VANGELOBy Bearr Chhakchhuak (Dreamer) (Completed)

[Bearr]

CHAPTER-7‍🩹


" I van ho tak. Ti daih ila, keipawh Chhana hian palai rawn tirh tih vel hi a sawi a sawi tawh a. La nghah deuh ka duh sia " A ti ve ta hlawl.

" Awi Lalzual, enge nghah a ngaihna? Keipawn ka neih tawh hi, nei ve la kan fa te an inrual anga an inkawm leh thei dawn chiah a" Ka ngaihtuahna chu a mawlmang viau na in a hlimawm phian bawk sia.

" Â ka nu hi a dam tha silo bawk silo a,bak ah ka chhâng tha fum fe rih lo. A tir ah pawh a thinrim a, kan inthlem lungawi ve thei hram " A tia kan nui dun leh tiah tiah.


Kan inbiak chhungin a lo tlai duai mai. Kan han in mangtha leh te te a, phone ka off a data ka on chiah chu Gos-a msg a rawn lut nghal zawt zawt! Ka open thuai a, a rawn call hun alo pel nasa tawh tih ka hrechhuak, ka call nghal a. A msg ho lah kha thu in ziak mumal pawh anilo thinrim lai emoji hlir a khât mawi tawk a rawn thawn na ani.


Call a chhâng chiah " Mazuali nen kan lo in be tui lutuk a " Ka ti nghal.

" Chuan min theihnghilh ta daih a? " A ti tau aw chuan ka nuih a ti za tlat pek. Mahse ka nui ri ngam hauh lo.

" Theihnghilh lo e, naute chungchang te kan sawi a sana ka lo en lo a " Ka ti leh. A thaw hawk a, a mu ve tawh aniang. A in let kual vel nge a ri rak rak.

" Ka muhil thei lo mai thei ani. Zan hnih vel lek i bul ah ka riak a, min ti nikhua lo dawn a lawm " A ti vei hmun.

" Naupang chhia e. Keipawh ka thawl lutuk I awm lo chu. Naute nen chauh chuan lawng a chuang ang vel kan ni " Ka ti a. A nui ri zui hak hak.

" Nancy'n a hau leh tawh che em? " A ti dek dek a.

" Hau deuh e, min ngei phah vek a lawm. Rawn hau kher lo la chuan min ngei lo ni mai tur ania, in inbiak zawh phei kha chuan a thinrim tawp " Ka ti nghal zung zung.

" A ho lutuk, tunhnai hi a zia a ti chhe lutuk a. A over mah mah thin,hauh ve loh chuan a zawng chhang tawlh tawlh mai ang" A ti dap dap.

" Ho ngawt lo, ka tan anuam hleinem, nitin inhmu a awm ho kan nia. Min huat reng ten ka tan pawh a nuam hleinem "

" Tunkar bak te chu ka bulah I awm tawh anga, a zia mai ang. Tum dang ah tiang kha ani ngailo a sin "

" Âw, a beisei ang mo ah a nei silo a chuvang a lawm. Min lawm lo tih ka hria a lawm, ka dem em em lo " Te chu ka han ti mawi hnai veleh.

" Khatin an ti ngailo Zampui, duh ang diak diak in thil a thleng thei hleinem. Kan chan apiang hi lawm tak in pawm thiam ila nun a nuam duh ber"

" Mahse ka dem thu ka sawi miah lo ania aw " Ka ti leh hnuhnawh.

" A ho.. tak a ka thil order kha Rp-a'n a rawn dah tiraw? "

" Aw dah e, tinge tiang em em a lian te I order a?" Ka tih chuan a pawimawh thu ringawt in min chhâng.

*

Kâr a liam zel a, rel lawk tawh ang in Gos-a zui tur chuan kan inbuatsaih. Kan in lam ah pawh chaw ei pah in kan phei a, ka nu te pawn Gos-a ka zui thei tur chu min lo lawm pui ru viau. U Nancy bawk, a lawm lo leh thinur ah a tang a. Ka awm loh chuan tih tur a ngah dawn lutuk a chu chu a huphurh ni ber in ka hria. Nula lak te kha a sawi a mahse Gos-a leh ka pa'n an phal sak lo tlat. Bak ah hna èm pawh a la nei silo a, nula chhawr man pawh ka pa ten an tum a ngai anga. Ka pa lah mi panngai tih tak ah nula lak a a fanu awm mai mai a thiam neilo tur chu a duh bik map lo.



Monday zîng lutuk tak mai ah chuan Gos-a te awmna lam pan chuan kan chhuak a. Kan nupa thlalak frame a kan siam tir erawh kha chu kan keng ta lo. In lam a kan room ah kan dah a, keini kan awm loh pawh a kan room lo luah lum tu an ni mai. Khua chu kan thleng a, aizawl an hlat lutuk loh vang nge a pui ve riau. Bungrua chuti lutuk a ken ngai kan neilo a, ka thawmhnaw bawm leh bungbel ken belh ang ho kha ani mai.



Motor a dahna bul lawk in chhawng chu min hmuh a, a chhawng chung zawk chu a neitu ten an lo luah tir anih hmel. Kan kal chho dawn a, a awmna in neitu te pawn an lo be lûam. Kan han in chibai leh ang lawp lawp a, Gos-a'n nupui a nei tih pawh a lo sawi chhete eih ngailo aniang ' kan nu ' ti a min sawi pawn mak an ti hman viau mai Rp-a'n min hrilh hmasa lo se min zah pui emaw tiin ka thinrin ru hman teuh mai thei ani.


" Awi ka rin ai a zau " Kan luh velah ka ti chhuak hliai. Pawn lam en ai in a zay daih, veranda te a nei zau ang reng sia a in tak a chu a len vak pawh ak ring lo a.

" Nia, a dang chu hmu ila ka luah lo ang. A zau lutuk a mi pakhat awmna atan chuan " Ani pawn a lo ti ve. Kan thil ken ho a thiar chho a, puih ka tum lah in a phal der lo.



A in khai chhoh hlan in ka nu ka bia a, kan thlen tawh thu ka hrilh a. Kalkawng ah khan ruah tlem a sur bawk nen min lo ngaihtuah dun viau aniang, kan thlen thu ka hrilh chuan a hahdam huai thu a rawn sawi let ve nghal. Kan inbiak na kan tih tawp hnu ah ka nu te lam ka be veleh a, kan thlen thu ka hrilh a. Gos-a'n kan bungbel ken a lo rem mial mial vangin kan inbiakna ti tawp in pui tur chuan ka va pan a.



Helai ah a awmna a rei tawh hle aniang bungrua pawh a nei kim reuh phian a. Damchhung a khawsak na tur pawh nise mamawh dang lutuk kan neih hmel loh. Machine erawh a awm lo a, nakin a ala ngaihtuah tur thu min hrilh nghal. A chhan pawh nau pai ka Nia, kut a insu tur chuan min ngaihtuah ve hmel deuh ani. Ani kha chu in lam a hawn ngai em em lo ho kha kut in alo su mai thin aniang.


" Lo kal teh " Bung bel kan rem fel hnu ah min rawn ko. Ka thawmhnaw ho ka lakchhuah lhma chuan ka va phei a.

" Sawlai a saw, kan thil sak na hmun " A ti a. A kawh na lam chu ka thlir nghal thuai.

" In va sa hnem tawh ve, in atang pawh in a hlat loh saw " Kal dawn ngat ila chuan a hla tham ve mai thei. Mahse motor a nei a kal velna ah chuan harsatna awm lo ang.

" Tun ah chuan khawhar pawh ka hre tawh lo ang " Kan ding dun lai reng chuan ka kawng a rawn kuah in a ma si chet tur chuan min pawt hnai a.

" I khua alo har ve thin a maw? Ka va awih lo tak " Ka tih chuan a khawhar thu ka awih sak lo chu a la na leh ngang mai. Ka sam a tuai thur vek! A hnu lawk ah a mah bawk in min siamtha leh vek tho a.

" Hawh thlâ la dun ve hrim hrim ang. Hriatreng nan pawh a tha a lawm " Phone ka lek chhuah velah a kalsawn hmak.

" Hey Gos-a? Kal daih suh " Tiin ka zui a.

" Thlâ ka la ngailo " A ti hmuk.

" Awih awm lo emai, kan inneih ah pawh kan lak dun reng kha " Tiin lak pui phet chu ka tum. Bak ah chutia a duhlo teh tlat chuan min ti lui chak tlat.

" Kha chu kan ni pawimawh a nia" A tih velah " Vawiin pawh kan ni pawimawh ang tho a lawm. In hrang kan chan ni ang deuh ania " Inchhûng ah chuan kan in um kual char char. Ka pum a vangin ka kal chak lutuk phal bawk silo ani ngal sei bawk si chuan min kal hlat san hneh thin ngang mai.

" Ka hmelchhia ka duh lo " A ti leh tlat! Ka ding dat a tih ngaihna ka hre thlawtlo a sawm a in sawm chu.

" Aw hei kan thleng chiah, ka rawn hrilh ve che mi hi I ngaihtuah ve thin sia nangpa reuh hian " Mipa bia ang in phone ka hmang der ringawt. A rawn chu e kha ka rin vakloh nen, a rawn kal let hlawk hlawk a phone mi chhuh sak hmak.

" A lem mai mai pawh a tih a ngailo " A ti a, ka phone chu min ah sak daih.


Hna kal hmanhmawh a ngaih vangin a insiam thuai thuai a. Chaw pawh kan siam lo, ei tur kan lei a, a mah tak phei chuan a ei hman lo. Tiang anihchuan Sunday hmang tur a a lo haw ve te hi hahthlak a ti ru thei ngawt ang tih ka ngaihtuah ta. Monday zing ah a let leh thin sia a thlen meuh chuan chaw pawh ei ngailo in hna ah a kal tlang tawp zel aniang, ka van khawngaih reuh tak.


" Tun atang chuan monday zing ah pawh thlamuang deuh in chaw i ei ve thei tawh ang chu " Ka ti a. Ani pawh a lawm hmel ngang mai.

" Chu zawng ai chuan mahni a mut khawhar a ngai tawhlo tur hi " A ti ve ngei.


A kal tur pawn ah ka va thlah thlap a,a kal fel ah muangchang in ka ei tur ka siam a. Phone ka hriatchhuah velah khum lam ah ka va zawng a ka hmu mai lo. Gos-a'n min lak sak tih ka hrechhuak min la pe miah lo tak e. Ka zawng hmu zo ta silo a lo keng tel palh anih ka ring ta tawp. Tv a awm bawk silo a a va khawhar thlak dawn tak.


Phone a awm bawk silo nen inchhûng chet ah ka tlak ta vek. A inchhûng chu mipa mahni chauh a khawsa ani nachung in bal ngawih ngawih lai a awm lo. Darthlang te ka nawt a, chhuat nawh nen bung bel dahna te ka tifai bawk. Fridge te chi a nei tel ve thlap bawk a, chawhmeh siam tur pawh a la awm nual mai. Inchhûng theihpatawp a ka tih fai zawh in thil ka ei a,ka ei pah a phone en tur takngial pawh ka neih loh vang chuan hrehawm ka tia Gos-a lo haw hun a hauh dan tur ngawt ka ngaihtuah.



Ka hman tawh mai bak ah, u Nancy a tel ve ta lo chu ka nuamsa lutuk a rawngbawl hma zawng chu ka mu zâl ar ar. Dar 4 velah rawngbawl ka tan a, Gos-a awm ta bawk silo chu mahni in thil ka in dap chawp a, pahnih chauh kan nih vangin rawngbawl erawh ka rei phah teh chiam lo. Gos-a te pawh ka rinai daih in an rawng bâng har. An hnathawhna lam chu ka thlir deuh chhen reng a, mi che vel ka hmuh theih reng vangin an la bang lo tih chu ka hrethiam mai. Pawn ah te ka han chhuak ren rawn a, tumah hmelhriat ka neilo bawk nen phone ka kawl bawk silo, keimah teh tlawng in ka awm bawk si ka lunglêng lek lek tawh.


" Zampui? " An hnathawhna lam ka va thlir leh lai tak a Gos-a aw ka hriat chuan rang tawkin ka let nghal.

" In van bâng har em em. Phone I keng daih a ka lunglêng lutuk " Ka ti nghal tawn tawn.

" Nia a zia lo tak tak ani. Tukin Khan ka pe ang che ka tia ka theihnghilh a. Bak ah ka phone khung reng tawh kha ka keng lo emaw ka tia ka la leh a lawm " A mah ber ber chu nuih za ah a tang.

" I tar tawh anihkha " Phone min pek rualin ka lo pawt deuh sawk. A nui suk ringawt a, ka tawngkam huat en ah pawh a en chuanglo.

" Tihpalh anihkha. I khawhar tur chu ka hre reng a, mahse ka rawn let hman tawh silo bawk sia " A ti vei niah niah a. A kawr chu hlip in a kekawr nen tawp chuan a awm a.

" In ban hun ka hre silo a,rawng ka bâwl hmâ ang reng sia a dai leh vek tawh. Chaw te kha ka chhum hnuhnung ber hlauh a " Tiin a kawr hlih tawh chu suk turin ka dah sak a.

" A pawi hleinem " Phone nileng a ka en loh vang chuan ka kut a a awm leh chiah chu ka hmet a, ka en kual nghal mawlh mawlh. Midang msg te chu ka chhâng nghal char char bawk a.

" Hmm, phone pawh ka tluk nange? " Nui chungin phone chu ka ak tha hmak.

" I inbual dawn em? Chaw ei hma inbual la " Ka ti a. Min chhanna pawh ka nghak hman lo, inbualna tur tuilum ka siam sak nghal mial mial.


A ni pawh ngawi rengin a inbual a, nidang ang tho in a thawmhnaw hak tur ka lakchhuah sak leh thlap. A inbual zawh ah chaw kan ei nghal bawk a, kan tlem lutuk vang aniang chaw ei a tui mawh reuh. Chutiang a ka in hriat rual chuan Gos-a pawh ka hre tel ve zel a, nitin hetiang hian mahni in chaw alo ei ve mial mial awm thin sia, a hrehawm chu a tih ruk ve tho hi ka ring ani. In lam lah in min ngaihtuah viau nge chaw ei kham fel hnu lawk atangin min rawn be lehnghal. Kan inbiak zawh ah ka inbual ve a, a hnu ah kan mu nghal daih a, nidang ah te chuan tun ang ah ka la mu hman mai ngailo.


" I lungleng ve deuh ami? " Min tih vang chuan a lam hawi in ka mu sai sir nghal.

" Chhun ah kha chuan lêng e, ka thinrim hman tep a " Ti a ka sawi laiin ka awmdan ang bawk chuan ka lam hawi in a rawn sai sir ve nghal.

"Ka feel che a lawm " Tiin a nui zui sep.

" Awih awm loh mi feel lo " Ka tih laiin ani'n "anih tun ah a la lêng em? " Tiin mawi deuh hian a nui zui a.

" Tun ah te chuan i awm a lawm. Ka lungleng eih lo, chhun te kha chu biak tur ka nei bawk silo a" Ka ti sîam sîam a.

" Tv kan ngaihtuah mai dawn ami? " Alo ti hmanhmawh.

" A ngailo, phone ka kawl a,a tawk lek. Helai a in hna i zawh phei chuan khawi lam ah nge insawn leh a ngaih ang a hriat bawk siloh. Bak ah pawisa a hek mai mai " Ka thusawi lai chu uluk zet in min en a. Sawi tha min tih hmel viau mai.

" Nupui i nih chin chuan i ngaihtuahna pawh a puitling chak hle mai a " A ti a. Ka lo ner deuh vak.

" Chutiang a sawi tur chuan kan innneih hmâ hmalam engmah hriat i neiloh kha " Ka ti fiamthu a.

" I nau in min hrilh vek alawm. Pasal I neih hmâ phei chuan inchhung ah naupang ang mai in I khawsa a, pawisa a awm em tih pawh ngaihtuah lo in thil I duhzawng leh awh a piang lei nghal mai duh khan i phi buai a" A nui leh sup a " I nu leh pa te pawn an hauh ngun che kha "

" Awi LalRuata tawng theih zia chu!! " Ka ti hlak hlak. Gos-a sawi hi a dik deuh vek a, inbia in an lo in hrilh tih a chiang nasa si, a nilo pawh ka ti buai vel peih lo.


Chutia khum a mu chung a kan in biak chhaih vel lai chuan Gos-a an lo call a, min ban tir vangin tunge lo call tih ka en hmasa " Tunge a? " Tlanpuii hming ka hmuh vangin ngawi rengin ka pe ta zawk. A thu chhuak deuh a, call chhâng lo chuan a hmet tawp daih. Tlanpuii lo call vang chuan ka mood a off rawih a, Gos-a nen a kan boruak pawh a dang nghal vek. Engtin chhâng lo mahsela a lo call fo hi ka ngai theilo. Gos-a lah hian a hau phallo nge ni kan inneihna rei tawh nen a la rawn be zeuh zeuh mai a.


" Ka chhan loh kha " Ka awmdan hi ka thup ve viau thin emaw ka tia, a lo hrethiam leh vek tawh anih hmel.

" I chhâng ka ti ami? " Ti hmuk in ka in khuh phui hmak.


Ngawi rengin a awm a, min biak leh a tum tawhlo nghal emaw ka tih laiin ka puan in khuhna chu a rawn pawt che reng. Ka ngaihsak duhlo lui tlat a, ani lah in a pawh loh phah chuang bawk lo. A tawp ah ka thu chhuak thut, alo meng kawk a ka ti phu nasa deuh aniang.


" A no kha delete la, anihloh pawn block rawh ka hne " Ka ti ta nghek.

" Nangman ti la " A ṭi dûk ta mai hian ka hria, ka lungawi vakloh vang nge fiamthu in a ti lui zawk pawh ka hre chuang lo a.

" Khawi? " Phone chu ka dil a, min pek pah chuan " meng ghost vak kher lo la " a ti tel hram. Ka insum hman lo chu ka nui chhuak nghek.


Ka duh ang tak a tih a phal miau avangin Tlanpuii no chu ka block nghal hmak. Ka khawih zo chiah Rp-a'n alo call leh,kan nupa chuan kan bia a. Keipawh ka duh ber ka ti ta bawk a ka mood a dik leh tep tawh. Rp-a hnen ah Gos-a in suan luh lawm nan a thlalak pui ka tum a, alo duh loh tlat vel te chu fiamthu in ka hrilh a.


" Ka hrilh tawp ang che Zampui,keipawh a ṭhianṭha ber ka nia thlâ hi kan la dun khât teh mai ania. Kha mihring khan thla lâk a hi a hlauh in a hlau. In inneih lâi kha chu a ti lui ve hram ah ngai rawh " Rp-a'n a ti a. Kan nui vak vak a,Gos-a lah chuan ho hi a lo la ti hmel ngang lehnghal.


" Hmeltha lo tân thlalak a chakawm hleinem" a lo ti ve ngei bawk.

" Zanin chu ka mangṭha hma mai ang che u. Anih loh chuan in pa khan boruak ti chhia ah min puh palh ang " tiin an rawn fiamthu zui leh.


Kan inbiak na kan ti tawp chiah Gos-a bân in min rawn kuah nghal zat. Ngawi rengin kan mu dun a. Kan tawng lem loh vangin ka mut chu an chhuak ti tih dêr. Ka chhîng diar diar tawh tih ah Gos-a che chuan mi ti harh leh. A mu rem mai dawn emaw ka tih laiin a tho ni tlat chuan ka hria. Lehlam hawi san a mu ka nih vangin ka hnunglam thâwl leh ruak lutuk ang a awm chu ka feel thei.



Light pakhat chiah kan on a vangin inchhûng pawh an thim deuh reuh. Room a chhuahsan a, bathroom ah kal a tum ni tur a ngâi in alo let hun chu ka nghak ren rawn a. Mahse a lo let tak mai loh ah chuan ka tho ve ta tawp mai, room pâwn lam a chhuak in ka thli thlai vel a. Hemi in kan thlen tirh a, an hnathawhna lam min hmuh tir na hmun lam ah chuan a lo ding ngawi reng. A hmalam ah êng a awm a, phone a ni tur ah ka ngai. Ka va be dawn zet a, phone nen a nih vang chuan ngawi rengin ka pan, thil a ngaihtuah muk viau nge ka thawm ka dim lutuk hran lo na in a hnunglam ah ka awm tih a hre lawk lo.


" A pawi ka ti " Tih te mai hi a sawi a. Ka in rin hmâ in a rawn in her thut!! Lai tawk chuan ka hmachhawn a. Ani lah min hmuh thut vangin a meng kawk mai.

" Ngati nge I rawh thawh? " A phone chu a hmet thim zui a, mahse enge phone ah khân a en ka hria,ka hmu hman chiah chiah.

" I tho daih a " Kan awmdan chu a lai dun ta ve ve in ka hria.

" Mu ang " A ti a. A kal chu keipawn ka zui ve nghal.


In be miah lo chuan kan mu leh a, lehlam ka hawi a Gos-a chhîng reng tawh chu a muhil panngai ah ka ngai a, phone ka ban thuai,. Mazuali ala men ka rin avangin ka text a * Gos-a leh a bialnu te lak ah hian thil thalo tak ka tiin ka hria * Tiin ka va thawn.


* eng thil? In in hau ami a? * ala muhil lo tih a chiang, min reply rang leh mai mai khawp.

* Tlanpuii hi a la duh viau aniang ka ring * tiin nichin a ka hmuh dan te, phone a tlanpuii thlalak en a pawi a tih thu a sawi te chu ka hrilh tel vek. Ka sawi pah te pawh chuan ka awm a nuam lo tual tual a, mahni inthiamlohna leh mi inngaizâwng tha lai pawt then ah ka in ngai na sa tial tial bawk.


U Nancy thusawi thin te kha ka ngaihtuah let a, a sawi kha dik in Gos-a leh Tlanpuii te hi an la ni reng emaw an la in be reng emaw ani mai anga tih thleng in ka ngaihtuah tawh.

* Chutiang tih duh hmel a put loh kha, ti ila ka van hrethiam lo *

* Zawt tawp chhin la, Tlanpuii a thlah tak tak theihloh chuan I tan pawh a tlawm thlak dawn ania *

* Lo la duh ta se * tih chiah in ka chhâng let.

Ka zawh tur lam ai mah in Tlanpuii a la thlah tak tak theihloh thu in min chhâng ta se engtin nge ka a awm ang tih ka ngaihtuah, kalsan in inthen ta mai dawn ila ka thei angem? Gos-a ka duh in ka lo hmangaih ve hman tawh bawk si.

* A la duh anih leh kalsan ani mai. Hmeichhe pakhat tân chauh a a awm theilo anihchuan inthen ai a nâ khan nakin a la siam thei che a. I kalsan kha a tha zawk ang ka ring. Ka ngaih dan anih chu, naute te chu a lo pian hun ah pawh a tello pawh in I enkawl puitling thei lutuk ang. I thei tih pawh ka hria, I lam ka tang reng ania *


Inthen nghal tur ang maiin fuihna te mi rawn hrilh tel vak. Kan inbiakna kan tih tawp dawn ah pawh hlau lo a awm a,zawt tawp turin min la hrilh ve hram hram. A chhan pawh mumal lo tak a pasal nei reng turin min duh bik lo ani.


" Muhil tawh rawh " Gos-a rawn tawng chu ka phu nasa lutuk a ka thin phû a tawp zawk in ka hria.

Phone dah tum a ka ban laiin a rawn che dawt a, ka phone ban in a rawn la nghal hmak. Ka la hmet thim hman lo bawk nen chuh turin ka pum vangin ka in fit tawk bawk silo.


" Gos.... " Ka in her a, a ni'n ka phone a melh zui.

" Ka bul ah hian i hlim nange? " A mitmeng hriatthiam har zet a min en chung hian ati a. A thil min zawh teh daih chu mak ka ti dawn dawn mai. Keimah hian zawt tur zawk ni in ka in hria.

[Bearr]

CHAPTER-8‍🩹


" Min chhâng la " ka ngawih deuh tak reng vang chuan a ti leh a.

" Anih nang,ka bul ah hian i hlim em? " Tiin ka zawt let ve ta ngat.

" Aw " min chhâng awlsam mah mah hian ka hria,nilo ka ring ngam chiah tawhlo in ka in hre zawk.

" Anih chuan tinge Tlanpuii i thlah theih miah siloh a? Nichin ah pawh a thlalak te kha i va en ani lâwm ni? " Ka phone chu an theh ti tih a. Ban a lâk vat pawh ka tum hran lo.

" Aw en e,a chhan chu a lak a tihsual ka neih vang ani. Ka ti nâ a "

" Ka mu duh tawh " Tlanpuii chungchâng a sawichhuah ve tak tak chuan thikna nen,ka nâ ani deuh ber mai,ka ngaithla thei dâwn in ka in hre lo.

" Mu lo ang, ka sawi ngaithla rawh " ka tal vak a,mahse min chelh tho. A mah pawh en chuanglo in ka thu tung ât a.

" I ti nâ tih i in hriat a,a lak a i inthiamloh rêng dawn te chuan min neilo mai ta che "

" Engvang in? " A hmel chu a rawn in thlak danglam chak khawp mai. A rum in a thinrim hmel ta viau.

" Tlanpuii i thlah thei bawk silo,kei min nei tho bawk si " ka ti a,a tawng leh hmâ chuan " i duh thlang fel la,kan in kawl rei tak tak hmâ hian " ka ti zui zat.

" Eng a?!! Zampui min va ngai chhe awm ve?" A ti ve ta siah.

" I duh thlang tawp rawh. Naute vang mai mai a mi inkawp tha lai pawh then reng kha ka duh ani lo ania. Thil ka hriatloh avang zawk ah ngai in ka inthiarfihlim mai ang "

" A ṭullo khawp mai i thil sawi kha. Ka ṭhen dâwn reng reng lo che " a aw kâ chhuak chuan mi ti hlau dâwn ṭep.

" Mahse tlâwm tak a awm ka duh hleinem. Naute nu leh pa ni satliah tur a awmdun ka duhlo. Pasal leh nupui tak tak ang a kan awm theih dâwn loh chuan inthen ka duh " ka ti chhuak phawng.

" Ngati nge min rin loh em em le Zampui? Tlanpuii nen hian vawikhatmah ka la kawp lo che u. Ka tum lo bawk a, min ring lo anihchuan engmah ka sawi tawh lo ang "

" Nichin ah khan engvang a khatiang a a thlalak lo en reng si nge i nih a? " Ka la ti talh.

" A tawpna anihkha. Min ringlo anih chuan i thu thu ni se, I tân chauh ka awm ang tih erawh hria la. Ka mawhphurh na leh ka khawvel in ni tawh a chu thil pawimawh zia pawh chu ka chiang lutuk tlat " Ka dul chu a vuan zauh a.

" Chuan thil pakhat. I râi tih pawh ka hriat hmâ khan Tlanpuii nen kan inthen tawh " A ti leh sup. Thudik a sawi em tih hrelo mahila chu thu chuan mi ti veng hawk thung.

" Engtin? " Ka ti chhuak sep.

" Chhan eng emaw vang ania. Kum 7 dâwn chu kan in ngaizâwng hman, diktak chuan ka neih dawn che pawh khan ka la ngaihtuah thin " Ka thikthu bawk a chhe leh a, ka ngaithla tha duh lo lehnghal.

" Amah lo hmeichhe dang neih tumna pawh ka nei tawh lo. Mahse ka hmâ ah i rawn in lan a " Tiin a sawi laklawh lai chuan ka lo tawng khalh.

" Naute vang a min nei i ni lo tiraw? " He thu hi hmân ah khan ka zawt tawh. A chhânna hre sa tawh mahila zawh hi ka bansan theilo. A chhan chu a lak a rilru ka put ang chiah hian ka lak ah a pu ve em tih ka hriat ngailoh vang ani.

" A tir ah kha chuan neih che emaw ka tum lo a,duhna che pawh ka neilo " ka thin hi a thip zawk in ka hria " mahse kan vawihnih inhmuh ve na atang khan eng in nge ka rilru ti danglam ta ka hrelo; awle hun a liam anga ka duh thei ang ka ti rilru a...kan han innei a,kan chen dun rei tial tial tak ah phei kha chuan duh satliah pawh nilo,tih takzet in ka duh ta tawlh tawlh che a "

" Anih Tlanpuii? "

" Kan inneih aṭang phei chuan ka ngaihtuah ngai tawhlo. Ka hna chu thuhran,in lam a min lo hmuak tu tur i awm vang khan ani chu ka rilru ah a leng pha tawh mang lo "

" Min bum chuan Gos-a" ka ti dêk dêk a,rem lo deuh si chuan min kuah nghal.

" Chutiang chuan ka ti ngai miah lo ang " a ti sap.

" Ka ring dâwn che ania " ti a ka hrilh chuan a nui nghawr dat.

" Min lo ring ngai miah nange? " A ti a. Ka chhâng lem tawh lo.


Keipawh ka thinrim reng thei tawh bik lo,ka kuah let ve a. Kan in rem hnu ah a phone te chu mu ta lo chuan ka en sak vek. Tlanpuii thlalak awmchhun chu ka delete sak daih a,nichin khân a lo unblocked leh ka ring a ka en thuai,mahse unblocked lam chu an hnai lo ani tawp. In hauh thiamlohna em em pawh awm tawh lo in thlamuang deuh chuan ka mu ve thei hram.

" Hawh I tawngtai dun teh ang " A ti ta hliai. A sawichhuah tak ah chuan keipawh tawngtai tân ka ngaih zia ka hre thar a, ka mu tawh ka tho leh.


Kan kut ve ve in chelh ati a, ka hnial hran lo. Kan naupan lai pawh khan ka nu hian kan unau school kal tur te kha kan kut ve ve inchelh chungin min tawngtai sak thin. Hetia Gos-a'n a rawn rawt chhuak leh chu a tha ka ti khawp mai. Zan dang ah pawh ka tawngtai ve fo nachung in hetia kan nupa bik a tih nachang hria a min sawm chu ka lawm tak tak ani. Rilru leh tih takzet in kan tawngtai dun a, kan zo chu ka hahdam huai hian ka in hria.


" Mu tawh ang le, duhai kan mengrei tlat tawh " A ti a. Ka mu tha sawk sawk a, ani pawh min rawn kuah ti tih pah in a mu fel ve nghal.

" Ka hmangaih che " Tiin ka phun sep, a hre pha dawn lo a, mahse ka sawichhuah chuan nuam ka tih phah. Hmaichhan ah erawh ka hrilh ngam hauh lo thung a, amah pawh in min la hrilh bik lo.

*

Zîng takah tho in eng eng emaw ka ti sawk sawk. Gos-a a la rawn thawh veloh vangin mahni in thingpui ka in a,phone va la in ka check zuai zuai. Nizân a kan in hauh ti tih na Mazuali msg rawn thawn hnuhnawh te chu ka chhiar a, Gos-a'n arawn lak lai vêl khan msg a rawn thawn leh anih hmel a * A bul ah khân i hlim lo tih te sawi la * tih a rawn thawn tel khanglang anih pek hi.


Ka reply a, fiamthu in a thu rawn sawi vang a Gos-a nen kan in hau chiam ang in ka va hrilh. Msg dang ka en leh a,U Nancy alo ni mial. Ka han open chuan beisei loh deuh in Tlanpuii chungchâng a rawn sawi.


" Mama nen a in awm ta chu sual i va chhuah thiam ta ve. Tlanpuii pawh i block tir hmak mai ani maw *

* Mi inngaizâwng pawh then chu i tluan rei ring suh *

" Henu inrawlh peih zia hi chu âw " reply pawh ka reply peih lo. Ka mood a ti uih leh zo vek tep,mi rawn tih dan teh nghek chu ka tei thei thak lo mai. Tunlai chu ka thinchhiat hi a chhuak nasa ngawih ngawih in ka hria.


" I van tho hmâ em em ve? "Gos-a pawh ka che thawm in a ti harh aniang, phak zet in a rawn tho.

" Ka mu thei tawh lo a " A hmel ka hmuh rual chuan U Nancy ka ngei na kha a mah ah a bet daih emaw tih turin a lak ah ka thinrim daih.

" Va mu leh la " ka ti a,khawpui a ri ta dur dur, ka thawh hlim atang pawh khan khaw awmdan kha a chiang vak lo a. Vawiin chu ruah a sur nasat duh hmel.

" Rawn mu tha leh la " Keimah zawk mu turin min sawm. Ka mu duh hauh lo, ka chet char char loh chuan ka mood a chhe tawlh tawlh ang tih ka hlau.

" Ka duh lo. U Nancy hi a sual ê " a nau mah ni se ka zêp ṭit ṭet peih lo. A sual ka ti ve êm ani.

" Ngati nge? Engtin nge an rawn tih che a " a tih chuan rang tawkin " Tlanpuii'n i block tih a hrilh a niang,mi rawn hauh phah ngawt a. I nupui ka nia,mahni û te nupui ai pawh a a bialnu hlui lo ṭan tlat kha ka ngei" ka ti nghal tawn tawn.

" Nakin ah keiman ka be dâwn nia " a ti a. Diktak chuan hetia Gos-a lak a thinrim reng mai te, hmêl tûm hmuh reng te hi nuam ka ti lo a, mahse ka lo in sûm hman thin lo. A châng hi chuan hahthlâk min ti ru ve ngawt thin ang.


Ruah lah chu a sur ta nge nge a, a sur tam hmel ngang lehnghal. Ṭek tla nen khawpui a ri rum rum reng bawk. Thlang lam tukverh khar tur a ka pan thlak in Gos-a'n mi rawn kalh khalh. Tukverh a khar zawh a min rawn en chuan hmun dang ka hawi sawn nghal daih. Rawngbawl tan nan a la hmâ em em bawk si nen tih tur ka zawng kual.


" Zampui, lo phei lawk teh " Room ah alo va awm leh tawh. Peih lo deuh chuan ka phei a,room ka lut chiah mi lo kuah nghal.

" Kha teh,in lâk sap a hun lo ania " ka ti hmak a. Ngahmah a ngai hran chuang lo. Nui chungin min pawm kâng ta nawlh!

" Ka rit dawn ania min thlah rawh,min thlauh chuan Gos-a; naute pawh a na tel dawn ania " ka phi chung a ka tawng lah a rang fahran lehnghâl.

" Ngah nge ka thlauh ngawt ang che " tiin khum ah bawk chuan mi mutpui leh.

" Mut a hun tawhlo " ka ti zo chiah " vawiin ah thli na lutuk a tleh dawn an tia kan pû ten vawiin chawl turin min rawn ti anih chu. nileng in kan awmdun thei " Ti sup pahnih ka kawr chhûng ah a zen lut nghal.

" Kan hmang theilo tih i hriat vek kha aw " naute a lian tawh a nupa nun hman ka duh tawh rih lo.

" Khawih mai mai te chu " ka hn**e hmu*r a hmet ti tih,a nâ ka ti chuan a bân ah ka lo bêng nghal vak.

" Nu i ni tep tawh a,thinrim reng a tha lo ania " tiin a phun sap.


Min kuai zângthal a,ka hmui ah chuan duhthawh zet in mi fâwp tawn tawn. Keipawn ka thiam ang tawk in ka lo chhâng let ve bawk. Ka mood dik lo pawh a zia chho tawlh tawlh a. Nupa nun hmang em em chuanglo chuan zei zet in mi play leh a,nupa nun kan hman nen a nawmna a danglam chuanglo. Chutia kan awmdun lai chuan ka mitthlâ ah hman deuh a ka mipa hmuh kha a rawn lang thut. Ka harhfim phah vek a, Gos-a pawh ka tawp tir nghal. Laklawh deuh a ka tawp san vang chuan kan in be lawk lo.


" Rawng ka va bâwl ange " tiin ka thawhsan zui. Khapa ka mitthlâ a arawn lan ngawt chhan kha ka hrelo a,engtin emaw tak nuam lo tihna ka neih phah.


Ruah lah chu a sur nasa ta tawlh tawlh lehnghâl a! In ṭha deuh ah awm mahila thlî a na bawk nen ka hlau deuh lek lek. Rilru a nuam lo tûn a, a thâwm lah a ring tha bawk nen in chhûngah chuan ka hawi kual chhen mai.


" Bâwl ila " Gos-a engmah thlenglo ang mai a rawn phei in atih chuan tih tur ka lo pe nghal zat. Hna an nei dâwn lo tih a sawi bawk a ti ve mai mai teh se.


" Kha kha lo chan la,nizan a kan thawmhnaw nal vel hi ka'n su lawk ange " ka ti a,a rawn ding chhuak nghal zawt.

" In suk a ngailo ka tih kha " bathroom ah thawmhnaw nen chuan an va lut a,ka suk ai a va in su daih.

" Gos, min suk tir rawh a ho lutuk ka to thei vek a lawm " Tiin kawngka bulah ka va din chilh a, mi la chhâng duh hlek lo zui.

" Gos.. Gos-a? Malsawmtluangzel?? " Ka ti vin thawt.

" A mak! Insuk a ngai lo ka tih kha. Ka awm a, ka pui hman bawk che a tikhan rawng lo va bâwl zawk rawh " A ti dap thlup.

" Ka tân a nuam lo a lawm, hmeichhia zawk ka nia. Mi'n lo hmu che se a zahthlak ania " A nui a ka kam rawn hawi pah hian " Ka zak lo reng reng. Min hmu pawh ni se insuk ka bansan phah chuang lo ang " A la ti zui.



Ka au buai peih tawhlo a, rawngbawl kam tân turin ka kalsan. Khuâ a tha chuanglo bawk nen bathroom ah a suk ho a zâr a. A zawh ah rawngbawl a rawn tan veleh nghal. Mahni in alo awm rei tawh bawk nen ka awm chung pawh chuan lo chet ve phet a tum. Engkim ti dun pah a kan titi na chuan kan boruak a siamtha tial tial a, keipawn nizan ka awmdan avang leh Mazuali nen a an chungchâng kan lo sawi vangin pawi ka tih thu ka sawi leh hnuhnawh.


" Min en reng lo teh " Khabe dawm meuh a ka thil siam lai min en vangin ka hau. Ka lai chhe zo mai dawn a lawm.

" Awle " Tiin ka thil siam lam chu a melh zui a, kan nui dun ve ve. Dawhkan a phone ka dah a rawn rik chuan msg ka dawng tih ka hria a, ka la en hman chiah lo bawk nen Mazuali anih tawh ka ring a ka ngaihsak nghal duh lem lo.


Mahse Gos-a'n ka phone chu a en a " Tunge hei hi? " Tiin msg chu mi rawn hmuh.

No ka hriat loh atangin ani a * Ka ngai lutuk che, ngati nge i awm bo daih? * tih a lo in ziak. A ngaihna ka hrelo lutuk a Gos-a chu ka melh vak ringawt.


"Ka hre ngai miah lo ania " Min rinhlelh ka hlauh hnuhnawh vangin chuti chuan ka sawi ringawt.


Min chhâng lo a, chu no neitu chu a callback nghal hmak. Loudspeaker ah a dah a, mahse no neitu chuan a la mai lo. Vawihnih a call nawn leh na ah chuan a pick up mial. Engmah ka hrelo a, tunge tiang msg hi min rawn thawn tih pawh ka hrelo. Mahse hlauhthawn ruk riau na ka nei, ka awm bo ang a a sawi te chu Gos-a hnen ah ka awm tawh tih a hre ve ni tur ah ka ngai a ka hlau riau.

" Tunge I nih? " Gos-a pawh a in ti nelawm loh lui ni mai in ka hria.

" Zampui?? " Gos-a'n a call chungin keima hming a la rawn lam fan. Gos-a'n min en dan chu a diklo tih ka hrethiam.

" Ka hre ngailo che, hetiang hian rawn thawn tawh suh. Pasal ka nei tawh " Ka ti ta ngawt.

Nui ri in a chhunzawm a, chumi hnu lawk ah a off zui nghal. Gos-a hmêl lan dan chuan ka awm ati nuam theilo. Sawifiah ka tum ngial a, mahse ka hre ngailo tih bak chu sawi tur pawh ka hre leh chuang lo.

" Ka block tawp mai ang " A thinrim hmel em vangin ka ti tawp.

" A ngai kher lo. A lo phone leh hun ah min chhan tir dawn ania " A ti a. Ngawi reng in phone chu a dah fel mai.

A hmel lan dan a dik loh tehreng nen a tawngkâ erawh a dam viau thung a, chu chuan ka awm a ti nuam lo zual sauh thung.

★

Hun a liam zung zung a, reilote ani emaw kan tih laiin ka nau neih thla tur pawh kan lo thleng der tawh! Hun kal chak lutuk chu awih a har zawk hial mai. Gos-a nen pawh kan la innei tluang ve zel a, chutin mipa dawhthei tak leh ka tan a awm tlat ani tih ka hre tam telh telh a. A mah ah pawh ka tlu lut zual tulh tulh bawk,kan inneih tirh khan hetiang tak hian ka hmangaih thei ang tih ka ring pha ngailo!


" Awi Lalzual, ka huphurh ê,mahse ka nghakhlel deuh reuh bawk si " Phone ah Mazuali nen ka nau neih tur huphurh lawk zia kan sawidun chiam. Video call ani bawk a, chet zia nen zawng zawng kan sawi ani ber.

" Fa hmasa ber te chu ani thin an tia lawm. Chinchâng hriat la neihloh phei chuan a zamawm duh dawn a. Lunngai suh, naute kha ngaihtuah la "

" Ka nu nen kan sawi kha chuan, keichuan nâu neih kha ka awlsam lutuk, min chhun chuan I awlsam ve ang ka ring chu a tia " Ka ti a. Naute Chungchâng kan sawi pah chuan rawng ka bâwl bawk a.

" Chhun hram la a that dawn chu. Gos-a'n engtin nge atih? In in lam ah i haw leh rih angem? Khalam a nau neih ringawt chu, a hun a hnai ve tawh sia " A ti a.

" Chulam chu kan la sawi em em lo. Neih dawn hnaih chuan khalam rawn let chu ka duh. Gos-a nen ngawt chuan zan ah te vei thut ila ani mipa ngawt chuan min buaipui thiamlo ang " Gos-a sawi tak ah chuan ani pawh a hnathawk a rawn haw chiah.

" E hei alo haw chiah " Ka ti zui zat. Phone ka keng kang a, Gos-a entir a biak tir ve ka tum chuan alo in hliah hmak.

" Awi ka ning thei ê, a lang leh duh tawhlo anih hi " Ka ti a. Biak luih tir pawh ka tum ta bik chuanglo.


Mi hmaichhan a ahmuh tawh te pawh nise tumah hi video call te hian a be tha duhlo reng reng, a hmai hi a hliah ve ziah a. Thlalak lah hi tun thleng in ka la ti lui hleithei lo bawk. Keima nu emaw ka nu te lam zak map lo a ka video call thin pawn a rawn lang ve duh ngailo reng reng. Keima nu te chu thuhran nise ama nu zawk zawk pawh a be duh mang lo call panngai anih loh chuan.


" Naute innei dâwn hnai a,a va cher ve " tiin an fiamthu zui a. Sawi chu an sawi dik tho, tunlai chu a cher zualzual a natna emaw chu a nei chuanglo.


Mazuali nen a kan inbiak zawh ah Gos-a inbualna tur ka buaipui sak a,ka kekawr malpui zawn ah tui la in tih huh phah zui. Ka pum alo lian ve tawh bawk nen ka che a muâng lehzual a,keimah pawh ka in tha zo vak tawhlo. Gos-a'n in lam a haw a, mahni a chet ngailo awm kha min sawi hmuh tawh na in ka duhlo. Hetia a bul a ka awm hian ka hahdam daih zawk, in lam ah chuan ka chet loh leh eng emaw hlek ah u Nancy mit ka ti kham leh emaw ania nga, khatiang boruak kha ka tawng peih lo. Kan let anihchuan amah pawh hi tel se, anihloh chuan mahni a lo va let kha ka peih lo. Tih ah chuan nau a len telh telh miau avangin kan in check up reng tho a, aizawl lam ah pawh ka haw zing thin tho.


" Gos..?!! " bathroom ka chhuahsan hman lo ka pum chu a rawn na teh thut! Tiang em em hian nâ a la awm ngailo a ka mangang hman ti tih. Ka nau neih hun erawh a la nilo tih ka hria, neih nan chuan kar 2 tha ang a la awm.

" Enge?!! " Ka pum ka lo dawm bawk nen, a rawn mangang ve tho ani pawh " Zampui, I tui bâwm a keh ami a? " Chutiang a rawn sawi chhuak teh daih chu mak ka ti hman viau.

" Aih, aih ka pum a nâ " Ka ti a, min rawn kuah in thutna lam min pan pui. Ka pum nâ pawh a reh leh ti tih mai.

" He thil chu min ti mangang hman a lawm " Ka kekawr,a malpui lampang huh deuh chu a kawk a. Hei vang anih dawn hi ka tui bâwm keh leh keh loh mi lo zawh.

" In lam ah awm tawh rih la ka duh ê, hetah chuan hnathawk in ka chhuak lo thei bawk silo a. Ka awm loh hlan ten eng emaw thleng se buaipui tu neilo a i awm ngawt tur kha ka ngaihtuah a, tha ka ti lo riau " A ti dap dap.

" I awm veloh chuan a nuam ka ti lo a lawm, kan in awmpui rei tawh a. I tello a awm leh daih chu ka peih lo a lawm " Ka ti let ve vat bawk.

" Nai neih hma deuh leh neih chhung ang chauh mawle, a bak te chu helam ah ka hruai leh mai dawn che a lawm. Nge in in lam ah i awm zawk ang? Ka nu leh ka pa an chhuak nitin dawn a, Nancy a awm mang dâwn bawk silo a "

" Ka peih lo " Ka la ti ve talh.

" Ka ngaihtuah vang zawk che anihchu " A ti a. Engmah chu kan sawi chhunzawm leh vak chuanglo. Diktak chuan a mah pawh hi haw san leh tak tak ila chuan hrehawm a tih ngei tur thu a sawi tawh tho a, kalsan dâwn tak tak ila chuan in ngaihtuah that leh a duh ve mai thei ani.

" Ka va inbual sawk sawk ange, lo che tawh suh aw " A ti a, bu nghat in phone ka chuh nghal. A awm sawn dawn hlek chuan phone ka ban thin a, a nuih a za thei ania âw.


Inbual turin min luh san a, YouTube lam a luh ka tum laiin ka nu'n mi rawn text a, sunday hmang tur a kan haw dawn leh dawn loh min rawn zawt. Ka hriat loh thu leh Gos-a nen kan la sawi loh thu ka hrilh a, chumi kâr ah msg dang ka lo dawng reng. Ka open a, no ka hriat ngai atang erawh anilo. Voice anih vangin ngaih that loh na pawh nei lem lo chuan ka play nghal mai.


" A hmâ a ka rawn call buai vang khan ka tihpalh. Enteh, ka rilru ah i awm reng a; engtia han tih chi nge pawh ka hre tawh lo. Khawngaih in in hmu ang, kan inkâr a thil thleng kha ilo hre ngai lo tih ka hrechhuak tawh a. Hrilh vek che a, neih che ka duh. Ka fa leh nang neih che kha ka duh Zampui.. "


Ka thu hriat chuan min thâwng lutuk a, minute reilote chu ka che theilo. Play nawn leh pawh ngam lo, ka in ngaihtuah chhuak thut a, hmân a lo call tu leh tun a no chu ka en tawn a, alo in ang chiah! Hlauhna in ka chhungril a rawn man tan a, engvang a ka fa hi a fa ang a rawn sawi nge anih hriatthiam lohna in ka khat mêk bawk.


" I pum chu a na leh tawh ami a? " Gos-a lo chhuak leh tawng ah chuan ka phu zawk. Chhâng lo chuan room ah phone nen ka lut rawk rawk. Voice msg chu a hmuh leh hriat ka hlauh avangin ka delete zui. Chutah voice msg lo thawn tu dp chu ka en chiang a, hman a min hria ni awm tak a mi rawn be tu ngei kha alo la ni zui. Mak tihna leh hlauhthawnna in ka khat zo tawh; Gos-a nen a kan fa,a fa ang mai a a rawn sawi chuan mi ti hlauhlau a, engtin nge a nih theih ang tih ringawt chu ka rilru ah a awm.

[Bearr]

CHAPTER-9‍🩹


" Zampui, engati rawk rawk nge? " Gos-a a rawn lut ve a, ka phu bawk si chuan phone ka thlauh dawt. Rawn chhar a tum a,keiin hmanhmawh tawk in ka lo lak khalh.

" Min hmuh teh enge awm? " A ti ta hmuk. A kut ala rawn dawh zui a, keiin ka pe ngam bawk silo. Kan in man ti tih ani der mai bawk si.

" Aih engmah anilo " Phone chu ka hum tlat a. Bedroom chhuahsan daih chu ka tum.

" Phone " A kut ala dawh reng. A aw kâ chhuak lah chu a nêm hranpa tawh lo tawp lehnghal.

" Inthlak ve phawt rawh. Engmah anilo Mazuali nen thil kan sawi a" A hmêl a min awih loh na lian tak ka hmuh chuan engtin nge a rilru ka her kawi sak ang tih ka ngaihtuah ru nghal chûng.

" Aih, phone kha ka lo en ang " A ti talh. Voice msg kha ka delete tawh na in ka hlauthawng tho.

" A rei lo ang " A ti leh sap. Ka hnial reng chuan min ringhlel tawlh tawlh ang tih ka hlau bawk si,pe in en ve ta se engtin nge a ngaih ang?


Chutia ka ngaihtuah lai tak chuan a che thut a, ka phone hum lai reng chu a pawt pit nghal zawk!! Chuh ka tum a, a kut pakhat in min lo dang.


" Eng ber chu nge thup ngai a? " Ka phone thai kual zut zut pah chuan ati a.

" Gos-a ka.. " Ka ti ringawt. Voice msg chungchang kha ka hrilh ve ang nge hrilh lo zawk ang tih chuan min ti buai zual. Hria se lerh san min tih ka hlau sia, hrilh lo ila hepa hian engtin tin emaw Gos-a hnen ah te lo sawi ve ta se.

" Kha.. engmah lo ah tiang khan awm thut zel tawh suh, naupang ang mai " A ti a. Mak tih vangin ka phone pawh ka la lawk theilo.

" Haw kan ngai ang tiraw? " A sawi awmzia ka hre tho na in ka chhâng lem lo " In check up pawh a hun leh tawh a ni lawm ni?" Tiin khum ah chuan a thu a. Towel chauh ala ven avangin a thawmhnaw hak tur ka lak chhuah sak thuai.


Thawmhnaw hi kan inneih tirh atang khan ka lang lak chhuah sak thlap thlap thin a. Ka lak sak hian nuam a ti ve viau ni tur ani, ka lo lak theihnghilh châng pawh in mi hi alo nghak kher thin. In tih lal emaw in tirh phet tumna lam ah kan ngai ve lem lo a, ka thawmhnaw thlak sak kher hak nuam ti ah ka ngai mai. In lak sak pawh thil harsa zawk zawk ani lo bawk a.


" Mawh?? " Ka chhâng lo miau a, hetia ka chhan lawk loh hian a duh lo thin a, mawh hi a ti a ti zel.

" Ngai e, mahse ka zui haw leh dawn che ania " Ka ti kher, in lam a awm hreh lutuk ka ang viau a ka thusawi chu a diklo lam lek lek ani.

" Kan in lam hi chu i ngai lo ve maw " Nui chungin a ti a.

" Ngai tho e " Kan boruak ti deuh up chu nuam ka tilo a, ka tawng pawh a tui theilo. Room ka chhuahsan a, ka pum nâ a zia tawh vangin chawhmeh ho ka chhuang so zui.


Ngawi reng in chaw kan ei dun a, nichin thil kha chu kan sawichhuak tawh lem lo. Mahse ka Ngaihtuah ru reng a, ka chaw ei pawh ka ngaihsak tha mang lo lek lek. Naute chungchâng ber khan ka rilru a ti buai lutuk a ka hah tun thei. Gos-a nen a kan fa nilo se Gos-a nen a inneih thu a awm silo. Kha zan pawh khan Gos-a chauh hi ka hmuh kha ani sia. Ani nen chuan kan chesual ngei a, chuvang a rai ta leh innei kha kan ni si a, mahse tunah naute pa ang a rawn insawi an awm ta mai hi ka hrethiam theilo. Amah pawh ka la hrelo zui a, ka bialpa hlui te ti dawn ila infawh ai a thui kan kal ngai hlek silo.


" Tunlai i awmdan chu ngaih a ti tha lo hle mai " A rawn ti chhuak leh. Engmah ka sawipui tha duhlo a chaw pawh tuilo deuh in ka ei zawm ve mial mial.

" Naute neih hun hian min tibuai. Ka zam deuh a, ka vawikhatna tur ani bawk sia " Tiin thu awih awmlo tak chu ka sawichhuak ngawt.

" Keipawh " Ka thusawi kha a awih em em pawh ka ring lo ania, chutia a rawn sawi chhuak veleh si chu mak ka ti let hlauh.

" A lo pian hun ah duh ang in ka buaipui theilo anga, min duhloh phah hlau " Atih chuan a za em pawh ka hriat loh laiin ka lo nui " Kan hna ala turu dawn chauh sia, ka pawm tam ve loh chuan ka hmangaih lo emaw te ati palh anga " A ti ve dap dap.


Tiang a ngaihtuah thlen ka ring lo a, a rawn sawi chhuah tak ah chuan a lawm awm reuh phian. Mahse nichin lawk a ka thu hriat kha ka rilru ah a rawn lut; Gos-a fa lo nilo ta se tiin ka ngaihtuah chhunzawm a,mahse Gos-a lo hi ka fa pa atan ka ring theilo. Eng emaw a rawn hresual zawk ani ngei ang.


" In pawm tam lam ani hleinem,a pa i nia i hmangaih tih a hre em em ang " Tiin naute chungchâng chu kan sawidun ta char char. A lo pian hun ah pawh a pawm hmasa ber nih a duh thu te a sawi a.


Mipa nge hmeichhia anih ang tih te kan ring chhin vel a, a ni chuan eng a pawh nei ila ka lawm ang ti na in, a tawngkam ngaihtuah chian chuan tlem in mipa a awt ve deuh in ka hria. Tunge hming phuah ang tih ang reng te kan sawidun a, Gos-a'n i nu leh pa te lam in an phuah duh lem loh chuan keiman ka phuah ang ati ta deuh tlat. Ka phal sak vek tho na in keima nu leh pa te ai mah chuan in lampang a ka nu leh pa te an pawimawh deuh zawk a, an ni'n phuah duh te pawh an lo nei in ka ring.

*

Kar tawp haw hun kan thleng a, kan thawmhnaw bag siam fel in in kan chhuahsan a. Kalkawng a boruak lum bawk nen ka rui ti tih. Ni tlak fel vek ah kan chhuak chauh na in a la lum em em tho mai, kan chhuah hma atangin thil ka lo ei mumal bawk silo a law ruak nen nuam lo deuh in ka chuang tlingtla ve thei hram. In lam ah beisei loh deuhin u Nancy'n min lo hmuak zui, ka motor rui in ka hmuh sual emaw ka ti hman thelh. Nidang a kan haw ve te chuan ka nu'n min lo hmuak zih a, u Nancy te chuan kan haw pawh in ngahmah alo ti ngai lem lo a, lan pawh a rawn in lan lawk ngailo.


" I rui a law? " Min la be zui, mak ka ti a ka chhâng lawk theilo.

" Rui tep anihkha " Gos-a'n min lo chhan sak.

" In ei puar ula a reh mai ang, pum ruah phei chuan ruih a awl ania " Chutia alo tha ta luam chu mak ka ti a,awmdan pawh mi ti thiamlo zo dawn!


Kan in zui lut a,a ruak huai a,U Nancy min lo hmuak chu ka nu te an lo inkhawm daih vang ani tih ka hrechhuak thar thut. Mahsela a tha ve hrim hrim hetia min chhawn tu lo awm ve pawh hi. Chaw kan la ei loh avangin chawhmeh ti lum turin choka lam ah ka phei a mahse u Nancy alo awm kur. Chawhmeh lah a lo ti lum diam tawh lehnghal!! A awmdan hian ka ngaih a tih that loh rual in ka nuih te lam lam a ti za. Eng ai ah nge tiang hian alo awm teh thut ni, kan haw hnuhnung ber tum pawh khan a la panngai vek sia.


" Keiman ka lo siam mai ang " Mak ka tih em vangin thil ka tih that tir tha duh lo zawk e a. Anihloh chuan nakin ah an na a tan a hmang leh palh ang.

" A ngailo,Mama lo phei rawh " Tiin Gos-a a ko zui. A tawngkam tha teh hluak lo mahse a awmdan tha ve deuh hi ka mak tih a tling tawk tawh.


Gos-a nen muangchang in kan ei dun a, U Nancy awmdan mak ka tih thu ka hrilh chuan a nui mai mai a, a tha lam anih miau avangin engmah a sawi zui lem lo. Hman a Tlanpuii ka block sak vang a u Nancy'n mi rawn text zui thu lungawi lo a ka hrilh khan a biak tur thu a sawi kha ania, a be ta ngei bawk a. Khami hnu atang kha chuan tlem in a zia ve deuh a, mahse tun ang em em hi chuan a la awm ngailo.



Inbual tur a kan chhoh hmâ chiah in ka nu leh ka pa te inkhawm bâng an rawn haw ve chiah chiah a, chho ta mai lo in kan inkawm khawm leh rih a. Ka nu'n naute hmuh thuai thuai a chak thu a sawi chuan naute neih mi ti chak ve sawt. Mahsela, amah bawk in Gos-a leh u Nancy te pahnih a neih lai a nâ a tih zia te, nau a har bik zia te a sawi kai tak ah chuan ka huphurh leh hnuhnawh. Kan sawi kan sawi tak ah chuan Gos-a te unau naupan lai a rawn sawichhuak a, keimah lo ang takin ka nui nasa ngang mai. Tun a an awmdan leh ka nu'n an naupan lai a sawi dan in perh san lutuk te, an pangchang lutuk te chu a inhmeh lo lutuk a ka nuih a za tawlh tawlh.


" I naupan laiin kekawr I ha duh ngailo tih kha awih a har ka ti " Inbual tur a kan chhoh hnu ah ka ti a, a zak ve deuh nge " Sawi sawi suh aw " A ti nui var var.

*

Sunday te kan han hmang thleng a, kan haw hmasak lam ah ka nu te lam kan tlawh loh avangin chawhnu inkhawm ban ah Gos-a nen kan leng phei veleh. Chaw ei turin min ti viau na a, chaw ei tum a kan len tawh loh laklawh avangin kan ei ta lo, in lam rawngbawl ala ngai dawn sia. Kan haw leh lam ah vur sen an zawrh ka hmu fuh a, pack 6 ngawt ka lei a Gos-a'n 1 chiah a ei hman, a bang zawng keiman ka ei zo vek.


"Zampui rawn kal lawk teh " U Nancy'n min rawn ko, thu chawl miah lo in inchung lam ah ka chho lehnghal a.

"Khang ho kha I ha thei angem?" En pawh min en chuanglo, a room dawhkan te a thawmhnaw 3 lo awm chu ka en a. Ka han keng parh vel a, rai kawr deuh reuh hi alo ni, hman deuh kha chuan thawmhnaw leh eng emaw neuh neuh kha mi lei ve zuk zel a, mahse Gos-a zui a ka kal ve tak ah khan a lungawi vaklo a thil pawh mi lei ngai ta lo kha ania, tun ah hei mi lei leh hlawl mai.

" Tawk ang, I van ti lawm awm. Ka rai kawr ho hi duhai a te lam deuh a,a fân tha lutuk lo hlawm bawk sia, hei chu a puan a tha bawk a hak a nuam khawp ang " Lawmthu hrilh a han ti teh hluak turin mi a ngaihsak tha duhlo lui vel sia, nui chungin thutak hmel lo deuh hian ka sawi ve ngawt. A lawm erawh ka lawm tak tak thung.

" Nei rawh " A ti leh tawp. Engtin emaw a ka sawi leh ngaih zui hlau a, awmdan ti danglam duhlo hi ka tehkhin ber.

" Ka lawm e " Tiin ka chhuahsan zui a.


Zan te kan han mu a, mahse ka muhil mai theilo, Gos-a a mutui tawh viau a kei erawh ka harh ker mai. Thil ka ngaihtuah neuh neuh reng a, dar zat lam ah ka buai tawh lo. Phone chu ka en ta tawp a, khapa msg kha alo awm leh reng tawh angem tiin ka msg te chu ka check a, mahse a awm lo. Voice msg min lo thawn khan ka chhâng zui lo a, min rawn tihbuai pawh a sim phah te anih ka ring ve deuh tawp. Ka gallery a thlalak ho te chu ka en kual mai mai a, Gos-a nen in ngaihzawn lai nei ta lo chu kan inneih thlalak phone a ka dawn bak hmuh tur a awm mang lo reng reng. Phone bih ta reng chu mit a lo thip thuai thuai a, dar 12 pelh tawh ah chuan ka muhil ve chiah.


" Remruata a lo leng dawn ania " Zing rawngbawl laiin u Nancy rawn tho thla in a ti a. Ka awmlo rei tawh bawk a, tunah chuan a rawn tho hma viau lo nachung in tih tur a rawn zawng ve sawt sawt ta mai. Ka pa khan khawngaih in nula te kha lo lak sak te ni sela tiang tih nachang pawh a hre awm silo.

" Remruata a!? " Ka nu'n bo hmel tak hian a ti hâ.

" Aw kan Remruata,thla hmasa khan hetah an sawn tawh a"

" Anihchu a va lawm awm ve a, hmun dang a awm tawh loh chuan a chhungte awm pawh a nuam sawt dawn anihchu,hmun dang a awm chu in ngaihtuah a na thei si " Ka nu'n ati a. Tunge an sawi ka hriat lem loh vangin ka lo ngaihsak ve teh chiam lo.


Sunday ani bawk nen chaw ei kan hmanhmawh a, kan zavai a inkhawm kan duh avangin. Chawhma te kan han inkhawm a, inkhawm ban ah Gos-a leh a thian hnai te nen an titi khawmuan leh vangin ka ding reng peih lo chuan ka lo haw san a. Kal erawh ka kal chak hran chuang lo a, Gos-a zawk pawn min rawn um pha leh thuai. In kan thleng a, kawt a kan motor bulah bike dang alo awm avangin Gos-a'n Remruata arawn kal tawh aniang ati a.


" I va rawn thleng phei hmâ ve " Gos-a'n a ti lut a. Kan inchhung a mi lo thu, ka hmuh chuan ka ding dawt. Kan nupa lam a rawn hawi a, hlauhthawnna hian mi tuam nghal up up a, mak tihna nen ka kal hleithei tawh lo.

Ka en ngawt ngawt a,ani erawh chuan min hmuh avangin mak ti hmêl a pu hauh lo. Ani hi khapa kha ani! Ka fa pa ni a insawi kha mah ngei hi!!

" Nia chawhnu inkhawm leh angai dawn sia " A tawng chhuah te chuan hman a, ka bazar na a kan inbiak lai te kha ka mitthla ah a rawn lang nghal zawt zawt.

" Ka cousin Remruata anih hi, hei kan nu " Gos-a'n min in hmelhriat tir a, engtinmah ka tilo. Awmdan tur pawh ka hre tawh lo zawk ka tha te hi a khur hial in ka hria.

" Nancy'n a lo sawi a, nupui i nei tha hle mai " A tho chhuak a, min chibai tur a a rawn kal hnai chu ka lo tawlh hnung ngawt.

" Zampui " Ka ngaihsak lo ati nge Gos-a'n min ko. Ka hawi â ruai a, ka hma a ka chibai hun nghak a kut phar reng tawh tu chu ka melh leh chiah. A hmel leh Gos-a hmel chu a in ang lehzual hian ka hria. Zam deuh in a kut chu ka vuan a, vawn pawh ka vuan rei ngam lo ka pawt pit leh thuai.

"Mizoram ah i awm tawh dawn an tia, a va tha dawn ve " Gos-a'n a ti a. Titi turin thutna lam ah an in zui phei nghal. Keichuan ka zui lo a, an pahnih chu ka lo en mawl tawp.

" Nia, keipawh ka lawm tak tak ani. Tihian mahni in lum atangin duty tur pawn kan chhuak ve thei tawh anga "a ti a. Kei min rawn en leh chuan rang takin inchung lam ah ka chho nghal.


Chhuk leh ka chaklo a, ka chhuk leh loh chuan Gos-a'n thil a hriatthiam ka hlau si. Hreh tak chungin ka chhuk thla leh hna hna, ka pa te ho nen an lo thu khawm tawh a, ka chhuk velah Gos-a pawh inthlak turin a chho ve nghal. Choka ah ka awm lui tlat a, thingpui ka lum sak a, a hmeh tur ka siam lai te chuan Remruata ngawt chu ka ngaihtuah a, ka thil tih pawh ka ngaihtuah tha theilo. Haw vat vat se ka tia, an la titi tui viau bawk si. Ka awm a nuam thei tawh lo. Gos-a te nen an in chhung hnai te chu ka thinrim lek lek zawk. Engtin nge ka hriat miahloh theih tih tr ka ngaihtuah let a, kan inneih ah te khan a awm ve lo tih na ami?



Zawhna hlir in ka khat ani ber, Gos-a'n min rawn koh lai pawh ka lo hre lawk lo a, ka nu min ko tur in a rawn phei phah hial. Thingpui ka la chhuang a, ka chhuang kang lo chauh tih ka hriat in rang lutuk chuan ka off zui nghal. Ka nu'n thingpui lum vil a ding reng si, ka lo chhuang kang lek lek tih a hriat chuan mak min ti hmel deuh hian min en.


" A dang ka'n chhuang leh ange " tiin ka hrilh a, ngawi rengin a phei veleh mai.


Thingpui ka chhuang tha leh a, ka siam fel velah hmanhmawh takin ka va pe a, kalsan leh daih ka tun lai in Gos-a'n thu ve turin mi ti ta tlat. Engmah hriatchian na awm lo mahse Remruata chu ka nel lo zo tawh,hreh chung chungin ka thu ve a, Remruata'n min en deuh bik ni a ka hriat te chuan ka awm a nuam thei thlawtlo. An sawi hmang atangin sipai ah alo tang ve ni awm tak ani. Helai ah an sawn ta hlauh a, a hma chuan mizoram pawn ah hlir alo awm thin ani awm e. Chu tak chuan ka rilru a tibuai lehzual a, ka fa pa ni dawn se mizoram pawh a awm ngai lo fa chu kei hian engtin nge ka pai thei ang? Vawikhatmah ka la hmu lo a, hriat pawh ka hre ngailo bawk. S*x hmang dun in a fa pai ila Gos-a daih nen hian kan innei lo ang. Kan chetsual lai takngial pawh ka hrelo ania.


" Nia anilo ang " Ka ti chhuak thut!!

" Eng maw? " Gos-a'n alo ti thuai. Remruata'n min rawn en ve nghal a, a mi en dan lah hian ka awm ati nuam theilo reng reng. Hmuhnawm en tak hian min en ni in ka hria.

" Engmah anilo, U Nancy Khan kawr min lo lei a ka han la lawk " Tiin thawh ka tum a, Gos-a'n " Nakin ah ani mai a lawm " Min tih tlat vang in ka kal lui ngam ta lo.

" Zampuii nen hian engtin nge in in hriat a? Inneihna ah pawh ka tel ve hman ta silo " Remruata'n a tih chuan Gos-a nen kan in en deuh tawp.


Khatiang anih tak hnu khan kan in ngaihsak lo zui vang vang emaw ka tih laiin ka rai tak ah khan Gos-a hian min rawn zawng hmu leh nawlh kha ania, tichuan ka nu ten naute fahrah tur hrehawm an tih em vangin Gos-a te lam in innei mai tur a min rawn biakna kha an pawm chawp chilh ta mai kha ania.


" Ka thawhna khua atang a aizawl ka pan na lam ah kan in phar fuh a " Gos-a zawk in a ti a. Keichuan engmah ka sawi lo a, biak emaw tih nel vak ka duhlo bawk.

" Um, I va vannei ve " Ati mai a, ka nu'n " Nangpawh neih I hun tawh em hi, nei ve thuai rawh " A lo ti ve a.

" Ka tum mek alawm " Fiamthu hmel pu si in Remruata'n a la chhâng zui.


Ka thu ve char char a, tawng erawh ka tawng mang lo. Remruata chu haw thuai thuai se ka ti ani, nidang ah chawhnu inkhawm hun a thleng rang ka tih theih nen tun zet chu darkar tam tak nghak tawh ang mai in rei hi ka ti ngawih ngawih. U Nancy a rawn lang thla ve chiah, boruak a rawn siam ta em a, Remruata pawh in mi en mang tawhlo. U Nancy te chu midang nen chuan fel tak, tawng duh leh nelawm thei ang ber a awm thin kha ania, a rawn lan tak ah chuan min ngaihsak loh lai chuh in ka kalsan ta hlawm. Inchung ah chuan tih tur te ka han zawng ruai a,ho lam deuh deuh te chu ka tih phah ta ngawt.


Mazuali hnên ah engkim hrilh ka tum hman a,mahse ka hrilh hma a Remruata msg lo awm reng tawh ka hmuh hmasak vangin Mazuali be hmasa ta lo chuan ka en leh te te a * Vawiin ah ka lo kal dawn ania. Kan in hmuh hun ah mak ti lutuk suh aw * tih hi alo in ziak. Kan inkhawm ban atangin phone ka la en miah lo a,nilo hei hi chu inkhawm kal hmâ in alo thawn tawh. Awm mai mai ta bik lo chuan phone check nachâng pawh ka lo hrelo anih hi. Mahse a pawi lo,hre lawk ila chuan tun ai mah hian ka chet buai ka ring zawk,chuti anih phei chuan Gos-a ngaih ka ti tha lo mai mai ang.


Chawhnu inkhawm hun alo thleng a,Remruata pawh inhnuai lam a ka chhuk hmâ in alo haw fel tawh ani ngei ang hmuh zui tur a awm tawh lo inkhawm dawn te ah Gos-a nen eng emaw vangin inkhawm kan thulh a. Ka nu leh ka pa leh u Nancy te erawh chu inkhawm turin hmâ tak ah an kal leh tawh.


" Remruata kha engtia in chhûng nge? " Gos-a Pathian thu sawi ngaithla hnên ah ka ti a.

" Ka pu unaupa fapa a fa ania " teh duah chuan a " kan in ang in ti ami? " a ti zui zat.

" Ka hrelo " tih ringawt in ka chhâng. Diktak chuan ka hmuh hmasak ber tum khan in ang deuh ka tia,vawiin a ka hmuh chian lehzual khan ang ka ti lehzual.

" Kan hla deuh na in kan cousin ho zing ah pawh Remruata nen hian in ang min ti ber a,naupan lai pawn kan inkawm ve nasa hman " a ti leh dap dap a.

" Anih chu,mahse i hmelṭha zâwk tho a " ka tih sak chuan a nuih a za.


Keichu diktak chuan ka awm hi an nuam hleithei tawh lo, Gos-a nen an fa neih ka duh a Remruata nilo in. Naute pa atan pawh Gos-a chiah hi ka duh a ka ring bawk. Mahse, Remruata'n naute pa a in tih ve ngawt na lai hian min ti buai in ka awm a ti nuam lo pha tlat bawk si. Ka mutpui lo tih ring tlat mahila ka chhûngril an hian mahni in rin famkim theihlohna a awm tlat bawk si.


" Ka neilo ang che tih hi ka hlau hnuhnawh tawh,tûnah chuan i tello hian awm dawn ila harsa ka ti dâwn tawh sia " ka hnunglam atang hian min rawn kuah a. Thawk la kawk in a kut chu ka lo chelh ve vat.

" Engtikahmah min kalsan suh" thupe tak ang chuan ka sawi a,ka chhungril erawh chuan an ngen ti tih mah zawk. Min kalsan anih chuan keipawh hian nâ ka tuar dâwn.

[Bearr]

CHAPTER-10‍🩹


" Nangmah hian min kalsan zawk ka hlau " A ti let ve zaih.

" Teuh lo mai, nangmah lo duh ka nei dawn lo hrim hrim " Tiin ka in her let a. A âwm ah chuan hahdam tum takin ka bei hle hle.

" Rilru hah na emaw eng emaw hlek pawh awm se min hrilh zel ang che aw. Nangmah a tuar a hmachhawn turin ka duhlo che ania. Nupa kan ni tawh a, engkim a chhia a tha kan hmachhawn dun zel a ngai ania "

" Ka rilru a hah " Ka insum hman ngang lo..

" Engvangin " A ti a. Ka sawi dawn a, ka rin a duh a in nghah nan hmang turin min duh tih ka hria mahse Remruata'n min rawn biak dan leh a thusawi te kha ka sawi in ka hrilh ngam hlawl lo.

" Naute hi mawle,harsatna engmah neilo a hrin chhuah ka chak a. Eng emaw tak a awm hi ka hlau " ka ti ta ngawt.

" A lo pian hma atangin i ngaihtuah em em a,a lo pian hun ah phei chuan aw, ngaihtuah zing ah pawh ka tel pha ve tawh dâwn lo anih hi. Lunngai suh ṭha takin i nei em em ang " ati zui zat.

" Nang chu nangmah i in ngaihtuah thei a lawm " tiin ka fiam zui,ka dul lian tawh lutuk avang chuan kan in pawm pawh an dik hleithei lo.


Khum ah chuan awmdun in naute chungchâng leh keima hriselna lampang te chu kan sawi dun leh chiam. Naktuk hi in check up ka ngaih hun tur ania, Gos-a rualin ka haw theihloh hmel sia,tum dang ang tho in ni 1 ka awm belh leh rih dâwn anih hmel e.


Kan titi kar lak ah chuan ka muhil sek hman. Ka nu te inkhawm bâng rawn haw hnu in Gos-a'n min kai tho ve chiah,rawngbawl ka zuk tan dawn a,ka nu leh u Nancy'n an lo bâwl tan mek. Koh pawh min ko silo chutia an lo che chu ka mu an lawm lo emaw ka ti rilru a,nuam tilo ru deuh chuan ka va lut ve a.


" Nu khawi ka lo ti ang " ka va ti thâwr a,U Nancy zawk in " kan bâwl mai ang,lo va awm mai mai rawh " a lo ti. Chutia an ti chu nuam ka tilo zual a,eng ti em em silo in ka ding ve reng.

" Nau neih a hnaih tawh êm kha va awm mai mai teh. I in tih khawloh chuan Mama'n min that ani mai " fimthu hmel pu miah lo chung si hian ati a.


Ka chung a a ṭha ta thut lutuk hi ka awm a ti nuam tha thei lo zawk. Mahse a ṭha lam ania a lawm erawh ka lawm ve viau. Hetiang ni ni reng thei se a duhawm.

*

" Kalpui tu tur che pawh kan awm leh dawn silo a " ka nu'n in entir tur a ka chhuah hmâ in arawn ti a.

" A ho lutuk,ka kal ṭhan na ani tho a kalpui pawh ka ngailo " tiin in ka chhuahsan zui a. Kal pah in Gos-a ka be bawk a,ka tel ve lem loh avangin zing khawvar tirh te ah khân kan awmna lam pan in a chhuak tawh kha ania.


Hospital ka va thleng phei a,hming te ziak in,keimah ang a nau pai ve tho in entir tur te nen chuan kan nghak ve ṭhap a. Chutia thlamuang deuh a ka lo thut mai mai lai chuan kan piah lam aṭang a Remruata leh hmeichhe pakhat rawn in zui phei ka hmu thut!! Ka thu her nghal sawk sawk a,ka kun deuh tlat bawk. Min rawn hria ang tih ka hlauh vang chuan ka phili nghal chûng. In check up na lam ah te chuan min ko lut daih mai sela te ka tia,ka hun a la thleng dawn hmel siloh.


" I tawlh phei lawk thei em " midang ngaihsak lêk lo a ka lo ṭhut kun ngul laiin an rawn ti a. Ka hawi chhuak a, nula la naupang hmel tak rai puar ve tho hi alo ding a,ka tawlh ta sawt sawt.

"Zampui?? " Ka hming a min ko an awm rual chuan ka hawi â nghal ruai.

" Hetah i in checkup ve a law? " Ka sir mai ah Remruata te kha an lo ṭhu tih ka hrelo reng reng.

" Aw " ka ti mawl tawp a,biak zui ka duh hauh lo. Mahse an ni pahnih chu ka bul lehlam zawk a ṭhu te an tho chiah tihin ka awmna lam ah an rawn ṭhu phei nghal. Remruata'n min la ṭhut hnaih zawk bawk si ka awmdan a hê zo vek.

" Hei Gos-a nupui kha " a bul ami chu a hrilh a. Hmeichhia nen chuan kan in nuih tawp. A nupui emaw an bialnu emaw anih ka rin avangin ka lawm rilru hman viau. Ni sela,khang a msg min rawn thawn te kha fiamthu na vek nise ka ti.

"In inneihna ah pawh khân kan lo kal ve a lawm,mahse min hre chiah lo mai thei " hmeichhia chuan ati a. A sawi dik chiah,amah hi ka hre hauh lo.

" Ka nau nupui anih hi,in checkup tûrin ka hruai a" teh daih chuan a " ka nau a hman lo a " a ti leh.

" E anih chu " tih ringawt in ka chhâng leh a,ka chhâng chhum bung ati deuh aniang a nui tawp. Hming an ziak em tih zawh ve ka tum chiah a, hospital staff pakhat hian a rawn bia a.

" Ka ziak tawh a nia,in lut thei tep ang " a rawn ti a ka zawt leh ta lo.


Kan pathum chuan in pawh hmel takin kan ṭhu tlâng a,mahse ka chhungril hi a nuam lo a an pahnih pawh hi ka pawh viau hek lo,an ṭawng dun bawrh bawrh a,keichu min rawn biak emaw bak in ka tawng lo. Reilote ah Remruata nau nupui chu an rawn ko a,a va luh hlan chuan Remruata nen kan lo ṭhu dun. Ka hreh ruk reng tawh ania,ka hreh ang ang in ala thleng zui.


" Gos-a'n engmah a la hrelo tihna ami? " A ti ta chiah. Ka in hum tih vak a,a ruk tê in thawk ka la kawk.

" Hriat tur a nei hleinem " tiin ka chhâng daih. A nui tawi tak a,ka lam a rawn hawi lai chuan ngaihsak lo takin hma lam ka lo melh san hmak.

"A nei a lawm,nangpawn " in ringtawk hmel tak a a ṭawng chuan thawhsan daih ka tum a,ka chet velah ka bân ah chuan a lo chelh hmiah.

" Naute pian hmâ hian neih che ka duh ania, Gos-a hrilh la engkim ti tawp rawh " a ti sawi sap.

" Engmah hrilh tur ka neilo, hriatsual pawh ka neilo " kan bul ah mi an awm tam si a engmah ring tak pawh in ka sawi ngam lo.

" Naute pa ka nih kha " ka kut a vawn lai pawh pit pah chuan ka melh nghal vak. Sawi tawh ang in mi zing ah kan awm a,han chet buan buan na chi pawh anilo.

" Gos-a alawm naute pa, ka mi hriat ngailoh fa ka pai ngawt chhan tur ka hrelo " ka tih chuan thinrim hmel deuh hian a awm zui a.

" Naute pian hun ah a hriat mai ang. Khami zan a thil thleng kha " a sawi zawh hma chuan ka tho chhuak a,hmun dang ah ka kalsawn daih. Min rawn zui lem lo bawk a thawveng huai mai.


In checkup zawh ah msg in Gos-a ka bia a,vawiin kan in checkup chungchang vel te ka rmva report thlap. Naute pawh doctor chuan a ni sawi ni kher ah an nei ngai mang tawhlo tih a sawi a,engtik lai pawh a nei thei tur a in rin a ngai tawh tih min hrilh. Ka huphurh bawk sia ka phur tel tho bawk si.


Haw pah in keimah ni in lam ah ka leng kawi leh a,tlai tak tak hmâ in tumah an haw zen zen lo tih ka hre bawk a tlêm in ka awm rei ve thei deuh. Chhun thil te kan ri a,ka pa leh ka unaupa te an chhuak a,ka nu'n in a lo nghak ve anih hi. Naute thil tur te pawh tlem an lo lei khawl ve anih hmel. Dar 3 velah ka haw a,in a lo in hawn leh si vangin mak ti deuh in ka lut a, U Nancy alo haw hmâ leh anih hmel,sofa ah a tukin a bag a ah kha alo awm tlat. A mah ka hmu lo na in room velah a awm anih ka ring a,ngaih ṭha deuh in ka chho a,kan nupa room a thâwm ka hriat deuh vang chuan ka ngaih a ṭha lo leh chhunzawm nghal. Muang te te in kawngka chu ka hawng a,kan nupa room a Tlanpuii ka hmu chu ka phu zâwk thei. Chutah kan nupa thalak a lo khawih tih ka hriat chuan ka lut tlang ta vat.


" Tlanpuii ngati nge kan room ah i luh a? " Ka va ti chu ani pawh a lo phu nasa.

Kan nupa inneih thlalak dahna chu alo keng a,mittui parawl ṭeuh chung hian min en " Zampui, Gos-a hi min pe let hrâm rawh" tiin min ngen tawp nia; a ṭap ti tih bawk si nen a rui emaw ni ka ti zawk a,a hrim hrim ah engtin nge hetah daih daih a lo awm theih.

" Ka mu ṭha theilo a,chaw ka ei ṭha thei bawk silo. Ka nun hi a chau ngawih ngawih tawh. A tello a awm chu ka tum ve nasa,mahse ka theilo. Khawngaih in Zampui, Gos-a hi neih let leh ka duh "

" Tlanpui,min hrethiam rawh. Tûnah chuan ka pasal ani tawh a,keipawn i duh ang chiah hian ka duh a ka hmangaih bawk. Ka pe let thei tawh lo ang che " tiin ka hrilh phawng.


Ni e engtikahmah ka pe let phal tawh dâwn lo. Ka hmangaih a, chân hi ka hlau takzet tawh. Gos-a tello hian ka awm thei tawh bik lo.

" Min ruk sak anih kha " tiin min vin ta nghek.

" Ka tihpalh,mahse Gos-a'n kan inneih hmâ daih khan in inthen fel tawh a tia. Nangpawn inṭhen kha i duh ni ah ka ngai a lawm " ka tih lai mek in U Nancy alo lut. A lan dan ah chuan a inbual zo chiah anih hmel.

" Enge a? " a rawn ti ve nghal.

" Kan room ah alo awm a " ka tih chuan U Nancy chuan Tlanpuii thlavang hauh in min hau dawn emaw ka tia " Hmun dang ah kal i tumloh thu i sawi sia. Mama'n a hriat chuan keimah ania min hauh dâwn " A ti ta daih!!

" Nancy ka rilru a na êmai" Tlanpuii'n a tih chuan U Nancy nen kan in en rual chiah.

" Hawh chhuak phawt ang " a ti a. Kan nupa album a ken lai chu a va lak sak a. Chhuah pui pah in keimah min rawn pe lehnghal. Tinge alo la kal fo tih ka ngaihtuah a,ka ngei dâwn dâwn na in Gos-a a duh zia ka hriat khan ka khawngaih ve deuh bawk si.



Tlanpuii chu awm pawh a awm reilo. U Nancy nen reilote room lam a an awm hnu ah a haw ta daih a, kan room ah chuan eng emaw an khawih hlauh thil thu ah a chhûng a kan bungrua vel chu ka en a,ka hriattheih chin ah chhia emaw bo awm a awm pawh ka hrelo. U Nancy pawh chuan tinge leng tur a ala sawm fo ni.


" Kal ve tawhlo in nau neih i nghak thleng mai dawn ami? Sawlam ah chuan Gosapela pawh in a buaipui ṭha fumfe thei silo che a. Heta awm a zia zawk lo maw? " Tlai ah ka pa'n chaw ei laiin a ti chhuak a. Han chhan dan tur mai pawh ka hrelo. Gos-a ka ngai tawh sia,ka pa sawi lah a dik na chen a awm ve tho bawk si.

" Nia, Gos-a bul ah te chuan awm la i ngaihtuah awm dâwn ka tia. Hna an thawh chhuah san daih zel che sia,a awm loh hlan ten lo vei thut la a buaithlak vek dâwn a. Nei mai thei ang reng i ni tawh a" ka nu'n a lo ti veleh bawk.

" Ka hrelo le,a mah nen kan la sawi leh lo a" hnial ngawt ai ah chuti chuan ka ti tawp. Diktak chuan Gos-a pawh in heta ka awm a nau neih hun ka nghah thlen chu min duh pui ka ring zawk a,mahse keimah hian ka chaklo. Bak ah ka awm loh chuan engkim a in ngaihtuah a ngai leh anga. A tih ṭhan tawh vek mah nise kan awmpui rei veleh tawh sia,ka awm loh leh thut chuan hrehawm ati ang tih ka hlau a ka ngaihtuah.

" Chaw ei kham lam ah te inbia ula,sawi ṭha ula " kan pa'n atih tlat vangin ka bu nghat. Lehlam ah chuan min ngaihtuah ve na ania han hnial tlat pawh a ṭha chuanglo.

" Zanin chu ka pa te in lam ah kan va leng dâwn em ni? " Ka pa'n chanchinthar a en zawh ah ati a. Ka nu'n pawi a lo tilo viau a,keini kal ve an phût nge phût lo ka hrelo na a kal ve loh chu ka duh zawk.

" Zampuii chu a kal ve lo mai dawn ami? " Ka rai puar tawh bawk nen ka nu chuan min ngaihtuah aniang.

" Nia in ka lo nghak mai ang " ka ti ve thuai. Chhûngte tlawh a,hmelhriat ṭha a siam te chu a ṭha viau na in ka kal chhuak peih rih thlawtlo.

"Ni e in ah lo awm sela,keini pahnih chu va leng teh ang. Chhungkaw group ah pawh dam sam lo te kha an rawn sawi in ka hria " ati a. An insiam melh melh a,an kal chu ani nghal mai.


Keipawh ka chet peih lutuk tawhloh vangin tv en in ka lo ṭhu mai mai a. U Nancy a awm ve tho na in room ah a tawm tam zawk ṭhin a ,mahni a awm ang vel tho ka ni. Tv ka en tui lai takin Gos-a'n min rawn call,phur deuh chuan ka lo chhâng thuai a.


" Vawiin ah Tlanpuii alo kal ami? " A tir phat aṭangin Tlanpuii a rawn sawi chhuak leh a,ka lawm lo dâwn lek lek.

" Kal e, tinge? " A mood a chhiat hmel êm vang chuan ka aw ki pawh ka ti hniam ang reng.

" Tinge a lo la kal fo a? Nancy hruai luh leh bawk ami?" A nih hmel a,mahse aw ka ti ngam lo,ka awm loh lai a lo awm tawh an nia,U Nancy haw hnu ah alo va kal ve nge an in zui haw hrim hrim zawk ni.

" Ka hre nang,in check up turin ka kal daih a. Ka haw in alo awm tawh a lawm " kan room a alo luh kha hrilh ka tum hman deuh a,mahse ka ṭhulh leh zawk.

" Nancy hi thusawi a ngai pawimawh lo reng reng " a ti chiah,a hauh leh a ka lak a a thinrim chhawng veleh ka hlauh avangin " va hau tawh suh " ka ti nghal ṭhat.

" Hau anilo thil nihna ka hrilh zâwk dâwn anihchu. I tan a nuam lo tih ka hre reng a. Keipawn ka duh lo " a ti leh hmak.

"Gos-a,,in hau tawh suh u. Bak ah a hruai lut ngei em tih pawh ka hrelo a,hrim hrim in ngahmah ka ngai tawh hleinem " ka tih pawh chuan a awih lo tlat.

" Va be suh aw,kan in ngeih ṭan ve mek ania " a reh zui deuh vang vang hnu ah,a rawn thawn deuh hawk.

" I chiang maw? " A ti sap.

" Aw,,ngatanmah ka ngai tawh lo "

" A ṭhat chu, chuan vawiin lam in checkup a ṭha maw? " A ti leh daih. Tun mai a thinrim ve hmel tehreng nen,a aw ki pawh an thlak leh hmak tawh.

"Aw ṭha e "

" WhatsApp kha en lawk teh " min ti a. Kan in biakna ti tawp chuang lo in WhatsApp chu ka check. Thlalak min lo thawn a,ka hawn chuak ka hmui ka hup ringawt.

" Awi hei te chu kan nupa thlalak anih hi!! " A lo in pawt thler nia!!

" Ni e, chuan tu tih nge ka hre chak a" a ti leh sap.

" Awi ka hre nang,tu tih nge engtin nge tiang hian a awm theih a? "

" Ka zawh tur zawk che ni awm tak ani. Tunge kan nupa thlalak awmna te khawih ve a?" A tih chuan rang tawk in " keima tih anilo ania " ka ti nghal vat.

" Tu lo thawn che nge ? " Mak ka ti lutuk a ka tawng pawh an rang zawt zawt lutuk.

" Nancy" mak ka ti lehzual. U Nancy'n engmah a khawih awm ka hre silo a.

" Gos..englo Tlanpuii ani mai thei " a rawn nui zui nghal.

" Engtin nge a nih theih ang Zampui,Nancy phone aṭangin ania ka dawn. Tlanpuii'n Nancy phone a khawih ru tihna ami? "

" Ka hrelo chu chu,mahse vawiin khan Tlanpuii kan room ah alo lut ka hmu a,kan nupa thlalak dahna kha alo keng a " sawichhuah loh kha ka tum tawh na in sawi a ṭul ta tlat.

" Hrep chuan!! " A ti vak; a thinrim thar leh ni a ka hriat vang chuan ka ngawi dâk.

" Nancy kha ka be duh "

" A ngai kher lo,a ma thiamloh pawh ani hleinem. U Nancy pawh in kan room a lut lo turin a hrilh lawk vek a. A inbual hlan in alo va lut aniang "

" Eng maw? " U Nancy alo chhuk thla ve chiah. A hming ka lo lam ri khanglang bawk nen chuan ka buai ta nuaih.

" Gos-a'n Tlanpuii lo kal kha a hria a" w thinrim leh chu ka hlau ngang mai.

" Amah kha ka lo bia ange? " Lehlam aṭangin Gos-a'n a la rawn ti ve zui.

" Engtin nge an hriat a,i hrilh ami? " A ti a,min ngei leh hmel tawh ngang mai. Nuam lo ka tia sawi tur vak pawh ka hre tawh bawk silo.

" A be duh che " ka ti ta tawp. Phone a rawn la a,an in hauh hun huphurh deuh chuan ka lo chang a. Mahse ka rin ang em em chuan an in hau leh miah lo!

" Ka phone ah engmah a awm silo a " U Nancy a phone zâwk chu an check kual pah nghal.

" Aw lut e,lut lo turin ka ti reng a lawm. Ka inbual laiin alo va lut a,Zampuii'n alo va hmu a,ka chhuah pui lehnghal a lawm. A lo kal chhan te chu facial min tih sak tumin ania " a ti dap dap.

" Ka phone hman min dil ngei a. Mahse ka phone aṭangin nangmah thalak in thawn na engmah a awm siloh hi " a ti leh. Nuam lo ka lo ti lutuk chu ka ṭhu tawm chawih.

" Aw ka hria..ka hria ka tih chu" a ti vak a,a off zui hmak bawk.

" Naktuk ah ka lo zawt chhin ang " min ti daih a,min hau leh vak ang chu tih lai in.

" Ngahmah ka ngai lo a sin le " tlawn ti tih pah in ka ti a,min ngaihsak zui tehchîam chuang lo.


Gos-a'n kan inneih thlalak chhia a rawn thawn chu ka ngaihtuah ka ngaihtuah tak ah chuan vawiin khan Tlanpuii khan alo la chhuak em ni âw ka ti hnuhnawh a,tv off in inchung lam ah ka chho a. Drower a kan dah photo album chu ka la chhuak a,ka han keu ka han keu tak ah chuan kan nupa bik a kan lak na pakhat awmna lai chu alo ruak hiau mai!! Gos-a ka call nawn leh ngat. A lak rual in thalak awmna ruak chu ka hrilh nghal zung zung.


" Um,,min block sak tawh sia han hauh ngaihna pawh an awm chuang lo a. Fimkhur rawh aw,Tlanpuii hi a ṭha viau thin na hian eng emaw thut kha a nei ve ṭhin a" a ti dap dap. A thusawi ah chuan engmah lak kawih tur a awm lo na in ka thik leh ta tlat pek!

" I van hrechiang bik " kei ai pawh in a hrechiang tih hriat reng reng. Mahse kum 7 lai kha an lo inkawp ve sia, hriat chian chu an awm lutuk tho " ka thik kher chuang lo ania " ka sawi pawimawh lo êm a ka in thiamlo hnuhnawh.

" Thik ve hrim hrim la,ka lak a i thikthu chhe lo lutuk te hi ka ngaih a ṭha lo ania " a ti a. Fiamthu ang pawh in a sawi lem chuang lo.

" Nangmah a lawm,keichuan ka thik ṭhin vang ania buaina a thlen leh ṭhin. Nang ve chu ka luck loh bik lutuk vang nge..min duh tak tak lo te pawh hi i ang zawk e a" ka ti vei duah.

" Mai mai a, a na zawng a khatiang ti mai mai rual pawh ka ni tawhlo. A hun ah chuan ka nasa dâwn ania,i tuar leh thei lo ang " ati a,kan in chhaih kan in chhaih a,nuam kan ti leh ta viau.


Thil ho te te kan sawi a,ka pa'n hetah nau neih hun nghak thleng tur a min duh thu leh kan nupa in a sawidun tur a min duh thu te ka sawi kai ta zel a. Ka rin ang chiah in ani pawn helam a ka awm rih mai chu ṭha alo ti viau,lehlam ah helai awm chuan thil a awlsam bak ah eng emaw thut ah pawh min buaipui thei tur an awm ṭha zawk a. Kan awmna lam ah te chuan zan lam ah bak Gos-a ka bulah a awm thei bawk silo a.


" Mu tawh rawh,i ham nasa tawh êm mai. Naktuk ah chuan lo let lo phawt mai la,han ngaichâng deuh la,ka lunglen viau chuan ka lo hruai ang che " a ti a,nui chung a in mangṭha in kan ti tawp zui a.


" Aw Gos " kan in mangṭha hnu ah ka muhil chiang dâwn tawh tih ah min lo call leh,men pawh ka meng ṭha thei tawhlo.

" Remruata zawk " ka meng nghal kawk a,caller id ka en chuan Remruata zawk alo ni tak tak.

" Tun ang ah zan ah te tinge ilo call a? "

" Ka ngai che a,Zampui ka rilru ah i awm reng mai! " A ti ringawt.

" A va pawi ve,mahse keichu i cousin nupui ka nia" min beisei tawhlo hrâm se ka ti takzet. Chhâng dang ila,reh zui hmak se ka duh.

" Khami zan khan i rui lutuk a engmah i hrelo anih kha, Gos-a nen engtin nge in lo chetsual ve ka hre hauh lo a mahse naute kha ka fa ani tih ka hrilh duh che. Eng emaw ruih i neih vang anihkha engmah i hriatloh " a rawn ti ta phawng!!

"Remruat,hetiang zâwng hian rawn ti lo teh. Khami zan khan mi in ruih tur min pe tih chu ka hai hauh lo. Mahse ka mutpui lo che,mutpui che ni ila Gos-a kiang ah khân ka harhchhuak hauh lo ang. Min lo be tawh suh " ka ti vin ta nghek.

" A pawi khawp mai,ka fa leh ka nupui tur chân kumkhua tur chuan ka in phal lo. Gos-a engkim ka hrilh anga,a lak aṭang khan ka la lêt dâwn che. Zampui,thil i hresual ania. I pasal tur zawk a lawm ka nih Gos-a nilo in " ka ngei em vang chuan thawk ka la kawk a.

" I rui buai anihkha " ti a chhâng in ka off zui hmak. Ka mil thei dawn hauh lo mai, engpawh chu lo sawi se ka awih dawn lo. Ka mutpui lo a, a fa pawh ka pai lo. Nilo kha zan khan engtin chiah nge ka awm?!!

[Bearr]

CHAPTER-11‍🩹


" Tlanpuii chu ka zawt chhin a,ka msg a chhâng duhlo reng reng " U Nancy'n a ti a. Kan pahnih chiah a kan hriat vangin choka ah pawh an rawn sawi zawi ang reng khawp mai.

"A pawi hleinem,kan thlalak kha alo la chhuak aniang. Nizan khân ka hrechhuak a ka check mai mai chhin a. Kan album a thlalak pakhat kha alo awm lo a, Gos-a'n i phone aṭang a pic a dawn nen khân a in ang chiah bawk a "

" A van â tak! " A ti hliai. Thil dang dang kan sawi kai chho a, Tlanpuii nen an an in nel em em ṭhin chhan te chu a sawi zêl a, ka mo na a ka pasal unau satliah ang nilo,ka unau tak tak ang mai in ṭha deuhin kan ti ti dun ve char char.

" Mama nen chuan in sawi tawh em? " A ti leh a. Ka lo hawi â leh hman pek vangin " Let leh emaw heta awm tlang chu? " A ti lehnghal zat.

" Aw,ka pa ngaihdan ang deuh kha ani mai " ka ti a. Bu nghat in chaw chhum tur chu a lo siam ve nghal sawk sawk. A hma lam in kan in ngeih em em lo a,tun a kan awmdan pawh chu ka mak tih a tling leh tawh viau. Mahse han tih lan vel hran ka tum lo,nuam pawh a nuam letling zawk kan in pawh reuh lutuk a.


A phone a khawih pah zeuh zeuh chuan thil min ti hrechhuak a,ka phone ban ve vat in Remruata chu ka block ta hmak. Anih loh chuan min rawn be buai reng anga Gos-a'n a hriat chuan in ngaizawng lo pawh ni ila a ngaih kawih palh a hlauhawm.


Chhun ah mahni te in in ka lo nghak leh a. Zîng chaw ei hmâ deuh khan Gos-a nen kan in be zuai a,thawh a lo hai palh aniang a hmanhmawh thu pawh vawi tam a sawi hman. Chumi bak chu kan la in be leh tawh miah lo. Nau vangin a hmâ ang in ka che zung zung thei tawhlo a,ka tih ṭhin tam tak awlsam deuhin ka ti thei tawhlo bawk a,awm tawp lah ani bik silo ka hah hman ngei mai. Ṭhut chawlh pah in kan in lam te ka be leh a,sunday lam ah leng turin min sawm zui leh hmak. Gos-a ṭhat leh ṭhat loh te min zawt bawk a. Kan inbiak zawh ah inchung lam tifai turin ka chho a,kan room chu an hnawk em em lo a,U Nancy room ani mai a,inhnuai lam theih ang ang ka ti tawh bawk a. Pangpar lah chutia han buaipui tham kan neilo bawk nen,tlem a ka neih len deuh leh inchhûng a awm chu an lem kan hun mawi vel mai mai kha ania,nakin ah muangchang a hruk fai ani deuh mai.


Step a ka chhoh ṭaih ṭaih lai chuan thawklehkhatah ka pum a rawn na thut!! Ka ding deuh a,a reh leh mai tur a ka ngaih laiin a rawn na tial tial. Chhoh tlang emaw chhuk leh ka theih tawh mai loh avangin step a vawn bân chu ka vuan a,ka ding kun tlawk tlawk. Tumah han pum tur an awm silo,phone lah inhnuai sofa ah ka dah daih bawk si. Ka pum na zual zêl chu ka dawm tawp a, awmzia erawh a awm tam lo. A reh beisei in ka nghak char char a mahse awmzia awm lo,a tawp ah phei chuan a na lutuk chu ka ṭawngṭai phah ta tawp! Tumah han pun eih tur awm bawk silo chu ka mangang ṭan deuh a,ka kal ṭha ngam tawh chiah bawk silo,ka pum nâ chuan ka taksa zawng zawng hi a control vek ni mai in ka hria.


" Zampui i awm em? " Kan thenawm a mi pitar,ka pi Thangmawii a rawn lut hlawl. Step a laklawh tak a ka lo awm min hmuh chuan a ngaihna a hriatloh hmel khawp mai.

" Pi ka pum hi a rawn na lutuk a ka che sawn theilo " theihpatawp a ring chuan ka ti a.

" Âw ani maw ,a va zia lo ve. Khawi ah nge midang? " Tiin a hawi kual a,a tar ve deuh tawh bawk nen a beng hi tlem in a chhet ve deuh tawh a,biak chuan ṭawng rin angai sia,Kei lah ṭawng ring ila pum a na tel ti tih zel tawh si.

" An chhuak vek a. Pi khalai a ka phone kha min lo pe thei angem? " Tu emaw tal ka call loh chuan ka pum hi a na lutuk tawh. Ka mittui tling ṭan vang chuan ka pi pawh ka hmu phê ṭep ani.

" Ngawi rawh,i nu Mapuii ka va ko ange" ka ṭawng a hre ṭha thei chiah lo nge,a in her a a chhuak ta daih mai!! A na tawh si ka ngei hman ṭep,mahse midang call ila an rawn thleng lawk thei awm silo an, Nu Mapuii koh mai pawh chu an ṭha zawk si in ka ring.


Ka pi phei hnu lawk ah a fanu Nu Mapuii a rawn tlat lut " Zampui,i pum a na maw? A va buaithlak ve" a ti a. A puih na in muangchang in step aṭang chuan kan chhuk thla leh a.


Engtin emaw min buaipui a,ka pum nâ in awmzia a nei theilo. Kan mangang dun tawh chuan hospital kan pan ta ringawt mai. Eng em em pawh keng hman lo in Nu Mapuii'n taxi a ko a kan chhuak nghal ani mai. Nau neih mai ka in ring ber tawh a,engmah kan keng hman tawh bawk silo nen rilru a buai khawp mai. Hospital ah chuan nurse ten min lo buaipui a, Nu Mapuii'n ka nu te alo hrilh tur thu a sawi bawk a, nurse te chuan nau vei em em ka la nilo tih min lo hrilh ve thung. Ka vawikhatna ani a,engmah ka hrelo na in tun ang em em a a nat kha chuan nei nghal mai tawh tur ah ka in ngai.


" Ka pi,nau hi vei ang em em ala nilo a,mahse awm tlang sela chu a duhawm " Nu Mapuii hnên ah chuan an ti a.

" E aw anihchu,an thenawmnu ka nia a chhûngte ka'n biak sak ange. Kan rawn kal tut tut a,tumah in ah an awm bawk silo a " Nu Mapuii'n a ti a. Phone hmang turin an kal hla deuh a,nurse te hnên ah ka pum nâ chu ka sawi tawp a,mahse in ang em em kha chuan a na tawh lo.


Doctor min koh sak tur thu an sawi a,nau vei ang ka la nilo an la ti miau sia, han awm ngaihna vak pawh ka hre tawh lo. Nurse 1 zâwk chuan min khawngaih a, doctor a va ko thuai a doctor chuan a nat rei tawh thu kan hrilh avangin a nâ tih zia awm nan nachhawk in min chiu tawp mai. Damdawi in a thawh tak tak hmâ in ka nu a rawn thleng a,a hnu lawk ah keima nu tak tak zawk pawh a lo thleng veleh bawk. Ka nu'n a rawn kal dawn ah a lo va hrilh hre ve anih hmel. Nu Mapuii ho in ka nu te pahnih chuan min awmpui ṭhap a,ka lûng no a chhuak hman ṭhelh ani. Min chiu na pawh in awmzia a nei ve deuh tawh a,ka pum nâ pawh ka hre vak tawh mang lo.


" I thianpa'n a hria em ? " Keima nu zawk in a ti a. Ka hriatloh thu in ka lo chhâng thuai.

" Awi ani tak,ka theinghilh daih a lawm ka hmanhmawh tawh lutuk a. Ka'n hrilh ve hrim hrim ange " a ti a. Chutia han ngaihtuah awm em em ka ni lo bawk a hrilh ngai pawh ka ti em em hran lo. Mahse nakin ah a hriat veleh ting tang chuan a thinrim lungawi lo veleh ang tih chu an hlauhawm,mi a ngaihtuah ve sia.

" Mate,Hello Bawiha? aw i buai lai ani em" a ti a. Ka nu'n Phone a hman laiin Nu Mapuii'n ka pi Thangmawii a ngaihtuah deuh vangin min haw san a,keipawn lawmthu te pawh an kal dawn ah khân ka hrilh ve thlap. Awm lo ta se chu engtin emaw tak ka awm thei sia.

" Aw hei damdawiin ah ala awm. Nachhawk na in an chiu a,tûnah chuan na tawhlo hei a mah pawh a harh ṭha vek "

" Kha amah han be hrim hrim la" tih leh ka nu'n Phone min rawn pek a rual nghal.

" Aw..Gos " ka ti hman ṭawk a,lehlam aṭangin " engtin tak nge i awm a? I pum chu a na tawhlo tak tak ami? Zampui min va ti mangang ve!! " A ti nghal chiam.

" Engtinvak ka awm tawh lo " ka ti na a min ngaihtuahna a nep phah hauh lo.

" Doctor ka nu'n bia se,in check ṭha leh teh u" a ti leh hmiah. Tun ah in check ṭha leh vel pawh ni ila engvak ani dawn em ni le.

" A ngai kher lo,nau neih a hnai ve tawh a pum nâ neih zeuh zeuh te chu awm tur an tia lawm " ka ti ve tlat.

" A ṭha e, thu in awih lo êmai zanin tlai ah ka rawn haw anga keiman doctor chu ka be mai ang" a luhlul leh thu duh ber ni awm tak hian a ṭawng reuh a. Ka lawm letling zawk sia ka nui tet tet.

" Ka lo thlen hmâ chuan lo in la chhuak miah suh " thupe aw zet hian a rawn ti nawn leh.

" Doctor te pawn an tia lawm. Awm rih a ṭha an tia " ka ti chu a lo pawm pui ngang aniang " a ṭha " a ti vei hmuk.

"Tak tak in lo awm hahdam rawh aw. In ah te khan ilo che veleh vak vak anih ka ring tlat. Harsatna engmah hmachhawn lo la ka duh ania " a tawp lam chu an cool ruih mai.

" Awle, anih dah phawt ang aw " tiin kan inthlah zui a.

" Ka lo haw ang atia " ka nu phone pek let pah in ka ti a.

" Âw an hna a buaithlak dâwn lo ami,zingah a kal leh te a ngai awm si a hahthlak mai mai lo'ng maw?" Keima nu chuan ati a.

Ka nu chuan nui chung hian " A tum tawh chuan lo sawi ṭha leh pawh ni ila a rawn haw tho ang. A tih dêm dêm ai hian a luhlul vei reuh ania " A ti a. A sawi dik khawp in ka hria,mi ti bawrh bawrh lo leh ti deuh pung pung chi te, luhlul chhuah reng chuan chi leh eng emaw hlek a ri hluai mi ni lem lo mahse khang kan awmdun tawh chhûng khan a tih tawh ah chuan mi ti bur ania thu lo sawi ve in awmzia a nei tam ṭhin vak lo.

*

" Nau hi kâr 2 hnu a nei tur ang khân ami an tih che " nurse 1 lo kal in a rawn ti a.

" Aw ania,mahse ka doctor kha chuan chumi ai hma ah pawh neih in ring rawh min tia " ka ti a. A bu nghat a,eng thil dang em em mah sawi lo in a kal leh mai.

" I doctor kha kan be veleh hrim hrim dawn ami?" Ka nu'n a ti a. Pawi pawh ka ti em em chuanglo,kan hmanhmawh luat ah ka kal fo na ṭhin lo zawk damdawiin ah kan kal phah chung chung bawk sia.

" A pawi chuang lo,chhuah an phallo a nau ka la vei lem lo an ti tih te kha hrilh ve hrim hrim ila " ka ti a. Phone ka keng lo na in ka nu'n ka doctor Pi Nguri no chu an lo nei sa hlauh. Chanchin a hrilh zung zung a,kei leh keima nu zawk chuan an ṭawng vel kan lo ngaichâng.

" Aw.. awle kan in hrilh ṭha leh dawn nia. A lawmawm lutuk e " tiin phone a dah a,a thusawi leh hun tur ka lo nghak ran.

"Pi Nguri chuan helam doctor biak dan a ngaihtuah anga,an mahni awmna lam a awm turin min duh anihchu " a ti a. Ka rin lawk dan deuh chiah ani. Bak ah keipawn ka duh deuh zawk hrim hrim,in checkup leh eng emaw an piang a ka pan char char ania,ka ring laklawh tawh bawk a,aman min buaipui tlingtla law law se ka duh.


In lam a che tur awmchhun anih vangin ka nu ( min hringtu ) pawh in min haw san a,U Nancy class bâng pawh in tumah in a kan awmloh vangin ṭhenawmnu Nu Mapuii a lo va zawt aniang,ka nu haw aṭang a rei vaklo ah kan awmna a rawn thleng ve hlawl. A awm ve deuh reng a,ka pa pawh an hrilh tawh bawk. U Nancy chuan in lam chet a ngaih vangin min haw san a,ka phone in a ka theihnghilh thu hrilh in min lo dah ṭhat sak deuh tur chuan ka chah ve a,min hnial leh miah lo. A bu nghat a,engmah sawi chuang lo ka nu nen chuan min haw san a. Chaw pawh tun a han in pek nghal em em chu kan tih vangin ka nu'n damdawiin canteen ami a lei a,chu chu kan ei dun mai.


" Ka rawn kal ve mai mai,Nancy khan group ah arawn sawi a. Ka hman tho ka tia ka rawn kal " Gos-a emaw ka ti hman a. Ka chhing sek ka harh chuan tum loh lutuk in Remruata hmêl ka hmu daih! Ṭawng lawk ngaihna ka hrelo a,phawk deuh chuan ka en char char.

" Nei tur ang pawh in a la awm lo e an tia. Hei ngaihtuah tur a awm lo,a pum nâ pawh a zia aniang " ka nu'n ati a. Keichu ṭawng pawh ka tum lo, Remruata lo kal chu ka duh lo ang reng.

" I pa'n arawn phone anih hi " ka nu'n ati a. Sir lam hawi a ṭhu in ka pa chu a be zui a " Nâ i nei tawhlo tawp ami? " A ti a.

" Aw " tih tawp in ka chhâng.

" Ka lo kal chu i lawm vak nange? " Ka nu lam ka melh zauh a,min rawn ngaihsak tel lo hlauh.

" Lawm loh chhan tur ka nei hleinem " ka ti mawi hnâi ve a " i chhûngte ang tho ka nia " ka ti tel hram. A nui a a bu zui nghat nghat.

" Chhûngkua pawh kan la ni ang chu " ka dul a rawn vuan a,a zaklo lutuk chu ka melh nghal vak. A kut chu lak sawn sak ka tum a.

" E saw,Bawiha pawh a lo thleng " ka nu'n a ti chiah chu rang mangkheng in Remruata kut chu ka nem sawn nawk. Min rawn hmu ang tih ka hlauh vang chuan ka awm a nuam lo ti tih dêr!!

" Hrilh tawh rawh " min la ti hram!! Ka melh kawr vang chuan a nui leh suk a, Gos-a tân ṭhutna lo kian ni awm takin an tawlh sawn zui hret.

" Hei a ṭha lutuk " a rawn thlen phei meuh chuan a hmêl a mangang na te ka lo hmu nghal a,ka khawngaih reuh lutuk a hah hmel bawk si.

" Engtinmah an awm lo chu kan van lawm êm! " A ti a. Remruata ṭhutna bul ah chuan min hnaih zawk lam ah a rawn ṭhu nghal a. Keiin alo thleng chu ka lawm zia tih lan nan ka lo nuih sen sen.

" Ka rilru hah hman lutuk a" tiin min hrilh a. Keimah vang a tiang khawp a a mangang ka hmuh hian ka khawngaih reuh lutuk. A ruk deuh in a kut chu ka dawm sak a.

" Hahdam rawh,ka van khawngaih tak che. Ka ṭha tih ka nu'n a hrilh tho bawk che sia " ka ti a, ka kut chu nghet deuh hian alo hum let ve nghal thuai. Remruata'n kan kut a lo en char char tih ka hmuh chuan ka lak a a beidawn beisei in Gos-a kut chu thlah mai duh lo in ka hum vawng vawng.

" Nia hetian ka hmu tawh bawk che a ka hahdam mai ang " a ti a,ka nuih vang chuan an nui ve suk " I lo kal ve ani maw? " Remruata hnên ah chuan ati ve nghal a.

" Aw group aṭangin ka lo hria a,duty hmâ in ka kal ve lawk anih hi " ati a. Ka mil loh êm vangin ka nu lam ka hawi daih.

" Gos nakin ah in be lawk ang hmiang " a ti chiah chu rang lutuk in ka hawi lehnghal. Awmze neilo zet hian ka hlauthawng a,enge an hrilh ang tih chu ka ngaihtuah ber. Gos-a hnên ah naute la ang hian lo in sawi ve ta ngawt se, Gos-a hian engtin nge an ngaih ang? Thudik pawh nilo mahse a thinrim phah thei tho bawk si.

" Eng thu ah??" Gos-a'n ati leh phei chu ka thinphu a dik lo nghal dêr!

" Nakin ah " a ti a, ka nun Gos-a te pahnih awm tho vangin inti fai a haw lawk a duh thu a lo sawi zui a. An thusawi lai pawh an tawp tak hlauh phah. Gos-a'n ka nu pâwn thleng a va chhuahpui a,kal lo se ka tih nen kal suh ka ti thei chiah bawk silo. Remruata lah chu ala kal mai duh bik bawk silo an.

" Zampui hrilh rawh. Ka ti tak tak ania,naute pian hmâ hian hrilh la a ṭha zawk. Keichu ka nghak theilo ania,inneih vat ka duh "

" Engmah hrilh tur ka neilo,sawi tawh suh " vun zet leh zawi te chuan ka ti a.

" I nei a lawm,naute hi Gos-a leh nang a fa nilo in kei leh nang a fa zawk ania. Chuan keini hi nupa tur kan nia Gos-a nen nilo in,i hrilh duhloh chuan keiman ka hrilh mai ang. Chuan min unblock nghal bawk la "

" Thu min pe tûr hian dikna i neilo aw. Ka be duhlo che a chuvang in ka block che anihkha. Chuan maw i thusawi kha pakhatmah ka awih chhete lo bawk. I fa ka pai lo a, Gos-a ṭhen a nang ka neih chhan tur che pawh ka hrelo " ka ti piap piap. Ka ṭawng rin deuh vangin kan piah lam a awm ve ho chuan min rawn en hrek hrek.

" Dawt sawi a min ngaih tlat chuan a ṭha e. In reunion zan khan rui takin kan in tawng a,chuan kha hmun ah khân kan.."

" Sawi tawh suh " tiin ka lo khap thuai. Ka mitthlâ ah chuan thil eng emaw an lo lang a. Ka mittui a tling ringawt,kha zan khân Remruata hi ka hmu in ka in hre tawh!!

" Min la awih loh cheu chuan lo nghak rawh. Kha hmun a awm leh kan awmdun lai min lo hmu tu in thiannu a awm. I duh anih phawt chuan engkim hrilh tur che in ka lo la hruai ang"

" Dawt anihchu!! Tuman engmah an hrelo engmah ka tilo " Gos-a chu lo let thuai se ka ti lutuk.

" Min ring rawh. Ka fa pai lo la,hetiang hian i hmâ ah ka rawn in lan hauh lo ang. Ka kal ange,chuan min unblock rawh ka tih kha aw,zan ah ka lo call ang. Gos-a hrilh hre tu zâwk a ṭang tur a min duh loh chuan ka thu awih la "

" Min vo theilo ang " ka ti thâm chhâl a.

" Vo lo e " ti a min chhâng in a kal dawn a Gos-a a rawn let ve chiah " ka va haw ange " tiin an in thlah ṭha leh.


Gos-a nen kan ṭhu ngawi dun reng a,tûnah hian thil chianglo tak Remruata'n ka hnên a a sawi fo hi Gos-a hnên ah hian sawichhuak tawp ila a ṭha angem tih te ka ngaihtuah nasa,mahse Remruata'n dawt lo sawi si se tih nen lam,thil dang ka ngaihtuah nasat lutuk lai chuan Gos-a'n a kut chu ka hmai zawn ah a rawn vai thut. Ka khap zawk a,ka phut deuh bawk avangin amah chu ka en deuh hâw.


" Ka bia che a " a ti a. Chik zet hian min en bawk.

" Enge i sawi? " Ka tih chuan a mit ko a san zauh.

" Gos.. " chik deuh a min en char char vang chuan ka thaw dep dep a " thil ka zawt ang che aw " ka ti a. Bu nghat in a rawn ṭhu tawlh hnai a.

" Englo,khami zan kan chetsual zan khân. Englo ih ih,engtin nge kan inhmuh? "

" I hrelo a maw? Hrim hrim in tûnah chu chu tinge min zawh? "

" A chhan chu..aaaa englo ih ka, naute hi " sawi harsa ka tih êm vang chuan vawilehkhatah pawh ka sawi zo zung zung theilo.

" Awle " a ti hliai a. Mitmeng dam zet a min en chung si in " ka lak ah hian eng emaw zêp i nei ni in ka hria. Nakin ah kan la sawi dawn nia, hetah nilo " a ti a.


Keipawn ual au tak a sawichhuah chu ṭha a ka hriatloh hnuhnawh,bak ah engtin nge amah hian a dawn sawn ang ka hre bawk silo. A thusawi zawm chuan ka bu ta nghat.

*

Kar a liam a, ka nau neih nan kar 1 ṭha tak tak a awm tawh. Nau puan leh eng ilo pawh kan nu'n min lei khawl sak nual tawh a,naute nihna pawh in rin siak an tam tawh mai. Chhungkaw group ah nen,a tam zawk in mipa anih an ring a,a ṭhen in mipa. Gos-a pawh in mipa a ring khaw hnu leh a..keichuan ka hrethiam ve lo. In rin lawk a ngaih zual tawh êm avangin nau puan vel te chu hmanhmawh thil ah ti in khai chhuah mai theih tûrin bag pakhat ah mamawh tur dang nen ka thun khawm a. Gos-a pawh hna avângin khaw lam ah a awm leh reng tawh a,kei erawh ka pum nat vak aṭang phei kha chuan zui a phal ta lo a in ah ka awm char char a,in ah lah nau vangin ka chet an phal mang tawh lo. Mazuali leh keima nu ten an hman apiang in min rawn awmpui ṭhin a,an lo kal loh chuan mahni in in ah ka awm a,khua a har ve thei lutuk.


" Lo lêng rawh " doorbell ri ka hria a, choka lam a ka awm vangin ka au ti tih a.

" Midang an awm nange? " Ka va chhuak phei chu Remruata hmêl ka hmu thut! Chhun chhun a lo kal ka beisei loh êm avangin ka hmu thut pawh chu ka meng phawk hrâ.

" Awm lo,enge ilo tih dâwn? " Ka zawhna chu atthlâk in a hria nge a nui a,sofa ah chuan tlangnel tak hian a ṭhu nghal tharh.

" Nancy khân nangmah chiah in i awm dâwn a tia. A sawi dik chiah anih hi " ka zawhna chhanna min pek loh vang chuan ka thaw halh a. Va hnaih emaw va ṭhut ve ka tum hran lo. Bak ah ka nel tawhloh sa naklai in tun a rawn awmdan,a mizia nen zawng zawng sawn ka ngaina lo zual. Mipa zaktheilo tak ang maiin a rawn awm ni in ka hria.

" Min peh hel rei tawh mah mah lo maw? Ka nghak peih vak tawh lo ania "

" Chutiang a ka awm ka hrelo e " tiin pâwn lam ah ka him zawk nân chhuah ka tum. A tho thurh a,ka kalna tur min rawn dang nghal.

" Min block tawhlo tûrin ka hrilh tawh che a,tun thleng in ila ti leh lo. Gos-a be zawk tûrin min duh ami? Misual tak anga neih let kher che hi ka duhlo ania,mahse min nawr luih chuan misual ang in ka khawsa mai ang "

" Chhuak rawh " ka ti nghal hmak.

" Aih.. thil kan sawifel hmâ chuan ka kalsan tawhlo ang che. Karleh ah nau i nei dâwn tawh a. Naute pa hming a Gos-a hming a chuan ka rem ti lo,kan pahnih hian Gos-a chu hrilh ila a ṭha ber ang "

" Enge maw i hriat le! Tinge engmah i hriatthiam theihloh a? " Ka ti vin ṭhat rual chuan ka dar pahnih a vuan in min thing nawk!

" Luhlul chhuah lui suh, Rengpuii khan kan chesual lai min hmu vek,mi in damdawi ruih chi an pek che avângin engmah i hrelo a, Gos-a nen engtin nge in lo khawsak veleh hnuhnawh ni? Khavang anihkha Gos-a fa pai emaw i in tih tlat "

"Engtin nge i chian em em theih? " Rengpuii a sawi erawh ka hria, reunion kan neihna farm neitu fanu ania,kan classmate ani bawk a,khatih lai khan apa kha MLA a ni bawk. An hausa a,chuvang in reunion neihna tur pawh khân an farm house kha an thawh ania.

" Remruat ka duhlo!! " Ngawi reng a ka hun kal tawh ka ngaihtuah kir laiin min lo fawh a tum!! Ka nem a,ani'n ka tal sawn loh nan mi pawm bet ti tih!

[Bearr]

CHAPTER-12‍🩹


" Remruattttt!! " Ka au nghek a, ka tha tawp a nam in âwm ah ka chum ti tih. Nâ ati deuh aniang min thlah nghal a, a âwm a dawm nghal bawk.

" Khawngaih in min tibuai tawh suh " Ti sep in pawn lam ah chuan ka tlanchhuak nghal. Ka mittui a tling piau a, pawn lam ah chuan a haw hmâ chu awm turin ka ding char char.

" Zampui, pawi ka ti lutuk" A rawn chhuak a, eng thu mah ka sawipui duh tawh lo. Ka ngawi ngal a, ani pawh in min tih vak ngaih na dang a hrelo bawk nen chuan kal mai a tum.


Pawn a ka chhuah chhan pawh min hmu theitu tu pawh an awm a, engtin min tih ngam ka rinloh vang ania. Inchhûng ah khân awmdun ta reng ila engtin nge ka chungah a chet zui ang pawh hriatloh.


"Remruat?!! " Ka pum a na lutuk! Ka pum chu tla daih tur ang hian a rawn awm thut a,ka kap lam chu a huh ni mai hian ka hria.

Remruata haw tum pawh an rawn let leh. Thlan tur dang ka nei miau lo ani,ka koh kir leh mai loh chuan buaipui mumal neilo khân ka awm leh rêng ang tih ka hlau.

" Enge awmzia? Nau i vei ami? " A ti a. Harsa ti zet hian " ka pum a nâ" tiin ka lo hrilh. Min rawn kuah ti tih an, inchhûng ah min hruai lut leh.

" Ka pum hi a na lutuk! Engtin emaw ti rawh" ka ti chûl. A ni pawh in hetiang tawn a in beisei lo aniang a phe buai nghal vek. Phone a phawrh sawk sawk a ka nu a call ta tawp.

" Lo awm rawh " ati a. Khawi ah nge an kal dawn ka hrelo,a tlanchhuak a a reh zui vang vang. A na tawh si mahni chauh a min kalsan daih vang chuan ka rilru a ti mangang a ka ṭah te a chhuak dawn dawn mai.

" Inṭhenawm te an awmlo " a ti a. Min kaihkuah tho leh in pawn ah min pawm chhuak. Naute nen ka rit dawn si a tun ah zet chuan ka khawngaih zawk.


Bike nen alo la kal zui a,taxi a zawng leh rih. Ka pum a na tawh ngang bawk si a ka ṭap ti tih tawh. Taxi a hmuh velah ka in entirna ṭhin damdawiin ah kan kal nghal a,nau neih hun ami tur a ka ruahman nau puan vel pawh engmah kan in keng leh hman lo. Tun ṭum chu ka neih ka in ring tawh tawp. Ka awm mai mai theilo kan chuanna taxi te chu a tlân muang ka ti lutuk a,ka pum nâ nen Remruata kut te chu ka chelh a,ka chelh satliah pawh nilo a hmer hian ka hmer ngawt ngawt ani mai. Damdawiin kan thleng a, Pi Nguri a lo awm hlauh mai,min buaipui hnu ah nau ka vei a nei turin min buatsaih ta nghal chung chung. Remruata'n taxi kan luh hmâ a ka hrilh kha ala hria aniang ka nu a rawn thlen ve chuan in lam a naute puan leh mamawh ka khung khawm sa tawhna bag kha alo keng tel hlauh.


" Nu a na lutuk!! Ka tuar theilo " tiin ka nu hnên ah ṭah aw ṭiau in ka hrilh.

" Ê i tuar thei em em ang,han ṭang fan fan teh " tiin min lo fuih let ve a,ka ngûm ah te chuan min lo zut sak ve bawk.

Keimah ang a nau ve pawh an awm ve nual in ka hria,kei ai a na ti ṭap hawm hawm te pawh ka hre nuk mai. Awle,ka thei ang ka thei ngei ngei tûr ani.

*

" aw a nei fel tawh e,naute pawh an ṭha..aw 3 kg leh 100g lâi mai ania. Hmeichhia ah chuan rit tak ani " ka nu phone hmang thawm ah chuan ka harh a. Ka han meng chu Remruata'n naute a lo pawm ve chiah lai ka hmu. Ka lawm lo lutuk a,naute chu hnaih lo turin ka duh. Mahse engvak ka ti thei rih bawk silo. Ka neih fel a khum pangngai lam a kan insawn hnu ah nau hnute reilote ka pek bak kha ka chauh pui lutuk a ka lo chhing sek ani. Keima nu zawk pawh a lo awm ve bawk.


Fa ka nei a,fanu duhawm tak Lalpan min pe a! Ka lawm lutuk hi sawi ngaihna pawh ka hrelo zawk. Fa ka nei satliah anilo,kut ke kim leh him dam in ka hring chhuak bawk a. Ka harh hnu ah mahni te in rilru ṭawngṭaina ka nei a,Pathian hnên ah lawmthu sawiin kan fanu min enkawl sak zel turin an kut ah ka hlan nghal thlap bawk.


" A va hmelṭha em em ve!! " U Nancy'n Remruata pawm lai a lo lak sak leh chiah a ka thaw huai mai. Naute chu an pawm a, ṭha atih ve hmel ngang mai a nuih a en ngawih ngawih.

" A pa hi alo la thleng lo ami? " Nau a piang chiah a Gos-a pawh a hming a ko tawh lo in ' A pa ' an ti ta thlap.

" Thleng tep ang. In ah ka pa a lam kual anga an rawn tlang dawn atia " A ti zo chiah Gos-a leh ka pa te an rawn in zui a,keiin ka lo melh ruk mêk lai anih vangin ka lo hmu nghal chat.

" Hei..pa thar pawh alo thleng e " Gos-a rawn hlim phei lutuk hmuhnawm zia chu âw.

" Khawimaw ka fanu chu" A rawn thleng a,U Nancy a lak sak veleh nghal.

" A va lian em em ka fanu chu,a hmelṭha si " tiin duh hmel tak hian a en char char.

" 3kg leh 100g lâi a rit anihkha, hmeichhia si ah chuan a lian ṭha nulh nulh khawp mai " ka nu'n alo ti thuai.

" Tunu kan nei ta bawk a,i nu pawh a lawm khawp ang. In lam ah nau a awm ṭhin anga,an la in um kual reng anga " kan hlim tlâng dar dar khawp mai. Kan fanu chuan an pian tirh phat aṭangin boruak a siam nghal chu ania.

" Mâm,enge a hming ah kan sak dâwn? Tunge phuah tur a in tih hrim hrim a? " U Nancy'n ati a. Gos-a'n keima nu ngaihdan a ngaichâng duh nge ka nu lam a melh a. Ka nu erawh in " a hmasa ber ani bawk a, a pa hian phuah sela " a lo ti zawk hlauh. Gos-a'n min rawn en a,a lawm hmêl ngang aniang a nui suk. A hmâ pawh khan phuah kha a lo sawi ve zauh tawh a.

" Phuah zawk ula " te ati mawi hnâi veleh vel a,fanu a nei ta chu awmdan a thiamlo ani ber in ka hria a lai zawk emaw ni a nui suk suk reng mai.

" Florence Vanlalhmangaihi.. ṭha in ti ve em? A ti ta chiah,ka rin ai daih in a phuah thiam. Keipawn amah anih vang pawh nilo in ka pawm pui nghal thlap. A phuah mawi ve reuh lutuk.

" A ṭha a lawm,ka rin ai ilo ngaihtuah ṭha daih " an ti ta siam siam a. Amah pawh phuah ṭha a in tih ve hmel khawp mai.


Kil khat a Remruata lo la awm ve reng ka en fuh chuan ka hlimna zawng zawng a kiam nghal duak in ka hria. Naute chu an melh char char a,eng ngaihtuahna nge a put ang ka hrelo na in naute hi a fanu ala ti ṭalh ni in ka ngai hmak a,chu chuan ka awm a ti nuam lo leh tawh. Gos-a'n ka bul a naute a rawn ṭhut pui vangin naute lam chu ka ngaihsak ta zawk a. Gos-a te lam aṭang pawh in rawn kal an awm nual a,kan ri nuaih nuaih mai. Min rawn lawmpui ve an ni bawk a,a nuam ka ti.


" Fapa kha i awt sia "Gos-a hnên ah nui chungin ka ti sep.

" Awt bik hran nang,a piang piang hi an ṭha mai a lawm. Pathian thil pek leh a malsâwmna ah duh kan thlâng thei hleinem" tiin ka kut chu a dawm zauh a.

" I sawi dik chiah " ka lo ti ve thuai. Midang ho in kan fanu hming tur an hriat ve chuan nalh an ti viau hlawm a. Gos-a pawn phuah fuh a in tih hmel khawp mai.


Kan fanu pian ni ah chuan tih luih leh sâwm hmasak ngai miah lo in a vawikhat nân chhungkaw thlalak neih a rawt a. Damdawiin khum a ṭhu chungin kan fanu Florence-i nen kan pathum chuan thlâ kan la thlap. Kan la zo midang nen kan ti ti malh malh a, damdawiin chhuahsan hun âwm te,birth certificate chungchâng te kan sawi ho a. Gos-a te nau pakhat Tenu-i chuan naute rawn pawm ve a tum a,kan in hlan chhawn pah a Gos-a leh Remruata te pahnih in zui chhuak daih lai chu ka hmu. Remruata'n Gos-a biak a min vo fo avangin ka rilru nuam lo chuan Gos-a chu ka call nghal ringawt.


" Umm,hei Remruata kal tur ka thlah lawk a "

" Lo let leh vat la " rinhlelh awm a ṭawng ka duh silo a,a van buaithlak tak.

" Tehreng,ka lo let nghal ani mai "

" Hmanhmawh la " ka la ti ṭalh.


Phone la dah a,midang in min be reng chungin Gos-a lo let hun chu ka nghak char char tho. Ka lo let nghal ani mai a tia rawn lan a hun tawh reng si,ala rawn lang eih bawk silo!

*

" Nu,bawihtei hi i bual hman angem? Zing ah hian bual a pawi lo ang tiraw? "

" Ê tinge? Zîng lam a bual chu(h) a tân chuan ala vawt deuh lo maw" ka nu kan room ah a rawn kal thuai.

" Nia a vawh chu ka ring deuh a,mahse vawiin chu ka nu a lo kal hman dawn lo a. Ka bual thiam lutuk silo a,ka bual khân a ṭap vak a nimin ah pawh " ka ti a. Ka nu'n nui chungin bawihtei chu an pawm a.

" Anu'n alo ti ṭap vak che a maw? Ka tunu duat hi tinge in lo tih ṭah vak mai a. Awi âw ka van han khawngaih êm; vawiin chu api hian ka bual ang che aw " ati a. Inhnuai lam an a pawm thla zui nghal.


Ka nu hian bawihtei hi a hmangaih in a duat khawp a,a pian hun kha a nghakhlel ve bawk êm a,a pian aṭang pawh in kâr 3 lâi a liam leh tawh. Ala tê viau na in zan lam ah hian a mut duhloh a nei thin a, Gos-a a awm thei bawk silo nen chuan ka nu hian min menpui char char ṭhin. Amah avang hian mut khamlo lutuk pawh in ka awm loh phah a,ka nu office kal ngai ṭhin pawh ka khawngaih viau a,ka fa 1 na alo ni bawk nen ka nu te ang in ka ti thiam tawk lo thin deuh ani. Ka nu hi chu awm lo sela chuan ka che buai ve thei reuh ngawt ang.


Inhnuai lam ah chuan ka chhuk thla veleh a " Nu office i ngai dawn sia, zing bual i hreh hmêl bawk sia i bual hman dawn ami? " Ka nu'n bawihtei engmah la hrethiam lo muhil deuh chawrh chawrh tawp chu alo be mai mai a. Zan lam ah hian a mu ṭha duhlo ṭhin a,chhun lam hi chuan eng ang pawn khawih che mahila a harh leh mang miah lo mai a.

" Tunu te tân chuan vawikhat na na na te chu kan tlai ve deuh anga ni mai a lawm.. tiraw bawihte? " Tiin bawihtei bawk chu an be chhunzawm a.

" Class bân ah kan bazar kawi dâwn a. Bawihtei khân inbualna thil leh oil tih vel te kha a nei ṭha em? Rawn lei a ngai dawn em? " U Nancy'n choka aṭangin a rawn ti veleh. Ka chung ah khân ṭha lutuk ṭhin lo mahse bawihtei a han piang chiah chu an danglam zual vek! Bawihtei pawh an ma hrim ang mai hian a ngaina in a duat reuh a,ka beisei phak bak daih ani.

" Ngailo ang,nau en na velah khân an rawn pe ṭeuh a. Kan la dah ṭha hnûr mai " tiin ka nu te kalsan chuan rawng ka va bawl pui ve a. Nau ka neih khân nâ ka ti in ka har viau khan ka in hria,mahse ka nei ta chêng a. Han inhliam leh chet theihloh phah lutuk kha ka nei lem lo. Kar 2 chhûng kha chu ka mutpui deuh ti tih mai a,tunkar chho chuan ka nuam tawh khawp mai.


Tûnah ah hian a thiam ta viau nge ka hrelo a,kei ai mah in a ei siam hi a siam tui thei tawh zawk. Midang nen pawh a siam chu tui kan ti tlâng vek a,ka awm hmâ te pawh in alo tih ṭhat duhloh vang mai mai aniang ka awm hnu ah pawh U Nancy rawngbawl tui thiam chungchang vel an sawi ngai miah loh. Kan han in awm ni san deuh a,a rei zêl a hei tûnah chuan chhungkaw chef turu ani ta der mai. Kei ngei pawh hian a ei siam chu tui ka ti ve thlawt.


" Bawihtei pa hi alo haw angem? " A ti a. Aw ka lo pawh nghal thuai.

" Tun tlai a rawn haw a rilruk deuh a,mahse saturday hian an pu in a rawn en pui dawn an tia. Saturday erawh chuan nidang ai in a rawn haw hmâ thei ang kha atia " ka ti a. Kan in ngeih chho ve tulh tulh bawk a,titi dun na pawh kan nei ngun ve tawh.

" Anihchu,an in sak lah hi a têt hmel nen a sak a hautak phian a" a ti a, Gos-a te hna sawi a kan titi dun pah chuan Tlanpuii a rawn sawichhuak zauh.

" Thalak kha ka tih anilo a ti ve tlat a,ka zawt char char a min be duh tawhlo reng reng. Ka hrechiang mai sia ama tih ani tih kha " a ti a. Tlanpuii kan sawi chho zel a,U Nancy nen pawh an in ngeih ve deuh chhan pawh makeup leh eng ilo fahran thiam ania. Chung vel a tih sak ṭhin vang a in nel chho ve an nih hmel a, Gos-a bialnu anih na ang zâwng tak chuan an in nel hmasa lem chuang bik lo anih hmel.


" Thlalak pakhat chauh ani tho a,sawi sawi pawh a nuam chuanglo " ka ti na in a ruk chuan ka la ngei ve deuh tho. A reh ta êmai pawh a,rawn in lan leh se chu ṭha tak chuan ka lo chhawn tawh bik miah lo ang.


Midang chhuah vek hnu daih ah ka nu'n bawihtei chu a bual ve chauh a,boruak a panngai viau bawk a ṭah pawh a ṭap ve lo reng reng; ka nu'n a bual zawh pawh chuan kan nufa chauh a min awm tir chu min ngaihtuah deuh a,tu emaw tal min awmpui turin an chhungkua a mi awm awl deuh koh a tum a,ngai ka tih lem loh vangin a ṭhulh leh ta zawk. Chhun lam ah chuan bawihtei pawh a fel a han puih bawm em em ka ngai hran lo a,midang han koh buai vel kha ṭul ka ti lo. Ka nu'n min kalsan a, room ah bawihtei hnute pe in ka mutpui ve thung.


" I mitmeng chu a va mawi ve! " Mipa aw ka hriat rual chuan ka harh deuh zawk. Khum bul a Remruata lo ṭhu leh bawihtei harh a lo be lai ka hmu thut chu ka thin hi a chhuak dawn in ka hre hman hial!

" Tinge ilo kal a? " Ka aw a mak tihna a rik tel miau vangin inthiamlo hmêl hi a pu ve deuh. Hrim hrim in tinge midang awm loh lai chuh hian alo kal ziah le?

" Bawihtei hi ka ngai deuh a " ati chu bawihtei ka taksa si chet tur chuan ka kuah hnai nghal. Ka chet dan vang chuan an nui suk a.

" A pa ka nih hi Zampui " a tih rual chuan " Gos-a lawm " ka lo ti thuai.

"Engtikah tak hrethiam ang che maw. Ka khawngaih che avângin tun thlengin Gos-a hnên ah pawh engmah ka la sawi leh duh lo a,mahse i ti mah mah tawh in ka hria "

" Remruat hriatthiam tum teh,keini chu.. " ka tih lai mêk in " Min ngaithla tawp phawt teh,min rinloh apiang in Gos-a rilru i tihnat tam phah zel dâwn ania "

" Rengpuii chu be rawh " a ti a. Ngawi rengin a awmdan chu ka en tawp. Tinge tiang thu min sawipui apiang hian keimah leh keimah in rinhlelhna ka neih tlat mai le?

" Aw ka tibuai che em? Hei amah hi khawngaih in min biak sak teh a" a ti a. Phone chu min pe nghal. Ka ṭhu chhuak a, phone chu ka ban ve mai. A chhan pawh a duh ang vawikhat tih sak ila min tihbuai tawhloh ka beisei ani.

" Hello "

" Hello Zampui,min hria em Rengpuii kha " aw zangkhai vah hian a rawn ti a.

" Hre lutuk e ka classmate ve lâi te chu " ka ti a. Lehlam aṭangin a nui zui hak hak.

" Rengpui,sawi duh i nei ami? "Bawihtei a harh ve bawk si a,phone hman san reng ka duhlo.

"Ahhh.. aw nia u Remruata khan be tur che in min rawn ngen a" a reh deuh vang vang hnu ah huphurh hmêl tak hian a rawng ṭawng chhuak leh a " Zampui,U Remruata nen khân in mu dun lai ka hmu palh cheu a,kan farm a bedroom 1 zâwk ah khân " ka kut tha chu a zawi hnawk a. Za miah silo in ka nui chhuak hak.

" Chutiang chuan amah hian sawi tûrin an vo che ami? " Ka awih phal ngang loh avangin ka la ti hram.

" Aih,aih nilo ka hmu tak tak cheu lawm. Inngaizawng in ni emaw ka tia ka sawichhuak ta lem lo a. Mahse engtin nge U Remruata kha alo kal ve chu ka hrelo a,chu chu ania ka sawi tum " a tih chuan ka âwm chhûng hi a tawt nghal vek.


Phone chu ka thlah tawp a. Remruata'n rawn chhar pah a ka kut a rawn vawn chuan ka lo tal nghal vat. Engmah ka sawi theilo a ka ṭap tawp. Bawihtei pawh ka ngaihsak mai theilo,ri chhuak hauh silo in ka ṭap a, Gos-a lak ah inthiamlohna hlir in ka khat tawh.


" Khami zan khân ka harh in ilo bo daih a,tah khân Gos-a nen hian in lo intawng fu palh aniang. Min la ring lo fo anihchuan Zampui,naute thisen hi test ang " Remruata'n ala rawn ti. Ka chhâng lo a,hria ang pawh in ka awm lo bawk.


Ka ṭah tawp avangin ani pawh a ṭawng tawh bik lo. Bawihtei lah chuan kan boruak hre ve ang maiin ṭap miah lo hian alo meng kar bawk a. Bawihtei chu ka la ngaihtuah thei a, nausên mai ala ni bawk a, Gos-a hnên ah te..ka nu leh pa leh ka unau te hnên ah engtin nge ka sawi anga ka sawichhuah theih ang? An hriat rualin ka chung a an thinrim dan tur ka hre vek bawk si.


" Tinge ka vanduai êm êm!!?" Ka ti chhuak ngawt.

" I vanduai hleinem,ka awm a lawm " ti a min rawn kuah pawh chu ka lo dawh mawl tawp.

" A ṭha leh vek mai ang " a ti sap a. Kawngka lam ah thawm a awm avângin Remruata'n min kuahna a thlah a,a in la hrang thuai. Kan pahnih a kan han hawi nak chuan Gos-a a lo ding reng!!

" Gos.." ka tho chhuak zawk a,ka pan chuan a kut in min lo dang. A hmêl lan dan aṭang chuan Remruata'n min kuah lai kha a rawn hmu hman anih hmel a,mahse a hmêl ah erawh thinrimna emaw eng dang mah ka hmu thiam lo.

" Remruata hi maw ka lak a zep ilo neih ṭhin chu?" Damdawiin a hrilh ka tum ṭum khân a hmun in a zir loh êm avângin ka sawi ta lo a,ka sawilo zêl a,naute buaipui nên tûnah chuan ka sawi hmâ in a mah ngei in a hre ta anih hi!

" Ka'n sawifiah law law ange " Remruata'n alo ti veleh.

" Ngawi rawh " Gos-a'n alo ti hmak.

" Gos-a,min ngaithla teh ka hrilhfiah ang che. Tiang a tih hi ka tum anilo " ka ti a,ka pan chuan hnaih tawhlo tûrin min ti zel. Engpawh nise engtin nge tun ang hun ah te alo haw daih theih,alo haw tur chu naktuk hi ani sia.

" Gos-a min ngaithla hrâm rawh " ka ti leh sep. Hnaih tawhlo tur a min tih miau vangin pen khat pawh in ka hnaih ngam lo.

" Min lo va haw san rawh " Remruata chu an en kar a. Thupêk pe ang mai a a ṭawng vang chuan an thinrim zia tur chu ka hrethiam nghal vek. Ka thin a phu dep dep a,an pahnih chu ka en tawn leh zauh ṭhin.


Ka beisei loh tawp in Remruata pawh ngawi reng in a chhuak hna hna. Gos-a mi chung a thinrim zen zen lo ta chu a thinrim meuh chuan engkim a thunun nghal vek emaw tih mai tur ani. Remruata a chhuah chiah chuan kawngka a va khar ṭha hmak. A chet dan chu hlauthawng ru takin ka en char char a,engtin nge min tih ang tih ngaihtuah in rilru ka sêng nasa hman viau bawk. A kal phei a,room a kan dah sofa tê pakhat lek ṭhutna chi ah chuan ngawi rengin a va ṭhu a.


" Gos-a " ka ti hman chiah " Engmah sawi dun rih lo mai ang. Ka thinrim rih êmai " a ti a. A tho thurh a,min chhuahsan nghal daih. Bawihtei vangin ka zui thei silo a chhuat ah chuan ka ṭhu hnawk ringawt.

*

" Zampui,chaw i ei dawn nge nakin ah? " Ka nu'n chaw ei ah min rawn ko a. Ka chak rih ngang loh avângin nakin a ei mai turin ka lo in sawi a.

"Kan biangpuartei chu ava la mutui ve. Zan mut dawn ah a meng leh ker si anga " nui chungin bawihtei chu an rawn en dêk dêk a.

" A pa a chhun anih hi, Bawiha pawh an nausen lai te chuan bawihtei ang mai hi ania. Mi fa te zan ah an mut thlawrh thlawrh laiin a meng ker mai a,chhun lam ah mak tih tham khawp in a mu nasa leh sia " ati a.

Ka beng ah Rengpuii thusawi kha a rawn ri nawn lehnghal zat; Gos-a fa ani silo a engtin nge Gos-a a chhun tehlul ang.

" Zanin chu a mut ṭhat ve hmel ka ti " ka ti a. Ka hmêl ka hmuh tir vak ngam rih lo, Gos-a'n min chhuahsan hnu khân ka rilru hah leh inthiamlo tih ngaihna hrelo si khan ṭah ah ka tlak tawp a. Ka mit pawh a la bui deuh a,ka ṭap tih hre ve kher lo se ka duh a.


Ka nun min chhuk san hnu ah bawihtei bulah chuan ka mu a, Gos-a lo haw hun ka nghak tawp. A chhuah khân pawn lam ah a lo chhuak daih bawk sia,ka nu te pawn alo haw tih an hrelo,ka sawi ngam chiah bawk silo a. Ka sawi chuan tinge keini nufa awmpui lo a len chhuah daih tih te min zawh palh ka hlau a. Vawiin lam ah a rawn haw thut tih pawh ka sawi ngam lo. Ka nghak char char a,a lo haw mai theilo. Ka nu pâwn chaw ei turin vawi 2 lai min rawn ko hman. Gos-a pawn a la ei awm silo an nghah law law ka duh vangin chhuanlam ka lo siam zel. Mahse a tlai tawlh tawlh a,a hmêl hmuh tur a awm silo a ka ngaihtuah tawh chuan phone ka chuh a ka call hmiah.


" Gos,ilo haw tawh dâwn em? " Tun ah zan dar 9:30 ṭha vel ani tawh a,ala rawn let lo reng reng.

" Dawn lo deuh " ka rinai daih in min be ṭha a,a ṭawngka chhuak pawh a dik. Diktak chuan ka call a chhan duh pawh ka ring lo a.

" Ka lo nghak dâwn che ania aw,chaw ka la ei bik lo a" ka tih chuan a reh zui daih. A off chiah bawk silo a,hrehawm ka ti sa bawk nen ka ṭawng mai bik ngam tawh lo.

" Min lo nghak duh suh " a ti zawi sup.

" Chaw ila ei awm bîk silo a, Bawihtei pawh a la meng" ka ti ṭalh tak ah chuan an thaw hawk a.

" Anihchuan ka rawn haw ang "a ti a. Ka chhan leh hmâ in a off daih. Lo haw se ka tih rual in ka hmachhawn hreh deuh bawk si. Alo haw anga thinrim in inṭhen te a rawt mai angem tih thleng in ka ngaihtuah hman!


Reilote ah room kawngka in hawng in a rawn lut chhat chhat. A ngawi reng a min be miah lo,keipawn bawihtei hnute pek pah in ka lo en ve reng bawk. Ka be hmasa ngam chiah lo deuh,ka nu leh u Nancy te an lo lût a, Gos-a chu tûn a rawn haw leh rawn thleng chiah ang in an ngai daih anih hmel, Gos-a'n an pu te thu a rawn haw thei teh thut anih thu a sawi a, keini nupa kar ah boruak chhia a awm tih erawh a ti lang duh lo. U Nancy leh ka nu ten Bawihtei muhil an lo awmpui a,keini pahnih chaw ei tûrin kan in zui thla. Ka pa a mut tawh avangin inhnuai lam pawh a reh ṭha khawp mai. Kan ṭawng duh miah bawk silo nen reh tak ani. Chaw ei ka siam mawlh mawlh a,dawhkan kil in ani a lo ṭhu ngawi ngal bawk.


" Ngati nge min lo nghah kher? " A ti ṭha leh.

" Chaw ila ei bik silo a " tih tawp in ka chhâng a.

Chawhmeh ka chhawp zo a,fian lak leh ka tum chu ka bân ah a lo man thut!

" Zampui..." Kan mit in tawng fu lutuk vang chuan a mitmeng a natna lo lang chhuak te chu chiang takin ka hmu thei a, inthiamlohna avangin ka mittui a tling ti tih.

Min thlah leh mai a,ka ṭah hma chuan ka kalsawn a. A thâwm ka hriat miahloh laiin ka hnunglam ah chuan min rawn kuah,ka bân takngial pawh chet theilo turin min pawm khawm ani ber mai.

" Gos-a!! " khatiang tawh hnu ah chuan tiang a ka lak a chet hi ka beisei lo hul hual.

Hahdam lo tih hriat takin a thaw hawk a " Ka bul a i hlim lo anih pawh in hetiang zâwng a min tih nat kher hi a ngai em ni? " a ti zawi sap. Ka ṭah chhuak insum bawk nen ka kut tha te a khur lek lek.

" Gos-a ka tihpalh lutuk! Bawihtei hi dem ve lo hrâm ang che aw " ka ti chhuak thei ṭawk. Min kuah na a thlah rual chuan ka ruak nghal vek ni mai hian ka in hria.

" Zanin chu nangmah in kil mai rawh,chaw ka chaklo êmai " a ti a. Choka a chhuahsan rual chuan insum thei tawhlo in ka ṭap tawp.