Haven BY Natasha Hrahsel (Completed)

Moderator: writers

Ngaia
Site Admin
Posts: 26232
Joined: April 30th, 2016, 4:07 pm

Re: Haven BY Natasha Hrahsel (Completed)

Unread post by Ngaia » May 12th, 2024, 6:54 pm

*HAVEN* ch~25 last







"Daphne "





"Ka zawhna che chu chhâng rawh " ka ti that






"A taksa atanga kan hmuh ..."






"Dawt min hrilh suh U Joseph " ka ti sep a , thawkzîn hmel fe in athaw chhuak ta hawk .







"Tunah hrih chuan engmah kala hrilh theilo che , mahse min ring rawh nilo Liansanga ring turin ka duh che "






"Ala dam ani tiraw ?" Ka ti tham chhal a , ka beiseina kha athlawnlo , ala dam...ka pasal tur chu ala dam chiang ani .
"Atha em?khawnge a awm? Tinge a reh vang vang ?min hmu ve châk lo em ni ?"zawhna chu ka zawt mawlh mawlh .







"Daphne ..aman hrilh che se atha zawk ang , tunah hrih chuan Liansanga dam thu hi hrelo angin awm hrih rawh .I him zawk nan leh amah pawh ahim zawk nan " a ti nghet charh a , ka mi ngaih em em pa mi zawng zawng in a thi tawh ni a an sawi kha ka beidawnsan loh zia ahre ve angem ?
Zan tam amah ngaia ka rûmna te hi ahrelo nge tinge ka hma a a rawn inlan miahloh le ?







U Josepha chuan zawhna ka zawh belh zel a hlau nge chhuanlam siamin a chhuak ta daih a , ka room ah lutin ka hlim em vang nge pawh ka hrelo ka tapchhuak hawk .
"Bawihte ipa chu ala dam tak tak asin " ti sep in ka dul chu ka chûl a ,dam tha reng chu tinge thla nga chhung te meuh chhung pawhin vawi khat tal min rawn biak emaw minrawn hmuh atum loh le ?
Ani hi a accident na nghawng vangin min theihnghilh te hi ani mai lo maw ? Nilo...anunna ai pawha ahmangaih hi mim theihnghilh lul lo ang .








Harhchhuak thutin ka tlânchhuak a "nute khawnge u Jospeha kha ?" Ka ti nghal thawr .

"Va mak tehthut ve pawnah khan a chhuak mai mai anilo maw " alo tih chuan pawnlam ah ka tlânchhuak nghal thuai .







Kan sintex hûn na bulah ph hmang ni awm tak hian a awm a , pan hnai in abiak dan atang thil pawimawh tak anih hmel viau bawk .







"Liansang a hrechhuak tawh " a tih thawm ka hriat rual chuan ka penlai ka tawp chawt a
"Kal teh , ka hrilh hlek lo e " a tih hluk chuan ka thaw hak .





"Ph kha min pe rawh " ka tih rualin rawn hawiin phawk zet hian min melh a , a ph ken lai chu chhuhsak hmakin. "U Liansang" ka ti sap .
"Ini tiraw ? U liansang " ka ti nawn leh ngat .A reh vawng vawng hnu ah ipik hmelzet a rawn thaw chhuak hrawkin "Bawihi " a rawn ti thûm ruih .


"Ila dam! Ila dam tak tak ! Khawnge i awm ? Itha em ?" Ka ti nghal mawlh mawlh .






"Bawihi" a rawn tih leh sup chuan "min ngai ve miahlo ani tiraw ?" Ka ti sep a , a rawn thaw ri hrawk mai .
"Ani em ? Zantam nangmah ngaiin ka muhil theilo thin a ,mi zawng zawngin i thih tawh thu leh hmalam pan tura min tih pawhin ka pawm ve ngai lo .Ka hma a irawn inlan thut beisei in nitin hun ka hmangral thin a ,mahse ...tinge...tinge vawikhatmah min rawn biak pawh i tum loh ? Thlahliam a kalsan tak tak tur che in min duh zawk em ni ?" Ka thusawi tawp lam ah chuan "Daphne " a rawn ti chang hrawk .







"Thla nga....thla nga teh meuh aliam tawh U Liansang ,theihnghilh tur che in min duh em ?" Ka ti tiau a
"Nilo ...Bawihi engkim..engkim ka chingfel thei tep tawh , ka rawn pan thuai ang che " ti nghutin ka chhanve hma chuan line a in cut zui daih a , phone chu ka melh ngawt ngawt ringawt .
Ka thinrim a , ka lawmtho bawk si !
Ala damtha tih ka hriat vangin ka hlim a , mahse khang thla liam ta chhunga vawikhat pawh min rawn belo kha ka thinrim viau thung si !








"Daphne Liansanga thianpa ka nihna ang nilo in , i û anga ka inngaih vang zawk in ka hrilh ang che .Engkim Liansanga thiltih zawng zawng hi i him zawk nan leh amah leh midang ngei pawh kan him zawk nan a ti ani .Chu chu ring tawp turin ka duh che , kei leh i chhungte thusawi nilo chu awihlo la , i hnaih tak anga i hriat kha ring bawk suh . " u Josepha chuan ph min laksak pahin a ti charh a , a thutak viau bawk .Enge awmzia ! Engnge ka hriatve loh awm ?








"Atir atang i hresa vek em ?" Ka ti hrawk , ka tahchhuak ka insum nasat lutuk vangin ka hrawk a thîp hlar bawk .







"A tir atang chuan hrebiklo , mahse Liansanga ni a kan ngaih kan vuiliam tukah khan mipakhat in minrawn bia a , Liansanga ala dam thu leh ka tanpuina amamawh thu min rawn hrilh .Ka thianpa ala dam ka beisei tlat vangin ka kal a , hliam natak tuar in alo awm .Thisen pek hial angai bawk a , nurse in a buaipui thiamloh chin ah an mangang in min rawn call tawp anih ka ring . A malpui ruh a tliak a , hospital pan a himloh vangin keimah ngeiin ka zai bawk . A damchhuah zawh loh mai hlauh chang kan ngah thin viau .Mahse i kianga rawn let leh kha a tum ruh em a , a ke ahman that theih tawhloh hial ka rin rilruk laiin ngawrh taka beiin thlahnih aliam chuan kal pangai in akal leh vek thei tawh . A chetsualna kha tihpalh nilo in thah an tum vang zawk ani .Kimchang takin ka hrilh theilo che , mahse min rin loh pawn Liansanga tal hi chu ring rawh "







Leiah thuthla hnawkin ka tap chhuak hawk a "tunah a dam tha em ?" Ka ti tiau ,a hliam zawng zawng te kha, ana te kha amahin alo tuar tlawk tlawk awm sia !

"Tunah chuan a tha , ala dam tih hi hrelo angin awm hrih rawh aw . I him zawk nan leh Liansanga pawh a him zawk nan e chuan rawmawl hi chu ka rawn chhoh hma lawk hian Liansanga bulah ka kal a , ka kutthlan hruknan ka hmanrûk sak ka rawn ak tlang daih anih hi . I pek anih chuan a roh viau ang kan pe let leh dawn nia " fiamthu ti tih chuan a ti a , mi tahlai a fiamthu lo thawh chu a !







Kan zanriah eikham chu U Josepha a chhuak nghal nulh a , Mama'n a zui ve nghal chat bawk .Nula an rim leh dawn chiang aniang , Civil ah athawk tawhlo a contract a thawk alo ni hrim hrim nen hun tiam la zo lo mahse amah a clinic emaw hospital tenau din chhoh bek bek a tum ni awm tak ani .








Ruah atla cherh cherh reng a , ka chhungte kianga awm peihlo in room ah ka inkhung a ,khumah mu in U Liansanga ka ngaihtuah neuh neuh . Ka kianga rawn let theilo khawpa dangtu chu alianin thil pawimawh tak ani ngei ang .U Josepha'n "a accident na kha tihpalh thil anilo " a tih te chu ka ngaihtuah kai zel a , tunge tina duh tur awm ang ? Police ani a , misual tam tak aman tawh bawk .Dikna atan em vangin mi lian tak tak zingah haw tu pawh angah ang , mahse tualthah hial pawh hrelo tur mihring kan Zoram ngei ah anlo awm chu ania ! Ram him leh ralmuang tak anga kan ngaih kan ram hi alo him tawk lo hle anih dawn hi .







Ka tihtur hrelo chuan ka ph in Youtube ah thil ka en mai mai a , whatsapp a message rawn lut chu thil pawimawh ah ngailo in ka open lawk lo .
Mut tuma ka intintuah ka hmai phihin zunram ka thiar zawh chuan ka hawng ve reng reng a , nb lawng atanga " a rei tawhlo ang ka hmangaih" tih tlawng lo lut chu tunge anih hrilh chawp ka ngailo kher mai ! Phur zetin ka call let nghal a , mahse a tlang thei miahlo thung ! Beidawng zetin ka ph chu lukham hnuaiah ka rawlh lut zal zal a ,ahma zawng aiin alo lan hun ka nghakhlel zual sauh . A awka ka hre miau a , ahma kha chuan beiseina lian tak neiin ka nghak mawl tawp a , tunah chuan ala dam ngei ani tih ka chian tawh avangin ka nghakhlel lehzual .







Ni aliam a , U Josepha Aizawl lamah a chhuk leh tawh a , tupawh mai chu nidang ang tho in kan tihtur theuh tiin kan thang leh hlawm .Kei erawh ka pasal tur lo lan hun nghakin ni ka thlahliam a , achang phei chuan "naktuk hian kan inhmu thei tawh ngei ang " tih ngaihtuah chungin ka awmchhung hi alo lum leh veng veng zel !







"U daphne ...u daphne "






"Aw enge a " ka lo ti sap , mak tih hmel takin a rawn tlanlut a , a tawngchhuak thei mailo athaw hak hak phawt .
"Hei....Fb group pakhat ah an rawn post ,chawhma lama thil thleng anih ka ring . Hepa hi kan inah pawh rawn kal ve thin kha ani lawm ni ? Chuan a aia mak chu aman tu hming hi Liansangpuia a inti !" A ti hem mai !






Aphone kenlai chu laksak in thu inziak thui zet chu ka chhiar a " vawin chawhma lam khan kan minister hlui chu tualthah leh ruihhlo khawih thubuai ah man ani . A thawh puia ngaih Lawmkima Lunglei veng , tuna Aizawl a khawsa mek chu man niin an hruihhruai panga pawh man vek an ni bawk .An ni hi Mizorama ruihhlo tawlhru tu zingah chuan alian ber pawl an nih a rinawm . Finfiahna tha tak a awm miau vangin arrest warrant pe chhuak hmasa lo a man an ni a ,bail a chhuah lailawk phalsak an ni dawnlo bawk .Ruihhlo chauh nilo tualthah thubuai pawh awrh tir tur an ni a .Thu kan dawn danin aman tu hi sub Inspector Liansangpuia motor chesual a thi tawh a kan ngaih kha ani ...." A hnuaiah ala inziak tlar thla dul a , mahse ka chhiarzawm tawhlo .Ka thil chhiar chuan min thawnglo ti ila dawt ka sawi ngei ang .






"U Liansanga kha ani em ?" Ka bu deuh nghat . "Alo la dam reng tih i hresa maw ?" A ti leh a "ka hriatna ala reilo " tiin ka chhang tawp .






"Anih an man pakhat hi U Josepha rawn lenpui thin kha ani lawm ni ?" A tih leh chuan ka thaw hap , thil hi ka hrethiam tehnuaih biklo . U Lawmkima mitha tak a kalo ngaih kha U Liansanga accident na ah alo inhnanhnawih a ! Amah vang hi em ni U Josepha'n min rawn tlawh reng nachhan ? U Lawmkima alo kal tawh hi chuan U Josepha a rawn lang zui zat zel kha ania ! Zozoi û mah nise an mizia a danglam ka lo tia , Zozoi aiin alo hlauhawm daih zawk anih hi a !







Zanriah kan ei a , ka chhungte pawn U Liansanga la dam thu te an hre ve tawh a . Min lawmpui in an lawm zia an sawi chamchi bawk .Ka pi a ph khawih ngailo ber takngial pawhin ex minister leh anau teho man an nih thu te alênna tang alo hre ve a , Zoram a dengchhuak hneh viau ngei ang .






Ka thlengsil zo chawhmeh ka chhuanglum tur chiah chu dawhkana ka ph dah alo ri a , ka kut hru hul thuak thuak in ka la vat . Caller Id ah nb lawng tawp a rawn lan vang chuan pick up in "hello " ka ti sap a , a reh vung vung mai !
"Hello ka tawng i hre thei em ?" Ka ti nawn leh a "Bawihi" a rawn ti ta sup !

"U Liansang " ka ti ve sep a "pawnah ka awm " a rawn tih rual chuan hmanhmawh zetin ka tlânchhuak .






Power supply kan neihloh vangin kawt chu a thim ruih tawh a ,U Liansanga ka hmuh mai loh vang chuan min tihder te anih ka ring rum rum .Mahse pen chhuak deuha ka hawikual chuan kan inbul lawk ah eng motor nge ka hre thei mailo ngheng hian mipakhat alo ding run !
Ka pan hnai zel a , "u liansang " ka tih sap rual chuan "bawihi " alo ti ve hlut .
Ka insum hman tawhlo , rang zeta pan hnai vutin ka kuah nghal thlawp a , nghet zetin minlo kuah ve nghal zat .







"Ka mumanh anilo tiraw ? Engkim hi atak tak vek ani tiraw ?"ka ti mawlh mawlh a , ka mumang mai niin ka harchhuak leh nawlh ang tih ka hlau takzet .
"Bawihte i mumang anilo " ti hrawkin ka bekah a fawp tawka , inlahrang deuhin ahmaitlang chu ka kut in ka dap kual mawlh mawlh ."ini! U Liansanga ngei ini ! " Ka la awih theilo cheu ! Ka mi ngaih em em kha ka hma ah a rawn lang teh thut ania !







"Ka fapa chuan alo ti hah viau che em " ti thum dutin ka dul puar ve al twh ah chuan akut anghat a "ka fapa " ti sup in " ka ngai thin hle mai cheu " a ti chhuak leh sup .

Ka rilru a ka thil ngaihtuah vang chuan ka tawlhhla hrat a , minrawn panhnaih a tum rual chuan ka kutin kalo dang thuai .
"Min...min kalsan leh dawn em ?"






"No.." a ti thûk ruih.





"Min kalsan lo in kan kiangah i awm ve tak tak tawh ang maw ? " Ka ti leh a , min kalsan nawn leh anih chuan ka tuarchhuak zo kher in ka ring tawhlo..





"Bawihi Pialral atanga rawn let leh ngai pawh nise intan chuan ka rawn let leh ngei ang " a ti nghet churh a , rawn penhnai in ka hmui ah ngengawl zetin min rawp fawp nghal ngawr ngawr .






Ruah ahmi seng seng a , "inchhungah lut phawt ang hritlang i kai ang " a tih chuan ka kuahbet tlat . Abo daih mai ang tih ka la hlau rum rum tho mai .

"Bawihi khawiah mah ka kalsan tawh dawnlo che ,i damlo palh ang lut phawt ang aw " a ti dam thlup a ka thlah ve ta hram .





Inchhungah kan lut chu Pa Sânga'n inverter alo on deuh chiah bawk nen an mengphawk nasa hlawm viau .Ka nutei phei chu kawngkhar lam rawn hawiin a au thawt nghe nghe !







"Ila dam tih kan hre tawh tho chungin Matei hrâng in a rawn zui lut emaw ka ti thut alawm le " a awmzawn dawm vang vang hian ka nutei tawngchhuak hmasa berah a rawn tang a , Pa Sanga leh midangin an rawn zawm nghal thuai .
Chanchin an zawt mawlh mawlh hlawm a , an mi zawh ber a tawngna hun an pe meuhlo thung .

U Liansanga'n a thil tawn leh a chet dan an sawi tak tak chu keichauh ka nilo ka nutei leh ka pi pawh an mittui hial atla ve .Thihna kotlanga a din ngun zia sawilang lo mahse kalo hre tawh a , chuber chuan amah min khawngaih tirin ka hnuk a ti ulh zual bawk .







Mama room ah kan riak dun dawn a , ahakthlak tur kenglo a min rawn pan nghal vang vang anih vangin Mama thawmhnaw kan hak tir tawp .







"Ana viau em ?" Ataksa ka en kual a , ser alo neihbelh nual ho chu ka chul riak riak .






"Na tawhlo e " tiin a awma ser ka khawih lai chuan ka kut alo manbet chawt .
"U Josepha'n ithih tep thu min hrilh a , himdam pialin awm tawh mahla min tina ber tu ani .Buaipuia ngaihsak tu awmlo in ilo hel tawrh ngawt ngawt awm sia " ka ti sep a , ka mittui ahnam nghal tiam tiam mai .







"Thihna kotlang ah vawitam ka ding a , ka nunna beidawnsan erawh ka tum ngailo .Min tichak a minti chhel ber tu i hria em ?" A tih chuan ka ku ka lo thing zeuh .





"Ka hmangaihte pahnih in min beidawnsan lo tih ka hriatna khan chakna thar min pe a , chakna thar min pe in ka tawrhchhuah ngei angaih zia min hriattir bawk " a tih chuan "i hria maw ?" Kalo ti sep

"Umm Josepha'n midang zawngin ka thi tawh ni a ringa min vuiliam laiin nangchuan ka la dam ibeisei tlat thu min hrilh alawm .Bawihi keimah a rinna i nghah tlat vangin ka lawm e , nang awmla lo la chuan lei hnuaiah zalhin ka awm tawh hial maithei ani " a hmui ka hup chawt a , thihna lam chu sawilan leh ka duh tawhlo .






Amah adamchian hun thlahnih ngawt an nghak a , misual man an nih theihnan ngawrh takin an bei zui bawk a , thla nga chhung khan mut mumal loh chang an ngah thu min hrilh . An mi man tum te manna tur evidence tha tak an hmuh mai theihloh laiin an vanneih a siamin evidence tha tak , an thil tisual lai ngei an nei thei ta hlauh a .Thu hretu hmangin tual an thah tawhna chungchang pawh an chhuichhuak thei bawk .







Ka dul puar ve laih tawh mahse inneih lam kan kaltlangpui ta tho a , kan chhungkhat laina hnai tak tak te chauh in min rawn telpui .
Durtlanga a inah kan khawsa a , tunah chuan a hna bansan in sumdawnna lam abuaipui tawh.
Kan hun paltlang zawng zawng te khan kan inhmangaihzual zel theih nan min pui hlauh a , kan inthlahlel in kan inhmangaih zual sawt ka tilo theilo .





"Kan mithi tho leh a pawn fa anei ve tak tak tawh dawn e " U josepha rawn lutin a rawn tih fiamthu chuan U Liansanga a phun hluk . An inchhaih tawk ania , pakhat lah hian ahuat tur tawk leka chhaih a peih sia, pakhat lah hian û zawk ka ni tiduhlo in alo haw ve zel si .
Ka nau neih a hun tawh a , ka la vei na lo viau chungin veina min khai sak a ,anat tak tak hun kan nghak mek hi ani ber .






"Enge i rawn tih dawn ?" U Liansanga'n a ti deuh hmuk .





"Ele ifapa tur hi ka chhar dawn mawle " kuttum an inhmuh nghal uaih mai ! "Doctor ka nih hi Liansang kei aia thiam an awmlo ang he hospital ah hian " thutak zet hian U Josepha'n a ti a , a fiamthu tih erawh kalo hre thung .
"Nang kher hi chuan i chhar ka remtilo bur .Hospital dang pan ngai pawh nise ka pan duh rum rum ang" U Liansanga chuan a ti deuh hluk a , U Josepha a nuichhuak hak hak .




"Min talh duh dawnin ka hria ka va chhuak leh phawt . Pawnah midang pawh an awm ania , i û leh inu pawh an awm aw " tiin a chhuakzui a ,U Lawmnakima leh U Liansanga inngaih tawh lutuk hi ahrechiang ho chuan kan lawmpui vek .Aizawl an rawn kal chang pawhin kan inah kher an rawn thleng ta ziah a , U Liansanga ber hian sawilang lo mahse nuam a ti tih hai theih anilo .
Hman atang tawh a thlakhlelh em em a ûten nau ang tak takin an en tawh si a







Ka thlânin min bual huh zûl tawh a , ka taksa chu nalo lai reng a awm tawhlo bawk . U Liansanga'n ka na tuarlai min hmuhtheih thlawtloh vangin a chhuak tawp a , ka nutei a rawn lut thung .
"Mate tuar hram hram rawh achhuak tep tawh ania " tiin nutei'n minlo fuih mawlh mawlh a , ka hah tawh em vangin ka sang hleithei tawhlo .






"Alu alo chhuak e , sang leh rawh le " nurse in a rawn tih rual chuan ka theihtawp in ka sang leh vak a , naute tapri ka hriat rual chuan ka thaw chhuak halh halh . Na tuar e tilo chuan ka lawm em vangin ka nui hak mai .
Ka fapa tap ri chu ka damchhunga tap ri ka hriat tawh a mawi ber ala ni ngei ang .Vawin bak hi atap ri mawi ka ti dawnlo tih erawh ka chiang viau thung .






Ka fapa min hmuhtir rual chuan ka mittui a tla fep a , ka hmangaih nghal ngawih ngawih ani ber .A tan nu tha ber ka ni ngei ang le .







Ka chauh em vangin ka lo muhil a , ka harh chuan ka room ah ka chhungte ho anlo awm nual . Ka bulah ka fapa chu tui ti zetin alo muhil a ,U Liansanga chair ah kan bul chet ah thu in mittla lo chauhin minlo en bawk .Ka harh tih min hmuh rual chuan anui seih a , "ka lawm e " hmui phunin a ti sup .
Midang ho chuan ka en kual a , thutna kil lamah lo thu ve ka hmuh chuan mak deuhin ka hlim nghal veng veng .Ka nu chu pawrfap hian ka nutei bul chiah ah alo thu a , zu in a eichhiat tawh em vangin a cher in ka nutei nen khaikhin phei chuan unau an ni tih reng a hriat loh ang .A mendan atang harhfim pangai tak anilo tih ahriat theih a , mahse alo awm ve hrim hrim chuan min ti hlim veng veng mai .






"Daphne " khum mawng lamah U Josepha alo ding zuar ! Kalo hmu reng reng lo !





"Ilo harh tawh bawk a , apa denchhanin ahmingah 'Tholeha ' nise kanlo tia "





"Ani lullo ang " U Liansanga chuan a ti hluk , bawihtea aphu deuh zuk chu inthiamlo zetin athaw hak a , rum zetin U Josepha a han melh zui .






"I hming thlak ka duh laiin fapa inei hlauh a , thlak angailo tihna animai " ala ti deuh deub a , U Liansanga a ling tha tawh viau kan awmna hnunin zir se chuan a tuk lawlh duh ang mawle .






"Daphne rem intih chuan Liansanga pa hian in fa hmasa ber hmingsak hi a duh ve deuh a " Nu Muani'n inthlahrung tih hriat zet hian a rawn ti a "mahse ipi kum te kan han ngaihtuah a , ipi hian amizo hming sa se keini lamin a sap hming lo sa thung ila enge i ngaihdan " min rawn zet chuan min melh a "in thu thu animai ,eng hming pawh pu se atha vek " ka ti sap .






"Angai kherlo asin , in duh phawt chuan sa rawh u ka tupa anihna abo dawn hleinem . " Ka pi in alo ti ve bawk .
"Ka nu i tuchhuan hnuh hmasak ber ania ,han sa la mawle "ka nutei chuan alo ti ve bawk a "anih chuan ka inthlahrung lo mai anga ka tuchhuan hmuh hmasak ber te ani bawk a ,apu hning chawiin 'Zakápa 'nise .Liansang enge i ngaihdan ?"
U Liansanga chuan "atha lawm " a ti tawi tup a , midang ho hnungchhawn vek anih vang chuan an nuih tih a hrelo hrim hrim . "Zakâpa " afapa muhil melhin a ti ve sup a , a tuiloh hmel viau nangin ka pi ahnial ngam bawk silo .







U Josepha insum theilo a rawn nuichhuak huk a , bawihtea aharh phah nghe nghe . U Liansanga'n pawmkang vutin a awi nghal a abang ve leh mai bawk .
"Zakâp ipa kut iva hre ve " U Josepha chuan a rawn ti leh kher a , U Liansanga a tum lian tawh viau . Afapa hming chu alungawipui nganglo ni tur ani .





"A tûmliam tawh emai hrilh tawh mai teh u " U Josepha chuan a ti ta thlawt .
Hawihai zetin ahawikual a ,"enge awmzia ?" A ti thûmdut .






"Ka nu kha a uang ve anih kha " ka nutei'n alo tih rual in ka pi pawhin "ni e kan uang ve lawk anih kha , ka tuchhuan hmingah chuan Vanlalvenhima ka sa e .Apa reng Pathian in a venghim mai " a ti ta dap a.
"Keini lamin Jerome tih kan sa bawk e" nu Muani'n a rawn ti ve leh a Jerome Vanlalvenhima amawi khawp mai . U Liansanga pawh afapa hmingah chuan a lung a awi tawh aniang a khi ve suk suk thei tawh .







EPILOGUE...





"Jerome awi....Vanlalvenhim " ka ti that . A dâl chawm tura ka suah daih sak alo leih baw leh vek tawh ! Akawr a aieng akai nuaih bawk ! Intithei zetin chhuata dâl baw nuaih chu alo beng darh kual bawk .

"I upa tawh tinge tiang ilo khawih " ka ti hlak a , a ding vut a atlan chhuak nghal daih chu "hmun dang iti berh ang kalsawn suh " ka ti zui lang lang .






Ka naupai alen tawh em vangin thutun pawh ka thutung hleithei tawhlo a , chhuata bal kai tihfai tumin puanchhia ka vawmthla nawlh a , thuthniam mai a harsa bawk nen ka ke chuan ka hru tawk tawk a .Puanchhe fai dang kengin ka fapa awmngaihna hrelo khawpa harh chu ka umzui nghal .






Inchunglam a achhohna ke hniak chu ka hru chho zel a , room chhungah chuan alo awm lo .Bathroom lama thawm awm ka hriat chuan ka en vat a , apa in alo bual mek hi alo ni ...
"Laljerome" ka tih that chuan apa phenah abiru nghal hmak .
"Mintih hah zia hi " ka ti deih hlak a






"Tinge mommy ilo tihhah leh thin a , i nau tur pahnih apai sak che sin aw " U Liansanga chuan a ti fân ruih .
Tui intheh a an inchhaih nui zui ar ar chu hmuhnawm ti zetin ka thlirzawm a , ka khawvel thlaler ang mai a ro tawh thing hring phun a lui rawn luan tir tute ...ka engkim an va ni ngawih ngawih si em .







"Ahahthlak em ?" Ka dul chûl heuh heuh chuan a ti sup a , jerome a ke te zetin duhthaw zeta min rawn khan ve na chu dahdawnin amutthat tir nghal zat bawk.
"A rit ka ti ve deuh thin" phir ka pai miau a , ka inzo lo in kawng thuilo te ka kal pawn ka hah em em zel .






"A rei tawhlo ang" a ti ve sup .





"Haven "





"Engmaw bawihi" hrethiamlo zetin a ti sup .





"Haven ka ti che " ka tih chuan amitko a sân rulh a " ka safeplace , hmun him tak tih na .Ka tan chuan hmun him ber ini " nui sen sen in ka ti a , akiai suk mai .
"Ka hmangaihna zawng zawng neitu in ni " ti supin ka chhipah a rawn fawp deuh vang vang a , afapa muhil mangchhe zet chu lungawi hmel fe hian a thlir zui dauh dauh bawk .













A tawp ta !!!!!







#Buai chhuk chho deuh kar a ka ziah *HAVEN* chu alo tawp ta reng a , in duhthu te a sam em ? Ka damloh san lawp lawp cheu a , lehkha ka zirsan leh lawp lawp thin bawk cheu a😂 phun nawi mai lo a atawp thleng minlo chhiarsak vangin ka lawm takzet ..Story thar nen lo let leh thuai kan tum dawn nia .
Chuan Hidden Mafia ka ziah kha tunkar a ka hman hrâm chuan complete ka tum anga ,story thar erawh ka rawn nei nghal mai angem ka chiang theilo .Exam hma a story pakhat complete leh zuai ka duh rualin zir tur a in tiang chho urh tawh a , ka hman kher angem ka chiang theilo thung .


Show post links
Top



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)