"I HMING KA LA LAM FAN THIN ASIN" BY EMA

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

"I HMING KA LA LAM FAN THIN ASIN" BY EMA

Unread post by Ngaia » March 5th, 2017, 11:30 am

"I HMING KA LA LAM FAN THIN ASIN" BY EMA

"I HMING KA LA LAM FAN THIN ASIN"-1
www.storyfb.com
.
.
Darthlalang hma ah chuan ka in chei ve niap niap a. Neck-tie leh coat suit nena han inthuam zur takah chuan ka 'sir' vuah hian ka inhria a.heh
Ka in nuih suk a. Phone ri ral ral chu ka pick up a.
"Lalfakzual, hmanhmawh ve ta che. Kan nghak reng che ania"
he pa tak hi chu aw! Koh duat na pawh ka nei ve reng asin mawle. Ka hmingpum ngat hian mi han ko ta thin a.
'ka rawn phei dawn Rochannawi, i helhawlh anih kha. Ala hma em hi'
ka thianpa te inlam pan chuan taxi in ka phei ve ta nghal a. Vawin hi a nupui neih ni ani miau a.a helhawlh ani mahna. Dar 10 a inkhawm tan tur kha. Dar 9 a ri dek dek a. Hmanhmawh baklenga kal tur in min beisei chu anih hi :-)
.
.
.
"Aw Lalpa i malsawmna hlu kan engkim chung ah alang..."
kan sa dup dup a. Pastor rawn dingchhuak in,khunkhan zet in thu an sawi dap dap a. A thusawi ai mah chuan Monu thian chuan ka rilru a luah zawk fe(hehe)
a hming ka hriat loh chu thuhran. Ka hmuh awm pawh ka la hrelo hrim hrim. A hmeltha in a hleitling a. A mitmeng sexy zet leh a khabe phir deuh thraih chuan hmuh ati nuam leh zual.
Inneih thutiam an chham lai vel chuan Monu thian che zauh chu ka va mit sir ralh a. Romol var pante a hum ran a. A mit a hru leh zauh thin bawk. A mit amim emawni dawn le?!...
.
.
.
Biakin atanga kan chhuak chiah chu camera pawh an hmet de chuai chuai a. Monu leh mopa chhungte'n thla an lak ho lai chu remchang ah la in ka va chibai zauh a.a hming ka zawt nghal a
"Rebecca tiin min ko thin a"
a nui sen sen a.ka van duh reuh tak em.heh
'Zuala minti ve mai dawn nia'
Thlalakna ah tel ve zel angai bawk nen. Rei inbiakna hman pawh ani meuhlo..
.
.
.
Mo lawmna ruai kan theh mup mup a,ka rin ai daih in lawmpuitu an thahnem.
ka thianpa pawh a hlim in,a nui sang reng mai. A Ka pawh zen ila,vawin hi chuan min seh hauhlo ang le :-D
zanlam ah nu leh pa leh thenawm inleng an haw ta maw tih ah. Thiantha zual 20bawr vel chu inchung lam ah tape play in kan lam hep hep a. Linda-i(monu) ka kaichhuak a,ka lampui a,thiante ho pawh a pair te te in anlam ve bawk a. Nulat laia Concert na vela tel tam ve tihtak ah,a lam hot thiam zek mai.
Harchhuak thut niawm takin ka lamlai chu ka tawp chat a.ka hawi kual a ka hmu mai bawk si lo
'Linda,khawnge Rebecca hi?'
"varenda lam ah a awm. I duh chuan va kal ve la. Thlalak lai pawn ilo va chibai zauh kha ka hmu che nia, va inkawm r'u"
.
.
.
Varenda a thutthlengsei ah chuan amah in alo thu a. A khup chunga kiu nghat in; khabe dawm vang hian kawngpuia motor intlanpel zut zut chu alo thlir dauh dauh a.
'iva lungleng awm ve Rebecca?, rawn lam ve ta che'
a phu deuh zawk hian ka hria,a in hru leh zauh a. Varenda light a on loh avang in chiang tak chuan hmu theilo mah ila,a tap tih chu ka hre thei.
"lungleng love, ri hut hut hi ka zo lo thin a,ka awm thawveng anih hi. Lo thu ve phawt la,nakin deuh ah kan lamdun dawn nia"
ati a. A awmdan chuan ngaih ati tha vak lo a. Engemaw in phum ru chu a awm ngei in ka hria. Kan innel lutuk silo a. Ka zawt ngam chiah lo ani.
Tawkfang kan inkawm hnu chuan thiante kar ah chuan va tel ve in,kan lamdun a. Kan thian mipa dang ho pawh in an thlek uluk hle tih chu ka hria. Ka lampui bik avangin a ruk tak chuan ka inti thei.haha
Dar 10:30 vel chuan tin zai kan rel ta hlawm a.
Rebecca pawh taxi in a haw a. Keichu ka thiante nupa riahna tur hotel thleng in ka va thlah a,ka haw ve nghal a.
.
.
.
Thianpa ber in nupui a han neih takah chuan khua ahar duh ngei mai. Nula rim tura hruaichhuah a rem teuh tawh silo a. Nupui a nei thawt thawt chu ka ngei lek lek ani :-)
mahni in lengchhuak peih hek lo le,thla li dawn lai chu in ah ka tawm-im ve ta reng mai
.
.
.
Sunday ani a, chawhnu inkhawm ban chuan ka inbual fai a. Taxi la chhuak in veng tawntirh lam (kan awmna hi kan Khua a veng tawplam ani) ah chuan ka lengkual a. Enginnge min mawlh pawh ka hre lo. Chulai veng thlanmual road lam zawh chu alang tlat lawi sia. Muang chang in ka tlan a, sunday tih takah,a reh ruih a. Thlanmual chu kawng thlang lama awm hi ani a,ka thlir pah zeuh zeuh bawk a.
Thlan la hluivak lo chunga nula samsei thlah hniang mai,min hnungchhawn zawnga lo thu hi ka zuk hmu a. Ka motor tidinga ka thlir reng lai chuan ka thawm a hria nge mawni,a rawn hawi chho a,a hmel ka hmu chuan tu nge anih ka hre teh meuh mai,
Rebecca ngei kha ani. 'Enge maw hetah te atih reng reng le?'
ti rilru nauh nauh chung chuan ka pan thla a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 5th, 2017, 11:31 am

"I HMING KA LA LAM FAN THIN ASIN"-2
.
.
.
A awmna ka thlen hma deuh chuan a inhru mawlh mawlh chu ka hmu thei a. A mit a buai deuh chak a. Nui lui tih hriat taksi hian alo nui sen sen a.
"Zuala,i damtha maw? Hetah te enge i rawn tih ve a?"
'aw dam tha e,itha zawk amaw? Ka lengkual satliah anih hi. Enge hetah itih zawk a?'
"ka lungleng deuh a. Ka thiannu(Linda-i) nen kan inkawm hleithei tawh silo a. Intihthawven pah in ka kal mai mai a"
he nula hian engemaw a tawn bik le? A thiannu te inneih ni pawn a mittui a far tak kha mawle! Tun tum ah chuan ka zawtchhuak tawh ngei ngei ang' ka ti rilru neuh neuh a.

'Rebecca, i thiannu te inneih ni a,thutiam an sawi lai vel khan i inhru zauh kha ka hmu chea. Zan ah pawh pawn ah khan i tap ni in ka hria. Tunah hetah ka hmu leh che a. I chung ah enge thleng a? Ka hriat ve chi ani em?'
nula hmeltha leh hleitling,a mita lungngaihna inphum ru reng hmu ta la, hrechiang chak in i zawt ve tho lovangem ni?
"hriat chi tho e. Thawnthu sei tak ani. I ngaih thlak peih dawn chuan ka hrilh ang che.,"
.
.
.
Thawk ala hak a.
Hla taka Fartuah parvul chuk chu a thlir vang vang a;
ti hian a sawi a..,
"he khawvela ka lo pianchhuah atang reng hian,hlim taka nun hmang ve tura duan ka nilo te pawh ani mahna.
Nu leh pa inhmangaih tak te kara piang ka ni ve lova. Pa in aduhloh fa 'sawn' ka ni. Ka nu pumchhunga ka awmlai hian,ka pi leh pu,ka pa ngei pawh in min duhloh ka ni a. Ti tla mai tura tih ka nih lai in. "ka rila rah ani a. Ka hmangaih ani. Ka ti tla thei lo" atih tlat avang in A seilenna inchhung atang ka nu pawh hnawhchhuah ani a.
Eichawp dawr siam in, Harsa takin a pum chhunga naute awm tan a thawk a. A sum thawhchhuah tlemte chu afa lo piangtur tan a khawl tang tang a. A hnathawh theihloh hunchhunga kan in enkawlna tur nenlam ngaihtuah angaih avang in ei tha pawh ei phal lovin inren reng reng in alo khawsa a. Ka nu in min hrilhdan in, ka lo pianchhuah pawh hian ka taksa a tè chhe hle ani awm e. Doctor te pawh in damchhuak tur ah minlo ngai reng reng lo alo ni.
Tap chung in khawvel eng ka rawn hmachhawn a. Ka nu chuan duat tak leh hmangaih takin a bialpa fa duhloh chu min chawi seilian a.
Thing delh loh lung delh loh nafam chu kum 17 ka nih chuan nula tihtham khawp in ka lian a. Ka rualpui te ai in ka thangduang bik hle ani.
Ngaizawngtu neuh neuh pawh ka tawng ve tan a.
Ka nu chuan thu tha tinreng min hrilh in.,
mipa rinawmloh leh hmangaihna neilo ka tawn ve chu a hlauh ber ani.
.
.
.
Tleirawl ngaihzawng te pawh ka nei ve a. Thik tu leh er tu neuh neuh pawh ka tawng ve bawk.
Mahse chu chu pawi ka ti hran lo. Hreawm ka tih ber chu, hmusit taka 'sawn mai mai' tih tawngkam ka dawng thin hi ani.
.
.
.
College ka chhuah hnu chuan a trul apianga ka nu puih chu ka hna ani deuh mai. Ka bialpa (John) lah chuan in neih a rawt sek tawh mai si a. Ani nen hia college a in tawng kan ni.
Mi hausa tak chhungkua an ni a. A nu leh pa an fel in,keipawh min ngaina ve hle in ka hria. Unau pathum an ni a. Upa ber ni in nau mipa leh hmeichhia a nei a. Department pakhat ah Cashier ani a. Innei ila ka nun chu a nuam ang tih ka ring. Mahse,ka nu hi ka ngaihtuah a. Amah chauha khawsa tur chuan ka ngai ngam lo ani.
.
.
.
Zankhat chu ka nu dawr nghak hawn hma deuh hian John-a arawn leng a. Ti tak fe mai hian inneih vat a duh thu bawk chu a sawi leh a. Diktak chuan keipawn ka duh alawm. Mahse, 'mahse' a awm tlat si ani. John pawh a lungawilo ve lek lek a. Kan inhnial bap bap lai chuan ka nu a rawn haw ve ta a.
Aw ki zang vah hian
"Nute(ka nu hi nute ati mai thin) lo thu ve lawk teh. Thil sawi ho lawk ang u"
"ava pawimawh awm ve enge nita a?" tih pah chuan ka bulah arawn thu nghal a.
"Nute, Rebecca hi ka hmangaih tih chu i hrethiam ve tho anga. inneih puia ka sawm apiang in chhuanlamah a hmangziah che a"
ati ta phawng mai. Tawngkam a thiamlo a. Mawihnai deuha pehhel kha athiam lo ani. Ka nu nuihza insum theilo lah chu lehlam a hawia,a dir char char lehnghal. Ani lah chu a thutak hmel ve ropui mai si a.
"ka nu leh pa pawh ka hrilh tawh a. Fapa mal ka nilo a. Indan hnu ah kan kiang ah i cheng mai dawn alawm. Palai rawn tirh tawh mai ka duh"
a han tih zawm leh takah chuan Ka nu pawh chuan thutak zet hian
'in inhmangaih phawt te chuan engmah harsatna tur a awm hleinem. Palai hmel te kan hmu anih chuan. Puitling takin thu kan la titlu dawn nia'
ati ve ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 5th, 2017, 11:31 am

"I HMING KA LA LAM FAN THIN ASIN"-3
.
.
.
Kan inhmangaih a,kan chhungte lam atang harsatna min siam an awmlo bawk a. Ka hlim ani,ka hlim takzet.
Ka rilru ti hah thin tu ber ka nu kalsan pawh,kalsan hlen angaih dawn tak loh avang pawh in ka thla amuang a.
John-a ang mipa ka tawng hi vannei ka inti hliah hliah ani. Mipa diktak mizia chu amah ah ka hmu a. Ka hmangaih avang in atan ka engmah ka ui lo, mahse,Kan inzui chhung zawng khan vawikhat pawh min nawrlui ngai lo reng reng.
'thianghlim taka Biak in hawng ngeia in neih ka duh'
atih lai te kha ka mitthla ah ala cham reng asin. Mipa tam tak chuan 'pa lo' anti ngei ang. Mahse,mipa dik tak ani ka ti ve tlat.
.
.
.
Dawr bungrua la turin ka nu a zin a. Zankhat riak tura kal ani.
Dan pangngai in John-a pawh a rawn leng leh a. Hlim takin kan inkawm a,kan infawp deuh reng bawk.
Lenghawn hun velah chuan thli leh ruah a thawk chiam a,a bang mai thei silo. ka hlau nasa mai si a. Hreh hle mah ila riak tur in ka sawm tawp a,a 'aw' ve mai bawk.
'bialnu te in a riah man ah i bulah ka mu ang'
tih pah in a nui ham ham a
"i nghal dawn loh te chuan i mu dawn nia"
ka ti a,a nui nasa mai.
"a teuhlo mai,nupui ka neih hma chu ka in vawng reng dawn alawm. Min fight mahla i thei chuang lo ang.haha"
ati kher chuan minti phur ru tlat pek a.
Atan ka engmah ka uilo ka tih tawh kha. Min nawrluih loh miau avang in engmah ala thleng lo mai ani. Ka hmangaih em a,a duh phawt chuan tih hlawhtlin sak ka hreh hauhlo ang.
'A mizia hriat nan hrim hrim pawh atha alawm,a thusawi ah a ding thei emaw chu'
ti in,a hmeichhia zawk in ka'n fight tehreng anih kha, a mipat na lian tial tial avang chuan min thlahlel ve tho tih ka hre thei.
A insum thei em em a.
A trangna thei ngei mai mipa na na na(a sawilai hian amah pawh a nui nasa mai)
ka kut pahnih ah a chelh a,ka chungah bawk ti tih in, "Lalzawnchhuah, awm mai mai rawh, kan inneih hma chu engmah athleng chuang lovang"
ka kut chu a thlah riai riai a,ka kuah a,
"ka hmangaih che John"
kan infawp a,tui takin kan mu a. Mipa diktak chu ani chiang alawm.
.
.
.
Bialpa te fight hmasa ber ka nihloh paw'n, anla tam vak in ka ring lo.hehe
mi in engpawh sawi se,engang hmeichhia pawh in zarbuai mahse, ka hmangaih chuan s*x vanga min thlahlel anihloh zia ati lang tawh a. ka ring tawk em em ani. A thusawia dingtlang thei mipa ani miau alawm le.
.
.
.
Ka nu pawh a rawn haw ve a,a fanu pasal neihtum uaih tawh hi minla chei naute ngang mai, Teddy Bear lianpui hi min rawn hawn a,ka nuihpui nghek pek a. Ka nu ani satliah lo a,ka tan thian ani. Thuruk zep engmah alakah ka nei ngai lo. A hma zana John-a riah chungchang ka sawipui chuan a nui bawk bawk a.
"Bawihte,mipa diktak i tawng anih chu.
Hmanzana a thusawi ka hriat hnu phei kha chuan, a hmel ka hmuh hian fapa fel tak nei ta ang mai in ka thla amuang thin asin"
ati ta reuh a.
Ka nu duhtak hian ka kalsan hun tur chu alo huphurh ru ve ani tih ka hrethiam chiah. Mahse,kalsan hlen tur ka ni dawnlo nia a hriatna chuan ati thlamuang ve ani.
.
.
.
Thla hnih aliam leh chuan Palai hmel kan hmu ve ta reng mai.
Hlimna lampang ni mahse,rethei fa tan chuan lungngaihna tur tawk chu a bo bik lo. Kan sum lakluh a beitham a. Thuamchhawm leh thildang neuh neuh ngaihtuah chu kan tan thil awlsam tak anilo atin ni.
Palaite leh John-a te chhungkua hmaizahawm viau mahse,dinhmun in a zir miau loh avang in, palai lo lan atanga thla 5 tehmeuh mai min nghak tur chuan kan ti a. Min hrethiam takin an pawm ve thei mai kha an fakawm ani. Inneih ni tur erawh kan ruatfel nghal thung a.
.
.
.
Engkim relfel ani tawh a,a hun tur hlim taka nghahthlen ani tawh mai.
S*x kan la hmang dunlo tih chauhlo chu nupa ang in engkim kan ti dun thin. Chaw kan in eipawh tawn reng a,a rawn riak zeuh zeuh bawk. Ka nu pawh in a mizia a hriatchian em (kan riahdun chungchang ka hrilh tawh) avang in arawn riah pawn a ngai haw lem lo.
.
.
.
A pa kohhran upa, officer pension ani a. Anu lah Kohhran bel chawt mai chi ani bawk. An tawngduh nupa in,fiamthu nena kan rikhluai chang pawh atam thin teh e. Ka pasal hual lah kohhran hlat ngai lo. Mi invawng leh rinawm tak (ka fight hlawhtlin loh ngat kha :-D ) ani a. Min hmangaihtu Nu feltak ka nei bawk a. Ka tan chuan khawvel hi a hlimawm hliah hliah ani.
Engdang mah duh ka nei tawhlo.
.
.
.
"kan inneih ni thleng thuai thuai se ka van ti,ka nghakhlel tawh e"
atih chang te hian,keia uang chak pek hian
'i h*r emai'
ka lo ti thin a,a haw thei nasa mai.
"chu tiang vanga neihtum che ka nilo,ka hmangaih vang chauh chea neih duh che ka ni. S*x hi ka thlakhlelh chhan che ani lo tih pawh i hria"
ati vin hlur zel mawle. :-)
ni e,a dik alawm, s*x vanga min thlahlel anilo tih hrechiang ber tu ka ni. Mahse,chhaih thinrim a thlem lungngawi leh kha a nuam ve hrim hrim a.heheee,,,"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 5th, 2017, 11:32 am

"I HMING KA LA LAM FAN THIN ASIN"-4
{last episode}
.
.
.
Nghahlelh deuh neih chuan hun hi akal chaklo riau hian ka hre thin. Kan inneih ni thlenna tur in thla thum ala awm tihah chuan John-a pawh office thil pawimawh avang in karkhat lai cham in a zin a. Lunglen ape na ve bawk a,min rawn phone zing ngang mai. Keipawn ka ngai ani. A awmloh chuan ka ruak huai in ka hrethin.
Damchhunga awmdunlo tur phei chuan ka ngaihtuah chhin ngam eih lo.
A rawn hawn dawn tuk chuan min rawn bia a,a aw pawh a zangkhai in phur hmel sarh sarh khawp mai.
"kan in ah minlo hmuah loh chuan ka ti tau rei ngawt ang" ati deuh bur mai si a. Ka nu ka hrilh a,alo remti ve mai bawk nen. Ka inti fai a,an in lam chu ka pan a.
.
.
.
An In hi ka chuangkai tam tawh viau na in,a nu leh pa te hi ka be hmasa hman ngai meuh lo. An bengvar in,ka inthlahrun loh nan min be hmasa var zel a. Lawi luh pawh a chakawm zek zek thin.
Khawkar kawng ah phone signal a awm mumal loh avang in kan in be hlei thei lova. Ka nghakhlel tawh bawk si chu ka tei kual sek ani tih pawh ka lo in hre tawhlo a. Pu Thangtea(John-a pa) chuan
"Mamte(minkoh dan) thu ve la,alo thleng ve mai anga sin mawle" ati a,a nui huah huah a. Ka zak lutuk hi khuk ral chem chem ania ka chak ni.
.
.
.
Tlailam deuh ah chuan veranda ah, kawngpui lam thlir chuan ka thu a, Hla deuh taka Ambulance rawn tlan chu ka hmu a. Ka zawn an rawn thlen chuan an ding a. Ngaihthat lohna pawh ka la nei chuang lo. Driver chu a chhuk a.
"Pu Rinthanga te in ani em?"
'aw'
ka ti ve mai a.
"Rebecca ini em?"
a han ti leh a
'aw ni e,enge nita?'
Pu Thangtea te nupa pawh thil awmzia ngaihven pah in an rawn chhuak a.
Driver chuan ngawi reng in motor hnung lam chu ava hawng a.
Ruang an rawn zawn chhuak ta mai le.!
Ka han en chiang a, awi!!! Ka duh thei lo. John-a ani!!! A hmui a duk vek a. A lu an tuam var luk mai bawk.
Nu Hmingi chu a tap nghal vawn vawn a,
" Awi Mama, engati ta mai nge?? Ka fapa min chhang ta che! Hei Mamteii paw'n i hawn hun alo nghak reng asin. Tho rawh mama"
ka lam a rawn hawi a,min kuah a
"... Mamte,, ka fapa a awm tawh lo. I hmangaih chuan a kalsan ta che anih hi!.."

ka tap chhuak thei lo,ka mittui a far zung zung a, ka taksa chu a khur ngawt ngawt bawk. Ka bing mup mup a. A tak ni thei hian ka hre lo. Ka mumang ni mai hian ka hria. Ka ring thei lo a. Ka ring ngam lo ani. A biang ka chul a, nunna reng a pai tawhlo tih hriat tak hian a vawt raih mai si! Aw!!! Ka chan hi avan rapthlak tak em!
.
.
.
Inchhunga ruang an nghahfel hnu chuan Driver chuan thil awmzia chu a sawi ta a.
John-a bike nena arawn haw lam chu Sumo nen insu in,a luruh a sawh na hle hi alo ni a. An ni hi khawper a Free clinic neia kal an ni a.an haw lam chuan an rawn nang ching ta ani.
"kan va hmuh chuan ala biak theih a.
Zawi te te hian a tawng a. Hei hi Rebecca inlo pe dawn nia ati a,.
Khawchhung kan rawn luh hma deuh khan min kalsan ta ani"
a ipte zen in, phone a rawn phawrh a,min pe a.
Message thawnchhuah mai tura ziahsa chu mittui luang ngiai ngiai chung chuan ka chhiar a
"Duhtak, i aw hriat ka van chak tak em.! Ka dam sawng sawng dawn si a.
Nangnena kan duhthusam a puitling theilo tur hi ana ka ti.!
Min ngaidam ang che aw. Ka hmangaih che a. Ka hmangaih reng fovang che. Lungduhte inthen tawh ngailohna Vankhawpui ah kan in kutsuih zawk dawn nia.."
.
.
.
Ka tap chhuak hawm hawm a,ka au a,min chhang si lo. Ka hlim lo hmel pawh hmu thei lo. Ka rilru tihnat hlau em em thintu khan tun ah ka mittui far pawh hruk hul a tum lova maw?! Avan fairlo tak em hringnun hi!!!
.
.
.
Ni a liam a,thla a liam a, John-a ka ngaihna erawh hun in a liampui thei si lo. Hringnun hlimawm tak nei tura duhthu kan samdun a, Darthlalang hma a inneih thutiam kan chhamdun lai te kha mitthla ah a rawn langnawn leh a. Mittui avan far zing tak em!
.
.
.
Ni e, Linda-i te inneih ni khan ka tap alawm.
Khami ni ngei kha ka nuna hun hlimawm ber ni tura ka lo suangtuah thin chu ani.
Mo thian ni a asir a ding tur kha ka ni bik lo asin. Thihna kutvawt in ka hmangaih chungah thla zar lo se chuan, alai ah khan John-a leh kei kan ding anga. Thutiam ropui ber kan tiam dun tur,,,"
.
.
.
A hminga nula la ni ve ta chu mipa min beisei ve deuh tu pawh ka tawng ve thin a. Mahse, John-a ka theihnghilh thei ngang si lova
'hmangaih ka nei tawh. Pasal ka nei tawh alawm'
ti in ka chhang mai thin.
Pasal ka neih awm an hre si lova.
'tu nge i hmangaih chu?'
ti in min zawt fo bawk"
a thusawi lai chu a tawp chat a. A mittui tling pam chung in thlanlung vawt raih chu a pawm vawng vawng a
" 'Tunge i hmangaih chu?'
tia min zawh chang hian i hming, Thlan thim taka phumbo tawh hi ka la lam fan țhin asin..
John ka van ngai tak che em" ti in a tap hawm hawm a.
.
.
.
Hei hi Rebecca chanchin lungchhiat thlak tak chu ani. Amah ka lainat avang in ka mittui a far ve hial asin...!!!
.
.
.
~^~^~THE END~^~^~

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)