◆ THE OTHER CEO ◆ Season 1 BY Noah Hmar (2)

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

◆ THE OTHER CEO ◆ Season 1 BY Noah Hmar (2)

Unread post by Ngaia » May 4th, 2016, 9:31 pm

Thlan chungah chuan ka thu leh a. "Ka nu..kha pa,tun a inhmuh tak kha ka boss thar anih kha. Wilson-a chu tunah chuan hmun nuam takah a awm tawh ngei ang a,chuan nangni nen pawh in inhmuh tawh ngei ka ring. Ani chu a hai theih loh....a thawm hi a na ve hrim hrim a,mahse a ngainatawm lutuk." chu thil ka ngaihtuah chhuah zawng chuan ka nuichhuak hak a. Ka nu leh pa leh Wilson-a chu an inhmu anih vek chuan an hlim khawp ang le. Wilson-a lah a tawng duh ropui mai si.
.
"Kei chu ka tha ania..min lo ngaihtuah reng reng suh ang che u. Ka hmangaih che u...chuan nitin mai hian ka ngai thei lutuk che u ania" tihpah chuan ka maimitchhing a. Thli thaw chuan ka sam chu arawn chhem leng der der a,hnahthel te chu a chhem ri sang sang a. Chutih lai chuan ka nu leh pa in a min kuahna....lum ther ther thin chu ka ngaihtuah chhuak a. Ka hmai thlifim in a arawn chhem hauh hauh te chu min fawhna ni mai in ka hria. Chung ka ngaihtuah chuan ka nui ver ver a
.
.
Ka thutna atang chuan ka ding a,ka thawmhnaw a hnahthel kai te chu ka beng fai a. Tunah chuan rilru rit tak chung in ka nu leh pa thlan chu ka kalsan alo ngai ta. Mahse an thlan ka va tlawh tal a,chu chuan ka thawpikna zawng zawng erawh a ti veng hawk mai.
.
Thlanmual hung pawnah chuan Pierce-a chuan min lo la nghak reng a,ka va hmuh chuan eng emaw ngaihtuah nei a ang hlemai.
.
A awmdanah min hmu miah lo tih ka hria a,chu veleh va barakhaih ka duh ta. A hnunglamah chuan dim te in ka phei dem dem a,ka ding hnaih tawk ta maw tihah chuan a hnungah tak ka va nam ta thut a.
.
A ni lo ding nghet lo....kei in ka nam na bawk nen. A rawn inher a,ka kut chu arawn vuan a,chhuatah tak chuan a tlu thlawrh a. Ka kut arawn vawn avang chuan min pawtthlu tel a,hma zawng tak chuan ka bawh ta siah mai a. A intauh na deuh nge...na tih hmel deuh chuan a rum tiah tiah a.
.
Ka nui nghal ker ker a "Ka tihpalh lutuk! " ka han ti a. Ani pawh chuan min rawn en a,a nui ve mai a. "Rawn barakhaih che ka tum a....mahse a hit lo hlemai" nui chung chuan ka han ti a.
.
"I tha em? I lu kha i sawh ami?" hlauhthawn hmel deuh chuan ka ti zawm nghal a .
.
"Aih....mahse tun a kan awmdan hi a nuam ka ti" tihpah chuan arawn nui suk a. Tihvak ngaihna pawh ka hrelo....ka lai lutuk chu ka biang a sen nghal tawn tawn a. Chutia awm reng chu a zahthlak. In bengkan tum a thawh ka tum lai tak chuan ka banah rawn vuan in min pawt let leh a. "Ohh.....ni love. La tho bik lovang" nuam tih hmel deuh hian arawn ti a.
.
A mitah chuan chhiang tak in ka en a,a hma ai khan a mawi zual in ka hria. A fiah kak a,a tle ral ral bawk a.
.
"Titeh...Pierce,i kal teh ang" tihpah chuan thawh ka tum leh a,ka hrawk te chu ka nervous lutuk vang chuan a ro huam huam tawh a.
.
"New York a kan let leh hun a min date pui duh dawn loh chuan ka kal tir lovang che".
.
A mitmengah chuan nuihzat rukna ka hmu thei in ka hria. Ka nui hak a "Chutiang a thleng lovang"
.
"Anih chuan tun a kan awmdan hi nuam ka ti. Tiang hian kan awm ang tih ka lo ring ngai lo reng reng". A tawng danah chuan min tih thinrim tum a ang mah zawk.
.
"Kal vat anggg....!" tihpah in a awm ah chuan chum ka tum a,mahse ka banrek ah chuan nghet takin arawn vuan a.
.
"Ka thusawi kha 'Aw' ti phawt la"
.
"Chutiang uan na chi pawh ani lo...kal ang"
.
"Olive...min en teh". A mitah tak chuan ka en a,a hma a a hmel uan hmel tak chu thutak hmel deuh hian arawn inthlak nghal a. "Ka fiamthu lo...ka ti tak tak. Vawikhat date in kan chhuak ang a,chu zawng chu ani mai"
.
A hmel atang chuan a zawhna chhanna chu a nghakhlel hle tih a hriat a,keilah chuan han tih ngaihna vak ka hre tawh bik si lo. "A tha alawm. Mahse vawikhat chiah"
.
Chu veleh naupang in Christmas tuk a present an hawng hlim hmel ang mai hian arawn nui ver ver a. Kan mutna atang chuan inbeng kang in kan tho chhuak nghal a. "I lai hmel leh i nui hmel hmuh hi chu nuam ka ti tehmai ania"
.
A sawi zawh rual rual chuan ka biang chu arawn sa leh nghal hut hut a,ka hawisawn nghal vat a. Mahse ka biang chu rawn vuan in a lam chu min hawi tir a. "Hawisawn nghal kher suh....ka ti tak tak alawm" tihpah chuan a nuisang a,a kut zungpui chuan ka biang chu ahan hrut kual a.
.
Min khawihna apiang chu current a man tek chhuaih chhuaih ang mai hi ani. Ngati nge ti hian min tih le?
.
"I kal ang....kalna tur kan la ngah kha" tihpah in ka kutah chuan min rawn vuan thut a,min kalpui nghal dawr dawr a.
.
.
Nileng chuan ke in kan kal kual a,hmun mawi leh nawm hmel deuh ni a kan hriat chu kan pan zel a. Park thenkhat erawh an khar avangin kan kal thei ta lo. Eng emaw changin ice cream kan lei a,ke hlir a kal chuan a chauh thlak duh ngei mai.
.
Park pakhat chu alo inhawng hlauh a. Thingkung a tam in chawlh hahdam nan chuan duhthusam ani. Kan pahnih in thutthleng awmah chuan kan thu dun a,kan ice cream ve ve chu kan ei dun mawlh mawlh a,boruak a reh bawk a,a nuam hlemai.
.
Vawiin thil thleng zawng zawng te hi ka lo ngaihtuah phak bak ani. Ka chhungte bul a arawn awm ve ringawt pawh chu a mak hle a,inhnar ngawt theih lah ani si lo. Bakah vawiin a mizia hi chu a ngainatawm takzet. Tiang mizia hi a pu ang tih reng ka ngaihruat pha ngailo.
.
Ka va en a,ice cream ei pah chuan hla tak hi a melh a,thil ngaihtuah nei hmel pawh a pu chuang lo. Ka en tih chu arawn hre thuai a "Tinge khatia min en reng a?" tihpah chuan arawn nui a.
.
"Engmah anilo" tihpah chuan ka hawisawn nghal vat a.
.
Kan ice cream ei pawh chu kan ei zo thuai a,thlasik a hnai a khua a vawt tan viau tawh mahse ka la eichak tho. Chawhnu lam chu thlifim a tam hle a,a vawt tuk tawh lehnghal. Keimah leh keimah chu ka inkuah a,tiang chuan tlem in a ziaawm deuh.
.
Pierce-a chuan ka awmdan chu arawn hre thuai a. "Vawt i ti ami?"
.
"A reh mai ang. Ice cream vang mai mai kha alawm"
.
"Lo kal teh.." lo dan ka tum nangin ka dang hman ta lo. Ka kawngah chuan rawn vuanin alamah chuan min kuah phei a,a pangtilum ther ther chuan min rawn ur nghal ham ham a
.
"Pierce...!!"
.
"Shhhh....."
.
Ka ngawi nghal hmak a,mahse ka ngaituahna erawh a chawl chuang lo. A hmai leh ka sam chu a insi chial a,a thawlum ham ham pawh chu ka hre thei a.
.
"Thil eng emaw ka zawt thei che angem?" tihpah chuan a thaw hak a.
.
"Mhmm..?"
.
"Engtin nge ka pa khan chawlh a hman thin?"
.
Ka ngawi vang vang a,engtia chulam daih chu min zawt nge maw anih le....A mitah chuan ka han en a,a pa chanchin a sawi hi chuan a lungawi vak hmel loh ka ring a,mahse a hmelah chuan mal ngawih ngawihna ka hmu thei. Ka han inher a,a hmel khawngaihthlak tak chu en pah in ka kut vawt tak mai chuan a biang ah ka han vuan a,nelawm tak chuan ka han nui a.
.
"Office a thawk zawng zawng tan party a buatsaih thin a,kan par suau suau zel mai mawle. Mahse a hmelah hlim hmel ka hmu ngailo"
.
"Eng nge i sawi awmzia chu?"
.
"I chanchin leh i nu chanchin a sawi chang chauh hian a hlim hmel ka hmu thin. Diktak chuan a chhungkua kha a ngai takzet thin ani"
.
A lu alo thing a "Chu zawng a dik lo ang. Min ngai tak tak chu nise kan hnenah alo kir leh em em ang"
.
"A tan khan chu chu a harsa ve em ani. Kinah ila hrethiam mai ang". Theihtawp a hnem hram hram chu ka tum a,mahse a ruk tak chuan a rilru a na hle tihpawh ka hria.
.
Ni pawh chu a kal ve zel a,vawiin chu mood fuh loh vawikhatmah a nei lo. A pa chungchangah chuan a lungawilo ang tih mawlh chu ka hlau a. "A chhan chu a hlauthawng ani"
.
Pierce-a chuan a sambuang tle siau mai chu ahan hui a,a hmui pan tak chu a han seh a,a hrilhhai hmel hle a "Engmah awmzia a nei tawh chuang lo" tihpah in a hmai a hup a.
.
Kei chuan a lu ah ka lo chul a,bengdaih hram hram chu ka tum a. "A hmangaih lutuk che. I nu nen"
.
Ringlo tih hriat tak hian a lu ahan thing a,ka ti mah mah in ka hre ta deuh,a thinrim dawn tlat. Tun tum hi a pa chungchang tum hnih min zawhna ani ta. Puzzle pakhat te te a rem ang mai hi ani a,la hriatthiam hun te pawh a nei ve mahna.
.
A han insut deuh hreih a,chutah pangai deuh hian min rawn en a "A pawi ka ti lutuk...engvang a zawt che nge ka nih pawh ka inhre lo"
.
"Engtik hunah pawh...i ngaihthlak duh phawt chuan min zawt thei reng ang"
.
Ngawi reng chuan a bu nghat a. Kei chu ka thutna atang chuan tho in ka han inbeng fai a
.
"Khawiah nge i kal dawn?"
.
"Kan haw ang....Hugh-a chhungte inah zanriah kil kan tum kha" tihpah chuan ka ban chu ka han lek kang a,lawm tak in alo chelh a.
.
"Ani tak e" tihpah chuan arawn tho ve nghal a. Ani nen chuan ni pawh a tawi hma hlemai. Hun hman dun ala duh zel angem? Ka ngaihtuahna avang chuan ka han nui deuh sak a....la thleng zel se ka beisei a,ka duh bawk.
.
.
(END OF CHAPTER -14)

CHAPTER -15 (Updated)
.
1st December:
.
Pawn boruak chu a vawt vin tuk tawh a,chhum a zing chiai reng bawk a. Jacket lian lam ka hak bakah scarf ka awrh bawk a. Thlasik alo thlen hi chuan New York khawpumah chuan vur a tla ziah thin a,vur a tlak hi chuan ka naupan lai min ti hrechhuak ziah thin. Nuam kan tih theih zia kha.
.
Thawhtan tuk ani a,office kal tur chuan ka chhuak nghal a. Office ka han lut chiah chu pawnlam boruak nen chuan a in dan hleih hlemai. A lum mai bakah Far thing rim alo nam chem chem a.
.
Ka office bik chu a bang darthlalang a siam anih avangin Elevator atang a rawn chhuak tupawh chu chiang tak in ka lo hmu thei a. Chumi tuk pawh chuan Pierce-a chu a dan ngai te in elevator atang chuan arawn chhuak phei a,ka office kawngka zawn arawn thlen phei chuan ahan ding dat a. Coat suit vutbuak rawng a ha a,a sam chu hnunglamah a khuih pial phei bawk a,a lang professional takzet. Eng tak tih tum ang maw tihpah chuan dawhkan hnuaiah chuan ka kut chu ka khal rauh rauh a.
.
"Good morning Olive...." rawn tihpah chuan a nui suk a,a office lampan chuan a phei lehnghal a. Chutiang chuan tuk dangah min la ti ngailo reng reng. Nidangah chuan a tlai chang emaw,tih tur eng emaw aneih chang in arawn lut ve zawk a ani mai. Alo kal ve chhunah lah biak ngam pawh ani ngailo.
.
Keipawh chu ka nui riai riai a,tun kar chu kar nuam tak anih ngei han beisei phawt mai teh ang.
.
Ka lo rin ang ngei chuan chu kar tluan chuan ka hlim tih mai tur ani.
.
.
.
Kar tawp Zirtawpni ani a,report ka ziah mawlh mawlh lai chuan phone arawn ti a
.
"Hello....Mr.Alexander -a office ania,Olivia-i ka ni e" nuihsang pah chuan ka han ti a.
.
"Olive...." khai aw...Pierce-a aw anih chu. "Ka office ah ka mamawh che. Tunah"
.
Phone chu a dah lehnghal daih a. Coffee a duh a ni emaw,eng emaw mamawh aneih chang chuan tiang hian arawn ti ziah zel. A office lampan chuan ka phei a. Ka han luh chuan dawhkanah a ke hlang in a lo thu awn duai a,zam na bawk chuan min rawn tham leh a.
.
"Hey...." tihpah chuan a office chhungah chuan ka lut a.
.
"Lo thu rawh" tihpah chuan a hma a chair awm chu a kawk a. A kawhna lam chu ka pan nghal a. Kan taksa chu a inhnaih hle a,ka thin lah chu a phu dup dup mai bawk si. Rilru nuam zan lo chuan ka thu ran a. Ani lah chuan min en run mai si.
.
Ka va en let ve a,a mit chu a thim ruih a,ka hlauh zawng tak ani.
.
"Ka sawi tawh tho nangin tih vat ka duh ani"
.
"Eng chu maw tih vat i duh?" fel hmel deuh hian ka lo ti a.
.
A mithmul chu arawn san ak a,thawk ahan la vang vang a. "Eng nge mamawh i nei em ni?" ka lo ti leh a.
.
"Naktukah" tihpah chuan min rawn en a,thatchhiat hmel tak hian arawn nui deuh seih a
.
Eng nge naktuk chu?
Oh......in date kha maw?
.
Hlauhthawnna chuan min rawn man nghal a,Pierce-a chungchang a hlauthawng ka ni lo. Ka hlauh zawk chu date a tih khan kan inkarah eng emaw a siam ang tih ka hlau ani. Dating ang tak tak hi a ti tihna em ni ang? Ani lovang.....mahse a ni thei tho bawk si.
.
"Naktukah maw..?" ka lo tinghal vat a.
.
"Naktuk tlai dar 3 ah ka rawn lam ang che. Chuan thawmhnaw mawi hnai deuh in lo inthuam la" a aw chu a zawi viau nangin a chiang hle thung.
.
Mahse eng nge thleng dawn ka hrethiam chuang lo. Bakah khawiah nge min kalpui a tum le?
.
"Anih chuan khawiah nge kan kal dawn a?"
.
A rawn nui a "Engvangin nge tunah te ka hrilh nghal ngawt ang che? Ka surprise ve na tur che ania"
.
"Anih chu mawle"
.
A dawhkan bul a drawer chu ahan hawng a,box var arawn phawrh chhuak a. "Chuan thil pakhat....he thil hi lo en la ka duh a" tihpah chuan bawm chu min rawn pe a.
.
Dim te in ka hawng a,a chhung a lehkha awm chu ka la chhuak a,London a Alexander Corporation Hotel pakhat chungchang inziah na hi a ni a. A bul a envelope pakhat awm chu ka han la chhuak leh a,ka meng phawk nghal hru mai. Ka keu a,ka han en nawn leh thin.....mak tihna in ka khat nghal a. Chu chu London kal theihna ticket ani. Envelope kawmah lah chuan chiang kelh kawlh in ka hming a chuang kuau a
.
Pierce-a lam chu ka hawi phei nghal a "Eng nge hei hi?" mak tih hmel tak chuan ka ti hu a. Wilson-a khan tiangin sumdawnna a a zinna ah min hruai tam em em lova,min hruai na chu Alexandrite Hotel a function kan neih tum mai te kha ani. Tun ami hi ka tan chuan thil ropui leh ka la dawn ngai loh ani
.
"London fankual theihna tur ticket anih kha" tihpah chuan a lo nui sang a.
.
"Chung te chu ka hria alawm. Mahse tinge ka lo kal ve ngawt ang a?"
.
"Nia. . ka rual in i lo kal ve ang. Kei chu holiday lai pawn hnathawh tho ka duh dawn a"
.
"Eng aa??" Chu kher kher chu ka awih thei lo. Holiday lai a hnathawh maw? Engkim ruahmanna ka lo nei ve vek tawh...Christmas chawlh te chu ka chhung te bul a hman ve te ka lo tum asin. Nikumah lah Wilson-a ka buaipui angaih avangin Christmas ah takngial pawh ka haw theilo kha ani a.
.
Nikum te kha chuan Wilson-a tan a Christmas nuam tak siam sak kha ka tum ve em a,a in a awm ve midang ho pawh khan min tuipui hle bawk.
.
"Olive....?" ka hmai zawnah Pierce-a chuan a kut arawn vai a.
.
"Huh....?" ka phu deuh zawk a,amah chu ka melh lehnghal a.
.
"I tha maw?" a hmelah chuan a thutak hmel hle a.
.
"Aw....thil pakhat la hriat reng ka nei" tihpah chuan a kut chu ka han vai kiang a.
.
"Ka lo kal ang" tiin thuthlukna chu ka siam ta. Tha tak a enkawl kha a pa lakah ka lo intiam tawh si a,ka chhungte chu hundangah pawh tlawhna hun remchang ala awm em em ang.
.
Bakah ka kal ta rau rau anih chuan a nuam thei ang ber in hun ka hmang tur ani bawk ang. Khawpui mawi tak tlawh tur ka ni pah bawk a,a zia tak ala awm.
.
"A tha lutuk e" tihpah chuan arawn nui seih a.
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
"Mahse lawk.....passport ka nei miah lo ania" hlauhthawn hmel deuh chuan ka han ti a,zin dawn chuan a pawimawh ber anih avangin a tello chuan khawiahmah a kal theih si loh.
.
A lo nui suk ringawt a "Buai angai lo. I mawng lian deuh khan thlawhna seat ah i thu ang a,chu zawng chu ani mai"
.
Ka lo ang hau a...eng nge maw ka mawng kher kher pawh chu arawn sawi le? Chutiang anih te chuan ruahmanna alo siam vek tawh ani zawk aniang a...
.
"Mahse....." eng emaw sawi chu ka tum a,mahse ka sawi chhuak thei tlat lo. "Engtin.....?"
.
"Engkim a fel vek tawh alawm Pi Bailey"
.
Ka ticket ken chu ka han en nawn leh a,tunah chuan London ah ka kal dawn chiang ngei e...a van nuam dawn em. Mahse Pierce-a nen chauh a zin dun chu a him dawn em ni? Mahse sumdawnna chungchang alawm le. Ka hlauhthawnna chu tih reh hram hram ka tum a.
.
"Engtikah nge kan haw leh ang?" ka lo ti a.
.
"Ni 21 ah. Kumthar zawhah New York ah chuan kan let leh chauh ang"
.
"Kar hnih chhung maw? Pierce,chutiang em em a rei chu ka cham thei lovang"
.
Min rawn en a,a mithmul chu arawn san ak a. "Keipawn cham rei loh dan ber ka ngaihtuah ve tho alawm. Hei hi a reiloh dan ber ani. Hnathawh tur a tam em alawm"
.
Rum zet hian ka melh a,chu aia rei loh deuh dan chu a hre reng tih ka hria. Ka vin hrep loh nan ka in thunun hram hram a, engtiklai pawh hian a duh dan ang chauh hian kan kal a,kei in eng thuneihna mah ka nei ve silo.
.
"A tha alawm" tihpah chuan chair atang chuan ka tho chhuak hmuk a,ka inher nghal a.
.
A ni lah chu hnunglam atang alo nui kur kur a "Naktuk kha rawn theihnghilh suh aw" arawn ti leh hram a. Kawngka lam chu pan in ka chhuak nghal a.
.
.
.
In a ka haw chuan Hugh-a chu thutthlengah lo thu thluangin Vampire serial alo en a,min rawn hmuh chuan alo nui suk a....a mood pawh a that hmel hlemai.
.
"I va thleng hma ve" tihpah chuan a bulah chuan ka va thu a.
.
"Nia vawiin chu ka haw hma a....nileng in customers ho nen kan inbe nileng zak a,order la reng reng in ka buai a. Naktuk zan atang phei chuan puanthui khawl ka mutpui a ngai hial ang"
.
"Tun thla chu i buai cher cher dawn hlemai maw...?"
.
Hugh-a chu a rum nghat a "Niaa......tun kumtawp chawlh phei chu chhungte bul a ka hawn hman pawh ka inringlo. A pawi ka ti lutuk Vee..."
.
"Anih chuan kan pahnih in kan haw theilo ve ve dawn tihna anih chu" tihpah in lukham chu ka han pawm a. "Pierce a'n a rual in London ah sumdawnna thil a zin ve tur in min ti a. Kar hnih kan thang ang" tihpah in a darah chuan ka lu ka nghat a,rilru hahdam deuh a awm chu ka duh
.
Hugh-a chu a ngawi reng a,engmah sawilo mahse a awmdan atang min ngaihtuah ani tih ka hria. Ka dem hauh lo....mipa dang nen a ramdang a kan han zin tur chu ka ngaihtuahawm viau lah tak ang.
.
"I va hlim hmel loh ve" arawn ti a.
.
"Kar hnih chhung kan hun hman dan tur vel kan sawi a. Christmas chu nang leh ka chhungte bul a hman ka duh ber asin mawle" ka lo ti a.
.
Mahse Hugh-a chuan a hmel a a rilru nawmlohna lang chu a ti reh thuai a. "London ah i kal dawn ania,hun nuam tak i hmang ang chu mawle. Mahse i lo haw hunah British mi chhelo tawkk min rawn hawn ang che"
.
Ka lo nui a "Chhelo deuh pahnih ka rawn kidnap sak ang che"
.
Ka lu arawn tuai a,hlim tak in kan nui dun a. Zanriah kan kil zawh chuan Hugh-a pawh chuan mu tur in a khum lam a pan nghal a. Christmas a hnai tawh bawk a,a buai thei hle a,thawmhnaw nise thui sen loh a nei a,zan a mengrei thei hle bawk. Han duat vak ngaihna lah hi ka hre bawk si lo. A thil siam leh thui te nalh ti tak a lo fak sak mai loh chu.
.
.
.
Zingah pawh chuan keima tawkah ka tho hma ve hle a,Hugh-a erawh hnathawh tur a ngah avangin a chhuak hma hle thung. Apartment ah chuan keimah chauh in ka awm tlawng a,eitur lah ka insiam peih bawk si lo. Fridge a kan thil ei bang awm te chu ka tilum a,coffee nen thutthleng a TV en pah in ka ei a.
.
.
1pm ah chuan ka insiam peih vek tawh a,Pierce a'n min rawn lam nan darkar hnih ngawt ala awm a.
.
Jeans ka ha a,t-shirt plain var bakah jacket ka ha a,boot ka bun bawk. Makeup lam hi chu ka inhnawih ngai vakloh avang hian ka thiam em em hran lo.
.
Hun a kal zel a,3pm pawh chu a rawn ri ta thuai a. A thu sawi chu a zawm tha hlemai,reilo te ah doorbell arawn ri nghal a.
.
Kawngka lam chu ka pan phei a,ka zam ru hlemai. Kawngkhar chu ka han hawng a,Pierce-a chu ka hma zawnah tak chuan alo ding a. Jeans dum a ha a,t-shirt kilhna awm leh jacket a ha a,pheikhawk pum nalh zet nen. A sam rangkachak rawng chu a tle siau a,a inmet fai hle bawk. A khabe phir chu a lang chiang in a fai hle a.
.
Inmeh fai chungchang a ka thusawi kha alo la hre reng aniang....a lang tha takzet.
.
"Hey..." ka han ti ringawt a,ka awmdan te chu ka theihnghilh vek. In date in kan chhuak dawn ani a,engtia han tih tur nge ka hre lo. Ka chibai dawn em niang? Nge ni a lo lut tur in ka ti zawk dawn?
.
"Olive..." tih pah chuan tawrh har tak hian arawn nui a "I inpeih tawh em?"
.
Ka lu ka lo bu ringawt a,ka tawng ve zawng in ka confi lo emai. Ka kut chu arawn vuan a,apartment atang chuan kan chhuak dun a. Tiang hian London ah pawh kan inzui awm si a...mahse hna thil ani dawn a,keipawh in nuam thei ang ber in ka chen ve tur ani ang.
.
A car dahna kan thlen chuan a kawngkhar chu min hawnsak a,kan kalna tur pawh engmah hre lo chuan ka lut ve ta rawih a. Pierce-a chu ka rin ngam a ngai ani. Ka ring ngam leh ngam loh pawh ka hre lo. Kawngpui lampan chuan kan inkhalh chhuak nghal a.
.
"I va chhelo ve a...I lang tha lutuk" arawn ti a. Ka zak lutuk chu ka sen nghal awp awp a,engtia han chhanlet tur nge tih pawh ka hrethiamlo.
.
"I inmet fai ani maw" ka han ti ve ringawt a.
.
A rawn nui a "Niawm tak chu anih hi" arawn ti a.
.
Thildah khawmna in hluihlawn tawh bulah chuan a car chu a park a. Karei...min hruaina ber kher chuhh...ka thi dawn in ka inhria. Chulai hmun chu inthahna thlen hrep tawhna hmun ang mai ani. Pierce-a chuan min tihnat a tum em lovang chu maw. Chulai hmun chuan min rap tlat
.
Car atang chuan ka chhuak a,boruak ah chuan Chi rim a nam chem chem a,tuipui kan hlat vaklo ani ngei ang. Thlifim rawn thaw chuan ka taksa chu arawn hmet nghal vawng vawng a,thlasik intan tawh nen,a vawt ngei mai.
.
Mahse pangtilum in arawn luahlan thuai a. Pierce-a chuan ka darah rawn kuah in a taksa si chalh chuan min kuah bet a. A taksa chu a lum ther ther a
.
"I phur tawh em?" arawn ti sap a.
.
"Helai hmun hi ka thihna hmun tur ni in ka hria" aw khur dar dar chuan ka lo ti a.
.
"Ngeiawm lutuk lo teh" tihpah chuan arawn nui a. "Nuam i ti viau ang. Ka tiam a che"
.
.
(END OF CHAPTER -15)


CHAPTER -16
.
Chulai hmunah chuan kan han kal kual a,kan piah deuhah chuan Van pakhat a ding a,a bul velah te chuan lawng a bungrua an thiarna,kahpathir atanga siam bawm lian tak tak,hlui tawh tak tak a inhung thup bawk a. Thil dah khawmna in hlui tawh tak tak a awm bawk. Chulai hmun chu rauh san tawh anih avangin a reh vawng vawng a.
.
A piah deuh hlek atanga tuifawn inchhawk ri te chu ka hre thei a,bakah vanah chuan tuipui sava chi hrang hrang an rawn thlawk kual bawk a.
.
"Pierce....nang hi tualthah hmang i ni chiang lutuk. Mahse min that pawh ni la ka rawn umzui zel ang che" tihpah chuan ka en a,ka aw pawh chu a ring tha lenglawng hlemai.
.
Pierce-a chu za em em hian alo nui a,a ha var rual tak mai chu a nalh hle a,chumi chawih tur tak chuan a biangsum a lang kalh bawk a. A nuih nasat luatah chuan a hmai te chu a sen vek a,pum dawm meuh in a nui a. Kei chuan ka kut ka lo kuangkuah a,a nuih zawh hun ka lo nghak tawp a.
.
A nuih zawh hnu chuan chunglamah a ban arawn phar chhuak a "Min ring ve tal la.....aw?" tihpah chuan a khi vur vur a.
.
Tihngaihna pawh ka hre bik lo. Lei ka chhuah khum ringawt a.
.
"Naupang chhia lutuk" tihpah chuan ka kut arawn vuan a,khawilam nge min panpui a tum pawh ka hre lo. Hla tak atang a mipui au thawm leh nui thawm te chu ka hre thei a. Min hruai phei zel a,lawng tumkai lamah min hruai phei a.Mahse hmun dang ami nen a in anglo hlemai
.
Lawng pangai emaw...lawng leng emaw takngial pawh han hmuh mai tur a awmlo a,chutih lai in a vawt hle thung. Ka veilam piah deuh a tiau vut var paw vo pawh chu ka va hmu thei a,mahse mihring erawh hmuh tur an awm lo. A vawt lah tak em a tuman saw tiang tiau vut var sur leh tui hit em em chu an dai peih hauh lovang.
.
Lawng tumkai piah deuhah chuan Ferris wheel (Marry go round) lian zet mai hi a awm a,chuta tang chuan New York khawpum chu chiang takin a thlir theih ang. Tunah chuan kan awmna chu tuipui bul lawk ani tih ka hre thei ta. Kan piah lawkah chuan thing a siam thutkhawmna a awm bawk a,function te nau deuh hlek neih na tawk vel ani. Mak ti in ka ang phuau a
.
"I nge i hmuh dan?" tihpah chuan Pierce-a chu alo nui seih a.
.
Chhan mai ngaihna pawh ka hrelo. Ka hmui chu ka han pet a,ka ngaihtuahna ah thil tam tak arawn lut nghal a. Tuman tiang hian min la surprise ngailo. Hei kher hi chu ka beisei loh lutuk thil ani. Chubakah a romantic dan hi a ril em em bawk si. Rose inkhawi a awm lova,dinner table nalh tak pawh a awmlo. Heti hi ani mawl tawp a,mahse awmzia erawh anei viau lawi si. Ka thinlung chu a tuiral a,eng emaw luahkhat tu a awm ani.
.
A mitmu tle ral ralah chuan ka han melh a,nui chung chuan "Nuam ka ti lutuk" ka han ti a,chulai boruak chu ka han hip vang vang a.
.
Inchhuan hmel deuh hian min rawn melh a "Hugh-a khan idea min pe a"
.
"Ka lawm lutuk" thinlung tak in ka han ti a. "Mahse Hugh-a nen ka hriatloh hlan a ka chanchin inlo sawi chu ava tha awmlo ve" tihpah chuan ka han nui a
.
"He ni hi ni nuam tak nise ka duh ani"
.
"Engtin nge Hugh-a chungchang kha i hriat chhuah a?" ka han ti a. Thanksgiving day kha chuan an inkawm ngei tih chu ka hria.
.
"Chutiang a pawimawh lo. Tinge nang pawn min hrilh mai lova?"
.
"Hrilh che chu ka tum fo alawm,mahse min lo pawtchat zel anih kha. Bakah i thik em em ringawt a" tihpah chuan ka nui a,a banah chuan na lo te in ka va hnek taih a.
.
Van awmna lamah chuan min kai phei a,van ah chuan min nam bet a,a kut lehlam lehlam chuan min dang bet a,kan hmai chu inches tlem te in a insi lo chang chang chauh a. Ka thin chu a phu nghal dawt dawt a,a thaw lum ham ham chuan ka timur te chu a ti za chum chum a.
.
"I sawi dik maithei ani" arawn ti sap a,a aw ah chuan nuihza insum ri alang tel in ka hria. Chutah a ding thut a,a kal leh daih a.
.
Ka thinphu ran hman zia mai chuh....leiah chuan ka luang ral lo chauh ani. A kal lai chu ka en reng ringawt a,ka hmai te chu a sa pup pup a. Khatiang khawp a hnai a min biak kha chu a awihawm loh hial zawk.
.
Pierce-a chu arawn hawi let a,ka zui lo tih a hriat chuan "Tah khan din reng i tum em ni a?" arawn ti a,mawi tak hian arawn nui a.
.
Chuveleh alam pan chuan ka tlan phei nghal a,ka va thlen veleh ka darah min lo kuah a,kan piah lam a game khelhna booth lam chu kan pan phei a. Game chu kan khel dun a,first round ah chuan ka chak nghal a,Pierce-a chuan a ruk in min chak tir ani tih pawh ka hre reng,mahse ka hlim ve em em tho.
.
"Khatia min chak tir bik zel te chuan a nuam nang" tihpah in ka va nghawk a. Kan hma zawn a Utawk lem chu kahfuh tumin ka tin lehnghal a.
.
"Chiah maw? I inchhir ange?" tihpah chuan a mit ko arawn san ak a
.
"Ka inchhir leh chhir loh chu i hre mai ang" ka lo ti ve hmak a. Ka tawng danah chuan ka hlauh bik loh zia ka tilang chiang tawk chuan ka hria.
.
Ka kut chu arawn man a,apiah a basketball game khel na lamah chuan min hruai phei a. Khawl ah chuan token ahan rawlh lut a,khawl chu arawn nung nghal a.
.
Ball chu kan la ve ve a,a chung a score na tur basket awmah chuan kan in vawm luh siak a. High school kan kal chhung pawh khan sports lam kher kher hi chu ka khawih ngailo nangin hetiang ang a khelh hi chu nuam ka ti tho mai. Ka score ve nual a,game a tawp chuan kan score zat pawh chu arawn lang nghal a,ka khel chhe lem lo. Pierce-a point hmuh chu ka va en ve a. Kareiii.....ka point hmuh let thum lawih.
.
"Trick i hai chiang!! "
.
"I inchhir ang ka tih reng kha" tihpah chuan a nui a,ka lo tum hmuk a
.
Ka kut chu rawn la in booth dangah chuan min hruai phei leh a,chulaiah ve thung chuan bangah hian ramsa lem chi hrang hrang hi alo inkhai a. Engtin nge chulai game khelhna tickets zawng zawng chu alo neih lawk tih reng ka hrelo.
.
"Sawlai ramsa lem zing a i duh ber saw i la thei ang" arawn ti a.
.
"Saw lai a mi saw ka duh lutuk" tihpah chuan a kil a Panda lem chu ka kawk a.
.
Chulai hmun a lo duty pa chuan la in min rawn pe a. Min rawn pek veleh chuan pawm in ka han kuah nghal a
.
"Okay.....game zawng zawngah i chak vek ani mai" ka han ti a.
.
A mitmeng chu a hmuhnawm hlemai. "Min cho viau khan ka hre sia"
.
"Nia...ka ngaihdan kha ka thlak leh tawh alawm"
.
Ka note thar chu a lawmawm takzet. A hming atan 'Mr. P' tih ka sa nghal a. Panda tihna emaw Pierce-a tihna pawh ani thei. A khawi emaw zawk zawk pawh chu ni tehreng se pawi ka ti lo.
.
"Eng emaw ei i duh em?"
.
Aw tih nan ka lu ka lo bu a,ka ril pawh a tam tawh viau. Eitur zawrhna in te lam chu kan pan a,order kan tih fel zawh chuan a bul a thing a siam thutthlengah chuan kan thu a,tuipui mawi tak mai chu alang chiang hle a,chung lamah chuan tuipui sava an thlawk nauh nauh bawk a. Mr. P-a pawh chu ka thil ei chhung ka bulah a thu ve a,an thil siam lah chu a tui em em lehnghal. Tiang ang reng a ni nuam hi ka la hmang ngailo. Vawiin chu Pierce-a pawh a fel hle a,a hmel atang chuan nuam a ti ve takzet tihpawh ka hria. Bakah ni nuam leh dangdai tak min siam sak ani.
.
"Vawiin kan in date chu eng nge i hmuh dan?" tihpah in Pierce-a chuan min rawn en a.
.
"Ummm......point 6 ah point 5 ka pe. Basketball ah khan chak ngat ilang chuan point 6 ah point 6 ka pe hrim hrim" ka lo ti uang a.
.
"Anih nuam i ti em?" tihpah chuan arawn nui a,a hmel ka hmuh rual chuan ka thil ei lai pawh chu ka tawp chawt a.
.
"Aw....." ka tichhuak thei hram a. Ka maimitchhing a,tuipui atang a thlifim rawn tleh chuan ka hmai leh sam chu arawn chhem thaw heuh heuh a,chumi pah a tuipui fawn inchhawk ri ngaihthlak bawk chu nuam tak ani. Vawiin a kan hun hman dan te chu a mal te te in ka ngaihtuah chhuak a.
.
Ka mit chu ka han meng riai riai a,ka hma zawn a thu Pierce-a chuan chiang zet hian min lo en reng a,chutia ka han men takah chuan amah zawk chu a lai ti tih zawk a.
.
"Eng nge?" ka han ti a.
.
"Engmah ni love" tihpah chuan a lu a thing a. "Ni pawh a tla mai dawn" tihpah chuan a sana chu ahan en a. A ding a,a kut chu arawn phar chhuak a.
.
A kut chu ka lo vuan a,tichuan khua chuan tur in Ferris wheel awmna lam chu kan pan a.
.
"Sawlamah sawn kan kal dawn em ni?" ka phur lutuk chu ka insum theilo. Pierce-a chuan a lu alo bu a. Ka za zek zek tawh.
.
In line rei a ngai lem lo. Bawm awlah chuan kan lut ve thuai a. Pierce-a chuan min luh hmasak tir a,min rawn zui ve nghal a. Kan chhuanna bawm chu chunglamah a kang riai riai a. Ka mit chu ka len ruai a,Mr.P-a chu nghet deuh in ka pawm bawk a. Bawm chu a ding zeuh zeuh reng avangin duhtawk in khua pawh a thlir theih a.
.
Van boruak chu rangkachak rawng in a eng phut a, inchhawng sang tak tak karah chuan ni tla tur chu a sen ruah mai bawk a. Chu mai bakah kan piah lawk a tuipui pawl cham dulh mai pawh chu zing kar van dumpawl ang mai hian alang thiang kak a,engkim mai chu sawisawi na tur reng a awmlo.
.
Pierce-a chu ka han en a,nui hmel hi ka hmaiah chuan charh beh ang tlat ani tawh. Nitla tur chuan Pierce-a hmai pawh a chhun eng sut a,a mitmu pawh chu rangkachak ang mai ani.
.
"Hey...Olive"
.
Chutia min koh chu ka hming tak a min koh ai pawhin a inhmeh tawh zawk,keipawn huat en ah ka en tawh lem lo. Khawdang reng hawi lo chuan kan inmelh dun vang vang a,a mitmeng mawi lutuk tak mai chuan ka ruh chuktuah zawng zawng mai chu a ti khawng a,khawdang reng ka hawi thei lo.
.
"Hei hi alawm ka hmuh duh chu" arawn ti a.
.
"Eng chu maw...?"
.
"Hei hi..." tihpah chuan ka hmai chu arawn khawih a,chutih rual chiah chuan arawn kun hniam a,ka hmuiah chuan arawn fawp zui nghal a.
.
Ka tha zawng zawng chu a zawi nghal vek a,Mr.P-a...ka pawm lai pawh chu chhutah ka thlauh thla nghal a,chupa tawnah chuan chakna reng reng ka nei lo,ka tlawm chiang ngei mai.
.
Zawi te in min fawp a,a hmui hnawng chap leh nem thep mai lak atang chuan tal chhuah tumna reng ka neilo. A hma ai chuan a duhthawh tial tial a,ka kawngah chuan rawn kuah in a taksa si chelh chuan min pawm bet a.
.
A lei sa ham ham chuan ka ka chhung chu arawn hawl kual a,a tir chuan mak ka ti tep a,mahse reilo te ah a lei arawn tih chet ang zel in ka lei pawh chu ka lo ti che ve a.
.
A nghawngah kuah in a sam ah ka chul chho a,ani pawh chuan ka kawng a a kuahna chu dahthla in ka mawng lam ah a chul thla a. Ka phu deuh zawk mai....chu veleh a aia nghet chuan ka kuah bet a,a rawn rum ham ham a. A rum ri chuan min ti zauthau takzet. Talchhuah chu sawi loh....a duhtawk mai ang tih chu ka hlau hliah hliah zawk.
.
Mahse chutia awm reng thu lah a awm si lo. Kan inthlah chiah chu kan thaw dun hlawp hlawp a. A chal leh ka chal chu arawn ti si a,tiang chuan kan ding dun char char a. Ka va en a,min lo nuih seih a. Eng thu mah sawi chhuah kher angai lo....kan in en dan leh kan infawh dan khan engkim mai chu a sawi chiang vek tawh.
.
Rei lo te ah kan chuanna bawm chu arawn inhawng a,kan chhuah angai ta. Ka van khamlo tehreng em. Pierce-a chuan min kai a,lehlam in Mr.P-a ka pawm bawk a. Chulai lawng tumkai a kut inkai rial a kan han kal dun chu sawi tur reng hi ka hrelo.
.
Ni chu a tla fel tawh a,mahse hmun pakhat kal duhna ka nei. "Pierce....helai lawng tumkai piah lamah hian kal ka chak khawp mai"
.
"Helai bak hi thlenpui che pawh ka lo tum hleinem" arawn ti a.
.
A hma ai chuan kan in din hnai a,kan piah lamah chuan music a ri ruai ruai a,midang ho chu an au tuar tuar a,no sen keng in an lam a,party an nei ni ngei tur ani.
.
"Min rawn hnaih deuh rawh" tihpah chuan Pierce-a chuan min rawn kuah a,music rikna inchhung lamah chuan kan lut dun a. Mi ho chu music rem chuan an lo lam suau suau a,mahse tiang boruak hi ka ngainat zawng ani vak lo. An ri hut hut a,zu rim a nam huam huam bawk a.
.
.
Min rawn nuih a,a kut chuan min han then vir kual a. "Lam dun ang" ring lenglawng in ka beng bulah chuan arawn ti a. Music a rin em avangin awrawl tawp tawp a inbiak angai a.
.
"Ka lam ngai lo a" ka lo ti a.
.
"Lo kal rawh....kan ti dun dawn alawm" tihpah in min kuah hnai sauh a. A ngaihna ka hrelo lutuk chu ka nuih a za a,ka han nui leh chiam thin. Ka kut lehlam in Mr.P-a chu ka pawm tlat bawk a.
.
Pierce-a chuan a tihdan tur min hrilh pah zel a,midang ang chuan thiam kher lo mah ila kan hlim dun khawp mai. He khawvelah hian tudang reng kan ngai bik lo.
.
Hla pahnih zet an play zawh chuan hma ka sawn ta hlemai. Keimah pawh chuan ka lam awk awk ngam tawh a,ka lam pah chuan Pierce-a chu ka va en a,suit ha chung a office chhung a lam awt awt tur ang in ka han suangtuah a,ka nuih a ti za ngei mai.
.
Ka hmuh tirh ber ni kha chuan nelawmna reng reng neilo ang khan ka hmu a,tunah erawh ka ngaihdan letling chiah kha ani.
.
Hla a tawp chuan chau hnap in a kil lam chu kan pan a,Pierce-a chuan bar atang cold drink min rawn lak a. Ka in tur atan thei tui min pe a,mahse alcohol tlem chu a tel tho mai. Mahse a pawi thamlo turah ka ngai
.
Boruak thianghlim dawng tur in pawnlamah kan chhuak phei a,chu zan thiang tak hnuaiah chuan chulai tuipui kam a an eng chhit te chu alang mawi hle a,tuipui fawn ri hlup hlup in a thlifim vawt tak arawn ken tel chuan min ti harh sawng sawng a.
.
"A atthlak hlemai" ka hnunglam atang chuan Pierce-a chuan min rawn kuah a
.
Ka lo nui a "Tiang khan i lo lam thiam tih reng ka lo hre lo a"
.
"Keipawn i sawi a ka hre chiah" a ti a,kan nui dun bawk bawk a.
.
"Keipawh ka vawikhat lamna" ka lo ti a "Vawiin chu nuam ka ti takzet....ka lawm lutuk"
.
"Chuan...vawiin hi dated i neih tawh a zawng a nuam ber ala ni mai lo maw?" tihpah chuan min rawn nghawk a,
.
Ka sen tawn tawn a "Hei hi vawikhat mi ka date na ania"
.
"Tak tak maw...?" awih loh hmel zet hian arawn ti a. Ka huaisenna zawng zawng sawm khawm in a hmelah tak ka han en a,min lo nuih seih a. A mitmeng chu a danglam ani tih ka hre thei nghal a.
.
Min rawn din hnaih a,a kut pahnih chuan ka hmai chu arawn vuan a,a kut zungpui chuan zawi te in ka hmai chu ahan tuai a,arawn nui a. "I date hmasak ber ka ni chu ka van lawm em" arawn ti sap a.
.
Ka taksa zawng zawng chu a mur chhuak nghal vek a,ka nui ringawt a.
.
Zan nuam tak kan hmang dun a,thla in a tuipui a chhun tlet ral ral te chu kan thlir dun a,chumi pah chuan kan in kiss chungchang te pawh kha kan sawi dun mahna. Anihloh vek pawh in min kiss chungchang a zawhna ka neih hrang hrang te pawh chu ka zawt mahna. Chu zan hlu tak chu holam tak a a ral mai ka phal lova,ka hriatreng na a engtik lai pawh a cham tawh tur in ka duh ani.
.
Engtikah emaw chuan he zan nuam tak hi thim in arawn la khuh hun te pawh a awm maithei. Chu chuan kan inkarah engkim arawn thlak danglam ang a,ka la kalsan a tul hun te pawh a la awm mahna le....khuanu remruat dan hi kan sawilawk theih a awm lova,alo thleng anih chuan dan theih lah ani hek lo.
.
.
(END OF CHAPTER -16)


CHAPTER -17
.
Pierce-a nen zanriah kan kil dun nghal avangin in ka thlen meuh chuan zan a rei tawh hle a. Gentleman tak in kan kawtkai thleng min thlah a,tha tak a min mangtha bakah vawiin kan hun hman dun nuam a tih thu te,hman duh leh a duh thu te min hrilh bawk a.
.
"I sawi awmzia chu date dang leh maw?" ka han tih chuan a nui seih a,a biangsum chu a lang kalh a.
.
"Ka zawngchhang lutuk ang tih ka hlau khawp mai" tihpah in a nui seih a,a Car lam chu pan in a inkhalh chhuak nghal a.
.
A tuk chu Chawlhni ani a,ka harh meuh chuan 8am alo ri der tawh a,Hugh-a pawh a tho daih tawh ang.
.
Mahse ka thawhkhalh ve tlat nia. Zing thawh ah kher kher hi chuan ka tluk ngai loh tehlul nen. A room kawngkhar chu ka va kik karh karh a,min rawn chhan mai loh avang chuan kawngka chu hawng in ka va lut a,alo la inkhuh hlun a. Chuveleh va pan hnai in ka va bawh a.
.
"Nang nu hih....thil diklo a awm em ni a" tihpah chuan arawn rum tuah tuah a,ala mutchhuah hmel hlemai.
.
"Good morning" tihpah chuan ka nui vur vur a.
.
A hmai chu lukhamah chuan ahan phum tha leh a,mahse ka lo tibuai zel a. "Ti teh....Christmas thlen nan kar khat chiah a awm tawh ania. Present tur te pawh kan lei loh chuan" ka lo ti a. A mut a la chhuak viau tih chu hre mah ila tihbuai chu ka chak reng reng
.
"Vawiinah kher angai hlenem" tihpah chuan arawn inher a,a phone ah chuan dar zat ahan en a.
.
"Dar 8 chiah ala nih hi,tunah te chuan dawr pawh an la khar vek ang chu"
.
"Chu pawh nise....tho hrim hrim teh" ka la ti hram a.
.
Muangchang chuan arawn hawi phei a,min rawn en a. Tukverh atanga nizung rawn lut chuan a hmel chu a chhun tle vat vat a. "Tukin i phur dan em em hi thil diklo a awm chiang mai"
.
"Nimin nawm dan zia mai chuhh.....Pierce-a thil ilo hrilh avang khan ka lawm lutuk ringawt.Engkim kha a nuam vek ani mai" lawm hmel deuh chuan ka han ti a.
.
Hugh-a chuan min rawn melh ha a,ka bulah chuan arawn thu a. "Engmah tiangin ka hrilh hleinem. Aman i hmun ngainat deuh ang chi te min zawt a. A reng reng thuah khawiah nge a hruai che a?"
.
"Lawng tumkai ah min hruai a. Khatiang hmunah khan tiang reng a hlimna hi ka tawngah tih ka lo ring ngai lo hrim hrim" tihpah chuan phur takin nizan a kan hun hmandan te chu ka sawi a. Hugh-a pawh chuan ngaihnawm ti tak in alo ngaithla a,a mutchhuak pawh a reh kawk in ka hria.
.
Chawhnu lama bazar a min kalpui tur in Hugh-a chu ka hmin thei hram a. Bazar ah chuan ka kalpui hrep a,a hna ah a buai thin em avangin vawiin bak hi chu ka tibuai tawh kher lovang. Bakah London ka kal hnu chuan kan inhmu lo vang vang dawn bawk si a.
.
.
Darkar li ngawt min bazar pui a,ka present tam zawk chu ka pi pek ka duh a,Hugh-a ta tur erawh London atang a thawn mai ka duh mah zawk a. Hugh-a nu tan shawl ka lei sak bawk a. Chubakah kan living room sir a hun atan Christmas tree ka lei tel bawk a
.
A tuk chu Thawhtan ani leh der tawh a,a ngai te bawk in Pierce-a hmuh leh angai ang a,chubakah nimin thil avang khan eng emaw danglam a awm tawh ngei awm si a. Ka khum ah chuan lawn in Mr.P-a chu nghet tak in ka kuah a, ka tan chuan Panda special tak ani.
.
Thawhtan ni chuan hma takah office ka thleng a. Ka thlen veleh vawiin a board members ho meeting neihna tur lehkha pawimawh ho chu ka tifel nghal zung zung a. An rawn thlen hun a an in tur in coffee machine ka ti nung a,eitur thenkhat chu ei mai theih tur in ka lo buatsaih nghal a.
.
Ka hnunglam a Elevation chu a rawn ri teng a,board members thenkhat an rawn thleng tawh ni ngei a ngaiin hnunglam pawh ka hawi duh lem lova. Mahse reilo te ah kut hian ka kawngah min rawn kuah a,ka phu nasat lutuk a leiah ka cookies ken ho pawh chu ka thlauh darh vek tep ani.
.
Ka han hawi phei a,Pierce-a mitmeng mawi tak chu ka hmu nghal a. Chuveleh ka nam kiang a,mahse ani lah chuan min kuah hnai sauh mai si. "Pierce....a chi loh emai. Reilo te ah midang an rawn thleng thuai dawn ania"
.
Alo nui suk ringawt a,a rimtui tak mai chuan min zem chiai chiai a. "Midang rawn thlen hma in minutes 5 hun kan la nei alawm. Meeting ninawm tak kan neih hma hian fawh phawt che ka duh bawk a" tihpah chuan min rawn fawp chawpchilh nghal a.
.
Lo tan chu sawi loh....rang tak in ka lo chhang let ve nghal a,nghet tak a min kuah in a kut chuan ka taksa chu a dap kual ruai a. Ka kut chu dah kang in a nghawngah ka kuah a,chuveleh ka mawngah rawn vuan in dawhkanah chuan min hlang chho a,duhthaw zet in hian min fawp tawn tawn a.
.
"Zing hman tan nan chuan duhthusam ani" tihpah chuan tawrh har zet hian min rawn nuih a,a mitmeng a tisa chakna tlem rawn lang pawh chu ka hmu thei a. A tawp nan vawikhat min rawn fawp lehzeuh a,keipawh chu ka insiam tha nghal sawk sawk a. Reilo te ah Elevator arawn ri a,board members dang ho pawh chu an rawn thleng khawm tak tak a.
.
Ka aw chu ka han thian kharh a,Pierce-a chu arawn hawilet leh a. "Nakinah ka chhunzawm leh duh ania...." arawn ti ru sa sa a,a sawi zawng ringawt pawh chuan ka mur chuai chuai thei. ".......eitur kha nakin deuhah i rawn dah dawn nia" midang hriat theih tur chuan ahan ti chhunzawm nghal a. Min rawn nuih suk a,a kal nghal a. A awmdan chuan ka nuih a ti za in a hmuhnawm letling phian. Ka chhan ve hma chuan midang ho chu zui in Conference room lamah chuan a lui phei nghal a. Chawhma chhung meeting an nei a,
.
Chutih lai chuan London a kan kal dun tur vel chu ka lo ngaihtuah a. Pierce-a hi rin tak tak chi ani angem? A bialnu ni tur pawn min la sawm lova,nge ni a a nun hlimna pakhat atan min hman a tum mai mai zawk?. Tiang hian hmeichhe tam tak alo chhuahpui tawh ngei ang a,chung zing a pakhat ve mai chu ka ni awm si a. Ramri ka insiam deuh hlek angai dawn ani....ka lo luh thuk hman lutuk chuan a tawp a na ber tur chu keimah tho ka ni.
.
Mahse tunah pawh hian.....min fawh chuan ka fawp let ve zel a,min khawihna lai apiang lah nuam ka ti em em tawh mai si.
.
A hna lam a a buai em avang chuan chhun chawlh lai lo chuan inhmuhna hun kan nei meuh ngailo.
.
London a kan zin nan kar khat chiah a awm tawh a,Wilson-a lawyer,George Brent-a hnen atanga phone call ka dawn hma kha chuan ka phur tehlul nen.
.
"Hello...Miss Bailey. Wilson-a lawyer George Brent-a kha ka nia"
.
"Pu Brent,kan inbe leh thei chu ava lawmawm ve. Puih theihna che ka nei em?"
.
"Pierce-a ka be tlang thei lova..min lo hrilh sak mai ta che. A pa in chu lei theih tur in kan tifel tawh a,a remtihna kan nghak e"
.
"Min lo hrethiam la....Wilson-a in kha a hralh amaw?" ka lo ti nghal chul a,chu thu chuan min thawng hlemai
.
" Aw ni e....kar hmasa khan min rawn bia a,hralh a duh thu arawn sawi a. Khawngaihin min lo hrilh sak dawn nia...anih phawt le" tihpah chuan phone chu a dah nghal a. Mak ka ti lutuk chu ka phone ken lai pawh dah nachang ka hre lawk lo.
.
.
A kawngkhar pawh kik hmasa lo chuan ka lut nghal rup a. Min hmuh veleh alo ding nghal a,ka awmdan leh ka mitmeng a tang chuan ka dik zanlo ani tih chu a hrethiam nghal a.
.
"Eng nge thil diklo awm a?" tihpah chuan a chal alo chhuar ak a.
.
"Hei hi thu dik ani em?"
.
"Eng thu maw?"
.
"In kha i hralh tih hi". A office dawhkan hmaah chuan ka ding ran a. Engtikah emaw chuan la hralh chu a ngai dawn tho tih hre mah ila tunah chuan ala hma lutuk mah mah ani. Wilson-a ro leh sulhnu zawng zawng ala awm a,chuti mai a riral mai mai atan chuan ka phal lo.
.
.
"Chutia lak nat vak tur ani hleinem. In pakhat ve mai anih saw Olive". Tawng ngaihna pawh ka hrelo,ka mittui chu arawn baw zawih a. Engvang a chuti tak a la roh em em nge ka nih tih pawh ka inhre bik lo. Ka over mah mah em tih pawh ka hre chuang lo. Mahse ka thinlung erawh a na em ani. Ka tah chhuak lutuk chu ka insum zo lo....ka tap chhuak hawm hawm a.
.
Ka insut hlawp hlawp a. "Ka tan chuan a ho ve lo asin. Chutiang a hralh i tum anih te chuan ka phalna te pawh i la ve phawt tur ania"
.
"Anih chuan eng nge i duh? Saw in saw kei chuan nuai bo vek ka duh ani" sehchilh deuh hian Pierce-a chuan ahan ti a. A thinrim hle tih ka hria. A pa chungchang sawi hi chuan thinrimna bak engmah amah luah tu a awm ngailo.
.
A thusawi pawh chu ka ngaihtuah peih lo. "Mr Brent a'n min lo call a,i pa in hralh na tur chungchang chu an tifel tawh a,i rem tihna an nghak mek e" tihpah chuan ka inher a,a office chu ka chhuahsan nghal a.
.
Ka dawhkan ka thlen chuan ka thaw hawk a,ka drawer chu hawng in Wilson a'n Pierce-a pe tur a min tih envelope kha ka la chhuak a,a kawm en mai chuan eng chungchang nge anih tih reng a hriat loh.
.
Christmas present atan ka pe ang ka ti kha ania,mahse apa thil ani si a,a thinrim leh ngei ang. Nuam lo deuh a Christmas hman chu ka duhlo. Wilson-a khan a hun takah lo pe rawh kha min ti a,tun hi a hun tak chu ani thei mai angem? Mahse ka dahlet leh a,kan zin haw hun a pek ka tum leh ta zawk a.
.
Chu lehkha ah chuan an chhungkaw chanchin te leh a pa a rinhlehna zawng zawng chhanna tur chu a awm vek ani.
.
London a kan kal nan ni hnih chiah a awm ta. Wilson-a bungraw pawimawh zawng zawng, an chhungkaw thlalak atanga a lehkhabu thleng chuan ka dahkhawm vek a,chulai inchhung a kum tam tak kal ta a hlim nui ri te kha tumah rengin an rawn hrethiam pha ve tawhlo ang.
.
He in lian tak chhungah hian engtin nge Wilson-a khan mahni te chauh in hun a hman thin tih ka hre lova,a hun tam zawk erawh kha chu a office lamah a hmang thin reng a.
.
Box ah chuan Bob-a nen kan khung dun mawlh mawlh a,kan zawh chuan Bob-a bulah lawmthu ka sawi a
.
Ka hnunglamah chuan khuh rikharh ri ka hria a,ka han hawi phei chuan Pierce-a alo ni a. Chu veleh hrelo der ang mai hian ka hawilet lehnghal vat a,Bob-a bawk chu ka bia a.
.
Eng eng emaw kan sawi dun hnu chuan kan inchibai a,min kalsan ta a. Pierce-a erawh alo lungawiloh hmel hlemai.
.
"Khawiah nge i dah dawn a?" alo ti hmuk a.
.
"I pa bungraw ho ka dahkhawm dawn tih ka hrilh tawh che kha" ka lo ti a.
.
Min rawn pan hnai a,ka hlauthawng ang reng hlemai. A rim chuan min rawn zem nghal chiai chiai a. "I thin ka la tirim anih chuan ka tihpalh lutuk" tihpah chuan ka kut chu arawn la kang a,ahan fawp zeuh a. Ka mur chhuak nghal chuai a.
.
"Ngaihdam dil ngaihna engmah a awmlo" tihpah chuan ka kut chu ka lo la sawn a. "Thil inthlak danglam thut tur chuan ka inpeih ka in rin loh vang ani" tihpah chuan ka melh chho a.
.
"Ka pa chungchang a ka ngaihdan chu i hria alawm"
.
"I pa chungchang a i ngaihdan chu a dik lo ani tih hi i hrelo ami?" Ka lo ti deuh hrawk a.
.
"A chhungkua a hnungchhawn a,chu chu a thlang zawk alawm. Anih ka pa ka rindan a diklo i tih awmzia chu han sawi la?"
.
Tunah rih chuan engmah ka la sawi thei lo,ka ngawi tawp a. A kut chu vuan in ka han hmer vang vang a "Engtik ni ah emaw chuan ila ngaidam ngei ngei ang. Chutih hunah chuan ani pawh alawm khawp ang" . Ka hmelah chuan nui hmel tlem arawn lang a.
.
A ngawi reng a,tunah rih chuan chu chu atan pawh thil pawm harsa tak ala ni. A kut chu vuan in elevator lam ka pan pui a.
.
"Ice cream kan ei dawn ami niang?"
.
Elevator chu kan nghak dun a,Pierce-a chuan mak tih hmel tak hian min rawn en a. A hmeltha tak karah chuan hlim hmel ka hmu thei a. Kan inkarah chuan eng harsatna pawh lo thleng se....a eng zawng a thil thlir a,kan harsatna lai siam rem tu tur chu keimah hi ka ni.
.
.
(END OF CHAPTER -17)

CHAPTER -18 (Last Chapter) #‎Updated
.
Building atang chuan kan chhuak dun a,pawnlamah chuan vur alo tla seng seng a,kawtthler te chu vur chuan a bawh paw ram a. Ka hnarah tak chuan arawn tla fuh a,a hit veng veng mai. Tun kum a a vawikhat vur sur na ani. Pierce-a chu ka han en a,ka nuam ti leh hlim lutuk chu ka hmelah ka thup thei thlawt lo.
.
"Tunah rih chuan Ice cream ei chu a tihchi pawh in ka hre vak lo" tihpah chuan ka han nui a.
.
"Ni e tiraw...anih coffee sa tha tak kan in zawk dawn em ni ang?" Pierce-a chuan arawn ti a.
.
Cafe hnai ber pan chuan kan kal dun nghal a,a hma ngaihtuah chuan kan inkar boruak pawh zang tawh tak ani. Pierce-a chuan tukverh lian tak awmna bulah chuan min thut pui a,kawtthler a vur tla chem chem pawh chu a hmuh chian theih hlemai. Pierce-a chu kan thil order va lam tur in a tho zuai a,reilo te ah no pahnih khu vat vat hi arawn chawi phei a. Kei chuan Hot chocolate a chung a cream telh ka chah a,Piece-a chuan Coffe latte a chah thung.
.
No sa vat vat mai chu ka han hum a,thlasik khawvawt hnuaiah chuan lum nuam tak ani.
.
Pierce-a chu a rawn kun hnai a,ka hmui hnuai zawk chu a rawn khawih a,ka phu zawk mai.
.
"I hmui ah khan cream a kai a" arawn ti a,tihngaihna vak hre ta lo chu ka nui ringawt a.
.
Kan haw hma zawng chu eng eng emaw sawiin kan titi dun a.
.
"Chawlhni ah ka rawn lam ang che" kan haw dawn chuan a ti a,mahni kawng lam ve ve pan in kan kal hrang nghal a. Nidang hi chuan bus ka chang mai zel a,mahse hetiang khawvawt hnuaiah hi chuan taxi lak mai a fuh zawk ang. Ni lo...ke in haw ila rilru kawmna hun ka nei tha zawk ang
.
Pierce a'n ka va thlah ang che mi ti nangin ka duh tlat lova,a chhan pawh rilru thawveng tak a ke a haw ka duh zawk vang ani.
.
In ka thlen chuan Hugh-a pawh a room ah hnathawk in alo buai hle a,Christmas a thlen dawn hi chuan an ni ang tan chuan hnathawh runpui lai ber ani zawk. A eitur in Pizza ka order sak a,bakah thingpui ka lum sak bawk a,chumi zawh lamah ka room lam ka pan ve a.
.
Ka pi pawh phone in hna chungchang a zin ka ngaih thu leh tun tum chu an bul a Christmas ka hman theih dawn loh thu te ka hrilh a, ka pi pawn a hrethiam viau a.
.
.
Reilo te ah khua a thim a,London kan kal hun tur pawh a hnai hret hret zel a. Ka thawmhnaw mamawh tur ho te chu rem fel in ka inkhung fel tan a. Chutih lai chuan Hugh-a chu ka room ah arawn lut a.
.
"Umm.....Vee,a la hun chiah lo nangin i Christmas present tur pek advance che ka duh a" tihpah hian bag pakhat hi min rawn pe a. Lawm tak in ka lo la a,eng nge a chhungah awm tih ka hrechak hlemai. A zipper hawn ka tum lai chuan min lo dang a. "Ni love......London in thlen hma chu i hawng tur ani lo. Min tiam rawh". A thutak hmel em avang chuan fiamthu a lak chi ani lo tih ka hrethiam nghal mai a.
.
"Ka tiam a che" ka lo ti a. Ka khum piah a stool ah chuan a thu a,ka thawmhnaw ken te chu arawn en a.
.
"Hnathawh kawr te i keng tak tak dawn amaw?"
.
"Aw keng ang....hna lam thil a zin tur kan nia lawm" ka lo ti a.
.
Hugh-a chu a nui vur vur a,engmah sawi leh ta lem lo chuan a chhuak nghal daih a. Keipawh chu ka inkhung chhunzawm mawlh mawlh a,tunah chuan pheikhawk chiah pack a ngai ta.
.
Ka wardrobe chu ka han hai a,ka birthday a Pierce a'n min pek thawmhnaw sen kha alo inkhai a,khami ni a kan awmdan te kha ka mitthla chhuak ruai ruai a. He thawmhnaw pawh hi ka mamawh ngei ang tiin ka thun tel a. Luggage lian tawk tak khat leh bag pakhat dangah ka inkhung leng thei hram a,tunah chuan zin chhuak tur in ka inpeih ap ta.
.
.
.
Doorbell a rik chuan ala hma hlemai. Kan flight tur chu chawhnu her ah daih a chhuak dawn a,mahse ka helhhawlh tawh lutuk a lei ah ka thohma ve hlemai.
.
Rang tak in kawngka hawng tur chuan ka va chhuak a,pawnah chuan Pierce-a alo ding reng a. Suit dum a ha a,tie navy blue rawng a awrh bawk a. A sam buang tle siau mai chu uluk takin a khuih a,a inmet fai vek bawk a,....avan lang tha lehzual tak em.
.
"Good morning " tihpah chuan tawi te in ahan nui a,ka tuiral leh ta vek e.
.
"Khai a....tiang a i rawn thleng hma ka ring lova" ka lo ti a. Lawmawm deuh chu chhuak mai thei tur in keipawh ka inpeih dim diam tawh. Thawmhnaw ka in pack fel vek tawh a,kekawr tlawn vutbuak rawng ka ha a,kawr var hma pum ka ha bawk. Ka sam chu hma lamah ka thlah hniang a,a natural thei ang ber a ka awm lai tak ani bawk.
.
"Nia....mahse tukthuan ka la ei lova" tihpah chuan ka sawm hma hma in kan apartment ah chuan arawn lut a,choka lam a pan nghal a.
.
"Keipawn ka lo ei mek a" tihpah chuan ka zui phei a,ka thutna ngaiah bawk chuan ka thu leh a. Ka chhang ei lai chu la in ei ka tum lai tak chuan ka ban chu arawn vuan a,ka chhang chu a seh phel phawk a. Chu pawh chu duhtawk lo in min chhuhsak daih a.
.
"I ta tur la ve mai rawh" tihpah chuan chhuhsak tum in ka ban nghal a,mahse a kut chu a dah kang daih a. Kei ai a ban a sei zawk si a,ka thil ei lai laklet leh tum chuan ka zuang tauh tauh a.
.
Ka ban pha tep e.....ka zuang leh tur chiah chu ka kawngah arawn kuah thut a,a awmah chuan ka bei thlawp a. Talchhuah ngaihna reng awm lo chuan min kuah bet nghal a. Ka han hawi chho a,a mitmu tle ral ral chu sexy tak ani. Muang chang in arawn kun hniam a,kan hmui leh hmui insik loh na chu centimetre tlem te chauh ani ang.
.
"OOOHHHH......ka choka ah hi chuan ti lul lo teh u. In duh chuan bedroom lam inpan thei ang". Hugh-a aw ri ka hriat chuan ka phu nasa ngei mai. Rang lutuk in Pierce-a chu ka nam sawn nghal a. Ka hmai chu a sen nghal tawn tawn a,ngati nge maw Hugh-a pawh chuan kha tia kan awm lai kher kher min rawn hmuh le.....Pierce-a chu ka va en a,nuihza insum tih hriat tak hian min lo en reng a,zak hmel pawh a pu lo. A landan chu a hmuhnawm letling phian zawk.
.
Hugh-a pawh chuan ka hlauhthawn hman zia chu arawn hmu thiam nghal a,a nui vur vur a. "Aa....engpawh nise,hna ah kan kal tawh ange" tihpah chuan a bag a la a,min rawn kuah a. "Hun nuam tak va hmang ang che Vee" ka beng bul a tih sap pah chuan ka chal ah arawn fawp zeuh a
.
Pierce-a lam chu a hawi a. "Tha tak in lo enkawl ang che. Ka ring che-..."
.
Pierce-a chuan a thusawi lai chu alo pawtchat a. "Ka hria alawm. Ka theihnghilh lovang" alo ti a
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
.
Hugh-a chuan nui ver ver chungin min chhuah san a. Chhang dang chu la in a laiah ka phel a,toaster ah chuan ka dah lut nghal a. Chutih lai chuan Pierce-a chu ka hnungah rawn ding in ka piah a cheese cream chu arawn la a.
.
"I breakfast tur siam sak che hi chu ka ba ve reng in ka hria" tihpah chuan ka biang ah arawn fawp zeuh a....avan nuam tak. A che lai chu ka thlir reng a. Fridge atang artui pumhnih leh cheese ala a,bowl ah ti keh in a tihpawlh a,a chawk ve rawk rawk a.
.
A chawh pawlh that hnu chuan chi tlem leh thing hmarcha tlem a phul leh a. In la profe deuh hian a coat chu ahan hlip a,a kawr ban pawh chu ahan thlep chhing a,a che lai chu ka thlir dauh dauh ringawt a.
.
Ka mitthla ah chuan zing tin a a kiang a tho tur ang in ka han in chan a,sweatpants han ha se,chuan ke lawng in han awm ngei bawk se la. Mahse.....hei tunah pawh ka breakfast tur min siam sak chu ani der alawm.
.
Ka thleng tur chu la in chhang toast thar leh artui kan chu min chhawp sak a,ka bulah chuan arawn dah a
.
"Ui....a van tui hmel em em" ka lo ti a. A artui kan te chu a hmel atang reng pawh chuan a tui tih ka hria. Cheese chuan a rawng a ti nalh hle bawk. Ka ei lai chu min lo en reng a,a mitmeng ah chuan a inchhuan hmel hle bawk.
.
Chutia min en reng takah chuan kan lo lai ve lo thei si lo. "Oh.....lo ngawi hmiah rawh" kan ti ringawt a.
.
A mitko alo san ak a. "Engmah ka sawi loh kha"
.
"Chuvang tak reng a.....ilo tawng angai lo ka tih" ka han ti thla leh rawk a.
.
.
.
A la reilo viau emaw tih lai in kan kal a hun der mai. Pawnah chuan Car dum in min lo nghak reng tawh a,kan thil te chu keng chhuak in Driver chuan kan luggage leh bag te chu min lo hlan pui mawlh mawlh bawk a.
.
Motor hnung kawngkhar chu hawng in ka lut a,Pierce-a chuan min rawn zui ve nghal a. Ka han ngaihtuah chian chuan vawikhatmah thlawhna ah ka la chuang ngai si lova,ka zam ta riau mai. Thlawhna accident lah hi a tam ve tawh si a,kan accident mai ang a? Accident ta ni ila kan tlakna a sang dawn ropui sia...Chutiang ka ngaihtuahna lamah chuan ka kut te chu a khur ti tih thei hial a.
.
Pierce-a chu ka han en a,ka awmdan chu a hrethiam ani ngei ang,ka kut chu min rawn vawn sak a.
.
"Kan zin tur hi kei zawng ka nervous e" ka ti a. A rawn nui ver ver a,a hmel nen chuan avan inhmeh tehreng em.
.
"Engkim hi tluang tak in a thleng dawn tih ka hria. Min ring rawh"
.
Ka lu ka lo bu a,tlem chuan ka thla a muang ta deuh.
.
Airport kan thlen chuan mi an lo zi nuaih nuaih a,thlawhna a chuang tur ho chu thil tifel tur in an lo intlar thap a. Mahse keini erawh hmundang pan in kan kal tlang nghal daih a.
.
"Ngati nge tah sawn kan intlar ve dawn lo ami?" tihpah chuan kan piah counter a awm ho chu ka va kawk a. Nui chung chuan ka kut chu arawn vuan a,min kai nghal a. "Engtin nge checking te kan paltlang ve phawt loh te chuan ticket min pek ang a?"
.
"A van hahthlak thin tak e aw...Olive" tihpah chuan min rawn en a,ka ngawi chiang hlemai.
.
Kan piah kawngka lam chu kan pan a,kan han chhuak chiah chu tlai lam ni chuan min chhun run a,kan piah lawk runway a Private Jet lo ding reng pawh chu ka va hmu thei a. A lian in a nalh ngei mai...tum dang in ka la hmu ngai lo. "Private Jet in maw?" makti tak chuan ka thlir dauh dauh a.
.
Ka kutah chuan min rawn kai a,Jet awmna lam chu min panpui a,step ah chuan kan lawn chho a. A pawnlam lan dan chu a nalh in a pui ngei mai....chhunglam pawh ka hmu thei thuai dawn e
.
Kan lut ta....Kareii!! Thutna te chu leather puan tha chi vek a siam ani a,chubakah inkalpawhna tur thawl nuam tak a awm bawk. Thutna hmaah chuan thing tha chi a siam dawhkan a awm a,a piah lawkah chuan Fridge te chi awm in eitur a khat tan a,a bul lawk ah Flat TV ala awm zui. A hnunglamah chuan curtain a inzar a,eng nge chumi piah lamah chuan awm tih erawh ka hre bik lo.
.
Chutih lai chuan hmeichhe pakhat,hmeltha deuh hian min rawn pan a. "Ka lo lawm a che u. Ashlee ka ni a,in flight assistant tur ka ni e. Khawngaih in in thutna turah lo thu ula,tun atanga reilo te ah kan thlawk chhuak thuai ang" tihpah chuan nelawm zet hian a rawn nui a,thlawhna hma lam a pan lehnghal a.
.
Pierce-a chuan min thut tir in ka seat belt tur te chu min hren sak a,ka bul chiahah chuan a thu ve bawk a. Min hrilh lawk tawh tho a,darkar 7 leh a chanve zet kan thlawk dawn ani. Ka zam ru hlemai....tiang te chuan engtin nge chutiang a rei boruak ah ka thlawh theih tehlul ang ni...?
.
.
.
Nuamlo ka tih ruk zia pawh Pierce-a pawh in a hria. A kut lum ther ther chuan ka kut chu arawn vuan a,ka kut changah tak chuan ahan fawp zeuh a. Current a man chhoh ang mai in ka ban zawng zawng chu a hit chhuak mum mum a. Ka thinphu rang hman zia mai chu....
.
Ashlee-i chuan ding chungin emergency alo thlen a tih dan tur te chu ahan sawi zung zung a,mahse ka thla a muan phah reng reng lo. Ka maimitchhing a,thawk ka han la vang vang a,ka awmna lai chu theihnghilh daih ka duh. Tunah chuan lei ah....him tak a awm ang a ka inngaih a ngai ani.
.
.
Mahse ka hmai lum veng veng chuan ka in concentrate lai chu arawn tibuai leh ta. Ka han meng a,Pierce a'n ka biangah alo fawp hi alo ni a. Zawimuang in ka khabe lamah a fawp thla riai riai a,ka nuam ti lutuk chu ka lo rum ham ham a. Chu chu Pierce-a ngaihthlak nuam tih tak alo ni nen....a chhunzawm zel a.
.
"E-eng nge tih i tum a?" ka aw te chu a khur lek lek a.
.
Ka nghawng ah a fawp thla a,chu tah ka beng ah a fawp chho leh a. "I rilru lak pen a ngai alawm" arawn ti sep a. Ka tukhum ah chuan a han fawp zeuh a,chutah chiang deuh hian min rawn en a,a nui deuh bawk a. Chutia min han fawh loh chiah chuan a vawt hawk ni ber hian ka hria. Ka la khamlo takzet....
.
"Tukverh ah khan han dak teh" arawn ti a. Chu veleh tukverhah chuan ka han dak a. Mak ka ti lutuk.....kan awmna atang chuan lei chu hla tawh tak ani. New York a in sang tak tak te chu an lang de ve ve chauh a,van boruak chu a thiang in chhum te chu lapaw chini ang mai hian a inhlum diat diat a. Ka rilru chu alo lapeng hneh tak em anih kha le...ka nui ringawt a
.
"Eng nge nuihzathlak awm a?" A aw ah chuan a hlim tih a hriat hlemai.
.
"Mi rilru lak pen chu i lo thiam kha mawle" ka lo ti ringawt a. Nuam ka lo ti hman viau ani ngei ang.....Pawilo,a tha tho e.
.
Ka seat ah chuan thu thluang in muthilh ka tum a,kan la thlawk rei dawn si a,duhtawk a mutna hun a awm. Ka che ka che a,vawitam ka tum hnu pawh in ka muhil thei thlawt lo.
.
.
Pierce-a ka va en a,ani erawh a muttui hmel ngei mai. Ka ngei lutuk chu va hnek mai tak ania ka nap.
.
Ashlee chu arawn kal a,mamawh ka neih leh neih loh min rawn zawh chuan Champagne ka duh thu ka lo hrilh a.
.
No ruk zet ka in hnu chuan tlem in ka mut pawh a chhuak ve deuh. Ashlee-i chuan hnunglam curtain chu arawn hawng a,enge awm chu ka hmu thei ta. Bedroom......
.
Khum lian zet mai,nalh em em hi alo inhung a,bathroom nawm hmel em em mai alo awm bawk a.
.
Khum lampan chuan ka phei a,a puan te chu a nem em em mai lehnghal. Han chen kual vel ka chak tlat....ka pheikhawk chu hlip in khumah chuan ka lawn a,ka thil in avang chuan ka kai deuh bawk nen,khum chuan min hip bet ta tlat a.
.
Mutchhuak chuan min zem riai riai a,lukham....ka lukham hmuh tawh a zawng a la nem leh dup nuam ber mai chu ka pawm a,ka nui ver ver a. Dreamland a kal ang mai ka ni
.
.
Ka harh chhuah hunah meuh chuan LONDON kan thlen tawh hram ka beisei.
.
.
♪ Original Soundtrack ♪
.
Die a Happy Man - Thomas Rhett
.
Flawless - Mercy Me
.
. ★★ END OF SEASON -1 ★★



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)