Ronald Zodingliana By Natasha Hrahsel (Completed)

[Ngaia]

Ani chu Pro Pastor ani a kei erawh hmeichhe awm satliah ve mai khawtlang pawh in a hnawk atih ruk em em thin ,Kohhran hruaitu ten a kohhran bel tura an sawm peih tawhloh khawp a hmeichhe nikhua lo anga ngaih ka ni .
Chuti chung chuan mite nuihzat rawn huamin ka kut a chelh tlat a ,min zahpui ve fo hian ka ring thin . Sulhnu chhuitlak neilo leh miten mi tenawm takah min ngai tih ahre reng chung pawhin min kalsan duh silo!


*Ronald Zodingliana*
By~Natasha Hrahsel



# Chibai vek u ,thenkhat chuan minhre tawh kherlo ang minla hriate pawhin induh te min ti hlawm thei bawk a engpawhnise story ziah tan leh ka duh tawh a ,tlawmngaia ka thuziah ngaihnawm lemlo tak minlo chhiarsak leh theuh turin ka ngen tak meuh meuh acheu.
In khawngaihna diltu :Natasha





Characters played


Main..
#Ronald Zodingliana
#Zorinpuii 19




Pro Pastor Ronald Zodingliana leh Zorinpuii te zinkawng.....

Zorinpuii ~Nula kum 20 na hmang mek ,anu haw em em tu leh apahrawn tenawm tak kara khawsa ,sum leh pai ah harsatna anei ngai hauhlo chungin an sawi fo nun hlimna a hrethiam pha ve hauhlo !



Ronald Zodingliana ~Tlangval kum 33 mi (abak chu ka sawi zau lo ang)






Zorinpuii pov.





"Vawin chu min treat thei " ka bula rawn thut paha ti nghal chawtin ,ka bandana awrh chu apawt thla pawp a ,athlan hruknan zuk hmang a mawle! "Amak e Kylos i inkhelh dawn te chuan i thlan hrukna tur pai ve mai zel rawh" ti hlak hlak in ka bandana chu laksak ka han tum a ,ka banphak loh ah akeng sawn nghal hmak .

"I uikawm hi ka ti thin" ti hmukin a inhruk chhunzawm mawlh mawlh tho. Ka chhuh buai peihlo ta law law .Kan zirlai pui te pawn Kylos nen hi chuan kan inngaizawng emaw an ti vek ang ,mahse kan pahnih hi chuan kan inngaihzawn loh zia kan hrechiang dun khawp mai . Ani nen hi chuan kan inhriat tirh ata bestfriend kan ni nghal tawp .




"Class ah ka awm peihlo ,ka lengkual mai mai dawn " ti in ka tho tharh a, first semester ho rawn luh ni ani a ,lehkha kan zir tak tak ka ringlo ve tawp . Kan professor te pawhin class an la la tak tak lo ang.
"Ka rawn kal ve ang " a ti ve vut nangin kalo ner khum nawng takah chuan a tukhum a tuai vut vut a "sorry ,Club inhmuhkhawm kan ngai dawn a " a inthiamlo hmel chu ka khawngaih zawk "awle awle ,apawilo " ti sawk sawkin min biak buai leh hmain ka kalsan ta deih .



Chhungkaw hlutna ka hre lo a ,mahse thian hlutna erawh ka hrechiang khawp mai .Ka piancham alo nih in min hringtunu status pakhat lek pawh ka luah zawh loh laiin ka thiante status erawh ka luah par chuaih thin .Heivang hian alawm ka chhungkua aia ka thiante kianga hun ka hman hnem zawk ni .



Ka lengkual dawn ka ti ve nangin han len na tur ka hre ta hauhlo .Ka ph ri vang chuan kawng sir lam ka pan a, alo tawp hman nangin message a rawn lut nghal zat tho .Ka message dawn chu enin ka nui chhuak hak ,ka thian tam tak te zinga Kylos tih loh a ka kawm hnem ber Hruaipuii hnen atang ani a party a awm dawn thu vel a rawn sawi nasa mai ,kan kal pauh aniang chu. Ka kal tur thu a ka reply hnu chuan ka ph ka dah a ,ka scooty ka tinung leh nghal zat kalna tur ka hriatloh apianga ka kal ziahna hmun lam chu ka pan leh ta nge nge .






"Mi tam tak in awm chungin in reh thuap a ,ka mi ngaihber hrelo a ka lunglen laite hian min hnem tur talin rawn tawng chhuak ve thin ula mawle " ti hlak hlakin thlan lung ho chu ka melh kual a , "nangni chu rilru hahna nei lemlo in tihian in mu vel mai mai a " nuih chhuah hak pah chuan kan ti leh a ,ka nuih erawh a za pawh ani chuang hauhlo . Ka thuruk hretu te an ni a ,engkim ka trah chang te ,ka lunglen chang leh ka hlim ber lai pawh a ka kawm ber te an nih ve hi Kum 15 ka nih atanga tun thlengin ka mi biak hnem ber te an ni ngei ang .





"Enge vawin ilo an a " ka hma a thlan lung mawi zet chu bia in a chhuata hnahthel ro tla te chu hui kiangin ka thu a ,ka kawchhung ipik lutuk chu a zia phah beisei in ka thaw chhuak hawk a ,mahse chhete pawhin a zia awm phah lo !
"Pa vawin chu maw zirlai thar ho ni hmasa ber anih vangin ka rawn haw hma daih a , ina haw a mut mai mai ka chak zia i hria em ? Nizan lamah ka mangthalo vang bawk khan ka muhil theilo leh a ,tunah te hian ka mut a chhuak ve lutuk mahse maw ina haw ka hreh em vangin kalo kal leh tawp anih hi " insut ri hraih chung chuan ka ti sap a ,vanlam hawiin ka mit ka chhing vang vang a ka mittui a rawn luan chhuah hlaua van lam hawi ka ni zawk mah .





"Ngati nge kum naupang te a min kalsan bik a ? Ka thiante chuan zana an haw tlai deuh pawha ngaihtuaha ko haw tu tur nu leh pa an nei vek bik asin .Zan tlai tak tak thlenga ka len chang te hian min rawn ko haw ve thin ta che " ti thawtin ka hmui ka pet fan fan .Ka tah chhuak ka insum nasa lutuk chu ka hrawk asa hum hum thei hial .
Ka pa thlanlunga thu inziak bawk chu ka tihfo danin ka melh leh a 'Pa hnenah thlamuang takin achawl ta '
"I thlan lunga thu inziak ang kha keichuan ka thih ve hunah ka thlan lunga inziak ve turin ka duh hauhlo ,achhanchu maw kha pa vang khan alawm hetianga ka nun a ngaih. I bul hnaia a awm chuan heihi minlo zawh sak rawh tinge hetiang vanduaina hi ka chungah a thlentir bik ? Tinge hetiang hi ka tawrh reng angaih bik tih lo zawt ang che " ka thusawi tawp lam chu a ri chang chang chauh ani .






"Nangmah ngei khan zawt ta che " rawn ti tu vang chuan ka au chhuak lo chauh. Ankhum hrep tuma chupa dinna lam ka hawi chuan nizungin min chhun vangin ka mit ka chhing sawk ,nî in min chhunkhalh tih ahria pawh ani mahna a dindan a siamrem deuh a "tikhan min hmu thei tawh ngei ang " khisuk chung chuan a ti a ,ka ngei tawk a lo tling lehpek hle.


"Mi thusawi ngaihthlak ruk ching ami inih a" nelawm loh zeta ti chhuak hmukin ka hawisawn nghal hmak . Hawisawn vut mah ila a khisuk erawh ka hmu hman tho .Ka hawisawn loh chuan asang lutuk a kei kalo thu veleh zel bawk nen ka nghawng ana hman vek thei .Sunglass avuah vangin a hmel ka hmu famkim theilo nangin mipa sa tha ve tawk tak chu ani .





"Helai hmun fianrial a awm hi hmeichhe tan ngat phei chuan khaw en lai pawh nise ahimlo ania naupang " ka zawhna ngaipawimawh lo zet chuan ati daih nia ! A landan atang a naupang chhe zawk zawk tawhlo ang tih chu ka hre tho nangin naupang atih rual em chu ka ni bik miahlo . "A himloh chhan chu inih hmel khawp mai " ti hmakin ka bag ka ban vat a ,tho kang vutin ka kalsan nal nal .
Gate ka pelh dawn a motor ding ka hmuh chuan khapa ta kha anih ka ring ve tawp. Ka kal lam kha chuan ala awm hauhlo ,anih chuan ka thusawi ho kha ahre hman vak lo ang.Hre hman ngat se zawng mi â emaw min ti ngei ang .

"Palian ropui si ,inchhuang ropui si " tih pahin motor ke chu ka chhuih pawp a ,ka kezungpui na lutuk vang chuan ka kun nghal chung chung .





"I mi beih chuan na ahre ve vaklo a ang "




"Min zuiru em ni ? Enge ka bul hnaia ilo awm ve reng ? Ka haw kawnga ka hmuh che chuan min zuiru tiin police hnenah ka report ang che " ti phiar phiar in hawilet tawh lemlo chuan ka scooty dahna lam ka pan nghal vat . Ka kezungpui chu ala tur ut ut thei nia! Engtiang chiah a chang nge maw anih ni ?






Km khat dawn ka tlan hnu pawhin ka hawilet leh zuk zuk thin .Min zui tur ang tlata hriatna ka nei a ,ding meuha ka hawilet pawhin khapa awmang tur kha ka hmulo hrim hrim .Ka ngaihtuahna mai mai te pawh ani mahna.Ka thinphu rang ve ringawt te chu ka zakru chem chem mai! Mipa ka thinphu ti rang dawt dawt theitu ka hriat pahnih na chiah ani !





Hreh zetin ka hmun ngaihnatloh em em mahsela ka in ti a ka koh ve fo hmunah bawk chuan ka tlan lut leh a ,in lian leh ropui tak ani chungin keichuan cheng za lek pawhin ka lei duh hauhlo ang . Tihian mite chuan awtin an thlir ve vung vung thin chu ani sia! An belhchian tawkloh vang pawh ani mahna .


"Anih Pu Hruai ka kal phawt mai ang ,eee Zorini ni rengin kava hmu khat che ve ...i dam tha maw " ami biakna chu hrelo ang hmakin ka kalsan hmak. Ani thiante hi ka be peih hlawl lo . "hrethiam teh achau ani mahna ,tunlai a dam chiang vaklo a " ka pahrawnin a tih thawm te chu eilo viau mah ila tihtheih ka nei tlat silo. Tihian a eiruksa hmangin nuam kan chen tih chu tuman an hai ka ringlo ,ka hriat tur ngei pawha sawi an awm fo. Mahsela mak deuh chu mi tumah in an ve chhe phal chuang hauhlo lai hi ani! Eiruk lama engineer tih hiala sawi tu te ngei pawhin khawlai a akal mai mai te hi anlo be huam huam leh lawi zel a !






"Zorinpui ding teh ,khatiang khan ka mikhual hmaah zak takin min siam tawh ngai hauh suh" step zatve dawn ka pen tawh chu ka tawp chawt , "zahna maw ?i zak ve maw " nuih hak pah chuan awihloh hmek zetin ka ti a ,amitmeng sen danah athinrim tih ka hailo ."eiruk lama engineer ,tenawm lama scientist te ai pawh a ropui zawk hian zahna te ilo hre ve amaw "...




" Zorinpui " a tih thawt rual chuan kawngkhar bula vase chu a tla keh nghal chuaih .
"I hnuaia thawk nih ka hlau mange ,khang i thil tichhiat te kha nangman rut fai vek rawh .I awmpui chhawr thar hi thlakhat pawh a tlin hmain abang leh mai ange " ti in inchung lamah ka chhohsan a ,ka room ah lutin kawngka ka kalh nghal thlap bawk . Ka room ka kalh thlap loh hi chuan thlamuangin ka awm thei thinlo.Kum ruk dawn he inah hian awm tawh mah ila thlamuanna ka la nei chuang hauhlo .
Ka khum a thut thlak dawt pah chuan ka thaw hak a ,eng ti tur a lo piang ve ringawt nge maw ka nih chiah le ? Hetiang taka nun beidawng nei thei siamtu hian khawngaihna ,lainatna te hi chhete tal neive thin se tha tur .







"Zorinpui ...zorinpui " ka room kawngkhar inbeng dawt dawt ri kara ka nu in ka hming pum meuh a min koh mawlh mawlh vang chuan ka harhchhuak hlawl ,inthlak lo in kalo muhil daih anih hi .
Kawngka lam pawh ngaihsak tawh lemlo chuan ka bathrobe kengin bathroom lam ka pan a ,ka phone keng telin Josh Turner hla ring zeta play in shower ka on nghal zat . Ka nu in ka room kawngkhar a rawn ben rik dawt dawt paha ka hmingpuma min koh hi ngaiah ka nei tawh ,chuan bathroom a luhsana hla ring zeta play paha inbual hi ka tihziah dan ani bawk . Ka zawh fel meuh hi chuan alo kalsawn tawh thin .

Ka inbual zawh chuan ka sam chhemro in kawrfual dum ka khup chenvel chu ka inbel a ,a nghawng V niin a ban erawh atluan thung . Amilpui tur ankle boot sang ve tawk tak ka bun bawk .Fit nga leh inches hnih chauh ka nih vangin pheikhawk sang ka bun nasa angreng a ,mahse bun thiam ni ka nei thei derlo! Ka inbilh leh khut ang zel a ,model ho hi an fakawm piah lamah an taima ka ti khawp mai . Kei pawh bun ngun ka inti viau na in karkhat ah nithum vel bak ka bun peih derlo .Nitin a pheikhawk sang nena office kal thin te hi an fakawm ka ti viau .





Ka bag banin ka room ka chhuahsan nghal zat a ,inhnuai lam panin ka pen thla nghal zat bawk . Sitting room rehthuap danah ka chhungte chu an room lamah an awm ani mahna
"Zan chhuah hi ching fo suh ,khawtlangah sawi sep i kai tawh sa nen hian " ka nu tawng thawm vang chuan ka ding chawt . An room atanga a rawn chhuak in min hmu hman hram anih hmel .


"Mite min sawidan ngaipawimawh lo bertu zawk chu tunge tih kan hre ve ve ...nilawmni " ngeiawm zeta melh pah chuan ka scooty chahbi ka ban zui zat .







" i mi tawngkhum dan te hi ka hne tawh lutuk Zorinpui ,tun atang chuan scooty pawh hi i khalh ka remti ve tawhlo ka hnen atang hian engmah i dawng tawhlo ang i card pawh rawn la rawh " a tih chuan ka sa ve ta phat ..



"Atha e la vek rawh ,i duh chuan min hnawtchhuak ta che ka card leh ka bank account a pawisa awm erawh ita nilo in ka ta anih hi,ka pa nang anglo taka min hmangaih em em tu min hnutchhiah anih hi " tihpah chuan ka chhuahsan nghal hmak.Reilote pawh ka la awm chuan ka huatna nasa lutuk vangin kut ka thawh duh mai ang . Heti em em a mahni hringtunu hawtu hi an awm ve ka ringlo ,mahsela keichuan ka haw ngawih ngawih. Ka hua a ka ten bawk .Amah vanga tianga nung chho hi ka ni a ,ka nunchhiat chhan pawh amah vek ka engkim ka nun ,ka mizia ,ka nuihmel thlenga tidanglam tu chu min hringtunu ngei hi ani tlat .





Ka scooty ka ken theih tak siloh ah chuan ke in ka kal hnak hnak a ,ala tlai em em lo nangin vawin berkher ah taxi ala vang em em zui . Ka tawh ve chhun ho lahin passenger anlo nei lehzel nen ka vanduaina akal tluang lutuk ringawt .
Kan in hi khawpui chhung tho ni mahse aveng amawng bakah a fal deuh bika , kan thenawm te nen pawh kan inhnaih hranlo .A reh viau zel .





Minute sawmpanga dawn ka kal tawh tih ah chuan ruah a rawn baw deuh hawk zui! Rang takin dawr kawtah ka tlan phei vat a , khua athim thet thet tawh vangin dawr inhawng pawh a awm tawh manglo .Tunang hunah hi chuan an inkhar a dar sarih bawr velah an rawn inhawng leh mai thin .

Ka ph phawrhin Kylos call ka tum zet nangin ka dah thla leh riai riai , tum tam tak minpui in ka tibuai fo a ,tun ataka ka inthlahrun thar thut chhan ka hre bik miahlo . Ka mal lutuk vanga ka ngaihtuahna kalkawi vel vang pawh ani mahna . Thawhakin pawna thuthleng an dah ah chuan ka thuthla a ,ruah a rawn sur tak vang pawh ani mahna khua lah chu alang tlai ruih tawh. Pawn light anla ti eng lo nen athim ruih tawh mai . Motor rawn tlan avang em en bawk a, in atanga ka chhuah tirh kha chuan Hruaipuii te bula kal tuma inruahman ka ni a ,tunah erawh kal chakna pawh ka nei tawh chuanglo . Hmun fianrial ah motor thawm leh mipui ri vel hriattheih lohna ah awm hrih ka chak ber .Ka rilru chuan ka pa bula kal a chak a ,mahse ke chuan thlen chi zia zang anilo.





Car horn rawn ri ah chuan ka hawichhuak zuk ,Scorpio dum ka zawnah a ding reng tih reng kalo hrelo !
"I rawn chuang ve duh em ?" rawn ti tu aw chu ka hriat hnu a ang em em zui a !
"Khawilam nge i pan dawn " a rawn tih zawm zat hnu chuan dingchhuakin motor lam chu ka pan hnai a ,"nang maw " ka ti nghal vat.





Nernawk in "nang berkher " ati sup ri chu zawi viau mahse ka hrepha tho . Ankhum inpeih at a ka awm nangin anilo hi motor dang chuanna tur hmu tawhlo ta ila ina haw ka duh ngawt silo. "Hun ka ngah lemlo khawp mai " a sana bih vut paha atih chuan aw thian kharh kharh in "Kalo chuang ve ang " ka ti zui zat. Mawi hnai taka biak ngaihna ka hrelo a ,ngaihdam dil emaw thupha chawina tawngkam ka hman lohna chin pawh hi ka inhre tawhlo !






A motor kawngkhar ka khar dawp rual chuan aphun zui hluk! A thusawi erawh ka hrepha lo bawka hnial enah ka en talo law law .
"Khawi ah nge kal i tum? Thlanmual lam chu anilo turah ngai ang" a sawi danah anui tih ka hrethei .Vawin khan ahmel kalo hmu chiang lo a ,hmeltha ni hauh silo in ahmel erawh pa ka tihzawng tak ani ,amah ala palian lehzel bawk nen alo berah kum 30 chu apel ve tawh hrim hrim ang . Kei hmeichhe te lam ka nih bakah asa hrawl chi ka nilo bawk nen ka lang te rawih rawih thei .

"Thlanmual lama i tlan dawn chuan kal chu ka duh " ti a ka chhan chuan ka lam a rawn hawi zawk a ,hmalam melh leh nghal vatin "Ka Hmanlo" ati zui zat bawk . Chutianga buai viau si te chu ka kalduhna lam min zawh loh law law tur ania .
"Anih chuan a rem rem lai ah kalo chhuk mai ang " kawngpui lunlai kan pawh tawh tho bawk a taxi pawh a awm tawh ngei ang ..






"Chu pawh ka hman chuanglo" a tih chuan ka melh vut ..A kiai suk ka hmuh chuan hlauhthawnna in min tuam nghal ,ani hi apalian in a hrawl ropui si a kei ve mai chu min hneh dawn lutuk .Engvanga lo ringa amotor a chuang ve chawt nge maw ka nih reng reng le ?
"Ka chhuk duh ,motor hi ti ding teh" ka biakna hrelo ang hmakin hmalam a melh ding ngur .

"Ding rawh ka tih chu " ka au ani ber tawh ,ka awm zawn ipik lutuk te chuan ka thawk lak an ti harsa a ,ka tah rawn chhuak ringawt te chu ka hlauhthawn vang tih lah kei tluka chiang an awmlo .
"Hey hey...itha em?" ka hawichhuak chu kawngsirah kanlo ding reng tawh a ,ka thawk lakdan na lutuk siamrem tum chuan ka mit ka chhing vang vang a ,a ziaawm har phian mai .





"I tha deuh tawh em ?" a rawn tih leh sup chuan "i mawl ami" ka ti thawt .



















Chhunzawmna.....



Ka zia deuh hnu chuan ka thutdan ka siamrem sauh sauh a,vin leh chiam ka tum nangin a hmel tak ngul vang chuan ka tim leh deuh .
"Kan kal thei tawh em " a rawn tih sup chuan "umm" ti sepin abak sawi zui vak tur ka hrelo .Ka tihdan vang khan athinrim te pawh ani mahna .





"Bawngkawn thleng ka kal dawn a i duh na laiah i chhuk mai dawn nia " ti leh in hmalam a melh ngur a ,biak leh achakawm tawhlo takzet.Mamawh tu zawk ka ni chungin tawngkam vin a min belo chu mak ka ti zawk mah .Kei chu ni ila ka ankhum leh hrep tawh ngei ang .Ni e ,hmeichhe zaidam tak ti a sawi ka ni ngailo mai pawhin min hrechiang lo tu ho phei chuan biak pawh min be ngam hlawm ngailo .

"Khalai ah khan kalo chhuk ang " ka tih chuan bu nghutin kawngsir lam apan ve mai bawk a
"Engzah nge ka pek ang che " ka tih chuan aner nawk .




"I hausa viau anih chuan amamawh tak tak te pe zawk rawh" ti hmukin ka lamah a rawn thle buk a "tanpui ngai an tam " ati leh sup bawk . Tanpui ka tum vang pawh ani tawp silo a ,chhang zui ta lemlo chuan kawngkhar hawn mai ka tum a ,ala sak em em zui .
Amah zawk chuan engemaw hi a rawn hmet keuh a a in hawng zui nghal mai bawk a !

"Paris hill maw ?" A tih chuan chhuk tuma ka ke ka hlangthla chu ka tawp chawt ,alam ka hawi chuan mi pawh alo en tawh lem chuanglo.Ka chhuk hnu chuan atlan liam nghal vut a ,atlan liam lai chu ka thlir zui vung vung.Paris hill te alo hreve anih chuan mi fel tak chu ani bik lo tawp ang .Paris hill chu keini anga Party ngaina ho tal khawmna ani ber a asawi mawinan Paris hill ti mai chauh an ni,chhun lamah chuan in pangai tak angin alang na a zan lamah erawh thalai ho talkhawmna hmun ani.Mi tam tak chuan a awm tih pawh an hre kherlo ang .Akal thinte pawhin an sawichhuak ngai lemlo a ,kar khatah zan thum vel chu party a awm ziah .Aluh man a awm vangin a neitu te pawh an hlawk viau ang .





"Ka rin aiin i hma " A chhung ka luh chuan Hruaipuiin alo ti nghal zat . Kan chhungkaw buaina a hre velo bawk a ka kal hma chhan ka hrilh buai peihlo . Ka dar chhin ak in thutna lam ka pan zui daih.La hma angreng viau mahse pawisa chawia inkhel thin ho chu anlo thu leh thap tawh tho . He hmunah hian nu thenkhat chu rawn kal se an phu zuk zuk hlawm ang mawle ,an pasal kohhran bel leh khawtlang ngaihsan ho hlimhlawp bawlna hmuna hmuh chu an thisen te pawh a san phah ngei ta ve ang .





Beer can bur thum zet ka lem tawh chungin ka rui thei der lo ,zu pangai ka intheilo viau e tilo chuan beer erawh ka inthei pap pap viau ! Mahse can thum ka in hi chuan ka kai ve viau tawh thin a ,tun tum erawh ka harh telh telh in ka hria . Engmah ngaihtuah theilo khawpa ruih ka chak takzet.





"Piggy tinge min rawn call miah loh" ka tukhuma rawn kuk lawlh pah chuan Kylos a rawn lang zawm zat a ,ka lo nuih tlawn chu atum hmuk.Kei ai a upa chung hian ka lakah apangchang thei viau .Chutiang bawkin alakah ka pangchang tho bawk a. Kan inhmuh tirh khan hetiang em em hian kan inkawm ngaihin kan in nel ang tih ka hre lawk hauhlo. A unaunu thitawh nen in ang mintih em vanga inkawm chho tan kan ni ber .
"I buai ka ring a " ka tih chuan ner nawkin beer aban ve nghal zat a.Zanin chu ka thlem peihlo a awm awm in awm teh se .






"Ui in mak emai ,Kylos nangpawh alo sawm loh vang mai che khan thinrim angailo .A tihtur apiang hrilh che aba lo aw " Hruaipui'n min chhan zeta alo tawng ve chuan Kylos an "Lo tawng ve suh Hruai tuboh " a ti duh lek chauh. In ngam ve tak an ni.




"Vodka ka in dawn " ka rui theilo chuan ti chhuak sepin bar lam ka pan a ,chair pawtchhuakin ka thu zui tharh .Bar enkawltu bulah chuan vodka ka dil zui zat bawk .
"Inlamah buaina a awm ami " ka bula rawn thut ve pahin Kylos bawk chuan a ti sup a ,ahmel tak ngul chu nidang anglo viau mahse ka zawt peih hrih nganglo .Keima harsatna pawh hi atawk tawh lutuk tlat.
"Buai loh lai kan nei em ni" thle bak chuan kan ti a ,nui duh hauhlo a min melh tak ngur ah chuan mit la sawn hmasa atangin ka no ka ban zat bawk .





"College a kal hi nuam ka tilo " ka tih chuan amiko a san uk .
"Achhanchu maw nun awhawm tak hmuhtur an tam lutuk a ,ka damchhung pawh a ka neih ve ngailoh tur leh ka dawn ve ngailoh tur neitu te kianga awm ve reng chuan rual awh ana ve thin a .Kan tet deuh lai kha chuan angkhat vek kan ni emaw ka ti thin a ,ka lian telh telh a kan in an lohzia ka hre hnem telh telh a ! Ka nu in ka school luhna hmun vawikhat tal min hmuhpui ve se ka tih vang chauh a kan class darthlalang ka tihkeh luih tum kha ila hria em ?" Ti in ka nui hak .


"A atthlak tiraw ? Principal meuh in a call chung pawh khan ka tihchhiat man chawi tur takngial pawn school a rawn kal duhlo anih kha ! A chhuan em em a pawisa min ken tir in akal hmanloh thu in min chhang a. Hmanlo inti reng chung khan a fa hrawn birthday lawm dan tur buaipui in dawr tam tak akal kual hman tho !"
Min lainat hmel zeta min en reng tu chu a dara ben thak pahin "tikhan min en lo teh " nuih hak pah chuan ka ti a ,min khawngaih a min lainat turin ka duhlo .Ani chu nilo pheise ka harsatna te ka sawi chhuak hauhlo ang .Mi te chuan hmeichhe inringtawk tak harsatna tawk ve ngailo angin min ngai se ka duh .Hmeichhe chaklo ang taka ka lan chuan min zuam a min bei mai duhtur tam takin min hual a ,ka tan chaklo taka awm athiang velo .





"Engtikah nge Cindy alo haw dawn "




"Ka hrelo le ,khawnge a awm pawh ka hrelo" ka unauni hrawn mah nise khawnge a awm ka hrelo tak tak ! Chutiang khawp chuan ka chhungte ka pawh lo . Mak inti maithei tuna kan chenna in hi ka pahrawn te ta nilo in ka nu in ani a ,ka nu te lam hi Aizawl ah chuan ahausa ber pawl an ni ve ngei ang.Ka pa thih hnu lawk kum em pawh aliam hma in tuna ka pa hrawn leh a fanu hian min rawn fin a, khata tang khan engkim hi a diklo vel vek tawh .Ka pa diktak boral hnu ah a chhung te lam tumah an rawn lang zui lo a ,ka nu an haw viau te pawh ani mahna .





Thil engkim hrethiam rual ka ni tawh chungin engmah tihtheih ka nei der bawk silo.Ka nu ngeiin a fa hrin pawh nilo duat taka a enkawl lai chu hlatak atangin kalo thlir thin a ,puitling la nilo chuan Cindy ka thik em vangin ka vel tap ngun viau bawk .Kei ai a naupan vangin ka zuam em em a ,ka nun kutthlak ka tuar zing hle .Ka tan inchhungkhur anawmloh sa tehreng nen a ti zual turin ka pa hrawnin min sual a tum bawk a !
Engkim bul tanna chu amah vek ,ka pa hrawn ngeiin min sual luih atum lai khan ka theihtawp in lo sual let lo ilang chuan tunah hian nungdama ka awm tawh pawh ka ringlo.
Ka muhil chu kai harh tu awm ang mai hian ka harh hlawl a ka khum bula ka pa hrawn ngei mai lo ding reng vang chuan ka au chhuak lo chauh bawk.Hmeichhe tleirawl te mai chuan tha ah ka hnehlo nasa viau a ,ka thawmhnaw inbel te phelh a ka underwear nen chauh ka awmtawh tih ah ka khumbula pot ban fuh hlauhin na takin alu ah ka vua a ,ka him thei hram .Ana ti au ri chuan ka nu ati harh ani mahna a rawn lang rang hle a ,min puih tura ka auh lawm lawmna erawhin a kaiharh zo ve miah silo!...

Kan awmdan engkim thawmhnaw mumal pawh inbel lo a ka awm chungin enge a tih in hre duh em ? Ka pa hrawn chhuata achal dawm ngawt ngawta let reng chu pan hmasa in abuaipui a ,ka lam hawia a rawn pen chhuah chuan kei a blanket nena lo intuam hlun tawh chu min hnem dawn emaw ka tih laiin na takin ka biangah a rawn beng zui anih chu mawle ! Kha zan khan ka hamhaih ka thiltawn mek hrethiam bawk silo chu ka tap tlaivar thak a ,ka nu min ben na vung vanga na ti em em a ka awm laiin khaw var hnu thleng pawhin min ngaihsak tu tur pakhat mah ka room ah an rawn lut leh tawhlo.
Chutiang chhungkua leh nun nei chung chuan hmeichhe fel leh zahawm taka seilian turah min ngai hlawm a ! Huh hetianga ka nung hi min dem thei tumah an awm lo







"Piggy...piggy harh tawh rawh le " ka bianga beng thak thak tu an awm vang chuan peihlo zetin ka meng riai riai a ,Kylos a then sung nen kan lo inhmachhawn reng . .
"Nge khatia hnai fahrana minlo bih a " abianga nam sawn pah chuan ka thu chhuak a ,a room ah kalo awm reng nia !




"A hawi leh vual vual ta " chet tlak tlak pah a lo ti tu chu lei ka chhuah khum vak .

"I thawmhnaw ka kawl hi inbel mai rawh ,college kan tlai dawn intiharh la Freshers te lawmni anih kha ,tlanbo chi loh attendance an la dawn " ka tum hrelawk ang hrim chuan a ti nghal chul .Min hrechiang tawh bawk a ka kal loh leh ahlau viau mai .





"Thusawi te kha a awm leh anga " ti tuak in ka che tuah tuah a ,ka lu na bur te chu mutpui leh mai ka duh .

"Zorin atlai tawh hmanhmawh ve teh " a rawn tih leh chuan peihlo zetin ka thu chhuak ta hlawl. "Ka kekawr minlo lak rawh" tiin bathroom lam ka pan a ,A tshirt var thianghlim zet ka inbel chu a rimchhe hranlo bawk a a perfume ka in kap anga ka ha nghal mai ang.Kylos nen hian kan riak dun fo a,ka thawmhnaw pawh a kawl nual.A chhungte awm lai ngei pawn ka riak fo mai ,min hau ngailo bawka zeploh chuan a bialnu ah min ngai tak tak ni berin ka in hre tawh,keini lah mipa leh hmeichhia kan ni tih inhre maplo in kan inkawm a.A nu phei chuan min duat viau ! Apa erawh ka hmu tamlo hle .An fapa neih chhun te ania mi rethei an nilo bawk nen an duat uchuak viau bawk a a duh duh an pe ani ber.





Ka highwaist jeans alo la kawl hlauh a inbelin atshirt nizana min haktir niawm tak chu ahmalamah pawt khawrin ka bawk tawm a ,a inmil reuh phian .Mahse buaina pakhat ka nei pheikhawk buntur ka nei miahlo.Nizana ka bun lah college a bun chi ni nghal lo chuan .


"Pheikhawk.."..


" ka hria ka nu ta hi bun mai rawh ,ala bun chuanglo " hnial ta lemlo chuan ka la a ka inthawlh nghal sawk sawk .Loafers nalh zet mai hi ani a ,hetiang te anu in han lei reng reng ti rilru neuh neuh mah ila sawibuai hman miahlo in min pawtchhuak nghal dawr dawr .Kan lum mai ang tih hlauhawm khawpin step ah te chuan min tlan thlakpui a ,anu rawn auhna pawh kan chhang hmanlo .Kawta abike lo dingsa ah chuan chuang nghal in kan dawkchhuak nghal zawk.Eng vanga hmanhmawh em em nge maw anih le?





"Ka ph te pawh ka keng lo ,bag pawh engmah ka kenglo ania " a helmet khum tir pah chuan ka ti lawng lawng a ," ka keng vek " a rawn tih chuan ka hahdam suai suai thei .





College kan thlen chuan hall lam panin atlan bawkin kan tlan a ,mi anlo thu thap tawh, nilo anlo tan tawh zawk ! Traffic jam vang vek .Attendance erawh professor kalsawn tur kan tawh zarah kan dah thei hram .Thutna alo khah deuh vek tawh vangin a awl awmchhun ahmalam ah kan inzui phei lai chuan zaklo ang taka lan tum mah ila ka zak ru angreng viau .Ka hma a kal pa pawh hi azak ru ngawt ang ka ring.





"Freshers te fuihna thu sawi turin Pro Pastor Ronald Zothansanga ilo sawm ang " Dawhsan a rawn ding chhuak ka hmu chiah chu ka au chhuak lo chauh !











#chhiartu lam ah ahma aiin ka tla hniam lutuk tan minlo lakpui teu aw 🥲 comments ah thu tlemte inlo sawi pawh ahlu lutuk ania ka tan ,a boring viau chuan rawn sawi hrehlo ula #


Show post links
Top

[Ngaia]

*Ronald Zothansanga* ch~2


(Ch~1 kha nizanah a zawmna ka dah aw ,ala chhiarlo chuan inlo chhiar dawn nia )





Kan hma dawhsan a thusawi mek tu chu mak ti in ka la thlir reng ! Engtin nge khipa khi Pro Pastor anih theih? A mizia ngeiawm tak tak te nen phei kha chuan ani theilo hulhual hi ani tawp ! Pro Pastor alo nih tak tak chuan khawvel thilmak pasarih te zinga a pariatna ani ngei ang .

"I mit a lum thla dawn " ka beng bula rawn phun sup tupa chu ka melh hrawk a ,minlo nuih khum suk duh lek chauh .
"Kylos khipa khi i hre ngai em ?" Ka tih chuan â min tih hmel zetin min han melh ang ren rawn a ,"i hrelo maw?" hrelo a kan zawt na na na .
"I khawvel hi chu a zim ve mange ,mi bawn ani tih bak ka sawi peihlo" alu thing nghut chung chuan a ti a ,a duh na ah hi chuan angeiawm thiam viau mai . Lu thing nghutin hmalam chu ka hawisan ta daih.Mipa lian tha ve tawk tak ani tih chu ka hmuh hmasak ber ni atang khan ka hre tawh a ,tiang tak khian alian tha ang tih erawh kalo hre ngai hauhlo . Kamiz pawlduk ha in a ban athlep tawm a ,cotton kekawr ha leh in ataksa a sawizawi tha tih hriat takin a inphuar mar nalh viau . Apian khi mipa tam tak chuan an awt viauin ka ring . A huhang ana tih hriat zetin zirlai tam tak karah thawm hriattur a awm mang tlatlo! Class kan lak a mi tlemte chauh kan nih pawh a bengchheng thei em em kha areh thuap mai !



Midang angin thu asawi rei hauhlo a sawi ho erawh thu awmze nei tak vek an ni .A sawi zo chu kut beng thawm a ring tha ngang mai .An lo ngaisang hlawm viau te pawh ani mahna ,pro pastor mai mai ngaihsan viau te chu a .



Ronald pov.....


Tlangval sang tha ve tak nena chhingchhengtei rawn pen lut zal zal chu ka thuthmun atang ka lo thlir ngun hle .Mipa thawmhnaw niawm taka lian inbelin ahma a suihbawk ve ngei a ,a len loh tehlul nena kun chunga hmalam a rawn pan ve zal zal chu thuthmunah ka lo khik pui ve suk suk .Hmeichhe nu zen zawn anilo tih chu ka hmuh hmasak ber atang khan ka hre tawh.Min hlaulo tih hriat zet a min chhang ve pang pang te kha alawmawm ka ti ru viau bawk. Kum thum zet hnu a hmeichhia ka mit la leh hmasa ber ani ngei ang .A nundan erawh a inchei dan leh nungchang atang atha viaulo tih a hriat .


Ka hming an lam rik takah chuan ka ding chhuak a ,Zirlai sangchuang hmaa dinchhuah chu a zamawm ru ve duh viau mai . Phawk zeta Chhingchhengtei lo meng ka hmuh chuan ka kiai suk ,helaia min hmuh hi a inbeisei hauhlo ang le .Ngaihsak zui lohin ka thusawi ah ka insawrbing ta zawk a .Keimah ngei in a kalo tawn tawh hmanga midangte ka fuihna chuan inrintawkna min pe lehzual a .Kan harsatna tawh te avanga hnual reng tur kan nih loh zia heng ka hma a thute ho hian hrechiang ve se ka duh tak zet bawk.Mihringte min tichaklo tu ber pakhat mahni insitna ,mahni in khawngaihna te nen a hlawhtlin tum lo se tih thu chu ka sawi ngun viau bawk.


..........


"Helai a min hmu ve chu mak itih hmel viau mai " engvanga abul hnaiha vakal a va be kher nge ka nih ka inhre hauhlo! Mak takin a engemaw hian min hip tlat .Ka biak thut avang chuan aphu zuk leh ta nghal a ! A cup a thingpui khat zeta awm chu tihbuak hlau takin kalam hawiin a rawn inher riai riai bawk. A kut te ve tak chuan an refreshment sem chu bawm thum ngawt ahum ve tai a ,pakhatin thingpui no khat zetin a hum bawk. Kan kiangah midang chu awmlo se ring taka ka nuih chhuah hawk ngei ka ring.




"Mi an hnunglam atanga biak thut thut hi i hobby ami ?" Kha maw heivang hi alawm Chhingchhengtei tia ka koh ,taksa athawk apianga che det det thei khawpa te nei chung hian a tawng ve chheng chheng zel a ,amitmeng zahawm zeta min melh kiau chungin naupangchhia tak takin a tawng chhuak thin bawk.
"Enge i nuih " kalo kiai suk suk chu ngaitheilo tih hriat zetin dak vahin min en ve kiau a ,alawmawm zia hi a inhre tawp lo ang . Theih chu nise ka room banga tarmawi atan ka hawn daih ngei ang.



"Engmah nilo e chhingchheng te " nuih insum zeta ka tih leh chuan "khatin min ko bawk suh" alo ti var .A hming ka phuahsak chu a duh viaulo a ang .



Zorinpuii pov.....




"Mite chu bum mahla keichu min bum ve hauhlo ang " ti hmakin ka melh ran ,hrethiamlo tih hriat zeta amitko a san zeuh chuan ka thaw hap a "Nanghi Pro Pastor inih ngai chuan keihi mother Teresa ka ni chiang ngawt ang." Ari meuh a a nuih tak hawk hawk ah chuan ka hawikual nghal ruai ,kan bul vel ami ten minlo en thup tawh .Han zah vak ka hrelo na chungin mi te en rawn nih erawh ka duh hauhlo .

"Nang ..God" ti hlukin a la nui reng tho. Nuihzatthlak ka sawi awm ka hre hauhlo.Nikhat chauh la hre mah ila ka hriat chin atang khan ani hi Pro Pastor han ni chi zia zang anilo hrim hrim.
"Ila hre chho ve mai ang ,khang zozai kha i eizo anih chuan tlem talin than belh ve ang che Chhingchhengte " tih pah a ka lu a rawn tuai chuan kalo teu hlar .Lu thing nghut chung chuan min kal pelin kan professor te awmna lam min pan san daih bawk .Akalna lam hawia ka inher chuan Kylos ka lam pana rawn kal ka hmu nghal zat a ,kan late fee pe tura akal kha athangrei ngang mai .
Keilah a chhang tur zawng zawng nen ka inkeng bawr tun bawksi nen engmah ka ka ah ka hnawh thei chuanglo .




"50 ve ve kan fine a " thawveng zeta a rawn tih chuan achhang kalo hmehbel chawt .Box a aintuam thlap vangin akawrah engmah akai lo zawk a ."I rei lutuk Chhang min kenhnem tir si mi in ka ei vek tur emaw an ti ania " kalo ti nghal phiar phiar .
"Tu mi in " amitko sak keuh a atih chuan sawi mai ka tum a "i hrelo ang" ka ti ta zawk.Khapa nena kan inhmutawh tih hriattir ka duh lo.Bakah a telloin thlanmual kal fo lo turin min ti a ,ka thuruk a hrechhuak hnem mai mai.



Ka pa an phumna thlan hi khawpui chhung nichiah lo anih vangin afal ve deuh a ,akalkawngah zurui vel an awm thin vangin Kylos hian atello a kal min khap bur .Ahriatloh erawh chuan ka kal ngun malh malh hle ,chu erawh ahriat ve kher atul hranlo .
Kan refreshment dawnin min tihpuar zawh loh vangin kan college canteen ah kan in eipuar leh phawt a ,Nizan atang thil kala ei mumal lo nen ka duh tawk a ka ei meuh chuan ka puar ul thei .Ei lam hi chu ka thei viau mai vanneih thlak takin ka thiana pawh hi kei ang tho. 12 anih laia hostel a awm phei chuan zanah pawh a eitur te ka han pe leh ang lawp lawp zel a ,zirlai zir thulh thak khawpa tlanbo lah kan hrat .Kan chhungte ve ve in school a donation an pek that em vanga hnawhchhuah tawklo chauh kan ni.Kan zirtirtute pawh khan min ning ve viau thin in ka ring .




"Awii kan Pro Pastor a chhiatloh zia kha ,khatiang khan Pathian thu min hrilh nise chuan vawi sawmnga chuang ka piangthar awn awn ang mawle " helhkham neilo zeta Hruaipuii rawn tawng nghal lawng lawng chu Kylos an alo phunkhum leh hluk tawh.

"Pro Pastor ani tak tak maw?" Kala awih thei tlatlo. Khatiang kha engtin nge Pathian mi hman an nih theih ?....




"Ni chiang e ,i hre ngai miahlo ami hmankum pawn alar ve hat tawh kha " atih chuan ka bo telh telh hi ani ber .Chutianga lar han tih tur pawn milar kan ngah lutuk a ka hre senglo ani maithei.Mizo hi chu milar neih lamah kannintodelh ve bawk em ani .
"aw kha abialnu nen car accident in an chesual a ,abialnu zawk chu athi a" atih leh chuan ka hre chhuak ve ta uarh uarh." MCs atlin an lawm haw lam chesual te kha maw ?" Ka tih chuan hruaipuii alo bu nghut nghut .


Hman kum khan Accident thleng a awm a ,a lar chhan ber pawh MCs tlingthar te accident tawh vang ani ber a ,a khalhtu zawk dam chhuakin a chuanpui erawh athi tih thawm kha chuan Zoram a deng chhuak hneh viau. An accident dan lah leimin in a car tlan lai a min hnan vang ani lehzel nen mi lainat an hlawh hnem viau tak anih kha .

"Khami a Mcs tlingthar damchhuak kha tuna kan thusawitu pro Pastor hi ania lawm " no a tui inpawp pah chuan a ti a,anih chuan khata boral kha abialnu chu ani ngei ang .
"Mahse tinge Pro Pastor anih daih theih a "




"Ka hre bik lo le ,ahna kha hnawlin B.D a zir tha leh pawh ani maithei.Keipawh in mi ka atanga ka hriat ve chauh tho ania ,a kip akawi in engmah ka hrechiang biklo "




"Aninawm thudang sawi ru " rawn ti hluk tu chu kan nuihpui chiam ,amah lah chu a tum hmuk mai bawk si
"hepa hi chuan a duh chiang che lawm " ka beng bula Hruaipuiin a rawn tih sa sa chuan awmlo ti zetin ka ner khum nawng .Kan inkawm rei tawh nen thian mai kan ni tih hi hrethiam tur chu ani ve tawh.



"Atawk ,kal ang " Ka ban a min pawtin a tho zui nghal vut "Hruailukir min rawn zui hlek suh" ti leh nghutin kawngka lam panin min kai zui dawr dawr .
"Kylos hmelchhepa Zorini kha i ta bik ami " kan hnunga hmanhmawh zeta min um paha rawn ti lawng lawng tu chu ding meuh a enin kan nuih tawp.Kan chhang eibang kha rawn ei pahin a um in min rawn um a nih chu!





"Kan inah rawn haw zawk mai rawh " kan hma a in ding melh vung vung pah chuan a ti sup a ,ka luh huphurhzia ahria ani ngei ang .Ka dar chhin akin "ka hlau hleinem " ka ti vat a ,hahthlak min tih hmel zetin a thaw hawk.

"Harsatna engpawh tawkla minlo be hmasa ber thin ang che "A tih leh chuan " umm" tih bakin ka chhang lo .Rei ngial kan in kan melh ngawt ngawt hnu chuan min hawsan ve ta hram .




Inchhung ka lut chu alo reh thiap a ,inruak luah loh ang maiin a thim ruih bawk. Banga switch hmet zeuhin sitting room bik chu ka ti eng a ,choka lama ri ka hriat chuan ka pan phei nghal .
Kan awmpui langa lo kal thin in zai rat rat paha rawng alo bawl chu rei ngial ka thlir hnu ah ka aw ka thian ta kharh a ,alo hawi rang hle .



"Ka tihpalh i awm tih kalo hrelo a "




"Apawilo ,khawnge an awm zawh vek a " Fridge hawn pah chuan ka ti sep.


"Cindy hmuak turin an kal tawh "



"Khawiah nge Cindy chu a awm a " tuivawt in paha ka tih chuan min melh vung vung phawt a ,"Shillong atang alo haw tawh dawn tih i hrelo maw " ka dar san uk in choka ka chhuahsan ta daih . Alo thawhna ala reilo a ka nau awmna ka hrelo chu mak ati pawh a awm lutuk.Kar thum vel chiah ala rawn thawk chungin helai a awm ngei aiin awm velo Cindy chanchin a hrehnem zawk bawk a ,an fanu rohlu chanchin chu khawihmunah pawh sawi nuam an ti thin reng ani .




Tihtur hrelo zet chuan ka ph ka thai ka thai a ,number lawng atanga pvt message lo lut te chu en peihlo in ka tihtur hrelo in ka delete zui malh malh bawk .Inhnuai lama nui ri hawr hawr thawm ka hriat chuan ka ph dahin ka intifai sawk sawk a ,ka unaunu hrawn chu kan hmu ve pauh aniang chu .Towel a ka lu tuam tha mawlh mawlhin tshirt lian hnelh hnawlh ka ha a ,kekawrbul ka khup chen vel ha leh tawpin ka hmai ah cream ka tat thuak thuak a ka room ka chhuahsan zui nghal .



Kailawn chanve vel ka pen chuan chhukthla tlang mai loin ka ding ren rawn a ,an chetla vel chu chiang takin ka hnu thei.


"Bawihte i tel lo chuan a reh emai kalbo tawh suh aw " ti a ka nu in duat taka Cindy a be vel chu ka lo thenkhum sak .Tiangkhuan vawikhat tal min be ve se chuan hetiang em en hian keimah ah ka nu huatna a intuh hauhlo ang ..
"Nu helamah ka awm tawh rih dawn alawm .Bakah in bula hun hman tam te pawh ka duh a " an inkawm hlim lai chu ngawi rengin kalo thlir reng ringawt. Ka pahrawnin a afanu achhuanzia a sawi chul te chu eilo zetin awmhmunah ka lo ner nawng nawng ringawt .Doorbell a rawn rik chuan Cindy tho tharh in ava hawn thuai a ,mihring rawn pen lut mekte ka hmuh chuan ka hawihai hle.!




"E lo leng rawh u ,enge in rawn tih tehmial dawn a " ka nu lo tawng thawm te chu ka bengah alut hlawllo .Khupa khuan min zuiru te hi ani hial lo maw ?
"Hei ka bial min vawnpui turin Ronald a hi Synod lamin an rawn dah thar a ,inkhawm zan te anilo bawka bial ka rawn fanpui zuaih anih hi inhmelhriattir na neih pahin " an in chibai lawp lawp karah chuan ka mitin mi pakhat chauh amelh ding ngur .



"Anih chu ava lawmawm ve ,Keihi chhungkaw pa ber Vanlalhruaitluanga ,ka nia anihi ka nupui Zodinpuii anih hi.Chuan ani hi kan fanu Cindy Lalthanpuii anih hi "



"Hmuh in nuam hle mai ,Keihi Pro Pastor Ronald Zothansanga ka ni e " a aw nghet cherh chawrh tak chuan namnul mai mai theih anih loh zia ati lang nghal vek thei .

"Pu Hruai Zorini hi inah a awm lo nge ?" A rawn hruai tupa in a tih chuan ka inher riai riai a
"Ani hi ..e khi a awm alawm" ka pahrawn in atih rual chuan ka ke pen ka tawp chawt. An hriat loh a room a chhoh daih ka tum nen. "Zorin lo chhuk teh" ka nu in a rawn tih zawm leh zat bawk nen ka awmdan chu alaklawh viau. Ka inher leh riai riai a ,Zothansanga'n minlo melh reng tawh ! Nilo an vai mai chuan minlo melh thup tawh zawk..
Ka rilru a lo lang hmasa ber anga che in ka inher lawk a ka room lam panin ka penchho nghal pawk pawk.








Zawmna ......



'Anih chuan a in sawi ang kha ani tak tak tihna ani maw ' ka rilru pakhat chuan a ti a ,pakhat erawh in ala ringhlel cheu bawk.Ka hmuh hmasak ber dan in zir miau heklo ,Pathian rawngbawl mi hmuh in ka hmu thei tlatlo atin ni.
Mahse engvanga tlanchhe ngawt nge ka nih? Nilo ka tlanchhe lo ,anni ang lemchang nun neite kianga ka awm peihloh vang mai mai zawk ani .Ni e ,ani chiah ang .Mahse an la awm leh awmloh hrechak in ka phi chung si .Huizz, Intih thawven ka mamawh anih hi .





Zanriah kil hun thleng pawhin tuman min rawn au lemlo a ,ka chhuk buai peihlo ta law law.Ka room ah hian mini fridge ka kawl bakah eitur ka kawl nual tho a ,ka inhnawh puar ve mai zel. Karkhatah hian chaw pangai kil a an zinga thut ka nei khat khawp,keimahin ka inchawi hrang mai zel. Ka pawh loh em vang hian min dem tawk pawh an awm tho ang ,mahse ka dinhmun ah hian ding ve ta chiah hlawm se an peih bik hian ka ringlo.




Choco pie ei tuma ka room ka hai kual chu ka hmuzo reng reng lo ,hmanni lawkah abawmin ka lei zo chiah emaw ka tia .Peihlo viau mah ila a tur tu a na em a lei turin ka tho chhuak leh ta nge nge .Kawrbah leh pyjama ka inbel tho a tiin kawrhmaphel pan te ka inbel tawp a ,kan in chhak lawkah dawr a awm bawka inthuam viau tul ka ti hranlo.
"Zanah hian chhuak fo lo teh" kawngkhar ka hawng dawn chiah tih a ka nu in a rawn tih chuan chhangloin ka chhuak tawp.Inhnial na mood ah pawh ka cheng hrihlo.Hmeichhia tupawh chu kan ni deuh vek ang ,period dawn hnaih hi chuan kan engemaw tal ah hian danglam a rawn awm ziah ! Mak ve tak ani ,kei phei chu ani hmasa ber ah ka che hleithei thinlo .




Thlithaw deuh vuk vuk karah chuan kan kawmchhak te in lam ka pan a ,thingkung thlithaw in a chhem vanga ri deuh hum hum te chu movies vel chu nise hrâng lam alang leh daih tawh ang.
Kan in leh dawr inkar ah hian kawrh a awm a , inhlat lutuk ani hranlo nangin kan minute nga vel kal chu ani pha tho.Kan in hi afal ka tih tawh kha ,damdawi tiho lah hian a biru lai ti in an rawn pan ve tang tang zel a tih loh ah chuan khawpui ri bengcheng thawm ahriat theihloh nen anuam viau lawi.




"Nu parte ,Choco pie hi abawmin ila nei em " dawr chhung luh pah chuan ka ti lawng lawng a ,ka mi ngainat tlemte zinga mi ani.A nihna ang ang hian a ri pawp pawp zel a ,thup buai hi anei lo reng reng.Anmahni an harsa in a fa pathum lai ahmeithai pui bawk nen khawngaih thla an la viau.
"Awm e kalo stock sak che lawm ,kava la ange thuhruk deuh loh chuan i naute ho hian an eizo duak duak zel a " kalo nuih pui nasa mai. A panhnah roll lai a dah tawp kiangah chuan ka thu a ,panhnah roll te zawng ka thiam ve zawng tak .Kuhvarah thel erawh ka kut ka chep ngei ngei thung .



"Hei pakhat chiah alo awm tawh kalo lakbelh leh nghal ang ,khawiteh lo ti ve suh i kut te kha abal anga sin " a tih chuan ka nuih liam pui mai.
"Aho lutuk ka hman lutuk kalo tih chhawk ang che "
"Anih atam tawhlo bawk arah kanlo siam hlauh ange " ka bul ah a rawn thut pah chuan abuaipui nghal mawlh mawlh. A zozial peh chu an tan nung leh te te a ,hneh zet a kuhvarah a phel sawm chu panhnah roll thulh meuhin kalo en .



"Naupang ho khawnge a,an leng chhuak nge ?" Tun ang hunah hi chuan an ri luih luih zel ania,a reh thuap mai.
"A pu te anlo zin a ,chaw an ei pah nghal anih kha ani te inah .Tlawhpawh viau lo se ka duh nen an tute an ni ve miau sia " Nu Partei hi apasal chhungten an duhlo viau ani awm e ,inneih pangai pawh awmlo in an in la lut ve tawp a .A Pasala chhung ten thlakhat pawh an awm tlin hma hauhin inhrang chang turin an ti nen a tan hi chuan atha nat thlak viau ang. Mahse nu sual anilo bawk a a fate an rawn hmu tur erawh a ui bik lo .




Reilote ah panhnah chu ka roll zo der. Ka nuam tih ber lai kan ti dawn tih hria in kuhvarah a phel sa ho chu sarang ah ka dah zung zung a ,Nu Partei pawh a nui leh huah huah tawh .Stabler a chilh lai hi ho viau mahse nuam kan ti khawp a ,nu Partei pawh hian ahrechiang tawh khawp mai.
"Tikhan lo ti mai rawh aw ,thleng kala sil lo a ka zu sil zuai zuai ange a reh lai hian " atih chuan ka lu ka bu nghauh nghauh.Eichawp dawr te ve tak ania,an in nen a inzawm bawk ,rangva in a indaidan a ni ber .YMA thuthleng pakhat leh athutna bik a awm a abak chu nepnawi thil velin akhat vek .
Tihian afate pathum school tha ah luh tirin a chawm vek ania ,nu ropui ani ka tilo theilo.Kei ni ila ka tlin angem ka hre hauhlo bawk.Fate riltam chuan kan dah bik miahlo ang ,mahsela zirna tha leh rual awt em em lo a siam erawh aharsa viau ang ka ring.



"Lighter a awm em "



"umm dawhkan te ah khan " hawichhuak lemlo chuan kalo ti vat ,ka kal ngun bawk a ka hrechiang ve thawkhat a thil dahna vel chu . Ka thiltih lai chu ka ti mawlh mawlh a
"Kir i ngai em ?" Ti a ka hawi chhuah chuan Ronald a khi suk nen kan in hmachhawn nghal sak!.
"I sumdawnna chu ahlawk bawk em " thle buk a tiin ka thil khawih lai amelh pah kher a ,han chhan vak ngaihna ka hrelo chu "hlawk e nangzawk ?" Kan ti ngawt pek a ,anui leh vur vur tawh . Kan inhriat dan afuhlo nen ka hmudiklo zo vek tawh ani hi chu .Tunah pawh lighter anih kha a rawn lam ni .




Khi suk suk chunga min en reng takah chuan lai zetin "pawisa kir i ngai ami?"ka ti ta ngawt a , engvanga lai em em nge ka nih ka inhre lo ?
Lu thing nghutin a kekawr ipte a dap ruk ruk a ,a wallet rawn phawrh chhuakin 500 tlang a rawn phawrh anih chu ! Lighter cheng 10 man chauh alei a zanga tlang han phawrh.
" a nawi i nei lo ami"



"Vanduaithlak takin nei hauhlo " a mi chhandan chu kan ngei mai mai khawp .Keima thu a pawisa kir ngawt ka duhloh vangin nu Partei ka au ta zawk a ,dawr a te si ani anga palian a ding khup mai bawk si chu a uap churh theiin ka hria !





"Ehe Pu Ronald-a chu ni lekin " ka nui chhuak phut .Ka awmpui pahnih te chuan min en duh hle,nu Partei pawh atawngsual tih a inhria aniang amengkual zawk zawk alawm .Amen kual zawk zawk tawh hi chuan a tawngsual ani ve ziah .Anu rual dawnin apu ania ! Keichu ni ila ka zak ngawt ang .
"Nia hei mamawh ka rawn lam lawk anih hi " min ngaihsak zui lemlo chuan a ti thum dut .Nu Partei lakah chuan a thutak leh run tawh ,ka bulah lem min nuihzat ang maiin anui suk suk reng zel a !




Tuna amizia hi pa ka ti in a inhmeh daih zawk ,han nuih kual vel kha a inhmeh hlawllo.Nilo amah tawp hi a inhmehlo hlawm tawp ,pro Pastor nilo in Officer emaw ni zawk se .Office ah te thu in mi thu han pe kual zawk se chuan a inhmeh ngawt ang.Nula pawn an bawr hut hut ngeiin ka ring ,tuna anihna chelh nen hi chuan nula tam zawk in timna chin an neilo theilo .



"E minlo dawr ziah rawh aw ,Quarters te iluah niin kalo hria a ahrehawm viau lo turah ngai ang.Kan veng hi chu a mawng na a ,a nuam ru zek ania .I awm rei anga i hre ve mai ang " nu Partein a tih luam chuan "Ni e " ati duh lek chauh!
Pawisa te an inkir fel a achhuak mai tur chu "Anih aw Pu Ronald " ka lo ti hmanhmawh ,a ding chut a ataksa ti che dawt in a kal zawm leh nghal mai.A taksa chet dat danah a nui te pawh ani mahna .




"Iva mawl tak tinge Pu itih ve kher tlangval ala nih kha " nui thaw chung chuan a rawn ti ve leh hnuhnawh a,kan pahnih te chuan kan han nui leh ang bawk bawk a .Ka rilru manganna theihnghilh thak khawpa ka awmtheih thin vang alawm ani hi ka ngainat em em .Ka nu ai daih a ka nu zawk hi ani ngawih ngawih.
Ka tetlai a ka school bang pawh engmah ka lei dawn loh pawhin ani kiangah hian ka kalkawi hmasa te te a ,achangin eitur te min pe a haw ka hreh thin em vang khan akiangah hian thu in a fate kalo awmsak thin.Kan chhungkaw dinhmun hretu tlemte zinga mi ani ve a .Rei tak tak an ina ka len thin chang pawhin min nin emaw haw turin min hrilh ngai hauhlo.A fanu pakhat ah hian min ngai ve mai zel .


..........



Ka harh chu ka lu na bur vangin ka tho lawk theilo,rei ngial ka maimitchhin hnu chuan ka ph ka ban a Kylosa missed call tam tak alo awm hman .Sana ka en chu dar 10 lai alo ri tawh ! Nizan khan ka len rei bakah ka meng rei lutuk nen thawh ka hai phah.
Second class tal ka nan hman beisei a ka tho kang chu ka taibawr na zawk vangin ka thu thla leh rang hle .Ka rinlawk dan chiah ka period ta nge nge , kalloh tlang law law tumin ka intifai a .Ka period ni khatna hi chu ka che hleithei thin thlawtlo ! Ka khua asik loh leh ka taksa hi ana ngawih ngawih zel ,mahse nikhat chauh bak ka na ngailo tlangpui a azia zawk khawp . Kylosa hnenah ka kal loh tur thu message hnutchhiah in ka mu tha leh te te a .




Thil ri nawk nawk thawm bawkin min ti harh leh tawh .Room soundproof neih ka chak zia hi chu pui tak ani.Ri a reh mai takloh ah chuan ka thawmhnaw pangai inbel in ka room ka chhuahsan a ,step tawpah dingin kan in a mihring veikual sek ho chu ka thlir dauh dauh .Engthil tak nge maw thleng leh tawh ni ? Athenin thuthleng an hung rem a ,athenin bel lian tak tak an keng bawk ! Ka hriat veloh hian ka Pahrawn te hi alo boral anilo maw le ? Chu em erawh chu ani lo ang.

Inhnuai lam panin ka pen thla ve ta hnak hnak ,kan sitting room thuthleng te chu an remtha nasa mai ,choka lam atang rim a rawn chhuak nasa ngang bawk .

"Zorin ipa hna kaisan kan lawmdawn a,mi pawimawh tak tak an rawn kal dawn a i tel ve peihlo anih pawhin min ti zak tur thil engmah ti hauh suh ang che " ka nu choka atanga rawn chhuak chuan fiah kelh kawlh takin a rawn ti a ,ka dar ka chhin ak ringawt. Ahna ah akaisang tih pawh kalo hre leh pek lo , anilo kaisang tur an awm thlawtlo emawni .
"Ka sawi chu i hria maw ? " a tih leh chuan ka lu ka bu nghauh a ,kalsawn mai ka tum chu min ti ding leh laklawh a a ruala sawi zawh vek mai awm.
"Chuan i ac ah pawisa ka rawn dahlut a ,car i khalh thiam tho bawk a lei ang che ..." Athusawi tawp lam chu ngaithla zo peihlo in choka lam ka pansan ta daih.Ka rilru hliam tur bak sawitur a hre leh chuanglo ang. A sum chauh hian min vur lo se tha tur ,pawisa lam chu ka pa kha male nurse mah nise a hlawh tamzawk ka ac ah a rawn lut vek a vawin thlengin pension anga kaltirin tlema zawng ala rawn lut bawk.Ka ngah ka tihna nilo in ka mamawh khawp chu a awm ve mai zel .Eng rilru pu in nge tun ataka car lei tura min tih hrelo mah ila rilru tha tak pu a ti chu anilo phawt ang.Engpawh nise aphala hnu kan lei pauh aniang chu .



Ka riltam deuh chuan eitur ka dap kual a ,fridge a dawnfawh zeisa lo awm diam chu tlem a zawng thleng ah ka la a bakery chhang kala tel bawk .Thleng chu chawiin choka atanga inhnunglam panna ah chhuakin theihai kung hnuaia ka thu duai a ,ka nu strawberry lo rah hming tuarh chu panga lai kalo pah bawk .Ei leh in lam thei viau mah ila ka puarkhawp erawh atamlo,ka puar tawh hnu ah pawh ka eibelh zel thei mai zawk ani .



Ka nghen mek theihai kung zar tam zet chu melh chho vang vangin ka chhanchhuah vangin lawmthu min hrilh nimai in ka hria .Ka pa diktak phun ve liau liau kha ania ,kan in kan zauh dawn a kih an tum khan kuah bet tlat lo ila chuan an kit ngeiin ka ring.Tihian a zar erawh in a rawn hawlh loh nan kan thlak zeuh zeuh a ,kih erawh ka phal lo bur amah a athi te anih ngawt loh chuan .



Ka tai rawn na tan deuh ngut ngut vang chuan ka room lama chhoh mai tumin ka ding dawn a ,ana lutuk chu ka kun ngawih ngawih thei . Hmehkhawr ang maiin a na ngawt ngawt ,theihai kung ka kut dinglam a vuan in alehlamin ka taibawr ka dawm ngawih ngawih bawk .

"I tha em " rawn ti dut thawm ah chuan ka hawichhuak tawk tawk a ,Ronald an minlo en reng!
"Na inei em?" Min pan hnaih paha a tih chuan "aih neilo" kalo ti tuak .Ana lutuk hi ka sawi peihlo zawk .
"I tha miahlo ,hospital ah ka hruai ang che " tih hluk paha min khawih mai a tum chuan akut kalo beng per nawlh . "Pathian ami inih " ka ti vak .Hrethiamlo zeta min en tak ngur ah chuan "khawiah pawh hian awm ziah mai " ka ti leh hluk .Thinchhiat sa nen min tih thinrim belh hi ani ringawt .Ka taibawr rawn zia deuh riai riai chu ka feel thei a ,ka thawkdan pawh apangai leh tan tawh .Na han neih tak tak hi chuan thawk te thleng hian a rawn sak talh zel .



Zawi zawi in ka ding mar thei ta chu ka thaw deuh huai thei ,ka bula ding pa lah chu kalsawn a tum lo emaw tih turin a din na ngaiah alo la ding reng .Hahthlak hian enge maw ka hmuh fo ni ?
"Enge hetah i rawn tih reng reng ?" Ka ti ta nge nge .



"Ka zawhna che chhang phawt rawh ,na inei em ?" Ka awih theilo ,athu tak hmel em em bawk si ! Kalo en chiang miahlo a atarmit vuah chu a inhmeh em em zui .
"Neilo ka tih tawh kha " ti halhin ka thleng ka chawi a lek kan zeuh pahin "inchhung hmun ri nuaih nuaih kara awm peihlo in helai ah hian kalo in eipuar ,atawk em " ti salh in ka melh chho kiau a ,ka tan chuan pheikhawk sang pawh bun mah ila chhoh melh tho ala ngai ang tih ang tur velin kan insan hleih ! "Chuan ka zawhna che chu" mitko san keuh pah chuan kan ti a



"Hunserh hmang turin" ami chhanna chu a atawi hmek hmawk viau mai .A hmel thutak run nen ka hlau ti tih deuh hial mai ! "Anihchu" ti sepin kalsawn mai ka tum chu ka tai rawn na zawk vangin leiah ka thu thla hnawk .
"Luhlul ngil ngel lutuk " ti hlukin ka tawng ve hma in min pawm kang nghal lawp! "Hey hey min dahthla rawh ka dam ania " ti chel chul in ka tal nawk nawk . "Awm hle hle rawh" pen pawk pawk pah chuan a ti hluk a ,choka luhna kan thleng dawn tawh "ka period vang mai mai anih hi" ka ti leh chul .



Mi tam laia Pro Pastor meuh inpawm tir chu ka duh reng reng lo ,zahna hrelo tawp chu ka ni biklo asin le .Hetiang chuan mi mit kanla dawn lutuk ."ka period vang ka tih chu" ka tih nawn leh lai chu "It's Ok" ati zawi ruih.A aw thum leh ril zet chu ka dinhmunin zir lo se chuan sial ka ti ngawt ang .
Inchhung kan luh chuan ka tihngaihna hrelo in a awm ah ka bei ta tawp.A taksa che deuh awk ah chuan min nuih tih chiang takin ka hre bawk .






End of ch -2


Show post links
Top

[Ngaia]

*Ronald Zothansanga ch~3 by~Natasha Hrahsel






"A kha engtizia nge ni ?" Ka nu in alo tih deuh luam chuan ka hmai a awmzawn ah ka thukru zual sauh.Ka hlauhvang ni miah lo in mi tamlai tak a hetianga ka awm hi keipawh ka inthiam bik hauhlo.
"A chesual deuh anih hi ,thil liantham ani lo e " tiin min pawm tupa chuan a chhang a ,pen zawm zatin inchung lamah min pen chhoh pui pawk pawk! Rihna neilo ang mai a min pen pui pawk pawk thei chu mak ka ti viau dawn a amah alian hrim hrim a kei kalo te ve angreng bawk nen atan chuan naute pawm ang lek ka ni dawn tih ka ngaihtuah leh hnuhnawh .





"Khawilam nge ?" Ding dat a tiin ahawi kual a "keimahin..?"
"Sawi vat la " a tih takah chuan ka room lam ka kawk ta tawp.Inchungah keimah chauh ka mu a ,midang ho chu inhnuai lamah room an nei vek .Inchungah room pathum awm mahse ka room bak hi chu alian lemlo nen Cindy a awm duhlo a ka vanneih pui phian mai.


Min pawm reng chung chuan a dar in kawngkhar a ti hawng a ,ka khumah chuan damlo natak ang mai a dimin min han nghat ngei a ! "Chawl hahdam rawh " ti supin ka khum mawnga puan chu min sintir zui zat bawk .
"Nangmah vang vek ka zak vek dawn anih hi " ti ram hmakin puan chuan ka inkhuh tha sauh sauh. Akawng dawmin athaw hak a ,ner nawnga min melhin "lawmthu sawina awka dawn kalo inbeisei nen " mit ti zim sun chung chuan a ti zawi ruih.




"I mumang anih chu " ka tih chuan khi suk chungin a lu athing nghut .Ka mini fridge lam melh vang vang pah chuan "intur a awm em ?" ati sup a ,a tui ahal anih ringin ka lu ka bu ta nghut .
Shit ! Kalo theihnghilh hman ,ka mini fridge lam kava hawi chu alo melh vung vung ,beer ka kawl tih kalo theihnghilh pek ani.Ka lam a rawn hawi a kalo melh reng tih ahriat chuan tui bottle khat la chhuakin a khar veleh mai bawk a ,engmah sawi zui lo chuan a in ta khawlh khawlh.
A tui in zawnga a hrawkbawk che ralh ralh chu hmuhnawm kalo ti lehpek hman viau .




"I duhzawng i hmu maw " ka en reng tih min en miahlo chungin a hre thei nia !
"Ka en bawk lo che " ka chhang rang lutuk chu awrawl chhuah meuhin anui ta hawk hawk .



"Hunserh ahnai dawn ,ka chhuk phawt ange chhingchhengte " mit siai suk chung chuan ati sup a ,a tui bottle inbang ngei mai chu min chhawp hnai in "nachhawkna i kawl em " a tizui sup bawk.
"Aw " ti a ka chhan hnu chuan thudang sawi lo in a chhuak ve nghal a ,a awmlo chiah chu a vawt sawt in ka hre hial! Ami uap ana hle mai ,mak takin akiangah khan himbik ang tlata inhriatna ka nei bawk! Chu erawh min buaipui vang chauh ani ngei ang .
Ka nunah hmunpawimawh chang pha chu mi tlemte chauh an ni a ,ka thiante bak chhungte han ngaihsak tu leh duat taka min be tu ka neih ngai loh em vang pawh ani mahna ,duatna leh ngaihsakna ka thlakhleh em em ni .







Mi tamtak kara ka awm peihloh vangin ka room ah chuan ka tawm ta reng a,hunserh an hman hun tur pawh ka hrelo hrim hrim bawk nen.Lang velo ila an lawm zawk hrim hrim ang.An zinga tel ka peihloh rualin chuangliam mai nia inhriatna ka neih hian min kalsan ngai chuang silo.Ka thil duhloh em em mahni inkhawngaihna ka nei ta fo mai te hi han tihreh dan tur ka hre der silo .







"Piggy mitthi an awm ami tinge in inkawt ah hian mi an va tam ve ?" Ka nui nasa lutuk chu ka pum ana vek thei ! Hepa han at dan em em hi chu ! Angaihna a awmthlawt thin lo ,
"Awm nang ka pahrawn kaisan an lawm anih kha ,ruai an theh mek zawk lo maw " ka room tukverh atanga dah chhuah pah chuan ka ti sep a ,gate pawn a abike nen a alo ding vang mai ka hmu nghal zat .
"Kan enchiang ange " achetla vel chu ka hmuthei vek ,gate pan hnai a abih du du pawh ka hmu thei alawm.





"Piggy an theh mek tak tak ,khawnge i awm hrim hrim "




"Room ah ka nuamsamlo ka awm daih "min hmuve thei chuanglo a ,ka en reng tih ka hrilh duhlo ,rawn hawi chhoh nachang pawh ahrelo nia !Hahthlak hian

" ka rawn lut duh ngem ?" A aw ah chuan ahreh zia ka hrethei ,ka khawngaih reuh lutuk a awmdan khu
"Kalo chhuak maidawn ami " ka ti chiah chu "aw" a rawn ti rang lutuk."Mahse i nuamsamlo nilawmni" ati leh ang lawi a !





"Ka nuam tawh lutuk alawm ,bakah ka telve peih chuanglo thil eichhuak daih ang .Kalo chhuak nghal ani mai " tiin call ka dah a,na ka nei tawh lemlo bawka pawnlamah chhuak harh ila anuam zawk ang ,khung ho khu engtia rei nge an awm dawn tih ka hre bawk silo.

Kylos an min nghah ve reng vangin ka che reng reng chu ka hmanhmawh khawp ,inbual tawh loin ka insil thuak a ,highwais dum inbelin khua a vawh deuh vangin highneck var ka ha leh tawp a atlang ka kawngah bilh lutin boot sang nichiahlo a heel chhah ve angdeuh chu ka bun bawk .Ka bag ah ka mamawh khung khawm vatin lipgloss ka inhnawih zuaih a ,ka sam pawh a thur ang angin ka dah tawp .Makeup hmanna hun ka neilo hrim hrim...





Inhnuai ka chhukthlak chuan an chawei lai te ani bawk a,tuman minlo ngaihven lo hlauh.Thenkhat hi chuan mikhual hmuhin min hmu hial ta ve ang.Kei anglo takin Cindy chu kohhran ah te a inhmang peih a ,ka lakah sual achhuah ngai hauhlo chungin kan inbe ngai lemlo bawk.Kan ingeina miahlo hi ani ber ,vannei thlak takin unaunu hrawn dang angin min thik emaw min huat tihvel vangin buaina kan nei ngailo hlauh a ,azia viau mai .Apa erawh tun thlengin huat tak meuhin ka haw thung.

Kawngka ka pel chiah tihin Ronalda rawn lut tur nen kanla intawk zui.Ka inthuam dan chu a en uluk ngang bawk.
"Kal chhuah i tum a " min zawt pawh a ang chiahlo ,ahmel thim deuh khup chuan mahni inthiamlohna min neih tir nghal ringawt bawk.





Ngawi reng a a din tak rengah chuan sawitur hrelo in ka kalpel pawp a ,ka hmulthi a ding sung shng thei hialin ka hria ! Ka hnung zat mer mer danah minla en reng tih ka hrethei bawk .Engvanga khatiang hmel pu ve ringawt nge maw anih ni? Ka chhungte pawh ani tawp silo a....







"Khati khan i chhelo daih zawk anih kha " kylosa bul ka thlen ruala alo tih chuan aban ah ka beng thlawp a ,hriaychhuah thut neiin ka chal ka dawm vang vang.
"Theihnghilh i nei lehpek em ni" kiai suk a atih chuan ka bu nghauh nghauh.
"I nu loafers kha kala kawl a,hawn pah la a remchang dawn asin ka han la leh lawk ang " ka ti chu "kan tlai ang ni dangah ani maj rawn chuang vat teh" a ti hluk a ,ahnungah ka lawn ve nghal thuai.






"Mahse i nu in ..." Kan in kawngkhar bula dinga minlo melh ding ngar ngar tu vang chuan ka tawnglai ka tawp chawt. Kan tlanliam thleng chuan amit la sawn hauhlo in minla melh reng !







"Khawnge kan kal dawn " ahnung atang chuan ka ti leh lawng lawng tawh .A hmanhmawhthlak te kha ati ve a kalna tur a hre tawp bawk silo .
Kan pan ngun tak ah bawk kan chawl leh ta nge nge .Achhung kan luh chuan mi pawh anlo awm nual mai ,waiter in kan thutna tur min kawhhmuh hnu ah eitur chahin kan ph ve ve kan khawih zui a ka tai rawn na leh zawk thin chu tawrh theihloh khawp anilo bawk a ka sawi duh lemlo.






"I rawn kalloh tur thu tal min hrilh lang chuan ka kallo ve mai tur ania " ti hluk tu chu ka ph dah in ka melh a ,minlo en reng tawh chu niin .Tunah an thinrim der tha leh vel a ,naupangchhia nghal lo chuan .
"ka kaloh apianga i kalloh ve zel in " ti in ka melh ve ta run .Ngawi renga kan inmelh ngar ngar hnuaj a chaklo zawkah tangin a mit ala sawn ta nge nge .
"Ninawm min ngaihtuah lo si " atih hmuk chuan ka hmui hupin ka nui khur ngat ngat .Hetianga a tihtauh hian lawmawm ka ti viau zel.






"U Kylos thutna kan nei tawh silo a kanlo zawm ve mai thei cheu ngem ?" Nula pahnih kan kiangah rawn dingin thutve min rawn dil a ,pakhat zawk chu a zah hmel ngawih ngawih .A ngo mai bakah a sam sei ngil siau chuan ati lang nu ngawih ngawih.Sam ngil hi ka awt ve thei viau mahse kir nisilo hian akawichiat reng a ,sam khawih ka tawrhtheihloh em vang hian ka pu vel mai mai .


Kylos an achhan tak lawk siloh ah chuan "lo thu ve ru" ka ti ta nge nge .Dawhkan hnuaia ka ke rawn tlawh pawp tu chu ngei zetin ka melh rum tha ngang mai .
Amah zawk an rawn bia a ahmelhriat an nih chuan chhan ve vat tur ania .




"Lo ngai haw lo la maw ,u Kylosa nen hian in ingaizawng em ?" Thutve min rawn dol tunu bawk chuan ati leh a ,pakhat zawk erawh ala ngawi reng thung.
"Aih.."



"Aw ,tun kum hi akum ruk na " ka melh hrep ringawt ,thudik a chhan ve mai tur ania .'avan pawi' zawi sep a titu chu ka melh a , "ati ve mai mai anih kha " ka ti zui hram . Ka thianpa min melhna chu ka hreloder hmak.
Thu dang dang sawipui in kan inbe luam a ,kan eitur chah a rawn thlen chuan ei mawlh mawlhin Kylos a tho thut ah chuan ka hawichho rang teh asin .A thutna chair a ri thawt bawk sia midang pawn an melh thup.
"Aaa washroom ah kava kal lawk "alu tuai neuh neuh chunga tiin a kalsawn zui nghal mai .Khati vaka han thawhphut kher .





" ihmaw u Zorin ,ka thiannu hi Evelyn-i ania ,chuan keichu Thanpuii U kylos a hi chhelo kan ti lutuk a in inzui nasa bawk sia ,a ngaihsak che bawk sia in ingaizawng emaw kan tia " kylos a kalsawn chu an thuruk te min hrilh nghal char char ani ber. Mi kawm thiamlo tih takah ka chhang bul thin mah mah bawk .
Thanpuii inti nu tawngduh lutuk chu athiannu chuan akhap akhap mai.





"First sem kan nia ,U Kylos-a te nen hian group khatah kan awm a vawin te khan a thinchhe sia maw a team mate te kha avin vak vak ringawt a.Chuan ahnuah college ah hmuh tur i awm silo a i awm loh vang anih kan ring ringawt a " atih chuan ka nuih hak a ,athinchhe ve hrim hrim ka rilru in alo ti zat bawk.

"Ka kalloh vang chu nilo e ,a thin hi a awrh ve a mahse asual miahlo ania " Ka ti ve luam nangin an awih ange maw ,Kylos-a thinthawk hi chu ana ve hrim hrim pakhat bawk.






"Wash room ah Insual an awm ania " nu pakhatin a rawn tih chuan kan tho suau a ,washroom lam pan kan inchuh ani ber .
Kan va thlen a ka thil hmuh chuan min thawng dawt ani ber ,mi pakhat thi hnuanga lo let reng ka hmu a abul lawkah mipa pathum velin Kylosa anlo dawm bet bawk ! An dawmbet chungin chhuata let reng chu sawisak hmel chak zetin panhnaih ala tum ngar ngar a "Zawnga i ngam chuan achanchin sawi leh teh "

"Kylos kylos ,duhtawk teh enge awmzia " pan hnai vatin ka ti nghal chul .Abul ka thleng chiah chu a inthlahdul ta nimai in ka hria athaw hawk a ,avuanbet tute chu thlah turin ka ti vat bawk .






"Tenawm lutuk" ,chhuata let reng pa melh zui reng chuan a ti chhuak leh hluk a ,"atawktawh ,atawktawh aw " tiin bengdaih kalo tum hram hram bawk.

Chhuata let reng chu rawn tho kang them them in "i bialpa chuan hauh che a pe na hle che maw ,khatiang duh duh kawp kual thei " a rawn tih ruala Kylos a che phut tur chu ka kuahbet nghal nawk .
"Khawngaihin khawngaih takin duhtawk tawh rawh " athawk lakdan na lutuk vang chuan athinrim zia ka hre thei .Thlah ngat ila chuan a sawisa hlum duh mai ang .





Kan bul lawka kan thil eipui pakhat zawk mittui tling pama lo ding chuan min ti hrikh hai nganh bawk ! Mahse chutiang ngaihtuah hman ka nilo .

Kalsawn pui ka tum chu Police an rawn lang zawm zat,tu in nge maw lo va ko hmanhmawh ni ? Tullo lutuk .





"Tute nge buaina siam chu " Police pakhat chuan a rawn ti hluk a ,ngawi rengin kan ding reng ringawt .Kylosa ngawi reng bawk si nen ka rilru ahah takzet .
A sawisak pa pawh angawi reng tho a ,thiam a inti bik vaklo pawh ani maithei .




"thu chiang sawi thei in awm em ?" Police pa bawkin atih leh that chuan nu pakhat in a aw rawn thian karg karh in "kan va thlen chuan hepa hian hepa hi alo sawisa a " tiin kylos a leh asawisak pa chu a kawk tawn mawlh mawlh a ,a intibuai ate ber chuan engmah anla sawi duh hauh bawk silo.






"Engpawh nise inpahnih khan min rawn zui phawt rawh u rawn hruai rawh u " atih chuan ka chiai nghal der , hruai lo tura ka ngen lawm lawm chungin police in rawn vuanin an hruai ta tho .Harhchhuak thutin kan thutna lam ka pan vat a ,ka bag la in ka um chhuak nghal ,pawn ka thlen meuh chuan anlo tlanliam pui der tawh ! Engtin nge ka tih ang ,engang pawn thiam zawk mahse ani kha chuan engthu mah a sawi lo ang .
Apa lah azin chhuah lai ani berkher bawksi nen han pui tur ka hre zo thlawtlo. An kalpuina station lam ka hre bawk silo ber chu abuaithlak na lai ani.
Police station ah kala kal ngai hauhlo a ,engrianga han buaipui tur nge tih takngial pawh ka hrelo..


Ka ph phawrhin Hruaipuii ka call nghal vat a ,ka hmanhmawh tehlul nen busy a inti tlat bawksi. Ka mittui rawn luang thla ringawt chu ka hru tawk a ,Kylosan ka thlavang ahauh vang tih ka hre tel kher bawk nen ka rilru ah inthiamlohna anasa em em bawk .







Ka rilru ah mi pakhat arawn lang a ,mahse ani puihna dil ai chuan keimah tang zawk mai pawh ka hrelo. 'A a teh suh Zorin i thianpa tan alawm ' tia infuih in taxi chu ka phar a ,kan inlam panin ka tlantir ta nge nge .Ka nu hi pawhlo viau mah ila thil tithei ve tawk tak ani tih ka hria ,mahse aninpuihna dil chu ka hreh tak zet ,kylosa kher chu nilo se ka panloh tur chiang tak te zing ami ani .







"ka pu ka hmanhmawh asin " kan in penthlakna kawi a adin tak thut ah chuan ka ti vat.
"Mami ,ake hi athep a ang riau mai midang ka kohsak mai dawn che mi " atih chuan hunlo kava ti si em .100 pe in ka chhuk ta tawp a ,nghak hman ka nilo .Ke chuan atlan in ka tlan ani ber ..





Thaw hlawp hlawp in ka tlan a ,kan in rawn lang ka hmuh chuan ding chawtin kun meuhin ka thaw hlawp hlawp.
Chawl rei hman loin ka kal zawm leh zat .Ka taina bawk nen a hrehawm takzet ,ka mittui rawn luang ve chhen lah chu na ka neih vang nge Kylosa vang pawh ka hre hrep lo.

Ka ph ri phawrh tuma ka bag ka zen rawk rawk lai chuan bangah ka intauh chawrh . Ka ph leiah atla thla nghal bawl bawk.




"Zorin " ka ph ban tuma ka kun chiah chu ka hawichhuak rang kher mai ,"nang maw " ti sepin ka ding mar riai riai a
"I tap maw ?" A tih dut rual chuan ka biang ka tuai nghal nawk .





"Engvang nge " ti hlukin ka dar lehlam lehlam a dawm chung chuan min hmuhchian tumin min bih hnai hle ,a wng vaklo chunga ka tap tih ahrethei chu mak ka ti viau.
"Sawi ta che engvangin nge i tah?" Ti leh dut in aw nem deuh zawkin "tinge " a ti nawn leh sup bawk.





"Ka ..ka thianpa police in an man a " ka awri chu a chhuak chang chang ani ber , ka tah chhuak lutuk chu ka hrawk a thip hlur thei bawk ."ih...kei..keimah vang ania ,mipakhatin tawngkam mawilo deuhin ka chungchang alo sawi aniang ...chuan.."..




"Shhh" a awmah min kuahbet nghal thawp.Insut hlawp hlawp in "min pui thei angem " ka ti ta thlawt ,ka hmelhruat tha anilo chungin apuihna ka dil ta mai chu keipawhin ka hrethiam biklo!

"Ok..tap tawhlo la " min nawr hla detin a ti a ,ka biang huh hluam chu a kut hrawl zet chuan a tuai hul thuak thuak bawk .
"Hetah hian minlo nghak lawkla motor kava la lawk ang aw " a tawngkam dam lutuk chu ngaihthlak ava nuam tak .Ka rilru hah lutuk pawh achhawk zangkhai vek in ka hre hial !





Reilo ah ka bul rawn thleng leh thuai in passenger seat ah chuan ka thu vat a ,kan tlanchhuak nghal zat bawk.
"Khawi station nge ?" Atih chuan ka bo viau,an hruaina ka hre lo reng reng.


"Ka hrelo" ti sepin ka thaw hak .





"Apawilo ,khawilai in awmlai in nge an rawn hruai " atih chuan kan chawlhna restaurant awmna ka hrilh a ,bu nghutin pan tur lam ahria ani mahna min be leh tawhlo .
Kan chawlhna restaurant tlan pelin atlan zel a ,kawngpeng ah kawiin kan hma lawka police station tih lo intar kiau bulah chuan motor ati ding dap bawk..
"Chhuk ang le " atih chuan motor kawngkhar hawngin ka chhuk vat .




Station chhung kan lut tur ka kut a rawn chelh chuan ka melh vut a ,ani erawh station chhunglam chauh amelh thung ..





"Chibai le ,helai ah hian ka nau pakhat an rawn hruai mial em ?" Police duty pakhat hnenah chuan a ti a , a awka thum tha ve tawk tak leh alandan zahawm tak vang pawh ani mahna chu police pa chuan a lo dawngsawng tha viau bawk .

"Ahming "




"Ih Kylos Malsawmdawngzela "kalo ti vat.




" Nichin lawka an rawn hruai kha maw ,saw lamah sawn va buaipui ula " akawhna lam chu kan pan nghak thuai .





"Kylos Malsawmdawngzela kha kan rawn ngaihven a " a aw thum ve tak nen chuan athutak hmel bik ngawih ngawih.
"An buaina ber an sawi duhlo ve ve a ,lockup ah kanla dah hrih .Pakhat zawk kha anat hmel deuh a hospital lam an panpui bawk a " Police in alo tih chuan fairlo ka ti hle ,hospital a hruai aphu bik lo .





"An buaina ber an sawi duhlo bawk nen in duh chuan in bail chhuak thei ang " atih chuan ka bag ka hai nghal rawk rawk ,ka purse ka phawrhchhuah chiah chuan police pa hnena pawisa lo pe fel diam tawh ! A rang bik hle mai







Zawmna ......





Cell chhunga Kylos lo thu kun ngul mai chuan ka rilru ati na takzet ,keimah vanga vawitam tuar tawh tu hi engtianga rei nge maw kala tihbuai zel dawn ni ?
"Kylos" ka ti zawi rut a ,ka aw hria in a rawn hawi chhuak rang hle .Rawn tho kang vutin min pan hnai a "tinge ilo kal " ati sup bawk .Kallo tur in min hrilh eng ang mahse ka kal awm tho emai ."a hrehawm em " ka ti leh a ,ka tawng ri chu keimah ngei pawhin ka hrethamlo tep .A hrehawm dawn tih chu ka mit ngeiin ka hmu a zawh angai tawh reng reng lo.





"Nang maw " ka hnunglam melh a atih chuan ka hawilet zawk a ,"la chhuak tur che in min pui a ,ih keimah mai chuan han tihngaihna ka hre bawk silo a chuan..."

"Hey..hey...apawilo " thir kar atanga akut rawn rawlh chhuakin ka biang achul heuh heuh ."nangmah chauh ilo awm bik a afairlo hle mai" ka tih chuan anui hak a "hrehawm lutuk pawh anih loh hi " ati dam dap .



"An bail chhuak che a ,Nundan mawi zir i tum dawn nia thin butut neih te hi athalo ania" constable upa lam mah tawh rawn kal in cell chu a rawn hawng mawlh mawlh a ,a rawn pen chhuah rual chiah chuan kalo kuah nghal thlawp ,ka hnugzang chul heuh heuh in anui nghawr dawt a "ka piggy tahbelh te" atih chuan ahnungah ka beng thlawp .







Kan hnung lama aw thian kharh ri kan hriat chuan kan inthlah thuai a "Zan a rei dawn ka hruai haw ang che u " tiin kan chhan hma in a chhuak nghal daih bawk ! Ka va mawl tak ! Min puih nasat tehreng nen a awm ve tih pawh kalo hre tawh lo .
"Piggy engtin nge Pastor Ronalda kha i ruala alo kal daih theih?"





Ka chiai dan leh ka buai dan te ,kawnga Ronalda ka tawh thut dan te hrilh mawlh mawlh pah chuan kan inzui chhuak a ,pawn kan thlen chuan amotor ngheng meuha lo dingin minlo nghak reng mai .Ahmel thutak leh run tawh chuan min ti tim tlat bawk.
"Lo chuang ula " motor chhung lama thlebuk chung chuan a ti sup a ,amah alut nghal daih bawk .




"Ih ahnungah kan chuang ang ahma ah khan chuang rawh" min hnial buai hma in ahnungah ka thulut tharh a ,frontglass atanga minlo enrengtu ka hmu thut chu ka hawisawn rang viau .Ka chil lem dawkin tukverh lamah ka dak chhuak ta daih .






Zan dar sawm ari dawn tawh a ,ka taksa sil lutuk vang nge mawni ka chauh bakah ka mut achhuak ngawih ngawih .Kalo ham leh bai bai thin .
"Khawilamah nge in in a awm ,kan thlah hmasa ang che " ka hma a mipa pahnih te inbiakna chu ka hre ruai ruai ani ber .Ka mithmul te chu uai tu an awm ang maiin an tawlh thla leh pur pur zel.







Ronald Pov.


Chhingchhengtei leh athianpa nge abialpa nizawk in pawh hmel taka an inkuah vawng vawng ka hmuh chuan ka chhuahsan hmak ! Hetiang rilru hi pu tur ka ni hauhlo ,chiang takin keimahah thikna a awm tih ka inhre bawk.
Rilru insual buai tir rual ka nih tawhloh mai bakah hetiang lamah hi chuan ka naupang chhe zawk zawk tawhlo bawk .Chhingchhengtei laka ka feelings chiang takin ka hre bawk ,Pro Pastor niin Pathian thu zir mi pawh ni mah ila mihring kan nih ve naah kan famkim thei bik chuanglo.Thikna ,huatna ,rilru chhia thlenga pu theilo tura min ngai thin mi tam tak an awm hi a diklo hle bawk.






Mihring ve tho kan ni a kan theihpatawp in Pathian rawng kan bawl a ,a chanchin kan zir mai ani .

Ka motor nghenga ka din mek lai chuan inngaihhmel taka tawng dun mawlh mawlh in an rawn inzui dun a ,thaw hawk in abak tihtheih ka nei hauh silo.Rei hmudun duhlo in "Lo chuang ula " ti supin ka luhsan a ,chhingchhengtei ahnunga athu lut tharh ka hmuh chuan glass atang kalo en uluk ngang mai . Ka en reng tih hria in a hawisawn vut a ,ka bula athianpa a rawn thut takah chuan motor ti nungin ka tlanchhuak zui nghal zat bawk.






Ka hmalam thlir reng chung si chuan ka ngaihtuahna ah ka hnunglam ami chauh a awm thung a ! Ka hmuh hmasak ber ni a apa thlan niawm tak alo biak lai te ,min hlauhna nei miahlo a min chhang ve pang pang ngam te kha alawmawm ka ti viau bawk .Mak takin tumloh deuh deuhin kan intawngfuh thei hle a ,an inchhungkhur thlengin ka hmuhpui tawh bawk.Ka hriat theih chinah a chhungte zingah atal tamlo hle ! Ka mak tihna tizual turin a nuamsamlo a rooma ka hruai chho kha an chhungkaw member tu mahin an han buaipui zawm miahlo bawk ! An zinga chengve satliah ah an ngai tawp niber in ka hre tawh .Mite tawngka atang nula fel leh chhuanawm tak nilo in kohhran bel ngailo leh ruihhlo duh ve tak anih thu ka hre lehzel a ,chu erawh a dik ngei em tih hunin ala hrilh ang chu .






Mutchhuah hmel zeta aham leh bai bai thin chu ka melh ru leh zeuh thin .Intihharh tumin akut te ve tak chuan ahmai abeng leh thek thek thin a,asawt hmel lemlo khawp.

"Khawilam nge in in a awm kan thlah hmasa ang che " ti supin Chhingchhengtei thianpa chu ka melh zawk a ,an awmna lai a sawi ve mai bawk .Mipa tawngtam zawk zawk chu anih bik hmel vakloh.






"A muhil der mai " a rawn tih chuan glass atang ka en ve vut a ,alo muhil tui tawh ngang mai ! Ka speed tihniamin aharh loh nan ka tlan dim nghal zat .







"In inzui rei tawh em ?" Ka zawh loh chuan min kap reng dawn ,mipa chuan ngaihtuah kual loin rik pawp tur an tih kha maw .

"kan inngaizawng angah i ngai ve tho ani maw ? A awm tho e kan inzui nasa ve bawk em a" an in ngaizawng lo a maw ?
"Inngaizawng in ni lo amaw ?" ka ti nawn leh ngat ,hethil hi ani lawm ni ka hriat duh ber chu?





"ngaizawng lo e ,Piggy hi chu ka nau ang chiah alawm" atih chuan "piggy?" Ka ti ve sup.
"Ni e Piggy ka naupang enkawl lai ka damchhung a ka venhim tlat tur anih hi. Mahse ka venghim zolo lek lek ani" a thusawi tawp lam chang zet vang chuan hriatbelh chakna min put tir ,nilo Chhingchhengtei chanchin ka hre fiah vek duh ani zawk mah ....

Amah vek chuan "hlim ang taka alan chang pawh hian a thinlung chhungril hi aruak lutuk ,hmangaiha duattu a mamawh ngawih ngawih reng. Midang angin nun hlimna ahrethiam pha ve lo a,hmangaiha ngaihlutu anei ngai heklo .A tleirawl chhuah atang mihring in a kan tawrh zawh loh tur khawpa hrehawm a tuar reng a ,achunga thil thleng zawng zawng hre pheila chuan duat leh dimdawi taka enkawl amamawh zia i hrethiam ngei ang . Enkawl a ka kianga cheng tura ka duh tluk zetin 'in' tia a sawi ve fo saw chhuahsan ahreh em em bawk si a ,engtik ni ah emaw chuan atawrhna tihreh sak thei tur khawpa hmangaihtu ala tawn ve ngei ka beisei "






An in zawn kan thlen chuan a chhuk a "min tanpui vangin ka lawm e ,ka ringngam che a khawngaihin him takin hruai haw ang che " ti supin hnunglama chhingchhengtei muthlu bar mai chu a melh ngawih ngawih a ,thaw chhuak hawkin atawlh hnung dat a aban min vai khum zeuhin in lam pan chuan a kal nghal .

Ka tlan chhuak zui nangin ka ding leh dat a ,motor ti thi a chhukin dim zetin ahnung kawngkhar ka hawng a ahmalam ah sawn tuma ka pawm kang chu aharh eihlo! "i mutui hle mai maw " khi suk a tiin ahmalam passenger seat ah chuan thutin seatbelt ka hren tir nghal thlap bawk.
A hmeltha zet leh amuhil lai pawisawilo lutuk chu thlir dauh dauhin a thianpa sawi ang ngei khan duat taka enkawl chak na min neih tir ! "Engthil tak paltlang che maw " tia phun supin driver seat lamah bawk ka let leh a ,ka tlanchhuak zui leh nghal mai .






Ka tawnhriat tawh atang Pathian hian kan tawrh theih phakbak aia tam natna min pe ngailo .Mahsela kan tawrh erawh aphal a ,alam kan hnaih theih nan kan nundan a siamrem thin tih hi ka ring tlat tawh.Chuthil chu Chhingchhengtei pawh hian hrethiam ve se ka duh takzet.A thil paltlang zawng zawng ka hriatpui lo mai nilo in amah ngei pawh hi kala hrechiang hauhlo ,mahsela anun ruah zia erawh mita hmuthei tawh phawt chuan an hrethei em em ang . A thianpa in 'hmangaiha ngaihlutu anei ngailo' a tih erawh amak khawp.An lan danah chuan achhungte hi mitha tak an ang viau a ,mihring te hi kan landan ang ngawt kan ni thinlo antih fo zinga mite hi an lo ni ve thei tho bawk.







Tap ri feih feih thawm ka hriat chuan Chhingchhengtei lam ka hawi vut ,amit chhingreng chungin alo inhnit feih feih! Kawngsir ah motor ti ding in ka seatbelt ka phelh zawm zat a , ka ko mawlh mawlh chungin a harh thei chuang hauhlo !A seatbelt phelhsak in ka pawmlawk a ka malchungah ka hlangkai zat bawk .
"Zorin.." Tia ka koh mawlh mawlh lai chuan "ka hlau .." rawn ti tiakin a rawn mengchhuak nghal zat bawk.
Amitbul huhhliam mai chu ka kutin ka tuai sak thuak a ,atahna vanga ahnar tai tek te chu a inhmeh angreng viau.





"Ka ka tihpalh ,khawnge kan awm " athu tha tur chu phallo in ka pawmbet tlat. "Tihian awm hrih rawh ,i mang atha vak nange " ka tih chuan min melh kiau na ata amit la sawnin ahmai a tuai thuak a tawngtum a aka a ang zuai chu a chip leh riai riai..

"Khawnge Kylos a "a aw pawh apangai leh viau tawh ." Kylosa kha achuangve sia " a thianpa lo bo ta daih chu ahrilhhai hmel viau mai .A thianpa zawnga seat hnunglam melh a ahawi kual vel chu hmuhnawm ti zetin kalo thlir reng ringawt.





( atlai tawh sia lo dah hram ka duh phet sia a seiloh bakah ka edit hmanlo mistake atam ang aw )


End of ch~3







Like,share ,comments lam kha minlo tihsak hram hram ru aw


Show post links
Top

[Ngaia]

*Ronald Zothansanga ch~4
By~Natasha Hrahsel







Zorinpuii pov.




Nuihzat hmel taka min en reng tu chu ka melh hrep a "khawnge Kylosa" ka ti sep.Chutah ahmel rawn inthlak hlawkin thutak hmel tak a rawn pu leh daih a ! Athinrim zawk emaw ka tih hial tawh hnu ah "an discharge na kha an hnawl leh a ,an rawn hruai leh " thutak zeta a tih chuan ka mangang nghal ruai tawh!
"Eng ..enge awmzia!" Ka ti bah nak ...Engtin nge kan bail vek tawh hnu ah an rawn hruai leh theih? Chuan kalo muthlu mai mai amaw ? Engang thian nge maw ka nih le? ...




"Va kal leh ang ,mawh tinge anlo hruai daih a " ka tap teuh kher mai




"Relax ..ka fiam che nih kha i muthilh lai khan an inah a haw tawh " nuih hawk paha a rawn tih chuan a awmah ka nam pawp a "fiamthu na chi ani mi " ka ti tiau bawk ."Nge ka mangang lai thlir kha i chak ve hrim hrim zawk ani tiraw "

"Sorry ,ngaikawi lo la khatiang rilru kha i pu dawn tih ka hre bik miahlo " ti zawi supin ka ban chelh a rawn tum a ,duhlo in kalo nam per lawp .Amal chungah ka thu bawksi nen thawh tuma kawngkhar hawn ka tum lah chuan ala theih miahloh zui!





"Kawngka hi hawng rawh ka chhuk dawn "

"nope i thinrim a reh hunah " atih chuan ka ngei zia chu puitak ani ."Ka chhuk duh" ka ti nawn leh ngat a
"Ka mitah min enin sawi rawh " a aw nelawm lemloh zet chu Pastor ka atanga chhuak pawh nise ava thlamuanthlak loh tak ! Amita en duhlo in ka kun tlat a , kawngkhar chu ka sawi leh dat thin bawk.




"Chhingchhengte ka mitah min enin i thinrim tawhloh thu sawi la ka kaltir mai dawn che lawm ,aharsa viau emni?" Dam zet a a sawi rual chuan "harsa " kalo ti vat a ,ataksa che awk khawpin anui hawk .
"Fine ,muttui le " ti supin motor hma lam a hmet zeuh a kawngkhar lockna a inhawng ri nghal khep.Hmanhmawh zeta chhukin tlan mai ka tum lai chuan ka banah alo chelh a ka hawi let zawk.
"Heihi ila duh ka ring" ti supin ka bag ngei mai chu alo khai va va ! Ban vutin ka kalsan nghal vang vang.Kan in alang thei reng tawh a tlan thleng law law awm ! Mite hmuh a nula phurh aduhlo pawh ani mahna .





Inchhung ka luh chuan alo reh duak tawh ,amengrei ber thin ka nu pawh alo meng tawh lo reng reng ,sana kan en chuan dar 12 riknan minute tlem bak alo awm tawhlo. Kan buai vang nge hun alo kalchak hle mai .Ka room ah chho tlang nghalin ka intifai sawk sawk a ,khumah ka inrawlh nghal thak.Ka taksa rawl thum vang chuan ka muhil thei dawn lo tih inhria in nachhawkna ei turin ka tho chhuak leh a ,ka khum bula tui bottle ka hmuh chuan amah bawk kha ka hre chhuak leh tawh!
A nihna nena inphu lo ngawih ngawih nungchang anei a ,amizia erawh hriatthiam ahar takzet ! Tawngkam dam taka min biak laiin reilo te ah athutak leh nghal vat zel a ,Pastor te kianga hun ka hmang ngailo mai nilo in ka hmukhat viau nen an mizia ve hrim hrim ani em tih erawh ka hrelo .Mite pan leh rawn ber an ni fo a ,mize nelawm tak nei tura kalo dah ve ngawt thin kha alo diklo hle te pawh ani mahna le .






Ka zing tho chu ka nuam leh huai tawh ,ka harh na reitawh chungin ka tho chhuak lawk duhlo a ka zawi phah vek thung ..
Ka tihfo danin ka intifai hmasa leh ber a ,ka sam chhemro in makeup ka inbel thuak thuak a skincare tihvel hi chu ka hmang peih thlawtlo.Ka vannei nge hmaibawl leh ser vel ka neilo hlauh a Sunscreen hi inbel ila ka duhtawk viau mai .Khua athat hmel bawk a cotton kamiz var ka inbel a ,highwaist jeans ha in ka inbilh thlap a darthlalanga ka inen chu hna dil tur ka ang ngawih ngawih! Mahse ka thatchhe em a ka inthlak peih tawhlo .




Ka shoe rack a Kylos-a nu loafers awm chu melhin ka bun chak viau mai ,lo bun nawn sak leh kha ka inthlahrung ve bawk sia melh ngawih ngawih chungin ka pheikhawk dang ka bun ta tawp .
Ka insiam zo chu inhnuai lamah ka chhukthla a ,kitchen ah lutin kan nula awmpui chu eitur minpe turin ka dil a min ngaina lo nge min en hrek hrek chungin "kala siam zo lo deuh a " a tih chuan "pawilo mai " ti sepin ka chhuak nghal daih .Ka awm ati nuam hrep lo .







"Nu Parte " an dawra lut dawn reng chung chuan ka ti lawng lawng a ,nui huah huah in "ilo luh dawn reng te chuan min au vak zel suh" alo ti lawng lawng. A nghak ve ania ring deuh deuh a ka auh hian hmun leh hmunah ring deuhin min chhang ve kher zel ..
"Chaw in ei tawh em ? " abula thutthlak pah chuan kan ti nghal thawr a
"la eilo i naute an insiam mek kan ei hman tep tawh ang" atih chuan "yess kalo ei ve dawn" tih pahin ka tho nghal tharh .



"Aw dawr hi kan khar lawk anga lo zu siampui la " tiin dawr hmalam khar tur chuan athi nghal a ,diktak chuan kan inah hian ka ei peih hlawllo .Inlak changkan vang nge zing lamah hian chaw pangai awmpui ten an siam ngai meuhlo a! Ka nu duhdan ani tih ka hre tho nangin keichuan chaw atana kan rin dawn chuan buh ngei hi ka duh ,mizo chawhmeh nen nise atui lehzual ka ti ve tlat .






An inchhung ka luh chuan Nu Patei fapa upa berin chaw ei alo siam mawlh mawlh tawh a ,han tihpui vak ngaihna phei chu ka hre chuanglo. Ka lenglut fo a mahse kan tihthan anihloh vang pawh ani maithei tihpui a chetna tur vak ka hrelo .Ka thiam ve chhun chair chu pawt chhuak in ka remkual a ,"U Zorin bawihpuia eitur kha dal lo chawmsak teh a " chawhmeh suah mawlh mawlh paha Valpuian atih chuan ka thiamzawng tak tisepin ka chawm sak a ,chi tlem phul sakin nu Partei alu kan ni ngei tur ro tha deuh chu athleng sirah ka chhawp sak bawk .




"Ti zung zung ila dawr khar rei hman ka nilo inhralhchak hunlai ber ania ,zorin lo kal rawh nang pawh class kal i ngaih kha .Valpui i naute ko la " a hmanhmawh berah a rawn tang leh ta ! Ka nuihpui hak hak mai nu Partei hi chu a fakawm ve chiang alawm.

Maian bai tui zet a siam bakah antam tlak an al thak bawk a ka eihnem zia chu pui tak ani .Hmarcha hring purun var nena rawt thak chu ka ei hnem ngang bawk.Si hluam hluam pah a antam tlak hang hawp te chu nuam tak ani .
"Zorin i hmanchuan tlaiah i rawn haw pahin Dawrpui ah ka parcel tur minlo lam kawi leh la "





"Tehreng e angai ah khan ami" Nu Partei bungrua tur hi ka lamsak ve fo a ,ani tan lah chhuahna hun a vang ve thin bawk sia tlem tala kalo puih ve hian engtehlua nilo mahse alawm thei ania.
"Valpui ka rualin kal ula taxi kan hmang dawn nia " ka tih chuan an te ber Bawihpuia a yes ring ngang mai.Nitin ke hlirin an kal thin a ,naupang tan phei chuan ahla tham ve bawk sia school an thlen meuh hi chuan an thlan atla phung zelin ka ring .Kei pawh hian car lei ka ngai ani ,ka nu in pawisa min pek tak kha mawle ,Kylosa bia ila min leipui turun atha ang. Tukin kala be leh miahlo a atha em angchu maw .







"Angai lo Zorin ,ke pawn ankal thei lutuk taxi fare a to si " khamaw ! Min hnial leh ka ring reng ah .
"Keipawh chaw kalo eingun tehreng nen buhfai pawh kalo pek ngailoh cheu hi " ti ve hmakin ka tho a ,ka eina thleng chu ka silfai nghal zat bawk.



"Anih bawihpui hmanhmawh ula aw " an theih anga rang chuan an han che nghal sap sap a ,taxi ko in kan chuang ho a kawnah chhukin taxi driver chu an school thlemg hruai turin pawisa ka pe ta zawk a , kei a tan chuan ahla tawh vaklo bawk.Naupang ho ka chuanpui vang nge ala hma angreng khawp mai .Bazar duh pawh ni ila kala hman zan zan tihna.Mahse ka taimakna in tlim heklo College lam panin ka kal ta hnak hnak .









"Inlo hria em? Hmanni a thu rawn sawitu Pro Pastor khan nupui anei dawn an tia sin !" Ka thin phu dup dup chu ka thil hriat vang nge ka hrelo!
"Tak tak ami " classroom ah kan awm a ,ka hma a thute thusawi chu hriatbelh chakna in ka khat tlat nia !





"ah...aw antia lawm ,bial pangai taka vawn ahum ve tep tawh a nupui aneih angai ve tawh aniang" ka biak thut vang nge min en vung vung pah chuan ati bah nak.Ka nelawm lohin ka thian kawm te lo chu ka be khat ve bawk a ,Kylosa nen kan class a inang lo bawk nen Hruaipuii alo kal loh chuan keimah deuh tlawng ka ni mai zel a,midang pawh hian kawm en ah min en lo pawh ani mahna .





"Zorin ...Zorinpuii"



"Aw" Professor in min ko tih ka hriat meuh chuan minlo en thup tawh ! Ka va ning tak engvanga ka ngaihtuahna a awm reng nge maw anih le ?
"I attendance a chhe sa viau ania ,class ah tal hian i rilru pe deuh la aw " Professor Simona'n a tih chuan ka bu nghut a ,lehkhabu kalo la keu lo hrim hrim nen ka keu ve ta nge nge .






Vanneih thlak deuhin lehkha ka zir nasat loh pawn ka tichhe ngai lo hlauh a ,ka subj ngainat tak ka lak vang pawh ani mahna .Zirlo pawn pass na khawp chu ka chhang ve thei leh mai zel.
Kylos erawh a thiam filawr lak thung ! A mizia nen inhmeh lo zetin zirlo pawn ati tha ber pawl ani ziah! Hruaipuii erawh azir ve fe pawn apass tawk tawk ang vel ani ,sawi takah chuan ka thiante pahnih hi khawnge maw an awm ni? Kala hmu miahlo .






"Tunge kanih " kut lum thar thar ka hnung lam atanga ka hmai arawn hup chuan ka kiu in ka nghawk salh a ,min thlah rang asin.Inher a kan en chuan ka nuih chiam.
"I kut ava ram ve "






"Ka kiu anih kha " ti hakin "ana viau ami" ka ti zui a ,bu nghauh nghauh in a rawn ding tha ve mai bawk .

"Iva ngaihawm reuh tak" ti hlukin min kuahbet nghal thlawp .Mi an tam leh tamloh ka pawisa lo ka kuah let ve a ,min lo pawt hrang lawp tu vang chuan kan inthen chiang teh e.






"Piggy hi chu ka ta bik aw Remruatfel " tu dang niloim Kylosa lek lo niin ! A rawn thleng ve chauh anih hmel.
"I la hauh na hle mai ,i bialnu ani tawp silo " pakhat lah chuan a ti duh lek chauh.
Thutak hmel pu thei tawh lo chuan kan zavaiin kan nui ta bawk bawk hlawm.



Remruatfela hi Higher kan kal chhung zawng zawnga kan kawm ber pakhat ani ve a ,apa insawn vangin Lunglei lamah an awm char char kha nia ,Mizoram chhungah awm ve tho mahse kan awm ho loh vang hian ph bakin kan in be ngai meuhlo.






" chuan enge ilo tih dawn" canteen ah kan in eipuar leh mek tawh .Ka thianpa te pahnih pawh football lam sawiin an ti ti tui ngang mai ,tuina zawng inang theuh theuh chu sawi tur kei aiin an ngah daih .


"Ka pa apension tawh dawn a ,helamah kanlo awm tawh dawn .Zirna pawh tah ka zawm ang " ani tan hi chuan aharsa vaklo ang ,apa in thil ati thei em a ,sawrkar ah hna pawimawh tak achelh bawk nen khawi college ah pawh alut zung zung thei ang.





Kan ti nek nek a ni pawh alo ral ve zel mai .Kan thianho kan pung ve leh deuh tawh bawk a thil han tih ho pawh aphurawm tawh viau bawk .Hruaipuii lahin bialpa thar anei leh tawh a ,hmanni lawka a ngaihzawng kha engtin nge maw a tih tak ni ? Kan thianho group ah abialpa thar thlalak a rawn post leh daih sia! Ngah ve tawh fu ang.

'Awi ! zorin damlai lu i sun ral ingai '



'Hruailubuk lo chhaih ve ziah suh'




'Lo chhan viau suh ita mi?"


Ka inbual zo kan thianho group chat ka en chu Kylosa leh Hruaipuii anlo inhnial leh char char tawh ! Anva hahthlak thin tak .

'Buaina siamtu te chu an eng a thawl e ,ngaihzawng an nei rei thei dawn silo a ' tih ka sent ve zeuh chuan Hruaipuii a rawn sa ngang mai.
Keimahin ka nui hak hak reng .



'Zorinpui ,highschool kan kal laia i hmeltha tih khan nupui anei dawn a ka rawn taqrhpui ve em em che a ' aw chutiang ka neih pawh ka hre tawp silo.Ama hmeltha tih bawk ani lehpek ang chu.





"U Zorin " kawngkhar a Cindy rawn dak de de chu melhin ka mit kalo tihkan khum zeuh .

" sawi la" a ngawih tak vung vung ah chuan ka ti ta nge nge .Inthlahrung deka lo pen lut in a kut a sik neuh neuh a
"Ih naktuk zing chu inkhawm ve la ka rualin " atih sep chuan ka ner nawng.Deuh tehthut chuan ! Ka inkhawm ngailo tih ahre ve reng awm sia .
"Cindy" ti halhin ka ngawi leh vang vang phawt.Ka nu leh Cindy pa ka haw viau chung hian Cindy tak hi chu huatna ka nei lo ,ka pawi engmah a sawi ngai heklo .Keimah hian ka pawh loh em vanga min be pawh ngailo mai ania ,a rilru atha tih ka hrechiang viau bawk.A zia a zawiin thian han tih tur pawh aneilo tih ka hria ,mahse ka hnaih dawn hian apa ka hrechhuak zel a ka hnaih loh phah tawp zel.





"Kalpui tur ka neilo hrim hrim bawk sia ,inkhawm ve ka duh a mahse ka zak a .Helamah ka awm ngai silo a " ti neuh neuhin a hawikual zek zek a ,keimah ber min en hreh a hriatna ka nei bawk. "Anu te ruala kal ka duh bik silo a " asawi zawi viau nangin ka hrepha tho.
"Kalo in ngaihtuah dawn nia " ka tihsep chuan lawm hmel zetin a chhuak a ,ka inkhawmpui phei chu ka ring hranlo .Thawmhnaw hak tur pawh ka neilo hrim hrim.






Ka message ringtone alo rik ral ral chuan ka en a number lawng atang 'lo chhuak lawk teh' tih alo ni ! Tu ve ngawt nge mawni ? Chhang lemlo chuan ka ph khumah dahin ka zirlai kan keu ve ngial a ka ph ri vangin ka khup thawk a ka chhang ta nge nge .

"Hello" ka aw chu a no lemlo khawp mai




"Chhingchhengte " lehlama mi in a rawn tih chuan "engtin" ka ti hluai a

" i nb ka neih dan chu ngaihtuah buai lo mai rawh ,naktuk chu chawhma tal rawn inkhawm ang che ".




"Ngawiteh nang hian Cindy kha min rawn sawmtir ani tiraw ,ka inkhawm lo chiang viau ang " engvanga han thinrim viau nge ka nih pawh ka inhre derlo ! Mahse thinrim khum chakna ka nei tlat si .Tunkar chho a reh vang vang vang chu anilo phawt anga .

"I nau chuan a ti tha hle mai ,rawn inkhawm ang che "




"Teuhlo hak tur pawh ka neilo" a rawn nui hawk thawm chuan engtin emaw min awmtir lehtawh !




Zawmna .......





"I rawn inkhawm ngei chu angaih hmel " thluk deuh duai a a rawn tih leh chuan ka nuih aza ang reng .A aw a thum ve bawk si nen a inhmeh hlawl lo .
"Min sawm min sawm duh suh i chil per te kha i ui lo ami" ka sawi zawh rualin a rawn nui hawk ! Ka enghian nge maw a nuih tiza em em le ?





"Ok! Pawilo i adhaar card hi kohhran group ah ka post mai ang"

"Eng engmaw i sawi?" Ka purse ka hai nghal rawk rawk .God ! Engtin nge ka adhaar card alo kawl theih!

"Ka kawl dan chu ngaihtuah buai duh suh ,i rawn inkhawm chauhin ka pe let ang che .Naktuk a i hmel ka hmuh loh erawh chuan ka post tak tak dawn thung .I thu thu ani mai" ka bul hnaiah awm se chuan ka beng pawp ngei ang mawle .Pastor ve si min vo ania ! Engang pastor nge maw anih le ?





"He.." Alo off daih hman ! Engtin nge ka tih tak ang.Tunah a awmna a kal chilh turin a awmna hmun pawh ka hrelo hrim hrim .Bakah kal pawh ni ila min pek ka ring hauhlo bawk..

Ka room ah chuan vei kual vei kual in ka hah vek tawh. Group ah post pawh nise aho e ti ngawt dawn ila ka lang chhe ropui mai sia ,bakah ka zak ve hrim hrim .Siam nawn tir dawnin abuaithlak ve bawk si.. 'Aaaa ka ning' ti chiamin ka khumah ka thu chawrh a ,ka tah te lam achhuak dawn takngial in ka hria .







"Aw chaw kan ei dawn enge a " nghal ngawt a! Mi rilru hah in kan phone ve em em a ,"sawi vat teh" arawn tih leh chuan "min pui teh " ka ti tawl.
"Ihmaw Hruai ,mipakhatin ka adhaar card akawl a naktuk ka inkhawm loh chuan min peklet atumlo a " ka ti dek dek chu "i adhaar ah chuan i langchhia em ?" A rawn ti nghal vak .A rawn au ring lutuk a ka ph ka dah hla tawp.
"Lang tha bik nang"





"Keichu tumah ka hmuh phal hleinem nge midang kutah te idah , bakah i inkhawm a apek let dawn che chuan inkhawm mai la harsa mi" thil a eipah emawni? Thial nuap nuap pah a rawn tawng a ang khawp

"Chutiang ringawt anilo ,ka zak alawm bakah hak tur ka neilo hrim hrim " biakin ka rah lohna chen pawh hi ka hre tawhlo? Ka pahrawn leh ka nu inneih hnu lawkah niin ka hria inkhawm ka thulh tak kha ,kum zet aliam tawh .Chutia han inkhawm leh ngawt pawh chu ka zak hrim hrim bawk .






" ho lutuk mi an tam a tumah kan inhre pawh tak tak ngailo ,i hak tur chu maw taka hmanni lawka ka kawrfual lei kalo pe ang che ,zan chhuah chhuanlam ani mai" ka chhan ve hma in a dah daih zui ! Ka inkhawm dawn pawh ka ti tawp silo a ! Huizz Ronalda rawn lan atang hian ka engmah hi afuh thei tawhlo reng reng .







Ka pum ri rawk rawk vang chuan inhnuai lam ah ka chhuk thla a ,chaw anlo ei mek "U Zorin lo kal rawh thleng kalo lakkep ang che " Cindy in lo ti vatin thleng aban vut a ,sawibuai loin ka kil ve mai bawk .

"Bawihte i college luh duhna chu itifel tawh em ?"





"Kala thlang fello seat pawh ka chang pha tawh dawn emawni le "





Chawei chhung zawng chuan ka nu leh Cindy ti ti ka ngaithla ani ringawt . Atawpah phei chuan ka ngaithla ning in ka tho tharh a ka thlenga ka eibang awm ho chu ka paih vek .An zinga ka awm rei leh ka thinrim athar mai mai ani ,Cindy erawh ka lakah atha em a huat hleihtheih pawh anilo....





Sitting room lama ka phei chu doorbell a ri nghal chiah a ,ka hawng ve mai bawk .
"Ehe iva hma lehsi " Khi vur vur in Hruaipuii pawnah alo ding reng !




"Thleng ka seng vel paih lo kalo tlanbo anih hi ,kan monu hian min chhawr loh hi ahlau lutuk amaw ka tai thei thaklo" phun mawlh mawlh chung chuan a rawn lut ham ham.Aphun peih ve ngawt mai mahse an monu erawh a thiamlo ka ti ve tlat .
An ina kan kal apiang hian room a a tawm tlat loh leh alo leng chhuak hman ziah a ,a pasal Hruaipuii u lah hian ahlau ka ti dawn nge a Pathian biak ka ti zawk dawn? A sawisel ngam der silo .An chhungkua pawh hi buai ru ve tak anni.






"Ka room lamah chho ang aw " tiin ka room lamah kan inzui chho a ,ala phun zui mawlh mawlh tho .





"Diktak chuan maw ka haw ve thlawt ,tihian alo mo atang kum khat a tling ve deuh awrh chauha inchhungah ro rel atum nghal ngawt a ,kei leh ka u Sawma kanla awm ve tihlam angaihtuah lo.Tunah pawh au Ruata hian ahlawh hi anu te ape tawh ngailo reng reng ,annu in ala hmak zel .Mo ve si hi social media ah a active ropui sia ,kawr bul deuh deuh ha in a inpost vak vak zel a "




"aw atawk hrih thaw ve phawt rawh" a sawi hnem lutuk a kalo hah vek zawk .
"Awmpui langa kal neilo phei ila chu kan hnawk thei ngawt ang" la ti hramin ka nuih tawp.A ang laklawh hi chu atawp mai thei thinlo .






"Ka hua hi ani tawp ,eee tumaw i adhaar chu kawl a " ve ta hram ana ,mahse Ronald'an akawl tih ka hrilh duh teuhlo.





"Aaa athar ka siamtir zawk mai ang" ka inkhawm hreh lutuk chuan ka ti tawp.Athar siamtir pawh aharsat ka ring vaklo .





"iva khawlh e aw ,kha hei ha chhin phawt teh " ti in akawr rawn ken chu min hmehbel nawk nawk a ,ka inthlak ta nge nge .Kawrfual kachawn chen vel apawl dal riai mai ania ,khawlai ah pawh ka hak hrehlo tur chi tak ani. "Amawi thlawt " ti sepin darthlalang hmaah chuan ka inthlek ngawih ngawih .

"Iva inhmeh tak ,ita tur ni awm ani" A rawn tive sep bawk .





"Heti tak hian ka an i hria em ?" Ka tih sep chuan "inu maw " alo ti vat a ,ka bu nghauh ngauh .Ka pa te nen a picnic kan neih tuma a inchei dan zawng zawng nen kan inang tawp.Athlalak pawh kala nei nangin ka khung bo vek thung..
"Heii... Inu aiin i hmeltha fe zawk ,i pian analh zawk bawk a i fel zawk bawk " tiin min hnem ve atum ka ti mai.Ka nu ka ngainat loh zia hretu ani ve a ,azawng zawngin hrelo mahse min huatpui ve em em tawp .






Hruaipuii a haw hnu chuan ka in ngaihtuah vang vang a ,vawikhat lek inkhawm ve ila tuman min hre tak tak lo ang chu maw tiin inkhawm ve tum chuan thu ka ti tlu ta nge nge .Mahse ka huphurh ngawih ngawih.



..........





"U zorin....u zorin" ka room kawngkhar inbeng ri dawt dawt paha min ko tu an awm vang chuan ka harh hlawl mai. Alo tlai tawh reuh hle mai ! Nizan ka inngaihtuah nasa lutuk kha ka muhil lawk theilo kha ania ,tunah pawh ka thutlukna kala hre chuanglo .







"Chaw kan ei tawh dawn a " kawngka ka va hawn chuan inthlahrung dek hian Cindy in alo ti a ,"umm" tih bakin ka chhang lo .Alet ve leh mai bawk a ,bathroom ah te chuan kala inngaihtuah nasa mai ,ka rilru hah dan lah chu pui tak hi ani ringawt. hetiang em em hian mihring fanu hi inkhawm alo hreh thei animaw ?

'Engmah han zah tur a awmlo' tiin ka rilru ka siamfel thei ta hram . Bathroom atang chuan chhuakin inhnuai lamah ka chhuk a ,Cindy room lam ka pan nghal zat kik lemlo chuan kan lut thawr a ,athawmhnaw hak tur alo nawt mek lehnghal.



"Minlo nghak dawnnia " ka tih chuan alawm hmel teh e ! Thlarau bo zawng hmuta hmel apu ,mahse kei chu ka ni chuang miahlo ang .Ka adhaar vang chauha inkhawm tur ka ni sia ,Adhaar vanga inkhawm tur awmchhun kala ni ngei bawkin ka ring.






Kitchen ah kalin cornflakes chu bawnghnute nen pawlhin ka hawp zuai zuai a ,ka eina plate chu washbasin ah ka dah tawp .Sil ve pawh ni ila kan nula awmpui in a rawn tleuh tha leh vek dawn tho tih ka chiang viau .





Ka room ah chho Hruaipuii thawmhnaw rawn ken mai chu kan inbel a ,amilpui tur pheikhawk ka neihloh vangin ka higheels var chu ka bun tawp bawk ,make up ka hman thuak hnu ah ka sam chu ka roll belh hret a ,handbag nen darthlalang hma a ka din meuh chuan tun kuma ka inthuamdan a ka lungawi ber tum ani ngei ang .Mahse hmeichhe naupang thuawih thei deuh ka ang zawk mah ! Chu erawh ka buaina anilo ,ka buaina ber zawk chu tan hun takngial pawh ka hrelo hi ani! Mak inti ngawt ang ,mahse ka tan chuan engkim hi thil thar ang vek ani si.Chawlhni a biakin dar ri hrelo tur khawp a beng chhi duh ngai miahlo kha ka inkhawm ve dawn ania ,Vana vantirhkoh ho pawh khi an mengphawk ve hial ta ve ang.






Insiam peih at sa a inhnuai ka chhuk chuan tumah an room atang an la rawn chhuak lo! Cindy room va bih dek dek in a puanbih dan ah alo buai khawp.


"I inpeih der elaw ,dar pawh ala ri lo a hei kala bih fuh theilo anih hi" tiin aouan bih chu a siam mawlh mawlh a ,bih thiamloh te chuan bih ve phet tumloh mai tur ania .A inti hah mai mai ani .






"Dar engzah nge tan hun " ka ti sep chu min melh vang vangin "dar sawm" ati halh .Nui tawi tak in a khumah chuan ka thu a ,instagram vel ka check ta mai mai. Rin aiin apeih har viau lehnghal..


"U zorin ka kawr hak leh ka puan bih hi a inremlo em ?"


"Inrem lutuk/" a inrem vak pawh ka hrelo a ,inremloh chhan tur pawh ka hre chuanglo. Kawr senno ban puk laih aha a ,puan plain zet a tlang senno lek lek a bih leh a a inrem phian.





"Kal tawh ang aw ,mahse i bula kal hi chuan kan lang hang vek zel a " nui hak hak a atih chuan ka chhang hranlo .Ka bula akal awm pawh kala hrelo e a ! Bakah ngo lutuk ka nilo hrim hrim ,ngo tih aiin vun no tih ka hlawhzawk fo bawk...




Biakin kan pan lai te chuan kan mi tawh ten min melh hrek hrek hian kan hre tlat pek a ,ka bula kal in min vuan tai bawk sia ahahthlak lek lek .Mask te lo vuah daih ni ila tha tur .






Biakin kawt kan thleng a ,mi pawh anlo awm neuh neuh tawh .Helai hmunah hian hmanah kha chuan ka nu leh pa kut chelh chungin ka kal thin kha ania ,hun inherdanglam chak vang nge biakin te chu alo thar vut tawh in ka hria . Engkim hian ka hlimber lai min hriatchhuah tir thin vang alawm tlawhpawh lo a ka kalkan hram hram thin ni .

Kawtah khawmuang lo in kan lut thuai a ,Christian ram a awm nilo ila chuan ka hawi vual vual ngei ang.Akal hma pawl kan ni bawk a kan luh chuan thutna awl alo la tam hle a ,mahse tlar hnung lam ah kan thu daih.Kan luh paha Pro Pastor Ronald a lo khi sak chu rum zetin kan melh ringawt a ,abak chu ka lam a rawn hawi tawhlo hrim hrim .






"Enteh kan hma ami hi alo inkhawm nia ,khulai a Pi Zoi te fanu kha "




"Amak e alo inkhawm ve a "




Khawi hmun atang mai pawh chuan min rawn en haw haw hlawm a ! A hrehawm lo ti ila dawt chiang takin ka sawi ngei ang ,ahrehawm ahrehawma ka zak takzet bawk .Ka thutlukna siam tawha ka zah ber tum ala ni.


"Avan zaktheilo tak biakin a ti bawrhbang "
Ka tuar thei tawh thlawtlo "ka chhuak dawn " tih pah chuan mi an tam tawh em tihlam ka ngaihtuah tawhlo ,atlanin ka tlan chhuak ani ber tawh .Cindy min koh zui na chu ka chhanglo chiang kher mai .




Biakin kawta lo tawi khawmuang ho thleng chuan an mit keimahah a fu thup a ,ka mittui tling pam chung chuan gate lam panin ka pen hmawk hmawk.
Gate pelh a mi tlemna lai deuh ka thlen chuan ka mittui ka dang zo tawh lo.

"Zorin ..zorin .."...




" khatiang tuar tur khan maw inkhawm ve tur a min sawm " ti tuarhin ka tap chhuak hawk. Minlo zui chhuah lai reng ka hrelo! Coat suit nalh tak a inbel a ,mahse a chhungril erawh alo kha hle anih hi .

" biakin ka tibawrhbang angin an sawi asin " ti leh thawtin ka hmai ka hup thawk.





Ka taksa puma min kuahkhawm vek rual chuan ka tapchhuak bawrh bawrh a ,khatiang taka zah kha ka nei ngai hauhlo!


"Ka hua che i hria em ka haw lutuk che " ti tiau in tal chhuah tum chuan ka tal nawk nawk a ,ka hah vek tawh .




" ka tihpalh" thu ngaite bawk ,ka tihpalh tihbak sawitur a hre ngailo .





"Min thlah rawh " ti thawtin ka nem pawp a ,min thlah ve ta hram .

"Ka len ve lohna hmunah tel turin min sawm tawh ngai suh ang che .Va let rawh ,keichu ti pawh hian ka hlim tawk lutuk. Nangni ringtu tha inti ai pawh khan ka rilru athat zawk ngei ka ring" ti in ka in her lawp a ,ka kalsan nghal vang vang.






End of ch~4


Show post links
Top

[Ngaia]

*Ronald Zothansanga * ch~5
By~Natasha Hrahsel







Kan in kalpel chuan zawi te te in ka pen chhet chhet a ,ka bianga mittui rawn luang ngiai ngiai te chu hru buai peihlo in a awm ang ang in ka awmtir tawp .Ka hrehawm tihna min hriatpui ve niawm takin nisa tak mai chu chhumin a rawn hliah a ,nge ni heilai hmuna ka awmve a remlo tih min hrilhna zawk.

"Ka chau...ka chau ve lutuk asin ,mahse min chhawk zangkhai tu tur ka tan i rawn tir ve silo .Ihmaw i awm hi ka ringlo ani bik miahlo asin ,belh tlak ini tih min hriattir tur tal hian mal min sawm ve la ka ring ve mai tur che " ka tah chhuah mai loh nan ka hmui ka pet fan fan a,tah chhuah hawm hawm a inbun ruahna tur pawh ka mamawh ve lutuk .Mahse hmeichhe chaklo tak anga min ngaitu an awm ka duh silo .Tihian hmeichhe chhel tak angin min ngaise ,min tihnat tumna neilo zawk hlawm se ka duh vangin pawnlamah chuan mi chak ber angin lan ka tum hram hram thin a ,ka chhungril derdep zia an hmuh loh nana ti ka ni .




Ka chaklohna miten an hriat chuan min beih nan an hmang chat anga ,min chhawmdawl a min do kang tu ka nei ve dawn silo ka tluchhe hlen mai ang.
Ka phone phawrhin ka contact list chu ka en diat diat a ,nula ve lai nitawh si ah chuan ka contact neih zawng zawng chu 50 chauh an ni ,chupawh thenkhat hi chu ka hriat ngai pawh an nilo.
Ka mamawh ber a ka hriat ngei mai chu ka call leh ta nge nge .




"Hello" lehlam atanga a rawn tih chuan "i buai em ?" Ka ti sep a ,ka pheikhawk chhip in lei ka chhir pah zeuh zeuh bawk ."i tan te chuan buai lo e " ka nui ve ta hak mai .Chawlhni tuk hrehawm tak atanga min chhanchhuaktu ani ringawt.

"Kan inpiah ah ka awm a ,kalo be mai mai che " ka tih chuan mak atih hmel ngang aniang "in in piah ah chuan enge i tih mai mai a " a rawn ti hlut a ,min chhan dan uangthuang zet vangin ka nui vur vur.



"Lo la awm rawh in inpiah ah khan ka rawn kal ve mai mai ang" ka sawidan ang chuan minla chhang ta zel.Hepa vang hian ka nat ber lai pawn vawitam ka nui tawh a ,ka tan a Pathian rawn tirh ve anih rin chang ka nei bawk thin .Mahse ka kiangah a awm reng thei bik silo a ,ka hlimni aiin ka lungngaihni atam zawk vang leh huatna pai run chunga thanglian chho ka nih vangin ka suangtuah na mai mai ah ngaiin Pathian in ka tana min pek ah ka ngaih chhunzawm thei tawhlo.





Mangthalo ka man vanga ka muhil lai tapchhuakin keimahin zan thim hnuaiah ka mal tawrh ngawt ngawt zel a ,hliam ka neih ve tum a bandaid takngial pawh min bel sak tu tur ka nei ngai heklo. Mahni a inbuaipui chho in mamawh neilo anga inngaihna ka nei chho lo thei lo a ,ka mamawh leh duh apiang keimah ngeiin ka lam chawp ziah vangin tu dang ka ngai biklo.Mahse ka mamawh zawng zawng erawh keimah ah hian abet seng vek bik silo .Hetianga nun hman reng ai chuan thih anawm zawk rinna hial neimah ila ka lungphu tihtawp em chu ka zuam bik lo .

He lai hmun ka chhuahsan hunah tal chuan ka pa kiangah hlim taka awm ve ka chak a ,mahse akalkawng ka hre silo.Ka pa kha vanah a awm ve ngei ka ring a ,keima nunna ngei ka tihtawp chuan akiangah ka awm ve thei dawn silo a mahse akianga kalve dan tur ka hrelo...ka hrelo takzet . Vawitam ka pa hnenah akianga kalve dan ka zawt fo a ,mahse chhanna ka dawng ngailo ! Ka chhehvel a reh tlawk tlawk a,thlithaw ri te,sava hram ri te bak min chhawntu an awm ngailo .Beiseina ka neihve chhete pawh beisei nei ngamlo tur khawpin min awmtir leh nge nge thin .





"I hero kalo thleng e " ka bula abike tih thit duk pah chuan a rawn ti nghal sup.A helmet phelhin lei a kalo thusawp niai mai chu min melh vung vung a ,"lo thu ve rawh" ka tih chuan a ner nawng . "Leiah khan maw ?" Mit ti zim sun a atih chuan ka bu nghut a
"Umm reilote " ka tih tak tlatah chuan bike atanga chhukin ka bulah a rawn thu ve ta nge nge .Kan inpiah ah hian indang a awm tawh lemlo a mau hmun vek ani tawh .Mau hmun ti ila kal zel chuan in in apawh leh tho a ,mahse veng dang an ni ve tawh thung . Kawng alian em em lo a Bolero vel aleng cha cha ang vel ani .
Kan mitin a hmuh theih chin chu mau hlir animai a ,mahse ahahdam thlak ka ti viau thung . Ramhnuai rim rawn nam leh chek chek thin te chuan lung ati leng ve riau bawk.




"Sum leh pai te hi awmlo in hmanlai a an awm thin dan anga nun i chak ve thut thin em ?" Kylos an atih chuan ka bu ve nghut..
"Sum thawhchhuah an ngaive ngailo a ,hna vanga zinchhuah an nei ngai heklo .Nitin eikhawp an neih chuan an hlim ve em em thin a chutiang nun neih chu ka chak daih zawk keichuan " athutak ve ber tum ani ngei ang ,mahse a chak ang chu ngaihtuah chian chuan ahahdam thlak hmel bik ngawih ngawih.Chhungte nen inpawh takin lo te vat ho dial dial thin ila ,ramah te riakin zanriah te kil ho dial dial bawk ila ava nuam dawn tak .



"Hawh teh ,i kal teh ang mau thlir reng ringawt chu anawmdan a rawtuai em mai ?" a rawn tih tak hlut ah chuan a sawi awmzia hrethiamlo zetin ka melh kiau ringawt.
"inla naupang mai sia aw ,anawmdan a rawtuai tih awmzia chu anawmdan anep tihna.Mau pangai aiin a tuai chu a chang loh thin hi ,i hrethiam em ?" kala hrethiam chuanglo. "Chutiang kan zir awm pawh ka hrelo khawi atanga i hriat nge ?" Ka ti halh .




Alu tuai vut vut in "aaaa" ati zawi ruih a chutah " a sawitu a pawimawh lo kal ang" ati leh daih ! Aphuahchawp bak va ni suh .Awm ang deuh deuh a thil phuahchawp a thiam tih kalo theihnghilh ani , 12 an kal lai pawn Kan history teacher in 'Khawvel history hi thlakdanglam theih anilo ' tih pahin alu ah akhawng chawrh tawh a test na ah alo phuahbelh nasa viau ani awm e ,kan class a inan loh vangin aclassmate te thusawi kan hria ani mai a ,an sawi dan takah phei chuan world war 2 kha Abraham Lincoln a chawhchhuah angin a ziak ani awm e ,ati tak tak em tih erawh ka hre bik chuanglo .




"Kan inah kawi ang aw ,inu pheikhawk kha pek tawh ka duh ania " ka tih chuan ahelmet khum tha mawlh mawlh lai atawp chawt a "ka nu in nei daih rawh se ati " min en miahlo a atih chuan ka awih tawhlo.
"Anuamlo ania ,lam kawi lawk ang" ka ti lui ve tlat.



"Ninawm " ti hlukin min melh chhuk ngur a " i ta tur a ka lei anih kha ,ka nu ta nilo in chuvang chuan 'ka lawm e ' ti la nei mai mai rawh " ka dang lel mai ! Anu ta tekha ative nasa sia ,ka buntawk leh lutuk leh anula bun chi lutuk te kha mak ka ti reng ani. Thil min leisak fo lo turin ka hrilh ngun nen zawm duh reng reng lo mai.

"saw lamah sawn ka tlan dawn ania ,in inlama kan tlan chuan inkhawm vang kan tawk vel chiah ka ring tlat" tiin veng dang lam pan chuan kan tlan a ,ka hmeichhe thut ve tut bawk sia atlan chak ngam bik lo.Nidangah te chuan atlan chak lutuk ka khap ka khap zawk a .




Kan veng lama kan tlan lo chung in inkhawmbang kan tawk nual tho .Chawlhni anih vangin traffic jam leh kawng tawt pawh a awm hranlo a ,motor erawh kan tawk zing em em tho .Mibring hi kanlo indaih zai ve tawh khawp...

Civil Hospital lama atlan chhoh chuan enge kan tih dawn tih ka ngaihtuah rauh rauh..Bike a din dawt rual chuan "ka sem pui Sawmtluanga kha a accident a ,tlawh zuai ang " ati sup a ,chhuk vatin ka insiam tha mawlh mawlh ...
Ka thawmhnaw kalo thlak leh lawk lo kha ka inchhir viau bawk.



Cabin lam panin kan inzui a ,ka kut a vuan tlat chu ka haubuai peihlo. Ka hau ngun thin lutuk inkaih vel hi chu inngaizawng te tihtur a ka dah vangin.Mahse amah pui hian nuam ati tlat sia ,ka hnial buai peihlo mai ani.....



"Ka hah tawh " step zawh tur atam lutuk chu ka hah vek .Damlo ve si achung chung a han awm ti ngawt dawn ila an remchan dan ang ani ve bawk awm sia .
"Kalo paw mai ang che " atih chuan ka hnial nasa ngang mai ..
Zawi muanga kan kal chuan athianpa Cabin kan thleng ve mai a ,kik lemli in ala hawng tlang pawp zui.



"E lo leng rawh u " anu niawm tak kum upa lam tawh tur chuan minlo chiau au vat a ,kan thutna tur te min kawhhmuh nghal thuai bawk.



"Zorin ilo kal ve animaw " Kylosa thianpa in a tih chuan han chhan vak ngaihna ka hrelo ! Ahming tekha ka theihnghilh leh tawh ania engtin nge minlo hriat zawk ni? College khatah kal ho ni mah ila mi hriatloh hi ka ngah lutuk .




"Bro khawvel nawr chu enge an " hepa tak hi chu aw ,anu mitmei te hi ven ve awm ania ! Athianpa pawh chu anui tawi tak mai "anuam lemlo" tiin a chhang ve sup tho.
An titi ho zet zet karag chuan ngawi rengin kalo thu ve hle hle tawp .An thusawi lah aho nasa mai sia ,'tun season chu achak tur inrin siak ang' tihvel mai mai ani an sawi ni.An football club tan a in ang lih vang nge an inhnial leh bawp bawp thin. Kan zingah arawn tel ngailo mai pawh a ka kawm peih tur chi tak ani.



"Kan Cinderella chu iva ngawichawi ve tawng ve bawrh bawrh rawh " Atih chuan Kylosa alo rum nghut."Thiana nula dang i chhai ang kha chuan achhai ve chi loh ang aw "ti halh in nuihmel apu duh leh tawh miahlo.
" i bialnu pawh anih loh kha ,Josie nen enge in chanchin " a tih leh zat chuan ka bula thu aphun hluk. "Tu tu Josie maw ,i bialnu te chu Zamzami tih kha anilo mi" kalo ti hu...




"tu Zamzami maw Third sem ami kha maw,abialnu te chu kan sem ami lawm "



"In va ninawm reuh e ,bialnu ka nei ngailo" ti hlukin atho tharh a kalsawn na tur ahre leh silo nge ni athu leh dawt tho .
Athin hi chu a awrh ve chiang ania ,akut te pawh hi a ram ang mahse atuartu ka ni ngailo hlauh a azia dan a awm.




In a min thlah let leh meuh chuan khua athim ruih tawh a ,kan in zawnah niloin Nu Partei te inzawn ah ka chhuk daih " chaw ei tur ten min sawm ve la " a tih chuan ka ner nang ,"vawksa inu in achhum sak che ka ring tlat " thle ngiai chuan kan ti a ,"ninawm" ti hlukin a inturn chu ka nuih vak vak. Anu in kan awmkhawm laia a rawn call tum hian 'vawksa ka chhumsak che lo haw rawh' hi a rawn ti a ,a ph leh woofer kan connect kher bawk nen kan nuihpui nasa ,tun thlengin chhaih nan tak kanla hmanh bawk .



"Naktuk ka rawn lam dawn che minlo nghak la " ti supin a kuttang pahnih achal zawnah a vei zeuh a ,chak takin a phit chhuak nghal .

Nu Partei te kawngka zawnah dingin auh mai ka tum chu an tawngthawm ka hriat vang in ka tawp chawt a ,tawng thawm mai nilo in chhunginkhawm hmang thawm ani "nitin kan eikhawp in chaw min pe ang che " tia an nufa ho chham dial dial mai chu kawngkhar a ka chal nghat vang vangin ka ngaithla a ,an tawngtai zawh pawh chuan kik ta nge ka ti chuang lo.

Kan in lam pana pen hnak hnak in ka ke anat tawh em vang chuan ka pheikhawk chu ka phelh ta ngawt a ,ka kut lehlama khai in lehlam in ka bag ka then pah leu leu bawk .


Kan inbul thim china Ronalda lo ding reng ka hmuh chuan ka pen lai tawp chawtin ka thaw halh a ,tunah chuan ka hmuh peihloh ber te zing a mi ani .Biruk san ka duh tehlul nen minla hmufuh zui ! Hepa hi abuailo ve ngawt mai ,kalna apianga hmuhtur a reng ringawt mai !

"Inbia ang" a tih sup chuan "ka be peihlo che " ti hmakin ka kalpel a ,ka bana alo vawn chuan ning zetin "Zothansang" ka ti chhuak thawt. "Ka ning che ihria em ? I hmel te hi ka hmu peih thlawtlo ,i rawn lan ve hma kha ka ngai " tawngkam dawnsawn nuamlo tur zet zet chuan ka ankhum mawlh mawlh.
"I duhtawk in min ankhum thei alawm ,mahse ka be duh che "


"Mite nuihsawh rawn a min siam kha i duhtawk tawh mai lo ami" ka ti ta thlawt . "ka nundan pawh hi abuai in ka nin sa tehlul nen tinge i rawn belhchhah kher ?" Ka hah ka ning ka kham takzet bawk.



"Chuvang alawm ngaihdam dil tur che a kalo kal " ti supin min melh ngur a ,amah hi minsel tu kha ani lo zahna kawn a min dintir tu ani lo bawk .Ka huat em em chhan pawh hi ka inhre biklo? Ngaihsakna ka dawn ngailoh laiin ka damlo min buaipui in min ngaihsak a ,ka bula a awm apiang lahin him bik hliah hliah in ka inhre tlat bawk ! Mahse hun reilote bak ani dawn silo ,nupui anei anga hmun dangah a awm leh daih anga.A lakah hian ka innghah lutuk ka hlau ani thei mai angem ?




"Ngaihdam min dil suh ,haw rawh i nupui tur pawn nula dang kut i vawn aphalsak che ka ringlo" ka ti sep a
"Ka ..tu in maw " khi suk chunga a tih chuan "i nupui turin" ka ti ta vak. Nui chhuak hawkin alu athing mat mat a
"Chhingchhengte leh! Ka nupui tur minlo zawnsak emni?" ngeiawm zet chuan a rawn ti fan ruih .
Anih chuan nupui anei dawn tihvel kha dawt thu leng vel mai mai maw ? A sawitute lah khan an hriatchian hmel fu si.
"Mawh nupui nei thuai turin minlo duh viau emni" min dinhnaih sawt paha a tih thawp sup chuan



"Min thlah vat teh " ka ti ta ngawt a ,min thlah ve mai bawk .Kalsan mai ka tum chu min zui tlat vang chuan ka ding leh dat ,ner nanga ka melh chuan thle bukin kal turin min mitmei a,a haw na lam tur anilo tih ka hreve reng si ..
"Haw i tum lo emni" pen chak sauh pah chuan ka ti a ,aruala kal ang tho ka ni! Apen khat hi ka pen hnih vel ani tlat .



"Nope"



"Engvangin" ding meuhin ka ti ta nge nge ,hepa hian eng angah nge maw min hmuha min tihbuai reng ni ?
" Ipa in chaw ei tura min sawm vangin" a tih chuan "anih vel chu a " ka ti duh lek chauh.Kohhran lama mithar pawimawh deuh an awm apianga lo ti tha hlur ringawt zel mai! Chupawh apawimawh chin bak a sawm tak tak ngai chuang lo tih ka hrechiang ve .




Inchhunga kan inzuiluh chuan anlo thu thap a ,ka hnunga rawn lut ve an hmuh chuan an tho nghal suau "e inrawn intawk nge ?" Ka nu in alo ti thuai ,inchunga chhoh tlang nghal mai ka tum chu "Zorin nula si hi ileng rei thei lutuk a ,inau in awmpui rawng abawl pui vek a an buai tehlul nen" alo tih chuan ka ding chawt .

"Akhai Nula an nia an leng ve bawk ang chu " ka pahrawnin alo ti zeuh ,apasal zawkin achhem alh leh chiah ta


"Nula anih chuan inah a awm tur alawm ,inchhung chet te hi zir ve ahun tawh. Pasal te pawh ala nei ve duh anga tiang riangawt tunge awmpui peih ang " Mikhual kan neih ve reng laia chutianga a ang bawrh bawrh duh chu mak ka ti takzet !
"Huh! Pasal neih maw?" Ti halhin ka inher riai riai a ,ka nu chiang taka melh pahin "nu tha tak inihna ka hrebik hauhlo ,chhuntur che ka nei tha em a i tihdan hian ka tive mai dawn alawm" nuih hak pah chuan ka ti zeuh.



Pastor meuh awm laia an chhuah chiam chu ahreh ve deuh ani mahna mengdur khui in min melh ngawt ngawt ringawt .




"Ronalda pawh inkhawm aduh anga atlai palh ange ,Zorin han inthlak thuai la ,zanriah kil vat ang u " ka pahrawn in a rawn tih zuap zuap chuan "ka eipeihlo" ti hmaka inherin step ah ka tlan chho zawt zawt .

Ka room ka luh chuan ka thawmhnaw hak phelh sawt sawt in pyjama leh kawrbah ka inbel thuai a ,ka khumah ka bawk nghal chat bawk. Inngaihtuah lungpuam duhlo in ka ph ka ban a ,whatsapp ka luh lai taka message rawn lut chu enin ka nernawk "rawn chhuk rawh" tihte mai kan Pu Ronalda hnen atang bawk.












Zawm leh tur




Ahma angin comments ka hmu zung zung thei lo a ,a inpawlh nawk tawh sia comment thar pawh ka hmu hleitheilo.Mahse mi sawm vel bakin in rawn comment ngai miahlo,share leh comment lam kha han tang sauh sauh teh u aw .Ngaihlutu in tlem chuan phur taka ziah pawh hi anuam lo thin lutuk ania







Zawmna .........




"I thulo ve chiang ngawt mai " tih chu ka type sawk sawk a ka thawn let nghal zat .Engtiang takin nge maw min chhan leh dawn ni?

"I rawn chhuk loh chuan ka rawn chho ang " tih a rawn luh leh chuan ka thuchhuak hlawl ! Hepa hian eng chiah nge maw a duh le ? An zinga ka tel peihloh zia ka hmel ah khan ahmu ve reng awm si a , "kawngkhar ka kalh " hnehtu chan chang inti fe chuan ka ti let a ,keimahin ka nui ver ver mai .





"Kalh lo hlauh" a rawn thlen rualin ka room kawngkhar a rawn inhawnga a rawn penlut der ! Oops kalo kalh hmanlo tak ! "Chhuak leh nghal rawh ,mi phalna la hmasa loin i rawn lut ngawt theilo " ti chiamin khum ah chuan ka ding vang mai.
"Heyy heyy rawn pen hnai tawh suh" ka bul a rawn thleng der ! A bawp sei thlerh thlawrh hi chu ahmang tangkai viau anih hi maw .




"Chuan ka rual chuan i rawn chhuk lo ang maw ?" Thle buk a a tih nghulh chuan pawr zetin "aw " ka ti vak a then suk in "atha lawm" ti supin a che chu ka hre hmanlo .
"Mawla min chhuk tir rawh" ka ti chel chul mai .Zothansanga hian a dar in min pu anih chu ! "Ka thusawi kha zawm tha hle hle la ni tur" a ti duh lek chauh!





"Aih ...aih ka chhuk duh min chhuk tir rawh ,pen tawh suh" ka thusawi chu hrelo ang hmakin a awm tlat anih chu! Hepa em em hi chu Pathian siam sual nasat ber ani ngei ang ...
"Anih ka ei ang in rualin " step chanve dawn apen chuan ka ti ta halh. Keimah zawk pawh ka hah hman vek .Min dahthla ve ta hram bawk. Dawt ka sawi ang tih hlau ang hrimin chhohna tur a dal tlat a ,inhnuai lam melhin a thlebuk kher .Rum zeta melhin ka inher a kan inzui thla ta nge nge .




Ka chhungte chu dawhkan kilin anlo thu thap tawh .Chaw anla bar loh danah minlo nghak. ....nilo...Zothansanga hi anlo nghak ani ngei ang..Hepa hi chu a sap hminga koh pawh aphu tawhlo ,ahmingpum a koh lel lawl angai tawh .
Dawhkan chu kilin midang nghak lemlo chuan chawhmeh ka suak mawlh mawlh a ,ka bar nghal hmak




"Zorinpui tawngtaina kan hmang dawn" ka nu in a rawn tih hrawk chuan ka dar ka ti che zeuh a "inchung pawh apel awm silo ka tel peihlo " ngeiawm zeta tiin ka chaw ei ka thulh duh chuanglo.
Min melhreng tu vang chuan zam deuh mah ila zamlo ang tak chuan ka awm a ka melh duh thaklo.An tawngtaina a ka telve duh miau loh vangin Lal Biakna an sawi lai te chuan sati kalo thial mawlh mawlh .Kan mikhualpa hian min thing nawk achak viau in ka ring.




Kan chaw ei chhung zawng chuan kapa hrawn in Zothansanga abiak zeuh zeuh bak tumah kan tawnglo .Cindy afel phian a chawhmeh te asuak zung zung a ,awmpui kan nei reng chungin ka chet atulna ka hre hauhlo.Kanlo chetpui lehzel ten hlawh pek man an awm nang ka tu ve tlat .




"Zorinpui i nau a inkhawm duh Hriati hi lo sengfel pui ang che " Kan nula awmpui chuan min melh zek zek a min hlau deuh nge ni "angailo ka tithei " a rawn ti thuai .

"chu i hria maw puih angailo ,ka pui dawn anih chuan ahlawh zatve keimah min pe angche " mit la sawn duh miahlo chuan kan ti a ,ka nu chu alh thei se a alh tawh chiang viau ngei ang .




Aw inthian kharh kharh thawm vang chuan ka hawisawn ve ta hram .
"Ka haw phawt ange ,zanin ka thusawi zan te ani sia " kalo ner nang min hmuh chuan min melh ngur .
"Aw kan in angah te i rawn ei duh a kan lawm lutuk ania ,zanin chu kan pa anuamsam meuhlo a bawihtei chauh a rawn inkhawm theih hmel " atawngkam tha vel lutuk chu ka hne ngawih ngawih tawh.





"Chuan min thlah la " kawngkhar lam thlek zeuh pah chuan min enin a ti sup.Zaklo hi kava han ti ngawih ngawih tak . Ka hnial dawn zet nangin thil nilo pui pui a tih leh hlauin ke per tan tan chuan kawngkhar lam ka pan ta tawp. Tunah tak hi chuan min ankhum lehtu awmse ka alhpup thei tawh ang tih ang tur velin ka dawhtheihna apan tawh .

"Zo.."


"min be suh ka alh ange " ka hnung lama anui hawk thawm chu engah mah ngailo lui tlatin gate zawnah chuan ka ding dat a ,"le ..ta tang hi chuan i inkawng i pan thiam ve tawh ang chu maw " ka ti sep.Angaithlatu tan chuan angeiawm duh ve viau in ka ring .Thutak hmel zeta min melh tak runah chuan ka tawngkhum dan ahaw ta emaw ka ti dawn hial mai .Chutah thaw chhuak hawkin "ka duh che" a ti sup a



"Engmaw " ka ti let hu...athusawi kha ahre sual ani ngei ang ,nilo keimah zawk hian ka hresual zawk pawh ani maithei.A sawitum tak a sawithiamlo pawh ani maithei "Nang hmeichhe tereuhte ri chheng chheng thei hi kei hian ka duh che tih ka sawi" ka hmai zawna rawn kun hniam pah kher chuan ati nawn leh sup a .Sawi ve tur ka hre tawh hauhlo..!!!





"Tunah min chhang nghal turin ka tilo che ,naktuk ah 'aw' tih chhanna min pe ang che .Min duh vetho tih kha zanin ah lo hrechhuak la " a inringtawk leh lutuk te chu engtia han chhan tur nge tih ka hrelo zawk ,ka mit khap fak fak in ka melh ngai ka melh reng ringawt.Hetiang tak hian tumahin hmaichhanah min duh thu minla hrilh ngailo .

"I phal chuan ka lo chhuak lawk ang " khi suk chung chuan atu leh sup a ,gate zawnah tak kalo la ding reng chu niin "aa...aw " ti sepin ka dingsawn thuai ..




"Chuan i chhanna chu naktuk.."

"Aih ka chhanna chu aih" kati sawk sawk ,hepa hian him bik hliah hliah angin akianga ka awmlaiin min inngaihtir thei tih chu ka phalo ,ka chhungril khawharna te min chhawk zangkhai thei tihpawh chiang takin ka hre bawk .Mahse ka duhlo, ka ngaihzawng anga ka dah chhin ringawt pawhin kan inmil lo turu buru lutuk tlat.


"Ka zawhna ah che khan Aih tih chhanna ka siam hauhlo" ti khauhin ka chhanlet na ngaithla lo chuan akal nghal daih zui! "I inringtawk lutuk te hi ka hua ,ka duh bawklo che ,i hmeltha pawh ka tilo bawk " naupangchhia zet chuan ka au zui tawn tawn ani ber.Hria ang pawn zu awm duh thaklo a mawle ! Apen pawk pawk a ka hmuh theihloh chin a thleng thuai bawk.



'Min duh maw ? Awihawmloh lutuk' mahni a phun bai bai chung chuan inlam ka pan hnak hnak.Zothansanga hian ka rilru chawh buai bak thiam aneilo reng reng !




End of ch~5










KTP hnatlang kan nei a dahlo aia ka rawn dah mai mai ania achhiar tham viau loh mai aw


Show post links
Top

[Ngaia]

*Ronald Zothansanga * ch~6
By~Natasha Hrahsel







Zing khua alo var a ,ka chau lutuk chu ka tho chhuak mai peihlo.Ka dark circle chu alianin a fiah viau ang . Nizan ka mut tlem zia kha ! Zothansanga vang vek ani.
Peihlo viau mah ila college thulh thei ka nih siloh avangin ka tho chhuak a ,intifaiin ka insiam nghal mawlh mawlh .Cotton highwaist dum ha in top senduk ka inbel leh a ,ka chet vel zawnga ka dul rawn lang zeuh zeuh chu ka ngaipawimawh hranlo.Mi tihloh dan pawh ani bik hleinem le.Ka bagpack banin ka mamawh ho ka khungkhawm zawh hnu ah inhnuai lamah ka chhuk a ,choka ah lut tlangin dawhkan a eitur lo inchhawp sa diam chu tuta tur nge anih tih hre lemlo mah ila ka eive tawp . Omlette bakah salad nen ala tui em em zui lehnghal !




Ronald Zothansanga pov.




"Ihmaw u Ronald diktak chuan amah hi ka hnaih tha ngam chiahlo a ,engtin mah minti ngailo mahse ka hlau ru deuh tlat zel " Cindy in a tih sep sep chuan ngun deuhin ka ngaithla a ,hmanlo a inti viau chungin Chhingchhengtei chubgchang hriatbelh ka duh vangin a college kal tur ka kopeng tawp .Anu leh pate anglo takin a rilru athathmel viau bawk .

"Chuan i nu fa diktak zawk ania maw ?" Awih harsa ka ti khawp mai heikher hi chu ,atir kha chuan anuhrawn emaw tih theih hial tur khawpin a ngaihsaklo a a damloh pawh khan endik turin a room lam apan duh derlo bawk .




"Umm tuna ka nu leh ka pa te hi kum 10 ka nih laiin an innei leh a ,u zorini hi chu kum 12 emaw a aia sang hret ani maithei. Aizawl khawhlun kan nihloh vangin ka pa eizawnna nen tuna ka nu te in lamah hian kan awm tawp a tun thlengin kanla awm anih hi "rin ai takin alo tawng duh barh barh ve hle mai ,Chhingchhengtei anglo takin anelawm viau bawk .
" chuan maw atir chuan u zorini nen pawh hian kan inkawm ve thin a ,mahse kan awmrei hnu khan tinge mawni a inla hrang ta tlat a ,ze zawi deuh leh nuih duh deuh ani thin emaw ka tih kha anui lai kan hmu ngai mang tawhlo a .A inlak hran piah lamah maw ka nu hi ahaw ta tlat bawk sia kan chhungkua chu a hrehawm ani tawp mai.Tukin ah pawh tukthuan a ei turin ka kaitho ngam silo a ,dawhkanah a eitur ka khuh sak tawp " a hmel ah pawh a rilru hah zia alang thei ,mahse Zorini hmel ah erawh lungngaihna ,khawharna ,mal na te nen lam alang tlang vek thung a ! Engthil tak paltlang che nimaw chhingchhengte ?





Atlai ahlauh avangin min kalsan hmasa ah atang a ,kei erawh kan awmna thingpui dawrah thuin kala inngaihtuah ngawt ngawt. Mi mit lak tum nimiah silo a a che zia engkim mai mit la em em te ,thinrim a a ang ve tan tan lai te chu ngaihtuah chhuak in mahni in ka khi leh suk thin.
Engpawh tawkin ka hlata tlanbo tum mahse min duhve theihna tur anih dawn phawt chuan kan hnaih lui ngar ngar aniang chu ,ka taksa inringtawk viau mahse ka rilru erawh in ka hnaiha a awmduhloh hlauin a talbuai hle thung .
'Chhingchhengte eng zûn nge maw i neih bik le ?'








"Tehhlawl che chuan ! I dam maw thiana "





"E Abarima chu !Pathian zarah dam e ,kha nangchu ila thaibawih tluang zel anih hmel " a fanu melh chung chuan anui ve hawk ."Nia nuber kan ngam tawh silo anih hi " ti ve in anui pah ruh ruh a ,A zirlai naupang nen an inneih hnu lawkah zirna vangin ram pawnah ka chhuak bo a ,a fate pawh anlo lian ve tawh khawp alawm.

"Papa icecream duh" a fanu lawmawm zet chu asamah tuai sak zeuh pahin "thupe tu che i nei sang bawk a han leipui vat teh " ti hlukin ka nuih pah suk bawk .
"Nia ,tihian chhiahhlawh chu kan ni ve ta der mai ka leipui vat loh chuan atap kan inthlem bang leh theilo pah ang .Aizawl a i awm tho chuan rawn la leng thin ang che dawrah chauh nilo in lamah pawh " afanu in a apawh ve tang tang vang chuan sawizo hmanlo in an inkai phei dawr dawr . Kei ang bawka palian hmeichhe naupang te reuhte una akai phar dawr dawr lai chu ahmuhnawm viau ani mahna kawngkal ding meuha lo thlirtu an awm hial! Thla lo la tawk lah bo lo .







Zorinpuii pov.







"Kalo sawm ang che ka tih kha " ka lu a min kuk lawlh paha rawn titu chu ngei zetin ka melh rawm rawm a ,engahmah min ngai duhlo in ka bulah a rawn thu thla nghal tharh.
"Tikhan min kuk lawlh lawlh zel suh" ti hlarin ka sam ka tuaimam sawk sawk. Akut hi a ther nge ni ka sam a ti pawr thei tho nia mawle !




"Nge minlo nghah loh?"






"Ka theihnghilh alawm mawle ,khawnge Hruaipuii a awm " ka ti nghal zat. Hmeichhe buaina hi chu kan hmeichhiatpui te bakin min hriatthiam pui tak tak lo .
"A ex in karleh ah nupui anei dawn ,an in chingfel fai pui turin akal ,vawin ah alo kal dawnlo" atih sup chuan ka ang pam ringawt.
"A bialpa hlui maw !" Ka tih hap chuan a thle buk ringawt " ani hi chuan zah ah leh rilru nat ah ala ve ngailo ,aphur ber ber ah atang an tih kha " lu thing mat mat pah chuan ati a ,mak kalo ti viau.Bialpa hlui te nupui neihna akal chu sawiloh an in a tihfel pui maw ! Henu zet hi zawng ava ropui ve chiang tak .






Class tan ahun vangin mahni class ve ve ah kan lut a ,class lak chhungzawng pawn ka rilru ala buai ngar ngar tho ! Ka inngaihtuah nasa lutuk nge professor chhuah lai pawh ka hrelo!
Engmah hi ti ve tak tak chi ka nilo ,ka rilru hah hi abawn thei lutuk ringawt,mi anglo hi ka ang ka ti hial zawk keimah pawh hian .Ka rilru kawmin nileng leng te hun ka hmang thei hial bawk.Zan muttheihloh sa nen phei chuan ka taksa te hian atuar thin hialin ka hria !






"Hey enge ila awm reng in ei puar ang " ka hmai zawna kut ti ri khep khep tu vang chuan ka ngaihtuahna tang ka harh zawk .Ka hmaah Kylos a dingin minlo melh run a ,ka hawikual chuan keimah chuan keimah chiah kalo awm tawh! "Thil ei pawh ka chaklo " ti sepin dawhkan ka bawh riai riai.

"I nuamsamlo ami " tih pahin ka chal a dek vut a "i pang asa bawk silo" ti lehin ama chal te chu a in dap kual vel!




"Nizan ka mut har vang mai mai anih hi a reh thuai mai ang ,ka mu lawk dawn lo zu in eipuar rawh" min hnial a tum zet nangin athianten club inhmukhawm turin anlo ko leh sia ,hreh zetin akal hna hna amah nghak tur erawhin min hrilh chiang ngang thung.







Reingial ka bawh hnuah pawh ka muthilh theih chuangloh vangin ka tho tharh a ,tei harh vel mai mai tumin ka bag ka la a ka chhuak ta tawp.
Kan college chhuahsanin khawlai velah chuan ka teikual mai mai a ,mihring vei suau suau te chuan ka thawk an ti ipik tlat bawk ! Motor ri leh horn ri te chuan ka lu an ti na takzet .
Hlim tih hriat zeta ka mi tawhte nui uarh uarh thawm te chuan ka bengdar an vawri dawp dawp nimai in ka hre hial ,ka thawk a ipik a ka hah ngawih ngawih bawk ! Tuma awmlohna a intih thawven ka mamawh ber hrih ani .Anihloh pawn ka thluak tinu bat theitu ka mamawh .






Ka mamawh ka lak fo na ka call leh ta nge nge a ,sim tum viau mah ila ka taksa hian anawmna pawhin angawl avei tawh tlat si .Ka rilru hah lai bera min chhawk zangkhai tu anih miau vangin hawisan mai chu ahar talh tawh.
"Faith ka va mamawh leh tawh e " ti zawi sep in ka dinna lai atang chuan ka dingsawn deuh a "aw Regency ah ka awm ka chhuak hman hrihlo rawn kal mai la ,room nb 5* ah ka awm aw " ka kaltur thu hrilh in call ka ti tawp a ,taxi phar in Regency lam pan turin ka ti thuai .Ka hlat lemlo bawka ka thleng hma angreng viau.






"I vannei hle mai ka lo la kawl hlauh a tlai lam chu nise a zo tawh ang mawle " a pills min pek chu tui bottle banin ka dawlh nghal pawp a ,sofa ah ka thu thla dawt.
"Pakhat chauh chu athawk pha lo ang ,adang ka duhbelh"





"Wow ! Iva ngam sang sawt ve " ti hluaiin mum hnih min pek belh leh tho.Tui tel lo in alawng chuan ka hmawm mai a ,akha viau nangin dawlh ka harsat em em hranlo.

"Enge hetah itih reng reng?" Sofa a thu zawi ngiai chung chuan ka ti sep
"Hna thil mawle " ti sam etin no ah zu a thli chhuak a a in pah khawlh khawlh "i thianpa chhelo deuh khan ka pe leh che tih hria se chu min mantir duh hial ang mawle " kalo nui hak ,tum khat Kylos an damdawi kan inpe lai min man a Faithi phei chu abeng lo chauh.Lo dang hmanlo ila chu a beng tak tak duh ang ,min khap tum viau mahse min veng seng reng biklo ,keilah kalo luhlul ve bawk nen ahmuh lai chuan ka ti ngailo bawk a ka nghei ah angai ve hmiah.






"Karleh ah alo thleng leh dawn tunkar chu khabak kha ka neilo aw " atih chuan ka bu zeuh .Kan damdawi ei hi ato vang nge atello a awm theihloh ang kha kan nei ve ngai hauhlo! A ruih anuamin damdawi dang nen a inang hauhlo bawk.Mum khat ringawt pawh ato lutuk ringawt ,mi nazawng ruih mai mai theihna anilo .

"Pawisa i ac ah kalo thun ang ,ka chhuahsan phawt ang che " ti sepin ka ding a ,ka taksa te chu azang huai a ka thaw ipik lutuk te kha abo hmak bawk ."fimkhur la miidang hrilh lo la nangchu ka ringtawk che " ti sepin min ngaihsak tawh lemlo chuan aph a khawih zawm mial mial .





Hotel ka chhuahsan lai te chuan ka vai ruai tawh ,ka hmazawn chu chiang takin hmu mah ila ka vai ruai tho !





Kawng cross ka tum lai taka ka zawna motor rawn ding thut vang chuan ka phu chiang hle ,glass downin a chhunga chuang ka zu hmuh chuan ka nernawk "nang leh bawk"
"Tunang hunah chuan class a awmtur ini " a tih sup rual chuan ka ner leh nawk.Amah vanga hetianga awm ka ni tih a inhrelo emawni ?
Chutah "rawn lut rawh" thupe aw zet hian a ti leh a nuih hakin "ka peihlo" ti sam et in ka kalsawn san daih.







"aninawm e " ti hluai in min kuai her lawp tu vang chuan ka tlu lo chauh. "Ruih inei ! Zu rim inam hauh silo" ti thum ruih tu chu ka melh ang he haw a "ka rui lo " tih chiam ka tum nangin min melh reng vang chuan zawi sepin ka ti ringawt...
"Pills i ei maw " amak ti hmel chu thinrim hmel in a rawn thlak thuai.Ka tawng ve hma hauhin min pawt dawr dawr a amotor chhungah ka thufel leh der tawh! Driver seat ah rawn thulut ve nghal zatin biak chakawm loh ngawih ngawih hmel apu! motor karah te chuan inrawlh lutin side lo pe mai duhlo tu te chu horn apek khum tuarh tuarh a ,motor bang ngheng chialin ka lo thu veng veng ringawt .






"Pills em ei tur chuan kalo ring hauhlo che " keimah min bia pawh a anglo ,amah leh amah a inbe mai mai a ang ber .
"Khawnge kan awm ?" Ka tih sep chuan athaw hawk a ,ka hmalam ka thlir ve ngar ngar chung khan kan tlanna lam ka hre chhuak zo miahlo! Kawngsirah dingin a reh thuap mai bawk sia helai kan thlen lai pawh ka hre thaklo nia !







Ronald pov.




Amitmeng phi chiai mai te chu enloh tumin ka hmalam ka melh ding ngur a ,damdawi ti thin tur em chuan kalo dah ngai hauhlo ! Ka thinrim tluk zetin zawhna tam tak ka rilru ah arawn lut bawk...

"Thlanmual ah khan kal ila ,ka pa ka hmu chak a " a rawn tih sep chuan ka melh ta nge nge .Amitmeng pawisawilo hmel lutuk te chuan ka thinrimna a ti dai sawng sawng thei nia ! "Ka pa i hmuh duhloh pawn ka thiante nen inlo inkawm anga mawh min hruai la khawngaih takin " a mitmeng lian ve tak chuan min melh ve kiau a ,athil min dil chu hnial ka duh tlukzetin a duhna hmuna hruai ka chak viau bawk .






"Min hruai duhlo ami? I khalh thiam tawhlo ami motor hi" thinrim viau e tilo chuan ka nui chhuak hawk ! A duhawm zia hi inhmu ve thei se tha tur ,lu thing nghutin "kan kal dawn nia " ka ti ta nge nge .Hlim hmel zetin athu tha sauh sauh a ,motor ka tih nun hun nghak ni awm takin min melh reng bawk.
Thlanmual lam chu ka pan pui ta nge nge a,ani tereuh hian hna min tibuai ngun ve ta viau mai ,ka phunbuai miahlo bawk.





"Ding teh dingteh eitur ka lei duh " a tih ohut chuan dawr ka tlan pel tep chu ja ding chawt a "i ril atam ami" ka ti sup bawk.Lu thing ner ner in "thil ka kensak dawn" atih chuan angaihna hrelo viau mah ila aril atam anih ka ring ta ber ."keiman eitur ka zuk lei ang tah hian lo awm la " alo chhuk ve mai hlauin kawngkhar chu pawn lam atang ka lock thlap a ,dawrte ah chuan a eiduh zawng ni a ka rin ka la mawlh mawlh a ka kir leh thuai.
Motor kasngkhar ka hawng dawn chiah tih a a zai ri ka hriat chuan ka khi suk , tunah hian anihna tak tak angin alanchhuak anga hriat na ka nei.






"In lo dam em ? Kalo tlawh khat lutuk cheu a hei eitur kalo ken cheu " ahnunglam chu ka melh reng ringawt! Thlanlung ho chu abia nimai in ka hria !
"Ani hi Pro Pastor anih hi Vanram kai tur ania nangmahni bula alo kal hunah chuan " ka nuih chhuah mai loh nan ka insum hram hram.Aruihlai hian aduhawm zawk daih mai !





"Ka thiante hi be ve la " thutak zeta min melh takah chuan thaw hakin "chibai u " ka ti ve ta nge nge ,a lungawina tur anih phawt chuan kan ti zel mai aniang chu."hman atang tawh ka thiantha te an nih hi ,an fel lutuk thil ka hrimh pawn tumah an hrilhchhawng ngailo a ka thusawi an hnial ve ngailo bawk a "ti in a titi siam siam a "Ka pa bulah kal ang lokal rawh" ka bana chelh pah chuan min kai nghal dawr dawr a ,zawi te te in a ti ti mawlh mawlh a athusawi hriattham ani hauh silo...


"Heihi ka pa ania " tiin thlanlung nalh zet chu akawk a ,alandan ah ringawt pawh mi awmthei chunglam thlanlung tih ahriat viau mai.






"Ihmaw pa heihi Ronald~a ania ,Zothansanga ani bawk a ,Pro Pastor ani tho bawk a nihna angah tiraw .Hetah hian minlo hruai a,afel lutuk ni lehlo achang changin asual ve thin tho bawk a " a thusawi mumal lo lutuk chu chet tlak tlak in kalo ngaihthla ve reng tho ,ngaihnawm ti taka mi ruilai thusawi ka ngaihthlak hmasak ber ani ngei ang.

Angawih tak vung vung ah chuan pen hnai in ahmazawn ah ka ding a ,amittui lo luang ngiai ngiai in a hmui alo pet fan fan !





"Ka pa hian ka biak in min chhang ve ngai miahlo ! Min tanpui tura ka dil lawm lawm pawn maw min pui duh ngai miahlo asin " ti sep in a insut pah hraih a ,ka kuahbet nghal thuai. Atap ri lungkuai bik lutuk chuan minti buai thei hial mai.

"Zan a ka hlauh vanga ka muthilh ngamloh lai pawn ka kianga awm turin ka ko thin a ,mahse ka bulah a awm duh ngai miahlo " a tih leh sep chuan ahnungah ka chul hliau hliau a tawngka a hnem ngaihna ka hrelo ka inhuat ber tum ani hial ang."bang rawh le " tih bak sawitur ka hre tlatlo.






"Abulah ka kal ve chak ,ka ngai thei lutuk a mahse abula kalve dan ka hre silo a "






"Shhh....bang tawh la ,i hlauh apiangin i bulah ka awm tawh dawn alawm " ka tih chuan a tap pawh a zia ve ta deuh.
"I awm tawh dawn maw ? Ka pa ang khan min kalsan ve dawn lo ami " inla hrang hlak a tiin min chhoh melh kiau a ,ka lu kalo buk nghut chuan amittui kar atang a rawn nui nghal ver ver .
"Anih chuan tui deuhin ka mu thei tawh anga ,tumah hlauh ka ngai tawh dawnlo tihna tiraw " engthil nge ahlauh hriat ka chak tluk zetin zawh chianna hun ani ber hrihlo.






"Ka venghim tlat tawh ang che " a hlimhmel chu thil hmuh hrehawm tak ava nilo chiang em ,a ruih a reh hunah erawh min haw leh viau ngei in ka ring bawk .







Tui ti zeta amuhil bam mai chu thlirin darkar khat dawn chu ka thlir tawh ngeiin ka ring.Thlanmual atanga ka haw pui hnulawkah thui pawh ka tlanpui hma in a muhil ta daih kha ania ,an inah dah ka tum zet nangin ka rilru thlakin ka quarter luah lai nilo ka in pakhat ah ka hruai ta zawk.Aizawl a chenghlun ka nilo nangin ka nu te inpui ka hmingin a awm a ,kawngpui an anilo bawk nen anuam viau mai .Ka pi leh pu te ber an boral na arei tawh vangin luahlum tu neilo in a awm reng a ,thawmtha in keiin innghahnan ka hmang a abak chu intifaitu pakhat karkhatah vawikhat kalin atifai a ani deuh mai.



Lei atana min diltu lah vawin ni thlengin an bang lo ,hralh erawh ka tumlo bur. In hmun lei tur avang telh telh dawn a tunah pawh hmun zimte to taka lei an kat nuk tawh. Chuvangin inpui anih piah lamah hralh mai atan chuan a uiawm tlat.





Alo harh huna ariltam ringin eitur ka siam saka ,Ka library atang bible la chhuakin Chhingchhengtei kiangah thutna ka rem a alo harh hunah chuan aruih a reh tawh beisei phawt teh ang .Vawin a ka thil tih tum ho erawh naktuk lamah ka buaipui zawm tawh mai aniang chu.
"Nang tereuh hian i duh duh danin min ti kual thei reuh chu ania " ti chhuak supin amuhil lai hmeltha zet chu ka thlir ngawih ngawih.










Zawmna ...




Zorinpuii pov.







Ka hmazawna tlang sang tak tak leh thingkung hring nghalh mai intiang ur te chu hmuhnawm ti zetin ka thlir a ,ahla zual lai deuh te chu chhumin a bawh pawt chiai vangin tlemin alang duk deuh hlek a ,mahse amawi em em tho si !
Ka awmna atanga hla vaklo ah chuan Chhawkhlei sen par mawi em em mai hi a par vul chuk a ,nui sen sen in apar mawi lutuk chu ka thlir ngawih ngawih.
"Bawihte saw pangpar ang mai sawn ka mitah chuan i mawi in i vul chuk reng thin asin" ka pa in atih chuan ka nui hak a ,"kei aiin a mawi daihzawk alawm" ti sepin ka pa dar ngheng chuan ka thu awn nghal duai mai .




"Belhchian pauh leh amawi telh telh thin ang hian nangpawh hi ngun tak leh uluk taka belchiangtu che chuan i hlutna leh mawina an la hreve ngei ang " chhang duh lemlo chuan chu pangpar mawi zet chu kan thlir dun reng a ,ka pa min hmuh dan ang hian mi zawng zawngin min hmu ve se ka ti takzet,abik takin ka nu in .






"Pa ka rualin lo haw ve tawh la " ka kiangah a awm reng emaw tih laiin alo bo daih tawh ! "Pa ...pa..."

"Harh rawh bawihi " ka meng chhuak hlawl a ,ka bul vel chu hawi kualin ka pa hmuh mai inbeiseina ka nei a mahse ka hmu silo ."ka pa kha " sawizo theilo in ka inhnit chhuak hlawp hlawp a,dim zeta ka tukhumah dawmin alamah min pawt hnai a ,ka hnung achul pah hauh hauh bawk .
"Min kalsan vangin ka hua a ,mahse ka ngai tho bawksi ,lo let leh turin ka duh a mahse atheih siloh " ni e ka pa hi ka ngai takzet ,min kalsan hma em vangin vui thin viau mah ila ka kianga a awmlai kha ka hlimlai ber ani tlat a ,engtin nge ka ngaihloh theih tehlul ang ni .







"I kiangah ka awm alawm bang rawh le " atawngkam dam zet vang chuan ka hahdam huai huai in ka inhre hial.







Reingial kan ngawih dun rauh rauh hnuah chuan inlanghrang hmasa ah tangin ka che hrut a ,ani pawn min thlah ve mai bawk.
"I zia deuh tawh em ?" Atih sup chuan ka bu nghauh a,sawitur dang ka hre hlawllo.Rui chungin a kiangah ka awm a ,ka khawsak dan engmah ka theihnghilh loh na lai tak hi ani huaisar taka min biaktir ngamlohna .
"Ih kan awmna hi khawilai nge " ka ti sep a ,khaw dang hawisawn miahlo a min melh reng vang chuan ka zam ru viau bawk .


"Ka in anih hi " atawi tha teng teng viau mai ! "I ril atam em?" Atih tak daihah chuan "ka haw duh zawk" ka ti thuai a ,tunah hian dar engzat nge anih pawh ka hre chiahlo.
Ka bul maia ka ph let bar mai ka hmuh chuan ka ban vata dar 4 alo pel thuak tawh!
"In eipuar phawt la " atih leh sup chuan ka ner nang "ka ril atam lo alawm"





"Nope lokal rawh le" nur nang a ka melh chung pawhin min en duh tlat lo ! Ka banah chelhin min pawt tho a ,hnialna man awm miahlo in inhnuai lam min panpui nghal .Ka rilru hmanhmawh zia ahre ve silo a ,College a let leh te kala rilruk nen ,chumai nilo ka damdawi rui lai min hmu kher kha ka duhloh ber ani .Kei lah chuan ka laina hnai ang mai in ka lo la nel em em zui ! Chupawh ka harhfim loh lai ber kherin ,mahse harhfim lo tih dawnin thil engkim ka hre vek a ka huai hle tih ani tawp mai ka sawi thiam dan berah .






"Lo thu rawh" tiin kitchen table hma ah min thut tir a ,a in awm dan chu ka en kual dauh dauh .Kan in aiin alian lo hret ang mahse a changkang hi ani tawp .Bakah achhung an chei dan hi lan changkang tumna ngawr ngawr lam ai chuan hahdam thlak lam an duh zawk ni ngei turin a dam ruih a ,kan in anga inchei rei ruai ang kha ani velo .
"Kha le " ti supin ka hmaah ka thil hriat ngai miahloh hi a rawn chhawp a ,tofu ang viau mahse ani bawk silo.
"Enge a ?"





"Eichhin phawt la " khisuk chunga atih chuan tlem kan ei chhin a ,a tui dan chu ka sawi thiamlo zawk."a tui lutuk " ka tih chiam chuan khi sukin "kan chhungkaw thuruk anih kha " tih bak a sawi lo .
"i eive dawn lo ami " ka tih chuan a eitawh thu in min chhang a ,ka ei lai min en reng ringawt .ka zam duh bik der lo a ,tui ti takin ka ei puk puk mai.


"I puar em " fork ka dahthlak ruala atih sup chuan ka bu nghauh nghauh .
"Tinge ka chungah hian i that em em a ?" Achhan ka hriat loh chuan ka rilru abuai leh chung dawn tih ka inhria .Ka vei ve bawk em ani ka zawhna hi.Miten ka hriat ah ngei pawh hmusit taka min diariam lai in ani chuan ka awmdan hre vek chungin ka lakah rilru chhia apu ve ngai lo a ,min hmuhsitna thu emaw pawh asawi ngai hauhlo.Ka nihna ang ang hian min kawm ve tawp nimaiin ka hria !.





"Mipa te chuan kan huat zawng te lakah that kan chhuah ngailo" ka lama rawn kun hnai sauh paha a tih sup chuan hrethiamlo in ka mitko kalo tihsan khum zeuh "tunge mahni bialnu te laka that chhuahlo ngai?" mitmeng ti zim san chung chuan ati leh sup.


"Pastor ten ngaihzawng an nei ngai ami" tawlh hla vutin awrawl chhuah meuhin anui ta hawk hawk.
"Bawihi Pastor te pawh hi mihring ve tho alawm an nih ,natna leh lungngaihna te pawh an hre ve vek tho" akawng dawm hat pah chuan ati a ,a chanchin ka hrelo lutuk chu ka zak ru chem chem mai.
"Chuan ka bialnu hian haw a duh tawh em " ka hmai zawna rawn kun hniam thutin ka phu zawk.Ka bialnu min tia mi tunah khan ...





"kei ...keimah maw " mahni inkawk hu in ka ti bah nak "i bialnu ka nilo bawk " ka ti nghal thuai bawk.

"Chhingchhengte nizan khan naktuk atang ka bialnu inih tur thu ka sawi kha ilo theihnghilh leh hman em ni" achala ka chal tauh tir bap paha atih chuan ka chesawn ngam tawhlo reng reng .
"Chuan aih tih chhanna ka pawm lo ,engtin pawn min chhangla ka hmeichhia ka ta chauh ini tho tho dawn ,min chhanglo law law mai rawh" a aw zawi sup ri leh thum chhel mai bawk si ri chuan min aikaih in hnial duh mah ila ka ka atangin ri achhuak thei lo.
Engtin nge ani ang Pathian thu awih bawksi ngaihzawng hi ka nih theih ang? "Ka thlah haw tawh ang che " tih sup pah a ka hmui a hmui a a rawn nawr thuak chuan awm hla dawrh in ka thutna atang ka tla lo chauh .





"Chumi hma in i eina hi silve lawk la " wash basin lam thlek ha pah a atih chuan ka eina plate la thuai in wash basin lam ka pan a ,ka che reng reng chu ani bawrh bawrh mai ,ka kut te hial akhur in ka hria!

"Ka ...ka tihpalh" sponge a thleng ka nawhfai lai chu pial thut in chhuatah a tla keh chuai!
"A pawilo chesawn suh i kut i at palh ang" tawngkam ngaihthlak nuam zet chuan ti mahse ka zak ngawih ngawih .Nula thleng pawh sil thiamlo angah min ngai ngei ngei ang .Hmunphiah leh hnawmruhna in a rut fai thuai a ,kut phuan tak chungin mittui tling pam chung chuan kalo ding tawp .
"Anal lutuk a .." alo luh leh lai chuan ka lo ti tiau a ,engvanga hepa kianga tahbelh ta em em reng nge maw ka nih le ? Mittui lah ahma zawng aiin ka ngah a !


"Shhh apawilo ka tih kha ,i tihpalh anih kha " ti supin ka mittui ka bianga luang ngiai nguai te chu a kut hrawl leh lum hiam mai chuan a tuai hul zung zung a ,tap herhhaw in ka kut chu min sil fai sak a ,a hru hul leh thlap bawk.Kalo ding ngawi reng ringawt.






"Bialnu tahbelh deuh ka nei dawn in a ang riau mai"





"I ninawm " ka ti teu hlar .A nui thawm chu ka bengah ri bengchheng ani hauhlo! Ngaihthlak nuam ka ti viau tlat.






Mihringin kan hmahun kan hrethei lo ang bawkin kei ngei pawhin ka hma hun ka hre biklo.Zothansanga nen hian hmahun hlimawm tak kan nei em tih ka hrelo a ,ka duh em tih takngial pawh ka in hrethiamlo.Ka vei hle tih erawh ka hre chiang hle a ,a kiangah chuan ka thla amuangin him bik ang tlata inhriat na ka nei thin bawk.Chungchu duhna peng pakhat anih chuan ka duh ani ngei ang. Risk kala ve chhin reng reng dawn em ni? Mahse min hmangaiha ka innghahna ten min hlat loh pawhin min kalsan zel a ,ani hian min kalsan ve mai angem ?
Hlauhthawnna nen a hun hman reng hi ka kham tawh takzet ,reilote tal ka hlim ve theih takin Zothansanga hi ka bel mai dawn nge ka inhre thiamlo ani .











End of ch 6


#zanhnih ka dahlo inthinrim em ,ktp week ka hmang na fal lutuk nge khawsik tlun in ka bei leh chiam a ,a hri pan deuh chi chuan in hrethiam mai ang .Tunah pawh ka taksa hi ana sil ngawih ngawih tho.In thinrim ka hlau sia kalo dah hram hram aw .Chhiar nuam ule #


Link:
BBcode:
HTML:
Top