WHEN I WAS YOUR MAN BY Aaron Dustin ChawngthuQyangte

[Ngaia]

(Ka vawikhat story post vena tur ania, like a tam ve nih chuan adang pawh lo ti ve zel ang, mizo tawng diklo ka lo hmang palh anih chuan min hau ula mahse min fuih zel rawh u. He group ah hian ka awm tirh atang khan nuam ka ti em em a, ka insum thy tawh lo, ka lo ziak ve pawp mai ani. Ka lawm e)

“Dude, khawnge i awm, class kan tan tawh dawn nia” ka thianpa Tluanga chuan min rawn text a.

“Dude, ka bunk leh phawt mai ang, ka ning ngawih ngawih, homework tam thei si...”

“Kar khat pawh class kan la kal lo a, i bunk ziah ringawt mai, awle ni hman nuam aw?”

“Awk e...ka peih hlawl lo min hrethiam teh.”

Ni e, class 12 ka pass ve tawh a, 1st ah lehnghal, ka free ve tawh ang chu tih nak alaia college lo kal leh a lehkha zir leh zel chu ka peih hlawl lo alawm, mahse ka zir ve ngei chu a ngai sia, huiham...peih hun hun ah kal ve mai ang, kelkang ah pawh ka kal ve a, ka piangthar ve tawh anilawm ni khah...hehe. Kan thianho hi tetlai atanga inkawm ngeih em em mai kan ni a, ka thianpa Rama, Mawia leh Tluanga te hi chu keimah ang tho a lerh, sual leh zu heh ve tak ni mahse lehkha zir leh class kal hi an peih phian a, Tluanga phei hi chu class 12 kha distinction ah a pass hial reng bawk a, kei leh Zuala chu kan sual fal ta deuh ani, chu bakah kei chu ka rilru chak vang liau liau leh exam hmaa hostela ka awm vang leh exam hall a ka cheat vang liau liau a first a pass ve mai chauh ka ni.

Kar 2 vel zet class ka kal tawhloh hnu chuan nikhat chu kal ka tum ve ta a, attendance a ka tlak chuan ka pa (Hitler-a ka ti mai thin, ka hlau ve tawk, haha) in min khai dawn si a, ka pa hi chu hlauhawm ve chiang alawm, vawikhat ka zurui lutuk, inla pa tawka ka haw pawh ka cho ve ngawt a, pa te na na na chu ka hneh lo khawp mai, thlakhat eyebrow lian kelhkulh mai min present hlak anih kha. Zingah chuan tum burin mit ek nuai failo chungin ka tho a, khumah ka thu tum bur a, ka thawh hun pawh la ni tawp silo tinge ka harh a..awiii Mother India chun nunnem over-i chuan ka room lo kik char char vang nih hi... ka kham lutuk. Ka nu hi chuan min duatin min chhan em em a, ka pa nen pawn an in hauh phah fo reng a ni, chuvang ania ka thiante pawn fiamthu in ka bulah CHUN NUNNEM OVER-I min tihsak thin ni...huiz. “Bawiha, bawihte tho rawh, class i tlai ange, ila kal kim kha...” arawn ti a. Hahaaaiii....ka la kal kim maw? Nilengin thianpa Zuala nen a bialnu Rintei te inah zu kan in thin nih kha, ka nu hi awww, ka bum tih a inhre silo, ka pa phei chuan hria se min hnawt chhuak duh ang, ka nu pawh a rilru ava na dawn em, mahse hre tak tak se chuan min tan leh tlat tho ang mawle. “Awwww... ka lo tho ninawm lutuk, class a rei thei si!” ka ti vin tuar a, class kal tha ber awm ang zia zang in ka’n insawi vel chule, a rei thin nge reilo thin pawh ka hre tawp silo a, ka nu chuan, “Dar 9:45 nilawm ni in tan, dar 8 rik tawh hi, lo chhuk rawh aw Mambawih, chaw ei ka lo siam ang.” tih pahin a chhuk a, huiham kum 20 ka ni ve tawh a Mambawih min la ti duai duai hi chu ka tuai zo vek hian ka hre thin. Chaw eikham chuan peihlo zetin ka insiam a, class kal ve ngei ngai tawh si, ka sam ka tuai a, chhelo, pa leh hmeltha inti ve tak chung chuan darthlalang chu ka kalsan ve thei hram a, taxi ka van chang peihlo tak, kan garage chu ka bih dek dek a, ka pa hi car in nge a kal aw bike in??? Bike a ken chuan car ka khalh thiam der silo a, taxi a kal angai animai a, yesss... bike a keng lo e, sum save haha..chahbi ka la a chak tawwwkin ka tlan chhuak nghal a.

Class ah chuan ka awm ve a, ka thiante chuan min be luam a, ka chhang vel peihlo, mood off bawn tawpa nimai, avan hneawm tak, a khat tawkin hmeichhe ho lah chu an nui thler ang duai duai lehnghal a, “Hey... Malsawm lulian pa!”...tu fa lubawk in nge lulian tia min ko ve khanglang, new commer, first year pawh ni mah ila eng anga kan senior pawh nise ka cho ve tawk, mood fuhlo nen rang zetin ru, tawkin ka hawilet a, khai aww, thianpa Rama ni rengin, “Ehe Ramte Kamding chu...Pol Sc tho mi i lak ve a?”...an lo nui dur dur a, “Lulian pa, Ramtea Kamding min ti ziah suh, Khiangawia 4 enhrat thlak lutuk, ummm admission pawh kan ti rual a, ka subject lak leh lakloh pawh i hre lo a nia, class i kal khat si, Ramtea Kamding min ti ziah lehnghal, mawllian ti zahthlak thei e...” tiin a zak ve deuh chu ka lu ah a pen fawk a. “Lehkha te in zir hnem tawh awm bik sia, i note ka lo copy aw?” ka ti a...teacher alo lut nghal a, roll a call a ka hming a lam a, min dintir nghal a, ka kal khat chhan min zawt a, awi first day bak ka lo kal lo nih chu, ka rui reng mai bawk sia engmah ka hre tawh miau hleinem. Ka hlauh ang ngei ngei in attendence ah chuan ka lo tla fel der tawh mai, ka class kal khat lutuk hi chu aw. Ka nu leh pate beng a thlenga, ka pa Hitler-a’n min vuak a tum leh ta, ka nu chuan sawi ang ngei ngei in minlo chhan leh bawk a. Ummm....tun atang chuan ka fel tawh viau ang mawle. Mahse ka pa thinrim chuan kal a phal tawh lo, “Nakum atangin first year atangin i kal tha leh ang!” min ti ta tlat mai, okay, i have no choice.

Kum khat chu engmah lo maiin ka chhuak ta a, sual chu ka la sual reng mai. Kumthar ni bawka, college thar ah, nun thar nena bul tan chu ka tum ve ta a, Pol Sc tho chu ka la a, ka tuina alo ni ve zel bawk nen, thla khat vel zet ka kal hnu chuan athiam thei pawl ka ni in internal test ah pawh ka ti tha ber ta ziah a, ka rilru hi a chak ve hrim hrim ka tih tawh kha, mahse ka cheat miahlo nia aww. Kan college chu ka hne leh tan der tawh, zuruih a thiante nena nula khal sawi ho leh chak awm taw, bal zet xet in han nui thler leh duar duar ila, mahse a rem tawh silo, umm class kal ti nuam tu tur bialnu awng mai ang, ka lerh viau naa bialnu hi ka la nei miah lo, hmeichhe 2 vel chu ka ck pui ve tawh kha maw, mahse an ruih lutuk vang ania chu pawh, chuan ka la virgin ve ngat ania, haha. Tichuan ka thianpa Tluanga bulah chuan, “Hmeichhe chhelo deuh minlo tihpui teh” ka ti ta tawp a, “Khai a, kan junior tete si lerh lutuk”. Zawnga mai mai chu, ka hre ve tho keimahin ka zawng mai ang. Lunch break ah chuan meizial zu turin kan college canteen bula smoking zone ah chuan ka thu a, ka thiante zawng zawng Zuala tihloh chu kan senior an ni vek tawh a, biak an har talh tawh, ka chapo ve em avangin ka kawm peih bik lem lo, Zuala erawh phaiah a chhugten an dah daih lehnghal, ka van riang tak, ka lung a leng ve deuh, kan class ho an mizia tumah ka mil bawk silo nen, ninawm ho lutuk keimah pawhin ka awm thei. Ka inngaihtuah vung vung lai chuan ka hnung atang chuan hmeichhe aw nalh leh zaidam hmel zet chuan, “Kan class a mi kha i ni tiraw?” min rawn ti a, ka hawi let a

AWI...ngo reuh ve, hmeltha bawk si, eheee kawrfual khup thleng a ha lehnghal, achawn te chu ngo mai mai ve awww...nula i va chhelo ve, sap i ang lutuk, i ni hial lo maw? Ka duhzawng chu a ni ve chiang, mizo hmeichhia te hi hetiang em em hian an lo chhelo ve thei nimaw? Pian nalh bawk si, atawk chiahin a khal a, a ke te chu no chek mai, a famkim a ni tawp mai. Mahse he nula chhelo zet hi a thinlung ka tihnat sak dawn a ni tih leh amah vang hian kumhua in ka inchhir dawn a ni tih ka hre lawk hauh silo, ka nunthlak danglam tu tur anih ka ring pha ngai lo.

“Thianpa, ka biak che chu”

“ahhh..e.. aw ni e, keipawn i fel ka ti lutuk”

“Maw? kan class a mi i ni em ka tia lawm, haha”

“E..ahh i fel i ti maiin ka hria a..” (Ka buai vek, chhuanlam chu thing mai mai)

“Hmmh, ka awih lo e, nia i fel hmel khawp kha”

“A nih tak chu, hehe”

“Tinge thian i kawm ngai loh a, ka lo en reng thin che a?”

“ Nia keichu ka hmu ngailo che kan class kan tam lutuk a..”

“Hre biklo, chhan a awm aniang hehe, ka hming chu Puipuii ania?” (zei hmel reuh ve)

“MS-a ka nia..” tih pahin kan inchibai a.

“Thian i kawm ngailo mi, nangmah te hian i awm leh kur zel, i thiam thei reuh zek lehnghal”

“Aaa..nia ka kawm ngailo, nangpawh kha iva mal ve?”

“Awih awm loh, ka mal loh hi i bulah ka awm hi, hehe tak tak chuan keipawh thian pakhat chiah ka kawm a, Nunui a nia vawiin a lo kallo a.”

“Nihchuan vawiin chu inkawm ila tiraw?”

“Umm...i sawi har ka lo ti rengah..” (ava mak e, henu hi a lerh reuh phian ang, azei tlat)

Puipuii nen chuan chumi ni chuan nilengin kan inkawm a, bialpa ala neih ngailoh thu te, hmangaih neih a hlau zia thute min hrilh a, achhan ka zawh chuan, “Hmangaihna hi ka lak nat ka inring a, haha” tih ringawt in min chhang a, chanchin te kan inhrilh a, a fel phian lehnghal, kawm anuam reuh si, ka van duh tak, mahse k hrilh awmlo e, hmeichhia ke bem ngailo, an mahni tih turah ka dah tawp, engtikah tak nupui nei ve thei ang imaw? Hun a kal zel a athiannu Nunui nen min inhmelhriat tir a, kan pathum chuan kan inkawm ta ziah a, awii class kal nawm tawh zia chu nimai, ka tho hma in ka insiam hma thei em em a, ka nu leh pa te pawn mak min ti hle mai. Kan thian pathum chuan college ah chuan kan inzui deuh reng mai a, mahse tunlai chu Puipuii leh Nunui hian thuruk an nei tlat in ka hria, ka laka zep an nei tlata hriatna ka nei a, an in hrilru leh zeuh thina , achang leh ka hawisan zawk hlana insignal zeuh an ching ta tlat mai. Min ning em ni aw ka ti hman hial a, eng thil tak nge niang aww? Ka awm anva ti nuam lo em, ka inthlahrung lek lek zel. Umm.. atha e, ka la hrechhuak tho tho ang, awm chu nuam chiahlo ni. Puipuii hriatloh hlana Nunui chu zawh ka duh a, Puipuii hian ming nge, amah Nunui zawk hian min ning ta deuh tih lah ka hre silo, ka inringhlel rum rum a, ka thiantha tak an ni ve ve bawk si, huiz...what to do? Nikhat chu Puipuii class lo kal lo a, Nunui nen chuan nilengin kan inkawm a, kan inzui a, chance tha tak a ni, enge ka laka an thup hi ka zawt ta a, “Nunu, tunlai hi Puii nen hian in mizia a dang riau mai enge ni a, min ning deuh mi?” tiin ka zawt ta phawng mai a, ani chuan, “A teuhlo mai chutiang engmah awmlo, i inngaihbel mai mai nih kha.” tiin min chhang mai a, min chhang tha duhlo a sawi mawi zel sia, mahse nilenga ka zawh ka zawh takah chuan, “Diktak chuan maw, amah pawn hrilh suh a ti nang a, ka hrilh ang che, Puipuii hian ahmuh tirh atang che khan a duh em em che a, i bula awm nuam a ti a, thian neiloa nangmah chauh a i awm te hian a lo khawngaih thei lutuk che a, class kan tan tirh a tang tawh khan a mit ila nghal chat asin, Malsawm, a duh lutuk che hi ka bulah a lo sawi reng thin alawm, a insum zo lo a ka lo kalloh ni pawh khan kawm tur dang a nei silo a alo be tawp che nih kha, hril mai tur che in ka ti thina mahse a hmeichhia zawkin abem chu zaktheilo i tih a hlau ve sia, i duh let ve hun a nghak tawp mai a ni.” tiin min hrilh ta a. Khai aww..engthu nge ka hriat hi a fiamthu mi? Ka lawm lutuk, “Lal Nunu, tinge ,min hrilh vat loh, kei tak hian asin Puipuii hi duh ni, ka hmangaih hial hman asin!” Kei ve leh ringawt thin hi, ka hmangaih kher amawni le, umm kan inngaizawng dawn tih chu chiang phawt a kanla hria ang chu.

Atukah chuan Nunui leh Puipuii chu College gate bulah anlo titi a, kei lah pek chu aruka ngaihthlak ka chak tlat pek a, ka biru a ka ngaithla ru ta a.

“Pui, ka hrilh nia...”

“Oii, Nunu, lo hrilh suh ka tih kha, min duhloh phei chuan ka zak eeee”

“Nilooo, lo ngaithla teh, good news”

“Engtin nge tih, zaktheilo min ti ngawt ang.”

“Ngawi rawhhh, aduh ve che, niminah khan ka sawifel vek tawh, vawiin lunch break ah a propose dawn che, thingkung bulah khan alo nghak ang che.”

“Awii tak tak ami, ka awih thlawt lo, nang khawnge ilo awm ang?”

“Min ngaihtuah suh, chuan a hmangaih che asin, a sawi vek alawm, canteen ah lo nghak ang che u, e chuan in duh chuan in bunk daih dawn nia, ka thianpa nen kan lo present sak ang che u.”

“Nunu, dawt anih vaih chuan awww..”

Umm...Luch break chu ka va romantic dawn em, changtupa Romeo a che dawn e, hahaaaaiiii. Lunch break ah chuan thingkung bulah chuan ka lo nghak ta ngei mai a, arei phian lehnghal, alo thleng a, keimah zawk ka lai tlat nia, ka zak zawk tlat. “Minlo nghak rei em?” arawn ti a, kei chuan,”Rei love, iva nalh ve a vawiin chu.” tiin ka lo chhang a, “Hmmh...ihh englo, sawiduh i nei mi?”..azei reuh e.. “Nei nang, tunge ka nei ti a?” kei lah hi bum thei lutuk mai, “MS, sawi la, ka hre chak ania..” a ti a, “Pui, ka duh che, chuan ka hmangaih lutuk bawk che.” ka ti a, ani chuan, “I sawi hun hi ka lo nghak reng thin asin, Ms, keipawn ka duh lutuk che, mahse ka hmangaih che nge hmangaih lo che chu ka la sawi ngam lo, min hrethiam rawh aw?” tih pahin min rawn kuah a, duat takin asamah ka lo chul a, “enge maw min hmngaih ve loh le, sawi aharsat loh tehreng nen?” ka ti rilru neuh neuh a, ka kuai dak a, ahmuiah chuan ka fawp a, class pawh chu kan bunk nghal a, kan hlim dun kher mai. Oh My God...ngaihzawng ka nei ve ta. Nitin mai chuan nilengin kan inzui a, class kal turin ka sawm a, kan haw rual a, Nunui pawn ngaihzawng thar alo nei a, kan inkawm tawh ngailo, kei leh Puipuii chu kan induh tawn bawk a, tudang kan ngai ngai lo. Hun a kal zel a, min duh telh telh mai hian ka hria, nikhat phei chu KA HMANGAIH CHE min ti hial a, kha kha nimai lawm, aharsa lo ka tih mawlh mawlh kha...haha. Mahse khawi khawiah emaw kal hi a ti zing mah mah a, chuan kan inhmu zing lutuk hi chuan tlem chuan ka lehkha zir min tibuai ve lek lek thin. Abulah pawh insum turin ka hrilh ve fo a, a nui sen sen ringawt zel a, ka thiante pawn an lo hre ve a, min lawmpui kher mai, father Hitler-a beng a thleng ang tih chu ka hlau hle mai, ala hre ve lo chu nih hi.Inhmuh a rawt zing lutuk hi chu, thiante nena inkawm hman pawh hi nilo, zu in a la phal thak lo zui, inti thu reuh mange. Umm tha vek e...aruka in zeuh zeuh chu ka ching ta tho a, achang chuan a pangchang thei lutuk hi chu ka ning ve deuh, “Pangpar pawh minla lei lo reng reng...Minlo bazar pui lawk...Zanah inhmu ang aw....Round mai mai ila...” ti reng ringawt mai, ka ngai lo a ni bik lo, mahse a over mah mah ka ti thin ani, mahse ka thu sawi hi chu a zawm ve deuh zel a, inhmuh ka duh hun hunah a hna thulh thak thakin min zui a, a fel leh lawi bawk si.

Nikhat chu kan indate lehpek alawm le, hahthlak thei, indate te hi a uar leh lutuk a, “Ms, ka hmangaih che.” a ti a, a van sawi zing tak. “Keipawn ka hmangaih che lawm, tinge nitin i sawi ziah a?” ka ti a, ka vin deuh hlek a, ani chuan zaidam tak hian, “Nitina hrilh che ka duh alawm, min hmangaih ve tiraw?”. Chu zawhna bawk chu, “Ummmm...ka sawi sawi hi, nitin min zawt a, ka chhang peih tawh lo che.” ka ti deuh hlur a, “Ka ring lutuk che nia, ka thinlung zawng zawngin ka hmangaih che, duhtak min phatsan miah suh aw?”..avan inla zei thei tak, engtik lai mai pawh hian romantic a tum mawni??? “Aw aw aw, haw tawh ang ka chau mut ka duh.” ka ti vin hlur a, ani chuan zaidam tak hian, “Duat, thil pakhat ka hrilh ang che aw haw miah suh aw?” a ti a, hetah hian alawm kan inkar a khik tan tak chu.

“Thinrim miah suh aw, zu rim i nam deuh in ka hria, in ka phal tawh lo ka tih kha, chuan achang hi chuan min nin hmel thei e, min hmu hi i hne deuh mi?”

“Ni love, tlem chuan insum ve ila, ka thiante nen pawh kan inkawm hman hlei nem.”

“I thiante ai chuan ka pawimawh zawk lo mi?”

“I pawimawh ber alawm, mahse i over lek lek thin, ka ngailo che a ni biklo a, mahse ka ngai che i ti reng a, min ringhlel ami?”

“Ni love, ka ngai thei em che alawm, ka bula awm reng turin ka duh che a.”

“Kan inneih hunah kan la awm dun dawn lawm, inhne khawpin kan la awmdun dawn, chumi hun chu i nghak hle hle theilo em ni?”

“Eng a, ka hne ngai lovang che, thinrim kher lola.”

“Ka thin i ti rim khawp mai, ka lakah hian thuneih i tum leh luuk, haw nghal ang.”

“Inhauh ka duhlo nia, umm ka tihpalh lutuk duat, ka hmangaih che.”

“Enge maw i sawi reng le, haw ang.”

(Lehlam a hawi a, atap tih chu achiang, hlim hmel put tum tih hriat tak hian mittui tling chungin a rawn nui a)

“Awle, haw ila”

Chumi zan chuan tlemin a inthlahrung deuh nge, min muttui hma khawp mai, diktaka sawi chuan ka hmangaih che ka ti ve bawk a, ka hne deuh tawh a ni, hmangaihna hi enge a nih chiah ka hrelo nge ka sawi ve mai mai zawk? Ho emai, buai peihlo mu hmak ang. Nikhat chu kan thianho a kan awm khawm laiin min rawn phone a, “Duat, vawiin chu Ramhlunah min kal pui lawk la, kalpui tur ka nei lo a, mawh plizzzz”, hlim ve tawh tehreng nen, zu pawh no khat bak ka la lem lo, “Nunui sawm mai la, ka peihlo eee, ka chau lutuk, a pawimaawh viau mi?” ka ti a, ani chuan, “Nunui hmanlo a, ka nu kawr tur laklawk a ni mai, areilo ang.” Ka van ning tak em awwww “Min hrethiam la ka peih ngang lo.” A ngawi vang vang a, “Apawi lo e, keimahin ka kal mai ang, duat hahchawl la, i chau lo mai ang, ni hman nuam aw chuan I Love You.” Ninom sawi leh ta, “Keipawn” tih pahin ka dah nghal a, thiante nen kan hlim ve lawmle, min tibuai reng mai. Hun chu a kal ve zel a, thla 5 lai kan lo ni ve ta, mahse kan inbe khat in ka hlat tawlh tawlh a, nitin hian min hmangaih thu chu a sawi reng lehnghal a, apeih hi kan ti khawp a, hne awm ve khawp mai henu hi chu. Nikhat chu tlai ah minlo text a, “Nunui virthday ania, party a buatsaih dawn a, kal ve ila?” Peihlo viau mah ila a khawngaihthlak awm ve lawm, “Umm” tih ringawtin ka chhang a, zanah chuan ka insiam a, kan kal dun ta a. Kan lamdun vel a, nuam a ti phian a, ka hah tawh avang chuan ka thu chawl a, minlo zui nghal a, “Duat lam leh ang...reilo e minute 5 bak i lam ve lo”..”I lam peih si, i ning lo mi?” ka ti vin hlur a, “Lam hi nuam e, ka hmngaih ber nen a lamdun phei chu, ka lam leh chak mawwwhhh” a ti a, Cheng cheng a, ninawm “Ka peihlo haw ang.” ka ti a, phur lo tih hriat fahran hian a lu a bu nghat a, kan haw dun ta a, ahlimloh hmel hle mai, mahse enge ka thiamloh a nih na, ninawm em lawm, peihlo chung chungin ka chhuah pui a, aduh duh ka tihpui reng pawh hi a tulna ka hre lo, aaa..ka hne ani tawp mai, mi bulah lah hian min fak over thei sia, athian dangte min hmelhriat tir te hian min han sawi fel thei khawp a, avan over tak, achang chuan then tawh mai te hi ka duh, ka ning ve deuh tawh ani, mahse kan inngaizawng ve em em a, inthen nan chuan la hma deuh ni, nupui atan chuan NAHI....

Krismas a hnai a, veng hrang hrang te pawh an veng an incheimawi siak hi niringawt, mawi hlawm tak a ni, khawilai mai pawh chu a de sup sup reng mai, kan chhuak dun ve ngei a, “E taka Duat, zanin hi Nunui bialpa Ruata birthday a nia, party naah kal ve ang, ka lam leh chak tawh, couple dance kha nuam e, i peih reilo sia zanin chu reitawk aw duat?” A ti leh ta, ka va han kham tawh tak em! “Duhtawk rawh, lam lam lam ti reng mai, iduh leh mipa dang va lam pui rawh.” ka ti vin tuar a.

“I tawng hlawk thei lutuk, ummm kan kal lo ang, min vin tawh suh.”

“Ka ning alawm, ilam chak viau mi?”

“Chak e, mahse i peihloh chuan pawilo inhau lo ang.”

Ka thinrim laklawk tlat, ka lo rui deuh bawk nen, “Hmeli, i hneawm lutuk min tihbuai reng hi i tum ami?”

“Hmeli min ti amaw, MS ka ngawi tawh dawn lo, nang hian min hmangaih ve hlawl lo nih hi.”

“Ka duh duh danin ka ko ang che, hmangaih theih turin awm ta che, engtik laipawh a inhmuh tireng mai.”

“Ka lo ring sual che ani, i mizia diktak chu ka hmu chiang khawp mai zaninah hian, ka hmangaih che asin.”

A ti leh ta, “Hmangaih hmangaih ti suh, hmangaihna hi ka hua, ka thiante nena awm ho pawh theih loh, ngaihsak reng i phut a, min tibuai hneh lutuk, zu in pawh i phallo a, ka thu thu ani, i hria em?”

“Ka hmangaihna che hi ilo hua amaw, Ms...ka rilru leh thinlung hi i ti na asin, ahliam hi a dam leh tawh ngailo ang.”

“Hua e, nang pawh hi ka hua che, hmeichhia te te si, min chhang zuah zuah a, haw rawh ka thlah peihlo che!”

A tap pur tawh mai a, “Malsawmdawngzual, i lo mak hle mai, nang hi ilo tenawm takzet ani, i rui lehnghal amawni, zanin hian min lo play mai mai ani tih ka hmuchhuak ta, hmangaih ka nei ang tih ka hlau thei em em a, mahse nang ka hmangaih che khan ka lo lawm ve hman viau asin, ka hlauh ang ngei ngeiin ka hmangaih hmasa ber chuan min ti na ta si maw, i duh ang chuan ka kalsan ang che.”

“Kal rawh kal rawh, Lalnunpui, zaktheilo lutuk, zaninah hian kan inthen nghal ni rawh se, min tibuai tawh suh, mangtha!” tih pahin ka nem sawk sawk a, ka rui lungpuam thinrim tawh nen..ka sa pup pup mai.

(Mittui tling teuh chungin min rawn pan hnai a) “Atawpna atan, duhtak ka hmangaih che, min tihnat avang hian ka theihnghilh ngai lovang che. Mangtha!” tih pahin ka hmuiah tak chuan min fawp a, ka thinrim lutuk chu ka nem pawp a, “Zawngi!” tih pahin a hmaiah chuan k beng hawi sawk a, ka kalsan nal nal a, ading reng a, nasa takin a tap a, atap ring ngei mai, athu hnawk a, ka hawilet zeuh zeuh a, kawng kawia ka kalliam thlengin min en a. Ka ngaihtuah ve deuh, misual a tawk mai ang tih pawh ka hlau ve lawm le. Ka ti mah mah ani, mahse min tibuai tu an awm tawh dawn lo, nuam singkhaw. Chumi zan chu ka muhil thei miah lo, ka rilru ah inthiamloh na a awm ve deuh tih chu ka hai lo, mahse ka chapo a, ngaihdam dil emaw, let leh chu ka tum miah lo, ka hua a, ka ning a, keimah pawh hi ka inhua, tinge hetia ka awm, min tibuai tawh lo anga, ka hlim ve tawh dawna, ka duh duh ka ti thei tawh dawn nilawm ni, mahse tinge ka hlim si loh, avan hrehawm tak em! Ka zalen ta...ti a hlim leh lawma lam vak vak tur ka nih laiin tinge ti hian ka awm tak???? ANU...I FAPA HI MINLO THLEM!!!

Krismas leh kumthar vuakvet laia inthen kan ni bawk a, zu a tam bawk a, ka sual ngei mai, zantin ka chatthla deuhthaw a, hmeichhe hrang hrang ka mutpui a, athen chu call girl te an ni in ka hria, tinge tiang hian ka awm ka hre lo, ka thiante pawn mak an ti khawp mai, Puipuii hming an sawi rik ringawt pawhin ka rilru a na em em a, ka mitthla ah Puipuii ringawt a awm a, engtik lai pawhin ka ngaihtuah a, ahrehawm ka ti takzet, ka ngai em em a, ka vin vak vak a, inhmu tura min sawm laia ka lo hnial ziah laia thinrim miahlo a minhrethiam zel te kha ka ngaihtuah let a, zantin mai chuan zu ka in a, ka inngaihtuah lungpuam a, ka tap nasa thei hle mai, ka nun hi avan hrehawm em, ka inchhir ngawih ngawih a, minlo va hmangaih ve Lalnunpui, ngaihdam dil ceh ka duh mahsem engtikah mah min ngaidam tawh awm silo, ilo van tuar nasa em, kei ang mipa tenawm tak hi minlo va hmangaih awm em em ve! Mipa tha zawk i phu ani, mahse lengdang tang bel tur chuan ka phal silo che, min ngaidam miah suh aw...Kum alo thar a, thla 1 lai kanlo inthen ta, ka cher vek a, chaw ka ei peihlo a, Hitler-a lahin min lo ringhlel ve reng bawk nen, min dawp thul, ka nu in minlo tan leh bawk, angai te bawkin maw, kan va indaihzai hlawm tak. Class kan kal leh tan ta a, Puipuii chu hmuh ka chak tawh hle mai, thla 3 zet ka hmuh tawh lo, mahse ka va hmu hreh si em. Class kan kal a, ahmel hmuh tur a awm lo, alo kal lo aniang, atukah pawh lo kal chuang lo, kar khat aliam hnu pawn alo kal theilo.Ruata (Nunui bialpa) bulah chuan ka zawt ta tawp a, “Ruata, tinge Puipuii hi alo kal ngailoh a?” ka ti ta tawp a, Ruata chuan thingkung bulah Puipuii nen kan inhmuhna thin ah chuan min ka thla dawr dawr a,engmah sawilo chuan min hnek ta siah mai a,ka thla tawp mai,ka tho a, a aia na in min hnek leh siah mai a,ka thal leh chiang kher mai,tha angah reuh phian, vin mangkheng in, “Malsawmdawngzual, nang hi khawvela mipa mawl ber i ni, min zawt har ka ti reng a, Puipuii khan a thinlung zawng zawngin a hmangaih che asin, mahse i mawl vangin i chan ta si a, i hmangaihlo anih chuan tinge i nihpui si a? A rilru ana lutuk a, achhung ten thildang zir turin Shillong-ah an dah daih tawh, engtikah mah i hmu leh ngai tawh lo ang, in inthen zan khan i kalsan daih sia, min rawn phone a, ka va lam asin, a bialpa i ni lawm ni? Chuan tunah chuan bialpa dang anei tawh, i chang tawh lo, anumber athlak a, nuntharin anung tawh, vawikhat mah va be tawh suh ang che, chuan he message hi i tan atawpna atan tiin min rawn thawn a, lo hrlh tur che in min ti a, ka rawn forward ang che.” a ti ta a. Min va deng na em, bialpa dang a nei amaw, ni e..he tiang thil tawn hi chu ka phu a ni, min rawn thawn a, class pawh kal full lo chuan ka bunk nghal a, ka haw a, room ah ka lut a, message chu ka chhiar ta a.

“Duhtak ka hmangaih leh duh ber Malsawmdawngzual, ka va han ngai tak che em, tun thleng hian ka la hmangaih che asin. Ka hmuh tirh atang che khan ka duh em em che a, kan inngaihzawn ni khan, min duh thu i sawi ni kha, khami ni kha khawvela ka hlim ber ni ani asin. Min ngaihsaklo hle mahla, ka bialpa i ni tih ka hria a, ka hlim em em tho a, duat ka hmangaih lutuk che. Mahse he thu hi i hua tiraw, min hrethiam rawh ka sawilo theilo a ani. ka thinlung zawng zawngin ka hmangaih miau si che a, mahse ka ta i ni tawh silo. Duat, i lo sual hle mai, inhmuh ka chak a, nitin ka sawm che a, mahse min hnial zel a, ka chau i ti a, i thusawi anih avang in ka awih zel asin. Tunah chuan i hlim tawh ang tiraw? I inchhir a, ngaihdam min dil ringin ka lo nghak che a, ngaihdam min dil la chuan ka ngaidam mai tur che a nia,mahse i ti silo. Khami zana kut minthlak chuanga zanlaia min kalsan zan te khan ka hlau asin, zanthim hnuaiah i bialnu nangmah hmangaih em em tu che i kalsan a, min ngaihtuah lo ami, misual tawk ta ila, min pawngsual ta se, min khawngaih miah lo em ni? Ruata ka phone ringawt phah a, i nunrawng ka ti ngawih ngawih. Tunah chuan ka hlim ve tan tawh asin, min hmangaih ve tu ka tawng tawh a, min bem a, kar 3 hnuah ka chhang chauh a, chupawh nangmah theihnghilh nan chauh asin, ani nen chuan ka tehkhin phallo che, ka la hmangaih daih zawk che, ani chu nangmah theihnghilh nan chauh ani ka hman ni, mahse ka hmangaih reng che hi a rem tawh silo a, zawi zawiin ka hmangaih ve thei mahna. Atawpna atana ka kiss che avang khan min beng a tiraw, minlo ten hle mai, hlim reng ang che aw ka hmangaih, Mangtha aw.

Nangmah hmangaih em em tu Lalnunpuii.”

Ka mittui chu a sur hian a sur zung zung mai a, ka van inchhir tak em, chhanlet ve che ka van chak tak em, Puipui, min ngaidam miah suh aw, ka tihpalh, atawpna atan he thu hi ka hrilh ang che aw...

“Puipui, Lalnunpui, min ngaidam miah suh aw, ka tisual ani, mipa tenawm tak ka ni. Kan inhmuh thinna thinkung bul te hian ka lung avan tileng em, mahse keimah chauhin ka awm tawh si, i awm ve tawh si lo, ka thianten i hming anlam rik ringawt pawhin ka na asin, ka ngai lutuk che, pangpar leisak nachang che pawh ka hre ngailoa, ka bialnu tan ka va uikawm em! Ka zak ani, mipa pawh ka nilo hial in ka hria, kawnglaia kan kaldun pawhin i kuta vawn nachang ka hre ngailo a, ka hun awl pawh i tan ka hmang ngailo, party naah couple a lamdun i chak theihzia min hrilh a, mahse ka kalpui peih ngai silo che a, ka van mawl tak em! Ka chapo vang vek ani, engmah ka ni bik silo. Duat hmeichhe chak leh tuarchhel tak ilo nih hi, tunah chuan ka tihsual te ka siamtha thei tawh silo, ka mit ka chhin apiangin i hmel alo lang zel bawk si. Hmangaihna hi kalo hrethiam ngailo a, mahse tunah chuan ka hrethiam ta, ka kalsan atang chiah che khan ka hmangaih che tih ka hre ve chauh asin, Puipui ka hmangaih che, mahse a tlai tawh si. Ava na em, ka diklo a ni, ka tlai tawh tih ka hria, engkim siam that a bul tan leh ka duh mahse atheih tawh silo. Duhtak, Chu i mipa tawnthar i sawi chuan pangpar te leisak che in, i kuta vuana i duh duh naa kalpui che in, a hun awl zawng zawng i tana hmangin, party naa lampui che in i ta ka nih lai a ka thil tihtur ka tih tak loh zawng zawng te kha a tihsak vek che ka beisei, Mangtha le.

I tana tling lo leh mi tenawm tak Malsawmdawngzuala”

“I hope he buys you flower, and held your hand
Gave you all his hours, when he has the chance
Take you to every party, cause I remember how much you love to dance
Do all the things I should’ve done
When I was your man.”

(A tawp ta)