***** KEVIN***** BY Apuii Chumchumyiee Chelsea

[Ngaia]

***** KEVIN*****
.
.
"Nang hi Apuii kha ini em.."
Ka dara min rawn beng thawktu chu ka en a, Pa Sangpuia ka pa thiantha ber alo ni a..
" Aw ni e,Pa Sang,in dam maww.." kan in chibai a...
" Inhmuhlohna rei tawh bawk a,ilo nula tawh hle mai a,I pa min ti hrechhuak rum rum alawm lee.."
" Hehee....ni e tiraw...saw saw Kevin kha mii..." Car chhunga nin hmel deuha lo nghaktu tlangval hmeltha ving veng deuh chu ka va en a...
" Aw,anih saw..ani pawh tlangval vee tawh khawp mai..."...
.
.******Hmeichhia kum 21 a upa ka ni a,unau 3 zinga a upa ber niin nau mipa leh hmeichhia ka nei a. Chhungkaw Hausa pangngai tak atanga seilian ka ni a,mahse ka pa hian zu a in nasat avangin chhungkaw hlimloh Chang kan ngah thin khawp mai.. Kum 13 ka nihin ka putea te bulah Shillong ah ka awm a,ka awm hnu kum 3 naah ka pa chuan zu vang chuan min boralsan zui a..ka tuarthiam thei lova,ka pa boral atang chuan Aizawl ah ka haw ngai tawh lova,ka nu leh ka nau te pawh an rawn zin mai thin....Kum 5 a liam hnu chuan B.Com pawh tha takin ka zo ve a,ka pianna hmun,ka pa boralna hmun Aizawlah chuan ka haw ve ta a..Thil alo danglam tawh hle.....
.
.
Thawmhnaw dawr lian ve tak kan nei a,ka haw chho pawh chu ka buai ve viau a,ka nau te hostel ah kan dah a,ka pa u fanu kan bulah a awm bawk a..Kohhran leh khawtlang thilah pawh ka tel hman meuh lo.. Bakah ka pa tan khan Pathian hnenah theihtawpin ka dil ve a,a nun sim tih hriat awm silova min boralsan atang khan ka nun a ruak a,Pathian ka dem em em a,min ensan niah ka ngai hmiah...
.
.
"Khawngaihin ka lo chawl lawk mai,ruahsur nasa lutuk a..." inthlahrun hmel tak hian arawn lut dek dek a...
" U Apui..." Hruaitei chuan min rawn nghawk zeuh pahin chupa lam chu a melh a... Ka earphone chu la thla in chupa chu ka va en a...
" Ehee..Kevin,nangmah ni reng in...Thu rawh,ruahsur nasa siii..." chair chu ka pe vat a...
" Ka lawm e.." Avan tawngduh loh hmel tak... Ka melh zeuh a,a mitmengah chuan ruih anei tih ka hre thei nghal a...Ka biakloh chuan tawng atum hmel loh hle...
" Kevin.."
" Eihh..."
" Min la hria emm..??"
" Aw,ka pa thianpa fanu Apuii kha.." pawnlam a thlir leh vang vang... Avan hahthlak tak... A rul tawk chiahin min chhang...
" Ka kal ange...ka lawm e aww..." ka chhan hmain a chhuak daih...
.
" Nu,Pa Sanga te nen hian inla inpawh em.." chawei lai chuan ka nu ka zawt a....
" Tehreng mai,I pa boral pawh a tuar lutuk a..chutah Kevin saw nopang fel deuha kan ngaih kha tisawn drugs addict ah rawn chhuak ta mai bawk si...an khawngaihthlak khawp mai..."
.
. Drugs addict maww.... Kum 23 chauh ala ni sia,ka mutnaah chuan ka ngaihtuah neuh neuh a,ka pa ka ngaihtuah chhuak a,Pa Sanga te rilru chu a zahve vel ka hriatthiampuiin ka hria....
December ani a,kan buai vanglai ani a,Tetei leh Valpuian min pui thei tawh a,Hruaitei haw a ngai tawh si a.. Kevin nen pawh chhungte in pawh na na na chu kan inkawm ve fo a,tun thlengin a mizia ka la hrethiam lo....
Kum 2014 kan chuang kai a,kan buai a reh tawh a,ka nau te hostel ah an lut a,ka nu leh Kevin chu ka kawm deuh chawt a.. Kevin chu harhfim kak anei mang ngai lova,a chang chuan a tawng duh viau a,a Chang chuan biak tawng theih mang ngai loh... A nui sen sen a,a chhungrilah na ngawih ngawih hmel apu tlat.. Thil engemaw chu a awm Chiang... A ruih vangin buaina a Siam ngai lo..amahin a nung tawp ani ber....
Zan hnih lai kan inbe tawh lova.... Ka phone tlang thei si lo... Zan thumnaah chuan ka phone rawn ri ral ral a...
" Hello Kevin...."
" Apui,ilo dam em..."
" Khawnge I awm,tinge engmah sawi lova I bo daih....min ti mangang..." ka ang deuh tan tan a....
A nui hak a," Thingtlangah kan zin thut a,signal awm lova,ka lo be theilo che lawmm...tunah pawh hian khawpawnah keimahin ka awm..."
"Nih chu..Lo haw thuai thuai rawh aw..."
" Min ngai mii...??"
" Umm,ka ngai che...." ka ti tak tak...ka ngai em em a sin....
Rei tak kan inbia a,a harhfim ve tlat a,a tawng reng reng chu a thutakin a cool raih a.....
" Kevin...thil ka zawt ang che aww...I duh chuan I chhanglo thei.."
" Umm sawi la..."
" Engvanga hetia awm nge inih,engvanga rilru na em em reng nge inih..? I nui hmel phena I lungngaihna hmel hi ka hmu thei asin..."
"Apui...." A thaw deuh hawk a..... " Mite hmuh loh I hmu a,mi ten min hriatthiamlohna I hrethiam a,midang ai I danglam alawm...ka hrilh ang che....
Kum 17 ka nih hian duh leh hmagaih deuh ka nei a,ani pawn min hmangaih..hmeic
hhe fel tak ani a,kum 2 leh thla 4 kan inzui hnu chuan..tumkhat chu ka pum hi a na ta vak mai a,rang takin damdawiin kan pan nghal a,alo serious hle a,phaiah min refer ta hial a.....
Vellore-ah thla 1 leh chanve vel zet in enkawl in kan awm a,chutih chhung lek chuan a chhungten pasal dang anlo neih tir a...ka hriat tirh chuan ka à dawnin ka hria,kan inzui nasat zia an hre vek chunga chutiang an ti chu ka rilru hi Ana em em a...ka pumna kha chu nep tak a ni....." A ngawi vang vang a,keipawn sawi tur ka hre lo......A in sut faih tih ka hria......
" Khatih lai khan engpawh ti ila pawisak ka nei lo tawp...pawnah ka chhuak ngai lova,engkim kan sulhnu vek... Chaw ka ei ngai lova,ka mu ngai lo....Hun aliam a,ka taksa a dam a,ka rilru na tawlh tawlh si....Harhfimin khawvel ka hmachhawn ngam tawh lova... A tawpah chuan tun dinhmun hi ka thleng ta... Engmah Siam that theih siloh khan ka nun ka ti chhia a.... Ka saltanna atang hian chhuah leh theih ka chak asin..."
.
**** " I la hman na nge..?? " kawngkhar ngheng chuan kut kuangkuah ar ar in alo ding a..
" Awiii....I ding rei tawh em..? Kan zawhte hi a damlova,ka khawngaih lutuk a,ilo luh lai ka hrelo reng reng..." zawhte chu a inte ah ka dah lut a...
A sana a bih zauh a," Darkar thum ka dinna chiah chiah.." Awihawm loh thei.....
" Hmm...chu aia rei din law law tur che nia..."
.
Kevin chuan ruihhlo a nghei theih nan chuan kan bei nasa em em a.. Amahin a tum bawk a,theihtawpin ka backup bawk a,ka pa ang khan a awm ka phal lo... A na em mai... A Chang chuan a taksa in a mamawh lutukin a khur zawih zawih a,thlantuiin a bual huh hnep a,ka khawngaih lutuk hi a tireh nan tlem pek mai ka duh thin..mahse amah hian a duh ngai lova...mittui tla zawih zawih hian ka kuah thin....Tlangval kum 23 mi lek tawrh atan chuan a na mah mah asin...hlim taka a vanglai a hman ve hi ka duh asin....
Mite chuan nula pangngai ve si drugs addict mai mai kawp,AIDS a vei lovang tih pawh hriat loh ti te in min sawi fo thin... Mahse,pawi ka ti lo...Kevin hi ka chhanchhuah angai....
.
. " Kawng chu a chhe ve hle mai..." kan kang leh awrh thin......
Ka nui sak a....
" Kan minister te pawh hian an hlamchhiah mah mah a ni..."
Ve ngei chuan....engtik atang nge ram te alo vei vee tak.....
Thingtlangah ka pu te hnenah kar 1 cham Turin kan zin a,Kevin pawh a ruihhlo ngheina thla thum hmel a ni ve ta... A tumruhna ka ngaisang em em a,a tawrh nasat zia leh a beih nasat zia ka hmuhin ka khawngaih em em a.. Thingtlang chu nuam a ti em em a,a taksa pawh a rawn insiam tha tan a,a hmel pawh a tha sawt hle a....
.
" Arsi khi a mawi tirww..." van lam chu a thlir vang vang a.....
" Ni e....a mawi khawp mai..."
Min pawt hnai a.....
" Apui...."
A awma min kuahbeh pah chuan... " Ka hmangaih che Apui..." ka beng bulah chuan a sawi sar sar a....
" Ka tan hian I hlu tak zet asin...khawngai
hin nang chuan min kalsan suh aw.." nghet takin min kuah sauh2 a....
" Kevin...ka kalsan hauh lovang che..I kiangah ka awm reng dawn alawm..."
Ka khabeah chuan a dawm a,duhthawh tak chuan min fawp vang vang a......ka theihtawk chuan ka lo chhanglet ve aa.... Kan van hlim emmm....!!!
.
.
***** Kum 2014 kum chanve hmel kan lo hmu leh reng tawh... Kevin pawh a tha sawt viau... Ka hun tam zawk hi a bulah ka hmang chawt a,mahse kha Chen ruihhlo bawiha alo tan tawh avangin a tan chuan tal chhuah mai chu thil harsa tak ani.... A thinchhiat a chhuah te hian ka room bungrua hi a thal rem rum thin.....Mittui tla zawih zawihin ka thlir a.... Kan van beidawng teuh thei takk........
.
" Puii....."
" Oihhh...."
" Lo insiam rawh,vawin chu chhuak ang...."
" Khawiahhh....." leh ringawt hian aww....
" Park ah leng harh ang..."
" Awlee....ka lo insiam ang......"
Kekawr sen,t-shirt var,converse ka bun bawk a... A hnu lawk ah a rawn thleng phei a,ka kekawr hak chu a lungawi thei thlawt lo...A thinrim...Kan chhuaklo leh nge nge thin...
.
Nilengin min be lova,ka phone a pick up bawk si lo... Ka mangan chu an in ah ka va kal a.....
" Ka nu,Kevin a awm em...??" Kevina nu chuan min lo en ha a...
" Aww...boihi a room ah a awm..."
Ka tlan chho vat a... Kawngkhar ka kik dawt dawt a... Rei fe hnuah min lo hawn..... Ka rei lehh....
Zuin na no leh bottle ka hmu hmasa ber..... Ka rilru na lutuk hi ka puakkeh lo chauh....ka mittui tla zawih zawih a.....
" Bawihi....ka tihpalh..." min en miah lo...
" A thleng nawn tawh lovang...." khum ah a Thu hnawk a.....ngawi rengin no leh bottle chu ka la a,dustbin ah ka paih vek a...
" Ka hrethiam alawm,a har Dan tur chu....mahse,boih I kiangah ka awm reng ang ka tih kha...khawngaihin thleng nawn tawh suh se aww...."
.
A van tuarchhel tak emm.... Ka pa boral hnua Pathian ka auh nasat ber tum ani ngei ang.... O Lalpa,Kevin hi chhanchhuak rawh....
.
October thla kan thleng a... Khua pawh nuam hle a, Kevina pawh a nun a danglam vee takzet tawh.. Mite pawhin an lawmpui,kan hlim hle a... Biakinah pawh a inkhawm ve ziah tawh a... A nui reng a,a hmeltha tawp.... Thla 9 tehmeuh kan bei a...kan la buai zeuh zeuh....kan hlawhtling ngei ang....
.
" Mate.......I birthday present tur ka lei a....."
" Awiiii.... Ka bdae pawh ka lo theihnghilh tep lawm...."
Ni e..Kevina ringawt ka buaipui a....ka birthday pawh ka lo theihnghilh tep....
" Kum 23 inih hunah kan in nei ang..." nui var var in min rawn en a.....
"Tehreng mai..." ka rilru tak tak in.....
A ipte atang chuan bawm tetakte a rawn phawrh a,zungbun bawm a ni..... A nalh reuh hle...silver a ni a,a simple hle a... A chhungah chuan 'K' leh 'A' alo chhut tir kalh a.....
" khawimaww...I kut...." deuh teh tawp zel hian..... Zungbun chu min buntir a.. A fawp zauh a...
" Tun atang chuan ka nupui hual I ni ta...."
" Nangpawh ka pasal hual ini ve tho.."
Min fawp zeuh a...kan inkuah vawng vawng a....
.
23rd Oct 2014... Ka birthday hma ni chiah....ka buai hle a,ka birthday lawmna tur vel ka buaipui a... In vel te ka tifai a...ka phone chu rawn ri ral ral a....
" Hello....."
" Apui... Kevina tha lo..." kevina u alo ni...ka call back a,a pick up thei lo... Thlan tuiin min bual zawih zawih a,ka insiam sawk sawk a...Kevina te in panin ka tlan phei nghal a... An in ka thlen chuan anlo awm deuh nak nak a.. Hmanhmwh takin room ah ka chho a..... Karei lehhh....
Ka thil hmuh chuan mi va thawng tak emm...!! Khumah chuan kevina a mu...koh harh tumin an sawi nawk nawk a.. Ka hawi chhuah rual chuan table a syringe awm chu ka va hmu... Thil awmzia hrilhfiah ka ngai tawh lo......
" Kevin.. Boiha.."
Tumah ka zah zo lo... Ka pan phei a,a hmui alo duk kharh a..muhil pangngai ang chiah ani...Mahse kan ko harh zo si lo....
A thi tawh lawm......!!!
" Kevin,harh ta che..mohhh...naktuk hi ka birthday nih kha..vawin ah bazar te kan ngaih khaa...I nghahleh emm khaa...."
A kut ka en vat a..zungbun kha alo bun va a...
" Boihaaa...min kalsan suh iti ni lawmni...tinge nangman min kalsan leh siii....I tuarchhuak tep tawh asinn..... Ka hmagaih che lawm.... Ka tellovin I awm thei dawn mii...." ka khaw hmuh a fiah lo zo ta.....
..
.
*****Hun aliam a,ka khawhar chuan zual lam a pan zel a... Ka tuarthiam thei lo ani.... Ka thin a rim bawk a.. Ka dem phal si lo... Ka in haw ngawih ngawih a... Pathian hi ka dem em em a...ruihhlo hi ka haw takzet ka hmangaih te 2 min laksak si......
.
" Kevin.... Ka pa boral hnuah hlimna min pe a...tinge keimah chauh a min hnutchhiah bikk...I tellova ka awm theih loh zia I hre reng sii...min ngaihtuah ve miah lo a mi...".
" U Apuiii.....I haw tawh ang.." Hruaitei chuan min rawn sawi harh a... Kevina thlan ah ka lo tap muhil leh ni maww.....
.
" Lokir leh hian I mawi si lo..
Ruihhlo vanga thlafam changa...
Zamual min liamsan hi ka tan chuan tuar a har ngei e....."
.
KEVIN LALHRIATPUI.....KA NGAI CHE ASIN.....