MIN NGAIDAM RAWH BY Kyhpachãrili Chhakchhüak

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MIN NGAIDAM RAWH BY Kyhpachãrili Chhakchhüak

Unread post by Ngaia » March 5th, 2017, 4:43 pm

MIN NGAIDAM RAWH
.
(inspired by true story)
.
"Lawmi a thi"
.
"ENGA!'
.
"I bialnu Lawmi inawkhlumin a room ah hmuh a ni"
.
Engmah sawi chhunzawm lo chuan ka phone chu ka off a, ka room ah lutin kawngkhar chu ka kalh a. Ka khumah chuan slipper pawh phelh lovin ka mu ta ringawt, ka han nui vaka mahse ka nat lo phah lo. Abul atrang kan nui leh vaka, awmzia a awmlo.Ka mittui chu a rawn tla ta zung zung mai le. Ka room kawngkhar chu a rawn ri dawt dawt a..
.
"Mama,mama.. Lawmi kha..." ka nau aw chu a khur nasa hle a.
.
"Ka hria lawm" a sawi zawh hma chuan ka lo chhang a.
.
"Anih chuan tinge tianga I awm,a ruang kan hmu hmanlo ange. lo hawng vat teh"
.
"Bawihte,mut ka mamawh a ni"
.
"Mama..in thing harh la,i room kawngka hi lo hawng vat rawh"
__________________________________
Ka nau nen chuan Lawmi te in chu kan thleng ta a,ka kal hnuhnun ber kha chuan helai verandah ah hian thu dunin a nui har har a nih kha. Tunah chuan mi tam tak an lo tru a, lungngai takin an zai thup thup si,a dan ava dang ta em! Ka nau chu kal hmasa in,a hnung ah chuan ka zui a. Inchhung kan lut chu "Bawihte..hei i thianpa pawh alo thleng tawh asin, bawihte..ilo chhawn dawn love'm ni....." tih thawm chu ka hre zui nghal a. Ka'n hawi phei chu,kuang puan vara tuam chhungah chuan min hmangaih tu, ka tana engkim hlan thin tu, ka nun tih hlim tuma hmanhlel thin ka bialnu Lawmi chu a lo mu dang lep mai le! Ka mittui chuan rawn tlak a chak hle a,dan hram tumin ka inhumruha mahse abula ka va thut meuh chuan dan rualloh in a rawn sur ta!
*******************************
.
KUM THUM LIAMTA KHAN
.
Ka bike chu tlawh nungin ka fb chhass hmu tur chuan Lunglei chu ka chhuahsan a.Ka tlan chhung zawngin Lawmi Chhakchhuak tih bak chu ka ngaihtuahna luahtu a awmlo, chaw ei in vawikhat ka chawlh zuai bak chu chawl lovin ka tlan char char. Chuan le,tlai dar 3 velah chuan Aizawl ka lut ta a.Ngaizel ah chuan ka bike ti thi in Lawmi chu ka'n call a.alo pick rang hle.
.
"Lo tlang la,ka pheikhawk Chah alo thleng a Chaltlang ah please in min lampui nghal la?" Vawikhat hmuhna tur leh nghal ka bal bawk si.. mahse,ka hmu chak tawh tho bawk si. Ka rilru chu buai hle a.. pawilo anih nih ka ni mai ang tiin "Awle" ka'n ti thuai a.
.
Lawmi te veng Khatla chu ka thleng ta a,a number chu zam ru ang reng tak hian ka'n dial leh a, "Hello"......"Hei in veng ka lo thleng tran"...."E, JL school penna tur ah khan lo awm rawh,ka rawn chho"
.
Ka lo ding ta ran a, hah hmel tak hian hmeichhe pakhat Velvet kekawr ha,puma jacket haa adidas slipper bun,nu lian lutuk lo mahse te chhe silo khal ve pangngai tak,ngo lam ai chuan hang lam pawl chalsam nei hmek, a hmel en mai pawha ala upa lo a ni tih hriat tak chu a rawn chho a. Heti khawp hian ka lo en chik tawha,min kalpelh vaih chuan ka tih rilruk lai takin "Mawitea ini tiraw?" nui sang hian a rawn ti a. Lalpa leh! A ha var nalh dan chu(h)!!......"Aw, ni chiang e" ka'n nuih let ve sang a,ani erawh chuan ka kuhva ei thinna rawng sen lam pawl tawh ka ha chu a hmu ve thung ang chu! Ka tih ve ngei a ngai miau si a. "Kan kal nghal mai dawn ami? " a tih chuan "Um..kal nghal ila nimai lawm" ka bike chu ka tlawh nung a, a rawn chuang ta. Ka bike chuan hmeichhe thar a tawng leh ta ka ti rilru a,ka nui suk a.
_
Chaltlang ah chuan a pheikhawk chu kan han lam a, traffic zam karah kan in rawlh chho bawk nen pawisa te nen an han in pek fel chuan alo tlai ruih tawh a. Dar 5 alo ri tep tawh. "Kan haw tlang nghal dawn mi?" beisei nei rilru tak chuan ka'n ti a. "Complex lam atrang haw ila, vaivakawn lamah kan tlan thla anga" yes! Zei lutuk. Khaw thim nghah ka duh avangin Dawrkawna restaurant ah chuan ka chawlh pui te te a, "I hmanhmawh em" tiin ka zawt a. "Hmanhmawh love,ka cousin te man hlan a nia,ka chhungte ka patea te inah an chhuk vek tho" ni dawn tak.. nizanah khan min hrilh tak e. Kan ei zawh chuan khua chu alo thim tran tawh a, December thla tir lam a ni tawh a,khua a thim hma ve tawh. Complex lam pan chuan ka tlan pui ta nal nal a,hmun reh deuh hlek ka hmuh ah chuan bike chu ka ti ding a,hnim kar deuh mi kal kuak tawhna si ah chuan ka luh pui a,ka thuthmun ka siam tha te te a,ka hma ah chuan ka thut tir a,hnung lam atrang chuan ka kuah ta ran a. "Tunah chuan kan awmdun ta a tiraw?" ka tih chuan rawn in her deuh hian a rawn nui ver ver a, "Nia,amak tiraw?" a duhawm zia chu! A lu chu kuai herin a khabe ah chuan ka vuan ta ran a,mi te tih ang chuan dimtein a hmui ah chuan ka zuk fawp ta a. Kan hmui chu ala insi chauh a ni,mahse a hmui nem dan chu. Ka duham tran ta a,a hnute chu a kawr chhan ah chuan ka chul kual a,kawr chhan chauh chu ka duh tawk ta lo. A kawr chhungah chuan ka'n zen lut dawn a,ka kut chu alo dang vat. Ka tum lui leh a,ka thei chuanglo. A lu chu a her hmak a, "Khawngaih in infawh bak chu ka duh lo" ati tawi tarh a. "Ngati? Tete Khawih ringawt te chu a ho e,phal mai la?" awlsam tak chuan ka ti a. "Ka duhlo a ni mai,haw tawh mai ang" ati ta hmak. Ka rilru chuan kan vawikhat inhmuhna ania, a awm tho mai ka tia. Mahse,lungawi loh hmel zetin "Awle" ka ti bul ve hmak. Bike ah chuan ngawi reng in kan inphur ta a,a hnu deuh chuan a inhnit feih feih a,ka hnung ah chuan a rawn bei thlapa,nghet tak chuan min rawn kuah a. Ka hrethiam lo ang reng khawp mai. "Ngatige,i tap ami?"... "Aih,khua vawt tawh a,ka hritlang dawn aniang" ka awihlo lutuk chuan "Nicin khan i rilru ka ti na ami?" ka ti a. "Aih, ka hritlang dawn tak tak alawm" a rawn ti tham thiaka. Phat a tum emai awih sak mai ang ti rilru chung chuan "anih in enkawl tha rawh aw" ka ti a. An in Peng chu kan thleng leh ta a... "Rawn leng la"...."Aa..ka nau pawn min lo nghakhlel ve tawh ang, naktuk ah ka lo leng zawk dawn nia" tiin ka chhang a. "Nia,ni ve tho.chauh pawh i chau ang.. naktukah chuan ilo leng mai dawn nia" a ha var tak lang chuan a nui leh ver ver a. Ka bike chu ka her a, "Nih phawt aw" .. "Um.. fimkhur rawh aw" min bye bye lauh lauh a.
.
Laipuitlanga ka farnu in luah chu ka pan vang vang a.
.
Tlangval luck ve tawk tak, ka duh chu ngaihzawng atan nihpui thei ve zel thin ka ni a,ka hmelchhe lutuk hran lova,ka ngaihzawng te chuan pa min tih thu an sawi thin. A lerh pawh ka lerh thawkhat a, sawn hial ka thlak tawh. Mahse,ka sawn paitu chu ka hmangaih miau loh avangin ka chhungten nei tura nasa taka min tur chung pawhin kumkhuaa ka hmangaih miah lo nena awmdun ka duh loh thu in ka hnial fithla thaka. Chuti chung chuan ka fa paitu chu eitur tui chi tinreng te chu ka pe a,ka tlawh ve fo tho. Achhan chu a pum chhunga mi kha ka thisen kai a ni tlat.Mahse,naute a piang ta a. Thla 5 vel anih chuan naute nu ka neih duh loh avang chuan an thinrim in naute hi i fa a nilo tiin naute pa ka nihna chu min laksak a ni! Chutiang khawpa lo khawsa tawh ka ni a,hmeichhe tamtak ka tawng a, Lawmi erawh a dang tlat.
.
Atuk zing ka tho chu zing dang ang bawkin Lawmi msg alo awm leh tawh a, 'THO NGHAL RAWH, MUT DUHPA EM EM A CHE' he thu hi kan inhmuh hma atrang tawh khan zing tin min wish nan a hmang ziah. A tho hma thei fu leh nghal. "Vawiin chu..?? Chuan muah" tiin ka va reply a. Ka inphih fai hnu chuan ka nau in a chhuah hmaa eirawng min lo bawl sak diam chu ka ei a, ka phone a rawn ri ral ral a.
.
"Message reply nachang hre rawh" vin tha hlar hlar. "Ka hmu chak tawh lutuk che a,ka che vat vat zawk phawt anih hi" a rawn nui leh hak hak a. "Nih lo kal vat rawh" phone chu a dah a.
Chaw ka eikham chuan ka insiam a,nimina sumo-a ka air bag thawn ka lam theihnghilh tih ka hrechhuak a,ahmaa ka dah sa ho chu ka ha a. Ka inkhalh chhuak leh ta a. JL school peng chu ka thleng leh ta a, Lawmi chu ka call a,ka rawn lam ang che atih vang chuan ka lo nghak vang a. Hah hmel tak chuan a rawn thaw leh halh halh a,ka lo nuih vur vur a. I sual min rawn ti ringawt a,a duhawm reuh zia hi ooo! Ka bike ah chuan a rawn chuang a,tlan thla rawh ati a,ka tlan thla ta a. Tuikual lam panna kawng ah chuan ka kawi phei a,ding rawh atih chuan ka ding a. Assam-typed lian ve tak,verandah nei,pangpar hrang hrang in a bawm khat lak bawk a. "Hei kan in chu"...."In inva nei nuam ve"......"Luh hma hmaa" atih chuan ka nui tut a. "E..tunge I chhungte awm?".... "Ka u nupui a ni mai,ho lutuk lut vat ang" . Kan inzui lut ta a,an in chu a lian tha khawp a,a felfai em em leh nghal. An che thianghlim hle anih tih a Hriat nghal mai a,a u nupui chuan naute alo pawm a. "Ka u Siamte, hei ka thianpa Mawitea nih hi" atih chuan a rawn hawi a, "e a ni maw,i va fel ve ilo len a" min rawn chibai a. Ka lai deuh hlek..tiang ka ni ngai siloa. Sitting room lamah chuan kan tru a,
.
"Ka thawmhnaw min lampui la,counter ah" ka ti sa sa a.. "lam ila ni mai lawm,mahse a rei chi loh aw.Thingpui te in phawt ila kan kal dawn nia tiraw" a khi sang a. "In rih lo mai ang, a rei theih dawn loh chuan. Va insiam rawh" chance ka mamawh ve lawm,kan in a free tih ka hre ve kar. "ka peihlo,ti hian ni mai" ati a,a inchei peih loh thin zia thu min hrilh kha ka hrechhuak a. "Kau Siamte,ka thianpa hi thawmhnaw ka va lampui lawk,kan reilo ang" a ti a,kan chhuak ta a.
.
Ka bag chu kan la a,kan in lam pan chuan ka kalpui a, ngawi reng chuan a thu ve mai a. In chu kan thleng ta a..ani chu thuthleng lehlamah a thu a
.
"In inluah chu a nuam hle mai" kan pahnih chauh kan nih avang chuan a lai ve deuh.
.
"Chuti mi,va ti lawmawm ve" a Mit ah chuan ka en char char a,a lai hle tawh. Ka tho a,ngawi reng chuan room ah ka lut a.
.
"Duat,lo kal teh" khumah chuan ka thu a.
.
"Naa,lo chhuak mai la" a ti bai bai a.
.
"Lo tlan teh,thil ka hmuh ang che"
.
"Ninom,enge" tih pah chuan a rawn lut a,ka lo kuah thut a,ka fawp ta vang vang a. A hnute Khawih ka tum chuan a trang leh ta tlat mai. Mak ka ti em em a,sex hman duhlo chu nise ka hrethiam,hnute mai mai a ui hi ka hrethiam thei lo.
.
"Tinge i ui em em?!!!!!" Ka vin hle.
.
"Min vin suh" a mittui a tling nghal pam a. Unau zinga naupang ber a ni a,an duat em avangin vin hi a haw lutuk,kan inhmuh hmaa phone atraga ka vin deuh pawh khan ni thum te min be duhlo thin renga.
.
"Ka tihpalh. Tinge duat,hnute khawih mai mai te chu?" A ngawi reng a,hnuailam a bih tlat a. "I mi duhzawng ka lo nilo zawk ami? Sawi chiang rawh" min chhan a tum chuanglo,a en ngai chu a en reng a. He nu hi chu a luhlul a ni. "Duat ka vin che a,ka tihpalh lutuk,khawngaihin min chhang la?" A che eih lo. Kei thinchhe ve tho,mahni tawka luck in ti ve,tianga tu hmeichhe hmaah mah awm ngai reng reng lo dawhtheihna in a tlin ta lo. "Kal rawh,ka thlah ang che. Min ten anih hi!" Ka tho hmaka. A awm ngaiin ala awm reng tho nia mawle!! Hmeichhe danglam,luhlul tawpkhawk a ni, tih ngaihna pawh ka hrelo. Ka zuk thu leh a, "Duat,min duhloh pawn a pawi hleinem" ka'n ti chu ka tlawm lutuk hi ka in awihtheilo! A rawn hawi chhuak ve ta, "Ka duh che lawm" a Mit a khap fak a. "Nih tinge i duhloh em em?" Ka la zawt leh fan a,mipa rilru hi chu oo. "A brake fail hlauhawm lawm" hnuailam a melh leh a. "I duhloh te chuan a insum theih lutuk" ka'n ti vei ham ham a. A melh ngai chu a melh reng a, a rawn tap chhuak ta hawm hawm mai. Ka hamhaih vek.."Tinge.. tinge..duat,tihsual ka nei mi?" ka mangang lek lek tawh.
.
"Engmah hi i hrelo" a rawn tawng chhuak trawk trawk a ni.
.
"'Enge ka hriatloh chu?" A kut ka vuan a.
.
"Mi tenawm tak ka ni! Min kalsan rawh i hlim zawk ang!!" A kut ka vawnna chu a thing thla a,a tho a. A chhuak tur chu ka lo dang a.
.
"ENGA! Enge i tenawmna? Tunah hmu tur che in ka lo kal ve hram hram a. Ni e,nangmah hmu tur liau liau in asin ka rawn kal,kan tawp nghal ngawt theilo ang!"
.
Ka awm ah chuan a rawn bei thlawp a, "Kum 12 mi ka nih lai khan pawngsual ka ni a,kaa....." ka awm sawn dawrh a, "Ka tihpalh ka kal mai ange" chhuah atum chuan ka va man leh a,a hmui ah chuan ka fawp a. A tap zawih zawih a. "Duat,a pawi lo. I duh vang a ni hleinem,ka hmangaih che,i kiangah ka awm reng tawh ang. Ka veng tlat ang che" ka ti mawlh mawlh a. "Hei vang hi lawm hnute Khawih pawh ka duhlo,keichu chaklo tak ka ni tawh a,ka than thi neih hmaa khawih ka nih avang hian! Chuvang chuan sex ka hman loh nan ka in veng hram hram thin a ni." A mittui chu a tla fap fap renga. Ka ngaisang rilru ta hle zawk a.
**********************
Thla tin deuh tho chu zinna tur chhuanlam fahrah te te siamin Lawmi hmu tur chuan Aizawl ka kal thin a, henu vang hian ka nun hi a inthlak nasa hle. Ka thiante mak tih pawh ka hlawh,a chhan chu lerh ve thin tak kha ka lerh tawh lova,distance relationship ni mahse ka rinawm em em a. Kan han lenchhuah chang pawh hian hmeichhe dang flirt pui reng ka tum tawh lova, ka bialnu Lawmi chu ka lo be ngar ngar mai thin. Thu tha tin reng min hrilh thin a,ka tan chuan ka bialnu,ka nu,ka thian,ka engkim hi a ni tawp mai. Kumkhat lai kan lo in zui takah chuan trum khat chu kan lut thuk ta hle a,ka lum pup pup tawh mai. Mahse,a tho thut a "A chiloh,duhtawk ang" a rawn ti leh ta. Ka tawngkam thiamna zawng zawng nen chuan ka bei a,hei chen kan inzui tawha ka hmangaih zia hrethiam tur te chuan kan thlem a. Chu chuan a rilru a hneh ve ta deuh aniag chu,mihring chakna chhuak ve thei tho alo ni bawk nen "Tun chiah aw" a ti chuai raih a. Tichuan,ka duh ang ka hmuh hnu chuan ka fawp zeuh a, "I pum in ka ta ini ta" mipa tam tak sawi ang chu ka'n sawi ve a.
.
.
Vawikhat chuan a dang a chawh ta zel a,mahse,ahma ang khan kan relationship chu a dik hleithei ta meuh lo. Aizawl pawh ka kal khat ta deuh hlek a. Kan in tih thinrim a,min biak duhloh chuan ka ex te chu biak ka Ching tran ta a. Chu chuan kan inkar chu a tibuai zual leh a,ka mangang leh thin. Lawmi chu ka hmangaih ngei niin ka hria,mahse ka mize ngai alo lang leh tran a,kan inhmu khat bawk si nen ka lerhsan zeuh zeuh a. ka then thei chuang miah bawk silo, ani lah chuan min hmangaih em em tawh mai si a,keimah ang tho in inthen chu harsa a ti hle. Ka tan hian ui reng a nei lova, a neih ai hian ka tan min tihsak zawk fo thin. A chang in kan hlim a,a chang in hmelma ang maiin kan inhau a,kumhnihna chu a ral ve ta mai a.
********************
Kumthumna kan han thleng tran chu ka mize ngai diktak ka nei leh tawh. Ka lerh hle a, Lawmi chu a fel em a,a mizia te avang chuan nupui atan ka duh bawk si. Min then thei biklo tih ka hre tlat tawh a,ka lerhsan reng a,min man chhuak a. Theihtawpin ngaihdam ka dil a,min pawm leh mai thin. Mahse,ani pawh chu a mizia a inthlak tran a. A inrintawkna te chu ka tihchhiat sak vek a,maksak tak takin a khawsa a. Fb ah te chuan hmeichhe thlalak ka like ringawt te pawh a Hmeichhia zawk a te chu alo va hau leh hrep mai thin. A mize mawi tak avanga a duhawmna te chu a ni telin a hloh hnem tulh tulh mai. Chung zawng zawng chu Keimah vang a ni tih ka hai miahlo mahse,ka haider a ni! Lerh ve thin tak mipa hian bialnu hla taka mi neiha rinawm chu harsa ka ti hle tawh a. Kan veng ami naupang te chu ka hmu tai ta tlat mai,pawl 11 zirlai lek a ni. Tichuan,hma la in kan kawmngeih tran a, rinai min lo be tha duh phian mai. Lawmi erawh phone atrang chuan ka duat thei hle a,ka hmangaih thei hliah hliah khawp mai leh nghal! . Kan veng ami biak that ngai bawk si chu Lawmi chuan min man teuh hle thin. Chuvang chuan ka thluak vawrhin netpack thun tawh lovang,a hek emai sms pack thun ila in be zawk ang tiin kan rawn a,a lo duh hlauh.
.
Hun a kal hret a, kan veng ami nen chuan kan inngaizawng ta der a, Lawmi Hriat ah chuan Kohhran ah ka buai thei khawp mai! Mahse,chutiang chhuah chhuanlam ka sawi lai chuan ka bialnu thar nen chuan hun tamtak kan hmang thin si a. Lawmi nen chuan kan inbe Tam lo sawt khawp a, a vui hle thin. Zankhat chu ka chhuak lo ve teh mial a, Lawmi chuan min rawn call a..
.
"I lo kal khat si,min biak nan hun i nei bawk silo,min ngai lo telh telh a,i awmdan hi a danglam takzet" a ti chuai raih
.
"Tunlai chu kohhran ah kan buai em alawm, Duat,i hriatthiam hram hram ka ngai rih a nih hi" awihawm loh lutuk!
.
"Lo zin hram rawh,a hrehawm emai, thil diklo awm tlat in ka hria" a inhnit feih a.
.
.
Kal tih ni a awm theilo, diktak chuan duh ilang chuan theihtawp ka chhuah anga,zin theih lohna chhan tur a awmlo. Ka chhuanlam ber kan chhungkua kan talbuai avanga sum harsatna chu a dik teh meuh a, mahse mipa ve tan chuan tum tlat ila chu ka thei lutuk. A ngai reng hi ka ning ve deuh pawh aniang. Kan veng ami ka bialnu Zuali nen chuan kan lar ve tawh hle a, bakah Zuali thiante hian an lo sawipung chak deuh anih hmel. Tuk khat chu Aizawl-a ka patea a thi thut tih thu min rawn hrilh a, kal ngei ngei a ngai. Lawmi chu ka va phone a,thih thu mah nise kan inhmuh theihna anih avangin a lo lawm em em mai a. Kan kal hma chuan Zuali hnenah chuan phone ka Khawih hman loh tur thu ka hrilh thlap a, manchhuah ka hlau hle. Aizawl kan thleng a, Lawmi chuan min lo hmuak a,min zui phei ve nghal a.Ka patea chu keimahni min lo la nghah avangin an lo la vui lova,kan thlen hnu reilo te ah chuan an vui liam ta a. Kan thut lai chuan Lawmi chuan ka phone min dil a,ka pe a. A enkual a,min check tran tih ka hria.
.
Message-fihlim.
.
WhatsApp - fihlim.
.
Call log,contacts- fihlim.
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 5th, 2017, 4:43 pm

Gallery- Camera- a tawp chat a, phone min pe hmak a. A ngawi ta reng mai le! Ka nuih tlawn vel, midangin an biak chuan tha takin a chhang zela. Kei ve thung chuan enge a hmuh le tiin ka inngaihtuah nasa hle. Khua athim tran a,haw a ngen ta a. Thlah tur chuan kan chhuak dun a,complex lamah bawk ka hruai a. Ka biak pawh chuan a ngawi reng a, thutna tur an siam ah chuan ka ding a, chhuk rawh le..chawl ang ka tih chuan a chhuk ve mai a,ka kal hmasa a min rawn zui a. Kan thu a,ala ngawi reng. "Duat,kan inhmuh lohna rei tawh tiraw?" engmah hrelo ang chuan ka'n tawng a. "Ni e,kan inhmu tawh lo kumkhua bawk ang!" Tah insum tih Hriat lutuk hian a rawn tawng a.
.
"Maw?! 'Enge awmzia??"
.
*
"I phone kha en rawh!" ka'n en chu Zuali nen kan in muah lai thlalak chu alo awm! Ka hide vek emaw ka ti a! A pawi lutuk!! Phat ngaihna a vang angreng duh khawp mai.
.
"Ka cousin nen kan uang anih hi" keipawn ka awihlo lutuk, Lawmi'n a awihloh dan tur chu rapthlak tak a ni.
.
"Tenom pa! Ka haw lutuk che. Dawt sawi thiamlo lutuk. engtinge tiang hi ka chungah itih theih!" A tap hawm hawm a. Ka va thut hnaih a,kuah ka tum chu alo duh lo nasa mai.
.
"I ex te min biak san a,ka ngaidam zel che a,hei leh zel hi ilo ti duh amaw?!" Min namsawn a.
.
"Duat,i ngaih ang kha nilo,min ngaidam rawh" a tap kerh kerh a.
.
"Duat,khawngaihin aw?" Min chhang lo.
.
"Duat, ih ka ngai che bawk sia,kan inhmu thei bawk silo a,hemi zan hian kan inzui ve mai mai lawm" inthlahrung tak chuan ka ti leh a.
.
"Hei hi maw TKP-a i buaina chu!! Ka hua che,ka haw lutuk che" ka hnungzang chu a rawn beng chawrh chawrh a.
.
"Min ngaidam rawh Khawngaih in?" Ka biang a rawn beng leh chawrh. Ka dawh tawp mai,diktak chuan ka thiamlo a ni tih chu ka hre kar a ni.
.
"Haw ang" a tho a. Sawi tur a vang duh khawp mai.
.
An in kawt kan thleng a,melh pawh min melh lo chuan ngawi reng in a lut nghal a. A hrehawm ka ti a ni! Ka haw a, in ka thlen chuan ka call nghal a,a pick duh lawk lova. Vawi sawm ka call tawh a,ka dial leh hma chiah chuan Zuali'n min lo call,a va han hun lo tak!
.
"'Enge!" Hello pawh ti lo chuan ka vin tuarh a.
.
"I reh lutuk a,ka ngai che lawm.i van vin ve sorry"
.
"Ka buai dawn ka tih mawlh mawlh kha!"
.
"Ka hre tho a,ihmaw ka nu a zual deuh a,ka mangangin ka ngai lutuk che lawm" . Zuali nu hi Cancer natna in a tlakbuak mek a,chutiang ka hriat chuan ka aw ki chu ka thlak a. A nat dan vel chu a rawn sawi a,chutih lai tak chuan Lawmi'n a rawn call back! Zuali hnem ngai bawk si, Lawmi call ka lak loh chuan min then tak tak tawh ang tih ka hlau bawk si. Zuali hnenah chuan, "Bawih,hei ka chhungten min rawn koh a. Ka lo be leh nghal ang che" tih leh phone dah ka rual a. Lawmi chu ka call leh a,a rawn vin khawp mai.
.
"Tunge i biak a! Engvangin nge ka call i pick loh?! I muah nu nen khan in inbia ami!" A rawn sawi dik lutuk leh nghal.

"Teuhlo mai,ka nu in min rawn bia a. Chanchin te ka hrilh alawm"
.
"Ka awih hlawllo. Ka nun hi min tihchhiat sak vek a nih hi!" A rawn la ti vin nasa mai, darkar chanve vel a an hnu chuan tlem in a nem leh deuh tawh a. Bakah Ngaihdam dil hi ka hnehsawh tawh hrim hrim. Darkar khat kan in biak hnu chuan naktuk hun hman dan tur kan rel fel leh vek tawh. Kan in mangtha ta a,phone ka'n en chu Zuali message chu a lo tlar thla dul a. Naktuk ah Lawmi nen kan awmdun laia min rawn biak vaih chuan ka chhe vek dawn si a,ka va call a. Chhuanlam chi hrang hrang ka siam a, naktukah chuan thlan siam a ngaih dawn avangin phone ka ken dawn loh thu te chu ka'n sawi lawk vel bawk a. Bialnu pahnih te ka tih lungawi hnu chuan ka mu ta a.
.
A tuk ah chuan Lawmi chu a awm ve nileng a,ka chhungte nen pawh an in pawh ve tawh em em a,tlai chaw ei nghal tur chuan an tih tlat avangin a ei ve nghal a. Eikham chuan ka patea te in chu chhuahsan in ka farnu in luah lam chu ka pan pui a, Lunglei ah alo haw lai anih avangin tumah an awmlo a. Keini lah Aizawl kan thlen tirh atrang ka patea te inah chuan kan lut nghal bawk si a. Free khawp mai, tichuan damlai par chu am takin kan chen dun leh a. Lawmi hi chu tianga kan awm apiang hian a inthiamlo thei em em thin a,mahse min hmangaih miau avangin a inhlan leh thin. Ka tan ui a nei ngailo ka tih kha. Ka thlah haw a,nidang zawng aiin chu zan chuan a duhawmin a fel em em a,a nui har har a. 11 velah chuan ka haw san a,hemi bak hi an in tlawhna hun ka nei leh ta lo. Ni hnih kan cham belh hnu chuan kan haw leh ta a. Lunglei ka thleng chu Zuali chu a lo phur em em a, leng turin min rawn be nghal chuk chuk a. Lawmi lunglenna thu thawn ka dawng mawlh mawlh bawk. Thla a liam a, Lawmi lakah chuan chhuanlam Tam tak ka nei leh tawh a. A phone call chu ka pickup lo fova,miscall 50 te a lo awm thin. In ka thlen chuan ka chhuanlam chu "Thiante awm laiin in hauh a ngai ziah a,i rawn thinrim nghal ringawt zela. Ka la peihlo anih kha" tih a ni ziah. Thla thum a liam leh chuan a nundan chu a danglam em em a,a nui ri hriat tur a awmlo a,mahni intihhlumah min vau fova. Chuti chung chuan Zuali chu ka la hmuhsan reng a. Tichuan, min man chhuak leh ta! Thlalak nen thlap leh nghal. Amah hrilh tu chu a sawi duh lo thung a. A rilru chu a na em em a, tiang em ema a rilru nat hi ka la hre ngailo. A hmel chu ka hmu theilo naa a awmdan atrang chuan ka hre thei a ni. Tah chhuak lutuk tih hriat tak tap chhuak thei silo aw chu ka beng ah a rawn ri ring hle a, ka thinlung a nghawr dawt dawt mai. Ka inthiamlo lutuk chu sawi tur pawh ka hre lo,ka ngawi reng a.
.
"Sawi tur i nei lo em ni?" Thawk har a tih hmel hle a. Mahse,sawi tur ka hre lo a ni. Ngaihdam dil lah ka ngam tawh silo.
.
"Ka veng tlat ang che,i kiangah ka awm reng tawh ang min ti a ni lawm ni?! Ka taksa ka hlan che asin!" a tawng hleithei tawh lo.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 5th, 2017, 4:44 pm

"Inthen mai ang" hei hi ka sawi tur a nilo tih ka hria. Mahse,ka ti na reng thei tawhlo a ni. Kei aia tha hi a phu hliah hliah a,a mizia duhawm tak leh a nunze mawi takte kha nei let leh turin ka duh a,kei mi tenawm tak hlat ah hian awm tawh turin ka duhsak a ni.
.
"Maw?#! Chu chu ka sawi tur zawk a ni love'm ni? Ngaihdam pawh min dil lovin chu thu chu i sawi amaw? A tha e, ka nun hi min hmangaih miah lo tu bulah a tihchhiat turin ka lo dah a ni. Inthen mawlh ang. Kumkhua in min hmu leh tawh ngai lo ang. Inchhir suh aw. Mangtha le! "
.
Phone chu a dah hmak a. Chu zan chu ka mu mang lo. Zuali chuan min rawn call ve seka, ani chu ka huat phah hlur a,keima thiamloh ni reng si ah chuan puh tur ka dap ruai a. A tuk zing chuan Lawmi thih thu hriattir ka ni ta a ni.

**********************************
.
A ruang bulah chuan tuma hriat loh in inthiamlo em em si chuan ka thu a,chu chuan a thihna piah lamah min ti na zual a ni. A u chuan lehkhathawn in chilh nghet tak hi min rawn pe a,min rawn hrilh ru a "Bawihtei chuan he lehkhathawn bulah hian kan ta tur a dah tel a,heihi chu lo chhiar miah lo tur leh nangmah pe tur che in a ziak a ni"a ti a. Ka ipte ah chuan ka ak tha nghal a.
.
Lawmi kuang an chhin dawn chuan a hmuia zuk fawh chu ka chak hle a,mahse ka inthiamlohna chuan min pawt kir leh a. A hmel chu ka thlir ngawih ngawih a, hei chauh hi ka ti ngam a ni. Min hmangaih em em tu chu an kal liam pui ta! Thih ve daih mai chu ka duh a ni.
.
Ni 3 a liam chuan haw a ngai tawh dawn a, Lawmi thlan ah chuan ka va kal a. Ka tana lehkhathawn a hnutchhiah,chhiar ka hreh em em chu ka la chhuak a..uluk taka a chilhna chu ka thlawn a.
_
.
"Duata, ava fair lo ve! A fair hlawllo a ni tiraw? Naupang te ka nih laiin khawih chhiat ka ni a,nasa takin dam khawchhuak turin ka fight a. Miten min hmuhsit loh nan ka in veng ve hle a, sex hmang lo turin ka inthunun ve trawk trawk a,nangma hmaa mi ka bialpa pahnih te pawh kha ka kalsan phah reng asin. Nang ka tawng che a,ka rin phak bakin ka hmangaih che a. Ka lo inven ve rengna thin pawh chu in veng hleithei lo khawp in ka hmangaih che a ni. Mahse,a rei telh telh a, min lerhsan reng a. Ka nun hi a beidawng takzet thin. Hmani ilo kal khan i nun i thlak tawh dawn emaw ka lo ti a,ka hlim asin. Ni e, kha nu nen in thlalak dun ka hmuh khan ka na ngei a,mahse i nun i sim phahna tur a nih ring in ka lawm ru leh ta zawka. Tichuan,thil thleng chu i hriat kha. Mahse,i haw phei a. I nun ngaiin i nung leh tran a. Min ngaihsak lova,ka tan hun pawh i nei ngailo. Hrehawm ka ti thin asin. I haw atranga thla khatna ah khan ka period lova,a thla hnihna ah pawh ka la period chuang lova . Chung chu hrilh tur che pawn hun min siam ngai silo. Ka rai anih rinna leh min ngaihsak lohna avanga ka rilru hah in ka mizia a tih danglam te kha hriatthiam i tum bawk silo. Thla thumna a liam a, ka la period loh fo avangin ka ngaih a tha theilo a. Zun test na leiin ka zun ka test a, rin pahnih te chu a sen ve ve a. Mahse,hrilh rihlo chea doctor hmuh phawt ka duh a. Vawiin ah ka inentir dawn ka tih khan ka va kal a,ka lo rai ngei a ni. In ka thleng a,hrilh dan tur che ka ngaihtuah nasa hle a. Zanin khan rawn hrilh che ka tum lai takin in veng thenawma ka hmelhriat hnen atrangin i bialnu nena in thlalak leh in chanchin zawng zawng thu in ziahna message ka dawng ta si a. Ka nat dan hi i hriatthiam phak lovang. Chutah nang lah chuan ani chu thlang in ngaihdam pawh min dil lovin inthen i rawn rawt ta zawk si a. Ka kehsawm a ni. Ka hun kal tawh ka dawn kir a,ka hma hun ka ngaihtuah bawk a. Mi nuihzat leh hmuhsita ka awm tur chu ka ngai ngam lo a. Kan naute pawh zah zo lovin he hrui hi ka thlang ta a ni! Min ngaidam dawn nia. I hmangaih nen chuan hlim takin fanau maltluan chawia leng turin duhsakna ka hlan a che u. Ka hmangaih che. Keimah avang hian in thiamlo takin rawn awm lo la,kei anga nun beidawng te hi ilo tanpui thin zawk dawn nia. Mangtha aw"
.
Ka chhiar zo chu ka khawvel hi a thim nghal vek a,ka awmdan pawh ka hre zui lo. Ka harh chuan minute 30 vel chu Lawmi thlan chungah chuan nikhaw hre lovin ka lo tlu a ni. Ka lu chu a rit hle a,ka tho a. Thui vaklo ka pen hnu chuan ka hawi let a,
.
"MIN NGAIDAM RAWH"
.
"KA NAUTE NEN KHAN MIN NGAIDAM RU AW??"
.
.
.
( He thu hi a tira ka ziah ang khian thil thleng tawh hmanga ka thawnthu phuah a ni .Chhiartu duhtak, heihi hria la ka duh a ni. I hmangaih lo nun chu tihchhiat sak ngai suh,nangmah hmangaih tu che nun ngat phei chu zahsak rawh. Tin, hmeichhia te u..in thianghlimna kha vawng tlat u la. A hun lova rilru hahna tawrh leh a hun hmaa thihna thlen tu a ni thei. A tisual tawh te inchhirna ruamah hian tawlhthlu ve lo turin rawn in vawng tlat ang che)

Link:
BBcode:
HTML:
Hide post links
Show post links

Lalruatpuii
Posts: 7
Joined: November 3rd, 2016, 1:07 am

Unread post by Lalruatpuii » March 9th, 2017, 12:46 am

Ngaihnawm full twp, han tang zel teh
Ruatpuii :roll:

Link:
BBcode:
HTML:
Hide post links
Show post links

Xili
Posts: 8
Joined: April 10th, 2017, 10:19 am

Unread post by Xili » May 14th, 2017, 5:21 pm

Kei poh ka ngaidam hmak :D

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


L Hauhnar
Posts: 1
Joined: June 21st, 2017, 10:50 pm

Unread post by L Hauhnar » June 21st, 2017, 10:54 pm

Ngaihnawm in chhiar a manhla khawp mai...he story ka chhiar zawh veleh he hla hi ka rilruah lo lutin ka ngaithla nghal a, a nalh duh khawp mai... :) lo ngaithla ve ru....
https://youtu.be/BKA5k9sRzc4

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)