DUHTAK MIN HRELO MAW BY Angie Sailo

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

DUHTAK MIN HRELO MAW BY Angie Sailo

Unread post by Ngaia » May 5th, 2016, 5:47 pm

____DUHTAK MIN HRELO MAW___

Part-I
'Thianpa,i wallet i thlauh ania"
ka hnunga hmeichhia chuan min au let a..
'oh,ka lawm lutk aw' tihpah in ka nuih suk aw,mn lo nuih let a,nui mawi reuh phian....
Awi kei hi chutiang ngaihtuah hman ka nilo,ka Di te khan min lo nghak reng awm si a.. hmanhmawh zet in ka kal hmawk2 a...

Kum 21 lek a upa ka ni a. ka hmelin alo zir ve bawk nen,lerh ve tak chu ka ni. Bialnu hi 3 aia tlem nei ngai der lo a...mhse hmangaih erawh ka la neilo thung. ka pa hi officer niin ka nu hi lecturer ani thung. Fapa mal ka ni a,ka duh apiang chu ka nei thei. Zu ka in zeuh2 tih lo chu ruihtheihthil dang ka khoih lo.

Ka bialnu Ross chu alo tum bar tawh a,ahmel hi chu atha chiang alawm.. ka'n in soifiah molh2 a,alung chu a awi ve leh mai bawk a. Thil kan ei zawh chuan kan chhuak a,ke hlirin kan la kal zui. bike keng a phal tlat silo a. he nu hi chu ka bialnu te zingah poh ka duh ve ber ,athu pawh ka oih thei ania...

Dar 3 vel ah kn haw a,an in thleng ka thlah hnu chuan ka haw ve ta a. In ka thleng chu ka mu nghal,nisa hnuai ah kan vak nileng a,ka chau takzet Chaw ei turin ka nu in min rawn kaitho a,khua athim der tawh.

Zan lamah ka lengchhuak vak ngailo a,kan thian pa4 in kan in ah kan awm mai2 thin. Ka thiante hi an fel a,tette atang a inkom toh kan ni a,kan awm khom chuan tudang mah kan ngailo. Dar 7 vel ah chuan kan in ah kan kim leh thap tawh.

Kan thianpa Sanga chuan phone a khawih nuap2 a..
" thiante u,he nu hi chhelo sin" a phone chu kan va bih thup a.
" ehhee ,he nu hi voin a ka hmuh kha nih hi" kan ti nghal a. Rema chuan " Pui2i nih kha,chhelo sin,fel bawk si " nui vur2 chung chuan a rawn ti a. he pa hi chu chhelo hi hre thei nia aw...

Thildang kan sawi leh daih a. dar 10 vel ah an haw darh a. Ross nen reilo te kan inbiak hnu ah ka mu ve ta a. Tun thla chu class kan off a,anuam ania..

Tlai khat ka nu in bazar ah thil lei turin min tir a. ka let leh lam chuan ka bike khalh lai chuan thildang ka lo ngaihtuah daih a,tu emaw ka su trep. zia lo thei. Ka'n en chu Pui2i lo ni reng a,ala hlauh hmel em2 zui.

" Tihpalh lutk,thildang ka lo ngaihtuah daih a,tihpalh takzet",
" Aho lutk,ka tha lom,mahse I bike khalh lai chauh ngaihtuah toh roh aw" anui leh seih tawh,hmelthate'i hi. Nui vur2 chungin ka tlansan ta a.

In ka thlen chuan kha nu kha ka rilru ah awm reng mai.. anui hmel mawlh kha...apian nalh bawk si,ngo over nilo in a mawi,no tawk chiah.. asam a buang dauh a,a sei hnap mai. A mitmeng lah fiah kalh,mawi lutuk.

A tuk ah Ross lo leng a,kan pa2 in room ah kan awm a,eng2 emaw kan ti. haha... tak2 in sex kan la hmang lo,ka insum hram2 thin. ka insum thei lutk hi a thinrim zawk thin,phur tawk lek in ka siam a,ka tawp san leh daih zel,huhu...

Ka cousin birthday ani a,party a buatsaih a. Ka thiante leh Ross nen kan kal ve a.. nuam phian. Chaw ei kham ah chuan,thu mai2 pah in mi che vel chu ka thlir a, . Aw Lalpa, tunge ka hmuh saw, ka hmuh chak em2 Pui2i lo kal ve reng a nih saw..an chhiat lo leh pek mai zia...

part -II

Ross chu ka bul ah rawn tru pahin min rawn kuah nghal a,Pui2i te an lola phei chiah zui,hit lo thei... min rawn nuih sen2 a,ka nuih let ve a... Ahnua ka zawn leh pawhin ka hmu tohlo.

Ka rilru ah alian telh2 mai, ka bialnu dang te pahnih kha ka then ta mai,ka ning tawh lawm. Ross poh ka hne tan tlat,Pui2i vang vek Aa angin ka ngaihsak tawh ngailo a,mak chu min ti ve tho ang.

Ka cousin kha Pui2i chanchin ka zawt a, kan kohhran mi lo ni reng a. Phaiah a awm thin a, ka thianpa nau la ni zui. ka hrelo poh cu awm ve tho,kohhran ah ka inhmang ngai lo tlat a... Sunday chu ka inkhom ve dawn chiang alawm.

Sunday chuan ka inkhom ve ta ngei mai a. ka ning ania. Ban ah Pui2i ka zawng nghal,rei fe ka zawn hnu ah ka hmu ve ta. Puan bih te chu a inhmeh bik hliah2 mai. Ka va pan hnai a
" hey" ka va ti teh ngawt a.

"ehhe i lo inkhom ve law" min nuih leh ta.

" khom ve chu nih hi"

" tha,inkhom ziah tur"

" nia,taka i no mn lo pe"

" ngatan"

" ka duh a" min pe ve mai bawk a...

Zanah ka va tex a,kawm a nuam phian. Kan inbe tam tial2 a,kohhran ah poh ka active tial2.. min sawm thin tu nu hi hnialphal chi rual ani lo alawm.

Pui2i chu ka hrechiang telh2 a,ka ngaisang telh2. A chhungril thatna leh mawina pawh ka hrechiang a,ka duh zual sauh..

Ka thiante pawn mak min ti,thalai ah leh kohhran ah ka active ta em a.. mahse engkim ka hrilh a,mak an ti leh lo...

"Pui2i hi chu fel bok si,chhelo bok si,ka van duh tak" ka tih zuah2 lai chuan Zara chuan
" Engtin nge Ross hi i tih dawn?" arawn ti a. Ehee,ni e,Ross kha ka la then miahlo,ka lo theihnghilh vang2 mai..
" ka then mai ang" ka'n ti ngawt a.
Rema chuan ," Pui2i hian lo duh ve ta silo che sela" a rawn ti keuh. Dikchiah min duh leh duh loh ka hrelo tlat.. aaa ,poilo Ross then phawt ang..

Mahse ka ui ve trep,kan inzui nasa ve em a, Mahse Pui2i ka ngaihtuah a,ka then ta tho. Arilru chu ana ngei mai,mahse a chhelo tho a,ngaihzawng anei leh vat mai ang...
Ka bialnu te ka then dawn a ,ka inhnem ve na nih chu. Ka bialnu ni pha chu an chhe lem lo tih hriat tur. hehee.

Pui2i erawh a dang zar mai . Lo inngaizong dawn ta pawh niil ka kawp ngam lo,ka zah tlat. Kum 19 chauh pawh ni mahse a zahawm bik tlat. Arin Pathian hi ahrechiang em a,anun hi a en tawn tlak takzet, ka ngaisang bawk

Mahse buaina ber chu ka bem ngam tlat lo . Kei mipa to ve tak hi avawikhatna atan hnawl ka ni ang tih ka hlau ve tlat,kei ang lo tak in.

Thian ang chuan kan inkawm chho zel a. Ka bul ah chuan a ti2 siam2 a,Pathian thu te min hrlh keuh2 thin. Keipon ngun takin ka lo ngaithla thin.

Ka nun chu a danglam tial2 a,Pathian poh ka au ta fo mai. Ava ropui em.haha. Ka thiante chuan an ni aia Pui2i ka zui tam tak avang chuan an lungawi chiahlo. mahse min lawmpui tho. Hmuhthei khawpa ka danglam tak avangin.

Pui2i chu a u Nunsanga nen chuan an in kom ngeih em2 a,athian tha ber ani . Nunsanga nen chuan kan inkom na arei toh hrim2 a, an in ah pawh ka leng ve ta fo mai...

Part - III

Zan khat chu ka huaisenna zawng2 sawmkhawm in ka duh thu ka hrilh ve ta...

An inchung ah kan thu a,thla lah chu eng ropui. A titi lai chuan a kut ka va celh a,mak tih hmel deuh in min lo en a,ka nui suk.

" Pui ka duh che tih hi I hria tiraw?"

angawi renga,keimah bawk chuan.

"Min duh ve tiraw?" Ka va confi ee.. Min en chuang lo chuan

" bialnu i neih kha" ka nui chhuak huk,

" ka then tawh lawm" ka tih zawm zat a...

" duhlo ta che ila" alo ti keuh..

- ka beidawng lo ang.

" duh ta che ila" keuh2 mai a.

- ka ti beidawng ngai lo ang che... Van lam en pah in a nui ver2 mai. Ka lam ah ka kuai her aka fawp dawn a,

" bleeh" alei a rawn chhuah tet mai, kan han nui leh rih a.. Atawp a tawp ah chuan ka duhtak'i chu ka fawp thei ta..

Anui sen2 a,ava hmel tha tak em.ka nun chu a hlim ani. Ahmaa ka ngaihzawng te nen chuan Pui2i chu tehkhin chi pawh anilo. Ka nun,engkim chu a thlakdanglam hneh kher mai. A tello chuan reilo te pawh ka tlei zo ta lo...

Class tan hun alo ni leh ta der mai.. Ani pawh kan college ah alo zawm a,ava nuam lehzel tak. Kan kal rual a,kan haw rual leh thin. Zan lam ah ka hman chuan ka leng bok thin.

Hun leh ni te an liam ve zel a,keini pa2 pawh kan la tluang zel e.. Hetiang khawp hian ngaihzawng neih hi alo hlimawm ang tih ka hre ngai lo reng2..

Mipa,kei ka ni in ti ve ngat thin khan,ka bialnu ka duh em2 i chu ka zui kual hnu2 thin anih chu,mahse ka zak lo re2. Ka inti thei zawk mah asin. Chuti khawp chuan ania,he nu zun ah hian kalo uai.

Hriat loh kar ah kan inngaihzawnna pawh thla 5 lai a lo ni ve ta reng mai. Ka damchhung a thla5 ka hman tawh a la rei lo ber aniang. Hlim chuan hun hi a kalchak thin ania

College ka chhuahsan pawh alo hun ve ta reng mai, duhtak'i erawh ala kal chhunzawm zel a, Chhun lam ah chuan ka lung a leng thei viau. Tlai ah peng ah ka lo nghak thin a,mipa dang in an lo thlah ang tih ka hlau alawm.

Mihring nun ah hian hlimna chauh a thleng reng bik thei lo a,lunngaihna leh harsat te poh kan tawh chang alo awm leh thin. Chutiang bawk in kan inkar pawh atha viau emaw ka tih laiin, ' KHI ' alo awm tlat mai..

( a tawi dauh a,continue leh hun ah chuan sei deuh ni toh ang. )

PART-IV

A chhan sawi tur awm chiah si lo hian,Puipuii mizia chu a dang riau a hriatna ka nei thin.
A hlim tawh lo ni te hian ka hria a.. a ruk in ka rilru buai ve rapzz...
Thil eng emaw vang mai mai aniang tiin ka ngaipawimoh duh lo luia..mahse a hma kan ang tak tak thei tawh lo.
Pathian hnen ah engkim a that leh theih nan ka dil naa,mahse engmah tha lo telh telh..

Ka hlauh ang ngei in thil a thleng ta..
Zan khat an in a ka leng chu inchungah min chhoh pui a,ngaihthat loh na deuh ka nei.

"thil sawi tur ka nei" a rawn ti hlol mai.

"enge han sawi la" ka thin phu dup dup mai.

ka kut arawn vuan a " In then ka duh ani"

"engvang chuan?" ka vin lek lek...angawi reng... akut chu ka thing thla hlawp a..

"sawi ta che"

"ih ka hre lo,mahse inthen hi kan tan atha"

"achhan pawh awm lo in maw?" angawi leh ta reng..keimah bawk chuan,
"vawi khat chauh han in ngaihtuah tha leh teh.."

"ka ngaihtuah tawh lawm,ka tihpalh lutuk" zawi sap in min chhang a...

sawi mai tur pawh ka hrelo,ka thin hi tawt vek...ka rilru ana ani,ana thlawt..

"i chiang maw?" ka'n ti leh hram a...

"ummm" min chhanna chu tawi hle mahse,ava thawk na si emm.

Ngawi reng a kan thut hnu chuan,ka mipa rilru a rawn chhuak ve ta...

"Ok,a thla lawm,I duh ang chuan ni rawh se.. inchhir suh ang che,MANGTHA le..." ka kal nghal ta vang vang.

In ka thlen chuan khum ah ka bawk thlawk a,ka na ani. Hetiang hian ka la awm ngai lo,
hmeichhia vangin ka rilru pawh la na lo..ka zak bawk,hnawl ka nih avang chuan.

Zankhua in chhin khat pawh ka chhing lo. A tuk Sunday ani a,nidang ang chu nise phur takin ka insiam leh ngei ang,
Mahse vawin chu ka phur thlawt lo,inkhawm pawh ka tumlo. Chaw ei lai chuan ka nu in,"i inkhawm dawn nange?" min tia a.
" ka peih lo" tih ngawt in ka chhang a,room ah ka lut daih. min biakzui na pawh ka ngaipawimawh lo.

Tlai lamah ka rilru ipik lutuk chu zu ka in ta vak mai..ka rui hle,tiang hian ka la rui ngai lo.
ka haw a,thutthleng ah ka chatthla daih,ka harh chuan khum ah ka lo mu tawh a. Darzat ka en chu 2:30 lo ri tawh,
ka rilru ah PUipuii lo lang nghal..ngaihtuah loh ka va duh em!..

A tuk ah chuan ka hlauh ang ngeiin,ka pa in min haua,mahse ka ngaipoimoh hran lo,engmah an hre lo tlat.
Puipuii lah chu a reh hmak a,kei pawn biakzui ka tumlem lo. Mahse ka nun erawh a chhe telh telh thung.
zu chu ka in ta char char a,Puipuii beng athleng a,min lo be nghakl..

"zu i in thin ami?"

"i buaina tur awm lo"

a awm alawm'"

"engah chuan"

"keimah vang ami?"

"nangmah vang a ni lo,lo buai suh" a reh ve ta hmak mai..

Thlakhat a ral hnu pawn ka zu in chu ka sim chuang lo..ka thian te pawn min hau fo,mahse tihtheih an nei silo..
Tlai khat chu Puipuii alo lang hlawl a,mak ka ti viau. ahmel chu athat ngaiin ala tha reng. Room ah kan chho a,

"enge ilo tih dawn?" kan ti thawr a..

"sawi duh ka neia?" a aw chu a zawi hle..

"enge nita? kan in ah meuh min rawn pan a"

" ih..tiang hian awm tawh suh'" za lo tak in ka lo nui a

"chu mi sawi tur chuan maw"

" tianga i awm hi ka hmu thei lo che"

" lo let la ka sim ang" angawi reng a,keimah bawk chuan

"anih chuan min theihnghilh rawh"....

PART - v

"aw ka lo let ang,bul kan tan tha dawn nia".. arawn ti ve ta,,mahse ka lawm ala kim lo..

"ka zu in min simtir duh vang chauh in maw?"

"aih ka hmangaih vang zawk che in'

AW LALPA eng ka thu hriat kha..

"PUI.i ti tak tak em? han sawi leh teh?"

" Mama,Ka Hmangaih Che"..

"keipon ka hmangaih che Duhtak.." ka va kuah nghal..ka van hlim tak em...

Nun chu a pangai leh ta.. ka zu in ka sim a,Pathian hnen ah ka inhlan thar a,lawmthu ka sawi lo thei lo..
ka hmangaih min pek kir leh avangin. HUn a kal zel a,ahma aiin kan in zawm na pawh a nghet zawk.
Engkim hi a tha ani. Puipuii nen chuan nun hi anuam takzet.

Kum tawp kan thleng a...Lal piancham pawh alo hnai ta. Puipuii te pawh class an chawlh tawh avangin,
chhun lamah te kan bazar a,kan lengkual thin.Buaina leh harsatna awmlo in Christmas leh KUmthar pawh
tluang takin kan hmang zo a.. Kan hlim hle...
Mahse Vanduainain min lo hmuak tih reng kan hre silo...

Tlai khat Puipuii nen kan leng ka thlah a,ka hawsan hnu chuan an inkawt ah aluhai alo tlu a,
alu asawh a,nikhaw hrelo in a awm nghal. Damdawiin an pan pui a,NUnsang'n min lo phone a.
keipoh ka tlanchho ve nghal.

Ka hlauthawng takzet,damdawiin ah chuan ka awmoui char char a,zzan ah pawh chuan alo la harh lo..
A nu phei chu a tap a tap tawh.. A tuk thleng pawh alo la harh lo,kan ngaih chu tha tawh lo khawp mai.
A chhungte chuan chawl hahdam tura min tih tlat avangin inbual turin ka haw lawk a.
KA chhoh leh nghal,ka thlen hnu reilo te ah chuan a rawn harh ve ta..ka va lawm tak.
Mahse kan lawm na chuan rei adaih hauh lo,. A nu te chuan an han bia a,tumah a chhanglo,kei ngei pawh.

A rawn sawi hmasak ber chu..

"Tu te nge in nih "? tih hi.. kan va hrilhai emm... A nu chuan tap deuh pur in..

"Mamte,i chhungte kan nih hi,min hrelo maw? I nu ka nih hi"..a'n ti a.

Puipuii chuan, "aih,ka hrelo che,khawnge Dina?" a rawn ti heu mai. mangan thlak thin.


Dina chu puipui bialpa hlui,a duh em em thin ani a,tleirawl chhuah tirh atanga in ngaizawng an ni.
Mahse,engvangin nge Dina hming arawn lam hmasak ber le,an in then na pawh kum 2 dawn ani tawh sia.
Nnunsanga arawn thleng a, Puipuii chuan, " U,tinge hetah ka awm? hemi te hi tu te nge? Khawnge Dina?"
ati nghal mawlh mawlh a.. Nnunsanga chuan,

" Bawihte, i nu leh pa,Mama te,i chhungte an nih hi, i hrelo maw?"

"engmah ka hrelo,tumah....." a sawi zawh hma chuan nikhawhre lo in a awm leh ta.

Doctor kan ka a,keini chuan kan chhuahsan a.. Ka rilru a buai takzet,engtia han awm tue nge pawh ka hrelo,.
A chhan an han zawh chuan,Doctor chuan he ti hian a sawi a..

" In fanu hian alu a sawh avang khan ,a hriatna hloh then a ni. Nikum hmalam a thil thleng eng eng emaw
kha chu ala hria ni awm tak ani,abak chu a theihnghilh fai vek. A hriatna nei let leh tur hian in pui thei,
mahse in tur nasat lutuk chuan ,a hriatsa pawh a theihnghilh vek thei ani"..

Aw Lalpa,tige hetiang hi kan chung ah I thlen tir le???

Puipuii rawn harh leh hnu pawh chuan Dina bawk arawn lam leh avangin,Dina chu damdoiin akal turin
an ngen ta ngawt a.. A rawn thlen ve leh Puipuii chuan alo ban vat a.

"tinnge ilo va kal har ve" tap aw deuh hian a ti a, Hmuh ava hreawm tak.. ka awm ve reng si a.

Ka Duhtaki chuan min hre bawk silo..ka awm theih tawh ngang loh avangin ka haw ta a..
ka zawi hnawk thei,, Thil thleng hi a rang teh thut lutk a,hriatthiam a har ani....

(conti leh vat ang)....

PART -VI

Engmah tih theih ka nei lo a,mahse ngawi reng lo thlir liam ka thei bawk silo..Engtin nge ka tih ang?? Awm dan tur ka thiam lo..
Zan ah chuan ka mu hauh lo,ka lung aleng vawng vawng,Puipuii message hmuh tur reng awm bawk silo,min lo biak chu sawi loh,
hriat pawh mi hre silo.... Tinge maw,ka vanduai bik em em mai le,enge ka tihsual???

Atuk ah chuan damdawiin ah ka kal leh a,Puipuii chu alo muhil a,ahmel chu a that ngaiin ala tha reng a,. Ka thlir reng a,hriat loh
laiin ka mittui an lo luang ngaih ngaih mai. Mi hmuh hlau takin ka hruhul a,bathroom ah ka tlan nghal a. Ka va chhuah leh chuan
alo harh tawh a,min hmu chu min lo nuih sen sen a.,min hre tawh emaw ka ti hman,,,mahse...

"Nang tunge I nih ve le?" min rawn tia,chu zawhna chu ka hmangaih ber laka tang a ka dawn chu ka inbeisei ngai hauh lo..

"DUHTAK MIN HRELO MAW" ka ti thei hram... min rawn nuih leh a...

" Nang nen hian eng inzawmna nge kan lo neih thin" a rawn ti leh ta... engtin nge ka chhan ang aw??...

Ka chhan leh hma chuan Dina te an rawn lut a,Puipuii chu alo thokang nghal a,hlim takin alo bia a,. Dina chuan min hmu chu
nuam a ti bik chiah lo. Ka thlir reng a. Ka hmangaih ber midang nen hlim taka an nui lai thlir mai loh chu tih thei ka nei lo.
A nui hmel te chu ala mawi reng a,mahse ka tana nui ani tawh silo,akut vuan tur ringawt pawn huaisenna ka nei tawh lo..

Eng tik ah mah a hriatna kha nei let lo ta se,engtin nge ka awm ang. A vawi khatna atan HAMANGAIH ka nei ve a,mahse natna min
thlen tu mai ani. Theih se chuan ka hriatna te hi hloh ve daih ila,hlim takin ka nui ve thei mahna..Tun ah hrih chuan hlim
taka nuih chu har tak ani.

Hun a liam ve zel a,kharkhat chhung chu Biakin ah bawkkhup meuh in ka tawngtai tawh. Mipa nih ka sawi thei lo,
mittui hi ka dang zolo,ni e,awrawl chhuah meuh in ka tap thin asin.. Tunge min dem?? Ka dinhmun ah hi chuan tupawh ding se
ka tih ang hi chu an ti ve tho ang.

Nitin ka tlawh thin avang chuan Puipuii chuan a thian tha ang in min en a,mahse chu chu ka duhtawk lo,min hmangaih tawh hleinem.
Nikhat chu kan pahnih chauh in kan awm a,..

"Mama,bialnu i nei ve em?" ava mak tak em,ka bialnu chuan ka bialnu ani tih a in hre silo..

" Mmmm,nei ve a.."

"Tunge a nih min hrilh la.." engtin nge ka chhan ang?

"Nangmah.." teh tawp a.

"hahaa,i uang peih. Keite chu bialpa ka nei lawm" ava na thin em..engtin nge ka hriattir theih ang aw..

"Puipui,hriatchhuah tum teh..keihi i bialpa ka nih hi. nikum khan kan inngaizawng tawh alawm. "

"i ti fiam" leh tral chuan.

"ka fiamthu lo asin. Accident i tawh ni khan kan pahnih in kan leng chhuak a. ka thlah hnu ah che ilo tlu anih kha".

Ahmel buai vek chu ka hmu thei,rei fe angawih hnu chuan a rawn tawng chhuak a.

"I ti tak tak maw?"

"AW,ti tak tak e.." ka hmel ah chuan fiamthu hmel hmuh tum ni awm tak in,nui pah in min en kiau a,mahse ka thutak run mai si a.

"Anih tinge Dina hi?"

"ka hre bik lo,engtin nge kei min theihnghilh a,Dina chauh i hriat chhan hi"..

A ngawi ta vang vang,keipawh in sawi tur ka hriat tawh bik loh avang in haw mai ka tum ta a.

" Pui,ka va haw phawt ange,khawngaih in lo hriatchhuah tum rawh aw..?" ka thusawi chu hria awm pawn a awm lo. pawn lam athlir a,
enge maw chu angaituah ani..ka chhuahsan ta a.

He zawh na hi ka in zawt fo thin..
"Puipuii khan Dina hi alo la hmangaih reng em ni? kei ai pawh in alola hmangaih zawk em ni?" tihhi.

PART - VII LAST.

Karkhat dawn chu in ah ka inkhung tawh. Puipuii pawh ka tlawh tawh lo. Ka beiseina hi a bo vek tawh,engkim. Mahse zan tin biakin ah chuan
ka la kal fo,ka tihtheih awmchhun ani miau a. Nikhat chu Nunsang'n min lo call a,

"Damdawiin ah ilo kal thei angem?"

"Enge ni ta?"

"Puipuii hi atha vak lo a"

"Aw ka lo kal ang" ka hlauhthawn zia mai kha. ka insiam a,ka kal ta nghal a.

Puipuii chu Doctor te'n an lo buaipui a. Nunsanga chu thil awmzia vel kan zah chuan tihian min hrilh a..

" Hmanni i haw hnu khan Puipuii hian i chanchin te,accident hma a thil thleng te min zawt a. Engmah ka hrilh tha duh lo,abuai ka
hlau si a. Mahse min zawh sek tak ah chuan,In Pahnih chanchin chu ka hrilh a. Nitin mai chuan i chanchin min zawt ziah,ilo kal abeisei
thin ,ilo kal ngai silo. Vawin ah Dina lokal velah chu eng eng emaw a zawt a,ani pawh chuan, kum hnih liam taa an inthen tawh thu te
engkim chu ahrilh a. Ahnu lawk ah kan hlauh ang ngei in abuai ta a,tihian ni khaw hrelo in a awm zui ta ani"

Sawi tur pawh ka hrelo. Puipuii chu nileng in aharh lo a,zan ah pawh . Arawn harh leh hun a min la hrelo anih chuan,
keipawh in ka bansan tawh ang tiin ka rilru ka siam fel ta.

Zing ah Puipuii harh tawh thu min rawn hrih a,ka thin a phu nghal dup dup mai. Damdawiin ah chuan ka chho leh ta a.
Ka thleng chu Puipuii nu chuan min rawn hui zeuh a,an bul ka va thlen chuan........ Puipuii chuan min lo nuih sen sen leh ta,
keichu ka nui ve thei lo..

"LALHMANGAIHZUAL.." chu word mal khat chuan ka hlim na min pe let tih tunnge ring thei ang? Mahse ka hlim tlat si.

" Min hre tawh tiraw?" ka nui vur vur..

" Aih,tunge i nih a?" ka nui tawp chiang hle mai,zawhna mitmeng in ka melh a..a ngawih tak reng avang chuan kal mai ka tum a.

" HMANGAIHZUAL,KA HMANGAIH CHE" ka va hawi let chiang em. Ka duhtaki ngei kha ni leh ta.

Ka va kuah thlawp a,hlim takin min lo kuah let a,ka mittui an lo luang leh ta,mahse lawm vang ani ve tawh thung.
Ka hlim ani,ka hlim takzet. Tute nge awm ka ngaituah lo,ka Hmangaih'i chu hun rei tak hnu ah ka fawp leh thei ta.
Ka fawp vawng vawng a..

" kA HMANGAIH CHE,LALNUNPUI"

Damdawiin atang in achhuak tawh a. Ni khat chu an in a kan awm laiin Invitation Card alo thleng a,kan han en chu
Dina nupui neih tur a sawm na alo ni reng mai. Dina khan nupui hual alo nei reng tawh a,Puipuii hian a hriatna alo
nei let lo ang tih ahlauhawm hle mai. Puipuii chu ka va en a,

"enge?" anui seih,

'i rilru na em?"

"hmm,ivan sual,na lo nalo"

" a rukin ana chiang" ka'n ti leh hram a.

"Nangmah ka nei che lawm,tinge ka lo nat ang?"

"Pui, Dina hi ila hmangaih reng ami?" ka hre chak em ani. A ngawi reng a,keipawh..ahnu fe ah a rawn tawng chhuak a.

"HMANGAIH E,NANG KA TAWN HMA CHE KHA CHUAN,mahse tunah chuan nangmah chiah ka hmangaih".. chu aia hriat chak cu ka neilo.

Dina te inneih ni chuan kan pahnih in kan kal ve a,anupui nen chuan an inhmeh kher mai. Mahse Puipuii nen kan inhmeh zawk,hehe.
Lawmpui na te kan hlan zawh chuan inlam panin ka inkhal haw a.

"Duhtak"

"Mmmm"

"kan innei ve tawh mai dawn mi?" ka la nui thu zui..

"Nia,buaina dang awm leh hma in innei vat ang" kan in en a,,kan nui dun a.

Friday zan ania,inkhawm zan ani lo bawk a. Puipuii chu lenchhuak pui ah ka sawm a. Thui vak lo kan tlan hnu chuan,Biakin kawt ah
ka ding chat a,mak ati hle. Biakin ah chuan ka kai lut a,pulpit hmaah ka din pui a,

"Kan tawngtai dawn mi? Good Idea" a rawn ti a...

engmah saw lo chuan ahma ah ka thingthi a,zungbun ka phawrh a

" Lalnunpui,kei Lalhmangaihzuala hi PASAL ATAN MIN NEI DUH A NGEM?

IN propose na atan chuan Biakin aia tha ka hrelo,Pathian hriatpui na ngeiin,. Puipuii chu alawm lutuk,mak ti si chu,
tawng ngaihna pawh a hre lo,akut nalh tak chu a rawn dawh tawp,keiin a kut tang mawi tak ah chuan Zungbun chu ka rawlh lut a.

Pathian hnen ah lawmthu sawiin kan tawngtai dun ta a...

_________A TAWP TA_______

current awm loh avangin ka lo zawm lawk thei lo a,in mi hriatthiamna ka ngen e

[ka story min lo hlut saka,min lo chhiarsak tu,like comment min pe tu te chung ah thinlungtakin lawmthu ka sawi bawk e... KA LAWM E.]



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)