MIN DUAT LO SI By Toni DA Ralte Ahmangaihi

[Ngaia]

MIN DUAT LO SI !!

“Ka puakkeh dawn, a na lutuk; Toni , engtinnge kan tih ang? Mawh mawh” a thaw hlawp hlawp a! a awm chu a dawm vung vung a, tahchhuak insum tih hriat reng hian a hmui a pet fan fan bawk a. Ka en reng ringawt! Thian dangte chuan an buaipui a, a rui lungpuam tap vel mai mai a ka ngaihsak chu a lawm lo hle niin a lang.
“I thiannu hian buaina ka tawk a, min puih pawh tum lovin min lo enliam mai mai a maw?” a vin ta hle mai.
“engmah I sawi hleinem” diktak chuan ka sas nen kan inthen hlim chhawn a la ni bawk nen, mahni a awm a ngaihtuahna kawm melh melh ka duh zawk hun kha a ni miau a. Ani zurui mai mai lo khukpui chiam chu hun khawhralna tha tak a nih rualin ka za hlawllo a ni.
“Zuala leh Rinkimi te ka phawk a!” tlem chuan awmzia a nei ta deuh e. Zuala a tih chu a bialpa, a atchilh hlauh hluah leh ninawm khawpa a sawizin thin kha ani. Ka la ngawi reng a.
“an inti “ teh bawl a! kan frank tlang tih lo hresa la.
“chuan”
“zuala motorah a nia, lalmuani ten juice kan ngah mai an tih vangin hei En-I nen hian kan va kal a, Zuala car a an em vangin ka va pan a, a chhungah chuan…” buh nuaih chuan a la sawi zo thei lo zui. A na ngawt tak ang, Zuala hi a duh ve hluam hluam em a! engtinvak nge a thiante chuan kan tihpui chuan ang le? Kan thianzaho hi pa5 kan ni a, tuna thinlung kehsawm mek hi Bawihi a ni a, kan inkawm ngun lehzual deuh a, keiain a naupang hret a, mahse min ngam hle!

“saw Zuala te chu” ka bula thu Chhani chuan a lo ti sap a. Kan lo en thap ringawt. Zuala chu tlangval hmelchhe lo fahran, changkang satliah ve tak, rethei te hmusit tawk lek a hausa an ni roh a! a mizia hi ka ei thlawt lo thin a, mahse Bawihi hian a duh em vangin thian naran ang chuan ka kawm lui ve thei hram. Bawihi thlim a “damlai par” a lo chenpui nula Rinkimi chu nula hmeltha leh nalh zet a ni a, mahse pawi tak maiin mi pawmlai ngaihzawn a hrat vang a tlangval ten an iai ruk a ni a; engmah a thawk lova. A nalh nileng deuh tawp a ni ber e. Bawihi nen aninngaizawng tih hrereng chung a Zuala tan a a lo inphalrai duh mai chu sihhnip ka tih piah lamah zaktheilo ka ti ngawih ngawih, ka rilru in tihdan tur ka ngaihtuah a, ka tihfuh vaih chuan bumhmang pahnih te chu an chak lo ang chu!
“engpawh sawi ila, lo ngawi hmak ang che” Bawihi chu ka hrilhru sur sur a, a lo bu nghat a.

“Nang khan engnge ilo sawi ve chiam a?” Rinkimi chuan Bawihi chu a melh dum huam mai a! a mit hnawih chu a pherh deuh niah a, an che nasa a ni mahna.
“ka duh duh ka sawi ang” ve hmak a.
“tunah chuan Zuala hi lo zarbuai ve tawh suh aw, ka ta ani tawh, chuan engtanmah a ti lo che, I lo text chhen te, ilo call chhen te hian a ning thei lutuk; I sms te hi kan nuihpui thin” a ngam sak sak reuh e.
Bawihi na tuar hmel chu ka hmu rei thei ta bik hauh lo mai, ka thian dangte chuan rum em em in anlo melh bawk a, Bawihi mittui far fap fap chuan min khei thlawt!

“hei, zuala hi ka ta sin” Zuala kut chu ka va chelh pah a. Makti zetin tupawh mai chuan min en hu hu hlawm a, Zuala ber pawh chu a meng buai nak mai!
“hei I va zak lo e, tinge tikhan min tih ngawt a?” Zuala hi a intih mipat ang aiin a aw hi chu a thum dut dut lem lo, ka hlau nep ta riau!
“tiang hian I ti leh si dawn maw? Vawi engzatnge ka bulah I tah tawh kha? Bawihi bulah pawh engkim ka hrilh dawn I ti a, a nat ka hlauh em vangin ka phal ngai lova, tunah henu easy lutuk hi sex I hmanpui a, ka hnena I thutiam zozai te kha I sut leh vek dawn maw?’ confi zet hian ka ti sak sak a. Bawihi chu ka va melh a, a mitmeng chu maktihna hlir hian a khat a.
“haha..iva dawthei tak em; nang nen hian a them pawn ck takngial pawh kan la ck lo aw” a ti vin hlur a. Rinkimi mitmeng buai deuh chu ka va hmu a, nuam ka ti tan riau.
“khatiang khan Bawihi leh Rinkimi pawh ka bulah I sawi thin kha; Rinkimi phei chu ka inzirna te I tih thin kha, sex hmanpui ka duh tawh lo, ka hlau deuh tlat, mipa a kawplawr sia ti tu pawh kha nangmah ngei chu inih kha le! A hun leh hmun leh dar zatte sawi vek kher a ngai em? “ a kawr awmah ka va tham a, ka sawi nawk nawk a.

“Rini, henu hian dawt vek anih hi a sawi aw? A thiannu nen kan ni reng a, engvangin nge a ni chu ka ngaihzawn ngawt ang?”
“hrep tak a! bawihi pawh then ka phal loh vang chauh in anih kha I then loh? Midangten an hriat ka hlauh em vangin sas te ka neider a, chungte pawh min hriatpui vek khaaa..Bawihi sas tur tha tak kan hmuhsak hunah kan inpuang dawn nia ka tia, chu pawh min pawmpui a nih kha; dawt sawi a ngai hleinem, Zuala, keichuan ka la hmangaih reng che, engtin pawn awm la, ka ngaidam thei che asin”

“naaaa..henu hian eng nge a hriat le?” a kut chuan a lu a dawm vung vung a. Ka mittui luang ngiai ngiai chu muangchangin ka hru hul a.
“min tina hle mai, mahse min phatsan ngam chiah ang maw? Enge ka kutah awm I hriat kha..Rinkimi nen in video hi a leak out I duh bik ka ring hauh lo mai a; min rinngam em vang leh ka ngen nasat em che avangin min pe kha ania, khami tum pawh khan Rinkimi leh hmeichhe dang kawp tawh lo turin min tiam ani lawm ni? Mawh? Ka hmangaih che vang leh tap chung a ngaihdam min dil vangin ka pawm leh che a, hei tunah Bawihi leh keichu na takin min hliam ani, Zuala zep tawh suh, inpuang ve tawh mai rawh, keichu inzep reng hi ka thei tawh hlawllo” ka insut hlap hlap a. Mittui karah Zuala mitmeng dul raih chu ka va hmu a.

“eng kan video maw” Rinkimi aw ah chuan hlauhthawnna a tel a.
“sex video kha” a mengphawk hle, Zuala chu zawhna a khat mitmengin a melh a.
“ilo va tenawm ve a, a rukin ilo la vel a ni maw? Zawnga uichopa leh”
“aih, teuh lo, henu hian dawt a sawi a nih hi, ka hrilhfiah vek ang che” mangang takin a lo ti ruai a.
“khawi video chu min lo pe rawh” Rinkimi chuan min rawn pan a.
‘ka bialpa mualphona tur hi ka duh bik I ring a mi? I duh chuan zanin ah kan inah lo kal rawh, ka laptop ah tuma hmuh ve mai mai theih loh turin ka thukru tlat e” ka lo ti a. Ngei hmel zet hian min melh rawm rawm a, a hmel chu a tha thlawt, mahse mi pawmlai ten an khalhchul tawh tlat!

“Toni, enge I tih hi ka hria lawm, I rapthlak hle mai, dawt ngialngan lutukin min han puh chu a nia, ka khawih duh mai ang che” a insehruh nasa mai a. Ka hlau hlek lo.
“mahni thutiamah pawh ding zolo mipa hi mipa diktak a chhal ngam har ka ti ve det! I duhthlang rawh, Rinkimi I zui dawn nge kei hi min pawm kumkhua dawn? Video kha hrereng bawk la, blackmail I ngai hi pawi ka ti, kha video ah khan chiang takin I hmel pawh a lan ve kha”

“Zawnga min tih mualpho dan hi ka palzam mai mai lovang, Bawihi chauh lo pawh ilo kawp a, chutah a rukin ka thla ilo la a, vawikhatmah min lo be tawh suh ang che” thinrim hmel zet in a kal tau sawk sawk a, Zuala chuan a va umzui a, anin pawt laih laih a. Kan lo thlir thap. Zuala chu a mah chauh in a lo phei leh a, ka lo la ding khawng lah a, ka mitmeng a nuihzatna chu tihlan ala hun lo nachungin ka thup zo meuh lo niin ka hria.
“engkim I tichhe vek a nih hi” beidawn hmel zet hian a ti ta thlawt a! a thinrim ai mahin ka chetdan chuan a tibuai tawh niin ka hria.
“bumhmang chu bumhmang bawkin an bum fin a ngai thin” ka nui pah a, ka nui ri chu atan ramhuai awri ang hial a nih k’n beisei ngawt a!

Harhchhuak thut niawm takin a let vut a, Rinkimi kalna lam chu a pan ta a. Mahse a va chinfel theih ka ring tawh lo, Rinkimi thinlungah hlauhthawnna ka tuh tawh tlat! Sex video kha a fawng vuantu nitura min pui thei tur hmanraw tha ber a ni miau a, tum loh deuh a ka sawichhuah a ngai si a ni. Police an pun ang tih erawh ka hlau ru ve zek zek, mahse Rinkimi kha nu nasa tak ni mah se police nen inhnamhnawih thilah a in tahluh buai duh ka ring lo ve tawp; a hmingchhe tawh sa a, chu chu ka tan rahbehna remchang tak a ni. Zuala kha chuan Police punbuai tum pawh nise Rinkimi a mualpho tel ve dawn vangin a in hnukdawk duh leh mai ang.

“Toni” Bawihi a ni.
“I lo ngawi reng thei kha ka lawm e, kha kha phuba lak dan awlsam ber a nih kha; tunah chuan Zuala hi bawlhhlawh a ni a, a bawmah I paih a ngai tawh a ni, midang I nei nghal bawk ang” ka lo ti hmawk hmawk a, keipawn midang ka nei vat thei bik tawp si lova, Bawihi chu midang nei vat turin ka duhsak ve em em mai. Chumizan chuan Rinkimi’n min lo call ta chiah mai le! Ni e, thil pawimawh tawpkhawk kawl angin ka insawi tawh miau sia!
“video chu khawngaihin minlo pe ta che”
“pe che pawh ni ila, eng nge I tih chuan ang a? “
“khawngaihin tumah pe lo hram rawh”
“hlauthawng suh, midang tih mualpho hi ka duh bik reng reng hleinem, mahse thil pakhat erawh min tiam a ngai ang”
“sawi la”
“Zuala hi hnaih tawh suh, a chiang em?’
“tehreng mai, diktak chuan amah hian min zarbuai reng vangin ka kawp ve mai mai lawm, video chu I kawl tak tak em?” min ringhlel titih, thlamuang chuang silo a a awm vel chu ka khawngaih lem lo.
“kawl e, zuala khan a lo umzui leh che khan eng nge a sawi?”
“kan inkar tihchhiat nan nang hian dawt hmangin min bum ve ve tih a sawi”
“I awih em?’
“ka hre lo, mahse zuala chu ka ring thei tawh lo; ka cousin pawn Ramhlunah sas a nei a ti”
“a rualin hmeichhe pa 3 min bum a nih chu; nang pawh fimkhur tawh rawh, tuna asas pawh chu sex a hmanpui vaih chuan a thla a la leh ngei ngei ang, chu video hmang chuan a thu thu a dah a tum tawh thin al, diktak chuan in video pawh kha nangmah vau nan hman a tum tih ka hria a, chuvang chuan a phone a mi leh a computer a mi pawh a rukin ka delete sak vek a lawm; a mah chuan a nei tawh lo; a sual a sin”
“khawngaih takin tumah hmuh lo hram rawh aw” ngawih ngawih tak a!
“awle, mahse ka sawi tawh ang khan Zuala chuan engpawh sawi se awih sak duh tawh reng reng suh; a thangkamah I awk leh hlauh palh a nge, hnaih tawh lo hrim hrim la, I him a ni mai, tunah pawh mi bulah engtinnge a sawi ang che tih I hre lo”
“ka damchhungin ka hnaih tawh lovang, a hlauhin ka hlau tawh, nangpawn I thutiam kha hlen va rawh aw”
“awle, tehreng mai” A zo e. Tikha chuan Zuala nun kan ti chep ve ta sawt mai. Rinkimi kha chuan Zuala chu a hlau tawh ang, a hlat tawh bawk ang, Zuala’n insawithiam a tum poh leh a hlau tulh tulh ang, Zuala chuan police pun tehreng pawh nise; Rinkimi’n min ngenna angin ka delete tawh ka ti thei ang. Chhui chiang dawn ta se, Rinkimi tan hmingchhiatna a nih dawn vangin ka aiawhin Rinkimi chu a ding zel tawh zawk ang. Zuala chu bumhmang leh tenawm, hurna hi a talent emaw ti a insumbuai tum lo mi ani a, a phutawk chu hmu mawlh teh se.

Fb pawh a hma angin a nuam thei ta meuh lo; ka ex lah chuan sas a han nei rang leh em em khawp a! Min ngaihzuina chhete pawh a nei ve lo a niang, nge minlo kawp sa reng tawh tih pawh ka hre lo. Runluih ka chak thei khawp, mahse ka indahhniam duh bik silo.A va han ngeiawm tak, a thlalak te min lo tag a, comment-ah a sas thar nen anin duat hiam hiam vel a! inphenna tur sas ka la nei ve der silo. Zan1 erawh chu mipa pa1 inlak pa hmel zet hian min rawn inbox a; a tawngkam chu mipa dang anglo tak a adangdai bik riau vangin a profile chu ka han check nghal thawt thawt a, ka tuah {r} tawh em vang emaw ni!
“sas inei lo tiraw” a ti a.
“I van hre thei”
“nei la chuan ka be miah lovang che”
“ka nei loh vang chuan tinge min biak a?”
“ka ngaizawng dawn che mawle”
“ringawt a che”
“ringawt lo; nizan hmasa tang chiah khan ka friend list-ah I awm tih ka hria a, chuan ka lo inbox che”

“engtia chetlak nge I tum a?” ka va zam lo ham ham tak.
“I awmdan a zirin; chuan ka huphurh miah lo” a nghal ve pangngai dawn a ni maw. Mahse a mizia frank leh confi zet chuan min lo hip leh hmanhmawh a, bakah a pic ka en a, ka ex aiin a tha a, a ‘man’ zawk bawk. Zan 3 zet kan online a piang akan han chat takah chuan kan in bialnu/bialpa chei ve ringawt a! a mizia nilo awm takin ka chanchin leh kan chhungkaw chungchang a ngaihven riau! Zawhna a ngah thei hrep lehnghal! Mipain min ngaihzawn reng reng hian min duh ve tak tak leh tak tak loh ka hriatthiam na ber chu ka chanchin leh ka chungchang a ngaihven leh ngaihven lohah a ni thin.Min ngaizawng ve satliah ka chungchang a zawhna nei ngai miah lo ang chi hi chu ka thutak pui ngai lo.

“Monday-ah ka lo haw dawn” Pune atang chuan a rawn ti a; kan number pawh kan inpe tawn tawh a, phone call hmangin kan inbe tam tawh zawk.
“chuan?” ka lo ti ringawt a.
“ka lo thlen zanah ka lo leng nghal dawn”
“I chau awm sia”
“ka fawp chak tawh che lawm”
“kiri..ka duh bawk lo”
“muah, devotion kan nei lawk dawn”

Inngaizawng ni chiah silo, inngaihzawn tak tak chu inhmuh hun a tan a nemngheh turin kan khek a ni ber e. Engvanga minlo be ve tawp nge tih ka zawh chuan, “ka sas in minlo kawp khanglang a, ka thinrimin ka list-a hmeichhe ho thenkhat ka be vak a, nangmah khan min hipa ta ber a niang, nangmahah ka tawp ta a ni” a ti. A sas then lungleng leh ka ex vang a ka lo in sawhtauh nghawng nghawng hun a in nang chu a fuh hi k’n ti rem rem khawp!

Kan in a a rawn len hmasak ber zan chuan kan laidun ve det! Kan Innuih leh ringawt zel a; ka chhungte nen ka han inhmelhriattir a. Ka beng bulah a rawn phun sur sur a, “engtikah nge kan in kiss dawn?”
“hmanhmawh e mai” ka lo ti ve mai a! a fresh in, a rimtui ngang mai a, a thawmhnaw hak te chu ka duhzawng hlir! A vei nuih zawng a abiangsum khuar kelh thin chuan a ti lang duhawm hle, a tuai phah hauh silo. A khabe hmul tlem kir chiat chuan a tilang pa hle a, a mitmeng chu mizo mipa mitmeng ang tho a ni, a mithmul sei leh er tan chuan a ti hmeltha zual niin ka hria, ka han fak chiam a, mahse ka beisei dan ang aia tha a ka hmuh vang chuan keimah pawh ka confi phah sawt!

“hmeltha min ti lehzual em?” a ti sar sar a.
“aih”
“dawt I sawithiam lo e mai”
“nih kei?”
“a takah I tha zawk, mahse ka ex aiin I hmeltha lo” ka lo tum hmanhmawh a! nui sang chungin, “mahse ka duh zawk che”
“dawt vek”
“I la hre mai ang, tihian kan inngaizawng chiang tawh a; ka phalna lo chuan kan inthen dawn miah lo nia aw”

A haw dawn chuan gate thleng ka thlah a, kan gate bula nuhnun {thingfanghma} ding chuan thla eng chu a hliah thim deuh a, min pawt dawrh a, ka inrin hmain min fawp ta a. A zei khawp mai. A vawi1 na chu.

Christmas a hnai tawh bawk a; mitinte chuan chulam hawi chuan thukhawchang an sawi deuh thup tawh a. SAMMY nen pawh zantin kan inhmu a, kan ina lo len chu thulh a tumlo bur ni maiin ka hria, a tak ngei a kan han inhmachhawn fo takah chuan ka thutak tial tial a, ka ngaina hle tawh tih pawh ka zep lem lo.A ni pawn ngaihzawng satliah ang chuan min en bik lo in ka hria. Zan1 chu Bawihi a lo riak a, a zurui a haw ngam lo a! zuala vang a a thinlung hliam kha a pun belh zel a ni ber e; hetiang khawpa hmangaihtu hnar a phatsantu Zuala chu hlim tak a nun a hman hlen ka ring bik hauh lo mai. A rui lungpuam chu a tap leh pur a, inchungah Sammy te nen kan pa3 in kan awm a, ka u guitar ka la a; kan han zai leh rih a.
“Sam, Toni hi I hmangaih em?” a han ti leh ta thawr mai a!
“ka ring” tih chauhin a chhang. Na ka lo ti zawk a, mahse engmah ka sawi lo. A hmel chu ka va en a; inngaihtuah buai hmel a pu a, helhkham liantak nei ang maiin a insangmar teuh mai, min hmangaih leh hmangaih loh ka zawt ngai lova, ani pawn min zawt hek lo. Mahse kan inngaihzawn na hian hmangaihna a kengtel em tih ka lo la ngaihtuah ngai bik lova; tin, a la rei em em lo bawk lo a. Chumizan chuan Bawihi lo riah dawn vang in a haw hma a, a mut dawnah minlo text a, “Toni, ka hmangaihlo che nih pawn ka duhna che leh ngainatna che hian min phuardun reng thei tho ang” tih hi. Ka tan a tlawmthlak hlein ka hria, “hmangaihna hi ka mamawh em em lo e, min tihlim la a tawk e” ka ti ve ta hmak a.

A camera tur kan zawng kual a, MC ah ATM a hman zawk chhungin ka cousin dawr nghak hnenah ka u thil min thawn ka va dah zuai a, ka let leh chuan Rinkimi nen anlo ding dun ka hmu ta a! let leh mai ka duh na a ka va pawh ta zawk a, Rinkimi chuan zah hmel ve deuhin minlo nuih a, ka lo nuih ve mai a, zep lohah chuan chu hmeichhia nen in hnaih chu ka duh lo.
“in in hria law?” ka ti satliah a.
“ka thianpa ex anih kha, I hre ve zawk mi?” a ti a. Ka kut a rawn hum a, ka hlauhthawn ang chu a lo ni lem lova, Zuala chungchang buaina vel te kha ka hrilh vek dawn mi aw..ka ti rilru a, mahse mi rapthlak tak anga min hmuh ka duh lo; tin, Engemaw vang ten kan lo inthen thei, chutih hunah chuan Rinkimi ka bum dan te kha min blackmail nan a la hmang ve thei tlat, ka ngawi ta rih a.

A thianpa B’day ah min sawm ve tlat vangin ka nute phalna in ka kal ve a; kan tam lem lo na a, a nuam reuh hle, ka thiante awm ve se ka ti hle. A thianpa Msa bialnu nen chuan kan inkawm deuh bik a, kawm a nuam in fiamthu a duh reuh sia, a bula awm a nuam kher mai. Ka u in min lo call a, balcony-ah ka chhuak a, ka biak zawh hnu pawh chuan ka hawi khawthawng ta reng a, a vawt tawh in boruak chu a nuam angreng hle. Ka luh hnu chuan thiante chuan zawlaidi an lo in mek a, kei pek a rim hi ka ti hleithei lo a; in ve pawh ka tum lem lo. Sammy ka zawng a, ka hmu ta hauh lo mai, msa chu ka han zawt a, a room-ah aawm thu a sawi a, han chho ve rawh a ti nghal a, nui chungin inchung lam chu ka pan a. Kawngka chu a lo inkhar phui lem lo bawk a; ka nam hawng a, mahse…!

“Zaninah ka fight dawn lawm; camera pawh ka fit vek tawh “ titu min hnungchhawn zawng a ding chu Sammy ngei chu a ni si a maw??!! Ka ding chawih a, thawm nei hauh lovin kawngka chu ka khar leh a, mahse ka beng chu ka chhi ngun kher mai. Tunge a biak ang le? Tih chu ka ngaihtuah a, Rinkimi emaw Zuala emaw annih loh tak ah!
Ka hrechhuak ta zawk mai, hmanzanah film ka lo keng tiin ka laptop ah kan en a, inchungah, kan pa2 in. Thingpui ka lum hlan khan kha Dawt sex video kha a lo zawng chiang mai!
“chutiang a nilo, hun remchang ka la hmu lo lawm; ka intahluh thuk hma hian tihfel vat ka duh ve tho lawm”
“zaninah chuan ka hlawhchham lovang; Zuala pawh vawiinah kan veng nula nen rui tawkin ka hmu a, a la hlim hmel khawp mai, hehe, awle2 ka dah aw, bye” a ding vang vang a. Kei chu ka thaw a tawp dawn ta mai emaw tih turin ka ding tawp chawt a! ka khur hlawk hlawk a, ka thinlung chuan puahdarh vek chakin min hnawh ut ut a, ka dang lawp lawp hian ka ring a ni. Mak ka tihna leh na ka tihna te, ka thinurna te chu ka chhungrilah chak zawk nih tum ang hrimin an in lar chhawk zut zut a. A va mak em!

“toni, I pride kha khawnge? Rang takin belhchhah rawh, khawnge I inrintawkna kha? Neilet leh ngei rawh; ngaithla rawh, bansan suh, kalpui zel la, hnunglam atang a chemte a vih tum tu che hi chance pe hlek suh, bumhmang hian bumhmang nih a sim hma loh chu he game hi I tawpsan thei lovang; I paltlang em em ang, I thei a nia, I thei chiang a ni” tiin darthlalang a ka hmel lo lang chu ka hrilh mawlh mawlh a, ka kut chu nghet zetin ka hum a, ka insehruh a, ka hmel dang bai leh tawrhna hlir a khat mitmeng chu rum em em in ka melh ngawt ngawt a. Ka mittui dan rual loh a rawn parawl kuang chu dankir tumin ka han khap per sak sak a. Ka nui lui vel thul, engtikawng mahin ka mitmeng khawngaihthlak tak chu ka ti danglam thei chuang silo. Aw..khawvel zet hi chu’h! phuba kan la emaw kan tih hian buaina thuk zawkah kan inhnuklut tih ka hrethiam ta chiah e. Ka thian thlavang ka hauhna chu a lo kha deuh ta ani ngei ang, ka rinloh leh ka beisei reng reng loh ka bialpa chuan a thangkamah min awh ngei tumin min umzui char char chu a nia!

Rinkimi nen chuan eng nge anin laichinna ka hre lo, mahse thian satliah anni lo tih ka hria, a tir a tang a tun thleng hian thilthleng zawng zawng kha duan lawk vek a ni. Mahse ka tawpsan dawn lo, a thangkamah ngei chuan ka nawrlut dawn a ni. Zanriah chu ka lem thei hram hram a ni, engkim chuan tuina a nei lo, zu chu ka in chak kher mai, mahse zu no ka dawm rualin ka ngaihsamna rilru a rawn chhuak ngei anga, ka hmelma te chance a tha dawn tlat! Ka va in awm lo chiang em! Msa chu a bekbawr sur sur a, kan haw hma ngeia a duh chu hmuh a tum a ni tih ka hre ve kar, msa room a min kuah chhoh laite chuan thinlung na leh rum chungin ka nui lui awr awr a, lemchangthiam tak chu ka lo nih hi le!

“duat, I nuamsam lo mi? I awmdan hi” lemchan chu ka lo thiam tluantling bik lo ani ngei ang.
“ka tha lawm” min rawn fawp a, reivaklo chhung chu ka han sihhnip lui a! ka bialpain ka taksa a tawh na laite chu meiin a kang te emaw tih mai turin a sa zawk zawkin ka hria, ka tuar thei lo tep. Min fawp uar telh telh a, min hrawm na tial tial a, min bawhbet a, ka thawmhnaw phelh lamah a tuan tan ta a. Ka kawr a phelh lai chuan ka insangmar teuh a, ka lo ip chawih chawih mai. Hlim hmel zet leh hnehtu inti mitmeng hian min melh sawr sawr a, “ka hrem dan tur che chu lo nghak phawt teh” ka ti rilru a. Min mamawh hiam hiam tawh; ka kekawr a phelh leh dawn lai chuan, “Sam, sex hman ka duh lo” ka lo ti hrawk a.
“duat, tun chiah, umm, ka ta I nih kha”
“ka duh lo ka tih kha”
“a rei lovang, min hrethiam rawh, duat, min duh ve tak tak a nih chuan” a ti ham ham a. Min sawngbawl vel te chu nuam tih chu sawi loh a ten in ka ten ngawih ngawih! Hepa hi ka lo vei em em, a mah nena hringnun nuam ka lo tih na, ka nuihpui thin leh ka pangchanna thin kha a ni si a maw?! Chutiang khawp a ka duhna chu reilote chhung khan huatna namen loin a thlak vek tawh. Min kuah nghet sauh sauh a, a rum nghut nghut a, a thaw leh ham ham thin. Ka kekawr phelh leh a tum lai chuan tipalh niawm takin a kap chu ka khupin ka han nawr a, a tho deuh zawk a, mahse a nui a, a chetdan chu a la danglam chuang lo. Ka in sum thei tawh mang lo a, ka kekawr a pawhthlak lai chuan chiang leh khawng fahranin ka ke chuan a kap chu k’n tlawh pawp mai a’h!

Khum atang chuan a let thla tawp, a vial ta ngawlh ngawlh a, ka inha tha sawk sawk a, mitmeng huatna hlir a khat hian, “a tawp tawh e, I lemchanna chu ka lo hlimpui hle mai; I boss Rinkimi chu pawisa hmanga tihlawm lo tum mai rawh aw, in hausak kha..heh..chhiahhlawh tlaw tak I ni e, hlawh hmu tlak pawh inilo, chuan maw..mipa I nilo, tuai inih kha..uluk takin mipa diktakin I mawngkua kha bei se I rai thei ngei ngei ang..haha..tak tak ana, Rinkimi tal chu a lungawina khawp I pe ve thei mahna; lo hur dun hiam hiam ang che u” ka tawngkam tinte chuan a tina hle tih ka hmuh chuan nasa takin ka hlim a ni. Ni e, ka tawngkam te kha a mawilo a, a rapthlak tih zawng ka hre ve e, mahse tu phiangsenin nge tawngkam nem leh hawihhawm tak a mangtha thei bik tehlul ang le?!!

Urlawkni a nih vangin thiante nen kan leng ve a, hmana kan lenna ah khan. Sammy ka hmu. Khamizan a tang khan inbiakpawh theihna zawng zawng ka chhu chat vek a, pawnah ka chhuak ngai lova, zan1 a rui a lo kal a, ka u {nuta} ka hnawhbo tir. A hmel ka han hmu leh chu tlem chuan ka ngainatna kha a rawn nung leh deuh a, mahse ka thunu theih loh khawpa nasa erawh a nilo. Min en vawng vawng a, a mitmeng mawlh kha..hun khirh tak tawk mek ang maiin a buai nuaih a, na tuar tih hi a hriat ngawih ngawih bawk. Mahse ka ngaihven duh hlawllo.

“reilote tak tak hun min pe rawh” thla ka lak kual lai chuan inthlahrun hmel em em in ka bulah a ding zum reng a.
“sawi rawh”
“min ngaidam rawh”
“awle”

“Toni”
“eih ah” ka va nuih a. Ka nuih rual a na tih hmel zet a min melh zauh chu k hmuhhmaih bik reng reng lo.
“bultan leh ka duh a ni”
“I mumang sawi hun a nih loh hi”
“vawi1 chiah chance min pe rawh”
“kan huanah phuihnam a awm tak asin”
“Rinkimi kha ka patea fanu a nih kha; in buaina kha minlo hrilh a, a hlauhthawn em vangin ka lo khawngaih a, tichuan ngaihzawn der che a a video I kawl kha lak ka tum a, mahse ka hmuh zawh loh vangin Rinkimi’n tap chungin a invenna tur thil siamsak turin min ngen a, tichuan sex hman dun a, video siampui che ka tum anih kha; khatihlai khan ka duhna che kha tisa thil vang mai mai emaw ka lo ti a, mahse min kalsan atang chiah hian ka thinlung a I lo luhthuk tawh zia ka hrechhuak a ni; hremna chu min pe rawh, mahse min kalsan hlen suh, ka ngen che” a inpuanna chu ngaihthlak a nuam lem lo.
“Zuala bula ka thusawi I hre duh em? Bumhmang chu bumhmang bawkin a bumfin a ngai thin” ka nui leh a. Ka thinlung erawh a rum ve chiang a sin. Ka kut chu ngam leh ngam lovin arawn vuan a, a kut lum ther ther thin kha a vawt ngiai mai, chauh hmel em em hian min en ngawih ngawih a, keipawn khawngaihthlak tak angin ka hmu ve hial, mahse ka thinlung kahpathir ang mai a sak leh khauh tun reng chu a ni mi tinatu tan a thawk ve mai mai hian a tinem hlek lovang e! Rinkimi chung a ka thiltih kha dik e ka ti lo, mahse ka tih chhan chu ka hrechiang asin, a hmeichhiatpui mittui luantir a diriamtu kha dim a tulna ka hre hauh lo, ngaihdamna thinlung nen a hmeichhe dang thinlung tina leh zel tur a thlahliam chu kei thian te tan a engpawh huam thin hian ka thei ve ngang lo. Bawihi kha hmangaihna in bual a lo nise khathil kha ka tilo bawk ang, Zuala chunga phuba lak ka tumna kha Rinkimi pawn a lo haptel ve lo thei lo a ni mai.

“min ngaizawng tawh dawn lo maw?”
“mipa diktak I nih hunah aw” mipa tlinglo ka tihna chu kan buaina kha a lehlam chauh ngaithla lovin lehlam thusawi pawh a ngaithla in thutlukna fel tak a siam turah ka ngai a, mahse a ti lo, ka tan mipa a tling lo.

“nih chuan sas I nei dawn em?”
“neih ve loh ten”
“ka hmangaih che”
“ka dawngsawng thiamlo angah lo ngai mai rawh, I hmangaih nih ka duh lo”
“I va han sual em”
“I hre har tiraw?’
“ka lo nghak reng ang che aw”
“heh..beidawn thlak awm”

Ka kalsan ta a. Min rawn umzui leh a, ka banah a rawn vuan a; chiang zetin kan inmelh a, a hmeltha tak kha ka tan a vul ve ngai tawh dwn lova, keipawh a tan engtikah mah ka par ngai lovang.
“kan nih chhung a min tihhlim na ah ka lawm e “
“keichu ka lawm lo”
Zawhna mitmeng a min en na chu nui chungin, “min duat lo si” tiin ka chhang a. Muangchangin ka inher a, ka hnungchhawn a, hawilet tawh lovin ka kalsan ta a.

{ka hming ka hman vang khian tak tak emaw lo ti su awww..tute emaw in hau ka hmuh tang a ka phuah mai mai..hihi..ngaihnawm ti ve tho ru aww..plizzz. }