DECEMBER LOVE BY Mamoii Hnialum

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

DECEMBER LOVE BY Mamoii Hnialum

Unread post by Ngaia » May 4th, 2016, 11:37 pm

DECEMBER LOVE

"Kha zan December ni 12 zan khan khawvela ka hmeichhe duhthusam awm chhun leh ka hmangaih ber kha lo nghak chhuak ta ila chuan ka mamawh ber nang hi ka tawng dawn silo che a, Pathian hian ka duhthusam nilo in ka mamawh zawk nghak chhuak tur in kha zan khan khalai hmun ah khan rilru na tak a min siam in ka duhthusam min laksak a, ka mamawh a rawn tir che a ni"
Ka pa fanu duat sual tan chuan zan chhuah hi thil harsa a nilo, chhuanlam tha tawk ka neih a Sawmtea duhthusam a hmelchhia mahse a hmel ve ai a nih hi tih tur khawpa nungchang tha ka hruai phei chuan Ka nu leh pa hian Pastor kut a min dah aiin an thla a muang zawk hial ta ve ang.
Tun kum krismas chu kan thian ho chuan kan nghakhlel leh pek khawp mai, ka nu leh pa leh ka nau chu ka pi (ka nu nu) te khua ah Masi hman an tum a, keizawng mi sual, engmah ni silo a, ka nu leh pa thawh chhuah zara in la mi lian chawp ve mai, chapo ve si, kawlh em em tan chuan thingtlanga Masi hman ai chuan khum bet a dam loh a hospital a hman pawh ka duh hial zawk. Ka nu leh pa an awm dawn loh chuan awi ka ngaihtuah phallo zawk a nawm dan tur zia chu.
Ka tet lai a ka zin bak ka pu te khua ah hian ka zin tawhlo, mi hausa leh mi changkang tak tak ten thingtlang a zin nuam an tih ang hian kei inti changkang satliah ve mai mai tan chuan kabtlin ve ngang lo.
College kal hlim hlawl kan ni a, in lak college kal em em a, mi dress vel lo sawi sel a lo nuih zat kual vel kha kan thiam awm chhun a ni hial ang, ka rilru lah a chak phian a mahse ka thatchhe over, exam dawn kar1 vel leh exam chhung bak lehkha ka zir ngailo chuti chung chuan 1st high ve tho hei vang hian ka rilru a pian sual phah chu ka tilo mahse ka nih tur pawh ka ni pha lo, kan thenawm tlangval senior tawh tak phei chuan "nang ang a thluak tha hi chu ni ila thlatin nuai2 ka la lut thei ang, fapa tur zawk fanu a piang i nih hi, family black sheep" min ti thin.
Class 12 ka pass kum ah ka nau mipa hian kum4 a tling ve tawk, chhang ka neih leh pawh an rin tawh loh hnu ah ka nau mipa hi alo piang a, ka lawm dan kha chu rs5000 a lei pawh ka phal lo mahse minlo mal khalh rei tawh si nen ka duh ang in ka pangchang thei tawhlo kha ka nau chung ah ka tuan a,thinrim phah nan ka hmang fo reng a ni. Ka vanneihna chu ka pian tirh ata ka hriat chin ah tun ah rih chuan rilru hah leh rilru na hian ka la awm ngai lo mahse ka thinchhiat em vang hian ka thinrim zing khawp mai.
Kan thian ho hi 6 kan ni a, kan rethei lem lo, mi hausa fa awm tha duh silo awm khawm chuan buaina an tawng nge nge thin tih zawng zawng kan neih zo a mahse kan thian zing ah Sawmtea chhekeh kan ti thin, a haw ngai bik lo(a rilru tak chuan alo haw ve mai thei mahse a ti lang ngai lo)keini ang em chuan a hausa ve lo mahse rethei lutuk an ni lo, an unau an tha hnem ve hrim hrim a,keini ang lo taka mi rilru tha lutuk, nungxhang tha zet chuan Johny (kohhran upa fapa keimah ang tho a sual lutuk,tuna ka bialpa ni mek) Rinteii, Mary, zama leh keimah Lalruatpuii (Apuii mahse ka thiante leh thenawm ho chuan Bs min ti thin a awmzia chu Black sheep hihi) Class 8 kan zir kum atang a tun thleng hian kan inthlah tawh lo.
Sum lam ah kan harsa lemlo hlawm bawk a kan duh zawng kan hmuh phak leh kan ban phak chin nei theilo kan awmlo a hetiang em em a mi huat ni tura kan thian ho kan sual em em te hi a chhan chu kan nu leh pa te min hmangaihna hi a fuh tawk loh vang ah ka puh ve thlawt kei nin kan lo zir teh chiam bik bawk silo nen,mi neih ang kan nei lo ang tih hlau reng reng in an awm hlawm a thil it na chang kan hriat hma tangin mi fa te neih ang apiang min neih tir an tum tlat thin lawm.
Johny nen hian class 10 hostel a kan awm kum atang in kan in ngaizawng a, mahse kan inhmangaih miahlo ka ti ngam sak, kan in kawp san ve ve a, kan lo nih rei ve tawh vang nge kan kan inthen tak tak ngai chuang lo, a rei ber ah thla 2 te kan inthen ve tawk a, kan in pawm leh nge nge thin. Kan in care vak lem chuanglo duh thuhmun vang mai mai a in kawp kan ni ber in ka hria,midang kan in kawp san thin na chhan pawh mahni tawk a chhelo leh hmeltha in ti ve ve midang hmulo anga awm kha kan duhlo a ni. Kan thikthu pawh a chhe hran lo. Nun kan chen na ah zalenna ti chhe khawpa min phuartu awm kha kan duhlo ve ve.
Ka nun ah lungngaihna leh harsatna em em awm lo mahse nun chhungril khawharna leh lunglenna chuan min zem reng a, min hnem thei tur zawngin mipa ah leh zu ah ka tuan a mahse ka nun khawharna hi hmelthatna leh sum leh pai,thawmhnaw engmah hian min hnem lo,kum3 chuang ka lo zui tawh Johny ngei pawn min hnem zo lo.
"Bs ka cousin te in ah min kal pui lawk teh" zam an ka room kawngkhar hawng thuai paha a rawn tih chuan"Alcohol Brad Paisely" ka ngaihthlak lai chu ka ti tawp hmak a engtik lai pawh a chhuah in peih sa reng ni mah ila, ka pa te bul ah zuk dil rawh i zeilo thei lutuk ti chung chuan ka in siam ru deuh tho a, kan in zui thlak pah chuan a hnung ah ka sik a, chhuanlam tha tawk a ngai a nia, "Lalruatpui, min kal pui lawk teh, i sual em mai min mamawh hun a thleng ve dawn a lawm" kan tactics hi chu ava han tha em!
Ka pa in "Zama eng thil nge ni a, khawnge kal i tum" Pa Zar ka ni te in ah ka pa in min tir thut a, he nu hian min kal pui duh thak lo" tun ang zan dar10 hnu lama chhuah ka peihlo(ka chak lutuk hi ka mawng a za vek) ka nu in "zama a pawimawh viau a mi, hmeichhe chhuah nan chuan a tlai mah mah lo maw" ka ning e ka peihlo tak tak "kan reilo ang lo kal rawh tih pah chuan min kai lawp a "Duati i va in ha bul ve" Nu, kan reilo ang hepa hi chu aw ti pah chuan peih loh hmel zetin phur tak chuan ka zui chhuak a.
Zam bawih iva han zei tak em! Johny nen hian nilo i lang chuan ka duh chi tak i ni "Eki ngawi mai mai teh, Johny a i chang leh tawhlo nih kha, ka thiannu chu nilo la e ka hlap hrep ang che, i lerh dan em em hi" hei vang hian lawm thian ah ka siam che "Dak Sawlawmawn" Zam lerh minti ziaha ka pha lo mahse ka hmangaih hi tawng ve ta ila chuan ka lerh bik miahlo ang, ka duhthusam leh ka hmangaih ka zawnna kawng hi a thui bik em a lerh min ti mai mai nih hi ka tih chuan min chhan vak ngaihna a hre bik lo, Kawngka kan lut tur chiah leh Tlangval sang tha zet mai rawn chhuak tur kan in tawng a, min en dan chu ka ke tin rawng atang a ka sam color thleng chuan kha pa khan kha hun reilovte chhung khan min en kim vek hman mawle, a mitmeng atang khan min ngaisang lo tih a lang vek mahse enge pawi a nih ngaihsan kha ka mamawh hran lo, Zama cousin Rosy nen chuan an in mangtha ta daih a, "Rose, kha kha mi in pa thar chu, a hawi her atang chuan Pa a in ti hle mai maw" nui kur kur chung chuan a han ti a "Zama sual viau zel suh, a fel teh mai nia, in makpa tur nihkha, enge in rawn tih reng reng a? I thiannu hi hmana ilo hruai tawh kha tiraw, iva fel ve" tih pah chuan min nuih sang a,ka hmeichhiat pui mah nise ava han hmetha tak e aw,a fel bawk si.
U Rosy hi chu an veng nula fel a an sawi hat kha a ni ve reng a, "Movie thar Lalrinsangan (Rosy nau) rawn la rawh atia kan rawn kal, lo kal rawh Bs a room ah han la lwk ang" tih pah chuan In chung lam ah kan in zui chho a, kan chhoh pah chuan Eka movie mai mai la tur si enge i bag te kh i rawn ah leh kher a? bag neitu pa an la ti ve mai ang che "Ka bag ka hawn chuan i ak lo ang tih ka hlau iti chul mai ang" Rinsanga room kan luh rual rual chuan kawngka a kalh nghal a, kan bahhnukte a rawn phawrh chu ka dry rei tawh nen ka chil a put thei mawle kan thli leh kerh kerh a, a hmeichhia ber ka khulh hnem ber leh nghal a, haw thuai thuai chi a nilo, dar12 vel ah kan hawng ve hram a.
Zing ka tho chu ka lu na ngei mai, class kal ngai bawk si, Johny ah midang min neih san leh tawh a, kei ka la single bawk si, ka kal chak hlawl lo, ka chhungte bul ah eng chhuanlam nge ka siam leh ang aw? Ka room an rawn kik rual rual chuan ka style ngai bawk in ka pum ana leh ta ka nu in"Duati tho teh em em a che, nula ve si mu rei thei lutuk,class kal i ngai a nia tho rawh" Nuuuu, ka pum na leh tawh nia "nizan i rawn haw har dan ah khan, zu i in leh tih ka hre vek em em che hian hmeichhe awm dan tur pawh a ni lo" Nu, i ninawm zu ka in lo Apple Juice lawm, i duh dan dan hian min puh ve ziah suh ka la ti pang pang a, "Apple Juice a nih pawh hi ka ring zo zai tawhlo, class i kal peihlo a nih ro ro chuan I nau hi lo awm ang che" ti bak hluk chung chuan a chhuak zui nghal a, Awi Lalhriatpuia wm hi chu ka peih hlawl lo, hlei ropui si aaaaa ninawm lutuk, class ka kal peih silo duhthlan tur zawk pawh ka hrelo, ka nu te kal lia hnu chuan ka nau Eric nen kan pahnih te chauh in kan awm leh ta, nileng a hepa ka awm hi chuan ka chau ngawih ngawih zel.
December thla kan chuang kai leh ta, Khua a vawt ve suk tawh mai, kan class ban chuan kan thian za ho in hmuh khawmna thin Mary te inhnuai ah kan kim leh thap tawh a, krismas hman dan tur kan rel leh tan der tawh Rinteiin "kei chu tun kum chu ka dry tawh dawn harhfim in Krismas ka nghak chhuak a nga, harhfim bawk in kum hlui ka thlah leh dawn" Hmeli in lak fel viau kha tul lo nia chutiang tur chuan kan bul ah hmang lo law law rawh,kan thian zing ah chuan Sawma chiah hi chutiang tur chuan kan phal sak, i tel ve lo "dik chiah, khatia awm vel kha ngailo," zama pawh chuan a rawn tui hnih ve a, kan thian ho hi in ngeih in inhmangaih viau mah ila, midang thil tha tih tum hi kan hmu theilo, kan zing ah chuan that tum hi sual lian tak khawihna ag zawk hial a nih vang hian in siam that ngaihna awmlo kan thian te kan la kawm ve duh nih si chuan,kan duh leh ka duh loh a in ang tlang tur a ni.
"Ainawnte(Johny min koh dan) ni leh tawh mai ang krismas te pawh a hnai leh tawh a, i tello chuan Krismas hman chu ka duh lo" lerh viau mah ila Johny nen kan in kar ah hi chuan a tawp san tu zawk k ni ngailo "Johny i duh hun hun a i lo luh a,i chhuah leh mai mai na tur in, ka thinlung kawngka hi ka hawng bik lo.tun thla4 chhung hian vwi thum ngawt min then a tun tum chu a ti mah mah a ni, min thamlo mah mh, k pawm leh zel thin vang hian min zahna leh ka lk a inthlahrunna a nei hlwl lo hi ka haw tak zet "Ainawnte, chutiang in ngai suh, midang te chu ka duh tak tak ngailo tih i hriatchian em kha mawle kum3 chhung zawng in i bialpa ang in krismas ka lo hmang tawh thin a, tun ah i tello a hman te chu ka tumlo, ka duh bawk lo, k in dah free ve lawk nihkha i tih loh dan ni bik a mi? " mahse nang ang in a tawp san hmasa tu zawk ka ni ngailo, chu lo ah thla 4 chhung hian vawi thum ngawt min tawp san a ni, min thamlo mah mah twh ka ti deuh pang pang a "hey, ka tihpah lutuk, ka lo chhut kilh kelh hleinem, mawwwh tun tum chiah, mwwwwh"
Hepa hi chu aw ka pwm leh nge nge thin a nih hi, hmeichhia zawk na na na chu kan lo nem leh thin, lungchim tak in smmuuuuaah chung chuan bul kan tan leh ta,mahse hmangaihna vang a nilo,kan in kar ah in rin tawnna awm ngailo mahse kan tlan let hun a mnlo pwmtu tur kan ni tih kan inriatna kawng ah erawh kan in ring em em bawk si, mahse tunkum December hi ka nun ah rahbi thar ka kai na tur tih reng ka hre lawk bik lo.
Ka nu leh pa te an han kal liam ta chu kan thian ho chuan an chhungte hnen ah theuh awmpui tu ka neih loh leh thian dang te an hman loh vek chhuan lam in kan awm kim leh thap tawh a, Kan Plan hmasa ber veng chhung chei mawi vel kan en dawn avang chuan tlai lam dar5 ah chuan chaw kan ei peih vek a,chuan eng maw te te lam in mipa pathum an chhuak a an han rei mai mai khawp a zan dar8 ah an lo let chauh Kan thinrim hlawm ngei mai mahse mahse kan kawta THAR jeep lo in hung kan hmuh chuan kan thinrim na zawng zawng a reh vek, fapa mal duat sual Johny tan Christmas gift a pa pek chu an lo va lam chu niin awi a nawm san chu ka sawi thiamlo inla changtu nu fahran hian, a hma ah chuan ka chuang than a,kal hma in um khat chu kan han khulh leh hram a, zan dar 11 dawn ah chuan veng hrang hrang kan en zawh tawh vang chuan veng tawp ah hmun fian rial deuh a Park an siam thar ah chuan kan kal ta a, mi pawh an lo awm vak tawh lo a, ring tawk in zai kan play a kan lam a, kan in bawk a kan piah deuh thutphah a thu chuan ka mit ala tlat a, ka va en leh zauh zauh thin, kan thawm rin teh reng nen hria ang pawn a awm lem lo,khua vawt tawh bawk a rui chhe lutuk kan awm lo, thiante nen chuan game thing lutk khelh kan tum leh pek a lawm le Johny an "saw lai kan piaha thu saw a thutna tang a eng tactic pawh nise thawh tir thei apiang in Rs5000 an hlawh ang" huuuuuu nuam lutuk ka mit a lakna a rei tawh bawk a, keiman ka try a nge tih pah chuan ka phei a, hey thianpa ka lo thleng chiaha minlo nghak rei tawh em? A rawn tho thut a ka tukhum a chelh chung chuan min rawn fawp thut, ka ham haih lutuk chuan engtin mah pawh ka tilo, nam sawn tumna ka neilo ang bawk in chhan let tumna ka neilo "Hmela i zak chai lawm ni? Engtin nge ka bialnu kha i fawh ngam zawk a" tih pah chuan Johny chuan a tham deuh nawk nawk a,chu pa chu kan rual pui lek a ni tawhlo a keini anga rui a nih ve loh vang chuan rilru fim tak pu in fiah kek kawk hian "I bialnu chu venghim ta che, mipa dang a pan lai pawh i thlir reng thei a nih chuan, chelh din tum duh suh, alo let ngai lovang" ka ngawi reng a sawi tur ka hrelo "Khanglang che chuan hmela khawih deuh hlek i duh ni maw? Sawmtea lo in rawlh vatin zama nen an chelh bet a "Lalruatpui, kha pa bul ah khan emge i va tih a, i hmelhriat miah loh iva in fawh tir theih zawk., chu pawh ka awmlai ngei in" eng tactics pawh a hman theih iti ni lawm ni kan rui ve ve tawh a tumah kan hlau lo ve ve kan thian ten min rawn thelh a, motor lam ah min nawr phei nghal a m, ka va hwi phei chuan engmah thleng lo ang maiin a thutna ngai a thu in a sana alo bih sek chu ka va en leh hram a.
In kan thlen chuan kan la in hau zawm reng tho a, thianten min thelh reng bawk a, thutphah ah chuan kan mu far hlawm a, rui chhe lutuk ka ni lemlo bwk a, ka harh tawh khawp mai in kan thlen chuan, ka mu hmak a ka ngaihtuahna ah kha mipa hlir kha a awm mawle ngaihtuah loh ka tum pawn ka mithla ah a rawn lang a,min fawhna te kha ka la feel zel,eng ka ti ta nge le? Ka hmelhriat ngai loh pawh nise Party vel a kan kal pawn ka fawp ve fo a, eng teh ual ah ka ngai miahlo mahse ngati nge hetia ka awm tlat.

ROSANGLIANA POV :Ka nghak chhuak dawnlo a nih hi, kum khat lai kan in zui tawh a mahse ngati nge Rosy hian beidawng taka min siam thin le? Ka hmangaih em avang hian ka chung ah hian tiang hian a ti a ni mahse maw henu tluka ka hmangaih hi an awm tawh ngailo ang, a pian thiam zet te, a hmelthat na chu mawlh ai chuan a nungchang mawi tak leh nunnem tak te hi a ni Chennai a kan awm lai a a hmangaihna khura ka zuan luh tak na chhan kha. Hmanni deuh atang khan Rosy hian min hlat dan mawlh hi a zawng a, chhuanlam lah hi a sawm reng si ni li lai ka hna ka buai em vangin kan in hmu theilo a, chumi vang chuan ka lak ah a rawn ti tau a, min ngaih zia a rawn sawi chuan ka lawm leh kher mai chuvang chuan ka hman hun zan dar9 zan in hian he park nimin mai a an hawn thar ah hian in hmu tur in kan in tiam a, zan dar 11 thleng ka nghak alo lang miahlo, ka call lah in a ring ral thak thak si mahse, ka beidawng dawnlo a hman tlai deuh dawn niang, a buai anga ka call pawh pic hmanlo niang tiin beiseina tlem ka la neih ve hram hram nen ka nghak a, mahse alo lang thei silo, ka thinrim in ka rilru ana tak zet tun hnai hian engmah pawh sawilo in vawi thum ngawt mai ka nghak thlawn tawh a, zanin phei chu khau a vawt in ka chau ve bawk nen ka thin a rim hlur mai, chutia thinrim em em a ka awm lai chuan tleirawl rual dawn lem neilo, chhungte thawh chhuah zar a in la mi lian ve mai mai tih hriat zet an rawn thleng a, ka va hawi phei zuai chuan Rosy te in a ka len tum a lo kal tleirawl pahnih te kha ka va hmu a, kha zan khan jeans kekor bul chhing fahran nen zan rei tawh ah mipa in an phur chhuak a zan in a helai hmun a tun ang hun a ka hmu pawh hi mak ka ti hranlo,mahse mak ka tih zawk chu A nu leh pa hi.
Sana ka en a dar11:32 ka haw san tawh dawn, vawikht mah ka nghak leh tawh ngailo ang, kan in kar pawh ti hian a tawp ti a thawh ka tum lai tak in khami zana hmeichhia khan alo thlen chiah thu a rawn sawi ka hmu thut kha kei lo thinrim ve bwk nen mipa dang lo kal chu nise ka hnek hrep ngei ang mahse hmeichhia a nia kutthlak rem silo, k thinrim hrikthlak nan ka fawp ta ringawt a, ka rin lawk ang ngeiin min nam sawn eihlo,mi nasa tak a ni henu hi, zu ala in zui, zan in pawh hian voi5 lai a virgin ka ring.
LALRUATPUII POV
a hming pawh ka hriat miahlo mipa in min fawp a, ka tih loh dan pawh a ni hleinem mahse engtin mawni tak hian ka awm,mipa dang ka lo fawh tawh nen khan a in anglo. Keimah hi ka danglam nge amah zawk kha a danglam em vanga hetiang a awm hi ka ni zawk le? Ka hriat tawh hnu a ang tlat, eeee ni dawn tak ka hrechhuak U Rosy bialpa kha a nihkha min ngaihsan loh hmel zet pa kha nih hi, hrep tak chuan kha zan a ka dress kha min en ngun bawk a khami vang khan a duh duh a a tihkawi theih leh a fawh ngawt theih ah min ngai a ni maw? Mahse, ngati nge ka nam sawn ik loh le? Duhthlang theilo leh rilru fim pu theilo tur khawp in ka rui silo, tinge tiang hian ka awm le? Tunge ka rilru leh ka ngaihtuahna hi min sawi sak thei ang? Zing thawh hlim atang chuan ka rilru ah eng dang a leng lo kha mihring bawk kha alo lang leh thin.
Coffee ka in lai chuan Johny rawn tho chuan min melh zawk a no a rawn dawm zui ve nghal a, ka be hmasa duh biklo nizana min tih dan kha ka la na tlat, mahse amah zawk in bul rawn tan in nizan thil chu a sawi chhuak a, kan in hau zui a ni ringawt kan thawm ana bawk nen thiante an rawn tho nghal a "Ka hmuh lai reng in ka bialnu hian midang a in fawh tir a nia,zama tu mipa nge thinrim lo a nga? " Min fawp dawn tih reng ka hre bik hleinem, hria pawh ni ila ka kal tho ang ka la ti zui hram a a thinrum lutuk chu a alh lo chauh "Johny in sum teh nang pawh enge maw i nih vak bik le, Bsi laka ti khawpa thinrim tur khan, in inhmangaih tak tak pawh nilo in awm dan em em hi midang hmulo pawh in nilo, kum khat vel inthen chhin ula in inhmangaih tak tak leh tak tak loh chu a hriat mai ang? Mary chuan ka thlavang hauh deuh chuan a rawn tia, thinrim tawk in kawngka a hawng a, khar leh bur pah chuan johny chuan"Kan in kar a tawp" tih pah chuan a chhuak daih a, tiang em em hian kan in hau ngailo sin le aw?kan in kar boruak hi a hrehawm midang lak ah rilru ka pe tak tak theilo mahse ka ning a ho em mai.
"Naktuk Ur lwk zan chu johny tello a hman a ngai dawn ta nih hi,inlo in hau kher kher kha a pawi em mai" Sawmte an a rawn tih lai tak chuan ka room kawng khar chu a rawn in hawng a " min va lo rel nasa hman ve a, ka tello chuan in hmang thei awm silo a, a bik in Ainawnteii hian min ngai dawn sia ka rawn let leh mai" tih pah chuan Johny chuan min rawn kuah a min rawn fawp zeuh a, amah ka duh vang em pawh ni tawhlo in thiante hmai zah vang chauh in ka be hram hram a ni.
Kha pa kha hmuh leh ka chak tlat, alo awm leh ngei beiseiin kha lai hmuna an kha ka rawt tlat a,min hnial lutuk biklo chulai JS park ah ngei mai chuan hriat ngailoh tlangval beisei chuan ka kal a, zing dar hnih thleng pawn alo lang silo, ka thiante lam na bul ah pawh ka awm lo keimah te chauh in ka awm a, Johny lah chuan amah vang amaw atia min zar reng bawk si, "nuamlo iti nihkha hawng tawh mai ang u" johny an a tih pawh chuan nuam ka tih thu leh ka la haw duhloh thu ka sawi reng a,an awihloh zia chu an hmel ah a hriat ngei mai hemi zan hian no khat bak ka in lo. Mahse ka nghak chhuak zo lo, ava han atthlak tak em! Hriat ngai loh nghak a zan khawvawt tak hnuai a han awm ngawt mi chu, ka mit in a zawng a ka thinlung hian beiseina nen a nghak bawk a mahse nghah chhuah chi a ni lo nih hi tiin lunghnur tak chuan k hawng ta a.
Kan Thian ho a kan awm chuan k khawharna leh lunglenna te a reh thin kha a ni a, mahse tun ah chuan ka ni tawhlo an hlimn te chuan ka mal zia min hriattir mai a ni. He Kumhlui zan hian ka nunhlui zawng zawng hi thlah fel thei ila pangngai takin awm ve tawh ila mahse he thu hi midang ka hrilh tur nilo ka thiante bul ah chuan ka in siamtha miah lo ang.

ROSANGLIANA POV
kei hi eng ka ti nge le? Kha zan atang khan kha tleirawl phaw hawr zet mai kha ka rilru ah alo awm leh thin, a hmel te kha chu a tha vawr vawr a sin, ka Rosy ang a sam ngil siau han ni phei se chuan mahse a sam kir ni silo awmze nei a kawi nalh em em te kha a in hmeh riau lawi bawk si, nungchang mawi tak ka Rosy ang kha nise chuan a tha zual ngawt ang mwle...... Het sala khatiang tleirawl awm tha duhlo mai mai ngaituah tur khawp a dinhmun chhia pawh ka ni bik lo. Zan in chu JS Park ah khan ka va tei phei teh ang, kha tleirawl nasa zet kha alo awm leh mial mahna ti chung chuan rilru a inthiamlo deuh chung chuan ka phei ta a, ka rin ang ngeiin ka hmu leh ta, henu hi chhungte a neilo mawni le?

LALRUATPUII POV
zan in chu kumhlui leh ka nun hlui zawng zawng thlah tur in JS park lam ah bawk chuan kan in phur leh ta ,kan thleng chiaha ka mit nilo ka thinlung hian a zawn mek kha mipa ngei mai kha amah chauha a thu ka va hmu chu ka awm dan zawng zawng a dang vek, ka lam tha ngamlo vel ka va hawi apiang in min rawn mit sir ve ziah leh nghal hepa hi palian a a hmelthat tehreng nen a luck awmlo hle mai amah chauh hian a awm reng zel nia.
Johny chuan "I va cool ve a, min ngaidam thei thlawt na nge? Lo kal rawh lam ang" tih pah chuan min pawt tho zawk a tui lo zet chuan ka han lam pui ve a, mahse ka rilru ah ka bialpa ka lampui mek ai chuan kan piah lawk a thu min rawn mit sir leh zawk zawk thin pa chu ka ngaih ven zawk tlat si mahse inthiamlohna chhe te mah ka neilo Johny nen kan in kar hi a tenawm em a lawm. "Duat min ngaidam hram teh" tih pah chuan min rawn fawp a, ka chhang miahlo ka nam sawn nghal a, zan in chu ka peihlo duh leh thiante bul ah sawn va lam rawh ti pah chuan ka nam sawk a "Duat lo kal teh,reilo te" min kai hlawk hlawk a fian rial tawngtaina neihna hmun atana it awm zer tuma awm lohna hmun ah chuan min kai thla zel a, ka tang ve tak na in ka hnen nganglo ka ban a hmer na ting a ni mai ka tan nasat poh leh, tuma chim buai phak tawh lohna hmun kan thlen chuan engmah sawi set set lo chuan min fawp nghal bawrh bawrh a, keiin ka lo hnar zel a, ka hnarna chezia chuan a ti phur zawk emaw tih mai tur chuan a hma aiin a uar tawlh tawlh a chu khawvawt tak hnuai ah chuan ka kawr chhung thleng chuan a rawn zen lut a, a duhthawh dan ah chuan a thil tum chu ka hrethiam mai Johny nen hian hei leh chen kan inngaizawng tawh a chance pawh kan ngah khawp mai mahse vawikhat mah kan la chesual lo, ka khawlo ve viau na in ka hmangaih miahlo leh min hmangaih ngailo tu lak a in phal rai hi ka duh thak lo, hmangaih ilang chuan sex hman hi ka hrehlo ang chuti khawp a mihring nasa chu ka ni ve tho mahse ka hmangaihlo a, min hmangaih bik loh vanga hmang lo a dang tlat thin ka ni, a thil tum chu hlen a tum khawp mai tawngkam thlum tak tak ala hman ngai loh thlengin min tlawn a mahse ka duhlo bur hemi zan hian no khat chiah ka in kha ka in chhir miahlo nilo se chuan ka dang theilo ang heti chung pawh hian ka hneh manlo a nia, rui zawk mahni se a palian a cher mahse kei ai chuan tha a ngah zawk bawk, a ni thinrim tawh bawk kei thinrim bawk,ka ka kawr leh kekawr a hlip tawh ka mangang au rawl lah chu tuman an hre phak silo maimitchhing chung chuan ka tap tawp tawh tih ah chuan ka chung a bawk run tawh Johny chu a kang dawr a, ka han meng chu kha pa ngei mai khan Johny nghawng a tham chung chuan " Naua hmeichhe duhlo chung ti lui tur khawp a vanduai chu inih loh hi i hmel en chuan mahse i chet dan ah chuan i vanduai khawp mai" johny thinrim lutuk in hnek a han tum ve te chu a lo man hneh khawp mai hepa hi a rui ve lo a mahse rui pawh lo nise an in len hleih em a Johny sa pan zawk chuan a hneh dawnlo hrim hrim.
Johny chelh bet pah chuan min rawn thlek a ka lo in hak that mawlh mawlh lai chuan "nang pawh kha tun ang huna hetiang hmuna i kalpui duh khawp mipa hnen ah hian thianghlim tak anga lan tum khan awm der leh vel kha a ngailo, i zahawm phah tawh chuanglo" i thu lo ber engmah i hrelo "Naupang hmeichhia tun ang zan rei a vak chhuak a tap chung a a zahawmna hum tum ai chuan mahni inchhung lum a tawm tlat thin hmeichhia te hi an zahawm in ka ngai sang zawk" nang a ngaihsan nih hi ka tum reng reng lo, i puihna pawh ka mamawh lo, ka zahawmna hum tur hian ka chak ve tawk ka ti pang pang a "hahaha alo ni maw? I zahawmna chu in inchhung kal pel a he mihring nen in inzui chhuah chiah khan a bo vek tawh" ka thinrim lutuk chu ka kal tau nghawng nhawng a ka hnung ah Johny an minlo zui bawk a, ka tuar thei thlawt lo hepa min tih dan hi ka nihna tak a min lo chhun kher hi ka tuar zo lo ka hawilet a ka hnung a Johny awm chu ka nam sawn nawk a Hey Putar Johny nen hian kan in kar engmah i hrelo ilo sawi ve tur a awmlo, ka nun dan ngat phei chu "Ani maw! Mahse ka sawi tur leh i mamawh tak chu ka sawi zo vek tawh, i zawm duh leh duhloh a ni mai" Nang a thusawi kha ka zawm duh tur khawp a thu tha a maw ilo ti ni maw? Chuti khawp a ropui i ni bik lo tih pah chuan a ngal char ah tak chuan ka va pet chawrh a na chu a tih hmel khawp mai mahse thinrim hmel a pu miahlo a nui suk ringawt.
Motor ka va thlen chuan a hnunga thut ka duh tehreng nen thiante lah chuan kan in kar engmah an hriat loh vang chuan a hma seat chu minlo kian a,thut loh theih silo tum bur chung chuan kan in phur hawng ta a.

ROSANGLIANA POV
zan in ka thil tawn chu ka nuih a za ru tlat, ka beisei leh rin lawk ang neiin Js Park a ka va kal chu kha tleirawl khawlo zer hmuh ka tum ang ngei chuan ka va hmu a, mahse zan in chu a in vak lo nge? A rui chhe miahlo, a bialpa ngei in a lampui a han tum vel te chu min en zuk zuk pah chuan a han hnar vel a, he nu te hian min duh ani mai lawng maw? Kha zan a ka thinrim hrikthlak nan a ka fawh vang khan ka lak ah hian beisei a nei ni ngei ang, ka zilhna lah kha a ngai pawimawh lo khawp a tleirawl ho tak hi chu aw an tana tha tur sawi pawh hian engahmah an ngai lo nia,chutah minla pet ania, ava han nghal reuh tak e aw, mahse ka lawm ru zek mai,a hmel kha a tha teh vawr bawk sia mahse a nungchang nghal leh zahpui awm zet erawh ka haw tak zet,ka hua ka ti tak na in ka lawm riau bawk si. Ngati nge mawni le a phawhawr reuh nen a bialpa fight ngai khawp khawp a a awm reuh si le? Duh tak tak nise chuan a tang eihlo ang mawle nge khapa kha a duh tak tak lo zawk, duh tak tak lo se tinge zan rei ah a chhuah pui ziah si le? Aaaaaa, he nu nghal zet hian min ti buai dawn a chanchin ka ngaihven vak na tur ka hrelo mahse ka mithla ah alo lang zel bawk si, Rosy theinghilh thak a min siamtu hi chu a ropui ve hrim hrim.

Kum thar kan chuang kai ta nizan lam a ka thil tawn khan min ti chau ngawih ngawih ka nu leh pa pawh an rawng hawng dawn hnai tawh a kan in han hnawk zia em em hi, ka nu a sa dawn lutuk tihfai vat a ngai thiante ho koh khawm a ngai Johny erawh k hmu peih tawhlo, johny lo zawng ka ko khawm a in kan ti fai a, Zaman kan boruak min zawh tak si ah chuan zep miahlo in nizana thil thleng zawng zawng ka hrilh a Johny chung ah pawh an lungawilo khawp mai.

Johny hi ka hne ngawih ngawih, ka hua pawh ni tawhlo a ten hian ka ten kha zan atang phei kha chuan ka ngaihtuah ringawt pawh hian ka thaw hah dawn tlat.
Kha mihring min lo zilh ve zek tu pawh kha huat ka duh mahse huat chu sawi loh ka ngaituah reng bawk si, tunge a hming niang le? Khawi veng nge aw? Min zilhna zawng zawng kha mi dang min zilhna chu nise ka huat dan tur chu ka sawisa hrep duh ang mahse hepa min zilhna pawh kha a tir ah chuan ho viau mahila ka nihna a ni miau bawk si, dik ka ti lutuk kha ka thinrim bawk ka chhungte hian ngati nge khatiang tawngkam tha khan min zilh ve ngai loh le? Han dem viau dawn mahila khatiang lutuk a min zilh ngam tur khawp khan keimah hi ka awm ngailo a ni, Ka nu leh pa rawn thleng chu ka lo lawm khawp mai, ka nau ka nin em em pawh ka ngaih ang chiah in ani pawn minlo ngai ve khawp mai.
Hun lah chu a liam chak si, kha mihring erawh kha chu ka hmu ngai tawh silo, kum chanve lai a liam hnu ah pawh Aizawl khawpui ah hian a awm ve lo a niang tih tur khawp in ka zawng a mi hriat si loh hian a awmna tur awm ka rin zawng zawng chu ka zawng chhuak vek zan lam thlengin mahse ka hmu zo lo, a sakhming pawhvka hriat ngaibloh zawng in ka thiante pawh ka thlim zing malh malh hle mai, ka thiante bula awm ai chuan kha mihring a awmna chu sawi loh a hming tak ngial pawh ka hriat loh zawn kha nuam ka ti nilo in ka thinlung a nawr tu awm vang zawk hian ka thiante tello a ka awm a ngai a ni, kha pa min zilh zan atang khan vawi khat mah zu hi ka in leh tawh ngailo,ka chhungte pawn mak an ti a chhan erawh min zawt hran lo min zawt pawh nise chhan ngaihna ka hre dawn chuanglo.inrinni chhun a ka bazar chu zama te dawr ah ka tei lut a, "Chhepawng iva inla reh em em class kal pawn i thiante pawh min ka tha duh tawhlo a, kan hrethiam thlawt lo,Johny lak a i lungawi lohna kan chung a tih lan hi enge a sawt na"lungawi lo tih hi a hriat ngawih ngawih, Zam enteh chutiang vang a nilo ka nun dan hi ka ning tawh a, kan thian ho zing ah chuan ka in siamtha thei dawnlo, ka mawhpuh che u nilo in keimah zawk hi ka in control thei silo a, ka in la hrang mai zawk a lawm ka tih chuan "Nia tiraw a dik chiah keini thian ho zing ah hi chuan in siam that hi a har a ni, keipawh puitlin ve deuh ka duh a, thiante ka thlah thei silo, sawmtea ang ka ni ve silo a thian sual min kawm chung pawn a ni chuan a mize ngaiin a awm reng thei a, keini chu kan ni silo a kan in kawm tlem hi tha ka tia mahse ka ti lang ngamlo a lawm, e taka U Rosy te karleh hian an innei dawn a, ka sawm nghal che lo in peih vek ang che aw, ka bialnu nen kan inthen a mahni chauh chuan ka peihlo" ka nghilh deuh sup hian ka hria kha mihring kha a ni U Rosy bialpa ka lo vei ve em em kha an innei dawn, mi pasal tur ka lo vei ve em em aka va han zak tak em! "Tinge i ngawih reng a, ka lo sawm dawn che nia" tunge a pasal tur hming chu, ka chan loh tur mah nise a hming hriat loh tawp chu ka duhlo "A hmingpum pawh ka hre lo, Ronald an tiin ka hria, an puk lawk ve khanglang a mawle, doctor ania ka j chu a vannei phian" a nih chu ka haw tawh dawn,ka tlai lutuk tih pah chuan ka in her vut a kawngtluan chuan Ronald mi vannei tak ini I duhthusam ang chi U Rosy te ang nungchang mawi si i nei dawn ania, ka lawmpui tak zet che ka ti phei mawlh mawlh a.

ROSANGLIANA POV
karleh mai hi ka hmangaih Rosy pasal neih ni alo ni ta reng mai, Mizoram chuan chhuah pawh ka chak teh nek lo e a, a nungxhang kha tha viau ang in lang mahse a rilru erawh alo tha lemlo nih kha ka nihna diktak a hriat loh vangin min then a kei aia dinhmun tha zawk leh sum ngah zawk anga a hriat a thlang ta a nia, ka nuih ati za zawk khawp mai, ka nihna diktak hi hria sela chuan min then ka ringlo, doctor tih vel mai mai pawh a thlang zawk a nih ngai chuan, ka sum vanga min duhtu hi chuan ka tlak chhiat hun ah min kal san dawn tho, ka lo in sawi fiahlo kha ka ti fuh zawk a ni. INDIA rama company lian leh tha ber lar bawk si RB company nei tu ka nih hi hria sela chuan thla khata a tam ber a nuai3 vel la ve mai mai Doctor ai chuan thla khat a ka sum lak luh zat pawh hreseng lo hi min thlang dawn si, tunlai hmeichhe ho sum duh zia ka jriat avang hian tumah hi ka nihna ka hrilh ngailo, sumdawng ve ang maiin ka awm a, ka nu leh pa leh ka farnu te pahnih nen tun ah Delhi ah kan khawsa mek a ni a, Chennai a business chugchanga ka zin tum in Rosy nen hian kan in tawng a kum khat zet kan in zui a, thil hlu tak ka pe ngailo, sum chubka ngah teh meuh mai hmeichhia ka duh ang ang a sum hmanga ka neih theih tur pawh an tam mahse sum anga lei theih mihring hi ka ngai hlu hlawl lo, chhungkaw din pui atan phei chuan ka duh teuhlo mai.

Ronald u Rosy nen chuan hlim tak in awm ang che aw i nupui neih ni mah nise vawi khat chiah i hmel hmuh leh ka duh vangin Zama min sawmna ang in ka lo kal ang tiin ka kawr fual lei thar khup pawh khuh mang lo ka pian nalh tak a ruka ka chhuan ve em em thin tilang fiah thei tur ber ha in pheikhawk sang tak nen Zarkawt biak in lam pan chuan kan in phur phei a, biakin kan thlen chuan mi anlo tam tawh khawp mai, hmeichhe lam thutna ah chuan ka thu ve ngawt pek a, tawngtai awm deuh chuan a mawi tawk vel ka han kun a, mopa hmel en ka tum a piangin cameraman chuan min hliah zel a, va hawi hu hu kha ka thutna tang a mawilo bak ah a rem hlawl bawk silo, mahse mahse enge ka thil hmuh hi ni ta Mopa saw kha mihring kha a nilo, ka hriat ngai pawh a nilo enge thil awmzia ka phu nasa lutuk chu ka tlu trep zam an min rawn chelh hman hram ka in sum zo hlol lo, Zam enge awmzia mopa saw tinge "enga? Enge diklo awm a? Hmelchhia iti viau a mi? Mahse a fel teh mai nia" chutiang pawh ani lo kha ka ti chiah a kan hnung a mi ten tawng tawh su anlo tih tak ah chuan ka ngawi ve ta mai a, inkhawm a zo chu ka luh dawn a ka nguai teh reng nen ka phur lutuk tawh mopa saw lawmthu hrilh mai ka duh.
Pawn kan chhuak chiah chu zam kha U Rosy te in a kan kal zan a mi a bialpa kha a ni dawn maw ka tia, Nui hawk hawk pah chuan "ka u te chu a hmakhua a ngai thiam em a sin khatiang sumdawng vak vel mai mai ai chuan Doctor amah chawm zo thei tu hi a thlang daih zawk a lawm" ka in sum hmanlo ava han tenawm reuh e "hahah tunlai hmeichhia te chu tiang vek hi lawm in nih" ka ni ve teuhlo kei chu min hmangaihtu mipa ka tawn phawt chuan kut hnatgawh pawh nise pawi ka tilo, sum duh chu ni ila Johny hi ka then miahlo ang ka ti pang pang a,, U Rosy te innei hibka lawm ber ang ka ring hihi mahse kha pa kha khawnge a awm tak ang le?

ROSANGLIANA POV
kha tleirawl chimawm leh nghal deuh mai kha vawiin a ka hmuh kha a ni thei ngem le? A bialpa nen khan an la in sual thin ngem aw? Tun tum Mizoram ka hawng chu kha nu te reuh kha hmuh leh ka duh tlat, nuihna tur a ti tam tlat. Ka ni pasal boral vangin kan chhung in Mizoram kan chuang chhuak leh a ni a, Rosy pasal neih hnu khan Mizoram zin hi ka chak mawlh lo mahse chhungkaw thil vang a chhuak kan ni a, kha nu kha hmuh leh hram ka duh tlat mahse khawnge ka zawn chuan ang le? Ber thla a rawn thleng a JS Park pawh a lun leh tawh hle mai, kha hmun ah khan a awm ve ngei ang mawle ti rilru chung chuan zan dar8 vel ah ka in khalh chhuak a, a hma a ka thutna hmun ah khan ka va kal a, darkar thum lai ka nghah hnu pawn kha tleirawl tte kha ka hmu hauh lo mai, kei RB company neitu ve meuh nula hmeltha leh fel tak tak duhthlang thei dinhmun a ding ve meuh hian kha tleirawl awm tha duhlo zet, a mizia zawng zawng ka nupui chu sawi loh One night stand ah pawh ka duh loh tur nghak in darkar thum ka thu a maw? Ka va han zahpui awm tak, a hming pawh ka hriat miah loh leh nghal, nupui atana ka duhh loh tur hmeichhia chu eng ang a hmeltha leh chheli pawh nise tih chhiat hi ka tum ngailo mahse he hmeichhe khawlo zet hi ngati nge maw ka vei tlat si le, ka office ah lah ka hma zawn ah a rawn lang leh thin,ka mithla ah a cham leh thin a hmel kha chu a tha thlawt, a thinrim lai chauh kha ka hmu a, a nui lai han hmu phei ilang chuan ka tih lai tak chuan ka nu in min rawn call a inleng ka neih thu a sawi chuan ka tho a a tawp nan ka hmuh leh ngei beisei chung chuan ka han hawi kual leh hram a, hriau zawn ang mai a ni. Naktuk mai ah ka hawng tawh dawn sia, a hming ka hrelo nih pawn a awm na veng tal lo hria ilang chuan,a zia mai tur, in ka thlen chuan business chungchang sawi tur in pa pakhat hian min lo nghak a,vanduaithlak tak nge vanneihthlak tak zawk in thla khat tak ka la cham rih a ngai dawn.

Vawiin a Regency kawt a ka hmuh kha a ni em le? Nge k mit vai zawk le? Va kal nawn leh hial a nia ka duh mahse ka mithla mai mai a niang, Ka nun inthlak nasa lutuk te chuan ka chhungte leh thiante mai bak ah veng chhung ho a barakhaih ve chiang a lawm, ka in khawm ve zeuh zeuh tawh bawk a chhungte lak ah pawh ka score tha thin khawp mai,khawlai ah lah hmuh tur ka awm ngai tawh manglo a chhan chu kha mihring vang kha a ni, hmeiche tha chu khawlai ah nilo, in chhung ah a tawm tlat thin a tih kha mawle, k hriat ngailoh mipa vang in hmeichhe tha tak nih ka duh ve ta hepa hian min van thlak danglam chiang tak em! Amah vang in ka danglam tawh tih lah chu he ka danglam chhan ber hian a hre bawk silo "He raise me up to more than I can be" Amah vang hian thinlung takin ka tawngtai ve thin a sin,vawi khat tal ka tawn leh theih nan ka tawngtaina hian awmzia lah a nei der silo kum khat dawn ka tawngtai tawh ania, vawiin a mi kha tinge ka lo zui mai loh le? Amah alo ni thei reng si a. Mipa kawp lawr ve tak mai ni thin khan kum khat dawn ka single ve ta a nia, ka hmangaih ka tawn hun ah chuan lerh ti hian min sawi leh tawh ngailo ang ka tih thin kha mahse a hming tak ngial leh a mizia leh eng ang chhungkua nge a nih pawh ka hriat miah loh ka hmangaih anga maw awih awm loh zawk mahse kh mihring khan min thlak danglam si, Lalpa vawikhat chiah min tawn tir leh rawh.
Ka nu nen ka nau nen kan pathum in ka nau thil tur vel lei a kan chhuak MC a kan luh lai chuan kha pa ang deuh kha hmeichhe pakhat chhelo zet nen dawr pakhat a an lut lai ka hmu fuh hlauh mai vawiin chuan ka chhui chiang tawh ngei ang ti rilru chung chuan Ka nu saw dawr ah sawn thil it deuh ka nei kal lawk ang ka tia ka pawt tlat a, ka nau lah in a duh zawng tak alo hmu ve chiah bawk si, keiin thawmhnaw te car chhuak thar leh bike ka lawm a ka ngen laiin ka nau ve chu car control theih tih vel ah a la lungawi leih leih chauh a nia, ka nau chu tap pur chung in ka kai phei a ka nu pawn min rawn zui ve mai bawk a, dawr chhung kan va lut chu LALPA ka lawm e ka rilru in ka tih lai tak chuan hmeichhe pakhat chhelo zet in "ka in hmeh em" a rawn tih chuan "i chhelo mah mah, tiang te kha chuan ka chhuahpui ngam tawhlo ang che" nupui a nei tawh a nih ngei dawn hi a nupui lah chu a hmeltha em em mai lehnghal a dawr neitu nu in "ehe Nu Makim i te ni reng in enge in duh ve, lo leng lut ru" a tih lai chuan khapa ngei kha a rawn hawi phei a min hmu chu a phu zawk in ka hria, ka lai lutuk chuan ka duh pawh ka hriat loh kawr chu kawk in hei hi k ti ringawt pek a,ka nu in "hetiang i hak ngai pawh ka va hrelo ve" a tih chuan kha mihring hriat tur ngei khan ka dang lam tawh tih i hriat kha ka han ti lui sak a, ka nu pawh a nuoh aza hle mai ka nau in "Ama kal tawh ang" alo ti ve chhen chu ka ning lutuk, kan la lei em em ang tuman an lei khalh tawp lo ang che ka va tia, kha pa kha ka va melh leh hram a, zawhna mitmeng hian min thlir reng a, ka nu in "Siamte kan lawm hle mai, min tlawm duai bawk sia, kan lawm lutuk nia aw mate kal ang u lem" a man pek fel pah chuan a han ti a, kal mai loh chu tih theih ka nei tawhlo ka nau vang chuan chhuanlam siam theih pawh a ni tawhlo, a hming tal hriat ka duh sin le aw, kan chhuah pah chuan ka va hawi let leh hram a ani pawh chuan minlo en pah chuan a nui sak a mahse, ka nuih let ve lo.

ROSANGLIANA POV
vawwin ni zer chu ka ni fanu khawhar lutuk tur tih hlim tum in, peihlo ru deuh chung chuan ka chhuah pui a kha tleirawl ka hmuh leh chak em em mahse ka hmuh pawh ka beisei tawhlo hnu ah ka han hmu leh chu ka phu dawrh hian ka hria anu ni awm tak leh a fapa a niang kha mipa naupang hmeltha zet khan anu kha a chhun tlat an in ang lutuk, a hming han zawh mai ka tum li tak a naute in Anu a han ko kha ka nghing deuh lawih kha tleirawl emaw ka lo tih kha nuthlawi lek a lo nih chu mawle! Nuthlawi zun a uai ana an tih tak kha mawle,hei vang alo nih dawn hi a bialpa pawh khan alo zuam em ni, nuthlawi ni awm reng pawh nih hi, zan rei ah pawh a fapa kal san in a bialpa bula awm duh zawk chu
Kei hi khatiang nuthlawi teng hneng lutuk zuna uai tur khawp a hmeichhe mamawh leh rawp ka ni lo ve mahse anu bul ah ka inthlak danglam tawh kha a ti kha chuan min hneh viau lawi si, a danglam tak tak a nih dawn kha a thawmhnaw duh zawng te leh ama tawk a a khal ve dan ah khan a lang reng ka cousin in" enge i ngaituah veng veng a" a rawn tih chuan ka harh hlawl mai dawr nghaktu nmleh anu kha an in hriat hmel khawp mai, pawisa pe tur a phei pah chuan kha nu te kha tunge a hming kha ka hrechhuak zo tawhlo nichin pawh khan ka biak loh phah tawp dawt var ka han sawi taep chu ka inthiamlo tep "engtin nge in in hriat a" nikum tawh khan nia, ka tanpui a k ti tawp "Lalruatpuii "(Apuii) nihkha an duat ve lutuk a, an lo khawsa ve thei bawk sia, a duhzawng hi chu an hmaih ngailo kan kawm chhak ah an awm a, a hma chuan an duat sual ve a, tun ah chuan thenawm khawveng mak tih khawp in a danglam tawh mawle" ka zawh bak bak an sawi teuh chu le, sumdawng mi ni awm reng a ni, a tanmwngthei ziah zuah em mai ka lawm lutuk tih pah chuan pawisa ka pe a kan in zui chhuak ehe ka va let lawk ka tih chuan Muanteii chuan i mak thin em mai tah hian ka lo awm ang dawr chhung ah ka tlan lut a khawi veng nge i nihvka va ti tawng a sawr nghaktu nu chuan phawk fe hian "Khatla" ka lawm lutuk tih pah chuan ka chhuak leh nghal a.
Kha leh chen ka lo nghah tawh mihring ngei kha ka hma ah a rawn lang leh a, ka huaisenna zaemwng zawng sawm khawm a biak ka tum lai tak in a nupui chhelo zet in a rawn biak tak ah chuan ka be leh ngam ta lo, mi pasal zun ah maw k lo uai a? Nilo, vawiin ni tang hian ka theingilh a ngai mi pa zun a uai a ngaizawng tur khawp a mipa rawp leh luck lo pawh ka nih loh hi mawle, ka theinghilh thei kher a ngem le? Ka hmangaih tawng tur a ka hringnun ka zawhna kawng ah hmangaihtu leh hmangaih tawn beiseiin mi tam tak ka lo kawp ve tawh thin mahse ka hmangaih loh ang bawka min hmangaihlo tu ka mawina tlan vhiah duh ka tawn vang a hmeichhe kawp lawr nih hlawh thin khan hmangaih ka tawng ve ta ni a ka in hriat vel ah Amah lah chu ka chan ngai loh tur a ni bawk si ka va han vanduai tak em!

ROSANGLIANA POV
karleh mai khian ka chhuk thlak a ngai tawh dawn si a, kha tleirawl ka nun a rawn vel tlat, ka sawm ni miahlo a ka nuna rawn lut mahse ka nun min ti buai tu a nundan engkim ka huat chi tak lehnghal kha hmuh keh ka chak tlat, a eng khan nge maw min hip ta ang le? A hmel kha cgu a tha teh meuh mai, a pian pawh a nalh mahse ani aia hmeltha leh pian nalh te kha chu ka sum vang tel miahlo pawh amizo mipa a hmeltha ve tak ni a an sawi thin tan chuan an tam lutuk, a sam kawi ngiai te kha ka duhlo phawt keichuan sam ngil tak ka duh, nungchang ah leh incheina ah pawh khanu letling thawk kha a ni ka duhthusam thin chu mahse henu hian min hip bet tlat si a eng hian nge min hip ta ang le? Nuthlawi zun a uai chu ana an tia chuvang a nih dawn hi, tiang em em a ka mi duhlo ber zun a ka uai tak hi. Zan in hian engpawh nise a tawp nan hmuh leh ka duh a ni,ka hmuh leh loh chuan ka vei reng dawn si a, ka nun atang a pet chhuah ka duh ka duh ngai loh tur vei reng reng a awm hi ka duhlo.
An in kawt mi ka zawh fe hnu a ka thlen chuan alo ropui ngei mai, an lo he tih vang hi nih dawn hi a lo awm herh em em a, nuthlawi nih hrehawmna pawh hre lek lo a a awm ni ti rilru chung chuan doorbell chu ka han hmet a, nula hang lam pang thau ve deuh hian kawng a rawn hawng a"lo leng rawh" a ti bul hmuk a sitting room a a pi te lam chu min kawh hmuh a, vawiin a ka hmuh ngei mai nu hmeltha deuh mai khan "ehe lo leng rawh, enge i duh teh mial a" min lo be suam suam a, pa valai hmeltha viah vuah hian Apuii fapa kha pawm chung in "lo kal rawh eng thil nge ni ta" an chhungkua a nu leh pa an fel hmel tehreng nen an fanu kha chuan a chhunlo fuh ve khawp mai, ah ka pu Apuii te in a ni em,Apuii hmuh ka rawn tum a ka tih chuan a nu chuan "hruaii bawihtei han ko rawh in leng a nei a nia" chu nu an awmpui niang thau zet mai chu room lam pan chuan in chung ah chuan a chho tuang tuang a, rwilo te hnu ah ka mi zawn ngei mai chu T-shirt thawl hek haawk leh kekor bul chhing fahran nen step ah chuan a rawn chhuk a, min hmu thut chu thlahrang hmu chu nep te hi ni ringawt a meng phar awn wn hi ni ber mai, kan bul a rawn thlen chuan Apui, Rosanglian a Ka nia Rs min ti thin a tih pah chuan ka chibai a, ham haih zet chuan min chibai ve mai bawk a, chutia in sawi chawp ngai a nula in a len luh chuan amah ai ai in a nu leh pa te chu an meng phawk mawle, a zahthlak duh khawp mai
A lan dan ang ngawt chu alo ni bik lo,kan in tawn dan te a sawi a"Pa,amah hi lawm Johny an min sual a tum zan a min chhan tu kha" apa chuan a nau pawm lai chu chhuk tirin a e rawn ding a "Tlangval, kan lawm hle mai kan fanu nun ilo chhan a, a zahawmna i lo venhim sak a, i chanchin chu sawi loh i hming tak ngial pawh a hre silo a, lawmthu han sawi dawn pawn,kan lawm tak zet a ni" min rawn chibai lai chuan an nu pawh in min chibai pah chuan "Rs maw i nihkha?" aw ni e ka lo ti vat a thut pah chuan "Bawihte coffee nge thingpui a duh ang" Thingpui hang ka lo in a nge ka tih chuan rang deuh in a tho vat a choka lam ah a phei hlan chuan a nu bawk chuan "Bawihte, i pa nen kan lo in ve ang, minlo siam kep rawh, fridge ah khan vawiin a ka kurtai siam kha ka dah aw..... Enteh, Rs zep thu cheng lo keini nupa hi chu e fa enkawl hi kan thiam thlawt lo bawihteii hi kan mal khalh rei a, chhang a nei tawh dawnlo emaw kan tih hnu ah hei a nau hi alo piang ve leh chauh a nia (a nau maw ni a? Uangpui chang suh ila kan neih in a tlin bawk a, a duh zawng tawh phawt hi chu kan hmaih ngailo a,a duh dan dan in a awm a hau pawh kan hau ngailo a rilru tihnat hi kan hlau em a ni, tunlai tleirawl ho chu han hau deuh hlek emaw an rilru nat chuan in tihhlum mai duh khawp in an awm si a, kan fanu hi chan kan phallo a kan enkawl thiam bawk silo nen amah hmu reng chung in kan lo chan hman tep a mahse nangmah hian min chhan chhuah sak a ni, kan lawm dan hi kan sawi thiamlo" thingpui rawn chawi phei tu lam chu ka va hawi a, ka nuih sei pawn min nuih ve miahlo he nu te reuh hi min la haw hlur a niang, mahse ka bul ah a rawn thu ve zan mai mawle thingpui no ka dawm lai chuan a pa in ti hian a sawi a " kha in intawn lai vel kha api te khua a kan zin lai a nia, an thian ho in an lo awm a, kan hawn leh chuan anu nen hian a zia a zawi hi kan ti em em a, pawn a chhuak ngai ta lo a, khawlai vengtu an tih hial kha ( a fanu chu ava melh zawk a, za lo deuh hian a rawn nui a, a nui lai ka hmuh vawikhatna ava han hmwltha tak em) harsatna a tawk a nih kan ring a, a thiante lah a kawm ngai tawh silo, a ngawi reng a kan mangang hlauthawng bawk si chuan a room ah kal in engvang a hetiang a awm hi nge a nih kan zawh chuan a thil tawn zawng zawng min han hrilh chu ka thinrim lutuk hi Johny te in a kal a, va thah mai ka duh mahse tah chuan bawihteii hian Nu, Pa tinge hmeichhe tha chu khawlai ah nilo in inchhung ah an tam zawk thin tih te, kan in ka chhuahsan chiah hian ka zahawmna a tlem tial tial tih te min hrilh ngai loh, min chhantu pa khan min hrilh a sin tap chung a a rawn tih chuan ka hma ah hian darthlalang lianpui hi a raqn in hung luah a,ka zak lutuk chuan bawihte i nu nen hian min ngaidam rawh tih bak sawi tur kan neilo, nangmah vangin fanu thar kan nei a kan lawm lutuk, lawmthu sawi kan duh a engpawh min dil rawh" a rawn tih chuan mak tihna in ka khat ka pu engmah a ngailo chutiang ka beisei lo,a lo danglam ve a nih ngai chuan a lawm awm lutuk "chaw tal rwn ei ang che, khawi veng ah nge in awm? Ebfe i tih thin? Hun awl i nei thei ngem?"
Khawiveng nge k sawi ang w, ka nihna hi an hre tur a nilo, ka pu te awmna veng chanmari chu ka sawi ve tawp a, ka sumdawng ve thin a, a rem chang chang ka thawk ka ti ra ringawt a, ka len chhung hian vawikhat mah a tawng lo, zan a rei lutuk ang tiin ka haw san mai ang che u ka han tih chuan a tho nalh a, pawn tgleng chuan min rawn thlah a, "min rawn zawng chhuaktu zawk ah i tang a ka lawm khawp mai, aizawl veng tin hi ka zawn lohna che a awmlo, i hming tak ngial pawh ka hre silo a, ka beidawng tawh a ni,engtin nge min zawn chhuah theih ka hming te kha " kun deuh lap chung chuan a rawn ti a.
Kei lah pek chuan vawin khan dawr ah min hre tawhlo ang khan i awm hmak a,kha dawr neitu nu kha i hming leh in awmna ka zawt a rawn zilh hlak tur che in ka rawn kal vang vang a mahse vawi khat zilhna ilo ngai pawimawh in ilo zawm tha hle tih ka rawn hmu a ka tih chuan a zah hmel khawp mai, a no ka haw dawn chuan ka dil ve tawp a min pe sam ve et bawk a, kan in mangtha ta ka tlan tur ka va hawi phei chuan alo nui sen sen a, a hmel hi chu a tha thlawt
LALRUATPUII POV
vawwin a ka hmuh pa kha ka room a ka hla duh ber Alcohol Brad Paisley in thiam zet a a sak chu ka ngaithla dum dum a, chutih lai tak chuan in leng ka neih thu U Hruaiin min rawn hrilh chuan mak ka ti lutuk tunge ka tih lah in ka hre ngailo a ti si, ka thian te chu nise koh ka ngai miahlo ang ka room ah an rawn chho leh awm sia tu tak ni ang maw ti rilru chun chuan ka chhuk a, ka pa bul a thu ka han hmu chiah chu barakhaih ka ngailo ka phu nasa lutuk, kan in a alo kal pawh mak ka tih rawh nak laiin ka hming in min ko a chutah ka hriat chak em em a hming a han sawi paha min chibai te chu ka mumang nge a tak tak tiin ka in sik vel
Ka nu in thingpui lum tir a min tih chuan ka tho nalh a, ka chanchin an sawi dan vel ka ngaithlak duh vang chuan thingpui so hnu pawh chuan choka ah chuan ka awm reng a, thingpui ka va pek lai te chuan min lo melh zawk a, a bula chuan ka va thu ve kher a, mak min tih hmel khawp mai, a hawn dawn chuan pawn thleng ka va thlah a min zawn chhuah dan leh ka zawn nasat zia te hrilh pah in ka zawt bawk a min chhan dan kha chimawm viau mahse min zawng chhuak hrim hrim kha ka lawm a ni min hre reng lo mahse min theinghilh hmin thak bik Lo tih a lang. Ka phone no min han dil phei kha chu ka thidang lo chauh mahse tun ah dar12 a ri dawn tawh a min lo la be silo, a mawi ah min dil ve mai mai niang, Rs ka lawm e ti sap chung chuan ka muhil ve ta hram a.

ROSANGLIANA POV
Zan in hian ka nun a ka lo tih sual thin lian tak ka hre chhuak ta, ka duh dan leh ka rin dan ang ngawt a mi ka lo judge thin hian mi nun ni lo in ka nun zawk alo hruai piangsual reng mai a nih hi, ka nun a a vawikhatna tan mi fanu duat lai nun ka tihdanglam sak ve a ni a chu pawh a tha zawng leh nghal in, Apuii leh a chhungte khan vannei an inti viau maithei mahse anni ai khan ka vannei zawk a ni, tanpui ngai leh siam that ngai ka theihna leh ka tum reng vang nilo in ka siamtha ve a ni a, ka sumdawnna a ka hlawhtlin na ai hian tuna ka hlimna hian mi vannei leh mi hlawhtling tak ah min siam zawk a ni, kha December thla Khan midang te tan vanneihna nih ka tum kha a ni a mahse Rosy khan rilru na tak in min kal san a mi vanduai ber emaw ka lo inti a Apuii tan hian malsawmna ka lo ni reng si. Ka siamthat theih ngai loh mihring fel tak ai chuan kei a thusawi ve mai avanga in siamtha duh tu mihring hian a hriat miahlo hian min va han chawimawi nasa tak em! Siamthat ngailo ang khawpa in ngai mi fel tak ai chuan a dik lohna hmu thiam a in siamtha thin hi a ropui zawk.
Ka phone chu ka han la kang thin tak na in ka be ngam lo, tleirawl mai mai mah nise ka zah thar tlat a, ka hmuhna hmun in a zir loh thin em vang khan ka zuam thin a mahse a nun a danglamna ka hmuh hnu kha chuan ka zuam tawhlo mai pawh nilo, enge maw ti tak hian ka zah ru deuh tlat, zan in ah ka leng tawh si a han biak chhun zawm pawh chu over leh hmeichhe rawp lutuk ah min ngai awm sia, remchang ah ka la be mai ang ti chung chuan ka mu hil ve hram a
Kan exam zawh ni chuan thiante nen kan bazar a JS Park kal leh ka chak tlat a kan va kal chu ka rin loh leh tum loh lutuk in Rs-a amah chauha kha hmun a a thu ka va hmu chu ka thiante mitmei pawh ka veng hman tawhlo, ka va pan ruak ruak a ani pawh a tum loh deuh min hmu tih a mit meng aj chuan a hriat khawp mai "ehe Apui enge inlo tih a?" aaaa vawiin kan exam zo kan rawn inla thawveng vel nih hi i tha maw ka tih chuan "ummm ka tha lo ngai hleinem" a rawn nui suk a, thiante chuan min en duh ngang mai "Apui thla thar ni 12 zan ah tih tur i nei ngem? I neih loh chuan helai hmun ah hian kan in hmu lawk thei ngem?" ka ngeiawm ka chhuah ve tlat hman chu ka hman anga mahse pawn lam ah chuan ka zahawmna a tlem dawn si a, min hruai chhuaktu mi pa phei chuan min zuam tulh tulh dawn a tap chung a ka zahawmna vawn him tum ai chuan in lam a tawm tlat ka duh "hahah vel lutuk a che, ka bul ah chuan i zahawmna veng reng reng a i awm a ngai hleinem, ka bul ah hian i zahawm zawk dawn a lawm" hmmmm i over mah mah lo maw? Ka no i la a, min rawn biak i tum bawk silo a i no min lo pe zawk rawh tih pah chuan ka phone chu ka phawrh a " ka biak chak mah nak lai che a,min haw leh hlur anga a hrehawm dawn em a, ka rawn biak che a min huat ai chuan biak loh law law che ka duh lawm"
Phat mawi dan i thiam hle mai " ka pha hran lo, min huat dawn loh phawt chuan zan in ah tlaivar thak in ka lo bia ang che
Zan dar 10 vel ah chuan ka whatsapp tone a ron ri a, ka han hawn chuan ka no hriat loh tang in
"mu th m"
Aw mu th
"Nih chuan mangtha aw"
Awle mangtha le
Call ka dawn chhun zawm nghal a "Lalruatpui i nghal lutuk, chimawm hle mai" minlo text tu kha a ni tih ka hre nghal mai ka chimawm loh lai i hre ve tawh reng reng mi? "haha ka hre duh zawk mawle, i in siam that hnu ah hian i danglamna hmuh a hriat ka tum ve nen, ka lak ah hi chuan i mize nghal zet bak min hmuh tir i phal ve lo ti raw? Hehehhe i ngaihdan dan khan ngai mai mai teh " ka sawmna che kha engtin nge ni dawn?, i lo in ngaituah em" ka in ngaituah hman lo lawm "ehe zan dar10 thleng pawn i ingaituah hmanlo a nia, i va han fel ta ve, nge tu mawni kha i ngaituah zawk" nia tu mawni ka ngaituah lawm "ehe tunge niang kha pa kha ni maw? " hmela kha pa kha lo sawi tawh suh ka ten a nia "min ten maw? Engtik laiin nge ka sawi a "tun ah i sawi kha, kha pa ka tih pawh kha i hre ngawt a mi, ilo in ngaihbel dan ah khan ka hrethiam mai" chutiang nilo,i ngai kawi mai mai nihkha "zawk mah che chuan, tak tak in in hmu ang aw, thil pawimawh tak hrilh tur che ka nei a" awle ka lo tum dawnnia.
ROSANGLIANA POV
kha nu zet kha chu a chimawm ngai ain ala chimawm reng a nih hi ka text min reply dan leh ka call a min han chhan duh dan te kha mahse a lawmawm tho si, he nu zun ah hian ka uai tak zet tawh a ni, kan in hmuh hun chuan ka rilru engkim hi hrilh ka duh a ni, mahse engtin nge min lo chhan ang le? Hmeichhia ka bem dawn a hetiang em em a nervous hi ka nei ngailo sin chu pawh naupang sual leh nghal zet lak ah hian maw? Minlo duhlo ta se, ka nihna diktak hi ka hrilh mai dawn em ni ang aw? Nilo, ka sum vanga min duh tu ai chuan tuna min ngaihdan anga min duhtu hi a hlu zawk, kha zan khan he nu hi ka tawng a, a cham ah ngei ka rilru engkim ka phawrh tur a ni.
Zan in chu ka kal a ngem le? Kum khat dawn ka lo nghah tawh in len pui ah min sawm a, ka hnar phal bawk silo, kal ta ilang min hmuh khaw loh sa tawh nak laiin hmeichhe easy lutuk ang ah min ngaih ka hlau si a ngaih ang ngawt chu ka ni miahlo ang, harh fim a kal tur ka ni a, min fight alo tum thut pawn ka tang thei ang chutiang rilru tenawm tak ka put lai chuan ka nu in U Rsa alo thlen tawh thu min hrilh chuan ka la in siam miahlo tih ka hre chhuak ka inngaituah rei em a ni, ka in suam mek thu ka hrilh a, inhnuai lam ah ka chhuk a "I va in siam rei ve, eng i nih phah pawh ka hrelo" a tih chuan ka pa chu a nui hawk hawk a "Rs iti dik chiah darkar hnih dawn a room ah a tawm tawh a, eng teh ual a rawn nih loh hi ti raw? Hmeichhe ho tak hi chu aw" ka ngei lutuk chu ka titau thar leh vel ka kal lo tawp ang tih paha in chung a chhoh ka tum chu ka nu in ka ban a lo chelh in "Duati chhelo an ti lutuk che sawi ngaihna hre lo mai mai an nih kha, i balh lutuk ni dang zawng aiin, hey nang ni pahnih kha sual viau su aw a confi loh phah vek a nge" ka lungawi lo riau na chu han tih tauh vak na chi a ni tawh bawk silo.
Js Park ngei mai kan in tawnna duhawm lo zet kan thlen chuan nula leh tlangval in hmangaih hmel tak tak an lo kat leh nuk tawh mai, kei ni pawh chuan thutna kan rem fel a sawi tur ka van khawp mai mipa zawk na na na leh upa zawk chuan bul rawn tan in "a vawt hle mai a, vawt iti em? Ka lo kuah lum dawn che mi?" ka tawlh sawn dawrh a zep lo ah chuan nikum a johny an khati khawp a min fight ang kgan tuman min la ti ngai lo amah jogny ngei pawh khan chuvang chuan khata tang khan ka hlau ngawih ngawih tawh, ka awm dan chuan a nuoh a ti za ru hle a niang lehlam a hawi daih a mahse min nuih ang chuan a awm duh thak lo "min hlau suh ka hma ah hian ruak vek pawn awm mahla ka en mai mai ang che" min it lo lutuk ang a a tawng chu ka haw letling zawk khawp mai a dar ah chuan ka va chum fawk a rawn hawi phei pah chuan a nui suk a "Apui i awih lo maithei a, keipawn ka awih bik lo" eng chu maw " lo ngawi la, ka sawi dawn a lawm, min ti buai vek" awle awle chhunzawm rawh le nui suk chung chuan " kha zan ka fawh hmasak ber zan che kha tahkhan maw zep lo ah chuan ka duh vang che a ni miahlo, i hmel tak pawh kha ka fawh che khan ka hre chianglo ka bialnu ka nghak a, alo kal silo ka call a la duh bawk silo a, ka nghak rei tawh bawk nen khatia i rawn ti thut kha ka thinrim bawk nen ka thinrim hrikthlak nan ka hmang che a, ka han en chiang che a ka hmuh tawh hnu i ni tih ka hria a kha zan atang khan ka ngaituahna ah i awm reng a, chuan i bialpa in a khawih zan che khan i kal leh ngei ring in ka kal a, i lo awm ngei a kha hun atang khan ka thinlung ah i thi thei tawhlo a, zawn ngaihna che ka hriat loh tawp ah ka tawng leh ta che a, Apui ka tana khuanu ruat ini in ka hria, min duh ve leh ve loh chu engmah ka hrelo a mahse ka rilru hi he ka hun tawi te ah hian hrilh che ka duh a ni."
Ka lawm zia leh ka hlim zia chu ka lam lo chauh kumkhat chuang ka zawn leh ka nghah tawh mihring ka vei em em khan min duh ve a maw? Ka thinlung zawng zawng ka phawrh lo thei ta lo ka zawn nasat thin zia leh amah vang a ka in thlak danglam zia te hi ka hrilh lo theilo ka han sawi zo chu "Apui ka lawm lutuk, ka veng hawk mai, chu bak ah ka rilru ang ilo put ve hi ka ring phak ngailo a nia, ka lawm tak zet, ka fawp leh thei che ngem? " I thinrim hrik thlak nan mi kan ti el kher a "ni teh nang aw ka lawmna hrikthlak nan zawk" tih pah chuan min kuai dak a a vawi hnihna tan kan in fawp ve leh ta.

January thla kan chuang kai a U Rsa nen pawh kan in hmu zen zen thei lo, in hmuh a duhthu a rawn sawi chuan ka lawm khawp mai min ngaihsak lo deuh hian ka hre thin a mahse a sumdawnna thil vel ah ka tan hun a nei lo zawk a ni si, "Apui, ka sumdawnna thil buaipuiin thla6 vel chu delhi ah ka cham a ngai dawn a" enga ti em em nge? " min hrethiam rawh, a loh theih loh a ni" engtin nge kei hi ka lo awm a nga " tuna i awm dan ang tho khan mawle" sual viau suh, eng lam pang nge i sumdawnna hi ni reng reng? "la ngah rih deuh ka duh kum khat vel tal, chuan chumi hnu ah chuan ka hrilh thei rih lo che, mahse ka la hrilh em em ang che, rin ngam i nih hun ah" ehe nang hi sumdawnna tenawm tak i kal pui thin a ni maw? Ka hlauthawng tak zet, ka mipa hmangaih em em hian ka duhlo a ni theilo "Apui, ngaithla teh chutiang a ni lo" i rin ngam tur chuan emgtin nge ka awm anga? Tinge ka rin ang che hian min rin ve thei loh? "Mi ring tur chuan a kum a kum a ngai a sin"keipawn ka ring em em che a,i rinawm loh vang zawk in min ring lo a nihkha, ka tap lo chauhtawh ka biang rawn tawn ah a chelh a"ka hria lawm, hetiang kawng ah hi chuan ka ring lutuk che lawm nangman min rin ai mah hian ka ring zawk ang che mahse ka hna chungchang ah hi chuan hun min pe rih la ka duh"
Eng hna chiah nge i thawh min hrilh duh loh khawp tur chu? "Apui, i ngaih ang kha engmah a ni lo, ka mamawh ka zawng rih a, ka hmuh leh hmuh loh ka la chiang lo a, ka hmuh hun ah chuan ka hrilh hmasak ber tur i ni lawm, khawngaih in min ring mawl tawp rawh, beidawng in ka siamlo ang che" huiham engti kawng zawngin nge maw ka rin dawn che le? A nih eng thil thalo mah ti suh aw "Awle, awle itan a thil leisak che pawh ka duh mahse pawisa ka nei rihlo tlat,min hrethiam rawh aw...... Johny ang khan thil tam tak leh thil tha i duh zawng ka pe ve thei awm silo che " a hmui ah ka va khawih a U Rs tiang hi chu sawi lul suh, sum duh vang a ngaihzawng nei thin leh an sum um thin chu ni ila maw, Johny te ang mi tenawm tak kha ka thlah hauhlo ang, ka duh duh pawh ka lei tir ngei ang mahse, chutiang hmeichhi ka nilo ve teh tlat hi ka in fak a sin, sum hmanga min thlem tu chuan ka zahawmna min chhuh sak a tum ah ka ngai hmiah, sum che lek reng mipa chuan zahawmna a thawk chhuak zo lo, chitiang mihring chu ka ring miahlo, ka ti tak tak engzat lawh hlawh chhuak la a tlem ah ka buai lo ka mipa duhzawng chu a hmangaih tana theihtawp chhuah a thawk mipa hi a ni chutiang tluk a rin tlak ka hrelo, "ka lawm e" min rawn fawp zeuh a "a nih leh i result chhuah hun ah DU ah chuan rawn zawm la, kan in hmu thei deuh ang chu" teh reng mai, ka ngai ve viau che in ka ring "hahahha i ring ringawt maw? Kei chuan ka ngai miahlo ang che, a chhan chu ka thinlung ah i awm reng dawn si a" i thusawi khan awmzia pawh neilo e a kei chuan ka thinlung a awm reng tir loh dan che ka ngaituah zawk vang a lawm "Enga" a pawr in a meng rum ngei mai,i hrethiamlo nihkha kei aiin i upa daih zawk sia, kan thinlung a awm ngailo mihring hi keichu ka ngai ve ngailo ka thinlung a awm reng thin, ka hmuh theih loh hian ka ngai zawk thin a, nang ka thinlung a ka dah reng che chuan, ka hmu thei dawn bawk silo che a nangmah ngai reng rengin ka hun ka hmang dawn a min khawngaihlo mi?
"awle ka hrethiam e ka naute, thla 6 chhung kan tawrhna hian rah tha a chhuah ngei ka ring a, tuna i rilru ang kha pu reng ang che, i pu reng a nih chuan kan awm hrang rei tawhlo ang" eeeehhh chu min neih mai pawh pawi iti lo ni maw? Min va han lo duh awm em em ve, ka phu lo ka han ti vel a, a ngei bawk si nuih za bawk si te kha ava han tha chung chuang tak em! "tuma neih duhloh atan chuan i uihawm ve sia, ka tlawmngaih neih mai ang che ka ti mawle" i zaklo em mai ti a chum ka tum chu ka kut ah man bet in a lam ah min pawt hnai a "ka naute duat, ka duhthusam nilo in ka mammawh ni ngei la ka ti" tih pah chuan min fawp zeuh a
ROSANGLIANA POV
Ka hmeichhe mamawh tak mai, ka sumdawnna kawng leh ka nun dan tur min kawh hmuh a mipa ka nihna ang tak a ka nihna ang ang aa min zah der thiam tu tur tak hi ka tawng ta mai em ni?
Ka nihna a hre miahlo chung leh ka sum leh pai neih loh dan ka sawi pawh a lungawi hmel tak a mot ah khan ka chhiar thiam ve mahse ala reilo ve em bawk a ni chumai bak ah in ngaizawng hlim in duhna a nasat hun lai leh engkim huam hun lai a ni a,abik in a ni tleirawl hausa bawk si duh duh nei thei ran chuan ka sum va it thu a awmlo a lawm, khuarei in a hril ang chu a rilru diktak chu
Rosy leh midang pawh thla6 vel thleng kha chu an tuar thei a lawm mahse a rei telh telh a min ngam telh telh a ka lak a sum leh eng eng emaw beisei an nei tan a, an beisei ang ka phak loh vang in kei aia tha zawk ni a an hriat thin an pan leh mai thin kha a ni reng a, henu te reuh pawh hi a in sawi ang a nih chu ka ring chiahlo tlakchham a neih loh vang mai mai a ni, ka la fiah dawn chauh, a thiante zing ah ka la fiah ang.
LALRUATPUII POV
Ka duh duh nei thei ni mah ila tun atang chuan ka mamawh tak tak bak ka lei tawhlo ang, ka bialpa tan hian a hrehawm dawn em mai, a tana phur rit nih ka duhlo, duh ka ngah lutuk chuan engtin nge min neih ngam ang? Chawm a hau tak dawn em mai tiin in hmangaih tak chung hian sum leh pai vang mai mai in kan in then tur a ni lo. A khawsak mil a ka in her danglam a ngai sawn a ni, atana inthlahrunna tur engmah ka siam sak tur a ni lo, hmangaihna hi sum leh pai a lei theih a ni silo a leih theih ni se chuan 20 vel leina tur chu ka bank account ah hian a awm ve khawp mai, mahse sum a lei theih mihring ka ngai nep tluk zet in zungbun pakhat lek in lei sak theihloh vang a hmangaihte aia kal san tu mihring hi ka ten hluah hluah. Tun atang a ka in adjust lo nih chuan a tan leh ka tan harsatna lian tak a la ni dawn. Phone in kan in be reng a, a top up a hek ka hlau thin hian i tawng ka hre theilo ti hian ka dah daih a ka call leh thin, mahse a inthlahrun ka hlau ve si hmeichhia zawk. ti hek anga lan a duhlo bur tih a tawngkam ah ka hre chiang si khulai hmun ah keimah vang in sum leh pai ren tak leh in daihlo tak in a awm ang tih ka hlau bawk si, awmdan chin tawk ka hrwlo thin khawp mai.
Kan final exam result a chhuak a, min fuihna zar ah ka ti tha khawp mai, DU a zawm tur chuan ka rilru ka siam fel a, ka lo hruai ang che min tih pawh chuan ka duhlo hle mai, tih hek ka duhlkmo a sum thawh chhuah kha khawl zawk tur in ka ti tlat a mahse, min ngaih tawh mai bak ah a chhungte a hmuh a duuh tawh thuu a sawi tlat sia ka hnial hneh ngang lo a ni.

ROSANGLIANA POV
Ka Apuii hi a nih ngei dawn hi ka mamawh tak mai chu, ka tan a phurrit nih a han hlauh dan em em te hi, ka call ve thin pawn chhuanlam eng eng emaw siam in amah zawk in min lo call zel a, in rem hram hram tur in min fuih zawk a, naupang te ni si a puitling ru zek eng dinhmun ah pawh awm ila ka rual a ke pen chu a thiam ngei ang, ka nauteii hruai tur in ka kal dawn tih ka chhungten an hriat chuan Apuii nen kan chanchin leh ka la nghah deuh thu ka sawi chuan an hmu chak khawp mai, phone a a thlalak ka en tir chuan ka farnu te pahnih chuan hmeltha an han ti khawp a, Rosy nen an khaikhin vel a.
Apuii bul ah amah hruai tur a haw chhoh ka tum thu ka hrilh chuan a lawm ve ka rin tehreng nen alo thinrim khawp mai mahse chu pawh a rilru that vang leh min ngaihsak lutuk vang a a thinrimna chuan min ti lawm khawp mai, ka sum thawh chhuah ve ang te amah hruai nana ka hman a phallo a nia, mahse ka chhungte hmuh chhuan lamin ka hnial tlat a, min tih vak ngaihna a hre bik lo,thil ka hawn alo beisei ve ngei ang man to tak chu a beisei ngam hauh lo ang mahse thil chhete chu ka tih ve a ngai a ni.

Airport ah ka lo hmuak a, kan in hmu chiah chu kan in ngai bawk a mi mitmei ka veng hmanlo ka tlan phei a ka va kuah tawp a, ani tlangval puitling pangai tawh chu a in sum theiin mi mitmei a veng thiam khawp mai, ka zahna tur ni silo in mawi tak leh ka lungawina tur zan ni siin min thlah thiam tlat,kan in lam kan pan hmasa a kar khat bak Mizoram ka awm hman tawh dawn silo a ka thiante sawm in U Rs a te nen dine out tur in kan in buat saih a, ka thiante bul ah engkim ka hrilh vek tawh avang chuan hmuh an chak em em a, Ka thiante chuan a sum ei leh phet an tum ang chu,a beih loh chuan an hmusit lwh dawn si a hma a ka bialpa pawh keini ang a sum a neih ve loh vangin an ti nasa lutuk a kan inthen phah tawh a chutah pawh kan thian ho boruak a chhe hrep tawh,sawmtea vangin kan in rem leh thei hram kha a nj a.
Hotel kan thlen chuan kan hlim khawp mai, kan ei zawh a bill pek kan han tum chuan Mary chuan 'a changtu pa tum tur a biang chu maw? A hmel tang reng in sum a ngah dawn tih a hriat reng" nui hawr hawr chung chuan a han ti a U Rsa chu ka zah khawp mai "min hrethiam rawh u, ka rawn hawng ka da lutuk a tun ah hian Rs500 chiah ka nei a, kal leh ka ngai dawn sia flight ticket daih chiah ka nei tawh a" ka thinrim tawh khawp mai enteh u thiante u vawiin hian keiman ka show dawn ka tih tawh kha ani chu phut a ngailo, khatianga tih kha i zak thak lo mi? "I tan hle mai maw? Bialpa sum neilo ngaihzawn chu hrehawm itih ve thin tho kha, sum chu i ngah maithei mahse a mipa zawk i chawm reng dawn a ni maw? Mipa ve si nep lutuk" ka thinchhe bawk a ka tuar thei thlawt lo chuan Mary hmai ah ka beng pawp a zawngi nang ang a sum duh ka nilo tih hre rawh, i bialpa chhungte chawmhlawm in an chawm che kha ka zak zawk
Mary lah duai bik hek lo, hotel chhung ah chuan kan in sual a ni ringawt mi in min en thup bawk a mahse zah hre ngailo ve ve kan ni bawk a pawisak kan nei lo khawp mai U Rsan min chelh bet a, Mary midang in hotel manager an ko bawk U Rsa manager in a hmuh chuan "ehe nang naw? tinge keini ang hotel ah maw? " ka phu deuh zawk "thianpa min ngaidam hram rawh tleirawl lai chuan tiang hi a thleng ve chawk a lawm ka nau te an nia" U Rsan a tih chuan chu manager thinrim em em pawh chu avka pawh zen ila min seh miahlo ang tih tur khawp a, a tha leh si chu ka hrethiamlo tak zet bill pek ka tum te chuan a ngailo a ti tlat si ka hrethiamlo tak zet.
"kan lawm e" tih pah chuan min kai chhuak nawk nawk a, ka thinrim em em rual in U Rsa ka zah em em a, keimah vang in zak tak in a awm si a, U Rs khawngaihin min ngaidam hram rawh, keimah vang in si a " ka naute ka mualpho reng reng lo, nangmah hian ka zahawmna min hum sak a nia,kha i thil tih vang khan mipa ka nihna ah min zah zia iti lang a lawm,mahse keimah vang zawk in i thiante hma ah zak tak in i awm si a, in ngaituah chiang la ka duh a ni min zahpui leh dawn ai chuan" nilo U Rs nang hi ka zahpui ang che maw? Nun thar min pe a, nundan mawi engkim hlawh neilo a min zirtir tu leh mahni thawhchhuah a ding tlat mihring hi ka zahpui ngailo ang che, ka zahpui lo che ni mai lo in ka ngaisang che sin, mipa diktak i ni lawm, min rawn kuah a "ka naute nang ngei hi i ni"

ROSANGLIANA POV
pawisa chu ka ngah kha ka naute kha a thiante zing a tih mualpho kha ka duh reng reng lo mahse fiah ka duh a ni, fiah pawh alo dawl ngei mai, keimah cabg in a thian ngawih ngawih a sual duh a nia, alo nasa reuh tak tak a ni mahse ka lawm tlat, a chet dan zawng zawng kha ka hmeichhe duh thin te awm dan chu a ni hauhlo mahse ka tan a a thil tih hian ka tan a a in pek zia a ti lang a, a huaisen pang pang khawp mai, tun bak hi ka fiah ngai tawhlo, kum khat pawh ka nghak thei tawhlo, engkim ka hrilh tawh tur a ni Delhi kan thlen thlak hun ah chuan ka hrilh dawn chiang khawp mai.
Ka chhungte nen a kan awm hran vawikhat na tur a ni bawk a ka hreh viau na in ka bul ah U Rsa a awm dawn tho a ka hrehna pawh a zia ve deuh, Airport kan thlen chuan hmeichhe pahnih chhelo zet hian min lo hmuak a, U Rsa thian te an nih ka ring a, hostel tw ti fel phawt ila ka tih pawh in hmeichhe pahnih chuan an in lam a kal an rawt tlat a U Rsa lah chuan ka thusawi ve ai chuan a thiante thusawi cgu a ngaipawimawh hle a,ka thin a rim khawp mai mahse tihlan erawh ka duh bik chiahlo an motor rawn ken te lah chu a changkang si U Rsa hi hetiang mi lian tak tak a kawm fo te chuan a chi dawn lo e ti ru chung chuan kan tlan zel a, in lian leh ropui lutuk kawt a kan han ding chu, ka lo in lak hausak ve thin nen ka te chem chem hian ka hria, in kan han lut chu a va han ropui tak em! Ka nu leh pa ai chuan an upa zawk daih mahse tar ti a sawi tur erawh an ni lo.
An nu ber chuan "Apui, kan lo lawm a che kan hmuh chakna che a rei tawh lutuk a, thlalak ai chuan a tak ah hian i tha daih zawk" ka meng phar nasa mai engtin nge ka hming a min koh theih engtin nge ka thlalak te chu an neih? Enge awmzia "kan monu hual ini lawm" ka hlauthawng tak zet U Rsa lam ka va hawi phei a alo nui sung hmel ka hmuh chuan ka hlauthawng lutuk thinrim bawk si chuan a awm ah ka va tham a,ka mize diktak chu ka phawrh leh ta hmela min lo hralh a maw? Sum i mamawh viau nih te chuan min dil mai ta che, a hmai a ben ka tum chu min lo dang bet a "ka naute ka hralh lo che, keimah zawk hian ka lei dawn che" ka mittui a tla pur tawh,enge ka chung a thil thleng hi an pa ber chuan "Apui hrethiam rawh, thil awmzia ka sawi phawr ang, kan fapa mal a ni a RB company nei tu hi ka fapa a nia, a nupui tur hi kan fimkhur tluk zet in ani pawh hi a fimkhur a, nang hi a rawng ra che a, rei tak a enthla leh che a, i tan chuan hriatthiam a har viau ang mahse a bum miahlo che nia" tiin thil awmdan zawng zawng min hrilh chuan mak ka ti, tik khawp hian a hausa a mahse a chapo miahlo, mi rethei tak ang pawn a awm thiam zel si.

ka nu leh pa te an lo chahthla tih reng ka hrelo,kan in hualna tur thil vel an lo buai pui chu niin, ka hlimna hian van hi a tawng hial ang, ka awmna room balcony a ka thut lai chuan U Rsa rawn lut in "Ka naute, kha zan khan nang hi tawnglo ta che ila, ka nih na hi ka hre ngailo ang, ka hmeichhe lo tawn tawh ten mipa ka nihna anga zah taka min biak ka hre ngailo, sum duh lutuk hlir ka lo tawng thin a mahse nang chuan ka sum lam en lo in keimah a ka thatna lai awm chhun thlirun ka rual a ke pen i zuam reng te kha hmeichhe tha tak ilo ni zawk a sin, i nunhlui ah ilo che tha lutuk lo maithei mahse i pawnlam lan dan ai chuan i chhungril thatna zawk hian min hneh a ni,nang hi ka duhthusam ini lo ka lo ti thin a mahse nang tluka ka duhthusam kim na an awm chuang lo"
Nang hi lo tawng lo che ila chuan khawlai ah vak in ka la tei mai mai awm si a, nang chuan nun dan min zirtir a nunthar min pe a, chu ka nunthar ah chuan nang ang mitha hi ka rawng leh che a, ka vanneihna zawng zawng hi chhiar thiamlo mah ila, nang erawh ka chhiarthiam che a ni
"Nupui virgin neilo mah ila pawi tihna em em ka neilo mahse ila virgin em? Kan inneih zan ah ila hre mai ang i Nupui thianghlim leh thianghlim loh chu tiin kan inneihni nghak chuan ka mu ta a.

THE END



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)