IN KISS A PEIH SI ! By Toni DA Ralte Ahmangaihi

[Ngaia]

IN KISS A PEIH SI !

{Kum 2014 atana ka story post hnuhnung ber tur ani e. Ka ex zawng zawngte, ka next te, ka thiante, ka chhung leh khatte, min hawtu te, a ruka min star tute zawng zawng..inzavaiin kumthar chibai tha ber ka buk che u..rilru thar, thinlung thar, ngaihzawng thar nen bultan ang aw..huizzzzz..}

Ka pasal hual chuan min rawn hui zauh a, ka va pan a.
“Bawihi, hei hi a chanchin ka hrilh fo thin che JAMES-A kha a nih hi “ tih pahin a bula lo ding mipa sang zet chu min hmelhriattir a. Keichuan inti nelawm takin ka theihtawpa mawiin ka va nuih a, kan inchibai lai chuan chiang takin min en a. A mitmeng mawi lutuk takzet kha! A sam chu a buk tha hle a; a hnar ngul invuah fuh zet hnuaia a hmui sen hiam chuan tuemawni min hriatchhuahtir a lawm le! a hmui chung chiah a khuavang chhinchhiah lo bawk va chuan a ti lang naupangchhia lek lek; a khabe phir taih chuan a tinelawm zual a, a mitmeng mawlh mai chu tawrh a har thlawt! A ti deuh riai a, ruih nei mitmeng aia harhfim si ni berin ka hria. Kei pawh chu a..pasal hual thianpa hmelhmai lo enchik tehchiam ringawt pawh chu! Mahse ka tihthan ve dan a nia, mi reng reng chiang tak a en a, theihnghilh leh mai mai tawh lohna tur a chhinchhiah tum tlat thin ka ni.

Ka pasal hual Hminga cousin Ruata te inneih lawmna a kal kan ni a, boruak a nuam takzet. Mitinte chu kan nalhin, kan fai em em theuh a, eitur leh intur a chikim nangiang bawk nen. Hminga nen hian kum 3 zet kan inzui ve tawh a, thla hmasa lawk khan kan inhual a ni. Ka zirlai ka zawh hun a innei mai tur kan ni nghe nghe; diktak chuan pasal neih hi ka hmanhmawh lem lo, nu leh paten min chawm a, kan zir zo te te a pasal kan neihsan daih chuan nu leh pate tan a thanatthlak duh awm ka ti thin. Zan dar 7 velah zanriah kan ei a, a tui hlawm ngei mai. James pawh a bialnu nen kan dawhkan min rawn kilpui ve a, kan titi pawh a rualtlang viau e. Wine ka lem hlek hlek emaw ka tih laiin duhaiin ka lo lem tam deuh nge ni ka hai chhalh mai a! ka tawngduh viau bawk.

“In tiharh deuh la tha lo maw? Bawihi” Hminga chuan a rawn ti sup a. Ka lo nuih ver ver a, a nui ve ringawt. James bialnu Rosy chuan, “Emily, Hminga hi mipa tha tak a ni, I vannei hle mai” a ti a.
“A dik, mahse a ni pawh a vannei ve tho lawm” ka tih chuan an nui dar dar a. Chaw eikham thutmuan kan neih hnu chuan kan haw ta a. Ka mutui kher mai.

“Hi, Emily, khawilamah nge?” kawngsir a mitdel zai bawma pawisa thlak tur ka dap ruk ruk lai chuan James chuan min lo be hlawl mai, ka hmu thut chu ka lai ve tep ringawt! Pune-ah a pa hna vangin an awm char char a, thla tir lam khan Mizoram an lo chuang chhuak ve leh ta chauh kha ania. Ka nu dawr ah a rawn leng ve zuai a, a titi ngaihthlak a nuam thin hle. Zanah chuan khawharinah ka kal a, Hminga hi kan veng thenawm a awm nimahse kan veng a khawharinah chuan ka kalpui mai zel a. Mitin deuhthaw hian min hre tawh bawk a, kan inzui chawt reng mai anih hi..

“James chu ka khawngaih hle mai, Rosy khan a thawhpuipa fa a lo pai khanglang a nih chu!” a ti hmuar hmuar a. A chal a chuar nang nang a. Mak ka ti hle, hmanni zanah mai pawh khan induh leh inthlahlel tak khan anla awmdun sia! Bumhmangte khawvel tak hi chu aw..
“Midang tha deuh a hmu leh thovang”
“Lo zawnpui la”
“Zawng ve ang hmiang, mipa alwm a nih”
“In veng ani hi nei ve se ka tia, kan lengdun thei deuh dawn a”
“A duhzawng pawh ka hriat si loh”
“Nangmah letling hi a duh” a ti hmuk a. Ka tum bar mai. Ka mize harhvang leh pa hrekhrawk hi mipa tamtak ten an iai thin tih zawng ka hre ve tho; mahse mize thlak hi ka tum lo bur, ka hlimpui a, nuam ka ti. Hmeichhe zawiawi leh ti dem dem ka nih loh vang a min duh lotu chu rizai ka pawhsawih pui lo ve mai tur lah ni! Hminga hian min duh hiam hiam e mai..a tawk reng.

Ni 3 a liam a, Hminga chu hna avangin Kolasib-ah a zin a, ka khuahar ve det! Bathroom atanga ka chhuak chu James-a lo thu khur chuan min tiphu zawk! Min lo nuih var var a, sitting room-ah kan phei dun ta a.
“Inpa I ngai awm”
“Awmdun reng ang tho kan ni, min call awl hleinem”
“ka awt che u”
“naaaa..kan inhau thin”
“a hlimawm leh tho zel a lawm”
“bialnu tur I duh ve mi?”
“ka duh chu ka hmu tawh”
“tu?”
“amah pawh ka la hrilh hma a ka hrilh thawt thawt bik che ten” kan nui dun a. A tuizawng tak Basket Ball chungchang kan sawidun a, ka hre tam ve lem lo a, min hrilhfiah vel kha nuam a ti ve tih ka hre mai, tui lem lo mah ila ngaihthlak a nuam tho e.

“I dam em?” Tunge aw? Number ka hriat loh a ni tlat. Ka reply a, tunge a nih a insawi duh loh vangin ka be zui duh ta lova, a thing tawh eee..Hminga hian tactic thing deuh hmanga min fiah a tum lehpek a niang! Sunday tlaiah James nen anlo kal a, kekawr bul var chhing tiu teu leh t-shirt dum fual hnelh hnawlh ha in ka vei thuak thuak a.
“Va inthlak teh” A ti leh ta phawt.Hepa hi chu a! James chu a lo nui a, ka hmui ka ti sawi a, ka lei ka chhuahkhum ringawt. Thatchhe puan ka va bih a, Hminga hi chu a thliarkar rilru ve deuh a, kan inmilloh na ber pawh a ni, engkim hi a ngai serious em em vek a, a boring chang hi a tam thin teh e!
“bro, innu hi khuahkhirh I tum hma deuh lo maw? I nupui em pawh ala nih loh hi” ka thlavang hauh zawng a a rawn tawng chu ka lawm a, ka va siai sak a.
“khuahkhirh a ngai lawm, a easy lutuk a, midang a care bawk silo; hetiang hi chu a dik lo” hminga tak hi chu’h!
“easy te chu a tha daih zawk lawm”
“heiii, easy tihah khan sex-ah chuan a ni miah lo nia aw, Hminga nen hian kan la inti lo hrim hrim” ka lo ti hmanhmawh a! ka frank lutuk hi Hminga min khak tamna a ni leh bawk; huiham..
“sawi awm leh awm lo te hi hre ve teh; I ri leh phawng phawng zel a”
“naaa..ho eee, thian inkarah te chuan, I ninawmmm..thutak run reng hi I ning ve lo mi?” ka lo ti el ve sak a.
“Dik chiah, bro, Emily mize mil deuh te hian inthlahdul ve la, I zeilo e mai” a nui hak hak a, kan va in close bik tak, Hminga hian a thik leh ringawt ang tih erawh ka lo hlau deuh, awihawm loh khawpa thikthu chhia a ni tih hretu ka ni miau a.
“in ho mai mai e a; amah zawk hian ka mizia angin awm a tum tur a lawm” kan inhnial tamna ber a rawn phawrh leh roh e.
“thildang sawi ang u, ka ning, pasal ka neih thleng pawn ka mizia hi ka thlah dawn chuang lo” titau titih hian ka lo ti a. Reivaklo hnuah an haw ve ta a.

Hun a liam ve zel a, Hminga putea a thih vangin ka theihtawkin ka va pui ve thin a, Hminga te ina awm thin a nih vangin an chhhungkua chuan an tuar hle. In hre pawh leh intlawhpawh tawn reng kan nih tawh vangin ka zak hran lova.A putea thihcham zanah chuan Hminga’n a room tihfaipui turin min ngen a; James te nen kan pa 3 in kan tifai a. Hnawk em em phei zawng a nilo a; a laptop-a kan thlalak a dahte chu an en dun a, an nui kur kur a, Hminga chu a nu in a lo koh vangin inhnuaiah a chhuk a, a thawmhnaw ka khai that sak a. James chu ka bulah a lo kal a, almirah ka khar zo ka inher leh chiah chu kan inhmachhawn ran mai! Kan thawrite pawh kanin hre tawn thei hial, chutiang khawpa inhnaih chuan kan ding a, chiang leh fiah fahrana ka mitah tak min melh chu ka zam chhe hman tep a ni. Ka nui a, kalpelh ka tum a, ka kawngah a rawn vuan leh ta tlat!

“het! Enge I tih” ka tih zawh rual rual chuan engmah sawi lovin na zet hian min rawn FAWP ta anih chu!! Ka hamhaih lutuk chu ka ding khawng lah ringawt a; ka harhchhuak thut, ka nam kiang vak a, a thaw hak a, tawng tuma a ka a an zuau lai chuan Hminga tawng thawm kan hre ta a, tawng a tum chu a thulh leh ta a.
“Naktukah Kolasib-ah zin leh a ngaih hmel” Hminga chuan zangkhai takin a rawn tilut a, engmah a rawn hmu hman lo chu ka lawm kher mai. James chu ka va melh a, engmah thleng lo niawm takin a hmel chu a dam thlup a, ka thinrim hauh lo chu mak ka inti kher mai! Zanah chuan ka muhil lawk thei lova; James-a sms min lo thawn chuan min tibuai angreng!
“Ngaihdam dil I ngai em?” a rawn ti a.Ka reply loh vangin a hnuah, “Tihpalh aw, a thleng tawh lovang” tih a lo thawn leh a. Engvanga maksak taka che nge maw a nih chu le? min lo zuamin, ka weak point zawnchhuah a tum tihna em ni? Sex hmanga ka sihhnip na hmuh a tum anih chuan a tisual ve maithei. Mahse engvang phiangsen hian nge James chungah chuan ka thinrim theih hlek loh chu le??!!

Hminga zin chhungin zan1 chu a rawn leng a. Ka lo lai em em ringawt! Ka laptop chiangkuang lo lai min siamthatsak turin ka ngen a, ka nau inleng te an awm ve a vangin inchung zawlah kan chho a, boruak a thiangin a nuam hle. A han siamtha zung zung a, ka lo en reng a, min rawn melh zawk a, a nui a.
“tinge thlawkchhuak mai tur hmel I put reng a?” a ti ta a. Ka insangmar teuh tih ka inhrechhuak nghal; nia, ka thutak in ka muk em em ringawt chu ka innuihzat lek lek.
“timah” ka ti nghat a.
“thilthleng a awm tih hre run chunga I awm chuan ka bulah I inhmuamup reng mai ang, theihnghilh daih rawh” a ti leh puat puat a. Ka lo ngei ve ringawt!
“bialnu chu ila neilo mi?”
“nei tep”
“nei vat vat rawh” Min rawn melh kawk a, polite takin ka lo nuih sak a. Hminga chanchinah kan pakai ta a.

October thla kan chuangkai a, James-a rawt angin kan thianzaho kan picnic a, Sihhmui lamah kan liam sang sang a. Hminga car a chhiat vangin leh bike ka chuan peih loh vangin James-a carah keini pa 2 leh bialnu te kan chuang a. A bialnu chu keimah ang rual vel; ngo zet mai, sam sen thar leh mit hnawih nasa ve thei deuh, hmeltha tak a ni a, engahmah hmain ka kawmngeih chi niin k’n hre lo ringawt pek a! engdang nilovin a chanchin a sawi chhen chu ka lo chhangkham ve em em tawp! A proud ve thawkhat tih ka hre mai, mahse hmelthatah chuan min pet ve det..

Eirawng bawlin ka buai a, Masangtea leh pari te nen kan pa3 in kan titi a. Hminga leh mipa dang ho chuan zu an in a. Hmeichhe thenkhat pawn an lem ve zauh zauh, kei erawh Hming-thliarkara’n a phal lehpek lo! A thuawih hi anawm ve na chu min duat sauh zel bawk si a..Kan inbawl zawh chuan tui kan cheng ve a; James leh a sas chu induh hmel fahranin tuiah chuan anin hnim nui hawr hawr a; inti thiam fahranin ka han hleuh pap pap a. James chuan min rawn pan a, “sangha te takte, kan nu saw va zirtir ve teh” a ti sup a.
“aih” ka lo ti hmuk.
“ka ring reng a’h” a kal leh daih, nghal ve pangngai. Mipa ho rui phur chu music remlo zet zetin an su nghawng ngawng a, Hminga meuh pawh a phar ve du du mai! Ka nui nasa ngang mai. Min rawn kai a, kan han lam dun a, midangte pawh chu a kawp te tein an lam a, a nuam ve khawp. Ka ke ka ti-at palh hlauh mai, damdawi hnawih turin choka a ka bag dah ka han la a, Hminga phone lo ri char char chu ka laksak a.
“Hminga ka lo bia” nula aw tliang ral hi a ni a. Hminga chu ka ko a, an inbiak chhung chuan ka ke chu damdawi ka lo hnawih a. Hminga chu a kal hrang a, zawi te te hian a tawng sep sep a. Diktak chuan ka ngaih hi a tha ve viau, chhete pawn rinhlelh tura a khawsak hi ka la hre ngailo; fb-ah nise a password min hrilh thlap a, rinhlelhawm tur thil ka hmu ngai lo. A phone inbox-ah nise a thawhpuite text bak a awm ngai lo. A lo let leh chu a hmel a dik lo deuhin ka hria.
“tunge a?”
“ka cousin nih kha; a rai a”
“tu I cousin ber maw?”
“siami”
“ka va hre ngai lo..tu fa nge a?”
“a sawi duh lo”. Ka zawt zui duh ta lova, chhungkaw thilah hian an rawn ve ber leh an belhfak ve chhen a ni roh a, a kum phu loh hian a puitling tlat a ni. Kan chhuk leh a, kan lam hulh hulh lai chuan engtik laiin nge James chu ka bulah a lo awm tih ka hre lo, ka kawngah a lo kuah a, a fet hran lo. Keipawn nui chungin ka lo lampui a; midangte pawh an inlam pawlh nuk nuk a, kan hlim tlang a ni ber e. Chaw ei hma deuhah chuan ka online zuai a, ka inbox ka han check chu..thilmak tak ka hmu ta tlat!
“Hminga ta ini lo” tih te mai hi, tudang nilovin James-a minlo thawn a ni. A mah chu ka va en a, min lo en ve chiah; kan inmelh dun ta ran a. A sam chu a huh hlap a; a tawnzau in a khuh phak loh a banbul vel te chu a phiar fat a, a hmui chu a liak zauh a; lai hmel puin min melh a, a mitmeng a beiseina lem nge tak tih pawh ka hriatthiam theih loh chuan min melh ngur mai si! Ka khur der der hian ka hria. Ka tho a, choka ah ka chho ta a. Zuitu ka nei tih ka hriat chuan ka tlai hman hret! Bathroomah chuan ka hnunglam atangin min nawrlut a; kawngkhar a kalh hmak a, ka khur chhe lo chauh! Hrep tak hian a!

Engmah sawi lovin min fawp bawrh bawrh a; ka beng bulah a thaw ham ham a; ka maimichhing ta ngawt! Tinge ka va nep em! Ka va chak lo tehlul em! Hepa hian tinge ka taksa chungah thu a neih tlat le? hminga ka ngaihtuah chhuak thut, ka va hrechhuak har si em! Ka nam kiang sawk a, tun tum zawng ka thinrim ve ta e.
“tikhan thian hming ila pu ngam a maw?” ka ti khur dawt dawt a. Bathroom atangin ka chhuak a, ka luakchhuak ut ut chu ka chauhpui thei hial. Mahse James-a ka ten vang a ni hauh si lo. Ka hrawk hi hnawhtu awm ang mai hian a tawt a, ka hnuk te hlei hlei a ulh in ka hria.
“thil pakhat chiah ka sawi duh” tih pahin ka kut a rawn man a. Nghet zetin a hmer zui a,
“I mitdel kha a var hunah min rawn pan ang che” a ti mawl tawp. A awmzia ka hre lo, ka bo map mai. Midang anlo chhoh a vangin lemchan a ngai leh ta; inpawh hmel em emin a banbulah ka hnek fiam a, “football a hmuhnawm feee” ka tih tak ringawt kha! Mawl bik hek lo le, basket ball chungchang a rawn sawizawm ve ta vat a, engkim a tha hram e. Chaw ei chhung zawng ka hawichhuak lo tluk a ni e, ka hmazawn a thu chu ka en ngam hlawllo; a ni lah chuan min vil run ni mai hian ka hria. Kan haw kawngte chu thui ka ti ngei mai, Remi {a sas} kai phur lah chuan ava kuah leh ngawih ngawih zel a, keipawh Hminga’n min kuah ve tho e mai!

“Bawihi, kolasib-ah ka chhuk leh dawn, tun tum chu Sunday ka cham ang” ava han buai thin tak. Ngaiah ka nei deuh tawh. Hlauhthawn ruk erawh ka nei, James-a. A thianpa awmloh hlan chuh a a rawn lan ka hlau a, mahse ka lo nghak deuh roh bawk si! Hui ham! Kei hi ka dik ta lo tawp mai. Ka rilru uire tan chu ka ten a; phumbo daih ka duh; kum 3 chhung zet atana ka rinawm thinna leh ka tan a rinawm kumhlun thin khan ka thinlung pindanah hmun zawng a la chang tehmeuh mai, mahse a chenna pindan chu tuemawin rawn tawmpui a tum ve tlat si a! anva in sual zing em! A tawpah ka bialpa chu rilru pangkhing takin ka champion tir leh nge nge thin. A thiantha ber anga a lo ngaih thinin a sava khawilai leh a duat em em hi perhthlak ve tumin ngawi rengin a veh duk duk thin tih hre ngat se zawng “Thiantha chu nilo la, thalfang char” a tih theih ka ring hauh lo mai!

Zan 1 chu nuamti takin ka online a, UPC vrs TRINITY group-ah nawi zet zetin kan inhnial fiam a, Baptist nula ka nihna angin upc ho chu k’n hnial ve pang pang a, ka thiamna in tlin leh ta hek lo le..a tawpah ka tlawm tihngaihna hre loin ka han nawi ngawt a! he group hi ka leave phal lo reng reng; thian thar tha tak tak ka chhar hnem phah e mai, upc ho lah hi tih thinrim an har ropui si..mahniin phone bihin kan nui vur vur zel chu a nih hi! Inbox k’n check leh thuak a, message pa1 lo awm chuan min vawrh lawp lawp ni berin ka hria! A mak rapthlak zia chu..
“Hminga hi lo zar buai ve tawh suh ang che, engang a fel leh tha pawh nimahla, ka nauin I bialpa FA A PAI tih hi lo hre ve mai mai ang che. Tun tum hi chu engmahin a dal thei tawh lo, aninnei ngei ngei dawn, a hma pawn nangmah vangin a naupai a lo titla tawh a, chuvang chuan mi pangngai inih chuan lo kiansan ang che, tunah pawh ibialpa duhtak chu ka nau nen hlim takin an nui dun mek e”

Ka khur zawih zawih mai. Ka bing chuk chuk a, awmngaihna reng ka hre ta lo. Reply dan lah ka hre si lo; group lamah min lo mention chhen a, chupawh ka ngaihsak thei ta hauh lo. Rang takin Hminga ka call ta a, swich off! f**k!!! Khumah ka thu thlan hluam a, ka nute room ka pan a, kawngka ka kik dawt dawt a, ka nu lo tho chu ka lo pawm chawt a, ka ippikna namen lo chu ka nu awm nghengin k’n bunruak ta phawt a! a bangbo kher mai. Ka tah zawh hnu chuan thil awmzia chu ka sawi thei ta a. Mak ka ti, James-a vangin ka thinlungah Hminga chu a lo tlahniam emaw ka ti a; mahse a teuh lo; ka thinlung a hmun tam zawk a la chan zia chu ka tawrhna leh thinrimna khan a tilang chiang hle. Ka chhungte pawn tihngaihna vak an hre lova; hminga a biak theih bawk siloh.

Ka muhil thei lo ka tal ka tal a, ka nu chuan min ngaihtuah vangin min riahpui a tum a, mahse ka phallo, midang tel ve lohna ah inthlahrung hlek lova mal tawrh phawt ka mamawh a ni. Hminga chu ka huat rualin rin har ka la ti fan a, a ka a tang ngeia ka hriat phawt loh chuan thutlukna siam ka tum lo. Picnic nia phone a abiak kha a cousin a nih ka ring ta lo. James-a ka hrechhuak zawk a, ka va call ta tawp a, a vawi1 nan.
“Hminga’n sawn a thlak a mi?” ka va ti tawng a. A khuh kharh khar a, Rei ka lo ti hman.
“I mit a var ta maw?” Tehdaih a!
“ka zawhna chhang rawh”
“ka chhan che kha, I mit kha del tir tawh suh”
“nangpawn ilo zeppui a maw?”
“hrilh tur che in ka huaisen tawk lo a ni mahna”
“James”
“tihpalh aw; mahse I ngaihtuah zui tur thil chu ka hrilh tho che kha”
“I frank ve viau emaw ka lo tia”
“I bialpa hi ka hnek chak thei lutuk”
“engkim sawi rawh”
“ka lo kal ang, inchungah khan lo awm rawh”

Ka tawng ve hmain phone a dah daih, hepa pawh hi a che maksak thei eee,. Dar 1 a ri tep tawh a, thli a thaw vuk vuk a, ka thinlung rit leh buai nuaih nuaih chu chhem kiang thei se ka ti hle mai. Shawl ka bat hlun a, ka bulah chuan a ding ngawi reng a.
“sawi rawh” ka ti mawl tawp a. Dim tein ka kut chu a la a, a hum vawng vawng a, chu ringawt chuan min muan zo lova, Hminga chu ka thinlungah a khatliam zawk em em a ni. Ka hre ta, ngaihzawng leh hmangaih hi a lo inthlau tih hi; James chu ka ngaizawng a nih pawn ka hmangaih lo, ka thinlung tina em em tu Hminga ka mamawhna chu a phuhru zo tlat lo.
“An ina ka fawh che kha ila hria em? Khami hma zanah khan thianpa chu ka manchhuak a, kan riahdun vangin. Hmeichhe pakhat nen rei zet anin bia a, nangmah ini lo tih ka hriatna chhan chu khatihlai khan I online a, group-ah upc ho I hnial zut zut tih ka hmu tlat! Nang inih loh chuan tudang nge a biak tak ang tih ka ngaihtuah a; ka zawt a, dawt min hrilh a, tichuan a mutthilh hlanin a phone chu rukru ang maiin ka check ta a; engmah ka hmu lo, chuan a tukah khan a laptop ka khawih a, face book-ah ka lut a, a lo log out lo chu niin, a a/c ah chuan ka lut ta a; nidangah pawh kan inluhsak fo tho tiin. Mahse a a/c chu nang leh keiin kan hriatpui hauh lo, a dang daih a lo nia! Mak ka ti angreng khawp mai, tur tu awm ang maiin a inbox chu ka check ta a, bon tak a ni, fb sas a ngah zia chu! Ck na hlir in a khat deuh thaw; a pic te pawh a lo thawn kual ve nasa a lawm le” Ka mittui tling pam chu a hmu a niang, a ngawi leh vang vang a.

“chuan, a biak rei deuh nu nih duh hmel deuh pakhat nen chuan inngaizawng pangngai tak inbiakin an inbia a, chu nu chu Kolasib khua a ni; engkim ka hmuh tak vekah chuan ka thinrim a, ka thianpa ni mahse in lo inhual hial tawh a, chutiang khawp a nasa a alo bum che chu ka tha nat pui che a ni; a room I tihfai sak dawn tih ka hriat khan hrilh ngei che ka tum a, mahse chance a awm ta lo nih kha, ka fawh nachhan che kha chu ka khawngaih em vang che niin ka hria, a hnua ka fawh lehna chhan che kha chu khawngaihna mai chu a ni tawh in ka hre lo” a sawi zo thei ta hram e. Ka thinlung chu chhun ang mai hian a na zawk zawk a, mak ka tihna leh ka thinurna chu a inchher chhuan ur a, engmah ka sawi thei lo.
Min rawn kuah a, dam thlapin. A kut thahrui ngah hmel tak chuan ka kut chu a hmer ngawt ngawt a; ka en ngai ka lo en ngawih ngawih thung. James-a chetdan vanga Hminga laka ka lo inthlahrun hma daih khan a ni chuan min lo bumin, min lophatsan tawh a maw?! Min hmangaihtu nia ka lo hriat, a thu ka hnial ngam ngai loh, inmillo chung chung pawh a dawhthei taka ka lo pawm thin, chhungte hriatpuina thlapa ka inhual pui khan “hriamhrei tellovin ka thinlung hi a vit tlang” a ni. A tawk e. I QUIT !

James-a chu haw turin ka ti a, a duh lo nasa si.
“I bulah ka awm tlat ang” a ti a. Ka thinrim thut a.
“nang pawh hi Hminga nen indanglamna ka hmu lo e” ka ti ta khawl a, a mitmeng mawi ka tih em em kha a hnual vek! Na tak tuar niawm takin a meng kun ngaih a, zawi sapin, “awle, ka kal ang; paltlang ngei ang che, mangtha le” a ti a. Min kalsan ta a. Zan khawthim chuan ka thinlung na chu a rawn belhchhah niin ka hria, ka tap hlawp hlawp a; ka tliak hnawp ni berin ka hria, Hminga tello in hringnun ka fight a ngai dawn ta! Ka tap tlaivar chiang hle. Zingah chuan Hminga chu ka call leh a, ka hlauh ang ngeiin hmeichhiain min lo chhang a nih chu!
“Hminga ka be duh” ka aw chu a lo chang deuh a nih pawn pawi ka ti tawh lo.
“lo be tawh suh”
“phone kha pe rawh” Hminga aw ka hria a, phone chu anin chuh deuh ni ngei tur a ni, an hmet hlum ta daih a, ka call leh ta ngat a. Ka bialpa HLUI aw in min lo chhawn ta a.
“Bawhi I tha maw, zing zingah tinge a?” tenawmpa chu leh!
“lemchan a ngai tawh lovang, heihi ka rawn sawi duh a, nang leh kei hi kan inthen a, inupui hual ka ni tawh lo, zungbun hi ka lo thawn dawn em?” ka ti tawn tawn a. Ka puakkeh ve tawh bawk a ni.
“eng a? enge awmzia”
“I bialnu bulah I riak tiraw? Hehe, in che tha thei em? A rai tawh sia, a buaithlak awm; nangang mi bumhmang lakah hian phuba pawh ka la hran lovang; min bum hlen theih ringin I hmei nen khan minlo thlim thin vel a maw? Huh..sex ka lo hmanpui loh che a vang ringawt pawh khan hlimin ka zuang tawr tawr lo chauh a ni, in hlimdun ngei ka beisei e, bye” phone ka dah rual chuan ka ippik chu a zia deuh hawk a ka hriat chu! Min bum tih a chian na em em chu min rawn call tawh lo reng reng, nidangah te chuan ka tihtauh deuh hlek chuan ninawm khawpin a lo call thin, tuntum zawng ka manchhuak chiang ta bawk a, a ngawi ta dak mai.

Zungbun ka pek let ni chuan thinrim hmaisenin kan inhau a; ka tawngkam na lutuk kha a tuardai thei bik lo a ni ngei ang, pawi ka ti lo. Ka ankhum khat tawh dawn em a! k’n duhthawh ta deuh a ni. A chhungte chu an thinrim nasa, an mo ang deuhthaw a min lo en tawh vangin kan innelin, kan inpawh em em tawh a; mahse an fapa rinawm loh vanga an beisei loh leh an la hmuh ngailoh mo an han nei tur chu pawi an ti ve a ni, anu phei chuan min lo call reng zel, ngaidam tur leh pawm leh hram turin min ngen a, hnai lo mai! Ka sawi tawh, ka sawi nawn leh ang- ka thinlung ti kehsawmtu chuan thinlung kehsawm mal te te chu chharkhawmin char phui leh mah se, a hmel a mawi thei tawh lova, charna hnuhma a awm tawh anga, keh leh thut thei dinhmunah a awm kumkhua tawh ang..chu ai chuan mithar hlakin thinlung kehsawm tla darh tawh chu phiatfaiin bawlhhlawh bawmah paih se..amah ngeiin thinlung thar min pe se..chu chuan ka hliam leh tawrhna te chu a tuamdam thei ang..thlamuanglo leh zalen lo taka ka hmangaih kut vawn tang tang ai chuan zalen leh inhawng taka hmangaihtu lo nghah ka thlang zawk e. Ka chuanna taxi driver chuan kawngpeng dang min panpui a tum vangin ka chhuksan a, taxi dang ka lo chang ve a ni mai! Tihdik loh ka nei em?! Neilo.

December thla tirah a lo hawlhpuarna nu nen chuan aninnei ta nge nge a, nau titla tawh chuan nau a pai leh thei a, ka lawmpui e. Mi zawng zawngin mak anti, tin, ka zak em em a, luahlan ka han ni chu ka thinrim thlawt! Mahse chapo takin aninneihni chuan nalh zetin ka kal ve ngat a sin! Nuih luih ngai reng erawh ka kham takzet! James-a chu mopa thianpa a ni a, a hmel thar sar chu ka hua, ka hlim lohna chu a lawm tlatin ka hria, Hminga farnu nen kan inkawp a, mikhual roomah an present dawnte kan lo hawng ru dawk dawk vel a! a bialpain zet u zu a lo keng a! inneih lawmna a kan kal hmain kan lem sek a. phur zetin kan kal a; mite chuan ka khawsazia over lutuk chu min ngei hial maithei, mahse ka pasal hual, ka hloh leh tak ni pawimawh hi ka hmaihsak thiang lo; ka lawmpuiin, ka hlimluih pui hram hram tur a ni, ka awmdan a pangngai poh leh a tan natna ka siamsak tih ka hriat ve kar si avangin, nula rilru zau tak angin min bumtupa style in lem ka chang a, ka hah a, ka chau, mahse min tichaktu erawh a ni lawi si a! hetiang bak chuan phuba lak dan mawihnai tak dang ka hre ve lo a ni e.

“Hawh ka thlah haw tawh ang che” James-a a ni. Min pawt dawrh a, a carah min namlut a, thuawih takin ka thu ta hle hle a. Ka chechang peih lo, ka rui lutuk, midang ten min hriattam hma a relhbo kha a finthlak reng a ni. Hmun pakhatah min hruai daih! Hepa hi min pawngsual a tum a nih vaih chuan aw..

“I harh em? Heiii” ka lu chu a rawn sawi nawk nawk a. Ka meng diar diar a, ka va nuih sak a.
“min mutthulh tir rawh”
“I nu call hi chhang phawt la” ka phone chu hnai zetah ka bih a, ka hmu phe vek. Ka nu chu aw pangngai thei ang berin ka be nawk nawk a, ka rui tih chu a hre rang kher mai, James-a’ phone a lo la a, “ka bulah a wm a, lo ngaihtuah suh u, ka lo hruai haw ang” a ti ta a. Ka rui thawsa chuan ka coat chu ka hlip a, ka pheikhawk sang chu ka lek kang vu vu a, ka chezia chu ngunthluk fahranin min lo thlir reng tih pawh ka hre lo.
“lemchan thiamlo nu, I hlawhchham anih kha”
“duhthlan tur dang ka nei mi?”

“rawn lang ve lo la tha tur”
“ka kal ve chak tho lawm, mo hmel ka hmu ve chak lawm” ka tawng buh nuai a, titau titih in ka han tum vei bar bawk a. Min nuihzat tih ka hre ve vek , tihdan ka hre tawh bik si lo lawm.
“vawi1 chiah ka lo fawp leh thei che ngem?”
“in kiss hian englo a kaithleng thin”
“chiah aw, en ila”
“ka peih looo..i chak ropui si; insum thei lo thut ta la, ka hneh lovang che”
“ka thei ang” tih pahin a hmui lum hian chuan ka hmui chu a rawn bawhthuah a. Zu rui hmeichhia te hi an hur duh anti! “a teuh lo” tiin ka chhanglet thin. Mahse hei erawh ka hria, “zu rui hmeichhia te hi an easy” ..tun tum pawh hi zei zet zet a min kiss tu chu chhanlet nachang ka hre ve tlat! Hminga laka ka natna leh thinurna chu James-a hmui a hrikthlak tum ang hrim a k’n duhthawh tak kha! A samah ka kek nget nget a, ani pawh rawn tawlh hnaiin min bawh deuh ur a, hepa hi tinge in kiss hian na zet zet a min fawh ziah bik le?! ka hnute chu dimtein a hrual ne ne a, ka nghawng vel chu a fawp dan dan a, keia ngaihsam pheng lah chuan men pawh meng phal lovin ka lo dawh ve tak hiam hiam a! mahse ka kap lam a zen thla leh tur chu harhfimna rauin min rawn kaiharh a, rang zetin a kut ka mansak a.
“dawhehpa” ka ti tuar a.
“nge” a ti thum dut a.
“kan in fawp ringawt ang I tih khaaaa”
“nia, tihpalh” a ti nghut a, a in siamtha ta a. A ngawi vung vung a, a thaw leh hak thin, ka hrethiam mai, chakna tih puitlin loh a awm chu adjust a har ve deuh a niang.
“haw ang”
“awle” ..kan inthen dawn kawiah min dinpui leh a.
“Em, I harhfim hunah khawngaih takin vawi1 chauh tal min lo ngaihtuah ta che, I thei ang tiraw?”
“engti zawngin”
“I next angin”
“bialnu ineih kha”
“a lem a nih kha, Em, ka duh che, ka duh takzet che, I mizia hi ka duh, I hmel pawh, I engkim hi; I tan mipa tha tak nih ka duh, inngaihzawn rei pawh a ngailo, kan innei nghal vat dawn nia”
“nih chuan ni ila” zu ka rui leh tlat tawh..haha.
“aih, harhfim tak a thutlukna siam turin ka duh che”
“ok”

Ni 24 {urlawk zan} chuan inchungah nghah nei niawm takin ka vei sek a. Sona ka bih chhen a. Step a ke pen ri chu ka hre ta a; a lo lang ta e. Mengmawia chu! Kar 2 vel lek kan la inngaizawng a, mahse enge min pek? Hlimna, nuihna, inrintawkna, induhtawkna..heng zawng zawng te aia min pek zinga ka duh ber erawh chu – hnunglam hawikir thei lo khawp a min thununna chu a ni. Ka chhungte chuan mak an ti, Hminga te nupa hlei hleiin mak anti! Pawi chai hleinemm, ka thian leh ka bialpa ni kawp thei, ka titi pui theih leh ka nuihpui hawr hawr theih, a hun leh a hmuna inthlahdul thiam, luahlan ka nihna hliam nawhreh tum lova natna pai chunga min nawrkal thei si..hahdam leh thlamuang taka chance ka neihpui ngam..mihringa hi!
“kumtharah I b’dayah kan innei ang”
“duh lo ta ila”
‘I duh ang”
“I confi mah mah”
“Em, min hmangaih nghal mai turin ka phut lo che a, mahse min la hmangaih dawn tih erawh beisei la ka duh a ni”
“min hmangaih tiraw?”
“tam takin”
“ka lawm e”

Ka sam chu a zut niap niap a, mitmeng mawi ka tih dan bera min melh sawr sawr chungin, min rawn fawh leh a tum a, “heii, lipstick ka inhnawih ve a, a pherh ang, ka inhnawih tha peih tawh lo” ka lo ti chul a.
“a mak eee, kan inhmuh dawn chuan inhnawih tawh suh ka tih che khaa..keichuan infawh reng ka duh tih I hria lawm; in fawh bak aia thui I kal ngam si lo a” a ti vei hmak hmak a. A in rinloh lai takin ka va fawp thut a, a hamhaih deuh a, chutah ka kawngah nghet zeta dawm chungin na deuh nilovin dim deuh tawhin min fawp let a..