"Bawihi "
"Engvak mah ani chuanglo ,kan inneih thlakhat na ania .Hun hmandun ka duh mai mai a " ti sepin ka hrilh tum tak erawh ka hrilh duhlo .Naute chungchanga angaihdan ka hriat chuan min ti hnual rawih rawih thei .Ka pum chulin fa awh hmel takin a che thin si a ,enge tunlai a awmzia hi ka hrethiam thlawt lo!
"Happy first monthsary babe " ka hmui zawna rawn thaw lum ham hamin a phun sup a ,a hmui liak hnawm zeuhin ka hmui a rawn pet zeuh bawk.
"Ka theihnghilh lo ania " ka Hmai bul chetah khi suk a tiin min pawthnai salh a ,ka nghawng a nul heuh heuh lai chuan mit kalo chhing diar diar .Rilru lak pen dan hi chu a hre ve ngawt mai ,kalo hnar thei ngai miahlo lehnghal !
Ka dressing table hmaah chuan min nem phei dat dat a ,darthlalanga ka inhmuh chuan ka mengphar awk ! Silver thi sin nalh zet a locket chu thinlung lem te fel nalh zet ani a ,kan en chian chuan ahnung lamah H tih nalh zetin a inchhu kai bawk.A mawi takzet !
"H angailo sin " ti hapin thi locket chu ka tuai heuh heuh a ,ka hnung lam atanga minlo kuahin ka nghawngah ala nul dun dun tho.
"Bawihi engpawh thlengse ,khawihmunah pawh awmla ,inchungah engpawh ka ti emaw ka laka I lungawiloh ber lai pawn he thi hi phelh ngai suh ang che , ihria em phelh ngai suh" ti supin amitmeng thuk zet chuan darthlalang atang chuan min melh ngûr a ,ka bu nghut chu duhkhawp loin "min tiam la " a rawn ti leh nghut.Tinge hetia a awm le ? Amitmenga lungngaihna thuktak inphumru ka hmuh hi ka hmuh sual zawk nge !
"Ka tiam e ,ka phelh ngailo ang .Thlankhur a zalh ka nih thleng pawn ka phelh ngailo ang" amah hmachhawn zawnga inher chung chuan ka ti a ,nui sukin ka chalah ahmui a rawn nawr nghal vang vang.Hmangaih leh duh tih hriat ngawih ngawih a min en in min thlakhleh hmel zelin min kuah leh vawng vawng zel a
Kan chawhnu pum hun hman dan chu anuam viau ,mahse kan boruak erawh a rit lukin ka hre thung! Keimaha hlauhthawnna awm thin te kha an rawn insiam that leh nimai in ka hria! Achhan ka hriat siloh hian Chan dawn tlata inhriatna ka nei a ,paihbo tumin rilru lapeng thei tur thil dang ka buaipui zung zung .
................
"H vawin chu Bawihtei te school ah parents meet an ko a ,hun I insiam thei angem ?" A kamis hak tur pek pah chuan ka ti a ,atheih hram chuan nu leh pa te kal dun thei se tih school lamin thu an rawn tichhuak a Bakah Bawihtei pawn kal turin min phut em em bawk.
"Bawihi hna pawimawh khawih tur ka nei asin ,ka va hman awmlo ve aw " a kamis hak mawlh mawlh paha a tih chuan kalo thaw hak .
"Bawihtei hrilh ahai dawn lutuk asin ,hna chu nakin lamah a buaipui theih mai loh ami" ka lungawilo deuh tawh ,Ahma pawn asawi lawk vek tawh a .Kan kal ang tih kanlo tiam tawh bawk nen ,thutiam sut leh hi ka huat zawng tak ani.
"Foreign lam ho nen indawr tawnna kan nei dawn a ,sawn theih anilo .Jenny ahman ka ring lo kal dun lawk mai ula " ka thusawi ngaihsak lo zet chuan min chhang a ,ka run tawk alo tling leh em em tawh ! A file kei lai chu ka laksak pawp a
"Ka hmanlo ka tihchu mawle " ti hlukin a laptop leh file bag aban a room a chhuahsan nghal hmiah !
Ka hamhaih lutuk vangin ka ding ngawi reng ringawt .A huat tur awmang ka sawi ka hre silo ! Bakah a fanu kan fanu tana thil pawimawh angaihpawimawh loh vang in file kha ka laksak mai ania ,khatiang khan athinrim dawn tih ka hre hauhlo.
Ka naupai thu pawh ka hrilh ngamlo a ,chuan tunah thil hote vangin min vin bawk a ! Enge Hmangaihsangpuia chungah hian thleng ? Tinge kan inneih hma a ka mipa hmangaih kha anitalo tlat a hriatna ka neih ? Ngeni a ani lakah hian ka tlatlum tawhlo zawk.
..............
"Mommy Daddy chuan Cecci school ah kalo kal ang ati tawh sia " apa in parents meet a hmanpui lo tur chu aphun ve niah niah ,kei tak pawh hi ka lungawi theilo .Tukin ah engmah eilo in a chhuak a ,tun thlengin min la belo bawk.Enge maw ahriat hrep ni?
"Bawihte Daddy kha abuai lutuk a ,huat loh tur aw .Daddy chuan lokal aduh lutuk alawm" ka ngaihdan nilo mahse naupang bula an pa te chanchin chhe lai emaw an diklohna lai leh an thiamlohna lai hrilh hi a tullo takzet.Pate zahlohna an mahni ah kan tuh chho zel anga ,atu a zawk tan pawh a thalo .
Engang mi pawh pate chu lo ni se ,an sual emaw khawlai a ruichhe ber thin pawh lo ni mahse an fate ah zahna tuh zel tur ani.Chu chu nu mawhphurhna ber ani bawk.
Parents meet a H~a kal velo chu Bawihtei ala lungawi theilo ,thup tum ve viau mahse ahmelah alang tho mai.
An zirtirtute chuan naupang enkawl dan chi hrang hrang an sawi a ,kutthlak aia tawngkam tha a biak an ngaihthu thlengin an sawi chikim khawp.Tunlai ah naupang tam tak ph khawih nasat zia an sawi nasa ngang bawk.Tunah tut tutin an mitin la tuar lo mahse tawrh hun ala nei dawn tih sawiin kan theih ang tawka naupang ph khawih tirloh apawimawh zia an sawi a ,ka pawmpui thlap.Bawihtei erawhin ph angaina ve tehchiam lo a ,helam kawngah chuan kan buai viau lo e .
Parents meet zawhah chuan KFC ah ka chawlh pui a ,kei erawhin a thil eilai kalo en mai mai thung .
"Mommy tinge chiken hi I ei ngailoh a ?" Dawra rawn pen lut mek te vang chuan ka chhang theilo ! A fanu aia hna pawimawh a sawi chu sawnu saw maw! Min rawn hmuh ve chiah chuan a mengphar deuh awk a ,mahse ngaiawh leh vatin a nula rawn hruai chu thutna pawh chhuahsak in keini min ngaihsak leklo chuan an thu nghal hmak !
Nui hakin ka va ankhum mai lohnan ka insum hram hram .
"Bawihte ,I eilai kha chu dahla kan pack tir anga inah I ei dawn nia " ka tuarlui thei thlawt lo .Tunge mahni pasal leh hmeichhe dang hlim taka inkawm lai hmu a tuar thei reng bik ang ni?
"Mahse mommy " ati ve nang nang a ,mahse ka pawmtho zui nghal tho.Ka pawm zawnga ka dul rawn zawk vang chuan ka thutna ah ka thutthlak pui hnak a ,ka thaw chhuak ham ham.
"Bawihte nangmahin kal mai zawk rawh aw ,mommy pum hi ana deuh a " nuih luih sang tumin ka bia a ,aharsa lam hret .Ka pum erawh azia leh nghal mai.
Bawihtein a hmuh lohnan ka phen ah ka kaltir a ,nula dang nena apa ahmuh chuan naupang mai tan chuan zawhna atam dawn lutuk tlat.Chhang turin chakna ka neilo ang .Inlama a ei tur pawh ka pack tir ta chuanglo ,keiman engemaw ka siam sak mai aniang chu.
Taxi chhungah chuangin ka mala Bawihtei muhil mek chu enin ka mittui a rawn hnam tiam tiam a ,khaplet vat ka tum nangin ka biangah a rawn luangthla pap tho.Ka hrinloh mah nise ka hmangaihna a nep phah chuanglo .Engtin nge Hmangaihsangpuia hi heti taka adanglam theih? Kalo hrechiang tawklo emni dawn ni? Kalsan turin ka hmangaih lutuk tawh bawksi.Atello a nun hman ka ngaihtuah rikngawt pawhin ka tha akhur a ,thawk ngaihna hlawl ka hrelo thin kha ania !tunah phei chuan afa ngei ka taksa ah a insiam tawh lehnghal .
...............
"Sawm lokal rawh chaw ei ila ,ka u pawh a rawn haw chiah a Akil ve nghal dawn a " Jenny in a rawn tih chuan ka zui chhuak ve nghal a ,tlai atang khan kala nuam thei lo.Ka taksa piah lamah ka chhungril lam thleng hian ana ngut ngut.
Dinning room ka luh chuan anlo thu thap tawh.Hmangaihsangpuia pawh mawle ,tihsual neilo ang maiin ala awm zui! Thaw hapin ka kil ve tak na a ,eichakna ka nei hlawllo.Ka naute hi ngaihtuahlo ilang chuan an zingah hian ka kil ve hauhlo ang.
"Daddy Vawiin ah ilo kal velo a ,mommy nen chauh kan kal a " Bawihtei chuan ti nuah nuahin ala lungawi theilo ,vawin a apa khawsa zia kha hmu ngat se engtin tak ngai ang maw ?
"Baby alehpek ah chuan kalo kal ngei ngei tawh ang aw " ti nghutin a chaw abar zawm a ,an hmuhloh in kalo ner nawk.
"Eiteuh ru aw ,ka siam liau liau anih hi .Delhi a kan ei angin tomato hi ka siam a ,a ti hang tu atan arsa ka telh bawk a .Jenny ila hria em?Delhi ah hetiang ka siamsak " Sawmtein a rawn tih chuan mengphar vakin "Tomato ah hian arsa I telh maw ?" Kalo ti nghal vak.
"Aw tinge I duhlo mi" bangbo hmel zeta a rawntih chuan ka tho hluai a ,washbasin ah ka kam ka thuah nghal vat.
"Ka hrilh tawh che kha ,arsa ka eitheilo tih.Tinge I sawi loh a " ka kam la thuah mawlh mawlh pah chuan ka ti hap.Arsa ka huat zia hi ahma pawn ka hrilh tawh reng si a .
"Sawisel Suh ,I duhloh chuan nangman siam mai tur alawm" mipa aw in a rawn tih chuan ka hawilet dawrh! Engmah thlenglo angin ala ei chhunzawm hmiah hmiah ! Hmeichhe ho erawhin an eilai chawl meuhin min en thung.
Ka chhanglet dawn zeta ,ka ngaihtuahna a thil rawn lut vang chuan rang takin ka chhuahsan a ,room ah ka tlan chho vat.
Insiam sawk sawk in hospital lama kal tumin kan thenawm taxi ka call pah bawk.
Ka tette atangin arsa ka haw em em a ,ka ei tawh chuan ka eihnu atanga darkar chanve velah ka thawk hial achhan thin.Achang chuan ka taksa avual khat vek a ,ka pum ana thin viau bawk.Ka tuarchhuak thei mai ang mahse naute tan hian nghawng anei ang tih ka hlau viau ,kalo ei nual hman tawh si a .
"Tunang hunah khawnge ikal dawn " ka kawrlum ka hak mawlh mawlh lai chuan ka pasal nge ni a pasal ni tlaklo pa ka ti zawk dawn? Rawn lutin min melh ngûr a ,chhangloa ka bag banin chhuah mai ka tum chu ka banah minlo man bet hmiah.
"Ka bia che " tu nghutin min melh ngûr a ,ngei zetin ka kut ka pawt thla hrawk.
"Min ngaihtuah ang taka lan kha tumlo mai rawh ,nangpawn I duh hun hunah hmeichhe dang ibe thei anilawm ni? Enge ka theihloh bik ang" ti vakin kal mai ka tum a ,min ohihlet hrawk.!
"Hrep che hian Malsawmzual ,tu mipa mah I hmuh ka remti hauhlo" ti tuarhin akuta aph hum chu bangah a vawn keh nghal pawp.
"I hria em ka sawi chu tu mipa mah I hmuh ka remti lo " ti hrawkin ka beksamah atham a ,ka mittui hnam sawkin ka then tlawk tlawk.Ka beka a thamna ai chuan ka thinking ana zawk .
"Min thlah rawh" ti sepin akut chu ka vawn hnan a ,ka thawk rawn diklo tan vang chuan ka thaw chhuak halh bawk.
"Min thlah rawh ka tih chu Hmangaihsangpui " ti vakin ka tapchhuak hawk a ,mitmeng buai deuh naka min enin min thlah nghak thuai .
"Ka...ka tihpalh Bawihi" ti nghutin ahmai a tuai nghal thuak .
"Tinge hetia I awm? Tinge minti na leh tur si chuan nupui atan min neih ? " Ti tiakin ka insut ri hraih a ,min ban atum chu duhlo zetin ka tawlhhnung nghal dawrh .
"Nang chuan tuna ka awmdan tur hi I hrethiam miah lo ang ,nilo min hmangaih lo hrim hrim zawk mawle! Kei erawh in ka fa lo piang tur hi ka hmangaih a ,I hmeichhe tan em em vang a ka chan mai lohnan chhanhim ka tum anih hi .Min dan lo tum Miah Suh ang che " ti hapin ka thaw chhuak halh a ,ka awm zawn rawn tawt mup mup vang chuan Reilo ah ka buai dawn tih ka hre nghal bawk.
"Enge I sawi awmzia ? Nau ipai maw ? Ka fa kafa tur I pai maw " mak tih hmel zeta rawn ti nghutin ka thusawi in athawn zia ahmel ah alang bawk.
"I sawi dik nau ka pai ngei a ,keima fa chauh" tiin ka kal pel a, inhnuai lamah ka chhukthla nghal vat.Kawngka ka chhuahsan chiah chuan min rawn nangching leh in "ka hruai ang che " ti nghutin amotor lamah min kai nghal dawr dawr. Hnial duh viau mahila ka awmdan dik tawhlo vang chuan ka hnial theilo .Ka thaw chhuak leh hak thin chu rilru buai hmel zetin min rawn melh leh zawk thin .Ka pum dawmin ka naute laka thilthalo athlen mai lohnan ka rilru in ka tawngtai ngawt ngawt.
............
"In rawn thleng hma hlauh a engpawi mah athleng hman lo e ,in vannei takzet.Naute hian anu huat zawng leh ngaihloh hi an haw ve thin a ,I naupai ala sen viau bawk nen mahse hlauhthawnawm a awm tawhlo e.Zanin riak ula ,naktuk ah chuan in haw thei ang.Mami ila naupan hmel viau mai a ,inenkawl tha viau rawh aw.Tupawh hian an vawikhat naah hi chuan an la na in huat zawng te an ngah a inenkawl uluk apawimawh ber aw " kum upa lam mah tawh doctor chuan ti dap dap in min chhuahsan a ,ngawingul a kan bula lo ding chu ka hmuhpeih hrihloh vangin inletin ka hawisawn hmak.
"Bawihi"
"Min be Suh, ngawi renga I awm thei dawnlo anih chuan haw rawh" ka be chak hlawl hrihlo.Thaw chhuak hawkin couch a athu thla dawt thawm ka hria a ,a awmdan en turin alam ka hawi peih thlawtlo.Min tihnat dan ka ngaihtuah letin ka mittui a rawn hnam leh nghal tiam tiam a ,ahriat hlau zetin ka insutri nghal hraih bawk.
"Ka naute min ngaidam turin ka dil lo che mahse min haw lo la ,I daddy hian a hmangaih lutuk che.Mahse I mommy chunga ka thiltih te vanga min huatloh hram ka beisei.Ilo pianchhuah hun nghak thleng thei ila kava ti em " ti sup ri chu ka mang hriat ruai ruai tawh.
....
After 3 years
"Bawihte I nau kha khatah khan lo thutpui tlat rawh aw ,thlan hi kan tifai lawk ange " ka fate thlan chhaka lo thu chu au in ka hma a thlân chu ka phiat fai sawk sawk a,ka pangpar ken te chuan ka thiam ang tawkin ka chei ve tak na in kei hmeichhia a zawnga pangpar ngaina lo ber hian ka ti nalh leh tak tak dawnlo tih ka hrechiang viau.
Ka hnunga nui hawk thawm ka hriat chuan tur zetin ka melh let a "enge I nuih" ka ti nghal phiar phiar.
"Bawihi khatianga I chei chuan a rawn hrankhum che pawh ahlauhawm alawm" nuihinsum zeta a rawn tihleh chuan keipawn awm ka tive viau ,thil chei hi ka thiam thlawtlo pangpar lam ah ngat phei chuan.
" Ka tana a thil tih hlutzia hi ka theihnghilh thei tawh ngailo ang" ti supin ka hnunglam atang min rawn kuah a ,ka lu in kalo tauh nghal dat.Thlan chu melhin "ka pasal nunna I chhanhim vang hian lawmthu sawi ngaihna pawh ka hrelo zawk.Naupang pahnihin pa anla neih phah bawk a ,kan lawm lutuk e " ti chhuak sepin kan hmaa Thlanlung chu ka bia a ,ka thaw chhuak ham ham
Kum thum kalta Khan harsatna namenlo kan tawk a ,H~a hian heart transplant tih alo ngai reng a ! Ka laka sual alo chhuah chhan pawh kha thi mai tawh tur ah inngaiin amah ka huat a ka kalsan theih nan a ti alo ni lek a !
Atan pawh abeidawn thlak ve bawk dawn em ani ,a Thisen mil avân mai bakah heart transplant ti tur pawn amilpui an vang lutuk tlat.Mahse ka fapa Marcus Lalrinzuala ka pai tih ahriat khan engkim min hrilh ta vek a ,afa lo piang turin alo boral ta anih pawh a ahuat kha alo hlau ani bermai .Tin min chan ang tih ahlau em em bawk a .Khami ni dawra nula pakhat a rawn hruai ni pawh khan atum reng vang anih thu min hrilh bawk.Alaka ka beidawn theih mai a rin vangin khatianga ti kha ani.
Kan theihtawkin a thin thlakna tur kan zawng a,kan beidawn lek lek Chang lah atam .Zanlai ah te hian ka pum alo chul leh heuh heuh thin a ,ka khap duh ngai biklo. A fa lo pian hun tal a nunna zuahsak turin Pathian hnenah a dil thin a ,a fate Dilna chhang thin Pathian chuan ahun takah a ropui zi rawn ti langin tun hun hi in thleng ani. A thin thlakna kan hmuhna pawh ahma a Lunglei a ka thawhlai a ka damlo enkawl pakhat drugs addict kha ! Brain tumor alo ni reng a ,Chennai lamah inenkawl tura lo kal ve tho niin a dam chhuak zo dawn chuanglo tih inhria in "ka boral hma a mipakhat tan tal thil tha ka tih ve nan "tiin a H~a nen anlo inmil chiah nen ,kan vanneih phah ta hlauh a ,a nunna a chan erawh kan tawrhpui viau.Kumtin a thih chamah tihian a thlân kan tifai ta ziah.
"Pathian hi chu atha ani tiraw " ka bengkawm a nul heuh heuh paha ti tu ka pasal chu hawiletin ka kuah a ,kan chhak lam a kan faten min lo auh chel chul tak ah chuan nui hakin kan inthlah nghal thuai .
"Le tunge Helicopter ah Chuang duh le " H~an a han tih chuan kan fate chu an phur ngang mai ,Marcus a pawh a au ve rawih rawih.Cecci erawh a inti nula ve deuh tawh nangin kan hmuhah erawh naupang duhawm zet anihna abo chuanglo .
"H I nupui ka nithei hi ka lawm takzet"ti sepin a awmah ka bei chial a
"Just For You babygirl" ti supin ka chalah ahmui a rawn nawr vang vang .
"Tuman ads click kha theihnghilh loh tur aw, kan vaiin kan click vek dawn nia*
*A tawp ta *
#tunkar ka buai chho deuh nawk nawk a ,ka ph file achhiat bakah ka thuziahsa zawng zawng ka story hmasa a ka ziah sa nen lam abo fai vek a .Class kal ka ngaih bakah class pek ka ngai bawk a
ka buai lutuk a ka rawn zawm hman lawk lo ani.A tawp dan ah in lung a awi tawk lo maithei ,min dem tawk in awm bawk ka ring .Mahse thui taka ziah ka tumlo hrim hrim a ,Ngaihnawm loh viau mahse Zanin tal chu comment lamah rawn lang vek ru aw 🥰 sual viau mah ila min support hram hram ula "Rafael" tih kha nakzan atang ka rawn ziak lehnghal ang aw.Tuition lam ka bansan tawh dawn bawk a Ahma angin ka regu leh thei tawh tur ah ngai ila .Ka thawnthu ngaihnawmlo leh chhiar tlak em em loh in lo chhiar avangin ka lawm em em e
regular taka comment thintu te chungah ka lawm takzet zet bawk .Kan inhmu leh thuai dawn nia aw #