KA SUT NGAI LO ANG BY Nutei Tuahzo Chhakchhuak (3)

[ngaia]

KA SUT NGAI LO ANG-9

Nutei Tuahzo Chhakchhuak.

Ka lo nghah thin, nghah chhuah ni ka neih ngai lo chu kum4 hnuah ka hmaah ngei a lo in lar leh a, ka thinlungin theinghilh tum a a beih, ka thinlung leh ka taksa nasa tak a nghaisa a chimlem nei lo a sawp tu ngei mai chu ka hmu tur ah a rawn in pho chhuak leh a, Eng emaw harsatna a nei a, ka tan leh a fa ka pai mek tan a rawn let loh ah ngaiin nitin Darkar tin a hming ka lam a, beidawn hnuah pawh a rawn let leh a, mi dnag ta ka lo nih hman chuan a tuar na lutuk ang tih ngaituah reng rengin mipa dang lakah pawh ka in khar khip a, a tan chauh sin nun la hman a, ka la in serh thianghlim ni,ka la nghak fan a nih hi, tunah zet zawng Nelson-a chu a dang lam tawh tak zet a, min tih nat duh ngai lo khawp a ka tan a nunnem kha tunah duan min tih nat a hreh tawh lo in min huat hmel ngawih ngawih a, elsen na tin reng a khatin min en a nih kha.

Eng vangin nge kei kher min lo bum le, ka rinna a ti chhe vek ani, tin, engmah sawi lo tu ka pa pawh ka hua ani, kei hi nasa tak a bum ka nih hnuah pawh ka pa chuan ka beidawn na tal pawh n
Nghak lo turin min hrilh tur ani.
"Pa, engkim I hriat te chuan min hrilh tur I ni"ka pa chu a dem hmel zet in ka en a.
"Ka hresa bik reng reng lo, ka ti tak zet ani, I hlimna hi ka duh ber ka tih tawh kha"ka pa chuan a mah ka rin chu a duh ani, mahse Nelson-a khan ka pa in engkim chhanna min pe dawn tih a sawi a, tu nge rin a rin lo tur lah ka hrethiam hek lo,
"Engkim chhanna I nei tih a sawi ani"ka mitthlah tun hma hun chu a lang uai uai a, ka nat na te chu a thar zual zel dawn ni mai hian ka hria ani.
"Eng tik thleng nge I in bum tir dawn le, an company tlu chhe mai tur ka lei a, chu vang chuan tih sual ka nei tihna a ni lo, ngangmah nen pawh then na tlak pawh ani lo chu, a mah chu lo hresa pawh ni ila"ka pa chuan min khawngaih hmel takin min en a, ka pa sawi chu dik ka ti bawk si, ka buai nuai nuai a ni.

Zan boruak thiang tak leh Van a Arsi eng ut te chuan ka mut an ti chhuak lo nasa a, khum a thu in tukverh a tang a van a Arsi chu ka en reng a, ngaituahna a vak thui duh a, keimah leh keimah ka in khawmgaih zual sauh bawk, Ka pum chu ka chul a, kan fa kha lo ping se chuan kum4 a ni ve tawh a nga.eng ang hmel tak ni ang maw, mipa nge a ni a nga hmeichhia, a lian ve tawh in mifing tak ani ngei ang chang pawh a nei hial tawh mai thei bawk,ka in ngaituah chhuak thut a, ka thiam loh na tam tak awm ani, bel chiang lo leh chhui chiang mang hlei lo in ka lo hmangaih a. A mah ka rin tawk em a vangin mitha tak tur ah ka ngai ani, a zun khan min zem à a, ka lo at chilh em ani, khaw dang hawi lek lo in a mah chauh ka lo en a, ka tih sual ka tuar a, engkim bul tan na chu keimah ka ni.ka khum a tang chuan ka tho a, ka pa lehkha chhiar na pindan ah chuan ka kal a ngai ani, Nelson-a chu tu chiah nge a nih hre turin.

Lehkha chhiar na pindan ah hian ka lut ve zen zen lo, lehkhabu tam tak in tiang ur chu ka melh zawk a, file chhah pui pui lam chu ka pan ta zawk a, tah chuan ka duh chu a awm ngei ang, company ka ngaihtuah vak ngai lo vang leh sumdawn na lamah ka rilru ka pek ve ngai lo vangin kan sumdawnna chanchin hi ka hre mang lo a,min thlahtu te a tang a kan rochun a nih vangin File tam tak zingah chuan khawi ber nge ka duh pawh ka hre chuang lo, ka phek zawn a, Ka naupan deuh lai ah khan ka pa chuan thir lam company a lei ngei a, "Robert Martin"ta ani. "Martin" tih chu ka hre chhuak ta.
File kawmah chuan a kum zat a in dawtin a in ziak zel a, mahse ka duh kum chu a awm ve hauh lo, kum awm lo tak a file ah chuan ka zawn mek chu ka hmu ngei ka ring bawk, mahse a awm hauh lo, ka pa dawhkan hnuai ah chuan file Eng chhah zet ka hmu a, hmanhmawh takin chu file chu ka keu thuak thuak a,
"Martin chhungkua a tang a Company lei na" fiah kel kawl in a in ziak a,Company sum din hmun a that lo a vangin a sumpuk na pa William hnenah company pek ani" tih pawh a in zik a, ka pa leh Robert Martin hming ziah hnan thlap in a awm bawk.Robert Martin tu pa chu Nelson Martin a ni,An company ka pa in a lei chhawng a ni mai a, Nelson-a Martin-a ni ta chuan ka chungah tuan in min kalsan chhan tur reng ka hmu zo lo ani, ka pum bawk chu ka zut leh a, suangtuahna at thlak bek ka fa ka chhiat chu ka mitthla lo thei si lo
a pa nen hmangaihna tin reng pe in kan enkawl tur, ni lo, a pa chuan min kalbo san a nih kha, naute ka pai tih hria se engkim kha a thlak dang lam chuang lo ang, a tum sa vek in thil a kal ani.a ruahman na chhungah min lo chhaih kual a, ka lo vir ka lo vir zawk ani, a duh tak min awk a, ka pa in an company a neih sak a vangin kei hi min bi tum ta ani.

Engkim ka chiang ta kuar kuar a, hmangaihna emaw ka tih kha tum reng vang a thangawk ka lo ni zawk ani. Company an chan a an rilru na chu kei hian ka lo tuar ta ani chu, Rilru chhiat thlak hian. Ka room ah ka lut a, zanlai a pel tawh a vangin mut mai ka tum a, mahse ka rilru a harh in ka mu thei dwn lo tih ka hre chiang sa bawk, Carnival lawnglian chu a chanchin ka hre fo tawh a, lawnglian tamtak neitu pa sumdawng mi zet, mipui vantlang hmuh a in lan ngai miah lo Martin chu Nelson-a ngei kha a lo ni, ka hnenah chuan "Nelson"a hminghmasa a in hriat tirin a nih na a lo zep ani, chu pawh a phuba lak thei na turin.chu zawng zawng ka ngaihtuah a, ka hriat chhuah meuh chuan Khua ka tlai tawh a, engkim ka tawh hnu vek a ani, ka lo ring kha ka ti sual let der ani, ka na in zawmkhawm leh thei rual lo khawpin ka keh sawm tawh si a.

Zan ka mu miah lo vangin office ah pawh ka thinchhe hlur in ka hria, Alan'n chhun chawlh lai a min lo biak pawhin ka bak hlar a, Zanriah kilpui tur a min sawm na pawh mawihnai tak in ka hnar a, hahdam ka mamawh tak zet ani,office ban chuan haw tlang mai ka tum a ,
"Rose, min hnar reng mai, zan riah kilpui tur a ka sawm na che pawh I hnar tih ka hria a, mahse ka lo kal ta tho a nih hi,"Alan-a chuan hmel nung sar in a ti a. "Haw mai ka tum a,ka chau deuh em a tin ni" ka nuih let sak a,
"Party hi I zo lo ngawt mai, zanriah ei chauh turin a lawm ka chhuah dawn,"hnial zel duh mah ila kan in ah a lo kal leh ngei a nga, ka pa in zanriah eìturin a sawm leh tho tho dawn tih kha hre sa vek,
"Awle, dar8 ah min lo lam ang che,"a lui vur vur a, ka pa tih loh ah chuan min pui nasa ber tu ani, ka mamawh lai in ka tan a awm reng a, a tlanchhe ve lo.

Tui vawt in ka in chiah vang vang a, ka harh deuh sawt bawk, Alan-a lo thlen hmain hahchawlhna tam tak ka nei hman tho a, ka hmanhmawh vut vut peih lo, ka tlai pawhin dawhthei tak in min nghak dawn a, phun nawi miah lo in ka hmanhun a nghak dawn tih ka hre thawh tlat ani.dar8 rik hma deuh hretin thutkhawmna lam chu ka pan a, Alan-a leh ka pa chu an lo ti ti mawlh mawlh bawk, time a vang dik in min lo nghak fe tawh zawk mai thei ani.
"I nalh hle mai" ka thawmhnaw hak chu a thlek dauh dauh a, a mit min siai khum zauh bawk.
"Nangpawh I nalh tak zet" rang zetin ka ti ve a, ka ban a rawn ban nghal ruak bawk.
"Pa, kan kal a nia" ka pa chuan Alan-a chu a ring tak zet a, a fanu pawh a kutah dah chu a thla a mung tih a hriat bawk.

Kan motor hnungah chuan tu ten emaw min zui tlat a hriat na ka nei a, kan motor a tlan muan in a muang ve zel a, eng emaw phe leh zeuh thin awm tlat in ka hre bawk.ka ngaih a tha zan lo ani.
Kan kal fo tawhna thin a ah chuan min hruai a, luipui a tang a thifim rawn thaw heuh heuh te chuan min ti hahdam in ka kal lo ang tih ka hlau leh hnu hnawh a, kan thut na a tang a Luipui lang champut mai te, zan boruak in a chhun a vang a tle sut mai te chuan siamtu themthiam zia a ti lang a, hah dam loh na chi rual ani lo.
"I hmel ka hmuh khan he lai a hruai che hi tha dawn riau in ka hria ani"ti fuh in ti takin Alan-a chu a hawi fiam vel a, ka hlim lo hi chuan rang takin min hre thin reng ani.
"Ka kal lo ang tih ka hlau ngawt mai" Alan-a hlim hmel leh tuipui tle sut te chuan min chhawk tak zet ani.

lui lam sa thianghlim tak chu kan dawh kan ah in chhawp chu kan ei dun mial mial a,kan piah ah chuan ri deuh hat a awm a vangin Alan-a nen chuan kan hawi phei rual thawt.
"Martin-a te an lo kal ve a ni saw" Alan-a chuan a ti a, Hotel a hmeichhe awm zawng zawng deuh thaw chuan Nelson-a chu an bawr luih luih a,Ngaisang tak an ni ri ngawt, Sumdawng mi mipui vantlang hma ah Nimin a tang mai a in lan a ni bawk a, a che vel leh awm dan hrim hrim chu news a ni a,naktuk zing ah a chanchin an in ziah siak leh chuai chuai dawn a nih hi.
Ka thil ei lai chu a tawp hmak a, ei zawm chak na reng ka nei lo,hepa a awm ve na ah hi chuan chep ngawih ngawih in ka in hria ani.
"hun awl a nei ngah khawp a ni saw" mak ti takin Alan-a chu min en a.
"I ngawinat chi a ni na nge"
"Ngaina hlawl lo mai" uar zet in ka ti a, a hmel ka hmuh a piangin
"Min bum" tih ka hre chhuak reng tawh ang
"Naupang te in Sumdawng hlawhtling tak ani a, a ngaihsan awm reng ani, zanriah kilpui turin la sawm ve tur ani, ka lo ti deuh a sin"Alan-a chuan chik fe in min en a, ka ngainat lo thu kha ka lo sawi uar mah mah em ni aw ka ti hial ani.

Nelson-a chu kan lam pan chuan a rawn kal zel a, a hnungah hmeichhe pa1 hian a rawn zui bawk en lo tum in ka hma a eitur in chhawp chu ka bih in ka thlek ngial a, mahse en lo chu har ka ti ani, Nelson-a chuan min hmu tih ka hre thei mai a chhan chu a ner sawk ka hmu hman tlat a lawm
"Hah dam takin zanriah min kil tir rawh u, nakinah in zawhna te chu ka la chhang vek ang" a kutin mipui ho chu a zap a, Thu pe thang tih a hriat ngawih ngawih bawk.
"I rual a hmeichhia kan hmuh fo nen hian in in laichin na tal min hrilh thei em" thlala tu huangtau zet chuan a ti lang lang a, kan bul chiah ah Nelson-a chu a ding bawk, camera de zawr zawr chuannka mit a ti vai vek in ka hria.
"Za lo takin a nui a, ka mi mal nun ka puang zar ngai lo, in duh duh in vuah dawn nia, min kalsan thei tawh em, in zawhna te chu ka la chhang vek ang"a mah hre chiang chak tak tak an tam ani, keipawh hian ka la hre chiang lo tak zet.
"I rawn in lar thut hian chhan a nei em" Nelson-a chuan a ning tak zet tawh a nih ka ring, A kut a hum ruh a, a bek a thisen zam pawng tawk tawk, ka hmuh fo thin pawh a pawng leh tawk tawk tawh a, a in sum nasa hle tih ka hre bawk.
"Chhan nei lo in ka awm ngai lo" a ka a chip hmak a,eng pawh zawt se chhan a tum tawh lo tih an hre thiam a nih ka ring, an tawlh kiang nghal duak a, Kan dawhkan min tawm pui turin ka bulah a rawn thu a, A nula hruai hmeltha tak chu Alan-a bulah a thut tir nghal zat bawk.
"Mr Alan, Sophia-i hi min hruai haw sak mai dawn em ni, kei in I nula hi ka lo hruai haw ve thuang ang, pawnah leh kil tinah thlalatu te an awm vek dawn si a" Nelson-a chuan en pawh min en lo in Alan chu a bia a, Alan-a nen hian an in hre thang tih a hriat in an in nel hmel tak zet ani.
"Rose-i nen ka hruai haw thei tho ang chu" Alan-a chuan a lo ti vat a,
Chunu hmeltha tak chuan Nelson-a chu a melh no nghal a,
"Duhtak, kan pa hnih in ka haw thei em em ang"Nelson-a chu awm lo ang hmak in ngaih luih ka tum tlat a, a che vel in min nawk loh na turin ka in veng tlat bawk.

"Zanriah pawh in lam ah kan ei mai a ngai dawn ani, Alan, in awm hlauh chu tha e," a ti zawm leh zat a, he mihring bulah hian haw ka tum reng reng lo, an buaina chu an mahni in chingfel rawh se.
'In buaina a in rawh hi ka duh lo, I thinanu pawhin kan in rawlh a duh chuang lo ang" uar zetin ka ti a, he hmun an lo thlen a tang in boruak tlem sawt in ka hria haw vat vat ka duh bawk.
"Ka rualin I haw ngei ang, Alan, kawngkhar hnung a tangin chhuak ula, kan lo zui ang che u, ding lo in kal tlang ula kan in hmu leh vat dawn nia"Alan-a chuan min rawn en a ka lu ka lo thing nar nar bawk.
"An pa2 hian thian ang in ka hruai haw thei ang"min ngei hmel takin A nula hruai lah chuan min en ram a, Keimah ang bawkin Nelson-a remruat chu a pawm bik lo, a ta chu zui tlat duh hmel a pu bawk.
"Kan lo tel ve na tur ka hre lo reng reng, Alan-a I duh leh hruai haw rawh, keimah in ka haw thei" ka chapo na chu a hun takah a lo in lar a ka lawm ani, ka ding a kal mai ka tum bawk.
'In tel ngei a ngai ani,tumah in min tuh buai loh nan"a ding a ka banah a rawn vuan a, current in min man ta e maw tih turin ka trek chuai a, ka lum nghal pup thei hial a,ka lu chu eng emaw hian a rawn khuh a, min kai nghal dawr dawr.

Ka lu a khuh na chu ka hlip pawk a,
"I van zak lo ve, min thlah rang rawh" ka ti let tuar a.
"Chanchinbu mi te ho lak ah I hmin nan ka ti ani,"a pen pawk pawk a, a hnuh in min hnuk ani.
"Engin nge chanchinbu ho lak ah ka him a ngaih,dawt ani chu" ka tal nat leh min hmer na a, a kal chak zual sauh emaw tih tur ani.
"An camera khan ei chauh ni lo in nangpawh an la che tih hre rawh, I mit meng zau la chuan I hmu ngei ang, William chhunkaw rokhawm tur hi mi in an hriat lo che I ring em ni" Nelson-a hian a sawi dik mai thei, min zui tu an awm tlat in ka hria a nih kha, kan kal lam pawh in.mi in min zui ru a, ka che tla lai an chang tur ang a ka in ngaihtuah chuan ka ti ril a khur dar dar, ka nun chu a ralmung dawn lo tak zet in ka hre bawk.

"Chu pawh ni se, I puh ka ngai lo, ka in enkawl ve thei"pawn ah chuan kan chhuah hun nghak an lo awm khawm tuau tuau a,
"Miss, William kha eng emaw zawh ngei tur ani,a bula mi kha A tlangval a ni ngei ang" an ti ri te chu ka hre thei, keimah tak pawh min lo chang reng anih chu.
"Naupang chhia ang mai in khawsa ziah suh" a motor ah min nawr lut a, rang tak a rawn chuangin Chak fe in a tlan chhuak nghal a, a motor thawm an hriat chuan chanchinbu mi te chu kan tlanchhiat san hman fe tawh ang.

Nelson-a chu a tang teuh a, kei pawh ka ni tho, kan in kar chu a uap churh a, sawifiah thiam si lo hian eng emaw a awm ani, kum tam tak liam tawh mahse kei chuan ka la hre chiang a, Nelson-a chuan a hre tawh lo ang.
"Rose'ka kut a rawn vuan a, ka phu zawk thei hial, rangtakin ka la sawn nghal vat bawk.
"I lo hmeltha leh zual tawh hle mai" thuk raih in a ti a, a mit meng hriat thiam hleithei si lo chuan min en ran bawk.
"Min khawih hlek suh, remchang hmasa berah ka chhuak duh ani"
"I la luhlul reng a, I mizia chu a la dang lam lo hle mai, a hma aiin I tha leh zual bawk"
"ka haw lutuk che Naupang I duh duh a I tih kawi thei kha ka ni tawh lo, ka puitling tawh," anchhiah lawh vak ka chak na chu ka in sum hram hram ani,

Min ti na a, ka nun a rukru ang mai a lut a min bum kual tu Nelson-a chu ka hua a, ka ngei bawk,Ethiopia mi hangin a vun thlak mahse a nih na a thlak thei lo a, keite in a zia a thup hlen thei lo. Ang bawk in a tawngkam tha hi ka tan chuan Thang hlauhawm tak ani.

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***