IN TAWNG LEH NGEI ANG AW BY Mami Ropari Ralte

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

IN TAWNG LEH NGEI ANG AW BY Mami Ropari Ralte

Unread post by Ngaia » May 8th, 2016, 11:54 am

"Lalhmingsang...."
Kan lam pana hmeichhe lokal chu kan en reng a,a hmelah chuan huatna leh thinrim na in a khat tih a hriat theih. Hmingsanga kut chu ka vuan nghet sauh a,a hmel ka en chuan a beidawng tih ka hrethiam nghal. Remruati chu kan bul alo thlen chuan Hmingsanga nena kan inkaihna kut chu rawn lakthlak pahin a mit huatna a khat chuan min en a,"vawi engzatnge ka hrilh tawh che,ka pasal la nimai tur hi hmu tawhlo tur che in.i luhlul reuh hle mai" ka lam hawia a kuta min kawh sawk sawk pah chuan a ti hlaih hlaih a. Mi kawngkal te chuan min en hrek hrek ni hian ka in hria, Hmingsanga ka en a ka haw ngawih ngawih heti khawpa mipa dawihzep,ka thlavang hauh a Remruati chu a hauh ka rin tehreng nen,ngawi rengin alo ding mawl ve tawp a. Remruati dul chu ka en a apuar lian ve lek lek tawh,,a pum chhunga naute chu ka hmangaih thisen ngei mai ani si.. Chutia Hmingsanga ngawi renga ding ka hmuh chuan ka thinrim lutuk insum zo tawh lo chuan
"Remruat i pasal hual hi veng tha zawk la,ka lak ata hi a kal bo theih nan min rawn ti buai tawh lo turin hrilh rawh" ka mittui a tling pam a,ka khap sawk a ka mittui chu alo luang chhuak der mai. mahse Remruati chu ala duhtawk lo nasa min tih mualpho hi a duh ve hrim hrim,,mi zawng zawng in hria se ti niawm takin min ankhum ta hrep a,,mipa ngaihzawn ching mi lepler mi inkar tih buai hrat..atam lutuk ka ngai thla ngam tawh hlawl lo..mi ho lah chuan min en thup a ka zak takzet min tihdan chu. Hmingsanga chuan kaiin kalsawn pui a tuma a ang ring tial tial mai bawk si.ka che sawn ngamlo,mi in min thlir thup si a ka mit ka chhing a ka beng ka hup tawp,thildang daih ngaihtuah luih ka tum a mahse min tawngkhumna kha ka bengah chamin a ri ring telh telh si.. Chutia beidawng taka ka awmlai chuan mi pakhat hian min rawn kuah a,tunge tih pawh ka hrelo ka thla a muang sawtin ka hria,a awmah ka hmai phumin ka tah khum ta nghek a,ka sam chu a chul heuh heuh a engmah a sawilo..chutia min kuah mek lai chuan.
"Saw en rawh nang hi a hmangaih ngai reng reng lo che,a bum kual mai2 che ka tih kha i hria in i hmu chiang tawh em? " Remruati tawng ri lang lang chu ka hria a,
niloo..Hmingsang nang hi ka phatsan ngailo che ka hawi chhuaka mahse ka hmu tawh lo,,ka zawng a ka tlan kual a ka rilru a hah takzet, Hmingsanga min ngaihdan tur mawlh chu ka ngaingam lo ani. Motor a an lut tur chu ka hmu a,ka au vak vak a hria ang pawn a awmlo an tlan liam thleng chuan ka um zui a ka au vak vak bawk a,mahse min chhang silo leiah chuan ka thu hnawk a.
.
Ka bulah chuan car alo ding a,,mi pakhat hi alo chhuak a lokal rawh ka thlah haw ang che ati a,nichina min rawn kuahtu ani tih ka hre thei
"Min kalbo san rawh,engvanginnge ka nunah ilo inrawlh nangmah vangin ka hmangaih ka chan phah i hria em?? ka hua che ka haw ngawih ngawih che" ka tap a,minlo kuah leh a tum chu na takin a kut chu ka paihsak a, "mi in an en thup che ania,i inti mualpho mai mai lo kal rawh ka thlah ang che"tih leh min put a rual a a motor ah chuan min dah lut a.Rang deuhin a rawn thu lut a min tlanpui ta nghal a,ka ngawi reng a ka bula thu mipa hi kA haw ngawih ngawih kan inkawtah tak chuan a dinga..
"i chhuk dawn nge,kan inah ka hruai haw dawn che"
ka harh chhuak thut a,rang taka chhukin in chhungah ka luhsan nghal s,in chhung ka lut chiah thik hriat chhuah ka nei khapa kha ka hmelhriat pawh ani miah silo a,engtinnge kan in a hriat theih ni??mak ka ti lutuk chu ka rilru na pawh ka theihnghilh hman hial,engvanga min kuah nge anih engvang a min tanpui nge,ani kha chu awnlo se ka zah tur si zia kha ka kaksawn ngam awm silo. Mahse ka hua Hmingsangan min rinloh zual phah dawn tih ka hria.
.
Ka khumah chuan ka bawk thlawp a,vawin ka thil tawn kha ka ngaihtuah a ka rilru ana lutuk awm ngaihna reng ka hrelo.
...
Higher atang hian Hmingsanga nen hian kan in classmate chho char char a,college kan kalna a in an chhoh zel avang in kan in pawhin kan in kawm nel chho ta a,ka hmuh hmasak ber na atangin ka starin ka duh nghal a mahse ka sawi chhuak duh ngailo,mahse kan inkawm ve thin tak avang chuan ka hlim in ka lawm tawk ve em em tho a,mahse bialnu a neih thu min hrilh tuma ka nat zia kha aw.. arukin ka ngaizawng a ka hrilh ngam silo aruk bawkin ka bansan a ngai ta si.. chumi a bialnu chu a fa pai mektu Remruati hi ani,bialnu a neih atang chuan kan lak atang a hrang ta nalh a,kan inkawm tawh ngailo hrehawm ti viau mah ila a bialnu nena hlim taka an awm hmuh ai chuan a tawrh dan thiam a awlzawk ang.
.
Mahse,an in ti thiamlo fo an in hau deuhreng emaw tih mai tur ani,an in tih thiamloh apiangin ka bulah rawn kalin a rawn vui thin a,ka theih ang tawk chuan ka lo hnem ve thin.
.
Zankhat chu test tur ka zir malh malh laiin ka phone a rawn ri a,Hmingsanga alo ni
"Hello!"
"Rawn chuak lawk tehh"
"Zan a rei tawh si a,lo lut zawk rawh"
"Lo chhuak vat mai teh"
"enge min hrilh tur chu,sawi mai......" phone a off daih,parda chu ka keu dek dek a ka va en chuan a bike nghengin alo ding a..a luhlul si a haw duh mai dawnlo tih ka hria ka callin a la duhlo tlat bawk si a,ka chhuak ta nge nge a..
.
Ka thinrim der a,ka ang chhuak tawn tawn a mahse ka thinlung chu a lawm ani engmah sawilo chuan min rawn kuah nghal a,ka lungphu hi a tawp hialin ka hria...a chungah thil diklo a thlengin a rilru ana tih ka hre thei ka lo na ve ringawt anih chu...rei tawk fang min kuah hnu chuan min thlah a,a thaw hawk a...
"Rinrin min tanpui rawh,i tanpui ka ngai"
"Engtin"
"ka bialnu lo ni rih teh"..ka phu zawk a..
"engvang in??"
"Remruati thik turin" ka na zawk,,in fiam nan mai mai atan chauh maw min lo duh
"ka theilo"
"i thei tih ka hria,nanglo chu min pui thei tu tur ka hre lo minpui hram rawh"... ngen takte a min ngen avang chuan a bialnu lema tang tur chuan a ngenna chu ka tih hlawhtlin sak a. a bialnu lema tang tura min duhna chhan pawh Remruatin kan inkawm min thik thin em avangin tihnat ve a duh a,, Remtuatin mipa dang kawpsanin a then a arilru na in a bialnu lem ni turin min rawn sawm ani..lo pawm mailoh chu tih theih ka nei silo..
.
A bialnu lema ka tan hnu atang hian ka duhna hi a zual ni berin ka hria ka in control theilo lek lek zel,ka sawi chhuak teuh thei viau ka duh thu hi. Amah lah chuan min ngaihsakin min duat thiam em em bawk si a,a bialnu tak tak emaw ka in ti hial thin a chang chuan,ka hlim viau a mahse ka hlauthawng si. Ani pawhin tlem chuan min endan hi a dang deuh emaw ka ti min ngaihsak dan em em hi.a thikthu hi a pe chhe thinbawk sia,ka bialpa lem lem hian nuam hi ka ti veng veng thin.
.
A bialnu treat tak takin min treat a,a chang chuan min duh ve nia ngaihchang a awm rum rum thin,mahse a mizia ve reng ani si a.A tak tak nise ka tiin ka tawngtai apiangin ka dil ziah thin atak taka ka bialpa anih theih nan.
.
Hmingsanga ngaihtuahna chu atha kher mai, Remruati chuan minlo thik ngei mai a rawn be leh zauh zauh tawh a, midang neihsan zawkah leh rinawm lo ah Hmingsanga chu a puh ta zawk daih a,ka thinrim kher mai mahse Hmingsanga chuan plan fuh a intih hmel khawp mai,chutia Remruatin a rawn biak leh takah chuan alem pawn ka bialpa ani thei tawh dawn silo a..keichu a hmanraw pakhat ve mai ka ni si.
.
Mahse awlsam taka kir tur leh Remruati chu lawm taka alo hmuah ka rin nen ani hauhlo,a thinlung a ti paukhauh ve tlat chuti maia awlsama pawm a tum tawh biklo in ka hriaa... Remruatin a rawn biak leh tak atang khan kan in pawh leh ta tlat lo a.hrehawm ka tiin ka rilru ana ngawih ngawih,mahse a lem vek ani si a , Remruati chuan a rawn zar nasa leh tawh hle.Ka rilru avan hah thin tak em.
.
Zankhat chu zanriah eikham hnu deuh ah a rawn kal a,thil min hrilh duh a nei tih a hmelah ka hriar avang chuan ka room lamah chuan kan in zui phei a,.
"va rawn kal hma ve,harsatna i nei leh tawh mi"
"Rinrin,ihhhh englo ania ka bialnu tak2 ni turin ka duh che..a lem mai nilo in"
"Mawhhhh!!...eng thil nge i sawi hi"
"Ka bialnu ini duh angem,a lem nilo in"... ka lawm lutuk hi zuan tawr tawr ka chak,mahse a hrethiam ang tih ka hlau a ka insum hram hram a...
"Remruati kha i hmangaih si a,atak nih kher ka phut lo a lem nih hi ka tan a tawk lutuk" ka thik thar leh vek aaa...
"Zan tam ka ngaihtuah tawh,nang hi ka hmangaih che in ka in hria.." chu thu ka hria chu ka lawm lutuk ka tap tep hial ani.Mahse engtinnge min hmangaih mai theih a hmangaih chu Remruati kha ani si a ,nge minlo duh ve tawh tak tak zawk.

"Hmingsang,keipawn ka duh che in ka in hria" nilo,ka duh mai pawh nilo in ani hi ka hmangaih ani,mahse duh lutuk anga lan kha ka duh bik hauh lo.
"ka van lawm tak em,ka ti na ngailo ang che Rinrin"..hlim takin kan in kuah a a vawikhatna atan kum tam ka lo vei ruk ve em em chuan min fawp a..mumang ramah ka cheng ni berin ka hria a hlimawm in a nuam ka ti takzet.
.
Hmingsanga nen chuan kan inkawp chho a, kan hlim dun hle tudang kan ngai biklo,nitin mai hian ka hlim zual emaw tih mai tur ani. Mahse,kan hlim chhung a reilo kher mai Remruati khan a rawn zar buai reng a,,an inah te len chilh in theihtawp in a neih let leh theih nan a bei a,, Hmingsanga pawh chu ka lak atang a hla telh telh a hriatna ka nei a,nidang a ang tawh lo ka bula awm te hi a inthlahrung riau a hriatna ka nei.
Vawikhat alo leng pawh a phone ensak ka tum a, nidangah chuan duh duhin ka en in min khawih tir thin kha ania tun tumah chuan en a phal ta hauh lo mai,ka lak luih sak a mahse password alo dah si min rawn laksak a tum a kan in chuh na lamah phone chu atla a,a thinrim in min beng sawk a ka insum thei thlawt lo chutia kut min thlak duh khawp khawp a a phone a ui chu,,ka mittui atla zawih zawih a i thu thu alawm i nun ania ,ka lo in rawlhna tur a awmlo ka ti a,, a inthiam lo hmel hle ngaihdam te min dil nasa a ka ngaidam mai theilo ani,ka rilru hi adam thei thlawt lo.

"i duh zawk thlang maila,hetia min tihnat kher hi angai hleinem i lo nunrawng hle mai"
"englo ania Rinrin ka duh lutuk che alawm,mahse Remruati hi ka thlah mai thei bik silo a min ngaidam dawn nia" na ka van ti tak, ka thinlung zawng zawng nena ka hmangaih em em thu min hrilh chuan min thawng na takzet,,thildang reng ka sawi theilo mittui tla zawih zawih in ka en a ahmela inthiam lohna ka hmuh chuan ka huatna a zual,hetiang ang mipa nep lutuk hi maw ka lo hmangaih a engtinnge ka chungah hetiang thil hi a tih theih. hetiang thil hi ka chungah a thlen ka ring ngailo a a vawikhat nan hmangaihna chuan ka thinlung a hliam ta.engmah pawh sawi zuilo chuan min hawsan ta a mahse ka lakah zep anei nia hriatna ka nei tlat a awmdan atang khan.
.
Khatiang thil a thlen hnu atang kha chuan kan in be ngai tawhlo a,biak ka chak thin hle mahse ka be ngam thlawt lo ani min phatsan a ka rilru min hliam tu hi,,thla thum vel chauh kan in zui na a ka hmangaih a ka thinlung zawng zawng in ka hmangaih , hun reilo te chauh ni mahse khawvela hmeichhe hlim ber ka ni ngei mai. Let leh turin ka beisei fo a mahse ka beidawng thin hle mai alak atang a eng thu mah ka hriat ngailoh avangin, hmangaih biahthu min hlan zawng zawng te kha a der vek anih ka ring silo mahse a der mai ani tih hriat nan min hnawl a,khawhar takin min kalbo san chu anih hi maw!!!
.
Zan khat chu zan tlai deuh tawh lamah hian alo leng thut a,ka hmu chu ka hamhaih khawp mai ka rilru chu ana thar leh a mahse ka ngai vawng vawng bawk si,engmah sawilo a kuah nghal tawp mai chu ka thil chak ber ani mahse a rem tawh silo. Ka chhungte mu turah room lama an luh fel hnu chuan ka lai khawp mai kan pahnih a kan awm dun chu sawi tur reng reng ka hrelo a,amah lah tawng a tum mai bawk silo hnuailam en a kun pah chuan ka thu ngawi reng a,ahnu deuh ah chuan ka hma a thingthit pah chuan ngaihdam min dil ta a. min hmangaih thu leh engtiklai maha min theihnghilh ngai loh thu te, Remruatin a zar nasat avanga ka laka inthiam lo anih thu leh a duh vang reng nilo a Remruati a pawm leh thu te chu min hrilh a,mittui tla chungin ka lo ngaithla a ,ka huat tehreng nen a ngaihdam dilna na thu kan hriat meuh chuan ka rilru a dam hmak anih chu. Pawm leh harsa ti viau mah ila a tello a nun khawhar zia hretu ka ni bawk si a,ka chan leh palh hlauh ang tih ka hlauh avang chuan a ngaihdam dilna chu ka lo pawm sak a. Chumi ni atang chuan kan in kawp leh ta a,kan hlim dun leh hle tawh, mahse harsatna hian min kiansan dawnlo anih hmel.
.
Zan khat chu ka number hriat ngailoh atang text message ka dawng a, ka chhiar chuan ka rilru a thawng hle amak ka ti lutuk,,,engtinnge a nih theih zawk !!
"vawikhat mah ka pasal hual hi lo be ve tawh suh, kan innei tep tawh" tih te mai hi,tunge niang number a rawn tisual aniang tiin chuan ka call ta a,,mahse a la miahloh em avang chuan message ka thawn let a "thil hriat sual i nei ani lo maw, i biak tum chu ka nih loh hmel" a hnu lawkah number ngai atang bawk chuan message ka dawng leh a,kan en chuan ka kut a khur a ka pumin ka khur ani ber mai,,ka chhiar nawn leh thin..

"number ka hre sual lo,Lalrinhlui inih chuan Hmingsanga hi vawikhat mah lo be tawh suh aw,,a fa ka pai mek" ... .. ka awih theilo, min tih buai hi tawpsan ala tum mailo ani maww i peih chen chen min ti buai rawh tiin ka reply a,,a thinrim ani ngei tur ani tawngkam na tak tak in min tawngkhum a, a fa apai a be ngai tawh lo turin min ti a,mi leplerh leh khawlo tak angah te min rawn chhuah a,ka rilru ana in ka zak takzet heti khawpa min ti ngam tur khawpin engge Hmingsanga leh Remruati inkarah awm ??
.
Hmingsanga ka call nghal a,thil awmzia ka zawh chuan a ngawi reng a ka thinrim lutuk chu ka ang hrep a ka tawng te chu a seh chilh nuai in ka hria. Mahse thinrim viau pawh ni ila awmzia a awm tawh silo,in sawi fiah tura ka tih lahin a ngawi tlat mai bawk si phone ala off daih zui. Ka tawt up up in ka hria ka rilru na lutuk hi ka lungphu te hi a rang zawt zawt hialin ka hria,,ka khumah chuan ka let ka let a,achang leh ka ding a ka vei kual a ka message dawn chu ka chhiar nawn leh thin..chutiang a rei fe ka awm hnu chuan ka phone chu a rawn ri ral ral a,Hmingsanga alo ni biakloh ka tum zetna a a insawi thiamna tal hriat ka duh avang chuan ka la a..."pawnah lo chhuak tehhh" a off leh nghal daih,tun ang dinhmun ah chuan ka hmu chak hlawl lo asin hetiang anga mipa nep leh chaklo lutuk hi,mahse thil tamtak hriat ka duh avang chuan ka va chhuak ta nge nge a.a hmel ka hmuh chuan lungngaihna nasa tak tuar hmel a pu tlat,ka thinrim viau na a a hmel mawlh mai chuan ka thinlung hi a ti na a mi hlim thei tak ni thin khan tunah chuan lungngaihna leh natna tuar hmel a pu,a rilru a hah ve hle ani tih a hriat theih, abul ka thlen chuan min kuah a tum a mi tenawmpa tihpah chuan ka namsawn dawrh a,ka in ring hman thlawt lo ka nam na deuh aniang a tlu tep a,ka inthiam lo hle mahse ngatinge min tina tu hi ka khawngaih leh thin ni.
.
"Min haw viau ang tih ka hria alawm,mahse Rinrin ka hmangaih che ani tih hi theihngilh ngai suh ang che. In sawi thiam tum pawn ka lo kal lo ka ngai em che a min kalsan mai ka hlau ani"
"Min tihnat hi ila duhtawk lo em ni? enge ka tihsual heti em em a rilru na a min siam ni"
"Min ngaidam thei dawnlo tih ka hria lawm,ka phut ngam heklo mahse i tello chuan ka hlim dawn silo ka thil tihsual in min vaw let mek anih hi"
"A hma atang reng khan i hmangaih chu Remruati kha ania ala ni reng fo dawn anih hi,kei chu lemchang mai ka ni i bialnu lem ka nia ataka min hmangaih kher a tul hleinem,e lem a min hmangaih pawh hi ka tan chuan a tawk lutuk, mi mawl tak ka lo ni ka hmangaih em che avang hian min hmangaih ve turah ka lo ring a,ka ring sual hle alo ni" ka mittui a rawn luang a..
"Nilo, Remruati kha ka duh lutuk thin ka hmangaih hialin ka in hria mahse nang tluka hmangaih hi ka nei tawh ngailo ang,ka tum reng ani biklo min zar nasa em em a kan inah te hial min len chilh in min umzui reng a,ka lo ti sual palh ani mahse ka hlimna leh lawmna ka engkim chu nangmah hian a awm asin Rinrin"
"I tihsual dawn khan vawikhat te pawh min ngaihtuah lo ani tiraw phatsan ka nih avanga ka rilru natur te hi, Hmingsang nang nen hi chuan a rem ngang lo ani ange,kan chunga thleng hi kan pawm thiam a ngai ani,"
"Ka theilo Rinrin nang chauh ka hmangaih che,engtinnge ka hmangaih loh chu nupui ah ka neih theih ang ka nu leh paten nei lui turin min ti mahse tun thlengin nangmah vang chauh hian ka la hnial fan fan"
"Hmingsang ka tana rinawm theilo hi ka pasal ni tur atan phei chuan ka ring ngamlo ani,ka tihpalh mangtha le" ka mittui chu ka hru a inchhungah ka luhsan ta a,, chumi zan chuan ka tap tlaivar thak.
.
Khami zan atang khan kar khat chhung chu kan in be ngailo a,ka hmu ngai heklo. Mahse ka ngai thin hle adam tha em a hlim zel em ti ten ka ngaihtuah thin a,,tlai ni tla tur ka thlir changphei chuan ka ngai zual takzet.Phatsantu chu ka la ngai in ka la thlahlel fo chu anih hi.Kharkhat aliam hnu chuan min rawn be leh tan a,mahse ka chhanglet ngailo harsa ka va ti si emm!! Remruati atanga message na deuh deuh ka dawng reng mai bawk a,min tih elin min diriam hle tih ka hria ka hmangaih min laksak avang chuan.ka la theihnghilh ngai reng reng loh a message pakhat chu "Zahna chang hre ve rawh mi inkar tihbuai hi,Hmingsanga hian engatanmah ati lo che i hmangaihna kha kan nuihzat thin,a fiam kual ve mai mai che a nang lahin ilo ngai thutak em em bawk si,zak ngawih ngawih tur inih kha,i phu hlawl lo beisei ngam tur pawh ini lo. lo be tawhlo la a lawmawm ngawt ang itan pawn atha zawk" tih hi ana ka van ti tak,ka tlawm ngawih ngawih. Vawikhat te pawh pawh ka be leh tawh ngailoh kha ani a,hetia dawt a min puh hi ka hua,ka ti buai ngai tawp silo. Achang chuan runluih ka chak thin ka duh phawt chuan ka neihsak thei tih ka hria,a call leh text message engzah nge ka chhanloh pawh a hre awm der silo. A harsa ka ti ve tho asin ka hmangaih leh duh ngawih ngawih text leh call chhan loh chu mahse ka hmeichhiatpui dinhmun ka ngaihtuah vang chauhin ka hmangaih chu ka kalsan a,ka duh vang bik ani reng reng lo theih nise chuan kumkhua a ka hmangaih nena lendun hi ka chakin ka thlahlel ngawih ngawih asin. Amah anga hmeichhe nasa ka nilo hlauh chu lawm zawk tur anih laia hetiang a min rawn rawngkhum thin hi chu ka insum theilo tep thin chu anih hi.
.
Ka message dawn chu ka en a, "In hmu lawk ang,vawikhat chiah chubak engmah ka ngen tawh lo ang che," . "ok,atawp na atan"
kan inhmuh na tur hmun ka thlen chuan min lo nghak reng tawh a,,min hmu chu a nui deuh sak a a nui hmel chu athat ngaiin ala tha reng,abul ka thlen chuan min kai dawr dawr a tlema hmun fianrial deuh ah chuan min thutpui a,tinge min biak duh miahloh a min biak hun tur ka lo chang reng thin asin tiin min kuah a nupui nei mai tawh tur ka be ngailo a tiin ka chhang a. vawiin chu nuam deuhin hmang ang aw,kan rilru natna zawng zawng te bo vekturin ati a ka lo bu nghat a. Ka rilru in hetiang a kan inhmuh hnuhnun ber tur ani tawh awm si a, nakin lawkah zuapa ala ni mai dawn si a vawikhat chiah inpawh taka amah nena hlim dun ka duh tiin ka ngaihtuah a. Bazarah te kan kal a, kan hlim dun em em a kan inkarah eng harsatnamah awm lo ang maiin kan nui dun a,nuam ka van ti tak chutia kan nuih dun lai chuan ka rilru a rawn na thar a ka bula ding mek min ti hlim em em tu hi ka ta ani tawh ngai dawn silo,ka mittui a rawn luang a insum ka tum a ka thei thlawtlo ka thei thlawt lo ani. ka mittui luang a hmuh chuan min hruk sak a min kaiin midang awmloh na lai ah chuan min hruai a,, min kuah ta vawng vawng a,a awmah ka hmai phumin ka tap ta hawmhawm a,ka rilru natna lehthawpikna chu bo duak se ka duh.

"Rinrin hetia kan awmhi angai kherlo asin, min ngaidam la itan chauh ka nung tawh ang,vawina inhmuh ka duhna chhan pawh zanin ah ka paten palai tirh an tum a,mahse nang lo chu ka duh silo vawikhat chiah chance min pe la,nang hian min kalsan ngai dawnlo ani tih min hrilh la ka pate chu theihtawpin an rilru lo hmin ka tum anga,a theih ngang lo anih pawn kan in atang ka chhuak mai ang,nang ka neih theih nan che chuan"
"Hming,kan chunga thil thleng hi ka mumang mai nise ka ti thin asi,mahse atak ngei ani si ka sawi tawh kha nangnen hi chuan khuanu ruat kan nilo kan pawm thiam mai angai ani"
"Nang chauh lo chu nupui a neih ka tumlo asin rinrin, min van ti beidawng tak emm!!"
"i hmangaih chu ka lo ni pawh ani mahna mahse Remruati nen chuan kan in anglo, i rilarah ngei a pum chhungah a awm si a i kalsan ngawt theilo, ka hmeichhiatpui ania ka hrethiam asin"
"engtikah mah ka hlim ve thei ngai dawn lo anih hi" a hmel chu ka en a ka lainat takzet na ati ve takzet ani tih a hriattheih..
"ila hlim em em ang chhungkaw tha tak in din anga, kan tuar ve angai alawm,i nupui leh i fa tur tan chuan pa tha tak nih tum ngei ang che aw,"
"Rinrin a harsa ka ti takzet,ka hun tawn hi ka tihsual avangin ka hmangaih miah loh nupui atan ka nei dawn chu ani si a ka in chhir takzet".... kan va lungngai dun tak em kan hma a thil thleng tur avang chuan,,atlai tawh deuh avang chuan hawn zai kan rel ta a,kut insuih rialin kan kaldun a kawngah mi tamna karah pawh chuan kan inthlah phal lo..Mahse Remruatin min lo hmu in min ti zakin mualpho tak khan min siam ta ani, Hmingsanga kha ka dem a ka thlavang a hauh kha ka rin ve tehreng nen mahse a nupui la ni mai tur chu a buaipui angai zawk tlat alawm ka dem hranlo. Ka ngaihtuah na ah chuan mi pakhat alo lang a TUNGE MIN KUAH A MIN THLAH HAW TU KHA NIANG LE??
.
Zan ka mut theih loh avang chuan ka online a,fb ah chuan message pakhat tlawng hi alo awm a,,kan en chuan JOHN SAILO tih message ani "A VAWI HNIHNA ATAN KA CHHANHIM LEH CHE" enge a message awmzia hi ka hre thlawt lo,tunge ti a a profile ka check pawh chuan ka hre theilo,sipai chu ani ngei mai a uniform atang chuan.. enge awmzi?? enge awmzia?? tiin ka reply a min rawn reply tawhlo,, atuk zingah chuan a message ka dawng leh a "Min hre tawhlo tak tak anih hmel,keipawn ka hmuh tirh che kha chuan ka hre nghal mai bik lo che mahse ka thil zawn ber ini sia atawpah chuan ka zawng hmu ta che a lawm, mahse khatiang ang thil nena ka hmuh che ka lo inring ngailo asin" .. tunge ka hre thei hauh lo, ka zawta "ila hria em, class 5 kannih laia school dang te nena ithian te an in tihbuai lai kha, nang chu i tel velo intihbuaina ah mahse an zinga i tel avanga an tih buai pui tena i school kal tur anlo tihbuai che kha, tah khan tap purin leiah ilo tlu anih kha,chuan tunge ka nih i hre tawh em??" ka ngaihtuah a ni dawn tak class 5 kan zir laiin ka thian kawmte leh school dang ami te an in hnial buai a,in tihbuai hi ka duhlo mahse an thian ka nih ve miau avang chuan min haw tel anih kha. Ni khat ka school kal tur chu kan intawk a, an thian ho chuan min man bet a min nuih sawh vein leiah min nam thlu anih kha mahse chutia mangang taka ka awmlai chuan kan class ami John-a chuan min rawn chhanin min rawn pui anih kha.. naupang tih takah kan buaina te kha ala ho ve em em a intihbuai te kha nuam an ti thin viau,mahse kan in haw zui em em lo. John-a thlalak chu ka en nawn thin a hmel alo dang tawh hle a awm ve tho kan inhmuh lohna a rei tawh em ani...kan naupan lai ka hre chhuak uar uar mai, John-a chu naupang ngawichawi tak leh zezawi tak kha ani thin a,naupang dang te ang lo takin a harh ve ngailo,thian a kawm tam lo a mahse min puih atang kha chuan kan inkawm thin a,a fel ka ti thei lutuk. Mahse class 6 ah chuan a rawn lut tawh miahlo kan school ah,an awmna veng ka hre silo a, tun hi a chanchin ka hriat theih awm chhun ani.

"ka hre lutuk che alawm,ka lawm lutuk ania min puihna avangin mahse ka ankhum nghek che sia ka inthiam lo,minngaidam rawh aw"
"a ho lutuk,,ilo hmeltha tawh lutuk a ka hai tep che alawm,naupang pawr chhip chhep ang khan hmuh che ka tum a,,haha"
"sual thiam leh lutuk nangpawh in sawi lo pheila chuan ka he tawh miah lo che,, ilo van lian tawh em em, nupui te i nei tawh em??"
"hehh,,nei tep ka nupui tur hi ala in peih chiah lo deuhin ka hria a"
"innu tur chu ka hmu chak hle mai,a hmeltha ngawt ang"
"midang hmuh dan chu ka hrelo a,mahse ka mitah chuan hmeichhe hmeltha ber ani"... ka ngaihtuahna chu a kal thui hle mai, John-a bialnu chu mi vannei tak ani ngei ang, hetiang anga mipa tha tak a tawng leh atana rinawm a nei hi.
"ka mut a chhuak lutuk a,ka mutsan phawt mai ang che muttui aw" tiin ka thawn a,,
"ok,kan inhmuh leh vat ka beisei muttui..chuan i number minlo pe la",ka number chu ka pe a .
.
Khami zan atang khan kan inbe ta ziah a,ka rilru tih thawven ka duh hrim hrim a amah chauh lo pawh mipa dang biak ka ngah mai,mahse ka chhungril nun hi a khawhar thin mipa dang ka biak te ho chuian min hriatthiam pui lo, min hriatthiam pui tu chu John-a chauh hi ani, ka ngaina em em a ka rilru a awm leh ka thawpik na te amah hnenah ka in bun ruak thin,dawhthei takin ka thusawi te min ngaihthlak sak thin a thinlumg takin ka pawh thei ani. Zantin kan inbia a,kan hun hman dan leh thil tih te kan in hrilh tawn thin.a chanchin te ka zawt a engvanga class 6 atanga bo ta daih nge anih tih te chu ka zawt a, shillong ah apu te bulah a awm thu te min hrilh a,Indian Army nih a chak em avangin class 10 a pass hnuah sipai a atlin thu te min hrilh a,a chawlh lai anih avanga a chhungte bula chawlh hmang tura rawn haw anih thu te min hrilh a,keipawn ka chanchin chu ka hrilh ve thuak thuak a,Hmingsanga nena kan inkar hi min zawt ngai miah lo ahma a thil thleng te kha hrelo ang maiin a awm,,hrilh ka tum lo hrim hrim bawk.
.
"leng turin min sawm dawn lo ami"
"ee,,ohhh sorry lo leng rawh,sawm ngailo in ilo len ka ring zawk a,,hehe"
"naktuk hun i nei thei angem,leng ila"
"ka hrelo le,hun neih chu ka lo tum dawn nia" zanin ah ilo len ve phawt angai ang,, ee chuan engtinnge kan in i hriat theih zawk?" ..
"ka hriatna rei tawh,,hehe"
"hmm..sawilo tawp rawh,"
"nih phawt aw, zan in chu lo len ka tum dawn nia"
"ok,bye"...

Zanah chuan alo leng ta ngei a, ahma kha chuan a hmel kha ka hmu chianglo hrim hrim ka tah avang khan mahse han hmuhchian meuh chuan ka zam rilru hle,a hmel a zahawmin a inchei smart em em a,ka mipa dream thin ang chiah hi ani mai..sitting roomah chuan kan pahnih in kan thu a, tawng nachang pawh ka hrelo ka zam ve deuh ka thian chauh ni mahse
"ivan nalh" ka lai lutuk,chutia nalh tih tawngkam a hman chuan..
"ka van lawm,nang zawk alawm ivan fel ilo leng duh a"
"len ngam loh chi ni heklo,min pawttu hi ana em ani" hepa hi chuan min tih zah dan hi chu a hre ve ngawt mai. thil tamtak kan inhmuh loh chhung a kan awmdan te chu kan inhrilh tawn a kan hlim hle,,kan tetlaia schoola ka chet chhiatna te,homework ka thiam loh avanga teacher ten min hremdan te chu a sawi chhuak a,ka hre tawhlo reng reng a rawn sawi chhuah takah chuan ka hre chhuak uar uar a alunglen thlak khawp mai. Zan a rei takah chuan hawn zai a rel ta a, Hmingsanga nena kan inthen hnu a ka la hlim ber zan ani ngei mai,min ti nui hnem takzet.

.
Khami atang khan Johna chu ka tan thian tha ber ani a,ka lungngaihna leh beidawnna te chu ama hnen ah ka thlen thin a a theihtawp in min hnem ve thin, Johna ka tawn atang hian tlem chuan ka khawharna chu a zia deuh a mahse ka nun chhungril khawhar na chu mi pakhat chauh in a hnem thei chu mipa chu min phatsantu Hmingsanga ani, a tello in hlimin nui thin mah ila chhungril ah ka hlim famkim silo ,ka ngai thin em em a nupui nei mai tawh tur anih avang chuan ka luhlul chhuahin ka be duh ngailo mahse khang hun zawng te khan ka mamawhin ka ngai ngawih ngawih thin. Thla hnih teh meuh johna nena kan inkawm hnu chuan ka ngaina ve hle tawh a,a chhan chu engkima min hnemtu leh min tanpui tu ka lungchhiat chang pawh a insum ngai miahlo a ka tahna ani tlat a ka ngaina lo theilo ani ,amah lah chuan min dawh thei em em a min tih hlim a tum hram hram thin,ka tan a inpum pekna te chu ka hmuh hmaih hauh silo chumi avang chuan a bula ka awm chuan hlim luih ka tum hram hram thin.

Johna chuan a chawlh neih hun chhung tur a hman zawhni chuan a hnathawhna hmun lam chu a pan leh ta a,thla thar atang chuan Delhi ah an sawn dawn tih te min hrilh a tuna a awmna ai fe chuan ka duhpui zawk,a ral muan zawk avangin. Johna akal hnu chuan ka khawhar na leh malna te kha alo lang chhuak leh a,ka lo awm thei ve fe tawh emaw ka tih laiin ka thian tha tak tello chuan engmah lo mai ka nih zia ka hrechhuak a ka ngai em em a, johna helama a awmlai chuan zantin lo leng in a hunawl apiang ah min kawm hlim tur khan alo kal thin a tunah chuan min ti hlim turin tumah an lo kal tawh silo,ka ngai ani.

Hmingsanga te pawh chu an innei a, fapa annei tih ka hria ka lawmpui takzet mahse an innei reilo khawp mai an fa thla hnih a tlin hma chuan an inthen fel der. nupa leh inngai zawng te inkar ah chuan tlawm zawk leh dawhtu zawk an awm loh chuan inzawm na a nghet theilo reng ani,inhriatthiam tawnna a awm loh chuan atawp ah keh chhiatna bak a awmlo,Remruati chu ka dem ve khawp mai ahnenah ka hmangaih kal tirin duat taka alo enkawl ka phut tehreng nen ,ka hmangaih chuan Remruati tawngkam na tak tak leh ankhumna bak a dawng ngai silo,duat tak leh hmangaih takin ,dawhthei takin enkawl sela chuan engtik ni ah emaw chuan Hmingsanga hian ala hmangaih ve ngei ang tih ka ring,khawngaihna avang tal pawn,mahse rinhlelhna leh diriamna bak alak atang a dawn miau loh avang chuan kalsan mai loh chu Hmingsanga tan tih theih a awmlo, ka dem hauh lo. An in then atang chuan min rawn be ngun hle a ngaihdam min dil reng bawk mahse kir ka tum tawhlo nat nawn ka duh lo ani,ka hmangaih lutuk a tello a nun harsa ka ti thin mahse tunah chuan ngaiin thlahlel viau mah ila a tello pawn ka nui ve thei tawh alawm chhungril ah lawm kim loh mah ila,,,engtikni ah emaw chuan ka la theihnghil ve mai ka ring tlat a chumi beisei chuan kir leh ka tum tawhlo ani. Mahse achang chuan ka kir leh lek lek thin ka hmangaih hi chuti maia theihnghilh chu a har ani. Johna nen khan kan inbe reng a,hun a nei tamlo thin khawp mai a duty loh kar lakah kan inbe thin,a lunglen thu leh min ngaih thu te a sawi ve reng thin a lo haw leh vat a chak thu te min hrilh thin,keipawn ka ngai a a bula hlim taka nuih leh kha ka chak ani. Mahse tunkum chu alo haw theih hmel siloh hei vang hian lawm ngaihzawng atan sipai neih ka duhloh naa....thiante mai mai pawh kan ngai in duh hun hunah a inbiak theih lohin an bulah a awm theih siloh a, khawhar takin kan awm reng mai anih hi.
.
Zan khat chu ka text a reply duh miah lo a,a online in ka message pawh a chhiar tih ka hre ve reng a mahse min reply duh miah lo ka thinrim kher mai, tawngkam na deuhin ka zuk text a ka phone ka off hmak a mutthilh mai ka tum a mahse ka muhil thei hauh lo,ka harh chiang telh telh mai si ka phone chu ka on leh ta ringawt a message 2 alo awm a,kan en chuan Johna message alo ni a, "ka ngai lutuk che" tih leh "i mu tawh ami, tinge i phone i off tlat? ka ngai lutuk che asin." tih hi alo ni a,ka chiar a ka chhiar nawn leh thin engtiklaiin nge ka nuih chhuah tih pawh ka hrelo ka lo khi vur vur a,ka hlim takzet mahse ka message hmu reng chung si a min reply duhlo leh hrelo ang maia minlo bia chu ka ngaihdan nilo ka reply duh biklo a,, kan thian dun thinrimna leh huat thu te hi a ho thei ania awww... inngaizaawng te pawh kan ang rum rum mai.

Zan khat chu min lo call a, min hmangaih thu leh min neih ngei a duhthu te min hrilh a, mahse kei chuan ka nunah mi pakhat chauh an awm thu leh ngaihzawng neih ka tum rih loh thu in ka chhang a, thian nih hi a that zawk thu leh thiante chu engtikah mah an inkalsan in an inphatsan ve ngailoh thu te ka hrilh a,,beidawn a tumloh thu leh min nghah reng tur thu in min chhang a phone chu a off ta daih a,,, ka thaw hawk a thil tamtak ka ngaihtuah a, diktak chuan tunah hian ngaihzawng anga biak 3 ka nei mahse ka rilru ka pe theilo,ka rilru natna chhawk nan mai ani ka neih ler min ti pawh ani thei mahse ka rilru damna tur anih phawt chuan hei aia tam pawh ka la nei mai ang,, inkawp tih hi ka duh ngailo mahse phatsan nih meuh chuan a lo har em em lo ania nge..ngaihzawng anga biak nei mah ila ani kher hi chu ngaihzawng angin ka lo la en ngai miahlo a ,zanin a ka bula a thil sawi ka hriat atang chuan ka lo ngaizawng ve reng emni le,tinge tiang hian ka awm ni ka ngai tharin ka duh zual emaw ni hial, mahse a tawpa ka rilru a awm leh luahtu ber chu Hmingsanga bawk ani,theihnghilh avan har em!!!

Khami zan atang khan min rawn be khat thei ta hle a, min biak loh tawp chu a thei biklo aniang mahse kan hlim ngai tawh miahlo rilru a vei nei tun chungin kan inbe ni berin ka hria,,mahse minlo be khat tawk reng, inbe lo chuan kan awm thei lo ani ber, Hmingsanga lahin min rawn be reng a, tha takin ka lo chhang ve mai zel achang chuan nunthar a bul tan leh mai te ka duh rum rum ani nen hian, ka ngaih ala banglo a ka hmangaihna ala kiam phah chuanglo mahse a nupui hlui chuan a zar leh reng tawh avang chuan a tluk leh mai ka hlau ani,,karah fa te annei tawh si a chumi avang chuan ka pawm ngam hrih lo,,ka ngaih ang chuan ahnu deuh ah phei chuan an inzui lai hmuh tur an awm leh zeuh zeuh thin chhuah vah nikhua hian,, phatsan ka nih tawh avang chuan phatsan a awm nawn ka hlau em ani. Hmingsanga erawh chu min rawn biak a bansan duhlo tha taka ka hrilh pawn,in inzui leh du du tawh alawm inla inkawp rem leh vat mai ang ka ti thin a, a thinrim thei khawp mai keimah vangah te min puh a bakah Remruati hian a fa chhuanlamin a rawn hel leh ani tih te min hrilh a,mahse kei chuan duhsakna hlan mai loh chu a hnenah sawi tur ka nei tawhlo,ka na tawk tawh Remruati min rawn tih na zozai te kha a tawk tawh em em lutuk ka tuar peih tawhlo ani.
.
Hun aliam zel a Johna lo haw hun a thleng leh ta reng mai ,min rawn hrilh ni chuan ka hlim lutuk hi ka tap lo chauh ani, min lo hmuak rawh a ti na a a chhungte nen kan la inhriat loh avang chuan a hmuak turin ka kal ngam talo a, a lawm lo hle mai a rawn thlen zan chuan a rawn leng nghal a kan han inkuah chuk chuk a,,ka dam sawng sawngin ka hria,
" naktukah min hmuah duh loh avangin chaw i rawn ei angai ang,ka chhungte pawh ka hrilh vek tawh"
"Engaahhhh! ka duhlo ka zak"
'min hnial lo mai rawh aw, ka sawmna che min tih thlawn sak chuan ka zak viau ang ka chhungte pawh ka hmu ngam tawh nang"
"aaaa,,,,ka zak alawm midangin ah chaw ka la ei ngailo hrim hrim"
"that hlauh chu i ei chhuah na hmasa ber tur ani mai lawm ,, ka chhungte ka hrilh vek tawh a ka chhungte avang tal pawn i rawn ei ka beisei" hnial ka tum viau na a a sawt siloh avang chuan ka aw liam ve ta ringawt a...zan a rei tawh deuh avang chuan a haw ta a, amak ani tinge a bula ka awm hian ka nervous tlat thin ni ka thaw tha ngamlo kha ka thawachham hial dawnin ka hria,, bakah Hmingsanga ka theihnghil hial thin asin,ani hi ani mailo maw ka tan a khuanu ruat chu tia ngaihtuah chung chuan zan mu ka chhing ta a.
.
Atuk khua alo var a,ka harh phat atangin thil hriat chhuah ka nei ka zam em em a,thulh leh hram se tiin ka ngaihtuah a an chhungte ka zah ve bawk si, a sawmna han hnar ngawt chu,mahse ka chak thlawt lo ani ka hreh takzet, ka phone a thulh leh mai tur a ka ngen lahin thulh an tumlo nasa mai si,ka nu a bazar vek tawh alo ti then a,,,huizzz tlaiah chuan minlo lam a, ka huphurh khawp mai ka bialpa chhungte anni lo mahse ka zam ani, achhan eng niang ka ngaihzawng ang hian ka lo en ve tak tak amani le,,ka hrethiam ta hauh lo. An in kan thlen chhuan anu leh pa leh api shillonga mi chu an lo awm a,ka lai kher mai minlo be zung zung a tlem chuan ka zahna a bo deuh,chaw kan ei lai a a chhungte thil sawi chuan min ti zak khawp mai, inneih chungchang te an sawi a Johna hian a chhungte bulah a bialnu angin minlo sawi ani ngei ngei ang,,amah ka va en chuan min en duh miahlo chaw chu a ei mawlh mawlh a, ka thin a ti rim kher mai mahse ka hlim ru phian lawi si. chaw eikham chuan an in chung zawlah kan thu mai mai a, chaw ei laia an thil sawi awmzia kha ka zawt a kinah ila hre mai ang a ti sam et a ,ka ngaihdan ani hauh lo a duh duh a min tih kual theih a in ring amanile alehlamah chuan a hlimawm phian si a a chhungte meuh pawh bum duh khawp a minlo duh ve hi ka phu hlawl lo,,
"engtinnge i chhungte lakah i insawi fel anga,i nupui nhi ka ni ngai dawn silo a i bialnu lah ka ni heklo,thian ni reng ang ka tih kha i theihnghil ami?"
"nang hi engtikni ah emaw chuan ka nupui ila ni dawn alawm,ila ni ngei bawk ang,thian chauh nilo kan inkarah hian thil tamtak a awm tawh sain,i tello in ka awm theih loh ang bawk hian nangpawh i awm thei biklo tih ka hria asin"
"i ngaihdan mai mai anih chu,,mi pakhat tello chuan ka awm theilo ngei mai mahse nang hi chu ini tlat lo" tinge ka luhlul ka chhuah reng mai le..... min rawn kuah a,nghet takin ka tal chhuak thei hauh lo
"i lungphu ri te hi ka hria sin i ngaihtuahna leh i rilru a awm te hi ka hre thei,nang hian i nunhlui ami chu i kalsan mek a ka hnen lam i rawn pan mek tih ka hria"...
"john tinge tiang hian i awm tlat,,thian bak ka lakah hian beisei suh chuti lo chu i na palh mai ang"
"thian ringawt ka theilo,nang ka kianga i awm chhung chuan ka na ngai lo ang,ka chhungte thleng pawh hian ka duh zia leh hmangaih zia che chu an hria ang, i nunhlui chu theihnghilh a harsa ang tih chu ka hria mahse ka pui dawn che alawm itan ka awm reng ang"....ka phone a rawn ri a ka en chuan Hmingsanga alo ni,ka awmna te ka hrilh a minlo hruai tur in ka ti a..."Hmingsanga ani tiraw?" ka lu ka lo bu nghat a, johna hmel ka en ngamlo a rilru na hmel ka hmu ngamlo ani,,mahse johna hi tihnat ka duhlo a bialnu ka nih chuan Hmingsanga vang hian ala na dawn si a a thian nih chiah hi ka duh ani,hmangaih ka nei si a ka kawp thin ang mai mai a nat tir ka phal ve lo ani,chu chu hmangaihna anih ngai chuan ka lo hmangaih ve ani mahna......Hmingsangan min rawn call tak avang chuan inhnuai lamah chuan kan chhuk a,a chhungte bulah chuan hlim hmel deuhin ka awm a,,mahse johna ka va melh chuan a hlim hmel loh nasa, a chhungten an hriatthiam mai ka hlauh avang chuan a kutah ka va vuan a,chaw eia min sawm avang chuan lawmthu te ka hrilh mawlh mawlh a pawna kaih chhuah ka tum chu a duh ta hauhlo,a chhung ten mak tih hmel deuhin min en bawk si ka va zak tak... ka kut chu la thla in a room lamah min luhsan daih a ka hrilhhai takzet a chhungte hlei hlei chu an hrilh hai a,zawhna mitmeng nen min en a,a nuamsam chiahlo a chuvang aniang kan haw phawt ange ka lawm lutuk ania ka ti a apa chuan ka lo thlah mai ang che chu Mama a nawmsan loh chuan a ti a, ka thian pan min rawn lam tur thu ka hrilh chuan an lawm vak hmelloh khawp mai thil awmdan chu an hrethiam nghal maiin ka hria,,engmah dang sawi tawhlo chuan ka chhuahsan a .. Hmingsanga chuan minlo nghak reng tawh a min hmu chu a hlim hmel khawp mai achhan pawh ka biak that leh tak avangin leh min hruai tur hiala ka tih avang chuan ,, kawngah chuan a tawng char char a lawmthu te min hrilh a ka ngaihtuahna chu hmun dang daih ah a awm thung, in kan thlen chuan in bual turin room lam ka pansan daih a,,rei tawk fang ka inbual hnu chuan ka chhuak a,ka lo theihnghil der ani Hmingsanga chuan lungawi loh hmel zetin min en a, ka nawmsam vaklo thu ka chhuanlam ta vel mai mai a, ahnu ah chuan a lungawi ve mai bawk a.. ka tawng duh loh em avang chuan a inthlahrung ve deuh aniang min hawsan ta a, Hmingsanga chu ka hmangaih engtiklai mahin ka theihnghilh ngailo mahse ani aia ngainat zawk leh rin zawk ka nei tawh tlat ani. An pahnih hian ngaizawng lo ve ve ila atha ani mai midang daih lakah rilru pek chu ka tum ta ngar ngar a,mahse a har ani, ka nun ruak leh khawharna min hriathhiam pui lo tu laka rilru pek chu a tawpa ka ngaihtuahna a lo lang chu JOhna bawk ani. Mak ka tih ve em em chu heti chunga min duhna ka hnawl sak chung pawh hian min biak loh phah chuang lo.
.
Zankhat johna lo leng chu ka phone charge alo en pek a,midang nena kan in biakna chu ka delete silo a thinrim kher mai mit sen ram chung chuan min en a,ka tha a khur vek thei..
"hei vang hian ani maw sirah min hnawl a ,thian atan chauh min duh ni.." ka ngawi renga..
"Rinrin ka lo ring ve em em che a, i rilru na leh beidawnna te ka hmuh khan ka lo na in ka lo tawrh pui thin che a,mahse ka rin ilo anglo hle mai, mi pakhat mai pawh duh tawklo in pathum ngawt mawww...mihring hi alo inhriat chian loh theih ngei mai.."
"i ngaih ang ani lo John'
'enge ka la hriat ngai awm ,min pawm theilo anih pawn ka la hrethiam che a i thian tal tiin tlawm takin ilakah ka awm a mahse he thil hi ka pawm zam theilo ani, ka thian atan ka pawm thei lo che . phatsan natzia leh hreawm zia hrechiang ber tu ini si a,engvangin nge midang chungah i thlen tir ve kher ni?? ilo nunrawng ber zawk anih hi,ka tlawm tawk tawh e,,ka thei tawhlo ani '" tiin min kalsan a,, ka tah a chhuak ka tap thei silo, min kalsan meuh chuan ka lo ngainat zia ka hre chhuak a,engtinnge a tello in ka hringnun hi ka hmachhawn tak ang,tun thleng a min khalh kal ber tu chu amah kha ani asin. Ka lak atang hian ka kal tir theilo ang,, ka zak lutuk engtinnge ka hmachhawn ngam leh tawh anga. min hmangaih thu min hrilh lai khan ka rilru ti paukhauhin ka lo hnar sak a tunah chuan anin min kalsan thung tawh si,, thian mai ani lo ka pasal atan ka duh ani engvanginnge ka rilru kha alo chawmawlh ni,,ka va hre chhuak har em em ve,,ka hriat chhuah meuh chuan a tlai tawh si min kalsan tawh., ka luhlul man ka hmu ani hi.
.
Zan ah pawh chuan ka muhil theilo ka mittui chuan ka lukham chu a ti huh zawr a,,min kalsan hlen ang tih ka hlau ani ka hmangaih in min ti na tawh a tunah ka thian tha tak vangin ka tap leh mek si, nilo ka thian mai pawh nilo ka pasal tur atana ka duh thinlung taka ka pawh leh ka ngainat in ka sual avangin leh ka bum avangin min kalsan dawn ta si a,mahni inthiam lo chung chuan ka tap a ka in haw ngawih ngawih a,,chutia ka tahlai chuan ka phone ri chuan min ti harh zawk a ke en chuan Johna alo ni,,phur takin ka la a ka suangtuahna ah chuan ngaihdam ka dil anga a bialnu ni tura min sawmna kha ka pawm ang,,tiin ka ngaihtuah a,,mahse aw ri chu amah ani hauh lo..ka khur dar dar a
"Hello! tunge ka biak?"
"ihh,,Rinrini..tinge tunge inih khawiah nge john?"
"phone nei tupa hi john emni,,hei a accident a civil hospital ICU ah a awm mek a biak hnuhnun ber nang ini sia in in hriat chian takin kan rawn bia che ani"...ka phone ka thlauh a,ka tap chhuak theilo ka a vekin ka hria ka au a,,ka kawr ka pawt vak vak a,ka tap chhuak ta hawm hawm a ,ka tap thawm ah chuan ka chhungte anlo kal a enge thil awmzia min zawh lahin ka chhang thei silo.ka tap a ka tawng chhuak theilo ani,ka nu chuan min kuah a ka pa chuan thil awmzia hriat tum chuan chhuata ka phone thlauh chu a la a, ka biak hnuhnun ber chu a call a pawnah a chhuah pui ta daih a,,a hnu ah lo lut lehin ka nu chu insiam a damdawiin a kal angaih thu a hrilh a,ka nu chuan mak atih hmel khawp mai mahse ka pa a hmanhmawh hmel em avang chuan engmah pawh zawt buailo in a insiam a,,min kai a kan pathum chuan damdawiin lam pan chuan kan kal ta a,, ka pa motor khalh chu a ngui khawp mai ka nu chuan enge thil awmzia a zawt a,ka pa chuan alo hrilh mawlh mawlh a,,ka tap bang theilo min kalsan ang tih ka hlau em ani.. damdawiin kan thlen chuan johna chhungte chu ICU bulah chuan anlo thu thap a,,a chhungte ka hmuh chuan ka lungchhiat a zual a ka tap hnang hial. Johna chu hmuh ka chak em em a,mahse doctor ten an rem ti rih silo,,pawnlam atang chuan ka en a,chutia ka en mek lai chuan a thawk a rawn buai a doctor leh nurse te chuan an buaipui nghal a, nilo ani theilo, a theihloh tinge hetiang a min fiam ka en ngam tawh thlawt lo,damdawiin pawn lam pan chuan ka kal a,,ka hma ah enge awm pawh ka hrelo,ka kalna pawh chu khawilai nge tih pawh ka hrelo ka a vek ani hial,,ka nu chuan min rawn pawt ding a, khawnge kal i tum johna an buaipui mek saw abulah va awm rawh, min kai dawr dawr a ICU lam pan chuan ,,kan thleng phei tep tih ah chuan zawi sapin "Nu ka theilo ani" ka ti a,ka nu chu a ding chawt a,min en tlawk tlawk a,,chutia kan din mek lai chuan doctor chu rawn chhuakin pawi an tih thu leh Johna chu an chhan theih loh thu a rawn sawi ri ka hriat chuan ka nghing dawt a,ka mit a vai ruai a,,ka tlu hnawkin ka hria.
.
Ka mu ka harh chuan ka hawi kual a,ka room ani hauh lo ka nu chu ka kut vuanin alo muhil a ka kut laksawn ka tum chuan ka nu chu alo harh a,,,min hmuh chuan nurse te ko in ka harh tawh thu a hrilh a alawmin a mittui atla zawih zawih a.. nurse chu lo kalin min rawn check tha mawlh mwlh a, ka nu chu ala tap reng male a awmdan chu a hrethiam lo,,ka mumang kha a hre ve amani le,chutia nurse in min buaipui lai chuan ka thian te an lo lut a,anni pawh chu an ngui hmel hlawm khawp mai, "Nu tinge hetiang a ka awm a,damdawiin ah te engtik laiin nge ka awm?"
"bawihte nizan ah i tlu a,, i harh chhuak thei mai bawk silo a..." a tawng chhunzawm thei tawhlo,
"nizan ka mumangah johna khan minlo kalsan daih a,,ka lo tap vak vak a" ka tih chuan ka nu leh ka thian te chu an tap ta pur mai,,ka nu chuan min kuah pah chuan bawihte Johna chu he khawvel ah a awm tawhlo,,i thian tha ber chuan pial leiah a zal san tawh che..
"mawwhhh,,ani theilo dawt ani, nu i thusawi hi dawt ani tiraw,,thudik ani ti miah suh,,"
ka nu chu a tap char char a,, kan thian zing ami Puipuia chuan thudik alawm,,nizan khan a boral a a boral thu i hriat khan i taksa chaklo bawk nen i zo lo i thidang a,,hei an vui ni tlai lamah i harh chhuak chauh anih hi,, a hmel vawikhat tal hmu leh la kan tih tehlul nen " a in hnit faih faih a,,mipa ber pawh a pa theilo ani e,,

ka mumang emaw ka lo tih kha atak tak alo ni si,, ka inthiam thei thlawt lo ka duhna leh ka ngaihnat zia te hre hmanlo a min kalsan hi ka ngaithiam theilo ani,, na ka tih em em chu a haw dawn a min tihdan mawlh kha mi sual tak anga min ngai leh min haw chunga min kalsan hi ani.. hun kha kohkit theih nise a nupui tura min sawm lai khan luhlulna chhuah nhauh loin ka pawm nghal mai tur ani a,,tunah chuan a tlai zo vek tawh ani.

Johnan min kalsan atang chuan mu leh mal reng ka neilo,,, mi a ang mai ka ni,, an in pawh ka tlawh ngamlo a chhan chu ka insum thei dawn silo,, thla aliam a ,,ngai ka awh theilo ka chhungril hi tapin a rum fo thin ..JOHNA thih atanga thla hnihna ah chiah chuan ka thiannu ka sawm a a thlana min kalpui turin. Johna thlan kan thlen chuan ka insum theilo ka tap a,ka au chiam chiam a chhanna reng ka dawng silo,ka thiannu chuan min kuah pahin min tahpui bawk a,,a thlan an vurna leite chu ka hai a,,ka a takzet tawh engtinnge heti mai hian min kalsan theih atello chuan ka chak tawk loh zia te chu a hrechiang ber tu ka ni si a,, thih ve mai te ka duh rum rum.. Ka inchhir em em a ka hmangaihna ka hrilh hman lo chu, a damlai a kan inthen dan khan tun thlengin minvaw na a min la ti tap ziah chu anih hi.. Min ngaidam ang che aw JOHN ,,i hriat loh leh ka lo hriat ngai miah loh chu maw ka HMANGAIH che ani tih hi..
.
An sawi rih sang mual chu liam mahla,, nghilh ni reng i awm silo. Duhtak John, ka ngai che a sin, ka ngai thin lutuk che. theihse chelhdin che ka duh mahse khuanu remruatna ka ti danglam thei silo,, an sawi pial ral ah chuan IN TAWNG LEH NGEI ANG AW. Ka hmangaih che John.. THE END.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)