SIR J BY Natasha Hrahsel (Completed)

[Ngaia]

*SiR J* Ch~19 by~Natasha Hrahsel





Thlaruk hnu ah ......



Coco pov.


Ka pum puar ve âl tawh chu chul heuh heuh in hahdam zetin couch ah ka thu awn duai a ,phir ka pai te anih ka ring hial zawk kha nia ! Mahse doctor erawhin phir lam anihloh thu leh ka naupai alen vang hrim hrim zawk anih thu min hrilh thung.A enga pawh lo piang se ka hriatchian em em chu ka naute hi ka hmangaih hle dawn ani .Ka chan teuh zia ka ngaihtuah phei chuan ka hnuk tehi ala ulh thei dawn hialin ka hria


Kha ni ,ka ni in min hnawhchhuah ni khan ka naute hi ka chân teuh hle kha nia ! Doctor pawn thla thum tehmeuh bedrest min chawh bawk.Nau ka chhiat lo kha amak thu doctor pawh khan min hrilh nghe nghe.Ni e ,khati khawp khan ka pum kha ana a ,U benja kha lo awmlo se chu tunah hian ka pum puar âl tur hi a awm ka ring hauhlo.



"Mate ,vawin chu i chau deuh animaw ? Class hi kal chhunzawm tawhlo mai la ka ti deuh .I pum a puar ve tawh si nen ka ngaihtuah riau che " ka u ka chhungkaw neihchhun in zaidam zeta a rawn tih sep chuan ka nuih vur vur .Ani pawh hi a chau viau ngei ang.A thawhna hospital alian thamin amah alo thiam veleh zel bawk nen .Mite pawn an pan duh viau nghe nghe .




"U ka tha lutuk alawm ,ka ke akham deuh mai ania .Ka thil zir hi zirchhung a reilo bawk a ka theih chhung chu tih hram hram ka duh hrih " ti sepin ka thu tha deuh a .



Tunah hian Gonja Fashion designing school ah ka kal ve mek a ,thlahnih lai chu ka zir ve tawh.Designing zir nan chuan Delhi ah hei tluk a awmloh vangin ka theih chhung chu tih ve hram hram ka duh ani.Nau neih hun velah te chuan kan la chawl ve mahna le.Ka u pawh Medanta Hospital ah a thawk ve mek bawk a ,ka pa pension leh kan sum neihsa tenen tangkawpin kan khawsak aharsa viau lo.Appartment lian ve tak ah kan khawsa thei a ,tun dinhmun ah chuan kan awm anuam viau mai.
Sir Jason kha ka ngai thin em ?
Lutuk tlat ,ka ngai lutuk hi a changchuan ka atpui lo chauh hian ka in hre thin! Zan rei a mahni a tah kerh kerh lah ka ngah .Ka u tih hnual ka duhloh vangin ka sawi chhuak ngailo mai zawk ani.Enge atih ve thin ang? Min ngaihtuah chhuak ve ngai angem ? Tih ngaihtuah neuh neuh chungin ni ka hmangliam thin a , thlaruk lai aliam tawh chunga kala theihnghilh thei chuanglo hi mak ka tiin theihnghilh ka tum talo law law .




Ka u remruatna in Thlaruk liamta ,hospital ah ni thum zet ka awm hnuah ka bungrua te ka ni te in atanga la in kan chhuk rum rum kha nia.Mumal taka Eli leh U Benja mangtha na hun pawh ka neilo.Mahse an pahnih in Delhi an rawn kal leh a ,kan chenna te min hmuhpuiin zanriah te kan kilho thei hlauh a azia viau.Eli pawn college a kal zawm a ,U Benja phei chu helamah M.A. a zirzawm ve ta daih ! Keimah vanga rawn awm ve ngawt tura ka ngaih laiin amah lah chuan zirna athat zawk vang ati mauh mai a .Awihlo theih pawh anilo.Kan flat hnuai chiah hi aluah ve a ,riah nan ahmang tihloh chu kan flatah chaw a rawm ei ziah .Ka u pawn fel atiin a unaupa ang chiah in angai tawh ni berin ka hria.




"Engpawh nise kava inthlak anga rawng kan bawl dawn nia .Hei ka thawhpui nula mizo ve tho pakhat hi achhungten chawhmeh an rawn thawn a ,maian tel khat min pe ve a alawmawm tak tak ani.Mizo chawhmeh ngei eilohna pawh a rei tawh lawm le ,kan inthlak anga tui tawkin kan bai dawn nia.Benjamina pawh a rawn thleng chho tep in ka ring " a sawizawh rual deuh tho in door bell a rawn ri nghal zat! Kan sawi chhuak hi a ni ringawt zawk.





"Va hawn nghal law law mai teh " nui hak hakin ka tih zawm zat.
Ava hawn ani chek ang an in khak leh nghal zat tawh! U Benja leh ka u hi an in rual tep a ,mahse ka u kum hnihin a upa zawk.Nau ang tak tak in a en bawk a a duat viau mai.





"Hei Dul lian ,enge ilo an a ?" ala thawveng tluang zel hi ani ber.Mahse lawmawm deuh chu min duhthu engmah a sawi chhuak tawh ngailo hlauh a .Thawveng khat chuan ka veng deuh.Min duh thu a sawi reng chuan ka duh let ve thei silo nen ka inthlahrung duk reng a ,ka awm anuamlo vek zel.
"heyy kutdawh pa ,vawin class i bunk lehpek em " class bunk a chin reuh em vangin kalo chhaih nghal zat.




"Teuhlo ,vawin chu ka kal full.Aninawm phian mai." Ti nghal zatin a game ngainat em em. A atpui loh chauh atih theih hial ang Pubg a khel leh nghal zat tawh.Ahun awl ah hi chuan zu in ai pawn games khelh athlang zawk a .Lehlam kawng tak chuan atha viau mai.





A sawidanin tum khat pawh an University park ah alo khel ani awm e class bunk thakin.An Professor in aman a ,zam map loin an professor chu classic puiah alo sawm a ,an professor lah chuan alo khelhpui ve mai zui! Hepa zet hi chuan tupawh thianah a siam thei mai zel zawng anih hi.




Rawngte kan han bawl a ,chaw te kan ei a .Kan eihnem phian hlawm.Keiphei chu ka rim huat leh ngainatloh zawng zawng kha vawmbo ang diakin a reh vek a ,ka ril atam reng ti ila adik ber ang.Ka u in ka room a ka mini bar ah eitur min chhawp sak hnun a ,zan riltam ka neih pawn chhuah buai ngailo in ka ei zung zung mai a azia phian.




Nu leh pa emaw pasal min ngaihsaktu neilo mah ila ka u hian hrehawm ti hmanlo khawpin min ngaihtuah a .Chutih rualin ka lungleng Sir J ka ngai lutuk rrawh min laksak theilo thung.Zan lam alo nih hian rai lai rilru no ka neih ve vangin Sir J emaw ka nu leh pate ka ngai thar riau thin! Chu chu ka u pawn hria in tihtheih nei silo chu khawngaih zetin min thlir thin tihpawh ka hria.




Delhi ah hian inhmun te ngaihtuahin kan inbengbel ang nge Mizoram lamah kan let leh ang tih kanla chiang theilo.Mahse ka theih chhung chu Sir J lak ata hlataka awm ka duh hrih.Rilru na taka ka awm nawn leh anih chuan ka tuarchhuak zo tawh kherin ka ringlo ani.Tuarchhel ka intih em em lai in hmangaihna kawngah erawh ka zuau viau a ,rilru puitling hle nia ka inhriat laiin ngaihzawng neih kawngah ka puitling lo leh hle si.




Achang chuan ka naute lo piang tur hian tunge apa tih min zawt ang tih hlau reng reng in ka inngaihtuah thin a.Mahse nu leh pa in an hmangaihna pek theih zawng zawng ka theihtawpin ka pe ang tih rilru pu in ka inhnem chawp leh mai thin .Ka naute lo piang tur hian anu hi hriatthiamna nen a min en hun ala awm ve ngei ka ring bawk.





Kan nitin hun hmandan chu angai reng ti ila a dik thei ang.Zing dar 9 ah Designing class kan tan a ,dar hnih velah kan bang leh thin.Ka kaltirh te kha chuan raipuar zirlai ni ta chu min melh hrek hrek tawk an awm ve fo a ,mahse hnampui zia nge nge ngai an awh leh thuai mai.Kan dept ah ringawt pawh enhrang miah loin min be ve bawrh bawrh hlawm .Kan ram chu nise demna leh sawichhiatna te vangin ka tlu tawh ngei ang.

...


"Lal ..naute i neih hunah chuan min hrilh ve ngei ngei ang che " kan zirpui Virat in a rawn tih chuan nui chungin ka bu nghut nghut.Ani hi tlema she is kan tih tur Chi hi ania ,mahse kawm anuam em em thung .Za zeta a nuih tawh phei hi chuan achhan hriat kher kan mamawh lo ,kan nuihpui ve nghal hak hak zel.Ani leh Anita kan dept ami tho hi ka kawm ve deuh ber a ,an felin an zau hle bawk.Anita erawh chhungkaw hausa zet atang rawn chhuak anibawk a ,a incheina kan pha ve meuhlo.Chuti chung chuan kan level puiin a che rem thiam zel thung a ,dawr changkang tak tak a sum khawhral teuh aia street food mai maia inhnawhpuar kan thlan chang pawn alo tel ve mai zel.Designing hi a zir ve tak na a ,rual pawl nan a zir mai mai nite hian ka hre leh rih thin.A mah ber pawh hian a tuina lam ani em a hrelo reng reng!

.....



"Aw tah hian kalo chhuk mai ang ka pu ,Lal anih phawt naktuk ah kan inhmu leh dawn nia " Virat in an kawng peng kan thlen chuan ka bianga fawp zeuhin a ti sup a .kan Auto chuanna tang chuan a chhuk nghal zat.Ka hming an lam thiamloh vang hian a lam thiam lai ber Lal tiin min ko mai zel a ,apawi na em em ka hrelo bawk nen kalo eih ve mai zel bawk.Ka u nen kallam chu kan kal rual mai zel a ,haw lam erawh kan bang rual silo a ,Virat nen kan haw rual ta ziah thung.





Delhi khawpui chu kan ram anglo takin traffic a zam chuan horn a ri nghal tuarh tuarh zel a ,heihi ka ninna ber ani pakhat bawk.Auto hman hi a tlawm ber nen ka hmang mai zel a ,AC te a awm ve lemlo bawk a ,alum viau zel mai .Alo berah nikhatah vawi hnih tal inbual angai ngei ngei zel.




"Lo ding teu....." hmeichhe pakhat kan tlan pelh chiahin a rawn tih chiam chuan driver chuan ding tur anih leh nihloh min zawt sup a ,khaw en lai te ani bawk a ding mai turin ka hrilh sep.



"Ka..kalo chuang ve thei ngem" thaw hlawp hlawp chunga a rawn tih chuan aw kalo ti sep.Lawm hmel zet in a rawn thulut nghal zat a ,kalo thurem ve nghal hret bawk.A hah hle ani mahna ala thaw hlawi hlawi mai.




"Khawilai nge ikal dawn " hindi tawng chuan ka ti nghal sep.Tawng zir lamah ka chak phian a atihzia viau .




"Sorry i dont understand what you're saying" a tih sep chuan mak ti zetin ka melh dawrh! Nichin lawkah hindi tawngin min au sia !
"Tlem te chiah hindi hi ka thiam a " english a arawn tih leh sep chuan ka bu nghut nghut.English chuan ka be ta mial mial a ,mahse min chhang loa a ngawih leh tak tlatah chuan thaw hakin ka melh leh ngur.




"A litte bit english " a rawn tih lehzel phei chuan ka nuih ta tawp.Helai hmunah english leh hindi thiamlo a awm chu amak viau ani.Inbiak dan kawngdang awmtawh heklo ,kan ngawi dun ta rauh rauh tawp.




A hnar beh te vang chuan Khasi lam anih ka ring ve deuh tawp a ,mizo a ang viau nain amitmeng lian zet leh a inthuam dante vang chyan khasi lam anih ka ring ve deuh tawp.
Traffic zam a kan tang leh rih chu ning zetin "Ava buaithlak tak" ka ti sep .




"Ehe mizo ini ve elaw " ka bula thu nu chyan a rawn ti hliai! Ani hi mizo ve tho maw ? Ava mak ve !





"Aw ni e ,ini ve zawk elaw ?" mak ti zet chuan ka ti nghal vat.Ram danga mizo inhmu ta chu kan ri nghal hlut.Kan han nui leh rih a ,ani lah chuan Nepal lam mi ka nih alo ring ve leh zel nen kan nui ta chiam ringawt.




"Tinge khatia i rawn tlan hah vak a ,khawilai ah nge i kal dawn reng reng " nichin atanga zawh ka tum tawh chu ka zawt nghal zat.




"kal tumna em em pawh ka nei hranlo,Thawhtanni khan helai hi ka rawn chuangkai ve hlawl a ,hna min pek mintiam tu te lah chuan spa a thawk turin min duh lek alo nia ! Nithum zet ka thawk a ,vai dul kiar pui pui zut reng ai chuan engpawh tawh huamin ka rawn tlabo anih hi.Hna dang ka zawng tawh mai aniang chu" a sawilai chuan a lungaih zia ka hmu thei ! Mahse tihlan loh tumin a nui tel sen sen a ,ka lainat takzet .




"I chhungte Mizoram lama awm te pawh call mai tur i hrelo em ni" ti sepin alam hawi chuan ka inher rem deuh.
"Hah! Ka mawl iti em ,fahrah ka nia.Fahrah in atang hna beiseiin kalo chhuak a ,hei buaina lian zawkah ka in tal awk anih hi" thawven hmel fe,mahse rilru kaptu liantak nei tih hriat tak chuan ati leh hap a .Ka khawngaih ta viau mai ,engtia awm nge atum hrim hrim zawk le ?



Ka ngaihtuah chhuah thut chu ka u ka ph nghal zat.Rei rial loin a lo chhang ve vat bawk."U awmpui kha lak iti deuh tiraw ?"




"Umm ,kan buai dun ve sia .Room awl pakhat a awm tho bawk a awmpui lak kha chu tha ka ti viau Mahse i duhdan ka ngaichang zawk aw " a rawn tih tak seo ah chuan ka thil tum a hlawhtling nghal tih ka chiang mai.




"U ka remti lawm.Chuan awmoui tur chu mizo ngei ka hmu nghal aw ,inah kan inhmu dawn nia " zawhna dang min zawh hlau zetin ka dah nghal vat .



"Tunge i hming?" ka bula thu beihvai zet chu ka zawt nghal sep.




"Siamtei" ti sepin a awmdan tur a ngaihtuah ani mahna athaw leh hak thin..




"Lalrinhlui ka nia ,thenkhat chuan coco tih emaw rinhlu tiin min ko thin.Ihmaw Siamte ,pan tur ineih loh chuan kan ina hnathawk tur kan mamawh lai tak ania ,kei kalo raipuar vetawh bawk nen.Ilo thawk duh mai angem? Ka u nen chauh kan khawsa a ,ka u hi doctor ania keiin designing ka zir mek bawk.Kan thianpa pakhat hi alo kal ngun viau bawk a chung zawng chu kan ni mai" ka ti nghal thuai.






"Min ringngam ang maw " a rawn tih sep chuan ka nui hak.Bu nghut nghut in a duh leh duhloh ka zawt ta thuai bawk."Ka duh ,ka lawm ngawt ang " a tih chiam chuan hlim zetin ka nuih hak hak.Midang ka tanpui pah dawn tihna ani bawk a ,keimah pawh hi ka hlim riau hian ka inhria! Midang kan tanpui hian kanlo hlim ber thin zawk anih hi.





In kan thlen chuan kan flat chuan mak tih hmel zetin a enkual nghal zat.Ahnungah kalin ka lo nuih leh sen sen zel.Kei ai kum khat vel chauhin anau a ,chutih rualin a lawmawm reuh takzet .A chetdang engkim chuan minti hlim em em hi ni ringawt.





Jason pov.



"U engtia rei nge maw hetianga awm hi i tum le.I hna ah tehian insawrbing tawh teh.U Remruati nen in inthen fel thei ta hi i lawm viau kalo ring zawk a" ka nau Tluangtein ka zu no dawmlai laksawn paha a tih chuan ka nui hak.Ka nupui nena kan inthen vanga lawm tur ka nih viau rualin then hlan ka nghahhlelh ber chhan Bawihi ,nilo Lalrinhlui ngei maiin min kalsan leh lawi si a ! Hlimna chhan tur awm miau heklo le .



"Haw rawh" ti hmukin ka thutna tangin ka tho a ,ka room lam ka pan chhohsan hmiah .Ka nau laka ka chetdan chu tullo ti viau mah ila ,Lalrinhlui tehhreo vangin ka incontrol thei miaulo!



Khawen laiin hrawn nuamlo tih hlawh reng chungin hna ka thawk a ,ni atlak rualin ka rui tan nghal der thin.Zu ka inloh in ka mitthla ah khanu tehhrep hmel kha alo lang ziah nen ,tihreh tuma ka in pawn awmzia a awmlo anih ber hi maw !




Ka ngaih em vangin an inbulah zan rei tak tak thleng ka ding fo a theihnghilh duh viau thinmah ila ka thinlung hian a zawng zel si! Huh! Kei Zosangliana meuh in theihtawp leh tihtakzeta ka hmangaih laiin min kalsan thei kha nia ! Ka chapo na zawng zawng dahhniamin leh a mi bumna zawng zawng te theihnghilh saka pawm leh ka tum laiin engthu nge ka hriat kha ! A bialpa Benjamina ngei mai nen Mizoram an chhuahsan tih ani hnen atanga ka hriat meuh chuan ka tlawm nawn awn awn niber hian ka in hre hial anih kha ! Mifel famkim chu ka ni ka i ti hauhlo. Mahse Lalrinhlui laka ka feelings neih zawng zawng hi chu a bak awmleh tur awmin ka ringlo.A taksa dek lo a muthilh har ka tihzia lah min hriat pui hian ka ringlo bawk .Ka ngaih em em lai a mipa dang nen a hun an hmang tyr ka ngaihtuah chhuah apiang hian ka puakkeh mai dawn in ka inhre hial thin.Ka ngaihna ka tireh thei chuang derlo lehnghal! Hrep tak hian in .



Ka hnuaia thawkte ka atang tunhnai ringawt pawn sakawlh ang mai ka nih thu ka hre ru leh zeuh thin .Ka nun ania ka pawisa tehchiam lo.Hlawh ka peksang vanga ka hnuaia la thawk mai mai an nih zia ka hre reng chung pawn zawldawh deuha awm ka thei chuang hauhlo bawk.




"Jas" Ka nau in ka room kawngka rawn nam hawng dek dek a arawn tih sep chuan
"Haw turin ka hrilh che " ka ti nghal nghut .Tunah rih chuan ka kiang hnaiah tumah awmlo se tih hi ka duh ber ani.



"U jas."



"Haw turin ka hrilh che ani lawm ni" ti nghal hrawkin ka zu no dawmlai chhuatah ka vawm keh nghal chuaih.
Kawngka biang nghenga mittui tling pam a minlo melh tu chu enin thawk kala zui ham ham phawt a



"Come here"ti supin ka kutin ka bula thu turin ka hui pah zeuh bawk.Tu dek chung chuan min pan hnai ve hrut hrut a ,a tette atanga min ngaina ve bertu anih vang hian ka duat viau a ,ka lakah pawh apangchang viau thin reng ani.




"A pawi ka ti " ngaihdam dil mai hi ka harsat viau thin.Ka thanhnan tawh vang tepawh ani mahna ..




"A pawilo ,mahse maw u ka nu leh pate hetia i awm reng mai thlura rilru hah reng reng a an awm saw hmuh hrehawm ka tu .Chuan nangpawh hetia i awm hi hmuh hrehawm ka ti bawk che.Khawngaihin misual tak ang hian awm tawhlo la,Ka pate pawh an upa ve tawh a ,fapa zu ngawlvei ang mai a hetia i awm hmuhtir reng hi i duh ami" a tih sep sep chuan a samah ka chul heuh heuh.Mi fel tawpkhawk ani hial hian ka hre thin.ka nu leh pate a ngaihtuah em em reng a ,anaupang ber ani chung hian keini ai daihin kawng tam tak ah apuitling lawi zel.



"Kalo tum ang ,atha em " ka tih sup chuan hlum hmel zetin a nuih leh nghal sen sen tawh.
"Aron nen inla tha tluang zel em" ka tih zawm zat a ,a biang tai tan nghal der atang chuan ka hrethiam nghal vek.A bialpa hi ka nu ten an duhpui viau chung hian ngaihzawng neih kawngah ani te hi a zakzum viau mai! A kum te alo upa ve ta deuh bawk a ,pasak neidawn pawh nise ka hnialpui tawh lemlo.Keima chungchang lamah erawh engtia han awm tur nge ka hre mai hrihlo.












#Naktuk zan atang chuan Prolouge tepawh kan thai lang tan tawh ang chuzanin chu angaihnawm kher ka ringlo.Chuan comments section lam hi keima lam atang hian a buai nuaih mai! In comment nate ka hmu zo reng reng lo mai a ! Siam tur athiam deuh kan tih tir anga ,in theih chuan lo comment diat diat chhin teh u aw ❤#

[Ngaia]

*SiR J* ch~20 By~Natasha Hrahsel.


(Fb lama regu taka comment thinte hming ka thailang tel zeuh zeuh ang aw ❤)



Coco pov.



Ka taksa thler duai duai ang hiala ka ngaih laiin doctor te leh nurse te chu an hmanhmawh lo riauin ka hre pek a .Thlariatna chauh ala ni,ka neih hun ala thleng lo na chungin ka vei mek chu nisia ! Ka u pawh pawnlamah engmah tihtheih nei chuang silo in a talbuai hle ka ring .Siamtei leh U Benja pawh an awm tel bawk.Ka thiante dang erawh hrilh hman pawn kan khawsa lo hrim hrim .Tunah zan dar 11 vel ani tawh a ,an dan takah khawilai club ah emaw an thle dul dul mai thei ani.



"Nurse ka la nei dawn lo emni" ka kiang hnaia nurse ding pakhat chu thaw hapin ka be ta thlawt.Ka pum leh taibawr vel na intham ut ut vang hian ka â thei mai dawn hialin ka hria ! Anat dan chu kumkhuaa sex hman tawhloh mai chakna in min tur ut ut thei .


"Tuar hram hram,i kumkuruh ti zau theitu damdawi kan pe tawh che a ,i nei thei tep." zaidam zeta min chhanna te pawh chuan ka thin zu tirim tlat pek a !hahthlak hian .


""Le Hlute sang rawh le " ka mizo pui ngei mai aw in kan tawng ngeia sang tura mintih chuan thawven khatin ka veng deuh.Ka u khan a thawhpui Doctor Athui a duty hunlo chung min biak sak a ,ka lawmdan chu pui tak hi ni ringawt.



"a lo chhuak tep ,sang leh deuh hlek la " ka thlan luang zawih zawih ka bula nurse in alo hru pah zel bawk.Theihtawpa kan sang leh chuan ka chau tawh lutuk tlat.


"ka ....ka theilo,Nu ...pa min pui lul teu " ti chhuak tiauin ka mittui afar thla nghal fep.Sang leh tur pawn tha reng ka nei tawhlo ,ka chau lutuk chu ka mit ka chhing riai riai.


"Doctor ,a bp atla hniam !"

"Hmanhmawh in Vacuum leh O2 lo buatsaih ru "


Hindi tawnga an rak chhunzawm nghal niah niah chu ka mang hriat ruai ruai tawh.Abak engmah ka hre chhunzawm tawhlo!


.........



"J khawngaihin min kalsan suh " ti tiau in ka naute pawmlai nen chuan leiah kan thusawp niai a ,ka hmaa mipahnih min hnungchhawn zawnga kal mekte chu theil leh theilo in ka ban tawk tawk.


"Mangtha le Bawihi ,nilo atawp nan ka fa hi i mangtha tel duh em " Sir J ban hrawl zet a naute tap ri kerh kerh chu ka melh nghal hraw! Ka pawmbeh mek kha engtin nge sir J kutah alo awm daih theih!



"Aih ,khawngaihin ka naute chu min laksak theilo ang " tap chunga au lawm lawmin ka ban a ,thawhkan ka tum pawh chuan ka taksa in leiah zung akaih ta emaw tih turin ka tho thei eihlo.Tap hawm hawm chungin ka naute pawm chunga mipahnih kal te chu ka ban tawk tawk.



"Nilo" ti chhuak sepin ka mit ka meng kawk.Ka awm zawn insep dawrh dawrh leh ka lungphu dawt dawt vang chuan ka khur lo chauh ,'mangchhia mai ani ' ti sepin inchung var vek chu mit khap fek fek in ka thlir .Mahse khawnge ka naute ?


"Mate ilo harh tawh ani maw " hlim aw zeta ka sir lam atanga ka u in a rawn tih chuan "U ka naute " engdang mah ngaihtuah loin ka ti nghal vat...


"i veilam kha hawi la " nui chunga a rawn tih sep chuan ka hawi thuai a ,ka taksa na deuh hlek vangin ka che sawk sawk theilo mai pawh a .Ka veilam ah chuan U Benja leh Siamtein naute an lo awih dem dem ! Ka thaw huai thei.


"Siamte bawiha kha Matei bulah hian mut la " lehlam atanga ka u in a rawn tih sep chuan "bawiha " ti ve sepin naute ringawt ah ka mit a fu tawh.



"Aw ni e ,mipa i hring e mate.Ala hmeltha em em zui lehnghal"ka u pawh ahlim ve takzet tih ahriat .A ka a chip hleithei meuhlo.


"Coco kan vaia fapa intawm tur anih hi.Kum te han tling se ,keiman mipa awmdan tur kan zirtir anga minla rawn chhun chho ngei ang " U Benja a rawn fiamthu hlut chuan ka nui ve hak hak.


Ka fapa ngei mai chu Siamtei chuan ka bulah a rawn mut a ,a hmel kan hmuh chiah chuan sawiselna lai tur reng ka hrelo! Ka ril a rah anih vang nge ka naute hmuh tawh zawng zawngah ala hmeltha ber ang.Alian tha in ,a heh a sen chek a .Ka rin ai daihin a vun avar bawk.Kalo ngaihtuah lawk danah kha chuan Sir J vunrawng chhunin a uk deuh kharh ka ring kha nia ,mahse vun rawngah chuan min chhun anih hmel.A hmaifang erawh ka ute pawn sawilo mahse Sir J chiah chiah anithung.Awmdun tase pafa an ni tih ringhlel ngam an awm ka ring hauhlo bawk.


"Mate ahmingah enge kan sak ang "ka u in a rawn tih leh sep chuan ka ngaihtuah rauh rauh.



"Ka hming chawiin Benji tih ka thlang e " u Benja'n a rawn tih chuan "Mi hring hming pawh anihloh chu" siamtein a rawn ti nghal zat.An ni pahnih pawh hi an inkawm thei ve viau nangin a tam zawkah chuan an inhniak reng zek thung.


Siamtei hi kan flata a rawn awm tirh kha chuan ka u in rem ati chiahlo deuh a kan hmelhriat hnaivai alo nisi lo nen rinngamlohna chen kha anei fo thin.Thla hnih an awm takah chuan awmpui kan thlansual loh zia min hmuh thung.U Benja nen zu han indun zeuh an ching tihloh chu han sualna em em aneilo.Rinai takin rawngbawl alo thiam bawk a ka hahdam phah viau mai.



" Jemson.....Jemson" ti a phun sep sep in ka fapa chu ka melh dauh dauh a .Tui takin ala muhil hrih."U Jemson tih ka rilruk deuh enge i ngaihdan ?" ti seoin ka u chu ka melh a ,a mawi a tih thu alo sawi ve sep bawk.Jemson...Jason...apa haw hle mah ila ahming behchhanna phuah ka rilru ah a awm tlat ho thil mak tak ani!


"Amizo hming tur " U benja an a rawn tih sep chuan ka ngaihtuah rauh rauh a ,phuah hrih loh mai Ka duh hrih.Enge achhan ka hre mai hrihlo. Mahse engemaw hian min dang tlat .



"A mizo hming tur chu phuah ka duh hrihlo ,in remtih tho chuan han lian deuh se ,hunin ala hril ang chu "...



"Remtihloh chhan tur a awm hlei nem Mate ,ni e nghak deuh hrih ila ahming tur nalh tak kanla hre chho zel mai ang."
Ka u chuan min pawmpui takin a rawn ti nghal vat.Ka fapa Jemson chu ka thlek leh ngawih ngawih thin ,ava han duhawm chiang tak .



(Skip duai duai mai ang aw )
Afyer 3 years.



"Jemson Bawihpui,Mama alo haw ania " ka hna bang chu ka fapa thil ka hawnsak khai bawr tun chung chuan kawngka atang ka pen lut a ,ka au pah nghal vak vak bawk.



"Mama" ti ve niap niapin ka fapa chu ka u room atang a rawn tlan chhuak anih chu! Ka thil khai tun pawh chhuatah ka nghat nghal dawp.
"Bawihpui tinge itah "Mangang zeta kuahin ka ti nghal hluai.Ka fapa ka neihchhun hi atah tawh chuan ka buai nghal chuk chuk zel .....



"Mama Saate in " ti ve nuap nuapin a mittui a far thla ve keuh keuh.Ka hrethiam nghal uarh uarh .Siamtei hi a ala tawngfiah lo deuh hlek nen Saate tiin ako mai zel a ,tunah pawh Siamtein bual a tum leh ani ngei ang.Inbual dawn apiang hian anin titap ziah ! Inbual apeihlo lutuk hi chu tihngaihna vak pawh ka hrelo.Mahse Delhi khawpui lum lutuk vangin nitin bual ngei ngei angai bawk si.Inthlem chhung hi kan beirei thei ania ! Amaherawh chu kan vannei hlauh a. A tlei tlei hian atlei reuh a ,atap khat viau thung.


"Bawihpui Saate nen khan inbual tur ka tih kha " inla strick ve tak chuan ti sepin ka awmhla deuh a ,a tap ri ngam chiah lo nangin a tah erawh ala chhuah hmel viau thung.Hmuh hrehawm hle mahse Ka tih hram hram angai.La naupang viau mahse tun hun atanga ka control zo lo a a duh apiang ka tihsak zel chuan sual chiah a rawn hmabak chho dawn.



"Ka fapa duat tunge lo titap" ka hnung mai atanga U Benja'n a rawn tih hluk chuan min tlan pelin ka fapa chu u benja lamah atlan nghal terh terh!.
"Dada Saate leh mama sual" Ka awih theilo ! Ka fapa ngei chuan u benja lakah Siamtei nen min hek ania! Kan la hahthlak mang e .



"Ui ka hah lutuk, U coco Jemson hi a chak reuh sia. Inbual a duhlo kha kan inum kual chiam alawm .Ka u room pawh saw tihfai leh angai dawn ,tui a baw nuaih mai .Ka u room a tui inchhawp alo leih baw bawk" Siamtei chuan puanchhia chhuat ahruk hulna niawm tak rawn keng chhuak in a rawn ang pah nghal zat.Ka fapa hi ahmangaih viau thung.Ka kiang hnai amite hi chuan min hnangaih pui em em veka ka lawm hliah hliah.


"Ka fapa chuan a duh duh ti rawh se.Jems enge kalo hawn che le " ti nghal zatin sitting room lamah a pawm phei nghal daih.U Benja hian a duat leh lutuk a ka fapa pawh hian angaina takzet.Toys nise kartin a rawn leisak emaw tih tur ani.A thil ken lian zet pawh saw motor lem bak ani leh tawp lo ang .Kan in kiltinah hian toys a awm thleh thluah tawh.U Benja leh ka u leisak deuh vek an ni thung.Kei erawhin athawmhnaw haktur lam ka leisak zing viau Designer te kalo nibawk nen ,ka fapa thawmhnaw hak tawk dawra ka hmuh hian ka kalpel thei meuhlo.Thawmhnaw pawh angah viau mai.A haktawklo la tha tak tak te erawh ,Orphanage lamah kan thawn thin.



Tunahian Shopping Mall liantak pakhatah dawr liantham ve tak ka nei mek a ,nikum khan Femina Miss India thlanna a an evening Gown hak tur desing tura sawm ka ni ve hlawl bawk nen! Ka design ngei model pali ngawtin an ha chhuak ve a. Best gown lawmman pakhat phei chuan a dawng nghe nghe! Kha khan min vaw lar ve hle a ,mi hausa tak tak ten inneih kawr min rawn design tir leh nawlh nawlh thin.Ka dawr 'C&J Fasion World' pawh Delhi ah chuan alar ber pawl ani tawh nghe nghe ! Hnathawk panga lai ka chawr a ,mahni pawh ka inchawm thei viau tawh.


Zauh belh zel duh mah ila ka fapa ala nau deuh nen ka buaipui viau duh hrihlo.Pakhat chauh pawh la hawng hrih mah ila kan buai ve viau tho customer kan ngah thin bawk a ,kan hlawk viau mai.Ka fapa ka duh ang thala ka enkawl theihloh vangin intifaitu tur pakhat langa kal kan rawih belh a ,Siamtein ka fapa a chang chawt thung....



"U va inthlak rawh kha i heels bun a sang tha bawk a i ke te pawh a sen vek tawh" Siamtein a rawn tih chuan bu nghutin ka room lam ka pan a , ka pheikhawk bun sang zet ka han phelh chuan ka ke kham thum pawh a zia viau .Hahdam zetin ka inbual thuak thuak a ,ka khumah ka thu mu nghal duai.


Vawin ringawt ah pawh VIP customer pathum ngawt Ka panchilh a,sum la lut ve viau mah ila ka theih ang tawka la inren ka duh miau vangin car pawh lei loin Auto kala hmang ngat ngat zel.Vawin pawh ka customer pakhat ka mizo pui ngei fanu birthday kawr tur design in ka buai phili nasa mai.Mizo te Pawh hi Kanlo thleng sang ve tawh viau mai,birthday kawr man ringawt a singthum zet seng phal tawk kan awm hial tawh mai!




"Siamte Bawihpuia kha lo va kalsawn pui lawk ta che ,I u leh Bejamina hi kan be lawk ange " ka u in thutak zeta kan zanriah kil zo a rawn tih chuan Siamtei leh Bawihpuia pawh an kalsawn ve nghak mai a .


"U enge i sawiduh a " kalo ti nghal sep ,nghah hi chu ka theilo ve ngawt mai.


"Mate kalo ngaihtuah a ,Benjamina pawh kalo sawipui deuh tawh tho bawk a .Mizoram lama let leh hi tha kan ti seuh tawh ani.Keipawh Aizawl Hospital changtlung zetah hna offer ka hmu a ,nangin dawr i hawn belh bawk anga.Helama i dawr chu i kartawn theih mai ka ring."...


"Coco keipawh ka chhungten haw turin min rawn ti ve chhen bawk nen.Ka pa sumdawnna enkawl zawm ka ngai tawh dawn a ,ka rual hian rawn let ve nghal law law ula ka duhpui che u" u Benja an alo ti ve nghal zat.


"Ka hrethiamlo u ,Ka inpeih em kala hrelo ani" ti hap in thawk kala ham ham.Mizoram lama kan let anih chuan Sur J nen inhmuh hun ala awm ngei ngei dawn a ,ka fapa hi afa ani tih hre ta se min laksak mai hlauhna nen ,bakah ka na thar leh mai mai ang tih ka hlau viau bawk.Khang kum kalta chhung zawng khan ka theihnghilh ngailo reng reng! Hriatreng loh tum in ka theihtawpin ka hna ah ka insawr bing a ,mahse ka ngaih a reh phahlo mai niloin ka ngai zual telh telh niber hian ka hre thin! Bawihpuia muhil ka en leh vung vung chang te hian Sir J hmel ka mithla ah a rawn lang leh nghal zatzel a ka tan tak pawn aharsat viau chang atam...


"Mate i thuthlukna chu engpawh nise ka pawmpui thlap tho ang che.Mahse kan ram lama kan in kha chei that a kan nu leh pa sulhnute dah ral mai loa luah lum leh ka duh a .Bakah Bawihpuia hi ahnam pui te bulah ngei seilian se ka ti bawk.Hetah theihtawpin kan hnam tawngin be mah ila atan a haraa viau dawn bawk nen" ka u in a tih leh sep sep chuan ka ngaihtuahna a buai viau mai.



Bawihpuia thanlen nan ka ram.ngei ka duh a ,kan in luahlum lehtawh pawh ka duh viau bawk.Chutih rualin ka chhungril a hlauhna awm tlat hj hreawm ka tihpui ngawih ngawih tho bawk si.Engkim hi Sir J ah a tawp nita berin ka hria.Kan rama ler ka chak chhan leh chaklo chhan Pawh Sir J vang bawk tho ani.



"Awle u ,Kan in chu lo chhawmtha deuh turin hrilh la ,keipawh kan Kalo insiam rem ve zel ange " ka tih ve sep chuan thaw huai hmel an pu .Min ngaihchang vanga let lo mai mai an nitih ka hriatna te chuan hrehawm mintih thar tir ta riau bawk.Lo hre vat tur ka nia ! Mahni ram ngailo tunge awm ngai ni? Mahni hmasial tak leh sir Jason ka hmuh duhloh vang ringawtin kha chen kalo in dah hmasa ber zel a ,ka u rilru tur phei chu ka dawnpui ngailo hrim hrim.Ka insiam that deuh chu angai ve tawh ni.





Kan in kha ka u in Mizoram lam be pawpin a thawm that tir a ,thawm that tir han tih ah ,kanlo khawihloh rei deuh tawh vangin tunlai tur zawkin a siam that tih tihna niber.Sofa leh engemaw neuh neuh thlak tur a awm ve bawk nen.Thla han ral se kan luah lut ve thei mai turah ka ngai.Keipawn Dawr luah tur ka hmu ve nghal hlauh a. Kan vanneihna akal tluang kan ti dawn nge a zau viau lehnghal.Chhawnghnih niin a hnuai kawngpui an chu showroom atan a rem chang khawp,tin a chung pawh ka hmang tel tho bawk ang.Ka office leh designing vel na hmun atan ka it deuh nangin a zau tha tho a thawmhnaw ringawt nilo bag leh pheikhawk vel zawrh tel ka rilruk viau.




...........


"Mama "



"Ngeni bawihpui?"




"Kan ramah chuan Anita te ,suresh te an awm ve dawn em ?" aw...ka fapa hian a thiante alo ngai ve anih ngei dawn hi.....Pre school ah apuitlin reuh em vangin karkhat vel chu kan kal tir a ,nuam a ti viau anih hmel.

"Bawihpui ,anita te ,suresh te chu an awm dawnlo amaw .Mahse sangi te ,liana te an awm tawh zawk dawn a ,anni pawh i kawm duh lutuk ang .An fel lutuk ania aw " ka fapa chu ahnual mai lohnan tha takin ka hrilh a ,
"Okhey mama" ti ve supin A ph en lai a bih leh nghal.



Achang chuan minti beidawng thin.A sual ka tihna nilo in apa a chhun leh lutuk hi! A zia zawng zawng engkim a chhun fai vek! Kan hauh changte a a lungawiloh deuh chuan tawng hmuk hmuk te a ching riau a ,A rilru alian hi ni tawp.Tunlai tak phei chu a duhzawng te lo chu thawmhnaw inbel tir ahar talh zel! Ka duat lutu vanga sual tidawn ila ka strick ve tawk viau chuan ka hre bawk si! Huizz nu nih hi alo harsa anih ber hi.




........

"ehe?!!!!!" ti hliai in kum tam kalo rah tawhloh ka inchhung ngei chu ka chuangkai leh ta ,alo danglam tawh takzet ani.Rawng eng deuh pup hmang thim kha rawng var lam hlir kanlo hmang ta a ,mahse ka nu thil ngaihhlut thin em em te erawh khawih danglam loh tih hriat zetin an awmna ngaiah theuh anla inhung mawi viau ani.Ka room oan ka tum lai tak chuan "Mate i room kha chu Ka awmna room atan ka thawmthat tir a ,ka nu leh pa room ah khan awm tur in ka duh che " ka u in a tihsep chuan ka nuih nghal ver ver .U tha tak zawng ava ni em! Ka nu leh pa room ah hi chuan bathroom alia.n bik em em a ,room chhungah ahrana room dang closet tur a awm leh hranpa bawk.



."Ka lawme aw u" ti hliai in ka kuah nghal chial ,ka tana thil min tihsak zawng zawng te hi theihnghilh chi zia zang anilo.




..........

Ka dawr chhunga rawn pen lut mek te vang chuan ka lungphu a tawp mai dawnin ka hria ! Ka thianghlimna ka hlanna ,ka hmangaih hmasa ber leh tun thleng pawn a la ni reng! Chu mai nilo ka fapa Jemson pa ani tel bawk.
Engkim hmachhawn huamin Mizoramah ka let leh a ,mahse hetiang em em a hma hian ka hmachhawn ka ring hauh silo! Kan nundan leh huntawn hi mihring remruat ava nilo chiang em.




Min hmufuh ve ta chiah tih hriat takin min melh ngûr in a hmui phun chuan 'Coco' tiin a phun sup! Hah! Minlo la theihnghilh biklo tihna emni? Kum li lai liam tawh mahse a hmel pa hrak leh a pian inkhaithli zet te chuan danglamna ala nei hauhlo! A naupang tawhlo tih hriat takin a hmai ah te chuan hmul a to sing seng a ,chu chuan a ti pa zual sawt zawk emaw tih tur in a mawipui em em tho si.





Ka office a kalo inkhung hle hle lo chu pawi ka tih tum ber ani ngei ang.Tunah erawh pilbo turin hun ka nei tawh silo.Lalpa...min awmpui mawlh teh.






"Coco" tia phun sup ri ka hriat chuan Sir Jason leh anupui chhelo zet te chu ka bul ah anlo ding reng tawh! Mahni ngaihtuahna kawm tawh hi chuan thupui a tam thei lutuk a kan insawi zo hman thinlo.





"Puih theihna cheu ka nei em " pangngai thei tur ang bera lan ka tum pawh chuan a harsa lam hret chu ni ! A mi uapna na zet vang chuan temperature a sang ta riau a hriatna ka nei bawk.







"Anniversary ami atan ka thawmhnaw tur rawn en kan duh a " Sir J nupuiin a rawn tih sup chuan thawchhamin ka thi mai dawn in ka hria ! Ka hriat hnu nimahse a thawn dan ala ngai reng mai.





"Mommy" sh*t..hunlo lutuk! Ka fapa ..











#Nizan atang tawh website ah luh ka tum ngar ngar tawh hei mu hil hman eihloin submit ngei tumin kala meng tlang ania .An fapa hming hi prolouge ami anglo deuh turin ka thlak aw #

[Ngaia]

*SiR J* ch~21 by~Natasha Hrahsel



"Mama" tia ka fapa min pana lo tlanphei chu ka bul a rawn thlen rualin ka pawm kang nghal nawlh.Engtin nge ka tih tak ang? Ka fapa hian a mitmeng leh hmaifang zawng zawng ah J~a hi a chhunfai vek! Ka thik lek lek zawk.Mahse tun dinhmun ah chuan ka fapa a hmuh hi ka remti lo bur hi ni ringawt.




"Ka u pawi ka ti lutuk,i bula rawn kal a ngen char char bawk sia kan inthlem thei ngang lo ani" siamtein a rawn tih nghal bawrh bawrh pawh chuan ka chhang theilo.Ka hmaa mipa mitmeng hriatthiam har zet a min melh reng tu lak ata ka mit ka lasawn thei hauhlo bawk.




"Mama ,i bulah ka awm duh naawm" ka fapa in a rawn tih chuan ka mit la sawnin ka melh vut a .A chhip ah fawp zeuhin lehlam ahawi mai lohnan ka pawmbet tlat.Ngawi ngula min melh rengtu lak atang hian engtin nge ka kalbo vat theih ang tih chauh ka ngaihtuahna ah a awm hrih.


.

"Ani kha ka fa.."Sir J an a tih dawn chiah chuan"Ka fapa " hnung lam atanga U Benja a rawn lang hlawl , ka thaw chhuak ham ham.Ka mamawh hunah tak hian a rawn thleng chat zel a .





"Dada" bawihpuia pawn lawm zeta khek ve raih in Ka pawmbehna tang atal thla a ,U benja lam apan nghal zat bawk.J nen erawh kanla inhmachhawn rân thung.A hmel chang tawlh tawlh leh amitmeng natna niawm tak inphumru tlat chu ka hmuhsual mai anih ka ring.Engvangin nge anat ngawt ang ni?


.

"Huh! Pasal te ilo nei tawh a ,fa hial innei dun bawk a" kha fak a atih hmuk chuan chhan mai dan tur pawh ka hrelo.
"kha nangpawh i nupui nen inla tluang zel anih hmel" ka rilru a lo lang hmasa ber chu ka sawi ve tawp.





"I hresual" a nupuiin a rawn tih lai chuan "kan la tluang zel e ,Remi dawr dangah i design duhzawng i hmu tho ang helai hi chhuahsan vat zawk teh ang " J chuan min ngaihnep hmel zeta ti supin a nupui banah chuan a chelh a akai chhuak nghal dawr dawr.A nupuii. "a design kha ka duh a sin le" a ti nak nak chungin a kai chhuak ta tho.


.

"ka rawn thleng timing hle lo maw " U Benja'n a rawm tih sup chuan ka hnunga couch ah ka thuthla dawt.Ka lo insangmar lutuk kha ka hah vek thaw chhuak siai siai in ka fapa leh U Benja inchhaih chu ka en a ,ka fapa hi min laksak ta se engtin nge ka awm ang ka hrelo.Ka damzo kherin ka ringlo.





"U khapa kha Jemson pa hi ani tiraw? An inan zia em em kha ! Avan pa em em " Siamtein a rawn tih sep chuan U benja an alo khap nghal vat.Sawi awm leh awmlo pawh hi a hre silo a abuaithlak thin viau.





"Mama ka daddy chu ka hmu ve duh putar sang deuh kha ka daddy maw ....mawh mama ka daddy "




"Jemson a tawk" ti hrawk in ka thaw chhuak nghal hawk "keimah hi i mama ka ni ,daddy a awmlo" ka ti leh vak.U Benja hnunga ka fapa tawm chawih chawih chu ka ankhum vanga inchhir zetin ka melh tlawk tlawk.Siamtei phei chu inchhir hmel zetin a ding zum zut tawh.




"Hey boy,Mama hnenah ngaihdam dil rawh le " zaidam zeta U benjan bawihpuia a thlem chuan ka inchhir tawh viau! Tullo lutuk ah ka fapa duat ngawih ngawih kalo ankhum ve ngawt a ,ka ankhum ngailo viau asin le.Zosangliana vangvek ani.




"sorry mama" ti sepin bawihpuia chuan min melh kiau a ,"Ka thiamloh zawk alawm bawihte " ti sepin ka kuah bet nghal nawk."Mama leh saate te nen KFC ang aw" ka tih chuan anaupang zia rawn langin lawm takin akhek leh raih raih nghal.




"Dada pawh" bawihpuian a rawn tih sep chuan U Benja lam kan melh dun nghal a "keichu ka hman hrihlo ang,Airport ah Diki lam ka ngai dawn tlat" a tih chuan hrethiam zetin ka bu nghauh nghauh.Ka fapa hnenah a hman ve loh thu hrilh in a insawifiah zat a ,naupang chen a achhawnchhaih thiam lutuk hi amak zawk .Mi ngainat a hlawh em em zel mai bawk a.Diki pawh hi a ngaihzawng thar ania ,tum khat chu zanriah kan kilho ve tawh.A fel phian leh nghal.U Benja pawh hi a thutak ve viau chuan ka hria.




"Mahlim ka tello in inlo chhunzawm mai dawn nia aw " ka hnathawk pakhat chu be zeuhin ka fapa ka pawm chhuak a ,siamtei pawn min zui ve nghal zat.Delhi anga awmreng theih tawh heklo.Car te kan lei ve ngawt a ,khalh lam chu buaina ka neilo nen ka khalh chhuak ve mai zel.Ka fapa pawh Siamtei malchungah hlim zetin a ninhlei leh tawh hle.




Naupang te ka awhna ber chu an rilru thianghlim lutuk hi ani.An mi huat em em te pawh reilo te hnuah an theihnghilh zui leh mai zel a.Uar zeta an tah hliam hliam tawh hnu pawn minute nga vel ral se an tap tih pawh inhre chhunzawm tawh loin an hlim leh nghal em em thei zel.




KFC kan thlen chuan Delhi a KFC nen a inan loh em vangin Bawihpuia phei chu a hawi hu hu kan nuih tawp.Siamtein a bawl leh zeuh thin nen nichin lawka thilthleng ngaihtuah zui loin kan hlim phian mai.Arsa ka eitheih loh vangin Beef burger leh coke ka in tawp a ,tiang nikhua hian abuaithlak duh viau nangin eitur dang alo awm remchang leh mai zel.
Kan in eipuar hnuah ka u thawhna lama tlang kan tum a ,Ebenezer Hospital ah a nghetin a thawk thei a alawmawm viau.A buailoh lai tak alo ni nen kan pan tlang ta law law.




Jason pov.




Hrep hian !Theihnghilh thei hauhlo leh ka mangrama ka hmuhfo laiin ani ve chuan pasal fanau alo nei hman hial ania !Thinrim zet chuan ka thaw chhuak hrawih hrawih ringawt.Ka bula thu lah chu ph akhawih mual mual ang lawi a ,ka tette atanga ka thian nita chu kan inthen hnu ah pawh apasal nena an inneih aniversary a ahak tur kala zawnpui chu nia ! Ka dinhmun tehhrep hi




"Ui ...Coco~i te chu alo van chhelo em em ve a ! Ka vawikhat hmuhna ani na chu cocoi ani tih i melhdan atang khan ka hrethei nghal.Afapa nen lah khan in in an zia kha ! A pasal kha chu lo lang lo se ifa anih ka ring nghet hmiah ang" min ngaihsak chuang hauhlo chuan a rawn ti sep sep.Ka thaw zui hawk chu "Sorry" a rawn ti leh nghal sap a , ka seat nghenchhan nghengin ka maimitchhing riai riai.




Ka tumloh tawpin Remi nen kanla innei zui zel angin ka tawng bawk a ,kei kum 40 ral kaitawh hian dawt kala sawi cheu chu nia ! Lalrinhlui vang vek ani.Ka ruih chang apiangin khawilai ah emaw hmuh mai tumin ka mit ka len ruai thin kha nia ! Khang kum thum liam ta zawng khan nikhat pawh theihnghilh lai ka nei ngai hauhlo.Theihnghilh tuma ka ruihchhawm hmawk pawn ka mang lamah ala rawn inlar ta fan zel a !'eng zûn nge a neih bik' ti a phun chhuak sepin ni ka hmang liam ve mai zel.Ka nu leh pa te lam atang pawn nupui dang nei leh tura thurawn ka dawng ngun malh malh khawp mai,nupui chu sawiloh nula tumah hian ka mit anla thei hauhlo .Rui taka ka awmlai pawn nula min beiseitu chhelo ve tak tak an kat nuk reng.Harhfim a ka awm chung pawn zahna neilo a min be tawk tawk tawk lah bang hek lo! Chung nula zawng zawng zingah ka mit la tu mah zu awm hauhlo thei a ! Engtiang chiah a thukin nge Lalrinhlui hi kalo hmangaih hman ka hrechhuak hial bawk.Ka nunna ka hlut ai daiha nasa in kalo hmangaih ani.




"Ehe! Ja...jason Ebenezer Hospital lamah kal vat teh.Henry~a a accident anih hi.Lalpa venghim hram rawh" Remi rawn ri nghal chel chul chu "Lungngai suh" ti supin Hospital lam chu ka pan nghal vat.A mittui tling pur ah chuan apasal chu ahmangaih ve viau ani ngei ang.Hnemdan tur ka hrelo nen kan ngawi dun rauh rauh.




Hospital kawt kan thlen chuan motor ka park fel hma hauhin a chhuk a,Hospital chhunglam apan nghal zat bawk.Ka in park fel te te a ka lut zui ve nghal mai bawk.Nurse lo duty pakhat chu Henry a awmna lam ka zawt ve tawp a ,accident awmthar anih chuan Cabin 302 naah an dah tih asawi chuan chulam chu ka pan ve tawp.Ka thiltawn vanga ka mood la dik zan lo nen min tibuai tu chu awmse kut thlak duh mai tur angin kala awm reng.



.......


"Jason ka nupui hi ka that tawh thu hrilh teh " nin hmel zeta Henry an a tih hmuk chuan ka thaw chhuak ve hak.Remi lah mitthi sun ang maiin ala tap pur nen ,a pasal hian a ke ah chiah hliam anei a ala hlauthawng ta cheu chu nia !




An nupa in hnial leh bap bap chu ka thlir reng .Rinhlui khan min kalsan loin ka kianga awm thlang se chuan tunah hian ka fa ngei apawm tawh zawk anga ! Lord! ka ngaihtuahna tullo zet vang chuan ka phun zui hluk.Mi pahnih min rawn melh nghal hraw tu te chu ka hmai tuai puatin " pawnlamah kalo va awm lawk ang" ti supin ka chhuahsan nghal zat.




Boruak thianghlim dawng tur chuan veranda lam ka pan a ,chhawngthum naa awm kan ni bawk a hnuailam hawithlak chuan a sang tha ve viau mai.Tlang chhumin a bawh pawt chuk te chu thlir dauh dauh in thil tullo zet ka ngaihtuah zawm zat bawk.




"kya aap meree madad kar sakate (Min pui thei em)" ka bula mipa naupang in a rawn tih sep chuan ka melh chhuk ngur.Khawvel hi a zim ta viau nge Lalrinhlui fapa kha ningei in ka hria ! Hindi ahman danah Mizoram ah chuan a awm thanglo tih a hriat .Nge ni a vai hmel ang minti deuh a hindi tawngin min bia pawh ka hre hrep lo e .




"Mama boy..Mizo tawng i thiamlo emni?" ti hmukin ka melh chhuk ngur .Naupang biak dan atan chuan a chi viau loh chungin a nu vang chauh pawh hian aw nem in ka be thei hauhlo.




"Thiam tho ,tah hian ka lawn ve duh nawm "
Ve reuh hian "Nawm ?" tia phun ve supin enge 'Nawm' a tih chhan hi ka hre hauhlo bawk .A la tawngfiah lutuk lo te pawh ani mahna.




"Mama boy hetah hian ilawn chuan itla anga i thi mai tur asin " nernungin min melh ve khai khai ! Ve reuh hian ka hlang chho anga ka kalsan daih zawk dawn zawk emaw ni .




"Ka pa tawh nawm,Dada pawn pa minti thei lutuk"
"Ani vel ang" ti hmukin ka hmalam ka thlir san daih.Ka hmeichhe huat leh hmangaih em em fa nibawk hi ka be chak tehhrep lo e.




"Pu pu chu i sual " God ! Ka upat hmel viau nge 'Pu' mintih chu? Ka thing nek zawk dawn emawni .
"Naupang i nu bulah kal vat rawh " ti hmukin ka thaw chhuak hrawih hrawih a ,ka bawh mek ban chu ka beng pah dawt.

Ka bula mipanaupang lah chuan kalsawn ta nge a ti lem hlei lo a ! Ka biak dan atang chuan kalsawn vang vang tura ka ngaih nen.Ka hlan duh miau loh vang chuan a bawp tawi ve tak nen lawnkai tumin a bei ve tang tang reuh!





Theihtawpa a in rah kan hnu in wall chu a nal deuh nge a tawlh thla leh pur pur zel.Ka hriatloh karin a awmdan lawmawm zet vang chuan kalo nui leh suk suk.Ka puih duh miau loh vangin ahah deuh nge leiah a tum thla ve tarh a ,a taksa te zet hmangin a thaw ve hak hak reuh.A tet ang aiin a taksa a kim ve biai bawk sia alawmawm reuh phian mai.





"Mama boy ,beidawng mai lo in le ?" ka tih sup chuan thaw ve hak hak chungin lawn an tum leh a ,a tawlh thla leh nghal zel tho.Atawpah chuan ka pawmkang nawlh a ,a din duhna hmunah tak chuan ka dintir a abanah ka chelh tlat bawk.Chelh lo mah ila dem ka hlawh dawnloh nen,mak takin he mipa naupang hnaih chakna rilru ka nei tlat pek.




"Mawi tuk !" ti ve hakin thawk an la ve siai siai a ,ka fapa ni zawk se chu chintawk neilo khawpin ka duat ngei ang le.




"I duh chu i hmu ta ,chhuk la i mama hnenah kal tawh rawh aw"engvanga nem taka be ta nge ka nih pawh ka in hre nek lo.Duat chakna ka neih tlat te hi thil mak tak ani.




"pupu mama awmna a hrelo nawm "

"nawm tilo in lawm tihtur zawk " kalo ti nghal sup.Hrethiam nive awm tak chuan a bu ve nghut nghut reuh a ,pupu minla ti cheu bawk! Ahma ang em chuan ka thinrim tawh haujlo thung.
Ka dintirna atang chuan ka hlang thla a ,engmah a sawi talo chu thawveng hawk tur ka nih laiin ka veng hauh lo!



Akal mai dawn emaw tih laiin a din ngaiin a ding reng a ,chesawn loin a thaw leh hak hak thin ! "Hey Mama boy " ti supa a dara ka khawih chuan a rawn awn ruai ruai! Nikhawhrelo in a awm tihna ani em ? Mak takin ka thin phu dawt dawtin ka pawm lawp a ,hospital chhunglamah ka pawm lut ngjal nawlh.Nichin lawka harhtha em em hetia a awm ngawt vang nge ka hlauthawng ngawt chu nunna ka ngaihpawimawh vangah ka puh a ,ka ringhlel viau lawi.




Ka pawmbeh mek naupangte chu ka melh leh zuk a ,a hmui alo dang bak tawh ! Casualty ah chuan pawm lut rawk rawk in ka bul hnaia doctor lo ding chu ka vin nghal hrawk.
Doctor pawh chuan en nghal vatin an bulah kalo vei thauh thauh.Hetiang taka hlautjawnga ka awm chhan hi ka hmangaih fa anih vang bak ni lul suh se.





"Doctor Rt~i Ko nghal rawh u ,tunah ahmanhmawhthlak" Chu doctor pa in a rawn tih rual chuan naupangte a chu ka melh ve nghal hlut .Aharhlo tih hriat zetin amit alo chhing tlat.Ka lu tuai puatin Doctor pa chu hmanhmawh turin ka ti leh rih thin.




"Awi ka duhlo, bawihpui " tia Coco~i rawn ai tuar chu inher letin ka melh nghal zat.A kiangah doctor coat ha hmeichhe pakhat naupang chhe zawk zawk tawhlo tih hriat zet chu a ding ve bawk.Naupang an hmuh chiah erawh che hlutin Doctor pa apui nghal zat.




"Ka...ka u engtin nge ka fapa hi a awm " tap tiau a Coco~in alo tih chuan ka sinna hmunah kalo buai ru viau. "Mate inbengdai phawt la lo awmhla deuh rawh ,Dr.MS kan nau hian Asthma a nei a " Ka u a tihnu in a tih chuan Doctor oa chuan hrethiam zeta bu nghutin "ER lamah" a ti nghal vut.





"U..nilo engtin .nge " Coco~i talbuai hi ka hmu leh ang tih ka ring ngailo! "minlo hrethiam la ka nau hi minlo buaipui sak lawk ta che " hmanhmawh zeta Doctir nu in atih chuan nauoangte chu amipa zawkin apawm nawlh a an kalsawn pui nghal zat.
"Ka fapa " tia Coco~in zui ve mai atum chuan ka hriat loh karin kalo chelh bet hmanhmawh..




".j....j ka fapa kha " a mangang tih hriat ngawih ngawih a mumal neilo zeta a awm chuan ka kuah bet nawk a "a tha leh em em ang " tiin ka hnem sup.Ka awma tap khur dawt dawt chu a chhipsamah ka fawp tawk a ,a hnung ka chul zui heuh heuh.Engvanga ti nge ka nih hrep ni? Mahse a tah tawh hi chuan keimah a khawi emaw lai ber hi a rûm ve ngawt ngawt hian ka hre thin.





Mumal lo zeta ka bula ka hmangaih awm chu "ER lamah kal ang aw " zaidam taka bia a ti sup in a banah ka chelh a ,mumal neilo zetin min zui ve mawp mawp.A mit atanga mittui far thla leh fap thin chuan min ti na ve tlat si .
Chuan afapa hetia a awm chhan hi nichin maia hah taka a chet vang tih ka hrechhuak uarh uarh a ,tullo zetin ka awm anuamlo viau lehnghal!





"Ka u enge thleng ?" eitur niawm tak inkhai bawr tûn chunga dawra naupang rawn hruai tu a rawn lan chuan chhan a tumlo nge a awmdan ngaiin a awm reng.A khat tawk a "Ka fapa" a tih leh sep thin bak engmah a sawi lo.Thuthleng lo awmah chuan ka thut tir a ,engvanga dimdawi ta viau nge ka nih ka inhre heklo.




"Nilo ka u" tia nau awmtu niawm tak a rawn au tuarh rual chuan ka bula thu ngawi ngul chu a awn riai riai a ,dawm nghal vatin ataksa zawi hniang mai chu ka pawm kang nghal nawlh.




"Nurse" tia nurse veilai chu ko supin min rawn pan nghal thuai.Khum ruak lamah mut tir phawt tura mintih chuan ka zui nghal a ,khum ruak ah chuan ka mut nghal thuai.
Ka bulah nauawmtu chu a rawn ding ve nghal zat bawk.




"A hb hniam hniam vang anih hi atha leh vat mai ang" nurse in a chek zawh a a tih sep chuan bu nghutin khuma ka hmangaih mu chu ka melh ngawt ngawt.




"aw u coco i hi chu ivan lainat awm tak" ka bula nula ding chuan ti tiau in amutdan asiam rem sak hlek bawk.




"Naupang khan eng natna nge aneih " ti supin chu nula chu ka melh zeuh a ,aphu zuk te chu ka enghelh hmanhmawh.




"Ih...englo thlakim lo in apiang a ,ahah deuh chang hian athaw a hah thin a .A hrisello viau bawk" min tih rukna nei niawm tak chuan min chhang rang viau.
"Khawnge apa kha ?" ti chhuak leh hrawihin ka aw achang lam mah.Ka hmangaih thinlung neitu chu tupawh nise a vannei ka ti hliah hliah.Ka thik viau bawk ! Kalsan mai tur ka nih laiin ka ke erawh chetsawn a tum hauhlo thung.







Coco pov.





Ka mit ka meng diar diar a ,a en lutuk vang chuan ka chhing leh sawk.Ka men leh chuan a zia deuh tawh.Tunlai ka muthalo nen ka hah deuh ani.Mahse ! Ka fapa kha ! "ka fapa" ti chhuak thutin ka tho nghal zat.Ka banag venflon anlo vuah reng bawk!

"Che suh" ka venflon phelh ka tumlai taka ka chhaklam atanga aw khauh tak rawn chhuak vang chuan phu zukin ka hawichho vat.Phun hlukin J chuan minrawn hnaihchilh nghal.




"Nilo ka fapa kha " ti leh sepin khum atang chuan ka tum thla tharh a ,mipa thaw hrawk ri leh khuma min hlankai nawlhim a chhunzawm zat.

"engemaw ihriat le ,kafapa bulah ka kal angai tih i hrethiam lo ami" ka ti nghal tuarh...
....





"I fapa chu atha tawh" ti hmukin min melh leh ngûr tawh!

Ads a hnuaia mi khu in lo click theuh dawn nia

[Ngaia]

*SiR J * ch~22





A mi melhdan na zet avang chuan kan awmna room hi a uap churh in ka hre thei hial mai! Kan awmna hi cabin pangai chu a ang chiahlo ,khum ka mutna nen pali lai a awm a ,azau tha hem hem viau.Chuti chung chuan ka hma a ding min Melh ngur tu vang hian boruak a uap churh bawk si!




"I...i kalsawn thei tawh em ?" ti sepin a mitah pawh ka melh thei tawh derlo nia ? A huhang na zet vang nge ka awmdan leh nihphung hlauhthak khawp a ka awm ni? A mah hrim hrim pawh hi zamna tham chu ani tawh sa hrim hrim.



"Atthlak taka nun hi bansan ang che.I fapa chauh hi nunna nei anilo tih hria la ,nangpawh inenkawl tha hle ang che " ti hmukin a thaw chhuak hawk a ,chhan pawh tum chuang lo chuan hnuai lam ka bih ngur reng.Athisen kai ngei ani tih hria se ka nunna ai hian a ngaipawimawh zawk daihin ka ring bawk.Mahse mahni hmasial takin a fa anih thu ka hrilh thei lo.Jemson hi min laksak anih chuan na leh tur chuang ka awm tawhlo ang ,ka khawvel atawp tihna anih ber mai chu.



"U Coco....ih...ih Bawihpuian alam alam che a " Siamtein inthlahrung zeta a rawn tih chuan ka hmaa ding chu aphun hluk! Engvang nge tih erawh ka hre hauhlo thung.Kei erawh ka venflon leh IV in zawmlai ka phelh vat a ,ka hmaa ding thaw ri leh hrawih thin chu ka ngaihthah hmak.Ka fapa in min hmuh vat loh chuan amangang leh vat dawn tih ka hriat vang nge engdang mah ka ngaihtuah thei tawhlo.




Rangzet chuan khum atang ka chhuk a ,ka pheikhawk inthawlh sawt sawt in kawngka lam ka pan nghal.J thu rawn sawi vang chuan ka ding dat na in ka chhuahsan zui leh nghal tho."I pasal hian angaihtuah miah lo che em ni" a ti nghut anih kha ! Pasal ka la neilo tih chi ni der tawh silo nen dawtsawi leh ngawt ai chuan chhang loin ka kalsan ta ngawt a .




"Mama" Ka fapa awmna cabin a ka luh rual chuan minlo au nghal vat .Panhnaiin ka kuah bet nghal thlawp a ,a bekah fawp tawkin ka hmangaih thu ka hrilh mawlh mawlh.



Thlakim loa apian vang hian a chaklo em em a hah deuh hleka a awm chuan a taksa in zo loin thawhah aw a nei nghal zel thin.Kum a tlin hma phei chuan ka hlauthawng lutuk kha pawn ka chhuahpui ngailo reng reng.Ka zirlai zawng zawng chawlhsan in ka enkawl chawt a ,ka u pawn a theih ang tawkin minlo pui ve thin bawk.Specialist te kan rawn hnu ah a lungin that lam apan zel vangin ka inzir chhunzawm leh nghal a ,ka fapa hruai a class kal lawp lawp chang lah ka ngah!A tet deuh lai phei chuan ka bul ah lo awm duh heklo le , Miss India thlan anih zana ka kalna ah pawh ka hruai tel a ,back stage lamah cabin nuam takah ka awmpui zauh zauh.Ka u leh Siamtei hi awmlo pheise chu ka buai thei ngawt ang.Atap khat viau nangin a tah chhunah hian abang hleithei tlat thinlo.



"Bawihpui na ila nei em " melh vatin a thawkdan leh awmdan a dik em tih ka em thuak thuak a ,a that hmel tawh viau.
"No ,mama" a tih sep chuan thaw huaiin ka rilru in Lalpa hnenah lawmthu ka sawi mawlh mawlh ringawt.Hei leh chen ka fapa min venhim sak tawh hi ka lawm ngawt mai.



"Mate ,doctor chuan bawihpuia hi tundinhmunah chuan hahdam taka a awm amamawh ber atia .In lamah kan inenkawl athat zawk a rin thu a sawi bawk."ka u in a tih sep chuan ka bu nghut.Ni e ,naupang tan chuan damdawiin hi a thawipik thlak bik ngawih ngawih.Puitling zawk pawhin ninawm kan ti viau a ,naupang tan phei chuan hneawm lutuk hi ani dawn chiang ani.



Bill vel kan tihfel hnu chuan Bawihpuia ka pawm a ,pawnlam panin kan chhuak nghal .Ka pheikhawk bun a sang ve bawk nen ,ka ke akham na ut ut tawh.Khua pawh alo thim tep tawh hial mai.....




Inlamah kan inkhalh haw a ,ka intihfai hmaa bawihpuia hrai ka duh vangin a eitur ka siam hmasa phawt a ,ka barh vek hnu ah ka ti muhil hmasa leh phawt a .Ka inbual ve hman ta chiah.Ka thlan tla nasa nen ka ban chuap nghe nghe.
Bawihpuia hian a damloh tawh chuan ka awmpui leh awm bak a duh ngailo nen ,ka hah thei viau mai.Chutih rualin kan hmangaih ber te vanga kan tawrhna chuan hah pawh a ti dam sung sung thin.





Kan Mizo pui tam tak te ngaihdanah chuan naupang hian tawng a zir tan atang mahni a inbar puar thei turah kan dah tlangpui in ka hre thin.Kei ngei pawh hi ka fapa kala hrai avanga mak ti tawk ka tawng fo!Mizoramah kan letna ala reilo chungin kan thenawmte lo leng luh zeuh zeuh changa chaw kanlo in hrai hian 'I duat khawlo zo ang.Mahni a inei puar thei rual ani tawh' tihte ka dawng fo .Kei erawh in eng he hu ah ka ngai hauhlo thung.Naupang a zirin enkawl dan tur a danglam ve a ,puitling sa thlap an awm laiin naupang an nihna hriat ngawih ngawih khawpa naupang chhia an awm bawk.Tin naupang chu kum 5 pawh pel mahse chaw hrai an ngaih chhung chu apawina a awm ka ti hauhlo.Tin ka fapa doctor ngei sawidan chuan Mizo te hian puitlin kan duh luatah naupang kan tisual fo tih a sawi a ,an ei in tur inbuaipui tir lawp lawp ai chuan nu leh paten a chin tawk leh awm tawk kan bithliah hian naupang hriselna atan atha zawk a ti nghe nghe.Ka pawm zawng tak ani bawk.





Dawr lama ka mi rawih te an fel tho bawk a ,ka fapa nen nihnih zen zawn kan in awm tawh.Awmpui langa kal kan la bawk a kan buai lemlo .Siamtei pawh nau ang tak tak a kan en vang nge open in pawl 12 kan kal tir leh a ,aman a tum ve bawk a azir tha ve khawp chuan ka hria.Han pass se designing te a zir duh chuan inhuam takin kan zirtir ngei ka ring.





"U Coco I ph i chhhang theilo anih hmel.Hei ka ph atangin Delhi lam atang an rawn ph a " ka room kawngkhar atanga rawn dah paha Siamtein a tih sep chuan kalo call let tur thuin ka chhang sep a .A chhuak zui veleh nghal mai bawk.
Bawihpuia a muhil nen ,a harh palh ka hlauh vangin ka ph kalo silent daih a .Hna ka khawih san leh sia kalo hrelo ani.ka ph chu lain ka call let vat.





"Mam...Kan puan chah ho kha hei alo thleng tawh a ,design i rawn thawnte kha kan bawhzui nghal bawk a .Alo berah Nuaih hnih vel chu kan sen hmel viau.An puan rawn thawn hi atha hlawm viau bawk" ka manager in a rawn tih chuan ka thaw huai thei.

Mexico lamah Sneha puihna in puanthan kan chah kha nia .Duplicate deuh deuh alo thlen kha ka hlauh ber ani nen chutia kan beisei ang thlap alo thleng chu ka lawm viau ani.





"Santi ,i ti tha e ,chuan a sample ho thlalak minlo thawn la .A zahve vel kha chu Kan ram lama rawn thawn lo inring bawk ula aw." ka ti nghal sep sep.Ka ramah ngei hian heng puanthan sial leh changkang tak tak te hi lakluh ka duh ani.





"Mahse maam ,khalam ah te chuan hralhna a a dawn em ni? A to hlawm viau si a " rilru buai hmel zet a a rawm tih chuan angaihdan tur chu ka hrethiam fu. Mizo te hi incheina ah sang hle mah ila branded vel hi chu kanla tlin chiah lo ve bawk ani.Mahse rin ai taka hausa hi anlo tam khawp a ,hralhna lamah buaina ka neih ka ringlo."Ka hralh theih loh leh ka rawn thawn let mai dawn nia " ka tih sep chuan aw min pawh ve mai bawk.


.........



Sir J kha a reh ta hmak a ,ka fapa sawi danin anlo awmdun anih hmel a buai tum khan.Min puih duh ka rinloh nen keimah thleng thlengin min bawihsawm kha nia ! Ka lakah feelings ala neive ani mai angem le ? Chu erawh ka ring em silo.Kei erawhin chiang takin kala hmangaih hle ani tih ka hria.





Ka u free clinic Khawzawl lama an neih dawn vangin vawin tlai khan a thawmhnaw te lain a rawn haw lawk a ,a chhuak leh nghal vat bawk.A sawi danin zan hnih chu an riak dawn anih hmel.A night dawn anihloh chuan min riahbo san ngailo tluk ania .Bawihpuia pawn angai viau mai.


.....


"Le bawihte ,Saatein lehkha zir angai sia .Mama nen hian enge kan tih ang le " ka fapa thui ngui lap chu melhin ka ti hluai a ,ph vel a lawm ve lemlo nen a toys akhal kual reng mai ni.Bakah zanin hi a awmdan a diklo riau ,anguai riau ani.





"Mama ,"




"Sawi rawh bawihte " ti sepin ka pawmkang nawlh a ,couch ah ka thutkan pui nghal .A awmdan nguai zet hi engvang nge maw anih le ? Ka u khan a kal hma khan a check vek a ,apangai viau a tiin ka hre sia "Bawihte i nuamsam lo emni?" ka ti nghal zat bawk.




"Aih mama" thawhak in a ti ve reuh.A lawmawm phian mai."Anih chuan enge i duh bawihte "





"Mama papa hi ka neive lo a " mittui tling puma min melh chuan ka lainat ngawih ngawih.Pa a awh zia ka hria a ,chuti chung chuan apa diktak ka hrilh thei silo.Naupang kum 3 lek tana pa neihloh hrehawm zia hi a tuartu tan lo chuan ahrehawm zia kan hre lo ang.





"Bawihte mu phawt la aw " thaw hapa tiin ka room lamah ka pawm phei a ,mipa naupang zingah a harh lo ber pawl ani ngei ang.Amuthilh hma zawng ka kuah a ,naupang ni ta nafam chu alungngaihve na te theihnghilh zui veleh maiin hahdam zetin amuhil siai siai nghal.Amuhil lai thlir chung chuan ka thaw leh hak thin.Tihngaihna tak a awm chuang silo .Engvanga ka fapa hian pa neih chak thut nge anih ang le? Hospitala damlo naupang pakhat vang kha ani maithei ni.Kan chhuah dawn a kan intihfel lai khan chu naupang nen chuan anlo inkawm tak alawm. Naupang bulah chuan apa a awm tel ve nghe nghe bawk.




Ka room atang chuan tui intur in ka chhuak a inhnuai lamah room pahnih awm mahse ka u leh Siamtei erawh inchung lamah an awm thung.Ka u kha ka room hluiah khan a awm ve thung a ,tun dinhmunah chuan room ruak pakhat chiah kan nei tihna anih ber chu.
Choka lama ka pen luh dawn lai tak chuan door bell a rawn ri a, misual anih palh thilthu ah ka hawnsak dawn nge dawnlo kala in ngaihtuah hmasa leh te te phawt a ! Hmeichhe pahnih chauh kan awm a ,ka fapa naupang te ani leh mai a ,misual pawh lokal se kan him viau lo a tin ni.Ka inngaihtuah chhung reilo te ah pawh a rawn rik nawn nghal tluk tluk vang chuan misual anih ringlo in kawngka hawn tumin ka pan hnai ta zawk.





"Nang! Hetah maw ?" mak ti bawk si chuan kan kawngka a J lo ding bu lawp lawp chu ka melh ngawt ngawt! A rim atang ringawt pawh chuan a rui hle tih a hriat nghal bawk.Din pawh a din tha thei meuhlo chu ani ber e !




"haw rawh" ka rilru a lo lang hmasa ber chu ka sawi chhuak nghal tawl.Alo dawnsawn dan tur lam ka ngaihtuah hman meuhlo,mahse hepa thinlung pawh neilo hiala ka hriat hi ka tawngkam vang mai maiin ana hauhlo ang.




"Ka ngai che " aw zawi supa tiin min bawh nghal zat! Ka talchhuah hlau zetin min pawm bet tlat bawk.




"hetiang hian awm suh ,i nupui kiangah haw leh zawk rawh" ti sepin tal chhuah ka tum ve tang tang a ,sawt lemlo tak ani.A rui chhe viau emaw ka tia minla kuah bet hneh khawp mai .





"U enge a " ka hnung lam atanga siamtein a rawn tih pawh chuan ka che sawn thei hauhlo nia ! "Siamte " ka sawi zo hmanlo ,J chu a chatthla reuh emawni min ring ta lutuk a chhuat ah kan awn riai riai,a rit lutuk bawk si nen keipawh chu ka tlu thelh."Siamte Guest room lama minlo kuah phei pui mai ta che.A haw thei chuang lo ang achhungte kan ko mai dawn nia " ka tih deuh lang kang chuan Siamtein min rawn pui nghal vat a ,kan pahnih a kan kuah chung pawn a rit lutuk tho mai.Mikhual room khuma kan mut thlak hnawk chuan ka let tel nghal hnawk thei.Siamtei phei chu a thaw hlawp hlawp thei.Kan infit lo dun ve mai bawk sia .




"Momma " ka fapa room pawn lam atanga min rawn auh chuan kan chhuak vat a ,a thanharh laia kalo awmlo chu minlo zawng anih hmel.Slipper pawh abun silo a ka pawm kang nghal vat.A rit ve reuh tawh phian bawk.




"Bawihpui zanin chu Saate bulah mu mai la ,Mama hi a buai deuh a " hrethiam ngei se tia ka biakna chu ka fapa te reuh hian a hrethiam animahna Siamtei aban ve nghal vat.
"Siamte lo riahpui hrih mai rawh.J saw kan buaipui lawk anga ,inchung lamah lo han awm ru." ka tih chuan Siamtei te inchung lamah an chho leh nghal."Chuan Siamte Bawihpuia hian hmulo se ka duh aw " ka tih leh hap chuan hrethiam zetin a bu nghauh a ,a pen chhoh zawm nghal zat.





"Zosanglian min va tibuai mai mai reuh tak " ti hapin guest room lamah chuan kan lut leh a ,kan mut ang ang khan alo la mu thân.Hetiang em em a han ruih chu leh ! Phun zui hlukin apheikhawk te ka phelh a ,a chhungte biak mai tur pawh ka hrelo e a .


A ph a ipte atanga ka phawrh chuan ka hmet eng a ,ka thawk a sak nghal talh thei! A wallpaper ah a ina ka awm laia ka muhil lai thlalak alo la hmang reng! Anupui pawn ahmuh ahlau lo em ni le ?




Puan ka sintir ka thokang leh tur chiah chu minlo kuah bet nghal nawk! A meng chung hauhlo na chu a harh chiang ani." Hetiang khawpa tha ila nei anih chuan haw rawh" tiin thawhkan kan tum a ,min thlah duh bawk silo chu a awmah ka chum tawlh .Ala nui suk zui!




"Ka ngaih thin zia che i hria em ,nilo tun thlenga kala ngaih reng chhan che hi engvang nge " ti supin meng chuang hauhlo chuan a phun sup sup a ,ala harhchiang viaulo te pawh ani mahna
"Min thlah teh" ti leh sepin inben kang kan tuma ala theih chuangloh. "thlahhlen thei che ila ka tih tluk zetin huat che ka duh a ,ka thei silo" chil lem kawlh in a phun sup sup ri chu ka ngaithla hi ni ringawtChhanlet vak ka tum pawn ka lei ka lem ni awm takin ka tawngchhuak thei derlo bawk!




"Ipasal chuan hetia kan awm lai hi min rawn hmu se ,a then phah che angem? A theihnghilh hmak duh hial ang che.Chuti chung chuan kei chuan i taksa zantam mipa dang bula a awm tawh hnuah pawh kala thlahlel hle tho che chu ni sia " a tawplam chu a chang tha tawh viau thung.Min thlah thut chu remchangah lain ka tho vat a ,ani pawh rawn tho nghal zatin a tlu lek lek.A lu a dawm vung vung danah a ruih ala reh viau lo ani.






"I fapa kiangah let rawh " ti hmukin pai khut khutin kawngka lam apan phei chawt a " i accident ange " ka rilru a lo awm hmasa ber ka sawichhuak nghal thawr ringawt.Ding chutin a nui hawk a ,lu thing nghutin a pen chhuak chhunzawm lehnghal.Dan tumna pawh ka nei chuanglo ,ka ngaihtuah zia ka sawi lang ringawt pawh kha mawl ka inti viau zawk.



.....



Ni zungin min rawn chhun chuan ka meng diar diar a ,ka fapa khuma lo thu fel at ka hmuh chuan pawt lawkin ka mut fel pui leh than .





"Mama school ah ka kal tawh dawn kha " a rawn tih sep chuan ka harhchiang kawkin ka hria ! Nizan khan tihphur ka tum luatah pre school a akal tur thu ka hrilh kha nia.Vawin tut tut a kal tir erawh ka tum hauhlo.Ava hre rei thei reng reng ve mawle!




"Bawihpui ,next week atang nimai rawh se aw .I damthat hunah " ka tih sep chuan a tum hmak reuh! Ka fapa in min tum khum hmak mai chu alawmawm phian reuh.A hmel cute zet nen a in hmeh em ani.





"Mama chuu...vawin ah akal duh nawm" ti ve pang pangin a ke aleng ve bat bat reuh a a chezia lawmawm zet vang chuan ka nuih hak .'lawm' hi a tawngtheih tirh atang a thiam theilo reng reng ! 'nawm' a ti thluk vak zel.A dang hi chu a sawi fiah ve tawh fu chuan ka hria..





"Ok...anih chuan a nitei kan ph phawt anga kan dil dawn nia " ka tih takah chuan a chhuk tharha hlim zetin a atlan chhuak ter ter.Slipper a bun lehlo tih ka hmuh chuan ka tum hmuk.Tinge naupang hian slipper an bun paihloh em em mai le ?





Ka u kan ph hnu chuan atan intihthawven na a nih a rin thu sawiin alo pawm thlap ,kei chuan la kal lo se ka ti viau thung .Mahse Bawihpuia ber aphur em a ,ka ri hnual duh lo law law.Ramhluna Pre schhol ah kan admit vek tawh tho a ,ahmunhma vel kan uluk bawk a a felfai thlup bawk.School erawh kaltir kala phal lo bur.Fing viau mahse mipa a ni tho a ,hun ala ngah.Bakah naupang te a school luhtir chu zawhloh hun an nei thin.





Chawhma chauh an kal dawn nangin tiffin kan pai tir ve thlap tho a ,t shirt var leh half pants hak tirin keipawh a in thuam dan deuhin tshirt var leh highwaist jeans kaha ve bawk.Kan inthuam dan lah chuan Siamtei nuih a ti za ngang mai.Ka nuihpui ve tawp ,hetia thawmhnaw inang hak hi nuam ka ti riau pek a.Bawihpuia ka hruai chhuah dawn chuan rawng in ang tal kan ha dun ngei ngei zel.





Jason pov.






Lu rit bûr in ka tho chhuak a ,rim tuilo zet vang chuan ka phun hluk.Shower nei zuai zuai in nizan ka chetdan tullo zet ka ngaihtuah let chuan ka phun leh hluk thin .Emgvanga Lalrinhlui lo pan reng reng nge maw ka nih le ? Apasal a awm lo erawh mak ka ti viau thung.A zin te pawh ani mahna




Hna kalloh chi ngawt anilo nen ,thatho lo zetin ka insiam a .Tukthuan pawh eiloin ka kal tawp.



.....



"Sir hmeichhe pakhat in thil pawimawh deuhah biak che a duh thu a rawn sawi a " ka assistant in a rawn tih chuan ka sana ka bih zeuh a ,meeting nan minute sawm kala nei,tutak nimaw? Lut tur chuan ka hrilh nghal sup.





Kawngka atanga rawn pen lut mek hmeichhia chu ka hriat hnu a ang viau mai! Ka zu in nasat lutuk vang ani ngei ang mi ka chhinchhiah zung zung theihloh ni.





"I buai hmel hle mai" a rawn tih sep chuan
"Minute 9 hun i nei ,i sawi duh sawi vat la " ti bul hmukin thu turin ka mitmei zeuh.Ka nu leh paten nupui nei leh vat tura min duh luatah nula engzah nge ka hnar haw tawh pawh ka hre tawhlo.An ti mah mah ti a sawibuai tumna ka neilo bawk.Sum tlem lo hmachhawp ila mit tla dawna mengpawng zawr zawr an tam nangang bawk nen ,kalo hnawl awlsam mai zel.




"Ka nu leh pate rawn tirh inih chuan i hun i seng thlawn mai ani" amah pawh ngaihsak tawh lemlo chuan ka laptop ka khawih zawm mial mial tho.A nyi ri hak vang chuan ka melh zawk a ,a thutdan atang chuan mi zahawm tak tepawh a ang viau mai.




"Mr.Jason ,i nu leh pa te ja hre hauhlo mai ,an tirh lah ka ni heklo.Tuna ka hrilh tur che hi tunkum chhunga i meeting neih zawng zawng tur hlutna ai pawn i hlut zawk ngei ka ring bawk" nui hak hak a a tih chuan " Pehhel duah lo khan sawi vat rawh" ka ti hmuk.
Ka dawhthei viaulo tiang zawngah chuan.





"Minute thum chiah hun inei tawh " ti leh hmukin a hmel em tur chuan ka awmdan ka siam rem deuh a ,mizo anglo riaua hriatna ka nei bawk.
Hahdam hmel zetin ka assistant cofee rawn pek ala in leh ta deuh deuh a ! Ka kham tawh viau mai.





"I meeting tur kha chu ka sawi tum ka sawi zawh ah hi chuan i buaipui ka ring vak tawhlo.Ahmasain hethu ka hrilh manah che hian Nuaih khat tal ka phut bawk"a zamlo ve ar ar hle mai ! A aw phawiah chuan mizo a ang viau lawi si ! Hmuhtawhna chu ka nei chiang ani.

"Sawi tur i hre leh silo anih chuan ka kalsan phawt ang che " ti hmukin ka thokang uaih tawh ,a thu sawi sep vang chuan ka thu leh dawt




"Ka sawi chu i fapa chungchang ani" nui ar ar chung chuan a ti nawn leh sep.




"I hresual anih ka ring ,fapa ka nei hauhlo" ka ti nlbungnghut.Henu hi tu chiah nge maw anih le ?





"Min hretawhlo anih hmel,Rinhlui cousin Essy kha ka ni e ,Chuan ka hrilh tum che chu tuna Rinhlui fapa saw tu dang fa mah niloin i fa ngei ani.Ka unaunu sawn pasal ala nei hauhlo bawk.I awihloh chuan ka lehkha hnutchhiah tur che hi ilo en dawn nia .Chuan ka account number ka ziak tel bawka pawisa chu i rawm thun mai dawn nia." nui haka tiin center table ah file a dah a. A chhuak zui nghal mai.






Ring ngam chiah silo chuan file chu kala kang a ,ka ssistant min rawn koh tum chu zaizirin chhuak turin ka ti nghal vut bawk.File ka keu chuan ka dna leh Rinhlui fapa dna test na alo awm ! 99 percent in pafa kan nih zia a inziak kulh bawk! A awmzia chu keihian fapa ka nei tihna maw ! Lord!!!
















#Zan dang aiin a sei aw ,mahse sei lutuk chu ani chuanglo zanhnih ka awl vang khan pawi ka ti lutuk ania#

Zanin chu ads click vek ang u aw, hmeltha ho

[Ngaia]

*SiR J* ch ~23 by Natasha Hrahsel



(edit loh aw)


Minute reilote chhung chu ka ngaihtuahna a vir kual nawk nawk! Kei hian ka ril a rah ngei fapa kalo nei renga ! Chupawh kumthum hial hrelo in kalo awm chu nia ! Nilo ,ka hriatchian vat angai ani.
Ka jacket ban vutin ka office ka chhuahsan a " Johnny meeting cancel rawh,ka rawn let tawh kher lo ang " ti vutin pawnlam ka pan zui hmiah ,ami rawn chhanlet na pawh ka nghak hman lo ani ber e ..Ka fapa ! Ni e ,kei hian fa kalo nei tak tak em tih hriat ka duh tlat.




Coco~i te in lam ka pan kara teaffic lo jam ve chhen chu ning zetin ka phum hluk .Hmanhmawh nen a inrem lo takzet,kan tang rei phian lehnghal steering chum pawp bak tihtheih ka neider lo lehnghal.

Darkar chanve tehmeuh kan tan zawh chuan kan tlan chhuak ve thei ta hram.Ka tumram lam panin chak zetin ka tlan nghal bawk.Ka hmaa tlan te lehpel zung zungin ka thleng ve ta hram e .



Kawngkhar hmaa ding ran chung chuan door bell ka hmet nawn chhen a ,an rawn hawng har hrep lehnghal!
Ka hmeh nawn leh dawn lai taka kawngka a rawn inhawng chuan ka thaw chhuak hawk.An awmpui nula pakhat nen kan indin chilh ta ran .



"Khawnge an awm" ka ti mawl tawng ringawt .Ka phur vang nge ka hhaih vang zawk pawh ka hrelo ,ka tawngkam hman a nelawm hranlo khawp mai.
"ka ..ka ute maw ,hna ah an kal" bah naka mim chhang in ala hawi kual hrek hrek zui a ! Min hlau viau ani ngei ang le.





"Thilpakhat ka zawt che nga diktakin min chhang ang che ,naupang kha ka fapa ani em?" ti supin ka melh ngûr.A thlan fim hial atla nia ! Eng hmuh in nge min hmuh ni ?





"A...englo kha chu"
"Sawi vat rawh" ka ti nghal hmuk chu a phu chiam zui.







"Aw...ka hriat dan chuan ania ,ngaihzawng emaw pasal u coco~i hian a nei silo a ,i fapa chu ani ngei ang" thaw hapin a ti zui sep .
Engdang mah sawi tawhlo chuan ka let vut a ,ka thil zawh theihngilh vang chuan ka ding leh hnuhnawh.Chu nula pawh chu kawngka biangah alo la ding reng .





"Khawnge an awm ?" tiin ka au zui a ,an awmna chu zawhnawn ngailo in a sawi ve teh mial!





Ka motor khalh pawh ngaihsak lo chuan ka khi leh suk thin! Ka thisen kai ngei fa kalo nei tawh reng a, ka in thiamloh rualin ka hlim viau lawi.Kallam a ka mood fuhlo zet pawh khawnge an thlawhbo tak pawh hriat va ni suh.Mahni a awm e tilo chuan ka khi leh suk suk thin.Hetiang taka hlim leh hahdam hian kumthum chhung hian kala awmlo.Ka hmabak ko zia erawh ka ngaihtuah duh hrihlo .





Kids care tih inziah kulhna zawnah chuan ka motor nghengin ka ding rân tawh.Naupang te tak te te rawn tlan chhuak ve tarh tarh en chung chuan kalo khi leh suk thin.Hmuhhrehawm tak chu an ni lo chiang alawm,hetiang tak hian naupang ka ngaina tih kalo hre hauhlo bawk.
Atawp lama ka fapa ngei bag te takte ak a lo pen chhuak ve mek ka hmuh chuan ka pan hnai vat a a hlim hmel takzet bawk.


"Mama boy " ti supin a hma ah chuan ka thuhniam zui vat.





" tu nge nih ..e i dam ve tawh mi"a ti ve sep sep.Minla hriat vang ringawt pawh chuan ka hlim viau mai ! Damdawiin a ka hmuh vang khan ka dam lo emaw a ti ani mahna .Chhang lo a ka en tlawk tlawk lai chuan akut te ve tak chuan ka chal a rawn tawk da da a ,a chal akhawih chhunzawm nghal zat chu ka nuih pui hawk.Kuah thlawpin alehpek awm tawhlo tur ang mai chuan ka kuah nghet viau bawk.





"Pu ka mama awmna i hria em" ka thlah hnu chuan hawikual ve vak vakin a ti sup.'pu' minti bawk ania! Ka upa tawh viau aniange .





"Mama boy ,Call me 'pa' chuan i mama bulah ka hruai ang che " ti supin ka pawm kang nawlh a ,ka duh aiin a zang hret ani.





"Pa! Maw ....pa" a tih sep chuan ka thil hriat tawh a ri mawi ber ani hial ngei ang.







Coco pov.




"Maw!!?? Engthil nge maw i sawi hi le ,Siamte engtin nge J chu thudik ilo hrilh theih.Bwihpuia awmna i hrilh bawk amaw ?" ka thidang mai dawn in ka hria ! Siamtei thu rawn sawi vang hian ka puakkeh lo chauh.Ka thil hlauh ber a hre ta chu nia.






"U ka tihpalh lutuk .Amah kha ka hlausa bawk sia ka hrilh lo theilo alawm.Mahse maw ,ka sawichhuah hmasak ani miahlo ania " a rawn tih chuan thaw halhin ph ka dah a. Bawihpuia te miss ka call leh nghal zat.Dar 12 alo ri chiah nen J kha alo va kal ka hlau tak zet.






An miss ka biak zawh chuan ka chair ah ka thu thla hnawk."Apa in Jemson a chu a rawn hruai a " ti a min chhan vang chuan ka chiai nghal der.Bawihpuia hi a fapa ani tih ahriat chuanmon laksak duh ngei ang.Nilo ka thlentir hauhlo ang.






Ka car chahbi lain hmanhmawh zetin ka tlan chhuak a ,ka car chhunga ka thutluh hnu chuan ka kal tumna ber pawh ka hre leh silo chu ka thaw chhuak halh.Ka call a chhan duh ring chiah silo chuan a number ka hmet chhuak a ,beiseilo zetin alo pick up ve mai bawk.
"Khawnge ka fapa a awm sawi rawh" enga mah hma chuan ka ti nghal tawl.Tawngkam nem hmang turin ka thinrim lutuk tlat bawk.






"Calm down Bawihi ,ka fapa hian i tawngkam vin hman lai a hriat ka remti hauhlo ania .I duh chuan ka inah i rawn kal thei ang" zawldawh taka a rawn chhanlet vang chuan ka thinrim zual sauh.

"Zosanglian ka fapa chiah anih kha i hria em ,ka fapa i fapa ani ve hauhlo" ti ngheka ka aukhum chiamna chu ngaipawi mawh lo zetin call a dah nghal hmak anih chu! Emgpawh thleng dawn se ka fapa hi ka la let dawn ani hrim hrim.






Beidawng zeta alak ata ka kalbo dan te ka ngaihtuah let a .Mite mit ka chunga a fuk thup lai pawh a harsa zeta ka paltlang dan te ,ka nau vei laia ahming ka lam rik cheu dan te ka ngaihtuah let chuan ka tap chhuak thei takngial dawn .Kha chen ka fapa thlakimlo a apian vang leh a hrisel loh vanga ka buai lai pawha fapa anei tih inhre lo a nuam alo chen dan tur zawng zawng ka ngaihtuah let phei chuan ka thin zawn hi a na ngut ngut thei hial.





Tuikual lam chu ka pan a ,a in kawtah chuan ka car dintir in park pawh park tha hmanlo chuan ka chhuk vat a ,chahbi ka phawi em tihlam ka ngaihtuah hman tawhlo .Inchhungah chuan ka tlan lut nghal tawl.

Kawngka alo inkalh lo nen ka lut tlang ve pawp a ,zahna lam ka ngaihtuah hman tawhlo.Choka lama inchhaih thawm ka hriat chuan choka lam ka pan nghal vut.







J leh ka fapa ,Nu Mahruaii pawh alo la thawk anih hi anlo inchhaih mek .Dawhkan ah nepnawi tamtak alo inchhawp bawk! Ka lut min hmu chu an reh nghal duk a " mama " ka fapa in alo tih vat chuan panhnaiin ka pawm a ka kuahbet nghal vat bawk.





"Mama Pa ka nei asin" ka fapa in hlim leh lawm tih hriat zeta a tih chuan ka mit ka chhing sawk.




"Bawihi"



"Ngawi hmak rawh.Engtin nge ilo hruai haw ngam zawk " ka ti nghal tawl.Ka sawibelh chiam dawn a ka fapa ala awm ve bawk si nen ka insum hram hram .




"Ka fapa hi ilo hruai sawn lawk thei angem " nu mahruaii melh paha a tih sup chuan zaklo hi kan ti mai mai khawp a ,mahse ka fapa awmlaia ka tawngkam mawilo zet tihlan erawh ka duhloh vangin ka phal ve hram.
"Bawihpui ,api hi lo zui lawk la ,ka lo kal ve vat ang aw " ti sepin abekah ka fawp a ,nu Mahruaiin alo ban vut bawk.




"Lo thu la " hahdam hmel zeta atih sup chuan thut chu sawiloh helai hmuna awm pawh hi ka duhlo hial zawk.
Thaw chhuak hrawihin ani pawh a thu bij chuanglo.





"Fapa kalo nei renga ! Ha! Engvangin nge min hrilh loh!" zaidam zeta min biakna te chuan ka thin a ti rim ngawih ngawih zawk!Min ankhum chiam se chhanglet hrep ila ka lawm zawk daih ang.
"Ka fapa chiah anih kha Jason" ti hmakin ka tawngkam anelawm viau loh bawk.






"Jason" ti a phun ve supin a thaw hak a ,ka koh dan chuan a run ve ani ngei ang."Engpawh nise ka fapa hi ka kiangah a awm dawn " a tih sup chuan chair lak lawka hlap pawp mai ka duh rum rum.






"Huh! Ka fapa tia sawi ngam tur ini em? MawhZosanglian? " ti tuarhin ka thaw chhuak halh.





"Ka fapa ngei ani si lawm bawihi" a tih sup chuan za lo zet in ka nui hak.
"Sawi tawh suh.Ka fapa tiin i ka khan lam ve tawh suh.I hria em nang hian na taka min siamin min kalsan anih kha " ti tawkin thawk ka la zui tawk a ,ka awmzawn ka dawm zui zat bawk.




"Hrep a ,nang hian alawm mipa dang um a min kalsan zawk chu" Lalpa ! Minla mawhpuh zawm zel amaw ? Eng huaisenna nge aneih zozai zawk.






"Keihian ka kalsan che amaw ? Huh! Zingkarah min chhuahsan in i nu a rawn kal a ,i nawmchenna mai ka nih zia leh i nupui i hmangaih zia min rawn hrilh anih kha.Hmeichhia in a athil neih hlu ber ka pek hnu lawk ah che hnawhchhuah ka ni leh a ! Chu chu ka thiamloh ah ila puh cheu amaw ! Ka awihtheilo Zosanglian " ti halhin ka puak keh dawn takngial hian ka hre tawh .






"Dawt anih chu ,ka nu chuan chutiang chuan a ti hauhlo ang" huh! Anu chu ahmangaih ve hle ani mahna .
"I nu kha zawt la ti nia .Hmeichhe khawlo ber ang zia zangin min puh asin.Ahnu lawkah na theihtawpin min siam bawk a !"





"I hria em ka raino vanga ka chauh ngawih ngawih laiin nang chuan nula dang nen nuam inlo chen anilawm ni? Harsatna tamtak ka paltlang lai khan khawnge i awm ? Ka fapa hi beisei ve ngam tur ini hauhlo. Ka naute chan ai chuan tiin ka theihtawpin ka bei a ,ka ni in min hnawhchhuah lai khan ka kut chelh turin ka kiangah i awm hauhlo bawk.Ka nau pai lai chan mai tura ka awm lai khan ka kiangah i awmlo a ,mite endawng ka nih laiin min tuamhlawm turin i awmlo bawk.Harsa zeta ka hrin chhuah lai khan min ngaihtuah ngailo ani lawm ni? Kafapa hriselloh vanga zana kan in awih tlaivar ngat ngat lai pawn i thawm hriat tur eih pawh a awmlo asin.
Hengho te hi a eitheih leh theihloh pawh hrelo khan ka fapa te iti a maw " ti hapin dawhkana Chips tamzet chu ka kawk a ,ka mittui luang thla leh fep thin vang chuan ka khawhmuh a phe ruai bawk.





"Eng natna nge aneih pawh hre hawt loin heng ataksa tana hlauhawm tak tak hi ilo pe bawk a ,huh! I theihtawp pawn beila ka fapa hi i hnenah a awm lul lo ang"






"Bawihi" sawi tur a hrelo tih hriat zetin a ban a vai hluai a. A dah thla leh hnak " ka hrelo ani" a tih sup chuan ka nui hak.Hrehawm tihna leh tawrhna mitmeng nena min melh na chu haider luih hram ka duh.
"Ni e ,i hrelo .Hriat i mamawh hek lo" ti sepin choka atang chuan ka chhuak a ,min umzui lo ringawt pawh chu lawm viau tur ka nih laiin ka inthiamloh ringawt nia ! "Nilo Lalrinhlu ,i khawngaih tur anilo " mahni infuih mawlh mawlh chung chuan pawnah ka chhuaka kawt zawla ka fapa leh Nu Mahruaii lo infiam na lam chu ka pan nghal vat.




"E coco bawihi ,fapa hial ilo nei tawh a ! Ahma ai daihin i nalh tawh zawk lehnghak ka hai lek lek che ni" Nu Mahruaiin min biak tlangnel tum taka minlo biak vat chuan ka nuih ve sep.
"ilo dam thin em" ti ve sepin ka fapa chu ka pawm kang nghal nawlh.




"Aw Pathian zarah ka dam tha khawp.In haw mai dawn em ni?" ui hmel zeta min melh chuan ka nuih sek a ," kanva haw phawt ang aw " ti sepin ka car lam ka pan nghal vat.





"Mama Pa bulah kan awm dawnlo ami" kafapa mitmeng fing zet nena min melhna chu chhan dan thiam a harsa ka ti
"Bawihpui ,mama khan hna thawh angai sia Pa bulah kan awm thei hrihlo alawm.Saate bulah haw phawt ang aw " Tisepin car kawngkhar ka hawnga thutluh tirin seat belt ka hren tir zawm zat.





"Mama Pa kha alian tiraw ,ka Hitachi ai pawn alian asin.Eitur tui deuh deuh min pe bawk a " apa chu chhuan hmel zetin achanchin a sawi niap niap a ,engtiang chiahin nge keimahah nghawng anei tihlam chu a ngaihtuah hauhlo ang.Naupang te tan chuan kan buaina te hriatthiam ve theih hawt loh le ! Hlim zeta a tawng ve nuah nuah chu ipik tunin ka ngaithla kuit thak.





"U " kan inchhunga kan inpawmluh chuan ka u choka atangin alo chhuak ve chiah.Bawihpuia pawm chung chuan ka kuah nghal hnawp.Ka hahdamna neih ve chhunna ber ani nen ka u lakah hi chuan ka pangchang viau reng.




"Jems Mama chuan minlo ngai tawh anih hi tiraw " ka u chuan kan inkara bawihpuia lo meng ve kiau chu nui sen senin a be nghal vat.




"Bawihpui Saate kha inchungah a awm a ,a bulah lo han kal lawk rawh aw " ka u in a tih rual chuan bawihpuia chu chhuatah ka dah thla a ,stepah zawimuanga pen chhoin inchung lam apan ve mai.





Sitting room ah kan inzui lut a ,thu hnakin ka hmai ka tuai thuak a ,ka mittui vangin ka hmai aban chap bawk.Ka hmel hmuh anawm hrih viau ka ringlo.





"Siamtein chanchin minlo hrilh a ,kanla haw hma thei hlauh chu a tihzia takzet.Mahse Mate thil hrilh duh che ka nei.Jasona hian ala duh takzet che tih hria la ka duh" ka u in a rih sep chuan ka melh nghal vat.
"I hresual aniang" ka tih zawm zat bawk






"Lo tawng ve hrih lo la ,i hre ve kher em ka hrelo a .Jason a hian nupui ala nei hauhlo.Chuan bawihpuia hi afapa anih ve tho vangin ahmangaih hlein ka ring bawk.Bawihouia hian pa a awh zia i hriat ve tho ka ring."





"U ka thil paltlang zozai kha i theihnghilh ta em ni?! J vanga ka tawrhna zawng zawng te kha ana asin.Chuan Bawihpuia hi a tello in ka awm theilo ang." ti hapin ka u ka melh ngawt ngawt.



"Bawihpuia hi pe tur in ka tilo che ,mahse pafa an ni a .An in hmuh erawh phalsak turin ka duh che .Chuan an chhungkaw thiltih theih zia hria la ,hmuh i phalsak ringawt lo anih chuan dan hmangin an laksak thei che asin.Khawngaihin Mate inngaihtuah chiang phawt rawh aw " ti sepin a room lam apan ve nghal .






Ka fapa hi dan hmangin min laksak ang maw ? Teuhlo lutuk.Ka remti hauhlo ang.Mahse J hian nupui a neilo maw ! Hmanni lawk pawn an rawn inzui reng sia! Arg..enge maw ka ngaihtuah ber pawh hi ka hrelo e a .




......





Zankhua in ka mulo ti ila a dik ber ang. Ka fapa muhil tui lai chu a biangah ka nul a ,apa angaihsan zia nizan khan a sawi chamchi anih kha ! Ti tak khan pa alo ngai ang tih kalo ring hauhlo!
Nimina J ka tawngkhum dan te ka ngaihtuah let a,thiam chu ka inti hauhlo mahse ka chapo na tlem hian min dahsang em ani.
Bawihpuia thil eitheihloh zawng alo leisak vak kha ka thinrim pui viau kha nia ,mahse engmah a hreve lo nen khami thil bikah phei chuan ka inthiamloh ngawih ngawih.





Naupang dang angin ka fapa hian chips te a ei ve mai mai thei lo a ,ala naupan em vang hian a taksa peng te ala no viau bawk nen thil hang leh thak sep a ei pawhin a lung hian a ngaihlo tlat thin.Chuvang chuan a eirur ah pawh ka fimkhur viau bawk.A fel em a ka khap chin hi chu a tilui ngai bik lemlo a ,ka lainat thin viau mai.Akum ang rualah chuan harhvang tak tur ani tawh zawk a .





Apa angaih zia ka hriat khan ka fapa hi kalo huamhauh mah mah tih ka hre chhuak a ,apa ngai ngawih ngawih in kalo siam reng ani.Tin J pawn afapa hi a thlahlel ve ngawih ngawihin ka ring bawk




Nizan ka mu lo nen ka chauh deuh vangin dawra ka kal dawnloh thu ka naute ka hrilh a .Bawihpuia pawh school kallo ve law law mai rawh se.Ka u hna ah akal dawnlo bawka kan chhungkaw te takte chu kan kim ve biai dawn anih hi.





Tukthuan te kan han ei a ,bawihpuia chhunei tur kan neih tawhloh vangin Siamtei bazaar tyrin a chhuak zawm nghal a ,sitting room ah bawihpuia toys khalhpuiin ka u nen kan titi pah bawk.





"Keiman kava hawng ange " door bell a rawn rik chuan tho vatin kawngka lam kava pan a ,kawngka ka hawn a pawnlama inkhaibawr tun chunga lo ding chu ka melh haw !





"Hetah"
"Ka fapa eitur kalo dah kawi lawk duh mai ania " inthlahrun hmel zeta J in a tih sup chuan ka khawngaih takzet .Hetiang taka inthlahrunga a awm hi kala hrelo.





"Lo lut rawh" Ka tih sep chuan mak tih hmel zetin min melh nghal vut.Hetiang ringawt hi chuan ka ti thei biklo ,ka chhungril atang hian inthiamlohna ka nei tlat nen min kap run bawk.





"Angailo ka kal leh nghal mai ang" Ti sipin a thil khai te ka lak theih nan ka lamah a rawn dah hnai a ,ti ringawta kaltir hi chu ka thei bik lo ani.
"Bawihpuian angaih zia che asawi a " ka tih sep ruala a mitmenga ahlim zia alan chuan ka thaw hak.
"Lo lut la " ti leh sepin ka ding sawn deuh a miangchang chuan alo pen lut ve mai.





"Sitting room lamah sawn an awm" ti sepin kal turin ka mitmei zeuh.Ahnungah ka zui ve nghal bawk.




Sitting room a ka u nen anlo in chhaih mawlh mawlh lai chuan ka ko sep a " pa !" ti hliai in lawm zetin J bulah a rawn tlan thleng nghal der ! J pawn a thil khailai nghatin alo pawmkang zui vat bawk.An awmdun phei hi chuan an inang ngawih ngawih.





"Pa thil minlo ken ami?" ka fapa chuan lawm zetin apa chu abe nghal chuk chuk .




"Mama boy ,enge kalo ken che hi i en duh em " ti supin a thil rawn khai bawr tun Rambo polythene leh thil dang dang chu bawihpuia a hmuh a ,asuihna hawngin a la chhuak chiah chu bawihpuia hlim zetina au nghal chul.
Motor lem lian zet leh Robot te ,car tereuh te te set te ani hlawm.Hengte chu kan lei fo a hetiang em em a bawihpuia ahlim pawh ka hre ngailo.





"Jason lo thu ve phawt ula " ka u in biak tlangnel tum zet chuan alo ti nghal luam.Kei erawh lai zetin ka ding zum zut ringawt.




"Pa hei lokal rawh hawngang" ti sep in ka fapa chuan apa aiin thutna ah a thuttir a ,an chezia chu nuihpui sen sen in kilkhatah kalo en reng.An hmuhnawm takzet bawk.

"Ah...a eitheih zawng ka hrechiahlo a ,apple leh thlairah dang kalo keng a " min melh a a rawn tih sup chuan nimin a ka tawngkhum dam avang khan ka inchhir thar awn awn.
"a eithei alawm ,Chhuna eitur aneihloh laitak ania kava siam sak nghal ange " ti sepin a thil ken chu ka laksak a ,choka lamah ka kalsan zui mai.





Thawveng hawk ang mai hian hahdam zetin ka thaw chhuak siai siai.A thil rawn ken suihna kan phelh chuan balhla ,apple leh Chaw tha tak tak alo awm .Apple pum hnih leh balhla pakhat chu la chhuakin ka vel a ,grinder ah ti sawm vekin bawnghnute nen ka chhuang kawi leh vek bawk.Ti sawm lo pawh hian a ei thei tho na chu hetia siam hian a eiduh bik a ,bakah ahran hran a pek ai chuan a awlsam zawk mai.





Kan ei turin pizza chu oven ah ka tilum zui a ,thingpui ka lum nghal bawk.Sana kan en chu dar 11 chiah alo la ni ! Ka siam hma mah mah ani.Oven off in thingpui erawh ka siam ta tho.Bawihpuia eitur nen ka chawi phei leh a ,center table ah chhawpin ka chezia mitmei rengtu chu enloh hram hram ka duh.Ka en lo chung pawh hian ka lai viau mai .
"Bawihpui thil ei lawk rawh aw " ti sepin ka ko a ,apa malchung atang a chhuk duh derlo.






"Mama tihian Pa bulah min barh mai rawh" ka khawng fawk dawn emawni.Ka phal chiah bawk silo.Apa ka hmuh hian ka lai zel tih tal min hriat pui tur ania .

[Ngaia]

*SiR J* ch~24 by ~Natasha Hrahsel



(Lo chhiar dik chawp mai ru aw)






Ka fapa hian apa hmel ka hmuh apianga ka laih thin zia hi a hrelo ani! Melh pawh min melh duh thaklo lehnghal ! Tunah tak hi chuan ka hrin ngei pawh nise tuk lawlh ka chak zia chu pui tak.
"Jemson ,lo chhuk la nangmahin rawn ei rawh" ti hmakin center table ah a plate chu ka dah a ,ka thu fel leh nghal thân .





"Mama chu ....Pa bulah hian kala thu duh anawm" ti ve niap niapin a pa awmah a bei nghal thlarh.Lalpa ! A pangchang mah mah ani Pa neih chu nuam a ti viau anih hi.





"Ok..Boy keiman ka barh ang che aw " j an a tih sup chuan bawihpuia pawh a khek ve raih raih. Kan duat lutuk vang nge a chang chuan naupangchhia tih chang ka nei thin.A kum ala nau alawm tiin ka thiam chawp leh mai thin bawk a .

Sawibuai talo chuan an pafa inbarh lai chu ka lo en mawl tawp.Ka u in J~a be tura min mitmei zeuh zeuh rengte chu ka hrelo der hmiah.A mitah tak pawh en ngam loh laia lo biak te chu a ! A awmin a anglo lutuk.





Tihian nupa niin bawihpuia hi enkawl dun ila anuam ngawt ang.Mahse ka suangtuahna atthlak mai mai ani si .Ka la hmangaih reng ani tih hi hria se engtiang takin ngaive ang maw ? Engtiang pawhin hun inherin kal zawt zawt mahse ka hmangaihna hi a tawp maiin ka ringlo.





Engvanga hmangaih loh harsa em em nge maw anih le ? Nikhat lek pawh a mah hrechhuaklo a awm aharsat zia hi min hriatpui ve silo a ,thinglung rum ngawt ngawt chunga ka fapa ka awih hna hna lai te ngaihtuah chhuah chuan khang hun lai khan ka kiangah awm se ka ti hnuhnawh viau mai.
Mihringin a natna atawrh theih zawng zawng tuar a ka inhriat lai khan enge alo tih ve thin angle? Achang chuan beiseilo zet chungin vawikhat tal ka hming alam rik thin ka ring thin a ,Ka beiseina beidawn thlak mai anih ringin ka ngaihtuahna te ka thamral tir leh mai thin Khang kum thum liamta a ka harsatna paltlangte kha theihnghilh a hriatchhuah fo ka duhlo takzet.






Ka bul hnaia nui leh hak hak ri chuan ka ngaihtuahna ata minti harh hlawl a ,ka fapa leh J~a berh nuaih a anlo awm chu en ve vatin ka nui ve sen sen.J~ an bawihouia a hrai thiamlo lutuk chu an berh phung mai! Ka tumloh zetin ka nui ve ta hak hak .





"Mate Jasona hi lo intihfai pui la ,bawihpuia hi ka han mut chhoh pui ange " ka u in a tih sep chuan ka fapa lam ka melh a ,alo ham bai bai reuh.J~nen chauha awm berkher chu ka duhlo takzet.Engvanga hreh em em nge ka nih pawh ka inhre seng tawhlo !





"Pa ka harh hunah awm leh la " mit pawh meng hlei theu tawhlo a ka fapa chhing diar diar chuan apa a la be tawk tawk.J chuan chhangloin a bekah a fawp zeuh a ,ka u a hlan nghal zat bawk.Keiin an tihhnawk vel kalo hru fai pah mial mial.
"Mate ,Jasona hi lo intihfai pui rawh aw " ka u in ti ngeise min duh ni awm zia zangin min hrilh nawn leh sep a ,bu nghauhin inchunglamah an inpawm chho zui nghal.




Chil lem khawlhin "Washroom ah inti fai mai la " ti sepin min zui turin ka hrilh nghal sep a .Bu nghutin min zui ve mai bawk .Amah tak chu a kut bak a berh viau lo. Bawihpuia kha a hmai vel a berh nuaih a ,chhuat an ti berh viau bawk.ka u khan wipes vel talin alo hru fai ve turah ngai ang.




Wash basin ah chuan a kut a sil zui mawlh mawlh a ,darthlalanga min rawn en leh zeuh thin chu lai zetin ka hawi sawn zel a ,a nui ri suk thin pawh ka hrelo der hmiah.

A insil zawh chuan towel kalo pe vat a ,ban ve maiin min en leh vung vung thin.Hetia min melh hian nuam ka ti lo riau bawk.




"Ka fapa hmuh min phalsak vang hian ka lawm e ,hun tamtak hman dun ka chak hle mai" ti supin towel chu min pe a ,banin a dahna ah ka dah leh thlap.





"J i duh hun hunah bawihpuia hi i rawn hmu thei alawm ,apa ini a ka dang lo ang che .Mahse khawngaihin dan hmang emaw tharum hmang pawha min laksak i tum loh ka beisei ania " ti sepin amitah tak ka en a ,enge a ngaihtuah ang tih takngial pawh hriat theih loh khawpin hahdam hmel zetin min melh a ,athaw chhuak zui ham ham.






"Chutiang chu a thleng loang tih ka tiam a che ,Hmuh min phalsak ringawt pawh hi lawm hliah hliah tur ka ni"
Eng rau in nge maw aman ni! Amah ang lo takin a tawngkam ala dam thlap reng zui ! Keimah zawk awmdan min thiam tir lo zawk alawm le !
"Nia" kan ti ngawt pek a ! Kava han a mai mai tak.Ka chhanlet dan avang chuan J pawh nuih insum zetin a ding khawng luah .Ka chhan dan kha a awm ang lo ve bawk em a tin ni.Khawen laia thima biruk tum ang vel kani ringawt alawm le ..





Kalsawn mai ka duh tawh ,engmah sawilo a kalsawn ringawt ka hreh bawk si.Sawi tur lah chu ka haihchham em em lehnghal ania .Amah pui hian engemaw tal sawi mai se.
"Kan chhuak ange " ti ringawtin ka pensawn zui a ,ka thaw chhuak halh.Ka lungphu ran dan em em te chu a awihawm loh hial zawk .Engvanga hetia awm chiam ngemaw ka nih le ?' Lalrinhlu ti teh hmeuchhe confi tak ang Khan awm leh rawh' mahni leh mahni in be ru mawlh mawlh chuan choka lamah ka lut zui leh nghal.






A haw dawn thu min rawn hrilh hnu ah j chu a haw zui mai a ,a mawihnai tala han chelh zui dan tur pawh ka hrelo.Nilo, ka laikual nawk nawk ani ber zawk.Tullo zetin chawei dawhkan te chu kan nawt fai ang nawk nawk a .A fai sa tehreng nen ,ka tihtur hrelo hna ka insiam chawp vel mai mao ani.






"Uiii...u ka rei viau em ? Traffic a jam char char a. Accident tlangval pakhat a awm a,buaipui maitur an awm remchang silo nen hospital ah ka hruai a.Bawihpuia a riltam tawh em" Siamtei chu inkhai bawr tun chungin a rawn dak lut par par.Vawijhata a sawi hnem lutuk chu ka lo nuih tawp.

"Apa in eitur a rawm ken sak a ,tunah chuan amu tawh.Ilo haw tawh tho bawka hna ka khawih zuai anga rawng kan bawl dun dawn nia " ti sepin zawhna dang min zawh hmain room lamah ka phei nghal vat.Apa tih ka sawi khan aengphar awn awn kha ka hmu reng alawm.Chuvanga kalsan vat ka ni bawk.






Siamtei hi kan unaunu ang tak takin kan en tawh a ,amah alo ngainatawm lehzel nen kan theihang tawk chuan kan duat ve bawk.Ka u in kan haw hnu a eisiam tur pakhat lak atih pawh keiman ka siam theih tho vangin ka hnial a ,siamtei pawn a inthlahrun lutuk loh nan angaihloh thu a sawi ve bawk nen kan ruai zuai a ,kan ban tir leh tawp.Bawihpuia awm harsa ala nilo nen ,bakah lak chhawktu ka nei bawk a ka awl viau mai.





Tunlai zaithiam lar ve tak ,azai erawh vawikhat pawh ka la ngaithlak hauh siloh Fiona tih niin ka hria ,a inneih kawr tur ka kutah a dah tawp a .Tunah hrih chuan ka hna khawih awmchhun ala ni rih.Kan dawra zawrhtur ka design nual bawk.Kan showroom hnuaiah puanthui engemaw zat ka ruai tawh bawk a ,Delhi ang chiah khan engkim felfai thlapa tih ka duh.Delhi lam pawh ka theih veleh tlawh leh vat ka duh bawk .A hlawk em bakah hretu ka lo nei nual tawh nen ,thlauhthlak mai ka duh lo.Mizoramah inbengbel dawn mah ila khu lam chu ka kalpui reng tho ang.




Darkar khat zen zawn inngaihtuaha ka design hnu chuan ka zofel thei ta.Taksa lang tam a duhloh vangin a awm chu lace hmanga khuhbo vek turin ka design a ,akawng atanga akhu thleng zuih thla in a khup atang a arh chhuak leh bawk.Mo thuam ka design chang hian ka hak ve ka rin ngailoh vang in ka design chhung zawk ka thawk a ipik viau zel.Chuvang chuan ka khawih tam viau duhlo bawk.Mahse tuntum chu min rawn ngen nasa em a ,bakah helama ka awmna ala reilo nen tih ve ka duh vang liau liau a pawm ka ni.

Delhi lamah kha chuan kawrfual var aiin hindu ho inneih thuam ka design tam zawk a ,kawrfual var vel hi chu ka khawih teh chiam lo.





Ehe! Eli hi kan haw tirh a min rawn hmuh zuaih bak kha chu kala hmu leh miah lo! Kan inkawm nasat thin nen aw ! Mahse nu han nih takah hi chuan ko a rit ve viau tawh a ,ani pawh pasal sawrkar hna pawimawh tak chelh a nei bawk nen .Ala rai emlo a ,ani tak pawh hian min rawn be khat hle mai.Zan lamah ka hman tak leh ka be mai aniang chu.





......


"Little boy tho tawh la " ka fapa darkar nga zet muhil tawh chu ka sawi dat dat a ,mut hi chu a duh ve mawle ! Min chhun tepawh ani mahna le .Mut hi ka tetlai chuan ka duh ve viau thin tak alawm.

Peihlo zeta rawn tho tiah tiah in a mit anuai chat chat a ,ka u khumah a ding ve tarh.


"Pa ....mama khawnge pa awm "Ti sepin a hawikual nghal hruk hruk bawk.Engtin nge apa angai lutuk hi ka tihreh ang le ? Tihngaihna tak pawh ka hre tawhlo.





"Bawihpui Pa chu a buai a ,kinah jemson bulah hian alo kal leh dawn alawm" ti sep a pawm ka tum chuan duhlo in a inthing ve tarh tarh.




"Pa khan ka harh huan alo la aw dawn a tih kha mama.Pa ka duh nawm " ti hapin a tap zui nghal! Thaw hakin "Bawihte Pa chu alo kalleh dawn alawm " ka tih pawh chuan atap a bang duh derlo!




"Jemson khatianga awm kha a tul miahlo" ka kawng dawm paha ka tih hmak chuan ,atap nasa zual sauh.
"Mama pa bulah" engtia tih chi nge pawh ka hre tawhlo.A tah nasat chuan a thaw ahah mai ka hlau si.




"Mate tinge bawihpuia chu" ka u leh Siamtei rawn tlan lut chu beidawng zetin kalo melh nghal.Ka tah a chhuak zawk e a .
"Nini Pa kha ka ngai nawm" tap chung chuan ala ti hram.Ka u tak pawh chuan tihngaihna a hriat hmel loh viau.
Kan inthlem kan inthlem hnu ah pawh ala vang duh derlo.Atah nasat vangin a taksa a zawi nguai tawh.





"Mate hetiang chuan Bawihpuia hi a hah mai ang,Jasona chu call mai teh " ka u in atih sep chuan hreh zetin ka melh a ,ka fapa khuma la tap char char chu melh lehin ka thaw hap.Ka fapa ve hi chu aw !
Ka ph phawrhin J nb ka dial a ,thih hrehin biak hi ka hreh nimaiin ka hria.




"Bawihpui Pa kha ka ko dawn bang tawh la ,hei Pa hi lo be ve rawh" ka fapa khuma tap mu ngat ngat chu be sepin a rawn tho ve taih taih.Ve reuh hian a ,a la mai lo .A inring kuit thak.Ka call nawn leh mai aniang chu .Ka fapa lah chuan insut ri hraih hraih in min melh ve kiau bawk.A pick up ve ta hram e.







Jason pov.




Ka inbual zo ka ph lo ring ral ral chu ban vutin caller id ka en a, call ka dawn ka inrin loh ber na nb atang ani! Ka chhang zui ve mai bawk.
"Hello ih J I buai em ?" lehlam atanga a rawn tih sep chuan ka buai loh thu in ka chhang nghal sup.
a aw hriat ringawt pawh hian ka hahdam huai thei.




"I buailoh chuan englo ania Bawihpuia hian " ti deuh vang vangin sawi belh tur hrelo ang takin a ngawi zui vang vang phawt
"Sawi rawh ,ka fapa chu atha maw " ti dam thlupin ka sam ka hruhul pah mawlh mawlh bawk.




"Pa" ka fapa aw ka hriat chuan ka sam hruk lai ka tawp chat.He aw ka hriat hian a nilawm ni kim hliah hliah a ka inhriat thin kha ?
"Enge nita ka fapa " ti supin ka mit ka chhing zui vang vang bawk.




"Pa ...ka harh hunah awm rawh ka tia ,i awmlo nawm " a insut ri hraih ri ka hriat chuan ka kut ka humruh ngawt ngawt.Nihnih bak kafapa kala hmelhriat loh kara heti taka min ngaina hi ka lawm takzet.An kianga awm ka chak na hian mawi leh mawilo pawh dawnlo a pan mai chakna min pe bawk.

"Mama boy, tih lawk tur ka nei a " insehruh nghek chung chuan ka ti chhuak thei hram.Theih nise an kianga awm tluka chak ka neilo.
"Pa ka bulah i awm duhlo mi?" a tawng la fiah lo zet kara a insut ri nena sawi mah nise ka beng ah a ri ring hle .Ka thaw chhuak hawk bawk.Ka fapa tap ri ka hriat chhunzawm phei chuan ka thinlung chhung hnaisai lo zet hi a tawt nghal mup mup.Bawihi nen a an in thlem ri te chu inseh ruh ngawt ngawtin ka ngaithla a ,hriat nuam ani hauhlo.




"J khawngaihin ilo kal zawk thei ngem.Bawihpuia hi atap rei tawh si a ataksa in a tuar mai kan hlau ani" inthlahrun hmel zeta Bawihin a rawn tih sep chuan thaw chhuak hawkin " ka rawn thleng har lo ang " ti supin call ka dah a ,Thawmhnaw ka inbel nghal vat.Ka che reng reng chu apawt tu ana bawk a rang vet vet tak ka ni.




"Jason zanriah i ei dawn lo ami" Nu Mahruaiin a lo tih chuan ka ei hman loh tur thuin ka chhang sup a ,a duh huna haw mai turin ka chah bawk.
Rilru hmanhmawh nen 2 wheeler a tlan a chak zawk ka rin vangin ka khalh chhuah ngai zen zen lo Ka bullet Thunderbike 550 CC chu garage atang ka la chhuak a ,Bawihi te in lam ka pan zui zat bawk.

Ka fapa tap ri khan chiang takin ka ngaihtuahna buaizet min chinfel sak.Bawihin thiamlohna a neilo tih ka hriatchhuah khan alakah inthlahrungin ka inthiamloh viau kha ania.Mahsela tunah chuan ka hmangaih leh ka fapa ka ril a rah ngei hi neilet turin ka bei tawh dawn ani.





Flashback..




Bawihi thusawi chu ringhlel zetin inpui lam panin ka inkhalh chhuak ve nghal a,ka nu engkima ka thiltih min pawmpui reng zel tu hian bawihi chunga chutiang alo tih kha ka ring phallo ani ber.Khami ni ngei pawh khan ka hmeichhe hmangaih hmuh a duh ve vanga ka in lama lova kal kha ania .Khatiang tehnuaih kan dinhmun anih tak si vang khan hmuloin a haw leh a ,ka nu lakah pawh ka inthla hrung viau nghe nghe.





"Ka nu " inchhung ka luh chuan ka au nghal vak.Kumthum tehmeuh tal buaia ka awm chhan leh fapa ka nei tih hremap loa kalo khawsak na vang khan ka thin a rim takzet bawk.





"Enga ti teh thut nge bawiha ? " ka nu chu an room atanga rawn chhuakin ka tlawh thut chu mak tihhmel takin min melh bawk.Ka kal khat ve tawh bawk em ani.




"Thudik..thudik ka hre duh.Khami ni kum thum liamta ah khan Bawihi chungah engthil nge itih?" ti supin ka nu chu ka melh ngawt ngawt.Min hringtu anih vang leh ka hma min ngaih pui tu ber anih vanga tawngka vin a be lo mai ka ni.


"Kha te chu bawiha " ti nawi nakin a mitmwng apha nghal dui ..




"Dawt..dawt ka hre duh hauhlo ania " ka tih tak hrawk ah chuan thaw hakin min melh a ,ka hmel chang tha zet a hmuh chuan a sawi ta nge nge
"Kha nu tunge ahming kha Rinhlui emawni kha i nau khan itan athatloh thu leh mipa hrang hrang kawp kual thin anih thu min hrilh khan nei tur che in ka duhlo a ,a inthiar fihlim theih nan ka remhriat dan in ka che mai ani" a tih chuan ka thaw nghal hrawih! Lalnuntluangi tehhrep chu!!!




"Khawnge...tunah Lalnuntluangi chu a awm?" ti tuarhin ka nu chu aphu nghal zuk.




"a room ah a awm , Bawiha Mambawihi hi Arona vanga a tawrhna khan ala hmet chau viau ania " atawp lam ka ngaithla hma tawk ,Ka nau room lamah chuan ka chho nghal zat.Engvang tehhrepa kan nuna lo inrawlh nge anih hriat ka duh.




"Lalnuntluang " ti hrawkin room kawngkhar chu ka nem hawng pawp a ,khumah hahdam hmel zeta lo thu awn duaiin aph alo la khawih ham ham.
"ehe Jas ilo kal elaw!" hlim hmel zeta minlo chhawn vat chuan ka pawhthawh nawk mai loh nan ka insum hram hram .




"engvanga Bawihi chungchang dawt ka nu lo hrilh nge inih?" ti nghal hrawkin ka thaw zui hawk.
"U..." mittui tling pama ka vinna vanga min melhtu chu ka ngaipawimawh hrih lo.


Aron kum kalta maia athihna kha atuar viau a , duat theihtawpin ka duat bawk.Mahse tunhunah erawh ka thuhriat hian min thawng lutuk tlat.



"Kut ka thlak mai lohnan che thudik sawi mai rawh" ti tuarhin a side table chu ka nemthlu pawp.Ka nu in insum tura minlo tihve chhenna te chu ka bengchhungah alut hlawl lo.





"aw...ka nu kha dawt ka hrilh.Enge chu chu apawina ? Kha mi laktlakloh zet nena hlim taka in awm kha hrehawm ti takin kalo thlir thin che asin! Nanghi ka u ang niloin mipa angin ka hmangaih na che a rei tawh lutuk" rak tuarh chunga a sawi chuan hamhaih zetin ka melh .Ka nu meuh pawh a thawng tih hriat takin a ding khawng luah.

"Mahse Mambawih i u te chu i hmangaih thei lo ang" ka nu in mangang zeta a rawn tih ruai chuan
"Nu keihi fa lak ka ni tih ka hriatloh inring em ni? Huh! Keihian ka hriayna a rei tawh lutuk tlat.Chuvang chuan Jas hi ka hneih theihloh chhan tur a awm lo" a biang ri ngjal sawk vang chuan kan kiangah ka pa alo ding ve reng tih kanl hre chiah.




"Lalnuntluang! Zahpui awm lutuk.Fa atan ka la che a ,mo atan nilo in" ka pa chuan ti khur hlawk hlawkin Tluangtei chu a vin nghal hrawk.
"Anih chuan fa atana min lakna hi titawp mai rawh u .Jas hi pasalah ka nei dawn"





"Hmangaih pakhat chauh ka nei ,ala ngai reng bawk.Chuan ka hmangaih nen chuan fa kan nei bawk a ,I thluak mumal lo tak kha sawiharh lo tum ang che " ti hrawkin kawngka lam panin ka pen chhuak nghal.

"Jas..Jas.." tluangtei min auh zui vak vak na chu ngaihthain in chu ka chhuahsan zui hmiah.





Engtin nge falak mai ani tih alo inhriat chhuah theih! Chuzawng ai chuan ka lakah khatiang rilru alo pu ang tih ka ringpha ngai hauhlo! Tullo zetin Bawihi nen kan inkar a chhiat phah bawk a .
Ka car a ka luh dawn thleng chuan Tluangtei rak tuarh tuarh thawm kala hrethei hial!






End of flashback..




Ka inngaihtuah chhungin Ka hmangaihte pahnih chenna hmun chu kalo thleng der! Hmanhmawh zeta ka bike hung thain kawngka lam panin ka ke ka pen zui pawk pawk.
Kawngka chu ka kik kauh kauh a ,door bell lam reng ka ngaihtuah hmanlo.




An nula in a rawn hawn takah chuan pen lutin Ka fapa awmna ka zawt nghal sup a ,kan piah lawka room awmna lam a kawh takah chuan chu room lam pan chuan ka pen nghal pawk pawk.





"Bawihpui Papa chu alo thleng tep ang...Bang tawh la " Bawihi leh ka fapa lo la inthlem ngat ngat ka hmuh chuan ka aw ka thian kharh a ,an lo hawi rual nghal vut.




"Pa" tap bang hmaka ka fapa kalama lo tlan tarh tarh chu pawmkang vatin ka kuah nghal thlawp.