PART - XI
Ka thla bi hun pangai ka bawhpelh ta hlauh mai le! Hlimna leh phurnain min chenchilh nghal a. U Ropuia hrilh rum rum ka duh rualin lo ni leh lo palh ta se a hrilhhai ka hlauh avangin a chian hun nghah phawt mai ka rilruk leh ta a. Mi raino an sawi angin luakchhuak leh engmah insawiselna dang ka neih loh avang chuan engemaw palh mai mai a nih kha ka ring ta deuh bur bawk a.
Ka ngaihbel ngeni ka pum chu a ti deuh nghelh ngulh hian ka han hre deuh pek a. Chutah Pi Rovi chu a rukte hian ka rai leh rai loh enna turin Pregnancy test kit lei turin ka tir ta nge nge a.
Ka helhhawlh deuh ngeni ka test tum ni tak maiah chuan zing hma takah, U Ropuia thawh hmain ka tho ta hlauh mai a. Ka va test ta alawm, men pawh meng tha ngam manglo hian ka han bih dek dek a. A senno dal riai hian line hnihah a lo inrin kalh mai a! Ka phur lutuk kha bathroom-ah khan ka han au nghek phawt mai a! Unau pianpui nei velo, unau awt ngawih ngawiha hun lo hmang khan keima fa ngei ka han pai tan ve chu a ni sia! Ka thingthi hnawk a, mittui nen,"Lalpa, ka lawm e," ka ti mawlh mawlh mai a. Ka ri zui chul mai a.
Chutah bathroom kawngkhar a rawn ri ta dawt dawt mai a,"Rempui, Rempui," tiin ngaihthalo aw tak mai hian min rawn ko ta dut dut a. A dik taka sawiah chuan kan inneih hnua ka thawh khalh ve awmchhun a la ni a, chutah kei lah bathroom chhungah chuan ka ri zui chul mai bawk si a. A tan chuan a ngaihthat loh thlak duh ngawt ang.
Bathroom kawngkhar ka han hawng chiah chu hlauhthawn hmel deuha min lo en chung hian,"I intina palh nge? Enge ni ta?," tiin min lo zawt nghal sek sek mai a. Ka lawm avanga ka mittui tlate hrukhul nachang ka lo hrelo tih ka han hrechuak leh hnuhnawh a! Ngawirengin ka zun ka test-na chu ka han hmuh ringawt a nih kha. A hmela lawmna kha aw..!!! Min pawmkang a, min lamkual pui ta a nih kha! Kan nui dun hawk hawk a, kan mittui a tla dun bawk a, khawvela nupa dang tumah hi kan ngailo awm asin.
A hma pawhin min duat tawh sa nak laiin min han duatin min han ngaihsak hleuh hleuh khawp mai a. Engmah a la hriata la hmuh tham loh ka dul chulin a ngaithla awl lova. Internet lam atangtein naupai tan tir tana tih tur leh tih loh tur, eitur leh eiloh tur chite a enkual reng bawk a. Kan khum bulah chuan pangpar tharlam khawi mai nilovin englai pawha thei chi hrang hranga khat deuh am reng basket pakhat hi a inhung ta ran bawk a.
A mi han ngaihtuah dan vel kha a thiantha ten 'Em em lutuk mai' tiin an fiam a. A ngaihaw duh der lova, "Hei aia nasaa duat dan ka hriat phawt chuan ka la duat lehzel ang," a tihsan mai mai a. Ka vannei a, ka naupai lah chu ka haw lo em em zui bawk a. Ka chawei leh engkim ei a tui a, ka hlim bawk a, keima tawka ka hmelthat ve ber lai a ni nghe nghe awm asin.
Chutia hlim taka kan nun chhohva, kan fa lo piang tur kan lawma kan nghah lai chuan thu lawmawmlo lamin min han deng ta tlat mai a. Awih har tiin pawm thiamlo engang mah ila a ni chiang ngang mai si a, a nihna anga kan pawm ve mai chu a ngai ta a. Chu chu ka pa cancer thu a ni a.
Mihringte hian hlimna zawng zawng, sawiselbo thak khawpa hlimna famkim hi neih a lo har ngang a ni ange. A lehlamah Pathianin kan chhungkuaah member thar, kan fa lo piang tur ka pum chhunga a duan chhoh lai mekin kan nupaa,"Ka pa," tia koh tur kan neihchhun, a fel loh leh tlin loh ang anga kan nupa tana nu leh pa nih kawp chuan khawvelah hun rei a nei tawh lovin a reilo berah thla ruk bak min dampui tawh loh tur thu kan han hre thut mai a nih kha! Ka tap ka tap ta ringawt mai a nih chu!
Ka pa damdawiin chhuak kha kan awmpui ren rawn a nih kha. Zawi zawiin zu pawh a thlah ve ta nge nge a nih kha. A taksa a chak tawh lova, khati chunga a tum ruh em avangin kha leh chen a lo nunpui a, a lo ruihchilh tawh zu a han nghei kha a tan a awlsam loh zia kan hriatpui a. Hemi chungchangah pawh hian U Ropuia hi sawiselbo zuk han ni a! Ka pa, a kum pangai ai pawha lang upa zawk khawpa zu lo in nasa tawh kha hmuhhniamna pakhatmah a nei lova, a zah thiam em emin a ngaithla peih a. A theih ang kawng kawngah a pui nasa em em bawk a.
Kan bula awmreng tura kan duh laiin ka pa khan,"A hmingin ka in leh lo a ding ve a. A hming bawkin nupui ka nei ve bawk a, fapate bula awm reng zawng a mawi love," a ti tlat a, kan remti lo chung min hawsan a. A hmaa 'fanu in' ti thin, U Ropuia 'Ka Makpa' tia ko thin khan a neih loh fapa ang takah ngai chhovin 'Ka fapa' a ti ve ta ngat zel a nih kha.
Ka pasal, ka ngenchhan leh rinchhan, ka engkima engkim ni hliah hliah hian ka pa enkawlna turin sum leh pai ngai ang ang senso huam eng ang mahse ka pa dinhmun kha a lo thalo tawh emai a, hma a sawn hleithei ta meuh lo. Ka rilru a phir a, awmngaihna tak pawh ka hre zuilo. Ani erawhchu mipa, puitling zawk a nih avangin a tuar a chhelin engkim a ngaihtuah zung zung mai a, chiai hmel a pu ngailo. Min duat zual sauh a, ka pa damloh avanga kan rilru hahna khan kan fa lo piang turah nghawng a neih hlauin min fuih sauh sauh bawk a. Engmah tul leh tih ngai ka sawia ka ngaihtuah ve ngai lovin amah vekin a enfel zung zung a. Damdawiin leh kan in a kar tawn chhen reng a, kei erawh damdawiin lama ka chettlat tam min phalsak lo thung.
KA ZINKAWNG By Rosie L Ralte
PART- XII
Keima hriselna lamah harsatna em em tawk lovin tluang takin nau chu ka pai chho ve zel a. Ka dul pawh a lian tha ve tawh viau mai a. Chutih karah ka pa erawhchu a dinhmun a tlahniam chho ve zel a. Rei a daih dawn tawhlo tih kan hre tlang vek nghe nghe a.
Pathian thatzia hi kan chhungkaw chungah hian a langchiang khawp mai a. Ka pain mihring mihrinna hmanga zu dova a nghei fel hnu, natna khirh tak mai cancer a tuar lai mekin a hnenah a inpuang ta hlauh mai a nih chu! Natna khuma na taka tuara mu mek ka pa thlamuanna chan kha a kiang vela chetla mek tan hai ngaihna a awmlo. Chutiangin ka nu ngeiah pawh zawi zawiin hna a thawk ve zel tih a hriat a, a hmaa ka pa natna avanga lungngaia tap khan Pathian hnenah lawmthu ka sawi thei ve ta hial a.
Ka naupan lai atanga ka nun chhoh dan ka thlir let a, khawharna leh mal ngawih ngawiha inhriatna, a ruka ruma tah vawng vawngna atanga vawiina Pathian min dahna leh min pek hlutzia hi ka han thlir kir a, ka tana tha tura a ro min lo relsak a ni tih ka pawm thiam ve ta thlap mai a nih chu!
Nikhat chu ka pain min chah ngun em avangin U Ropuia'n rei vaklo damdawiin lama awm ve min remtihsak a. A buaithlak ta ber chu hetia nau ka han pai tak hnuah hian khawiah emaw chhuak hlek dawn ila a tellova ka chhuah a remtilo hi a ni. A hma angin a nupui raipuar teuh lakah a thikthu a pe chhe hran tawh lova, amaherawhchu min ngaihtuah em em thung a. Engemaw ka tawh palh hlau reng reng hian a awm a, rilru hrehawm deuha awm ai chuan ka kalna apianga kalve a duh leh nge nge thin a. Ka naupai ka inentir ve pawh min kalpui zel a, amah vekin doctor a biaka ka chinchang a zawh ngat loh chuan a ngaih a tha hek lova.
A chang chuan fiamthu hian,"Ka chhe el ul sia min kalpui zaklo a mi?," hi ka'n ti ngei zel a. Ani lahin,"Mai mai a, nupui raipuar kalpui tur neilo pawh an tam awm emai a," a ti mai zel a. Hetia ka pian han ing euh chhova ka dul a han kawh ta deuhte hi min chhuang zawk emaw tih tur a ni fova, vannei ka inti hle. A chhan chu ka thiannu Mathiangi rai lai khan an pa khan a zahpui deuh tlat bakah a it hlawl lo tih ka hre ve kar tlat. Kei erawh a hma aiin min it zawk emaw tih tur a la ni zui.
Chutia ka pa tlawha kan va kal ta chu ka pa pawh a chau viau naa a hmel hmuh a lo nuam leh hle a. A tawng tha peih tawh lova, min lo hmu chu a lawm hmel em em mai a. "Nupui, ka tupa chuan a ti hrehawm che em?," tih min lo zawt hmasa ber a. Ka naupai lai hi mipa turah ngai nghetin 'Ka tupa' ti ngatin a sawi thin. "Hrehawm love ka pa. A che nasa ve tawh lutuk asin," ka han tih chuan a nui sak a,"A pu hian ka tihrehawm tawh em mai che a, ani chuan tihhrehawm che a duh velo a nih dawn chu," a han ti leh a. "Ka pa, a mak mange aw.. nunhlui, hun kal tawh kha theihnghilh rawh. Vawiina i fanu hlimna chauh hi ngaihtawh rawh ka tih che kha," ka han tih chuan,"Ka hria alawm Nupui," tih pahin kan bula ngawirenga lo thu U Ropuia kut chu a han ban a, ani chuan nghet takin ka pa kut cher thiak chu a lo humsak a."Nupuii hi i hmangaihzia leh i ngaihsak zia ka hria a. Thlamuang takin ka kalsan thei dawn a, in fa lo piang tur hmel hmuh talh tumin Lalpa hnenah ka dil a. Mahse a tir ata mahni hmasial ngar ngar ka nih zia ka inhria a. In naupai pawh lawm hleithei lovin keimah avangin damdawiin nen tihian in tlan tawn a ni a. Ka tupa hmel hi hmu hmanlo mah ila van atangin ka rawn thlir thei dawn che u tih ka hria a. Thih hi ka hreh ta love," a han ti a. A tawng chhung hian a chauh tawh avangin a tawng laklawh laite a ngawi leh vang vang thin a. U Ropuia'n,"Ka pa, engatinge maw i inthalhrun em em mai aw..? Kan fa lo piang tur hi min hmuhpui a, mal min sawmsak ngei theihna turin kan chelh tlat dawn che," a han tih chuan ka pa chu a nui sak a. Maimitchhing zuiin a han ngawi ta vang vang a.
Ka mittui a tla a tla mai a, ngawi rengin ka inhru hul malh malh a. Ani chuan nghet taka ka darah min kuahin ka kiangah a awm zel dawn a ni tih ngawirengin a lantir thung a. Ka pa chu chelh duh eng ang mah ila kan chelh thei dawnlo tih kan hrechiang dun em em a. A hun tawp a hnai takzet tawh tih kan hre bawk a.
Ka pa hian a damloh hunchhungah hian vawi tam tak ngaihdam min dil thin, a rilru tihhrehawm bertu chu pa tha tlinglo ngawih ngawiha a inhriatna hi a ni a. A hun laiin keipawh a lakah thinurin ka nu thattu ang deuhthawah ngai rilru mah ila ka pa a nihna a bo lova, a phak ang tawka min ngaihtuahnaah khan ka lawmzui tak zia hi ka hrilh fo thin.
Chumi ni tlai lamah chuan hawsan ka huphurh em em mai a, a kal dawn hnai tawh takzeta hriatna ka nei tlat bawk a. U Ropuia pawhin engemaw ti takin min hriatthiampui a nih ka ring hawsan turin min nawrlui ta bik lova. Amaherawhchu mu zal turin thu min pe thung a. Ka pa awmna cabin-a khum awlah chuan ka tluzal ren rawn a. Ani thung chu inah kan chawei turte lamin leh ka mamawh tura a rin angte lamin a tlan haw leh tete a. Ka nu pawh a rawn tlai thlen veleh a, a awm ve ran bawk a, ani pawh ka pa hun tawpah meuh chuan kha leh chen nupaa lo inpawm ve tawh ta chu a mittui a tla a tla mai bawk a. Han inhnem leh chiang tur kan awmlo a ni ber e. Ka pa erawhchu tui takin a muhil siai siai thung a.
Zing khua a var a, ni a chhuak tep tihah ka pa chuan tui in tur a rawn lam kan in tir hnu lawkah thlamuang takin min kalsan ta nge nge a. A hun tawpah hian keini nupa leh ka nu bakah Pu Thantea leh ama thian thenkhat leh U Ropuia thian thenkhat, a kal tawh dawn a ni tih hriaa min rawn tlaivarpuitute nen ka pa kiangah kan awm nghe nghe a.
Keima hriselna lamah harsatna em em tawk lovin tluang takin nau chu ka pai chho ve zel a. Ka dul pawh a lian tha ve tawh viau mai a. Chutih karah ka pa erawhchu a dinhmun a tlahniam chho ve zel a. Rei a daih dawn tawhlo tih kan hre tlang vek nghe nghe a.
Pathian thatzia hi kan chhungkaw chungah hian a langchiang khawp mai a. Ka pain mihring mihrinna hmanga zu dova a nghei fel hnu, natna khirh tak mai cancer a tuar lai mekin a hnenah a inpuang ta hlauh mai a nih chu! Natna khuma na taka tuara mu mek ka pa thlamuanna chan kha a kiang vela chetla mek tan hai ngaihna a awmlo. Chutiangin ka nu ngeiah pawh zawi zawiin hna a thawk ve zel tih a hriat a, a hmaa ka pa natna avanga lungngaia tap khan Pathian hnenah lawmthu ka sawi thei ve ta hial a.
Ka naupan lai atanga ka nun chhoh dan ka thlir let a, khawharna leh mal ngawih ngawiha inhriatna, a ruka ruma tah vawng vawngna atanga vawiina Pathian min dahna leh min pek hlutzia hi ka han thlir kir a, ka tana tha tura a ro min lo relsak a ni tih ka pawm thiam ve ta thlap mai a nih chu!
Nikhat chu ka pain min chah ngun em avangin U Ropuia'n rei vaklo damdawiin lama awm ve min remtihsak a. A buaithlak ta ber chu hetia nau ka han pai tak hnuah hian khawiah emaw chhuak hlek dawn ila a tellova ka chhuah a remtilo hi a ni. A hma angin a nupui raipuar teuh lakah a thikthu a pe chhe hran tawh lova, amaherawhchu min ngaihtuah em em thung a. Engemaw ka tawh palh hlau reng reng hian a awm a, rilru hrehawm deuha awm ai chuan ka kalna apianga kalve a duh leh nge nge thin a. Ka naupai ka inentir ve pawh min kalpui zel a, amah vekin doctor a biaka ka chinchang a zawh ngat loh chuan a ngaih a tha hek lova.
A chang chuan fiamthu hian,"Ka chhe el ul sia min kalpui zaklo a mi?," hi ka'n ti ngei zel a. Ani lahin,"Mai mai a, nupui raipuar kalpui tur neilo pawh an tam awm emai a," a ti mai zel a. Hetia ka pian han ing euh chhova ka dul a han kawh ta deuhte hi min chhuang zawk emaw tih tur a ni fova, vannei ka inti hle. A chhan chu ka thiannu Mathiangi rai lai khan an pa khan a zahpui deuh tlat bakah a it hlawl lo tih ka hre ve kar tlat. Kei erawh a hma aiin min it zawk emaw tih tur a la ni zui.
Chutia ka pa tlawha kan va kal ta chu ka pa pawh a chau viau naa a hmel hmuh a lo nuam leh hle a. A tawng tha peih tawh lova, min lo hmu chu a lawm hmel em em mai a. "Nupui, ka tupa chuan a ti hrehawm che em?," tih min lo zawt hmasa ber a. Ka naupai lai hi mipa turah ngai nghetin 'Ka tupa' ti ngatin a sawi thin. "Hrehawm love ka pa. A che nasa ve tawh lutuk asin," ka han tih chuan a nui sak a,"A pu hian ka tihrehawm tawh em mai che a, ani chuan tihhrehawm che a duh velo a nih dawn chu," a han ti leh a. "Ka pa, a mak mange aw.. nunhlui, hun kal tawh kha theihnghilh rawh. Vawiina i fanu hlimna chauh hi ngaihtawh rawh ka tih che kha," ka han tih chuan,"Ka hria alawm Nupui," tih pahin kan bula ngawirenga lo thu U Ropuia kut chu a han ban a, ani chuan nghet takin ka pa kut cher thiak chu a lo humsak a."Nupuii hi i hmangaihzia leh i ngaihsak zia ka hria a. Thlamuang takin ka kalsan thei dawn a, in fa lo piang tur hmel hmuh talh tumin Lalpa hnenah ka dil a. Mahse a tir ata mahni hmasial ngar ngar ka nih zia ka inhria a. In naupai pawh lawm hleithei lovin keimah avangin damdawiin nen tihian in tlan tawn a ni a. Ka tupa hmel hi hmu hmanlo mah ila van atangin ka rawn thlir thei dawn che u tih ka hria a. Thih hi ka hreh ta love," a han ti a. A tawng chhung hian a chauh tawh avangin a tawng laklawh laite a ngawi leh vang vang thin a. U Ropuia'n,"Ka pa, engatinge maw i inthalhrun em em mai aw..? Kan fa lo piang tur hi min hmuhpui a, mal min sawmsak ngei theihna turin kan chelh tlat dawn che," a han tih chuan ka pa chu a nui sak a. Maimitchhing zuiin a han ngawi ta vang vang a.
Ka mittui a tla a tla mai a, ngawi rengin ka inhru hul malh malh a. Ani chuan nghet taka ka darah min kuahin ka kiangah a awm zel dawn a ni tih ngawirengin a lantir thung a. Ka pa chu chelh duh eng ang mah ila kan chelh thei dawnlo tih kan hrechiang dun em em a. A hun tawp a hnai takzet tawh tih kan hre bawk a.
Ka pa hian a damloh hunchhungah hian vawi tam tak ngaihdam min dil thin, a rilru tihhrehawm bertu chu pa tha tlinglo ngawih ngawiha a inhriatna hi a ni a. A hun laiin keipawh a lakah thinurin ka nu thattu ang deuhthawah ngai rilru mah ila ka pa a nihna a bo lova, a phak ang tawka min ngaihtuahnaah khan ka lawmzui tak zia hi ka hrilh fo thin.
Chumi ni tlai lamah chuan hawsan ka huphurh em em mai a, a kal dawn hnai tawh takzeta hriatna ka nei tlat bawk a. U Ropuia pawhin engemaw ti takin min hriatthiampui a nih ka ring hawsan turin min nawrlui ta bik lova. Amaherawhchu mu zal turin thu min pe thung a. Ka pa awmna cabin-a khum awlah chuan ka tluzal ren rawn a. Ani thung chu inah kan chawei turte lamin leh ka mamawh tura a rin angte lamin a tlan haw leh tete a. Ka nu pawh a rawn tlai thlen veleh a, a awm ve ran bawk a, ani pawh ka pa hun tawpah meuh chuan kha leh chen nupaa lo inpawm ve tawh ta chu a mittui a tla a tla mai bawk a. Han inhnem leh chiang tur kan awmlo a ni ber e. Ka pa erawhchu tui takin a muhil siai siai thung a.
Zing khua a var a, ni a chhuak tep tihah ka pa chuan tui in tur a rawn lam kan in tir hnu lawkah thlamuang takin min kalsan ta nge nge a. A hun tawpah hian keini nupa leh ka nu bakah Pu Thantea leh ama thian thenkhat leh U Ropuia thian thenkhat, a kal tawh dawn a ni tih hriaa min rawn tlaivarpuitute nen ka pa kiangah kan awm nghe nghe a.
| Link: | |
| BBcode: | |
| HTML: | |
| Hide post links |
PART - XIII
Ka nauneih a hnai telh telh a, pa berin lamkhawm tur a hre em em reng kha mak tih tham zu ni a mawle! Naute mamawh tur nia a rin kha bazar atang leh internet bazar atangin a lamkhawm nasa khawp mai a, a tawpah phei chuan tih takzeta inkhap kan ngai ta hial a.
Chutah an office lamah a staff te zinga mi, nu pahnih kha ka nau neih hun bawra nau nei tur ve ve an ni a, maternity leave ( nauneih chawlh) buaipuia an phi zak zak laiin ani ber kha chawlh ve ngei tumin a lo phe ve sek a niawm asin mawle. A staff ten an lo nuih an lo nuih a ni awm e,"Sir, anni pahnih chuan nau an hring dawn a, an chawlh ngei ngei a ngai anga. Nang chu i nupuiin nau a hring dawn a ni a. Staff kan indaihlo sa nen, anni pahnih chawlh bakah nang pu ber lehzelin min chawlhsan chuan hna kan inthawk kaw lo tawp ang," tiin a hnuaia mi chiah hian a lo ngen a ni awm e. Ani U Ropuia lah a thinrim a lo ang deuh a ni awm asin. "Ka nupui fa hrin tur hi ka fa a ni ve tho tih in hre nange? Ka nupuiin a mawmawha a kawhkual tura ka awm a tul ve bawk e," tiin tan a lo khawh tlat a ni awm e. Pu ber a nih avangin an lo nuih vak ngam si lova, a hnung lamah an lo nuih viau niawmin a driver-in min hrilh nghe nghe a. Earned Leave laa rei tak chawlh ve ngei tum kha engti tiin emawni Casual leave laa ni 4/5 chawl mai turin kan inthlem thlu thei ta hram a.
Ka pa boral atanga thla hnih erh awrh a liam hnu chuan kan fa hmasa ber hring turin Durtlang damdawiin lamah kan han inphur chho ta poh a. Ka neih hun tura an sawilawk a pel hret tawh a, ka la vei mai siloh avangin U Ropuia mangang a phi chuk tawh a, keiin,"Thenkhatah chuan hetiang hi a awm ve chawk an ti asin," ka tih pawhin a awm hle hle thei tawh si lova. Min vei tir turin na nei lovin kan chho ve thawr mai a nih chu. A hun a hnaih tak tak chuan mi ka atangin a natzia an sawi kan lo hre ve chamchi bawk nen, a huphurhawm duh taih taih khawp mai.
Ka pa awmloh hnuah kan lung a leng a, nimahsela ka pa thlamuan zia kan hriat avangin kan intihrehawm duhlo lui ve a. Kan in veah khan ka nu amah chauhin a awm ta rak rak a, kan bula rawn awm ve mai turin ka sawm naa a tang ve tlat a mahse ka pa han nat chinah leh a han boral tak hnu hian keimahni pahnih chu kan inpawh ta sawt thung a. Nau ka neih hunah pawh min riahpui a tum urhsun ve khawp mai a. Fanu ena min en ngai lotu khan fanu enin min en ve tan ta ni berin ka hria. Tih tak emah chuan nu neih loh tawp aiah chuan a lo awm ve kha a hlu hrim hrim. Amah avangin tlaiah a hun takah chaw ka ei theiin thawmhnaw tharte pawh ka dawn thin kha maw.
Keima tawkah ka naupan laia ka rilru kha ru ve tak kha tunah chuan lawmna nun neitu ka ni chho ta a ni ber mai. Heng zawng zawng thlir thiam tura min puitu chu ka pasal, a hming ka lam rik nin theih loh U Ropuia vang a ni ka tilo thei lo.
Chutia damdawiina kan han lut ta chu na em em nei lovin ka la tha vu naa pakhat lah khan na ber ang ziazang khan min han cheibawl tan phawt mai a. Cabin kan chan nghal loh avangin Lawmna ward lamah ka han awm ve ren rawn phawt a. Min riahpui talh kha a duh tlat si a, hnar haw theih ni heklo, ka khum bula thutthlengsei inhungah khan a thu tlaivar thak mai a. A chang changin a han muthlu ve leh lawp lawp bawk a. A zankhatna chu kan tlingtla ve mai a.
A tuk zing dar 8-ah nau neihna room lamah min thawn ta nge nge a. Ka nu, Pu Thante te nupa, Pi Rovi leh Matlana leh U Ropuia thian thenkhatten pawn lamah min lo nghak thung a. Hetia an rawn pun hluaina chhan pawh khati taka inla mipa si kha a zam chhe ta tlat mai a, kei leh naute chungah engmaw a thlen palh hlauhnain a khat a. A lo sawmkhawm kual a lo ni a.
Min vei tir chawp a ni bawk a, hma ka sawn mawh khawp mai a. Midang ka veipuiten an hrin mawlh mawlh tawh hnuah zan dar 8 dawnah ka han hring tehreng a ni kha aw. Ka pa beisei lawk ang ngeiin 'Fapa' duhawm tak kan nei ta hlauh mai a nih chu!!! Nau neihna khuma ka la awm lai mekin 'Kan fapa' chu min han pawm tir mai a! Nileng maia na ka tawrh zawng zawng, damchhuak zo dawn lova inhre khawpa na ka lo tawrh tawh zawng zawng kha min lakbo sak ang huaiin ka han awm a nih kha!! Ka hlimna leh lawmna san zia kha aw! Pathian hnena lawmthu sawiin ka phun zui sep sep a.
Min han nawr chhuak kha aw.. ka pawr phang mai si a, thlan tla bat bat khawpin nau ka vei bawk nen khan ka hmuhnawm loh dawn hian ka han inhre khawp a nih chu. Min lo nghaktute lam khan chutiang lam reng reng an lo ngaihven ve hauhlo thung. Kawngkhar bulah U Ropuia'n min lo nghak a, midang hmai eng pawh zah zo lovin min han hmu chiah kha ka hmaah rawn thingthi thlain min rawn kuah a, zawitein ka hmuia rawn fawh zeuh pahin lawmthu min hrilh hnuah ka beng bulah 'I love you' a rawn ti sa sa a. Keiin chau takin ka lo nuih let sak thung.
Nau ka vei hlanin damlo chhuak an awm avangin cabin kan lo chang hlauh a lo ni a, ngaihngam takin cabin-ah kan han innawr lut ta poh a. Ka chau hle naa ka hlim em em thung. Khatia khuma ka han mutfel hnuah khan rosogulla te min han barh nghal bawrh bawrh mai a, chutah ka nuin,"Ropui, nangpawh va inhnawh puar ve tawh rawh," a lo tih sekah chuan a ngaihna hrelo zetin ka nu chu mitmeiin ka han zawt a,"Nau nei tura an nawr luh hnu che khan tuisik bak zu in duh hlawl lova. Kan nawr luih luih naa tu thu mah a ngaithla duh heklo. Nau veina room kawngkhar bulah zu ding char char a mawle i pasal hi," chek tlak tlakin a han ti ta mai a. Keiin,"Awi.. i ti mak emai a. Engahnge chutia engmah i lo ei loh Lal Apa?," tia ka han zawh chuan,"Lal Anu, nangpawhin nilengin engmah ei lovin na i tuar alawm le. Na pawh tuar ve hlei lova nikhat engmah eiloh lek lek a ho emai," min han ti let a. Chhan zui ngaihna ka hriat loh avangin kan pahniha inhmangaihna tifamkimtu kan fapa muhil lai chu ka melh a, lungawi takin ka chhing zui ta vang vang a.
Ka nauneih a hnai telh telh a, pa berin lamkhawm tur a hre em em reng kha mak tih tham zu ni a mawle! Naute mamawh tur nia a rin kha bazar atang leh internet bazar atangin a lamkhawm nasa khawp mai a, a tawpah phei chuan tih takzeta inkhap kan ngai ta hial a.
Chutah an office lamah a staff te zinga mi, nu pahnih kha ka nau neih hun bawra nau nei tur ve ve an ni a, maternity leave ( nauneih chawlh) buaipuia an phi zak zak laiin ani ber kha chawlh ve ngei tumin a lo phe ve sek a niawm asin mawle. A staff ten an lo nuih an lo nuih a ni awm e,"Sir, anni pahnih chuan nau an hring dawn a, an chawlh ngei ngei a ngai anga. Nang chu i nupuiin nau a hring dawn a ni a. Staff kan indaihlo sa nen, anni pahnih chawlh bakah nang pu ber lehzelin min chawlhsan chuan hna kan inthawk kaw lo tawp ang," tiin a hnuaia mi chiah hian a lo ngen a ni awm e. Ani U Ropuia lah a thinrim a lo ang deuh a ni awm asin. "Ka nupui fa hrin tur hi ka fa a ni ve tho tih in hre nange? Ka nupuiin a mawmawha a kawhkual tura ka awm a tul ve bawk e," tiin tan a lo khawh tlat a ni awm e. Pu ber a nih avangin an lo nuih vak ngam si lova, a hnung lamah an lo nuih viau niawmin a driver-in min hrilh nghe nghe a. Earned Leave laa rei tak chawlh ve ngei tum kha engti tiin emawni Casual leave laa ni 4/5 chawl mai turin kan inthlem thlu thei ta hram a.
Ka pa boral atanga thla hnih erh awrh a liam hnu chuan kan fa hmasa ber hring turin Durtlang damdawiin lamah kan han inphur chho ta poh a. Ka neih hun tura an sawilawk a pel hret tawh a, ka la vei mai siloh avangin U Ropuia mangang a phi chuk tawh a, keiin,"Thenkhatah chuan hetiang hi a awm ve chawk an ti asin," ka tih pawhin a awm hle hle thei tawh si lova. Min vei tir turin na nei lovin kan chho ve thawr mai a nih chu. A hun a hnaih tak tak chuan mi ka atangin a natzia an sawi kan lo hre ve chamchi bawk nen, a huphurhawm duh taih taih khawp mai.
Ka pa awmloh hnuah kan lung a leng a, nimahsela ka pa thlamuan zia kan hriat avangin kan intihrehawm duhlo lui ve a. Kan in veah khan ka nu amah chauhin a awm ta rak rak a, kan bula rawn awm ve mai turin ka sawm naa a tang ve tlat a mahse ka pa han nat chinah leh a han boral tak hnu hian keimahni pahnih chu kan inpawh ta sawt thung a. Nau ka neih hunah pawh min riahpui a tum urhsun ve khawp mai a. Fanu ena min en ngai lotu khan fanu enin min en ve tan ta ni berin ka hria. Tih tak emah chuan nu neih loh tawp aiah chuan a lo awm ve kha a hlu hrim hrim. Amah avangin tlaiah a hun takah chaw ka ei theiin thawmhnaw tharte pawh ka dawn thin kha maw.
Keima tawkah ka naupan laia ka rilru kha ru ve tak kha tunah chuan lawmna nun neitu ka ni chho ta a ni ber mai. Heng zawng zawng thlir thiam tura min puitu chu ka pasal, a hming ka lam rik nin theih loh U Ropuia vang a ni ka tilo thei lo.
Chutia damdawiina kan han lut ta chu na em em nei lovin ka la tha vu naa pakhat lah khan na ber ang ziazang khan min han cheibawl tan phawt mai a. Cabin kan chan nghal loh avangin Lawmna ward lamah ka han awm ve ren rawn phawt a. Min riahpui talh kha a duh tlat si a, hnar haw theih ni heklo, ka khum bula thutthlengsei inhungah khan a thu tlaivar thak mai a. A chang changin a han muthlu ve leh lawp lawp bawk a. A zankhatna chu kan tlingtla ve mai a.
A tuk zing dar 8-ah nau neihna room lamah min thawn ta nge nge a. Ka nu, Pu Thante te nupa, Pi Rovi leh Matlana leh U Ropuia thian thenkhatten pawn lamah min lo nghak thung a. Hetia an rawn pun hluaina chhan pawh khati taka inla mipa si kha a zam chhe ta tlat mai a, kei leh naute chungah engmaw a thlen palh hlauhnain a khat a. A lo sawmkhawm kual a lo ni a.
Min vei tir chawp a ni bawk a, hma ka sawn mawh khawp mai a. Midang ka veipuiten an hrin mawlh mawlh tawh hnuah zan dar 8 dawnah ka han hring tehreng a ni kha aw. Ka pa beisei lawk ang ngeiin 'Fapa' duhawm tak kan nei ta hlauh mai a nih chu!!! Nau neihna khuma ka la awm lai mekin 'Kan fapa' chu min han pawm tir mai a! Nileng maia na ka tawrh zawng zawng, damchhuak zo dawn lova inhre khawpa na ka lo tawrh tawh zawng zawng kha min lakbo sak ang huaiin ka han awm a nih kha!! Ka hlimna leh lawmna san zia kha aw! Pathian hnena lawmthu sawiin ka phun zui sep sep a.
Min han nawr chhuak kha aw.. ka pawr phang mai si a, thlan tla bat bat khawpin nau ka vei bawk nen khan ka hmuhnawm loh dawn hian ka han inhre khawp a nih chu. Min lo nghaktute lam khan chutiang lam reng reng an lo ngaihven ve hauhlo thung. Kawngkhar bulah U Ropuia'n min lo nghak a, midang hmai eng pawh zah zo lovin min han hmu chiah kha ka hmaah rawn thingthi thlain min rawn kuah a, zawitein ka hmuia rawn fawh zeuh pahin lawmthu min hrilh hnuah ka beng bulah 'I love you' a rawn ti sa sa a. Keiin chau takin ka lo nuih let sak thung.
Nau ka vei hlanin damlo chhuak an awm avangin cabin kan lo chang hlauh a lo ni a, ngaihngam takin cabin-ah kan han innawr lut ta poh a. Ka chau hle naa ka hlim em em thung. Khatia khuma ka han mutfel hnuah khan rosogulla te min han barh nghal bawrh bawrh mai a, chutah ka nuin,"Ropui, nangpawh va inhnawh puar ve tawh rawh," a lo tih sekah chuan a ngaihna hrelo zetin ka nu chu mitmeiin ka han zawt a,"Nau nei tura an nawr luh hnu che khan tuisik bak zu in duh hlawl lova. Kan nawr luih luih naa tu thu mah a ngaithla duh heklo. Nau veina room kawngkhar bulah zu ding char char a mawle i pasal hi," chek tlak tlakin a han ti ta mai a. Keiin,"Awi.. i ti mak emai a. Engahnge chutia engmah i lo ei loh Lal Apa?," tia ka han zawh chuan,"Lal Anu, nangpawhin nilengin engmah ei lovin na i tuar alawm le. Na pawh tuar ve hlei lova nikhat engmah eiloh lek lek a ho emai," min han ti let a. Chhan zui ngaihna ka hriat loh avangin kan pahniha inhmangaihna tifamkimtu kan fapa muhil lai chu ka melh a, lungawi takin ka chhing zui ta vang vang a.
| Link: | |
| BBcode: | |
| HTML: | |
| Hide post links |
PART- XIV
A hmingah ka pa, Lalmalsawma hriatreng nan Malsawmtluanga kan phuah a. Heibak pawh Pathian khawngaihna zara fa dang kan la nei leh a nih chuan U Ropuia'n a pu hming chawitel veka phuah a rawt mauh mai a. Malsawmhlui leh hlua te, Malsawmdawngliana or liani, Malsawmkima or Malsawmkimi tih hmingpu fa kan la nei chho zel turah kan ngaiin kan inbeisei. Ka pa khan heti tak hian a makpa hian a zahin a hmangaihna a lantir nasat zia hria se a lawm hian ka ring alawm mawle! A dan pangai tein,"Keizawng ka laktlak loh si a, in fate ka hming zulzuia hming puttir zawng a dik lovang a... ," a ti leh ngei awm si a.
Kan naute pawh a tlei tha viau a, harsatna em em kan nei zui lem lova. Kan buaina ber chu a khamkhawp hnute tui ka neilo chu a ni. A tha an tih ang ang min lamkhawm sak a, eng phei chu ka nih phah hlei lova. Nau ka neih hma deuh khan FB group pakhat, Chhangchheness.com (CCN an tih mai) member-ah ka tel ve hlauh mai a. Nuho awmkhawm ngang an ni a, nuam ka ti viau a. Zawhna engemaw raipuar kaihhnawih atanga naute enkawldan thlengin a leng vek bawk a, kei ang fa tir pawm tan chuan a han hlu em em khawp mai a. U Ropuia pawhin,"CCN-a i thiante kha va zawt leh la," a ti ta fo mai. Chawhmeh danglam deuh ka siam pawhin CCN atanga ka thiam thar tih kha a lo hre tawh thin tlat alawm. Ka han intuai hlarh hlarh lahin,"CCN Nalhna hi a awm lovang tih ka hlau," a tifiam zuk zuk ziah.
Hnute tui khamkhawp inhrai tur neilo ta chu hnute siamchawp (formula) kan in hnek tir a, a hautak ve riau. U Ropuia'n chet mai mai mi phalsak der mai si lova, chhunlamah chuan Pi Rovi a rin theih a, zanlam mawlh kha alawm buaithlak chu. Naute zun ek thlak a ngai ngun si a, ani ang palian ve tak maiin naute diaper a han thlak duk duk thin kha ka lainat thin a. Keimaha tih ka tumin a thinrim to zel si a, tihluih ngam ni heklo, amah vek kha ka ring zel lo thei si lova, an office lamah pawh a mutthluk phah zeuh zeuhin ka ring.
In awm nuam a ti a, a tawm hruah hruah mai a. A hna tul bakah pawn a chhuak ta meuh lova. A pawng a puia a thiante han thlauhthlak vek kha tha ka tih loh avangin leh a hma atang tawhin fiamthu thawh nan deuh reuha an lo hman zoh zoh tawh avangin a chang chuan leng chhuak ve zeuh turin a nawrin ka nawrlui thin.
Mi bulah chuan U Ropuia tiin ka la sawi tho naa 'Mampuia pa' tia koh ngat a duh a, keipawh 'Mampuia nu' ti ngatin min ko deuh kher zel bawk a. Kan 'Mampuia' hian kan nupa min chhun kawp a, a pa a chhun a, a sei nghal thlurh mai a. A miziaah pawh a pa a chhun a, a zia a zawiin a thu a duh hle. A hmaifangah chuan ka pa kha a chhun ber em aw kan ti thin a. A vun rawngah chuan kei min chhun thung a, ngo vu lemlo, hang tia hmehbel chi siloh a ni thung.
Kan hlimpui a, kan lawm a, kan nun a tifamkimin a tihlim ngawih ngawih a ni ber mai. Tlang hrileng a man ve zeuh tih loh phei chu a hrisel tha reuh em em lehnghal.
Hriat loh karin hun a kal ve zel a. Kan fa hming koh Malsawmtluanga, koh duat nana 'Mampui' kan tih, midangin 'Tluangtea' tia an koh bawk pianchampha hmasaber kan thleng ve ta hlawl mai le. A pain a pian hma deuh atang khan a badei lawmna turin Pi Rovi vawk a vulh hlawhtir a, in lamah ar kan la vulh chhunzawm bawk a. Bazar lam atangin bawngsa a lo order bawk a, a pain a theihtawpa lawmsak kha a tum ruh hle.
Tichuan thenrual tha, kan inneih inkhawm min rawn hmanpuitu aia tlem chhe chuang biklo kha U Ropuia'n a sawmkhawm a. Kan ri ta luih luih mai a. Nuam kan ti a, kan hlim bawk. A nihna takah chuan kan thenrual tha zual, lamhnai ngawih ngawih chauh sawm ka duh a, amah U Ropuia'n,"Kha leh chen kha mi chhungkua ka lo tawm tawh a. ( A pu Thantea te bula a lo seilen dan a sawichhan) Keima bil liau liaua Pathian khawngaihna zara chhungkua ka neih ve tak hi a theih angin ka lawm tur hi a ni ringawt," a ti ngur si a, pa zawk thu na na na chu ka 'amen' leh nge nge thin.
Hlim taka zanriah kan kil zawh chuan a then a zar an thu muang naa a tam zawk chuan min tinsan tawh a. Mampuia pawhin thilpek thahnem tak mai a dawng nghe nghe a. A hma ni atangin hemi ni atana inbuatsaihin kan lo vir buai tawh a, kan chauh tlan tak deuh vangin chung thilpek pawh chu hawng rih lovin kan dahtha ta hlawm a. A hrim hrimah ka sawi tawh angin a pa in kan nufain min atchilh a, naupang lawm nise room pakhatah a khalh thiam hma atangin an thal reih ruih mai a. Tun atan chuan la hawn rihlo pawh a pawi tam lovang chu.
Midang zawng an tin fel a, Mampuia pawh tui taka a mutthilh sek sek hnuah chuan bathroom lamah inphih fai turin ka lut a. Chutah kawngkhar a rawn kik det det a, ka va hawn chuan,"Inbual dun ang," a lo ti a. "Inbual pawh ka lo tum vaklo asin. Ka mut a chhuak riau a," ka han tih chuan a lamah min pawh hnaih salh pahin,"Mutchhuak rehna tha deuh ka hria alawm," a han ti a. Keiin,"Keichu ka hre miah lo," chimawm tak hian ka lo ti let a. "Hmmm," tih nghut pahin a rawn pen lut ve ta nghal a.
A han thaw ta hle hle a, chutah,"Exer lak that ka ngai tlat, ka in fit lo ru riau mai," nui ruh ruh chungin a han ti a. Rilru inhmu takin kan innuih a. Kan sirah chuan kan fapa muhil chu a thaw sek sek a. Puana inkhuh tumin ka han ban deuh tak tak a, ani chuan,"A lum i ti nange?," min han ti a. Mampuia va melh zeuh pahin,"Rawn harh thut ta se a zialo awm emai a," ka han tih chuan a nuihza a hmel chu ka hmu thei a. "Harh mahse a la hrethiam chuanglo. Hetia i taksa chauh, engmah dangtu awm lova han tawh hi a nuam emai," tih pahin ka dul vel chu a han zut kual zei zei a. A zo fel chiah a ni naa a kut erawh a hlei chhunzawm leh ta viau.
Chutah uluk tak mai hian a tih fo thin dan angin ka taksa peng tinte chu hriatchian em em tum niawm takin a han melh kual leh a. Ka lo ip deuh chaih chaih a, min nuih zui sak a. Hetiang taka min han belhchian hi ngaiah ka la nei hleithei lo nia, ka la zak ru ziah! Mite aia chungchuanna engmah ka neilo mai pawh ni lovin piannalh em em tia sawi pawh ka hlawh ngai hranlo. Hmeichhe vantlang tak ka ni ve tawp. Chuti chunga lunghlu tha mi ang maia min han cheibawl thin hi chu a zamawm ru riau asin. 'Special' ngawih ngawiha inngai tur hian amah hian min chei 'special' em!
Mi nupa chu inngaizawng takin an innei a, a reiah ngaiah inneihin an inthlakhlelhnate a kiam thin a ni ngai a. Keini nupa chu a hriat pawh inhre chiang lovin kan innei a, kan inzir tawnin kan inhre chiang chawp a. Kan inngaizawng zui a, fa kan nei a, kan inngaizawng zual sauh emaw tih tur a ni a, ka vannei ngawt mai. A ni telin kan inthlahlel telh telh emaw tih tur a ni.
Mal takin ka zinkawng ka zawh emaw ka tih thin lai khan ka pa, tlinglo tak kha ka kiangah lo awm ve zelin ka banah min chelh ve fan a. Tunah ka pasal leh ka fapa duh tak leh ka nu leh thenrual dangte nen. Ka va mal silo em!! Engtik niah emaw chuan he ka zinkawnga mi pawimawhte hian min kalbo sanin emaw keimah ngei hian ka kalsan hun a la thleng ngei ang. Chumi hun a thlen hma zawng ka ruala zinkawng zawh mekte hi a ni telin ka hmangaih deuh deuh zel ang.
A TAWP TA.
A hmingah ka pa, Lalmalsawma hriatreng nan Malsawmtluanga kan phuah a. Heibak pawh Pathian khawngaihna zara fa dang kan la nei leh a nih chuan U Ropuia'n a pu hming chawitel veka phuah a rawt mauh mai a. Malsawmhlui leh hlua te, Malsawmdawngliana or liani, Malsawmkima or Malsawmkimi tih hmingpu fa kan la nei chho zel turah kan ngaiin kan inbeisei. Ka pa khan heti tak hian a makpa hian a zahin a hmangaihna a lantir nasat zia hria se a lawm hian ka ring alawm mawle! A dan pangai tein,"Keizawng ka laktlak loh si a, in fate ka hming zulzuia hming puttir zawng a dik lovang a... ," a ti leh ngei awm si a.
Kan naute pawh a tlei tha viau a, harsatna em em kan nei zui lem lova. Kan buaina ber chu a khamkhawp hnute tui ka neilo chu a ni. A tha an tih ang ang min lamkhawm sak a, eng phei chu ka nih phah hlei lova. Nau ka neih hma deuh khan FB group pakhat, Chhangchheness.com (CCN an tih mai) member-ah ka tel ve hlauh mai a. Nuho awmkhawm ngang an ni a, nuam ka ti viau a. Zawhna engemaw raipuar kaihhnawih atanga naute enkawldan thlengin a leng vek bawk a, kei ang fa tir pawm tan chuan a han hlu em em khawp mai a. U Ropuia pawhin,"CCN-a i thiante kha va zawt leh la," a ti ta fo mai. Chawhmeh danglam deuh ka siam pawhin CCN atanga ka thiam thar tih kha a lo hre tawh thin tlat alawm. Ka han intuai hlarh hlarh lahin,"CCN Nalhna hi a awm lovang tih ka hlau," a tifiam zuk zuk ziah.
Hnute tui khamkhawp inhrai tur neilo ta chu hnute siamchawp (formula) kan in hnek tir a, a hautak ve riau. U Ropuia'n chet mai mai mi phalsak der mai si lova, chhunlamah chuan Pi Rovi a rin theih a, zanlam mawlh kha alawm buaithlak chu. Naute zun ek thlak a ngai ngun si a, ani ang palian ve tak maiin naute diaper a han thlak duk duk thin kha ka lainat thin a. Keimaha tih ka tumin a thinrim to zel si a, tihluih ngam ni heklo, amah vek kha ka ring zel lo thei si lova, an office lamah pawh a mutthluk phah zeuh zeuhin ka ring.
In awm nuam a ti a, a tawm hruah hruah mai a. A hna tul bakah pawn a chhuak ta meuh lova. A pawng a puia a thiante han thlauhthlak vek kha tha ka tih loh avangin leh a hma atang tawhin fiamthu thawh nan deuh reuha an lo hman zoh zoh tawh avangin a chang chuan leng chhuak ve zeuh turin a nawrin ka nawrlui thin.
Mi bulah chuan U Ropuia tiin ka la sawi tho naa 'Mampuia pa' tia koh ngat a duh a, keipawh 'Mampuia nu' ti ngatin min ko deuh kher zel bawk a. Kan 'Mampuia' hian kan nupa min chhun kawp a, a pa a chhun a, a sei nghal thlurh mai a. A miziaah pawh a pa a chhun a, a zia a zawiin a thu a duh hle. A hmaifangah chuan ka pa kha a chhun ber em aw kan ti thin a. A vun rawngah chuan kei min chhun thung a, ngo vu lemlo, hang tia hmehbel chi siloh a ni thung.
Kan hlimpui a, kan lawm a, kan nun a tifamkimin a tihlim ngawih ngawih a ni ber mai. Tlang hrileng a man ve zeuh tih loh phei chu a hrisel tha reuh em em lehnghal.
Hriat loh karin hun a kal ve zel a. Kan fa hming koh Malsawmtluanga, koh duat nana 'Mampui' kan tih, midangin 'Tluangtea' tia an koh bawk pianchampha hmasaber kan thleng ve ta hlawl mai le. A pain a pian hma deuh atang khan a badei lawmna turin Pi Rovi vawk a vulh hlawhtir a, in lamah ar kan la vulh chhunzawm bawk a. Bazar lam atangin bawngsa a lo order bawk a, a pain a theihtawpa lawmsak kha a tum ruh hle.
Tichuan thenrual tha, kan inneih inkhawm min rawn hmanpuitu aia tlem chhe chuang biklo kha U Ropuia'n a sawmkhawm a. Kan ri ta luih luih mai a. Nuam kan ti a, kan hlim bawk. A nihna takah chuan kan thenrual tha zual, lamhnai ngawih ngawih chauh sawm ka duh a, amah U Ropuia'n,"Kha leh chen kha mi chhungkua ka lo tawm tawh a. ( A pu Thantea te bula a lo seilen dan a sawichhan) Keima bil liau liaua Pathian khawngaihna zara chhungkua ka neih ve tak hi a theih angin ka lawm tur hi a ni ringawt," a ti ngur si a, pa zawk thu na na na chu ka 'amen' leh nge nge thin.
Hlim taka zanriah kan kil zawh chuan a then a zar an thu muang naa a tam zawk chuan min tinsan tawh a. Mampuia pawhin thilpek thahnem tak mai a dawng nghe nghe a. A hma ni atangin hemi ni atana inbuatsaihin kan lo vir buai tawh a, kan chauh tlan tak deuh vangin chung thilpek pawh chu hawng rih lovin kan dahtha ta hlawm a. A hrim hrimah ka sawi tawh angin a pa in kan nufain min atchilh a, naupang lawm nise room pakhatah a khalh thiam hma atangin an thal reih ruih mai a. Tun atan chuan la hawn rihlo pawh a pawi tam lovang chu.
Midang zawng an tin fel a, Mampuia pawh tui taka a mutthilh sek sek hnuah chuan bathroom lamah inphih fai turin ka lut a. Chutah kawngkhar a rawn kik det det a, ka va hawn chuan,"Inbual dun ang," a lo ti a. "Inbual pawh ka lo tum vaklo asin. Ka mut a chhuak riau a," ka han tih chuan a lamah min pawh hnaih salh pahin,"Mutchhuak rehna tha deuh ka hria alawm," a han ti a. Keiin,"Keichu ka hre miah lo," chimawm tak hian ka lo ti let a. "Hmmm," tih nghut pahin a rawn pen lut ve ta nghal a.
A han thaw ta hle hle a, chutah,"Exer lak that ka ngai tlat, ka in fit lo ru riau mai," nui ruh ruh chungin a han ti a. Rilru inhmu takin kan innuih a. Kan sirah chuan kan fapa muhil chu a thaw sek sek a. Puana inkhuh tumin ka han ban deuh tak tak a, ani chuan,"A lum i ti nange?," min han ti a. Mampuia va melh zeuh pahin,"Rawn harh thut ta se a zialo awm emai a," ka han tih chuan a nuihza a hmel chu ka hmu thei a. "Harh mahse a la hrethiam chuanglo. Hetia i taksa chauh, engmah dangtu awm lova han tawh hi a nuam emai," tih pahin ka dul vel chu a han zut kual zei zei a. A zo fel chiah a ni naa a kut erawh a hlei chhunzawm leh ta viau.
Chutah uluk tak mai hian a tih fo thin dan angin ka taksa peng tinte chu hriatchian em em tum niawm takin a han melh kual leh a. Ka lo ip deuh chaih chaih a, min nuih zui sak a. Hetiang taka min han belhchian hi ngaiah ka la nei hleithei lo nia, ka la zak ru ziah! Mite aia chungchuanna engmah ka neilo mai pawh ni lovin piannalh em em tia sawi pawh ka hlawh ngai hranlo. Hmeichhe vantlang tak ka ni ve tawp. Chuti chunga lunghlu tha mi ang maia min han cheibawl thin hi chu a zamawm ru riau asin. 'Special' ngawih ngawiha inngai tur hian amah hian min chei 'special' em!
Mi nupa chu inngaizawng takin an innei a, a reiah ngaiah inneihin an inthlakhlelhnate a kiam thin a ni ngai a. Keini nupa chu a hriat pawh inhre chiang lovin kan innei a, kan inzir tawnin kan inhre chiang chawp a. Kan inngaizawng zui a, fa kan nei a, kan inngaizawng zual sauh emaw tih tur a ni a, ka vannei ngawt mai. A ni telin kan inthlahlel telh telh emaw tih tur a ni.
Mal takin ka zinkawng ka zawh emaw ka tih thin lai khan ka pa, tlinglo tak kha ka kiangah lo awm ve zelin ka banah min chelh ve fan a. Tunah ka pasal leh ka fapa duh tak leh ka nu leh thenrual dangte nen. Ka va mal silo em!! Engtik niah emaw chuan he ka zinkawnga mi pawimawhte hian min kalbo sanin emaw keimah ngei hian ka kalsan hun a la thleng ngei ang. Chumi hun a thlen hma zawng ka ruala zinkawng zawh mekte hi a ni telin ka hmangaih deuh deuh zel ang.
A TAWP TA.
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)