Ronald Zodingliana By Natasha Hrahsel (Completed)

[Ngaia]

*Ronald Zothansanga* ch~7
by~Natasha Hrahsel







Ni li lai aliam ve ta ,Zothansanga a reh ta vang vang a ti ilang chuan a dik chiahlo ang.Pro Pastor retreat na ah akal daih a ,asawi lawk diam chungin areh ta vang vang chu ka awm thiam chiahlo.
Biak pawh reng a remchan loh vangin ka ngai riau in ka inhre hial! Mi han ngaih leh han vei em em ka neih ngailoh nen ka awmdan hi keipawhin ka inhrethiam chiah biklo! Ka damdawi ruih vang khan min hauhloh pawhin ka lu chungah kut nghatin min tawngtai sak dawn emaw vel kalo ring a,mahse ani chuan ka laka a awmdan ngai rengin a awm chhunzawm a engmah a danglam phah miahlo! Kalo ngaihdan ang ai daihin a dawhthei a ,ka bula a awm chuan a tawngduh ve viau bawk.Thum dut a a tawng ve dut dut zel bakah a awrawl chhuah meuh a a nuih ve hawk hawk tawh hi chuan engtin emaw tak ka chhungril hi akhawih tlat zel nia !




"Alo pending leh ta vung vung e " ka bul maia chair chu pawt hnai in an thu thla ve nghal dawt a ,"engtik nge in inkhelh dawn" kalo ti nghal var.
"Karleh monday ah aniang ,lo kalve ngei ngei ang che " inkhel hi hmuhnawm ka ti viaulo na chungin ka thianpa inkhel te hi chu ka enlo phal lo .An chakloh tum lah hian 'tinge minlo en ' ati ziah zel lawi a ! A zak ve te pawh aniang.
"Taka tun thla tawp lam ah hian U Lawmsanga'n nupui anei dawn ka hruai ve dawn che nia " teh ngawt a ! A duh dan dan hian mi hi a tikual a "lawks Doctor kha mi itih ,abialnu thi kha mi itih" achanchin a sawi ve fo tawh thin tlat ani.An zinkawng atawi bik lutuk leh alungchhiatthlak lutuk kha ka ngaithla zo ngam ngailo kha ania ,keimah ang bawka hringnun zinkawng harsa zawh vetho anih vangin ka ngauthla ngamlo ani zawk mah.





"Aw ka pa halfbrother fa ania ,abialnu kha ahmangaih tehreng nen lungthatlohna vangin aboral ta daih sia .An innei hman tep asin ,ka hre chiang chiahlo na chu abialnu thi ta khan nau alo la pai zui a chu thu erawh U Lawmsanga tuman an hrilh duhlo.A bialnu a chhan theihloh vang khan kum khat dawn a hna chawl in ramdangah a awmbo char char a " ngaihnawm ti zet chuan kalo ngaithla a ,sawi nuam atih hmel bik vakloh nangin ka hrechiang chak thut.
"Chuan" angawih tak rauh rauh ah chuan kalo ti vat a ,min melh vung vung in "tuna anupui neih tur hi an hospital ami tho nurse ania ,thingtlang lam mi daih ani abak ka hre biklo" ava laklawh e! "An intawn dan i hre lo mi ?"




"I hriat duh chuan an mahni kanva zawt mai dawn ami ?" Ava nghal tak.Dawhkana tissue paper awm chu la lawkin a hmaiah ka bel thlawrh. Ala nui ang vur vur leh nghal a .
Ka zirlai pawh hi ahar ka tih vang nilo in ka tui hlawllo! Class kalloh tawp theih nise mahni pawn ka pass zo lutuk ang mahse attendance apawimawh ve sia ka kal lui hram hram .Ka bula thu a rikhlut chuan alam ka hawi vat a ,ph hmangin a chi ai el viau bawk. "Aw ka lo kal nghal ang " ti vutin a a indap nghal rawk rawk!
"Kylos enge thleng"ka ti vat a



"Khawnge ka bike chahbi ? Ka nu . ..ka nu hospital ah an hruai " a chiai lutuk chu aban ah kai in "bike khalh chi inih loh kha lo kal rawh taxi hmang ang " tiin ka kai thuai a ,taxi lo tlan pharin hospital lam kan pan nghal thuai.

Kan va thlen chuan anu awmna ahre sa nge amah chu ka zui tawp.Apen zau si a keichu ka thaw hlawp hlawp thei.
"U LS engtin nge ka nu chu a awm ?" Oh! A u Lawmsanga te hospital alo ni hlauh anih hi, chhiat hi chu a chhelo reuh asin aw ahmeltha vut lo nangin apa ve thlawt .Het chutiang ngaihtuah na hun anilo.
"Iva lo thleng hma ve Kylos ,ngaihtuah awm anilo ania .A bp hniam luhai atlu palh anih kha.Ahlauhawm loh atha leh mai ang " a dar a ben sak thauh thauh pah chuan atu sup a ,kan thaw huai thei .Nu Matlani hi chu ka lakah chen hian atha em a keipawhin ka ngaihtuah viau mai.



"Ipa pawh alo thleng tep ang " Dr.LSan a tih ruala Kylosa nernawk chu kalo hmuh hmaihlo nasa ,apa hi chu ka nu ka huat ang em chuan haw lo mahse ahaw ve viau ani."Inu chu muhil hahdam rih se ka office lamah lo lut zawk ula i thiannu nen hian thil pawimawh hrilh lawk cheu ka duh a " atih chuan tihtheih a awmlo bawka tiin kan zui ve a ,an hospital chu pvt anih vang nge achangtlungin a fainuam em em .Hospital hi ka tlawh khat ve angreng a ,ka hmuhchhun ho hi chu Civil leh Durthlang lam an ni deuh mai a kala hmu tlem nge helau chu achangkang bik ngawih ngawih .




"Lo thu ula ,ka sawi duh pakhat chu hei kan hospital bloodbank hian thisen kan nei tawh mang lo a .In college lam ah pawl ang emaw a tlawmngaia pe thei an awm tih lo thlithlai ula .Pvt Hospital kan ni nangin thisen pek ngai ang chin hi chu athlawnin kan tilo theilo a chuvang chuan minlo tawiawm ula alawmawm viau ang ." alandan ah chuan a naupang tawhlo tih hriat viau mahse ala lang pa em em tho! Tin a thusawi chu Zothansanga angin a nghet tha viau bawk,keihi! Zothansanga bawk ka ngaihtuah leh tawh !



"Kanlo sawi dawn nia ,chuan inneihna lam te " Kylosan atih chuan "Helai chu Hospital ania hna thil chauh sawi tur " khik suk suk pah chuan Doctor Lsan a ti a ,an thawnthu ka hriat chak tehlul nen ka hre thei dawn talo anih hi .





Kylosan a nu a awmpui duh vangin keimahin ka haw a ,ala tlai em em lo bawka ke in ka kal ta tawp.Ka nu in ka Scooty hman aphalloh atang khan taxi emaw in ka kal ta ziah,kala khawih leh chhin lo reng reng.Car lei tur a min tuh pawh kala lei ta chuanglo.Kan garage ah motor a inhung fer fur a ,ahunna tur pawh a awm tawhlo ang pawisa erawh peklet ka tum hauhlo.Ka mamawh em em vang nilo in aduha min pek ania a hun min pe ve thei ngai silo a asum tal ka hman ve sak ang chu le.




Ka bag innghawr ri dar dar chu en vatin ka ph ka phawrh a Zothana ! Phur zet chuan "hello " ka ti nghal vat.
"Minlo ngai viau tawh animaw ?" A tawng danah anui tel tih ka hrethei ,chuan a bengchheng viau bawk."teuhlo/" ka ti vut nangin ka rilru chuan 'dawt' ati mawlh mawlh. "chu min ngailo maw ,lo let ka tum tawh nen "



"Aih...ih ngailo ka tih loh kha " ka ti chul a ka zak leh hnuhnawh tihngaihna hrelo chuan chuan "ininawm aw " kan ti ngawt pek a ! Lehlam nui hawk thawm ka hriat chuan ka ip chawih chawih. "Bawihi min ngaih chuan sawi tawp rawh zah angai lo " ti supin a aw thum zawi sup bawk si chuan ka ngaihna a ti zual nimai in ka hria ! Akianga awm leh ka chak a ,alaka pangchan leh ka chak bawk.Ho te te vanga thinrim khum te thlengin ka chak nia mawle !

"Aw ka ngai che atawk em " ti vakin ka hmalam panin ka kal mawp mawp.Ka ngai che han intih tehthlawt chu azahthlak bakah he tawngkam ka hman ngai awm pawh ka hrelo .Ka thiante pawh hi ka ngai ngailo tluk ani.




"Khati mai tur kha lawm ,chutia min ngaih viau chuan zanin ah ka rawn rim che i duh em " chutiang lehzel han inzawh ,mahse Pastor in nula an rim ngai ami?
"pastor.."
"Pastor pawh mihring ve tho an ni ka tih kha Chhingchhengte ,tlangval chuan nula arim thiang alawm eng hna pawh nei se ,nanghian 'NUN' angah minlo ngai chu ani em lo maw " a sawi tawp lamah chuan anui hawk .Kava ngei mai mai tak ,kan hrelo ani ve mai a ka oh chu melh hrepin ka off hmak.Ka biak hnem pauh leh min nuih hnem mai mai ani.




In ka thlen chuan ka inbual sawk sawk a,atlai tawh vangin inhnuai ah chaw ei turin ka chhuk a ,Cindy chauh alo awm..
"Ka nu leh pa te chu chaw an eisawn dawn a ,an lo haw har dawn aw " TV en pah chuan alo ti sep . Chhan loh ka tum zet nangin "thil ei ila " ka ti a ,min en ang vung vung a an nui nghal ver ver ringawt a ! Enge maw ani pawh hian ahriat ni?
"nia ei daih ang ,U Jenny in Arsa a fry a atui ngawt ang .U Jenny chaw kan ei dawn" choka lam panin ati lawng lawng .Ka biak avanga phur ta hluai nge amood a fuh ve hrim hrim pawh ka hrelo e a .




"Chuan khawnge College chu i zawm " ka tih ngaihloh deuhin ka tawng ve ta nual mai ! Heipawh thil thar bawk , "ih..i luhna ah kalo lut ve a apawi em ?" A tih sep chuan "pawi lo e ,kan kal rual thin dawn nia " kan ti a ,"tak tak maw " tiin aphur hmel ngang mai !
A hlim hmel lutuk chu ka hriat loh karin kalo nuih leh sen sen zel ! Anihna takah chuan tunah pawh hian a rualpui te chu Higher an kal vel chauh ang .Ala naupang viau Cindyi hi chu ,mahse athiamthei nge ka hrechiahlo apawlsang viau akum phuloh in .



"Chuan maw U ithianpa U Kylosa kha ka hmu a ,avan chhelo em em " a ri meuhin ka nuih tawp tawh.Chaw pawh kan ei hleithei lo a tawng duh lutuk a athusawi tam zawk chu ka aw e liam sak mai mai ani ber .
Kan ei zawh chuan ka room lamah ka chhohsan a ,darthlalang hma ah dingin ka inen dauh dauh ka ngainat em em Pyjama ka khelbawr ti lang lian zet ka inbel a ,tshirt nghawng V ka taksa phuar lam mah ka inbel bawk.Ka sam ka bawktawm hnawk nuaih bawk sia ka landan chu a amawi viau lo.Ka wardrop atang ka kawrfual la chhuakin ka inthlak a ,duh aiin ka inchei leh mah mah bawk si ! 'Engvangin nge Zothansanga lo kal dawn vang maia ka inthlak ni?' Ka hak ngai pyjama leh tshirt bawk ka inbel leh a ka sam erawh bawktawm tawh lo in ka thlah hnap.

Inhnuai lamah chhukin sitting room ah ka thu ran tawh ,dar sarih ari dawn tawh a alo la thleng bawk silo!
"U lo leng tur an awm ami" Icecream hawp puk puk pah chuan Cindy in a rawn ti a ,ka sawi zak viau nangin "Cindy tlangval in nula an rim dawn hian dar engzat ah nge an rim thin ?" A thil eilai ahak thawt!.
"Ah...an hman hun hun ah animai" ti in choka lamah alut leh daih. Ning zetin ka ph ka thai ka thai ringawt.Kylosa bia in anu enge a an tihte chu kan zawt a , a online loh vang in ala hmu mai bawk silo.Hruaipuii lah abuai ka ring deuh bawk si nen Instagram ah reels te ka enkual ta vel mai mai.



Dar sarih leh chanve chauh la ni mahse rei ka tih tawh em vang chuan call mai te ka duh rum rum ,mi dawhtheilo tak nih nen ka thinrim hlur tawh mai .
"I mi nghah alo la kal lo ami?" Ka ep a thuththlak pah chuan Cindy in a ti sep a,ka chhang peih hrihlo.Bul deuhin ka chhang awm sia chhan loh law law atha zawk. Door bell alo rik chuan ka che hrut nangin "ka thil chah aniang " tiin Cindy zawk atho tharh a ,Zothansanga hian min tihder vel mai mai anih te ka ring ta rum rum .




"E ka nu leh pate an awm lo asin U Zorini nen chauh kan awm a " Cindy in ati thawm te chu ka hria a ,mahse ka ph ka khawihsan mawlh mawlh.
"U Zorin hei U Ronald a " ka hawichhuak vut nangin rum zetin ka melh nghal zat. A Kamiz var hak chu a inhmeh hrep lehnghal! Abanah pawt tawmin akawrkilh chunglam pathum vel a phelh a,amah apa lian bawk nen a inrem thlup .




"lo inkawm rawh u room ah kalo awm ang " Cindy room ah alut nghal daih bawk sia la awm ve se ka tih nen .




" Chuan.." Ti fan ruihin ka bulah a rawn thu thla dawt a "min ngai deuh tu bulah ka kal dawn emaw ka tia ani lah chu alo thinrim daih a !" Ka tawng duh eihlo ,ka ph ka en san daih .
"Tinge i thinrim Bawihi" ka ph ala sawn pah daih!



"Khawi min pe let rawh rawn thleng har ropui si " ka tum loh deuhin ka ti chhuak palh.Mitmeng ti zim sun in " chuan kalo thlen har vangin maw ilo thinrim " ngeiawm zet chuan ati a ,melh duhlo in ka kut ka kuangkuah a ka hmalam ka thlir hmak.Ka lei hi ka venthat tehlul thin nen tunge maw kalo sawi thawt thawt ni?

"Ti teh bawihi tunah hian ka in pawh tlawh hmasa lo in kalo pan nghal che ,in lama peng kawi hmasa lo in helai kalo pan a min thinrim khum reng lo la " dam zet chuan ati sup a ,minlo oan nghal anih chuan chaw pawh ala eilo ang mahse han lungawi nghal rikngawt chu ka tlawmngai deuh.
"Lo kal rawh pawh ka tilo a " ka ti nangin alo kal loh erawh ka hlau viau thung a



"Anih chuan ka haw leh ..." " aih" ka ti nghal tung ."ih..ka thinrim tawhlo" ka ti bah nak a ,abanah kalo pawt tung tih ka inhre ve chiah !






Zawmna .....



Mitmeng chimawm zeta min melh chungin "min ui leh deuh si em ni" a ti sup a ,sawitur hrelo zetin ka hmui ka seh neuh neuh ringawt.
"Ih...ka thinrim tawhlo ,chuvang chuan haw lo mai la " ka ti ta sep a .Diktak chuan ngaihzawng neih lamah kher kher hi chuan ka bangbo lutuk ringawt ,tunah pawh hian inngaizawng an tih ang hi kan ni tawh em tih takngial pawh ka hrelo.Kalsan nih ka hlauh luatah tumah ka hnaih ngam ngailo a ,risk lak ve chhin ka duh na chungin ka bo hle bawk si .Ka awmdan hi a hahthlak ngawih ngawih.



"Ka ti thinrim che mi" thutak hmel zeta min melh tak run ah chuan ka ti leh sep a ,keimah zawk hi ka tah achhuak hlur tawh mai !
"Tun aia lungawi leh zual hi atheih zawk angem Chhingchhengte" ti supin a khi suk a ,ka thawveng huai thei .Alam hnaih deuh a ka thut theih nan min pawt hnai salh a "Mipa mahni inringtawk tak mah ni ila i lakah kher hi chuan inrintawk har ka ti viau.Ka nawrluih viau che ka hlauh luatah vawitam ka inngaihtuah a ,mahse theihnghilh che tumna rilru takngial pawh ka pu chhin thei eihlo" ka banbul tuau heuh heuh pah chuan ati sup a ,kei pawh hian akianga hun hman tam ka chak lutuk .Mahse ka hrilh zak mai pawh a ,akianga him bik hliah hliah a ka inhriat dan te hi hrilhhriat ve ka chak viau rualin engemaw hian min ti zam tlat a ,thil awmdan kalhmang kala hriatloh em vang ani pakhat maithei ani.




Kan ti ti kan ti ti a ,ka tih dan lo zetin sawitur ka hre ve thei phian mai.Akum alo tam tawh zawk nen kei ai daihin sawitur awm leh mawi a hre zawk a ,athusawi kalo chhanga kalo zawm ve zeuh zeuh bak amah deuh ngar ngar in thupui a rawn vawrh chhuak zel.
"I ril atam em ?" Ka ngaihtuah chhuak har lutuk! A in pawh pan hmasa lo in alo kal chuan engmah ala ei ka ringlo.



"Tam hranlo e ,thingpui erawh apawi lo khawp ang " ariltam tih a sawi hreh ani ngei ang . "lo awm lawk rawh aw " tiin ka tho vut a ,choka lam ka pan thuai.Gas bul vel chu ka en kual a thingpui han lumna tur pawh ka hmu mai lo.Bakah engtia siam tur nge pawh ka hrelo hrim hrim ! Mak inlo ti ange kan inah hian ka awm ve pawhin ka room ah ka tawm ngar ngar a ,tukthuan leh zanriah pawh ka ei khat khawp mai .Ei rawng bawl dan min zirtirtu an awm ngai miau loh vangin eirawngbawk phei chu thiamlo mai nilo angaihna ka hrelo hulhual..

Ka beidawng chuan kan nula ka ko ta tawp.Choka bul mai ah a room a awm vangin alo kal thuai a ,ka hmanhmawh nen no khat bak ka lumtir lo.Keimah hian ka inngai em em lo bawk a ,no khat lek chu a so har lo ngang bawk."Chhang a awm em ?anihloh pawn eitur enge maw tal " ka tih chuan fridge hawngin cake a rawn phawrh a ,plate ah a rem nghal zung zung.
Thingpui no ah thlichhuakin cake nen min pe a ,keiin Zothana bulah ka keng ohei ve thung.



"Ahmeh tur Cake chauh hi ka hmu a " ti sepin aban theih turin ka chhawp hnai sak a ,alo ban thuai.Abulah bawk ka thuthla ve leh mai a ,thingpui a in chuan a khi suk tih ka hre thei nghal !
"Atui lo mi" ka ti nghal thuai .


"I siam em ni?" Atih chuan ka ngawi rauh rauh a "ni chiahlo" ka ti fan duai a kan nula siam ani tih erawh ka sawi duh chuanglo.Sawisel loin a in ve mai bawk ,kan nula chuan a siam tui nge tuilo pawh ka hre tawh chuanglo.Cake chu slice khat chiah a ei a a duhtawk der bawk.A riltam viau ka rin laiin ka beisei ai daihin a ei tlem leh lawi sia .

"Kava dahfel ang aw " ti in choka lamah ka chawi phei leh a,wash basin ah ka dah tawp a kan nula in alo ti leh mai aniang chu.Ka tihve pawn a tifai nawn leh ziah tho a inti buai duh loin ka let leh thuai a ,akiangah thuthla lehin sawi tur erawh avang tawh kher mai .




"Naktuk ah i hman angem ?" a rawn tih thut chuan ka chhang mai lo ,naktuk chu inrinni ania tihtur em em ka neihloh chuan thlana kal ka tum rilru duh kha ania "nei chiahlo" tiin ka chhang a bu nghut nghutin "ka nu te ho in fahrahin tlawh an tum a ka rualin ilo kal ve duh angem ?"
"Maw " ka ti hu ...."fahrah in maw " ka ti leh sep a ,vawikhatmah kala kal ngai miahlo.
"Lo inring la dar sawm ah kalo lam dawn che nia " chhanna ka pek hma in thuthlukna a siam fel leh der tawh! Amah vekin thutlukna asiam leh dawn tho te chuan min zawhloh law law awm ka ti rilru neuh neuh .




"Report ziah kala ngai a ,pawn thleng min thlah ang chu tiraw " ka thlah ngei beisei zet in min melh ka ti mai ,sana ka en chuan dar kua alo ri tep tawh a mahse la haw lo se ka ti ru viau.Engtin nge hun te hi alo kal chak tak viau ni ?
Huphurh zet chuan ka tho them them a "ilo leng leh angem " ka ti chhuak sep.



Nuih insum zeta min melhin "ka zuiruk hlau deuh te kha an awm a " atih sup chuan ka melh hrep.Khang hunlai te kha chuan tunang hian kala hre chiang tawp silo a ,min chhaih nan tak hian ahmang ve ziah !
"Lo leng tawh tawp suh" ti hmakin ka hawisawn hmak a ,anui chhuak ta hawk ."Naupang titau thlem ngai kan awm em ni?"




"Amak e Zothansang " ka ti vak ,naupang te reuhte ang maia min chhaih hian ka haw tlat.Amah apalian in a kum a nau tawh bawk silo ,abialnu ang pawh hian min enlo a fanu ang hian min en zawk hialin ka hria!
"Khatia min tih leh chuan ka duh tawh miah lo ang che " "what" ti hlukin awrawl chhuah meuhin a nui hawk hawk a,ka tum lian viau tawh .Ka thinrim ringawt bawk ! "Ok..ok ka nui tawhlo ang chuan min thlah dawn em ?" ti supin min chhuk melh ngur a ,tum bur chungin pawn lam ka pan hmawk hmawk.



"Thinrim chuan inkalsan lo e " let leh mai ka tum chu rawn ti supin ka banah min pawt ding a ,alamah min pawt hnai thutin a awm zawnah ka in tauh dawt "min dim ve deuh la" ka ti chhuak hluk.Thinchhia min ti tawh ngawtin ka ring ani .
"Khawiteh min thlah rawh " tal chhuah tum mah ila min thlah duh tlatlo! Tha ah ka hneh lo nasa mai sia "i thinrim reh phawt se " ati duh lek chauh.Ka thinrim tih pawh kalo inhriat tawhloh lai a
"Ka thinrim lo ka thinchhiat vang anih hi" ka ti deuh hrep a ,nui mai mai in min melhna ata amit alasawn eihlo bawk.Tianga hnai a inmelh hi alo nuam em em viaulo tih ka hrechhuak chawpchilh .



Gate bul maia ding kan nih vangin mi in min hmuh ka hlau hle a ,min kuahbet tu lah hian ahlau ve miahlo emawni? Ani phei hi chuan hlau zawk awm tak Pastor ani lehnghal a ,kei nen a mi in min hmuhdun ringawt pawh hi mithenkhat tan chuan khel tham a tling dawn lutuk ringawt.


"Min ..." Ka sawi zo hmanlo a hmui chuan ka ka a rawn kharchilh hmiah! Mengphar awkin engtia lo chhan tur nge hrelo chuan ka dawh mawl tawp.
"Bawihi imit chhing la i hmui ti che ve rawh le " ti thawp supin zei zet chuan ka hmui a pet leh a, a sawi ang chuan ka hmui ka ti che ve det.Mahse ka la chhang thiam ve chiahlo.A tawp nan ti niawm takin ka hmui hnuai lam chu a pet ngawng ngawng a ,inla hrang detin ka hmui bulah thaw ham ham in ka hmui vel chu asa hut hut thei nia! "Lut tawh rawh le chhingchheng te " ti thawp supin ka hmui hnuailam apet leh zeuh a a inla hrang ta hlawk.

"Naktuk chu lo inring la ,lut tawh rawh le" dam zeta tiin a kut chu akekawr chhungah a zen lut a ,lut turin kawngkhar lam amitmei zeuh bawk .Harhchhuak thutin kan in lam panin a tlan in ka tlan ani mah zawk ,engtin nge khatiang khan min fawh riknhawt theih? Dil pawh min dil hmasa eihlo in ka first kiss a ru ringawt a ! Kawngkhar zawn ka thlen chuan ka hawilet zawk a minlo la en reng ,inchhungah lut vatin ka room ah ka lut a darthlalanga ka in en chuan kalo tai hlar mai! Ka hmui te chu hnawihsen hnawih ang mai hian atai hlar a ,chutiang bawkin ka biang pawh.
Nichin lawka kan awmdan ngaihtuah letin keimah in khumah ka tal chian ringawt ,ka zak...ka lungawi chiah bawk silo mahze chu ai mah chuan ka zahna anasa zawk mah ang .Naktuk ah pawh ka hmu ngam dawnlo chiang sa ,anu te an tel ve dawn leh lek phei chuan ka hmu ngam teuhlo mai .




Ronald pov.



Nui hawkin ka thaw chhuak huai a ,ka rin ang chiah.Tumah sulhnu ala awmlo ngei ani ,chumai nilo in thil chinchang ahrelo hle bawk .Chhinchhengtei theihpatawpa a tlan ve lai ngaihtuah letin ka nuih lek ang suk suk zel a ,in a hawn deih nise chuan chuh buaitu awm hman lo lekin ka che rang viau ang .
Ka inluah ka thlen chuan alo reh thiap ,kawnkhar hawngin ka lut a ka bungrua hungfel nghal vekin intleuh thuak tumin towel dahna ka hawng nghal zat bawk .Mipa fel famkim tak chu nilo mah ila chetfel loh erawh ka ngaithei hauhlo.Engkim hi a hmunah vek awmse ka duh dan ber ani .Tlangval senior hri thenkhatin an tih pawh hi a dikna chen a awm ve viau ta ve ang le.




Ka inbual zawh chuan ka inhru hul thuak thuak a ka computer hma ah ka thu nghal chat ,report ka ziah tak tak hma tiin ka ph banin ka chhingchhengtei ka call a ,a chhang hauhlo.Whatsapp ah msg ka thawn a chupawh achhang lo mai nilo in a seen duh thaklo! A online tih erawh a inziak kur a ,nui sukin ka ph ka dah ta nge nge.
Atan chuan engkim mai hi thilthar ang vek ani a ,chuvang tak chuan dimdawi leh dawhthei taka enkawl angai zual.Mihring tuma laka rinna nghat ngam tawhlo hian zawi zawin min rinchhan se ka duh.Chuan Pathian laka a hel tlat na hi zawi zawi a arilru thlakdanglam sak ka tum bawk.Vawilehkhata a thil tih tam zawk sim vek tir nghal hi a fuh berlo,ruihhlo lamah engtiang takin nge atal ngap ka hre lo chungin atan pawh sim thut aharsa dawn .Keiin a ka nawrluih aiin amah ngei hian sim tumna nei zawk se arilru ah intuh nghet in tumna tak tak anei thei zawk ang .Tin kaihruaitu tha tak amamawh a keihian ka kaihruai dawn ani.



Ka duhna piah lamah amah hian hmalam pan se ka duh lehzual viau .Tunah hrih chuan amitah hlauhna ala hmuh theih a ,zawi zawi in akiansan ve mai beisei phawt ang.A chungchang tam zawk chu ka hre hnem thawkhat viau tawh bawk. Sawihat kai khawpa tal ngap anih piah lamah achhungte nen an inpawhlo zia mi ka atang ka dawng hnem ngang mai ,an sawi dan zawng zawng erawh a dik pumhlum lo hle thung...
Mipa zawng zawng kawp thei leh hmeichhe rapthlak zet angin an sawi nangin a sawitu tam tak aia athianghlim zia hretu ka ni .Ruihhlo erawh ka hmuh lai ngeia ti anih vangin achiang tawh a ,chubak a sualna han sawi lua tur erawh ka hre ve hauhlo thung.




Ka glass vuahin ka report ziahah ka insawr bing ta zawk a ,darkar chuang computer eng hma a han thut ngawr ngawr chuan taksa akham thum bakah mit pawh athip duh viau mai .Ka zawhfel meuh chuan dar sawmpahnih alo pel thuak tawh.Indah fel zung zungin ka report ziah ka ennawn leh thuak a ,ka print thlap hnu ah ka mu ta chauh .



......
Ka zingtlan haw chu ka nu te ka be hmasa te te a ,Seling an rawn pel tawh a an rawn kal tluang viau mai.Ka pa pawh a rawn telve anih hmel .
Tunah hian ka nu leh pa bakah ka u chiah te nen champhai ah an khawsa ve mek a ,ka u inpui nghak hi Bank lama thawk niin anupui pawh bank hnathawk tho ani a rural lam ani thung.Ka pa te erawh leilet neiin a enkawl tu ruaiin an ni erawh in an enpui tak tak chauh ani.





Ka ph a mesagge lo lut chu enin k nui hawk ,Ka kianga a awmlo chungin minla tihlim thei viau mai msg type peihlo in ka call a, ala la duh chuanglo! 'Phakar reuh lutuk' ti supin ka dah a intifai turin bathroom lam ka pan thuai .








End of ch-7



Tunkar chho chu ka regu hman daan aw ,karhmasa lam kha chu ka chiang vak loh bakah ka buai deuh a ,comment chhiar nuamlo a awm hnem viau ka rin in inva dawhthei hlawm tak.🥰


Show post links
Top

[Ngaia]

*Ronald Zothansanga* ch~8
By~Natasha Hrahsel







Zorinpuii pov.

Ka kuttin seh neuh neuh in ka room ah chuan ka vei kual sek a ,Zothansanga dawt hrilh tur dan ringawt ka ngaihtuah.Nizan a kan inkiss vang khan ka hmu hreh ngawih ngawih tawh ,chumi piah lamah anu te kianga hun hman ve chu ka duhlo hrim hrim.Tinge nizan khan kalo hnial vak loh ni? Mahse hnialna hun min pe lo hrim hrim ve bawk ani.
Ngaihtuahna tha deuh in ka ph ka ban vat a 'ka nuamsam lo kalo kal lo mai ang' tih chu thaw dep dep a type in ka send a ,a awih ngut a ngemaw chu?




Call a rawn luh nghal zat chuan ka cut hmak.Ka insawi awk mai mai ka biak chuan .Message bawk type lehin ka mut dawm thu ka hrilh a ,ph ka dah hmak .Awihlo pawh nise ka kal awmlo ,tunge khatiangah tawh anu te nen lehnghal kalchhuah pui du du duh ang ni .
Ka ril tam deuh vangin inhnuai lamah ka chhuk a ,alo reh leh thap tawh ! Kan in hi chu a reh em em reng zel mai anih hi .




"Eitur minlo siam aw " kan nula bulah chuan tiin kitchen table ah ka thu kai a ,sitting room atanga ka lak Vanglaini chanchinbu chu ka chhiar nghal zat.A enga mah hmain thalai pual chu kan keu nghal pawp a ,apage hmasa ber hi chu ka chhiar peih thlawtlo .MCS tihvel nihtum ho chhiar tur ah ka dah ve tawp.
"Tomato hi ka ti hmin duh angem ?" Min en ngamlo nge khawdang hawi chungin min bia ! "Aih ahel khan dah mai rawh" ti sepin ka thil chhiarlai bawk chu ka chhiar zawm leh a ,amawnga believe it or not tih chu ka en ziah nangin a 'not' laiah ka rilru a awm zawk ziah.Ka mita ka hmuh ngei loh hi chu awih mai mai chi ka ni tlatlo .





Eitur min chhawp chu eiin theitui a rawn chhawp tel erawh ka ban hranlo.Tui hi ka duhtawk viau hrih ani .Ka ngaihtuah rauh rauh a tunhnai hian inah ka awm hnemin zu leh party tihvel ka tel tamlo khawp mai! Ka tel tamlo tihpawh nizan ka mu theilo in ka ngaihtuah chhuak zawk a ,ahma a ina awm ning ngawih ngawih chhuahna zawng ngar ngar ang kha ka nitawhlo tihna nilo in ka tuar thei ta viau mai !
Ka chhungte nen kan inkar atha ni miah silo in ka nu nen pawh kan inhnial khat ta viau bawk .Kan inhmu tlem ve bawk em a ,mahse ahma pawh khan inhmu tlem viau mah ila kan inhmuh chhunah erawh kan inkhak ngei ngei ziah tho nilawmni ?




"Khawnge midang ho hi ?"




"Maw? Min bia ami" tia kan nula in min chhanlet chuan ka thaw hak a "khawnge midang ho " ka ti nawn leh sap .Tinge maw henu hian ka awm atih nawmloh tlat thin ni ? Ahmel te lah hi atha vei puak a ,min hlauh hmel deuh a awm chang lah angah .
"Ih Pi leh Cindy chu an bazar dun a ,Pu chu Zemabawk lamah akal dawnin ka hria " ti bah nak in gas stove chu ahrufai mawlh mawlh.

"Anih tak chu" ti in ka tho tharh a ,fridge atang tuivawt la chhuakin ka in khawlh khawlh.Ka simtheilo zingkara tuivawt in hi ,athatlohna phei chu ka hria a zeng pawh ani chuanglo.
Zothansanga dawt kalo hrilh laklawh tawh sia ,vawin nilengin enge ka tih ang aw ? Ka mu mai mai peih reng bik silo ,ka bazar mai mai zawk dawn emawni ?




Ka thutna ngaiah bawk let lehin ph khawih mai ka tum a ka room ah ka kalsan tih ka hrechhuak thut.Ka va haihawt tak em .
Ka room lam panin ka chho a ,khumah ka ph chu alo let bal mai .Ka ban kang chiah tih chuan call alo lut ve nghal zat thin phu dep dep in ka en a Hruaipuii lek ! "Hello " ti nghal zatin ka thinphut chhan ka ngaihtuah a ka nuih aza viau .



"Enge vawin i tih dawn ? MC ah thawmhnaw an sell dawn asin bazar ila " ava han thawveng ber tak e aw ! "Nang bazar pui che chu kan hah thei emai" ka ti chiah chu a rawn pawr tha khawp mai .Ka bazar pui apiangin ka mamawh loh ka lei haw teuh zel bakah amamawh ho a tam thei bik lutuk a kenpui angai leh sia ka rawl thum ziah .
"Ka ring che nia ,bazar ang aw "



"Awle rawn kal kawi la minlo lam anga awi.." Ka phu nasa lutuk chu ka ph ka thlauh lo chauh! "Nang eng...enge ilo tih dawn " ti nawk nawk in ka hamhaih lutuk a chet mai nachang ka hrelo.
"Ka call pawh chhang theilo chu khum bet a i nat ka lo ring a " ti supin ka room chhungah a rawn lut zui! rlEngtia rei nge alo din tawh ang? Ka sawi zawng zawng kha ahrevek anih chuan ...awi...dawt ka sawi tih ahre chiang dawn lutuk ringawt.
Het ,engtin nge ka room ah a rawn luh ve rikngawt ngam ?





"Enge ilo luh ve ngawt ,nilo engchen nge kawngkhar bulah khan ilo din tawh " ti nawk nawk in ding turin ka kutin ka ti a ,a ding chuang lem hleilo a ka bul setah dingin min chhukmelh ngur .



"Bazar lam in sawi lai vel khan " tisupin nui hmel pu duh miahlo chuan min chhuk melh ngur "chuan ka bula kal tur chuan o damlo a ,midang i chhuahpui leh thei dawn tho a !"

"Ih..kha kha chu ..naaa..ka zak alawm .Bakah inu te an tel dawn bawk si,Fahrah inah ka kal ngailo hrim hrim bawk " ti chiamin ka khumah ka thu thla dawt.KA thut hnu phei chuan dah vak angai tawh ahmel en tur chuan.




"A engber chu maw i zah a ?"a tih sup chuan " i hre reng " ka ti vak ringawt.

"Nope ka hrelo sawila " kava han ning tak ! Ahrechiang lutuk ringawt ahmel lah chu nui duh eihlo in a tum ang hmuk a ."aw min kiss a ka zak alawm inu te hmuh bawk ka zak" ka ti chiah chu atthlak tih hmel zeta lu thingnghutin a nui nghawr dawt !
"Ka kiss vang che in maw ka ruala chhuah i duhloh a" ka chhanglo ,"anihchuan" ti supin ka inrin hma hauhin min bawhthlu dawt a ,ka inring silo nen ka mengphawk nasa ngang mai.Kan ke ve ve in chhuat ala tawk a ,ataksa erawh ka chungah awmin a kutin a in namkhalh ran bawk.
"Hei..awmsawn vat rawh" ti sepin nemsawn ka tum a ache eihlo!



"A zahthlak loh tih ka hmuh ang che " a sawi zawh rual chuan a hmui in ka hmui a rawn kharchilh nghal hmiah . Ka chesawn ngam eihlo reng reng.Zei zeta a lei ka ka chhung a a hawl luh meuh chuan ngaihtuahna mumal ka pu thei tawh lo! Pastor ni mai tawh tur ani tih awih harsa khawpin a zei a ,ka bekah akut lehlama chelhin a inla hrang hlek a thaw ham ham in ka chhoh melh kar thung .
"Tikhan ila zak em?"



"Ka ringhlel che " ka tih chuan amitko san euh in "eng ah chuan maw " ti supin min zar tu ka hmai a sam chu a a huisawn a "pastor in khatiangin inkiss an thiam ngai ami?" Nui nghawr dawtin a taksa nghawr chuan keipawh min chettir ve lo theilo .Kg 80 chuangin min delh a ,arihna zawng zawng ahmang lo chungin kei nula te ve tak tan chuan a rit tham em em tho.
"Ka sawi fo kha bawihi ,Pastor te pawh mihring ve tho ,kei ngat phei chu tlangval leh nghal ." Tlangval senior chu a intih duh bik thaklo.



"aw anih awmsawn tawh la ,mi anlo kal ang " ka tih chuan alu athing nghut a "ka ruala chhuah i duh hma chu tihian kan awm ang " a ti tlat .
"Ka zak alawm i nu te an awm dawn phei chuan "



"Mi ropui tak an ni biklo ,zah chhan tur a awmlo" ava han hrethiamlo tak ,"tho phawt teh" ka ti ta thlawt. "I rit sia ka hah vek tawh " ka ti leh sep a ,min chhang phawt rawh ti ang hrimin min melh ngur !

"Aw anih leh ka zui ang che " ka ti ta nge nge ,a duh ahmu ta aniang chu atho ve thuai .Phakar reuh lutuk mai .



"Ka insiam chhung lo va chhuak rawh" ka tih leh hlar chuan khi sukin kawngka lam apan a ,rawn hawilet zeuhin "nalh deuh khan aw" ti supin a chhuak nghal vut.Pyjama nen ka kal nghal loh.
Ka wardrobe hawngin ka thawmhnaw ka enkual a torn jeans ka phawrh zet nangin awmanglo ti leh hnuhnawh in ka dahlut leh thuai .Huizz Zorinpui engtik atang khan nge mi ngaihdan tur dawn a i in chei thin ka rilru in ka inti mawlh mawlh .Ka thlek kual fe hnu ah ka thawmhnaw tam tak zinga ka hak ngai meuhloh chuan ka mit la chatin ka phawrh a ,class 12 kan nih tum a felicitation day atana ka lei kha ania ,mahse hak lohin ka la dah char char.Ka mit la zan a ka lei mah nise felicitation day a min hruai tu tur chhungte ka neih ve miau loh vangin ka kal talo a ,tihian hak loh in ala awm ve char char .
Kawrfual senno rawng kai dal deuh ka khup chenvel anghawng V ani a ,aban pawh banbul nichiah silo in tlem a awm ve chauh ani a simple viau bawk .A mil turin sandal senno dal riai mai chu ka bun a ,la sam thlah tawpin khua alum ringin ka hmai pawh sunscreen leh libglose chiah ka inhnawih.Makeup hi khawlum ni ah chuan han hman vak a nalh rei chuanglo a hman tul ka ti viau lo .




Ka room atanga ka chhuah chuan room pawnah alo ding reng chu niin ! Min en vung vungin " i nalh lutuk" hmui phunin a ti sup .
"Kal ang" tiin chhuk hmasa ah ka tang a ,ka hnungah pen ri khup khup in min zui nghal.A inchei dan chu kalo enchianglo a a inhmeh phian leh nghal! Cotton kekawr uk kharh ha in Tshirt nghawng V aha leh tawp a ,mahse alang changkang em em tho !




"I mawl ami" pawn kan chhuak chu ka ti hluai ,anui suk suk duh chauh a ! .
"Khawnge i motor " bullet lawk zet melh rauh rauh chuan ka ti chhuak hap.Hetiang a chuan chu ka inthuam dan nen inrem lo lutuk ringawt .
"ka inthlak leh dawn " ti a kal mai ka tum chu min dang leh ang lawi a " kan thlak chho mai dawn nia " atih tak tlat ah chuan ahnungah betlo zetin ka chuang ta nge nge .Bullet anei tih pawh kalo hrelo hrim hrim ,bakah ka ngaina thlawtlo .A ri dut dut te hi mi khalh mah ka huat nak laiin.




A quater luah ah lutin a motor in kan chhuak ta zawk a ,kan chhuahfel meuh chuan dar kua apel duai tawh .
"Ka nu te kan nghak lawk dawn nia " tiin zemabawk lam min panpui a ,ka zam ve ringawt te chu amak zawk ! Ka kut sik neuh neuh in anu sual leh sual loh te chu zawh mai ka duh hial zawk ..
Bawngkawn kan thlenin traffic jam ah kanla tang zui .Chawhma lam chauh ala nia khua alum nghal em em a ,nge ka zam vang zawk ni pawh ka hre chiahlo.



"Ninawm " ti hluain ka thaw hak a ,kan tang rei tawh lutuk chu ka ning lutuk ringawt.Inrinni hi chuan traffic atawt em em ringawt zel a ! Kawng te hi zau deuh tih dan a awm eih tawh silo.
"I ril atam em ?" A rawn tih sup chuan "aih" tih bakin ka chhang lo.Riltamna hun ala nilo hrim hrim .
"A rei tawhlo ang" ti supin ani pawhin anin hmel viau mai.Kan hnunga mite angin horn ala pe ve lo zawk a .Kan tang vek a horn an pek rik vak khan kan tlan theih pah tawp silo a ,dawhtheihna an tlachham hlawm lutuk mai.



"Ehemss "
Ka side lama tlangval pahnih bike a inphur te chuan min la rawn chhaih zeuh zeuh zui.Ka ning takzet
"Va phur chhelo ve " Zothansanga chu phun hlukin ka thutna lam glass a up nghal hmak ."alum lum nen " ka ti sep chu min melh ngur pah in "an chhaih che kha nuam iti viau a" ngeiawm zet chuan a ti bak a ,engtin nge tikhan a sawi theih zawk?



"Mi chhaih nawmnah nih kha anuam ka tih iring ami ? Alum ka ti mai anih kha " ti vakin ka melh let hrep. Thaw hawkin " sorry " ati sup chu ka duhkhawp lo nasa
"Kawngkhar hi hawng rawh ka chhuk dawn ,ka zui peihlo che " ka ti sep.Hmeichhe zahawm tak ka ni chu ka tilo mahse khatiang mai mai a ngaih theih hmeichhia chu ka ni biklo hulhual....



"bawihi" ti hulhin alam ka hawi duh eih lo ."ti teh thinrim lo la " atih leh pawh chuan "kawngkhar lock na hi hawng rawh" ka ti nawn leh sep tho.
"Atha e ka thiamloh ani ,ka thinrim ka insum theilo anih kha ka tihpalh" ti supin a lam hawi turin min kuai her deuh a ,ka la lungawi kim zan lo



zawmna ......









"Khatiang kha engtin nge an tih thin i hria em ?" Melh kalh chung chuan ka ti fak a ,"sawi la " dam zet chuan ati leh daih tawh! Nichin lawkah thisen zam pawng tawlh tawlh khawpin a insehruh a ,hepa hi chu ava han dangdai ve chiang tak .
"Thikthu chhia an ti" ka tih leh sep chuan nui ruh ruh in hmalam a en daih zui .Tawnhriat neilo mah ila tunah khan athik thu chhiat vang ani tih ka hai bik lo .





Zemabawk kan thlen chuan anute an lo la thleng ve lo a ,kawngsir remlai ah dingin kanlo nghak ran .Kawngsiam vangin an dingkhawmuang rih ani awm e .Zothana sawi danah tlai lama haw leh nghal tur an nih hmel sia an va chau duh dawn ve aw ka ti rilru neuh neuh.Champhai te chu ahlat ve reuh nen darkar tam tlan ani sia ! Alo berah khawvar hma in an rawb chhuak hrim hrim ang tun anga lo thleng tur chuan.




"Mama i nau kha ka bikilh mawi hi leisak ve ta che " pitar pakhat in ak bawr teuh chuan a rawn ti a ,ka nuichhuah loh nan ka hmui ka hup tawp. Ka bula ding oa lah chu anui duh der lo ,anau emaw minti chu alawm vak hmel loh.
"Ka nau nilo in ka bialnu anih hi " ngaihthlak nuamlo nimiah silo a ti hmukin ka lo nui chu min han melh rum ve ngei ah !





"Aw in inlen hleih ropui sia i nau emaw kalo ti mai asin ,min hrethiam teh u " keimah zawk ka tum ve hmuk.Ka tet vang ani bik lo Zothansanga lel lawl hi a lian em alawm.Ka lan tet vek phah lo theilo.
"Ala thang dawn alawm" nui ruh ruh chunga pitar achhan chuan rum zetin ka melh a ,min en duh thaklo ."Bakilh hi leisak ve la ,ahmeltha sia a inhmeh dawn lutuk " akut chuar ve tawh tak ,nisa ado nasa tih hriat zet a uk kharh chuan bakilh mawi zet hi a rawn phawrh a .Naupangchhia viau mahse amawi ka ti em em tho.





"Bawihi i duh em ?" Ka bula ami in atih chuan ka bu nghut nghut .Nidangah pawh ka kilh duh reng dawn tih ka hrechiang .Ka sam ka tawn khatin bakilh hi ka kilh khat khawp a ,hei erawh amawi ka ti in ka mit ala ve tlat .
"Ka pi kanlo la ange ,hetiang ang deuh hi adang ala awm em ?" Zothana'n atih chuan kalo melh haw a ,engatan nge maw atih ni ?Pitar lah chuan alo ngah ngang mai ,a phawrh mawlh mawlh a "bawihi i duhzawng dang thlan belh rawh " atih nghut chuan sawisel loin ka thlang ve mai bawk a .Set khat 50 ati ve reuh a ,pahnih kan lak vangin min tlawm atum nangin kan duh biklo.
Zothana'n za nga tlang apek chuan "aw..pawisa nawi kava nei daih dawnlo ve aw " tih neuh neuh pahin a bag ahai rawk rawk a ,pawisa nawi ka neihthu hrilh tum a ka bag ka zen chu ka banah Zothana'n lo chelhin " Ka pi min kir duh suh ,tikhan ani mai" ti deuh nghulh in pitar ai mah mah chuan ka meng phawk zawkin ka hria ! Abang pawh zali lai tur ala nia !






"Aw khaih a ! Ava zialo e pawisa kir tur cheu lah chu kala inhralh lo a ka nei silo" ti chiamin Zothana chuan "a pawilo" nui suk chungin alo ti mai a ,chu pitar lawm hmel lutuk chu hmuh ava hrehawm lo chiang em !
"Lalpan alet tamtakin malsawm mawlh mawlh cheu rawh se ,ka va lawm ve aw " alawm zia hahipin a sawi a amittui te hial atling in ka hria ! Kal pangai tak pawh a kal tawhlo in a upa tih hriat takin akal kun tan tawh a ,akal liam thleng chuan kan thlir reng .





"Bawihi ,amamawh zawk te sum leh pai kherlo pawh kan pek hian achantu kan nih phah lo a .Pathian hnenah kan sum kan invest zawk tihna ania ,kan mamawh hunah tak Pathian khian alet tam takin min rul leh thin .A laksaktu nih ai chuan apetu nih hian hlimna kan dawng nasa zawk ania " ati charh charh a ,athusawi chu ngun zetin ka ngaithla a ,engtin mah ka chhang lemlo.
Pathian thatzia ka la hmu ve ngai lo a ,ka tan chuan athusawi te kha tha viau mahse ka thinlung zawng zawng in ka pawm theilo.Pathian pawh khian kan mamawh ngawih ngawih min laksak ve tlat atin ni ! Tinge mihringte zawk ,ama siam ngei te hian nasa taka kan damchhung tawite ah kan tawrh angaih bik?



Zothana'n kha pitar atanpui erawh ka sawisel hauhlo ,kha pitar mitah khan athinlung tak takin a lawm tih a hriat theih a .Khatiang ang tanpui kha chu thil tha tak chu ani chiang alawm mahse Pathianin min rul let leh thin tih erawh ka ring hran chuanglo.

"an lo thleng e " atih sup chuan kawngpui lam ka melh vat a ,Car pahnih rawn inzui te chu an nih ka ring ve ngawt .Kan zawnah rawn dingin ahmasa zawk atang chuan nu pakhat inchei simple zet mai hi a rawn chhuk a ,anui nghal ver ver mai !





"Rin aiin kan tang rei zawk a ,Mama kha kha emni Zorini chu ?" Ti nghal zatin keimah zawk chu min rawn pan thuai.
"Iva hmeltha em em ve ,i chanchin hi chu Mama hnen atang kalo hre ve nel nual tawh a asawi ang chiahin ilo hmeltha ngei mai " atih chuan lai zetin ka nui ringawt.Fak nih chu anuam a ,hmaichhan em a han infak chiam hi chu anuam viau lo.

Keimah ang chen vel lek tur hi ania ,engtin nge hetiang tiat ve lek nisi hian ka bula mipa palian zet hi ahrinchhuah bik le ? Engtin tak chawm bik ang maw ?




"Nu ,i thiante ho an awm ve sia tlaia haw leh intum nen kan kal nghal mai dawn em ni" Zothana'n atih chuan anu pawn apawmpui khawp.Anu abiak danah an inpawh viau anih ka ring .
"Kal leh nghal mai ang ,hma hruai ula kanlo zui dawn cheu nia kan driver hruai sawn kawng ala hre ve dawn silo a .Zorin kan bulah lo chuang ve daih la " Zothana nu in atih chuan ka bula mi alo phun hluk.Anu chu nui uarh uarh in "a hauh na emai che lo chuang lehlo mai rawh " nuih pah a ti in an car chuanna lam ah akal a ,keini motor ah kan lut ve nghal zat bawk .



Tlanchhuak hmasa ah tangin Hmangaihna In lam pan chuan kan tlan a ,kan hnungah car pahnih te chuan min zui bawk .Zothana nu te thianho intelkhawm in fahrah in ho an tlawh kual thin hi alo nia ,keiin vawikhat pawh kala tlawh loh laiin.

"Ihmaw lo ngai haw lo la " tisepin alam ka hawi a ,nui sukin "ngai haw lo e "ka sawi dan chiahin alo ti ve kher.Ka sawilo tawp zawk dawn emawni?
" I pa alian em ? Ka tih chhan chu nangmah i lian ropui sia inu kha keimah ang tiat lek ani ve tho sia ,engtin nge an chawm che " ahuat ka rin nen awrawl chhuah meuhin anui ta hawk hawk. "Bawihi leh ! " sawi zawm lo in a nui leh te te a ,keiin thutak zetin kalo thlir reng thung. "Ani reng alawm ,keipawh ka nu ate a ka len loh em hi " thutak zeta ka tih chuan a mintih hmel zetin min en a akiai leh suk ringawt.



"Heti hian ti mai teh ang ,ka pa hi pa hrawl lian ve tak ania kan chhun fuh ani mahna " ti supin anui pah suk a ,keipawh ka pa ate bik miahlo mahse keimah ka te tho sia ! Ava han piang vannei bik mai mai tak e aw ,Ft nga vel chauh han ni chhin se ka ti rilru viau .
"Chu lian minlo ti viau elaw " atih sup chuan " i ninawm " kan ti ringawt a ,anui suk suk reng mai ! Nuih hi a duh ve ngawt mai ,achang leh Sapui hliam tuar ang maiin a hmel arum leh em em zel tho sia !





End of ch~8




Atawi ti lo ula zanin ah vek Ch-9 ka rawn dah leh nghal dawn aw ,hei chu nizan ah ka sawi ang khan kalo dah lawk anih hi.





............


Show post links
Top

[Ngaia]

*Ronald Zothansanga * ch~9
By~Natasha Hrahsel


#ch-8 zawmna a awm kha aw ,tlem te ani nangin akhingbai lohnan inlo chhiar dawn nia #





Home kan thlen chuan naupang ho kawtah anlo infiam nak nak a ,kan motor tlan lut chu an infiam thulh meuhin anlo thlir ve ngei bawk a ,naupang tereuh te te ho chuan an ban vai lauh lauh in min lo lawm ve ngang mai!
Motor atanga chhukin ka han hawi kual a ,an chenna in chu rin ai takin a nawm hmel mahse heti zat naupang fahrah an han awmkhawm chuan rilru a ti na ve rawih rawih thei nia ! Engtin nge an ril a rah ngei an fate hetianga an kalsan tawp theih le ? Engang dinhmun ah pawh ding ila kan ril arah te hi chu kalsan tur kan ni miahlo ,kei chuan ka kalsan ngailo hulhual ang .Tlang sang tak tak pawh lawnpui ngai mahse ka lawnpui mai ang.




Zothana nute ho chuan an thil ken sak ho motor atang an han hlangthla zung zung a ,thawmhnaw bakah toys te ,eitur chenin an kensak anih hmel.Kei erawh tihtur hrelo in kalo ding ve reng ringawt.
"Zorin ..." Nu Muani Zothana nu in minlo koh chuan ka hawi vat a ,"Naipang ho hi eitur lo sem kual ta che " atih chuan a eitur rambo polythene a aken khah hnur chu ka ban ve mai bawk . "Naupang te u ,a u Zorini hi lo pan ru lem " tiin a han au khawm lawng lawng a ,min rawn zim tak huk ah chuan ka ding nghet thei meuhlo ! Min neksawn ang zung zung a !




"Inchuh lo in ka pe vek ang cheu " ka ti ve lawng lawng nangin an kut an rawn dawh thup bawk sia ,ka talbuai ti tih deuh. "Hei lo la suh ,ka sem dawn cheu lawm " ka thusawi an ngaithla duhlo reng reng nia ! An rawn ban pawp pawp a ,athen phei chuan pakhat ai tam an la .
"Hmanhmawh loin " ka thusawi chu hria angin an awm lo reng reng .Hmeichhe naupang pakhat an nek tluk thlawp chuan "Hey.." Ka ti vak .Chu hmeichhe naupang kiangah chuan thu hnai vatin a nek thlutu naupang chu ka en a "tinge i nek tluk a " ka ti vak.Ka rinloh deuhin chu naupang chu a tap ta mai ! Ava buaithlak tak em aw ..
"Awi tap suh...tap lo la " a nek tluk zawk pawh atap tawp silo a ,a tap ring mai sia Nu Muani rawn hruai ho chuan min melh thup tawh si ,chu naupang lah chu ala tap uar ang deuh deuh a . "hauh pawh ka hauh loh che kha aw tap bik suh " ka ti chung pawhin a bang duh miahlo ! Naupang dang ho chu an tlan darh tawh a ,chu naupang tahbelh zet nen chuan kan inthutchilh ran bawk .




Tihngaihna hrelo zetin ka melh tawp a ,atap bang theilo emaw tihtur khawpin ala tap char char ! "I hrawk te akham tawh lo ami bang tawh la ,nangmah vangin mi in min en thup ania " ka ti tiau tawh. Kan bul vela miten min en thup tawh bawk sia keimah zawk hi ka tah achhuak vek tawh zawk.
"Bawihi enge awmzia "



"Hei...ka velh tah ani miahlo ania ,naupangte a nek tlu a amah hi atap ringawt abang duh miahlo ania " kalo ti nghal tung a ,huipap in naupang bulah chuan athu hniam a abengbul ah engemaw sawiin aphun sup.Chu naupang tap bang duhlo chu a bang nghal hmak bawk ! Engtin nge atih bik a ? Ka thlem nasat nen a bang duh thaklo a ava sual reuh tak.
Chu naupangte chuan Zothana bulah engemaw sawi ve niap niap in lawm hmel zetin akalsawn daih zui a !



"Eng...engtin nge itih bik" ka mak ti chuan ka ti bah nak .Kha leh chen ka thlem a bang duhlo kha Zothana'n reilo te chhungin athlem bang bik ania ! "Naupang chhawnchhaih lamah chuan i rintlak vak lo anih hmel " ti supin min melh vung vung a , "a tahbelh em anih kha " kalo ti ve hmak thung.
Engtin mah pawh ka ti lo a khatia han tah vak rikngawt! Ka kut hmawr pawn ka tawk eih lo .



"Lokal rawh inchhunglam ah" tisup in min kai a ,inchhunglam min panpui a .An inchhung chu azau nuamin naupang chenna tih hriat ngawih ngawih theih turin thil lem chi hrang hrang bangah te chuan alo inziak a ,naupang toys chhuatah alet phengphung bawk .Thlanglam ah thawmhnaw leh puan vel a inzar dul a ,athen chu naupuan ang deuh deuh pawh atam mai !
"Naute an awm ami" ka ti nghal reng bawk .




"Uhuh..kum ruk hnuailam helai ah hi chuan an awm tlangpui " ti a min chhang supin anute awmna lam ah minkal pui a ,an bedroom ve anih hmel.
Khum chhawng tereuh te te hi alo inhung ve fur a ,a cute hlawm lutuk ringawt.A piah deuh ah naute bawm niawm tak tak hi pali ngawt alo la awm cheu bawk !
Nu Muani chuan nausen hi alo pawm a ,amuhil ani ngei ang alo sawi delh delh mai.


"An lainatawm asin aw ,tihian zanah te hian hnute ngenin an rawn tap thin a " he hmuna hnathawk ni ngei tur chuan ati sep a ,chu naute chu en ngawih ngawih in ahmangaih zia ahriat ngawih ngawih!
An ril arah ni miahlo pawh heti fako a an hmangaih theih chuan tinge min hringtunu ngei hian min hmangaih ve theih miah lo ? Hmangaih ka harsa bik viau nge hmangaih ka phu ve lo zawk ? Nu leh pa an neilo chungin helai hmuna awmte hi chuan hmangaihna anla dawng thei tal a ,kei chu min hringtunu ngei kiangah awm mah ila min hmangaih tu an awm ve silo! Ka dinhmun ai hian an dinhmun hi atha zawk hialin nia ka hriat ni .



Chhun thil ei turin naupang ho chu an rawn lut khawm ve sap sap a ,Zothana nu te leh hnathawktu te ho chuan an kut te silfai sakin an eitur an buatsaih sak mawlh mawlh hlawm a .Tihtur ka hriat ve lemloh vangin pawn lamah ka chhuak daih thung .
In sir lam deuh ka kal chuan hmeichhe naupang hian nautelem alo khalh mawlh mawlh mai !



"Mami eitur ei ahun a ,va ei ve la " abula kalin ka ti sep a,min en zawkin a thil tihlai a tih zawmin anautelem chu abe leh siam siam .
"Mami i ril atam lo ami? Tunge i hming ?" Ka tih leh chuan "puipuii " ati ve sep.



"Va lut ve la " ti nawn leh in akiangah chuan ka thu hniam ve a "a ril atam ve lo a " a ti ve mauh mai .Nautelem hlui tawh lam chu be ve siam siam in "a u heihi Felfeli anih hi " min nuih heuh heuh a tiin anautelem chu min hmuh a ka tetlai tepawh min ti hrechhuak ve zawk mai.Amah ang chiah hian ka nautelem ho infiampui in an hming te ka phuahsak ve thin a ,doctor set ka nei bawk nen damlo lemah te chantirin ka enkawl vel thin.



"Felfeli khan O Puipuiin chaw a ei duh silo a anuamlo e ati nih kha " ka tih chuan anaute en dauh dauh in "ani maw ? A thinrim ami felfeli hi " min en kiau chung chuang ati ve halh .
"umm a u in thil a ei duh silo a atia nuamlo ati nih kha " ka ti leh sep a,inngaihtuah muk ve hmel zetin "anih a u thil ka ei chuan nangmah ang hian ka awm ve thei dawn ami " a rawn ti chhuak heu mai ! A sawi awmzia ka hrethiam chiahlo.Mawi minti nge ni le ?




"Chaw tam deuh deuh i ei chuan a u ang hial nula hmeltha deuh Lalfanu ang deuhin ilo ni ve thei dawn " mipa aw hian a rawn ti a ,kan hnungah Zothana a ding reng tih reng kalo hre miahlo !
"Anih chuan au felfeli hi lo veng la maw kava ei thuai thuai ang aw " ti vutin anautelem chu min pe a inchhung lam panin atlan ve terh terh mai ."Ava cute tak"


"I cute daih zawk" ka beng bula ti thawp sup tu vang chuan ka tlu lo chauh.Hnaih zetah minlo melh reng ! "Nge khatia ilo awm hnaih vak " ti vakin ka thutha a ,nautelem pawh chu ka keng ve ta reng .




Zothana nute chu muangchang hman an intih loh vangin dar hnih vel ah haw an rawt a ,an kal dawn thleng chuan an khaw lama zin turin min sawm nasa mai .Tihtur nei a lo kal an nih vangin kan inkawm tam hmanlo a ,mahse anelawm takzet .




Skip...




"Amak e tumah mah in min biak duhloh a " Ka thiante pahnih chuan minla be duh chuanglo reng reng ! Pakhat ka bazar pui loh vangin a thinrim a ,pakhat lah ka be khat a intih vangin a thinrim ve leh zel bawk !

"Kylos zanin ah chuan kal ve ang aw " Hruaipui'n a tih chuan "khawiah maw " kalo ti vat .Min chhang duh leh miah tawh lo.
"Induhleh min be tawp suh u " ti vakin ka tho tharh a ,canteen ka chhuahsan zui hmak .Nileng deuhthaw in ka thlem tawn ve ve a ,minla tihtauh khum char char tho ! Min khawngaih ve em em tawh ka rin nen ?




"Zorin " ka hnunglam atanga min rawn koh chuan class lam panin ka pen hmawk hmawk.
"Amak e i thiamloh zawk a titau ah i tang leh daih a " huh! Ka thiamloh ani tih ka pawm ,Hruaipuii pawh ka bazar pui loh vangin ngaihdam ka dil ve ngei bawk.Kylosa erawh chiang takin hospital ka kal dawnloh thu ka hrilh bawk.Chuti chung chuan ka inthiamloh in tihlungawi ka tum dun char char a tunah titau nihna bawk ka chang leh a ! ..



"Kan thiamloh ani e ,pi ber thinrim lo la " Kylosan a tih chuan ka tum hmuk .Hruaipuii nen inmelh duh ralh in an beng an han pawt dun ngei a ! Hemi te em em hi chu aw ..
Lungawiloh reng chhan tur awm bik heklo ,kan nui ho leh ta nge nge .



"E Zo zanin kha Ruatsaka birthday anih kha aw " Hruaiin atih chuan ka mitko ka san zeuh a "kal vek ang u " ati nawn leh sep. Ruatsaka chu kan spot pui thin pakhat ania ,college dangah a kal nangin a felin kan inkawm ve thei viau .
"Min sawm ve hleinem " ka tih rual chuan ka hnung a ri nghal thlawrh "amak Hruailubuk" ka ti hluk ."i dm te kha check ve lang chuan vawisawm chuang alo sawm che tih i hmu ang " vak vak thin hian in ! Kylosa a ngawingul chu melh zeuhin ka mitmeiin Hruaipuii ka zawt a ,engmah ahre biklo tihnan adar asan keuh.Hepa hi azia adang riau alawm .Kan kianga aze nghal tak te kha vawin chu hmuhtur a awmlo reng reng.



"Kylos itha maw " ka tih chuan abu ve nghut tho a ,aph en leh thin in a thaw leh hak thin .Tul a tih hunah min hrilh ve mai turah ngai ang.




"Thlah i duh em ?" Kylosan atih chuan "aih" tiin ka chhang vat a ,mak deuhin min hnial chhin eihlo ! "Zanin chu kalo lam ang che dar sarih ah aw " tih te sawiin abike ah a lawn a atlan nghal daih! Engtak chuanin nge maw tibuai ni ?




Bazar ah peng zuaihin ka cream hmanlai azawh vangin ka lei zuai a ,mamawh dang em em ka neilo bawk a adang ka lei hranlo.Foothpath a ka kal lai chuan Dawrchhunga mipa sana inpho mawi zet ka hmufuh a ,Zothansanga ban hrawl zet ah awm se a inhmeh dawn lutuk ringawt.Ka kalpel zet tawh nangin ka let leh ta tho .
Aman pawh alo tlemlo khawp a ,amawi piah lamah apa tel em em bawk sia ka la ta tawp.Present box ah fun tir thlapin phur zetin Zothana Quarter luah lam ka pan thuai.




A Quater luah kai ah hian tum hnih chu ka kal ve tawh ,avawikhat na chu anute nen a fahrah in a kan kal tum kha ania ,adawt ah kan len chhuah dawnin inthlak turin ka hawpui leh zuaih bawk.Te tak han tih tur anilo nangin alian hranlo khawp mai.Mahse achhung erawh afelfai em em thung.




A in ka thlen chuan kawngkhar ka kik a ,akalh chuanglo nangin thawn thut ka duh vang a kik ve mai mai ka ni .
"Sur.." Hmeichhe pakhatin alo hawn thut chuan ka sawizo hmanlo ka meng phawk hle !.
"Nang ini maw lo lut la " ve ngawt a ! Tunge maw anih ve ngawt nih.Zam duh biklo in ka pen lut ve zat. "U Ronalda chu a inbual lawk a ,lo thu rawh thingpui i duh em ?" Ava han zaklo e ..!



"Tunge inih?" Ka ti nghal thawr ,ka tawngkam mawi leh mawiloh ka ngaipawimawh lo.
"Kei maw,a ...Nunsiami ka nia ,Kan Kohhran a megazine editor .U Ronalda hi article vel ka enfel pui lawk anih hi " huh! A awmzia chu alaina hnai anilo tihna ,chuan a in neitu ang maiin thingpui te chu min han sawi hmuh vel a ! A zaklo ka ti dawn nge zahna apianpui lo ka ti zawk dawn.



Sofa ah thuthla dawtin ka sana ken chu ka bag ah ka khung lut zal zal a "enge ilo tih dawn hrim hrim a " ka va han ning e aw !
"A in neitu hi ini em ?" ka ti koh .
"Aih nilo "



"Anih chuan ilo buaina tur a awm miahlo" ka ti ta fak ,tianga biak deuh fak ngai chin anih dawn hi .



"Kalo hriay dani U Ronalda hi i zui ngun riau a ,amawilo ania Pro Pastor ania nupui ala nei bawk silo.Ahmingchhe hma dawn sia pawimawh anih lemloh chuan tibuai fo lo la " ka hma a thut ve pah a atih chuan ka nuih hak ,"kei ..keihian ka tibuai maw ?" Keimah inkawk chung chuan ka ti halh .
"Mi in an sawi tawh chin ah hi chuan alo nasa hman thin " hawi kual te te in "khawtlang ah sawisep kai ini ve sia U Ronald an a hmingchhiat phah ang tih kalo hlau ve mai mai ania " nuih hak pah chuan ati duai a ,ahmel tha tak phen a khakna awm chu ka hmuhhmaih lo nasa .




" i inrawlh lohna turah inrawlh duh suh" ti fak in zamduh miahlo chuan ka melh ngur a ,nui hak in "nia mahse nangang hmeichhe khawlo vanga kan kohhran lehzel ahmingchhiat tel ve hi ka duh hleinem,U Ronald a pawh zawnglai ala nia ilo thlem kual reng te chuan atluk phah thei a " ka insum thei tawh ngang lo tho thutin asamah kava tham tawk "hmeli min thlah vat rawh" tiin a au nghal chel chul ,kei aia alen vangin ka duh ang thalin ka khawih thei biklo ,ka samah tham ve in min kek ve awrh awrh tho.



"Nangang mi hurherh duh duh mutpui theih hmeichhia hian kut min thlak amaw " ti vakin ka sam chu atham na sawt .Ka thlah duh bik der lo.




"engthil nge intih" ti thawt thawmah chuan chunu chuan ka sam athlah thuai a ,kei erawhin kala vuan bet reng.
"Zorin Nunsiami kha thlah vat rawh " athusawi ngaithla duhlo in ka la vuan reng .Katiang em a na khan tuman ka hmaichhanah minlo tawngkhum ngailo. "Thlah rawh ka tih chu " ti leh thawtin keimah zawk chu min rawn pawt hrang lawp a ,ka kutah chuan samzai a tang hnem ngang mai .
"U..u ronald ,ani khan kalo awm ve vang hian min kek vak ringawt a " ti tiau in Nunsiami chu a insut nghal hlawp hlawp.



"Nunsiam lova haw phawt mai rawh ,chanchin ka rawn hrilh lsh ang che " ti supin ka tal chiam chu min kuah nghet zual sauh.
"Min thlah vat rawh " ti chiamin ka tal nawk nawk a ,ka hah vek tawh . "insum la ,inthlahduk rawh le " dam zetin ka beng bulah chuan a rawn ti sup a ,zawi hnawkin ka hmai ka hup a ka tamkhur ngawt ngawt . Min thlah in alam hawi in min kuai her a ,ka hmai ka hup tlat vangin ahmel ka hmu theilo .Min kuah lehin thuthleng ah chuan min thutthlak pui dawt a ,a malchungah min thuttirin ka tah chhung zawng chu ka hnungah alo chul hliau hliau.



"I zia deuh tawh em ?" Ti sup in ka sam chu a chul mam thuak thuak a ,"min hau dawn lo ami " la inhnit hlap hlap chung chuan ka ti sep.
"Engvang chuan maw ?" Dam zet chuan ati sup . Mak ti zet in ka melh kiau a athinrim a min hauh hrep ka ring kha ania!."i ...ithinrim lo maw? I thiannu vang khan .."

"Bawihi " ti hulhin anui suk a "abul tan tu zawk ini dawnlo tih hrelo tur khawpa mawl ah min ngai em ni? " ti sup in ka hnar chu a piai zeuh.




Zawmna ......





Amalchunga thu chung chuan duat hmel zetin ka hnungzangah a chul hliau hliau a ,naute dimdawi zeta kan pawm ang hian min pawm hlun bawk .A hnunglam atang hian miin minlo en ta se min hmu thei kherlo ang ,chutiang vel chuan min uap hneh .
Min vin a min hauh chiam ka rin laiin tawngkam rum min hmankhum lo mai niloin achhan engmah min zawtlo in min ring nghal em em ringawt hi mak ka ti viau ! Mi dang chu nise kan awmdan leh Nunsiami tawngdan vang khan ka tawngchhuah ve hma hauhin thiamloh min chamtir nghal ngeiin ka ring .




"Tinge ka lakah i thinrim miah loh a ? " mak ka tih em vang chuan ka ti leh sep a ,nui nghawr dawtin anuih zawng chuan min pawm miau vangin ka che ve pah dawt tho . "Thinrim turin min duh em ?" Dam zeta tiin ka bekah a fawp tawk a ,kalo mur sung sung thei !
"Bawihi ka ringtawk che ,achhan leh vang tha tak tello in mi chungah khatiang khan i che ringawt dawnlo tih hrechiang tur khawpin ka hrechiang ve tawk viau tawh che " a ti dam thluam a ,hepa hi angel ani hial lo maw ? Thisen a inzawmna em pawh kan neih loh laiin tikhawp hian min ring ngam a ,ka thisen zawmpui ngei mai erawh in ral ang maiin min ring zolo thung ! Khawvel hi amak ngawt mai ."Mahse bawihi " ti leh supin amah en thei tur chuan min nawr hla det a "Engthil pawh tawk la i rilru in inngaihtuah chiang hmasa phawt thin la ka duh.Ngaihtuahlo a chet chhuah phut hian hlawkna anei ngai lo .Mite min sawidan chu engpawh nise apawimawh berlo ,i dinna ah chiang la ,i dikna rahbeh sak tum che an awm chuan beilet ve chauh rawh.Chutiang zelin ngaidam theitu nih hi a ropui lutuk ania " ka mit a min en chung chuan ati leh sup a ,chhan vak ngaihna ka hriat loh vangin ka bu nghut ringawt.




"Thil kalo ken sak che a " kan ngawih dun rauh rauh hnuah chuan ka ti chhuak hluai a ,ka tahna vanga ka hnarping chuan ka aw ati lawi rat bawk .Mitmeia enge anih min zawh chuan ka bag lam ka kawk vat a ,chhuk ka tum chuan min kuahbet tlatin min pawm reng chung chuan ka bag dahna dawhkan lam min panpui ! "Min dahthla phawt la ,ka rit awm si "


"Min tibuai tur khawp chuan rit lo e " ti sam et in ka bag chu aban a Sofa lamah bawk chuan min thutthlak pui leh dawt .Ka bag chu min pe a ,hawngin present bawm te chu ka phawrh nghal thuai.
"Heihi nia " ti sepin ka pe a ,ner nungin min melh ta ngur .
"Bawihi ,hetiang thil tih hi atul ber lo asin " ati deuh dut a ,a hmel nelawm loh zet zawk ka hmuh tak avang chuan ka tim ru angreng viau bawk ."anih chuan la lo mai rawh" ti vutin laksak mai tum a ka ban chu ka banphak loh ah a dah hla leh daih lawi a ! "i duhlo dawn tih ka hre lawk biklo a ,i thinrim phah ai chuan ka pelo mai ang che " ka ti chiam ringawt.
Thaw hawkin "ka thinrim lo ,atha em ? Ka lungawi lo deuh mai chauh ani " ti dam dapin ahmel erawh hmuh nuam tak ala ni chuanglo .
"I hrethiam ang tiraw ? Ka mamawh viau te anih loh chuan mipa tan mahni ngaihzawngte hnen atanga thil pek dawn chu atha nat thlak ve a " dam zet chuan ati a ,ka awm pawh anuam ta deuh huai mai "hei erawh ka pawmsak ang che " kiai suk a tiin a hawng zui zat .







"Amawi em " ti dak chuan ka ti dek a ,abawm atanga phawrhin a bana asana bunlai chu a phelh sawk sawk a abun nghal hmiah .
"Ka inhmeh em " a tih sup chuan ka lu ka bu nasa ngang mai . A inhmeh lutuk a atana siam niawm zawk tak ani.






In ka haw thlen chuan ni pawh atla hnai tawh a ,ka room ah tlang chho in ka inbual nghal thuai.Tihian mut dawnah inbual leh bawk ila awm hi anuam veng veng duh bik .Fai belh chiamlo mah ila keimahni ah kan thar surh bik hian ahriat ngawih ngawih.

Ka inbual zawh chuan thawmhnaw inbel mai lo in ka khumah ka thu te te a ,ph ka khawih rual chuan thil hriatchhuah zawk ka nei ! Zanin ah birthday lawmna ah kal ka ngai tak e ! Engtin nge ka theihnghilh theih.



Kal tuma rilru ka siam rualin Zothansanga ka hrechhuak zawk ,engvanga angaihdan anihloh hlau viau nge maw ka nih le ? Mahse hrilh hriat ve hrim hrim tha a hria in ' Zanin ah ka thiante birthday lawmna ah kal ka tum a ' tih chu ka thawn a ,alo online lai tak alo ni nen typing tih a rawn lang nghal thuai.
'Ok..haw har viau lo la ' tiin min chhang let a ,ka ngaih atha huai mai nia ! Ka thil tih tum ah tumah kala rawn ngai lo a ,ka duhthu in ka ti mai thin .Midang phalna lak emaw an ngaihdan hriat ka tum ngai miahlo ,mahse tunah tak hianin ka thla amuang ve em em ringawt nia ! Eng rau tak chuan min pawl ta nimaw !?







Ka room ka kalh tha em tih ka chian te te hnu ah ka inthlak ve ta chauh.Ka pa hrawnin min khawih atum zan atang khan tun thlengin ka room hi ka kalh ziah.Kha zan bak kha khatiang thil liantham kha chu athleng tawhlo mahse kala hlau tho ,ka ngaihtuah let apiang hian ka tiril ah minla tham er er thin.
Chaw ei dawhkan kan kil ho rikngawt te khan min melh leh vung vung thin hian ka hre tlat zel a ,ka nu in min huat phah em vang khan an rualin chaw ka eiloh phah tanna ani bawk .
Engvanga afanu zawk ringlo a min haw viau nge ani tih ngaihtuahin ka rilru abuai viau thin.Hun akal zel a ,kei nilo a Cindy zawk angaihsak na apung tual tual a ,a fanu Birthday ngei theihnghilh tu khan a fahrawn pass na lawmloh hlauin aphi chung thin anih kha ! Khatiang taka ensanna ka tawh vang khan mal riau a inhria in pawnlam a ka classmate thiante ka kawm hnem phah a ,inchhungkhur ka ngainat loh em vangin pawnlam ah hun ka hmang tam a mite lah chuan hmeichhe dukdaklo chhuahin minlo chhuah thung a !






End of ch-9

#Comment leh share kha aw ,chuan zanin ah ch thar ka rawn dah bawk ang #


Show post links
Top

[Ngaia]

*Ronald Zothansanga * ch~10
By ~ Natasha Hrahsel






Ruatsaka birthday anih chuan birthday lawmna lam aiin party lam rawng akai nasa dawn bawk a inchei dan tur pawh ahriat khawp.
Kylosa ruala kal tur ka nih vangin kawrfual hak arem dawn lo a tinge maw car hi akhal duh tak miahloh ka hrethiam bik chiahlo! A u Sangzeli boral atang khan car hi akhalh awm ka hre tawhlo reng reng ! Han ngaihtuah chian chuan kum thum zet chu akhalh talo reng mai ,ruahsur hnuaiah pawh bike akhalh lui tlat zel a ! 12 kan kal lai kha chuan picnic kan rawt pawn motor thawh tu ber ah atang ziah .

Khua alum bawk a tiin kawrbah sin te pan zet mai taksa langtlang silo ka ha a ,Highwaist jeans straight cut ahnuailam ah inbel in ka kawr chungah Leather jacket ka ha bawk a ,ka sam bawk tawmin Zara heels sang lutuklo avar ka bun bawk .Ka inchei dan ah hian fak ka hlawh ve fo mai ! Inchei ka thiam vak pawh ka hriat loh laiin hruaipuii ve thung chuan " i in remkhawm thiam e " zuk ti ve tlat zel a ! Atak tak ani em phei chu ka hre hlei lo a .




Ka insiam zawh chuan inhnuai lamah ka chhuk a ,ka pahrawn leh ka nuten T.V anlo en dun mek .Cindy erawh api te inah ariak dawn anih hmel whatsapp ah min hrilh ve thlap zel a ,ka chhang ngai manglo thung .Tinge maw henu hian min ngainat em em chhan hi ka hre bik lo ? Tuntum a rawn haw hi min be ngunin ph nen lam min text ta ziah a ,ahma pawhin min pawh tum chang anei fo thin ,keimah hi ka luhlul em zawk mai pawh a .Nilo se chuan inkawmngeih tak kan nih ngei pawh ka ring.




"Zorin khawnge kal i tum a " ka pa hrawn chuan minlo be ve teh mial ! Min biak khat tehlul nen hian in. Chhan tum a ka ang zuai tawh chu ka nu lo tawng ve vangin ka tawp leh ta zawk .
"Zan a hmeichhe chhuah fo te hi amawi lo a ,kha i u Biaka pawhin YMA lam hnatlang ah a rawn sawm che kha naktuk zan anih hmel a tel ve tum ang che .Kohhran ah pawh i inhmang duhlo tih tawh laiin YMA lamah tal hi chuan inhman ve deuh tum teh .I nau i tluklo emai" ka nu in channel hmehsawn oah a atih chuan ka um e peih lemlo.An duh duh danin khawsa se keipawh ka duhdan dan in ka khawsa ang .An nundan ka sawisel loh laiin ka nindan an sawisel bik theilo hrim hrim.
Pasal aneih leh dawn khan min rawn chhin eih lo a,kan ina ahruai luh pawhin chuti bawk .Ahminga ka nu ve mai bak nihna dang ka lakah hian aneilo chiang viau mai .




Predator nupa te kianga awm ka peihloh vangin gate bulah Kylosa kalo nghak ngar ngar a ,alo thleng har hrep lehnghal !
Sawi lai mek in ka hmai chu bike headlight in min rawn chhun pawp a ,heoa hi chu ava nghal tak e aw ..."lo chuang rawh le "atih chuan inturn phawt turin ka hrilh a,kan accident dun ngun tawh bawk a fimkhur theih ang bera fimkhur ka duh tawh.Taksa pilh pheng phunga awm zawng ahrehawm emai .




" Present pawh ka kenglo" ti lawng lawngin ka bag ah ka siamrem pah a ,"aho lutuk sum aduh alawm gpay hmak rawh 200 vel pawh atawk lutuk "arawn ti let ve lawng lawng .Chutiang anih te chuan a awlsam hlei hlei alawm .Tunlaiah chuan an duhzawng hre mumal lo a present han inpek ngawt aiah asum azawngin inpe ila mahni in kan duh tak lei ila afuh duh tawh zawk.
Keipawh ka birthday thilpek ka dawn thenkhat chu ka hungmawi vel mai mai chauh ani .Hmeichhia ngat phei chu kan khirh a ,pads ringawt pawh hman duh bik te nei chin ngat kan nia asum zawng hi chuan kan duh hlei hlei theuh ang chu .




An lawmna hmun kan thlen chuan anlo zi hut hut tawh ,an inah ati mai dawn emaw tih laiin Falkland lamah daih alo lawm a ,mahse azalen zawk a nawm pawh anuam zawk daih ang .
Inchhung lam phei chu arik hian ari chuah chuah ani ber.Zu rim nen ,music inplay ri nen light pangai inchhi lo in disco light leh dim light chauh a inchhi bawk a .Asthma vel nei tan chuan thihpui tham khawpin boruak a uap.



Kan thiani lo insawi delh delh na lam kan pan nghal thuai a ,achhelo lehpek viau mai. " inva rawn thleng har em em " umm ,akai tawh viau mai ala hma tehreng nen .
Kylosa kalsawn nghalin tiang hunah hi chuan kawp tur a zawng ve chat zel .Ka sawisel hranlo ka thian ve mai ania ,thiantha tak pawh ni ila a hmeivhhe duhzawng ah duh va thlansak ka tum hran lo bawk .
"Enteh maw kan college atanga ka rin loh deuh deub rawn kal an tam ve tawp" ka bila rawn thuthlak dawt pah chuan Hruaipuii ati siam siam a ,nia mihring hi kan landan ang ngawt kan nilo thin reng ani. "Saw sawlai ah sawn miss innoi pawh athu ve kur alawm ,amak e ! Kohhran upa ve meuh si " ka nuih tawp tawh ,hetiang em em hian mi chanchin sawi apeih bik ngailo.Ka thiannu anih vanga tan ka nilo a ,ka hriatchian ve em vang zawk ani.Angaihzawng neih zawng zawng leh akawp tel thin te nen lama hrechiang vektu ka nia tiangmi anilo tih hretur chuan ka hrerei ve tawh tawk .




"I zia ava dang ve " min thlek hu pah a atih chuan "dang hran lo e " tih pahin bourbon chu ka in ve pawp a ,ka hrawk asa thla nghal ham ham .
"Thats my gurll ,mahse beer hi duhtawk ang aw whiskey vel hi chu mipa chan ni rawh se " ti niap nuap in beer can khat chu min pe nghal zat a ,kheuh hawngin ka inzawm ve mai .




Mi pangai chunglam an ni tih hriattheih tur khawpin thalai asawm hnem ,bakah model leh milar an awm ve leh pheuh pheuh zel bawk .Ka hmuh thenkhat hi chu in awihlo hial zawk ang ! Gospel singer te pawh an awm ve nuk zel ania ! Mite hi kan hmuh dan ang an ni vek lo tih ka chiang tawh em a ngaiah keini ho chuan kan nei tawh zawk.
Kohhran a kawppui zawn rikngawt pawh hi ani tawh berlo kan tun dinhmun ah chuan.Mi fel tak tak Kohhran a inhmanglo an awm laiin mi inhmang ber pawl chhunglam khakna akhat tlat hi an tam tawh viau mai . 'Ani chu bial Zaipawl ah te a inhmang a nupui pasal ah atlak ang' te an han ti ringawt zel a ,nuthlawi pathlawi kan ngaj viau hi maw ,heihi a result chu ani mai .




"Ka msg min chhang ngai silo a ilo kal duh pawh ka ring lo a " Ruatsaka'n ka hnunga ben thauh pah a a rawn tih chuan ka buai thu in kan chhanglet ngawt a ,chhuanl dang siam tur hre hek lo le .
"Hei ka thianpa kan college ami Samu a nih hi lo inkawm rawh u " tiin a rawn kalpui athianpa chu an kalsan nghal ringawt a ! Ve ngawt thin hianin ,kan inhre tha pawh ani tawp silo.
"Zorini maw inih " ka bula rawn thuthlak pah a tiin ka lo bu nghut ,biak ka chak hranlo khawp mai . Ka thiani lah chu ka bulah a awm reng emaw tih laiin lamtual lamah alo awm leh daih tawh ! Hui pap in ka beer kenlao chu ka inkhawlh khawlh ringawt.. "Whiskey iduh zawk em ?" ve sek hian aw ..ka be chaklo ani tih hriatthiam ve mai awm hi ania !



"Duhlo beer hi ka duhtawk viau " tih pah a bur dang ka ban mai tur chu alo ruak vek tawh ! Khai aw ! Lalhruaipuii reuh chuan alo inhnem tawh awm bik hle mai.
"Kava lak belh ang che lo thu rawh" hmmm..thu mai zel a ,ka tirh pawh ni hleilo a inpe zo ve hle mai .Kylosa ka melh deuh ruai a ,ka hmu zo hauhlo bawk.Khawi khawiah emaw nula ala hriat ngai miahloh a awmpui leh tawh ani hrim hrim ang.




"Kha le " Kingfisher kheuh hawnsa chu min rawn pe leh tak tak ..lo let tawh lo mahse apawi chai loh nen .Ka ban veleh ta tho .
Thu ho zet zet sawiin ati ti siam siam a ,ka kao deuh tawh nge ni ka lu lah chu ahai ang mual mual a ,ka luak achhuak ut ut bawk .Beer ka tlak theih viau laiin zu dang ho hi chu ka ti thei viaulo.Ka bourbon in chu a thawk chak ngang ani mahna mi ka taksa te chu azawi ngawih ngawih hian ka hre ber tawh !



"minlo hrethiam lawk mai " ti sepin intihharh tum chuan pawnlam pan ka tum a ,ka pen tur chu ka pai deuh chawt lehnghal ! "i tha maw ?" Atih chuan ka ban vai puatin pawnlam panin ka pen chet chet a ,ka luhai nen mi dingkai te chu ka su phei ang nawk nawk a . "Fimkhur ve ta che " ngaihsak zui peihlo in ka mi sut chu ka kalsan tawp.Tunah tak hi chuan ka luhai lutuk hi luah vak mai ka duh .




Pawn ka thlen chuan motor an hun khawmna bulah ka ding ren rawn a ,ka ke akham em vangin brick inremkhawm ah chuan abal nge bal lo lam ja ngaihtuah theilo ka thu thla dawt ,a dum lemlo viau lehnghal.
Tinge maw ka lu pawh chu ahai em em le ? Ka taksa lah chu thlawk delh delh ang mai hian azang a ,tuipui chunga ding ang reng ka ni ! Tiang tak hi chuan ka ruih ber tum pawn ka awm awm kala hrelo ! Ka mut ala chhuak em em zui a ,haw a mut tawp ka chak ber mai .


"Ka hruai haw ang che " chu aw neitu chu hmuh tumin ka dak chho a ,ka hmu phe ruai ringawt .Ka mit nuai chet chet in kan en ngial a nichin ami pa bawk kha ! "Lo kal rawh le "
"Min thlah teh" ning zetin ka ti hluai ,keimah leh keimah pawh hi ka inzo dawnloh laia hetiang ka mihriatchianloh lehnghal lo biak chiam kha ka peihlo ."amak e min thlah teh " ka banbul a rawn chelh leh rual chuan ka ti leh vak.





Ronald Zothansanga pov....



"Zanriah i eichhuak fo teh ang u ,anuam reuh em mai "


"Zara nang hi chuan ei leh in lam anih chuan nuam tihloh i nei ami"

Ka zanriah kilpui te ho inchhaih fiam leh zuk zuk thin chu ka lo khikpui ve leh suk thin .MZU lama ka zirpui ho thin thenkhat te nen hun reitak hnuah zanriah kan kilho leh a ,hun ka neih tlem em vangin thianho a han chhuah harh ka nei ngailo thluk ani a ,anawm zia kalo theihnghilh hman thelh ani.



"Ronald Gideon~a motor ah hian hawlam chu kan chuang ange ,nau hmeltha deuh anei a tan lak ka ngai " kal lama ka phurh Zara chuan ti supin a sawi lai chuan Gideon-a alo ner nasa ngang mai .An inchhaih leh khut thin chu kalo nuihpui ve leh suk thin ..
"Anih chuan ka motor sawlai ah daih sawn ka dah sia ka kal hmasa ange ,fimkhur tlang ula " tiin ka mangtha liam liam hlawm a ,kan kum te alo naupang chhe zawk zawk tawh hlawmlo bawk nen tleirawl te anga han chet viau kan peih tawh der hlawmlo.Thenkhat nupui fanau nei te an ni ve hlawm tawh bawk a kan thu khel pawh a ril ve fu tawh hlawm mai .



Ka motor dahna lam panin ka kal a,kan zanriah kil na hmun tur tak hrechianglo a kal kan nih vangin a remchanna lai ah motor kan hung ve tawp kha ania ,kalo dah hla hrep leh nghal..

"Min thlah teh ka tih chu .." Tia hmeichhe tawng thawm ka hriat chuan ka ner nawk mai.Helai ah hian nuam chen a kal an tam hle tih zanin ringawt ah pawh ka hre thei .Thalai kal lam atanga zu rim nam rum rum ka tawk hnem bawk em a ,ruihhlo ah hian hlimna tak tak a awmlo tih engtik aj tak hrechhuak hlawm ang maw ? Engtin emaw tak NGO leh a kohhran ang zawng pawh hian hmalak angai ani .

Kohhran ringawt ah pawh kan rin Pathian inang vek si in kan in er em em hlawm a ,chutiang bawk in pawl lamah pawh chuti tho .Tum in ang theuh theuh in er lo hian inpui tawn zawk tur kan ni.Hma pawh kan ram hian a sawn chak sawtin ka ring bawk.




"Iva zaklo ve " ka motor a ka lut mai tawh tur chu ka aw hriatchian zet ri ka hriat vangin ka ding chawt .Ka motor hun na piah lam atanga rawn chhuak ani tih ka hriat chuan ka chiang ngam chiahlo chungin ka pen hnai a
"Engkim atha em ?" Athim em a mihring ruangam niawm ka hmuh chuan ka ti sup a , "Lo inrawlh lo la ni mai " rawn ti let tu an awm chuan thaw hakin inngaizawng intibuai satliah an nih ringin let leh mai ka tum hman ,mahse Chhingchhengtei tawngri ni tlat a hriatna ka nei ! ..Ringngam chiah lo chuan ka pen hnai zel a ,fiah ngei duhna rilru ka pu tlat.




"Hmeichhe fel tak anga lan atul hranlo " chu mipa aw chu a ring tha tawh viau .
"Min thlah rawh" ti zawi sep tu aw ka hriat rual chuan ka che nghal phut Zorini ngei ani .
"Thlah vat rawh" ti thawtin tunge anih lam ka pawisa lo ka nemsawn nghal pawp a ,bawihi chu zawi ngiaia lo thu in atlu lo chauh ani ber !



"Tu phiangsen nge maw inih hrep le " rawn ti chhur chhur a ka hmel a hmu chiang chu a ip chawih ."U....U Ronald nang maw !" God ! Hepa hian helai hmunah hian engthil nge atih ? Chuan bawihi kiangah lehnghal maw ?

Bawihi zawi ngiai a lo thu kiangah chuan ka thu hniam a ,zu rim anam huam lehnghal a tiang khawp a ruitur hian engzat fako nge maw a in ni ? "Bawihi " ti sep a abianga ka dawm chuan meng chiai chungin atheihtawp chhuahin min enve atum ngial a ,min hmu ta ani ngei ang "Zothan " ti sepin a nui sen sen ! Thinrim tur ka nih laiin a ka hminglama anuih chuan minti hlim viau lawi a ! Zothansang i eng hi nge maw diklo ni? Ka rilru chuan ka ti hluk.Hmeichhe zurui ka hlimpui ang tih rinngaihna ka nei ngai hauhlo.



"Lo kal rawh le " ti supa kaihthawh mai ka tum chuan a che hleithei derlo ! "Ka..ka taksa hi ka ka duhdan in a awm theilo ,ka che theilo alawm " ka ngaihtuahna a thil lo lut vang chuan ka thisen a lum nghal pup pup.

"Samuel zu nilo thilpek i nei tiraw " ti chhuak thawtin Samuela chu ka melh ding ngur .Amitmeng tlanchhe nghal dawr ah chuan ka rin ang ani ngei tih ka chiang viau bawk .Drugs dealer ani a ,anu vawitam ka puihna ngenin ka bulah an rawn kal fo .Ka bail chhuah ngun em vangin drugs dealer ani tih hreve chauh ka ni bawk . Thisen lamah inzawmna neilo mah ila ka nu hmelhriat tha te an nih miau vangin ka tanpui leh nge nge thin.

"U Ronald ka..ka...i hmelhriat ani tih ka hrelawk biklo " kutthlak ka chakzia chu pui tak ani ,engtin nge ka hmeichhia drugs alo pek ngam zawk ! Kut ka thlak mai ka hlauh vangin kalbo turin ka ti thawt a ,akalsawn rang viau mai .



"Ka hruai haw ang che aw " ti supin ka pawmtho nawlh a ,engtianga rei nge hetiang taka ngaihtuah ngaia ala awm ang ni ? Hmeichhe pangai tak anga anun theih beisei in atirah kha chuan tanpui duhna rilru ka pu a, duhna rilru pawh ka pu tel tho bawk .
Tunah erawh engtiang pawhin awm se ,eng dinhmunah pawh ding nise ka hriatchian tak em en chu ka duh satliah chauh ani tawhlo tih hi ani .He hmeichhe tetakte hian ka thinlung hmunril ber lai achang tawh tlat ,beidawnsan tumna ka nei hauhlo bawk .



Passenger seat a ka dahluh lai te chuan zawi ngiai chungin a meng da riai a ,muthchhuak ngawih ngawih hmel apu. "bawihi muhil rawh le " ka tih sup chuan amit anuai chat chat a "ka theilo lawm ..ih..ihmaw ka mut achhuak a mahse ka muhil theilo " bah nak hian ati a ,ka thaw chhuak hawk Samuela tehhrep chu ...






Zawmna ........






Aremchan zawk vangin ka quater lam niloin ka in lam ka panpui ta zawk a ,bawihi zawi ngiai mai a athu bam mai chu melh leh zawk thin in ka thaw leh hawk thin.Meng hleithei lo in a muhil thei chuang miah lo bawk.Drugs ti tam tak kalo hre tawh thin a ,hetiang mite enkawlna an siam ah pawh ka hna chelh nen ka kal ngun viau .Khalai hmunah khan lo awm ve talo ila Samuela khan engthil chiah nge bawihi lakah a tih ang ? Chuthil chu ahrai ruih danah achiang khawp .
Thinrim zetin steering chu ka chum pawp a ,bawihi taksa che awk ka hmuh rual chuan ka inbengdai nghal thuai .






"Ka..ka tihpalh" ti tiak thawm ka hriat rual chuan motor ka ti ding dawt .God ! Mittui tling pamin tah insum zetin ahmui alo pet ngar ngar .
"Ka..khatianga awm kha ka tum biklo asin " harsa tinzet a tawngsapin abiangah mittui a luang thla nghal pap bawk .






"Bawihi...min en teh i lakah ka thinrim lo atha em ? Nangmah vanga thinrim ka nilo " abianga chelh chung chuan ka ti sup a ,ka lakah a inthiamlo tih hai rual anilo .Athiamloh anilo tih ka mit ngei in ka hmu a engvang ngawtin nge ka thinrim teh lul ang ni . "Zo..ka..ka taksa hi .." Tawng pawh atawng hleitheilo hial ."atihrehna tur kan zawng dawn nia ,tap tawh lo la " ti supin a biang huh hliam mai chu ka tuaihul sak a ,ka motoe start pah in ka thian pakhat ka call nghal zat bawk.






"Bawiha veteh mial che chuan "






"Drugs hnathawh tihrehna tur ka hreduh ,eng drugs ber nge anih erawh ka hrelo .Mahse damdawi thahna tur engemaw ka mamawh " ti supin bawihi awmdan chu ka sawi nghal mawlh mawlh .
"Aw ka hria e ,damdawi dawrah chuan a awm anga mahse doctor lehkha angai thung ang lei nan " tiin a rawn chhang let thuai .Lei tur leh ka in a rawn kal tura ka hrilh hnu ah call ka dah a ,zan ani tihlam ka ngaihtuah theilo .Mi tihbuai ka duhlo viau chungin bawihi tan erawh Minister meuh tihbuai pawh ka hreh hauhlo ang le .







Ka in kawtah motor ti thi dukin ka chhuk nghal thuai a ,bawihi pawm chhuakin kawngka kalhna hawn ka tum chu bawihi ka pawm bawk nen a harsa viau mai .
Inchhungah luhpui in ka room lam ka panpui nghal thuai . A jacket hak phelhsak in kawrbah pante mai chauh alo inbel vang chuan ka wardrobe atang tshirt hak nuam deuh tur chu ka la chhuak vat a ,ka haktir zui zat bawk . Akekawr erawh aphalna lo chuan phelh sak duhlo in hrehawm viau dawn mahse ka thlak sak ta lo .







"Engtia rei nge ngai awh leh tur in ngai ang ?" Ti supin bawihi kut a venflon chu ka melh ngur a ,aban lian lemlo tak mai a hriau inphum chuan min tina vawng vawng thei hial!
"Hemi a zawh hunah hi chuan a zia tawh viau ang .Mahse bawiha taksa chu a chau duh hrim hrim aw a damdawi hi a sang a ,vawikhat tih chauh pawh in an addict chawk ania" Sanglura'n atih chuan ka hmai tuai puatin ka thaw chhuak hawk .
"Ka ti buai hle mai che " ti supin pawn lamah ka chhuahpui a ,a nui mai ringawt thung a ."Tibuai lo e, i hnen atanga call dawn akhat nen a lawmawm zawk .Chuan a changtunu ani em ?" Khi suk pah a atih chuan kiai ve suk in " kala chianglo " ka ti sup a ,lu thing nghutin " keichu inchawi ka ngam sak mai " atih zawm zat .Kanla hria ang chu.







Bawihi kiangah thu in a IV khai chu ka veng ani deuh ber .Sanglura'n 'dose pangai a tam daih ataksa ah alut ' tih a sawi laia Samuela sawisak ka chak zia chu pui tak ani .Anu in zantin atan atawngtai laia hetiang thil tenawm alo la buaipui hi chu hrem aphu ve viau tawh in ka hre viau .
Hmeichhe chaklo zawk te lakah tiang a che thin hi chu mipa ti a koh tlak an ni mauh lo .Pathian khian ahranpa in hremna buatsaih sak se tih hial ngaihtuahna ah a lut ta mai .Ngaihdamna leh huatna tello a nun hmang tur kan ni na meuh mai ,thenkhat chuan thil tisual ve theilo ang hiala min ngai an awm bawk .Mihring tlu thei kan nih ve miau avangi heng huatna te hi tihtakzeta kan beih angai ve tho .Pastor kan zir avangin mi fel ber kan ni tihna ani kherlo tih hi mite hian hre ve se ka ti viau .









Zorinpuii pov.






Ka dul zawna thil rit tawk tak min delhtu chu meng manglo chuan vei kian mai kan tum a atheih hauhloh ! Mengchhuaka kan en thla chu ka phu zuk .
Zothansanga chuan ka dul zawnah aban hrawl zet in minlo kuah reng !
Khum bawhin athu mu a ,ka dul zawnah abanin min kuah tlat bawk .A awmdan thethlawt chu ahrehawm hmel em vangin kaihthawh mai ka tum uk a mahse nizan ah min buaipui vangin a mu tlem si a ,ka tiharh hreh riau .

















End of ch 10






(Ka lu virh ana zawk zawk a ,ka type thei ngangko tlem kalo dah mai mai anih hi aw .Ka sam ka khawihtir vang nge mawni ka luvirh ana nasa lutuk a ka mit ka men ringawt pawh hian ahrehawm .Minlo hrethiam ru aw naktuk ah kan dah leh mai dawn nia .)


Show post links
Top

[Ngaia]

*Ronald Zothansanga * ch~11
By~Natasha Hrahsel.






Darkar khat aliam meuh chuan ka pang akham thum tawh ,pakhat lah hi ala mutui em em mai si a ,ka zunchhuak tawh bawk si chu ka che leh deuh ek thin .Ka insum thei ta ngang lo ka sawi ta nawk nawk.
"Zothansang harh teh ..." Ti sepin a darah chuan ka nam det det a,zi talh talhin a harh ve ta hram ."mamawh i nei em ?" Thawhphan pawh neilo chuan a rawn ti sup . "ih..englo ka zun achhuak lutuk " ka tihsep chuan a insiam rem thuai a ,ka chapal hmuh chhun inthawlh sawt sawt in bathroom lam panin a tlanin ka tlan ani ber .Ka zung zo chu zu rim ka nam deuh huam vangin drawer chu ka enkual a ,toothbrush thar ka hmuh chuan ka hmang ve tawp .Ka hmai phihfai in ka zawh a ka chhuah meuh chuan room ah alo awm tawhlo .Inhnuai lamaj achhuk te pawh ani mahna .





Ka chapal bun chu enchiangin ka nui seih a ,lawng chunga chuang angvel ka ni ! Bun ala nuam em em zui a .Inhnuai lam pan chuan ka pen thla thauh thauh a ,eitur rim ka hriat chuan choka lamah ka phei ve ngjal thuai.Apron hrengin stove ah engemaw alo siam mawlh mawlh.
"Ummm puih i ngai em " ti dek chuan ka ti a ,ka lam hawia nuih suk pah chuan " Choka akan ai chuan minlo en zawk mai la " nuih pah a thle bak chung chuan ati kher ! Aduh chuan ava han ngeiawm thiam tak .
Ka puih duhlo ta na na na chu kitchen table bulah thuin kalo thlir reng ringawt.Alandan chuan omlette vel asiam ni awm tak a ni ,a artui tikeh lai ringawt pawh chu hmuhnawm ti zetin kalo thlir reng ringawt .Engtin nge eisiam thleng hian athiam vek le ? Kei ahmeichhia zawk pawhin ka thiamloh laiin.




"Min thlir uluk viau nangin Plate ilo rem dawn em niang"
"Maw...ah aw "ti bah nakin ka tho tharh , engtin nge ka thlir reng tih a hriat ?Ahnunglamah mit anei tawp silo.
Dawhkanah chuan plate pahnih ka rem a ,frying pan atang chuan a rawn bun chhuak ve nghal zat bawk .A rim tui lutuk chuan ka pum a ti ri rawih rawih theiin ka hria ,a plate ah dah veleh in kan kilzui a ka rin ang chiahin a tui lutuk tlat .
" Vawin ah engtiangin nge class i neih "ka thil ei lai tawp chawta ka en chuan minlo en reng tawh ,ka plate ami achanve pawh kala ei loh laiin ani chu alo eizo duak tawh bawk.
" Uh..chawhma lamah third period ka neiin ka hria ,abak chu chawhnu lamah vek " ti a chhangin a bu nghut a ,a puar tawh ani ngei ang a fork dah thla in tui a in zawm zat .Ka ril atam reuh nen ka ei hleithei der lo a ,ka chau niber hian ka hria ka taksa hian mut mai mai achak ngawih ngawih.




"Nizan chungchang kha sawidun lawk ang " ka rin ang chiah ,nizan khan ka harh reng a ,mahse ka taksa ka thunun thei tlatlo.Min hauh ka rin laiin nizan kha chuan min hau hauhlo a ,tunah hian atum zawk tihna nge niang le ? Huphurh ru zet chuan ka bula tui ka in khawlh a "Bawihi engtin mah ka ti dawnlo che " ka hlauthawng tih ahria animahna rawn ti supin hmel hmuh nuam zet min hmuh bawk.
"Ka sawi duh zawk chu nizan khan kan nau pakhatin drugs in ahrai che a ,apawi ka ti takzet " ti supin thutak hmel zet chuan min melh a ,athiamloh anihna a awmloh tehlul nen alo inthiamloh chhan tur keichuan ka hreve der lo .Ka fimkhur loh vang ani ve pakhat bawk a ,nizan khan rawn kal lo ta ang se tunah hian khawi hmunah emaw harhchhuakin ka tap ka tal tawh ngei ang .




"I rilru tur ka hrethiam chiahlo a ,mahse ngaidam turin ka duh che .Police hnena i report duh anih pawhin ka sawibuai hauh lo ang ,amaherawh chu ngaihdamtu nih chu thil ropui tak ani .Bawihi ,i thil paltlang zawng zawng keichuan ka hrevek lo, mahsela hmalam pan a, kan tawrhna te hriat reng ai chuan kan tawrhna lak atang talchhuah tum hi a finthlak zawk viauin keichuan ka hria .I thiltawn tawh engpawh theihnghilh rawh ka ti hauhlo ,i theilo bawk ang ,mahsela hmalam pan erawh atheih thung." Chhang lo in ka ngawi reng ringawt. A thusawi tam zawk hi chu dawnsawn dan ka thiamlo .Police hnenah erawh report buai kher ngai ka ti hranlo .





"Hmalam pan maw ?" Ti sepin ka en ve ta nge nge ,"mahse engtin....ka ke pen lehzel dantur ka hriatloh lai hian engtin nge hmalam ka pan theih ang ? Lo thei ta tehreng pawh ni ila ka dam phah dawn chuang em ni ?" Ka tih chuan ka kut achelh thuai a "ka pui ang che " ati sup bawk .
"aih..i theilo ang ,tuman an theilo .Ka thinlung a ser hi maw alian tawh lutuk a nitin athang ve zel bawk si he thinlunga ser hi maw " ti hapin ka awmzawn chu ka kawk a "tuman an tireh theilo ,engtin pawn tum se an thei tawhlo ang " thaw hakin ka mittui lo tla mai tur chu ka dang kir hram hram .Ka tetlai nun hlimawm ve tur zawng zawng kha mittui nen ka hmangliam thin a ,khang hunah khan let lehin hmeichhe naupang nun hlimawm tak nei ka ni leh thei dawn te anih loh chuan engtin nge ka dam zawh tehlul ang ni .




"Ihmaw ..hetianga nun a ,hmeichhia khawlai ngaina tak anga lan hi ka duhthlanna ani bik reng reng lo.Ina ka awm chuan ka ipik a ,ka a thei dawn takngial hian ka inhre thin .Cindy in hmangaihna a dawn ang te kha dawn ve ka chak thin a ,ka nu fakna tawngkam dawn ve te pawh ka duh thin .Ka in ngeiah thlamuang taka awm te pawh ka duh ve bawk .Chutiang nei tur chuan vawitam ka beilo ani biklo ,ka hlawhchham zel vang alawm hetianga i hma a ka din ni "
Zorinpuii ni tur a pian chhuah hi ka duhdan ani bik reng reng lo ,hmeichhia khawtlang asawi kai hat nih hi ka duhlo bawk .Mahsela enge tih theih ka neih? Chunglam ami khian hetiang dinhmun a ding tur hian min pianchhuak tir tlat si ,duhthlan theih nise hetiang tehthlawt a pian ai chuan pian veloh pawh ka thlang zawk ngei ang ....



"Kan tum thei adik em ? Vawikhat chiah ka puihna nen tum leh chhin rawh bawihi ..vawikhat chauh ." ngenngawl zeta a tih chuan ka thaw hak a ,hepa hi khawi atanga rawn chhuak ringawt nge anih le ? Keimah berin beiseina ka neih tawhloh laia ti tak mai a min beihpui duh tu hi."i hah thlawn mai ang " ti sepin hnual ruih chuan ka melh .Hetia kan inkawp ringawt pawh hi phulo ka intih tawhsa tehlul nen,tihbuai lehzel ka duhlo .
"Ka inringtawk alawm" khi suk pah chuan ati a ,a inrintawkna zahve tal hi nei ve thei ila .Keimah leh keimah pawh hi ka inringlo hlawm tawp ani ber si a.




Kan eina te chu aman a sengfel leh vek a ,puih ve ka tum pawhin a duhlo reng reng ,damlo treat tak te hian min treat ka ti mai .Ka nawm leh nawmloh min zawt reng bawk a ,min dimdawi leh lutuk a ka na zawk hialin ka hria .
Ka thawmhnaw ngai inbel a remtih tawh miau loh vanhin a tshirt lian hnelh hnulh tak chu ka inbel tlang tawp a ,hnuailam erawh ka haktur a awm thlawtloh vangin ka kekawr ka ha thung . Makeup inbel tur ka neilo bawk nen ka lanh dang bal mai.Tui tla zo hlim te pawh ka ang zawk hial in nia ka inhriat ni .




A in atanga kan tlanchhuah dawn chuan ka inhawn kim em tih ka inchian hmasa phawt a ,ka bungrua hnutchhiah ka duh hauhlo .
"Tah hian ding lawk ang " ti supin kawngsir rem lai ah chuan motor a park a,"lo awm rawh aw " ti in a chhuak zui zat .Reilo ah paper bag lian vaklo kemg hian a rawn lut leh thuai .Ka malchungah a rawn nghat dat bawk .Ka mitmei a enge anih ka zawh chuan hmuiphunin thilpek a ti sup ringawt.Arit nulh bawk sia ,hawn ka tum chuan minlo dang vat "inah i hawng dawn nia " ati tlat lawi! Ka ner nang chu min nuih duh lek chauh a ,motor ti nungin atlanchhuak zui zat bawk .




Kan inzawm ah chuan motor a ti thi duk a ,"luhpui i duh em ?"
"Aih..angailo ka tha lawm " tiin ka chhang thuai .Ka chhungte an awm kherlo maithei mahse ka ti buai tamtawk tawh viau ani. "Vawin chu class kal lo la ka ti khawp mai " atih sup chuan ka bu nghut a ,keipawhin ka kal peih ka ring lo.Mut ka duh hrih tlat. Motor atanga chhukin lawmthu ka hrilh sup a ,heipawh ka tih ngailoh bawk ani.Lawmna tur ka tawn khat em vangin Ka lawm e tih thumal hi ka sawi ngailo tluk ani.
"ka thlen veleh ka lo bia ang che " tiin kan inthlah liam a ,a tlanliam lai chu ka thlir zui vang vang.Ka thinlungin engtik atangin a Zothansanga lam a awn tan ka hre biklo a ,duat a ngaihsaktu chu alo thlahlel ve ngang te pawh aniange .




"nang mi laktlakloh " inchhung ka penluh rual chuan ka hmazawn ah engthil emawni a rawn thlawk nghal fua! Ka kut in lo indang lo phei ila chu ka hmai afuh chiang viau ang .Leia lehkhabu let bal mai ka hmuh chuan lehkhabu chhah zetin ka nu in min vawm tih ka hreve chiah!
"Eng ngatinge min ti zak zawng hlir hian i awm ?" hrethiamlo zet chuan ka melh reng ringawt .Engtin chuan nge maw kalo tihzah leh tak ni ?




"Thiamlohna neilo ang khan awm vak duh suh ,khawlaiah chhuak ila i chanchin hlir an sawi mai.Pastor Ronald a khi ilo chhaihbuai nasa ani maw " ti phiar phiar in akuttang chuan min kawk ang sawk sawk a ,ka nui hak thung .Sawitur ka van em vanga nui ka ni .
"Apawi viau emni" ti hmakin ka melh let ve ta ngur .




"Ka awih theilo zawk ! Engtin nge nangang hi ka hrin inih theih? " ka sa ve ta phat mai ,hnawmhne ang maia in en hi ka kham tawh takzet .A duhloh chuan tinge min hrinchhuah kher ? A enkawl peihloh tur tinge min pai kher ? "I fanu nih hi duh thlang thei ni ila ka thlanloh tur hmasa ber ani" ti fak in sawizui ka peihloh vang chuan inchung lam pana chhoh mai ka tum a ,a tawngkam hman vang chuan ka ding leh chawt .
"Eng..engthil maw i sawi kha " ka ti chhuak hrawih. Mipa mamawh Pahrawn te pawh mutpui hrehlo min ti anih chu ! Engtin nge a theih zawk !!?




"Ka sawi diklo emni ? Mahni pahrawn te pawh ngaihmelh duh chuan Pastor meuh pawh i duh phawt chuan i chhaihbuai hrehdawnlo tih achiang viau alawm "



"Ka nu diktak ini meuh em " ka ti ta thlawt ! Ka beidawng..ka beidawng tawh.A fanu diktak ka nih pawhhi ka inring tawhlo .Mahni ril a rah ngei hnenah khatiang thu kha achhakchhuak thei dawn emni? Tu nu mahin an fate hnenah khatianh thu kha an sawi ka ringlo .Nge keihi a fa kalo ni miahlo zawk.
"Pro Pastor khi hnaih tawhlo ang che anihloh chuan ka thil tih duhloh ka ti palh ange " tiin an room lam panin a lut hmak a ,ka thilkhai hum ngawt ngawtin ka ding reng ringawt.Ka mang vek a ,ngaihtuahna mumal pawh ka nei chuanglo .




Zawimuanga ka room lamah pen chho inkawngkhar ka kalh khap a ,ka ph ri chu enin ka nui chhuak hawk ,azat vang erawh chu ani miahlo bawk .
Ka chhang dawn nge dawnlo tih ka inngaihtuah lai in a tawp hman a ,mahse alo ri leh tho .
"Umm"


"Ka thleng chiah e ,enge itih " lehlam ami in a rawn tihsup chuan ka hmui ka hup vat a ,ka tah chhuah mai ka hlau ani.
"Bawihi ka tawng i hre thei em ?" A rawn tih leh chuan "umm ka tha " ka ti chhuak thei hram .
"No..I that leh thatloh ka zawt miahlo che ! Enge thleng?" A rawn ti ta vat reng .Insum thei loin ka tap chhuak ta hawk a,ka mittui chuan ka biang ati huh nghal vek .In hnit hlawp hlawpin ka hmui chu ka hul bet a mahse ava sawt silo em .




"Bawihi enge thleng " min ngaihtuah tih hriat ngawih ngawih in a aw ah chuan manganna a tel ! "Khatiang khan min zawt ve thin se ni tur " ka ti lawi rat a ,"khatiang khan duat takin min be ve nise ,hmangaih ka harsa viau em ?"ti leh tuakin ka insut hraih a
" kalo kal ang"




"Aih " ka ti nghal chul "lo kal suh ,hetiang hian min hmu turin ka duhlo che .Ka...ka tha leh mai ang .." tiin ka ph ka dah nghal thuai a ,alo call leh pawh chuan chhang duhlo in ka reject zel .Ka khum ngheng chuan chhuatah thuthla hnawkin ka tap khur ta ngawt ngawt. Ka awmzawn inhnawh tawt lutuk chuan thawk ati harsa lek lek hial mai.

Ka ph a message thleng rawn ri ral ral pawh chu ngaihsak duhlo in ka melh ngai ka melh reng ringawta,ka khawvel siamchawp ah chengin chutah chuan lungaihna ,tahna ,harsatna te a awm velo .Chutah ka chhungte chuan min ngaihtuah em em a ka leng ka haw tlai pawhin min ngaihtuahin min rawn zawng ruai thin .Ka nu in min ngaihtuah zual em vangin achang chuan ka len chhuah dawn pawhin ka kalna tur te ph nb achhinchhiah thlap zel bawk .Min ngaihtuah leh lutuk chu ning mai biklo in nuam ka ti zawk za mah a ,min koh haw kher ka phut thin vangin ka haw hun tur aia tlai ah hret ka haw lui ngat zel bawk .







Zawmna .....



Ka ph ringtone ri ral ral chuan min ti harh zawk a ,ka khum ah bawkin kalo muthku reng mai !
Zawi zeta ka ph ka ban chuan alo tawp chiah a ,Zothansanga bawk chu niin ! Tunah hrih chuan ani takngial pawh hi ka be peih hrihlo .Khawi hmunah emaw kal a ,thlifim thaw heuh heuh inchhem tir ka chak tlat.
Intih harh tuma ka tho chhuak chu ka nu in min tih dan zawng zawng kha ka mit thla ah alo lang let leh riai riai a ,ka ipik lutuk chu thaw chhuak hawkin ka mittui rawn far fep chu ka tuai hul nghal sawk sawk.Ani vanga tah ka duhloh tehreng nen tinge ka mittui hian ka thu a zawm duh ngai miahloh le ? 'Hnawhchi zuar ,mipa ngai ' angin maw min chhuah kha ! Tun thleng hian ka la thianghlim ve hram hram asin ,ka tleirawl chhuah hlim ka theihtawp chhuahin lo inveng lo ilang ka pahrawn lakah ka thianghlimna ka hlauh ngei bawk ang .Mahsela min hringtunu chuan athisen zawm aiin apasal zuirui thusawi abengkhawn zawk a ,huh! Pathian khi a awm tak tak anih chuan hrem ngei se ka ti tak zet .Khutiang khawp a misual khu hrem loh a achhuah anih chuan Pathian rorel dan thiam tak chu anilo khawp ang le .




Intifai in ka awmhmun thuamhnaw ka inbel a ka mu hlun mai .Han chhuah harh ka chak hlawl lo ani .Khawi hmunah emaw kal ka chak a ,mahse ka taksa hi ka ti che peih thlawtlo ! Ka zawi ngawih ngawih ti ila adik ber ang .

"Zorinpui...Zorinpuii" ning zetin ka beng ka hup a ,ka nu min au thawm chu kala hre pha tho ..
"Hmutur che in Pastor Ronald a alo kal ania ,rawn chhuk ang che " tawngkam nem lo zeta rawn au lung lung in akalsawn ta ani mahna a aw hriat tur a awm tawhlo.Zothansanga pawh rawn kal mahse ka tho chhuak peih hrihlo.
Mutluih tuma ka mit ka chhing chu ka ph ri leh chiah vangin ning zetin ka tho chhuak ta .
"Hello " ka aw anem lo viau mai .




"Bawihi kawngkhar hi rawn hawng la " dam zeta lehlam ami in a rawn tih chuan thaw halh in khum atang ka chhuk a ,ka chapal ka inthawlh sawt sawt a ka va hawn ta hram .
"Lo kal lo turin ka hrilh che " ti hap in ka kut ka kuangkuah run. . "lokal ka duh tlat sia " khi suk a tiin min ngai pawimawh lo zetin alut tlang pawp! Inhnial ka peihloh em vanga ankhum hrep lo chauh ka ni.Engemaw ka hriat hrep ni ? Ka nu vanga ani kalo thinrimkhum ve chiam ni ? Mahse ka thin a ur em em tho si.




"Chuan khawnge i suitcase| luggage a awm ?" Mak ti zetin ka melh hu a,engatan nge atih ni? A hmang duh anih ringin a awmna lai ka kawk ta tho.Ka kawhna lam panin akal a ,ka luggage lian ber chu phawrh chhuakin ka lamah a rawn nawr hnai nghal zat .
"Engatan.." Ka sawi zawh hmain "inkhung rawh le " alo ti zat ! Engthil nge maw tih atum ni ?




"Khawiah nge kan kal dawn ?" Ka ti sep a, "kan zin dawn nia " ati nghut ringawt. Zin dawn pawhin kalna tur tal hriat ve apawimawh alawm le.
"Khawiah chuan maw ?" ka ti nawn leh ngat .Kan kalna tur hrechiang lo chuan ka zui dawn lo reng reng .



"Bawihi zawhna ngah viau thin lo teh ,Champhai lamah tih tur ka nei a mahni a kal ka peihlo nen min zui ve mai mai la ka ti deuh mawle .Intihthawven pah ani mai a " ti supin a sawi awlsam viau lawi.Chutiang chuan sawi nghal mai tur ania ,mahse ka duh dawn leh dawnloh te min zawh ve phawt tur ania ! Ka luggage a phawrh nghal ringawt a

"Class kal ka ngai "



"Arei dawnlo" ati ve tang tang .
Intihthawven pah ka duh hrim hrim vangin zui chu ka hnial hranlo.Bakah he inah hian ka awm peih hrih lo bawk.
Ka thawmhnaw chu ka siam mawlh mawlh a ,hakthlak tur pali vel ken tawk ka tih viau laiin 'sik leh sa a danglam reng a ,ken hnem angai' ati tlat lawi a ! Ka inkhung zawh meuh chuan ka luggage akhat tep.Tshirh pawh sawm zek ka keng ,pyjama leh incheina tur tlem nen ,sandal ,higheel leh sneaker ka khung leh a tawk ka ti viau tawh .





"atam mah mah em ?" Ka tih sep chuan lu thing nghutin "atha zawk " ati sup a ,tihian mahni lawk a ka mipa kawp ve chauh zinna ah ka zui dawn chu nia ! Kava huaisen reuh tak .




Inhnuai lamah kan inzui thla a ,motor chuang tur kan ni tho a tiin ka thawmhnaw erawh ka thlak duh ta lo.Inhnuai kan thlenin tumah anlo awm lo a ,khua athim thet thet tawh nen tinge an awm hlawm loh ni ? Cindy chu athiante inah chaw a ei dawn chiang a ,miang erawh ka hre hranlo.
"I nu chu a chhuak lawk a ,ka hrilh tawh " ti supin ka luggage khai chuan pawnlam apan nul nul .Achetdan chu rinhlehawm ti ru viau mah ila ka ngaih tih thatloh phah nan ka hmang lo.Bakah ka zin chhuah dawnin ka chhungte ka hrilh ngailo hrim hrim bawk a .Ahnuah an hre ve leh mai zel.



Kawtah motor alo hung reng tawh a ,ka luggage a dah luh laiin motor chhungah ka thu lut ve thung




Dawr inhawng ah eitur leh intur kan lam zuai a ,Aizawl kan chhuahsan meuh chuan khua in min thim hnan tawh .Kawnglai neuh neuh zan lamah pawh anla awm avangin kan ding leh zeuh thin.Kawng athat em em loh avangin kan tlan sawt theilo viau bawk .

"Bawihi kanla tlan rei dawn i duh chuan muhil rawh " ti supin min thlek vut a ,kalo hnial thung .Tunah dar sarih vel chauh ala nia tlaia kalo chhing sek nen ka harh tha lutuk ringawt .
"I mut achhuah chuan kalo khalh chhawk zawk ang che aw " ka ti ve vat .
"Takzet.." Awihloh hmel zeta ti hlukin akiai suk a ,tinge ka khalh thiam aring lo emawni ? Chhanlet hrep ka tum laiin aph a rawn ri hlauh a avannei teh e .



"Kanlo la thleng hla lo " ti supin lehlama abiak chu hmeichhia ani tih bak ka hre theilo . "yep..a chhungte lo hrilh ula " a ti leh sup a ,tu chungchang nge maw an sawi ni ?
"Nu..room dang angai hranlo ,kalo hruai haw tawh chuan 'nupui ru' chu ka ni tawh ber alawm " ka chil ka hak lo chauhin ka hria ! TU chungchang nge maw an sawi ni le ?


"Ok..kanlo thlen dawnah kalo hrilh dawn che nia " ti a ph a dah rual chuan "Zothansang engthu nge i sawi " ka ti nghal chiam ..
Nupui a ru a chuan keihi tihian minla zinpui atum amaw ...nilo minlo kawp reng tihna nge ? Engtin nge a theih zawk ..!!!


Show post links
Top

[Ngaia]

*Ronald Zothandanga * ch 12
By Natasha Hrahsel




"Motor hi tiding rawh" ti tuarh in ka thinrim lutuk vang nge ka mittui chu alo luang thla nghal ngiai ngiai bawk.Tiang tehhrep a inzahloh na ! A ngaihzawng atan a min sawm khan hnial theih map loh kn anih kha min siam ni ? Ni e ,keipawhin thiam lohna ka nei tih chu ka hre reng ,ka thinlungin ngaihsaktu kum tam a dawn tawh loh hnu ah a tawng ve leh chauh a ka tan lo hnar kha aharsa viau bawk.MAL ngawih ngawih a ka inhriat na ata min hruai chhuak a ,kum tam ka thinlung leh tihtak zeta ka nuih tawh loh laiin ani chuan awlsam te in min ti nui thin bawk .




"Bum ka awlsam viau ami ?" ti thlawtin ka hmai ka hup thawk a ,nupui min neih san leh mai mai tur tih hria ilang hnaih chu sawiloh vawikhat mah hmu leh ngai tawhlo turin ka tlanchhiat san vang vang a . 'i hmangaih tawh anih kha ' duhlo zetin ka rilru in a a ngaihtuah chhuah chu ka inthing nawk a ,ka hmangaih lo...ka..ka kianga awm turin ka duh mai chauh a ni.

"Apawi ka ti " a tihsup chuan vih ang mai hian ka na ngawih ngawih .Tap chhuak turin ka mang vek ! Vawin ringawt a ka thil tawn hi mihring pangai damtha tan pawh dawl zawh ahar viau ang.
Tinge nautelem ang mai a an duh duh dan a min chin phar vel ni? Ka hlu lo viau em ni? Nge ni a mihring na hre thei velo amgah min ngai zawk .




Ka thutna lam seat chu ka hawng rawk rawk a khawthim pawh sawilo in ka chhuak nghal rawk rawk.Kan tlan tawhna lam ah chuan ka pen mawp mawp a ,athim tawh lutuk a kawng pawh ka hmu chiang theilo .Min auhna chu hre duhlo lui in ka pen mawp mawp a khaw en lai pawh nise ka hmalam chu ka hmu thei kher chuanglo ang .

"Bawihi enge maw itih le ?" Ka bana chelhin min kuai her lawp.



"Thlawk bo rawh" kalo ti tuar ..ka tah chhuak lutuk vangin ka hrawk ana vung vung thei hial bawk .
"I hria em ? Ka ring che a ,keimah ka inrin ai a nasa lutukin ka ring che .Hmalam pan ka tum..ka tum takzet asin chupawh nangmah vang chauhin.Ka nun hi ka ning..ka ning ngawih ngawih midang anga nun hman ka duh ve tawh a ,min puih i intiam bawk ani lawm ni ? Tinge hmalam pan ka tum ve dawn lai takin tiang hian itih leh si ..ka hua che nuipui chu han nei mawlh rawh " ka thaw hlawp hlawp thei. Ka sawi khi ka ti mai mai lo hmalam pan ka duh ve takzet tawh.Ka nundan buaichuar lutuk te ,engtik lai pawh a ipik lutuk a awm te hi ka duh bik remg reng lo.Ka hah ,ka kham bawk .Midang anga nun hman ve tumna rilru ka pu hial bawk .Ka nu in khati fako a min tawngkhum pawh khan ahma ang chu nise ka theih pa tawpin ka chhang ngei ang ,mahse hmalam pan ka duhna rilru in min phuar a .Zothansanga tan hmeichhe tling tawk tak nih tumna rilru ka neih pah bawk vanga insum hram hram thei chauh ka ni .



"Ka thiamlo...engmaw ? Engthu maw i sawi kha ! Bawihi han sawi nawn leh teh" awihloh hmel zeta a tih chuan ka ban ka thing nawk ,ala thlah duh miahlo zui.."Zothansang" ti hrawkin ngei zetin ka melh a ,thinrim em em a ka awm laiin ala nui thei cheu !
"Bawihi leh " ti hlukin awrawl chhuah meuhin anui ta hawk hawk a ,tah vak vak mai ka duh tawh.Tunang hunah engtin nge ala nuih theih cheu a !



"Bawihi...nupui chu ka ru ngei a mahse ka nupui ruk chu i hre duh lo em ni ?" Amitko ti sang zeuh a ati chuan sual ka ti takzet.
"I nupui tur ka hriat peih i ring amaw ,misual pa " ti chiamin arem lai lai ah chuan ka chum pawp pawp .




"Nang..nangmah alawm duhtawk teh " ka tawp chiang asin ,"eng ..enge keimah chu " ti nawk nawkin ka din hlat hret.
"Ka nupui ruk chu nangmah hi " min kaah zeuh pah a atih chuan ka hamhaih thlawt ! "Enge awmzia " ka ti chhuak sep .A awmdan hi ka hrethiamlo .






"Ok...zinpui che ka tumlo ka ru zawk che " thaw hak a atih chuan ka meng phar awn awn ! "Mahse ...lawk tihian kan inru tihna maw " ka awih theilo.
"Yep "





"Khati khan min chhang suh aw Zothansang ,tinge ka remtihna tello in min ruk ve ngawt " ti chhuak phiar phiar in khawchhung ah chuan awmila kan thenawmte thenawm ho pawhin ka au thawm an hre thei ngei ang ...
"Engatinge min ruk ...mawh..min hawtir leh rawh.Nilo min dah let leh rawh vatin" abanah ka sawi nawk nawk tawh..

"Bawihi i chhungte pawn an hre vek tawh ang tunah chuan " atih chuan tihngaihna hrelo zetin ka ban ka phar hluai a ka dah thla leh hnak .





"iti mak e ,pasal neih kala inhuam hleinem ,kala naupang lutuk chumi piah lamah naaa Zothansang tinge ka thu lo in min ruk ve rikngawt" Thlakhat kan inngaizawng tling awrh chauh a, ka hmangaih em tih takngial pawh kala inhre lo asin .

"Bawihi itan ka thil ngaihhlut leh dahsan em em ka Pro Pastor nihna ka kalsan a ,mite sawi rawn leh kawh rawn ni turin ka inpe bawk.Min hnial lo in min zui thei mai lo em ni? Nge ni a min duhna i nei miahlo zawk " thutak zeta atih sup chuan "i mawl ami Zothansang " ka ti chhuak hluai .
"Tinge i hna chu i bansan reng reng " ani ang hna zahawm tak nei leh nghalin ka tan tinge ahna akalsan .
"Mawh..tinge kei ang hmeichhe satliah ve mai mai tan i hna i kalsan kher a " ka aw chu a zawi hle tawh.Ka insit a ,mahni inthiamlohna nasa tak ka nei bawk.Inhrelo ta ang ni ila tunah hian mite zah rawn leh ngaihsan rawn ala ni ngei awm si a ..







"Achhan ka hre bik lo le ? Hmeichhe satliah chu inilo tawp anih hi " nuih seih pah a tiin alamah min pawt hnai salh a ,a awm hlai leh lum nuam zetah min kuah betin ka chhipah ahmui a nawr tawk bawk. "Ka chhingchhengtei ,keima ta chauh .Tiang khawpa ka nun thlak danglan theitu ini ang tih hi ahma khan ka ring lawk ngai hauhlo .Hlat che ka tum nasat pauh leh i hlimthla in min chenchilh thuk deuh deuh zel a ,dawithiam ini hial lo maw " nui nghawr dawt a tiin ka hnung ah atuai heuh heuh a ,ka awmzel dan tur abuai ta map mai ! Kan inruk chuan a in ah min hruai ngei awm si a ,inchhung sek rek khawih lam engmah thiam ka nei silo Chumi piah alamah an inah chuan anu leh pa an awm ve tawh dawn a ,unau aneih phei chuan engtin nge ka hrawn theih ang ni ? Lawk! Anu ten minlo duhlo ta se ,bakah ahna a chan phah dawn bawk si an thinrim viau ang .






Tha te te in motor lamah kan inzui phei leh a ,ka rilru hah lutuk chu hrehawm ka ti lek lek viau mai .Achhungten min duhloh ka hlau a ,tiang teh thlawt a inruk rik ngawt hi adik berin ka hrelo bawk .Chu bakah kei BA pawh la zo lo hna pawh neilo chu engtin nge kan khawsak ang ? Engtin nge innei pawh ni ila kan inchawm ang ? Thlatam kan la inzui lo leh nghal a ,min hne in min then leh ta thut se...a ka rilru buai lutuk chu ka thaw leh hak thin .










Zothansanga pov.






Bawihi thaw leh hak thin chu ka thlek leh zeuh thin.Thil tam tak ngaihtuah tih hriat takin amelh ngai amelh reng bawk .Tuna ka thutlukna hi darkar tam ka ngaihtuah hnu a ka siam chauh ani.Ka chhungte lam in an remti thlap bawk .Vawin tlaia atap thawm ka hriat khan kei tlangval senior rawngkai tawh hi ka buai let der anih kha !
A kianga kal nghal duh rum rum mah ila a remtih miau loh vangin ka in dang thei hram hram zawk a ,tin he thuthlukna hi ka siam theih phah bawk.




Flashback.




"Kha Ronald iva inngaihtuah nasa ve kawngka ka kik pawh i hre silo a kalo lut tlang tawp." Ka ngaihtuahna atanga harh chhuakin Pastor Rotluanga lo leng lut chu ka bengkhawn thuai a ,ka Pastor hriat tawh a ka nel leh kawm theih ber ani ngei ang.Midang chanchin a buailo dik na tan tlat mi ani a ,ka ngaisang takzet bawk.

"I rilru ahah hmel hle mai" sofa a thutthlak pah a atih chuan ka bu nghut.Bawihi ringawt in ka rilru ala luah atin ni .
"Hah viau mai " ka ti sup a ,ka hmai tuai puatin ka thaw hawk bawk.





"Ka hriat ve re arem em ?" A tih chuan "remlohna tur a awm hleinem " ka ti sup a .


"Zorinpuii khu i hria em " ka tih chuan abu nghut. " Pu Hruaia fa hrawn khu maw ,in inkawp niin kalo hria a adik reng em ?"

"a dik alawm " ka ti sup .





"Atha hlauh anih chu " atih chuan ka hrethiamlo viau mai !
"I hre ve kherlo anga ,keipawhin ka thuhriat hi adik em tih ka hre chuanglo bawk .MAhse an thenawm Partei te inah khuan ka lenglut tam a ,Zorini chungchang chu ka hre tam viau mai.Kalo chik thin viau bawk mite sawi ang em a nula sual anih loh zia te thlengin ka hre zel a ,Partei sawi danah phei chuan khutiang khu ani ngai hauhlo lehnghal ! Hetiang taka a nun hauh tan na chu anu leh apa hrawn vang khu ani awm e ,apa thlanlung em pawh an phun hma in anu khuan pasal dang anei leh a .Apasal neih inah pawh cheng loin ahmeichhe lamah an awm zui bawk a chu ringawt pawh chu Zorini tan chuan ana dawn lutuk.Chumi piah lamah a chhungkaw neih chhun ang lak atang ngaihsakna ala dawnglo leh zel bawk nen " athusawi chu ngun zetin ka ngaithla a ,ka hriat sa vek pawh ni mahse ka ngaihdan ang pu dang anlo awm ve chu ka thawveng huai thei.





"Tanpui ka duh a hmalam pan se ka duh bawk ,mahse tuna a chenna in atang khu chuan hmalam pan ahar dawn lutuk.Ka hnenah awm tir dawnin ka nihna nen a inremlo a ,mipa mahni a awm ka nihna hian thil a ti buaithlak viau bawk ." ka tih chuan a bu ve nghut nghut .Bawihi'n hmalam pan duhve ta pawh nise a awmna in atang khu chuan aharsa dawn ,ahmalam pan duhna rilru paihbo sak tur thil a tawng hnem dawn lutuk tlat.

"Keichuan engthil pawh ti la ka support reng ang che ,i dik tih ka hria alawm.Hei erawh hria la Lal Isua kha khenbeh anih khan hmuhsitna a tawk a ,tuarpui tu an awm rualin deuhsawh tu an awm bawk.Phatsan tu leh nuihzat tu an awm laiin ani chuan akianga an khen beh ve thlarau chu vanram ah ala hruai thleng thei cheu a! Khenbeh tuar kherlo khan Pathian hnenah ngen se chuan a rawngbawlna chhunzawmin na tuarlo in a awm thei ngei ang ,mahsela hmuhsitna dawn huamin kraws a khenbeh a tuar ta tho .I thuthlukna chu nangmah ah a innghat ania ,Pastor inih vang chauh a rawngbawl inilo a ringtu tha inih vang zawk a a rawngbawl ini " atih charh charh chuan ngun zetin ka ngaithla a ,a haw hnu thleng pawh chuan kala in ngaihtuah zawm reng .






Darkar chuang ka inngaihtuah hnuah thuthlukna siam felin ka nu leh pate ka ph vat a,ka pa ngat phei chuan alo remti viau mai.Ka nu pawh chuti tho ,alawm zanlo na chu rem ati ve ta tho a min hnial chhin miahlo bawk .







End of flashback ..




Bawihi lam ka va hawi chuan ka nui chhuah hak.Ka mut chhuaklo ti chungin alo muthlu bam mai ,ka motor khalh lai ti dingin seat hnung lama puanlum ka dah chu ka la a ,ka sin that tir nghal .Ka kianga nun hman chu harsa ati dawn tih hresa a ru ka ni a .
Nunthar neise ,ka kiangah hmangaihna ala dawn ngailoh zawng zawng dawng se ka duh tlat.Tichuan atan pawh a awlsam zawk ang.Mi hausa satliah nilo Mizoram ah pawh aber pawl chhungkua atanga seilian ani a ,insuk chu sawiloh rawngbawl leh chhuatnawh tak ngial pawh a thiamin ka ringlo.Nilo a thiam hauhlo zawk ang .Chuvang tak chuan ka nute kiangah pawh ka sawilawk chiang nghal viau bawk.
Khi lamah chuan kan eitur siamtur awmpui kan ruai ve lo a ,ka nu leh ka u nupui in an siam mai zel.Inchhung sekrek khawih pawh an ti vek bawk.






"I awm thei ve em ang chu maw " ti supin ka thlek vang vang a ,ahmel tha zet chu nileng pawhin ka en peih ang.A tahna vang nge ahnar leh biang asen hlar a ,ahmui no nalh zet pawh chuti bawk .A vun makeup hmang miahlo a no nalh em em lawi si te hi tu hnen atanga aro chun nge ni ? Ahmel fiah zet leh mitmeng zahawm zet a min melh ve kiau tawh hi chuan ka zam lek lek thei hial bawk!






Zawmna






Champhai kan luh meuh chuan zing dar 5 ari dawn hnai tawh.Khua pawh a eng tan tawh viau.Ka tlanchak pui ngamlo bawk nen kan tlan rei viau mai.Ka mit kham thum vanga hmai tuai puat in ka bula tui zeta muthlu lam chu ka melh zeuh a ,seat ah a ke hlangin amu tawm kek thei nia ! Nuih sukin apuan sinlai bawk chu ka sin that tir a ,rei ding loin kan in lam panin ka inkhalh chhuak leh nghal thuai.

A mut achhuak lo viau emaw tih laiin zankhua in min muthilh san der tawh chu nia !






"Bawihi...bawihi kan thleng e " sawi dat dat chung chuan ka ti a ,amuhil tui lai hmuhnawm ti viau mah ila ka nuten min lo nghakhlel tawh dawn lutuk .
amit nuai chat chat a rawn meng diar diar in a hawi kual ang phawt a a chul lem khalh in "in in maw " a ti nghal sep.
"Yep" ka tih sup chuan nur nang hian min rawn melh a "in in ah kher hian in ruk angai ami " a rawn ti chhuak ta phawng!
Nui hawk hawk in lu ka thing nghut a ,kan ina awm ahreh lutuk chu ka khawngaih lek lek hial mai .





"Ka nuten min lo nghakhlel tawh viau ania " ti supin motor atanga chhuakin a thutna lam kawngkhar ka hawn sak a ,hreh hmel zetin a rawn chhuak ve zal zal.
"Zothansang ...min hawtir leh mai rawh " ngenngawl zeta atih chuan hruai haw leh mai ka duh rum rum hial .Min chhoh melh kiau in ka hnial thei dawnlo a ka hriat vangin ka hawisawn thuai.Engthil nge maw hetiang taka athuhnuai a min dah tur hian atih bik ni ?






"Bawihi hlauthawng lo la ,hlauhawm tumah an awm dawnlo .An fanu ang chiahin an en dawn che tih ka chiang bawk.Chuan i in ang khan a nuam in zalen takin i awm thei kher lo maithei mahse hmangaihna leh ngaihsakna i dawng ang tih erawh ka tiam ngam che " a dara vuan pah chuan ka ti sup a,a tah achhuah hmel lutuk chuan ka awmah kuah bet thlawpin "ka kianga i awm chhung chu ka tina ngai hauhlo ang che " achhipa fawh tawk pah chuan ka ti sup bawk.

Hmalam apan theih nan ka zahawmna ,ka hmingthatna leh ka hna chenin ka bansan a .Mahsela inchhirna ka nei hauhlo! Ka inchhirlo mai nilo in ka ta anih theih dawn vang ringawt pawh hian ka lawm tawk lutuk ringawt .Engvanga a zun hian min phuar em em nge anih le ? Ka hmuh tirh phat atang ka mit ala em em a ,mahse hetiang em a thui kalpui tur chuan duhna satliah ringawt ani lo tih hreturin ka kum in achaldelh viau tawh.Ka hmangaih ani tih phat theih rual loh in a chiang viau bawk.







"Ehe ka fanu tur alo thleng e " ka nu rawn au ruai vang chuan kan inthlah thuai a ,bawihi erawh kimki zetin ka hnungah a ding nghal zat! "Zothansang engtin emaw inu saw ti vat rawh " ti nawk nawk in ka hnung chu a tham ngawt ngawt! Ka nupui turin ka hmingpum ngatin min la ko ania! Ka nu pawh chu engtin nge maw ti vak se min tih ni ?

"Inlo tluang em? Aaa Zobawih tinge bawiha hnungah i awm a" ka nu taang ruala ka hnung a rawn tham tawk chuan ka nui chhuak teuh kher mai.
"khawmaw lo chhuak la " ka nu in a tih chuan dinsawn ka tum a ka hnung lam atang min kuah bet nghal tung..





Angaihna hrelo zeta ka nu ding chu hmuiphunin "a zak anih hi" ka ti sup a ,bawihi'n min kuah bet tlat bawk si nen han chetsawn pawh ahar talh mai .
"Nu ka rawn hruai lut ang lo va lut hmasa la " ka tih chuan hrethiam takin ka nu pawh nui sang chungin a lut ve mai .
Engtin nge ka hnunga ka nau puak hi kan thlem ang aw ?







"Zothansang hotel ah kal mai ang " ti tiauin ka hma ah a rawn ding nulh a ,alawmawm lutuk chu abiangah kalo piai nawk .Ka kut abeng thla rang kher mai .
"Bawihi nuam iti dawn lutuk tih ka chiang" ....





"Aih min hotel a min hruai loh chuan keimahin ka haw ang " talh talh hian aw ! Han thlem vak ngaihna ka hre derlo lehnghal .

"Please..bawihi inchhungah lut ila nakinah i duh duh ka tihsak ang che .Chuan i bulah ka awm reng ang " ti supin thutak zet chuan ka ti a inngaihtuah vung vung in "ka duh engpawh iti ang maw" a tih sep chuan ka lu ka bu nghut.
"Ka bulah i awm char char ang maw " a tih leh chuan "yep" ka ti leh sup a ,eng thil thalo tak ngaihtuah mawni nui seih in "atha lawm " ati ve ta hram.Ka thawveng huai nangin engthil nge min dil ang tih in ngaihtuahna a luah nghal ruai mai.Naupang nghal zet ani tih ka sawi lai khan kalo ngaihtuah lo bawk a ,engpawh nise inchhunga lut turin kan inthlem lungawi thei tal alawm le .







Ka hnungah ka mei ang maiin min zui ve det det a ,inchhung kan luh chuan ka chhungte anlo kim thap .Ka ute nupa chenin ,sawihmaih theihloh an fapa osmond pawh mawle abiang rah lutuk pawh alo ziaiawm ta viau mai.
Bawihin ka hnunga atham reng chu akut man sakin ka kai a ka bula ka dintir rual chuan a ke in min tlawh sawk!

"E ka monu tur chu iva hmeltha em aw ...i lakah hian ba ka ngah viau dawn anih hi " ka pa in alo tih hluai chuan bawihi aphu deuh zawk.Ka pa aw hi a lian ve bawk em a , "thu ang u ,an chau dawn si " ka pa in bawihi chibai tuma aban a rawn phar dawn chuan ka nu lo tawng vatin sitting room lam kan pan ta thuai.





Kan inchhung chu hmuhnawm tih hmel zetin a melh kual a ,zahpuiawm nilo mahse an in ang a ropui chu ani chuang hauhlo .Aizawl a an in kha chu apawnlam atang ringawt pawn mi hausa tak chhungkua an ni tih ahriat theih a ,achhunglam phei chu hawi kual vual vual na tham khawpin a ropui bawk .Sitting room ringawt pawh pahnih an nei tak alawm.








"Inhmelhriattirna nei phawt ila keihi Ronald a u Zonunmawia ka nia ,chuan ani hi ka nupui Zirsangzeli .Heihi kan fapa Osmond Zonunmawia anih ve hi " ka u in atih chuan ka pa arawn insawi ve nghal zat a ,ka nu erawh inti hre sa takin "keichu min hre tawh" alo ti nghal thuai bawk .
Bawihi ngawi vung vung chu nghawk detin "inhmelhriattir ve la " ka ti sup a ,ahreh hmel viau nangin a aw a thian ve khaeh khar reuh.

"Zorinpuii Aizawl atang kalo kal" asawi zo chu ka u nupui alo nui hak ,ka mitmei vat a a insum nghal thuai.






"Anuam e kan chhungkua chu Z family kan ni ringawt dawn anih hi " ka nu in ti hluai in kan han nui ho leh dar dar a .A hlimawm viau mai .







"Bawihi kan zung lawk ange " ti sup a ka tho mai tur chu ka kawrah pawt tawngin "Zothansang kalo kal ve duh" a rawn ti sep ! Min pawh na lamah ka kawr hi a sam zo vek dawn hialin nia ka hriat ni .
Ka pa te mitmei a kan rawn chuan "a intifai ve duh ang hruai ve mai rawh" anlo ti hlauh.An lawm hle tih a hriat theih an nui reh hleithei lo.








Zorinpuii pov.





Ngei zeta melhin bathroom ah chuan ka zui tho a ,engtin nge achhungte kiangah khan min kalsan a tum theih zawk ? Ka bulah i awm reng dawn nia te kha ati reng sia.
Achhungte kha an fel viau tih hriat tho mahse kala zak tlat.

"Bawihi bathroom ah chuan min zui lut ve duh tak tak maw" chimawm zeta min melh pah a atih chuan "Zothansang i ngaihtuahna alo va hmul ve " ka ti hluai





Vanvadak meuha nui hawk hawk in awrawl chhuah meuhin a nui! Hetianga anuih hian alawm pa ka tih em em .
"Engtin nge ka tih ang che aw " ti supin ka biangah a rawn piai nawk a ,min hrawm nghal nawk nawk ! "Ana min thlah teh " kalo ti chul.
"Ei zawh vek mai che ka duh " atih chuan rapthlak ti zetin ka melh ngawt ngawt .Mihringsa ei chak ka hriat awmchhun ala ni hial ta ve ang.






"Va zung vat rawh ka zung ve duh " tiin ka nam lut nghal nawk nawk .Mihring sa eiduh bulah ka awm dawn ania! Ka him rei meuh angemaw ?/








Kan luggage vel chu an rawn khai chho a ,Zothana room niawm takah kan inzui lut a ,engkim mai chu mipa ta tih hriat ngawih ngawih theih turin raqng thim lam hlir an hmang ! Khum changkang zet chu inhung luahin sofa pahhnih a awm bawk a center table nen.Thawmhnaw dahna niawm tak bakah lehkhanu bawm lian zet a awm bawk .A room chu library te pawh a ang zawk mah alawm le ! Ka room ai in alianlo hret anga mahse ani chu a changkang bik tawp hi nimai .

"Zorin i thawmhnaw hi rem ang aw " Zothana u nupui in a tih chuan Zothansanga ka melh vat a
"U Zir aman ti zawk se atha ang ,eirawng lo zu bawl la kanlo pui ang che " ti a chhang hlauhin ka thaw huai thei.Ka bungrua midang khawihtir hi ka duh vaklo .







"Chuan heihi ka room chu anih hi ,enge ang itih "






"Mipa room a ang ka ti " kiai sukin a wardrobe chu ahawng nghal zat. "Veilam hi kalo tihruah tir lawk a ,tah hian inrem rih phawt la mahse tunah angai kherlo nilengin hun inei dawn.Chuan nakinah chuan ka room piahah hian room ruak te deuh hlek a awm a ,kan hawngtlang anga i closet ah kan hmang tel dawn nia " a ti sup

"Ngatinge ? Ka tih awmzia chu wardobe a awm chuan closet angai kher ami/" angai ka tilo tak tak ,changkang tak leh milian taka han awm kher angaihna ka hrelo.






"Yep bawihi atha ber zel neila ka duh.Chuan inthlak ila inhnuai ah kan chhuk dawn nia "

















End of ch-12






Zanin ah ka dah leh hman ang ka ring ch thar ,chuan naktuk hi ka birthday ania ,plan kalo neih ve nasat tawh nen covid ka + a a flop vek .Karleh ah class tan ani tawh dawn sia minlo tawngtai pui ru aw .




Ka nb mindiltu te kha ka hre mai tawhlo cheu a 9612076470 ah hian minlo bia ula kalo save ang cheu .


Show post links
Top