Ronald Zodingliana By Natasha Hrahsel (Completed)

[Ngaia]

*Ronald Zothansanga * ch~13
By Natasha hrahsel .



CH -12 zawmna tlaiah khan ka dah a inlo hmulo palh ange aw




Zankhua in motor akhalh a ,a muhil ve miah bawk silo ka khawngaih ru reuh lutuk.Mahse mahni a han chhuk tawp chu ka hreh ve bawk sia ,mi pahnih nise pakhat lo mu hahdamin pakhatin min awmpui se kava ti tak .
"Bawihi inthlak la " ti supin ka bag min hawn sak a ,"hei ha mai la " tiin ka t shirt leh pyjama suit bawk a rawn phawrh leh.Pyjama ngaina min ti viau in ka ring ,a dik reng bawk a ka ngah lutuk tlat..
Intleuh thuak ka duh vangin bathroom lamah ka thawmhnaw leh towel keng chuan ka luhsan a ,abathroom chu anuamphian mai .Bathtub a awmlo na chu shower changkamg zet a awm thung .Tui lum inphuh tir seng seng in shower gel strawberry flavour thar hlak awm chu ka hawng a ka hmang ve hmiah.A rimtui chek chek lutuk mahse ka hmanlai kha ka duh daih zawk.





Ka inhak fel zawh chuan ka lu ka hruhul thuak thuak a ,ka chet ngailohna anih vang nge ka che reng reng chu akhawr tut vek ! Ni dang aiin ka inbual rei daih bawk .ka sam hruhul mawlh mawlh chung chuan ka chhuak a "Zothansang i mawl ami " ti thawtin ka sam hrukna towel in ka hmai ka hup nghal thuai.kawr leh kekawr ha loin towel chauh alo vemg anih chu !

"Bawihi apawilo" ti supin anui tih ahriat theih..
"Apawi reng " kalo ti vat a ,nui hakin "ngaiah ila nei vat tho ang " ati duh lek chauh ! Ka va ngei mai mai tak .Bathroom ah alut ta ani mahna atawngthawm ka hriat takloh ah chuan towel ka la thla riai riai a ,alo lut tawh tak tak .
Ka bag hai rawk rawkin ka face cream kala chhuak a ,ka hmaiah darthlalanga in en lemlo chuan ka tat nawk nawk.Lip balm inhnawih leh tawpin ka dryer ka la chhuak a plug ka melh nghal ruai bawk.Khum bula plug ka hmuh chuan ka vuah vat a ,ka sam ka chhem tir nghal sawk sawk.Sam chhemro tir hi duhlo viau mah ila ka sam huh chhung rei lutuk ka nin em vang hian ka chhemro tir ziah.Hair spa ka hmang ziah bawk a hair dryer pali ngawt ka hmang chhe tawh chungin ka sam in a tawrh phah em em pawh ka hrelo.




Zothana chu thawmhnaw inbel diamin alo chhuak a ,akeng lut tih kalo hre miahlo ! Tshirt nghawng V ha in kekawr bul a ha tawp a ,akawr hak chuan aphuar lam mah bawk.Amah alian em a a thawl hnak ha se chuan a inhmeh bik vaklo ang.
"I inpeih tawh em ?" A tih sup chuan "ahmanhmawh thlak em ?" Kalo ti zeuh.Alu thing nghutin "tinge " ati zat a

"Lo thu la " tiin khum ka beng thak thak a ,a rawn thu ve mai bawk."i sam hi ka chhemro sak ang che aw " ka tih chuan kiai sukin a bu nghut a ,plug on leh nghalin ka chhem sak nghal mawlh mawlh.A sam aseilo bawk a hun a duh rei vaklo .




Inhnuai lama kan inzui thlak chuan ahnungah ka pawt leh det det tawh.
"Bawihi tia i awm reng chuan thawmhnaw thar manah ka inseng hnem lutuk ang ka banah hian min kai zawk la "
A sawi ang chuan a hnung ka pawhna ah a lo chuar leh vek tawh tak tak ! Abanah ka chelh ta zawk a ,choka lamah lutin a nupui u leh anu in rawng anlo bawl mawlh mawlh tawh .





"Zobawih i ril atam em ?" Min koh dan berkher chu mawi kava han ti lemlo tak! Sawisel ka ngam der mai silo .
"Tamlo tirawh" Zothansanga bulah chuan ka ti sep a ,khi sukin "nu kan ril ala tam hranlo ania " ati ve mai .
"Zorin kan bulah lo awm daih la ,Zothana kha chu ka pan abe duh deuhin ka hria " U zirin a tih chuan ner nangin Zothansanga ka melh a ,minlo melh ve chiah bawk.
"I duh chuan ka awmpui rih ang che " ahmui phunin alo ti sup.Anu leh a u nupui te hma a minti mualpho lo ringawt pawh hi a rilru a tha ka ti takzet.An hriat ve tyr in sawi ta se min ti mualpho thei ve tlat.




"Aih tah kalo awm ang va kal rawh" ka ti ta nge nge ,ka chelh reng thei dawnlo tal hran ka zir angai tiin ka infuih mawlh mawlh. "ka rei lo ang " ka chhipa ahmui nawr zeuh pah chuan ati sup a ,anute bulah min enkawl tha turin an hrilh ngei bawk a !


"Zorin lo thu la tihtur em em a awm hranlo " U ziri chuan lo ti sawk sawk in ka thutna tur min kawhhmuh zat a,Zothana nu erawh engemaw siamin a rilru zawng zawng nen a bei tih hriattheih tur khawpin kan tawng pawh ahriat hmel loh .
"Chaw kan chhum tawh a ,chawhmeh tlem siam ani mai.Kan pa hi hna ah akal hma duh thin sia chaw kan ei hma deuh hlek thin a " ti siam siam in fridge atang chawhmeh a rawn phawrh a ka thutna bulah a rawn thu ve nghal zat.
"Kalo pui ve ang che ,tihdan min hrilh la " a maian hih lai en pah chuan ka ti sep.Tia lo thut ve rikngawt chu anuamlo. "I peih te chuan lo ti ve la ,hei akuang hi elh la maw ka tih ang hian ,ano chin lai ah ka tih ang hian i hik thla dawn nia chuan a hruai zam hi peih tur ania.A hnah hi chu tihian itia nga ahar deuh a mahse ti ti ila a fuh mai zel " ti siam siam in a tihdan chu min hrilh pah zel a ,pahnih ka hih chhung pawh rei duh ngat ngat tak ani.Ka tihfuhloh lai te chu nui hawk hawk chungin min tihpui zel a ,atawpah phei chuan ka hik thler nasa lutuk chu kan nui dun bawk bawk tawh.
Ka thiamlo atih vangin min laksak ngawt lo a ,ka hnaih chetah thu in tihdan min hrilh pah nghal zel zawk.Kan hihsa chu a mawilo viau nangin U zirin a pawilo ati tlat a sil turin basin lam apanpui nghal daih bawk.




"Zo bawih Mama khan breakfast ah mizo buh pangai in ei ngailoh thu asawi a ,hei pancake siamsak che ka tum a afuh theilo reng reng mai " tiin Nu Muani chuan pan a athil siam kawi zet chu min hmuh a ka inthlahrung nghal rawih rawih.
"Angailo an siam ngailoh vang mai mai alawm kan eiloh ,chaw pangai ka duh daih zawk " ka duh zawk phei chu ka hrelo a mahse tianga keimah vanga abuai kha ka duhlo hrim hrim.




"E athat hlauh chu tihian ar chaw ah ka dah anga hei I U Ziri hian eirawngbawl ahnehsawh ania i eiteuh dawn nia ,ar chaw kava pe lawk ange " tiin kawngkhar hnung lamah a chhuak zui nghal zat.
"Zorin mai an hi bai ve chhin la ka pui ang che " u zirin a tih chuan ka hnial hreh bawk si ,ka thiam ka ring bawk silo chu ka peihlo tih mai ka chak rum rum ."ka thiam lo ang "




"Ka pui ang che " ti sepin min kaitho nghal sawk sawk.




"Lem tui kha no in iteh anga no li bel ah khan thlak la " a sawi ang chuan belah ka thlak ve mai ,kan maian bei tur atam nen tui anei tlem lutuk dawn chu mak ka ti viau. "Tikhan chi leh soda tlem pawlh la ,sahang ka pawlh thin a arukin mahse hriselna an ngaipawimawh sia ka oawlh duh tawhlo a " ka kutah tehin chi leh soda chu min pawlh pui leh a ,tuivawt a thlak hmasak phawt tur tiin a bawkbawn leh maite chansa chu min thlak tir nghal bawk. Amah vekin gas on leh in "aso veleh maian leh lengser thlak ani tawh mai.Maian hi tukin a inhnung ami kan lak ania atui ngawt ang " engemaw sil mawlh mawlh pah chuan a ti ti siam siam a ,abula awm anuam takzet .




Ka bel chhuan chu ka en reng emaw tih laiin a rawn phul bulh bulh a a liam dawn ta mai "U Zir a liam dawn " ti chulin a thil siam lai chu ka ko nawk nawk.
"Aw kha fian khan lo chawk vat rawh " nui bawk bawk chung chuan a rawnti a ,ka fian zawn chhungin amah vekin a rawn chawk leh hman. "Maian kha ka thuai bung vek tawh rawn thlak la " atih chuan maian chu ka kuta thamin ka thlak zui zat.Anin alo chawk mawlh mawlh thung .A tawp na ber tur ka thlak dawn lai chu tuisa in min per a ka phu nasa lutuk in gas bul velah ka thlauh darh vek !



"Ka ..ka tihpalh" ka ti nghal nawk nawk.
"Ui apawi reng reng lo ka duh aiin atam hrim hrim alawm tikhan problem i solve chiah ,i kut kha khawmaw kalo en " ati ta daih ! Min vin vak ka rin nen gas ti hniam in ka kut chu a en nghal daih !
"Ui i kuttang hi a sen vek a per ringawt che maw ka tia " ti hluai in frigde a hawng rawk rawk a chawhtawlh ah vur dah in ka kut tuivawt ah min chiah tir nghal zat. "Tikhan lo chiah lawk la maw ,bai hi hmin se damdawi kan hnawih dawn nia " ti in abai chhuan lam a en leh a ,kang nasa pawh anih loh nen asa hut hut bak na ka hre derlo bawk .Ka maian tih buak ho chu chhar mawlh mawlh in gas a hru fai leh mawlh mawlh a ,ache reng reng chu a rang khawp .




"Awi tinge Zobawih " ka nu rawn lutin a rawn ti nghal chul .
"Nu maian ka thlak tir a akut tuisa in alo per nge achiah tel deuh ni kha a sen tut mai " U zirin alo ti nghal sawk sawk .
"Ava zialo ve ,khawmaw kalo en chhin " ti sawk sawk in ka kut chu a en a a chhem nghal hliau hliau "hei asen vek alawm Zirte i bai kha ahmin tawh chuan kang damdawi kha lo la lawk ta che " ti in a chhem zawm hliau hliau a ,ka hnuk a ulh lek lek !
"Nu lei kan ngai tep anih hi alo zo tep tawh a " U zirin tiin a pe a ,"Zorin tah hian lo thu rawh" ka thutna tur alo pawt chhuak nghal sawk sawk bawk.




Dim zeta ka kut a damdawi min hnawihsak chuan ka mittui rawn far fepin ka insut ri hraih.
"Tinge zorin ana viau ami " U Ziri chuan a rawn ti nghal hluai "tinge bawihi ana mi " ka nu in a rawn ti ve vut a ka kut a chhem nghal hliau hliau bawk.
"Aih...analo lutuk " ti tuakin ka kut lehlam in ka mit ka nuai nghal nawk nawk.
Ka kuttang tlemte chauh akang a ,ana pawh ka hre manglo.Mahse ka pem chhete vanga tiang taka min buaipui hi ka vawikhat tawnna ani hial ang ! Zothansanga kha chuan min buaipui ngei a ,mahse ka nu ang rualin tiang tak hian min buaipui ve ngailo .



"Tinge i tah a " hrilhhai zetin nu Muanin a ti leh a ,U Ziri pawh a inthiamloh hmel lutuk "kalo tih tir kher kher che ni " ati vawng vawng.
"Aih..apawilo analo tak tak .Englo ania tianga min tihsak tu hi ka nei ngailo a " ka tawng tawplam chu ari tawk tawk.Lainat hmel zetin Nu Muani chuan min melh ngawih ngawih a ,U zirin a darah alo chul heuh heuh bawk .
"Lo kal teh " ti hluaiin min kuah thlawp a ,ka hnunga chul heuh heuh in "i pasal nu tur ang nilo in i nu tak tak angah min ngailo ,i harsatna te ka hnenah thlen thin ang che.Mamawh i neih pawn 'ka nu ' tiin min ko la min dil zel rawh.Ka fanu in 'nu' min tih loin mi faten min ko nang " ti siam siam in ka hnungah achul hliau hliau a
"Keipawh kala upa lo ania U minti ang che " khauh zeta U zirin a tih chuan kan nui tlang hak .Amah ber ber alawmah tangin anui ring berah atang ang lawi a.



Ka nu dar atang Choka biang ngheng a Zothana lo ding ka hmuh chuan ka melh vawng vawng a ,ka tan chuan ani ngei saw Malsawmna ani ringawt. Hmuhnawm tih hmel zeta minlo thlir vawng vawng chu enin lei ka va chhuah zeuh.
Lu thing nghuta kiai sukin a kalsawn hna hna..alo lut ve mai dawn emaw ka tia .




"Zorin kan chhungkua ah chuan chaw hi kan ei ve mai mai lo a ,khawrh hnih tal ei ngei ngei angai ania " Zothana pa in ati fak a ,ka hlau lek lek ka thleng ka en in chaw a inkhawrh hnur bawk si .Ka ei thei angem tih ka rilru in ka ngaihtuah neuh neuh.
Dawhkana chawhmeh in chhawp ho chu arim rinngawt pawhin ril ati tam vawng vawmg thei !



Zothanan ka thlengah arsa hrang hnih min chhawp sak a ,ka bowl ah maian bei ka kut ka tih kanna ngei mai chu min suahsak bawk.Kan ei tan chu ka rin ai takin a tui ! Ka ei thei viau mai .Hmarcha pickle nen tui ti zetin ka ei hliam hliam.
Ka thleng khat ka eizawh meuh chuan ka puar lutuk tawh tlat.Khawrh dang ka ei thei tawh hauhlo ang.Zothana pa ka melh chuan ka thleng ruak a rawn melh ang vung vung a ,han thawh a inthlahrunawm ngawih ngawih.
"Ka puar tawh e " zawi sep chuan Zothana bulah ka ti ru a ,




"Zorin ka pa kha chu afiamthu mai mai anih kha " nui chung chuan Zothana u in a rawn ti ta hlauh.Zothana pa leh midang ho pawh an nui ve ta bawk bawk hlawm
"Fiam reg suh u in nghal lutuk.Zo bawih inthlahrun na tur a awm lo,i puar tawh chuan ei belh kher angailo ania " Nu Muani oh! Ka nu in ka thlavang hauh zetin a lo ti ve zat .
Min fiam mai mai tih ka hre ta bawk a ka thleng chawiin basin lam ka pan ta thuai.Ka puar lutuk ka dul pawh a mar vek thei in ka hria !




"I puar meuh em ?" Ka hnung lam atanga min si chet a din pahin Zothana'n basin ah akut a rawn sil ngei a ,min uap hneh lutuk a ka chesawn thei miah lo .Akut tiro sawk sawk in min kuah nghal zat bawk.
"Midang anlo kal ang " ti a awmsawn ka tum chu phallo in ka kawr chhungah a rawn zen nghal chawt ! Ka chesawn ngam tawhlo reng reng.Ka dul thep zaih mai chu a chul a ,ka puar viau a ka dul amar ve lah emaw ka tih laiin ala thep tho.Ka eive teuh pawn ka dul akiar thei miahlo a ka vannei hlauh.



"I puar meuh maw " ti thawp sapin rinhlelh hmel zet chuan ka dul chu achul ruai a ,athep ve em bawk a awihlo pawh nise a awm lutuk. "Ka dul hi akiar theilo a ka ei teuh pawn.Ka puar lutuk " ka tih sep chuan "good " ti ve supin a kut ala chhuak a ading sawn ve ta hram .

.......



"Awi hmelchhe nu tinge an ru che tih i sawi lawk loh a " a aw ring lutuk vang chuan ka ph ka dah hla tawp.Hruaipuii rawn ang nasa lutuk ka tawngve hauhlo chungin darkar chanve chu aphun tawh.
"Lalhruai min ru dawn tih ka hre bik hleinem " ka ti ta thlawt .He thu pawhhi kan inbiak tirhin ka sawi tawh.




"Anih chuan alo sual viau em ? A sual viau chuan police hnenah a report theih ania " awihlo zetin ka ph ka melh nghek ! "teuhlo mai an fel lutuk ringawt" ka ti chiam tunkar chhunga min enkawl dan kha sawisel tur reng ka hrelo.Ka tlangnel tawh viau bawk .
"Aa engpawh nise Kylos a hi thlem nasa rawh athinrim teh ania nizan ah pawh aa ka sawi leh duhlo " atih chuan 'Kylos' tiin ka phun ve sup. "Hruai engtin nge Kylosa chu awm sawi vat teh " ka ti thuai a biak ka tum ngar ngar chung in ka call a reject zel a min block nge message pawh ka thawn thei tawhlo.




"Ihmaw nizan ah kan leng chhuak a ,Lalvala thianpa in U Ronalda nen khan in chanchin chhe deuh deuh in a sawi a Kylosa thinthawk chhuakin a sawisa vak a ,chupa chu a na bawk sia achhungten an report a police hnenah tukin apa hoin anva bail chhuak alawm .A biakduhloh che pawn i thlavang chu ala hauh na teh mai ania aw " thaw hapin athusawi chu ka ngaihtuah a,rilru a ti hah viau mai.Tinge maw keimah vanga mi kut a thlak fo zel ni ?
"Hruai abulah lo awm tam teh aw" ti sepin Zothana room a lo lut chuvka melh vut a ,a hmui phunin "kalo nghak ang che " ti supin a chhuak leh nghal .




"E lungngai lutuk suh aw ,i ngaih ang em em anilo ania aw.Tunah phei chuan upa fanu hian a atchilh bur a ,a zui kual peih lutuk a ngaihtuah hman che pawh anilo a biruk san zel duh sia a buai lutuk " nui uarh uarh chung chuan a ti a ,ka thawveng huai thei mai .A sawinu erawh ka hre tlata hriatna ka nei ! Tu tak chu ni ang maw?





Ph dahin inhnuai lam ah ka chhukthla thuai a ,Zothana chiah alo awm tawh.Vawin hian an huanah kal an tia ,sangha an khawi ani awm e .Thenrual tha te nen intihhlim pahin eikhawp lek man kan tum a ,kala tihngailoh anih vangin ka phur hle bawk.

"Kal ila " ti supin anin hma ahruai a ,ka zui ve leh det det.Kawngkhar kalhin a motor lamah kan inzui a ,Zothana nu hi ataima khawp aniang thlai chi hrang hrang in bul velah hian a nei duah mai.Tomato phei chu anei tha lutuk ringawt.Hmuhnawm a tling hial zawk .





An huan kawng chu motor leng lek hian a in metal vek a ! Ka rin dan te chuan ke a kal angaih kha ka lo rin vei nen !
"Ka pa hi a hriselna atha viau tawhlo a ,nikum khan kawng hi kan siamtir vek a " ti supin ka thutna lam chu glass a rawn up nghal zat. "Hnim hnah khan i hmai a rawn tai palh ang " a ti zui zat bawk.





Ahmun kan thlen chuan anlo ri nuaih nuaih tawh .Naupang tep thawm te nen kan ni nuk hlawm.An thlam chu thlam pawh a anglo Assam Type in lian zet ani.A chhuat concrete vek ala ni zui.Room hnih a awm a ,enkawltu te an riak thin ani awm e .
An dil chu pakhat chauh niloin hmun thum laiah alo awm a ,pakhat chu naupang chenna tham lek hian athuklo viau.Sangha pawh an dah tam lo.Mahse han chennan tak tak chuan a tlak pawhin ka hrelo.




"Zorin lokal rawh sangha hi lo en teh " U Zirin a rawn tih lauh lauh chuan ka pan phei thuaia, U Ziri ngat phei hi chu ka ngaina lutuk tawh ringawt.
Sangha sen lian zet zet Zothana kutphah tiat dawn hi chawhtawlh ah alo awm ruih a ,eikhawp chauh an man dawn emaw ka tia atam tawh viau sia anla man belh zel bawk a !



"Bawihi ka zuk manpui ange " Zothanan a tih sup chuan ka ngaihsak hmanlo ka kut in ka vei ringawt.Sangha chu enin ka mit pawh ka lasawn theilo.
"Sangha em chu ithik thei lo ang aw Zothan " Uzirin a tih hluai chuan kan bulah alo la ding reng tih ka hreve chiah ! Ka melh chuan khi sungin min lo melh reng . "kal ta che " akal ve ta hram e .



."U tinge anva man tam ve eikhawp chauh kan man dawn emaw ka tia " tiin u ziri ka zawt ta tawp..
"Kg 20 vel hi vengchhak lama Fahrah run ah eitur kan pe dawn a,chuan lei duh an awm vanin tlem kan hralh bawk ang ." Sangha tui leih pah chuan a ti a ,Fahrah in an ngaipawimawh lutuk chu mak ka ti viau dawn a an chhungkua hrim hrim hi an rinna atha ka ti dawn nge an fel ve hrim hrim ni? Chaw kan ei dawn apiangin chhung inkhawm kan hmang ziah a ,vawikhat mah tawngtai ve ngailo kha ka tel ve ziah tho ...



An chhungkaw inrel bawl dan a felfai in pa berin in a uap lum em em a ,Pathian an chunga a that zia an sawi banglo bawk.Tlaitin ka nu in Bible chang hrang hrang min chhiarpui thin a ,atirah ka hnial viau chungin a ti lui tlat a ngaiah ka nei tawh.Ka chungah an tha leh lutuk a ka awm thiamlo lek lek hial zawk ani.




"Zorin enge an " ka hriat ngai miahloh ka bulah rawn thu ve in a vun var vo mai lang chiang turin thawmhnaw bul leh chhingzet a in bel a ,lukhum parh khumin shades a vuah leh ang lawi a !
"Ka tha lawm " ka ti ve mai tho .
"E min hrelo tak ang ,Rebecki ka nia an chhungkaw thian hi ti ila i hrethiam ang " atih chuan ka bu ve mai a an sawm tel ve ani mahna chhungkua ho bik an ti emaw ka tia .




"U ronald a hi chu ka va ui tak.Tihian social media ah troll tu angah sia ui tu pawh an tam .Mi tam takin hmeichhe khawlo zet vang an ti bawk a .Oh ! Ka tihchhan lo che ania " min tih chhan tih ka chiang viau . "an duh duh an sawi thei alawm ,a mawl chin bakin an sawi peih tak taklo " ka ti let ve sak.
Mi mawl leh hman apiang Social media ah an tam ,mi thluak thawl apiangin mi sawisel an peih bawk .



"Engtin chiah nge ilo thlem kual chu ka hrelo a mahse i vannei takzet.Tiang khawp a mipa tha thlem thlu tur hian i inphelh ruak nasa viau in ka ring tlat bawk "




"Inphelh ruaka mipa thlem thin zawk chu kan hrechiang viau in ka hria Rebecca " kan hnung lam atanga aw rawn chhuak vang chuan kan hawi nghal dawr.Zothana huh hluamin alo ding reng !
"U ronald amah hian ati hmasa lawm" inla no zeta rebeccin a ti chu ka nuih zat lamah akal zawk.




"Rebecca nang ai in bawihi hi ka hrechiang zawk chuvang chuan ahnaih ah awm tawh hauh suh " a aw rum leh thum bawk si chu ahlauhawm lek lek .Ahmel a dur tha viau mai bawk si a rebecki pawh akalsawn rang ngei mai.

"I tha em ?" Ka kianga rawn thu ve in min ngaihtuah hmel zetin min melh ang vung vung a ,ka engahmah akal loh nen .
"Aho lutuk " ti sepin adarah ka lu ka nghat nghal zat. "Bawihi ka huh viau ania " a tih sup chuan "apawilo " ka ti sep a.




"Anih ahnu " ti thut in amal chungah min hlang nghal nawlh! "Amak e midang an tam si " ka ti nghal thuai.
"Enge pawi " ti supin ahmui in ka hmui a nawr nghal thuak bawk .! Ka beng thlawp chu a kawr alo huh vek nen tui aper chhawk thei ! Em em hian ! A sawr ve lam lo emaw ni ?



"Inthlakna ka keng ve lo ania aw ka huh vek dawn " ka ti sap a ,min kuah nghet zual sauh .



"Ka ken kep che " nui dawt a atih chuan ka thaw huai thei.Ka thawmhnaw a hai lai ka hre miahlo !






Ads click hram hram ang u aw




End of ch 13


#naktuk zanah ka bday pualin story thar ka dah duh sia ,chhun emaw zanin ah pawh ka rawn completw maithei aw mahse zanin ah chuan lo chang suh u ,ka dah pawn 12 hnu lamah daih aniang .Birthday present te kha angailo lo ania #


Show post links
Top

[Ngaia]

*Ronald Zothansanga *
Ch-14
by-Natasha Hrahsel







Ni aliam a ,thla avei a tlai khat chu ka nu (Zothana nu) chuan an room ah min ko lutin khumah min thupui a "Zorin i nu hi engtiang chiahin nge i huat?" Ka kut vuan chung chuan a rawn ti dam dap.Han chhan ngaihna mai ka va hrelo em !
"Nasa takin" zawi te chuan ka chhang .Ka thinlungah min hringtunu ka huatna a intuh nasa tawh lutuk a ,tawngtai ve fo tawh mah ila a reh mai mai theih ka ring tawhlo .






Chutah ka nu chuan "Zorin kan Lal biakna kan sawi ziah kha i hria tiraw 'kan chunga thil tisual tute kan ngaidam angin nangpawhin kan thiltihsual min ngaidam ang che. ' tiin kan chham fo a ,mahse kan Pathian khian maw ataka nunpui turin min duh asin.Kan thiltihsual ngaidam tura kan duh chuan heleia kan chunga thil tisual tute kan ngaihdam ve angai .I nu nena in inkar thatloh zia ka hre ve tawh a ,mahse engtik ni ah emaw tal chuan i ngaihdam theih ka beisei .I nundan tibuai vek khawpin ,mangang tawpkhawkin lo siam tawh che mahse ngaihdam hram tum rawh .Atuartu ka nilo ,i tawrhna ka hrethiam dawn lo mahse ngaihtuah la Isua Krista khan amah kross a khengbet tu te ngei tan khan ngaihdam a dilsak a nih kha ! Inu i ngaihdam theih hunah chuan irilru hahna te ,i chunglam ipik ngawih ngawihna te kha a zang hawk ka ring tlat " a thusawi ka huat hlau tak chung si chuan ati dap dap a ,athusawi ah chuan diklo tih pakhat mah ka neilo mahse ahar ve em ani.Ngaidam theitur khawpa kala pianthar tawkloh vang nge ngaihdam tumna lam ka rilru ah ala lang thei hrih tlatlo!







"Inu in min rawn bia a ,an rawn hruai dawn hnai che anih hmel .Kan duhlo vang che nilo in Mizo dan ang anih vang zawkin i let leh angai a ,mahse kan fanu leh Zothana nupui ni hlen turin i rawn let leh thung ang .I hrethiam ang tiraw " atawngkam dam lutuk chuan min thlamuan ngawih ngawih.A tirte atang kan chhungkaw boruak Zothana'n a hrilh sa vek a ,hrehawm ka tih hlauin an vai mai hian min duatin min ngaihsak em em vek.
Keimah vanga an fapa in Pastor hna a bansan chungin huat chu sawiloh an fanu ang tak takin min en a .Hmangaihna ka dawn ngailoh zawng zawng min pe vek nimai hian ka hria .







Zanriah kil lai chuan ka nu in inlama min hruai haw turin an rawn kal tawh dawn tih te chu a sawi dap dap a ,mahse hre sa vek an ang zawk .Zothana pa pawhin rilru tihah lo turin leh Palai in min zui nghal tur thu te a sawi ve luam a ,a theih anga ranga inneih aduh piah lamah Zothana pawhin hna lam ngaihven leh turin a fuih dap dap bawk .






"Bawihi i hrehlo tiraw ?" Ka sam hmawr khalh niap niap pah chuan a ti a ,room balcony ah kan pahnih chauh in kan thu a ,a kapkarah thuin min kuah chial bawk."Umm" tih bakin ka chhanglo .
"Keichu ka hreh " teh tawp a ! "Reilo te pawh nidawn mahse ka lung aleng hman dawn lutuk " ka nui nghawr dawt ,ani pawh anui ve tho ang.
Diktak chuan in lama haw leh chu ka hreh a ,mahse angai tlat si .Inlama miten engtiangin nge minlo dawnsawn dawn ka hrelo a ,engtin emaw tak hian huphurhna ka nei .Kan inruk ve hnu hian vawi khat pawh ka nu in min rawn la be lo !


"Mahse lungngai lo la ,a hma thei ang berin kan innei ang .Chuan eizawnna thar dapin Aizawl lamah kan awm angai hrih bawk anga ,keipawh ka pa sawi ang khan hna ngaihven ka ngai bawk a "




"Apawi ka ti ,diktak chuan hrehawm ka ti bawk .Keimah vangin Pastor hna i chawlhsan a,abul atanga tan that i ngaih piah lamah ka ti hmingchhia che " ka ti tak tak ,kan inru dawn tih hrelawk ila ka zui miah lo ang .
"Apawilo ka duhthlanna ania ,ka inchhir ngai dawnlo bawk .Pastor ka nih vang chauha Pathian rawngbawl ka nilo,Pastor nilo mah ila a rawng ka bawlchhunzawm zel tho dawn .Mite ngaihdan ka ngaipawimawh lo ,kan tina te anih ngawt loh chuan.Khalam kha chu ngaihtuah tawh lo la ,inneih te han zo fel se exam engemaw hmachhawn turin ka inpuahchah anga nangmah ang panga vel chawm zo tur hna ka hmu mai ang " a tih chuan kan nuih dun leh hak hak tawh.Zan kan mut te hian a sawi fo ,"fa panga tal ka duh " tiin .An unau pahnih chauh an nia tlem a ti deuh nge ni ?








Karthar alo nih chuan min hruai turin ka nu leh pahrawn te an rawn kal a,min biak hmasak hma chu lo biak ka tum biklo .An thinrim viau dawn emaw tih laiin Zothana te chhungte lam chu an be tha phian ang lawi a ! An mak ve ngawt mai !
"Uiii kan fanu ve hi chu mo fel tak ani pha dawn bawk silo ,in mo lah hi a fel hmel si .Rawngbawl takngial pawh athiam ve dawn bawksilo" nuih uarh uarh paha ka nu in atih chuan kalo thaw hak
"Aa fel kanlo ti khawp asin " ka nu ,Zothana nu chuan ati dam diai a ,Ka nu tia ka koh tirh dawn vel kha chuan bah nak hian ka ko a ,tunah chuan han hrehna ka nei tawhlo.







"Innei thuai dawn mah ula ka ngai dawn tho che " u zirin a tih chuan kalo nui ve sen sen mai.A nau ang tak takin min en ve a ,thil engkim min zirtir a .Ka thiamloh vangin min hau lo in a nihdan tur ang min kawhhmuh pah zel bawk ."Osmonda pawhin angai ngawt ang che " atih chuan keipawn ka ngaih tur zia ka hrilh ve luam .







Tha te te chuan kan inphur haw ve ta a ,kan tlanliam dawn thlengin minla thlek ve ngawih ngawih .Ka hmangaih thu kala hrilh lo ,mahse ka hmangaih tih ka inhre chiang viau kan inzui reilo pawh ani maithei.Mahse amahah himna ,thlamuanna ka hmu a .Nula hlutna neilo angmaia ka inngaih laiin ,min ngaihhlut zia leh hlutna ka neih zia min hriattir a .Akianga ka awmin nuam ka ti a ,ka hahdam bawk a .Reilo te pawh ka hlata a awmin ka ngai nghal ngawih ngawih zel ,keimah ah hian kimlo a awm ang hian ka ngai tlat zel bawk. Tuna ka awm ang hi Hmangaihna anihloh chuan enge hmangaihna chu ka hriat chhuah ka ring tawhlo .Huatna nen hringnun ka hmang thin a ,tunah pawh keimahah huatna ala awm reng mahse ,ahma ang em em in ka tawt up tawh lo !







"Minti zak viau nangin ,chhungkaw pangai tak mite zahkai te in ah tal i lawi lut dawn a azia viau e " ka nu in a rawn tih chuan thaw hakin ka earphone ka bengah ka vuah a ,ka nu min sin tir ashawl chuan ka intuam tha nawk nawk a ka mit ka chhin san daih .







Aizawl kan luh chuan zan dar riat a ri tawh a ,in kan thlenga zanriah erawh Seling ah kan ei tawh a kala puar viau mai .Ka mizia ngawichawi ta lutuk vang nge ka nu nen pawh kanla inkhak leh lo ! Pasal ka nei tur chu alo lawm ve tak tak te pawh aniang .Chutiang bawkin ka pahrawn pawh apangai khawp.

"Intifai la ,Zothana pa sawidanah Palai hmel kan hmu har dawn lo a .I man eitur pawh kan rel fel vek tawh bawk a i nau nen mokawr lam naktuk lamah emaw in ngaihven mai dawn nia " ka nuin a tih chuan ka aw liam vel mai mai .Ka hrechiang a ,man eitur pawh ka ngah viau ang, athian tu tu emaw a be kual anga alangsar ang bera che duh mi ani bawk a ,chet ropui atum viau ang le .







"Lawkin Zorin ,Zothana kha Pastor hna achawlhsan dawn ro ro chuan hna te kalo kawhhmuh ve dawn em niang" ka pahrawn in atih chuan tul kava han tilo tak
"Angailo amah a inbuaipui thei " ti hmakin ka room lam panin ka chho nghal daih "mahni tana tha tur pawh hrelo.." ka nu in a ti zui pawh chu ka hre reng mahse ka motor chuang chau nau huat ah pawh ka en paihlo .Nge ni a ka nu in a asawi ang khan ngaihdam kalo tum tan mek zawk niang le? Tun hma ang nise ka huat dawn tehlul nen .


Zothana te chhungkua ah ka tal tam a ,nitin Chhunginkhawm hmangin an kiangah ka tawngtai ve fo a ,mal bik ni a inhriana te kha ka nei tawh pawn ka hrelo ! Ka tan an tawngtai tam a ,U ziri ngei pawhin chhunginkhawm a hman tumin ka tan a achham thlap bawk ! Zawi zawi in ka thla ka zap parh ve mek zel ni ber hian ka inhria.







Ka inbual zo ka chhuak chu ka khumah Cindy-i alo thu reng ."U ka nu in mokawr vel ngaihtuah pui tur che in min tia ,i ngaihawm dawn e " ti ve vang vangin athutna tang atho chhuak a ,a inthlahrung tih ka hmu thiam.Ani hi chu tunhma tang ka hawlo a ,mahse ka thik thin.Hmangaihna adawng hnem bik lutuk te kha .Mahse min huat phah lo a ,min ngaina ve tih pawh ka hrethiam pawh takin be thin phei ila kan in nel viau ang
"Thu rawh Cindy " ka tih chuan ka khumah athu veleh mai bawk a "




"Thuichawp tir ai chuan thuisa enkual ila i duh zawk em ?"

"A enga pawh apawilo " ka ti tawp .Thui tir vel kha chu abuaithlak a ,bakah ka duhzawng ka hmuh chuan a tawk mai .Dan khatna in kan innei dawn lo a ,asimple thei ang ber ka duh .

Khang hun chhung zawng khan Zothana nen khum khatah riak mah ila min khawih emaw atum ngailo ! A sawi dan chuan "Mihring te mithmuh ah chuan Pathian dan kan bawhchhia pawh animaithei.Mahse Pathian duhloh zawng chu tihluih ka duhlo ,mizo danah kan inru a biakin hawngin inneih kher dawn tawhlo mahila Pathian khian engkim ahmu a nupa nun inneih hmaa hman chu aduhloh zawng anih vangin kei chuan miten hre dawnlo mahse ka zawm tho ang" ati anih kha ! A rinna tak zia ka hmu a ,ka ngaihsan zual phah sawt bawk.Kan mihringpuite chuan inruin sex pawh hmang tawh angah min ngai ngei ang ,mahse an rinna va sawhsawn sak kher atumlo a ngawi rengin Pathian thu a zawm zawk mai .








"Kylos ..hrehawm ka ti nia " vawin hian mokawr min en pui turin kan hruai ve a ,Hruaipuii thianah ka hmang dawn a Cindy alo kal ve bawk.Hepa leuluau hi kan phone ve a ,alo kal ngei mahse biak pawh minla be eihlo .Kan kalna apiangah min zui a chutichung chuan minla be lo reng reng!

"Kylubuk i mak em em lutuk" hruaipuii pawn alo tive chiah reng a ,Cindy erawh a ngawi dak mai .Ka thiante hi pawhloh chu sawiloh keimah pawh minla pawh ngamlo a ,ka bula taltam a chak vang niberin ka hria .Tinge maw min ngainat em em chhan ni?






"Hruailukir lo tawng ve suh,kan tel lo a inruk tir thei te chu buaipui vak angai ami ?" Mithmul ti che auh auh chungin Hruaipuii zawk amelh daih
"An inrukna a kan telve zelin i mawl ami ,bakah hetiang tur enge ilo kal ve " Hruaipuii lahin ati hmak ,minva ti hah tak







Mo kawr chu dawr thum ah kan en tawh a ,ka duh ang kala hmulo.Kan ngaihsam nen ka duhkhirh zek mai !

"Ka ning ,Bawngkawn ah sawn kan kal leh anga i duh hmu tawh ang che .Duh ila neilo fo anih chuan ka be tawhlo ang che ,tun tum chauh chu ka ngaidam ang che " min be ve ta hram ! Ka duhkhirh lutuk chu aning ta deuh aniang.Keipawhin ka ning ,a then a puk mah mah ka tia ,athen alo lian bawk nen .Duh ve deuh pakhat ka hmu a kala ha tawklo lehzel bawk si .
Mahse Kylosan min biak phah tal alawm le .







Bawngkawn ah chuan kan en ta ngei a ,Kylosa'n alo hmelhriat sa bawka minlo chiauau tha ngei mai .Ka duhdan te kan sawi a ,ka sawi awm ang chu an rawn la zung zung a ka inha chhin nghal zung zung.Hruaipuii pawhin a duhzawng ahmu ta chat .Dawr kan luh hmasak berna ah pawh aduh ang ahmu nghal a mahse min ngaihchan piah lamah aduh ang tak ani chaih lo pawh ani maithei dawr dang kal leh ka sawi pawn min hnial ngailo .
Atawpah ka duh ang thlap chu ka hmu ve ta ngei ,aban tluan mahse net vek ani a ,a awm pawh azimlo nangin zahpuiawm khawpa zau anilo ka sawi thiamdan ber chuan model Lawmi inneih kawr kha a ang ka ti ber .Hruaipuiin apaw dal a la bawk a ka thawveng huai ta mai .







Kan duhzawng kan thlanfel zawh chuan kan in eipuar nghal law law a ,Cindyi leh Hruaipuii pawh aninpawh ve tawh viau .Kylosa pek chuan Cindy chu naupang chhaih ang hian a chhaih leh zeuh thin a ,ka lakah alungawilo tawhlo bawk a keipawhin timlo in ka nuihpui ve leh tawk .Ka ph lo ri chu enin ka nui suk a ,Cindy chu mitmeiin chhang turin washroom lamah ka kalsan thuai
"Ka nupui tur nu min ngai em ?" A aw ril ruih ka hriat chuan ka hahdam huai huai thei ."ka chau " ka tih chuan a thaw hak a "min ngai em ka tia lawm?" A rawn ti leh nghut
"Ka chau ka ti thung alawm " nuih insum zet chuan ka ti let leh a a rawn thaw ta hawk mai "ngati maw i chauh a " a tawngchhuahdan nen zawng zawng chuan a ri meuhin ka nui teuh lutuk ,a titau ve deuh emawni






"Ka pasal tur mithmuha lanmawiloh hlauin ka buai nileng a " a rawn nui ve ta hak "ka ngai che " ka tih zawm leh a ,rilruih hian "ka ngai zawk che ....ka ngai lutuk che a ka zawi vek" awi ava han over tak ! " I tenawm " inngaihtuah hmasa lo chuan kan ti ngawt a ! A ri meuhin a rawn nui ri ta hawk hawk .
"A tenawm loh chi in ka ngai che lawm " a rawn tih leh chuan ka nui tawp tawh .







Palai an rawn kal a ,inneih an han ruat hma em em khawp a a awihawm loh zawk .Thlathar ah kan innei nghal mai dawn ani awm e ,buaina neilo ta ve ve chu ahma lam kha kan duh ve ve bawk nen .Bakah Zothana te lamin a rang thei ang bera tih an duh a ,keini lamin kan hnial lo bawk a atha zawk phian mai .







"I thuam chhawm tur vel hi kan thawn chho hmasa anga kan buai lo deuh ang ,bakah khilama i puzawn tur te in a lian bawk a helam atang pawn zui chho tu kan nei nual anga .Hotel te book tel bawk ila" ka room chhung a ka bungrua vel thlithla pah a ka nu in a tih chuan mak deuhin keimahah amah thlakhlelhna a rawn zual a ,hetianga pangai taka min biaklohna hi ka hre tawhlo !


"I bungrua ho hi chu keng lo mai rawh thawmhnaw i keng anga ,adang i mamawh tur ang chu athar i keng dawn nia " ati luam a ,engvanga chutiang rawn sawi ta nge anih pawh ka hrelo mahse ka hlimru veng veng. "Chhungkaw hmingthatna zel ania " atih zawm leh chuan ka nui tawp riai riai ,ka thuamchhawm a ropui pauh leh mi min hmuhdan a ropui dawn tih asawina ! Keimah min ngaihtuah vang nilo in ropui a duh vang chauhin ani atih ni.

"Nu i fanu ka ni takzet em ? Chhete talin min hmangaihna ila nei ve em ?" Ka ti ta thlawt , ka beidawng tawh .Ka rilru thatvang anilo tuna ka awmdan hi ,ka nu lakah hian ka beidawng lulai tawh em ani .Ahma chuan ahmangaihna dawn ka thlakhlelh lutuk vangin huat tak tein ka hua a ,mahse tunah chuan ka beidawn tawh em vangin huat enah pawh ka en thei tawhlo .
"I fanu i hrin ngei in pasal ka nei dawn anih hi ,hmangaih na chhete nen tal min thlalhliam ve theilo em ni?" Ka mit aphe ruai a ,ka mittui chu rawn luang thla pawh nise pawi tihna ka nei tawhlo .







"Zorin hei bak bak a awm dawn ami ,thuamchhawm inneih engkim ropui takin ka tihsak dawn che hi .Mi fate ai tha vek engkim ka tihsak che " inkuangkuah fel than chung chuan a ti a ,vin erawh avin hauh lo mahse ka na ,ka na takzet .Ka pasal tur inah ropui taka luh ka phut lo ,engmah chhawmlut dawnlo mahila ka nu hian hmangaih takin min thlah liam ve tal se chu chu thil dang aiin ka duh ber .
"Mifate neihloh engmah awh ka nei lo ,mifa te neih ang zawk ani ka awh ve ni " ka ti thawp sap a ," a a lo teh" ti in min chhuahsam zui hmak.







Khumah thu thla hnakin ka bianga mittui lo luangthla chu ka kawrban in ka hru tawk a ,ka nu tan hian hmangaih ka harsa viau pawh ani mahna .Nge ni a ka thilphût kha asang lutuk zawk le?
Zothana ngaihsakna te,duatna te ,hmangaihna te dawng mah ila keimah ah hian kimlo ala awm tlat ! Enge kimlo ka hrechiang viau bawk .Ka thil awh em em nu hmangaihna kha keimah ah kala awt reh theilo a ,ahma ai zawngin anasa zual sauh emaw tih mai tur ani .A fanu diktak ka nilo tiin ngaihtuahna nei thin mah ila ka pa ai maha ka nu hmel leh pianhmang ah pawh ka chhunzawk zia kei ai maha hrechiang an tam .Ka englai ber hi nge ahmangaih theih miahloh lai hi le !







"U kan insiam zo tawh a " Cindy lo lut chuan ati sep a ,ka bungrua ho chu ka melh a ka insiam peih vek tawh .Vawin hian Zothana te khua ah kan kal tawh dawn a ,kan inneih hma in nithum la awm mahse thlen chhoh hma ka nu in tha atih miau vanga kal chho tur kan ni .Inneih rawn hmang tur te chu naktuk ah an rawn kal thung anga ,ka bungrua thenkhat chu tunkar tir khan kan thawn chho tawh a ,Zothana te lam pawh an inpuahchah nasat thu ka hria .Thian atan tunge ahman dawn ka hreve chiah lo a ,keima lam atang chuan Hruaipuii ania vawin ah kan chho dun anga Kylosa'n abike in min zui ve nghal dawn bawk .Motor ah leng ve reng mahse a duh lehpek tlatlo ,"khilamah khalh tur ka nei dawnlo" ti tlatin a bungrua a rawn dah a kan phurh turin ala tam em em zui! A ha seng dawnlo rapthlak mai sia ,thlakhat vel awm tur angin alawm mawle a inken ni.









"I hman tawh chuan kal ang ,intuam phui tha la monu ber i hritlang ange " Hruaipuii chuan rawn ti lut bawrh bawrhin ka bungrua Cindy nen an khai thla a ,darthlalanga in en leh in whatsapp atangin Zothana kan chhuah tur thu ka hrilh a .Ph call chuan min be rei leh dawn sia abuaithlak zawk .









"Tian pasal inei anga nula tih hmingpu ini tawhlo mai dawn sia ,i lawina tur anuam dawn em a ka huphurhpui lo che .Mahse maw i nulat lai ang khan engmah kan ti ho tak tak thei tawh dawn lo a ,Aizawl ah rawn awm dawn pawh ni ula ipasal i ngaihchan zel angai tawh dawn sia " ti sep sep ka ban ah min kuah bet tung a ,pasal ka neihsan tur chu ahuphurh ve hle in ka hria .
Kei leh Hruaipuii ahnungah kan thu a ,seat hmaah Cindy leh kan driver rawih an thu bawk a .Kan bula chuan Cindy in aduh miau vangin ka nute thawl hle mahse alo chuang tho .Ka hriatchhuah tak chu Cindy hi thik loin pawh takin atir ah khan lo awm ila chuan chhungkua ah min thlahlel tu pakhat tal ka nei ve thei reng tih hi.Tunah min thlahlel lo e ka tihna niloin keimah zawk lo inhawng ila chuan ani tal hian min ngai ngawih ngawih ang .








"Lo chhuak lawk la " ka ph bih in ka chhiar nawn leh ngat .Tunah dar 1 ari tawh a ka bula mu phei chu a tawngvai ruai tawh !
"Kan muhil tawh " tih thawn let in a chhanna ka ngaichang reng tho.
"Reilote chauh " a rawn tih leh chuan thaw hakin ka tho a ,ka cardigan ha sawk sawkin dimtein room kawngkhar ka hawng ru tham tham .Ka pazawn te in hi leihrula sak ania ,chhawng neilo mahse alian viau tho .Kawngkharpui lam panchuan dimte in ka pen a ,light an off vek tawh vangin ka ph light ka on a dimtein kawngkhar ka hawng them them .








"Ka ngai lutuk che " ka chhuak chiah minlo kuah nghal chuk!
"Zothan ka chhungte anlo tho ange " ti ve mah ila keipawn ka ngai ngawih ngawih,kum tamtak inhmu tawhlo ang mai kan ni .Heti em em hian min thlahlel tih ka hrelo bawk !






"Arei hle mai" ti supin ka chhipah afawp vang vang a "ka nupui tur nu hi ka nupui ni vat vat se ka va ti tawh ve " nui suk chung chuan ati sup . Street light hla lo te a awm chuan ahmel achhun eng che che a ,nisa ah atal tam nge ka hmu thim riau .
"Nikhat aral leh chuan ka kiangah i awm thei tawh dawn a mahse chu pawh chu a rei kala ti fan mai " chhang tawh loin a awmah ka bei ta hlu hlu


Show post links
Top

[Ngaia]

*Ronald Zothansanga * ch-15







"Aaaa Kylos keichu ka huphurh ee ,thulh leh mai te ka duh " biakin lam pan turin ka inpeih at tawh ,mahse khumah thu in ka huphurh zia kala sawi char char !
Mak deuh maiin zing ka tho chu keimah ah hian hlauhna a intham ka ti mai ka pangai theilo ,ka awm anuamlo a na ka nei phei chu anilo .Mahse engemaw tak hian ka diklo,ka kawr ka ha tur te kha ka hnuk a ulh tlat a ka chhungte ka kalsan dawn vang phei chu ani lo hulhual ang.






"Nei leh lo mai rawh Piggy" hepa hi chuan minva hnem lo tak ! "Kylos lo fuihpawrh lo teh aw " Hruaipuii chuan a rawn ti hap a,min hne tawh ngawt ang .
"Taktak a Piggy ,monu fel tak ini dawn alawm .Hlauhtur a awm lo U Ronalda hian a duat dawn lutuk che ,fa te in nei anga nuam iti dawn lutuk .Kei min thlang lo erawh ka uipui khawp che a " a thutak ve tum berah pawh hepa hi chuan fiamthu in atawp akhar leh hram !






"U zo ka nu te an kal tawh a ,kal ve tawh ila U Ronald a te anlo thleng a " Cindy rawn lut in atih chuan ka thaw hak a ,vawin ni ang tal ah chuan ka nu ang tak tak in awm ve se ka va ti em .Hnamdang tih anga an pa ten monu an kaih luh ang tih kan ngai velo ringawt te hi ka lawm asin aw !
Ni e ,engpawh nise ka nu in mittui nen min thlahliam lo mahse nun chu ka hmang chho ve bap bap mai ang ,tun hma atang nu hmangaihna tello in ka seilian a tun ataka ka mamawhna chhan tur ka hrelo .







Pawn kan chhuak chu motor atang Zothana alo chhuak thuai a ,ka chhuah tirh ata amit ala lasawn lo reng reng .
"Ka nupui tur nu i mawi lutuk " ka kuta vuan chungin ati sup ,"nangpawh " ka sawi tur hrelo chuan kan ti ve ngawt a! Sawitur hi tiang hunah hian kava hrelo thei tak .
"Bawihi hlau suh i kiangah i kutchelhin i ke pen ruala pen ve turin ka awm reng tawh dawn " ka kut khur hre chatin a ti leh sup .Ni e ,tun atang chuan ka pasal ka natna te ,ka hlimna te min tawmpui thei tur ka kiangah engtiklai pawhin a awm reng tawh dawn a .Hlauh tur ka nei tawh hleinem .






Biakin kan luh chuan thutna zahve dawn chu mipui in anlo luah tawh a an rawn la luh belh mek zel bawk.Hmeichhe lam thutna chu ka beisei phak bakin an tam ! Tiang hian ka nu hian hmelhriat angah tih ka hrelo reng reng ! Man eitu lah ka ngah narawh! Keiin tullo ka tih tehlul nen ka nu in mi tu tu emaw a be kual tih ka chiang .Reilo te chhung pawh inhau buailo a hun hman ka duh vang chauha palzam mai ka ni .






Kan inneih na hmun chu Biakinpui nilo mahse alian tha khawp mai,Zothana te chhungkua lah Khawtlanga mi tangkai leh rualpawl thiam an ni bawk a min lawmpui a rawn kal an tam ngang mai .






"Ka hlauthawng" Pastor in thu a sawi lai chuan ka ti chhuak sep a "Zo ka hlau,nakinah i mit ka tlinglo anga min kalsan mai ka hlau" ka hriatphak tur tawk leka ka sawi chu a hrephak ani ngei ang ka kut a chelh a ,ka lam rawn hawiin "min ring em ?" Zawi sup chuan ati .Ka ring ngam chiah em kei hian ? "Ka..ka hrelo " ka ti hap ,Hruaipuii chuan ka malah a rawn khawih zeuh a .Inneih thuchah sawi laia kan tawng chu amawilo viau ani maithei mahse ka hlauthawng ,tun darkar te ah hian ka ngaihtuahna ah thil tak tak alo lut a .Ka pasal chhungte mit ka tling loh hlauhna te ,ka pasal mit tlinloh te leh fa neih lam thlengin ka ngaihtuah .Nu nitlak pawh ka ni ve dawn reng reng em ni ? Engkim mai hian min mawlh vek .






"Bawihi ,min ring turin ka tilo ang che mahse ka rinawm zia ka hmuh thung ang che "ti supin hmalam a hawi zawm a ,a thusawi nghet cherh churh tak mai chu ngaihthlak nuam tak ani .Ka kut ka zam luat vanga vawt vek chu a rawn hum a ,akutzungpuiin a nul pah heuh heuh bawk .


Inneih hunserh a zo a ,thlalak chhung chu a rei tawh ngang mai ." Mo thiante " tia thlalak dantur puangtu in a tih chuan Zothana'n ka kut a hmer nghet salh a , thlalak laia ka rilru ka pek loh zia ka hrechhuak chiah! Tu tu in nge thla min lakpui kalo ngaihtuah lo reng reng .Thian ah Hruaipuii ka hmang a ,thlalak pui tur kan neih awm chhun Kylosa ani mai a ka zak ru chem chem mai .Thian mumal tak kalo neih tlem zia ka hrechhuak .

Kylosa a mipui zing atang a rawn chhuak a ,chutah Cindy rawn kal ve leh in ka rin miahlohin U ziri'n a rawn zui tel ve bawk ! Kylosa chauh ani dawn emaw ka tih laiin Cindy leh Uziri ngat phei chu Ka pasala u nupui ani a ka beisei miahlo.
"Khawmaw freestyle in " Kylosa'n atih ham ham chuan ka nui ve ta nge nge ..






"Bawihi i nuamlo emni ?" Ka pang rawn dekin Zothana'n a ti sup a ,room ah inthlak turin kan chho fel ve deuh awrh chauh .Ka hah lutuk ringawt,pasal neih nawn lam chu khîtah ani nghal pang.
"Ka chau "




"Kan zo fel tep ,kan lawmpuina dawn ho khu kan hawng a nga ,kan zo fel chu ani deuh mai a .Iduh chuan i nawmloh thu sawiin tunah pawh lo chhuk ve kher tawhlo mah la an hrethiam lutuk tho ang che " min ngaihtuah hmel zet chuan a ti a ,mahse chutiang chu ani theiin ka hrelo.
"Ka tha lawm " ka ti ta sep .





Inhnuai kan chhuk chuan puitling ho anlo nui dar dar a ,ka nu phei chu inla changkang zetin achhipah shades alo dah leh tut tawh ! Mak ve tak ani !
"A hei kan fanu thar pawh anlo chhuk e " ka pa (zothana pa ) in a tih chuan a der ni miahlo in ka khi ve ta sun sun . 'Kan mo' minti lo a 'kan fanu' tih tawngkam ahmang kha ka tan engtiang chiaha hlu nge a nih a hrethiam kherlo ang .






"Zorin hei i thiante hi minla hmelhriat tir lo a ,Cindy hi chu inau tih kan hre tawh a " Ka pa chuan ati dap dap a

"Ka pu keihi Inmonu ex ka ni katih mawlh mawlh kha mawle " Kylosa chuan zak map loin zu han ti a ! "Ex chu eng tihna nge ni a " ka pa chuan Kylosa melh vung vungin a ti ban charh .
"Tunlai tawngkam ania Thiantha ber tihna mawle" a hrethiam chin chu an nui ta hak hak hlawm a .Ka pa pawhin anuihpui ve tho.





Zothana ka venthawn viau laiin ani pawh alo nui ve mai a ,Kylosa nen hian thik ang zawngin minla melh ngai hauhlo.Amah ngei pawhin asawi tawh "a endan ah che ka chiang a" ati ve ngei a ,a sawi awmzia ka hrelo chungin ka zawt buai duhlo kha nia .Ka thiantha ber anihzia ahrechiang ve te pawh ani mahna le .
Lawmpuina pawh kan dawng hnem khawp mai.Athen chu laina hnai deuh te kan sem ve a ,no mawi tak tak kan dawng hnem ngang mai .







Inleng an tlem deuh hnu in Hruaipuii nen room kan tifel thuak thuak a ,engmah remfel lo a bungrua hun luh pawp pawp anih vangin a hnawk ang reng viau a .Avaia tihfel nghal theih anih loh vangin nakin lamah zawi zawi in ka tifel leh zawk mai ang .
Inneih zana hmun danga riah chhuah tul kan tih loh vangin keini chu inah kan riak lut nghal dawn a ,mikhual neuh neuh an awm ve bawk a ,tin hruaipuii te pawh ka nu te ho nen ka pazawn te in lamah an riak anga naktuk lamah an rawn kal leh ang .Kylosa erawh hotel ah athleng thung a nichin mai khan hotel lam apan tawh nghe nghe .






"Bawihi ka nu te an haw dawn rawn thlah ve lawk la " Zothana'n a rawn tih chuan ka hawi a hu mai ,"khawihah" bangbo ang reng tak chuan ka ti hû.Khi suk in "i nu te" a ti ta sup a .Ka nu "nu " ti a ako ve ta mai kha mak ka ti em ani! Ka pahrawn ngat phei chu "pa " tiin vawikhatmah kala ko lo .Midang bula ka sawi dawn pawn 'ka pahrawn ' ka ti deuh ngat zel kha nia ! Tîmna nei miah loin Zothana chuan ako thei nghal mai a ! A mak ka ti dawn nge a puitling ka ti zawk dawn ni .







"Fel takin awm ang che " chuthu chauh chu ani ka nu ina min thlahna chu .Mahse ka nat phah tawhlo a ,beiseina ka neih tawhloh vang pawh ani mahna .Vawin tlai thleng kha chuan engemaw tak chu kala beisei ngei alawm mahse nunbul tan that duhna rilru ka pu tawh .Engpawh thleng se ,pawmthiam ka zir ve angai tawh .Ka nunhluia ka tan reng chuan rahtha engmah achhuah dawnlo tih ka chiang .







"Engnge ilo ngaihtuah vung vung a ka nupui" room balcony a ka ding chu ka hnunglam atang min rawn kuah a "ka nupui" ka ti ve sup.Tukin zing thleng kha chuan 'ka nupui tur nu' min la ti a ,mitkhap chhung lekin Ronald Zothansanga nupui kalo nive ta der mai .
"Kan hmalam hun tur ka lo ngaihtuah a ,Zo nu tha tak ka nih theih iring em ? Keichuan ka ringlo " chuthu chu engvanga zawi chhuak nge ka nih ? Nunbul tan tha turin ka inpeih tawh a mahse 'nu' nitur chuan kala inpeih lo takzet.

"Bawihi khawvela nu tha ber ini dawn alawm " ka nghawnga nul thuak pah chuan ati sup.






"Kei chuan ka ringlo ,nu hmangaihna tello in ka seilian a .Fa pawh lo neive mah ila ka enkawl thiam ka ring lo " ka ti chhuak hap a ,min kuai herin ka khabe ah amah ka en theih nan a dawm a "bawihi i mal tawhlo ,ikiangah ka awm a chuan nu tha tak ini dawn.I dawn ngailoh zawng zawng kha i fa, kan fa kan pe dawn alawm .Keiin tawpchin neilo khawpin ka duatin ka hmangaih bawk ang che " athusawi awihse mintih hmel tak chuan min melh vung vung .




"Aaa nau pawh ka pai hma hauha chutiang te kan sawi chiam ni " boruak thlak tum zet chuan kan ti ve thawr a

"Kan siam nghal dawn lawm" atih chuan aban puam laiah ka beng pawp.Anui ve huah huah tho .






Thlahnih hnu ah





Duat theihtawpin ka pasal a chhungten min duat a ,inbul velah ka nu leh Uziri te nen pangpar leh thlai ilo vel phunin kan buai thei hle .Ka pasal pawh exam hmachhawn turin a inpuahchah nasa a ,thlaleh thlatawp lam mai hian Assembly Secretary turin exam ape dawn a .MCS lam tum khat chu ka sawipui ve tawh a ,mahse min hnial lo na chu chulam chu ahawiloh zia ka hria a ka nawrlui duhlo.Tunhma a a nunhlui zawhbuai ka tum lo a ,ka nunhlui ah abuai lo ang bawkin keipawh buai ka duh biklo .Tul ati anih leh a man min la hrilh ve mai ang chu.
Thil engkim mai chu akaltluang purh mai a ,zantin ka pasalin Bible min chhiarpuiin min tawngtai pui thin a rahtha achhuah tan mek tih pawh ka hria .Keimah ah Pathian in hmun achang tam tual tual a ,inkhawm leh tawngtai kan thlahthlam ngailo .Atir chuan diltur takngial pawh ka hrelo.Mahse tunah chuan ka nu tan ngei pawh ka tawngtai ve thei ta .
Ka pasala nu in asawi ang chiah khan ka nu ka huatna abo chinah chuan ka hahdam a ,min rawn be ngailo mahse atan ka tawngtai sak ve reng thin .Tin ka pahrawn ngei pawh ka ngaidam a,keimah atang chauh chuan ka ngaidam theilo mahse Pathian puihna chuan kalo thei reng ani .







"Bawihi tunthla ila period miah lo em ni ?" Beisei neih hmel zet chuan Zothana'n a rawn ti a "umm " tih te in kalo chhang.
"I rai ani thei mai angem " a tih leh chuan ka nui ta nge nge .Fa a awh zia ka hria thla hmasa mai pawh khan rai leh railoh test na min lei sak a mahse vanduaithlak taka ka rai loh bakah atukah chiah ka period leh nghal bawk.Tun tum pawh anih leh ngei ka ring .Thlahnih chauh kanla innei a ,fa a awt nghal em em chu nia !Ka rai loh vangin hrehawm ti hmel apu lo a ,ka tana hrehawm tur zawngin thu a sawi ngailo "Pathianin ahun atih ah chuan a rawn che mai ang " ati thin a ka pawm thlap .









"Keimah ah engmah danglam a awmlo ka tlai deuh dawn pawh ani maithei " tha tak chuan kan ti a ,ani pawhin min pawmpui veleh mai bawk .
La hma viau mahse ka nu pawh in ka rai leh rai loh min zawt leh nulh zel a ,naute thar an awt te pawh aniang .U ziri te nupa lahin Osmond kum thum tal tling se tiin indanna an hmang hrih a lehlamah chuan atha phian mai.Fa neih zin lutuk chu chawmzo dawn lutuk mahse naupangin ngaihsakna an dawn tur ang zawng zawng an dawng kimlo tih hi ka ngaihve dan ania ,hmangaih engang pawh ni ila pahnih pathum an nih chinah chuan ngaihsak bik fa te ro ro ah an awm lo theilo .Fa nei zing te ka dem chuanglo a ngaihdan hi a inanglo ve a .Pathianin tul atih chuan indanna hmang chung pawha rai an awm veleh tho bawk .







"Zobawihi hi tunlai chu ithau riau in ka hria " zanriah kan kil laia ka nu in atih chuan "nia" tiin Uzirin alo chhawn vat .
"Min duat vang aniang" kan ti ngawt a ,ani tak tak reng bawk a ,mo mah ni ila min duat ve em ani .Rilru hahna neilo a han awm takah chuan thaw aveng a ,hunbi neiin tukthuan zanriah kan ei a keipawhin ngaih ka inti .
Thu ho te te sawi chuan kan nui ho ta dar dar a .







"Bawihi ka kal hma hian intest lawk la " ava maktak e aw ! Vawin hian Aizawlah achhuk dawn a ,naktuk ah exam ahmachhawn tawhdawn .Tunah intest turin minla ti nia ! Kan intest pauh aniang chu .
Lo rai lehlo ilang exam ahmachhawn dawn a ahnual phah ang tih erawh ka hlau khawp mai .








"Zo...Zothan engeawmzia ..ka rai tihna tiraw" mak ka ti bawksi ,rin sen pahnih lo awm chu ka ti sual anih te ka ring rum rum ..

"Bawihi lo hawng phawt teh anihloh pawn lo chhuak teh " bathroom kawngkhar beng dawt dawt chung chuan arawn ti ,"aw.." ti vakin ka inha tha sawk sawk a ,kawngkhar ka kalh tih reng kalo hrelo.





"God! Bawihte kava lawm em ..Lalpa ka lawm e" ti chhuaksupin ka chalah a fawp vang vang .
"Eng..engtin nge ? Ka rai ang tih rinngaihna reng ka hrelo !" Ka ti tak tak keimah ah danglam engmah a awm miahlo nen rai phei chu ka inbeisei lo lutuk ringawt.


"Pathian hnenah ka dil alawm Bawihi,amite atawngtaina achhang thin tih ihria tiraw " atih chuan ka bu ve nghut nghut .Ni e ,achhang thin chiang ani .ka lawm em vanga ka mittui tling chu ka kawrhmawr in ka hru tawk a ,Ka pasal zawk pawh ala hamhaih ve deuhhlek niin ka hria .Chutah "ka hmanngaih che " rawn ti chhuak supin "keipawn ka hmangaih che" tiin kalo chhawn thuai








"Lawmthu sawi ang hmiang" ka tih chuan nui sukin aw min pawh thuai a .










Ngaidamthei tu nih hi ahlu a ,engangpawhin mite chu kan lakah sualin min haw thin mahse kan tawngtai sak a ,kan ngaihdam theih phawt chuan mahni zawk kan hahdam thin . Amah ringtute dilna chu Pathian khian achhang thin a,ka mangan lai bera kan auh chang hian min chhang lo emaw kan ti mai thin ,mahse ahun takah kan beisei loh laiin min chhang leh nge nge thin .









A tawp ta ....






Ch-13 leh 14 inkarah kum hial atla in ka hria story thar nen ka rawn let leh tran tak tak thei turah ngai ang .


Show post links
Top