Simple Dimples BY Natasha Hrahsel (Completed)

Moderator: writers

Ngaia
Site Admin
Posts: 26470
Joined: April 30th, 2016, 4:07 pm

Re: Simple Dimples BY Natasha Hrahsel (Completed)

Unread post by Ngaia » June 9th, 2024, 8:21 pm

*Simple Dimples* ch~19






Zanriah kan kil a, ahmingin ka bar ve mai mai chauh ani.Ka rilru a rawn fîm tan a, ka bân kang lai chu asa hut hut a,awm ati nuamlo duh khawp mai.Kâng haw chi ka lo ni lehzel nen a ser hlen ang tih te thlengin ania ka hlauh ni.
Thleng vel pawh ka nu'n a sil vek a,a awka vîn viau mahse min ngaihtuah lutuk ringawt.
Room ah ka tawm ta tlat a,ph pawh ka phawrh peih chuanglo, Kimkimi rawn kal pawh ka chhawnchhaih peih meuhlo a,ka taksa mai nilo ka rilru lam thleng hian ana.Ngaihzawng vanga rilru ti na te kha kalo dem thin a, ka nihve loh tur thu ka sawi chamchi thin.Mahse tunah chuan an tawrhna te ka hrethiam ve tawh in ka hria.







Khatiang thil athleng tawh chung pawn U Raymonda ka duhna leh thlakhlelhna akiam phah loh a, chu chuan min ti na sual sauh bawk.Engvanga khatianga che leh awm nge anih hriat ka duh a, chutih rualin ka induhtawk ve na chuan hmu tawh miahlo turin min fuih ve tang tang bawk.

"Mambawih" ka pa'n arawn ti dut!






"I muhil em ni?" A rawn tih leh chuan "muhil lo e, rawn lut rawh" ka lo ti thuai.






Ka khum bulah chair pawt hnai in a rawn thu a,ahmel thutak lutuk chuan hmachhawn pawh min ti huphurh vek.
"Raymonda nen hian inla inkawp em?"ati sup a, "aw" tih bak in ka chhanglo.Kû ngul hian a thaw hak a, chutah rawn hawi chhuak lehin "tlangval sual anilo tuh ka hria a,tawngtaipui amamawh takzet tih ka hre bawk" a ti hmasa te te a.
"Mambawih,chutih rualin thlah thei la ka va duh ve.I duhthlanna ani a, puitling ini tawh bawk.I duhthlanna chu ka zahsak dawn tho che a, kan fanu ini miau a.I Nawmsakloh kan hlau bawk nen thlah thei la chu ka duh khawp mai.A tirah chuan tlangval sual tak anilo bawk nen in inkawp rem ve mai theih ka ring a,a ruihhlo tih te i puihna vanga athlah theih rinna ka nei thin.Mahse hetiang hi in thleng ta chu nia.I him zawk nan thlah la chu ka duh khawp mai, inu phei chuan hnaih tawh miahlo la aduh hial a.Mahse i duhthlanna ah a innghat aw" dam deuh chuan a ti ta dap dap a.






"Muhil rawh, nawmsamlohna ineih chuan min kaitho hreh lo la.Mampuia pawh athat viau saw, ngaihtuah angai lo ania" tiin a chhuak zui a,sitting room lamah Kimkimi leh Mampuia inbe lang lang thawm ka hria a,an inkawm tawk viau anih ka ring.







Zan chu ka mu mumal meuhlo, ka kan vang nge ni ka khua a rawn sik hluah a, ka tlun ti tih hial bawk.Ruah lah chuan chintawk aneilo emaw tih mai tur in a sur tam a, rial hial tla in inchung rangva ani bawk nen a rawn deng ri ang tuk tuk a, midang pawh an muthilh theih bik ka ringlo.
Ka khum bula ka dah nachhawkna chu avawi hnih nan ka ban leh a, ka tui inchhawp alo zo daih ni in! Khur hlawk hlawk in choka lam ka pan angaih phah.







Filter tui chu khur hlawk hlawk in ka dawh a, ka khurh nasat em vangin in pawh ka infu hleitheilo hial mai.
Mipa au thawm ka hriat rualin no ka thlauh ri bal mai.
Mampuia lah chu "hrâng" tiin choka luhna biangah a ding khur hlawk hlawk mai!






"Mampui keimah" ka ti sai hlak hlak.





"Nunu nangmah ami"ala rawn ti talh! Current athim vangin kawlphe eng bak êng rawn lut a awmlo a, ka ph ka hmeh en ber lah kalo ti thim tawh bawk nen.







"Enge thleng" tih pahin ka pa a rawn tlan chhuak a, inverter a on zui nghal bawk. Mampuia chu chapal pawh bunlo in alo ding zum zut mai.
"Mawli, i sam asei si tawn ve ta che.Hrâng emaw ka ti che lawm" ala ti ta deuh deuh zui a! Khur hlawk hlawk a kalo ding chu hrâng emaw min ti ania, ava han dawih em em ve mawle!


"Mambawih kha i tlun elaw?" Ka pa'n ti vutin min rawn pan hnai nghal.






"Nachhawkna ka eizo chiah azia ve leh mai ang" ka ti khur dar dar a, ka pa chuan "room lamah mu lum hrih phawt rawh" a ti damthlup.
"Enge ni a?" Tiin ka nu a rawn chhuak ve zui a, "hei mambawihi hi akhuasik hluah mai" ka pa'n alo tih rualin Hmingmuana a rawn tap chhuak ve ta vak, ka nu pawn min buaipui hmanlo in room lamah a tlân lut leh rih.Zanlai lai ah kan chhung buai ta chiam mai ni.







Zîng lamah chu reilo te tak tak kalo chhing ve sek a, mahse Mampuia leh Hmingmuana in chhaih thawm ah ka harh leh tho.Lu na bur in ja tho chhuak a, sitting room ah toys anlo khalh hnawk nasa mai.
"Chêmi enge i an?" Mampuia'n alo tih chuan ka that thu in ka chhâng sep.
"Nizan thil thleng kha tumah hrilh suh ang che" ala ti zui a, ka ner sawk ringawt.Ava han ho ber tak,adawih ropui si.Pastor in ah hrâng hmuh a in ring ania, kei ni ila biakin leh pastor in chu ka thlamuanna ber ani zawk ang.






Kimkimi zing zing ah a rawn chuang lut hlawl! Dar sarih pawh ala rilo a, ava tho hma em em ve mawle!
"Nizan zanlai velah in in hi a êng kung ami? Ka nu'n a sawi a,azung turin a hmu aniang.Damlo te in awm ami?" Min enin a ti a, ka nu zawkin choka lam atang "kha Nunpuii kha akhuasik a, a tui in Mampuia khan hrâng emaw alo ti nihkha" a rawn ti hmanhmawh.Mampuia chuan choka lam chu rum zet hian an melh ringawt a, ka nu te zawngin thu khup leh zep anei tit tet ngailo.






"Awiha" ti hluai in Kimkimi chu a nui zui chiam!






"Iva han dawih em em,setanic te chu nila ala zia"Mampuia kawk vu vu in ala nui hak hak."mi te chu Pastor in leh biakin ah an thla amuang ani ngai a" ti leh a Mampuia ala kawh vu vu chuan Mampuia'n mawl lutuk alo ti hluk.

"Anih nunu i tha tawh em? I hmui a duk si, i dang bel bawk sia hrang pawh chu i ang dawn lutuk" a ti leh zel a, min ti hah min hual vel tu te hi an fîm thlawtlo.Damlo khawsik tlun hluah hluah vun sen suah in an hmuh an inring emawni?







Chhûn lamah erawh ka zia ta phian, ka sil urh thung a, Mampuia pawh ahmai vûng vel a zia tawh lutuk.A duk erawh ala awm deuh tho a, nimin ang em em a duk erawh ani tawhlo thung.Ka nutei te call kan dawn loh dân ah anla hrelo anih ka ring a, Mampuia berin hrilh hriat ngai a tih loh chuan keinin lo hrilh kha anuamlo ve bawk.




"Chêmi, vak chhuak ang" Mampuia'n a rawn ti hlawl! Ana viau emaw tia!






"I hmai te kha ala duk a,i zak lo mi?" Ka ti zawi ngiang a, ka khawsik vang nge ka zawi ngiai reng mai.
"Aho lutuk tiang te chu, mipa nih chuan minti pa zual zawk.Bakah hetah kan cham rei theilo a, ni dangah chhuahna hun kan nei dawnlo.Naktuk ah lah i pa'n 'Pathianni ah biakin chu ti khati' a ti dawn chiang a.Hun dang kan neilo,i nawmloh viau chuan mahni a chhuah pawh ka hrehlo" a ti vei sup a,amaha chhuahvah te chu a peih tak tak dawn der silo.






"Kan inthlak ange, nangpawh inphih fai la" ka ti ta ringawt.Ka nu kan chhuah harh lawk tur thu ka hrilh nghal a, damlo e tilo chuan alo phal ve mai bawk.
Ka insil fai thuak a,inbual erawh ka inbual ta em lo.Ka khawsik a kaiharh ang tih ka hlauh vang ani.
Ni asa vaklo a,thli atam bawn nen kawrbantluan ka ha hlun a, lum ka ti hranlo hrim hrim bawk.







In atang kan chhuak a,Kimkimi sawm ka duh viau nangin ahman ka ring chiahlo a,sawmloh ka ti ta zawk.Kâwn lam panin kan chhuk a,ka pa'n Mampuia bike khalhchhuah ala remti miau lo nen han tlawhkual tur tak pawh chu a awm hranlo.
Banner lianpui a 'Dimples Hardware store' tih lo intar chuan ka mit ala ngei mai! Ahman tak tak kha ka ring miah lo a! Dawr lah chu a inkharhlûn a,a hawng dawnlo ani ngei ang.Keihi tinge kala ngaihtuah fo le!






Ka lu hai ka pai deuh chhat chu Mampuia'n minlo vuan vatin "ila nuamsam vaklo ami"a ti hlut.Lu thing nghutin "ka tha" ka ti sep a, ka chau viau thung mai.
"Inkhua chu aho reuh tak anih hi, thingtlang ti dawn ila athingtlang vak bawk silo.Tiang hi tlawhpawh an hlawhlo duh" a ti deuh luam a, ka pawmlo hranlo.Kan khua hi thingtlang ah pawh khawliam pawl kan nia,mihring cheng pawh kan tam viau.Zirna avanga thalai tam tak an chhuak bo chung pawhin khua a reh phah lo a,kut hnathawk atanga sawrkar hna sang tak tak chelh an awm nuk.B.D.O thuthmun kan nih piah lamah damdawiin leh zirna in atha a,khawpui nun ninga thingtlang a chen tak tak peih chuang silo tan chuan inben bel nan duhthu sam ani.






"Kan chhuak ta ro ro,thingpui dawr ah thil ei ang,ka tum vek ang" ka hnial hma in a ti nghal zung zung.In lamah in ei puar ila sum kan save ni mai tur hi nia.
Thingpui dawr te ah kan chawl a,chow a order laiin keichuan lassi no khat bak ka chah lo.Thil ka ei chak hrih thlawtlo chu ahrethiam aniang min ti lui biklo.






Kan ineipuar zawh ah field lamah kan kal leh a, Tournament awm lai kha ka hre chhuak rum rum mai.Chuchuan U Raymonda bawk minti hrechhuak lo thei lo.






"Ehe! Dimples ilo haw law?"






"U Bz" ka ti deuh hluai, 'iva that tawh hmel' tih ka tum zet a,ala that hmel chiahloh.U Siamkima'n tawlai lir in U Bza chu alo nawr mawle! Ala intuam hlun a, a khabe erawh a thuina an phelh tawh aniang a intuam tawhlo.Rin aiin a ser pawh anasa lo, enchik loh phei chuan a hriat loh ang tih tur vel ani.
"Kha kha mi i bialpa thar chu?" U Siamkima chuan a ti deuh hmuk!







"Ka unaupa anih hi" ka ti tawi tak.







"Daw lo mai teh, i unaupa te chu hospital ah khan ka hmu ve chiang"U Siamkima chuan min ti let erh! "Anaupang ber Mampuia anih hi, ka ûte nen pawh khan an inan em hi" ka ti leh ngial.

Min la ringlo cheu nge mawni "Mama,a unaupa ini chiang maw?"ati leh hlut a.Mampuia alo nui hak. "Ka nau anih hi" inti vei fe hian min en in a ti a, kumkhat chhuak kan nia.Athla in ka upa zawk chungin ani ai ka upa hret hi ala na ngawih ngawih nge mawni midang bulah hian anau angin min sawi ve ziah.Naupang ber nih chu ahreh ve ngang ngang khawp mai.






"Dimples,ka va be fâl duh che ve.Mama Bza hi lo veng ang che" tiin akal hrang a, zui turin min signal zeuh bawk.
"Mampui, U Bza hi lo awmpui lawk rawh aw" ka ti a,min hnial hma in U Siamkima ka zui thuai.







"Raymonda'n nimin lamah a tibuai cheu ani awm a, i unaupa ani tih a hre velo pawh ani maithei"Mampuia te lam hawi zeuh in a ti sup.
"Nunpui, Raymonda hi tunlai a zia a dang viau a achhan hrelo phei ilang chuan ka dem viau ang." A ti leh te te a,chutah "i lo ngai sual ange,engpawh nise midang kawpsan leh tur si chuan inlaichinna siampui loh law law tur che ania" a tih chuan ka bangbo khawp!


"U siamkim, i sawi awmzia ka hrelo" ka ti sap.







"I hrelo maw! Nunpui dawt sawi lo teh aw, kha zan khan ka awm ve alawm.I ngaihzawng thar nena in awmdun zan khan.Midang i thlang anih pawn Raymonda tina zual turin i mipa thar nena in thlalak rawn thawn kher angai hleinem" a tih chuan ka bo lehzual! Ka unaupa telo mipa dang ahnaih hian ka hnaih lo hrim hrim.
"Enge maw i sawi le?" Ka ti leh halh.





"I hrelo maw?a awm tho e, i mutui em a.Raymonda hi misual nise a ti mualpho ngei ang che.Mahse ngawih a chuh tang tang zawk a, anun a vuak chhiat phah hlauh a"


"U Siamkim i sawi awmzia engmah ka hrelo,tu mipa dang mah ka kawp lo bawk." Ka ti deuh vak.Mahni nihna lo puia inpuh chu tumahin an duh ka ring biklo.






"Sawichiang rawh" angawih daih vang chuan ka ti leh hlak a, "Nunpui, mipakhat nena khuma in mu lao thlalak Raymonda'n a dawng.Chu chu i hrelo em ni?"a ti ve ta that a, ka ang pam ringawt!
"Chutiang engmah ka tilo,dawt anih chu"ka ti chiam.

"Ka mit ngeiin ka hmu alawm mawle aw" a tih chuan "khawnge thlalak chu a awm?" Ka ti nghal thuai.






"Raymonda phone ah, i mualpho hlau in a delete tawh zawk mai thei" a ti a,thudang pawh ka sawi tawhlo ka tlansawn nghal thuai.Thudik ka hriat ngei a tul,U Raymonda lam chauh anilo keima lam pawh ani.Mipa ka tawmpui lo tih ka chiang lutuk tlat.
Mampuia minlo auhna pawh chu ka chhang tawhlo, U Raymonda te inlam panin ka tlân zui chiam a.Ka hah lutuk vang nge an in kawt ka thlen chuan ka thin a thip vut vut thei hial.







Ka awmdawm vang vangin ka thaw chhuak halh halh a, kawngkhar chu ka kik mawlh mawlh.
"Nu Baby, U Raymonda a awm em?" Kawngkhar alo hawn rualin ka ti nghal thawr, mak tih hmel deuh hian minlo en a."inchungah a room ah a awm,tinge a Nuni?i va hah hmel em em ve"ka thaw halh halh bawk a mak ti tur chu ani.

"Pawimawh deuh ah ka be duh a,ka han chhoh lawk i remti em?" Ka tih chuan "remtih loh na chhan tur a awm hleinem" a ti a, zah pawh ka sawi theilo inchung lamah chuan ka tlanchho nghal zawt zawt.






"U Raymond, kawngkhar hi lo hawng teh" room dang a awmlo a, kawngkhar lo awm hmasa ber chu ka chûm dawt dawt ringawt.
Inchhung lam atang a rawn ri khep a, U Raymonda ngei mai nen chuan kan inhmachhawn ta siah.

"Enge ilo tih dawn?" A ti thum dut ,min hmu thut pawh chu mak ti hmel apu miahlo bawk.





"Hetianga i awm thut chhan ka hre duh.U Siamkima thlalak sawi te kha enge? " Ka ti chhuak nghal thawr.
"Ka delete tawh,lungngai suh ka ti mualpho lo ang che" harsa tih hmel zet hian a ti zawi sup






"Ka mualpho leh mualpho loh lam anilo, thil ka tihsual miau loh chuan engmah hlauh tur ka neilo" inringtawk tak chuan ka ti a,min melh ngur ringawt.
"Eng thlalak nge?i delete tawh tak tak em? Nge ni a min then i duh vangin chhuanlam in siam mai mai zawk?"ka ti ve ta ngat.
Rum nghut in a room ah chuan min kai lut a, khuma aph chu banin ahmet eng a, ka hmazawn ah tak thlalak chu a rawn ti lang va mai.







Phone chu la hnai in ka en chiang a, U Thartea leh keima thlalak ani,thawmhnaw mumal pawh inbel lo in khumah kan lo mudun! Mahse..keimah ka nilo tih ka inhriatchian tluk zetin ka hrechiang.Ka hmel ngei ani a, mahse hetiang hian vawikhat pawh kan awmlo hrim hrim.A rawn lut chhuak ve zeuh zeuh tih ka phalo, mahse a fal in vawikhat pawh ka tawmpui ngai hauhlo.
Thlalak chu ka enchiang deuh a, ka nui chhuak hak.







"Min rinna i nei thlawtlo ani tiraw?" Mittui tling pamin U Raymonda chu ka melh a,"U Raymond, min ringtawk ni lang chuan thlalak a hmeichhia kha keimah ka nilo tih i hrethiam ngei ka ring.Min ring ni la chuan en chiang in edit chawp anih zia i hmu ve thei ngei ang" ti chhuak hlakin ph chu khumah ka thehthla tawp a,ban zui ve vutin a bih hnai a, a hrechhuak ve ta aniang athaw hak mai.


"Dimples"






"Aih khatiang pawh khan min ko tawh suh.Tinge? Tinge min rinna chhete mah i neih miahlo a! Thlalak edit chawp vang mai mai in khatiang khawpa rawng khan i che duh a!U Raymond, ka lo ringsual che anih hi.Tinge engmah min zawhchian hmasak phawt te i tumloh?Khatiang khawpa hmeichhe leplerh turah minlo ngai hian min tina takzet" ka ti chhuak tiau, min ringlo lutuk chuan min ti na ngawih ngawih ani ber.






"Aih min rawn hnaih suh" min pan hnaia akut a rawn phar zuau chuan kalo tawlh hnung dat, ka biang ka hru tawk a, "inthen ang,keini chu kan inkawp rem ve tak tak thei dawn chuanglo.Keichuan ka ring tawk che a,mahse ka rinna che zahve pawhin nangchuan min ring velo!in...inhmu tawhlo zawk ang" ka tih chuan ka dar tawn tawn ah minlo vuan chawt.

"Aih...nilo ka tisual ani,thlalak ka hmuh rual khan ka talbuai vek a Dimples ka ring che alawm" mangang zetin a ti nawk nawk.Ka nui hak a "aih min ringlo U Raymond, bakah khatiang thlalak vang khan ruihhlo ah i tuan a, tunah chuan ka siamthat theih che pawh ka inring tawhlo." Ka ti zuai raih, thlak lam chu lo dahtha ta pawh ni ila khatiang vanga ruihhlo a atlan zui chiam anih chuan keive mai chuan engtik ah mah Pathian lam kawng ka kawhhmuh thei ngai dawnlo.Ka tum tawh a, zawi zawi a a insiam that chhoh ve theih mai te pawh ka ring.Mahse..mahse tunah chuan keimah ngei pawh hi ka inring zo tawhlo.







Chau hnapin inlam ka pan a,min chân ahlau amangang hmel khan min ti nem leh mai ang tih ka hlauh vangin ka chhuahsan thuai anih kha.Kan inkar ti tawp hmasa tu zawk ka nichingin ka awm zawn hi chem hriam taka vih sawk ang maiin ana thung si! Ka awm atawt a, ka ipik ngawih ngawih bawk.
In ka thlen pawn tumah be lo in room ah ka inkalh hnan nghal hmak.Khumah ngawi rengin ka thu a, ka mit chhingin vawin a ka thil tawn te chu ka mitthla ah anlo lang nghal zung zung.


Mangang talbuai zet a "min kalsan suh Nunpui" a ti ri te kha ka beng ah ala cham a, U Raymonda hi kalo hmangaih hman tak tak tih ka inhrechhuak bawk.Mahse keini chu inkawprem tura duan kan nilo aniang.Ka nu leh pa takngial pawhin min duhpui tawhlo a,min rinna anei tlem lutuk te chuan alaka ka rilru put ang ka lakah apu ve lo tih a ti chiang viau bawk.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 26470
Joined: April 30th, 2016, 4:07 pm

Unread post by Ngaia » June 9th, 2024, 8:21 pm

"Simple Dimples* ch~20





"Mambawih" ka pa'n ka room kawngka kik dat dat hian a rawn ti a, "aw pa lo lut rawh" ka ti tial rat mai.Ka tahna vangin ka aw a lawi zo a,tah ka duhlo mahse ka insum thei bik miahlo, amahin ka mittui hi a rawn chhuak reng mai ni.

"I mit ava bui ve" min hmuh rualin a ti reng bawk a, builo se amak zawk hial ta ve ang.





Thaw halh hian khumah a rawn thu a,ka khup chu beng dat in "Mampuia'n nimin lama thil thleng kha chu theihnghilh tlan athat zawk thu a sawi a" a tih dap dap lai chuan kalo melh chik viau a, "keipawn ka pawmpui khawp mai.Na em em in ni hranlo bawk a, bakah Raymonda kan hmelhriat tha alo ni bawk nen.Enge i ngaihve dan ?" A tih chuan "ka duhdan chu i hriat ka ring pa" ka ti sep a, a bu ve nghauh nghauh tho.Kan thil tawn khan min thawng a, hlauhlawpin min siam a,kan taksa ah na kan tuar bawk.Mahse atawpah chuan khatiang kan tawn chhan ber kha U Raymonda ani miau a, diklo viau mahse Mampuia berin apawm dam thiam chuan U Raymonda te chu fihlim mai se,tihian tâwp tawp se ka duh.






"Atha lawm,nangchuan i ngaidam fel vek tawh zawk ka ring a.Mahse Mampuia ngaihdan kan la lo theilo a,ani berin angaidam thei anih chuan hruaitu te hnenah chuan thlen hrihlo phawt mai ang.An tan tawngtai sak tam zawk ila, an hlawkpui zawk maithei asin tiraw" a tih dap dap chuan ka nuih seih a, ka tah chhan min zawtlo a ka lawm khawp mai.Tunah tak hi chuan ka sawi zawng ringawt pawhin ka tap leh nghal teuh dawn a, mahse insawithawlna tur chu ka mamawh viau thung.Ka ipik a ka tawt ngawih ngawih bawk.

"Zanriah i rawn kil peih dawn em?" Din pah chuan ati sup a, "ka chak rihlo e pa,ka tam deuh hunah ei ila apawi em?" Ka ti zawi sap.






"Pawilo e, inkhawm kan ngai dawn sia kanlo va ei hmasa anga.Mampuia pawn ala ei peih ka ringlo.In eirual mai dawn nia in tam hunah" a ti damthlup a, ka nu ai mah hian hetiang kawngah hi chuan min hrethiam ni te hian ka hre thin.Ka nu sawisel na tur ka nei chuanglo a,mahse ani chu a ri phawrh phawrh chi ania,ahahdam thlak loh bik riau alawm.






Ka nu leh pa,Hmingmuana nen inkhawm turin an chhuak a.Mampuia'n inpui ah T.V ring zetin a en bawk a.Room a tawm san reng nuam ka tilo nen ka va thuchhuak ve a,room ah pawh awm ilang a in ang reng ang tih tur khawpin min ngaihsak lo.
Mahse zanriah kanla eilo ve ve a, ka luhsan tawh bik chuanglo.
Kan thianho group te ah kan inbe khawm nak nak a, vawin a ka thil tawn te chu ka thiante ka hrilh ve mawlh mawlh bawk.Tiang hunah hi chuan hmeichhia kan nihna ah kan thiante kan hrilh leh nge nge zel a, thian neih man te pawh a awm ve deuh alawm.






Ka rin ang chiahin Remi leh Nautei chuan ka lam an rawn tang nghal phat a, min hnem nghal mawlh mawlh bawk.
"Then hlen vang vang rawh, hmeichhe fel lutuk a chân che ani tih a inhrechhuak harlo ang.Tap chunga a rawn bia che anih pawn let tawh reng reng suh, block hmak zawk teh"Remi'n a rawn ti hlak hlak a,type ringawt chuan athinrim a inhrithla zolo nge maw ni a rawn voice ta nge nge.
Room ah lut leh in ak earphone ka la a, ka ph ah connect in ka ngaithla chu lungchhe viau e tilo in ka nui chhuak hak.






"Khatiang Gujunpyp duplicate lutuk, ava ringchhe che ve.Awi awmve ka va han chak tak,keichu tawngka ringawt chuan ka sawifel theilo hnang awn awn a chum ka duh" a rawn ti hlak hlak a, a sawi kar lakah a hui leh pap thin bawk nen ka nui ve leh hak thin.

"Em em a che" Nautei'n Remi chu a rawn reply ve nghal zat.
"Enteh maw Nunu, i rilru natdan tur ka hriatthiam pui lo che ka tawng ve miau lo a.Mahse kan ti ve lawk anga, Raymonda rilru tur lam dawnpui ve chhin la, amah ah indah ve chhin la.Hmeichhe dang nena an thlalak hmu ve ta la i rilru fim i hmang thei bik meuh angem? Chu chu inzawt chhin rawh, mihring kan inhmangaih lutuk tawh chinah hi chuan rilru abuai in mit a del ve thin chawk asin.Mipa leh hmeichhe inkar chauh anilo ania,unau leh nufa,pafa thleng hian hmangaihna ah chuan mit a del thei lutuk.Kan ril arah kan hmangaih ngawih ngawih te tihsual chu haider leh hmuhhmaih a awl thin em hi.U Raymonda pawhin a duh lutuk che avangin a rilru leh ngaihtuahna alo hmang thei tawklo pawh ani zawk thei asin.I thiannu ka ni a, i lam ka tang reng dawn.Mahse U Raymonda rilru tur chu dawn ve la atha ka ti, in induh ve ropui si a.In huntha chânin damchhunga in inchhirna tur in in siam tawn mai ka hlau ber zawk"a rawn ti luam a, ka chhiar chhuak dap a, a sawi diklo hranlo mahse ka na hrih em ani.
Nautei hi kan thianho zingah a upa ber ka tih tawh ang khan a rilru pawh apuitling bik thin viau a.Engkima kan rawn ber thin ni in tunah lawh hian asawi dik ka ti viau mai.Mahse kala inpeih lo,ka fel famkim bikloh na lai hian U Raymonda tihdikloh lai ahmu lian em a, ka ngaidam mai thei lo.





"Nunu, Nautei hian enge asawi hi? Athui lutuk a ka chhiar peihlo.Naute, engtin nge i type peih zawk voice mai ta che" Remi'n a rawn ti nghal hlak hlak.
"Lalrem, ekin ah ka awm hi.Tui ka herhhaw bawk si voice ila a hriat that theih dawn loh.Ekin a ka lut lai pawh min hmu ve reng a"Nautei'n a rawn chhang nghal zat.In an luah dun a,an awmdun reng lai pawn an phone ve ve atang tiang hian kan inbe hrang theuh tho zel.Mi thiante angin kan tam tham ve silo a, amaherawh chu pathum chauh kan ni chungin kan ri ve nak nak hlawm thin.Group hi a reh hman bik meuhlo, kan awmtlân lai reng lawn group atanga inbiak te hi kan ching a,tangkaina mual mual hi angah thin reuh phian.






"Chêmi"





"Aw" ka ti chhuak hâ,"i laklawh loh chuan chaw kan ei ve dawn ami.Ka ril atam tawh reuh"Mampuia'n ati a,"chawhmeh ka va ti lum dawn ami?" Ka ti sep.
"Keiman ka va ti zawk ang" ti a thawh mai a tum chu ,"keimah zawkin le, chhuanlum chin tur i hrelo ang" ti vutin ka tho nghal zat.Ka unaupa mah nise mikhual ang tho ania, bakah rawngbawl ngai eihlo ania a thiam ka ringlo in rintlak ani vaklo.A fel viau chung hian tangkaina angah lo ve khawp inchhungkhur ah pawh.
Pawlsawm anih laiin Hostel ah a awm ve ngei a,chhungkaw duat rawn ni ta chu insuk angaih ni hmasa berah a thawmhnaw ho a su khawng vek thei nia mawle! Engtin nge a tih tunthlengin kan la hrelo! An teacher te'n a thawmhnaw suk khawng vek thlalak nutei te an rawn thawn hial a, tun thlengin a thlalak pawh kan la nei tlang.Chhungkaw group ah ka patea'n arawn post bawk nen an zirtirtu te ho chenin nuih insum thei kan awmlo.






"Nimin ami kha i bialpa chu ami?" Chaw kan bar mawlh mawlh lai chuan a rawn ti thut a,ka bar lai ka tawp nghal chat.
Ka chaw hmuam lai chu lem khawlh in "umm" ka ti zawi sep.Inthlahrun ana duh ngei mai, chutah zawi sep hian "kan inthen vawin khan" ka ti leh a, a fian adah thla ri bawl mai!
"Ngati nge? Nimin vang kha maw? Kan that em hi, mipa ka nia i unaupa ka nih ahre ve lo anga athinrim pawh ani thei a, bakah khatiang kha chu a thleng ve chawk alawm.A tir ah kha chuan ka thinrim ve tho a, mahse tukin zing ka thawh a ka rin ai ka nat tak loh ah kha chuan ka thinrim kha a bo vek tawh" a ti zui bawrh bawrh!



"Chêmi,nimin vang kha mi in inthen?" A ti leh ngat.






"Ani tho a,mahse min ringlo lutuk a" ka ti chuai raih.Thil zawng zawng kimchang chu la hrilh duh lo, U Thartea pawh hmaichhan ngei ah la chhuahchhal ka duh bawk.Khatiang thil tenawm a edit duh kha mak ka ti ka awihlo hial zawk ani.


"I ringlo zawk anih chu" min ti let erh!
"Pastor fanu inia, ngaihdamna ngah tur ini.Athil tihsual pakhat vanga i ngaidam theilo anih chuan i duh tawklo aniang.Bakah apa ka ti reuh asin" a ti leh lawi a! Hepa hi chu aw...a ngaihtuahna hi ala mawlmang mai si.






"Keichu min dawhthei deuh tur lo chu nupui ka nei duhlo, mipa chu kan tar hnu thleng pawn kan rilru apuitling hleithei lo a, chuvang chuan hmeichhe puitling deuh kan mamawh" a ti ve luam a, ngaihzawng nghet nei theilo ber si hian a."Chêmi, hun tha pe leh zawk rawh.Nimin lam kha chu theihnghilh daih ang, ka bike râng se chuan ka theihnghilh theih ka inring biklo a.A râng chuanglo bawk a keichuan nakin a sawi tur ti tam ah pawh atha ka ti, kan insual atha e ka tihna nilo in" a chaw chu abar zawm mawlh mawlh.
Mampuia meuh pawhin U Raymonda lam atang ta daih chu amak ka ti a, keimah zawk hi kalo thiamlo deuh tihna mi? Ka rilru chapo lutuk in U Raymonda ka duhna ka lo dahsang bik lutuk tihna ani thei angem?







Zan pawh chu ka mu mumal leh thei lo khawp mai! Ka taksa chu ana pawh ni chiahlo hian akham ngawih ngawih a, ka pang asa chuang der silo nen nachhawkna han ei rikngawt pawh ani thei in ka hre silo.Mahse ka nin deuh hnu chuan ka ei ta tho a,ei ngai pawha ka hriat loh kha min han chhawk takah chuan ka muhil zui ve thei mai thung.
Zingah pawh ka harh har hranlo a, choka ka phei chuan ka nu'n eirawng alo bawl mawlh mawlh tawh thung.Ka pa chuan sitting room ah thawm nei miahlo in kohhran chanchin bu alo chhiar a, thingpui no a dawm khu hlat hlat bawk.A bul lawkah Mampuia tui zetin ala mu a,ka pa'n thawm dim viau mahse ka nu erawh a tihfo danin a che ri bur bur thung.







"Ipa hi lawm, arsa hi nizan ah sat lawk vek turin ka tia,atilo pek a zing buai angaih phah" a ti hlak hlak , sa sahchhan ah chuan a sat zui chawrh chawrh.Ka pa hmu theilo mah ila athuthmun ah alo nuih suk suk ka ring.
"Eikhawp lek hi siam hrih mai ang,akhal bawk si" ka nu'n ti leh in a sah sawm sa chu silhmun ah a dah nghal zung zung a, keiin a tih hnawk lai kalo ti fai ve bawk.






Chawlhni ah hi chuan Vawksa kan hmeh tlangpui a,nizan lamah kan chhum hmin sa diam tawh.Mahse Mampuia'n vawksa a ei ve ngai miau lo a,amah vangin arsa kan siam anih ber ka ring.Mipa ve hi ei leh in lamah akhirh zek a,vawksa pawh hi a ei theilo pawh ani hranlo, sa hrim hrim a ei manglo a, arsa a ei ve ber.Vawksa erawh a tem pawh a tem duh eihlo thung.Ran ahmangaih ti dawn ila uisa a ei leh zeuh thin tho sia! Asa eiloh chhan ber pawh hi ka hre bik lo e a! Keichuan akhirh ve pakhat ah ka ngai tawp.







Tukthuan kan ek fel a,thleng sengfel in kan insiam nghal zung zung.Mampuia pawhin rei châm dawnlo mah ila a chawlhni thawmhnaw akengtel ve thlap a,ka pa ahnial ngam dawnlo miau a, kenglo pawh nise ka pa'n athawmhnaw ahak tir hrehdawn lo tih hre sa in a inkeng vel thlap anih kha.
Nikum lam krismas dawna ka kawr thui tir chu ka ha a, ka thau ve deuh nge ni amar ve tang mai! Hmanni lawk kha chuan kala tawn mar manglo kha ania! Aizawl awm chu kalo ngaih viau te pawh ani maithei ani.







Kimkimi'n min rawn sawm dawn vangin ka pa te ai kan chhuak hnuhnung a, ka nu pawh Hmingmuana an dept a dah angaih vangin an chhuak hma bawk.
"Ilo sawi em?" Kimkimi'n ka beng bula atih sep chuan ka melh ha a,a sawi awmzia ka hriatchhuah rualin ka nui tawi tak.Mampuia hi a star a,Mampuia pawh ka hrilh ngei mahse "ka tih teh mai nia" alo ti vak a.Kimkimi chutianga han hrilh let chi aniin ka hrelo nen ka la hrilh lehlo kha ania.Mampuia berin a tih tlat chuan an beisei a bo duh ngang mai.







"Mampui,i thutpui tur ka zawnsak dawn che mi" kan ti a,mikhual e tilo chuan "naupang pawh kan nih tawhloh hi, inkhawm chhung a rei nang mahni in ka thu hreh lo" alo ti ve reuh.Mipa hi chu an awlsam zawk thin tiang hun ah hian.Hmeichhia chu kan zin chhuah te hian kalpui kan neihloh chuan inkhawm te hi kan hreh ru tlat thin.

"Eh! Bza te chuh!" kimkimi'n a tih hluai chuan a hawina lam ka hawi ve vat.






Gate te lam atang U Raymonda leh U Siamkima te'n U Bza an rawn kuah lut! Chumai anilo, kamiz nen an rawn induang ve zar mai! U Raymonda ngat phei chuan a inhmeh bik takzet,a sang tha bawk si.Mak ti a thlir tu chu keini chauh kan nilo,midang pawn an melh ve hrek hrek mai.
"Kim, lut ang Mampui kan lut mai aw anih" ti zung zungin min rawn hmuh hma chuan Kimi ka kai kal nghal dawr dawr.Puan kan bih bawk si, pheikhawk sang kan bun bawk nen kan kal chak lo viau thung.


U Raymonda'n min ko ri chu ka hre ruai a, ka hawi let duh eihlo thung.Mahse biakin an rawn rap chuan engtin emaw tak min khawih a, ka lawm zia chu pui tak ani.Ka chhungril a hlim ngawih ngawih ani ber.







Kan thufel deuh chauh tih ah U Raymonda te ngei mai chu biakin ah an rawn inkuah lut a, zai ri ring viau mahse kan bul vela phun thawm chu kan hre pha tho.Hetia mak tih hmel taka kanlo en vang hian hrehawm an tiin inkiltawih in an rawn inkhawm zui duhloh mai hlauhna ka nei a, mi zawng zawng ka thunun thei silo.Pathian hnenah a rukin an tan kan tawngtai sak fo a,tunah pawh inkhawm an chhunzawm zel theihnan ka rilru in ka tawngtai sak mawlh mawlh.

Mak mintih tir lehzual turin Mampuia rawn lut ve chuan thutna awl tamtak karah U Raymonda te bulah chat chuan ava thu ve leh zel a! A thuthlak rualin amit ko la duk deuh chu U Raymonda lam hawi a kawk zeuhin a nui zui bawk!




Chawhnu leh zan thleng chuan U Raymonda te thianho biakin ah hmuhtur an awm ve zel a,KTP hruaitu te lam pawhin thawhtan zan thlenga tel ve zel turin an sawm nghal lawm lawm.






Zan inkhawm kan ban rual chuan Mampuia leh Kimkimi te nen kan inzui haw hnak hnak a.Kan in thlen hma hret ah U Raymonda te thian thum bawk chu anlo ding vang! Inkhawm bang dang an awm ve neuh neuh bawk nen an ni thian thum lo ding khawm tup chu melh haw haw a be ta te pawh an awm nawk.

"Nuni, Raymonda hian abe lawk duh che a"an zawn kan thlen chuan U Siamkima'n alo ti ta chiah reng a, kan pathum pawh chuan kan ding ve chat tho.Han chhân mai dan tur pawh chu avang khawp, U Raymonda lah chuan ngenngawl zet hian minlo melh ve reng bawk si.






"Inbe ru, khawi Ko Siam dawr ah khuan keini'n coffee lo zu in ang u"Mampuia'n a ti hlut a, hepa hian enge maw ahriat chiah pawh ka hrelo e a!
U Bza chu U Raymonda kuahna lama kuah zawmin dawr inhawng lam ah an baithlak pui auh auh mai.

"Dimples"a ti nghal sup.






"Sawi thuai la" ka lo ti nghal tawng, chutia tih pawh chu ka tumdan ani biklo.Mahse tlawm nghal mai harsa ka ti em ani.
Inkhawm bang veivak anla awm nawk bawk nen min kai lawk in dawr lam chu min panpui ve ta tawp a, ka hnial biklo.
Dawr chhungah chuan lut chuanglo in a sira huan chhukna step ah chuan min dinpui ta zawk.






Ka pheikhawk bunin ka ke a ti na tawh bawk si chuan zah pawh dawnlo in ka thuthla tawp a, puan bih mah ila step ah chuan abal lam ngaihtiah lo in ka thu tho.Ke kham ngawih ngawih a awm ai chuan ka puan bih lai suk leh mai pawh kha ka duh zawk.

"U Raymond i sawi duh chu sawi thuai la" dam zawk chuan kan ti leh a,ka bulah rawn thu thla ve nghal zatin "ka tihpalh" a ti zawi sep!






"Dimples,min ngaidam thei em?" A ti leh ruih.







"U Raymond,ngaidam theilo tur che khawpin ka fel famkim biklo.Mahse inthen kha chu ala ngai reng thung.Ka ngaidam thei che a,ka rilru na erawh a la ngai reng tho" ka ti sep sep.

"Min ngaidam theilo anih chu" ti zawi ruihin hnuailam a bih nghal rulh.Adik ang, kala ngaidam theilo chu ani ber a nih hi.Ka ka chuan chhakchhuak mahse ka thinlung in ala pawm ve tlat lo.





"In ti tha lutuk, biakin lamah tâl tam zel ru aw" ka ti leh lawi a, ka lawmna hi ka thup thei thlawtlo.






"I tan alawm" a tih chuai raih chuan tawngleh tuna ka ang ziau chu ka tawp chawt.Ka tân chauh maw? "U Raymond" ka tih sep a, ka lam muangchang hian a rawn hawi.
"Keimah vanga inkhawm turin ka duh lo che" ka ti chhuak fak.
"Keimah vang nilo in nangman i mamawh vangin Pathian bel zawk rawh.I mihringpui vang chauh a ti inih chuan a daih rei dawn chuanglo asin" dam zawk chuan ka ti leh a, anui tawi tak mai.





"Kan haw phawt ang, kan rei lutuk chuan ka pa ten minlo ngaihtuah ang" ti zui zatin ka ding zui a, ka ban ah alo vuan nghal chawt.
"Hun...hun tal min pe leh rawh" a la ti fan! A tawngkam reng reng chu a zuai raih a,inrintawkna reng anei tawhlo.
"Mangtha phawt le" ti in akut chu ka la thla a,ka pensawn rualin ka inchhir nghal.Mahse keimah vang chauha Pathian ahnaih chu ka duhlo a,thildang chu lo dahtha ta pawh ni ila Pathian lama piantharna a neih chuan siloh chuan kan inkawp rem thei tak tak lo ang.Engtia han awm zel chi nge ka va hre lo em aw.







In kan thlen chuan kan haw tlai deuh chhan pawh minlo zawt chuanglo a, room ah lut tlang nghal in ka inphelh thawl nghal sawt sawt a,ka pheikhawk ka phelh rual chuan ka ke a vûng nasa tih ka hmu nghal zat bawk!
Vûng mai mai ang pawh anilo,hmeh pawhin zu khuar dawk thei a mawle! Ana miah bawk silo,pheikhawk sang ka bun nilen vang nge mawni aw...!!!????


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 26470
Joined: April 30th, 2016, 4:07 pm

Unread post by Ngaia » June 9th, 2024, 8:22 pm

*Simple Dimples* ch~21






Thli tleh leh Ruah sur nasa in leimin a siam a, Nutei te'n khaw awmdan ngaichang hmasa turin min rawn chah a,Mampuia a rawn tel ve zel bawk nen Aizawl lama chhukthlak pawh an rawn hmanhmawh lo khawp mai.Tiang hunah hi chuan khawpui aiin Thingtlang lam a him zawk tih an hre chiang ve te pawh ani mahna.
Leimin vanga thi an awm nual tih chanchinthar mai nilo social media hrang hrang ah kan hmu bawk a,an khawngaihthlak takzet.Furpui a intan hma hauh atang tiang kan tawk chho chu ani mai sia! Furpui hmachhawn huphurh ngawih ngawih an kat nghal nuk dawn a,mahni inlum ah pawh hlauthawng reng reng a muhil theilo an tam viau bawk ang a,an va lainat awm hlawm tak e aw.Tawngtai pui lo chu heta tang chuan kan tan tihtheih a awm bawk silo a,chhungkhat laina hnai chân ve lo mah ila rilru ana ve veng veng tho ani.






"Nunpui" ka tui dawh lai chuan ka nun a rawn ti hlawl.
"Aw"





A sawitum sawi mai lo chuan min en deuh vang vang phawt ang. "Tuntum i rawn hawng hi i va hâng ve!"a ti chhuak hlawl! 'iva thu ve ' pawh a ti lo 'iva hâng ve' min ti!
"Nisa ah ka tal tam aniang" ti nang nang in "han te chu aho e, a tlo zawk" ka ti leh nang nang a,mahni fate 'iva hâng ve' an ti ngai emawni.

"Aw, engpawh nise Hmingmuana tiffin tur artui lo kang teh aw.I kut a hnawih tur Kimkimi te huana aloevera ka han la lawk"atih zawm nghal a, Kimkimi te aloevera ka bân kâng laiah kan hnawih char char a,ahil duak tawh! A ngaih reuh khawp mai ala reiloh teh lul nen.






Hmingmuana tiffin tur ka siam a,Mampuia ka kaihthawh leh te te hnu ah chaw ei ka siam zui zat.
Ka pa huan a alut arawn chho ve chiah bawk.
"Pa, pal hungna chu engtia tih chi nge?" Inchhung alo luh rualin kalo ti nghal thuai.Thlitlehin kan pal hungna a chhem thlu a,chumi enfel a zu chhuk ani.






"Â...thiah vek a abul atanga tih that law law chi,naktuk lamah khua that leh ka la ti mai ang.Tunah hrih chuan lei ala hnawm lutuk a angheh that theih ka ringlo"ati charh charh a,kan la pui hman dawn tal a azia e.







Tukthuan kan ei kham a,Mampuia'n bike in Hmingmuana athlah ve ngei a.An tlân thui dawnlo mai sia,a peih pawh an peih zawk.An inkawm tawk em em mai lehnghal a! Mampuia'n tihdan athiamin abawl thiam mai sia,ka nu buai ngai miahlo in kha an in phur chhuak ve ngei alawm.

Nî alang bawk a tiin tual ka phiat fai a,hnahthel ro mai nilo a hring pawh phiahfai tur atam viau.Ka kâwng kham lutuk chu ka ding leh ang renrawn thin a,tunlai hi ka chiangkuang lo lutuk inentir ka duh ve deuh ta hial mai.Hmanni thil thleng vang kha chu ani thei in ka hre tawhlo a,ka period hnaih vang zawk nge mawni le?







Tual ka phiah zawh ah inchhungah ka lut a,tui ka in nghal khawlh khawlh.Ka ph inverter a ka charge chu ka on a,electric ban tlu an siam dawn vangin power supply an cut hrih a,nizan lamah kalo charge lawk theihnghilh nen inverter ah ka charge ru tawp.
Whatsapp ah ka lut nghal zat a, U Raymonda hming a chung ber ah alo lang nghal! Nimin lam ami pawh kala open lo hrim hrim a, a tam tawh viau mai.






Open tum chuanglo a mi status en tuma ka thai na lamah ka lut fu palh! Mahse a thu min rawn thawn ho chuan ka mit ala ta viau thung.
"Dimples,inbia ang aw"

"Hmaichhanah inbia ang aw"

"Ka tihpalh" tih ho chu nimin lama mi vek an ni hlawm a,adang pawh ala tam mai.Scroll thla pawp in ahnuai ber ami chu ka chhiar a, "i tân insiamthat phawt ka duh, nangmah vangin insiamthat duhna ka nei a ka thilthalo tih nangmah vang liau liau in thlah ka duh bawk.I tân ka insiamtha anga,nangin Pathian lam ka hnaih theihnan min pui zawk thei lo em ni?Keimah chuan engtia hnaih tur nge ka hre lo,Pathian hnaih tur chuan min pui thei dawn lo em ni?" Tih ani.
Ka mittui vanga hmu phe ruai chungin ka nui hak a,ka hlim takzet.U Raymonda hnen atanga chutiang thu dawn chu alawmawm lutuk ringawt.Amaha Pathian lam hnaih ringawt turin ka lo duh a,keimah vang ringawt a ahnaih chuan engemaw hlek ah athlah leh mai ka hlau thin.Mahse keimah hmang pawn Pathian lam hnaih se,amah ah rinna a intuh hman chuan a thlah tawh chuanglo ang.Kalo â thin hle mai!







"Tlaiah minlo lam dawn nia,bûng hmunah kal ang" tih ka thawn a,nui sen sen in ka ph chu battery ala tlem nen ka charge zawm leh nghal.

Charger ah ka vuah zo ka ding thut chu ka lu a rawn hai zawk a,ka pai nghal khut khut.


"Akhaih khaih, chhûn chhûn ah iva inhnem awm ve"Mampuia'n a lo ti hlut a, ka nui ve hak nangin ding ngil a ka pensawn leh tur chiah chu a rawm vir muai a, engmah ka hre zawm tawhlo!






Tawng nak nak thawm ka hria a,patling ipik hmel zeta thaw chhuak leh hawk thawm ka hre leh thin!
Ka mit ka meng riai riai a,ka lu la hai deuh chhalh vang chuan ka chhing leh sawk.

"Nunu, i harh em?" Ka nu aw ani! Nunu tiin min ko ngai tawp silo.



Ka mit ka men leh rual chuan "aharh e,enge i an? I tha em?" Hnaih zeta min bihin ka nu'n a ti nghal sawk sawk.






"Ka tha lawm" ka ti tial rat mai! Ka dang ro lutuk vangin ka chil lem khawlh ka tum a,ka ka pawh alo ro lutuk tlat.





"Damlo kha aharh ami?"hmeichhe aw hian a rawn ti a,ka nu'n min hliah phui vek vangin ahmel ka hmu theilo thung. "A harh chiah e"ka pa'n achhân hnu ah "doctor a rawn lut hman tep aw" hmeichhe aw bawk chuan a ti leh a, a chhuak zui aniang kawngkhar inkhar thawm ka hria.

"Nu,tui minlo tulh teh" ka ti zawi sep.A awmsawn rualin ka pa ka hmu nghal zat a,lungngaih hmel deuha min lo en chu ka nuihkhum seih a,mahse anui ve miahlo!







Ka nu'n tui min tulh lai mekin doctor ni ngei tur patling pahnih hi an rawn lut a, nurse form ha pakhat in a rawn zui bawk.Kan awmna hi kan khaw hospital anilo tih ka rilru ah a rawn awm chawpchilh nghal.

"Nunpui, na lai inei em? Taksa kham lutuk emaw na veng veng ang chi te pawh"tarmit vuah zawkin a tih chuan "nei lo e" ka lo ti ve mai.





"I nu leh pa te chu kanlo hrilh tawh tho a,mahse puitling ini tawh nen nangmah ngeiin i hriat ve tul kan ti a." a'n ti te te a,ka nu leh pa chu melh zeuhin kei min melh leh hnu ah "ESRD (End Stage Renal Disease) inei a,a awmzia chu i kal za a sawmkua hian hna an thawk tawhlo ani" a fiamthu anih ringin ka pa ka melh nghal zat a,mahse ka pa hmel atang Doctor chu a fiamthu lo tih ka hrethiam nghal si.


"Ava mak awm ve" ka ti zawi sep a "ka damtha viau asin!Na han sawi tham em em pawh ka nei lo a"ka ti leh nak nak.Hrisel tha viau a ka inngaih laia ka kal athatloh thu han dawn chu awih pawh ahar zawk.






"Mi tam tak chuan symptoms an neilo chawk a,helai inrawn thlen khan keimah ngeiin kalo bawihsawm nghal che a.I taksa avûn nasat vangin test hrang hrang kan neihtir nghal bawk che a, chuta tang chuan i kal thatloh thu chu kan hre chhuak a" a ti dap dap a..


"Ahlauhawm viau em? Ka thi dawn em?" Ka ti nghal thuai.Ka kal za a sawmkua a chhia tih min hrilh zo chiah a,a hlauhawm leh hlauhawm loh ka zawt ania! Â inti viau mah ila hriat ngei ka duh tlat.





"Ka hrilh tlang tawp ang che u, kidney transplant ineih ngei ngei angai tawh.Dialysis pawn awmzia anei thui tawhlo ang"ati ta fak a, ka chawmawlh ani ber! Engtin nge kal chhe khawp a damlo si ka danglam na ka inhriat miahloh theih le?

"A kal thlak angaih chuan kan pe thei ang chu tiraw Doctor? Apa a awm a,kei ka awm a anaute pawh an awm bawk a" ka nu chuan a ti nghal zung zung a, "in inmil em tih check hmasak angai a, ataksa chhiat chak dan en chuan Phai lamah kan refer hmasak phawt cheu angai tawh hrim hrim.Chumi ti tur ringawt pawh chuan thlawhna chuang tur in a infit tawk em tih en chhin phawt ala ngai hrih bawk ang" a ti lehzel a! Thlawhna chuang tura infit maw?


Khum mawng lamah kalin ka puan sin chu a keu a, ka mut miau vangin ka hmu zui theilo thung.
"A ke lam avûng nasa tawh a,a zun kan siak chungin a zungchhuak tlem viau bawk" a ti leh dap dap a,doctor ka atanga rawn chhuak hrim hrim chuan ka awm a ti nuamlo zo vek tawh.






Ka nu leh pa te nen pawn lama inbe turin an chhuak zui a,ka ke lam en tum hrim hrim chuan ka inbeng kang a, tha ka neilo kher mai! Thuchhuak tur ringawt pawhin ka thaw ahah viau! Ka puan sin ka keu chiah chu ka meng kawk ani ber ang! A vûng nasa lutuk tlat! Ka zun an siak bawk a! Ka hriat veloh laiin engtin nge tiang hian kalo awm?




"Aw....tinge i thawh ? Mu ta che i thaw hah leh anga sin" ka nu rawn lut in kalo thu min hmuh chuan ati nghal chung chung!


"Thawhhah a!"



"Aw,oxygen i ring char char alawm" a ti chuai raih.



"Nu engtia rei chiah nge ka muthilh a?"




"Ni hnih na chiah"a tih chuan ka thaw halh, ka mittui a rawn hnam nghal tiam tiam a "ka na viau ani tiraw?" Ka ti chuai raih.


"I dam leh dawn alawm, i kal kan thlak chuan i tha leh mai ang"ati chungin a inrintawk hmel loh takzet.
"Nihnih chhung chauhin tiang hian ka awm hman a,ka dam leh thei tak tak ang maw?" Mittui tling pam a ka nu ka melh chuan a rawn tap chhuak hawk a "aw..bawihte tinge maw kalo ât em em le ? Ka fanu a damlo tih pawh kalo hre lawk theilo a" a ti ngawih ngawih..Ka insut hraih a, a chhe ber ka ngaihtuah chang pawhin tiang dinhmun a ding tur hi chuan ka indah chhin ngailo.





Ka tapchhuak hlawp hlawp a, a hnu ah phei chuan ka thaw hleithei talo.."nu...nu..ka thaw..ka thaw theilo" ka ti tawk tawk.

"Awi..Chhana." ka pa a au zui nghal vak..Nurse rawn tlan lutin oxygen mask min vuah sak nghal chuk chuk a,pangai taka thawk tumin oxygen nen ka beih fe hnu ah ka pangai leh thei chauh.




"Bawihte, i dam leh dawn ania aw.Pathian ah rinna nghat tlat ila, i dam leh em em ang" ka pa chuan min thlamuan char char a, ka lu chungah kut nghatin min tawngtai sak hnu ah chuan ka rilru a hahdam ve ta huai mai.




"Raymonda alo thleng tep ang"ka bula thutthlak pahin a ti a "U Raymonda Aizawl ah a awm maw?"ka ti sak talh.Oxygen mask ka la vuah miau vangin ka duh angin ka tawng theilo.

"Kan phurh thlak ni che atang khua ah ala let leh hleinem.A men rim tawh em vangin mu hahdam turin kan in tir haw thei hram a, i harh thu tun mai khan kan hrilh a Damdawiin lam arawn pan leh mek" a ti a,Bûng hmuna inhmuh kha kan tum tak e!ka kal theilo tih ahriat in engtin nge a awm ang le ?





"Raymonda alo thleng anih chu, ahaw leh duh dawn silo a tu zawk in nge Mambawihi awmpui ang" ka nu'n a rawn ti a, ka pan min enin "Cabin ah awm mah ila pahnih chauhin kan awmpui thei che a, Raymonda kan tir haw thei dawnlo nen inu nge kei a awmpui i duh? Mampuia i patea te inah kan rawn kalsan tawp a, a tu emaw zawk zawk chu kan haw angai a"a ti dap dap a..


"Ka hrelo" ka ti zawi sep.





"Mipa ve ve chu abuaithlak ang,kan riak hmasa ange"ka nu chuan tiin an insawifel thei mai.

"Anih chuan Mambawih,ka kal mai ang aw.Ka chhuah hunah chauh Raymonda a rawn lut thei dawn a, naktuk ah ka rawn kal leh thuai dawn nia" ka pa'n a ti a,mangtha nan ka kut ka chet ringawt tawp.Ka tawng apiang hian ka hah zual atin ni.





U Raymonda a rawn lut ve nghal zat a,kalo meng min hmuh rualin ka bulah a rawn thu nghal chawt bawk.


"Na ila nei em?" A ti hmasa ber a, ka neilo tih hriat tir nan ka lu ka chet dat ringawt.



"Tak tak" a tih chuan ka bu deuh nghat nghat a,min duat hmel fe hian min melh a "i tawrh ai tuar thei ila ka ti hle mai" a ti chhuak ta sup!
"Dimples,i chunga ka chet dan vang khan min ngaidam duh ang tiraw? Min ngaidam duhlo mahla ka kalsan dawn chuang miahlo che ania" a tih leh chuan ka nui ve hak a,ani pawh anui ve sak nangin ipik hmel zetin a awm leh nghal.


A hmel la thlir ning lo viau mah ila ka mut a chhuak ngawih ngawih a,a rawn thleng ve chauh a mutsan daih chu ka duhlo.Mahse ka inthunun theilo! Ka mitko hi a rit ngawih ngawih in ka hria!


"U Raymond"ka ti a, ka aw chu a chhuak chang chang chauh ani.




Ka thusawi hriat tumin a beng a rawn dawh hnai nghal zat bawk. "Ka muhil lawk ang aw"zawi zet chuan ka ti a,tho kang in min melh ngawih ngawih a "i kut hi kalo chelh tlat ang,i bulah ka awm reng dawn ania.I mit kha rawn meng leh ang che" a ti nghet churh.
A rilru tur ka hriatthiampui lutuk, ka mit ka meng leh tawhlo mai ang tih ahlau ani.A dinhmun ah ding ni ilang kei pawhin chu chu ka hlauh ber ani ngei ang.Ka mit chu ka chhing riai riai a,ka taksa ngei pawh ka thunun thei tawhlo chu ani ber si a!



RAYMOND POV.




Dimple~i kut chu ka chelh tlat a,anu a awm ve reng chungin ka indnag zo tlat lo.Ka hmeichhe hmangaih em em natna khuma na ngawih ngawiha amu thlir chu harsa viau mahse a taksa si lo a awm ka duhlo.
Hmeichhia ka hriat tawhah chuan a hmeltha in a rilru ala tha ber ngei ang.Amah ang hi tumah kala tawng ngailo a, ka nihna ang ang a min pawmtu ka tawn hmasak ber ani bawk.Nikhaw hrelo in a tlu tih ka hriat rualin an in lam ka pan ve nghal a, Aizawl lam pan turin anlo in puahchah mek kha ka zui ve nghal tawp anih kha.
Ka rilru amang zo a, helmet takngial pawh khum lo in Aizawl ka inkhalh thleng hial.Kan khaw lamah ka la haw leh miahlo bawk a,ka mamawh pawh ka chhungte'n an rawn thawn angaih phah hial.






A kal thlak angaih thu leh a dinhmun athat loh zia ka hriat rual khan engtin nge ka awm pawh ka hre mumal tawhlo.Ka indem a,amah ka dem bawk a natna atuar chunga engmah min hrilh ngailo kha ka dem a, hetiang khawpa na a tuar chunga thlalak edit chawp vang maia kalo hliam kha ka inhaw hluah hluah bawk.Nula fel leh zaidam,hmangaihna ngah lutuk in tiang atawk hi Pathian ka dem hial bawk.Tinge a rawngbawlsak tu ngei chu tiang natna hi a pek?Duat taka enkawl a malsawmna tinrenga vur tur zawk anih laiin tinge natna khumah amut tir hi ka hrethiam theilo! Dimple-i tan pawh hian afairlo ngawih ngawih alawm




Tui zeta amuhil chu ka melh ngawih ngawih a, ahmeltha takzet ani! Chutia ka en ngawih ngawih lai chuan Nu Hma in "Raymond, muhil ve daih la kalo meng hmasa ang chu.Kan pahnih a menpui ringawt pawh awmzia a awm chuanglo a" a rawn ti a, ka mutsan dawnlo hi ani tawp.Amit a rawn men leh ruala ahmuh hmasak ber nih ka duh.

"Muhil hmasa zawk rawh, chhunah ka mu hrep tawh a ka mut a chhuak hrih mai lo ang" ka ti a, dawt ka sawi.Chhunah chhîn khat pawh ka chhinglo.Kalsan ka duhlo takzet chungin anu leh pa an ni a, mi pahnih chauh awmpui an phalsak miau vangin ka kalsan chauh ani.Ka bungrua lam ngai lo pheise chuan damdawiin ka chhuahsan pawhin ka ringlo.


Nu hmai chuan min hnial a sawt dawnlo tih ahria nge ni damlo awmpuitu mutna tur ah chuan amu zal ta a,amuthilh theih mai ka ring biklo chungin han titi pui pawh ka peih hrih chuanglo.




Dimples-i muhil chu mit khap leklo in kalo melh leh thin a,ataksa avûng nasa in ahmai erawh a vûng nasa lo hlauh a, chutih rualin thisen neilo ang maiin a dâng em em thung.Chuti chung chuan hmeichhe tam tak aiin ala tha fal nalh a, ka mitah chuan ala tha ber tho.




Kan inhmuh hmasak ber tum ka ngaihtuah chhuak a,kan khua an lo insawn a kan inhmuh kha ani chuan ahmasa berah angai maithei.Mahse ani hauhlo thung.

Kan inhmuh hmasak ber na chu Civil Hospital kawtah ani, ani pawh hian min hmu ngei a mahse min hrechhuak zo tawhlo anih ngei ka ring.Kum nga liamta daih kha ani tawh bawk hrim hrim a,ka thiantha ber Muansanga min kalsan ni tak ani.
Aizawl ah lehkha zirin kan awm a,damdawi akhawih ru thin tih ka hria a thlah turin ka pui nasa bawk.Ka thiam ang tawk in ka fuih a,mahse a insum thei ta nganglo nge ni an bathroom ah nikhua pawh hre tawhlo in alo let reng a,a hmu hmasa ber tur ka ni nghe nghe bawk.




Kum nga lai aliam tawh chungin ka mitthla ah ala lang chiang ngang mai! Tlai inkhel tura sawm tumin a ute in lam ka pan a,inluah lo in a ûte in ah a awm ani.Ka thlen chuan bathroom ah a luh thu minlo hrilh a, a inbual anih ringin ka nghak ve mai bawk.Minute sawmpanga dawn ka nghah takah chuan ka ngaih thalo in ka au a,min chhan mai loh vangin kawngkhar ka chum nghal dawt dawt .Kan luh fel meuh chuan alo let reng tawh, a taksa a dai tan hial tawh zawk.

Amar hmu tawhlo mah ila ka beidawng duhlo damdawi in lam kanla panpui hram a, mahse kan thlen chuan alo tlai tawh lutuk,a thihna atang darkar chanve dawn aliam tawh thu min lo hrilh.A O.D thu min hrilh bawk a, khami tuma ka mangan zia chu pui tak ani.





Ka thianpa nunna nei tawhlo chu ka hmu ngam thlawtlo a,pawnlam ah ka tlan chhuak nghe nghe.Chutak chuan Dimples i hi ka su thlu a, ka sut thluk vanga thinrim miahlo in azah vang zawkin athiannu chu akuah nawk nawk a an kalsawn nghal daih bawk.

Parking lot hnungah ka thu hnawk a,inthiamlohna nasa takin min chenchilhin mu leh mal reng ka nei theilo.A tirah khan bathroom kha kik nghal in emaw,an inah khan thleng hma deuh ilang ala dam ngei ang tiin ka indem nasa .




Ka hnaih lawkah hmeichhe tap hliam hliam thawm ka hria a, an lam ka va hawi chuan Dimple~i leh a thiannu bawk kha anlo inthlem nak nak. "Remi, tap tawhlo la.I Pu chu natna awm tawhlohna ah akal daih tawh alawm.Na a hre tawh dawnlo a,hlim deuhin kan kal ve hun minlo nghak tawh zawk dawn alawm.Ipu phei chu a fel ropui sia, Pathianin na tawrh tir reng aphal lo a ama bulah nuamsa deuha awm turin a hruai anih hi"tiin a thiannu chu ahnem ve a, athiannu ahnem na chuan ka rilru chhawk zangkhai in zawhna min siamsak bawk.Ka thianpa kha O.D. ani a, Vanram akai ve angem? tih ani.



Akut ka chelh mek lai chu a rawn ti che dat a,amah ka melh rualin alo meng chhuak riai riai ka hmu a kalo nuih suk.




"Inu a muhil a" ka ti hmasa ber a,zing lam dar li a ri tawh a,Nu Hmai a muthilhna ala reilo thung.



"I muhil ve em?" A ti zawi sep a,ka lu ka bu zeuh ringawt chu nui seihin "dawheh" a ti zawi raih.
"Ka mut achhuak ve hleinem" ka ti a, anui leh ringawt tawp.

"Ka mask tello hian ka thaw thei tawh in ka hria" ti a pawhthlak mai a tum chu kalo dang vat a,"nurse kan ko phawt ang.Inin pawn lo la vuah lawk la" tiin nurse ko turin ka chhuak zui.




Nurse in a oxygen level a check chuan alo tha tawh viau a, a mask chu phelh sakin athawk a buai leh ruala vuah vat turin leh a on dan te chu min hrilh nghal mawlh mawlh.
Nu hmai pawh ameng rim ve tawh nen kan thawm ah pawh chuan aharh lo hrim hrim a,kaihthawh pawh kan tum chuanglo.




"U Raymond"a tih chuan "umm" kalp ti thuai.




"Thi ta ilang engtin nge i awm ang?" A ti chiah chu ka thin aphu nghal dawt dawt! "Chutiang sawi hlek suh Lalnunpui" ka ti hrawk bawk.

Thaw hakin "ka tihpalh,vin che ka tumlo mahse khatiang thu kha sawi tawh suh ang che" dam zawkin ka ti leh,a thi tur hi anilo tawp.



"Ka ngaihtuah a" a ti zawi ngiang a, "ni hnih thum lek a hetianga ka awm anih chuan second reilo te chhungin ka nunna a tawp reng thei tih"
"Lalnunpui" ka insum hmanlo chuan ka ti leh hrawk.
"Sawi tawh suh ka tih chu"


"Thih ka tum hleinem, i thusawi mak deuh deuh ngaithla tura dam ve reng ka tum alawm"fiamthu a atih pawh chuan ka nuihpui theilo.



"U Raymond,Vanram nawmdan tur hi i ngaihtuah ve ngai em?"

"Chulam sawi tawhlo ang" ka ti chungin "lungngaihna te, tahna te a awm tawh dawnlo a.Angkhat vekin kan awm tawh anga,Vanram ah chuan pangpar mawi tak tak te mihringin a kan ngaihtuah thiam phakbak a hlimna te a awm dawn asin.Anuam ngawt ang" ati siam siam a,tunah tak chuan Vanram nawmtur zia chu ka ngaihthlak duhloh ber te zing ami ani ngei ang.



"Ka awmve dawn hleinem, nuam ila ti tho ang maw?" Ka ti chuai raih.



Nui sen sen hian min melh a "i awm dawn alawm,kan pahnih in kan awm dawn alawm"inring tawk fe chuan a ti leh.
Kun ngulin ka ghaw chhuak hrawk a, "Umm kan kal ang, mahse leia kan awm chhung pawhin awmdun reng ka duh a, chuvang chuan i dam phawt angai.I tuar chhuak ang tiraw"beiseina ahlauh mai hlau in ka ti sup.

"Dawn e,Vanram chu nuam dawn viau mahse i bula la awm ka duh a chuvang chuan dam tumin ka bei dawn alawm" min nuih sen sen hian a ti a, akut chu fawp tawkin "i dam ngei ngei tur ani" ka ti sup.



Doctor in a kal chhia in ataksa peng dang a tih chhiat tel mai ahlauhawm thu asawi a, chutiang khawp chuan tunah hian a dinhmun a derthawng ani.Chuti chunga nui hmel minla hmuh thei chu amak ka ti zawk hial mai!


A tawng hnem deuh apiangin a thaw ahah dawn dawn zel a, a aw ngaihthlak nuam ti viau mah ila tawng tam hrihlo turin ka ti ta tawp.
A tha leh ang, adam leh ngei tur ani.Ka kal pahnih pawh hi pek ngai se ka pe mai ang,engang pawn Vanram chu nuamdawn mahse ka kaltir phal hrihlo.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 26470
Joined: April 30th, 2016, 4:07 pm

Unread post by Ngaia » June 9th, 2024, 8:22 pm

*Simple Dimples* ch~22



Nunpuii POV.



"I aw ri ngei ngaihthlak leh ka duh ania" ka kut abianga nawr na na chung chuan a ti sup a,ka nuih seih ringawt.Ka tiam ngam tlat lo, tunah pawh hian thlawhna chuang turin ka infit tawk lo tih Doctor ka atang ngei ka hria a,ka taksa peng dang achhiat zel loh nan risk kan la tak meuh meuh ani.
"Min tiam rawh Nunpui" a ti leh ngat.
"Umm"ka ti zawi sep.




" Pathian khan 'Min au la ka chhâng ang che' a ti tiraw? Ka auhna a chhang ve duh angem?"
"U Raymond,chhân duhloh anei hleinem.Bo thui viau tawh in inhre mahla Pathian chuan ala pawm duh reng che,i tawngtaina pawh achhâng ngei ang"ka ti nghet charh a,oxygen mask te nen kan la nih rup vangin ka tawng pawh duh angin a chhuak tha hleithei meuhlo.

"Dam taka i rawn haw leh hma chu ka au anga,ka tawngtai bawk anga min chhân hma chu ka beidawng lo ang.Min kalsan duhna rilru lo pu bik miah suh ang che"ka mita min en chung chuan a ti sup a,tawi te a nuih in ka kut chuan ahmai ka han ban leh da da a,amah zawkin minlo chelh leh thuai in ka kut chu zawite in anul zeuh. "Beidawngin min siam suh aw,Dimples"ngainatawm zeta min melh chuan a ti a,ka chau em a ka nuih let peih tawh nganglo.





Kan flight chhuah a hun dawn hnai a,U Raymonda chuan min kaltir har a tih tluk zetin ka kal ngei angaih zia a hre bawk si.A mitmeng ah chuan min zui ve mai a duh zia alang chiang em em a,theih se chuan engkim huamin min zui ngei ang.
Nurse pakhat min vul tur kan mamawh vangin kan hruai a,U Mapuia chinchang hre deuh leh ka pa in min kalpui bawk.Damna duha hmunpui lam kan pan na ringawt ah pawh sum tam tak kan khawhral angai dawn a,ka nu leh pa lakah ka inthlahrung zual ngawt ngawt.





"Û,ilo haw leh veleh minlo tlawh rawh aw.Kalo nghak reng dawn che ania" ka nau Dindini tap tuau aw chu ka hre vuai vuai a,U Raymonda aw ka hre tel leh zeuh thin bawk.Lengpui Airport thleng motor ka chuanna ringawt pawh ka chauhpui tawh a,kan tumram hi ka thleng zo ve tawhlo mai ang tih chu ka hlau hle ani.
Ka bianga ka mittui luang thla ngiai ngiai chu ka hre thei a,ka taksa chu na lai sawitur ber ka hre lo,ka ngaihtuahna chauh hi ka neihchhun takmeuh meuh ani tawh berin ka inhria a,ka zunchhuak takngial pawh ka hre tawhlo!






"Mambawih,na lai i nei em?" ti tu chu ka pa aw ani.Na ka neih leh neihloh ka hre miau lo a,ka tha tih hriattir nan ka lu chu ka ti che zeuh ringawt.
Ka chau ngawih ngawih a,muthilh chu ka chak takzet bawk.Mahse ka muhil anih chuan ka mit ka meng leh tawhlo mai ang tih ka hlau bawk si,atawp thleng U Raymonda beiseina ka tihthlawn loh nan beih hram hram ka duh a,ka theih chhung chu intiharh luih tang tang ka tum ani.






Hyderabad kan thleng a,kan nurse hruai in alo biak lawk tawh vangin Ambulance in kan hospital awmna tur lam kan pan nghal chuk chuk bawk.
Din khawmuan kan nei meuhlo bawk hospital kan thleng har hranlo hle.Doctor rualin min hual nghal suau a,Hindi leh English an hman pawlh nawk nawk bawk nen engvak chu ka hre thiamlo.U Mapui leh ka pa inbe thawm te chu ka hre vuai vuai ringawt a,engber nge an sawi pawh ka hre tawhlo.






Raymond POV.





Dimples-i chanchin ngaichang in Pastor quater ah kan thukhawm thup a,kan thianho leh an thenawm hnaivai piah lamah kohhran upa an awm ve nual bawk.Tiang huanah chuan kohhran upa te meuh pawhin min thlamuan zo tawhlo anih ber hi maw.






"Hei an rawn ph e"Nu Hmai'n a rawn tih lauh chuan kan ngaihven nghal suau.Khua a thim tawh a,zanriah erawh thenkhat hi chuan ei zai kan la rel thei meuhlo.
Zing lama chhuak an ni a,an thlen tawh thu an rawn sawi bak chanchin engmah anla rawn sawi leh loh vangin eng kan la ti hlei thei hlawm lo.


"Enge awmzia?"atih hluai chuan ka thu hle hle thei tawh bik lo,ding hluai in nu Hmai lam chu ka pan a,Dindini'n "nu,enge ka pa chuan asawi?"tiin ka zawh tum tak chu alo zawt ve chiah bawk.
"Nu hma"ka ti dut a, ka thin chu aphu rang takzet tawh.






"Mambawihi chu ICU ah an dah anih chu" a ti zuai ta raih mai! "An zai nghal lo em ni?"ka tum ni hauhlo in ka aw chu a ri chhuak hrawk! "Raymond"tiin ka thian ten minlo chelh nghal thuai bawk.
"Nu hma,tinge Nunui chu ICU ah an dah a?"Siamkima'n alo ti ve bawk.






"Ngawirawh u,keiman kan zawt chiang ang e"tiin Upa zuala chuan Nu Hmai ph chu alaksak a,"aw Chhandam enge chanchin"ati zui mawlh mawlh.
Nu hmai chu thuthlengah thuthla dawtin a inhnit zui mawlh mawlh a,khur hlawk hlawk in ka en mawl tawp ringawt.
"Anih chu,ava zialo ve aw.Kanlo tawngtai pui nasa ania chanchin kanlo ngaichang reng ang"Upa Zuala'n tiin ph a dah zui a,"Nunpuii chu ICU ah an dah lut nghal anih hmel a,anatna ber chu Septicemia anih chu.Tawngtaipui ila,tunlai ah thiamna te a sang tawh a,a dam leh em em ang"a sawi ngei pawh chu a awihloh hmel zawk! Septicemia maw?






"Nu...Septicemia vei ho chu damchhuak an vâng ani lawmni?"ti tu Kimkimi chu ka melh hrawk a, "ngawi hmak rawh" ka ti chhuak hrawk."Raymond..thiana inbengdai hmasa teh"ka thiante'n minlo chelh beh rengna chu ka thingthla lawp a,thinrim zetin ka chhuak zui zat.
Pan tur ka hre chuang hauhlo! Chuti chung chuan ka hmalam panin ka pen zel tho.






Ka hma a in lian zet ding chu ka enchho rân a,kawngkhar ah chuan ka lut ang nge lut lo ang tih ka in ngaihtuah lai mekin "Lut rawh,kan kalh hleinem"ka veilam atang chuan aw hian a rawn ti!
Awri lo chhuahna lam ka hawi chuan kan chawkidar Pu Maruala chu nui sang hian alo ding.
"Helai hmun kalo kal rikngawt chhan hi ka hrelo"nui hul hak in ka ti chhuak halh.






"I hria ang,mangan tawpkhawk ah chuan anî lo belh tur kan nei ngai hleinem"biakin lam thlek zeuh chuan nui sang chung hian a ti a, "chuvang alawm a in kawngka pawh kalh anih ngailoh reng ni"ati zui bawk.
"Va lut rawh,tihtakzet a kan dilna hi achhanglo ngailo ania"ati leh chung pawh chuan ka dinna ngaiah kala ding reng.Hriatthiam har ka ti ani,tinge atana rawngbawl thin leh pawi pawh sawi hauhlo tiang natna apek le? Kei min pe se sawiselna tur tumahin an hre hauhlo ang.Mahse Dimple-i kher? Tinge misual te hi min hrem zawk mai loh?






"I duh i dîl miau loh chuan a chhâng thei nang che, kan duh chu kan dîl chhuah angai ve bawk thin ania"ka bul a lo thlen lai reng ka hrelo! Ka hnungah chuan min nam dat a,"va lut rawh"dam thlupa tiin min nem zui dat.
Biakin kawngkhar lian zet lam pan chuan ka pen chhat chhat a,kawmgkhar hawnna chu chelhin thawk ka lak vak hnuah ka hawng riai riai.
Achhung chu a ruak huai a,pawn lam atanga êng lo lut bak chu êng dang eih a awmlo chungin engtin emaw tak hian alum riau si!







Maicham hma zawn tak khuang hûnna bulah chuan ka thuthla hnawk a,ka rilru in thil tam tak sawi mahse ka ka atang chhuak tur a awm hauh silo!
Rei ngial ka thut hnu ah thaw chhuak halhin "engthil mah i hma ah dîl ve ngam tur che ka nilo,mahse iti dam thei a,khawngaihin ti dam rawh" ka ti chhuak a,thaw leh hakin "anatna zawng zawng a ai min tawrh tir mah la sawiselna tur ka neilo.Khawngaihin ti dam rawh" ka ti chhuak tawk.Ka bek a huh hliam a,mipa ve tak ka ni ka inti chungin ka mi hmangaih em em thih sual a a awm meuh chuan ka mipa tak tak thei bik lo.

"I ti dam ang tiraw?" Angen tak meuh meuh hian ka ngen ani ber.A reh tlawk tlawk a,chhânna reng ka dawnglo.Hetiang hian ka pa ngei pawh kala dil ngai hauhlo a,midang phei chu ka la dîl lo lehzual.







Biakin atanga ka chhuah chuan alo reh duk tawh a,darkar engzah nge ka awm pawh ka hre tawhlo.Dawr inhawng takngial pawh alo awm tawhlo nen kan in lam ka pan dawn nge Pastor Quater lam bawk ka pan leh dawn tih chu ka in ngaihtuah nasa a,Quater lam panin ka kal leh ta nge nge.

An kawt ka thlen chuan an la mu lo tih hriat takin alo la eng thap a,choka kawngkhar alo la inhawng huai bawk.






"Khawnge i kal daih a?" Choka ka luh rualin Kimkimi'n alo ti hlut.
"U Siamkima'n U Bza a thlahna ala reilo,atam zawk chu mu turin an tin tawh a, Nu Hmai te an mut theih kan ringlo a menpui kan tum anih hi" a tih zawm leh mawlh mawlh.

Thutkhawmna lama phei loin choka ah chuan ka thu a,ka bulah kimkimi alo thu ve zui zat bawk.







"U kimkim,thingpui kha kan lum leh tawh dawn ami?"atahna vanga hmai bui chuk tih hriat zet hian aw tial ruai in Dindini'n a rawn ti a,ala insut ri hraih hraih bawk.
"Lo thu rawh kalo lum ang"Kimkimi chu a tho zui thuai,Dindini pawh let ve tawh lo in kan bul ah chuan alo thuthla ve mai bawk.


"Awih har ka la ti e! Kar hmasa lawk pawn kan la inbia a,kan exam dawn hnaih leh hnaihloh te minla rawn zawt sia! Engtin nge tiang hian a awm thut theih le? U Kimkim,U Nunui hian min kalsan se engtin nge kan tih ang? Septicemia chu ahlauhawm tih ka hria a,ka thiannu û pawhin a vei a rei a damlo asin! Ka û hi a thi ve dawn tihna mi?"A tapchhuak nghal hawk chu Kimkimi'n a thlem zui mawlh mawlh.
"Nunui chu ala thalai a,achaktha bawk a a dam leh em em ang"ahnem tu zawk pawh chuan amittui a dang seng biklo.






Zînglam dar li arik chuan Nu Hmai te menpui tu thenkhat ho chu thuthleng ah an muthlu lawp lawp tawh a,Dindini chu Kimkimi'n room lamah a mutpui hrih bawk.Choka ah keimah te chuan ka meng tlawk tlawk a, chhîn khat pawh ka chhîng chhîn eihlo.

Ka taksa kham deuh tih ziaawm tumin pawn ah ka tei chhuak a, ka ipte a ka ah ka ph rawn inghawr dar dar chu phawrhin nb lawng atang call ka dawng tih ka chian rual chuan ka melh ngawt ngawt.Chanchin thalo ka hre mai ang tih chu ka hlauh ber ani.






Kut khur ru dar dar chung chuan ka thai puat a,ka beng bulah chuktuah in "hello" ka ti hul hak.





"Raymonda ini tiraw?" Mipa aw hian a rawn ti a, "aw, ni e" kalo ti nghut thung.
"Chanchin i hriat duh ka ring a, ICU atang chanchin ka hria a"a tih chuan "sawi rawh" kalp ti nghal dut.
"Nunui'n a chanchin tha lam chu hriattir zel tur che in Lêngpui atanga kan thlawh chhuah hma khan min ti a, hei nurse te sawi dan in a harh tawh anih hmel.A bp pawh anormal an ti a"atih chuan engtia awm tur nge ka hre mai lo.






"Amah abiak theih em?"ka ti chhuak tawl.






"Theih rihloh,keini paw'n kanla hmu thei biklo.Mahse nurse in hlauhawm a awm lo,rinloh deuhin a harh that thu a rawn sawi a.A enkawl tute pawhin mak an ti khawp mai"a rawn ti leh hliai, a awri ah pawh a lawmzia ahriat theih viau bawk.
"Mapuia aw,ka nb hi ilo save dawn nia.Chanchin i hriat duh chuan minlo be zel mai dawn nia" tiin ph chu adah zui a,vanlam hawiin "ka lawm e"tiin ka phun chhuak sap ringawt.






Nu Hmak chanchin hrilh tumin inchhung lamah ka tlân lut thuai a,ani pawhin ph alo hmang ve mek tih ka hmuh chuan ka ding chawt a,"lalpa ka va lawm e"hnuk ulh tun a a tih dan ah chanchin a hre ve tawh anih hmel viau.
"Ka va lawm em aw" ti vawng vawng in ph chu a dah a, amah kalo en reng tih min hmuh chuan "Raymond,Bawihtei chuan ziaawm lam apan asin"a ti tiau.

"Mapuia hnen atang chanchin kalo hre zo chauh a" ka ti ve sap a, a hlimna mittui cuu ahru mawlh mawlh bawk. "A Bp leh Hb a normal char char theih chuan naktuk lamah an zai maithei a"hlim hmel zet chuan min hrilh mawlh mawlh tho."ka va han lawm em aw" a ti leh vawng vawng thin bawk.





Nunpuii POV.




"I phûr tawh em?"





"Zawhna atthlak tak anih chu" ka ti hlak.Thla hnih dawn damdawiin a ka awm hnu ah Mizoram lamah ka haw leh thei dawn a,ka lawm lutuk hi indim nachang pawh ka hre dawnlo hial zawk.
Kawng khuarlai a min nawrluh chuan ka pa'n dîm deuh khan "alo ti hlut a,Mampuia nen in melhin kan nui hak.Khang ni tam tak chhung khan min awmpui tu an inthlak chawt a,U Mapuia leh ka pa U Mama leh an nu'n an rawn thlak a,dindini an rawn hruai tel ve bawk chungin ani erawh ni thum bak a acham lo thung.Ahnu ah ka nu leh U Mapuia bawk karkhat an rawn cham leh a, tunah kan haw dawn hnai bawk nen Ka pa leh Mampuia'n tunkar chhung min rawn awmpui ve leh ani.






Hospital kan thlen atang khan karkhat ngawt ICU ka awm hnu ah min zai a,ka that deuh lai chuh in min zai rum rum bawk a,ka kal minpe tu hi kan hre miahlo bawk! Mak deuhin kal min pe tu hian tunge anih kan hriat aduhlo a,ka pa kha minpe tura kan rin sa ber ania,mahse kal hrisel tha tak ka dawng nawlh a!Lawmthu hrilh tur pawn tunge anih a an chhungte pawh ka hre lo hrim hrim.Donors duhdan zahsak angaih vangin hospital staff te pawn tunge anih min hrilh lo hrim hrim.
Ka inzai hnu ah tum hnih ngawt ICU ah ka lut leh a,nihnih ang zen zawn ve ve ka awm hnu ah ka chhuak veleh mai bawk.Tunah chuan ka duh ang thâl in la che theilo mah ila ka dam tawh lutuk tlat.Damdawi tam tak ei ngai in haw dawn mah ila ka ram ah ngei ka awm chuan ka damdawi ei pawh athawh chak deuh ka ring.Kan ram hian damna apai ve hrim hrim.






"Tukverh ah khan dak rawh"Mampuia'n a ti sup a,tukverh a ka dahthlak nak chuan Mizoram leilung hringdup mawi tak mai chu ka hmu thei! Thlawhna chuang ngailo ka ni a,kan kallam lah khan ka chuang nge chuanglo tih pawh hre theilo khawpin ka awm a, tunah tak hi chuan ka hlau ve leh hnuhnawh deuh.
Mampuia leh ka pa erawh an chuang thang bawk a engah an ngai hranlo viau.
Ka ph phawrhin mi tihdan te chuan thla kan la ve a,ka ban ka phar chhuah ruala ka kut duk thleh thluah te,ka ban rek sîn ta ret mai te chu hmu in ka dahthla leh rang ngei mai.





Ka bagte atang ka compact ah ka phawrh sat sat a,darthlalang ah ka in en khat khawp a.Achhan pawh inzai zawh ICU atanga ka chhuah in bathroom darthlalang a ka inhmuh khan ka tah pui nasa a,ka landan kha adanglam ve tawh bawk em ani.
Ka dum thel a,ka taksa chu eitha hmulo ang maiin a cher kuam a,ka nakruh te chu langchiang ngang ani! Ka vûn lai ai mah khan inhmuh hrehawm ka ti zawk mah in ka inhre bawk.A ruhkawl tak meuh meuh hi ka ni ber a,sakhi ngal nen ka intehkhin lo theilo.
Thil ka ei theih chhoh hnu pawhin tunthlengin ka taksa chuan ngai ala awh thei ta chuanglo.Zawi zawi a ngai ka awh leh mai tur thu an sawi a,ahma ang ka phak tawh kher an rinloh thu nurse thenkhat in an tawnhriat atang min hrilh bawk.Mahse ka dilna chhanin a awm a,ka nunna derthawng tak minla zuahsak vang ringawt pawh hian Pathian lakah ka lawm tawk lutuk,han vui vaihna tur hi ka hrelo hrim hrim.






Lengpui airport ah kan tum a,ke a ka kal tam an la phal loh vangin Mampuia'n wheelchair ngaihtuah zung zungin kan in nawr chhuak leh.






"Hmuak tu i nei tha si"Mampuia'n a tihrual chuan dakchho in ka ner nang a"khatin rawn dak vak vak suh,i ring i herh ang"a ti zo chu akalsawn daih! "Hey" ti zui vakin kalkawnga min hnutchhiah daih vang chuan ka melh zui hrep.

Mahse "i thutiam i hlen e" ti thawm ka heiat rualin ka hmalam ka melh leh thuai.U Raymonda ngei mai chu pangpar bawr nalh zet keng hian ka hma ah alo ding reng tawh!





"U Raymond!" Sawi tur mai pawh ka hrelo!





"I cham rei hle mai"ti supin min rawn pan hnai a,ka hmazawn ah thu hniam in ka kut chu ala kang a,a hmui in anawr zui vang vang.
La thla lehin ngaih hmel zet hian min melh vawng vawng a, "ngaihawm nu" nui suk hian ati! Thlahnih chhung inhmulo kan ni chungin alan dan alo puitling ta lutuk chuan mak mintih tir lo theilo! Asam buk laih thin kha pangai takin amet tawh a,a inthuam dan pawh a zahawm in ani khup tawh! Tshirt leh cotton jeans a ha ve tup tawh.A thi awrh thin chain hrawl zet pawh kha a awrh tawhlo bawk.






"I danglam! Mahse atha zawngin"ka ti chhuak tharh a, zawisep hian "keipawh ka danglam"ka ti hnual zui ruih.
"Ka danglam lo a,i danglam bik heklo" ti sup hian a ding tharh a, ka hnunglam ah kal in motor hunna lam panin min nawr zui zat.





Aizawl kan luh dawn thleng pawh chuan ka ngawi ta reng a, U Raymonda lo puitling lutuk leh alandan ahma zawng aia alo that zualna chuan mahni insitna min neih tir thar thut a! Ka duhloh ber ani,mahse ka in enin insitna ka neilo thei bawk silo.Ka khawilai mai pawh chu a iai awm em em vek tawh mai in ka hria.


Kan khawlam tlang nghal mai lo in ka pa'n Aizawl lama chawlh hmasak phawt a rawt a,ka nu te'n kan haw tur thu an la hrelo hrim hrim bawk.Karleh lama haw tur ah minla ngai char char a,ka pa nen thawn thut kan duh vangin kan chhuah hma thut thei thu kan la hrilh lo.Zanin Aizawl kan riak anga naktuk lamah U Mapuia bawkin min thlah chho ve thung dawn ani.





"Nunui chu Mampuia room ah awm leh se,a unaute khan han pawmchho mai rawh se"in kan thlen rualin Nutei'n alo ti zung zung a,U Raymonda zawkin dim zet hian min pawm nawlh thung.Midang chuan an sawisel chuang lemlo,Mampuia nen room lamah chuan min hruai chho a, khumah dîm zeta min nghatin "hahdam rawh" a ti zawi sup bawk.


"Alum emai U Mapuia room ah ka va inbual teh ang, Raymond lo awmpui lawk mai rawh aw"Mampuia'n tiin min chhuahsan leh zui nghal daih.






"Na inei lo ti raw?"a ti nawn leh sup a, "umm" ka ti tawi tup.
"Diklo a awm em?" Atih leh pawn "aih"kalo ti leh mai.





"I dam that hunah chuti chu kan in ei thei"a rawn ti chhuak thut a,chiai zeta melhin "U Raymond" ka ti nghal hlak.
Mitko ti hnim ruih a min melhin "min neih i duhlo maw?" A ti zawi sup.

"Englo...chutiang lam ..sawi hrihlo ang" ka ti niah niah. "Diklo a awm" a ti nghal hlut. "Sawi rawh le?Chhungkaw din turin ka la tha tawklo in i hria em ni?" A tih chuan "chutiang lam ani lo" ka ti zawi sep a,thawchhuak hak in "vai ngaihzawng min neihsan anilo maw?"thutak zet chuan a rawn ti chhuak hlawl! Ava ti awm ang lo tak e aw!!






"I va â tak"ka ti hlak.





"Dimples,ilo let hunah pasal tlak nih hman ngei tumin ka theihtawp ka chhuah a,tunah achhan sawitur hre mumal lo in min hnial leh si a!"a ti charh charh a, "u Raymond"
"Sawi rawh "





"Ka phulo che" amah pawh melh ngamlo chuan hmundang ka melh daih.





"Ve ngawt a che" hlawl mai a! Melh vutin a thusawi zawh chiah chuan ka nuih ati za in kan inhriat tirh a atawngkam hman thin ho ka hrechhuak nghal zawt zawt.
"A engah chuan nge min phû loh na? I pa pawh nilo nang chuan min hnial thei miahlo ania"fiamthu deuh chuan a ti zui leh hlut.
"Ka fiamthu lo ania,min en la heti mai hi ka nih tawh hi.Ahma anga ka taksa ti pangai leh tur chuan ka damchhung pawhin ka thei tawh kherlo maithei"ka ti hnual ruih a.






"Umm, chimpanzee i ang leuh leuh khawp mai" ka melh hrep.A la nui duh miahlo lehnghal nen mittui tling pamin ka melh tawh.
"Hey hey hey...tap suh..Sorry ka fiamthu anih kha.Ka mitah chuan ila hmeltha ber tho ania"ati zui mawlh mawlh a.
Ka biang pahnih akuta khuapin "min en rawh le" a tih chuan mittui tling pamin ka melh a "i engmah a danglam lo,ka dimple-i kha ila ni reng.I la danglam lo a,ka mitah chuan ahma ai pawh kha i tha zawk" a ti zui mawlh mawlh.





Kum khat hnu ah....





"Nunu,inpa han kaitho teh..Zingkar comittee an neih dawn kha"ka nu'n a tih chuan room lam panin ka chho a,kan nupa room ah lut nghal zatin U Raymonda lo la muttui zet chu ka sawi nawk nawk.
"U Raymond,comittee in neih dawn kha i tlai ange"a rawn rum ang tiah tiah a.





"Eng comittee?"ati chhap mai! Ava khawlh e aw !YMA secretary ani tih a in theihnghilh leh tawh ani ngei ang.
"YMA" ka ti chiah chu ka sawi ang tak tak in "kalp mangnghilh daih! "Rizai a hlip thawk a, atho nghal sawt sawt chu lu thing nghat nghat in kalo melh.






Ahmai pawh phihlo chuan thawmhnaw a inha nghal sawk sawk a, "in zawh veleh dawr ah rawn tlang mai rawh,tukthuan kalo keng ang" kalo ti ve mawlh mawlh.Ruihhlo kan khawtlang ah tih rem an tum a,tunhnai hian a hluar zual a,tan an la nasa mai.
"Ka kal nghal mai ang"ti sawk sawk in ka chhip ah min rawn fawp zawk a "ka kal ania" ti zui in amawng phe pawh ka hmu hman tawhlo.
"I hmai tal kha phih ta che" ka ti zui lawm lawm.








Ka nu leh pa te nen tukthuan kan kil ho a,thleng vel ka sil zawh ah U Raymonda ei tur tiffin ah pack in dawr lam pan turin ka chhuak ve nghal zat.
Hardware dawr chauh siam lo in Bazar chung zahve dawn kan luah vek a,inchhungkhur mamawh leh frozen food lam thlengin kan zuar vek.Kan khua ah chuan dawr lian pawl tak kan nih piah lamah,thingtlang a awm e tilo chuan thingtlang veleh chhawng te kan thawn chhuak nasa bawk a,kan hlawk ve hrih viau mai.





Kan nupa in kan enkawl chawt a,kan buai ve nek nek thei viau.U Raymonda Y.M.A leh K.T.P lamah a inhmang nasa a,an koh phar ber ani thin bawk nen mahni a han nghah mai chang ka ngah.






"Lo leng rawh u"Brandon-a te nufa lo lut hlawl chu kalo chiau au thuai.





"Anu Nunui chauh a awm anih hi" tiin Aduhi chuan Brandona abe zui a, "apa hna kal tur angen a,kawn thleng kan rawn thlah kan rawn lut kawi lawk anih hi" ati zui luam.
"Brandona chuan apa ngen ala sim lo ani maw?"ti in Brandona chu ka pawm kang zui lawm.Kum khat leh thla hnih chauh ala nia,a fing tawh lutuk ringawt.
"U Siamkima lah hian min thlah mai rawh u hi a ti leh ringawt zel a,ka buai nen insuk tur te ka ngah si" ka lo nui hak hak.Aduhi hi U Siamkima nupui ania,kei ai kumkhat in ala nau veleh.Puklawk a innei chuk chuk an nia,fapa duhawm deuh an la nei zui.

Ka thiante pahnih Nautei leh Remi pawh in hna tha deuh chelhin Aizawl ah an awm a,U Bza erawh ala tlangval tluang zel.Kimkimi pawh Ratu ah dawr a han hawng ve mek bawk.







U Raymonda rawn lut in Brandona ahmuh rual chuan riltam pawh ahre tawhlo nge ni a chhaih te nghal tung a,Brandon alahin nuam alo ti zamah ni tur ani,anu pawh aban buai eihlo.

An inchhaih lai chu hmuhnawm ti deuhin ka thlir a,naupang alawm zia ka hria a,fa neih ka chak em em bawk.Pathian hnenah ka dil awl lo a,achhân na erawh ka la hmulo.Mahsela ka pasal leh ka pasala chhungte an fel em a,ka tan hriat nuamlo tur leh tu an awh zia an sawi lang ngailo.An awtlo biklo a,mahse min ngaituah vangin an tilang ngailo mai ani.
A hun a che thin Pathian chuan ka dilna te hi engtik ni ah emaw tak chuan minla chhan ve ngei ka ring.Pasal tha tak min pe tawh a,ka lawm tawk lutuk tawh mahsela fa duhawm tak min la pek ve ngei hi ka ring.Kan auh phawt chuan min chhang thin miau a,ka auhna hi min chhân hun ala nei ve em em ang.















A tawpta.........


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)