HMELTHA NUNRAWNG By Esther Mikko Jr Ralte

[Ngaia]

HMELTHA NUNRAWNG

By Esther Mikko Jr Ralte


Dingtehhh....


" Naaa, a din duhloh khanglan cu le. Ninawm hlawm lutuk mai. Tuman min phur ve duhlo nih hi. Ho emai, ka chuang muar ang. Ke ka nei ve tho, ka kal nal nal anga ni mai lawm " tih pah chuan kan inlam panin ka haw hnak hnak a. Ka phun chho mawlh mawlh a.


Furlai a ni a, ni thum chhung zet chu khua a cheng tawh a. A vawtin thli a thaw vuk vuk reng a. Motor pawh a tlemin veivak pawh an awm meuhlo. Khawlai te chu a reh thuap a, ka hlau ve det.


Kei chu inlama tawm chi ka nih vek vak loh avangin ka lêngchhuak leh hram a. Chhuah vah vel hi chu nuam ka ti ve hrim hrim. Fanu mal duat sual dik tak ka ni a, ka thinchhe em em a. Ka tawngkam pawh a thra tehchiamlo. Thian ka kawm nasa a, hmelhriat pawh ka ngah ve hle. Mahse ruihtheihthil erawh ka ti ngailo thung. Tleirawl thawveng rual vei em em neilo ka ni ve top.


A vawh em avangin ka thaw khu ham ham a, ka ha te chu a inseh ri boh boh a. Ka khur der der a, nihliap dum lian tak ka khum a. Kal chak erawh a har ve det.


Thli a rawn thaw leh vuk vuk a. Keichuan thli hur ka ti mai. Min chhem phe hlawp hlawp a. Ka inrin hma hma chuan ka pawnfen chu beng chen chen hian a parh chho a. Ka nihliap khum lai lah chu a thlawk daih zui. A va han zialo tak.


Thli thaw pawh a reh zui ve mai a, ka insiam tha nghal mawlh mawlh a. Miin min hmu nge hmulo ka enkual nghal vat vat a. Vanneih thlak takin tuman min hmulo hlauh. Ka thaw huai a.


Mahse maw ka lam panin mipa pakhat hi a rawn phei ta chhet chhet mai le. Ka nihliap kha a la rawn keng phei zui.


Chiang takin ka lo en a. Mipa sang ve tak, a hang lova, a sam chu a buk ve deuh hlek mahse enkawl uluk tih hriat tak hian chhim leh hmar chhak leh thlang zawngin an tlu siau a. A la naupan hmelin a harhvang tih pawh a hriat. A hmel lah chu a chhelo phian a. A incheina te chu showroom a mi tih hi a hriat ngawih ngawih. Ka lo van enkim hman tak. A headphone vuah lai chu a la thla a.


"Hei i nihliap a mi?"


Chhan nachâng pawh ka hre lawk lo , "E, aw anih hi, thanks". Ani chu min en pahin anui deuh vur vur zel a. Ka ngaih a ti thralo rum rum. Kal tuma a inher chu a banah ka va man a.


Hey, i hmulo ti raw?


"Hey ka nilo, hming ka nei ve tho"


Nghal lutuk mai, ka van ngei reuh tak, " Anih, entin nge ka koh dawn che ? "


"Michael, MIKE min ti mai rawh"


Mike, i lo hmu a mi?


"Eng maw?" tihpah chuan a nui vur vur a.


Mawh sawi tha teh, i lo hmu em ka tih chuuu???


"Eng mw? I kekawrte sen kha maw? Chutiang engmah ka hmulo re re"


Uiii, Nangpa hi i hur lutuk, tinge i lo hmuh reng reng a?


" Ha+ , ka hmulo ka tih mawlh mawlh chu."


I hmuh reng chu mawle.


" ka hmuh luih pawh a nilo, a reng rengah tinge tun ang khuaah te pawnfen i hak reng reng a? "


Hmmm, i thulo best. Ka duh duh danin ka inchei ang. Pawnfen a hak theih bawk loh, Fên chi a lawm. I chhaw ber, I mawl si tih pah chuan ka tlanchhiatsan a. Ka zak lutuk chu ka sen vekin ka hria.


Hey, lo dingteh a rawn ti lawm lawm a. Mahse ka hawilet ngam tawh thlawt lo. Chak thei ang berin ka kal a, Mike chuan min rawn um zui a. Mahse vanneihthlak takin ka pa office bang nen chuan kan intawk hlauh a. Car-ah ka lut vat a. Mike chu ka insiam chhiat khum vak a. A lu chu a tuai vut vut a. Min endan atang chuan Mawl chu mintih hmel thlawt.


HMELTHA NUNRAWNG-II
BY Esther Mikko Jr Ralte.

"Pa, chaktawkin tlan rawh aw, sawpa saw mi â a nia, a mawl tehmai a nia"

"Awle, Awle" tihpah chuan ka pa chu muang tein a tlan a. Kapa hi chu ka hrechiang a lawm, motor khalh chak hi chu a thisenin a ngam thlawt lo.

"BOÌHI, Khawnge i kal a, a vawh tehreng nen, inah awm tur che a lawm" a ti a. "Ka ngai tawh lutuk che a, ka lo hmuak tawp che lawm" ka ti ve leh hmiah a. Ka la nuih tlawn zui.

In kan thleng chu khumah ka bawk nghal thlawp a, ka zak lutuk chu blanket-in ka inkhuh leh ringawt thin. Zah chu a hnem lo chiang a lawm.

Ka inbual fai ser sawr a, chaw kan ei a. Chawei khama online vat vat ka duh avangin ka ei mawlh mawlh a. Ka nuin " Ei muang deuh rawh, i hak palh ang " min ti a. "Tunlai chu ka chaw ei a tui lutuk a" ka ti leh hmiah.

Khumah ka bawk leh thlawp a, tunah chuan online chiah ka hmabak ta... Ehe!!! Khawnge ka phone hi???

Ka phi nghal chunga, kan inchhungah ka zawng kual vek a, ka pa car chhung te ka va en a. Ka call lahin a ring ral thak thak bawk si. Vawi 83 ka call hnuah, min rawn call let hram.

Hello.

"Hello, Aizawl Police Station atangin a nia, ka pi tunge i hming?"

Eng nga? Ka thin a phu dep dep a."Ihh, Emily ka nia, engthil nge ni ta? "

"Hei vawiin lamah dawt a mi i lo puh avangin kan rawn chhui dawn che a"

Mike, nangpa kha ka phone min rawn pe nghal rawh.

" Vawiinah rawn pek che ka tum a, min tlanchhiatsan daih a nih kha, minla rawn chhiahkhum zui, i duh tawhlo a nih ka ring a"

Hey, ka la duh reng e aw. Engmah kha lo khawih suh angche aw hria maw.

" Hey ka ni ziahlo hming ka nei ve tho, I address sawila tunah ka lo pe ang che"

Ka address ka pe a, darkar chanve hnu velah " lo chhuak teh" tih hi a lo thawn a. Ka va chhuak chu, a chhelo lutuk a ka hai lek lek.

I lo kal a?

" Kal e mawle"

Chuan min pe la?

"AIH"

Ngati maw?

"Min lenpui phawt la"

A tlai tawh em hi.

"I duh loh chuan i phone hi ka pe let tawh miah lovang che".

I ta pawh nihloh kha.

"NILO E, Ka chhar a lawm."

dei dei dei

Mipa ve si a van tawngthei tak. Ka inngaihtuah vung vung a, ka phone neih let ka duh em avang chuan ka remti ta hram a.

Mike chuan min phur a, chak tawkin a khalh a, ka hlau lutuk chu ka dâng vekin ka hria. "Mike, tlan muang rawh" ka ti tuar tuar a. A hma aiin a khalh chak sawt a. A hnungzangah te ka chum a, a tlanmuang duh bawk silo.A samah ka kek
a, a te tuar a. A ding thut a. Ka zuangthla nghal daih a.

"I tlanchak si, ka lenpui duhlo che. Ka la thi duh hlei nem.ka la naupang em hi. Kein ka haw mai ang" ka ti nghal mawlh mawlh a.

"Thalawm" tihpah chuan chak tak maiin min tlansan daih a.

"Mike, lo dingtehhh". A van sual tak, angailo te pawh tih ve tal tur a nia. Hmeichhe lainatna pawh neilo lutuk, pa lo lutuk mai. Mahni chauha awm te chu ka hlau ve tho a. A reh ropui si. Mike, i van sual tak. Ka ngei lutuk che ka ti mawlh mawlh a. Ka inchhir leh rum rum, ka tap deuh pur a.

Rin ang ngeiin, bike pa 3 hian min rawn tlan hual a, an zinga pa1 chu a rawn chhuk a. "Nauvi, engzat nge i inchhiar a, khawmaw lo kal teh" tihpah chuan min rawn pawt a. "Zawnga min thlah nghal rawh, K.S pawh ka nilo, ka inchhiar ngailo bawk" ka ti a. Nihchuan a free a mi a la ti zui. I zaklo lutuk tihpah chuan a banah ka seh vak a, a au tuar a. Anlo nui dur dur a. Min benglet tawp a.

Ani pawh chu a rawn ri ve nghal chawrh a. Lo kal rawh tihpah chuan Mike chuan min rawn kai tho a. "Mike i lo kir leh a maw". "Anìh hi" tihpah chuan a nui sak a. Kal kan tum chiah chu midang ho khan Mike rawn sawisak an tum a, ani chuan a lo khawih hmasa zel a. An hneh meuhlo. Insual a thiam zia mai chu.
A man over.

Bike a ti nung a, keipawh ka chuang nghal thuai a. Kan intlansiak ta a lawm le. A hmaa tlanmuang rawh ti khan tlanchak rawh ka ti chel chul a. An thiante a niangchu, kawngah minlo chang thup a. Min hual ta thup mai. Kan pahnih chuan sawisak chiah kan hmabak ta.

Mike chu a hawi kual vut vut a, " Mike engtin nge kan tihdawn" ka ti a. Min rawn nuih leh sak a, "Nghet takin min vuan phawt mai teh" tihpah chuan kawngthlang lama step-ah min tlanthlak pui a. Kan sawt thla bauh bauh a, ka au ring teh asin aw. Kawngpui kan thleng hlawl mai. Kan han hawichho chu misual ho kha anlo ang phuau a, mak tih hmel takin an lu an tuai vut vut a, an van chhe hlawm tak. " Hmel ho " tihpahin ka han chhiahkhuma. A him chin atrang chuan ka huai ve lutuk.

Mike chuan kan inthleng min thlah haw a, ka phone min pek pah chuan " i phone kha silent ah dah suh angche by order nihchu, ka rawn bia anche " a ti a.

Chak takin a tlanliam leh ta nal nal a.

Mike, lawmthu tal min sawi tir ve tur che a nia.



HMELTHA NUNRAWNG-III
By Esther Mikko Jr Ralte.

Chhungte hriat hlau takin dim thei ang berin inchhungah ka lut ru dek dek a. Ka nu T.v room-a a thu kur ka va hmuh chuan ka phu chiang kher mai, vanneihthlak takin a lo muhil hlauh a. Ka thaw huai a.

Chak takin ka room ka pan nghal chawt a, kawngkhar nghengin ka thu hle hle a. Ka nui vur vur a. Ka ngaihtuahna chu ani khan a luahkhat tlat ani. Mike ka duhlo che ti ila chuan ka daw duai ang.

Ehe ! Mike khan minlo biak a tum tak tihpah chuan ka tho vat a. Minlo be ta se engtin nge ka lo chhan ang? Eng thu nge ka sawi ang? Ka aw te hi...

Ka theih ang tawk tawkin ka lo inbuatsaih ve a. Keima tawkah ka buai ve hle. 'Ka van ho tak, miropui tak pawh ani tawp si lova, ho lutuk ka be tawp mai ang' ka ti ta ringawt a.

Ka phone chu ka ngaichang reng a. Rannung hram hlek te chu ka rintone emaw ka ti thin a. Bike tlan ri ka hriat hlekin Mike alo kal emaw ka ti thul. Min van tibuai chiang tak. Ani erawh a reh tlawk tlawk si.

Ka zaidamna in a tlin ta nganglo," Misualpa, beiseina min siamlo law law la tha tur, misual tak i ni, minlo be lo tawp rawh" ka ti a, ka dem mawlh mawlh a.

Ka muhil tur ka chhing siar siar tawh a, ka phone a rawn vibrate der der a. Harhchiang manglo chuan ka la a.

Umm, ennge?

"Ihh, i mutawh a mi?"

Mike-a aw ka hriat chuan ka harh zawk a. Ka thin a rim thut a,"Mi pangngai tan mut loh a hun tawh ami" vin fe hian ka ti a.

"Nia, ka hria lawm, anih muttui"

Ka thinrim lutuk chuan phone ka off hmak a. Ka khum ka chum bur bur a. A hnuah ka inngaihtuah fim a. Ka inchhir rang leh khawp mai. Ka inbuatsaihna ve te kha, a hlawhchham chiang a lawm.

Zinga ka hak tur ngaihtuaha ka buai lai tak chuan ka phone a lo ri a," Ninawm buai lai tak hian a lo ri ve ziah, ka be lo chiang angchu" tihpah chuan ka va en a. Mike tih hi a lo inziak kulh a. Ka thusawi chu ka sut leh rang kher mai.

Aw, Mike.

"Ihh, vawiinah eng nge i tihdawn"

College ka kalsan daih dawn che mawle.

"Thatchu, ka lo thlah angche aw"

Ka peihlo e a.

"Ka lo phei nghal, lo insiam ang che by order. E, chuan pawnfen fen awih tawh loh"

Naaa, hmela mai mai chu. Hmanhmawh takin ka insiam nghal a. Mawi thei ang berin ka inchei a, darthlalang ka kalsan phal meuhlo.

Mike chu a lo ding ran tawh a. Min hmuh vel leh a lo nui a "I nalh lutuk"

Ka awihlo, min bawl chiang tihpah chuan ka va nuih let ve a.

"Tak tak lawm."

Nia, ka hria lawm kei te chu ka cial ve em.

"Ka tihder che nih kha"

I van sual tak.

Mike nen chuan kan inphur chhuak leh ta nge nge a. Engang pawn khalh chak mahse ka hlau tawh biklo. A thiam zia ka hria a. Ka ring tawk em em ringawt.

Mike ka lawm e aw.

"Ngati?"

Engkim vang khan.

"Lawm tak tak em?"

umm, tak tak e.

"Nihchuan, chaweiah min sawm la"

I hope sang e a.

"I lawm tak tak lo tawp nihchu"

Ka chhungten ka bialpa emaw an ti palh angche

"Minti se eng nge pawi, makpa interview neih pawh a khat tawh a lawm"

HA+ i zah loh phawt chuan lo ei rawh.

"Ka zaklo ka lo ei dawn"

Mike nen chuan kan inbe chho zel a,Nitin min thlah ziah a "KAL ILA" tih te mai hian kan pahnih ah chuan hmangaihna a siam a. Keipawhin ka nel tulh tulh a. Min ngaihsak a, min care em em a, ka thil tih engkimah min pui a. ka tan chuan a tha chungchuang ani.

Mike chu a lo len tak zeuh zeuh a vangin ka chhungte nen pawh an innel a, ka pa nen ngat phei chuan an inkawm ngeih hle a. Kei erawh min inhnial pui reng a, kan in ngaihlo a mahse kan inngai hle thung.

Mike nen inchungah inngheng rialin kan thu dun a, full moon zan a ni a, a romantic dan chu duhthusam ani.

"Ihh thil hrilh duh che ka nei a".

Mike, sawi la.

"Ka sawi tawp dawn aw"

Umm, i sawi tawp loh ten.

"KA DUH CHE"

Ka lo beisei ruk ka duhthusam ni mahse atak ngei a han hriat chuan min thawng ve ngang a niang. Sawi tur pawh hrelo chuan ka ngawi reng a.

"I thinrim a mi? Min duh loh pawn a pawi hleinem."

MIKE, KEIPAWN KA DUH CHE A LAWM.

Kan inkuah a, duhthawh takin kan in fawp a. Tunah tak hi chuan tudang kan ngailo ve ve.

"MIKE, i thusawi avang hian ka tapin ka la na dawn tih hrelawk ila chuan ka chhang hauh lovang che"


HMELTHA NUNRAWNG-IV
By Esther Mikko Jr Ralte

Mike....

"What?"

Enteh, thla khi a mawi lutuk.

"Nih khi mawle?"

Mike min duh tak tak em?

" Tehreng mai"

Engzat velin ?

"Tiangzat vel hian"

Naaa, a te emai a i sual lutuk aw.

"Ka la tilian leh dawn a lawm"

Nihchuan Mike, inthen tawh miah lovang aw, kumkhuain ka kiangah awm reng rawh aw.

"Tehreng mai, khi thla ang khian nangmah chauhin mal tak leh khawhar takin ka awmtir ngai lovang che, i kiangah ka awm reng dawn a lawm"

Mike, tak tak aw.

"Umm, min ringlo mi?"

Ring lutuk.

Mike nen chuan kan inpawm leh vawng vawng a, full moon zan a ni a, thla eng chuan kan awmna chu chiangtakin a rawn chhun a. Inthen hlau takin kan kut kan inchelh a. Zanin hi ral lo se tih hi kan pahnih a duhthusam a ni ngei ang.

Mike chuan kan ina chaw lo ei a ngen leh tlat pek a. He pa tak hi chu aw, a pangchang si , tihtauh a ching bawk si, a thikthu a la chhe em em zui. Mipa dang biak pawh a phal lo. Mahse min duat em em a, min ngaihsak a, ka thil tih engkim min tuipui a. Ka tan chuan a tha thlawt a ni.

Mike nen chuan rawng kan bawl dun a, Ar talh a tum ve ngei a. "I talh ngam chuang lovang ka pa ka va ko mai ang" ka tih pawn a tlawmngai tlat a, a phal bawk silo. Hreh tak chungin a tin ran ran a, Ar lu a sat bung daih nihchu. Ka lo te tuar a. Min rawn enna lamah a ar vawnlai a thlah palh a. Ar lubung chu a tlankual ta pap pap mai. Ka rap lutuk chuan au tuar tuar chungin ar chu ka pet chawrh a. A thal tawp a. Mike chuan mak tih hmel tawkin min rawn en a. Kan nuidun nasa a sin awww.

Chawhmeh kan siamdun mawlh mawlh lai chuan " Thil ka zawt angche aw" a rawn ti a.

Umm, min zawt la.

"Ihh, i pa hian eng nge a thawh i hria em?

Aaaa, company pakhatah.

"Chuzawng chu maw?" tihpah in mak tih hmel takin min rawn en a.

Ka hrechiang biklo, achang chuan singapore lama hnathawk a kal duh te hi a pui thinin ka hria. Ngati nge a?

Engmah mawle, ka hre duh mai mai a.

Mike-a awmdan chu danglam riauin ka hria a, keipawhin ka pa hnathawh tak hi ka hrechiang biklo. Ka zawt ngailo bawk . Ka awmdan a ti nuamlo zo vek.

Anaaa....

"Ngati nge?"

Ka kut ka zai a nia.

Hmanhmawh takin ka kut a rawn en vat a, "A thî a nih hi, khawnge in first aid box?" . Ka kawhna lamah min hruai nghal a..

" Ka nupui tur hi chemte hmandan ka zirtir a ngai dawn a ni maw, nih loh pawn doctor ka training mai ang" tihpahin ka kutah chuan damdawi a hnawih mawlh mawlh a.

Hey, i tuamlian em em lutuk tihpahin ka va chum a. Lukhamin min rawn vawm a, kan in vaw dun vak vak a. A nuam over.

Mike nena kan rawngbawl chu ka nu leh pa te chuan tui ti takin an ei a. Diktak chuan ka chhungte pawh hian min duhpui ve chiang a lawm.

Mike nena kan inzuina pawh thla 3 lai a ni ve ta. Zingah min rawn phone a, "Lo chhuak lawk teh" a rawn ti a. Ka va chhuak a, a lo ding leh vang tawh.
"Vawiin chauh chu class kal lo mai rawh aw?". Ngati maw ka ti a.

"Bazar ang, pawisa ka ngah tehmai nia."

Uiii, bank kawtah i chhar a mi a?

"Chhar chiang e mawle"

Nihchuan minlo nghak lawk ka va inchei ve phawt ang.

" Ngailo, i nalh tho tho a lawm" a ti talh a. Kan inphur chhuak leh ta nge nge a. Parlour ah min hruai a, ka sam kan roll a. Ka hmai kan chei bawk a. Kawr leh pheikhawk min lei a. A duh uluk si, a lo sawisel reng a. Keipawhin a kawr tur te ka thlansak a. Kan chhuah hma nen kha chuan lei leh van a ni ringawt. Kan cial ve em.

Mike chuan an inah min hruai a, a chhungte chu ka chungah an tha em em a. Ani pawh fapa mal duat rawn ve tho a ni a. Mike a te ina naupang ho lah chuan ka sam an khawih reng a, Mike chuan in tichhia ang tiin a lo hau ve chhen bawk a. Chhungkaw hlimawm tak ani.

Ka class bang tlai takah ka haw chhat chhat a, " Mike ka call pawh i la theilo maw, i buai awm hlemai" ka ti neuh neuh a. Nidang anlo takin kan kawtah chuan police motor a lo ding thup a, kan gate-ah te chuan "LUH TLANG PHAL LOH" tih hi a lo intar kulh a, abulah chuan Mike-a bike pawh a lo ding a. Ka hlauthawng kher mai. Ka thin a phu dep dep a. Ka lum pup pup in ka hria. Ka naupan lai atang tawhin police lam kaihhnawih hi chu ka hlau ve hrim hrim a. Hrechak em em si, hrengam bawk silo chungin hmalam ka pan zel a.


HMELTHA NUNRAWNG-V
By Esther Mikko Jr Ralte

Kan inchhunga ka lut chu engthil nge thleng ngai? Enkim mai chu a lo hnawk nuai a. Kan bungrua te chu a let pheng phung a. Police tamtak an lo awm a, an vei suau suau a. Thenkhatin thla an lo la kual sek a. Ka pain duh tak leh uluk taka a lehkhabu rem that te chu an hai darh nuai a. An duh apiang an la a, an khung khawm zel a. Ka tehkhin ber chu ramhuaiin duh tawka a suasam ni ber hian ka hria. Hrep tak a.

Ka nu tap thawm ka hria a, a awmna lam ka pan thuai a. Ka nu chu bangkilah a lo thu a. Amah chu a pawr phung a. A khur hlawk hlawk a.

"Nu, eng nge thleng hi? Hengho hian engthil phiangsen nge an tih hi?

Ka nu chuan ka thusawi hria awm pawn a lang lo. A melh ngai a melh tlawk tlawk a. A kut khur der der chu ka vawn sak a.

"Nu, i tha em? Khawnge ka pa hi a awm?"

"I pa... I., ipa kha..ih"

"Eng nge ka pa chu, a chungah thil tha lo a thleng em ni"

" Nu, harh teh. Ti nge tiang hian i awm tlat a. Eng emaw tal han sawi teh"

Ka nu ka koh mawlh mawlh lai chuan ka hriat fo thin "AW RI" chuan ka beng a verh ta hle mai. Ka hawichhuak vat a.

Ni e, ka hre thin a lawm. Kha pa ngei kha a ni. Duhtak leh lungchim taka atanga min bei tirtu, ka mipa duh leh hmangaih em em kha ani mahse a va danglam tawh tehlul em.

Thawmhnaw manto, tunlai leh brand tak tak ha thin khan tunah chuan form nalh tak a ha a. A darah te chuan arsi a inbel tuar a. A kawnghren sirah chuan silai a pai a. A kutah file a keng a. A bula awm te chu tihtur a hrilh kual zat zat a. An ni pawhin a thusawi chu zawmloh hlâu takin an phe zung zung a. Amah en ringawt pawhin a hnathawh chu a hniam lo tih hi a hriat ngawih ngawih.

"Mike" ti a koh ka tum lai tak chuan, "Pu Zarzoliana hi lock-up lamah dawp turin lo va hruai ula, kei leh ka nâuten midang inrawlh pahnih kha kan va man ang nge" tiin a bul a S.P chu a hrilh a.

Eng nga? Mike khan eng thu nge a sawi? Ka pa kha engvanga dawp tum nge an nih? Thil tihsual a nei em ni? Ka ngaihtuahna te chu a buai vek a. Mumang ni ber hian ka hria. Ka hamhaih vek a, Engmah tihna chang pawh ka hrelo. Ngawi rengin Mike- a che vel chu ka thlir ringawt a.

Ka pa chu room atangin an rawn hruai chhuak a. A kutah kut kawl an bun tir a. A hmai te chu a khem neng nung a. A kawrah te chuan thisen a kai nual a. Ka van lainat tehlul em.

"Pa..."

Ka pa chu a ding chawt a. Min rawn en a "BAWIHI"... A bula police chuan thupe aw tak hian "Lo kal vat rawh" a rawn ti a. An hruailai chu ka en reng a. Ka zaidamnain a tlin ta nganglo. Ka tho vat a, ka tlanphei thuai a. Kawngka zawnah tak ka ding a.

"Hmel ho, engthil phiangsen nge in tih hi in hria em? Ka pa kha thlah vat rawh u. Engvanga kan chhungkua min tibuai ngam nge in nih"

Police pakhat zawk chuan min rawn en a, "Hei pawh a pa ang bawk maw" ti el deuh tak hian a rawn ti a. "Nauvi, kan kawng dal lo la itan a tha zawk ang, luhlul chhuah lo la awmsawn mai rawh, kan hna kan thawk mai a ni"

"AIH, a teuhlo mai. Ka awmsawn dawn chuanglo. Ka pa hi min laksak ka phal ngai lovang. Kan in hi chhuahsan nal nal zawk ula a nih mai chu " tihpahin rum fe in ka va melh a. Ka luhlul ka chhuah lui tlat a. Hlau hle mah ila kawngkaah ka ding lui tlat a.

" Kan kawng dal suh ka tih mawlh mawlh che kha" tihpahin min rawn nem sawn dawrh a. Ka kal leh tur chu midangin min lo manbet thuai a. "Hmel ho, min thlah rawh u" tiin ka tal laih laih a. Ka pa an hruai chhuak lai chu ka en reng a, "Pa, kalsuh, nilo inhruai thei lovang, min thlah rawh u, ka dan angai, ka phal lo, pa kalsuh." ka pa chu motor-ah an luhpui a. An tlanliam pui ta.
Ka pa chu ka mithmuh lai ngei a laksak ka ni. Ka va nep tehlul em tihtheih engmah ka nei si lo.

Ka thu hnawk a. Ka mittui chu danrual lovin a lo luang nghal zawih zawih a. Mike chuan minlo en reng a mahse amah ka va en vel leh a hawisawn vat a. Min hmulo der a. Min tanpui a tum heklo. Min hrelo ang maiin a awm a. A lukhum a siam tha a. Ani pawn min chhuahsan ve ta.

Tenawmpa, min bum a. Dawheh lutuk mai. "Ka pa" ti a i koh ngei kha i man tir a. Khawngaihna leh lainatna chhete mah i neilo ami? I nunrawng hle mai.

Ka inti harh a. Ka mittui ka hru hul a. Ka nu buaipui turin ka phei vat a. Ka nu chu khumah ka muttir a. Puan ka sin tir a, "Nu, lungngai duh re re suh. Engkim a tha leh vek mai ang. Ka pa pawh a lo haw leh vat dawn a lawm, engmah a tisual lo tih chu kan hre ve ve a lawm" ka ti a, a chalah ka fawp a. Ka chhuahsan a.

Ka phone a lo ri a, rangtaka police station lam pan vat tura koh ka ni. Ka insiam mawlh mawlh a. Engpawh hmachhawn turin ka inhuam. A tul tak thut a hman ah ka pheikhawkah chemte ka dah tha a.

Thudik chu ka hre mawlh ang. "Pa, i fanu Emily ka lo kal e , nangmah chhanchhuak turin"


HMELTHA NUNRAWNG-VI
By Esther Mikko Jr Ralte

Police station chu a bengchheng kher mai. Kil tinah phone call a ri tawn sek a. Pawn lamah lah police leh reporter ho innawr thawm a ri nuai nuai a, boruat rit tak zawng a ni chiang a lawm. Tupawh mai chu an buai em em vek a. Ngawi rengin ka dingreng a, tumah lah chuan min rawn ngaihsak mang si lo. A tawp a tawpah chuan police pakhat hian a kutin min rawn hui a. A lam panin ka phei a. A ni chuan room pakhatah min hruai lut a,"Hetah hian lo awm la lo nghak lawk rawh" tiin min hrilh a, min chhuahsan nghal a.

Ka bul vel chu ka en kual a, indawpna hmanrua ni awm tak let pheng phung te Chhuat a thisen far te light eng tha manglo te bang hlui rep rup leh muangchanga fan virkual ri te chuan ka thâu ah min man a, ka râp kher mai.

" Hetah hian ka pa chu an dawp ang nga, heng hmanrua te hian an vua ang nga, heng te hi ama thisen a ni ngei ang" ti a ka ngaihtuah melh melh lai chuan tukverh zawn chu a rawn ri rek rek a. Hlau chung chungin eng nge a nih fiah tumin ka pan hnai a, chutih lai tak chuan "AWKE" a rawn hram thut a nih chu. Ka te thawt a. Ka phu chiang kher mai. Ka hlau lutuk chu ka in her a, tlân chhuah nghal ka tum a.

Kawngka a lo lut nen chuan kan intawk a, ka ding chawt a. Engtik laiin nge a kawngah ka lo kuah hman pawh ka hrelo. Muangchângin ka en chho a. "MIKE" chuan min lo en kur a. Ka thlah nghal vat a.

A ni chuan min rawn en pahin min rawn nuih sak a,"Hlau duh suh kan idol ve a nih kha, nang aiin a man pawh a to daih zawk a nia" min la ti zui.

MIKE nen chuan inhmachhawnin kan thu ta rân mai."Thu tlem zawh duh che kan nei a, min chhan that chuan i haw hma thei a ni mai" a ti a. Kei chuan, "Engmah ka hre ve lo, engmah ka hrilh dawn lo bawk chu" ka lo ti nghal vat a.

Thlalak hrang hrang an rawn phawrh a "Heng mite hian i pa an rawn hmu thin em? I hriat ngai an ni em? I pa eng hunah nge a chhuah thin? A lo haw tlai ngai em?..."
Zawhna tam tak min zawt a mahse ka kut ka kuangkuah a ka ngawi tlat a.

Mike chuan dawhkan a chum ri bur a, ka phu zawk a. Beidawng tih hriat tak hian a lukhum a la thla a, a lu a tuai vut vut a. A thaw halh a,"Min lo va chhuahsan rih mai teh u " tiin a bula mite chu a bia a. Anni pawh an chhuak ve mai a.

"Emily, min hua ti raw?"

"Chung te chu thil chiang sa a lawm"

Ani chu a nui leh sak a, " I pa nihna diktak hi i hrelo ti raw?"

"Nangpawh i nihna dik tak ka hre bik hleinem"

"Ni e ti raw? Mahse maw nangin min huatna ai nasa daih khan i pa hi ka haw ve tho a sin"

Mike i thusawi kha eng nge a awmzia? Ka pa hian i lakah tihsual a nei em ni?

"Ngun takin lo ngaithla rawh, kum 10 mi lek ka la ni a, kan chhungkuain thingtlang khaw te tak teah kan khawsa ve tawk tawk a, ni khat chu i pa leh a thian pakhat hi kan inah an lo kal a, ka farnu tan singapore-ah hna tha tak an hmuh sak thu a rawn hrilh a. Kan chhungkua kan retheih em avangin rem kan lo tihpui ve mai a mahse kan tisual. Khami ni, i pain ka unaunu a hruai ni atang khan tun thleng hian a hmel kan hmu leh tawh ngailo asin. I pa hian ka unaunu ang khan midang tamtak pawh a bum thin a ,Human trafficking lamah nasa takin a inrawlh a sin"

Nilo, Mike chutiangin ka pa in a ti duh hauh lovang.

"I pa hi eng ang mihring nge a nih i hre duh em? Lo kal rawh" tih pahin min kai a. Ka pa awmna lamah min hruai phei a.
Ka pa chu lock up chhungah a lo mu bam a.

"Pa..."

"Boihi, engatinge i lo kal a?"

Pa, thudik tak min hrilh rawh, engmah i tisual lo ti raw?

Ka pa chu a ngawi ta reng a. "Pa min chhang ta che..."

"Tunah chuan i pa nihna dik tak chu i hre tawh em? A ni ang kha chu a nung chungin phum se an phu tawk chiah" a ti a..

Pa, kei chuan ka ring che a sin, dawt ani ti la chuan ka awih ngei ang. Pa, i tih a ni lo tih min hrilh rawh?

"MIKE, hei hi lo hre rawh min man a min khungbet pawh a ni thei, mahse nangpawh i him bik chuang lovang, hnungzuitu engzat nge ka neih i hria em? nangmah kha a nung chungin ka phum zawk ang che, i thi ngei ang"

" Nang leh i hnungzuitu te chu an vaiin ka man ngei ang"

"I man hmain ka thah tir ngei ang che"

"Duh tawk rawh u, a tawk, ka ngaithla duh tawhlo" ka beng ka hup a ka au vak vak a. "Pa, nangin nunna min pe a, min enkawl seilian a, ka zah em em che a, i thusawi apiang ka ring em em thin a, nangang pa ka neih avang hian ka lo inchhuang em em thin asin mahse tunah chuan ka pa tih che pawh hi ka zak tawh asin"

Ka tlanchhuak nghal a, Mike chuan min rawn um zui a. Ka banah a rawn man a, "Min thlah nghal rawh, tenawmpa."

"Nangmah chauh a haw chu a himlo, ka hruai haw ang che"

I khawngaihna ka mamawhlo, kei chu misual fanu i phuba lakna atana hmanrua mai chauh ka ni, min kalsan rawh.

Mike chuan min hruai luih a tum a, ka chemte ka phawrh a, "MIN KALSAN RAWH KA TIH CHE KHA" tihpahin a hrawk zawnah tak ka tin a.



HMELTHA NUNRAWNG-VII
By Esther Mikko Jr Ralte

Ka chemte ken na kut chu a khur der der a. Ka ngaihtuahna te chu a tawi tup a. Ka khawhmuh a fiah lova. Theih ni se chuan khuk chem chem a khuk ral daih ka chak ber.

"Emily, hetiang hian awm suh" tiin mike chuan ka kut pahnih ah a rawn chelh a.

"Min thlah nghal rawh" ka ti a, talchhuah ka tumna lamah Mike-a kutah ka zai palh a.

"Emily, ka mitah min en la, ka thusawi ngaithla rawh"

Mike, engmah ka ngaithla duhlo, i thusawi te avang hian ka na tawk tawh viau a sin.

"Ni e, ka bum che a, min haw viau ang tih chu ka hria lawm mahse"

Mike, hmangaihna hi infiam nan hmang suh a tawk tawh, duh tawh rawh.

Mike chu a ngawi vang vang a, "Ngaihdam dil ngam tur ka ni lo tih chu ka hria a lawm mahse khawngaihin ka thlah haw ang che, a tlai tawh em hi, haw na tur i hmu tawh lovang"

Ka nui a, " ka inbum nawn tir tawh dawn lo che, Mike nangmah chiahin ke i nei emaw i ti a ni maw?"
Ka phone ka phawrh a, "Mapui i buai em, minlo hruai lawk la, invengah ka awm a... Police station bulah aw...Awle, lo thleng vat rawh aw"

Mike chuan hrilh hai hmel takin,"Tu nge Mapuia chu?" a lo ti hu a.

I lo buaina tur a awm lo.

"Ka buai, midang thlah i duh tho si a"

"Ha, nang angin dawt hmangin min bum ve hleinem, i hna va thawk la nih mai chu a"

"Ka kut a na a lawm, min buaipui i tumlo mi, i la hria em i kut i zai lai a ka tuamsak che kha?"

Ka tihpalh, lo buaipui ve mai rawh. Ka kal dawn "MANGTHA". Mike chuan zawi sap hian "Ka hmangaih che a sin" a rawn ti a. "Nilo, min hmangaih lo min khawngaih mai chauh a ni" ka ti a, ka inher a ka biang ah ka mittui a lo luang nghal zawih zawih a. Mike-a hriat hlau takin ka hru hul a. Ka kal dawn chiah a, silai a rawn puak ri a, Mike chu a tlu nghal hnawk a. Ka tlanphei vat a.

"Mike i tha em?"... Ka kut ka en a, thisen a lo kai phung a. Mike ka zuk en a, a dar a lo thi nasa mai a. Ka hawichhuak a, police station chu a lo kang hluah hluah a, kil tinah silai a ri a, ka hlau lutuk chu ka thidang lo chauh a ni.

"Ka pa... Nang maw? Engtin nge?"

"Mike, a nungchungin ka phum angche ka tih kha i la hria em?"

"Nilo, pa hetiang hian ti suh"

"Ka pa min tih i zak a ni lawm ni? Nangpawhin Mike hi i zui ve nghal duh em?"

Ka pa chuan nuihsawh tak hian min rawn en a, tun hma a ka hriat thin "Bawihi" ti a duat taka min ko tu, ka pa hmelah chuan hmangaihna reng ka hmu tawh lo. Mihring hi a lo va han danglam theih ngai em? Mipa hi bumhmang mai an lo ni.

Mike chuan a pistol pai a phawrh a, thawh kan a rawn tum a, ka pa chuan a dar lehlamah a lo kap a. A lu ah tak a lo pet thlu a. A malpuiah a kap leh a.
Mike-a na tuar hmel chu thlir a hrehawm ngei mai.
Ka pa chuan Mike-a lu zawnah a tin a, a vawithum na atan chuan hetah hian a ni ang a ti a. Mike chu a hnuk phei a, pistol tla chu ka chhar a, keimah ngeiin ka pa chu ka kap a. A thinzawnah tak a fuh a. Ka pa chu a thingthi hnawk a, a ka atang chuan thisen a rawn baw chhuak tuar tuar a, min rawn en a, a tlu ta riai riai a.

" Pa, ka tihpalh aw" ka tap nghal zawih zawih a. Reilo teah mapuia pawh a lo thleng a, Mike chu damdawiin lamah kan tlanphei pui nghal a. ICU ah an nawr lut nghal a, thisen tamtak a hlauh a. A nunna pawh a derthawng hle. Doctor chuan pawnah lo nghak turin min hrilh a.
Ka thil tih te avang khan ka hlau a, ka khur a, ka awm hle hle theilo. Ka vei kual sek a. Ka haw hunah ka nu engthu nge ka hrilh tak ang?

Mike kan nghah lai chuan a chhungte pawh an lo thleng ve a, Mike-a nu chuan min hmuh vel leh ka hmaiah min rawn beng nghal a , "In chhungkua vang a ni, kan fanu kan chan tawh a, tunah kan fapa pawh min laksak leh dawn a nih hi, kal bo rawh i hmel hmuh pawh hi ka duh lo" a tap nghal a. Mike a pa chuan a lo dang bet a. Ni e, kan chhungkua vanga thleng a ni.

"Mike i thi tur a ni lo, khawngaihin i tuar chhuak tur a ni"


HMELTHA NUNRAWNG-VIII
By Esther Mikko Jr Ralte

Mike an zai lai chuan kan lo nghak thup a. Tumah chuan min biak an tum lova, kepawhin ka tum bik heklo. A reh tlawk tlawk mai a ni. Ka rilruin ka tawngtai mawlh mawlh a. Rilru hah nak a laiin Mike-a nu lah chuan min seh tum ang mai hian min melh tlawk tlawk a, a mitmu a lian ropui si en pawh ka en tha ngamlo. Hnuailam ka bih ngur ngur a.

Doctor a lo chhuak a, "Mike chu hlawhtling taka zai a ni, reilo te hnuah a tha leh mai ang" a rawn ti a. Ka thaw huai a, ka zang hawk hian ka hria.

Zankhuain Mike-a lo harhchhuah hun ka nghak char char a, damdawiin kan panpui lai a Mike-a thu min chah kha ka hre reng,"I pa kha keima thah a ni, i thah ni lovin keima kah hlum a ni" tiin min hrilh lawm lawm a. Ni e, ka him theih nan ama thah anga sawi turin min duh a. Tualthah hi sual a ni miau si a.

Zinglam a ni tawh a, nurse pakhat hian "MIKE chu a lo harhchhuak tawh e, in va hmu thei tawh ang " a rawn ti a. Mike-a pa chu a lut nghal a, keipawh ka tho vat a, luh ve mai ka tum a. Mahse maw Mike-a nu chuan ka darah a rawn vuan a, " Mike hi kalsan rawh i theih lai hian, a tan chuan phurrit mai i ni, amah tina tu, hnawksak mai inih kha, ka fapa hian hmeichhe tha tak a phu ve asin tualthattu fanu ni lovin" min ti a, luh a phal ve ta tlatlo.

Ka thinlung chu chemte hriam taka chhun a ni a, a kehsawm ni ber hian ka hria. Hnawl ka nihna ah chuan a la rapthlak ber awm e. Chhanlet ngaihna pawh ka hrelo, a sawi dik miau a lawm. Keichu tualthattu fanu tualthattu bawk ka ni.

Mapuia chu a rawn ding hluai a "In fapa hian a phu biklo" a rawn ti a, min hruaichhuak daih a. A phun nghal mawlh mawlh a. Min thinrim pui ve hle a ni ang, "A ho lutuk mapui, mipa pakhat chiah awm se chuan bazarah sawtiang zat pheikhawk saw an zuar miah lovang tiraw? Ka tana ruat diktak ka la tawng ve lo a ni a nge" ka ti a. Za lo takin kan han nuidun leh thin.

Kan in kan thleng chu hahdamna reng reng a awmlo, kan inah chuan mi anlo awm thup a. Ka pa an lo vui a. Inchhungah ka lut a, minlo en hrek hrek a. Ka hria a lawm, thisen ka kai thliah thluah a, ka pawr bawk si A awm tho e.

Ka pa ruang chu an lo tah ve laih laih a. Ka nu erawh chu ka pa kuang bulah a thu ngawi hle hle a. Ka pa kuang ka hmuh ringawt pawn ka tim uai uai a, ka hlau a, ka khur a, ka hnaih ngam thlawt lo. Ka nu chuan min rawn hmu a, a lo phei vat a," Bawihi, ipa saw va hau teh ka ko a, a muhil der tlat a nia, i thusawi chu a awih theih em kha" a ti a. A tlan phei leh a,"Pa-a i fanu a lo haw a nia, tho tawh rawh, i khuasik a mi, i vawt lutuk puan ka sin tir angche aw" a ti a. Ka pa ruang chu a be mawlh mawlh a. Ka nu rilru na lutuk chu a á tawh ni berin ka hria. Ka van lainat tehlul em.

Ka room-ah ka lut a, darthlalangah ka inen a. Ka pa thilai hmel kha ka mitthlaah a lo lang a, ka bula perfume bur chuan darthlalang chu ka vawm keh chhuai a. Ka thu hnawk a, ka tap zawih zawih a.

Nikhat thilthuah enkim ka chan vek a, ka lung a awi hlawl lo. "Ka pa ka hua che, ka haw takzet che"

Ka pa chanchin chuan rampum tuam chhuak a. Mite hmuhsitna kan tuar a. Kan tan hawichhuah ngam a nilo. Ka nu nen chiaha awm ai chuan ka pu te kan fin a, vengdangah kan awm ta daih a. Nunhlui mangtha a nunbul tan that kan tum ber a ni.

Ka nu hmel ka hmuh apiangin inthiamlohna hlirin ka khat thin, a tawpah ka tap leh nge nge thin. Zan ka mut dawnin ka pa thlarau khan min rawn tlawh anga ka chungah phuba a rawn la ang tih ka hlau a, ka muhil thei ngailo. Damdawi ka ei thin a, mahse min chhawk thei meuhlo.

Hun a kal zel a, thla 6 lai a liam ve ta. Ka thian te nen kan bazar a, kawngsira thil kan en lai chuan min rawn kuai her sawk a,

"Mike... Nang bawk"

A thaw hlawp hlawp a, "Ka.,ka zawng hmu ta che"

He khawvel han zim dan hi chu awww.



HMELTHA NUNRAWNG-VIII
By Esther Mikko Jr Ralte.

Mike-a hmel chu ka hmuh lohna a rei ta bawk a, ka lo ngai hle tawh a ni ang. Ka dam sawng sawngin ka hria. A hlim hmel chu hmuh a nuam ngei mai.

"Thiante u, ka bialnu hi ka lo hruai ve tawh aw" tihpahin ka darah ah a rawn kuah a. Ka thiante chuan "Hruai rawh, hruai rawh" an lo ti a. Thiante awm lai a inngaihlo deuh a awm ka lo hreh bawk nen, kan kalhrang ta ringawt a.Dawrah kan lut a coffee kan indun a, min en vung vung a.

" Ti nge i reh hmiah a, ka call i chhang ngai bawk si lo, message ringawt pawh kg 3 vel ka rawn thawn tawh ang che" min ti a.

Chhan ngaihna pawh ka hrelo ka nui ringawt a.

"Ka damloh lai te khan min ngaihtuah ve miahlo mi a, vawikhat mah min rawn tlawh lo a nia, engtin nge i theih zawk a??

Ka zahzel ah, "Ka buai thei lutuk a" ka ti ringawt a.

"Vawiin hi ka pa birthday a nia, kan chhungte nen chaw kan eikhawm dawn a, nangpawh ka rawn sawm dawn che a"

Mike-a nu thusawi kha ka hrechhuak thut a, ka dinghluai a, " Mike, ihh sorry lutuk aw, ihh englo nia tihtur pawimawh deuh ka nei a, ihh ka kal mai ang aw" tihpahin kal ka tum a.

Ka kutah min rawn man a, min pawt thu a, " Dawt sawi lo mai teh, tihtur i nei thlawt lo, i tawng bahlah nuai kha , i dangawk vek a lawm, min tìhder thei chuang lo ang " a ti a.

Min manchhuak chiang tawp. A bam top hi ni mai. Ka zak ve det. Chhuanlam siam dan tur ka ngaihtuah char char a. Ka thidang der mai dawn mawnle? Ka kut ka sik neuh neuh a, ka hmui ka pet a, ka ke ka ti che char char a. Ka awm hle hle thei lo hi ni top mai.

"Hey, ti nge khatia i awm a, thu tha ta che"

"Uiii, Mike ka pum a na lutuk" tihpahin ka tlanchhuak nghal a. Chak thei ang berin ka tlan a. Mahse Mike pawhin min rawn umphak thuai a. Vanneihthlak takin ka thianpa Mapuia ka hmu hlauh a. Ka va pan hnai a, " Mapui, minlo nghak rei tawh em?" ka ti a, mak tih hmel tawkin "MAW?" a lo ti hû a. A hnungzangah a rukin ka sik zeuh a. A lo hrethiam ve mai a,

"Rei vak lo, ka thleng ve deuh chiah ".

"Mike, Mapuia nen hian inkhel kan endun dawn a , kan kalsan mai ang che aw" tihpahin Mapuia banah ka kai a. Mike chuan mak tih hmel tawkin a chal a tuai vut vut a. Ka kal dawn chiah a. Mapuia chuan "Mike, lo kal ve ta che" a ti rawn reuh nih chu. He pa mawl dan hi chu awww. Rum fe hian ka va melh a. Mike chu a lo phur ngang mai,"Inkhel en te chu nuam ka tih zawng tak a lawm" tihpahin min rawn melh a, a nui vur vur a.

Kan pathum chuan kan kal ta tham tham a, a van nice lo tak. Mike le Mapuia chuan inkhelh chungchang an sawidun char char a, sawi tur an hre dun bawk si. Kei lah ka tuina lam a lo nilo nasa mai si a, an inkarah chuan ka thu ngawi kur a. Kan tan lam an la chak lo zui. Mapuia nen kan veng a inhlat avangin Mike nen chuan kan haw dun a.

"A vawt tiraw?" tihpahin min rawn kai a.

" Nia, vawt tak ni"

"Ka kawrlum hi i ha duh em?"

"Aih ngailo, ka tawt lutuk ang"

"Ha ha, kha ha rawh" tihpahin a kawrlum hak lai liantak chu a phelh a, min rawn bah tir a. Kan in en a, kan nui dun a. Chutih lai tak chuan kan hnungah horn an rawn pe tuar tuar a. "An van mawl tak" tih pahin kan hawi let a. Mike-a pa chu car chhungah an lo thu kur a. "Oho, tih chi lutuk" tihpahin min kai a, car chhungah min luhpui a.

Mike-a pa nen chuan kan chuang ho ta thap mai. Ka thin a phu dep dep a, ka thihna lam panin ka kal ni ber hian ka hria. Mike lah chuan engmah a hre ve der si lova. A la hlim em em zui.
"PA, thil hrilh duh che ka nei a"

"MAMA, eng nge ni? Thu lawmawm em ni?"

"Nakinah, kan thlen hunah ka hrilh dawn che nia" a ti a, a nui leh vur vur a.

Mike-a te in kan thleng a, mi pawh an lo awm nual a. Mike chuan inchhungah min kai lut a, Mike-a nu ka hmuh vel leh ka ding nghal chawt a. Ka lam panin a lo phei a.

"Nangkha, ka fapa kalsan turin ka hrilh che a ni lawm ni, engvanga lo kal ngam nge i nih i va zakthei lo ve a"

"Nu, engthu nge i sawi tak mai. Emily hi i hre tawhlo a mi?"

"Hre tehreng mai, i farnu that tu fanu a nih hi"

"Nu, duhtawk rawh, Emily thiam loh a awmlo, ka farnu that tu fanu pawh nise a pawi ka tilo ka hmangaih a ka nei dawn"

"Ka damchhung chuan i nei hauh lovang"

Mike leh a nu chu keimah vangin an inhau ta piap piap mai. Mi an lo hawi thup a. Mike-a pa chuan mike hmaiah a rawn beng a "Lalmuanpui, i zak nange i nu a nih hi, ngawi hmak rawh" a rawn ti a. Ka chil ka lem khawlh a, ka lo khur der der a.

"EMILY, min hrethiam la min lo va hawsan mai ta che Mike a awmdan hi a zahpuiawm emai" min ti a. Mike-a thinrim chu a au vak vak a, a bula bungrua awm apiang chu a thlawh thlu a, a ri ta bur bur mai. An lo dangbet vat a.
"Ka pa ka hmangaih a lawm, ka duh a ni" a ti mawlh mawlh a.
Ka tho a, tap chungin Mike te in chu ka tlanchhuahsan a.



HMELTHA NUNRAWNG-X
By Esther Mikko Jr Ralte

Mike chuan min rawn umzui vat a, ka banah a rawn man a.

"Kal rawh, min kalsan rawh, i nu thusawi kha i hre lovem ni?" tihpahin Mike-a darah chuan ka nam a.

"Emily, theihnghilh vek rawh, keiman ka duh phawt che chuan" a ti a.

"Nilo, Mike min duh suh, min theihnghilh zawk rawh."

Kalsawn ka tum a, min rawn kuah thlawp a, " Ka kal tir thei lo che, ka chan phal lo che".

Engtin mah chhan let ngaihna pawh ka hrelo, ka ding chawt a. Ka tek chhuai chhuai ni ber hian ka hria. Mike chuan min kuah bet tlat a, keipawh ka awm hle hle a. Ka harhchhuak thut a, " Min thlah nghal rawh, ka duh tawh lo che, i tel lo hian ka hlim zawk, ka hua che ka haw lutuk che a sin" ka ti a, ka talchhuak a.

"Emily, i ti tak tak em ni?" zawi sap hian a rawn ti a.

"Aw, tak tak i hre tawh lo a mi? Kan chhungkua min bum a, ka pa a thih phah a, ka nu pawh a pangngai tawh lo a sin, nangmah vang vek a ni, tunah in chhungkua tihchhiat leh i tum em ni?"

Mike chu a ngawi ta vang vang a. A rilru a na tihpawh ka hrereng mahse eng nge tih theih ka neih chuan. Kan pahnih thatna tur zawk a ni tlat a lawm.

"Ka tih palh a ni e, i hlimna tur a nih dawn phawt chuan ka kalsan mawlh angche, mangtha le" a ti a, min hnungchhawn a. Muangchângin inchhunglamah min luhsan ta daih a.

Khami ni atang khan Mike chu a reh zui hmak a, a chanchin engmah ka hrezui tawh ngai lo. A hmel ka hmu ngai lova. A thi nge a dam tih tak ngial pawh. Khawhar chhungte pualah a lang khat em a, a la dam a nih ka ring ve top a. Ka nu leh kei chu khawhar takin kan nun kan hmangchho ve zel a. Keipawhin kan chunga thleng chu pawm dan ka thiam a. Mahse ka duh ber chu engtik niah emaw tal Mike khan min rawn hrechhuak ve thin se tih hi a ni.

Hun leh ni te a herliam zel a, mahse ka thinlunga Mike erawh a liampui si lo. Theihnghilh ka tum poh leh ka ngai a. A nui hmel te kha ka mitthlaah a cham a, Ka thlahlel vawng vawng thin. Ka tana khuanu ruat a ni miau si lo a !

Ka phone a lo ri a .

Aw, mimi

"Emily, vawiin hi eng ni nge i hria em?"

Eng ni nge? Gandhi-a birthday a ni leh tawh a mi a?

" Uiii, i mawl muk topz, keima bithday mawle"

Oho, ka lo theih nghilh daih a lawm, Happy Bithday le.

"Khatiang in wish na ka pawmlo, zaninah kan inah party tur aw, i kal lohna a rei tawh em kha lo kal ngei ngei ang che aw"

Ka bansan tawh sin le.

"A ho lutuk, zanin lek te chu, i tlakna tur asat phah chuang lovang, mi hmuhtir tur che ka nei a, nihphot aw ka ring che a nia"

Naaa... A dah daih ka ti. Nihchuan eng nge ka hak tak ang awwww.... Nuuu, kawrthar ka duh a niaa.

Mimi-i te in chu a lo ri dup dup tawh a. Kan thlen har deuh avangin an lo kai deuh vek tawh a. Inchhungah kan lut a, zu tam dan chu duhthusam a ni. Keipawh minlo pe nghal a, kan tlak ve nghal pawp a. Music an play a kan lam nghal suau suau a. Ka tih lohna a rei ta bawk a, ka zak deuh lek lek tawh. Kan lamna karah chuan Mimi-i chu a rawn lut set set a, min rawn hrilh ru a.

"Emily, lo kal rawh ka hmuh tawh anche"

Engmaw? A la nuam rih a nia.

" A ho lutuk, nakinah i lam leh dawn nia" tih pahin min kai chhuak a.

Kawngkhar lamah min hruai phei a. Ka inhnem tawh avangin ka pai chhawt chhawt a. "Saw ta mipa lo ding saw i hmu em? Ka englo thar a nih saw" tihpahin kan hma a mipa chu min kawh hmuh a. Kei lah ka lo rui tawh bawk nen," khawi maw i englo hmel chu a chhe chiang em?" tihpahin ka pan phei a. A darah ka va beng thlawp a. A ni pawh a rawn inher a.

Eheee !!!

"Nangmaw ! hetah"

Phawk fe hian kan in en a, ka ruih te pawh chu a reh nghal vekin ka hria.
"Emily, hei lawm ka hmuh duh che chu" tih pahin Mike chu min kawh hmuh a. Mike nen chuan mit pawh khap lovin kan in melh ang. Ka sawi tawh kha he khawvel hi chu a zim chiang a lawm.

Mike chuan, "i tha maw? Mike ka nia" tih pahin a kut min rawn pe a. Mak ka ti lutuk chuan chibai nachang pawh ka hrelo. Ka thiannu Mimi chuan ka banah min rawn sik ru a,
ka harhchhuak chiah. "Aw, tha e, Emily ka nia" ka ti a. Ka chibai a. Ka Dhlui ve ngei nen khan kan han in hmelhriattir tha leh chu a ni si a.

Mimi-i leh Mike te nen chuan inchung lamah kan chho a. Mimi nen hian hostelah kum 5 zet kan awmdun tawh a, kan in kawm ngaih hle a. Mimi chuan Mike nena an intawn dan zawng zawng a tir atangin a sawi nghal char char a, a sawi tui nasa mai si. Mike nen chuan kan in melh leh zeuh thin. Kan bula zu bur chu ka la a, ka in zeuh zeuh a bur khat chu ka inzo dawn ta mai. Ka in leh dawn chiah a, mike chuan ka kutah a rawn man a, "A tawk tawh, i rui tawh lutuk" a ti a, ka ken lai pawh chu min laksak daih a. Rum fe hian ka melh a, "Ka tibuai chu nih hi, in pahnih chauhin awmdun rawh u" tihpahin ka tho a.


HMELTHA NUNRAWNG-XI
By Esther Mikko Jr Ralte

"Emy, la awm ve rih rawh ka la sawi zo hleinem" Mimi chuan a lo ti a. Mike ka zuk en a, a hmelah chuan nuamlo a tih hmel riauin ka hria a. Nuichungin, "Sawi sawi ngailo lam la tawk" ka ti a. Ka kalsan ta daih a.

Inhnuai lamah ka chhuk thla a, an lo lam suau suau a. A laiah ka lut ve leh hmiah a, kan zuang ta suau suau a. Mike leh Mimi pawh an rawn inkai thla leh thuai a, ka bulah an rawn ding ve a. Music kool tak an rawn play a, Mike chuan ka hmuh tur kherin Mimi chu a kuah a, a sam a chulsak heuh heuh a. Kei lahin ka lo hmulo der tlat a, ka bula mi pakhat chu ka lampui ve leh hmiah a. Mike chuan min rawn melh leh zeuh thin, a ruk tak chuan kan la inngaihven a mahse tihlan erawh kan duhlo, min runluih vang nge ni Mimi chu a pawt hnai a, duhthawh takin a fawp a. Ka ding nghal chawt a, ka awm a nuam twh lo. Zu awmna lamah ka phei a, ka thu hnawk a, ka tlak leh pawp a.

Mike hi ka la duh tak zet a ni. Min kalsan turin ka ti a mahse midang ta ni tura min kalsan ka phal leh si lo. Mimi chu ka thik ngawih ngawih ni ber hian ka hria. Nuamti taka an lamdun lai te chu ka va melh a, anmahni chu light-in a chhun bik a. Mike chuan hlim takin Mimi chu a nuih vel a. Thlir hrehawm ka van ti tehlul em.

"Ti nge i thut tak daih a, lo kal rawh" tihpahin ka lampui pa khan min rawn pawt tho a. "Ka peih tawh lo" ka ti a, a kut ka thingthla a. "I la duh tih ka hrereng" tihpahin ka kawr nghawngah a rawn tham a. "Kalsawn nghal rawh" ka ti a, ka nam sawn dawrh a. " Ve Khanglang che chuan" tihpahin min rawn ben a tum a, ka lo maimichhing nghal a.

Ka men leh meuh chuan Mike chuan a kut a lo man bet a, a hnungah a khirh a. "Min thlah rawh, ka tlawm ka tlawm" a ti ta chul a. Mike chuan a thlah a, " I tha em?" ti a min rawn biak lai tak chuan a hnungah a rawn ri chawrh a. Mike a inher tur tak chu a lo hnek leh chawrh a. Kha mihring pa bawk kha ani. Mike-a kamsir chu a thi ser ser a, a kutin a tuai fai a, a kut chu a en a, a nui leh sak a. A pan phei a, a hnek a, a tlu nghal tawp a. A bawh bet a, a hnek ta hmiah hmiah mai. "Mike, duhtawk rawh, i tihlum mai ang" ka ti a, harhchhuak hlawl ni awm tak hian a tawp thut a. A rawn tho a, "I ngam chuan lo tibuai leh rawh" a ti a, a zuk pet leh hram a.

Mimi chuan, "Mike, i tha em? I na em? Ehe i hmai te hi" a ti a, a hmai te chu a chul sak vel a. Mike chuan min rawn en zeuh a, "Mimi, haw mai ka duh, ka awm a nuam lo" ka ti a. "Nihchuan, kan thlah angche, Mike motor i khalh thei ang ti raw?" a ti a. Mike chuan a lu a lo bu nghat a. "Lo awm ula chahbi ka han la lawk ang" a ti a. Inchung lamah min chhoh san a.

"Ka lawm e aw" ka ti sap a. Mike chu a ngawi reng a.

"E chuan, ka lawmpui lutuk che, in inhmeh lutuk a nia"

"Tak tak maw?"

"Aw, tak tak e, Mimi te chu a fel lutuk a lawm"

A nui suk a, "A nih ka ring" a ti a.

"Nangni pahnih chu in va inkawm ngeih hmel ve, kal nghal mai ang u, let leh vat ka duh a nia" Mimi chuan a rawn ti a. Car-ah kan lut a, a hmaah an thu dun a, kei a hnungah ka thu a. Mimi chu a titi nghal char char a. A ni hi chuan sawi tur a ngah thei a nia. Mike chuan Car hma darthlalang atangin minlo en zeuh zeuh thin a, ka va hmuh fuh vel leh a hawisawn leh vat a. Mimi pawh a tawng chau ve ta a ni ang, Mike-a dar nghengin a thu ta hle hle a. Keipawh pawnlamah ka dakchhuak ta daih a.

Kan in kan thleng a, Mimi chuan min bye bye lawm lawm a. Mike erawhin eng thu mah a sawi lo. Mimi hriat a hlau pawh a ni mahna.

Inchhungah ka lut a, ka khumah ka bawk a, ka tap nghal zawih zawih a. Ka hua ani. A ni kha ka hua, ka haw takzet. Tinge ka thinlung tihnat hi a thiam em em le?
Ka ngaihtuahna chu a kal thui hle mai, kan intawn ni te kha ka ngaihtuah a. Khami ni khan lo leng chhuak lo ila awwww...engkim hi a tha vek tur.

Kar tawp a ni a, M.C kawtah kan thian hoin kan thu a. Mimi leh Mike chu an rawn inkai rial rial a. Min hmuh vel leh a lo tlan phei vat a, "Emy" tihpahin min rawn kuah chung chung a.

"Mimi, in bazar a mi a? I va inkhai bawr em em ve?"

"Chiang e mawle, Mike hian thil mawi a hre overlai top a ni mai" a ti a, min rawn hrilh ru a "Vawiin tlaiah Mike-a chhungte ka hmu dawn sin"

"Ehe, monu interview nihchu, gud luck aw, zia thup kha hrereng la" ka ti a.

A nui vak vak a,"TEHRENGS MAI" a ti a, Min kalsan leh mai a, Mike erawhin vawikhat te mah min melh lo. Keimah ang bawkin a bazar pui a, a hnuah a phatsan leh anga . Tenawm lutuk mai.

Ka inbual zo ka online mai mai a, Mike leh Mimi te pawh an lo in relate a, ka like a. Ka phone a lo ri a, Mimi a lo ni a, van timing tak "Lalmimi, ka lawmpui lutuk che" ka ti a. A rawn tap ta hawm hawm mai, "Emy, ka mamawh che khawngaih takin tunah kan inah lo kal rawh"

" Ti nge?"

" A sad lutuk emergency, phone a sawi chi pawh a ni lo, ka lo nghak reng ang che aw"



HMELTHA NUNRAWNG-XII
By Esther Mikko Jr Ralte

"Mimi, tap tawh suh, i tha ti raw? I chhungte an awm lo a mi?

"Aw, tumah an awmlo"

"Nihchuan lo awm reng rawh, ka lo thleng vat ang"

"Ka lo nghak reng ang che aw"

Ka tho a, ka khum bula converse lo awm chu ka bun a, kawrlum ka ha a, lukhum ka khum a. Einch chhelo lutuk. Chahbi ka la a, car-in chak tak maiin ka inkhalh chhuak nghal a. Reilote hnuah chuan Mimi te in chu ka thleng thuai a, an in chu a lo reh thuap a. A nu leh pa an awm ka beisei lem lo a, inchungah ka chho a. Mimi room lam ka pan nghal a, room kawngkhar chu tlemte a lo inhawng sa a, dimtein ka nam hawng a.

Kareii !!!...

Theih se chuan ka mitmu hi a chhuak ngei ang. Room chu a lo hnawk nuai a, chhuatlaiah te chuan kawr leh pheikhawk a lo let rem rum a. Mike leh mimi chu khumah tui takin an lo muhil a, Mimi lah chu Mike a awmah a bei hle hle a.

Ka thinphu ri pawh ka hre thei. Ka thinlung hi a na ngawih ngawih. Ka duh lo, ka phal lo, ka awih lo, ka ringtheilo. Mike engtin nge i theih zawk? Muangchangin ka tawlh kir a, chhuat a zubur lo awm chu ka pal fuh palh a, a lum ri ta bal bal mai.

"EMILY"

Ka hawi phei a, Mimi chuan minlo en reng a. "Mimi, ka tihpalh lutuk, ka lo kik hmasa lova, ihh englo nia ihh ka kal leh nghal mai ang" tihpahin chhuah ka tum a. Kawngkhar ka tauh ri chawrh a. Mike pawh a rawn harh a, a mit a nuai mawlh mawlh a. Min rawn hmu thut a, " Emy, i ngaih ang kha a ni lo a nia" a ti a, a tho nghal vat a. A in ha nghal a, a pheikhawk a bun mawlh mawlh a. Mimi chuan, "Min ngaidam rawh" a rawn ti a, ka va en a, "I lungawi tawh em?" ka ti a, ka chhuahsan nghal a.

"Emy, lo ding teh" tihpahin Mike chuan min rawn umzui nghal a. Car chhunga ka lut tur chu min rawn kuai her lawp a, a thaw hlawp hlawp a.

"Emy, engmah a thleng lo a nia"

"Thleng se eng nge pawi, i bialnu a lawm, ka buaina tur a nilo" ka ti a.

"Chutiang a nilo, i hrethiam lo a nih kha" tihpahin ka darah a rawn vuan a.

"Min thlah nghal rawh tenawmpa" tihpahin ka nam sawn dawrh a.

Min rawn pan hnai leh a, " Engthil nge min rin theih nan hian ka tih ang? Aaaa engtin nge ka hrilhfiah tak angche?"

" Min hrilhfiah angai lo, keichuan Ka ring tawh ngai lovang che"

"Dawt ka sawi lo, ka duh takzet che"

Ka nui a, "Dawthei pa"

Min pawt hnai a, min kiss ta ringawt a. Tal chhuah ka tum a, min kuahbet tlat a. Ka maimichhing a, ka biangah mittui a luang zawih zawih a. A hnuah min thlah pahin, "Min ring hram rawh" a ti a. A hmaiah ka beng chawrh a, "Zaktheilo pa, i kut hmawr pawn min khawih suh" ka ti a, car chhungah ka lut a, ka tlanchhuak nghal a. Darthlalang atang chuan ka en reng a, Mike chu a thu hnawk a, a sam a kek a, lei chu a hnek chawrh chawrh a.

Enga tinge ka lo kal kher? Engvangin nge ka lo hmangaih? Mi mawl tak ka ni. Mike ka haw lutuk che. Thlanmual lamah ka inkhalh thla a, full moon zan a ni a, thla a eng ut a. Ka chhuk a, kawngsira rose par chu ka thliak a, ka pa thlanah ka dah a. "Pa, i fanu ka lo kal a sin, ka thusawi hi i hrethei em? Ka ngai lutuk che a, ka nu pawhin a ngai lutuk che mahse keimah vangin in awmdun thei ta si lo, pa min ngaidam rawh aw, ka lo â em a ni" ka ti a. Ka tap zawih zawih a. Ka pa thlan ngheng chuan ka thu ta reng a, hlauh nachang pawh ka hre tawhlo. Ka thluak chu a buai ni ber hian ka hria. Ka inti harh a, ka tho a, kan in lam panin ka haw ta a.

Kan kawtah chuan Mike chu a lo thu reng a, min hmuh vel leh ka lam panin a lo phei a, "Emy, khawngaihin insawifiahna hun min pe rawh"

"Kal bo rawh, ka hmu peih lo che, i thusawi engmah ka ngaithla duh lo"

"Nihchuan, min ngaihthlak duh hun hetah hian ka lo nghak rengang" tihpahin kan gate bulah chuan a thu a.

"Engtikah mah ka ngaithla chuang lovang che, chuan khawngaih takin Mimi kha keimah angin hliam ve suh" ka ti a. Ka luhsan a.

Inthlak lovin ka mu nghal tawp a. A chang leh ka tap a. Ka muhil thei lo chu ka let kual reng a. A tawpa tawpah ka lo tap muhil ve a. Tek a rawn tla a, ka harh zawk a. Ruah a sur buan buan a, khawpui a ri dur dur a. Sana ka en a dar 1 leh chanve a ni a. Mike kha a la awm a ngem le? Aaa...nilo a haw daih tawh ang ka ti a. Mutthilh leh mai ka tuma mahse ka thei thlawt lo. Ka tho a, nihliap ka la a. Pawnah ka chhuak a.

Mike chu gate nghengin a lo muhil bam a, ka lainat reuh lutuk. Ka sawi harh a.

"EMY"

"MI mawl pa, Mawl leh lutuk mai, tinge i haw mai loh a"

A rawn nui a, "Ka nghak chhuak ta che" a ti sap a, a khur der der a. Min rawn kuah thlawp a, "A vawt lutuk" tihpahin a chat thla nghal a.



HMELTHA NUNRAWNG-XIII
By Esther Mikko Jr Ralte.

Hey Mike, harh tehhh...

Mike chu inchhungah ka hruailut a, ka khumah ka muttir a, a muhil nghal bawrh bawrh a. Puan ka sin tir a, a muhil lai chu ka en reng a. A hmai te chu ka lo enchiang ngai miah lova, a lo cher sawt em em a, a dâng bel a mahse chutichung pawh chuan sawiselna tur engmah ka hre lo. Keimah vangin pawn khawvawt tak hnuaiah a lo thu reng chu a ni awm si a, he pa tak hi chu ohh... Ka chungah engang pawn sual se, min tina in min tah tir mahse ka haw tak tak thei ngai lo. Vawikhat ka hmangaih tawh a, ka thinlungah ser a hnutchhiah a, ka theihnghilh ngai lovang ka hmangaih reng bawk ang.

Keipawh sitting room lamah ka phei a, T.V ka en a, en tur ber pawh hre lovin ka hmet kual vel mai mai a. Ka lo mutthilsan ve leh mai bawk a.

Zing nichhuak chuan ka hmaiah a rawn chhun a, a mutthilh theih tawh lo. Thawh ka tum lai tak chuan ka lam pana lo kal thawm ka hria a. Ka maimichhing leh vat a. Min mut that tir a, puan min sin tir a. Mike a ni tih ka hrethei mai mahse ka muhil der tlat a. Ka sam a chul heuh heuh a, ka chalah a rawn fawp a. Ka lo nui leh hman pek a.

"Tho tawh rawh, murei nu"

Ka zimar tiah tiah a "Dar engzat nge a?"

"Dar 7 a pel deuh hret"

"A la hma emai a" tihpahin ka inlukhup leh a.

Min rawn sawi a, " Ka tui a hal a nia, thingpui lum ang" a rawn ti a.

"I chawh, ti nge zu i in vai ni, hal huam huam rawh se, i rimchhe bawk si"

"Tho lo tawp rawh, i sual emai a" a ti a, choka lamah a va phei a. Reilote hnuah inhau thawm ka hria a, ka phei ve vat a. "Engvanga lo kal ngam nge i nih" tiin ka nu chuan Mike chu a lo hau a.
"Nu, duhtawk rawh, a haw leh nghal dawn lawm" ka ti a. "A ni hi i la tan a maw? I nun a tichhia a, i pa a thahsak che a, kan chhungkua min phatsan asin." Mike chuan, "Ka nu ka thiam loh vek a ni mahse ka hna vangin ka tih a tul miau si a tihtheih ka nei bik lo a ni" a ti a. "Eng maw i sawi kha? Ka nu min tingam tur i ni em ni?" Mike, khawngaihin kal tawh rawh, thil tha lo a thleng mai ang, min chhuahsan mai rawh tihpahin Mike chu ka kai a, kawngka lamah ka hruai phei a.
"Emily, ka beidawng dawnlo tih i hria ti raw?" a ti a, "Aw, kalphawt mai teh" ka ti a , a ni pawh thu awih takin a kal ve mai a.

Ka thaw halh a, ka huaisenna zawng zawng ka sawm khawm a. Ka nu awmna lam ka pan phei a, a bulah chuan ka thingthi hnawk a.

"Nu, thil hrilh duh che ka nei a, i lakah hian ka zep thei tawh lo a ni"

"Boihi, engthil nge i tih a? Tho vat teh"

"Nu, min huat phah ang tih chu ka hria mahse thudik i hriat hi a ngai ani. Ka pa kha Mike a thah ni lovin keima thah ani mahse maw Nu vanduai vang liau liau a ni, ka duhdan pawh a ni bik lo, ka pa khan Mike kha thah a tum a, amah dang turin tih theih dang ka nei si lo"

Ka nu chuan a beng a hup a, "A tawk a tawk, sawi tawh suh, engtin nge i tih theih zawk i pa ani asin"

"Nu, ka hria a lawm mahse thilsual a tih ka phal lo a ni, ka thiam lo tih chu ka hria a lawm"

" Chhuak rawh, he in hi chhuahsan nghal rawh, ka pasal thattu hmel hi ka hmu duh hleinem, min chhuahsan nghal rawh" tihpahin ka nu chuan pawnah nin nem chhuak a, kawngkhar min kharkhum hmak a. Ka chum vak vak a, " Nu, lo hawng teh khawnge ka kal chuang ang, nang lo chu belh tur dang ka nei lo asin, nu hetiang hiang min ti suh" ka ti a, ka tap a mahse min hawn duh si lo. Ni e, ka phu tawk chiah a ni tu fanu hianin nge mahni pa te that ngai? Kan kawngkhar bulah chuan ka thu reng a, a hnuah chuan ka nu chuan a rawn hawng a.
Ka bulah a rawn thu a ka mittui min hruk sak a, "Ka tihpalh, keipawhin i lakah hian zep ka nei a, i nu leh pa diktak hi i hriat a hun ve tawh a ni mahna" a ti a. " Eng nga, ka nu leh pa diktak i ti em ni?"

"Aw ni e, fa kan nei thei lova, i nu leh pa diktak te hian chhungkaw lam harsatna avangin an enkawl thei lo che a, keinin fa atan kan la che a kum i tlin thleng enkawl tur che in kan tiam a mahse hun tiam a la ral lo nangin a pawi chuang lo e, tunah chuan shillong-ah an awm mek a, i pa pawhin hna tha tak a thawk tawh a, lo hruai tur che in ka lo hrilh ang nga an hnenah chuan i kal dawn nia " a ti a. Min luhsan ta daih a. Ka biangah mittui a lo luang a, ka duh lo ti thei tur ka ni tawh si lo. Ti nge vanduaina hi ka chungah hian a thlen reng mai? Hetiang tur chuan lo piang lo law law i la a tha tur hi a nia.


HMELTHA NUNRAWNG-XIV
By Esther Mikko Jr Ralte

Ka phone a lo ri a, ka aw kan thian te te a, " Aw, nu parte eng nge ni ta?"

"I thiannu Mimi kha nizanah in awhhlum a tum a, kan va hmu hman hlauh a, rawn tlawh ta che"

"Mimmi chu a tha hrim hrim em?"

"Aw, a tha nimai mahse a mu reng a, engmah a ei duh bawk si lo tumah lah min be duh lo a, hauh vak chi a ni bawk si lo, nangtalin rawn hrilh teh i thusawi chu a awih theih em kha"

"Awle, ka lo kal nghal ang"

Inchhungah ka lut a, ka nu chuan phone a lo hmang mek a, ka nu leh pa diktak chu a bia a ni ngei a. Ngawi rengin roomah ka lut a, ka insiam nghal mawlh mawlh a. Ka chhuak leh a, ka nu chuan kan chhungkaw thlalak chu a lo en a, be lem loin ka chhuahsan ta a.

Mimi te in chu ka thleng vat a, nizan lama kan awmdan te kha ka ngaihtuah let a, Mike-in min kiss lai te kha ka hrechhuak a, ka mur chuai chuai. Mimi nu chuan min rawn hmu a, minlo ko vat a, mimi room lamah min hruai chho a.

Mimi chu khumah a lo mu bam a, nizan lawk kha chuan tui takin Mike a awmah beiin a mu kha a nia. Tunah chuan keimah ang bawkin mipakhat vangin hliam leh tihnatin a awm ve ta a nih hi. Mimi chu a lo hawi a, a mittui a parawl kiau a, " Emy, i lo kal a ni maw?"
a ti tham tiak a.

"Umm, ti nge inkhai te i lo tum mai mai, a sa lai district ah i awm duh a ni maw?"

A nui a, "Hmangaih ber chan ai chuan a thlanawm zawk mahna"

"E taka news thar, Shillong ah ka awmbo dawn a"

" I awmbo dawn mw? Mahse Mike kha?"

"Aw, ka lo kir tawh lovang, Mike chuan engmah a hrelo."

"Engtikah nge i kal ang?"

" Ka kal thuai ka ring, ka nu saw minlo enkawl sak dawn nia aw, chuan Mike nen hlimtakin in awmdun dawn nia"

Mimi nen chuan rei fe kan inkawm a, chaw te kan eidun a. Thian inkawm ngaih tak ni thin kha tunah chuan kan inkarah thil a awm tlat tawh a, kan inpawh tak tak thei tawh lo.

Ka haw lam chu kan kawtah Mike a lo aw leh reng a minlo ko a. " Kal bo rawh, min tibuai reng suh, hlim takin min awmtir ve rawh"

"Ka kalsan thei lo che"

"Kei min tihnat pawh i duhtawk lo a Mimi leh zel pawh, tenawm lutuk mai, i lo kal leh chuan ka report ang che" ka ti a, ka luhsan a.

Ka nu nen chuan kan inbe ta ngai miah lova, kan inchhung chu a hrehawm ngawih ngawih. Inah ka tawm ta chawt a. Mike chuan vawi tamtak min lo call a mahse ka number ka thlak ta daih a. Kar tawp lam a ni tawh a, Shillonga kal turin ka insiam mawlh mawlh a. Ka bulah chuan ka nu leh pa diktak an awm a, min nghak reng a. An hmel ka en thin, ka chhunna lai reng reng ka hre lo mahse ka nuin kal turin mi ti a ka hnial thei si lo. Lungawi hi chu a har ka ti.

Mimi chu kawngka ah a lo lut dek dek a.

" I kal dawn tak tak em ni?"

"Aw, ka ngai dawn khawp mai che"

"Ihh thil hrilh duh che ka nei a"

"AW, enge sawi la"

" Mike khan dawt a sawi lo engmah a thleng lo, Mike khan a hnena i lo kir theih nan min hmang a, ani chuan lemchanna hmanrua ah lek min ngai a mahse keichuan ka duh tak tak ta sia, nizan khan a rui lutuk a, i hming a lam reng a ka thinrim lutuk a ka lo phone tawp che a nih kha"

A ho lutuk, inthiamlo duh suh a liam vek tawh lawm.

"Ka thei lo, Mike hi kalsan suh i tello chuan a nung zo lo ang tih ka chiang, a nun a chhe zo vek mai ang, a mamawh che, ka ti tak tak "

" Pawi ka ti lutuk, ka kal angai mangtha aw Mimi"

Ka chhuak a, Mike chu mangtha lova kalbosan chu a hrehawm ka ti ve reng. A hriat huna a a hrilhhai dan tur te ka ngaihtuah a. Nilo, hmalam ka pan zel tur a ni.

Ka nu chu ka kuah vawng vawng a, "Nu, mangtha aw, ka tan chuan khawvela nu tha ber i ni reng ang, lo in enkawl tha la, ka hmangaih che" ka nu pawh a tap a, keipawh ka bang bik lo. Boruak chu a rit hle mai. Car-ah kan lut dawn chiah a

"EMILY"

Mike chu ka lam panin chak takin a lo tlan phei a, " Kal suh, i kal thei lo, min kal san suh"

" Mike, ka tihpalh, ka kal angai?"

" Ka kaltir thei tawh lo che, tun thleng hian ka la inchhir asin." Mike chu a thingthi hnawk a, " Min kalsan suh, ka ngen a che, hetah ka kiangah awm rawh"

" Mike, min hrethiam rawh, ka thei lo" ka ti a. Ka luhsan a. Ka pa chuan chak takin a khalh a, ka tap char char a, " Pa dingteh" . A ding a, ka chhuk a, ka tlan let char char a. Ka thaw hlawp hlawp a, Mike chu ka va pawm chawt a.

" Nunrawng pa, min kaltir ve mai tur che a nia, ka kalsan thei lo che i kiangah ka awmreng ang, kumkhuain"

....The end.......