ZûNLêNG BY Natasha Hrahsel (Completed)

[Ngaia]

*ZûNLêNG * ch~13





Urlawk zán ka hman tawh zawng zawng ah ala nuam ber ang !khawvar hnu ah an haw darh ta hlawm a ,U Remruata pawh athianpa nen an inzui haw ve nghal zat ..
An haw hnu ah kan tihfai hmaih tlema zawng ka ti fai leh thuak thuak a ,ka mit te chu akham urh thei .O Naui te hoin hmun hnawk vel mintihfai pui hlauh a han tih em em ngai a awm tawhlo hlauh.



Tuna ka mut ting tang chuan ka inkhawm hman dawn tawhlo a ka hriat vangin rawng te chu ka bawl lawk a ,Kawmthlang ten vawk talhin kg 1 ngawt min rawn sem ve chu ka chhum nghal hluah a ,vawksa hi chu achhum ngei hian atui bik riau .





"Mate i va tho hma ve " mit nuai chet chet hia U Ruatruata a rawn lut
"Ka la mulo hrim hrim ,u invan bengchheng hlawm em em nizan khan " ka ti zui hlak .Keini pawh kan bengchheng ve tho nangin an ni ang em em chuan kan bengchheng lo.

"Nia Pa ber rui phurin peihlo thleng thleng min lampui mawle "ti supin fridge a tuivawt chu ala chhuak a ,a in nghal khawlh khawlh ."darkar hnih tal kala mu hman ang ,ka va mu zawk. Minlo kaitho leh dawn nia ka inkhawm ve duh ang " tiin Nûtei room lam apan zui a .Nûtei awm hrihlo nen aroom ah amu hrih ani .





Ka ph ah hla play in rawng ka bawl zawm mawlh mawlh a ,antam tlakin bawkbawn vel ka bai pah nghal zat bawk .Chaw hi chu eidawn ge ah chhum ila sa ver vawr a ei hi kan duhdan ani .Nizan lamah kan hmarcha rawt an ei zo daih a ,rawt belh turin ka mal zui mawlh mawlh.Sawhthing leh purunvar ,bakhawr nen ka den pawlh a a rimchu tui tak ani .
Tette atanga Mizo chawhmeh ngat hmeh chho ngar ngar kan ni bawk a ,ram pawna kan awm lai te khan ka thil ei atui theilo reng reng nia ! Masala rim nam thei lutuk te kha ei hrehawm ka tia ,kawngsira anlo zawrh eitur neuh neuh te hi ka ei ngailo tluk ani tui ka ti ve derlo .





Chaw ei ka peih chuan ka û kai tho in kan ei nghal zung zung a ,kan thawmhnaw vel kalo nawh chhungin alo tifel ve thung.Mipa mah nise tianga min puih te hi ahreh ngailo reng reng .




Kawrfual pawl dal riai mai dangdai zet ka ha a ,pheikhawk sâng tha ve tak transparent vek ka bun bawk,vawikhat phei chu ka pheikhawk hi kan veng naupang pakhat in 'cinderella ta ang ' atia biakin ah alo kawk vu vu tawh ka û ten min nuih nasa hle bawk .Ka sam chu ka ti kawi deuh a ,makeup ka mitbui lutuk hliah nan ka hmang nual bawk .

Ka û insiam ka nghah chhung in ka pa te call in Christmas chibai ka buk a ,anni pawh anlo insiam ve mek avangin rei inbe loin ka dah leh thuai.





"Na..i kawr kha va thlak teh "ka û lo chhuak chuan ati hmuk .Ka kawr rawng ang chiah a rawn ha chhuak ve chu niin ! "I duh leh thlak mai rawh ka thlak peih tawhlo e a " ti hmakin ka chhuak hmasa a ,minlo zui ve nghal zat tho

"Rawn kalh ta che " kawngkhar pawh khar lo a alo kal ve tawp vang chuan ka ti leh hlar .Phun nuah nuah in akal ve leh mai tho bawk .





Ka û in scooty ken a ti hlauh a ka lawm zia chu ,nilo se chuan ka pheikhawk bun vangin ka kal rei leh dawn lutuk.

Biakin kawt kan thlen chuan mi hian minlo en duh hlawm hle a ,ngaiah ka nei tawh zawk .Thenkhat in min ngaisang a ,thenkhat in ka chanchin keingei pawh in a ka hriat ngailoh hria anlo awm bawk a ,athen lah in U Ruatruata nena inngaizawng inchenchilh ang hiala minlo sawi te pawh an awm! O naui ngei pawhin ' i û hi i ngaihzawng emaw kanlo tia kan hmuh hmasak ber cheu khan ' ati ve ngei a ,kan hmuh dan ang anga ngaihdan siam mai hi alo awl ve bawk em a ,ka hrethiam khawp .






"Awi Doctor i tha na damdawi min chawh kha ka ngaih khawp mai a ,ka lawm tak tak ani "nu pakhat hian alo ti deuh hluai a "ava lawmawm ve aw " ka ti sep ringawt .Amah phei chu ka hre tawh chuang hauhlo

"In remchan hunah i thianpa nen hian chaw inlo la ei dawn nia " a tih chuan " ka û chiah anih hi " ka ti sep a
"In hmeltha dun sia ,inngaizawng emaw kan ti dawn cheu lawm " tiin anui zui uarh uarh a ,keini pawh kan nui ve tawp .





"Awi Laldin iva mawi tak "ka bân a min rawn chum taih pah hian Lalkimkimin a ti a "ehe nge helamah " ka ti deuh hluai
"Ka pu te inah chaw kan eikhawm a ,ka pa in helama inkhawm ati deuh tlat mawle .Ka ning ania chhangban bak an sem leh awm tawp silo " ti zui nak nak in a sam a delh sual nge mawni chu atuai mam zui thuak thuak a ,ala pawng deuh tho .An haw hnu khan a zu mu nasa viau aniang.
"Inchhung kan chang tawh chuang lo ,pawnah hian thu ang u " tiin min kai zui nghal dawt dawt a ,biakin thlang lama thutna an dah ah chuan kan pathumin kan thu zui zat.




Kan piaha tleirawl te te thu ho chu kan lam hawiin an inhrilh ru leh ser ser thin a .Ka û an rawn chhaih deuh nimai hian ka hria ,an hmuh theih nan ka thungil deuh a ,ka û in an lam ava hawi apiang chuan an han in beng nawk nawk kher zel a
"Naupang tak hi chu " Lalkimkimi'n a lo tu zui hlak .





Inkhawm kan bân chuan Chhangban leh thingpui an sem a ,ka ei tui lutuk chu ka dawhnawn hial a mahse ka ei hmasak ang hû in ka ei tui tawh derlo thung .Ka û in "a chhang in an loh vang aniang" ati a ,nih pawh ani maithei .
Kan eizawh ah inlam ah kan haw thuai a ,mut la kham lo ve ve chu mut kan tum nasa dun khawp mai .
In kan thlenrualin kan inthlak sawk sawk a mahni mut hmun lam kan pan nghal ve ve ,tlaivar hi chu a nghawng ana ve ni inkhawm chhungzawng ka hâm tluan thak ang vel ani .





'ninawm' ti hapin ka ph ka ban nawk nawk a ka chhang nghal thuai ,casualty tangin ani.
"Ih Doctor ilo phei lawk hman em?" nunui'n a rawn tih chuan "awle" tiin ka tho leh nghal zat a ,ka mu thân tawh sin le .Ka hna hi ka tihchi ani em pawh ka hre tawhlo e a ! Mihring zaidam leh nunnem piah lamah dawhtheihna nun neih angai bawk a,ka neih loh hlir ani.





"Hospital ka thlen chuan ER room ah ka lut nghal a ,mask vuahin glove ka bun nghal sawk sawk.
"Doctor , damlo hian Jeletin a keng puak a " Nunui chuan alo ti nghal sawk sawk a ,damlo kut kan enchiang chu akuttang pali ngawt a bung ,thi ala chhuak duh em em zui."Nunu hetah chuan hei bak tihdan a awm lo ,thisen pek angai dawn kan refer angai ang " ti sawk sawk in Nunui buaipui zawm ah ka dah a ,a na ber erawh ala tawng pawr khawp mai ' an in kha kala vawm dawn alawm' ala ti bual bual reng a ,damdawi a rui ani maithei .Zû ringawt rui se chu na ahre tawh lutuk ang .





"Damlo rawn kalpui tute kha rawn lut lawk ru " pawna tlangval lo ding thup ho chu kan bia a ,anni lo ding dang awm bawk lo nen an zinga a upat hmel ber tur chu rawn pen chhuak in Casualty ah a rawn lut nghal zat.
"Damlo enge inih ?" Ka ti nghal chawt


"Athianpa "




"Achhungte an awm lo em ni ?" Melh kiau chung chuan kan ti a "keini hi a chhungte chu kan ni mai ,sawi tawp rawh " ati deuh hmuk a ,kei ai a upa maithei mahse a ngeng lel lul lutuk a ben hrep ania ka chak ni.
"Aizawl lam panpui angai ,hetah chuan kan tihtheih atlem lutuk.A rang thei ang ber in panpui ula thisen ahlauhhnem dan azirin thisen pek pawh angai maithei " tiin reder na lehkha chu ka ziak mawlh mawlh a ,hetah chuan avein chat takngial pawh zawm turin hmanrua kan nei tha tawklo .





"Kalpui lo ilang athi angem ?" Atih chuan ka melh ngawt ngawt .
"Athih leh dam chungchang chu ka sawi theilo ,ketin tliak mai mai pawh nise Pathianin ahun atih chuan athi tho ang .Chutiang bawkin a lu bung hmawk pawh nise Pathianin hun ala tihloh chuan athi chuanglo ang " ka ti hmuk a ,ahmui lo petsawi zeuh chu ka run ngang mai .

"Awle kan hruai ange " duhdah deuh a sawiin refer na lehkha chu min dil nghal zat a ,tha deuh chuan ka pe ve leh tho .Proffesional taka che tura kum tam intrain kan ni a ,kan mizia chu kan thlakdanglam hnehsawh tawh lutuk .Mahse thin han khei zawk zawk chin hi chu a awmlo theilo.





"Duati ka nu leh pa ten chaw ei ah an sawm cheu a "

Ka mu mai chu thu chhuak hlawl in "kei..keimahni maw ? Kan unau in maw " ka ti bah nuai."umm" a tih sup chuan "a teuhlo mai ka zak " ka ti hluai a .Mu tho hlim hriat atan chuan ka thul hriat hi ka duhlo reng reng .

"U Remruat ka duhlo ania hnial dan lo ngaihtuah mai rawh " ka ti nghal chuk chuk..




"Bawihi thupawimawh hrilh tur che ka nei asin " a tih thawp sup chuan ngaihdan thalo lo kalo pu hman mahse "ka zak alawm " ka ti chuai raih .
"A zahthlak loh ,ka awm alawm " atih tak sup ah chuan 'ka û kalo be chhin ang ' tiin call ka dah a ,ka ph thehsawn in khumah ka let thla tawp.

Engthu pawimawh sawitur nge aneih ang le ? Nizan a a awmdan te kha ! Ani hian min then tr atum tihna mawnle ? Aaaa ka ning ka awmdan hi ka hne ,an ina chaw ei lah ka zak bawk si .Ka kalloh chuan athupawimawh sawi duh chu ka hre dawn silo Remruatfela mai mai chu laklawh deuha min dah chu le ..






Ka û hnena ka sawi lah in alo remti thân mai bawk si .Kan unau te chauha chaw ei rek rek reng chu alo ning ve deuh tawh te pawh ani maithei ani .

Chaw kan ei chhuah dawm vang chuan rawng pawh bawl loin ka inbual fai a ,ka harh deuh kawk in ka hria ! Ka û lah aphûr nasa mai si ,U Remruata hi angaisang niber hian ka hre tawh a .






Rawngbawl pui te a mawihnai kan tih vangin kan kal hma a ,kan thlen chuan U Remruata tak phei chu alo awmlo .Anu leh pa sitting room ah anlo thu a ,U Remruata nau in choka lamah rawng abawl mek thung ..

"Lo kal rawh u ,kan sawmna te inlo ngaipawimawh ve duh a kan va lawm ve aw " kan luh rual chuan U Remruata pa Pa Zorama chhan alo ti var a ,ani hi chu damdawiin anlo kal khan ka hre tawh.





"Chaw ei ah te min sawm zawka kan lawm zawk daih mai ,christmas chibai pahin inchibai ila keihi Zodini Û chiah Lalruathlua ka nia ,ani hi ka nau Zodinsangi " ka û chu apuitling zawkah tangin a ti zung zung a .
U Remruata nu chuan " bawiha pawh alo thleng dawn tawh ang ...e saw sawilai lai in alo thleng alawm "
U Remruata chu inchhung a rawn pen lut nghal chat chat a ,a hnung lamah kut suihin a room lamah akal nghal daih !






Reilo ah alo chhuak lehnghal mai bawk a
"Mama engmaw dawrah chuan iva tih a ?" Pa Zorama'n atih chuan "khawl vel ka endik mawle " a ti sup ringawt a ,Christmas ni ni ah te engtak chu va ti nimaw .

"Inlo thlenna a rei tawh em ?" Ka bula rawn thutthlak dawt pah a atih chuan "la rei lo e " kalo ti ve mai a . "Kha chu a va tawngduh leh tawh ve " ka û melh zeuhin ati sup.
U ruatruata hi chu tupawh kawmse atar lam thlengin sawipui tur hi ahre thei ania.






Zân lam inkhawm duh an awm nual vangin chaw kan ei hma angreng viau a ,U Remruata nu in Pathian hnena lawmthusawina ahmang a .Pa Zorama hmasawnna vangin Pathian hnenah lawmthu a sawi nawn mawlh mawlh hi ani ber .Chawei lai te chuan min fiam leh zuk zuk hlawm reuh a ,ka lai bawk si nen chaw ka ei puar em pawh ka hrelo e a .

Zanriah kan eikham chuan U Remruata nu leh pate inkhawm turin an chhuak zui a ,ke in an kal dawn bawk si nen muangchanga kal an duh vangin an kal hma ani.U Remruata nau erawh inkhawm tum viau chungin a thulh leh rih a ,lengkhawm erawh atum thu asawi .






"Thiana i nau hi kan ti ti pui lawk ang chu " ka û bulah chuan U Remruata'n a ti nghut a ,ka û lahin "aw ...aduh te chuan " alo ti fiamthu hlut .A puar lutuk a apum achul chul mai .U Remruata nau nen an tuizawng lo inang nen an inkawm thei fuu bawk .





"Bawihi " ti zawi ruih hian van lam hawiin athaw chhuak hawk a ,keiin a sawi leh tur ngaichangin kalo thlir reng .
"Kumthar lam atang chuan Khawpui lama dawr hawn ka tum deuh a " ti chhuak supin hrehawm tih hmel zet hian min melh a "alawmawm alawm i sumdawnna i zauh belh zel dawn tihna nia " kalo ti thuai.

"Khu lama ka awm hrih angai dawn " atih zawi ruih chuan ka chil ka lem khalh .."tinge " ka ti zawi sep.Helam atang abuaipui mai turah kalo ngai a !




"Dawr tur ka hmu tawh a ,kumthar a luahluh theih turin zuk buaipui lâwk angai a .Helam chu ka nau in alo buaipui tawh thung anga ."Min râwn zet chuan ati chat chat a ,ka dawnsawn dan hriat tumin chik takin min melh reng bawk .

"God! Bawihte " ti supin a awm ah min kuah nghal thuai.
Ka mittui bawk alo tla leh ta ! A sumdawnna thanlen na dâl tu nih ka duhloh rualin ka ngai dawn lutuk hi ka huphurh lawk. "Ka tihpalh ...ka ngai dawn lutuk che a " kuah let pah chuan ka ti chhuak sep a ,"min hrilh tehthut lutuk a " ti nuah nuah in ka mittui lo luang tur chu danlet ka tum hram hram




"Umm ka thei angem tih ka chian hma kha chuan tumah hrilh ka duhlo a , khawpui lama sumdawnna zauh belh ka ngaihtuah laiin ka tawng leh che a .Thulh leh mai ka duh rualin kan pahnih hma hun atan zauh belh ka duh bawk si " rilru buai hmel tak chuan ati a






"Min thawng teh thut lutuk a ka awmthiamlo mai mai anih hi ,atha lutuk alawm i ruahmanna chu " inlahrang thuaiin ka ti nghal thuai .Ka mit chu ka nuai nghal nawk nawk a ,a rilru tihnawm nan ka nui pah sen sen bawk "nakin lawka sumdawng lian nimai tur bialnu ka nih hi " kan boruak tih zia awm nan ka ti fiam thu a
"Sumdawnglian inih hunah chuan kei aia hmeltha i thlang leh daih si nge aw "




Anui ta hawk hawk "duhawmnu " ti supin ka biang chu apiai zeuh a ,thaw chhuak hakin " ilak atanga kal hran ka huphurh zia i hria em ?" Thutak zet chuan a ti zawm sup .
"Bawihi hmulo che a nikhat hmanral pawh harsa ka ti tawh hle si a"




U Remruata te in atanga kan haw hnu chuan ka room ah lutin ka mu zui nghal zat a , insawn ve mai te chu ka duh leh rum rum tawh hial mai .Mahse thil tihchi ber ani tawh silo.U Remruata ka thlahlel ta lutuk te hi nulat tlangval inngaihzawnna mai mak anih ka ring tawhlo .Keihian hun reilo te chhungin ka hmangaih hman dêr tawh nimai hian ka hria !
Darkar hnih thum kal leka inhlat tur mah ni ila huphurh tak te in ka huphurh tho.



Sumdawnna zauh nen abuai hle dawn a ,min biakna hun a nei tam dawnlo tih lah ka hrechiang .Nitin thlahlel ngawih ngawih a ,kan inhmuh hun tur nghah nilen thin ka ngai anga.Ka thlakhlelh ang em em hian min thlahlel ve kher angem tih lah ka hre bawk silo .'kallo mai rawh ' tih leh mai te ka duh hial a ,a kawng dâl tu nih ka duh silo.





Mitkhapkar lekin krismas boruak azo thuai a ,ruai theh ve lemlo in inlamah kan hun neih ang chhun chhun âm takin U Remruata nen kan hmang dun a . Ruaitheh tuk ah ka û nen Aizawl lamah an chhuk dun nghal a,inah keimahin ka awm der mai.
Ka û pawh min awmpui reng thei anilo a ,a hna tur lam buaipui ve angai tawh ani .






Kumhlui thlahzan pawh kan buai zankhua leh ta thak a ,hunpui boruak zo mai tur lo hmang na fâl deuh an tam bawk nen Hospital ah ka duty deuh tawp ani ber .
Ka lunglen hlau in Lalkimkimi leh O Naui'n Hospital ah eitur neuh neuh kengin min awmpui a ,kumhlui thlahzan chu lungleng em em biklo in ka tlingtla ve ta hrâm
U Remruata pawh kumhluithlahzan thlengin a dawr tur vel ala buaipui a ,kumthar ah chuan hawnhman ala tum ve fan .Ka sawilawk ang tak takin inbiakna hun kan nei tlem thin khawp mai ,ka hmanlai in ani ahmanlo a .Ani ahman ve hun lah Hospital a ka buai hun lai tak alo ni nen nilenga inbiakloh hun kan nei ta zeuh zeuh mai .






"Aw kimkim ka ngaithla " ka rawngbawl lai chawl zeuhin speaker ah ka dah a , ka chawhmeh chanlai ka chanzui leh nghal mawp mawp .

"Din...din..i hmu tawh em ? "




"Engmaw " kalo ti hâ



"Ih Biakthansang'in a post kha mawle " nui hak hian ati a "engmaw khawiah ??" Ka ti zui ve mai.




"Ila hmulo animaw ...U Remruata nen englo "




"Kimkim sawi teh " ka thiltih lai dahthla meuhin ka ti nghal chuk chuk .Chutah thaw hap hian " Biakthansang'in U Remruata nena an landunna FB ah apost " a rawn ti ta mai "mahse..ka awihlo " ka ti bah nak .
"Athlalak kalo thawn ang che " ti zui hapin call adah a .A thlalak lo thawn hun ka nghak mawl tawp.Ka thil khawihlai pawh ka chhunzawm theilo .





Alo send hun nghakin ka whatsapp chu ka bih deuh chhen a , ka nghahhlelh vang nge a rawn thleng har ka ti tak zet .
Kimkimi hnen atanga message a rawn thlen rual chuan ka open zui nghal thuai a ,a thil rawn thawn ka hmuh rual chuan ka ipik nghal vek ! Ka awm atawt nghal vek a ,thawk harsa ka ti hial mai .






A thlalak rawn thawnah chuan U Remruata hnung lam alang a ,mahse hai theih rual anilo .A chhuak tur lam anih hmel a ,kawmgkhar bula darthlang inhûng ah ahmai chanve alang a .Biakthansangi thawmhnaw mumal inbello a khuma amu lai chu darthlalang atang chuan langin aman thla ala tih hriat tak hian Ph akeng bawk .
Thlalak chu ka en nawn ka en nawn leh thin a , ka hriatloh karin ka mittui alo tling leh pam tawh .
Ka mittui afar mai loh nan vanvadakin ' Zodinsang i zirlai har itih ber chang pawn i tah ngailoh kha ' tiin mahni leh mahni chu ka infuih a ,mahse ka dang zo chuanglo.U Remeuata ka tawn atang hian hmeichhe tahbelh tak ka nihzia ka hrechhuak a ,ho te te ah ka mittui atla ta fo mai .





Ka rawngbawl pawh ka ngaihsak tawhlo ,ka dah ang angin ala awm tawp .Tunah hian zan dar sarih a ri tawh a ,ka chet abuai a ka inchhung ah chuan ka vei kual ka vei kual ringawt .
'Nilo ...ka chân mai theilo ' ti chhuak sepin ka kawrlum ka la a ,scooty helmet leh chahbi la in ka in chu ka kalh a ka inkhalhchhuak nghal thuai .
Engthil dang mahin ka ngaihtuahna aluah zo tawhlo ,zanin hian ka hmulo anih chuan ka â thei tak tak mai ang.



Zanthim hnuaiah chuan Aizawl lam panin ka inkhalh chhuak a ,zân ala reilo bawka pawna lo awm tawk pawh anla awm.Hlauhna ka neilo a ,ka ngaihtuahna ah U Remruata chauh a awm.Min Phatsan turin ka thinglung chuan aring phallo a ,mahse ka mit ngeia ka hmuh thil zawkin ani min tibuai chu .Chân ka hlau a ,min kalsan ta se engtin nge ka awm ang ka hrelo.An ngaihzawng ten an kalsan vanga nunchhe vek emaw mahni nunna hial la duh khawp ka hre nual tawh a ,ka ngainep thei viau thin .Mahse tunah chuan ka dem talo .
Vanlam khian ka rilru natna min hriatpui nge Zemabawk dai ka thlen chuan tunkum atan ahmasa ber turin ruahmal a rawn tla pheuh pheuh a ,avawt zual kher mai .Khawchhung ka tlanluh hnu phei chuan a sur tak te hian a sur tawh ! Khur beuh beuhin Aizawl ka luh chuan kawngsirah ka ding dat a ,ruahsur buan buan karah ka ph phawrhin ka chân hlauh em em pa chu ka call ta ngat .





A pickup tawh dawnlo emaw ka tih hnuah " bawihi " a rawn ti sup a ,ka mittui bawk chu ruahtui karah a rawn luang thla nguai nguai ..
"Khawnge i awm " tah insum tak chuan ka ti chhuak sep
"Ramhlun ah ka inluah ah ..."


"Khawilai ah tak " ka ti nghal hlar ,a awmna lai tak a rawn sawi a " ka rawn kal " ti zui sepin min auh lawm lawm na pawh chhanglo chuan ka off zui nghal tawp.
Ka tlân zel a ,ka tlânpel tawh emaw ka intih hnu ah kawngsira U Remruata ngei mai nihliap khuma lo ding ka hmuh chuan ka tah nuih hak .





"God ! Bawihte i chungah enge thleng ?" A bul a ka din rualin a lo ti nghal hrawk . "U Remruat " ti zawi sepin ka nui hak a
"Zodinsang engthil nge thleng " ati chhuak hrawk .
Ngawi renga ka melh tak vung vung ah chuan ,thaw chhuak hawkin ka scooty chu kawng sira dah remin ka chahbi ka phawi nghal a .A inluah lamah engmah sawilo in min kuah thla nghal thuai .





Inchhung kan luh rualin room lamah alut zui a towel nen rawn let lehin min hru nghal nawk nawk ,ahmel dur khup chu tumdang nise ka hlau ngawt ang mahse tunah chuan hlauh engmah ka nei hrihlo .

"Inthlakna tur kalo lak ang che " ti nghutin room lamah a lut zui leh a, ka zui lut ve nghal zat .




A room chhunga ka ding far tluk tluk min hnuh rual chuan engemaw sawia phun hlukin "inthlak rawh " a ti zui hluk a .
Ka kawrlum hak phelhin chhuatah ka thehthla tawp a ,ka tshirt hak ka phelh leh rual chiah chuan "Zodinsang " a rawn ti chhuak thawt .
"I harhfim meuh em ?" Ti zui hlukin min rawn pan hnai a ,hnai chet chawt a min en vung vungin tihngaihna min hriatloh hmel zet hian "kalo va chhuak ang " ati ta nghut .





******** Mature content warning ********




Akal mai tur chu abanah kalo vuan tung a "tinge..tinge min îtna i nei lo em ni ? Mawh..hmeichhe dang anga ka nalh ve loh vangin maw .." ti phiar phiar in ka kawr hak chu ka phelh a ,ka kekawr tluan hak pawh ka phelh zui nghal zat .Ahma ah chuan underwear nen chauh ka ding tawh.
"Zodinsang " ti thawta apuan hmuh hmasak sak a min khuh atum chu duhlo zetin ka lo vai kian sak a , thudang asawi leh hmain keimah zawkin ka fawp nghal bawrh bawrh .Ani mipa thisen lum chuan minlo chhang rang ngang bawk .





Ahma a kan infawh thin aia uar hian min fawp mawlh mawlhin min chawikang nawlhin ka bawpin akawngah ka kherh nghal zat a ,min fawhna thlah miahlo in khumah min nghatthla nghal zat .
Ka awmbawr chu hrawmtawhin ka nghawng lamah afawp thla a ,harhchhuak thut ang mai hian in la hrang nghal hlawk. Ka chungah erawh ala bawk reng thung .




"Bawihi " hrilhai hmel zet hian min chhuk melh rûn a , kalo ban hnai tawk tawk chu " Zodinsang " ati leh thawt .

"Remruatfel hmeichhia angin min en ve tak tak em ? Tinge min khawih duhloh ? I tan ka îtawm ve tawk lo em ni " ka ti chhuak tiau ...




Rum nghut hian min fawh zawm nghal bawrh bawrh a ,ka underwear chu ngaihtheihloh hmel zet hian a pawt nghal hrawk . "Ka insum nasat thinzia hrelo in chungthu chu i sawi amaw " ti nghutin a chet zawm buan buan a ,kalo thaw hak hak .
Min fawhna ata inla hrang hlakin a thawmhnaw hak chu rang zet hian aphelh zung zung a , min rawn bawh lehin a chet zawm nghal buan buan .A che reng reng chu ahmanhmawh em em a ,min dimna reng aneilo .






Ka chhunga amipatna khawngluah mai a rawn luhtir rual chuan a hnungzâng ah ka tham nghal tawk a ,anat zia chu pui tak ani .Thimzinga ka mittui luang tle ral ral chu hmuin a che lai chu atawl thut a " God! Engthil nge ka tih tak " ti hlukin chetsawn mai a tum chu ka lo kuahbet tlat ."Bawihi " ril ruih a tiin hrehawm tih hmel zet hian min melh ngawih ngawih a
"Bawihte ka tihpalh " ti leh supin achal sa vur chuan ka chal a rawn sik tir nghal dawt ..




"Tawp suh " ti tham chel in ka kuahna ka thlah dul deuh a ,a biang tawn tawn ah chuan ka dawm nghal zat "khawngaih takin tawp suh " ti mawlh mawlhin dim te hian ahmui chu ka han nul thuak . Achet zawm a mahse min dim tawh em vang chuan ana vak tawhlo .





"Bawihte ,tinge hetianga i awm " hrethiamlo zetin azawh rual chuan a ti ta nghut .




"Ka neih hlu ber thlengin ka hlân tawh che a ,khawngaihin min kalsan suh " ka tih tiau chuan ka chhip ah fawp tawkin "chuthu chu engvanga sawi nge inih " a ti nghut a ,ka hmel ah diklo awm a awm em tih hriat tum ang mai hian min chhuk bih ngur bawk .
"Bawihte sawi rawh " a tih sup chuan ka hmai hupin ka tap chhuak ta hawk a "engthil chiah nge i chungah thleng " hrehawm tih hmel tak chuan ati zawi ruih.





"Thansangi nena inthlalak ka hmu a ...ani chuan thawmhnaw mumal pawh a inbel lo " inhnit feih feih chunga ka tih chuan
"God ! Ka tihpalh ani lo hrilh vat tur che ka nia " a ti sup a
"Nimin ah min rawn call a ,a inluah a rawk atawh thu min rawn hrilh a .Mahni khaw mi tiin ka va kal abak engmah tih ka neilo bawihi khawngaihin min ring rawh .Dawt asawi ang tih rin ngaihna ka hrelo .A room ah khan minute hnih pawh ka awm tlinglo tih ka chiang " a ti damthlup a






"Bawihte min ring hram teh " ngengawl zeta a tih chuan "ka hrelo " ka ti hap.Ka ringzo em tih takngial pawh hi ka hre tawhlo.

"I na hle animaw ,ngaihtuahna fim hmangtheilo khawpin asiam che a "





Ngaihtuahna fim tlai atang khan ka pu tawhlo tih ka inhria ,tun a kan thil tih zawh chiah vang khan ka inchhir tan mek bawk.Mahse khatiang tehthlawta mangang khan kala awm ngailo.Engmah dang ka ngaihtuah hleithei lo a ,Aizawl thleng a ka inkhalh lai pawh khan ka rilru ah U Remruata chiah ala awm reng avangin accident takngial pawh kha hlauhna ka neilo!


















#A hma angin ka dah hma thei tawh dawnlo a min hrethiam ru aw ,class kan chawlh hrih vangin inpui lamah ka haw a tihtur neuh neuh atam ve thin lutuk a type chhung a rei ve bawk nen.Zantin erawh kala dah dawn a mahse ka hma thei tawh dawnlo aw


Show post links
Top

[Ngaia]

*ZûNLêNG* ch~14






Zing ka harh chuan keimah chauhin ka lo mu tawh a ,hawikual ruaiin U Remruata chu ka zawng nghal ruai a .Ka awmna ka hai thelh bawk .
Thawmhnaw mumal inbello in puan ka lo sin hlûn a ,ka lu na lutuk vang chuan ka meimitchhing leh ngawt thin . "U Remruat ..." ka ti chhuak sep a ,ka aw chu aphui mup mai,achhuak chang chang chauh ani .






"Ilo harh hman a ,i inbel tur ngaihtuah in ka chhuak lawk a " ti in room ah a rawn lut a ,polythene hian engemaw a rawn khai bawk . "I harhna a rei tawh em ?" Atih chuan ka lu ka thing mai a , "heihi inbel lawk hrih mai rawh aw " damthlup a tiin "eitur kalo va ngaihtuah ange " atih zawm a ,min ngaihtuah hmel zeta min en vung vung hnu ah achhuak zui a .

A thil lei kan en chuan underwear leh hoodie bakah pyjama alo awm bawk .Tho kâng in ka inbel mawlh mawlh a ,ka hrawk thip lutuk chu ahrehawm takzet ka taksa sil nen ka nuamlo hi ani ber mai .Nizan ruah ka do hrep hnu ah khatiang kha kan nizui leh mai si a ,ka sîl takzet .







"Eitur kalo ngaituah lawk lo a ,chhang ka toast sak che i ei duh ngem " ka va chhuah rual chuan alo ti a ,a siam zawm mawlh mawlh .
A dawhkan hûn bulah chuan chair la in ka thu a ,a che chu ngawirengin ka lo en tawp .




"Bawihi na inei em ?" A thilkhawih lai dah chuan min rawn pan ta thuai . "Neilo e " ka ti tham chhel .
"Apawi ka ti " ka ti zawi sep a "i hna ka tihbuai piah lamah che .." ka hui pap a " khatianga rawn chet kha ka tum biklo asin ...enge ka ngaihtuah pawh ka hre lo " ka thaw chhuak halh halh.





"Bawihi min en teh " atih sup chuan ka en mai lo ka zak ani " min en rawh le " damthlup a atih chuan ka en ve ta chauh a
"Tihdikloh inei lo ,mahni inthiamlo deuhin awm suh .Mihring tu pawh hian rilru buai deuh hun kan nei vek ,kan thiamloh nilo in mihring mifamkim kan nih bik loh zia ti chiang tu ani .Chuan engvang mahin ka hmusitin ka hmuhhniam phah dawnlo che ,i hria ti raw? I lungawi loh leh rilru hahna ineih apianga i pan hmasak ber nih ka duh zel ang " Min hmangaih hmel zet hian min melh ngawih ngawih a ,a thusawi chu awih ngei se min tih hmel tak zet .





"Ka...hlauthawng " ka ti chhuak sep a "min kalsan mai ang tih ka hlau ,achhan chu maw U Remruat ka rin phakbak in nangmah ah hian ka bet tawh " amit a melh chung chuan ka ti a ,lungawi hmel zet in min melh vung vung .





A thil siam pawh chu ka ei hleithei talo a ,hritlang ka kai nen khawsik in min tham er er bawk .Hospital lam ka bia a ,an chinfel theihloh thil a awm chuan min rawn be mai tur in ka hrilh .
Nileng chuan kan in awm ani ta ber a ,U Remruata pawh hna ah akal bik chuanglo .In lam atang a tul zualpui abuaipui a ,paper leh pencil khum bulah inchhawp in eng eng emaw a design pah bawk .Kei kalo muthilh loh leh athil tih chu kalo en ve zeuh zeuh a ,a hna ah a rilru pek zia ka hriatbelh bawk .A thil siamtur reng reng alo draw hmasa te te phawt thin anih hmel.






Tlai lamah kan thochhuak ta chauh a ,rawng te bawl dunin kan hlim dûn viau mai .Eisiam alo thiam phian a , a rawngbawl kalo en hi animah zawk .

"Bawihi inneih i duh em "

Ka chaw bar thulh meuhin ka en a "i fiamthu em ?"ka ti chhuak thei tawk .
"Aih ,tunah leh lek phei chuan ka mawhphurhna ini lehzual .Ka hmuh phak ah awm reng la ka duh khawp mai " nghet cherh chawrh chuan a ti a .Ka chhungril ah chuan ka hlim lutuk ,mahse....mahse tih hi a awmlo theilo .A chhan chu a sumdawnna bul atan ve deuh chauh a ,inneih senso atam bawk si atan phurrit mai ka ni dawn asin .




"U Remruat ka ...reilo te tal la inzui leh phawt ang " ka ti ta zawk a "min ring lo em ni ?" Ati ta sup ,amitmengah chuan hrehawm tihna ka hmu thei.
"Chutiang anilo ,ka hna hi thla nga tal chelh ve phawt ka duh a " ka ti nuah nuah a ,inneih ka duhloh chhan ka sawi chuan hrehawm atih ka hlau zawk .Ka sit ang ah te angai ang tih lah ka hlau deuh deuh .





"U Remruat i hrethiam ang tiraw. Nang lo chu pasal dang neih ka tum miahlo ania " ka ti zui zat . A ngawi vung vung a ,ka ngaih ati thalo.

"Nanglo chu nupui dang...nilo hmeichhe dang hnaih tumna ka neilo " khisuk hian a rawn ti ta dut ! "U Remruat .." ti halhin ka lu ka thing a "iva naupang chhia tak " ka sawi tur hrelo chuan ka ti ta ringawt...






A tuk chhunah ka haw chho a ,min ngaihtuah viau mahse scooty dah ngawt thei anilo a anin min rawn zui ringawt thei bawk silo .Ka kal liam hma kha chu anui hmel ka hmu tawhlo hrim hrim.Rilru hah deuhin kan inthlahliam ta tawp.Lirthei ka khalh ve tawh hi chuan mi tupawh hian min ngaihtuah em em zel mai a ,accident em kala tawk ngai tawp silo !





"Eheu ...kha i hritlang animaw " Casualty ka luh rualin Nu Madini'n alo ti hluai. Mask ka vuah a ,ka tarmit lehkha chhiarna atan chauha ka hman thin ka vuah bawk .Jacket lian zet ka ha bawk a ,hnunglam atang phei chuan ka lang mak reuh ngawt ang .
"Umm anih hi " ka aw pawh a tial ruai mai .



"Kan damlo enkawl tu ber i damloh ve chuan ava buaithlak dawn ve " tiin anui zui hak hak a ,thingpui min thlit kep nghal zat .
" Nu Madin free checkup vel kha kartawp hi ania ,ta tangin nurse pakhat in min zui chuan atawk mai ang aw .Pa Muana hi kan hruai bawk anga ka thiante pahnih nen " ka ti mial mial a .Hotute lam atang free clinic nei turin min ti a ,kan khaw piah lamah hian khaw thingtlang deuh main road atanga pên ngai khua hi a awm a ,khaw thenawm ti ila chhak lam zawng chuan inthenawm mai mah ni ila kan hlat angreng viau darkar thum dawn kal ani hem mai .O naui leh Lalkimkimi min kalpui turin ka sawm a ,anlo la lawm em em zui! An chak zawng tak ani niang chu kei ka chakloh zawng tak ani thung a .

Zirlai fifth sem kan nih laiin tiang hian kan chhuak nasa a ,karkhat dawn cham tum kan nei bawk.Kan free clinic neih na hmun thenkhat ah lah min tibuai tu te kan tawng nawk a .Kan enkawl na aia puithiam ring zawk te an lo awm mawle !
Tumkhat pawh putar pakhat hi kan free clinic neihna ah a rawn kal a,a thisen leh zun vel kan test atang a kal (kidney) thatloh zia kan hmuchhuak a ,hmunpui lam pan tura kan tih laiin an khaw puithiam lo panin a dam thu alo hrilh ani awm a .Ani alo dam awkawng silo a kal kha alo chhe tawh lutuk kha hmunpui a lo pan meuh chuan chhan tlak a awm tawhlo.Dialysis tih pawhin awmzia a awm tawhlo a thi zui nghe nghe .Chutiang lam case dang pawh tam tak kan la nei bawk .




Damlo chu pik tunin ka en a ,immune system chaklo sa an nih vangin ka hritlang bawk nen ka fimkhur viau mai .Mask pawh pahnih ngawt vuahin a theih ang angin ka intuam phui a , ka hritlang ka kai ang tih mawlh ani ka hlauh ni.

"Ka pi ka admit ang che aw , i dengue a " ka theih anga ring chuan kan ti a
"Aaaa sum kan neilo viau asin ,in lama inenkawl theih hram dan a awm em " ati fan ruih .





"Ka pi Golden card inei em ?" Ka tih chuan abu nghut a " anih chuan sum i seng tlem zawk ang.Damdawi a thlawnin ila thei bawk anga maw ,i inseng tlem zawk dawn a " ka hrilhfiah fe hnuah a pawm ve ta chauh a ,lehkha ziah sak in Casualty lama phei turin ka ti nghal thuai.






" Ka duatnu min ngai em "lehlam atanga aw rilruih a a rawn tih chuan " ka ngai che " ka ti sep .
"Bawihi keipawhin ka ngai lutuk che " a rawn ti zawi ruih a ,ka bulah chuan awm se hneh zetin min kuah khawm leh vek tawh ang .
"Ka duatchak hian hmeichhe naupang ang mai in ilo tap hliam hliam em ?"



"Remruatfel!"



"Anilo em ni ?" Nui zui hawkin " ka hna bâng minlo hmuakin keiin ka nupui nilenga thlahlel taka ka awm hnuah lo hawngin duat takin ka kuah hlu hlu che anga , nang pangchan theih tawpin ilo pangchang bawk anga " a ti zawi sup a .
"Kan fate meuh pawh ithik bawk anga " atih chuan "Remruatfel em em a che !" Kalo ti zui hlak.Mahni fa te em thik duh tur chuan ka mawl lo .

"Fa nangmah ang deuh deuh pathum tal ka duh ania ,i tlin meuh angem ?" atih chuan ka hmai sa ham ham chu ka beng nak nak . Hepa hi enge maw angaihtuah le ?? "Iva ngaihtuah hmul ve " ka tih rual chuan a rawn nui ta hawk hawk ! Keipawh ka nui ve tawp ,ka chhan dan tehtawp kha anaupang chhia ve em ani .

"Ka nupui tur nu dah tawh rawh le , inthlak la awm hahdam rawh " atih chuan "awle" ti sepin ka mangtha a ,ph ka dah hmasak hma chu alo off lo .Tunhnu hian ka dah hmasak loh chuan call hi a dah hmasa duh tawhlo reng reng ! Ka off hun anghak hmasa phawt zel .






Vawin hi free clinic kan neih ni tur ani a ,Ambulance in kan kal a Lalkimkimi chu a rak nasa leh tawh ..Nurse ah Nunui'n min zui bawk a .Kan naupang hlawm si a min ringlo tawk te pawh an awm leh nawk maithei ni .An khaw YMA lamin engkim ruahmanna vel anlo siam a ,an khaw tlangau in apuang bawk ani awm e .

Aizawl lam atang Lab Tech pathum rawn kal bawkin hmanrua ken awlsam deuh chu an rawn keng thei anih hmel a ,an zinga pahnih mipa an ni hlauh a azia phian mai .





Tlai dar li ah pawh kanla zo hleithei lo a , an rawn kal belh zel .Keimah chauh M.O. awmchhun ka ni si a . Asawt mawh khawp mai ,O Naui leh Lalkimkimi pawh an tangkai takzet hming leh tul ang ang anlo ziak a YMA hoin eitur vel min buatsaih sak bawk a .Ka hrawk thip lutuk tur pawh thingpui minlo pe ngun bawk a azia viau mai .

Kan zawh meuh chuan athim tawh .Sub center ah zanriah min buatsaih sak a ,kan ei law law dawn ani.Kan Lab tech pathum te pawh zan haw tur ve tho anla ni a ,keini ai daihin an hmanhmawh tawh zawk ang .





"Doctor Dindini chu thlalaka ai daihin atakah inhmeltha zawk anih hi "lab tech zinga mi Sawmtea chuan a ti a ,khawi atang nge maw ka thlalak alo hmuh ni?
"Aizawl dist. a M.O. awm ho thlalak an tar a " ka zawh ngai miahlo in ati nghal zung zung.


"Tha ti viau mah la i chang tawh silo a " Lalkimkimi chuan alo ti hlak a ,O Naui a khap zui zat bawk .U Remruata chungchang kha Kimkimi ka hrilh ve a ring turin min ti hmiah .
"Chu inkhaw lamah alo nei tawh reng nge ?"






"Kan khaw tlangval chhuanawm mawle ,thawnthu bu a changtupa ang hi nimai " O Naui'n alo ti ve thung a ,ka nui ru ver ver ,U Remruata hi chuan tantu angah ve ani .

"Aaa thingtlangpa ngawt ai chuan ka that zawk kala ring fan " Sawmtea chuan ala ti fan !
"Sawma ..." Abula thu a labtech pui pa chuan alo khap zat a " hrethiam ru a ,a chau deuh kha alo in ve sek anih hi " tiin thupa a chawi zui mawlh mawlh a ,an rawn hruai vetho hmeichhia chu angawi reng thung .




"Apawilo " ti sepin ka thleng ka seng zui a ,ka puar tawh tho bakah hetiang mipa bulah ka thu reng peihlo .
Center tual ah chuan ka chhuak a ,thlithaw in min rawn chhem nghal vut vut .A vawt zèk lehnghal a





Thla lo eng pap mai chu ka thlir vang vang a , U Remruata chu abuai hrih animaithei nidanga min rawn ph hun ani tawh .
Ngaihtuah lai mek mek in a rawn call nghal zat anih hi.
"Hello"




"I chau em ?" A rawn ti zawi leh ruih tawh.Kei ai daiha thawk tam si hi ka chauh leh chauh loh min zawt hmasa ziah
"Chau lo e ,i in eipuar tawh em?" Ka ti a



"Dawrah ka la awm ,tunlai chu kan vannei nge customer kan ngah thei viau mai " ati ve hlut a ,a aw ah aphûr zia alang . " Ka bialnu vawin i chu i chau viau in ka ring ani " atih zawm zat a "ka thu nileng ringawt alawm ,ka chaulo lutuk "


"Takzet " ati thum dut .





"Umm kan hna te chu i hna khawih lakah chuan khuma mu ang ngar ngar zawk alawm kan nih " ka ti chhuak halh a ,nui ri suk in " lawmawm nu " a ti ta sup ! Ka thusawi englai kha nge maw nuihzatthlak ni.




"Tunge i biak ,i bialpa ve chu em ni ? In fak bawk a eng hna thawk nge ni a ? Ka hlawh ai tam a hlawh em ?"




"Bawihi itha em" U Remruata chuan a rawn ti ta nghut . "Aw ka tha " ti nawk nawk in
"Kalsawn rawh " ka hma a ding pa bulah chuan ka ti hlak. A hma ai daihin a ruih hmel daih tawh zawk mai lehnghal a !
"Sawiteh i bialpa intih ve sek chu enge kei aia athat zawk na ? "Ati ta khui khui





"Engahmah tlukna ineilo ,a level ah pawh indah suh " sehchilh nawk chuan ka ti a ,ka thinrim takzet.Hetianga rui chunga inbiak hi a inzahlohtak takzet .
"Min kalsan vat rawh "

A kalmai loh vang chuan keimah zawk inchhung lam pan ka tum a ,ka pensawn tur chiah chu ka banah minlo man "min thlah rawh " ka ti zui tuarh "i sawi kha ka awih miahlo " nui hak chunga atih chuan " i rui anih kha " ka ti var a





"Ka zu in thin man pawh thawkchhuak phalo tur laka tlawm ka tum reng reng lo " abiang ari nghal chawrh .Ka kut chu asa ham ham mai .

"Zawngi nang kut min thlak ngam amaw "





"Malsawmsang.. " tiin athianpa chuan a arawn kuahbet nghal nawk nawk .Rawn thleng hmanlo se chu kut min thlak hman hrim hrim ang "Doctor a aiawhin ngaihdam ka dil e ,khawngaihin ngaidam hram rawh " a thianpa chuan ati zui mawlh mawlh a .

"Haw pui tawh mai ru ,a rui tawh em mai .Hotute lamah ka thlen lo ang tih erawh ka sawi theilo.Professional taka che tur anih laiin a duty hour ah ruihlo ati a ,khatiang chuan damlo in anla tuar ang tih ahlauhawm " ti in ka luhsan zui a ,an inchai nawk nawk thawm chu kala hre thei .





"Ah..aw ila awm em ?" Ngaihtuah chhuak zawkin ka ph chu ka beng hnaiah ka dah a ,alo la in off lo hrim hrim .U Remruata chu thawveng huai ta ang mai hian athaw zui ham ham a " i tha em ,kut athlak che em ? Bawihi ka tawng i hre thei em ?" A ti zui nghal mawlh mawlh .




"aw ka tha ,ih zurui satliah mawle engkim atha tawh e " ka ti dam thlap a ,min ngaihtuah dawn lutuk tih ka hailo.
"Min tih hlauhthawn zia i hria em " ti nghutin " lo chhoh dân tur ka ngaihtuah hman asin "ati zui sup a . "Ka tha tak tak alawm ,midang an awm nual a kan haw tep "





Ka sawi fee hnuah angaih angam ve chauh.Kan inbe rei lutuk a dar riat dawnah kan haw ve thei chauh a dar sawm velah in kan thleng chauh ang.Aizawl lam ho an haw hmasa a ,an haw dawnin Sawmtea an tih pa khan ngaihdam min han dil leh hnuhnawh a ! Hremna ahlauh vanga sawi mai mai ani tih ka hailo ,ka report ngei bawk ang.





In kan thlen chuan U Remruata nen inbe leh zuai in ka mu zui a ,ka khum ngei a ka han mu chu ka kawng lo kham zia ka hre ve chiah .Anat hian ana ngawih ngawih ,kan hahdam ka ti takna in nilenga thut hi chu a hahthlak ve tho ani .





Hmunpui lam atanga ka letter dawn ka hmuh rualin ka pa ka call nghal thuai .
"Aw mate "



"Pa ka lehkhadawn hi engeawmzia ?"



"Enge ni a ?" A tih chuan " transfer letter " ka ti sep .
"Aw i û chuan alo buaipui ta tak tak ani maw " a ti zawi raih . "Pa Û Muanpuia chuan engthil nge ahriat a " ka ti chuai raih ,pasal min neih tir chu ala tum ta fo emni le ?





"Mate lungngai lo la , i û chuan engthil pawh tihtir tum che se i duhdan anihloh chuan ka remtihpui dawn chuanglo chuvang chuan lungngai lo la transfer inih ro ro chuan kan bulah i awm tam theih phah anga .Mate chhungkua a chenho pawh achakawm ve tawh alawm ." Ka pa in atih chuan ka hnual raih.Min thlahlel ve tho tih hre mah ila he khua chhuahsan hi ka hreh ani.







Zawmna


Ka in ngaihtuah a ,ka û hian heta ka awm hi engvanga phal lo em em nge maw anih le ? A sumdawnna zauh nan pasal min neihtir atum tih vel kha chu a kaltlang pui ngam ka ring tawhlo a ,mahsela Aizawl lama ka insawn theih nan hma alo la la tho si ! Engthil chiah hi nge maw angaihtuah ni ? Ka pa hian min ngai ve hle tawh tih ka hriat vang chauhin ani ka hnial loh ni ,nilo se hnial theihtawp in ka hnial ngei in ka ring





Ka thawhpui te chuan min ui der thiam ve hle a ,ka pualin inthlahna hun hman an ti nge nge .Staff te ho nen kan inpawh tan ve chauh a tunah ka insawn angai leh mai sia .He khua mai nilo khawsak dan hahdam bik lutuk te ,thawm bengchheng hriat tur a tamlo lutuk te hian min hip a ,thlifim thaw heuh heuh thin te hi a fîm bik riaua hriat châng lah ka ngah .





"Thutlem han sawi ve kan duh a ,kan inzêp tawhlo law law anga "tiin Pa Muana chu anui hak phawt a chutah "ilo awm tirh kha chuan kan iai viau che achhan ber pawh ila naupan piah lamah hmeichhia ila ni lehzel bawk nen ,aaa staff te khan mahni aia naupang hrawn kha kan hreh tlang ni vek mai in ka hria " staff ho chu anlo nui hak hak hlawm
"Mahse kan han inhrawn chho a ,kan beisei ang leh rindan kha alo ni hauhlo .Ka hriatsual loh chuan helai Doctor kan neih tawh zingah chuan duty hour lo a kan koh tam ber ini hial ang.Kei chu driver ve mai ka ni a ,chuti chung chuan i mimal thilah min hruaichhuak ngailo mai nilo in zah takin min be thin bawk a .Staff te ho lah an upatna ah i zah thiamin nangmah maia thu titlu lo in i rawn hmasa thei zel a .Doctor tha tak kan chân mai tur che hi kan ui in pawi ti pawh kan tam hle ani "




Pa Muana thusawi chuan ka hnuk ati ulh a , midang dangin an rawn sawi ve bawk .Ka biak mangloh Sub center staff leh Lab lam thlengin min ui zia min hrilh mawlh mawlh hlawm a ,ka lawm dawn nge ni a ka û vanga insawn ngai ka ni si hi ka inthlahrung zawk dawn ni ?





"Inzavai chungah lawmthu sawi ka mawlh mawlh a " tiin ka thusawi hun a thlen chuan kan ti hmasa te te a " in hriat angin kala junior a ,Doctor ka zir zawh ah ka internship tihna hmun ah hna hmu ve hlauh in chutah chuan kumkhat ka thawk a .Mizoram lamah rawn chuang chho in helai ah ka rawn thawh chhunzawm veleh mai bawk a ! A tir kha chuan ka la naupangin kala junior nen ka huphurh ve thin khawp mai .Mahse staff te infel in ka hriatloh engkim min hrilh hria a ,rualpawl thiamlo tak mai ka ni a ka hmelhriat ngailoh phei chu biak hmasak pawh hi harsa ka ti thin .Mahse nangni chuan minlo be hmasa ta bawrh bawrh a ,ka tlangnel thuai nghe nghe .Engpawh nise in zavai chungah hian ka lawm tak meuh meuh ani .
In tawngtaina ah minlo hre reng ula ,kan intawhkhawm leh ngei ka beisei .Achhelam emaw athalam pawh nise min rawn hrilh hre ve zel ula .Keipawh kan dam a Pathianin rem atih chuan pasal te kala nei ve anga chutiang hunah chuan inzavai hian min rawn telpui ve ngei turin ka duh cheu ania ."
Ka thusawi tawp lamah chuan an nui dar dar a ,khatianga ka sawichhuah theih kha ka inring ngailo.






Ka pa leh U Ruatruata ten pickup leh car rawn kengin min rawn hruai a ,staff thenkhat in ka in kawtah minrawn thlah bawk .
Nûtei mawlh mai ka ngaihtuah a ,mahsela ka pa te in a zirzawmna leh anaute zirna thlengin kum 20 an tlin hma chu an sponsor tur thu an rawn sawi hnu ah erawh thaw aveng huai ta mai .





"Awi keichu a ka thin arim emai a ,nge insawn i tum thawt thawt "Lalkimkimi chuan ati hlar a
"I mawl emai tha te te in tiang hunah chuan an inthlah ngai " O Naui chu a puitling zawkah tangin alo ti ve nghal zat .






"Ka ngai dawn cheu e ,Aizawl in rawn kal apianga in in nghahna hmun nih ka duh ania " tiin kan pathum chuan kan inkuah zui a .


"Mate kal tawh ila " ka û in alo tih chuan hreh zetin kan inthlah hlawm. "lo zin fo thei dawnlo mahla lo zun ve zeuh zeuh tal ang che "Lalkimkimi chuan ala ti fan ...ka tan min ui der tu tam lutuk chu anuam veng veng mai .






Motor kan chuan luh hnuah a tawp nan kut vai in kan inthlah liam ta a , ka seat nghenchhan chu nghengin ka mit ka chhing zui nghal zat .
"U Muanpuia'n alo kaltlangpui ang tih ngaihna ka hrelo ...apawi ka ti Mate "ka û in a tih chuan "apawilo" ka ti sep a .Kan hnungah ka pa a thu ve reng a ,inthiamlohna anei ang tih ka hlau ani .

Lehlam kawng tak chuan U Remruata nen kan inhnaih phah tawh zawk anga ,mahse ....mahse he khua a awm erawh ka la thlahlel fan mai !
U Remruata nen a kan intawnna hmun anih vang pawh ani mahna ka ngaihhlut em em ni .






"U Remruata hi dawrah awm em le ?" Counter a lo thu nula hmel fai ving veng hnenah chuan ka ti a "aw awm e ,a office ah a awm a kalo hruai ang che " a ti nghal zung zung .
Aizawl ka thlen thlak atang kar khat aliam tawh a ,U Remruata an dawr bungrua tur la in alo zin lai tak ani nen tun hi ka chhuk hnu a kan inhmuh hmasak berna tur ani .Amah phei chu ka insawn thu pawh kala hrilh lo .An dawr chu duh angin anla muk lo khawp a ,an luah man chu a to ve fu ang .Mahse an dawr chhunga an phochhuah ho reng reng hian mit ala nghal zar ,engkim mai hi a design a danglam in a changkang tawp ani mai .






"U Remruat inleng inei a " a tih chuan paper lo in chhap hnawk nuaih hian alo hawi zawk a "bawihi" ati thawp sup .
"Ka surprise che em " nui ver ver a ka tih chuan "surprise lawmawm tak ani " ti supin akhi zui suk . "Chhani min kalsan thei ang " ti thum dutin lut turin min mitmei zui a ,ka pen lut zal zal .




"Ivan buai hmel "




"I tan chuan buai lo e " hmm avan over tak a




"I va thu sawt ve a " ka tih chuan anui nghal hawk hawk . min tih hmel zet hian khi sawngin min melh zui ngat ngat bawk. "Nge ani reng alawm ,'Chhani min kalsan thei ang ' itih dan vel kha " a tawng anga ka sawi chuan lu thing nghut nghut hian " duhawm nu " alo ti zui sup .





"Ivan buai hmel tak tak " ka ti leh sap a ,paper ah eng eng emaw alo draw kual ani .


"Umm Zarkawt ah sawn Hotel siam thar tur an awm a , furniture ho kan hnenah an order mawle . Design vel kalo en kual anih hi .Engkim tlema dangdai deuhin an duh a " atih chuan kalo bu ve nghut nghut .

"Anih khawilai ah nge workshop in neih a ?" Ka tih chuan " Falkland ah " a ti ve mai .Kalo la zawt ngai miahlo a ,khua ah kha chuan an dawr hnuai ah an siam mai a michhawr pawh angah viau lo tunah chuan a chhawr hnem ve angai tawh fu ang ka ring .




"I hna i zawm tawh em ?"




"Ka insawn tuh i hria maw engtin " ka ti hap .





"Khua ala te a ,an inhrilh tawn zung zung a ka nau in min rawn hrilh " a tih chuan ka thaw hap

"Hrilh che chu ka tum a ,mahse ...hrilh dan tur che ka hrelo ani ..I thinrim em " inthlahrung deka ka tih chuan " Thinrim lo e Bawihi mahse tiang thu liantham chu min hrilh ve thin la ka duh khawp mai .Midang lak atanga hriat chu i tan eng nge ka nih tih hriatchian ahar " tiin paper chu a en zawm mawlh mawlh a ,alungawi lo deuh tih ka hai lo .





Tibuai duhloin sofa pakhat awm ah chuan ka insawn a ,a che vel chu hmuhnawm ti zet in ka lo thlir reng .
Dar khat ah pawh chuan ala tui khawp ,ph te ka khawihsan a,achang leh amah chu kalo en leh vung vung thin .





Ka hmui fawp dek dek tu an awm rual chuan ka harh zawk a , U Remruata'n hnai zetah minlo bih ngur ! "Kalo muhil daih elaw " ti sepin thawhkan mai ka tum chu min nem mu leh nghal zat . A jacket in minlo khuh ni ngei tur ani kalo sin thân bawk.
"Tinge.." ka tih rual chuan a hmui in ka hmui a rawn kharchilh hmiah a ,duhthawh zetin min fawp nghal ngawng ngawng .Chhanlet hleitheih loh khawpin a duhthawh a

Kan inthlah meuh chuan kan thaw dun nghal ham ham .




"Bawihi ka thinrim lo ,i hria em ?" Nghet cherh chawrh a atih chuan ka bu deuh nghut .Khi suk hian " khatiang khan awm tawh suh ang che " ati zui sup a "engtin " ka ti zui sep .
"Min be hreh tawh suh ,enghun ah pawh engthil ah pawh nise itan hun ka nei zel ang .Chuan...ka ngai che " a ti thawp sap a .
"Ibula ka awm reng lai pawh hian maw ?"




"Umm ,ka hmuhphak ka khawih phak renga i awm chung pawh hian ka ngai tho che .Ka taksa a nilenga i beh theih dan ka ngaihtuah mek "atih thawp sup chuan " iti rapthlak e a " ka ti sep a anui zui hak .
" I duhlo emni ? Nilenga ka bula hun hman chu " ati thawp leh sup a



"Ka ril atam e " min hnaih lutuk chu ka ti ta tawp .Ka kawchhung lam thleng hian adiklo ,ka sa pup pup thei nia mawle !





An dawr bul mai vai dawrah Chicken biryani min ei pui a ,ka ei tui zek lehnghal !
"Amak e tiang em em hian zeploh chuan vai thilsiam ka ei tui ngailo .Ihmaw an masala rim vel hi ka ti theilo thin lutuk a " ka tih chuan alo nui mai a " nge inuih ?" Ka tu nghal hlar .
"Tu emaw ei duh deuh eitam nih hlauh vanga chhuanlam siam i ang reuh lutuk a "




"Remruatfel i sual lutuk aw " ka ti vak a ,ava sualthiam mai mai tak !



"Ka fiam che nih kha ,kan lam belh duh ngem " la nuih zui suk suk pah a a tuh chuan ka duhloh thu un ka chhang hmak .La awm se chu kala ei thei cheu maithei ni .
Tunhnai hian inlamah chaw ka eihleithei lo a, achhan ber pawh U Muanpuia nen kan inpawh hleihtheih takloh vang animaithei .Dawhkan khat kil ho mah ila kan pahnih chuan kan inbe khat khawp .U Ruatruata nen pawh an inbe manglo .Tin anupui tur te lah in chhuanlam neuh neuh siamin inneih hun sawn hlat an rawn rawt deuh thut a ! Kan inchhung chu engtin emaw tak hian hrehawm ka ti thar riau mai ni.






"Zanah ilo leng duh ngem ?" Taxi min chân pui lai chuan ka ti sep .
"Karthar lamah aw bawihi khawihtur kala ngah emai " atih chuan ka bu deuh nghut a "i hrethiam ang tiraw bawihi ? Zan lamah Falkland lamah hna kan thawk thin a " atuh chuan apawiloh thu in ka chhang a ,hnathawh lam ala induhthawh hrih lutuk a .A dawr luahman te nen Falkland lam pawh aluah anih ka ring a , sum amamawh hnem hruh dawn lutuk.A thawhrim zia an hria nge customer anei tha nghal em em bawk a ,atan chuan hah pawh sawilo a athawh ala ngai hrih tlat ani .





"Naaa U Remruat tumah misual an awm li ang khua pawh ala en hi " ka ning ta deuh .
Taxi panga ngawt atlân tlang tir tawh .Athen an hmel atang ami rin zawng an nih loh leh ,'ala naupan hmel emai afimkhur tawklo ang ' ati zel a ,darkar kan nghak tling mai dawn .

Taxi rawn tlan leh hmasa ber chu kalo phar a ,mahse passenger dang anlo chuang ve .





"Khawilai nge in kal duh ? Hei ka pi hi tuikual lam thleng akal dawn a in rawn chuang ve duh em?" Driver chuan a ti lauh a , "U Remruat" ti a mitmeia ka rawn chuan alo bu ta nghut .
Ahnunglam kawngkhar chu a hawng a " i thlen veleh minlo call la " ti supin min luhtir nghal zat .




"Mami i bialpa emni ava ngaihtuah hmel che ve aw " driver in nuih hak hak pah a atih chuan lai zetin kalo nui ve ringawt .






"Mate Specialist tur law law hian i zirzawm leh mai dawn em ni ? Hetia han tawp hrih mai chu ava uiawm reuh ve " kan zanriah kil laia ka pa in atih thut chuan ka en deuh hau a

"Ka pa aduh dan dan in awm ve tawh rawh se " U Ruatruata'n alo ti zui zat . Kei erawh ka ngawi reng . "Ni e pa a kan awmkhawm ve chauh a zirzawm leh duh pawh nise ala naupang alawm " ka nu pawhin alo ti ve bawk .U Muanpuia erawh angawi reng thung .





"Nih chu ani tho a ,mahse ka uipui mawle surgeon lam hi kan ram hian kan mamawh a matei hian zir zawm leh se amahin clinic tr hawng ve se tuna ahna hi chu kum nga hnuah a chawlh mai angai anga" ala ti fan a !






"Pa chu zawng Matei thu thu ani tawh ...a thatlai zawng zawng inzirnan hman tir tum suh u .A duhzawng anuam tih zawng ti ve tawh rawh se " U Ruatruata chuan a rawn ti ta nghut .Ka pa pawhin a sawizawm tawh biklo .


Engvanga ka pa hian zirzawm leh tura min ti thut nge maw anih le ? Inlama kan awmho theih nan min ko hawng a ,chutah ka hna atanga transfer ka nih theih nana ka û in hma alak pawh awmho aduh tawh vangin ala sawisel lo leh ta zel a ,tunah ram danga zirna zawm turin min ti leh a ! Enge maw angaihtuah le ?










#ka sawi angin ka awm thei hrihlo kanla buai viau mai ka inbual ve hman chauh a ka rawn type nghal sawk sawk


Show post links
Top

[Ngaia]

*ZûNLêNG* ch~15





"Mate ka pa thusawi kha itan vek ani tih i hria em?" Ka room ka lut mai tur chu ka U Muanpuia'n alo leh nghut a ....
Hengho hian min dahbo an tum nge ? Tinge ka awm mai mai hi min hmuhtheih loh viau mai le ?



"Hnawk min ti hle mai " ti sepin ka nui hak a "mahse ka tleirawl nunpum induhdan in ka nung a ,ka tui em tih takngial pawh min zawt lo in ka tan rem in ruat vek a ! Chhia leh tha ka hriat theih tirh atang in hlim loh hlauin ka inzir a ,thian tia sawitur nei ve lo khawpin min siam bawk .Chuti chung chuan vawikhat ka vui pawh in hre lo ang .Achhan chu nang leh ka pa kha khatih hunlai khan ka Pathian biak lo chauh cheu a ,mahse....mahse tunah chuan ka tan..keima tan chauh ka nung ve tawh dawn .Ka hlimna ka ûm ve tawh anga ,ka nuam tih zawng ka ti ve tawh bawk ang " ti in min chhan zuina pawh nghaklo chuan ka room ah ka luhsan a ,ka thawl hawk a ka in hriat laiin ka û ka tawngkhum dan erawh chuan rilru nuam in min siam lo .Kan tana a beih nasat zia ka hria a ,kan tan unaupa satliah ani lo tlat ani .






MUANPUIA POV.



"Ka rilru put hmang hi hria la min dem viau angem ?" ti supin ka nau room kawngkhar chu mit chhingin ka si vang vang a ..Thaw hawkin "i nat dawn ai chuan keimah zawk hi ka kalbo zawk mai dawn em ni ?" Ti leh supin ka room lam ka pan a .

Ka unaunu laka ka rilru puthmang danglam ta lutuk hian kum engemaw chen chu min hrem tawh .A û ,a ngaihsan leh ahmangaih em em hian hmeichhia angin a en tlat tawh tih hria se zawng ka hlatah ka kalbo vang vang duhin ka ring .Ka hnaihah awmtir ka hlau a ,ka hlata a awm ka phal bik silo ...ka rilru atibuai takzet.





Ka duhthu hrilh ka duh a ,hun engemaw ti chhung chu hrilh ka duh tawh .Mahsela kan thisen zawmpui anivelo tih ahriat ruala a rilru na tur ka ngaihtuahin ka sawi ngam ngailo.
Kei leh Ruata hi chu nu leh la hmuna piang kan ni a ,kan nu erawh in tunah hian pasal dang anei thung a Ruata naupang te mai anih laiin leh kei pawh kum sawm vel chauh kala ni ka pa hi nei duhlo in pasal dang a ûm a . Khatih lai khan ka pa hi ala rethei hle a ,hna mumal pawh ala nei heklo .Chuvang te pawh chu ani mahna pasal dang min ûm san tak ni .Tichuan Zodini nu leh ka pa hi an innei ta a ,Ruata pawhin anu tak emaw tiin angaina hle bawk .Nu fel tak ni tura kan rin laiin ka pa a uire san leh a ,Zodini hi alo pian phah bawk .Ka pa chuan ahmangaih em vangin a pawm leh a mahse aboral lehsi .Ka pa hi ka khawngaih thin ...hmangaihna kawngah a vanduai lutuk hi ,tunah erawh amah hmangaihtu a tawng ta a kei erawh in ka hmeichhe hmangaih hi ka nei ve thei ngai dawnlo.





Ngaihzawng anei tih ka hriat tirha ka rilru nat dan kha ..Theihtawp chhuaha pawhthen ngei ka tum bawk .Kalo rin dan chuan ka bul hnaia a awm tam chuan min duhna tlem tal aneih chhoh ve theih mai kalo ring thin a .Ka pa hmanga koh hawn ka tum bawk ..Mahse ka lo ring sual ani kei min hlat phah ta hlauh zawk a .Min be miahlo a min kalpel ta mai thin hi hrehawm ka ti .Ka ta nise ka duh tlukzetin ka kaltir angai tih ka hriatna hian min tina a hmeichhe dang hi ka hmangaih leh thei angem tih lah ka hre heklo .





Mahni hmasial takin ka neih ngei theih nan hmalak ka tumlo ,ka kiangah ahlim ngai dawnlo tih ka hria ..Mahsela ka pa hian Matei laka ka rilru puthmang ahre tawh a ,Matei dahbo atum nghal chat reng bawk a .Engtin nge kan awm zui zel ang ka hrelo .Ka kalbo hi ka pa hian a remti ngai dawnlo a ,Matei hi engtin emaw tak dahbo a tum dawn chuthil dang tura ka kawng hriat awm chhun erawh tih ka hreh takzet .

Ka theih chhung chu thisen inzawm kan nilo tih hi ka zêp anga ,ahlim theihnan kawng tinreng ka dap bawk ang .


A sawi zawng zawng kha adik vek ...a tuina zawng inhrelo tur khawpin kan nawr nasa a,atan vek ti emaw kan intihlaiin alo hlim reng reng silo ...








Remruatfela Pov








"Engthil chiah maw i duh a " ti supin ka chair bik ah chuan ka thuthla dawt a , Bawihi Û Muanpuia chuan ka office zîmte chu hawikualin aner nawk mai

"Ka nau chungchang sawipui tur che in ka rawn kal " a tih chuan ka mitko kalo san zeuh .Engthil pawh sawi se thu tha lam chu anilo phawt ang .
"Sawi la " ti supin thutna ka kawhhmuh zui a ,athu ve mai bawk.





"Helai hmun ka rawn thlen hma a ka thutlukna siam kha ngaihtuah thatleh ngaiin ka inhria .. Ka nau nen hian inthen turin ka duh cheu" kalo nui hak ."Chuzawng Bawihi nena kan inkar ani " ti nghet churhin ka hmel ah chuan ka tih mai mai loh zia ahmu thei ang ."Muanpui i inrawlh ve lohna turah i inrawlh in i in hre ve deuh lo maw ?" Ti leh nghutin ka chair nghenchhan chu ka ngheng salh a .Ani hian min nawrluih a tum anih chuan ati sual hle ang .





"Remruat...ka nau hi i duh a i hmangaih takzet anih chuan i kaltir angai . A hmahun tal ngaihtuah pui rawh...Tunah hi chuan Doctor satliah ve mai ala ni .Specialist zir nghal law law se kan duh a ,Matei hian nang kalsan che aduh loh vangin a zirzawm duh dawn lo .Nangpawhin chu chu i hrechiang ang ...Tunang lai ah Doctor satliah mai mai nih hlut loh zia " ti charh charh in a rawn luh tirh a a awphawi nen chuang danglam tawh tak ani .

"I nau zalenna in dalsak lutuk mah mah lo maw " ka ti sup a
Bawihi hi zirzawm lo turin ka duh anilo ,mahse a nunpum mai inzirnan ringawta hmantir chu a dik berin ka hrelo .Zirzawm aduhlo anih chuan a duhthlanna chu keichuan ka zahsak ang .






"Ka hria " ti supin thawk zing hmel fe hian athaw hak a " Tun chauh tun chauh hi Matei nuna kan inrawlhhnuhnun berna ani tawh ang .Remruat ,mi tumah hi ka hriatchinah kala ngen ngai lo a mahse...mahse avawikhat nan ka ngen ache .Matei hi kaltir hrih rawh ,Specialist a zirzawh thleng nghak tur khawpin ka nau hi i hmangaih tawk lo em ni ?
I chanchin kalo hre tawh a ,Matei zirzawm leh ama tan ngei apawimawh zia hrechiang ber tu inih ngei ka ring .A zirzawh hun ah erawh Matei nunah kan inrawlhbuai leh tawh ngailo ang.Nundan phung pangai hlauh thak khawpin kan siam tih ka phalo ,mahse tun dinhmunah a zirzawm leh hi atan atha ber ani .Lo inngaihtuah la ,ka nau hi i hmangaih takzet anih chuan kum li nga chhung chauh chu i nghak thei em em ang " ti zuai raih in a tho a " Ka kal mai ang ,Lo inngaihtuah la " ti zui supin kawngkhar lam panin achhuak nghal vut .





Thaw chhuak hakin ka hmai ka tuai puak a , ka chair nghenchhan chu ka ngheng ri nghal dawt .Muanpuia sawi engkim ...engkim mai kha diklo a awmlo ,tun anglai ah ngat phei chuan Doctor zir ve rau rau a specialist zirzawm loh chu chânna ropui tak ani . Mahse Bawihi'n kei min kalsan ai chuan zirzawm loh athlang dawn tih lah ka hming ka chian tluk zetin ka hrechiang bawk .
'Bawihi engtin nge maw ka tih dawn che ni ?' Ti chhuak supin ka thaw leh halh a , Min kalsan hreh ngawih ngawih tu hi engtin nge ka kaltir theih ang? Nilo kei hian ahlata awm chu ka theilo zawk ngei ang . Ka hma sialin a hmalam hun tan vek tih hre reng chungin ka chelhlui tlat dawn zawk nge ?





"U Remruat kalo lut lawk " Chhani'n a rawn tih chuan ka bu nghut a , " MALVA hotel lamin an dawr furniture vel thlak an tum a ,chuan keini hi min rawn dawr duh deuh a buaipui lai kanla ngah sia engtin nge ka chhan ang " atih chuan
"An remchan hun zawt la kalo be dawn nia " ka ti sup .Bu nghutin a chhuak zui mai a

Kan vannei chho viau mai ,kumchanve em pawh kan dawr kan run hma in customer kan zawh tawk ai tam kan hmu thei hlauh a kan tlinlo lek lek hial zawk ! Dawr a hûn chhuah tur takngial pawh kan siam hman meuhlo ...Ka thian thenkhat te puihna zarah ka hnuaia thawk tur tha tak tak ka hmu nual hlauh a , keimah mai chuan hetiang hian bul ka tan theilo tawp ang .


...............




" Naaa nangchu min chakluih tir zel a " ti nang nangin a taksa te ve tak che khawpin a thaw ve halh a ,a chetdan lawmawm zet chu khi suk suk in kalo thlir leh veng veng thin " ka peih tawhlo ,i chak theih reng na ah pawh min chak luih tir zel a ,tanglo deuh khelhpui chu anuamlo." Ti niah niahin a mitmeng mawi zet chuan min melh rum ve khai khai .

" Bawihi leh !!! " ti halhin ka nui zui hawk .."lawmawm lutuk " ti supin a biang ah chuan ka piai vak a , ate leh hlar tawh . Naupang titau ang mai hian sofa ah a ke hlangin akhup ah a chal anghat dat a ..ka khawih pawh chuan minlo nemsawn zel ..






"Naupang tau chu thlem dan ka thiam ania " ka tih rualin "Remruatfel min dek ve ziah suh " nui hak hak chungin a ti tuarh tuarh .






Zodinsangi PoV.





"Atawk...atawk ka tlawm.." thaw halh halh chungin ka ti chhuak thei hram .Dek ka huatzia ahria hi chu khawvela thilpawi ver aniang .Ka tihtauh apiangin min thlem tum lo in min dêk ta ziah ...




Kan ina leng turin ka sawm hlawhtling ve thei hrâm a ,chutah min la ti thinrim ngar ngar zui ! Draftboard leh chess ka khelhpui a ka chaklohna tur ngawih ngawih ah pawh min han chaktir zel nia mawle !






"Mate ...i inleng chu thingpui te lumsak la " ka nu inkhawm báng lo haw chuan a rawn ti lut nghal ringawt ." Ka pe tawh lawm " ka ti a ,ka bula thu pa alo ner nang ..

"Pek tawh a awm ngailo lum leh rawh i pa pawhin a rawn duh ka ring ..Lo lum kep nghal la thenawm te inah an chanchin zawt turin alut kawi anih kha . Remruat lo lêng fo rawh aw Matei hian i chungchang a sawi nasa thin ania ,inhmelhriattir chawp ngaiah ka ruatlo deuh tawp che a " nuih zui var var ati luam a ,

tunhnai te hian ka nu bulah hian U Remruata chungchang hi ka sawi nasa a ,min sawi phurpui peih bawk a hunawl kan neih chuan kan sawidun leh nge nge zel





"Lo inkawm ru ka va inthlak ange " tiin an room lamah min luhsan zui a




"Thingpui chu ka va lum lawk ang che aw ka reilo ang " ka tih chuan "ka in tawh kha " nghal zetin alo ti sup .
Lei chhuah khum vakin choka lamah ka phei nghal thuai .Gas te chu a sâng berah ka on a ,achhan pawh amah mai a thut tir reng ka duhloh vang ani .





Thingpui no khat kenga ka va let leh chuan ka pa nen anlo titi mawlh mawlh !

" Pa ..thingpui ka siamkep nghal che sin " ka ti sep a "thenawm ah kalo in tawh asin ,i nu in in zawk mai rawh se " atih chuan ka bu ve nghut .Thenawm a aluhkawi chuan thingpui inlo in a rawn chhuak dawnlo tih ka theihnghilh ani .Ka nu kha chuan a duh leh a rin vang mai mai aniang siam kep tura min tih ni .




Ka pa leh Uremruata chu an titi thei phian a , ka pa vei zawng tak sawrkar thar lam an han sawi dun mai chu ning zetin kalo thu tum luau ..






"Zan dangah chuan ka pa niloin keimah min rîm turin rawn leng tawh ang che "





"Thikthu kan va pe chhe sawt ve " ti supin ka hnár ah atuai zeuh..
"Nge ka awm ve tihpawh ngaihtuah lo in in ti ti char char anih kha " ka ti na na .





"Bawihi i zirna hi zawm leh i rilruk em ?" Thutak deuh chuan a rawn ti nawlh ! " Engtia zawm leh ? Specialist maw ?" Ka ti ha a ,alo bu deuh nghut . " Ka hrelo le tunah chuan zawm hrih ka duhlo " ka ti sep a , "ka pa in alo sawi em ni ?" Ka ti zui nghat .


"Sawi lo e ,hetia tawp mai chu uiawm iti lo em ni ?"





" Ka zirzawm leh anih chuan ram dangah ka zawm angai anga , i hlata ka awm angai dawn .U Remruat kalbo se min duh em ni ?" Ka ti chhuak pawp .."nilo bawihi " ti thawp supin alamah min pawt hnai a ,min kuah nghal hlu hlu "i hmakhua ka ngaih vang zawk ani " ti zawi supin ka chhipah a fawp vang vang ..

" Thudik tak ka hrilh ang che ,zirzawm leh chu tha ka ti a mahse tuna ka nihna ah hian ka lungawi tawk tawh lutuk . Tuna ka nihna nen pawh hian hna thawh tur pangai tha tak contract mai mai nilo pawh ka hmu ve em em ang " ka tih sep sep chuan "ka hrethiam e " ati zawi ruih a ,

Kan ngawih dun rauh rauh hnu ah a haw zui a, ahna lamah amamawh em vangin bullet a la ve tawp a.Amah apalian bawk si nen a inhmehin apui khup khup lutuk ringawt. Athiante bike khalh sak reng nuam ati biklo ani maithei ni .A dawr leh workshop kal tawn reng angai bawk si nen installment a pek atana la ve tawp ani .Hah loin a inluah athleng thei dawn tal a azia viau e .





"Pa ka mu nghal mai dawn aw " ti lut lauh in inchung lam pan chhoh nghal mai ka tum chu ka pa in "mate lo kal lawk " atih vang chuan ka pa lam ka pan leh thuai a "enge ni " ka ti zui thuai .

" Dr .Mazari nen kan inbia a ,ER lam hi chu ahahthlak thin vangin i duh phawt chuan i duty na hmun a sawn theih thu min hrilh a .Insawn i duh em ? Internship ti pawh ini tawh lo a " ka pa chuan ati zui nuah nuah a ,min ngaihtuah leh thin lutuk hi chu a ...

"Pa ER ah chuan Doctor thiam tak tak an awm angai reng alawm .Engkim emergency vek ania ,keima tan pawh experience neih na zel ani mai insawn te chu nihnih chiah kala awm a kala awm reilo emai a ,bakah ahrehawm pawh ka ti lo .Kan indaih a kan hah em em lo e " ka ti a ,vawin a mipa khat Led bulb hmuam rawn kal chanchin chu ka sawipui ta chiam a .
Bulb hi a hmuam a ,a ka a hnawh lut leng si khan a la chhuak thei miah lo nia ! Ahmui pawh avûng luk hian thei ...Kan beih fe hnu ah aka chhung hliam lo in kan lakchhuak sak thei hram a ,Mizoram a case dangdai ber ala ni hian maithei ani ka thawh ve hnu ah .


.......



"Dr .Zodin i duty hour a zo tawh ania i duh chuan i haw thei tawh reng aw" kan H.O.D Dr. Mazari ka pa thiannu nibawk in nuisang hian a rawn ti a ,H.O.D velai si ah chuan a fel rapthlak zia chu a ! Internship ti ho pawhin an hriatloh an zawt pawp pawp ngam .
"Ka thiannu ka nghak pah a ,awm mai mai ai chuan kalo pui ve mai mai anih hi " ti let ve in nurse intern ti kut kak thui mek chu ka puih zawm a ,Dr.Mazari pawh akalsawn ve mai .





"Ka pu a zo tep aw " ti dam thlup hian "nurse i thui zing mah mah anih kha " ka ti zui a ...ka thawhtan ruala internship rawn ti tan ve ani a ,ala zeilo ve angreng reuh lutuk vanga pui tawp ka ni .
"Tikhan suih rawh le ,i kut akhurlo a i vannei hle mai " tiin ka fak zui a ,a thui zo chu a thaw ve huai mai . "A tuam chu nangmah in iti thei tawh ang tiraw" ti sepin ka glove bun chu ka phelh mawlh mawlh a ,bin thisen kai kan paihna hmunah ka va paih nghal zat .




"Doctor i ph hi a ri a ,chuan ka lawm lutuk aw " ka va let leh rualin alo ti var a , " aho lutuk " ti sepin ka bag ka hawng a ka ph chu ka phawrh nghal thuai .Lalnunui chu alo thleng tawh ani chiang mai .

Tukin khan Aizawl a rawn chhuk a ,thawmhnaw leh eng engemaw mamawh lam tura rawn chhuk ani a bazar puiah min sawm ve ngei a ,duty ka ngaihthu ka hrilh lahin min nghah theih thu a sawi mauh mai sia ka bazar pui dawn ani .





" Iva hman hma leh si " gate bul ka thlen rual chuan alo ti var a " hma mi ilâng dawn maw ka tih vang alawm " tiin ka lo insawikhalh vat a anui tawp.

"MC ah kal ang bazar chhung chu tlai lamah atawt thei emai " ti zui zatin MC lamah ke in kan inzui phei a , ka ban dinglam ah min kuah tai chungin fimkhur zetin kawng kan cross a ..Reilo ah kan cross leh nghal vat tho .





"Enge lei i tum ber?" A chhung kan luh rual chuan ka ti a " underwear vel ka mamawh a ,bakah ka rawn chhuk harh vel mai mai " atih chuan ka nui tawp .

"I vannei e ,nangchu khawi hmunah pawh awm duh la i duhna hmun tak ah i awm nghal zung zung thei anga .Kei ve chu Mizoram pawn ah pawh min sawn nise hreh zetin ka kal angai tho dawn sia " uangthuang taka a sawi chuan ka lo nui ringawt . Kala Junior hle chunga Aizawl a ka insawn nghal mai thei hi min sawi zui duh tu chu an awm nawk ang ka ring .





Underwear zawrhna ah kan lut a ,a duhzawng a en nghal mawlh mawlh .
"Din ...hei amawi em hak anuam dawn tawp apuan hi a nem sia "

"Umm"


"En ve tal la ph bih reng lo khan" atuh takah chuan ka hawichhuak a , underwear sen hi alo keng vang .. "amawi kha , adang enkual leh la " ka tih chuan a kalsawn veleh mai bawk a .
Ka ph chu ka bih leh nghal run .Tukin atang U Remruata hi kala be leh thei lo reng reng ! Whatsapp a ka biakna lah ala seen miahlo zui ..abuai viau aniang .





A dawra kan han awm tak ah chuan keipawhin ka duhzawng hmu in pahnih ngawt ka hmufuh a ka lei ve ta tawp.Underwear hi chu ngah viau ila asual lo ,hmeichhia ngat phei chuan kan ha chhe chak a kan mamawh tam bik .





"Din ..ih ka hrilh dawn che nge ka hrilhlo zawk ang che le ?" Rilru hah hmel taka Nunui'n a tih chuan nuih sang pah hian "sawi la " kalo ti sep a
Dawr atanga kan chhuah atang khan ahmel a dik tawh lo .
"Englo ania maw ,dawr atanga kan chhuah khan kan opposite dawr atang khan U Remruata leh hmeichhe pakhat ka hmu a " ati sep a " i hmu ve amaw ka tia mahse i awmdanah i hmu ve niin ka hrelo " atih chuan ka nui hak a

"Nunu i hmusual aniang,ka call pawh min chhang hman hleinem .." ti a nui ver ver in "tunah hrih chuan ala buai ngawt ang " ka ti tha veleh mai a.Bakah hetiang hmunah chuan ahu dawnlo hrim hrim .
"Animaithei " ti fan ruihin ani pawhin ka bân ah min kuah leh chial tawh .





Dawr hrang hrang ah kan lut kual a ,a mamawh neuh neuh alei belh nual a leitur ahre ngang mai .Kan inkhai bawr luk tawh .An sawi hmangah fanu mal ve tho ani a ,a hlawh chu amahin apumbelh vek theiin ka ring ..




" Din ka hmusuallo enla saw "pawn kan chhuak tep tawh tih in a tih leh nawlh a ! Ahawina lam ka va hawi ve chuan ka phu zawk !
"Engtin.." ti halhin ka en zui ngawt ngawt .. Engvanga Biakthansangi nen berkher nge inzui an nih le ?
U Remruata nui ve suk suk ka hmuh rual chuan ka thin zawn hi athip zui veng veng thei .




"Nunu minlo nghak lawk rawh aw " ti sepin ka thil khai chu ka pe a ,muangchangin an lamah chuan ka pen phei chat chat .





"U Remruat " an bul ka thlen rual chuan ka ti thawp sap a ..ka tawngzawi hle nachungin an hre phak tho aniang an rawn hawi nghal tho..





"E...Zodin i bazar ve elaw ..hei U Remruata hi min bazar pui turin ka sawm a alo hman hlauh a " Biakthansangi zawk chuan nuisâng hian alo ti thuai a ,U Renruata banah akuah zui nghal kher bawk!
Chu aia mak zawk chu U Remruata chu a awm mai mai anih chu !





"Tinge ka call leh msg pawh i chhanloh a ?" U Remruata melh ding ngar chung chuan ka ti sep a .
Akutlehlam a ipte a zen lutin " ka lo hrelo anih chu " ati zawi ruih a ,ka mita chiang zeta min melh chung hian "kalo en dawn nia " ati leh tawp a ...sawitur reng ka hre tawhlo .
"Kalna tur kanla ngah sia kan kal phawt mai ang aw Zodin kanla inhmu leh dawn nia " Biakthansangi zawk chuan nui sawng chunga ti hian hnehtu inti zeta U Remruata bana kuah chungin akalsawn pui a ,ka mittui rawn far mai tur chu tuai puatin ka nui hak ! 'Zodinsang i mittui pawh an phu lo e ' ti chhuak sepin Nunui lam pan chu ka let nghal thuai ...






"I tha em ?" A bul ka thlen rual chuan alo ti vat a ,nui sang chungin ka bu nghut ."kal ang " ti sepin a khailai thenkhat chu ka laksak a ,thawven hmel zet chuan ka chhuahpuia ka chhungril lam erawh akhur ru leh der der tawh .






In ka thlen rualin ka room ah ka inkalh hnan a ,ka darthlalang lianzet hma ah chuan ka ding ngar ngar ..
' ka taksa hi aduhkhawp lo emni? Remeuatfel ...ka hua che ' ti chhuak thawtin chhuatah ka thu zui hnawk a,tah ka duh a mahse ka theilo! Remruatfela ka tawn atanga mahni insitna ka nei ngah ta lutuk hi ka duhlo .Keimah ah mahni inrintawklohna min siam a,mental problem ka nei tan mek tih hrilhchawp ka ngailo bawk . Doctor meuh ni chunga mental problem ka nei tih inpawm harsa ka ti a ,mahse U Remruata leh Biakthansangi thlalak ka hmuh atang khan ka inhrechhuak tawh .Ka theihtawp in inthunun ka tum bawk . U Remruata ka duh luat vangin ka zahawmna thlengin ka chân a ,mahsela tundinhmun ah pawh hian chân chu kala hlau em em tho si !





"Mate ..mate " tia ka nu min kohna thawm chuan min ti harh zawk a ,ka chhuatah bawkin ka lo inngaihtuah muhil ani mahna khua alo thim ruih tawh .





"Ilo thlen atang room ah i inkalh hnan hmak a ,kan ngaihtuah che lawm .." kawngkhar ka hawn rual chuan ka nun alo ti var a , "nâ te inei em ? I pa te chuan i chau deuh anih an ring a " atih leh chuan engmah sawilo in ka kuah nghal chawt .

"Enge ni ,i tha meuh em " a ti nghal thuai .




Tlai atanga rawn chhuah châk et et tawh ka mittui chu a rawn hnam nghal tiam tiam ... "Nu..Mi kan hmangaih hian engtin nge kan hriat theih ang " ka ti zawi sep a..U Remruata hi ka hmangaih niber in ka inhre tawh !
Hetiang em em hian kan mihringpui te kan âtchilh theih ka ring ngai lo .





"Remruata chungchang ani maw " ati dam thlup a ,inlahrangin " enge thleng " ati dam leh thlup .





"Vawin tlai khan abialnu hlui nen ka hmu a ,ka na....ka na lutuk a mahse kala kaltir phal chuanglo! Helai .." ka thinzawn chu kawkin "helai ami hian chhan tha tak aneih ala ring tlat a ...mahse ka hmangaih em vanga chutianga ngai chu ka ni ang tiraw ...Nu..hetiang em em hian ka duh ang tih ka ring phalo.Nulat tlangval induhtawnna mai mai turah ka ngai thin a ,mahse ani tawhlo." Ka mittui chu ka biangah a rawn luangthla nguai nguai a

Ka nu in lainat hmel taka min melhna te chuan ka nep zia min hriat nawn tir a ,ni e hmeichhe nep tak chu ka ni chiang alawm..Khatiang taka tlawm a min siam hnu ah pawh a insawifiahna tal ngaihthlak kala duh fan a ..





"Mate " ti hapin sawitur hrelo zet chuan min melh ngawt ngawt a "Remruata nen sawi fel zawk ula atha lo maw " atih chuan ka ngawi vang vang a ...
"Min then duhse engtin nge ka awm ang ? Nu ..engtin nge ka tih ang " ka ti tham chhel a ,ka tah chhuak lutuk chu ka hrawk a thip hlar tawh .





"Ka biak sak dawn che em ni ?" A tih chuan ka lu ka thing nawk nawk a,"aih..keiman ..keimah ngeiin hmaichhanah biak ka duh " ti sepin ka nu chu kal pel in inhnuai ah ka chhuk a ,ka pa minlo biakna pawh chhang lo chuan scooty chahbi ka ban a ka chhuak nghal thuai .





'tunchiah...tunchiah hi mahni inphahhniam in ka rawn pan leh ang che ...tunchiah ' ti a mahni infuih mawlh mawlh chungin a in luah lam chu ka pan a ..ka thawmhnaw kala thlak loh vangin avawt vur tawh
U Remruata inluah ka thlen chuan alo inkalh thiap a , a kawngkahr bul ah chuan ka thuthla hnawk .. ka khupah ka chal nghat in ka maimichhing a ,in ngaihtuah vang vangin alo haw hun chu ka nghâk tawp.Tunah tak hian khanu kiangah khan ala awm angem ? Duat taka min biak ang khan ani kha a be ve angem ?






"Bawihi" ti thum bul ri ka hriat rual chuan ka hawichhuak vat a ,U Remruata chuan minlo melh ngur tawh ..Thenawmte light êng in a hmel pa hrâk mai chu a rawn chhun eng riai riai a , tlaia ka hmuhdan chiah chiah khan athuam ngai ala inbel reng bawk .Chuchuan vawin tlai a thilthleng te kha a tak anih zia a rawn nem nghet a , ka theihtawp a chhuahchhal a a awm khauhzet a chum pawp pawp ka duh .Mahse ka ngam silo ...min kalsan ta se engtin nge ka awmzui ang ?






"Hetah enge itih " a tuh leh rual chuan ka tho zui a ,ka thut rei tawh lutuk vanga ka kaihza na zawk vang chuan ka pai khut a akut lo vai zuai mahse min dawm erawh a tum hauhlo !

"Insawifiah rawh mawh...insawifiah rawh tinge khanu nen khan in inzui " ka ti tham chhel a ,vin hrep ka duh a mahse ka theilo .
"I hmuh ang kha ani mai " atih chuan vuak chawrh ang mai hian ka na zawk .." enge i sawi tum ?" Ka ti bah nak a ,amitmeng chu ka chhiar thiamlo .Ka mitmeng ah erawh natna chiang takin a hmu thei ang .






"Inthen ang .." atih nghut chuan a uang anih ringin ka nui hak "i fiamthu em ?" Ka ti halh a ,thutak zetin min melh ngur si .




"Bawihi hlimna ka pe tak tak thei dawnlo che ..I thanlen pui sum leh pai engmah ka neilo ..Nangnen hian inkawp rem thei kan nilo " atih te chuan mittui tling pamin ka melh a , ka tha akhur titih thei hial ! "Haw tawh rawn rawn kal tawh lo la ,min theihnghilh rawh " ti supin kawngka zawna ka ding chu ka banah chelhin dim zet hian min namsawn a "ka duhlo " luhlul zetin ka ti chhuak sup .Ka banah nghet zeta vuanin kawngpui lam pan chuan min kai kal nghal dawt dawt a
"Remruatfel " ka ti tam tuak .





"Ka sawi chu i hrelo em ni ? Bawihi ka kiangah chuan tun a i nun hi inei ve thei ngai dawnlo..chuvang chuan kal zawk rawh " a ti zawi ruih a ka bâna avawnna chu thlah hnawkin lêt atum ta mai !





"U Remruat in lian tha tak emaw sum leh pai tam tak ka mamawh lo ,i kianga awm ka duh ber a sin " ka ti tiau a ,min kalsan ka hlauh luat vangin abanah ka chelh bet tlat


"Bawihi kir leh zawk rawh ,ka kiangah chuan nuamsa in i awm thei dawnlo" ka mitah pawh min en lo chuan ati sup .Harsa tih hmel zet hian vânlam hawi in athaw chhuak hawk a "Ila inchhir ang" ati sup bawk .

"Aih ... aih ka inchhir dawnlo .." ka thusawi ngaithla lo chuan aban ka chelhna kut min dahthlak sak a ,atawpna ti niawm tak chuan hlimna tel miahlo a khi sukin min hnungchhawnin akal ta mai !
"Remruatfel i bula awm ka duh ka tih chu " ka ti chhuak vak ..ka mittui tling vangin ka hmu phe ruai tawh .Mahse a ding duh chuanglo ! Tinge? Tinge ahriatthiam theihloh ,akianga ka awm chuan eng dang mah ka mamawhlo tih hi .Nilo min kalsan chuan ka tuar zolo ang ..ka ..ka thi thei mai ang


"Thlân lunga ka hming intâr hmuh i duh em ni?" a pênlai ding chawtin "Zodinsang.." a rawn ti chhuak thawt ....
Ka lama rawn pen chho leh pawk pawkin "hmeichhe chaklo tak inih loh kha , nge ni ailo ni reng zawk ? Kei aia tha mipa dang iphu ...." Ti supin ka biang chu atuai heuh heuh a "hrilh che ka duhlo mahse...Thansangi'n ka fa apai ka fa ngei fahrah a siam tur khawpin ka nunrawnglo Bawihi " ati chuai raih !





"Remruatfel " ka ti lawi rât ...sawi tur ka hrelo ..engtin...engtin nge atheih zawk ? "Ka hua che " ti chhuak halhin ka biang akhawihna chu ka dahthlak sak a " lo tawng lo tawp che ni ila tha tur ..ka zahawmna dahtha khawpa ka pan chung che in tinge beidawng taka min la siam fo a" ka ti lawi rat a. Ka na ...ka na takzet .

"I sawidik min ti na tu mai mai vanga mahni nun na la duh tur khawp in ka hniam lo..Mahse ...ka haw kumkhua tawh ang che " ti vakin ka tlan chho zawt zawt a ..Ka mittui lo tla chu dan buai pawh ka tum tawh lo ..Atawpnan atawpnan tak tak ka mittui hi atla tawh ang ..





Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia








#edit loh aw ...lo chhiar dik puat mai ru


Show post links
Top

[Ngaia]

*ZûNLêNG* ch~16






"Ka zirzawm leh ang...mahse..tûn hi induhdân ka zawm hnuhnun ber ani tawh ang " kan inchhung ka luh rual chuan intipachang luiin ka ti a ,ka chhungte chu anlo thu khawm thap.Min ngaihtuah te pawh ani mahna.

"Mate i duhloh chuan.."




"Aih û ka zawm leh chu ka tan atha zawk hrim hrim alawm " za lo taka nui chung chuan U Ruatruata min khawngaih hmel zeta minlo melh rengtu chu ka chhang a ,midang erawh chuan biak tlak vak ka ni hrihlo tih an hria nge engmah min zawt lo.
"Keimah in min awmtir lawk ru" tiin inchunglam panin ka pen chho chat chat a , ka hah ka taksa thling thleng hian ka na ngawih ngawih nimai in ka hria ! Ka thawk asak a ,ka taksa leh thinlung chuan U Remruata duatna ala thlahlel fan a mahse ...ka kir tawh lo ang .Ka inphahhniam tawk tawh viau in ka hria ,ka tlawm a ka tlawm nawn awn awn chungin kala pan hrâm a ,min chhanlet dan erawh sernung min siam belhsak zawk .Biakthansangin afa apai amaw ? Hah...anih chuan kan inkawp lai reng pawh khân dawt minlo hrilh char char ania! Kalo â thin hle mai ,minlo nuihzat ru thin ngawt ang .






"Mate "...




"Û keimah in min awmtir rawh u ka tih kha ,keimaha awm ka duh ..Ka tawngpeihlo ka chau ka hah ka nun te hi ka hne hluah hluah " Min ngaihtuah em em tu ka û chu ka tawngkhum chiam a ,hah zetin ka thawchhuak ham ham .

"Remruata nen in inkar chungchang vang ani em " ti nghutin alam hawi turin min kuai her a ,ka hmel chu chiang takin a melh nghr ngur " ani tiraw ?" Ati leh sup.




"Sâwn athlak ...Huh...amak tiraw ,chuan ka mawl takzet bawk .Ka bialpa in sáwn athlak thu min hrilh a min then bawk a " tiin za lo zet chuan ka nui zui hak a ..

"Mate i awmdan a diklo ,tapthawl rawh inbunruak la ...ithinrim anih pawn ka chungah lantir mai rawh ,hetiang chuan i tuar lutuk dawn " min lainat hmel zet a atih chuan ka nui leh hak a " ani vang khân ka mittui far khat pawh ka sêng tawh dawnlo .Min hmangaih velo tu leh mi mawl ang mai a min chhuahtu vang hian ka rilru ka tina tawhlo bawk ang .Ka thei ang ka tilo mahse ka tum dawn ...Û 'hmeichhe chak leh chhel tak ini ' mintih thin kha , min hlutlo tu bula awm ai chuan kumkhua a mal tlat pawh ka thlang zawk " ka ti nghet charh a ,tah ka chak a ka theihtawp a awrawl chhuah meuha au ka chak a ...ka hmangaih in min kalsan vânga ka thinrimna hrikthlak ka châk mahse ka mittui hi khapa vang khan atlâk ka remti tawh dawnlo .Ka inphahhniam tawk tawh viau ani .





"Mate " ti zuai raih in min en tlawk tlawk a ,amitmeng ah chuan min khawngaih zia ka hmu thei .
"Keimaha awm ka duh Û ka ngaihtuah awm loh ,i nau hi hmeichhe chhel tak ka ni alawm " tiin a ngaihthatnan ka nui zui seih a , thaw hapin "min mamawh chuan itan ka awm reng dawn ania " ti supin ka room atang chuan achhuak a kawngkhar ka kalh ve nghal zat .






Ka thawmhnaw phelhin shower hnuaiah rei ngial ka ding a ,ka tah nasat vangin ka hmai chu abui angreng viau bawk . Ka biang leh hnar te chu a sen hlar a ,ka mit te pawh athip them thum bawk .

' Zodinsang chhel takin awm rawh i paltlang thei em em ang ' ti a infuih mawlh mawlh chungin shower atang chuan ka pen chhuak a ,bathrobe ka ha zui mawlh mawlh .




Ka ph chu ban in U Remruata nb chu atheihna ang angah ka block a ,ka delete zui bawk .Naktuk lamah simcard thar ka ngaihtuah nghal bawk ang .Tunhma pawn a tello in ka nu g char char a ,a tello a nun ka thei leh em em ang .



.........



"Nanghi iva han chêr sawt tak ! I indiet te nilo maw keichu i khal talh khan mawi ka ti teh mai che nia " nuih zui ham ham pah chuan U Jasona chuan a ti a , ka coffee lem zeuh pahin " cher hian ka nalh zawk in ka hria a " ka ti zui ve mai .
"Fiamthu loin Din i mitkhur te hi akhuar sawt ka ti ,i dâng bawk si ! Engtik lai pawha thlahrang hmuthut angreng ini " thutak zawka atih chuan ka nui ve hak hak


"Chuti em em zawng ka ni biklo ang " lu thin pah chuan ka ti zeuh a " ka va lêt leh tawh nge " ka ti zui sep.





"Ka ngei ve hrim hrim che , kan in nêl ve chiah a bân i tum leh nghal ringawt a .I zir zawh ah hetah bawk rawn thawk leh ang che " ti phar phar in customer ina lassi a order chu ape zui zat a ,a che rangin mi biangbiak athiam a ..Hospital rawn kal ngun leh thawktute pawh hi hriat angah in hretu pawh an tam ang.Hospital Canteen ah hian hlawh tlemte hlawhin athawk ve reng a , hmundang hlawh tam deuhna zawk te buaipui se kalo ti rilru ve neuh neuh zel .

"Anih Jas ka kal aw " ka tih chuan " lawk " a rawn ti vak a ,ka lam pan a hmanhmawh zeta rawn kalin ka bengbulah zawite hian " ila virgin te nihloh chuan i rai leh rai loh test chhin teh ,i rai tlata hriatna ka nei " a ti a ,rangdeuhin a kalsawn leh nghal chu ka nuih tawp .
Mahse ! Keihi ka rai anithei mai angem ?





"Lalpa " ti chhuak sepin ka testkit hum lai chu ka bih vang vang a ,tah tur nge lawm zawk tur pawh ka hrethiam tawhlo .Ka rai! Chupawh ka mi huat em em pa fa ngei ani si ..
"Ka naute engtin nge ka tih dawn che " ti chhuak sepin ka dul dep thlep mak chu ka dawm vang vang a "ipa hi khawvela ka mi huat ber ani si a ,chuti chung chuan ilo piangchhuak ve duh tho em ? " Ka beidawng lutuk chu ka nui tawp ! Chunglam pawh khian enge ka tihsual a heti em em a min sawisak mai le ?

'beidawng ngawih ngawih a min siam i duh em ni ?' vân lam melh chung chuan ka ti chhuak hap a ,thaw halhin ka test kit chu ka bih leh ngawih ngawih ' pawisawi ve miahloh nunna lak chu ka thei silo ..Bawihte himdam taka ilo piangchhuak thei ngai anih chuan ipa ka huat lutuk vang hian mon dem theilo ang .Nangchu ka thisen ring ,ka pai ka hrin tur ini a ,mommy lam hi itang tlat ang tiraw ?' ka ti chuai raih a , â inti zetin ka chet zui tlak tlak ..





"Ka rai " an chawei lai thulh meuhin min melh ta thup.
"Mate"
"Zodinsang i fiamthu em ni ?" Ka pa in a rawn ti nghal thawt .Ni e ,tu pa mahin an fanu te sâwn pai an hlimpui lo tawp ang .





"Fiamthu lo U Remruata fa ka pai " ka ti leh sep a , tunah chuan chân leh chuan tur ka neilo a keimahah ka chhungte hlauhna ka nei tawh miahlo bawk . Ka thinlung kehsawm chuan hlauhna neilo ah min siam a , ka chhungte ngaihdan tur pawh rilru hah takin ka ngaihtuah buai chhin miahlo bawk .




"Engtia tih nge i tum a tihtlak maw ? Pasal neih maw ?" Ka pa chuan thinrim zetin ka ti bul hmuk .

"Aih..ka tumlo ve ve ,ka zirzawm anga ka naupai lai hi ka hring bawk ang .Pasal neih tumna ka neilo a ,tihtlak ngat phei chu ka tumlo lehzual " ka ti nghet charh a ,ka thutak zia chu ka hmelah pawh alang thei ang .






"Mite hmuhsit mai mai turin ka enkawl seilian lo che , i fa chu tihtlak i duhloh chuan pa neilo in i siam anga maw ?" Ka pa in a tih chuan " ka enkawl thei em em ang ,mî min ngaihdan pawh ka ngaipawimawh heklo .Reilo ah an theihnghilh anga an sawizui rei peih dawnlo " luhlul zet chuan kala ti fan .

A fian kenlai thlengah dah chawrhin a tho zui hmak a , enzui lo in ka chaw ei lai chu ka ei zawm mawlh mawlh .





"Mate engnge maw i awmzia hi le ?" Thaw hap hian U Ruatruata'n a ti zuai raih a ...
"I rai takmeuh em ?" U Muanpuia'n alo ti ve bawk .





"Mate thudik i sawi a maw ...Remruata i hrikh dawn em ? Engtin nge nidawn ?" Ka nu chuan alo ti dam thlup a ,hmeichhia nge nge chu kanlo inhrethiam tlâng ani .





"Ka tum lawk angin naktuk tlaiah ka chhuak anga , ka chhuah hma in ka hrilh ang .Afa ani a ,tin ka fa lo piang tur hi pa neilo anih rikngawt ka remti lo bawk. A hminga apa anih nan tal ka hriattir dawn , ahnulam erawh atelve ka remti lo ang " ti in ka tho zui a

"Hrilh lo law law rawh " U Muanpuia'n a tih chuan "a fa ania ,hriat ve chu aphu lawm ...nangnin min pui emaw pui lo emaw ka zirzawh hma chu Mizoram ah ka rawn let tawh lo ang .Min buaipui duh leh duhloh erawh in thu thu le " ti zui in inchung lam panin ka chho a ,ka thawmhnaw ka siam zui mawlh mawlh.






Haw leh mai mai tum ka nilo a ,bungraw kentur ka ngah viau mai .Sum ka seng nual dawn anih hi . 'Bawihte i papa khan maw mommy hi min hliam nasa tawh lutuk a ,kei chuan pa ka pe ve theilo ang che ..Mahse pa i mamawh bik loh zia ka hmuhtir ang che aw ' ti sepin ka dul la thep zaih chu ka chul ka chul a , minti hahdam sawng sawng hialin ka hria! Alo pianve hma hauh atangin min uaplum thei a ,alo pian hunah phei chuan hneichhe hlim thei tak ah min siam ngeiin ka ring ani .
Ka damdawi ei tur leh tul ang chu tlai lamah ka inlam fel tawh .Doctor ka ni a ,iron leh suplement ka mamawh ang chu ka hre hneh viau chuvang chuan keima thu in ka lei ve chawt a ..Pangai takin kala inentir ve tho ang chu .






"Mate U Muanpuia sawi ang khan Remruata chu hrilh lo law law mai la " U Ruatruata chuan a ti zuai raih a , Airport ah min thlah tumin ahna ah chawlh ala a kal kawi duhna ka neih vangin kan chhuak hma ani .


"Ka hrilh angai U ka reilo ang minlo nghak lawk " ti sepin Car atang ka chhuak a ,ka pa leh U Muanpuia nen kan la inbe leh lo .Ka nu erawh in ka nau pai len hunah min awmpui ngei atum thu ka kaldawn in min hrilh nasa viau .





"A awm aw " Counter ka thlen rualin ahma a hmeichhia bawk khan nui ver ver hian alo ti var a , " ka lut tlang mai dawn sin " ka tih chuan bu nghut nghutin lut turin min ti ve mai .






" Biak che ka duh a " kawngkhar nem hawn pah chuan ka ti lut a ,dawhkan ah paper alo inchhawp hnawk leh rum tawh.
Alandan chu abawrchhawr in zantam mu tawhlo ang mai ani ! A bianghmul vel te chu a sei in alu pawh abuk viau mai .

"Bawihi " a tih sup chuan " tikha chuan min ko tawhlo la " ti sepin ka nui hak a,ahma a chair ah chuan ka thuthla zui nghat .





" Thupawimawh tak ka hrilh dawn che a ,ka hrilh châk vang che a hrilh tum che nilo in i hriat ve tha ka tih vanga hrilh tur zawk che ka ni " kan ti hmasa te te a ,hriatthiamloh hmel zetin min melh ngur .
" Nau ka pai ...ifa ngei ani bawk .." ka tih chuan mengkawk in " ka fa..ka fa maw ..keihi pa ka ni dawn maw ?" Hamhaih zet chuan a ti sup a ,tunhma ang kha chu nise hlim zetin a alandan hi ka nuih pui ngei ang .


"Nilo i fa ka pai a , pa erawh inih ka remti lo .I Fa ngei anih vangin ka hrilh ve mai chauh che ani .Chhawmdawlna emaw pa nih hauhna ka mamawh lo a ,sâwnman erawh min pe tur in ka duh che .Achhan chu ka fa lo piang tur hi pa neilo anih ka remti lo . Nang nen chuan kan tawp tawh a,engtik ah mah kan inzawm leh tawhlo bawk ang . Tun hi min hmuh tawpna ber tur ani mahna ...." Ti nghet charhin ka tho zui a , hamhaih zetin a thuthmun ah ala thu reng ..





"Anih leh le ...kan inhmuh leh tawhloh nan hun rei tak chhung chu ka tawngtai ngei ka ring "
Mahni inringtawk tak chuan ka pen chhuak a ,a thutna ngaiah ala thu reng tho .Enge angaihtuah hriat ka duhlo a ,min khawngaih turin ka duh heklo ..Ka nun nilo ka fa lo piang tur nena kan nun atang hian kal bo vang vang se tih hi tuna ka duh ber ani hrih..






"Mate " car chhung ka luh rual chuan ka û in alo ti thawp sup a , amitmengah chuan min khawngaih zia alangchiang ngang bawk ."kal ang le " ti sepin seat nghenchhan ngheng chuan ka mit ka chhing vang vang .





"Ngati nge i din ?" Hrethiamlo zetin motor a ti ding thut chu ka meng kawk a ,khawpui chhungah kanlo awm tawhlo .
"I hah lutuk dawn inthlahdul la ,hahdam phawt teh " a ti ta tawp.Ka inhumruh ngar ngar kha a lo hmuhhmaih lo ani .





"Ka...ka theih mai ka ring asin ..ka mittui far khat pawh phulo tu vanga tah ka duhtawhlo..Mahse ..Mahse maw û ana em ani . Aduatna leh hmangaihna te kha kala mamawh dawn chauh si a ,engtin nge ka awm tak ang " ka ti tiau a ka tap chhuak nghal hawk hawk . Ka tah lo chuan ipik lutuk vangin ka thi thei mai dawn hialin ka inhria !
Ka awm tawt lutuk te chuan thawk ati harsa a ,reitak kalo up beh tawh ka mittui chu dan rualoh in alo dir zung zung bawk .
"Ka ngai a kala thlahlel takzet ...heti em em hian ka tuar dawn tih hria ila lo hnaih lo tawp ila tha tur " ka ti ruai a ,ka insut hlawp hlawp bawk .






"Mate ...insum lo in tapthawl rawh, itan ka awm reng tih hria la ka pui zel ang che ..Engkawng pawh thlang la ilam ka tang zel tho ang ."







Remruatfela Pov.






'keihi pa ka nidawn amaw !? Bawihi'n ka fa apai !' nilo ka dan angai....
Hmanhmawh zet chuan ka tlan chhuak a ,mahse anlo kal liam hman tawh ! Let leh in ka bike chahbi ka ban vut a hmanhmawh zetin ka inkhalh chhuak zui nghal .

Nasa takin ka hliam tih ka hria ,ahmakhua ka ngaihtuah pui luatah kehchhe vek khawpin ka siam a .Kei ngei pawh hian ka tuar bawk , a awka ngaihno bei tak hriat chak vâng ringawta tlaivar ngawt tum lah ka ngah .Ka mu theilo a ,Bawihi ka tihnat em vanga inthiamlo in ka taksa chau lutuk pawh ka tawrhtur ve reng ah dahin inenkawl lam ka tum ngai heklo.Ka ngaihzual chang phei chuan ralkhat atang tal hmuh tumin a hospital kal tur te ka châng a ,ahawlam chânga darkar chuang fe ka nghah lah atam .






Ka fa apai thu asawi lai khan ka hamhaih luatah ka rilru fim hial pawh hmangtheilo in ka awm a ,a thusawi zawng zawng erawh ka bengah hian a ri nawn tlut tlut si . Hmeichhe duatna mamawh leh mi derdep ve tak kha mi sak takah ka siam a....engtin nge Biakthansangi ami huat ve awmchhun hmanga ka tihnat theihzawk !
Ni e, Biakthansangi'n ka fa apai hauhlo.Khami tlai bak kha hmuh lawh kala hmu leh zui lo bawk . Bawihi'n a zirna a zawm theih na dal tu lian ber ni a inngai in ,a hmuh ngei turin Biakthansangi lo awm remchang ve bawk nen ka zui mai ani .Khami tlai khan ka customer pakhat nen Caffe ah kan indawr a ,Biakthansangi pawh athiante nen anlo awm ve bawk. Kan opposite a bawihi ka hmuh rual khan hun remchang ani tih hria in Biakthansangi chu an hmuh theih ngei turin ka chhuahpui ta a ,ka thiltih sual lian ber alo ni ta ani.






Mipa nep tak chu ka va nisi em ..Ahmakhua ka ngaihtuah pui ti a atana tha tur ngaihtuaha ka inngaih laiin a nunbul tanthat ve mek chu keihian ka tihtawp sak vek .Engtin nge ka theih zawk !
' Remruatfel i mawl hle mai ' ti chhuak thawt in horn ka hmet nghal tuarh tuarh a ,chak zetin Bawihi te inlam pan in ka tlan nghal ..





"Khawaih nge Bawihi a awm " kawta a û lo awm ka hmuh rual chuan ka ti nghal thawt.Ka bike pawh hungthalo in ka chhuk tawp a ,atlu ri nghal bur bawk .

"Zawnga ka nau ilo rai amaw !" Atih rual chuan ahmai ah ka hnek nghal chawrh .
" Hmela nangmah vang hian ka hmangaih chu na takin ka siam asin ..nang..nangmah vang vek hi " ti chhuak leh thawt in a hmaiah ka hnek zui leh chawrh .
Amitko leh hnar atang chuan thisen alo chhuak tiam tiam a,chu erawh ka buaina ani nek lo e ."khawiah nge Bawihi chu a awm" ka ti chhuak leh thawt.




A chil rawn phuh chhuak thawtin akhuh zui bawrh bawrh a " akal tawh...a rawn let leh mai mai tawh lo ang " a tih zuai raih chuan " khawiah maw akal a " ka ti nghut .Ka pang sa hut hut chu ka thinrim vang tih ka chiang viau .
"Tunah chuan athlawk chhuak tawh hial maithei ...Remruat dang rawh ..Ka nau ka hriat thin kha ani tawhlo .Dan tum rawh " khuh bawrh bawrh pah a atih chuan anghawnga ka vawnna thlah nawk in hmanhmawh zetin ka bike ka tung a ka tlan chhuak nghal zawk .





"Khawngaihin Bawihi kal suh ...lo la kal lo hram ang che " ti mawlh mawlh in chak thei ang ber chuan ka tlân a , motor ka tlân pelh te chuan thinrim zetin horn an rawn hmet ri tuarh tuarh mahse ka tlân muan phah eihlo ..






Lengpui Airport ka thlen rual chuan hmanhmawh zetin Bawihi ka zawng kual nghal ruai a , pawnlamah chuan ka hmu zo ta hauhlo ..
Nilo atheihloh ka hmuh angai ..
Inchhungaj chuan tlân lutin ala thlawh chhuah loh nan ka tawngtai mawlh mawlh .





"Bawihi " bawihi ang tak ka hmuh rual chuan ka ti zawi sup a , an lam pan chuan ka tlân zui nghal thuai..





"Bawihi" ti a kuai her lawpin ka hmeichhe hmangaih ka fa pai tu chu ka hmu ta hram e ! A passport leh ticket chu lo keng va va in ,lut mai turin alo intlar tawh .
"Kalsuh" ka ti thawp sap a " khawngaihin kal suh " ka ti nawn leh sup.





"Engvangin nge ilo kal ,let leh rawh " atih sep chuan abanbulah vuanin ka kai sawi nghal lawp lawp.
"Remruatfel enge ila duh cheu ! Mawh ? Minla tina tawk lo in i inhria em ni ? Nge ni a Biakthansangi nena in fa chu duhkhawp lo in ka fa pai lai hi min chhuh itum zawk .." a ti thawt a ,huat hmel zetin min melh ling hlar bawk .
A tap nge ni ahnar leh amit chu a sen rum a ,amittui atling pam bawk ...tah erawh atumlo tih hriat takin a mittui chu a dang hram hram bawk ."nilo bawihte ..Biakthansangin ka fa apai lo ..engkim engkim kha dawt vek ani ..Min then theihnana ka dawtsawi mai mai ani . " Ka ti mawlh mawlh a ,min ring ngei se ka ti takzet.





" Bawihi zirzawm leh tura ka duh em che vangin heng zawng zawng hi ka ti a ,mahse ka inchhir takzet. Ka thil tih engkim vang khan ka inchhir takzet asin . " Ka ti mawlh mawlh a "Ka thusawi hi awih hram rawh "





" Ka ring che .." atuh chuan ka hlim dawn zet a mahse a thusawi zawm leh vang chuan ka nghing dawt .
"Ka ring che mahse ka pawm thei tawhlo che .Ka theihtawpa inphahhniam in ka pan che a ,ka zahawmna thlengin ka hlân bawk che .Mahse nangchuan ka hmakhua ngaia inngaiin min kalsan i thlang a ,i kianga ka awm chuan ka hkim lutuk ang ka tih pawhin min ring zo silo . Ka beidawng tawh..ilakah hian ka beidawng tawh . Na theihtawpin min siam a ,nangmah vanga ka tahna hi ka chhiar swng tawhlo .Dam thlahlel lo khawpin a sin min siam ni .U Remruat ka ngaidam theilo che ,engvang pawh nise enganga chhuanlam tha pawh siam la ka ring leh thei tawh ngailo ang che .
Ka flight ka tlai dawn " ti sepin min hnungchhawn in akal zui a ..





"Bawihi" ti supin abanah ka chelh thuai " ka tina viau che animaw ...mahse ka thawidan sak leh ang che khawngaihin " ti sup supin ngenngawl zet chuan ka melh ngawih ngawih .

Abana ka chelhna chu ka la thla riai riai a " ka tina hle che ani maw ...Mahse khawngaih in ka tihdan leh che min phalsak rawh "







" Ka theilo " ti zawi sepin akalsawn zui chu ka melh ngawt ngawt .





"Nilo kal suh " tia manbeh leh mai ka tum chu Ruata kan inkarah a rawi innrawlh in "kaltir rawh " ati zawi sup a ," i tina tawk tawh viau ani" . Atih chuan Bawihi ka thlir zui ngawt ngawt, atawp nan ti niawm taka min melh ngawt ngawt in inherin akal sawn zui a, a rawn hawi let tawhlo ! Min kalsan tak tak dawn amaw ?!


Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia



Show post links
Top

[Ngaia]

*ZûNLêNG* ch~17



*Kum 5 hnu ah *




Zodinsangi pov.




"Mommy " tia ka fapa rawn au lauh lauh ri ka hriat rual chuan ka nui hak a ,Ashmi'n "chu i baby boy alo thleng leh tawh anih chu " nui hak hak chuan a ti ve a ,helai a thawk kan ward bik hi chuan ka fapa hi an lawm viau mai..A school bâng hi alo kawi thin a ,kan haw rual hman chuan ka rualin ahaw mai a ka tlai dawn deuh erawhin Puibawihi'n a hruai haw leh mai zel .

"Ka naute Mommy bulah lo kal rawh le " ka hmuh phak a rawn thlen rual chuan thu hniamin ka ban kalo phar hluai a , nui ver ver in a rawn tlan ve thet thet .A rualpuiah pawh Bawihpuia hi chu alian bik deuh a , a kum phulo in a fing bawk .
"Mommy pupui in icecream min lei sin " hlim zeta a tih rual chuan Puibawihi chu ka melh nghal zat a , "nimin ah a ei tawh sia " ka ti sep.





Inthlahrung zet hian " an rawn bang kha a classmate te khân an ei vek sia ka khawngaih a " a ti zawi sep a ,"ok...angen vak te nihloh chuan lei tawhlo la " damthlup chuan ka tihzawm ve mai .
Bawihpuia hi a hâ athalo riau a ,thilthlum leh snacks ngat phei chu pek ka remti lo viau .Doctor kalo ni ve leh zel nen a ei leh in ah ka fimkhur viau a , pawnlama achhuah dawn pawn helai chu alumin a sa bawk a ka thuam ulukin suncreen ka hnawih ziah bawk .Ka pai lai khan ka inenkawl tha viau emaw ka tih laiin Bawihpuia hi ahrisello em em a ,kum khat atlin hma in na takin a damlo a thlakhat dawn damdawiin kan awm phah bawk . Chutah alung apawp tih kan hre leh a ,athanphui theih beisei in tun thleng hian kanla zai lo .






"Mommy"




"Aw bawihpui"




"Jason khân maw Bike anei sin " ka hmai zawnah ati hau a ka nuih tawp . "I duh ve tihna em ni ?" Ka tih chuan "No...keichu Motor lianpui ang kha ka duh zawk .Ruatruat khan maw Beach kan kal dawn khan min khalh tir a " ati niah niah a
U Ruatruata mai mai chu Bawihpuia aphurhin fimkhur tura ka chah nasat theih nen alo khalhpui leh tawh anih chu a ! Hepa hi chuan ka fapa hi ala hruaisual ang mawle .




"Umm haw phawt ang aw Bawihpui ...ka duty zo chiah a " ka tih chuan ka pawm beh na tang atal thla a ,akal ve turh turh.A inti tlangval ve tawh lutuk a mi hmuh laia pawm te hi aduh tawh biklo reng reng .






"Goodbye Ashmi kan hawpui phawt ange duty nuam le " Ashmi lam hawia ka tih chuan nui ver ver in akut avai lauh lauh a ,Hospital Bawihpuia'n a hlauhloh chhan bera ka hriat pawh ka thawhpui ten an biak tlangnel em vang niin ka hria .A tet deuh lai kha chuan ahlau ve thei khawp mai .






Traffic jam ah kan tang leh reng tawh ..Kan taxi hman neitu pa lah chu an tawng hian aphun bul bul reng a ,a hma a mite a auh loh leh horn a hmet tuarh tuarh a chauh ati zual .Vawin ah mi pali ngawt ka zai a ,major em em awmlo mahse ka ding nileng ve lutuk a ka ke akham ngut ngut thei tho .

Khawthim dawnah kan appartment kan thleng ta chauh a ,intifaiin rawng ka bawl ve nghal mawp mawp.Ka hman hi chuan kan eitur siam hram hram ka duh ani .
Helai hmun ka thlenthlak khan ka la puar lo nen ka zirna ka zawm vat a ,ka dul alo len deuh hnu ah pawh exam kala pe ve zak zak .Ka nau neih hlim thlengin kala zirzawm ve zel a ,karkhat bak ka mulo ti ila ka sawi sual lo ang.Kan hnam tawng Bawihpuia'n a thiamloh mai hlauin nau awmtu ah Mizo ngei ka ruai a ,ka nu min rawn kawhhmuh ani nghe nghe .A fel khawp mai ,bawihpuia pawhin angaina viau .






"Mommy ka ril tam tawh ee "





"Bawihte khawnge i slipper ? Kelawngin kal loh tur ka tih kha chaw kan ei nghal dawn nia va bun la " tiin room lamah ka tir lut leh a ,kan vannei a kan apartment hnaih lawkah hian bazar a awm a ,Mizorama kan ei thin ang thlai leh chawhmeh tam zawk chu kan nghei meuhlo .





"Bawihpui Pupui kha lo hruai la chaw ei ang u lem " ti lauh lauhin Bawihpuia eitur chu ka siam zui mawlh mawlh a .Buh ah dâl chawmin thlaihnah hring leh Fanghma chu ahmeh ah ka chhawpsak bawk .Naupang te mah nise a tir atang ka pe bawk a asawisel ngailo.
Thil mawm leh al tihvel ei ve mai mai thei heklo ,Waiwai phei chu ala tem chhin lo hial maithei ka hriatloh laia alo ei anih erawh chuan ka hrelo le .






"U Dindin Gidi-a hi inlamah hian english leh hindi ahmang nasa viau mai tunlai chu " chaw bar mawlh mawlh pah chuan Puibawihi'n a ti nuah nuah a ,ani hi B.A mizo nula ngat ani ahlawh pawh atlem chhelo .
"Pui i theih anga tamin be hram hram rawh aw " ti sepin ka fapa chu ka melh vawng vawng a ,apianhlim atanga tunthlengin Mizoram ah kala hawpui leh lo a .Tawng lamah pawh atirah abuai viau mai ,keinin inlamah Mizo tawngin kan bia a Hindi leh english in school lamah an tawng si a tunah erawh a rualpui angah chuan athiam pawl tak ani .Kan hmuhloh ah phei chuan Hindi pawh hmangthiam tak ani ,kan hmuhlai erawh in atawng tha duh vaklo .





Ka chhungte pawhin Mizoram lama haw turin min rawn ti reng tawh a ,a tira thinrim ber ka pa meuh pawh a tupa alo pian meuh chuan a awm hle hle theilo ! Thlatin deuhthaw alo kal ziah nia! U Ruatruata lahin helai ah hna zawn atum phah hial bawk a.Bawihpuia'n 'Pupu ngai ' tia ph a apu an han ph tawh hi chuan ka nu nen hian an rawn thlawl thla vat zel ! U Muanpuia'n nupui neiin a indang tawh a ,an vanduaia fa erawh tunthlengin an la neilo .A nupui U Hlutei nen pawh Bawihpuia chu an duat khawp mai .





"Mommy chu.." ti nang nang ri vang chuan ka harh zawk a , ka tho nghal thuai "Bawihpui na inei em ?" Ka ti nghal chul bawk .A kut te ve tak chuan minlo sawi reng tih reng ka hrelo .

"Mommy chu i sleep tui thei tuk a " ati nang nang a , ka chau ve deuh bawk nen kalo mutui viau aniang alungawi lo emai . "Bawihte enge i duh ?"





" Zunchhuak " atih chuan thaw hliai in ka zunpui thuai .Tihsual palh a zuncheh zeuh ala nei tih loh chu kan felfai tawh viau.Tihian zanlai ah pawh a zun achhuah chuan min kaitho ve vat zel.





"Mommy tinge Jason te nen kan same(inang) ve lo a " ka mutpui leh chuan a ti nak nak a ,a harh laklawh leh dawn aniang . " Jayson khan maw 'nangchu i white a ' min tia " atih chuan ka nui hak a ni e ,Bawihpuia hi nisa ah atal tam lo bawk a ango reuh viau .
"Bawihte Indian tho kan nia maw ,mahse keini chu NorthEast ami kan nia Mizo kan nih vang aniang kan vun te pawh a ngo deuh a "ka ti damthlup a ..Zawhna aneih reng reng in pangai taka chhan hram hram ka duh thin.Naupang tih vanga uangthuang deuha biak te hi an puitling har mai mai .





"Mommy "





"Bawihpui muhil leh phawt rawh le ,naktuk ah kan sawi dawn nia aw .School kal ila ngai sia Mommy hi hna ah ka kal ala ngai bawk a " ka tih chuan amit achhing ve mai bawk a ,a lu ah chul hliau hliau in amuthilh chian hma chu ka muhil ve ta lo .

Tian kum nga chu alo ni ve leh mai dawn a ,a tlin nan thlahnih chiah abang tawh .Mizoram lama let leh ka duhloh viau rualin ka fapa hma hun ka ngaihtuah bawk si . Helai hmuna ka awmpui reng chuan kan hnam hlutna leh nawmna ahre ve dawn silo .Chumai piah lamah kan nundan thlengin a hrelo ang ,inkhawmpui ve fo mah ila Mizoram lama kan inkhawm dan te nen a inang lo mai si a ,sunday school lam thlengin ani ka ngaihtuah thlen ni .Letpui leh chu ka rilruk na arei tawh a, arang lama ka letpui angai tawh ani .






"Pa Mizoram lama rawn let ve tawh ka duh deuh a Bawihpuia hi helai a ka awmpui reng chuan kan hnam nunphung ahrelo mai ang tih ka hlau a " insiam mawlh mawlh pahin ka pa ka bia ani.

"Rawn haw rawh ka tih lai che khan rawn hawpui vat tur alawm.Helai ah kan khua ahar em em a ,rawn hawpui vat teh.Ticket kalo book ang ..nilo kan rawn hruai ang cheu . I U Ruata leh inu nen kan rawn kal ang ticket kan book nghal ange arang lamin kan rawn hruai ang che " ti duahin ka chhan let hma in call a dah daih !
"I tupa hmuh chu iva phûr tak ve " ti halhin ka sam chu ka khuih thuak thuak a ,ka kilh khawm nghal vek .





"Pui In hman chuan kal tawh ila vawin chu chawhma chauh ka duty anga Bawihpuia hi kalo lam nghal ang aw " ti lauh lauh in sana chu ka bih zeuh a ,nizan ka muhil leh mai theilo thawh ka hai phah a kan tlai tep tawh .Traffic jam nen phei chuan kan tlai maithei .

Bawihpuia room bik lam atanga tap thawm ka hriat rual chuan ka tlân lut vat a ,a form pawh alo la inbel lo !
"Tinge " ti in Bawihpuia chu ka thlem zui mawlh mawlh .




"Form aha duhlo reng reng tinge mawni ? Atah ngailoh nen ,ka thlem ngial pawn aha duh bawk silo " Puibawihin alo ti nuah nuah

"Tinge a Bawihpui mipa chu tah mai mai loh tur ka tih kha " ka ti sep sep a




"Mommy school ah ka awm chuan mommy kha ka miss zel che lawm " tap hluam hluam chunga a tih chuan thaw halhin "Pui kallo mai rawh se ..thawmhnaw fai rawn lak la ,ka buai vaklo in Hospital ah inlo awm mai dawn nia . Bakah bawihpuia hi checkup nei se ka duh hrim hrim .Mizoram lamah kan let dawn chuan vawin ah hian checkup nei law law mai ang " ka ti zui mawlh mawlh





"Mizoram ah i awm tawh dawn maw?" Thawmhnaw min pek pah chuan ati buai nak ..Mak ati ve ngawt ang Christmas hmang tur takngial pawn kan haw ngailo tlat ani.

"Umm ka pa te rawn thlen hunah kan haw mai ka ring ,taka Mizoram lama kan haw hnuah chuan bawihpuia hi apu ten an chang chawt duh dawn sia nau awmtu lak an tih ka ring vaklo a ..I rem tih chuan U Muanpuia te hian manager hna thawk tur Hindi leh English thiam an lak belh dawn a ka sawipui ang che .Kalo ngaituah miahlo che a tihpalh lutuk " ka ti a ,Puibawihi kalo ngaihtuah lo leh lutuk a ! Bawihpuia senlai atanga awmtu ber kalo mangnghilh chu ka inthiamlo takzet .






"Ui angai kherlo sin mahse hna avang dawn sia min sawipui theih chuan ka lawm ngawt ang ka pa te pawhin min ngai ve tawh a ,Mizoram lama ka awm theih chuan an lawm ve dawn lutuk " khi vur vur chung chuan ti luam a ,helai hmun hi ahne ve takzet tawh ani ngei ang .






Hna ka ngah lo ti chungin mi pahnih chu ka zai leh ta tho ,Apendicitis ve ve an nia azia viau mai .Bawihpuia kan check leh hnuah school lamah kan kal leh a ,transfer letter vel kan buaipui ani ber .Bawihpuia pawh tunah hrih chuan atha viau a ,alungpawp erawh ala phui lo thung .Ala nau em a zai mai theih mah nise athphui pui theih kala beisei ve fan .






"Apu...kan inthar ah chuan Ruatruat Motor ang kha ka duh ve , Ruatruat an min give duhlo a" apu bulah chuan apangchang thiam ve hle ni ...
"Kan lei ang ..Ruatruat Motor pawh inei dawn nia apu hian Ruatruata ahlau ve hleinem " ka pa chuan a ti hluai a "Pa motor tak tak alawm atih a ,U Ruatruata lo zin hnuhnun ber khan Motor ahawh a chutiang chulawm a sawi " kalo ti thuai .
"Anih chuan atlangval huna akhalh ah animai " a ti ringawt ! Ka nu nen kanlo nui tawp .Kan thlawhna chuanpui Mizo awmve kan tawng hrepha te pawh anlo nui ve hak hak mai .






Mizoram leilung ngei kan rap leh chu engtin emaw tak hian ka awm ! Thlifim rawn thaw heuh heuh te chu athiang bik hliah hliah ...Athawtdan te chu atawk chauh ka ti mai .
Bawihpuia pawhin nuam a ti viau ..ala tawng char charatih theih ang .Ka pa lahin a be peih si ,pakhat lah in apu atlawn thiam bawk si chu ka nu nen an hnung ah kanlo nui kanlo nui ringawt .





"Ka fapa alo thleng e ...ehe ka fapa min hrinsak tunu pawh alo haw e ..ka mumang ani em ?" Ngei zetin U Ruatruata chu ka melh a ,min en kan hmakin Bawihpuia apawm daih..
"Gideon ivan lian tawh tak " U Muanpuia leh anupui U hlutei pawhin an bawr nghal tung .

Ahma te kha chuan keimah hi minlo lawm chul zel a ,ka ai lal ka hring chhuak hi ni ringawt .





U Muanpuia te pawh haw bik lo in zanriah an ei ve nghal a ,riah hial an sawiin ka hria . Bawihpuia pawh ka chang hman meuhlo ,U Muanpuia leh U Ruatruata'n an inpawm chhawk reng mai ni .Khulama pawm duh tawhlo viau si helam ah erawh a inla naute tha leh dawn a ang riau mai .





"Ka tupa han hmelthat em em zia hi chu aw ,apu chhun tur anei tha bawk a " ka pa in a tih hluai chuan kanlo nui hak hak hlawm.





"Mate Remruata hi " choka lamah hmeichhe ho kan thu a ,ka nu chuan kum nga dawn ahming ka lam rik tawhlo rawn lam ri in ka nghing dawt lo ti ilang chuan dawt ka sawi ngei ang.
"I huatzia hre mah ila afapa ngei ani a,Bawihpuia hian achhunfuh bawk si hmuh ve aphu iti lo em ni?" Ati dam thluam a , sitting room lam chu melhin "ka hrelo le " ka ti hap .
Bawihpuia hian apa ahmaitlang ah leh mitmeng ah ringawt pawh achhun fuh lutuk .Tin arualpui ro ro pawh apa lam atanga alk nge alian viau bawk .Lunglam chianlohna anei chung pawh hian ahrawl viau tho mai ama tawkah chuan .
"Nu nakin lamah kanla ngaihtuah dawn nia ,mahse hmuhtir loh pawi ka tilo viau mai ,Bawihpuia pawhin ahrethiam dawn em ni ?" Ka ti zawi sep a ,Bawihpuia hi buai tak chungin ka kuah chawt a .Kum thum anih kum a apa alam bak kha chu ala lam lehlo bawk . Tinge apa hi alam ngai miahloh ka hre biklo ! Ka beng hriatah hian alam ngailo reng reng ! An school a fathers day an hman pawhin inlamah a sawizawm ngai chuanglo ...Pathian khian min tanpui te pawh ani mahna .





Ka room kha anlo zauh hret hi alo nia ,ka khum pawh a aia lianin anlo thlak bawk.Bawihpuia thawmhnaw dahna tur lamin ka nu leh pa ten anlo siamtir thlap a .Kum naupang te in closet anei hrang ve ngei dawn anih ber hi .Bawihpuia nen kan chep lutuk loh nana ti an nih ka ring a ,mahse Bawihpuia ber mutpui an tum leh daih bawk si ! Khum zau zetin keimahin ka mu tlawng tlawng dawn anih hmel .





Ka zingtho inhnuaia ka chhuk chu Bawihpuia thawm ka hre miahlo .Zing dar riat ari tawh a ,athawh ahun tawh viau sia!

"Nu Bawihpuia hi ala tho lo mi ? Ka pa pawh hi " ka ti lut a "ipan alênpui ,i U Ruata pawh a rawn tho chiah a i pa te zawngin achhuak ve leh nghal anih kha ..Kan mipa te pahnih chu anla buai rih deuh dawn anih hmel " ka nu chuan nui hak hak hian a ti a ,bai achhuang nge mawni a chawk zui mawlh mawlh . "Lo haw se chaw ei ang u " ti zuiin kan nula Chhuangi chu au lauh lauhin ako nghal zat .Anlo upa ve deuh tawh bawk a lâng leh awmchilhin awmpui pahnih an la a ,pakhat hi chu dar kua velah alo thlen ve mai ka ring .





"Pu Zautea'n an Hospitala thawk tur in aduh che a min rawn bia a ..Ilo haw tur thu kalo sawi lang bawk nen a rawn hauh nghal tawp che .I Duh chuan Clinic i hawng thei tho bawk a ,Private ah pawh thawhna i hmu nghal nual tho ang .Kan changkang ve tawh a,Surgeon ngat phei chu kan indaihlo tawlh tawlh a Sawrkara luh kher ngai pawh ka ti tawhlo " kan chaw ei kham kawta kan thu chu ka pa chuan a ti mawlh mawlh a,Bawihpuia tuala a infiam chu a chhaih pah zeuh zeuh bawk .




"Pvt a thawh hrih phawt chu afuh ang ka ring .Clinic hawn nghal ngawt chu mi in minla hre tam dawnlo nen ala hlawk viau lo ang .Ka hming te han chher tha phawt ila ,nakum lamah duhleh clinic chu kan ngaihtuah leh dawn nia .Damdawi dawr lo haw hmasak erawh asual lo ang " ka ti ve a ,ka ngaihtuahna te pawh apuitling sawt ve riau mai .
Ka pa hian ka duhloh zawng ti turin min nawrlui tawh ngailo a ,ka duhdan min pawmpui ve thlap tawh .Mizoram lama let ka duhloh pawhin lungni chiahlo mahse min pawmpui mai a ,ka tan pawh ahahdam thlak letling .





"Han insiam ru Ruata'n achhuahpui dawn cheu .Bawihpuia tan Motor te chu lei rawh u " ka pan atih chuan tullo ka van ti mai mai tak .
Kanla awmtir mai pawh a nakin ah chuan kala sawisel tho ang ,tunah hrih chuan an duh ang angin han awm phawt se .Hetiang reng chuan an ti sual bak zo mai mai dawn .





Bawihpuia chu tshirh var leh denim kekawr bul ka haktir a ,AJ buntir bawkin lukhum ka khumtir leh a ,ka insiam ve nghal zat .Khua alum deuh bawka tiin kawrfual var ka khup khuh chang chang ha in sandal ka bun tawp a ,ka sam pawh ka thlah mawl tawp .Ka bawktawm nasat luat ah akawi chiat a amawi let ling viau in ka hria .







Bawihpuia chuan Motor tak tak chu angen ta bik em lo a ,motor lem lian zet erawh kan lei ta tho . Kan inlama deliver tura kan tih hnu ah thawmhnaw vel leiin kan bazar leh a,puanbih tur pawh ka lei nual .





"Mate hnalam atang call ka dawng tlat ,ka kal angai ka thlah phawt mai ang cheu " ka û in a rawn tih chuan leitur kala neih vangin "kal mai rawh taxi kan la hawng zawk mai ang.Kal duhna kala nei a ,kan thil lei sa hi chu lo phur hrih mai la " ka ti a ,Bawihpuia chu chhuktur turin ka ti nghal zat .A rit ve bawk sia ahah tawh ngawt ang apawm kual char char a .






"Bawihpui i lehkha zirna tur lei leh lawk ang aw ,khuta mi kha kan hawn silo a " ka û kal hnu chuan Bawihpuia chu ka kai a ,dawhkan vel lei tumin ka kalpui ve tawp .Plastic table ang kha ka leisak tawh a ,a thalo reuh lutuk a tunah chuan thing hmang ngeia siam hmantir ka duh tawh .

Dawr chhung ka luh rual chuan hmuhnawm ti zetin ahawikual nghal chuk a ,lawmawm ti zetin ka nuih ver ver .





"Lo leng rawh u ...ava cute ve i fapa nge i nau " dawr nghaktunu chu alo ti nghal thuai.
"Ka fapa anih hi " ka tih sep chuan "awi hmanni ah hmeichhe pakhat hi 'ifapa chu avan hmeltha ' ka tia anau alo ni sia ka zak teh ...khanu kha chu a upat ve hmel tawh sia afapa anih ka ring a ..Nangchu ila naupan hmel em a ka sawisual leh ka hlau mawle " tiin anui zui hak hak a ,atawngduh ve awm hle mai .


"Bawihpuia lehkhazirna tur dawhkan hi kan rawn en deuh anih hi ,chutiang awm chu in kawl tho em ?" Ka tih chuan "kawl lai kanva nei tawhlo ,tunlai hian an uar thar reuh lutuk a kan dawr dangah pawh an hralhthei khawp a an neih ka ring tawhlo .Mahse in order thei aw in duhdan thlapin kan siam thei ania " ati nghal mawlh mawlh .Order mai pawh chu asual lo ang .






"E hei kan boss pawh alo thleng alawm " atih rual chuan ka hnunglam chu ka hawi a ,mahse ka thin aphu nghal dawt dawt !





"Bawihi" ti thum supin mak tih hmel zet hian min melh a ,ka kaih mek ka fapa ah amit afu nghal chat bawk.
"Ka..kafapa ani em ?" mahni inrintawk loh hmel zet chuan a ti sup a ,chutah "ani..ka fapa ngei ani " ati thum leh dut ..Ka fapa chu amelh ngawih ngawih a , thil tam tak ngaihtuah hmel apu .





"Ka fapa " ti a phunsupin ka hma ah chuan athu hniam a ,Bawihpuia khawih atum ruala bawihpuia ka hnunga abiru nghal zat chu na tih hmel zet hian amelh tlawk tlawk . Zawimuanga rawn dingchhuak in "ka zawn hmuh theihna hmun tur ah tal awm la tha tur " a ti zawi sup a ,min en in Bawihpuia ka phena biru chu ka melh leh tlawk tlawk

Tunhma anglo takin kamiz nen ani tup tawh a ,tlemin alang upa deuh bawk .A hma aimahin alandan apa tawh zawk ! Mi thiltithei takte pawh a ang tawh zawk .Mi thiltithei tak chu ani tawh zawk maithei ..Hnathawktu in Boss tiin a ko a ,dawr dang anla neih thu asawi bawk a anihchuan alo hlawhtling chho tawh viau anih dawn hi.






"Bawihpui lo kal rawh le " ti sepin ka hma lamah ka kai a "apa hi chibai rawh le " ka tih chuan ka hau hian min rawn melh chho a "keima papa maw " a rawn ti chho hau mai .

Ka buk tak nghut nghut ah chuan akut te ve tak chu aphar chhuak a "chibai papa " a ti zui ve sep .U Remruata chu thuhniam vutin a kuah zui nghal hlu hlu .
"Ka fapa..." Ti zawi supin Bawihpuia chhip ah chuan afawp zui tawk a ...Hmangaih hmel zetin akuah bet nghal ngawih ngawih.







Remruatfela pov.





Ka fapa..ka fapa ngei ka kuah thei chu ka mumang emaw ka ti dawn rum rum...Kum nga kumnga dawn ka zawng tawh .Bawihi Chhungten an awmna min hrilh duh miauloh vangin ka zawng mawl ve tawp a ,India ramah an awm ngei tih zawng ani ka hriat ni .India rama Specialist zirna awm ang ang ka zawng kual vek ti ila ka sawisual lo ang.Mahse ka zawng hmu zo chuanglo .Thlathar a zawnga zinchhuah leh ka tum laiin ka dawr ah ngei ka hmu leh lawi a ! Chuan ka fapa ngei ka pawm bawk a !Mumang nise chuan harhchhuah leh ka duhtawh hauhlo ang .





Ka office lama luhpuia ka sawm chuan min hniallo ve teh tlat ..Ka fapa chu pawmkang nawlhin min lakbo sak leh mai ang tih hlau takin ka kuah bet tlat a ,ka chair a ka thut hnuah pawh ka malchungah kala thut zui zel . Ahmel ah pawh min chhunzia alangchiang a ,khawihmunah pawh hmu ila ka hai theih ka ringlo .

"Bawihi..." Ti hapin ka thaw hawk a , ka fapa bawk chu lungawi zetin ka mekh zui leh tlawk tlawk " min lam ve thin em ?" Ka tih sup chuan sir lam melh chung chuan "vawi khat chu " ati sep a ,ka chhunglam chu a rawn na nghal dawt thei .
Kum hei leh chen chhunga ka fapa in vawikhat chiah min lam na chuan min ti na a ,Pa laktlak loh tak ka nihzia min hriatnawn tir awn awn ani ber .






"Ka tihpalh...ka thiamlo takzet " chubak sawi tur ka hrelo ..Engkim hi ka thiamloh vek .Ka tan engpawh ahuam laia ahmahun ngaihtuah ti a ka kalsan kha ka inchhir tawp thei tawh dawnlo anih hi .Mipa ti a sawi tlak pawh ka ni nek lo .Ka fapa senlai ka hmuh veloh phah a ,apen theih hmasak ber leh athu lam theih hmasak ber thlengin ka hmaih fai vek .






"Theihnghilh rawh ..tunah chuan nunbul kan tan tha ve ve tawh alawm ..Keipawhin hmalam ka pan tawh a ,nangpawhin pan ve tawh rawh.Ilo hlawhtling ta hle mai U Remruat " ati damthlup a ,atawngkam chhuak reng reng ah chuan a inrintawk zia alang bawk .Hmeichhe puitling takah a rawn chhuak ta anih hmel .A landan erawh ala ngai reng ,ahma aiin atha tawh mah zawk lehnghal .

"Bawihpui lo kal tawh rawh le " atih rual chuan "khawngaihin ...khawngaihin reilo te tal la awm rawh u " ka ti zawi sap a ,ka fapa in min rawn melh kiau chuan ka nui zui hawk.. Engkimah min chhûn fai vek ani ber..






"Papa riltam e .." atih sep chuan bawihi lam hawi zui zatin "mommy riltam tawh " a ti zui daih a ,min ko palh niberin ka inhria .






"Kan bazar engmah kanla ei hmanlo a " Bawihin a tih chuan " hetah ei rawh u ka chahsak ang che u " ka ti nghet churh .Ka Hmangaihten min kalsan mai turin ka phallo ani ber ,ka theihna kawng kawngah chelh tlat ka duh .

"Kan haw zawk ang ,restaurant a an thilsiam eitir ka duh vaklo " atih chuan "ka thlah ang cheu " ka ti zui leh zat a ..min hnial ka rin nen min hnial talo chu lawm tak ka ni .





Ka motor ka lakchhuah chhung lek pawh ka fapa chu ka kalsan phallo ..Driver seat ka luh dawn pawh chuan kala pawm bet tlat a ,min kuah ve tai bawk . Seat adjust in ka thu lut a ,dawr zawnah inkhalh chhuakin passenger seat lam chu ka nam hawng nghal zat .Bawihi alo thutluh rual chuan "kalo pawm ang " ti mahse pawmtir tumna ka neilo. "Ka pawm thei " ka ti sup a , ka fapa pawhin anu aban bik miahlo bawk .


Kan tlanchhuak chiah a traffic ajam nghal der a ! Traffic jam vanga ka lawm vawikhatna ani hial ang .





"Enkawl aharsa em ? Enge aduh zawng ? Zan lam in mu thei em ?" Ka rilru ah zawhna chhansen loh a rawn awm nghal a ,ka indang zolo ani ber .






"A fel lutuk ,aharh ve nangin harh viau tih tur anilo a zirna lamah pawh athei ve viau mai " atih chuan ka bu nghut nghut a
"U Remruat Restaurant hnai berah ding leh zawk mai si teh ,amuhil mai ang tih ka hlau " atih rual chuan ka fapa chu ka melh ve zat a ,alo ham ve bai bai reuh .





Restaurant ka hmuh hmasak berah chuan dinpui duhlo in apiah deuhah dawr pangai leh changkang zawk ah chuan ka dinpui ta zawk a.Ka fapa hian engkim atha ber ber ei in nei se ka duh .






"Heihi lawm Restaurant a eitir ka duhloh chhan " ti nang nang a bawihin menu abih lai chu hmunawm ti zetin ka fapa pawm chung chuan kalo thlir dauh dauh.Ahmeltha zet leh ngaihnobei zet pawh ala ngai reng mai .

"Chicken Noodle soup hi a simple thei ang berin in siam thei ngem ? Ka sawi awmzia chu thlahring tamin mahse bawlhlo dang pawlh vaklo in "waiter hnena atih chuan waiter pawh chuan atheih thu in alo chhang mai a ,ama tan Momo leh soup a order hnu ah " enge i ei ve ang " ti a min zawh chuan "ka lo in eipuar tawh a ,thingpui ani mai " kalo ti sup .Kala ineipuar miahlo ,mahse avawikhat nan ka fapa hrai ka duh ani .





"U Remruat amahin a eithei lutuk..Bawihpui nangmahin ei rawh le "





"No Mommy Papa barh ka duh lawm " Bawihpuia'n alo tive nuah nuah a ,lawmawm ti zetin abiangah ka piai zeuh.Ka barh aduh ve mai te chu ka hlim takzet , ake then lauh lauh in ka barh dawn chuan alo ang ve mai a ...Hetiang hian awm reng ka duh..

Thil hrechhuak zawkin "Ahming hi " bawihi lam hawi chuan ka ti sup.





"Ka pa in Gideon Ramngaihzuala tiin a sa a ,a English name hi U Ruatruata sak " a tih sep chuan "Gideon " tiin ka phun zui sup ."amawi hle mai " ti leh supin ka barh zawm a ,a eizawh rual chuan tui ka pe leh nghal zat .
Kan order sak ang ang a eizo ve vek a ,afel viau ani.






"U Remruat " ti sepin Bawiha ka malchunga muthil bam mai chu amelh a "minti buailo " kalo ti nghal thuai.
"Ka hming pangai in min ko tawh la " atih chuan ka ngawi zui hmak ..min haw tawhlo angin insawi mahse minla ngaidam chuanglo anih hi.
"Kum tam avei tawh a hei Bawihpuia pawh alian ve tawh bawk a ,hmulo turin emaw hnaih lo turin ka ti dawnlo che apa ini a ,Bawihpuia pawhin angainat hmel viau che mahse pangai takin Bawihpuia nu leh pa angin awm tawp ang .Nupa ang nilo in ..anu ka ni a ,apa ini bawk a chuzawng chu nirawh se . I duh chuan kan inlam ah pawh rawn tlawh thin mahla remtihlohna ka nei lo ,mahse a ngaihtuahna tibuai zawnga khawsak ka duhlo.Ka hming pangai in min ko la ,kei pawhin Bawihpuia pa angin ka ngai tawp ang che " atih charh charh chuan steering nghet zetin ka hum a ,chhan dan tur reng ka hrelo .Ka phu tawk chiah ani a mahse ka fapa leh ka hmeichhe hmangaih hi ka hlata awm rei tir ka tum tawh hauhlo.An pahnih hian ka nei let leh ve ve ang ...















#whatsapp group siam te hi induh em ? Ahma a ka siam khan ka vil hmalo lutuk a ,vil hman deuh tur te in awm em ? Keimah chuan angaihna ka awm leh dawnlo a .Whatsapp group vil hneh deuh tur leh peih deuh tur in awm chuan messenger emaw ,comment ah emaw inlo sawi mai dawn nia


Show post links
Top

[Ngaia]

*ZûNLêNG* ch~18








Zodinsangi pov.





"Mate Bawihpuia school luhna tur vel hi i buaipui tawh em ?" Ka pa'n atih chuan kala buaipui loh thu ka sawi a ,khawi school ber ah nge ka luh tir ang ka hrethiamlo .
Zirtirtu trained chhuak ngat an awmna hmun piah lamah discipline khauh tak ni chung si a naupang te chaklohna hrethiam tak ...chutiang school chu ka duh.Ka fapa hi naupang dang ai a ngaihven hlawh ngai anih vang hian a school luh na tur pawh uluk viau ka ni .







"Chaltlang ami khi tha an ti riau a ,enge i ngaihve dan ?" Atih leh chuan "kalo belchiang dawn nia " ka ti sep a , Bawihpuia ka pa malchunga muhil bam mai chu ka pawm nghal zat . "Zanin chu ka ngai riau mai kan mutpui ve phawt ange " ka tih chuan ka pa'n nui hak hian "i û khan mutpui a chuh asin ...alo haw hunah athinrim viau maithei ni " ati a ,kalo nui ve hak hak .

"Remruata khân a rawn thlah haw cheu tih i nu'n asawi a ,Bawihpuia hian apa ani tih ahre ve reng em ?" A tih chuan ka chil ka lem dawk a "ka hrilh a ,a hrethiam em ka hrelo " ti halhin ka fapa ka pawmbeh mek chu ka melh zui zat .Apa anih thu ka hrilh khan apa diktak ani tih ahrethiam ve mai angem le ?






"Remruata hi nei turin ka nawrlui dawn lo che ,mahse Bawihpuia hi theihtawp in hmangaihin engkim tihsak thei pawh ni ila pa hmangaihna dawn amamawh dawn tho tho ..Inngaihtuah chiang la ,i fapa tana tha tur hre ber tur ini " atih charh charh chuan ka bu ve nghut ringawt .
Inchung ah ka chhohsan ta daih a ,heihi lawm ka hlauh.Khulam a kan awm kha chuan pehhel dan ka la nei tal a ,tunah chuan ka pa pawhin min nawrlui lo mahse bawihpuia tan tal tia U Remruata emaw midang pawh nei turin min duh dawn .Ka hna ka chhuanlam reng thei dawn lo .U Remruata'n nupui anei tawh em ? tih takngial pawh ka hrelo a ! Bakah kan nunhlui ka theihnghilh tawh ti mah ila kala ngaidam theilo a ,mipa dang ka nuna senglut turin ka huaisen tawk tawhlo bawk .Hnawl leh kalsan nih leh mai ka hlauhna hian mipa dang min hnaihtir theilo..Bawihpuia nen lama min pawm tu pawh hmulo ka nilo mahse vawikhat rinna tihchhiat anih tawh chuan rinna neih leh hi ahar ve em ani.






"Papa" ti thawp sep ri ka hriat chuan ka fapa chu ka melh nghal vut a ,mahse alo meng miahlo! A muthilh laia apa alam hmasak ber ani hial ang a ! Mizoram lama ka letpui hi ka tifuh dawnlo tlata inhriatna ka nei .






Ka hmaikhawih neuh neuh tu an awm vang chuan menglo in ka nui seih a ,"mommy chu i wake up tawh reng sia " ti nui nui ri vang chuan nui hakin ka meng a ,ka fapa chuan hnai chet chawt ah minlo melh reng .
"Bawihpui kaihthawh ngai lo in i tho ve thei tawh maw " chhaih pah a la tih chuan anui ve hak hak reuh . "Mommy papa bulah kan kal leh dawn em ?" Amitmeng fiah zeta min melh chunga atih chuan ka nui tawp riai riai a "papa maw " ka ti ve sep.






"Yess mommy Bawihpuia khan papa ka nei ve reng sia ,papa kha ka nei velo maw tia " atih chuan ka bulah kuai mu in "papa chu ilo duh ve tho maw " ka ti halh .
"Yess..Ruatruat khan maw "Papa tih kha Mommy bula i sawi chuan Mommy kha a cry zel dawn sia ,sawiloh tur " atia ,Bawihpuia chuan papa neivelo niang ka tia " ati nuah nuah a ,ka fapa in 'pa' tih thumal alam ve ngailoh chhan chu keimah vang maw ! U Ruatruata chuan min ngaihtuah in alo hrilh ve ngei ani awm sia ! Kei lahin apa lam angaihtuahloh vangin kalo lawm ve em em a !






"Bawihpui ,i school luhna tur vawin ah buaipui phawt ang aw " tiin ka kaitho zui a ,ka hmai ka phih zawh ah ahmai ka phih ve nghal mawlh mawlh a ,a mutkawr thlak sakin inhnuai lamah ka pawmthla zui nghal zat .

Ka nu leh pate anlo tho leh der tawh ! An ni hi zawng ka mengtlang anih loh chuan ka thawhkhalh awm pawh hi kala hrelo e a







"Ka tupa duat chu a mutui em?" Ka pa'n alo ti nghal hlut a bawihpuia pawh apu lam panin ka pawmna tang atal thla a ,a tlan nghal terh terh .






"Pa vawin chu chaltlang lam chu ka han en chhin dawn mawni ka tia " ka tih chuan ka pa pawhin minlo pawmpui khawp "ahma lam zel atha ,laklawh in inrawn insawn bawk sia ahnufual lutuk ang tih pawh ahlauhawm " a ti ve duah a ,zirna lam hi chu ngaipawimawh ve tak ani .
"I û lah nizan a rawn haw hman talo a ,an hnathawhna hmunah a riak daih a engin nge in kal ang aw " a tih chuan "taxi in nimai parking te hi buaithlak a " ka ti a ,choka lamah ka luhsan zui a .Ka nu te ka thiam ang angin ka pui a ,chawhmeh hi tlaiah kan siam thar a atukah kan ring leh ah ..Vawihnih bak erawh kan ei nawn ngai meuhlo thung .Thil thing hrim hrim hi ahrisello ka tia ,Bawihpuia eitur atan phei chuan ka duhlo tawp ..Immune system chaklo sa ani bawk nen a ei leh in tih that angai nasa a ,a eitur hi chu siamthar zel angai thin .





"Le bawihpui i school luhna tur buaipui ang aw " ka tih hluai chuan aphûr ve lutuk. Thil thar lawm ta hrim hrim chuan school thar a han insawn pawh hrehna anei em em lo a ,atihzia tak tak ani .

"Nu kan rei maithei aw ,ka pa lo haw hunah kanlo la haw loh chuan min lo ngaihtuah lo turin lo hrilh la " ka nu bulah chuan ka ti luam a ,nui hak hak hian "tunah chuan amawng pawh hung hmanlo in aphe buai leh tawh ngawt ang " ati a ..
Kan dawr kha tlemin kan zauhbelh a ,ahma a kan zawrh ang ngawt nilo naupang toys neuh neuh leh tleirawl duhzawng keychain tihvel kan zuar tel nawk tawh a ,a lûn ve reuh phian .
An nupa maia nghak tawhlo in mi pakhat an rawih belh a ,deliver vel angaih pawn ani chuan ati vek .Wholesale a pek chhuah theih inbeisei in tunah hian hma an la leh mek in ka hria .







"Engthill...?"





"Papa " tia ka fapa U Remruata lama atlân phei daih chu "bawihpui " tih hau pahin ka thlir tawp ! Tunang hunah enge hetah atih le ?

Bawihpuia chu pawm kang nawlhin alo kuah nghal chawt a , ka lam rawn hawiin "in kal duhna ah ka hruai ang cheu " ati nghal sup .






"Taxi pawn ka kal thei..." Ka tih rual chuan "Bawihi min hnial lo la ,ka fapa kianga hun hman ka chak anih hi " a tih nghut chuan ka ni deuh tup a ,ni e Bawihpuia vang chauha rawn kal mai mai ani ngei ang ..keichu min ngaihtuah telve ka ring tawhlo.A rei ve tawh bawk em a , ani ang mipa ah pawh pianhmang leh chetzia a hmeichhe duhrawn tunah phei chuan aluck lehzual tawh ngawt ang chu .






"Papa keima Dream ah khan ilo kal a ,a real in ilo awm leh a " Bawihpuia'n atih nuah nuah chuan U Remruata chu anui hawk hawk a "ka fapa hian a mang lamah minlo hmu ve amaw " hlim hmel zeta ti supin bawihpuia chu a fawp nghal nawk nawk .
"Bawihi kal ila " a tih chuan "aw " ka ti zawi sep a,ka luh theih nan amotor kawngkhar chu alo hawng nghal zat .





Ka thutluh rual chuan Bawihpuia chu ka malchungah a rawn dah a , "Papa bulah " a tih rual chuan hlim hmel zeta nui sukin apawm kang leh nghal thuai . "Duata ..Motor khalh ang aw " ti thum dutin motor chu an rawn kal hual a ,an rawn thu lut ve zui nghal .

"Bawihpui kalo pawm ang che Ipa itibuai ang"






"Bawihi mintibuai lo ..enghunah pawh " min melh in ati nghut.Ngaqi rengin ka thu ta hle hle.






"Khawilamah nge kal in tum " tlan chhuah pah a atih chuan "Ih..Chaltlang ah a school luhna tur vel thlithlai kan tum deuh " ka ti tha ve mai a,bu nghut nghut in " a school kal hmasak ber ni hmuh ve ka chak hle mai " ti zawi supin steering a chelh lohna lamin Bawihpuia kut chu a vuan zeuh a ,

"Nupui ila nei lo em ni ? Ka sawi awmzia chu hetianga keini nufa min rawn buaipui te hi lo remti lo ta se ka tih na" ka rilru a ka pai reng chu ka sawi chhuak ta tawp .Keimah ah hian thil thup leh zep hi ka theilo ,ka sawichhuak lo emaw chhanna ka dawn loh chuan ka ipik tup zel .






"Nupui maw " ti supin ngeiawm zetin a nui suk a ,chutah thlebak hian "ka hmuzo tawhlo " a rawn ti kher ! Ava han ngeiawm mai mai tak ..Biak pawh biak chhunzawm duh tawhlo in hmalam ka melh ta daih.
Nupui hmuhzawhloh maw ? Ka awihlo lutuk .Luhkhung duh tur khawp nula an kat nuk zawk ang chu mawle ..A duhzawng tak ala hmuhloh vang mai mai zawk aniang .






Chaltlang chu reilo ah kan thleng thuai a , ka pa sawi loh zawkah kan kal hmasa a .A thathmel viau nangin ka duhthu a sam tawklo tlat ..Achhan pawh aaa an zirtir tu te trained chhuak an ni lo a , chumi piah lamah an school building chu naupang harh rual tan chuan ahim tawkin ka hre lo ani .






"Hun ka ngah viau ania " ka sana ka bih vut vut ahmuh rual chuan a rawn ti sup a ,Bawihpuia nen Motor ah minlo nghak a anlo ning tawh viau maithei ani .
"Mommy Papa hian ice cream min lei dawn asin " ka fapa in hlim zeta atih rual chuan thaw hak hian "Bawihpui Icecream ei ni anilo aw " ka ti zeuh a ,meng khup zal zal in apa awmah abei hmak nia !
"Gideon " ka tih that chuan "Bawihi" U Remruata'n alo ti nghut .Bawihpuia chu kalam a rawn hawi duhlo reng reng !






"Iti duat sual vek dawn anih kha " ti hmakin ka thu tum hmak . Nidangah angen a ei ka phal loh chuan ahrethiam ve mai zel a ,apa bulah chuan apangchang khawp mai .
"Ka fapa hi duatsual mai mai theih anih ka ring lo " afapa titau thlem zui pah chuan ati bul hmuk .Awi min ti chau ....rawn kal ve lo tawp se nimai tur .







Ka pa min kawhmuh school kan thlen rual chuan "kan lo kal ve ang " ti nghutin Bawihpuia pawmin a chhuak zui a , ka thawhnaw hakin azirlo nge ni keimah hi ka dik hleitheilo uap ka tiin chep ka inti tlat bawk .Chutiang han ti tur em chuan Pawnfel fual leh top ka ha tawp a ,ka inha tight chuang derlo !






"Lo leng rawh u " Counter kan thlen rualin anlo ti nghal thuai a .
"Kan fapa hi a school luhna tur kan buaipui deuh a " ka tawng ve hmain alo ti nghal nghut.Ka tawngpeih rih thlawtlo a ka lawm viau ani .
"Animaw ,mahse alaklawh ah hi chuan naupang kan la ngai lo a " nula pakhat chuan alo ti ban charh .


"In in kaihhruai dan min hrilh thei em ? Arem chuan ahmunhma vel kan enkual duh bawk a " zawldawh deuh siin a thuchhuak chu anghet churh a ,hnial chu ahar ve khawpin ka ring.Bawihpuia pawm lo ngat pheise chu he nula pahnih hian an bawh huam duh ang mawle! Lalpa ka ngaihtuahna zet chu a !






An inkaihhruai dan te chu min hrilh mawlh mawlh a ,classroom leh compound min fankual pui pah bawk .An naupang enkawl dan chu duhthusam in atha ! Tin ..Mizo chauh nilo lut pawh an awm nual ani awm e ..Anih chuan Bawihpuia tan pawh tawng lamah chuan a awlsam phah sawt in ka ring .





"Bawihi enge i hmuhdan le " a rawn tih thut chuan "englo...atha ka tia mahse session thar nghak thei kan nilo ang " ka ti deuh nuaih a ,tuna admit loh chuan atlai phah vek ka hlau .A kum rualpui in an kalsan mai dawn si a.






"In Principal a remchuan min hmuhtir thei ngem " min hruaikual tunu bulah chuan a ti nghut a ,chu nula chuan "theih e " ti var in an principal room ah chuan min hruai nghal zat.






U Remruata chuan Principal chu kan dinhmun vel hrilh in puitling takin abia ka ti mai ,kan thut hnu ah pawh Bawihpuia chu ala pawm reng . Bawihpuia marksheet vel Principal in a en chuan "kan admit thei ang" ati nghal maia ! Thaw aveng huai ta mai .






U Remruata'n min kalpui chu ka lawm letling phian mai ! Ka khirh ve si a ,ka school tha tih awmchhun ah Bawihpuia alut thei dawn hlauh bawk a.Keiman dawr ilang chuan kan in admit thei kher angem ka hrelo .





Min thlah haw nghal mai lo in dawrah thil min eipui te te a ,Bawihpuia eitur pawh aman ka duhdan ang thlapin a order sak a ahrai leh nghal thlap bawk .
A man engtham mah a ei leh pek lo a ! Kan thil ei min vil hi a ang ber .Milar phei chu ni ila kan body guarh te pawh a ang zawk mah ang .







"Kalo pa tawh ang " in kan thlen rual chuan ka ti sep a "kan ti harh mai mai ,achau ve ang ka lo pawm lut law law ang " ti supin hnehsawh zetin ka chhan ve hma chuan apawm chhuak nghal nulh .
Chhunlam ah hian amu tawh ngailo a ,apa bulah chuan mut achhuak nge achau nge pawh ka hrelo ! Amut achhuak nghal em em mai zel nia !






"Room ah mut nghal law law mai la " ti sepin inchungah ka hruai chho a ,ka nu leh pate chu anlo la haw lo tak tak aniang kan nula bak inah awm anlo awmlo.

"Khumah hian mut mai rawh " tiin rizai kalo hlim nghal zung zung a ,dim zeta mutin a thawhkan hmain bawihpuia chalah chuan ahmui anawr vang vang .

Tunhma pawh khan hetiang chiah hian ka chalah ahmui nawrin min kuah vang vang zel kha nia ! Pasala neih a chhungkaw hlimawm tak dinpui kha ka suangtuah ve thin asin le .Mahse tunah chuan a rem tawh silo a ..





"Ih intihfai lawk ka duh a kalo thlah lo mai ang che " athawh rual chuan ka ti sep a ,inherin bathroom pan in ka pen zui zat .







"Bawihi " ti zawi ruih a ka hnunglam atanga mi rawn kuah rual chuan "U Remruat " kalo ti halh .Ka dul zawna akut suihbeh phelhsak ka tum chu alo tang tlat !
"Hetiang hian awm suh " ka ti zawi sep a ,Bawihpuia tihharh ka hlau ve tho si ka tawngring ngamlo





"Bawihi nunbul tan tha ang ,kan pathumin kan fapa nen " ati zawi sup .Ka beng zawnah thaw lum ham hamin a hmui chuan ka bek anul a "tawp rawh " ka ti halh .

"Vawikhat chiah...vawikhat chiah chance min pe leh rawh ... Khawngaihin Bawihi tunchiah.." ngen takmeuh hian min ngen ni berin ka hria ! A aw ri chuan min fan raih raih a Rilru fim min put tir thei dawnlo hial mai !





"U Remruat ...ka theilo " ka ti hap a
"Ka theilo ang ..min kalsan vang khan ka na takzet a ,tunah pawh hian ka tawnhma che a ka nun kha ka la nei let theilo cheu bawk .Ka rinna i ti chhia a ,tlawm tak te a ka tlawm hnu ah pawh min kalsan tho ....ring leh tur che chuan min ti tawh suh..Ka theih ka inring tawhlo " ka tih chuan alo thaw halh a


"Ka tina hle che ni tiraw " ti zawi supin ka beng zawnah a thaw lum ham ham .





"Bawihi ka tana tawrh i inhuam laia ka kaltir che kha ka tihsual lianber ani ...Mahse itum leh thei hram lo em ni ?" A ti zuai raih a...abeidawng ngawih ngawih in ka hria !

"Thei lo ang " ti tham chhel in min kuahbehna chu ka lasawn a ,alo tang tawh bik lo ."Chhungkaw tha tak dinpui tur inhmu em em ang ,kei aia tha " amah pawh enlo a ti sepin Bathroom ah ka tlanlut zui a ,ka chhuahleh hunah alo awm tawhloh hram ka beisei . Ka thawmhnaw pawh hliplo chuan shower onin ka inphuh tir nghal seng seng.
Khawngaih a lainat lo ka nilo keimah ah hian U Remruata duhna ala nasat zia ka hailo bawk .Mahse ka hlauthawng...ka nihna leh mizia min hlauhtir thak khawpa ka hmangaih khan thu hote vangin min then a ,rilru fim pu hleithei lo khawpin min siam bawk ..Chutiang khawpa min hliam nasat hnu ah awlsam taka ka pawm leh mai anih chuan mi â ber ka ni hial ta ve ang .






Bathrobe ha a ka chhuah chuan alo awm tawhlo a ,Bawihpuia erawh ala muhil tui ngang mai . Chhunmut a zawngchhang mai hlau viau mah ila ,tunah chuan kaithawh tumna pawh ka neilo.Keimah pawh hian mut ka mamawh takzet .

Ka sam chhemro a mut ve mai ka tum laiin hna lam buaipui ka ngaih hrechhuakin ka data vel chu ka pa thianpa hnenah ka thawn a .Pate vanga hna hmu mai mai nih ka duhloh vangin ka bio data engkim chu felfai taka siamin Ka thawhtumna hospital Director hnenah ka thawn thlap .Mizoram ah chuan Vai ram ang em em in hna atamlo turah ka ngai ve tawp.Khawl te kanla nei tha tak tak lo a ,a tih tak tak theih dawn chuanglo . Bawihpuia tan hun ka ngah phah sawt thei bawk anga azia viau ang .







Zawmna






"Mate nakzan kha Bawihpuia nen in lo tel ve thei hram angem ? " Ka pa'n atih chuan "Pa zàn chhuah chu Bawihpuia ka va ngaihtuah deuh ve aw " ka ti sap a ,lunglam thalo anih vang hian Phneumonia kai mai a awlsam a zàn chhuah emaw khawlaia tàl hi chu ka remti chiahlo ani .
Naktuk zàn hian Mizorama sumdawng lian tak tak ten anlo huaihawt thin angin party liantham tak an buatsaih dawn a ,kan chhungkua hian ka U Muanpuia zar nge ka ti dawn ni sawm kan hlawh ve ziah .U Muanpuia te an indang tawh sia ,minla sawm ve leh zel chu nia !
Ka pa hian engvanga ngaipawimawh em em nge anih lah ka hre der lo ! Keini tan han hlawkthlak vakna tur a awm lo a ,kan tih theihve chhun charity puala an bawm dawh a pawisa thlak bak enge awm ang le ?





Lehlam zawnga ngaihtuah chuan atha viau thung .Mi hausa tak tak kalkhawm an nih vang hian sum thawh pawh atam a ,mi rethei leh mamawh tak tak te pek tur a tam viau phah .





"Inchhunglum ani dawn tho a ,kal ve hram in tum dawn nia .I U ruata a hman dawnlo a keini lah tulte ah lo chuan zan chhuak rual kan ni tawh silo " a tih leh tak sup ah chuan "kan tum dawn nia " ka ti ta ngawt a ,open air ani lemlo bawka bawihpuia tan pawh apawilo turah ngai ang .
U ruatruata lah hi abuai thei mai sia ! Tunah pawh hian inah ala awmlo .






"Mommy pipi in fruits min pe a eizo vek sin " ka fapa choka lam atanga rawn tlan phei in a rawn ti ve nuap nuap a ,"pipi thu i awih em ?" Inla thutak zet chuan ka lo ti deuh sup.
"Uhuh Bawihpuia kha maw a puar tawh lutuk a mahse Pipi khan eizawh tur atia ka ei zo vek lawm " atih nuah nuah chuan kalo nui hak a ,Ka pan alo pawm vat .
"Ipi chuan ava duat bik che ve le " ka pa chuan bawihpuia pum pen kawrh pah chuan alo ti sap a
"Duat bik tur neih chu ava nuam ve aw " ka nu'n a rawn tih luh chuan kan nuiho ta dar dar .






Ka fapa muhil thaw sek sek reng chu muhil theilo in ka thlir reng a ,a pa chiah chiah ani !U Remruata ka theihnghilh theih miahloh chhan ani reng a ,Bawihpuia ka en chian apiang hian apa ka hrechhuak lo thei thinlo.
Thuawih viau mahse apa ang chiahin a duhloh chin leh angaihdan loh chinah chuan a nawrluih theih thak loh! A thuam inbel tur thleng hian ani ,a eitur hi chu a tirte atanga ka enkawl danin a zir nge ka pek ang ang a ei duh ve zel a ,thawmhnaw lam erawh rawng tlema nu deuh akai tawh chuan duhlo hmak hmak ang kha ania ..Inla pa ve rem rem tak ani .







Karthar atang law law hna ka zawm dawn a ,Bawihpuia pawh chutiang bawk chu .Zing lam pawh kan murei viau hrih.Inhnuai kan chhukthlak chuan chaw anlo eifel diam tawh a !
"La mu ta che u ,keini chu lungphun na ah kal kan ngai a kanlo eisan mai mai che u " ka nu'n alo ti var a
"Chhuahna tur kan neilo e kan tia kanlo mu rei deuh ani " ka ti ve sep .






"E kha kan mutduh te pahnih anlo tho ani maw " ka pa chuan arawn ti fiamthu hlut a ,Bawihpuia ka lak atang la in apawm nghal chawt .A muttui lai ka kaitho a amood afu viaulo .Apu in abiak te chuan achhang tha duh lo viau mai .
"Tinge Bawihpui ?" Ka pa'n atih chuan "Mommy khan ka sleep tui lai khan min wakeup tir alawm " ati tuau a ,atap ta bai bai mai!






"Bawihpui no lohtur ka tih kha aw ,bakah thawh ahun tawh lutuk alawm " kalo ti charh a ,apu awmah beiin atap zui hliam hliam !
"Het khatin naupang an hau ngailo " ka pa chuan tiin a thlem zui mawlh mawlh a ,thaw halhin choka lamah Bawihpuia eitur buaipui turin ka luhsan ta tawp.Han hau ve pawh ni ila helai ah chuan chhantu anei tih ahre tlat a abuaithlak .
Naupang hi an fing a ,tawng pawh la tawng tha theilo thleng hian mihring thinrim leh hlim hmel an thliarhrang thiam tawh thin .






"Bawihpui ang rawh le " a áng duh thaklo.
"Gideon ka sawinawn tawh lo ang tinge hetia i awm tlat "ka ti ta that .
A mittui a rawn tling leh ta pam e ! "Gideon mipa ini lo mi ? Mipa an tap mai mai ngailo aw " ka tih leh chuan ari meuh in a rawn tap chhuak a ,ka pa te an chhuak tawh bawk si ..tihngaihna ka va han hre tawhlo tak .

"Le ...tap tawhlo la ,mommy khan chaw i ei loh chuan i damloh mai ahlau alawm " dam zawka ka tih chuan "Papa duh" a rawn ti hlar a ,inkuangkuah in lehlam min hawisan hmak .
"Gideon leh?" Ti halhin zalo zetin ka then ta thaw ringawt .





"Papa abuai ...chaw hi eirawh le bawihte "






"No..Papa ko rawh " ti hmakin a chhuk tarh a ,choka atang atlanchhuak zui daih !






A chaw tur chu dahfel in ka umzui ve nghal a ,khawiah nge maw alo kal hman ni ?
"Bawihpuia kha ilo hmu em pawnah a rawn chhuak em ?" Kan awmpuinu pawn atanga rawn lut hnenah chuan kalo ti sep a
"Ka chhuah dawn khan pî te room ah aluh kha " atih chuan ka pa te room lam ka pan thuai.







Khum phenah hian chhuatah alo thu a ,akhup tawmin achal anghat ve ngei ! Ka titau te pawh min ang alawm le !

"Bawihte lo kal rawh le " ka tih chuan "Papa" alo ti leh nghut a ,min en duh eihlo .
A damdawi ei ahun tawh si ava buaithlak tak .





Duhlo zetin U Remruata nb ka theihnghilh theih miahloh chu ka ph ah ka chhu lut a ,hreh zetin ka call ta zat





"Hello" hmeichhe aw tliang ral in a rawn tih chuan ka chil ka lem dawk a "U Remruata abiak theih em le ?" Ka ti sep .

"Meeting an nei mek a ,lawk aw " tia min chhan chuan dah tur nge nghah tur ka hrethiam chiahlo .Off lo chuan ka nghak ve ta ngawt a .




"Hello " aw thum dutin a rawn tih rual chuan "U Remruat " ka ti zawi sep a 'ibuai em' han tih chi lah ani tawh derlo .

"Minlo hrethiam lawk u " ti thum supin "sawirawh le bawihi " a rawn ti damthlup.Engtin emaw tak hian ka kawchhung a hik chuai in ka hria !





"I buai tih ka hrelo a ,i hman hunah min lo call zawk mai rawh " ti a dah mai ka tum chuan "ka buailo " a rawn ti vat a
"Mahse meeting in neih kha " ka ti sep




"A pawimawhlo " atih nghut chuan "anih Bawihpuia hi abuaithlak reuh lutuk a chaw a ei duh bawk silo alam reng che a " ka ti tham chhel a ,ka inthlahrun rualin ka zak bawk .
Nimin lawkah chiang takin ka hnar a ,tunah ka be hmasa leh daw daw si ! Nilo Zodinsang i fapa vang chauh ani .





"Ka rawn kal nghal ang " ti vutin call a dah a ,ka ph chu ka hau in ka en tawp.A meeting neih chu apawimawh lo viau nge a fapa a dah pawimawh vang zawk ni ?





"Papa alo kal dawn e mammam ei tawh rawh le " phur hmel zeta ka tih hluai chuan dak chhuak hian min en a "papa bulah zawk ei ang " ati leh talh .Ava han khirh mai mai tak ..Tunge maw achhun ni ?






Inchhungah pawh awm duhlo in pawna nghah a ti deuh tlat a ,a rawn thlen mai loh tur thu leh traffic jam te pawh a awm ka rin thu ka hrilh pawn nghah a ti tlat tho ..
Reilo ah bullet hi kan kawtah a rawn tlan lut a ,helmet leh mask vuah mahse Bawihpuia chuan apa ani tih ahailo nge "Papa alo ti nghal chel chul mai !

A bike a tih thih dut rualin apa lamah atlân phei nghal thuaia. "Papa " tia khek raihin pakhatlahin laksak tumtu an awm ang mai hian alo pawmbet nghal chawt bawk .






Ka lam pana an rawn kalphei lai chu ka en reng a ,ani a inthuam smart viau laiin kei ve chu pyjama leh tanktop nen tawp ka la awm zui .Kan in smart hleih viau ani .






"Chaw chu ala eiloh chuan ei se ..Duata Chaw ei that tur aw " thum dut a atuh chuan Bawihpuia alo bu leh nghauh nghauh ang lawi a ! Ka vin aiin apa aw thum hi ahlauhawm zawk daih sia!

"Papa Mommy khan 'Papa buai' ati tlat a " chhantu anei tawh tih hriain a ti nghal nuah nuah
.U Remruata'n tak zeta mi melh nghal chawtin "Bawihi Ka fapa tan chuan ka hman reng ...Chutiang bawkin i tan pawh " atawp lam chu azuihnral tep.






A sawibelh leh hlauin "a eitur kan siam ange " ti nghal sawt sawt in inchhung ah atlanin ka tlanlut hi ni ringawt .Ka tlansan te nui hawk thawm in min zui nghal a , ka hmai te hi asa hat hat thei nia mawle !







Bawihpuia chu ka hrai a ,Apan alo pawm pah bawk .
A damdawi te ka pekfel leh vek hnuah bualfai angaih vangin inchung lamah kan chho ho leh a ,apa'n bual duh miau hek ..keichu khumah ka lo thu fel than .
A kamiz ban chu akiu thlengin thlep chho mahse bathroom atanga an rawn chhuak chu a kamiz aval ve kulh kulh tho ..A kekawr pawh rawng lar lam nise chu aval kulh kulh in ka ring .






"Mommy Papa hian bigboy min ti sin ...!! Ka bigboy tak tak hunah Papa motor lianpui ang kha min lei dawn " Bawihpuia'n phûr zeta atih chuan kalo nui ve hak hak a ,amotor tur kan lei lah kha khalhna hun la nei heklo ..A packna pawh kanla phelhlo .







"I bigboy tawh sia ,tah mai mai tawhloh tur aw " ka tih chuan abu ve nghauh nghauh.







Dar hnih velah ahaw ta chauh a ,chupawh Bawihpuia muthilh lai chuhin ka hawtir ani .Anihloh chuan ahna kan thukhtir rei lutuk dawn a ,bakah abuai ve viau in ka ring .






Darthlalang hmaah dingin uluk zetin ka in en a ,ka inthuam dan chu inhmeh ka inti ve viau mai .Kawrfual ka pianrem zaih avar pink kai lam lek lek ka ha a ,abahna sinte niin ka mal chanve atang akak thla bawk .Ka sam chu lian zeta bawkin makeup erawh ka inbel tamlo khawp .
Coat sendang ha lehin inhnuai lamah ka chhuk a ,bawihpuia pawh coat suit ka haktir nen chuan apu bulah alo thu leh kak tawh .






"Zirmawia'n ava thlah che u anga inrawn haw duh hunah a rawn lam leh ang che u .Awmrei pawh angai hranlo va inlan ve zawk kha nimai " ka pa chuan alo ti sup a ,pawn lama min nghah tawh thu a sawileh chuan bawihpuia pawm lawkin kan chhuak thuai.
Kan mi chhawr emaw min dawrtute lawh nise innghah tir hi ka duhloh zawng tak ani .






Party na hmun kan thlen chuan ka fap chu ka kai a ,pawn khawvawt ah rei awmlo inchhung lamah kan lut thuai ..Tute hall nge kan hman hi ka hrechiang tawhlo ,a hmun erawh anuam takzet naupang dang nuleh pa ten an rawn hruai ve nual tho bawk .

Thutna rem lo awm hmasa berah chuan kan thu a ,a chhunglam chu ka pa sawi ang tak tak in alo lum a ka coat ka phelh nghal thuai .








Bawihpuia tui ka intir laia kawngkhar atanga rawn pen lut te chuan ka mit an la hle

U Remruata chu coat nen a rawn inthuam thlup a ,abanah hmeichhe chhelo deuh hian akuah bawk . An awmdan ah mjn rawn hmuve lo anih ka ring ..Bawihpuia tui ka tulh zawh chuan ka in ve nghal pawp a ,ka no dawm berkher lah chu wine nge pawh ka hrelo ?zu rim anam huam huam a ,ka hrawk asa thla ham ham .Kan dawhkan ah hian zu lam a awmlo emaw ka tia ,mizinga han pik chhuah ngawt chi lah ani lo nen hrawk na thumin ka inzo vek !


Show post links
Top