*ZûNLêNG* ch~ 25
Thlakhat zenzawn Hospital a kan awm hnu ah Bawihpuia pawh a ziaawm tawh khawp mai a ,U Remruata pawh Mizoram leh Chennai a kar tawn chhen ..Ka awmpui theih reng thu ka sawi pawhin afapa kianga awm ve reng aduh tlat a ,ni hnih khat Mizoramah hna thil vel khawiha zin in helai a rawn pan leh nghal thuai zel .
Helai hmun atanga atih theih ang ang ati bawk a ,bakah Bawihpuia hian alam ve deuh reng bawk nen .
"Bawihpuia thawk lak dan hi azia chho viau in i hre ve em " a tih sup chuan "umm" ka ti sep a ,Couch ah athu a kei min pawm in Bawihpuia muhil chu kan thlir dun dauh dauh .
"Nghah ngai in ka hre tawhlo " a rawn tih chuan asawiawmzia hrelo zetin ka en chho ha a , " engchu maw " ka ti sep .
Chutah nui suk hian "ila hre vat mai ang " a ti ngawt a ,ka beng a ti vir zo vek !
Vawin hi Bawihpuia dinhmun kan enfiah ni tur ani a ,emgkim apangai a Mizoram lama inenkawl thei kan nih chuan kan haw tawh dawn ani . Amah ber ber lah chu aphur ber ah atang a , khilam pawhin an ngai tawh hlawm khawp mai .U Muanpuia nupui chei chuan " Ka fapa kha rawn haw pui tawh ula aw " hi arawn ti fiamthu leh hlut thin a , achang chuan fiamthu mah nise kan lainat thei viau ani .
"Mommy ka tha vek em ?" A report ka en vung vung lai chuan alo ti ve chul a ,Hospital hi ahne tawh takzet pawh aniange .
"Ummmm Bawihpui " pawi tih hmel taka ka melh chuan a mitmeng ahnual nghal rawih .Chutah nuisang hian "Bawihte i doctor khan in lama haw aphal sak rawh che lawm . Keichuan itha ngei em tih hriatchian ka duh vangin ka en nawn leh mai mai anih hi " ka ti a ,a hmel rawn inthlak hlawkin khumah chuan a zuang ta mai "het bawihte la indim tur aw " kalo ti thuai .
Apa phei chu kan bill tifel turin a chhuak tawh zawk a ,keiin kan bungrua kalo remfel thung .Bawihpuia Doctor khan "Dr.Zo i fapa hi avannei takzet ,hetiang case tawh ah hi chuan thlakhat a hospital chhuahsan thei kala hrelo .Bakah a rawn harhchhuak leh hma lutuk te kha amak ! Han sawi vak dan ka hrelo ..ka patient a ni thei hi ka inchhuang zawk ti mai teh ang " a ti hial a ,an beisei phakbak in achangkang chak a .An zai zawh atanga kar hnihna chhiar tel loh in thlakhat chhung chauh Hospital ah kan awm tihna ,apumpui ang zawnga chhut chuan thlahnih dawn chu kan awm ve tho ani .Mahse Bawihpuia anga lung pawp leh beisei awm tawhlo an khawih chin ang hi chu alo berah thlathum ang tal Hospital ah an awm angai thin .An taksa achak tawk theilo a ,hun reitak chhung oxygen nena tangkawp in enkawl an ngai thin ani .
"Ka pa in pawisa alo thawn a , kalo transfer dawn nia i ac ah " U Remruata lo lut chu kalo biak dan vang chuan a rum nghut a " tinge ?" Ka ti sep .
"Ka fapa enkawl na tur chu ka nei ve e ,pawisa chu ipa ipe let leh zawk dawn nia " a tih chuan ka lo meng nur nang a , nuai hnih khat chauh ani dawnlo tih hi a hrechiang ber tu ka ni ang .A tlem berah nuaih sawmnga chu kan seng ngei ang ,Hospital bill cabin ah kanla awm zui a ,kan veivahna nen phei chuan sum kan seng hnem takzet .
"Chutin ti lo la ,tlem azawng tal kan tum ve ang " ka tih pawh chuan ka thusawi angaithla duh derlo ! Millionair pawh ani awm buk chai silo .
"Bawihpui Papa hi ahausa e tiraw "melh ru ralh ralh chuan Bawihpuia chu ka bia a ,U Remruata alo phun hluk chu ka nuihpui bawk bawk .
"Duata I Ram ah let ang aw " ti nghutin Bawihpuia chu apawm kang nawlh a , a chhaih nui nghal hak hak .
"Bungrua min ken pui tur a rawn kal dawn , Cab ka call tawh bawk a kan hman chuan kan chhuak thei reng " min rawn pah deuh chuan a ti a ,"kal mai apawi ka tilo , Hotel ah zanin riak ila naktuk lam kan haw na tur ticket ka pa'n alo buaipui dawn bawk a " tiin ka bag chu ka khai kang a ,kan bungrua chu atamlo bawk a min kenpui tur alo ruai ve tingtang tawh bawk nen kan khai talo tawp .
Nurse thenkhat min hretute leh kan room a rawn duty thin te ho chuan min mangtha hlawm sap sap a ,thlatin checkup tunkum chhungchu ala ngaih dawn vangin kanla inhmu leh hlawm maithei .
Tun atan erawh kan in mangtha hrih hlawm phawt ani ..
Hotel kan thlen chuan ka chau deuh ta nge nizan lam ka mu manglo nen intifai hmasa lo in ka mu zuai a , Bawihpuia buaipui angai pawh anilo keimah tawp kha ka helhhawlh nge ka muhil theilo hrim hrim zawk .
"Bawihi..harh teh le " tia ka hmai khawih neuh neuh tu an awm avang chuan ka mengchhuak riai riai a ,room chu dim light lo inchhi teng teng chauhin a sen ram a khua a thim tawh ani ngei ang pawn lam atang light eng a rawn lut riai riai bawk .
"Khawnge Bawihpuia ?" Ka tih sep chuan a muthilh thu in min chhang a , ka awmah a lu rawn nghatin a mit chu achhing ve zui zat .
"Min nei duh ngem ?"
"Engmaw ?" Tunah khan ka hresual em ni ?
"I hriat kha bawihi kumkhua a i kawppui ni turin min nei duh ngem " rawn inbeng kanga a tih leh chuan sawitur reng ka hrelo .Ka hamhaih hi ani tawp mai
"Hei aia special deuha sawm zawk tur che ka nihlai in ka thup thei tawhlo " ti supin a tho kang zui a ,light chu rawn on eng pup in a kekawr ipte tang chuan zungbun mawi zet mai a rawn phawrh chhuak !
"Tehthut a " ka ti halh ringawt .
Kiai suk hian "i duhzawng anilo em ni ?" A ti sup a
"Aih ni e ..ka sawizawk chu ti tehthut nge ?" Ka ti bah nuai , lo rai ta ang nise chu mak ka ti thut lo ang ..awm ka ti viau zawk ang mahse ani arai thei zawk ani tlatlo .
"Inneih puia sawm ka tumna che hi chu a rei tawh ..Mahsela ka ngaihtuah a keimaha rinna i nghahngam leh hmasak phawt ka duh a ,ka rinawm zia hmu la ka duh bawk .Mahse tunah chuan nangni hlata awm ka duh tawhlo ..Chuvang ringawt ni lo in ,ka pangsi chet a awm reng turin ka duh che .Nikhat lek pawh i tello chuan awm tlei harsa ka ti tawh " khisuk a hnuailam bih zeuhin a hmui aliak hnawm chhap a ,chutah rawn dakchhuak lehin " chuan ..min nei duh ngem ?" A ti leh sup .
"Mimawlpa min sawm dawnlo emaw kalo ti hman tawh a ,min duh tak tak lo ni ah te kalo ngai che a " ka biangah chuan hlimna mittui ngeimai chu a rawn luang thla riai riai a , ka kut veilam chu ka min buntir theihnan alamah ka dah hnai da da bawk .
"Ka lawm e " ti supin ka kawngah a kut rawlh lutin min pawthnai hrak a ,zawimuangin ka hmui chu a hmuiin a rawn si cha cha a , "a rang lama kan inneih ka beisei " ti supin min fawp nghal ngawr ngawr .
Ka hriat ve hauhlo in kan inah palai hial alo tir tawh reng mai a ! Man hlan hun leh inneih hun pawh anlo sawi fel vek tawh !
Han tihtauh leh bur bur chak viau mah ila kan lo naupang chhe zawk zawk tawh bik silo ,mahse reilo te chhung erawh U Remruata ka tihtauh khum a ,a che buai ngang mai ..Ngaihdam te min han dil leh ringawt zel a ! Ahriatloh laiin kalo nui tut tut zel .
Mizoram kan thleng chho a ,kan in lam pawh inneih lam buaipui in kan chhungte la hnai deuh leh thenrual tha te kan in lamah an rawn lenglut mawlh mawlh a ,kei erawh ka awl hlauh thung .
Mo lawr leh lawi kawr vel tur ka nu in ahmelhriat a thui tir bawk a ,karleh mai hian kan innei dawn ani .Helai hmunah chuan thlahna hun chauh kan hmang dawn a , U Remruata te khua ka khua lo ni ve tawh thin te kohhran thlanglam zawkah kan innei dawn ani .
Ka pa aphur berah atang a , a thiante kum tam abiak tawhloh thlengin a sawm fai vek .
U Remruata te lam kan ti hautak lutuk ang tihte chu ka hlau angreng khawp mai a,mahse an ni lam pawhin mikhual an tam loh an hlau ve viau thung .
Thian atan O Naui ngeimai ka hmang dawn a ,han sawm pawh angailo a rawn hauh nghal tawp ! Kimkimi erawh anau ala sen em a "inkhawm tal chu ka rawn tum ang ,ka thei angem pawh ka hrelo " a ti chauh .Ka thawhpui te leh ahma a kalo thawhpui thin te ka sawm leh vek bawk a ..min lawmpui ve hlawm khawp mai .
"Mate inbe lawk ang hmiang " an room kawngkhar atanga rawn dakin ka pa'n min ko a ,ka pan nghal thuai .
"Tun hun hi hriattir nan che a fuh ber em ka hrelo a ,mahse hriat ve ngei iphu ka ti bawk si ." Rilru buai hmel tak chuan athaw hap a
"Ka thusawi tur engkim hi ka hmangaih loh vang che anilo ania ..ka fanu ini a ka enkawl seilen ini reng bawk ang " ti leh te te in min en vang vang a ," mate i nu kha a uire a " ti supin a chawl dat a ,ka dawnsawn dan angai chang ni berin ka hria .
"Ka thisenzawmpui ini velo " harsa ti zet chuan a ti sup a ,mahse engkim ka hrelawk vek tawh tih hi ahrelo ani ngei ang .
"Ka hria lawm " ka tih sep chuan "engtin " a ti hlut .
"Ka pa engkim avang hian ka lawm ..Ka nu kha a uire tih leh i fa i thisenzawmpui ka nilo tih hre reng chunga vawin ni thleng ka û te nen a vawikhat pawh min enhran ngailoh avangin ka lawm e .
I thisen zawm ka ni velo tih chu kum ruk mi chauh ka nih lai in ka hre tawh alawm " ka tih chuan alo thaw hak a
U Muanpuia nena an inbiakna ah an sawi lang a ,kalo ngaithla ru ka ti dawn nge tihpalh thil thu in kalo hre fuh ka ti zawk dawn ni ? Ka la naupangin an sawi zawng zawng kha ka hrethiamlo a ,chuan kan zirtirtunu ka zawtchiang ta a ka chanchin ang pawhin ka sawi hran chuanglo anin minlo hrilhfiah a mahse chutah pawh chuan kala hrethiam chiah chuanglo kala naupang ve bawk em a .Mahse ka kum te alo tam chho a ka pa fa ka nih ve loh zia ka hrechho a ka inkiltawihin engtik hunah pawh athinrim chuan min hnawtchhuak thut thei reng ani ti ten ka ngaihtuah a.Ka zirna ah tan ka lak phah ta reng a , ka pa mit tlung loh hlau in ani ka beih thin ni .Mahse tun hnu hian ka hrethiam tawh ,ka pa hian ka nu uire na vanga lo piang mah ni ila U Ruatruata te ,U Muanpuia te nen min en dan a hranglo tih hi .Tleirawl sual neiin ruihhlo bawih ah pawh tang ila min thlahthlam bik lo ang .
" Mate " ti chhalhin "ka enhran loh zia che i hria tiraw ..I û te nen angkhat vekin ka hmangaih che u tih theihnghilh ngai suh ang che " ati nghet charh a ,ka lu bu nghut nghut in " min ngai dawn viau ani maw " fiamthu ti tih a ka tih chuan " ngai dawn ele Kan rawn fin ve duh hial maithei che u ani .I U Ruata chauh kan kawl tawh dawn sia ,ani lah hian a hmu zo ve mang silo a " a tih chuan kan nui dun hak hak .
Ka zam ve angreng khawp mai , mi chhungkua a lawi lut tur em chuan puitling kala inti lo viau a ,mahse puitling intih hun kan nei tak tak thei dawn chuanglo.
U Lâtei te ina in nghah kan ti deuh a mahse 'mo hruaina ahnai duh dawn emai ' tiin ka pa te'n ka pazawn atan Pu Zakima kâwnveng ami chu anlo be pawp a ,ani pawh hi ka pa thian hnai tak unaupa ani a ..an lo lawm thiam khawp .Bakah U Lâtei te pawhin " hmahun ahriat loh a ,han tlân tauh a duh ve chang pawh a thenawm te ina tlán tauh zawng " fiamthu titih in an ti hlauh a an hrethiam khawp .
U Remruata'n Biakin hawnga inneih kan tlin loh thup phallo in biakin hall a inneih a dan hnihna a inneih a ti a , mahse biakin hall alo tet deuh vang leh sak that tura an lo ruahman hrim hrim tawh vangin biakin kawt tual zau takah inneihna leh joint receiption kan hmang dawn ani .
"Keichu mo thian nih ka rawn chuh ve huam a ,ka huphurh leh deuh " O Naui'n chuan a ti na na a ,min chei turin ka hriat ngai loh U Remruata te lamin an rawn tir a ,mahni pawhin ka inchei thei tho ti mah ila an rawn tirh miau chuan kalo dawh ve ta tho .
"In mawi dun lutuk " min chei tu Aruati chuan a ti a, O Naui chu anuih anuih mai .A chei lai zawngin aphun a ,duh ang pawn achei hleithei lo .
"Ka ning tian mothian ah ka tang anga miin ka neih ve hun tur min han zawt leh sup sup anga " a la ti nang nang a kanlo nui tawp tawh .
Ka kawr chu ka pian rem thlapa thui ani a ,simple tak siin a class ru reuh khawp mai . Puk luih kalpui harsa khawpa puk ang kha tetlai te chuan hak kanlo chak ve thin tho a mahse tunhnu hi chuan pheikhawk sang nen pawh a kal tibuai miahlo tur nalh tho si chiah ka en tawh thung .
" I zam em ?" Ka beng bulah a rawn thaw lum ham ham a , "umm" zawite chuan kalo ti sep .
Kan hnung lamah mipui an thu khat vek a ,biakin tual azau viau chungin mipui thutna a lenglo meuhin min rawn lawmpui tho !
"Bawihi " mipui nui ri huk ri in a rawn zawm nghal .
"Mommy chu " Bawihpuia'n a rawn tih leh lek phei chuan an nui ri huk tawh . Ka zam luat ah min inneih tir tu pastor in Mo leh moneitu ding tura a tih kalo hrelo a ,u Remruata a ding thak a kei kalo la thu uk sia chu chu minlo nuih alo ni .
"Tunah chuan nupa in ni tih ka puang e ,Pathianin a zawm tawh chu mihringin then suh se " Pastor in a rawn tih chuan U Remruata a rawn kun hnai a "ka nupui " ti a phunsup in ka melh chhoh chuan alo kiai suk .
Joint receiption te chu nuam viau mahse ka feel thei tak tak lo, a mawiah ka nui ani ber tawh .Ka zam luat vang nge ka chau viau mai .
Ka sawihmaih U Remruata te in hmanlai lalin anga sak angdeuh ka tih thin kha anlo siam tha a ,achung sakbelh chuanglo in an ram a zau bawk a anlo zauh belh tawh a .Inneih lam vang nilo in ahma daih a anlo zauh tawh ani .
Ruai kan kil ho a ,keini erawh kan ei tlai deuh thung . Khaw thim dawn chuan mi an haw darh sang sang a , fatu ho in au khawm laih laih leh naupang ho infiam thawm karah chhungkhat leh thenrual tha zual deuh inkawm khawm nak nak ri te chuan mak deuhin ka lunglen akai tho a ,ngaih ber erawh ka nei a zeng pawh ani chuanglo .
"I chau tawh em ?" Ka hnung lam atanga min rawn kuahin ka darah akhabe anghat a ,ka beng zawnah athaw lum ham ham .
"Umm zep loh chuan " ka tih sep chuan anui nghawr dawt a "a rei tawhlo ang " ti supin ka nghawng chu a fawp zeuh a .
"Amak tiraw ? Tian nupa chu kan ni ta mai sia " ka tih sep chuan "umm" alo ti sup a , tunah chuan ka mipa duh leh hmangaih em em kha ka pasal alo ni tawh a , hlimna leh lungngaihna ka tawmpui tawh tur .Harsat lai ber pawh a ka vawn tlat tawh tur ani .
Kan present dawn te hawngin athen chu kan sem kual a ,ka pa te pawhin lemziak nalh zet chu an la ve bawk. Bawihpuia ber chuan nuam a ti a ,present an tuam mawina lehkha mawi te chu pawm khawmin a pi leh pute a ken theihloh chin chu aken tir bawk .
U Remruata nau chu ka hmu meuhlo ! Biakin thlalakna a alo lang ve zawk tihloh kha chu kala hmu leh lo reng reng! Han zawh tawp ka hreh bawk si ka rilru ah a awm ve reng thung . Pa Zorama te rilru tur zawk ka dawnpui a ,an rilru tak takin an hlim thei dawnlo hian ka hre tlat pek .
Ka hmai za mer mer vang chuan ka meng riai riai a ,Bawihpuia hian ka hmai alo chul leh hliau hliau tawh .Ka ph bana sana kan en chu alo la hma viau a ,a mut thanna anih loh vang aniang aharh hma em em ni . U Remruata pawh ala mutui ngang mai .Kaitho duhlo in dim te in ka tho a ,nizan ah kan bula mut bawihpuia'n angen tlata ,ka nu leh pate pawhin an thlem zo lo .Kan mutpui ta tawp kha nia ,ngaiah anei chho ve mai turah ka ngai bakah Aizawl lamah kan chhukthlak leh vat angai dawn tho a , U Remruata nu leh pa te pawh kan hruai thla ve tawh dawn ani .
Bawihpuia chu a kaw ruah laia a damdawi eitur ka pe zung zung a , room atangin ka chhuahpui zui nghal . Ala hma em vangin inchhung pawh alo la reh rup mai .
"Nanghi maw kan monu thar chu "
"Awiha " ka phu chiang lutuk ! Thuthlengah Ramngaihi pasal chu alo mu ni lekin ! A rawn tawng thut kha ka phu chiang em ani .Bawihpuia erawh aphu lo hlauh a ava lawmawm tak .
" I va tho hma ve " kan ti mawi a ,mahse thuthleng ah a riak tih achiang reng amutna pawh a khuar kuk thei alawm .
" Nimin lam ka rawn telpui hman ta silo cheu a " ti chher chher in a rawn ding kang a , " Remruata chu a thing tha ngei mai ..Nuthlawi neih pawh pawi atih loh chhan kha ka hrethiam ta chiah " a tih chuan ka thinrim khawp .Mahse mo thar mai kala ni a tihlan erawh ka tumlo .
"Thingpui kan lum ange " tiin kalsan ka tum ta zawk a
"Khawmaw ka la sawi zo lo " ti a ka hnute a rawn ban thawi thuak chuan " min khawih hlek suh aw " ka ti vin that .Ka vin em vangin Bawihpuia chu ka awmah atawm nghal chawt chawt.
Room kawmgkhar rawn in nam hawng pawp in U Remruata a rawn chhuak a ,ka bulah a rawn ding nghal in " Bawihi itha em ?" A ti nghut .
"Aw tha e " kalo ti sep a ka hma a ding pa chu a ner nawk .
" Ve a ! Nuthlawi te te si i ui ve khanglang chu " a ti zo chiah U Remruata chuan akawrawmah atham thut a "engmaw a ui chu " a ti thum chhalh .A awri han hlauhawm zia mai chu !
" Enge a û " tiin Ramngaihi a rawn tlan chhuak a ,Ka nu leh pa U Remruata nu leh pa zawk an rawn chhuak ve bawk .
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Show post links
Top
ZûNLêNG BY Natasha Hrahsel (Completed)
Moderator: writers
*ZûNLêNG* ch~26 last ch
"Û Thlah rawh " Ramngaihi chuan a rawn ti tuar a , " ila tan ngam amaw ?" Ti ro halh in rum zetin anau chu a en zui a .
"U Remruat thlah mai rawh " Bawihpuia ka nu hnena pe in kalo ti ve thuai .Bawihpuia chu ka nu'n kan room lamah a kalhran pui nghal a ,U remruata ban chu chelhin " atawk tawh aw " ka ti sep .
"Engtin nge a tih che ?" A tih nghut chuan "eng.."
"Sawi rawh " a ti thum bul .Ka sawi kher angem ? Ka sawi chuan a thinrim zual sawt anga ,ka sawiloh chuan ka pasal dawt hrilh in Ramngaihi Pasal hian min ngainep maithei bawk ..
"Ih ...ka kalsawn tur ka awm alo tham a " ka ti zawi sep chuan " Zawnga " ti hrawkin a hnek tlu nghal tawp a Ramngaihi alo tre thawt , akawrawma tham tho leh nawkin akhuh bawrh bawrh lai chu "Mama atawk tawh e " ka pa'n rawn tiin a kut ah a rawn chelh ve nghal .
"Atawk tawh ka tih chu " ka pa'n atih leh chiah chuan inbengdaih tum takin athaw hrawih hrawih a ,a thlah nghal thut chu pakhat apai nawk a chhuatah a thu thla hnawk .
" Ka pasal anihna ang talin zah ve ta che " Ramngaihi'n a tih chuan U Remruata'n " hrep a che " a ti zui hluk a ,lo bengdaih tumin kalo kuah bet tawk tawk .
Ramngaihi chuan buaipui mawlh mawlh in ahnar thi te chu akawr in ahrukfai sak a ..
"Ramngaihawm hre rawh ithen theilo anih chuan indang rawh u " U Remruata chuan a ti ta nghut !
"He inah hian chanvo ka nei ve tho ,i ta chauh ani biklo aw " rawn ding chhuak in a rawn ti ve ta phiar phiar mai! Ramngaihi hi hetiang mize pu hi ani tih kalo hrelo reng reng !
"Engvangin nge kan chhuah bik ang " a la ti deuh deuh a ! Mak ka ti chu kalo ngawi ngul ringawt .
" Ramngaihawm khatin i û be miah suh " ka pa chuan a rawn ti ve ta nghut a , a hmel chu a rum tha ngang bawk .
"I fanu ve tho ka nih hi enge ka û leh a nupui thar te chauh hi i tan bik ? Gideona pawh hi i tû diktak ani em tih pawh i hriat tawp loh kha " a tih rual chuan abiang ari thlawp a ,ka kut chu ana vung vung thei .
"Tunah khan engmaw i sawi a " ti ro halhin ka nui hak a , " Bawihpuia hi i û fa anih i ringlo amaw " nui hak chuan ka ti a ,ka thinrim takzet .Engtiang pawhin min sawichhe mahse ka chanchin anih chhung chu ka palzam thei em em ang mahse ka fapa leh ka pasal hnuaichhiah taka atawngkhum erawh ka ngaithla liam mai mai theilo .
"Engnge sawi dik loh ka neih ? Gideona vangin ka û hian nuaih tel aseng a , inneih i duh leh vangin sum tam tak kan seng leh bawk a ,i rawn mo thar ve chiah a kan chhungkua kan buai phah bawk a " min kawk chunga atih phiar phiar chuan sawitur reng ka hreve tawhlo !
Ka rilru ana lo ti ilang dawt ka sawi ani ngei ang ,chu ai mah chuan ka zak zawk .
"In chhuak lo ang maw ?" Ti thum bal ri lam chu kan hawi thap a
"Kan chhuak lo ang ,he inah hian awm theihna chanvo ka nei ve tho " Ramngaihi chuan ala ti fan .
"Anih chuan keini kan chhuak ang .." a tih nghet charh chuan "U Remruat" kalo ti halh a ...ka kut chu rawn vuan in " ka nupui leh ka fapa nen ka nu leh pa nen Aizawl ah kan in bengbel ang .Nangni'n he in hi in chang thei ang ...Dawr lam erawh beisei pawh beisei suh ang che u " ti nghet charhin ka pa chuan engmah a sawi ve lo a , an tum lawksa emaw ahre lawk sa pawh ani thei .
Ka mo thar hlim hlawla chhungkua chutia kan inthen hrang nghal mai tur chu hrehawm ka ti takzet .Tunhma chuan mi min sawi dan ka ngaipawimawh ngailo mahse tunah chuan ngaihpawi mawh loh theih anilo .Achhanchu ahrechiang lo ten ' mothar an nei chiah a an chhungkua an darh nghal' an ti mai dawn si a !
"Apawi ka ti " hnualam melh ran chuan ka ti sep a ,kawtzawl ah U Remruata nen kan thudun ran .
"Engvangin " a tih zawi sup chuan "Ramngaihi ka tihdan vang khan ..kalo inrawlh ve miahloh na tur ania " ka ti sep a.
"I ben vang khan tuman kan demlo ang che , chuan i thil tih kha diklohna a awm lo " a ti nghet charh a "aih ka inrawlhvelohna turah ka rawn inrawlh alawm " kala ti fan .
"Min en teh " ti in amah hmachhawn zawngin min kuai rem a " ka nupui ini a,he chhungkaw mi leh sa ini tawh ..Engkim chhungkaw thil ah chuan i telve vek tawh " ka mita min en kalh chunga a tih chuan ka bu nghut nghut a a awmah min kuahbet ta hlu hlu .
"I rawn lawi thar ve chauh a hetiang thil i tawng hi pawi ka ti " a tih sup chuan "i thiamloh anilo chuang inthlahrung suh .."
"Aizawl a insawn thlak kha iti tak tak ami ?" Ka ti deuh thut .
"Umm ahma tanga kalo tum lawk tawh alawm ,chuvanga ka in pawh zauh belh ka ni .Ramngaihi hian Fakawma (apasal) hi athlah thei tak tak silo a ,ka nu leh pa te kum upat lamah an ti rethei emai kan bulah awm se atha zawk .Ramngaihi in hmuhchhuah nan hrim hrim pawh kan awmhran hrih angai ..Ka pa ten min hnial lo bawk a " a tih chuan " an ngaihtuah ru reng dawn tho sia , an rilru abet dawn lo e " kalo ti thuai a ,an fanu ani a U Remruata ngei ngei pawh hian angaihtuah ru reng dawn tih ka chiang .
"Kan thlithlai reng dawn tho alawm , ka thlahthlam dawnlo mahse a inhmuhchhuah nan hetianga kan chet hi angai " harsa tih hmel zet chuan a ti a ,ka khawngaih angreng viau mai .
"Ka nu leh pa te hi ka khawngaih lawk ,khawpui nun leh thingtlang nun chu a inanglo sia ..E taka inbul ah khan huan a zau that kha tah khan thlai vel ching pui ila ka nu zawk chuan nuam ati ngawt ang . Ka pa zawk hi engtin nge a ning lutuk tur kan hruai pen ang " thutak zeta ka tih chuan khi suk hian min en a " ka lawm e ka nupui " a tih sup chuan "ka uanglo ania aw " ti hlarin ,ka biang chu a rawn piai nawk a "duhawm nu " a ti sup .
"Ka ti tak tak ,enge ka pa chu kan tih tir ve ang ? Hna thawk hah se ka tihna nilo in ina awm mai mak chu an ning thuai dawn " ka ti leh ngat a
" Falkland a kan workshop ah khuan thawk se ka ti deuh a ,thawk han tih ah hnathawk ho lo vil ani deuh mai ..Furniture siam lam atui ve tho bawk a ,kan hmanraw hman ho endik leh hnathawk vil ani mai a " a tih chuan atihchi dawn hian ka hre khawp .
Inleng kan nei neuh neuh a ,kan lo naupang chhe zawk zawk tawhlo nen ka thingpui sem te chu ka che buai bik miahlo .Nu ho thenkhat minlo chhaihfiam an awm nual a ,ka lai ve lek lek tep tho mai !
Ramngaihi te nupa chu an room ah an tawm tlat a , keimahin ka che ani deuh ber . Ka nu leh pate chu an haw thlak dawn in an rawn lang zuai a ,an hawthla zui mai a .U Ruatruata leh U Muanpuia te chu hna nei an nih vangin nizan khan an zân haw .Bawihpuia hruai thlak an han tum viau nangin U Remruata'n a remti silo a ,an hrethiam khawp .
Karkhat chu kan awm tling ve a ,Aizawl a chhuk tumin kan inruahman tan a . Ramngaihi te nupa nen kan inhmu khat khawp mai ! Zingah ka nu nen rawng kan bawl a ,kan ei kham vek hnu ah an ni an rawn tho a an in ei puar hnu ah room ah an lut leh hmak zel a ! An eina takngial pawh zu tifel ngai lo a !
Tumkhat bawlhhlawh paih motor alo kal tumin hnawm ho ka la khawm a ,an room kawngkhar bulah an rawn chhawp chhuak mai a an hnawm neih ho .Ka fûnkhawm tumna lamah Damdawi ruihtheih kawr ruak tamtham zet hi ka hmu tel a ,Fakawma eina chauh ani theiin ka hre talo .A chhan chu nihthum danah hnawmpaih motor alo kal a , damdawi kawr tam danah mi pakhat ei chu nise overdose puitham ani tlat ani .Ka mit ngei a an ei lai ka hmuh loh vangin ka sawichhuak duhlo a mahse Ramngaihi pawh hiam damdawi chu a ei tel ve ngei ka ring ,nakin ah U Remruata ka la hrilh chhin ang .
Bungrua khulama a awm sa vangin kan thawmhnaw leh kan roh zual chauh kan inkeng a pickup hman ngai khawp erawh ala ni tho .U Remruata thianpa in min zui thla dawn a , achhanchu U Remruata'n motor akhalh angai a abike khalh tur an awmloh vang ani .
Zing lama traffic jam hmaa luh hman kan duh vangin zing dar ruk ah kan chhuak a ,ka nu leh pa te ngawi ngul chu ka khawngaih takzet .Ramngaihi an ngaihtuah lutuk hi an taksa in achauh phah mai te ka hlau a enkawl that viau an ngai ngei ang .
Kan chhuah dawn in u lâtei lah pek chuan " khai kan va thaibawih tan ve ...Khawpui lamah in awm dawn bawk a fa zu siam belh teuh ang che u . Khawpui ah nge nge chuan zirna pawh atha ..Aizawl school tha an sawi apiangin 'chutah chuan Remruata fate pawh an lut ' kanlo tih zel theih nan school tha tinah khan in fate in luh tir anga " nui uar uar chungin a ti a ,han sawizah lah hi anei silo .Ka bengbul a min rawn hrilhri sar sar in "a nei lian ngawt lo maw " te ati thul ..Han awm rei deuh a han kawm tak tak ka châk takzet .
....................
"Bawihpui ...Pipi kha va ko rawh le " huan a api ko tur chuan a rubber pheikhawk huan kal nan a abun atan tih a apu rawn lei sak ngei mai chu an inthalwh ve ngei a , a tlan chhuak zui nghal ter ter .
U Remruata nena kan inneihna pawh kum khat leh thla khat a ni ve dawn ta reng mai ! Hriatloh karin hun alo kal chak ta khawp mai .
Dawrpui ah Clinic ka hawng a ,damdawi ka zuar tel pah nghal bawk .Pathian zarah patient ka ngah thei viau . Pvt Hospital ah kala thawk tho a ,thawk ti ila inremna ka neihpui ani mah zawk .Ka patient zai ngai leh admit ngai chin chu an hospital ah ka zai in ka buaipui a duty pangai tak erawhin ka duty lo .Bawihpuia pawh atha chho viau a ,thlatin incheckup in Chennai kan pan thin a ..Tunah chuan thlathum danah kan kalpui tan tawh ang .
"Zodin ..hei tomato alo hmin leh teuh tawh .Kawlbera pawh i eikhawp chu a awm anih hi " tomato pum maksak deuh deuy hi a rawn keng lut a ,mak kalo ti hlawm khawp .Phai Tomato ang nilo in a phhir thaih te pawh a awm a ,samtawk ang tak tak pawh a awm .Kawlbera hi ka duh em vangin ka nu hian a ching tel a ,kung hnih bak erawh atha thei chuanglo .
"Ka lo sil nghal ang " ti a ban ka tum chu " kut sil nghal ka ngai tho ka sil law law mai ang .Bawihpuia kha alo la lut nange ...e hei alo lut e Bawihpui Inu han hmuh ve teh "
"Mommy " tiin hlim zetin Vaimin kawm tha zet pakhat hi a rawn pawm lut a ," ehe akawm ava tha ve " kalo ti deuh hluai .
"Kha kan leitha pek ve ngawt kha angaih nge ni a tha viau mai ..Kawm nga vel dawn keh tur a awm a tlai lamah kan kek ho dawn nia " ka nu'n a tih chuan ka phûr khawp. Vawin chu ka haw hma angai dawn anih chu .
Ka nu leh kei Bawihpuia nen chauh chuan tukthuan kan ei a ,U Remruata chu azin a hna thilah .Ka pa pawh zingkar ah chhuakin Bâktawng atanga thingzai an lei tur vel enfelpuiim Falkland lamah akal tawh bawk.
Bawihpuia chu ka siam sawk sawk a ,ka nu'n a hruai ve thung dawn ani . Driver pakhat kan nei a ,kan chhuak ho anga ka nu te nen kei min thlah hnu ah Chaltlang lamah chho in an in thlah veleh ang .Ka nu in min awl hneh a ,kan buai pawhin driver nen Bawihpuia anlo hruai mai zel .A hah lutuk hlau in Awmpui pakhat kan la a ,nu valai tak niin ka nu nen an inkawm thei phian mai .
"Umm" nui suk chuan ka chhang a ,Bawihpuia te ka thlir liam hnu ah ka clinic ah ka lut a ka mi chhawr pahnih te chu an thutna hmun turah anlo thu leh der tawh .Ka thlenkhalh thei meuhlo .Zaizira ka chho tlang mai ang tiin ka office lamah ka chho tlang a ,ka office kawta waiting room kan siam ah chuan thu anlo awm leh nual tawh .
"Minute sawmhnih hnu ah ahmasak dan indawtin ilo luhtir dawn nia " ka ph keng hla in hming lam tu Valpuia hnenah chuan kan ti a ,ani hi Health worker zir chhuak niin damlo te an lo luh hma in an bp ,kg leh tul ang ang lo test hmasa tu ani.
"Min ngaihtuah lo " ka mi biak mek pa in a rawn tih hmuk chuan ka nui hak a "min ngai lo si " ka ti ve thung ...
"Hmangaih te lenna chu thlir hian alang silo " a rawn tih sup chuan ka nui vak . "Va inla zei leh si ve " ka ti hlut bawk .
"Ka ngai viau tawh che nia , mahse ..."
"Enge mahse " ka lo ti thuai .Karkhat a cham tawh a ,ka ngai tawh tak zet .
"Tunkar chu kala cham angaih hmel " a ti zuai raih a " engvangin " kalo ti nghut thung. .....
"Ka mi hmuhduh pakhat kha ala hman lo a ,hmuh ngei ka duh sia a awm hun chân ala ngai a" a tih chuan ka lungni lo khawp " a rei tawh e hmulo mai rawh " ka ti hmak a
"Min ngai deuh em ni ?" A rawn ti ril ruih .
"I ninawm i duh leh rawn haw lo tawp rawh " ti hmakin call ka dah a ,hlim zetin ka bia a alo haw tur thu arawn sawi dawn emaw tih laiin a awmbelh ala ngaih thu zawk a rawn sawi a ! Min ngaihtuah lo aniang .
Keihi! Enge maw ka ngaihtuah ni ? Tuna ka rilru putdan leh ka thinrimna hoh zia kha ! Ka va sual tak ! Tinge mawni .
"Doctor kanlo lut " kawngkharr tlem hawngin an rawn dak heu mai!..
"Rawn lut ru " tiin U Remruata call a rawn luh leh rual chuan ka ph chu ka hmet thim khap a .
An bp vel result ka en hnu ah " enge inlo kal chhan le ?" Kan ti dam thlup a
"Kan pa hi a nghawng veilam ah hian báwk a awm a ,a na ati bawk silo nen kan hlauthawng deuh kan rawn pan tawp che " a tih chuan ka thutna atanga tho kangin ka pa ang rual chu ka pan hnai a ,a nghawng chu ka dap dun dun a " ka va hre.. e aw ka hria e " ti hluai in abawk chu kan belchiang a alo tawlh relh relh thei a ,hlauhawm tur erawh ani lo ..Bawk satliah mai mai ani
"Ka pi hlauhawm anilo aw " tiin kan hrilhfiah a ,an nupa chuan vitamins vel ka chawh ta tho . Damlo harsa deuh leh mamawh hmel deuh a ka hriat pek atana ka tih ka damdawi office a ka kawl chu ka pe ve bawk a ,Sakawrdai atanga rawn kal daih an nia
Damlo chu ka en zel a ,tlai lam haw hma tum ranin inhnuai lam te mi 20 bak chu vawin atan ka en hman loh thu ka hrilh bawk a .Tlai lamah ka nute ho in vaimin keh tur kan nei nen ka phûr ru angreng viau tawh,chutih rualin U Remruata lo haw leh thei lo tur erawh ka thinrim thar leh hnuhnawh vel a !
Vanduaithlak ka ti dawn nge kum khat kan innei tling tawh a ,nau kala pai leh thei tlatlo ! Indanna ka hmang chhin eih silo a ,chutiang bawkin kan pahnih ah thatlohna kan neilo ve ve bawk. Ka nu leh pa te chuan " Pathianin rem atih chuan in la pai ve leh mai ang " hi an ti ngawt zel a ,min hnem nan he thu hi an hmang ziah .
U Remruata erawh in nau neih leh chu a duh viau tih sawilo mahse ka hre thei .Chutih rualin ka tana hriat hrehawm turin atawng ngai miahlo thung a ,a mizia tlem pawn athlak phah lo bawk .Keimah zawk pawh hian pakhat tal chu pai leh ka duh hrim hrim , nau pai harsat tur khawpin kan kum te ala tam lo a ,indan ka tum lo .
Chhun chawlh nei eih lo in damlo chu ka en tlang a , dar hnih alo rik chuan ka zo thei ta hlauh .Tawi khawmuang tawh lo in taxi in chaltlang lam ka pan a , mawl inti zetin kan in lam pan turin driver chu ka hrilh zawm leh zat .Bawihpuia lam kawi pah kan tum ve ngawt a an ban hun alo pel daih tawh .
Kawtah chhukin ka chuan man ka pe a , scooty te pawh ka nei ve tho chungin a rem rem hawl chhuah ah kan tia kan dah tawp a ka chuang ngai meuh tawhlo . Tum khat kha ka accident a ,kan pa'n khalh chhuah aphal tawh thak lo !
Kawngkharpui pawh hawn mai ka tum chu alo theih miahloh ! A inkalh tlat nia !
"In awm em ?" Tih pahin doorbell chu ka hmet a , keimah ka ni tih an hriat theih nana sawi kher ka ni .
Inchhunglam atanga kalhna ri khep ka hriat rual in kawngkhar a rawn in hawng zat a ,ka hma a ding chu ang pham in ka en .
"Bawihi min ngailo em ni ?" Kiau suk a ti in mitmeng tawrh harsa zet chuan min melh a "engtin ?" ka ti sep ringawt.Alo haw theihloh tur thu kha asawi sia !
"Surprise " a tih chuan ka kuah thlawp a "ka ngai lutuk che " ka ti zui sep .
"Ka ngaih che aia nasa chuan nilo e " ti sup in nghet zet chuan min kuah a , a chhip ah ahmui anawr vang vang bawk .
"Khapui alo haw tur thu hrilh che aphal tlat lo a ,a upat tawh nen ala mawl ania " ka nu leh pa in nui chungin an lo ti a ,Bawihpuia pawh inla tlangval zetin api leh pu inkar ah alo ding ve bawk .
"Mommy Vaimim chu " ve thet thet hian ! Tunlai tak phei chu a inla tlangval reuh lutuk a pawm leh han chhaih te hi a duh tawh biklo reng reng .
"Bawihpui kan inthlak lawk ang aw " tiin U Remruata nen room ah kan in zui chho a ,inhnuaia room ka nu leh pa ten an hmang a keini kan insawn chho thung . Bawihpuia pawh apa in a room tura a siam sak ah a riak hrang ve thlap tawh reuh .Mahni a mut hreh chang anei ve leh zeuh thin a ,kan bulah emaw apite bulah a mu mai zel.Kartawp hian ka nu leh pa te in lamah a phei zeuh zeuh bawk .
"Ilo haw tur thu min hrilh ve mai la " room chhung kan luh rual chuan ka ti halh a ,min chhan loh avanga ka hawilet chuan min rawn fawp nghal mawlh mawlh .
Min chawikang nawlhin khumah min nghat dat a ,min bawhthlu in ka kap karah a rawn tlazep nghal thak .
"Bawihpuia ten min nghak reng asin ,a hunlo thei emai " ka ti hlak ..
"Lo nghak mai mai rawh se " nernawk a ti in min fawh zui leh nghal mawlh mawlh .
" Karkhat zet ka awmbo san cheu ania ! Engtin nge ka theih zawk le ? " Min thlah rual a a tih chuan kalo nui hak " nui hlek suh ,min ngailo riau mai " te chu ala ti ta deuh deuh a ! Ka ngaih zia hi a hre tawp silo .
"Ngailo che ni ila vawin ni lengin ilo haw theih dawnloh thu i sawi vang ngawtin ka thinrim lo ang .Amak e tuntum ka ngaih dan em em che hi " ka ti zui a ..Tum dangah pawh a zin chhuak zeuh zeuh a ,mahse arei berah ni thum bak a cham ngailo thung . Tuntum a zin chhuak erawh mak khawpin ka ngai hman .
Inthlakin inhnuai ah kan chhuk a ,huan lamah an phei tawh aniang tumah anlo awm tawhlo .Kan phei ve nghal , Vaimin chu kawm nga tak tak chauh keh theih alo awm a , akawm atha hlawm sia pakhat theuhin kan kek hlawm a.Chawhmeh atan kharek hnan leh purun hnah te chu kan la nghal bawk .Kha lam hi ka pa leh U Remruata hian an duh viau a ,midang hi chuan kan eipui khât khawp .Athat vang hrim hrim hian fian hnih vel chu hawp pui veleh zeuh chang ka nei thung .
"E khu Dindin khulai khu fanghma tuai ka hmu ,ahma in kalo hmu ngai miahlo a " ka nu'n a rawn tih hluai chuan a kawhna lam ka hawi thla a ,fanghma tuai chu ka hmu ve nghal .Phûr zetin "Bawihpui ka zuk lawh ang che aw .." tiin ka pan thla a "fimkhur rawh anâl .." a sawi zo hmanlo ,lei hnawm lai rap pialin ka tawlh thla zui zawt .
Au thla ruah ruah in a zâwl lai ka thlen thlak chuan ka ke lam na nghal ut ut leh ka in nem khalh tumna avanga ka kut na nghal ut ut vang chuan ka tho theilo .
U Remruata leh ka pa te hmanhmawh zeta an rawn chhuk chu ka mittui tling pam vangin ka hmu phe ruai a ,ka ke lam bik phei chu ana lutuk a ka tah loh nan ka insuk ngat ngat .
"Bawihi itha em ?" Hlauhthawn hmel zet chuan a rawn ti nghal hluk .
"Helai lai a fanghma chîn pawh angai em ni ?" A tih zui hluk chuan "apawilo mahse...ka ke khu...ana lutuk " ka ti thei tawk .
" Mama atliak ava ang ve " ka pa'n a rawn tih phei chuan U Remruata a meng buai nuaih tawh . Thutkang tuma ka bei chu minlo pui thuai a ,min pawm lawp a tum chu tawp turin kalo ti vat .
"Ka kut pawh hi " tiin ka kut veilam chu tih chet ka tum a ana nghal thawt .
" Ka ke khu achet theihloh nan engemaw in kam angai ang " ka tih chuan a tho vut a ,ka nu thlai hungna mau phei chu la in a elhbung hmawk a ka pa gamchha awrh chuan lehlam lehlam tangkawpin atuam zui a ,ka kut erawh atliak chiahlo a ka hriat vangin tuam ngai ka ti lo thung .
Zawimuanga min pawmtho in a pen chho nghal pawk pawk a ,Bawihpuia tap thawm nen kan chhangchhe takzet .
"Mama Bawihpuia hi kalo awmpui mai dawn ami ?" Ka nu'n a tih chuan atap zual sauh a , kan vai chuan U Remruata motorin hospital kan pan ta ringawt ..
ER kan thlen rualin minlo buaipui sap sap a ,ka thawh ve na a nih vang pawh ani mahna min ngaipawimawh khawp .
"Doctor Zodin i ke hi atliak tih achiang a ,i kut hi chu XRay atang lo chuan hriat ahar ang .XRay na room lamah kan hruai phawt ang che " tiin min zawn turin wardboy koh an tum chu U Remruata'n dim thei angberin min pawm leh nawlh a ,ka pa te chu pawn lama awm turin an ti hrih thung .
XRay bakah thisen vel test an ti nghal bawk a ,zai dawn hi chuan test neih ve hrim hrim angai ani .
Cabin ruak ala awmloh vangin ward pangai ah min awmtir hrih a , ka ke chu ana telh telh leh nghal .
"I tha meuh em ?" Ka pasala lah chuan a ti leh nghut thin ..a phi buai hi aniber .
"Tramadol hian kan chiu hrih phawt mai ang che aw "nurse rawn kalin a tih chuan kalp bu nghal nawk nawk .
"Nurse chiu suh ...i pump hman em ?" Hlauthawn hmel zeta Doctor Remsiami'n ka vein a hriau lut a hmuh chuan a ti hlar .
"Aih la pump hmanlo " nurse in a tih chuan athaw deuh huai a , "Phawi rawh" a ti nghal vut .
" Enge awmzia " U Remruata'n a rawn ti deuh hlur ..Keia na tuar chu min hmu thei nganglo ani .
" I nupui hi a rai , Doctor i rai tih i inhre lo em ni ?" A tih hlawl chu mak ti zetin Remsiami chu kan melh dun ha ."i chiang em ?" Kei a zawk chuan ka ti sep a , abuk tak nghut nghut ah chuan lawm tur nge ni a lungngaih tur pawh ka hrelo .U Remruata pawh a rilru abuai hmel khawp .
"Engtin nge kan tih ang" Remsiami'n a tih chuan ka buai map tawh .
Nau neih leh kan châk em em a ,mahse tuna kan hun tawn mek nen hian abuaithlak takzet chuchu U Remruata pawh hian ahrechiang dawn lutuk .
Ka ke ruh atliak tih kan chiang tawh a ,zai ngei angai dawn .Mahse zai ka nih chuan ka nau pai in a tuar thung dawn si ..
"Zo Doctor ve tho ini a ,i hriat chian ka ring .I nau pai lah thlahnih chauh ala ni a .Thla sarih emaw thla riatna tal ni se chuan zai chhuahin chance ala awm chumin hnu ah i ruh tliak kan zai leh anga mahse tunah chuan i ke tliak hi kan khawih lui anih chuan i naupai hian atawrh phah ang " ati mawlh mawlh a
U Remruata chu rum chhuak hawkin bang chu ahnek pawp a ,ward a awmve dangho chuan kan lam an rawn melh nghal vut hlawm .
Ka mittui chu ka biangah a rawn luang thla pap a , " tinge ? Fa kan awt zia i hre si a " ka rilru chuan Pathian ka dem mawlh mawlh .
"Bawihi " ti vutin ka bul hnaihah U Remruata arawn kal nghal vat a , " engtin nge kan tih ang ?" Kalo ti tiau . Ka ke hi kan zai nghal loh chuan ka damchhungin ka kal pangai leh thei tawh lo ang .Kan zai lui anih chuan ka nau pai lai in atuar bawk ang.
"Sorry " a tih sup chuan ka melhchho vut a " Ka nupui ke chu zai phawt rawh u " atih chuan "aih " kalo ti that .
Ka nu leh pa leh Bawihpuia chu an rawn lut ve zat a " aih ka duhlo ..ka phallo " ka ti leh hlar .
"Bawihi " U Remruata chuan lainat hmel zetin min lo melh .Kan chanchin chu nurse in ka nu leh pate alo hrilh ani ngei ang engmah min zawtlo a,an meng ahnual khup bawk .
"Keimah vang vek ani " ka nu in alo ti sep sep a , tunah hrih chuan athiamloh anihloh thu sawi a hnem tur pawn chakna ka nei hrihlo .
" Ka ke chu ka tuar thei mai ang , ka naute hi chu ka chân phallo" ka ti leh a ,ka dul la thep zaih chu ka chûl pah bawk .
"Doctor i ke hi kan zai loh chuan adam theilo ang ,i damchhungin i ke i bai tawh dawn asin " Remsiami chuan a rawn ti hlak . "Ka hria " mittui tling pamin ka ti hrawk a , "ka hria " ti leh sepin sawi belh tur ka hre chuanglo .
Nurse in Cabin ruak a awm tawh thu a rawn sawi chuan ka pa in insawn phawt ati a , an buaipui nghal .
"In rin zawng ani em chu ka hrelo a mahse...kan khua ah hian ruh hmet thiam an awm asin .Ruhtliak te pawh a zawm thin a " kan piah a damlo awmpui tu nu valai ve deuhin a rawn tih chuan ka ngaihven nghal zar . "Khawi khua nge in nih ?", ka ti nghal hlut .
"Bawihi" U Remruata'n a lo tih hlut pawh chu ka ngaipawimawh duhlo .
"Aaa keini chu Kolasib lam kan nia" a tih chuan ka pa lam chu hawiin " ka pa atheih tak tak i ring em ?" Ka ti nghal vat .
"Ruh hmetthiam bik hi chu an awm thin alawm " alo tih leh ngat phei chuan keichuan beiseina ka nei sâng hle .
"A tullo " U Remruata'n a rawn tih hmuk chuan "engtikawng zawng pawhin ka nau pai hi ka ti tla lo ang " kalo ti nghet charh .
"Cabin ah insuan lut phawt ang u " ka pa chuan a rawn ti ta hlauh a ,ka chet vak loh nan wardboy ten cabin thlengin min zawn ta zawk a ..
Ka nu leh pa te zawk U Ruatruata leh U Muanpuia nupui nen an rawn thleng ve nghal a ,Cabin chhungah chuan kan ri deuh luih luih .
"Keichu risk lak chi ah ka ngai lo ..lo hmet rem theilo ta se " U Ruatruata leh U Remruata ber hi ka hmin zo lo
"Engpawh nise Matei'n a tawrh huam chuan tum chhin pawh a sual chuanglo ." Ka pa (keima pa ) chuan a rawn ti ta hlauh a .
Kalsawn thei ka nih tawhloh vangin ka pa chuan U Ruatruata chu Kolasib lam pana chu ruh hmet thiam an sawi chu zu hruai mai turin ati a ,a hria inti hnenah an awmna lai vel zawt chiang turin an chhuak zui nghal mai .
"Bawihi hi ka be fâl lawk duh" U Remruata'n a tih hmuk chuan midang chu an chhuak nghal sap sap a .
"Bawihi ...naute chu kanla pai leh thei zawk a , a tha ngei em tih pawh hre chianglo a risk lak chu i duh takzet amaw" vin hauhlo chuan a ti dam thlup a ..
"U Remruat..kum khat dawn kan innei tawh a ,indanna kan hmang miahlo chungin nau ka pai mai thei chuanglo tih ihriat kha ..tunah ka pai ta hlauh a ka titla theilo .Hetiang dinhmun aia khirh ah pawh ding ila ka theih ka ring chuanglo ..khawngaihin tum chhin phawt ang ,risk la phawt ang aw" phal ngei se tih beseina nen ka melh tlawk tlawk .
"Bawihi nachhawkna tello phei chuan i tuar na dawn lutuk asin " a ti zawi sap a
"Ka tuar thei em em ang " kei in kalo ti ve thung .
Ka rilru ka sawhsawn dawnlo tih ahria ani mahna arem ti ve ta hram .
Zinglam dar nga dawn ah U Ruatruata chuan a rawn hruai thleng thei a ,Pu Kapzaua an ti in ka hria ka ke chu a en nghal mawlh mawlh . ka kut erawh ka rindan chiahin alo tliak lo a mahse a pelh deuh thung .
"Nachhawkna i ei theilo maw " a tih chuan "aw " kalo ti sep a ,"ana viau ang " a tih chuan " apawilo " ka ti a,ka hlau ru viau tho mai . U Remruata chu Pu Kapzaua awmlohna lama rawn kal in min kuah nghal chawt a ,Ka ke akhawih rual chuan U Remruata awmah ka bei nghal thlawp .
Ahmet tan a ,ka au chhuah loh nan U Remruata kawrawm chu ka seh ngawt ngawt a ,ka mittui erawh a luang zuih zuih tho .
Siam rem tumin a hmet na telh telh a , ana lutuk chu ka khûr ngawt ngawt thei hial .U Remruata chuan min kuahna ati nghet zual sauh a ,ka hnung alo chûl pah bawk .Amah pawh atang viau aniang ataksa atang vek thei .
"Ka siam rem tep e " a rawn tih leh rual chuan ka au thawt a ,ka insum thei lo .
"Ka zo e " ati chu ka in sut ri nghal hraih .
"Hmeichhe thenkhat hi chu inlo tuarchhel anih hi ..Na reng in tuar thei mai ! Mipa thankin tawh pawh an au raih raih na tawh ah inla inpetruh fan fan thei thin a " pu Kapzaua chuan a ti charh charh a " i kut chu kalo khawih tel nghal law law dawn ami ?" A tih rual chuan " Angailo " U Remruata'n alo ti thawt.
"a ke kha tawk rawh se " dam deuh zawk chuan a ti leh sup a , ala rum viau tho .
" Athat hmel viau mai " Doctor Remsiami pawhin a ti ve hluai .
"Ka pu kan lawm hle mai ,kan mangang hman lutuk tawh a" ka pa chuan ati a , " Kan fapa hian athlah leh ang che pawisa i duh zat sawila inthlahrung lo in hei kan tû lo piang tur min chhanchhuah sak bawk a engzat pawh kan pe mai ang che " ka pa chuan a ti leh charh charh .
Tupawh mai chu an thaw huai vek in ka hria ..
"Thlah ka ngai tawh lo ang ,ka fate tlawh ka tumsa hrim hrim a karleh lam hian rawn chhoh ka tum zawk a sum senglo in hahdam deuhin in zarah ka rawn chho thei hlauh a pawisa phei chu angailo hrim hrim " a ti hlauh zawk a , mahse ka pa te chuan pe lo in an kal tir lo tawp ang .
Hmanhmawh takin U Remruata'n a rawn hruai chho ani ngei ang kekawr bul leh tawnzau chauh a inbel a ,chappal holam tak abun bawk .
U Remruata chuan afate awmna ni a asawi lamah athlah dawn a ,ka pa chuang cheng singkhat ape a mahse Pu Kapzaua chuan ala duh mai lo ..Ka pan a tih luih tlat takah chuan sangnga chu ape let ta tho a Pa fel tak chu ani ngei ang le ...
Hospital ah karkhat kan awm hnu in inlamah kan in enkawl zui a ,U Remruata chu engkimah a fimkhur em em a Home nurse leh awmpui pakhat lak belhin amah pawh a theih chin chin ah in lam atangin athawk bawk .Buaipui ka ngaihloh thu ka sawi pawhin min buaipui lui tlat a , ka ei leh in tur thlengin a fimkhur zual ani ber mai .
Thil thing leh hrisello tura ahriat hrim hrim chu ka ei aphal miahlo bawk .Ka nu leh pa te lakah pawh ka inthlahrung takzet ..mahsela min duattu ah an tang deuh deuh zawk a , inhnuai lama ka chhuk ve chang leh room a ka tawm châng pawhin ka mamawh tur min rawn zawt deuh reng zel .Ka nu inthiamlo lutuk ber hi akhawngaih thlak , U Remruata pawhin inthlahrung lo turin leh athiamloh anihloh thu a hrilh tawh chungin keima laka achetdan ah hian a inthiamlo ani tih ka hre thei .
Thla nga hnu ah ......
"Bawihi tilui hrâm teh "
"Ka puar tawh em hi " Coconut tui bottle khat ngawt tum khatah min in zawh tir atum nia ! Dul puar sa nen ka puar ul tawh .
"Tum hram la " a tih leh chuan ka melh rum hrep .
"Ka che hleithei tawh bawk silo ,eitur min pe reng a ka bial pup tawh hi " ka ti hlar a ,kiai suk in "i duhawm daih zawk " ala ti talh .
Ka dul a rawn chet te hian alawm ber ber ah atang a ,ka rai puar lian si mipa ka neih leh an ri g deuh vek .Keipawhin Bawihpuia ai mah khan ka dul hi alian zawk in ka hre ve bawk .Ka pa phei chuan phîr anih te aring hial ..mahse ultrasound atang chuan pakhat chauh ani awm ni .Bawihpuia lah û ani dawn tih i hria in a inla upa zual sawt a ,school ah lah a inla pa in athiante lo velh te aching thûl .U Remruata school ah akal angaih phah leh ringawt zel a ahau phal der chuanglo ! "Thlem ngai zawkah te hian atang reng ang tih ka hlau zawk ", a ti daih nia ! Mahse keichuan ka hau fo a,tunhnai tak hi chuan aharh lutuk leh a inla pa lutuk pawh a reh leh tan tawh zawk in ka hria .
Ka nau neih hun la thleng chiah silo in ka pum chu nileng in anuamlo a ,tlai lamah ka tuibawm kehin Hospital lam U Remruata tihloh chu chiai miahlo in kan thleng thuai ..U Remruata ber aphilli leh chiai ah atang leh a ,aphûr tel bawk si chu athu hle hle theilo reng reng .
"Mama tiang hun ah chuan nuten an awmpui tthin ,Dindini nu nen kan lo awmpui ang " ka nu in atih chuan " ka awmve angai " a ti bur mai sia ..Nurse chuan "Pakhat chauh a in awmpui theih " a rawn ti a ,U Remruata chu ka lamah a rawn tawlh hnai nghal hrut .
"Aaa awmtir mai mai teh u " ka pa zawk chuan rawn ti hlut in nau neihna ward lamah min nawrphei ta a ,U Remruata pawhin min zui ve zel .
"I chhul kawngka a inhawng zau tawh a , kan inpeih tawh e " tiin Doctor thar in achhar dawn a
"Ehe ..U Zodin "
"Nûte " nau vei e tilo chuan ka nui leh rih . Tunhma a ka awmpui thin tleirawl te kha Nurse alo ni ve tawh reng mai ! "U Remruat" a tih chuan pakhat alo bu deuh nghut a ,an nui nghal dar dar ..
"Naute pa a tawng hleithei tawh tlat lo ,hrin tir phawt mai ang u " Doctor berin a tih chuan an nui leh dar dar a ,U Remruata alo phunhluk .
Ka han sang chu ka tan deuh a U Remruata ka hum ngheh apiangin kei ai ai in minlo hum nghet zel a ,nau vei nilo ila chu ka vin hrep ang ..Ka chau tawh em a ka tawng peih taah thlawtlo ..
"Vawikhat...aw..alu a lawr e "
"Ka lawmpui che u Hmeichhia ani e " Doctor in a rawn tih rual chuan " Yes " ti ri in a zui a ,an nui leh dar dar tawh .U Remruata lam ka han hawi chuan amit zim sun atang anui tih ka hre thei ..Chau zetin " ka lawm e " a rawn ti sup a ,ka chal thlantui in abual huh zuih chu a rawn fawh hnan hmiah bawk .
Kan fanu hming ah chuan Vanlalpeki tih U Remruata pa in a sa a , U Remruata'n Tabithi tih asap hmingah aphuah tel bawk .
Ka dul len ang hu in Tabithi chu alian leh chuang miahlo ! Kg2 leh chanve chauh ani a ,ate lutuj chu U Remruata lah pek chuan natna anei emaw te ati thul ! Kan hahthlak chho ngat ngat dawn a ang ,Tabithi lah ahrisel chho phian mai si a .
Chennai a putar pakhat thusawi kha kala hre reng , "beiseiawm a awm tawhlo emaw kan tih hnu ah Pathian arawn che thin " a tih kha ..Ka nun ah hian a dik zia alang chiang hle..U Remruata nena inrem leh ka beisei tawhloh hnuah kan innei a , Bawihpuia thihsuala a awm hnuah tunah chuan ahrisel berah atang a ..Bawihtei pawh harsatna nei em em lo in a awm bawk a ..Kan chhungkua kan hlim in chhungkaw dang hi kan awt biklo .
Ramngaihi pawh insiam tha in apasal erawh in Ruihhlo athlah theih miau loh vangin an in then thung a , Ramngaihi'n a tawrh viau kan rin laiin Pathian lam hawi nan ahman phah thung a .
Kan Pathian khian minlo thlahthlam ngai reng reng lo ! Dem châng hial han nei thin mah ila min hmangaih leh enkawl alo thulhphah miahlo a , Chhungkaw tha tak min dinpui a chhungkaw hlim tak min pe hi lawmthu ka sawi bân theih ka ringlo .
A tawp ta .....
# ZûNLêNG minlo chhiarsak avangin ka lawm e ,Regu loh chang ka ngah a ,min peihloh san mai lo a atawp thlenga min chhiar sak avangin ka lawm takzet .
Kan la naupan na alang nge Mizo tawng diklo a han ziah mai ka nei nual a ,khawngaihin minlo hrilh zel dawn nia .Kârleh lamah ZûNLêNG S 2 in chhunzawm kan tum dawn nia ..Minlo chhiar sak leh vek turin ka beisei cheu .
Kumthar chibai vek ule
~Natasha
(Kala edit lo aw ,naktuk emaw atangin ch 1 atang ka edit chauh ang )
Show post links
Top
"Û Thlah rawh " Ramngaihi chuan a rawn ti tuar a , " ila tan ngam amaw ?" Ti ro halh in rum zetin anau chu a en zui a .
"U Remruat thlah mai rawh " Bawihpuia ka nu hnena pe in kalo ti ve thuai .Bawihpuia chu ka nu'n kan room lamah a kalhran pui nghal a ,U remruata ban chu chelhin " atawk tawh aw " ka ti sep .
"Engtin nge a tih che ?" A tih nghut chuan "eng.."
"Sawi rawh " a ti thum bul .Ka sawi kher angem ? Ka sawi chuan a thinrim zual sawt anga ,ka sawiloh chuan ka pasal dawt hrilh in Ramngaihi Pasal hian min ngainep maithei bawk ..
"Ih ...ka kalsawn tur ka awm alo tham a " ka ti zawi sep chuan " Zawnga " ti hrawkin a hnek tlu nghal tawp a Ramngaihi alo tre thawt , akawrawma tham tho leh nawkin akhuh bawrh bawrh lai chu "Mama atawk tawh e " ka pa'n rawn tiin a kut ah a rawn chelh ve nghal .
"Atawk tawh ka tih chu " ka pa'n atih leh chiah chuan inbengdaih tum takin athaw hrawih hrawih a ,a thlah nghal thut chu pakhat apai nawk a chhuatah a thu thla hnawk .
" Ka pasal anihna ang talin zah ve ta che " Ramngaihi'n a tih chuan U Remruata'n " hrep a che " a ti zui hluk a ,lo bengdaih tumin kalo kuah bet tawk tawk .
Ramngaihi chuan buaipui mawlh mawlh in ahnar thi te chu akawr in ahrukfai sak a ..
"Ramngaihawm hre rawh ithen theilo anih chuan indang rawh u " U Remruata chuan a ti ta nghut !
"He inah hian chanvo ka nei ve tho ,i ta chauh ani biklo aw " rawn ding chhuak in a rawn ti ve ta phiar phiar mai! Ramngaihi hi hetiang mize pu hi ani tih kalo hrelo reng reng !
"Engvangin nge kan chhuah bik ang " a la ti deuh deuh a ! Mak ka ti chu kalo ngawi ngul ringawt .
" Ramngaihawm khatin i û be miah suh " ka pa chuan a rawn ti ve ta nghut a , a hmel chu a rum tha ngang bawk .
"I fanu ve tho ka nih hi enge ka û leh a nupui thar te chauh hi i tan bik ? Gideona pawh hi i tû diktak ani em tih pawh i hriat tawp loh kha " a tih rual chuan abiang ari thlawp a ,ka kut chu ana vung vung thei .
"Tunah khan engmaw i sawi a " ti ro halhin ka nui hak a , " Bawihpuia hi i û fa anih i ringlo amaw " nui hak chuan ka ti a ,ka thinrim takzet .Engtiang pawhin min sawichhe mahse ka chanchin anih chhung chu ka palzam thei em em ang mahse ka fapa leh ka pasal hnuaichhiah taka atawngkhum erawh ka ngaithla liam mai mai theilo .
"Engnge sawi dik loh ka neih ? Gideona vangin ka û hian nuaih tel aseng a , inneih i duh leh vangin sum tam tak kan seng leh bawk a ,i rawn mo thar ve chiah a kan chhungkua kan buai phah bawk a " min kawk chunga atih phiar phiar chuan sawitur reng ka hreve tawhlo !
Ka rilru ana lo ti ilang dawt ka sawi ani ngei ang ,chu ai mah chuan ka zak zawk .
"In chhuak lo ang maw ?" Ti thum bal ri lam chu kan hawi thap a
"Kan chhuak lo ang ,he inah hian awm theihna chanvo ka nei ve tho " Ramngaihi chuan ala ti fan .
"Anih chuan keini kan chhuak ang .." a tih nghet charh chuan "U Remruat" kalo ti halh a ...ka kut chu rawn vuan in " ka nupui leh ka fapa nen ka nu leh pa nen Aizawl ah kan in bengbel ang .Nangni'n he in hi in chang thei ang ...Dawr lam erawh beisei pawh beisei suh ang che u " ti nghet charhin ka pa chuan engmah a sawi ve lo a , an tum lawksa emaw ahre lawk sa pawh ani thei .
Ka mo thar hlim hlawla chhungkua chutia kan inthen hrang nghal mai tur chu hrehawm ka ti takzet .Tunhma chuan mi min sawi dan ka ngaipawimawh ngailo mahse tunah chuan ngaihpawi mawh loh theih anilo .Achhanchu ahrechiang lo ten ' mothar an nei chiah a an chhungkua an darh nghal' an ti mai dawn si a !
"Apawi ka ti " hnualam melh ran chuan ka ti sep a ,kawtzawl ah U Remruata nen kan thudun ran .
"Engvangin " a tih zawi sup chuan "Ramngaihi ka tihdan vang khan ..kalo inrawlh ve miahloh na tur ania " ka ti sep a.
"I ben vang khan tuman kan demlo ang che , chuan i thil tih kha diklohna a awm lo " a ti nghet charh a "aih ka inrawlhvelohna turah ka rawn inrawlh alawm " kala ti fan .
"Min en teh " ti in amah hmachhawn zawngin min kuai rem a " ka nupui ini a,he chhungkaw mi leh sa ini tawh ..Engkim chhungkaw thil ah chuan i telve vek tawh " ka mita min en kalh chunga a tih chuan ka bu nghut nghut a a awmah min kuahbet ta hlu hlu .
"I rawn lawi thar ve chauh a hetiang thil i tawng hi pawi ka ti " a tih sup chuan "i thiamloh anilo chuang inthlahrung suh .."
"Aizawl a insawn thlak kha iti tak tak ami ?" Ka ti deuh thut .
"Umm ahma tanga kalo tum lawk tawh alawm ,chuvanga ka in pawh zauh belh ka ni .Ramngaihi hian Fakawma (apasal) hi athlah thei tak tak silo a ,ka nu leh pa te kum upat lamah an ti rethei emai kan bulah awm se atha zawk .Ramngaihi in hmuhchhuah nan hrim hrim pawh kan awmhran hrih angai ..Ka pa ten min hnial lo bawk a " a tih chuan " an ngaihtuah ru reng dawn tho sia , an rilru abet dawn lo e " kalo ti thuai a ,an fanu ani a U Remruata ngei ngei pawh hian angaihtuah ru reng dawn tih ka chiang .
"Kan thlithlai reng dawn tho alawm , ka thlahthlam dawnlo mahse a inhmuhchhuah nan hetianga kan chet hi angai " harsa tih hmel zet chuan a ti a ,ka khawngaih angreng viau mai .
"Ka nu leh pa te hi ka khawngaih lawk ,khawpui nun leh thingtlang nun chu a inanglo sia ..E taka inbul ah khan huan a zau that kha tah khan thlai vel ching pui ila ka nu zawk chuan nuam ati ngawt ang . Ka pa zawk hi engtin nge a ning lutuk tur kan hruai pen ang " thutak zeta ka tih chuan khi suk hian min en a " ka lawm e ka nupui " a tih sup chuan "ka uanglo ania aw " ti hlarin ,ka biang chu a rawn piai nawk a "duhawm nu " a ti sup .
"Ka ti tak tak ,enge ka pa chu kan tih tir ve ang ? Hna thawk hah se ka tihna nilo in ina awm mai mak chu an ning thuai dawn " ka ti leh ngat a
" Falkland a kan workshop ah khuan thawk se ka ti deuh a ,thawk han tih ah hnathawk ho lo vil ani deuh mai ..Furniture siam lam atui ve tho bawk a ,kan hmanraw hman ho endik leh hnathawk vil ani mai a " a tih chuan atihchi dawn hian ka hre khawp .
Inleng kan nei neuh neuh a ,kan lo naupang chhe zawk zawk tawhlo nen ka thingpui sem te chu ka che buai bik miahlo .Nu ho thenkhat minlo chhaihfiam an awm nual a ,ka lai ve lek lek tep tho mai !
Ramngaihi te nupa chu an room ah an tawm tlat a , keimahin ka che ani deuh ber . Ka nu leh pate chu an haw thlak dawn in an rawn lang zuai a ,an hawthla zui mai a .U Ruatruata leh U Muanpuia te chu hna nei an nih vangin nizan khan an zân haw .Bawihpuia hruai thlak an han tum viau nangin U Remruata'n a remti silo a ,an hrethiam khawp .
Karkhat chu kan awm tling ve a ,Aizawl a chhuk tumin kan inruahman tan a . Ramngaihi te nupa nen kan inhmu khat khawp mai ! Zingah ka nu nen rawng kan bawl a ,kan ei kham vek hnu ah an ni an rawn tho a an in ei puar hnu ah room ah an lut leh hmak zel a ! An eina takngial pawh zu tifel ngai lo a !
Tumkhat bawlhhlawh paih motor alo kal tumin hnawm ho ka la khawm a ,an room kawngkhar bulah an rawn chhawp chhuak mai a an hnawm neih ho .Ka fûnkhawm tumna lamah Damdawi ruihtheih kawr ruak tamtham zet hi ka hmu tel a ,Fakawma eina chauh ani theiin ka hre talo .A chhan chu nihthum danah hnawmpaih motor alo kal a , damdawi kawr tam danah mi pakhat ei chu nise overdose puitham ani tlat ani .Ka mit ngei a an ei lai ka hmuh loh vangin ka sawichhuak duhlo a mahse Ramngaihi pawh hiam damdawi chu a ei tel ve ngei ka ring ,nakin ah U Remruata ka la hrilh chhin ang .
Bungrua khulama a awm sa vangin kan thawmhnaw leh kan roh zual chauh kan inkeng a pickup hman ngai khawp erawh ala ni tho .U Remruata thianpa in min zui thla dawn a , achhanchu U Remruata'n motor akhalh angai a abike khalh tur an awmloh vang ani .
Zing lama traffic jam hmaa luh hman kan duh vangin zing dar ruk ah kan chhuak a ,ka nu leh pa te ngawi ngul chu ka khawngaih takzet .Ramngaihi an ngaihtuah lutuk hi an taksa in achauh phah mai te ka hlau a enkawl that viau an ngai ngei ang .
Kan chhuah dawn in u lâtei lah pek chuan " khai kan va thaibawih tan ve ...Khawpui lamah in awm dawn bawk a fa zu siam belh teuh ang che u . Khawpui ah nge nge chuan zirna pawh atha ..Aizawl school tha an sawi apiangin 'chutah chuan Remruata fate pawh an lut ' kanlo tih zel theih nan school tha tinah khan in fate in luh tir anga " nui uar uar chungin a ti a ,han sawizah lah hi anei silo .Ka bengbul a min rawn hrilhri sar sar in "a nei lian ngawt lo maw " te ati thul ..Han awm rei deuh a han kawm tak tak ka châk takzet .
....................
"Bawihpui ...Pipi kha va ko rawh le " huan a api ko tur chuan a rubber pheikhawk huan kal nan a abun atan tih a apu rawn lei sak ngei mai chu an inthalwh ve ngei a , a tlan chhuak zui nghal ter ter .
U Remruata nena kan inneihna pawh kum khat leh thla khat a ni ve dawn ta reng mai ! Hriatloh karin hun alo kal chak ta khawp mai .
Dawrpui ah Clinic ka hawng a ,damdawi ka zuar tel pah nghal bawk .Pathian zarah patient ka ngah thei viau . Pvt Hospital ah kala thawk tho a ,thawk ti ila inremna ka neihpui ani mah zawk .Ka patient zai ngai leh admit ngai chin chu an hospital ah ka zai in ka buaipui a duty pangai tak erawhin ka duty lo .Bawihpuia pawh atha chho viau a ,thlatin incheckup in Chennai kan pan thin a ..Tunah chuan thlathum danah kan kalpui tan tawh ang .
"Zodin ..hei tomato alo hmin leh teuh tawh .Kawlbera pawh i eikhawp chu a awm anih hi " tomato pum maksak deuh deuy hi a rawn keng lut a ,mak kalo ti hlawm khawp .Phai Tomato ang nilo in a phhir thaih te pawh a awm a ,samtawk ang tak tak pawh a awm .Kawlbera hi ka duh em vangin ka nu hian a ching tel a ,kung hnih bak erawh atha thei chuanglo .
"Ka lo sil nghal ang " ti a ban ka tum chu " kut sil nghal ka ngai tho ka sil law law mai ang .Bawihpuia kha alo la lut nange ...e hei alo lut e Bawihpui Inu han hmuh ve teh "
"Mommy " tiin hlim zetin Vaimin kawm tha zet pakhat hi a rawn pawm lut a ," ehe akawm ava tha ve " kalo ti deuh hluai .
"Kha kan leitha pek ve ngawt kha angaih nge ni a tha viau mai ..Kawm nga vel dawn keh tur a awm a tlai lamah kan kek ho dawn nia " ka nu'n a tih chuan ka phûr khawp. Vawin chu ka haw hma angai dawn anih chu .
Ka nu leh kei Bawihpuia nen chauh chuan tukthuan kan ei a ,U Remruata chu azin a hna thilah .Ka pa pawh zingkar ah chhuakin Bâktawng atanga thingzai an lei tur vel enfelpuiim Falkland lamah akal tawh bawk.
Bawihpuia chu ka siam sawk sawk a ,ka nu'n a hruai ve thung dawn ani . Driver pakhat kan nei a ,kan chhuak ho anga ka nu te nen kei min thlah hnu ah Chaltlang lamah chho in an in thlah veleh ang .Ka nu in min awl hneh a ,kan buai pawhin driver nen Bawihpuia anlo hruai mai zel .A hah lutuk hlau in Awmpui pakhat kan la a ,nu valai tak niin ka nu nen an inkawm thei phian mai .
"Umm" nui suk chuan ka chhang a ,Bawihpuia te ka thlir liam hnu ah ka clinic ah ka lut a ka mi chhawr pahnih te chu an thutna hmun turah anlo thu leh der tawh .Ka thlenkhalh thei meuhlo .Zaizira ka chho tlang mai ang tiin ka office lamah ka chho tlang a ,ka office kawta waiting room kan siam ah chuan thu anlo awm leh nual tawh .
"Minute sawmhnih hnu ah ahmasak dan indawtin ilo luhtir dawn nia " ka ph keng hla in hming lam tu Valpuia hnenah chuan kan ti a ,ani hi Health worker zir chhuak niin damlo te an lo luh hma in an bp ,kg leh tul ang ang lo test hmasa tu ani.
"Min ngaihtuah lo " ka mi biak mek pa in a rawn tih hmuk chuan ka nui hak a "min ngai lo si " ka ti ve thung ...
"Hmangaih te lenna chu thlir hian alang silo " a rawn tih sup chuan ka nui vak . "Va inla zei leh si ve " ka ti hlut bawk .
"Ka ngai viau tawh che nia , mahse ..."
"Enge mahse " ka lo ti thuai .Karkhat a cham tawh a ,ka ngai tawh tak zet .
"Tunkar chu kala cham angaih hmel " a ti zuai raih a " engvangin " kalo ti nghut thung. .....
"Ka mi hmuhduh pakhat kha ala hman lo a ,hmuh ngei ka duh sia a awm hun chân ala ngai a" a tih chuan ka lungni lo khawp " a rei tawh e hmulo mai rawh " ka ti hmak a
"Min ngai deuh em ni ?" A rawn ti ril ruih .
"I ninawm i duh leh rawn haw lo tawp rawh " ti hmakin call ka dah a ,hlim zetin ka bia a alo haw tur thu arawn sawi dawn emaw tih laiin a awmbelh ala ngaih thu zawk a rawn sawi a ! Min ngaihtuah lo aniang .
Keihi! Enge maw ka ngaihtuah ni ? Tuna ka rilru putdan leh ka thinrimna hoh zia kha ! Ka va sual tak ! Tinge mawni .
"Doctor kanlo lut " kawngkharr tlem hawngin an rawn dak heu mai!..
"Rawn lut ru " tiin U Remruata call a rawn luh leh rual chuan ka ph chu ka hmet thim khap a .
An bp vel result ka en hnu ah " enge inlo kal chhan le ?" Kan ti dam thlup a
"Kan pa hi a nghawng veilam ah hian báwk a awm a ,a na ati bawk silo nen kan hlauthawng deuh kan rawn pan tawp che " a tih chuan ka thutna atanga tho kangin ka pa ang rual chu ka pan hnai a ,a nghawng chu ka dap dun dun a " ka va hre.. e aw ka hria e " ti hluai in abawk chu kan belchiang a alo tawlh relh relh thei a ,hlauhawm tur erawh ani lo ..Bawk satliah mai mai ani
"Ka pi hlauhawm anilo aw " tiin kan hrilhfiah a ,an nupa chuan vitamins vel ka chawh ta tho . Damlo harsa deuh leh mamawh hmel deuh a ka hriat pek atana ka tih ka damdawi office a ka kawl chu ka pe ve bawk a ,Sakawrdai atanga rawn kal daih an nia
Damlo chu ka en zel a ,tlai lam haw hma tum ranin inhnuai lam te mi 20 bak chu vawin atan ka en hman loh thu ka hrilh bawk a .Tlai lamah ka nute ho in vaimin keh tur kan nei nen ka phûr ru angreng viau tawh,chutih rualin U Remruata lo haw leh thei lo tur erawh ka thinrim thar leh hnuhnawh vel a !
Vanduaithlak ka ti dawn nge kum khat kan innei tling tawh a ,nau kala pai leh thei tlatlo ! Indanna ka hmang chhin eih silo a ,chutiang bawkin kan pahnih ah thatlohna kan neilo ve ve bawk. Ka nu leh pa te chuan " Pathianin rem atih chuan in la pai ve leh mai ang " hi an ti ngawt zel a ,min hnem nan he thu hi an hmang ziah .
U Remruata erawh in nau neih leh chu a duh viau tih sawilo mahse ka hre thei .Chutih rualin ka tana hriat hrehawm turin atawng ngai miahlo thung a ,a mizia tlem pawn athlak phah lo bawk .Keimah zawk pawh hian pakhat tal chu pai leh ka duh hrim hrim , nau pai harsat tur khawpin kan kum te ala tam lo a ,indan ka tum lo .
Chhun chawlh nei eih lo in damlo chu ka en tlang a , dar hnih alo rik chuan ka zo thei ta hlauh .Tawi khawmuang tawh lo in taxi in chaltlang lam ka pan a , mawl inti zetin kan in lam pan turin driver chu ka hrilh zawm leh zat .Bawihpuia lam kawi pah kan tum ve ngawt a an ban hun alo pel daih tawh .
Kawtah chhukin ka chuan man ka pe a , scooty te pawh ka nei ve tho chungin a rem rem hawl chhuah ah kan tia kan dah tawp a ka chuang ngai meuh tawhlo . Tum khat kha ka accident a ,kan pa'n khalh chhuah aphal tawh thak lo !
Kawngkharpui pawh hawn mai ka tum chu alo theih miahloh ! A inkalh tlat nia !
"In awm em ?" Tih pahin doorbell chu ka hmet a , keimah ka ni tih an hriat theih nana sawi kher ka ni .
Inchhunglam atanga kalhna ri khep ka hriat rual in kawngkhar a rawn in hawng zat a ,ka hma a ding chu ang pham in ka en .
"Bawihi min ngailo em ni ?" Kiau suk a ti in mitmeng tawrh harsa zet chuan min melh a "engtin ?" ka ti sep ringawt.Alo haw theihloh tur thu kha asawi sia !
"Surprise " a tih chuan ka kuah thlawp a "ka ngai lutuk che " ka ti zui sep .
"Ka ngaih che aia nasa chuan nilo e " ti sup in nghet zet chuan min kuah a , a chhip ah ahmui anawr vang vang bawk .
"Khapui alo haw tur thu hrilh che aphal tlat lo a ,a upat tawh nen ala mawl ania " ka nu leh pa in nui chungin an lo ti a ,Bawihpuia pawh inla tlangval zetin api leh pu inkar ah alo ding ve bawk .
"Mommy Vaimim chu " ve thet thet hian ! Tunlai tak phei chu a inla tlangval reuh lutuk a pawm leh han chhaih te hi a duh tawh biklo reng reng .
"Bawihpui kan inthlak lawk ang aw " tiin U Remruata nen room ah kan in zui chho a ,inhnuaia room ka nu leh pa ten an hmang a keini kan insawn chho thung . Bawihpuia pawh apa in a room tura a siam sak ah a riak hrang ve thlap tawh reuh .Mahni a mut hreh chang anei ve leh zeuh thin a ,kan bulah emaw apite bulah a mu mai zel.Kartawp hian ka nu leh pa te in lamah a phei zeuh zeuh bawk .
"Ilo haw tur thu min hrilh ve mai la " room chhung kan luh rual chuan ka ti halh a ,min chhan loh avanga ka hawilet chuan min rawn fawp nghal mawlh mawlh .
Min chawikang nawlhin khumah min nghat dat a ,min bawhthlu in ka kap karah a rawn tlazep nghal thak .
"Bawihpuia ten min nghak reng asin ,a hunlo thei emai " ka ti hlak ..
"Lo nghak mai mai rawh se " nernawk a ti in min fawh zui leh nghal mawlh mawlh .
" Karkhat zet ka awmbo san cheu ania ! Engtin nge ka theih zawk le ? " Min thlah rual a a tih chuan kalo nui hak " nui hlek suh ,min ngailo riau mai " te chu ala ti ta deuh deuh a ! Ka ngaih zia hi a hre tawp silo .
"Ngailo che ni ila vawin ni lengin ilo haw theih dawnloh thu i sawi vang ngawtin ka thinrim lo ang .Amak e tuntum ka ngaih dan em em che hi " ka ti zui a ..Tum dangah pawh a zin chhuak zeuh zeuh a ,mahse arei berah ni thum bak a cham ngailo thung . Tuntum a zin chhuak erawh mak khawpin ka ngai hman .
Inthlakin inhnuai ah kan chhuk a ,huan lamah an phei tawh aniang tumah anlo awm tawhlo .Kan phei ve nghal , Vaimin chu kawm nga tak tak chauh keh theih alo awm a , akawm atha hlawm sia pakhat theuhin kan kek hlawm a.Chawhmeh atan kharek hnan leh purun hnah te chu kan la nghal bawk .Kha lam hi ka pa leh U Remruata hian an duh viau a ,midang hi chuan kan eipui khât khawp .Athat vang hrim hrim hian fian hnih vel chu hawp pui veleh zeuh chang ka nei thung .
"E khu Dindin khulai khu fanghma tuai ka hmu ,ahma in kalo hmu ngai miahlo a " ka nu'n a rawn tih hluai chuan a kawhna lam ka hawi thla a ,fanghma tuai chu ka hmu ve nghal .Phûr zetin "Bawihpui ka zuk lawh ang che aw .." tiin ka pan thla a "fimkhur rawh anâl .." a sawi zo hmanlo ,lei hnawm lai rap pialin ka tawlh thla zui zawt .
Au thla ruah ruah in a zâwl lai ka thlen thlak chuan ka ke lam na nghal ut ut leh ka in nem khalh tumna avanga ka kut na nghal ut ut vang chuan ka tho theilo .
U Remruata leh ka pa te hmanhmawh zeta an rawn chhuk chu ka mittui tling pam vangin ka hmu phe ruai a ,ka ke lam bik phei chu ana lutuk a ka tah loh nan ka insuk ngat ngat .
"Bawihi itha em ?" Hlauhthawn hmel zet chuan a rawn ti nghal hluk .
"Helai lai a fanghma chîn pawh angai em ni ?" A tih zui hluk chuan "apawilo mahse...ka ke khu...ana lutuk " ka ti thei tawk .
" Mama atliak ava ang ve " ka pa'n a rawn tih phei chuan U Remruata a meng buai nuaih tawh . Thutkang tuma ka bei chu minlo pui thuai a ,min pawm lawp a tum chu tawp turin kalo ti vat .
"Ka kut pawh hi " tiin ka kut veilam chu tih chet ka tum a ana nghal thawt .
" Ka ke khu achet theihloh nan engemaw in kam angai ang " ka tih chuan a tho vut a ,ka nu thlai hungna mau phei chu la in a elhbung hmawk a ka pa gamchha awrh chuan lehlam lehlam tangkawpin atuam zui a ,ka kut erawh atliak chiahlo a ka hriat vangin tuam ngai ka ti lo thung .
Zawimuanga min pawmtho in a pen chho nghal pawk pawk a ,Bawihpuia tap thawm nen kan chhangchhe takzet .
"Mama Bawihpuia hi kalo awmpui mai dawn ami ?" Ka nu'n a tih chuan atap zual sauh a , kan vai chuan U Remruata motorin hospital kan pan ta ringawt ..
ER kan thlen rualin minlo buaipui sap sap a ,ka thawh ve na a nih vang pawh ani mahna min ngaipawimawh khawp .
"Doctor Zodin i ke hi atliak tih achiang a ,i kut hi chu XRay atang lo chuan hriat ahar ang .XRay na room lamah kan hruai phawt ang che " tiin min zawn turin wardboy koh an tum chu U Remruata'n dim thei angberin min pawm leh nawlh a ,ka pa te chu pawn lama awm turin an ti hrih thung .
XRay bakah thisen vel test an ti nghal bawk a ,zai dawn hi chuan test neih ve hrim hrim angai ani .
Cabin ruak ala awmloh vangin ward pangai ah min awmtir hrih a , ka ke chu ana telh telh leh nghal .
"I tha meuh em ?" Ka pasala lah chuan a ti leh nghut thin ..a phi buai hi aniber .
"Tramadol hian kan chiu hrih phawt mai ang che aw "nurse rawn kalin a tih chuan kalp bu nghal nawk nawk .
"Nurse chiu suh ...i pump hman em ?" Hlauthawn hmel zeta Doctor Remsiami'n ka vein a hriau lut a hmuh chuan a ti hlar .
"Aih la pump hmanlo " nurse in a tih chuan athaw deuh huai a , "Phawi rawh" a ti nghal vut .
" Enge awmzia " U Remruata'n a rawn ti deuh hlur ..Keia na tuar chu min hmu thei nganglo ani .
" I nupui hi a rai , Doctor i rai tih i inhre lo em ni ?" A tih hlawl chu mak ti zetin Remsiami chu kan melh dun ha ."i chiang em ?" Kei a zawk chuan ka ti sep a , abuk tak nghut nghut ah chuan lawm tur nge ni a lungngaih tur pawh ka hrelo .U Remruata pawh a rilru abuai hmel khawp .
"Engtin nge kan tih ang" Remsiami'n a tih chuan ka buai map tawh .
Nau neih leh kan châk em em a ,mahse tuna kan hun tawn mek nen hian abuaithlak takzet chuchu U Remruata pawh hian ahrechiang dawn lutuk .
Ka ke ruh atliak tih kan chiang tawh a ,zai ngei angai dawn .Mahse zai ka nih chuan ka nau pai in a tuar thung dawn si ..
"Zo Doctor ve tho ini a ,i hriat chian ka ring .I nau pai lah thlahnih chauh ala ni a .Thla sarih emaw thla riatna tal ni se chuan zai chhuahin chance ala awm chumin hnu ah i ruh tliak kan zai leh anga mahse tunah chuan i ke tliak hi kan khawih lui anih chuan i naupai hian atawrh phah ang " ati mawlh mawlh a
U Remruata chu rum chhuak hawkin bang chu ahnek pawp a ,ward a awmve dangho chuan kan lam an rawn melh nghal vut hlawm .
Ka mittui chu ka biangah a rawn luang thla pap a , " tinge ? Fa kan awt zia i hre si a " ka rilru chuan Pathian ka dem mawlh mawlh .
"Bawihi " ti vutin ka bul hnaihah U Remruata arawn kal nghal vat a , " engtin nge kan tih ang ?" Kalo ti tiau . Ka ke hi kan zai nghal loh chuan ka damchhungin ka kal pangai leh thei tawh lo ang .Kan zai lui anih chuan ka nau pai lai in atuar bawk ang.
"Sorry " a tih sup chuan ka melhchho vut a " Ka nupui ke chu zai phawt rawh u " atih chuan "aih " kalo ti that .
Ka nu leh pa leh Bawihpuia chu an rawn lut ve zat a " aih ka duhlo ..ka phallo " ka ti leh hlar .
"Bawihi " U Remruata chuan lainat hmel zetin min lo melh .Kan chanchin chu nurse in ka nu leh pate alo hrilh ani ngei ang engmah min zawtlo a,an meng ahnual khup bawk .
"Keimah vang vek ani " ka nu in alo ti sep sep a , tunah hrih chuan athiamloh anihloh thu sawi a hnem tur pawn chakna ka nei hrihlo .
" Ka ke chu ka tuar thei mai ang , ka naute hi chu ka chân phallo" ka ti leh a ,ka dul la thep zaih chu ka chûl pah bawk .
"Doctor i ke hi kan zai loh chuan adam theilo ang ,i damchhungin i ke i bai tawh dawn asin " Remsiami chuan a rawn ti hlak . "Ka hria " mittui tling pamin ka ti hrawk a , "ka hria " ti leh sepin sawi belh tur ka hre chuanglo .
Nurse in Cabin ruak a awm tawh thu a rawn sawi chuan ka pa in insawn phawt ati a , an buaipui nghal .
"In rin zawng ani em chu ka hrelo a mahse...kan khua ah hian ruh hmet thiam an awm asin .Ruhtliak te pawh a zawm thin a " kan piah a damlo awmpui tu nu valai ve deuhin a rawn tih chuan ka ngaihven nghal zar . "Khawi khua nge in nih ?", ka ti nghal hlut .
"Bawihi" U Remruata'n a lo tih hlut pawh chu ka ngaipawimawh duhlo .
"Aaa keini chu Kolasib lam kan nia" a tih chuan ka pa lam chu hawiin " ka pa atheih tak tak i ring em ?" Ka ti nghal vat .
"Ruh hmetthiam bik hi chu an awm thin alawm " alo tih leh ngat phei chuan keichuan beiseina ka nei sâng hle .
"A tullo " U Remruata'n a rawn tih hmuk chuan "engtikawng zawng pawhin ka nau pai hi ka ti tla lo ang " kalo ti nghet charh .
"Cabin ah insuan lut phawt ang u " ka pa chuan a rawn ti ta hlauh a ,ka chet vak loh nan wardboy ten cabin thlengin min zawn ta zawk a ..
Ka nu leh pa te zawk U Ruatruata leh U Muanpuia nupui nen an rawn thleng ve nghal a ,Cabin chhungah chuan kan ri deuh luih luih .
"Keichu risk lak chi ah ka ngai lo ..lo hmet rem theilo ta se " U Ruatruata leh U Remruata ber hi ka hmin zo lo
"Engpawh nise Matei'n a tawrh huam chuan tum chhin pawh a sual chuanglo ." Ka pa (keima pa ) chuan a rawn ti ta hlauh a .
Kalsawn thei ka nih tawhloh vangin ka pa chuan U Ruatruata chu Kolasib lam pana chu ruh hmet thiam an sawi chu zu hruai mai turin ati a ,a hria inti hnenah an awmna lai vel zawt chiang turin an chhuak zui nghal mai .
"Bawihi hi ka be fâl lawk duh" U Remruata'n a tih hmuk chuan midang chu an chhuak nghal sap sap a .
"Bawihi ...naute chu kanla pai leh thei zawk a , a tha ngei em tih pawh hre chianglo a risk lak chu i duh takzet amaw" vin hauhlo chuan a ti dam thlup a ..
"U Remruat..kum khat dawn kan innei tawh a ,indanna kan hmang miahlo chungin nau ka pai mai thei chuanglo tih ihriat kha ..tunah ka pai ta hlauh a ka titla theilo .Hetiang dinhmun aia khirh ah pawh ding ila ka theih ka ring chuanglo ..khawngaihin tum chhin phawt ang ,risk la phawt ang aw" phal ngei se tih beseina nen ka melh tlawk tlawk .
"Bawihi nachhawkna tello phei chuan i tuar na dawn lutuk asin " a ti zawi sap a
"Ka tuar thei em em ang " kei in kalo ti ve thung .
Ka rilru ka sawhsawn dawnlo tih ahria ani mahna arem ti ve ta hram .
Zinglam dar nga dawn ah U Ruatruata chuan a rawn hruai thleng thei a ,Pu Kapzaua an ti in ka hria ka ke chu a en nghal mawlh mawlh . ka kut erawh ka rindan chiahin alo tliak lo a mahse a pelh deuh thung .
"Nachhawkna i ei theilo maw " a tih chuan "aw " kalo ti sep a ,"ana viau ang " a tih chuan " apawilo " ka ti a,ka hlau ru viau tho mai . U Remruata chu Pu Kapzaua awmlohna lama rawn kal in min kuah nghal chawt a ,Ka ke akhawih rual chuan U Remruata awmah ka bei nghal thlawp .
Ahmet tan a ,ka au chhuah loh nan U Remruata kawrawm chu ka seh ngawt ngawt a ,ka mittui erawh a luang zuih zuih tho .
Siam rem tumin a hmet na telh telh a , ana lutuk chu ka khûr ngawt ngawt thei hial .U Remruata chuan min kuahna ati nghet zual sauh a ,ka hnung alo chûl pah bawk .Amah pawh atang viau aniang ataksa atang vek thei .
"Ka siam rem tep e " a rawn tih leh rual chuan ka au thawt a ,ka insum thei lo .
"Ka zo e " ati chu ka in sut ri nghal hraih .
"Hmeichhe thenkhat hi chu inlo tuarchhel anih hi ..Na reng in tuar thei mai ! Mipa thankin tawh pawh an au raih raih na tawh ah inla inpetruh fan fan thei thin a " pu Kapzaua chuan a ti charh charh a " i kut chu kalo khawih tel nghal law law dawn ami ?" A tih rual chuan " Angailo " U Remruata'n alo ti thawt.
"a ke kha tawk rawh se " dam deuh zawk chuan a ti leh sup a , ala rum viau tho .
" Athat hmel viau mai " Doctor Remsiami pawhin a ti ve hluai .
"Ka pu kan lawm hle mai ,kan mangang hman lutuk tawh a" ka pa chuan ati a , " Kan fapa hian athlah leh ang che pawisa i duh zat sawila inthlahrung lo in hei kan tû lo piang tur min chhanchhuah sak bawk a engzat pawh kan pe mai ang che " ka pa chuan a ti leh charh charh .
Tupawh mai chu an thaw huai vek in ka hria ..
"Thlah ka ngai tawh lo ang ,ka fate tlawh ka tumsa hrim hrim a karleh lam hian rawn chhoh ka tum zawk a sum senglo in hahdam deuhin in zarah ka rawn chho thei hlauh a pawisa phei chu angailo hrim hrim " a ti hlauh zawk a , mahse ka pa te chuan pe lo in an kal tir lo tawp ang .
Hmanhmawh takin U Remruata'n a rawn hruai chho ani ngei ang kekawr bul leh tawnzau chauh a inbel a ,chappal holam tak abun bawk .
U Remruata chuan afate awmna ni a asawi lamah athlah dawn a ,ka pa chuang cheng singkhat ape a mahse Pu Kapzaua chuan ala duh mai lo ..Ka pan a tih luih tlat takah chuan sangnga chu ape let ta tho a Pa fel tak chu ani ngei ang le ...
Hospital ah karkhat kan awm hnu in inlamah kan in enkawl zui a ,U Remruata chu engkimah a fimkhur em em a Home nurse leh awmpui pakhat lak belhin amah pawh a theih chin chin ah in lam atangin athawk bawk .Buaipui ka ngaihloh thu ka sawi pawhin min buaipui lui tlat a , ka ei leh in tur thlengin a fimkhur zual ani ber mai .
Thil thing leh hrisello tura ahriat hrim hrim chu ka ei aphal miahlo bawk .Ka nu leh pa te lakah pawh ka inthlahrung takzet ..mahsela min duattu ah an tang deuh deuh zawk a , inhnuai lama ka chhuk ve chang leh room a ka tawm châng pawhin ka mamawh tur min rawn zawt deuh reng zel .Ka nu inthiamlo lutuk ber hi akhawngaih thlak , U Remruata pawhin inthlahrung lo turin leh athiamloh anihloh thu a hrilh tawh chungin keima laka achetdan ah hian a inthiamlo ani tih ka hre thei .
Thla nga hnu ah ......
"Bawihi tilui hrâm teh "
"Ka puar tawh em hi " Coconut tui bottle khat ngawt tum khatah min in zawh tir atum nia ! Dul puar sa nen ka puar ul tawh .
"Tum hram la " a tih leh chuan ka melh rum hrep .
"Ka che hleithei tawh bawk silo ,eitur min pe reng a ka bial pup tawh hi " ka ti hlar a ,kiai suk in "i duhawm daih zawk " ala ti talh .
Ka dul a rawn chet te hian alawm ber ber ah atang a ,ka rai puar lian si mipa ka neih leh an ri g deuh vek .Keipawhin Bawihpuia ai mah khan ka dul hi alian zawk in ka hre ve bawk .Ka pa phei chuan phîr anih te aring hial ..mahse ultrasound atang chuan pakhat chauh ani awm ni .Bawihpuia lah û ani dawn tih i hria in a inla upa zual sawt a ,school ah lah a inla pa in athiante lo velh te aching thûl .U Remruata school ah akal angaih phah leh ringawt zel a ahau phal der chuanglo ! "Thlem ngai zawkah te hian atang reng ang tih ka hlau zawk ", a ti daih nia ! Mahse keichuan ka hau fo a,tunhnai tak hi chuan aharh lutuk leh a inla pa lutuk pawh a reh leh tan tawh zawk in ka hria .
Ka nau neih hun la thleng chiah silo in ka pum chu nileng in anuamlo a ,tlai lamah ka tuibawm kehin Hospital lam U Remruata tihloh chu chiai miahlo in kan thleng thuai ..U Remruata ber aphilli leh chiai ah atang leh a ,aphûr tel bawk si chu athu hle hle theilo reng reng .
"Mama tiang hun ah chuan nuten an awmpui tthin ,Dindini nu nen kan lo awmpui ang " ka nu in atih chuan " ka awmve angai " a ti bur mai sia ..Nurse chuan "Pakhat chauh a in awmpui theih " a rawn ti a ,U Remruata chu ka lamah a rawn tawlh hnai nghal hrut .
"Aaa awmtir mai mai teh u " ka pa zawk chuan rawn ti hlut in nau neihna ward lamah min nawrphei ta a ,U Remruata pawhin min zui ve zel .
"I chhul kawngka a inhawng zau tawh a , kan inpeih tawh e " tiin Doctor thar in achhar dawn a
"Ehe ..U Zodin "
"Nûte " nau vei e tilo chuan ka nui leh rih . Tunhma a ka awmpui thin tleirawl te kha Nurse alo ni ve tawh reng mai ! "U Remruat" a tih chuan pakhat alo bu deuh nghut a ,an nui nghal dar dar ..
"Naute pa a tawng hleithei tawh tlat lo ,hrin tir phawt mai ang u " Doctor berin a tih chuan an nui leh dar dar a ,U Remruata alo phunhluk .
Ka han sang chu ka tan deuh a U Remruata ka hum ngheh apiangin kei ai ai in minlo hum nghet zel a ,nau vei nilo ila chu ka vin hrep ang ..Ka chau tawh em a ka tawng peih taah thlawtlo ..
"Vawikhat...aw..alu a lawr e "
"Ka lawmpui che u Hmeichhia ani e " Doctor in a rawn tih rual chuan " Yes " ti ri in a zui a ,an nui leh dar dar tawh .U Remruata lam ka han hawi chuan amit zim sun atang anui tih ka hre thei ..Chau zetin " ka lawm e " a rawn ti sup a ,ka chal thlantui in abual huh zuih chu a rawn fawh hnan hmiah bawk .
Kan fanu hming ah chuan Vanlalpeki tih U Remruata pa in a sa a , U Remruata'n Tabithi tih asap hmingah aphuah tel bawk .
Ka dul len ang hu in Tabithi chu alian leh chuang miahlo ! Kg2 leh chanve chauh ani a ,ate lutuj chu U Remruata lah pek chuan natna anei emaw te ati thul ! Kan hahthlak chho ngat ngat dawn a ang ,Tabithi lah ahrisel chho phian mai si a .
Chennai a putar pakhat thusawi kha kala hre reng , "beiseiawm a awm tawhlo emaw kan tih hnu ah Pathian arawn che thin " a tih kha ..Ka nun ah hian a dik zia alang chiang hle..U Remruata nena inrem leh ka beisei tawhloh hnuah kan innei a , Bawihpuia thihsuala a awm hnuah tunah chuan ahrisel berah atang a ..Bawihtei pawh harsatna nei em em lo in a awm bawk a ..Kan chhungkua kan hlim in chhungkaw dang hi kan awt biklo .
Ramngaihi pawh insiam tha in apasal erawh in Ruihhlo athlah theih miau loh vangin an in then thung a , Ramngaihi'n a tawrh viau kan rin laiin Pathian lam hawi nan ahman phah thung a .
Kan Pathian khian minlo thlahthlam ngai reng reng lo ! Dem châng hial han nei thin mah ila min hmangaih leh enkawl alo thulhphah miahlo a , Chhungkaw tha tak min dinpui a chhungkaw hlim tak min pe hi lawmthu ka sawi bân theih ka ringlo .
A tawp ta .....
# ZûNLêNG minlo chhiarsak avangin ka lawm e ,Regu loh chang ka ngah a ,min peihloh san mai lo a atawp thlenga min chhiar sak avangin ka lawm takzet .
Kan la naupan na alang nge Mizo tawng diklo a han ziah mai ka nei nual a ,khawngaihin minlo hrilh zel dawn nia .Kârleh lamah ZûNLêNG S 2 in chhunzawm kan tum dawn nia ..Minlo chhiar sak leh vek turin ka beisei cheu .
Kumthar chibai vek ule
~Natasha
(Kala edit lo aw ,naktuk emaw atangin ch 1 atang ka edit chauh ang )
Show post links
Top
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)