KA PA CHUAN ZU A RUI THIN BY Lalchhuanthanga Renthlei

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

KA PA CHUAN ZU A RUI THIN BY Lalchhuanthanga Renthlei

Unread post by Ngaia » October 5th, 2016, 7:59 pm

Short Story (But true)

KA PA CHUAN ZU A RUI THIN
.
.
Nitin mai hian thuam fai a inbel ngai lo ti ila chuan ka daw deuh mahna le. A tam zawkah tal hi chuan a fai ngai mawlh lo bawk lah taka. Tlar hma lam a chuh chat chat lah ka hre ngai hek lo. A nun chu inthlahrunnain a khat a ni ber mai.
.
.
Tum khat chu naupangte an nuna an thil tum ka zawt a lawm maw le, an sawi tliar tliar a, Doctor, Nurse, I.A.S., I.P.S., Pastor, Missionary leh adt.. a ni hlawm a, a hun a lo chhuah ve chuan a kun chhal a, zawhna ngai tum hnih/thum ka zawh hnu chuan hmai sen awp awpin 'Zu leh ruihhlo tih ve loh' tia min chhanna chuan a zirlaipuite tan fiamthu hlimawm tak a siamsak a ni ringawt. An nui dur dur a. A hmelah ka en reng a, a ti mai mai hauh lo tih ka chiang a ni.
.
.
Period a over a, ka ko hrang ta alawm maw le. Inthlahrung taka lo lutin 'Ka pa hian zu a rui reng thin a, ka nu nen inthenin nupui dang a nei a, ka nuhrawn hian min mil vak lo a, hna thawk lova ka awm hi a phal ngai lo a, lehkha ka zir sang ang tih a hlau a. Tlai school bana ka thlen phat atangin tihtur min hrilh a, lehkha pawh ka zir hman lo. Ka chauh theih em vangin zanah hma takah ka mu thin a, zing lama lehkha zir ka tum lahin zan lamah pawh zir peih hlei lo tiin ka tihtur min hrilh zel a, ka pa hnena ka sawi lahin a rui reng a, engahmah a ngai ngai si lo. Ka nu hian a fuihpawrh a, a chang chuan min vaw hrep zel. Ka pa ruih loh chang chuan lehkha pawh ka zir ve thei thin, chu vang chuan ka puitlin hunah chuan ruihhlo ka ti ve lo ang' tiin class-a min chhan dana ka zawhna min chhan chuan kei ngei pawh hi min va vel nasa em! A hmaah erawh ka tap lo. Theihtawp chhuaha bei hram hram tura ka fuih laite chuan ka hnuk zu han ulh teuh a mawle.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)