ZUHEH-A BY NoRee MOon

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ZUHEH-A BY NoRee MOon

Unread post by Ngaia » June 24th, 2016, 8:17 pm

"Ka hrethiam lo Zo.. Engtin nge ka awm zel dan tur hi tun ah mai chuan ka sawi lawk thei lo.." Ka tih lai mek chuan ka kut chu arawn la a.. "I inring em?Engmah min zawt lo la,ka tih ang ang che in lo awm tawp ang che." tih pah in an gate- lam ah chuan min kai phei dawr dawr..

"Enge tih i tum aa??" Ka thusawi pawh ngaithla lo chuan kawngchhak atanga in ngaizawng pahnih rawn chhuk thla lam chu a hawi chho a.. A nui nghal vur vur a. Tetei leh Zuheh-a hmel ka hmuh dun chuan mak ka van ti emm!Ka phu deuh zuk nghe nghe a.. Zomuana min kaihna chu phelh ka han tum a.. A lo phal awzawng lo.. Kan bul an rawn thlen thlak chuan mak tih hmel deuh chuan min rawn en dun hau mai a.. Awm ngaihna ka hrelo.. Ka kut chu laksawn ka han tum leh a.. A aia nghet in Zomuana chuan min kai nghet sauh a.. A nâ lek lek..

"Nangni pahnih hi enge hetah in tih a??" tih pahin Tetei chuan kan in kaihna kut chu a rawn en a.. Zuheh-a pawn a mitmeng thip zet a min rawn melh pah chuan a hmui chu alo pet fan a.. Awmdan tur hriatthiam avan har em!

"Lala-hi arawn leng a.. Ka thlah dawn chiah a.." tih pah chuan Zomuana chu alo khi vur vur a.. Ka hawi chhuak ngam tawh lo.

"Lala,i leng a maw Zomuanpuia te in ah hian??Nangni pahnih hi in inzui leh chu ani em lo maw?" Zomuana chuan min kaihna kut chu a rawn lek kang a... "Hemi in hmuh hian in hrethiam ve mai lo ami a??" Aw Lalpa!!!Eng thil nge Zomuana hian tih atum ka hrethiam pha lo.. Mak kan van ti tlang em!!!Zuheh-a hmel chu ka en nghal vat a... A hmel nelawm loh zet chu tuman kan hmuh hmaih hauh lo ang.. Ka tha chu nasa takin arawn khur a.. Ka â lo chauh tawh.. Mak ti tak leh zawhna tam tak nei chungin Zomuana chu kan en thup a... Thil awmdan chu tuman kan hrethiam lo.. Zomuana chauh lo chuan...





"I lungawih chiah nange??" Ka chhang lo.. Ka kal ngai rengin ka kal hmiah hmiah a,sawi tur pawh ka hre lem lo.. Ka banah chuan min rawn vuan ding a.

"Ka tihpalh anih kha.. Hrilh tur che khan hun a awm tawh lo em a,an ni lah kha an rawn thleng chawpchilh ve nghal mai sia..ka tihpalh takzet ani.." A hmel inthiam lo zet chu ka en reng a.

"A pawi hleinem.. Mahse,tlem chuan min thawng ve deuh.." Thawk ka la halh a.. "Ka bialpa emaw ati tawh dawn che anih kha.." ka tih zawm lehnghal a.

"Chu chu alawm ka tum.. Amah i ngaihsak tawh lo emaw a ti dawn a.. Chet lak te pawh a tum phah maithei asin.."

"I ring ami?"

"Ring e... Ka mipa pui a nia,nang aiin ka hrechiang daih zawk ang.."

"Mipa zawng zawng in in ang vek hleinem.."

"An ti chawk.. Mahse,a tlangpuiin kan in ang deuh vek.. " ka ngawi vung vung a..

"Min ring rawh.. Min ring sual anih chuan,i duhleh thian ang takngial pawn min ngai tawh dawn lo nia.."

"Zomuan.."

"Ka ti tak tak.. A hmel ka hmuh phei kha chuan a duh che tih hi ka chiang lutuk!" A hmel phur lutuk chu hmuh avan nuam em!!

"An hrilh hai hmel phei kha chu..ka insum thei lo tep ani..!" tih pah chuan a rawn khi vur vur a.. Min ti phur ve zo vek hian ka hria.. Mahse,ka phur sual ang tih erawh ka hlau takzet!

"Tinge min puih hi i duh a?I bialnu hlui ka ni bawk sia,nuam tih loh na i nei miah lo ami??"

"Nuam tih loh na tur a awm hleinem.. Ka bialnu hlui chauh ni lovin,ka thiannu i ni bawk alawm.. 'Thiante chu mangan ni atana unauva piang ani..' tih pawh Bible ah a inziah vek khaa.." tih pah chuan min rawn nuih ver ver a.Ka lo khi suk ringawt!

"Engpawh chu nise,helai thleng hi ka lo thlah mai ang che.. Scooty ka keng lo laklawh bawk sia,ke a in veng thleng thleng rawn thlah che chu ka peihlo.."

"Imm..ka rin ai daih in min thlah thui peih ka lo ti zawk aa.. "

"Peih lo chung chung in ka thlah che tih pawh i hre der si lo a aw..!!"

"Enga??!! I chhe lutuk aa!"

"Tak tak ana! Anih phawt aw.. Chanchin min rawn hrilh ve zel la.. Tih ngaihna i hriat loh tawp ah min rawn be mai dawn nia.. I tan chuan ever ready!!"

Kal kawng ah chuan ka ngaihtuah a.. Nia,mipa a nia.. A ngaihtuahna atanga thlir chuan,a ngaihdan leh hmuhdan a sawi zawng zawng te kha a dik ve thei lutuk tho.Mahse,Zuheh-a hian min duh ang maw?Ka ring theilo ani.. A ni te chuan ka thiannu lawm a duh!!Khati khawp khan kei min ngaihsak dun lek lovin an in ngaihzawn zia an lantir a,chumi chung pawn Min duh ka la ring thei ang a maw??Ngaihdan at thlak tak ni in ka hria. Lehlamah lah ka thianpa thusawi chuan min ti phur em em lawi si!Ngaihtuah dan tur pawh ka hrethiam tawh lo.Mipa bulah vawikhatmah ka duh thu ka la sawi hmasa ngailo.. Ngaihtuah pawh ka ngaihtuah chhin ngai hek lo. Ka ngaihdan ni lo lutuk leh,ka thiante tan pawh a an tih atana mawi ka tih loh chu kei hian ka ti ang a maw?Nilo,ka ti thei lo.. Mahse,ka mipa duh em em hian min kalsan ka phal si lo.. Hmeichhe dang tan ka phal lova,mahse,ka ta ani thei si lo..



Ka phone chu ka hmet eng a,chawhnu lam dar 2:32 chiah chiah.Ei rawngbawl nan a la hma deuh a ka hriat avangin ka thiannu Rp-i te in ah ka pheikhawk lam pahin ka kawi ta zawk a.A ni hi Tetei tih lovah chuan kan veng a ka kawm nasat ber ani.

"Khawnge i kal a?Nichin ah kawn a kal pahin ka rawn kal aa,i pi khan a leng chhuak alo ti che a."

"Niaa.. Tetei te nen kan chhuak ho lawk a.. Enge rawn tih i tum reng reng a?"

"I reh lutuk a,ka rawn kal mai mai.. In garage ah khan mipa pakhat chhelo tawk alo thu a.. Ka rawn kal thlawn bik chuan ka in hre lo.." tih pah chuan min lo nuih vur vur a.

"Khawi lam mipa chhelo nge lo thu a??"

"Ka hre bik lo.. Bike chungah hian alo thu a,min lo en kur a ka zak reuh lutuk..!!" Ka thutna atang chuan ka tho chhuak hlawl a."Zuheh-a a nih dawn cgu.. A bike kha kan garage ah a dah tak e.. " tih pah chuan dawhkan a ka bag chu ka la nghal a."Rp,ka haw nghal a ngai.. Kin ah ka rawn leng tha leh zawk ang.. Ka hmanhmawh tlat..!" ka tih zawm lehnghal a. A ngaihna a hriat loh hmel kher mai!

"Tunge Zuheh-a chu??Khawi ami nge?"

"Nakin ah ka hrilh ang che.. Tunah chuan engmah ka sawi hman hrih lo.. Ka kal phawt mai ang.." tih pah chuan hmanhmawh bak lengin ka tlan haw ta nghal a.. Ka hmu hman lo ang tih mawlh kha ka hlau ani.



Garage ka thlen chuan a hmel reng reng hmuh tur alo awm tawh lova. Mahse,a bike lo la awm erawh chuan min ti hlim ru takzet.A haw mai ka ring lova,a kal hlat em em pawh ka ring lo.A bike alo lam hun a a hmel hmuh in beisei tak chung in kan inkawt ah chuan beiseina sang tak nen ka lo nghak ta ringawt a.Minute reilo te chhung chauh ka thu hman tih in ka pi chu bawlhhlawh paihin arawn chhuak hlawl mai a.Mak kan in ti dun teh ee.!

"Enge hetah te i tih a?Rawn lut ta che.. I thianpa in a nghah reng che saw.." a rawn ti ta mai.Mak ka van ti tak!

"A ni maw??!!" tih leh inchhung a tlan luh chu ka rual nghal a..Awiiii!!! Zuheh-a chuan kan thuthleng ah thu in, Tv alo en kur anih chu.. Mak ka van ti emm!A bul side-table ah chuan thingpui no 1 hi alo inhung luau mai bawk a. Min en lem lo mahse a rilru ka la peng ve tih chu ka lu leh ban ka hriat chian tlukin ka chiang.

"Enge i rawn tih aa?" Min chhang lo. Ka pi chuan, "Tunge mahni inleng te 'enge i rawn tih' ti chut chut ngai.. A rawn leng ani tih i hmuh ve reng hi.." a rawn ti a.. Ka zak leh hnuhnawh! A hmel en reng chung chuan a bula thutna awm ah chuan ka thu a. Chutia min han ngaihsak lo der vel chu ka van haw kher emm!!

"Engtin nge kan in ah te i rawn kal ngam zawk a?" ka pi hriat phak loh tur chuan ka han ti sa sa a. Thingpui chu a lem khalh a.Min melh eih lo.. A inla ngeng lutuk thin hi chu, keh buk lawp lawp ka van chak thin tak em!

"Min chhang ta che Zuheh..!!"

"I van bengchheng reuh tak!"

"Min chhang ve vat mai ta che.."

"Tv ka en a i hmuh reng hi.."

"Engtin nge i lo len ngam zawk ka tia lawm.."

"'He in ah hian a len theih loh.' tih a in ziak si lova.."

"Chupawh nise,rawn len kher kha enge a tul na?I thisen a sang mah mah!"

"Niaa,ka thisen sang a chhuak thut a.. In in ah hian ka rawn tlu lut tawp mai anih hi.." tih pah chuan min rawn nuih vur vur a.. A van hmeltha leh tawh tak em!!Tinge a ni hi ka ta tur ni si lo,ka lo tawn kher lee??

"I van chhe tak!"

"I tha alawm nang!!" rang zet chuan min lo chhang vat a.. Nui ver ver chung chuan min lo melh kar bawk a.. Ka lai lek lek.Hepa hi chu ka van duh huam huam tak emm!!

"'He in ah hian a len theih loh tih chu ka lo ziak tawh dawn nia.. Haw tawh rawhh!!" ka ti bul hmuk a

"In in anih vang mai in i inti thei e.. Nuam pawh ka ti lo." tih pah chuan alo ner nang a.

"I duh duh danin ngai rawh.." A thingpui no chu min pe a,haw a tum ve mai dawn emaw ka tih laiin,a thutna chu a siam ang sauh sauh a.. Thuthleng hnung nghen dawr dawr pah chuan,"Thingpui no khat ka duh leh.. Chuan,ka haw ang.." a rawn ti ham ham a nih chu.. Mak ka van ti em!!Hepa hi zawng mize hrang hrang hi a nei emaw tih mai tur ani.. Kan inhmuh a piangin a danglam takzet zel.Za lo zet chuan ka nui chhuak hak a.

"I van zakthei lo ham ham tak!!I vawikhat lo len na ah engtin nge tiang a i awm ngam zawk a?"

"Ka vawikhat lo len na ni mahse,kan vawikhat inhmuhna ani chuang hleinem.." alo ti sam et a.Ka nuih avan ti za reuh tak!

"Ka haw vat i duh chuan thingpui chu rawn dah vat mai rawh.." a rawn tih zawm lehnghal a.Ka hnial buai peih tawh lo,thu awih zetin thingpui lum tur chuan ka kal ta hna hna a.



Garage ah chuan ngawi rengin kan ding dun kar a..Sawi tur a van vang duh tak!Min ngaisak lo leh tui tih hmel zet a cigarette a zu khu hlarh hlarh chu ka en ning thei lo.. Ka van duh tak em!!A hmai fang tha lutuk te,a sam buk lek lek,phir uchuak si lo,a mitmeng rum leh pa zet te,a hnarngul sang vah mai te,a hmui phir lek lek fawh itawm tawk lek te leh a mize ngeng,chimawm leh nghal zet te chuan ka ngaihtuah hi an ti â lo chauh tawh ani si a.. Chu chu hria in,nang chuan min induh khum tawlh tawlh a,min hlat tawlh tawlh tawh mai si a!!Awm ngaihna hriat avan har ngai em!!Ka ta ni in,ka pasal tur hial han ni thei la chu maw.. Khawvel a hmeichhe hlim ber ka ni mai tur!!

"I duh em??" A mak teh tawp thei a nia.

"Eng chu maw?"

"Khapa kha.." Zomuana ani tih ka hai lo.

"Tinge??"

"I duh leh duh loh ka zawt che a nih chuu.." Ka ngawi vung vung a..

"I duh a ni ti raw?" a rawn ti leh a.

"Imm.. " ti in dawt kan sawi tak kha.. Ka rilru a fiah duhna thinlung chu tih hlawhtlin ve ka tum ta zawk a,Tetei nen an inkar pawh zawh chak viau mah ila,zawt thei ka ni lo,a sawi chhuak hmasa te a nih ngawt loh chuan.. Za lo zet chuan a rawn nui hak a

"Hmeichhia hi chu in mak ve ngawt mai!"

"Ngati maw?"

"Ka unaupa nen in inthen na pawh thlakhat em a la nih loh hi.."

"Lalrinpuia nen kha chuan thian ang mai mai chauhin a lawm kan inkawm tawh.. Kan inthen te chu kum khat kal ta daih kha ani tawh.. Keichuan,khami hnu atang khan ngaihzawng angin ka en leh tawh ngai lo."

"Thian a??!!" tih pah chuan a meizial chu a si leh hlarh hlarh a.

"Aw...thian bak kan ni tawh lo.. Bakah,ka duh tawh loh te chuan ngaihzawng dang ka neih chu enge a pawi na?"

"Tunge pawi ti??"

"Tumahhh.." Kan ngawi dun vang vang a.Sawi chhunzawm tur vang lutuk chu ka haw kher mai,ka hawi kual hruk hruk a. A nuih zathlak lek lek zawk! A meizial chu chhuat ah chuan a paih a,a rap thi nghal vat bawk a.

"Kha.. I meizial pawh i zu zo tawh,haw tawh rawh..keipawh rawngbawl te ka la ngai.." ka han ti a,min chhang lem lo.

"A nih ka luhsan phawt mai ang che.. Chaw eitui..!" Ka kal tur chu ka ban ah hian min rawn vuan a.. Min pawt let rang takzet!!

"Ka sawi tur ka la sawi zo ve lo." tih pahin a mitmeng thip zet mai chuan min melh kawk a.Ka van lai chhe leh dawn tak emm!!

"A nih chuan sawi vat vat rawh.." a hmel pawh en lem lo chuan ka lo ti liam puat a.Ka tha rawn khur der der chu ka theih ang tawkin ka bengdai a.'Huaisen takin Zuheh-a hi ka hmachhawn tawh ang' ti rilru chung chuan ka kut chu ka hum ruh a.

"I thiannu nen a kan chungchang hi min zawh i tum lo a mi?" a rawn ti chhuak phawng mai le.. Engtin nge ka chhan tak ang?? Minute reilo te chhung chu ka ngawi vang vang a.

"Naupangte, hriat i chak ve miah lo a mi a?" a rawn ti leh a.

"Min hrilh loh chuan chak lem lo..bakah,ka hriat a tul na ka hre lo bawk.." ka lo tih khum ve ta sak a.Mahse,ka rilru erawh chuan hriat a chak takzet si a.

"A ni mo??"

"Ooo... Duh na che pakhatmah ka nei tawh lo Zuheh.." ka ti ta thlawt a.Mahse,ka hlim phah lo. Ka chhungril chu a na takzet ani.

"Chu chu ka zawt tel lo che."

"Nia,mahse ka sawi duh alawm.. Zuheh,ka duh tawh lo che!" ka ti lui leh sak a.

"Takzet?"

"Aw..!!" ka kut chu ka humruh a..ka huaisenna leh ka inrintawkna te chuan min kalsan ang tih ka van hlau tehlul emm!!Ka hma a tlangval chhelo zet ding chu ka en kar a.. Ani pawn khap lek lovin min en ve bawk a.

"Kan hria ang chu!" tih pah in ka chal ah chuan min rawn fawp zeuh a nih chu!!! Aw Lalpa!!!!Zuheh-a hian eng thil nge a tih tak hi??Ka chal ah a fawp a maw??Awm ngaihna ka hre leh ta lo.Ka sa up up a.. Ka vir muai muai ni ber in ka hria!Ka thinphu te chu zuanchhuah chak ang mai hian an rawn phu ri dawp dawp a.Ka â vek ni ber in ka hria.

"Va lut rawh.. Rawng te kha va bawl la.. Min ngaihtuah zui hlek suh ang che.." tih pah chuan min rawn nuih ver ver a.. Ka chhang tawh lo.. Chhang thei tur pawn tawngchhuak thei ka ni lo.. Ka hrawk chu phuar beh ang mai in a sak vek ni berin ka hria...Mak tih na in ka khat a. Ngaihzawng ka neih hnu ah khatiang khan vawikhatmah ka awm awm ka la hre lo.. A nawm zia khaaa!!!



"Remiiii!!!" ti a min koh te tuar avang chuan ka phu deuh zuk a.. Ka hamhaih teh ee.

"Biak hre lo tur khawp khawp in enge i ngaihtuah a?"

"Engmahh.."

"Engmah ngaihtuah si lo,tinge ka zawhna min chhan ve vat mai loh??"

"Enge min zawh a??Ka lo hrelo reng reng.."

"Tunge i inleng pa kha?Khawi a mi nge ni a?I bialpa em ni?"

"A teuh loh mai.. Ka thianpa ve mai mai anih kha..Tinge?" ka lo ti nghal thuai a. Ka nuih a za ru kher mai!

"A fel hmel reuh kha mawle.. Kawt ka tih fai lai vel khan arawn kal a.. I awm leh awm loh min zawt a.. A lo nghak char char che anih kha.. Ka pot awm na te kha min dah sawn pui a.. A fel reuh khawp mai.."

"A ni mo??" Ka pi thusawi chuan min ti hlim takzet!Awm ngaihna pawh ka hre lo.Mahni chuan ka khi leh vur vur thin a.. Min hmu tu chu awm se mi â emaw min ti ngei ang!Mahse,pawi ka ti lo.. Zuheh-a vang hian ka â tawh takzet a nih hi!Ka thil tih a piang chu rilru a Zuheh-a ngaihtuah pah reng chungin phur takin ka ti zung zung a.. Nuam ka van ti tak em!!Mahse,ka phur luat vang a ka chaw ei that theih loh erawh chuan zan lam ah min thing let ngei ang le..??

Dressing table chung a ka phone chu a rawn nghawr der der a.

"Aw,hello Tee??"

"Awiiii!!!Hmelchhenu,vawiin kha enge awmzia??Zomuanpuia nen khan in ni leh tak tak tih na a mi??" A chang hi chuan ka thian tha ber mah nise,ka ning ve lek lek thin. Haha!! 'Min rawn zawh chian loh chuan a mak ngawt ang' ka tih sa reng kha a nia.

"Tinge??"

"Ka duhpui lo che tih i hriat reng khaaa.. A thing siii!!!" Ka nun ah hi chuan avan in rawlh buai hneh ve tak emm!!Ni e,kan in ngaihzawn tak tak lai pawh a,"Zomuanpuia hi chu a class lo emai,ka biak that pui peih lo che!" a tih kha a nia,a awm tho mai!Mahse,class leh class lova buai vak pawh hi ni in ka hre lo. Diktak a sawi te chuan,Zomuana te chuan zu leh ruihtheih thil engmah a ti ngai lova,meizial takngial pawh.. Dress leh mizia tih loh ah chuan Zuheh-a ai hian a let tam takin a class daih zawk.

"Tee,class leh class lo pawh hi a ni lo.. Ka rilru nat ber lai leh ka chhiat ber lai pawhin a ni chuan min kalsan ve ngai lova,keipawn ka kalsan thei bik lo a lawm.." ka tih khum ve ta ngat a.A ngaihdan erawh dah pawimawh ka tum tawh hran lo.

"Uiiii,chutiang ringawt te chu a... Hrim hrim in tinge a hlui ringawt ah hian i buai a??A thar te nei ve zawk tawh ta che.."

"A theih loh nih hi..bakah,nangni ang in kan luck ve bawk si lova.."

"Hmm!!i over emai!!!Uiii!!enteh,Raphael-a kha enge i ngaihdan??A chhiat loh zia kha.." a van phur ching cheng tak emmm!!!

"Nia.. A chhiat loh khaa.. Mahse,keichu Zu a heh hmel ka tii.." ka tih khum ngat a. Ka sawi chhan erawh a hrethiam dawn der si lova aww!!

"Imm.. Zu hi chu a heh ve lutuk!!Mahse,a chhelo tho alawm..A changkang a,an hosa bawk a.."

"Niaa,ila nghei tir thei dawn te anih chuan,chu tluk a awm hleinemm.." ka lo ti liam puat a.. Ka sawiphur pui peih teh chiam lo.

"Nghei hun te chu a la nei ve mial mahna.. Eee!! Chuan,tak a, karleh Saturday kha ka birthday anih kha aw.. kan huan ah ka lawm dawn a nia.. Vawiin khan ka hrilh theihnghilh daih che a.. I duh leh Zomuanpuia nen in rawn kal dawn nia.."



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 24th, 2016, 8:17 pm

"Niaaa... Kan lo tum ang..A hun te lo thleng phawt se.."

"Niaa.. Ka rawn hrilh chiang leh ang che dar zat vel kha chu aw.. Kan lam nghek ang chu lee!!"

"I kal peih tak tak ang maw??" ti in ka hma a thu,ka bialpa hlui leh ka thianpa ni bawk chuan chik zet hian min rawn en a.

"Ka hre lo... Kal ve chu ka chak!Mahse, Zuheh-a nen a an awm dun lai vel han hmuh kha ka tan a nuam dawn lova.."

"Chu chu lawm ka sawi tum.. A ruk hian kil khat ah ilo tap ru kerh kerh mai tur asin.." a nui vur vur a.

"Tak tak a na!In ti pachang laa,nangmah ti chak tu ah che hmang daih rawh.. An awmdun i hmuh pawn,hmu lo der laa.. Zuheh-a hriat ah phei chuan engatan mah ngailo angin awm rawh.. I chal ah fawh sak che mahse thleng lo ang hmiahin awm tum rawh.."

"Engtin?Ka thiam hleinemm.. Bakah, Zuheh-a bul a ka awm tawh hi chuan ka inrintawk na te leh ka chapo na zawng hi an bo vek zel a..a har ve teh mai ania."

"Ka hrethiam che a lawm.. Mahse,chutah tak chuan i in control a ngai ta a ni. I rilru ti paukhauh laa.. Mipa dang ang tho a en tum rawh.."

"A har a lawmm!!"

"I tum dawn reng a lawm.. Nangmah ngeiin,'Thil reng reng hi theihloh a awm lo.' i tih thin kha..Chu chu atakin zawm ta che.." a hmel hlim leh phur hmel zet chu ka en reng a.Ka van huphurh ru si emm!!

"Chuvangin Tetei birthday ah pawh chuan kan kal ngei ngei anga.. Huaisen takin Zuheh-a leh Tetei pawh kan hmachhawn ang."

Lee jeans rawng dà tawh lampang, tight tha ve tawk tak chu hmanhmawh zetin ka inthlawlh sawt sawt a.Pheikhawk dah na a ka Carlton Ugg (boot) chu ka bun a.. Ka sam sang tak ah ka tawn bawk a.Darthlatlang a in en zeuh pah chuan ka khi suk a.Ka hmai ka chei ve ngai lem loh avangin ka inpeih at tawh.Ka phone ka hmet eng a. Chawhnu lam dar 2:30 chiah chiah ani.Khum a ka bag leh kawrlum let bal chu lak pah in hmanhmawh zet chuan ka room chu ka chhuahsan ta a.



Kan garage a Zuheh-a hmel ka hmuh chuan zawhna hlir in ka khat nghal a!!Min ti hamhaih takzet!!

"Enge hetah i rawn tih a??Tunah te chuan Tetei bul a awm tur i ni asin..!"

"Duh ila chu ka awm ang chu.."

"Enge i rawn tih?"

"Ka rawn kal."

"Engti tur in?"

"I pi rim tur in." Za lo zet chuan ka nui hak a.

"I tlai a nge kal vat rawh.. Tetei'n a nghakhlel tawh ngawt ang che.." tih pah chuan ka kut chu ka hum ruh fan a.

" Keipawh Zomuana'n min nghak mek a.. Ka kalsan phawt mai ang che.." ka tih zawm lehnghal a. Sawi chhuah awlsam tak chu a ni bik lo.

"Hey!!" ka kal tur chu min ko ding leh a.Ka lam pan chuan arawn kal a.Ka banrek a min vawn pah chuan,"Keiman ka lo hruai ang che.." a han ti a. A bike awmna lam ah chuan min kai phei a.

"A chi loh lutuk Zuheh.. Tetei'n kan pahnih a min hmu dun a nih chuan mak ati dawn lutuk!A ngai kawi dawn ngei ngei bawk a nia.." tih pah chuan ka kut chu ka la sawn a.A bike a thut pah chuan,"I hlau ami??Sakei pawh ni hlei lo." a han ti a.A helmet chu a khum tha mawlh mawlh bawk a.

"Hlau lo e.. Mahse,ka thiantha ber a nih hi.."

"A ni lo ka ti ami?"

"Ti love, mahse a bialpa nen min hmu dun a nih chuan a rilru a nâ dawn lutuk!"

"Ka bialnu a ni a mi?"

"Phat buai tum duh suh.."

"Zawk za mah che chuan.." tih pah chuan a nui hak a."Chuang vat mai teh.. I hlauh ang em em kha chuan a thleng lovang.." a tih zawm lehnghal a.

"Ka duh lo.. Zomuana'n min nghak ka tih kha.."

"Nghak sawmsarih che mahse.." Ka chhang lo. Thawk ka la halh a.

"Chuan luih tir kher i ngai ami?Nge i chuang thiam lo zawk?"

"Zuheh..!"

"Enge?"

"Khawlh deuh deuh hian awm thin lo tehh.. Ka tan pawh a nuam miah lo a nia.."

"Nangmah anih kha khawlh. Rawn chuang tha ve hle hle la chu kan thleng daih tawh ang."

"Luhlul viau suhh!"

"Luhlul chhuah turin min siam lo la." Ka ngawi reng a.Chuan pawh ka tum lem lo. Ka rilru chu a buai takzet a ni.

"I rawn chuang dawn nge ka chuan luih tir dawn che?" A full face helmet kar atang chuan min rawn melh kar a.Tih ngaihna ka van hre lo tak em!!Ka ngaihtuah a, Tetei in kan pahnih a min hmu dun anih chuan zawhna tam tak min zawt ang a,engtin nge ka chhan tak ang. Zomuana nen kan kal dun dawn tih hre ve reng chungin Zuheh-a nen kan kal dun daih ang a maw??Engtin nge ni ta ang?? Zuheh-a chuan ka ban ah chuan min rawn pawt a."Phuar beh i duh lo a nih chuan pangai takin awm ang che." tih pahin a bike ah chuan min chuan luih tir a nih chu.Ka hlauh zia khaaa!!

"Zuheh..!"

"Sawi buai tawh suh!" Ka ngawi nghal hmak! A bike chu a start a.Chak fahran in kan garage chu kan chhuahsan ta a.



Vawt ka tih em em vang pawh ni lo in ka taksa chu a khur der der a.Ka van hlau ru reuh tak em!! Zuheh-a'n a vawikhat na atan a bike ah ngei min phur ve chu a nia. Mumang te pawh a ang rum rum mai!Kawng chhuk a kan tlan lai te chuan ka kuah ngam si lo.. Hnunglam ah chuan ka in vuan bet tung a. Ka hah vek thei!! In be miah lo chuan kan tlan zel a. Sihhmui lam a tlan li chuan New Capital Complex lamah chuan min phur thla ta daih a.A ngaihna ka hre chiah lo. A tawp ah chuan, kawt zawl zau zet leh nuam zet ah chuan min din pui ta a.Mak ka ti lutuk!Ka hawi kual a, a piah deuh a concrete in lian tha zet chu ka va hmu a.

"Khawi lai hmun nge min hruai na hi?" tih pahin bike atang chuan ka chhuk a.

"Lal in a nih hi." A helmet chu a la thla a,min rawn nuih ver ver a.

"Tak tak in Zuheh.. In in a mi??" A lu alo bu nghauh a. Awiiiii!!!!ka ring thei lo,an in ah min hruai dawn a maw??Awih a va har ve!!

"Enge kan tih dawn??Tetei te bulah chuan kan kal dawn lo a mi??Tinge hetah min hruai daih a??" ti in mak tih hmel zet chuan ka zawt nghal thuai a.Diktak chuan ka awih theilo a ni. Mahse,a tak chu a ni ngei si a.

"I hmel hmuh leh zawh na..!!" tih pah chuan bike atang chuan a rawn chhuk a. A ngaihna ka hrelo takzet a ni.

"Ka lut dawn a nia.. I duh chuan min rawn zui ve mai rawh.." tih pah chuan in lampang chu min pan san nghal nul nul a.

"Hey!!keimah chauh a ta awm tur hian min ti tih na a mi?"

"I duh chuan min rawn zui ve mai rawh ka tih reng khaa.."

"Ka duh lo."

"I duh loh chuan tahkhan awm la ti nia.."

"I van sual tak!!"

"Rawn kal mai mai teh."



In chhung kan luh rual rual chuan,"Sangte,vawiin chu mikhual kan nei dawn a.. Tlemin chaw lo chhum tam deuh rawh aw.." tih pah in an awmpuinu ni awm tak chu thu a pe nghal mawlh mawlh a.Ka lo zak ru kher mai.. In chung lam ah chuan kan inzui chho hnak hnak a.. In ropui leh nuam tak a van ni emm!! An bungrua leh engkim mai chu a fai nalh em em vek a. Hmuhnawm hi a tling ngawih ngawih. A room kan thlen chuan a jumper hak lai chu khum ah chuan a theh thal nghal thuai a.Thutna tur min rawn kawh hmuh pah chuan,"A ropui tiraw kan in hi??" a rawn ti a. Ka lo nui suk ringawt.

"Zuheh,tinge in in ah hian min hruai a??" Min chhang lo. A phone chu a hmet mial mial a. A beng ah chuan a chuk tuah nghal a.

"Aw, Tete.. Mikhual pawimawh deuh ka nei a,ka rawn kal theih ka van ring lo.. Min lo hrethiam mai rawh aw.." Zuheh-a'n mikhual pawimawh min ti a nih chuu!!!Ka lo nui chhuak hak a,dawt a sawi thiam lutuk chu mak ka ti.A phone be lai chu ka en reng a, Eng thil nge tih a tum hi ka hre chak takzet ani.

"I ril a tam em?Ei tur ka zu la ang aw.."

"Aih,ka ril atam lo.. Ka zawhna min chhan hma chu ka be tawh dawn lo che.."

"Zawhna i ngah lutuk a,chhan ber tur che pawh ka hre tawh lo." tih pah chuan a lo ner nang a. A hmelthat zia chuuu!!!

"A vai khan min chhang vek rawh.."

"Ka hre tawh lo.." tih pah chuan computer chu a on a.Hla hlui pakhat,nalh zet mai chu a rawn play riai riai a..

"A hla thu hi lo ngaithla chiang rawh aw.. Kan inbual lawk ang." A T-shirt hak lai chu a phelh a... Awiii!!! Ka hawisawn rang chiang teh ee!! Ka lo zak ru takzet!!

A inbual chhung chuan hla ngaithla tur a min tih chu amah ngaihtuah reng chung in uluk zet chuan ka ngaithla kar a.. Hla hlui mah nise, a mawi thar hliah hliah hian ka hria..

' Please don't go

You know that I need you

And can't breath without

Leave without you

Be without you

Well I know I've acted foolish

But, I promise you no more

I'm not here to say I'm sorry

I'm not here to lie to you

I'm here to say I'm ready

That I've finally thought it through

I'm not here to let you're love go

I'm not giving up oh no

I'm here to win your heart and soul

Thats my goal."

Ka ngaihtuahna ah chuan thil tam tak a rawn lut a. Zomuana sawi dan tak ah Zuheh-a hian min duh tih hi ka ring nghet bur tawh.. A hla min ngaihthlak tir te,a awm dan mak tak tak te hi... Mi â nileng lo tan chuan hriatthiam a hun tawh takzet a ni. Aww!!!ka lo van mawl rei emm!! Ka hlim ani.. Tun ah hian ka hlim takzet!! Enge tih tur ber pawh ka hre lo.. Ka â lo chauh tawh. Mahni chuan ka khi vur vur a. A van nuam tak emm!! Mahse, engtin nge Tetei hi ni ta ang??Keimah tluk zetin a atchilh ve tho si a.Kei leh Zuheh-a, a room ah,kan pahnih chiah leh nghal in.. Tetei hian hre ta se,min sawisa duh hial maithei a ni..!!Mahse, Zuheh-a vang tal pawh hian ka hmachhawn a ngai a ni.. Mahse,thian inhmangai leh inkawm ngaih tak te pahnih chu mipa pakht vangin an in then dawn tih na a nih hmel si a..



"Tinge in in ah hian min hruai a?" Min chhang lo. Darthlalang a in en pah chuan a sam chu a siam tha mawlh mawlh a.

"Mawhhh.. Zuheh,min chhang tehh.. Nang chu i ngawi reng zel a.." Min chhang chuang lo.. Ka awm ve a ni tih pawh hre lo ang mai in a thawmhnaw hak hnu te chu a dah fel mial mial a.. A awmdan chu hriat thiam a har takzet!

"Zuhehhhh..!!"

"I hriat a hun ka tih ah chuan ka hrilh mai ang che."

"Tun ah ka hre duh."

"Pangai takin awm rawh ka tih che kha." Rum zet chuan min rawn melh rawm rawm a. Mak ka ti takzet!

"Tinge tiang a i awm thut a??"

"Engtin nge ka awm a?"

"Nichin te kha chuan tha deuh deuh khan min bia a,i fel hle sia.."

"I ngaihdan a nih chu." tih pah chuan ngeiawm zetin a rawn nui sak a. Ka rilru chu a na vawng vawng hian ka hria. Hun reilo te chhung kha chu min duh ve emaw ti in ka lo hlim ru ve lutuk a sin!! Mahse,tinge hetiang a a awm leh si le??A in dah fel lai chu ka lo thlir reng a.. Ka lam pawh a lo hawi eih lo.

"In hnuai lam ah chhuk ila.. Thil pawimawh deuh hrilh tur che ka nei maithei.." tih pah in nel awm zet chuan min rawn nuih sak a.. Mize dang leh bawk maw??!! In hnuai lam ah chuan kan in zui thla hnak hnak a. Min be chhunzawm tawh lem lo.

"Sangte,ei rawngbawl i peih hun ah min rawn hrilh dawn nia.. Pawn ah hian kan han ti ti lawk a nge.." tih pahin an kawt zau leh nuam zet ah chuan kan inzui chhuak nghal a. Hepa hian engtak min sawi pui tum ang maw??!! An in piah lawk a in te reuh te awm ah chuan min luhpui a, thutna dup nuam tak chung a thut pahin tukverh atang chuan ka dak chhuak vauh vauh a.. A van nuam reuh tak!! Mi hausa te hi a chang chuan ka van awt ve thin tak em!!

"Tah hian i kal ziah thin em??"

"Aihh.."

"I van â tak!! Keichu ni ila,nitin ka kal ziah ang.."

"Nangmah ka ni tlat lova.."

"Hmm!! Nia.." Engmah kan sawi chhunzawm tawh lo. Ngawi reng chuan kan thu dun kar a. Sawi tur a vang takzet tawh!!

"Naupangte, thil pakhat chiang deuhin ka hrilh che a nga.. Min zawt nawn tawh suh ang che aw..?" Ka mit ah tak chuan min rawn en kar a. A thu tak ve hmel lutuk chu mak ka ti lek lek.

"Imm.. Enge??"

"Nang hi Ka Duh Lutuk Che a ni.. Damdawiin a ka hmuh hmasak ber ni atang che khan. Engkim kha ila hre vek ti raw??" Engtin nge ka awm dawn pawh ka hrethiam lo.. Ka zâ vek!!! Zuheh-a'n min duh thu min hrilh a nih chu!! Chupawh tawng kâ ngei in!! He thu hre tur a ka nghah rei tawh si zia hiiii!!! A van nuam emm!!!! Mumang ni lo hram rawh se!! Ka tha a rawn khur der der a,ka sa up up a.. Khawvawt hle si e ti lo chuan lum ka van ti si em!! A hmel pawh en ngam tawh lo in hnuai lam chu ka melh ngar ngar a.. Chhan ngaihna pawh ka hre lo.. Ka hlim lutuk chu au chhuah vak vak mai hi ka duh.. Ka mittui hi a tla lo chauh!!

"Imm.. Ka la hre vek a lawm.." Ka aw te chu a khur der der hian ka hria. Ka van zak ru si emmm!!

"Mahse, ka duh thu ka hrilh duh loh chhan che hi.." a ngawi vung vung a.Zawhna mitmeng nen a lo melh kar pah chuan,"Enge a chhan??" ka lo ti thuai a. Ka van phur ru si emmm!! A thutna atang chuan a ding a,ral leh lam chu a thlir vang vang a.

"A chhan chu maw... ka bialnu hlui in ka fa thla 5 mi a pai mek a ni!!!"

A thu sawi chuan min van thawng emmm!!!Ka thutna atang chuan ka tho chhuak a,ka hamhaih takzet a ni!!! A mit ah chuan ka en kar a.. Min van thawng teh lul emmm!!Ka awih thei hlawl lo!!! Dawt a ni!! Zuheh-a hi ka ta a ni... Ka ta liau liau a ni!!

"Dawtsawi suh!! Zuheh,dawtsawi suh..!!!" tih pah chuan a kawr nghawk chu ka tham sak a. Ka awih thei lo a ni.. A hmel chu ka en tlawk tlawk a,ka awih thei tlat lo..!!! Mahse,kha thu min hrilh rual rual khan ka rilru erawh chuan Thudik a ni ti in alo pawm thlap si a.Ka na ani.. Zuheh ka na takzet a ni.. Hlimna chu tahna in a rawn thlakthleng a, kumkhua a reh leh tawh ngai lo turin ser min siam sak ta a ni.. Tinge tiang ni tur si kan lo in tawn kher le??ka mit atanga mittui rawn luang chhuak chu a hmuh hmaih hauh ka ring bik lo..

"Misualpa!!! Min duh thu min hrilh hun nghak hian engtia rei nge ka nghah i hria em??I lak a ka beidawn i duh avangin dawt min hrilh a ni ti raw??Mawhhh!!! Zuheh dawt vek ani tih min hrilh rawh..!!"

Zah pawh dawn miah lovin a T-shirt ngawng ah chuan ka pawt nawk nawk a.. Ka ngaihtuahna chuan mu leh mal reng a nei tàwh lo.. Ka rilru na lutuk chu ka â thei dawn takngial in ka hria.

"He thu hi hrilh che ka tum ngai lo.. Mahse,engtik ni ah emaw i hriat hi a la ngai dawn tho tho.. Duh lo che a,hnar bur che chu ka ni bil lo asin.. Nitin,i WhatsApp status,last seen leh i dp thlengin ka en reng thin.. Keimah avanga i nat zia pawh ka hria.. Vawi tam tak ka duh thu che pawh hi hrilh che pawh ka tum thin. Mahse,ka duh thu ka hrilh rual che hian,fa ka nei dawn tih hi ka hrilh tel ve kher che a ngai tih ka hriat erawh chuan i nat tluk zet in ka na!!" Chhuat ah chuan ka thu hnawk a.. Naupang chhia ang mai in ka tap a nih chu..!! Ka van â tak emmm!!!

"Ka ta i ni thei dawn lo tih ka hriat chhuah a piang hian thih daih mai hi ka duh thin. Mahse, mi dawihzep tak chu ka ni bik lo a nih hi.. Vawi tam tak min hlat theih nan i chung ah ka sualthiam ka chhuah fo thin a,i thiannu takngial pawn a tawrh a ngaih phah a.. Mahse,min hlat tak tak dawn a ka hriat hi chuan ka ngai ngam leh thin lo hian beisei na tam tak i chungah ka siam sak phah che a.. Mahse,chuvang chuan ka ta i nih theih phah dawn chuang lo tih hre chiang ber tu ka ni lawi si..!!" thawk chu a la halh a.. A tan sawi chhuah awl sam tak a ni bik lo tih ka hriat erawh chuan min van ti nâ em!!!

"Mahse,tunah chuan i hlim tawh in ka hria.. Zomuana hi itan mipa tha tak a ni.. Thlah reng reng suh ang che.. Nang phei chu i naupang chhia thei ropui si.. Chuvang chuan engkim a hrethiam thei tu tur che a ni in ka hria.."

"Mahse, Zuheh-a a ni ve hleinem..!!" ka lo ti vin tuarh a.

"Zuheh-a ai in a fel daih zawk ang.. Chhungkaw pangai tak atang a lo chawr chhuak a nih pawh ka ring bawk.."

"Zuheh..!!!" ka insum thei thlawt lo... Ka mittui chu a buakin a baw zawih zawih hi a ni ringawt!!!

"Tap tawh suhh!! I mittui kha ka hruk hul sak dawn miah lo che a nia.. Chuan, Zuheh-a chuan natna bak a thlen ngai lo che tih hi hre reng ang che.."

"Ka duh lo... Hlim na tam tak min pe tur in ka duh che a lawm!!! Zuheh,khawngaih takin min kalsan suh aw.. Khawngaih takin.. Min hmangaih a nih chuan min kalsan suh..!!!" Lungchhe tak a ka tap hmel chu min en reng a.. Mahse,ka beisei phak a ni tawh lo.

"Tho rawh.. Chaw ei a hun tawh.. Chuan,tun hi kan in hmu hnuhnun ber na ni thei hram se ka ti.." Kha thu kha Zuheh-a hnen atanga ka thu dawn hnuhnung ber ani..



"He kut hi ka vuan a nga,ka thlah leh tawh ngai lovang." ti a min hrilh tu khan a thusawi hlen lovin,rilru na takin min kalsan a. Mi beidawng ber ni tur in ka kut min thlah sak a. Reh leh thei ngai lo tur khawp a lian SER min siam sak ta a ni. Rilru natna tam tak min thlen mahla,ka chung a i thil tih vang erawh chuan ka dem hauh lo che.. Nang chuan mipa takin i Hmangaih chan nan pawn i tihsual rah chu tawrh i thlang ta zawk si a. Ka chhuang takzet che ani..!! Zuheh,kum 1000 chuang pawh ral mahse, ka tan chuan "ZUHEH-A" i ni reng tho ang,ka ngaihtuah chhuah a piang a ka thinphu ti rang a, min ti hlim em em thin tu Zuheh-a kha ila ni reng fo ang...

"A vai khan engzat tur nge??"

"Cheng 1520 a nia... 1500 a ni mai.." tih pah chuan ka customer hmeltha leh zahawm zet chu ka en chho deuh ha a.

"ZUHEH...!!!"

"I dam maw Naupangte..??" a nui hmel te chu a that ngai in ala tha reng a.. Ka la en ning thei lo chu anih ber hi maw??

"Dam a lawm... Nang zawk?In hmuh loh na ava rei tawh ve.."

"Niaa.. Kan dam that lai tak a ni.. I va fel ve,hetiang dawr te siam nachang i hria a.. I lo van puitling ta ve.."

"Nia.. Naupangte-i hi a danglam tawh a lawm.." tih pah chuan ka nuih ver ver a..

"Pasal ila neih loh chu a nih hmel.."

"Nei lo... Ka leng tar dawn.." kan in nuih dun var var a.

"Zuheh.. I hlim ti raw??" Min chhang mai lo chuan a tukhum chu a hiat neuh neuh a.. A thak vanga hiat a nih erawh ka ring chiah lo.. Chutih lai chuan mipa naupangte hi a rawn lut a,"A pa.. Ka ril a tam tawh a nia.. Hmanhmawh ang.. Vat in.."

"Aw.. Kan kal dawn nia.." tih pah chuan Zuheh-a chuan min rawn nuih sak a,"Ka hlim takzet a ni!!" ti in nui sang chung chuan min chhuah san a.. "Zuheh,kum 4 hnu ah pawh ila danglam chuang lo anih hi..!!Chimawm lutuk..!!" ti in ka hriat tawk lek chuan ka phun chhuak sep a...







...... THE END.....



(Zuheh-a thawnthu min chhiar sak tu te zawng chung ah thinlung takin lawmthu ka sawi tak meuh meuh e.. Mahse,a tawp na hi in duhthu a sam dawn lo tih ka hria.. khawngaih in in mi hriatthiamna sang ber ka dil a che u.. Thawnthu dang nen taksa hrisel zawkin kan inhmu leh dawn nia smile emoticon )

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)