KA TAP LO THEI LO BY Jack LR Gunners Chhakchhuak

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

KA TAP LO THEI LO BY Jack LR Gunners Chhakchhuak

Unread post by Ngaia » May 13th, 2016, 6:38 pm

KA TAP LO THEI LO
Reilote ah ka boral mai dawna ,ka fa te hi min
enkawl sak ang che."
Sangtei chuan a fa te 2 chu school an tlai hlau
tak in an form te hak tir in a siam mawlh
mawlh a, a siam zawh chuan school lam pan in
a kalpui ta nghal a.
Sangtei hi kumkhat kalta khan a pasal nen
inthen in fa mipa ve ve nei in a fapa te 2 nen
chuan khawsa in sangtei hi mi dawrah thawk in
a thawhna bul lawk chu a fapa te school kalna
ni in a hna a a kalpah in a hruai a a haw pah
in a hruai haw veleh mai thin ani. Sangtei pasal
thentak hi johana niin sangtei nen an in then
hnu lawkah nupui mawitei nen in nei in fa
erawh anla neilo thunga johana nupui mawitei
hi sangtei fapa te school ah hian teacher a ni
nghe nghe a johan a erawh sumdawn na lam
buaipui in a zin reng thung thin.
Sangtei chu zanlama a khawsik chuan a ti
chau in a awm a ti nuamlo hle a, ina mut vang
vang a chak tak zet, mahse a thawhna dawr
neitupa hi mi ti kher kher leh hna duh tak ni in
chawlh a phal ngai si lo. Sangtei thawhna hi
Restaurant lian ve tak ni in thawk pawh an
thahnem hle a ani.
Sangte in no vel a sil lai chuan a cellphone lo
ri in a kut huh hru hul in a phone chu a'n la
chhuaka johana a lo ni a pickup zui nghala
" Aw ! Enge i sawi duh ka buai viau ani"
" Naupang te an dam tha maw?"
" Aw ! Dam tha e"
" Naktuk ah rawn leng se ka tia, ka rawn hruai
dawn emaw ni ka tia"
" Engvang in ? School an kal a ngai a lawm"
" ka zin dawna, ka ngai dawn em a,ka zin hma
lo leng lawk se,tlaiah ka rawn dah leh ang"
" Awle , phone ka dah ania"
" Ka lawme."
phone dah in a thil sil lai chhun zawm in, chu
tih lai chuan a fapa te pahnih lo tlan lut in , a
upa zawk chuan anu kan bang tawh,i hman tep
em a rawn ti lut a,a fate a hmuh chuan
rangtaka lo kuah in ka hman tep tawh , tah
khan lo thu leh ula lo inhlei suh u aw ti in
thutna awm ah chuan a thut tir a, a thil sil lai
a chhunzawm leh nghal mawlh mawlh a,a fa te
pahnih chu ngawireng leh thuawih tak a lo thu
in,an nu chu anlo nghaka.a upa zawk hi clas 7
ni tawh in anau zawk hi clas 1 kal mek in kum
7 lek ala ni a a upa zawk hi kum 12 a ni. A
upa zawk hi thartea ni in a nau zawk hi muante
a ani. Tharte a chuan a nu thil sil lai chu a en
renga,a nau erawh hnathawk tu dang ten pawm
sawn in an fiama an lo nuih pui laih laiha.
" Nu apa nupui khan vawin ah min hrema tih
pah in thartea chuan a nu chu pangchang tak
in a en a,
" Bawihte tinge a hrem ngawt che a?"
" Home work ka thiamlo a,nizanah i damlo a,i
mu daih sia min zirtir hmanlo a"
" Bawihte, a van pawi ve, engtin nge a hrem
che?"
" Office ah min dintir a"
" Tun a tang chuan a hrem tawhlo ang che
zantin ka zirtir tawh dawn che lawm ti in a
fapa chu a hnem tak na a a chungril takah
chuan a thinrim hle a, a pasal hlui johana
nupui a lo ni kher bawk nen. A thil sil lai a
zawh hnu chuan an pu ber lo kal in an haw
theih tawh thu a rawn sawi hnu chuan sangtei
te nufa thum chu in lam pan in an haw ta
nghala, .
Thartea chu in thlen ve leh a form te thlak in
an home work te a ti nghal a,a nau erawh t.v
hmuhnawm ti tak in a en dauh dauh a, thartea
chuan choka lama a nu eirawng bawl chu a'n
au a,
" Bawihte,! Enge"
" Na nau hi t.v a en ania nu"
" Na nau lehkha zir phawt tur ka tih kha tih
pah in sangtei chu sitting room lamah chuan a
phei nghala, muantea chu thuthlenga thu in t.v
chu a la en dauh dauh a , sangtei chu muantea
bulah chuan thu in a kuaha
" Na nau te, lehkha zir phawt rawh aw, a u
pawn a zir mawlh mawlh hi"
" Nu ,ka thiam vek a lawm"
" Ti khan a ti ve ziah nitin an hrem ziah a
thiamloh vang in , tharte a chuan a lo ti vata
muante a chuan a u chu a melh raw raw a,
" Nu ka thiam vek a lawm t.v ka en duh lawm"
" Awle mahse lehkha zir phawt la aw, naktuk
ah i pa lo kal dawn ania thu in awih chuan"
" yes.! Tak tak ami mawh anu."
Thartea pawh chuan lawmhmel tak in tak2 mi
anu a lo ti ve nghal zat a, aw thu in awih
chuan a tih chuan muantea pawh lehkha a zir
ve ta mai bawka.
Zanriah eikham chuan a fate chu lehkha zirtir
in an zir zawh chuan a mut pui ta nghala,a
khawsik rawn awm leh in a khawsik ta fo mai
chu in entir tha in a hria a, a bula tui taka a fa
te mu hil chu en in, chhungkaw kima an awmlai
a mitthla ah lang in a ngai tak zet , tunah te
hian apa chu awmse ka tawrhna leh buaina te
a nep tur ti a ngaihtuah in tunah chuan a
nupui bulah tui tak in a mu awm si a a ti sap
a,a mittui a far fap fap a, johan ka van ngai
tak che em a ti sap sap a,a khawsik chu zual in
a tho a, damdawi ei in a mu leh ta nghala, a
muhil zui ve ta mai a.
" Anu tho tawh rawh tih ri chuan sangtei chu a
ti harh zawk a, an harh chuan a bulah muantea
a lo ding in a lo en renga, khai aw thawh ka
hai ni maw khawnge i u tih pah in a tho nghal
a, muantea chuan eirawng a bawl a u chuan a
lo ti vata muantea chu pawm in choka lam pan
chuan a kalpui ta nghala.
Kawngka rawn kik thawm vang chuan sangtei
chuan na nau kawngka va hawng rawh a tih
chuan tharte a chuan apa niang keiman tih pah
in kawngka lam a pan a.
Thartea chuan kawngka hawng in,a rin loh tak
a hmuh vang nge mak tih hmel tak in a ding
ngawi ta renga, muantea lah phur takin a pa
maw ti in a u bulah a va tlanphei thuai a a ni
pawh a u ang tho chuan a ding ngawi ve ta
renga, sangtei chuan a u tu nge ni? Tih pah in
kawngka lam a pan ve vat a, kawngka bula
mawitei lo ding a hmuh chuan makti taka en
pah in,
" Enge i rawn tih dawn?"
" Nopang ka lo hruai dawn a pa a rawn kal
hmanlo a."
" Va haw leh phawt mai rawh,a pa hman hunah
apa in lo hruai rawh se,"
" Sangte khawngaih in a harsa zawng hlir in
thil ti suh,a hmanlo a min lo tir a lawm,"
" A harsa zawng in thil ka ti maw? "
" A ngaite bawk,in hnial ka duhlo."
chu tia an in biak lai chuan sangtei cellphone
lo ri in sangtei chu kalsawn in a phone chu
pickup in
" Enteh kansawi fel vek tawh a maw ka tia,"
" Sangte min ngaidam rawh ka buai em a, ka fa
te kha hmuh ngei ka duh sia, mawitei ka lo tir
tawp a nih kha,"
" Apa i nih vang chauha heng hi ti thin ka ni
sin mahse ?"
" Sangte khawngaih in"
sangtei chu a'n ngawi vang vang a, " Awle ,a ti
ve ta a, phone dah in a fate hnenah chuan awle
i pa bulah vawin chu hun in hmang dawn
insiam rawh u aw tih pah in room lam a pan
pui a,thawmhnaw te thlak sak in, thu awih tak
in awm u la,pawnah chhuak miah lo ang che u
ti in a fa te chu a hrilh mawlh mawlh a,a siam
zawh chuan choka lamah hruai phei in mawitei
chuan a lo nghak reng a, sangtei bulah chuan
ka lawme a lo ti sap a, " A Pa ka zah vang
chauh a ni ti in sangtei chuan a lo ti bul hmuk
a, mawitei chuan naupang ho chu hruai in
inlam pan chuan a car chuan an tlan ta nghal
a, Thartea te unau chu a seat hnunglam ah thu
dun in an ngawi dun reng a, mawitei chuan han
biak a, in nel tir viau tum ran in,
" Muante apa bula awm i chak tawh em?"
" Aw, chak tawh lutuk a nu chu infiam te a
phal velo a,a pa chuan a phal a sin"
" chu ti maw, a nih chuan vawin nileng in
infiam na hun i nei dawn anih chu mawitein an
tih chuan muantea chu a hlim in a phur em em
a, thartea erawh ngawi reng in a thu a, mawitei
chuan thartea rilru hre tak in
" Tharte a puitling zawk leh upa zawk i ni
a ,kan inkar in hriatthiam lohna awm hi kan tih
tawp a hun tawh ani."
" Ka pa hi then rawh"
" Tharte ti nge chu thu hlir chu i sawi, "
" Ka pa hi then rawh, ka nu nen an in
hmangaih a sin,a hmangaih tak2 lo che ka pa
hian,"
mawitei chuan chhang lo in motor khalh pah
chuan a in ngaihtuah nauh nauh a, johana
vang chauh in heng thil hi ti ka ni sin,mahse
har ka ti tak zet thin,a ti rilru a.rei vak lo ah in
an thleng ta thuai a, muante a chu motor tanga
tlan chhuak in apa apa a ti lauh lauh a, thartea
erawh muang changa motora tanga chhuk in in
chhung lam chu a pana, car dah that pah in
mawitei chuan a thlir renga,a car park fel in in
chhung lamah a lut ve ta nghala. Sangtei chu a
fate awmloh a vang chuan a khua a har hle a,
a nawm samloh a vang chuan hreawm a ti zual
a chaw ei a tuilo in ei luih ngial a tum pawn a
thei thlawt lo a ni ber,a khawsik lah a awm
reng mai bawk si, vawin chu pu ber bulah dil ila
in entir ila a tha ang a ti rilru a, chaw pawh ei
mumal lo in a in bual a , a in siam sawk sawk
a dawr lam pan in a kal ta nghal a, dawr a
thlen chuan rin loh tak in an pu ber chuan
hmel hlim tak in a lo chiau au vat a,mak a ti
zawk hial , inthlahrung tak in in entir a duh thu
a sawi te chuan a lo phal em em mai a,
hnathawk dang te pawn anpu awm dan chu
mak an ti vek. Note thar an neih vanga hlim
lutuk a lo ni reng mahna.
Sangtei damdawiin kawt tual thutna chuan thu
in doctor thusawi chuan a rilru ti hah tak
zet,hmunpui lam panpui chi ni a a hriat thu leh
test hrang hrang nei tur a doctor in a lo rawn
na
chuan a rilru a ti hreawm tak zet, a fa te chu
kalsan a hreh in a pa bula awm tur leh nu
hrawn kianga nikhat lek awmtir pawh hreawm a
ti si a, mahse a in enkawl vat loh chuan natna
enge maw tak te lo nise ti in a rilru a in sual
buai nuaih nuaih a, muangchanga tho in in lam
pan in muang chang in a kala , chu tia kawnga
a kal lai chuan a in ngaihtuah muk lutuk nge,a
hnunga motor chak taka lo tlan leh a horn ri
tuarh tuarh chu a hre hauh lo,
Motor brake ding chawt thawm leh thil ri bur
chu mi te chuan an pan khawm nghal vat a,
sangtei chu nikhaw hrelo in kawnglaiah chuan
a let ngut a, mite chuan an bawihsawm nghal
vat vat a.
Sangtei a harh chhuah meuh chuan, a ngaihna
hrelo tak in a'n hawi kual vela, a lu chu ana luk
a,a taksa chu a sil thum bawk, a bulah chuan a
thian nu Hmingi a lo awm bawka, a harh tih a
hriat ve leh a lo bawihsawm vat a, thiannu i lo
harh ta maw? Ka hlau thawng hman lutuk a
lawm,na i nei em? A lo ti vat a, sangtei chuan
lu thin pah in, neilo,engtia rei nge ti hian ka
wm, khawilai nge ka awm na hmun hi tih pah in
thawh mai an tum a,mahse a tho mai thei tlat
lo,in beng kang ur ur in,a let thla leh hnawka a
thaw hle hle a,Hmingi chuan tho hrih suh i
hliam na deuh a,mu hrih rawh ti in dawm pah
in sangtei chu a chul hliau hliau a,.lainat hmel
taka en pah in,
" Thiannu mut hahdam i mamawh"
" Engtia rei nge ti hian ka awm tawh? Khawi lai
nge ka wm na hi"
" Zan darriat a ri tawh, i hliam a nasa deuh a,
hmunpui lam kan panpui che a, "
" Kan khua ah ka kir leh angai tawh" sangtei
thawh tum chu,Hmingi chuan lo nem mut pah
in
" I fa te pawh an ngaihtuah awm loh apa bulah
an awm a lawm"
" A pa chu tlaiah khan sumdawn na thilah a
zin dawna,a kal tawh ang, Mawitei ho in an
awm dawn a sin,mi hrang lakah ka fa te ka dah
thei lo."
" Sangte a pa nen na chin lawk khan kan in bia
lawm hahdam tak in mu rawh"
a chauh em vang in sangtei chu a muhil zui ve
mai a,
chhunlamah an in fiam chau bawka muantea
chu thu thlengah a muhil bawrh baawrha,
thartea
erawh computer hma a thu in games a khel
mek bawka, apa ina ankal kha a pa ho in
lengchhuaka bazar ah te kal in an haw ah,an
kawt zawl nuam takah chuan a pa ho in an in
fiama, tlai lamah a pa chuan zin tur in a
kalsan ta ani. Johana chuan a kal dawn in
Mawitei bulah a nu in a lo lam dawna tha tak
in lo enkawl ang che ti a chah in a kalsan ta
kha a ni a, tunah zan dar riat a ri tawh
a,sangtei lah a lo la kal si lo, Mawitei chuan
phone tum in a bei nasa tawh, mahse a phone
tlang thei tlat lo, a beidawn hnu chuan johana
a be ta zawka,sangtei naupang lamtura a lo la
kal loh thu a'n hrilh chuan biak kan tum ve
chhin a nge ti in johana chuan Mawitei nen an
in biak zawh chuan sangtei biak tum in a
number an hmet chhuaka a call ta nghala
" Hello "
" Aw! Sangtei ni lo mi"
" Aw! A thian nu .Hmingi ka nia,"
" A mah biak ka duha."
" Sangtei chu vawin khan a..a.a.
Sangtein tuma hrilh suh a tih chu hre chhuak in
a nuam sam lo a,a ti ta zawk a, Thartea te
unau pawh naktuk lamah a lo lam mai ang ti in
dawt a sawi ta ngawt a, josepha chuan an nu
Mawitei chu bia in sangtei dam loh thu leh a
lam hman dawnloh thu hrilh in,lo riah pui la
naktuk ah a lo lam mai dawn a nia ti a Mawitei
a hrilh chuan Mawitei chuan huphurh rilru
angreng tak in awle tih pah in an in biak zawk
chuan, room a tanga chhuak in thartea te unau
lam chu a pana, thartea chu computer hma a lo
thu in games a lo khel mek a,muantea erawh
thu thlengah a lo muhil tui hle tawh thung.
Thartea bula thutna awmah chuan thut pah in,i
nu chu a lo kal thei dawn lo a,a tih chuan
Thartea chuan lo en vat in,haw ka duh a lo ti
vat a,
" I nu in naktuk ah a lo lam dawn che u lawm"
" Nangman min va dah mai rawh"
" i nu a dam tha lo a, riak tur che u in a duh a
ni"
" Chutiang in ka nu in a tih ka ringlo ,kan haw
duh"
" Pu tling thusawi a'n hnial zut zut ngai lo,i nu
ka
nih hi"
" Ka nu i ni lo , Nu a tan kan duhlo che"
mawitei chu hamhaih tak leh zak rilru taka
awm in thartea chu en in
" A tha e, i sawi zing tawh e,duh leh va haw ta
che, ka thlah dawn lo che,bakah muantea chu
hetah a riak dawn " muantea lam pana kal
nghalin a pawm kanga khum lam a panpui ta
nghala Tharte a chuan a thlir renga..a mah
chuan a haw ngam silo, phur lo tak in Mawitei
chu a zui ve ta zawka.
Zanlai a pel hret tawh, sangtei muhil chu harh
in a'n hawi kual vel a,a bula thutna awmah
chuan Hmingi chu thu in a lo mu hil tui hle a,a
mutna khum chu a bawh nguai bawka, a lu a
na in,a chau tak zet, a rilru ah a fa te lo lang
in engtin tak awm ang maw? An nu hrawn
kiangah an awm ngei awm si a,ti in a rilru a
hah tak zet, muante a phei chu khawiah mah a
tel lo in a riak thei ngai si lo,a muhil miah lo
ang ti in a fa te chuan a rilru an ti hah tak zet,
mahse a taksa a chauh em vang in ngaihtuah
na mumal a nei thei lo, naktuk ah ka chhuak
anga tlai lamah ka lam ngei a ngai tia
ngaihtuah chung in a muhil zui ve leh ta nghal
a.
Inlamah ve thung chuan, muante muhil harh in
haw a ngen tlat a, Mawitei chuan pua in puak
muthilh tum in a awi darh darha Thartea erawh
a mutui hle thung
" Anu bulah ka kal duh"
" A nu chu naktuk ah a lo kal dawn a lawm,
muhil tawh rawh le"
" Aih, anu bulah ka kal duh lawm "
" A nu chu a damlo a naktuk ah a lo kal vat
dawn lawm,a tha em?"
" Thalo tunah lo kal rawh se phone rawh"
Mawitei rilru a buai tak zet, sangtei chu a na
viau em ni le,a fate bula ka awm a hlauh thin
nen,ti nge a lo kal miah loh le a ti rilru a,
Muantea lah a muhil duh mai silo, a chau tak
zet tawh, nu nih ka lo la tlin lo hle mai a ti sap
a, muantea chu a thiam ang tawk in tih mut
tum in inchhung dungah kal kual pui in a awi
kual ta zak zak a, reife hnu ah chuan an in awi
mu ve thei ta hram a..
Ni chhuak chuan Damdawiin bul vel te chu a
chhun eng nghulh a,boruak a thiang nuam in,ni
chhuak chu a mawi tak zet, Sangtei natna
khuma mu pawh chu chu boruak thiang nuam
tak leh ni chhuak mawitak chuan dam na an pe
ni mai awm in,damtaka harh a tho chhuak in,a
lu na deuh hlek leh a taksa sil deuh thum bak
chu na pawh a nei lo, ina haw vat a
duh ,mahse a theih mai si lo, a khawsik lo awm
leh in hlau thawng tak in doctor in hmunpui
lam pan tura a rawn thu te hre chhuak in, test
pawh neih nghal law law i la a tha ang ti in,a
thian nu chu a hrilh a, mahse ngaihthatloh na
em em an nei hran lem lo, a thisen leh thil
dang te test a neih kual hnu chuan an remti lo
chung in lam pan in a thian nu Hmingi nen chu
taxi la in an haw dun ta a.
Mawitei chu eirawng bawl in a buai em em a,
khat tawk in sangte phone a tum reng bawk a,
Thartea te unau lah haw chak in an phi ruai a,
i nu a lo kal tep tawh ang ti in lo infiam hrih
tur in a hrilh a, a ngaih a thalo tak zet tawh,
sangtei phone an tum leh a,a phone tlang thei
ta hlauh a,.
" Sangte i damtha lo tih kalo hria a,enge i an "
" ka zia awm tawh e, naupang enge an an,"
" An ngaihtuah awm loh e "
" A pawi ka ti tak zet, ni zan ka damtha lo a.
Tlailam ah ka lo lam mai ang "
" vawin school an chawl dawn tihna em ni "
" chawl hrih phawt mai rawh se, i ofice duh
awm sia,a pi te bulah lo va dah mai la,a rem
chuan"
" Nilo e,ka lo awmpui ange ,"
" I hna engtin nge niang ?"
" Lungngai suh buaina tur awmlo e"
" Ka lawme"
an in biak zawh chuan Mawitei chuan chawei
siam in chaw a ei pui ta a,muantea hi chuan a
nel nghal maia,thartea erawh in a nel lo in a
huat hmel em em thung a, mahse dawh hram
hram
in a duh thlan na a ni tih a hriat vang in
zaidam leh thin nel tak in a ti hram hram a.
Chawhnu her lam tawh ani, Thartea te unau
chu Mawitei ho chuan awm in, anu lo kal hun
anlo nghak reng a,muantea chu Mawitei chuan
pawmin thartea erawh computer bulah bawk
thu in, games a khel leh a, muantea chu
mawitei chuan a fiam nui ar ar a, muantea pui
chuan mawitei bulah chuan engtin nge ka auh
dawn che an ti chhuak thut a, Mawitei chuan
han chhan mai ngaihna pawh a
hrelo,ngawirenga muantea en pah chuan
" Engtia min auh nge i duh "
" Ka hrelo "
" Anu min ti mai la pawi em ? "
" Pawilo e... Ihh ...a nu ..
Anu tia muante an a en ha lai chuan Mawitei
chuan lawm rilru tak in,i van fel tak em ti in a
lo kuah vawng vawng a,
" I nu a ni lo ." thartea chuan muantea chu rum
tak in a melh a,
" A nu i ni lo mi ? Muantea chuan mawitei chu
a zawt a,
" I nu lawm ka nih ti in kuah a,pawm chung in
bedroom lam pan pui in bedroom kawngka a
hawng dawn chiah ti in kawngka pui lam lo in
hawng in, sangtei a lo lut nghal a, muantea chu
mawitei pawm na ata tal pit chhuak vat in,a nu
awm na lamah tlan phei vat in a.nu .anu a ti
chul a,thartea pawh a nu lamah a lo kal thuai
a, mawitei bulah ka lawme ti in a fa te chu a
haw pui ta nghal a.
Sangtei chu eirawng a bwl malh malh a, a
bulah muante a chu ngawirenga thu in,eitur a
hawn sak te chu a ei mawlh mawlha, motor in a
sutna ah kham pem em em a nei lo a,a fa te
pawh hian engmah an hrelo hlauh ani.
Thartea chu sangtei eirawngbawlna bul lam
pan in a nau bulah chuan a thu a
" Nu ni zanah tinge i lo kal loh "
" Bawiha ka dam tha lo a,ka chau em ani "
" I awmlo a,ka muhil tha thei lo a"
" Kei pek,ka muhil lo, Anu pakhat khan min paw
muhil a muantea chuan a lo ti zawm zat a,
" Tu in maw pua che sangtei chuan a ti vata
muantea chuan thil ei tun tunpah in a nu
pakhat
khan,min pua lawm a lo ti a, sangtei rilru chu a
na tak zet, mawitei chu a hua pawh a ni
lo,mahse a pasal chhuhsak tu ni in a fa te
thleng hian a laksak ang tih a hlau ani
" Nu keichu A nu ka ti ve duhlo,na nau hi
chuan a.nu a tia kei chu nangmah bak nu ka
nei duh lo tharte an a lo tih chuan sangtei chu
a hlim tak zet,
" keipawh nangmah chiah muantea chuan a lo
ti ve vata,
" Nangchu nu pahnih i nei tharte an a lo tih
chuan sangtei chuan a tawk e,in hauh loh tur
in nu tur ve tho a lawm an ti sap a,chu thu
sawi chu har a ti tak zet,
Hunleh nite a liam zela sangtei chu a hrisel lo
tial tial a, a damlo ta reng mai, ni tin in hlawh
chawpa a fa te chawm a nih vang in damlo
chung pawn a hna ah chuan a kal hram hram
a,a fa te chawm zo lo anga a lan chuan a fa te
chu a pa in a la mai ang tih a hlau ani.
Vawitam tak in entir in test hrang2 a paltlang
ngun malh malh hle a, vawikhat chu doctor in
a hlim na zawng laksak vek thei thu a hrilh ta
tlat mai.. Sangtei tan chuan pawm a har tak
zet , a fa te chu a rilru ah an lang hmasa ber a,
a hna pawh a kal thei lo ta zeuh zeuh a,mahse
a fa te tan damlo chung pawn a ti lui hram
hram zel a,doctor ten in enkawlna tha zawk la
vat tura an tih te chu ngaithla duh lo in, an
damdawi chawh ang te pawh ei lo in ,a hna ah
leh a fa te ah a rilru zawng zawng a pe tawp a,
ka tuar anga ka tuar chhuak ngei ang ti in a
tuar fan fan a.
Doctor ten, in enkawlna a dawn vat loh chuan,a
pawi tur thu an hrilh pawn nikhat lek pawh a
awl thei si lo.a hna a thulh chuan a hna a chan
anga, hna a neih loh chuan a fa te chu apa
bulah an awm angai dawn si,a rilru a hah tak
zet.
Hunleh ni te a liam zel a, sangtei chu a natna
chuan a ei chhe tak zet, nu hmeltha tak ni thin
kha,a hmel a thu in,a dawl dang em em a,a
cher in a hmel mawina te chu a ni tel in a
natna chuan a ei chhe mek zel a.
Zankhat chu a thian nu Hmingi chuan sangtei
chu kan in sangtei chu in enkawl a hmunpui
lam te pan tur in a hrilh a, sangtei hian a
natna hi Tumah hrilh lemlo in Hmingi chiah hi
a hrilh ani, Thartea te unau an mut hnu pawh
chuan anla ti ti dun malh malh a
" Sangte ti ri ngawt chuan atha lo,ka ngaih a
tha thei thlawt lo,ka hlau thawng tak zet"
" Eng em a ni nang "
" i Fa te chan hlauh vang mai a,johana pawh hi
hrilh tawp mai la,a pui thei mai thei sin"
" Chu tiang sawi tawh suh,engmah a thleng
dawnlo"
" Ti hian i ti mawlh a, cancer te chu enkawl fe
pawn an damchhuak ngai si lo,min ti bei
dawng tak zet, Hmingi chuan a ti sap a,an
ngawi dun ta vang vanga, sangtei rilru chu a
hah tak zet , duh thlan tur a van nei lo em, in
enkawl na pawh dawng mahse a boral dawn
tho2 chu a chhap ah a hna a chan anga.a fa
te lah a pa in a lak sak bawk anga,chu ai
chuan ka hun tlemte neih hi ka fa te nena hun
hman ka duh a ti sap sap a,a biangah mittui a
luang thla nguai nguai a,chuat ah a far thla leh
fap fap thin a,. Hmingi chuan a thiam ang
tawka hnem in a haw san ta hrih a,
hmingi haw hnu chuan sangtei chu mu tur in
khum lam an pan dawna kawngka bulah
thartea te unau chu ngawi reng in an lo ding
dun a,
" E he, in muhil tawh a maw ka tia, ti ru mu
ang u ti in khum lam pana kai lut in an mu ho
ta a sangtei chu zan dang ang bawk in a laiah
mu in thartea te unau chuan an nu chu an
kuah dun chial a,tharte chuan sangtei en pah
chuan
" Nu i cancer ami ?
Sangtei chu a ngawi vang vanga,chhan har a
van
ti em"
" Mawh a.nu i cancer a mi ?"
" Bawihte eng pawh ka chungah thleng se,ka
kalsan dawn lo che u , ti in sangtei chuan a fa
te pahnih chu duat taka kuah in an lu ah a
fawp ngawih ngawih a,a mit tui a far fap fap
bawk a,
a ngaihna hrelo tak in muantea chuan
" Nu min kalsan dawn maw? Khawi ah "
" Bawihte, ka kal san dawn reng2 lo che ti in
muantea chu a kuah vawng2 a, muante a
chuan lawm tak in a nu chu lo kuah let ve in a
muhil zui ta bawrh bawrh a.
Thartea chu khuma tang in a tho them them a,
sangtei chuan hre ru kar in a mit sir zauh zauh
a. Thartea chu pawn lamah thawmdim tak in a
chhuak a, sangtei chuan zui ru vat in, pawn a
chhuah chuan thartea chu kawt tual thutna ah
lo thu in van lam a lo thlir vang vang a,
sangtei chuan thartea chu pan hnai in a bulah
chuan a'n thu a, tharte a chuan a nu chu hmu
awm pawn a lang lo vanlam chu a thlir vang
vang a bawihte i muhil thei lo em ni ti in
sangtei chuan thartea chu a'n kuah a.a nu
awmah chuan bei thlawp in, cancer ka
hua,cancer hi ka haw tak zet. Cancer ka hua ti
in a tap ta hawm hawm a, bawihte i nu hi
engtin mah ka awm dawn hlei hnem ti in
sangtei chuan a fapa chu a kuah vawng vawng
a,a mittui tla tur chu dan har a ti tak zet. Tah
hawm hawm a van chak teh reng em, mahse a
fa te tan a in sum hram hram te nu tling taka a
awm a ngai si na a ti tak zet.
Ruah a sur buan buana thli a thaw vuk vuk a,
johana leh Mawitei chu inkuah chiala mu in an
mu tui dun hle a, kawngka sawi nawk2
thawmah chuan johana chu a harh zawk
a,khuma tanga tho in kawngka a hawng chu ,
tharte a.a lo ni, a thawmhnaw chu a huh vek
bawka, bawihte tunang zanrei tawh ah eng thil
nge ni, ti in hlau thawng tak in a lo zawt a, tap
tiau in
" A nu nikhaw hrelo in a awm a, lo kal vat rawh
pa,anu hi a boral tawh dawn aniang " johana
chuan a fapa chu kuah in bawihtei engtin mah
a awmlo ang, ti in a hnem mawlh mawlh a
" Nilo a natna hi a zual tawh ltk lawm" ni thum
ngawt a hna ah pawh a kal tawhlo,khumah a
mu char2 tharte an a tih chuan johana chuan i
nu chu engtin maw? Eng natna maw a ti vat a,
tap hawm hawm chunga tharte an cancer a ti
chu johana chuan pawm har a ti tak zet,a
nupui hlui kha leh chen in pakhat khum pakhat
a lo tawmpui thin a fa te nu ni bawk chu ,
hmanhmawh taka motor la chhuak in mawitei
pawh lo tho ve tawh in thartea te in lam chu an
pan ta nghala in kawtah motor dah in
hmanhmawh tak in an tlanlut nghal vat a,
sangtei chu khumah lo mu in muante a chuan
aw rawl tawp tawp in anu. A.nu anu ti in tap
chung a lo kuah nawk nawk a, thartea chuan a
nu chu a kuah thlawpa a tap ve nghal a,
johana chuan sangtei bula thut pah in sangte
sangte ti ko in a'n sawi nawk nawk a, damdawi
in lam pan vat a tha ang ti in damdawi in lam
chu hman hmawh tak in an panpui ta nghala
doctor ten theihtawp an chhuah hnu ah sangtei
chu rawn har chhuak in an hawi kuala a fa te 2
leh a pasal hlui te nupa a hmuh chuan mak a
ti hle a,a fa te lam hawi in a'n nui sak a, a mit
a chhing leh riai riai a johana chuan Mawitei
bulah naupang ho lo va haw pui rawh ti in a
haw tir a,sangtei bulah thu in sangtei kut chu
vuan in sangte a van pawi tak em,ka lo hre har
em ani min ngaidam rawh aw a ti sap sap a,
sangtei chuan a kut rawn ti che in johana
chuang mak ti tak in sangte sangte a lo ti vat
a, johan .johan sangtei chuan a ti sap sap a,a
ka bulah a beng a lo dawh vat a..
" Reilo te ah ka boral mai dawna ka fa te hi
min lo enkawl sak ang che, a ti tham tiaka, a
biangah mittui a luang thla nguai nguai a,
johan ..johan thih ka duh lo a sin, min pui
rawh,thih ka duh lo a ti sep sep a, johana
chuan sangtei kut vawn ngheh sauh sauh pah
in, sangte engtin mah i awm dawn lo.ti nge
tianga i sawi,a ti mawlh mawlh a, johan. .
Johan. . Min hrethiam rawh aw,ka tap lo thei
lo,.ti in sangtei mittui chu a far fap fap a,
johan. Tia duat taka ka kut i vawn ka thla hlel
thin a sin a ti sap a.johana cu en in a nui suk
a, . A mit a chhing ta riai riai a...a hringnun
taksa chuan lei hreawm chu chhuahsan in a
mit chu a chhing hlen ta a....
The
end



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)