REWRITE THE STAR (BYG S-2) By Bearr Chhakchhuak (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

REWRITE THE STAR (BYG S-2) By Bearr Chhakchhuak (Completed)

Unread post by Ngaia » March 20th, 2022, 6:03 pm

w9o3jfa7.jpg
w9o3jfa7.jpg (18.02 KiB) Viewed 15263 times


🌸In lo beisei ang a ngaihnawm in ka ziak thiam lo ka thai kawi pawp2 mai dawn ka tih tawh kha😄beisei na in neih sang lutuk a kei a thiam na in a tlin siloh zawng in in rilru ka ti na mai2😁story hi ZANKHAT DAN zel ah ka update thin dawn a a bul atang a kan complete hun thleng min chhiar sak ve hram hram turin ka sawm che u🙈 harsatna lian tham a awm anihloh chuan regu tak a dah kan tum dawn nia,Comment kha a theih hram chuan min han hnutchhiah sak thin ula aw😄🌸

____________________________________

⭐CHAPTER-1


"Kan kal pawn tah loh tur aw" Arini in puah chah mawlh mawlh lai chu a ruk te in fiamthu tel deuh hian ka va ti sep a nui chungin a lo bu ve nghat bawk


"Ka tap miahlo ang,ka tha vek tawh a lawm, a kal toh ka pawn tawh a ka ngai tih mai loh chu harsat na ka neilo... Tluk ani" muang ban charh hian ati a


"Um a that chu ka bul ah ami i chuan ang? " ka tih chuan a bunch leh nghat a pangpar a buaipui tel vangin pawn ah ka chhuhsan a


Ngaihtuah loh ka tum pawh hian ka thei thin lo, ka khawngaih na peng pakhat vang hian a mah pawh ka tih no thin tih ka hria, pachang tak a awm a Amon vang a a tawrh na zawng dawng te theihnghilh vek in a thar in nun bul tan se ka duh a chutih rual chuan chak lo a siam tu ber ka ni lawi si


Eng emaw hlek ah ka ngaihtuah em em a, Amon vang khan ka duat lutuk mah mah ani ber Amon pek theih tak loh ngaihsak na te duat na te pek vek ka duh a,ka pe ngei bawk Amon kal hnu atang a a that chhoh ve zel dan ah a hriat theih ang mahse a la tha famkim lo ani, kan in hriat tirh a Arini ang kha ala ni tak tak theilo 'Amon pawh a kal tawh ka hria ka pawm vek a lawm' ti mahse zan tin deuhthaw a a la buai dan ah hian a la pawm in a la thlah fel tak tak lo tih a hriat vek tho


"Aron..? " Ka phu zawk a Arini chuan a ngaih na hriat loh hmel tak hian min lo thlek deuh hâ


"Um, thil dang daih ka lo ngaihtuah a I hman tawh ami?" Ka tih chuan ngawi rengin a but nghat a bike ka ti nung nghal hlat hlat


"A thlan bul ah khan dam deuhin min lo hmuak thut sela tiraw?" Ka bike hnung a thut pahin a tih chuan ka ngawi deuh vang vang


"Nia, mahse Arin thleng thei ngailo tur chu suangtuah zawm vak vak loh tur aw a lo thlen loh hian nat a awl ania, dem tur kan zawn phah a a tawp erawh keimah ni suangtuah leh duhthusam sual vang chauh ani zel tho"


"Aron.." a ti zuk na in a ngawi leh daih a engmah pawh a sawi zui tawhlo thlanmual lam pan chuan kan in khalh chhuak a kan hnung daih ah kan chhungte ve ve pawh car in an lo tlan bawk kan tih than dan ania Amon thlan tlawh dawn chuan a hma atangin hun awl kan in siam thin kan kal kim thap zel bawk


Thlanmual chu kan thleng a kan chhungte dang lo la thleng lo mahse Arini chuan lo zuk kal a rawt vangin kan in zui thla a, tun tum chu hun dang ang lo tak in nileng lo in tlai lam ah chauh kan kal a chupawh hun awl kan neih dan a buai deuh nuaih vang ani


"Aron.. Enteh" Kan kal zel chu Amon thlan bul chet ah chuan tlangval 4 hi an lo thu khawm laih a, zu an in emaw damdawi an ti ah ka ngai mai


"Ka Vanrammuana thlan bul ah awm ka phal hleinem Aron, granite te an rap ringawt ania" tiin a pangpar ken pawh ngaihsak lek lo chuan thinrim takin a tlan a keipawn ka zui ve nghal asthma nei ni si a a mah lah a in dim duh der tawh silo


"I hah lutuk ange Arin" Tiin ka au pah lawng lawng a chutah thlan bul a lo thu khawm ho chu an tho suau a thlan piah lam kal zel a kawngpui pawh chho tur si ah chuan an kal ta daih


"Aron min lo au a" Arini chuan ui hmel tak hian alo ti a, chumi te kal na lam chu a en zui vawng vawng


"A pawi hleinem engmah an tih chhiat chuangloh hi hnawh book na tha ani mai" In thiam lo ru deuh chuan ka ti a, a ngawi reng a an rah na hnu ni awm te chu thut chilh in a kut lawng chuan a ti fai mawlh mawlh a


"Ka Vanrammuana thlan hi tih bawrh ban ka phallo hrim hrim" tiin a phun mawlh mawlh, a chang hi chuan Amon ruang ni a, a awmdan rilru buai leh mi a ang mai khan a awm leh thut hian ka hre thin


A thlan hnunglam ah chuan damdawi tih na ni awm tak hi alo let rum a Arini hmuh hlau in ka va kal hnai a ka ke in ka thai sawn rawk rawk, reilote ah kan chhungte an lo thleng a, chhungte ti ila Rinpuii leh a fanu an tel ve tawh lo a fa pai na pa khan neih a duh leh si a a fanu hma khua ngaihtuah vangin thla 6 liam ta khan pasal a nei ve tawh tun ah chuan kei leh Arini, kan nu leh pa te nen ve ve chauh kan ni tawh mai,Thlan te chu ti fai in kan awm reng a


"Bawiha,kan ngai lutuk che asin i chhungte kan lo kal ania min lo chhawn dawn lo em ni?" Amon-a thlan lung chu ka nu chuan thut chilh in a kun ngawih ngawih a, a tor a tah a in sum nasat nen a tlin ngang tawhlo aniange


Arini erawh tah chu sawi loh a ngawi reng a ka nu awmdan chu mak tih hmel tak hian ka deuh hau chungin a melh tlawk tlawk bawk, ani pawh kan kal dawn a mood kha chu a bo vek tawh tih ka hai lo, a hlim ve a Amon tlawh kha a phur ve asin mahse, kan thlen meuh hi chuan a boruak a dang vek tawh thin


"Nu Arini hrilh i ti hai zo ange that lam a pan ve mek chauh hi.." Ka nu chu va pan in a dar tawn tawn ah chuan ka vuan a


"Keizawng ka fapa hi ka ngai em mai,min koh kir sak thei in awm lo em ni? Aron,Bawiha i u hi han ko ve teh engati nge anu in ka biak na te hi a chhan theih tak loh a!!" tiin ka nu chu a tap hlawp hlawp,Arini a lo kal hnai a thlan chu khawih in uluk tak chuan en a


"I awm na kha a hreawm em? Vanrammuan min ngai lutuk tiraw? Vawikhat chiah min chhang leh la ka ti eee..!" tiin mittui luang zawih sawi chung chuan thlan lunga chu a bia a 'ka tap lo ang' ti mahse thlan kiang a a awm tawh chuan a thei thinlo a lainat awm takzet ani, Amon kal atangin kum meuh a liam tawh chung pawhin Arini hi zawng a la nâ ani


Mipa ho in hmeichhe 3 tap chu kan en mawl tawp a, thlem tum mahila awmzia a awm dawn lo tum dang ang tho in an awm dawn tih a hriat a chuvang a an awm awm a awm tir zawk kan ni,Arini chuan thlan chu mihring kuah ang chiah hian a kuah a


"Ngati nge in hrilh lawk pawh awm miahlo khan min kalsan a? Van ah min kalsan pawhin gate bul ah ka nghak ziah che tih i hria em? Engtik ah nge van atang khan ilo chhuk leh dawn? " tiin thlan lung chu a be mawlh mawlh a ka hnuk a ulh thar lek lek


"Duatbik ti a min ko tur ringawt pawhin reilote tal pawh lo kir leh rawh, Vanrammuan khawngaih takin ka ngen a che ka ngai lutuk che, I Duatbiki hian ka ngai takzet che ania, i awm loh chuan ka khua a har lutuk"


"Arin a na em mai..!!" Tiin ka nu chuan Arini chu a a hnunglam ah a kuah ti tih a, Arini nu pawh a fanu khawngaih na vangin a tap zawih sawi mai..ka pa leh Arini pa te pawh tap vak vak lo mahse an hmel ah an tawrh zia a lang vek thei,a chang hi chuan Arini leh ka nu vang te hian Amon ai kha lo kal zawk ila ka ti thin


Rei tawk fan kan awm hnu ah ka pa chuan haw a rawt a ka nu tap pawh a bang tawh Arini pawh, mahse thlan chu a ngai ngai in a la kuah reng a hriat tham siloh hian a phun mawlh mawlh bawk, ka nu leh pa leh Arini nu leh pa te chu an haw a Arini la kal ve duhlo chu keiin ka awmpui rih

___________________________________
★ Arini POV ★


"Arin, khua a thim tawh ania kan haw tawh dawn em ni? tiin Aron chuan min lo bia a ka bura ve nghat, ka tah na vangin ka mit leh hnar a na em em lehnghal thlan chu ui tak chungin ka thlah a


" Ka lo tlawh leh vat ang che aw" Tiin ka mangtha te te hnu ah Aron nen thlanmual chu kan haw san ta a, khawpui chhung ah current a awm lo ani ngei ang a thim deuh that hlawm a thim em em chu ani lo


Kan tlan pah te chuan Vanrammuana hmel ka mitthla a , theihtawp a in control ka tum pawh hian ma thei thin lo ka mittui rawn luang lum thla chuan min ti harh kawk a ka mut chhing lai chu ka meng nghal vat


"Chesual an awm ami?" Kan hmalam a mi an awm nual a tlan na tur an dal deuh si vangin kan ding a ka mittui luan na te chu k hru hul tawk tawk


"Ka hrelo le bike bul ah hian lo awm la ka va en chhin ange" Tiin mi 10 atang a 15 bawr awm khawm na ah chuan a va phei a bike bul ah ding in a kal chu ka en zui vang vang tlem a a hlat deuh vangin eng chiah nge thleng ka hrelo hrim hrim


Ka phone a rawn rik tak ah chuan ka phawrh a screen ka en chiah an ri deuh nawk nawk mi ho in 'an tlan anna an ti bawk,chutah ka hawi chhuak tur chiah chu mipa pakhat hian ka ban rek ah min man in min tlan puu nghal dawr dawr! Chu mai anilo kan hnung ah chuan tlangval 3 in min rawn um bawk


Asthma nei ka nih vang leh min tlan chak pui em vang chuan thui pawh kan tlan lo ka thaw a rawn hah tan a, din ka tum a min kai tu lah chuan a pawh hian min pawt ani ber, ka kut lehlam in ka âwm leh hrawk ka dawn rawn a ka thaw a sa phulh tawh


"Le le le hmanhmawh rawh u" Chupa chu a ding thut a ban puam ah ka in tauh chawrh, ka ban a thlah rualin kawngpui ah chuan ka thu tawp a ka thawk tih zia awm tumin theihtawp in ka in buaipui ve nghal


"Hey hmeichhe nu, i bag lo la teh" Pawr zet hian mipa pakhat in min tih khum a mahse ka ngaihsak theilo, ka halu lo pawh a nilo pangngai ila chu ka hlau em em ang mahse thi mai tur anga ka awm miau vangin ka hlau hman tawhlo


"A pawisa la ila kal ang" Min kai tu pa chuan vin zet hian a ti a, kan hnung a tlan te nen khan in thurual an ni tih ka hre chiah! Chutah ka bag a inhaler ka la chhuak zo chiah chu bag min pawh chhuak sak nawlh a,ka thawk a sak tawh em vangin inhaler chu ka hip mawlh mawlh a ka mittui a tling pam mai


"Pawisa pawh a ak mang lo" Tu emaw ber chuan thinrim aw tak hian a ti a ka kawngpui nem na kut lehlam bul deuh ah chuan ka Vanrammuana min lei sak bag chu a rawn paih chawrh,ka thinrim in ka rilru a na a chutia ka bag ngaih hlut em em midang paahun min khawih sak ka phal ngailoh dim lo tak a min tih dak chu ka rilru a na takzet ,engtin emaw tih ve ka chak a mahse ka che sawn ngam lo min sawisa ang tih ka hlau


"Min um zui peih tawh teuhlo pa thau dul kiar zet zet ho khan kan tlan ang chen an tlan theilo chiang sa" Pakhat chuan intithei aw tak hian ati a ka thawk rawn zia tan ah chuan tute nge an nih hriat nan an hmel en tum chuan ka hawi chhuak a, a then ka hnung a awm an nih vangin min kai tu chauh chu chianglo deuhin a hmel ka hmu


Cher lampang sang zet ani a, lukhum beanie ni mai in ka hria chumi chu a khum bawk,ka bag chu a rawn chhar leh a a rawn kun hniam run a ka mit ah tak min en,a meng lian in a thinrim hmel si a ka hlau takzet,zu rim a nam em em a mahse a che ah chuan rui a ang lo


"Kan ruk chhuah nen a tih pawlh tur chu a daih mai ang" Pakhat in a ti a enge an sawi hi ka hrelo ka pawisa ah ve chhun 500 chu min kai tupa hnen ah an pe a,ka thawk dan control ru ran chungin ka thu ngawi char char, chupa chuan ka pawisa ah 500 chu a pek lang vâ vâ a


"Ruih na tur min pe a,i nula e" tiin a Jacket atang chuan eng emaw damdawi bur ni mai in ka hria,a rawn la chhuak a ka bag ah chuan a khung hmak bawk "min en reng lo khan i buaina chin fel dan tur ngaihtuah tan rawh" tiin mit min siai khum a


"Chuan i pawisa kan ru lo ania,ru a min puh a police hnen ah i kal vaih chuan kan rawn zawng che anga kan sawisa hrep ang che,kut ke him dam a ila awm ve zel duh a nihchuan ngawi reng ang che" ti vin khur khur in a thiante nen chuan an tlan sawn ta


'I buaina chin fel dan tur ngaihtuah tan rawh' A thusawi awmzia chu ka hrelo a mahse thil tha lo lam ani ngei dawn a ka hriat vangin an kal chiah chu ka bag ka ak tha a ka tho sawk sawk a kan tlan na hnu lam ah ka let vat, thi pawh ka kal lo Aron bike nen a lo tlan chu ka tawk a ka him tih ka hriat vang chuan chhuak takin ka tap hlawp hlawp


Kha tih lai zawng khan ka hlau lo ani lo, ka hlau lutuk a ka awmdan pawh ka sawi tha theilo zawk, min sawisa in khang ho khan min that ta se la!! Aron chuan min kuah in min hnem mawlh mawlh a ka bag duhtak an tih dan te chu tap chungin ka hrilh mawlh mawlh


"Awle haw ang aw i bag chu engmah a chhe hleinem, nangmah i him bawk a" tiin ka hnung ah a beng thak thak a


"Nangmah hi ani maw?" Patling aw hian a rawn ti a ka hawi rang khawp mai, Aron chuan min lo ku ah nghet sauh


"Eng maw ka pu?" Pa pakhat lo kal chu alo ti vat a chupa chuan


"Damdawi ru chhuak tur a lo ti tu chu?" A ti ta mai! hrethiam lo zet in ka lo en tawp


"Ka pu i sawi awmzia kan va hrelo ve chutiang damdawi, eng damdawi nge? " Aron bawk chuan a ti a keichu ka thaw hah a reh dawn chauh bawk nen leh a thusawi ka hriatthiam loh em vangin ka ngawi tawp


"Hriat loh der vel kha a tullo nangpawh hi i tel ve amj? i bag kha lo la teh" A ti a chupa chet dan chu patling si a polite lo ka ti takzet "he damdawi chungchang hi..engtin nge in sawifiah dawn? " a ti vin khur khur


Nichin a mipa in ka bag a damdawi bur ang deuh a dah tak chu a lek a lek a ka hrethiam ta chiah, khapa khan a buaina tur a a him nan keimah zawk buaina ah min tel tir anih tak ber hi! Tawng lo thei ka ni tawhlo


"Ka pu, khami te khan min ah tir " Ka lo ti chu thinrim hmel dur khup hian min en a


"An ah tir reng ang che chu,ru turin i tir miau alawm sawi sawi duh suh police station lam ah kal ang" A ti ta mai! Nichin lawk ah khan police station ah kal lo tur in min vo zo chiah anihkha


"Ka duhlo" Ka lo tih teh tawl vang chuan rinhlelh zual hmel zet hian min en a


"Police station i kal ngam lo anihchuan i tirh ah ka ngai tak tak dawn ania nula, tihsual i neilo anihchuan min zui hreh tur anilo" A ti khui khui mai


"Ka pu hriatsual i nei ani, thlan a kal kan nia kan haw lam in i dawr kawt a thil thleng vang khan kan ding mai ania ka nau hi i damdawi zawrh ru chhuak tu te khan an tlan pui ringawt mai a, engmah a hre bik lo hrim hrim"


"Ni e ka pu ka ding kha min rawn kai a" Ka lo ti chu


"Anihchuan hei hi engtin nge i bag ah a awm daih theih? " Keimah min zawt a chu Aron zawk a melh thung, a vin lutuk chu ka pa ngainat loh chi tak ani "khang ho zing a pahnih kha damdawi lei tur ang a rawn kal in ka damdawi zawrh lai an ru chhuak a,kan awm khawm na ah khan an hmeichhe neih chhun in a mamawh a pawisa an neihloh vangin an ruk tir an ti leh bawk a chuan hei nang in an ruk ilo kawl ve chiah a"


"Ka bag ah an thun a lawm ka pu, khami te kha ka hre ngailo hrim hrim bawk" Ka ti ve tlat


"Dawt in sawi lo maw?" A la ti talh tho " Dawt in sawi vaih chuan ka rawn zawng leh dawn che u ania..a van pawi thin tak ka chawi belh leh teuh dawn anih hi" tiin ka bag a damdawi a lak tak keng chungin a kal let hlawk hlawk a


Aron nen pawh chuan kan in khalh haw veleh a engmah sawichhuak lo turin kan in ti ve ve bawk, buaina em em tawk lo mahila police station hming meuh te a rik tak vang khan ka awm a nuam lo riau, kha pa khan min ringhlel tho in police te rawn tir leh ta se


"An tlan pui daih che sia ka hlauthawng hman lutuk a lawm" tlan lai in Aron chuan a ti a thaw hak chungin a hnung ah chuan ka bei a


"Min sawisa ang tih ka hlau lutuk a, Engatan nge damdawi kha an tih ang le? Damdawi pangngai mai mai ni in ka hre sia" Ka tih chuan


"Ruih atan aniang, addict ho an nih dawn kha an tan te chuan ruih theih loh a awm tak tak hleinem paracetamol mai mai pawh ruih pui thei an awm nuk a lawm" A ti a engmah ka sawi zui tawhlo ka him a a tha vek mai


In kan thleng chiah gate bul ah U Tluangpuii alo awm a ani hi Aron-a bialnu ania thla 4 lai chu an in zui ve tawh, inthlahrun hmel deuh hian min lo nuih a Aron chuan be turin a pan a keichu ka lut tlang nghal, chaw ei sawk sawk in lehkha ka zir a ka u awm tawhlo chu ka khua a har ve lek lek thin


Lehkha zir pah te chuan ka hmalam hun tur ka han ngaihtuah ve ren rawn a, Vanrammuana ah bawk ma tawp leh tawh, a tello chuan engmah hi ka ngaihtuah thui thei tak tak tawhlo hmalam pan dawn ila a awm ve tawhlo tur hian min ti na a,ka tan na ngai ah bawk ka kir leh thin



Kar thar mai ah kan exam dawn a keima tawk ah chuan zir tha ka in ti ve thawkhat viau,vanrammuana vangin rei tak mumal in nun ka hmang lo a school pawh ka kal ngai lo zir na ah ka tla chhia a mahse Vanrammuana vang liau liau in ka zir tha ve leh hnu hnawh ka pass anih hlauh chuan college te ka rap ve tawh dawn a ka in zir chhuah hun chuan doctor tha tak ka ni anga Ka Vanrammuana ang a nâ nei te pawh enkawl dam zel thei tur a thiam na neih tumin ka bei dawn ani



"Muttui aw.. " Tiin a thlalak frame nei a kan siam tir chu ka bia a ka phone ah a hla sak fo thin before you go chu play in ka mu a


Ka mutui zual dawn chauh vin tak a au lawng lawng thawm ka hria a, ka harh nghal zawk kan in kawngkhar a rik tak ruk ruk ah chuan ka phone a zai ka play ka off tak loh pawh chu off in ka tho chhuak ve a ka nu leh pa te pawn lam chhuak chiah ka va hmu hman a ka zui chhuak ve nghal


"Kut min thlak hmasa anihkha" tiin pawr tak hian tu emaw a au chiam chiam a pa thenkhat leh mi tlem a zawng an lo awm nual mai gate bul ah chuan ka ding a ka nu te erawh an va awm hnai deuh


"Enge awmzia? " Kan thenawm pa hnen ah ka pa chuan a ti a tlangval pali hi an lo thu khawm bawk, chutah pakhat a rawn hawi chhuak chu ka back nghal dawrh nichin tawh a min tlan pui chiam tu kha ani a mitmeng rum leh meng lian tak chuan min rawn melh nghal kura mai!


"Hei, kan in chung zawl ah an lo lawn a damdawi tih an lo tum anih hi an thawm ka fapa in a hria a,a han en chuan an lo sawi sa ani awm e, kan nu leh a nau ten hospital ah an hruai a" Thenawm pa chuan ati zung zung a


"An lo sawi sa ati anih chu" Tiin nuih sawh aw zet hian chupa chuan a bul a thu ho chu a hrilh a, thawveng lungkham neilo an tih ang hi an ni hlawm nge ka hrelo an awmdan chu a mak ka ti, in thiamloh na nei hmel pawh an pu lo an in be khawm a an nui leh suk suk thin


"Ka pu i fapa der dep zet khan a zung chal min hmuh in kut min thlak ve khanglang a kan sawisa anihkha,a nilo zawng a thu vai vir tum lo teh thudik tak sawi zawk ta che tar te te si i va daw heh ve" nui chung si ngeiawm tawk lek hian chupa bul chiah a thu chuan ati tawn tawn a


"In va zaklo ve veng dang mi lehnghal, ai a upa biak dan pawh hrelo" Tiin chupa lu ah chuan an nem but lawp a, an thian ho te chuan an nui dual hlawm


"A sang viau sia step ah lo engtin nge in chung ah chuan an lawn theih a? Step lah in chhung luh loh chuan a pawh theih siloh a?" Ka pa chuan thenawm te in chung lam hawi chho pahin ati a


"Ka hre bik lo, addict ho hi chuan tih theihloh pawh an nei tak tak lo" Ti hlak hlak in tlangval thu ho chu a melh a


"Police hnen ah kan pe mai dawn ami? " Pa awm ve zing a pakhat in a tih chuan midang chuan kan veng mi an nihloh vangin chut rum rum chu a that an rin loh thu re an sawi a an veng hruaitu lam biak a that an rin thu an sawi na in chung ho chuan an veng hming an sawi duh der lo!


"Kal tir phawt ila buaina siam a an rawn let leh anih chuan police ah kan pe dawn nia, a vawikhat na a police kut thlen tir ringawt pawh veng leh veng in nghir ngho na te pawh a thlen thei a Ramtea pawh a na lutuk lo bawk a I kal tir phawt mai ang u" pakhat in a tih chuan pawm takin an lo bu nghat nghat hlawm a Ramtea pa ber erawh a lungawi chiah lo anih hmel


Chumi te kal tur a an ti chu kha beanie lukhum khum tu pa kha ding in min rawn melh kur a chhungril ah hian ka tim ru er er mai,nichin mai a pawisa an lak sak kha ka ni tih a la hria aniang, rapawm deuh hian min nuih a a bul ami te chu eng emaw hrilh in min la rawn kawk zui ka nu leh pa pawh an rawn hawi a ka lo meng a ruai ringawt


"MamJohan..? " A kal hmasa pahnih in an rawn auh chuan lukhum khum tu chu a hawi vut a, chutah khawlai a awm ho zawng chu melh kual dan dan in a ngeiawm tawk lek chuan a nuih suk suk zel a


"In vaiin......a nih phawt u, kan la in hmu leh fo dawn nia" Kut la kang a vai chungin a la ti ta deuh deuh! A zam lo ve khawp mai


" Kan veng hi chhuahsan vat mai rawh u" Vin zet in thenawmpa chuan ati a Johan an tih chuan a bul a mi chu a nghawng a kuah a kal pui pahin a hrilh ru a, pa ho chu a la melh zui kawr kawr lehnghal


"Veng nuam leh mawi tak anih hi.." Kawi an thlen dawn ah an la rawn ti zui lawng lawng



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:03 pm

⭐CHAPTER-2


"Tu fa te nge maw an nih le?" Ngei hmel takin ka pa chuan ati a, pa pakhat chuan lo chhawn vat in


"Kha a sang ber kha hman ni ah whatsApp group pakhat ah a video ka hmu tawh tlat in ka hria, an rawn forward ania tlangval a sawi sa chiam a a hnu ah an sawisak pa chu thla te an lak sak pui ani awm e, ka group awm na ami pawh an thinrim hlawm khawp mai" A ti dap dap a


"A va rapthlak ve, nu leh pa zilh tu tur a neilo ni dawn nge a zilh that theihloh zawk ni ang? kan veng mi an nilo hlauh chu a vanne thlak e" Ka pa'n a lo ti leh a


Ramtea pa chu pahnih vel in an in lam ah an luh pui a midang zawng chu zan a rei tawh deuh vangin mu turin kan let sap sap hlawm a, make deuh maiin khum a ka mut fel thleng pawhin kha lukhum khum pa kha ka mitthla ah a awm reng a a mitmeng mawlh mai khan mi rap lek lek



"Te.. Te.. " ti a ka hmai rawn khawih nawk nawk tu an awm tak ah chuan Bawihtei ani tih hria in ka thu chhuak vat a pawm kang in khum a ka leh pui hawl hawl chu a nui nasa ngei mai


Room atang in kan in zui chhuak a ka u leh an pa pawh an lo awm, an zing walk an rawn pen kawi thu an sawi a chaw ei nghal daih turin ka nu chuan a sawm a mahse ka u pasal hna kal angaih vangin rei pawh awm ta lo chuan min haw san a Bawihtei haw chu a reh leh duk tawh


Chaw ei kham ah muangmar in ka in siam a kimkimi pawh ka hman fel chiah a lo thleng ve nghal, Vanrammuana awm loh hnu atang khan ka pangngai lo em a min khawngaih bawk nen a thiam leh hriat dan ang ang hian mi hi a care ve thin a a fel ania aw, school ka kal that tawh si vangin kal dawn ah Amon tan pangpar hi compound hung na zawl ah chuan ka dah a tichuan ka kalsan ta, hetia ka tih hian ka ngaih a tha thin


"Nizan ah David nen kan in bia a an school chu engtik lai pawhin a ning a tia college chu a theih hram chuan helam ah kal a duh tih a rawn sawi a" Kal pah in a ti mawlh mawlh a


"Nia nuam a tih ka ring bik vaklo a, bak ah a chhungte pawh an ti mal reng reng em mai a a laklawh ah an han sawn a " Ka ti ve hlak hlak, chhiat kan tawh hnu lawk ah khan David chu a chhungten lehkha a zir that zual nan tiin shillong lam ah an dah daih a a mah lah chuan hreawm ati si


"Um nia, e enteh whatsApp group eng emaw ber ah i awm em? Nizan ah ka awm na group pakhat ah video an rawn forward a ka en ve chhin a a rapthlak tawp mipa in sual ania awi mizo lehnghal rapthlak tak ani" rapthlak ati ngang aniang a in thing nawk nawk mai


"Aih, group ah ka awm vak tawhlo kan chhungkaw group leh kan thian 3 group ah ani mai" Ka ti a


"Um anihchu i en ve duh em zan ah ka lo forward sak ang che, awi a rapthlak tawp mahse a khawih tu kha a chhelo reuh ania aw sual rapthlak viau lo se chu ka star chi" A ti leh hnuhnawh, kan khawvel tawp tawh zia hi


"I mawl em mai chutiang misual rapthlak te chu star chi em ni?" Tiin ka nghawk deuh sawk sawk a


"Hmm, Sir Amon fel vang mai a " Ka nui tawp hmak, kimkimi pawh chuan sawi sual in ti zet in a hmui a hup a "Arin ka tihpalh lutuk, khatia i rilru ti na thar tur a sawi ka nilo ania aw" Ka ban ah chuan a rawn vuan a a in thiamlo tak tak tih chu a mitmeng ah a hai theihloh


"A ho lutuk, ani kha chu a kawng engkim ah ka tan ngat phei chuan a tha fir lawr lak a sawichhuah loh hi a harsa ve thin a lawm. Kim, ka ngai ngawih ngawih tun ah te chuan a taksa pawh an tawih ral vek tawh anga mahse lo dam leh hi ka ring leh thut thin" Ka tih chuan Kimi a ngawi vang vang a


"Engvang in nge nat lawk pawh awm lo khan Pathian hian a lak tak mai le tiraw? nang chu i tha i tan sir Amon kha a awm reng a mahse a mah kha Pathian in a hnen a chawl turin a la ta mai si.. Sir Amon pawhin Pathian lak ah zawh na a ngah viau ka ring ani"


"Ni e min kalsan kha a duh ngai miahlo a, a kal ta mai si engkim chung a thu neitu Pathian lak ah hian keipawn zawh na ka ngah ani, mahsela engkim kan tan a tha tur vek in a ruat thin a ti anihkha, Vanrammuana nen min awm hran tir pawh hi kan tan a tha tur pawh ani mahna.. Mahse ka nâ ani ka chhungril tak tak hi a na lutuk " Ka ti tham chhal a school kal tur e tilo chuan ka hnuk a ulh leh tun tawh


"Nia Pathian a in nghah tawp mai loh chu tih theih kan neilo anih hi,mahse nang chu i fel a Pathian in kawppui tha deuh a pe leh mai ang che a pek loh che leh kan pahnih in tar kun thleng kan awm dun anga ni mai" Boruak thlak tum tak chuan ati a "Oh saw bus alo thleng ania"


Bus stand lam ah min kai phei nghal dawr dawr chungin thil a sawi mawlh mawlh a, school lam kan pan mek laiin kan hnung chiah a thu ka hmelhriat pawh ni lo chuan keimah min sawi ni ngei tur ani


"Ka hmuh tawh hnu a ang e,hman ah WhatsApp group ah ania a bialpa in a boral san tih vel in a lar a lawm an khawngaih thlak reuh tawp..u ang a a en in a pawngsual bawk an tia a vanduai thuah hnih tawp an ti"


"Ngahmah ngai suh" Ka uniform ka khup zawn vel ami chu ka hmer ngawt ngawt a chu chu kimkimi'n ka kut a rawn chelh ve thung


"Au Hminga kha ka hua" Ka ti chhuak tawl ringawt


Ni e ka hua ani, ka haw lutuk! U tak tak ang a ka en laiin ani chuan vawi tam min lo sual a ka rin na zawng zawng min tih chhiat sak bawk, la dam pawh ni se keimah hian ka thah duh hial ka ring, ka chung a a thil tih zo zai te kan chhungkua min lo bum na zawng zawng te ngaihtuah kha chuan thih na pawh kha a tan chuan a la nuam mah mah zawk ani


"Ni e, khapa kha chu a huat awm ngawih ngawih khatiang mihring kha an awm theih pawh ka ring lo rapthlak lutuk" A ti hlak hlak a


Kum 1 a liam tawh engkim theihnghilh nan khan a la tawk zo lo ani mahna, nimin ang mai in ka la chiang a a hunlai ang chiah khan ka la tuar thei bawk,a bik in ka Vanrammuana ruang kil a ka thlah lai te kha!


"Mi ho lah hi mi rilru tur dâwn lêk lo a an tawng ziah le! " kimikimi chuan hnung ami te hriat tur tawk lek si hian a ti a,ka lo khap tawh thung an duh an sawi zo vek tawh a min khawngaih thu an la sawi tal zawk a lawm le mahse


Ka Vanrammuana kha chuan "Khawngaih na chuan mihring a ti chaklo thin" a ti anihkha, a chang chuan kha a thusawi vang khan khawngaih nih ka duhlo thin, kawng tam tak ah chuan min that pui zawk bawk, ka rilru nat no lai a min khawngaih tu an awm phei chuan ka no zual a ka der dep a ka chak loh zual phah thin


Tichuan school chu thleng in class kan tan mawp mawp a, exam a hnaih tawh em vangin a tu pawh mai chu kan tang em em vek a han theu leu kual tum mang kan awm lo college kai theih na a nih vangin kan tang tlang ani mahna, keipawh doctor ka nih theih na kawng zel ani tih hria in ka phak tawk ah ka tang ve em em bawk



"Bye aw zan ah chuan lo kal zawk la" Tiin bus stand a din pah in kimkimi chu ka ti a lehkha zir dun bak ah ka kal mumal loh chhung a pawimawh ho min hrilh a min copy pui turin ka duh


"Awle ka lo kal dawn nia" Tiin min bye a tichuan kan in lam pan in ka haw san a


Ka nu rawng lo bawl pawh in thlak zawh a pui lo in lehkha ah ka bur chawt a, chutah nizan a bag kha hrechhuak in ka la chhuak a engtin mah hmel hem lo mahse ka tha a na tlat a khami te ho kha ka ngei takzet bawk, hei hi Vanrammuana Delhi kal in min lo hawn ve vang vang kha ania ka roh lutuk ringawt


T-shirt pawh kha ka uluk bik a ka thawmhnaw dang nen pawh a khai ho ka phallo ka suk pawh in kut ngawt in keimah kher in ka su thin, ka roh na chungin in bela nuam ka ti a ka suk pawhin a ro vel ah ka ha leh mai thin, bag pawh a dang nei ve teuh mahila ka ah thlak ngai lo hrim hrim, hetia ka tih hian ka awm a nuam ve em em ringawt ani


Zan ah chuan kimikimi alo kal a, lehkha zir in kan in khung chawt, ka kal mumal lo rei bawk a hna ka ngah khawp mai,rei mawi tawk kan copy hnu ah "Kim, helai hi ka hrethiam lo deuh" ti a ka bia chu ka khum ah alo thal der mai!


"Kim..? " ka tih leh chuan a a lo meng phut a ka phu nasa lutuk, a rawn tho nghal tual tual


"Nizan ah ka mengrei deuh a" A ti mai a riak tur a ma tih chuan enge maw a hriat ni zan dang ah a chal theih nen min hnial ve tlat


Sana ka en a dar 10 alo pel tawh, haw a tum si vangin a reh over hma chuan ka thlah a kan hmabak chu zan dang a tih a ni tawh mai, scooty in a lo kal a chutia kal thui angailo a tlan liam thleng ka en a ka en a lut tur chu ka piah deuh lawk ah hian mipa thuamhnaw dum vek a in thuam hi alo ding thut


Chutah a rawn hawi chhuak chu nizan ami tho kha ani tih ka hre ta ka hlauh na chuan min tham in gate chu ka vuan a tlan luh ka tum min rawn um a ka hlau lutuk chuan gate pawh ka pawt hawng lawk theilo! Nizan khan kan veng a lo kal tawh lo tur khan an hrilh si a


"Au suh" Tiin ka nu te ka au tur chu ka kâ a rawn hup chawt a ka tal nasa ngang mai, a zu rim chuan ka hnar a verh tha ngang bawk "i va ninawm sek e aw, engtinmah ka ti dawn lo che" Peih loh hmel zet hian a rawn tawng chhuak leh a


"Hriau leh khawl la in nei em? Min lo hman hawh tir teh" Ka beng bul chet ah chuan a rawn phun mur mur a


"Um" Ka tih rual chuan min thlah nghal


"Va la rawh,thil dang ti kawi a midang i pun vaih chuan ka rawn out anga i chhungte nen kan sawisak rawn ang che u" fiamthu hauhlo hian a ti khur khur a a meng dul hle bawk


"Awle.. " A ti duh tak tak dawn a ka hriat vangin sawi buai miahlo chuan in ah thawm dim takin ka lut a, khawl la bawm chu la in ka chhuak lehnghal, khawl la bawm chu min lak sak a tlan luh leh mai ka tum na in eng atan nge a hman dawn tih ka hriat chak na a rawn nasa hluai a engmah ngaihtuah hman lek lo in a kal na lam ah thawm dim deuh chuan ka va kal a


Kan thenawm te nen hian compound hung na hi pakhat kan in tawm mai loh vangin a kar ah kal theih na zau thawkhat tak a awm, chutah ka thil va hmuh vang chuan ka hmui hup in ka meng phar awk awk ringawt


Johan chauh chu ani lo nizan a a kiang a awm ve pathum te kha an lo awm ve bawk, pakhat chu lei ah a mu ti tih a a chal a tang a a khabe thleng chuan eng emaw dum ni mai hian ka hria a a awm thla a ka va hnaih ngam loh leh an awm khawm na a thim deuh bawk vangin enge ni tak ka hrelo ka hmuh dan chu a dum ani


"Mawl-a enge i zuan thlak reng reng a?" Pakhat chuan a ti a an thawm an dim miahlo lehnghal man leh an hlau vaklo aniang


"Reilote chu ka thlawh kha, ka thlawk a lawm" Na nei awm a lang ber mu lek lek chuan nui pah deuh hian a ti a


"Phone khan lo en ta che u ka thil lut thei reng reng hleinem! " Johan chuan vin lutuk in a thiante chu a bia a, tumah chuan thutak ah pawh an lak sak lo khawl la chu hriau kua ah thun a tum ni tur ani


"Saw nu saw tih tir mai rawh MamJohan" Pakhat chuan a ti leh a keimah min sawi ni a ka hriat rual chuan ka back dawt a kan in lam pan ka tum chu a ri rawk a min pawt let nghal dawr dawr


"Thil lut teh" Ti chhur chhur in ka kut ah min hmeh bel chawt a, chutia an zing a awm chu ka hmul thi te hi a ding nghal sung sung thei thaw dep dep chungin hriau kua ah chuan ka thil lut a, min en lo phei se ka la thil lut lo ang


Johan chuan hriau chu min chhuh sak leh in thu mu pa chu phone light chuan a en tir a ka rei leh!!! dum ka tih kha dum mai mai anilo thisen luang vek alo ni,a hliam a a kak bawk mahse a hliam nei tupa lah chu na nei hmel pawhin a awm lo


"Ka pu i kut lawng khan i thui dawn ami? " Thui sak tum ni awm tak a a tin chuan ka lo ti that, ka rap lutuk


"Ka thui loh in" Peihlo hmel lutuk chuan a rawn ti leh a


"A theihloh hospital ah kalpui zawk rawh u, engtin nge kut lawng in thil engkim hre lehnghal in chiu mut pawh nilo chu i thui theih ang a na dawn lutuk a sin" Ka ngaihtuah zawng ringawt pawh hian ka tim sawng sawng thei


"Damdawi a awm a lawm" Ngaih sam zet hian a ti a "In chung a tang a thlawk thla ngam chuan thui mai mai te chu na a ti lo ang..tiraw Bawiha? " Dim lo deuh hian chupa hmai ah chuan ben harh tum ni awm hrim hian a beng a


"Nâ... Lo ang" A hu phurh ve nge, keichu ka let a tha a ka hriat vangin ka che hrut a chu veleh Johan chu a rawn hawi zawk a, a meng lian in a meng rum thin sia ka hlauh a belhchhah


"Tlanchhe miah suh" A ti ringawt a tlanchhiat ka tum lo mahse helai ah hian ka awm duhlo a an zing a awm hi ka chak lo bawk, chuan hospital pawh nilo ah mi pakhat hliam thui a tum a doctor pawh nilo chuan! lo en ve kha a ngam pawh ka ngam lo hrim hrim


"Ka haw duh tawh, bawm kha chu kan gate bul ah lo dah mai rawh u" ka ti a chhan pawh min chhan hma chuan ka kal nghal, han tlan chiam te hi ka theih loh vangin hmanhmawh pawn tlan lo in chak tak tak hian ka kal a ngai bik fo


"Hey..?" ring tawk tawk in min rawn au zui a ka hawi lo a din pawh ka ding lo, a au ring bawk si nen kan thawm ah mi an rawn thawh ka hlau ani "Tumtelek..? " ti a min rawn auh rual chuan ka ding chawt a nui ri in a zawm nghal


"I hming min lo hrilh teh" A rawn ti zawm leh zat a min rawn pan hnai zel ni in ka hre bawk


"Duatbiki.. " Ka ti zo chiah awih lo ni awm tak hian a nui chhuak hawk a, a thianpa pawh chu thui a tum leh lo em maw ni le?


"Chutiang hming a awm ngai ami?" nuih in sum aw tak hian ati a Vanrammuana min koh duat na chutiang a min nuih sak chu ka lawm lo takzet


"Chu lo hming ka neilo" Ti sup in gate chu ka vuan a


"Aahh lawk in, i hming tak ka hre chak ania" A rawn tih nawn leh vang chuan thaw hawk in a lam ka hawi a, engtik lai in nge a rawn kal phei ka hrelo ka in her chuan kan in hmachhawn ran tawh


Hlauh na in min rawn tuam tan a gate chhung a tawlh luh ka tum chuan gate chu alo pawt nghal tlat a a thiante pawh chuan an thian na nei pawh ngaihsak lo in compound hung na kar atang chuan kawng ah an rawn chhuak a


"MamJohan kal ang u, Sawmkima hi na ati zual tan ania, a mah vang vek ruih pawh k rui theilo" Pakhat chuan a ti hlak hlak a


"Ok.. " A thiante chu a khap te te a "chuan i hming chu? " tiin a kekawr ip te pahnih zen chuan a rawn kun hniam deuh a mitmeng ren run hi mi melh zam mai dawn a la nui ang suk suk lehnghal a meng sen si ka rap tlat


"Duatbiki.. "


"Khanglang chuan le..! " gate chu a pet ri pawp a ka phu chiang lutuk ka thin hi a thlawk chhuak mai dawn in ka hria "i hming i sawi vang khan i thih phah dawn em ni? " a au hian min au khum ani ringawt!


"Pa...? " Ka hlau tawh lutuk chuan ka pa ka au vak a ka thawm ah in chung lam atangin Vanrammuana ui duat Ben-a bauh thawm ka hre nghal bawk


"Tlan chhe suh.." tiin ka kawr ah ka tham a ka taksa alan loh nan ka lo in veng ve bawk


"Hey nangni kha helai ah enge in tih? Ngati nge hmeichhia in tihbuai?" Veng chhung duty ho ni awm tak ani, tun ang hun hi an kal kual hun ani bawk thalai a tam zawk an la ni a ka thla a muang sawt


"Bawihte..? " Ti a ka nu rawn tlan chhuak ka hmu a ka pa'n a rawn zui chhuak bawk


"Ka fanu kha thlah nghal rawh" Thinrim takin ka pa chuan a rawn ti a Johan chu a hawi kual zuk zuk a


"Buai loh na tur ah min buai tir ani,I pa saw ka hnek ang, midang pawh" Min tih khum in min nam kat dawrh


"Khawi veng nge in nih? Tun ang zanlai ah lehnghal hmeichhia in lo tibuai bawk man in tawk thei thi hre ta che u, zu in in lehnghal a maw ni?" Duty zing a pakhat a upa lam deuh chuan ati a Johan te thian ho lah chuan an ngaihsak der lo!


"Reu-a Sawmkima va hruai rawh u" Ring zet a au in a ti a a kut a vai lauh lauh bawk


"Hemi te hi nizan ah pawh in chung a an lawn an man a lawm rawn kal tawh lo turin an ti sia" Pa pakhat lo chhuak ve zing ami in a ti a


"I tha em? " Aron pawh a lo tho, ka bul ah chuan a rawn ding a Johan chuan min rawn en zawk in ngeiawm deuh chuan a nui suk a


"Aw ka, ka tha e" Ka lo ti tham chal a


"Biak in hre lo nge luhlul in chhuah ve hrim hrim ni a? " Midang biak na an ngai pawimawh duh eih lo chu duty ten an ngai thei vaklo ni tur ani


"A engmah ve ve kha ka pu duty" Johan-a'n Reu-a a tih chuan fiamthu thawh ang hrim hian a rawn ti lawng lawng


"Reu-a duty an nih hi tlemte in zah ve deuh la" Nui chungin Johan chuan alo ti veleh, duty zing a pakhat in Reu-a chu a pan a a kawr ah a tham ta mai! Reu-a lah chuan a kut lo pawh thlak a tum an in chai ta!


"Reuben..!! " Johan chuan a en mai mai na in Reu-a an hnek thal tawp chu a tlan phei ta nghal,duty pa chu a va hnek veleh! an in phek sual hi ani tawh ringawt an thian zing a na nei ber pawh a bang bik lo


Aron leh mipa dang awm, ka pa ngei pawh thelh turin an tlan phei, mipa insual lo rapthlak zia hi! Tel ve miahlo chung pawhin ka tha a khur thei nia, pawh then an tum a Johan te thian lam chuan duty ho chu an pawt bet nasa mai Sawmkima chu an nam kay dawrh a chu chua ka pa alo nek tlu bawk


Ka kal phei a ka pa kai thawh ka tum chu an in chai buai bawk si chuan min rawn pal nawk nawk a ka nu mangang au thawm ka hria duty ho rilru fim zar ah an in thelh thei hram


"Kalsawn rawh" Johan chuan ka pa ka vuan lai chu min pawt tho zawk a kan in lam ah min nam phei dawrh "hmeichhe tel ve na chi anilo" A ti leh hram a, va tel kha ka tum hauhlo ka ngam lo bawk,ka pa vang chauh a va kal hnai ka ni


A hmai ah pem a nei a a hmui a thi bawk, Sawmkima thal reng chu pawt tho in a kuah a a thian te pahnih nen chuan kal mai an tum


"Veng chhung a in la lal satliah ho kha kan hlau lo che u, kan la ti tha leh ang" Tiin duty ho in khap daih tum mek te hma ah f*ck a la hmuh hram!


"Police hnen ah pe rawh u" Pa pakhat thinrim ni awm tak chuan alo ti lawng lawng a


"Ti buai duh suh u kan haw kawng ah police station a awm a lawm kan lut chhuak ngun a kan in hmelhriat tha tawh khawp mai, kan lo tlawh kawi dawn nia" Reu-a an tih chuan nui heu chung hian ati reuh a


"In veng mi te nen hian kan in mil riau mai, in luah tur min lo kawh hmuh ula kan rawn in suan lut duh mai thei" Johan chuan alo la ti, tuman engtinmah an ti zui lo


"Naktuk zan ah kan in hmu leh dawn nia" an la rawn ti lawng lawng a duty ho chuan an ngei hle ni tur ani pan an tum leh ur ur,an ni thian ho lah chuan ngahmah ngailo ni awm takin an lo nuih mai mai thung


Johan ber chuan min rawn kawk a a bul ami chu a hrilh ru leh tawh,chutah huat theih tawk leke hian min rawn en a "Tumtelek, i hriau leh khawl la kha Sawmkima'n a dawlh daih" nui suk in ala rawn ti

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:03 pm

⭐CHAPTER-3


"MamJohan hriau te chu i paih daih kha.. " Sawmkima chuan a chal na tih hmel tak a dawm chungin ati a


"Mawl-a ka dawlh tir lai che pawh i hre tawp nang" nui chungin a tukhum ah chuan a beng ri khep a midang an lo nui huk


"Kan pe let thei tawhlo che anihchu" tiin mi rawn nuih a,a bul chiah ami chu phone a en tir a dar zat a hrilh rual chuan a tum hmuk a an thianho chuan an kal liam ta vang vang


"Tu ber nge a biak a? " Ka pa chuan ati a "hriau leh khawl la dawlh thu a awm lo" A ti leh hlak hlak, ka in sawi ngam silo ka sawi chuan an bul ah ka awm ve reng tih te an hriat tel angai leh anga


"I lut ang u" An tih sap sap vangin chhang ta lo chuan kan chhung in Aron nen kan in zui lut a, ka pa te in chhung an lut tawh Aron chuan ka ban ah vuan in min kai hrang a


"Hriau leh khawl la chu nangma pek em ni? " Chik deuh a min en chungin a ti a, ka lo bu nghat "Ngati nge? " A tih leh tak ah chuan ka thaw hak a


"Min dil a, diktak chuan Kimi ka thlah na lam ah kan in tawk palh a chutia hawh luih tir pawh ka nilo" Ka ti zawm nghal zat


"A that chu,mahse fimkhur tur aw khatiang mi kha chu tanpui vak an ngailo ania..le va mu tawh rawh" tiin duat takin ka sam ah chuan min chul sak a, in thiamlo ru deuh chungin ka luh san a ka mu ve ta hmak



"Tu tih tlak nge maw ni le? Ka va han ui tak e aw ka pot duh ber ber a nia sin mawle" Ka tho pawn a ka va zi mar chu thenawm nu lo ang hlak hlak thawm ka hria a


"A nih kha, pakhat mai a tla nange? " Hmeichhe aw hian a ti zui a


"Aw pahnih lai a tla anih hi, nizan kan riak chhuak vek bawk sia tu min han tih tlak sak nge pawh ka hrelo, tukin kan haw in ti hian alo awm nuaih mai a in chung a ka hun lehnghal"


Thenawm nu awm na lam chu ka va pan a, compound hung na vuan in ka va dak phei a a pot lo keh darh nuaih leh lei tha darh nuaih ho chu a lo phiat fai mawlh mawlh a


"Ka haw tak tak, tu tih nge mawni pakhat chauh te hi chu nise ka la hrethiam" A ti hlak hlak reng a


"Nia a uihawm anihkha, bak ah compound pawn lam ah daih a tla lehnghal a theh tlak ani mai lo maw? " Nu pakhat zawk chuan alo ti a, chutia a sawi tak ah chuan Johan te thian ho ka hrechhuak zawk


Nizan a an lo awm na kha helai bawr hi ania, mahse nizan khan chutiang pot tla keh awm reng reng ka hmu lo" Kha eng bawm nge kha lai hnuai deuh a kha? " Nu pakhat in a tih chuan kal ka tum zuk tawh chu ka va dak leh, kan khawl la bawm chu lo let bal in a bul deuh a khawl la leh hriau khawl la in thil sa alo awm


Nizan a Johan-a'n hriau leh khawl la Sawmkima'n a dawlh daih a tih kha a thim deuh sia an hmu lawm lo zawk anih dawn hi, engtin nge ka lak tak ang tih ka ngaihtuah laiin thenawm nu chuan a chhar a an in lam a lakluh turin a ti ta daih mai!


Tih ngaih na dang awm tawh hek lo, rei a rial deuh hun a dil leh turin ka rilru ka siam ta ringawt! In ah ka let a chaw ei kham ah school kal tur a in siam in Kimkimi min lo sawm nen kan chhuak a


Kar thar a exam tur kan nih tawh avangin tun kar chu in buatsaih nan kan hmang tluan dawn ani ber tawh,kei phei chu ka tang zual a tun atangin doctor nih ka tum ruh tawh bawk nen ka zir nasa khawp mai



Tichuan kar a lo liam a exam kan tan ta! Theihtawp ka chhuah a, ka meng rim bawk nen hnar te a thi ta for mai, Vanrammuana thlan pawh exam kan nih vang leh bung thar ka kai theih na hun tha ber anih avangin ni hnih dan ah chauh ka tlawh thei a ka in thiamlo hle bawk


"Vawiin chu ka chhang tha lo e, Rin ka pass lo ang tih ka hlau" Kimkimi chuan a ti a a rilru a hah hmel tak tak hle bawk


"I pass ang, nang te chu ka kal mumal loh pawn I kal tha reng a fail tur an awm chuan keimah ka ni nghal tawp mai" Ka lo tih sak a


Taxi lak hma pawisa save nan ke in peih chen chen kal kan rawt a school atang pawhin kan kal thui viau tawh, kawng chhuk deuh kan kal lai chuan hnunglam atang hian mi an rawn tlan thla khup khup a chupawh thawm a rin em vang ani


"A naahhh!! " Mi in min rawn tlan pelh fua rualin Kimkimi a rak that a a thu tung nghal bawk


"Kim.. " Tiin ka thu ve nghal a ban bul leh a dar bawr a vuan a


"Min rawn nek sawk a lawm a na lutuk, hey..!? " a ti nghal tuarh, chutah beisei loh deuhin Johan te thian ho ka hmuh hlawl a Sawmkima an tih kha a chal hi alo la tuam var bawk, kar hmasa lam a a tih kak kha aniang


"Enge? Hmeichhia te te si i va pawr reuh ve? " Reu-a chuan pawr fe hian a rawn ti zawk, Johan chu ko pang lung rem ngheng in lo thle vel mai mai a,khaw en lai lehzel pawhin an rui a!


"Min su a lawm in hma ah kan kal a" A tawng chuh a zam ta deuh in ka hria


"Nge in lo sut a a tliak anga sin" Johan chuan fiamthu ngeiawm tak si hian alo ti a, Kimkimi hi a cher chi eng ang a tam thil pawh ei se thau ve thei miahlo an tih ang kha ania a damloh a a cher tel phei chuan hmawlh te hi a ni ringawt


"Rin, hepa hi ka sawi.. Sual deuh kha" Kimkimi chuan Johan en reng si in hmui pawh phun mang lo chuan zawk lutuk in min hrilh a


"Enga! Eng sual deuh? " Ka lo ti deuh hû chu min sik a ka ner vak, Johan chu en turin min signal a, ka en duh teuhlo a mitmeng lian kel kawl leh kawlh hmel zet hi ka rap


"Hey hmela pawisa kha min pe tawh rawh" Reu-a leh Sawmkima te chu an au vak a ka'n hawi nak chuan kawngpui lehlam footpath a kal mek tlangval pahnih an hmel en reng reng pawh a ruih theih thil ngaina tih hriat zet hi an lo awm a


"Kan la neilo" tih leh tlanchhiat mai an tum chu Reu-a te pahnih in motor tlan lai pawh hre chang lek lo in an um zui a motor tlan in an su ang tih lam an ngaihtuah lo an tlan tlang hmiah!


Taxi driver te leh motor neitu rawn tlan laklawh ding thut ho chuan an vin nghal hrep a an ni lah in an ngaihsak der lo, chumi te chu thui pawh um lo in an han nang ching a an kawr ah man in an rawn kal thlak pui dawt dawt, khawlai e lai lo e engmah zah an neilo ni ber in ka hria


"Pawisa chu? " An rawn thleng thla chiah Johan chuan buh deuh hian alo ti a


"Kan la neilo" an tih rual chuan an thian zing a hming ka la hriat veloh awm chhun chuan Johan chu a hrilh ru a


"Ruih na tur chu in nei tho ani lawm ni?" tiin pakhat zawk lu ah chuan a nam thle bawih a engtin mah an ti ngam lo kawng kal leh tlan ho lah chuan an pel mai mai bawk si


"Mi min pek mai mai a lawm" An man beh te chuan an ti a, man beh ti ila an kawr ah an vuan bet ani mah zawk, engtin ti buai deuh pawh an nag vaklo a hei vang aniang tuman an ngaihven loh


"Min pe dawn em? Nge ni i pa pawisa i ruk chhuah kha i pa hnen ah ka sawi dawn zawk? I duh thlang rawh" Johan bawk chuan atih sak a


"Kim kal daih ang thil tha lo a thlen hma in" Ka ti a Kimkimi chuan a hlau viau emaw ka tia alo en tui ngang mai, ka sawi vak a min la hnial zui


"Chu lo pawh, a nuhrawn pawisa dil nan a a thlem dan vel kha,zei riau a lawm maw?...Bawiha in la hria tiraw? " Johan bawk chuan ati leh a thiante chu an nui vak vak a,mi tih thinrim nuam ti a ang khawp mai a tawngkam hman duh dan a tang chuan "Apa'n hre ta se.. " a ti leh chiah


"Zawnga!! kha thil kha sawichhuak ziah suh" Pakhat chu a thinrim ve ta nge Johan chu a hnek ta mai! Ka thin a phu zawk a Kimi chu kalsawn turin ka pawt vak a ani pawhin a hlau aniang min nam kal rawk rawk a chutah a hmanhmawh vang nge a form pheikhawk atangin a ke hnunglam a la ti chhuak zui a a siam tha leh hnuhnawh


Tlan pawh kan la tlan sawn hman meuh lo, pahnih chauh ni ta bik chu an khawih rawn ta chiam mai! Insual hnaih a awm chu thin hi a phu tha thei mang lo reng reng ka thawk an ti nuam lo takngial dawn


Mi te chuan an rawn thelh a pakhat chuan an bawr khawm chu a rawn la khawih hram a an rawn pai nawk nawk ah chuan min nek per lo chauh, Kimkimi tlu tur ka vawn na lam ah ka ka thingthi hnawk a Kimi ka la nem per nawlh mai


"A tawk,Reuben duhtawk nghal rawh u" Vin lut a Johan au thawt ah chuan alo thelh tu te nen lam an rehte ta thiap, motor a tlan leh tan mek, Johan chu rawn kal phei in min pawt tho lawp a ka uniform pawnfen leh ka mawza bal pawh a ka hriat loh chu a beng fai ta mawlh mawlh mai! a â ta em maw ni?


"Na em..? " Pangngai deuh hian a ti a, chutia a awm daih chu mak ka tih em vang leh ka ban bul ah min vawm beh tlat bawk vang chuan ka ding khawng luah a min tih vel dan chu ka lo en liam tawp


"Hey, ka biak che i hrelo ami? " A rawn hawi chho a a mitmeng lian leh rum zet chuan thip zet hian min melh a


"Aaa, aih na lo" Ka ti bah nawk ringawt, min thlah in a kawr chu a siam tha ve mawlh mawlh a, a thiante ho chu an la in hnial tho kawngpui motor tlan tibuai tawk vel a an awm vangin a tlan tlang mai thei lo motor lian deuh ho chuan horn an rawn hmet tuarh tuarh a


"A tawk kal tawh ang u, zanin a jail a riah ka peih lo ania " A lukhum a siam tha nghal a, tinge maw khaw vawt pawh ni em em silo hian lukhum a khum tlat mai ni? A lû a kawlh nge ni anga in tih pa nan a ti zawk?


"Kal vat ang ka zak em mai" Kimkimi chuan ati a kan kalsawn nghal, make ka tih deuh chu zu rim nam hlawm em em chung khan rui nawi takin an awm miahlo, an rim atang khan an in tam zia a hriat theih vek ang chu


"Pawisa min pek loh te chuan zanin ruih na tur pawh kan nei nang MamJohan..! " ti a an la in be lawng lawng chu motor tlan thawm kar ah ka la hre ve tawk tawk a kimkimi thusawi lam ka ngaihsak der lo


Ka hawi leh hram a footpath lam ah an lo awm tawh keini pawh kha a tir a kan kal na lam a fuh lo hrim hrim ani, Johan chuan a thian a hming ka la hriat sak ve loh awm chhun thinrim ang buan buan lai chu kawng dawm a nui suk suk chungin a en a, an tihbuai te kha chu an kalsawn ta anih hmel hmuh tur an awm tawhlo


"Sum ka nei tawh lo ania keichu min kep ang cheu in ngaih a sam bawk a" A ti leh hlak hlak ah chuan Johan chuan a nghawng ah a kut phah in a vuan thut a a ti phu ngang aniang che lawih mai


"Enge i hming kha(h)? " ti a zawh pahin a kun hniam deuh a


"Benjamin-a " Pakhat chuan awlsam te in alo chhang a, an thian ho hming chu ka hre kim ta chiah,Johan, Sawmkima,Reuben leh Benjamin


"Um tikhan a fiah kuar a lawm maw? nang hi chu i hming atang reng pawh hian sum neilo tur chi i ni ve hrim hrim alawm maw Benjamin Sum neilo-a kha i nia" Benjamin-a hnen ah chuan a ti a thinrim chu sawiloh an nui vak vak a


" Tawnmang ram ah chhingmit meng chungin kan leng, I thuruk êng ber pawn min hnar thei chiang em mai" tih ring tawk hian nui chungin an sa a an kal liam ta, an hla sak lah kha Benjamin sum hla sak ani lehnghal a mawi na zawng zawng an sa khaw lo vek!


"An hlauhawm zia kha! Lukhum khum kha a lawm mi sawi sa tu whatsApp group atang a ka en ka tih chu..an sawi sak pa te chu thi nuaih chung khan a selfie pui vel an tia rapthlak tawp Arin, awi a ben fai lai che te khan ka lo tim nasa mai" A ti a


Engmah ka sawi ve lo, khatih lai khan hlauh na ka neilo a tum dang a ka hmuh ve dan leh min buaipui tak dan in perh san lutuk vang khan engmah ka ngaihtuah dim dem hman lo ani ber,thui kal din lo in kan in then a in ka thleng chu ka chau hnawk thei, ka in ei puar a ka in bual fai vek hnu ah lehkha zir in ka bur lehnghal chat


"Thlan ah i kal dawn lo ami? " Ka nu in ka lehkha chhiar lai min rawn ti a, ka lo tawp hmak,nia kal chu ka ngai tawh ni 2 ka kal tawhlo a chupawh ka tan luat ahah "mahse hei khua a dur riau mai a" A ti zawm leh zat a


"A sur hma ka va kal zuai ange, Aron hi alo la haw lo ami? " Ka ti a a but nghal nghat


"Haw lo aniang..haw se chu a rawn pen kawi leh hmasak ka ring ala rawn lang lo em mai" Ati a bu nghat in ka in siam zui a, a thlan tlawh dawn hi chuan a lawm nan hian a kawr leh bag min hawn kha ka in bel ngei ngei a tun ah pawh chutiang tho chuan ka in bel leh tawh


"Ben-a hawh i pu thlan ah kal ila" In chung te step a ben-a laklawh deuh a lo bawk chu ka han au a ka aw a hriat rualin a tho a a rawn tlan thla nghal, Aron a awm lo a mahni chauh a kal ai chuan min veng thei tur pakhat tal hruai chu a tha


"Nu hmeltha ben-a ka len pui dawn nia aw" Tiin nu hmelthai veranda a lo chhuak chiah chu ka han au a a lo busy nghat nghat, tichuan ben-a nen Vanrammuana tlawh turin kan chhuak a


Ben-a hi ui hruai kual buaithlak tak ani lo a thumbs a a win thin hrim hrim nen kaih pawh ka kai hran lo a chain ka lak sak a ka hma ah a kal ve mai, thlan kal kawng pawh a hre ve viau tawh a a kal hmasa chu a pawi lem lo


Tichuan thlan chu kan thleng a ben-a hnen ah "hei i pu thlan ania" Ka tih chuan hrethiam tak hian mei khup in meng dul raih chung a thlan si chet chuan a bawk a ka khawngaih hnuhnawh


"Hey.. Min lo ngai leh tawh em? Tunlai chu kan exam a ka lo tlawh khat deuh che a tihpalh aw..bung thar ka kai ve theih na hun tha ani sia ka tang lutuk a, ih maw ka pass chuan college te ka kal ve tawh dawn a sin" tum loh deuhin ka hnuk a arawn ulh a ka tawng zawm thei lawk lo


Thlan lung chauh mah nise ka tan chuan ka Vanrammuana ka biak theih leh khawih theih chhun ani tawh miau sia, tah khum loh ka tum pawhin ka thei thin lo ben-a bawk lai chu ka chul a a ni pawh a zia a zawi hle tawh


"Ka pass hlauh chuan min rawn lawmpui ve ngei ngei ang che aw, Ka ngai lutuk che Vanrammuan, tun ah te hian hriatthiam loh ka ngah a sin lehkha min zirpui a min hrilhfiah tur te hian la awm la ka ti lutuk! "


"Ka in zir chhuah hun chuan maw doctor ka ni anga nangmah ang a natna nei te pawh enkawl dam var thei tur a doctor tha nih ka tum ang, chuan maw kan pahnih ang a in kawp tam tak hi thih na vang a kan in then hran na ang kha tawrh tir ve lo gram turin an damchhuah nan theihtawp ka chhuah sak thin dawn ani.. A tha tiraw? "


Vanrammuana ka biak theih na awmchhun thlan lung hnen ah chuan ka hmachhawp te chu ka hrilh ve mawlh mawlh a, ka Vanrammuana chuan alo hriat phak vek ka ring ani, ben-a a tho thut a a tlan tak vangin leh khua a tlai deuh tawh thodi vangin haw tur chuan ka in buatsaih a


"Ka lo tlawh leh vat ang che aw, ka hmangaih che" tiin thlan kalsan chuan ka chho a, thlanmual pawn ah ben-a chu ka hmu ta mai lo! Ka au a a bauh thawm pawh ka hrelo a lo va tlan tlang ni chuan ka ring silo tum dang a kan hruai pawhin a tlan hmasa ah a tang thin in thlanmual tawn tirh ah alo awm thin kha ania


"Ben-a" Ka tih leh vak rual chuan thlanmual lam ah tawng thawm ka hria a ka hlau chu tlanchhiat ka tum tut tut, mahse ben-a ka ngaihtuah sir vangin ka pan a thawm awm na thlanmual sir lam ka pan zel a ka thil va hmuh vang chuan ka meng nghal kawk


Johan te thian ho bawk lo awm in ben-a chu an lo man bet alo ni,Sawmkima khan a tak ah lo pawm bet in Benjamina an tih chuan a hmui ah a bauh theihloh nan alo vawn phui sak tlat! Ben-a chu a chik nghawr nghawr a rang lutuk in ka pen thla nghal hlawk hlawk Vanrammuana ui duat anih vang hrim hrim pawhin ka thinrim takzet


"Kan hralh dawn nge kan talh dawn? " Lawm hmel fe hian Sawmkima chuan ati a


"Pathian malsawm na diktak anih hi pawisa neihloh lai tak lehnghal in hralh ang u" Reuben chuan phur zet hian ati a


"Ui sa ei a khat alawm talh ila" Benjamina'n a ti ve thung

IMG_20211019.jpg
IMG_20211019.jpg (35.54 KiB) Viewed 6132 times


"Kan ui kha engtin mah ti miah suh u" Tiin ka zu thleng thla a an vai chuan ngawi rengin min en thap "thlah rawh, thlah rawh u" Sawmkima leh Benjamina te chu ka nam a ben-a chu ka pawm nghal


"Ngati nge kan pawisa hmuh na tur min lo chhuh sak ngawt a? " Johan chuan thlan lung thut chungin a ti a


"In zak lo, kan ui anih hi" Tiin ka ding zui a, kan awm na vel kan en chiang chu syringe leh eng bawm bawm emaw ni a let rem rum mai! ka hlau ta hnuhnawh a chutia ngawi reng a min en thap chuan ka thau ah min man deuh tlat tawh


"Addict..! " Ka ti chhuak sap a, keimah ah hian hlauh na a awm tam tawlh tawlh tawh, addict ho pawisak neih loh xia leh ruih nan chuan engpawh an tih duh mai zia te chu kei pawn ka hria chuvang tak chuan ka him in ka hrelo a ka hlau tan rêng ani


An meng a dul a, an vai mai chuan an hnar an tuai an tuai bak ah an khuh leh kharh kharh thin a chuti Chung pawhin min en kar reng tho.. An che thut anga min kharch rawn mai ang tih ka hlauh vang chuan ka back hret a ka tlan chuan ka thawhah a chhuak dawn chiang si ka tlan loh chuan min khawih mai ka hlau bawk


"Ben-a lo han tlan rawh" Hmui paw chet mang lo khawp a zawi chuan ka ti a ben-a chu a lian reuh bawk nen pawm reng chi pawh va ni suh, lei a ka nghah fel rual chuan ka thusawi hrethiam in a tlan chho a duhthlan tur dang ka neilo ka tlan ve angai


"Khawi ah nge kal i tum a? " Ka che hrut hrut chu an hrethiam nge Benjamina chuan min ti a, min rawn din hnaih sauh!


"Henu hi kan hmu thei riau, kan zing ah hian duh a nei anilo maw? Chuvang chuan min zui ru anga kan in tawh theih dan ah nichin lawk ah pawh kan tawk tawh" Sawmkima chuan at hmel zet a thle bawk bawk chung hian ati a, a nihloh nasat em vangin ka kâ hau ringawt


Tih ah te chuan an ni daih zawk hi a lawm min zui ru ang zawk chu, mahni veng pawh nilo ah an rawn tak reng a thlanmual ah nen, kei te chu kan veng ania hetah chhan nei in ka kal bawk a an ni va hmuh beisei na pawh ka neilo hrim hrim


"A ho em mai.. Lerh rual lek an la nia lawm tiraw Tumtelek? " Nui suk chung a Johan min lo ti chu chhan pawh ka chhang lo, engvang a Tumtelek min ti ngawt nge anih, a thing ropui si


Zawi muang in ka che a, an hnar tuai leh khuh lai tak hlawm chu remchang ah la in ka tlan ta vak! Chho tlan anih vangin thui lo mahse ka hah hman hle ringawt ben-a lo bawk bul ah chuan ka han ding a ka thaw vak vak a ka thawk zawng a nâ tel deuh ka neih vangin inhaler ka phawrh vat a ka hip nghal mawlh mawlh


"Ben kal ang" la nuam lo hle mahse Johan te thian ho an lo kal leh hman ka hlauh vangin nuam lo tak chung chuan ka kal lui a, kawng thui pawh ka la kal lo ka nawm loh zual tak zel ah chuan Aron ka call ta tawp a min rawn lam tur a a rawn chhuah nghal thu a sawi vangin ka kal lui ngam tawhlo chu a rem lai ah ka thu a


"Hey,nâ i nei ami? " Ka awmdan ah a lang viau nge ni mipa pakhat kei ai a u hret mai thei, chutiang rual chuan kun deuh a min rawn en chung hian ati a


"Aw, aw tha...a ni mai" Zawi te chuan ka ti a , mahse a in tur ken lai chu ka lam ah rawn keng hnai in


"I that vakloh hmel em mai kha in rawh" a ti a, lak pawh ka tum chuanglo chutia ka lak a that a rawn chhuah deuh tawp chu ka lo ham haih deuh ani "in thlahrung suh" ti leh in ka kut a la kang a ben-a lah chuan a lo bauh hmanhmawh


In tur chu min dawm tir in a kalsawn nghal daih a fel ka tih rualin ka zak ang reng, khawlai a vak vai ei tur neilo emaw te min ti ang tih ka hlau, min pe ta sa sa tiin ka in a ka in zo vel chiah Aron a rawn thlen tak vangin ben-a pawm chuan ka chuang a kan in lam pan in kan tlan lehnghal


Kal kawng ah ka thil tawn te ka thawhah a chhuah lek lek thu ka sawi te chuan tum dang ang lo takin Aron chu a ngawi tlat a, min chhan chu sawiloh ka thusawi hria ang pawhin a awm lo engmah chu 'um e' ang zawng pawn min chhawn sak lo hrim hrim


"Min lo nghak lawk teh" Kan thlen vel ah in pan a ka kal hmasa chu a rawn ti sup a ka ding a a in hun that vel chu ka lo nghak ve mai


"Ka tello chuan thlanmual ah kal tawh suh aw" dam si lawm lo aw lang tel tho si chuan a ti a " Kal ka phal tawhlo lam anilo ania, nangmah ka ngaihtuah vang zawk che anih chu ben-a hruai te chu a dang daih ania mihring hi tunlai ah chuan a hlauhawm ber ber kan ni tawh,khang thian ho i sawi te kha an hlauhawm viau thei a sin" a ti luam a


"Ka hria a lawm, mahse kan exam a ka tlawh khat lutuk a chuvang ania, Nangpawh ilo haw har a lawm chuvang a lawm ben-a hruai a ka kal" Tlem in ka aw ki ma san ve deih vang chuan a ai nasa in a hmel a tûm a


"Ka ngaihtuah lutuk thin vang che anih hi.." Tiin a thaw zui hawk a


"Ka tihpalh, a lehpek ah chuan i tello in ka kal tawh miahlo ang" fiam ti tih deuh hian ka ti a, a kawng ah chuan ka dek pah bawk dek a haw ngang ani a er zawk mai


Tum loh deuhin nui hawk a a rak ani mah zawk, chu chu remchang ah la in min hauh loh nan ka tlan luh san nghal daih,lehkha zir leh nan chaw ei nen laklawh ka tih deuh vangin chawlh pah ti chuan couch ah ka mu zal mai mai a


Ka pa a rawn haw a ka u te chhung a rawn tlawh kawi vang a rawn haw thleng har deuh anih thu te a sawi luam a, nimin atangin bawihtei a hritlang dam lo atia exam lo ila chuan riak in ka va awmpui tur ania kan exam bawk sia kan ang zawng pawn ka la kan ve lo



Ni a liam zung zung a kar khat dâwn a vei leh meuh chuan exam kan zo fel tawh, hahdam thlak tak ani mahse, ka pass angem tih ah ka rilru a la buai thei ka chhang tha thawkhat chuan ka hre ve a


"Tukin chu a thenawm nu a va ang lo ve? " Couch ah in ti hman zet a ka thut mut laiin ka pa chuan a rawn ti a ka nui chhuak phut, tunlai chu thenawm nu hi tuk tin deuh thaw a phun thin a chupawh a pot emaw a pangpar an lo khawih sak thin vang ani


Keichuan rinhlelh ka nei a mahse ka sawi lang ngai lem lo, chu chu tu dang nilo in Johan te ani zan tin deuh thaw kan veng a kan thenawm te in bul bawr ah an awm ziah a, buaina ka tawh loh zawk nan ka sawichhuak ngailo mai mai thin, a chang phei chuan tu emaw ber hi thenawm te in chung ah engtin tin emaw a lawn a a han thu veng veng lai ka hmu thin


"Pot keh awm lo aniang" Ka lo tih sak a kan pafa chuan kan nui hawk hawk


Ka nu rawngbawl a tlai khaw hnu in ka va pui veleh a chaw te kan ei kham fel hnu chuan exam chawlh ani bawk a ka mut leh der der hnu ah ka nu pangpar khawih ka pui ve leh a,in chung te veranda atang a ben-a awm chu rawn tlan thla in kan pangpar khawih na bul ah chuan bauh in avir kual vel a, ka nu chuan a nuih pui mai a kei erawh mak deuhin ka lung a leng thut


Vanrammuana khan a chhaih reng reng in hetiang hian a vir kual tir chiam thin a a tawp ah ben-a hi a let leh tap thin anihkha " I pu i ngai thar ami a? " tiin bena chu ka bia a


"Muana kha chu a ngaihawm ani, a fel si a nungchang lah sawisel tur mang a awm lo, nang lah theih pa tawp in a ngaihsak in a hmangaih che a, a kal hma ta lutuk hi a pawi ani" dul raih hian ka nu chuan alo ti ve a tah chhuak sa tawh nen ka mittui hi dir in a dir tluk tluk ani ber tawh


"Ka va lut lawk" Tiin ka tlan lut a bathroom ah ka in kalh khum nghal, ka in sum thei tawh lo chu ka tap hlawp hlawp a ka âwm zawn na lutuk chu dawm in ka thaw hrawk hrawk bawk,Vanrammuana ngai hian engtia rei nge ka la tah fo ang le?


"Lo kir rawh, nangmah ngai a tah reng hi ka duhlo..! " ka ti chhuak hrawk ringawt!



"Kim..? "


"Aw I hman ami ka lo thleng tep, ka lo tlan mek" tiin phur aw tak hian Kimkimi chuan a rawn ti a


"Ka kal leh lo mai dawn mawni, vawiin ka tap nileng a ka nguai vek tawh eng tih mah ka phur tawhlo Kim.. " Ka tia scooty a ti ding nge a ri deuh rawp


"I phakar lutuk kal ve tur a i in tiam tawh vang ania keipawh in apa te phal mang lo chung chung ka rawn chhuah talh" A ti hlak hlak a ka kal loh chu hlau tak ani


Zan in hian kan thian hnai ti ila David awm loh a kan mipa kawm ve ber Tetea'n a piancham lawm na ah min sawm ve tlat a, thiantha over David ang chu nilo mahse kan tan chuan thian ani, Kimkimi nen tak phei chuan unau ang deuh hian an awm tawh ani ber chungte anih vang chuan a birthday kal tum pawh kan nia


"Awle anihchuan ka lo in siam ve ang, mahse haw vat ang aw" Ka ti a, keichu a tir in ka sawi lawk deuh tawh a dil hran pa em em ka ngai tawhlo


Tichuan alo thlen hma in ka lo insiam ve a, a ngaite bawk in Vanrammuana bag leh kawr min hawn bawk chu ka in bel leh tawh, Kimkimi rawn thleng pawhin khawi ilo chhuah na apiang a angai leh ngai ringawt ka in bel chu a ner sâwng a mahse ka inbel fo chhan a chiang a min sel sak chuanglo


Tichuan chanmari lam ah Tetea birthday lawm tur chuan kan kal a, kan thlen chuan mi an lo tam em em miahlo, in lian pui hi ani a a chhung phei chu zau tak ani, puitling an awm vaklo a kan zirpui te pawh an awm ve nual mai a in thlahrun awm dawn bik lo e


Tichuan birthday lawm na hun chu kan hmang zawm mawlh mawlh a,cake te zai in hla te an play a then an lam a then in phone ah nilo game an khel bawk kan kawm thin na chungin Tetea chu a fel ka ti zual khawp mai a khat tawkin mi a rawn bia in min rawn ngaihven reng a, awm a ti nuam lehzual


"Kim.. Kan haw mai dawn ami?" dar 10 a rik tawh vangin Kimkimi chu ka nghawk zauh a a ni pawhin min hnial lem lo, Tetea chu pawisa ka pe a chupawh a present tur ka lo siam theihnghilh vang ani,Kan haw tur te chu veranda thleng min thlah a


"Min nam ve ngam a law?" pawr lutuk a tawng (au ani mah zawk ang) kan hriat vangin kan hawi dual a Tetea te in thlen hma chiah a in lian pui mai kawt ah chuan Johan leh a thiante ho an lo ding khawm a Johan chu in chhung a luh loh nan an dang bet ni ber in ka hria, kawr pawh a ha lo lehnghal


"Kal chhuak vat mai rawh Hruaizel" ti a thinrim aw khur deuh ngawt ngawt kan hriat zui leh vangin tlem in ka thle deuh a, pa pakhat ka pa ai a upa daih tur vel hi kawngka ah chuan alo ding a


"Ka account kha hrêng tawhlo la ka kal nghal ang, ka sum chungchang ah hian lo buai ve vak suh.. I pawisa ka lak sak leh hma che in ka account chu ti fel ang che, anihloh chuan in chhung bungrua hi a mal te te in ka la hralh zel ang" A ti piap piap a


"U Johan-a leh a pa te an nih saw, an in hau nasa thei ania " Tetea chuan thlek hâ hâ chungin alo ti ve bawk a


"Pa fa maw? " Kimkimi chuan alo ti vat a Tetea pawh a bu nghat


"Aw, mahse a pa sawn nupui dang a nei a fa a rawn chhawm bawk a u Johan-a hian a haw lutuk a, hua ti ila a nuhrawn pi Zo-i fa chu a duat lutuk a mah pawh chuan a ngaina an tia, in awihlo zawk ang pi Zo-i leh a pa ngeih miah lo chung si sawn pi Zo-i fa saw chu a duat ania aw zan ah te hian room ah a awm pui a guitar perh in a zai sak thin a lawm,bak ah a pi Zo-i fa chu tlem a rualban lo deuh hi ania chuvang a duat pawh ani mai thei "


"A van mak ve, a sual hmel hmel nen hmanni ah pawh kawngpui ah mi an insual pui a" Kimkimi chuan Tetea thusawi chu awihloh hmel tak hian ati a


"Nia sual chu a sual an ti tu man a fel tih an sawi awm ka la hre ngailo mahse, pi Zo-i saw chuan ka nu nen a an ti ti na ah pawh a fak ve luam zel, zan ah pawh rui deuh ten awm mahse dar 9 dar 10 bawr chuan a haw ngei ngei a, pi Zo-i fa Puia chu room ah tawm pui in a zai pui ziah atia a mutthilh hnu ah tumah be lo in a chhuak leh daih zel a ti "


"A va che mak sak ve, a ruk a fel an tih ang hi aniang a" Kimkimi bawk chuan ati a, an chungchang kan sawi tui luat ah an in hau thawm pawhin beng a verh meuh tawhlo kan va hawi leh chuan alo reh diak a Johan te ho pawh an awm tawhlo


Kimi nen chuan kan tlan chhuak a zan boruak thiang hnuai a tlan kan nih vangin hahdam zet a thu chuan Kimkimi hnung ah ka bei hle hle a, thui pawh kan la tlan lo, a reh lai kan thleng a kan tlan zel hnu lawk ah Kimi chu a rak that a a ri nghal bur mai!


Kan accident tih ka hria ka na chhuak vek! Ka thil hmuh te chu a fiah lo ruai a ka vun hi khawi khawi emaw lai a thip vâwt vâwt bawk


"Arin, i tha em? " Kimkimi tap aw tau chu zawi te hian ka hre thei a ka lu hi a puak keh mai dawn in ka hria! Kimkimi chu a na ve vak lo ni in ka hria "Tanpui tu tur kan zawng a nge aw" A ti a engkim chu a reh nghal duk


"Khalh fimkhur ta che henu hi a thi palh ange aw" Ring deuh a in vin thawm ka hriat a ka rilru a harh fim leh meuh chuan tu emaw hian min pua a, a kal chak hlawp hlawp khawp mai lehnghal


"Ih kawng ah khan rul a lo tleng tlang thut a chuvang ania" Kimkimi aw ka hria


"MamJohan engtin nge damdawi kha? Kan kal vat loh chuan lei tur kan nei lo leh reng dawn ania" Ti lawng lawng thawm ka hre leh a


"Ka hnek dawn cheu mawn le,damdawi sawi hun ani rihlo..Tumtelek-i te veng in YMA no an dawm lo chauh anih hi.. Ka ke ana ania min rawn zui ru kan in puak chhawk ang" ti a vin hlawk hlawk chung in min paw tha pah a


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:03 pm

⭐CHAPTER-4


"A van ho tak e aw.. " Ti lang lang thawm ah chuan min paw tu chu ding thut in min in hero pui lawp a


"Reuben, Sawmkim, Benjamin enge ka sawi in hria em?" Thupe aw leh khauh zet chuan a ti chang fak a


"Aw kan lo kal" Tih aw in a zui a, min paw tu chu thaw hawk in min paw tha leh a a kal zui leh mai "A meng ami?" a ti a


"Aih meng lo, ngati nge? " Kimkimi aw bawk ani, a kal hmanmawh ve hle anih ka ring a aw a tang chuan


"A tal deuh.. " A ti a ka tal awm pawh ka hrelo, nilo ka na lutuk a ka tal em tih pawh ka hrelo zawk ani "Tumtelek tal tal suh puak that zel i ngai ania" a ti a keimah min bia chuan ka hria mahse ka tal awm pawh ka hre silo


"Ka scooty kha.. " Kimi bawk chuan ati leh a


"Sawmkima lo veng turin ka tih kha" min paw tu bawk chuan ati leh a


Johan-a'n min pua hi awih a har rum rum mai,ni reilote chauh ka la hre ve chung khan a fel ti a sawi lai tur a awm miahlo a ka hmuh tirh phat atangin buaina a la nei ziah,zui ruih ching leh damdawi ti thin ani a ka hmuh ve chhun ah chuan buaina an la siam ngei ngei bawk mahse hei tun ah chuan min tanpui si anih hi mak tih loh rual anilo


Mumal tak a thil ka hriat theih loh vangin a ni deuh muai muai a,Johan leh a thianten min in puak chhawk thin tih chu ka hre change chang zel..a tawp ah thawm ri mur muri ka hriat rual chuan min paw leh tawh Tu Johan hnung atangin lak thlak ka ni a min dim lo lutuk chu ka na lutuk tah te ka chak a mahse ka tap thei der lo


"Rawn buaipui ve ta che u!! " ti a thinrim rawl ring zet ka hriat chu Johan aw ni in ka hria, ka lu chu a rawn na zual vak a ka thawk a sak tan bawk a a na chu a zual tawlh tawlh a,a thim nghal mup a engkim chu a reh duk hi ani mai



"Arini chu aw.. A van lo harh har tawh ve" tih aw ka hria a ka meng mai thei lo ka rilru ngaihtuah na chu a harh tan tawh hle tih erawh ka hre thei an tawng ka hriat fiah nghal dan ah hian chuan tun a tawng kha Aron ani tih ka hre bawk


"Nu.. " Aron awm mahse ka nu ka au tho an awm ve ka ring nghal tawp ani mai


"Eih bawihte Ilo harh ani maw? Ka van lawm em!" Ka nu chuan ka kut a dawm a, chutia min dawm na ka feel thei te chu ka lawm hliah hliah


"Ka la meng thei lo" Ka ti a


"I chal ah hliam i nei deuh a men a ti nuam vaklo ang a la tur deuh anihkha" Ka pa aw ka hre zui bawk


"Kimkimi ka ti leh a.. "


"Ka tha Arin.. " Kimkimi aw bawk ani, ka rilru ah Johan te thian ho an lang thut a tawng leh ka tum lai takin


"Tunge hospital ah hian kalpui cheu a? " Ka pa bawk ani, kimkimi a zawt aniang


"Ih englo tlangval ania, ih.. Ih a mah chuan tunge a nih sawi a duhlo a min tanpui bawk sia a duh ang chu ka lo pawm sak a " ban charh hian kimkimi chuan ati a


"A va mak ve chutia mi te tanpui si, an hriat pawh han duh si loh chu! Lawmthu sawi te pawh kan ba asin mawle" Ka pa bawk chuan ati a, ka pa chauh nilo keipawn mak ka ti ve tho thil tha ti si Johan chuan engvang a in thup duh zawk nge maw a nih le?


"Nia keipawh ka hre thiam lo" Kimkimi chuan ati a, engvak chu an sawi zui tawhlo, Kimkimi an haw tir a


Reilote ah ka lu kam na tur et et pawh chu a zia ve zel a,men pawh ka meng thei ta,zan lai anih dawn tawh vangin ka nu leh Aron an min awmpui a ka pa erawh Aron an haw tur a atih vangin a tuk hna kal ngai bawk nen hnial ta lo chuan ngaih ngam takin a haw a, Aron hi chuan Vanrammuana awm loh hnu pawhin hospital min luh chhuah pui in min riah pui fo a an ring lutuk


Chutia hospital ka awm leh ta chu ka hmangaih bawk ka hrechhuak a,thil tam tak kan tawrh chhuah hnu a hlim na ni kan hmuh tan dawn lai kha.. Kha hun hospital a kan awm dun hun lai kha loh theihloh in ka hrechhuak a ka ngai zual takzet ani.. Tun ah te hian la dam se chuan min khawngaih in min ngaihtuah ngawt ang


"Arin.. Damdawi" Aron an min auh tak ah chuan thil ka lo ngaihtuah muk lutuk tih ka hrechhuak chiah, damdawi chu la in ka ei a ka mu puan min sin that tir hnu chuan ka nu nen an ti ti mai mai a keichu ka lu lam a nawm viau loh vangin reilote ah ka muhil nghal mai, ka chal an tuam a ka awm thiam vaklo lehnghal



Ni 3 ngawt hospital ah kan awm a, ka lu lampang tih loh chu na han sawi em em tur ka nei tawh lo ka la rawl deuh a tih ani mai, exam zo kan ni tawh hlauh a nilo se engtin tak awm ang i maw? Aron leh ka nu leh pa ten min awmpui chhawk reng thin a kimkimi pawh a in thiamloh em vangin a rawn lang ziah


"Duatbik..? " Ka mumang nge a tak tih pawh ka hriat loh aw ka hria! ka Vanrammuana min koh dan tih ka chiang lutuk, ka tho zawk a ka hawi kual thin a reh duk a tumah hmuh tur an awm lo Vanrammuana pawh


"Ilo kal ami? " tiin ka tho chhuak,.Aron pawh a rawn harh nghal


"Arin enge? " Hlauhthawn na nei ang deuh chuan ati a mahse ka chhang lo


"Khawi ah nge i awm? Min ko tiraw? " tiin ka mut na khum hnuai te chu ka bih a mahse engmah a awm lo, ka tah a rawn chhuak ta, Aron ka ti mangang tih ka hria mahse aw kha ka hrechiang em a alo kir tawh in ka hre tlat si a min kalsan leh mai loh nan sawifiah ai in zawn hmuh ka ngai hmasa a ni


"Vanrammuan, Vanrammuan khawi ah nge i awm? Ka zawng nasa lutuk che ania lo chhuak rawh" ka ti a, ka au na lam ah khua pawh la var chian hma ka nu mutui lai pawh ka ti harh zawk tawh


"Arin.. A awm lo van ah a awm ka tia,a awm reng tawh dawn ka tih kha" Aron chuan Vanrammuana zawng a kil tin ka en chu min lo pawt ding a, a thusawi ngaithla turin min duh hle a mahse ka theilo aw kha ka hria a,a tak ni in ka mumang mai mai anilo tih chu ka sawi chiang ngam lo mahse, ka hria ani chuan khatiang khan Vanrammuana chauhin min ko thin


"Mahse min ko a lawm, a mah ani Aron zawng ve ta che" Tiin ka vin pawng pawng a ka nu chuan in bengdai turin min lo hrilh ve bawk


"A awm tawh lo, zawng tawh suh Arin i rilru a na that mai mai ang.. " A ti a


"Min vuan tawh suh, i u ka zawng anih hi!! " Aron chu ka tih khum a chutah ka nu chuan


"Lalrinzual khatiang khan chhang let suh, a ngaihtuah che vang anikha aw.. Muana a awm tawh lo" Change fak hian ati a ma zawi nghal hnawk


Buaina, ka Vanrammuana ka chan na vang a ka buaina mi a ang mai a ka awm thin na khur ah ngei ka lut leh tawh! Ka tap vak vak a Aron chuan min hnem nan min kuah a ka mumang a tak ang a hria ah min puh a Vanrammuana hmuh tur a awm siloh vangin keipawn chuan ka rin lek lek a mahse Vanrammuana min koh duat thin na ngei kha a tak ang maiin ka hre tlat si!


Doctor bia in ka nu a chhuak a,chuta chin chu ka tawng leh tawh lo ka harh chhan aw kha ka ngaihtuah na ah hian a cham reng a thil dang reng reng ka ngaihtuah theilo, ka nu rawn let in doctor chuan min rawn check leh anga chumi a zir chuan haw a theih dawn thu a sawi a, ka chak haw daih chu ka duh hospital hian ka hun kal tawh ami kha min ti ngai ani



Reilote ah doctor alo kal a min rawn check a keiman na tih ka la nei em tih min zawt bawk a, na tih dang ka neih miau loh vangin chhuak tur chuan kan in buatsaih thei ta, chutah birthday lawm zan a ka bag ah Vanrammuana min lein sak ngei mai kha a hrui in bah dun na lai thir tetakte alo peh daih anihchu! Ka la lawk a ka in thiamloh em vang chuan ka ngawi reng ringawt


"In kan thlen veleh kan siam dawn nia a tiang kha chu siam a har hleinem" Aron chuan ati a ngawi rengin ka bu nghat, in ah kan thleng a ka pa chu office a kal tawh a ei tur erawh kan haw dawn kan hrilh vangin min lo siam kep diam thung,nu hmeltha-i'n min rawn ngaihven nghal bawk


Chhun ah ka mu nileng a ka taksa rawl te pawh a zia ve sawt sawt mai, tlem tlem a bel kang ka nei nual a ka lu ti ila ka chal ani mah zawk a na ber ani ta in ka hria, hliam lian tham tak ka nei lo hi mak ka ti zawk kan tlu na lutuk lo zawk nge mawni a rang teh thut lutuk a engtin tak nge kan tluk a kan in sawh pawh ka hre lo


"Arin..i tha maw a zia lo em mai, damdawiin ah lah ka rawn kan ta silo che a " Nu hmeltha-i'n ati a, room atang a kan in sawn chhuak chiah ani Aron nen an lo luh..Aron chu thuhran a mah ka hmuh hian chik tak a en chuan Vanrammuana khan anu hmel a lo chhun zia hi ka hre chiang zual thin Aron nen phir mah nise anu nen hian in an bik na an nei


"A tha lutuk a lawm, a chal saw ani mai" Ka nu chuan alo ti a,keipawh nui suk in kan TV awm na zawn couch a Aron thu bul chiah ah ka va thu ve a, ka bag chu a siam mawlh mawlh a ka mit chhing in tukin a ka thil hriat kha ka ngaihtuah let ngial thin mahse a rei a mumang ang in ka hre tlat tawh!


Zan ah chuan kimkimi alo leng leh a accident kan tawh zan a Johan te a va pun dan vel te chu min hrilh nghek,a in thiam thei ngang lo ani a khat tawk hian hreawm atih thu a sawi reng a a chang leh a chhungten ka nay zawk vang a an hauh leh thin thu te a sawi bawk, ngeiawm ta ber chu kha rul kawng kan zawng tak a lo tleng kha ani


"Naktuk ah lo leng leh la chhun ah hian a lunglen thlak zual" A haw tur thlah pahin ka ti a


"Um nia ka lo kal ang" A ti ve mai a, a hman leh kher ange maw a chhungte hian a tha chhawr hi an chak ve thei sia, exam chawlh alo ni ve bawk nen


Kimkimi kal liam lai chu ka thlir zui vang vang a ka let tur in gate ka khar that pahle chuan thenawm te nen a kan in pin dan na bul deuh lawk ah chuan tu emaw kal lut hi ka hmu zuai a, tunge anih phei chu ka hrelo mahse Johan ka rilru ah a rawn lang deuh thut


Tawh sual kan tawh zan khan min tanpui anihkha,eng ang mi pawh ni se lawmthu hrilh ka ba ani hospital thleng rak khan a thiante nen min paw bawk a,lawmthu sawi a pek theih neihlo mahila a thu ng zawng tal pawhin ngawih tawp ai chuan a tha zawk


"Nu dawr ah ka kal lawk dawn" tiin ka let leh mai theih loh takin ka ti a, tichuan Johan te an awm rin na lian tak nei in ka kal a mahse tumah ka hmu lo, a thim deuh vangin ka kal thui ngam lo a ka kal na chin ah tumah hmuh tur an awm bawk silo ka chhuak a kawng bul ah chuan ka ding reng ringawt


"Ni dang ah a ni mai" Thaw hak chung a tiin ka in her a chutah tu emaw hian min pawt thut a ka kal na ngai ah bawk chuan ka back rawk rawk ani ber ka tal vak a min pawt tu erawh chuan min thlah mai lo ka kâ a rawn hup chu mangan nen ka tang n bawk si ka thaw a hah ti tih nghal der!


Ka kâ a hup chung a theihtawp a thawk lak ka tum chu ka ti mangang leh si nge ka hrelo min thlah ta mai, chu veleh ka tlan a, ka hmanmawh in ka hlau ngang ani mit khap kar lek in min pawh luh na atang chuan ka tlan chhuak nghal


"Min..min pui rawh.. " Mi k su chawrh a ka ti na em tih lam ka ngaihtuah lo, ka thaw a hah nsa tawh kan in pan tur pawhin ka hai chhawlh tawh a pen tlem te chauh ah gate awm mah nise au pawh ka au thei tawhlo


"E.. e, eeee.. " Ka va pawh thut chu mak an ti nge an lo E dual a chutah ka mi tawh te chu Johan te thian ho an ni tih ka hre ta!


"MamJohan a rui ani lo maw? " Min lo vuan tu ber Johan bul ah chuan an ti a


"Rui lo ang,a thaw a hah anih hi.. " A ti mai ka thawk dan a nasa tawh em a a hrethiam nghal mai aniang, an ni thian ho pawh mak takin an rui viau in ka hrelo zu rim erawh an nam em em tho


"Hey enge thleng a? " Johan chuan ati a ka tawng tha thei tawhlo ka thi dawn hian ka hre tawh zawk, min lo pawt tupa awm na lam ka kawk a Johan chuan a hrethiam nge


"Tunge awm va en chhin teh u" A ti a thiante ho pawh an tlan lut nghal " Enteh hey,en lawk teh..min en rawh" Vin zet hian a ti a thawk nawm theih dan tur ka zawn rulruk lai a chutia min vin chu lung a chhe dawn dawn mai


"Min en ta che mawle... " Ti leh hrep chungin ka biang tawn tawn ah chuan a vuan a mah en turin min kuai her sawk "ka tih ang hian ti rawh.. " Dam dap a tiin muang chang chuan a mah chu boruak hip in a thaw chhuak leh a kei a thawhah tawh nen chuan tih ve mai a harsa si


"A tir chuan harsa a lawm, mahse ti rawh.. Ka hmui en la ka thawk dan chik rawh" A ti a a hmui chu ka en ve mai bawk mahse a harsa ani a harsa!


"Thih mai i duh loh chuan ka tih ang hian ti rawh.. I chhungte ka koh sak dawn miahlo che ania " A ti zui zat, na leh harsat na neih lai chuan a kiang a awm chu a nuam zawk zawk lo khawp mai in thlamuan lam chu a lang hlawl lo mahse


Ti tur a min tih ang chuan reilote ah ka thei a keinah a ka tum ngai miahloh kha ka thei ta tlat anihchu! Ka thawk a pangngai zel nidang a inhaler tello a ka that chhuah theihloh na ah ka tha dawn tan! Ka chhungte min koh sak tum lo bawk nen ka sual chhuak mai dawn! Mak lutuk in thil ka hrechhuak a chu chu eng dang anilo ka Vanrammuana thusawi ngei


'Khawngaih na chuan mihring a ti chaklo thin' tih mawlh chu ani,a thusawi dik zia ka hre thar leh ta! Johan hian min khawngaih in tun ang hian min tih tir lo in ka chhungte min auh sak zawk ta sela chuan , inhaler tello pawh a ka hneh theih zia hi ka hrechhuak ngai hauhlo ang!


"Tumah kan hmu lo.. " A thiante chuan an rawn ti a Johan chuan a chhang lo,ka thawk a pangngai chiah chu ka chau hnawk thei! Min thlah rualin compound hung na cement bang ka ngheng a mit ka chhing vang vang


"Kal ang u.. Puia mut leh mut loh check a hun tlat" Ti a Johan tawng thawm ah chuan ka meng a min lo kalsan mek tawh


"Johan.. " Ka ti a an vaiin an rawn hawi thung, lo va kal rawh u a ti nge a thian te chu reilote ah an kal zui leh mai a ani chuan min la rawn en char char ka ding chhuak te te a


"Ka..ih accident kan tawh zan a min puih vang khan ka lawm e" Ka ti bah deuh nak nak a, a beanie lukhum siamthat zeuh pah chuan ka lawmthu hrilh na ngaih nep hmel takin a thle a anui nghal suk


"Lawmthu in hrilh hi ngatan mah ka tilo" A ti hmiah ta hmiah mai! ka beisei loh dan tak a min chhan vang chuan ka ngawi tawp tawh " I chhungte pawh in tunge ka nih an hriat loh vangin lawmthu min hrilh an duh mai thei, mahse ka duhlo a ka ngaithla peih lo..chung ai chuan ruih tur min pe se ka duh zawk " A ti leh hmiah!


A kal lehnghal dawn emaw ka ti a mahse ka lam ah a rawn kal hlauh thung, min puak lai khan a ke nat thu a sawi tawh tih ka hrechhuak a chupawh a rawn kal phei saw a ke a na tih hriat tak a bai deuh vang ani, engtin nge sawtiang chung khan hospital thleng in min paw tu ah a tan ve theih zel le?


"Ni e lawmthu hrilh che an duh a lawm a chhan chu min tanpui a" Ka tih chuan a nui suk a ka bul a rawn thleng der!


"Ka hmel hmu se la, addict buaina siam hrat ka nih an hriatchhuah rualin an rilru a danglam nghal vek ang.. " a thaw hawk a, a kekawr ip te zen chungin a mitmeng lian zet rum tak si chuan rawn kun hniam deuhin min en run a, a zu rim chu ka hnar in alo dawng sawng nasa ngang mai


"Zawh na pakhat.. Helai a ka lo kal fo chhan hi i hria em?" nui suk chungin min ti a, a zawh na chu chhan ngaih na ka hre der lo!

IMG_8766897.jpg
IMG_8766897.jpg (31.45 KiB) Viewed 5374 times


"A.. Aih hrelo" Ka ti a, mak deuh maiin ka zam em em ringawt a ka kawr tlang ka tham vak


"Um.. A that chu i hriat loh chuan.. " A ti a kal a tum leh mai, a chet dan mak sak tak avanga chuan pen khat in ka hma hret a


"Enge..? " Ka ti leh ringawt,an veng chu chanmari kha ani dawn a chhan pawh Tetea te in bul chiah ah an in a awm miau ani, chuan helai daih daih a zan tin an lo kal chhan chu hriat a chakawm tho eng thil tha nge an rawn kal ziah chhan ni ang, mi pangngai tan chuan ke lehnghal in kal a peihawm viau lo


"Damdawi.. " A ti sap a nui chungin a kal ta nal nal a la bai deuh bawk sia ka khawngaih ang reng, damdawi vang a helai thleng thleng lo kal a a in sawi lah chu a! Kei ni ila ka peih tawp lo ang mahse an tan chuan an hlim na pakhat a ni ngei awm sia


In ah chuan lut in engmah thleng lo ang maiin ka awm a,ka nu erawh in min lo chik deuh tih ka hria bak ah kan dawr kal thin na a hla tho na in khatiang chen chen kha chu ka thang ngailo a min lo chik pawh chu a awm tho,room ah lut in ka mu zui hmak



"Vawiin chu ni a rei leh dawn mange aw" Tiin ka zing tho zi mar chu ka hawi kual vel a, ben-a in chung atang a lo chhuk thla in kan han in fiam leh rih


Chuti lai chuan kan thenawm te thenawm veleh chhawng ami tlangval fel teh chiam lo a an sawi ve khan kan gate bul lawk atangin min lo en reng a ka phu tep ani, keipawh chuan ka en reng a ben-a phei chuan a bauh a bauh mai


"Mamawh i nei ami? " Ka tih tak ah chuan a hawi kual zuk zuk a


"Nizan a pawt lut tu che kha ka nia" Inthiamlo hmel deuh hian a ti a, ka lo hre lawk lo a ka hawi a hman lek lek "sawtah khan.. " A ti a nizan a hnunglam atang a min pawt tu kha ani tih ka hrechhuak ta chiah!


"Nangmah maw? ngati nge? " Ka ti vin lek lek, a hawi kual zek zek a mi in an hmuh hlau hi a ang ber


"Ka tihpalh anihkha, ka hai che a" A ti a, dawt a sawi in ka hrelo a sawi liam puat na in nizan khan min thi mat tum a ang lo reng ani ka tal buai pawn min thlah mai anihkha


"Awle.. " Ka ti ringawt a ani pawh a kalsawn lehnghal, inchung step lam ah thawm a awm a ka hawi chhoh chuan Aron an min lo en reng


"I van tho hma ve a" A hmel muk deuh thlak danglam in nui sâng chuan a rawn chhuk thla pah a


"Nia ti ila hma vak tawhlo" Tiin ka lo nuih tlawn a "ni a sa reuh e lo kal rawh lo leng la" ka ti a ka pawt tur chu a mah zawk in min pawt thut a a âwm ah chuan ka va bei nghal thlawrh


"Arin.." Zawi sap hian a ti a, tupawn unau ang maiin min en mahse khaw en lai lehnghal a chutia in kuah chu ka duh vaklo


"Aron tinge a, min thlah teh" Ti a ka tal tur chu min kuch nghet sauh in rilru hah hmel tak hian a thaw hrawih a


"Amon kal ta kha ila pawm famkim theilo ami? " A ti sap a ka che tawhlo, a zawh na min zawh chu a chhan ka hrethiam lo tep "ka khawngaih thin che Amon i zawng leh thin te hi.. " a ti a keichu ka ngawi reng


"Ehem..nannu pahnih chu zing zing ah in va lo che romantic ve.. " Chu aw kan hriat rual chuan kan awm hrang nghal dawrh a beisei loh lutuk a Zorina hmel ka hmu chu ka che thei lawk lo


"Zorin..? " Ka ti chhuak sap a alo bu nghal nghat, ani pawh a chhungten atan a tha tur an duh sak vangin a thianpa Vanrammuana kan thlah hnu thla 2 vel lek ah hmun dang ah a awm a, tun ah kum a vei leh meuh chuan ka hmu leh ta hlawl mai


"Ilo tha maw?" tiin gate ah chuan a rawn lut a ka lo phur ve surh ringawt, a kut khat chuan min rawn kuah zauh a Aron pawh a chibai bawk


"Um tha e.. " Tiin ka lo chhawn vat a


"Aron chuan a duat awm hle mai che ka beisei phak bak in k hmu tha che" A ti a ka lo lawm ve em em ringawt, diktak chuan khang hunlai khan ka lu sun na nen ka chhe hneh lutuk a hmuh te kha ka hreawm thin em ani


"A fel tawh lutuk, mahse thlan ah hian a la cry thin a" Fiamthu deuh in Aron chuan alo ti ve a ka net nghal sak, tah lai tak chuan engmah ngaihtuah theilo mahila a hnu a sawi leh hi a zahthlak ve deuh


"Cry chu a la hun lutuk a lawm a la rei hleinem, e chuan hei thil ka lo hawn vang vang che ania" A ti a kur lehlam a bawm a ken chu min pe a enge tih ka hriat chak tawh em vangin ka hawng nghal rawk rawk


Kawr a awm a a nalh reuh lutuk a rawng pawh mawi ka tih chi, mahse a bul ah chuan zungbun hi a lawng deuh tlawng in a awm a mak ka ti a Zorina hnen atang a zungbun dawn daih chu ka hrilh hai lam deuh ani


"E kha kha, ka thiana khan i tan a a siam tir ania damdawi in atang a i chhuah hun ah hual nan che pek che a tum a mahse min hmuh tlai ah khan khati chung chung khan a na ta sia a pe hman ta lo che a kei in ka kawl a boruak ni nuaih leh nangmah lah i tha lo bawk nen i rilru tina zual tur a pek che kha ka ngam rihlo a"


"Mizoram ka chhuahsan dawn khan pek che ka tum a ka lo mang nghilh leh daih a lawm mawle.. Ka theihnghilh ta tho tiin ka chhungte ka day that tir a i zia awm hun a pek ah che ka tia.. " A ti a


Zungbun chu ka en a ka tah a chhuak thar ta em em ringawt, ka tuai kual a ka zut a Vanrammuana taksa khawih ang mai hian ka in ngai a zungbun takngial pawh min pe lo a liam ta mai kha na ka ti thar leh ngawih ngawih tawh


Zing pawh sawilo in Zorina nen Aron nen thlanmual lam ah kan in zui leh ta hnak hnak a, zungbun chu ka kut ah ka rawlh a phelh leh ka tum tawhlo hrim hrim, Vanrammuana min lek tum anih vang nge mawi hi ka ti hliah hliah


"Thiana.. I ngaihawm hle mai! Kum dang ah te chuan hmaichhan ah kan in hmu in kan inbe thin kha ania kan in biak dan hi a va dang ta ve mawle..! " thlan chu vuan in a in dawm kun ngawih ngawih a


Keipawh ka tah a chhuak thar tak em avangin Aron âwm a bei chung chuan ka in sut hlawp hlawp a "Arini hi i ngaihtuah ve ngawt ang tiraw? A la nau zia te kha i sawi in i ngaihtuah em em thin kha ania, i hmangaih tehreng nen in in then hrang hma lutuk hi a pawi em mai!! "


"Mahse thiana rawn ngaihtuah suh aw.. I nau a awm a keipawh ka awm.. Nang chu tluk dawn lo mahila tha takin kan lo enkawl ang" A ti a, keichu Aron âwm ah bei in ka la in hnit hlawp hlawp reng


Tichuan rei mawi tawk kan awm hnu in kan haw a, zing atang a tah vang men bui chu a nuam lem lo khawp mai, chaw te kan ei fel hnu ah khum ah ka zal mai mai a Kimkimi'n min rawn text a ka rin lawk ang deuhin a rawn leng hman leh ta chuanglo




Zan lam ah chuan lehkha zir ngai rihlo ani bawk nen veranda ah thu in ka hawi kual vel mai mai a, Aron pawh U Tluangpuii te in ah a leng dawn aniang in chei deuh hian alo chhuak a, ka lo chhaih lai hmanhmawh


A kal liam deuh chiah in ah lut in room ah ka mu a,rei pawh ka mu hman lo "Bawihte hei Zorina alo kal a lo chhuak teh" Ka nu rawn au lawng lawng ah chuan ka chhuak vat a Zorina a lo leng hlawl mai


"Ilo kal maw? " Ka ti a a bu nghat


"Bialnu len pui tur ka nei silo a lenpui ah ka rawn sawm che a " fiamthu ti tak deuh hian a ti a ka nu leh pa te ka melh nghal zak zak


"Nu.. " Ka ti dek dek a


"I pa thu thu ani mai" a lo ti nghal vat a ka pa TV en lai ka va melh leh chuan hawi pawh rawn hawi chuanglo in a bu nghat nghat a


"Kal ula mahse lo haw tlai lo ula" a ti a chutia an phal pawh chu Zorina ka en leh te te a ka lenpui ringawt chuan in ngaizawng emaw te min ti ang a? Ka ti ren rawn a mahse ka in siam ta tho


Tichuan kan in zui chhuak a Aron tal lo tel ve se ka ti ang reng, ani lah chu u Tluangpuii te in ah a awm daih tawh awm sia "ngaih loh lam ah ngai suh aw len haru pui mai mai che ka tum ania, ka awm loh chhung a I lo awm dan te min hrilh la.. Ka in thiamlo khawp mai ka kal chhuak hma si a " a ti nghal zung zung


"Ka nâ ani tawp mai Zorin, kha tih lai kha chuan nâ zawng zawng hi ka nei vek tawp! " Ka ti a, ani reng bawk ka Vanrammuana ka chan kha chuan nâ zawng zawng hi ka nei kim vek tih theih hial ani


"Awle.. Ka hrethiam sawi zui lo zawk ang aw" A ti a keipawn ka pawm khawp mai


Hmun thleng thaw deuh ah te min kalpui a, ei tur min lei bawk a ei tur tam lutuk min lei lai chuan Vanrammuana la hrechhuak zawk! Zan a min chhuah pui khan ei tur min lei teuh anihkha.. Engkim mai hian a mah min hriat chhuah tir zel si a engtik ah nge maw hre chhuak for lo hian pangngai takin ka awm theih ang le?


"Ehe!! an va bengchheng ve?" bike a kan tlan mek laiin Zorina chuan a ti a reilote ah a ding a ka hawi chhuah ve chuan Johan te thian ho bawk ka hmu a tun ah hian an in kawt bul lawk ah kan ding reng alo ni


"Tha takin awm la i account pawh ka hreng reng lo ang..rui reng lo la harh fim te hian awm ve rawh chhawr theih in awm la fel takin pawisa i mamawh zat zat ka pe ang che ka ti a nangma sual vang vek anih hi ruih na tur takngial pawh nei theilo a ka siam che..lak tlak loh lutuk mai" Tetea'n Johan-a pa atih chu a tawng lawng lawng a


"Lak tlak loh a? Ka chhun che anih hi.. " Johan chuan pawr zet hian ati a, a pa chu va khawih a tum tut tut emaw ni Sawmkima te ho chuan an dang nasa mai!


"Mam.. Kal zawk ang u " Reuben chuan a ti a Johan lah chu kal mai a tum hmel loh


"Hruai bo vat teh u in U kha... " Johan-a pa bawk ani, mahni fapa eng ang a sual pawh ni se in chhung lum ah te zilh hau tur ania sawtiang te chuan Johan chauh nilo in a mah pawh a mualpho tel a lawm mawle


"Tlan tlang ang aw" Zorina chuan ati a ka chhang lem lo Johan mawlh chuan ka mit a la ani.. A hmai a duk nual a band aid a bel nasa ngang bawk a hmui te chu thisen chhuah na hnu tih hriat tak hian a sen duk deuh churh, zan thil mah nise pawn lam light vangin a lan dan chu a hmuh chian theih viau


"Kal ang u.. " Reuben bawk chuan ati a, Johan pawh a pa in a luh san tak vangin au bengchheng tawhlo chuan a ngawi a mahse a awmdan a thianten an khawih pawh a alo ben thlak sak hmuk hmuk dan ah a la lungawi chiahlo chu ani


"Zorin ding lawk.. " Kan tlan dawn chiah Johan te in chhung atang a tlangval pakhat lo tlan chhuak ka hmuh chuan Zorina chu ka din tir leh, enge hmuh ka in beisei pawh ka hrelo


"Mama.. Mama" A ti a Johan te thian ho kal tum chu Johan ban ah a va pawt, Puia Johan-a nuhrawn fa tetea'n a atih kha ani angem aw? naupang ni tur ah ka ngai a mahse tetea sawi dan nen chuan a in mil viau thung si a hawi her leh a che zia a tawng fiah vaklo ah te chuan a ang vek si a, diktak chuan Johan ai pawh in a upat hmel zawk


"Zanin chu ka zai sak theilo ang che, nangmah in mutthilh tum mai rawh aw.. A nihloh pawh in tih dan ka hrilh vek tawh che kha zai i play thiam a i mutchhuah hun ah i play anga i mu dawn nia" A rualpui mi chutiang a naupang chei bawl vel chu a nuihzat thlak lam ah a a kal tep zawk


Mahse a pa a biak dan nen a danglam lutuk a, tun lawk a apa be tu Johan kha anilo emaw tih theih mai a ani a aw ka chhuak a dam dap a..an pahnih chu hmuh an nuam dun ngei mai, Tetea khan a sawi dik chiah ani a pa a haw viau a a nuhrawn fa erawh a duat hle thung ani


"Zanin chu ka rawn haw lo ang a mut dawn ah zai play sak ang che" A nuhrawn ni awm tak a lo chhuah rualin nelawm loh zet hian alo ti nghal hmiah hmiah


"Naktuk zan ah ngei ngei in ka lo haw ang aw.." tiin a hma a mumal lo tak a tawng leh a kal phallo ang mai a vuan tu chu a hrilh a, chu nu chuan puia chu hruai luh mai a tum alo rak a atang nasa mai! "Johan-a thu i awihloh chuan Johan-a a thinrim dawn ania" dam dap hian a ti nawn leh a chupa chuan a thlah ta hmak mai


An kalsawn tur chu a rawn hawi phei zawk a, zorina hnung ah ka biru e ka tia awmzia a awm vaklo min hmu hman tho chuan ka ring, an kal a a ke a la baih tho mai a la na aniang,zorina pawh chu a tlan ve ta nghal a engmah Johan re chungchang a min zawt lo chu ka lawm ru takzet


Tichuan in thleng min thlah a rawn lut kawi tawhlo in a haw tlang nghal a, keipawh ka mu nghal daih a mahse dar 11 bawr ah ka harh leh, ka harh a tho tiin zun zung in ka tho chhuak a ka mu leh tur chiah chu thawm ka hria a a ri deuh pawp pawp mai!


Tukverh ka keu a engmah ka hmu lo,thawm lah chu a la ri ang dup dup a! Ka ngaih tha lo chu ka nu te room ah luh mai ka tum a mahse va chian duh na ka neih len zawk vangin kawngka hawng chuan gate thleng ka va kal a engmah chu ka hmu lo thawm pawh ka hre tawhlo


"Min zawng em ni? " ti a min be tu an awm tak ah chuan ka thle deuh a kan compound hung na bang ngheng a Johan te thian ho lo thu tlar thap ka hmu a, a mah tih loh chuan phone pakhat an in bih tawm a a khi leh vur vur thin


"Hey..Spray I nei em?" Luh tum a ka in her lai chuan a rawn ti leh, neih chu kan nei mahse ka hawh tir phal angem?


"Aaa min tanpui tu anih hi" Ka ti leh hnuhnawh lawmthu sawi na ah te pawh a ngaih theih mahna.. " Lo nghal rawh ka lo la ang" ka ti a ka va tlan lut a thawm dim takin spray ka la a ka chhuak lehnghal "hmm.. " tih pahin spray chu ka lek phei a


"Ka ban phak loh hi.. Min hlau ami? " Vin zet hian a rawn ti chhuak hrawk a thaw hawk in gate chu dim te in ma hawng a bul ah chuan va kal in ka pe a, a thiante chuan ka awm ve tih pawh an ngaihsak lem lo, an hnaih tak a ka awm chu zu rim a nam leh hak tawh


A kekawr tlang a hlim chho mawlh mawlh a, a ke rek bawr chu a duk chur mai! nâ a tih kha anih ngei dawn hi..uluk deuh a ka en duh vangin a bul ah chuan ma thu hniam ve a Spray chuan a kap a a zo nghal daih nge ni "chhe lutuk! " tiin kawngpui ah chuan a paih phei lawp


"Ngati nge i paih a? " Ka ti vin lek lek


"A zo tawh miau a lawm" Ngaih sam zet hian a ti a a ke duk lai chu a dawm a


"I ke chu engtin nge I tih nat a? " Ka ti a


"Ka room atangin kawng ah ka zuang thla mawle." Min chhan dan chu a in ti thei emaw tih tur hial ani, an in kha a chhawng aniah ke ti na lo chi anihloh tawp chu


Chutah an bul a ka awm lai tak chuan a thiante phone en chuan an volume an up chiah chu ka phu nasa lutuk! Enge n en zawh a ngai tawh lo reng reng puitling film (s*x video) lek chu ni in rapthlak hian a! An la ti ring em em zui hmeichhe nuam ti thawm lah chu an nuih pui kurh kurh lehnghal


"Ngaihthlak nuam i ti vak nange? " Johan lah chuan pawisak neihloh hmel zet hian nui suk chungin a la ti zui "Hey kha ai khan a la tih rin theih em? Tumteleki te veng hian hre ve vek sela a tha ang" A la ti ham ham!


"Theihloh..MamJohan naktuk chu zu man a i phone kan hralh kha va khul chhuak leh ila,tunlai chu tiang video hian min hneh riau i phone kha a tha chi ani bawk a sound pawh duhthusam aniang chu" phur hmel lutuk in Sawmkima chuan ati a


"In duh te chuan.. " Johan chuan a lo tih awlsam sak et thung! En a tha lo tih lam chu hnai lo tak ani!


"Yo.. Yooo, eee a mipa hian a tlin dawn lo a ang riau mai" Thil pangngai en ang mai hian an la sawi zui ham ham! An ti ring si keimah zawk hi ka lo zak! A lai a thu in phone a keng a an mit leh phone a in si lo chauh ani eng em em nge maw hmuh an tum bik le hur hlawm si!


"La kal suh.. " Awm ve reng a tha lo tih hria in luh daih ka tum chu ka ban rek ah a man chawt a, a mitmeng lian kel kawl tak chuan min en run a


"Tunge i inhual pui? " tiin a kut lehlam chuan Vanrammuana zungbun min pek hman tak loh ka bun chu a rawn khawih nghal chat


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:03 pm

⭐CHAPTER-5


"Tumah.. " tiin ka kut chu ka pawt pit nghal vat a nui suk in bang chu a lu in a ti si a


"Thlarau hnen atang a I dawn tihna ami? " a tih chuan ka ngaihtuah na a hruai kawi tep ani


"Aw ni mai e.. " tiin ka tho chhuak a gate ah ka lut fel chiah in chung te in atangin ben-a bauh thawm ka hria a, eng thil pawi mahila tilon chuan ka than lut a ka mu nghal vat


Ka zungbun chu ka kut atang a la chhuak in uluk deuh chuan ka en a,thut thil ah tiin thla ka lak sak te te a bun leh ta mai lo chuan ka dawhkan ah ka dah a,rei pawh ka mu hman lo ang tih in in hau a in vin pung pung thawm ka hre leh a, an au ni mah zawk hian ka hria Johan te thianho an nih ka rin vangin ka chhuak lo a mahse an thawm ka ngaithla reng tho


"Tu te nge maw ni le? " Lehlam room atang a ka pa chhuak thawm ka hria a keichu puan sin in ka la mu tha sauh sauh


"Nu-i lo chhuak ve teh hei Aron te an insual tlat mai! Inchungte han ko teh" Ka pa rawn ti lawng lawng thawm ah chuan ka thu chhuak zawk, Aron ber kher! Ka tho a ka thawh na lam ah zungbun chu ka la ti tla zui! Ka chhar leh te te a tichuan ka ak tha hmak


Hmanhmawh lutuk in ka tlan chhuak a,ka hlauthawng nghal em em ringawt a a chhan pawh Aron chu Johan te thian ho nen a in tibuai an nih ka hlauh vang ani.. Alo nih vaih chuan an in tam hleih sia Aron chuan a hneh dawn lo chiang lutuk tih nen lam ka hria


"khawi ah nge Aron chu? " Gate hawn pah in ka ti chhuak nghal a ka lungphu pawh rang tak ani, chutah ka nu leh nu hmeltha-i te nupa an rawn tlan tlang zawk a


"Bawiha, Aron.. Engati nge in insual? " ati a keipawh in ka zui ve nghal a hma a Johan te lo thut na poh daih ah chuan ka pa ten Aron lei a thu chu an lo din pui a, Johan te thianho pawh an lo ding khawm thap a an in sual ngei tih a hriat


"Aron I tha em? Ka thlen phei rualin ka thu hniam a Aron hmai lo dawm a kun deuh tlat,a pum lam a dawm bawk a ban ah chuan ka vuan a


" Bawiha i enge na a? " Nu hmeltha-i chuan ati a mahse a chhang lo,mipa ngeng deuh ang maiin a ngawi tlat a a pa pawhin a be tawng zo lo


"Ngati nge..? " Zawi sap hian ka ti a, u ang a ka en anih miau avangin chutia a awm chu hmuh hreawm ka ti a, Johan te thian ho ngaihtuah phei chuan an khawih rawn nasa dawn mai sia ka khawngaih hluah hluah


"Vanrammawi, zawh na kan zawh che chu min chhang ta che" A pa chu a thinrim ta deuh ani, chang bal hian a tih khum a Aron pawh a thaw hawk a a raw hawi chhuak chu ka phu deuh zawk, a hnar a thi mai bak ah a a hmui a kak a a hmai a duk lek lek lehnghal


"Aron.. Ngati em em nge? " Ka ti a ka khawih dawn zet a nasat em vangin ngam pawh ka ngam leh lo


"Hey nang nu hi.. " Aron ka en reng lai chuan Johan-a'n min rawn pawt tho lawp a ka rak that bawk " Engtin nge kan tih che? I taksa I duhlo chung kan khawih sak che em ni? " thinrim aw ka vin zet hian a ti hlawk hlawk a, a zawh na chu ka hrethiam lo takzet!


"Ka fanu kha khawih miah suh" Tiin ka pa chuan min lo pawt a Johan lah chuan min vuan nghet ang reng si ka pa a tang na sia, chutah Johan zawk chuan min thlah thut a ka pa nek sawk in kawng ah chuan ka thu hnawk a ka thal tel tep ani


"Mai mai chuan.. " A fanu duat tihpalh thil pawh nilo a ka tluk meuh chuan ka pa a thinrim ta Johan chu a kawr âwm ah a tham a Johan thiante lah chuan lo chhan an tum kan buai zual dawn!


"Pa!! engtinmah ka awm lo ania" ka ti a ka nu min lo dawm na rinchhan ah chuan ka tho vat a ka pa chu va pawh hran ka tum


"Thenawmpa in bengdai rawh, hemii te hi an vawikhat na chauh ani tawhlo police kan call tawh an rawn la tep tawh ang" Pa pakhat in alo ti a ka pa chu a in bengdai thei hram


"I duhlo chung ka khawih che em ni? " Johan bawk chuan alo la ti! keimah min en si a, zawh na lah chu ka hrethiam der bawk silo


"Hey.. Nangmah vangin jail ah kan riah angai leh dawn.. I bialpa ve hian nichin kha I duhlo chung MamJohan an a khawih che ah a rawn puh a..MamJohan a cho khanglang a kan zilh hlak kha.. " Benjamina chuan thinrim rawl ring tak hian min tih khum a k hrethiam ta chiah


"Aron..min khawih hleinem" Ka ti a, mahse ka tawng sual nghal, ka chhuak ani tih a hriat ta vek mai


"Engtik in..? " Ka nu chuan alo ti a, ka dang nghal der chhuanlam tur ka hrelo thudik ka sawi ngei angai


"Ih nu..englo an ni hi accident ka tawh zan a min tanpui tu te kha an nia chuvang chuan nichin lawk ah kha spray min dil a ka lo pe a chutah chuan kan.. " Ka ti a ka sawi zawm ngam tawhlo, eng thil mah chu kan ti lo a mahse an ni ang kan veng chhung pawhin misual hmuh a an hmuh nghal te nen a kan awm ho reilote pawh kha ka sawichhuak tha ngam lo


"Tumah kan tanpui lo e.. " Johan chuan alo ti mauh mai, engvang a tha zawng a sawi duhlo em em nge maw anih le!


"Awih a va har ve! " Ka pa chuan ati sap


"Awle duhtawk phawt ang u saw police an lo kal" An ti a tuman thil dang an sawi zui tawhlo, theihnghilh nghal hmak se ka ti ngei mai


Police te leh nu leh pa, insual hmu hmasa tu te chu an in be umang te te a Aron lam an tang vek nge Johan te thiamloh hrim hrim ka hrelo mahse police chuan Johan te thianho chauh chu hruai an tum a, an in tan tir thang tih chu hai theih anilo Sawmkima leh Reuben te chuan lo nuih pah hian


"Kan va in hmu leh hma ve ka pu sir.. " An ti ham ham mai, an veng police station nilo mahse an inan zing thawkhat tih chu a hriat mai


"Ka theihnghilh mai mai dawn lo ania, in la hre khawp ang.. !! " a ti piap piap mai! Chutah mitmeng lian kel kawl leh hlauhawm lutuk chuan min rawn en a Psychopath ho ang mai hian nui chung si in hlauhawm deuh hian a hmel chu a awm a


"Nangpawh kha... " a ti chiah chu ka mur chhuak vek! an mizia tha lo lai hlir hre tam zawk tan phei chuan rap a hlauh loh chi anilo keipawn ka nu chu ka vuan tawp


Aron chu in lam pan in kan hruai a,thawm a awm leh deuh a ka hawi a eng em a thleng tawhlo,Johan te thian ho chu an hruai ta bawk a motor awm na an phei pui lai a Johan bai suih suih ka hmuh te chuan hlau hle chungin ka khawngaih tlat! mut lam a lang tawhlo an in zawk ah chuan kan chho dial a nu hmeltha-i chuan Aron hmai te chu a bawih sawm nghal mawlh mawlh


A taksa na ati hle aniang tlem te a anu in a nek pawhin a ner leh sak thin, chutah a kawr anu in a phelh sak chu a ban leh tak vel ah alo duk nasa mai! Nu hmeltha-i chu a rilru a na thar nge a in sut hraih a, tah chu a tap em lo fa te hmangaih em em tu ani bawk a a fapa tawrh a hmuh hian a na thar ani ngei ang


"I tleirawl chhuah atangin tumah ila in sual pui ngai miahlo ania, tinge khatia mi I in sual pui tak mai? I u la awm se chuan a hau nasa ngawt ang che" A ti hlak hlak a, ka thin a rawn na thut! Vanrammuana sawi lan tawh hi chuan nâ neilo a ngaihthlak liam hi a har thin


"Nu..!! " Aron chuan ka awm ve vangin nu hmeltha-i a signal zeuh a, nu hmeltha-i leh ka nu te chu a chhuak a a, ka pa leh Aron pa te chu Aron room ah an rawn lut chho lo hrim hrim zawk


"I leng chu i van haw tlai hrim hrim ve.. ? " Ka ti ringawt a chhan pawh min chhang lem chuanglo, thaw hak in ka thu rem sauh sauh a "Aron tinge I insual pui..? " Tlem chuan aw ki ka sang ve deuh


"In khawih tir tawh suh.. " En pawh min en lo hian a rawn ti chhuak ngawt a " Spray I hawh tir tan tirh atang khan ka hmu tawh cheu.. I kut a vawn thleng in.. " Lawm lo aw zet hian ati chhuak sap a


"Mahse ka zungbun chungchang a lawm min zawh, chutin a diklo zawngin min khawih lo hrim hrim min hmu a nangpawn i hria ang chu! Spray ka hman tir chhan pawh accident ka tawh zan a min puih vang ania" Ka ti a min ngaithla hmel a pu lo


Thinrim kal tluan lai a inbiak a in sawifiah chi ni a ma hriatloh vang leh haw thlak a ngaih tawh tho vangin thaw hak pah chuan ka tho ka ng a " Amon-a ta i nihkha Arin.. Ka unaupa awm tawhlo mahse a hmangaih vang che pawhin khatiang mi duk dak lo ho kha haih tawhlo hram rawh " a rawn ti a, a sawi dik ka ti mahse aw aih in ka chhang chuanglo


Hnaih ka duh em em vang ani bik lo, min tanpui tawh na rulh let ve ka duh mai chauh ani, mi a ka nilo a an ni hnaih loh kha ka tan a that zia ka hre ve tho "muttui le.. " tiin ka chhuahsan a



"Mate.. Bawihte? " Ka nu chuan rawngbawl pahin min rawn ko chiam a


"Ummmm" Peihlo lutuk in ka lo chhawn, nizan kan mu a mumal lo a pangngai tak a ka mut chu dar 2 bawr ah daih ani


"I pa han bazar pui lawk ta che" Thawh kan hai sia rawng ka lo bawl zung aunga loh chuan" Ka nu chuan ati a, peihlo deuhin ka tho a ka lu te hi a na bur mai, ka in phih fai a ka chau nghulh thei


Ka pa nen chuan chawhmeh lei a bazar turin kan chhuak dun a, kan tho tlai bawk nen thlai thar tha pawh kan chang mang tawhlo, duhtawk kan kei zawh hnu ah ka u te chhung kan tlawh kawi a scooty a kal kan ni bawk a a hahthlak loh


Bawihtei pawh kan va lang chu alo hlim khawp mai a te a te in a Pu (ka pa) chu a chhaih ve a, ka u pawh nu nih chu a ngeih bawk ani a a kawr ho ha theilo in a thau san kung kung tawh mai,a nulat lai kha chuan a cher ve nasa mawle..chaw ei hmabak kan la ni bawk nen awm rei ta lo chuan kan haw leh a



Ka pa hmanhmawh deuh tawh chuan kawng dang ah min tlan pui a, chutah thui pawh kan la tlan lo police station awm na kan tlan thlen hma chuan station atang a Johan te thian ho lo chhuak sap sap chu ka hmu a ka thin phu a rang nghal dawt dawt! Nizan khan Aron pa khan Aron pawh a thiam bik chuanglo tiin Johan te thian ho chu zankhat hren a chhuah leh mai an duh zawk thu a sawi tawh tak



Mu tho hlim ang maiin an zi mar vel a, mihring engthawl tak zawng an ni, an hawi her ah pawh jail a riak leh mi kut thlak an nih a hriat loh reng reng a lawm! Reuben chuan min rawn hmu a Johan a nghawk nghal zeuh, biruk a hmel hliah na hman a awm lo, Johan chuan nizan ang chiah khan hlauhawm deuh si in min rawn nuih suk a Reuben chu kuah in a hrilh ru leh tawh!



Engtin emaw tak a min tih dan tur ruahman a hrilh ru hi a ang ka ti ber thin, min melh kar si hian a nui suk suk a midang a hrilh ru pah bawk a ka rap takzet! "Bawihte.. " Ka pa'n min auh tak ah chuan ka phu zawk a hmun dang hawi na chang ka hre ve chauh


"Aw pa.. " Lawi deuh hian ka ti a


"Aron khan nizan a tlangval ho in an khawih che ati a,anitak tak em ni a? Mut hnu ah i chhuak ami? " dam dap in min zawt a mahse chhan zung zung chu anuam lem lo


Nizan ang tho in a tir atangin thil nih na diktak ka hrilh a, Johan te thianho pawh dem na lam engmah ka sawilo a min pukhta thu bawk kha ani ka sawi lan leh, chutiang bawk in Aron pawh ka dem hran lo.. Mahse Johan te thian ho in ka duhlo chung min khawih loh thu leh ka kut a zungbun min zawh chian thu te chu ka sawi vek a


"E Aron chuan alo hmuh sual anih dawn chu, mahse a ngaihtuah che a khatiang ho hnaih a I awm kha a duhlo ani mai tiraw? Hetiang a ngaihsak tu tha I nei hi I vannei ngawt mai" A ti siam siam a


Ani chiah ka pa sawi chu a din lutuk, mahse nizan ber kher lha tinge Aron khan nilo deuhin Johan te kha a puh mai le? A mizia nen pawh a in hmeh lo hrim hrim.. In sual te kha a tih a tan pawh ka ruat ngailo zawk ani


"Awi pa..! " Ka ti a nizan khan thil dang kan buaipui a zar ah zungbun kha ka la bun tha leh lo tih ka hrechhuak! Ka ipte nizan a ka ah na ka zen a ka duh theilo a lo awm miahlo!


"Enge a? " Ka pa chuan rawn leh hawi pah deuh hian ati a


"Pa chak deuhin tlan teh! " Ka ti a ka pa chu ka tur ta sek a ani pawh in ka hmanhmawh zia a hria a nidang ai a chak in a tlan a reilote ah kan thleng ta mai


"Enge ni ta buan buan a? " Ka nu rawn chhuak leh kei a hmanhmawh tlan lut chu kan in lek lek ani, chhang lo in room ah ka tlan lut a room chhung chu reilote ah ka lip se vek hi ani ringawt a mahse zungbun reng reng chu hmuh tur a awm lo


Ka mangang a ka rilru a hah nghal tun tawh, chaw ei chak na ka nei lo a ka nu in chaw ei a min koh pawhin ka ei dawn loh thu sawiin ka tlan chhuak leh a Aron te in ah ka chho a ben-a min lo chhaih tum pawh ka ngaihven hman lo


Nu hmeltha-i hnen ah Aron thawh tawh leh tawh loh ka zawt a a tho tawh a ala tho chhuak peihlo a ti a eng sawilo in ka chho tlang ve thawr ringawt, Aron room ka luh hma chuan a room piah lawk a Vanrammuana room chu ka va melh a ka in thiamlo thar takzet


"Ka tihpalh aw.. Ka zawng hmu leh vat ang" Ti sap in Aron room ah chuan ka lut a "Aron hetah hian nizan ah zungbun ma thlauh em? " ka ti nghal thawr a Aron lo thu mu mitchhing pawh a rawn meng nghal zawk


"Aih thlauh lo.. ti ila tukin a ka nu room rawn ti fel fai pawhin a hmuh awm a sawi lo reng reng" a ti a, a hmai vel chu alo duk nual mai nizan an in sual na vang kha ani ngei ang


"Um anihchu, enge i an a? " Ka ti khawmuang veleh a a ruk tak chuan ka hmanhmawh hle, zawn na tur dang ka hre vaklo na chungin inchhung dung zawn that leh ka duh


"Ka la nuam vaklo vawiin pawh ka awm ang" A ti bung charh a "zungbun chu nizan ah te khan kawngpui ah i rawn chhuan pui em? tah chuan a bo ani lo maw? " a ti a ka harh chhuak deuh zawk


"Aw kawngpui ah khan ka zuk zawng ange" Beisei na sang tak nen chuan ka ti hluai a


"I bun reng emaw ka tia i phelh ami? " A tih chuan ka nii tawp hmak, thil awmdan te chu ma sawifiah zung zung a " Um anihchu, kawngpui vel ah chuan a awm ka ring chutiang in hmun hla ila kal awm silo" a ti a ka bu ve nghat


Aron chhuhsan in kawngpui a zawng tur chuan ka chhuak thla leh a, ka zawn ngial hnu pawhin ka hmu zo lo! Ka tan te lam lam a chhuak tawh zawk, chutia veilehkhat a a bo pil hmak mai chu na hi ma ti ngawih ngawih, Vanrammuana atang a ka thil dawn hnuhnung ber ania nikhat em pawh ka la kawl tling manglo tih a ka ti bo ringawt chu keimah zawk pawh ka in haw hluah hluah


"Bawihte enge maw kawngpui ah i zawn chiam chiam le awm sawn rawh motor ten a rawn su reu reu ang che" Ka nu chuan dam thlap hian ati a


"Nu inchhung ah khan zungbun i hmu em?" Ka ti thawr a a ngaih na hrelo hmel tak a min en chungin


"Aih hmu lo eng zungbun? " A ti leh a


"Zungbun Vanrammuana'n ka ta tur a a siam tir ania a Gold ania maw, zorina lo haw khan min pe a chuan a bo a ,nizan kha chuan ka la ak reng a sin.. " Ka hnuk a ulh ta mai ka ka hmu hma ah chuan ka mittui ka hru tawk tawk a


"Awi a van pawi ve aw.. " Ka nu chuan ati ve vawng vawng a, tih ngaih na tak pawh ka hre tawhlo in chhung dung a ka zawn leh tawp loh chuan kawngpui lah kan awm na lai ang zawng zawng ka en chhuak vek tawh si


"Nu ka ui eee.. " Ka ti thlawt a ka sawi lan ang ai pawh hian ka ui zawk, ka ui ngawih ngawih hi ani tawp Aron te, Zorina leh Vanrammuana lak ah a bik takin ka in thiam lo takzet ani


"Ka hrethiam lutuk a lawm Muana'n i tan a a siam a nih phei chuan a hlu dawn lutuk khawi ah nge a awm ang ni aw.. In bazar na ah te khan i ti bo ani lo maw? Hmuh let a har duh awm mange" A ti niah niah a engmah ka hre tawhlo bazar na ah ka tibo anih vaih chuan ka hmu let tawh kher lo ang


Rilru nuam lo zet leh phur lo tak chuan in ah kan let a ka zawng leh ngial tho in chhung pawh, ka rilru nuam theilo chu chaw pawh ka eilo thangoo ta ringawt a ka in thiamloh dan chu pui tak ani a Chang phei chuan thlan a kal a Vanrammuana hnen ah ngaihdam va dil mai te chu ka duh rum rum



"Zanin chu i pu te kan va tlawh dawn mi? Kan leng khat tawh sia" Ka pa chuan room a ka thu tum bur chu min rawn au lauh lauh a, tukin ka zungbun ti bo in hriatchhuah atangin ka nguai a tuma thi thinrim siloh in zan thleng ka tum bur reng


"Hruai lo mai ang, a zungbun ti bo a nun a nguai vek a nih saw, len chhuah ai te chuan mahni a awm te pawh a duh zawk mai thei a sin" Ka nu in ring vak lo a a ti chu ka hre reng a ka pa pawh ka va chhawn chuanglo


"Anih leh ti khan lo awm la.. I hlauh chuan Aron awm pui pahin lo han chho rawh aw" Ka pa chuan a rawn ti leh a ka lo 'um' deuh tawp, an pahnih chuan an chhuak a dar 7 bawr ah an chhuak a dar 9 vel ah chuan lo haw theih an tum thu in min thlah a


Ka nu leh pa ten min chhuahsan tak ah chuan khum ah mu in before you go hla bawk chu ka ngaithla a,zungbun ti bo lung puam sa tawh bawk nen Vanrammuana ka ngai thar bawk chu ka tap leh hrep!


Dar 8 thleng chu pangngai takin ka awm a mahse a hnulam ah chuan ka tah chhuak tawhlo nen Thik ka ngaihtuah fim thei tawh chu ka hlau hnuhnawh a,diktak chuan au Hminga vang khan ka dawih zo tawh Vanrammuana a awm tawh lo bawk nen mahni chauh a ka awm chuan au Hminga kha alo lang leh thut dawn hian ka hre thin


Ka chapal ka bun sawk sawk a Aron te in lam a chho tur chuan ka in puah chah a,pawn ka chhuak a kawngka ka kalh nghal mawlh mawlh chutih lai tak chuan kan compound pawn lam sir a mi tawng thawm ka hria a, Johan te thian ho an nih ka ring lehnghal tawp


"An hmu mai thei.. " chhoh ka tum lui zet na in zungbun kha an lo hmuh tak mial in ti chuan ngam leh ngam lo in ka pan leh ta zawk a, beisei erawh a sang lo an lo hmu a an chhar anih pawhin an ni ang ruihhlo ti tan chuan lo kawl that reng ai in hralh an duh dawn zawk


"Mahse... " Ka ti a, ka thleng tep tih in ka ding leh rih, keimah leh keimah chu ka in kai kual hi ani ringawt! Nizan khan Johan khan min vau ti tih kha ania ka va pan si chuan min lo sawi sa mai angem tih ka ngaihtuah hnuhnawh


Let leh tum a ke ka chet lai takin thenawm te leh kan compound dan na in kar atang chuan kal thawm ang hi a rawn ri phei a chutah hman zan a min pawt lut tu leh Johan-a thiante pahnih Benjamin-a leh Reuben-a te chu rui lutuk hian an lo chhuak a an in nek ang sawk sawk lehnghal


Johan leh Sawmkima an awm velo ni tur ani, hman ni ami pa kha chu a kal mai a,ka tawlh hret a tlan daih chu ka tum ani, Benjamin-a chuan min lo hmu hman sia ka khawng nghal vek ani ringawt, Johan ang mai khan an hmel chu pawi sak neilo rapawm deuh hian a awm a rui meng si bawk nen a hlauhawm hluah hluah! Chutah Reuben-a chu a a kuah a peihloh hmel zet hian min kawk a. Reuben-a pawh chuan min rawn en nghal


"Hey..nizan ah nang leh i bialpa vangin jail ah kan riak tih i hria em? " Pawr leh teng chher zet hian a ti a pai deuh a kal chungin min rawn pan a


Tawlh hnung leh hret in ka in her vut a, kal ka tum chiah zungbun chungchang an rawn sawi chhuak chu ka kal lui thei tawhlo, ka in her a an ni pahnih rui mai mai in a zungbun chungchang an sawi chu rin a rin loh chi mah nise hmuh let leh ka duh na chuan min tuam hneh em a ka ding ta reng


"Ka zungbun kha in lo hmu em ni? " Ka ti a ka zawh na erawh an ngaihsak loh chu sawiloh hre lo ang hmak in an awm an pahnih chuan an phun a an nui a mumal lo takin an tawng buan buan ringawt "in hmu ami? "Vin deuh tak chuan ka ti nawn leh


" Ka ak.. "Benjamin-a chuan ati a ka lawm tho bawk si ka awih chiah bawk silo


" Ka tan a pawimawh lutuk ania khawngaih in min pe let rawh u" Ka tih chuan Benjamin-a chuan nui suk in Reuben-a chu a en a


"Kan hrem ve loh ten.. " A ti a phur lutuk in Reuben-a chu alo bu nghat nghat "hey.. I beng su rawh" Benjamin-a chuan ati a


"Maw? Ka ti deuh thlawt" a atthlak takzet ani, an rui viau emaw ka tia an rui nawi em em tawp lo anih hmel!


"Zungbun chu i duhlo ami? " Tiin ngeiawm tak a nui chung hian a kekawr ip te chu a beng thak thak a, duhthlan tur dang ka neilo ngawi khawlai ah chuan an hma ah beng ka su ta a


Ka lung awilo a ka thinrim takzet, mahse ka Vanrammuana zungbun ka neih let theih na anih chuan engpawh tih ka huam thung,rei mawi tawk ka suk pawh in min tawp tir lo a ka ke a kham tawh lutuk! Chuta kar ah ka hah tan chu ka thawk a rawn nuam lo ru bawk


"Benjamin enge in tih? " Chang fak a zawh na zawt Tu chu chawl meuh in ka en a Johan leh Sawmkima te an rawn in zui phei mek, a kal a dik vaklo a an rui ve tho anih hmel..Johan phei chu a ke a baih deuh sa sia a kal a diklo ruih mai


"Ehhh..MamJohan hei nizan vang khan kan lo hrem a, nuam rapssss" Benjamin-a chuan ati ham ham a


"Hey haw rawh" Johan chuan ngainat awm loh deuh hian min rawn ti a


"Aih zungbun kha ka ta ania ka duh let a lawm.. " Ka lo ti ve thung, a hah erawh ka hah tawh a beng han su lehron theih pawh ka awm tawh lo ka kaih za tha te hi a chat mai dawn hian ka hria


"Damdawi chu in la em? " Ka thusawi ngai pawimawh lo zet hian Benjamin-a te chu a be chhunzawm daih a


"Yess tam rapssss.. Zanin chu a nuam dawn!! " Phur aw zet hian Benjamin-a bawk chuan ati a "Zungbun kha min dil a" A ti leh sap


"Kal ang.. Duh ang tawk pawn ka la rui hman lo" Johan chuan ati a " I zungbun kha chu kan hralh daih tawh " Johan bawk ani


Ka rilru a na lutuk! Chutia min lo hralh sak ngawt mai chu)ka hrethiam lo takzet ani, la let turin ka vau ngam lo silo lungchhe tak chuan ka haw a veranda ah thu in Vanrammuana lak ah ngaihdam ka dil mawlh mawlh ringawt, 20 minutes ngawt chu ka thu tawh ka beng suk na ka chawn tha a na bawk nen ka che chang peih tawhlo

IMG_2021102.jpg
IMG_2021102.jpg (40.1 KiB) Viewed 4607 times


Chutah gate a ri a ka va hawi phei chu Johan a lo ding luau mai! Ngawi rengin ka en a ka haw em a a thiante nen khan hlauh pawh ka hlau tawhlo, chutah ngeiawm zet a min nuih suk in a tawlh hnung hret a rawn tlan thut i gate chu a zuan kan thak a gate tetakte ni na na na chu a zuan awlsam khawp mai


"Phiangsen chuan..! " A ke a na nghal ani ngei ang a bai a ke a ti kang a a ti che vel bawk, a hnu ah ka lam pan in a rawn kal a, a rawn thleng chu zu rim a nam nghal hak "Hey.. Hei hi ani em? " tih leh ka kut a zungbun rawn hmeh bel a rual a


Vanrammuana zungbun ngei mai ka kut ah chuan a awm luau! Ka a thei mai dawn ka lawm lutuk chu ka mittui a tling nghal pam a Johan chu ka han chhoh en a ani erawh chuan tum hmuk chungin min lo en


"Tah belh lutuk..! " ti hmak in ka bul chiah ah chuan a thu a bang ngheng in mit a chhing vang vang "nangmah vangin kan rethei leh sawt dawn anihkha damdawi man ah kan dahkham vek tawh a sin mawle.." A ti bui bui a


Engmah ka sawi tawhlo ka ngawi a a hlim erawh ka hlim takzet " Chief minister fapa ta em ni khatiang khawp a I roh leh hmuh let I duh chu? " meng hlei lo chuan a la rawn ti hram


Ka la chhan loh vangin a rum hawk a, ka chhan loh chhan pawh Vanrammuana chungchang leh kan in kungkaih na a hriat ve kher tulin ka hrelo ani, jacket a zen a keiin a beanie khum bawk chu ka lo melh leh engvang a tiang hi ngaina em em nge maw ani le?


A jacket ip te atang a syringe lo tla chhuak ka hmuh rual chuan a mah chu ka en vat a, mi hmuh pawi ti awm pawh in a awm lo, a chhar a a ak leh mai "Ruih hi a nuam viau em ni? " Ka ti ta thawr, ka zawh na chu atthlak a ti deuh nge ka hrelo a nui suk


"Nuam ka tih vang ngawr ngawr a rui thin ah min ngai em ni? Ka ring tho mai.." za miah silo hian a nui hul hak a "nâ ka tawrh loh nan ka rui thin.." A ti a


A thusawi hmang atang chuan a hun kal tawh ah thil duhawm lo tak a tawng ani ngei ang, kan ngawih dun vang vang hnu chuan thawh a luh san mai ka tum a, chumi hma in zungbun chu ka tih bo leh tawhloh nan bun ka tum a


"I bun loh khan a nuam zawk" A lo ti ngawt a mahse ka bun lui tho "addict te hian hmangaih an phu ve tho in i hria em? " tiin min zawt a

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2022, 6:05 pm

⭐CHAPTER-6


"Eng ti zawng in? " Ka tih chuan mawl min tih hmel tak a khuh kharh kharh chung hian a nui hawk a


"Engti zawng pawhin, hmangaih na chi hrang hrang a awm thei ami? " a ti deuh kher a ka lo ner sak "Hmangaih na chi hrang hrang a awm chuan a va buaithlak dawn ve? Hmangaih na da tawh lam phei chu a buaithlak ngawt ang" a la ti zui


"Nu leh pa hmangaih na te, unau hmangaih na te, fa te hmangaih na leh in ngaihzawn na kar a hmangaih na te pawh" Ka tih lai chuan alo but ve nghat nghat a


"Nu leh pa hmangaih na ka zawh dawn che chuan min hring tu ah pa chauh ka nei tawh si a, unau in hmangaih na ti ila pian pui unau ka neilo, chuvang chuan a tawp ber hmang khan ka zawt che ni rawh se" A ti deuh duah a


Chil lem khawlh pahin a mah chu ka thut hlat deuh a, in ngaihzawn na lam hmangaih na min sawipui kher a tum chu ka duh viau lo, hmangaih chân tawh ka lo ni bawk nen


"Chuan hmangaih chu kan phu ve thot i ti em? " A rawn ti nawn leh


"Aw ti e.. " Ka ti nghal vat a


"Engvang in? " Min ti leh a, kei a tawngkam thiamlo nen ka rilru ang pawh sawi chhuan thiam lo chuan


"Hmangaih phu lo mihring kan awm hleinem" Ka ti zawi sap a


" Anih leh.. " Tiin ka lam ah bawk chuan a rawn thle phei a " Addict pakhat i hmangaih thei angem? " Min ti bawl mai! engkim hi a reh duk in ka hria


"I zawh na chu..!! " Ka ti bah deuh nawk chu min nuih hak a


"Theihnghilh rawh.. " ati a,a tho zui hmak bawk "Zungbun kha tibo tawh suh, kan hmuh hmasak leh chuan ka pe let tawhlo ang che" a ti a bai deuh pah chuan a kal a


"Ka lawm e.. " Ka ti ve ta hram a mahse hre awm pawhin a awm lo, lawmthu hrilh a duhlo thu kha a sawi tawh tak a sin "a pawi lo e, ngaithla duhlo mahla ka lawm tho" tiin kaihza tha na tun chuan ka tho chhuak a, Benjamin-a kha ka ngei thar leh


Inchhung ah chuan lut in hlim zet chuan zungbun chu ka en leh thin a, Johan khan eng rilru pu in nge min pek let ang le tih te chu ka ngaihtuah nauh nauh a, beng ka su nasa lutuk min khawngaih vang ah ka ngai deuh tawp tawh, bak ah engtin nge ka tihbo kha an lo kawl daih theih ni?


Rei vaklo ah ka pa te an rawn haw a, Aron te in a ka lo awm lo chu mak an ti zawk ngang mai, a chhan chu mahni hian ka awm rei ngam ngai meuh tawhlo a, room ah lut in mu tur chuan ka in insiam a hmai te phih a ha ka nawh leh te te hnu ah hahdam takin khum ah chuan ka lawn a ka tawngtai hma lawk chuan johan-a ka rilru ah a rawn lang hlawl a tichuan tawngtai in Johan leh a thiante tan ruihhlo lak a an fihlim theih nan ka dil sak a a bik in Johan, a ke na a dam vat theih nan ka dil sak bawk


★ 1 MONTH'S LATER ★


"Hi.. thu lawm awm deuh hrilh tur che in ka lo kal a, ih maw naktuk atangin college ka kal ve tawh dawn a sin, ka pass thu ka rawn hrilh lai che khan i lo lawm ve ngawt ang tiraw? Board pawh kan zo leh tawh a tun ah chuan college kal thei nula ka ni ve reng tawh ania" Thlan chu ka en a ka lung hi a chhia ani


La dam ve se chuan tun ah te hian min lawmpui lutuk vangin min kuah anga ka tih that ve zia te min hrilh in min fawp vawng vawng ngei ang! Mahse, chung thik chu engtik ah mah a thleng ngai dawn lo


"Arini chuan nangmah vangin doctor tha deuh nih a tum a.. " Ka hnung a ding Zorina chuan alo ti ve a


"Ka ngai lutuk che asin, ngati nge Pathian hian a lak hma em em mai che le?" ti sup in ka âwm zawn chu ka dawn vang vang a


Ani ka ngaih na hi ka sawifiah thiam lo a lan pawh ka lan chhuah tir thiam hek lo, chuvang chuan tu pawhin theihnghilh a sûn tawhlo ang te in min ngai fo thin mahse a dik lo ka thinlung chhungril ber hi an hmu in an hre miau lo a engtiang takin nge ka ngaih a ka la hmangaih hi an hrethiam lo


Thlan atang chuan Zorina nen Aron nen kan haw a haw kawng ah kan veng bul lawk a restaurant ah kan chawl a chawlh pahin college ka kal hun a pawimawh ang tur te min hrilh diam a


Chutia uluk em em a kan in hrilh vel lai chuan kan chawlh na dawr kawt lawk ah chuan tu te emaw an in ti buai a, a tir chuan ka ngaihsak duh lem lo bak ah ka chhungte an tel ve anihloh chuan en pawh ka en tha duhlo hrim hrim insual hi ka rap


"Ka pi, puan hman mai tur in nei em? Ka thianpa saw a lû a thi nasa lutuk a" a aw ah pawh hlauhthawn na tel tih hriat takin tlangval pakhat chu a rawn tlan lut a


"Awi leh.. Aw nei e kha lo pe teh u" Restaurant neitu number chuan ati a, chutah zet zawng Zorina ding in


"Lo awm rawh u ka va en ve chhin ange" A ti a order nghah pahin Aron nen chuan kan lo nghak a, mi bawr khawm tuau tuau kar a Zorina va in rawlh ve chu ka en zui a


"An lo ti na ve angah..! " Ka ti a, Aron chuan thawh pahin


"Ka va ko ange.. buai ve lo law law ang u" A ti a, ani hi chuan insual kam chu a support tawhlo khawp mai, Johan ten an sawisak na nâ a neih atang khan a dam tha uchuak ve chauh ani


Aron chhuak ve ka en zui lai tak chuan mi bawr khawm tuau tuau kar atangin Johan ni awm tak ka hmu thut! Ka mit vai emaw tiin ka khap fawk fawk a ma en nawn leh ngat mahse ka hmu tawhlo a, chutah ka zawn rilruk laiin Sawmkima hmel ka hmu leh ang lawi a


An ni ka hmuh tak ah chuan zungbun bo min pek zan bak kha vawikhat mah ka hmu leh tawhlo, chhun ah chuan hmuh pawh ka in ring lo sa a mahse zan lam ah pawh an thawm vel kan veng ah hriat tur a awm ngai tawhlo, a reh a mak ka lo ti rilru ve em em ringawt


Chutah tlangval college kal lai ni awm tak hi an zawn ta mai! nichin a tlangval puan rawn dil tupa pawhin a zawn a a lu chu a puan dil khan an tuam sak bawk a a lu leh hmai vel chu a thi nasa mai! rei pawh ka en ngam lo lehlam ka hawi daih a Zorina leh Aron pawh an lo lut nghal


"A va han zia lo ve le.. " Zorina chuan thut rem sauh sauh pahin ati a


"Engtin tak nge an in tihbuai i hre hman em? " Aron chuan ati zui a


"Ka bul ami kha chuan tlangval pali nen khan an in be reng a, atawp ah an khawih rawn thut anihkha ati a" A ti mai a, keichu pawn lam ka lo la melh, a chhan pawh pawn ah Johan te thian ho lei a thu an din hual thup vang ani


"An mahni sawn a mi khawih a? " Ka tih chuan Zorina chu a but nghat a


"An mahni saw chu an in sawithiam ve hmel lutuk" tih pahin a hawi phei a keipawh ka hawi ve vat, chutah Johan chuan dawr chhung a ka thu chu min rawn hmu ni tlat hian ka hria midang ding kar atang chuan kan awm na lam a rawn hawi char char


"Arin.. Arin? " Ka hmai zawn a kut vai meuh in Zorina chuan a rawn ti a Johan-a rawn melh phei nasa lutuk ka lo en na lam ah min biak reng reng ka lo hre chang tawhlo!


"Aw enge ni ta..? " Ka hawi a hman tep ani


"Enge maw i en le? " a ti a anui suk suk bawk, Aron erawh a nui ve lo a Johan te lam chu a va melh leh zauh a min lo melh leh lai chuan ka lo nuih tlawn ringawt


Thil kan ei mek laiin Johan te chu police in an rawn la ta mai a, thil awmdan hre vek si in Johan te an rawn la chu ka hrethiam lo hle mai, station lam ah in sawifiah na hun an pek ngei ka beisei, misual buaina siam fo mah nise,a zawng zawng hi an thiamloh ani ngai bik lo


"Naktuk atang in college i kal ve tawh dawn ania! Hun hi a kal chak hle mai..hman ni lawk te chuan zung tur pawhin hruai te kha ila ngai sia" a mal chung a ka mut lai in ka pa chuan ati dap dap a


"Awih awm lo e mai a, a rei tawh em hi i fanu upa zawk pawn fa anei tawh a kei ngei pawh in kum 20 ka tling tawh ania..hman ni lawk ti suh Pa" tiin kan nui dun hawk hawk a


"I van in puah chah lawk lo ve i che buai ange aw, i thuam tur te va la chhuak sa la.. " Ka nu a rawn thu thla ve a, pathum chauh mah hi ni ila kan la hlim ve em em tho


"Min tih pui la" Ka tih chuan a nui suk a aw a tih na anih vangin room ah ka kai phei a, tunlai Korean film a en nasa lutuk chu a buaithlak dawn tlat!


Thawmhnaw min ti lang naupang tur deuh a thlan loh leh hmeichhe naupang hak awm a mawi ka thawmhnaw hlui te a rawn la chhuak thul! "A cute" a ti chhen lehnghal a Korean film en chu tha lo khawp mai


"Nu i fanu hi a puitling ve tawh tih hre ta che, khatiang min bel phet i tum te chuan mi in college ah nursery naupang alo kal min ti dawn a sin! bak ah thawmhnaw nu deuh ka ha tha peih lo tih i hriat ve vek kha" Ka ti tan tan a


"Aw.. Chutiang ringawt in an awm ngailo nu zem te hian awm ve tur" A ti a, a duh dan dan in a thlang zui leh tho



"Eee Bawihte i tho tlai lutuk.. College a i ni hmasa ber tur anih hi" Ka nu chuan a ti a ka mutui lai min rawn sawi nawk nawk, keipawh chu ka thu chhuak nawlh a inbual turin ka tlan lut nghal


Ka inbual sawk sawk a, make-up tlem a zawng ka in hnawih hnu ah nizan a ka nu in a duhthusam a tih tlat vang a hak ka lo in tiam tawh chu la in ka ha a, ka lang nu leh lutuk chu nuam ka ti vaklo, min ti confi lo ti ila ka sawi sual tam lo ang


"Naktuk atang chuan ka duh ang in ka in chei tawh ang" Ti sap in ka chhuak a kimkimi alo thleng ve chiah, kimkimi te scooty hian kan kal ziah tawh dawn a bus chu a buaithlak lam deuh tawh ani


Scooty chu kan nei ve reng mahse ka khalh thiam dan hi a la rinawm em em lo a khawpui chhung tawt lutuk ang a khalh chhuak tur phei chuan ka la zuam chiahlo, veng hnai deuh tlem a kawng lun lo ah chuan ka ngam ve mai a chutiang nilo ah chuan mahni khalh ai in mi khalh a ka chuan a tam zawk


"Scooty chu a thar a van ang" Chaw pawh ei ta lo chuan chhuah pahin ka ti a


"Thar nang, kan accident khan kan siam tir a kan thlak nual a lawm tlem chuan a lang dang deuh ang rawng te k kahi that tir a.. " ti siam siam chungin college lam pan tur chuan kan in phur chhuak a


Thlen dawn hnaih chuan a zamawm ve lek lek mai, mahse kan class atang pawhin keini pahnih chauh nilo he college lut tur an kat nuk a Tetea pawh a tel bawk chuvang chuan a hreawm ngawih ngawih log tur ah ngai phawt ang


"Hey.. Helam ah" Tetea mi hma thang pawh alo thleng fel leh diam tawh, tuvakmah hmelhriat la hmu ta lo chuan kan pan phei a


"Engtin nge kan awm dawn? " Ka ti thawr ringawt, Kimkimi nen hian kan subject lak a in ang a Tetea erawh a dange thung


"Tia awm deuh tawp hi ani rih mai,e hei ma cousin Moses-a ania " A bul a phone lo nih mial mial chu a nghawk zauh a


"Ehh, aw Moses-a ka nia " ti a a rawn hawi chhuak chu ka hmuh tawh hnu ang ka ti ta tlat, ka en reng a ani pawhin min hriat hmel tak hian min nuih suk suk a


"Keini ai kum khat in a senior zawk a mahse kan zir rualpui ang in ngai hmiah hmiah ru aw a fel ania, hriatthiam loh ka neih pawh a ka rawn tam ber ania" Moses-a dar a vawn pah chuan ati a


"Hrilh tur che in thiam ka neih bik loh kha" a nui a kut a rawn dawh chu kimkimi chuan alo chibai vat a,ka hmuh tawh na awm ka ngaihtuah mek laiin ka hma ah a kut a rawn lek veleh "Min la hria em? " A ti a kan in hmu tawh nge tih ka hre ta mahse ka la hrechhuak thei chuanglo


"Ka hre tep che.. " Tiin chik lehzual chuan ka en a a kut chu vuan in ka chibai nghal


"Um, kawngpui ah khan ilo thut kha.. " A ti a mi theihnghilh mai mai lo chi ani aniang,kei in ka theihnghilh chian tawh vei nen a


"Aw in tur min pe tu kha i ni..tiraw? " Ka tih chuan a bu nghat nghat a


"In lo in hre sa a maw? " Tetea chuan alo ti a, but nghat in Moses-a zawk chuan a sawifiah zung zung


Tichuan hreawm em em tawk lo in ka awm ve tan ta a, class te chu a nuam viau na in class 12 class kha a ngaih awm rum rum, chhun chawlh laiin Tetea te nen bawk kan in zui leh,thut muan pahin Moses-a kan lo nghak a


"Enteh.. Tete, ih maw Johan-a inthenawm pa kha maw a chanchin dang min lo hrilh leh awi a mak lutuk ka vei tawp anihchu! Mut hmun ah YouTube ah hian love story an chhiar ka ngaithla thin a changtupa bad boy ka ngaihthlak fuh lai tak ani bawk nen in thenawmpa kha chupa ah chuan ka dream nghet bur anihchu! " a ti a ka lo ner nasa mai


"Awle ti ila han sawi vak tur pawh ka hre hleinem. " Tetea chuan alo ti a


"Vanlallerh.. " Ka tih sak hmakhmak a mahse tlem chuan ma hre chak ve tho, heti khawp a an sual chhan te ruihhlo an khawih nasat viau chhan te hi hriat ve chu a chakawm, chutih rualin an sual awm herh vang te pawh ani ve thei tho bawk a


"Enge ka lerh na? A mak lutuk Arin ka story ngaihthlak ami nen khan ka hmeh believe ngat ngat mawle! Chita changtupa pawh chu sual deuh mai ania mahse a sual na khan chhan alo nei leh sia a tawp dawn ah phei chuan ka mitti te a tla lek lek a lawm a chhiar tu aw kha thing viau lo se chu ka tap nghek ang.. A aw thing lutuk khan min ti tap tha hlei theilo " a tih chuan Tetea nen kan in en a kan nui hawk


"A chhiar tu in hria sela chu a ngei ngawt ang che" Ka tih leh chuan a ner nang a, zawi te te hian a chhuak thiamloh thu a la sawi ngat ngat tho


"Inthenawm mah ni ila ka hre vaklo, Pi Zo-i lo leng ve zeuh zeuh tih loh phei chu a pasal leh U Johan-a tak phei chu ka hriat ve chin ah chuan an lo la leng miahlo" A ti hmasa a kimkimi chuan min ngaihsak tawhlo Tetea lam ah a thu bnai sawt sawt


"Chuan a sual chhan ber hi..?" A ti leh a


"Ka hrelo an chhung in khar khip lutuk hi engmah kan hre manglo, midang pawh zawt mah rawh u a chhan diktak sawi tur an hrelo ang an chhungte chuan an hre mai thei a midang chuan an risk vel mai mai" a ti a


"Engtin nge an risk? " Kimi bawk ani


"U Johan-a nu hian a tet deuh laiin a chhuahsan a, hei pi Zo-i nen a u Johan-a pa (Pu Thanmawia) hi an in ngaihzawn na a hriat vang a chhuak aniang te an tia, U Johan-a khan a nu a ngai lutuk a a lo leng deuh khan apa vangin anu a chhuak tih a hria anga ta tang chuan a pa mil lo chho in a pa lah chuan pi Zo-i a nei leh mai bawk nen a sual phah ta aniang an tia " A ti a


"An risk I tia, risk tak tak anih deuh hmel e tiraw? Chutiang vang ringawt a sual chu.. A ai a thuk zawk harsat na a tawk aniang" Ka lo ti ve a


"Keipawh ka rin dan ani, a tir atang a in thenawm reng kan nilo a Higher ka kal tirh lawk a an in bul a in sa a luah lut kha kan nia... A then chuan u Johan-a hi doctor zir chhuak te an tia mahse kan in sawn luh chuan tiang hi ani tawh a, ka hre tawh bik chiahlo a chhungkua ka ngaihven vaklo bawk a" a tih chuan kimkimi nen


"Doctor a!!? " Kan lo ti rual thawt a a bu nghat nghat


"a awm ang lo e ani tun a hetiang a awm..a hma a doctor zir zo ni tur chuan a in thlak danglam nasa ve hle aniang,,tiraw Arin? " Ati a keipawh ka lo bu nghat, chutiang lai zir chhuak tawh chu hetiang mai mai a a tal duh hi rin a harsa zawk a lawm le!


"Ka story ngaihthlak ami nen khan an in ang tawlh tawh in ka hria" Kimi chuan alo ti leh


"Sawi tak ah chuan nimin ah ka hmu a sin, mi pakhat an sawi sa a a lu ah hliam ala tuar zui, Johan te chu an man a" Ka tih chuan Tetea chu a meng deuh kawk a


"A ni maw, an sawi thawm chu ka hria a mahse tukin ka rawn kal dawn in u Johan-a leh puia te room a an zai ka hmu a sin tukverh atangin ania.. " Tetea chuan ati leh lawi si!


"Nimin ah kha chuan an hruai ngei sia, khatiang thil lian tham ah khan an tang miahlo maw? " ka ti ban charh charh a mak ka ti khawp mai, mi pakhat an sual rawn satliah nilo in an hliam hial ania vanduai zual se a hmun ah pawh khan a nun na chân thei khawp in a na chuti chung chuan Johan te an tang miahlo!


"Ui ani maw an van rapthlak leh si ve! " KiKimi bawk in a ti a


"Thla hmasa pawh khan jail an tang char char a lawm, intihbuai na bul tan tu ah an puh vek an mahni chuan kan nilo an ti ve tlat tho" A ti leh a, chuvang anih chiah chu zan ah ka hmu ngailo ka tih ni


"A thian te nen khan an sual hmel hrim hrim,an thiamloh bawk aniang a" Kimi bawk in ati a


"Pi zo-i sawi dan chuan an mahni kha thian mai mai an ni lo, an vai khan cousin vek a tia lawm, Pu Thanmawia pian pui unau te fa an nih chu " A ti leh zel a, cousin vek an nih chuan chhungkua a a sual sual an in lawr khawm ani ringawt anih chu le


"Enge in lo sawi nuah nuah a..? " Moses-a bawk in kan bul a rawn thut ve pah in ati a, a class boring zia a rawn sawi zui tak ah chuan Johan te thian lam a leng tawhlo, thil dang sawiin kan ti ti bawrh bawrh



"Awi kan nikhat na chu zo der mai! Ka lo in ouah chah nasat ai eng ani leh si lo a " helmet khum pahin Kimkimi chuan ati nuah nuah a


"Keipawh, ka nu phei chuan nizan atangin min insiam tir vel mawle" Ka tih chuan an nui hak hak a


"Keipawh ka ni hmasa ber ah chuan zan hma in a ruk in ka in puahchah ve tho a lawm, midang hriat hlau nen khan ka room ah ka in thlang nasa mai" Moses-a bike law pah in a rawn tih chuan kan lo nui ve hawk hlawm


Kawng tlem kan tlan ho hnu ah Moses-a leh Tetea te chu an peng a, kei erawh lirthei ka neih ve loh vangin Kimkimi'n min thlah hmasa phawt dawn ani,un thlahrunawm viau mahse a man a hreh lo a a sawichhuak hmasa tu zawk ani tho bawk a ka hnial phal bik lo


"Awi a va han jam nasa vele" Tih pahin Kimkimi a ding a kan hma lam chu traffic jam vangin horn a ri deuh tuarh tuarh mai


Tlem tlem hian kan tawlh a ni ringawt,khua a thim thet thet tih vel ah chuan pangngai in kan tlan thei ta hram! Kimkimi chuan min hmanhmawh pui in chak deuh chuan a tlan a, chutah a ding thut chu a mah ka va nek sawk


"Enge ni leh ta? " Tih pahin a dar ah ka vuan a, kan awm na lai chu a reh ang reng, thenkhat tan a chaw ei hun bawr anih thuak tawh vangin a reh chu a awm lo chuanglo


"Enteh saw,tanpui an ngaih hmel e" a tih chuan hmalam ka va en a, ka riin loh deuhin Johan te thian an lo ni, mipakhat lei a let reng chu Johan chuan a thut chilh a a bia nge a hai pawh ka hrelo


"Buaina an tawk em ni? " tiin ka chhuk nghal a motor tlan lah chu an vang pharh lehnghal, Sawmkima ka hmu ve lo a, kawng a mu tawp saw ani mai thei Reubena leh Benjamina te chu pahili hlut ang mai hian an che sek a an chal an dawm leh vang vangi thin


"Va kal chhin ang" Ka tih tak ah chuan Kimkimi pawh time na nei hran lo in a tlan hma mai a keichu ka chhuk laklawh vangin ke in ka kal zawm mai a, kan va thleng a thil awmdan ka hmu chiah chu ka tawlh let dawrh mai! Kimkimi nen ka hup meuhin kan in en a

IMG_20211027.jpg


"Mam.. A na lutuk!!khami te kha.. " Tiin sawmkima na tuar chu a rum nghal vawng vawng


"I dam velah phuba kan la ang, aw atha em? Kan la sawisa ve dawn a lawm" Johan chuan hnai tak a melh in thinrim aw tak hian a chhang let a


Sawmkima hian "Mam" atia Tetea'n cousin vek ti a a sawi kha a dik tak tak aniang a a hma pawhin MamJohan tih hlir in an ko thin anihkha maw, thian an ni anga an in koh duh dah dan ve hrim hrim tur ah ka lo ngai a


"Hey.. Scarf min lo pe teh ka nau hi a hliam ania" Vin zet in Kimkimi ka be tur chu Johan chuan a rawn ti a ka phu zawk nghe nghe


"Kim.. " Ka ti a ka che buai ve nghal ringawt, scarf hman mai tur ka lo nei silo Kimkimi zawk in a ak hlauh, kan pe a Sawmkima chal kak duai chu thisen a chhuan loh nan scarf chuan a hup bet a,a hmel hmai duk te chu rapthlak tak ani eng ang a nasa in nge an khawih thiam zawk ka ti hial


"Lo thu teh.. " Tiin min pawt thu nghal tawp a a kut a thisen kai te nen ka kut a vuan tawp mai chu ka tha a rawn khur dawn takngial! "Lo dawm rawh... " a ti a a chal dawm chhan chu a thlah mai bawk nen ka lo vawn chhawk mai loh chuan


"Eng.. Engati nge? " Ka ti bah nawk nawk a min chhang dawn lo emaw ka tih hnu ah


"An lo sual rawn, kan awm hran lai tak in" Thinrim ha seh chilh zet hian a ti a "ka chhuah hauhlo ang!! " a la ti chang bal mai


"Kim.. " Hlauthawng zet a ka tih nak chuan ani hlau lutuk in hmai hup meuh in a lo kun ngul a, Reubena leh Benjamina te ka en leh, an ni lah chuan Johan puih a hnek in an din na hmun ah an lo tei tawn chhen ringawt


"MamJohan heti ringawt chuan..!" Benjamina chuan thinrim leh pawr zet hian alo ti chiah a chutah Johan chuan vin lutuk in


"Damdawi in phut in khawih a, in khawih kual na pawh ti fai lo in Sawmkima khawih ka phal hleinem a tan a pawi tur engmah in ti lo ang ngawi rengin lo awm rawh u" a ti a, kan bul lawk ah tih theih nei silo in an thinrim an hri thla mawlh mawlh!


"Nilo.. Nilo Johan hei thi alo put ania!!" rap lutuk chuan ka ti a,scarf pawh a tangkai dawn lo hial alawm! Thi rawn put nasat zia chu puan atang a rawn tlang in ka kut kar ah te chuan a rawn hnam chhuak tiam tiam!


"Hlau suh.. Nun na chan a hlauhawm zawk, khati khan a lu dah tawh suh a zawl in dah rawh" A ti a a sawi ang in Sawmkima lu chu lei ah zawk vel tur chuan ka dah a


"Tikhan hup reng ringawt suh, tui bua hip ro thei tur a I tih ang khan ti rawh a lo put apiang lo hip tir la.. " A ti a, hlauh nenu thisen thang nen a sawi ang zawng ang pawh ka ti theilo


"Ka thei tawhlo.. " Ti a thawh ka tum chu ka ban rek ah a rawn man chawt a


"A reilo ang, ka nau hian nâ ati ania" Ngen ngawl tak a min tih tak ah chuan a bul atang bawk in ti ka leh a, chung lai zawng zawng pawh chuan Sawmkima a meng a vek tawh a engmah a hre tawhlo


Ti tur a min tih ang apiang in ka ti a, Sawmkima chal kak chu engtin tin emaw a a buaipui a,hospital ni silo emergency thil a pawh doctor che chhuak ang mai hi ani, Tetea'n doctor a zir a ti kha a sawi dik tak tak a mawn le? Mahse doctor atang a addict nih chu a mak mah mah ani, chhan tha lutuk a nei ngei ang


"Tumtelek..?? " Vin zet a min ti tu chu ka en a thinrim lutuk in min lo en veleh thung


"In scooty hi ka hmang duh" a ti a ka ta nilo mahse ka lo bu ve nghat, hetiang thil ah chuan phal loh chi pawh anilo


"Kim.. " Ka ti a ani pawh scooty atang chuan alo chhuk ve nghal, Johan chuan Sawmkima chu a tung dawn a Reubena leh Benjamina te khawih a phal silo Kimkimi lah pun theih lek lo in a awm bawk si keimah chuan ka lo pui leh, scooty ah chuan a chuang a kei leh Sawmkima pawh


Kan inkar ah Sawmkima kan thut tir a kei ai a lian leh chhawng engmah hre tawhlo lehnghal chu ka chelh her pawhin ka ringlo mahse ka puih na an mamawh bawk si, Sawmkima zak hnuai a ban tlang in Johan-a jacket ah ka va tham nghek, kan tluk emaw tlak chuan kan vai tluk a tlak tawp ani tawh mai


"A thiannu kha lo va thlah rawh u, taxi pawh ke pawh in lo va thlah ula heta tang a hospital hnai bet ah min rawn zawng ang che u" A ti a tichuan hospital lam pan in kan pathum chuan kan in phur chhuak a


"A na.. " ti a Sawmkima rawn phun chu zawi te hian ka hria a


"Sawmkim, lungngai suh hospital kan pan mek ania tuar tang tang rawh aw.. A reilo ang ka ti tak tak ania aw kan thleng tep" Ka ti nghal zung zung


Johan chuan min tlan chak pui bawk a reilo ah hospital kan thleng a, Sawmkima chu an la lut nghal a kini pahnih chuan kan lo nghak, doctor ten an la lut chiah chu ka ke tha hi a zawi hawk thei, khatih lai a ka lo tan nat zia kha ka hre thar bawk, Johan chu bang ngheng bawk in chhuat ah chuan a thu sawp niai a


"A tha mai ang" A naupang zawk mah ni ila a rilru a hah hmel em vangin thut thlak ve pah chuan ka ti a


"I huaisen khawp mai" Min rawn kuah thut a a rawn tawlh phei nghal ka ban veilam leh a taksa a in si chawt! Ka meng phawk nghal kawk a chutah aw thian kharh kharh chung hian


"Sorry, min hlau lo tur ah ka ngai a" zawi sap a tiin a tawlh hla leh a "Addict hi chu tupawn an ṭih vek! i dem awm lo" A rawn ti nawn leh chu ka lo awmdan khan a ti in thlahrung tih ka hrethiam a ka ṭih loh zia tih lan nan leh a rilru ka tih nat sak ka hlauh vangin keima thu chuan a bul ah chuan ka va tawlh phei ve zawk a sik em chu ka silo,Tun ah pawh hian zu rim a nam ram ram mai


Reilote ah doctor a lo chhuak a an thui dawn thu te a rawn sawi a a mah Sawmkima tak phei chu a ngaihtuah awm lo tih min rawn hrilh zuai a,ka thian nilo mahse ka lo hahdam ve huai, chutah Reubena leh Benjamina te an rawn thleng ve a Kimkimi an thlah fel tawh aniang, him deuh a a thlen ka beisei


"A tha a ngaihtuah awm lo,kan in ah lo va kal ula ka room ah pawisa ala tam kha.. Va la rawh u an thui dawn a eng emaw sen ngai a awm nual ang pawisa kawl sa tuman kan neih neihloh hi" ati a Reubena chuan min en deuh reng a thisen ka kai nual vang aniang


"Kan lo let vat ang" tiin an in zui chhuak lehnghal a, lirthei pawh neilo chu an rawn let vat dawn emaw ni?Johan nen chuan kan thu ngawi dun vang vang a cumi hnu ah rawn thaw chhuak hawk in a kut chu a elh ri a


"Ahhh, hrilh tur che ka nei a " a ti thut a ngawi rengin ka lo en, a hmel ah chuan tum dang a ka hmuh ngai hauhloh thil ka hmu tlat


Zam hmel a pu a, hreh leh harsa ti hmel te pawh a pu lek lek hial ani, ka lo en reng si a a nghawng te chu a tuai leh but vut ringawt a "enge ni? " ti a ka zawh tak ah chuan a lu a bang ngheng in a dak ti tih a


"Reubena khan a duh che, hrilh sak tur che in min tia a u ka nih na ang in ka hrilh che anih chu, engtin nge i chhan dawn? " a ti mauh mai! Ka beisei loh em vangin Johan rawn thle hawi chu ka lo en ve reng ringawt


"I duh ve em? I hmangaih theih phei chuan a tha ngawt ang" a rawn tih nawn leh tak ah chuan in thlahrung takin lu ka thing vut a, Vanrammuana kal chin ah tumah hi duh melh pawhin vawikhat te mah ka la melh ngailo


"Ka theilo.. Ka Hmangaih thei teuhlo!!engtin nge ani ang damdawi ti.. " Ka tih mek laiin min lo pawt chat


"Hmangaih phu lo mihring kan awm lo i ti sia..nge ni a keini ang hi a ruk in min lo hmusit ve tho? " A ti a chhan ngaih na ka hrelo ka tho a ka kal sawn vang vang,mipa dang ka ngaihven theihloh chhan sawichhuah kher tilo


"i Hmangaih thei anihchuan ka lawm dawn teh ania.. " hospital ani tih hrelo ang mai chuan a rawn ti zui lawng lawng a kei erawh beng ngawng ang maiin ka kal lui ngat ngat, hman zan a addict hmangaih chungchang min zawh chhan kha Reubena vang hi ani chiang mai!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)