MUANPUII BY Toni DA Ralte Ahmangaihi

[Ngaia]

MUANPUII..
.

.
A mit chu a meng diar diar a. Engmah phei chu a hmu thei chuang lo, a awmna hmun chu àimitthlawn tluk zeta thim ani miau a.Harsa tizetin a inbengkang a, a rum tiah tiah a. A ban veilam chu na a ti kher mai. A han thutchhuah takah chuan a thaw hlawi hlawi a. A malpui leh a hnungzang na chuan a mittui a tihnam sawk thei hial a. A lu lah chu a hai muai muai bawk si. Chetlak dan tur a hre lova, a hmalam hunah eng nge a chungah thleng dawn tih a hre hek lo. Helai hmuna a lo awm ngawt nachhan chu a hrechhuak lawk lo a. Mahse, a han maimichhing leh a. Thil awmzia chu a rawn lang leh ta uarh uarh a. A mittui chu a biangah a luang ta ngiai ngiai a!
.
" Remi, ni 3 lai aliam leh tawh, Mambawihi chu khawiah tak awm ang maw? Engtia han ngaihven chi nge anih lah ka hre silo. Police lam lah hi an chet a muan hmel angreng sia! Zanin chu ka pawng zawn vak dawn em mawni le ka ti" A nupui hmarcha rawt mèk melh chung chuan, Pu Saia chu a vei nghut nghut a. A nupui chu a ngawi reng thung. Țawng chhuah a tum pawn a hrawkah hnawhtu a awm zel si a. Ni e, an fanu neihchhun, keh thei dawma an dawm chu ni 3 liamta mai khan chin hriat lohin a bo daih ringawt mai ani.
.
A bo ni hi Thawhlehni a ni a. An fanu MUANPUII hi kum 19 niin, tleirawl zawiawi leh nungchang țha zet mai ani a. Pu Saia te nupa hi kum engemaw zat an inneih hnuah pawh fa anla neih theih si loh avangin, an mangan tawpah hnuchham ina nausen thla 9 mi lek chu an la ta a. A sentet atanga an chawilen ani bawk a. Thisena hrin anihloh na chu a hriat lem loh. An duat lutuk chu an fanu tan pawh a mangan thlak lek lek zawk hial ang tih tur khawp a ni a. Pu Saia hi Department pakhatah Director nilai ani a, a nupui Remruati hi Nurse a ni thung. An chhungkua chu sum leh paiah an buai hauh lo a, an fanu Muanpuii pawh mi hausa fanu ani tih a hriat hliah hliah mai. Ngo ser sawr, mitmeng fiah zet, hnar ngul invuah fuh fahran ani a, a hmui lah lipstick mamawh lo khawpa vam ham reng mai ani. Ei hmu țha tih hriat takin a vun a nung sar mai. Tunah hian PUC-ah 3rd sem B.Com a zir ve mek a, a mizia chu sawi tawh ang khan zawiawi tak leh nu dèm mai, tihnat hlauhawm khawpa pawisawilo ani reuh a. An hausakna chhuanga a aia hniamte enhranna neilo leh midangte puih nuamti tak anihna chuan thian tamtak a neihtir a. Ngainatu an tam tluk zetin ertu pawh a ngah ve tho. Lehkha thiam tak anihna chu apain a chhuan na ber leh mi bulah pawh sawi nuam a tih thin a ni. Thawhlehni a class kal chu a rawn haw ta lo a! A haw tlai dawn chuan a chhungte a call lawk ziah thin. Mahse, chumini chuan theireh takin a reh vawng vawng a, a thiante an han zawhkual lahin a haw daih tawh thu an lo hrilh zel mai si. A phone lah a switch off tlat bawk si! A nu leh pa mangangin FIR an thehlut a, Police ho lah chuan a bialpa nen an inruk an rin thu te an lo sawikhum ta dah a! Bialpa a neih awm reng reng an hre bawk silo. Zan khatna chu an hmangliam phawt a, a tuk nileng pawn a chinchang hriat tur a awm tak loh avangin khawtlanga mi tlawmngai thenkhatte chuan an zawng țan ta hial a.
.
A BUL CHU..
.
Tukthuan an kil lai chuan, an khuaa Doctor rawn awm tharpa chu a rawn lut hlawl mai a. Pu Khuma chuan, " È..Pu Sang, lo leng thu rawh, chaw te hi rawn ei ve nghal mai la" alo ti luam a. An khua hian a hmingin Damdwiin chhete an nei ve a, Doctor hmel erawh an hmu khat viau! Nurse pathum vel in an vil ve a, thilmak tak pawh ani. Mahse, khawtlang hruaitu te hmalakna in an khua chuan Doctor hmel a hmu ve ta. An Dr thar chu pa hmaitluak tha zet, thau lek lek, nelawm zet hi a ni a. A hleitlingin a sar vung mai a, khawpui atanga thingtlanga awm chu chak lo ru hle mah se, thupek anih miau avangin intipachangin he khua hi a rawn thleng a ni a, khawmi te an felin a chungah an tha em em a, kar khat lek a awm chhungin inleng a nei zut a! A hna lah damlo an awmloh chuan a awl ani mai a, nuam a ti chho tan ta viau a.
.
Nula hmeltha lah an tam ve phian a, khawpuia a melh duh lem loh tur te kha a han awmrei takah chuan, a hmu mam ta pur hlawm a, a tuamah chuan be chhe phal hek lo. A luck viau chu a hlimpui hle. Thingtlang khua nimahse..ZODAI khua hi a hmun a remin, tui a tha bawk a, a mi chengte pawh an hriselin an taima tlang em em a, an nun chu enge mawti zawng hian a awhawm phian a. An nun a tluangin, an hlimpui thilte pawh a la hniam ve hle a, Sanga chuan nuam a ti chho ta viau mai!
.
" A khai, ka ei ve lo zawk ange..Pu Tluanga te ina ka kal ka rawn pengkawi lawk alawm, in nula damlo chu eng nge a an ?" Tukverh thlanglama dah pah chuan pa ber chu a chhang a. A nula rim ngun pawl tak Manuni damlo chu a ngaihven viau a, dam tawh se a ti hle bawk.
.
" A zia chho viau e, nang i lo awm a, i damdawi chawh kha a ngeih a niang, tukin zingah pawh thil te pawh a ei ve kha..tunah chuan a inthiar lawk aniang" nu ber chuan a lo ti siam siam a. Hemi te chhungkua hi an rual angreng a, Manuni hian ù mipa 3 a nei a, a pi a la dam bawk a, a patea mi ang chiah lo an awmpui bakah Manuni nau chiah nula hian sawn apai a, an upa ber te nupa leh an fate 2 te nen an chegho naw naw a. An inngeih phian a, Sanga pawn lenluh nuam a tiin mi biangbiak an thiam a, Manuni lah an khaw nula hmeltha pawl leh fel tak a lo ni chhap bawk nen..a lenglut ta fo a. Mahse, nula tlangval anga han rim dawn pawn inleng a neih ve nual thin avangin eng han sawipui hleihtheih pawh a ni lo. A nula rim thinte zingah Manuni hi a thinlungah a tla na ber tlat a! A nuimawi tak te, a tawng siam siam zelte chuan a hip ni berin a hria. Manuni pawh hian a ngaihbel vang nge mitmei pawh a hmuh ve deuh ni ten a hre thin.
.
" A tihzia nasat chu..vawiin lamah hna a tam lem loh chuan ka rawn kan leh dawn nia" a ti sap a.
.
Chhunah chuan, manuni chu thutthlengah a lo mu a, a nu chu a bulah vaihlo zialin a lo thu bawk a.
.
" In ve reh teh thiap ve..khawnge an awm hlawm a?" Sanga chuan a va luh pahin a ti zangkhai vah a.
.
" Nia, Zawmi (an monu) te nufa chu a nute inlamah an va leng anih kha..Dami (an fanu sawnpawm) erawh thing a phur a, a fanu chu a puten (a sawn paina pate lam) an rawn la ve anih kha..awm ve rawh se. An hman changte hi chuan" a ti duah a. Manuni nuța te chu lo lamah an feh ani tih a ring sa a.
.
" Eng nge i an zel?" Manuni lo thuchhuak mek bula thut pah chuan a ti a. " Ka zia tawh lutuk, damdawi kha ka ngeih aniang" alo ti a. A nui sen sen bawk a. Chu chu Sanga hmuhnawm tih berte zinga mi ani. Anu chu rei vaklo hnuah an thenawm nu kawm turin a chhuak ta mai a. Remchang a ti kher mai.
.
" Thingpui kan lum ange aw" Manuni tho tur chu a banah a lo man a. A pawtthu leh a, Manuni'n maktih hmel deuha a rawn en lai chuan a hmuia a kut dahin tawnglo turin a mitmei . Engvanga chutianga che nge anih pawh a inhre bik lo. A inrin hmain Manuni hmuiah chuan a fawp ta thut a! Rei tawkfang a fawh hnu chuan harsa ti zetin a thlah a, a hmui huh hliam chunga mitmeng nung sara melhtu a hmuh chuan, a tisual lo tih a hria, nuam a tiru ta veng veng a.
.
SUNDAY..
.
A pum ri ruk ruk chu a dawm a, a riltam zia a hrechhuak ve chiah. A dangro zet tihnawm tur tuisik a mamawh zia pawh a hria. Vawiin hi eng ni nge a hre thiam tawh lo a. Atan chuan chhun leh zan a inang reng si a. A awmna hmun thim zet chu thil rim nà zet hian a luahkhat a. A uak tuar tuar a. A chet hlek chuan a hnungzang leh a dulthuar vel chu a na țhùm zel bawk si. A riltam lutuk chuan a ngaihtuahna a rawn tifim tan a. A nu leh pate mangan dan tur a ngaihtuah chhuah chuan a na zawk zawk mai. A bo hma zan kha a chhuikir a.
.
Zan dar 11:34 ah a phone a rawn ri ral ral a. A han lak chuan nula (?) Aw tliang tak hian, " Muanpui, mak pawh i ti maithei, i nu ka ni. I nu diktak, tuna i awmna te khan an adopt che anih kha..ka ngai thei lutuk che asin" A rawn ti a. Adopt ani tih chu thla 7 liamtaah khan a hrechhuak tawh a. Mahse, a nu leh pate rilru tih hah a hlauh vangin a sawi chhuak lem lo. A hriatchhuah dan pawh amahah hian inrinhlelhna a awm tlat thin a. Ti nge amah chiah fa an neih? A nu leh pate kum a ngaihtuahin a piang tlai mah mah a ni. Chubakah hmelah leh pianphungah a nu leh pate chhunna reng a nei lo a, amahah mawlhtu a awm ani chèk ang chu..a patea amah duat em emtu chu a zawt ta tawp anih kha! A patea chu reife a inngaihtuah hnuah nakinah mi ka atangin a la hre chhuak thoin a ring a, bakah hrechhuak pawh nise inlahrang duh tur chi niin a hrelo bawk a. Engkim a hrilh ta vek a. Muanpuii chuan a rindan ang tak thil nimahse..ataka a han hmachhawn chiah chu a na a tiru hle..tu nge a nu diktak chu nita ang tih chu a rilrua lianber a ni ta a. Mahse, a nu leh pate chu enhranna neih a hnekin a hmangaih zual sauh a! Fahrah ni mai tur enkawla nuamsa taka siamtu te chu atan chuan pathian an ni ringawt zawk.
.
" Tu nge i nih?"
.
" Catherin ka ni e, i nu diktak ka ni"
.
" Khaw nge i awm?"
.
" Chu chu ka hrilh thei hrih lo che. Naktukah kan inhmu thei angem? "
.
" Min bumlo tih engtin nge ka hriat theih ang?" A tih zawh chuan phone chu a off ta daih a! Muanpuii chuan call a han tum leh chuan switch off a inti tawh si!
.
Class roomah chuan thu mahse..nizana amah betu khan a ngaihtuahna a lapeng nasa kher mai.
.
" Vawiin hi i dik miah lo ania aw" rawn ti sar sartu chu mawi zetin ava nuih saih a. Chupa pawh chuan a rawn kiai sak a. A nuih zawng chuan a biangsum a khuar kelh a. Muanpuii chuan a biangsum hmuh a duh thin vangin fiamthu a thawhkhum fo thin. Hepa bulah hi chuan a mizia hi a danglam ve thin chiang a lawm!
.
" Ka tha alawm"
.
" Sanpiau ei i la" an miss chhuah rual chuan a rawn dinchilh nghal a. Sanpiau a ei ngailo tih a hre ve reng sia. A nghal ve siah! An chhuak dun a. A thiannu te pahnih pawn an rawn zui nghal a. " Muanpuii hi vawiin chu a hlim lo re re..en ula a hmel hi" hepa han chimawm theih zia hi chu aww..
.
" Rosangzual, ka hlim bawk. Hlim avangin nuih ver ver reng tur tihna ami?" A lo ti hlak hlak a. A phone a rawn ri a.
.
" Hello.."
.
" Catherin ka nia" lehlam atanga rawn tih ri a hriat rual chuan a hmui a hup a.
.
" Aw..eng nge" a ti bul hmak a.Lungawilohna hian a rawn tuam nghal a.
.
"Tlaiah gate bulah ka lo nghak ang che" a tawp leh daih. Chawhnu class chu rilru betlo zetin a kal ve hram hram a. Banah gate bulah tu nge a hmuh dawn tih a hre lo a. A hre chak bawk si..a helhhawlh ani ber e..an bang ta hram a. Rosanga leh a thiante pawh ngaihsak hman tawh loin a chhuak vut a. Gate a thlen chuan a hawikual ruai a..chutah...
.
" Rawn kal rawh le..helai hmun hi kan chhuahsan tawh dawn" tih ri chuan a ngaihtuahna atang chuan a rawn kaiharh a. A awmna thim tak chu kawngka inhawn avangin a rawn eng a. A meng tha ngam lo hial. Mipa zu rim nam huam hian abanah a rawn pawt a. A lo rak thawt a. Dimlo baksakin chupa chuan a rawn kek bu lawp a..a hnuk tho a. Pai chawn chawn chungin an chhuak ta a. A mit rawn tuamtu chuan, " Thu i awih phawt chuan a tha vek mai ang" a ti su su a. A reh leh ta tlawk tlawk mai.
.
" Zaninah kan chhuak ang. Damdawi khan chiu u la..eitur pe bawk rawh u" Chu nu aw a hriat rual chuan, " Catherin" tiin Muanpuii chu a au tuarh a......Mahse, a nghawng thip zawk chu a hre hman awrh. A bak zawng chu a thim leh ta mup mai..
.
NUIMAWITE.
.
" Usang, ka taksa chu i nei tawh a, nula suhhnip leh buanchaklo angah chuan min ngai lul suh aw" manuni aw chu a zawi kher mai. Dr Sanga quarter-ah nizan lamah hun an hmangdun tawh a. Khatia a damlo a rawn kan nia an infawh atang khan inngaizawng angin an awm nghal tawp mai ani. Zantin Dr Sanga chu a leng a, manuni chhungte pawh chuan a chezia atang chuan engmah an hai bik lo a. A ruk tak chuan an lawm hle zawk a ni. Dr Sanga chu a awl theih em avangin chhunah pawh remchang a hmuh phawt chuan a bialnu chu a rim awl lova, manuni thika ertu pawh an awm tan ta. Nimin tlaiah khan Manuni chu a quarterah a rawn lut hlawl mai a. A vawikhat rawn kalna a ni. Nula dangte chuan buh te an rawn thleisak fo a! A thawmhnaw te pawh an suksak thin. Manuni lo lut ve ta hlawl chu mak a ti deuh a.
.
" Eng nge nita, teh hlawl che chuan" a lo ti var a.
.
" U sang, thudik min hrilh rawh. Venglai nula nen sawn in inngaizawng em ni?" A hmela thlaphanna lo lang chu a thup seng bik lo hle.
.
" Thani saw maw? A awm in a ang lo e a. Amah sawn min hel reng a, keichuan nangmah chauh ka thlang che..bawihte" tih pahin a sam chu a chulsak heuh heuha. Manuni pawh chu a lungawi chawpchilh ve mai a. Dr sanga chuan chaw ei turin a sawm tlat a, a chhungte chu naupang an va hrilh tir a. Eirawng an bawl dun a. Nuam an ti kher mai. Zanriah eikhamah chuan haw nghal mai a tum a, mahse Dr Sanga chuan a phal ta tlat lo mai le! Tun hun baka hun remchang hi a tawn tawh a ring lo. A sava chu chhuah a tumlo kher mai. Khumah a bawhthlu a, a che nghal ta buan buan a. Englekhawle..a nghei rei (?) Ve tawh bawk nen. A țuah tawh kher mai.Manuni lah chutianga zei zeta han sawngbawl vel chuan a awn riai riai mai si. An khaw tlangval ten la sawngbawl ngai hek lo. Men pawh meng phal lovin a lo chhanglet hiam hiam a. Dr sanga chuan khawpui nula a lo lim ve nual tawh avangin Manuni chu zeilo a tiru hle. A rinang ngeiin a lo la virgin bawk.Manuni chik ngher ngher chuan phur zetin a suktir tlauh tlauh a.
.
A nuța in a rawn lam lai chuan nuamlo ti deuh chungin a lo thu ngawi reng a. An in an panlai chuan engmah an sawilo. A chhungte chu a rin aiin an thinrimlo a, mahse, apa erawh Kohhran Upa ve lai a lo ni ve a, nep angreng takin a hau ve a.A chhungte hian Dr sanga hi an duh em em tih a hriat kar avanga zan riah mai pawh kha pawiti lo zo a ni reng a. A kap bawr vel na țhùm chu hrehawm a ti hle. Zanah Dr Sanga chu a beisei ang ngeiin a lo leng a. A pa nen kulmuk taka an titi lai chu pawhchah a duh loh vangin choka lamah thingpui a lum rak rak a. Eng nge an sawi ang tih chu a ring thiam ve mai. Engpawhnise a hlim a, a mipa duhthusam khawpui tlangval ni bawk nena chhungkaw din chu a damchhung duhthusam atan atawk a ti hliah hliah ringawt mai a ni.
.
POLICE..
.
" Khamini khan amahah danglamna riau awmin i hria em?" Chu police Inspector chu a mitmeng a rum hle. A ngainat loh zawng tak ani. Mahse, a thiannu leh a ngaihzawn ruk Muanpuii an hmuh leh theihna tura kawng sialtu anihna chuan chutiang mitmeng mai mai chu a pawisak tir zi lo. Rosangzuala chuan aw then kharh pahin.." Umm..diktak chuan nidang chu a ang thlawt lo alawm, keipawn ka fiam hlut nghe nghe a, engemaw ngaihtuah nei hmel a pu a, class room chhungah khan a rilru a cheng hlawllo tih ka hrethiam ve mai" a ti a.
.
" Engmah a sawi lo a, banah mawlh khan a chetdan kha mak ka ti. Nidangah chuan kan haw rual ziah a, kan innghak ziah thin. Mahse..khamini kha chuan ban veleh a haw nal nal. Ka auh pawh a hre lo reng reng. Ka va umzui a, gate ka thlen chuan Scorpio pawlduk ah hian a lo chuang dawn mek a, a bialpa in a rawn lam anih ka rin vangin ka au duh ta lo a,lungawilo ru deuhin ka haw daih alawm" a tih zawm leh a.
.
" Tu nge a bialpa chu nita ang?"
.
" Chu chu a lawm..ka hriat bik loh chu. Bialpa nei chu nise keiaia hre hmasatur an awm ka ring lo.Mipa hi a ngaihven vak bawk silo a, han rin chhin ngaihna ka hre bik lo ani" rilru na ru deuhin a sawi a. Police chuan thil a ziak mawlh mawlh a.
.
' Scorpio no chu i hre bawk silo a tiraw?" Beidawng lek lek hian a ti a. A lu a lo thing mai a. Motor no a lo chhinchhiah lo chu pawi a ti kher mai. Muanpuii tello chuan class kal pawh nuam a tilo. Rosangzuala hi kum 20 na hmang mek a ni a, a pa hi Bussinessman a ni a, muanpuii te khawsak nen an inrual hle. Muanpuii a hmuh tirh phat atangin a star tawh a, mahse, thian anga a en tlat avangin a sawi ngam ngai lo. Muanpuii a bo tih a hriat khan a lo duh tawh zia a hrechhuak a. A mangang takzet a ni. A bialpa nen an inru aniang tih ngaihtuahna a neih chang chuan a thinlung a na zawk zawk thin. A ni leh nilo angin a tawngtai nasa ve khawp mai.mipa ngo lam, fashion a sang fahran lo. Easy tak, rilru paukhauh tak erawh ni lawi si a ni. A hmel atha a, an college hmeichhe ho pawn hnaih an chak pawl a ni. Mahse, a thinlungah muanpuii a awm a, a thuruk a hrilh hma chu midanga pakai a remlo a ni.
.
AWM HLE HLE RAWH..
.
Eitur tui hmel zet rim chuan a hnar a rawn verh nghal a, a han meng a, a lo eng uar tawh mai. Pindan enga an dah ringawt pawh chu a lawm tawk a tling tawh a. Khumah a la mu zui. Inbenkan a han tum a, a ruh chuktuah te chu a ri thawt thawt a, a then nang nang mai. Kawngka chu a rawn inhawng a, mipa hmel bumro zet hian thlengah eitur a rawn keng a, khum bul dawhkan te ah chuan a dah a. Ngawi rengin a chhuak leh nghal a. Ramsa koham tak ang maiin eitur chu a ei ta buan buan a. Eng chin chiah nge chaw a ei tawh loh pawh a hre tawh lo.
.
Khatia an college gate a thlen khan Scorpio hi a bulah a rawn inhung dawt a! Hmeichhe hmeltha tak rawn chhuakin nelawm takin a rawn nuih a, A kai a, " Hmun dangah inbia ang" a ti sap a. Mumal lo takin a zui ve ta mai anih kha..motor chhung chu a lum nuam hle. Mipa pakhat hi a chuang tel ve bawk a. Hmeichhia chuan a kutah rawn humsakin a nui heuh heuh a.
.
"Catherin i ni em?"
.
" Aih..Catherin chu inah a awm. Keichu a asst. Ka nia" a aw chu a mawi in ngaihthlak a hahdam hle.Zemabawk lamah an tlan zel a, in fal reih rawih hlui tawh hmel zet kawtah an ding a.In chhunga an luh chuan hlauhthawnnain a tuam tan ta a. A chhan chu mipa sual hmel tak tak ten card an lo deng luih luih a. Meizial khu leh zu rim a in pawlh nuai nuai a. A uak lo chauh a ni. In hnuai panna stepah an chhuk pui a.Pindan thim rek ruk, hnawng chip chepah hian khum a lo awm a. Chutah chuan hmeichhia kum 30 awm vel hi a lo thu a. A bula chair ah chuan an namthu a. An pahnih chuan an chhuahsan leh ta a.
.
" Muanpui, Catherin ka nia, i nu ka ni" a aw chu a tliang mawi hle. A hmel pawh a tha, mahse..a mitmeng chu a nelawm tehchiam lo a.
.
" Ka nu i nih chuan ti nge fahrah inah min hnutchhiah?"
.
" Ka dinhmun khirh em vang a ni"
.
"Tunah chuan nu leh pa ka nei tawh alawm" a ti ve ngat a.
.
" Ka hria lawm. Mahse..tunah chuan ilaka ka tihsual khuhbo turin i tan ruahmanna ka siam a, i chhungte pawn an remti ngei ang tih ka chiang a ni"
.
" Chu chu eng nge?"
.
" Lehkhathiam tak i ni tih ka hria, Chennai a ka thian pakhat hian sumdawnna bultan pui tur a duh a. I graduate kher ngai lovin tunah hian i hna tur chuan a lo hmuak reng che a ni. I damchhung atana i duhkhawp tur sum chu kum khat chhung lekin i thawkchhuak thei dawn tihna ani. Heihi ilaka ka tihsual nawhreh na a tana hman ka duh a, ka fanu i nih angin i tana ka tih theihtawk anih vangin min pawmsak ngei ka beisei a ni"
.
" Ka pawm thei lovang. Ka nu leh pate thu ngaihchan phawt ka duh" anu nia inchhal hmeichhia chu zak theilo a tiru hle a, a chunga thuneih a tum chu a ngaithei hlek lo. A nu tak tak anih a ringlo hial zawk. A hna offer chu tha engang mahse..thawh a tum lo bur. Inbumna a tel ngei a ring bawk.
.
" I pawm ngei ang" vawt raih hian a lo ti a.
.
" ka haw duh"
.
" Heihi i in a ni tawh. I nu leh pa lem te kha chu theihnghilh rawh. I hlawhtlin hunah i la pui zawk dawn nia"
.
" Nang hi ka nu i nilo"
.
" I nu diktak ka ni e"
.
" Anih chuan ka nu angin awm ta che"
.
" Ka fanu anga i awm hunah i tan nu tha ber ka ni ang" a sawi zawh rual chuan inchunglamah a chhohsan ta daih a. Rang takin a umzui nghal a. Mahse..inchung a chuan chhoh hmain na zetin chhuat chu a rawn inkhar phui ta hmiah a! A bing mup mup a. A chungah eng nge thleng tih chu a ngaihtuah a. A nu nia inchhal hian a chaklohna zawnah bum chhuakin sumdawnna (?) Ti turin a nawrlui dawn niin a ring nghet hmiah a. Tihluihna hmangin nawhchi a zawrh tir ang tih a ngaihtuah lai phei chuan a tiril a khur a. Tlanchhuah a tum ta a.
.
A awmna room chu a phui vek!tukverh pakhatmah a awm lo a. A chhuat chu lei a ni. Helai hmun atanga a chhuah dawn chuan inchunga a chuan chhoh phawt a ngai. A phone a ngaihtuah chhuak thut. A han indap a. A lo ak tawh reng reng lo mai. Thinur takin a bag a hai a. Amah pui thei tur hmanrua a hmu bawk silo. Inchung thawm chu ral hla tak atanga lo kal ni mai hian a hria a. A mangang tan ta khawp mai. Amah leh amah a inhau a. Ti nge a lo zui ve ngawt chu le?
.
Inchung kharna chhuatphah chu a han nem vak vak a, chet pawh a che eih lo. Rilru fim put tuma khuma a thut lai chuan Catherin chu a rawn chhuk leh a. Rum zetin a lo.melh a.
.
" Haw ka duh..min kaltir rawh"
.
"Zaninah i sumdawnpui tur a rawn kal dawn a, naktukah chennai in pan nghal ang"
.
" Mi mawl ka nilo ania, eng sumdawnna nge ni reng reng a? " zaidawh deuh zawkin a ti a.
.
" chuzawng aman a la hrilhfiah ang che."
.
" he thil avang hian hlawkna engzat nge i tel ve dawn a?"
.
" engmah..ka fanu hmalam hun ka sialsak dawn a. A tawk mai a lawm"
.
" ka ring therte lo che. Tunah hian rukbo ka nih thu hi police in an hre tawh ngei ang"
.
" ka ring lo..hria pawh nise tuman an rawn zawng hmu lovang che"
.
"Ka nu atan ka pawm hauh lo che. Ka haw dawn. Min lo dal suh" muanpuii thinthawk hi hmuh a khat hle. Mahse..hmeichhe luhlul leh chhungril kawlhsen tak ani tih hi rin a harsa ngei ang. A tho thut a. Kailawnah chuan a bawkvak chho zawt zawt a. Catherin chuan che chang lovin a lo thlir reng a. Inchung a thlen chuan patling pa 4 hian an lo hual khup tawh a. Kalpelh a han tum rawk a. Hnehsawh zetin an lo manbet a, te tuar tuar chungin inhnuailam an panpui leh a, a awmna inhnuaia khum kha an namsawn a, inhnuai panthlakna dang a lo awm leh a, an chhuk thlak pui leh a. A thim in a rimchhe hle bawk.
.
" min kaltir ru.." tiin a au tuar tuar a. Chutah a beng bulah Catherin chuan zawi tak fiah tak siin " ngawi la, awm hle hle rawh" a rawn ti vawt raih a!.
.
DOCTOR..
.
Hun remchang an neih phawt chuan sex chu an thupui ber a ni tawh a. Chhungte lamah dodalna tawk ta lo chu an ngampa telh telh ni berin a lang. Tuk khat chu apain, " Mami, duh aiin in inzui tam mah mah a ni. Mi mitmei ven te pawh a tha e. In mualpho hmaa in inneih vat hi a tha in ka hria, amah sanga pawh lo titipui la" a ti a. Manuni chu a zak ru hle. Sanga bula a pa thusawi a han hrilh chuan, nui huah huah chungin, " I pa chuan rem a va hre ve, marawhchu, ka pa hriselna a tha vak lo a, tun kartawpah hian ka han haw lawk anga, ka chhungte pawh ka sawipui ve anga, a ranglama inneih dan kan zawng dawn nia" a ti a.Ngaihtha takin a awm ta a.A pa bulah pawh a sawi leh nghe nghe.Dr sanga pawh a sawi ang khan a haw ta a. A lo haw hun tura a sawiah khan a rawn haw ta silo a. A mangang ru hle. Chutih nak laiin a khua asik fo leh nghal a! A chaw ei a tui lo em em bawk.
.
" Mami, i awmdan hi i ruak lo anilo maw?ka chik thin che a, i awmdan hi a rinhlelhawm riau mai" a nuin a tih takah chuan a thi neih hunbi a pel tawh tih a hrechhuak nghal a. Mahse, a rilru chhungril takah chuan a lawm zawk. A rinaia hmaa Dr Sanga nen an inneih theih a rin vangin. Nurse pakhat a kawm ve fo chu ava bekbawr a, a lo test sak a. Rin ang ngeiin nau chu a lo pai ngei e. Dr Sanga hrilh a chak tawh kher mai.
.
Dawra thingpuife lei tura a kal chu dawra lo awmte chuan an melh hrek hrek a. Dawr neitu Thangteii chuan Sanga kha a ngaizawng ve thin a. A inah pawh a lenchilh fo thin. Mahse..Sanga thinlung erawh a hneh zo ta lo ani. Chuvang chuan Manuni chu a er em em a, tawngkam meinei tak taka tawngkhum pawh a hrat hle. Manuni hi hmeichhe zaidam tak a ni roh a! Bakah sanga bialnu anih tawh a hnu..khinlet vak chu tul a ti lem lo a ni.
.
" Inpa sanga pawh a lo haw kha.." mitmeng kal relh relh leh elsen zeta nui chung hian a lo ti a. Dawra lo thu ve te nen chuan awmze nei deuhin an inmelh hrek hrek a. Ti nge sanga chuan a lo tlawh vat loh le?
.
Sanga inlam pan chuan a kal hnak hnak a. A chau ve deuh anga zan lama rawn kal a tum anih a ring a. Eirawng bawlsak nghal turin a kal a. Kawngka chu a lo inkhar a. Kik lem lovin a hawng a.
.
' U sang, thu lawmawm deuh hrilh tur che ka nei a..ih..i fa.." a tih lai chuan room pindan nana puanzar chu a rawn inkeu a..a thil hmuh chu makti zetin a melh ta tlawk tlawk a! Sanga chu a ngawi reng a. In chhung chu a reh vawng vawng mai....
.
A hmaah a rawn ding a, a shampoo rim chu a nam vang vang mai.
.
" Nangmah hi mi ka ù bialnu chu? Lo inchibai i la" nelawm taka a rawn tih chuan a thaw hawk a. A hlauhthawnna nasa tak kha a thamral ta vek a. Sanga chu rawn ding chhuakin a zi ar ar a, nui sang chungin, " I sawi tum ka hria, nuhah an tih ang hian ka awm tlat a lawm" a ti a. A rawn pawm thawk a. Thlamuang zetin a awmah chuan a bei ta hle hle a.
.
" Ka nau Zikpuii anih hi" tiin nula hmeltha leh piannalh zet chu a chibai tir a. Chu nula chu a nui sang a, a lang zahawm kher mai. An awmdan turte an han sawi ho a, Sanga duhdan angin hautak lo thei ang bera inhruai mai chu an tithlu ta a. Zanah Sanga chuan apa a rawn kawm dawn bawk. A chhungten a rai thu an hriat tirh khan makti awm pawn an awm lem lo a, apa erawh chuan a kamkhat ve hlak a. Makpa Doctor neih chu tu in nge pawm phal lo tehlul ang le?!
.
Kar 3 aliam leh meuh chuan, Aizawlah Sanga te inchhungah mo duhawm tak ni turin a lawi lut ta a. Man leh mual an inhlan zawhin lawmna hranpa em em pawh siam lovin an inhruai ve tawp mai ani. An puklawk tawh miau a, mawihnai leh zahawm taka inneih kha a tul tawh lem lo a niang e. Sanga pa chu a nelawmin a tawng duh a, mahse, Manuni chuan a hriat ngailoh a hriat phah. Sanga pa chu vai a ni tlat! Sanga nu erawh mizo a ni a, nu te lam, ngo vir ver, thinchhiat hmel tak ani a. A mo lakah chuan a nelawm fahran lo a, a thil tih diklo te chu a sawisel hrep thin. Manuni pa leh nuța ten ni 3 vel chhung chu an rawn awmpui ve a, Sanga te in hi fal reih rawih, tlang chhip deuha awm ani a, an thenawm hnai ber pawh thui fe ke a kal ngai a ni. Sanga farnu Zikpuii leh a nu leh pa bakah sanga nau tlangval hmeltha tak te nen an cheng ho a, a nu tih loh chu a chungah an tha vek a, nuam a ti tan hle. Mahse, thingtlang atanga lawi ani a, thenawm khawvengte nena han inkawm te a chak ve thin. Chutiang hunah chuan a nu chuan chhuah a phal ngai lo a, a pasal nen lah an chhuak dun ngai lo. Zikpuii hian a chhuahpui zauh zauh zawk a,a chang chuan a khua a har thin hle. Tin, thu lawmawm tak bawk chu an inneih atanga kar khat hnuah Sanga pawh Aizawl hmunah transfer a ni ta bawk a. Chu chu a lawmawm lamah ngaihsak mai ang.
.
KHAW NGE I AWM?
.
" Bawihi nu, ni 7 chu a liam leh ta dawn ruai chu a nia. Kan police ho lah kha scorpio dumpawl zawng reng renga an hmanhlelna lamah engmah an chhui chhuak thei bawk si lo. Kan YMA te pawh an zahawm ta hle mai, mizo dana ni 7 kan hmuh loh chuan mitthi anga kan vuiliam mai a ngai dawn anih hmel" rilru hah hmel zetin tukverhah a dak voh voh a. A fanu duat chu khawiah tak awm ang maw? Khawilai hmunah emaw a lo tluhlum reng mai lawng maw? A ruang tal hmu nise a tawrhna pawh a nep deuh tur. Tunlaiah mi bo an awm nual tawh a, hmuhzawh loha bo hlen lah a tam zawk an ni lehnghal. Kidnap te hi lo ni tase, pawisa an phut ang ang pek pawh an han hnial loh tehlul nen. Mahse, tuman an dawn be reng reng bawk si lo.
.
" Kei chuan mambawihi hi a thih ka ring thei lo. A la dam anga, engtikah emaw a lo hawn ngei ka ring a ni" a nupui chuan a ti nghet charh a. Chutihlai chuan door bell a rawn ri tlang tlang a. Inleng an neih reng tawh avangin inleng satliah ni mai turah an ngai a, nuber chuan a va hawnsak a.
.
" Ka pi, heihi Pu Saithangpuia in a ni em?" Pa hmeltha tak leh thau ve angreng tak chuan a ti sap a. A bula a nupui niawm tak, nu hmeltha leh nelawm tak melh zauh pah chuan, ' Aw ni e, lo leng lut rawh u" a ti a.
.
An hmingte an han sawi zawh chuan, an fanu bo chungchang chu an zawt a. Zawhna chhan ninawm tak a ni a, he zawhna hi an dawng awl lo tih theih a ni.
.
" Ka pu, anih thudang deuh zawh che u ka duh a, in fanu Muanpuii kha Adopt ani tiraw?" Pu Saia te nupa chu an phu zawk a! Chutiang zawhna chu an vawikhat dawnna a ni. An thenawm khawvengte pawn an hriat loh thuruk chu engtin nge an hmelhriatloh chuan arawn hriat theih? Muanpuii an lak dawn khan khawtlang bumin Pi Remruati chuan nau a pailem anih kha! Pu Saia nau bakin an hriatpui ve hauh lo. Pu Rina ( pu saia nau) khan a hriatpui nachhan pawh a ma thurawn vanga Muanpuii kha la ta an ni a, raipuar lema chang tura thhrawn tu pawh amah kha a ni. Mahse..an thenawm khawvengte chuan an ring ngam chiah lo tih an hre tho naa..engkim chhui chhuak tura an chìk peih an ring lo a. Tuman Muanpuii bulah pawh a thawi pawn " adopt" anih thu hi an sawi an la hre ngai lo.
.
" Chu chu engvanga sawi nge maw i nih le?" Nelawm vak loh hian Pu saia chuan a ti a.
.
" Ka pu, in pawisawi hi kan tum reng reng lo. Mahse, thudik hriat hi kan tan a pawimawh lutuk a ni. Khawngaihin min hrilh mai rawh u. Tu bulah mah a chhuak tawh lovang" dam dap hian a lo ti a.
.
Aw then kharh kharh pahin Muanpuii an lak dan leh an enkawl seilen dante chu a sawi ta a. Nupate chuan uluk takin an lo ngaithla a.
.
" Ka pu, in faa in lak lai chuan, thla 9 maw a nih?" mikhualpa nupui chuan a rawn ti a. A awah chuan lungchhiatna a langtel bawk.Pu Saia nupui chuan a lo chhang a.
.
" Mamteii kha thla 8 anihin a bo a, ka pi, rem i tih chuan, in album ka en thei angem?" Nu chuan mangan hmel deuhin a rawn ti leh a. Pi Remi pawh chuan a va laksak ve mai a. Muanpuii senlai thlalak a han hmuh chuan insumzo lovin a inhnit ta faih faih a! Makti zetin Pu saia te nupa chuan an lo thlir a.
.
" Ka fanu ngei ani. A ni chiang lutuk..aww..mamte, khawnge i awm le? Ka va han hmu chak che em" a tih lai chuan Pu saia te nupa chu an inmelh tawn zak zak a. Tunah chuan an hlauhthawn ber leh mut mawh hnarmawha an lo neih thin chu a thleng ta. Mahse..muanpuii chu aawm ve si lo!
.
MIN TINA TAWH SUH..
.
A chaw ei kham tluzal chu a lo muhil leh ta mai a. A harh chuan a khumah a mu emaw a ti hman a. Mahse, zawite tea phun ser ser ri chuan a ngaihtuahna chu a rawn lapeng ta vat a.Khur dar dar chungin kawngka lam chu a va melh a.
.
Khatia pindan thim taka an dah hnu khan nasa takin a tap a. A tap chau chu a lo muhil ta hial a. A harh chuan boruak chu a vawt sur mai. Hlau chung chungin tlanchhuah dan a zawng a. Chutihlai chuan kailawnah chuan mi pahnih an rawn chhuk thla hlawk hlawk a. Emergency light hian an rawn en vù a..Catherin leh vai palian deuh mai hi an lo ni a. Vaipa a hmuh chuan lehlam a hawi ta hmak a. Catherin chu a bulah rawn thu hniamin " Tho rawh le..i kal ang" a ti a. Zu rim a nam ham ham bawk a.
.
" A teuh lo mai.He vaipa bula kal ai chuan thih ka thkang zawk" alo ti hlar a! A biangah a rawn beng țhuai a. A thip zawk mai. Mahse..mi kawlhsen ve tak anihna a rawn lang ta. Catherin chu a va kek ve ta hrep a. An insual chu a ni der mai. Vaipa chuan a rawn pawt then a. Muanpuii chu va kaih a tum a. A lo namkiang dawrh a, chhuatah chuan a thal ta huang a. An pahnih chuan thinrim zetin an rawn melh khui khui a.
.
" Ngawi tak rawh. Zirtirna pek hlak i ngai anih hi" thinrim zetin Catherin chuan a ti a. Vaipa nen chuan an chhohsan leh ta a.Chumi hnua thilthlengte chu a damchhunga a hriatreng tur a ni. Mipa puitling 2 rawn chhukin dim baksak lovin an rawn pawngsual rawn a! Na tia rak tuar tuar chungin a mumang nise tiin duhthu a sam pah a. Mahse..a tak tak a ni si. Pawngsual mai duhtawk lovin a taksa chu na lua awm loin an sawisa leh a, a hnungzangah an hlap hrep a, a malpui te chu an taksa rihna hmangin an țum vel a! A taksa chu na lo lai reng a awm lo. Tah pawh a tap thei lo a, a chhungril erawh nasa takin a rum a ni. A tette atanga kehthei dawma dawmtu a nu leh pate khan a chunga thil thleng hi hria se na an va ti dawn em..chumizan chuan a chhungril leh pawnlam na te chu a tal tlaivar pui ta thak anih kha...
.
" Muanpui, i lo inngaihtuah tawh ka ring a, heihi hre bawk la ka duh a ni.Tunah chuan mitthi anga ngaih i ni tawh, vawiinah khan vuiliam i ni tawh a ni" titu Catherin chu a melh tlawk tlawk a. Henu hian a thu zawmtir chu a tum khawp mai.Engchen chiah nge maw a la luhlul theih ang le?!
.
" Chennaiah ka awm duh lo" a lo ti tawl a. Za lo zeta nui hul hakin, " Anih chuan heta sumdawn chu i duh tihna em ni?"
.
" Eng sumdawnna mah tih ka duh lo"
.
" I duh loh lai pawh khan ka tan sumdawnna chu i khawih reng tawh alawm.."
.
" Zan 2 pawngsual ka tawhna khan sum a pe che ani maw? Ka lawmpui che. Mahse..ka la talchhuak dawn. Ka chunga i thiltih man hi i la hmu dawn khawp e"
.
" tunah chuan i chhe vek tawh. Nupui atan pawh tuman an duh tawh lovang che"
.
" Pawi ka ti lo e. Mahse..ka tlawm dawn lo"
.
" Kan hria ang chu..zanin chu ka tam sum lo thawkchhuak leh rawh aw"
.
Muanpuii chuan rapthlak tih hmel zet hian a lo melh kawk a!
.
ROSANGZUALA..
.
" Bawiha, hmanhmawh ta che" tia a nuin a rawn koh chuan a sam chu a huimam sawk sawk a. Aw tih leh inhnuai lama chhuk a rual nghal a. A phur thlawt lo chu a chhungten an hriat a hlau viau a..niminah khan a thianthaber leh a ruka a bialnu Muanpuii chu ni 7 chhunga an zawn hmuh loh vangin mizo dan anga vuiliam a ni a. Muanpuii thiannu Mali nen anva kal ve anih kha..mali pawh a tap nasa khawp mai.Ani pawn a rukin a mittui a hru zauh zauh a, a thinlung takin muanpuii chu a thih a ring thei lo. khawihmunah emaw a awm a la ring fan a ni. Vawiin hian chhungkaw chaw eikhawm hun an hmang dawn a. A pute in Tlangnuamah an chhungkaw ho an inhmukhawm dawn a ni. A pu chu nikum khan aboral tawh a. A pi erawh ala dam a. A cousinte nena an han inhmuh khawm takah chuan tlemin a phurna pawh a rawn sosang ve tan a. An inpuiah hian a patea te chhungkua leh a pi leh a ni (aunt) te an cheng a. A ni hian a duat em em a, a mamawh chu a pate bulah aiin a ni bulah a sawi zawk thin. Ani chuan a pu sumdawnna a chhunzawm a, sum lamah a buai ngai lo. Mahse..pasal neih a tum lo nge mipa lam hi a ngaihven ngai miah lo. A hmelthat em vang leh a hausak vanga heltu pawh an tam ve khawp mai. Mahse..a tu amah an hlawhtling ngailo.
.
" sang sang, ka roomah Laptop kha han la lawk ta che" ani in a rawn tih chuan ani room lam chu a pan a. Dawhkana laptop chu a la a, kal leh mai tuma a inher lai chuan engemaw hmuh a nei tlat! A zuk bih nawn leh kher a. Makti zetin a han lakang a, a kutah chuan Muanpuii thlalak chu a bet va a..
.
BANG PHÈNAH CHUAN...
.
" Manun, Keichu inkhuaa awm kha nuam ka ti. Hetah chuan kan buai thei sia, nangpawh i khua a har thin tiraw?" A pasalin duat hmel taka a han tih chuan a khawhar theih zia a hrechhuak a. An inchhungah chuan a mikhual riauin a hre thin.
.
" U sang, i huatthu nilose..ka nu hi chu a zia a dang ka ti..amah nen hian in kan nghak thin sia, lenchhuah a phal ngai bawk silo, diktak chuan ka khua a har thin khawp mai" a ti sep sep a.
.
" Nia..chuvang chuan he in hi chhuahsan ila..in khuaah let leh daih ang hmiang"
.
" Fiamthu thin lo teh.."
.
Sanga chuan a nupui thaw sak sak chu a thlir ngawih ngawih a. Eng nge a ngaihtuah tih hriat a har hle. Thawm dim takin a tho a. A inha sawk sawk a, room chu chhuahsanin A farnu room lam chu a pan ta a.
.
" a khua a har hle a ni. Ka nu hi nagpawn lo sawipui ve teh, a ti lutuk deuh a ni..nau pai lai phei chuan tihhlim a mamawh asin"
.
" Awle..ka lo sawipui dawn nia. Keipawh hi ka buai ve bawk a..kawm hlimna hun takngial pawh ka nei lo. Ka khawngaih reuh ngawt mai. Ka nu hi chu a buaithlak ve anih hi"
.
Manuni chuan a pasalte inchhung chu engemaw ti zawng hian nuamlo a ti riau țan a! A pum a puar lian telh telh a, a chungah anu chu a sual tawlh tawlh ni hian a hria. Zikpuii lah a zin chhuak reng bawk si. An tlangval lah tawng tlem chi a lo ni bawk nen..zan khat chu thla a eng hle mai a. Balcony ah A pasal nen coffee in in an thudun a.
.
"" Manun, a chang chuan kan in hi chhuhsan ka chak thin" a pasal mitah chuan ava en a. Ani chuan thla eng lam chu a lo thlir daih thung. Sawi tur a hriat loh vangin a kut chu a va chulsak a. Tunhnaia a pasal nunphung chu mak a ti ru hle thin. Enghelh liantak nei hmel a pu fo a! Zanah te hian rilru hah hmel zetin a thaw leh halh thin. Engthilin nge tibuai tih chu vawikhat a zawt ve tawh a. A hna lamah hun hasa tak a paltlang mek thuin a lo chhang anih kha. A dul puar luah chu zutin " Naute, anu rawn chhun rawh aw" tiin a pumchhunga naute chu apasal chuan a be thin. Aniin a pasal lu chu duat takin a lo chulsak heuh heuh thin. A pasal nen an awmdun tawh chuan a duhthusam a kim ani mai.
.
" manun, i thawmhnaw kha suitcase ah khung vat vat rawh. Helai hmun hi chhuahsan ang. Vat vat" a pasal lo haw thut pawh chu mak a tih tawh nak alaiin a tawngkam chuan a hamhaihtir kher mai. Chechang lova a din reng lai chuan a thawmhnaw te chu anpa chuan a khung sawk sawk a. Inah tumah an awm lo a, anu chu nichin lawk khan an rawn bia a..engmah sawi lovin a chhuak kha ania. A banah a rawn kai a. An in lianpui chu hmanhmawh zetin an chhuahsan ta a. Engmah a hre lo. Apasal chu a zui ve mawp mawp ringawt mai ani.
.
An chuanna taxi chu a ding dawt a.
.
" Ti nge a? Driver" a pasal chuan a ti vat a. Driver rawn tawng hma chuan an thutna kawngkhar chu a rawn inhawng a.
.
" in bia ang" zikpuii mitmeng chu a nelawm loh kher mai. Manuni chu a lo ip chawih chawih a. A pasal chu a chhuak a. Ani erawh lo thu turin a mitmei a.
.
" Engthil phiangsen nge tih intum hi?"
.
" Kan in kan chhuahsan dawn ani"
.
" Tu phalna in maw?"
.
" Tu phalna mah lak a ngai lo e..min lo dal hlek suh"
.
" Liansang, min hrechiang tiraw?"
.
" ka hriatchian vang che alawm chhuahsan che ka tum"
.
" Kan thutiam kha"
.
" ka theihnghilh tawh.."
.
Zikpuii chuan thinrim insehruh chungin taxi chhunga manuni thu chu va pawhchhuah tum a. Sanga chuan rawn namsawnin manuni chu an inchuh titih ta ringawt a. Makti leh thlabar taka lo thu manuni chu a tap teuh tawh a. Driver lah a hawihai nasa mai bawk si. Manuni samah rawn kekin a kut tha chak tak chuan a rawn phih leh dawrh a. Manuni a rak thawt..Sanga chuan hnehsawh zeta Zikpuii paih lawp pahin thinrim awrawl fiak thak hian, " CATHERIN" ati tuarh a!!!
.

.
.
DÁWT NISE..
.
"Nì, ti nge Muanpuii thlalak kha i kawl a?" Rosangzuala mitmengah chuan rinhlelhna a inphum a.
.
" èee, kha tleirawltè kha maw? Hmanniah hmeltha ka ti lutuk a, a thla ka laksak anih kha" awlsam zetin a nì chuan a ti a. A hlauhthawnna zualpui chu a kiang ta deuh.
.
" Mahse...a bo a, an zawng hmu zo tawh lova, niminah khan an vui alawm. Ih maw..ka classmate ania, nangmah chiah ka hrilh ang che..ka star tawp..keichuan a thih hi ka ringlo bawk. A hriat ve lohin ka ngaizawng a, ka rilru ka hrilh hmain a bo ta si a" ngui zeta titu a vahpa chu thùk zet hian a melh a. A khawngaih kher mai. A vahpa tan chuan engpawh tih a huam thin. Mahse..tun tuma a vahpa buaina hi a chinfelsak thei angem? A maimichhing vang vang a. Kawng dang awmse a va ti tehreng em..
.
NUPA..
.
" Vawiinah an hmu leh ta silo a, naktukah mizo dan anga vuiliam angai dawn ta anih hi" Pu saia chuan ngui zetin a ti a. Nupa te chu an inmelh hrek hrek .
.
" mambawihi hi engtin nge kan adopt ani tih in hriat theih?" Pi Remi chuan alo ti thung a.
.
" Thawnthusei tak ani. Engpawhnise..chulam chu nakinah amah mambawihi kan hmuh hunah sawiho zawk i la..tunah chuan mambawihi hi engtin nge kan chhanchhhuah ang tih ngaihtuah ho a that zawk ka ring"
.
" chu! Mambawihi chu a la dam i tihna em ni?" Rinhlelhna kaa beiseina mitmeng nen Pi Remi chuan a lo ti vat a.
.
" Aw ala dam ani. Mahse..nangni leh keini hi kan tanrual angai ani. Police an inrawlh vaih chuan mambawihi nunna an chhat nghal ani mai. An pawisa phut zat hre phawt ila.."
.
" ngawiteh..ka pu, i thusawi hi awih tur nge awih loh tur ka hre ta hauh lo mai. Muanpuii nu leh pa anga rawn inchhalin kan pawisa min laksak in tum anih hmel, muanpuii nu leh pa tak tak in nih ka ring ta hauh lo mai" Pu saia aw chu a khur deuh a.
.
" ka pu, i rilru tur chu ka hrethiam lutuk e. Tihian ti ang. Mambawihi mantute hian pawisa an phut anih pawhin keiman ka pe vek ang. Mahse, in bulah engemaw an rawn sawi anih phawt chuan chanchin min hrilh ve erawh ka phut a ni. Police in ruai lovang tih min tiam angai bawk"
.
" kidnap nise hei chen hi a bo tawh. Tumah in min rawn be lo. Engtin nge man ani tih in hriat bik? Chutak chu ani hriatthiam harsa ka tih chu"
.
" kha heihi lo en ve ta che"
.
Lehkhaphek a rawng senah hian hawrawp chhe zet hian," A la dam. Hmana in fanu bo kha..Tuna a nu leh pa te hi a nu leh pa tak tak an nilo. In fanu hming chu muanpuii ani..' chung bakah chuan pu saia address a ziak tel a. Bangbo takin chumite nupa chuan an rawn pan ve zawk alo ni.Anni pawn chu lehkha atang ringawt chuan ngaihdan siamthiam har an ti a. An fanu kha a ni tak tak em tih hriatchian an duh vanga Pu Saia te chu rawn lenchilh an ni zawk mah a. Mahni fahrin na na na chu hai thu awm hek lo. Muanpui album a en chiah khan a fanu kha ani tih Anu chuan a hre nghal chat reng a! An rilru hahna a thuahhnih ta khawp mai. phone atanga an rawn biak thu leh mipa aw țèng zetin an fanu chu an la duh anih chuan police hrilh lova an pawisa phut ang an rawn sawi hun ngaichang turin a rawn bia a. A rawn call na no lah PCO atangin a lo ni lehzel a! Engkim chu mumang ang ruai ani.
.
KALBO RAWH..
.
A zangthal zawngin a mu a. Ri siloin a phun sep sep a. A mitmeng chu a fim kak a. Reitak hrenbeh ni tawh mahse, a hmel chu a la tha tho mai. Inbual a chak kher mai. A chang chuan a chunga thil thleng chu ama thiamloh niten a hria a. Engvanga anu kha hriatchhuah chak tlat nge anih reng reng le? A nu leh pate kha atan an tha tawk asin. A thiante angai hle. A bikin Rosangzuala kha..a ngaihtuah zawng chuan a nui sak a. A rawn ngai ve angem le? A rawn hre ve reng angem? A ruka a vei ruk thin, a hrechhuak ang tih hlau reng renga inthunun thin kha ani a.Nia, bialpa a la nei ve ngai lo a. Rosangzuala nen chuan Library ah an intawng a.An lehkhabu chhiar duh alo in an vanga an lakrual chiah vangin an innuih sak a. Rosanga chuan a kian ta zawk anih kha..a tukah an class room apan laiin a rawn zawm ve a. Inkawm fo tawh ang maiin an titi dun ta bawrh bawrh a. Chutatang chuan thiantha tak anni chho a. An awmdun tam poh leh Rosanga chu a ngauhawm zual.niin a hre thin. Bialnu a neih loh vangte khan a lo lawm ve ringawt a. Hmeichhe dang a biak te khan a thikthu kha a mualphopui lo chauh zel a, a rilru diktak erawh a hrilh ngam silo. Vawikhat erawh an haw lamin motorin a rawn su thawi thuak a. Rang fahran in a rawn pawtlet dawrh a,a awmah hlauthawng takin a bei hle hle anih kha..chumitum chuan kawng a en that loh vangin thinrim em emin a hau hrep a, mahse..a hmakhua angaih vang ani tih a hriat vangin a lo nuih sen sen a. Beidawn hmel takin, " hmm..engmah i hrethiam ngai dawn lo anih hi" a ti zawi raih anih kha..
.
A tho thut a. Ngaihtuah chhuah a nei. A rilru ang kha Rosanga khan a lo pu ve reng anilo maw tiin. Mahse..a awmna bang chep leh khawhar tak angaihtuah chhuah chuan a kun ngaih a. Chubakah Rosanga tan chuan a thianghlim tawh lo tak alawm.." Nupui virgin ka duh vangin keipawh ka la virgin'" ti thintu kha a hmachhawn leh ngam dawn em ni? A mittui chu a khap per sak sak a. Kawngka chu a ri rak a. A la hmuh ngailoh mipa sang zet hi a rawn lut a.
.
" kalbo rawh" a ti tawl a. Chupa chu ngawi rengin a bulah a rawn thu a. Zu urh rim anam vung vung a. A luak lo chauh ani. Hnehsawh zetin a namthlu a. A inhup chawih a. Chu palian pui lak atanga talchhuah dan kawng chu a ngaihtuah chhuah hmain a vawi thum nan pawngsual a ni leh ta. A taksa lo chak tha deuh se chuan aw...lungchhe em emin a tap hawm hawm a.
.
"Helai hmun hi ka chhuahsan agai ani. Engtikawng zawng pawn" a ti rilru a. A thu chhuak a. A rilruin a tawngtai mawlh mawlh a.Catherin rawn lut chu lehlam a hawisan a.
.
" Catherin, Chennaiah chuan ka kal duh a ni" a ti ta a.
.
BAWIHTE..
.
Taxi chhungah rang zeta rawn luh pahin Dr Sanga chuan tlan turin thu a pe nghal a. A nupui kut chu humsakin a thlamuan mawkh mawlh a. Manuni chu a hamhaih takzet. A chunga thil thleng chu apasal chuan ala hrilhfiahsak ang chu maw..an tlan zel a. vaivakawn lamah tlanin..an chhuk a. Step thui zet an zawhthlak hnuah inhnuai thim rik rekah an lut a. Light an on chuan inchhung bungrua chu a lo awm kim ve biai a. Ngawi rengin an mu ta a. A pasal chu sawipui a chak hle. Mahse..a ngam ngang silo. Dr sanga pawh chu a mangang ru hle tih a lang reng mai a. Tunah chuan a chhungkaw tan patling taka khawvel a hmachhawn a ngai tawh dawn ani. Engpawhnise kha in chhung an chhuahsan thei chu thawven khat chuan a veng ta phawt.
.
" ka nu leh pate hi an innei lova, ka nu chuan ka piantirhin fahrah chawmna inah min dah aniawm e. Tichuan, zikpuii pa te khan min la ta a. An fa tak ka nilo tih hi ka hriatna a la rei bik lo. Ka chungah an tha em em a. Ka pa phei chuan engkimah min tawiawm tha thun hle. Doctor ka zirna senso pawh hi engtikah emaw chuan ka la rul ve ngei ang. Mahse..tunah chuan an lak atanga inlakhran phawt angai a ni. Vai an ni tih chu i hriat ka ring a. Kan nupa hian engtikah emaw min la nekchep dawn tih ka hria. Chuvanga chhuak kan ni" a pasal thusawi chu bangbo takin a lo ngaithla a. Awih tur nge awih loh tur pawh a hrethiamlo.
.
" Zikpuii khan min la rawn zawng chhuak leh mai lo ang maw?"
.

" Nia..zawng chhuak ang. Kan finkhur angai reng ani. Sawrkar lam ka lo nawr anga. Khawihmunah emaw min sawn turin. Nang pawh pawn i chhuah loh a tha ang" a pasal duhtak thu zawm mai loh chu kawng dang awmin a hre lo. Diktak chuan a nu leh pate tak tak an nih loh vanga an chhuah kher nachhan tur a hre hauh lo. An hnawtchhuak a zeng pawh ani lo a. Chutih a hnekin zikpuii khan a rawn umzui hram hram anih kha.
.
A nupui thaw sak sak chu a melh vawng vawng a. Lainat hmel takin a chul heuh heuh a. He in hi thla hmasaah khan a luah tawh a. A rukin! Bungrua pawh a thiar lut zeuh zeuh kha ania. A la mamawh dawn tih a hriat vangin. A hmalam hun chu a thim riau hian a hria a. Engtikah emaw chuan a nupui Manuni hmaah chuan thudik chu a la lang ngei dawn tih a hai lo. Chutiang hun a thlen hmaa a nupui duhtak hlim taka siam chu a bat niin a ngai nghet tlat a. A phone chu a han on a.." Zawngsen, ka thiltihtheihna chak zia hi i la hre mawlh ang" tih thu a dawn chu a chhiar a, a hmel chu a thim màk mai.
.
CATHERIN..
.
A thiltum a hlawhtlin tak dawn avang chuan lawm hle awm tak anih laiin a chhungril nun chu a ruak hluah hluah mai. Muanpuii mitmeng fiah kak kha a mitthlaah a lo lang a. A maimichhing a. Kum tamtak liam hnua thil thleng kha a mitthlaah a rawn lang uarh uarh a. A mittui chu a luang ngiai ngiai a. Tunah chuan muanpuii chiah hi a neihchhun a ni tawh. Venhim hna a thawh a ngai dawn a. A thlawk chhuak anih vaih chuan a khawvel a chàn tihna ani mai.
.
"Cat, Chennaia kal chu a duh ta a maw?"
.
" Aw ..mahse..tum ruk a nei pawh ani thei"
.
" vawiina i va kalna chu eng nge chanchin?" Tiin a asst chu a zawt nghal a.
.
" umm..An nupa chuan muanpuii pate chu an va tlawh leh ngei e. Engtia hmalak zel nge i tum?"
.
" muanpui hi thawnbo phawt ila..tichuan, thi si lovin an nunna ka chhat tawh dawn a ni"
.
A boss chu a mitah a en ngam ngailo. Hmeichhe naran a ni satliah lova, hmeichhe rothap leh chhungrila khakna nasa tak pai reng nunin a nung a. Nuih hawk hawk a nei ve ngai hek lo. Kum 2 zet an inhrawn tawh a. Mahse..a boss chu a hrechiang thei chuang lo. An sumdawnna țenghneng tak khuhmawi nana sumdawnna themlem tak an hmang te chu a boss thluak vek a ni a. Engpawhnise, khawlaia thi bo mai mai tur chhanchhuaka hna tha leh hahdam, sum tam bawk si thawk tura ruaitu anih miau avangin a boss hi a phatsan ngai dawn lo ani. Mahse, a fanu nisi, muanpuii a sawisak dan erawh a ràp ve lek lek. Tu hmeichhia mah hetiang hian hremna la pe ngai lo. A ma fanu ngei, vai ho nawmchen nana thawnbo a tumte chu hriatthiam a tum buai peih lo zawk. Mak a tih deuh erawh chu a boss hian khawngaihna a la pianpui ve ngei tih a hriatna chu a ni. Muanpuiin pawngsual a tawh chang leh sawisak a tawh chang khan mittui tla zawih zawihin a lo thlir thin tih a hmu tlat a lawm!
.
" naktukah muanpuii chu lo bualfai ula, a hliamte kha tihdam hna inlo thawk dawn nia"
.
" I chhuak dawn em ni?"
.
" Aw..Zikpuii ka hmuh a ngai a ni" a mitmeng verther zetah chuan nuihzatna a rawn lang zawk a. Ani pawh chuan thim zing atangin a boss nuisak lai chu a va nuih ve sak a.
.
ENGTIKAH NGE?
.
" Sang sanga chu engtin chiah maw a awm a?" Hlauhthawn hmel fe hian a rawn ti a. Rosangzuala chuan a nì a hmuh veleh a nui deuh a. Anì in a rawn thutchilh chuan a banah a lo man a.
.
" ka tha alawm..i zin dawn emaw ka tia"
.
" nia, mahse, i accident thu ka hre ta sia. Ka rawn let leh ani e"
.
" Nì, kabtha alawm. Ka ruih vang anih kha"
.
" ti nge i rui ngai silo a"
.
" diktak chuan ka rilru a hah em atin ni..muanpuii vang khan"
.
" Bawiha, ani kha chu theihnghilh tawh mai la, a awmna chin lah an zawng hmu thei silo"
.
" ka lo hmangaih hman aniang. Nitin hian a zual zel. A thih hi ka ring phal thlawt lo ani" avahpa in lungchhe taka a tih chuan thùk takin a khawih a. Airport an thlen tawh hnuah avahpa chetsual thu an rawn hrilh a..ni e, inchung atanga a tlak thu kha..hmanhmawh baklengin a rawn haw anih kha..avahpa hi engvanga hmangaih bik leh ngaihtuah em em bik nge anih tih chu..amah leh Rosangzuala nu chauhin an hria.
.
" bawiha, rilru hah laia zu in te chu a tha hleinem. I damthat hunah ka rualin i zin harh ve dawn nia. Intih harh i mamawh anih kha"
.
" ka nì, muanpuii hi a lo let leh i ring em?" Chu thu bawk chu'h!!
.
" Ring e, a lo let leh ngei ang" a kut humruh chungin a ti a. Ral hla tak chu a thlir a.
.
" engtikah nge?"
.
" I rin aia hmain anih ka beisei"
.
PUI RAWH..
.
"Misualho chu an reh leh vang vang tawh sia, police i hrilh tawh mai ang" pu Saia chuan a ti sap a. A lu a lo thing mùt mùt a.
.
" Reilote nghak leh lawk ang"
.
A nupui leh fate chuan Tv an lo en a. A fate zingah chuan muanpuii kha tel ve se ava nuam famkim dawn emm..tih a ngaihtuah a. A inbual a, a bei chu a dawng lek lek tawh a ni. Lehkhathawn leh phone call an dawn atang khan ni 3 aliam leh tawh a. Engkim chu a la reh tlawk tlawk mai si. A fanu chu an that tawh anihte a ring rum rum a. He thil titu hi tupawhnise hremna pelo chuan chhuah a tum lo bur. Zanlaiah va tho in chhuatah a vei avei a. A ngaihtuahna chuan kiltin a dap kual a. A hunliam tawh nena inkungkaihna neiin a hre bawk silo. Pu Saia te nupa kha a lainat takzet ani. Anni chuan fanau 2 lai an la nei tal a..anni erawh tar alamah an fa (?) An han chàn leh tur chu pawi a ti in muanpuii chu hmu leh pawhnise pek mai a duh a, an fanu ani reng dawn tho a. A hmalam hun atan pawh a tha zawk hrim hrim. mahse..chungte chu duhthusam satliah mai ani.Muanpuii chu an la hmu tlat si lo.
.
A office kawngka chu an rawn kik a. A buai deuh vangin hunlo a ti ru hle. Mahse..lo lut turin a chhawn tho a.
.
" I dam em?" Chu aw chu a hriat fo tawh hnu a ni tih a hriat rual chuan, a thlanfimin a rawn bual nghal a. Hawichhuah pahin a chala thlanfim chu a hrufai pàwk a.
.
" ZIKPUI, eng nge i lo tih dawn?" A ti lawi rùt a!
.
" I fanu bo chungchangah ka rawn hmu che" a aw chu a fiak thak a. A hmelthat ngaiin a la hmeltha reng mai. Pasal a la neilo em mawni le..
.
"Ka fanu chu kum 19 kalta khan a bo tawh alawm"
.
" Ni e, kha naute kha tunah a vawihnih nan a bo leh a..tiraw?" Engtin nge chung zawng zawng chu a hriat theih le?
.
" ka..ih..engtin nge.." a ti nawk nawk a.
.
" Ka thiltihtheihna chak zia hretu i ni alawm..ni lawm ni? Engtin nge ka hriat tih lam ai chuan..i fanu hi kan zawng hmu anih chuan..ka tan thutiam i neih a ngai ang"
.
" i puihna ka mamawh lo e"
.
" I la mamawh ngei ang"
.
" Ka ring lo"
.
" Tunah hian ka tana lo kal ka nilo a, ka vahpa tana lo kal ka ni" a mitmeng chu a zim san a. Pawisak nei hmel a pu mawlh lo.
.
" engmah a awmzia ka hre lo"
.
" Zawn chhuahsak tur chein min duh nge duh lo?"
.
" nang chuan min tihnat dan tur bak engmah i hre lo"
.
" Ka sawi nawn leh ang, i duh nge duh lo?" A mitah a rawn melh kar a. A rilru a buai nuaih nuaih mai. He nu hian puih a duh a maw? Hrep taka..rinloh a duh hle laiin kawng dang a va nei silo em..
.
Zikpuii phone rawn ri ral ral chu a lo ngaithla reng a.." Hello, Catherin,.." tih pahin a ding a. A nui sang a.
.
Dr Sanga chu a lo dàng sàwp sàwp a..
.

Zikpuii chuan hindi hian enge mawni a sawi sap a. Phone chu a dah ta a. Dr sanga va nuih saih pah chuan, " i hmu duh angem?" A ti a. A lu a lo thing a, maktih vanga mengpawng hlawt chung hian, " Catherin chuan ka fanu a kawl em ni?"
.
" Aw..i fanu a kawl mèk ani. Heii..police call i tum rual khan i fanu hrawk zqi turin thu ka pe nghal ang" a mitmeng chu a hlauhawm èm avangin Dr sanga chuan a phone chu a dah thla riai riai a. A buai ta kher mai.
.
" Eng nge i duh?" A hmaia thlan lo bawl hrukfai pah chuan a ti ta a.
.
ZIKPUII..
.
A vahpa muhil lai thlir ngawih ngawih pahin cigaratte chu a fawp kawk kawk a. A vahpa chu hmangaihna khurah a tlalut tih chiang takin a hre thei. Hmangaih a la nei ngailo a, chuvanga vawiin thlenga nula la ni a ni. Mahse..hmangaihna in mihring nuna thil a tih theih zia erawh a hrechiang hle thung. Kum tamtak liam hnuah a ngaihtuahna chu a thlawk vawn vawn a.
.
Amrita Hospital chhawng 2-na khum no 8- ah chuan hmeichhia la naupan hmel tak, hmeltha fahran hi a mu bal a. Ni3 zet nikhaw hreloin a awm tawh ani. A bulah chuan thlaphang takin a chhungte an awm thap a. A rawn rum leh hawk thin tih loh chu a mut ngaiin a mu chawrh chawrh ringawt mai ani.Motor accident tawkte zingah ani leh midang pa 4 chauh damchhuak an awm anih kha..mahse, ani pawh hi a damchhuak ang nge damchhuak lovang tih chu sawithiam harsa tak a ni. Kar khat dawn a mut hnuah nikhat chu a rawn mengchhuak ta hlawl a! A mitmeng lah chu a fiah in a fim kher mai.A hawikual ruai a, a chhungten lawm hmel taka an lo en thap a hmuh chuan maktih hmel deuhin a mit a khap sak sak a.
.
" Khawnge ka awm? Tute nge in nih?" A ti sep a. Buaina chu a intan ta chiah mai.
.
Chu nula (?) Chuan a hriatna a hloh tih a chhungten an hriat chuan, mangang takin an indawmkun tlawk tlawk a. Doctor thiam tak tak lah an pan tam narawh. Dr Abhiseka enkawlna hnuaia thla khat zet a awm hnu chuan, a chhungkuate chu a rawn hrechhuak chho tan a. Vanduaithlak takin a chhungte nilo midang chu a hrechhuak zo ta lo! Chu thil buaithlak tak avang chuan Vawiinah hian Muanpuii chu rukbo in a awm phah ta a ni. Mizorama a lo chuan chhuah pawn a hmelhriat loh hlir a hmuh avangin nuam a tilo a, apain sumdawnna bultanna tur sum thahnem tak a pek hmang chuan Chennaiah a liamthla ta a. A mizopuite theihnghilh lek lek khawpin vai ramah a hun a hmang ta anih kha..
.
Kum 2 hnuah pasal angreng neiin fa hial a pai ta a. Pathian rorel dan pawh hi a mak thin mang e.Chutia fa hial a pai tawh hnu chuan, a hriatna hloh tawh zinga anuna pawimawh em em mai a hrechhuak ta tlat mai! Chu chuan a taksa leh rilru a sawisa nitin a. A bialpa pawh chu a then ta hmiah mai. Chumai duhtawk lovin a pumchhunga naute pawh paih daih a tum a! Piantir loh aia tha a hre hauh lo. Mahse..chutia mangang taka a vàn ruai lai chuan a hriatna rawn let leh hun chu a tlai tawh tih a hrechhuak a, a nun chu mumang ang maiin a hmang tan ta. A thinlung chu huatna leh khakna hlirin a khat a. Phatsan nia a inhriatna chuan a rilru thianghlim tak thin kha bawlhhlawhah a chantir ta zawk a.!!
.
" Nì, ka ko ka ko che a, eng nge i ngaihtuah a?" Avahpain a rawn tih chuan, hul haka nuih pahin , " Thil sàwt lo leh tullo tak ka lo ngaihtuah a lawm le" a ti a. A vahpa mitmeng dul raih chu entin nge a tih nun leh sar theih ang tiin a ngaihtuah a.

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

[Ngaia]

DR SANGA..
.
Mangang takin a vei ruai a, damlo kara awm reng chu a puakkeh ang tih hlauin In chungah a chho a, thlifim a rawn thaw heuh heuh a, khur der der chungin a cigaratte chu a tan a,na zetin a hip kawk a. Zikpuii kha ti nge a lo zui ruk loh le? A fanu pawh a chhanchhuak thei maithei asin. Police call a tum zing tawh, mahse, zikpuii thiltihtheih zia a hre chhuak zel si..Catherin kutah a fanu a awm mek anih chuan a fanu chu a hmel hmuh tlak loh khawpa sawisak a tawk tawh hialin a ring. Zikpuii bulah khan, ' Catherin pawi hi ka sawi em ni? Catherin tih nilovin nangma ruahmanna vek a nih hi" a ti anih kha. Khata Zikpuii nui hmel kha rapthlak ti zetin a melh raw a, " Catherin pawi i sawi emaw sawilo emaw hei chauh hi hria la ka duh..Hmana zikpuii kha ka la ni reng a. Tumah tihnat duh ngailo kha..mahse, ka thunun theih bak thil thleng hi ka laka thu i tiam chauhin thunun tumin ka bei thei ang" a ti nghat nghat a.
.
" I vahpa leh ka fanu chuan eng inzawmna nge a neih?"
.
" I fanu hi ka vahpa nupui hual i nihtir dawn anih chuan, i fanu chu i hmulet leh ang"
.
" Tiam lo ta che ila"
.
" Zaninah i fanu ruang an hmu ang" nghet tlet tlawt hian a lo ti hmak anih kha. Tichuan intiamkamna nen A chhuahsan ta a ni.
.
A hunliam tawha a thiltih te avanga a fanu nunna derthawng chu pawi a ti a. Mahse, a ngaihtuah ngial pawhin a thiamloh awmin a hre thei lo. A nuin fahrah ni turin fahrah inah a hnutchhiah a. Chu ina thawkte leh a chenpuite chu a chhungte an ni mai. Kum 6 anihin nu pakhat fel hmel tak hian a rawn la chhuak a. An pahnih chuan in lianlo takah an cheng dun a. A tir chuan a hrethiam lova. Mahse..a nu nita chuan nikum lawkah amah ang tak fapa a lo chàn tawh avangin a fapa ai a awh ta ani tih a hrilh a.Lehpek awmlo tur khawpin a duat a,aan khawvel a parvul tan ta. Hausa lemlo mahse..anu nen a an khawvel zimte chu a hlimpui a, school te kal ve in lehkha lah mite maktih tur khawpin a thiam a. Anu chuan a chhuang thin hle. Kum 16 anih kumtir lam atangin anu chu a insawisel tan a, a inentirna result an hriat chuan lungchhe takin an tap dun a. Anu chuan Lung Cancer rang ber chi a lo vei anih chu!! A khawvel chu a thim tan ta.Anu nunna pawhsei dan a awm tak mialin tiin Phai lam an pan rawih a. An nufa baihvai zia a ngaihtuah chhuah apiangin a mittui a far leh thin.
.
Mizoram house ah innghatin bangbo takin an awm dun ve rek rek a. Anu lah a chau telh telh mai si. Ni 6 an awm tling tàwk tihin anu duhtak chuan amah chauha khawvel hmachhawn turin a hnutchhiah ta anih kha. Khatihlai hun kha chiang takin a hre thei tawh lo. A hriatchhun chu Zikpuii pa in a kut lianpuia a hnungzang a chul heuh heuh kha ani. A tan chuan vantirhkoh ani hial e! Mizorama an hawnna tur te engkim a buaipui vek a. Mualpho lovin an inhawnpui thei a, an in zimteah khan mi tamtak an lo pungkhawm a, engmah a hre lo..nia..amah hmangaihtu awmchhun nia a hriat a nu neihchhun chu anung tawh lo tih chauh lo chu..
.
Anu thih atanga kar 3 ral hnuin Zikpuii pa kha rawn kal lehin thu tamtak a sawipui a. A sawi apiang chu hnialthlak dan tur a hre lo a. Atan chuan a lawmawm em em vek ani. Tichuan anu nena an chenna in chu hralhin Zikpuii pate inlamah a insawn phei ta a. Kum 16 mi chauh tan chuan anu telloa damkhawchhuah kha a awlsam lo. A chhungkaw tharte chu anu anglo takin inkhawm leh tawngtai an ngaipawimawh ve lem lo a. Mahse..a tan erawh vantirhkoh vek an ni. Chhungkaw hung tak an ni a. Tupawh chuan an lawm em em vek thin. A rualpui hmeichhe tleirawl tih loh kha chuan...
.
" Dr..Dr.." a bula nurse lo ding reng chu a melh zawk a.
.
" Cabin no 9 ami kha a tha vak lo a"
.
Hmanhmawh zetin inhnuailam chu a pan thla ta hlawk hlawk a.
.
TI LUL SUH..
.
Catherin asst khan a rawn kai chhuak a, bualin zau hekhawk leh thianghlim zetah nawrlutin, ngawi rengin a thawnhnaw te chu a hlihsak mawlh mawlh a. Tui thianghlim vawt raih hian a taksa ruak kang chu a leih a. Sahbawn rimtui zet a rawn chulh leh sawt sawt a. A lo dawh hle hle ringawt. A hnungzang duk thluah thluahte chu Catherin asst chuan tihnat hlau takin a chul dan dan a. An sawisa nasa awm mang e..a ti rilru mawlh mawlh a. He nula hi a chhel khawpin a hria. " Anu ang maia tawhkhirh ani dawn anih hi" a ti rilru a.
.
Thawmhnaw fai a han hak leh chuan a harh vak ni hian a hria. Darthlalanga inen a chak kher mai. A hliam laite chu damdawi hnawihsak ani a. Chennaia a kal duh tak avanga a lawmman hmasaber chu hlawk a ti hle. A kal dawn tak tak lo tih hria se chuan hetiang hi a thleng awm hauh silo a.
.
" Catherin hmuh ka duh" a ti sap a.
.
" a chhuak"
.
" Catherin hi ka nu anih tak tak i ring em?"
.
" Ring e"
.
" Anih chuan i fanu kha pawngsual tir in i sawisak tir ve dawn tihna em ni"
.
" thu i awih lo anih kha"
.
" Nuin a fa chu a hrem thin. Mahse..a thianghlimna leh zahawmna tichhe lo zawngin"
.
" kal tawh rawh. Zanin chu tui deuhin i muhil dawn nia..naktuk zanah chuan Chennaiah i hna i thawk tawh dawn sia"
.
Ner sak chungin " ka thi zawk mai ang" a ti rilru a. Chennaia kal chu a tum lo bur tih an hriat a hlauh avangin an thu awih zel phawt chu a tum ani.
.
" ka pate, ka nuten min lak lai chuan thla 9 maw ka nih" a patea a zawh khan.." aw..khatianga sen lutuka kalsantu che i nu hi eng hmeichhia nge anih ka hre chak khawp asin. Nangpawn i nu atan i pawm tak tak theih ka ring bik lo" a patea chuan ngun zeta melh chungin a ti anih kha..ni e, a sawi dik chiah. Thla 9 mi lek anih laia kalsantu anu chuan a hmangaih miah lo tihna ani. Catherin a huatna chu a pung zual sawt a.
.
" muanpui, ka ngai lutuk che. Ka lo nghak char char che a, min kalsan tawh suh aw" a nuih zawnga a biangsum khuar dek pawh a hmu leh ta e. A rawn kuah thawk a. Ngawi rengin a lo dawngsawng a. A kuaidak a, a heh sen hiamah chuan rawn fawh tumin a rawn kunhniam a. Mahse...
.
Thil ri thuai chuan a mumang hlimawm tak chu a rawn thamral tir ta vek mai. Lunghnur takin a țhen sak a. A khum bula mihring hlimthla chu a che hrut a.
Pawngsual a tawk leh dawn emaw a inti hman a. mahse..
.
" Muanpui, Rosangzuala i hre ngai em?" A ti zawi sap a!!
.
" Tihnat ve i tum em ni? Tina lul suh" tiin a ngen lawm lawm a. Catherin chu thim zingah a nui ta sak a.!
.
DUHTAWK RAWH..
.
Coffee tak ngek ngawk chu in khalh khalh a.A hmaa țhù hmeichhe hmeltha tak chu ngunthluk fahranin a melh a. Hahdam hmel zetin a thu a. A sam kir chiat chu a zut dalh dalh a.
.
" tichuan, duhtawk tur chuan min duh tak tak amaw?"
.
" A hun tawh alawm..game chu over tawh rawh se"
.
" Atawp ka thleng tep tawh a, chutimaia bansan thei ka ni lo"
.
" Buaina i tawk ang tih ka hlau ani. Hlawkna engmah awm lo ah hian inhambuai tawh lo teh..khawngaihin"
.
" ka hahdamna tur thil ka ti ve mai ani"
.
" I hahdam miah lo tih ka hria. Chuan, Muanpuii pa pawh in i kutah a fanu a awm tih a hria ani"
.
" Hrep taka! Keiman ka kawl tih chu engvanga hrilh nge i nih?" Dawhkan chu a chum bur a!
.
" kawng dang ka neilo atin ni"
.
" Police a hrilh lovang tih engtin nge i hriat theih?"
.
" ka hrelo..ka ring zawk. A chhan chu a fanu thla 9 mi kha nula a lo nih tawh avangin a nunna chu a hlutsak lehzual dawn tih ka hria,."
.
" a vawihnih nan a fanu ka rubo tih a hria em?"
.
" Hre lo. Ka sawi lo..a vawikhatna kha hrilh ni ila chuan A zaidam thinthawkin engpawh a ti duh ang tih ka ring a lawm"
.
" Anih chuan tunah hian engvanga Muanpuii chu chhuah zalen tura min duh nge i nih le?"
.
" A chhan chu I FAPA HMANGAIHBER ANIH VANG A NI" Zikpuii chuan a lo ti vawt raih a. A mitmeng chu a de sawr sawr a.
.
" Thil theih a nilo. Ka fapa chu a thi tawh"

A la dam ani.. Mahse..muanpuii hmel a hmuh vat loh chuan a thi thuai ang" . " Thi rawh se.." . " A tawk..duhtawk rawh. Ani saw i fapa, i thisen kai anih saw..engvanga nunrawng viau nge maw i nih le? Ni tawh lo e. Ka tihtir thei tawh lo che. Tunah chuan keimah min hmachhawn tawh ang" . " Hmangaihna in i nun a la tibuai ve lo atin nih khaa.." . " Hmangaihna chu huatna in a lo khat ta ani maw? Ni lo..i hmangaihna khan a la kalsan hlen tak tak lo zawk che anih kha.." . " Ka duhthusam a thlen hma loh chuan, ka bansan dawn lo tih hi ka sawi nawn leh e..engpawh sawi rawh..ka tawlh dawn lo" . " Anih chuan Zikpuii i hmachhawn a ngai tawh dawn anih chu!" . Zikpuii chu a ding a. Mawi zetin a nui a. Hmeichhia chu a zuk melh a. A bu nghat a. A chhuak ta a. . " Kawng dang a awm lo em ni?" Tia au zuitu chu a va lehhawi a. . " zaninah thutlukna i lo siam dawn nia" . " Fuckkkk..." tiin dawkan chu a hnek bur a! A mitmu lian kelkawlah chuan huatna leh khawngaihna a inlar chhawk zut zut a. A tho a. Dawr chu a chhuahsan ve ta nghal a. . " Catherin.." tih ri a hriat rual chuan a ke pen a tawp chawt a..mahse..lehhawi miah lo in hmalam panin a tlan ta hlawk hlawk a!

[Ngaia]

THURUK HAILANNA..
.
CHAPTER 5
.
CATHERIN..
.
An ina a hriat ngailoh mikhual naupang(?) Lo awm ve ngawt chu a ngaithiam thei lova. Awmpui treata treat a tum phawt a. Mahse, achhung ten an dawnsawn dan atang chuan awmpui naran nilovin an chhungkaw member thar niin a lang.A unaute chu amah anglo taka mi khawngaihna ngah tak an ni vek a. A naupang ber ani bawk a, duat rawn leh duat sual ani. Mahse..amah chuan sual a inti ngai hauh lo. Chu fahrah mipa naupang chu a ngaithei lo riau a!a pain a duatna te chu enliam harsa a ti thin hle. Ani chuan a biak ve pawhin bak deuh hlar in a be thin a,a tir awl lo bawk. Chupa chu thuawih takin a tirhnaah a kal duan duan zel a. Ngawi rengin a ankhumna te chu a lo ngaithla mai thin. Chutak chu a tuar theilo thin. Amah chu hau let vein han vin ve khar khar zawk sela a ti thin hle. Lehkhathiam tak anite chu a ngei a..a itsik ani ber.Nikhat chu a inbual a. Towel a kenluh theihnghilh hlauh mai a!
.
" Rang takin towel min rawn pe rawh" tiin a awmchhun an awmpuipa (?) Chu a va au a. Ìhe lovin a rawn laksak nghal a. Saruak ngalngata a hmaa ding hmeichhia chu melh pawh melh eih loin a kalsan lehnghal a. Catherin thin a thawk leh ta nge nge anih kha..a nalh zia leh a taksa mam hen te chu it taka thlir doh doh turin a duh alawm! Mahse..chu sangha vawt lutuk chuan a ti silo.
.
" Rawn lut leh teh"
.
" aw eng nge nita?" Zaidam taka a ti te chu a huat tawk a tling a.
.
" Robot i ni em ni? ti nge i din zum reng a? Nalh min ti lo em ni?" A ti ta thlawt a! Catherin hi hmeichhe maksak leh huaisar,a duhnaah chuan pawisak nei hauh lo leh inthunun tum ngai miah lo ani.
.
" I nalh ka ti. Mahse..ka en reng chuan a tha lovang" tih pahin towel in a khuh loh luih a malte chu a rawn khuh tha a. A kuta lo man chawt pahin " Min it ani tih sawi rawh" a ti vin tuar a! Makti hmel pawh a pu lo chu mak a ti zawk.
.
"Cat, min ngaizawng anih kha" a ti ta tawl a! Cat thinrim lutuk chuan a hmaia va ben a tum a. A kut chu lo man in a lamah a pawthnai hràwk a..a fawp ta hmiah a! Chu fawh khat lek chuan Cat chhungril nun chu a rawn pholang ta vek mai. Mamawh takin a lo kuah let ngawih ngawih a. Uar zetin a rawn fawp ve tawn tawn a. Ni e, a chhungrila a hriatthiam ngailoh..mikhualpa a huat tlat na chhan chu engvang nge tih a hrethiam ve ta kuar mai. Bathroom chhungah chuan an vawikhatna ve ve atan hmangaihna an chendun anih kha! Chutihlai chuan Cat chu kum 17 lek ala ni a, a hmangaih mipa pawh kum 18 chauh a la ni!
.
Kar khat hnuah an awmdan inthlak ta chu an chhungte chuan an haider thei ta lo. Cat-i pa chuan SANGA chu kawmin mùk takin a titipui a. A fanu hi a hrechiang a, a tum tawh leh ata ni tawh chu awlsam takin a thlak ngailo tih hi. Tin, mak tak pakhat chu afanu nungchang thalo a tih leh thunun tuma a buai rukna te kha Sanga chuan awlsam takin a thunun thei tlat! Ni e, afanu chu hmangaihnain a lem zo tawh ani.A remruat dan chuan, Sanga chuan Doctor zir se..a rawn haw hnuah a fanu nen chuan innei se tiin. Sanga pawn a pawm thlap. Mahse..buaina a lo lang. Mi luhlul Cati chuan Sanga kal hma ngeia inneih a duh leh ta tlat! Awlsam leh a mawl thei ang berin kum pawh la tlinglo te chu an inkutsuih ta. An hlimna khan van a tawng hial thin niin a hria. Sanga chu Doctor zir turin phaiah a chhuk ta a. An khawhar lunglenna khan an mittui a ca fartir zing thin em..
.
Kum 5 a vei leh meuh chuan Sanga ni satliah kha Dr Sanga ni tawhin kum naupangtein Nihna naranlo tak a hum ta ran mai. A nupui nen kum chanve awrh hun thawl tak an hmang dun tihin an chungah vanduaina sar a rawn zam tan ta anih kha..cat chu anuin fa neih a la phalloh vangin a indang thin a. A pa sumdawnna lamah a tui avangin lehkha a zir rei lo. Sumdawn kawngah chuan apa pawhin a ring ber dawttu(?) Hial thin. Apa sumdawnna buaipui tura phai lama a zin chu accident rapthlak tak tawkin, A hringnun chu her danglam sak a lo ni ta a.Nikhua a rawn hriat leh pawhin a chhungte tih loh midang tumah chu hriat a nei ta lo.
.
A tan chuan khawvel thar ani a, tupawh chu atan mikhual an ni. Mizoram chu nuam a ti tawh lo a. Chennaiah a pa in flat a leisakah nuamsa takin a khawsa a, a hriatna hloh tawh mahse..a mizia leh nunphung chu a la hloh vek lo a, pawisa a ngah a, engpawh mai chu sum hmanga chinfel theih niin angai a. A duham tial tial a. Apa hriat miah lohin sumdawnna țàwp takah a inhnimphum chho ve ta a, a hlawk èm vangin nuam a ti chho viau. Ngaihzawng a nei a. Arab mi ani a, Hussein-a ani. Ani nena nuam an han tawl chho vel chu che na tak an ni. Mahse..Husseina hausakna zar pawh an zo ve tho alawm. Innei chiah silo in an chengdun a. Mi tih loh dan pawh a ni hleinem. Apain a hriatchhuah chuan a thinrim kher mai.
.
" Catherin, heihi i duh dan ani tak tak maw? Nakinah i inchhir lovang maw" tia a tawngkhum pawh khan," ka duhthlanna ka sawhsawn ngai lo tih hria alawm" tiin a chhang anih kha..
.
Nau apai tirha an hlim dun ziate kha..mahse..nikhat chu..a bungraw hlui ho a chinfelna lamah Diary a hmuchhuak ta hlauh mai. Diary a ziah ngailoh avangin mak ti tak chungin a han keu a. Hawrawp nalh taka " Cat, I love you Forever" tih inziak chu Husseina hawrawp anih siloh avangin chhiar chaknain a khat ta a.
.
A thidang mai dawnin a hria a, a lu na ngut ngut chuan a ti chau takzet bawk. Husseina a lo la haw lo a,mangang takin a khum zaupuiah chuan a tal a tal a. Ni e, engkim a hrechhuak tawh a ni. Kha Diary khan a nunhlui a hriatchhuah zawh tawh lohte chu rawn hrilhin Tuemaw nupui alo ni tawh tihte a rawn hrilh ta si a. Khang kum liamta thil thlengte kha a rawn lang zut zut a! Bathrooma a virgin hawnsak anih thleng khan. Tahzet chuan, luhlul biangah mittui a luang ve ta. A hmangaih ber Sanga chu a ngai ta ngawih ngawih a.Hei leh chen a bosan tawh a. Tunah a la dam angem? Minlo la nghak angem..chung zawhna chhanna te hriat tumin a pa a bia a. Mahse..
.
" Cat, i hriatna rawn kir leh chu ka lawmpui che. Sanga chuan vawiin hian nupui a nei ta ani" phone chu a paih ţhuai a. Nasa takin a tap ta hliam hliam anih kha..Kha hun atang khan Catherin thinlungah pahtsantu nia inhriatna leh phagsan ni tho sia inhriatna mak tak a lo piang ta a. A hmangaihber neih let leh chu a thiltum liantak anih rualin, phuba lak a duhna chuan nasa takin indona a hmachhawntir ta a.
.
DR SANGA..
.
Coffee dawr atanga Zikpuii rawn chhuak lai chu a lo thlir reng a.Minute 3 vel hnuah a mi zawn chu a rawn chhuak veleh a. Motor atanga chhuakin a va umzui a. Mahse..chu hmeichhia chu luhlul takin hmalam panin a tlan ta a. Motor chhungah chuan a thu ngawt ngawt a. A ngaihtuahna chuan hmàn hun kha a kawm a,a chang leh a nui sak a, a chang leh a mitah tui a lo tling leh piau thin.
.
Zikpuii pa te ina a awm tak hnu khan beiseina a hloh tawh chu a neilet leh a. A nu duhthusam Doctor ni turin chak takin ke a pen ve mek a. Hmeichhe naupang tihmawh leh nghal zet avang erawh kha chuan a hnual ve fo thinA rilru kha a hriat a hlauh theih em avangin a mah hlata awm hram hram a duh thin a. Mahse..a rawn zui leh zel si. A muthmunah te chuan Cat-i taksa mam leh nal hente chu a suangtuah zantin a! A ta ni ngailo tur hmeichhia chu a ngai veng veng thin. A vei ruk em em in hmusit taka a tawngkhum vel thin chu atan tawrh harsa ber ani. Mahse..nikhat chu le..bathroomah a ko lut a. A hmaah itawm takin a ding to anih kha..eizawh vek a va chak tehreng em..mipa thisen a rawn lum a. Thunun ngaihna a hriat thlawt loh avangin ramsa ang maiin a che ta ringawt anih kha..thilmak tak erawh a rilru ang chiah kha Cat chuan a lo pu ve thin tih a hria..a hlim zia leh a mumang emaw a tih si zia kha...
.
Cati pa remruatna in a kal in a awm mai thin a. Cati duhdan ang taka kum tlingloa an innei ngawtte kha zah a hnekin a lawm em em zawk. Doctor zira a thangbo chhung zawng khan Cati chu vawikhat pawh aringhlel ngailo. A chhan chu Cati lakah vawikhatmah a pelhe miau loh avangin amah ang ni turin cat chu a ring tawp mai ani. A haw hnu hunreilote chhunga an hlimna parvul zia te kha a thinlungah nawhreh theih lohin a la inziak reng si..Cati'n accident a tawk tih a hriat tuma a mangang lutuk in a vawihnih nana zu a ruih vak tumte kha aw..
.
" Cat, i pasal ka nih hi..min hre tawh lo amaw? I tan ka la awm reng asin" tia a koh mawlh mawlh laite khan..a ngaihna hre miah lovin a lo melh kuau a, ti nge apasal chu mikhual ang maia a en tak tlat chu le? Sanga tan chuan khawvel a chul zo ta..a hmangaihber chuan dam reng siin a nunna a chhat a ni ber e..engkim chu a vai ruai mai.
.
A bulah pawh awm duh loin Vai rama awm a la thlang zui..na ti em emin a kal turte chu tukverh atangin a bihthla tawk tawk a. Cat chu a liam ta..damchhan a nei ve ta lo. Reitak chhung chu mumal lo takin a khawsa a, a chhungte chuan an khawngaih em em vek a, Zikpuii phei chuan a tahpui fo thin. Doctor hnate chu bansan hial a tum a, mahse..zukpuii pain a phal ngailo. Zankhat chu..
.
" Sanga, Cati chu awm tawh lo mahse..nang hi ka fapa i la ni reng tih hria la, Thingtlang khuaah sawn tur chein sawrkar ka nawr a. A hlawhtling hlauh mai. I kal anga, boruak dangte i va hip anga, i tawrhna pawh a ziaawm ang chu.." a ti a. A phurlo kher mai. Mahse..he inchhunga Cati sulhnu hmu reng chung chuan a damkhawchhuak dawn lo tih a hria. A kal ta a nih kha..
.
Tichuan anunah tuna a nupui Manuni hi lo lutin Fa hial an lo paita a! Manuni nen an chungchang chu engtin tin emaw Zikpuii te chuan lo hriain an rawn chah haw a. Inthlahrung ru takin inchhung a lut a. Mahse..a beisei loh lam daih a thleng ta anih kha..
.
" Tunah chuan i nupui Cati chuan pasal neiin fa pawh a nei tawh a. Vanduaithlak takin a fa erawh a damchhuak lo hlauh a ni. Nangpawn nupui nei la,dam tha takin fanau nei ang che. Anni chu ka thlahte angin ka pawm hmiah e. Inthlahrung reng reng suh. Hetia hmeichhe dang i ngaihven thei hi kan lawm em em zawk ani. Ka in atang ngeiin i nei anga. Ka inah a rawn lawi lut bawk tur ani" tia zikpuii pa kamchhuak a han ngaihthlak meuh chuan, chu putar chu pathian anih a ring ta rum rum hial anih kha..tichuan zikpuii nen a thawhna lamah an kir leh a, an thlen tlai la lain Manuni rai thu an han hre leh ta nghal a. Hmanhmawh takin an che ta rum rum mai ani. A thuruk kha Manuni chuan a hriat a hlau em em a. Chuvanga hruaichhuak ngailo ani. Anu in Manuni a ngeih vak lo te pawh kha a dem hran lo. Anu hian Cati kha a hmangaih zual bik èm atin ni. Mahse..an chhungkaw thuruk chu tuman an sawichhuak ngailo a. Upbo hlen tawh tura a ngai erawh a tisual chhiava ani. A chhan chu Catherin a lo let leh tlat si a!
.
" Ka nu, a tawk. Kha leh chen kha a tuar tawh a. Hlim hi chu a phu ve alawm. Cat chu rawn let leh pawhnise..engmah a danglam tawh dawn chuang lo" Zikpuii'n a tih lai chuan Sanga chuan bang phen atangin a lo ngaithla kar a! " mahse..ka cati khan a hriatna a neilet leh tawh a. Sanga nupui hi a hmuh rualin a à thei ngei ang. A na tuar hmel hmu ka ruh lo. Kalbo rawh se" Cati nu chuan lungchhe takin a ti a. Sanga chuan chet lak angai ta tih a hai lo. A hun remchang hmasaberah a nupui chu tlan chhuahpuiin Catherin hmachhawn loh dan kawng a zawng a. Rawn umzuitu kha Zikpuii emaw a ti a. Mahse..zikpuii chuan khatiangin chet a la ngailo tih a hrechhuak a. A tlanchhiatsan mek Catherin ani tih a hre ta a..
.
Rei tak chhung a bihruk hnuah pawh sawrkar lamin a nawrna an bengkhawn sak duh silo a. Inti huaisen luiin Catherin chu hmachhawn a tum ta zawk a. Mahse..catherin hmel hmuh tur a awm ngailo. A thlah zalen ta anih a ring a. A fanu thla 9 mi lek rukbo a nih hma kha chuan..
.
ZIKPUII.
.
"Ù, ka mamawh che. Lo chhuk rawh" anau mesage chu vawihnih lai a chhiar nawn a. A nau duhtak, aphirpui emaw an tih hial khawpa amah chhuntu chuan a mamawh anih chu! Vawitamtak anau hi a pui tawh thin.Sanga rawn lan hma kha chuan anau thunun thei awmchhun a ni thin a. A nau mize danglam tak chu siamthat a tum nasa thin. Hmangaihna khur a nau tlulut ta chu a la hun rih lo ti chungin a lawmpui viau tho. A hahdam phah tlat a lawm..
.
A nauin a hriatna a neilet leh tih a hriat chuan pawi a lo ti zawk! Anau chu anau anih miau avangin a lainat leh dawn tho tih a hriat vangin.Tunah nau a pai mek zui..a bialpa Husein lah in atangin a lo chhuahtir bawk. A fa pai mek chu neih a tumloh zia a sawi chamchi a! Thla 7 anih tawh hnuin paih tumin damdawi a lo bar chiam a. Vanneihthlak takin naute nunna chu chhan hman a nita hram zawk a! Mahse..Cati bulah chuan a dam thu vawikhatmah a sawilo. A zawt miau lo a. A nau damlo enkawl nen naute buaipui nen Zikpuii chu a buai thin kher mai. Cati chu a damtha lawk theilo lehnghal, a rilru na in a kiansan ngai bawk silo. Chutih hunlai tho chuan, Zikpuii ù nupui chuan Fa a nei ve tho a. A pasal hi Chennaia hna a thawh tho avangin an awmchilh law law a. Hmeichhia hlir pa 3 a hrin hnuah mipa a hring ve ta hlawl a. A pasal pawh a lawm kher mai. Zikpuii chuan Cati awmpui pahin a kartawn a. Zankhat chu an mònu chuan thlaphang zetin a rawn ko a. A fapa hnar zawna a kut dah pahin " A thaw miah lo" a ti ta mai a!
.
Mangan tawh chuan rilru a fim mawh khawp mai.Rang takin cati fapa, nausen dahnaa ami chu ava pawm phei a. A ù fapa chu Cati fapa mutnaah chuan ava mut a! An monu chu mitmeng hriam hraiha melh chungin " Kan pahniha thuruk ni rawh se" a ti sap a.An monu chu a bu ta nghat a.A pasal rilru na lutuk hmachhawn ai chuan a pasal nau fa enkawl chu a thlang ta zawk ani.
.
Ruah a sur bur bur a. A room kawngka chu ring zeta an rawn ben avangin hmanhmawh takin ava hawng a. " Cat, khawnge i kal daih a? ' a ti a. Anau chu huh hnuang chungin a rawn lut a. " Ù , ka ti tawh. A fanu chu amah anga fahrah ni turin fahrah inah ka hnutchhiah ve ta e." Anau thusawi chu rapthlak tizetin a lo ngaithla a.
.
" Khawiah nge i dah? Hetiang hi ti suh"
.
" Thla 9 mi lek a la ni lehnghal"
.
" Cat" a ti tuar a. Chhuah a tum rual chuan, Cat chuan " Ù, ti miah suh.I chhuah rualin i nau nunna hi i chhat nghal tihna ani mai" tih pahin a ban chu blade in a tinzawn nghal a. A ti leh duh tak tak dawn tih a hriat avangin ngawi rengin khumah chuan a thu ta hnawk a.
.
A vawihnihna atana Muanpuii a rukbo tum pawh khan..ngen takte in chhuah turin a ngen a. A hneh theih siloh avangin police hnena kal a tum a. Mahse.." I kal anih chuan, diklo taka ka pa thurochhiah i thlak danglam dan kha ka puangzar ang" tia vauna a dawng leh si. Anau chuan a chet khalh zel tawh tih a hria. A duh dan anga awmtir mai chu tha tilo mahse..tihtheih neiin a inhre tawh lo ani. Engtinnge muanpuii chu a va zawnchhuah leh theih tih a zawh chuan, sum tamtak hmanga fahrah ina thawk a tham hnua a zawnchhuah leh dan a sawi a. Muanpuii thlalak chu a lek va a. A nui ver ver a. Hmanhmawh zetin a u chu a chhuahsan leh ta anih kha..muanpuii thlalak chu a u dawhkanah a let bal a..
.
MUANPUII..
.
" kal ang le.." Catherin chuan a rawn kai a. Motora an chuan hnu chuan a sawi ang apianga awm tur leh a awmlo anih chuan Rosangzuala leh a nu leh paten an tawrh tur thu a hrilh malh malh a. Airpot lam pan in an kal dawn emaw a tih laiin an in lam an pan ta tlat! A bangbo kher mai. An in chu a lo reh thiap a. Catherin chuan door bell hmet in Anu ngei mai chuan kawngka a rawn hawng a. Mak a ti lutuk chu a tawlhsawn dawrh mai. A pasal a ko chul a. Inhmuh khawm lehna mak tak ani.
.
Catherin chuan chennaia hotel pakhatah muanpuii a hmuh thu leh chhanchhuah angaih zia te, a pawisa hmanga manager thlema a lei tak dante chu thiam takin a sawi a. Anu chuan ava kuah ta chawt a.
.
" Nula, i thiltih man hi Pathianin a la rul ve ngei ang che" a tap a. Muanpuii chuan sawi tur pakhatmah a hre lo. Cat chu a va melh a. Ani chuan awmze nei takin a lo melh let a. A hlauhawm kher mai.Chumi kar chhung chu mi à ang maiin a tawm tlawk tlawk a. A chhungte chuan a hun tawn tawh vanga a tawrhna angah an ngaihsak a. A ngawi reng mai chu tihhlim tumin kawm an tum thin a. Mahse. a danglam mawh kher mai. A thiante pawn an rawn lenchilh thin a, zangkhai taka lo dawnsawn harsa a ti ngang mai. Rosangzuala a hmuh rual chuan catherini zawhna kha a hrechhuak zawk a. Rosangzuala dinhmun chu hlauhawm thei dawnin a hria a. Venhim chu a hna niin a ngai nghet hmiah. Catherini'n awlsam taka a kaltir mai dan kha hriat a chak a. A kawng erawh a hre silo. Phone hmangin a rawn be zeuh zeuh a. Rosangzuala nen an chungchang a rawn zawt ziah bawk. Chungte chu mak a ti telh telh a. Engemaw inphumru chu a awm chiang ani.
.
Zikpuii nen an in hmuh hnu lawk khan Cat chu a inngaihtuah nasa mai a. A ù chu vau engang mahse tawlh a tum hlek lo tih a hria. muanpuii chu hruaibo pawh nise a ù chuan chet a rawn la ve nghal dawn tih a hria. Amah aiin a ù chu a fing a, a chak zawk bawk.
.
" Cat, Sanga hian i lakah engmah tihsual a neilo, phuba lak hi bansan rawh. A tawpa na tur chu nangmah tho i ni..Sanga hi i hmangaih anih chuan hlim takin awmtir zawk rawh. Chu chu hmangaihna diktak ani" tia a ù thuchah te kha a hrechhuak a. A dikna chen a awm tlat si! Tuna a thiltih vang hian a hlim phah ngai reng reng lo a. Muanpuii chu sanga fanu anih miau vangin a lainat em em zawk. Mahse..a ta ni kumkhua tawh lo tur Sanga chu a telloa hlim bik turin a phal thei thlawt lova, kum tamtak liam hnuah pawh mipa tumah a duhthusam tihlawhtling thei a tawng thei silo a. Chuvang chuan sanga damchhung nun, tlem tala a lakpen theih nan a fanu chu kawl hlen a tum ve mai chauh ani. Anihna takah chuan afanu anga kawl a tum a..khatia pawngsual leh sawisak a tawhtir chhan pawh anu atana a pawmloh vang ani. Atan chuan sex hi awmze neilo ani miau a!
.
" Ù, i thu chu ka zawm ang. Mahse..naupangte hi engkim kan hrilh dawn em?" .
" Aih, engkim an hriat chuan hmangaihna kha huatnaah a chang dah ange" tiin rem a ruat zung zung a. Zikpuii thluak zawng hman ang tho kha a ni e.
.
A fapa thi tawha a ngaih kha an monu fapa ah tangin amah chhun em emtu mipa naupang hmeltha tak a rawn ni tawh a.A vahpa angin vawi thum lai chu a kuah ve tawh anih kha..a fapa ani tih a ù in a hrilh tuma a rilru kha a sawithiam chiah bik lo. A pian ve kha a phalsak lo a.Mahse..a lo piang chu pawi tihna a nei tawh lo. Amah anga hmangaihna kawng zawh sual ni ve lose a duh takzet ani.
.
" Rosangzuala chu ka vahpa ni zui zel rawh se" a ti sap a.
.
" Muanpui, diktak chuan..ih..i lo let leh hi ka ring reng a.Ka theihnghilh ngailo che asin"
.
" Keipawn ka hrereng thin che a.." a virgin tawh lo tih a hria angem le..
.
" Ka bialnu i ni duh angem?"
.
" Ka thianghlim tawh lo ani"
.
" ka hria alawm..ka tan chuan i thianghlim ani"
.
A rawn pan a. Hmana a mumang kha a rawn thlen dik tir ta a.
.
Dr Sanga chuan Zikpuii en pahin, " Mahse..muanpuii hian kan thuruk hi a la rawn haichhuak leh mai lawng maw?" A ti sap a...
.
THE END..