RACHEL BY Chinzah Laltunu Duatlai

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

RACHEL BY Chinzah Laltunu Duatlai

Unread post by Ngaia » October 16th, 2016, 4:18 pm

Office ka thleng vel chiah ti hian ka fanu ka thlakhlel em em nitin a ka hmuh hleitheih silo chuan tah aw tiau mai hian '' a pa min lo hruai rawh, i bul a ka awm duh tawh maw'' a sawi zawh hma chuan a phone hmanlai chu a pahrawnin lak sak pahin naute lokal rawh le, sikul kai a hun dawn a ti ri leh phone dah bur thawm ri a tawm chawt chu ka hre chhunzawm nghal a. Ngaihthat lohna em em nei hran chuang silo chuan ka hna chu ka thawk chhunzawm mawlh mawlh a.

Tlai lam office ban dawn hnaih haw tur a ka insiam lai chuan, ka inbiakpawhna chu a lo ri ral ral a. Office bag khai kang lawp pah hian phone chu ka la mai a, ka nu chuan bawiha lo haw thuai rawh damdawiin lam a i tlang nghal dawn a nia aw thawchham ti ti, tah aw teuhchung hian a rawn ti a.

Ka nu chu a hlauhthawn hmel em avang chuan zawhna dang zawt lo chuan taxi lo tlan hmasa ber chu lo phar dingin ka nu damdawiin sawina lam chu ka pan ding nghal a. Engemaw chhan hriat miah silo leh, hriatthiam theih miah silo hian ka tha hi a khur der der a.

Dandawiin ka thleng taxi atang a ka chhuak chiah chu ka farnu hian min pawt sawn dawr pah hian, Dingte engtin nge ni dawn , a ni theilo thil ni thei a nilo mittui tla zawih zawih chungin leh min sawi nawk nawk chung hian a tia.

Kei chuan thil awmzia ka hriatthiamloh avangin ka u eng thil nge ni ngai, in pa a thalo em ni? nge i fapa ? ka ti ringawt a.

Ka u chuan, awi ka nau khawngaihthlak engtin nge ni dawn maw hetiang em em i chungah a thlen hi ka ring ngailo a sin.

Ka u eng thil nge thleng min hrilh rawh tih pahin damdawiin chhung lam a tlan luh ka rual a. Ka u chuan ka ban a min lo chelh bet pah hian Dingte i faanu Racheal.....

Eng thil nge thleng ka fanu chungah, maw min hrilh vat rawh ti in ka u chu damdawiin chhungah pawt lut pahin ka zawt mawlh mawlh a.

Chutia ka u ka zawh buai lai chuan ka nupui hlui chu ka lam a rawn phei in tap nasa tih hriat tak mai mit bui luk chung hian bawihtei pa ka thiamloh a ni min ngaidam rawh. Ka thiamlo tak zet a ni ti a ngaihdam min dil ngawtna te chuan min ti ham hai in awm ngaihna min ti hrelo leh zual a.

Bawih...bawih..bawihtei chu vawiin tlai khan a che sual palh a tun a ICU a dah mek a ni, engtin nge kan tih ang bawihtei pa a ti ri te chu ka hre chang chang. Ka fanu natna tuar a an zalhna lam chu mittui tling kiau chung leh mit phe ruai chung chuan ka pan phei ruak a. A chhung luh an lo phallo avangin pawn lam thlir theihna atang chuan mittui sur zawih zawih chungin ka fanu hmel dang tak mai, kar hnih chhung lek ka hmuh loh hlan lek a dawldang tak leh cher em em mai chu ka thlir vawng vawng a.

A nu lam chu hawi engtia chesual thei mai nge a ni tih leh a taksa cher tak leh hmel dawldang dan em em te chu ka rinhlel avangin a chhan ka zawt a. Kan nu hlui kiangah a pasal awmlo te chu ka rinhlelna an ti zual telh telh mai si.

Chutia ka zawhna a nu in chhan min tum lai tak chuan Doctor kan lam pan a rawn kal chu pan phei vatin ka fanu dinhmun ka lo zawt vat a. Doctor chuan room a min ko hrangin kan nu chu pawn a lo awm turin a hrilh a.

Doctor thu min hrilh tur chu beiseina sang tak nen ngaihthlak ka inpeih em em lai chuan ka beisei ang nilo ka tihrawl leh ruhchuktuah thleng a fan vek thei leh min ti mur sung sung theitu a ni zawk si.

Room chu tha neilo zawi tak ang mai in pai nawk nawk chungin ka chhuahsan a. Kan nu hluiin min lo dawm a tum na kut chu phi thlak thuai pahin bang a ka nawr bet a. Ka enkawl thei ang ti in ka ngenna che hnawlin min lak sak a, mahse enge a chungah thleng hi. I pasal in vawi tam kut a thlak tih i hriat hnu pawn ka lakah zepin i pasal i tan tlat a ni kha. Ka hmuh hnu hnung berin a ban a leh a hnungzang a duk tih ka hrilh tum che khan enge i sawi kha i la hria em maw sawi rawh. I fanu i ril a rah ngei pawh hum zo lo turin mi i pasal chu i lo hmangaih em em, tun a i nu leh pa chhuan em em Sum hmang chuan ka fanu hi a hma ang a awm turin a taksa pangai tak kha pe kir leh rawh u ka ti phiar phiar a.

Kan inhmuh hnuhnun ber tum khan haw a hreh em em te kha ka lo man phalo reng reng. Tap teuh chungin apa min hruai haw rawh, i bulah ka awm duh. I kiangah ka riak ang a, sikul a min thlahin ban hunah min hruai haw thin ang ah a tih te kha ka lo ngaithu tak lo lutuk kha ka inthiam thei mawlh lo a ni. A ke a bai auh auh lai in a chhan ka zawt a a tlukna lamah a ti nat deuh thu a sawi mai te ka lo awi kha ka mawlin ka va han ngaihtuah thuilo tehreng em. A ban ruh a nu pasalin a vuak sak avangin a vei lam a tliak a, chu mai duh tawk lo in a zu rui kut thak hnawihnan leh a fa a nihlo avangin a hmel hmuh ringawt pawh a huat thu sawiin, chaw ei lai in chawhmeh sa nen a taksa a a leih a, chu chuan naupang kum li mi taksa no lai chu a ti kang hneh hle a ni. Dawhkan leh bang a tauh tir thin avangin a mitin khua a hmuh that theih vak tawh dawnlo thu tih ka hriat leh zel phei chuan pa ni a inchhal leh ka fanu ka lo chik tawklohna te chuan hreawm min tih zual tir si.

Tukin min rawn biak lai te khan hetiang thil a thleng dawn tih a hriat vang a ni ngei ang min lo biak ni. Bawihte hlauin i khur ngei ang tiraw, chhan i ngaih lai in kei i pa i dinhmun leh hreawmna hrethiam phalo hi min mamawh ngei awm si a. Tap chungin kalsan lo tur chein leh ka kiangah chen ve i duh thu i sawi lai khan ka kiangah cheng ni ta la hetiang hian awmlo in natna khum i bel lo tur.

Tun hma te khan tun dinhmun ang hian awm ta ilah ka fanu chu fahrah, pahrawn hrawn ngilo a ni mai tur. Rethei luat avangin anu nen pawh thenin kan awm a, a fa pai puar teuh hmain pasal dang a nu leh pa ten an neih tir a. An pa in a fa a nilo thu a hriat tak si a chuan chu chu huatna a tlakin ka fanu in a tuar phah ta a ni. Ka fanu tawrhna avang chuan ka inthiam theilo a ka inthiam ngai hek lo ang. Dictorin a thluak a thisen a tling nasat luat avangin zai ngam a nilo thu min hrilh ringawt pawh a nat tawh naklai in, lo dam chhuak ta reng pah nise mi a ang dawnlo thu leh a ke dinglam chu tlanchhuah a tumna lamah tla sual palhin a tliah thu leh tan hial a ngaih thu a sawi leh zel chuan naupang kumli mi tawrhna atan chuan a nasa mah mah in puitling tan pawh tawrhlelawm tham a ni.

Beidawng tak a ka fanu awmna lam ka pan lai chuan doctor leh nurse te chu hmanhmawh takin kan awmna room a chuan an lut a. Thlaphang tak leh mangang tak a ka thlir reng lai chuan ka rilru in Pathian hnen a ka fanu chu lo dam in eng ang mi pawh ni dawn se tidam a, keinah ngei in ka enkawl tawh ang ti in ka dil a. Chutia beiseina leh hlauhthawnna a khat a ka thlir lai chuan, khawl ka fanu thawk tir a a nunna chelh bet tawk tawktu chu a tawp tial tial tih ka hmu phei chuan room chhung lam chu ka bawh phei ruak a. Ka fanu pialral kawngkhar kik mektu taksa chau tak leh dawldang tak awmn chu bawh phei rawk rawk pahin ka tap hawm hawm a. A hmel ka han en a a thlaphang hmel tur leh chhantu ngaiah a awm tur ka mitthla phei chuan a taksa chu ka thlah phal mawlhlo a ni. A taksa vawt riai riai mai chu pangti lum pek tumin ka kuah na zual sauh a mahse awmzia reng a awm silo. A kut te reuhte hlim tak a ka kut a vawnna thinte chuan engtik amah ka kut an chelh tawh dawnlo avangin ka chelhna chu ka thlah phal ngang lo a ni. A kalna ram a chuan van angel ten thla khawngin an lo hmuak ngei ka beisei lai in, kei a pa hian hlim tak leh lawm takin ka thlah thei mawlh silo. A hmel dang tak mahse thlamuang hmel em em mai si te chu ka mitthla a hian a la cham reng fo thin.

Ka fanu thlahnan angelte ho awmpuina ka dil sak a, a taksa rethei mahse a thlarau tal a hausak tlat ka ring ve fo thin.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)