ZUHEH-A BY NoRee MOon

[Ngaia]

ZUHEH-A

...................



Dressing table chung a ka phone chu ring mangkhengin arawn ri bal bal a."Aw,ka nute ka hman ani tawh mai.Ka rawn kal tep"

"Ole,hmanhmoh lutuk duh suh.Amah phei chu heii,a la muhil barh barh mai.Dar 1 hma a ilo thlen hman chuan atawk ani mai.Gate an lo khar tawh pawn luh irawn dil mai dawn niaa.."

"Olee..ka rawn kal nghal ani mai."Phone chu ka dah a.Khum a ka bag dah chu la in,Aizawl Greenwood Hospital a ka nutei pasal damlo riahpui tur chuan phur lou zetin ka in ak chhuak ta nghal a.



Damdawi in ka thlen chuan mipui an lo kat nak hlawm a.Ka phur teh chiam lo.Ka hawi kual a.Engkim mai chuan ka mit an la hlol lo.Damdawi in hi zawng hmun nuam tak leh ralmuang tak ani lo tih in hriat vek kha.Mithi mai tur leh dam lo tam takin a an pan kha ania.Thenkhat chuan in hreh ve tho ka ring.Ka vawikhat na tur ani lehnghal.Ka hmun tih ber na hmun ah zankhua in ka awm dawn chu ania.Eng thil tak thleng ang mo?

"E,ilo thleng tawh maw?Gate an lo la khar lemlo em ni?kha tah khan lo thu rawh"ti in ka nutei chuan min lo dawngsawng nghal mawlh mawlh a.

"Aw,mahse an khar tep chu ka ring.Enge in lo an a?A rawn harh tawh em?" tih pah chuan thuthleng sei,zan lama ka khum la ni mai tur ah chuan ka thu a.

"Kan inbiak zawh hnu khan tui arawn tia.A inzawh khan a muhil leh nghal daih a.A mutui viau aniang.Kha,hei eitur te hi ei rawh.I pi te khan an lo keng teuh a,ei sen loh a awm."

"Aihh,ka chak lo.Ka rawn in eipuar tawh a.Tikhan dah hrih la,riltam hun ah ka lo ei mai ang."

"I riak ngam tak tak ang maw?I pi khan a phut lui tlat che bawk sia.A nuam lo viau nangin nangmah lo chu han awl dang an awm bawk si lo a.Min hrethiam mai aniang chu ti raw?" a nui nghal vur vur a.

"Hlau lo e...Nula ka ni ve tawh lawm..Ka vawikhat na tur ania,in zir nan pawn ka hmang nghal anga..Bakah,cabin-ah a awm chuang lo a.Midang hmuh tur an awm reng tho a.Ka hlau lo ang." ka hreh hmel chu a hmu ang tih hlau tak chung chuan ka han nui lui sak a.Ka zak zawk.

"Ni e,fa te ila nei ve anih phei chuan dawmdawi in a awm ngei ngei ala ngai anga.Chung hun a hreh deuh a awm ai chuan tun a lo tuar lawk kha a tha mai.Puitlin zirna zel ania."

"Nia,ka hlau lo tur ah ngai ang."

"I hlauh viau tak leh min lo phone mai dawn nia.Mahse,meizial zuk aduh vel hian arawn harh reng zel a.I muhil hman kher lo maithei ani."

"A ho lutuk,ka hlau lo ang.Naupang chhia ka ni tawh hleinemm."



Chutia eng eng emaw kan sawi lai mek chuan kan khum bul chiah a rawn awm tur ni awm tak,nula senior tawh lampang leh tlangval,a inchei dan leh a landan atang chuan ala upa lutuk lo tih a hriat,cher sang,ngo lutuk lo,damloh vanga mitmeng dul raih,a hmel erawh a tha fu,an bungrua nen chuan an rawn in chawi lut a.Thut pawh thu lo in an in dah fel nghal a,kan lam erawh an lo hawi lem lo.Inbe lem lo in an thil tih lai chu an ti dun malh malh a.An inpawh vak lo anih hmel.Mak ka ti ru hle a.Kan thil sawi pawh chhunzawm lem lo chuan ka nutei chuan,"Kha,tu zawk nge awm dawn che u a?" ti in nelawm tak chuan alo be nghal siam siam a.A ni hi zawng a phungthlu thei viau..

"Hei ka nau hi kan rawn admit ve anih hi." ti in nula senior-i chuan alo chhang tawi tak a.A tawngtam viau lo aniang.

"Eee,anih chu.Enge insawisel na aneih ve a?ala naupan hmel ropui si a.."

"Nia,nangmah ni ang tho kan ni.Naupang viau mahse,an nghei duh miau loh chuan a buaithlak anih hi.An thih hi kan la hlau ve sia..Dam na lam kan pan tawk tawk mai ani." a nui hul nghal hak a.A lan dan chuan unau an nih ngei a rinawm.

"Ni e,han rui sual viau thin mahse,i sawi ang chiah.An thih hi chu kan hlau leh ang lawi si a.A buaithlak zawng anih hii..Mama,i hmeltha in ila naupang hmel tehreng nen,iva uihawm ve oo..nghei daih rawh.Nangni ang rual ah thil har a awm hleinem lee..." ka nutei chuan an naupang chei nghal ringawt pek aaa!

Kan hma a tlangval thu chu anui suk a,engmah asawi zawm lo.Mi inla leh a u nula senior-i anga tawng tam lo tak anih ka ring.An rawn luh hnu ah phei chuan an la inbe miah lo lehnghal.An sawi tur zawng zawng an sawi zo tawh anih hmel.Thil engkim chu inhrilh ngai lo in an ti dun malh malh a.An bul a mi te pawh tumah min biak an tum lo.Mize mak tak zawng avan ni emm!

Zan lam arawn ni a,khua arawn har tan,boruak vawt tawh nen,net chhe bawk nen tih tur avang duh kher mai.Kan bulhnai a awm te lah,an inkawm melh melh hlawm a.Ka awmpui pa lah chu delh hlum sa ei tum ang mai ani.Tih tur awm lo,intih thawven pah nan ti in room chu kan chhuahsan ve thlarawk a.Eng teh ual ka ang lo.Ka khua ahar tawlh tawlh mai.Varanda lam chu ka pan a,awm an lo awm ve nual.Rel lu ang mai in an pet khu far hlawm a.Meizial zuk ruk na hmun anih ngei ka ring.Van lam chu thlir in thaw kan la halh a,ka zia huai in ka hria reilo te chhung chu.Kil khat a tawng ri bul bul ka hriatna lam chu ka hawi vat a,kan khum bul ami ngei kha ani."Naktuk chuan rawn theihnghilh suh aw.. Chuan,a nu te kha rawn kal an tum chuan tum buai duh lo law law rawh se, ka hmu peih lo tih ilo hrilh lawk dawn nia.." a ti thum bul bul a.A thilsawi chu hre chiang thei lo mah ila,enge a sawi a,enge asawi zel tur chu ka hrethiam nghal mai in ka hria.Tunge damdawi in a awm ve lem a chhungte hmu peih lo awm ang?A damloh bawrhsawm ber lai pawh a,chhe te pawh ngaihna leh hmuh chakna a nei miah lo anih chuan a nu emaw a chhungte chu an dik lo hle aniang.Zu a in chhan,a sual chhan,a nundan leh damdawi in a awm chhan tur awm ang te chu ka ngaihtuah zel a.Chhungkaw kehchhe ve tak atanga seilian anih ka ring deuh rum rum.Chutia ka ngaihtuahna ka kawm tui lai mek chuan,ka hma a ngawi reng a lo ding,tlangval sang tha zehzawh leh hmeltha zet mai in rum fahran a min lo melh ka hmuh chuan min va ti phu chiang kher emm!!

[Ngaia]

"Enge ilo tih?" a hmel nelawm lo zet chu hmuh a nuam lo kher mai.

"Ka ding..Enge??"

"I lo ngaithla ru ami?"

"Ngaihthlak tur a awm ami?Ve ringawt a che!" Chutia min ringhlel chu ka thinrim ru kher mai.Za lo zetin a nui sak a.

"Enge??Nuihzathlak ka sawi ami?Khatiang khan tham lo deuh khan min nuih khum suh aw..!" ka lo ti let ngat a.

"Nangmah kha i nuihzathlak!"

"A lo ni maw!nihchuan nui ta nghek nghek che.Mawl lutuk suh!"

"Ka mawl leh mawl loh i hria ami?Kan inhmuh vawikhat na chiah ani sia.Min van hriat chian hmel ve." ngeiawm zet chuan arawn ti a,ka haw takzet!

"Vawikhat na chiah ani bawk lo.Room-ah pawh khan ka hmu che.."

A nui hak a,"Naupang chhia lutuk!" tih pah chuan min luhsan ta daih a.Thinrim in hum ruh tun chung chuan ka zui lut ve nghal a.Room-ah erawh min be lem lo.Kan lam lo hawi chu khawi lam,a phone chu a bo ang tih a hlauhawm hliah hliah.Rin aia adam that avangin riahpui tu anei lem lo a.Mahni a awm a,tuma biak buai loh chu nuam ati ber ni in ka hria.

Mutna ah chuan ka ngaihtuah chet chet a.A chhungte hmuh a duh loh chhan te,a u nula senior-i nen a an in nel loh viau chhan tur awm ang te chu ka ngaihtuah a.Chhungkaw hlim tak leh inpawh tak an nih ka ring lem lo.Mihring hian mimal harsatna kan nei teuh a.A ni pawh hian chu chu a tawng ve anih ka ring.Zu ngawlvei nih a damdawi in a awm hi a duh bik ka ring hauh lo.A hmel en lah in,ala upa lo a,hmeichhe lamah pawh a tlak nat viau ka ring.Eng nge maw ti takin chu tlangval chuan ka rilru a luah tlat mai!A nun a harsatna a tawh thin te leh eng nge a chungah thleng tih te chu ka hre chak takzet!Eng ang mi nge anih?A rilru chhungril tak ah chuan mi tha tak anih ka van ring si emm! Eng eng emaw ngaihtuah chuan thlamuang leh hlau miah lo in,ka zan hmasa ber chu,chu tlangval Zuheh-a zarah chuan tui ti takin ka muhil ve ta siai siai a.



"Te-i,tho tehhh...Ka pum ana lutuk,bathroom ah min va dah lawk tehh..." ti a ka Pa Liana min koh na avang chuan ka harh hlawl mai a.

"Ehee!dar engzat nge ni tawh a?Ka tho tlai viau ami?" tih pah chuan ka inbeng kang nghal a,ka phone sana ah chuan zing dar 6:14 chiah chiah.

"Tho tlai lo e.Ka pum ana lutuk a,bathroom-a kal lawk ka duh a.I duh leh i muhil leh dawn nia.."

"Ee,oleee..khoi,ka lo kai ang che.." tih pahin aban ah chuan ka kai nghal sawk sawk a."Muthilh leh pawh ka duh chuang lo..Hma lutuk pawh anih tawh loh hi.." ka tih zawm leh a,bathroom lam chu kan pan nghal a.



Min lo thlak tu tur dar 9 vel a alo thlen dawn chauh avangin tih tur awm lo,in lak awl mai mai pah in varandah ah chuan ka va ding vang vang a.Zingkar boruak thianghlim tak,motor khu in a ala pawlh balh lutuk hman loh han hip veng veng mai chu ava nuam em!A hma aiin ka thawveng sawt a,ka fresh sawt in ka hria.Tunkum ah phei chuan zingkar hi ka vawikhat hmuhna ani hial lo maw lee?Haha!

"Nizan khan khawi lai ah nge i tum tak a?" hnung lam chu ka hawi vat a.A thil sawi awmzia erawh ka hrethiam hauh lo.Mak tih hmel tak a en hau pah chuan,"Enge awmzia?I tho â ani lo maw?" ka lo ti deuh ha a.

"Thlawhtheihna..!" Ka bo tulh tulh.

"Nizan khan...bei ring bawk ah,i tum hla vak lo ang chu maw.." tih pah chuan a hnar chu a khawih zeuh a.Ka hrethiam ta!Eka lehhh!!!Chutiang mi ka ni lo.

"Ve a che!Ka hnar ngai bawk lo.Hnar rual pawh ka la ni bawk lo!Kiri!" Ka zak ve det.

"Hnar rual leh rual lo an awm ami?" A nui suk a,ka chhang lem lo."Hmeichhia ve si,sim tum rawh.Zahthlak lutuk!Free advice anih chu!" a tih zawm leh a.Ka zak takzet ani.

"I hre sual anih chu.Keimah ka ni lo,pa Liana saw aniang.Ka hnar ngai lo hrim hrim."

"Nia,a ni ngei ngei ang." ti a ngeiawm tak a buk nghauh nghauh pah chuan min rawn nuih sen sen a.A van hmeltha tak em!Ka hma a ding tlangval hi a hmeltha takzet ani.Enge ka sawi anga,enge tih tur ber pawh ka hre lo.Ka sa up up a,hmu thei ila chu ka beng leh ka biang te hi an sen vek in ka ring.Ka che lai takzet a,ka mur chuai chuai a,awm ngaihna ka hrelo ani ber e.



"I tho â anih khaa..Va mu tha leh rawh." ka lo ti bul hmuk a.

"Chupawh chu ani thei tho.Nizan a i hnar ri ka hriat zawng zawng te pawh kha ka mangchhia vek an niang.Ka va mu tha leh ang a,ka zia mai ang.Nizan ka mang chhiat vang a ka muttui theih loh vang aniang ka thawh at." ngeiawm deuh a min tih khum pah chuan a nui vur vur a,min luhsan ta daih a.

Ka zak lutuk chu ka sa vek.Phit thei ila chu ka phit bo daih theih ka ring.Ka mur chuai chuai a ni ber.Lo hnar ring ta reng reng pawh ni ila,nge min hrilh kher le?Chimawm lutuk!Min tih zah a duh ve hrim hrim ni in ka hria.Room chhung ka luh chuan tlangval Zuheh-a chuan a phone chu alo hmet mial mial a.A tan hi chuan phone hi a awm lo ang tih a hlauhawm ngawt mai.Ka kal pah chuan ka en reng a,min biak atum lo a,lo hawi pawh atum hek lo.Mak ka tih deuh chu,room chhung a min be duh miah lo hi.Varanda ah kha chuan amah khan min rawn be hmasa zawk kha ania.Ni e,mize mak tak zawng ani ngei mai.



Dar 9:15 vel chuan ka nutei chu min thlak tur chuan arawn thleng ta a.A chaw rawn ken pawh ei lem lo chuan,ka hawsan ta thuai a.Damdawi in boruak ka zo vak lo nge,ka chau takzet.In ka thlen chuan khum ah ka thal nghal thuai.Ka ril pawh atam lem lo.Ka ngaihtuahna chu aruak vek a.Ka phone rawn ri erawh ka la peih tawk.

"Mate,tlai chu irawn kal thei dawn em?Nizan khan ka rawn be tlang thei miah lo che a.Tinge a?" Zualtei aw ani tih ka hai lo.

"Nia,damdawi in ah ka riak a.Ka chau lutuk a,ka peih ka van ring lo.."

"Ngati nge damdawi in ahhh??I dam lo ami?"

"Dam e..ka nutei pasal riahpui angai a,zanin pawh ka riah a ngai leh maithei a.."

"Ee,uiiii ka van ngei che..Mahse,pawilo..i peih hram chuan lo kal chu tum tho la..i awm loh chuan a happening theih tak tak loh ania.."

"Nia,muthilh phawt te ka duh a,ka nutei thu te pawh la ngai chan angai a.Chanchin ka rawn hrilh leh ang che.." Phone pawh off lem lo chuan ka muhil zui nghal bawrh bawrh a.



"Eng veng ah nge in awm?" tih pah in ka bul ah chuan arawn thu a.

"I hriat ve zel a ngai lo.." ka lo ti bul hmuk a,a nui suk ringawt."Enge damdawi in a i awm chhan hi?I dam that hmel hle si aa.." ka tih zawm leh a."I hriat ve zel a ngai lo.." tih ve kher pah chuan a khi vur vur a."Hmmm..!!"

"Tak tak ana..kan awmna ward te chu zu vang ani tih i hre ve reng awm sia...Tinge min zawh kher a?"

"Hria eee..mahse,nangte chu i dam that hmel lel lol em a lawm...damlo pawh i ang lo..Nge,zu nghei i duh vang hrim hrim ami?"

"Ni deuh tho..bakah damdawi in hi nuam ka tia..tumah hian min be tam lem lo a,tumah biak ka tum vàk lo bawk a.."

"Ber kher a!Nihchuan,mahni a awm nuam ti chi i nih dawn chuu.."

"Teh reng...i ti ve lo ami?"

"Aihhh,ka hlau..."

"Eng ber?"

"Eng ber chuang mah..mahni a awm hi ka ngaina lo ve hrim hrim.."

"I la naupang emmm aa..a awm tho mai."

"Ve lutuk a che...kei ai in i upa vak awm bik lo e.I upa nih pawn kum 2 vel bakin ani lo ang.."

"Haha!Zu ngawlvei rual ka nih tawh hi...ka hmel en ai hian ka chal zek ania..!"

Nui hawk hawk pah in,"Pu Saizahawla vawkte ang mai i nih dawn chu.." ka lo ti liam puat a.

"Saizahawla vawkte pawh kha ka dah nil thei ang.."

"Awih awm loh lutuk.."

"A nia lawm..." Kan nui dun bawrh bawrh a.Rin ai in kan in mil phian dawn in ka hria.Chutih lai chuan kawng khar lam atang hian hmeichhe pahnih leh mipa pakhat hi an rawn kal a.A thian te ni awm tak an ni.An hmel erawh ka hmu chiang thei hauh lo.Kan nui lai chu kan tawp hmak a.An zing ami hmeichhe pakhat,hmel rum ve lampang,ngo lutuk lo,inchei dan pawh street ve deuh,mitmeng thip zet chuan min rawn en kar a.A bialnu emaw amah lo ngaizawng tu anih tih ka hrethiam nghal.Enge an sawi ka hre chiang thei lova,an hmel pawh ka hmu chiang thei lo.Ka zak ru hle a,nuam ka ti lo takzet.Eng eng emaw an sawi hnu chuan room lam ah min luhsan ta daih a.Diktak chuan ka rilru kha a na ru reuh lutuk.Ngaihzawng ten a min kalsan ang mai hian ka ruak huai a,ka zak a,ka na takzet.Zuheh-a hi ka lo ngaina hman viau ani ngei ang.

Lukham bul a ka phone rawn ri chuan min ti harh chiang kher mai.



"Boihi,zanin chu lo tlawmngai leh hram mai ta che.. Pawisa ka va lak leh lawk loh chuan,Doctor hian min la chhuah hmel si loh aa.."

"Tehreng mai..ka lo inring dawn nia.."

"Nakin ah i pocket money tur te ka la pe ve ang che..Krismas te ahnai tawh siaa,ila mamawh ang.."

"Aaa!chutiang ka phut lo..ka puih ve theih dan che u ani mai a,engmah phut let ka nei lo..Min pe lui anih chuan ka tan a nuam lo zawk ang.."

Diktak chuan riak leh tur a min lo sawm chu ka phur ru takzet.Pawisa tam tak ai chuan tu emaw hmuh kha a hlu daih zawk miau a.Kan inbiak zawh chuan ka thu chhuak hlawl a.Zuheh-a nen a kan inkawm na leh a thiante lo kal vel kha ka mumang ani tih ka hre chhuak.Mahni chuan ka khi vur vur ringawt a.Ka zak.Nizan a anbiak na ka ngaihthlak kha ka lo mangphan ani ngei ang.Ka tho chhuak a,engpawh ti ila Zuheh-a chu ka mit thla ah a cham reng a.Ka ngaihtuah tam poh leh ka mur chuai chuai ani ber.A mize chimawm lutuk te,a tawngkam mak tak tak te,a hmel inring tawk lutuk te,amit meng thip zet te...Aaa!!!a engkim chu ka duh vek mai.A nui hmel mawlh kha.Ka tui ral lo chauh.

Tlai lam dar 3 arik meuh chuan damdawi in a riak turin ka inpeih fel der tawh.Diktak chuan ka phur ani.Ka za zek zek.Ka lang tha lo ang tih mawlh kha ka hlau.Vawi engzat nge ka inthlak kual hman..haha a hun lai ani miau a.Ka mit te chu Eyeliner liquid in kan thai kual ve a,nidang a inhmeh ka intih ngai loh te chu an mawi thar em em vek a.Mascara leh eng eng emaw kha chu ka hmang ve nual alawm.Ka biangah blusher,vun tih lan smooth nan foundation..Hahah!Hmeichhe tam tak chuan intih ve thin tho kha.Kei aipawn in hrechiang zawk hial ang.Mahni tawkah chuan ka confi-ve hliah hliah ani ber.Professional Taboiha te,Hlutea te..ka mamawh bikin ka hre lo haha.Ka hmui lian lutuk erawh chhuan tlak a awm lo viau.

In ka chhuahsan hma hret in Zualtei chuan min rawn call leh a.An in a reilo te tal lang ve hram tur a min duh avang leh mi tu emaw min hmuh tir tur aneih avang chuan damdawi in a kal hmasa lo in Zualtei te in ah chuan ka kawi ta zawk a.An in ka thlen chuan a birthday lawmpui tu te chu an lo awm ve nual hlawm a.Ka inchei ve deuh avang chuan damdawi in a riak tur ka ni tih a hriat lem loh.Varanda lam atang chuan Zualtei chu arawn phei nal nal a,ka bula rawn thlen chuan ka lo khi sûng a,"I hmel chuhhh!!enge i hriat a?I hre lawk deuh amii?? ti in min nuih let var var a.A thusawi erawh ka hrethiam chiah lo."Eng chu mo?" ka lo ti let hu a."Lo phei la i hmu mai ang.A rukin min sik miah suhh.."tih pahin varanda lam ah chuan min kai phei dawr dawr a."Hey!ka rei hman lo ania aw..Gate an lo khar hman chuan a pawi ngawt ang.."ka ti phei ve mawlh mawlh bawk a.Varanda ah chuan hmeichhe panga leh mipa pathum vel hi an lo ding nual hlawm a.Ka hmelhriat deuh vek an ni.Min hnungchhawn zawng a mipa pakhat ding chu alo hawi nghal thuai a.Awiiilehhh!ka thil hmuh chuan min va thawng ve.Teh thut chuan!Kum 7 chhung ka lo ngaihzawn ruk em em thin,Higher School kan kal lai a ka bialpa ni ve zawk,phai lam a a awm tak avang leh kan dinhmun in ang loh vang a ka kalsan tak,ka duh em em thin chu ka hma ah a ding mek.Min nuih ver ver a,a hmelthat ngai in ala hmeltha reng."Angela.." ti in ka hming chu arawn lam a.Ka hamhaih em avang chuan ka chhang lem lo."Lalremruat.." ti in ka hmingpum chuan min ko leh a,midang chu an lo nui tet tet a.Ka zak takzet."Zualte,min hmuh tir itum chu ka hmu tawh bawk a,ka kal tawh mai ang.Gate an lo khar hman ang tih ka hlau." tih pah chuan kal ka han tum a.Ka ban a na deuh a min kaih pahin,"Keiman ka lo thlah ang che.I tlai miah lo ang."Lalrinpuia chuan arawn ti a.Pawn lam panin min kai phei nghal dawr dawr a.A mize luhlul,ka duh em em thin te chu ala danglam lo.Diktak chuan ka duh alawm.Mahse,ani hi chu ka tan a ruat ani lo.MLA fapa mal duat ani a,duh duh nei thei ani.Hmeichhia kei aia hmeltha,fel leh hausa tak tak te chu duhtawk a tam a hmu ngei ang.Kei fahrah ve mai tan chuan ka dinhmun ringawt pawh alak ah chuan zahpui tham ani.Ka beisei phak ngai loh tur ka lo beisei thin kha ka tihsual lian ber ani bawk.



Zualtei te in kawt kan thlen chuan ka kut a kaihna chu a en vung vung a,"Khaw nge ka zungbun pek che kha?" ati bul hmuk a.Ka kut chu ka la sawn thuai a.

"Ka hralh tawh.."

"Eng vangin?"

"Ka bun reng chhan tur a awm tawh hleinem..I kal bo a,ka hralh bo ve ani mai lawm.." A nui hul hak a.A bike Ninja Kawasaki (vaki rawng) ah chuan a chuang a,"Chuang rawh..damdawi in ah chuan ka va thlah ang che.." ati a,min melh lem lo.

"Thlah ka ngai lo,ke ka nei ve tho.." tih pah chuan ka kalsan daih a.Mn rawn umzui rang kher mai.Ka hma takah chuan a bike chu arawn ti thi a.

"I rawn chuang lo anih chuan khawi ah mah i kal chuang lo ang."

"I thu lo..I bialnu ka ni tawh lo a,ka ni leh tawh ngai bawk lo ang.." Ka tawngkam chu na ati ve deuh aniang,min en vung vung ringawt."Luhlul chhuah ziah lo tehhhh..." arawn ti tham tiak a.Kum khat liam ta a Delhi-a a chhuk dawn tum a ahmel ngui ang chiah kha ani.Ka khawngaih reuh lutuk.Mahse,ka khawngaih vang ngawtin ka rilru thlak thei ka ni lo."Luhlul chhuah tur hian min siam ziah lo la ani mai..I rilru tih nat hi nuam ka ti bik lo,na tak tak a ka tawngkhum thin che hian keipawh ka na tel ve ziah thin..Chuvangin,beidawng ve tawh rawh..ilakah hian beisei na pakhat te pawh ka nei tawh lo..I dinhmun milpui ngaizawng la,keichu min beisei tawh suh.." Ni eee,ka na takzet thin asin.I hmuh loh ah ka tap ru thin a,i hmuh ah hlim hmel put der angai si.Engtin nge beidawng ngawih ngawih in ka siam theih ang che le?Ka lak a i beidawn duh loh a,min rawn pan leh thin hian,tih nat che bak tih theih ka nei si lo a.



"Dinhmun kha sawi lang ve ziah suh..Vawikhat ka Hmangaih che ka tih tawh chuan awih mai rawh.."

"Hmangaih na ani lo,induhna ringawt anih khaaa..ka hrilh tawh che kha.Kum 7 chhung ka ngaizawng tawh che a,ka atchilh thin dan che kha,ka Hmagaih che amaw ka in ti thin..mahse tun ah chuan ka tan a mi hnawksak ber ini tawh..ila hre mai ang.Min theihnghilh hun ah chuan..Hmangaihna ani loh zia chu.."

"Teuh loh..Nang chuan kan in ngaihzawn lai khan vawikhat pawh ka Hmangaih che min ti lo..Kei chuan vawitam ka sawi a,ka ngaihzawng tawh te ah pawh ka hrilh hmasak ber che ini..Hmangaih chu pakhat chiah aneih theih..duh chu tam tak.. Lalremruat,min hnial reng lo hian,'Eee alo ni maw..' ti laaa awih ve hle hle rawh.."

"Eee alo ni mawww Lalrinpuiiiiiii" a nui suk a,"Kal ang lee.." a bike chu a ti nung dut dut a.Ka kal tur hmanhmawh fahran a ka ban a rawn vawn pah chuan,"Tum buai duh tawh suhhh.." A han ti a.Kalsawn pawh ka tum tawh lem lo.Thu awih deuhin a bike,hman atanga ka lo chuan chak thin na em em ah chuan ka mawng chu ka hung ve ta zawk a.

Greenwood Hospital chu kan thleng ta.A van rei lo emm.Diktak chuan Lalrinpuia bul tluk a awm nuam hi ka hre lo.Ka ngaihzawng tawh zawng zawng ah pawh ka la duh ber a.Min kalsan ang tih hi ka hlau takzet zawk.Mahse,kan dinhmun ka ngaihtuah chang leh ka thiante min fuihna thu ka dawn thin atang hi chuan ka phulo in,kalsan hi ka tan a tha ber ani.Mahse,ka mipa suangtuah thin leh duhthusam,ka thinlung Lalpa hi chuti mai a han kalsan hi a awlsam viau lo."Ka lo lut ve dawn..Tunge i awmpui ka hre duh.." a pangchang aw kher mai.

"I mawl ami?Ka chhungten tunge an tih che chuan chhan dan tur ka hre dawn lo asin..Min ringhlel nghal vek ang.."

"Ka bialpa iti mai ang chu...Tinge min zahpui leh tawh ami?"

"Zahpui tur che pawn ka bialpa ini tawh hleinemm.."

"Ka ni leh khawp ang.." Ka lo nui suk ringawt a.

"Kal tawh rawh...keipawh ka lut dawn..Zualtei bulah khan Happy birthday min lo tih sak dawn nia.." Thildang asawi leh hma chuan hmanhmawh deuhin ka tlan luhsan ta daih a..



Zan dar 9 a ri a.Mut erawh a chhuak thei lo.Zuheh-a chuan min la be miah lo a,nuam ka ti chiah lo.Amah avangin ka hmai te leh ka thawmhnaw te ka chei ve em em ah!Ka thinrim ve reng.. Mahse,mimawl zuheh-a hian ka thinrim tih reng reng a hrethiam pha lo.A muhil nge pawh ka hre lo,min hnungchhawn zawng chuan a mu tlat a.Ka beidawng lek lek.Ka phone chu arawn nghawr der der a.Hmanhmawh deuh in varanda chu ka pan nghal a,"Hello?"

"I mu tawh em?"

"Mu lo anih hiii..Engee?"

"Lalremruat,i luhlul i chhuah chhung chu keipawn ka chhuah ve ang..ka beidawng dawn lo.."

"Keipawh ka beidawng dawn lo..Rin,i natna tur mai mai ka tih kha.."

"A tan leh dawn ta..Chutiang sawi tur a rawn call che ka ni lo..Ihmaw..?" ka ngawi reng a,"Ihmaw..ka tih chu.."

"Aw enge sawi ve mai laaa..."

"Delhi-a chhuk tawh loh dan tur ka hre tawh a.."

"I zo tawh ami i zirlai?"

"Aihhh..ka chhuk peih tawh lo.."

"Mawl suh!Keimah vang anih phei chuan..Ka inthiam thei ngai dawn lo ania.." ka tih lai mek chuan ka piah deuh a Zuheh-a lo ding chu ka va hmu thut a,ka phu chiang kher mai.Ka lam rawn hawi lem lo in meizial chu a zu khu hluah hluah a.A ngeiawm thei ngawt mai.

"Nangmah vang angah ngai lo la ani mai lawm.."

"Ka ngai lo thei hleinem.."

"Theih tum rawh...Lehkha zir loh phah nana hmang tur khawp khawp chuan i ropui lo.." Ka nui suk a,"A ni vel ang.."

"I mu duh tawh em?Nge tih laklawh lai te inei?"

"Aihhh nei lem lo.." mak deuh mai in ka tawng dan tur te chu ka theihnghilh nge ni..sawi tur avang ta kher mai.Phone-a ka biak lai ai chuan ka hma a ding,ngeng hmel zet a meizial zu khu hlat hlat sawn ka ngaihtuahna aluah khat daih zawk.Ka tawngthat peih tawh loh avang chuan eng eng emaw chhuan lam siamin phone chu kan dah thei ta hram a.Ka hma a ding chu ka en reng a,meizial chu tui tih hmel tak in an si leh hlarh hlarh thin a.Ka duh hliah hliah.Lalrinpuia kha chu Zuheh-a lakah hi chuan ka theihnghilh hmak thei.Chutia ka en reng lai chuan arawn hawi a,ka mit ka la sawn chiang kher mai.Ka zak lutuk,ka â lo chauh!



"Awiiiilehhhh,ka thiiiiii!!!!" kawngkhar bul ka thlen chuan,"In van inbe rei lo emm emmm..ngaihna awm lo!" ngeiawm zet chuan min rawn tih khum a,ka ding lo thei lo.Ka zah ruk na zawng zawng te chu areh vek.

"Enge ni vakkk?kan thusawi ilo ngaithla ve duh tih na ami?"

"Chutiang ka tih atan a mawi lo.."

"Hah!mi fel,tihsual nei ngai reng reng lo i ni chuan ka hre bik hauh lo che.."

"Tihsual ka neih loh in mihring ka ni nang.."

"I nih zeh zuah tak kha leee.." a tawngkam ngeiawm lutuk hian min ti thinrim lo thei lo.

"Angela Lalremruati bialpa chu MLA fapa duat lai aniaaa..." tih pah chuan arawn nui vur vur a.A ngaihna ka hre lo takzet.

"Chu chu engtin nge i hriat?ka hming te nen lam?" ka han ti vat a,mak ka ti lutuk.

"Ka antenna hi a tha khawp..i lo ropui hle mai naupang..!"

"Zuheh!!ngeiawm deuh deuh hian min chhang reng suhh..i ninawm dawn tlat.."

"Zuheh??!!" a nui vur vur a,"Chutiang lo deuh te chu ka phu ve chuan ka hria..mahse,kan first impression hi chu a fuh viau lo ani tiraw?Haha.."

"I nihna a koh che chu i duh vak nange??"

"Duh vak lo.."

"Haha..engvangin?kan nihna diktak mi in a an han sawi chhuah hi chuan kan haw thin alawm..ti raw?" ngeiawm deuh chuan ka nuihsawh lui ve ta ngat a.

"Bakah,min hriat reng na tur te ani awm sia.."

"Hriat reng aa??!!beisei sang i inti ve deuh lo maw??"

"Ti miah lo..." a nui miah lo a,a thutak ve viau.

"I van confi..!!"

"I mitmeng khan thup thei hek lo che.."

"Thup tur a awm a maw ni leee..." tih pah chuan ka nui vur vur a,ka thinphu erawh arang tual tual.

"I hre chiang zawk daih ang chu.."

"Hey!zaktheilo viau suh!!"

"Haha..zaktheilo turin min duh amiii??" tih pah chuan min rawn pan hnai a..A kekawr ipte pahnih zen chung chuan arawn kun hniam a..Awiiiiii!!!ka thinphu chuhhhh!!Rang dawp dawp tak ani.A perfume rim nam riai riai pawh ka hre thei.Ka hmai zawn ah chuan hnai setsawt,chiang fahran hian min rawn en a.A mit thip zet chuan min melh kar bawk a!Awm ngaihna ka hre lo.Ka khap vak vak a,a mit ah erawh ka en ve ngam hauh lo.Ka thinphu ri te kha a hriat theih hial ka ring.Ka chil ka lem khalh khalh a.Ka hlauthawng takzet.Mahse,chutiang a awm chu ka tum hauh lo.Ka kut chu hum ruh in,ka rilru chu tih paukhauh ka tum ta zawk a.Zam miah lo in a mit ah tak chuan ka en lui ve ta siah a.



"Hey!!min kiss i tum ami??"

"Kiss che i duh ami??"

[Ngaia]

"Teuh loh!!I zu in na hmui leh hmeichhe tam tak i kiss tawh na hmui hi ka si ngai lo ang..!"

"Takzet??"

"Aw.." tih pah chuan ka nam sawn nghal vat a.ka tha erawh a khur nasa kher mai,"Zaktheilo viau suh!Chuan i rin ang hmeichhia kha ka ni hauh lo ania..Tenawm lutuk!I hmelthat na khan min ti â ve zo lo tih ilo hre ve mai mai dawn nia..Zuheh!" ka tih zawm leh ngat a.

"Kan la hria ag chu..Nang ni ang hmeichhe huaisen deuh hi an tam viau lo.." tih pah chuan ka kut chu na tak in arawn hmer a,"He kut hi ka vuan anga,ka thlah leh tawh ngai lo ang.." a tih zawm leh a.A hmel erawh a thu tak viau.Ka kut chu a thlah a,thil ka sawi ve hma chuan min luhsan ta daih a.

A awm dan mak zet avang chuan ka rilru anuam thei lo.Engtin nge ka hming a hriat?Engtin nge Lalrinpuia nen kan chungchang a hriat?Engtin nge MLA fapa ani tih a hriat?Min lo chhui ru thin tih na em ni?Ka duh tih hi a hrethiam nge min dawp atum?Ka thlah tawh lo ang che atih chhan chu min lo duh ru ve reng nge min tihbuai reng atum zawk?Ka rilru chu zawhna in a khat a, amah ka duh na pawh chuan a awm dan chimawm leh ngeng zet avang chuan duh loh a hnek in ka duh na ti tam tu an ni hial zawk in ka hria.Ka rilru chu a buai takzet a.Min chhang thei tu tur chu he Zuheh-a chauh hi ani si a.Room-ah chuan ka lut a.Muhil ni awm fahran in puan chuan a in lukhup tlat a.A la muhil lo tih erawh ka chiang.A chang hi chuan a naupang chhia ve viau thin hi chuan ka hria.

Thuthleng ah chuan ka mu a,mut erawh a chhuak thei lo.Chutiang bawkin Zuheh-a pawh chu a muhil theilo tih ka hre thei,arawn thaw leh halh halh thin a,a rilru abuai ve ani ngei ang.Zawh tur tam tak ka nei a,mahse hmeichhia ka nihna angin chet lak hmasak erawh ka tum bau lo.Ka phone chu ka hmet eng a,dar 10:37 p.m chiah chiah ani.Varanda ah chuan min rawn zui chhuah ve beisei tak chungin ka chhuak leh ta ringawt a.Damdawi in ah hi chuan zan hi a rei bawk ah,mi an reh thuap tawh mai.Mahni a minute 2 lek din pawh a rei duh takzet.Kawngkhar lam chu ka hawi ka hawi a,a hmel reng reng hmuh tur a awm lo.Chutia minute 5 vel mahni a kan din tak reng ah chuan ka ning ve ta hle mai.A sam a va keh thawh nawk nawk mai chu ka nap a,mahse,hmeichhia chu zawn lai kan nih ang ngei in mipa kan be hmasa zawk tur ani lo tih hi ka ngaihdan anih bur mai avangin va tih hmasak chu ka tlawmngai tlat mai si.Beidawng deuh chuan ka lut leh ta ringawt a.A khum bul ka thlen chuan tui tih hmel tak a a muhil hi ka va hmu a.Ka thinrim ru kher mai."Zahthlak lutuk.Min lo zui ka lo ring ve em em kha ania.." ti in keima hriat tawk lek chuan ka phun chhuak sap a.Ka mut na lam chu ka pan ve ta zawk a.

A tuk ah ka nutei chuan dar 8:45 a.m vel ah min rawn thlak a.Ka haw dawn thleng pawn Zuheha chuan min la be lo.Ka lakah thinrim na a neih chu ka ring lo,a chhanchu thinrim tur zawk chu keimah ka nia.Mahse,min biak duh loh chhan leh varanda a alo kal duh loh chhan hi ka hre chak takzet.Zingah lah min biak duh beisei in ka tho hma ve em em a.Dar 6-8:30 inkar kha chuan vawi 4 vel varanda ah khan ka vei kual ka vei kual tawh.Mahse,beisei awm in a awm duh tawh lo nge,min pumpelh dan a zawng ani mahna.Nizan a kan inhnial vel lai kha chuan ka haw viau asin le...Mahse,tunah chuan biak theih dan tur leh hmuh hran dan tur ringawt ka ngaihtuah ta si a.Mi hriat ah leh ka chhungte hmuh a biak hmasak ka duh bawk si lo.Dar 9 arik chuan rilru nuam lo leh kimlo tak chungin damdawi in chu ka chhuahsan ta zawk a.



In ka thlen chuan Tetei chu ka room ah alo thu kur mai a.Ka hmu thut chu ka phu chiang kher mai.Ka thian tha ber leh ka cousin ni bawk,ka ngaih em em,lehkha zir a Bangalore lam a min awm san tak avang a ka kawm zawm theih tak loh chutia kan hmu thut chu ka hlim kher mai.

"Eheeee!!Tee,enge ilo tih aa?" tih pah chuan ka kuah ta ringawt a.Ka mittui tla tur erawh ka dang hman tawk.

"Nimin khan ka rawn haw a,min rawn be ngai si lova ka rawn kal chilh tawp che.." a nui vur vur a.

"Awiiii!ka ngaih zia che hiiiii..."

"Min ngai lo tawp aniang biak pawh min rawn be ngai hleinemm.."

"Tunlai chu ka buai em alawm...WhatsApp pawh ka khawih hman lo..In ah pawh ka awm tlem lutuk..Net pack ka thun ngai si lo a,ka phone chu ka dah tawp ani mai..hrim hrimin irawn haw tur te chu min rawn hrilh ve awm che.."

"Ka chhungte bak ka hrilh lo...nang phei chu ka rawn surprise duh hrim hrim che a.."

"Hmm!!i van over reuh tak.Enge min lo hawn reng reng?"

"Thil te te tha deuh ani mai..Eee,taka!Zualtei nen kan inhmu a tukin ah..Lalrinpuia nen in ni leh tawh a ni maw?"

"Awiii!ka hrethiam lo..ka rilru a buai nuaih mai..ngaihtuah ber tur pawh ka hre lo.."

"Lala,ka duhpui lo che ka tih khaaa...khawngaih takin nihpui tawh suhh..amah hi chu fel viau mahse,a nu leh a u saw an buaithlak zia i hriat vek kha..an fapa hi an chhuang ve sia..i la buai tawlh tawlh ang..ka thiannu cousin nen pawh in nih hnu khan an ni ve zawk a,an hausa vak bik si lo a,Lalrinpuia nu leh u sawn an ti nasa lutuk kha an inthen phah tawp alawm..chuvang chuan thil thleng tur i hre lawk vek a,iti lui anih chuan nangmah bak i nâ dawn lo ania.." Ka ngawi reng a,sawi tur ka hre lo.Ka thaw halh a,"Kan inbual phawt ang aw..kan sawi zawm dawn nia...chaw ei ve nghal daih la.." tih pah chuan ka inthlak nghal malh malh a.

"Ka hre lo le..dar 11 vel ah ka thil chah va lam ka duh aaa..min va kalpui teh aw.."

"Khawi ahhh?"

"Bluedart ahhh.."

"Ka hre lo..ka nutei hian min rawn call chuan damdawi in ah kal leh angai dawn aa.."

"Tun a iva riahpui chu maw..??"

"Imm..thingtlang atangin an lo kal ve bawk sia..kei exam chawlh lai ani hlauh nen,ka riahpui lo thei lova.."

"Awiiii i hlau awm..??dawih ve ropui siii.." tih pah chuan min nuih tet tet a.

"Teuh loh..nula tan hlauh tur awm tawh hleinem..bakah,hlauh loh chhan tha deuh ka tawng a.." ka khi nghal vur vur a..

"Ti ngei ahhh!!i lerh lutuk..damdawi in ah chuan ka rawn zui ve duh maithei che ani..ka thianpa damlo a awm a.."

"Eng damdawi in ahh??keite chu Greenwood ah sin.."

"Aw..Greenwood ah ve tho..i pi in min hrilh vek alawm.."

"Eee,ani maw??Ka nutei'n min rawn hrilh chuan kan kal rual daih dawn nia.."

"Nia..va inbual phawt tehhh...i uih!tho i ti tam!" Nui uarh uarh pah chuan bathroom lam chu ka pan ta hna hna a.



Ka nutei'n chanchin min rawn hrilh lem loh avang chuan nilengin Tetei nen chuan kan in zui chawt a.Hun rei tak hnu a kan chhuah dun leh vawikhat na anih vang chuan nuam kan ti dun takzet.Tlai lam a chaw arawn ei nghal avangin zan lam chu ti ti na hun atan kan hman theih phah a,a tih chi phian.Ka khumah chuan mu chungin meizial chu a zu khu hlat hlat a.Bathroom atanga ka hmai hruk phei mial mial pah chuan,"I phai awm hi chu aw...i hlawkpui thlawt lo..tul lo deuh deuh hi irawn ching chhuak aahh..midang ang tho i ni.." ka han ti aa,a khi suk ringawt.

"Lala,star thar ka nei aaa..a chhelo fahran.." a hmel atang chuan a phur takzet tih ka hai lo.

"Midang zawng zawng ai in a chhelo fal leh ngawt ang chu.." tih pah chuan ka nuih let var var a.

"Teh rengg...chhelo fal nalh.." a nui nghal uarh uarh a.A ni hi chu a tih dan ve reng hi ania..Star thar aneih apiang chu midang zawng zawng ai in an chhelo fal nalh zel...a sawi dan chuan..Hahaha!

"A nih ka ring vel.."

"Aihhh,tak tak alawm...a chhelo lutukk..Kan awm na ah pawh a luck tawp..Hmu ve la chu,chhelo iti ve tho ang.." ka lo nui suk a."Mahse,a sual lutuk aa,a chhungten an rawn chah haw daih alawm..ka ngai reuh asin aw..tunah pawh damdawi in ah a awm..khaaa,tukin a ka sawi khaa,ka rawn kal ve duh maithei ka thianpa a awm a ka tih kha..chupa chu ania.."

"Hmm!duh tlak ani lo tawp anih chu.."

"A khawngaihthlak reuh lutuk asin..A nu in a thihsan tawh a.Nuhrawn a hrawn a,apa nen an in mil vak bawk si lo a..A nun chu a ho tawp a ni mai.Zu,hmeichhia leh pawisa a awm chuan a tawk ati hmiah zel.."

"I van hriat chian hmel ve.."

"Kan inbe thin a,min hrilh ve melh melh zel..mahse ka star tih chu a hre lo.."

"I van â tak!Hrilh ta che..chutia in inbiak thin te chuan a duh ru ve che tihna anih chu..kan duh loh te kan be reng peih ngai hleinem.."

"Aaa!chi loh rapthlak..ka star tih hria se chu a chanchin te hi min hrilh duh nang..Hetia awm hi anuam zawk.."

"Tak tak ana!Hrilh suh.A duh che anih chuan a hrilh mai ang che.Hmeichhe tan chet lak hmasak loh tur." ka lo ti deuh hmak a.



"Hrilh rawh pawh min ti laa,ka hrilh chuang lo ang..engtikah mah.Ka awmdan atanga alo hrethiam te anih chuan thuhran.."

"Hrim hrim in ngaihzawn tlak anih loh hmel eee,i sawi dan atang khan."

"A ni ngawt bik lo.Sual chhan te kha anei ve tih hria la.."

"Ni ve tho mai..Nia,han hre chiang zel phawt la..hrim hrim in ngaihzawng atan i duh chi ani em?nge star mai mai atan?"

"Ka hrethiam lo.A chang chuan ngaihzawng tur ang chuan ka ngaihtuah ve thin tho.Mahse,ka chhungte hian an duh dawn lo lutuk tih ka hre nghal.."

"Nia tiraw..i chhungte hi chu aw...I pasal tur te hi an lo hual lawk daih tawh maithei asin tiraw..?" tih pah chuan ka khi vur vur a.Engmah a sawi zawm lo.Chutih lai chuan dawhkan a ka phone dah chu arawn nghawr ri vut vut a."Aw,enge?"

[Ngaia]

"I reh."

"Nia..Tetei alo haw a,chaw arawn ei a..kan buai ve deuh hlek a." Tetei chuan "Lalrinpuia ami?"ti in min lo zawt nghal vat a.Ka bu nghauh ringawt.

"I thian nu lo haw avang chuan min theihnghilh tur tihna kher ami?"

"Ka theihnghilh kher che ami"

"A niang chu i reh vang vang.."

"Aaa!i ngaihdan dan..ka insawi fel peih lo,i awih leh dawn chuang lo.." Phone ka dah nghal hmak.Ka ning!Naupang chhia ang mai a ti tau thlem reng hi.Ka thiannu lah chu a thu tum buau mai si.

"Lalrinpuia hi chu be tawh suh.Nangmah ania tuar tur.."

"Nia,ka duh vak tawh lo in ka hria..a mize naupang chhia lutuk hi ka hne tan tlat."

Rum tawk a min melh pah chuan,"I dap lutuk!Chutiang mai a awlsam chuan i duh lo ngawt thei lo.A harsa ve a nia" a lo ti vat a.

"Tak tak alawm..tunlai phei chu ka ngaihsak hman bawk si lo a..Ka atchilh tak tak lai kha apel tawh ani ber.Bakah,theihnghilh ka tum ve tak tak tawh a,alo lang leh a.Mahse,a hma ang chu ka ni tawh lo."

"A nih chuan a lawmawm nasa anih chu.Biak loh hlen hmak tum teh.A mah avanga hmuhsitna i tawrh nasat thin zia te kha ngaihtuah la.I theihnghilh ve vat mai ang."

Eng eng emaw kan sawi hnu chuan zan dar 8 vel bawr ah kan in thlah liam thei ta hram a.Ka ruak leh ta huai mai.Khum ah chuan ka bawk thlawp a,ka ngaihtuahna luah khat hmasa ber tu chu Zuheh-a.Tun ah te hian enge a tih ve ang le?Ka nutei nen khan an inkawm chu ka ring hauh lo.Nizan lam a min tih dan te kha a ngaihtuah let ve angem le?A hmel rum zet,mitmeng fiah kalh mai leh a hnar ngul sang vah te,a sam phir lek lek,mit ti kham em em si lo,a hmui phir, fawh it awm tawk lek a chhah lek lek te kha atak ram ang mai in ka mitthla ah chuan an rawn lang nghal zut zut a. Hmuh leh ka van chak tawh tak em!Ka hmuh leh hmasak ber ah chuan,engpawh ni rawh se.Min be hmasa emaw be hmasa lo emaw...ka zawh duh tam tak te kha ka zawt tawh ngei ang.....





"I hming ka hre duh.."

"Ngatan??"

"Ka hre chakk...khawngaihin.." Ka hma a ding chu a nui vur vur a.. Engmah a sawi lem lo..

"Mawhh?I hming chiah.. A dang chu engmah k zawt miah lo ang che.."

"ZUHEH-a.." tih pah chuan min rawn en chho ha a.A mitmeng leh hmel atang chuan hlim ruk na tak anei tih ka hre thei.Thlahnih liam ta a damdawiin a ka hmuh hnuhnun ber ai kha chuan alet tam tak in a tha tawh zawk.A inchei dan smart zet avang chuan ka hmu tha zual nge ka atchilh ve hrim hrim chu ka hre lo,mahse damdawi in kawr hak ai kha chuan coat-suit hak hi a let tam tak in a inhmeh daih zawk.Zu a nghei anga,a aia nunhlim leh tha zawk neih tum in a bei let ve ani ngei ang.

"Khate chu ka phuah sak che anih kha.."

"A nalh ka ti..Common lo bawk si.."

"Chimawm suh!"

"A nia lawm..Zuheh-a.." tih pah chuan a khi leh vur vur a.A luhlul em avang chuan a hming tak chu min hrilh dawn chuangin ka hre lo.

"A nih engvangin nge damdawiin atang khan ilo chhuah daih a?"

"Engvang nge ni vak a i rin a?" ka ngawi vung vung a.Sawi zawm tur ka van kher mai. A hmel leh landan te chu danglam tawh mahse a mize ngeng leh chimawm zet,ka duh em em kha ala danglam chuang lo.Ka chil chu ka lem leh khalh khalh thin a.Ka thinphu pawh a rang leh dawp dawp tawh hle.Ka tha khur erawh a hriat ka hlau takzet.Hepa lakah hi chuan insum hi avan har thin tak emm!Ka zam chhe leh dawn der chu anih hi...

"Ihhh,min hrilh ve tur che ania i chhuah dawn te chuan.." ti in beisei nei tak chung chuan ka ti thawp sat a.Ka zak leh hnuhnawh kher mai!

"Ka Doctor i ni ami?" Awiii!!!ka rin loh dan deuh a min chhan khurh chu!Ka sen nghal awp awp hian ka hria.Ka taksa chu a za mer mer a,ka sa chhuak vek thei.Ka sawi chhuak kher kher chu ka inchhir lek lek.Mi tih zah hi chu a thiam ve chiang alawm..

"Ka ni ka ti ami?"

"Nihchuan tinge ka hrilh kher ang che.."

"Englo,i khum bulah kan awm ve reng a.. Tiang te chu inhrilh a mawi ve alawm.."

"I nutei te kha chu ka hrilh reng alawm.. Hrilh ve kher i phut tih na ami?"

"Aihhh.."

"Nihchuan..tinge ka hrilh kher che chu a ngaih na chhan??" Ka dang leh ta..ka ngaihtuahna chu a kal buai nuaih tawh.Mi tawngthei leh hnial hrat tak chu ni ila aw..

"Ihhh..." ka ngawi vung vung a..

"Ihh..??" tih pah chuan chik zet hian min rawn melh a.Ka van hamhaih tak em!!

"Ka hre ve chak ani tawp mai.. Enge chutiang te min zawh reng a?Zawt chik lutuk!" Ka ti vin hlur tawh.Ka zak lutuk chu ka hah vek thei! Haha! Ka awmdan ka sawifiah thiam dan ber ani.. La tawng ve ngai lo in nih bik chu ka ring hauh lo.A then phei chuan kei ai in han chhan vel dan tur in hriat viau ka ring!

"Keipawn ka hre ve chak ani tawp mai.."

"Zuheh..!!!"

"Enge?!"

"I nghal,i chimawm,i sual.. "

"Vak vak che chuan.." tih pah chuan alo nui liam puat a.Ka zahna chu thinrim na ah a inlet tawh zawk ni hial in ka hria.

"Enge Lalrinpuia nen hian inkungkaih na in neih a?Engtin nge in in hriat?nga tinge a û te inneih na hian i rawn kal ve zel..?" thinrim tak chuan ka ti ta hmiar hmiar a.A sawi duh erawh ka ring chuang lo.Mahse,ka zawt duh ani.Eng ang tak a in hre chiang nge an ni tih hi ka hriat angai.

"Ka hming chiah min zawh i tum amaw ka tia.."

"Thil dang sawi daih suh... Min chhang rawh ka zawhna che chu.." Min en vung vung a.Ka lo en ve kar bawk a,ka khap eih lo.Chutah,zawi muang hian arawn kun hniam a.Ka beng bul ah chuan arawn thaw sa sa a.."Tun ah tak hi chuan kan inbiak tam loh hi a tha zawk ania.. Hrethiam hram laa..A nih phawt aw.." tih pah chuan min kalsan ta nal nal anih chu!Ka van khawngaih thlak leh tawh tak em!Tinge kalsan ka nih leh tak!!Tihsual ka neih awm ka hre si lova..Kei hian ka chan loh tur hi tinge ka lo duh buai ziah mai le?Thlahnih kal ta a a thusawi te kha a la theihnghilh bik chu ka ring si lo.Ka kut avawn na kha min thlah sak ta em ni?Ni looo,ka phal lo.. Zuheh!min thlah suh! I thusawi hlen la..min thlah tawh suh!Khawngaihin..



"Lala??!!" ti a min koh na ka hriat chuan ka phu chiang kher mai.Ka hma ah chuan Lalrinpuia alo ding reng chu ni in.

"Enge i ngaihtuah a?"

"Engvak mah.."

"Ngaihtuah muk deuh chu i nei.. Ti raw?" Ka nui suk ringawt..

"Rin,thil ka zawt ang che aw..."

"Aw..." Ka ngaihtuah a.Lalrinpuia hnen a Zuheh-a chanchin zawh chu tha in ka hre lo. Lo inhre ta se.... 'Engtin nge in in hriat?' 'Khawi atangin nge in in hriat?' 'Tinge kan inhriat dan chu i hriat chak a?' 'I duh tih na ami?' ...heng zawhna te hi ka chhan a ngai ngei awm si a.

"Enge min zawh duh chu..??"

"Ihmaw, i nu emaw i u emaw hian min tawngkhum in mawi lo takin ka chungah che leh ta se,engtin nge i tih ang?" ti in zawhna dang chu ka dap ta zawk a.Kan duhna ah hi chuan thluak hi kan vawrh vir thiam ve viau asin.

"Ka chhungte duh dan a ka awm i duh ngei dawn sia.. Delhi ah ka chhuk leh ang.. Mahse,ka duh dan chu ani lo tih i hriat kha.."

"Imm..ka hria e... Mahse, chutiang chuan ti ngei ngei ang che.." tih pah chuan ka nuih let var var a.Ka rilru a ka ngaihtuah erawh Zuheh-a ani.Thla hnih chhung kha chuan ka lungleng min hnem turin Lalrinpuia hi ka hmang kha ania..Mahse,min duhna thinlung hi ka pawm sak thei tawh lo ani.A hma kha chuan ka atchilh ve viau thin alawm.. Kan in ngaihzawn lai te khan nuam pawh ka ti ve thei lutuk.Mi bul a ka intih theih thin zia te kha.Mahse,anu leh a u vang hian ka danglam takzet tawh ani.. thil reng reng hian hun lai an nei vek a,rilru ngai reng hi a put theih ngai loh.Mahse,Hmangaihna erawh chu a lo danglam takzet ani.



Tlai lam ruai theh na a Zuheh-a bula hmeichhe awm chuan ka mit avan ti kham kher emm!!Ka hmuh tur ngei in ka ti mai,nge ka ngaih bel zawk pawh ka hre lo,an nui dun a..an ti ti dun a,an sam te an inkhawih sak thul.. 'Awm dan mawi lo tak ani.In ngaizawng pawh nise..' Ka ti rilru neuh neuh a.. Mahse,inkawp hlim tak te chuan ka thinrim zia leh ka thik ruk zia erawh an hre hauh lo.Ka van haw emmm!!! En loh tum a ka hawisawn lah in,ka rilru ah an awm ngut ngut a,ka hawi phei leh nge nge thin!Mahni inhremna nasa tak ava ni em!!!Chaw ei lai lah in 'Kha hmeichhia kha tunge?A bialnu nge a thian?' tih ringawt chuan ka rilru chu a luah khat a.Zuheh-a vang hian ka â lo chauh chu a ni.

"I eitui vak lo ami?Ka rin aiin i ei tlem aaa..."

"Ruai theh na angah hi chuan ka ei tam ngai lo hrim hrim.."

"Ka awih lo.. Tui i ti vak lo aniang.. "

"A tu em hiii... I tih loh zawk vang aniang.." ti in ka nuih let var var a.."Saw.. I nu alo phei ania.." tih pah chuan ka bag dawhkan a awm chu ka la nghal vat a..In thlahrun a na leh dawn a mang e..

"Nangni pahnih chu.. Ka hmuh dun che u hi ka beisei miah lo.. Vawiin ni ang ah ngat phei chuan.." ngeiawm leh deuh sawh hmel zet chuan min rawn melh nghal rawm rawm a.Keiphei chuan ka lo en tha ngam hauh lo.

"Nu, tunah engmah sawi ahun hrih lo ania.."

"Lalrinpui,i pa bulah car- chahbi va pe nghal rawh.. "

"A pa nen in haw rual dawn tho chuan keng phei nghal law law mai laaa.."

[Ngaia]

"I thiannu hi thil sawipui duh lawk ka nei aa.. Lo va pe phawt mai rawh.." Ava dead emmm!!!Ni eee,hemi hre lawk a kal kha ka ni reng alawm.. Chupawh Lalrinpuia thil duh,a tawp nan a tih hlawhtlin sak ka duh vang mai chauh ani..

"Rin,va pe vat rawh... Keipawh i nu hi thil sawipui duh ka nei alawm.. I hriat ve ngai loh tur thil..." Lalrinpuia nu mit tak a en pah chuan ka lo tih khum ngat a.. Zam na chhete mah ka nei tawh lo.

"Ka duh lo... Nangni pahnih hi a hrang in ka kalsan dawn lo hrim hrim che u..." Thil thleng tur chu kan hre chiang hlawm kher mai..

"I pa ka koh phei hma hian phei vat mai rawh... Lungngai suhh.. Ka rawn phei ve nghal vat ang.. "

"Rin,phei rawh... I rin ang khan engmah a thleng lovang.. " tih pah chuan a nuih khum sak a.

"Nihchuan,ka lo phei leh ang...ka rei lo ang.. Chua ka thlah ang che.." Kei chu ka lo bu nghauh a. Hreh leh peih lo zet chung chuan apa hnen chu min pan san ta a..

"Pi Pui,tun tum chu min sawi hmasak tir lawk rawh.. Sawi tur ka ngah zawk hmel tlat.. " ka tih chuan mak min tih hmel kher mai.. Ni e,ka mak tawh.. Aia upa zah na chang pawh ka hre tawh lo anih hi.. Tleirawl kum 18 mi lek kha ka ni tawh lo miau a.. Ka hma a MLA nupui,alan dan chuan mi zahawm zet,mahse,chhungril a nep em em si.. Mi hnuaihnung zawk te lak a inlak milen ching,a hmun leh hun hre lo tak, Ei ru nupui ve mai mai hii Zah taka ka biak reng nachhan tur ka hre tawh bik lo.. An tawngkam nasa tak tak te avang khan min ti danglam takzet tawh ani.

"I fapa hian min atchilh lutuk aa... Chu chu nangni chuan,ka atchilh emaw inlo ti let zawk hlauh a.. A awm tho mai kan dinhmun en chuan.. Bakah,hmanah kha chuan i fapa in min duh ai a nasa hian ka duh let thin alawm..ka pha lo.. Mahse,tunah chuan ka danglam tawh..Tleirawl kum 18 mi lek duh duh a hauh kawi theih kha ka ni tawh lo.. Ngaihzawng dang te nei in i fapa Delhi a a chhuk hnu phei kha chuan ka nun kha a hma aiin a hlim daih zawk.. A chhanchu ka bialpa chhungten min tawngkhumin ka chungah mawilo tak takin an che ve ngai tlat lova.. Diklo zawk chu i fapa hi a ni.. Delhi a arawn chhoh leh hnu khan kan in hmu leh alawm.. In danglam tawh thu pawh vawitam min hrilh.. Mahse,tunge mahni mize diktak thlak hlawk thei ngai.. Vawiin a ka rawn kal ve chhan chu.. I fapa hian ngen ngawl takin min ngen a.. A tap lo chauh.. Ka rilru ka siam fel a.. Eng thil pawh thleng se,i fapa duhthusam hi a tawp nan tih hlawhtlin sak ka duh vang chauh in helai hmun ah hian ka rawn kal... Nuam ka ti hauh lo.. Monu leh i hmel hmuh ngat phei chu.. I fapa vang chauh ani.. I fapa hi i hmangaih ve ngai anih chuan, a hlim na tur chauh ngaihtuah sak ang che.. Chu chu nu tih tur diktak ani.." Ka sawi tur ka sawi zawh meuh chuan ka thawl huai hian ka hria.. Ka kut chu ka hum ruh fan a.Ka inrintawkna leh huaisenna chu ka hlauh ang tih ka hlau takzet..

"I sawi ropui hle mai.. Tunah chuan i puitling ve tawh a ang.. Ka en chhin ang che... Ka fapa hian a duh viau che nge duh viau lo che chu... Keipawh ka danglam tawh alawm... Kut thlak che in mawi lo takin i chungah ka chet leh pawh i rin ka ring... Mahse, a thleng nawn tawh lovang.. Engpawh chu nise,i dinhmun i hre chiang tawh chu a vanneih thlak hle mai.. Ka kal phawt ange... Kan inhmuh tawh loh hram ka beisei... " Ka chhang tawh lo... A kal hnu chuan ka thaw huai a.. Nuam ka ti chuang lo.. Khatiang anga ka nu te ang rual hma a awm kha ka duh dan ani bik lo.. Mahse,ti lo thei lova min siam tu chu an mahni kha ani.. Keichuan ka zahawmna chiah ka ngai pawimawh.. "Tute pawh hian zahawmna kan nei vek alawm... Hausa emaw rethei emaw.. Kan retheih vang a an ni hmuhsit mai mai tur hi ka ni bik lo" ti in ka hriat tawk lek chuan ka phun chhuak sap a.. Lalrinpuia alo let leh tawh lem loh avang chuan inchhung chu chhuahsan in haw zai rel ka tum ta zawk a..

Ni chu a tla tawh na in,khua erawh ala thim lutuk lo.. Mahse,boruak erawh a Krismas ta ruih mai, avawt ve vur tawh.. Govt Mizo Higher Secondary School chu ka thleng thla hlawl mai a.. Ka lung avan leng emm!! Lalrinpuia nen a kan in hriatna School kha ani ve tlat a.. Gate- sir a luhna te ah chuan ka lut thla aaa... Tuma hmel hmuh tur reng reng an awm lo.. Ka chhukthla zel a.. Kan tun hma hun leh nunhlui te chu mit thla ah arawn lang nghal zut zut a.. Ngaih ber tur pawh ka hre lo.. Ka lung chu a leng tawp ani mai.. Chutia ka ngaihtuahna leh suangtuahna te rilru a ka kawm melh melh lai chuan,ka hnunglam atanga ke pen thawm ni awm tak ri lo chhuak chuan ka ngaihtuahna arawn la peng nghal aaa.. Ka kal lai chu ding in,hawi pawh hawi let lem lo chuan rang mangkheng in ka tlanchhe nghal vat a... Ka hlauh zia khaa.. !!Mahse,khaw en lai em em a nula pumpa ve si,hlauh han neih tut chu ti rilru chung in Arts building kawtah chuan ka ding hlawl a.. Hnunglam chu ka hawi let leh aa.. Ka mi hmuh erawh ka ring thei hauh lo..!! Ka mit vai emaw ka ti hial zawkk.. Ka rilru a hlauhna chu hnar a hlit phawi ang mai ani!A bo nghal vek... Hlau thlabar a ka lo tlanchhiat san dawr dawr kha... Tudang ni lo in Zuheh-a..!!!



A kekawr ipte zen chung a zawi muang a ka lam pan a alo phei chu ka thlir reng a..A hmel inring tawk lutuk te, a pian mawi em em tuam mawi lehzual tur a,coat-suit body fit a hak te chu ka hmu hmaih hauh lo.. Awm dan tur hriat thiam ava har em!! Zuheh-a nen, kan pahnih chauhin.. Chupawh hmun romantic lutuk ahh!! Awih a har lek lek.

"Tlan zel ta che.."

"Ka duh ami?"

"A niang chu i tlan vak..!"

"Ramhuai emaw ka tih vang mai mai che anih kha.. "

"Ramhuai???!!!" A nui ta vak vak a.. A ngaihna ka hre lo takzet!

"Enge i nuih vak a?I mawl amii??"

"Imm...ka mawl chu anih tawh ber hiiii.." tih pah chuan a khi leh nghal vur vur a. A â tak tak tawh anih hmel.

"A reng rengin enge i rawn tih ve a?"

"Enge i rawn tih ve zawk a??"

"Kan school hlui a nia... Ka fang kual.. Nang hi, min zui ru chu a ni em lo maw?"

"Zui ruk che i duh mi?"

"Aihhh.. Min tih thaih peih dawn emai.."

A nui suk a.. Engmah a sawi zawm lem lo.. Minute rei lo te chhung chu khuavang kal lai ang mai in kan reh dun deuh vang vang a.Ka zak ru lek lek zawk. Ka hmai zawn tak a rawn kun hniam pahin chik zet chuan min melh kar a,"Tleirawl kum 18 lek,duh duh a hauh kawi theih kha i ni tawh lo tak tak em?" A rawn ti thawp sat a... Min la nuih ver ver zui..

"Nangpa hiii... I lo hre vek ami?"

"A then then.. "

"Mi tawng ngaihthlak ruk pawh ila sim lo chu anih hmel.."

"I bawn ka ti... Ka nutei te chu The Man - i a sin.. A pa teh mai ania aw.." Tihpah chuan a nui vur vur aa... Ka hriat duh pakhat chu ka hre ta.. Lalrinpuia nu hi Zuheh-a nutei maw alo nih a?? A mak lo hran lo ve... A chhungte leh a u nula senior-i te mizia tur awm ang ka ngaihtuah phei chuan,awm hliah hliah hi ka ti.. Mahse,engmah ka zawt zui lovang.. Ka zawhna chhanna thenkhat chu ka hmu tawh bawk a.. Ka var ta kuar mai... A bak chu hun hian ala her chhuah pui thuai ka beisei..

"Chuvang alawm ka hlauh em em.."

"Hmeichhe mak tak hi chu i ni ve ani.." Ka nui suk ringawt. Kan thlang a thutna awm ah chuan ka thu a.. Ka hma a tlangval ding chu en reng pah chuan thawk kan la deuh halh a..

"Zuheh..??"

"Imm..??"

"Tinge damdawi in atang khan i lo chhuah daih a?"

"Chu bawk chu maw?"

"Imm...ka hre chak alawm.. Diktakchuan..." ka ngawi deuh vang vang a.. Mahse,zah chhan tur nei in ka in hre tawh lo.. Ka ngaidan chu bawhchhia in, ka rilru diktak chu zep reng tul in ka hre tawh lo.. Min duh emaw,duh lo emaw..

"Diktak chuan..??" tih pah chuan min rawn en a.

"Hmuh leh che kha ka chak lutuk aa.. Ihh,phur tawkin ka rawn kal ve a.. Mahse,i hmel hmuh tur lo awm tawh lo kha chu a hrilh hai thlak ve reuh lutuk.." Min en reng pah chuan ka thusawi chu alo ngaithla kar a.. Min ti lai lek lek..

"Ihmaw... Zuheh,ka.. Ka ngaih theih zia che chu hria la..." ka tih lai mek chuan ,"Ka hria alawm.." min lo tih khalh a... Mak ka ti lutuk.. Ka zak deuh reuh bawk siii..

"I hria maw? Engtin? "

"Ka antenna hi a tha lutuk ka tih kha.." tih pah chuan arawn nui vur vur a.Ka ngei ru kher mai..

"I van sual tak!" ka ti tum bur a.. Ka beiseina a san tawh em avang chuan ka pangchang sawt tawh kher mai..Mahse,a bul a ka awm tawh hi chuan ka tha a khur a,ka inrintawk na te hi an bo zo vek thin..

"Naupangte,ka chhuah hma zan a ka thusawi kha ila hria em??"

"Imm.. A vaiin ka la hre vek.." Ka lo ti thuai a... Ka phur ru takzet..

"I awih ami chuan?"

"Enge i sawi tum??"

"I awih ami ka tia lawm.."

"Zuheh..!!" Ka zak ru takzet tawh... Khami zan khan thil tam tak a sawi alawm.. Mahse, dawt vek an ni ang a maw??!!Ka van hrethiam lo emm!!

"Naupangchhia lutuk!" a rawn ti chhuak sap a.. Awm dan tur ka hre lo.. Ka zak bawk si.. Min fiamkual vel mai mai tih na em ni??

"Min rawn zui ve dawn em??"

"Aihhh.."

"Ole.. Nihchuan, mangtha aw..."

Min kalsan leh ta... Ka rilru chu a na ru takzet!!Mahse,tih theih nei in ka in hre lo.. A kal tur kha dan ka duh.. Mahse, ka thei lo.. Hnawl ka ni tih na em ni??Ni lo, Zuheh-a hian beisei na min siam sak tawh a.. Min thlah mai mai loh tur thu pawh min hrilh alawm.. Thusawi hlen ngailo mihring anih ka ring lo... Ka rilru a buai takzet ani..!!Thim zingah,boruak vawt zet karah chuan,hlauh nei miah lo in mahni chuan ka thu kur a.. Nidang chu nise,ka hlau leh tawh ngawt ang... Mahse, Zuheh-a vang hian ka danglam takzet tawh anih hii.. Enge ngaihtuah ber tur pawh ka hrethiam tawh lo... Ka beisei san dawn viau lahin,ka beisei angin a awm ngai bawk si lo.. Beidawn dawn in beisei awm takin a awm leh zel siiii.... Zuheh, mi hi chu i van ti â hneh tak emm ti raw??!!



Krismas thlen nan kar khat chiah in min dang ta.. Boruak pawh a huau huau tan tawh kher mai.. Kawnchei mawi tak tak han hmuh te leh krismas hla han ngaihthlak ngat phei hi chuan rilru hi alo hlim ve veng veng zel.. Mahse, hnawl ang mai a kalsan a ka awm ni atang khan hlim tak te hian ka hlim thei tawh lo... Khami ni atang khan Zuheh-a chu ka la hmu leh reng reng lova.. A lak a beiseina ka neih erawh ala dai chuang lo.. Nitin a ka ngaihtuahna leh ka rilru la tibuai em em tu ala ni reng tho.. Ka theihnghilh thei lo chu ka ti lova, theihnghilh hi ka phal lo mai chauh ani..

"Hmanhmawh ve deuh tehhhh... Kan tlai lutuk dawn..Bakah,Raphael an min nghak reng ania.." tih pah in Tetei chuan bathroom kawngkhar chu a rawn chum ri dawt dawt a.. Thawm na lo chu alo nih bik tawp loh hi...Bathroom kawngkhar hawn pah chuan,"Tunge chu chu??" ka lo ti thuai a..

"Ka thinlung Lalpa.. Ehh!!" tih pah chuan a nui nghal uarh uarh a.. Ka lo ner khum sak ringawt..

"Tak tak ana!Ka star pa ka sawi kha..." a tih zawm leh nghal a..

"Tu ber???Nang chu i ngah tawh e... Ka hre seng lo..."

"A makkk!!!!!! Sual deuh ka tih khaa.. Bangalore a kan awmpui..a chhungten an rawn la chho ka tih kha...A mak eee!!!Khawnge i beng hi ilo dah thin aa??!!"

"Haha!!!Tee,khapa hnu ah khan engzat nge i star dang hi min hrilh leh tawh... Awiiii,beng pahnih chiah ka lo nei hi chu a pawi ngawt mai aw...!!!"

"Ni tho mahse ka sawi ngun ber alawm.."

"Ka hriat pawlh hlawm vek tawh.." tih pah chuan ka lo khi vur vur a.

"Lala... Tinge nang hi hman ni a Lalrinpuia û te inneih na a i kal tur thu kha min hrilh ve miah lova..??"

"Kal lo tur in min ti dawn sia..."

"I hre dik chiah anih chu..."

"Ka ti tawp tawh..."

"Eng chu...??"

"Lalrinpuia nen a kan inkar mawle..."

"Ka awih leh chuang lo ve a(h)!A hma pawh khan,'Ka duh vak tawh lo..ka hne de dei dei...' i tia... I zui leh hna hna tho khaaa..." Ka nui suk a,"Niaa,mi pakhat theihnghilh ka tum vang ania.. Mahse,chupa chu ka theinghilh thei chuang si lova... Lalrinpuia chu ka thlah ta mai... A rilru tih nat zel kha ka duh tawh lo a.."

"Tunge chu pa chuu??" Phur hmel zet hian arawn ti nghal thuai a..

"Tunge a hming pawh ka hre lo... Mahse,Lalrinpuia te chhungte ani tih chiah ka hria..."

"Engtin?"

"Lalrinpuia nu hi ka nutei atia.."

"I lo van in zep thei tak!!!Engmah ka hrilh tawh ngai bik miah lovang che..." Ka lo nui vur vur ringawt a.

"Hrim hrim in nang hi chu aw... Lalrinpuia leh a thlah te hi chu i thlah thei lo ve ngawt mai ti raw..??" Ka chhang tawh lem lo..

"Tah hian lo nghak mai ang...kan call chhin a nge.. Uiii!!min ngei ngawt ang,kawng hnuai zawk ah min lo nghak ve char char awm sia.." tih pah chuan a thianpa chu a call nghal a.. An thusawi erawh hriat ve ka tum lem lo.. Ka phone chu ka hmet eng a,chawhma lam dar 11:11 chiah chiah.. An sawi hi chu ka hre ve thin... '11:11 hmuh fuh hian kan ngaih deuh ten min ngai let ve thin..' tih hi.. Awi phei chu ka awih lem lo... Mahse tun tum chu enge ka hriat ni.. Van lam chu ka hawi cho vang vang a..."Zuheh,ka ngai lutuk che.." ti in ka hriat tawk lek chuan ka phun chhuak sep a.. Ka nuih a za leh hnuhnawh kher mai.. Tetei awm na lam chu ka pan nghal a.

"I call tlang thei em??"

"Aw... Mahse,bike alo keng a.. In garage kha ka lo kawhmuh ve hmiah asin.."

"A pawi hleinem... Ka putea te ho hi an chhuak vek tho a.."

"Eee!saw alo thleng... A hriat laiin min chhaih miah suh ang che.." min la nuih khum ang vur vur a.A phur thak takzet ani ka thiannu hiii.. Kan hma ah chuan KTM Duke bike nalh zet chu a rawn ding ta ruau mai le.. A pian,inchei na leh a bike khalh chu a inhmeh vel vek in ka hria.. 'Tun tum chu a neih chhiatloh ve hmel khawp hi..!!' ti rilru chung chuan ka thiannu star pa chu chik zet hian ka lo thlir a.. A full face helmet an la thla chiah mai chu(h)!!Awiii kareiiii!!!Zuheh-a!!!!!



Aw Lalpa!!! Ka thiannu lo duh em em chu Zuheh-a hi maw??Awih ava har ve.. Min van thawng teh thut emm!! Tinge a ni kher??Mipa dang tam tak an awm asin.. Engtin nge ka tih tak ang?? Tetei hnen ah hian 'ka mipa duh ber chu i thianpa Raphael-a i tih hi a nia' ka ti mai dawn em ni??Ni lo,ka thei lo.. Ka thiannu hlim hmel hi Mak tihna in ka thlak sak thei lo ang..

"Hei hi ka thian tha ber Angela Lalremruati anih hi.." tih pah chuan min rawn nuih vur vur a.. Za lo zet a lo nuih let pah chuan Zuheh-a chu ka en reng a.. Ka rilru a van na emm!!

"Ka hmuh hnu a ang ngei mai.." tih pahin a kut chu min rawn pe a.. Mak ka ti lutuk!! Min hre lo der a maw??Rilru nat tawh sa nak alaiin min hre lo der leh zel amaw?? Zuheh, nang tluk a min hre chiangtu hi an awm lo ang!!Ka thinrim tun mai hian ka hria.. Ka zak ru takzet aa.. Awmdan dan tur ber pawh ka hre lo..

"A ni mahna.." tih pahin ka kut chu ka pe ve mai bawk a.. Tetei chuan chik zet a min rawn en pah chuan,"In lo in hre sa a maw?" alo ti deuh hu a.. Mak a tih hmel takzet.

"Aihh.. Keichuan ka vawikhat hmuhna a ni.." Zuheh-a chu ka lo tih khum ngat a.. A lo nui suk ringawt.. Mak ti hmel pawh a pu lem lo.. Ni e,ngeiawm tak tak a min awm khum thin hi chuan min ti na takzet thin a ni.

"Tee, kal vat zawk ang u.. Kan tlai lutuk hma hian.." Ka tih zawm lehnghal vat a..

"Niaaa... Raf, i bike chu tah sawn va dah lut tawp mai rawh... Hei,Lala-i te garage hi ani tho a,engtin mah min ti lovang.. " ti in Tetei chuan kan garage lam chu a kawk a.. Thu awih zetin Zuheh-a pawh chuan a ti ve mai bawk a.. Tichuan,bazar pui lam pan chuan kan inzui chhuak ta hnak hnak hlawm a..

[Ngaia]

An hnungah chuan ka zui ve zel a.. An hlim hmel hmuh chu ka tan a nuam viau lo.. A changin an inkai a,an in nuih a,an inbe mawlh mawlh a.. Tetei chuan ka awm ve tih pawh a hre tawh lo ani mahna.. Ka dem lo.. Mahse,ka rilru chhungril hi chuan a dem a,a haw takzet a ni.. Diktakchuan hrehawm ka ti!! In ngaizawng pahnih te bul a lo awm ve kur chu inthlahrun a na duh takzet!Zuheh an ka hmuh tur ngei a an duat vel phei kha chuan,keimah leh keimah hi ka insit ngawih ngawih. Ka chhungril hi a na takzet ani. Chemte a chhun ang mai hian a na zek zek ni berin ka hria.Awm ngaihna pawh ka hre lo.. Ka hmu dun reng anih chuan ka â thei mai dawn in ka hria. Ka tah a chhuak lutuk ringawt!Mahse,mizing a han tah em chu ni thei in ka hre si lo. Mipui awmkhawm bawk nen,boruak chu a ipik takzet.Ka tawt lutuk chu ka thaw chhuak leh halh halh thin a.Mahse,min hrethiam ang tih erawh ka hlau kher mai. Zuheha chuan amah avanga ka nâ hmel chu hmu se ka duh lo hul hual. Ka tap lai ngat phei chu.

"I ril atam tawh em Lala??I hah tawh ngawt lo maw?" ti a Tetei'n min rawn biak deuh thut avang chuan ka phu deuh zuk a.

"Aihhh..hah love.. Thil in ei duh anih chuan ka eipui hman tawh che u ka ring lo.. Nichin khan Rp-i'n min rawn call a.. Ka kawr a lam theih tawh a,a inkhar hma duh dawn sia..ka hawsan mai che u a ngaih hmel.." ti a ka sawi chu Zuheh-a beng alo ver deuh vuai nge ni..arawn hawi nghal thuai a..ka mit sir chuan ka lo hmuh hmaih hauh lo.

"Thil kan ei phawt a nga i kal mai dawn alawm.. Ei zawh law law ah kal rawh.. A fair lo emai!!"

"Dar 1 ah chhuah na tur ka nei atia.. Tun ah 12 leh a chanve ari tawh bawk sia.. Hun a tlem tawh em alawm,kal chhung nen phei chuan.. Tikhan in pahnih khan lo ei ula,in eitui daih zawk ang.." tih pah chuan ka nuih lui var var a.. Avan awlsam lo em!

"Naa! A awm alawm! Ka hre rei viau ang.." A tum nghal bur a.

"Ngailo,hre rei lovang.. Bakah,ka lo awm ve reng hian ka hnawk sak tlat in ka hria.."

"I van in hre har.." tih pah chuan Zuheh-a chu a rawn nui suk a.. Ka van haw kher em!Chhang lem lo chuan ka nuih liam pui ta mai mai a.

"A nih phawt uu.. Lo in hau lo ulaa.."

Ka kalsan ta a.Mahse,khawnge ka kal tak ang?Tu hnen ah ka rilru natna te hi ka bun ruah tak ang?Hmeichhia chuan kan rilru nat ber lai leh hrehawm ber lai chuan in puanchhuahna leh kan rilru natna te min tawmpui a,kan thusawite min lo ngaihthlak sak turin in hnemna leh thurawn min petu tur kan mamawh thin.Mahse,keichu ka thian tha ber,ka in puanchhuahna tur leh ka thusawite min lo ngaihthlak sak tu tur a ka ngaih chu, ka Mipa duh ber nen.. Min hre chang lek lovin..!! A nâ ani! Ka sawifiah thiam thlawt lo.. A nâ ngawih ngawih!! Sawifiah thiam lo mah ila in hrethiam tho ang chu ti raw? Hetiang khawp hian em ni Chhan loh Hmangaihna hi alo nat a??Lalrinpuia chhungte min hauhna tawngkam leh min hmuhsitna te kha chu tun ami lakah hi chuan nep tak ani!Ka awmna chu Electric veng ni ngei in ka hria.. Duh duh na lam ka pan hi ani ringawt.. Step pakhat,mi kalpawh lutuk lohna ah chuan ka thu hnawk a.. Zah pawh ka dawn tawh lo,dawn thei pawh ka ni hek lo.. Ka melh ngai chu k melh ngar ngar a, ka mittui tla tur erawh dan ka tum buai tawh lo.. Theih chu nise ring tak tak a tah chhuah hawk hawk chu ka nap a.Mahse,engtin nge mi in min ngaih ang??Ka â emaw min tih loh pawn,hmeichhe enge maw tak ah min ngaih ngei ka ring.. Mahse, ka thil tawn hi rawn hrethiam pha ve hauh si lo le..



"Angela??!!" ti a min koh na lam chu rang tak in ka hawi thuai a.. Ka zak lutuk!Ka hnung ah chuan ka bialpa hlui Zomuanpuia chu alo ding kur mai a.. Mak tih hmel zet in min la en hau leh nghal.. "Ehee!!Zomuan,enge i rawn tih a??" tih pah chuan ka mittui,ka biang a luang chu ka hru hul nghal mawlh mawlh a.. A hmu hman ang tih erawh ka hlau hle!

"Ka haw dawn.. Enge heng tiang tiang ah te i tih a??" Ka thutna atanga thawh chhuah pah chuan,"Engmah,ka lo thu mai mai a.. Thil te ka lo ngaihtuah a.." ka han ti a,ka mawngbal chu ka bengfai nghal mawlh mawlh bawk a.. Chutia ka che vel min lo thlir reng tu chu ka zah ru kher mai.Kan in hriat tirh atang a tunhnu thleng a amah ka la zah ber ber tum ani thei hial ang.Chik zet chuan ka hmel chu arawn en chiang a.

"I tap a law??"

"A teuh loh mai.. Nge ka tah ngawt ang a??" tih pah chuan ka nuih vur vur a.. Ka van zak tak!

"Khawnge i kal reng reng a?" Ka tih zawm lehnghal a.

"Music class ka kal a.. Nang zawk??"

"Bazar ah ka kal lawk a.." Kan ngawi dun vung vung a.. Sawi tur avan vang duh kher em!!

"Lo leng laa.. Kan in thar pawh ila rawn en miah lo ania.." a rawn ti chhuak hlawl mai a.. Mak ka ti ru lutuk!

"Nia.. Mahse,a zahthlak ve deuh lo maw?"

"Enge zah tur awm?Chhuk ang,ka room ah kan awm daih dawn nia.. I hmel ka en hian,zawh chak deuh deuh che ka nei.." tih pah chuan a rawn nui sen sen a.. Hnial ka tum buai peih lo.. Tunah tak hi chuan tupawh nise,eng ang mi pawh nise,hnem tu ka mamawh takzet ani..



A room kan thlen chuan thlutthleng sei pakhat awm ah chuan ka thu a.

"In van hausa tawh bik em em.. Tunah chuan in in a rawn len pawh a zahthlak tawh zawk.."

"Min hmusit ve tih na a mi?" tih pah chuan a rawn nui vur vur a.

"Teuh loh! Ka hmuhsit phak pawh in nih tawh loh hi.."

"I chimawm emai a(h)! I ril atam em?" ti a min zawh chuan dawt ka sawi buai peih lo.. "Aw.." ka lo ti hmak.Computer chu a on a.

"Tikhan lo thu la.. Eitur ka zu zawng ang.. Ka rei lo ang.. I duh leh hla te kha lo ngaithla la.."

"Imm.. Tui deuh deuh aw.."

"Teh reng mai... Mahse,lo tap tawh suh aw.." tih pah chuan min nuih vur vur a. Lei ka lo chhuah khum vak ringawt!Pha buai thei ka ni lo. Min hmu chiang em atin ni!

Computer a hla chu ka play a. A room chhung ah chuan ka vei ka vei a. Ka ngaihtuahna chu a ruak huai mai.Tukverh ah chuan ka dak a. Ral leh lam chu ka thlir ngut ngut a.. Ka ngaihtuah ber erawh ka hre lo. Chutih lai chuan,Computer ah chuan ka hla duh zet chu a rawn zai ta riai mai.. Ka rilru in ka lo zawm pui nghal vat a..

'Tiny heart

Stuck inside yourself

When will you open up for me

I love you so

I wanna meet you again

Before one of us must go



Your lips touched every hand but mine

If you choose me,I'm waiting for you

If you choose me,I'm waiting for you

Always waiting.. ' (Flyleaf - Tiny heart)

"Tinge nichin khan i lo tah a?" Ka hma a thu chuan min van en chik kher em!Min ti zak lek lek dawn alawm.Chhan dan tur ka hriat lawk loh avang chuan ka ngawi reng a.

"MLA fapa vang kha mi?" Ka lu chu ka lo thing vat a.

"A nih eng vang nge?" Ka ngawi reng a.. Han sawi tan mai dan tur ka hre lo.

"Min chhang teh.. I bialpa hlui pawh ni mah ila,i harsatna hi chu min hrilh ve vek la ka duh.. Diktak chuan,kan in ngaihzawn chhung zawng khan i mittui hi ka la hmu ngai miah lova.. Mahse,eng thil in nge i mittui hi ko chhuak ka hre chak takzet.." A mit ah tak chuan ka en reng a.A hmel a zawhna tam tak lo lang te chu chhanna pek ka chak tak zet. Mahse,engtin nge ka sawifiah ang?'Kei hian ka thiannu bialpa ka atchilh a..' ka ti mai dawn em ni...??Thawk chu ka la halh a.

"Zo, ka danglam vek tawh in ka hria.. Ka awmdan pawh hi ka in hrethiam neih nuaih tawh lo."

"Tinge??Enge i chungah thleng a?"

"Duh deuh ka nei a.. Ka Hmangaih chu ka la ti ngam chiah lo.. Mahse,ka atchilh ni ber in ka hria.."

"Tunge aniha?A duh lo che ami?" Ka lo bu nghauh a.

"Ka rilru nat zia chu ni mai.."

"Chuan,khita ilo tah chhan kha chuvang chu maw?"

"Imm.. Hnawl ka ni alawm..A na em ani Zo.."

"I danglam tawh tak tak anih kha.. "

"Nia.. Nasa takin ka danglam tawh.."

"I nep lutuk!Mipa pakhat vang mai mai a mittui i seng kha.. I nep takzet.." Ka lo khi suk a..

"Ka thian tha ber nen in ngaizawng lo se chu tiang hian ka awm bik ka ring lo.."

"Tetei nen maw?"

"Imm.."

"Tetei chuan i duh tih a hrelo ami?"

"Hre lo..engmah ka hrilh ngai lo.. Kei aiin an in tawng hmasa tlat a.."

"Enge awmzia??An in ngaizawng tih hre reng chungin i duh tho a maw?"

"Aihh.. A hran ve ve in kan hria.. Tetei hian a star thu min hrilh thin a.. Keichuan ka hrilh ve ngai lem lo.. A star pa chu ka la hmuh ve loh vangin tunge anih ka hre lo a..Chuan,vawiin khan kan pathum chuan bazar kan kal ho a.." Ka sawi zawm thei tawh lo.Ka mittui rawn luangthla chu ka hru mawlh mawlh a.

"Min hrethiam rawh aw.. A na em ani..!"

"Tetei nen in inkawm thin tih a hria em?"

"Ka hre lo.. Hriat chu ka ring chiah lo.. An phai awmna atanga in hria an nia.. Keiin alo chhoh hnu ah ka hre ve chauh bawk sia.. Ihmaw,chupa chuan ka duh tih pawh a hre vek..beiseina pawh min siam nasa lutuk.. Mahse,ka beisei san viau vang nge.. Rilru na tak in ka awm phah ta nih hi.."

"I duh tih a hria a.. Chuan,engtinmah a ti lo che a maw?"

"Ka hrethiam lo.. Min duh ve ang deuh deuh kha chuan a awm ve thin.. Mahse,tunhnu hian a danglam takzet ani.." ka ti tham tiak a..ka mittui erawh ka dang thei tawh e. Chutia Zomuana bul a ka in bunruak chu ka thawl huai hian ka hria.. A chungah pawh ka lawm ru kher mai.

"Ka hrethiam e.. Mipa hi chu kan mak ania.. Kan lak a an induh viau leh beiseiawm loh deuh a an awm hian kan duh na hi a zual telh telh zawk a.. Min duh huam huam a,keimah ni a beisei an neih ruk deuh hian an beisei dan loh deuh a awm hi nuam kan ti leh lawi sia.. Chu chu i hria ti raw?"

"Imm.. Mahse,Zuheh-a bul ah hi chuan ka chapo na zawng zawng te hi an bo vek zel a... Hrehawm ka ti lutuk keimah pawn..Ka in thunun thei lo ani ber.." A rawn nui chhuak hak a.

"Zuheh-a tih chu a hming maw?"

"Aihh...ka phuah sak a. A hming diktak te chu Raphael-a.."

"Tinge chutiang te i phuah sak a?A zak ve lo ami?"

"Ka nutei pasal damdawiin a ka awmpui lai a in hria kan nia.. K' ward ah khan an awm ho a.. Zu vang ani tih a chiang vek alawm.."

"Haha!common lo e..!" tih pah chuan a nui vur vur a.

"A mah pawn ati lawm.." Ka nui let ve var var a.

"Chuan,engtia awm zel nge i tum tak?I la duh reng dawn nge theihnghilh i tum?" Chu zawhna chu chhan har ka van ti em!!Ka ngawi reng a.. Ka rilru a buai takzet!

"Mawhhh??Min chhan dan a zirin puih theih dan che pawh ka hre maithei ania.."

"Engtin?"

"Min chhang phawt la... Min chhan phawt loh te chuan sawi tur ka hre bik hleinem.."

"Ka hre lo.. Duh reng tawh loh chu ka duh.. Thiante,bialpa lo ngaihzawn ruk reng chu a tlawm thlak e mai.. Mahse,ka theihnghilh phal lo.. Zuheh-a hi hriat reng ka duh.. Ka ta ni thei dawn lo mahse,hriat reng ka duh.. Pasal ka neih a nupui aneih thleng pawn hriat reng ka duh.. Pitar putar kan nih a,tu tam tak kan neih hun ah pawh.. Ka thih hma chu ani hi hriat reng ka duh ani.."

An inkawt zau nuam zet ah chuan kan ding dun a..

"Lala,puih che i duh em?"

"Engtin?"

"Ihmaw, ka hmuh dan chuan Zuheh-a i tih khan a duh loh vang che ni lo in,i rilru a fiah duh vang zawkin a chhang duh lo mai mai che ani lo maw?Mipa hian kan duh tak tak loh te hi chu beiseina kan siam sak reng peih lo ania.. Beiseina kan siam sak fo tawh chin ah hi chuan kan thlah mai mai ngai lo asin.."

"Chu thu chu ani pawh khan min hrilh.. A nih chuan min duh i ring tih na ami??"

"Imm..ka hmuh dan ah chuan.. Tawngkam ngei a i hrilh hun a nghak pawh alo ni maithei a.." Ka ngawi vung vung a.. A ni ve thei tho chuan ka hria.. Mahse chutiang chu lo ni ta pawh nise... Engtin nge Tetei hi ni ta ang??A atchilh ve ropui si a... Keimah chiah in ngaihtuah in ka thiannu hlimna chu ka laksak ang maw..??