HERMANO By Bearr Chhakchhuak (Completed)

[Ngaia]

CHAPTER-1



"Mamte sumo pawh a lo thleng tawh dawn ang lo chhuak ve em em tawh la" Ka pi ani



"Nia chiah mai i in chei leh vur awm chuang silo a" Ate Puii alo tawng chhunzawm zat



"In ninawm a ka inchei lo ka la in sang mar chauh" Vin hlar chungin room ka chhuahsan an an vaiin an lo nui thaw hlawm



"Ka tih reng kha maw.." Ate Puii bawk ani,inchei tum deuh hian room ah ka awm ve ngar ngar ziah a ka chhuah leh hi chuan an nui tawp zel,ka inchei tur lut leh ka chhuak hmel hi a danglam teh chiam thin lo ani



Inchei viau hi ka thiam lo ani ber mai,hman a Ate Puii min chei vak tum pawh in ka hmai hi a rit lûk hian ka hria a 'ka hmai vun a uai thla dawn tiin ka au chiam tawh,ka ken tur bag chu ka en dan dan a



"Pem tur ka va ang tak" Ka ti hap a thutthleng ah ka thu nghal thak



"Pem ti tih chu ania lawm" Ate Puii bawk in a lo ti



"Ate ka peih lo e,hetah ka la awm chak" Ka tih chuan ka bul ah a rawn thu thla a



"I nu in a ngai ve tawh che sia lawm,kal phawt la tum kum te han awmpui pum ve la maw duh leh kum leh atangin kan bul ah I awm leh mai dawn nia. Nu te khawhar a siam reng a tha ngailo" dam zet in ati a



"Ni ve tho,mahse ka kal chak lo ani" Ka ti leh a ka pi leh puri chuan nui chungin thil nih na a hma atang tawh a min hrilh fo chu a chhawk in min hrilh leh ngar ngar




Lalmalsawmthari ka ni a tun ah hian Thenzawl ah ka pi leh pu (ka pa nu leh pa) te hnen ah ka cheng mek a mahse naktuk atangin ka nu te kiang ah Aizawl ah ka awm tawh dawn thung,ka pa hi kum 14 ka nih in a boral a ka nu hian ka pa boral hnu kum 2 na ah pasal a nei leh a a pasal thar chu pathlawi ve tho ani fapa 2 leh fanu 1 a nei..a fapa te chu Kiama leh Rala ka ti mai thin,chen erawh kan cheng ho hman lo a an hmel pawh ka hre tawh lo zawk..ka nu pasal neih leh hnu an chen ho dawn khan keichu tun a ka pi leh pu te bul ah hian ka awm nghal daih a ka nu leh a pasal thar khan an bul a cheng turin min duh mahse a fa bik te ka mil theih ka beisei loh em vang leh ka nu in pasal thar anei leh hma lutuk ka huat avangin an bul a cheng lo in ti hian ka awm a Atei nula senior turu lutuk tawh nen hian kan in nufa enkawl ta tawp mai ani




Tun a ka thil huphurh em em pawh ka nu in min ngai in min thlahlel em em tawh a an kiang a cheng turin min ngen reng a keichuan ka duh em em hran lo,ka ngailo bik chu ka ti miahlo mahse a lak ah chhete a lawm loh na ka nei a bak ah unau thar sual deuh ni thei te leh pa thar neih a nun hman thar leh kha ka peih lo ani,mahse ka chenpui te hian min tur nasat vang te ka nu ka ngaih ruk ve tho vangin kal ka tum ta hram kha ania,mi in a hnathawk a awm tur ang mai ni hian ka hria a ka huphurh leh deuh



"In hman em??" Pawn ah sumo ri kan hriat rualin driver pa thanga keiin Zalianthang ka tih deuh tlat a ka nel em em in a rawn ti lauh lauh a ka thu mar nghal zawt



Ka bungrua khai chhuak in sumo ah chuan kan hlang a ka huphurh ve sia Zalianthanga lah chuan min chhaih chhen lehnghal,ka nu te hian min rawn hruai an tum kha ania mahse ka nula ve tawh ka tih tlat vangin min rawn hruai tur in an lo kal ta lo kha ania



"Mamte ka ngai dawn che emai a!!" Ka kal dawn meuh chuan ka pi in hnuk ulh teuh in a ti chhuak a keipawh ka hnuk a ulh ve dawn lek lek



"Kei deuh hian ka ngai dawn che u,hreawm ka tih a ka lo phone cheu chuan min lo hruai leh ang cheu aw" Thupe aw lek lek hian ka ti a



"Tehreng mai,aaaa nuam pawh i ti em em ang i chenpui tur te an sual zawk zawk lo ang " Ka pu in alo ti ve thung,aizawl kal ve tur dang lam kual a la duh vangin ui deuh chungin kan in thlah a ka pi leh pu te Atei te chu ka ngai nghal em em ringawt



"I tah nilen dawn chuang kawng lak ah ka theh thla daih ang che" Zalianthanga'n a lo ti


"Zalianthang chhe suh aw.." Ti hmuk in ka melh vak a anui put put ringawt


* Aizawl *


Harsatna em em awm lo in Aizawl kan thleng a counter ah ka nu in min lo hmuak,an pa in a duat viau aniang a thau kung kung mai..kum 3 tep chu kan cheng dun ta lo kha ania min hmu pawh a mittui a tling piau mai,phone te chuan in be fo mahila a tak a in hmuh tak ah chuan engkim chu a tak bik a kei ngei pawh hian ka nu bul danglam zia ka hre chawp chilh nghal. Mahse ka lo tum lawk ve tawh miau vangin ngai huam huam leh ti huam huam a awm kha ka tum lo a in lak luhlul ve ka tum hi ani tawp



"I pi te chu an lungleng awm mange" a ti a


"Khawi ah nge in pa..?" Ka lo ti thung


"Hna ah an buai lutuk a hmuak tur che in alo kal ve hman lo anih kha..."


"Min lo hmuah ve awm" Ka ti kher a,thiam thu a lo sawi sak nghal char char



Ka nu pasal hi Lalrinchhana ani a officer lian tak ani ve bawk a an khawsak pawh a harsa lo viau,a fapa Kiama leh Rala te kha chu an hming tak ka hre leh tawhlo an upa ber hmeichhia kha chu Dawngi ania pasal nei in an in dang tawh anih hmel. An in chu kan thleng a chhawng hnih ni in a rawng lah chu an bei mawi viau lehnghal ka nu thiante ni awm tak in an in bawr a lo awm remchang ho chuan ka nu an lo be sap sap a 'i fanu chu ami,a va hmeltha ve,in in ang hle mai' tih ang reng vel ani an sawi ni




"Lut tawh ila" Kan luh leh mai loh vangin ka ti a ka nu hlim phur hmel chu hmuh nuam ka ti ru viau na in ka lung erawh a leng ngawih ngawih nidang chu nise tun ang hun ah te chuan api leh apu te bul ah rawngbawl in ka iak ka iak leh tawh ang chu



"Chhani hei bungrua min lo lak pui lawk mai" Ka nu a au vak a min ti phu nasa lutuk



"Eheee ka thian tur.." Ti chung a lo chhuak chu ka lo en ve vat,hmeichhia ani a keimah ang rual ni awm tak ani a lan dan ah chuan,a nihloh pawh in kum hnih thum vel in a upa zawk mai thei




Kan in zui lut tham tham a,a fapa te ho in min lo melh kur ang chu tih nak laiin tumah hmuh tur an awm lo...ka in ang tho tiin couch ah chuan duh dah deuh in ka thu a ka chau ve thawkhat ani. Ka nu te nula Chhani chuan thingpui leh a hmeh min rawn pe a ka nu in Thenzawl lam chanchin min zawt nghal luam bawk,pasal a neih a ka chen pui loh khan Krismas alo zin zeuh tih loh chu apu te nen pawh an in hmu mang lo a phone a an in be zawk te anihloh chuan..chuvang pah chu ani zawh na a ngah khawp mai. Phone ka check pah a kan thian ho group ah ' Mst Bus-i chu a va ngaihawm tak ' tih an lo sawi ve luam,Lalmalsawmthari ka ni ka tih tawh kha mi hian chi hrang hrang in min ko a Ms tih te Mst tih te leh a dang dang..ka thiante ho chuan Mst Bus min ti kher zel a ka best bik bik Remi nen chuan The Rock tiin kan in ko thin.




"E kan nula chu a lo thleng tawh maw?" Mipa aw ka hria ka thu ngil nghal zawt a kawngka lam ka en chuan ka nu pasal pa Rinchhana alo ding luau,hman ang tho khan a hmel a la ngainat awm reng a ka pa ti theilo mahila ka pa chu ani tho ka nu pasal ani miau a. Mahse ka pa ti a ko mai tur chuan ka la tim rih deuh



"Aw thleng deuh chiah anih hi " Ka nu in a va pan nghal,engahmah hma in ka pa ka hrechhuak ringawt



"I motor chuang te i chau em?" Ka hma zawn ah a rawn thu thla ve chat a,ka lo bu deuh nghat nghat



Rei pawh a thu hman lo tih in kawngka lam ah thawm a rawn awm leh,kan hawi thap a Tlangval pahnih an lo ding a Rala leh Kiama an ni mai thei an hmel hi ka chiang tlat tawhlo ka nu te inneih ni kha ka hmuh ve chhun an ni mai a ahma zawng chuan hostel ah an awm anihkha. Pakhat chuan racket a keng a pakhat chu a ding mawl ve tawp a mahse a hah hmel fu thung




"I u te an nih saw.." Ka nu in a lo ti a kan pathum chuan kan in en vung vung ringawt,an sang a an cher hmel ai in an taksa a sek vei phian..hman a ka nu in a sawi dan kha chuan a naupang zawk nen kum 4 in kan in thlau a tia a u zawk nen kum 6 in,an u ber Dawngi kha chu a upa zual deuh tih a sawi tawh..Kiama pawh tun ah 23 ania mahse a tlangval ngawih ngawih..kei 19 ka nia tunlai ah chuan tupawh kan thang duh em em tawh a kan kum kan than khalh hi ani ber tawh a chuvang aniang a kum mil lo deuh a ka hmuh tlangval viau



"Cute lutuk.." Min mil viau lo tur ah ka ngai a mahse ani reng reng lo an rawn lut a an pahnih chuan ka biang lehlam ve ve a piai in 'cute' min ti anihchu!!



"Kal teu " Biang piai ka duhloh vangin in sum hman lek lo chuan an kut ka vai kiang a an nui nghal hawk hawk




"Kha kha Rindika, kha kha Chhantluanga..in in hmu lo rei sia i theihnghilh tak in " Pa Rinchhana chuan an mahni kawk pah in a ti a,Kiama hi Rindika ania Rala hi Chhantluanga Um ka hre thei nghal




"Nau an awt lutuk a ilo awm ve duh tawh chu ka lawm tak tak ani,zan chhuah pawh an sim ve deuh tawh mahna.." Pa Rinchhana chuan ati a atho zui a



Ka nu nen inthlak turin an in zui ta daih.



Ka sir tawn tawn thutthleng ban a thu a min nuih ver ver tu te pahnih chu mit kalh lo chauh in ka en tawn a,an awmdan hi ka hlauh zawng tak min lo lawm viau ang in an awm anga a ruk in min tih duh dah an tum ani hrim hrim



"U Chhan ka room tur ah min lo hruai" Ka ti ta vak ringawt a choka atangin a ni pawh a rawn chhuak zui ve nghal



"Kan lo hruai ang" Rala an unau a upa zawk chuan alo ti hmuk


"Nahi ka duh teuhlo U chhani hruai ka duh"


"Kan hruai anuam zawk" Tih leh Kiama chuan min kaih thawh a rual nghal a min khawih ringawt nia a va zak lo tak


"Kal la..."Rala rawn ding hnai ve thut chu ka nam nghal vak


" Tenawm reng reng suh u" Ka ti nghal hlar a


"Tenawm a? I u te kan nih hi" Rala bawk ani


"Ni mahula ka duhlo chung min tih luih theih na dan in nei lo hrim hrim" Ka ti ve leh hlar ka tlawm bik mai mai dawn lo



"U Mam ka lo hruai mai ang" U Chhani chuan alo ti a Kiama min vawn na thin thlak nawk pah chuan ka melh hrep zui a



"Kal ang..." Ka ti leh a ka bag chu ka khai nghal bawk



"Thu I awih loh chuan ka duat vak lo ang che" Inchung chhoh na step pan pah in Rala chuan ati leh hram pek a a ho emai a ani lo min duat tu ka ngah lutuk ringawt



U Chhani chuan ka bungrua nen min hruai chho a ka room tur chu te fel et,thil awm kim deuh mai hi alo ni a hmeichhia chu ka nia mahse thil reng reng hmeichhia leh lutuk hi ka ngaina hran miah lo ka ngai na lo pawh ka ti lem chuang lo a



"Anu (ka nu a sawi na ani) leh U Mama te pahnih buaipui anih hi...ka awt tawp" Ka room tur duh hmel zet hian ati a



"A pink an uar mah mah anih hi " Ka tih chuan mak ti hmel deuh in min en a



"Pink colour I ngaina lo a law? " A ti hluai,khawvel ah hian kei chauh pink ngaina lo ka awm emaw tih mai tur ani "ka ngaina asin aw pink hi ka favorite colour ania.." Ti sap sap in ka thuanhnaw vel min lak chhuah pui a




Dah fel pah in kan ti ti dun nual a kei ai kum 1 chiah in a lo naupang a chuvang a u lo turin min hrilh nghal,ka nu nen chauh hmeichhia an awm vangin rualpui kawm tur a neilo lutuk a khawhar zia te a sawi luam a Remi ang chiah ani a tawng char char. Ka nu te nupa lo lut chho ve in Chhani ai an tih sak a Chhani rawngbawl turin a chhuk thla nghal



"Enge i zirlai te a an a? I pass tha thin em?" Pa Rinchhana chuan ati a


"Tha ve thin tho mai" Ka ti tawi tap a


"Hetah i awm anga i hriatthiam vak loh pawh i u te pahnih thiam deuh zawh tur an awm bawk a lungngai reng reng suh..." Ka nu in alo ti zui vat



"A ni chiah mai tiraw Mama phei chuan a nau ai pawh in a hrilhfiah thei daih ang chu" Pa Rinchhana bawk ani



"Hrilh viau hran ka ngai lo" Tiin inbual turin bathroom ah ka lut zui daih a



Tlai chaw ei a lo hun chuan Chhani a au lauh lauh a,phone ah ka The Rock-i nen in bia in tukin ka kal tur min thlah lo chu ka lungawi loh thu sawi in ani'n a pa zing hnathawk lam a a kal hlan in ka lo kal hman ati ve bawk a mahni a in thiam char char,Chhani rawn au nawn leh ah chuan voice in "The Rock" Ka va ti tuarh a ka nui nghal tiah tiah,tiang a in koh kha kan duhlo ve ve a kan duhloh vang takin kan han in ko thung a



"The Rock chaw chu ei ila..." Ka phu zawk a phone ka thlauh phah tep,Rala ka room kawngkar in hawng sa deuh ah chuan ka va hmu..Remi ka koh dan kha ahria ani ngei ang The Rock min rawn tih ve ngawt



"Ka lo kal.." Tiin ka tho chhuak a a kal thla mai dawn emaw ka tia ka chhuah thleng chuan mi nghak ta reng



"Kal la..." Ka en reng vangin a ti nui suk a a hnunglam ah thawm rawn awm in Kiama alo lang veleh nghal



"Come...chaw ei ang" Tiin ka nghawng ah min rawn kuah a rang lutuk in a ban ka vai thla nghal "oh I duhlo ani maw " huat pawh a haw chuang miahlo nia mawle



"Kal ang.." Tiin Rala zawk chu kekawr ip te zen tut chungin a chhuk a Kiama chuan min la nghak reng "Bawiha...?" Rala a rawn hawi let a Kiama pawh a chhuk ve leh mai



"Huiiiha enge maw an hriat unau ni?" Ti chungin ka chhuk thla a chaw kan ei a Chhani bul a thut ka chak tehreng nen Kiama leh Rala chuan an phal tlat lo a an inkar ah min thut tir tlat ka ngei dun zia chu. Pa Rinchhana zah der ve khanglang lo ila chu ka hnial hrep tur ania



"Hrethiam rawh nau hmeichhia an nei ngailo a an awm thiam lo anihkha" a lo tih sak ve zaih bawk nen chhan pawh ka chhang buai tawhlo



Chaw ei kham ah ka thiam ang ang in Chhani ka pui a chumi zawh ah room ah awm in ka pi leh pu te bia in ka'n cry ve hlak anihkha,kan in chen chilh rei a min duat hlum lo chauh thin kha ani ve sia cry pawh a awm lutuk tho mai



Chhun lam motor chuan na ka chau ve deuh nen ka mu hma daih a The Rock-i pawh ka be rei ta lo

★

"Ka nu!!!" Phak tawk in ka tho a ka room kawngkhar ka hawng chiah mipa pakhat hian hnai lutuk ah kun meuh in min bih



"A va zia lo tak.." A la ti duh lek chauh,hnunglam ah ka tlu hnawk lo chauh ania



"Engtin nge ilo tih hman a?" Mama alo kal a,ka tih chu Rala "i lo ti hlau leh hman tawh ani maw " Tiin min rawn en fiah a



"Hlau chiah pawh anilo a mah hian min hmu a a au vak anihkha" Chupa mai mai chu min puh daih ka ti



"I tha em the Rock?" Hepa pawh chu(h) ka chhang hauh lo ang "The Rock a??" A bul ami chu alo nui hawk,hepa hi tunge maw anih le Pa Rinchhana fapa dang em mawni



"Tiang khan min ko suh ka hming anilo" Rala chu ka en thuai



"Um a tha a lawm...mahse i in hmeh ka ti" Tih leh kalsawn a rual a ka melh hrep



Inhnuai ah ka chhuk a Chhani ring deuh in a lo zai a a hla sak lah chu a mak em em lehnghal,thingpui min lo pe a muangchang in ka in a,nizan khan thawh hma vak loh ka tum tehreng nen ka tum ai in ka harh hma leh sia ka lu hi a la rit bur mai


"Khawi ah nge anu hi " No dawm pah chuan ka ti a


"Aw in chung ah pangpar a sing sa anihkha"


" Um "


"Chhani, Mama thianpa kha chaw a lo ei dawn aw chaw kha a tlem dawn chuan chhum belh la.." Choka ah Kiama a lo lut,khapa min ti phu chiam tu kha Rala thianpa lek alo nih chu




Ka nu te nupa ka room a an awm lai khan ani hi chu U Bawiha ti a ko tur khan min tia mahse an pahnih hnih hian Kiama leh Rala ti a koh hi an nuam...in chhung ah chuan tiang a koh hi ka duh pawn lam ah pawh a tul chuan ka ko tho ang



"Morning.." Ka biang ah a piai leh tawh!!



"Awle ka lo chhum nghal ang" a ti Kiam pawh bu nghat in a kalsawn lehnghal



Chhani chu che rang ka ti khawp mai buhfai a sil chauh emaw ka tia gas ah cooker nen an lo chhuang fel der "ilo awm chu a nuam e ti hian chet pah in biak tur te ka nei a U Mama te pahnih ngawt nilo in"



"An tawngthei viau lo maw" Ka lo ti hmanhmawh "an chimawm hmel" Ka tih chuan a ner nang nang a



"Chutiang an nilo an tawng tam hran lo,U Bawiha hi chu a tawng duh a mahse pawi a sawi lo..U Mama phei chu a tawng tlem reuh lutuk mahse nimin a piai che leh cute a ti che kha mak ka ti tawp a khatiang khan tumah vak hi ati ngailo a fel a a puitling bawk..a chang hian a cool thei lutuk"



"I van star hmel" Ka lo tih chuan lai hmel hi a pu.



"Star lo a mahse U Mama hi hmeltha ka ti tawp,u Bawiha pawh a hmeltha tho mahse u Mama a tluk lo deuh" a ti a. Keichuan tha ka tih pawh ka hrelo ve ve an pian a dik in an hleitling tih deuh chauh ka la hria an hmel pawh a chhe chuanglo mahse ka la hmu tam tawk lo a


"Ti daih ila eng khua nge in nih a?"


"Siaha "


"A va hla daih daih ve"


"Nia apa ( Pa Rinchhana a sawi na) hi Siaha ah alo kal tum in kan in hre fuh a chuan hna ka duh thu vel ka sawi a tihian an in ah ka awm ta anih hi"


"Anih tak chu..."



"Chhani juice a awm mial em" Thingpui ka in leh chiah a rawn tawng thut a ka hak tep ani ka phut nasat zia kha



"Tlai ah hrilh nawn ngailo in chhuak turin lo in siam rawh aw" A mah ka en miau loh vangin min bia tih ka lo hre lawk lo Chhani a be tur ah ka ngai "The Rock ka sawi chu i hria em?" Ka beng bul chet ah chuan a rawn ti leh


"Awi min ti phu thei lutuk mai,aw ka hrelo eng maw i sawi?"


"A va hahthlak,tlai ah kan chhuak dun dawn ka ti"


"Awi engvang ngawt in ka peih teuhlo mai"


"Peih lo thei i ni lo"


"Ka thei a ka peih lo ka tia lawm.." Ka melh vak a ala nui mai mai zui.



"Aw i U Mama khan school uniform vel buaipui turin a hruai dawn che anihkha hnial hnial mah ta che " Choka ah ka nu alo lut ve chiah



School hi ka lut tlai a chuta kar ah natna neuh neuh in min tlak buak vangin kum 1 tawp kha school ka kal lo a ka school lut har nen ka rualpui te ai in ka pawl a hniam phah a zak ve thin tho mahila pawl bawhkan ka duh bik silo. Chuvang a tun ah pawh 12 kal ve tur chauh ka ni ,ka kum ang ah te hi chuan college an rap fur tawh



"Nangman min kalpui zawk rawh"



"Ka hman lo a lawm,chuvang ania i u Mama kalpui rawh ka lo tih. Bak ah in rei phei chuan zanin ah i pa nen mitthi ral turin kal kan lo tum tawh a kal hma kha kan duh dawn a " Pa Rinchhana chu ka pa min tih sak nghal mai



"Nidang ah ani mai" Ka la ti ve talh



"Lo sawi fel mai rawh u,dar 4:30 bawr atang chuan ka hman ang" Chhani juice pek la in a kal a



Ka nu an biak dan leh a lak a an tawngkam leh awmdan vel ka hmuh a ka ngaihtuah hian an pa nupui an nu tak thlak tu mah nise an haw hran lo anih hmel khawp mai. Nu tiin an ko mai bawk a kei ni ila ka thei lo ti ila tun ah pawh an pa hi Pa ka la ti thei lo chu thuhran ka la ko lo hrim hrim zawk..kei ang lo tak a mi rilru tha leh zau an nih dawn hi



"Nidang a tih a theih ringawt hleinem naktuk ah te chuan school kal tan la kan tia sin admission vel kan ti fel vek tawh a "



"Awi ka la peih lo naktuk tuk leh ah tal nise. Bak ah ka uniform tur pawh an peih hman dawn mi?"



"An thui sa te pawh ilo ha thei mai thei a sin engpawh nise i u Mama lo haw vel ah in kal dawn nia,unau in pawh na pawh ani tel a"



Ka chhang buai peih tawhlo. Chaw kan ei a Rala thianpa Ruata chaw lo ei chu ka en reng a a hmeltha reuh tawp. Nileng chuan ka mu tih theih ani an chhuak deuh vek a ka nu leh Chhani te chauh an awm vangin ka inthlahrung lo viau,a chang leh ka zirlai tan a pawimawh lehkhabu te min lo ngaihtuah sak vek tawh vangin chung te chu ka en vel thuak thuak




Tlai ah chuan ka peih loh deuh chungin Rala nen chuan kan in phur chhuak a,a bike lah hi ka chuan zah chi ani mawng a pauh duh emai. An tet lai deuh atang a uniform thui tir nan a an tlawh ngun ber dawr ah min kalpui a thui sa nei nual mahse kei ka lo te zawk zawk bik silo a ka ha thei tlat lo. Min teh leh te te a Rala alo haw tlai bawk nen kan haw hman meuh chuan khua a thim ti tih tawh ka pum lah chu a ri reng lehnghal



"U Mam..?" Ka tim deuh tlat. Rala ka lo ti zawk lo ani


"Um "


"Kan haw dawn tho a mahse ka riltam tawh tawp chhang emaw lassi tui deuh lei tur zawng lawk ang" Ka la nel miau lo a ka aw ki pawh a dam zaih


"Ok sawlai ah sawn kan kal dawn nia" A ti tha ve mai.



Dawr a duh na tak ah min luh pui a,an chhang zawrh chu a cial hlawm lutuk a a to bawn tawp lehnghal pawisa ka ren ren nen mahse ka riltam tawh ka lei khawp ang "eng khu nge i duh ber a??" Ka bih kual mek laiin a rawn ti phut



"Aw ahhh ka hrelo a tui ber hi ka duh" Ka ti bah nuaih,ka tawng bah chhan pawh min awm hnaih em vang ani



"En ringawt chuan a tui ber hriat a har awm mange" A nui nghal suk a dawr nghak tu nu pawh alo nui "um keiman ka thlan sak ang che"


"Ka duhzawng pawh i hria ami?" Zawi te chuan ka lo ti leh



"Hrelo e mahse i duh em em ang" Tiin chhang cream sen no in a bawh khah luk chu a kawk a "tui ka tih loh chuan a man ka dil ang che" Ti rilru chungin ka bag te ka hawng a



"Ka lo pe ang" Tih leh pawisa pek a rual nghal a,min thlan sak a a tui loh phei chuan tiin ka hnial duh ta lo.



Dawr chhung thut na awm ah chuan thu in muang te te chuan ka ei a,ani in phone a khawih mial mial.



"Ka bul a awm a chet tlat vel chu enge i ngaihdan?" A phone chu ak in dawhkan ah a kut pahnih nghat in min en kar,chhan em em awm lo in ka thil ei lai ka lem tha theilo ringawt.


Show post links
Top

[Ngaia]

CHAPTER-2



"Kan tlai zel ania" A zawh na kha ka chhang lo a,a nui hak ringawt.



"Ka chhang lo mai ang che" Tiin chhang chu ka ei zawm daih a,min la en char char vang chuan tlem in ka mawng ka her deuh a dawr pawn lam chu ka hawi daih "a nuam lo zawk zawk lo anih dawn chu" Ka chhang chuang lo.



"Hmawm zauh la,kan kal dawn mi zan ah chhuah na tur ka nei leh a " Chhang chu ka en a hmawm mai chi ala ni awkawngka lo e a.



"Ka lem tha theilo" Tih sawi ka tum lai tak in kan dawhkan a tui um leh no in chhawp sa ami chu thli chhuak in ka lam ah a rawn nawr hnai a,lem theilo in ti si mahni te kha in thlit ve mai awm hi ka nia



"A sak hmel tawng tawng emai" Nui pah a tiin phone la chhuak in a bih leh mawlh mawlh a "ka lawm e " A hria pawh in ka hrelo e a ka lo hrilh ani.



Dawr chhuahsan in kan in lam kan pan a. A bike hi ka ning thlawt ka mawng a pauh vek dawn in ka hria. Nge keimah hi ka chuang thiam lo ve hrim hrim zawk pawh ka hre tawh lo e a,scooty chuan ka'n hnehsawh nen a



"Naktuk tlai ah kan lam leh dawn nia,anihloh pawh in ka haw pah in ka lo lam kawi mai ang. Enge i duh dan?"



"Um.." Phone ka khawih pah a "nangma thil tur anih hi kan sawi a kan buaipui" Ka ban ah chuan vuan in min pawt her deuh sawk



"Aw ka hria a lawm 'um' ka tih kha.." Ka tal nghal a mahse min chelh nghet sauh.



"Um tih ringawt kha in chhan dan tur anilo ka zawh na che kha i hria em?" A hmel tak ngur chu nichin dawr a kan awm lai nen chuan danglam tak ani ringawt. Thahrui lah chu a ngah nasa mai si ka hneh ngang lo


"Aw ka hria min thlah rawh"


"Ok chumi hma in ka zawh na chhang rawh"


"Enge maw i hriat le?"


"Engmah,zawh na ka zawt che a min chhan chu i tih tur ani hmeichhe ngeng leh tih mawh deuh ang khan awm suh"


"I va sual ve a"


"Nang deuh a lawm"


"Anu ka hrilh vek ang.."


"Awle,i hrilh dawn lo tih ka hria a lawm The Rock" Min thlah rual chuan in ah ka tlan lut nghal



"Nu..." Ka au chiam a Chhani hlauthawng deuhin a lo chhuak thuai "mitthi ral turin an chhuak deuh chiah" A rawn ti a room ah a lut lehnghal daih. Ani tak tukin ah pawh mitthi ral turin an kal dawn a tih tak kha.



"nakin ah i hrilh dawn nia a hmanhmawh thlak loh" Ka hnung chiah a rawn ti tu vang chuan ka per sawn nghal dawrh. Hepa hi ka hlau zo vek tep tawh.



"Chhani chaw ei lo siam la Bawiha a lo haw tawh em?" Tiin a au zui a. Ka nu ka hrilh dawn vang a hlauhthawn na pawh a neilo chu mak ka ti a min ti hamhaih dawn lek lek zawk




Phone ka phawrh a Ate Puii hnen ah massage in ka va hrilh ta vek ringawt a,ani lah chuan ka fiamthu emaw an mahni ka ngainat loh ve hrim hrim vang ah a alo la ngai zui. Niawm a




"U Mam a ei theih aw,Ms nangpawh lo ei rawh a dai hman ang U Bawiha chu a thiante nen an ei nghal a alo la haw lo" A ti zawm zat.




Ka kil thuai a tun lawk a ka chhang ei khan mi ti puar hran miah lo. Rala pawh alo kal a ngawi reng ka thu chu min kal pel in ka bul chiah ding lam tukin leh nizan a a thut na ah chiah chiah khan a thu a. A seat bik aniang




Nichin kan boruak vang khan hnaih ka chak lo zual tawp. Ka thutthleng thing a siam mawi si rit tham zet chu a lam lo ah tawlh phei tir ka tum a a nghen chhan ah chuan alo man nghal chawt




"Thil ho te vang a thinrim nghal mai loh tur" Tiin a ai a hnaih leh chhawng chuan a lam ah pawt tawl. Eng khaw sawi set set lo a fian a vuak pawp chak na rau in min la man zui. Mahse ka vaw ta em lo



"Ei rawh le a dai tui lo hman ang" A mah bawk.



Nichin te kha chuan a tawngkam a thip reuh nen a tun ah chuan angel van atang a an pir thlak ang mai ani leh tawh. Ka chhang peih miau lo a chaw chu ngawi reng in ka ei zui bawk a a vei khawr khanglang a min pawt hnai bawk si kei ka ding khawr bawk sia a buaithlak.



"Awi in van in ngaih hmel em em" Chhani a rawn nui lut a Rala chuan a ngaihsak hran lo


"Chhan zan ah leng mai mai ang,veng hriat chian nan te"


"Nia mahse U Mama hi dil phawt la" A awm ve lai lai in a ti a ka bul a chaw ei mawlh mawlh chu ka en a



"I phal em?" Ka ti tawi tap. U Mam len i phal em de de dei tih kha ka peih kual vel lo tun a kan sawi a hre ve vek tho "Um a tha a lawm mahse zanin ah nilo"



"Ngati...?" Chhani nen kan in en hâw. Tun lawk khan 'um a tha lawm' ati zo chiah sia



"In nghak tu an awm angai a lawm,Bawiha a awm lo a ka nu leh ka pa an awm lo bawk a,bak ah mipa tello a zan chhuah hi a tha viau lo" A kham zui daih. Chhani chuan engmah a sawi zui tawhlo a keipawh in ka hnial peih ta lo nichin ang a awm leh kha ka hlau deuh



"Hrethiam em.." Min kal pel pah a 'hrethiam lo' ti rilru chungin ka bu nghat "thuawih lutuk " Choka chhuahsan pah in a la ti zui,thuawih mi ti lo min nuihzat zawk in ka hria.



"Zan dang ah ani mai " Chhani chuan Rala kal hnu fe ah a rawn ti a " Min ngaihtuah ve thin a hmeichhia kan lo ni ve bawk nen" a ti sap sap a.



"Chhana..Chhantluang??" Pawn atangin an rawn au chiam.



Zan ah chuan tih tur a awm loh em vangin couch a mu chungin a pi te ka video call a. Nuam ti zet a ka biak a ka mut ar ar laiin Kiama a lo haw thut a ka mu lai pawh ka tho nghal zawt. Ka phu a ka hlauthawng tih hria ni awm tak in a nui hawk a inchung lam a chho ta mai lo chuan ka biak mek te chu a rawn en ve a




" Pi in dam maw?" Tha deuh hian a ti roh a. Api te lah chuan haw lo tih hriat deuh in an lo be luam a. Haw lo te ka ti ngawt a huat chhan tur hi an nei lo hrim hrim bawk a ka nu fa te ang tho an nia keipawh hi a




"Mama a leng chhuak ami?" Api te nen an in be ngar ngar a phone ka lo keng mawl ve tawp ani ber chutia keimah min be thut chu ka phu zawk nghe nghe. Ka bu nghat a inchung lam ah a chhoh dawn chuan " I khawhar chuan ka room ah lo chho rawh games kan khel dawn nia" a ti bawk a.



Ka chho awm lo emai a chance te a zawng palh ang.



Anu te dar 8:30 pelh ah an lo haw a ka khua a har em tih min zawt hnuhnawh. Chutia min zawt leh toh tur si chu min hruai ve mai awm ania. Chhani a awm a kan inkawm tiin ka lo chhang mai a. TV ka en a ka lo en tui deuh ani Rala te lo haw pawh ka hre lawk lo ka hriat meuh chuan a thianpa hmeltha mawl zet khan min hauh phu leh chiam.




"Mamte hei i u te han pe lawk teh a" Ka nu in thawmhnaw thleh fel sa thlap a kut pahnih hnih ah a lo keng a. Ka hreh na in ka lak sak ta tho



"Kiama..." Kawngkhar ka kik a. Ka koh dan chu a in hrelo tawp ang bak ah hei hi tu room zawk nge ka va hrelo tak



"U Bawih " Ka ti zo chiah a rawn hawng nghal.



"Anu in pe rawh a tia eng zawk nge i thawmhnaw?" Tiin a pahnih chuan ka lek kang nghal a. "E aw hei zawk hi" Tiin a la a a khar lehnghal mai.



A piah chiah ah ka va kal leh a kawngkhar ka kik hma in an rawn hawng.



"Lalpa!!" ring lutuk chuan ka au tuarh,a chhan pawh eng dang anilo zawhte hmul buk zet leh dum vek a rawn chhuah vang ani. A dum hlang a mit lah chu zawhte ani na vang vang in a meng rum ngang lehnghal a sual ngawt ang ka hlau lutuk a.



"E zawhte i hlau a law? Dude hei a hlau teh ania" Ruata bawk kha ani.



"Hlau rapthlak lutuk hei phei chu a hmelchhe si a dum si" Ka ti ta chiam. A nui hawk hawk a "Ka fapa he lam ah" Rala aw ka hria a mak deuh in zawh te chu a lut leh mai.



"Tu in nge hmelchhia lo ti che a?" A ti zawm zat. Zawhte hi ka ngai na miah lo a Ui erawh ka ngaina leh hlauh thung.




"Hei i kawr " Room ah ka va lut ve thawr a kawr ha lo in alo awm ah khum ah alo mu awn duai a a zawhte hmelchhe zet pawh a pum zawn ah alo bawk leh run.



"Tah khan lo dah mai rawh" Couch pakhat lo awm chu a melh zauh a. Ka dah a chhuah lehnghal mai ka tum chuan Ruata khan min rawn kal pel pah hian couch ah bawk min pawt thu deuh hnawk a "Ka ngaina reuh riau che enge i hming?" A ti zawm zat



" The Rock " Rala mai mai chu(h).



"Ms-i " Tha deuh chuan ka ti a kan in thut hmachhawn vangin tum dang aiin a hmel ka hmuh chiang zual a a hmeltha lutuk tlat. A hmui bul ah khuavang fiah zet a nei bawk



"Um,chuan keichu Ruata i U nen hian kan in rual chiah na in mi U suh aw nakin ah kan la in ko duat thei mai thei a " Fiamthu tel deuh hian a ti a.



" Nia..ni leh lo, awi " Rala a lo kal a min rawn pawt tho zawk. A mah chu chiang fe hian ka en a min rawn pawt tho zawt chu ka ruh te hi a ri thawt in ka hria. Ngainat awm zet hian a nui suk a min pawh lai kha chuan a thinrim hmel nen



" Ka nu'n a mamawh lo che maw" Dam zet hian a ti a keipawh i he lo in ka chhuak ve nghal. Mak deuh in khatia kan in chilh lai khan ka chhungril ah hian ka zam vak ringawt




Step a chhuk pah in Rala hmel chu ka ngaihtuah a ka ngaihtuah zel a Ruata ai khan a hmeltha ka ti leh zawk tlat. A hnar ngul sang vah te a mitmeng thlah pawlh ni awm tak a mawi te kha,a mawi rual in a thinrim chuan a en leh melh pawh hlauhawm tham leh tur si ani. A hmui te kha, awi a lo hmeltha tawp a lian si,a mit vei lam sir ah langsar tak in khuavang a la nei zui



"awi nilo lo ka ngaihtuah!! " Inhnuai chak deuh in pan thla


*

A tuk ah chuan zing thawh hlim atangin ruah a sur a ka lung a la leng zui.



"Aw I nau uniform tur chu ilo lam haw sak mai dawn nia,mi hi an ngai pawimawh thin a an fel emai" Inhnuai ka chhuk in ka nu chuan ati a Rala a bia ni ah ka ngai ve tawp. A chhan pawh Rala nen khan uniform thui tir tur khan kan kal a nizan ah pawh ka lo lam haw dawn nge atih kha mawle



"Anu hrilh tur ka nei" Nizan a Rala mi tih dan kha ka la hrilh miah lo tak.




Ka rin ang ngei in Rala alo awm a thil a ei a chaw chu ani lo. A hnunglam atang chuan ka bialpa Lee min ho emaw ka ti hman! A film chan na pakhat a a in thuam dan nen tun a Rala in thuam dan hi a in ang thlawt..an sam meh dan style in ang phei se chu hnunglam zawng chuan Lee min ho ani mai. Overcoat dum tak zet a ha a ruah a sur a khua a vawt deuh bawk nen a in chei thiam ngang mai.



"Rawn thu ta che.." Ka phu leh tawh. " E ilo tho maw? Eng maw min hrilh tur" Ka nu chuan phur zet hian alo ti a. Ka thut ve na hma ah chuan thingpui tui hmel zet hi a rawn chhawp nghal a



"I mutui em?" Thingpui ka in dawn chiah mak ti deuh in ka en hâw.



"Tui lo ami?" Ka mit ah tak min en in a mit ko pakhat zawk a san uk a. Ka chhang lo ngar ngar engvang nge pawh ka hrelo e a.



"Tui a niang,kha a la phak emai" Ka nu chuan alo ti a. Pa Rinchhana leh Kiama an lo in zui lut ve bawk. An ti ti siam siam reng a an awm khawm chuan an ti ti a puitlin bak ah an in pawh bik lutuk ni hian ka hria a ka nu te chuan kei ai a ti ti pui leh ngainat zawk na hmu a ka in ngaih tlat vangin choka chu ka chhuahsan daih. Ka nu hnen ah Rala pawh chu ka hek ta chuang lo.




"Thingpui tal chu in zawh tur a lawm" Min rawn kal pel pah in Rala chuan a rawn ti a. Ka chhang hran lo Chhani room ah ka va lut a alo la mu mawle!



"I dam lo ami?" A bul ah chuan ka va thu ve tawp a



"Dam e ka period tai na hi ka la na thei lutuk a chuvang mawle"



"Anu te i hrilh tawh em? Damdawi ei ta che keichu tai na tih vel ka nei ngailo reng reng ka vannei tawp" Ka ti zui chiam a. Damdawi Anu in a pek tawh thu leh mu tur a a hrilh vangin alo mu tih a sawi zui a.




Ka vannei a ka period tirh atangin taina ang hi ka la nei meuh lo. Chuvang chuan Chhani taina lutuk mu tawp pawh hi ka hrethiam lutuk lo a mahse ka awih sak lo chu anilo. Chhani room atang a ka chhuak leh Rala chhuak tur kan in tawk a. Lukhum hmathlawk a var a khum a overcoat,pheikhawk,kekawr a dum hlang vek a nia overcoat hnuai ah tshirt var ha in a mil turin cap var a khum leh bawk a va inhmeh tak.



"Ruah chu a han hnai tawh angem aw" Min be lo na in



"Han tep ang " Ka lo ti ve hmiah. A nui a kawngka lam pan a kal chu ka en zui vawng vawng a The Rock-i hian hmu ve se a star tur zia tiin ka ngaihtuah.




"Nu ka u te pahnih hian enge an zir mek a?" Hriat chak na chhete ka neih vangin Chhani ai a rawngbawl ka nu chu choka ah ka va awmpui a. Min phut hran lo bawk a ka thiam em em lo nen rawngbawl erawh ka pui lem lo




"I U Mama hi chu Bank ah a thawk a chuan " Kum 26 vel lek ala ni sia ka lo ti rilru " I U Bawiha ve thung chu ICFAI ah a zir na ala zawm ve zel a.." A va pui reuh tak lehkha a thiam ngawt in ka ring. Keipawh thiamlo fal chu ka nilo a college te phei chu kal ka tum ruh ve lutuk mahse university hi chu ka in beisei lo ve ringawt a.



"Mama chu a la naupang lo ami Bank a thawk ah" Ka tih chuan a nui tawi tak a.



" Naupang hran ami? A vannei anih hi. Bak ah tunlai ah te chuan an ni ang hi asin bank hnathawk tu..an hriatna a zau a,an hriat na a tha a bawk a mi dawr lah an thiam"



"Um anihchu a hlawh tam em?"



"Tam ve tho ang chu..bak ah beisei loh in fak a hlawh khawp a maw.." Ati a a chhuan hmel viau. Amah bawk chuan



"Bank a thawk ho hi chu biak an hreawm thei an tia Mama pawh hi chutiang chu anih ka ring"



"Enga...? Chutiang in ti reng reng suh a thawh na Bank manager leh a dawr tu ten an fak nak lai a aw" a tih chuan 'bank a thawk hmel pawh a pu lo' ka lo ti rilru hram.




"i pa nen kan inneih kum kum leh ah khan i u Bawiha hi a dam lo vak mai a,kal te kha a kal thei lo a phai ah kan in entir nasa a maw i pi te pawh chanchin ka rawn hrilh ve thin kha..khang vel ah khan pawisa kan in hmang nasa sia i pa hlawh ring a awm vek kha kan ni bawk nen i u Mama hian a zirlai a bansan a..zir san leh a hautak ani mai bawk sia..."



"Chuan.."



"Bank hnaruak lo awm lai tak ania a han try ve a alo tling hlauh mai a,a thawk ve lawp lawp a sum mamawh na kha a sang over bawk sia thawh rei pawh a tum lo a tir kha chuan mahse hei a tui ta phian anih hi"




"Chaw kan ei ve tawh dawn em ni?" Pa Rinchhana a lo lut ve a engmah kan sawi zawm tawhlo " Chhani chu a la na viau ami a,damdawi te chu a ei em?" A ti zawm zat




"Aw ei e..mamte va ko chhin la" Ka tho a Chhani room lam ka pan thuai "tunlai naupang ho hi chu tai na hi an nei fur tawh a a buaithlak an khawngaih thlak ania" Ka nu tawng ka la hre pha.




"Chhan, chaw kan ei dawn a sin ilo tho peih em?" Ka va ti dek dek a,a rawn tho chhuak a a zia viau thu sawi in kan in zui chhuak leh. Chaw kan ei lai chuan Kiama'n Chhani tai na chu a fiam a fiam a Chhani nuih za tai nat hlau bawk nui lo thei bawk silo chu a mittui a tling pam tawh.




"Matei pawh tlai ah a U in uniform a rawn hawn sak theih chuan naktuk atang school zawm ve turin in buatsaih se la" Matei tih thu chuan min ti tim lek lek ani. Min zawt lo na in ka bu nghat " Nia nimin khan an lut tan a aluh tlai lutuk chuan a hnufual bik palh ang" Ka nu'n alo ti ve thuai.




"Bawiha nen an kal na lam tur a in ang a, a hran a kal ngai lo in an in hruai thei bawk anga a tha phian ang" Pa Rinchhana bawk ani.




"Nia school kal har lutuk chu ka duh bik lo mahse,thian ka nei dawn silo a " Kiama chuan lungngai lo turin min ti a kan thenawm hnai a ka school luh na tur a lut ve te min biak sak tur thu min hrilh a.




Nileng in in ah ka tawm leh chawt a hei hi ani khawpui ka awm chak loh na chu. Thenzawl ah kha chuan school kal loh pawh in ramhnuai a kal emaw khawi khawi emaw ah len chhuah na tur a awm a thiante in ah nen. Hetah chuan len na tur ka hre silo chu thuhran chhuak hla deuh dawn ila pawisa a ngai zel a ke a kal ngawt lah ani bik silo. Mihring leh motor tam leh lutuk te hi a hneawm ngawih ngawih




"School chu i lut tawh em an mipa te an chhelo viau lo maw?" The Rock-i min zawh awm tak ani. Ka inbual fai thlap tawh a ka nuam huai thei. Ka reply na tur thu ka type mek laiin ka thut na bul ah eng emaw a rawn tla ri rawp a ka phu leh nasa



"I kartluan dress tur chu" A rawn theh na lam pawh en ta lo chuan a nui zui a.



" Ka lawm e " Uniform chu ka phawrh a kamiz zawk chu ka ha chhin a,ka uniform hmasa te kha a kamiz zak bawr hi phuar tu nei tih tlat chang ka nei thin a mahse tun ami erawh an thui dik thlap "eng emaw hak thuah zel angai dawn anihkha"


"Maw..?"


Sawi mai ta lo chuan ka hn**e zawn tak a rawn kawk siah.



"Sawnga tenawm lutuk!!" A kut chu ka vai sawn nghal dawrh. Tawi zet a nui in a kekawr ip te a zen a



"Tenawm vang pawh ani em ni? Kamiz kha a pan a kawr i hak a pan sa bawk nen i ro thil hmur a lang palh tih sawi ka tum mai ania"



"Chupawh nise enge khatia i rawn kawh vak" Couch ah chuan ka ding a ka zak thimrim bawk si ka melh vak. Ka melh na hian awmzia nei thei se chuan a kawng a na tawh hrim hrim



"Kawh ngai in a mah kha a lo kawh sa bawk sia" Ka ten lutuk chu tawng pawh ka tawng thei tawhlo ka melh ngawt ngawt ringawt a. Ka mittui te hi an rawn hnai uarh in ka hria



" Bra hren tal tur che alawm" Kal pah a a tih chuan lukham te chu la lawk in a hnung ah ka va vawm zui. Hreng thiam ila ka hreng daih tawh ang, bra ka hren hian ka hn**e bawr a thak vak thin a ka ha thei ngang lo junior bra hi ka ha tawp mai a ka hn**e hi a lian viau lo bawk nen pawi ka ti lo.



"Unaupa hur tak ini" Ka thusawi chu a mah mah in ka hre leh deuh mahse ka sawi zo vek tawh "enga..?" Lukham te bawk chu chhar in ka lam a rawn pan. Tlanchhiat mai tur em ni tih ka ngaihtuah laiin a rawn thleng fel der.


"Eng maw tun ah khan i sawi?"


"Engmah "


"Sawi leh rawh.. " Lukham te chu couch ah a vawm hian a vawm nek a melh pawh ka melh ngam ta lo. Ka u diktak anihloh vang hian a thinrim chuan min dim dawn miahlo tih ka chiang.



"U Mam " Ka hlau lutuk a chu chiah chu ka sawi thei. Lukham a ka vawm kher chu ka inchhir hle lehnghal. A kut a la kang a kut min thlak dawn ta emaw ka tih vangin ka kut chuan ka lo in dang ngawt pek a. A nui ri in a zawm a a kut pawh a la thla lehnghal.



"Tha deuh in awm teh aw,ka bul a I awm dan a zir zel in ania ka awm dawn ni? I fel chuan ka fel viau ang..i sual chuan in hi hreawm i ti viau mai thei.." Thu tha tak a min hrilh ang in lang mahsela tun a a sawi tawp lam ah kha chuan in vo na a tel ni ber in ka hria.



Naktuk atan a in buatsaih tan turin min hrilh a inchung lam ah a chho nghal.



Ka nu'n a fak viau kha mak ka ti ve thlawt,a sual char char chuanglo a mahse a mood in thlak rang tak leh a vin hi a hlauhawm em em mai a. Bank ah pawh a thawk tak tak dawn emaw ni. Room ah ka chho a ka uniform thar chu su in ka zar thlap a a ro hnu ah ka nawt mar leh thlap bawk.




Zan ah Rala leh Pa Rinchhana tih loh zawng in TV kan en a. Kan duhzawng tak ani hlawm nge tumah kan tawng lo a TV ngawt chu kan melh "aw min lo nghak ru" Kiama a tho chhuak thut.



"Bawiha zanin te chu chhuak lo la. Nizan ah i chhuak tawh bawk sia" Ka nu in a kal tur chu a lo ti a. "Nu zanin leh chiah,sorry ka lo haw hma ang" Ka nu chhan zui na pawh ngaihsak tawhlo chuan a kalsawn nghal a.



"Zawhte kan nei tih in sawi lo a" Ka lo tih chuan Chhani leh ka nu'n min en hâw " Ahh sawi sual ka nei em?" Mak ti hmel an pu



"Zawhte kan nei a maw Chhani kan kawl ami?" Chhani a en zui a ani chuan tawngka a chhang lo in a lo bu nghat "ni thum liam ta khan U Mama khan alo hawn a lawm.." Chutia inchhung a zawhte awm an hrelo chu mak ka lo ti veleh.




"Aw zawhte hi a ngaina ve tlat mai a room ah a khung leh char char anih dawn chu ka lo hre reng reng hleinem,a zawhte pawh chu thawm a va nei ngailo ve" Ka nu chuan pawi tih na pawh nei hmel pu lem lo tak hian ati a TV lam ah rilru a pe lehnghal daih.




"Nia a zawhte lah hi an dum thei sia ka rap desh tlat zel" Chhani tih mek laiin Rala inchung atangin a lo chhuk a len chhuah tum ni awm tak ani. An va han tawm im peih lo ve tak e aw



"Mate insiam la.."


"Maw.." Kan vaiin kan lo hawi thup. Keimah ber chu min en a " Khawi ah?" Bang bo zet in ka lo ti hâw


"Len chhuah kha i chak emaw ka tia" A mit ko a san ak a


"Chak e Chhani nen " Ka ti zo chiah Chhani phone a ri a a chhungten an rawn bia aniang a kalsawn nghal daih "A va hman hmel loh ve i kalpui tur chu " Nui hmel ngainat awm zet min hmuh chung hian ati roh a. Tlai a a mah thinrim zet kha chu ani leh tawh miahlo.




Ka nu in a lo phal bawk nen ka zui chhuak ve ta ngawt a. An tawm im peih lo ti zo chauh si khan ka zui chhuak veleh a keipawh a mah ang chiah ka ni. Kal duh na ka nei em tih min zawt a kal duh na nei tur pawh in ka la hrechiang silo a len pangngai ka chak ka ti ve ngawt a khawi ah nge min kalpui dawn pawh ka hrelo e a.




"Bialpa i nei em?" Hmun thengthaw nuam zet a kan thut dun laiin a ti thut a nichin tawh a lassi ka in chak thu ka sawi vang a min lei sak tak kha ka in dawn chiah a a thusawi avang chuan ka in leh ta lo.


"Ngatan nge i tih?"


"Ka hre duh" Ka chhang zui lo a,a mah bawk chuan "Ruata tan.." A ti leh a. Ruata chu ka ngaihtuah zui a. Ni tak a thianpa kha Ruata anih tak kha mawle


"Nei ve e hman ah"


"Tun ah ila nei em?"


"Aih kan inthen na pawh a rei tawh mai,thla 2 lek kan nia kan inthen" Engvang a tlang tak a hrilh ngawt nge maw ka nih chu le.



"Awle,a nihchu...Aw Bawiha" A ti zawm zat. Reilote a bia a phone a dah dawn chuan a rawn call tu chu ka lo en zawk a HERMANO tiin a save. A va dangdai ve aw



"U Bawiha ami?" Ti a ka zawh chuan a bu nghat a.


"HERMANO....chu chu eng tih na nge?" A phone hmeh kauh kauh lai chu chawl dat in hmalam a thlir vung vung a.


"I hre duh maw?"


"Duh lo ila ka zawt dawn che ami?" Min tih thin khei hi a tum ve ziah lehnghal a.


" Spanish tawng pakhat ania, a awmzia chu Unaupa tih na " Ka hmui phun in HERMANO ka ti char char. A va mawi dangdai reuh tak



Number hriatloh atang a call ka dawn vangin ka pick mai lo a. A tawp lehnghal thuai bawk.



"Ka number anihkha save la.." Awi kan va in call hnai tak. A phone atangin call ring thawm pawh kha ka lo hre leh miah lo. Bak ah min dil silo a engtin nge ka number hi a neih nghal mai? Hui ha a ho. A la pawimawh dawn emai save ang hmiang....mahse engtin?



'Aw ka unaupa ve tho a lawm' ti rilru chungin HERMANO tih chuan ka save ve hmiah.


Show post links
Top

[Ngaia]

CHAPTER-3


"Kan pahnih te a awm hi i hlau lo em ni?"


"Maw " Phone ka melh lai mek in a rawn ti thut.


"Engvangin " Hrethiam lo tak chuan ka en tawp a. Lu thing in ka lam ah nui chung hian a rawn hawi a "Engtin emaw ka tih che i hlau lo em ni?"



Min sawi thaih ni mai hian ka hria. Chuan hetia a sawi avang hian ka hlau thar bawk duhai in ka lo nel mah mah anih hi. Ka mawng chuan ka tawlh hla hret a ani alo nui hak thung.



"Haw tawh ila.." Ka tih san daih a. Nuam ka ti ta hlawl tawh lo haw vat vat ka duh tawh.



"A tha a lawm..chuan engmah hlauhthawn na tur a awm lo" Ka hlau tih chu ka hmel ah a lang chhuak ta nge ka hrelo. A tho zui a bike a chuang in a ti nung hlat hlat a keichuan ngam tak a ka zui ve mai chu mawl in ti in ka lo in hau ngar ngar.



"Haw chu i duh leh si nange??" Ka hawi a deuh hu chu min lo nuih a muangchang in a bike hnung ah chuan ka lawn a in lam pan a kan tlan chhung chuan ka be lo. Kal lam pawh khan kan in be viau hran lo.


*


Thla 3 tha zen zawn a liam leh meuh chuan nuam ka ti tawh hle a. In lah nise ka chenpui trn min duat em vangin nuam ka ti hliah hliah a Thenzawl lam pawh chuti tak in ka ngai ngawih ngawih tawhlo. Mahse, helai ka awm tirh a ka biak ang zat a tam tho ka bia. Ka unaupa te pawh ka tum ai a nasa mah in ka nel tawh a thisen a in zawm min chhang tu diktak te ang in ka en thei tawh..ka ngai na a an lak ah pawh ka fel ve khawp chuan ka hria. Rala sawi ang ngei in ka fel vang nge ka lak thinrim leh min tih duh dah an nei ngailo ka fel nasat poh leh an fel zual a min duat zual ni mai hian ka hria. School pawh a nuam ka ti ve tawh lutuk a thian pawh ka nei ve nual tawh a mahse in lam a han kawm zui erawh ka nei lem lo.




"Oh..i U a awm em? Chhantluanga zawk" Kawngkhar ka hawn in Ruata kha alo ding a. Bu nghat in kawngkhar atang chuan alo luh nan ka tawlh sawn a.



"A in siam mek.." Tiin an tlai in khel tur in sawm chu ka lo chhawn a. Rala hian a hunawl hnawh khah nan hna a ban hnu ah Ruata nen hian kan veng volleyball court ah volleyball an khel thin a. Vawikhat chu ka kal ve tawh Rala pawh a pian in a zir bak ah a tui bawk a a khel tha in a thiam khawp mai. Kiama ve thung chuan badminton a khel thin.



"Ilo thleng maw..Mate ilo kal ve duh em?" Rala a lo chhuk thla zui a. Ka in ngaihtuah a hun ka neih tho bak ah in a tawm tawp ai tiin aw ka lo pawh vat



"A nihchuan han in thlak la kan lo nghak ang che" a tih rualin ka tlan chho a ka han in thlak sawk sawk hnu ah an pahnih rual chuan ka kal chhuak ve a.




Engmah chu ka ti tha peih chuanglo an khelh pui thin te lo kal khawm nghah pah a an bul a ball ka chaih ve tih loh kha chu an rawn kal khawm hnu chuan an khel lai ka lo en vel mai mai. An ball ben lai a rawn lir phei daih vangin hmanhmawh deuh chuan ka lo va chhar a ka pe phei a ka thut na ngai a va thut leh ka tum chu ka lu a ri chawrh a ana lutuk leh ka luhai nghal muai muai ka han in thing harh deuh chu lei ah ka lo bawk reng. Ka lu a na zui ut ut a chutah Ruata kha rawn tlan vat in min pawm tho nghal lawp. Tlak hlau in a nghawng ah ka kuah vat.




"Mate I tha em?" Rala pawh a rawn thleng chawp chilh nghal.



" Ka lu a hai rapthlak lutuk" Tiin ka lu ka dawm a Ruata chuan min la pawm reng.



"I tha em Mami kan tihpalh lutuk" Tlangval an lo kal khawm tak tak a. Rala te ball ben na piah ah hian ball pet an awm a an mahni hian min rawn pet per anih ka ring.



"Aw ka tha...chuan ka hria" Ka ti bah nawk. Rala chuan ka lu min rawn dawm sak ve a "Ruata kha lai ah khan thut tir teh..a nuam deuh ang" A ti a. A aw ah chuan min ngaihtuah na ni awm tak ka hre tel.



Ruata chuan min thut tir a. Na tho mahila min bawr leh lutuk chuan ka inthlahrung zawk. An han in sawi fel a keipawh in ka that thu ka lo sawi ve sek bawk. An kal darh hnu ah pawh Ruata chuan min la thut pui reng a Rala erawh an koh vangin a va kal leh.



"A na tawhlo tak tak em?" Ka chal min rawn dawm sak chuan ka thu mar awt. Ka dar ah min la kuah ti tih zui.



"Um a na lutuk tawhlo..va khel ve rawh" Ka ti na in min thut pui a thlang zawk a keipawh in ka tir buai duh ta lem lo. Kan pahnih chuan thu ho te te kan sawi a,a fel in biak a nuam a ka in hmuh tirh ang kha ani lo ka ai a upa mah nise Rala te ang tho in ka nel a a chang phei chuan The Rock-i nen a ti ti ang mai ah ka in ngai hman.



"Kan haw mai dawn mi? Mate a la na em?" Rala a lo let leh thuai a. Engmah sawi chuanglo in ka tho a Ruata chuan min lo pui zel a min ngaihtuah lutuk chu ka lai lek lek.




An in khelh na hmun a hlat em em loh avangin ke khan kan kal ania. Ka naupan bik vang nge nichin vang pawh khan ka hrelo Ruata chuan min paw daih a,nuam ka tih rual in ka zak deuh roh. Kal pah chuan kan ti ti reng a Rala lam kan lo ngaihsak lem lo. Mahse kan ti ti na a kan telh chuan min rawn zawm ve thei zel tho.




"Chhani vur kha lo la teh aw " In kan thlen vel ah Rala chuan ati a Chhani pawh vur nen choka atangin a lo chhuak zui nghal. Ruata nen couch a thu dun in kan lo nghak a. Vur chu la in ka lu a dep tur chuan min hrilh a engmah pawng a awm lo ka tih pawh in reilote tal ti tur a min tih vang chuan ka hnial hreh a min ngaihtuah ve emai tiin a ngaih that nan ka lu chu ka dep a.




"Ka lo pui ang che aw..." Tiin Ruata chuan ka sam alo hui kiang a. Min care lutuk chuan min ti hamhaih lek lek a mahse nuam ka ti ve deuh..awi kei hian ka star a mawn le?



"Tu maw I star?"


"Enga..." Tun ah khan ka rilru kha ka sawichhuak em ni a "Star i neih chuan ka lung nilo viau ang" A ti bai bai a ka zak lutuk chu ka sa vek.



Rala ka en chuan kan pahnih chu ngawi ngal in min lo en a ka va en tak si ah chuan tawi zet a nui in a tho kang hluai a "ka han inbual hmanhmawh ange..Ruat,zanin chu kal hma ila" a ati a. Zan ah hian an chhuak ve deuh ziah a eng nge maw an tih thin ni. E nula an rim aniang chu mawle



"Nia kan tum dawn nia" Ruata pawh chuan alo ti ve vat a inchung lam ah min chhoh san velah vur pawh chu ka dah nghal.



"Thu I va awih ve" Ruata bawk ani. Ka nui a



"Ka u khan min ngaihtuah hmel em a lawm a thu ka zawm mai loh chuan" Tiin ka lo chhang ve zat "um nang ang nau hi ka awt ngawt mai" A tih chuan ka en deuh hâw.



"Fapa mal ka nia" A nui pah seih a a van hmeltha tak e aw.



"Keimah ang nau i awt anih leh i nau ang in min ngai ve mai rawh..keipawh in ka u ve che anga"



"Aaaa chu ai a thuk zawk chu ka beisei chak" Fiamthu zet a a tih chuan ka nui hak hak a. Rei pawh awm ta bik lo in an in lam ah a haw zui ve nghal "U Ruata hian a melh tai thei che e a star che ani hrim hrim"



Chhani vur rawn seng in a tih chuan lawm deuh awih phal chiah silo chuan ka lo nui ngawt a. Hman khan chutiang ang tur deuh chuan Rala khan zawh na min zawt tawh a bialpa ka nei em tih te kha Ruata tan hian min zawt anihkha. An thian dun ti ti vel ah ka ngai mai a thutak ah ka la zui lem lo bak ah chutiang a ngaih bel zui tur em em in Ruata kha a awm ngai in ka hrelo.



"Tu in maw star a?" Ka nu a rawn nui lut a Chhani choka ah a tlan lut nghal



"Tumah anilo e a" Lo ti vat in TV zah zel ah ka on ringawt "zanin chu i pa nau te chhung in ah len kan ti deuh a ilo kal ve peih angem? Nge lehkha ilo zir dawn?"



"Ka hrelo chaw ei pah in ka lo ngaihtuah ang"



"I dangdai thei sia maw..." Tiin a tui pui leh hlim pui ve em em pangpar pot chu inchung lam ah a chawi chho leh a. Ka nu hian pangpar a ngainat tehreng nen hian keiin ka ngaina leh thak lo hi a mak ve reuh ngawt mai.



Zan ah chuan ka nu te rual a chhuah ve mai mai ka tum zet na in ka peih leh ta lo. Ka peih ro ro anihchuan lehkha zir te ka tum ve reuh a kei misual hian. An kal hma chuan ka nu'n kuhva lei ah Chhani a tir a chu chu ka zui chhuak ve thung a kal pah in eng eng emaw kan sawi a ka ti ti thi lai takin Chhani chuan min nghawk pawp



"A na enge..." Kan hmalam melh ding tur a min ti niawm tak in a mit chuan a ti kual a. Ka hrethiam lo hle a mahse ka hawi tho. Mipa hi an lo thu khawm laih laih a chu chu hmu turin min ti aniang chu ka tia ka mit bawk in zawh na ka zawt veleh.




"Kan veng Addict ho anih saw kan kal pel dawn pawh in an biak che pawn tha deuh in chhang hlek suh an zuam nghal che ani mai " A thutak hmel sia " Enga " Ka lo la ti deuh hû.




"Kal phawt ang....dawr lah hi a hla reuh siahhh" A ti bui bui a. Dawr chu kan thleng a kuhva a lei a kan pahnih in kan duhzawng kan lei ti ila keichuan dildaar hring ka lei mai mai.




"Chhani khawi ah nge in kal dawn a?" Kal lam a kan tawh tlangval te zing ami khan Chhani arawn bia. A chhang lo a chupa bawk chuan "i in duh ve deuh tih na ami khawmaw lo ding lawk teh u tunge i thiannu kha.." a rawn tho chu ka hlau thut a Chhani ka tlan san daih.




Chak thei ang ber chuan ka tlan ngat ngat a ka hnung ah tlan thawm a awm a Chhani ni tur ah ka ngai. Mipa pakhat kan in hnaih lam a kal tur chu ka hmu a ka va pan chawt " Ka pu min lo chhan teh misual in min um" Ka va ti nghal tawp. Chupa lah chu Ruata lek kha alo nia kan in ah chuan a kal dawn ani ngei ang.




"Awi tinge min tlansan ka hah lutuk min ti hlau si" Chhani a rawn thleng chawp chilh ve nghal. Kan thaw dun hlawi hlawi a " Enge an hlauhawm alawm an tam si " Ka lo ti vak.




"Ngati nge a Chhani...tute nge an tibuai cheu ami?" Ruata chuan kan tlan tawh na lam hawi let pah hian ati a "aih Ms-i hi a lawm a tlan thut a" Kan in en a,um pawh ngailo a kan tlan ve ngawt kha kan nuih a za hnuhnawh a kan nui ta vak vak a Ruata ngaih pawh kan ti tha lo hman nasa mai.




"In in ah ka rawn kal dawn a hawh u kal ila" A ti a la nui zo thei chiah silo chuan kan bu nghat a. A ho chuan kan kal a Chhani chu chak deuh a kal hma daih in a zai vei rât rât a. "Enge in tih leh dawn in chhuak ngun reuh" Tlang zet a thu ka sawi chu a nui deuh tawp.




"I u bialnu kan rim dawn mawle" Nui chung hian tawi fel zet in min chhang a. A hma zawng zawng khan bialnu a neih awm ka hre ngai miahlo ka chik in ka ngaihsak viau hran lo na in a nei in ka hrelo ve tawp. Ngaihzawng nei te hian chu an hriat theih ve lutuk an awmdan ah te hian Rala hi chu chutiang anilo.




"A bialnu i rim pui ziah thin tihna ami? Nangpawn i bialnu te rim ve ta che" A nui hawk a ka dar ah min kuah in a mah si chet chuan min pawt hnai a ka lo tang deuh tung " Rim tur nei ila chuan i u hi ka zui ziah peih in ka ring lo" Ka beng bul chet ah chuan a ti a.




"I nei awm emai" Kan in hnaih lutuk vang chuan ka awm a nuam fahran lo a ka tawng leh tal chhuah chu ka rual ti tih. A nui a engmah a sawi zui tawhlo. In kan thlen velah Rala leh Kiama te an rawn lang ve nghal.




Kiama chuan len pui ah min lo sawm a mahse ka chhuah chuan Chhani a mah chauh in a awm dawn sia tiin ka lo hnial. An ni an chhuah leh vek phei chuan anu te an chhuak dawn bawk si Chhani a khawhar tur ka ngaihtuah a bak ah misual te lo lut ta se tu emaw zawk zawk tanpui na au tur a tlan chhuak thei tur awm kha a pawimawh ka ti. Aw ka va ngaihtuah tam thin tak




"Misual in an um che u em ni? " Pa Rinchhana chuan ka kuhva ken lai chu la in nui chung hian alo ti a. Chhani lut hmasa in alo hrilh vek tawh aniang. "Fimkhur tur aw zan ah chuan" Ka nu chuan alo ti ve bawk a an pahnih chuan an chhuak zui nghal.




"In rawn haw har dawn em?" Rala leh Ruata te in zui chhuak ve tur chu ka lo ti thuai a. "Reilo ang ka ring.."



"Anihchuan kawngka hi ka kalh rih dawn in lo haw hma pawh in min lo au mai rawh u" Ka ti a aw min pawh in Rala zawk a chhuak hmasa a. Ruata chuan ka kawngka khar tur chu lo vuan in



"Ngawi reng a an rawn kik chuan lo hawn suh aw... A rik keuh keuh phei chuan biruk daih tur" Min sawi thaih vel nia. Mahse min sawi thaih tih hre chung pawh in ka tim nghal er er "kal rawh min ti hlau" Ka ti vak.



"Tak tak ah engmah a thleng hman nang" Tiin a kal zui a. Bike kha a nei ve reng a mahse an zan len dawn chuan Rala bike hian an in phur ve deuh ziah. Kan in leh an in hi a in hlat lutuk lo aniang kan in atangin ke hian a haw leh hnak hnak zel a.




Chhani nen popcorn ei in movie kan en dun a. Lehkha zir lam chu ka ha se hi ani ringawt tawh. Kan nui vak vak a a chang leh kan hlau a ka au leh vak thin bawk. Chutiang chuan dar 9 dawn thleng kan awm a kawngkhar a rawn ri thut a Chhani nen kan in melh nghal hrâ. Kan movie en lai scene berkher lah chu a la hrang em em zui a ava thlamuan thlak loh tak.




"Va hawng la" Ka tih chuan rang mangkheng in lu min thin khum nghal. Keimah zawk kal turin min tia ka ngam bik der silo bak ah dar 9 lai ani tawh a tun ang ah mi pangngai tan len a hun tawhlo hrim hrim. Rukru in la polite hmasa che thut chi ni awm tak ani.



"Tunge..?" Chhani a au vak a ka phu nasa lutuk ka lûng hi a su dup dup ni mai hian ka hre tawh " Keimah.." Pawn atangin a lo ti thuai a aw chu(h).



"Tu keimah..?" Ka lo ti ve vat "Aw keimah Bawiha.." Hahthlak tih hmel fe hian a ti a. "Bawiha an tam lutuk.." a ai a ring a ka auh leh chuan pawn lam ah a nui thawm a rawn awm nghal.



"Naupang dawih lutuk pahnih...keimah Rindika in u Bawiha ngei ka ni e lo hawng ru.. Ka ke a kham tawh teh mai ania" Nui aw nen hian a rawn ti a ka thlamuan nghal zia chu.




Ka tlan phei a kawngkhar ka hawn rual chuan Kiama hmel ka hmu nghal zat. A lo la nui a ka ngei dawn nge a mah ani hlauh chu ka lawm dawn zawk tih pawh ka hrethiam lo e a. A ho in movie chu kan en leh a tun ah chuan mipa in min ho ta bawk a kan film en pawh kan nuih pui leh uar uar tawh.


*


"Eeee..." Aw ka hriat rual in ka mu lai min tung tho lawp. Mit thip run chuan ka meng a nui chungin Kiama chuan min lo din chilh "enge a??"



"Hett mu tawh suh school i kal dawn lo em ni? A tlai tawh teh mai ania" Mut leh mai ka tum chu min vuan bet a ka tho peih ngang lo ani nizan khan kan mengrei ta bawk sia.



"Tinge a?" Kawngka lam ah an rawn ti a a aw chu Rala a ang riau. Kiama chuan min vuan thu tawk tawk ani ber mai min thlah chu ni sela ka let tawp thei nghal "hei school a tlai dawn..a tho duh lo"



"Mate in ti harh rawh,school chawlh ngawt te kha i tum ange" Rala bawk chuan ati a chutah Kiama chuan min pawm nawlh in bathroom lam ah min kalpui nghal. Ka hmai tui a min tih huh sak tak ah chuan ka harh tha ve ta chauh




Keimah a in ti fai turin min kalsan a. In siam peih fel sa a ka chhuk chuan chaw ei turin min lo nghak thap. Ka in thiam lo hle a tih theih vak lah ka nei chuang der lo. Ngawi rengin ka thut na thin ah ka thu a Chaw kan ei fel vel ah Kiama nen school lam kan pan nghal a. A mah nen hian kan in phur chhuak ngun ber a a university kal tur nen kawng a in ang bawk a motor hran ngailo in min hruai tel mai zel.




"Ms lo kal vat teh star tu che ka hria" Ka thutpui zing ami Lawmi chuan min pawt thu hnawk. Min pawt thu lo pawh nise a bul ah bak ka thu dawn chuang silo.


"Aw enge?"


" Kan CR hian a star che ania aw nimin kan haw lam khan a sawi ka hria...ni rawh u"


"Awi i a ami a? Ka duh teuhlo"


"Enge a hmeltha viau lo na a,a chhe viau bawk silo a sang a chutah lehkha a thiam in a la fel em em bawk "


"Aaa..ka duhzawng anilo a fel tih te chu ka hre ve tho e a. Bak ah min star ringawt a bialnu atan min sawm pawh ani hleinem phi hlut zel suh"



"Aw ka duhpui che a lawm tun ah nilo mahse nakin ah ala bem awm emai che" A mit ko san euh euh pah hian kei leh kan class CR thut na lam chu a hawi tawn chhen a a ring ka lo tih ngil sak vatvat.




Tlai ban hun alo nih chuan mak deuh maiin Ruata kha kan school bul lawk ah ka hmu a mahse biak erawh ka tum hran lo. Ka thiante ka vai liam hnu chuan two wheeler taxi ka chang a. Haw lam hi chu Kiama nen kan haw hun alo in ang tawh lo bawk nen two wheeler taxi la in ka haw ve mai zel. Ka kal pel dawn zet a amah zawk chuan mi rawn hmu aniang



"In bang chiah ami a?" Nui var var pah in a rawn ti a. A bul lawk ah chuan hmeichhia a lo ding tel bawk a nichin khan ka lo hmu miahlo min rawn bia a chunu pawh chu a rawn hawi ve nghal.



"Bang chiah..." Tih ringawt in ka chhang a "um ani maw...ka lo hruai haw dawn che ami?"



"Aih ka duhlo " Nula chu alo nui a,a nuih mawi zia lah chu a "in thlah tir rawh...a nuam tih ve zawng ania" A lo ti var a. Ruata chuan min rawn pan a ka zep peih lo a hmeltha ani. Ka bul vel a mi te pawh hian hmeltha an ti tih ka hria.



"Ahhh taxi ka hmang thei a lawm"



"Man lo a chuan theih na a awm lai reng a pawisa chawi na tur zawk i thlang tlat chu a mak hle mai"



"Ka mak ve hrim hrim a " A nui nghal hawk hawk. A nui hmel that zia te chu a "i bialnu ve tawh chu ami?"



"Ni nang ka nau ti ila cousin anih saw..." Ka va zak reuh. Zah zel ah ka nui ringawt a a mah bawk chuan " Duhawm tih deuh ka nei a..taxi a min chuan san phet a la tum zui" A kekawr ip tw zen chungin a nui var var a.



"Over suh a,anih leh pawisa ka pe dawn miahlo che ania" Ka tih chuan bu nghat in a nau chu a va be zuai a. A lo let leh chuan engmah ti khawmuang tawhlo in kan tlan chhuak nghal a




In thlen hma chu kan in be mumal tawhlo. Min phurh hma kha chuan a nelawm tehreng nen tun ah chuan a tawng ta meuh lo a keiin biak na tur vak ka hre bawk silo. Kan in kawt a kan din velah ka chhuk thuai a lawmthu hrilh a luh san mai ka tum chuan ka ban ah a chelh a ka phu lek lek ani. Ka hawi let rual in min thlah lehnghal tho.



"I number ka nei a ka lo biak thin che i phal angem?" Rala'n a pe ani chiang mai. Ka chhang miah lo a zawh na kha,bak ah chhan dan tur ka hrelo bak ah min lo be mahse enge kan sawi anga?



"Sawi tur kan nei lo awm emai a" Ka tih chuan za zet hian a nui a. Ka tawng leh dawn chiah a bike hnung chiah ah Rala bike nen a rawn ding ve nghal " Inkhelh hun pawh ala ni silo a " Ruata hnen ah chuan a ti a.



"Nia hei in naute hi ka thlah haw e ka tia" Rala chuan ngawi reng in min en ta vung vung. A pawi sawi ka nei ta emaw tih mai tur in min en ngul reng a ka mit hi a huai ve reuh nen a dawih dawn takngial



"Tun tlai chu ka in khel hman dawn lo aw ka cousin te chhung nen chaw eikhawm kan ngai a...i va rawn haw hma reng reng ve?" Ruata bawk in a ti a. A hawi sawn ve chauh




"Anih chu keipawh vawiin tlai chu ka nuam sam vak lo a ka haw hma,ka in khel peih lo ang" Tiin a rawn lut tlang nghal daih aa


"Chuan..."


"Enge "


"Ka lo biak che chu..."


"Sawi tur ka hrelo e a" Tiin ka lut ve daih a. Min thlah ve em em a tha tak pawh a thlah lo in ka luh san vei nulh a ka va polite lo si em.



"Chuan a rawn thlah che maw" Ka phu lutuk chu ka tawlh sawn nghal dawrh. Choka lam atangin Rala a rawn chhuak


"Taxi in i haw theilo ami?"


"Maw..?"


" Eng emaw a awm zawk ami?"


"Awm lo hrim hrim"


"Dawt anih duh hmel.." Hrep chuan a.


"Eng ai ah nge dawt anih anga? min thlah chu a pawi viau ami?"



"A tha a lawm.." A ti leh daih a min kal pel in couch ah chuan a thu a. Unaupa khirh lutuk ang mai a a tawng leh zawh na min zawt khan min ti hamhaih lek lek " Ka hmuhnawm viau ami The Rock?"



"A teuhlo..." Inchung lam ah chak deuh in ka kal chho nghal " I number ka pek tawh kha...nakin ah lawmthu min la hrilh dawn nia " Hmela leh lawmthu ka hrilh chhan tur che hi a va vang si ve.


Show post links
Top

[Ngaia]

CHAPTER-4



" Ral hmelchhepa " Room ka luh rual in ka phun nghal hluk. Chutih rual vel chuan ka phone ah msg ka dawng a. Ka en nak chuan number hriat loh atangin ani a Ruata anihkha ka ring ve tawp. Ka rin chhan pawh Rala khan ka number alo pe tih a sawi kha.




"Ms hei i kawr aw" Chhani arawn lut a vawiin a ka thawmhnaw a lo suk ho min pe a. Kawngka a kan in hlan lai chuan Rala a rawn chho ve chiah a ka lo en ngar ngar. Nichin khan a chimawm bawk a tiin lei ka chhuah ngawt a min la chhuah khum ve zui.



"Enge i va sual tak.." Chhani chuan ka dar ah min beng chawrh! "Enge..!! enge ka sual na?"



"Sual tak ani The Rock-i kha" Rala bawk ani "chhe suh " Ka lo ti vak.



"Lei min chhuah kha mawle.." Nui pah in Chhani chuan a ti a. Tun a ka lei chhuah kha a mah emaw ka chhuah khum ati ani maw "nang ka chhuah khum lo che Rala kha a lawm"




"Ka awih lo..chaw ei hun ah chaw ka khawrh tlem bik ang che" Fiamthu zet a tiin inhnuai lam ah a chhuak zui a. Ka msg dawn bawk chu ka en a min rawn be ve phet a a sawi ho nasa si
* Duhawm nu * tih deuh tlawng ania ka duhawm pawh ka hrelo e a. A msg pawh chu ka chhang ta chuanglo.




"U Bawih.." Kiama room kawngkhar ka kik a. Mahse a lo la haw lo tih ka hrechhuak. Kan zirlai ah zawh tur ka nei a sin mawle "U Mam.." Rala room lam ah ka va phei a.




"I u alo haw tawh ami?" Anu pangpar nen arawn in chawi thla a "Um a nuam sam lo atia.." Ka tih chuan room kawngkhar chu a nem hawng nghal a. A ngaihtuah zia ka hmuh chuan ka thik hman lek lek.




"Mama i nuam sam lo ami a? Damdawi i ei em?" Rala khum a bawk zawng a lo mu chu a bia a. Kawr a ha tawhlo a kekawr nen tlawng a mu. A bul ah a fapa dum zet pawh a mu ve bawk a kan luh chuan a lo hawi nghal hrû.




"Damdawi ei ngai hran anilo..." Chet pawh che sawn lem lo in a rawn ti a. Anu chuan a pang deh sak a a khawsik thu sawiin in hnuai ah Chhani damdawi dil turin min hrilh a. Keipawh hnial buai lo in ka tlan thla nghal a Chhani damdawi dil in ka chho leh vat.




"Kha ei rawh..i tuar ringawt zel a" Ka nu chuan kawih zangthal a tum a. Ani pawh in hnial miah lo in a rawn in let tial tial a nichin lei kan in chhuah khum lai te kha chuan na nei hmel pawh a pu ka tilo ania tun ah chuan a chauh hmel vek tawh.




Damdawi chu a ei a keichuan ka hnaih lutuk ngam lo a chhan pawh a fapa dum deuh hian min melh kawr kawr vang ani. An pahnih in bawihsawm lai chu ngawi reng a ding in ka en mawl tawp "tikhan chawl hahdam rawh..." tiin Anu chu a chhuak zui a.



"Mamawh i nei ami?" Mut a tum deuh a. Ka la din si vangin mu lo deuh hian arawn hawi let a



"Um kan zirlai hi ka zawt duh che ka hrethiam lo deuh a..U Bawiha a awm bawk silo a..." Ka lehkha ken chu a en zauh a "aaa mu phawt la nakin ah ani mai" A meng a dul tak deuh vang chuan ka inthlahrung deuh a ka kal tur chu


"Rawn thu rawh "


"Maw..." a bul lawk chu a beng thak thak a.



Khum ah chuan thu in ka hriatthiam loh deuh ho chuka ka zawt a. A lo thiam ngang mai mahse min hrilhfiah thiam leh lutuk a ka hriatthiam thelh lek lek. Kawr a hak miau loh avangin a dar liam tep a ser lang sar tak awm chu ka hmu fuh.



"Ngati nge i dar hi...?"


"I zirlai ngaihtuah rawh.."


"E nia..." A nui nghal hawk a. Chawl dat in nui hmel ngainat awm zet nen hian min en a a hmeltha takzet "Nang hi min ngaizawng anilo maw"


"Enga?? I ti awm ang lo lutuk mai a"


"Awm ang lo hran ami?"


"Awm ang lo..ka u i nih hi"


"I thisen zawm ka ni hleinem" Ka meng phar awk "hmeltha min ti tihpawh ka hria..." a la ti zui. A in rintawk zia lah chu a.



"Chu unau nih i lo duh vak nange? Thisen in zawm na kher hi in unauna tha ani chuang ami? Tun atang chuan ka u tawhlo ang che i thisen zawm ka ni chuanglo" Engvang a ti tau aw tel ngawt nge ka nih ka hrelo mahse thisen zawm kan nilo tih a sawi khan eng emaw a hrehawm tihna min neih tir.




"Ka sawi tum i hrethiam lo anih hmel..a pawi lo e" A tih rual deuh thaw chuan ka lehkhabu chu ka pawt hlawk " Zirtir pawh ka ngai tawhlo U Bawiha lo haw hun ka nghak tawh mai ang...ani chu ka u ania" Ka tih chuan ngawi reng in min en a.



"Min hrilh kha hriat pawh ka hre leh tawhlo" Ka tih chuan a nui chhuak hawk " Ka thudik sawi pawh chu i va la na ve a"



"Na lo a ngeiawm.."


"Sorry..." Beisei loh deuh in min chhang khauh mai a engtin mah ka ti let tawhlo.


"Mate..." Kawngkhar lam ka pan chuan a rawn ti a. Ka ding a ngeng ngalh a lan tum tak in ka dak deuh vah. A rawn tho chhuak a min rawn pan a keipawh in ka lo en ve ngar ngar



"Ka sawi tum kha i hrethiam lo tiraw? Chuan thisen zawm kan nilo a ka sawichhuah chhan pawh i hria..mahse kan naute i nih hi" Min hnaih tak a ding in kawr a ha lo bawk nen a taksa lum na chuan mi ur chem chem hian ka hria.



"Ni nang.." Ka la ti ve talh.


"A nihchuan kan eng nge i nih a?"


"In nuhrawn fanu in hnen a lo cheng ve" Tawi zet hian a nui a chutah a ai a hnaih leh chhawng in a rawn awm.


"Awm hla deuh teh..chuan "


"Chuan...nuhrawn kan nei lo aw "


"Ka nu hi "


"Kan nuhrawn nilo in kan nu..min hring lo mahsela min hmangaih a nu in a fa te lak a atih tur zawng zawng ati a kan tan chuan kan nu min hring tu tluk tho ani..."



"Chuan nangpawh ka pa tan fanu diktak ini a...thisen inzawm na awm lo mahse unau diktak kan nih hi.." A thusawi mal tin chu uluk fe in ka ngaithla a. Ka zirlai min hrilhfiah ai khan tun a a thusawi te hi ka hrefiah zawk hial in nia ka in hriat.



"Chuan..."


"Enge chuan..?"


"Lehkha chu kan zir tan leh thei tawh em?"



"Aaa nakin ah ani tawh mai i dam mang silo" A ner nang a a rawn kun hniam rual chuan " Ila hrethiam mang bawk silo a" A rawn ti sup.



"Thiam lo e mahse khawvel thar ah te chuan ka thiam ve hman tawh mai ang" A nui hawk hawk a,bu nghat in min ti lui ta bik lo.



"U Bawiih.." Room atang a ka chhuak chiah chu Kiama rawn haw nen kan in tawk a ka lo au thut sia a phu zawk mai. Engmah sawi chuang lem lo in ka kalsan leh mai a room a ka luh a phone ka check vel chuan number lawng bawk khan msg dang alo thawn belh leh * Nula te chu a van induh em em* tiin.



* ka induh pawh ka hrelo sawi tur a vang e * tiin ka reply a inbual turin ka luh san lehnghal.



Zan ah lehkha ka zir malh malh laiin inhnuai lm ah thawm a awm deuh hluai a. Ngaihsak lem loh ka tum zet na in ka chhuak leh nge nge a inhnuai a ka zu chhuk thlak chuan nula leh tlangval an lo awm hnur mai. Ka zu lang hlawl chu min lo en deuh hâw hlawm a Ruata pawh kha a tel. Kan in hmu teh teuh bawk nen ka ding khawng lah a chet mai dance tur ka haihchham lek lek.




"Lehkha i zir emaw ka tia,kan bengchheng viau elaw?" Duh dah deuh a lo thu Rala chuan ati a. Lu ka thing a chhoh lehnghal ka tum laiin tu emaw in min rawn kai lawp!




"Hei hi Chhantluanga nau aw hmelhriat ve ru a fel teh ania" Ruata chuan ati a ka lo tang nghal teuh "i a ami ka zak ania" Hmui phun mang lo a tiin ka tal ru ngar ngar.




"A ho lutuk nakin zel atan a pawimawh ania hmelhriat neih tam te hi a ngai.." Tiin min kuah deuh chawih a. An thiante chuan min chibai a an fel viau chuan ka hria mahse ka zak.




"Lehkha zir ila ngai nasa em? Nasat loh chuan kan zing ah hian awm ve la" Rala bawk ani. Lu ka thing a Ruata chu min thlah turin ka ti bawk. Midang chuan min ngaihsak viau hran tawhlo..an mahni ti ti ah chuan an tui tawk hlawm viau.




"Nangmah vang a lo kal ka nia nakin ah chuan lehkha zir mai la..." Lei ka lo chhuah ringawt chu a nui hawk. Rala thutna lam ka va en chuan rang zet hian a hawi sawn daih a tihsual nei a ang tawp a hawi sawn rang lutuk chu.




"Lehkha ka han zir leh phawt.." Ka tih tak tlat ah chuan min thlah ve ta zawk a inchung lam ah ka chho a lehkha ka chhiar leh malh malh. Inhnuai lam thawm a nat tak deuh vangin a hma ang tak chuan rilru ah a lang thei tawhlo. Chhani ka text a a chhungte a be leh tawh nge a seen miah lo inhnuai lam ah lah thawm an la nei na ang reng sia enge maw an tih reng reng ni anu te kha khawi ah nge an awm le?




Room atangin ka chhuak a Rala room a lut chiah hi ka mit sir in ka va hmu hman. Chulam chu pan in ka phei leh phawt a kawngka alo in hawng kau deuh a thawm ka ngaithla ani mai. A chhan pawh ka mit sir a ka hmu chung khan Rala ni a ka hriat loh vang ani. Tu emaw lut an awm tih chu ka chiang a engpawh nise tunge lut chian ve hrim hrim ang Rala room a alut ngawt pawh chu a dik lo. Mahse, a thiante zing ami kha an niang.




Rilru in khap buai zet in reitak kawngka bul ah chuan ka ding a. Chhunglam atangin thawm a awm chuang der silo. Luh leh loh tum chuan ka let leh a inhnuai chhuk na step bul thleng ka kal tawh room a lut chuan mi mawlh deuh tlat vangin ka va kir leh a ka kal pawh a vung tha hle. Kawngkhar chu ka nem hawng vak a eng pakhat chiah lo in on in khum ah chuan min hnungchhawn zawng chuan mi pakhat a thu bawk a. Ka pan mai ngam lo tunge a nih ka hrelo a thlahrang pawh ani thei tlat ani.




"Ms.." Chhuak leh mai tur a ka in her chu min rawn au a ka phu chiang lutuk bang ah chuan ka bet rawk. Ka in her a Ruata lek chu lo ni in. Ka hlauh ruk hman zia kha aw "um.." Ka ti ringawt.




"Enge ilo tih dawn? Chhantluanga chu inhnuai lam ah a la awm.." Pangngai deuh in a ti na a,a aw ah chuan a lungngai ni hian ka hre ve deuh tawp. "Ahhh ..." Ka lam chu a lo hawi reng a.




"A mah vang a lo kal pawh ka ni hran lo heta i lut lai kha ka hmu che a,U Mama ni in ka hre silo che a ka rawn enfiah mai mai che mawle..." A bu nghat a lehlam hawi in a thaw zui hawk.




"I tha em.." A awmdan chu mak riau hian ka hria "Um tha e..tha lutuk" Za lo zet hian a nui hul hak a.



"I thiante i tih tauh san emaw ka tia" Ka tih chuan tawi te in a nui leh hawk ringawt. A lam ah chuan ka va kal hnai a light on belh na tur ka zawng leh a ka hmuh rual in ka on nghal thuai. Ngui deuh a ka hriat na chu a lo dik ngei in ka hria a hmel chu a ngui khawp mai.




"Lo thu ve la..." Hnem thei dawn a ka in hriat chuangloh vangin chhuahsan leh mai ka tum a. Chutia min tih vang chuan a bul ah chuan ka thu thla ve a. Biak erawh kan in be zui lem chuang lo. A mah chu a thaw leh hawk thin a,a chang in a kut a a ken beer chu a in zauh zauh a.



"Tu emaw i tan a hlu deuh chan i nei ve tawh em?" Tiin a rawn tawng chhuak phut " Um.. Ka pa...natna khirh deuh vangin min boral san a" Ti a ka chhan chuan a bu nghat a.



"Keipawh..."


"I pa ve tho ami?"



" Aih..." A ngawi vang vang a " Ka bialnu ania...College kum 1 chauh kan kal dun hman tih in Khawsikpui a thluak a lut vangin a boral a..." Sawi tur dang pawh ka hre tawhlo. A na ngawt ang..ka pa ka chan khan na ka ti ngawih ngawih ania keipawn.




"Ka...ih englo..." Ka dar ah chuan a lu a rawn nghat thut! Ka thu mar awt a ka tawng leh ngam ta lo " Ka ngai thin khawp mai...a mah avang khan tun thleng in kawppui neih chungchang ah harsatna ka la neih phah..."




Chutiang chuan reitak kan thu a. Nuam chu ka ti hran miahlo. Min ngheng in min rin laklawh bak ah ka khawngaih ve deuh si vang a hnial lo mai ka ni. Min in a min rawn hmuh erawh ka hlau viau. Ruata chu a rawn thu tha thut a ka lo en reng..a hmelthat a a nuih peih tehreng nen tun a hmel chu a ngui lutuk a a lang dik lo vek. A rawn awm hnai thut a ka thawk lak lai ka tawp nghal ringawt.




A rawn hnai tial tial a chet sawn daih na chang pawh ka hre lawk lo. A rawn hnai tawh lutuk chu thaw tawh suh tih thupek dawng ang mai in ka awm tawp a tiang chuan thawchham in ka thi thuai ang. Min fawh a tum tih ka chiang ngang si ka a vek tawh. Ka harhchhuak ni ber in ka hria..rang lutuk in ka hmui chu ka kut pahnih tang kawp meuh in ka hup a ka hawisawn thuai. Kawngka lam ah pen thawm ka hre zui a. Kawngka lam chu kan en dun a tumah an awm lo na in kawngka erawh a hma ang ai a kau deuh hian alo awm.




" Ka tihpalh aw.. Min ngaih dik loh ka hlau hle mai" Ruata chu ka en tha ngam tawhlo hrim hrim.




Ka bu nghat a room atang chuan ka chhuahsan nghal nal nal. Inhnuai a ka chhuk dawn chuan Rala lo chho nen kan in tawk a min melh chu sawi loh min hmu awm pawh in a awm lo a hmel lah chu a dur deuh khup lehnghal. Biak ka tum zet a mahse a hmel biak chak awm lo lutuk avang chuan ka thulh leh ta zawk.



"Mate Ruata ilo hmu em?" Kan in kal pel fel tawh a rawn ti leh hnuhnawh a. Ka hawi let a a aw ki dam thluam leh a hmel chu a in hen viau lo mange tih ka ngaihtuah



"Hmu lo ami?" Ka kham zawk "Room ah.. Ka tih chu i room ah a awm" A kekawr ip te zen chungin muangchang chuan a kal lehnghal mai a.



A awmdan chu a mak hi ka ti riau. Tlai ah te khan a nawm sam loh nen a thiante zing ah a awm ve leh kur peih a a hmel ah ning hmel a awm ni hian a hriat tho bawk si. Huiha mi nun ah buai viau lo teh ang mahni nun buai pawh kan buaipui fel hleithei lo ania chuta kar a min nun dan an awmdan a lo buai ve vak hi a.



"Chhan...i mu tawh dawn ami?" Min chhang miahlo. Room ah a lut tlang daih!




Anu leh Pa Rinchhana te an lo thu dun a nichin khan khawi ah nge maw an awm char char ni "kha an khaw lam ah haw lawk angai dawn anihkha anu a boral a " Chhani room lam ka en a ka khawngaih thar thut. Thih na hi chu a na ngawih ngawih e, apa boral ni te kha ka mitthla ah a rawn lang zawk mai. An phum dawn te,kuang a an zalh dawn te khan phal lo in ka lo ui bet tawng tawng kha ania




"A van zia lo tak" Tiin choka lam ah chuan ka kal zui a. Chhani ka khawngaih rual in hnem ka thiam bawk silo awmhmun ah ka lo tawrh pui ve em em ringawt.


*


" In ah hian ka lo awm mai dawn mi?" Fiamthu ti tak deuh zawk hian ka sawi nawn leh. Anu chuan min en rawm rawm a a thin ka tih rim ai mah chuan mawl min hi hmel hi a pu




" I pa chhungte pawn an hmu ve chak che a lawm..a hranpa tak pawh in in la in hmuh ve loh kha" A ti hmuk. Vawiin tlai ah hian Pa Rinchhana chhang chiah fanu birthday an lawm dawn a chu chu tlai chaw ei ah leh zan lam lawm na hun a tel pui nghal turin kan chhung min rawn sawm a ka kal chak viau lo tumah ka hre mang silo.



"Ni e Mate kal hram hram tur.." Kiama chuan kal in peih at tawh in ka bul ah a rawn thu nghal thak a.



"I va rim tui" Ka lo ti daih. A nui a amah chu a han in hnim vel phawt a " Chutia mi ka perfume lei hi a fuh phian..i duh ve ami? Duh chuan pahnih ka nei a ka hman lai lo zawk khi nei rawh"




"Duh chuanglo e mipa hman chi ka hmang duh lo mahse a rim tui tawp... Nang pawh a ti man zual che in ka hria" Ka tih chuan mi piai nghal vak "ka man sa alawm le.."



"Le han in siam ve tawh la " A mal pahnih chung ah ka ke ka hlang phei a ka ke tang alo pen keuh keuh " U Mama hi alo kal ve dawn lo ami?"




"Dawn e mahse ani chu a tlai deuh ang...han in siam rawh" A ti zawm zat. Peih lo deuh in ka tho a inchung ah chho in mawi ka tih dan ber chuan ka inchei a.




Anu te nupa in motor an keng na a keichu Kiama rual in bike ah ka chuang daih. Rala bike nen a in ang lo deuh a tlem in ka chuang thiam deuh zawk. A hmun kan thlen chuan naupang leh puitling an lo zi nuaih nuaih a min bia a min chibai bawk a ka nu atang a ka mihran na engmah hrelo ang maiin ka lak ah an awm a an rilru a changkang ka ti tawp.




Kiama bul ah zel ka awm a. Anu in zui tur in minute ti viau na in puitling lutuk zing a awm chu sawi ve tur a vang emai. Tum lo deuh in naupang infiam tlan zing ami chu ka lo su tlu palh a ala tap ring em em zui tu fa ber nge ka hre lehnghal tawhlo teuh silo. Ka pawm a tih tlei ve hram hram ka tum ka zak bawk si Kiama pawh in lo thlem a tum ve bawk a a koh vel dan atang chuan a ni fa te zing ami anih duh hmel.




" Awi aw Bawihte tinge I va tap nasa ve?" Naute nu alo tlan ta thuai. Naupang leh puitling thenkhat in min en a ka zak takzet " Alo tlan kha ka su tlu palh a.." Ka sawi tawp lam phei chu a ri chhuak mang tawhlo.




"Aw anihchu...Duatlai nang chu i tlan in kawng i en thin lo a A u i sut phah anihkha" Ati a. Keimah min tawngkhum in a fapa thlavang a hauh miah lo chu mak ka ti a chuti chung pawh chuan ka awm a nuam thei thak lo.




" Ngati nge a..?" Rala a lo thleng ve chiah.




"Aw ilo thleng maw....hei a u alo su anih hi engmah ani lo" A ti zung zung a. Rala chuan min en a a hmel chu hriatthiam a har tawp.




Hunserh tenau hmang in chaw chu kan ei ta hlawm a. Ka riltam bawk a ka ei teuh mai. Dar 7 dawn ah Lawmi call ka dawng a naktuk test kan nei tur a rawn sawi thut! " Class group ah sir in surprise test a rawn tia ilo en leh loh tak in " A rawn ti. Ka phi nghal hlut a ka awm a nuam thei tawhlo. A hma khan lo zir lawk ula kan la test thut thei atia zir chu ka zir ve ngei mai mahse khami a sawi atang khan ni eng emaw zah a liam tawh.




"U min lo thlah haw naktuk test tur kan nei thut a zir ngei ngei ka ngai " Kiama hnen ah chuan phili zet in ka ti a




"Aw a va chawpchilh ve..awle ka nu te va hrilh ve phawt la ngawi reng a kan haw daih chuan..." A ti a. Ka tho a anu bul ah chuan ka va sawi nghal zung zung. Kan test tur chu ka ngei tak tak ani an cake te kha a tui hmel nen ka ei ve hman ta lo.




In kan thlen chuan lehkhabu keu pawp in sir in a sawi lai chu ka chhiar nghal mawlh mawlh. Awi Lallawmi pawh hi a ai a hma te khan rawn sawi awm ania kei kan kal na vangin phone ka en hman der silo. Ka men rei ngei angai dawn ta anih hi...ka tang ulh nge ka hlauthawng pawh ka hrelo ka chhiar lai reng reng chuan min luah theilo ka tah a chhuak zawk. Lawmi ka va text thul ani pawh in a zir that theihloh thu te a rawn sawi ve a naktuk chu aw kan nasa lo dun ngawt ang.




"Enge...?" Ka room kawngkhar an rawn kik a Kiama nen chauh kan awm vangin a mah bak anih ka ring vak lo




"Uiii engeeee..." A rawn kik kerh kerh reng vangin ka va hawng rawk a Kiama lo a Rala ka hmuh zawk vang chuan ka han ngawi ren rawn a. A rawn lut ve ngawt a enge maw rawn tih a tum ni?


" Zu i in elaw.."


" Beer zawk..."


" Zu ang tho a lawm le..enge ilo tih dawn lehkha ka zir ania "


" Engtin nge i chhan? "


" Maw...?"


" Maw nilo in engtin nge i chhan..?" A zawh na ka hrethiam lo a ka melh ker ringawt " Ruata chu..."



" Chutiang lam sawi na hun ka nei lo lehkha zir ka ngai nasa lutuk....ngatan nge i tih reng reng?."



"Ok..." A kal chhuak leh mai dawn emaw ka tia khum ka pan lai chu min pawt her sawk in bang ah chuan min nem bet chawrh. Mit ka khap nghal zawk zawk ringawt a chet dan chuan mi thawng takzet.


" U Mam.."


" Umm.."


" Enge i hriat a?"


" Engmah hrelo e..." A mitmeng de sawr sawr chu ka hmuh hmaih lo nasa. A nui a a hmeltha in a nui lah chu a mawi kher lehnghal.



" Zir leh tawh rawh..." Dam thlap a tiin ka chal ah chuan a fawp zauh a "Ngaih kawih loh tur...duhsak na anihkha..." Tiin a chhuak zui vang vang. Eng duhsak na nge maw a sawi a engatan nge ni ang?


Show post links
Top

[Ngaia]

CHAPTER-5



" Awi ka rei..." Ka thawveng huai hian ka in hria. Khati em em a ka u lak a ka zam leh zah kha ka hre ngailo e a.



"Enge..." Ka chal a fawh na ka tuai lai takin kawngkhar a rawn in hawng leh "Cake ka rawn hawn che aw.." Tha deuh in a rawn ti a ka bu nghat. A kalsawn zui leh mai a khum ah chuan ka let nghal tawp.



"Aaa mahni u te chu melh no lo hram ang ka chan a chhe dawn lutuk " In chung lam ka melh vang vang a. Kan test tur hrechhuak in ka let thawk a ring fahran chuan ka chhiar lehnghal.




Zan lai dawn thleng chuan ka la in chhiar ve malh malh reng a. Ka chhungte chuan a khat tawk in mu hma a tho leh hma a zir leh zawk turin min hrilh. Mahse ka zing thawh theihloh zoa an hre vek a kei ngat phei chu ka in chiang ngawih ngawih zawk mawle. Chuvang chuan ka tho leh thei dawn chuanglo a men rei hi ka thlang zawk.




Zan lai riltam a rawn hun chho a anu in a mut tak tak hma a bawnghnute chhuan so min rawn pek chu keng thla in Rala cake min rawn hawn chu hre ru kar in ka chhuk thuai thuai. Choka dawhkan a lo in khuh ka hmuh chuan phur zet in ka hawng a bawnghnute nen chuan ka ei nghal mawlh mawlh. Naktuk a ei leh ah tiin a bang chu ka dah tha leh te te a. Choka ah ka chhuak dawn chiah tu emaw lo kal nen kan in su thawi chu ka rak thawt. Ight off then tawh chu a in on eng ta uar a Kiama alo ding reng.




"Uiii enge i lo tih a? Ka thin a thlawk bo daih" Tiin ka phut zia sawi chuan ka thin zawn ka dawm vang vang "Ka tui a hal deuh a ka tui in chhawp a zo tawh a lawm...tui lak ka tum a"



"Thawm rawn neih awm che.." Ka lo la tih sak hram.



"Thawm.." Nui chung a a tih chuan a ban ah la beng nek " I thiam hnem tawh em?"



"Teuhlo rapthlak lutuk ka a lo chauh...i nau hi test ah ka fail ngei ngei dawn.." Ka tih chuan a hmui a ti sawi nang a " Fail bik em lo ang...bak ah rilru hahdam deuh a zir tum la helh deuh a I zir chuan i thiam har zawk ang.."




"Nangmah ang ka nilo ania aw bawn-a" Tiin Inchung lam ah chuan ka chho leh a ka in ei puar tak vang nge ka hrelo zir lam ai chuan mut lam a lang tawh zawk.




Ka han chhiar lui ngial a chu ka peih rei ta tak tak lo. Mut sek a thawh lehnghal mai tum ve in ka muhil tlang daih. Ka harh leh meuh chuan Ing dar 6 a ri tawh. Ka thu hlawl a puan pawh ka sin lo nizan ka mu ang ang khan ka la awm tih theih ani. Tho hma vur lo mahila tuk dang ai chuan ka harh hma ve deuh. Lehkha bawk chu ka zir leh a nizan ai khan ka rilru ah a lut thei riau in ka hria.




"Ok..min lo nghak la ka rawn lam ang che" School kal a hnaih dawn vangin inhnuai lam ah ka chhuk thla a. Chaw ei dawhkan kil a Rala phone lo hmang chu ka en reng.



" Ka hmeltha tih chu ka hria a lawm thu rawh.." A rawn ti thut.



"Veleh ngawt che chuan i tha lo ve emai a nangai chuan U Bawiha a hmeltha fe..." U Bawiha alo lut ve chiah. Chutia ka lo fak hlar chu a nuih a za zawk hial in ka hria "thudik pawh nilo mahsela ka va lawm em em" A ti vel.



"Chuan tunge kha kha...i biak kha in nu ami?" Mit ko san euh euh a Rala ka en chuan a nui tawptawp " Ni ta se engtin nge i tih anga?" Tiin min zawt leh zawk.



"Ka zawt mai mai che i rim peih ve sia, zantin i chhuah phah na chu a hmeltha in zun anei viau aniang chu ka lo ti mawle..."



"Tu in nge ti a?"


"Ruata..."


"A ti mai mai anihchu.."


"Mai mai lo ang...nakin ah a thalak min hmuh ve ang che aw.."


"A ngailo..."



"I uikawm e a" Ka nu rawngbawl lai nen chuan an nui khiah khiah "I u hi a upa ve tawh na in ngaihzawng ala neih ka hre miahlo ania aw" Ka nu'n a lo ti ve thung.




"Ka awih pit lo...e ani ve thei tho a hmeltha lo ve em a" Ka fiamthu tih hria in huat en ah pawh an en lo. Bak ah Rala te chu a hmeltha vet vawt a lawm ka fiamthu tih chu an chiang ang. Mahse anu thu rawn sawi chu ka awih lem vak lo.




"Ka hmeltha lo ve em a midang ka hmuh zawh loh pawh in ka buai lo nang i awm a lawm..." Lei ka lo chhuak vak ringawt " Lee min ho nen kan innei tawh min chang tawhlo " Te ka lo ti vel a.




"Mi lam kawi tur te ka nei sia tukin chu in rual in ka ei lo mai ang...chhuah hma ka duh deuh" A tho zui a.




"Aw anih tak chu a,i thlen hun vel ah in ei puar dan zawng mai rawh aw" Tiin ka nu pawh chuan a thlah a. Ka tho a a hnung ah chuan zui ve zel in inchung kan thlen chhoh chuan nui chungin a rawn hawi let a.



"Mamawh i nei leh tawh ami? " A tih chuan lu thing in ka room ah ka lut a.


"Vawiin chu i chhang tha viau tur ah ngai ang aw" A la rawn ti lawng lawng a. Hepa hi a ka thiam lo tih hre ve reng si hian a over peih mange "kal mai teh ka ti let ve hrep.



School kal tur a ka in siam laiin Kiam chuan vawiin test tur ka thiam tawh em tih min rawn zawt a ka lu thing in " Ka va thi tawp teh ang" Ka ti hmiah chu ner nang hian "tawngthu chhe lo ah" Min lo tih sak.



Chaw kan ei a Kiama nen kan in phur chhuak lehnghal thuai. Chhani a awm bawk silo a anu ka pui hman bawk silo a buai ve ngawt ang. School kan thlen chuan Lawmi nen zirlai dang kan zir pawh in a ruk in kan test tur chu kan zir ngat ngat a midang pawh an nu ve nual in ka hria.



Hlauhthawn na nen kan han test ta tak tak a sir in mipa leh hmeichhia min thut pawlh tir vek a. Lawmi vanneih zia chu kan CR nen an thu bik a a hrilh char char bik ni te chuan ka hria. Kei ka thutpui ve te chu class ah pawh tih tak meuh a zir peih lo veleh chhawng leh mahni chauh in ngaihtuah a a si them pawh midang hrilh ve duhlo te an ni. Ka va han vanduai chiang tak.



"Keichu ka chau nghulh thei.." Chhun chawlh laiin Lawmi hnen ah ka ti a. Ani tak tak ka chhang tha lo lutuk kha ka zawi vek mood pawh ka nei mang tawhlo "kei ka vanneih zia kha kan CR khan min hrilh ve nual a"



"Sawngi ka awt che" Ka tih chuan in ti thei mitmeng nen a min en pah hian "kha ngaizawng la chu" ati daih.



" Kan sawi lai nen hian a in mathe lo emai a" Ka tih lai tak chuan kan CR leh a thiante an lo kal a "Ms I chhang tha em" A rawn ti a Lawmi chuan min lo nuih tet tet.



"Aw tha vak lo " Ka tih chuan an nui dar dar a ka tawngkam hi ka lo ti mak leh thin. A thiante chuan an kalsan a ani chu kan bul ah a la ding reng. Lawmi chhuanlam siam a kal tum chu ka pawt bet a ka ham ani mah zawk ang chu " Ka lo thu ve aw..."



Kan chhan na pawh nghak chuanglo chuan a thu a. Lawmi nen an ti ti bawrh bawrh a keichu a khat tawk in ka tawng ve zeuh a chuti lo ah chuan an ti ti ka ngaihven hran lo. Test chungchang an sawi tam si,ti tha ve lo ta na na na chuan ka kham lek lek zawk.



"Ka va zung lawk.." An pahnih chuan ka kalaan zawk a. Mahse reilote ah tu emaw hi ka bul ka hnunglam ah chuan a kal a ka feel chiang ngang mai. Ka hawi let chuan kan CR bawk kha alo ni ka kalsan emaw ka tia.




"I kal daih a.nangmah ania ka lo thut chhan" Tawi deuh in ka nuih ringawt " Lawmi khan thil min hrilh a "


"Eng thil.."


"Test chungchang"


"Kan zo fel tawh a lawm,ka lo ti chhe viau ta anih leh tih ngaih na a awm tawh chuanglo a lungngaih ani mai" Ka tih chuan kan ngawi ren rawn a kan nui chhuak hawk ringawt.



Zun chhuak tak tak vang a kalsawn ka nilo bawk nen kan ti ti tui ta chu bathroom lam a kal lo in room ah kan in zui lui a kan thusawi leh kan duhzawng a ho viau na in kan inkawm thei ta phian.




Haw alo hun a taxi la in kan in pawh tluang deuh in ka thleng a.in chhung ka luh chuan anu in Chhani lo kal theih tawhloh tur thu leh an chhung an buai tawh vangin an in chhuahsan lo a hnathawh a tul tawh tih a rawn sawi tiin min lo hrilh a.Chhani lo kal thei tawh lo tur chu a nuam lo ka ti tawp..rawngbawl leh thleng sil leh seng lai a ti ti pui pah tur pawh ka nei tawh dawn lo ania . Ka u te pahnih lah an chhuak ziah a zan ah ka awl ve chang pawh in tunge maw movie ka en pui tak ang ni.




"Awi ka ngai reuh dawn e.." Ka tih chuan anu pawh in chutiang tho a a awm thu leh tlem a a hah phah deuh tur thu te a sawi a mahse a huphurh hran chuanglo.




Tlai chaw ei na ah pawh Chhani chu kan sawi liam liam a. Pa Rinchhana leh Rala te unau pawh in ka nu chu ngaihtuah in awmpui dang zawng leh tur in an ti a mahse ani chuan a lo hnial thung. Kei school ka kal a ka pui tak tak hman lo bawk nen a kum te tlem in alo upa ve tawh bawk si a keipawn inchhung khur enkawl vek tur chuan ka ngaihtuah ve tho.



" Nula tel lo a chet ve tawh pawh zir angai " A ti a midang in an sawisel sak tawh lem lo.



Zan ah Ruata alo leng a. Leng ti ila keimah vang nilo in Rala vang zawk. Zantin deuhthaw an leng chhuak dun a hne te pawh hi an in hne ve lo em mawni? Choka a tui ka in ka chhuak leh chu an chhuak tur Rala hnung a Ruata lo kal nen kan in tawk chiah chiah a. Min fawh tum ang deuh a a awm tum kha khami hnu atang khan min be ta vak lo a chhaih phei chu min chhaih tawhlo tluk ani. Min zah ang mai hian a awm a nelawm loh erawh chuan a awm ngailo thung.




"Min la ngei em? " A rawn ti chhuak hlawl a. A hmel inthiam lo zawng zawng nen chuan a nuihzat thlak mah mah ka in sum hman lo ka nui phuh thawt.



"Tunge ka ngei che ti a? "


"A min ngei hrim hrim ang... Ka tihpalh tak tak anihkha aw... " A ti zui leh zat a. Kei ka lo bu nghat thung " Ka ngaidam hram ang che" Ka tih chuan nghal min tih hmel zet hian min en a ka sam ah tuai in ka biang a rawn dawm tel thut a ka nui tawp hmak.



"I hmeltha takzet... " A tih sup rual chuan pawn lam ah bike horn a ti tuarh a kan phu lutuk chu kan che lawih nghe nghe



" Nakin ah ka lo bia ang che aw..? Pangngai deuh in in be tawh ila" A tih chuan nui chungin ka lo bu nghat. Awi hepa hi ka duh ani, a hmeltha si, a fel bawk si " Bye... " dam zet a tiin a chhuak a.



Room ah tlan chho in ka biang chu ka khawih chhen a ka nui leh ang vur vur thin * enteh the rock, ka story chhiar thin a changtunu leh changtupa ang mai khan tun lawk ah kan awm!! Changtupa ang deuh in ka biang ah a dawm* tiin msg ka va thawn thuai. Lehkha a zir nge ka hrelo a seen lo hrim hrim.



Lehkha zir in ka zir kar lak ah Ruata ka mitthla ah a rawn lang zuk zuk zui. Ka va han over tak mahse anuam reuh e.


*

"Mate Ruata nen hian enge awm a? " Chaw ka ei mawlh mawlh laiin Kiama a rawn tawng chhuak thut. Ka nu chuan mak ti hmel pu deuh in min en a.



"Enge Ruata, engmah a awm lo e a " Ka thinphu a dik lo nghal ringawt a ka chawi ei lai ka lem tha theilo thelh ani.



"A en dan che hi " A nui a Pa Rinchhana pawh alo nui " Kiama engmah anilo aw... Min dem ngawt suh "



"Ka dem che pawh ani hleinem mahse.. "



"Mamtei chu a la naupang a lawm ngaihzawng neih ai chuan lehkha zir lam ngaihtuah a la pawimawh zawk" Anu in thutak deuh zawk hian a rawn ti ve a.



"Ruata chuan ngaihzawng a nei.. " Rala chuan alo ti hmuk a. Kiama chuan a awih viau lo na in Rala'n a zawh na a chhan that peih loh vang leh Rala hmel a thutak em vangin a zawt lui reng peih lo.




Chaw ei chhung zawng chuan Rala thusawi chu ka rilru ah a awm a. Rala thutak lutuk chuan keipawh ka rilru a ti buai vek. Ruata chu ka ngei dawn dawn a, bialnu nei chung a min beisei awm a awm te chu ka ngei thar ngawih ngawih. Saturday anih vangin Pa Rinchhana tih loh chu in ah kan awm vek a. Zan ah an chhuak peih in chhun lam ah in an awm ngailo na a in an awm chuan an che peih khawp mai mipa an ni chungin Anu chu an awl hneh a chhuat nawh leh darthlalang nawh thleng in an chhawk vek.




" U Mam.. " Ka zawn chiah a ding pawn lam darthlalang hmachhawn zawng a rawn nawt ve tu chu zawi te in ka ko a. A nawt mial mial a mahse min ngaithla tho " Sawi la... "




"Ih eng lo.. " In chhung chu ka hawi kual leh phawt a, anu leh Kiama an awm lo tih ka chian hnu ah pawn lam atang a min lo melh ta kar tu chu ka en leh a " Ruata kha... I sawi kha ani tak tak em? "



Ka rilru a kap rei tawh em vangin ka zawt tawp. Nizan te khan reitawk mut tawh hnu ah msg in kan inbia a ngaihzawng nei a ang ka tilo. Bak ah a bialnu boral ta vangin ngaihzawng neih lam ah harsat na a neih thu kha alo sawi tawh tho bawk a. Mahse, a thianpa meuh in a sawi bawk si. Ka awih loh rual in min ti hlauthawng tel ve tlat bawk si a. Thudik anihchuan ka be leh tawhlo ang tih na rilru ka nei bawk. Engmah hre chiang lo in ka lo beisei ve em em anga a tawp ah kan in kalsan ang tih ka hlau.



"Ngatan nge..? " A vei nuih suk.


"Enteh... " zawh na ka neih apiang a nghal a chhuah hi ka hne " Eng maw ka en ang"


"I ninawm.. Ka hriat duh vang nilo se ka zawt dawn che ami? " Ka melh vak a a thil nawh lai ani in a chhunzawm leh thuai.


" Ruata bialnu neih chungchang kha... "


"Chu chuan maw i rilru lo kap ru a? Mate ila nau reuh sia maw. Ka fiamthu anihkha Ruata chuan nangmah alawm a duh che.. "



"Mahse ngati nge tikhan i tih kher a? " A ruk chuan lawm lutuk in ka chhungril lam ah ka nui vur vur. Ruata'n keimah min duh tih a sawi lai bik te phei chu ka beng ah hian a ri tlut tlut tawh.



" Ka tih loh in.. An dem che hlau hmel i pu miau sia" Ka nui vel tawp " Awi ka u fel zia hi " Ka tih chuan a nui tawi tup.



"Fel deuh a sin ka nih ka thu te hi aih fum fe la chuan hei ai hian fel min la ti zual ang mawle " Kan nui vak vak a. Anu ngaih a tha lo aniang inchung atangin a rawn tlan thla hlawk hlawk. Engmah a thleng silo a a hawi a tawp lehnghal.


*

Khami ni Rala'n a thianpa Ruata min duh thu a sawi atang khan Rala nen chuan kan in pawh em em a ka thiannu hnen a ka hrilh loh tam tak te hrilh in ka ring em em tawh.Ti ila phone ah ngawt nilo a tak leh hmun ah ngei a ka hrilh theih leh alo in hawng zawk na na na chu ka hrilh leh zawk thin. Ani pawh in min ngaithla liam mai lo a a tul chuan fuih na thu emaw thil a tha lam zawng hlir min hrilh thin.



"Zan ah leng ila.. " Tlai an inkhel dun tur Ruata chuan zawi te hian a rawn ti a. Kut zai zir in a theihloh thu ka lo hrilh thuai.



Hman ni deuh atang khan kan in be tha in kan in be zing em em a. Kan in duh tawn vang pawh ani mahna a tu a mah kan in hnar lo. Mahse kan in ngaizawng e kan ti thei chuang lo a chhan pawh in ngaizawng tur a in bem na takngial pawh a awm loh vang ani. Mahse kan pahnih awmdan hi chu in ngaizawng te nen a danglam na a awm tam vak lo ang. Min care em em a a hun tam tak chu ka tan a dah ka ti tawp mai. Kan inbiak tam tak ah phei chuan min love thik thin tu an awm nual tih te ka hre leh a.



"Hmm, a va buaithlak anih ka lo leng anga inkawm ila" Ka nui hawk. Naupang ang mai a inkawm a tih teh thlawt vang chuan nuih loh a har tawp.



"Keichu naupang ka la nia lehkha zir te ka la ngai a.. " Ka tih chuan a lu thak lo pui hiat in a then sak. Rala'n a rawn koh leh vangin a chhuak zui a.



Zan ah chuan min rawn text a. Lehkha ka zir laklawh vangin ka chhang hran lo noti atangin ka en ringawt. Phone ka dah leh chiah Kiama arawn lut a a hmanhmawh hmel em em lehnghal. Ka lo en hû lai chuan a kut tang chu a hmui zawn a dah in bengchheng lo tur chuan min hrilh a.



"Enge.. " Khum ah a rawn mu nghal hnawk "Ka nu in min zawng mai thei hetah ka awm tih hrilh suh" Ka hnim nghal dun dun a.



"Zu i in ani maw.. " Ka tih chuan a bul lawk a ka thut vangin ka kâ a rawn hup thuai.



"Tlem te a lawm ka in. Ka nu'n a rim a hre deuh a min rawn check takin ka room ah chuan ka awm ngam rih lo" A pum ah chuan ka beng ri thlawrh.



"Mawl a, enge i in ve ngawt a? " A pum dawm in a ner vak " Ka thianten min ti lui tlat a lawm"



"Chupawh nise.. Ti lui tih mai mai a" Tiin ka thawhsan a chair ah thu in lehkha ka zir san leh mial mial. Ani pawh in min dawn ti buai hran lo.



*ka zir zo chiah* msg in Ruata ka thawn a. Reitawk a reh zui vawng vawng hnu ah * um ka lo nghak char char che.. Naktuk hun ka nei hlauh mai a haw lam taxi ah ka tang leh dawn ania*



Ka nui deuh tawp ringawt. La school bang min hruai haw te hi a chak ve thei tawp a. Tlangval in nula tleirawl an ngaihzawn satliah nilo a tak tak hian min duh ve ni in ka hre tak tak tawh. Atir kha chuan min be ve satliah leh thutak pai a ka ngaih loh vang khan ka be satliah ve mai mai kha ania mahse a rei a keimah ah ho mai mai leh hun khawhral nan a min be satliah anilo tih ka chiang tawlh tawlh.



* i thu vek a lawm i khalh ah a lawm kan chuan* tiin ka chhang ve a. Thu ho te te bawk sawi in dar 11 dawn thleng kan in bia. Kan in mangtha hnu a mut ka tum chuan ka khum ah Kiama a la mu tih ka hre hnuhnawh.



Rala room lam ah ka tlan phei a. Kiama chu a rawn kai tho a keipawn ka kai tho thei tho na in a harh theih lawk loh chuan a buaithlak keimah in ka buaipui thei dawn chuang lo. A room ah kan hruai a a harh in a kal thei na a ruih reuh zia chu a.



"Naktuk zing ah ka room ah lo kal ang che" Rala chuan chang zet a tiin Kiama chu a chhuahsan lehnghal a. A thinrim viau a ka hriat vangin engmah ka zawt buai duh lo. Mahni room ah ve ve lut in keipawh ka mu zui a.


*


" Kan CR nen hian in inhnaih tan riau.. " Class lak lai lai in Lawmi chuan ati a. Ka lo nui ringawt hman ni kan ti ti in man fuh reuh lutuk vang khan kan inkawm ve zeuh zeuh ta a mahse chutiang a inhnaih hran kan nilo.




" Kan inthian ve deuh ringawt a lawm. Bialpa ka nei aw, ani chu a chhelo lutuk hi a zahthlak zawk" A lo uak der vel a class lak lai kan ngaihsak tawhlo hrim hrim.




Tlai ah chuan nizan a a sawi ang tak tak in Ruata chuan min lo lam a Lallawmi a lutuk in Ruata hnen ah " Nangmah hi ami a bialpa chu.. Class ah a sawi nasa rap che" a'n ti pek anihkha. Ka zak lutuk kha ka tawih ral vek chak phah.




" Enge a..? " Mi tlan tam loh na ah chuan a ding a. Mak ti zet in a hnunglam atang chuan ka en ringawt " In be lawk ila.... " nichin khan a hmel ah eng emaw thleng awm awm in a lang lo a mahse tun ah chuan a ngawi ngal a inbiak pawh engatan nge ni ang? Mahse, ka chhuk ta tho.



" Ms.. Min duh ve tak tak em? " A ti deuh thut a keichu ka hawi kual zuai zuai.



"Ngati nge tun ah tiang thu te kan sawi a? " Ka hawi kual reng a mi in kan tawng an lo hria angem tih chu ka ngaihven ber ani. Mahse, motor leh mi tam loh na ah min din pui kha ania chutiang a kan thusawi lo hre ve reng tur an awm hran lo an rawn ngaithla duk duk te anih loh chuan.



" Ahhh tun ah lo chuan .. In ah sawi dun i duh ka ringlo zawk mawle "



" Duh miah lo" Ka lo ti thuai " Anih leh tun ah sawi la min duh ve tak tak em? Keichuan ka duh tak tak che.. Ka bialnu hmasa avang ngaihzawng neih ka harsat ka ti a mahse ilo lang a ka harsat na te kha i rawn su kiang ani ber mai.. Ka duh lutuk cheche"



Ka lûng hi a phu tawh meuh em pawh ka hre tawh lo. Hmaichhan ngei a min duh zia a sawi ta chu ka chawmawlh vek a mahse lawm na avang zawk ani. Ka tawngchhuak theilo a mahse ka lawm zia chu ka hmel ah hian a hriatthiam ka ring ani. Ka kut chu la in a hum vang vang a " I thiannu sawi kha thutak nilo mahse ka lawm takzet " Nichin a class a ka thusawi Lawmi'n a hnen a a sawi chhawn leh kha a ni ngei ang a sawi lai mek hi.



"Thutak ania lawm.. Mahse ih eng lo tun ah chuan ka zirlai chauh ngaihsak rih k duh a. Bak ah Anu hian ngaihzawng nei tur chuan min la phallo lehkha zir chauh ngaihtuah rih turin min ti a" A bu nghat nghat a.




" I nu tan chuan naute ang mai ila nia chutiang a ngaihdan i lak a la neih chu a awm lutuk... " A ti dap dap. Ka nu a dem lo chu mak ka ti ang reng 'mi fa te pawh kum tlem te in ngaihzawng an nei fur a lawm a va khuahkhirh che ve' te a tih vak ka ring deuh ania.



" Anih min duh em? " Chhan tum a ka an zuau lai chuan " Zan ah min chhang la. Lungngai suh in ngaizawng ngawih ngawih a awm kher kha ka thil duh anilo. Mahse, beisei reng che a chân leh si che ka duhlo a chuvang zawk chuan chhan na chhete tal min pe la ka duh..i chhan na chu engpawh nise min duh anih pawh in pangngai takin kan awm dawn nia.. I nun leh zirlai tibuai lo thei ang ber a awm ka tum ang" A hmel ah chuan ngen ngawl na ka hmu thei.




"Ka duh che a lawm.. Ka biak dan che ah khan ka huat loh zia che kha i hriat mai ka ring a" Lai zet chuan ka ti a a tawp lam phei kha chu a hre mumal pawh in ka ring lo "Ani maw.? Anih ka bialnu i ni duh angem? " Ti a min zawh chuan ka hawi a nghal ruai ringawt. Diktak chuan ka duh viau a mahse ka hrelo in ngaihzawn na chu ka lo la suangtuah tel tam lutuk lo ani.



"Awle zan ah chhan ah aw.. " Tiin min piai a. In lam pan in kan in phur haw leh vang vang.



Lehkha pawh zir theilo in Ruata ngawt chu ka ngaihtuah, ka bialpa tak anih hma atangin min tibuai nghal ania ngaihtuah loh ka tum chhung pawh chuan ngaihtuah in ka lo khi leh ver ver thin. Min duh zia a sawi lai te, in kan thlen hnu a ka biang a a fawh zeuh te chu ka mitthla ah hian a lang ngun zual. Lawm loh hian mahni in ka nui ka nui mai.



" Ui anuam eee mahse a theihloh " Tiin khum ah chuan ka let nghal tawp. Rala hi ka hrilh ve duh angem aw.



"Aw ka sawifiah vek ang a mak..!!" Ti lawng lawng ah chuan ka tho chhuak thuai a. Kiama aw nimai hian ka hria a thinrim em mawni?



Inchhung ah hian chhungkaw in hauh emaw tawngkam vin pung pung lai hi a awm mang lo chutia thawm ka hria pawh chu mak ka ti viau. Ka chhuak a Rala room kawngkhar zawn ah Kiama alo ding a. A lungawi loh hmel kher lehnghal a kawng dawm in Rala room kawngkhar chu a melh leh thi n.



" U Bawih tinge a? " Ka va tih chuan a hmel lan dan a danglam nghal vek. Ngainat awm tak tun lawk a thinrim tih pawh hriat harsa khawp in a awm nghal hmiah.



"Engmah ani lo Mate" Tiin a kalsawn a Rala room ah ka lut ve nghal " U Mam... " Compute a hun hma ah thu in headphone alo vuah a,a phone ah games alo khel mial mial.



"U Mam.. " A headphone a beng veilam zawn ami chu ka lak sawn sak deuh a.


" Sawi la... " Hawi takngial pawh a rawn hawi lo.


"Ruata..ka tih chu .. "


" Bialnu atan a sawm che a chhan na ila pe lo.. Ani em? "


"Engtin nge i hriat theih a? "


"A thianpa ka nih hi.. " Tih chauh in min chhang. Min en a lo a min be chung in phone a khel ngar ngar


" I duh ve tak tak ami a? " Phone hmeh mawlh mawlh pah chuan ati a ML a khel ni in ka hria.


"Aw.. "


"Zawnga leh..!! " Phone chu a hma chiah dawhkan ah a dah pawp a ka phu nasa rapthlak. A tawngkam lah chu a mawi lo em em lehnghal.



" Tinge a..?" A tho hluai a thinphu dep dep in ka lo en" A tha a lawm.. I duh ve te chuan. Mahse, mate 12 te hi pass phawt la ka tia mahse I thu thu.. "



"Ka nu pawh a lawm vak ka ringlo hman ni a sawi hmang ah khan.. " Ati leh zat. Nia anu kha chuan ngaihzawng neih kha min la pawmpui viau lo anikha.



"Anih nang I lawm angem? Nei ta ila"


" Aih.. . "


"Maw... "


" Ka sawi sual..I duh dan tak a nung turin zalen na I nei a lawm. Chutih rual chuan I hmalam hun leh I tan a tha ber turin nun hman tum rawh.. Chuan ka nu duh dan zah sak la. Nu leh pa te tluk a kan tan a tha tur hria an awm lo ania"


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top

[Ngaia]

CHAPTER-6



" Nia I sawi dik a lawm. Mahse, Ruata hi" Chair ah bawk chuan aqn duai hian a thu a kut lehlam in a khabe a tuai nauh nauh a min en reng bawk.



"Enge " Ka ti ta nge nge a. Lu thing in " Engvakmah, chutia I duh tho si chuan nih pui mai la.. "



"Mahse tun lawk ah khan.. " Ka sawi zawh hma hauh chuan " Nia ka sawi a lawm mahse I duh tho sia. I chân ang tih hlauh na I nei tel tho bawk si. Nangmah a harsat na thlen lo tur ang ber a I awm theih chuan ' aw ' tiin chhang mai rawh"



A sawi dik chiah. Ka rilru chuan ka nu thu zawm a ngaihzawn rih loh ka duh a mahse, ka hnawl anihchuan ka chân hlen ang tih ka hlau ve tho bawk. Tih ngaih na ka hrelo lutuk chu ka tei chhen ringawt a " I rilru a hah ve tak tak hmel " A rawn ti.



"Hah e.. Hah rapthlak lutuk" Ka tih chuan alo nui mai mai.


"Enge nuihzat thlak? "


"Nangmah leh I rilru kha"


" Nia kan buai ve ve em ani "


" Ka awm a, i U Bawiha pawh a awm bawk a I nun ah mipa dang I mamawh ami? "


"Haha ka uang peih rih lo"


" Ka uang bik lo"


" Ka ning a.. "



Room chhuahsan in inhnuai lam ah ka chhuk thla a. Anu te nupa in TV en in an lo sawi dun nasa mai. Mak deuh in an pahnih chu kei leh Ruata awmdun ang in ka hmu thut!! Ka dar a min rawn kuah thuak tu awm ah chuan ka harhchhuak zawk.



" Sawtiang saw I chak ve tawh ami? " Kiama ani.



" Nahi tunge ka chak ti a? An hmuhnawn dun em a lawm" Awih lo hmel pu zet hian a ner sak " E enge U Mama nen in buaina kha? "



"Engvakmah, a tha vek tawh" Min kuah na thlah in pawn lam ah a chhuak zui daih.



" Hey Kiama.. " Ka au vak vak a min rawn bye bye in bike nen a tlan sawn nghal.



"Au au duh suh a leng tur hi a dan theih thin loh.. " Pa Rinchhana chuan a rawn ti a. Choka lam ah ka phei a " Mamte thingpui hang lo siam nghal lawk mai ta che.. " Ka nu rawn ti deuh lang lang ah chuan thingpui bel la in ka chhuang kai nghal a.



" I u Mama kha a awm lo ami a duh ve nange? "



"Room ah a awm a ka han zawt ange" Chhoh mai ka tum a chhuk leh lam nen ka peih leh lo phone atang chuan ka call ta zawk .



Hermano ti a ka save chu ka dial a Hermano tih hian mak deuh in ka hlim ti ila ka nui leh tawp zel. A mawi dangdai reuh lutuk hi ka lawm ah a tla tlat pek. " Um.. " A pick rual in zawi te hian a rawn ti a.



"Thingpui ka lum i duh ve em? " Chho lo ka call ngat chu anu te pahnih in min nuih char char.


"Um min lo pek peih chuan" Ka ner nghal nang.


"A duh tu ban a sei "


" Chuti elo " Atih rual deuh thaw chuan " Um " Ka lo ti vat.


" Chu min lo ken chhoh dawn lo tih na ami? "


"A duh tu ban a sei ka tih chu.. "


" Mate ka nuam sam vak lo a, min lo pe mai la"


" Nichin lawk ah i dam ver vawr a ka awih lo lutuk.."


" Anihchuan ngailo mai rawh se" Phone a off zui hmak.



Inchung chhoh na step lam ka en a " A duh nange? " Anu in a rawn tih chuan lu thing in ka han pe dawn ka ti a Choka ah lut in ka siam leh sawk sawk. A dam lo tih a zawng ah chuan ka awih hran lo a han pek lah a harsa pawh ani hran lo a duh ve a ka han pe ve mai ange.



" Thingpui... Hey" Room ah pushup alo ti mek. Hepa hi a dam lo thlawt lo.



"Aw ilo keng leh si a law ka va lawm" A rawn tho a a thlan deuh chap a pushup ti zo hlim anih vang nge pawh ka hrelo a taksa nalh reuh zia mai chu.



"I dam lel lawl viau kha " A mah chu a in en a " Nia ka dam leh hman tawh aniang" Ka ngei lutuk chu seh hrep k chak zawk. Thingpui chu pek leh pawh ka tum tawhlo ka in her pui a rang zet hian min lo dawm a thingpui ka keng bawk si ka chet zawng a rawn fawn chhuak chuan ka kut a rawn leih. A sa lutuk chu ring zet hian ka au nghal that.



"A na em? Mate a sa viau em? " Thingpui no chu a la a dawhkan a dah in ka kut chu a chhem nghal mawlh mawlh.



"A sa lutuk.. A sa vet vet " Ka ti tiau a. Keimah chuan ka awm ila ka tap ang ka ring.



"Sorry.. Sorry khawi tui ah va chiah ang" Min kai tho a bathroom ah min luh pui in tui a herh haw a a no a dawh in no a tui awm ah chuan ka kut chu min chiah sak thuai. A sa lutuk pawh a zia deuh in ka hria mahse ka vun hi a na et et.



"Engtin tak nge a awm a la sa em? " Ka bu nghat a " Colgate hnawih ila " Ka tih chuan a nui suk. A tho a colgate chu la in ka sawi lai lai ah chuan a hnawih mawlh mawlh.



" Nakin ah liak miah suh aw" A tih chuan lei ka chhuah ringawt.



"Tak tak in a zia lo hle mai " A thaw hawk a min en pah bawk " Nia. . " Ka lo tih chuan a nui suk a.



"Chhantluang.. Chhana" Mipa aw kan hria a bathroom pawn lam kan hawi vat. A room kawngkhar a rawn in hawng chiah a Ruata hmel a rawn lang nghal.



Rang lutuk in Rala'n ka kut a vawn na chu ka tal pit thuai. Chutia bathroom a kan lo awm dun a hmuh chuan a hmel ah mak tih na a rawn lang chhuak a ka tho thuai. Bathroom ka chhuahsan chuan zawh na mitmeng nen min lo en reng.



"Ka kut ka ti na palh a" Tiin a awih ngei theih nan leh thil dang vang a lo awmdun kan ni lo tih a rin ngam theih nan colgate kan hnawih na lai chu ka entir a.



"Ehe!! Tui sa i khawih ami a? " Ka kut chu la kang in chik zet chuan a en nghal vat " Thingpui in a buak anihkha " Kan pahnih kal pel pah in Rala chuan ati a.



" Fimkhur tur a lawm, khawi maw thu lawk teh" Min thut tir a colgate kan hnawih vek tawh vangin tih ngaihna vak a awm lo.



Min ngaihsak leh a buai phili lutuk chuan min ti lai ngawt pek a. Hawi sawn ka tum chuan Rala a khum a lo thu in keini pahnih min melh ngawt ngawt chu ka va hmu fuh a mahse a hawi sawn nghal thuai. A awm ve reng a Ruata nen kan inkar awmdan te hre ve mahse ka zak deuh tlat. Ka tho thut a an pahnih chuan min en deuh tawp.



" Engmah a na tawhlo" Tiin ka chhuak vang vang. Room ah ka in kalh khum a khum ah thaw hawk hawk pah in ka mu hal thlawrh.



*A na lo tak tak maw? * Ruata'n msg in min rawn bia a room lehlam deuh lawk ah an awm a kan in be hnai ve khawp mai.



* Na hran tawhlo a tir khan a thip sa reuh lutuk a* tiin ka reply a min chhang mai dawn emaw ka tia a reh zui ta vang vang.



Min reply leh na ka nghak reng a ani a reh tlawk tlawk. Ka in ngaihtuah thinrim dawn takngial lehnghal a. A chang leh ka in khawngaih vel a a chang leh min reply hun ka nghakhlel vel lutuk chu ka in hau rih thin. Lehkha bu ka keu zet na in api te ho ka be chak thar a ka be ta zawk.




Kan inbiak laklawh laiin Ruata msg a rawn thleng veleh reuh a ka chhang tawh nguar ang. A buai dawn lo tih Rala room a a awm ve reng vangin ka chiang viau bawk a nilo se chu ka hrethiam ang mahse a hman. A hman ani tawp mai ani chhuanlan pawh rawn nei se ka awih lo ang ani tawp mai.




"Nimin ah i thiannu Remi alo leng a, a taang tui leh khawp mai" A pi in atih lai mek in " A rel hrep che ania" Ate Puii'n a lo ti ve thung.



" The rock -i mai mai chu a chak lo ngawt ang" Fiamthu ani tih hre chungin ka han ti veleh a.



Api te nen kan inbiak zawh meuh chuan mi pangngai mut a lo hun der tawh. Reilote biak ka tum pawh hian lehlam lehlam hian sawi tur hi kan ngah thei lutuk a ho te te mah nise kan tlak leh duah thin. Room atang a ka chhuak tur chu Ruata haw tur nen kan intawk chiah chiah. Msg vang khan ka thinrim thar a kawngkhar khar leh ka tum chiah chu lo vuan ve in a rawn lut ta thut.




" Chhuak leh rawh.. " Ka lo ti hmak. Ka duh viau mi pawh ni mahse room khat a kan pahnih chauh a awm ka duhlo chubak ah mi hrang daih ani bawk a.



" I thinrim em tih ka hre duh a, ka hriat hun ah ka chhuak leh mai ang" Ngeiawm thei ber tur a nui suk in ka in kuangkuah nghal siah.



" Duhawm reuh mange " Ka in lak ngeng nen chutia ati daih chu min ti hamhaih tep " Nia chuan chhuak tawh rawh" Zam lo ang a lan ka tum a mahse kan pahnih chauh a awm chuan ka zam ngawih ngawih.



" I thinrim anih hmel a. Ka tihpalh i u nen thil kan sawi dun a,a pawimawh sia phone khawih lo lawk teh a ti mawle "



" Min reply keuh kha a har lo ve chiang emai a" Ka lo ti hlar . A bu nghat nghat



" Nia a ni ve reng mahse i u hnial hi a nuam vak thin lo a. Sorry aw a lehpek a awm tawh miahlo ang" A hmeltha zet a ngen ngawl na ka hmuh rual chuan ka chhungril atang hian ka khawngaih nghal ringawt.



" A nihleh a tha lawm, kal tawh rawh hetah ilo lut tih an hriat chuan ngaihdan tha lo zawk an nei palh ang " Hahdam huai hmel pu hian min en char char.



"Enge a? Kal vat rawh... " Ka tih chuan a che hrut a min pawt thut in bang ah chuan min beh tir rawk. A nui suk a a hmelthat zia chu aw " Ka lawm e... " Ka beng bul a ti sap in a ka biang ah chuan a dawm a a engamah hma in ka sa leh pup pup a ka thin te hian min pawk chhuah san daih in ka hria.




Ka biang lehlam ah chuan fawp in ka nghawng zawn ah a thaw lum ham ham ka feel rual chuan ka nam nghal pawp. Mak ti hmel a pu deuh a mahse a rei hran lo " Kal tawh rawh.. Kal rawh " Ka tih rual vel chuan tu emaw in kawngkhar a rawn kik. Ruata chu hlauthawng tawk in ka en a a dar a lo san uk ringawt.




" I u aniang... " A tih chuan awih lo zet in ka melh vak " Tak tak ka rawn kal phei khan Rindika room lut tur nen kan in tawk a lawm.. Inhnuai lam pawh a reh lutuk " A ti nawn leh zat.




"Nangman hawng rawh keichu bathroom ah ka lut dawn" Tiin bathroom ah ka tlan lut nghal daih. Kawngkhar ka kalh zui a kawngkhar in hawng ri ka hre zui zat bawk.



"Khawi ah nge Matei? Enge ila tih hetah? " Rala aw ngei ani a thum tha ve reuh sia(h).



" Ka lut mai mai a in hawng deuh huau sia" A in hawng tawp lo keiman anihkha hawng. Mahse a tha tho e buaina kan pumpelh thei zawk ang



"Ms-i chu bathroom ah a awm.. A inbual aniang" A tih rual chuan a awih theih nan tui ka suak hluai a bathroom chhuat chu inbual in leih thawm ang thei ber turin ka leih nghal phur phur.



An chhuak ni a ka hriat hnu ah chauh ka chhuak a an lo awm tawhlo tak tak bawk. Ka tui leih buak nasat lutuk vang a ka ke huh te ka hruk ro vek hnu ah khum ah lawn in ka mu nghal thlawp. Rala khan min man ta se awi ka ngaihtuah tha ngam lo e a anu ten an hriat phah vek ngei in ka ring " Huiham zanin chu lehkha zir lo phawt mai ang" In let thawk in ka chhing zui a.



Ka phone ah msg arawn thleng deuh mawlh mawlh. Ruata anih ring in ka phone ka hmet eng thuai a alo ni ngei bawk * Ka bialnu muttui aw.. * tih te * Naktuk haw lam taxi ah ka tang thei dawn lo a* tih vel leh thil dang a sawi tel nual.



* Ruata nen room ah enge in tih reng a? *Ruata msg ka chhiar mek laiin Rala msg alo lut ve chiah. Ruata ka reply phawt a chumi zawh ah ka ngaihtuah fe hnu in



* Ruata a ? Ka inbual daih a lawm tunge lo lut ka hrelo hrim hrim?*


Ka ti ve zaih. Mahse ka chhan dan chu ka rinhlelh awm riau hian ka in hria keimah ngei pawh hi.


* Ngah nge maw zep i tum ve chu le a lo lut lai ka hmu vek a lawm The Rock * min reply ran zia chu a.


* Enge kan awmdun pawh ani hleinem * tih ka thawn zawh rual chuan phone chu ka dah zui hmak. Kan sawi dun reng chuan ka in puang palh hlauh ang.



Msg tone chu ka hre reng a vawikhat chiah anilo bawk. Mahse, ka view duh tawhlo a ka hrelo lui ani mah zawk . Ka in let chiah chu tu emaw in min rawn call a ka ban a ka en chuan Rala lek alo ni. Ka ring ral tir thak dawn a mahse hetiang anihchuan min ringhlel zual sauh dawn tih ka hria. Chu ai chuan pangngai takin bia ila a tha ber zawk ang.



" Enge..? "


" Enge tih angai ami kan sawi lai kha.. "


" Engah nge ilo buai ve vak a, bak ah lo lut pawh nise kan awmdun chuang ami? "


"Awmdun e "


" Ka ning ka dah dawn.. " Ka au vak ringawt " Awm dun lo tih chu a harsa deuh ani maw? " Min nuih sawh ni mai hian ka hria hepa hi a.



" Har lo e mahse ka sawilo ang .Chuan lo buai suh " Ka tawngkam chu kei ngei pawh in ka duhlo leh deuh. Ka u ania hetiang thinrim na em em pawh nilo a ka tawng dan hi ka tihpalh deuh chu ani.



" Ka buai chak ti ta ila.. " Phone chu ka beng zawn a tang a la sawn in ka en hâw ringawt. Hepa awmdan hi a mak thei thut thut e.



" Buai lo mai rawh.. Chuan engmah ka hrelo " Ka sawi zo hman tawk ani a off zui hmak.



Phun hlak hlak chungin ka mu zui a. Ka mang lam ah bathroom a kan awmdun na lai kha ka la hmu leh zui. Rapthlak hian a.

*

" Malsawmi ding teh le" Class ah Miss in min ko a ding turin min ti thut. Class ah ka bengchheng in ka lo tawng ani silo a dawkan lam bih a ka melh chhuk reng lai tak in min rawn ko thut!.



Muangchang chuan ka ding a. Kan ngawi thap bawk si k a zak zawk.



" Malsawmi hi en vek rawh u le.. " Ka zak leh hlauthawng bawk si chuan Lawmi dar ah ka tham nghek.



Mahse miss chuan a sawi zawm a thil hlauhthawn awm anilo. Kan zirlai leh a thusawi lai example ah min hmang duh mai mai alo ni. Ka thin hi a tla thei hial dawn in ka hria ka hlauh hman zia kha. Chhun chawlh lai pawh in Lawmi nen kan sawi dun a min lo hlauhthawn pui ve tho anih hmel.



Tlai haw a hun chuan Ruata hmel hmuh ka in beisei ngawt a mahse nizan khan a rawn sawi lawk tih ka hrechhuak leh hnuhnawh. Two wheeler taxi la in kan haw a. In alo reh thiap mai a kawngka a in kalh chuanglo. Anu ka au thin a min chhang mai lo inchung ah pangpar buaipui in a awm anih ka rin vangin ka chho a mahse a lo awm miah lo.



" Nu.. I awm em? " Kan in chhung reh leh lutuk chu ka ngaih a tha tawh meuh lo. Thil nilo lo ka mitthla tan a Anu hi hliam tuar ten ka hmu anga tih ang reng te.



Inhnuai step tawp ber ka thlen chuan thawm ka hria a ka hawi rual in tu emaw hian min su her sawk a ka lu chu eng ah nge ka tauh pawh ka hre tawhlo a na nghal ut ut. Kan kawngka a mihring nisi dum vek tlan chhuak lai chu fiah vak lo hian ka hmu a. A bak chu a thim nghal mup tawh.


*

" Mamte.. " Thil var deuh ka hmuh chuan mit ka chhing zui leh . Tun a ka awmdan hi ka hrethiam lo eng emaw hlauh nei ang hian ka awm tlat.



"Doctor ka va ko ange" Rala aw ngei ani. Engtin nge ka awm zui tak le ka tluk khan.



" Nia va ko thuai teh.. " Ti tu aw chu Pa Rinchhana aw ni in ka hria. Ka bek lam ah hian khawih tu ka nei a Anu ani mai thei.



Thil eng zet hian min rawn en thut a ka taksa che lo mahse ka thin erawh a phu nasa lutuk. Ka mit min men tir vangin a eng lutuk chu a hreawm ka ti takzet. Eng an lak sawn rual chuan " A tha e ngaihtuah awm anilo a rawn harh tha nghal mai ang. A lu erawh hi chu ala na rei deuh mai thei "



" Na tur chu ania lawm kan step ah a tauh a ni ngei anga cement lehnghal" An tawng ka hriat chuan ka ip chawih thei. Khatih lai a ka lu nat chhan khan ka tluk na lam ah step ah khan ka lu ka lo sawh ani ngei ang.



Ka van lawm tak em hriat na hlauh phah a ka awm lo chu.



"Ni e a vannei khawp mai a lu ruh khi tih vel pawh awm in kan hrelo a tun ah rih chuan. Mahse nakin ah test neih hrim hrim chu a tha ang lu lampang hi chu ngaihthah mai chi anilo"



" Ni e.. Amah hi han harh tha phawt sela kan la test ngei ngei dawn nia. Kan lawm lutuk e doctor"



Kal thawm ka hria a ka mit ka men dawn hian harsa ka ti deuh tlat a ka chal bawr atang hian ka lu lam zawng hi a na ngawih ngawih.



" Mama enge police lam chu in hrilh tawh em? "



"Aw hrilh tawh e lungngai lo ang u an man thuai ang CCTV atangin a hmel kan en tawh a,an man thuai mai ang" Rala bawk ani in ka hria.



"Keima thiamloh ani mawle kawngka kha kalh thlap zawk tur ka nia. Mamtei lam reng reng ngaihsak lo in pangpar ringawt kan lo buaipui a" Anu tah aw tuau ka hriat chuan ka chhungril lam ah hian ka tah a lo chhuak ve tawp.




"Chutiang in tih loh tur, thil tihsual palh chang te pawh a awm ve a lawm. Kan fanu pawh a dam leh vat mai ang.. Ti rawh a u te hian lo awmpui se pawn boruak thianghlim ka va dawn pui ang che" Anu chu a kalsawn ta aniang ka bul vel chu a ruak huai.




A reh tlawk tlawk a. A tir chuan harsat na ka neilo mahse a rei tawlh tawlh a a reh lutuk chu kan in reh thuap ang ah khan ka ngai a mak tak in hlauh na ka nei a ka mitthla ah hian kha kan in atang a tlanchhuak ngei mai kha a rawn lang nghal zat. Ka taksa chu engtia tih tur nge ka hrelo ka zawi vek a thawh mai ka tum rilru chungin ka taksa chu a zawk lutuk a ka ti che mai theilo. Ka mitthla a lang ngai char char chu a lang a ka hlau thar takzet. Ka kut chu tu emaw hian vuan in nghet zet chuan a chelh a. Ka hlauh lutuk na chu a reh duak in ka hria. Ka unaupa ten min awmpui tih ka hria a mahse tu zawk nge ka kut min chelh sak tu hi ka hre theilo.




"Ka nghak reng che ania" Ti tu chu ka hai lo nasa mai Rala ngei ani. Men ka duh em vangin ka mit ko leh chal na chung chuan men ka tum hram hram. A nâ ti ila a ka lu na lutuk hian a tur thla vek zawk.



" Ruata... " Ka mit ka men luih chuan ka beisei miahloh hmel ka hmu daih. Tun lawk khan ka u aw ka hre sia.



"Ilo harh tawh maw.. Ka va lawm tak em? " A hmel ah chuan a lawm zia a lang vek. Ka kut ka en a ka u te tu emaw zawk zawk ni a ka rin lai in min chelh tu kha a mah tho ani.



"Khawi ah nge ka u.. Ka tih chu Chhantluanga" Tiin lu na chung chung chuan Ruata awm loh na ka veilam te chu ka en a mahse Kiama bak ka hmu lo. Nichin ami kha ka hriatsual tih na ami le mahse a chiang bawk si.



" Chhana maw? A awm hleinem " Enge awmzia a aw kha ka hre chiang lutuk mahse khawi ah nge a mah tak a hi??


Show post links
Top