A TAWK TAWH E BY Zaitei Irresistible Jay (2)

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

A TAWK TAWH E BY Zaitei Irresistible Jay (2)

Unread post by Ngaia » May 12th, 2016, 7:36 pm

A TAWK TAWH E - 8

" Ka pa....ka pa khawngaihthlak tak khan enge tihsual a neih?? ka pa khan lo tisual pawh nise ngatinge ka nu kha a tawrhtir ve? min hrilh teh..min hrilh rawh ka pi" Pi Chhuani chu a hmai hupin a tap hlawk hlawk a.

" In pa in ka nu rawng taka a pawngsual hnuah an pahnih in....an pahnih in dimna tel hauh lovin a that..." ka sawi zawm theilo, ka tap hnang deuh ti tih a. Hminga'n ka hnunga na lo te in min chum a, tui te ka in hnuah tlemin ka zia awm leh ta deuh a.

" Khatia in pa in ka nu leh pa a thah zawh hnuah khan a chhuak nghal mai emaw tiin bathroom atang chuan ti dek eh khur bauh bauh chungin ka rawn chhuak a, ka nu leh pa thisen nen in chiahpiah nuaia lo mu ka hmuh khan tlan phei vat ka tum a mahse inchung lamah thawm ka hriat leh avangin rang takin bathroom chhungah bawk chuan ka tlan lut leh a. Kawngka ka kalh fel chiah tih ah ka u hlau taka a te thawm leh thil ri dum ka hria a. Ka hlauthawng lutuk chu chet pawh ka che ngamlo. Nopang kum 6 lek ka la ni asin..."

" A tawk....duhtawk rawh. I awm dan a dik miahlo ania" Hminga chuan min rawn buaipui vat a. Engmah ka hre zui tawhlo. Ka harh chuan min lo bial laih a, Pi Chhuani a mittui a lo tling pam a.

" Nuni, ka pasal ai awhin kei hian ka ngaihdam ka dil duh che a ni. Ni e...nopang kum 6 mi lek tan chuan a nu leh pa, a u te rawng taka nghaisak an nih lai hmuh chu a nat tur zia ka hriatthiampui lutuk che. Min ngaidam hram rawh aw...engkim kha ka thiam loh vek a ni...keima thiam loh vek"

" Ka pi, enge i sawi awmzia"

" Hahdam deuh la, nidangah kan sawi dawn nia. I chau hrilh emai"

" Nilo. Ka tha alawm. Engkim hriat vek ka duh...tunah"

"Awle...i duh phawt chuan ka hrilh ang che. Ka thu hrilh tur che hi i riat hnu ah min hua pawh ni la kei chuan ka dem hauh lovang che. Nuni, kei leh i nu kha tette atanga inkawm thin kan ni a. Schhol kan lut rual a, kan nula rual bawk a, pasal kan neih pawh thian ah kan inhmang ve ve nghe nghe. Kan tana lawmawm leh em em chu kan pasal te ve ve pawh hi tette atanga inkawm ve tho an lo ni a. Mahse i pa te chu thlahtu atanga min hausa chhungkua an ni a. A chang phei chuan kan pa hian a thik niin ka hre thin. Chutia in ngeih taka kan awm lai chuan kan pa nau...Maruata min en dan chu a diklo riau in ka hre tan a. Nikhat phei hu ka inbual zo room a ka inthlak mawlh mawlh lai chuan kawngka phen atangin min lo en reng chu niin. Ka hmuh veleh a kal sawn nghal a. Chuta tang chuan mak pui puiin a che tan ta a. A awm dan chu ka hne in ka kham tawh em a, kan pa hrilh ka tum ta a.Kan pa hrilh ka tum tlai chuan a office bang ka lo nghak a. Chutia mahni a kan sitting roomah ka lo nghah lai chuan ka hnung lam atangin tu emawni hian min rawn kuah thut a, kan pa a nih ringin hlim takin ka lo chhawn a mahse ka hawi let chiah chu Maruata zawk a lo ni a. 'eng thil nge i tih a' tih ka zawh chuan ka ban lehlam lehlam ah min man bet a, ka samah min kek bawk a. Ka theihtawp in ka tal ve a mahse mipa la thalai tak tha nge nge chu ka hneh lo chiang kher mai. Ka tal nasat em avang chuan na takin ka hmaiah min beng a, chhuatah chuan ka tlu hnawk a. Chu chu remchangah la in ka tho vat a, kan room lamah ka tlan chho nghal ka tum a mahse step ka rap tur chiah hi min rawn man bet leh hmanah. Nghet takin min pawm kang lawp a, kan room lamah min pawm chho dawr dawr a. a tal a, ka ham a, a rem lai lai ah ka seh bawk a mahse engah mah a ngailo. Ngeihnep hmel takin min nuih a, chuta a hmel rapawm zia chu a kawchhungah ramhuai a lut ta emaw ka hial asin! Kan room kan luh chuan khumah min paih thla dawr a. Kan lukham te chuan ka vawm a mahse awmzia a awmlo. Ka au a, ka te a, a khawngaih ka dil bawk a mahse chung chu hre awm pawn a lang lo. Ka taksa chu a duhtawkin nghaisa a,dimna tel hauh lovin min pawngsual ta a ni" Pi Chhuani chu a ngawi deuh dat a, a mittui chu a sur hian a sur zung zung a. Ka tho a, a bulah chuan ka thu hnai a, a kut ka vawn sak a, " ka pi, harsa i tih chuan sawi tawhlo mai rawh aw..a pawilo" ka ti a.

" Ni lo ve. Ka sawi ta sa sa, kan sawi zo law law ang" thawk ala vang vang a, tichuan a sawi tan leh ta a.

" A duhtawk a ngah hnuah a inha sawk sawk a, ka hmaih chuan min beng leh thuai a ' ka u i hrilh chuan ka that ang che' min ti a, ka awm ang ang cuan min chhuahsan nghal hmak a. Ka taksa chu na lo lai reng a awmlo. Ka tap thei lova, ka che thei heklo. Reife chutia ka awm hnu chuan muangchangin ka tho a, inbualturin bathroom lam ka pan a. Ka inbual lai chuan ka chunga thil thkeng te chu ka ngaituah a, a na ka van ti tak emm...chutah tak chuan ka puakkeh zo a, insum hauh lovin ka tap ta hawm hawm a. Ka tah chuan ka thawl hawkin ka hria. Kan pa lo haw thawm ka hriat chuan ka in ha fel sawk sawk a, inhnuai lamah ka chhukthla nghal a. Ka pasal chu hlim hmel hmuh hram hram ka tum a ni...mahse a va har thin si emmm...' Chhuani, zanin chu kan client pawimawh takte nen meeting kan nei dawn a, kan tlai ka ring. Minlo mutsan mai dawn nia aw' min tih chuan ka rilru chu hlauhthawnna in a khat nghal a. Hnial in kal lo turin ngen mahila a sumdawnna hi a ngai pawimawh si, a sawt dawn chuang silo. Hreh tak chungin a meeting kal tur chu kawngka thleng ka va thlah a. Zanah chuan muthilh chu khawilam, kan ramhuaipa kha a tih hian ka tih ngawih ngawih tawh. dar 1 velah chuan ka room kawngkhar chu a rawn inhawng ri bur a, Maruata chu rui em emin a lo ding hur hlawk hlawk a. ka roomah chuan rawn lut zelin ka mutna bul a rawn thlen chuan, ' tal suh ang che. Vawiin atang hian ka sal i ni tawh. I pasal i hrilh vaih chuan ka that ang che.' tih leh min sual a rual a. A zawh hnu chuan ka piah ah a mu zawi hnawk a. A hnar zui nghal bawrh bawrh a. Rang takin ka tho a, i pa te in lam ka pan vang vang. Zan rei pawh ka sawi thei tawhlo. In in ka thlen chuan a lo thim thuap a, zah pawh dawn lovin kawngka chu ka kik ta bur bur a. Reilote hnuah chuan kawngka min rawn hawn a, i pa alo ni. ' engtizia nge a Chhuani, khawnge in pa' tiin zawhna min zawt a mahse chhang thei ka awmlo, ka tap ta hlawp hlawp a, an sitting room lamah chuan min hruai phei a. Thil awmzia chu tap hlawp hlawp chungin ka hrilh ta a. I pa chu a thinrim em em, kan pa chu hrilh nghal a tum a, mahse ka dan tlat avangin a hrilh ta lo a. I nu, zin lai alo ni kher kher chu kan vanduai a ni. Chung hun chuan in unau in in piang ve ve tawh a. I pa chuan riak ai turin min ti a. Zingah chuan in kawgka chu tu emaw hian a rawn chum ri bur bur a, i pa ala thawh loh avangin keiman ka va hawng a. ka hawng chiah chu, ' uire nu, min lo bum a maw? khawnge i ngaihzawng pa chu a awm? nizan chu nuam in lo taw nasa hle ang maw!' a rawn ti lut phiar phiar a. I pa chu inchung atangin a rawn chhuk a, a hmuh veleh chuan kan pa in i pa chu hnek a rual a. An insual chu a ni ta der mai. Thu awmzia hrilh ka tum lahin a ngaithla duh bawk silo. Maruatan dawt hrilh in i pa nen kan in ngaizawng angin alo hrilh chu niin. In in atang chuan min kek phei dawr dawr a. Kan in kan thlen chuan roomah min kalh khum hmak a. Karkhat dawn chutia room a min kalhkhum hnu chuan khawvela ka thu hriat tawh a zawng a rapthlak ber chu ka hre ta....chu chu i nu leh pa thih thu a ni. Chuan a that tu chu tudang ni lovin ka pasal ngei a ni."

" Pi Chhuan, ngatinge i pasal chu i mantir mai loh"

" Ka hlauthawng em a ni. Kan pa hi ka hmangaih a, ani pawhin min hmangaih asin. A rang a rangin Aizawl hi kan chhuahsanin Champhai lamah kan pem ta daih a. Thlakhat vel kan la awm awr tih ah hian nau ka pai thi ka hre ta a. Ka mi huatber fa nimahse ka fa, ka thihsen a nih ve tho avangin ka hmangaih a, kan pa in ti tla tura min tih pawhin ka phallo a ni. Tichuan Alex hi a rawn piang a....kan pa hian Alex huat tak te in a hua a ni. Alex avang hian zan tamtak ka tap tlaivar thin asin. Thudik a hriat chhuah hunah chuan a rilru a na dawn si a..."

" Pi Chhuan, Alex chu hrilh i tum tawh reng reng em"

" Tum lo....ka ngamlo a ni. A pa, kan pa hi a hmangaih a, pa hmangaihna a thlehleh ngawih ngawih tih hi ka hai lo mahse...kan pa chuan hmangaih chu sawi loh melh pawh a melh ngailo."

Alex dinhmun chu ka ngaihtuah a, ani chuan Pu Zoa hi a pa angah a ngai a, a hmagaih a, a thlahlel ngawih ngawih dawn si a. Ka mittui chu Alex ka khawngaih avangin a luang zawih zawih a."

A TAWK TAWH E - 9

Pi Chhuani chu Hminga'n an in thleng a va thlah leh a. Chaw ei ve nghal tura ka tih avangin Hminga pawh kan in lamah a rawn let leh a. Chaw te kan ei kham a kan seng fel hnu chuan kan verandah ah Hminga nen thu in kan ti ti mai mai a. Alex dinhmun te chu kan sawi a Hminga chuan a thinlung takin a tawrhpuiin a khawngaih tih a hmelah a langchhuak thei a ni.

" Hming, i chungah ka lawm takzet"

" Ngati maw..."

" Min puihna avangin. Nang chu awm lo la, engmah ka ti thei lovang"

" A ho emai a...ka tih tur alawm ka pi"

" Ka pi ah! hmmm hm ka lut daih dawn"

" Enge...ding teh..hey.."

Ka roomah ka chho tau deuh hmak a. Ka mu a, blanket in ka in lukhup hmak bawk a.

" Enge i hriat teh thut a? i pawi ka sawi ami"

" i pi rual pawh ka ni mi"

" mawh...haha chu chu maw i thinrim chhan" a nui chu a za ve ngang aniang!

" Ka pi rual i nilo tih chu thenawm naute pawh sawn a hria ang. Mahse nihna ah chuan ka pi i ni tlat sia lawm"

Blanket ka hlim a, ka thlan hluam mai! Min lo nuih deuh vur vur a. Keipawh ka insum thei tawh biklo, ka khi ve ta thaw a!

" Tak takin Hming, awm lo la chu..."

" Ava mak zozai e aw...vawikhatmah lawmthu min hrilh tawh suh"

" Nang pawn vawikhatmah ka pi min ti tawh suh"

" Awle ka pi oh...Nuni"

" Ka haw tawh ange aw...tui deuhin i mu dawn nia. Minlo thlah lo mai rawh"

" Awle...naktukah kan inhmu dawn nia"

A tuk zingah chuan station ah ka kal hmasa leh phawt a. Kan pu chu report kan pe leh zuai zuai a, tichuan pu Zoa te in lamah bawk ka phei leh a. Ka thlen phei chuan Alex pawh a lo awm a, min hmu chu a lawm ve hmel khawp mai.

" Vawiin chu i kal dawn nange a"

" Aw...vawiin chu chawlh ka la ve e ka tia"

" Nia..chawlh lak ve zeuh zeuh te hi a tha ania...ih...khawnge pu Zoa hi"

" A roomah a awm kha...han chho mai rawh aw"

" Awle, ka lawm e"

" E lawkin...hei a damdawi aw..ilo pe mai dawn nia"

" Nangman pe ve mai la..."

" A...nia, i chho dawn tho sia ka tia"

" Awle, tehreng mai ka lo pe ang" damdawi chu ka pe a, room lamah ka chho nghal a. A room zawn ka thlen chuan phone ah hian tu emawni nen anlo inbe mek a. Pawn atangin kan ngaithla vang vang phawt a, thlalak chungchang a sawi maiin ka hria. Awmzia chu Hminga a che leh tawh tihna! Kawngka chu kan kik dat dat a, " dear ka lo lut ania"

" Hmela, i duh chu engtikah mah ka pe ngai lovang che. Nuni hi ka ta anih hi" ekhai aw...keimah te min sawi tel a nih chu mawle...!!

" Dear, tunge i biak a...khawimaw ka lo be teh ang" tih pahin a phone chu ka laksak a.

" Hello...tunge i nih a, ngatinge ani hi i rawn tihbuai reng a"

" Hey..i inla zei lutuk aw"

" Ngawi mai teh. Pu Zoa hi chutiang mi chu a nilo. ani hian mi a that theilo hrim hrim"

" Aw..a tha lutuk..a hmel kha en rawh"

" Aw...ka hria, ka hria. Enteh, i duh chu engtikah mah a pe ngai lovang che...Pawisa ah...!! engzat? Engah...?? nuai sawm maw" haha Pu Zoa hmel chu hmu ve thei ula ka van ti hihi!

" Hahaha..nuai sawm em em te chu a...."

" Nia...a nei alawm. Pu Zoa te chuan sum a tlachham hleinem" Pu Zoa chu ka en a, a ngaihna hriat loh hmel zet hian a lo hawi hau a.

" Aw...duhtawk phawt ang. Pu in min ko. Nakinah min rawn be rawh aw"

" Aw a tha alawm...i sawi ang chuan kan ti ang"

" Nun....ka duh che"

" Mawh..." sawi tur ka tlachham kher mai...ka beisei lo deuh thil a sawi avangin!

" Min ngaithla em? Hello.."

" Aw..aw"

" Anih phawt aw. In inah ka lo awm ang"

" Awle"

Hminga thu rawn sawi chuan min ti hamhaih lutuk a, tawng nachang pawh ka hrelo.

" Enge a sawi a" ka phu deuh zawk mai.

" Ah....mi i that atia"

" ka hria alawm. Ka bulah pawh a ti alawm..thil dang sawi a nei em"

" Ka duh che min ti" enge maw ka sawi le!!

" Chu pawh chu a sawi tho alawm"

" Pawisa...aw..pawisa a ngiat a...nuai sawm"

" Nuai sawm ah! ka pe lo tawp ang"

" I pek ngei angai ang. Keimah nge i duh Pawisa"

" Ka pe dawnlo ka tih chuan ka pe dawnlo a nimai"

" Anih chuan a thusawi kha a dik tihna em ni? Nanghian tual i that a maw"

" Engah? chu...chutiang ka hrelo. Ka chhuak dawn"

" Khawiah"

" I hriat ve a tullo" A chhuak zui nghal hmak!

Inhnuaiah ka chhuk chuan Pi Chhuani chauh alo awm a. A bula thut pahin, " a in puan hun chiah kan nghak tawh" ka ti a.

" Mi koham tak a ni a. Hminga hi a hriat chhuah vaih chuan a that mai ang"

" Hminga chu engtin mah a ti thei lovang. Khawnge Alex"

" A inbual lawk anih kha."

" Pi Chhuan...ka ngaihdan Alex hi hrilh a hun tawh in ka hria. Hetinag ringawt chuan a awm thei lovang...bakah hriat chhuah hun a la nei dawn tho. Thudik chu a inthup reng thei hleinem"

" ka hrilh thei lovang. Hrilh ta ila engtin nge min ngaih ang. Kan pa hi a hmangiah a sin..chuan kan pa pawh hian pawm hun ala nei mai ang"

" Pi Chhuan, i rilru i thlak chu a ni em lo maw..." a rilru thlakin a pasal hi a humhim ang tih ka hlau a ni.

"Nilo ve...ka pasal chuan thil a tisual a, a hremna chu a hmu ngei tur alawm. A in hmuh chhuahna tur te pawh a ni thei alawm"

" Alex chu keiman ka hrilh ang"

" Nilo. I hrilh thei lovang....i hrilh chuan a keh chhe"

" Enge min hrilh tur in neih a"

Pi Chhuani nen chuan kan phu deuh dawt a. Alex chu kan hnung lamah alo ding reng tawh a.

" Ka lakah eng thil nge zep in neih a"

" Alex...engmah a nilo..." Pi Chhuani chuan a ti vat a.

" Nilo Ka nu, eng emaw tak chu a awm a ni. Nun, nang tal chuan min hrilh teh"

" Awle. Ka hrilh ang che. Pi Chhuan, tun hi a hun diktak chu a ni. Hriatchhuah hun ala nei dawn tho tho. Alex, ngun deuhin ka thusawi hi ngaithla la, i nu hian thiam lohna pakhatmaha neilo ania. Chuan, min puih ve ngei ka beisei"

" Sawi tawh rawh"

Engkim a bul atanga a tawp thlengin, hmaih awm miah lovin Alex chu ka hrilh ta vek a. Ka sawi lai zawng chuan pi Chhuani chuan a mittui a hru mawlh mawlh reng a. Alex pawh a mittui a tla ve ta...! A hmel ah chuan rilru natna, thinrimna te chu chiang takin a langchhuak thei a. Ka sawi zawh chuan thutthlenga a thu zawi hnawk a. Biak chhunzawm zel chi ni a ka hriat loh avangin ka haw san rih ta phawt a.

A TAWK TAWH E - 10

" Enge chanchin"

" Alex rilru na lai hmel hmuh kha hrehawm ka ti takzet a ni"

" Engkim a tha leh vek mai ang. Pathian kutah in nghat phawt mai ila.."

" Hming, engkim hi tawp vat se ka duh. Heng phuba, hremna tih vel hi ka kham tawh lutuk. hahdam taka nun ve hi ka chak tawh"

" Ni reilote chauh a ngai tawh alawm. Tuar hram hram rawh. I tumah i hlawhtiling tep tawh ania"

Hminga phone chu a ri ral ral a, a en chuan Pu Zoa a lo ni a.

" Hello...aw, a tha e. Dar 11 ah chuan lo awm tawh ang che. Nangmahin"

" Hming, enge a sawi"

" Zanin dar sawm pakhat ah...."

Ka phone a rawn rik avangin ka la leh phawt a, " Hello"

" Zanin dar sawm pakhat ah tourist lodge ah lokal ang che. Pawisa chu ka pe ang."

" Aw..awle" Phone chu a dah nghal a.

" Hming, a hmawr kan bawk tep tawh e" ka phone bawk chu a rawn ri leh a. Mahse tun tum chu hospital atangin a ni tlat.

" Hello...aw ka rawn kal nghal. Hming, ka u, ka u a thalo. Ka kal vat angai"

" Ka rawn kal ve ange"

Ka patea chu hrilh rih loh a that ka rin avangin damdawiin lam panin kan tlan chhuak nghal a. Damdawiin kan thleng a, ka u an mutna room kan luh chuan khum chu a lo ruak huai a, " Doctor, hei hi enge? khawnge ka u a awm"

" Kan hrelo..kan.."

" Enge kan hrelo i tih chu awmzia. In hna pawh in thawk tha theilo a maw? eng ang doctor nge i nih a, nep lutuk mai" tiin ka an khum hrep hrep a. Doctor leh nurse te chu an ding kun lap vek a.

" Doctor, thu awmzia min han hrilh teh" Hminga chuan aw dam dap hian a ti a.

" Kan rawn phone hnu che u khan tlemin a zia awm deuh a kan hriat avangin damlo dang en turin kan chhuak leh nghala. A room a kan let leh chuan a lo awm tawh lo a ni. Hmun tinah kan zawng a mahse kan hmu zo nganglo a ni"

" A...a mak hlemai. Umm...ka hrethiam e. Nun, pu Zoa min kohna hmunah khan va kal vat angai ang. Kal hmasa la i hnungah ka rawn zui ang che. Kan hmanhmawh a ngai"

" Mahse Hming, ka u.."

" I u awmna kan hriat duh chuan kan kal phawt angai. Kal ang"

Ka motor in tourist lodge lam pan chuan ka tlan chhuak nghal vang vang a. Ka u chu khawiah tak awm ang maw aw...A hmun ka thlen chuan pu Zoa chu alo awm reng tawh a. Ka thleng tih a hriat chuan min rawn pan hnai a. A hmel chu ka sawi thiamlo,a rapawm ngawih ngawih a ni tawp mai.

" Dear...minlo nghak rei tawh em"

" Rei lo ve...Keipawh ka thleng deuh chauh alawm"

" Anih chuan hetah hian kan lo nghak mai dawn em ni"

" Hetah lo deuh"

A sawi zawh rual chuan tu emaw ni hian ka hnung lam atangin ka lu ah thil chang tak maiin min vaw chawrh a. ka lu chu a thip zawk a, ka khaw hmuh a fiah lo a. Zawi zawiin ka tlu riai riai a, ka hnung lam atang bawk chuan tu emaw hian min lo pawm vat a, a hmel chu ka hmu chiang theilo.

Ka lu na chuan min tur ngut ngut a. Ka awmna lai chu ka hre thei mailo. Tlema ka en chian leh deuh chuan ka kal tawhna hmun ni tlata ka hriat avangin thawh kan mai ka tum a. Mahse ka luhai avang chuan ka tlu leh thin. Beidawng lo a chutia ka tum char char hnuah chuan ka tho thei ta hram a. ka hma a kawngka lam chu ka pan nghal chat a, vanneih thlak takin a lo in kalh lo hlauh. Ka chhuak a, ka hawikual vel a, ka hre ta...he in hi ka hria. Ka pa in, Kan ramhuaipa in a a chhuhsak tak kha a ni chiang mai.

Room pakhatah chuan ka lut hlawl a, alo thim deuh mup a. A thim em avangin chhuah leh ka tum a mahse mipa rum ri ka hriat avangin light on na ka zawng vat a. Ka hmu hlauh mai.

" Alex...ui Lalpa..Alex"

Alex chu a lo hliam deuh nual a. A bul ah chuan midang awm ve a ka hriat avangin kan en chu!!

" Ka u..."

" Hetah a nimaw ilo awm a! Kan zawng nasa lutuk che asin. Lokal rawh bawihi nuam va tawl ang hmiang hahahahaha"

" Zawnga...ramhuaipa hrem hmunah kal rawh"

" Insum rawh...khatia i au vak vak chuan maw i hmel tha tak kha a chhe vek mai anga sin...A hmeltha i ti ve em ka nau.."

" Nangkha tunge i nih a" tih pahin ka kawk sawk a.

" Keimah maw? Hahaha umm...min hrelo pawh chu a awm tho e. keihi maw khalai i thianpa duhtak Pa diktak ka nih hi. Min hre tawh em"

" Zawnga, Ka pa i ni ngai lovang" tih pahin Alex chuan chil a chhak khum a. Maruata thinrim chuan a pum ah tak a pet sak a. alex chu na tiin a rum hak a.

" I fapa anih hi. Chhete pawhin i khawngaih lo em ni a? in rapthlak unau lutuk"

" Ngawi mai teh" tih pahin pu Zoa chuan a kut hrawl tak chuan min beng tlu thuai a, a na ngei mai!

" Nangnu hi ka rinhlelhna che a rei tawh lutuk tih hre rawh. Helai hmuna ka vawikhat hruaina atang che ka ringhlel tawh che. Nanghian min bum thei ngai lovang tih hre rawh IPS officer Lalnunpui"

" Ramhuaipa, nanghian ka nu leh pa min thah sak a ni. Tihsual an neilo asin. A thiamlo ber zawk chu i nau kha a ni asin. Ani khan i hmangiah, i nupui kha a pawngsual tih hi i hre miah nange."

" Nanga hrilh hriat ka ngai lo ve. I tawng leh vaih chuan i u hi ka that ang"

" nilo. Engtinmah i ti lovang. In tuh rah chu in seng ngei ang."

" Ngawi rawh a tih chu" tih pahin Maruata chuan min hnek leh chawrh a.

" Unaupa, tihian ti teh ang. Duhthlan tir ila, tichuan a thlan loh zawk zawk chu nung damin kan chhuah dawn nia. enge i ngaihdan?"

" A tha khawp ang chu. Han infiampui hlak te pawh a chakawm alawm mawle. Thuthlengah sawn ka phuar anga, nangin anni pahnih hi lo buaipui rawh"

Thutthlengah chuan nghet zetin min tawn bet a. Alex chu Pu Maruatan a man bet a. Ka u chu a awm ang angin chhuatah an mut tawp a.

" Awle ka duat..i duh chu thlang rawh le. Tunge i thlan dawn" i u rualbanlo hi nge ni a....i thianpa duhtak Alex hi"

" Khawngaihin...khawngaihin ti lul suh u...keimah hi min that zawk mai rawh u. Anni kha cu chhuah rawh u khawngaihin. Enge tihsual an neih"

" Thah i duh chuan kan that ve em em ang che. Mahse nangchu a hmanhmawh thlak hleinem..an ni pahnih atang hian duh i thkan phawt angai ang"

" Nilo...nilo..khawngaihin..ka u..."

" I u hi maw i thlan? awle anih chuan i thianpa hian tuar rawh se aw...." tih pahin chemte in a tin nghal vung a.

" Nilo, Nilo. Ti suh u. Khawngaihin ani chu nilo"

" Anih chuan i u hi em ni"

" Nilo...nilo.." ka mittui chu a sur zung zung a,ka tap hawm hawm a. Pu zoa chuan min rawn pan hnai a, a kutah chuan chemte a hum ran bawk a.

" Awle. nangmah hi kan that hmasa phawt mai ang che. ka khawngaih mai ang che" tih pahin a chemte ken chu a lek kang a mahse silai puak ri kan hriat chuan a tawp chawt a. Hnunglam chu kan hawi rual thawt a.

" Che suh. Che hlek suh ang che u. I chemte ken lai kha dahthla rawh. Tunah dah thla nghal rawh."

" Hminga..."

" Che hauh suh ang che u. Police in hmun tinah kan hual vek tawh che u. Thu awih tak khan inpe ula, in tan a tha zawk ang"

" Engtin nge kan awmna i hriat theih" Pu zoa bawk chuan a ti leh a.

" Tourist lodge ka thlen khan tumah inlo awm lo a. Ka ngaih a that loh avangin station lam ka phone vat a. Tichuan in inah ka phei nghal a. Pi chhuani hnen atangin helai hmunah hian in i nei tih ka hre ta a ni"

" A ni theilo. Engtin nge a hriat theih zawk"

" I theihnghilh tawh em ni? Nuni nu nen inkawm ngeih tak an ni thin tih hi"

" Hrep tak chuan"

" In hun chu a tawp e. Inpe nghal rawh u" Hminga chuan kan awmna lam chu muangchangin a rawn pan phei a. Police pahnih in Maruata chu an lo man bet bawk a. Pu Zoa chuan chhuata a chemte paih hnu chu chhar leh ka nghawng a chuktuah a rual a.

" Rawn kal hnai suh. Anih loh chuan ani hi ka that a nimai"

" Hminga, min ngaihtuah suh, engtinmah ka awm lovang." ka lo ti ve bawk a.

" Tawng suh" tih pahin a te thawt a. Chulai room chhunga awmte mit chu pu Zoa chemte kenah chuan a fuh vek a. A che leh hrut a, chemte ah chuan chemte alo kai hnuang a. Hnuai lam ka en vat a, " Hminga...nilo, eng thil nge i tih hi ramhuaipa" tiin ka au tuar tuar a. Pawn lama police awmte chu an rawn lut vat a. A thenin Hminga an buaipui a. Pu Zoa leh a chemte ken chu an man nghal bawk a. Min phuarna an phelh hnuah chuan Pu Zoa an dinpuina lam chu ka pan phei a, a hmaiah chuan k beng ta pawp pawp a.

" Nangmah avangin ka nu, ka pa ten min thihsan a. Nangmah avangin ka u hetiang hian a awm a. Tunah nangmah avanga ka hmangaihiinmin kalsan leh anih chuan maw...hei hi hre rawh, hremhmun thleng pawn ka zui mai ang che, mahse keimah ngei hian a hremna chu ka pe ang che. Hruai nghal rawh u"

Pu Zoate unau chu an kalpui hlawk hlawk a. Alex pawh a rawn harh deuh tawh a. Kan vai chuan damdawiin lam kan pan nghal a. Hminga chu muangchangin a rawn meng riai riai a. A dul chu na a ti deuh a niang a ner deuh sak a.

" Hming...i tha em"

" aw ka tha..ka tha e..engtin nge.."

" Custody ah an awm tawh e. Hming, min kalsan ka hlau lutuk a" ka tah aw tuau a.

" Haha khawnge ka kal vak chuang ang. I bula awm reng ka duh alawm"

" Kha, ilo harh tawh a maw....ni thum hnuah chuan a tawp a tawpah. I nu pawh a haw deuh chiah a" Alex chuan a rawn ti bawrh bawrh a.

" Alex kan lawm lutuk"

" lawmthu sawi tur chu keimah zawk hi alawm. Kum kha leh chen thimah ka lo awm a. In chungah ka lawm takzet a ni Nun"

" Het! min u rawh aw...i u rual ve ve kan nih hi" kan nui ho dar dar a. " E takah! hei i ta tur"

" eng thil nge a"

" han en chhin phawt la"

Hminga chuan ka lehkha pek chu a en a, a chhiar chiah chu a meng phawk teh e, " he...heihi"

" Umm...i promotion lehkha. Tunah chuan kan rank a in ang chiah a, Ka pi min tih pawh angai tawh lovang"

" Haha..ka lawm lutuk...a...i u.."

" A tha...a ngaiah khan kan admit leh a. A tha e"

" A lawmawm e"

" Hming"

" Umm"

" Ka tan hian i hlu takzet. Awmlo ta la..."

" Chu bawk chu maw i sawi leh dawn a. Alex khawimaw minlo chiu muhil daih teh"

" Hey...misualpa..." ka tum deuh hman a.

" Nih leh, nih leh. Min chiu leh lovang. Nui tawh rawh le ka pi"

" Hmmmmm"

" Oh sorry! Ka duat Nuni, nui tawh rawh le"

Kan pathum chuan hlim takin kan nui ho dar dar..........

A tawp ta.....

Minlo nghak hram hram tu te leh like leh comment tha tak tak min petu te chungah ka lawm em em e.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)