CHAPTER-25"Phur tawh suh... " Êm tla chhar a phurh a tum lai tak chuan ka lo ti vak, ner nang in phur luih a tum tho
"I phur vaih chuan ka kalpui tawhlo ang che, ka thinrim nghal ani mai" thutak zawk hian ka ti a
"Enge a? a ningawm e ka phurh sak duh che hi lawm zawk ta che ka duat ve em em che a! " mit ko pakhat zawk san awk awk pah hian a ti vei luam
"Enge ka phur thei reng a lawm duat ka ngailo nangmah zawk kha i ngai, bak ah i kal tuai lui te kha a tenawm, tuai bialpa ka duh lo aw khawi" Êm chu ka pawt lawp a a thlah ve nghal mai bawk
"A tha a lawm, tak tak in keimah vang a i nuih hian nuam ka ti thin a, ka nu te ka pa te chu keimah vang hian an nui mang ngailo, an in hau reng zawk a keimah vang a hlim a nui ve thei in awm hian nuam ka ti a ka over phah thin mawle... kal ila " ka kut ah kai in min kal pui nghal hlawk hlawk
"Nimin khan ka lo kal ve a, chuan i pa kha a lo awm tel a i bialnu hlui kha a ko bawk a awmpui tur che in... " a mit ko san ak in hrethiam lo hmel hian min en a " Nangmah enkawl tur chuan a mah kha a tha ber ang te atia "
"Mai mai a engvang phiangsen in nge a koh a? nangmah bak min enkawl turin ka duhlo hrim hrim, bak ah Sangsangi alo kal ve tih ka hre miah lo, Ka harh te chuan ka nau te bak an awm lo... " a ti a, a nau te khan kan lo haw tir ang kha an tia an haw tir ta tak tak aniang
"Ahhh, ka sawi tel ve mai mai anihkha i nau te khan kan haw tir dawn an ti hrim hrim a an haw tir tak tak aniang, bak ah min ti hlauthawng aw vawikhatmah tiang khan nghei tawp tum tawh miah suh.. " tiin ka kal zui a
Ka hnar miau loh vangin buhfai tham chu min khawn pui vek,a man kawngka kik vel a ti a keiin a phurh kan khawn na apiang ah "pe tam suh u a rit ang" alo la ti zel zui mi te chuan pe tam te an lawm zawk ani ngai a..kan khawn zawh zawh vek hnu ah a sem chhuah na tur hmun ah kan va dah leh thlap a chumi hnu ah kan in thlen hma deuh thleng in min thlah leh thlap, kan in thleng tak a rawn kal duh loh chhan chu ka pa in a hmuh a ka chung a a thinrim a hlauh vang ani
"Tiang khan awm reng la.. " a kal dawn chuan ka ti a hrethiam lo awm tak hian a rawn hawi let a " ahh, ka sawi awmzia chu maw i ruih miahlo a rim pawh i nam loh khan a nuam ka ti i bul a awm kha.... " Ka tih chuan laih hmel zet hian a lukhum chhan ah a lu a hiat nauh nauh a a nui suk bawk
"A nuam maw?" Nui sep hian ati a ka lo bu ve nghal vat " Mahse keichu ka nâ asin, min tih hlum tum tu ka kawchhung a awm ang mai hian ka nâ a ruih ma mamawh ngawih ngawih... " a nui hmel chu a danglam nghal vek!
"Ih, engtin nge i awm a? I tha em i duh chuan in rawh a pawi lo, vawilehkhat a nghei hi a tha lo ania" ka tih chuan za lo tih hriat takin a nui chhuak hawk a
"Ka kal aw... " a ti daih! hrethiam lo zet in ka en hâw a a kal thui hma chuan ka au leh vak, a rawn hawi a a hmel chu a ngui ta riau mai bawk
"Tlai ah min len pui rawh aw,chaw kan ei chhuak anga kan pahnih in hmun nuam deuh ah te kan kal dun dawn nia" Zak ru deuh chuan ka ti q, diktak chuan ka bialpa zawk mah nise nuam ka tilo a hmeichhia zawk in chhuahpui tur a sawm hi "i duhlo ami? " a nuih vang chuan ka thil sawi te chu a duhlo emaw ka ti hman
"Duh tehlul mai, khatiang kha i sawi chhuah pawh ka ringlo zawk a,ka..min thawng duhawm deuhin" a nui a, ka sawm na chu a beisei loh lutuk vang nge a chi ai ni mai hian ka hria "ka lo lam ang che... " tiin phur hmel tak chuan a tlan nghal a thaw hawk in kan in lam ka pan ve hnak hnak
In ka luh chuan ka nu in ma khawn pui in a dah fel diam tawh thu leh a ma khawn na ang ang paper ah an pek zat a ziah thu min hrilh a ka lehkha ken zawk ah chuan ka ziak kai veleh a chumi zawh ah zingkar inbual in ka inbual leh a class kal loh ni ani bawk a tih tur a vang dawn ngei mai
"Tlai ah chuan tlem in i phal angem? " TV en a ka mut pah laiin min rawn massage a, phallo tih ka tum zet na in a nungchang siamthat a ruihhlo sim a tum tan na ani bawk nen tlem te in chu ka phal hram, ka hriatthiam sak ve loh chuan a tan pawh a harsa zual mai mai
"Aw mahse kan awmdun hun ah i in dawn nia, ka awm ve hma a i in chuan i lo lem hnem u chuak palh ang" tiin ka reply a, a duhlo ngang aniang pic min rawn thawn a ka ngei zia chu tun a a dp a a hman mek ka pa hmel bawk chu! Ka pa thla a lak zan a a dp phei kha chu a la thlak leh lo hrim hrim
"Hei hi uar viau suh i Oppa hian hmu phei se a that che ani mai" Ka tih chuan nui lai lem emoji tam turu zet hi a rawn thawn tuarh
"Oppa te chuan a haw teuh lo, keipawh min haw tak tak lo tih pawh a thawi in ka hre vek" a la rawn ti vei reuh a
"I Tuarpuii a nihchu.. . " tiin ka reply a voice a rawn thawn ve lehnghal
"Tuarpuii chhelo chi.. " zawi sap hian a rawn ti a ka nui chhuak hawk, tha hi a in ti ve sia maw
"Bawihte min lo pui lawk... " Ka nu in min rawn auh tak vangin ka kal a tlai lam a chaw kan ei chhuah dawn thu ka sawi a ka nu bul ah em em chuan ka kalpui tur ka zep hran lo, mahse ka pa hnen ah erawh Johan-a ani tih sawi lo tur in ka ngen nghal tawp, anihloh chuan a thinrim leh nasa dawn lutuk
"Ngati nge le? " Tlai ah ka call a ka call a la leh thei miahlo a ring ral thak zel, dar 1 dawn ah khan tlai dar 4 bawr a in hmuh leh kan in hmuh na tur vel kha massage in ka va thawn a, a rawn yes rang ve viau sia tun ah 3:42 lai ani tawh
"Khawi ah nge i kal dawn a i va nalh ve? " Aron a rawn chhuk pah a ka phone chu ak tha in ka thaw deuh halh, nidang ang lo tak in tlai dawn tawh ah mu tho hmel a pu ve teh mial
"Nia thiante nen kan chhuak dawn a, i mu a law i van thawh phan hmel em em? " ka ti zawm zat a but nghat in a rawn chhuk thla zel a, ka phone leh Johan-a mawlh chu ka ngaihtuah a tun ah chuan Aron biak buai loh a lo va chhuah mai ka duh zawk, kal pah a call pawhin a la thei mial mahna
"A nihchu nuam deuhin hun va hmang rawh i chhuak khat ve sia tiang lam ah hian.. " a ti a, be zawm tawhlo in keipawh ka bu nghat a ka kal chhuak ve nghal
Taxi in kan in nghah na tur hmun ka pan a kan tlan pah chuan ka call reng bawk, mahse a la miahlo a chang chuan ka thinrim tep a a chang leh a phone a ti bo leh tawh ah ka ngai thul, ka call deuh reng a chuti chuan a la miahlo a ring ral thak thak, ani hi a lo rui chhe lutuk anga a biak tlak tak loh hman emaw ni? Mahse ka awm hun ah chauh in rawh kha ka ti sia
"Kan thleng e, helai hi tiraw i sawi kha? " Phone ka bih reng laiin driver chuan alo ti a, chuan man pe in ka chhuak a ka hawi vel ngial pawh in Johan-a awm ang reng reng ka hmu lo
"Ka ning ka call tawh miahlo ang che...!! " a ring ral leh chiah chu thinrim lutuk in phone chu bag ah ka khung sawk, ka lûng te hi a chhe rum rum mai, ka sawm na pawm ve thlap si khan a ngai pawimawh leh duhlo aniang ti ten ka ngaihtuah a ka in ngaihtuah lung puam takngial dawn!
Rei tawk in hmuh kan tum na ah chuan ka nghak a ka din na ngai ah ka ding rei tawh bawk nen mi chuan min en deuh hrek hrek thin, ka zah zual deuh chang phei chuan ka mittui hi a parawl hmang hial, Johan-a hmel reng reng hmuh tur awm lo chu dar 4 pelh ah haw turin rilru ka siam fel a, ka awmdan leh boruak chuan hman a Vanrammuana ka nghah thlawn lai kha min to hrechhuak rum rum
"Hello... "
"Arin, Moses-a'n min bem ania engtin nge ka chhan dawn? ka awmdan hi maw a mak lutuk min duh toh ka hriat khan ka danglam vek! A hma te chuan mipa pangngai en in ka en a mahse engtin nge ka awm zawh tak ka hrelo, engtin nge ka chhan ang...mawh? " a rawn ti nghal mawlh mawlh
"Kim, tun ah chuan engmah ka sawi peih rihlo nakin ah kan in be dawn nia" Phone chu ka off nghal hmiah a a rawn call nawn bik chuanglo
Taxi chang tawhlo in bus ka chang a ka hnuk ulh teuh reng chu ka in haw zawk, mahse tih tawp a harsa bawk si Johan-a leh a lo kal loh na chu ngaihtuah tawhloh hram ka tum a mahse ka theilo, a hunlai tak anih vangin ka la na em em a ka tlawm ngawih ngawih hian ka in hre zawk, ka bul ah bus chang ve tam tak an awm vangin tah erawh ma duh hauh silo hnuailam ka melh a ka in hum ruh vang bawk, ka din pui te ho chu bus lo ding chiah ah chuan an lut nghal zat a keipawh hawi chhuak in bus conductor au lauh lauh chu ka en a ka thaw zui hawk bawk
"Johan-a nen chuan a vawikhat na chauh anih hi.. " tiin thawk ka la vang vang a, bus luh hma ti a ka hawi chuan hmanhmawh hmel zet a Johan-a ang deuh lo kal hi ka hmu a a la hlat tham em vang leh mi vei vak an la tam tham vang in ka chiang theilo, bus ah chuan lawn in a hnung ber seat ah chuan ka thu a phone chu ka hmet eng a eng call back na mah ka dawng lo a massage takngial pawh
Bus conductor in a kal theih thu a sawi chuan engene a nung nghal hlarh hlarh a chu chuan a chhung a chuang te chu min nghawr nghal dat dat, mit ka chhing dawn chiah Johan-a a rawn pen lut nawlh! Ka mit vai emaw ka ti dawn lek lek,a hawi kual lo a rawn luh na kawngka atang chuan ka thut na ber chu a rawn en tlang nghal zawt in ka hria, ngawi reng in a rawn kal a ka lo en ve reng bawk
Beanie dum a khum a nidang ang tho in tshirt dum plain a ha leh a kekawr pawh a dumb plain bawk,converse rawng sâng a dum leh var a bun bawk a thawmhnaw rawng dang vak hi a ngai na lo aniang a hran hran ha thin mahse a dum deuh vek an ni zel,ka bul chiah a rawn thleng a din pawh a ding muang hman lo ang tih tur in ka ban ah a man chawt a min pawt tho zawk, chuang ve dang te chuan min en thup a sam ka thlah vangin ma hmai hliah tur chuan ka kun deuh tlat
"Ka pu, anilo ah ka bialnu hi a chuang a ka lo chhuk pui leh mai ange... " pangngai deuhin conductor hnen ah chuan ati a,an chhan hma in min kal chhuah pui nal nal a min kalpui na ah chuan ngawi rengin ka zui ve tawp
"Room ah phone ka theihnghilh daih a, min lo call em? Kawng lak ah ka nau ten min rawn chim buai leh sia an in man tur vel ka buaipui leh a ka rei phah a lawm, ka tlai viau tih ka hria i thinrim viau ang tiraw? i duh tawk in i âng thei ang min hau mawlh mawlh mai rawh" Kal pah chuan a ti nghal char char
A phone theihnghilh vang lek anih chu ka call a pick loh, mahse a lo kal hma bawr atangin ka call tawh kha ania, hepa hi ka lak ah e g emaw zep a nei chiang! Kan kal din miah miah lai chuan ka tal vak a a ding a ka kut a la vawn reng chu ka melh vangin a thlah ta vat, thaw halh in a mah chu ka en a ani pawhin zawh na ka nei chhan in peih at hmel nen min lo en ve ran
"Dar 3:30 pelh atangin ka call tan che a, chutiang em em ah chuan i phone ila kawl lo ami a? midang bul ah i awm ami? " Ka ti charh charh a, a bu nghat nghat thung
"Chumi hma daih in ka chhuak tawh, thlen hma a lo nghah che kha ka duh a phone ka theihnghilh tih ka hriat chuan let leh nan a hla tawh sia ka tia ka la peih tawhlo a ka thleng hma dawn tho ka tia ka nau te ka tawk leh sia a lawisa tur ka buaipui chhung kha a rei em a lawm ke in ka lo kal bawk sia duh ang in ka lo thleng hma theilo... chutiang in han awm pui tur em em pawh ka neilo " Tiin thudik ani emaw nilo emaw fel dai takin min chhang a
"I nau te hi i hmangaih ve sia... " tiin a kut ah chuan ka kai tha leh a, lo hum nghet sauh pah in a nui nghal suk
"Ka tan a mi pawimawh tak te an nih vang a lawm, min hmangaih hlawm bawk a keiin ka theihtawp a ka hmangaih let ve loh chuan" a ti nui var var a
"Aw anih kal tawh ila nangmah vangin kan leng kul hman vak dawn lo anihchu" Ka tih kher vang chuan a nui chhuak hawk a a man a tlai man ah ei man a tum vek tur thu a sawi a, an chhungkua leh a ma neih in a tlin khawp ang mahse, chawi tir vek bik chu ka tum hauhlo, a sawi chhuak hmasa tu leh sawm chhuan tu zawk ka nia ka tum tur zawk ani
"E ih, kan thlen hma in tlem chu in i phal em? Them te chiah ani mai, ka awm hun ah i tih vang khan ka la in leh miahlo a ka dik lo tep in ka hria... " Thutak deuh zawk hian ati a, hmaichhan a min dil tak ah chuan ka phal leh lo deuh
"Khaini hmuam khat vel aw... " Ka ti chu rapthlak tih hmel zet hian min en a a menglian sa bawk nen a menglian lehzual
"Chutiang em em!!! ka thi thei mai ang ka lei pawh a huh kim theih nang" rapthlak a ti ve ngang ani a hmel lan dan zawng zawng pawh a danglam vek a beidawng hmel ngawih ngawih
"Anih leh khawi ah nge i in dawn? " In la strick zet chuan ka'n han ti a, a lo lan hnu chuan ka boruak bik pawh a dik leh vek tawh, tap thei mai dinhmun a ding meuh kha tun ah chuan ka pangngai tawh
"Kal phawt ang.." tiin min kalpui a a in tur a ber pawh a keng in ka hre chuang lo khawi ami nge maw In a tum reng reng ni?
Thui deuh tak kan kal hnu in lo nghak turin min ti a in pakhat ah hian a lut a rei pawh a awm lo,kingfisher ni mai in ka hria a rawn keng chhuak a kan kal dun leh ngar ngar, kal pahin a mah chu ka en thin a thil hum lai nen chuan, ka dan hi a tha mai angem aw ka ti rilru leh rum rum, mahse vawilehkhat lo nghei tir nga chu a tan a pawi a engtin emaw buaipui ngai a awm leh ka hlau deuh si, ka rilru a buai nuaih! A mah ka en tui leh thil dang ka ngaihtuah nasat luat ah kan kal hla tawh viau tih ka lo hre lawk lo, ka hawi vel chuan mihring leh motor kal pawh an vang pharh tawh mai
"Thu la... Ka'n lem zuai ange" tiin thut na rem deuh lo awm ah chuan a thu chat a keipawh ka thu ve nghal, ngawi rengin ka thu a ani chuan a thil kem chuan hawng in hahdam hmel deuh hian a thaw ham ham a keiin a che vel ngun takin ka lo en
"Hemi pakhat lek hi chu a zia tiraw?" tiin ka kam ah a rawn lek kang zauh a ka lo bu ve nghat, nuam ka ti teh chiam lo hetia a thil in na bul a lo awm hi, mahse ka ven ve kar loh chuan a dang te alo la neih ma hlau ve khanglang sia
"Kha kha enge a? " a kekawr atangin eng emaw a rawn phawrh chhuak a a in pack deuh thlap
"Damdawi ania... " zawi te inthlahrun hmel deuh hian ati a a hawng a a kingfisher hawn tawh sa ah chuan thlak nghal a tum?!
"Thlak reng reng suh!! " a kut chu ma dawm bet ti tih "Johan hei chu, aaa.. a em em lutuk!! " tiin a mah chu ka en a a meng chu a buai nak hian ka hria
"A harsa lutuk, ka in lai a awm ve kher kha duhlo la a tha tur ania, min hrethiam mai rawh " chang zet hian ati a lu ka thin khum nghal vat "tikhan ti suh... "
"Nangmah hian tilo zawk rawh, ka hmuh lai a damdawi phawrh te kha engtin nge awlsam deuhin i thi theih a? " Ka ding nghal vat a ani pawh a rawn ding ve nghal "ka hrethiam ang che ka tia mahse he damdawi nen em em hi chuan ka hrethiam theilo che, chu ai chuan haw leh ka duh zawk i duh chuan tikhan rui rawh ka haw dawn"
"Ok a pawilo anihchuan ka telh lo ang a tha em? Ka telh miah loh ang Ka Duatnu duh dan anihchuan ka telh hlek lo ang a long tawp hian ka en ang... " Ka kal tur chu hnunglam ah min rawn kuah bet chawt a kun hniam in ma dar ah a rawn fawp vawng vawng, ka tal deuh a min thlah dil lai chuan a lam a in her in a biang tawn tawn ah chuan ka vuan a
"A hreawm dawn lutuk tih ka hria mahse, tlem. In hmasawn nan pawh ti chhin la.. Um? Khawngaih in bei let hram rawh damdawi tello hian i nung thei chiang lutuk tih ka hria vawikhat chauh telh lo in in han tum chhin teh aw.. " a mit a en chungin ka ti a a huphurh hmel ngawih ngawih, kei hian ka na ar lui nasa mah mah em le?
Thaw hawk in a but ve nghat a, ka biang tawn tawn ah chuan rawn vuan let ve in duhthawh zet chuan min fawp a, mi an awm tehchiam lp a chutin khua en dan a dul deuh bawk nen hnar bik lo in ka thiam ang tawk chuan kan love chhang let ve a, a in lak hran rual chuan a nui suk a keipawh awmze awm lo in ka nui a kan in nhi tawn vel mai mai chu ani, kan boruak chu a dang ta ruih hian ma hre bawk
A ngai ah bawk chuan thu dun in Kingfisher chu a la ka ng a a damdawi pawh chu a ak tha leh thlap, chaw ei dun tur e tilo chuan a kingfisher in tur ti buai lek lek chuan a in chiu thin dan te ka zawt a, a in hman lo chu ani a in dawn a min chhang leh zel a a in lawk theilo, bak ah min hrilh that ka rin loh nen min hrilh tha duh phian a damdawi in hna a thawh lai chuan mitthi ang maiin engmah a hriat ngailoh thu te min hrilh a,a in chiu tawh na a ban a hnu hma te chu a ti lang a ka rap lek lek zawk
"Enge? In tawh rawh kan tlai lutuk tawh" tiin ka tur ta nge nge a, ka biak tawhloh hnu ah pawh a in dawn a a ka zawn vel ah a keng sawn leh daih zel a chutiang chuan vawi 5 bawr chu a ti tawh
"Min en reng a..a nuam lo a lawm, saw lam hawi la ka in thei chauh ang, min ti lai dawn tlat min thlek nasa si" a ti anihchu! a in loh chhan a van ho tak
"Ka veng dawn che a lehlam ka hawi daih in.. " Ka ti ve tlat a, kei lah pek in khabe dawm meuh a uluk in ka lo en nasa bawk sia
"Aaaaa,tiang chuan kan in in lo tawp ang, kal teh ang" a tho a kal zui nghal nal nal, a van lai hma e aw!! pawi lo a nghei tluan theih chuan a tha hlei hlei ani mai....
IMG_1601202655.jpg
IMG_1601202655.jpg (34.09 KiB) Viewed 4401 times
I fall in love with the little things "I van ho tak e aw, hey min lo nghak teh.. " Ka tho a a lo kal thui hman em vangin tlan ti tih chuan ka um zui a " bawp sei pa, min lo nghak teh ka tih chu.. Kha kha in lo in i awm thei tak tak ang maw? " Ka um phak vel ah ka kuai her pawp a
"Enge...? " bul zet hian a ti a, a kut ka en reng chu a en zui ve nghal
"Khawi ah nge kingfisher kha...? " a ken tawh miahloh vangin mak ti deuh tak hian ka ti a, a kut ti pharh pah chuan a pum a dawm a
"Tah hian an luang thla mek.. " Awlsam zet hian ati a mak ti lutuk in ka en tlawk tlawk ringawt, a kal leh ka va um phak hma kar ah khan in zawh vek na hman a awm lo hrim hrim!
"I paih zawk ani lo maw? " Kal pah chuan ka zawt char char a min nuih liam vel mai mai thung, mahse a tawng zawng chuan zu rim hi a nam leh hak thin a kingfisher rim hi chuan zu a iang hrim hrim an tih kha mawle, a in zo hman tak tak emaw ni aw?
"Khatiang in zawh mai mai te chu a harsa lo a tlem ropui si, awm lo la chuan a ai a tam ka in thei ang mawle pakhat lek chu a tlem mah mah... " duh thal a in na na na chuan a chak zual sauh emaw tih tur ani
"Chuti maw? anih chuan va la leh tawh hmmhhh" In kuangkuah pah chuan chak deuhin ka kal a min rawn um pha lehnghal mai a ngal a sei bawk a a pen hlawk si a thleng zung zung bik mai a "Hey!!! min dah thla rawh" min pawt ding a min kawih her rual in min pu nghal lawp
"Ngailo i kal chak rei peih dawn chuanglo.. Tiang chuan kan leng kual hman lo ang... " a ti a, ka mawng a beng pah thut chu ka rak thawt a hnung zâng ah chuan na deuhin ka seh vak "a na mange!! " tiin rang deuhin chuan min nghat thla nghal
"Engvang in nge ka mawng i ben a? Ka ngei lutuk che, tiang a in khawih vak kha ka duhlo fiamthu pawh ni se... " ka rawl tawp tawp chuan ka au a ka vin hrep! Au Hminga vang khan thil tam tak ah dikha loh reng phah na ka nei a thian an ni emaw nilo emaw tiang a tih kha ka duhlo, min lo khawih thin lai khan engmah ka hre ngailo mahse min lo sual thin tih te ka hriat khan ka rilru ngaihtuah dan te a diklo ta vek anih hi
"Oh keimah ka ni sia I haw lo tur ah ka ngai a,tihpalh um ka Duatnu hmeltha biangno " Min ban lai chuan ka lo tawlh hnung vat a ka tap tep lehnghal,ka tah belh lutuk hi ka in ning "Kan va chhang chhe tak e aw!! tap miah suh aw anihloh chuan i hnar ah hian ka pen kawrh dawn ania" nui pah hian ala ti duh chauh
"I ninawm min thlem thiam lo si... " Ka ti hap a, ka awmdan te hi hrethiam ka thil lo paltlang tawh te hria sela chuan heti chauh chuan ati lo ang
"Hawh... " ka hma ah min hnungchhawn zawng in a thu a, a awm dan chu min puak tum a ang ber " Hmanhmawh la... " ati a keipawh hnial lo in a hnung ah chuan ka bet nghal thlawp, a tho a hmalam pan chuan min kalpui a
Kal pahin thil ho te te ka sawi a, a ruih loh hian a tawng duh vaklo nge ka hrelo keimah zawk in ka biak loh chuan sawi tur pawh a hre lo emaw tih turin a tawng ve miahlo, kan duh na ve ve restaurant ah kan chawl a khua a thim fel tawh, len kual hmasak kha ka lo hope viau na in a rem ta lo anih hi
__________________________
★ Aron POV ★
"Dawt min hrilh a ching chho ta anih hi, a tha lo ka tih reng kha Zorin... " Ka room thuthleng a thu mek chu ka melh a ka lungawi lo takzet, u ang chiah a min en in a hma zawng chuan dawt min hrilh lo a ka lak ah zep a nei ngai hek lo Johan-a a tawng chiah a dawt min hrilh in bul a tan nghal der chu anih hi
"I hlim na ah i hlim pui theih miau loh te chuan engtin nge thudik a hrilh duh ang che, mihring te chu heti mai mai hi kan nia lawm, kan hlim na min tawmpui theilo te chu thil nih na tak hrilh pawh kan duh ngailo... " Ka tho a tukverh ah chuan ka dak chhuak vauh vauh
"Engpawh nise ka lawm lo, engkim ah buaipui tu ka nia heti mai mai a min awm khum in..! " Ka lawm lo ve takzet, a kal na tur ka zawt a thudik tak a min chhan kha a harsa viau emaw ni le? dawt min hrilh a Johan-a nen an chhuak dun tih ka hre leh tho si
"Diktak chuan Aron, a nun ah hian i in rawlh thuk mah mah tawh in ka hria, i bialnu anilo a i farnu tak tak pawh anilo, tun a i awm dan te kha in en teh i bialnu ang mai a khuah khirh leh a lak a thu neih tlat tum i nihkha,i ngaihtuah vang ti dawn ila anihloh zia ka hrechiang hetiang hian in ngaihtuah na mai mai a kal sual ngailo, I duh ami Arini hi..? " a ti nghal hmiah hmiah
"Duh ta ila min dang dawn ami? Zorin, Amon a awm tawh lo a ka duh ve thiang tawh a lawm a ai pawh kei hian ka awh tha thei ber ang, Amon nen danglam na vak kan nei hleinem phir kan nia kan hmel leh pian pawh a in ang vek a Arini pawh hian a la hrethiam vat ang"
"Tiang hian awm suh Aron, eng ang pawhin Amon nen in ang mahula Arini tan chuan mi hran hlak in ni nia in in ang teh meuh mai mahse, Arini pawh in duh a thlang thei a nang duh che sela chu hman hman ah khan Amon nilo in nangmah a thlang tawh ang che, hrethiam ta che Amon awm loh pawhin nangman i enkawl vek a duh ve tur che chu nise i ngaihsak tak tak lai pawh khan a duh hman tawh ang che... "
"Chu a duhzawng ka ni miahlo tih sawi i tum ami?" Ka hawi let a min lo en ve kar
"Anih tak ber chu, a thinlung ah chuan unaupa leh thian ang bak in i nghet theilo anih ber hi.. duh tur che chu ni sela Johan-a lo man hma pawh in hun in ngah lutuk... "
"A nih tak chu, mahse lo en reng rawh min la duh ang min la duh em em ang... " ka tih chuan tur zet hian min en a, hepa teh hrep hian engvang a min thlawp ngai ta miahlo nge anih ka hrelo Amon ang a athiantha ka nih loh vang pawh ani mai thei "hrep hian a!! "
"I tih dan chu ka lawm hauhlo mai Aron, i kal sual palh ange aw a duhlo che a midang a neih mek tawh hi, tibuai miah suh... " tiin thupek ni awm tak hian a tawng chhuak a
"Ka duh ang ang in ka kal anga ka duh apiang ka ti ang, ka kawng i dal dawn anihchuan ka duhloh chen chen ka thleng dawn ania, chuvang chuan ngawi reng in lo awm rawh... "
"Amon nen a in danglam zia chu tikhan nangmah ngei in i tih fiah tak kha, Arini tan a hnawk sak in awm lo hram ang che Aron mi tha tak i nihkha,chu chu engtikahmah theihnghilh ngailo la ka duh khawp mai...in Ngaihtuah tha rawh hemi thil ah kher hi chuan"
"E Zorin, hei chaw ei kham a ei tur in pudding ka lo siam e ka tia ei ula... " Ka nu a rawn lut a tumah mah chu kan tawng tawhlo "tinge a? thinrim in va ang ve in lo in hau em ni? " ka nu bawk in ati leh
"Aih nilo e, ka ei chak viau a ka haw mai ange in lam ah ka hna tih fel na lehkha vel buaipui te ka la ngai a tunlai ka meng rim nen zawh hma chuan mut hma ka duh tlat, kan chaw ei kham na ala reilo viau a chu ka kal mai ang" Keimah min rawn en a keichuan sir lam ka hawi san hmak thung, Arini lak a ka awmdan min hrethiam lo tu chu ka hnaih ah awm lo mahse pawi ka tilo
"Aw chuti ani maw? nia in thlahrung suh va haw rawh i hmanhmawh chuan" ka nu pawhin tha takin a ti a chelh lem lo chu pawi ka tilo khawp mai
"Um anihchuan ka kal nghal mai ang, Aron lo in ngaihtuah tha rawh aw.. " Thil thleng pangngai vek ang mai chuan ati a chhan pawh ka chhang lo "Nute chaw ei ah min sawm a ka lawm lutuk ania.. Ka puar mah mah lehnghal, ka lawm takzet ka kal phawt ange mangtha phawt u aw.. " a chhuak a ka nu chuan a um zui a kei erawh khum ah ka thal tawp
"Ka chau ani, engtik ah nge ka duhtak hi ka neih ve theih ang? Amon nang tak chuan min rawn hriatthiam pui teh... "
___________________________
"Dar 7 a ri ti tih tawh a kan haw tawh mai dawn ami i chhung ten an ngaihtuah tawh viau lo che maw, a bik in Oppa khan? " a ti a ka phone ka phawrh a sana ka en a sawi dikha tak tak dar 7 chu a ei ani tawh mai, kan chaw ei hnu ah kan leng kual a nuam ka tih lutuk na lam ah haw a hun tawh tih pawh ka theihnghilh zo dawn lawm le!
"Nia haw tawh mai ang.... Taxi kan la dawn nge ke in? " Ka tih chuan a ngawi vang vang a
"Taxi in haw la... " a ti daih chu ngawi rengin ka en a,engvang a haw rual emaw min thlah sawi miah lo nge maw anih le? Nge ni a mipa dang ang in polite tak a in thlah leh vel a ti mi lo zawk?
"Ngati nge haw hran i duh ami? Kal na tur ila nei zawk nge? " ti a ka en chuan a lu a thing mat mat a
"Nilo, diktak chuan... ahh nangmah in haw mai rawn ka thian pakhat hnen ah thil lam a la ngai hrim hrim a" a ti a sawi duh, sawichhuah harsat a nei tih ka hrethiam ve reng, che sawn miahlo in ka en char char a min tih ngaih na hriatloh hmel deuh hian min en a lukhum chhan a lu hiat nauh nauh pah chuan a thaw leh hawk thin
"Sawi rawh, ka nghak che ania a chhan a that viau chuan keimah in ka haw mai ang" Ka ti dam thlap a chutah lai deuh si zah hmel deuh bawk si chuan min en pah a
"Pawisa ka nei vak lo a,mipa ka nia thlah ngei tur che chu ka nia mahse.. Ka nau te tan ka kawl that then angai bawk a, chuvang chu ania ma tawng vang em em anilo ania ka nau te chak lutuk hmuh hi a hreawm thin a" a ti lawi rat a
"Chuvang ami a Kingfisher chauh a khat tawk a I in reng?" Ka tih tak ah chuan a but nghat a, nay te hmangaih chu a lo thiam ngang ani, kan awm din chhung zawng khan a khat tawkin kingfisher a kei reng a,lei lei ngailo a a dang dawng hlawk tur lei mai ta che ka tih lah in a duh hauh silo a nai te tan pawisa a lo khek leh vang vek anih hi, a in erawh a in hnem tho a a mah pawhin ka in tam chuan ka zia ati
"A ho lutuk, keiman ka sawmchhuak che a in thlahrun angailo,nakin a I fel em em hun an kan chhungkua in ei tur min la lei dawn nia.. A tha em? Kal tawh ang.. " tiin ka pawt kal nghal tawng tawng a ani pawh in inthlahrung hmel pu si leh ka tih luih tlat na min hnial hreh bawk si chuan min zui kawi ve reng tho
Kan veng peng kan tlan pel chiah Johan-a chuan tu emaw hmu ang mai hian taxi chu a din tir a, a ding a a chhuk nghal rawk rawn chu hrethiam lo zet in ka lo en mawl tawp, a hlat viau tawhloh vangin ka chhuk ve a chuan man pe in taxi chu a kir leh a Johan-a chu ka zawng kual a awm na ka hre mai lo, chutah an rawn lang leh nawlh a a nau te ho nen an lo lang tawh, pakhat chu a khir char char a ka rin dan chuan a chiri ni mai hian ka hria
"Hei hi pe ula ka lo kam ang Bena nang I chhung te an la leng chhuak in ka ring, haw ula I room ah lo va awm pui ru kha chuan ati zia awm deuh ang Duatnui ka va thlah thleng law law ange" tlai a a ma damdawi kawl sa a ah reng chu a pe a,ka lo din ve reng na lam ah chuan a rawn kal phei hlawk hlawk
"Ngati nge a? " Ka lo ti ve a, a lu min thin khum ringawt a kal tur chuan min ti in ka hnung ah min vuan a ngawi rengin kan in lam kan pan dun a, a hma chuan tawng tam lo mahse a hlim ve reuh nen a nai te a hmuh atangin a dang vek, hman a Johan-a ngainat awm lo zet kha ka kalpui ta ni mai in ka hria
"Helai thleng hi ni mai sela, I pa in min hmuh a hlauhawm bawk sia tiraw? " a ti a, chhan pawh ka chhang lo min thlah thleng law law se ka ti pawh ani chuanglo a mah hi biak a chakawm lo hluah hluah "Min chhang ta che, I thinrim ami? " bul zet chuan ati a
"Aih, thinrim lo e kal rawh I hmanhmawh hmel emai" tiin ka bye zui a, a kal mai bik chuang lo min en reng ringawt a min ti lai lek lek "kal rawhhhh...." ti a nem kal pah ka tum ka ban tel ah man in a lam ah min pawt hnai dawrh a phawk zet in ka en nghal hâ
"Reubena a lo buai lek lek a, ka ngaihtuah vang mai mai anih hi aw engmah thil dik lo a awm lo ania.... " Dam zet hian ati a ka mit ah tak min en bawk, a mitmeng chu thuhran a hmuh in a nau te ka hmu ve vek a awih loh chhan tur ka neilo
Ka chhang dawn chiah kan awm na hnunglam daih ah Johan-a an rawn ko a kan hawi chuan keimah hi ka zam nghal vek! Hman zan a virgin chungchang sawi tupa kha ani, Johan-a chuan a kut vai zauh in a zawm nghal tur thu a hrilh a,a che ringawt chu a ban ah ka lo dawm bet nghal, Johan-a chuan a ngaih na hriatloh hmel deuh hian min en a chupa te awm na lam chu a en leh zauh bawk
"Va kal suh...." Ka ti zo hman tawk, chupa chuan kan pahnih chu min thlek vang vang hnu ah a rawn kal hnai zel a Johan-a chu kal turin ka pawt leh si "sawpa bul ah sawn awm suh.... " Ka ti deuh hmiah chu a mit ko san vak pah hian min en a
"Ngati nge, thil lak ka ngai a" a ti mai lu ka thin khum nghek "enge i awmzia? a pawimawh a chuvang mawle.. " a ti dam leh thlap
"Ka hrelo mahse a hnaih ah awm suh, ka hnaih ah awm lo se" Ka ti chu a thaw hawk a
"Enge buaina? Engtin nge a tih che sawi rawh, a chhaih thin che ami? " Chang zet hian ati a lu ka thing leh ringawt chupa chu a rawn hnai tawlh tawlh "min chhang ta che tinge mi a ang maiin i awm a?"
"Aih awm hnaih suh.." tiin ka tawlh hret chu thinrim hmel deuh hian min en a , sawpa saw ka hua ani hauhlo mahse a hma ang khan fiamthu takin virgin chungchang kha a sawi leh ang tih ka hlau, ka tan chuan khatiang mai mai hriat te kha anuam lo min in kiltawih tir tep thin
"Damdawi ka la dawn a lawm Reubena tan, chutah chuan enge buaina awm? " a tih rual deuh thaw chuan chupa chuan a dar ah a rawn vuan a
"MamJohan-a bialnu chu... " a tih chuan chak deuhin ka kal nghal hlawk hlawk,kan in bul ka thlen rualin Johan-a bawk chuan min rawn um pha leh tho
"Ngati nge a? Sawifiah la khatia hriatthiam har deuh a I awm in engtin nge ni ang? " Ka in her a a mah chu ka en vang vang,tun ah hian hrilh nghal vek mai ka duh tawh,mahse hun a awm rih lo sawi tur chuan tuma awm ve loh na leh engkim a thlen pawh a tuman ka tawrh belh chhan na te an hmuh ve loh na hmun ah ka sawi pui angai helai ual au lutuk ah chuan nilo
"ka la hrilh vek ang che... " tih leh gate hawn a luh ka rual a ani pawh a kal ta nge thawm a rawn nei zui tawhlo, kan tlai hun hman dun nawm tehreng nen a hmawr kan bawk dan erawh a tha lem lo khawp mai
"Nia ka pangpar hi chu a awm ang ang hi theihpatawp hian ka duat ve a, e hei alo hawa chiah" Ka nu in min hmuh chuan ati zawm nghal zat ka nu bul a nu lo thu ve ka hmuh erawh chuan ka thlarau a chhuak lo chauh...Pi Zoi!!
"Hei Johan-a nu, I hmu tawh em?" Ka nu chuan lawm hmel zet hian ati a, ka rilru chuan zawh na chhan na ka hriat hauh siloh ka in zawt char char, engtin nge ani hian kan in te a hriat a tum ang zan ah te alo kal ve ngawt ni?
"Kan in hmu ve tawh a lawm" Pi Zoi zawk chuan ka nu a chhang a keichu min thawn em vangin tawng ngaih na pawh ka hre mai lo
Johan-a khan hetah Pi Zoi a awm tih hria se a rawn lut tlang duh mai angem tih thleng in ka ngaihtuah na ah a rawn awm, ka nu chuan chhuanlam ni pah fawm in bathroom ah ka pa kamiz va nuai lawk a duh thu a sawi a Pi Zoi nen chuan min kalsan a chuti chung pawhin ka la thu chuang lo a ngai reng in ka la awm
"In in a ka lo leng chu a pawi viau ami aw? " Inthlahrun hmel deuh hian ati a, lu ka thing a tawng phei chuan ka chhang miahlo "In veng ah hian ka kal laklawh em a ka rawn lut ve nawlh anih hi I nu pawn a lo awm hi ka hmu a in in ang ka ti lutuk" ati a tawi te hian ka nuih ringawt
Haw tum in a tho ta mai a, keimah min rawn hamsafar lo a alo leng lut te chu thupha a chawi leh hnuhnawh, a haw tur chu ka nu awm loh vangin keiman pawn thleng ka zui a, thil tam tak ngaihtuah hmel pu deuh hian a awm a a hahdam loha hnel khawp mai, Johan-a a ngaihtuah ve pawh ani mai thei zawk
"Johan-a nen hian in la in kawp ang tiraw?" a ti teh thut a phawk zet in ka bu nghat "ka van lawm ve aw, a theih hram chuan a kiang a awm reng I tum dawn nia, a mal thin si a a bul a awm tur a duh te hi anei tlem ania" a ti a ngawi leh vang vang
"Diktak chuan apa min tih dan leh a mah ka hmangaih vang pawh hian then ka tum tawhlo hrim hrim, tun ah pawh hian in siamthat a tum tan a.. " Beisei na sang tak nei chung hian zangkhai vah in ka ti a
"Ani maw!! A van lawm awm em a tum ringawt pawh a duh ngai ka ring lo a sin, a tan chuan reilote mi pangngai te ang a zu lem khat pawh lem miahlo a awm hian hreawm a ti ngawih ngawih a, a thil tawn zo zai te vang hian zu hi a thlah duh pawh ka ring ngailo zawk mawle ka van lawm em aw.. " mittui parawl chung hian ati a, a fa tak nilo mahse a hmangaih ve tawk zia a hriat viau in ka hria
"A pa hian Johan-a lak ah thil tha lo tih a nei tawh ami? A ngeih lo em em a bak ah I sawi dan khan... " Sawi pawh ka sawi zo hman lo ka kut a rawn vuan chawt a ka tawng tawp nghal hmak
"Ka lo sawi hi a tha ber em chu ka hrelo a mahse a mah I hriatthiam loh hun alo thlen palh tak in...Johan-a hi a naupan deuh lai kum 13 vel chu ani ve tawh, anu in a chhuhsan tawh vangin awmpui apa in a lak sak a mahse kha a mah awm tu ber khan Johan-a hi zahmawh rawngkai in alo khawih thin a, a inbual tir lai ten a mipat na te mawi lo deuh deuh in a khawih sak a thil tenawm deuh deuh te alo tih pui thin aniang... Johan-a chuan a hlau sia a vau bet thin bawk nen chutiang chuan rei tak alo khawsak pui thin a Johan-a mangang leh hlau in a pa a hrilh a a pa lah chuan alo awih sak duh silo a.. Chumi atang chuan a pa a mil lo tan a" Ka thaw theilo mai dawn in ka hria! Chutiang thil..! Johan-a chung a thleng tur hian ka ring lo tawp zawk mahse a thleng ngei bawk si!!!
"Engtin nge a fapa chu a rin miah lo theih a? Eng ang pa nge ni ngai? " Ka ti thlawt, rapthlak ka ti lutuk, Johan-a chuan tap chungin a pa a hrilh anga a chhan leh thlamuan te a beisei awm si a apa lah chuan a beisei alo tih bo sak ghal vek dawn sia!
"Hei vang hi ania zu te in lo a awm theihloh thin, a ruih loh chuan khang thil tha lo deuh kha a mitthla ah te lo lang in a ti na thin a... a ruih te hian a zia awm thin tih a sawi a "
"Pi Zo...doctor a zir" ka ti tawp, sawi tur dang ka hre hlawl lo Johan-a chung a thil thleng chu rapthlak ka ti lutuk a chutiang chiah chuan a mah ka khawngaih na hi a so sang ngawih ngawih bawk
"A pa tih luih na vang ania a zir chhung pawh in a buai ru nasa lutuk, mahse ruihhlo em chu a la khawih lo a doctor zir lai chuan...mahse tha tak in a zo a ruihhlo a khawih na te hi a la reilo a sin,a mah khan a thil tawn te theihnghilh tum in a bei a doctor tha tak nih pawh kha a tum ruh,a pa bawk hian a ti chhia ani"
"Tun a ka sawi ho hi Johan-a bul ah hria ang in awm suh aw, keipawh min hrilh lo tumah a hrilh lo a nau te ho pawh, sawichhuah pawh a duh ngailo a ka lo hriat ve na chhan chu a tun hnu a a rilru na thar leh in vawikhat Puia hnen ah a sawichhuak a chu chu ka lo hre fuh ve chauh zawk a keipawh in ka hriat bak chu i bul a ka sawichhuah hi ani mai ka hria tih pawh a hrelo ang... "
"Arin... Johan-a hi nat belh tur chuan kalsan lo hram rawh...khang thil te kha i hma ah phei chuan a sawichhuah ngam ka ringlo,ruih te in a naâ tlak ral a tum zawk ang..a chung ah hian dawhtheih na i lan tir hram hram dawn nia aw.. A mah hretthiam tu hi a mamawh ania" sawi tur ka hrelo, keimah ang chiah in nunhlui duhawm lo tak alo nei a a nat dan tur chu ka hrethiam vek
" Nuam ka tih vang ngawr ngawr a rui thin ah min ngai ami? nâ ka tawrh loh nan ka rui thin " ti a min hrilh tum kha ka hrechhuak zawk,ni e a lo na thin dawn em anihkha!
"
"
tihpalh lutuk ka "
"