tawh em? " nui sang hian min ti a, mahse a nuih hian ka hlau zawk e a, Moses-a a rawn hawi a tawng erawh a tawng lem lo


"Ka duhlo ka tih kha" ti a ka lo chhan chuan a thaw hak a a lukhum chhan ah a lu a hiat nauh nauh a chutah thutak hmel zawk hian min en a


"Mi rilru tih nat sak hi a tha lo a sin..Reubena chauh nilo in keipawh ka rilru a na dawn ania.. Chupawh nangmah vangin" Zak theilo ka ti lek lek mai, bak ah chutia kawngpui traffic jam na lai ber kher a min rawn be tlawng chu ka zak, nilo lo in min lo ngai ang tih ka hlau


"Kalsawn rawh mi in nilo lo in min ngai a nge zu rim i nam si" Kan ti tel hram a, kei mi thil zep tit tet thiamlo chuan ka sawi leh ta phawng mai, mahse dawt pawh ka sawilo a zu rim pawh hrelo mahila a mitmeng phelh phung atang hian a ruih tur zia a hriat theih vek tho


"Petrol rim I hre zawk aniang" A la ti ve zui, petrol leh zu rim te a danglam nen hre hrang lo tur ah min ngai aniang, kan tawlh hret pawhin kan zawn ah zel a rawn ding a motor thawm bengchheng kar ah awm lo ila chuan mi min sawi sep sep na ka hre teuh tawhin ka ring


"Aw engpawh nise kal tawh rawh, motor te hian an chil mai tur che a sin" ka tih chuan a bu ve nghat nghat a


"I tla hlauh ange.. " Tih pahin ka kut te chu a la rawn vuan ta deuh deuh! Hepa hi ka ṭih dawn lek lek mai a ngam pa si! Moses-a kawng ah chuan min kuah tir ngawt a a thil tih dan chuan min thawng lutuk a lo hauh na chang pawh ka hrelo


"Ti khan kuah la, him deuhin i thleng mai ang" Tha te te chuan a ti leh si a Moses-a phei chuan engmah a la sawi lo a thawng ve tho aniang "Tun bak chu mi rilru tih nat sak tawhloh tur..ho te a I ngaih ah pawh mi rilru nasa takin I hliam thei ania" tiin a hma a an lo thut tawh na ah chuan a va let a a thu a, Moses-a min kuah tie na pawh ka thlah lehnghal


Reubena nen an in bia ka ngaih bel leh tawh vang nge ka hrelo Reubena chu a rawn hawi zawk a,hnuai lam bih in a kun ta daih, Johan vang vek ani ka in thiamlo thar ta tlat! mahse ka duhlo miau sia beisei na chhete pawh neih tir loh law law ka duh zawk ani, jam atang chuan kan tlan chhuak ta a mahse Johan thusawi ngawt chuan min luah zo tawh! Mi rilru tih nat hi khawvel a thil nuam lo ber ber te zing ami ani hahdam a awm hi a ti har ngawih ngawih


"I hmelhriat nge i thian? " Moses-a chuan ati ve ta chauh a


"A engmah kha.,kan veng ah ka hmu thin a" a ngaih kawih ka hlauh vang in ka ti ve vat,engmah min zawh chhunzawm tawh lo..in khelh na tur hmun kan thleng a en tu tur pawh an tam mur mur khawp mai, reilote ah kimkimi te pahnih pawh an lo thleng a


Kimkimi chuan Johan-a min lo bia vel kha a rawn hmu ve aniang min zawt nghal char char a keiin nilo pui pui ka hrilh thung, tichuan inkhel te chu kan en ve a, ngai na lo na na na chuan a goal tih bak hriat vak ka nei lo a han au a han tan chiam dan pawh ka hrelo, bak ah Johan vang khan tun thleng in ka rilru a la nuam lo


Moses-a leh Tetea erawh an veng inkhel ani bawk a an au nasa ngang mai,Kimkimi lah chu a in tui tuah nasa bawk a inkhel en lo in ei tur a lo vai hma deuh tawp, first half a zo a second half an tan leh deuh chiah tih in Aron an min rawn call


"Aw Aron..hei ka thiante nen in khel kan en ve a" Aron chuan khua a thim ti tih tawh nen min rawn ngaihven leh tawh


"Um anihchu a awmzia pawh i hre ve dawn a mawn le? A rawn ti deuh kher a, min hmu lo mahse ka ner deuh sak " a zo dawn tawh em? Ka lo lam dawn che ami? " a ti a


"A ngailo mai, Kimkimi ka rawn in thlah tir mai ang min lo ngaihtuah suh aw an zo tep tawh" Ka ti a phone ka dah zo chiah mipui chu rapthlak khawp a nasa in an au a Tetea leh Moses-a pawh an zuang tawr tawr mai, an veng lam in an ti goal lek alo ni

★

"A nawm zia kha!! " scooty dah na kan pan laiin Tetea leh Moses-a chuan an ti a, an veng an chak bawk a an hlim khawp mai, tlan chhuah hma in kan din na piah chiah a dawr ah chak lawm nan Moses-a'n in tur kan pathum in min khilai a


"Kim min thlah haw ang che" helmet a khum lai lai in ka ti a Moses-a bul a chuan chu ka duh tawhlo a tawng duh silo


"I thu ber a lawm" tiin kan in phur chhuak a, Moses-a te in a hnaih ber vangin a ni a thleng hmasa ber a chanmari ah Tetea te in kawt ah kan ding zuai


"Kha hei.. " Tetea chuan lehkhabu Kimkimi mamawh a rawn pe leh a kan tlan chhuak dawn chiah Johan chu an in atangin a mah te chuan a rawn chhuak a a hnung ah a pa in a rawn zui bawk


"Ehe!! Lukham nen rizai nen khawi ah nge a kal dawn a? " Kimkimi chauh nilo keipawn mak ka ti, lukham a kut veilam in a keng a dinglam ah rizai a in suit that hmel deuh chu awmze neilo nuaih in a pawm khawm bawk, a hmel lah chu a hmuh hmasak a piang that duh hmel a pu


"I rizai leh lukham em em kha chu hralh lo teh!! he mihring hi chu aw engtin nge ka tih dawn ni.. Home ah te hian dah mai ka duh tawh! " a fapa kal ngut ngit thlie zui pah chuan a ti chiam a


"Lalhruaizel kha kha i hralh leh anihchuan hre rawh, chhuat ah i mu tawh ang" Johan-a kal tawh chu au in a ti zui lang lang a a nupui ni awm tak chu lo chhuak in zawi te hian a rawn bia a an in zui lut ta


"Hmanhmawh ang" Kimkimi chuan a ti a a tlan chhuak thut bawk nen hnunglam ah ka er nghal dawrh


"Enge a??!! " Ka tla teuh lutuk chuan vin zet hian ka ti a


"Aw khapa kha ka zui lawk dawn, engatan chiah nge atih en ka duh" A ti mauh mai, chhungte ngaih ti tha lo rual kan la ni tih a theihnghilh ani ngei ang


"A pa sawi ang deuh khan a hralh anga ruih nan a hmang dawn niang" Ka tih lai mek in a ding thut a "enge..? " Ka ti leh vak a a en na lam min kawh hmuh ka va en ve chuan


Kawng mi kal rem tawh na lai a in leh lo nei lo ni awm tak l parcel phah chung a lo mu chu Johan chuan a thil ken pahnih chu kham tir in alo sin tir bawk a, rilru a van khawih reuh em! ruih nan a hralh tur ah ka lo ngai a mahse midang tanpui nan alo hmang lek a nih saw


"Zanin ah tihian kawl la, naktuk ah chuan i duh duh dan in i ti dawn nia, i duh leh hralh la i ta ania i thu thu ani tawh" Tiin a la hrilh zui! Scooty atang a chhuk meuh in ka en a chu a thil pek pa chu a lawm thlu ngang ani a tap hial in ka hria, Johan chuan a wallet pawh nilo a lawng a pawisa a ah chu la chhuak in a vai chuan a
pe a dawr in hawng pakhat a kawh hmuh bawk


"Va tlan nal nal rawh.. I pum ri nasa lutuk kha a bengchheng" a ti a chupa pawh chu a tlan nghal vat


Chutah hmalam panin a kal dawn emaw ka tia a rawn hawi thut mai! Scooty atangin ka lo chhuk khanglang tawh si min rawn hmu chiang mai sia! Engmah erawh a rawn sawi lo min hmu a engtin a awm lo a hmel lan dan a ngai reng a tlem te chuan min haw hmel a pu deuh..a kal tlang mai, vawiin a a thian leh a nau Reubena ka hnawl vang khan min ngei aniang


Tichuan Kimkimi nen tluang deuhin in kan thleng a ani pawh a khawmuang tawhlo an in lam panin a chhuak lehnghal, ka pa chuan inkhel en chungchang a min zawh ho chhan dan ka hriat leh siloh vangin ka chaw ei lai min nuih ngat ngat!


Ka hman vek vawk ah ka mu nghal daih a ka mutchhuak em em pawh anilo ka chau ve tawp keimah hi, tukverh hawng in thlifim lo lut chu am takin ka lo dawng a, mutchhuak em em silo mut zawi vang a lo chhing ve sek ka nih vangin reilote ah ka harh a sana ka en chuan dar 10 vel ani


Tui in in ka tho chhuak a, ka mu leh tur in kan compound hung na lawn liam Johan leh a nau te pahnih ka hmu, chupawh tukverh ka la hawn vangin, kan compound hung na hi a sang lo hrim hrim bawk nen, chutia ka lo en reng chu ka room zawn an rawn pan! An kal pai nasa mai si khum ah ka thu a tukverh khar na chang ka hre tawhlo! rizai chuan ka hmai lai chauh lang In ka in tuam tawp


"Hey.. Ih maw" Tukverh ah chuan a rawn dak ta ngei! Ka hlau lutuk chu ka khur beuh beuh, a meng atang chuan a rui hle ani tih a hriat theih a tawng lah chu a ruih lutuk vang nge a buh khawp mai


"Reubena i hnawl a" Peihlo aw tak hian thle bawk bawk chungin a ti a


"Kalbo rawh.. " Ka lo ti zawi sap a, tan erawh ka tang hle thung ka tawng zawih chhan chu ka nu ten an hriat ka hlauh vang ani


"Aw ka kal dawn a lawm, thil pakhat.." Tiin tukverh tlang a rawn bawh deuh a


"Reubena'n a duh che a mahse ilo hnawl sia, kei in duh ve ta che ila min hnawl ve tho angem?" muang fan raih hian a ti a, a ruih vang mai mai sawi ani

[Ngaia]

Picture hnuai atangin zawm na aw...


CHAPTER-8


"I rui hle mai,i harh fim lo a I ruih vang vek anihkha khatiang te i sawi..khua a lo var hun ah chuan i thusawi zawh chiah pawh kha i hre tawhlo ang" Ka tih chuan a ding ngil hluai a


"Naaaa, rui e harh fim lai sawi tur ka nei manglo" thawm dim lo zet a a tawng pawng pawng ah chuan ka melh nghek


"Anih te hlei hlei chuan kalsawn rawh, ka pa te an lo kal vaih chuan" Ka ti a,a hma a hlauhawm deuh khan min melh chungin a nui leh suk suk tawh


"Ka fiamthu vek anihkha theihnghilh rawh" tiin a ding ngil at a a piah daih a awm Reubena te chu a va melh zawk a chutah rui nawi deuh rui silo ang a lan tum hmel tak hian a rawn awm a "Reubena chu duh mai la,i duh chuan a mah chauh nilo in kei ni pawn kan duat viau ang che" a la ti tang tang


"Ka duhlo, kalsawn rawh" Ka tih chuan rum zet hian min en a


"Ngati nge? Damdawi te zu te a ruih thin vang ami? a rui nawi ngailo ania.. " a ti a, a mah ngei pawh a rui nawi lek lek ania chutiang thu sawi tur anilo hrim hrim


"Chutiang vang ringawt anilo, hrethiam teh in nawr luih na chi pawh anilo ania! " Ka tih chuan a bu ta nghat nghat a mahse a hmel awmdan a thlak danglam erawh chuan a lu bu nghat mahse ka thusawi te min pawm sak dawn lo tih ka hrethiam nghal


Ka rap em vang chuan tukverh lam ah ka tawlh phei a, ka khar nghal hmak a Reubena leh Benjamina an lo lang ve nghal zat "Mam kal mai ang.." Reubena chuan a ti a min rawn en zauh bawk, tukverh khar tawh mahila kan in hnaih em vangin an thusawi ka hre chiang lutuk tho


"Kal ang.. " a ti a an rawn lawn liam na ah bawk an phei a chutah kal pahin " Van a duai chuang e hring chan chhung in.. " tih an la sa rat rat zui, hahthlak hian a!

★

"I van buai awm ve a? "Ka zing tho pawn a ka zi mar vel in Inchung veranda a furniture lo ti fai mawlh mawlh tu ka hmuh nu hmelthai chu ka han au a


" E aw I tho tawh maw, buai lo e hei vawiin chu Bawiha room kan tifai thar leh ange ka tia zing zing atangin ka tan anih hi.. " a rawn tih chuan ka lungleng nghal vawng vawng mai!


Ka ngaih lutuk thin vangin leh ka tah fo vang hian a room takngial pawh ka lut tha ngam tawhlo a, engtia rei nge ka luh tawhloh ni? Lut dawn ila a lo awm beisei na ka nei nghal zel a, lut ila alo awm ngai silo ka ngai zual a ka tah phah fo vang hian Aron pawhin luh zen zen a phal lo bawk


Awm tawh lo mahse a dam lai ang mai khan anu khian a enkawl sak reng a,a khum phah te pawh a khat tawkin a thlak sak thin la awm ve ang maiin kan la ngai ani e, ani kha zawng awlsam tak a theihnghilh atan chuan a tha mah mah ani


"Hman ila ka pui ve duh che em mai" Ka tih chuan a nhi suk a


"A leh pek ah min pui dawn nia,tih tur pawh a tam lo hei hman ni lawk khan ka khawih lawk nual tawh a" a ti aa, min sawm lo zawk mah nise ka in thlahrung hnuhnawh


Ka luh hma deuh chuan thenawm u Ramtea te chhung chu zin chhuak tur ni awm tak hian an in pu chhuak a, inchung lam atangin nu Hmelthai chuan khawi ah nge an kal dawn te alo zawt a, an chhungin u Ramtea pa unau fa te inneih na hmang turin an zin dawn thu an sawi a an phur hmel hlawm khawp mai


College kal turin ka in tin tuah tan a,chaw te kan ei fel a ka in peih at rualin kimkimi pawh alo thleng "Vawiin chu Ka tlai tawp, i hman chuan kal nghal ila" a ti a, lo busy nghat in kan in zui chhuak nghal a


"Enteh Arin, nizan ami kha ka rilru ah a awm reng anih chu! a lan dan nilo lutuk a a che khan min khawih tawp a, Tetea sawi dan te ka ngaihtuah a khatiang a midang a tanpui leh tho si te kha mut hmun ah ka ngaihtuah a maw rilru hi khawih riau a sin! " a tih chuan ka nui tawi tap a


"Nia a lan dan ang ngawt chu anilo anihkha, mahse keichu ka ngainat phah lo.. Diktak chuan sawichhuak lo la maw khapa khan a thianpa, oh ka tih ziah chu a! A cousin kha min tih pui a tum a ka duh silo a hreawm ka ti zawk a mah lah khan duh turin min beisei mai sia engtia han hnawl chi nge ka hre tawhlo" ka ti hap a


"Ui rapthlak ve!! Duh miah suh..sual over nilo mahsela a theihloh sir Amon a khawngaih thlak dawn lutuk! " a ti a keipawh in chu chiah chu Reubena ka hnawl chhan kha ani


Vanrammuana min kalsan na hun tam liam tawh mahse midang ka nun a seng luh tum na ka neilo hrim hrim! Ngaihtuah pawh ka duhlo zawk, bak ah ka hun liam tawh thil rapthlak tak ka tawng tawh a ka in rintawk ve na tam tak chu ka naupan lai a min lo sual thin tu vangin ka hlauh tawh a Vanrammuana boral na vangin tam tak ka hlauh tawh bawk


Mipa ka hun kal tawh engkim hre chung a min pawm thei hi an awm pawh ka ring tawhlo hial zawk, ka hun kal tawh hrelo tan chuan ni e ka la duh tlak hmel a lawm ka pawn lam lan dan ah engmah diklo a awm lo keima tawk ah chuan ka tha ve tho mahse,ka chhungril leh taksa ka rilru thleng a ser lian tak awm te hi min toh reh sak hmak thei tu an nihloh chuan ka ring ngam in ka ring lo Vanrammuana ani te anihloh chuan


"Enteh e.. Lo rai hman la tiraw? rai la chuan naute vangin sir Amon I ngaih te pawh zia ve deuh anga" A tih chuan ka hnuk a ti ulh dawn dawn mai! ni e keipawn a ruk chuan hetiang chiah hian duhthu ka sam nasa ve thin a lawm mahse duhthusam diktak ani!


College chu a nikhat na ani tawhlo bawk a kum khat zen zawn kal tawh ang maiin kan awm tawh, a ngai te bawkin Moses-a leh Tetea te chuan min lo thlen khalh tawh "Kim lo tlan teh hrilh tur che ka nei ania" Tetea chuan pawimawh hmel deuh hian alo hui a kimkimi pawh a kal chak nghal ngang mai


"Enge a? " tiin a bul ah a thu nghal thak a Moses-a bul ah ka thu ve thung


"Ih maw nizan ah U Johan te kha an in kawt ah an insual a, a pa in a beng mawle!" a tir in ka ngaihsak viau lo na chu Johan a pa in a beng a tih tak ah chuan ka hawi nghal hrû


"Ngati nge chu chu? a pawimawh hmel nen nen" a ti a a rin ang em em a pawimawh ani leh silo anih hmel a zawh let kher dan ah


"Aw I star ani lawm ni? Duhsak in ka hrilh che anihchu" Tetea chuan nui hawk hawk chungin a ti a kimkimi ngaihdan anilo nasa mai a ban ah a ben sak vak vak a Moses-a nen kan lo nui tiah tiah


Class te kan tan mawp mawp a, mak deuh maiin Johan apa in a beng lai tur chu ka mitthla ah hian a rawn lang leh nawlh zel a, ka lo ngaihtuah zui leh vung vung thin, eng vang a beng nge ni ang? Tetea sawi dan kha chuan an in bul ah an insual atia a pa a tel awm silo, nge ni a thelh an tum na lam ah a beng ta zawk ni ang?


"Thil ngaihtuah nasa thin suh i at hmel thei em mai" kimkimi lo ti ah chuan ka phu deuh zawk


"A nuam ve a lawm,vawiin chu ban hma ka chak tlat anih chu" Ka ti a class laiin kan nui kan nui mai

★

"Zanin chu chhuah lawk ka ngai a ka reilo ang" Ka pa chuan ati a ka lo um e liam vel mai mai, ka TV en lai ka tui deuh vangin ani pawhin ka nu zawk a bia a


Ka. Pa chhuah hnu lawk ah kawngka in hawng atangin Aron leng chhuak tur ni awm tak ka hmu a ka au lem lo U Tluangpuii te in ah bak a leng awm lo em mai, ka film en a zawh chuan Zorina'n min ngaihven pahin a rawn call a rei vaklo kan inbiak hnu ah kan dah leh mai a


"Bawihte chu thenawm te in atang a thawm rawn chhuak a va ang ve, vawiin ah an zin chhuak bawk sia" Ka nu chuan ati a eng thawm mah ka hrelo keichuan


"Eng thawm? " Ka lo tih haw vangin couch a a mu zal chu a rawn thu chhuak a. a beng a chhi nghal hrû bawk


"Chu thenawm Ramtea te mawle.. " A ti a TV ka on bawk nen chutiang thawm awm pawh ka hrelo


"Ka hre ve pawhin ka in hrelo, kha i duhzawng en tawh rawh lehkhabu ka va bih ve zuai zuai ange" tiin remote ka pe a room ah ka luh san nghal


Room a ka awm rei chuan ka nu sawi tawh ang in zai thawm chu thenawm te in atang a lo chhuak ang maiin ka hre ve ta a, chutah an zin chhuak tih ka hre ran bawk nen misual an lut a ka ngaih vangin ka phone camera kam in tukverh ka hawng a eng mah ka hmu theilo mahse thawm chu ka hria! In chung sang ah daih ani


"Inchung te in ah ka han kal zuai teh ang" Tiin thenawm te inchung a thil awmdan hriat duh chuan ka chho a, nu Hmelthai bul ah chuan chhuanlam fahrah zet siam in ben-a chhaih pah bawk chuan tukverh bul ah ka va ding a an ni hian thawm an hrelo emaw ni?


"Tikhan lo awm rawh aw, room ah kan va tawngtai lawk ange" tiin an nupa chuan min luh san a chu vel ah tukverh ka nam tawl a thenawm te in ka en nak chuan Johan te thian ho lek ani lo awm ni, an nghal jlawm. Khawp mai mi in chung ah an awm vang mai ania


C. sanga hla van a duai chuang e tih nizan a an sak bawk chu an lo sa a, nilo an play a chu chu aw tial (rui aw) lek lek leh rilru nat hmel zet hian an lo zawm ve a, Sawmkima ala tello cheu, a la na viau aniang, Reubena ber chu rilru nat hmel deuh hian a in dawm kun a a mittui a hru der vel


* Mahse rinawm na biahthu kan tiam lai khan,
Lengdang min her san mai hi ka tuar zo lo
Engan khuanun hetiang leh tur a min lo duan le
Van a duai chuang e hring chan chhung in!! *


Reubena reaction vel chu khawngaih ai in nuih zat lam ah a kal daih, Johan erawh chu mood ruh lo hmel zet hian a awm a thil nasa deuh a ngaihtuah hmel a pu bawk, an awm na a eng viau lo na chungin a hmuh theih tawk vel ani


"He hla hi chuan MamJohan-a mood hi a thlak ve thin chiang a lawm" Benjamina tawng ah chuan kalsawn ka tum tawh pawh chu ka ding leh rih


"Nia..Sangsangi kha chu lo kir leh se chuan ka khawih duh ang mawle, MamJohan-a'n khati khawp khan a hmangaih a a tihsual ah pawh a la ngaidam zel thei a, chung hrelo ang hmak in tikhan a awm zui a! Tenawm hian a" Reubena chuan alo ti veleh


"ka bialnu chu nise ka zawng chhuak anga ka sawisa hrep ang" Benjamina bawk chuan a ti leh "Mama hi chu a rilru a tha leh lutuk a ngaidam miahlo ka chuan tiang khawp khan i na lo tur ania" a ti a chu lek chuan kei a ngaihtuah na alo khalh thui ve em em ringawt


Sangsangi chu Johan-a bialnu hlui ani tih na ania,a bum anga a tlanbo san te hi ani lo maw?


"in ho em mai, kum 2 a liam tawh sawi thar vak angailo" Johan ber chuan alo tih sak a, an mahni a ka lo buai ve em em ringawt chu tha ka tilo hnuhnawh a, bak ah in an rawk pawh anilo a Johan-a nizan a chet dan atangin mi in rawk duh a ka hriat theihloh vangin engman tumah hrilh lo ka haw thla ta zawk a, ka nu chu alo mu hnar thlawrh thlawrh mai a la hma ve reuh nen a


"Nu khum ah va in sawn rawh" tiin ka hrilh a, a mutchhuak over nge ni min hnial lo in dar 8 vel ah chuan a mu phei a Tv ka en veleh thung, chutia rei en pawh a ka thut that hma hauh chuan kawngka an rawn kik a hmanhmawh deuhin ka va hawng a le Johan alo ding run mai!


"Lawk.. " tiin kawngkhar ka khar lehnghal tur chu a rawn vuan bet a


"Eng ti turin nge in lo kal ve ngawt a? " Ka ti vin nghal hluk ringawt


"Reuben... " a ti dek dek chu


"Ka duhlo ka tih mawlh mawlh kha! kalbo rawh u " Ka lo tih sak hmak, a zu rim nat theih zia lah chu a!


"Awww, Tumtelek min ngaithla phawt la.. " nui aw deuh tak hian a rawn ti a "I duh ve tho ani lo maw nichin ah pawh inchung a kan awm lai min lo en reng kha" a la ti zui, ka en tih kha a lo hre reng ani maw


"A ruih thin vang a I duhloh chuan ka lo ruih tir tawhlo ang, a u ka nia ka sim tir anga chuan i duh thei tawh angem?" ngen ngawl zet hian a ti a ka thaw hawk ringawt


"Kal bo hram teh u..!! " ka tih chuan a thaw hawk a


"Mi rilru an ti na ngailo ania.." a tih chuan ka thin in a tuar tawhlo kawngka ka hawng zau a pawn ah chuan chhuak in ka nu kan tih harh loh nan kawngka ka khar phawt a


"Mi pakhat ka hmangaih a ani chu kumkhua a hmangaih ka tum bawk,ani lo chu mipa dang ka nun a seng luh ka tum lo" Chang bal hian ka ti a "i nau anih vangin a mi duhzawng te hnen ah nawr lui in duh ve turin i ti thei ngawt lo"


"Ok..ka ti lui tawhlo ang che,ka nawr chhan che pawh ka nau ka khawngaih vang ania sorry sorry" a ti ve leh mai bawk a, rui ani bawk a mumal lo khawp mai


"A ruih thin leh thin loh ah ka buai lo, ka duhlo tawp" Ka tih chuan meng phelh phung hian min en chungin a nui suk a


Chutah ka thusawi hrelo ang mai chuan a kut a la kang a ka biang a rawn dawn thut mai! Ka che dawt a a kut chu a la sawn lehnghal vat,min thawng deuh bawk nen chet mai nachang pawh ka hrelo


"Vanrammuana chu eng ang tak a mipa tha nge anih a Duatbik..? " Tiin ka mit ah tak chuan min en kal mai! tun lawk khan Vanrammuana hming ka sawi tello hrim hrim mahse, ani hian engtin nge a sawi chhuah mai theih?

IMG_202110319.jpg


"Engtin nge..Vanrammuana kha i sawi theih? " Ka ti a,ka dang te chu a awk lek lek mai! nui suk in ka biang a khawih na kut chu a en leh te te a


"Ngati nge ka hriat loh ang?" a ti ringawt a ka zawh na a la chhang fum fe lo "Chuan..a kalsan tawh hnu che pawhin a mah chauh chu i duh dawn tho tih na ami? " a rawn tih lek lek phei chuan mak tih vangin ka meng awk awk


"Mam..min la duh chuanglo ami? " Reubena gate pawn a lo awm in a tih chuan Johan chu za zet hian a nui chhuak a


Ka hmuh ve chin a nuih tak tak a a nuih vawikhat na ani awm e, a nui ngailo chu anilo a nui ve lai erawh chuan psychopath ang mai hian mi a melh pah bawk sia ka hlau thin tun phei chu an insual na ni awm takin a hmai a duk nasa a band aid lah a hmai ah a bel khat lo chauh emaw tih tur ani


"A duh ngang lo che anih hi.. " ti chungin keimah chu min en a


"Kal dawn..ka luak te chhuak" a ti a thinrim hmel fe hian Benjamina a pawt lawp a


" Thinlung a nei tawhlo.. tu emaw in a lak sak tawh" a ti a, zu rim a nam a mitmeng ah pawh a rui tih hriat vek mahse a rilru ngaihtuah na te hi a fim tha viau hian ka hre bawk si hepa hi a mak anih hi,misual lutuk ang maiin kan hre vek a, mahse a lan dan hi a nun zawng zawng a lo ni leh lo a


"Lawk in.. Engtin nge Vanrammuana i hriat? " a kal tur chu a kawr ah ka pawt a


"Ka ngaihven zawng anih vangin ka hre mai" a ti a kal ta nal nal, a thusawi dan atang chuan ka hum kal tawh alo chhui kir hrep ani thei angem? mahse chutiang ti deuh tur chuan ka ringlo a nun ho lam takin a hmang a a rui mai mai a chuti chung a mi nun ril tak lo va chhui chu ani ang tih atan chuan a awm lo deuh ani


Tu te nge lo leng kha..? " an kal na lam ka en vang vang laiin ka pa a rawn haw thut a ka phu nasa lutuk!


"Aaa... aaahhh college a kan senior te an nia thil pawimawh an rawn sawi lawk anihkha" Ka ti a, eng tihsual mah nei silo hian ka zam em em ringawt, ka pa dawt ka hrilh vang pawh ani mah na


"E anih chu hawh teh lut ila i nu amu tawh ami? " a ti zui zat a, in thiamlo deuh chuan ka zui lut a Johan te an ni tih sawi mai kha a harsa viau lo asin le

★

"Kim.. Tinge vawiin chu i van tlai ve? " tuk dang a college kan kal hun tawh ah pawh a rawn pan theihloh vangin ka call tawp a


"Arin.. Keimah Kimi nu, hei i thiannu hi nizan atangin a khuasik a thawh pawh a tho harh peihlo vawiin chu a college thei dawn lo anih hi" a rawn ti ta si tlai nen rilru mang nghal ruih


"Awi a van pawi ve aw! Lo dam thuai rawh se tlai ban ah ka lo tlawh kawi dawn nia" Tiin phone ka dah a, ka nu hnen ah chhuah pahin kimkimi dam loh thu leh tlai a ka tlawh kawi dawn vangin ka haw har deuh tur thu ka sawi sa a


"E kha i va tlai ve..? " Ka chhuah hnu daih a chhuak thin Aron pawh kal a tum tawh, a awmzia chu a tlai tawh hle tih na


"Aron, i hmanhmawh em? Min lo thlah please in! Kimkimi a dam lo bawk sia " Ka tih chuan helmet ken that pahin a a rawn chhuk thla hmawk hmawk a, a bike bul ah kan in zui phei nghal


"Chuang rawh.. " Ati a keipawh ka lawn kai ve nghal, ani alo awm hi chu mi vannei tak ka ni,unau ang mai a en theih khawp in a rilru a tha a ka lak ah chauh nilo milan lak ah pawh a theih ang tawkin that a chhuah a tumah hian a tha lo zawng a an sawi hlek pawh ka la hrelo


Thlamuang deuh a kan tlan lai chuan tu emaw in a rawn call aniang tlan muang deuh a "Arin earphone ka vuah sa a phone a ri earphone hi min lo vuah sak lawk mai" a ti a a jacket ip te zen in earphone chu ka phawrh a a beng ah ka vuah sak nghal


"Aw Tluangpui, ahhh hei Arini college kal tur ka thlah leh lawk a lo awm rawh ka lo lam ang che, awww! kan sawi sa tih ka hria a lawm hei a thiannu a kal dawn lo a bus chan chhungin a tlai hman dawn a sin" tlan pahin u Tluangpuii a bia a,nuam ka tilo thar ta riau mai in hruai turin an lo in hrilh sa ani awm sia


"Aron a rem lai ah sawn ding la, ka lo chhuk mai ang" Ka tih chuan hnunglam a rawn hawi zawk a hmalam a en lehnghal


"A ho lutuk ka thlah phawt ang che, Tluangpuii te chu nang ai a hmanhmawh thlak loh daih zawk" a ti mai a, mahse a hma pawh a keimah vang a lungawi lo in u Tluangpuii nen an in hau tawh sia a nuam viau lo ka tan chuan


"In in hauh phah leh ange!! " Ka tih chuan a nui nghawr dat a


"A ho em mai, ka naute duat i nia a hre ve vek a lawm naupang chhia pawh ni tawhlo chuan a hrethiam em em ang" a ti liam mai a din pawh chu a tum chuanglo, keipawn tih din ka tum hran tawh lo buai nuaih a college pan ai chuan


College kan thleng a,keimah zawk chuan tlan lehnghal turin ka ti a ka awm a nuam chiahlo ani ber, a ni pawh min hnial lo in tlan lehnghal tur chuan a in her a, haw dawn ah haw na tur a ka buai chuan call turin in min ti a lo busy ve nghat in a tlan liam chu ma thlir zui a


"E khawi ah nge kimkimi" Tetea leh Moses-a te chu an lo chhuak a, a dam loh thu vel in hrilh in class lam kan pan a, class kan la lehnghal mawp mawp


Tum loh deuhin nizan a Johan-a'n Vanrammuana a rawn sawi chhuah lai tak kha ka ngaihtuah chhuak a, mak ka ti thar leh, A hming pum nen lam a sawi a a kalsan tawh che a la ti zui, min lo chhui ru tak tak emaw ni le?


"Arin.. " Class ka chhuahsan chiah Tetea leh Moses-a te an rawn lang nghal a "Tlai ah chuan i rual in kan lo kal ve ang, Kimkimi kan na ah" an ti a ka lo bu ve nghat


Kimkimi a awm lo a an ni mipa pahnih ngawt han lawm chu ka huphurh ru viau mai a mahse, ka huphurh ang em em chuan ka awm leh lo, tichuan class te kan lak nilen hnu in tlai ban ah chuan kimkimi te in lam ah kan in phur chhuak hlawm a


Kan va thleng chu alo la mu ngaih mai, a dâng vek a ka khawngaih reuh lutuk a harh tho a a thu peihlo zawk ani, nimin lam pawhin a tha viau a chuti khawp a zankhat thil thu a a awm ngawt chu rilru anuam vaklo


A ei chak tur ang Moses-a lei chu a bul ah kan dah ruih a, a nu lah chuan vawiin ah pawh doctor in a rawn check a engmah damloh chhan sawi tur a neilo a time e a tia, natna hran pa em em sawi tur a awm loh vangin hospital pawh an pan kher lo an lo ni


Khua a thim ti tih thleng kan awm hnu chuan haq turin an in kan chhuahsan a, Scooty ka nei silo haw na turin taxi ka hman mai angai tawh, Tetea emaw Moses-a ni se kan haw na tur a in pelh sawlh si a in thlah tir a nuam tawh silo


"Arin lo chuang la kan va thlah ang che" an ti a mahse lu ka lo thing vat, lawm awm viau mahse a in thlahrun awm em mai khua te zawng la eng se chuan ka hnar tawp nang


"A ngailo kal pahin ka u ka'n phone ange" Ka ti a mahse an hmel ah chuan min ngaihtuah tih ka hmu thei "kal ru ka ngaihtuah awm lo, reilote ah a lo thleng mai ang" Ka ti a ka nawr tak tlat vangin min ngaihtuah hmel tak si chuan an tlan haw a, Aron chu kal pahin ka call ve nghal


"Hello Aron min lo hruai hman leh mai em?" ka ti nghal zung zung a mahse hmeichhe aw thian kharh ka hriat tak ah chuan ka ngaithla ta reng a


"Keimah Tluangpuii Aron nen dinner kan ei chhuak a " a rawn ti deuh hmuk a, a sawi dan hmang atang chuan Aron min hruai tur a rawn kal chu a phal vaklo ni in a hriat


"E awle.. " Ka ti a ka dah ve nghal, tlem chuan ka ngei ve deuh a tawng dan kal hmang aw phawi zawng zawng kha ka hrethiam ve vek sia


"Keimah pawhin ka haw ve thei em mai" Ti lang lang in kan veng lam ka pan a ka kal peih tawhloh chin ah taxi remchang ah ka chuang ve chauh


Kan veng peng ah din tir in ke in ka kal hnak hnak a, kawng pakhat ka thleng chu eng emaw ka hriatchhuah vangin ka ding a ka hawi kual vel, ka lung a leng thar a Vanrammuana bawk ani ka ngaih ni


Tum dang ah pawh kal tlang fo mahila ke tak hian ka kal pelh ngai mangal loh vang aniang tun ang hian ma rilru a ti thar ngailo,a hma khan tun a ka din na hmun ah tak hian ice cream in a mah pawisa dil a lo tibuai tu zu rui pahnih an hmai a ice cream bei thlawp khawp a vawm in ka lo chhan ve tawh anihkha


"I ngaihawm em mai Vanrammuan" ti sap in thawk ka la kawk a ka kal lehron tur chiah chu veilam mi garage deuh reuh thim lai ah chuan tawng ser ser thawm ka hria a, hlau deuh chung a phone flashlight a ka'n en chu ka thil hmuh chuan min thawng ngang mai Johan te thian ho bawk


"Heihh Tunge a? Kalsawn rawh a thim lai chuh na na na!! " pawr zet hian Benjamina chuan alo ti, chilam ka ngaihven lo min thawng tu zawk chu Johan lo in chiu mek chu ani


Damdawi an ti thin tih chu ka hria mahse a tak a an ti lai te chiang fek fawk a hmuh chuan a danglam thlawt, ka sawifiah thiam lo min thawng ani tawp mai! a ban ah hriau a vit lut a nuam tih hmel lutuk hian van lam ah a dak a a khi suk zui


"Eheee ka star nu.." ti a Reubena rawn ding chhuak ah chuan ka tawlh dawt a Johan pawh muangchang in a rawn hawi a a hawi sawn leh nghal hmak,phone flashlight chuan ka la en reng tho Sawmkima pawh a awm tawh a chal kak lai tak an la bel a an zai na vel a la dam chiang lo aniang


Ka star nu lo awm ve la.. " Ti a Reubena che hrut ah chuan rang lutuk in ka tlan nghal, mak deuhin khatia ka hmuh tak ah khan ka hlau thut! thui pawh ka tlan lo ka thaw a rawh hah a tlan luih na chi ani tawhlo kawng sir ah chuan ka thu tawp


"Inhaler..! " tiin ka bag ka zen a ka tha te a khur tan! ka dap fuh mai lo te chu ka tap tep ani, a tawp ah chuan ka hum fuh a la chhuak in hmanhmawh tak chuan ka hip nghal mawlh mawlh


Pangngai tak a awm nan hun ka duh si nen kawng sir ah chuan ka zia awm hun nghak in ka thu reng a,mi kawng kal te chuan min en zui ang vung vung a, khaw lo deuh tur ah min ngai pawh ani mahna


Ka zia awm ni a ka hriat veleh ka kal lehnghal a gate Aron lo tei chhen ka hmuh chuan Kimkimi te in atang a kan in thleng tur a ka thang rei tawk zia ka hre chiah, ka kal hnai zel a chutah min rawn hmu chu chak tawkin a rawn kal phei ve nghal a


"I tha em? Tinge I va rei ve a ka ngaihtuah lutuk che a lawm min rawn call silo a I haw tlai tho sia.. " a ti a, rilru hah hmel tak hian ka chhip atang a ke ler thleng in pem leh hliam ka nei em tih a en chhuak dap a


"Aron, chi ai suh ka tha a lawm ka rawn call a..ah nilo ka rawn call dawn a mahse mahni a rawn haw ve hrim hrim kha ka duh zawk a chuvang mawle, Kimkimi ka rawn kan kawi leh bawk sia ka rei vek a lawm" sak deuh talh chuan ka ti a


"Um,a nih leh i thawhah a chhuak em? i tawng chhuak hi a va diklo ve" a ti leh a, ka bu nghat min buaipui nasa bawk a ka awmdan a chiang tawh thin bawk nen ka zep buai peih ta lo


"Chhuak deuh a mahse inhaler ka pai reng thin a ka tha lutuk engtin vak ka awm hman lo" ka ti a mahse a ngaih ka tih that phah teh chiam lo a nih hmel


"Hospital ah kan va tlan zuai dawn ami? " a tih chuan lu ka lo thing rang ngei mai, kan han in tur deuh at at na in kal ta lo chuan in chhung ka thleng ve thei hram, ka pa ten chaw an lo ei mek a ka kil ve nghal

★

"Pa enge i tih dawn? " Dar 8 bawr a ka pa chhuah tum ni awm tak chu TV hma a thut pahin ka au a


"Kuhva ka va kei lawk ange ka ei chak riau mai" A ti a, ka ding ve hluai


"Kal rual ila keipawh net pack thun ka ngai a, kan kal rual ro ro chuan thun na man tur min pe anga" tiin a ban ah ka va chelh nghal zat a


"I phakar ve sia a! " a ti nui hawk hawk


"I kawl chhun anih tawh kha han duat em em phawt teh" Ka nu chuan alo ti ve bawk, ani chiah ka u pasal nei in a chhuak tawh si a duat bur tur kei chiah ka awm tawh


"Chutia tih tak ah chuan sunday leh pek chu i u te in ah leng ve ila a tha ang, Bawihtei pawh a ngaihawm tawh a lawm" A ti a kan lo pawm khawp mai


Tichuan dawr lam pan in kan chhuak a, net pack min thun sak ta ngei bawk kuhva a lei a kan chhuah leh hnu chuan kawng lak ah kan Kohhran Upa dam lo te in ah a peng kawi a keichu ka lo va haw tlang


Kan compound hung na cement tlang a lo mu ka va hmuh chuan ka ding deuh dat, che hlek sela a tla thum dup thei a mut na hmun tur a va hrelo ve mawle, bak ah ke phah a rah tawk vel lek in a tlang a a awm sia engtin nge tla miahlo in a mut theih zawk le aw?


"Aron chu ani silo ka van haw huphurh e" ti chung si in tunge a nih hriat tum chuan ka phei tlang zel a, ka kal hnai tawlh tawlh a a beanie khum atang chuan tunge anih ka hre nghal, thawm dim zet in ka kal zel a gate hawn a ngai si thir ani sia a ri ngei ngei dawn!


"Hey... " Gate em pawh ka la khawih hman lo tih ah chuan min rawn au thut a ka phu zawk, hrelo ang hnak a luh tlang ka tum lai chuan a rawn zuang thla thurh a, tun chu a nau te ho a bul ah an awm lo ve mial mai


"Ka be duhlo che" Ka tih chuan a nui ri hawk a


"Ka in chiu lai min hmuh vang khaan min hlau ta ami a? " tiin a hnar a tuai zauh a,a khuh leh kharh kharh thin a awmdan chu damdawi a rui mek ni in ka hria


"Nangmah hrim hrim kha i hlauhawm, I rui a I hmel hmai te a duk nasa in pem hlui leh thar lam nen band aid zawng zawng nen khan tunge hlau lo ang che" Ka tih chuan a pawm leh viau si nge a bu nghat a a ding ngil tha thei lo a pai tep chu a ning deuh aniang cement bang ngheng chuan a thu tawp a


"Hetiang lo pawh in min hlau vek tho" a ti a anui mai mai


"I awmdan in a zir lo aniang.. " Tiin gate chu ka vuan a


"Hey,, nizan ah ka ngaihtuah char char che a ka muhil thei miahlo ania.." peih loh hmel zet hian a ti a engtinmah ka chhang lo "Reubena khan a duh tak tak lo che ania,lem mai mai anihkha" a rawn tih leh tak ah chuan rui thil sawi mah nise ka lo thawven pui huai thei


"Awle a that nasat chu.. " ti a ka che hrut chu rawn tho chhuak thut in min pawt her sawk a ka biang tawn tawn ah chuan dawm in a rawn kun hniam a hnai zet ah min en bawk, a chet dan in min thawng lutuk a awmdan tur pawh ka hrelo


"Ka duh che...ahh ka phu lo che tih ka hria addict ngaihzawn pawh i duhlo ang tih ka hre sa mahse ka in control theilo, nangmah vangin in veng hi ka lo kal fo ania" a ti a, a rui mitmeng nen ka hai bik silo a chhan chi ah pawh ka ngailo hrim hrim


Tal chhuah tum a ka che chu nghet lehzual a min vuan chungin ka mit ah tak chuan meng sen ram chung chuan min en a,a rawn awm hnai a min fawh tum ni a ma hriat tak ah chuan ka tal vak a min thlah ta bawk


"Tunge i nih a ka fanu ilo khawih ngam" ti a ka pa aw ka hriat rualin Johan chu a pawt her lawp a nam tlu pawp mai! Ka rak thawt a ka pa chu thinphu dup dup in ka en a Johan lah chuan lei a thu chungin ka pa chu nui suk pah hian a en a rui lo se chuan a tlu awlsam mai lo ang


"Pa.. Engtinmah min ti lo ania" Johan tham thawh a tum chu ka lo va dang, engtinmah min tilo miau ani ka nu a rawn tlan chhuak Aron te chhungkua an rawn chhuak bawk


"I fanu hi min lo pe teh" ala ti deuh deuh! Ka pa chu a thinrim si chutia Johan lo la tawng chu ka ngei tak tak ani ka pa'n a khawih loh nan ka dang ve tawk tawk a!


"Ka fanu hnaih ah hian lo kal tawh reng reng suh, nang ang tan ka fanu ka phal lo nasa mai" vin zet hian ka pa chuan alo ti let a


"Bawihte enge awmzia? " Ka nu chuan a rawn ti a ka chhang mai theilo Aron te chhungkua pawh an rawn chhuk vek


"Keini ang hian duh kan neih a thiang ve lo i tih na ami?" tiin a rawn tho chhuak a ka pa chuan alo din hnaih ve vat chu Aron chuan a rawn bengdai ta!


Ka pa chu Aron chuan a thlem a thlem a tichuan kan lut ta, Johan chu tu man kan ngaihsak tawhlo a kan luh san vek, thil awmdan chip chiar lo deuh chuan ka sawi a min en thap bawk nen ka zam takzet, Aron phei chuan min chik zual a in ngaizawng ang a min ngaih ka hlau takzet!

★

"Nu..? " ka mutui lai ri kerh kerh in min tih harh vangin ka nu thawm emaw ka tia, mahse sana ka han bih zauh chu ka nu thawm neih a la hun lo nasa zing lam dar 3 chauh ala ni


Mut leh mai ka tum chu ri kerh kerh chu ka tukverh ah a rawn awm leh! hlauh vang chuan ka mutchhuak a reh nghal vek, ka en mai lo a ka nghak a a reh lawk bawk silo ka lukham chu la in mit chhing pah chuan parda ka ti kau a ka beisei loh lutuk in Johan alo awm! Ka pa khan a hrilh chiang viau tawh sia!


"Kalsawn rawh.. " Zawi te chuan ka ti a lu min thin khum ringawt "Kal rawh.. " vin si zawi te chuan ka ti leh


Tukverh tlang tetakte ah a kiu rawn nghat in a kut pahnih a khabe dawm meuhin mi en ta anihchu! Mi ti lai dawn dawn mai lehnghal


"I meng thei thlawt lo anihkha haw la mu tawh" Ka ti a a hre reng ang mahse a zawm dawn lem lo ni in a lang


Hriatchhuah nei ni awm tak hian a ding mar thut a kut chuan lo nghak turin min ti a chutah kun in a rawn din ngil leh pah chuan thenawmnu pangpar roh em em mai chu a pot chawp in a rawn chawi lang heu mai!


Tukverh chu ka hawng thuai a "enge i tih a dah let leh vat rawh pot sua sam i va ching ve..? " ka tih chuan zal lo deuh hian a nui hul hak a


"A khawi mawi thiam lo emai ka ruk sak a nangman nei ang che" a ti a tukverh lai tak ah chuan a rawn hung lut a khum a balh ka hlauh vangin ka lo dawm vat,a a tawh anih hi a thil ruk lo neih sak ka duh awkawngka lo!


"Hey,dah let leh rawh" a kal daih mai! Engtin nge ni ang thil ru ah min puh a ni ringawt a lawm!!


"Awi ka haw lutuk..! " ti a pot ka en chiang chu


Pot hlum a siam design nalh zet si a chuan lung a ziah tih hriat takin kawi sawi deuh hian " Hi " tih leh smiling faces lem hi alo in ziak reng mai a bul ah chuan tetakte hian J tih alo in ziak tel bawk

[Ngaia]

CHAPTER-9


"Ui ka ning e, naktuk ah thenawm te an rawn haw tawh dawn sia ka dah let leh vat angai" tiin pot chu ka chawi lut a ka khum bul chhuat ah chuan ka hung ren rawn a ka thawh hma a ka nu a rawn lut anihchuan pot hi a rawn hmu dawn chiang sia, thenawm nu pot a hmuh vaih chuan zawh na chhan tur ka ngah rawn lutuk!


"Min van tibuai tak!! " tiin ka tho a pot chu khum hnuai ah thuk deuh ah ka nawr lut a pangpar an la par sang vaklo bawk a a tih zia hlauh


Ka mu leh dawn a ka harh chiang laklawh tawh nen muhil mai ta lo chuan ka meng reng a naktuk college kal ngai bawk nen chutia ka meng ta vak chu ka duh lo takzet mutthilh k tum leh ka harh chiang zual emaq tih mai tur hian ka rilru a harh kur!


Muhil theilo na na na chu tiin ka tho a couch ah te mu in TV ka on a hmuhnawm lah chu a vang rapthlak lehnghal, reitawk fan ka mut hnu ah khum ah ka in sawn phei leh a, ka muhil theilo chu ka tah a chhuak ta lek lek!


"Johan-a vang vek kha ani, lo lang lo se la chuan tui deuhin ka la mu ang" ti hrawk in ka tal vak vak a


A tawp ah ka beidawng lutuk chuan Vanrammuana ka thlah na hla Before you go bawk chu play in ka chhing vang vang a, ka mitthla ah kan hun kal tawh kan hlim ve lai te a rawn lang zut zut a a nui hmel te,Duatbik to a hriat nuam tak leh dam thlup a min koh thin lai te chu ka feel nawn vawng vawng thei!


"Ka ngai lutuk che! La awm ve la chuan ka mut theihloh pawhin ka bia che anga, anih loh pawhin in in atangin ilo chhuk anga ka mut hma chu min awmpui ngei awm sia,, Vanrammuan engtik ah nge Van atang khan ilo chhuk leh ang le? " tiin tah rin hlau tak chuan ka puan sin lai chuan ka hmui ka hup a


Tha tak a a kal tawh pawm ka duh pawh hian eng thil emaw tak hian a mah min ngaih tir in min hriat chhuah tir zel si a, engtikahmah ka theihnghilh theih pawh hi ka in ring lo! A ni kha chu ka tan chuan Angel ang mai ani..Angel min venghim tu reilote chhung atan a ka kiang a awm ang ani!!

★

"Ehe..! Thenawmnu chu kha in va rawn thleng zing awm ve? " tih ri ah chuan ka mutui lai pawh ka thu tho zawk mai,ka lo chhing ve sek anih dawn hi


"Pangpar pot kha.. ! nilo tinge an rawn thlen hma em em a?? " tiin ka tal vak a ka tho hma silo tho hma ila chu ka va dah let hman tur ania


"Nia hei class kal ngai kan nei bawk sia, class kal hman a awm kha a duh bawk sia kan rawn zan tlan a lawm mawle.. " thenawmnu aw ngei ani


"Anihchu..zawn i nei ami a I va kun nasa ve? " pakhat in a au deuh lang lang lai chuan ka thin a phu dut dut, pot mawlh chu a sawi ka hlau ani a duh ber ber te zing ami ani bawk sia


"Aw nia hei ka pot pakhat hi a kim lo tlat in ka hria a ka chiang mai bawk silo a.. "a ti ta ngei mai! Khum hnuai ka bih vat a pot lah chu nung lo tih tak ah ka dah ang ang in alo la awm, nizan te khan nung se amah in a awm na ngai ah lo va let sela a tha tur hi ania


" Engtin nge maw Johan khan a rawn chawi phei daih theih che a?" Ka ti a,Johan chu ka haw leh hlur tawh a mah vang vek in buaina ah ka lut ta anih hi! "Engtin nge ni ang aw.. Khaw en lai a ka va dah lete leh chuan min hmu vek dawn, zan ah ni se min hmuh palh chuan rukru emaw min tih ka hlau bawk si"


"Bawihte phun bul bul lo khan lo chhuak la.. In ti fai rawh khi sana a kal hnem tawh ania i tlai ang" Ka nu rawn ti lawng lawng thawm ah chuan ka tho chhuak a, ka mu tha ta lo bawk nen ka zawi nghulh mai, pot pawh chu zan lam a dah let law law turin ka ti ta ringawt khaw en lai a dah kir ai chuan a zia zawk ang ka ring


"E nizan i mu tha nange? I hmel a va mak ve? "Ka chhuak chiah ka nu in alo ti nghal a a chhan sawi vak a rem lo nen ka bu nghat ringawt


"Nu vawiin chu ka room lo ti fai tel suh aw ka rawn haw hun ah keiman ka ti mai ang" Ka tih chuan mak tih hmel deuh hian min en a mahse engmah chu min zawt zui lem bik lo


Kimkimi ka call a a la kal peih dawn lo atih vangin chaw ka ei a, chaw ei kham a ka in siam te chu mu tha lo tha zawi bawk nen ka muang kher mai,ka nu pawh a lo hmanhmawh rilru aniang kitchen atangin i kal leh lo thut dawn ami a rawn ti khat mawi tawk reng


A tawp ah chuan ka chhuak ve hman hram a vawiin chu bus a ka kal ngei a ngai tawh tlat, Aron ka in hruai tir duh tawhlo U Tluangpuii nen an inkar ka ti chhia ang tih ka hlau, bak ah kum 20 ka ni ve tawh a mahni in enkawl a in ngaihtuah ka tum ve tawh angai


"A van lo thleng har e.. " ti a ka hawi kual vel na ah Zorina ban min lo vai lauh lauh ka hmu a ka vai let ve a bus a lo thleng ve chiah


"Chuang duh suh, ka lo thlah ang che" a rawn ti lawng lawng chu ka bul ami te an lo nui hak a ka zak tep ani


"Khawi ah nge i kal a? " Bike nen ka bul a rawn thlen rualin ka tih chuan a ngawi vang vang a


" Amon ka tlawh lawk e ka tia" a tih chuan ka nui tawp chawt, ka lawm lo lam nilo in a thianpa a la ngai hlu thiam lutuk leh a hming a rawn sawi rik thar leh na hian ka thinlung a khawih ani


"Tih tah che ka tum lo ania aw... " a rawn tih chuan ka nui hak a, bus a tlan tak si vangin kan college lam pan chuan min phur ta a, a tlan muang hran lo bawk a kan thleng hma khawp mai


"Ka lawm e aw.. " Chhuk pah chuan ka ti a


"Awle mahse lawmthu in hrilh fo loh tur, bak ah nangchu Amon vang pawhin kan naute duat rawn i nia lawm.. " tiin a nui hak hak a


"Awle anihchuan ka lawm lo e aw" Ka ti veleh kher a, a nui nghal hawk hawk


"Awle awle, naute nghal tak i ni" Tih pahin a in turn a " E chuan chhun chawlh emaw hun awl a awm vel ah damdawi lei la ei rawh aw.. " A ti a ka mut kham lo zuai vel hi a hrethiam mai aniang


"Awle.. " tiin a tlan liam chu ka en zui a


"Thlah tu hi i nei tha thei bik e.. " Gate ka lut fel chiah Tetea chuan alo ti a, ka nui suk ringawt


"Nia ka u Aron a thianpa ania" Ka'n ti ve ngawt a an awih hmel em em tho


"Kimkimi kha a la dam nange?" Moses-a chuan alo ti a ka bu nghal nghat, tukin zing kan in biak na te hrilh pahin college building lam kan pan a step kan rap chiah gate lam a au chel chul leh midang tlan khawm vang chuan kan ding a


"Enge mawni le? " Moses-a chuan ati a an ding di hlip deuh a "va kal chhin ang u ka hmu thei miahlo" A tih vangin kan phei ve leh a


"Ruattluanga te chu ko vat rawh u.." ti a pawr tak a lo au mek Johan ka va hmuh chuan ka ding daih a Tetea chuan min kai in min kal hma pui zel tho


"Ngati nge a? " An ti sap sap a gate ah tak an thian, nilo an unau ho chuan an ding a Sawmkima leh Reubena te chuan thingzai bung hi an pu va bawk, mi vuak in peih sa diam ang mai an ni, tun ah tak saw chuan tui hmel an pu lo


"U Johan-a te an nih saw!! " Tetea chuan ati hluai a Moses-a chuan a hre ngai vaklo aniang engvak a zawi ve lo


"MamJohan sawta saw an awm reng a lawm" Reubena chuan veilam pang a kawk a Ruattluanga te thian ho nu awm tak lo thu khawm chu a kawk a chutah Johan chuan engmah sawilo in a pan phei nghal hmiah hmiah


"Tete kal ve lo ang" Midang an phei dual bawk a Tetea phei tur chu ka lo chelh ding ve thung


"Nia awm hnai ve lo ang u" Moses-a pawh chuan alo ti ve a Tetea pawh chu a kal ta lo, kan din na hmun atang chuan kan thlir phei ve tawp


"Ngati nge le? " Tetea'n a ti zo chiah Johan-a aw chuan


"Kan awm kim loh lai changin in cousin phuba in la a tiraw? Ka nau in lo hliam bawk a..Tun ah kan kim a kan tan tha leh dawn ami? " ati hmiah a chhan na engmah a awm lo a bawm tu student ho thawm a ri luai luai zawk


Chutah le an au ta dual dual a concert na hmun a mipui thawm ang mai hian a tang at mai, ka ding hle hle thei tawhlo enge ka hriat hrep ni ka tlan phei ve tawp a ma thiante pahnih in min lo um zui ve nghal


Midang kar ah chuan ka in rawlh a, a rik ta pawp pawp ah chuan midang kar atangin ka bih a ka lo hlauthawng ve em em ringawt, Tu tan ber nge ka hlauhthawn erawh ka hrelo thung, Johan chuan mi pakhat hnungzang ah a thingzai bung ken chuan a hlap ta pawp mai! chupa chu a bawk thlawp a che tur a awm tawhlo a thi nge a vuak nat lutuk a hnang in a che thei tawhlo zawk?


"Ui lalpa..!! " tiin ka phun chhuak a, a rang a rang in mi kar atang chuan ka tawlh chhuak nghal a ka thin phu rang lutuk chu ka dawm vawng vawng


"Tinge a Arin? I tha em? " Moses-a chuan alo ti a, min thawng mah mah bawk nen ka thawk a dik loh phah tep! Pakhat an vuak tluk tak vang nge ka hrelo student ho pawh an reh ta duak mai


"Hetah hian tunge buaina siam a? " ti a college Principal leh staff an lo kal ta! Student ho an kiang sup sup a chutah Ruattluanga te chuan an thianpa bawk reng chu an lo bawih sawm a Johan te unau erawh hneh tu chan in ti chang takin ngeiawm zet a meng pah hian an lo thu tlar vei thap a an pa nui suk suk zui


"Nang ni ho kha kan zirlai in ni lo,engvang in nge kan college ah buaina in rawn siam?" A ti vin thah a a vin lutuk chu ka lo chhing sawk thei


Chutah ka va melh leh lai takin Johan nen kan in en fuh a, min hmu chu a hmel lan dan ngeiawm tak leh kawlh hmel zet a meng hrâ hrâ chu ti danglam nghal in nelawm thei ang ber hian min rawn nui a, a thut hmun atang a thingzai bung kuah run pah chuan min la rawn bye zui!


An hmu tam lo hlauh a Principal tawng laklawh lai ani hlauh bawk nen tuman an lo ngaihven hran lo, ka hawi sawn nghal vat, staff pakhat in " Saw saw Pu Lalthanmawia fapa kha anih saw, Motor Company neitu Pu Thanmawia" a ti a, a kawk pah bawk


"A pa chu ko rawh u.. Chuan intihbuai na a tel zawng zawng kan student an ni emaw nilo emaw ka office ah rawn hruai vek rawh u" Thupe zet hian Pricipal Chuan ati a college lam a pan nghal bawk


Johan-a vuak pa kha a rawn thaw kawk a a khuh bawrh bawrh hnu chuan staff pakhat in hospital ah a hruai a midang Johan leh a unau te, Ruattluanga te ho chu an kawi khawm a Principal Office lam an pan pui bawk, Johan te thian lah chu tan a hnek in a kal phur phur ah an tang a! Midang tih thinrim nan an ti hrim hrim emaw ni le..Enge maw an hriat thin ni?


Midang chuan a ngai ang in class kan la mawlh mawlh a mahse thenkhat rilru ah chuan Johan te leh Ruattluanga te ho insual ringawt kha a awm tih a jai theihloh an sawi ru leh sap sap thin, chutah ka hnung chiah a hmeichhia thu chuan college pawn lam en thla tur a thiannu a hrilh chu ka hre pha a, enge ti a ka zuk en thlak ve chuan Johan leh a pa chu pen thum vel chauh a in hlat hian an lo kal a Johan hnung ah a unau te an kal thung


Chutah a pa chu in her in Johan chu thinrim tih hriat tak hian a a bia a a chet hmang reng reng ah pawh a thinrim satliah lo tih a hriat theih lutuk! Apa chuan ka beisei loh lutuk in Johan-a hmai ah tak chuan a beng pawp mai! Johan pawh a thle sawk a ka lo phu nasa lutuk keimah hi


"Ui a beng ..!! " ti a ka hnung ami tawng ah chuan professor chuan zirlai a in sawr bing turin a rawn ti a keipawh thu tha in professor thusawi ngawt chu ngaihthlak ka tum a mahse ka theilo Johan ben a nih lai mawlh chu ka mitthla ah a lang a mahni te hian nâ ka lo tih pui ve em em ringawt

★

"Tinge a ilo haw atangin thil ngaihtuah muk hmel hi pu reng a? " Ka nu rawn ti ah chuan ka mit ka khap zawk, eng dang anilo Johan a pa in a ben lai bawk kha ani, mahni fa ngei khatiang hmun ah lehnghal kut han thlak mai chu(h) a sual viau anih pawhin in ah a duhtawk in a zilh thei sia tih mai mai ngaihtuah in ni ka thut ngawih reng


"Engmah a nilo ka mut kham lo a nih hi" tiin room ah ka lut leh a khum ah ka va let nghal tawp,thaw halh in khum hnuai a pot chu ka zuk bih leh a ka nu chuan room a lo ti fai lo tak tak aniang a ngai ang ang in a la awm


"Zan ah ani mai" Tiin ka mu a ka lo muhil hmanhmawh zui! Ka pa'n chaw ei dawn ah min rawn kai thi chauh a phak chual in chaw ka ei phah


Chaw ei kham ah thenawmnu pot chu ka va dah ru a ka zam zia chu rapthlak tak ani, min lo hmuh kawlh kha ka hlau a mahse vanneih thlak takin min hmu lo hlauh,min hmu se zawng zawh na angah viau ang a lu ruh a ring reuh bawk sia ka nel vak lo bawk nen


Pot ka dah fel a ka leti leh hnu ah kimkimi ka call a vawiin lam chu a zia tawh thu leh naktuk atang chuan a kal peih a rin thu te a sawi a,chutah keiin vawiin chungchang vel ka hrilh ve thung a dam lo e tilo chuan zawh na a ngah malh malh khawp mai engkim deuh thaw chu ka hrilh a mahse,Johan a pa in a ben thu erawh sawi nuam ka tih loh vangin ka sawi ta lo


Darkar 1 leh tih lai kan inbiak chuan ka la mu kham tawk lo nge ka hrelo ka lo muhil lehnghal chu ni in ka beng in a thawm ri kerh kerh ka hriat rual chuan ka meng kawk a sana ka en a dar 11 a pel tawh, tukverh atang a thawm bawk a awm vangin parda ka keu a Johan alo ding vang mai, make deuhin alo awm ka ring sa nge ka hrelo ka hlau lo a min ti phu hek lo, a hmai te chu vawiin a an insual na vang a duk thluah a band aid Lalpa ani leh ringawt tawh


"Enge..? " Tukverh pawh hawng chiang lo in ka ti a chutah a kun a arawn din chhuah leh chuan a hma lawk a ka pot dah phei bawk kha a lo chawi phei leh! Chumi ka hriat na pawh nizan a thu in ziak kha alo lan vang ani..Chutah tukverh ka hawng rawk rawk a


"Ka dah phei zo chauh anihkha va dah let rawh min rawn pe tawh suh ka duhlo" Vin te si zawi te hian ka ti a

"A khawi mawi thiam lo ka tih kha.. bak ah pangpar pek che ka duh a lawm..ka thliah daih chuan a vuai anga a reilote ah a nalh lo leh mai dawn sia ti hian a pot chawp in ka pe che anih hi"


"Mi pot i rawn ru a lawm mawle!! Dah let rawh ka duhlo buaina tawh la duhlo" Ka tih chuan a nui chhuak hawk a "enge nuihzat tur awm a? " Ka tih chuan a hmui chip in a in sum vei hmak


"Ka lo riak ve thei angem? " a ti thut anihchu! Phawk zet in ka meng a, a thutak hmel vei fu bawk nen ka chhang tur chiah chu pot nen a rawn lawn ringawt a mit khap kar let in ka room ah a ding ta vang mai!


"Chhuak nghal rawh, nang hi ka ngai na hlawl lo che hmeichhe room ah lehnghal phal na la lo a luh hi dan kalh a nia aw" Te chu ka ti ve a mahse ka thusawi ngai pawimawh lo zet in room chu a en kual vel a "Zu rim i nam zia lah kha!! " Ka ti leh hram


"Ka pa'n in a ka riah a phal lo a zanin chauh min riah tir la.. Engtinmah ka khawih lo ang che tumah ka it ngailo" Nui chung a tiin ka khum bul dawhkan leh ka khum inkar ah chuan a thu a chutia a awm ta chu ka khawngaih ta tlat anihchu


"I unau te kha" Ka tih chuan


"An in ah an haw.. Ka zui ve loh chhan i hriat duh chuan a upa ber ka nia, kan in a haw lo a ka zui haw hlawm chuan hauh bur ah ka tang dawn ka peihlo" A ti sam et a, chuvang a kan in kher rawn pan!


"Ngati nge i pa nen hian in in ngeih loh em em a? " Ka tih chuan bang ngheng a thu tawm kak chu a rawn meng a


"Vawiin a min beng lai kha min lo hmu ve ani maw?" a ti ve leh daih thung


"Khawi ah nge i nu? " Ka ti a mahse Tetea thusawi ka hriatchhuah hnuhnawh vangin in thiamlo tak chuan ka ngawi nghal duk


"Ka nu maw? Lunglei ah a pasal fanau thar te nen an khawsa..khawvel a Nu lak tlak loh ber anih chu" A ti zui hmiah a, a tawngka atang chuan anu te nen pawh an in pawh hmel loh hle mai "Ka naupan laiin min kalsan a, nikum hmasa ah ka zawng chhuak ve chauh.. Mahse ka va hmuh chuan engtin nge min lo tih i hre duh em?" tiin bang a lu ti si reng chung chuan khum a ka thu chu min rawn en a ka lo bu nghat


"Hetiang addict fapa ka nei lo min lo ti.." A nui hul hak a, ngahmah ngailo ang a lan tum mahse a nat ruk zia ka hmuh sak thei "Chuta tang chuan vawikhatmah hmuh ka tum leh tawh ngailo..Nu dam a nei ah pawh ka in ngai tawhlo" Ati a ka khawngaih khawp mai


"A pawi ka tih pui hle mai che.. " Ka ti chu duhloh hmel tak hian min rawn en a


"Min khawngaih miah suh, khawngaih na chuan mihring a ti chaklo thin ania.. " A rawn ti chu ka hmangaih kal ta Ka Vanrammuana ngei mai kha loh theihloh in ka hrechhuak nghal, ani pawh khan hetiang ang deuh hian min hrilh tawh!


"Ahhh, tak in hetah hian tih i phal em? " tiin a kut hum lai a pharh chu syringe leh damdawi a lo ni, phal lo ti a hrilh ka tum chiah chu pawn lam ah ka pa thawm ka hre thut! Ka tho sawk sawk a Johan chu pawt in khum hnuai a lut tur chuan ka ti a alo la duhlo zui


"Lut mai rawh.. riah ve i duh chuan! " Tiin ka vo ta ringawt a tha deuh in a let lut ve hram!


"I la meng a law...? " Ti a ka pa rawn lut leh ka ding chhuak chu a in rual vel hial ang ka tha a khur nasa mai mai lutuk! Ka phone ah chuan hla ma play ringawg bawk


"Um meng thut..! " Ka ti a chutah pot bawk chu a lang chiang dawn ngang si ka pa hawi kual lai tak chuan khum hnuai ah ka ke in ma hnawl phei a


"Midang nen in awm emaw ka tia tawng dang kha ka hre bawk sia ngaih a tha lo hman a lawm" a ti chutah ka chhang tur chu khum hnuai atangin


"Ai ahhhh! " A rawn ti!! Pot ah khan alo in tauh a mawn le?


"Eng maw? " Ka pa chuan arawn ti khur ru chung chuan ka kut vun ka tih pilh ka tuai fuh vangin ka lo ai ah thu ka sawi ta ringawt!


Chutah le Johan chuan ka khum mawng lam ah a ke a rawn ti lang! Hepa hi a va han sei sang awm em em ve a..!! A converse bun lai a lang luau si chu pan hnai them them in "Pil nghal rawh.. " tiin a ruk chuan ka rap nawk nawk a a tawm lut ve mai bawk


"Enge maw I hriat le..? Khawi ah maw ka pil ang? " Ka pa chuan alo ti enga chhuanlam nge ka siam tak ang? "Mu phawt teh i tho a hi ani lo maw? " Tiin a chhuak ta hlauh!


Ka ke tha te hi a zawi hnawk thei in ka hria! Reitawk fan ka pa mut tui awm vel ka ngah hnu chuan phone flashlight nen khum hnuai chu ka en a Johan rem leh rem lo a lo muhil ka hmuh chuan tih takzet in ka khawngaih ani.. Mahni in a pawh riah phal sak loh ani a..ka khum hnuai ah ti hian alo muhil tawp mai sia

IMG_20211104657.jpg


"I van muhil hma ve..? " tiin ka phun sap a, chutah a beanie bawk chuan ka mit a la thut a engvang a khum ziah nge anih tih ka ngaihtuah nghal rauh rauh a chhan na awm sa reng tiin vawilehkhat ah rem leh rem lo chuan a lukhum chu ka pawt hlip pawp a


A lu a kawlh emaw a sam a sei anih te ka rin ruk vei nen engvak alo nilo, mipa sam meh pangngai ang tho in a met a dum hlap bawk nen a inhmeh viau mai, mahse, tinge maw a khum ngawt ngawt mai le khaw lum lai pawhin a khum tho a, pa ta riau ah a in ngai zawk aniang a? Lu khum chu ka khum that tir leh a


"Lo chhuak rawh... " tiin pawh chhuah ka tum a rui muhil ani bawk nen a zawi sia rit tak hi ani ringawt! Thawm chhuah ngam a ni silo ka ke pahnih chu khum tlawh chhan chungin ka pawt leh vak a them chuan a rawn tawl ve ta, a rum tuah tuah a a che chu a ai a thuk ah zu awm a mawle!!


"Uii ka kai tho tawp dawn che.. " Tiin ka bawk lut a ka hn**e atang a ka lu lam zawng chu khum hnuai ah a awm ta vang mai "Hey..hey tho teh khum hnuai ah mu suh" Ka ti a a che eih lo


"Johan.. " Tiin hnai zet ah chuan ka va ti leh a tawng rin ngam bawk siloh! "Mut na ka phah that sak ang che lo tho chhuak teh ka pawt chhuak zo lo che ania" Ka ti a, riak tur chuan ka duh hauhlo


Ka hmelhriat leh thiantha pawh anilo a, mahse harsat na ka tawh lai a ke na pawh sawilo a min pui tu kha ani a zanin chauh chu ka riah tir anga duh leh sitting room ah ka in sawn phei mai ang, bak ah nichin a chanchin a sawi leh tun a awm dan teh tawp vanga hian ka khawngaih tlat


"Johan.. " Ka ti a ka sawi ka sawi a, a harh theilo.. Chutah tha ber ni a ka hriat chuan ka ti tawp, a hmui chu ka tin chuan a vun them lek lek si chu ka sik ta vak a ka sik thi palh ang tih ka hlauh ruk tawh lam ah a rawn meng ta hram!


"A na lutuk!! " tiin a hmui a dawn a meng phak hle bawk


"I harh theilo a sorry, lo chhuak rawh" Tiin ka tawlh chhuak nghal a ani pawh a mutthilh na mak ti hmel pu tak chung hian a rawn chhuak ve mai bawk a


"Zing ah hma deuh ah tho la mi hmuh hma in chhuak leh ang che aw.. Min lo tanpui tawh vangin zanin chu ka riah tir ang che..zan dang ah erawh beisei tawhlo hram la" Ka tih chuan mut la kham lo tih hriat tak hian a lu hiat in a hawi a hawi a


"Awle a tha a lawm" A ti ve mai bawk a chutah a thut na ka khum a rizai leh lukham chu la in in pawm chhuah ka tum chu a rawn ding thut a ka ban ah tak a chelh nghal hmiah


"Khawi ah nge i kal dawn? " a ti a mak deuh maiin a hmel ah chuan hlauhthawn na ka hmuh nia!


"Sitting room ah ka riak dawn, tinge? room khat a riah dun ka duh hleinem" Ka tih chuan a kun zuk a rawn hawi chhuah leh pah chuan


"Min hlau ami? Engtinmah ka khawih lo ang che ka tih tawh kha.. " Thutak hmel fe hian ati a rui pawh a ang leh tawhlo reng reng


"Hlau em em lo e, nuam ka ti lo zawk mawle" Tha tak chuan ka hrilh a ka ban a chelh na pawh a thlah nghal thuai


"Min ngai na lo ami? " ka thusawi a la kawi dawn a ka hriat vang chuan ngawi rengin ka en a


"Khum ah hian mu rawh" Tiin a che hrut a khum bul tukverh ah chuan a zuang chhuak nawlh


"Johan!! " tiin a kal zui tur chu ka au a, a rawn leh hawi rual chuan "I mu dawn lo ami? " Ka ti sep a, a lu min thin khum pah chuan


"Dawn lo...min ngai na lo tu awm ti nuam lo tur a awm ka duh lo.. " A dar a san uk a, ka tawng kam kal dan a dikha tawklo tih ka hria, ka in thiamlo hle bawk


"Ka tih chhan chu mipa leh hmeichhia kan nia.. " Ka ti a ka ngaithla peih lo ti ni awm takin a kal zui hmiah!


Ka um zui theilo leh tih ngaih na vak ka hre bawk silo nen rilru nuam lo tak chung chuan tukverh ka khar a,mut mai ka tum a ka theilo leh tawh! Johan chu khawi ah nge a riah tak ang tih ka ngaihtuah ngawt ngawt a ka in thiam tel zel bawk


"A duh a a kal a lawm.. " Ka tih pawhin ka thinlung tak hi a nuam theilo a, min nawlh tu awm ang maiin ka awm run "aaaa.. " Ka awm nuam theilo reh thei bawk silo chu ka tho a thawm dim takin ka pen chhuak a 12 a pel chu ani mai


"Johan..? " tiin pawn veranda ka chhuah phek hnu chuan ka au a mahse rannung thawm bak hriat tur a awm lo "a haw tlang a mawn le" Tiin gate bul then chu ka phei zel a


A reh a tumah hmuh tur an awm lo bawk nen let leh mai zawk chu ka tum a, ka un her a ka pen tur chal chu ka hnunglam ah thawm a rawn awm a Johan ka ngaihtuah lai ani bawk nen a mah tur ah ka ngai nghet deuh tawp


"I duh chuan ka room ah sawn mu rawh" ti nghal thawr pahin ka in her a a mah alo ni ngei bawk, tum dang ang lo takin a nui sen sen a mahse ka rap deuh zawk


"Ka tha a lawm Princess.. " a ti a

"Mawhh,, maw Princess a? " Ka ti bah deuh nawk

"Sorry... " tiin kal leh mai a tum a

"Khawi ah nge I riah ang?" Ka ti nghal vat

"A rem rem ah.. " a ti awlsam et a huphurh hmel pawh a pu chuanglo


"Ih.. Lo riak rawh mahse zing ah chhuak hma ang che" Ka tih chuan a lu a thing leh "puitling ve si i va luhlul peih ve? " tiin gate ka hawng rawk rawk a thawm dim tur pawh ma theihnghilh phah vek!


Riak turin ka duh ngawr ngawr anilo a, riah na tur dang a neilo bawk nen ka khawngaih laklawh tawh si a min lo tanpui tawh lehzel a, ka kal tir leh mai chuan ka muhil thei leh chuang in ka ringlo, ka in thiamlo thar leh emaw ani anga mut theihloh phah ka duh tawhlo


A ban ah chuan vuan in kan in lam ah ka kai kal nghal dawt dawt a lo tan emaw pawh a nei chuanglo, ka kaih ang ang chuan a kal tawp a chutah kan kawngkhar bul kan thlen in ka din pui leh a "ngai kawi suh aw.. Min lo tanpui tawh vang ania" Ka ti leh te te a, a lo nui suk ringawt


"Khawi..? " Tiin a kut ka chelh na ka thlah a a hma ah ka kut ka dawh nghal vâ


"Enge.. ? " Bul zet a rawn tih pah hian a chik zet in min en a


"Inchhung ah ruih hlo ken luh kan phallo.. " Ka tih chuan khirh min tih hmel zet hian a si hlap a a thaw zui hawk


"Ok.. " Ti hap in a hma a syringes leh damdawi kaal tawh chu ka kut ah a rawn dah a


"Ka paih sak dawn lo che a, hetah hian ka dah tha anga naktuk ah i duh chuan i la leh mai dawn nia.. Zanin atan chuan rui duhtawk tawh rawh.. " Ka ti chu thinrim hmel ni chiah silo hian min en ngawt ngawt a


"Ngati nge ka pa ang maiin i tawng a? Ka haw teh mai ania!! " A ti hrawk mai, ka ngawi a sawi mai tur pawh ka hrelo apa hriat chhuah tir tum pawh ka nilo asin le


"Ka tihpalh.. " Ka ti chu a hmai a tuai puat a


"Ka nu khan min hring chhuak lo in min lo ti tla daih mai sela a tha tur ania" A ti thlawt anih chu, a nun hi a va han beidawng ve awm em em ve le!


Vanrammuana kal hnu khan keipawh hian ani ka ngaih lutuk vang khan khawvel a lo pian ve loh a ani tawn loh law law te kha ka chak rum rum thin, Johan hian eng thil chiah nge a tawn ve ang le anu hrin chhuah pawh a lawm tak loh ni?


"Chutin an ti ngailo... " Ka ti ve tak na in han hnem viau tur ka awm bik lo "ahhh engpawh nise mu tawh rawh.. " Ka ti a kawngkhar dim te in ka pawt hawng a alo nui ri hak


"I chhungte hlau chung chung in ngati nge min riah tir I tum a? " a tih chuan ka nui suk a


"That na chu that na bawk in rulh let tur a lawm" Ka lo tih chuan a ngawi zui vang vang a chumi hnu ah


"Mi tha tak ka ni ah I ngai ami? " A ti a ka chhang zui tawhlo, ka ngaihsak lo a ka hriat ve chin ah mi tha tak a nih awm ka hrelo bawk mahse mi tha lo tak ani ka ti thei lo, kei chauh lo pawh mi a tanpui ka hmu tawh tlat ani


Room ah chuan ka luh pui a thawm dim turin minute tin chuan ka hrilh ru ani ber mai, sitting room a ka mut tum chhan te chu ka sawifiah leh zung zung a,alo but ve nghat nghat bawk, a lukham tur leh sin tur wardrobe atangin ka lak sak a


"E thil pakhat tinge lukhum hi i khum reng a? " Ka ti deuh thawr chu ngawi rengin min en a "Muttui le.. " Ti a ka chhuak tur chu


"Ka pa'n lukhum ka khum hian a hua a, a chhan pawh ka hrelo ani hi chuan keimah leh ka thil tih engkim a hua ani mai hian ka hre zawk..run luih nan ka tia ka ngainat phah hlauh anih hi" A ti a


"I chanchin min hrilh phal em? " ka ti deuh tawp a, ka thil sawi lehron phawng phawng thin hi chu a tha lo lam deuh chu ani


"Aih, chanchin sawi tlak ka neilo" Tiin khum ah chuan a mu a a kut phah pahnih suih zawm in a kham pah a "Ka chanchin zawng zawng hi hria la chuan I awihlo path nilo in mihring te hian an tawn theih pawh i ring pha lo zawk ang" nui suk hian ati a


"Ka hre thiam e.." Kawngkhar atangin ka chhuak a "pawn lam ah ka lock dawn ania" tih leh leh lock ka rual a, chumi hnu chuan couch ah mu in hahdam tak chu an reilote ah ka muhil ta mai

_________________________________


"Bawihte tinge hetah i riah a? room i kalh hmak bawk sia" Ka nu in min rawn tih chuan ka thu tho zawk a sana ka en chu dar 6:30 alo ri tawh



Rang lutuk in room ah ka tan lut a, ka hmanhmawh lutuk chuan a kalh na ka hawn lai pawh ka hre hman lo, thin phu dep dep a ka luh chuan Johan alo awm tawhlo a ka thaw hawk thei, mahse khum chu ka en a mut na tih pawh a ang lo zawk lukham leh sin tur ka pek te kha a kalsan tawp ka rin vei nen hmuh tur a awm lo khum lah a lo in pawt mar thlap lehnghal, pot takngial pawh alo awm tawh lo!



Wardrobe ka hawng a, nizan a ka thil pek kha alo in thlep fel diam a mak ka ti tak tak ani, ka nu a rawn lut a a hmel ah chuan a ngaih a tha teh chiam lo tih a hmuh theih, chhuanlam fahrah te te chu ka siam ve bawk a rinhlelh tur rawn hmu bawk silo chuan a awih thlu ngang mai, a ruk in nizan a syringes leh damdawi ka dah that sak kha ka va en a alo awm tawhlo



Hma deuh ah Kimkimi alo kal a a hmel lan dan la dik vaklo mahse a chet phung ah erawh a dam tawh tih a hriat theih, ka in siam min nghak a chumi hnu ah muangchang in college lam kan pan a, kan thlen a Moses-a leh Tetea ten an lo hmuh chuan an lo phul nghal hlut


Nimin vang kha nge sawi nak nak a la tam a, a bik in Johan khan mi pakhat kha a vaw pawp anihkha, kha kha an sawi uar zhal help bawk a Kimkimi pawh ka hrilh tawh na in midang sawi vel chu ngaihnawm a ti khawp mai, Johan a pa in a beng lai an sawi tel erawh tul ka tilo khawp mai, a ruk a phun sep sep chungin Vanrammuana zungbun ka bun lai chu ka tuai nauh nauh a


Chhun chawlh laiin Moses-a chuan tlai ah len kawi a sawi a Tetea chuan alo aw mai a Kimkimi chuan ala dam kawr bawk nen a kal ve Peihloh thu a sawi a keipawh in chhuanlam ka lo siam ve nghal, ka mu tha vaklo ka ti a ka mu tha em em lo reng bawk a a hmasa zan ka mu tha viau tawhlo bawk nen ka dik zan lo ani..Chutia pahnih kan hman leh siloh chuan ati a a thulh veleh daih a Tetea a lawm lo nasa mai!



Haw hun dawn tawh ah chuan Kimkimi a nuam sam lo leh a class pawh la chhunzawm tawhlo in ka haw pui a, an in kan thlen hnu lawk ah a khua a rawn sik tha leh hluah! Ka awm ve rih reng a thiante an han damlo na em em mai hi chu tih theih vak a awm thin silo nen a hreawm thin ani


"Arin va haw San rawh hei a khawsik pawh a tlak fel leh tawh hi" A nu chuan a rawn ti a a tlai thawkhat tawh tho si a hnial ta lo chuan taxi la in ka haw a, motor jam laiin phone ah massage ka check mai mai a David massage a lo awm tel nawlh mai, ka reply a a seen nghal mai vangin kan in be reng a


Chutia David nen kan lo in text mawlh mawlh lai chuan tu emaw hian ka ka thut na lam kawngkhar a rawn pawt hawng thut a phone dah in ka lo en ve nghal, Benjamina hmel ka hmuh chuan ka phu deuh zawk a chutah ka ban ah a rawn kai ta mai!


"Lo kal lawk teh" tiin min pawt chhuak nghal nawlh


"Min thlah rawh.. " tiin ka lo tang a taxi driver pawh chuan min lo au zui a Benjamina lah chuan ka nau ania a la ti sam et zui


"Princess ilo thleng maw ka nghak rei tawh lutuk che" Benjamina kut phelh sak ka tum lai chuan Johan-a aw ka hre zui zat a ka hawi nak chuan an unau 4 in an lo awm khawm a hmeichhe pakhat ka u ang rual vel alo awm ve bawk


"Kha kha maw? " Chunu chuan min ei loh hmel tak hian ding meuh in a ti a


"Aw.. Kan Princess-i chu anih hi.. Kan duat hlawm teh ania" Phur zet hian Reubena chuan alo ti! Ka bang bo lutuk a ka hawi kual vak vak ringawt


"Vawiin i college kal na te a nuam em? " tih pahin Johan chuan ka hnung lam a din a min rawn kuah a rual nghal! Zu rim a nam hawk..Ka che sawk a a ruk te chuan nghet zet in min control tum ang mai hian min pawn bet a


"Min thlah vat rawh eng thil nge i tih hi? " Bang bo bawk si in thinrim tha khur dar dar a ka tih chuan ka beng zawn a rawn nui ri hak in thawk a la kawk a


"Ka bialnu hlui Sangsangi anih saw... " a tih tak ah chuan thil awmdan ka man thian kuarh mai,Sangsangi hnawh bo nan min hman an tum anih hi an idea reuh phain lehnghal a! mahse a bialnu emaw an unau 4 a an Princess-i a tan der vel ka duhlo hrim hrim


"Princess-i chu i chau em?" Min tlawn ni mai hian ka hria Sawmkima chuan ka bag te chu ka chauh pui tham hlau ni awm fahran a min lo lak sak in min ah sak vel a, a over reuh tak tak ani


"Sangsangi ka nia, Johan a bialnu... "


"Aahhh ahhh,.. " Ti a Reubena'n a lo pawh chah tak vangin a thaw hawk a


"Bialnu hlui ka nia" A tih chuan Johan tih loh chu an nui hawk hlawm a


"Bialnu hlui nih pawh hi i phu lo mawle, MamJohan hian a theihtawp in a hmangaih che a i tihsual lian tham tak ah pawh a ngaidam zel che a chutah i tihsual pakhat. Pawh duhtawk lo in tenant lutuk in i la khawsak san ngam leh a..khawi ah nge i mi um te kha? "


"Ka thiamloh ka tih ka tih tawh kha..!! " Vin zet hian Reubena chu a lo chhang let hmiah, a meng atang reng reng pawhin hmeichhe nasa ve thawkhat tak ani tih a hriat theih "Johan hian min la hmangaih tih ka hria a ka in chhir bawk a chuvang a lo kir ka ni" A ti teh duah



"Nuthlawi ka hmangaih peih tawhlo" Johan chuan ka lu zawn ah a lo ti bung churh, Nuthlawi tih a sawi awmzia chu Sangsangi hian Johan hi an in kawp reng laiin pasal a um san tih na emaw ni le?


"A chiang e, a chiang e.. " A nau te 3 chuan Sangsangi kut an lo ben khum a, an va han sualthiam mai mai tak!


"Kal ila ka thlah ang che" dam zet a Johan min biak na ah chuan ka phu zawk, Sangsangi chuan thik hmel tak hian min en a Johan chuan tih tak te hian min kai a min kalpui nghal bawp bawp!


"Hey, lawk in ka taxi chuan man pawh a chanve tal pek ka ngai a lawm" Ka tih chuan Benjamina a tlan let a engtin va ti tak ang maw


"Ka hmu fuh hlauh che chu ka vannei hle mai" a ti daih thung


"Buaina a min hnuh luh chuan ka haw khawp ang che" Ka tih chuan a nui a, kan kut ka en chu Vanrammuana bawk ka hrechhuak


A kut kar ah ka kut tang a in rawlh kim biai a a kut leh ka kut chu naupang leh puitling kut ang mai a in lena hleih ani, Chu chuan Vanrammuana min ti hrechhuak a, ka kut a kaih tirh khan ka kut a tet thu a sawi anihkha


"Thinrim viau mahla min tanpui tih i hre dawn nia" Mi awm tam loh na lai kan thlen chuan a ti a min din pui bawk, a rawn leh hawi a kan in hmachhawn ran


"Anihchuan i bialnu hlui chu ka hnawh kian sak che em? Nge kan tlanchhiat san zawk? " Ka tih chuan min thlah in a kut a en vang vang a


"I hnawt kiang tur ah ngai ang.. " a ti a, chutah rawn ding hma thut in ka biang vei lam a dawm a, ka kawng ah a kut pakhat zawk in a vuan bawk a chumi rual deuh thaw chuan ka biang ah a rawn fawp thut!


"Enge i tih a? " Tiin ka nam sawn nghal dawrh! a la duh tawklo nge ben hrep a duh pawh ka hrelo a rawn ding hma lehnghal!


"Zan ah kan lo leng ang aw.. rui lo in, i phal em? " a ti a, ka hamhaih em vangin chil ka lo lem khawlh ringawt.

[Ngaia]

CHAPTER-10


"Princess-i bag.. " tiin Reuben chuan ka bag min rawn pe a rang lutuk in ka lo la nghal a ka ak zui hmak bawk, an kalsawn nghal mai a hmuh phak ah erawh an awm ve rengne tho


"Eng.. Engtin maw? " bah zet a tiin ka biang a fawh na chu ka dawm nghal a, nui suk chung a a kekawr ip te zen chungin


"Ka sawi i ngaithla reng emaw tia" ti sap in a rawn pen hma veleh "Kan lo leng duh, lo len i phal em? " a ti nawn leh a, aw ti a ka chhan nghal beisei tih hriat tak hian min en bawk a


"Aih.. " tiin hnuailam ka melh nghal daih


"I phallo maw? I chhungte I hlau em ni? Kan rui lo ang ka tih chu.. " lawm lo ni awm tak hian a ti chang bal a


"In ruih leh ruih loh lam ah ka buai lo.." Ka ti a in her in ka kal a mahse min rawn zui veleh aniang thui pawh ka kal hma hauh in ka bag ah a rawn pawt a hnung zawngin ka tlu tep ani!


"I a ami a? " Vin zet a tiin ka lo vai hlawk a min thlah nghal mai bawk, bag chu Vanrammuana min lei sak kha anih miau vangin dim lo tak a min pawh sak chuan ka thin a khei deuh a tin ani


"Kan rui.. " A ti chiah hnunglam atang a min au tu vang chuan phawk hra in ka hawi vat a Zorina alo ni, chal deuh hian a rawn kal phei nghal hlawk hlawk a ngaihtuah na diklo a put ka hlauh vangin Johan chu ka din hlat ve vat


"Enge i tih a? Hei tunge? " a rawn thlen rual chiah in a ti nghal a Johan lah chuan


"Ninawm hlawm hian a! " a lo ti zawi sap a sir lam a hawi nghal daih bawk


"Tumah anilo, khawi ah nge i kal a?" tlawn tak chuan ka ti a, tihsual ka nei hauhlo, mahse ka zam leh nasa tawh lutuk!


"Um anih chu,i haw dawn ami ka lo thlah kawi ang che chu? " a ti a, Johan chu ka melh zauh, a kalsawn lo a Zorina nen kan in biak na ngaihsak awm pawhin a awm lo a hawi kual a hawi kual ringawt


"Awle.. " Ka ti mai a, Johan te lak atang a ka tal chhuah na hun remchang ani si a ka hnial phal ngang lo ani


"Um kal ila.. " a ti a ka zui nghal nal nal a, a bike hun na bul kan thlen in ka hawi let leh a mahse a mah emaw a nau te emaw pawh an awm tawhlo


Zorina chuan kan in thleng min thlah a,tlai kam anih vangin rawn lut kawi lo chuan a haw tlang lehnghal a,in ah lut in ka in thlak sawk sawk a ka hman tho tiin ka nu rawngbawl ka pui leh a chumi pah chuan Kimkimi dam lo ka haw pui chungchang vel ka hrilh pah a


"Kimkimi chu tinge maw ni le? A thisen an lak in a hrik vel an hmu silo a maw? " a tih chuan ka lo bu nghat nghat a


"Hmu lo chu an tia lawm.. A buithlak e class kan tan chauh a a kal mumal thei lo ani nghal deuh tawp sia" Ka tih chuan min pawm pui takin alo bu ve nghat nghat

★

"Thenawm te in ka va leng lawk ange vawiin ah pangpar chungchang a sawi tui deuh a leng ah min sawm tlat a" Chaw ei kham hnu daih ah ka nu chuan ati a


Chutia len a sawi chu vawiin a Johan-a'n len min dil kha ka hrechhuak zawk! An lo kal tak tak angem le ka ti a ka ngaihtuah na a buai nghal chung mai, zah lem vak an nei silo a eng ang pawhin leng ah duhlo mahila an tum luih chuan an rawn lang ngei ngei ang, engtin nge chutih hun ah chuan ka lo sawi fel ang?


"Nu ka lo leng ve? " Ka nu chhuak tur chu ka au a, leng ve daih ila Johan te an lo kal pawhin ka pa'!n a lo hau anga an haw leh daih mai dawn ani


"I len daih ten.. " Ka pa chuan mahni a awm peihlo ang hrim chuan alo ti veleh, kanu pawhin nhi chungin


"Nu te leng tur ngen rula pawh I nih tawh loh kha I pa khua a har ang lo awmpui rawh a ti tlat si" Johan te an lo kal tak tak vaih chuan ka pa thinrim tur ka bengdai ngam in ka ring lo!


Tichuan len ve an phal bawk silo, TV chu rilru nuam lo deuh in ka en a ka u in text in min rawn be hlawl mai! Bawihtei a mut hma vang a phone a khawih theih thu a rawn sawi a,a hma a tang tawh a engkim ka hrilh thin tih tak ah ka rilru awmdan leh zanin a lo kal tur huphurh deuh ka neih thu te ka hrilh a, a ruh lang rawt chuan tu te nge ka sawi lo ka pa lawm chi vak loh an nih thu chu ka sawi hram, chu chu ka huphurh chhan ber ani miau sia


A tir ah chuan fiamthu deuh deuh in min chhang a mahse ka thutak bik zel vangin a man pawh chuan ka la hrilh tawp turin leh leng tur a ka sawm nilo in an mahni thu a lo len tum an nih thu sawi turin min ti a ka huphurh ngang mai!


"Ka lo phone dawn ami ka pa chu, hrilh lawk khan a thawng lutuk lo zawk anga lawm lo dawn mahsela" A ti a ka phal leh chuanglo ka u nen kan in biak mek laiin Aron a rawn lut hlawl a ka awm a ti nuam huai


Phone dah in ka lo chiau au ve a, ka pa pawh Aron a rawn len tak vangin room a hna khawih lai a rawn chhuak ve leh, a khat tawkin ka pa te hriat loh chuan kawngkhar lam ka en reng a thawm ka ngaichang reng bawk, an lo kal thut pawh a in chhung an rawn luh hma a lo haw tir keh thei tur a ka in rin reng angai


"Bawihte thingpui va lum la" Ka pa chuan ati a tho in ka va lum ve mai bawk a, ka thli vek tawh bawnghnute telh ka tum chuan ka la ti baw zui!!


"Kha u le.. " phur zet a tiin kitchen taang chuan ka chhuak a, kawngka a lo ding ka hmuh chuan ka tawp chawt, ka thinphu a dik lo hman lek lek ani


"Ka chang ve em? " tiin kawngka a lo ding Zorina chuan alo ti a, thaw hawk in ka nui a


"Lo thu rawh ka lo siam ve ang che.. " tiin ka pa leh Aron ta tur chu ka dah phawt a kitchen ah lut in ka va siam lehnghal


Mipa pathum chu an ti ti bawrh bawrh a keiin TV ka lo en ker thung, dar 8 a rik dawn hnaih tawh vangin Johan te lo lan chu ka ring tawhlo a ka tla a muang deuh huai mai, bak ah Aron leh Zorina an awm ve bawk a an lo len ngam beisei lo phawt ang


"Saturday ah chuan Aron nen lo kal ve ru aw? " Zorina chuan ati a, an thusawi ka lo ngaihsak ve lem loh vangin


"Maw..? " Ti deuh hû chungin ka lo en a


"Saturday ah kan picnic dawn a, Aron nen lo kal ve ru ka ti anih chu i pa pawn a phal sa tawh a" In tih theih hmel zet hian mit a la siai zui, ka pa chu ka en vat a alo nui suk ringawt


"Kimkimi kal ve i phal em? " Ka tih chuan Aron leh ka pa alo nui ri hawk a


"E aw I duh chuan lo hruai ve la, kan tam dawn lo nangni 3 leh ka thian thenkhat te ani mai..Lawma te ho" a tih chuan ka rilru ah Duati a rawn lang zawk a, a hma khan Lawma khan Duati rilru tur a ngaihtuah tlat vangin Vanrammuana nen kan in kawp a phal lo deuh anihkha,kha vang khan ka ngei viau tawh anihkha


"Ka kal leh peihlo e a.. " Ka tih chuan a hnar a tum dat a


"Ngah maw? In tih thawven ve zeuh zeuh te hi angai ania.. lo kal ngei ngei ru" A ti deuh tlat a, engtin ka chhang tawhlo na in ka rilru chuan ka thulh fel hmak thung


"Princess-i a awm em? " pawn lam atang a rawn ti an awm tak ah chuan,tu dang mah an nih ka ringlo Johan te unau ho tih loh chu, ka lung a phu nghal dup dup! Eng vang a princess-i te min rawn tih reng reng!


"No.. no hi ka va seng a nge" tih leh no khawm ka rual a kitchen ah a tlan in ka tlan lut ani ber mai


"Bawihte lo chhuak teh.. " Ka pa chuan ka lut fel chauh chu aw ki chang bul hian ati a Johan te unau an nih vang a chutiang aw ki a min rawn ko anih pawh ka ring nghet tawp, a lawm hauh lo ang!


"Aw pa.. " tiin ka aw ka ti zangkhai pah a, Johan te lo leng tur hre lawk lo ang tak a lan chu ka duh ani, mahse Johan te kawngka a lut chiah silo pawn a ding chal chuanglo a an lo awm ka hmuh chuan ka buai lehnghal vek


"Hemi te hi leng turin i sawm em ni? " chang fak a tiin Johan te unau chu a kawk a


"Nilo keimah ni thu in kan lo kal.. " Johan chuan alo ti vat a, keichu kitchen leh sitting room inkar lai ah tak ding in ka kut khur chu hmeh beh ka tum a


"Nang ka be lo che.. " Ka pa chuan a lo ti hmuk a, Johan chu mak takin a in thiamloh hmel a pu a,a sawi ang tak tak khan an rui miahlo emaw ni ka ti, rui se chuan in thiamlo hmel hi a put ka ring lo hrim hrim


A mah chauh anilo a unau te pawh rui hmel an pu lo, an mitmeng leh che zia an awmdan engkim chu a pangngai thlap, min rawn en zawk a ka hlauhthawn zia hi ka hmel hmai ah a lan nge pawh ka hrelo a meng dul nghal a, a lan dan chu chhungril a in thiamloh na nasa tak nei ang mai hi ani


"Zanin chuan kan rui lo ania ka pu.. " a tih chuan ka pa a ding nghal zawk a, Zorina leh Aron chuan thil awmdan in a thawing tih hriat tak hian hrilh hai hmel deuh husn main rawn en a


"In ruih leh ruih loh ka ngai pawimawh lo.. " Ka pa chuan ati a "Bawihte i room ah lut rawh..an ni hi kan veng a buaina rawn chawk chhuak for kha an ni lawm ni ruihhlo ah an fihlim lo lehnghal" a ti chu Johan chuan dawhthei tawh lo ni awm tak hian thawk a lo la hrawih a


"Ih.. pa an lo len i phal lo ami? " Ka ti teh tawp chu ka pa chuan meng dur khup chungin min en a, diktak chuan an nih na a ruh lang rawt a an awm ve reng lai lehnghal a an chungchang sawi chu a tha ber in ka hre lo, ka pa hi mi fel leh zau tak ani thin a sin mawle


"I fanu in leng atan chuan an ni ang tlangval fel, ruihhlo a fihlim te chauh kha em ni i duh thin a? In in a leng tur te lak a I chet duh dan chu a mawi vak lo hle mai.. " Aron leh Zorina te pahnih en zauh pahin Johan bawk chuan a ti leh a


"Ka fanu tan chuan Muana te ang a mipa tha tak kha ka duh, nangni ang chu nilo.." Ka pa chuan a ti a


"Paaaaa... " Ka lo ti ve vat, an rui bawk silo an tan a hriat a nawm dawn bik loh zia ka hre ve reng si a


"MamJohan kal ang u ka in sum theih na ka hlauh dawn.. " Reubena chuan alo ti, an thinrim ruko kha ka ring tawh reng ani


"Ekhai.. I thinrim mai ten Bawiha" Johan chuan fiamthu ah alo lak sak hlauh, ka pa chu lungawi lo hmel tak hian a thu thla leh a Aron leh Zorina chuan in rawlh na chi ah an ngailo nge an ngawi duk ringawt


Lut turin ka ti ngam silo a hnawh haw pawh ka ngam lo, ka pa chu a thu tum hmuk bawk si a, chutah Johan chu ka va en a a lo nui suk ringawt,an rawn kal kher kher chu ka ngei rualin ka pa lo tih teh hrep dan vang chuan ka in thiamlo tel hle bawk..Zorina chuan aw thian kharh pahin a ding hluai a Aron pawh a ding ve nghal


"Kan haw ange... " A ti a ka pa chuan tha deuh in


"A la hma a lawm" Alo ti leh thei mai sia


"E naktuk chhuah hma na tur ka nei a len la chak viau mahila zan dang atan khek mai ang,Arini rawn ngaihven pah deuh in ania ka rawn len mai mai ni" ati zung zung a, Johan te unau chu an chhuak hnak hnak a in thiamloh a na duh khawp mai, ka pa'n khatiang em em khan a tih ka ringlo asin


"Min lo thlah la.. " Aron chuan mitmeng awmze nei tak a atih chuan Zorina pawhin


"Nia kan lo len man min lo thlah ve la" Alo ti veleh a, ka pa lah chuan a hnial ngam lo tih hriat takin min rawn en deuh ralh a, lai deuh chuan ka zui chhuak ve a kan veranda ni chiah tawhlo ah chuan kan ding a a ruk in Johan te chu ka en a an kal hla hman viau aniang hmuh tur an awm tawhlo


"Vawiin ami kha ani em? " Zorina chuan a ti nghal vat a ka lo busy ve nghut bawk


"Vawiin ah in inhmu ami a? " Aron chuan chik deuh zawk hian min zawt ve thung a ka lo busy leh nghat ringawt "Arin, an ni hnaih kha thil tha ber anilo ania" a tih deuh hluai ah chuan Zorina'n a lo khap vat


"A tha ber zel kan duhsak che ania Arin.. " Zorina chuan ati a, ka in thiamlo takzet sawi tlang viau lo ve ve mahsela Johan te ang chu min duhpui lo tih a hriat theih vek


"An fel reuh lutuk" Ka lo ti ve ringawt a engvang tak a tan ve viau nge ka nih pawh ka hre tawhlo e a!


"Eng mi nge ni reng reng hlawm a? " A tih chuan, an mahni ka hriat dan ang ang chu ka hrilh a Johan-a'n mi veranda a riak a tanpui te pawh ka sawi tel vek


"Fel chang te pawh an nei ve thin alawm, misual zawk zawk nilo vawikhat tih chhin vang a a ngawl vei ta hi an ni thin a a pawi ani, mahse Arini tan hi chuan.. " Aron chuan alo ti ve a


"Nia, tiang ho hi an rui thin tih ani mai a thenkhat phei chu an taima ania aw, mahni ruih na tur thawkchhuak ngat ngat te pawh an awm ve ania.. A zawng zawng chu an nilo mahse a then hi taima, tlawmngai deuh leh thawh hreh neilo te hi an tam ania,an ruih thin vang mai a hmuhsit leh diriam viau hi thil tha ber anilo,a khaw lo zawng a ngai ringawt lo hian siam tha tu ah tang thei phei ila chuan a tha ngawt ang" Zorina chuan ati a, a thusawi dan vel chu a puitling ka ti takzet



"E..hei Tluangpuii pum a ana hospital ah an kal pui anih hi ka va kal ve zuai ange a la hma tho a" Aron chuan a ti a a phi buai nghal chung


"A va zia lo ve.. " Zorina chuan alo ti ve bawk a, tichuan Zorina haw tur nen an chhuak rual a


"I pa chu a sual hle mai" rawn ti tu vang chuan kan in piah lam chu ka en a sir lam thim lai ah an unau ho chuan an lo thu tlar thap


"Sual tak ani sual tak, theih chu nise ka hnek hrep tawh ang! Kan ruih thin vangin min hmusit ve khanglang a! " Tiin Benjamin chu an lo ang nghal tawn tawn


"Hmuhsit tlak kan nia lawm, keimah ni in kan duhthu ngeiin damdawi kan khawih a zu kan in a buaina kan siam bawk, chuti chung chuan mi ten an fak che i beisei ami? " Johan chuan alo ti leh zawk zamah a


"MamJohan.. Keichu ka chiri mai dawn zanin atan kan tia kan rui lo ngar ngar a, kan ruih loh chhan lah khati khan a zu zi leh mai mai a kal ila va la ang u" Sawmkima'n atih chuan a bu nghat a


"Kal ila ni mai a lawm..Princess in chhuat tal kan rap a kan lawm tho ania" a rawn ti kher a a ngeiawm takzet, kan gate lam ah chuan an in zui phei dual a " Addict te lak a I rilru puthmang ang kha I pa leh mi zawng zawng te hian pu ve se a tha tur ania" A rawn ti leh hram


"I thiante kha.. " In chhung ka lut ka pa'n a lo tih chuan thaw zui hawk in


"Pa engmah ka sawi peihlo" tiin room ah ka lut hmak, khum ah chuan let tawp in thawk ka la leh hawk thin a eng ber hian nge min ti hahdam lo ta pawh ka hrelo mahse ka rilru ngaihtuah na hi a rit bur mai


"Mu ang thawh hma angai.. " Tiin ka in khuh hlun a reilote ah ka muhil zui mai

★

"Bawihte tho teh hei pot hi tu lo dah nge a? Thenawm nu ta ani lawm ni? " Ka nu a ti a peihlo deuh a meng in en tur a min tih na lam chu ka en a ka khum bul a dawhkan te ah chuan Johan-a'n a hma daih zan a pot min rawn pek bawk kha alo awm leh! Hi tih te chu alo in ziak leh bawk


"Awi ui ka hrelo reng reng engtin nge a lo awm theih? " Ka ti a tukverh main check chu ka lo kalh reng reng lo! a nihchuan Johan kha zanlai vel ah lo kal leh in a rawn dah lehron tih na emaw ni le?


"A mak hle mai, thenawm nu hmuh hma in dah let vat chi anih hi a ui thin sia" A ti a, a chawi chhuak nghal nulh


"A van ti ho tak! " Ti nak nak chungin bathroom ah ka lut a, ka inbual a college kal tur a ka in peih thlap tawh hnu thleng pawhin ka pa nen chuan kan in be mumal ta lo, nizan vang kha ani tih ka hria a keipawn ka be hmasa ta lo law law


Kimkimi a kal theilo a mahni te bawk chuan bus chang in ka chhuak a, kan veng chhuah lam ah Johan te unau ka tawk thut, an rui em em a zing ah lehnghal an pali a an kal mai mai pawh an in nek leh nawk nawk thin, a hmu te a piang in an en zui in an sawi zui a an ni lam erawh in an ngaihsak lo


Ka lo en reng a ding meuh in,min hrelo nge min hmu lo zawk pawh ka hrelo an kal tlang hmiah a min la nek sawk zui! ka leh hawi a an kal liam tur chu ka en zui reng, an awmdan chu zahthlak tih lam ai mahin khawngaih lam ah a kal zawk


Bus a lo thlen avangin bus ah chuan ka lut vat a tlar hnung ber kil ah chuan ka thu nghal thak, ka bag aa phone ka dap lai in ka bul a rawn thu zu rim na lutuk vang chuan hawi chhuak in a mah chu ka en a Tu dang mah anilo Johan lek ani, kan hma chiah ah a nay te ho an lo thik ve thap!


"Enge..? " Ka tih rual chuan meng sen ram chung leh peihloh hmel zet a meng tawk tawk ang mai hian min en run a, a nui khat em em a a nih lah in a hlauhawm bawk si, tun ah phei chuan min thah chak hmel rum zet hi a pu ni maiin ka hria


"Ngati nge hei hi i bun reng a.. " ning hmel zet a tiin ka zungtan a zungbun Vanrammuana ta ka bun chu a rawn khawih a min pawh phawi sak ringawt!


"Min pe let rawh..? " Tiin vin tak chuan in seh ruh teuh chungin ka tia bus tlan lai leh mi chuang tam na nilo ila chuan tun ai hian ka nasa ang


"Enteh hey, min en lawk teh? " a ti a kan thut na hnaih a thu ho an rawn hawi leh dawn thin "Ka hmelchhe viau ami?" A ti teh thlawt a,nuih te lam lam a ti za dawn a lawm


"Tunge i chhia ti che? " Ka tih chuan a ngawi vung vung a

"Nangman, min duh silo a ka hmelchhia ani mai alawm" a ti hmuk,engtik lai mahin hmelchhia ka la ti ngailo e a


"I ruih hian duh duh sawi thin suh" Ka ti a a bu nghat nghat


"I number min pe rawh, ahhh ka be chak thin che a" harhfim ang a lan tum ni awm tak hian a lu a thing leh zauh thin, tang ve ka tum chiah chu min lo khap "a ngai leh lo.. Ih ka phone zu man ah ka hralh daih a phone ka nei tawhlo"


"Thu sawn rawh.. " Ka tih chuan rum zet hian min melh a


"Princess..ka nu leh pa, nang,i pa leh mi zawng zawng hian ka ruih in min duhlo a ka ruih loh pawh in min duh chuanglo! engtin nge ka awm ang? Ka chanchin an sawi a midang nen min tehkhin a! Midang nen a min tehkhin lo hian keimah Johan ang tawp hian min pawm thei hlawm lo a mawn le? "


"Nge ni a..that ve na lai leh tangkai na lai pakhatmah ka neilo zawk? mi tha tak nih ve chu ka duh mahse khawvel hian min phal sak ve lo aniang! a fair hlawl lo! "

IMG_202110377.jpg
IMG_202110377.jpg (40.85 KiB) Viewed 3772 times


"Rui tawhlo la..a zawng zawng in nilo mahse thil tam tak a fel thei tho a sin" Ka tih chuan awih loh hmel tak a nui chungin a thu rem sauh sauh a seat hnung ngheng in a chhing vang vang a, ka zungbun min pawhin chhuah sak chu a rawn lek kang a ka lo la nghal vat


"Rui lo a awm te chu ka chak a lawm mahse ka theilo, ka ruih loh hlek chuan ka na zel a ka na tulh tulh a thih ka chak phah thin..nizan pawh khan ka zo lo tep ani" hahdam lo aw tak hian a ti a


"Aahh, thil dang daih nizan vang khan min hrethiam dawn nia, ka tih chu ka pa lo tih dan cheu ah khan" tiin a mah chu ka melh pah zauh a


"A ti dik lo chuanglo" nui hul hal pahin kan hma a thu a nai te chu a kheuh zeuh a "fare ka neilo ania chhuak ang" a ti a thawh an tum chu


"Enge tih i tum a?" A ban ah chuan ka lo pawt bet


"Kan zuang thla dawn" A ti sam et, mawl ti lutuk in ka melh tlawk tlawk a midang hriat tir velo tur a min ti ni awm fahran in a kut zungchal chu a hmui zawn ah a dah a


"I mawl ami? Chesual ula in thi thei asin! In ruih ruih nen" Ka tih chuan ning hmel zet hian a Meng kual ralh a


"Min thlah teh, chuan man kan nei hleinem mawle" a tih chuan mawl ka tih lutuk vangin ka nui chhuak hawk ringawt, chuan man tur pawh neilo in an lo chuang ve ngawt a chutah bus tlan lai atangin zuan thlak an la tum zui


"I mawl lutuk! Ka pek sak ang che u" Ka tih chuan lu a thing vat, fare an rawn khawn liam liam a pek sak ka tum lui tho,bag zen a ka kun lai mek in Johan chu a tho thut a a nau te nen bus tlan lai atang chuan an lo va zuangthla ta tak tak!


Chuang ve te leh kawng a lo awm ho au dual ah chuan ka hawi ve chauh nghe nghe, ka ding hlawk a ka dak chhuak nghal, an rui bawk a kawng ah chuan an tlu rum mai! Chhuk ka tum rum rum a mahse college kal tur ka ni nen a rem tak loh em vang chuan ka thut na ngai ah ka thu a ka hawi let ka haai let ringawt


"Chuan man an neilo aniang, an va ti hlauhawm ve tlan chak lai ni phei se chuan" Bus ami hot chuan an ti sap sap a


"Tu te nge maw ni le, chuan man pawh neilo a tiang tih ching hi an tam ania" Conductor chuan pawisa khawn zel pahin a ti a ka bul a lo thlen chuan


"Ka hmelhriat te an nia ka lo pek kep ang" Tiin ka chuan man leh an Unau ho chuan man chu ka pek kep a, college ka thlen chuan Tetea leh Moses-a ten min lo chiau au vat a, Kimkimi erawh nimin lam vangin a chawl leh rih

★

"Min lo zui haw la lehkhabu chu min hawh sak hma in lo hawh hmasa daih rawh" Tetea'n scooty a chuan pahin ati a,Tetea lehkhabu zing ami mamawh deuh ka nei a hawh tum an lo awm ve chiah bawk sia chuvang a Tetea'n min sawm kawi pawh ani


"Awle.. Lo hawh hmasa khauh ang" Tiin an in lam ah chuan kan in zui kawi a, kan thlen dawn hnaih ah "Mahse pawn ah ka lo awm ang aw ka lo lut zak deuh" Ka tih chuan a nui hawk hawk a


"A ho lutuk tun ang ah te chuan ka nu bak a la awm ngailo" A ti a vawikhat a birthday ah khan kal tawh tho mahila khatah kha chuan midang pawh an tel ve a kan tha hnem nen tuman min ngaihven em em lo a, tun ah chuan keimah teh tlawng ka nia ka zak


An in kawt ah chuan ding in min sawm luih tak tlat vang chuan pawn a lo nghak lo in ka lut ve a, a sawi ang tak tak in a nu deuh chauh alo awm a, nu pakhat ka hmuh tawh hnu ang deuh hi couch pakhat ah chuan alo thi ve bawk


"Lo awm rawh aw ka lo la ang, Nu hei ka thiannu Arini kha lo chiau au lawk la" Ati a, an in chung lam ah a chho a


"Arini maw I nih?" tiin Tetea nu chuan min lo bia a kawngka bul mai ah chuan ka thu a, ka bul deuh lawk ah chair ah chuan alo thu ve a


"Um aw.. " Ka lo ti mawl deuh tawp, ka lai lutuk a khawi lam ber nge hawi chi pawh ka hre tawhlo a melh ber tur lah ka hrelo, ka haqi kual rek rek dawn chuan ruk tur zawng ang ah min ngaih ka hlau bawk si


"I fel hle mai, Bawiha te ang thian kawm thiamlo lutuk te in lo kawm ve duh a" A tih chuan ka lo nui deuh tawp a, tawngkam ka thiam vak bawk silo


"Keini pawh mi kawm kan thiamlo lutuk a mah hi a fel em a" Ka ti ve ringawt a,a ruk in Tetea chu rei ka ti tawh hle, chhuah vat vat ka chak tawh


"Thingpui in ve rawh aw.. ? " tih pahin thingpui lum nghal mai a tum a


"Aih aih, a ngailo mai ka lawm lutuk, haw leh vat ka ngai a" Tiin ka lo hnial a, ka hawi sawn pahin an inleng nu ni awm tak couch a lo thu chu ka hmu fuh a ngawi rengin min lo en char char


"aw I va hmanhmawh ve..U Zo nang tal chuan in rawh aw" tiin thingpui chu a lum tho a, ka hmuh hnu ang ka tih kha a hming a an koh tak ah chuan Johan-a nuhrawn kha ani tih ka hrechhuak leh chiah!


"Haw phei ka tum rilru tawh asin keipawh.. " tih pahin a mit a la sawn ve chiah,Tetea nu chuan in turin a ti lui a,Tetea alo chhuk a lehkhabu alo leng tel bawk a ka lo ding ve nghal vat


"Kha le.. Ka in thlak law law a" Min nuih thaw pah hian ati a "kal rawh.. Ka va thlah ang che" a ti a, tih tur em em a nei hmel tawhlo bawk a keipawn ka hnial kem lo


"Engtin maw Johan-a chu a pa in Home ah dah a tum i tia mi? " Kan in zui chhuak kawngka ka pel chiah Tetea nu thusawi vang chuan ka ding dawt a


"Aw a pa hian Home a dah loh chuan a insiam tha dawn lo ati tlat a, keichuan ngai ka ti hran lo mawle a duh chuan a fel a sin a pa nen hian an in ngeih lo laklawh hi a buaithlak ani..Home a awm ngai khawp hian sual ka la tilo keichuan maw, bak ah a awm loh tawp chuan Puia hian angai nasa dawn sia.. Zan a reilote a rawn haw ve te hi Puia tan hian a tha lutuk a" pakhat zawk chuan alo ti a


"Anih chu mawle, keipawh tul ka la tilo damdawi a tih na pawh kum hnih thum vel chauh ala ni i tia Home a awm kher lo pawhin a la nahi thei ang"


"Arin.. ? " Tetea min auh vang chuan ka phu zawk a rang deuhin ka kal nghal hlawk hlawk


Tlan lai te chuan Home tih ringawt chu ka rilru ah a awm a, Johan hmel nen ka han hmeh bel a awmze awm lo tak si hian ka khawngaih em em ringawt! A pa chuan a fapa in that ve na lai a neih pawh a beisei lo hle anih dawn hi..hei vang hi aniang bus ah Johan khan khatiang lam hawi thu kha a sawi ni


"Kan thleng e.. " Tetea rawn tih chuan ka harh deuh zawk a, kawng tluan in Johan te pafa ringawt ani ka lo ngaihtuah a


"Ka lawm e aw.. Lo lut ve la" Ka tih chuan,inkhelh a la duh vangin nidang ah tiin a tlan haw lehnghal a, in ah lut in ka in ti fai a


Ka nu rawngbawl ka pui a, tukin ka chhuah hnu ah ka pa'n nizan a Johan te lo len tum vel kha alo hrilh aniang min zawt ti tih deuh a mahse ka chhan that duhloh vang leh Johan te lam tan deuh hlek a ka tawng vangin a sawi zui peih ta lo


Ka pa a rawn haw a,a hmel ah danglam a awm hran lo keipawh tha deuh in min bia a mahse a hma ang tak chu kan nilo tih kan hrethiam ve ve in ka hria, chaw ei kham ah Tetea lehkhabu ka hawh chu room ah ka bih malh malh a, a kar lak ah vawiin tlai a ka thu hriat bawk kha ka ngaihtuah chhuak leh zawk


"A mah chauh Home ah a dah chuan a nau ten hruai chhuah an tum tho ang, bak ah a mah pawhin a duh awm lo em mai,ka nghei duh a Home a awm in bul tan ang ati pawh anih hmel silo a an buai zual zawk daih ang" ka ti sep a


"Huhhh, tinge ka lo buai ve em em a? An fapa ania a that an duh sak vangin Home a dah an rel ani mai" Ka ti a keimah leh keimah chu ka in hrethiam lo lek lek "Ngaihdan te i nei ve em? " tiin ka zungbun chu ka en a


Dar 8:30 bawr ah chuan mitthi an rawn puang thut mai! Kan kohhran upa dam lo kha alo ni aa, a khawngaih thlak reuh tak tak ani, Vanrammuana kal hnu ka chiangkuan loh lai pawh a min rawn ngaihven leh min rawn tawngtai sak fo tu kha ania, a uihawm khawp mai


"Ka va kal ve ange" tiin ka pa a chhuak a,ka nu nen tv kan en a kan film hmuhnawm tih em em mai Broken pieces chu kan en dun a ka nu tang thei lutuk chu ka lo nuih char char


"Awi Bawihte keichu ni ila Dilara khi ka an khun hrep tawh ang" tiin a mal kham chung a ka mu chu ka ban bul an rawn beng thlawrh!


"Nu a na ania i tang thei em mai" tiin ka thu chhuak nghal zat a


"Eee tak a i pa khan damdawi a la ei miahlo ania" A ti a a tho nghal rawk rawk, ka pa hian kumin kum tir atang khan damdawi regu tak a ei ngai a nei a vawikhat pawh eilo hlek se a pawi,a bul atang a ei leh ngai zel ania a buaithlak tawp ani mai


"Lo phone hmasa la chuan kan va pe lawk mai dawn nia" a tih vangin phur lo deuh chuan ka bia a, pawn ah ka lo chang ang che u a tih vangin ka nu nen chuan kan chhuak a


A hla viau lo bawk a 20 minutes vel ah chuan kan va thleng mai, ka pa chu pawn ah alo awm a mi pawh an lo awm nuk mai, mi tap thawm te leh an tah tawng te chu ka beng ah chiang takin a lut a,ka khawngaih..ka khawngaih takzet kan hmangaih lai te chan nat zia hi ka hrechiang si a..Vanrammuana ka thlah lai te kha ka rilru ah a rawn thar uar uar mai


"Bawihte haw leh tawh mai ila" Ka nu in alo tih chuan ka khap fek fek a, bu nghat in kan let leh a "lo va kal tlang rawh aw hetah hian kan lut kawi lawk pangpar min pek tur an nei a" A tih chuan ka hmui ka lo ti sawi vak


"Pari.. " nui chung a tiin ka kalsan zui a,ka kal tan chauh ka hnung ah hian min zui tu awm ang maiin ka feel tlat a nuam lo ka ti thar riau mai a ka ke pen ka ti chak zual sauh bawk


"I van kal chak ve? " ti a min rawn bia an awm tak ah phei chuan tlan hian ka tlan a in pawh ka thleng rang ngei mai, veranda ka thlen rualin ka hawi let chu kan compound hung na bang bawh ti tih deuh hian Johan a lo ding run


Min zui tu anih ka ring nghet a ani bak tun mai a hmuh theih pawh an awm lo "i van dawih ve.. " a la ti nui ver ver zui


"I a ami..? Ka hlauh zia kha!! " thinrim lutuk chuan ka vin nghek, chutah gate pan in a hawng a a rawn kal zel a ka thinrim chuan ka lo melh nghek ringawt


"MamJohan kan la tawh" Ka hma lawk a a rawn din rual chuan a nau te an lo lang a gate pawn atangin an lo au a damdawi ni awm tak chu Reubena chuan a keng a


"Lo va kal rawh u.." A ti a an kalsan ve mai bawk,ka mit ah tak chuan min en in a lukhum chu a siamtha te te a


"Ih maw Princess, ka ruih tak tak hma in.. " a tih chuan Home chungchang kha ka hrechhuak thut


"I chhungte hlat a awm ngai ta se, i awm thei angem? " ka tih chuan, a hmel a tum nghal hmuk a


"Puia'n min ngai lutuk ang" a ti ringawt a a hmel lan dan ai chuan a tawng a dam daih mai, tun chu a rui em em pawhin ka hrelo zu rim chu a nam tho mahse a che leh a mitmeng ah pawh a rui lutuk lo tih a hriat


"Nizan kha chu ka ang tawhlo tiraw? Tlangval ruih hlo khawih ngai miahlo ang in ka lo kal a, zanin erawh chuan a dang daih tawh.. " Ka en reng vang chuan a ti a


"Ka pa lo tih dan cheu kha pawi ka ti.. " Ka tih mek lai chuan rawn kun thut in ka biang ah chuan a fawp a ka meng phawk nghal hru


"I lak a ka rilru I hre vek tawh a, ka ruih tak tak hma hian I chhan na ka hre duh, chuvang a lo kal ka nia" a tih chuan ka deuh hau chungin ka en a


Ka rilru chuan 'a theih loh' tiin ka in hrilh nghal mawlh mawlh,ka back dat chu hria ni awm takin ka ke lam a en a ngaih that loh hmel tak hian min en hnu ah a rawn kal hnai thut a kan in si lo chauh ang tih tur vel a hnaih hian min rawn din chilh a thawk pawh ka thaw tha ngam lo


"Kal.. Kal tawh rawh" ti a luh ka tum chu ka ban ah a chelh a chu velah vin lutuk hian "ka duhlo che.. " Ka ti vak a


"Oh.. Ok kha kha ania ka hriat duh" A ti chuai raih a


"Min thlah tawh rawh" ti a ka tan lai tak chuan


"Thlah nghal rawh.. " ti a rawn tawng an awm a Aron ani, ka tal vak a Johan pawhin min thlah nghal "in neitu kan nih hi engvangin nge kan phal na lo a I lo luh? " chang fak hian Aron chuan a ti a step atangin a lo chhuk nghal hmawk hmawk


"A ni maw? In neitu in nih lam ka ngai pawimawh vak hleinem ka lo kal chhan in ni lo bawk a" Johan chuan zam lo zet hian alo ti let ve bawk


"Chhuak rawh..ani hi rawn hnaih tawh suh ang che,a tan hian i tha lo.. " Aron tawng duh dan teh vak chu tha ka tih loh vangin a ban ah ka lo vuan a


"Aron khati vak khan ti suh, hawh lut ang" ka ti a Johan lah chuan


"I ngaizawng ve ani maw? in sum rawh Bawiha bialnu nei lai I nih kha,pahnih em em chu a lerh thlak mah mah ania" Ngeiawm zet a nuih suk pahin ati a, Aron chuan a kawr ah a tham ta mai!


Johan chuan a duhlo ngang aniang a lo hnek nghal pawp a ka rak thawt! Aron chu a pai deuh bawk a chutah rawn khawih ve a tum chu a âwm ah ka lo nam a in bengdai turin ka hrilh mawlh mawlh bawk, engati ta nge Aron hi a zaidam loh tak em em mai le?


"Lo va lut rawh.. Aron thinrim suh" ka ti mawlh mawlh mawlh a mahse a lut lo Johan chu rum takin a melh a


"Khawngaih in kalsawn rawh..ka duhlo che ka tih tawh kha " ti a Johan bia in a mah pawh en lo chuan ka hnungchhawn tlat "I hmui a thi ania Aron!!" Mangang tak chuan ka hrilh a


"Ka thik hle mai.." tiin a kalsawn ta vang vang

[Ngaia]

CHAPTER-11


Ka hawi let a, ka la hmu thei a kal atangin a ke lam a na tih a hriat theih a vawiin a bus atang a an zuan thlak vang kha aniang, inchhung a ka luh chuan Aron a lo thu tum bur a


"Ngtii nge Aron tunlai chu i zaidam loh tak em em a? eng emaw hlek ah i thinrim a.. " Tiin la pua ka la chhuak a, a hmui thi hruk sak ka tum chuan a man la pua chu alo la a keipawh ngawi rengin a bul chiah ah chuan ka thu ve a


"Ka hre bik lo Arin!! " Hahdam lo aw tak a ti chung hian hnuailam a bih a, ka nu a rawn lutuk ta chiah bawk a engmah kan sawi sui tawhlo, Aron a lo awm ve chu mak a ti lek lek a mahse engmah zawt lo tur a ka signal vangin room ah a lut tlang a


"U Tluangpuii nen in tha em? " Ka tih chuan a nui ri hawk a ahmui thi chu a hru char char bawk


"Ngati nge min zawh a? " a tih chuan thil zep tit tet thiam ta lo chuan


"Awww,in tha vaklo anga i mood hi alo chhiat phah aniang ka ti mawle a hma in tiang i ni ngai silo a" Ka tih chuan za lo tih hriat tak hian a nui tawi tap a


"Kan tha a lawm.. " tiin a che hluai a "ka kal ange.. " tiin a khabe ruh kual chu a dawm a Johan khan a hnek na viau aniang


"Khawi ah nge ila kal dawn a? " Ka tih chuan din chhuah pah hian


"Tluangpuii te in ah, enge a an tih ka va thli thlai lawk ang ka tia.."pangngai deuh chuan ati mai a


" Tiang chung khan maw? a ngaih a lo tha lo ange bak ah a tlai tawh e len nan" ka tih chuan a nui ri hak a


"Ka lut zuai dawn a lawm, bak ah len luh fo pawh nuam ka ti hran lo a u bula senior sawn Amon nen a in chanchin hi min zawh a hrat lutuk a" ning hmel tak a ner pah hian ati a


"A va sual ve.." Ka lo ti ve hmak


"Ka kal aw.." Tiin a pen phei a


"Aron.. Zaidam deuh a I awm khan ka ngai na zawk che ania" kawngka a a chhuak tawh tur chu ka au leh hram a a nui ve suk


A chhuah hnu chuan kawngka nam hawn theih a dah in room ah ka lut a ka mu fel chiah ka nu a rawn lut veleh, tho chuang lo in ka lu ka lo kan lek a


"Aron kha ngati nge a? " tiin eng emaw hrilh beisei hmel tak hian min rawn en a


"Engvak anilo.. " Ka ti ringawt a, hriat tum ruh hmel tak hian ka khum ah chuan a rawn thu a


"I pa sawi tlangval nen an in chai buai kha ka rawn hmu a lawm" a tih tak ah chuan ka thaw hak a


"Min bia a chuan Aron kha a rawn chhuk a phal na lo a compound a luh tih vel kha a rawn sawi a an in chhang buai deuhin Aron khan a kawr ah a tham thut a Johan khan a hnek ta mai anihkha" Ka tih chuan a ngawi vang vang a


"Aron hian a ngaihtuah em em che a, chuvang aniang tiraw?" A tih chuan ka lo nui suk ringawt, a chhuah vel ah ka mu a reilote ah ka muhil nghal mai

★

College kal tur a ka in siam mek lai in kimkimi a lo lut hlawl! nimin pawn a la dam lo viau si a vawiin pawh a kal peih ka ring lo in call pawh ka call ta lo law law kha ania mahse hei zangkhai hmel deuhin a rawn lang leh nawlh si anih hi


"Nizan dar 2 bawr atang khan ka dam ta lutuk a chuvang in class kal ka tum thut anih hi" Mak ka ti deuh tih hre thiam tak hian a ti a ka lo bu nghat


Ka pa nizan lam vangin a la mu rih a chaw kan ei san a chumi hnu ah muangchang in Kimkimi nen kan in zui chhuak a


"Arin... Lalrinzual?? " pawt zet in min au a


"Enge khati vak a min koh a? " tiin min phur mek tu Kimkimi dar ah chuan ka beng chawrh a


"Ka bia che a min chhang thak silo anihkha" A tih chuan a dar ah khabe nghat in ka kuah deuh chial a "i rilru ti hah deuh tu a awm ani maw? " a ti zui a


"Enteh Kim, ih maw Johan-a khan min duh a? " ka tih chuan a tlan muang ta sawt


"Chuan i duh ve em? Nizan ah a bem che ami i chhang lo tiraw? " a ti nghal zung zung


"Chhang lo ti ila ka duhloh thu ka hrilh" Ka tih chuan kawng sir rem lai ah scooty a din tir a


"I hnawl maw? I van ti khawngaih thlak! " tiin a rawn leh hawi deuh a "enteh Arin sir Amon vang ami I hnawl a? ih maw theihnghilh la midang duh rawh ka tih na chu ani lo mahse hmalam pan I ngai in ka hria" a ti a


"Kim ka.. Ka hnawl chhan chu Vanrammuana vang ngawr ngawr ani hleinem, ani kha duh na ka neilo hrim hrim zawk a lawm... Ka chhungte pawhin min duhpui lo Aron leh Zorina pawh in.. bak ah nangpawh in Tetea sawi atangin a chanchin I hria a a sual em kha" Ka ti teh duah


"I mak e Johan-a kher kha ka sawi lo, tlem te talin hmalam pan la ka duh tih ka sawi mai a lawm keipawh in Johan-a kha ka duh pui bik hran lo che..sual te tih hman zan pawn mi ti a tanpui kha" A ti a ka chhan let hma hauh in


"Ih maw.. Pathian in rem a ti anihchuan rei tak ila dam dawn a,sir Amon chu a kal tawh nangpawn i hria.. a mah vang a a ngai leh ngai a tan ngawt hi a tha lo asin.. Ani pawh khan hmalam i pan te kawppui thar nei a I hlim te pawh a duhpui che in ka ring ani" Atih chuan ka tum nghal hmuk


"A duhlo ang.. " Ka lo ti hmak


"A hmangaih em em che a,hetiang ringawt a nangmah leh nangmah i in tih hreawm hi a phal awm lo em mai.. Hun hi liam tam sela awm tawh lo ngai a kun reng ai chuan a dam lai ngei kiang a awm theih na chu i la thlan zawk hun a awm ang" A ti a


"Lalkim..! " Ka lo ti vak thung "hmalam pan te chu ka duh ve tho a lawm mahse, ani kha ka ngaihtuah a hmalam ka pan san chuan a na ang tih ka hlau ani" Ka ti tham tiak a


"A na lo ang, i hlim na duh ber thin tu ania engtin pawhin awm la i hlim na tur ilo um ta anih pawhin a hlimpui ve em em ang che" A ti a, a mah kan sawi thui telh telh a tah a hnai tih ka hriat vangin van lam hawi chuan ka thaw hawk a


"Min ngai ngawt ang.. " Ka ti sep a "kal leh tawh ang kan tlai ange" Ka tih chuan a bu ve nghat nghat a


"Um, chuan Johan-a chu alo kal tih na ami? I hnawl chuan engtin nge a awm? " a ti a a tlan chhuak lehnghal


"Ka duhloh thu ka hrilh a chuan Aron nen an in tibuai deuh bawk a.." tiin thil awm dan chu chip chiar deuh zawk hian ka hrilh a


"A van ti mak ve Aron chu, a zaidam theih theih nen sir Amon tan a la dah ngheh bur vang che a niang a? " a ti a ngaihdan ka neih vakloh thu in ka chhang thung


College kan thleng a tuk dang ang lo tak a Tetea hmuh mai tur an awm loh vangin Moses-a mahni a lo thu awm na lam chu kan pan a, kan va thlen rualin Tetea awm na kan zawt a alo la thleng lo a ti ringawt a harsat na a tawh awm a hriat loh thu a sawi tel bawk a


"E saw a lo thleng a lawm" a ti a Kimkimi nen kan hawi ve nghal, ani pawh a hmanhmawh hmel khawp mai


"Tukin chu thawh kan hai tlang a ka tlai vek" A rawn ti phei nuah nuah


"Anihchu i chung ah thil tha lo a thleng ta emaw ka lo ti hman a lawm tuk dang ah te chuna min then khalh ziah sia" Kimkimi chuan alo ti var a


"Nia, nangpawh chu i dam tawh ami? " ti a Tetea nen in bia in class lam pan chuan an in zui a Moses-a nen a hnung zawk ah kal in Tetea te chu a hma ah an kal thung


"E tukin chu buai hmanhmawh nen thenawm te in ah police te an rawn lang a enge thleng tih hriat tumin ka ngaichang veleh bawk sia.. " a tih chuan ka beng ka lo chhi nghal var a, thenawm te atih tak ah chuan Johan te an nih ka ring ve tawp


"Ngati nge police daih daih? " Kimi chuan ati a, Tetea chhan na hre chak in ka kal hma hret a


"U Johan-a kha a pa in Home a dah a tum a, a man a duh lo a chumi boruak vel ah chuan inchhung ah buaina a siam antia, khawvar dawn ah pawh buaina a la siam zawm zel atia a pa khan police a ko ringawt a.. Ka mutui viau aniang an thawm awm pawh ka hrelo police rawn lan tak ah khan kan chhung pawhin kan hre ve chauh" a ti a


Ka rin sa reng ani Home a awm chu a duh dawn lo lutuk ringawt, mahse chu ai mah chuan a pa in a fapa a treat duh dan chu ani.. Mahni hrin meuh te lak a zaidam nep lutuk chu a mak ka ti, Johan chu ruihhlo ti zing ah pawh a sual ngawih ngawih pawh anilo a.. In chhung a buaina siam tih vang a mahni fa ngei lehnghal police a pek tum nghal tawp na rilru kha mak ka ti ani


"Chuan an man ami?" ti a Kimkimi rawn hawi kher chu no lo zet hian ka melh a


"Man lo..U Johan-a pa unaupa alo kal a an sawi fel aniang" A ti a a ruk in ka lo thaw deuh hawk a, ka awm dan teh daih chu mak ka ti lek lek


Class kan tan mawp mawp a a kar lak ah Johan leh Home tih ringawt chu ka ngaihtuah a! Enge a chhan pawh ka hre teh nuaih lo ka thluak ah hian a awm reng ni mai hian ka hria!


Tlai ban ah thil ei kawi an rawt a ahma an rawt tawh kan thulh si vangin hnial ta lo chuan thil ei pahin kan tawi khawmuang leh a, restaurant pakhat kan thlen a kan luh dawn chuan Sawmkima ang deuh ka hmu a ka hawi nawn leh ngat, a lo ni tak tak bawk rilru nawm loh hmel tak hian a tei chhen a a bul chiah ah Reuben leh Benjamin te pawh an lo thu tung a Johan a awm ve lo


"Lo va lut ru tah sawn ka va kal lawk" tiin ka kal phei a, ka thiante luh fel vel ah ka pawh ngam ve chauh, min hmu chu Sawmkima chuan a unau te a signal zeuh a,tun pawh an rui lo ni in ka hria


"Princess..tha maw?? " nelawm zet hian Reuben chuan min lo ti a, chutiang a nel hranpa viau ka nih loh vangin tawi te chuan ka nuih a, Johan awm na han zawh ka duh viau a chu an ngaih kawih ka hlauh hnuhnawh si vangin let leh ka rilruk ta zawk


"Engtin nge kan tih dawn? MamJohana tello chuan eng kan nilo, Home ah chuan a awm theilo hrim hrim! patea pawh hi a ti mak khawp mai a that na tur duh in ti si in tiang zawng hian a che a, MamJohana hi a hmangaih tak tak lo a tha chhuak tur pawhin a duh tak tak lo! " Benjamina chuan a ti hlawk hlawk a kal mai ta lo chuan ka ding reng


"Home ah chuan a awm ami? " Ka ti thawr a an pathum chuan mak min tih hmel lutuk in min en nghal thap "Ahh an thenawm te ami ka thianpa in a sawi a" Ka ti daih a


"La awm lo.. a pa in dah luih a tum a a duhlo in a chhuak bo daih a, a chin pawh kan hrelo" an ti a, phat rual loh in an u chu an ngaihtuah ve ani tih a hriat


"A awm loh chuan engtihmah a nuam lo" Sawmkima chuan ati veleh a, rui nawi a in zui kual mai mai thin mah nise an unaupa an tan a hlut tur zia chu an tawngkam atangin a chiang viau in ka hria, a nau te a duat hle thin aniang


"Call ula.. " Ka tih chuan mawl min tih hmel zet hian min en a

"Phone a nei hleinem, kan hralh daih tawh a lawm.. " Benjamina chuan alo ti hmuk a

"A bike pawh kan hralh daih. " in ti thei hmel pu zet a nui pah hian Sawmkima chuan alo ti var a, atthlak ka ti lutuk chuan ka nui chhuak hawk


"A atthlak hle mai" ka tih chuan Benjamina chuan min ngei ni awm tak hian min en pahin a nui hul hak a


"A mah ber in a lawm hralh, a pa present ania a duh miau silo a a hralh mai loh in" a ti a, ka thianten min rawn au tawh bawk si chu ka kalsan a an ni pawhin zawn an tum nge an thut hmun kalsan in an chhuak a


"Tu te nge a? " Moses-a chuan alo ti a


"Tu.. Tu vakmah an nilo" Ka ti liam mai a " Ei vat vat ila haw tlai vaklo ang u" Ka tih zui vangin tuman engmah min zawt zui lo


Thil kan ei zo deuh chiah in tur an lam leh vangin nghah pah chuan kan thu khawmuang leh a a tlai over dawn tak tak ta bawk nen ka nu chuan min lo call a thil kan ei kawi thu ka hrilh a ka thiante an nih thu ka hrilh hnu ah finfiah nan Kimkimi ka biak tir a, phone min rawn pek rual chuan


"Anih chaw kan lo ei san ang che aw I pa khawhar in ah kal leh a duh dawn sia" a ti a phone a dah zui a, keini pawh ka nu meuhin a rawn phone tak ah chuan in tur in zo sawk sawk in haw ka tum nghal tut tut


"Ka lo thlah ang che, Kimkimi chu hmeichhia ani bawk sia a let leh lam te a ngaihtuah awm ang" Moses-a chuan alo ti var a, Kimkimi ka ngaihtuah ve deuh tho si ah chuan ka lo bu ve nghat a tichuan kan in lam pan in kan in phur chhuak a


Kan veng thlen dawn hnaih ah chuan tu emaw mi pungkhawm kar ah ka hmu zuai a ka hawi nawn leh rang kher mai, a unau ten an zawn mek Johan ngei mai chu khawlai ah mipa pakhat mitdel tih hriat tak bul a thu in guitar nen a lo zai anihchu!


"Moses ta tang hian ka chhuk mai ang tih tur ka nei a" Ka tih chuan


"Maw..? " Ti deuh hu in rem leh rem lo chuan kawng sir lam ah a ding a ka chhuk deuh sawk sawk chu mak ti deuhin min lo en char char a


"Ka thian pakhat tlawh kawi ka ngai a" Ka tih chuan a tlai tawh ti ni awm tak hian khua a hawi kual vel a "min Ngaihtuah suh an mahni ka in thlah tir leh mai ang" Ka ti tak si ah chuan min ngaihtuah hmel deuh hian a kal a


"Ngati nge tiang a ka awm tak le?" Tiin Johan vang a ka chhuk kawi leh te chu ka in ngaihtuah a " kei hian ka..nilo a theih loh Vanrammuana rilru ka ti na tur anilo" tiin mi a ang mai chuan lu ka thing vak a


Ka chhuk tawh na in ka in ngaihtuah tha leh hnuhnawh a va en ve kher lo a kal tlang leh mai chu ka duh rum rum tawh mahse ka rilru leh thinlung duh dan chu a in per san chiang hle.. Ka rilru ngaihtuah na te chuan kal a haw tlang turin min ti a ka thinlung erawh chuan Johan lam a kal turin min ti thung si!


"A nau ten an zawn thu tal kan hrilh ange" tiin keima lak ah ngei chhuanlam ka siam a, tichuan Johan-a zai na lam ka pan a nula leh tleirawl ho an lo awm ve nuk mai


Johan-a hma ah chuan bawm pawisa thlak na tur hi alo awm a a bul ami chuan nui hmel pu chungin a bul a thu zai mek Johan-a kawr ah chuan a vuan tai a,Johan chuan enga dang ati lo a bul a thu mitdel pa tan chuan zai in bawm alo dawh sak hi alo ni reng mai!


Bruno Mars hla ' It will rain' tih chu a sa a, guitar a perh dan zawng zawng chuan ka hmangaih kal ta kha a ang ngawih ngawih, khatih lai khan a hmel a lan ngailoh a vangin a guitar perh dan zawng zawn te kha chiang takin ka en thin a ka hre lutuk Johan perh dan te nen sawn a danglam na a tlem takzet!

IMG_3835373728.jpg
IMG_3835373728.jpg (11.83 KiB) Viewed 5030 times


There'll be no sunlight, if lose you baby
There'll be no clear skies, if i lose you baby
Just like the clouds my eyes will do the same
If you walk away, everyday it will rain, rain, rain


"A hmeltha e.. A zaithiam si" Ka bul ami ten ti a kut an ben chuan ka harh chhuak zawk, ka hawi kual a Johan chu alo zai zo tawh bawm a pawisa an thlak lah chu a tam em em lehnghal,ka rualpui awm vel ten thla lak pui an tum chuan a lo hnar zel a a zai ngaithla a awm khawm ho an kal darh tan ah chuan


"Kha le..a tam lutuk lo a mahse naktuk tlai tleng a i in ei puar na tur chu a daih ang" tiin bawm a pawisa awm chu a chhep fel a chupa kut ah chuan hmeh bel in guitar chu a pe bawk a, hepa hi hriatthiam a har,midang lak ah a sual viau ni in kan ngai vek a mahse keini ai a chan chhe zawk tan chuan mi tha tak anih si hi


"Engtin nge lawmthu hrilh tur che pawh ka hrelo! Ka lawm lutuk! I hmel han hmu thei ila chuan aw" a biang a mittui luang meuhin chu a mi puih pa chuan ati let ve vawng vawng a


"Kawlh hmel deuh khan suangtuah tawp rawh" Johan chuan a lo ti, an nui dun a hmuh an nuam kher mai "Ka kal ange I pawisa hi a bo loh nan i veng fimkhur dawn nia" tiin kal a tum a a rawn hawi ta thut chu hmuhnawm ti em em a lo ka thlek lai ani nen ma ring ka ngil zawt a rang lutuk in ka in her nghal


"Ka hmuh na che a rei tawh.. " a ti a keimah min bia tih ka hria,mahse ka chhang lo min rawn kal pel a chutia a kal tlang mawl tawp chu mak deuh maiin ka haw thut!


"I nau ten an zawng nasa che ania.. " Ka ti a,engvang a lo hrilh ve nge ka nih ka hre hauhlo! a ni pawh chu ding in a rawn hawi ve mai bawk a


"A that chu.. " a ti ringawt a a kal zui leh mai, keipawh kan veng lam pan chuan ke in ka kal a, phone ib David a text ka chhang pah zeuh zehar bawk, chutah ka dar a vuan pah a min kuai her tu an awm tak ah chuan rang deuhin ka hawi a "enge " Johan-a nen kan in din chilh ran mai


"Reilote ka bul ah hian awm ve chhin la.. " a ti deuh teh tawp a, a zak leh si nge pawh ka hrelo, lai a nui ang deuh hian a nui suk a a kun daih bawk a nizan ka hnawl na kha a hre tawhlo nge ni min hua awm pawh in a awm lo


"I rui nange? " Ka ti daih a ka fiam ani, mahse ka fiam tih hrelo in a thinrim ka hlau hnuhnawh


"Ka in a mahse ka rui lo aniang hei" tiin a rawn hawi chhuak a, Home mawlh chu ka rilru ah a rawn awm leh tawh


"Chuan.. Ka bul a awm ve chhin chu i duh em? " a ti nawn leh ka phone hmet eng in dar zat ka en a dar 5:30 a ri tawh thlasik khua te chu ni phei se la a thim mup tawh ang


"A tlai tawh ani maw, ok" tiin a kekawr ip te a zen a "Aron-a kha i nun ah a in rawlh thuk mah mah i ti ve lo ami? a mah vangin nizan ah pawh i rilru diktak in min chhang lo tih ka hria" a ti a


"Maw..?? " Ka lo ti deuh hû


"A awm avangin i duh ang zawng zawng pawh i sawi ngam lo a, khatiang a in ngaihven oh nilo in khuahkhirh kha a tha lo! " a ti deuh hmuk


"Min khuahkhirh lo min ngaihsak em vang anihkha" Ka lo tih sak a, ka tan chuan ka thian leh unaupa ang ani a chutia sawichhiat mai mai ka phallo


"Oh mahse i rilru, i duh dan leh i zalen na thleng in a in rawlh chu anihkha, nakin ah chuan ila ngai theilo vat mai ang.. Zalen takin awm la in ngaihsak pawhin chin tawk a awm, in ngaihven na chhuan lam a midang zalen na nek chep sak lutuk hi a awm thei ania.. A tawp ah midang rilru tih hah sak leh in nghir ngho na a thleng ani mai" a ti duah a


"Kal rawh khua a thim tep tawh ania" A ti a


"Kan in bul thleng lo kal ve la ke in, chuan i bul ah ka awm ve chhin ani mai a lawm" Ka ti a, tinge ani bul ah hian ka fel tak viau pawh ka hrelo!


"Tehreng.. " tiin a nui suk a, nel viau chuang silo in kan kal dun a


Kawng chanve ngawt chu kan kal dun tawh,vawikhatmah kan in be lo a melh pawh ka in melh mang lo ani zawk,a zai chungchang lah ka sawi chak a mahse Vanrammuana ka hrechhuak zel bawk si a ka sawi talo,khua pawh a thim chiang ani tawh..ka bula mi lah chuan tawng hmasak reng reng a tum lo! kal dun ve ta ro ro tiin thawk la hawk in keimah zawk chuan


"I ruih loh chuan i tawng tam vak lo aniang tiraw? " Ka ti a,a mah chu a rawn nui ta hawk


"Ka rui lo hleinem, ka rui a mahse ka rui over lo mai mai" a ti a, a sawi dik mai thei a zu rim pawh a na a in tam tawk tih a hriat mahse a mah hi a pangngai reuh em ani


"Bus a in rawn chuan hma a in rui kal dan" tiin pai deuh deuh chuan ka kal a


"Ka awih lo em mai" ti chungin a lo nui hawk hawk a, chutah ka ban ah rang deuh a vuan in min pawt lawp a a âwm ah tak chuan ka bet thlawp a chumi rual vel chuan bike chak lutuk hian a tlan tlang a ri lah chu a rapthlak zawk!


"Fel min ti em? " tiin ti tha in tih hmel zet chuan a rawn chhuk nuih var var a, a tawng dan chu totoro film a Mei-i'n a U Satsuki a zawh dan ang chiah kha ani, min kuah chiang lutuk chu ka tal vak a min thlah nghal mai


"Ka lawm e.. " Ka tih chuan a ner sak a

"I lawm e.. " tiin a kal zui daih, lawmthu hrilh kha a duhlo tak!


"Aw hello...Aron? " Kal laklawh lai a Aron an min rawn call vangin ding dat pah chuan ka bia a, Johan chu a hmel lan dan thlak danglam nghal vek a hmel a rum ul a ka hlauh deuh thin dan khan a awm leh tawh


"Arin, min chhuan pui lawk la i nu te ka call sak tawh che a Tluangpuii birthday ania enge ka present ang ka hrelo ka hre chawp chilh bawk sia" Mangan aw lutuk hian arawn ti chul a


"I va han hre chawp chilh tak tak ve aw! Awi ka hrethiam bik lo" Ka ti a keipawh ka buai deuh nghal der


"Aw nia, mahse kan la nih rei loh em hi" a ti a a sawi dik ve tho mai, a birthday a hre chawp chilh pawh chu ka dem hran lo, kum khat em pawh an la in ngaizawng lo a a awm ve tho


"I hman em? I nu ten a la haw lo an ti che a khawi ah nge I awm mek? Lo awm sawn tawhlo la ka lo hruai ang che" a ti a Johan lo ding ngawi ve reng chu ka en a, ka rilru a buai


Ke in thui tak ka in kalpui tir a chutia han kal hran san leh ngawt pawh chu a dik chiah silo Aron an min mamawh bawk si!


"In kan hnaih tawh a lo kal rawh..lawk aw" tiin Johan biak ka tum chu a mah zawk in min rawn din hnaih a ka ban rek ah vuan in ngen ngawl zet hian


"Kal suh.. " a ti a, a ngen ngawl hmel chuan kal ngei ngei ka ngaih zia hrilh pawh min ti inthlahrung mai dawn a lawm!


"Enteh.. Ih maw Aron an min mamawh a.. " ka ti chiah chu ka kawng a dawm in a kut lehlam chuan ka tukhum a rawn vuan tel a min fawp anihchu!


Phawk uchuak a meng chungin ka kaw chhung a so sa nghal but but! Ka hmui chu a hnek hian a hne dek dek a ka mit ka chhing a a nin min fawp uar zual sauh! Vanrammuana ka mitthla a a rawn lang chiah chu ka harh kawk a Johan fawh na ka chhang let tih ka in hre chiah chu ka in la hrang nghal dawrh


"Min duh ve tho tiraw?" a tih chuan ka kal pel a a pen thawm ka hriat rualin


"Min rawn zui suh" Ka ti vak a, ka awmdan kha Vanrammuana lak ah ka in thiam lo lutuk takzet ani "min lo zui suh ka tih kha!! " Min pawh her sawk rual chuan vin zet hian ka ti ve a ka tal ngat ngat bawk


"Min chhang tha leh rawh, nizan ami kha chu i rilru buai rih vang ah ka ngai anga " a ti a


"Min thlah rawh Aron an min rawn lam dawn ania" Ka tih chuan min vuan nghet sauh, chutah Aron chuan min rawn call a ka tawng lo a mahse ka kut lehlam chuan ka pickup tho


"I awm na lai vel chu ka lo thleng phei dawn ania aw" a ti ta! Johan chu ka en a ka chhan na la nghak tih hriat zet hian min en a


"I rilru diktak in min la chhang ang tih sawi la ka thlah ang che, midang vang a in zep miahlo in" a tih chuan Aron an min rawn hmuh dun ka hlau bawk nen chuan


"Aw..min thlah rawh" Ka ti a min thlah ta hmak a hmanhmawh deuhin ka kalsan zui, min kalpui tur sawm tu ka nia ka in thiamlo viau a mahse Aron nen an in tihbuai leh ka hlau ani


"Naktuk zan ah i chhan na hre turin ka lo kal ang" a rawn ti zui kawng lawng a ka chhang tawhlo


Kan in thlen dawn tep ah Aron nen chuan kan in phur chhuak hnuhnawh a, han thlan pui tur pawh ka hre bik vak chuanglo,bak ah Johan-a nen kan awmdan khan ka rilru a kam tun a Aron tan pawh rilru ka pe tha theilo lek lek! Ka âwm te chu ka dawm a ka lungphu la normal love lutuk pawh ka hre thei


A tawp ah Aron beidawng deuh chuan a tha tawk ni a ka hriat ber chu la in chumi hnu ah min thlah haw a ani chu u Tluangpuii te in lam ah a tlang lehnghal, chaw ei buai ngailo a ka in ei puar tawh vangin room ah lehkha ka zir e ka ti a mahse ka rilru ah a lut chhete eih lo


"Ka Thiamloh vek ani.." tiin dawhkan te chu ka bagh lehnghal thlawp thin a a Chang leh Vanrammuana zungbun te chu en in ngaihdam ka dil thul! Ka pa khawhar in kal a rawn haw hnu lawk ah kan mu diak a,tlai vang a ka rilru nuam lo pik lutuk chuan tukverh hawng in thli fim dawng pah chuan ka thaw leh hak zel a dar 10 meuh a rik tak ah chuan keipawh awlsam te in ka lo chhing nghal mai


* "Duatbik..? "


"Vanrammuan!! nangmah i ni tak tak em? " Ka khum mawng lam a min hmungchhawn zawng a thu chu ka en a, ani ka Vanrammuana ngei kha ani


Kan awm na bul vel chu a thim vek a a mah chauh chu ka hmuh theih chhun ani


"Ka ngai lutuk che..! " a ti a, a aw te chu a khawk rum rum hian ka hria, ngati nge min hnungchhawn tlat le? lo hawi in min kuah vawng vawng se ka ti a sin


"Keipawn ka ngai lutuk che a sin, lo let tawh rawh ka ngai lutuk che" Ka ti a ka biang ah mittui a luang zawih zawih


"Aih, nang hian min ngailo! Min ngaihtuah lo a min theihnghilh tan mek ani ka tel lo a awm i tum a kawppui dang neih i tum" a ti ta thut mai!


"Aih nilo ka theihnghilh lo che ka ngai lutuk che a sin! Ka la hmangaih reng bawk che" Ka ti tham tiak a


"Dawt i sawi" ti a a rawn in her chu ka ohu chiang lutuk! A taksa a mah engkim chu ka Vanrammuana vek ani mahse a hlauhawm lutuk! a mit a sen vek, a hmel chu lungngaih na leh thinrim na in chawh pawlh hi ka tehkhin ber!


"Min thlauh thlak chuan ka ngaidam lo ang che, ka ta i nihkha.. Ka ta chauh" tiin rapthlak lutuk hian a tawng chhuak a ramhuai chiah chiah ani tawh! Ka Vanrammuana kha ani tawh lo!


"Thi la ka bul ah awm rawh.. Ka ta i nihkha" Ti a ramhuai ang mai a hmel rapawm pu thut chung a min rawn pan tu chu hlau zet in ka en a ka Vanrammuana anilo tih ka chiang ani chuan ka thih a duh dawn lo, ani hi ramhuai ani!


"Keimah ka ni alawm Duatbik.. " ka ngaihtuah na hria ni awm tak hian rapawm tak a nui chungin min lo pan zel! "Ka ta i nihkha ka bul ah awm tawh rawh" A ti a hei hi ka mumang vek ni in ka hria mahse ka harhchhuak thei lo!


"Kal bo rawh ka duhlo! " tiin ka lo au a ka hlau ani! Chutah vawilehkhat ah a bo thut! a thim zing atangin khawi lai atang a lo chhuak ber nge ka hrelo


"I mangchhia mai mai anihkha,Arsite ka veng reng che ania" ti hian min lo hrilh a, ka kut chu ka en a chelh tu an awm lo mahse chelh ang chiah in a lum tih ka kut chuan a hre tlat ani!*

[Ngaia]

What if we rewrite the stars?
Say you were made to be mine
Nothing could keep us apart
You'd be the one I was meant to find


CHAPTER-12


"Bawihte nizan i mang a tha vak lo ami a? " Zing ah bui chur a ka tho chu ka nu chuan alo ti a ka chhang hran lo nizan ka mangchhia khan ka harh tirh atangin ka rilru a luah nghal a engthil dang mah in ka rilru an la peng thei tak tak lo


"A mah tak tak anilo ang" bathroom a kan in kalh khum rual chuan ka ti a, ni e mangchhia pawh ni se khatiang kher a hmuh ka beisei lo ani thla tam tak ka mang a hmu lo in ka awm tawh a nizan ah ka hmu a mahse ka hmuh dan kha ka Vanrammuana a ni thei nang hian ka hrelo mangchhe diktak ani mahse,


A thusawi kha, kawppui dang ka neih hi a phallo tak tak mawn le? Chuvang chuan em ni ang khatiang tak a danglam khan ka mang ah ka hmuh tak?


"Aw ni e.. Ka hnar tur ani, Vanrammuana vang chauh anilo kei, kei hi kawppui nei tur chuan ka tlak tawhlo! ka naupan laiin U ang chiah a ka en in min sual a,chuan ka Hmangaih em em lak ah khan ka duhthlan na ngeiin ka taksa ka hlan tawh bawk.. Midang nen a bul tan leh tur chuan ka tha tawk tawhlo"


"Arini ka rawn thli thlai mai mai" ti thawm ka hriat vang chuan ka hmai ka phih sawk sawk a ka chhuah chuan Aron lo thu fel at chu ka va hmu thei chiah chiah a "ehe i va tho hma reuh ve? " ani pawh chuan min rawn hmu nghal


"Ka tuk tin dan a lawm" tiin za vak lo chuan ka lo nuih a, diktak chuan tun ang a hma ah hian ka tho khat khawp mai, thawh hi ka hre hran lo khum hi a nuam hranpa ve hrim hrim bawk nen thawh hi ka ui thin, mahse nizan ka mang vangin tukin chu ka harh hma khawp mai


"Awih pawh ka awih ngamlo e a" A rawn tih chuan hmai hru sawk sawk in ka phei ve a, ka pa alo thut tel ve vangin eng em em sawi dun lo chuan ka thu ngawi ve tawp a


Aron ti ti lai chu ka en thin a, phir tih tak ah an in ang takzet zet ani mahse an in ang em em chung hian ka Vanrammuana nen khan chuan an danglam leh em em lawi si, pakhat a tawng duh in hmuh ringawt pawhin a nelawm nghal hliah hliah a Vanrammuana ve thung chu nelawm loh tak, nui ngailo ang mai leh sual deuh ang hian hmuh a awl lawi si a mahse chu chu a lan dan chauh ani


A tak ah chuan Angel tluk hial ani, alan dan leh a zia tak tak chu a dang hlak tih chu keimah hian ka chiang viau tawh,Aron nen a hmel in ang tak si kha hmuh mai pawhin an danglam tih a hriat theih lawi si a


"Vung vung che chuan!! " ti a Aron min rawn bia ah chuan ka khap zawk a a mah en in thil ka lo ngaihtua thui lutuk deuh ani


"Ka va in en fel tan teh ang.." Tiin ka tho a, nizan ka mang chungchang chu hrilh ve hrim hrim ka duh a mahse ka pa a awm ve tlat bawk si a zan lam atan ka ti ta ringawt


Room ah chuan lut in hak tur leh lehkhabu pawimawh ang te in dah fel sa vek in ka awm a, ka chhuah leh chuan Aron pawh alo awm tawh lo, chaw kan ei sawk sawk a kan chaw ei laiin Kimkimi pawh a lo thleng fel tawh, ani hi chu min hruai in rawn kawi thin lo se chuan a thleng hma thei ngawt ang


"Enteh ka rawn kal lam in Johan-a te kha ka hmu a,an ruih hmel rapthlak kawng sir ah an mu ti tih mawle! " Kimkimi nen kan in zui chhuak chu helmet khum mawlh mawlh pahin ati a


Nizan ka hrechhuak zawk, chhan na ka pek a beisei anihkha mahse eng chhan na mah pek ka duhlo, Vanrammuana'n a duhlo aniang nizan ah pawh khatiang khan ka mang ah ka hmu ania


"Kim, an awm loh na lam ah tlan rawh aw" Ka tih chuan helmet khum pahin a chhan hriat chak mitmeng nen hian min en pah run a


"Why..? nang hi i laih i hlau ami a lungngai suh an rui 3m mai lai tur pawhin an en theihnghilh che pawh ka ringlo" a ti dek dekh chu


"Tlan lo la ani mai..! " Ka ti vin ta hrep a, a haw em em lehnghal


In ti thinrim lek lek in kan in phur chhuak thei hram,ka tur nasa bawk a Johan te a hmuh na lo lam ah chuan min tlan pui ta ngei bawk, college kan thlen chuan a ngai te bawkin an lo zi leh nuaih nuaih tawh a Moses-a leh Tetea te kan pan ding nghal chat


Eng em em sawi khawmuang tawhlo in class lam ah kan kal nghal a,a tir khan Au hminga vang khan mipa hi ka hlau em em tawh a, mahse Aron vang a ka zia chhoh ve tak atang hian hlauh leh ṭih chu a mah ang rilru emaw lan dan pu ni a ka hriat te chauh ka hlau thin a na zawng chu ka hlau tawh bik lo chuvang a thian mipa pawh la nei leh thei chauh ka ni


"Enteh ka ngaihtuah a, Aron hian a ngaihtuah mah mah che i ti ve deuh em? " Class kan chhuahsan pahin Kimkimi chuan ati hlawl a


"Enge min ngaihtuah mah mah na?" Ka lo ti bak nghal hlar a, ka tan a mi tha tak ka kiang a awm reng leh min buaipui ber tu ani a sawichhiat hi ka phallo bur ani mai


"Awww!! in ngaihtuah ah pawh a awm tawk a awm a, Sir Amon vang a ngaihtuah che pawh a ang ka ti lo lek lek thin.. A tir kha chuan nangmah khan sir Amon awm lo kha i tuar em a khang vang khan ngahmah ka lo ngai ngai lem lo a mahse tun hnu hian ngaihtuah na ati thui deuh ka ti.. Ani hian alo star che a ni lo maw?" a ti nghal hmiah a


"I mawl ami? Bialnu anei a lawm mawle kei nen chuan unau leh thian ang bakin kan awm lo, bak ah a u nen in zawm na kan nei tawh a taksa lam thleng in.. Chutiang tawh hnu ah min star duh tur khawp chuan a mawl lo.. bak ah a mah hian Vanrammuana tan min la dah nghet bur zawk a sin" Ka tih chuan awih hmel pu silo hian a but nghat nghat a


"A bialnu Tluangpuii nen khan hman ni tlai kan bazar lam in ka hmu a, an hnung ah ka kal a nangma chanchin sawi khan an kal dun a Aron khan ka duh alawm Arini chu, kan in an rawn luah hnu lawk ah tih vel a sawi a " A tih chuan ka ding ta dat a


"Kim.. Lo kal teh" tiin ka pawt hrang a mi tam loh deuh na lai ah chuan ka din pui a "Min duh thin a lawm, keimah ngei pawh min hrilh a ka chhan na pawh min zawt nghe nghe asin.. Mahse khatih lai khan Vanrammuana kha ka duh tawh a chuvang chuan ka hnawl a ani pawhin a pawm mai..khami hnu atang khan khatiang lam hawi zawng khan ka lak ah rilru a pu tawhlo"


"Pu mai thei asin.. A la duh reng che anga a thup pawh ani thei a sir Amon vangin" a tih chuan a rilru thlak danglam harsat hmel lutuk chu a mah en chungin ka thaw hawk a "Nia nia nia, i sawi dik ang bak ah ka sawi zo lo a Aron chuan Tluangpuii bul ah chuan ka hrilh a mahse ka u zawk nen inlaichin na an lo nei tawh a nâ chu ka ti ve tho mahse ka in thiar fihlim a tun ah khatiang ang rilru kha Arini lak ah ka pu tawhlo" a ti a


"Chu a ma sawi ngei pawh i hriat vek chu" Ka tih chuan tlawn zet min kuah chungin "nia mahse a rilru leh i lak a awmdan hi a in mil lo ve reuh em a lawm" a la ti hram


Nileng chuan nizan ka mang ringawt chu ka ngaihtuah a, mang mah nise a tak ang mai hian keimah zawk in ka dawng sawng tlat a ka awm a nuam fum fe theilo! Vanrammuana khan amah lo midang nen a in kungkaih na neih a duhlo tak tak aniang a?

★

Tlai ban ah college pawn lam kawt a kan awm lai mek in a ruk in Kimkimi chuan min rawn nghawk a,ka hawi chu Johan leh a unau te biru deuh hlek si hriat theih si hian min rawn en reng! chhan na ka pek ala ngai tih ka hrechhuak zawk chu Kimkimi ka pawt nghal dawr dawr


"Tete kal leh na tur kan la nei a kan hmanhmawh em mai kan lo va kal hmasa ange aw" tiin scooty ah chuan ka chuan tir sawk sawk a


"Awle.. " ti a min rawn chhan pawh chu ka ngaihsak tha zui tawh lo, Kimkimi chuan ka hlau emaw ati nge pawh ka hrelo a hmanhmawh ve em em ringawt a


"Princess..?? " ti a tu emaw ber in min rawn au chu ka tha a lhur ringawt! Kimkimi chu ka tur chhen a rang deuhin a tlan chhuak nghal a ka hawi let leh gram chu Johan chuan lung nih loh hmel zet a min lo en zui vung vung in rapawm zet hian a nui suk bawk


"Tinge I hlau ami a? mi zing ah te chuan engtin mah an ti ngam bik nang che?" a ti a engmah ka sawi zui duh lo


In kan thlen veleh lo lut khawmuang lo in Kimkimi pawh ka haw tir nghal a in ah ka tlan lut nghal,tinge ka duhloh thu hrilh pawh chu ka hreh viau le? ka duhloh thu ka hrilh anga a fel vek mai tur asin tinge ka tlanchhiat a ka hmuh hreh em em chu le?


"Eee kha paih vat vat rawh" In chung te step a lo awm Aron ka hmuh chuan kan chaw ei na bal nawi paih ka tum nizan ka mang lam bawk ngaihtuah a ka din reng vangin min lo au ani


"Khawi ah nge i kal dawn a? " Ka ti a,zan dang a a len a la hun chiahlo bawk sia


"Khawi ah vak mah mawle, naktuk chu thlan ah kan kal dawn em ni? Kan tlawh khat dun riau in ka hria" a ti a a sawi dikha ve tho, tun hnai chu ka kal mang that lo, ani lah hi Higher ah a thawk tawh bawk sia hun kan neilo dun chu ani


"Aron, ih thil ho vaklo hrilh tur che ka nei a" Ka tih chuan a nui suk a a rawn chhuk zui nghal mai


"Ho vaklo maw? A mak thei ve!! " a rawn ti thla nuah nuah bawk


Kan in ah in zui lut in ka room ah ka kuh tlang pui a, ani hi chu ka nu leh pa te pawhin an ring in an ngai na a han zah leh inthlahrun hran vak tur a awm lo, khum ah chuan kan thu fel then a chutah hmaih nei miahlo in nizan ka mangchhia chu ka hrilh fai vek a, ka sawi zawh tawh ah pawh a la ngawi vang vang


"Mangchhia diktak anih dawn chu, ani te chuan i hlim a duh ber a lawm i hlim duh ber tu ania, i rilru ngaihtuah na a buai vangin I mang a dik lo anilo maw? " a ti a ka hre bik miau silo chu ka ngawi reng ringawt


"Engpawh nise rilru tih hah nan hmang lo la..rilru a zir hian mang make deuh neih te hi a awl ania" A ti a, a u ve muh chutia ramhuai ang mai a ka hmu tih hrilh chu ka in thiam lo hnuhnawh


"Ih e.. U ang tak tak in ka en che a ma ring bawk che a, ih englo.. Ka hun kal tawh te theihnghilh a hmalam ka pan tak tak hi a tha angem? Ka hun kal tawh a tha emaw tha lo pawh ENGKIM theihnghilh hian hmalam ka pan hi a tha angem?"


"I sawi awmzia chu Amon pawh maw? " a ti a


"Ani kha chu a beih pawhin bei mahila ka theihnghilh theih pawh ka ringlo.. Ka ngai eee" tiin ka ngaihtuah na chu ka Vanrammuana dam lai hun duhawm tak kan hman dun ve lai ah khan a kir nghal vawng vawng


"Mahse Arin kan dam anihchuan hun a liam anga ani theihnghilh a midang pawm hun ila nei thei ania..hmalam pan i duh anih ro ro chuan Amon pawh hre reng tawhlo zawk rawh i tan pawh a awlsam phah zawk ang" a tih chuan ka ngaihtuah na atangin ka harhchhuak nghal zawk


Ka tum tut tut anilo Aron ngaihdan hriat ka duh ani nakin atan pawh a la pawimawh thei, mahse engkim theihnghilh a hmalam pan chu kei a tan chuan thil harsa tak ani hun liam ta ah khan ka Vanrammuana sulhnu tam tak a awm si a, chung zawng zawk theihnghilh chuan hmalam ka pan mai theih hi ka in ringlo, lo thei ta pawh ni ila Vanrammuana lak ah ka in thiamlo sa lutuk


"I ti dik a lawm, aahhh ka zawt mai mai che anihkha a mah kan sawi chhuah vangin ka rilru ah a rawn awm thut a.. " Tiin za lo tak chuan ka nuih a, a hmel chu a thutak tawh bik hle thung


"Tlang deuh in ka sawi anga..Amon chu a boral tawh a,mihring anih ve tawhloh avangin mihring rilru leh ngaihtuah na ang te a pu ve tawh kher lo ang, i ngaihtuah leh i ngaih ang hian a ngai ve tawh kher lo thei che ania..Chuvang chuan Arin,chak takin awm la hmalam pan in kal zel zawk rawh.."


"Hmalam pan san ka tum a piang hian a lak ah ka in thiamlo thar thin a!"


"Ka hrethiam lutuk che,ka sawi fo thin ang in ila naupang a hmabak êng tak i nei,Amon i ngaihtuah reng vangin i hma bak êng tak chu thim ah chan tir kumkhua ta la Amon pawh a lawm thei in i ring em ni? I hlim na duh ber thin tu anihkha"


"Ni e tiraw..?"


"Arin thil pakhat ka sawi duh chu maw,hmalam i pan zel anih pawhin Johan nen hi chuan in laichin na neilo hram ula ka ti,farnu ang chiah in ka en che a thil a tha ber zel ka duh sak che mahse, Johan hi chu Amon ai awh a i kawp pui tur atan chuan a tha tawk in ka hrelo,midang ngaihsak chu sawiloh buaina siam leh ruih kual mai mai bak eng thil tha nge tih a neih tawh?"


"A chungchang ka hre nual a mi tha ani lo tawp ang..Jail ah lah an tang ngun" a tih chuan a mah chu ka en kal a


"Ngati nge Johan chu i lo sawichhuah a? " Ka ti hluai a,ka hrethiam lo heng thil ka rilru a awm ka zawh te hi Johan vang ah angai emaw ni? "Aron Johan vang kha ani hleinem, ka.. Ka sawi mai mai a lawm" ka tih chuan a bu nghat nghat a


"Nia keipawh ka sawichhuak mai mai a duh che sia" a tih chuan tawi te hian ka lo nuih a "engpawh nise hmalam pan rawh, Amon chu van ah a awm tawh a keini tan chuan hmalam pan a kal bak tih theih tha kan neilo.. I mumang kha chu I hmalam pan na tur dal tu anih loh nan theihnghilh zui daih rawh"


"Ka tum dawn tak tak hian ani kha a na dawn hian ka hre thin, ka tan khang thil zawng zawng kha ati a kan hlim ve dawn chauh a,a mah ngei in a beih a a beih chhuah hlim na hun pawh hmang ve hman lo ti khan a kal ta mai sia, keiin hmalam pan a ka hun kal tawh ah chauh ka dah tawh anihchuan a lo nâ ang tih ka hlau ani"


"A na miah lo ang, a hmangaih che a lawm" A ti a,Vanrammuana kan sawi chu ka lung a leng thar a ka tah a chhuak hnai bawk, Aron rawn tawng leh tur chal chu


"Princess..? Biru tawh suh a thaah hnih nan kan lo leng" nui aw nen a min rawn au tu vang chuan a ngawi zui a kan in en ren rawn


"Tu te nge a? " a ti a keiin ka lo ngaihtuah ve bawk, Princess tih chu ka hrechhuak zawk mai! ka ding thut a Aron chuan mak tih hmel deuhin ka ding chu min en a


Rang deuhin kawngka ka pan a ka pawt hawng a ka chhuak chu kan kawngka pui ah leng leh leng lo in Johan te unau an lo in hnawh khawm a, hmuh theih loh a awm bik emaw a hnung a lo awm bik duhlo ni awm fahran in an in zep tat hlawm a


Ka pa ka en vat a Johan te thianho chu a en lo mahse a hmel ah a lungawi loh zia a hmuh theih vek, Ka bul rawn thaw deuh hap ah chuan Aron a lo ding ve tih ka hria,Johan te thian ho rui ve tawk tak chu a hmuthiam ve nghal tho aniang a ni pawhin engmah a sawi zui lo


"Lo lut rawh u.. " Ka nu chuan alo ti mial a ka pa mitmei erawh a veng ruk ran tih ka hria, ka pa lah chu ngawi reng a bomb kam puak thut thei ang mai hian a thi tum hmuk a tv melh in a ngawi ngar ngar


"Luh in phal tak tak ami? " Benjamin-a chuan alo ti veleh ka nu chuan ka pa melh zeuh chungin a lo buleh nghat a, Johan te unau pawh an rawn lut ve them them a, ani chuan khaw dang a hawi lo keimah ngawt chu min melh a


A meng sen si ka hlau deuh tlat, an rawn lut ta ruih phei chu zu rim hi a nam leh halh thin, Sawmkima ka pa bul chiah a va thut tum chu ka pa'n alo melh rum nasa ngang sia a thu tep tawh tih in a in sawn leh


"Princess lo thu ve rawh.. " tiin Johan leh a ma inkar chu Reuben chuan a bengal thak thak a, an rawn tlangnel teh hlawrh hlawrh lutuk chu ka nu leh pa, Aron lak ah pawh ka in thiamlo takzet abik in ka pa hi a thinrim dawn lutuk


"Va thu ve rawh an sawm luh tawh tho saw.. Keipawh ka han chho ange" a ti a a chhuak tlang nghal a


Ka inleng ang a lo kal an ni miau sia room a luh leh daih chu ani thei silo, ka pa te nen a ka awm tlan tir reng chuan buaina a chhuak lo angreji tih pawh a sawi theiloh, muangchang leh huphurh zet in an lam ka pan a ka nu bul chiah ah chuan ka thu ve a, eng an hre hlawm chu ni maw ka thu ve chiah chu an rawn hawi dual a hmuh tha hmu ang mai hian an khi thaw hlawm a


Ka pa a awm vangin haw tur pawhin ka tur ngam tawh silo, an ni lah chu an rawn kal tirh ang lo takin an ngawi dual a an rui bawk si an muthlu nge an thle leh ang lawp a a chang leh an bu leh phut thin! Ka nu leh pa an awm miau sia an awmdan mit ti kham tur ang chu ka lo tang ve em em a ruk in ka melh vak ringawt


"Vawiin ah min tlanchhiat san daih a kan rawn zawng che a" Johan chuan nui chung hian a rawn ti a ka pa ka mit sir chu ruahthim pui sur tur a khaw haw ang mai hian alo awm muk run


"I u te a niang tlai ah khan min rawn bia a, in biak laklawh laiin bawihtei alo suakbak a kan in be mumal hman lo.. " A ti a ka nu a tho ta daih a room a a phone dah ri ral ral lam chu a pan a


Ka nu kal daih atang phei chuan kan thu ngawi thap a zawi te hian Sawmkima chuan Johan chu a hrilh ru a "ngawi rengin kan sûn rei tawh bawk a Princess-i pa hian vui na hunserh hmang tawh mai se.. " mitthi sûn na programme hmang ang mai chuan a ti a, a thusawi chu nuih a za lek lek a mahse ka nui ngam hauhlo


Ka pa a tho ta thut a room lam a pan chu a rui rui in thuawih hmel tak a in kuangkuah at chungin Johan a unau te ho chuan an en zui thap a, a tawp ber a thu Benjamina pek chuan a hnunglam ah ding meuhin salute alo pe! Johan chuan a lo nuih mai mai a Reuben-a'n a pawt thu zawk


"Enge a tih ang le? Silai a rawn la chhuak mai angah! " ti a Reubena tawng chu Sawmkima leh Benjamina ten an lo zawm nghal


"Rawn la se a ho e keini pawh in silai kan nei ve tho a lawm le" ti nui vur vur chungin an k*p zawn chu an beng thak thak a chutah au ti tih hian an nui dual hlawm a ka pa rawn hauh ka hlau si chuan ka melh vak a han tih vak ngaih na ka hre bik silo


"A kah a nat hleih dawn sin.. " Reubena bawkin a tih chuan


"Keini ta kah pawh a na tho a lawm, kan kaha ve vaih chuan hmeichhe ho pum a puar pawp mai ang" An ti a an nui leh vak vak, hauh hrep tawh mai ka duh mahse


"Bengchheng su.. " ti a Johan lo tawng tak ah chuan in kaih kuah in zawi te te hian an la nui vei ham ham, Johan nen chuan ka nu leh pa awm tawhloh vangin kan in hnaih ta ber a biak erawh kan in be lo bak ah min fawh ngawt vang pawh khan ka be zak hrim hrim


Room Kawngkhar a in hawng a ka pa hmun phiah nen a lo chhuak chu Reubena hawi ve chuan a hmu sual nge a biang a kut pahnih dawm in a hma a a aw nilo hmeichhe aw chiah chiah hian an au tak tak mai anihkha, a tuai ta thut emaw ka ti hial!


"I nu hmunphiah kalsan.. " Ti hmuk in ka pa chuan pawn ah a dah a room ah a lut tlang lehnghal daih


"Dawih-a, nep lutuk" tiin Benjamina leh Sawmkima te chuan an ko nghal hma hmiah a


"Silai emaw ka ti hman a lawm,haw ila a den tlat" A tih chuan Sawmkima pek chuan


"Reuben shut up, mipa kan ni lawm ni? " Mastea sawi dan takin a lo sawi Reubena lah chuan no zet hian


"Ni lawm lo.. " Alo la ti zui, ka hriat loh kar in ka lo nui vue vur tawh!


Dar 8:00 dawn thleng chuan an thu ve reng a, Benjamina chu a rui zual bik nge a mutchhuak pangngai pawh ka hrelo a bu lawp lawp a a hma zawng in a tlu ang a tih ka ngaihtuah zo vel chiah chhuat ah bu thla tawp!


"Nawi-a leh! Chhuak ang" tiin Johan chuan a tlawh a a rawn tho veleh mai bawk, in be miahlo in ka chhuah mawl tir ve tawp a min ngaihsak awm pawhin an awm bik chuanglo


Kawngka va khar fel leh ka tum chu an kal liam vek tawh ang chu tih nak laiin an lo la ding thap! Kawngkhar pawh khar ka tum chu Johan chuan alo vuan ve "Min chhang tawh la.. " a ti a


"A tibuai zawng hi chuan che lo teh u aw, a na zawng a ka fanu in hnaih hi ka duh vaklo ania" Ka pa aw lo chhuak ah chuan kawngkhar pawh a thlah nghal engmah an sawi lo a, an in her a kal pah chuan ring zet hian an zai a an hla sak lah chu ka pa tan an hlan emaw tih mai tur ani


Can i have your daughter for the rest of my life
Say yes, say yes couse i need to know
You say I'll never get your blessin till the day i die
Tough luck my friend but the answer is no!
Why you gotta be so rude?

IMG_16112021636.jpg
IMG_16112021636.jpg (33.91 KiB) Viewed 4044 times


Kawngkhar ka khar a hreh zet in ka pa hmachhawn tur chuan ka in her a "Muana kha i theihnghilh ta mai em mawni le? Khapa kha chu bawihte ka duh hlawl lo zah na chang pawh an hrelo rui Chung te in an rawn lena lehnghal" A ti nghal piap piap a


"Pa a hmasa khan rui lo in an lo kal ve a mahse.. "


"Ngaihtuah ve teh, Muana pawhin a au awh tur a I kawp atan khatiang ruihhlo ngai lehnghal kha a duh pui che i ring ami? Muana ang tal a tha kha neih tum zawk rawh" A tih chuan ka tah a chhuak thut a chhang lo in room ah ka tlan lut vat


Ka in hnit hlawp hlawp a tah erawh ka tap chhuak lo, Johan te unau ho chu ka haw thar a ka pa'n khati tak a Vanrammuana sawichhuah phah nan a a hman leh engkim ka thiamloh ang a min puh na kha nâ ka ti in a chhan ah Johan te unau ka puh leh chhawng ani ber mai, ka thu a ka tei kual a ka mu a chuti reng chuan ka awm kual a ka rilru a na thinrim laklawh vang ani dar 10 a rik meuh chuan a reh ta duk mai


Ka mu thlawp a hnar ping tun a chunglam ka melh lai chuan ka tukverh darthlalang bawk chu a rawn ri karh karh a, a tir chuan ka ngaihsak duhlo mahse vawi tam a rawn rik tak ah chuan thinrim zet in parda ka pawt phei thawt a thenawm nu pot nen a Johan lo ding nui sen sen leh pot a Hi tih in ziak bawk min hmuh vang chuan ka thinrim a zual sauh


"Kal bo nghal rawh u ka haw lutuk che u nangmah ni vang vek anih hi hauh ka tawh... " Ka ti vin vak a tukverh ka hawng lo na in ka sawi an hre thei tih ka hria, Johan chuan pawt chu a dah a kekawr ip te zen chung hian min en ngar ngar a a luhlul a chhuah ve khanglang emaw ni?



Tukverh chu ka hawng rawk rawk a ka chhuak nawlh, a sang lo a chhuah ka harsat lo keipawn, Ka chhuak ta chu lawm hmel pu ni awm tak hian alo nui a keichu ka nuih a za ve hauhlo, a piah lawk ah a unau te pawh damdawi ni awm tak keng in an lo awm


"Lo kal tawh suh u" Tih leh pawh ka rual a ka pawt kal nghal dawr dawr a gate a ka chhuah pui hnu ah ka thlah leh hmak a nau te pawh pangngai deuh a kal ta lo chuan an rawn liam a kan piah daih ah chuan an lo awm leh


"Min chhang tawh rawh.." A tih chuan mit ka chet kual ralh a " Min duh ve tho tiraw? I sawi hreh ami a ka lak ah chuan zah vak angailo zah tlak ka nilo ania" Beisei nei hmel tak hian a rawn ti a


"Aih ka duhlo che" Ka tih chu awihlo hmel tak hian a nui hak a


"Min duh a lawm I hrethiam lo der anihkha,min hmuh a piang in min kal pel mai ngailo engtin nge ka awm i hre duh a home a ka awm tur thu pawh i lo hria a min ngaihtuah vangin min zawt hial ani lawm ni? Min ngaihsak a chu chu duh na ani lo ami a?" nui pah chuan ati a min hmusit emaw tih mai tur ani


"I hresual anihchu ka duh miahlo che keichuan Vanrammuana chauh ka duh, nang hi ka duhlo che ka duh che emaw ti tawh suh i sual si i rui reng a tunge duh thei ang che" Ka tih chuan a nui tawp riai riai a meng sen in a meng lian si ka hlau


"Ok nia i sawi dik,keichu ka sual a lawm ka sual lutuk! Zu ka in a damdawi hmang in ka in chiu thin bawk a buaina ka siam a jail ah pawh ka tang ngun tawh.. Mahse helai hi" Tiin a lûng zawn chu a khawih a


" He lung phu ri ka hriat apiang hian ka la sual tawkloh zia leh tu emaw tak hmangaih thei khawp a that na lai ka la neih ka ring tlat thung a..a atthlak em? " A tih chuan tih ngaih na ka hre tawhlo


Ka thu tung a a hma a lo lung nilo sa tawh nen chhuak em em hian ka tap tawp,mi te hriat hlauh lam ka ngaihtuah tawh bawk hek lo..hepa hi ka duh in ka in hrelo mahse a tawngkam tlem te vang hian ka khawngaih zel a ka lung a ti chhe thin


"Khai!! I va tah belh ve hey lo kal teh u hei ka ti tap ringawt ania" Mangan hmel zet hian a ti chul a "hey princess tap suh.. " tiin a rawn thu hniam a ka sam ah a chul ringawt


"Ti tap ringawt" tiin a nau te an rawn phei "a pa in a hria ange aw..a den si" Benjamina chuan alo ti a, ka tap ring tawhlo a in sum ve hial pawh ka duh mahse a chhuak takzet bawk si


"Tap tawh lo la engtin nge maw ka tih che le ka hau che pawh anilo a! " Johan chuan thinrim aw lek lek hian ati a


"Vin suh a tap nasa ting ani mai, princess tap suh chuan hei damdawi hi kan pe ve ang che" Rawn ti tu Sawmkima chu ka en a


"Mawl lutuk! " Johan chuan alo ti hluk


"MamJohan engtin nge ni dawn? Tlan chhiat san mai ang a tah belh em mai" Benjamina chuan alo ti


"Ngai lo ka tih tah ania kan thlem phawt ang" Tiin ka sam tla chhum chu a hui kiang a "Enge i duh thil kan lei ang che tap tawh lo la.. " A ti hmiah! Ka chhan theilo a hahthlak takzet


"Pawisa kan nei silo a MamJohan pawisa ila nei ami? " An ti a ani lah chuan


"Ka ring che u.. " a lo ti vin vak "dawr sawlai ah khan va ba tawp rawh u anih loh pawh in va ru zuai mai ru hei a tap bang duh silo thlem nan"


"Mahse enge kan lak bat ang? "


"Waiwai emaw frooti, bakery pawh ka hre bik lo enge an zawrh thin va ba tawp ru" A ti a hmanhmawh lutuk in a rui a rui chuan an kal ve hlawk hlawk "thil tui deuh va la ba rawh se i ei vek dawn nia tap tawh suh" Johan chuan ati


An veng pawh nilo dawr ah an ni rui lehnghal tu dawr mahin a ba chuan engmah an lak tir hauhlo ang,keipawn an thil bat emaw ruk chhuah lo ei chu duh pawh ka duhlo hrim hrim!