MIN HLAN LAI KHA BY Aineh Tetea Akka Episode II

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MIN HLAN LAI KHA BY Aineh Tetea Akka Episode II

Unread post by Ngaia » November 27th, 2016, 9:44 pm

(Min Hlan lai kha-X)

Ka kut khawilai mai pawh chu adurh pheng phung a, ka kawng kham lutuk leh taksa na kham themthum te chuan ka khua an ti sik deuh er er bawk nen......

Ka nu leh pa te thusawi hriatfiah theih tawk deuh chiahin boruak areh ruai a, Ka rilru pawh Amah chauh a ka hnu chhiah Zamteii awmna Bengalore lam chhuk thla tur in ka in peih fel tawh bawk, ka nau an vui liamna pawh kar khat dawn a ni ve ta bawk a, ka zirna hmun a kir leh nan mawilo a ni tawh lo , ka cell phone ka tih bo vanga zamteii ka be zui lo leh bengalore lam engmah hriat theihna ka neihlo chuan min ti buai lem lo, kal leh mai tur ka nih avang leh zamteii nau neih nang hman a ka thlen theih ka in beisei vang a ni. Zamteii hi ka ring a mipa dang laka awm khawlo chi leh lerhkual chi ani lo veleh zel bawk nen.

" Bawiha exam zo se , he lamah awm se,nakum lam chu nupui ngaihtuah sak ila atha ang. Mami kan chan ta bawk si nen amah chauh chuan a khawhar thlak dawn em mai" (Kapa in ka nu hnen a , aw thum deuh chherchhur a a sawi chu ka hre chiang kher mai. )

Ka rilru ah Zamteii ka fa pai mektu ka hmangaih em em mai alo lang nghal a, ka nu nena thawkhat lai Zamteii an inbia ka hriat te pawh ka rilru ah alo lang tel nghal a, ngaihthat lohna ka nei lem lo, ka nu leh pa chuan ka hmangaih Zamteii nena kan chanchin hre veka sawi ah ka ngai a ka phur ru ang reng hle mai. Bengalore ka thlen thlak hun a Zamteii hrilh hlan te pawh ka nghakhlel hle bawk. A lawm hmel tur leh a hlim hmel tur ngaihtuah a ,suangtuah zui rauh rauh pah in ka muhil zui ta a.

Ka alarm ri pawh ka hrelo, ka mutui hle ni tur ani, ka nu in " chaw kan ei dawn, bawiha tho rawh ti paha ka room kawngka alo kik dawt dawt chuan min ti harh a. chaw ei tur a ka in peih fel meuh chuan ka nu leh pa te chu an lo ei malh malh tawh, chaw ka kil reilo atanga reilo te ah ka pa chuan,

" Mama i exam lai hi zo la lo haw chho leh nghal ang che aw, i nu nen remruatna ka nei ania"

Ka nu hmel confi lo zet chu ka hai lo kher mai , ka pa thu hi ka naupan tet ata hnial ngailo mi ka ni a, mahse tun tum chu sawi ngai a awm tlat mahse ka nu in a hrilh fiah mai tura ka ngaih leh ka pa pawhin Zamteii nena kan chan chin chu hre tawh tur a ka ngaih avangin, khalam hawi thil erawh ka sawi lo.

" ni e pa, vawinah thlawhna ticket en a, kar laihawk vel a kal kalo rilruk asin"

Ka pa chu abu nghauh nghauh a, ka van phur teh reng em, ka duhlaii ka fa pai mek tu dulkiar tawh tak nei mai thei dinhmun a ding chuan min hmu thut anga avan hlim dawn tak em, surprise sial lutuk ruahman ni ang maiah ka in ngai . chaw pawh ka eihnem kher mai , ka nu in hlauthawng hmel taka min melh fo mai ka mit sir a ka hmuh erawh chuan min ti confi lo. mahse ka ei vat vat a, ka thawh san ta a.

Thian kawm ngailo leh social media lama ka inhnamhnawihlo lutuk hi Zamteii min duhna leh min rin em em chhan min hrilh te zinga ami ani a, nilo pawh nise inhnamhnawih ka tum teh chiam lo, facebook account tak ngial pawh neilo thalai tun ang hunah an van viau laiin keichu ka ni tlat, Zamteii pawh khan ka ngaina lo tih ahriat vang nge akhawih awm pawh ka hre ngailo, in a ka awm pawhin room a computer games khelh leh movie en te ka hna ani ber thin. ka chaw eikham chiah pawh chu ka tih tur ti nghal lo in zan tir a ka games khelh bak chhun zawmin darkar thuk dawn kan thu khawtlai leh a.

Ka kal lehna tur ticket ka ngaihven hma in Zamteii ei chak tur ang chi kan awmna hmun a awmlo Burma lam thil ngaihvenin bazar ah kan kal hmasa te te a, ka lei tur ang ang te ka lei zawh hnu in ka kal lehna flight ticket tifel na hmun tur ka pan anih kha, anlo buai deuh hlek avangin kan nghak deuh a, Zamteii thil tur ka lei vel chu ka bag ah ka chhiar nghauh nghauh a, ka tum ai mahin ka lei tam, engemaw chen ka nghah hni chuan ka ti fel thei hram a.

Ka haw in ka thlenga, ka nu amah chiahin alo awm a ka pa office bang ala haw lo tih ka hee thei nghal mai ,

"Bawiha ipa in Zamteii nena in chanchin hi a hre miahlo ania"

Ka hawi phawk deuh hru a, ka nu ina hriattir vek tur a ka ngaih kha hrilh ngamlo in alp zep char char alo ni a, mahse ka pa in nupui nei tur in min duh tawh tih ka hriat ruk deuh avangin harsatna neilo turah ka in ngai. Mahse arang lama ka pa hrilh hriat chu atha ka ti.

Ka nu in alo haw velah kan hrilh dawn nia atih chuan lungdam takin ka room lam ka pan a, ka room kanlut chiah , ka hawi let vut a ka nu Zamteii hian alo bia che em? Be miahlo la phone i nau boral atang ka la on lo reng reng, Pawi tihna ka nei tan , ka nu alo bia anga ka nu in ka phone tihbo te leh ka awm dan tur alo hrilh mai la ring a mase chutiang alo ni lo , ka thil ngaizam lutuk thin hi ka pa leh ka nu min sawisel fo na ani reng a ni. Mahse kal hnai ka ka tum tho alom ka in hnem chawp a. Ka pa office haw lah nise alo lungawilo haw office lam buaina avangin engmah ka nu tam sawipui ngam anilo.

Lengpui pan turin ka in siam mawlh mawlh a, garrage ah ka pa pawhin motor ati fai mek bawk,

" Bawiha pa, lo chho lok teh"

Hun remchang ka nu in ahmuh loh avangin ka kal hma a Zamteii nena kan chamchin hriat tir ngei atum tih ka hria, ka huphurh rilru hle mai. Kapa chu alo chho a, ka nu bulhnaih ah an thu a, keipawh ka nu in min ko chhuak ve a, Kapa chu engkim ahrilh a, a hriat tira ahrilh ngamloh thu te chenin.

Ka pa mitmeng rum em em mai leh tianga athinrim kha ka la hmu ngailo, a in seh ruh a, beng kiu vawng vawng khawpin min beng anihkha, ka thawmhnaw ka siam tawh sa zawng zawng ahai chhuak leh vek a, ka hnar leh ka atanga thi chhuak chuan ka T shirt hma rawng thlak thak khawpin athi nasa .

" Tiang hian maw ikhawsak a, khawilam hmei chhe hur maw i awmpui a, inu leh pa thawh chhuah hian KS i khawi em ni zawk?"

Zamteii laka atawngkam hman chu ka pa mah nise hriat aharsa aniang kan vai buai zo ta, ka pa nen chuan kanin sual chu ani ta mai.Ka nu mangang authawmah thenawm khawveng lo pung khawmin.... he ni hi ani Zamte nangmah vanga ka chhungkua ka chan ni chu....

Ka hak lai thler phengphung nen thi hmai thi hnuangin kan in ka chhuahsan a, ka nu in tap lawm lawm kapa hnenah min ngen sak lai a kapa ka lo that mai lo kha engtin nge ka theih zawk le, khatiang khawpa thinrim si khan kapa kha ka la zah ru tho a, min hnawt chhuakin kalsan mah ila ka pa anihna abo chuang silo.

Kan chhungte in pawh pan lo in thlawhna la nan hman beiseiin ka thianpa in lamah hmanhmawh takin ka kal a, Zamte i mi rinna leh ka laka i beisei hi hlawhchham tir ka tum ngailo. Engkim ka thianpa (ka kawm ve zeuh zeuh) chu ka hrilh a, hmanhmawh takin a bike in Lengpui lam kan pan a, mahse thlawhna in min lo thlawhsan hman ,Zamte tunah chuan chengsanghnih chiah ka nei tawh engtin nge i hnen ka thlen tak ang le Min lo nghak reng awm si a.

Lengpui airport atang chuan kan let leh ta a, ka thianpa chuan min hnem chho mawlh mawlh a, ( ani hi aizawl a college kal a inluah ani a, ka nu te khaw chhuak ka naupan laia kan zin tum a in hria kan ni. Inhlawh leh hnathawh peih em em mai a nihna hi ka ngaihsang hle thin nghe nghe.) inhlawhna kan zawnh anga in a ihaw duhloh pawn ka tuak pui dawn che nia atih te chuan min hnem ang reng hle, mahse fapa mal hnathawk ngailo leh thiam engmah neilo ka nihna ka rilru ah alian hle thung.

Van neihthlak tak maiin inhlawhna kan hmu thei phian a, zamteii biak pawh theihna tur emaw bengalore mizo awm tu pawh nise an number ka ngaihtuah ka theih tawpin la zawng thin a,hnathawk ngailo hna han thawh takah chuan chuan zan mut atui thei phian. chaw erawh ei ahar. ka rilru hah leh vei nei reng chung chuan , loh theihloh vangim pawisa hlawhchhuah ka ngai ta si a. Ka hmangaih tana ka tiam tawh kha tih hlawhtlinloh ka tum ngailo.

Inrinni tlai ani a, Ka hnthawhna ka kut durh nasa ltk chuan ka kut ati khawng ur a, ka taksa na lutuk leh ka tawl lutuk chuan ka khua ati sik er er a( hemi tlai hi ani ka fapa pian tlai chu ahnu a ka hriat leh danin) ka thianpa chuan kan pawisa hlawh chhuah tawh zat achhut mawlh mawlh a, ka neihsa nem train in kal dawn ila ka daih tawh mahse ka damlo chunga kal erawh ka thianpa in aphal lo nasa mai. Ka thianpa chu hlawh lamin akal a. kei erawh ka damthat loh avangin in ka lo nghak a.

Ka thianpa lo thleng a pawisa ka thawhchhuah ngei mai leh Zamteii ka hmangaih leh ka tana lo awm reng hnen ka thlen theihna tur anih avang chuan ka mittui atla hial anih kha , ka thianpa nen hi a awm lo ang tihn ka van hlau em.

Ka la dam kawr viau na a, rei ka rial thei tawh lo kapa office hlanin ka nu ka han tlawh a, min lo hai hial anihkha, ka hmel thu bal mai leh cher em em mai chu ka nu chuan min khawngaih em em a, ka pa kut min thlakna ka bianga serlian tak awm tak vang te pawh kha animahna ka nuin hai chhan hi. Ka nu englai mai pawh a min kuangkuah a min hmangaih rengtu hnenah chuan Zamteii awmna lam ka pan tur thu ka hrilh a, aneih ang ang min pek belh a,ka kal san ta a.

Gwahati kan thlen chuan ka dam kawr bawk a ka chau kher mai, zankhat station ah ka riak a, atukah train hmasa berah ka tum ram tak tal pan in kan chhuak ta. kawngtluanin Zamteii ka kalsan dawn zan atang ka ngaihtuaha , Chamchin engmah kanin hee zui ta silo, beisei takin min lo thlir reg awm si a, apuii lah in ariahpui reng hman awm silo, naute kan nei tawh angem, neih tawh phei chuan tunge buaipui anga, nge anute ahrilh ta ang aww. ??

Zamte hetiang anga awm hi ka tum vang anilo ania, Ni e ka hria alom ka mawl lutuk leh thil ka ngaihzam lutuk vanga thleng vek alom, ka phone ka tihbo hlim khan , Ngati nge ka nu phone atang keimah khan kalo hrilh mai loh che le , chhiat kan tawk kan buai bawk nem ka nu lahin nachang a hre silo.

Rel rum tlan ri bengchheng ri tlul tluk karah chuan ka rum vawng vawng ni ber hian ka hria, Beiseina hlawh tlinni reng awmlo kha zamte itan ava beidawn thlak dawn em, khawiah pawh awm la . khawihmunah pawh kal la ita ka ni renga ang atih te chu rel bengchheng tak karah ari nawn awn awn a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 9:44 pm

Bengalore ka thlen veleh chuan hmanhmawh tak leh phur tak huphurh rilru tak chung siin ka hmangaih awmna lam panin ka kal ta vat vat a, Dik tak chuan ka tum aiin kar thum laiin ka tlai a, Ka hmangaih Zamteii pawh mal tak leh khawhar takin min beisei nitin avangin hlim taka minlo lawm ai mahin lungawilo takin raipuar thinchhiatna nem minlo hmuah ka rin zawk mah vang ani ka huphurh rilruk em em ni.

Kan inluah luhna gate bul atang chuan ka kan awmna floor kan dak chho a, alo eng dul raih mai a phur takin ka tlan chho a, kawngka ka kik dawt dawt a, mahse ka thil.hmuh chuan min ti hrilh hai kher mai, ka Zamteii kha ani lo Vainu hmelchhe zet mai ala pawr em em zui. Phone ka neih loh avangin apuii te in lamah ka hmanhmawh takin ka tlan phei leh a, rekshaw pu lah ala ti to em em zui.

Apuii te in ah pawh alo awm leh ta chuang lo, apuiin min fiam ah ka ngai a, room ah besei takin alo awm beiseiin ka lut hmuh tur awm silo , avan hrilh hai thlak teh lul em, Apuii chuan anu leh pa anlo kal thu te leh nimin mai a Mizoram lam an pan thu te, Fapa duhawm a neih thu te min hrilh a, hemi tum hian apuii pawhin kan inkar thu ahre ve chiah anih kha.

Apuii chuan an call nghal vat a, a aw apuii nen an inbiak na ka hriat te chuan ka hnuk ati ulh teu mai., ka be ve dawn emaw la tia mahse phone adah daih, George abe duh lo che, ka vir mup mup hian ka hria, ka mamawh ngailoh leh ka nuna tel ngailo Zamteii ka tawng a, ka na ve ta ,ka nat chhan erawh ka thiamloh tih la chiang. Apuii phone chu ka la a vawitam ka dial mahse chhan na reng ka dawng silo.

Haw leh dawn ila pawisa ka nei tawhlo a, Chhungkua pan tur ka nei tawh hek lo, Apuii te bulah ka khawsak chhunzawm mai angai leh ta.

Hna ka thawh phak tawk thawkin ka sum hlawh chhuah ang ang te ka khawl ve zel a, Tudang mah an lang lo, Zamteii leh ka fapa neih let leh chauh lo chu , keimah min be duhlo mahse apuii hmang chuan chanchin ka hre ve zel thei ringawt pawh chu la lawm a tlinng em em si a, Ka fapa thil ka lei sak ve te pawh apuii hmingin kan thawn thin a, ka thawmhnaw leisak aha te ka hmuh chuan ka hlim em em thin anih kha.

Kum sawm dawn lai aliam ta, ka kum alo upa ta deuh bawk a ka thil tawn leh ka harsatna te pawh keimah atang an hla ve telh telh a, Ka hmangaih awm chhum leh ka tan a hmeichhe awm chhun ni bawk zamteii leh ka fapa neih chhun te ka hmuh chakna erawh nitim a zual zel nimai hian ka hria. Apuii te bulah khawsa lo in apartment hran ka luah veleh tawh a.Kapa boral avangin Mizoramah ka haw chho lai ani a, Chapchar awllen lai ani mizoram boruak aluk tan tawh ti ila ala nuam tawk viau e.

Nilai ni ani a, Zirlai naupang thenkhat thil min income certificate leh eng eng emaw tiin DC office dawr turin Treasury lam panin ka chhuak a. Tah hian ani Zamteii ka hmangaih leh la thlaklelh em em thin kumsawm dawn lai mai ahmel ka hmuh tawhloh kha ka tawn leh tak ni.

Zirlai naupang thil eng eng emaw ka tih zawh hnu chuan ka voters id siam that tir turin Election branch lam ka pan a, Mi an tam lo khawp mai atih zia hlauh dawn hi ka ti rilru nauh nauh a dealing clerk kawngka bula lo thu.min kawh hmuhna lam panin ka in her vut a ka thil hmuh chu leh, ka phawk kher mai

" Zamte...." ( ka aw alawi zo vek, amit ah chiang tak maiim ka en a a hmelthat dam te leh alan dan ala ngai reng ahma aiin tlemin athau deuh tih mai loh chu.)

Anih pawhin mak ti takin min en a , a mitui a dang zolo a mualpho tak ngial dawn a ahriat avangin pawnah atlan chhuak a, ka um chhuak ve nghal a.( Aruk tak chuan Ka va han hlim teh reng em.)

Zunin bulah inbe miahlo in kan ding dun a, a khur deuh der der a,

" Zamte itha maw"
(min chhang lo a mitui ahru mawlh mawlh a)

kan ngawi leh deuh vang vang a.....

"George "
( Beisei nei takin ka en ha a)

"Tenawmpa"
( ka hmaiah ri chawrh a, min luh san nghal)

Biak ngei tumin pawnah an office ban hma ka nghak char char a, alo chhuah rualin abanah nghet tak in la vuan a, thil awmdan engkim hrilhfiah turin Mualpui lam hmun fiamrial lam.ka pan pui ta a.

Rajiv Ghandhi stadium thutna lai takah kan pahnih chauhin tlailam boruak thengthaw nuam em em mai ah ah boruak uap churh mai in mung up up chu ka phawrh chhuak ta vek a, ka tum dan anglo tak a ka awm thu leh kan chhungkua amah vanga chhuahsan pawh hrehlo khawpa ka hmangaih zia te, atana ka thutiam hlawhtlin nana ka pal tlang zawng zawng te leh Amah ka neih let leh nan a ka thawhrim zia leh ka hah zia ahriat chuan hmangaihtu dik tak anih zia ka hre leh ta, a mittui luang te hruksakin , ka tang nemah ngei kum sawm chuang bei tawhlo kha hahdam takin a bei leh ta. Khua atlai lutuk hma in ka fapa hmu tur leh a nu leh pa laka ngaihdam dil turin kan haw ta a.

The End.

Ps: Rinawm la ,rinawmna rah i seng ang a, Lungngaihna emaw itih kha i hlimna kawng su engtu an ni thei ania...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 9:44 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)