REWRITE THE STAR (BYG S-2) By Bearr Chhakchhuak (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: REWRITE THE STAR (BYG S-2) By Bearr Chhakchhuak (Completed)

Unread post by Ngaia » March 20th, 2022, 6:07 pm

⭐CHAPTER-13


"Ka lo kuah ang che i duh em? " a la ti zui chu ka ding vat a


"Hetah hian lo kal tawh suh u..khawngaih in " Ka tih chuan a rawn ding chhuak ve a


"Awle.. " ti sap in kan in lam chu a kawk a "i phal na lo chuan a chhung ah pawh sawn kan lo lut tawhlo ang" a ti a, lawm lo hmel pawh a pu lo anui a in runluih na te pawh a ang lek lek


In hnit hlawp hlawp chungin ka let san a, a unau te ho in dawr a in khar vek tawh thu leh ruk na tur takngial pawh an hmuh loh thu an hrilh a an biak na ka la hre pha a, ani chuan helai kal bansan an ngaih thu te alo hrilh a ka luh tlang tak vangin engmah ka hre zui tawhlo


Khum ah ka mu a, thawk ka la leh hawk thin zanin ah pawh vawihnih ka tap tawh! Aron hnen ah kha hmalam pan te ka sawi ve chu ani sia tun ang thil ngaihtuah kha chuan hmalam pan chu harsa tak ani Vanrammuana ah hian ka tang reng tawh dawn ani mahna, a pawi na a awm chuanglo e


Dar 10 lai ri tawh mahse ka mu theilo a tah nen hnar ping bawk nen Aron ka text a ani pawhin min lo chhang rang khawp mai, a rawn fiamthu chhoh tak ah chuan ka mood pawh a pangngai ve zel a a lo call a rang deuhin ka la ve nghal a mahse ka aw ah chuan ka tap tih a hriat loh nan ka in thunun ve char char


"Naktuk chuan thlan ah i kal ve hman dawn em? Tlai ah kan kal leh anga in college ban ah ka lo hruai ang che" a ti a


"Um nia ka tlawh khat khawp mai alo thinrim tawh mai thei ani" hramka lo ti ve chat a


"Johan-a te kha an awm rei em? " a tih chuan ka ngawi vang vang a "Arin..? I muhil tawh ami? " a rawn tih leh chuan aw ka thian kharh kharh a


"Aih mu lo e..um Johan te chu an haw hma lutuk an rui ve deuh sia ka be lo bawk nen nuam an ti lo aniang" Za lo deuh a nuih pahin ka ti a


"Um a that hlauh chu" a ti a, rei pawh kan in be lo kan dah leh mai a a tawp a tawp ah chuan ka muhil ve thei ta hram



"I va bui em em Arin" college kan thleng a Tetea chuan mak ti hmel deuh hian min lo en a


"Nizan ah a chhungten an hau a a tap anih hi zan chaw ei ruk a hrat lutuk a" Kimkimi chuan alo ti vat a keichuan ka chhang ta lo


"Keipawh ka mengrei thei sia zanlai ah ka tam leh thin a thil ka ei hi min hau ve ziah" Moses-a pawhin a lo ti


"Anihchu, Arini bui lutuk kha ka lo mangang hman alawm nidang a a hmel ani ngai silo a" Tetea bawk chuan ati a kan nui hi dar dar, tukin ka in siam pawhin darthlalang ah ka in en ve reng sia chutia ka bui viau pawh ka hrelo a a van zahthlak reuh ve


Class kan tan leh mawp mawp a nizan ka mengrei leh deuh bawk sia ka in concentrate thei meuh lo ka melh ngai ka melh deuh reng phei chuan mit thip in ka mutchhuak a zual sauh ani mai, chhun ah thil ei turin kan kal ho a


"Khawi min pe tawh rawh.. " ti a lo in vin deuh pung pung an awm tak ah chuan luh na bul ah kan ding thap a thil lo in dil te chu tu dang an nilo Sawmkima leh Benjamin te an ni, kan college ami ni awm tak kawr nghawng ah chuan a la tham bet tlat zui,Johan a awm ve hlau in ka hawi kual a mahse ka hmu ve lo ka hahdam nghal huai


"Min zawng a law? " hnunglam atang a rawn ti chiah chu ka lungphu a su nghal dup! ka in her a Johan alo ding nui vur vur a mahse kei min en lo


A bul ah chuan hmeichhia nu hmel pu lek lek tawh mahse la tha vur mai makeup pawh keini ai daih a la mawi pui zawk hi a awm a, a lan dan ka sawithiam dan ber chuan nuthlawi emaw nula senior la nalh tak si ni in ka hriaJohan chuan a nghawng ah in ti ta tu hmel tak hian a kuah than bawk a


"Nangmah ka tilo ania" tiin keimah chu min rawn melh ve ta chiah a ka lo hawi sawn nghal vat


"Zawng e khawi ah nge in lo tawm bo tak kan tia lawm" ti min rawn kal pel tu Sawmkima chu ka lo en zauh a


"A pe cheu em? " Hmeichhia chuan alo ti a


"Pe ham ham e.. " Tih pahin Benjamina pawisa nen a rawn in zap chhuak pah in alo kal tlang veleh chiah, an rui vak in ka hrelo


"Sanghnih kha la ula 1000 ka lo nei ang" A ti a an din khawm na hmun ah chuan pawisa chu an in sem nghal mial mial


"Kan tibuai cheu ami?" Johan bawk in kan thianho in a ding meuh a kan en vang chuan a mitmeng lian kel kawl tak chuan nelawm lo deuh hian kan thian ho chu min rawn en a


"Kal ang u.. " Moses-an a tih tak ah chuan ka bu ve nghat a


"Kal ila.. " Hmeichhia Johan te bul a lo awm ve in atih chuan ka va melh leh hram pek a Johan chuan huat loh hmel tak a nuih pah hian a kuah nghet sauh a


"Awm lo la chuan e vawiin nileng hreawm dan tur hi " a ti vei ham ham a, hmeichhe han tih kual dan vel a thiam hmel khawp mai chunu lah chu a lawm hmel em em lehnghal


Kan lut a kan thu fel chiah kimkimi chu ding meuhin pawn lam a va thlir zui vawng vawng a, Tetea leh Moses-a chuan kan ei tur vel an ngaihtuah in an tho lehnghal daih a kimkimi rawn thu leh chuan dawhkan a ka kut dah a rawn ri chawrh


"Khanu kha ka hria, nuthlawi ania zu a zuar thin" meng rak rak pah hian ati a


"A ho emai thlawi lo pawh ni se kan lo buai ve na tur a awm lo" Ka lo tih sak chu in kuangkuah chawt in a thut na hnung a ngheng nghal dat a


"Johan-a khan a duh che tih i sawi sia,tun lawk te chuan hria che ang pawhin a awm loh kha nuthlawi ngaizawng tu ang maiin a la awm lehnghal.. Thing e chhun pachang ah zu rim an nam nasa ropui si" a ti nghal nuah nuah a


"Ka duh loh thu ka hrilh tawh ka tih kha a bialnu a ni mai a lawm, bak ah a ho lutuk an nun ania duh duh in an awm thei a lawm" Ka lo tih sak leh chu tum luau chungin phone min khawih san a ka lo nuih mai mai thung


"Ei ang ule" Ti a Moses-a te lo kir tak ah chuan ka riltam zia ka hrechhuak thar chiah, an ei tur lak chu kan lo ban nghal mawlh mawlh a ei leh ti ti kar lak a Johan te ka rilru a an rawn lang ve chhen chu ka ning takzet!



"Arin Pi zo-i nen khan in inhria ami? " Tlai haw dawn a Tetea'n a tih chuan a ngaih na ka hrelo lutuk a ka nui ringawt


"Tunge pi zo-i chu? " Moses-a chuan alo ti hluai a


"Kan thenawm nu mawle, Arini hi a hriat hmel lutuk a" a ti a keichuan hriat ngaih na ka hrelo hman ni lawk khan ka hre ve chauh tih mai ani


"Engtin nge a sawi a? " Ka tih tak ah chuan tlan chhuah tum thuau tawh pawh an han awm rem leh sauh sauh a


"Ka chhuak tur khan min ko ding a, i thiannu kha Arini tiraw a ka hmuh chak na a rei tawh lutuk a a hming chu ka hre tawh a a tia mahse ka chhan hma khan pa Thanmawia alo chhuak a a lut leh ta daih a" a ti a


"Engtin nge ka hming te chu a lo hriat" tiin ka phun sep a


"A ho em mai Johan-a nu kha ani lawm ni? Khapa khan inchhung ah te pawh a sawi lang ve ani mai a lawm" Kimkimi chuan ho tih hmel tak hian a lo ti hluai a


"Ka ring chiah lo chutiang sawi tur khawp in inchhung ah a awm tam loh bak ah sawipui leh hrilh tur a nei lo em mai a nuhrawn a ngeih lo a pa nen phei chuan ui leh kel ang vel an nia"


"Ka chhungte an ni ang tih ka hlau" a ti aa, tichuan mahni in lam panin kan in phur chhuak a, phone ka en zeuh pah a Zorina massage ka hmuh chuan ka biak khat zia leh a reh zia ka hre chhuak leh chiah


Thlan kan kal tur thu vel ka hrilh a a buai ka ring tehreng nen a rawn call thut a tlan pah chuan ka bia, Aron an a lo sawm mek thu min hrilh a keimah zawk min lo nghah thu a sawi tak ah chuan kimkimi tlan chal deuh turin ka tur a


"Aron te in kan pan dawn mek a nang ni pawh lo tlan zel ula in rawn thlen veleh kan tlang lehnghal dawn nia" a rawn ti a, aw lo pawh vat in phone ka dah a


"Lo kal ve ka va duh mahse haw a kan nau lehkha zirtir ka lo in tiam tawh sia" Kimkimi chuan ati a


"A ho lutuk nidang ah kal na hun a la tam a lawm" Ka lo tih sak a


Tichuan reilote ah in kan thleng a college hi kan ban hma loh bak ah kawng kal leh haw lam hian hun a duh ve deuh thin vangin in hi chu kan thleng hma lutuk thin lo, Aron te in veranda ah Zorina te chu an lo awm a kimkimi a let lehnghal


"Zorin..? " tih pahin kut ka han vai lauh lauh a min rawn hmuh chuan an rawn chhuk thla ve nghal, ka bag duh ber bawk chu va ak ve thungin ka nu ka kal na tur ka hrilh zawh chuan ka chhuak a tichuan in phur chhuak leh in thlanmual lam chu kan pan leh a


Kan tlan na kawng ah chuan zu rui lo tei chhet chhet 3 ngawt ka hmu a, atthlak zet in Johan-a te unau chu ka rilru ah an lang thut, ka lu thing in Aron hnung ah chuan ka bei thak a, an ti sa pian leh hmel ah Vanrammuana nen in an na an ngah bawk a tun ah pawh hian Vanrammuana kuah tluk ah ka in ngai lek lek


Thlanmual kan thlen chuan muangchang lo in kan chhuk a thli fim lo thaw heuh heuh te chuan a engamah hma in ngaihtuah a ti thui leh hle ringawt tawh a ka tap angem? Nge ni a hlim hmel nen ka awm tluan ve thei tawh ang tih te chu ka kal pah a ka ngaihtuah nasat ber ani, mittui nen a thlan ka tlawh ziah a ka hlim hmel te pawh a lo hmu ve chak tawh zawk mai thei ani


Thlan awm na kan thlen thlak rual chuan thlan bul ah ka bur deuh chawt a, mihring han ni lo mahse college chungchang te ka hrilh chiam a, he hmun ah hi chuan pangngai tak a awm hi har ka ti thin a chhan chu ani kha keimah ni ang a nun na nei a biak leh khawih theih ani ve tawh miau silo a


Zorina pawh chuan mihring damlai biak pangngai ang chiah in a thiantha tak thlan chu a bia a, Aron chuan engmah a sawi ve lo mahse a chhungril erawh a hmel lan dan ah a hriat theih vek, a mit a send a tah in sum takin a awm bawk a thlan chu a melh tlawk tlawk bawk


"Ka mumang ah ka hmu che a mahse a hlauhawm zawngin ania a pawi tiraw? Ka mang a ka hmuh loh na che a rei tawh nen ka hmuh ve chhun che ah tiang khan ka hmu che a...ih engtik ah nge van atang khan ilo chhuk ang?"


"Arin.. " Aron chuan arawn ti a heti zawng a ka awm hian ka nâ a zual thin tih a hre chiang a tiang zawh leh sawi pawh hi a phallo reng thin a mahse in sum a har em ani


"A pawi lo... a duh dan dan in awm rawh se hun thawl pe lawk ang" a ti a Zorina chuan a sawm tlat vangin Aron pawh chuan rem a ti a tichuan thlanmual tur lam ah an in zui chho a


"I awm lo a engmah hi a kim theilo ka ngai lutuk che,min hmangaih a ka ngaih zia che i hria anihchuan lo let tawh rawh.. Um ilo let ang tiraw? " tiin thlan hmachhawn chuan ka awm reng a


"I bialnu hi min lo pe teh.. " rawn ti tu aw ah chuan thin phu diklo zet in ka hawi let a, Johan ruih hmel lutuk in a lo ding a ka hmai tuai puat in hmanhmawh zet chuan ka ding a


Ani erawh chuan min la en lo, thlan zawk chu a en a a meng peih thlawt lo emaw tih tur khawp hian a meng phelh phing a aruih lutuk vang aniang bak ah engtin nge hetah kan veng thlanmual ah daih lehnghal alo awm ve ngawt theih? a ip te a zen a kan awm na oiah ah syringe hman hnu tih hriat zet hi duh dah deuh hian a paih phei a


"I bialnu hi ka duh lutuk ania mahse ani chuan ka duhlo che min ti zel a buaithlak! engtin emaw rawn ti teh, i awm tawh lo bawk a I duat ai a nasa in ka lo duat ang chuan min pe rawh" a ti a a rawn pen tur chiah chu tu emaw in a rawn hnek tlu tawp a ka rak nghal thawt


"Mai mai che chuan engtin nge ka u bialnu te ilo dil ngam a? " Aron ani, ngati nge tun hnai atang hian a zia a dan tak em em le kut thawh a hreh silo


"Aron ti suh.. " Ti a Zorina lo kal mek chu mangang zet in ka en a


"A hnaih ah hian lo kal tawh suh hmela" tiin Johan lei a tlu sawp rui bawk si chu Aron chuan a zuk hnek leh Zorina pawh a lo thleng chawp chilh a Aron chu pawh sawn a tum nasa mahse a lo tang tlat!


"A tawk Aron, khawih tawh suh " ti a ahrilh pawhin a ngaithla lo Zorina chuan a la hrang thei hram a, Johan lah chuan a ruih lutuk vang nge a khawih let ve eih lo a a awm hmun ah a lo la nui!


"A lak a thu nei viau tur hian tunge i nih a? a bialpa maw.. ahhh i u bialnu zawk a lawm mahse namgpawh khan" a ti a ngawi leh daih


"Min thlah rawh.. " a tih mek laiin Johan chu a tho ve tuah tuah a "nanghian Arini hi i phu hlawl lo ilo duh ve pawh angailo addict ve mai mai i nih kha" Aron chuan ati pehle duhai chuan a tawng na mah mah ani


"Aron duhtawk rawh khatiang khan tawngkhum a ngailo enge maw I hriat le? " vin zet hian Zorina chuan a ti a


"Addict mai mai.. " Johan chuan Aron a sawi ang chiah chuan a lo sawi veleh,a nui suk a " Addict hmusit tawk lek a mawl em ni i nih a? " a ti chu Aron a thinrim ngei mai


"Duhtawk rawh.. " Ka hriat loh kar in Johan-a hma ah ka lo ding reng tawh Aron chuan lung nilo takin chutia ka lo dang chu min en a


"Kalsawn rawh" bung zet leh khauh tak tiin Johan chu a melh ran a chutih mek laiin a unau te an rawn thleng chawp chilh nghal a an tui vak lo nge pawh ka hrelo an jacket an phelh a in sual peih zet chuan an in hro sa nghal chiam!


"Ni e kalsawn teh,i te si kan vai fuh palh che chuan nikhua i hrelo nghal mai ang" Johan chuan fiamthu ang mai hian a lo ti a mahse ka kalsawn bik lo


"MamJohan-a i hnek lai kha ka hmu che i chak dawn lo" Benjamina chuan alo ti


"Ka lo bum tih i hmu tel nange? " Johan hi a rui a zo tawh nge pawh ka hrelo fiamthu a lak phet a tum ni maiin ka hria


"Mam i bum thlawt lo, i thal tawp anihkha" Reuben chuan alo ti veleh


"A changtunu tan te chuan thal tawp chang te a awm ve tur a lawm mawle.. " a ti a a aw atang pawhin a nuih a za tih a hriat


"Haw ang u Arin, Aron namgpawh" Zorina chuan ati a Aron chu ka melh a kalsawn tum hmel pawh a pu lo, kal tur chuan keiin ka sawm in ka be ngam tawhlo hrim hrim


"Zorin in nau hi ka duh teh mai ania, nitin zan tin ka ngaihtuah a ka hmuh loh hlek chuan ka awm thiam lo tan tawh! A hmeltha ka ti lutuk a a duhawm bawk" a ti ban charh charh a hnungchhawn mahila ka zah em vang chuan ka kut ka hum ruh vak


"A duh lutuk, duh teu teu tak ani" A nau ten an lo ti veleh


"Mahse a tan min duh silo a,a bul ah lo chuan ka fel vak dawn lo ania kan lak a that in chhuah duhloh reng chuan kan la ruk sak daih lo ang che u tih pawh ka sawi theilo.. " Johan bawk chuan ati a

IMG_19112021636.jpg
IMG_19112021636.jpg (37.09 KiB) Viewed 3684 times


"Rui lo in tha deuhin awm ula.. Tlangval smart leh lehkha thiam mi pangngai tak in ni thin tih ka hre hlawm a a hma ang khan awm ula harsat na a awm lo kan nau in duh na ah, mahse tun ah hi chuan beisei ti sang suh u nangni pawhin in nau emaw in farnu te in awm ang mai mai a awm thin tlangval tan in phal mai dawn bik ami?" Zorina chuan aw ki pangngai tak hian ati a a puitling ka ti takzet


"Thianpa chu sawi tha ve.. " Reubena chuan alo ti deuh hluai a


"Nia.. " Zorina chuan a ti a thaw hawk in a wallet a la chhuak a 500 chu la in chhuak in a rawn kal hnai a ka bul lawk a rawn ding in Johan-a hma ah chuan a lek kang a "Aron a chet dan vang a ngaihdam dil nan, kha i hmui a anihkha a hnawih tur ang te in lei dawn nia a zia lo khawp mai" A ti zui a


"Tanpui ngai emaw min tia mi? " Johan chuan a lo ti let hrep!


"Nilo e ngaihdam dil na chauh, chutiang in anilo zawngin ngai suh u" Zorina bawk chuan dam takin a ti a mahse lak an tum miau loh vangin Zorina beidawng chuan a ak tha leh a


"Kal ang... " Aron chuan an in biak laiin ati a a kal zui nghal daih bawk a Zorina chuan buaithlak tih hmel deuh a en zui in a a thaw hawk a


"Keini pawh kal ila" Zorina tih rualin Johan chuan ka dar ah a khawih keuh keuh a ka hawi lo a mahse ka ngaithla tih a hria nge ka hrelo a aw a thian kharh kharh a


"Awm ve lo la chuan ka that daih ang" a ti anihchu! rap lutuk in ka hawi let ta ngei a a lo nui mai mai thung a thusawi ngaihthlak nuam lo lutuk pawh kha a hrethiam ve lo ani ngei ang!


"Princess Waiwai chu kan lei tawh ania i duh em? " Sawmkima chuan alo to a, hemi te thian ho hi tih ngaih na an awm lo reng reng!


"Zorin.. " Tiin ka kai a ka kal pui nal nal bawk a, haw lam chu tumah kan in be lo a bak ah Aron vang chuan zorina bike ah ka chuang daih bawk


In kan thlen veleh Aron chu chhoh tlang a tum a mahse Zorina chuan "Aron in be lawk ang.. " A tih vangin kun ngul chuan a rawn let leh a


"Arin nangpawh lo awm rawh" a tih vangin nuam lo ti ru deuh chuan ka lo ding ve a, Aron chu a ngainat awm hlawl loh vangin Zorina hnaih zawk chuan ka ding a


"Sawi la.. " a ti a kan pahnih pawh chuan min en tha duhlo a in thiam lo nge a la thinrim pawh ka hrelo


"Tunlai i zia hi dang i ti ve em?" Zorina chuan ati hmasa te te a


" Aaa Zorin a ho em mai.. " A ti a chhoh vat vat chak tawh ang maiin a che sek bawk a, hetiang hi Aron awmdan ani ngailo a hmuh hreawm ka ti


"Ho lo e.." Zorina chuan thutak zawk hian a ti leh a Aron chuan a hmai a tuai puat a thaw hawk in keimah chu min rawn en a


"Khapa kha duh na i nei ve hrim hrim em? Amon ang a that na te kha khapa ah khan i hmu ve em? " Min ti a sawi tur ka hrelo dawih zet hian ka lo en a


"A duh leh duhloh chu a thu ani,tun ah Amon sawichhuah pawh a hun rihlo ani chu a kal tawh a la dam te hian kan hlim na tur kan ngaihtuah ve angai chu chu nangpawn Arini i duhsak thin dan ani lawm ni? "


"Ni e, hlim se ka duh Amon tello pawhin hlim takin awm sela ka duh mahse khapa bul ah khan nilo in mipa tha tak ka u ang a amah duat leh ngaihsak theitu kiang ah awm se ka duhpui.. Addict bul ah a hlim rei dawn lo" a sawi tawp lam chu a zawi khawp mai


"Addict an nih vang khan hmusit ringawt suh, an hun kal tawh a thil tha lo tak an tawn vang a addict a chhuak ta te hi an tam ania.. An rilru nat zia tih lan nan a rhi tam tak an awm asin an hun kal tawh kan hriat pui lo anihchuan tumah hi hmuhsit mai mai loh tur"


"Ka hmusit anilo.. Arini tan a tha tur ka duh mai chauh ani" Aron chuan vin zet hian a ti a


"Keini pawhin kan duh vek, kan ngaihtuah tlang vek bawk mahse chumi avang chuan a nun ah a duhthlan na dan chep sak tur khawp a in rawlh thuk angailo" a tih leh chuan Aron chu a thaw hrawk hrawk a


"Ni e i sawi dik ka lo ti mah mah thin ani, ka ngaihtuah a Amon pawh ka ngaihtuah tel.. " A ti leh hram a


"Keini in a kan ngaihtuah leh kan hmangaih ang ai hian Amon chuan Arini hi a hmangaih a lawm..engpawh tise a pawm pui vek thei ang"


"Min hrethiam rawh u.. " tiin Aron chu a chho a ngawi rengin keini pahnih chuan kan en a


"A hrethiam mai ang a u a chân a a na ve tho bawk nen, midang i nun a an lo lan khan a u a ngaihtuah a a na thar mai mai anihkha a hrethiam mai ang" Zorina chuan ati dap dap a


"Min buaipui nasa bawk sia a duh ang a ka awm loh a hlau aniang ka hrethiam tho mai" Ka tih chuan a bu nghat a


"Ka va haw ve phawt ange, rilru nuam lo deuhin awm suh aw " tiin bike ah chuan a lawn a tichuan an in lam panin a tlan haw a keipawh ka lut a,thlan a kan va awm dan teh hrep vang chuan ka chau bawih thei



Chaw ei kham hnu atangin lehkha ka zir ve char char a, a mood ah ka cheng ve bawk a Davida min lo text na pawh ka chhang phal rihlo Nu hmelthai te nupa pawh an rawn leng a mahse ka zir tui laklawh sia ka va lang ta lo, ka zir duhtawk tep tih in Waiwai Johan-a te unau in an sawi ka hrechhuak zawk a ka ei Chal thut lehnghal


"Princess.. " ti a rawn tawng ser ser ah chuan tukverh lam ka hawi a Reubena hnar per vek khawp a tukverh a hmai a rawn nawr si ka hmuh chuan ka nui lo theilo


Tukverh hnaih ah chuan ka va ding a parda ka la zar lo bawk a a lang chiang khawp mai Sawmkima a tel ve a Johan-a leh Benjamina te erawh an tel velo a jacket ip te a zen ruk ruk a chutah Waiwai bawm 2 hi a rawn keng chhuak a


"Kha.. " ti niawm tak hian tukverh si chet chuan a rawn keng a Sawmkima chuan a kut a hmui a dah in bengchheng lo turin min lo hrilh ve bawk a


Dim te in tukverh chu ka hawng a hawn pawh ka hawng zau lo, waiwai chu min pe a Sawmkima zawk chuan "MamJohana hnen ah kan lo kal tih sawi miah suh aw..min rek ani mai" a ti a ka nui suk aa, tun tak chuan an rui miahlo


"MamJohana lei sak che anihkha mahse heta lo kal a phal tawhlo a, a ruk in kan lo kal. Chuan in kan rui lo ania" Reubena chuan a ti nghal zuah zuah a kei ai a u daih an nih hre mahila an chet dan vel hi a naupang chhia thei tawp


"Ka lawm e.. " tiin tukverh pawh khar ka tum chu an lo vuan bet a


"Keini chu engmah kan nilo, mahse MamJohana hi chu a tha ania,tun hma in hetiang ani ngailo a fel lutuk a duat ngawt ang che duh ve tawh la.." an ti ve ve a


"Min lo hrethiam ru" Ka ti tlat a an beidawng nge an kal ta vang vang a Waiwai pawh chu ka ei ta chuanglo ka dah tawp a sitting room a ka va chhuah ve chuan nu hmelthai te an lo haw chho tawh


Ka nu nen tv ah Broken pieces bawk en in kan meng dun leh reng aa "Mate I thianpa te kha khawi veng nge? Khati reng kha ami an nih a? " Ka nu chuan a rawn ti chhuak thut TV a en tui viau emaw ka tia


"Pakhat kha Chanmari ami an nia a dang ho kha ka hrelo, nu ka thian pawh an nilo kan veng a buaina an rawn neih chhoh atang khan tum loh deuh deuh in kan in tawng thin a" Ka ti a


"A upat hmel ber kha a khawngaih thlak ka ti, a hmel en ringawt pawh khan midang hriatpui loh phurrit a ngah tih a hriat hlim leh thawveng deuh a lan tum tlat chhungril ipik lutuk nei hmel a puri tlat ka ti" a ti siam siam a


"Tu ber? " Ka lo tih chuan


"Lukhum khum kha.. " A ti a Johan anih ngei chu, keichuan ka hmuh ve fo a chutiang zawngin ka lo hmu ngailo Nu te hi chuan hriat na dangdai tak hi an nei thei thin ania


"Ka thianpa Tetea sawi dan chuan an chhungkua an buai ve lutuk a tia,anu takin a tet deuh laiin a kalsan a pa nen an in ngeih bawk silo atia" Ka tih chuan a ngawi vang


"A khawngaih thlak reuh hle mai, anu a awm bawk siloh chuan tha tak a nun hman chu a harsat ve dawn anihchu anu awm loh a a pa nen an in ngeih bawk siloh chuan" A ti a, ka pa mu a rawn thawh leh vangin engmah kan sawi zui tawhlo


Ka nu mu tur a a rawn sawm tak ah chuan kan vai mut a, ka khum bul a dawhkan ah chuan ka Waiwai dah pawh a ngai ngai in ala awm, ei chak na pawh ka nei leh tawh lo.. An rawn in lan leh thut hlau in mutthilh thuai thuai ka tum a, ka tum nasa bawk ani ka muhil ta mai



"Tunlai hi i a deuh nge i mu tha lo zawk le? Class lak i ngaihsak bawk silo" Ka melh ngai melh a ka awm reng chu kimkimi chuan ka hmai zawn ah a kut a rawn vai a ka khap nghal zawk zawk


"Kim.. Aron hi a danglam tawh e" Ka ti hluai a tawng zawi deuh turin min hrilh nghal a


"Ngati nge a lo star tak tak che ami? " A tih chuan a ngaihna awm lo ti lutuk in ka thaw hawk a


Nimin chungchang ka hrilh chuan a meng awk awk mai, thawng ve deuh tur chu ania lawm ahma a Aron zia hrechiang ve tho tawh tu ania hetia a danglam leh kut thawh hrat ta lutuk hi mak tih loh theih anilo a hma te chuan Amon ai pawh a fel leh zaidam nelawm nuih duh bawk si kan tih kha ania


"Rilru lam doctor hnen ah kal pui chhin se la, sir Amon boral na hian a shock ru hle ani lo maw? " a ti a chuti em em a nih ka ring chiah lo e a


Nileng a college a han awm chu a rei a nawm dan a dang tial tial mai, Higher te kha a ngaihawm rum rum mai eng emaw neuh neuh tih tur kha a tam bik sia


"Hello..? " ban rual vel in ah number lawng hian min rawn call a


"Arin Tluangpuii ka nia in bang tawh tiraw? In hmu lawk ila hun i nei angem? " a rawn ti a U Tluangpuii lek chu lo ni in


"Aw hman tho e mahse eng ah nge min hmuh duh a? " Ka tih rual chuan a off daih a a ngaih na ka hrelo takzet, in hmuh a duh chhan tur kan ngaihtuah a a awm ang tur takngial pawh ka hrethiam lo massage min rawn thawn leh tawp a min lo nghah na hmun tur min rawn hrilh a


"Kim min phur haw lo mai rawh.. U Tluangpuii hmuh ka ngai a taxi in ka kal mai ang" Ka ti a ani pawhin min hnial lem lo


Taxi remchang ber la in u Tluangpuii sawi lam ka pan a, ka va thlen chuan dawr chhung ah a lo awm a eng emaw ti tak hian nuam tih loh na ka nei ringawt lehnghal!


"Lo thleng thei maw? " Tum hmuk hian alo ti a chutia hlim lo hmel min hmuh nghal ringawt chu ka ngei ve det


"Enge min hmuh duh na chu? " Ka ti a keipawn hlim hmel nelawm vel ka hmuh peih lo law law


"Aron nen kan in then thu kha i hre tawh ang chu tiraw?" bul zet hian a ti a, ka meng phawk deuh hru a chhan pawh an in then tih ka hriat miahloh vang ani


"Engtik ah nge in inthen a? Engmah ka hre ve hleinem" Ka tih chuan awihlo ni awm takin a nui hul hak a


"Daw heh.. " Min ti anih chu! Ka thinrim ve tep ani " Aron chuan a hrilh miahlo che ami? awih a va har ve" a ti a tawng dan ki chu min elh sen pah ni mai hian ka hria


"Engmah min hrilh tur a neilo aniang, bak ah in in then chhan ah hian keimah ka nih i rin vangin min ko ami a? " Ka ti ve hmiah a peh hel kual vel ka peihlo


"Ring pawh ni lo in i ni ngei a lawm Aron hian nangmah vangin min then, ka nat zia pawh i hre lo ang.. " a ti a, a aw ka a vin lek lek! "Ka awm ve reng pawhin a ngaihsak zawk ziah che a ka sawisel lah in a tan hlur bawk che a.. Nang lah in engkim ah ilove tibuai ve chhen a! " a ti chu ka chil ka lem khawlh


"Keimah vang ah i ngai anihchuan pawi ka ti hle mai,Aron chu ka lo be ve chhin dawn nia" Ka tih chuan za lo zet hian a nui hul hak a


"Ngailo ang, engkim anih tur ang ani vek tawh engmah nang hian i sawi tha chuanglo ang.. " Min ti kher chu ka tho zawk a


"Min dem tur ringawt a min ko anihchuan ka kal ange, Aron pawh ka lo hnaih over tawhlo ang mahse keimah vang ngawr ngawr anihchu ka ringlo nangmah hian i zir lo te pawh ani ve ang Aron hi mi tha tak ani a tiang mai mai a then tur che ani lo a mahse a then che chu ania chupawh a mah leh keima inkar vang nilo in nang ma thiamloh aniang, ani chu ka unaupa ang chiah in ka en thin ka lo dar buai deuh anihchuan thupha ka chawi e.. chuan nangmah pawh kha in en fiah ve hrim hrim rawh kei min dem ngawt lo hian" tiin thaw chham lek lek chuan ka ti ve hmiah a


Pawn ah ka chhuak nghal a pawn boruak chi duhtawk in ka hip a, ka thinrim ve hman zia kha! a mah in enfiah hmasa miahlo in ti khan min puh a, Aron pawh chu engvang a then nge maw anih le engmah min hrilh ve bawk silo


"Tiang vak a min tawng khum tur khan tunge i nih a? I ai a upa ka nih hi hre ta che" U Tluangpuii bawk ani ka bag ah a man chawt a Vanrammuana bag min pek kha ani bawk nen ka lo vuan ve vat


"Engtin vak nge ka tih che, a zawng zawng min dem ringawt zawk anihkha.. Ka bag hi thlah rawh haw ka ngai tawh.. " Ka ti a mahse a la pawt tlat


"Ni e i thiamloh vek a lawm, nangmah vang liau liau in Aron nen kan in then I'll zar buai ve sek a" a ti a mitmeng chu rapthlak tak ani tum dang a nunnem hmel tak thin kha ramhuai ang mai ani tawh


"Eeee thiannu chu i va thinrim zei ve? " ti a rawn kuah chawt tu Reubena ka hmuh chuan ka thawveng nghal huai


"Ngati nge kan Princess-i ilo sakawlh hauh ve chiam a?kan hau ve hrep mai tur che asin" Sawmkima chuan ati a Johan-a ber chuan u Tluangpuii kut chu a rawn vuan a u Tluangpuii pawhin ka bag a thlah rang khawp mai


"Ngati nge kan Duatlai-i ilo hauh a i hmelthat nen " nui pahin Johan chuan ati a u Tluangpuii alo nui hul hak, hepa hian mi thinrim na hi fiamthu a lak vek a tum ni mai hian ka hria


"Sakhmel chauh tha si a mahse nunrawng si.. " tih hla kha Sawmkima'n alo sa leh hmanhmawh! an bul hnai a awm tawh chuan zu rim hriat in peih sa at hi a fin thlak ani mahse tun ah hi chuan an rui chhe viau in ka hrelo


"Min thlah rawh " tiin U Tluangpuii chuan Reubena a nek sawk a a kal ta vang vang


"Chhe reuh mange, a mawng dep dep nen" Reubena bawkin a ti zui a


"Min lo chhan a ka lawm e" tiin min ngaihsak zui miahlo chu ka be ve a


"Anihchuan ke in kan rualin kal ve ang che" Reubena chuan alo ti midang chuan idea nei tha ti zet in an lo signal vel a an awmdan chu ka hrethiam ve reng Johan nen a min kal dun tir an tum vang


"Ka hmanhmawh tawh a " ti a kalsawn ka tum chu min hual nghal thup


"Reilote ani mai.. A changtupa bul a kal i zak ami" An tia min la fiam zui, min hual tlat a ka hnial rei poh leh ka tlai zel ani si a tichuan ka rem ti ve ta tawp


An unau pali ho in kan kal thap thap a, an thawveng si kawngpui dung ah an zai loh leh hmelhriat nhi ni awm fahran hian kawngpui lehlam ami te hming duh duh phuah chawp in an au thul


An u ber lah hian hauh a tum lo a lo nuih pui mai mai a, kawng lak kawng sir ah vai hnathawk eng emaw zat an lo chawl a an ni thawveng lutuk chuan an zing a va thu ve in vai tawng phuah chawp zet zet in an va be vel a Sawmkima lah pek chuan vai pakhat chu in ti thian zet hian a kuah a hming a zawt ve ni ngei tur ani


"Mera nam kya he..? " Zu ti daih a mawle! Vai pa lah chuan ka hrelo tiin a lo chhang a Sawmkima bawk in "aw ka Vaibawih i hming pawh i hrelo a maw? Kan khawvel chhiat tawh zia hi" A ti vei a, a unau dang te pawhin an nuih tiah tiah


Kan kal ho zel a, an ruih buaina an siam loh chuan an bul a awm a lo nuam phian mai an tawng duh in an hlim ve em em a an thawveng hle bawk an ti ti na ah an Unau ho chu THLANMUAL SQUAD an nih thu te an sawi vel a, a ngaih na hi an va han awm lo tak an upat ve hmel hlawm tawh nen


"A nahhh!! " Mi thawveng ho ti ti ka ngaithla tui lutuk in ka kal na chin pawh ka en lo footpath atangin ka tla ti ila ka rap a alo hniam ta thut nen ka ke ka bilh tep ani a na ve det


Johan chuan motor tlan a tam em avangin ka kut a chelh chung chuan min pawt chho vat a


"Fimkhur rawh ka chân palh hlauh che ange" a ti zui a ka beng a sa nghal vâwt vâwt,ka lai anih ber chu a!


Ka kut lak hran ka tum chu min kai nghet sauh a a jacket ip te chu min zen pui daih! Ka tang viau a mahse min hup ngheh leh a nat zel vangin ka tang rei ngam lo, zal deuh chung chuan kan kal zel a kan hma ah a nau te pathum thawveng zet in a zai leh dur dur tawh, Johan chuan ka kut a hum nghet zual a


"Zan ah tui deuhin mu la, i mumang ah min lo hmu rawh aw.. " a ti a



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:07 pm

⭐CHAPTER-14


"Kal hrang tawh ula.. " Ka tih chuan a nui hawk a


"I lai hma thei em mai.. " a ti ka kut ka chet leh tak ah chuan min kaih na a thlah dul chu velah ka kut chu ka pawt chhuak nghal zawk


"He lai thleng hi ni mai rawh se.. " a ti a kei min hrilh lo a kan hma a kal a nau te ani a biak ni


"I in sawi luta hman ani tih tur kan nei chuang hleinem thlanmual ah bawk kan kal leh awm tho sia an veng thleng thlah ila" an ti a keichuan ka zuam lo ke chuan ka thaw hah a chhuak leh mai ang!


"A ngailo Reuben taxi kha lo tih din sak la" Johan bawk chuan a ti a keichu ka lo ngawi deuh tawp, Johan zawk chu a din dan siam rem in in hmachhawn tur chuan a rawn ding a


"In in a lo kal leh tawh i phal em? Ka.. Ih ka hmu reng Chal thin che a" a ti a a lukhum khum lai chu a siamtha pah zauh a


"Min hmuh tawh hi.. " Ka tih chuan buaithlak min tih hmel zet hian a sir lam a nau awm te chu a va en zawk a


"Nia mahse a reilo a lawm.. Zan ah dar 10 vel ah ka lo kal ang lo la meng rawh aw please.. Keimah chauhin ka lo kal ang" A ti deuh teh thlawt a tih ngaih na ka hrelo chutiang hun ah a lo kal ten ka pa'n a ngai na lo sa bawk si a thinrim dawn lutuk!


"Aih lo kal suh.. " Ka ti nghal hmiah a duhloh hmel zet hian a ner nghal nang a


"Ka lo lut lo ang tukverh kha hawng la pawn ah ka awm reng tho ang ka lo lut miahlo ang.. " A la ti leh zel a, taxi min koh sak a din reng tawh vangin chhang ta lo chuan ka kal a


"Dar 10 bawr ah aw" a la rawn ti lawng lawng a ka chhang chuanglo ka hmanhmawh tawh bak ah lo kal miahlo se ka duh zawk


In ka thlen chuan ka nu in chaw ei a lo siam mek a, ka kil ve nghal a ka tlai lutuk chhan min zawh lah chuan tih ngaih na ka hre vak silo a kan leng kawi ka ti ta ringawt, ka kut veilam chu ka en vauh vauh a eng emaw ti tak hian ka nuih a za ringawt!

_________________________________

★ Johan POV ★


"Mam i kut kha vawi engzat nge i en tawh i hria em? " Reubena chuan alo ti a, ka hre hauhlo a chhan pawh vawi duai lo ka en tawh vang ani princess-i nen a kan in kaih na lam kha ani miau a


"Vawi 20 vel chu anih tawh ka ring.. " Sawmkima chuan alo ti a ka nui suk ringawt "A duh ve mang silo che a.. " Sawmkima bawk in a ti a


"Mai mai a, min duh na kha in hmu thiam ve lo anihchu a la pawm ngam lo mai mai anihkha.. In U hi awlsam tak a hnawl mai mai theih ka nilo aw.. " tiin thuthmun ka rem tha sauh sauh a


"Tu in ber ah nge kan haw ang? Keichuan ka rawn chhuah hma in ka unau te nen kan in hau hrep a ka pa lung ani vaklo ang.. " Benjamina ka Bente-a chuan alo ti a


"Kan in ah kan haw dawn nia.. " Ka lo ti awlsam et a, ka pa nen a kan boruak leh kan chhungkua hrim hrim hrechiang ber ber tu an ni bawk a an ner nghal nang mai


"Bomb a puak leh ange.. " An lo tih chuan ka then sak a


"Puak mai mai ang hmiang tumah kan thi ngai chuang hleinem, zanin chu dar 10 bawr ah Princess-i bul ah ka kal dawn a.. Het kal ve a theihloh" kal ve min dil dawn tih ka chian vangin Sawmkima rawn ang zuau chu ka lo khap vat a a tum nghal bur bawk


"In kan luh dawn ah inchhung ah puak thei thil khap tlat ani ti sa ila, chuan kal ang u ka tam dawn.. " an tih vangin in lam pan chuan kan in zui diah diah a


An ni ho nen lo hi chuan engmah hi a nuam tak tak lo, thil tha lam ai in a tha lo lam ti ho tam mahila ka tan chuan an hlu ani, ka nih na ang ang a min pawm tu leh ka kiang a awm reng min hre thiam thin tu awmchhun te an ni a kan tan chuan min hring tu ka nu leh pa te ai pawhin an hlu zawk,an hlu lutuk!


"Ka kal hran hun ah haw ula mu ang che u, ka ruih pui bak che u in rui tur anilo in hrethiam em? rui lo a awm kan harsat a kan hre vek, mahse chuvang chuan kan rui chhum hmawk kher tur anilo" Ka tih chuan pawm takin an bu sap sap a


"MamJohan..enteh " In kan thlen dawn ah kan kawt a lo ding chu ka nau ten min kawh hmuh a,tu dang anilo Sangsangi bawk ani,a lo let atangin a khat tawkin a rawn lang fo mai


"Lut tlang ula ka'n bia ange" Ka ti a, kan va hnaih tak zel ah chuan ani pawhin min rawn hmu thuai


"Johan ka lo nghak che a.. " a rawn ti nghal tawp chu ka nau te an lo khuh kharh kharh a


"Haw la i hlawk zawk ang mawle mahse, a pawimawh aniang sawi la.. " tiin a hma ah chuan ka ding a ka nau te pawh an lut tlang mai


Ani nen hian nunhlui tam tak kan nei a,a hlimawm leh hlimawm loh zawng pawhin khang hunlai khan ka hmangaih, ka hmangaih takzet, doctor ka zir chhuah hun ah pawh nupui ah ka nei ngei ang tiin ka suangtuah ru ve nasa thin..mahse a mah ngei hian chung ka suangtuah na te chu min tihchhiat sak vek..vawikhat mai pawh nilo vawihnih lai..!!


"Nangmah vang liau liau hian a sin ka lo let leh, min ngaidam theilo ami? " A tih chuan awlsam takin ka bu nghal vat a a thaw hawk ringawt


"Keimah vang a lo let tak tak pawh ni la keichuan ka pawm tawhlo che, vawikhat ka rin tawhloh chu ka ring nawn tawh ngailo tiin kan in kawp lai khan vawi tam ka hrilh thin che.. Vawikhat na tak a min hliam a ka rin na i tihchhiat erawh kha chuan ka hmangaih em che vangin ka ngaidam che a mahse a vawihnih nan a min tih nat leh chiah khan a tawp fel thlap tawh.. Ka ring theilo che a ka ngaidam thei bawk lo che"


"Kum 2 lek chauh a sin liam hman! Ka tihpalh takzet asin aw Johan.. " a ti a min la beisei zia a mitmeng ah ka hmu a ngaidam tur a min duh na pawh ka hmu vek, mahse a teuh tawhlo mai vawikhat ka ngaidam tawh a vawihnih ngaihdam chu ka lak a a chet dan nen khan a in phu tawh lo


"Kum 2 lek kha ka tan chuan a rei tawk viau aniang ka theihnghilh che a ka mamawh tak ngai miah loh che" ti a luh ka tum ka ban a rawn chelh thut chu ka hua a ka vai sawn pawp


"Johan..!! " Sual min tih hmel zet hian min en a hlauthawng hmel a pu bawk


"Khatiang kha ka ni tawh, ka danglam tawh viau lo maw? min hmuh rawn tum buai tawh suh Sangsang, kum 2 hnu lam ah hi chuan ka mamawh tawhlo che.. bak ah kha kan Princess-i te reuh kha hmeichhe dang melh peih tawh lek lo in min siam a" ka ti sap a


"Engtin nge kum 2 liam lek a I lo danglam viau le min la hmangaih ve reng ka ring asin!! " mittui parawl zet hian a ti a


"Min ti na em a lawm" Ka lo ti vat a


Ni e a hunlai khan a kalbo nilo kei ai a thlan zawk nen in ru in a tlanbo anihkha,kha vang khan engtiang in nge ka nat a hrelo ka na ngawih ngawih a chhan pawh ka nu leh pa hmangaih na ka dawn loh lai zawng zawng pawh a hmangaih na ka dawn ve na chhun mihring kha ani miau a..an tlanbo tih leh min kawp tih ka hriat nawn khan mahni in tih hlum chak na ka neih phah hial zawk


"Kal tawh teh ka zaidam fahran tawh lo ania.. " Ka tih chuan ka hmel ah ka nin zia a hmuthiam nge a Kal ta vang vang a in chhung ka luh chuan kan bomb hmuam pa pawhin rum zet in main lo en nghal


"Ilo haw ve nghal maw? I nau te rual hian chaw ei ve nghal la.." Puia nu ( ka nuhrawn) chuan alo ti var a


"Ka chak lo.. In ei zawh ah ka room ah lo kal ang cheu" Ka nau te chaw ei mek ho hnen a tiin ka pa bomb hmuam a awm ve hre lo ang hmak chuan chhoh ka tum a


"Chaw in ei duh anihchuan ei hun ah rawn haw thin ang che u.." a tih kher vang chuan ka hmui hnuai ka pet fan fan a, a bomb hmuam hi a ti puak lo phal thin thlawt lo ka pa ve hian


"Reuben ui kan hruai lut ami nge a awm sa?" Ka tih chuan an mit in min signal char char a mahse bomb chu puak zo law law se ka duh "E nangmah,min lo bia ani maw? Ui bauh mai mai amaw ka tia" Ngeiawm zet chuan ka ti a


"Lalhruaizel..." rum zet a min en pahin a tih chuan ka nuih let sak ringawt,a hmel.ka hmuh ringawt pawh hian nasa takin ka thinrim thin in hauh hranpa kan ngailo ani hian midang zawng zawng ai in na min siam hnem ber


"In be vaklo teh ang kan in mil lo si" tiin ka room pan in ka chho nal nal a ka room ah lut in khum ah chuan ka let tawp, a hnu ah ka kut bawk chu la kang in ka en vang vang a


"Lalrinzuali.. Arini.. Duatbiki.. Vanrammuana...tun ah Johan Lalhruaizela" Ka rilru a thu rawn awm chu ka sawi chhuak mai mai a chutah Puia a rawn kal hlawl a, in a ka haw ve chhun hi a hre thei thin ania


"Mama, Mama" tiin ka bul ah chuan a rawn mu ve a, ani hi kei ai in kum 1 in a upa zawk a mahse rual a ban tawk loh na vang hian ka nau chei hmiah hmiah thin, Puia chu ka en vang vang a


"Puia Dar 10 rik hun ka va nghakhlel ve..!"

___________________________________

★ Arini POV ★


"Bena lo chhuk rawh.. " Inchung te veranda a awm bena chu ka han au a a bawk lai chu ding zawk in a rawn tlan thla nghal a kawt a kan lo in fiam laiin veranda ah bawk Aron a lo chhuak ve a


"In va hmuhnawm dun ve.. " nui pah a a rawn tih chuan ka ding dat a, tun a hmel leh a tawng zangkhai dan hi chuan hman a Aron, Aron diktak ngei kha ani in ka hria


"Lo chhuk ve rawh.. " Ka ti a, zan zan ah ka lehkha zir peih rihlo ka hawi thawveng ve e ka tia


"Um.. " Tiin a rawn chhuk ve nghal mai a,kan buai na kha chu engmah hre tawhlo ang in ka awm hmiah a chhan pawh Aron a mood a fun hmel em a a in thlak danglam leh ka hlau ani


"I hah lutuk a nge aw..inhaler hman ngai a awm i ning thin em kha" A rawn ti thla zat a kan awm na a rawn thlen rualin bena chuan a va chhaih veleh nghal


"Nia..hahchawlh lawk ka ngai ka thawk a nuam viau tawhlo.. Aron ih inbe lawk ila.. " Ka tih chuan a nui tawp riai riai a


"Awle.. " A ti ve mai a bena chu kan veranda thuthleng bul ah a bawh tir a thuthleng ah chuan kan pahnih in kan thu dun a


"Vawiin class anuam em? " a ti hmasak vang chuan but nghat in thawk ka la vang vang a,U Tluangpuii nen a an inkar sawipui chi ani em ka hre ta lo, sawidun duh se chuan an intense tih te pawh min hrilh ve awm tak ania


"Sawi la..ṭi deuhin awm suh ka sual hmel vek zel ania" tiin min nuih vur vur a


"Ih englo.. U Tluangpuii kha nati nge i then a? " Ka tih chuan a nui tawp hmuk a ka lam rawn hawi reng kha hmalam a melh nghal run


"A hrilh che ami? " a tih chuan aw ka lo pawh vat a "aaa Arin Tluangpuii nen hi chuan kan in mil viau lo ani, a thikthu a chhiat bak ah thil sawifiah ka tum in min ngaithla duh ngailo a.. A hahthlak ka ti" a ti hlak hlak a


"Keimah vang ah a ngai a" Ka tih chuan za lo tih hriat takin a nui hul hak a


"Nangmah vang a then chhan tur ka neilo a mizia hi a hahthlak ka tia ka dawhtheih loh chin a thlen a in hau bur bur chung a in kalsan ai chuan tha takin ka hrilh a ka then anihkha, ngati nge nangmah hi a puh vek che ni a hahthlak mange!!" a ti a keichuan a mah chu chik takin ka en a dawt a sawi in ka hrelo U Tluangpuii zawk khan thil a la kawi anih ngei kha


"Min ko a kan in hmu a, chuan in inthen tih vel leh keimah vang te ni khan a sawi a thinrim reuh khawp mai" Ka tih chuan a nui hawk a


"Naupang chhia nghal lo chuan.. " A ti a tho zui a " A koh leh che pawhin kal tawh suh aw nangmah vang anilo ania.. Bena chho ang le" tiin an in zui chho a keipawh ka lut ve nghal


Sana ka en a dar 9 a hnai thuak mai, chumi rualin tlai a Johan-a thusawi kha ka hrechhuak ka thin a rawn phu ringawt! A lo kal tak tak vaih chuan ka pa in a hrechhuak ngei ngei anga ka chan tur chu a na mai lo viau ang Johan-a te a duh lo ropui si


"Tinge sana i thlek vung vung a? " Ka nu in a rawn tih chuan ka phu deuh zawk a hmanhmawh deuhin room ka pan a tukverh chuan ka mit a la hmasa ber, ka va kal hnai a a theih ang a tha chuan ka kalh sauh sauh a khum ka thu mu vel mai mai lehkha zir lam a lang tawhlo mutthilh bo vang vang ka duh


Ka mut lah a chhuak mai silo phone te ka en a kimkimi leh Davida te ka be leh ang lawp lawp a, sir lam ka
hawi chiah chu Johan-a ka hmu thut a ka au thawt! Ka chhungte an rawn tlan lut nghal lo chu vannei tak ka ni, ani lah alo lang thut sia ka phu nasa lutuk! parda ka lo zar parh lo em ani..sana ka en a dar 10 pawh a la ri lo tinge a rawn lan hma em em a?


"Lo hawng teh.. " a ti a, an insual na ani ngei ang a hnar a thi a,a ruih hmel em em bawk a a meng te chu a sense deuh rum mai


"Haw rawh i rap awm lutuk! " Ka ti a darthlalang hi hawng lo mahila tawng chu a hriat that theih lutuk, a lu a thing a a lukhum khum lai chu pawt thla in zawi leh duh dah zet hian a a hmai thi pem neih nuaih chu a hru tawk a a hnu ah nâ tih hmel zet hian a ner nghal sawk


"Ka rui nasa miahlo ania aw..min sual rawn vang anih hi mahse pahnih chu kei ai an na tho ang" Chapo hmel tak hian ati a, tlai thim rual in kan in haw san chauh kha ani sia engtin nge mi te a in tihbuai pui hman le?


A hmai hliam vel chu a nasa em em a a hnar a thi bawk si, a man nâ a tih hmel bawk nen khum atang chuan tho chhuak in la pua leh dettol ka la a tukverh chu dim te hian ka hawng a dettol leh lapua chu a lam ah ka keng hnai a


"Awi ka duhlo..! " a ti hluai chu rum deuhin ka melh a


"Tawng ring suh ka pa ten an hria ange? " Ka ti a, mu hma dun thin viau mahse an beng hi a var ve a thawm eng emaw hlek ah an harh zung zung thin bawk sia


"Yes Boss, mahse kha kha chu ka duhlo a thip dawn lutuk" a ti a a ner nghal nang a


"Naktuk zing ah hmelchhe deuh a thawh chhuah i duhloh chuan la mai rawh" Ka ti vin hlar a lu min thin khum tlat "la suh... " tiin luhlul ka ti lutuk chuan tukverh pawh khar leh ka tum a


"Dar 10 chu ka nghak thei thlawt lo.. " Tih leh ka kawng a rawn pawm thut a rual a tukverh atang chuan pawn lam ah min pawm chhuak nawlh! "Shhh.. Engtinmah ka ti dawn lo che i bul ah awm ka chak a, i room ah chuan i chhungte hmuh i hlau sia hetah ka bul ah awm la"


"Ka duhlo.. Ka pa'n a hmuh che chuan a thinrim dawn lutuk" Ka tih chuan ho tih hmel deuhin a nui a


"Ka bul a i awm dawn phawt chuan i pa thinrim ang buan buan tur te chu van angel zai ri ang in ka lo ngaithla liam leh mai mai dawn nia" a ti nui sun sun a


"Mi thinrim lai hian tinge ilo fiamthu zel a? Vawiin tlai leh thlanmual ah pawh khan" Ka ti thawr a


"A chhan chu maw keichu ka sual lutuk a mite ka chung a an thinrim na ang a ka thinrim ve chuan ka that lek lek thin a.. chutiang a chet chu ka duh thin lo a midang ka tih nat teuh loh nan ka in sum thin a ka nuih liam mai mai thin" a ti awlsam et a


"A nihchuan kha la rawh.. " tiin dettol bur leh lapua ka la hum reng chu ka keng kang a


"Min tih sak la.. Ka in hmu thei bawk silo bak ah ka taksa te hi a na chhuak vek.. " a ti a lei ah chuan balh hlau lo ni awm fahran in a thu a, mahni a tih luih tir dawn pawhin a harh fim tawk silo a a peihlo zet chuan ka tih sak a


Tha deuh hian a hmai a dawh ve na chungin ka'n tih sak tak tak chu a si leh hlap thin a naer nasa thei khawp mai, hmun dang erawh a hawi hauhlo min en a keipawh in ka thil tih lai vang chuan ka en lo theilo


A mitmeng lian zet chuan min en kiau a a mithmul dum tak kak mai leh a mutmul sei arh mai te chu a inhmeh thawkhat viau ani,ka lu thing thut in ka thil ngaihtuah vang chuan ka ka khap zawk zawk a


"Tawk tawh mai rawh se... " tiin hmun dang ka melh nghal daih a "Johan..! " ka kut a rawn kaih rual chuan zawi te hian ka lo ti a


"Ka hlauhawm miahlo, i bul ah chuan ka fel dawn lutuk reilote chiah ka bul ah awm ve la min len pui rawh chuan ka thlah haw leh ang che" ngen ngawl zet hian a ti a


"Mahse a tlai tawh em mai.. " Ka tih chuan lu a thing ringawt a


"A nihchuan min len pui duhloh man ah a van kawrawk zawng in han nui vak teh" a tih chuan ka nui hawk a


"Chutiang ka thiam lo e a" Ka tih chuan awihlo hmel zet hian a nui a


"Ti hian ani mai a lawm.. " Tih leh van vadak a nuih a nuih a rual a a mizia nen a in mil loh lutuk vang chuan ka nui lo theilo "thiam min ti em? " a la ti zui, ka chhang theilo ka nui tawp


"I hmeltha lutuk.. " tiin ka nui lai chu min din hnaih thut a "i nun ah a hmasa ber ni turin ka tlai tawh tih ka hria, Vanrammuana ang pawh ka nilo ang mahse mi te awh theih khawp in ka duat che anga ka ngaihsak in ka hmangaih bawk ang che..a hmasa ber dawt tu leh a hnuhnung ber min nih tir rawh... " a ti sap a


"Ka chungchang hi eng chiah nge i hriat ka hrelo, ka lan dan ang hi ka nilo a sin pawn lam ah chuan ka lo it awm ngawih ngawih pawh ani mahna mahse... mahse ka nun ka chungril tak tak ah chuan beisei tlak engmah thil tha a awm tawhlo..!"


"Chutiang ka ngai pawimawh lo.. A van karawk zawng a I nuih thiam chuan a tawk mai" a ti a nui suk a, a thutak duh dawn tawhlo tih ka hriat vangin ka nui ve ringawt


Ka biang ah chuan rawn dawm in a rawn kun hniam a ka hmui ah chuan a rawn fawp zeuh a ka kut ka lo hum nghal vak, thawchham tur ang mai hian ka awm. min nghak ni awm tak hian in la hrang hlek in ka mit ah min en a chutah duhthawh zet hian min fawp tawn tawn a ka kawng ah te chuan kuah in a taksa si chet in min awm tir a


Ka rilru chuan fawp let ve miahlo turin minti a ka thinlung erawh in a zawm ve hauh lo! ka chhan let chiah phei chuan min fawp uar sauh a, a nghawng ah chuan kut suih in ka ka thiam dan tawk chuan ka chhang let ve a, ka awmdan chu ka duh hauhlo ka tih loh tawp tur pawh ani mahse ka thinlung hian min control hneh lutuk a!


"Min duh ve tiraw? Tun atang chuan ka bialnu ka ti thei tawh che angem? " a in lak hran rual chuan kan chal in sik tir in a ti zui a a hmui a liak zauh bawk, ka thinphu hi a nasa lutuk a ri te hi Johan-a hian a hriat phak hial ka ring


"Umm.. " Ka tih chuan lawm hmel tak hian a nui chhuak hawk a ka hmui ah chuan a rawn fawp leh zauh bawk,ani hi ka duh tun ah ka thinlung ka hrethiam chauh a,chuan ka thinlung min thunun na ang a ka awm na ah hian ka in chhir loh ngei ka beisei


"I bul ah ka lo riak ve..? " a tih lai tak chuan tu emaw a lo kal thut a,tu dang anilo ka pa ngei ani


"E ka pa nangmah maw? " Johan chuan hlauhthawn na nei hauhlo hian alo ti a ka pa chuan a en lo keimah zawk ani min en


"Ka fanu hnaih lo tur hian ka ti che a ni lawm ni? nang ang mai mai tan hian ka phal lo.. Lalrinzual rawn lut nghal rawh" vin lutuk hian a ti a, ka kal lo ngam lo


"Duat deuhin ko ta che tiraw Princess?" A ti chu ka pa chu a rawn ka phei a min pawt hrang nghal dawrh


"Vawikhatmah ka fanu hi lo hnaih tawh suh, lo beisei tawh ngai bawk lo ang che engtik ah mah atan hian ka pawm ngai dawn lo che" Ka pa chuan a ti a, a kam chhuak ringawt pawh chu hriat nuam lo tak anih vei nen


"Awle ka pa.. Oh ka pu ka pa la ni vat tur.. " tiin a kal zui a a kal pah chuan Rude bawk chu a a sa leh a ka pa a sak khum tih hai theih anilo a rawn leh hawi zuk zuk lehnghal

IMG_2211202152.jpg
IMG_2211202152.jpg (40.63 KiB) Viewed 4391 times


🎶 You Know she's in love with me
She will go anywhere i go
Can i have your daughter for the rest of my life
Say yes, say yes couse i need to know
You say I'll never get your blessin till the day i die
Tough luck my friend but the answer is no!
Why you gotta be so rude? Don't you know I'm human too?Why you gotta be so rude?
I'm gonna marry her anyway..🎶


"Lut nghal rawh nangpawh.. " Ka pa chuan a ti a engmah sawi ngam tawh hek lo ka in her a


"Theihnghilh ka nei.. " ti aw ah chuan ka leh hawi a Johan bawk! A lo let leh a enge a theihnghilh ang ni ti a ka lo ngaihtuah lai chuan a din tawh na bul lawk a syringe lo let bam chu a chhar a "chuan hei pawh ka theihnghilh tiin ka pa awm lai chuan ka biang ah a rawn fawp!


"Nang chu i makpa ka nih hun ah i chal thleng in ka la chuks ve dawn che nia" Ka pa bul ah chuan ati a, a tlan nal nal a ka pa thinrim rapthlak dan chu pui tak ani!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:08 pm

⭐CHAPTER-15


"Zak lo lutuk mai.. " tiin ka pa chuan a en zui vawng vawng a keichu thawk pawh ka la nasa ngam lo ka dinb ngawi tawp " Lut rawh.. " min rawn ti chu ka taksa a che lawih thei


Bak leng in ka tlan lut a room ah luh tlang ka tum a mahse min la rawn koh leh si vangin sitting room ah chuan kan awm a ka nu pawh kan tang thawm ah phak deuh chial hian alo tho chhuak ve a


"Ngati nge a? In pa fa chu.. " Kei ka ding a ka pa a thu thung


"Hman zan a tlangval nen khan an lo awmdun a" Ka pa chuan sawi nuam tih loh hmel deuhin hian a ti a, ka nu hmel ka en chuan ti awm ang lo min ti ni awm tak hian a hmel a siam danglam a


"Ngati nge bawihte chutia a ruk a ral a ilo awmpui a? a mawi lo em mai" Ka nu chuan a ti ve bawk a sawi ber tur pawh ka hrelo


Johan puh vel dawn ila ka thiamloh a tel ve tho bawk sir, lo hnar ngar ngar ila a haw mai tur ania engvang a a hmai na te kha lo buaipui kawi hnuhnawh nge maw ka nih le? Ka kut a dettol bura leh lapua chu hum nghet sauh in


"Ahh nu ih a hliam nasa lutuk a, chuan ih dettol te ka lo hnawih a.. " Ka tih chuan ka pa a en zauh a


"Um anihchu va mu leh tawh rawh.. Mahse zan dang ah chuan a hmeichhia zawk chhuah tawhloh tur aw mipa in an zuam duh ania" a ti a bu nghat in ka pa chu ka en a mu suh pawh a tih loh vangin ka room ka pan a


Khum ah chuan mu in nichin lawk a thil thleng chu ka ngaihtuah a, ka inthiamlo thar takzet bak ah ngati nge Johan kha ka pawm ringawt Vanrammuana ka phatsan tih na ni a sin! Mahse Johan ka duh na kha ka thunun zo silo ani


"Min ngaidam rawh aw.. " tiin chunglam ka melh a,tun ah pawh hian nichin a Johan ka fawh vangin min haw ngawt ang,hetah kan kiang ah awm ve phei sela chuan a thinrim dan tur ka sawi thiam lo zawk


"Ka hlim kha i duh thin tiraw? ka hlim ka ring a.. Ka tihpalh lutuk" tiin ka kut a zungbun chu ka pawt chhuak a ka dawhkan tê a pawh dawh ah chuan ka dah ta hmak a ka rilru erawh a nuam famkim theilo



"Bawihte i va mu rei ve? " ti a ka nu in min rawn auh tak ah chuan muangchang in ka thu chhuak ve a


"Nu ka pa a awm hnai em? " Ka tih chuan hrethiam nghal zet in kawngkhar lam a melh a


"Sitting room ah a awm.. " tiin min chhang a, nizan vang khan va chhuah ka hreh khawp mai a office kal hun ah chhuak ve ngawt dawn ila class kal ka tlai ani nghal bawk si


"Office kal hma tir la.. " Ka nu ka room a thuamhnaw thlep fel pah mek hnen ah chuan ka ti a


"A i ho em mai nula i ni ve tawh a a hau vak vak bik nang che" a ti a min chhuahsan daih chu lawm lo lutuk in ka en zui a


Awmdan tur ka ngaihtuah a ka ipik tun mai, ka va chhuak anga ka pa nen kan in hmu ngei dawn si, ka rilru buai lutuk chuan tih ngaih na hrelo in ka ke ka leng vak vak ringawt a mahse awmzia a awm lo


Class tlai hlau bawk nen ka chhuak ta nge nge a, ka pa nen kan han in en siah phei chu ka ṭek chhawk hian ka hre hial ani, melh pawh ka melh tei ngam lo ka nu bul ah ka kal zui daih a ka pa sitting room a a awm chhung chu bathroom leh kitchen ka kar tawn zak zak ringawt, engtin min ti zui pawh ani lo ka hnaih hreh em em ringawt a!


"Kimkimi a lo kal ania" Ka nu in a rawn ti a bag la in ka chhuak zui ve nghal chu ka pa room atang a lo chhuak nen kan in tawk zui zat, kan in en ren rawn a a hmel ah chuan a hlim lo tih a hriat vek si a nuam lo tak ani


"Hmanhmawh ta che.. " Ka nu in a rawn tih leh tak ah chuan ka kal hmasa a kimkimi chu a pawh in ka pawt chhuak a


"Enge thil thleng a awm ami? ka pawt vak ringawt chu duhlo hmel deuh a vin zet hian ati a


" Awm a mahse a awm lo" Ka tih chuan mawl min tih hmel zet in min en a


"Va mu tha leh teh.. " A ti kher a ka ner nghal vak, chutih mek laiin Aron-a inchung atangin a lo chhuk thla a


"I kal dawn chiah ami? " ti a ka lo bia chu hrelo ang hmak in a kal tlang a bike ah chuang in a in khalh chhuak nghal nal nal


"Ngati nge a? " Kimkimi chuan ati a Aron tlan na lam chu a en zui vawng vawng a, a thawng ve hle ani kei ngat phei chu min thaana lutuk


"Ka hre biklo.. Nati nge le? Ka biak kha a hrelo to dawn ila kan zawn a rawn thlen in a nia ka biak.. " rilru nuam lo zet chuan ka ti a


"A mood a chhe hle anih dawn kha.. A in hmeh lo hle mai" a ti nang nang a keipawn ka ti tho, khatiang khan ka lak ah vawikhatmah a awm ngailo, nilo awm ngailo main nilo in ka biak hmasak hi angai ngai tluk ani


"A chhungte nen an in ti thiamlo deuh aniang" Ka ti ringawt a chuti nise chuan an in hau thawm tal pawh ka hre tur ania mahse chutiang engmah a awm silo


College kan thleng a a ngai te bawk in kan thianho bawk in kan awm a an bul a awm chuan a hlim loh theihloh tih ang vel ani mahse vawiin chu tukin a Aron awmdan vang khan ka rilru a nuam famkim chiah lo a khat tawk in rilru ah a awm reng mai


"Aw nu..? " Ka nu in a rawn call teh nawlh chu mak ti deuh takin ka chhang a


"Bawihte Lungdai ah kan chhuk dawn i Pitei a tlu a nikhua a hrelo a, ala biak theihloh an ti i Putea an hna vangin a zin bawk sia a mangang in min rawn call a hei ka in siam mek i pa alo haw mek bawk a kan chhuk nghal dawn nia" mangang aw tak hian arawn ti a


"Awi a van zia lo ve, ngati nge a tluk a?" Ka tih chuan a luhai tiin min chhang a, awmdan tur ka vai ta ruai mai lo zu kal se zan ah engtin nge ka awm ang?in chung te bul a awm rih chi lah ani silo bak ah Aron kha tukin ang kha alo la nih phei chuan ka duhlo hrim hrim


"Engtin nge i awm ang? in ah hian ilo awm ngam angem in chung te an awm dawn tho a I duh chuan ilo kal ve thei bawk a mahse kan haw chhoh leh mai theihloh khan in zirlai vel ah a buaithlak dawn bawk sia"


"Ka lo kal ve ang class chu a ngaihtuah awm lo.. " Ka ti a tichuan phone kan dah a, class pawh la zawm tawhlo in ka haw a, class chu engpawh nise pitei a dinhmun a that loh hmel bawk sia bak ah enga emaw ah ka nu leh pa te ai pawn ka zuan a zang in ka tangkai tam ka ring mah zawk


Kan chhungin Lungdai lam chu kan pan a chawhnu her a chhuak kan nia tlem in a thlamuan thlak deuh, ka pa'n tlan pahin pitei chungchang vel chu a sawi chiang a an thenawmnu lena lut in chhuat a alo tlu a hmu ani awm a an la awmpui char char ani awm e

★ LUNGDAI ★


"Khalam ah khan kual rawh.. " ti a ka pa tawng ah chuan ka harh zawk a ka lo chhing leh hmanhmawh tawh ani maw


"Kan thleng a law? " tiin ka thu rem sauh a ka nu chuan aw tih nan lu a lo bu zauh a, in ah kan luh chuan an thenawmnu ni awm tak leh hmeichhe pakhat hi an lo awm a mipa pawh an lo awm ve nual


"In awm lo thleng maw? Nichin lawk ah hei a harh a " pakhat zawk chuan ati a, pakhat zawk chet dan atang chuan nurse emaw doctor a nih ka ring ve tawp


"Awi kan hlauthawng hman lutuk alawm" Tiin ka nu chu a thu hnai a, Pitei chu a meng lo na in a harh tawh tih an sawi a ka thaw deuh huai mai ka nu leh pa te chuan an vil nghal chawt a,nu pakhat lo awm sa pakhat chu an khaw nurse alo ni ngei bawk


Lu hai satliah anih thu te sawi in hlauhthawn tur a awm loh thu nen lam min hrilh hlawm a chumi hnu ah min haw san a,ngaihtuah awm nasa lutuk ani miahlo chungin an thenawmnu leh midang ho chuan an la vil ve deuh thap a an fel ka ti ngawt mai


"Bawihte thingpui va siam la i chau hran lo tiraw? Hei awm an la awm ve sia" Ka nu chuan a ruk te in a rawn ti a keipawh tangkai beisei a kal ka ni bawk aka tho rang khawp mai


Thingpui chu siam in a la awm ho chu ka pe diat diat a,Pitei pawh a rei hnu chuan a rawn meng ve peih a ka pa'n Putea phone in a ngaihtuah awm loh thu leh tun tut tut a rawn haw lo turin a chah a keini kan awm tho bawk nen, thingpui ka sem lai chuan massage ka dawng deuh mawlh mawlh a mahse ka la en hman lo


Dar 10 bawr ah chuan an haw hlawm a,keini pawh mu turin kan in puah chah nghal a kan taxi hman erawh a haw lehnghal thung..ka nu leh Pitei khum khat ah an mu a ka pa an bul chiah chhuat ah a mu thung, keichu sitting room ah thutthleng dawh zawm in ka mu a,motor ah ka mu sek bawk nen mut a chhuak vak lo chu tho leh in pawn ah ka va thu mai mai a


Ka hawi ka hawi a khawpui ai a a hawi a nawm leh a hahdam thlak na chu ka feel ve thei tlat, motor horn ri bengchheng hriat reng tur a awm mang lo thingtlang lutuk chu ani hauhlo mahse Aizawl ang anilo,a bengchheng lo ringawt pawh chu awm a hahdam thlak na leh a nawm na ni in ka hria


Ka phone ah massage ka check kual a WhatsApp nilo massage pangngai ah hian number lawng hian min rawn be vak chu ni in nichin thingpui ka sem lai ami kha ani hrim hrim ang, ka en a massage ah chuan tawi te te hian a in ziak a

* I kal ringawt a..? *

* Min hrelo em? *

* Vai pa phone ka hmang a *

* keimah *

* Lalhruai-a *

* Hruaizela *

* Zel-a *

* Han-a *

* Johan-a *


Vawikhat a sawi zawh vek theih si chu tawi te te hian a rawn thawn duah kher, Lungdai a kan kal thu in ka reply tha ve mai a, chutia ka reply zawh chiah chuan Pitei te in kawt kawngpui ah chuan Mipa palian zet a len ngaihtuah a la upat loh hmel deuh mai hi a ding a ka thlir reng a ka hmuh rei tak ah chuan mizo nilo in ka hre tlat pek a


"Caleb..Daddy'n kal hlat a phal loh kha.. " Mizo tawng pai deuh hlek a ti tu aw ka hre leh a hmeichhe aw ni in ka hre bawk


"Ka kal hlat loh hi Emerda" chupa chuan a hma a rawn ding nghal hmeichhia chu a en a,eng a la tam bawk a an la hmuh fiah theih khawp mai sap an ni chiang lutuk! Mahse mizo tawng an hmang bawk sia


"Caleb..kal hlat ka phal loh kha" Aw thum zet hian sap tawngin arawn ti a, chutah nupa ni awm tak in len hleih zet mai hi mipa leh hmeichhia te bul ah chuan an lo lang ve nghal a a hmeichhe lo lang hnuhnung zawk chu mizo a ang viau thung a


Rin dan ka nei thiam mai, mizo nu in sap pasal ah a nei anih dawn saw an fa te sap an an viau laiin mizo tawng an hmang ve tho bawk sia.. An fa te lah chu an hmeltha em em lehnghal


"Dad..min hmuh phak reng kha" tiin a chhang zui leh a


"A ho lutuk haw tawh ang u kan leng kual rei tawh em mai, i fapa hian a chhun che ania Jeddah..a luhlul a chuvang in i hau ngawt theilo ang" an nu ni awm takin mizo tawng fiah fai zet in a mah kuah chial tu a pasal chu a en a


A pasal pawh chuan nui suk in an fa te awm lai chuan a fawp zauh a kei veranda a thu chu ka lo lai ve em em ringawt! Chutia ka lo thlir veng veng lai chuna ka phone a ri a Johan-a min lo biak na number bawk kha ani


"Khawi lai ah nge in awm? " Ka pick rualin ring zet hian a rawn ti a, a bengchheng nasa mai


"Enga? A va bengchheng ve motor in chuang ami?" Ka tih chuan


"Chuang ang chu le.. ngawi rengin Lungdai ah min kalsan a lo len kan tum a in awm silo tichuan ngai in ka la rawn zawng zel che.. " a rawn ti duah! Sawi pawh a sawi lo a tawp lam chu a sak hian a rawn sa


"Enga!! hey in lo kal tih sawi miah suh" ka ti a ka ding nghal hluai a ka thinphu a dik hlei thei lo nghal ringawt!


"Kal chiang e, khaw maw Reuben video call khan min han tih sak teh" A ti a a ri rawp rawp a thli thaw ni ber in ka hria


"MamJohan kha chu keypad awm chi anihkha video call a theih ve loh.. " Nui hawk hawk pahin an lo tih sak a


"A va chhe ve!!" Johan chuan a ti deuh hluai a ka lo nui hawk, massage min rawn thawn lai atang khan video call a theihloh tih te chu hre ve awm tak ania a rui leh viau tawh aniang a?


"Engtin nge kan kal na i hriat a? Ka number te hi engtin nge i neih? " ka tih leh a


"Awlsam lutuk, i thiannu bul ah Sawmkima ka va tah der tir chiam a chuan engkim a lo hrilh mai i number te kan dil a" A ti awlsam et a, nui tur nge pawh ka hre lo e a an va ti mak unau tak


"Lo kal a chi loh a sin.. " Ka ti a, awmzia erawh a awm hran tawhlo kan awm na min zawh dan ah an lo hnai tawh viau aniang


"In awm silo a nangmah hmu miahlo a zan hman ral ka huphurh a lawm, bak ah hei a remchang sia Vai Truck ah kan rawn bet thla ve tawp mai,a nuam phian mai lehnghal a a chung a chuan phei chu a ruih theihloh khawi lai pawh hi tukverh ani mai a..hei a driver hi a fel a phone biak na tur che ka nei silo a a phone te ka hmang vel" Thawveng zet hian a rawn ti ham ham a


"Ka pa pawh a awm a in lo kal chuan min hau nasa dawn asin.. "


"Oppa maw? hmm a te ve sia a sual ve reuh sia"


"Enga Oppa a? " Ka ti nghal hluai a Johan lah chuan nui chungin


"Yes, a makpa ka la ni silo a chuvang chuan korean ho tih dan in Oppa kan ti zel tawh ang a makpa ka nih hun ah a Appa kan ti leh anga" a tih chuan za lutuk in ka nui chhuak hawk hawk


"Korean film i en thin ami a? I van hre em em" Ka tih chuan a


"Khamsamida..aih en ngailo Reubena nau korean atchilh deuh a awm a lawm" A ti ngei a, a nau te lah chuan an chuan na truck chu a tlan chak mah mah nge "a thaw lutuk ka hritlang dawn" An tih loh leh "ka ka reh a zau zo vek tawh" An lo ti ve bawk


"Tak tak in Princess, Ka ngai lutuk che ania nileng in ka hmu tawhlo che a a hreawm tawh! " a rawn ti a, ka khawngaih bawk si mawl ka ti bawk si


"Ka pa ti thinrim lo zawng a in awm hian a tha zawk asin, in ruih phei chuan a lawm lo zual mai mai ang" Ka tih chuan a reh vang vang a thli thaw ri bengchheng bak hriat tur a awm lo, ka ngaichang reng a a hnu ah chuan a thaw ri hak a


"Awle...kan let leh ang mahse ka rui lo,ka rui miahlo min zin san vangin ka lung a leng a ka ngai che a ruih pawh ka rui ngam lo" tiin a ngawi zui vang vang


Engtin nge ka tih dawn pawh ka hrelo! an lo thlen thui tawh hmel sia chutia let leh tur pawhin motor a awm tawh kher lo ang lo kal zel ta se ka chhungten an hmuh chuan an lawm dawn hauhlo a mahse keimah vangin an lo kal vang vang bawk si!

IMG_26112021646.jpg
IMG_26112021646.jpg (35.44 KiB) Viewed 3643 times


"Reuben motor kha tih din tir teh let ang u" a tih ah chuan ka hawi a ruai a


"Johan.." tiin ka au ringawt a, a mah chuan min chhang lo a unau ten let leh a sawi mak ti bawk si a an phun ri bak ka hrelo "Johan min ngaithla em? " Ka ti leh a


"Ngaithla chiang e.. " zangkhai vah hian a rawn ti leh lawi a ka thaw huai ringawt


"Lo kal tlang mai rawh u" Ka ti a, chutia keimah vang ber a lo kal chu harsa harsa in ka let leh tir ngawt theilo zan tlai tawh ah lehnghal phei chuan motor pawh a awm tawh nang mawle


"Umhh a ngailo keimah ni vang a Oppa khan a hauh leh che chuan a tha dawn lo" A ti ve leh tlat lawi a mahse an let na tur ber chu ani


"Engtin nge in let leh anga? " Ka tih chuan a ngawi vang vang a


"Beh chhoh na tur a awm leh mai ang.. " a ti sam et a " Mahse ka riltam tep tawh a" zah hmel deuh hian a ti sap a


"A nihchuan lo tlang mai rawh u beh chhoh na tur in neih lawk loh phei chuan in tam hlum hman anga sin" Ka tih chuan a nui hak a "enge? " Ka lo ti vat


"Min ngaihtuah ve hmel te uh lutuk a" a ti a a chanchin tlem a zawng ka lo hriat sak tawh a ka ngaihtuah na chuan a mah ah engtin emaw tak hna a thawk emaw aniang a


"Ka ngaihtuah che alawm, aahh in vaiin ka ngaihtuah che u" Ka ti sep a


"A nuam hle mai, hetiang a ngaihtuah leh ngaihsak nih te hi a hma atang a ka lo chak thin ania.. A nuam, dangdai bawk" a ti ban charh charh a


"Ka lo nghak ang che u" tiin kawng te chu ka hrilh a mahse ani chuan


"Mu tawh rawh.. Min Ngaihtuah lo in" a ti a phone chu a dah ta daih a ka call let chuan vai pa mizo tawng pawh thiamlo hian min lo chhang daih!


In chhung ah ka lut a, mu chung chuan ka ngaihtuah zui reng mai let leh an tum tak tak emaw ni le? Let dawn se motor hmu lo in khaw kar kawng ah tam chhawl in an awm anga! Ka thil ngaihtuah vang chuan ka thu chhuak leh ka rilru hi anuam hlawl lo!


"Khaw kawng vel ah ramsa te tawk se..!! " tiin ka Ngaihtuah a ka rilru nuam loh a zual takzet tih theih em em ka nei silo be leh dawn ila phone a nei silo


"I va meng rei ve? " ti a ka pa lo chhuak chuan min ti phu zawk, mutthilh der na hman a awm tawh silo ka ngawi ran ran a


"Naktuk ah kan haw lehnghal angem? " Ka tih chuan a mit a nuai nak nak a


"Ka hrelo i Pitei a thawh harh peih leh peih loh ani mai, i Putea a awm silo a naktuk te chu kan la awm tluan leh ang ka lo ti deuh a" a tih chuan Johan-a te ka rilru ah an awm laklawh bawk nen lo han haw chhoh mai chu ka duh ta!


"Lo awm ula naktuk ah ka han haw leh si mai teh ang zir tur ka ngah sia ka rilru a nuam lo deuh.. " Ka tih chuan a bul lawk a thutthleng sei ah chuan a thu a


"Nangmah chauh chuan i ngaihtuah awm ang" A ti hmuk a, enge a rilru ah awm ang ni? "I nu la awm se kan pahnih in kan haw dawn nia" a rawn ti leh a


"A ngai kher hleinem" Ka lo ti chu min melh nghal vak a


"Nangmah chauh chuan tlangval awm tah duhlo in an zuam palh ang che in chung te tihbuai anuam silo.. " A ti kher a tlangval awm tha duhlo a sawi ah khan Johan-a te a tel dawn tih ka chiang


"Ka nula ve tawh alawm le.. " Tiin puan sin tha pah chuan ka mu rem sauh sauh a sir zawngin ka mu daih ani pawh bathroom lam ah thawm a va neih rak rak hnu in room ah a let leh a keipawh ngawi reng a mu ta chu ka muhil ve ta thuai mai

___________________________________

★ Aron POV ★


"Thiana in vak vak lo teh bike khalh i ngaih kha" ka zu no min lo lak sak tu ka thianpa leh ka thawhpui ni bawk Rema chu ka en a


"Ka la rui chhe hleinem" tiin no chu ka lak sak veleh thung


"Tinge I in reng reng a? i in ngailo hial zawk emaw ka tia" A tih chuan nui suk in no a zu awm chu ka in pawp a


"Ngailo tluk chu ka nia lawm mahse zanin chu ka ti veleh anih hi" ka ti mai a,tun a ka awmdan hi a hreawm ka ti takzet


Sawichhuah a thawl hawk thei ka ni a sawichhuah erawh ka duh hauh silo, ka ngawih bo pui dawn in ka tawt up up a hreawm ka ti si


"Rema keimah hi ka dik lo zawk em mawni le?" Ka tih tak ah chuan hrethiam lo leh hriatchian chak hmel tak hian min thut hnaih sauh a


"Engti zawng in? nang hi rilru hah na lian deuh i nei ami a? " a ti nghal ngei a chu chu ka thusawi dan ah min zawt awm reng pawh ani


"Hmeichhe pakhat ania, ka bialnu chu ani lo ania aw..ka ngaihsak em em a a kiang ah hun ka hmang tam in min ngai nat phah em em a chuan keipawh in.. A hma atang tawh in ka ngai na bawk.. Tunlai chu addict pakhat in a rawn hel thin a chu chu ka lo duhloh pui si a.. "


"Um ka hrethiam...a tan a mi tha tak ang in i duhloh pui emaw i tia mahse thil dang daih ani maw? " Sawi pawh ka sawi zawh hma in ka dar ah chuan a rawn beng a "i duh a nih dawn chu tiraw? "


"Aih..nilo thiana a theihloh ani chu van a awm pa ta a lawm, keichuan ka lo venhim sak mai chauh ani" tiin no khat chu ka thli chhuak a ka tlak leh pawp


"Mahse i sawi dan atang kha chuan a nih hmel viau bawk sia.. " Ka lo thaw hawk a in thlahrun hmel tak hian min en a


"Theihnghilh teh ang.. " Ka ti a ka tum tak zawk pawh ka la sawi lo zawk, a ni hian a hrethiam dawn hauh lo a chuvang chuan sawi lan tawhloh a tha zawk Zorina sawipui atan tha ber dawn mahse Arini kam atang leh ngei awm si a ani pawh sawipui in awmzia a awm tam vak in ka ring lo


"Engvang nge maw!! " tiin ka mitthla a thil lo lang vang chuan thinrim lutuk in zu chu ka lem leh nghek a


Ngati nge maw Arini khan kha addict pa kha a fawh let ve mai ni? Lo hnar a lo hnial tur ani asin Amon an engtin nge a ngaih ang? a kal atangin hun pawh a la liam tam lo chutah mipa dang chupawh addict lehnghal!


"Ka ngaihsak leh duat na zawng zawng te kha kha pa vang khan vawilehkhat ah a theihnghilh ta vek em ni?" Mahni hriat tawk lek chuan ka phun sap a "Awlsam tak a Amon a theihnghilh ka phal lo " tiin no khat ka lem leh a ka phone vibrate ah chuan muangchang in ka la chhuak a


"Enge..? " ka tih chuan lehlam atangin


"Aron ka ngai lutuk che.. " Tluangpuii ani tih ka hriat rualin phone screen chu ka ti eng a caller ID ka en tha leh ngat a lo en lawk ila chuan ka pick miahlo ang


"Tluangpui..? " thawk ka la vang vang a ani pawhin ka sawi leh tur a ngai chang nge a ngawi ve reng a " Min lo be tawh suh.. " tiin phone ka dah hmak a ka thut na hma a dawhkan chu bawh in phone chu ka en ngat ngat a


"Arin.. " tiin ka phun sap a, mit ka chhin vang vang hnu chuan engmah ka hre zui tawhlo

________________________________

"Bawihtei chu haw chho rawh se college lam a pawimawh zawk keipawh ka ngaihtuah awm lo a" Pitei tih ri chu chiang lo ruai hian ka hria a men ka tum a nizan ka mu hma lutuk lo bawk a ka meng mai theilo ka mit a thip run mai


"Nia ka han haw pui anga a nu nen hian lo awm mai rawh u, hetah awm ve dawn ila ani hmeichhia lehnghal a mah chauh a awm tir a chi bawk silo" Ka pa'n nizan ang deuh bawk a alo tih vang chuan ka thaw halh a muangchang chuan ka meng a


"Ka nula ve tawh a min ngaihtuah viau agai hleinem bak ah pitei a tluk leh palh khan mipa awm lo te chu ka nu in amah in a buaipui thei dawn ami?" Ka ti a ka tum deuh bar bawk, thawh hlim hi chuan tum a awl hrim hrim


"Nia a ni tho a mahse hmeichhe lawng ringawt chu a tha lo" An la ti talh a engmah ka sawi zui peih tawhlo


Pitei chuan an thenawm pa an car a min han drop zuai turin min biak sak a, pa fel zet mai hi alo nia engmah sawi buai lo in a lo awm nghal mai a a dam thluam lehnghal, vawiin chuan class kal a laklawh tawh tho vangin chawhnu chhuah leh bawk tur chuan an sawi fel a


"Ilo haw dawn em? " Kimkimi chuan a call ka pick rualin a rawn ti nghal vut a


"Dawn e mahse kan rawn chawhnu chhuah dawn a, tak a Kim nizan ah Johan-a te kha an lo kal ami? " Ka tih chuan a ngawi vang vang a


"Aw kal a, lo leng an tum aniang in in kha a thim vek an tia chuan an lo kal a awi enteh pakhat kha a rawn tap nasa lutuk a maw ka chhungte pawh an hrilh a hai hlawm rap mai" a ti a, Johan-a khan fiamrhu a sawi mai mai lo ani tih a chiang


"Chuan I kal na vel ka hrilh a I number kha ka pe ve na in tumah khan phone an lo nei lo an tawng hlawm tawp! " a tih chuan fiamthu thawh miah silo chu ka lo nui chhuak hawk, Zorina te Aron te nen in rual thaw thang hmel an puri chungin an tawng bik em em mai ania mihring lo in an loh theih zia hi


"Enteh Johan-a khan maw ka bialnu a rawn ti che ania in lo ni tawh ami a? " a tih chuan room ah ka lut nghal a


"Nizan hmasa khan ania.. Mahse tumah la hrilh suh aw" Ka tih chuan lehlam atangin ring lutuk hian a rawn au vak!


"I a tawh ami a? Arin sir Amon I theihnghilh tak tak tawh ami? Ila hre reng tho anihchuan Johan-a tan khan a huat awm duh dawn teh ania" A rawn ti zung zung a


"Ka pawm a a tha vek a lawm" awmze neilo zet chuan ka ti ve ringawt


"Anih damdawi a tih te a ruih thin te kha i sim tir dawn em? Khati ringawt chuan tuman an pawmpui theilo ang che" A ti a, ka thaw halh


"Ka la ngaihtuah lo...mahse sim se la chu a tha tiraw? Chutiang anih loh chuan kan that rei pawh ka ring chuanglo bak ah pangngai deuhin awm se ka duh.. " Ka ti a ani tak reng bawk a, hetia rui mai mai a a awm chuan tuman min pawm pui theilo ang


"Nia rui tawhlo se.. Mahse sim thut chu a har ve ang ka ring " a ti a ka nu a rawn luh vangin thil dang ka sawi pui daih a haw hun ka nghakhlel tawh lutuk Johan-a te unau vang pawhin, Aizawl an thleng leh tawh angem? nge ni a kawng ah riltam chau in an awm zawk ni ang? be dawn ila phone an nei silo


Kan chhoh hun tur chu nghakhlel ru tak chungin ka awm a chawhnu te chu a ni har ka ti ngawih ngawih zing chaw kan ei hma bawk nen ni a rei riau ten ka hria!


A tawp a tawp ah chuan kan chhuah hun a kan ruat chu a thleng ve thei hram a chutah min drop tu tur Pitei te thenawmpa chu a lo chhuak kawi leh lawk a kan la nghah leh phah ka tum bur tawh


"Ka hman chiah e a zia lo hle mai" ti a rawn lut pah thenawmpa ka hmuh chuan ka in perh tho zawk a hmanhmawh lutuk in car ah chuan ka lut nghal a ka za zek zek hi ani ber mai car a tih nun lai te chuan ka lo khi thaw ringawt


"Fimkhur ru aw hmanhmawh lo ula thenawmpa kha alo let leh hma in lo hrai puar ru aw" Pitei chuan a ti mawlh mawlh a tichuan kan in vai liam ta a ka hahdam sawt ten ka in hria!



Mahni a let leh tur anih vang nge Pitei te thenawmpa chu a tlan chak khawp mai,zun ram thiar pawhin kan ding mang lo tluk ani a pawi ka ti chuanglo kan thlen hma phah anga


Ka pa nen chuan an ti ti reng a kei a hnung a chuang ta chu ka tawng ve mang lo, phone a khat tawkin ka bih a Kimkimi nen kan in text zauh zauh bawk a Tetea leh Moses-a pawh in chanchin min rawn zawt ve bawk


"Aw hello.. " Number lawng bawk in min lo call a nizan a Johan-a nen kan inbiak na number lawng anih vangin chumi number hran hlak tho si chu Johan-a a nih ring zet in ka la ve hmiah a


"Princess..? " a mah ani tak tak! ka pa a rawn hawi zauh a tlem in ka tawng zawi deuh a dah leh mai erawh ka phallo zawh tur ka nei sia "ka van ngai tawh che em em ve, MamJohan-a hi a lungleng tawh lutuk"


"I rui.. " Ka ti hman tawh ka pa a awm ve vangin ka sawi leh ngam lo "I chiang vak nange? " Ka ti daih a ka zawh na hrethiam tak ang maw


"Um chiang lo, ka rui a tun ah pawh ka zep lo mai ang ka tawng ah hian I man vek tih ka hria mahse ka rui chhe lo" rawn tih pah hian a nui ri a


"Nizan ah ka thi tep a " fiamthu hmel tak si hian a rawn ti a ka thu ngil nghal zawt


"Ngati nge? Engtin nge I awm a? " Ka ti hluai a ka pa te chuan min lo leh hawi en zauh si a "Tetea ania ka thianpa" Ka lo ti ve daih a engmah min zawt zui hran lo


"Aaaa,ka in chiu vang mawle ka duhthawh lutuk vang" a ti sap a a nui leh hawk thin "hospital ah min kal pui a mahse ka dam hmak tawh" A ti vei reuh a


"Sim daih la.." Ka tih chuan a ngawi vung vung a


"A tello chuan khawvel hi ka hmachhawn ngam tawhlo" tih zawng in min chhang


"Kan in be leh dawn nia.. " tiin dah ka tum a, a aw ah khan beidawn na ka hre thei ani ruihhlo tello a khawvel hmachhawn ngam lo khawp chuan eng thil tha lo em em nge a tawn ang?


"Um i lo haw em? Ilo haw loh chuan chumi hma zawng ka lo rui char char ang hun a rei loh nan"


"I a em mai chutiang a awm angailo ka lo haw" Ka tih chuan a nui ri hak a


"Nangmah vang a mi a nih te mai mai siali bah sam" zu han ti a!


"Nizan ah engtin nge in haw a? In tha hlawm em? " Ka ti a ka hriat chak rih ber ani


"Um aizawl kal tur pa fa ten min phur chho ve a,chuan nangmah in nge ilo haw Oppa te nen? " atih chuan


"Tikhan ti ziah suh ka pa nen kan lo haw..Bye aw.. " Ka tih chuan rang lutuk hian


"Lawk lawk lawk.. Min ngai ve tho em? " laih hmel tak hian a ti lawi rat a ka nui chhuak hak


"I nawi em mai bye " tiin phone chu ka dah a ka awm a nuam ta sawt a mahse thlen vat vat erawh ka la chak tho, bak ah Johan-a khan Tu phone nge a rawn hman leh tak a?


Johan-a nen kan in biak loh atang chuan ka muthlu char char hi ani ringawt! a pawi lem lo kawng a tawi phah zawk anga thlen hlan nghahhlelh a na lo deuh ani mai


"Bawihte kan thleng" ti a Ka pa min auh na ah chuan ka meng zawk a kan lo thleng der tawh! phak zet a in nuai nawk nawk chungin ka chhuak a in kan thleng chu ka kim biai hian ka in hria,in phih harh in rawng ka bawl sawk sawk a


Pitei te thenawmpa chu puar peng pawng a chaw kan ei tir hnu ah min drop man pawisa te pe in mahni a haw ngai anih vang chuan muang lo in a haw leh nghal vang vang a kalpui te lo nei se chuan a tan pawh anuam zawk ang mawle, ka pa pawh khan a sawi reng a a mah lah khan ka tlan thang a lawm a ti mai bawk sia


"Kuhva min va lei peih em? " Ka pa'n a tih chuan hnial lo in ka chhuak ve mai a, nizan hmasa boruak kha a rilru ah a awm vak tawhlo nge ka hrelo a hmel hmuh pawh a nuam deuh a min biak dan ki pawh a dik viau mai


Kuhva lei a ka let leh dawn chuan mi in leh in inkar ah Johan-a lo in chiu ka va hmu! ka kal tlang tawh zawk ka hmusual hial zawk emaw ka tih vangin ka let leh a amah ngei ani helai ah daih daih te engtin nge a rawn awm theih hrim hrim?


"Mam.. Kha hei pawh hmang rawh, i nghei rei lutuk anihkha" ti a a unau ten duhsak zet a syringe damdawi awm sa an pe te chu ka lo haw lutuk! Johan-a kai nuam ti awmdan vel te chuan ka rilru an ti na a, keiin nghei tir tum a rilru ka lo siam laiin ani lah chu ti sawn a la ti lyi zel a! Nizan pawhin ka thi tep ati anihkha


"Eee!! MamJohan.. " Benjamina chuan min rawn hmu a, an damdawi ti lai ka hmu chu pawi tih hmel zet hian a awm a an unau chuan an rawn hawi thup


"Princess, Mama hi ngei suh aw..a nghei rei lutuk tawh a a tawng khawng hma in kan pe anih hi" Reubena chuan alo ti a ding a ka lam a rawn pan dawn chuan tawlh dawt in


"A nghei rei lo kan in biak pawhin a rui tawh" ka ti vak a ka thinrim chu ani der tawh


"MamJohan saw a thinrim hmel rap.. " Benjamina chuan Johan-a chu a sawi nawk nawk a chutah peihloh hmel zet hian a rawn hawi a a ding chhuak ta zawk


"Ngati nge min en reng a? hetiang ka ti lai kher hi chu min hmu lo tur i ni a sin" In thiamlo miahlo hian a la rawn ti zawk, a eng chin a rawn kal thleng chu a meng sen rum a a meng lian bawk nen ka hlau thar


"Ngati nge i in chiu leh a? Nizan ah pawh ka thi tep i ti ani lawm ni? " Zawi te vin tak si hian ka ti a


"Aw mahse ka ruih loh chuan.. " a ti a ka lungawi loh em vangin ngaihthlak ka tum lo ka tawlh hret a "Kal lui miah suh in bia ang" rum zet a min melh pah hian ati a, khawngaih na neilo lutuk hmel a pu chuan min ti hlau zual a chak zet in ka tlan phut


"Min hlau maw? In bia ang " a ti a min rawn um zui nge pawh ka hrelo ka theihtawp a chak in ka tlan a thui pawh ka tlan hman lo ka thaw a rawn hah chu ka tal buai nghal der mai!


Ka âwm a na ngawt ngawt a, ka hrawk hi a tawt vek bawk a englai pawh hi a phui vek emaw tih tur ani ka lu a hai bawk si kawngpui ah chuan ka thingthi a ka kut in kawng ah chuan ka in nem khalh bawk


"Min tanpui ru" ti a tawng chhuah te ka tum a rik pawh a ri chhuak in ka hrelo, ka mittui a tling pam a thil ka hmu fiah thei tawhlo, ka tah pawh a chhuak tawh zawk inhaler ka pai silo!


"Engati nge i tlan vak ringawt, mawl lutuk!! " ti chung a ka in nem khalh na hma a rawn thu hniam ve nghal chu en ka tum a ka mittui nen ka hmu phe vek a Johan-a ani tih erawh ka hria a lukhum atang hian


"Awle ka tih ang hian.. Ka thawk dan hi en la tih ve tum rawh aw" tiin ka mittui te chu min hruk sak a ka hmu fiah theih chauh ka thawk lak a rang nasa si ka mangang ani na lutuk nei ang mai hian ka zuau tawlh tawlh bawk


"Duatnu i ti thei ania ahma pawhin kan tih tawh kha ti rawh le.. " tiin muangchang chuan boruak a hip a a thaw chhuak leh thin, harsa ka ti si a nin a ti awlsam bik lutuk te chu ka ngei ngawih ngawih


"Awle i tha zel ania" a ti a a thawk dan chu ka en tlat a tih ve ka tum nasa, a tawp ah chuan ka thei ta! mahse ka nuam famkim lo "A tha lutuk.. " tiin min kuah a


A âwm ah chuan bei in naute ang mai chuan ka tawm tawp a ka tah a chhuak lutuk ka thi dawn emaw ka ti tawh zawk, ka âwm chhungril hi a na vawng vawng thei


Johan-a chuan min kuah lum tum ni awm takin min pawm hlun a kawngpui mah nise ka zak thei tawhlo hetiang hian ka dam a zual, ngawi rengin kan awm a a kawr ah tham tlat bawk, min rawn zui lo se engtin tak awm ang i maw?


"Ka naute hi mu hle hle se, bei hle hle se, a mut loh chuan keiman ka beng muhil ang... " zawi te hian kan boruak nen a in mil lo lutuk hla a rawn sa a ka hnung ah a beng thek thek bawk, a nuihzat thlak a tun a chutiang hla sak hun pawh anilo mahse, keimah hian ka hahdam pui tlat thung si!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:11 pm

⭐CHAPTER-16


"Tha tawh em.. ? " a rawn tih leh tak ah chuan muangchang in ka che a ka tha var lo mahse ka zia lutuk buaipui pawh ka ngai tawhlo ang


"Um.. " tiin ka âwm dawm pah chuan ka ding a ni pawh a rawn ding ve nghal "i la pangngai hle mai " Ka tih chuan a rawn ding chhuak ve a


"A thawk zung zung hleinem" a ti a ka kal tur chu a aw a rawn then kharh kharh vangin ka âwm dawm chuan ka ding ren rawn a


"In in thleng ka lo kal pui ang che.. " a ti a, a nghawng a hiat a a khuh kharh kharch zel bawk a hmuh a hreawm


"Kan in ngaizawng em? " Ka ti chhuak tawl a, chutiang ka sawi chu a ring bik love nge mak tih hmel tak hian min en nghal vut a


"Ngati nge min zawh? Ka duh che a nangpawh in min duh chuan kan in ngaizawng ani mai lo ami? Ka bialnu i nia lawm" nui pah hian a ti a ka thaw leh chu ka nawm loh leh deuh vangin ka ner nghal sak


"A nihchuan damdawi hi nghei rawh, rui tawhlo la pangngai deuhin awm rawh.. Khatiang a hmuh fo che kha ka duhlo" Ka ti leh tawp a, fiamthu ka thawh emaw tih tur hian a nui chhuak hawk a, a hnar tuai zauh in khuh kharh kharh pah chuan min en a


"Rui lo a awm te chu ka duh ve a lawm, mahse ka hun kal tawh te khan rui lo in min awm tor theilo.. Ka ruih hian a nuam ber" a ti poh mai


"Keimah vang pawhin ruihhlo tih i sim theilo ang maw? " Ka tih chuan a hma kan in hmelhriat tirh lai a hmel rum leh hlauhawm zet ang khan min en a


"Nangmah vang a ka ruihhlo tih thin sim maw? a theihloh" a tih chuan sawi ngaih na pawh ka hre tawh lo, heti anihchuan kan la tawp leh thuai in ka ring " Nangmah vangin engkim nghei ta ila, ka kiang ah awm reng lo ta la engtin nge ka awm ang?"


"Maw..? "


"Nangmah vang chauhin ruihhlo ka nghei anga umm, anih ka kiang a I awm theih loh hun ah enge ka tih ang angai ang bawk a awm, ruih leh buaina siam"


"Engvangin nge i nun ngai ah chuan let leh kher i tum?"


"A chhan chu nangmah vang chauhin ruihhlo ka nghei dawn a,Ka ruihhlo nghei chhan ka kiang ah i awm leh reng siloh chuan.. "


"Johan..!! " a ka tih lutuk vang chuan ka melh vak a nui suk in pen khat a rawn pen hma a


"Nun ngai a let leh kher! hmalam pan turin a bei nasa tawklo min ti dawn mah ula pawi ka tilo keichuan, ka thil tawn ang an rawn tawn a ka nat na ang te an tawrh ve phawt loh chuan an hrethiam ngai dawn lo"


"A nihchuan ruihhlo tih hi i sim ngai dawn lo tih na ami? " Ka tih chuan a kekawr ip te a pahnih a zen chungin chung lam a melh vang vang a


"Engtik ah emaw chuan ka la sim mah na, tun ah chuan.. " a tih mek laiin


"Kan that rei ka ringlo" Ka lo ti ve hmiah a chutah lawm lo hmel lutuk in min rawn en " I ruih a heti mai mai a i awm reng chuan i bul ah ka hlim dawn in ka hrelo " Ka tih leh ngat a, rawn kal hnai thut in ka biang tawn tawn ah chuan a rawn dawm a


"Princess, min hrethiam rawh tun ah mai chuan ka thlah thut theilo mahse, mahse i bul ah rui chhia leh zahpui awm in ka awm ngailo ang" tang zet hian ati a


"Min thlah lo mai rawh.. " tiin min dawm na atang chuan ka pit chhuak a kan in lam panin ka kal vang vang a


vawikhat pawh ka leh hawi tawhlo, Johan-a ka duh na kha a nep miah lo mahse tun ang ringawt a a nun reng chuan kan inkar a that rei theih ka ringlo


"I va rei em em ve!! " In chhung ka lut chiah ka pa chhuak tur insiam ni awm tak chuan alo ti hlar a


"Nia an siam chawp a" Thil awmdan tak nilo ka sawi chuan awih hmel lo deuh si hian a bu ve nghat a


"Rawn kal ka tum a i rei lutuk a... I nuam lo ami I va dâng ve" A ti a ka nuam tih leh room a luh ka rual a, ka nuam chiang miah lo engtin awm vak tawhlo mahila inhaler chu ka hmang leh tho



"I Putea a haw tawh a I nu pawh vawiin ah a rawn chho dawn a nihchu" Ka tho chhuak ka pa'n rawngbawl pahin alo ti a ka nu awm lo a rawngbawl angai tih ka hre chiah!


"Khawi ka lo ti ang" tiin a chawhmeh chawh na chu ka lak sak a


"Ka zo tep tawh tho a lawm" a ti a mahse nuam lo ka tih ve deuh vangin a zawh tep tawh ah chuan ka tih sak ve tho


"Bawihte thil hi a tha ber zel kan duhsak che tih hi hre reng ang che aw,I hun kal tawh ah thil duhawm lo tak tak i lo tawng tawh a, i hun lo awm leh tur ah hi chuan eng thil pawh a tha lam vek tawng la ka duh ani chumi tur chuan kan bul hnai a awm ten an zir te angai a chuvang chuan kawppui atan pawh fel tak i thlang dawn nia" Ati a ka chhang hran lo a ngaihthlak erawh ka ngaithla


"Va in siam tawh rawh muang mar a insiam thin i nih kha" Ka tih chuan engmah sawi zui lo in a kal ve mai bawk a


A thusawi chu ka ngaihtuah ngun poh leh Johan-a vang ni tlat a hriat na ka nei a ka in thiamlo rilru hle, mi tha tak thlang a tawng turin min duh a mahse keichuan a ngainat leh duhloh ber tur chi ka thlang tawh si


Ka pa nen chuan in siam peih sa ve ve in chaw kan ei a kan ei kham ah ka pa muangmar in a chhuak a kei erawh kimkimi a la rawn thleng tlat lo, tum dang a a rawn hma theih tehreng nen ka nghak ning deuh chuan ka call a


"Um ka lo thleng dawn a mahse.. " a ti a kei hmanhmawh tawh chuan sawi tlang vat turin ka lo ti "hei Johan-a te nen kan awm a.. " a ti! a bul vel ata mg chuan


"I bialpa ti kher zawk rawh.. " Mipa aw hian an lo ti ve bawk a ka rin dan chuan Sawmkima emaw Benjamina emaw an ni


"Maw ngati nge in awm ho a? Ka hmanhmawh a sin Kim,lo tlan tlang rawh" Ka ti a


"Lo tlan tlang te chu ka duh a lawm mahse hei ka scooty ah an pawt tlat a pakhat ka tlan na tur ah a awm zel sia ka su ngam bik silo" rilru buai hmel tak hian a rawn ti hlawk hlawk a


"Phone kha Johan-a pe teh.. " Ka ti a chutah a ri rak rak a


"Hey.. " Zangkhai zet hian a rawn ti nghal a ka lo thaw hawk


"Kimkimi kha lo tlan tlang tir ru, ka hmanhmawh tawh ania kan tlai vaih chuan ka mawh puh vek ang che" ka ti vak a


"Aih ka thlah duh che a lawm i bialpa ka nia ka thlah che anga in ban hun ah ka rawn hruai leh ang che" fiah zet hian arawn ti a a sawi chiang viau na in keichuan


"Maw maw!!? " Ka ti tho, a atthlak ngawih ngawih engtin nge ani lirthei pawh neilo chuan min thlah anga? Ke a min kal pui phei chuan kan thleng mawh viau ang


"Ka thlah dawn che..in kawt ah lo lan ka duh viau a mahse Oppa khan min hmuh chuan i chung ah a lung ni dawn silo a " A ti vei siam siam a


"A dik chiah, chuan kimkimi kha lo kal tir ru i ke a min thlah chuan kan thleng zo lo ang" Hmanhmawh aw tak hian ka ti a


"Min va ring lo ve..pawn ah khan chhuak teh" a ti a ka chhuak duh lawk lo a ka hnial ve tlat, pawn ah eng va tih tur ka neilo " A mak e aw..!! Chhuak vat mai rawh" a ti a, hmanhmawh thinrim tawh nen chuan ka chhuak a


Pawn a ka thil va hmuh erawh chuan min ti hamhaih lek lek! kan kawt ah car var nalh zet hi alo ding a a khalh tu ni awm tak hi a ding bawk a, ka chhuak chu mein lo en char char a ka tan ni awm tak hian hnunglam kawngkhar chu alo hawng nghal a


"I hmu em? Chuang rawh.. " a ti a mak ka tih na rilru mang lutuk atangin ka harh chhuak zawk


"Eng.. Enge awmzia? Heng hi engtin Johan thik tha lo I ti ami a? " Ka ti nghal thawr ringawt, ni e an nun dan ka hria a hetiang thil ti their hian ka hrelo


"Chuang mai mai rawh tlai I hlau ani lawm ni? "a rawn ti a duhthlan tur ka neilo,phone off in rilru dam zan lo chuan ka lut a


" He thil avang hian buaina ka tawh loh hram ka beisei.." tiin kawngkhar lo hawng tu en chuan ka phun sap a, ani chuan ngaih tha deuh a awm tur a min duh ni awm tak hian min nuih suk a mahse chutia anui chuan ka awm ati nuam lo zual sauh a, tv vel ah mi an kidnap tur hawihhawm leh fel hmel deuh a an awm hi ka tehkhin tlat pek a!


"Min hlau suh aw Johan-a tirh ka nia.. " Kan tlan chhuah dawn chuan a rawn ti a,glass atang chuan min rawn en a ka nui ve na in ka rilru erawh a nuam miah chuanglo


Thui pawh kan tlan hma in Kimkimi leh Johan-a te unau ho chu kan va hmu a an zawn ah chuan a ti ding nghal a Johan-a chuan car awm na rawn pan in ka thut na lam chu a rawn pawt hawng a lai zet hian ka lo en ringawt


"Hiii... " tiin ha ngho var zet lang thah chuan min nuih a, a van lo hmeltha tak! "Ka rui lo ania.. " a ti a a ban a phar deuh hluai bawk a


A rui lo tak tak in ka hria zu rim pawh a nam miahlo a in chei nalh em em bawk a, class kal ve tur ang mai ani angai te in beanie a khum leh a mahse a inhmeh zawk, khum lo thut se chuan a hmel a lang dang vitu mai thei ani


"I rui lo reng thei angem?? " hmuh a nawm em vang chuan ka ti a a ni lah chuan a thin zawn a a kut pahnih dah meuh hian


"Ti rapthlak e a!! " No zet hian a rawn ti a ka ngei tak tak ani


Car ah chuan a rawn thu lut ve a kei veilam ah ka lo tawlh sawk sawk a Kimkimi la awm reng chu ka va en hawk tawk a ani pawhin min ngaihtuah hmel zet hian min lo en ve bawk


"Tlan la.. " a tih chuan a ban ah ka lo vuan vat


"Ka thiannu saw... " Ka tih chuan glass a down a


"Thiannu lo kal ve la, i thiannu hian a ngai che aniang" a ti deuh kher a a nau te an lo nui hawk, Kimkimi chu lo chuang ve turin ka mit chuan ka signal ru char char a a scooty a keng bawk si a rilru a buai hmel ngang mai


"I nau te saw an ruih loh chuan college thleng min lo khalh sak se.. " Ka ti a ka thusawi hnial eih lo chuan a bu nghat a nau te hnen ah scooty chu khalh turin a hrilh a Kimkimi pawh an rawn chuan luh tir ve


Kan chuan na hnung ah a nau te pathum chu scooty in an rawn tlan a keini kan hmasa thung, Johan-a chu hahdam leh duh dah zet in seat hnung ngheng ar ar pah hian a thu awn duai aa zawi te te hian Rude hla bawk chu a sa sa lehnghal! Kimkimi a hma a thu chuan hmalam glass atangin min rawn en leh thin a ngaih a ngam bik vak lo aniang


"Car hi.. " Ka ti dek dek a


"Ka pa ta.. Lungngai suh eng buaina mah i nei lo ang, min beng anga min zilh anga a zo leh nghal ani mai" a ti sam et a


A pa phal na tel lo a che chhuak ani tih a chiang viau mai sawi tur pawh ka hre tawhlo, a ruk in ka hnunglam a ka kawng zawn vel ah a kut a rawn rawlh phei a ka kawng ah a kuah ta chawt! Ka thu mar nghal awt a a nui ri hawk thung


"Dawih lutuk.. " Min la ti zui


College kan thleng a ka in ak tha sawk sawk, Kimkimi a chhuak tawh kei ka chhuak tur chu ka ban ah a lo man a a mitmeng lian kel kawl zet chuan min en a ka zam nghal em vang chuan chil lem khawlh in ka en ve reng a,


"Inhaler te i keng em? In ti hah suh aw i bul hnai ah ka awm rih dawn silo a i thawhah te alo chhuak leh palh ange... " a ti a min ngaihtuah lutuk chu ka chhang mai lo ka ngawi reng ringawt


"Arin..? " Kimkimi lo tawng tak ah chuan ka khap zawk a


"Keng e.. " Tih ringawt in ka chhang a ka che leh hrut chu a ai a nghet in min vuan a


"In ban hun awm ah ka lo kal leh ang.. tumah in hruai tir suh aw Bhaiya pawh tiam in.. " a tih chuan ka mit ko ka sang zauh a "Aron kha Bhaiya a lawm.. " Nuih in sum hmel zet nen hian a ti a


"I duh duh hian ko thin suh nangpawh.." ka tih rual chuan che hrut in ka biang ah a rawn fawp a ka tawng tawp hmak, rang lutuk in ka tal pit a car atang chuan ka chhuak a min auh pawhin ka hawi lo Kimkimi ban ah ka kaihkuah a ka kal pui hlawk hlawk a ani lah chuan


"A care ve hmel tawp che a ruih loh chuan a cute tawp.. " Ala ti zui! thu awmze neilo tiin chhan pawh ka chhang peihlo


Class kan la a a khat tawkin Johan-a ka ngaihtuah a a a chang leh ka nu, a rawn thleng tluang em ang chu maw, tlai a min lo hruai leh tu tur vang nge pawh ka hrelo ban hlan ka nghakhlel riau a zak lo pawh ka in ti mahse ka rilru hi control a har ngawih ngawih


"Bialpa nei nu.. " Kimkimi min nghawk sawk chu rum lutuk in ka melh a mi hriat ka hlau ani ber a tawng kha


"Enge nei ve lo nu.. " Ka ti let kher a hmui min tih pawrh khum vak


"Duh ila chu thin tur ka ngah aw.. Mi fate ang a remchang chang thing a pawt chhuak duh mi ka nilo chuvang a single mai mai chu ka ni" a ti vei awrh awrh a


"I chhe zerh zawrh lutuk" ka tih sak a a duhlo ngang mai ka ban ah min piai vak vak!


Chawhnu dar 2 a rik meuh chuan mutchhuak in min zem chiai chiai mai, class a awm a ninawm tulh tulh a mahse ka hmalam hun a doctor nih ka duh si vangin ning chung chung pawhin ka ti lui ve hram


Phone ka'n en zuai a ka pa'n min lo text ve mial a a thu rawn sawi erawh in min ti lawm teh chiam lo "ban ah Arona-a alo kal dawn a a rawn lam dawn che, hnial lo in ilo zui haw dawn nia" tih ani


Engtia chutiang a rawn ti deuh thut nge anih ka ngaihtuah a ka hrelo mahse ka lawm lo, Johan-a'n min rawn lam a tum vek tawh a midang bul a ka lo haw si ten!


"Nge a? " Ka lo tûm nasa deuh nge Kimkimi chuan ati a engmah anilo tiin phone chu ka ak lehnghal daih a tih dan tur ka ngaihtuah, Johan-a hrilh hmasak leh dawn in phone a nei silo! Ka pa rawn ti teh thut pawh chu ka hrethiam lo Johan-a min thlah kha a hria a maw ni le? mahse ani chu office a kal daih bawk si



Ban hun nghahhlelh ve tawh nen ka pa min rawn text na vang chuan ban pawh ka chak lo zo vek, Aron ka ngei a ka hmu peih lo ani hauhlo mahse Johan-a khan min chah ve thlap bawk sia midang rual a ka haw daih chuan a dik theilo


"Kal ang.. " Kimkimi chuan thil ka ngaihtuah muk lai tak in min rawn sawi nawk a ka hawi a nghal ruai, ban a hun der mai! Tetea te Mosesa te ho nen kan chhuak tlang vek a "Arin Johan-a khan a hruai leh dawn che emaw ka tia.. " kimkimi chuan zawh na mitmeng a min en pah in sir lam melh tur chuan min ti a


Ka va hawi ve chu Aron a lo ding reng mai, ka pa'n a sawi sa tawh a min thawng lem lo mahse ka lawm hlawl lo, Aron a awm na kan pan pah chuan Kimkimi hnen ah thil awmdan ka hrilh a tetea leh Mosesa chuan an ngaihsak lem lo


"Min lo hruai dawn mi? " Kan thlen rualin ka ti a but nghat in a bike a piah lam deuh a a park chu pan mai a tum a, tuk hmasa hmasa leh a ka biak hrelo ang hmak a a kal tlang atang khan phone emaw hmaichhan a ma biak leh na chauh ani tih ka hrechhuak


"Ih kal kawi na tur ka nei a min hruai lo mai rawh.." Ka tih chuan ding in muangchang chuan min en a a ngainat awm tawhloh zia hi a mak thlawt nidang a nui sâng rengte thin kha hmel hlim a pu miahlo vangin chuan


"I pa'n Johan-a hruai che a duhloh vang ania min rawn tirh.. Thu awih la a tha in ka hria" a ti ta mai, engtin nge maw alo hriat ni?


"Chutiang anilo.. " tiin thup mawi dan tur ka ngaihtuah , nge ni a Johan-a nghak lo in a rual hian ka haw zawk anga thil a that phah zawk angem?


"Kal ila.. " A ti leh sup a


"Haw pui tur ka nei tho a.. " Ka ti chu


"Lo kal rawh " Tih leh ka ban rek a vawn a rual a


"Aron, mi vuan na lutuk! Ka kal ve mai ang" Ka tih pawh chuan min pawt kal lui ngawng ngawng a ka zai angai lo hrim hrim!


"Aron min thlah teh, i sual lutuk! a na ka tih chu tha deuhin ka zui mai ang che" Ka ti leh a mahse a ding eih lo ka ban rek lah chu a ruh tih tliah tum ang mai a na hian a hmer tel a na tak ani!.


"Ka sawi I awih loh chuan ka sual tulh tulh ang" tih chauhin min chhang,Aron hi midang daih a ang lutuk! a zaidam lo lutuk bak ah a chet dan kha a mak teh thut lutuk nge ka thiante pawhin min en tawp


"Sual awmzia chu i hriat viau kha.. " min la tih khum zui!

IMG_0212202547.jpg
IMG_0212202547.jpg (43.11 KiB) Viewed 2998 times


"A na Aron, a na ka tih chu!! " Ka tal a ka thing vak vak bawk a kut chu, chutah harh chhuak ni awm tak hian a ding thut a bike awm na erawh kan thleng tawh tho..ka tang bawk nen a ding leh thut chu ka pai nasa lutuk a mah ka su chawrh nghe nghe


"Ngati vak vak nge khatia min tih? " thinrim lutuk chuan ka ti ve a pawi ti leh mak time hmel tak hian min en a chu mai mai pawh chuan ka thin a ti rim tawh, ka student pui ten min en thup bawk si


"Arin ka..ka tihpalh lutuk ka tum em em anilo ania" A ti bah nawk nawk a, min kaih na pawh a thlah nghal a mahse ka thinrim laklawh


"I tum anihkha, Aron enge I hriat thin a?" Ka tih chuan a hawi kual a pawi a tih hmel tak tak hle bawk a a zah hmel hle bawk


"Ka hah lutuk a, ngaihtuah na mumal pawh ka pu hlei theilo ka tihpalh lutuk khawi maw ka lo en ang" tiin ka ban a thlah tawh chu en leh a lo tum a keiin ka ban ka lo thukru hmak


"Enge in boruak ni a? " Kan piah lam ah Johan-a alo awm reng mai, a hnar tuai zauh in ngeng hmel leh chapo hmel zet hian kan pahnih chu min en a


"Engmah anilo.. " tiin ka lo chhang vat a Aron erawh a ngawi reng


"Engmah chu anihkha mi in an en reng zel che u" tiin min chhang let a, chak deuh a lo kal phei pah hian Aron bik chu rum zet in a melh a,a rawn awm hnai chu zu rim anam huk a lo in leh hman tawh aniang


"i bialnu pawh nilo nun ah hian i in rawlh peih mah mah lo maw..? Ka en liam theihloh chin a thlen chuan i na ngawt ang" a ti a ka thinphu alo rang nghal dawt dawt


"Ni chiah mai I nau pawh nilo I bialnu pawh nilo lak ah khati vak a in lak Oppa angai lo.. " a hnung daih ah a nau te ho an rawn langar veleh, buaina a chhuah ka hlau hnuhnawh


"Johan..engtinmah ti suh aw" Aron hma ah tak chuan ka lo ding a Johan-a chu ka lo hmachhawn, khawih ka phal lo nilo in buaina siam zawng a an awm hi ka duhlo mi hmuh ah tal mi tha tak ang in lang se ka duh


"Bhaiya lawm engtinmah ka tilo ang.. " ati a anui leh si, tiang a awm leh thut thin hian a hlauhawm thin "mahse i duhloh chung hruai luih a tum che chuan ka hrelo le.. " a ti leh


"Ka pa'n a tirh vang ania" Ka tih chuan


"Oppa maw?" Alo ti vat a ka bu nghat nghat


"I pa thin ti rim lo zawng in awm I tum hram dawn nia.. " Ka hnung a awm Aron an a lo tih chuan ka in her a bike ah a lo chuang tawh, a hmel ah thinrim na emaw ka hmu lo in thiamloh na chauh lo chu


"Aron..? " tiin ka ko a mahse alo hawi lo


"I kut ah ka dah ania,him takin lo thlen pui ang che I tih nat vaih chuan ka en liam satliah dawn miahlo che ania" tiin Johan-a ding chu a va en a, keimah ber hi ka rilru alo na ringawt!


Ka ti lungawi lo in ka ti beidawng hle aniang,chung zawng ai chuan ka tan a thil a tih zo zai te leh min ngaihtuah na A u vang a ka lak a that a chhuah ve na zawng zawng te ka ngaihtuah a ka thiamloh vek zawk ni in ka hria! K kut ah chuan a rawn dawm a


"Nichin avang khan min hrethiam rawh aw.. Ka tih duh ngai loh tawp tur anihkha" hlim hmel put tum hram hram pah hian min en a ka in thiam lo thar lutuk


"Kan kal mai.. " kan in biak kar lak ah ka thiante Mosesa leh Tetea,Kimkimi pawh tiam in an tlan ta daih a,tu emaw zawk zawk chu ka zui a ngai tawh, anih loh chuan buaina chhuak lo tur ber a taxi a haw ani


"Kal ila.. " Johan chuan ati a an car awm na lam ah chuan a kal zui a keichu ka awm pawh a nuam tawhlo tih ngaih na pawh ka hre tawhlo zawk ka dinhmun hi a lai takzet


"Va kal la.. Keipawh ka haw ani mai peng kawi lo ula in lo haw tlang chuan i pa'n a hre chuang lo ang" a ti a helmet khum in ka kal hun a nghak ran a, lehlam ah Johan chuan min lo nghak ve kar bawk si rilru nuam lo lutuk in Johan-a bul ah ka kal a


"Duh lo chung chuan min zui suh aw, i rilru a nawm loh chuan a bul ah sawn i kal thei reng, khatia keimah vang a ilo hnial pawh kha min ngaih pawimawh tawk zia lan na ania a tawk lutuk i rilru ti nuam lo leh zel tur chuan min ngaihsak suh" a ti leh lawi a


"Ka ning!! Ka hne lutuk" tiin car bang chu ka beng ri pawp a ka bawh ti tih bawk, ka rilru an ti buai hlawm takzet ani


"Lo kal la.. " Tiin car kawngkhar chu a hawng a thu lut vek silo in seat ah chuan a thu hniam a min pawt hnai in nghet zet chuan min kuah ka rilru nuam lo leh hah bawk si chu a dar ah khabe nghat in ka thle tawp ringawt


"A nuam deuh em? " a rawn tih chuan ka thaw hawk a


"I lo in leh hman tawh ani maw " tiin ka zawt let a a nui nghawr dat


"Um zep loh chuan in e" in thiam lo aw zet hian ati a ka che deuh hrut chu ka hnung ah a kut phah in a lo vuan a awm sawn a phallo ani ber "min hriat vek kha ka in leh ruih hrat zia chu" a ti a


"Aih chutiang lam anilo min thlah tawh rawh khua ala en hi mi in min hmuh tam chuan a mawi lo ania" Ka ti a tha deuhin min thlah ve mai bawk


"Anih leh i tha tawh em? Engtin nge ila awm? " A ti a min check ni awm tak hian ka pang te a khawih a ka kut te chu la kang in a biang ah a ti si vel a hmuhnawm ti zet in ka lo en ve tawp


"Johan kan kal dawn ami? I pa hriat hma a ka let leh hman loh chuan i chung ah a thinrim nasa dawn ania" Tukin a car a min thlah tupa bawk chuan a lo ti a


"Um a tha alawm, kal ila" A ti a tichuan car ah chuang in tlanchhuah a tum mai a


"Lawk in i nau te ho hi engtin nge? " Ka ti hluai a


"Ngaihtuah suh, hetiang ang two Wheeler tha chi an nei alawm " Tih leh ka chawn rawn khawih a rual a, a van ti khawngaih thlak mai mai tak!


Tichuan kan in lam pan in kan tlan a, a mah chu a in zep ruk ruk reng a syringes te hi a rawn phawrh nawlh ang tih ka hlau


"Enge i zawn? " Ka tih chuan nui suk in lu a thing mai a


"Earphone I kawl mial em? " a ti a keimah min zawt emaw ka tia kan chuan na car khalh tu zawk ani a en ni, driver pawh chuan in dap rawk rawk in alo pe ve mai bawk a


"Engatan nge i tih a? " Ka tih chuan earphone in hlum phelh sei pahin


"Zai ngaithla ila ka ti, phone ka nei silo a I phone hmang ila" a ti a, ka chak lem lo na in phone chu lock hawng sa in ka pe ta tho


"Hla pakhat hi maw nangmah vangin ka rilru ah a awm reng a,hmeichhe sak ania mahse tuai ka nilo ania aw.. " Meng sen ram chung a nui suk hian a ti a lai zet in darthlalang lam chu ka en ringawt


"Hmmp, lai hma ve bawk si" a ti nauh nauh a chumi pah chuan ka beng ah earphone pakhat zawk chu a rawn vuah a, a zu rim chu car a chuan lai phei chuan ka ti theilo lek lek tep ani, eng hla tak chu ni ang maw ka tih mek laiin a rawn in play tan a eng dang anilo Taylor Swift hla Crazier tih kha ani


"A nalh tiraw? " zai pawh a la zai tan hma hauh chuan ati a ka lo bu ve nghat, a sawi vang pawh nilo in nalh ka tih sa hrim hrim vang zawk ani,seat hnung ngheng in a in kuangkuah a hla chu a sak pui nghal char char, a kai ve deuh bawk a zai pawh a uluk fahran lo khawp mai


🎶 You lift my feet off the ground, you spin me around
You make me crazier, crazier feels like I'm falling and i am lost in your eyes, You make me crazier🎶


Chutah a hla play nen in rem ati deuh nge ni zawi te te a min rawn nek reng ka en nak chuan zai pah a nui in mit ko min san khum zuk zuk a, ka nui lo theilo ka nui phuh ani zawk mah e a, ani lah chuan ka lawm tih hria in a la ti uar ta deuh deuh


"I tuai emai aw..! Ti tawh suh" Ka tih chuan a hmui hnuai a ti pawrh turh a


"Ka tuai bawk leu..kei ai a pa an awm lo zawk aw kei tih loh mipa dang ho hi chu tuai ah I ngai vek thei zawk ang.." A la ti vei ham ham


"I tuai ber.. " Ka tih chuan a duhlo ngang mai


"Ningawm.. " a ti hluai a ka lo nui hawk hawk


"Ningawm pawh a awm ngai leu.. Ninawm tih tur a sin" Ka tih chuan a mit a chet kual ralh a


"Johan-a'n a sawi chuan a awm ani mai.. " A la ti ve talh!


""He mi hla hi maw keimah vang a I rilru a awm reng chu? " ka ti a


"Ni chiang chiang e,nangmah vang hian ka a zo vek tep tawh" a ti a ka sa nghal pup ringawt, nghet lo deuh a ka phone a hum chu la in ka ti zawi deuh a


" Doctor I zir thin ami? " Ka ti chhuak tawl a chutah rawn meng in a thu tha te te a a hmel chu a hlim lo ta sawt hian ka hria


"Zir thin ti ila ka zir zo tawh, tha tak in awm ila chuan doctor tha ber ber te zing ami ka ni tawh zawk ang chu.. Dr Johan a inhmeh ve tho em? " enghelh neilo hmel pu zet a min nuih pah hian ati a


"A nihchuan ngati nge tha deuhin I awm mai loh a? Doctor tha tak ni la mi in an chung en in an ngaisang hle awm che sia" Ka ti leh a, min nuihzat ni awm fahran a nui suk in hmalam a melh vung vung a


"Mi ngaihsan nih leh mi chung en nih maw? Ka duh teuhlo..ngaisang tu neih hi thil tha ber pawh anilo min ngaisang tu te hi kan tan a mi hlauhawm ber ber an nih chang atam ania..hetia mi ngainat loh leh hriat mangloh a awm hi nuam ka ti zawk" A ti daih a


"Chuvang chuan doctor I ni leh lo maw? " Ka ti leh ngat a lu thing chungin a driver chu a en a


"Ka pa vang mawle.. diktak chuan doctor nih pawh hi ka chak ber anilo ka tet lai chuan lawyer nih ka tum thin a high school ka kal thleng pawhin..mahse ka pa khan doctor ni turin min duh a, ka pa anih ang in ka duh leh nhi tum pawh pawi sa lo in doctor ka zir ta zawk a ka tui a ka thiam tho, mahse a thu ka zawm na raha chu tha lo tak ani.. " a ti a a sawi tawp lam chu a thinrim hmel khawp mai


"Eng thil nge I chung ah a tih a? " Ka tih chuan a hmui ah a zung chal a dah a


"Nakin ah.. " Tih chauhin min chhang a


"Doctor chu ni leh rawh I inhmeh ngawt ang" Ka la tih sak hram a engmah a sawi zui tawhlo


Engmah a sawi zui duh tawhlo a keipawh in ka be tawhlo hla kan ngaithla tluan tawp, car ani bawk a in pawh ka thleng hma khawp mai.. Kan thleng hma ti ila kan in tak tak thlen hma in ka din tir zawk, a chuan pawh ka pa alo hawa hmasak a Johan-a nen min hmuh chuan a thinrim dawn em mai


"Ka lawm e aw.. " Johan-a nilo driver zawk hnen ah chuan ka ti a but nghat in min hruai thei chu lawmthu te a sawi let zawk a a polite ka ti khawp mai


"Kei ve engtin? Kiss a zawng pawn a theih vek" A tih chuan ka melh vak ringawt,zu in tak vang a duh duh sawi kher a ngailo a driver pawh a lo nuih char char saw


"Nangpawh ka lawm.. Bye " tiin ka chhuak a kan in lam ka pan lai chuan


"Duatnu...tun atang chuan Duatnui,keimah chauh in a ka duat I ni tawh ania,Tumtelek pawh ka ti tawhlo ang che " a rawn ti zui lawng lawng a khawlai ah awm an tam sia a biak loh zing ami ang in ka kal hmiah hmiah, a va han thawveng ber mai tak!


"I va rei em em ve? Aron-a ka rawn tirh kha" Ka pa'n kawngkhar bul ah min lo nghak chu ni in! In thleng lo a ka chhuk kha ka va han vannei ber em!


"Nia.. Englo.. Ih"


"Tih tur dang ka nei leh sia ka kal kha a thiannu in alo phur chhuak chiah bawk nen ka tibuai ta lo mai anihkha.. " Aron alo lang nawlh a chhuan lam tha lutuk a man a sawi vang ringawt pawh a ka pa'n a awih tur a rawn sawi a ka him chiangkuang mai


"E anihchu ka lo ngaihtuah a lawm mawle,/" Tha deuhin a chhang a Aron chuan min nuih suk in inchung lam ah a chho a a in thiam lo hmel kha a la danglam miahlo


"Tukin ah ka rawn let leh in thenawm nu in tlangval in a hruai chhuak che atia tunge? Kha tlangval leh pek kha ami? " ngainat awm lo zet hian ati a


"A...a teuhlo mai! Kan thianpa Mosesa anihkha car thar a rawn khalh chhuak a Kimi ai min rawn lam alawm mawle, thenawm nu pawh chu a buai loh na tur ah a va buai peih ve a! " Thinrim zet in ka ti let ve thung,tunge min hruai chhuak tih ah alo buai kha a ngailo hrim hrim

______________________________

★ Johan POV ★


"Mi mawl pa! " Ka biang a thip nghal vâwt mai, mahse na ti ang a awm ka tum hauhlo nilo nâ pawh ka ti hran tawhlo hetiang mai mai te chu ka tawng zing tawh em mai


"Ekhaih!! Lo in rawlh ve su..fapa nih na ka chan ve theih lai anih hi" Ka pa run luih zet pahin ka naute chet tum chu ka khap nghal a


"engvang in nge ka thu lo in car leh driver ilo hruai chhuah? " Chang zet hian ati a, a bomb hmuam chu a puak na leh khawp mai


"Ka duh vang nilo se ka hruai chhuak dawn em ni? "


"Khati khan min chhang suh" Teng zet hian ati a "khatiang nula background chhe lutuk hruai kual mai mai tur kha em ni I nih?"


"Khati khan sawi suh.. " Duatnui chungchang a sawi lan duh dan ah chuan ka lawm ta lo tawp mai! emg ang pawhin kei min sel mahse pawi ka tilo Duatnui erawh ka phal hauhlo thung


"Engvang in nge ka sawi loh ang? A nih na diktak ani miau alawm le.. A chanchin engzat a tam nge i hriat?"


"I hriat ai a tam daih.."


"Nang hian hriat engmah I neilo,Keichuan engkim ka hre vek tawh..hnaih tawh suh tha takin awm la khatiang hmeichhia nilo hmeichhe changkang tak kan chhungkua leh sumdawn na enkawl pui thei tur che a tha zawng rawh khatiang hmeichhia khan a phu lo che mi hausa fapa I nih kha"


"Mi hausa fapa, um mi hausa fapa chu ka nia lawm mahse ka thinlung hi a rethei ngawih ngawih thung..chu pawh nangmah vangin mahni hring tu nu leh pa te lak atang a hmangaih na,ngaihsak na dawng ngailo fa te hi kan thinlung a rethei asin! "


"Background chhia maw? Nangpawh enge I nih bik I hun kal tawh ah khan that bik riau na sawi tur i nei bik em ni..Neilo tiraw? I sawi tur neih chhun chu ka bialnu ka kawp lai ilo ngaihzawn ve leh... "


"Lalhruaizel ngawi hmak rawh.. " Thinrim lutuk in ka sawi zawh hma hauh chuan a ti a a thinrim ngang ani a sen hian a sen chhuak vek, keipawh ka ni tho ka ruih pawh a reh vek hial in nia ka hriat ni!


"Ngawi dawn e.. e thil pakhat ka ngaihzawng ah lo buai ve suh aw ka pa duhtak,nang ai a addict ka nih hre vek chung a min pawm thei an la awm hi lo lawm hle zawk rawh.. a lawm na Party te pawh kan la siam nghe nghe dawn nia"


"Tih tak em ah te chuan ani saw I phu bik reng reng hleinem" kil khat a Puia nu lo ding ngawi reng chu ka kawk a "Ngaihzawng dang i neih san pawhin engmah a sawi ngailo a chhan pawh a pasal i ni a, a hmangaih che a na tak a I siam pawhin a tuar tlawk tlawk mai, a ni leh nang hi han in khaikhin teh I phu bik miahlo.. "


"Ngawi hmak rawh, tawng tam leh lutuk mai! I kal thui hma hian kalsan vat mai rawh, nang addict hi a kawp rei peih chuanglo ang che kan chhungkua min hria a kan neih a awh vangin a kawp mai mai che anih hi"


"Ka kalsan lo anga min kalsan lo bawk ang.. Duatnui chutiang mai mai mi ani lo"


"Duatnui a?"


"Ni e ka Duatnui,eee ka duat teh mai ania aw a chungchang I sawi vang ringawt pawh khan a vun chhia a pilh palh ka hlau khawp mai.. "


"Lalhruaizel fiamthu ka thawh em ni? " Ka nau te ho nen a kan lo nui tlang chu thinrim lutuk hian arawn ti a


"Ningawm.. Kal teh ang u" tiin ka nau te ka chhuah pui a, in ka chhuahsan chu ka tawt lutuk pawh ka thawl hawk mai, hetiang em em a mahni in pawh han hahdam pui loh mai chu a van rapthlak vele!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:11 pm

⭐CHAPTER-17


"Zorin.. " Tlai chaw ei kham pawn a ka chhuak chu Zorina ka hmuh thut


"Yessi, hei len lawk ka tum a min biak a duh aniang" tiin Aron te in lam chu a kawk pah a "tunlai thlan i tlawh ngai em? Ka buai te uh lutuk a ka tlawh hman thlawt lo" a tih chuan ka ngawi nghal duk


Ka tlawh khat zia ka in hrechhuak a ka in thiamlo thar takzet, mahse hmalam pan ka tum tawh ani a Johan-a a awm tawh bawk a va pan va pan tawh tur ni in ka in hrelo, in thiamlo deuh a thlan va tlawh ngai kha ka duhlo


"Nia ka buai ve lutuk a" Ka ti tawi tap a, Vanrammuana hian tun chauh nilo a hma zawng zawng,Johan-a bul a ka awm ah pawh van atangin min hmu ve reng awm si a min haw ngawt ang! A kal na pawh ala reiloh tehreng nen ka nun ah midang ka seng lut mai bawk si


"Ka han chho ange, hman tak leh ka rawn peng ve dawn nia" tiin a chho a keipawh lut in ka room ka pan a lehkha zir tak tak hma chuan Bawihtei te ka video call a, chumi hnu ah lehkha ka zir ta ngat ngat


"Bawihte I thianpa te an lo leng a.. " Ka zir tui lai tak in ka nu chuan arawn ti a, ka thian atih vang chuan lu ka bu mai a mahse ka ngaihtuah chian erawh chuan Johan-a te unau an nih ka ring tak thut


Ka ding lawp a ka nu ka zui chhuak nghal a sana bang a kan tar chu ka en zui bawk, dar 8 a pela tawh, ka rin ang chiah in Johan-a te unau an ni kawngka ah a tawt a tawt in an in zep leh tut tawh, ka pa tv en chuan min rawn melh zuk a lawm loh hmel deuh hian tv a en lehnghal


"Lo thu lut rawh u.. " Ka nu chuan alo ti a keichu ka ding deuh tawp tawh


"Ahhh, Duatnu lehkha I zir ami? " Johan-a chuan arawn ti a, ka nu leh pa hriat a chutia min au chu ka zak tlat pek a, mahse a ruk in ka lu ka bu nghat nghat tho


"Ka pi kan lo lut lo mai ang lehkha zir tihbuai kan duhlo.. " Johan-a bawk chuan ka nu en chungin a ti a, a mitten tr reng reng chu a fiah in a ruih loh zia a chiang khawp mai


"Aw lo lut ula a zir nual tawh a lawm.. " A mawi ah ka nu chuan alo ti ve leh thung a keimah min rawn râwn ni awm tak hian min en a chhan na engmah ka pe lo, engtia awm tir tur nge pawh ka hrelo tawp mai


"Zan dang ah ni rawh se.. " tiin a in her a nau te nen chuan an kal a mahse kawngkhar atang chuan gate lam ah a mah ber a kal lo tih ka va hmuh chuan rang lutuk in room ah ka lut a ka in kalh khum nghal


"I va fing ve.. " tukverh in hawng ah chuan a rawn bawk ti tih a bengchheng lo turin ka hrilh nghal


"In lo leng dawn tih I sawi sa lo a!! Ka pa kha I hmu lo ami a men rum zia kha" Ka tih chuan ka thusawi ngai pawimawh lo zet in ka kut ala kang a


"I phelh a law? " Vanrammuana zungbun ka bun thin na zungtang chu a tuai bik a


"Um ka phelh angai a lawm" Ka tih chuan lawm hmel deuh hian a nui suk a


"Keimah vang anihchuan ka va hlim dawn ve.. " a ti a,a mah vang chu ani chiang mai mahse ka hrilh ta em lo


"In lo kal dawn chuan lo sawi hmasa thin rawh u aw " Ka tih chuan a hnar a tum dat a


"Engtin, ral atangin ka rawn au vak dawn ami? Phone ka nei bawk silo" A ti niap niap a


"Khawi ah nge hman tawh ah I nau te ho in video tenawm deuh an en na kha? " Ka tih chuan a lu thak loh hmel zet hiat nauh nauh chungin


"Kan hralh tawh.. " a ti a phawk zet in ka en ringawt, an va han hahthlak hlawm tak!


"Phone a awm loh chuan a buaithlak em mai, nge in hralh kher kher a? Nei leh rawh" vin lek lek in ka ti a ka tawng ring ngam silo a buaithlak


"Awle.. " ti sam et in a rawn awm hnai deuh chu ka lo awm hla ve vat, min fawh tum ni a ka hriat vang mai mai ani


"Ningawm.. " ti hluai in a ding ngil zut a


"Kal tawh rawh i tawng ring si an lo kal chuan kan thi ani mai" Ka ti a, awm chu anuam hauh lo lehlam ang lawk ah ka pa te an awm a


"Ningawm eee, ka la hmu kham lo che a lawm" A ti vei tlat a mahse ka tur nasat em vangin a kal ve ta tho, chumi hnu lehkha zir leh ka tum chu tui tawhlo tak ka ni


"A lehkha zir tibuai zawng a awm lo pawh ni sela rawn leng lut fo lo se ka duh, fanu hralh theih pakhat chauh kan nei tawh a Rinpuii chuan pasal fa nau a nei tawh, Bawihtei phei chu a u pasal ai pawh a tha mipa nei sela ka duh, an ni ang te kha neih tir mai mai ila engtin nge ni ang? "


"Kar khat ah vawi li vawi nga a rawn tlan thei in ka ring hial zawk, a pasal a chawm zawk te a ngai a khatiang tur khan ka fanu hi ka phal reng reng lo.. A nun hmalam engkim kan hre vek aa, khatiang let hlim na te nei in Muana ang a mipa tha, eng dinhmun ah pawh ding a enga ang hun kal tawh duhawm lo tak nei anih pawh hre vek chung a la hmangaih thei tu ang kha nei sela ka duh ani"


Ka room kawngkhar bul ah chuan ka ding reng a, ka pa thusawi chuan ka lung a ti chhe thar! Vanrammuana kha zawng a makpa atan a awh awm em ani, hmangaih na a ngah bawk si engkim ah a tha lam zawng hlir in a la sawi theih vek bawk a


"Johan-a ka thlan tak vang hian min dem em? Ka thlah liam lai che kha chuan tun hun ang pawh hi lo thleng dawn sela nangmah vangin tupawh ka hnar zel ang ka ti kha ania..mahse ka, ka puitlin ta lo chu anih hi i tan chuan a fair hlawl lo tiraw? Ka tihpalh lutuk" tiin ka biang a mittui lo luang chu ka hru zuai a


Chutia ka din reng lai chuan Zorina massage alo thleng a ka dawhkan lam panin ka va en a a hmanhmawh deuh tawh vangin min tlawh kawi lo in a haw tlang thu a sawi a, chumi rual chuan hman remchan a thlan kal pui ah min sawm a ka hreh viau na in aw ka pawh ta zawk tho


Aron chuan enge a sawi pui tih ka zawt ve hmiah a, a awm ang lo khawp mai mahse ka hre chak ve deuh bawk sia.. Zorina min chhan dan erawh a ho khawp mai engvakmah a sawi lo a chauh hmel lutuk ati ringawt a, chhan em em awm lo mahse Johan-a leh keima inkar te a sawipui ka ring veleh ringawt!



"Vawiin chu hmanhmawh lo ang aw a la hma sia.. Lalbawihtei va tlawh kawi ila" Tuk dang zawng ai a kan hma vangin kan in kan chhuahsan pah chuan kimkimi'n ati a,Lalbawihtei a tih pawh chu tu dang anilo ka u fanu ani


"Nia ka hmu khat tawh lutuk, kal kawi ang a la hma lawm" ti ve in kan in phur chhuak nghal a, ka u te in ah chuan 20 minutes vel kan va awm leh a chumi hnu ah muang mar in college kan pan a


"Johan-a nen chuan in tha zel em? E chu ai chuan Aron kha in lam ah a bia che em? A rawn tih dan che kha ma lo haw tawp a " a ti nauh nauh a


"Bia ti ila tlai kan kawt a ka hmuh bak ka hmu zui leh tawhlo a, bak ah haw suh a chauh vangin a mood a fu hlei theilo anihkha tlai ka haw pawhin a mah in alawm ka pa hnen ah rawn sawifiah leh" Ka ti a, a chet dan kha chu a duhawm hauh lo mahse a in thiamlo takzet a chutia dem bur bur chi ni in ka hrelo


"Johan-a kha alo lang hma hlauh a, nilo phei se chuan khawlai ah lehnghal a ti zak nek ang che chu mawle" a ti a, a lo la ngei reng anih dawn hi


"A ho lutuk Aron te chu a fel a lawm a mood a chhe ve zeuh anihkha, a hma pawhin fel I tih theih em kha" tih pahin ka dek a,za ti si nui tha duh silo deuh hian a eu vel a scooty khalh e tilo chuan kan in fiam ang bawrh bawrh a


"Awi lawk..a mak! Min dek tawh lo teh enteh saw" Toh pahin a scooty a ti ding a phawk hra a men pahin a mit ko a chet zuk zuk bawk


"Enge din kher angai ami? " tiin en tur a min tih na lam chu ka en a, ka hmu ve chiah chu ka mit a chhuak lo chauh ani! "Eng enge saw saw awmzia? " bah zet hian ka ti a


"An piangthar ta ami? " tiin kan piah daih a awm mi in sak lai Johan-a te unau li lo thawk ve karh karh hlawm chu kan en ngawt ngawt, awih hi a har thlawt ka ngai lutuk a midang ang in a mah ka hmu ta mai ti dawn ila chutiang em em a ni silo


"Chhuk thuai thuai teh" Ati a min nek sawk sawk a ngei lutuk in ka chhuk ve nghal enge maw ahriat ni? " Va kal rawh.." a ti a Johan-a te unau lei lai mek awm na lam a melh pah zeuh


"I mawl ami? Engvang in nge ka kal ngawt ang? " Vin zet hian ka ti let thuai a


"Aw I bialpa ania sawtiang a tih dawn loh zia te pawh I hre vek a lawm mahse a ti si a, enge a chhan te va zawt teh" a ti a min nem pah a ka lo tang ve flat thung


"An fel a chhuak a hna an thawk ani ve mai a lawm, bak ah an ruih na tur te pawh an thawh chhuah ve angai a lawm a pa nen an in ngeih loh hmel em kha" Ka ti a engvang a sawi kual duah kher nge maw ka nih chu a!


"Kal mai mai teh thil hi hrethiam ve thin rawh" A ti a enge hriat thiam angaih na kher pawh ka hrelo e a "i kal dawn lo maw? " ati a ka tang ve tlat bawk chu duhlo hmel zet hian a meng rum ul a


"Dawn lo angailo kal ang" Ka ti a a che duh eih lo


"A tha a lawm, min dem lul suh" a ti dek dek a "Johan..?" Ring rapthlak zet hian a au tuarh anihchu! kan chheh vel ami motor a tlan lai te chen in an rawn hawi ka zak lutuk Lalkimi lah chu a scooty bul ah a thi pil daih lehghal, au kha keimah emaw ti ni awm tak a min en chu ka zak nasa lutuk!


"Lalkim thei ngat ila chu mitmu chhuak zawk khawp in ka beng ang che, ka zak lutuk min en thup ania" ka tawng pawhin ka hmui pawh ka ti che tha ngam lo ka zah dan hi sawi loh in a siak zawk


"A lo hawi em a changtupa chu?" nui pahin a rawn la ti, ka khawng chak lutuk! Johan-a te hnathawh na lam ka en ngam tawk tawk a au ring bawk a an rawn hriat ve kha ka ring reng ani


"Duatnu.. " Ka va melh chu an ban khur laih na khur chhung a awm chungin min rawn au let ve a chutah a lam a kal turin min la hui zui, ka kal duh miahlo a nuih pawh ka nuih lo..an hnathawk saw ka lo zak a ka be tha duhlo anilo va biak chhan tur ka nei lo em zawk ani


Chutah ka phei siloh vangin a nau te pahnih a rawn tir phei! Ka tlanchhiat chhan tur ka hre bik lo a mahse tlanchhiat erawh ka duh si.. "Princess tih kha i inhmeh a sin Duatnu tih chu koh ve dawn che in a laklawh tlat" ti nui nui chung hian a lo kal pahnih Reubena leh Sawmkima te chu ka vei leh ding ah an rawn ding nghal chawt


"Ka lo kal lo mai ang" tim lutuk hian ka ti a


"Aaa reilote lo phei ve rawh a thawh te pawh kan thawk chak deuh mahna" Sawmkima chuan in la zei zet hian alo ti ve a


Ka bodyguard ang hrim a min vil tlat bawk di chu hreh zet in ka zui phei a Johan-a bawk chu, khur chhung ah alo la awm a a bal reuh em em lehnghal, hnathawk dang awm ve te chuan min en leh ren rawn thin tih ka hriat na chuan min ti tawng ngam lawk lo, Johan-a chu a rawn chhuak chho a a kut te chu a beng fai a


Hna an thawk vak ngailo ka ti dawn nge hnathawh kawr awm deuh pawh an ha lo, an thuam tha tha an rawn in bel chhuak emaw tih mai tur ani, a hnathawh leh zel na ah pawh ani phei chuan beanie ala khum talh!


"I thiannu chu au ring thei hle mai" a ti nuah nuah a keimah ka nilo tih chu a chiang khawp mai, a che vel leh a tawngkam a mitmeng thleng in ka en chik lutuk a rui miahlo


"Nga.. Ngati nge hna in thawh a? in hausak nen nen" Ka tih chuan a nui chhuak hawk a a hnar a tuai zauh bawk


"Mi hausa fapa rethei ka nih hi" a ti sam et a, biak leh dan tur pawh ka hre tawh lo "Chuan nizan khan phone nei turin min ti sia ka phone kan hralh a lak let tlak silo a a thar tur kan tuak anih hi.. Hei ka nau a te ho hian min tuak pui a, hna ka thawk vak ngai silo a hahthlak reuh khawp mai" a ti ve niah niah aa


Kei hi ka hnuk a no ta lutuk nge pawh ka hrelo, a thusawi ho te ang a lang si hian min ti hnuk ulh lo chauh ringawt! Ka sawi avang maiin hetiang hna hahthlak lutuk alo thawk ve pawp ania an chhungkaw dinhmun ngaihtuah phei chuan a pa mi hausa lutuk ania tiang thawh angaih dawn loh tehul nen


"Thawk tawh suh, nizan te kha chuan ka sawi ve mai mai a lawm, tiang i thawk ngai dawn lo tih ka hria i na them thum mai ang thawk tawh suh" Ka ti a ka hnuk ulh deuh bawk si tawng pawh ka tawng pangngai theilo


"Naaa thawk ngailo mahila ka thawk duh a lawm, Nizan ah ka pa nen kan in chhang thinrim a kan rawn kal hma daih khan maw.. Chuan ka account vel a hreng leh tlat a.. Nilo se chuan awlsam deuhin phone ka lei thei mai tur ania.. Mahse ti pawh hian a pawi lo experience ani mai.. " A ti a, thil a anih ang ang a a hrethiam leh a pawm thiam awlsam bik lutuk hi a awh awm hial zawk mai


"Thawk tawh suh.. I in tih nat phei chuan" Ka ti leh chu a kawng a dawm hluai a


"A ningawm eeee, ka thawk ve chak a lawm, vawikhat pian ve man a kuthnathawh lai sawi tur nei miahlo a tar thih thak ka duh bik lo aw.." a ti mai mai a tih ngaih na pawh ka hre tawh lo e


"Phone thar ka neih hun chuan ka rawn bawl vel che anga, a nihloh pawhin Oppa kha ka rawn bawl anga maw police station atangin te ka tia nga, min duh loh man ah ani mai" a la ti zui, phone a nei tak tak anihchuan atih leh duh mai te ka ring e a


"A chi loh viau ang.. " Then sak in ka lo ti ve thung


"Chi e.. Tak tak in phone ka neih a ka lo biak hun che chuan a hmasa ber in Love emoji var ka lo thawn ang"


"Um a var kher tinge?"


"Ka ngai na a,bak ah love tih hian mi te hian a sen kher hi an hmang leh thin a a dik ber lo love hian rawng a nei hran lo a awm ang ber chu a var.. " a ti a ka nui suk


"Chu chu tu in nge sawi a? "


"MamJohan-a'n... " A nau ten an lo ti dual a ani pawh in pawm zet in alo bu nghat nghat, an va han in tawiawm tha thei tak e aw


"Ka kal dawn.. Fimkhur rawh aw I tlin dawn loh ai chuan thawk lui miah suh phone awm lo mahsela ka be thei che alawm ilo kal anga" Ka ti a ka kut chu rawn vuan chawt in a hum vang vang a, a lei laih na vel ah bal vaiu mahse ka kut ka la sawn bik lo ka tan a bal ani miau a lawm


"Nangmah vang chuan eng thil pawh tih ka hnial lo,chumi ai ah erawh ka kiang ah awm reng ang che, midang ang in min thlahthlam ve miah suh.. "

IMG_06654678.jpg
IMG_06654678.jpg (30.69 KiB) Viewed 3169 times


"Hnathawh na anih hi... " Zawi te hian ka ti a, a thutak hmel chu nuih za hmel in a rawn thlak danglam nghal a


"Hnathawh na ah pawh a thutak theih tho alawm maw, um kal tawh rawh in tlai ange, zanin a ka rawn in lan peih loh chuan a hnathawk chau a thi tep anih dawn hi ilo ti mai dawn nia" fiamthu ti tak zet hian ati a


"Thi sawi ziah suh!! " Ka ti vak, thih na hi ka hua thi tih tawngkam mai mai pawh hian min ti na chuvang chuan fiamthu pawh a sawi ka duhlo


"Yess miss.. " ti deuh thlap,ka kut a la vuan reng tih ka hriat rual chuan ka zak thar thut ka kut chu ka pawt chhuak vat,helai hnai ami te chuan min hmu mak ngawt ang chu hetia mi hnathawk lai lo va biak buai a lo kaih vel hi


"A nih leh phone lei tham tur in engtia rei nge in thawh angaih ang? " Ka ti a, diktak chuan hetia hna rum pawh thawk mumal ngailo in a keimah vang a tiang a thawk ta mai hi a nuam viau lo, phone chu neilo mahse a pawi ngawih ngawih chuanglo


"Ka hrelo le ni 2 emaw 3 vel aniang, hei ka nau ten min thawh pui a hlawh kan hmang khawm vek dawn a thawh rei angai lo ang" A ti a


"I nau te hi an fel e.. " Ka ti deuh teh thlawt, an fel tak tak reng bawk ani an u tan an thawk ve tawp a an hlawh an la pe khawm dawn zui


"Fel e... Mi fa te ho hian sual te hi an lo ti leh mai mai zel a ka nau te tluk a fel leh in pe, thil phal bawk hi an vang ania" A ti ve duah


"Um anih kan kal tawh ange.. " tiin ka back hret a


"Awle.. I tan leh ka tan khur chu kan lai leh tauh tauh ange " Phur hmel lutuk hian ati a ka nui chhuak hawk, Kimkimi awm na lam ah ka pheisan a ka va thlen hnu in ka va hawi let leh a min lo la thlir zui reng vangin a ruk deuh chuan ka bye ani chuan langsar takini min rawn bye thung


"Awi in inhmeh zia kha.. Keimah zawk hian ka lo ngaizawng lo ani i lak a a awmdan vel te kha maw a pa tawp.. " a ti vel a kan tawng pawh rawn hre pha lo chuan engtin nge maw pa alo tih ve viau ringawt chu a


"Kal nghal ang a hmanhmawh thlak tawh" Ka ti a kan tlan chhuak ve nghal, tlan pahin kan sawi zui a chutah Johan-a min vawn na lam ka kut chu ka en a lei khawih na paw tih hriat zet hi alo kai a ka nui suk ringawt


"I kut a vawn lai kha thla ka la a sin a mawi rapthlak" Ka kut ka en tih hria ni awm takin kimi chuan alo ti ve a "e chuan enge hna a thawh chhan chu? " a ti leh


"Phone an tuak dawn, nizan khan an lo kal a ka pa hian ala mil vak silo a chu chu lo len ai chuan phone ten in be thin zawk ila ka duh a mahse phone an neih sa an hralh vek a kha kha nei leh rawh ka tia.. "


"Chumi vang chuan maw sawtah khan a in hlawh? " ani pawh in a hnathawh chhan chu mak ati ve tho anih hmel


"Aw ka in thiamlo tak tak ani, hetiang zawng a phone neih a tum ka ring lo a.. Ngaihtuah teh mi hausa fa ania khatiang kha a thawk ngai dawn lo hrim hrim tih a hriat a chuta kar ah kei a thusawi vang mai mai in khatiang hna rum lutuk kha a thawk ania"


"Uiii a van zia lo mahse, a duh zia che a lang chiang sawt a.. Then miah suh a ruih thin te chu thuhran nise hreawm pawh pawi sa lo in i sawi ang neih a tum ania.. A duh zia che leh a ngaih pawimawh zia che a lang chiang viau in ka hria" a ti a a ruk in ka lo nui suk suk


"Nia tiraw? Enteh Kim a chang hi chuan ka in thiamlo keh thin.. Ka tih zawk chu Vanrammuana ania.. A kal atangin kum tam tak pawh a la liam lo, chuta kar ah midang keiin ka lo nei leh mai sia"


"Sir Amon chu ngaihtuah tawh suh van ah a awm tawh a lei lam pawh a rawn ngai tawh bik lo ang, bak ah kei Aron leh midang pawhin an sawi kha i hlim a duh a a hmangaih em em thin che kha.. Eng pawh tiin engtin pawh awm la a lawmpui em em ang che" A ti a, a chanchin kan sawichhuah leh tak ah chuan ka chhungril hi engtin emaw hian a na leh tawh!


"I la theihnghilh miahlo ami? Enteh Arin ila theihnghilh loh chuan Johan-a tan khan a fair dawn lo ania ka hrilh tawh che kha.. I thinlung a thi thei miahlo awm bawk a mi pakhat ngaihzawn chu nangmah leh Johan-a tan pawh a tha dawn lo ania.. Sir Amon ila theihnghilh loh chuan Johan-a hi in kal thui hma in kalsan rawh in kal thui hnu a I then leh si chuan a na lutuk ang" a ti sep a


"Keimah hi ka in hrethiam tawh lo! Johan hi ka duh a lawm mah... mahse "


"I duh anihchuan sir Amon lam ngaihsak tawh suh a awm tawhlo a, a la dam zawk chuan i hlim na tur i um angai alawm.. Nangmah hi a kal ta zawk pawh kha lo ni la Sir Amon chuan kawppui dang a nei ve mai thei asin chutiang zawng chuan ngaihtuah rawh, khawvel anih hi kan duh ang ngawt in kan awm theilo"


"Johan hian ruihhlo tih a sim theih i ring em? Doctor ni leh se pangngai takin awm sela ka duh.. Ka pa hian hetia a awm hi a duhlo nasa lutuk a nizan ah an lo kal hnu pawhin ka nu nen an sawi dun a Johan hi chu a insiam tha fe anihloh chuan a pawm mai mai ka ring lo"


"Thei ang.. A lo addict rei tawh dan a zir te pawh anianga, bak ah a duh tak tak che amihchuan nangmah vang pawhin a nundan tha lo hi a sim tur ania lawm.. "


"I Hrethiam lo anihkha, vawikhat ka sawi lang tawh a chuta min chhan dan chu maw keimah vang a engkim a nghei phah a chuta a kiang a ka awm reng theilo anih dawn chuan nghei loh a duh thu a sawi a, a lo nghei anih pawhin midang vang nih a duhloh ni ber in ka hria"


" A sawi dik ve tho..kawppui te vang a kan awmdan tih danglam te hi kan danglam chhan ten min kalsan leh si chuan mihring kan nih ang bawk in rilru ana a kan nih na sa ai a tha lo ah kan chhuah phah ve thei tlat ania..a tha zawng a kan danglam dawn anih pawhin midang vang nilo in mahni vang bawk in danglam ta zawk ila..mahni leh mahni in kalsan chu thil theihloh tawp ani,Chu chu Johan-a chhan na che awmzia a nih ka ring" A ti dap dap a, ka thiannu hi a hun ah chuan kei ai pawh a alo puitlin theih zia ka hre chiah!


"Khami zan a min chhan dan ah khan ka lo beidawng hman a, tun ah chuan ka hrethiam chiah e.. a nun dan zawng zawng hi tu dang vang nilo in a mah vangin zawi zawi in ala sim dawn tiraw? " beisei na nei sang takin ka ti a


"A chhan na che i sawi dan ah kha chuan a nih hmel khawp mai.. Doctor hna te chu thawk leh se a inhmeh ang, a zor zo tawh a thawh na tur zawn ani mai, mahse a lo nun tawh dan vang hian hna hmuh chu a harsat ka ring" A tih chuan ka lo pawm khawp mai


Tun ang lai ah mi ten hna an thawh dawn reng reng in a chhawr tu tur ten an thiam na te leh an background a uluk takin an check hmasa thin ani sia Johan-a phei chu damdawi kaih hnawih ah a fihlim lo nasa si a,damdawi leh zu lo nghei in doctor nih leh tum ta pawh ni se a awlsam lo ang, hospital a thawk tur chuan an rin ngam pawh ka ring lo..a eng a pawh chu nise a hna hmuh leh hmuh loh chu Pathian thu thu ani


"Nia tiraw mahse thil hi a tha lam zawng a thlir sak hram hram ka duh.. " Ka ti sep a Kimkimi pawh in min pawmpui ani tih lan nan a lu a bu zauh bawk


College kan thleng a tih tur dang vak a awm lo class neih leh nghal mawp mawp ani mai, class neih loh lai chuan Johan-a te unau ngawt ka ngaihtuah a an hnathawh hahthlak tur zia ka ngaihtuah chian phei chuan ka in thiam lo lutuk hi va kal leh a ban tir mai ka duh rum rum zawk



"Nu hmeltha ilo leng a law? " Tlai ka haw chu ka nu thuthleng ah alo mu a nu Hmelthai a bul lawk ah alo thu bawk a na nei a ang tawp bawk


"Aw leng ti ila hei i nu hi a chet na vel ah a kawng a herh a a che tha thei tawh lo ka lo ngaihven e ka tia" a ti a ka nu na nei a ang ka tih kha alo nei tak tak anih hi a


"Min lo call ta che ka lo haw mai dawn a lawm" tiin ka thu thla ve a


"A chutia bawihsawm ngai em em ka nilo a, chuvang a lawm hei buaipui tu tha deuh ka nei bawk a" A tih chuan ka thaw deuh hawk, khawvel a ka neihchhun ka rohlu an ni tih te hi an in hre ve reng awm sia ka ngaihtuah lo bik pawh ani silo thil hi min hrilh tha duhlo leh lutuk mai


"Arini a lo haw tawh bawk a ka han chho ve ange rawngbawl a hnai tlat mai.. " Nu Hmelthai chuan a to a tho ka ng zui nghal "lo dam vat rawh aw kum upat tawh lam a on herh te hi a dam mawh tawh bik ania" Ati a ani hi chu a fel ve ngawt mai


"Ni e, min rawn buaipui a kan lawm lutuk e" ka nu chuan alo to ve bawk, nu Hmelthai chhuah chhoh hnu chuan ka nu chu ka en a


"Thil ho te pawh ni se min hrilh zel rawh, ka ngaihtuah ve thei tawh che u ania" Ka han ti tha veleh a


"Awle awle, engoawh nise rawngbawl tan phawt mai teh vawiin tlai chu ka'n awl law law mai teh a ka mu ka in siam rem ringawt pawh hian a na reuh lutuk a ka chet pui ngam rihlo" a ti a ka tho a va in thlak sawk sawk in rawngbawl ka tan a


Nidang ah te chuan ka nu pui tu ah ka tang ve mai mai zel kha ania, tun tlai chu mahni tak meuh meuh in rawng ka bawl dawn ania.. A tui ve hram beisei ang


"In ti hah lutuk lo la chawhmeh pawh siam tam a ngailo, i pa te an hna vangin aizawl pawn lam ah an kal lawk a chaw pawh an ei nghal dawn" a rawn ti lawng lawng a, a zia phian mai ka pa a awm loh chuan ka nu nen chuan engpawh siam ila a tih nawk nawk theih mai ang


Rawng ka bawl tan a rawngbawl ka zo a ka nu chu a mut hmun ah chaw ka ei pui ringawt, tho kang tha thei lo ania kei lah mahni in dawhkan ka kil peih silo..chaw kan ei na hmun ka tih fel hmasa lo in ka nu in herh thil tih la zo fel lo hnawk vel chu in hmunglam ah ka va ti fel hmasa a, tiang em em hian ka che ngai silo a hahthlak ka ti ve lutuk mahse a che thei awmchhun ka ni bawk sia


"Bawihte duhtawk tawh rawh tikhan awm se in hnunglam ania tuman an hmu tak tak lo, ka dam hun ah keiman ka ti fel mai ang" Ka nu rawn au lawng lawng ah chuan hnial eih lo in ka lut a mahse nakin a tih leh tho ka tum thung, tih chuan tih zawh law law a tha zawk


Pangpar leh pot tih vel, lei tha bag lian pui nen ka chawi sawn na lam ah ka chau zo vek tawh, eng dang ti hmasa tawh lo in ka inbual nghal a ka inbual zo bathroom atang a ka chhuak chiah chu Johan-a te unau ho a ngai te bawk a kawngka a lo in hnawh leh chawt ho chu ka va hmu


"Eisss Duatnui chu sexy veeee" Sawmkima chuan fiamthu ti tak deuh hian a rawn ti a towel chauh veng ka ni tih ka in hrechhuak leh chiah! Ka zak lutuk chu ka khawng vek


"In zak em? en tawh suh u in en pilh ange.. Hey i chawngkawr mit kha la sawn rawh" tih leh Johan-an Sawmkima tukhum ben a rual a, ka nu awm ve reng mahse ngah teh vak an ngailo aniang an khawlai nun awm leh hmiah hmiah


"Lo lut rawh u.. " Ka nu in a lo chhawn na aw ka hriat rual chuan in thing harh in ka room ah ka tlan lut a ka zak lutuk chu ka sa chhuak vek ni mai hian ka hria, hmanhmawh deuhin ka in thlak a, vawiin ah hna an thawh chauh awm nen an lo lan peih pawh ka ring lo ania..bak ah zan dang a an lan dan nen an danglam chuanglo reng reng chau hmel pawh an pu lo


"Khamsamida.. " Tiin an la rawn lut them them zui


"I mut dan chu in herh i va ang ve.. " Ka in thlak lai chuan tu emaw ber in ati a, ka pa ang a ngai na lo pawh ni ve ta lo chu an nel ve hmel khawp mai


"Aw chhun ah ka thil chawi a rit deuh a chumi vang mawle.. " Ka nu chuan ati a ka in thlak zo chu zak deuh si chhuah ngai bawk si chuan muang te te in ka chhuak phei ve a


"Ka tih zawh loh kha ka va zo fel lawk ange" Ka ti a Johan-a chuan mit ko san meuhin min lo en


"Awww ti duh tawh suh i inbual fai tawh kha" Ka nu in alo ti a mahse ka la zak deuh bawk si nen zia awm chhung tal pawh va kalbo rih ka duh "thleng pawh ila sil lo.. " Ka nu chuan ati leh a ka hrechhuak chiah avan atthlak tak!


"Oppa a awm nange in va buai ve? " Johan chuan ati a


"Awm lo hmun dang ah a kal lawk a" Ka tih chuan min rawn nuih seih a enge maw ni ka lai ringawt! "Makpa interview neih a hun e.. " tiin a bul ber a thu Reubena dar ah a vuan a alo ner sak thung


"Mam.. ka taksa hi a bung lo chauh ania" A ti hluai a, vawiin an hnathawk an chauh dan tur chu a hriatthiam theih viau in ka hria


"Keipawh a bung a ka zawm leh mai mai a lawm.. " a ti a an vai chuan an nui hawk, an tho hluai chu ka nu chuan


"In kal leh mai dawn ami? " a ti a


"Dawn lo e hei i fanu hi kan han pui ange.. " Reubena chuan ati a


"E a ngai lo, a ngailo reng reng in tlawmngai a kan lawm lutuk mahse a ngai lo nakin ah a pa nen kan ti mai ang" Ka nu bawkin ati a


"Aaaa ka pi a ho lutuk.. Nu ang in kan en che ah ngai tawp mai rawh, kei tlangval hmeltha lutuk hian in talent te chu tle sawr sawr khawp a fai in kan lo sil ange" toh leh Sawmkima'n thawh a rual a


"Awi a ngailo.. A ngailo reng reng hei nula kan nei a lawm tikhan ka rual in tv te hi en zawk rawh u" Ka nu Inthlahrung lutuk chuan ati a mahse an zawm thak lo


"Tikhan nang chu lalnu ang in lo mu tawp rawh kan lo che vel ang, MamJohana mark hmuh that na tur anih te chuan in chhuat pawh kan nawt tel mai tur ani, khawi ah nge thleng sil tur chu? " a ti zat a



An ni hi an rui lutuk nge an fel a chhuak hrim hrim pawh hriatthiam a har, an unau chuan an tho suau a Johan-a chuan min rawn pan deuh chawt a, ka bul a ding chu zu rim a nam tha ngang mai ka ner sawk ringawt


"A ngailo tak tak ania a zahthlak thleng sil te phei chu hmeichhe tih tur a lawm le.. " Ka nu in alo tih leh pawh chuan


"Mipa leh hmeichhe tih tur a awm hrang bik lo, hmeichhia in an tih theih chu mipa pawhin an ti ve thei tur ani hlei hlei a lawm.." Johan-a chuan ati a


"mipa thenkhat thleng sil zak ho te hi an zahpuiawm ania thei lo an awm a sil tum miahlo phei chu bawng mawng chuks tir hrep ka chak thin" Sawmkima an joker ber in alo ti veleh


"A uih awm bawng chuan a ma mawng pawh a sil ngai awm silo.. " Tiin Reubena leh Benjamina te chuan an lo ti a an nui kerh kerh reuh a


" Keiman pawn lam ami chu ka lo tih pui ang che" Johan-a chuan ati a Inthlahrung viau mahila ka dan sen miau loh vangin ka bu nghat a ka nu hnen ah pawh khap lo law law turin ka ti ringawt


"Hei hi sawlai deuh ah sawn sawn phei tur ania" tiin lei tha bag pakhat chu ka kawk a bu nghat in a mah te chuan a chawi lawp ka sawi na hmun ah chuan a va dah hmak


"Vawiin kha i chau em? " Bag pakhat zawk a la leh tur chu ka lo ti a


"Dawt sawi loh chuan chau lutuk, ka thawh than ani silo a.. " Tiin a nui suk a


"Thawh chhunzawm loh mai tur a lawm, bak ah engtin nge in lo la kal peih a? In chau awm nen nen" Ka tih chuan a ding ngil hluai a


"Phone ka la nei silo a ka hmu chak che a lawm, bak ah lo kal lo pawh ni ila thlanmual emaw khawlai vel a tei tho ania ka tih tur, chu ai chuan heta lo kal hi a tha mai lo ami? "


"Tha e tha tho.. " Ka ti a kun hniam ve in "khawi hnuk phei tawh ang ka lo pui ve ang che " tiin sa tha ip chu ka vuan ve a a ni pawh rawn kun in a vuan ve nghal


"Duatnu.. Lo hawi lawks.. " A ti a ka hawi ve nghal mai chu ka hmui ah min lo fawp nghal zat a ka bag vawn lai chu a tham hian ka tham ani ber tawh, ka lungphu kha a chawl hlek hman in ka hria!


"In ah kan awm hi i mak em mai a..!! " lawi zet in ka ti vak a


"A ningawm eee, in pawh ni se a ho.. I nu hmuh lai a ka kiss nghal loh che.. " a la ti ham ham zui a "e chuan phone ka neih hma hei love var ngat.. " tiin a kut chuan love a siam chawp leh vel


"Khamsamida.. " a tih dan ngat chuan ka ti ve a


"Borahae.. " A la ti zui!!


"Tlai ah khan min rawn hmu kawi leh dawn maw ma tia in tlan tlang daih a ka rilru nat zia aw, min haw ta emaw ka tia thinglung mangang hlauhlawp thlabar in min siam hman" a tih chuan ka nui thawt a va han za tak!


"Tuai hmel deuh khan awm ziah suh aw.. In la Mastea si" Ka tih chuan a âwm a kut pahnih dah meuhin


"Ti rapthlak e a.. " a aw ti tuai lui in a la ti zui, hepa tak hi chu aw "khawvel ah ka man ber ka tih tawh kha" A la ti hram


Bag vel leh dah fel ngai kan dah fel zo a, lei nawi ho chuan a man a phiat fai leh vek bawk a hmun phiah lah chu a zei em em lehnghal, inchhung a kan in zui luh chuan a nai te pathum in thleng an sil dawn emaw ma tia Sawmkima'n thleng a mah in a lo sil a a tlem nen ala sil zo lo, chutah Reubena leh Benjamina ten in sem in chhuat an lo nawt!


"Awi dah nghal rawh u" A tlan in ka tlan lut a chhuat nawh na va chhuh sak ka tum chu an lo la thut hmak zui


"Ti su ka tia an ti lui tlat a thawh kan ka thei silo.. " Ka nu pawh a in thiam lo ngang mai


"I nau te hi hau rawh heti em em tih a ngailo" Johan-a chu ka va hrilh ringawt a


"An nawh zawh tep tawh kha ti zo law law rawh se a ho lutuk bak ah an mahni duh thu a nawt a lawm an nih" A ti a ka ngei lutuk, a inthlahrun awm zia hi a hre hlawl lo


"Arin.. Ka be duh lawk che" Kawngka ah kun ngul in Aron alo ding reng a, chutah Johan-a leh a Unaku te chu indo tur ang maiin an awm khawm dual a an hmel te an lan dan te chu a ngainat awm lo leh vek tawh! Thinrim hmel deih hian Aron chu an melh a hman a misual lutuk hmuh a ka hmuh thin dan ang chiah kha an ni leh tawh


"A pawimawh aniang lo awm ru aw.. " Ka ti a ka zah ve tho si vangin Johan-a hmel lawm lo lutuk pawh chu ka hrelo awm hmiah a pawn ah Aron chu ka zui chhuak a, veranda ah chuan kan in hmachhawn ran a,Mahse engmah a sawi leh lo a kun ngul reng a zu rim a nam em em bawk


"Tunlai i awmdan hi a mak e, i ngainat awm loh tawp Aron tinge zu te i in tak fo a? " Ka tih chuan ngeiawm tak hian a nui suk a


"Tiang ang a rui thin hi a ni lawm ni i mipa duhzawng? I duhzawng ang a awm ka tum anih hi, Arin enteh i duhzawng hi a danglam chak khawp mai tiraw a hma te chuan ka unaupa mi tha lutuk sawisel na tur awm mang lo a tha kha i duhzawng ani thin a tun ah chuan addict mai mai i duh leh thung a"


"Tawng zawi deuh rawh an hre pha ange" Ka ti te chu a hua emaw ni a kut a vai hluai ringawt


"Hre pha se enge? An nih na alawm ka sawi, hre rawh se kei ai a nep vek lehnghal an hriat a tawngkam hman duh tui vak angailo"


"Khatiang mai mai i sawi dawn chuan ka lut dawn ania haw la han mu rawh.. " Ka ti chu min ku ah nghal chawt a ka tal nghal vak vak


"Ka u tan ka kian tawh che a midang chu ka kian tawhlo ang che.. "


"Min thlah rawh.. " Ka ti a ka tal nasat em vangin min thlah ve nghal vat a engmah ka sawi zui tawhlo ka lut nghal hmak, a awmdan kha zep miahlo in ka hlau!


"Aron chu a va ruih hmel ve? " Ka nu chuan alo ti a kan tawng kha a hriat phak vekh tho ka ring a engmah anilo tiin ka chhang tho


"Khawi ah nge an awm a? " Ka ti a, an unau in an bo diak


"Kitchen lam an va nawt leh anihkha" A ti mai a an awm teuh silo, room en tum a ka pan chuan an tawng thawm ka hria ka room kawngkhar ka hawng chu ka phu nasa lutuk ka te nghal thawt


"Ka make-up..!! " Ka ti chhuak thei tawk ani


An unau chuan ka make-up an lo khawih chu ni in chhuat ah an lo thut chilh a an u ber Johan chu an lo chei chu ni in an va han harh hlawm tak! en pawh ka en tha ngam lo mi pangngai kha ramhuai ah an chhuah ani ringawt tawh Johan-a hmui ah ka lipstick chu pherh lutuk in an hnawih a zâwng mawng ani ringawt, eyeliner te chuan hmui hmul lem an lo in ziah sak bawk! Ka make-up chu a kawm hian an kawm chhia ani ber!


"Ngati ngeeee? " Mangang lutuk in ka ti leh a


"Tuarpuii lem ah a tang dawn.. " An lo la ti zui a, ka a zo mai dawn tinge puitling uai tawh si kum 5 mi ang mai a a awm chu?

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:11 pm

⭐CHAPTER-18


"Enge ti ni a in in hriat a? " Aron a vang a lawm tawhlo sa bawk nen ka vin ta hrep a an ding nghal suau


"An mahni vek hi a lawm, khawih su ka ti ka tia " Johan-a lo ti dek dek chu melh vakin


"I khawih pui zawk anihkha, a upa ber si hau ta che ka makeup in tih chhiat vek kha!! " Ka ti a ka nu chuan enge a lo ti na in ka chhang hran lo ka thusawi dan ah a hrethiam vek ang


"MamJohana vek hi a lawm min hauh na chang a hre lo a" Ka Makeup la tur a ka va kal chu min hlauh hmel deuhin an lo ti a


"Ui in ti chhe vek a lawm " tiin chhuat a mi chu ka chhar a


"I room an nawt a lut tawp lo tur a hrilh tum khan ka lut a mahse kha.. ahhh makeup kha kan hmu fuh a chuan kan lo khawih ve chhin.. " Johan chuan muang ban charh hian min hrilh a


"Kan in hlawh a lawm kan lei leh ang che.. " Reuben chuan alo ti a,a ngaih na awm tawh lo thinrim viau dawn ila a nih tur ang ani vek tawh bawk sia


"Min lei ngei ngei ang che u" Ka thu lo a an lo khawih aisa hrim hrim ah chuan ka ti ve a, min lei lo mahsela pawi ka ti hran lo


"Awle tehreng mai.. " Tiin an pathum chuan chhuat nawh na nen an chhuak a Johan kal ve tur chu ka lo dang


"Khati khan chhuak reng reng suh.. Ka nu i ti hlau ang i hmai kha phih fai hmasa rawh" Ka tih chuan


"Ka inhmeh vak nange?" A la ti hram


"I chhe lutuk ramhuai chiah chiah I ni mai" Ka tih chuan a ner vak a kal tur a ka tih leh vangi chuan bathroom a pan a keiin towel ka lo lak sak thung


"A va reh mawh ve le.. " a ti nuah nuah chu ka hria a, ka lo nuih liam vel mai mai.. Engah nge a lo in hnawih tir tehreng ni "a fai tha em? " Tiin a rawn chhuak a towel pek pahin ka lo bu ve nghat nghat


"Chuan enge a rawn koh chhan che kha.. ? " a hmai hruk pahin a ti a Aron lo kal kha min zawt tih ka hria chhan dan tur mai ka va hrelo ve!


"Aaa englo thil ho te mawle " Ka ti ringawt a, a bu ve nghat na in a mitmeng ah erawh min ring miahlo tih a lang vek


"A that hlauh chu " Tiin kan in zui chhuak a, ka make-up an khawih vang kha nge a nau te pathum chu thuthleng pakhat ah in thlahrun hmel deuh hian an lo thu ngawi kar hlawm a


"I thianpa te chu thingpui lum sak la, min chet sak nasa si a in thlahrun awm emai" Ka nu chuan alo ti var a


"Aih a ai a tha kan rawn in tawh, kan haw zawk ang Oppa rawn haw hma in.. " Johan chuan zawi sap hian ati a ka pa hmachhawn chu an peih chiah lo anih hmel



Pawn thleng chuan ka thlah ve thlap a, Aron kha chho lo a lo la awm ka hlauh tehreng nen alo awm tawh lo hlauh a ka thaw deuh huai, a nau te an kal mai a ani ve chu a la ding khawmuang a min en char char bawk si vangin lai zet in ka kut tang ka elh vak vak ringawt



"Naktuk chu hun awl in siam la, leng ang kan pahnih in" Thutak deuh hian a rawn ti thut a ka beisei loh lam daih anih vangin ka lo ka deuh hau ringawt " I duhlo ami? " a tih leh tak ah chuan ka awmdan ka siam rem te te a



"Ka lo tum dawn nia,college ban hun aw..e mahse hnathawk lai in ni sia.. " Ka tih chuan an hnathawh na pa in naktuk chu awl lawk ang ati tiin min chhang a " Um hun ka lo insiam dawn nia,mahse engtin nge ka hrilh leh theih ang che hman leh lo thut ta ila" Ka tih chuan a lukhum la thla in a lu a hiat nauh nauh a



"Engtin nge ni ang aw... " A ti ve nuah nuah a phone awm lo chu a buaithlak khawp mai "in college ah ka lo kal mai ang, in ban hun awm ah.. " A ti a


"Um, awle mahse ruih awih loh aw I ruih chuan ka haw tlang nghal ang" Ka tih chuan a nui thut a


"Ka thei lo mai thei ti ila i haw tlang tho angem? " A ti chu nghal ti lutuk in ka melh vak a "Ok anih leh i bul a ka awm chhung chuan ka rui lo ang.. Ka ruih loh in ka hmeltha zual a mawn le" a la ti vei ham ham


"Vel a che in la hmeltha viau suh aw... I meng lian a I hmel a hmeichhia lutuk" Ka ti chu rum lutuk in min en a


"Hmmhh hmel hmeichhia mahila ka tha tho,hmeichhe ho in a in neih ang ka nei ve chuang lo" Hmeichhe an chu duhlo ve tak ani


"Englo..zan ah ti leh zawk si ila lo chhuah a awlsam deuh ka ring tlai ah chuan min rawn call reng ka ring deuh ka haw mai loh chuan" Ka ti a


"Um awle i thu thu ni mai, anihchuan in veng peng ah dar 7 vel ah ka lo awm ang..ka kal aw" tiin a in her a nau te ho zui chuan a kal ve a


"An va fel reuh ve chet an hreh silo I unaupa te atan a awh awm hle mai min chet chhawk thei dawn nasa sia" Fiamthu deuhin ka nu chuan alo ti a


"Nu ka pa hrilh suh aw.. " Ka tih chuan bu nghat in a nui suk a


"Awle hrilh lo ang, engpawh nise room lam ah min insawn pui la mut nghal mai ka duh eng ka ti thei chuanglo" Ati a tichuan harsa deuhin an room ah ka sawn phei a ka nu a theihloh vangin ka pa ka lo nghak a


Ka rin ai daih in a lo thleng har a tum ai a rei ka men phah,a chang leh room ka make-up Johan te unau khawih chhiat leh chhuat a la kai ho chu ka va ti fai a ka pa lah a rei lutuk alo haw mai silo thuthleng ah te ka va mu leh,ka lo muhil sek chu thawm in min ti harh a ka pa lo haw kawngkhar khar thawm ani


"Va in sawn rawh keipawh ka mu nghal dawn ka in ei puar tawh sa.. " A tih vangin room ka pan a,khum ah bawk nghal thlawp in engmah ka hre zui lo nghal



"Kim zanin ah Johan-a nen kan leng dawn a, chhuah chhuanlam tur min ngaihtuah pui la" College kan thlen rual a ka tih chuan mak ti hmel pu takin min en a


"Len pui ah a sawm che ami? " A tih chuan ka bu nghat nghat a


"Nizan ah an lo kal a, an haw dawn ah min sawm a lawm, aih tih kha ka hreh sia bak ah kan pahnih a hun neih dun chu in hriatchian zual nan pawh tha ka ti rui lo turin min tiam sa bawk a" Ka ti siam siam a


"Um a that chu, lungngai suh leng tur in ka lo sawm der ang che" Awlsam et hian ati a, thiantha neih chu a tha emaw a sual emaw kawng pawh ni se an tangkai ngawih ngawih thin ania


"Arin, Pi Zo-i'n i number min dil a ka pe aw, a pawi em? " Tetea te bul kan thlen chuan alo ti a Kimkimi nen mak ti deuhin kan in en hmasa te te


"Ngati nge a? Engatan nge? " Ka tih chuan a hriat bik loh thu in min chhang a, mak ka ti khawp mai chutia ka number alo dil ve tawp chu in hre tha tak kan ni lo bawk nen, Johan-a vang hi ani angem aw tih te chu ka ngaihtuah vel ta mai mai a mahse Johan-a vang ni dawn se Johan-a ber in a ngeih lo tih Tetea khan a sawi sia


"Call i dawng tawh em? Nizan a lo leng phei in min dil ania " A ti a call engmah ka dawng hauh lo


"Aih dawng lo" tiin an thut na ah chuan ka thu thla ve a thil dang Moses-a'n a sawi tak ah rilru ah pawh a awm leh tawhlo

______________________________

★ Aron POV ★


" Zorin..? " Amon thlan hma a lo thu Zorina chu ka au a chumi rual chuan ka pan hnai ve zel bawk, a rawn hawi a kal zel turin a kut chuan min rawn hui bawk



Chhun ah ania thlanmual ah hian kan kal,Zorina chua hun a nei a keipawh nizan ka zu in tam luat a ka chawl ta ngawt anih hi



"Kan tlawh khat riau a.. " Tiin Amon thlan chu a vuan a "Arini pawh hian a tlawh khat ta riau in ka hria.. " A ti sep ah chuan thawk la hawk



"Nia.. A nun ah mi thar an rawn lang tan mek sia lawm" Ka ti a min chhang lo in a ngawi deuh vang vang "Zorin biak tum ve la khawngaih ringawt kha ani lo.. " Ka tih leh chuan a rawn ding chhuak a



"Ka khawngaih vang a en liam mai mai ka ni hleinem,rem se la chuan Amon chauh a thinlung a dah tur in leh a thih ve hma zawng a hmangaih turin ka ti ngei ang.. Ka thianpa tan pawh a fair anga mahse Aron, a nun ah kan thu lo em ani"



"Aih kan thu,ok thu ve lo a I in ngai anihchuan ka hrethiam, a kiang ah i awm ngailo a tanpui leh ngaihsak a buaipui a ngaih lai zawng zawng in i awm lo a mahse keichu ka awm, a tan ka awm reng a a taksa peng pakhat ang maiin"



"Ka theih leh phak tawk ai nasa in ka ngaihtuah a, Amon ngai a a tah leh a buai chang pawhin keiman ka buaipui a hah pawh ka sawi ngailo, ka unaupa bialnu a hmangaih ngawih ani a ka u nen a an inlaichin na leh an in then hran dan duhawm lo tak vang a a kiang a awm a tanpui thin pawh ka nia sin diktak chuan khang zawng zawng hnu ah khan mipa, mipa ah pawh a in nghah na tlak loh lutuk khatiang kha a duh tlat tawh a kri a tan chuan a tha nat thlak a sin! "



"Aaa, ka hrethiam che a lawm i ngaihsak thin zia pawh a mah Arini lan dan atang leh i nu leh pa te sawi dan ah pawh ka hre vek, mahse e Aron chung a vang ringawt chuan a nun ah thu neih na kan nei ta tih na anilo a kawppui tur kan thlan sak thei tih na pawh anilo a nun chu zalen takin hmang rawh se, a duhthlan na a tel ve talh i tum chuan a hlat che anga a hua ang che..a awm ang ang hian awm tir rawh chu chu Amon pawhin a tih hlim thin dan anihkha, a tha lo chin ah chuan keini pawhin kan zilh in kan hau ang mahse a zawng zawng ah erawh kan in rawlh ve a ngailo... Johan-a te ho pawh khan an lo that phah ve mai thei asin" a ti duah a



"I hrethiam chuang lo nangpawh in, tumah hian min hrethiam hlawl lo anih hi.. " ka thinrim dawn lek lek!


"Ka hrethiam, mahse hriatthiam sak che ka duhlo Arini hi chu nau ang chauhin en zui zel rawh "


"Maw..? "


"Arini mawle, i la duh reng tih ka hria a lawm, Amon khan a sawi tawh.."


"Chuan... ?"


"Ngaihzawng ang turin en tawhlo la a tha zawk Aron, a chhan chu i lak a a rilru puthmang leh awmdan atang hian chutiang rilru chu engtikahmah i lak ah a pu ve ngai dawn lo tih a hriat vek.. A ngainat loh phah hma che in in siam rem rawh"



"Awlsam tak a insiam rem theih ani hleinem, diktak a sawi chuan Amon ai pawhin ka duh hmasa a mahse Amon leh Duati te in then hran dan a vang leh ka u anih na ang a ka hmangaih leh duhsak em vangin ka kian a tun ah chuan Amon a awm tawhlo.. bak ah hun rei tak lo buaipui a kiang a awm chawt ka ni a ka duh thin alo nih tawh sa bawk nen.. "


"Ka dem miahlo che keipawh ni ila nangmah ang tho hian ka awm ka ring.."


"Anihchuan Arini lak a ka awmdan hi hrethiam la, hlat turin min ti tawh suh midang khang addict ho au kha chuan Amon pawhin a hmangaih kiang a awm tur hian min duh zawk ang.. "


"Aron mahni hmasial tak ang khan awm miah suh aw, Arini hian i rilru ang hi pu ve se la chu tiang hian ka ti miahlo ang che mahse,i rilru ang a pu ve lo chu chu i hriatthiam angai,Arini chauh ka ngaihtuah lo nangpawh ka ngaihtuah che in inkar a chhiat a hmelma a in insiam ka lo hlau zawk mai ani.. "


"A hma pawhin midang a mamawh ngailo a kiang a ka awm chuan a hlim tawk lutuk, chutiang chuan a la awm leh ang"



"Thil atthlak tak i tih loh hram ka beisei.. " Ka dar a vuan chungin Amon thlan chu a va melh leh zauh a "Van atangin a lo thlir ve reng dawn che ania, ti lunngai lo hram ang che" tiin min kalsan a ka kut ka lo hum ruhani lutuk chu ka zal ta riai riai a kan in biak chhung zawng a ka tan zia te kha tun ah ka hre chauh



"Nilo Zorin.. engthil atthlak mah ka ti dawn lo thil nih dan tur diktak in ka thlen tir dawn zawk, Arini hi ka kiang ah ka awm tir reng dawn chu thil ka tih na kawng a min dal tu a awm ka phal ngailo ang..Arin Johan-a nen a in awm dun tur te hi ka duh lo Amon pawhin a a duh dawn lo"

____________________________________


" Enge maw I hriat a I chet sek le? " College bang kan haw lam chu ka hriat miahloh in ka lo che sek aniang Kimkimi chuan ning hmel zet hian arawn ti a


"Ka hre bik nang ka che ami? " Ka lo tih let hu vangin mawl min tih hmel zet hian darthlalang atangin min rawn en a


"In zan leng dun tur phur thak tawh in i che sek anih dawn kha" a rawn ti hmuk a, nui hawk in a kawng ah chuan ka kuah a, a sawi dik lo hran lo zan a ka in hak chhuah dan tur vel ka ngaihtuah ru melh melh reng a mahse ka chet sek erawh ka hre lo



Kan veng peng kan thleng chu Johan-a lo awm na tur awm ang te ka ngaihtuah a ka helhhawlh nge pawh ka hrelo lawm loh hian ka nui ka nui ringawt! Phone a rawn ri a tlan lai mah nise Aron anih vangin ka la thodi, nizan chungchang ah khan eng emaw a rawn sawi duh ni ah ka ngai mai, engpawh nise Aron nen hi chuan tha tak a awm a unau ang a awm reng hi ka duh ani, a ni tluk a min hmangaih a min ngaihtuah leh duhsak Tu mihrang ah an awm lp


"Aw hello.. " Ka ti a a ngawi deuh vang vang "Aron.." Ka tih leh vel ah chuan


"A ngai leh lo.. " Ti daih in a off zui hmak a tlan lai kan ni bawk nen ka call nawn ta lo, kan veng peng atang pawh a kan in a hlat tham ve vangin Kimkimi ku ah chuan a hnung ah ka bei leh hlun



In kan thleng chu nu hmelthai te nupa hmanhmawh zet a car nen an in khalh chhuak ka hmu a, ka hmu sual lo anihchuan nu hmelthai kha a tap than in ka hria, ka chhuk sawk sawk a ka nu a in herh bawk nen ka chet leh vak a ngai dawn sia tiin Kimkimi pawh rawn lut kawi turin ka sawm ta lo


"I lo haw maw, hei vawiin chu I pa in min ngaihtuah deuh a a rawn haw hma hlauh mai.. Aron a chanchin kha I hria em? " Ka nu chuan a lo ti zung zung a


"Aih tinge? Sawi tak ah chuan anu leh pa te hmanhmawh deuh a an chhuak ka rawn tawk a " Tiin couch pakhat ah chuan ka thu ve a


"A accident anihkha, I nu hi ngaihtuah ngailo se chuan ka kal ve nghal tur ania " Ka pa'n a ti chu ka meng kawk, nichin deuh lawk khan kan in be sia nilo min lo call a tha vek sia!


"Ka duh theilo! Ka kal ve dawn khawi ah nge? " Tiin ma tho a ka rilru hah nghal hlut chuan ka thawk a ti buai lo chauh


"Ni e va kal ve mai rawh inhnuai te kan nia tu emaw tal va lan ve loh kha a zahthlak Nazareth hospital ah an awm kha aw" Ka pa chuan alo ti ve bawk a, eng ti hman lo in a rang a rang chuan ka tlan chhuak a taxi la in Nazareth hospital lam chu ka pan ve nghal a


Kalkawng ah te chuan ka tawngtai thul, ka lungphu a normal theilo Vanrammuana na thut in ka chan tawh a Aron leh zel hi chu nilo..ka phal tawh bik lo!


Hospital kan thleng a hmanhmawh takin ka tlan lut a a rem rem chu accident an hruai luh pakhat awm na ka zawt ve tawp a, a tawp ah chuan nu hmelthai ka va hmu ta a an lam panin ka tlan leh chu ka thaw a rawn hah dawn ta mai! Rilru hlauhthawn mangang nen ka kut a khur hlawk hlawk zawk tawh


Inhaler ka hip leh rih a, ka awmdan teh nuaih chuan lung a ti chhe lek lek zawk, ka bul lawm a thut na tur an dah ah chuan ka thu a ka ke te chu a khur det det ni mai hian ka hria, that vat vat ka duh lutuk chu ka thinrim tum thei, pangngai tak pawh a ka awm hma in ka kal lui a Nu Hmelthai chuan rilru hah hmel takin min lo en a a tap nasa hman hle aniang a mit a bui lak mai, ka dem hran miahlo keimah ang chiah in Aron hi chan a hlau ani



Nu a ni a, a fapa pakhat zawk a chan tawh a Aron lehzel chan chu a na dawn lutuk! Ka kut ah chuan min chelh tlat a kei ai ai pawhin a tha a khur nasa zawk, doctor a lo chhuak a a dinhmun a that thu a rawn sawi chu kan thaw huai thei, a kut vei lam a hmang thei dawn rihlo tih a sawi a chutiang bawk in a ke pawh damdawiin a awm pui reng rih loh chuan a hman that ngam a rin loh thu a sawi bawk a Aron chu ka khawngaih takzet



"Hlauthawng suh u a ke leh kut tih loh ah chuan na em em a neilo, helmet a khum hlauh a a lu lam pawh a him hlauh e a kaw chhung lam pawh a tha " tiin doctor chu a kal zui a



Aron chu room ah an rawn sawn lut a kan lo thutchilh nghal chawt, a hmai a pem nasa ngang mai a in hmeh lo bawk si hetiang pem neih te hi, nu hmelthai chuan a be deuh reng a a la muhil sia engtinmah a chhang lo



Kan ti nek nek a rilru a dar zat a lo lan meuh chuan sana en nachang ka hre ve chauh,phone ah sana ka'n en chu ka rilru ah thil pakhat chiah a awm 'Johan-a' dar 7 atangin kan veng peng ah min lo nghak dawn anihkha tun ah dar 7 a ri dawn tawh! Aron a la harh em silo a haw ringawt mai lah chu ani silo mahse Johan-a chhuahpui ka ngai si ka tlai deuh dawn tih hrilh turin phone a nei silo!



"Bawiha,Mamte i tha em? na enge i la neih? Ka hlauthawng lutuk bawiha" Aron a lo harh a phone chu ka bag ah ka khung lehnghal, ka thut hnaih ve a ani chuan min lo en vat



"Ka tha.. ka tha ani mai, tui ka in duh a" zawi te hian ati a khum bul a tui awm chu la in ka thli nghal vat a, ka in tir hnu chuan a hmui sir kak chu thip tih hmel zet hian a ner sawk a



"I hmai a hliam te kha accident na a ang miahlo mai bawiha" Aron a pa chuan alo ti a, chutia a sawi tak ah chuan keipawh ka ti accident na vang a ang lo riau a hmui kak te hi



"Nia ka accident hma khan min khawih rawn a lawm addict an nia " a ti chiah chu engamah hma in Johan-a te unau ka rilru ah an lo lang tawp! Aron an ngeih lo nasa sia engtin emaw lo in tawng fu palh in an in sual hi ani mai lo ang maw?



"Nilo..an ni chauh Mizoram leh Aizawl ah addict an awm bik lo midang an ni ang" tiin nih tir loh hram ka tum a "mahse bike ah i accident sia.. " Ka lo ti ve a



"Nia min khawih rawn zawh khan rawn haw ka tum a.. " A ti a tawng zawng chuan a taksa na atih hmel em em a, biak pawh ka be chhunzawm duh tawhlo



Haw mai ka duh tawh Kimkimi pawhin min rawn sawm tur awm hian min rawn call a mahse ka chhang lo,sana ka en chhen a enge ka haw chhan ah ka hman ang tih chu ka buaina ani, chutia mi na tur kalsan ngawt chu ni thei in ka hre silo, chutah ka pa massage alo thleng a ka van lawm lo tak



*Buaipui leh ngaihsak i ngaih lai pawh a buaipui ber tu che anihkha a zia awm hma chuan lo haw san bik lo la, i rulh let ve theih na hun remchang anihkha bak ah a nu te pawh an hmai zahawm, i kal ta ro ro tling tlak ve hram i tum dawn nia *



Ka pa massage chu tum bar in ka en a,Aron ka khawngaih lo a ka buaipui peihlo ani miahlo Johan-a min lo nghak tur ka ngaihtuah hian ka awm a nuam thei hlawl lo atin ani, dar 7 a pel tawh Aron a pa in ei tur a chah a engmah la ei hlawm lo kan ni bawk a a in ei puar theih khawp mai

IMG_09122027667.jpg
IMG_09122027667.jpg (34.63 KiB) Viewed 4887 times


Ka rilru hmanhmawh ru bawk si chu ka che sek a dar zat chu minute tiin ka en hi ani ringawt, tumah lah chuan haw turin min ti silo ka pa lah in khati khan min rawn ti bawk sia Kimkimi te in a len chhuanlam a haw chu a hnai tawhlo mai



"Arin I ning anihchuan haw rawh ka nu te an awm tho hi" Aron chuan arawn ti a haw tur a min tih hlan nghakhlel si khan chutia an ti ta chu ka tho mai hreh leh tlat tawh! Ka thawh mai chuan haw chal zek zek ah min ngaih ka hlau si ka pa sawi ang deuh khan ngaihtuah lo ang a lan ai chuan la awm ve deuh rih chu ka thlang ta zawk a mahse ka thu hi ka nghet hlawm lo



Sana ka'n en leh chu dar 8 ari dawn tawh chu ni in Aron pawh ngaihsak lo a phone ka bih ngun a zar ah Aron pawhin min lo mutthilh san daih, Nu hmelthai te nupa chu zawi te te hian an ti ti reng a haw chu ka tum tak tak tawh ani em em tawhlo Johan-a pawh in min lo nghak ang ka ring,ka khawngaih tawh darkar khat ang ngawt in ka tlai tawh ania a thinrim viau ang



"Nu.. " Ka ti chiah


"Arin lo awm lawk ta che i peih em? Riah pui angai dawn sia eng emaw va lak ve nual loh chuan " Nu hmelthai chuan alo ti veleh si! huphurh si ti lang ngam bawk silo chuan then sung ringawt


"Ahhh nia awle ka lo awm ang" Ka ti a ka thut na te chu ka'n siam rem veleh a ka tah te hi a chhuak zawk dawn hial tawh



An nupa chuan an kal a Aron a muhil bawk si phone ah zawi te a sound on in movie ka en a khum chu a rem lai ah ka bawh ve bawk, ka melh hnaih bawk nen mit chu thip chak tak ani ka awmdan in a zir reuh sia ka mut a la rawn chhuak zui!



"I la hre khawp ang mawle.. " ring deuh leng lawng a tawng an awm tak ah chuan ka meng kawk a ka lo chhing hman sek ani maw, chutah ka sam ah Aron an a lo fawp a a in la hrang chiah lehnghal enge awmzia?



"Ka nau hi tui deuh a mu turin ka wish na anihkha" Fiamthu ti tak deuh hian a ti zawm zat a zal vaklo in ka nui ve suk



"I va che sawn peih tawh ve I na tawh.. " ti a ka'n tho ka ng chu a room kawngka bul ah Johan-a leh Reubena an lo ding kur! Ka taksa chu a che lo ka lungphu erawh a dik lo zawk hman min thawng teh thut lutuk



"I lo kal leh dawn lo anihchuan min hrilh ve hrim hrim tur che ania.. " nui suk hian ati a, a hma ang chiah kha ani a nui a mahse a hlauhawm thung



"Johan.. " tiin ka tho chhuak a ka va pan tur chu kawngkhar a pawt khar bur a mahse ka um zui lui tho "lo ding lawk teh u.... "ka tih chuan an pahnih in an ding ve mai a



"Ih..." Ka ti dek dek chu


"Sawifiah a ngailo...kan sawisak anihkha,accident em erawh kan thlen tur lo ania" a ti ta mai, phawk deuh hian ka en a


"Engvang in nge i tih a? " ka tih chuan thinrim in seh ruh zet hian sir lam a melh a


"A mah kha zawt mai rawh, e chuan maw I bialpa ka ni tiraw? " thinrim in Control tha thei tawh lo ang mai hian a ti a


"Aw I ni a lawm, enteh ka haw thei tep a kan sawi dun dawn nia "


"Aih a mamawh che anihkha buaipui zawk rawh keichu ngaihven ka ngailo, mahse maw in fawh sam ah lu ah pawh nise ka duhlo " Aron an ka lu a lo fawh na lai ka sam chu a tuai thur nghal vek a chutah bang chu a chum pawp a ka phu nasa lutuk!


"Mam.. " Reubena chuan bengdaih tum in a lo vuan, Aron an ka sam a lo fawp kha a rawn hmu ani ngei ang!


"Khapa kha min runluih a over tak a a che reng anihchuan keichuan over takin ka chhang let ve lo ang ka that ani mai! " rapthlak zet hian ati a hman a a hlauhawm dan ang chiah kha ani


"Ka lo inthiar fihlim rih ange.. " Hlauh vang a thaw dep dep a ka en lai chuan a ti sup a a kal zui nal nal a, a awmdan chuan inthiam loh na nasa tak min neih tir!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)