ZûNLêNG BY Natasha Hrahsel (Completed)

[Ngaia]

"U Remruat in lian tha tak emaw sum leh pai tam tak ka mamawh lo ,i kianga awm ka duh ber a sin " ka ti tuau a ,min kalsan ka hlauh luat vangin abanah ka chelh bet tlat

"Bawihte kir leh zawk rawh ,ka kiangah chuan nuamsa in i awm thei dawnlo" ka mitah pawh min en lo chuan ati sup .Harsa tih hmel zet hian vânlam hawi in athaw chhuak hawk a "Ila inchhir ang" ati sup bawk .

"Aih ... aih ka inchhir dawnlo .." ka thusawi ngaithla lo chuan aban ka chelhna kut min dahthlak sak a ,atawpna ti niawm tak chuan hlimna tel miahlo a khi sukin min hnungchhawnin akal ta mai !
"Remruatfel i bula awm ka duh ka tih chu " ka ti chhuak vak ..ka mittui tling vangin ka hmu phe ruai tawh .Mahse a ding duh chuanglo ! Tinge? Tinge ahriatthiam theihloh ,akianga ka awm chuan eng dang mah ka mamawhlo tih hi .

"Thlân lunga ka hming intâr hmuh i duh em ni?" a pênlai ding chawtin "Zodinsang.." a rawn ti chhuak thawt ....


*ZûnLênG*
By~ Natasha Hrahsel



#Remruatfela
#Zodinsangi



~~Chhungkaw dinhmun in anglo tak atanga chawrchhuak te inkara hmangaihna

🤍








"Pa Muan, accident athleng em ni ? Tinge mipui an va tam ve ?" tih pah in Pa Muana'n Motor a tih din rual chuan ka chhuk zui nghal thuai a ,mipui pun khawm na lam ka va thlen chuan Nunui te ho pawh an lo ding tel ve tih ka hmu nghal thuai.

"Nunu tinge ..." ka sawi zo hman lo ,lei ah chuan pa nge tlangval tih pawh ka hriat loh hi thisen nen inchiah piah nuaih in alo mu hlawm reng a!
"Doctor lawk" pan mai ka tum chu Nunui'n minlo vuan bet tung nia ! "Ih ,englo ania maw khupa khu drugs addict ania chuan HIV positive ani bawk an tia " ati a "A thi mai dawn asin" tih pahin min vawnna chu ka thing thla nawk a ka buaipui nghal zung zung.Thisen achhuah hnem em vangin harh pawh aharh chiang tawh manglo .Tichung hian tumah hian buaipui anlo tum miahlo thei ania !





A hliam ka enchian chuan achal thui vak lo in a kak a ,mahse thi a pût duh hle thung.A ka atang thi tlem a chhuak a, tin achawn vei lam a kak thui ngang bawk .Ka rawmawl ken chuan a chal atanga thisen chhuak chu hmeh pin ka tum phawt a "minlo pui teh u " ka indaih loh em vang chuan ka ti chhuak thawt .Tumah rengin min puih an tum lo ,hmuhnawm thlir hian min thlir ka ti mai !
"Vatin a thipût hi hmeh pin vat loh chuan athi mai ang " ka tih leh chuan mipa khat hi min hual tup tu ho zing atang chuan a rawn inhnawh lût a ,hnathawhpui nan ahmang tih hai rual loh atshirt hak chu hlîp in accident chawn kak duai mai ah chuan a hmehbel nghal chawt chawt .
"I kawnghren kha phelh rawh "thum dut hian a rawn ti a ,keipawn ka tihtur hai lo in "nunu ka kawnghren hi rawn phelh thuai teh " ka ti ve nghal zat .






Ka kawnghren chuan a chawnkak chu a tawn nghal mawlh mawlh a , "ambulance nghak hman anilo " ti thum dutin a hawi kual a " Pa Muan i motor ah khân zawn lut ang " ati zui zat .
"A chal i hmeh kha lo thlah miah lo la ,kan chetpui pawn thlah suh ang che " atih chuan ka bu nghut tawp .A doctor zawk tihtur min hrilh char char a ! Ka chiai miah lo ,hetiang hliam chu vawi tam ka buaipui tawh ,mahse min puitu pa vang hian angaihna hrelo in ka awm ti mai teh ang !








Hospital kan thlen chuan kan theih ang angin kan buaipui a ,achhungte ko nghalin a rang lamin Aizawl lam kan pan tir nghal .Helai a kan tihtheih tawk chu ahliam thui vel leh damdawi lo pek animai a ,abak chu thingtlang lam atang chuan tihngaihna a awmlo ve em ani .






Ka hming chu Zodinsangi ani a ,tunah hian Aizawl atanga hla vaklo darkar hnih thum vela thlen theih mai na hmunah ka post mek a .Doctor ka ni a mahse kala junior hle ,kumtir khan doctor indaihlohna vangin contract angin hna ka hmu ve hlawl a ,tin vanneihthlak takin khawpui hlat lutuk lo ah min post hlauh bawk .La naupang viau mah ila Chennai hospital ah internship ka tih zawh hnu in kum khat taltawp ka thawkzui a ,hmunpui lam zawk a tawnhriat lo nei ta chu min duh te pawh aniang interview ka nei a ka tling nghal mai.
Chhungkaw harsa tak kan ni lemlo a .Ka pa hi ahma chuan Health Dept ah director ani thin a,apension tawh thung ,tunah chuan kan inbul maiah nitin eichawp dawr ti ila dawr lian ve angreng tak nghakin a thu thin .U mipa pahnih ka nei a ,pakhat zawk chu sumdawng mi niin kan milai chuan thiamna sang zawk umin ram dangah zirna ala zawm hrih.Min hringtunu hian ka pianhlim thla pawh ka tlin hma hauhin min boral san a ,engang hmel pu nge tihpawh ka mitthla thiamlo! Athlalak pakhat chu ka neive ngei a mahse ahlui tawhin hmanlai thlalak ang tak tak kha ani a ,a hmel a langchiang vaklo.Kum thum mi ka nihin ka pa in nupui thar anei a ,nu fel tak niin kan unau pawh min duat khawp mai .Kei nen phei chuan kan inpawh angreng viau ,hmeichhia ve ve chu kan sawiduh te alo inang a nuhrawn thenkhat angin a sual lo bawk nen.






"Nunu lo kal teh" bathroom atanga a rawn chhuak chu kalo au a ,inchung chhohna step ah chuan kaichho in miin min hmuhphaklohna chin ah ka din pui te te a .
"Vawin a i chet dan kha a professional zia i hria em?" Dam dap chuan kan ti a,a hmelah a inthiamloh zia ka hmu a ,ka khawngaih ve viau tho.Tupawhin HIV patient kutkawr tello a khawih chu an huphurh dawn lutuk .


"Ka tihpalh U Zodin ,ka hamhaih piah lamah ka hlau em ani " a ti ta reng a .
"Nunu nurse hna i zir khan thu intiama in neih tel ngei ka ring, damlo te chu milian an ni emaw mi rethei ,natna tihbaiawm tak tak kai pawh nise angkhat vekin kan en tur ani.Tanpui ngai an awm phawt chuan kan pui zel tur ani " thiamlo tak chuan kan ti ve ngawt a ,alu abu ve nghut nghut tho .Tawngkam hi ka thiam lutuk lo a ,ka mizo puite zingah ka tal tamlo a ,mizo tawng ngat phei chu ka hmang tamlo thin khawp mai.





Helai hmunah hian karhnih vel awrh chauh kala awm a ,Doctor pangai phei chu keimah chauh ka awm nghe nghe .Ayush Doctor pakhat a awm tel ve a nurse tlem azawng nen chuzawng chu kan ni hrih mai .Doctor Quater ah awmin Damdawiin ahlat hran lo a ,Staff te an fel hlawm bawk nen ka mikhual lo viau mai .

"Awle kaltawh rawh ,i night dawnin ka hria keipawh kava haw phei tawh ange " ti sepin ka chhuk san a "ka tihpalh " atih chuan apawiloh thu in ka chhang ,a chetdan kha a proffesional lo chu ka ti mahse ala naupang em a ka hrethiam tho .







Ka chenna hmun ka thlen chuan light kan on te te a ,ka inchhung chu alianlo khawp mai ,room pahnih a awm a ,choka leh sitting room nen bathroom pakhat a awm bawk a .Mahni a awmna atan erawh chuan alian tho mai.Ka inbualfai hnu ah artui kangin zinga ka chaw eibang nen chuan ka ei a ,rawngbawl lam ka tihngai loh vangin ka thiamloh bakah ka peihlo hrim hrim bawk .PG ah ka awm thang a,mahni a eirawng inbawl ngailoin kan awm a ,inlama han haw chang lahin ka nu in engkim ati vek a ka awl lel zel .






"Pa Muan kan damlo chu enge a an hmel ?" Ka bula a rawn thut thlak rual chuan kalo ti vat .
"Thisen ahlauhhnem tihloh kha chu hlauhawm em em a awm lo a ,thisen an pe anga azia ve leh mai turah ka ngai " atih chuan ka bu ve nghut nghut .Keipawhin ka buaipui lai khan apawnlam hliam vel bak kha thildang pawi thei tur anei in ka hrelo mahse thisen ahlauh hnem em a ,kha kha atan ahlauhawm ber animai a


"Anih nimin a min puitu kha tunge a ?" Ka ti leh zat ,a chetvel dan atang kha chuan medical lam engemaw tak chu hriat anei tih a hriat.
"Remruata kha maw ,Kâwn veng ah khuan an awm Doctor azir ve thin an tiin ka hria kava hrechiang bik lo ve chulam chu mahse Mistiri ania ,kâwn ah tho khuan dawr anei alawm" atih chuan zawhbelh ka tum tawh lemlo .Driver in kumhnih vel helai hmunah hian a awm tawh a ,khawtual mi anilo a ahre vaklo pawh ani maithei .
"OPD ah ka va thu phawt ange ,tunlai chu hrileng atam riau damlo en tur ka ngah ka ring " tiin ka thawhsan zui a ,kuhva thial suah suah pahin "Nia Doctor awmloh lai kha chuan damdawiin panpui khawp a na an tamloh thin nen " ti ve in anui zui huah huah a ,kalo nuih pui ve tawp.
Ani tak tak reng a ,Doctor awmlohna hmun angah chuan mahni in kan inenkawl mai a ,athiamzawk an han awm chinah chuan rawn ngei ngei ngai ah kan in dah tlat zel !A thalo e ka tihna phei chu ani chuanglo.







"Ka pi i khawsik chu a sâng thin em ,engtia rei nge nitawh?" Ring tak chuan kan ti a ,pawnlama mite pawn ka tawng an hre phâk vek ang .
"Kar khat vel ani tawh " atih chuan natna dang aneih leh neihloh kan zawt leh a ,chutah test tur neuh neuh ziakin Laboratory lama kal tur chuan kan ti a ,a hrethiam aniang a tho ve nulh tho .
Tunlai chu Typhoid leh rannung seh a hluar riau mai a ,Chawhma chhung ringawt pawn mi sawm dawn an positive leh tawh !



"Doctor ka lo lut lawk mai " Nurse Nu Madini'n a tih chuan aw kalo pawh thuai .
"Saw Pu Zorama an rawn phur chho a ,i rawn en lawk hman em " a tih chuan "A serious em ni" ka lo ti vat
" Serious ve angreng tho mai " tiin min chhang a,engemaw awmzia ni ,a rawn sawidan hmangah erawh a serious hmel vak siloh.Chhunchawlh hun ani tawh tho a ka zui ve nghal thuai a .
Kan kal phei pah chuan Cancer treatment la lai ania ,achauh bakah akhawsik asan bawk thu min hrilh phei mawlh mawlh a .






"Nang maw ?" Ward ka luh chuan ka ti hû,nimin a min pui tupa kha lo ni reng in ! "Damlo hi ka pa ania" a tih thum dut chuan khuma putar lo mu bam mai chu ka enzui vat a
"Nu Madin Senmol lo khai sak la " tiin a medical history chu kan check a "karhmasa ah chemo in khai em ni " ka ti sep .Ka bula palianpui ding ka en chuan alo bu nghut a ! A tawngtamlo nge a tawngduhlo zawk ni .
"Achemo khai in a tichau anih hi ,hlauhawm anilo aw .Khawsik hi chu a awm duh ve hrim hrim a .Nu Madin athisen hi ngaihthatnan ilo test tir leh hrim hrim dawn nia aw ,hrileng atam sia chuan akhawsik hi ahniam deuh hunah puan huhin inlo hru dawn nia .Damlo ka en zawh ah ka rawn en leh dawn nia " tiin ka chhuah san zui a




"Doctor " rawn ti thum dut tu vang chuan ka ding dawt a ,ka kawra min pawhna ka en chuan enve thuai in "sorry" ati sup .
"Enge ni?" dam thlap chuan kan ti a
"Nidang angloin ka pa hi achau riau mai a ,Aizawl lamah min refer theih kalo beisei a ?" Ka mita min en chunga atih chuan ka lai lek lek dawn mai ! Zondinsang engemaw i ngaihtuah ni ?


"Aa" ka aw kan thian hmasa te te a "hlauthawng suh ,kum upa lam an nitawh a ataksa in a zolo ve deuh anih kha.Hlauhawm a awm lo ..."



"Ka hria " alo ti dut. 'I hre reng ang chu ka sawi alawm' tih khum mai ka duh .Palian leu luau si ,ahmel lah a pa hrâk mak a God ! Engemaw ka ngaihtuah ni .
"Ka sawi zawk chu a chemo khai hian engang chiahin nge hna athawh tih hriat ka duh ,bakah hmunpui lamah chuan thil a awlsam zawk a " awi ka ning . Ahmel ah hian min rinna anei hlawl lo tih ka hmu thiam vek .

"Awle atha lawm " ka ti ta nge nge ,kan refer pauh aniang chu .







"Iva chauh hmel ve " ka nu in a rawn ti a ,ka tlai bang kalo muhil kha min rawn phone harh ve chiah "Vawin chu damlo kan nghah deuh a ,hei kawngsiam vel intipalh an rawn kal ve neuh neuh bawk amaw " ham bai bai chung chuan ka ti a
"Umm anih chu ,Mate zirlai nula ve deuh tawh Class kal paha inhlawh tur ang te hi awmpui la atha lo maw .I hahdam phah dawn bakah midang i tanpuina ani pah dawn bawk a " atih leh chuan ka pawmpui viau mai .





"Mahse nu ,room lehlam hi khum te siamchawp angai dawn sia " ka room tur ami hi chu khum vel kan in keng chho mai a , room lehlam hi chu a tet bakah bungraw dah nan kalo hmang nen awmpui neih dawn chuan tihtur ka ngah dawn khawp mai.
"I pa Muana khan Mistiri emaw hmelhriat anei mai ang kalo be dawn nia ,naktuk chawlh ani tho a remchang viau tak ang" tiin kan inbiakna kan ti tawp a .






Pa Muana lah inhlawhna duh alo ni bawk nen helper ah atan nghal tur thu sawiin min rawn be let thuai .Ka nu te leh Pa Muana te khua hi a inang a ,an inhre tha phian.
Naktuk a Mistiri lo kal dawn vang chuan ka theih ang angin room lehlam te chu ka tifel a ,mahni a awm ka ni bawk a inchhung pawh a ala thawl hrih khawp mai .Term pangai a ka awm tluan dawn anih chuan T.V te pawh leive kala ngai ani ,ka pa khan min leisak tum viau mahse ka en ngai lemloh vangin ka duhlo a ,awmpui vel neih dawn chuan neih pawh pawi ka ti talo .






"Nang maw " ka mi beisei loh lutuk ka hmu thut chu ka phu zuk mai.Ngawiteh hepa hi Pa Muana khan mistiri ati takin ka hria .Tshirht vut rawnglian tak ama tana lian nileh miah silo hnathawhpui nan a hman tih hriat tak aha a ,ala inhmeh em em zui ! Bag liantak akut veilam in akhai bawk .



"Kalo lut ang chu " atih chuan "aw " ti bah nakin kawng kalo kian "enge ni ta " pangai tak chuan kan ti a
"Zodin kha kan khua a thing mistiri thiam ber anih kha " Pa muana'n arawn ti lut luah luah






"Engber maw kan thawh tur " ka inchhung enkual in ati thumdut .

"Ih..ft 4 khum vel ka duh a "
"Hmanrua i nei em ?" Gosh! Chulam kalo ngaihtuah miahlo . "Pa Muan thing vel engmah ka nei hleinem " Pa muana lam hawia ka ti chuan hahthlak mintih hmel fe in pakhatin minlo melh ngur .




"Aaa keipawhin kalo ngaihtuah lo ve bawk ani "Pa Muana pawh chuan alu hiat neuh neuh chungin ati ve tho.
"Khum siamna tur thing leh hmanrua vel chu kan zuar a ,i duh chuan helaia siam kher angai hranlo dawrah kan siam thei" min bia nge Pa Muana abia pawh ka hrelo e a .





"Zodin khum lo chu han siam ngai te i nei em" Pa muana chuan ati a ,ka inthlahrung angreng tawh viau mai.Kan hawivel a han siam tur em em pawh ka hrelo mahse "Pawnah khian vawin chu pangpar hûnna vel tur min siamsak mai ula ,chuan thawhtan lamah inchhung ah hian chhuar engemaw neuh neuh siam thar ka duh bawk a " ka ti ta tawp.Nurse Quater luah ve tho te ho hian inbul velah pangpar an ching nasa a ka awt ve riau mai .
"Chumi ti tur pawh chuan hmanrua angai tho " athusawi chu a athinrim emaw tihtur ang vel ani ! Tinge engmah kalo ngaihtuah loh le ?






"Ngawiteh kawta thing kan dahkhawm hmang sawn kan siam thei mai ang ,kuddam thiahna hlui kha nia hmanna tur a awm tawh hleinem vawin chu chulam chu kan buaipui mai dawn nia " Pa Muana chuan ati ta hlauh a ,kalo thaw ve ta huai in ka hria .
Pakhat lah hian Police in misual an dawp ang mai hian min bia a ! Eng nge maw angaihtuah ni ?








Pa Muana nen an han che tak tak chu pakhat a che muang si ,pakhat lah apalianin a che chak si tawngmawh bawksi chu a helper zawkin tihtur a hrilh zawk nimai te hian ka hria .Kuddâm thiahna hlui chu athen lo mang nen thil dum an kai neih nuaih tawh .An chhun eitur thingpui ka lum a ,chhang erawh dawra mi ka chahsak thung a .A mistiri ber a che chak bawk a chawhma chhungin dinglam zawng an siam zo chu ni ta der mai .






"Pa Muan thingpui lo in tawh ula " kawngkhar a dingin ka au a ,Pa Muana phei chu athut mai mai na a rei tawh .
"Remruat thingpui te va in ve phawt ila " atih chuan alo hnial lo hlauh .

A hmelhriat te lakah pawh atawngtam lo anih hi kalo ti rilru neuh neuh .







Thingpui leh ahmeh chu dawhkannah ka chhawp sak a ,an thutna tur chair ka hung chhuak thlap bawk.Engmah kala ei bikloh vangin ka ta tur pawh ka siam ve a ,an rawn lut chu kut an sil a,Pa Muana zawk chu thu tharhin a ph lo ri nen a chhang zui thuai .Pakhat ve chu thingpui leh paratha per khat la in pawnlam ah achhuak leh daih!
Plate dang la in chhang chi hrang li vel nen chuan ka thingpui chawi chhuak ve in ka chhuak a ,veranda ah alo thu chu abulah kava thu ve thuai.




"Ih..ipa kha enge a an tawh ?" Inthlahrung dek chuan kan ti a ,"atha" tih bakin min chhang lo .
"I kalpui lo tihna mi" ka ti leh ngat ,vawin hian ka be hrep dawn hi ni ringawt.
"Ka nau in a kalpui" kha ! Zawhchin lo hi minla chhang lo reng reng.
"Chhang hi eibelh leh rawh ,keimah chuan ka eitam theilo a abang chuan paih leh mai mai tur ani sia " ka ti leh hram a ,min melh vutin chhang chu a en leh a pakhat chu aban leh ta hram .





"Chhuar vel siamna tur chu thing inkawl vek tho em?" Ka sawi tur hrelo chuan ka ti ta vel mai mai.Chhuar siam ka mamawh em em pawh ka hrelo.
"Umm" ka peih tawhlo e a .Min chhang tawi thei si ,hlau chung chungin ka be ve em em a amah hi fullstop hrilh fiahna .





A thingpui inna no chu akeng lut a ,rawn chhuak leh thuai in ahna khawihlai chu ava khawih zawm leh ! Ahah ve lo emawni ?
Inchhunga lut ta lemlo chuan ka en reng a ,kutkawr bunin thinga perek lawr la awm chu ala chhuak a .A then chu enghmanrua emaw in a thelmam leh phawt nimai te hian ka hria .

"Thingah hian rawng i hnawih duh dawn em ?" Awi ka phuzuk .Ka lo melh veng veng a a rawn tawngthut a ka phu chiang lutuk .
"I hnawih dawn em " a rawn ti leh dut a . "Aih" ka ti mawl tawp ringawt .Ani pawhin min chhang tawh lo in a khawih zawm leh mial mial .






"A Remruata chu iva thawhzawm leh hma ve kei kalo la thu veng veng a" Pa Muana'n a rawn ti chhuak a .
"Pa muan..Pa muan emgtin nge ka koh ang" kalo ti ru sa sa .
"A ..nang aiin a upa a ,U Remruat emaw U Fel pawh ti la apawilo ang " tiin U Remruata emaw U Fela emaw tih pa lam chu apan pheia.






Mihring te pawh hi alo inan loh theih khawp mai ! Mithenkhat an hna ah diktakin rim taka an thawh laiin thenkhat erawh hlawh pangai duh si thawktha peih miahlo an awm ve thung a .Pa Muana te ka sawina lam nilo in .Dik taka sum lakluh hi ahlu a ,hah taka kan thawhchhuah chu hman pawh kan ui a kan hlut nge nge thin tiin ka pa hian a sawi thin a ,ka u in tum khat a awlsam zawnga sumdawnna bultan a sawi khan ka pa in a zilh nek tawh.Ka u pawh in ka pa thu ahnial talo bawk a .Diklo taka sum lakluh chu atirah hlim viau mah ila hlimna tluantling kan nei theiin ka ring lo .





"Engzah nge i hlawh ang"a tui inlai chu a khuh bawrh bawrh . A hmui tuai thuakin min melh leh ta ngur .Pa Muana khawthenawma a kal lawk angaih vangin a haw daih sia ,keilah Mistiri hlawh takngial pawh ka hre silo.
"Awm i tih ang kha atha mai " ati ve mai nangin 'awmang' tur pawh ka hrelo!

"Ih englo ania ka hrethiam chiahlo a " ka ti ta tawp.Han pek tur awmang zat ka hre tlatlo ani .






"Furniture vel kan khawih chuan a malin 1200 kan hlawh a " ati a, room ah lutin ka purse atangin 1500 kala chhuak a atawk em ang chu maw .
"Atam lutuk" tiin pek ka tum chuan ala duh leh ta tlatlo.
"Pangpar dahna tur in siam a ,abul vel intifai nghal vek bawk sia .." ka ti fan duai .
"Ahahthlak loh " tih pahin 500 chauh chu ala a "khum vel chu dawrah ka siam anga ,Zanin ah awlsam deuha siam i duh chuan ka zo hman ang thawhtan lam ah chhuar tur vel chu thingzai tha deuh hman angai dawn a kalo ngaihtuah dawn nia " tiin pawnlam apan zui daih.






"Ka lawm e aw U Ruat...U Fel " ka ti vak a ,a ding chawt a mahse lo hawi lo in akal leh nghal daih !























(Typing mistake a awm maithei check pawh hian type sual kalo nei leh thin chhiardan inlo thiam mai dawn nia 🤍)


Show post links
Top

[Ngaia]

*ZûNLêNG* ch~2







Inkhawm turin ka insiam mawlh mawlh a ,biakin awmna leh ka quater awmna hi inhlat ani miahlo mahse akawng chu duhthusamin a chhuk thung .
Puan ka bih thiamloh em vangin kawrfual ka kaihza thleng a senno lam lek lek ka ha a ,pheikhawk sang vaklo ka bun bawk .Ka sam sei hniang mai chu tihdan vak hrelo in ka thlah tawp a .
Mi thenkhat chuan 'puan ka bihthiamlo' tih vel hi an ngaitheilo thin ,keipawhin puan bih chu mawi ka ti lutuk ,azahawm ka ti bawk .Mahse bih thanloh bakah kan Mizoram kalkawng hian azirlo ka ti .Chhuk chho kara kawng lo chhe ve sek nen ,kei ang tiat lek ah phei chuan pheikhawksang bun telloh phei chuan tumtelek hi kan ang ka tia .Ka bihloh phah leh nge nge thin .






Tan dar rik hma hretin ka thleng ve hram a ,thalai lên an tih mai thin tlar hnungber ah ka thu ve ta vang mai.Inkhawm chu ka beisei ai daihin kan tam a ,mahse sunday school te a awm bawk a nu leh pa in thlalai chu min tam hneh viau hrih.
Hming te chu kan dah ve a ,ka inkhawm khât chuan azahthlak viau ang .

Kan inkhawm bang chu ka nihna chelh vang nge min be tu an awm ve nuk mai.Thenkhatin ka damdawi chawh an ngeih thu te min hrilh pah bawk a .
Rin ai takin he khua hi alo lian a ,Presbyterian kohhran pawh pahnih alo awm.Ka inkhawmna kohhran hi ate deuh zawk a ,veng chhak lam chu an lian ve viau ani awm e .Khawpui anglo takin chawlhni ah chuan lirthei tlan pawh an vang pharh a,inkhawmna a lirthei keng pawh an tam chuanglo.Lehlam kawng tak chuan ahahdamthlak .






Inthlak lemlo chuan ward round turin Hospital lamah ka pengkawi nghal a ,chawlhni hi chuan damlo han zia deuh leh dam tawh deuh te pawh kan chhuah ngailoh vangin an dinhmun hriatchian duh a ward round ani deuh ber mai .


"E Dindin i inkhawm ve nimaw" duty room ka lut chu nu Sawmtei'n alo ti var a ,ani hi helaia thawk zingah chuan a senior ber tawhin ka ring .Sister thurawn lakna ber ani an ti hialin ka hria.
"Umm Nu sawmte ward round lawk ila " thu khawmuang lo chuan kan ti a ,damlo register bu la in min zui ve nghal mai .







Helai ka thlentirh a ka thil huphurh ber mai chu kala junior si a ,staff dangte lah senior tak tak an ni tawh hlawm anga kan in milloh mai kha ka hlau a.Mahse ka rin ai daihin an fel ,nilo an fel leh lutuk zawk .Chaw ei a min sawm tu pawh hnar sen loh an awm laiin chawhmeh min rawn suah a min rawn thar sem tawk lah an tam narawh.Keimah hi rawngbawl thiam tak ni phei ila chu ka chaw ei atui thei ngawt ang .Ka chawhmeh leh thlai dawn vel athar thei mai sia ,han bazar hi ka ngai hrih lo reng reng .






"Enge in lo an ?"




"Ka pi ka nuam tawh viau mai ,naktuk hi chuan ka chhuak thei tawh mai lawng maw " ka pa ai upa tur awm vel ani.'Ka pi' minti niah!
"Pu , Dindin emaw Zodin min ti mai la ,chuan chhuah chu ala hma deuh ang tiraw .I khawsik hi ala reh lo a ,insawisel na deuh ila nei em ?" Ka ti a ,kum upa te ani tawh a hetia damlo khuma mut reng hi hrehawm ati dawn lutuk.An ni angrual phei chuan engmah tilo a awm te hi an thiamlo thin a ka hrethiam lutuk.



"Na ka neih pawh ka hre tawhlo ,ka khawsik hi ani deuh tawh mai a " ati ve chuap chuap a



"I zunkawngah hian hnai (pus) a awm amaw ,chu chu i khawsik siam tu ber ania .Vawin te i khuasik loh chuan naktuk ah test kan nei leh anga athat leh nilai emaw velah kan inchhuah dawn nia aw " ka tih leh chuan aw min pawh ve mai a.



Damlo tunah hian 8 kan nei mek a ,an vai hian zunkawng hnai awm ,typhoid leh rannung seh tihvel anni vek .Hmanlai leh tunlai hi kan tehkhin ringawt thin a ,thenkhat tunlai mi chu an tuar a zuau lo ti ringawt te lah banglo.Tunlai mi chu kan tuar te pawh a zuau maithei hmanlai anga tette atanga hnarum thawk kan ni miau lo a ,mahse tunlai leh hmanlai hi khaikhin reng theih anilo .Thiamna lam ah pawh kan insan hleih tawh lutuk.Han chhui han chhui ilang chuan hmanlai a boral tam tak te kha kum upa lo tak tak a boral an tam viau ang ka ring .A chhanchu khawsik leh natna nei pawh nise hna an thawhluih pui mai a ,an taksa in atuar leh si thin a ,thihpui hial pawh an tam ang .Hmanlai kum 60 mi leh tunlai kum 60 mite landan te hi a inang lo ngawt hian ka ring ani.






"Dindin..dindin"




"Ah aw .." Nu Sawmtei min biakna ka lo hrelo reng reng


"Engemaw i ngaihtuah vung vung ni? Pu Muana'n pangpar khawina tur vel i siamtir tih a sawi a ,ka saron par thenkhat saw i duh chuan tlaiah lo la la " atih chuan thilhriatchhuah ka nei thut.Remruatfela kha khum chungchang engmah mumal khan ka sawipui lo reng reng!

"Ka lawm ngawt ang mahse i enkawl angin ka enkawl theilo ang tih ka hlau e ,thlai vel ka dah zawk dawn emawni kalo tia .Chuan Nu Sawmte nimina ka mistiri rawih Remruatfela ania i hria em?" Kan ti te te phawt a




"Hria e ,tlangval fel lutuk anih kha .Tinge ni a "ati nghal zat a " a number ka duh e ,khum vel siamtir ka duh a " ka tih chuan a ph a phawrh a "kalo thawn ang che " atih zawh rualin ka ph alo innghawr nghal dar dar .Tower kan hnaih bawk a signal atha hle mai.






"Pangpar chu lo la rawh ,thlai te pawh enkawl awlsam deuh hei hmarcha tih vel emaw te ching tel mahla apawilo tawp ang .Eikhawp lek tal han thar ve te hi anuam duh ania ,Doctor chhuak ta te pawh khân an behlawi tih vel thlengin an chîng nual zel" a ti luam a ,keipawh ka phur thar riau mai .
Pangpar pawh tlem azawng chu phun ve tho ila ,tomato tihvel han ching tel bawk ila .






Thingpui te in in kan ti ti ta luam a ,tlaiah apangpar la ngei turin min hrilh nasa .Nu Sawmtei te hi chu quater ah awm ve tawh lo in khua ah hian in leh lo an din tawh a,Hospital atanga hla chu ani chuanglo.

In ka thlen chuan chawhnu inkhawm kal alo hun leh der tawh mai,chawhnu erawh ka inkhawm peih ta ngang lo .
Inthlakin ka ph chu ka thai ka thai a ,kan Mistiri pa chu ka call ang nge call lo ang tih ka inngaihtuah ngar ngar .Nimin te khan haw nghal daih lo khan khum chungchang te pawh chu min sawipui tur ania ,achinchang hre zawk lah a tawngduhlo bawk si .







"Hello" lehlam atanga aw thum dut in a rawn tih chuan ph dah hla in ka hmui ka hup a ka te vak ! A aw pa zia mai chu a !
"Tunge aw " a rawn ti leh dut a

"Dr . Oh..keimah ih Zodini ..U Remruata i ni em?" Ka ti bah nak ,hepa hi ka star ami? Nilo ka star lullo ang Zondinsang che chukchu thei lutuk mai .





"Aw " tehtawp chuan ! "Khum vel kha nia engmah kan sawi chiang silo a " pangai tak chuan ka sawi chhuak thei hram .
"Umm ft 4 khum i duh nilawmni "

"Aw kha kha nia " kati let thuai "ka siam zo tawh"

"Awihawmloh ee" Lalpa ka kâ ka veng hmanlo mahse tunah khan..tunah khan a nui ri ka hre deuhin ka hria! Nge ka hresual zawk? "Nizan ah ka siam a ,ka siam zo tawh " a ti sup a ,ka hamhaih dawn alawm ,engtin nge zankhat thilthu ah asiam zawh theih zawk le ? Nge ni a uluk vaklo hian alo kilhkhawm vel mai mai zawk ni ?




"Siam a awl viau ami ?" Ka ti ta thlawt ,amak ve em ani .




"A awl lo mahse,siam mai theih tur a awmsa " anih dawn chu a .Nilo se zankhat ah chuan a siam zo hmanlo tawp ang.





"Sawi duh dang ila nei em ?" A rawn tih chuan "chhuar vel kha ,sitting room ah hian thlang lamah thil engemaw han tar mawi vel na tur ang deuhin siam ka duh a chuan Choka chhak lamah hian bungbel dahna tur vel ka duh bawk a,mawihnai ve deuh in mahse awlsam deuh tho in " ka ti a ,chhuar siamna tur awm ang vel chu nizan lamah kalo ngaihtuah lawk hlauh a ava tihchi tak





"Awle" tiin amah zawkin adah hmak! Ka ph ka en hu ringawt .Hepa hi ka hrethiamlo, mahse ka be chak tlat nia mawle ! Zahthlak hian ,atawngduhlo lutuk hi ka be chak tlat.Nge ni a ka lo duh ru reng zawk ni ? A chutiang em chu ani thei lo ang.







Ngaihzawng tihvel han ngaihtuah hman hian ka khawsa ngai vaklo a ,pawl sawmpakhat ka nih laia ngaihzawng pakhat ka neive tih loh kha chu kala nei leh lo reng reng .Tunah hian kum 25 na ka hmang mek ti ila Dec ni 24 ah hian ka pum dawn chauh.Ka pa hi Mizo pa ve tak mai ania ,kan tetlai pawn mizo school min kaltir ngar ngar thin .Khatih lai khan Kg 1 ,nursery te awm ve heklo kum 3 ka nih in Mizo school class 1 ah ka thu nghal tawp a ,ka vanneih asiamin zirna lam kalo ti thei hlauh a ,tha takin ka pass chho vel zel.Kum 16 ka nihin class 12 ka pass chhuak tawh nghe nghe .Class 9 ka nih thleng vel kha niin ka hria kumkhat ah hian Class khat hi kan zo mai thin a ,tun ang laiah chuan thla laklawh ah te zirna kan tan tawh a zirchhung a rei bik .


Pawl sawmpahnih ka pass atang ram pawnah zirna chhunzawm turin ka pa in kan unau in min dah a .Ka unau te nen pawh kan zirna hmun inang lo ta chu kan inhmu khât thei ve thin khawp mai .Ka sawitawh ang khian ngaihzawng neihna hun ka neilo ,a dera min han duhtu te chu tawng ve fo mah ila zirlai nen hian ka kawp thiam velo.Pawl sawmpakhat ka zirlai pawh a ka ngaihzawng hmasa ve ber ka thenna chhan pawh ani reng a .Inngaizawng dangte anga lenchhuah te kha alo duh ve thin si ,kei in hman ka inti thin silo nen aaa keima thiamloh hi ani deuh ber mai.






Ka mutur in ka ph kan check chu whatsapp ah kan tlangval tawngmawha'n minlo be teh mial! Kan open chu ka nui chhuak phut.
'engang nge i duh' tiin a hnathawh tawhsa aniang chhuar siamsa anghi minlo thawn teuh.
"Avar ang hi" tihte in ka reply a .Alo seen nghal!

"Awle " tih te in min reply!

"Chuan" kan tilui lehkher a ,ka be chak tlat . "Avar i duh" tihzawngin min reply ! Huiha ,keichu ka hah .Nula in kan bia a thuthlum ve deuh hlek te pawh min rawn send ve tur ania .Hetiang hian tumah kala be hmasa ngai vaklo asin le ..A kaw hlawllo.





"Naktuk OPD ah ka thut angai dawn a ,tlai lamah bak ka hman dawn silo a.Pa Muana a awm dawn tho a inlo khawih mawp mawp mai dawn nia " tih chu ka thawn leh ta hram a ,a seen tawp a ka thu thawn chu like leh tawpin min reply tawhlo .Amanganthlak duh angreng viau








Ka zingtho chu ka tho nuamlo ngei mai ,ka lu ana bur a nizan ka inbual leh hnuhnawh vang pawh ani maithei.Peihlo zet chuan ka tho a ,rawng pawh bawl peihlo chuan ka hmai ka phih a makeup tlem inbelin smartpants dum leh cotton kamiz var ka ha leh a pheikhawk erawh khua alum lutuk tawh hran lo a tiin boot ka bun ve ngei.Ka insiam zawh meuh chuan dar 8:30 lo ri va tawh .Zingthawh hi chu ka harsat ve ani .





Hospital canteen ah kalin chhang leh thingpui ka in a,eitur dang la awm heklo .Duty room lam ka pan hna hna .

"Nu Madin tukchhuah nuam " ham chung chuan ka ti lut bai bai .
"Mut iva kham loh hmel ve ? " Nu Madini'n alo ti a ,ka nui mai .Mut han kham tak tak ka nei ngailo ."e taka Nu Madin ,zirlai nula ve deuhtawh awmpui tur kava duh ve rawngbawl leh inchhung chet vel khawih tur .Hahthlak phei chu ani dawn miahlo a " ka hrechhuak thutin ka ti a ,tukverh lam melh veng veng hian "Nutei khuan aduhlo maw le ? An chhungkua an harsa ve a tunah higher ah akal mekin ka hria aduh hrim hrim ang class akal phah theih dawn chuan ,kalo be chhin dawn mi?"ati a


"Lo be chhin teh ,atheih phei chuan tunkar atanga lo awm tur ka duh nghal amaw class te chu kal thei dawn lutuk harsa a awm hran dawnlo a .Mahni a han awm hi a reh sia ka ning deuh a bakah rawng te alo bawl theih phei chuan ka in ei thau ve deuh thei anga " nuih deuh pah hian kan ti a ,Nu Madini pawhin min pawmpui viau mai . "Ward round lawk ila " tiin ka tho zui a ,min zui ve mai turah ka ngai.







He khuaah hi chuan nurse an hahdam angreng phian a ,chawhma ah duty an awm a chawhnu ah midangin thlak lehin zankhua a duty turin a rawn thlak leh a .A ruala pahnih duty tum a awm ve zeuh maithei bawk .An hahdam ka tih rualin damlo tam tum chuan an hah viau thung .Khaw thenawm te pawhin an rawn pan ber ania,damlo pawh tual mi aia khawthenawm atanga rawn awm an tam tum a tam viau mai .


Ward ka round zawhah Pa Muana call in ka be leh hrep phawt a ,canteen atangin an chhun eitur an pek tur thu te nen lam ka sawi hnu ah ka dah a ,OPD lam ka pan zui zat .
Damlo hming ziak tawh zat ka bih thuak a rin ai takin vawin chu an tlem .Mahse test neuh neuh ngai an tam dawn vangin tamlo pawh nise ka thut nilen deuh chu angai leh tho ang .







"U din kalo lut " staff pakhat Azui'in rawn ti lutin ka eitur a rawn keng lut a ,chhunchawlh hun alo ni leh der tawh mai .
"Damlo anla tam em ?" Pawnlam thlek chung chuan ka ti a ,parda a inzar avangin engmah phei chu ka hmu thei vak chuanglo .
"Aih test result nghak an ni deuh mai ,la enloh pahnih chu canteen ah ineipuar turin an kal daih lawm" ka eitur dawhkan a chhawp chhuah pah chuan ati a ,ala nau angreng viau .Hospital in staff indaihlohna vanga an rawih kha nia ,atawng phawng phawng zel a alawmawm phian .





"Ui UDin i mistiri chhawr saw kan star thei rap mai " a rawn tih hluai chuan ka melh hau ringawt .
"Ka dawr kalin ka hmu lawm ,apa sia e .Kan thianho hian adawr hi nikhatah vawi nga vel tal kan kalpel thin " atih chuan kalo nui ve hak .Thian ho a star neih intawm a hetianga han thlithlai vel hi anuam duh viau ang .Keiin ka tleirawl ve lai zawng zawng inzirnan ka hmang zo a ,thiante nena han lenchhuah a han intihhlim te hi ka chak ve leh hnuhnawh.Tunah chuan thian ti a han sawitur pawh ka nei mumal ta lo.


"awi ihmaw ...lawk ibulah kalo eive dawn" tiin atho thut a ,pawnlamah hmanhmawh zeta chhuakin a eitur a rawn chawilut leh.
Staff te bulah Doctor tia min ko lo tura ka hrilh avangin ka hming pangai hian min ko mai hlawm a ,staff zingah kei ai a nau pahnih Azuii leh Nunui tihloh hi chu kei aia u vek an ni ,anni pahnih hian min u a midang ho hi chuan achangleh dindin mintia ahmun a zirin Doctor tih te pawn min ko ve tho.





"U Remruata saw maw ahma chuan doctor a zir ve thin asin" ka hriat chak em em chu a rawn sawi chhuak ta nawlh .
"Tinge Mistiri anih daih a ?" Ngaihsak hmel lemloh deuh chuan kan ti a ,ka rilru erawh in 'sawi zel rawh' ati mawlh mawlh.
"Kum thum kha azir ve in ka hria anihchak ber pawh ani thin mahse a zawm thei talo a ,achhanchu sum lam an harsa ve sia .Apa a damlo chho a ,anau zirlai vetho ala ni bawk si nen zir zawm tawhlo in alo haw tawp alawm .Anau in zirna zawm zawk se atia amah chu a rem rem ah a inhlawh chho a ,mahse kan khua angah phei chuan inhlawhna te hi avang sia maw .Apa thianpa thing mistiri hi a zui ngar ngar a ,chuan engemaw training te aneih leh hnu ah dawr khu ahawng ve thei chauh alawm." Athusawi chu ngaihnawm ti zetin kalo ngaithla a ,doctor hial zir pha chu zirna lam athei fû tihna ania .A rilru ana ve viau in ka ring ,chutih rualin apuitlin zia alang a achhungkua ahmangaih zia alang bawk.






"A naupangchhe zawk zawk tawh awm silo a tinge nupui ala neihloh le ? Nge anchhungkua anla harsa deuh ami ?" Ka ti sep a , " harsa tawh lutuk hranlo ang ,anau pawh Aizawlah inhlawhin a awm ve reng tawh a Car zawrhna angah hian Manager angin a awm ve tawh in ka hria .U Remruata saw chu maw nupui neih lam angaihsak lo ve hrim hrim tawh zawk aniang .Duhtu ala ngah in ala luck tehmai nia aw.E taka apa damlohna vel vang hian sum chu an hmang ve nual tho maithei " ati deuh luam a ,"bialnu anei em ?" Ka insumhmanlo in ka ti chhuak thut .



"I star ve deuh chiang lutuk" ati ta chat reng a "nia pa chu ka ti" ka ti ta ringawt.Ka ti tak tak reng ,nizan ah pawh ka muttheihlawk chhan pawh Remruatfela ka ngaihtuah vang vek .A tawngduhlo leh lutuk te kha pa ka ti daih a,achanchin ka hriatchian hnu leh lek ah phei hi chuan engtinemaw tak hian min khawih tlat.


"Ho lutuk keini pawn pa kanla tia lawm ,kan thiannu pakhat phei chuan "ka thihchilh duh hial ang" te pawh ati thin.Mahse nula lam angaihsak lo a ,bialnu phei chu aneilo nasa ang" a chow thial tuam tuam pah chuan ati leh a ,kei kalo thaw huai mai ..aaa ka va zaklo tak a .
Kan tawngtui lutuk a keiphei chuan eng tham mah kalo la ei ve reng reng hleinem.








Damlo ka enzawh hnu chuan inlam panin ka haw a ,ka veranda zau lutuk lo a U Remruat'an hna alo thawk mawlh mawlh chu ding meuhin ka en vang vang .Azuii thusawi kha ngaihtuahin ka khawngaih ta ngawih ngawih .Keichuan ka châk em vang pawh ni miahloin Doctor ka zir thei a ,chupawh ka pa in zirtura min duh vang chauhin .Ani erawh achâk ngawih ngawih pawh zirtheilo in a awm ania ,atan phei chuan nun hi afairlo ngawt ang .Mahse tihian mi tamzawk te phei chuan an thawh peihloh tur hna thawkin sum ahailut a !




"Zodin ilo bang tawh elaw " pa Muana'n a rawn tih lauh chuan insiamtha thuaiin "aw " ka ti vak a ,inlam pan chuan ka pen nghal thuai.

"In hah tawh awm inva thawk rei ve " tunah dar 4 a pel tawh a ,ban ahun tawh viau sia.




"Nia hei Remruata hian naktuk a hna zofel thei tur law law in thawk ang ati deuh tlat a ,i insên hnem loh dan tur angaihtuah anih hi" a dara ben nghauh nghauh pah chuan ati a ,"ka va lawm ve aw " ka ti sep ringawt.
"U Remruat khum chu zanin hian inlo dah thei angem le ?" Ka ti sep a "thei mai ang" a ti ve dut .

"Anihchuan in thawhzawh ah law law mi hlawh vel kan inpek ang ,tunah pawh ka pe thei tho che a " ka ti ban charh a ,kalo ngaihtuah miahlo a apa damlo nen sum anlo harsa ve thei viau mai .





"Hnazawh lamah " tih te a min chhangin a thilsiam chu inchhung lamah a kenglut zui a ,Pa Muana nen kan zui lut ve nghal zat. Thlanglamah chuan chhuar mawi zetin anlo siam diam tawh a ,choka lam erawh anla peihlo deuh anih hmel .Ka duhdan akhirh hranlo bawk a siam harsa anih viau ka ringlo chungin mawihnai ka duh ve tho sia thawh pawh ati buaithlak ve deuh maithei bawk.






An haw theih meuh chuan khua athim tep tawh achau viauiin ka ring ,zanah te khan khum lo dah turin kan ti ringawt a ka va â tak .Mahse Nu Madini khan naktuk tlai velah ka awmpui tur kha alo insuan lut thei mai dawn ati leh ta reuh sia ,matress vel ngaihtuah angai dawn nen buai chung chung lo turin ka inhmakhua ve angai atin ni.Hmuh pawh hmu hmasa lemlo in awmpui kala ve ngawt dawn a ,mahse nu Madinin a fel ati bawka ka ring thlap .Mi afak mai mai kala hre tlatlo a .







Hmanhmawh zetin ka ineipuar thuai a ,invel tihfel leh nen rawngpawh bawl pangai loin noodles ka chhum deuh tawp.
Ka inbual leh te te a ka hnungzâng kham lutuk pawh tuisa tha zeta inbual chuan azia sawng sawng mai .Nilenga han thut hi chuan mawng leh hnungzâng hi kham duh tak ani.

Pawnlamah motor thawm ka hriat rual chuan ka tlanchhuak thuai ,pickup hian arawn phur chu niin .Aman akhalh a ,midang tumah alo hruai lo reng reng ,akhum bera pawh chu ka hmu chuanglo .





"Khawnge khum chu ?" Abul ka thlen chuan ka ti hû,motor atanga rawn chhukin ahnung chu ahawng a thing lo let bal chu ka hmu ve chiah ."ka zo tawh iti sia " hrethiamlo zet chuan ka ti a

"Room ah kilhkhawm in a awlsam zawk a " tha deuh chuan min chhang ve mai ,ka hrethiam ta uarh mai .Khum ang tak tak hian a rawn keng dawn emaw ka lo tih vang ani.




"Kalo kenpui ang che " tiin a zâ te chu ken kalo chuh ve thuai a ,min hnial lemlo .Ka theih anga tam chu kan keng ve bawk a a ken nen phei chuan in tam hleih tak ani .
"Vawikhatah ken teuh angailo" ti thum dutin ka kensa tlawn hnih ngawt chu min laksak in akenturah adah hmak . "Hmanrua te lak leh tho angai dawn a vawikhata kenzawh vek theih ani chuanglo" pangai zawka ti chuan akal zui a ,atawngkam kha abul mah mah ati ve deuh ani maithei .



Room a kan indah fel hnu chuan amahin la turin akal leh a ,keiin kalo nghak tawh mai mai thung .
"Lo awmsawn la " a dahna hmun tura kalo thu chu arawn ti dam diai mai ,atawngkam ka hriat tawh ah ala tawngdam ve ber aniang.


"Ana " ka kut lasawn in ka kun ngar ngar ana lutuk chu ka mittui arawn hnam nghal tiam tiam ."ka ..ka tihpalh "ati ri chu ka hre ruai ruai ,anat zia mai chu amak zawk!Puih phet ka duh vangin a perek kilhna tur zawnah kalo dawmpui a ,ka kutzungpui ah a chhu chiang lutuk .


"A..apawilo" harsa zet chuan ka ti chhuak sep .Ka mittui lo luang mai tur chu ka kawrban in ka hruzui thuai .
Inthiamloh hmel zetin ka kutchu alo la melh ngur ngur a.
"Hei..ka tha ana vak tawhlo " ka ti leh nangin ka kut chu ala melh ngur ngur tho .Adik taka sawi chuan keima thiamloh zawk ani ,puih angaihloh thu asawi pawn puihluih phet ka tum a .A ke a kilhna tur lai kalo vawnpui a,ka balance hlauhin ka kut kalo tiche palh ani.Che lo ilang chuan min chhu bik miahlo ang mawle.A inthiamlo hmel chu akhawngaihthlak zawk .





"Kalo en ang "ti supin ka kut chu zawi muang hian alamah apawthnai a ,ahmu chiah chu athaw chhuak hawk .Ka tin chanve dawn chu thisen tlingin a ti duk vek ,achhu na ve bawk em a.
"Ana tawhlo a reh leh mai dawn alawm" laklet tuma ka tih chuan ka kut chu pawtbet tlatin zawite hian a nuai ne ne a ,a khawih zawng chuan na ve det mahse hrehawm ani hranlo .




"Apawi hle mai " ti thawp supin a chhem zui heuh heuh! Achezia chu hmuhnawm ka tih em vangin engmah ngaihtuah loin kalo en reng a ,achangin ka kut nuai chung chuan athaw leh hawk thin . "U Remruat apawilo ,hetiang te chu a reh leh vat mai dawn alawm,bakah kalo chet vang ania ithiamloh ani miah lo ania aw " ka ti nawn leh ta tawp.
Hrehawm ati leh lutuk chu keimah zawk hian hrehawm ka ti tawh zawk






Ka kut chu zawi te hian ka la let a ,tunah tak phei chuan anuai na vang nge a na tawh miahlo ! A duk pawh kha azia deuh in ka hria !
"Ehe ana tawh miahlo mawle " mak tih hmel zeta ka tih hluai chuan alo khi ve suk ! Lalpa tun a akhisuk inhmeh zia kha .





"Ih..thingpui kalo lum ang che aw ,pui lo che ila i che rang zawkin ka hria " ka sawitur hrelo chuan kan ti ringawt a
"Angailo ,tikhan lo thu mai mai rawh" ti supin a thilkhawih lai chu akhawih zawm a ,'nakin ah ka lum sak tho ang' ti rilru chungin a sirah chuan ka thu ta hle hle.


Show post links
Top

[Ngaia]

*ZûNLêNG* ch~3








Reilo ah khum chu a remkhawm zo mai a, a zâ vel pawh akilhbet nghal vek bawk .

"U remruat thingpui chu i duh em ?"


"I kut chu ala na em?" Ka zawhna chu zawhna bawkin min chhâng daih!
"Ana tawh lo ka tih kha .." ka ti sep a "keipawhin 'angailo' ka tih kha " ka awki ang chiah a sawiin akhi tel suk ! Ava nghal reuh tak .




A hmanraw rawn ken ho chu a bag ah akhungkhawm a ,bag a lenglo alian deuh chu akutin a keng thung.Haw nghal mai atum emawni ?
"Ih matress vel leina tur hi i hria em ? Arang lamin ka mamawh a " ka ti a ,naktuk zing lamah Pa Muana ka zawt ang ka ti nângin amah biakna remchang ani nghàl mai.





"Awm ang " ati sup a ,"khawiah?" Kalo ti ve zat .


"Kâwnah khuan an zuar ang " ati leh nghut .Nichin ah te kha chuan akhi ve suk suk asin le ,tunah chuan atawng leh nghut nghut tawh.
"I mamawh nghal ami ?" Ka chhân hma chuan ati leh sup .





"Umm naktuk atang awmpui ka nei dawn a ,tlai lamah rawn inthiar lût dawn mahse tihfel vat ka duh a" ka ti ta luâm.
Chutah a ipte zenin aph aphawrh a ,khawih zui mual mual in abengah a tinzawn nghal.A chetdan chu ngawirengin kalo en tawp .





"Aw NuZo ft.4 khum atan matress in kawl em ?"ti thum dutin angawi zui a "awle " ti lehin a ph adah zui a chutah " i duh chuan ka lampui ang che an dawr anla hawng anih chu " min melh in ati leh sup .
"Ah ..aw ka kawrlum kan ha lawk ang aw " tih bak nakin ka hamhaih bawk si chu kawrlum la turin choka lam ka pan daih a ! Ka room lamah ka tlân lût leh nghal thuai .




"Kal ang le " abul ka thlen leh ruala alo tih chuan bu nghutin ka zui thuai .



Ngawirengin motor ah kan chuang a ,engvanga min buaipui nge anih ang? tih ka ngaihtuah rauh rauh.Ka kut a chhut vang khân ala inthiamlo deuh anih ka ring a ,mahse chu ringawt pawh chu anitheilo hnathawk tura ka rawih vang te pawh ani mahna .





Dawr kan thlen chuan amah vek in dawrnghâk tu pawh abia a ,matress man te kan inpek fel hnu ah ka buai tel ve ngai miah lo in amotor hnungah ahlâng leh nghâl vek ! Pawisa pe tur a ka purse ka phawrh tih loh chu engmah tih ka nei ve lo .A motor vek chuan kan inphur haw leh .



"Ipa kha enge a an tawh ?" Kan tawnglo dun lutuk chu atawnghmasa zawkah ka tang .


"Azia tawh ,atha leh vat turah kan ngai " ati sup a ,kawngkawi ulh lai deuh kan tlan dawn chuan horn ape zui zat . Lehlamah chuan apa kha Cancer mah nise a stage ala sâng lo a ,chemo khai te ataksa in a zawh chuan dam lehna chance angah viau.


Cancer patient tam zawk hi chu an cancer tih an inhre har thei lutuk a .Na emaw insawisel na deuh an neih in inentir vat se chuan damlehna chance pawh an ngah thei deuh.Han damlohna leh natlawkna em em pawh neilo te chu awm ve bawk mahse atlângpuiin taksa a diklohna awm ,ngaihsam leh lutuk doctor râwn miah lo a palzam mai mai hi an tam lutuk ringawt .An han inentir ve meuh hi chuan cancer hrik kha alo try darh nasa tawh thin a ,an thihpui leh nge nge thin .Ngaihsam lutuk pawh hi ani ber thinlo.





"La awm hrih la " room ah matress kan dah zo chiah a ,la haw mai lo se ka ti viau .Mak deuh in a tawngduhlo viau chung hian abula awm nuam ka ti tlat !
"Ih..thingpui te chu iduh tawh lo mi " min melh tâk ngur ah chuan ka ti leh ta ringawt a .Sawitur dang ka hre hlawl hrihlo . "Han lum la " khisuk chung chuan ati ve ta sup. 'Zanin ah avawi thumna ' ka rilru in kalo ti leh hmanhmawh ."aw lo thu rawh aw ka reilo ang " ti chungin choka lam ka pan a ,minlo zui ve in tuidehna ah akut asil te te a , chair pawt chhuakin choka ah chuan a rawn thuve zui .




Ka che reng reng chu ka khawr tut mai ,thingpui chu no hnih ka lum a .Inchâk hranlo mah ila amah chauha in hrehawm atih ka hlau a ,engvanga ngaihtuah em em nge maw ka nih le ?
Thingpui chu tak ngelh ngawlha siam in abulah ka thu ve a ,ka lum chhung zawng khan a ph te alo khawih ve ka ring a akhawihlo reng reng! Ngawi rengin alo thu ve tawp .




"U remruat Mistir hi kum engzah nge inih tawh ?"


"Kum li" atih chuan "ivan senior tawh" ka ti chhuak phut a,anui zui huk ! "Ih i upa tawh e ka tihna nilo in Mistiri ah chuan i senior ve tawh nih chu hei i hrethiam em ?"


"Ka upa tawh lawm " ti chungin anui zui a ,anuih hian ahmeltha ka ti .Mipa hmeltha tak han tih tur ani miahlo ,ango hranlo bawk mahse apa ngawih ngawih ,a vun rawng te hi a inhmeh .Hâng deuh han tih tur ani miahlo ,mahse ka sawithiamlo amah hi a fuh vel vek .





"A thlum mah mah em ?" Ka tih chuan alu athing mai a "tinge min i van tawngduhlo em em ? Biak ka hrehawm ami?" Ka tih leh chuan â min tih hmel zetin min melh a "hrehawm loh e" ti chungin anui leh mai .Zanin ringawt hian anui tam ve ta phian in ka hria .

"E taka hmanni a minlo pui kha ka lawm lutuk aw ,athisen kha achhuak nasa bawk sia ka hlauthawng ve hman reuh lutuk a " ka ti sep a ,ka thingpui ka inzui zat .




"Umm i huai hle mai " ati daih ! "Engti zâwngin?" Amah melh kiau chung chuan ka ti a ,athusawi leh tur ngaichâng rûnin ka melh vang vang .
"Drugs addict ania " atih chuan asawi awmzia ka hrethiam ."Nangpawn min puih ve tho kha "

"Keichu adân adang alawm kha tlangval kha ka hrechiang a " ti supin thingpui a inpah zeuh."Umm HIV akailo tihna mi ?" Ka tih chuan abu nghut a ,"Thil hrechianglo a thusawi hi kan hrât a ,mi sawi apiang dik ni a lo ngai lah kan tam " ti supin a chawl dat a ,thaw hawkin ano ken chu abih zui vung vung a "ka haw tawh ange " ti thutin a tho zui nghal .




"Naktuk chu inah ka awm ka ring ,OPD ah ka thu dawn lo a .Ward ka round zawk anga abak chu inah ka awm ka ring .Chhûn hmeh ah enge duh inei em ?" Ka ti a ,"engpawh apawilo" tih pahin pawnlam apan zui a ka zui ve nghal thuai .

"ka lawm lutuk aw ,min pui nasa si" ka tih chuan abu nghut a ,amotor ah lût zuiin "anih le ?" Ti supin amotor ati nung zui nghal , ka mangtha na chu a hrezui kher lo ang .




U Remruata thusawi chu muthmunah ka ngaihtuah zui neuh neuh a ,kan tana tangkai tur nimiah lo kan hlawkna tur pawh nichuang lo hi kan sawi peih thei lutuk a .Mi chanchin tha lam aiin achhelam phei chu kan sawi peih zual .Mi thiltihsual hrethei deuh ,mahni tihsual hre duh leh miahlo te kan awm a.Kan thiltih that chhuanga auchhuahpui lah kan tam ,kristian ram inti si ah mipat hmeichhiatna a kan fihlim lo lutuk te hi inenfiah kan ngai .Pawmlai nei reng si mahni kawppui te duhkhawplo hi mipa chauh pawh an ni tawh lo ! Hmeichhia ah pawh kan tam tawh lutuk ringawt .Inenfiahna tur kan ngah hian ka hre thin .






Zing dar ruk ah tho in ka inphihfai zawk zawk a,bazar tua chhuah tumin ka inthlak leh te te hnuah ka nu leh pa te reilo te bia in ka chhuak zui a .Vawin chu ka hman bawk a eitur chah ringawt lo in ka thiam zawng pancake siam ka tum ve ngei ,U Remruata'n a ei duh angem phei chu ka hre hranlo .
Rawngbawl thiamlo viau mah ila cake ur leh pancake tihvel hi ka siam thiam ve deuh a ,kumtir lam khân tihtur em em ka neilo nen inlamah ka zir ve nasa thin .

Atir kha chuan ka pa in Mizoram lama awm tawh tura min duh vang hrim hrim in ka haw a ,private vela thawh tum a ka inruahman laiin tian Sawrkarah contract in ka lût ve thei hlauh a ,hna zawn buai leh em em ngailo in a awlsam phian mai .








"U dindin i bazar elaw ?"ka thil khai ho en chung chuan Nunuin a rawn ti a ,"enge itih a ?" Kalo ti zui ve zat .
"Ka chawhma dawn a ,ka kal dawn chiah a hei saw ti lai lawkah sawn kan in a awm nakin ah lo la leng rawh aw " tiin an in lam chu akawk a ,akhawi ber nge an in tih erawh ka hrethei chuanglo .

Duty inthlak hun a hnaih tawh vangin ahmanhmawh deuh chuan "Hospital ah kan inhmu dawn nia " tiin min kalsan a ,keipawh haw chu hun tawh ni .Ka hawi ka hawi a U Remruata dawr awm ang lah ka hmu dêrlo lehnghal .Kâwnah dawr anei an ti emaw ka tia ,nge kâwn pawh hi alo zau viau zawk pawh ani maithei .



Rawng kala bawl lo nen ke a haw lo in Rickshaw ka la a ,scooty emaw tal kawl ve chu ka ngai ani .Inlama kan kawl khu ka pa la dil ilang atha ang .Ke a veiva reng chu aninawm tlat .





In ka thleng chuan siam awlsam deuh ka siam zung zung a ,ka ineifel zawhah ward roun tumin ka thawmhnaw ka thlak leh a .Inbual tawh hranlo in kawrfual haknuam zet ka chawn thleng vel chu ka ha a ,khua alum lutuk tawhlo nen inchei vel pawh anuam tawh .Hospital hnaih viau mah ila damlo hma a zahawm lo taka lan chu ka duh chuanglo ,kan thawmhnaw inbel dan hian minti zahawm a mithenkhat phei chuan kan mize teh nan ber an hmang thin .Makeup ka hman thuak hnuah ka sandal chu ka bun tawp a ,ka kezungpui tin a nailpolish hnawih lo khawk deuh ka hmuh chuan ka nernawk ava nalhlo mai mai tak .Ka nailpolish inhnawih berkher lah ka nu ta kha ania ,han hnawihbelh mai turin ka kawl bawk silo nen a awm awm a awmtir loh chu tihtheih vak a awm chuanglo .






"Kalo kal" ti vakin kawngka lam hmanhmawh zetin ka pan .
"Lo lut la " U Remruata ka hmuh chuan ka ti nghal zat . "Pa Muana a hman dawn silo a ,midang ilo hruai bawk silo a " nizan ah Pa Muana Aizawl lamah akal deuh thut a ,a thian tu emaw a boral ani awm e ,message khan ka hrilh sia midang alo hruai ve mai ka ring asin le.

"Keimahin ka ti thei alawm " atih chuan ka ringhlel lo ,ahah phah viau ka hlau zawk "abuaithlak loh mi " ka ti leh hram. "Buaithlak loh " tih zawngin min chhang a






"Ward round ka ngai sia nangmahin ilo awm hreh em ?" Ka tih chuan khi deuh suk hian min melh a "Hrâng hlau rual ka ni tawh hleinem" ati ta kher ! Hrâng lam ka sawi tawp silo
"Anih kava kal ange " tiin ka ph ka ban a ka chhuahsan zui ,a awm awmin lo awm ve hrih mai rawh se .




Nizân lamah admit thar anlo nei a ,serious deuh lo hi chu min rawn hrilh hre kher ngailo .
Admit thar chu ka check hmasa ber a ,rannung seh emaw typhoid bawk anih leh ka ring ,a thisen te test tura ka tih hnu ah midang ho ka en leh a .Pathum chu ka chhuah zui ,a rei berah kar hnih aia rei hi chu heta kan admit an nih chuan an awmlo tlangpui .Kala awm rei vaklo chung hian ka awmchinah mitthi anla awmlo a ,refer ngaikhawp erawh pali vel dawn chu an awm tawh thung .






Damlo ka en zawhah paper enfel ngai te ka enfel leh a ,"Nunu ka phei leh phawt mai ang aw min mamawh chuan minlo call hreh lo la .Chuan admit thar result saw achhuah hunah minlo hrilh dawn nia " tiin inlam ka pansan a .

In ka thlen chuan U Remruata pawh alo thawk mawlh mawlh tawh.
"U Remruat pancake kan siam ang aw " phûr zet chuan kan ti a ,aw minlo pawh mai.Ka hriatchian tak chu ahnathawh lai hian a azia a danglam .Tihtakmeuhin athawk ka ti dawn nge a rilru zawng zawng ape ka ti dawn ni ?Han be luam mah ila tawi te te bâkin min chhang ngailo .






Pancake tur chu ka siam mawlh mawlh a ,tlem azawng hawntir tumin ka siam tam deuhhlek bawk.Ka duh anga tam ka siam zawh chuan thingpui ka lum zui a ,aso ka nghah chhungin a thilkhawih vel chu ka en pui ve a ,
"Kalo vuan dawn mi " kawngkhar avuah tur chu mahni chuan aharsa deuh tih ahriat .
"Kalo che tawh miahlo ang " ka ti zui leh ngat a ,khi sukin "lo vuan la " ati zui sup bawk ."Perek ka kilhna tur hlat deuh ah hian vuan la ,lo che hrih lo la " pa in afa azirtir hi kan ang zawk mah ,min chhut leh chu ahlauhhmel ngang bawk .






"I inring em ?" A chhu tur chuan an ti ngei ah ! "Umm" chu ka ti ve tho a ,tumtum ah chuan ka chesawn tawh bik lo .
A hnuailam akilh zawh chuan ka thlah a ,a hna chu athiam ngang mai ,athing hman pawh han pawr deuh lai lawh ka hmu miahlo .






"Ti khân i zo ami "a hmanrua a khungkhawm en chuan ka ti a ,"tihian duhkhawp lohna lai inei em?" Atih chuan ka lu ka thing vat "aih atha lutuk " ti leh zawkin a chhuar siam chu kan hawng vel a ,han sawisel na lai tur reng ka hrelo .





"Thingpui hi inla " tiin athingpui tur ka pe a ,akut sil faiin chair apawtchhuak a ,pancake chu tam ve tak ka chhawp sak bawk .
Abulah thu thla ve in thingpui inve lo chuan pancake ringawt chu ka ei a,pakhat ka ei a ka puar der.
"Engzah nge nidawn ,nangmah i thawhman te leh thing vel man nen hian " ka ti a ,aman inchhiar se tha ka tihzawk rualin a inthlahrun erawh ka hlau viau thung

Reilo te mah la inhria ila amizia tur awmang ka hrethiam tawh ,mi inthlahrung tak ani .





"Sangruk in na iti em?" A tih sup chuan "awihawmloh" kalo ti vak ,min melh nghal vut "ih...ka tih awmzia chu khum te chhuar te i man nen ka sawiawm zia chu ithawk bawk a ,atlem lo mi ?" Ka ti nuaih ,sangruk chuan atlem lutuk.Hetiang lam hi ka hre ve vaklo mahse sangruk chuan kei ngei pawh hian tlem ka ti .


"Apawilo sangruk chuan animai " ati leh a ,kalo thaw hap "U Remruat ,a rate pangai enge ?" Ka ti ta tawp .
"Asiam aharsa lo a " alo ti daih .A sawi awlsam leh lutuk chu ka ngei lek lek zawk .Abuai nen .





"Google pay in pe che ila apawi em ,arem chuan " nizan lamah ka pawisa kawl ang ang ka hmang a ,lak chhuah leh hma chu sanghnih bak kawl ka nei tawh hrih lo ."Pawilo ang " atih chuan zana ka thawn tur thu ka hrilh a ,kal tuma thawhmai a tum chu ka chelheh rih .
Pancake chu ka pack "ka siam hnem sia inlamah eiduh te an awm ve tâkin haw rawh " ka ti a ,tul atih loh zia ahmel ah chuan alang chiang viau ..


"I.."

"Keimah chuan ka eiseng dawn chuanglo a ,midang ei tur an awm tawh silo a" kalo tih khalh zung zung .Thaw chhuak huaiin ala ve ta hrâm.
"Zânah chuan kalo thawn ang che aw "tiin ka thlah liam a .





Inhnawk lai deuh te chu ka ti fai zung zung a,room lehlamah chuan bedsheet te ka phah a ka buai angreng viau mai .


Kawngkhar kik an awm chuan ka hawnsak thuai a ,Nu Madini leh ahnungah chu nula leh nupakhat anlo ding a nula chu Nûtei anih ngei ka ring .
"Lo lut ru" tiin an luhna tur ka kian a .





"Thu rawh u ,in kalo ti fai a " tiin ka hmunphiah chhuata ka kalsan tawl chu ka dahfel phawt a .
"Dindin hei Nutei ka sawi kha nia ,a class kal a rawn bâng deuh chiah a, a nu te hi ibiak duh ka ring a " Nu Madini chuan ati a ,inhmelhriattirna te kan han nei leh te te a .


"Hei Madini hian minlo hrilh a ,Nutei hian inhlawhna te alo duh ve a kan harsa ve hrih bawk nen rem itih chuan ..aa ...ilo awmpui mai dawn em niang kan rawn tia " a sawizawng chuan nuam atihloh zia ahriat theih.Tu nunleh pa mah hian an fate midang ina hnathawkturun an kaltir phal ka ring lo ,sum leh pai ah an harsa ve bawk em a ,hrehawm ati ru ngawt ang.Nisa hnuaiah hna athawk nasa tih hriat takin a kiu chunglam langthei chin chu akiu hnuailam nen inanglo in a in ên hleih viau mai a ,akum phûlo in a vun a chuar bawk .




"Keimah zawk hian awmpui tur ka mamawh lutuk a ,hna hahthlak phei chu a awmdawnlo hrim hrim amaw .Rawngbawl vel kha ani mai a mahni a awm hi ahrehawm ve a .Nutei hi a fel hmel bawk sia min lo awmpui thei se ka lawm zawk ngawt ang "ka ti ve luam a "Nute a rem em ?" Ka ti zui zat .
"Umm mahse engtin nge mutna vel " atih chuan a awmsa thu ka hrilh a ,akum zat vel te leh hriat tur tul te kan inhrilh hriat hnu ah anu te chuan an hawsan hrih phawt a ,a bungraw thenkhat erawh zân lamah an rawn dah leh dawn anih hmel .






Nutei chu kum 18 alo tling vel chiah a,tunah pawl sawmpakhat a zir mek bawk .Kei aiin tlemin asâng deuh a ahmeltha phian lehnghal a ,a room tur ka kawhhmuh hnu ah intifai turin ka chhuahsan leh a .An chhungkaw dinhmun ka hre ve nel nual tawh a an khawngaihthlak khawp mai .Tian a fee vel tumsak ila ahlawh pangai bâkah tlem tala kalo puih ve theih chuan azia ngawt ang .






Rawngbawl pawh alo thiam viau mai a ,helai ka thlen hnu a ka chaw eihnem ber ala niang .Chaw ka eichhuahna ah pawh chawhmeh chu an siam tui thei lutuk mahse midang in anih na laiiah ka ei tam thei ngai miahlo a ,kan in nise chuan ka ei ve nual thin ka ring te hi ka ti mai mai zel.Ka inthlahrun vang chu nitho mahse ,ka hmelhriatchianloh te bulah hian ka eihnem theilo ka puar nghal zung zung zel !


"Nute thleng hi chu kalo sil ang aw " ka tih chuan min hnial nasa ,awmpui chhawr ang tak tak chhawr ka tum hranlo rawngbawl vel alo tihtheih chuan atawk lutuk tlat .






Zanah chuan anute chuan athawmhnaw mamawh vel tur an rawn dah a ,rei an awm hmanlo inlamah naupang an kalsan vangin an haw leh thuai .Nutei pawh ala tlangnel lo khawp mai ,chhuat nawh te atum thûl lehkhazir tura tiin keipawhin room lamah ka luhsan a,thil hrechhuak thutin ka ph ka phawrh nghal zat .





Gpay ah Uremruata chu sangriat ka thawn ta hrâm .Sângruk chu achhawrtu zawk pawn tlem ka ti .


Ka ketin ah nailpolish thar ka hnawih lai chuan ka ph a rawn message tone a rawn ri a ,kan en nàk chuan sanghnih Uremruata'n a rawnthawn lêt!
'sângruk chu atlem emai ' tih thawn telin ka thawn let leh a . Balance a incut thu ka dawn rual deuh thaw in 'a tlemlo ' tih rawnthawnin sânghnih bawk chu min rawn thawn let leh ! A tihloh zawngah chuan anawrluih theih bik dawn miahloh anih hi .






"U remruat anuamlo e" tih chu ka thawn a




"Nuamlo ti suh" tiin min rawn chhang ve nghal




"Min pui nasa bawk si "a reh tâk vang vang ah chuan "naktuk lam enge i tih dawn ?" tih ka thawn leh ngat a ,Gpay ringawt a inbiak chu ninawm viau mahse ka mi biak in azir ve em a anuam ru chem chem .






"Dawrah hna ka thawk ang " tiin min rawn chhang a .Gpay a chhâng tawh lo in ka out a ka call nghal zat ,zaktheilo minti maithei keipawh ka inti mahse ka be châk tlat .







A ring ral dawn tawh emaw ka tih hnu a aw hriam hrakin a "hello " a rawn tih chuan ka rizai in ka hmui ka hup a ka te vak ."ka nb hi lo save rawh aw " ka ti sep a ,ka tawngkam te chu uluk tak ka ni .
"Ka save tawh lawm " a tih thawp sup chuan ka nui ver ver


















# website ah hian ka apps hman thin ka uninstall vangin ka ziak a ,ka zawh tep hnuah ka delete leh palh daih a ka ui lutuk ka rawn ziak leh tho a mahse ka uluk hman tawhlo a ka check hman tawhlo ,zanin chu minlo chhiar uluk loh sak mai teh u .Zirtur kala nei sia ka hman tawh lo a ,in peih phei chuan minlo share sak ula ka lawm ngawt ang.


Show post links
Top

[Ngaia]

*ZûNLêNG* ch~4


{She fell first but he fell harder}





"I status ka hmu ngai lo em a " awmze nei zet chuan kan ti a "ka nei ngailo lawm" a ti thum leh dut.Nei tuarh thin se chuan amak zawk ngawt ang chu .
"Anih leh ka lawm lutuk ti mai teh ang " ka sawi tur hrelo chuan ka ti ta tawp a "ok"tih bakin min chhanglo .Keimah zawk chuan call ka ti tâwp ta ringawt .Engemaw tal sawitur hreve se la biak ka châk asin mawle .






Mut tuma ka intintuah laiin ka pa in minlo call a ,ka û lo haw thu leh zân riaka an rawn kal lawk tur thu a rawn sawi .Remchangah la in scooty kawl ka dîl chuan alo phal ve mai bawk .U Ruatruata lo haw tur thu te chu ka hrelawk daih tawh a ,thil min hawn turin ka chah uluk viau .Zirna vângin hmundangah a awm nasa a ,kum khat chauha inthlau kan nih vang hian U Muanpuia aiin kan inpawh zawk .U Muanpuia hi chu kei aiin kum nga dawnin a upa a,min duat lutuk chung hian zahawmna khup hi anei reuh a .Thurâwn lâk nan atha viau thung .






Zing ka tho choka a ka lut chu ka phu thelh ! Mahni a awm emaw ka inti leh thut ani . "Rawng ibawl tawh dér elaw " tui inpah chuan kan ti a ,nui sen sen hian "iduh zawng ka hre silo a a awm awm kalo siam ve tawp"


"Apawilo engpawh ka eithei ,i duh duh siam thin rawh " ka ti a ,a inthlahrun ka hlau viau."zing thawh hi ka theilo lutuk a ,nidangah chuan ka pui tawh ang che " tiin dawhkan a achawhmeh thenna vel chu kalo paihfel pui a .





Ka pa te chu tlai lamah an rawn chho dawn chauh anih hmel ,kan upa ber lo kal tel ve aduh vangin an rawn zingkal theilo a mahse tlânchhung a reilo nen apawi ka ti hran chuanglo.Mahni inlamah awm tlem viau mah ila mahni in nge nge hi chuan min hîp a,tin ka chhungte hi ka ngai viau bawk .Tleirawl hlim ata ramdangah kan awm tam a ,chuti chung chuan mizo nundân phung hi kan ngaipawimawh .Entirnan chaw ei nan a kut ngei hman te leh buh ngei ei te adang pawh ala tam .Keini ber in kan tih loh chuan hnamdang hian min rawn tihsak dawn lo reng reng ,heng thil holam tak tak a kan ngaih te pawh hi hnam chawinung na zel ani .






Damdawiin a ka awm laiin ka pa ten minlo phone a ,anlo thleng tawh ani awm e .Damlo an tam hranlo a ,minlo ph lai tak phei chuan Casualty ah thingpui kanlo in mai mai tawh zawk .Muangchang tawh lo in inlam ah ka phei a ,ka quater kawta Motor 'Thar' nita in ka hria la thar tak mai lo ding chu thaw hapin kan en a ,a kiangah chuan ka pa scooty alo in hûng ve rân bawk .


"U Muanpuia'n motor thar anei nimaw " kawngkhar namhawn pah chuan ka ti lût thawr a ,ka nu leh pa te chu ka sitting room zîmte ah lo thu in ka ûte pahnih erawh choka lam atanga rawn dâkin "amawi em " U Muanpuia'n a rawn ti sup a kalo ner nâng .A duhzawng hi chu a chhuah lo ve ania.






"Mate lo thu la " ka pa in a rawn ti dam diai a ,kum upa lam an ni ve tawh a tunhma anga chet zung zung pawh an harsat ve tawh .
"Pa inlo kal tehthut e ,kartawp hian lo chhuk zawk kalo tum a e taka nu awmpui chu ka la tawh asin Nutei ania zirlai fel deuh mai " ka ti nghal zung zung a



"I tan pawh a awlsam phah zawk ang ,duh leh hlawh vel chu kan rawn tum anga " atih chuan kalo hnial vat " angailo hlawh ka nei tawh dawn alawm ,bakah han hautak tur engdang mah a awm chuang hleinem " ka ti a ,ka ûte pahnih chu thenthu hian kan bulah an rawn thuthla ve

"Nautelem khalha i tlânkual na ala reiloh nen hlawh min neih khalh ta dêr mai chu nia ka va zak ve " ngei zetin U Ruatruata chu ka melh hrep.
Engineer ania ala zir chung pawh hian hlawh anei nual tawh,an hlawh leh ka hlawh te chu khaikhin chi pawh anilo . "Min hmusit anih kha " ti fiamthu in ka titau der a ,a lawm ber ber ah anla tang zui .







Ka pa in tûnhma a athawhpui thin hi he khua ah hian anlo awm ve reng a ! Engtin tin emaw anlo inzawng chhuak aniawm e ,zanriah chu ka pa thiante inlam ah chuan kan ei dawn a .Nutei chu sawm ve mah ila aduhloh piah lamah an inlama riah lawk aduh thu a sawi a kalo remti mai .Keipawh minla nêl loh laiin ka chhungte an rawn zin nen nuamlo ati dawn lutuk .







Ka pa thianpa te inah chuan zanriah kîlturin kan kal ta ngei a ,khawtawntirh lamah anlo awm reng a an inhmun te lah chu a rem em em mai lehnghal .
"Hei infanu hi kanlo fak khawp mai ,biak anuamin atawngkam a dam mai sia " tia Pa Hmunsiama'n ka pa hnena atih chuan ka pa chuan chhuan hmel tak hian min melh a "apang ber ania,hriatthiam te hi ala ngai viau zawk ania" ti mahse ahmel ah chuan min chhuan zia alang vek thei . "Inlo awm hlauha ngaihpawh atha ta deuh ,nula te ala nia ngaihtuah ala na ve angreng a" ka nu pawh chuan a ti ve siam siam a "a duh hun hunah chaw te rawn ei se innelna zel ania " a nupui zawkin tiin ka u te lam chu abe zui a ,titi an avawrh thiam bawk a ka u te thlengin athusawi an ngaichang thup mai .






"U Lâte kalo sil ang " tiin thlengsil chu ka chuh a "nidangah ila sil ve zawk dawn nia " nui chung hian ati mai a ,apron awrhin a ti nghal zung zung .Mahni in lo ah chuan chet ahar ve bawk si ,nula ni ve uaih tawh engmah ti lo a lo thut veng veng ka hreh ve tho bawk si chu abulah ngawi rengin kalo ding tawp .

U Lâtei hi Pa Hmunsiama te fa zinga a upa ber ania ,an unau hi hmeichhe pali ngawt an nia.A naute ho chuan pasal an nei vek tawh ,amah hian la neilo in fa apawm ve a kum nga mi vel chu ani tawh .Tûnah tak erawh apa te inlamah chaw a ei ani awm e .Tian an eizawnna chu Pa Hmunsiama pension hlawh leh an ran vulh vel hi ani ber mai a ,Nu Lawmi an nûber te ho nen member pali chauh an cheng .






"Dindin ,thenawm tlangval saw i duh mai lo mi ?" A thlengsil thulh miah lo a a rawn tih thut chuan kalo nui mai "min duh ve tawh nang" kalo ti fiamthu ve a
"Akhaia nang kher hi chu nula man to ber pawl ini ang chu mawle " atih chuan kalo ner nawng "awihawm loh " ka ti vak .





"Tak tak a ,thenawm tlangval chu maw akhawngaihthlak asin nupui te kha neih a tum ve uaih tawh tih ah apa damlohna vangin an thulh leh rih a mahse aneih leh mai ka ring ." Atih chuan "ava pawi ve " kalo ti ve sep .
" Nia mahse tunhnai hian nupui aneih tur chungchang vel an sawi thawm ka hria ,inlên chilh ve viau mah ila han zawh dawt hi ahrehawm ve a .Mi sawi ka awih chhan pawh abialnu ve deuh thin kha tunlai hian an inah sawn ka hmu leh nawlh thin a " atih chuan ka lo um e liam mai .






Puitling ho ti ti kara ka awm peihloh vangin veranda ah ka thu chhuak a ,U Lâtei bawihpuia hruai turin achhuak a U Ruatruatan akalpui .Kalve châk viau mah ila scooty a an kal vângin ka leng ve tlatlo .

U Lâtei te thenawm lam chu ka hawi a ,kawtzawl an nei zau ngang mai .An in awmdan te chu a rem phian ka ti mai kawtah chuan thutna vel thing hmanga siam ni awm tak hmun thumah a in hûng a ,thlai nge pangpar ka hmu chiangthei chiahlo a inphun far bawk.In lian tih tur ani miahlo mahse a in awmdan te chu a zahawm ru reuh.Hmanlai sâp ho in a an sak te pawh a ang zawk .






Chutia kalo thlir veng veng lai chuan mipa khat hi inlam pan chuan akal a ,ahnunglam zawng atang chuan ka hriathnu ang ka ti viau mai .Chutah engin ahmai chhun zawnga ahawi chiah chu ka thukhawng deuh ut 'U Remruata maw ' ti sepin ding hluaiin an inlam pan chuan ka pen phei ringawt.
Ka duh theilo! Heihi an in anih chuan U Lâtein asawi kha amah hi maw ?






"U Remruat " inchhungluh tuma kawngkhar avuan tawh chu atawp chawt ."Hetah enge itih?" Min hmuh rual chuan ati sup .
"Ih nupui...nupui i nei dawn ami ?" Thildang ka ngaihtuah theilo .Nupui neitur anga ka dah khan ka hlauthawng a ,ka thinzawn hi ana veng veng hialin ka hria !

"Mawh..nupui inei dawn ami a ?" Ka ti nawn leh ngat a ,a kekawrah akut zen lut te te a "engtin nge i hriat?" Ati sup a ,ka nghing dawt in ka hria .
Ka kut te chu a hik mup mup a ,U Remruata hi ka duh tih inhrilh chuan leh ka ngaitawh lo .Hetiang kawngah hian tawnhriat ka neilo viau chungin tuntum chu keimah ah achiang tlat.





"Anih chuan adik tihna maw " harsa zet chuan ka ti zawi sep . "Ava lawmawm ve " ka ti zui leh sep a ,ka rilru chuan 'kumtam tak hnua i mipa duhve hmasak berin nupui anei dawn ' tih min rawn hrilh nawn tluk tluk thung .

"Nupui ka nei dawn lo ,khawi atanga i hriat nge mawni " thle nghut chunga atih sup chuan ka melh nghal haw "tak tak ami " la awih ngam chiah lo a ka tih chuan â min tih hmel zeta min melh chungin "umm" ati chhuak sup .






"Ka zawhna ve thung kha " atih chuan "saw Pa Hmunsiama saw ka pa thianpa ania chaw kan ei a " ka ti zâng vah .Lunglianpui min delhtu lak kian ang mai hian ka zâng huai in ka inhre hial ! Anupui neih chu kalo hlau awm hle mai !




"Anih chu " a ti sup a "ka.." ka ti hman tawk "Kha lam ah khan enge itih ?" Tih thawm ka hriat chuan ka hawi vat a ,Pa Hmunsiama te veranda ah ka U Muanpuia zawk alo ding reng . "Kalo phei dawn " ti let vakin "anih phawt aw " tiin Pa Hmunsiama te inlam pan chuan ka tlanphei nghal thuai ....min chhanna pawh ka nghaklo ,nupui aneidawnlo tih ama kâ ngei atang ka hre tawh bawka atawk hrih viau e .





"I hmelhriat em ni ?" Ka û bul ka thlen rual chuan alo ti sup "umm amah saw maw khum vel ka siamtir kha ania " ti chunga U Remruata te in lam kava hawi chuan alo la ding reng! Kan lam alo melh ding ngur tih ka hmu nghal zat .
Inchhungah alût mai dawn emaw ka tia !


"Umm i hmelhriat tha te anih loh phei chuan mipa hi chu hnaih viau lo mahla apawilo"ti chungin ka kawrlum hâk ka tlânna avanga ka dara liam chu min siamthat sak a ,kalo nuih pui mai .






U Muanpuia bîk hi chuan ka tleirawl hlim ata min veng uluk ka ti mai ,ngaihzawng ka neihve hmasak ber pawh khân ka ngaihzawng pa kha a belchiang nasa ania .Athian kawm thin te thleng khân alo hre vek !'fimkhur tluk a awmlo ' hi ati ve ziah a tunang kum tawh ah amah zawk pawh nupui nei lo in ala awm lel mai hi .
"Lût ila Ruata te rawn haw se ,keini pawh haw lam hnaih atha .Naktuk ah chhuak tlai thei kan ni lo " tiin min kuah lut zui a ,U Remruata va melh leh hrâm ka duh nen min kuah hneh em vangin ka hawi theilo hrim hrim .






U Ruatruata te an rawn thlen chuan U Muanpuian "Haw lam kan hnaih mai dawn amu ka pa ,naktuk lam chhuaktlai thei kan ni silo" ati nghal thuai a ,Pa Hmunsiama'n "Ala hma alawm mawle " atih pawh chuan ka û berin haw atih miau vangin tuman kan hnial lo .

Ka nu leh pate ngei pawh hian ka û hi chu an zah a ,athusawi han hnial emaw pawh an nei ngai pawhin ka hrelo !




"Scooty hi keiman ka lo khalh haw nga .." ka sawi zo hmanlo "atullo" U Muanpuia'n a rawn ti hmuk ! Lungawilohna anei zawk nge ni ?"Dindin a zân tawh emai kan bulah rawn chuang zawk rawh ,Ruata khan khalh haw se " ka nu chuan a rawn ti zung zung .Motor ah chuan lungawilo zetin ka lut nghal hmak .






"Nu ,U Muanpuia hi a sual ve e " abana kuah chialh chunga ka tih chuan ka û hmalam atangin alo thaw hawk a ,ka pa erawh anui mai "I û hian thil ropui deuh a hrilh dawn che nia lo inring rawh " ka nu in atih rual chuan "Nu" hmalam atang a rawn ti hluk .Engemaw ka hriat ve loh hi hriat an nei chiang alawm !





"Kan sawi tawh mai ange ,Mate i U Muanpuia hian nupui neih lam a ngaihtuah ve tawh a " in kan thlen chuan ka pan ati a "maw " kalo ti vat .
"Chhandami kan ina lo lenglut ve zeuh zeuh kha ila hria em ?" Ka nu in atih chuan kalo bu nghut a ,nula lian vaklo ti ila kei ai chuan asang maithei kan veng kohhran ula fanu ani a ,ka û nen hian an inngaizawng tih chu ka hria mahse inneih lam em chu kalo ngaihtuah miahlo.

"Palai tirh an rem tawh a ,kan haw thla anga palai te tir ila nakum lam ah chuan inneih pawh kan ti ve vat turah ngai ang " ka pa chuan ati charh charh a .






"Ka van hre tlai bik " kalo ti hmanhmawh .U Ruatruata'n zawhna aneihloh dânah ahretawh tih achiang a ,ka hre tlai ber tihna anih chu a .
"U Chhandami chu ka hre tho a,mahse U Muanpuia te ang hi chu a duh kalo ring lo a ,thinchhe si mahni thuduh si " ner nang nang a ka tih chuan ka biangah a rawn piai vak .
"Ininawm " ti vakin amal ah ka be thlawp .






"Dindin zanin a i awmdan te kha amawi viaulo ania ,mipa hi hnaih hmasak loh tur .I nihna chelh te ngaihtuah la sawisep te hi ilo kai ang tih ahlauhawm " U Muanpuia'n thutak zeta atih chuan kalo ner nang .

"Enge ni a " U ruata'n alo ti ve nghal zat nangin engmah phei chu a sawi zawm lo .






Nutei khumah kei ka mu a ,ka khumah ka nu leh pa .Ka ute erawh thuthlengah an riak thung .
Muhil theilo in ka let ka let a ,U Remruata laka ka feelings chu ka hrechiang ta a mahse engtin nge ka tihzui zel ang tih ka hrethiam lo .
Ka mipa duh ngaihtuah hian ka chhungte hian min pawmpui kher angem ? U Muanpuia ngat phei chu mahni indahsang mi ani a min pawmpui ka ringlo hulhual .Amah U Remruata pawh hian min duh ve rêng angem ? Zawhna chhansen loh chu ka inzawt mawlh mawlh .



Ka lukham hnuaia ka ph rawn in nghawr dar dar chu kala a ,ka thinphu a rang nghal zawih zawih ! U Remruata !

"Hello "



"I mutawh em ?" Arawn ti zawi sup a




"Aih enge ni " kalo ti vat .




"Zawh duh che ka nei a " atih rual chuan "sawila " kalo ti leh thuai .




Thaw chhuak suai suai in athaw ri pawh ka hrethei "theihnghilh rawh " a ti ta sup ! "Muttui le " atih chuan "aih dah suh" kalo ti tung .Min rawn biak hmasak vawi khatna ania dah mai ka phal lo .



"min zawh duh i nei ami ?" Pangai tak chuan kan ti a ,ka tawng erawh azawi hle .



"Apawimawh lo " atih chuan ka thaw hap .Thu ho te pawh min zawt se ka lawm dawn nen ."anih bialnu inei em ?" Ka ti ta ringawt .

"Nei lo e " ati dam thlup a ,lawmloh in ka khi ta vur vur . "Nangin i nei a " a rawn tih sup chuan hrethiamlo zetin "tumaw ?" Ka ti hâ.




"Zanin ami kha i bialpa anilo em ni ?" A rawn ti ta daih ! U Muanpuia kha ka bialpa emaw alo ti !
"Teuhlo mai kan upa ber anih kha " ka tih chuan athaw chhuak ham ham ri ka hrethei ! Angawih tak vung vung ah chuan "ka bialpa emaw iti chiang " ka ti sap a

"Umm ,ralkhat atang chuan a ang alawm " ati ve ta sup .





"Ka û alawm " ka ti leh ngat a "i sawi tawh kha " alo ti ve zat .Chutah "i mut achhuak tawh ang mu tawh rawh " a rawn ti daih a ,kala be châk asin le .

"Anih leh muttui le " ti ve sepin ph ka dah a ,ka nui zui ver ver .. La biak chak viau mah ila min nin mai te ka hlau a ,ka laka a rilru put dan kala hre ve bawk silo nen . Min rawn be hmasa ve ringawt pawh kha ka lawm lutuk ringawt .

Message te hi a chhiarlo ve nasa thei ropui sia ,tukin zinga 'Tukchhuak nuam ' tih ka send ve ringawt lawh chhiar lohin ala dah ania chutiang kara min rawn call ve hlawl kha lawm te hial ka duh !






Zing dar sarih ah ka pa te Aizawl lam panin an chhuak a ,hotel velah chaw an ei thla mai dawn anih hmel .Ka u hna lamah tlang nghal angaih vangin an tum ai hmain an haw thla a ,U Ruatruata erawh tunkar chhung ala cham dawnthung .
U Muanpuia chuan ka nungchang uluk turin min hrilh nasa mai, nula hnathawka hmun danga awm te kan nia min ngaihtuah ve ah ka ngai mai .





"U tihtur a awm dawnlo e ,Hospital ah lo kal ve daih la " ka sam khuih mawlh mawlh pah chuan ka ti a ,choka ah thu in a ph ah games akhel pah mawlh mawlh .
"Hospital ah chuan ka tan tihtur a awmlo lehzual ngawt ang " min en hlei lo chuan ati sup .




"Anih inah hian lo awm la ,tlai ah min bazar pui anga kawt vel ah sawn pangpar leh thlai vel dah ka duh a leitha te min zawnpui bawk anga " ka tih chuan "min hmantangkai i tum" nernawnga tiin atukhumah ka kuk lawlh .

"I awmlai ka chuh ve nimaia "tiin roomah inthlak turin ka lût zui a .





"Scooty saw engine oil thlâk angai ang ,a ri adiklo tlat .Chhunah kalo thlak tir anga tlaiah chuan kan bazar dawn nia " ka chhuah leh chuan alo ti ve mai bawk .
Min hnial ahrât ve hrim hrim tih loh hi chu a fel ve ani a.
"Athlâkna tur te i hre ngawt ami ?" tiin dawhkana thlengsil sa ka khup hul chu ka rem zui a "nimin khân ka hmu lawm " a duh na ah hi chuan a hawizau ania .






Damlo rin ai takin an tamlo a ,hritlang awmna tih vel leh khawsik an ni deuh mak .Hetah hmanrua kan neih thatloh em vang hian damlo thenkhat hi chuan Aizawl lam pan a Ultrasound ti tur te in ka refer leh tawl thin a ,Hmanrua vel han nei tha ve ilang chuan thiltih pawh a awlsam ve viau ang mawle.

Thingtlang mi tan phei chuan thil tih zung zung hi aharsa a ,sum leh pai hmunpui lam pan nan ringawt pawh alo ngai veleh zel bawk nen .Hah taka nisen sa hnuaia an thawhchhuah darkar reilote chhungin a ral leh mai zel a .Sawrkar hi che chak deuh se Ultrasound tihna khawl tal hi thingtlang hmun thenkhat ah hian dah ve se ka ti ngawt mai ,tin kuthnathawktute hi tun ai hian ngaihtuah leh zual bawk se .An thawhhah milin sum an la kut bawk silo an khawngaihthlak .








"U duh deuh ka nei sin "





"Enga !"




"Hei lo hawi suh hmalam en rawh " scooty akhalh tih ngaihtuah miahlo in min rawn en atum nia mawle !
"Minti phu alawm mawle " ala ti hluk zui ! Enge maw duh ka nei te chu lawm hle zawk tur ania ,ka naupang chhe zawk zawk tawh bik tawp silo .







"Hemi khua ami hi maw " a tih chuan "umm " kalo ti vat .






"U Muana hauh chhan che kha mi " ati leh a "umm " ka ti leh mai .





"Eng ang mi nge?"






"Mistiri" ka tih chuan "keiai ahmeltha em " ahnungah ka beng pawp .







Bazar thlen hma deuh chuan scooty kan dah a ,nui ruh ruh in "naute pawn ngaihzawng min neihkhalh mai dawn " an ti ngei ah ! Kan unau ah ngaihzawng ala ngah ber ang .

Chawhmeh vel te leiin thlaichi kan duhzawng kan hmuh ang ang te chu kan lei a , Tomato chi erawh kan hmu zo lo .Khawpui hnaih mah nise thil zawng zawng akim bik lo viau .








"U Pa hmunsiama te khân vawk an nei tiraw ,leitha atan a êk ro deuh a awm ang va dil ila " ka tih chuan aw min pawh ve mai a ,Kan thil lei thenkhat chu Scooty seat hnuaiah dah in alenglo chin chu keiman ka keng thung .








Pa Hmunsiama te in kan thlen chuan U Lâtei chauh alo awm a ,midang chu inneih na lamah an kal aniawm e .Leitha lak lah alo phal nasa mai ,Satha ip la in tuthlawh nen an vawkin lam kan pan a .U Ruata phakar lutuin "in kalo nghâk ang " zu ti hmak nia !

A duh naah hi chuan athluak hi avawrh nasa thei ania ,ka tihtheihloh tur zawng erawh nise ka tih ve ngai miah loin aman ati vek thung ang .






"U Lâte nachhawkna engemaw kawl in nei mial em ? " Kan vawk ek lak mawlh mawlh lai chuan nula pakhat hian a rawn ti lauh a

"Aw nei ang ,engatan nge ?" alo ti thuai





"U Remruata saw akhuasik hluah mawle ,kan nei tawhlo tih kan lo hre miah lo a " atih rual chuan chu nula chu ka en zui zat .U Remruata a damlo maw !



































#ka va tlai ve aw mistake a awm nuk maithei aw


Show post links
Top

[Ngaia]

*ZûNLêNG* ch~5






"A hei Dindini a awm fu hlauh alawm ,i û chu en lawk se kan khaw Doctor thar anih hi .Helamah te ilo awm reng reng elaw " U Lâtei chuan a ti ta hlauh a ,
"Umm ka pa ka rawn haw pui mawle nimin khan ,hei ka û adamlo veleh bawk sia kan buaithlak ania " ati siam siam a ,atawng duh hmel reuh.U Remruata nau hmeichhia kha ani tihna ania,a u ang maiin alian zuah mai .A pa pawh kha pa lian ve tak ani reng ani .






"Dindin kut va sil zuai ila ,Remruata chu en lawk la " U Lâtein a tih chuan ka hnial lo chiang asin aw .
Kan hmanrua vel pawh tifel ta lo chuan inlamah kut sil turin kan kal a ,nizan lam kha chuan ala that hmel viau sia ! Ti teh thut nge le ? Ani ang mi inthlahrung mi lutuk chuan a damlo sa reng tawh anga a sawilo mai mai zawk anih te ka ring rum rum .





"U thenawm ah sawn kan va kal lawk " kut sil mawlh mawlh pah chuan ka ti a ,U Lâtein nachhawkna alo zawng ve mek bawk.
"Enge in tih dawn ?" TV en pahin alo ti ha "damlo ka en lawk dawn " ka ti mai .





"Ruata Thenawm tlangval a damlo a ,i nau hi a remchang em a ka va hruai lawk teh ang " U Lâtei room atanga rawn chhuakin a tih chuan tullo ka van ti tak .
Zawhna ngah hmel tak hian ka û in min rawn melh ta chiah reng a . "I hmelhriat ani ve em ?" A ti ta chat ,chhanglo in ka bu ta nghut ringawt."U Lâte chu tlangval chu Mistiri ani mial em ?" A ti leh a "Ni e i hre ngai elaw ?" U Lâtei lahin a lo ti ve bawk nen chhang ta lo chuan
"Kalo kal ve ang " ti hmakin a rawn tho zui a ,ka va ngei mai mai tak .







U Remruata te inlam chu kan pan a ,inthenawm mah nise inhnaih chet ang khân an awm lo a .Inhmun an nei zauh ve ve bakah kawt an nei zau dun bawk si ,lehlam kawng tak phei chuan ahahdam thlak.An inkawtah chuan nizána ka sawi ang tak takin thuthleng mawi danglam zet mai thing hmanga siam hi hmun thum ah alo inhûng a ,an inbul vel ah chuan thlai leh pangpar an dah bawk .
Inchhung kan lût chu pawnlama a landan ai daihin amawi ,afai in athianghlim bawk si .An bungrua reng reng chu ahnûm hlarh vek mai! Achhuat concrete niin abang vel erawh tile an hmang thung a ,chhunglamah bangrel vel awmlo in a in lining vek bawk.Hla deuh atang phei chuan concrete building pangai tak a ang ngawt ang







"Ava lawmawm tak , a room lamah amû a lo lût mai ula" anau chuan alo ti zung zung a ,U Lâtei zuiin U Remruata room ah chuan ka lût zui zal zal .U Ruatruata erawh inchhung kan luh tep ah "pawnah hian zial kalo zu zawk teh ang " ti leh lawiin pawn thuthleng ah khan athu daih .Pawi lo ka va ti mai mak tak .

Khum ah hian puan sin hlûnin alo mu bam mai a ,amitchhingin akhawsik tih hai ruallohin athawk lak dân a rang ngang bawk .





Pan hnaiin achal chu ka khawih a ,a sa vur mai.

"Lo va chhuak hrih ila " U Lâteiin zawi sep a tiin U Remruata nau chu ahruai chhuak zui a ,nula senior lungfing tawh chin ani bawk a engkim ahrethiam leh vek tawh ang .

"U Remruat ..U Remruat" tiin ka sawi det det a ,peihlo hmel zeta rawn mengin kalo awm chu mak tih hmel zetin min melh nghal chat .
"I khawsik hi asâng reuh lutuk a nachhawkna ei lawk la " ka tih chuan inbengkang in keiin alukham chu bang khumlu ngheng thei turin kalo dah rem thuai .





"Tinge ilo kal ?" Teh tawp a ! A sam thur bam mai te chu a inhmehpui zek lehnghal a ! Damlo mah nise achhelo thlawt ,tawnzau dum chauh a inbel a ,abanbul te chu chhungkaw innghahna tlâk! Ka va han over tak .
"Thenawm a ka kal remchan lai ania " tiin damdawi leh tui bottle ka pe a ,alo ban ve mai bawk .




"Engtik atang nge i khuasik a " ka tih chuan "tukin atangin " ati tha ve mai .
"Hospital ah lo kal la " ka tih erawh chuan alu athing mai . "Ka tha lawm" ati tlat .




"Test te neih phawt loh chuan engvanga khawsik nge inih ahriat siloh ,heta tang chuan i khuasik tihbak hriat theih anilo a " dam thlap chuan kan ti a
"Ka tha leh mai ang khawsik satliah anih hi " atih chuan ka lo thaw hak .




"I pang asat em hi Doctor zir thin pawh ni mahla thil zawng zawng ihre vek bik lo " ka sawi zawh rual chuan ka inchhir nghal .
Hriatthiam harsa zet hian min melh ta ngar ngar ."ih..ka tihpalh " ka hmai hup thuk pah chuan ka ti ta sep "khatia sawi kha ka tum biklo " ka ti zawi leh sep a .Ka ngaihtuah lutuk na lamah sawi loh loh tur kalo sawi ani .


"Apawilo " atih pawh chuan amah kala en duh chuanglo .
"Aih..khatia sawi kha ka tumlo tak tak " ti zawi sepin ka mittui a rawn la tling ve ringawt zui ! Hahthlak hian a .





"Min en teh " a tih sup chuan "aih" ka ti hlar .

"Min en rawh le ?" Ka hmai ka hupna kut rawn vuan chunga a tih chuan zawi muangin ka kut kala thla a,min hnu chiah chu "Lalpa tinge i tah " ati zawi sup .Thaw chhuak hawkin "sawi dikloh inei hleinem " ati chhuak leh sup a.

"Ka ..ka tap bawklo ,ka mit ah thil alut alawm ka kut abal aniang" ti vakin ka mit ka nuai nghal nawk nawk .





"Nula senior tawh lamah velh tah theih rual lek maw ila nih a " chauh hmel taka atih chuan "kala senior thlawtlo aw " ka ti vak.

"Ila senior lo maw ? " Amitko san zeuh chuan a ti a ,ka va ngei mai mai tak ." Kum 25 pawh kala tlinglo aw ,tunlaiah te chuan kan nula ve tan chauh dawn zawk asin " ti hlarin ka melh a ,hmui pet zeuhin nuih insum tak chuan "umm" a ti sup .





"Kalo hrelo anih chu kum 30 vel inih kalo ring a " atih leh lek phei chuan ben chawrh mai ka duh .A hmela min nuihzatna lang te chuan minti thinrim.
"Ngaihtuah che in ka rawn kal ve em em a ,i duhleh min nuih vak vak rawh ka haw dawn " ti hmaka thawh mai ka tum chu ka banah minlo vuan thut a amah ka zuk bawh hnawk .

"I va mawl tak " ti thawp sepin thawhkan mai ka tum chu ka hnungzângah min kuah chung hian min man bet tlat a





"Min ngaihtuah maw " a ti thawp sap ,kan inhnaih em vangin athaw lum ham ham pawh ka feel thei .A taksa la sa vur te chuan min ur ham ham a ka mur sung sung mai .
"Min ..min thlahteh" ti sepin thawh ka tum a min manbet tlat ! "Sawi phawt la " a ti zawi sup a ,"engchu " ka ti vak .

"Min ngaihtuah a .."




"Aw ka ngaihtuah che ,ih ka awm mai mai lai te hian kalo ngaihtuah leh vung vung thin che a .Minbe peihlo thin viau mahla thu ho te te sawia kan inbiak te hian ka hlim veng veng zel " ka ti ta nge nge .Zaktheilo pawh minti dawn mahse pawi ka ti tawhlo

"Nang hian min duh adik em?" A ti nghut a ,ahmel ah chuan uanghmel alang tawhlo .





"Chutiang in ka sawi loh kha " ka zak leh si chuan ka ti ta ringawt .Ka duh tih ka inpha lo mahse hetiang em em a hnaia inmelh chung chuan ka sawi duh bik teuhlo mai a .





"I sawichian hma chu ka thawhtir dawn miahlo che ania "khi suk a tiin "U Lâtei leh ka nau te kha anlo lut leh tep tawh ang " a ti thawp sup a
"Nang hi ilo harh ru reng ani maw " ka ti ta vak ,amuhil emaw te kha kalo tia !






"Sawi la " ka va ngei mai mai tak ,thahrui kan inngah hleih si "khawiteh ka tho duh " ti mah ila min pawmbeh na athlahdul phah eihlo.

"Remruatfel ininawm e " a awma ben thlawp pah chuan ka ti nang nang "Thudik sawi phawt la ,engvangin nge min ngaihtuah" amitko sán ak chung chuan a ti a.





"Ka duh che ,hei nula leh tlangval induhna ang hian " rang zeta tiin a awmah ka hmai ka phûm nghal zat .Ka zak lutuk chu ka sa chhuak pup pup.
A taksa lumna in rizai chhanah pawh min ur sâ tawh laiin ka zak lutuk chu ka hmai te hi asen vek thei ang ka ring .
Thawveng ta huai ang mai hian athawchhuak a ,a thawklak dan anat bik em vangin kei thlengin kalo che tel ve thei hial





"Ka hmuh hmasak ber che khan mit tla leklo in ka en che tih i hria em ?" A tih sep chuan zawi muangin ka hawichhuak a hrethiamlo zetin ka melh . "Accident kan buaipui khan maw " ka ti hâ ,kha kha kan inhmuh hmasak berna ania.

"Nilo e " atih chuan ka bo hû mai !
"Naupang ang maia anu kai kual in tu emaw chu kâwnah akal kual a ,nisa laka inhliah ve ngei tumin akut lianlo tak khan a hmai ahliah ve reuh a " atih chuan mak ti zetin ka en tawp "ilo awm ni hmasa ber atang khan ka hre tawh che,ka tih ngai miahloh i chanchin ka bul hnaia awm te ka zawt bawk .Kha nula hmuhnawm ti zet a ka thlir reng kha kan khaw Doctor tur ilo ni reng a ! " Ati a





"Tinge anih min biak that duh ngai miahloh a " ka tih chuan anui suk a "Doctor nula hmeltha tak kha sava thlawklai anih tumahin kan ringlo " atih chuan ka ner nâng nâng ."min van ngai lerh " ka sawi tur hrelo chuan kan ti ngawt a ,achalin ka chal a rawn tauh dawt ,nâ erawh ani miahlo."duhawmnu" ati sup a "tho tawh rawh le ,U Lâtei te an lo lut tep tawh ang" atih rual deuh thaw chuan kawngkhar inhawng thawm a rawn awm a ka tho rang teh asin .




"A ..inla inchek zo lo animaw ,kanlo va chhuak leh hrih dawn em ni ?" Ngei zet chuan U Lâtei ka melh hrep ."i ninawm " ka ti zui hlar bawk .

"Tak tak a Remruat enge i an " ati zui ta hlauh a .




"Ka tha ,khawsik satliah anih hi boruak inthlak ka zolo ve deuh ani mahna ka zia tawh viau mai " ati dam thlup .Ala sat sat nen !

"Nia tunlai chu hrileng atam si fimkhur tluk hi a awmlo ania " U Lâtein a ti ve zui zat ."Dindin kan phei dawn em ni ? Pawnah i u in anghak che bawk sia " atih chuan ka thu ngil zawt .Ka u kalo ngaihtuah tawhlo reng reng !





Damdawi engmah ziahsak ta lemlo chuan kan chhuahsan a ,melh pawh ka melh tawhlo .Ka la zak lutuk kha ka biang tun thleng hian ala sa thei te hialin ka hria ! Mahse minlo hre hmasa zawk daih a ! Keiin Accident thlen ni kha ka hmuh hmasak berna emaw kalo tia ,kei aiin engkim ah alo hmasa tihna ania .

'min bem ve vat awm ' aaa engemaw ka ngaihtuah ni a ! Ka va han â tak .





"Zodini maw inih? Ava lawmawm ve aw mama damlo te i rawn en a " room kan chhuah chuan U Remruata nu ningei tur chuan alo ti var a ,chhandan tur hrelo chuan nui chungin ka chibai ta ringawt."Lo leng lut fo rawh aw " atih chuan "nia enge in an tak " ka ti ve tawp .
"Kan pa maw ..a tha ve tawh viau mai ,amotor chuang ala chau deuh a room lamah a mu hahdam hrih a .Chemo kan khai zo tawh a kan tha chho ve zel turah kan inngai " ati dam thluam a ,"ava lawmawm ve aw " kalo ti ve thuai .




Thingpui in turin min sawm nasa viau mahse ahma tawh lemlo nen ka hnial ta tawp a ,chhungkaw hawihawm leh fel tak an ni .Ka û leh U Lâtei phei chu thingpui anlo pe hman diam ani awm e .





"Nûte U Ruatruata kha va ko teh a ,pawnah a awm " chawhmeh suah chhuah pah chuan kan ti a ,akal mai loh vang chuan "tinge"ka ti zui zat .

"Ka zak " teh thlawt a ,ka nuitawp .U Ruatruata hian a chhaih peih si ani tleirawl hlim zakzum nen an inti lai reng mai ."keiman kan ko mai nge ,lo siam zawm la " tiin keimah zawk chu ko tur chuan ka kal a .





Ka nu in pot tlêm a zawng min rawn kensak ah lei vel ka dah tir a ,a uluk leh lutuk chu tlai kan haw atang khan pot sawmpakhat ah bak ala dah lo ! Alei te chu a inrual em tih an teh thlap a ava han tullo mai mak tak .

"U chaw ei lawk ila ,athuhrimin lei te kha a inrual vek angai kher lo i over nih kha " ka sawi rual chuan ahmui alo pet sawi zeuh "bakah Nûtei saw chhaih tawhlo teh iti khawngaihthlak emai ,azakzum ropui si " ka tih chuan anui mai thung .U Muanpuia nen ngaihzawng kan ngaihsak loh viau laiin ani ve hi chu "i bialnu ithen leh tawh mi ?" Ti ila "aw" alo ti thei hman ziah .






"Nute inthlahrung lo in ei teuh rawh ,ka û hi chu engahmah ngai suh" ka ti mawlh mawlh a.Dawhkan hnuai atang ka û in minlo tlawh ngat ngat na chu ka hrelo der hmak .





Kan chaw eikham chuan ka û chu alengchhuak a ,lénna tur te alo hre leh hman tawh bik a !
U Remruata call tumin ka intin leh uaih thin a,mahse a muthilh lai te alo ni ang tih hlauin ka thulh leh rih thin .Tinge amah zawk pawh hian minlo biak miahloh le ?






"U Dindin kan homework hi minlo tihpui peih em ?" Ka room kawngkhar bula ding chunga Nutein a rawn tih chuan "aw" kalo ti thuai.
English subj ah assignment an lo nei hi alo nia ,essay leh diary entry ziah tur ania ka nuam tih zawng tak anih vangin a zavai mai chuan keimahin ka ziak zo vek ! Ahnu ah akaldan hmang te chu kan han inhrilh tha leh hnuhnawh a .

"Nute ,naktuk zàn atang chuan kan hman remchan hun apiangah grammar ka zirtir ang che " ka ti ta tawp ,English Medium a kal ngai miahlo ani a .Tawng hre turin ram dangah a awm bawk silo nen english chu aharsat viau mai .
"Ka nu ka grammar bu hlui ka chah anga chuta tang chuan i inzir dawn nia " ka tih leh phei chuan alawm hmel tawp .Mi inzir mi tak ani tih ahriat a ,ka awmpui hi tifuh ka inti ta viau bawk .







"U Dindin nangmah anga Doctor nih ve hi ka chak amaw mahse sum hi abuaithlak lutuk a" atih chuan za lo zetin ka nui mai "Doctor lo nih châk inei em ?" Ka ti zui zat

"Umm neitho Professor nih ka châk "ati ta reuh a,"Arts line atang chuan Doctor nih chu atheih dawnloh a ,tha deuha izir zel anih chuan medical line lo atangin ini thei tho ania " ka tih chuan athu tha sauh sauh a phûr zet hian "engtin ?" Ati zui zat .tunah chuan atawngduh ve ta deuh e
Dr .degree neih dan te ka hrilh hnu ah a room lamah a zirlai dang zir turin akal zui a .







"Dindin ..dindin harh teh " minrawn sawi nawk nawk tu an awm vang chuan harh hlawl
"Iva harh theilo em em ve ,Hospital lam atang Emergency " ka û in a tih chuan thawhphan pawh sawilo in ka che nghal zung zung .ka slipper bun in hmanhmawh zetin ka chhuak zui a ,Hospital lamah ka tlân phei thuai .


Ward ka luh chuan "Nu Madin enge dinhmun ?" Ka ti zui thuai . Putar upa lam tawh tak hi Oxygen hîp in alo thaw hrawk hrawk a ,Nu Madinin stethoscope ken chu la in ka check zui zat a ,min chhang talo chuan damlo file aken chu min hmuh
"Nu Madin a pulse rate enge ?" Ka tih chuan ahniam viau thu a sawi a
"Achhungte lo ko lawk la " tiin duty room lamah ka phei zui .





"Ka pu damlo nen hian engtin nge in inchhûn dan "


"A fapa ka nia " atih chuan ka bu nghut a "ka sawi tlang tawp mai nga abeisei awm tawh lo ,pawi ka ti lutuk .In duh chuan Aizawl lamah ka refer cheu anga in thlengzo angem tih erawh ka hre tawh biklo le " dam thlup chuan kan ti a






"kan hria lawm" harsa zet chuan a ti a ,amah pawh kum upa lam ani ve tawh a "Hmunpui lamah pawh an beidawng tawh a ,mahse engpawh lo thleng se theihtawp tal kan chhuah alawm le " atih chuan kalo bu nghut nghut .Kum lamah phei chuan upa tawh tak ani ,mahse kan hmangaih em em te hi chu kaltir mai hi a harsa ve thin bawk em ani




"Doctor " Nu Madini'n a rawn tih rual chuan ward lamah ka tlan phei thuai .





"Thihhun zinglam dar hnih leh minute sawmpanga" hreh zet chuan ka ti zawi ta sup .Nutling tap ri in damdawiin chu a rawn luah khat a ,ph hmang thawm nen damlo awmsa te pawh an rawn harh ta tliar tliar hlawm .

"Nu madini chuan kan sawngbawl ange ,Casualty ah lo va awm la " ti sepin oxygen mask vel chu ati fel a




"Thlamuang takin chawl ang che ka pu " ti zuiin Casualty lamah ka phei san ta a .





Engtik ni ah emaw chuan ka nu leh pa te hian min kalsan hun anla nei ve awm si a ,keimah zawk pawh hian he lei hi kala chhuahsan hmasa zawk maithei.Min hringtunu kha engang mi nge tih ka hreve hmanlo chung hian ka chhungril ah hian thlakhlelhna chen kala nei tho ,vawikhat tal ka hma ah rawn inlan se tih chang ka ngah lutuk.Ka nuhrawn nen hian inpawhin min duat viau mahse thlakaw chhung min pai tu ka nu nena inzawmna kan neih ang kha kan nei thei chuanglo .
Ka hmangaihten min kalsan hmasak ai chuan keimah zawk hi akal hmasa atan te châk chang ka ngah .Vawin thleng hian ka nu tihloh kha chu ka hnaih takte hian minla boral san em lo a,mahse engtik ni ah emaw tak chuan tawn hun kala nei ve awm ngei si a ..






"Apawi tak tak ani ,Pa Khuma hi chu kan khaw ti pui tu hi ani ve sin mawle " nu Madini rawn lut chuan ati ve mawlh mawlh a .

"Nu Madin kalo mutui lutuk a ,apawi hle mai" keiin kalo ti hap thung .
"Akhai pawi ti suh ,vawihnih kalo call che a Maduha'n a rawn ko nghal che minute sawm pawh ani hmanlo ang .Beisei awm ani tawhlo tih ka hre tho a mahse Doctor nge nge in i rawn en kha chuan mitthi chhungte lung pawh adam deuh zawk dawn a tih thu mai ania " atih chuan ka thaw huai huai .Doctor ve si mamawh hun pawh a awmlo nih ka hlau a ,ka hna ka tlinloh luata tuartu an awm ka hlau ngang bawk .






"Pawn lamah ka va chhuak harh lawk " ka tih chuan "mi an tam dawn ania " alo ti thuai a ,apawiloh thu in ka chhang sep .Thihna hi zawng ngaia neih har kala ti fan mai .

Ka thawhna hmasa kha Hospital lian tak ani a ,nitin deuh thaw mitthi kan nei atih theih ang.Mahse thî an awm apiangin keimah ah chuan athar ang hlak zel ka ti mai ngaiah ka nei thei lo .Room lehlama mitthi kan buaipui zawh ah lehlamah an damthat thu leh an chhuah theih tawh thu hrilh angaih tum lah atam, Medical line bik hi chu tawrhchhel angai a mi rilru no lutuk tan phei chuan Depression neihna tham atling an ti thin .
Ka rilru ano em ka inhrelo mahse aharsa ve thin khawp mai.






"Tinge pawnkhawvawt ah i din " ti sup tu lam chu ka hawi thuai a "enge itih ve " ka ti zui zat .Tlai lamah akhawsik ala sân nen !

"Pu Khuma saw ka pa thianpa pa ania " atih chuan "azialo hle mai " kalo ti zui zat .Akawrlum phelh sawt sawt a min haktir atum chuan kalo awm hla rang ngang mai "damlo zawk inih kha " ka ti sep .





"Ka tha tawh lutuk " ti chungin min hâk luih tir ta tho .
Ka hmanhmawh lutuk kha ka inha lum ve hman talo a ,ka tshirt pan zet leh ka pyjama mutpui ang ang in ka tlân phei ve tawp a avawt deuh sûng mai .






Hospital kawta thuthleng awm ah chuan kan thu dun a "i tha em?" Ati zui sup.
"Umm mahse ngaia neih hi ahar " ka tih sep chuan min pawmpui zetin abu ve nghut nghut.




Kawtzawl ah chuan motor an rawn tlân lut zel a ,thenkhat ph ring lenglawng a hmangin athen hospital chhungah an tei lut bawk .Tiang hun ah hi chuan lo khap theih an ni thin lo.Lehlam kawngzawng tak phei chuan alawmawm letling.Vai ramah kha chuan mitthi chhungte kha anmahni leh mahni an in buaipui mai angai thin a ,mizo te hi chu kanla intawiawm tha em mai a kan vannei ngawt mai .






"Kan khua ah chuan a upa ber pawl ani tawh a ,khua ati phuisui viau asin le apawi ngawt mai " U Remruata pawh chuan ati ve sup .
"In khua hi nuam ka ti " boruak thlak tum zet chuan kan ti a
"I û alo leng a " alo ti daih thung! "Ka û maw ? U ruatruata maw ?" Awihlo zet chuan ka ti hâ






"Umm" atih chuan "tinge ?" Ka ti vat .Enge awmzia ?
"Ka nau a rawn rîm nge min rawn kan ka hrelo le " khisuk chung chuan ati a sup.Lalruata mai mai chu ,hmelhriat aneih kha ka ringlo reng ani .


"Inpawisawi zawng ten alo awm em ?" Ka tih chuan nui dawtin min melh a ,lu thing nghûtin â kin tih hmel zet hian ka chalah nalo te min kuk zeuh.
"A fel lutuk alawm" pangai zawk chuan ati leh a .





"Ih U Remruat min duh ve tiraw ?" Tun hi sawina hun anilo tih ka hria ,mahse min hmuhdan ka hre duh .Ka ngaihtuah leh reng anga ka peihlo khatiang kha ." A chiang mai lo em ni" thutak zeta atih chuan "chianglo " kalo ti thuai a ,amitko san zeuhin "kum tam tak hnua ka mit la leh hmasa ber tu ini " atih chuan zawhleh chuan ngaiin ka hre tawhlo .Ani hian kei ve tehlul hi min duh tih ka chiang ta .



"Anih kan inngaizawng tihna ni em ?" Uangthuang zet chuan kan ti leh a, mahse min chhang mai lo .Thutak hmel zet hian Hospital lam chu amelh vang vang.
"Kei aia tha i phu lawm " melh pawh min melh lo chuan ati sup .





"I sawi awmzia ka hrelo, min duh a ka duh bawk che a ..."ka sawi zo hmanlo "ila naupang a ,kei aia tha ila hmu dawn chauh " alo ti thuai .





"Chutiang ka duhlo ,tian kan pahnih hian kanin ngaizawng tawh nula dang i melh vaih chuan ka nasa viau ang" ka ti vak .Âtthlak tih hmel zet a nuiin chutah nui chung hian min melh a "atha lawm " ati ve ta sup.Tunah chuan bialpa ka nei veleh ta !








































#Min lo share pui thei ula ka lawm ngawt ang


Show post links
Top

[Ngaia]

*ZûNLêNG* ch -6







Ka zîng tho chu ka lû ana bûr mai .Khawvâr dawn hnaih lamah ka muhil veleh thei chauh kha nia ,lo meng tlang law law ta ilang azia zawk ang mawle .

"Morning" Choka ka luh chuan ka Û in alo ti sup a ,chhâng loin tui ka in nghal khawlh khawlh .
"Nizân i mengrei sia ka kaitho duhlo che a ,Nûtei pawh school akal tawh tûkthuan kan lo ei san mai che " alo ti a , "umm" ka ti ringawt .





Chawhmeh tilum a stove hma a ka din lai chuan thil ka hre chhuak thut"nizân ah U Remruata te inah i lêng animaw " ka û lam hawi chuan ka ti vak .
"Minti phu lawm " ti halh in a lehkha khawih lai a rem tha mawlh mawlh.Eng eng nge maw abuaipui leh tawh ni ?





"Sawi teh tinge ilo lên ve ngawt a ,an nula i rîm nge U Remruata itlawh tihpawh an hrethiamlo lehnghal " ka ti leh hlar a
"Nula ka rîm a ,ka nau star ka tlawh bawk a " atih chuan "ka bialpa ani tawh aw " kalo ti vat .U Ruatruata lakah hi chuan engmah sawi hreh em em ka nei tawhlo.Atirah kha chuan ka zak ve deuh a mahse ahreta tho tho a engah vak ka ngai leh talo.




"Eh! Engtikin nge ?" Ati zui zat a




"Nizanah inngaizawng ang ka ti "




"Mawli ,ivan zaklo tak" lu thing mat mat chungin ati bûl hmuk "ka nau chu ini ve sia " atih zui leh chuan kalo ner nâng .Atihloh dan pawh ani bik hleinem.
"Ka nu te ihrilh dawn em ?" Atih chuan ka hrelo tihnan ka dar ka sân uk ringawt "hrilhrawh an lawm viau zawk ang "




"Ka hrethiamlo ,ka nu leh pa hrilh chu ka huphurhlo mahse U Muanpuia hi angaihdân anilo ang tih ka hlau " ka ti zawi sep "engvangin maw ?" A tih chuan "Ngaihtuah la chhungkaw hausa deuh an nihloh bâkah hna sâng chelh anilo a ,U Muanpuia te chu a indahsân ve em hi.Bakah U Remruata te ang chu ahmusit hial zawk ang chu "ka ti hlak hlak.U Muanpuia berin min duhpui lo anih chuan tumân min chhan ngam dawnlo hrim hrim tih ka chiang."




Pawlsawmpahnih ka nih lai hian Board exam ah Physics ah ka ti chhe deuh a ,tichhe over han tih tur phei chu ka ni miahlo subj dang nen phei chuan ka distinction nghe nghe mahse U Muanpuia'n 'ama tan zawk ania bei nawn rawh se ' atih tlat vangin ka beihnawn phah.Ka pa khân ka result a chhuahtirh khan ka tih that thu in min fak luam a ,ka û in a duhkhawploh vangin a rilru athlâk leh nghal hmak thung.Mahsela ka thatpui ta hlauh zawk a ,tum hnih ka zir avang khân kawng engkim ah ka thiam phah a awlsam tein doctor ka zir theih phah bawk .






"Mate U Muanpuia hi i hrechianglo hle mai " thutak zet chuan a rawn ti nawlh a ! Ka hrechiang ve viau in kalo in hre sia !
"Ka pa in kan unau a rampawna zirzawm tura min dah khân kum khat vel chu harsa lo in ka pa pawisa inkhawl sa in kan khawsa ve mai a ,mahse kan unau thum zirna kha ahautak em a ka pa hlawh ringawt in min daihlo.Chutih hun lai chuan U Muanpuia hian chhûn lamah class kalin zanrei tak tak thleng inhlawhin sum thawhchhuahna a dap a ,achâng phei chuan chawlhni ah Construction site (insakna) ah te a inhlawh thin. Amah vang liau liau a keini pahnih kha nuamsa a khawsa thei kan ni .Ama zirna piahlamah a ei leh in thleng khân a intum vek a ,ka pa pawhin vawin ni thleng hian a zah phah rêng bawk .U Muanpuia khân hna thawklo se atu emaw ber hi chuan zirna kan zawm thei kher lo ang "





"Kalo hre ve miahlo a " ka ti ta sep .




"Umm i hriat ve kha aduhlo alawm ,keipawhin ka hriat na chhan chu ka pa nena an inbiakna ka hriat rûk vang chauh ani.Puih ka duh a ,ka zirna chawlh lailawk mai ka tum hial bawk ,mahse U Muanpuia bawk hian aphallo a tun dinhmun hi ka thlen theih phah anih hi.Keini ai daihin retheihna te hi ahrethiam zawk asin, a khuahkhirh chhan che pawh i zahawmna angaihpawimawh vâng chauh ani "





Ngaihtuah chian chuan ka pa mizo pa azawnga dikna ngaihlu leh eiruk duhlo khân kan unau zirna hautak lutuk atum vek thei kha amak ,inlamah sum neuh neuh hmanna tur alo awm ve zel dawn bawk nen .U Muanpuia' n chutiang tak chuan alo tuar bik tih hrelo in nuamsa takin ka lo awm mai mai thin a ! Kava laktlakloh reuh tak .Tuna adinhmun hi aphû ka ti ta ngawih ngawih mai ,tunah chuan Mizoramah a sumdawnna lama aber pawl ani ta rêng a hlawhtling lo chi alo nilo .






"Hrehawm tih phah lo la hei Pathianin mal asawma a sumdawnna ah pawh atlûan ve em hi " atih chuan ka thaw hap a

"ZODINSANG gas saw va off rawh" awi ka phu chiang lutuk! "I mak ..ehe a tui akang vek!" Ka chawhmeh tihlum a tui a kang vek chu tihloh atak pawh akâng ! Awi kan ti ti ril lutuk a kalo ngaihtuah tawhlo reng reng!






Hospital ka thlen meuh chuan dar sawm apel thuak tawh ,vawin chu ka tlai hle mai .Ward ka round nghal a ,nizan lamah Mitthi kan nei nen damlo thenkhat chu la muhil bawrh bawrh tawk anlo la awm .Cabin tih vel leh ICU tihvel kan neih lemloh vangin ward ah inbuaipui mai hi angai thin si a ,damlo dangte kan ti harh lo thei thinlo ani .
OPD a thut te chu ka peihlo viau nângin inentir tuma rawn kal chu kawtah anlo thu leh pheuh pheuh tawh a,min mamawh tu an ni a lo hnar ngawt thei ka nilo.






"Pa sawmte minute sawm hnu ah i rawn luh tir tan dawn ni aw " ti a Pa sawmtea Group D staff hnena ka sawi zawhah ka room ah ka lut zui a ,dawhkanah ka bag ah dahin chair ah ka thu thla zui dawt.
Ka ph kan check chu U Remruata hnen atangin message ka dawng ve hlauh! 'zanin khawhar in kal iduh ve em ? ' tih te hi minlo thawn a ,zing dar nga leh chanve dawna minlo thawn tawh ani ! A mengtlang ta law law tihna mawnle ?
'min kalpui peih dawn chuan kalo kal ve ang ' tih ka thawn let a ,thu thlum deuh min rawn thawnlo mahse ka ni hman ati nuam dawn tho tho .





Chawhma lama ka damlo en ho chu tunlai hrileng kai vel an tam talo hlauh ,azia chho ve tawh dawn ani mahna .





"Doctor ka fanu hi tunlai chu apum asawisel nasa riau a,achang leh a luak a khawsik vel neilo mahse chaw a ei hleithei der lo mai.Shikhar an ti emaw ni tiang vel hi chu a eilo in ka hria a " Ka hma a damlo nu chuan ati bawrh bawrh a ,a fanu damlo zawk chu a chauh hmel ngang mai .

"Mami kawthalo vel inei em ?" Tleirawl te en zawk chuan ka ti dam thlup a ,alu alo thing ringawt.





"Ka pi taksa na dang vel te anei em ?"




"A hnungzâng vel hi na ati thin a "

Ka thutna atanga tho in chu tleirawl te chu ka pan hnai a "zau deuhin âng rawh le i lei lo chhuah la " tiin a lei achhuah rual chuan durh pheuh pheuh ka hmu a "atawk e " tiin ka thutna lam ah ka thu leh zui zat .





"Thisen test lawk ru aw ,pumpui ulcer anei anih hmel .Ulcer hrik nei ani nge nilo kan test anga azunkawng pawh kan test law law dawn nia .Ka pi tunlai ah chuan nepnawi hi an ei nasa a ,zing kaw ruah lai te hian khawchhak thil hâng deuh deuh te hi an lo ei leh mai mai zel a ,an pum hian atuar phah thin a.A tam berah tiang hi chu kar khatah vawi thum vel bak hi eilo se atha aw test result azirin kan in admit mai dawn nia " ti in Laboratory lam pan tur chuan ka ti zui a ,tuna ka hrilh zawng zawng kha tunlai naupang buaina deuh vek ani.

Nepnawi chi hrang hrang tui tak tak kan ngah leh lutuk a ,naupang lahin an taksa in angaihlo tih hre leklo in an ei a naupang chauh pawh an ni chuanglo keini thleng hian kan ni vek .Kei ngei pawh damlo te eilo tura hrilh mawlh mawlh chungin noodles lam ngat phei chu a ei nasa ber pawl ka ni hrim hrim .Zawm hi ahar leh lutuk a thenkhat phei chu ka hrilhlo law law zel .






"Û zanin ah khawhar inah ilo kal ve peih em ?" Ka hna bâng in ka luh rualin ka ti lut a "pawi hleinem " alo ti sam et .

"Eh Nute in va bâng hma ve a " Choka a nûtei ka hmuh chuan ka ti zui zat .
"Zirtawpni hi chuan kan bân hma loh pawn ka báng tlai thin a ,vawin chu kan bân hma tum anih hi " a ti ve luam ,atawng duh ve tawh reuh lutuk . "Anih chuan U Ruatruata nen hian Sumo châng ula i peih em ? Ka nu in i lehkhabu tur leh thil dang vel alo thawn dawn a an rawn thleng tep tawh ang .Driver kha Mathlenga a inti in ka hria "




"Umm Pa Mathlenga chu ka hria alawm " atih chuan "rawng chu kalo bawl mai nga " ka ti a




"I rawngbawl ka ei peihlo ,keimahin ka zu châng mai ang " U Ruatruata'n a rawn ti lût "ka thiam ve tawh lutuk aw " kalo ti hlar .A hmui ti sawi zeuhin "ka awihlo e a " ati hmak .Aduhleh zu châng mai rawh se a .




"Anih Nûte fridge ah khân arsa kha la awm in ka hria kan siam mai dawn nia ,ka va inthlak lawk ange .Lo la chhuak lawk sa la " ti in room ah ka luhsan zui a .




Ka ph ka check chuan U Remruata message alo awm leh va tawh 'zan dar 7 tan ania kawtah kalo nghak ang che ' tih zawng a rawn sawi ,a online tih ka hmuh rual chuan 'vawin i nuam em?' tih ka thawn nghal thuai .
Message chu aseen a ,a rawn reply ve mai ka rin laiin a call zawk a rawn lut ta hlauh!



"Umm "





"I chau em " ka zawhna pawh chhanglo chuan a rawn la ti daih zui ! "Chau lo e enge i an i khawsik te " ka ti tha ve mai a


"Ka tha ,nizan lam i meng rei ve nen ka ngaihtuah deuh che " atih sup chuan ka lo then thaw " ka tha lutuk ,mahse ka mut achhuak ve deuh " ka ti let a .Ka mut phei chu achhuak tak tak lo ka pangchang ve chak hrim hrim




" Ala hma lawm mu lawk la " atih chuan "aaa i rualin khawhar in ka kal hmanlo palh ang " ka ti ve zeih .A nui ri suk thawm ka hriat chuan kalo lai ve em em ringawt .Ka va han zaklo tak .

"Mu lawk rawh kalo kai tho leh ang che " ti zawi supin "ka lo nghak char char dawn che nia " ati leh a ,ph call hmanglo ilang chuan ka au vak ang ."anih kan mû nge " ka ti ve ta tawp.




"Umm muttui le " atih thawp sap chuan "umm" tiin ph ka dah a ,khumah let thla tawpin ka tal zui nawk nawk .Ava han nuam mai mai tak a ! Min rawn call hmasak chu thuhran min duatna awka ngaihthlak nawmzia kha !







Ka inbualfai hnu ah mu ta lemlo chuan ka thiam ang angin Nûtei rawng ka bawlpui a ,U Remruata bulah chuan mu angin ka insawi tho ang .Khatianga min duatna awka hriat nawn leh nan chuan dawt vâr deuhhlek sawi pawh pawi ka ti lo khawp mai .Midangin an tawrh phah dawn pawh ni hlei lo.






"Aw Zodin eng em em nge i chah a ?" Ka û Ruatan parcel bawm lian zet rawn pawmlut chung hian a rawn ti lût lawng lawng .
"E avan lian em em ! Engtin nge i rawn phurh theih zawk a " kalo ti ve thuai .Scooty a phurh atan chuan alian ve bawk ani !

"Driver in ka hnung lam atang min phuar mawle " a tih chuan kalo nui hak ,ava fel mai mai tak.Nûtei nen lo zu kal phei se chu rawn hawn ngaihna a awm dawnlo .





Parcel kan han hawng chu achhungah thil alo inpack chhawng nasa ngang mai ! Polythene dum chhungah hian frozen foods alo awm teuh a ,ahranpain ka lehkha bu chah alo in pack fel thân bawk .Ka nu in Frozen ho in atih huh loh nan tiin sarang tam tham zet hian a rawn pack chhawng nasa hlawm khawp lehnghal ,phelh pawh ahar ngang mai.Athen ah nepnawi te a rawn thun bawk a !
Kan hawng zel a ,atawp ber a kan hawn ah chuan mipa naupang thawmhnaw te leh nulian deuh hak tawk te ,ka pa tshirt hak thin te pawh atel ta in ka hria !







"Ka nu kan be lawk ange " tiin ka room ah ka luhsan zui a ,room a ka luh kher chhan pawh Nûtei chhungte thil tur ani tlat a ka hriat vang ani .
"Aw nu " rei a inring hma in alo pick up thuai a "hei ithil rawn thawn vel U Ruatruata'n alam a ,thawmhnaw vel te hi a rawn tel nuk a " kan ti a




"E kha kha maw ,athen kha ka lei ania ipa hak lai leh ka hak lai te pawh atel bawk a .Nûtei chhungte pek ah ka tia " a rawn ti ta rêng a ,ka nu hi zawng nuhrawn zawng zawng hi an sual vek lo tih example a hmanna tlâk ani . "An duh ngawt ang ,naupang thawmhnaw phei saw chu anau te hoin an duh dawn lutuk " ka ti ve hluai a .Nûtei nau te hi kala hmu lemlo a ,nau mip pahnih anei an tiin ka hria .Remchâng hmasa berah la tlawh ve tur ani .






"Anih nu ,kan dah hrih phawt aw kan inbe leh dawnnia " tiin ka ti tawp a






Room atanga ka chhuah chuan anlo tifel duak tawh a ,thawmhnaw ho erawh dawhkân ah anlo la dah deuh tawp.

"Dindin thawmhnaw vel hi engatân nge ?" Ka û in alo tih chuan "nûte nau mipa kha inei tiraw ka nu in alo thawn cheu anih kha " ka ti deuh tawp a ,mawihnai taka han pek dan ka thiamlo."ih chawlhni ah hian dam chuan in inlamah kan kal anga kan pe mai dawn nia " ka ti zui leh sep .







"Uiii angailo sin le " ti neuh neuh in thawmhnaw chu a en a ,alawm tih hairual anilo .






"Ka nu chu ava ti tha ve " u Ruatruata pawhin ati ve sup.
Nûtei erawh angawi ta dâk a , heihi nia ka hlauh .Mi tanpuia hi atha a ,mahse an rilru hi ahrehawm thin dawn lutuk .Ka nu thil rawn thawn te ahmu sa nghâl vek a ,tihdan kawngdang a awm vaklo kan dinhmun ah chuan .Mahse tleirawl thil hrethiam rual ani tawh a zah te pawh azak ve maithei ,engtia han tih chi vak nge ka hre dêr bawk silo.






"Nûte room ah lo kal lawk teh U Ruat lo khung fel lawk mai la " a inthlahrung hmel lutuk chu ka khawngaih


"Ih ...ka nu in thawmhnaw vel leh nepnawi vel saw i chhungte tân alo thawn ania ,engmah zawt lawk lo che in kanlo ti ve ngawt a pawi iti em?" Ka ti sep a
"Aih ihmaw ka nu leh pa ka naute thlenga an mamawh vek anih saw ,mahse maw ka zak ve deuh a" ati ta rêng a "zak duh miah suh ,ka nu hian mi thil pek hi nuam ati hrim hrim alawm.Kan lawmthu sawina ah min ngaihsak la min pawmsak hram dawnnia " ka thiam ang tawk chuan kan hnem ve a ,ka tawngkam thiamloh luatah ka sawi teuh chuan anilo lo ka sawi ang tih ka hlau ve tho si .





"U dindin ka lawm lutuk aw " mittui tling pam chuan ati a ,ka lainat reuh lutuk "tap lo la ,U Ruatruatan ka vel che emaw ati nge " ka tih chuan anui ve hak .




Tlai dar nga pelh hretah U Remruata chuan minlo call ta ngei a ,mutho hlim aw zet hian kalo chhâng .Ka û in ahriat ka hlau chu ka chaw ei siam lai bathroom ah ka tlân lut rawk rawk



Zanriah te eiin ka insil a,rawngbawl vel hi chuan chawhmeh rim te hi kanlo nam leh thin a ka ti hleithei thinlo.
Khawhar in kal tur chuan kan insiam a ,highneck dum ha in puan pawl aplain ka bih tawp a .Ka loafers dum chu bun lehin makeup ka inhnawih thuak thuak a ,U Ruatruatan min nghah reng tawh vangin ka sam chu ka khuih thuak hnuah ka bawk khawm tawp .Tlema han set ve deuhloh hi chuan a kawi angreng ve sia ahnawk ka ti tlat .





"Ivan rei tak i rei..irei eee" ka room atanga ka chhuah ruala ka Û in alo tih chuan lei ka chhuah khum vak .Ka insiam rei em em pawh ka hrelo e a.
Scooty chuan kan inphur chhuak ve tawp a ,akalkawng ka hrelo a ka û hian ahria ani mahna .
"Kan kalna tur i hria mi ?" Ahnung lam atang chuan ka ti vak "hrelo ila kan tlân chhuah mai iring ami ?" A rawn ti let vak a ,khawi atang nge maw alo hriat leh hman tawh bîk ni !?






Khawharin thlen hma hretin kan chhuk a ,kawt velah chuan nula tlangval khawhar in kal ve tur tho te chu anlo ding bawk .
"Lawk U Remruata kan call lawk " tiin ka ph bag atang ka phawrh a ,ka call hmain kan piah lawka ading ka hmuh chuan ka dah lut leh nghal zat ."sawta saw a awm kal ang " tiin ka û chu U Remruata dinna lamah chuan ka pawt phei nghal dawt dawt .





"Minlo nghak rei tawh em ?" Abul kan thlen rual chuan ka ti a "rei lo e " alo ti sup .
"Remruat i dam tha tawh maw ?" Ka û chu ka sik vak ,ava han zaklo tak ! A aiin a upa daih sia ,ahming pangai in an ko ve tawp a .




"Ka zia viau tawh mai ,iva titha ve " U Remruata pawh chuan ti zui ve mai in min melh chungin "i mu ta em ?" Ati sup .Ka lu kalo bu nghut nghut a ,ka sira ding pa ner nasat zia chu thim mahse ka hmuhhmaih lo nasa .
Minti zak turin engmah arawn sawi lo hlauh a ka lawm zia mai chu a .
"Kan lut mai dawn mi " atih chuan ka u pawhin luh pawi atihloh thu in achhang mai a






Inchhung kan lût chu min enduh hlawm ngei mai ! Ka mipa kalpui te pahnih an lian dûn si an inkarah ka kal kher bawk nen min ti lang té zual ngawih ngawih. Thalai anlo tam tawh deuh vângin thlanglam zai hruaitute thutna hnungah kan thu a ,kan thut tawh hnu a min rawn la thlêk tawk tawk lah an awm .Ka zak lek lek alawm le


Khawhar chhungte lam atang 'Van hmun ropui hmangaih ram khi ' tih hla an rawn thlâng a ,ka hla duh ber pawl ani chungin ka bula thu vang hian ka zai tha ngamlo .Ka zaithiamlo ve angreng ropui mai sia ka inti mualpho mai mai ani .
Kan zai kar lakah chuan khawhar chhungte lam atang Mitthi chanchin tawi leh lawmthu sawina te an rawn nei bawk a,thalai chu beisei ai daihin an tam lehnghal a ! Kan vêng lamah pawh khawhar in ka kal ve fo a ,tiang tak hian khawpui lamah chuan kan tam ngailo .Thingtlâng lam bawk hi ani ,kan mizo tlawmngaihna te kan mizo hnam te chawimawi a chawinung tu te chu .






"Banlam kanlo hnaih tawh mai anga ,kan zaihruaitute khân hla lo thlang sela .Remchâng kan chuh lawk anga ,hei zanin ah kan kiangah kan doctor a rawn tel ve a khawngaihin lo ding lawk se Dr.Zodinsangi " Hruaitu in atih chuan muangchang hian kan ding chhuak a ,thut leh lam erawh ka thu rang ngang mai.
"Alawmawm hle mai ,nula emaw tlangval lam hi Doctor kan la nei miahlo ti ila ka hriat chinah chuan kanla neilo a .Khawhar inkal nachâng hria Doctor kan nei hi kan khaw tân pawh alawmawm hle ani....."





"Bawihi "





"Keimah maw ?" Ka ti hû ,awi tunah khan 'Bawihi' minti mawle ! Ka hre sual chu ani theilo ang!

"Umm ,ka pa khuma te chhung ah hian nula an awmlo a hmun vel hi i phiah sak lawk mai dawm em ni ?" Atih chuan "ah aw ..." Ka ti sep..Min kohdan vang khan ka hamhaih deuh alawm le .




Kan bân hnu chuan tho chhuak ve ta lo chuan kan thu tlang a ,Û ruatruata erawh "zial ka lo va zu ang " tiin a chhuak thung .
"U remruat tiang hian bânah hmun an phiat thin ami ?" Zawite chuan ka ti ru sa sa a ,alo bu nghut "Atlângpuiin chhungkua a nula an awm hi chuan thenawm hnaivai nula te hian an phiah pui mai thin a mahse nula an neih loh bakah heilai vêng hian nula khawhar in kal rual an neilo riau a " ati a .






"Akhaia ...lo ti duh suh .." ti a ka hmunphiahlai la Nuvalai ve takin min laksak mai atum chuan "apawilo kan phiat ang ,aho lutuk " ka lo ti thuai .

"Zah te pawh iti zahthlak alawm le "atih chuan ka nui mai ,"anih kan va lawm dawn ve aw " ti lehin min kalsan zui a. Ka chhandan hrelo ka bu nghut nghut chu U Remruata'n thingpui no dawm chungin kilkhat atang minlo nuih ve suk suk .





Chhuat hawl tur azau hranlo a ,ka zo thuai a .Pawnlam erawh nula tlawmngai thenkhat in anlo phiat diam tawh .




"Kan haw mai dawn asin ,U Ruata'n pawnah min nghak reng bawk sia " U Remruata bula ka tih chuan "kala awm hrih ang ,thuthleng vel hi inleng haw hunah remsak an ngai dawn a " ati sup a ,min thlah tumin pawn lamah kan inzui chhuak zui a


"Kan thlen hunah kalo text ang che aw " ka û scooty chunga lo thu vàng tawh melh zeuh chung chuan ka ti sep .
"Umm tlân chak lo ula " ati ve sup a "muttui le " ka tih chuan "i mu hma dawn nia " tiin min chhang daih !
Hrethiamlo zeta ka melh reng chu "tlaiah i mu lo adik em " ati thawp sup.





"Engtin nge hriat ?" Ka ti hâ a



"I sawi lai a i û hmelhmang kha ka hmu lawm " ka zak chem chem mai ..

"Anih ka kal " ti nawk nawk in ka û lam ah atlân in ka tlân phei ..Awi ka zak lutuk ringawt ,ka thu fel chiah chu ka û hnungah ka beng thlawp "amak thei pawp pawp " atih te chuan ngei tak ka ni ."Tlân chhuak vat teh " ka ti hlar a ,"tinge ,i bialpa thar chu fawh itum a alo duhlo mi ?" Awi! Ka chhang peih tawhlo .






In kan thlen chuan Nûtein lehkha alo zir mawlh mawlh a ,tibuai lo tura ka û hrilhin room ah ka lût zui nghal thuai .
Room kan indaih loh vangin sitting room ah ka û ala mu hrih a tihngaihna vak awm hrih heklo .Quater alian vak silo ,room han siam belh tum pawh ni ila atheihloh .

Ka message tone a rawn rik bal chuan ka puan bih lai hlip sawk sawk in ka en thuai a ' In thleng tluang em ?' tih te hi U Remruata hnen atang arawn thleng .Chhan pawh ka huphurh zo vek tawh .





"Umm kan thleng deuh chiah " tih chu ka tahwn let ta ,tho tun hi zahna hun ala ni rihlo tlat .
"Athat chu mu hma la ,Damlo enkawltu zawk i chau ange " a rawn tih leh chuan kalo khi leh ver ver tawh .Zing ka thawh har zia chu hria se mu hma turin min ti min ti lo tawp ang mawle .





"Anih muttui le ka bialpa " ka send rualin ka ph ka off a khumah ka theh thla tawp .
Over minti angem? Min ngai lerh viau angem ? Keimah leh keimah zawhna ka inzawt nghal zung zung .

Message tone a rawn rik leh rual chuan ka ph chu ka ban leh zat a ,hawng nghal mai lo chuan minute khat tal kan nghak leh te te a ....ka open ruala ka hmuh chuan ka mut a ti tui dawn lutuk ringawt .



"Muttui le ka bialnu "















#ka edit hman tawhlo aw...Comment leh share lam tan minlo lakpui theih chuan ka lawm ngawt ang.
Chuan comment hi fb hi alo mak ta neih nuaih lutuk a ka sawi thiamlo in comment te hi ani nuaih mai ka theih ang ang ka reply thin a ,reply hmaih kalo neih cheu chuan minlo hrethiam dawn nia .


Show post links
Top