ZûNLêNG S2 BY Natasha Hrahsel (Completed)

[Ngaia]

*ZûNLêNG S2 * ch~1











"Û bawihtei chu i lam tawh em ?" Ka mi biak in a rawn tih lâwng lâwng chuan ka phone ka dah hla hret a " Tabby " ka ti nghut ..
"Aw i tawng ka hre thei ..Bawihtei chu i kut ah ka dah nia lo hruai haw mai rawh " a duh a sawi zo a adah nghal hmak ! Kiai sukin passenger seat ah ka ph chu ka theh phei thla nawk a ,ka hmalam chu ka bih leh ngur .
Helai hmunah hian darkar chanve dawn ka awm tawh ,Sarahi te ang rual rawn chhuak kala hmu hauhlo .






Ka sana bih vutin motor atang ka chhuak a ,Bawihtei te school lam chu ka pan nghal vut .Ka naui hian hun awl ngah bik viau turah min ngai te pawh ani mahna a fanu lam tura mi tih ni .

"U Gideon enge ilo tih dawn a ?"





"Ka hria che em ?" Ka ti nghut thung .




"Aaaa Sarahi te class teacher ka nia " lai zeta a tih chuan ka bu nghut a "an la bang lo em ni ?"





"An bâng daih tawh zawk alawm ,vawin chu chawhnu an chawl a parents teacher group ah kan post kha" a tih chuan ka phun hluk.Tabby mai mai chu .
Min biak zawm tum a a ka ang leh hman zuau tih ah ka kalsan vut a ,ka hawikual nghal ruai . Car a thu lut leh ta mai lo chuan school bul vela alo la awm mial takin tiin ka vei kual a , ka mi tawh te ho lah chuan min en duh hrep hlawm mai !






Ka hmuh mai loh vangin an school chhak lamah ka kal leh a hmeichhe naupang tap ri ka hriat rualin ka pan hnai nghal vut .






"Mami tap tawh lo la i chhungte anlo thleng tep tawh tak tak ang ,hei enteh chocolate ka nei nia " Sarahi ngei mai chu tleirawl pakhat hian alo thlem mawlh mawlh.

"Sarah" ka tih sup chuan an pahnih chuan anlo hawichhuak vut a "apute " tih pah a rawn tho in ka ke lehlam ah chuan minlo kuah nghal tai .
"Tinge i tah ?" Ti supa a sam tawn kak ve teu chu tuai in ka hma a tleirawl te ding riai riai chu ka melh ngur a "ka nilo ania ka velh anilo nia aw " min hlauh hmel zet hian ati nghal nawk nawk .
Kawrfual lum hmel tur zet mai aha a ,a in then leuh leuh ni mai hian ka hria .






"Takzet " nuihza aw zeta ka tih chuan a tûm leh hmuk reuh a !





"Ka pu mahni fate chu ngaihven that tur alawm " thinrim na tur hrechhuak thut ang mai hian a rawn ti ve pâng pâng reuh a ,ka pen kawrh zawk dawn emawni . "Ahmuh loh che vangin a tap anih kha " min melh rum ve kha kha chung hian a ti leh a ,ka nuih ati za viau .A tawng zawng apiang lah chuan a kawr hak nen zawng zawng a che ve leuh leuh a !

"Kalo hre tawh dawn nia Mami " ti nghutin Sarahi chu ka pawm kang nghal nawlh ..






Chu tleirawl te chu min melh kha kha in a kalsawn ve ta hram ..Thlir zui in ka nui chhuak hawk a Sarahi'n "apute " alo tih tiau chuan ka ngaihven nghal thuai .

"Tinge minlo hruai vat loh a " min melh kiau chunga atih chuan "Sorry" ka ti sup a , chawhnu an off dawn tih anu'n min hrilhlo tih hriat tir kher atul hran lo . "Tah hian rei deuh ka thu a ,a û khân minlo thutpui char char a " pangai tak chuan a ti a , Motor lamah pawm phei in zawhna dang min zawh loh nan tleirawli pek chocolate chu ka kheh sak a ,a ei zui nghal mawlh mawlh .
Tunah dar hnih a ri tawh a darkar hnih dawn chu minlo nghak reng tawh tih ka ngaihtuah chhuah chuan ka khawngaih thar hle ..Matei pawh hauh deuh angai ani .





"Sarah..Lo awmpui tu che khân a awmpui rei che em ?"




"Yes ..khalai a ka thut tirh atang alo awm ve char char " a tih chuan lawmthu tal kalo hrilh lo kha pawi ka ti hnuhnawh viau .
Tun ang lai ah chuan naupang rukbo vel atam tawh a , nu leh pa tello a mahni te a tla hrang chu lo hruai bo leh ru bo duh tawk kan tawng lo a kan vannei tak zet .






Matei pasal hi kârkhat châm tura a zinchhuah dawn vangin kan in lamah an nufa hoin an rawn awmphei hrih a ,ka nu leh pa ten an ngai bawk nen an pa azin loh pawhin an rawn tla phei fo tho .
Matei pasal Ruatdika te hi Zokhawthar lam mi daih an nia ,an pa hna vangin Aizawl ah hian an awm thung .Chanmari ah mi in luahin an awm hrih a , an pa hi JE niin Matei pawh hian Online shopping lam ati ve bawk . Sarahi hian nau mipa kum hnih mi anei a , an rawn tlat phei châng hi chuan kan ri ve luai luai zel .






"Ka tu nu sial alo haw e " inchhung kan luh rualin ka pa'n alo chhaih nghal hlut .

"Tabitha " ti nghutin "rawn kal lawk teh " tiin choka lam ka pan zui a ,a fate hmuh a hauh emaw zilh ka tum hranlo .Nû ani tawh a ,naupang hmuh laia inhauh emaw thinrima inbiak ka nu hian a phallo bur bawk .





"Engeni" thawveng zeta rawn ti lût in Marcusa a rawn la pawm phei hrâm ..Thaw hawkin "Sarahi te bân hma tur thu i hrelo em ni ? Group ah an post thu an zirtirtunu in a sawi " ka tih hmuk chuan " animaw " a ti heu mai !
"Û Lalmarcusa hi lawm ,nimin ah ka ph ka en tir a aduh duh alo hmetkual aniang ka ph abuai vek .Chuvang lawm vawin pawh ka buai em em ni " a ti nghal zawt zawt . Ka duatzia a inhria a ,ka lakah apangchang thiam thin viau ..ka biak nghut nghut tawh hi chuan a insawithiam nghal zat zat zel .






"Siamtir vat ang che .." ti tawlin ka room lamah ka chhohsan zui nghal .A thiamloh ani hranlo bawk a han hauhchiam theih pawh ani chuanglo .





Ka kamiz hak chu hlipin balbawm ah ka vawmlut nawk a , khumah ka bawk zui nghal hnawk .Dawr lama kal ka duh viau nangin ka chau ve bawk nen naktuk lamah ka hna la khawihzawh loh ho chu khawih mai ka rilruk ta zawk .
Ka ngaihtuahna a kha tleirawl te alo lan rual chuan ka kiai suk a , ralkhat atang phei chuan Sarahi kawm tawk rual lek tur ni awm ani .Min melh kiau chunga a âng ve pang pang te kha ahmuhnawm viau mai .Bell chu awrh se nilengin a ri chheng chheng ngei ang ,a tawng zawng apiangin a taksa ache ve dat dat zel a !
Nui chhuak hawkin ka fa tur rual dawn ka ngaihtuah ta mai chu â inti zetin ka thu chhuak zawk .
Kum 40 râl kai tep tawh in tleirawl mai mai ka ngaihtuah tih ka nu hian hria se zawng min lipse duh ngei ang .








Naomi pov.





Ka pa rawn pen lut leh chhat chhat tawh chu ka û leh ka nu nen kanlo thlir deuh tawp . Kumin ah chuan ala rawn pen lut chhat chhat thei a ,nakum lamah zû ala nghei lo fo anih chuan a rawn vâk lut tawh hialin ka ring .

"E in awm vek elaw!" Mak tih hmel zeta a rawn tih phuau chuan ka û in min rawn sik nawk a ,anui khûr zui nghal char char .Ka nu in a rawn melh hrawk rual chuan atawp chawt a , nuih insum zetin ahmui ala pet fan fan tho .Keipawh ka pa nilo se chuan ka nuih chhuah ka ring ,amitmeng phawk zawng zawng nen a rawn sawi dan kha anuihzatthlak lutuk .






"Naom ipa chaw ei tur va siam ru " vin miahlo chuan ka nu'n a ti damthlup a ,ka û nen tho nghal thuai in ka pa eitur siamturin choka lam kan pan nghal thuai .





Ka pa hi Transport ah athawk a , a senior tawhin Zû hi duh viau lo se chu Director ah akaisang tawh ang .An pûte pawn zû duh viau mahse an bân phal chuanglo .Office hour ah chuan a ruih ngailoh vâng te pawh ani mahna . Ka pa in a ruihlai a asawi te ho hi a dik tak tak anih phei chuan an dept ah ani aia midik leh tha an awmlo ..Mahse a ruihlai maia asawi ania ,a infak ve te pawh ani mahna .






"Û keichu ka pa hi ka ning tawh e ,a upa tawh si zû nghei tumna a nei bawk silo " thleng sil pah chuan ka ti niah niah a , ani'n ka pa chaw eibuak nuaihna vel alo ti fai thung .

"Nia..mahse kan pa ani miau a" a ti mai thung .Ka pa zu rui ka nin thu ka sawi apiang hian tihian ati ve ziah . "Û ining ve lo mi ? Bakah ka zak ..Kohhran a inhman te hi minti zak vek ..Thian inleng ka neihngam loh phah thak bawk a " ka tih phiar phiar chuan "Naom " a rawn ti khauh a ,ka thil sil lai dahin alam ka hawi riai riai .Naom min tih fak tawh hi chuan ka lakah alungawi lo ani ziah .






"Mi chuan pa zurui buaipui tur tal neih an chak ngawih ngawih asin .Ka pa hi engangmi pawh ni se zahpui ngai suh , pa neilo nih i duh ami ? Hetia a zurui mai mai buaipui tur kanla nei te hi kan vannei zawk ..Nghei hun ala nei ve mai ang " a tih chuan ka thaw halh a " ka zahpui kherlo" ti sepin ka thleng sil lai chu ka sil zawm mawlh mawlh .

Ka pa zurui hi a sual ngai ka hrelo a ,mahse a rawn haw kawnga han chahthlak mai changte anei fo thung . Ka nu leh ka û hian an buaipui ber a ,kei inlama ka awm tlem vângin ka buaipui tamlo mai pawh a .Tumkhat class reunion kan neih tumin ka pa hi a rui nawi khawp a ,kan zanriah pui ber kan arsa kan a ti baw vek .Ka nu in siamsa min order sak ta tawp a , khami tum a ka zah zia kha aw ..Ka star thin em em pa ala rawn tel ve lehzel nen ..






"Naom i muhil tawh em ?"






"Aih nu lo lut rawh "






"I muthilh tawh ka ring a , naktuk ah in phe nasa leh dawn sia mu hma rawh aw " a tih damthlup chuan kalo bu nghut nghut .
" I pa hi hrethiam hram hram hrih rawh aw ,zing alo nia nga i lakah phei chuan a inthiamlo nasa leh dawn ania " a tih chuan asawitum ka manthiam nghal .
"Nu hmân ang khân awm leh thei ila tiraw ,apa hian zu in tawhlo se "ka tih sep chuan anui seih a "anghei veleh mai ang " ti sep in ka lu ah achûl thuak a ,"mu hma la " ti in a chhuak zui nghal .






Kei hi Naom Malsawmzeli ka ni a , tunah hian Civil Hospital ah internship ka ti mek . Shillong ah Lab Tech ka zir zawhin internship ti nghal mai lo in ka chawl te te phawt a ,helamah internship ka rawn ti ti ta hlauh .Beisei ai daihin ala hahthlak zui ! Mizoram nilo...Aizawl ah ringawt pawh mihring an lo tam tawh zia hi! Nitin mi za chuang inentir turin an rawn kal a ,pawn lamah han chhuak ila dam tha lel lawl an vei suau suau bawk a , inthlahpun viau hi kanla ngai emawni ?






"Naom tho teh ,hei tho vat teh "







"Ninawm eee " ti nghekin ka tho a ,rum zetin ka û ka melh nghek .





"Khatia men rân kual vel angai lo ,tho la insiam rawh i tlai ange ." Tih pahin ka thawmhnaw bawm a hawng rawk rawk a "hei ka ha dawn nia ,e chuan sawta saw sangnga ka dah nia nimin ah hlawh ka la a ren la aw " ti zung zung in a chhuak nghal a ,pawisa min pe lo se chuan ka kawrlum ahak vangin ka vin hrep ang .
Ka û hi Government higher ah english teacher in a thawk ve hlauh a ,ka pocket money tur thlatin tihian min pe ve ziah.Han inhau bawrh bawrh thin mah ila min duat viau .







"Naom vawin chu Biochem counter lamah aw " ti a kan senior U Zualtei'n a tih chuan "awle" kalo ti var .
Ka duty na tur lam ah ka kal nghal a , ka bag ka nghah rualin damlo thisen lak ngai lo intlar pût te hma ah chuan ka va ding nghal thuai .

"An paper ken kha en mil la , lo draw sak zung zung rawh .Intern ti lai ini tiraw ? Vawin chu kan buai viau ang nimin lamah test ngai nei laksak loh kan ngah em mai " ka bula ding nu chuan alo ti nghal mawlh mawlh a ,ka hming pawh min zawt lem chuanglo .
Tourniquet leh syringe la in damlo thisen test ngai ho chu an blood ka draw sak nghal mawlh mawlh .







Chawlh hun anih pawh chuan mi an la intlar pût tho ..Kan zo hnai dawn emaw tih ah an rawn intlar belh zel a , pvt hospital a internship kalo tilo chu ka inchhir ta rum rum mai.






"Chawlh hun ani tawh a ,khawngaihin naktuk lamah in rawn kal tawh mai dawn nia " tiin kan senior chu a rawn au lawng lawng a ,mipui phun thawm in a zui nghal .
"Ngaiah ila nei ve mai ang" ka hawi vual vual chu ka bula ding in a rawn ti sep .






"Nula khawngaihin min hrethiam hram ula ka fanu hi naktuk chawhma lama zai tur ani tawh sia ,a thisen test phawt angai nen min laksak hram ula " tiin nupakhat hi afanu pawm chungin ka hma ah a rawn ding nawlh .
"Ka pi ,midang hmanhmawh tak tak pawh an awm a kan laksak vek seng silo cheu a ..helaia kan lak ho hi lab lamah test nei tura kan kenchhoh leh vek ala ngai a " ka bula ding in a rawn tih chuan "min tihsak thei hram lo em ni " chu nu chuan ala ti fan .






"Kan laksak lawk mai ang " ti sepin hmeichhe naupang te banah chuan tourniquet ka vuah a ,syringe phawrhin ka laksak zui nghal thuai .Ka bula ding lo chek tlak tlak chu ka hrelo der hmak .Hauh ka tawrh ngei erawh ka ring .








"Intern ti te leh rawn thawkthar te khan lo ngaithla ula ,pvt hospital kan nihloh vang hian dân awmsa kan zawm angai a ..Kan inkhar tawh hnu ah tumahin damlo te thisen test tur inlak belh tawh tur ani lo ." Ka rin dan chiah ani ..Kan senior in ban dawn ah min hau dawt loh mahse min sawichhan zetin junior leh intern ho min hau tho .

"Naomi ini tiraw ?" Vawin a ka bula ding nu kha ani






"Aw ni e "






"Remi ...heta ka thawhna hi ala rei vaklo ,ka hmelhriat ai ka kal a ." A tih chuan "anih chu.." kalo ti sep ringawt .



"Ilo la na lutuk ange aw senior Zualtei sawi kha " nui chunga atih chuan "aho lutuk " kalo ti liam puat ."keipawh ka thawh tirh chuan maw ,khatiang a mamawh lutuk kalsan kha harsa ka tia ,mahse khatiang zawng zawng kha kan laksak vek senglo a tunah chuan hawisan dan ka thiam tawh " nui chunga atih chuan kalo nui ve mai mahse " keichu pakhat lek pawh kanla laksak belh hman anih chuan apawina ka hrelo.Mi zawng zawng tanpui theilo mah ila pakhat lek kan tanpui pawh kha atha tho lawm " ka ti zui tho a ,a dik ati niang abu ve nghut nghut tho .Scooty aken vangin min kalsan a ,bus chân tumin bus stand lam ka pan zui ve zat .








"A û " ti a rawn au lauh ri ka hriat chuan ka hawichhuak a ,nimin a hmeichhe naupang te khan car chhung atang minlo nuih vur vur .
"Lo chuang ve rawh " a tih chuan "angailo mai ka lawm e " nui vur vur chungin ka chhang a , front seat lam darthlalang chu rawn in down in " rawn lut rawh " hmeichhe naupangte pa in a rawn ti nghut .Ka va han chuang awmlo tak .







"Bus ka châng a ngailo mai rawh se "Ka sawi rualin bus a rawn thleng nghal der ..A dinna hmun tura car a awm miau vangin horn a rawn pe tuar tuar a , ka zawna awmte lah tlân chhuah an tum derlo !






"Mami i chuan dawn chuan chuang lut vat ta che " Conductor in a rawn ti hluk rualin hmanhmawh zetin car kawngkhar ka hawng rawk rawk a ka thu lut nghal .A vîn zia mai mai kha !





"I thusawi i va phatsan leh hma si ve " tlanchhuah pah chuan ka bula thupa chuan a ti kher ..!!Ding tlat lo se chuan ka chuang hauhlo ang .





"A û nimin a i chocolate min pek kha maw ka eizo vek sin " hmalam rawn bawh a naupangtei'n a tih chuan "Sarah thu tha rawh le " apa'n arawn ti nghal nghut .Naupang abiakdan chu arum kalo ti hmanhmawh .






"Chuan Naupangte khawi veng ah nge in awm le? " Min thlek zawk chung chuan a rawn ti kher ! Engang fako a upa nge maw anih a 'naupang' min tih le ?
"Ramhlun North ah chuan ka hming chu Naomi Naupangte tih nilo in aw " ka ti ve kher ..





"Naupang ti a koh duhlo kan awm ani maw " a ti leh kher a ,ka run tawk alo tling ngang mai .
"Kum 24 ka ni dawn tawh aw " ka ti let hrep a ,a nui huk anih chu mawle ?






"Ka awih iring a " a tih chuan ka chhang peih tawhlo .





Chanmari kan thlenin Sarahi chu Nutling pakhat hian a rawn la daih a , anu tih dawn chuan a upat hmel deuh tawh sia api tih dawnin ala naupan hmel deuh bawk sia ngeni a kum inthlau deuhin an innei zawk ni? Aaaa ka buai peihlo .






"Tinge i ngawih daih ?" Ti thum ulin min rawn melh pah zawk a "ngatimah " ka tih chuan akiai suk .
"Nimin a Sarahi ilo awmpui vang khan kan lawm khawp mai " a tih chuan "umm" ka ti tawp.
"Umm chauh maw ?" A ti zawi ruih a ,min melh pah ralh bawk.






"Keipawh le ..tih let kher i beisei ami ?" Ka tih chuan a nui leh huk tawh ! Hepa hi apangai zân pawn ka hrelo .





"Nichin ami kha in nu ami ?" Ka ti chhuak hlawl a , anui leh huk ! Ka insum thei nganglo ani .





"Ka nu anih kha ,Sarahi nu chu kan inah a awm ang " lu thing nghutin a ti tha ve leh mai bawk . "Fanu inei hmeltha khawp mai " ka sawi tur hrelo chuan ka ti ta ringawt .A hmeltha tak tak reng bawk.

"Fanu a ! Ka nau fanu anih kha " a tih chuan "eh! I fanu anilo maw? " Ka ti hû "Yep "






"Anihchuan fa ila neilo tihna nge ?" Ka ti zui zat a "umm nupui ka hmuzo lo a " kiai sukin a ti a , ka zak thar ta chem chem mai .
Ngawiteh nimin ah pawh khan 'apute ' tiin ako tak ! Ka va â tak em aw ! Engtin nge ka ngaihtuah loh theih ni ?






"Aw khalai ah khan kalo chhuk ang " tiin a rem lai ah chuan ka din tir a , "khawilai ah nge in awm ?" A tih chuan khilai lawk ah khian ,step ania Motor aluh tlang theihloh " ka ti a "khawilai ah tak ?" Min melh ngur chungin a ti leh kher .

"Ngatan nge itih ?" Ka ti ta tawp .





"I kum sawi kha i kum diktak anih chuan ka rawn rîm duh dawn che a " kiai suk chungin a ti a , " rîm ka ngailo ka lawm e " ka tih rualin a nui zui leh huk tawh .
"Duhawm lutuk" ti zawi sup in " in awmna lai tak i sawi hma chu ka chhuk tir lo ang che " a tih rualin engemaw ahmet a kaangkhar a rawn inkalh nghal khep .





"Heyy hetiang hian iti ngawt theilo aw " ka ti nghal chiam .






"Ka car ania , ka thei alawm " atih chuan ngei zetin ka melh nghek .





"Ok..tian ti ang in awmna lai i sawiduhloh chuan i nb min pe rawh chuan ka chhuahtir ang che " ti supin a ph min pe nghal zat .
'min rawn be mahse ka biak let kher angai chuanglo ' ti rilru a nb ka type mawlh mawlh lai chuan "nb diklo min pe emaw ka rawn biak che a min chhan duhloh chuan in veng YMA information center atang i hming puan tir in ka rawn zawng dawn che ania " thutak zet chuan a ti a "iti awmlo "





"Ka thusawi tihloh ka nei ngailo ,i duh chuan i fiah thei ang " ti supin a ph chu aban a car lock a hawng nghal khep .
Rang mangkhengin ka chhuak a, ka tlansawn nghal nal nal .
Engang mihring lakah nge maw ka inham buai tak ni a ! Aaaa ava ninawm mai mai tak .








In ka thlen chuan ka ph ka charge a ,rawng ka bawl nghal mawlh mawlh .Ka nu hian pangpar dawr anei a ,thim dawn ah te akhar chauh thin vangin a haw hmasa sa hian rawng kan bawl mai thin .Ka û hi ahaw hmasa ah atang deuh ziah a ,mahse vawin chu an bâng tlai deuh dawn ani maithei..ka pa erawh a rawn thim hawng ziah thung .







"Mal min thlen khalh elaw ? Vawin chu extra class ka pe lawk alawm le .." ka û in a rawn tih luh lâng lâng chuan rawng kalo bawl zo vek tawh .

"Chawhmeh siam tur ka hre vaklo a tiau antam hi ano lai vel kalo tauh tawp mai aw ,chawhmeh thing rin tur ala tam tho a " a thingpui intur thlit sak pah chuan ka ti a ,flask ah hian thingpui sen hâng kan ngainat tlâng vangin kan dah reng a ,kan indeuh reng zel.






"Pocket money tur ka pek ni che hi chuan i fel thei mawle " a tih fân ruih chuan "i chhe mai nih chu " ka lo ti hmanhmawh .A nula senior tan dawn tawh a ,ngai in la thlahlel viau mah ila pasal nei se ka duhpui tawh viau thung .

"Û pasal neih lam hi ila ngaihven lo ami "





"Umm tinge pasal te ka neih duh ang ,tunah chuan ka inchawm zo ve tawh a ka tleirawl lai zawng zawng lehkha zir nan ka hmang a nulat hrih a inlakthawven ve te ka la duh..Bakah pasal neih lam hi chu ka mumangah pawh kala mang chhin lo ..mi in a va mo kual vel kha ka peihlo " a tih chuan ka lo insiamchhe vak. Ka awihlo emai a ,ka nu leh pate a ngaihtuah vang bak a pasal la neilo bak anilo ang .
Unau hmeichhe pahnih chauh kan nia ,unaupa pakhat tal lo nei ve ila aw ..tih chang ka nei ngun mai .Keini chu pasal chhia atha te kan hmuh chuan kan lawilut mai anga kan nu leh pa te hi engtin nge an awm ve ang ? Makpa chhungkhung kan nei te anih ngawt loh chuan in hrang atang chuan a in enkawl theih tak tak dawn siloh .






"Nu i...nu i " ti a ka pa rawn au lawng lawng ri ka hriat rualin ka thaw hap a , "in tihlai kha tihzawm ru kalo buaipui ang " ka nu in tho thuai in pawn lam apan zui a ..Ka u paper ka check pui lah chuan min ti thinrim dawn takngial ,heti em em a english han thiamloh hlawm ! An tilui emaw tih tur khawpin an thiamlo !
Covid 19 tih hmangin essay an ziak a ,english an thiamloh chu sawiloh Coronavirus rawn chhuahna hmun takngial pawh an hrelo nia mawle!






"Û an va thiamlo hlawm em em ve ?" Ka ti ta tawl






"Umm an section hi an nawi deuh hlek a " alo ti ve tho ani pawh .Choka luhna lam atang ka pa te chu an lut aniang choka lamah an ri rak rak .






"Heiphei chu angaihna awmlo û khawvela mihring awm zawng zawng deuh thaw a thihtir ania , kha check dan pawh ka thiamlo e a " tih pahin ka paper check lai chu ka pe ta tawp .
Kan vannei a,zirna lamah kan tluang a a chhe berah first ah tal kan unau hian kan pass ziah . Lehkha thiam theilo thlawt leh rilru chaklo tak tak hi chu an awm tak meuh mai mahse atam zawk hi chuan kan tumlo ve bawk ni hian ka hre thin .







Ka mu tur chu ka ph ka check kual thuak thuak a , whatsapp a nb lawng atanga 'naupangte ' tih ringawt ka hmuh rual chuan ka ner nawk .Min rawn biak duh tak tak ka rinloh nen ..
Ka seen hun alo châng nge "i la mu lo a " tih a rawn lut leh nghal zat a , ka chhan mai loh vang chuan call a rawn lut zawm nghal !






"Aw " hello pawh ti lo in ka ti nghal hlar ..






"Naupangte i thinrim em ni ? " Nuih insum aw zet hian a rawn ti sup .
" Nge ihriat a ,ngati nge minlo biak ?" Ka ti let ha a "ka biak chu i duh vak na nge ?" Min ngaizam lutuk hi ka ngei tlat .
"I ninawm " ka ti hlak a ,nui ri sukin " i mood a fu vaklo niin alang , naktuk ah ka rawn be leh ang che muttui le naupangte " a tih chuan ka off hmak . Ka t(r)ih zawng tak ani ,a upat tawh hmel rapthlak mai sia .
Ka hmai phih in khumah ka lawn kai a , ka laptop atang Korean drama 'Marry my Husband' tih ka hmuhrual chuan enchhin chakna in min man leh tlat tawh . An la complete lo a chu ka insum theilo in ka open leh ta nge nge . Korean drama ka atchilh leh lutuk hi chuan minla nulat senior tir ang mawle.A changtupa te anga mipa sang tha leh pain nalh an bialnu te care bawksi ang ka hmuh hunah chuan ka chhuah miahlo ang .







Ka ngaihtuahna vang chuan ka nui hak a ,Mizoram ah hi chuan Korean film a achangtupa te ang hi chu an vâng dawn mai sia , sâng ve deuh vun nalh ve deuh ho lah hi kei ai ai hian an tawng no leh thin si ..Athen lah hian film ami angin hmeichhia keimah ang tiat lek an lo duhlo leh zel a ..Ft .5 leh inches 2 ka tling ve hrâm a ,hmeichhe te ti a sawi tur chu ka ni viaulo mahse mi hi an lo lian tawh hlawm em a kan lang te mai mai zel .







Nizungin min rawn chhun chuan ka meng chhuak riai riai a , nizan ka thil en lai ka muthluksan a ka room parda kalo zarphui lo bawk nen ka duh aiin ka harh hma .
Tho mai lo chuan ka ph kan check te te a ,Paliana hnen atang msg alo awm leh va tawh ' tûkchhuah nuam le ' tih te hi dar nga pelh ah a rawn thawn a ,atho hma awm hle mai !
'Good Morning ' tih aiin ' tûkchhuah nuam le ' tih chu a sawitum inang reng mahse mawi ka ti zawk tlat pek nia !
















# Tih thleng hi ni hrih se , nak zan atang kan ti sei dawn nia . Comment te athatdan azirin sei deuh deuh in kan ziak thin ang . Chuan Sunday zan ka awl tawh ang aw .In ngaihdan te inrawn ziak liam liam dawn nia .


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Show post links
Top

[Ngaia]

ZûNLēNG S2 * ch~2






"Naom vawin chu ER ah i duty dawn nia aw ..An indaihlo thin si a ,tleirawl veikual zung zung thei hi in tangkai zawk " Lab ka thlen rual chuan kan senior in alo ti leh var tawh.
Tumah an hming leh nihna ka hriatchian hma in ka hming in min ko fak fak thei hlawm mai a ! An tihthan vang nge ka hming hi chhinchhiah a awl zawk ni dawn ni ?
"Eh! I huphurh nghal ringawt ange ..ER ah chuan keini ang chuan thisen lak khawm vel bak kan ti ngailo .Emergency a test ngai ho i rawn la khawm zung zung anga ni mai .." ka huphurh hmel lutuk a ti deuh nge ni ? Ka huphurh reng bawk.A chhanchu ER ah chuan an buai thei lutuk a ,doctor ho te ngat phei chuan nurse leh intern dangte pawh an vîn hrep hrep zel.Bengalore hospital pakhat a kan thiannu Peanuts allergy nei kan hruai tum pawh khan Doctor pakhat chuan nurse a vin vak mai a ,chupawh Doctor thusawi alo hriat loh vang chauhin ...kan han ngei mai mai khawp a .








ER lam pan chuan ka pen thla hnak hnak a , ka lab coat hâk vang nge thenkhat chuan min en duh riau te hian ka hria !
Kawtah chuan police palian zet pakhat hian hmeichhe kut thi hniang mai hi alo dinpui a , "ka pu ava thi nasa ve ,tinge hetah in awm reng " ka ti nghal tawng .Hna sâng chelh an ni emaw ka rilru a alo lan tawh chuan tumah hi ka zah hman tawh thinlo ,ka tawngchhuak pawp zel .






"Doctor ini em ? A kut hi chilh a ngeih hmel " min melh chhuk rûn chuan a ti a , chu nula ka tiat pui vêl lek lah chuan " ka duhlo ka tih chu " a rawn ti let sak a ,nâ han ti hmel pawh apu miahlo!

"I lût lo anihchuan jail ah ka khung ngei ang che " ti thum chhal in chu nula chu a melh ngur a "ka hlau lo ve che emai " pakhat lahin alo ti duh lek chauh! A tiatpui biak ve hmiah hmiah mai niber hian ka hria !
Inrawlh buai duh lo in ka luhsan ta zawk .






"Nanghiiii"




"Naomi Lab intern "




"Umm Dr. Joseph ER incharge , bed no 10 na mi saw a BP leh HB a rang lama hriat ka duh ang aw " ti in a kalsawn zui leh nghal daih a , bed no 10 lam ka pan chuan patling kum naupang zawk zawk tawhlo hi alo mu bam mai . BP check na ka kenglo tih hriaiin counter ami chu ka va la ve tawp a ,a bp ka check chuan alo hniam viau mai .A thisen chu la in test tur a anlo lak khawmsa ho nen chuan Lab lam ka pan leh a .








Chau zetin sofa ah ka bawk thla hnawk a , ka mit ka chhing zui nghal .Vawin zet zawng ka vei hnem mawlh mawlh khawp ,ER leh Lab inkarah vawi sawm chuang ka vei hman nia mawle ! Intern ti lai pathum chauh tunah kan awm a chuvanga hah hrih viau kan ni maithei .

"Mal zanin kha min kalpui angaih kha aw "





"Naaa ka chau lutuk ka theilo ang " ka ti nghal vak .






"I insawiba laklawh tawh ,bakah mahni in ka kal ngam hleihnem hmeichhia mahni chauha chhuah chu ka duhlo".a ti vei nak nak a ,kei aiin alian zawk daih a ,kei ve tehlul hi eng nge maw min thlamuanpui viau ni !
"Vawin ah ka vei chau vek , ka sil thum mai " ka ti leh niah niah a , rûm mangkhenga min melh chuan ka thuchhuak a "ninawm kan kal khawp ang " ka ti deuh hluai .
An felicitation day a ahâk tur tuikual lamah daih athui tir a ,zanin a va lampui angai .Tlaiah te va kal ve mai se tha tur min hruaichhuah hi achâk et et zel a .







"Avawt si khalh muang rawh " ka au deuh lawng lawng ." Ka beng bulah rawn au rawn au suh " a rawn ti ve thung .

"Kawng azim si en fimkhur rawh "




"I mak e ka khalh ania ka duh dan dan in ka khalh ..awi lalpa" ti tuarin kawngsirah min tlânluh pui nghal .A ri rawp a , ka ngaihtuahna a fîm leh meuh chuan ka û alo tho tuah tuah tawh ...
"Mal ..awi Mate " tih pahin ka ke scooty ina a delh chu chawi mai atum a a chawi zo der lo !
"Ka tha zawi vek ,ana em ? I chal te kha athi nia ! Engtin nge kan tih dawn ?" Tiin a phi nghal chung ..








"Puih in ngai ..God! Naom" ti thum chhak ri ka hriat rual chuan chu aw lo chhuahna lam chu hawi ka tum a ,mahse ka hawi hleithei lo .
Ka chet zawng apiang chuan ka nâk chu alo na ve zawk zel bawk si .Ka taksa na kual vel lutuk chu tah ka châk et et a ,ka tap anih chuan ka taksa chet vangin ana zual dawn tih ka hailo .
"Engthil.." tih pahin scooty chu zo zetin a la sawn a , min rawn thutchilh nghal thuai .Kan bul velah chuan mi an lo pung khawm sap sap tawh .

"Mate ...i tho thei ngem ?" Hlauhthawn hmel zetin ka û in a ti sap a , ani chu ana ve vaklo anih hmel .





"Duati khawilai nge na " min ngaihtuah hmel zetin Paliana'n a ti sup bawk . A mitmenga min ngaihtuahna lo lang chuan min ti zuau sawt a ,ka tah mai loh nan mittui tling pamin ka hmui ka pet fan fan .
"Mal.."

"Duati"






"Ka nâk hi ana lutuk " ti tiau a ka nâk hûp na ka kut dinglam ka lek chhuah va va chuan thisen alo kai tuar a , engemaw in ka nâk ah hian min ât ani .







"Ehe ! Thisen ava tam ve ?"






" Thil zumin a chhun che nge?"






Min hual vel tute chuan ka inhliam dan an in rin chhawk nghal char char .
Paliana chuan a scarf awrhlai phelh sawt sawt in ka nâk ah chuan a rawn nem bet a ,a ên lutuk loh avangin engtiang chiahin nge ka inhliam kan hre mai thei biklo ."Hmun dangah hliam inei em ?" Duat hmel zeta min melh chunga atih chuan "ka hrelo " ka ti thawp sap a , ka nâk chu nâ ka tih êm vangin ka thawk a sak talh tawh bawk .






Dim zetin min pawm tho a , min chawisawn a ka awmna lai an han chhun ên chuan rangva alo awm vâ mai .Hmanhmawh zetin amotor lamah min pawm phei a , dim zeta ahnunglam seat a min hlâng lût in ka û kawngkhar lehlam atang a rawn lût ve nghal zat .








Gideon pov.






ER ah Naomi chu pawm lût in helai ah ka mikhual hranloh vangin minlo buaipui nghal vat .
"Khai a Bro enge awmzia " ka dâra rawn ben thuk pah a Joseph a'n a tih chuan phun hlukin Naomi buaipui tur chuan ka ti bul hmuk .Hepa hian fiamthuna hun leh hmun a hrelo ani .

"Ehe nanghi Lab intern kha ini lawmni ?" tih pahin a kawr chu a hlîm zui a ,ka kut kalo hmer ngawt ngawt .Kan dinhmun in zir se chu hepa hian a kawr hmawr a deh pawh ka phal hauhlo ang le .






" A kak thui ve reuh anih hi , ruh tliak a awmloh hmel a hlauhawm a awm lo e mahse ana ve dawn anih hi " a ti zui mawlh mawlh a , kalo thaw hawk .
"Bro pawn lamah lo va awm ula " a tih chuan "aih.." Naom'in a rawn ti tiau a , ka thinzawn hi engtin emaw a rawn awm deuh dawtin ka hria! Mittui tling pam in min melh tawk tawk a kalsan aduhloh zia sawilo mahse ka hre chawpchilh nghal .






"Sef~a ka awmpui ange .." ka tih nghut chuan "ni rawh se " ti halh in nurse pakhat koh belhin Naomi hliam thui tur chuan a hrilh a , " Thiana serious tak ani lo bawk a ka khawih lo mai ang aw , nizan atang chawl lo in kala duty tlang pap a bakah thil thui lam hi chu hei nurse Zotei te hian an thiamin an hnehsawh zawk " atih chuan bu nghutin Naomi bulah ka thu thla zui dawt . A û emawni kha khawiah nge akal pên ka hrelo a ,Naomi ngaihsak lo a akalsawn daih chu ka lung nilo khawp .







"A na viau em ?" Ti supin a sam ahmai zar tu chu ka hui kiang a , " umm " ti sepin a insut feih feih reng .
A nâk kak an thui chhung zawng chuan ka kut nghet zetin a chelh a , a mittui a luangthla ngiai ngiai reng bawk . Ani ang tawrh atan chuan ana dawn lutuk ,ka kut a hmer nat deuh apiang chuan kalo tang ve zel a ,ka chhunglam ah hian kalo na ve veng veng thei hial mai !







"Awi khawnge ka fanu chu ?"

"Lalpa bawihte i tha em ? Nurse enge a an ?" Nu pakhat hian a rawn ti nghal mawlh mawlh .






"Ka pi anâk kak lo hi chu hliam dang a awm hranlo aw tlem chuan a sil awng ve deuh tho ang " nurse in atih chuan "Lalpa ka va lawm em " thawveng huai ang mai hian a phun chhuak sep a , a bulah chuan a û a accident pui ni ngei tur kha inthlahrun hmel zet hian alo ding vâng bawk .







Naomi chu rin ai takin a tuarchhel reuh a , han tah chhuah emaw a nei eihlo mahse a mittui tlingpam leh rawn luangchhuak leh ngiai ngiai danah atap chhuak châk viau in ka ring .
Tabby lêm a kut hmun hnih lek a chilh ngai a kak a tahpui hlawp hlawp a ! Mihring hi kan inang lo thin teh e .






"Tian doctor Josepha'n a damdawi tur aziak a ,in lei anga in hawpui nghal thei ang aw .Ni sawm hnu ah athuina hi aphelh theih ang " nurse in a tih chuan "Dressing lam te ?" Kalo ti nghut .
"Amah hian a ti thei mai ang " a tih chuan ka bu nghut .


A chhungte pawh zawt lemlo chuan thlah tumin ka pawm a , min hnial lemlo bawk ..







Ka car chu a û chuan alo hawng vat a , a chhungah thulut nghal in Naomi chu dimte in ka dah lut ve leh .Ahmalam ah anu nen kan chuang dawn anih hmel .






" Mama tunge i hming ni reng reng ? Ka fate ilo buaipui a lawmthu sawi ngaihna pawh ka hrelo "






" Gideon Ramngaihzuala " ka tih sup chuan " ka van lawm em aw " a ti sep a "Mate engtia han accident thei nge maw in nih le ? In fimkhur tawklo thin ani " hnunglam hawiin a tizui leh a , angaihtuah hmel viau .


" A thim bawk sia ,kawngchhe lai ka lo hmulo alawm inrahkhalh ka tum lai kha alo khuar lehzel nen kawrh ah kan tla a. Kei ka vannei a ka tlâkna lai kha hnim ania ,Naomi tlakna ah rangva alo awm a chuchuan a tai anih ka ring ."








An nufa chuan an in be leh zeuh thin a ,ka tlân na tur kawng min hrilh pah zel bawk a an in awmna ka hria tih erawh hrilh hriat kher ka tumlo .
Naomi chu angawi reng a , nachhawkna an pek khan a chhawk em ang chu maw






Naomi pov.



Ka zak lutuk chu tawng pawh ka tawng ve ngam tawhlo ..A tir kha chuan ka nâk anat em vangin ka zak hmanlo law law a ,tunah chuan nachhawkna ten min chhawk ve deuh tawh nen ka zak thar ngang mai . Paliana mithmuh khera kan accident te chuan ka thin a ti rim .Mahse duat deuh a min sawngbawl erawh nuam ka ti ru viau tho si .
Diktak chuan ka nâk an thuilai a ka bula a awmtlat te kha ka thlamuanpui tlat nia ! Hetiang feelings hi ka neih awm pawh kala hrelo ..Kum ruk dawn ka lo ngaihzawn ruk tawh lakah pawh tuna ka awmdan hian ka awm ngai chuanglo !








Kan inchhohna step zawnah motor ti ding in , motor atanga chhuak in ka thutna bul chu a rawn hawng a ,min pawm a tum leh ringawt tawh !
"Ka kal thei ang " kalo tih sep chuan " ka pawm thei che " ti supin ka hnial leh hmain dim te chuan min pawm chhuak a , keimah vangin a sil ve awrh dawn chiang , achhan chu ka zâng zawk zawk bik silo a .






Kan in kawng chhohna leh pênna lai ahre vek te chu mak ka ti viau a ,han zawhna hun a nilo mai pawh a ka nu te pawh hian arûk chuan mak an ti ve tho ang .
Ka nu'n min kal khalh in kawngkhar inkalh chu ahawng nghal rawk rawk a ,ka û in kan hnung a dal bawk .






" A room lamah inpawm lut law law mai rawh u aw " ka nu'n tiin ka room lam akawhhmuh a ,an tih ang ang chuan ka lo awm tawp ani ber .






Khumah dîm te a min nghat in "ala na em?" A ti zawi sup a ,kalu kalo thing nar nar .
Ka hriatsual loh chuan hmun nga velah chauh an chilh in ka hria ..Ka chal pilh pawh bandage an bel lûk bawk a, ka landan ah chuan ka nat hmel viau ang .






"Bawihte mamawh te inei em ? " Ka nu'n a tih chuan ka lu ka thing a , thingpui siam tumin a chhuak zui nghal .Paliana lah chuan min melh ngur a ,ka lak atang amit ala sawn lo reng reng !






"Mal..ka bâl vek a kan inthlak lawk anga chuan ka rawn inthlak pui ang che aw " ka û in tiin a Paliana chu a melh ru zawk a achhuak ve zui a , hepa nen hian kan inhre tha sa turah an ngai tih ka hai lo .






"Chuan " a tih sup chuan "enge " kalo ti sep .






"Engvanga zan zana chhuak nge in nih ?" Huh! Min dawp tihna em ni ?






"Chuchu engvangin nge ka hrilh ang che ?" Ka ti let ve sak . Min buaipui vangin ka lawm a ,mahse hetianga min zawt tur hian tumah anilo .

"Achhan maw ? Ka ngaihtuah vang che in , ka duh vang che in ,i na tuar lai ka hmuh a kalo nat ve vangin achhan dang hriat ila duh cheu em ?" Hnai chet chawta min melhin a rawn ti nghut nghut a , ka thu mu ti tih a ,hnai chet chawt a rawn kun hniam anih vangin a thaw lum ham ham pawh ka feel thei vek .







"Awm..awmsawn rawh " ka ti sep a , amitah en ngamlo in hmundang ka melh daih .







"Keihian ka duh che " a tih chuan ka melh kawk a "i â mi ?" Ka ti nghat a "min fiam suh " ka ti zui sap
"No..ka fiamthu miahlo , chuan min hnawl turin ka duhlo bawk che " teh ngawt a ! Tuman hetiang hian an in bem ngailo .Bakah min duh ve ngawt tur pawn min la hrechianglo lutuk .

"Hriat pawh min hriatchian loh kha " min awm hnaih em vang chuan ka ti zawi sep , mipa tumahin hetiang hian hmun leh hmun mai pawh nilo hetianga hnai ah hian min la bem lo hrim hrim .
"Ka duhzawng hre turin ni tam ka mamawh hleinem " kiai suk a tiin a ding mar vut a " min duh ve nghal turin ka ti lo che ,ngaihzawng inei lo tih ka hria a , chu chu ka tan atawk hrih viau .Min belhchian erawh tum ang che " A tih chuan ner nang hian ka melh a ,amah a inringtawk leh lutuk te hi ka ngei .Bakah ka mipa duhzawng anilo hrim hrim bawk .








" Gideon hei thingpui ka lo lum che a , chhang hmeh tur i duh em ?" Ka nu'n a rawn tih luh chuan ka thaw chhuak ham ham , ka lo tang ruk zia kha !
"Ka haw phawt ange , ka rawn kal leh hunah ka in zawk ang " tha deuhin ka nu bulah chuan a ti a , min melh a kiai leh suk in kan biak leh hma in a chhual nghal vut ! Ka nu in a um chhuak nghal thuai .






Zanin a kan awmdan tehnuaih chu mumang te pawh a ang zawk . Kan accident a , chutah mipa rei pawh kala hriat lohin min duh thu min hrilh leh a ! Lalpa ! Tuna ka landan bawrchhawr tur zia hi ! Ka rim te chu ! Thisen thâng rim ka nam huam huam !





"Ka rei em ? Eh! Gideona kha a haw tawh elaw ?" Ka û in a lu tuam mawlh mawlh in a rawn ti lût ..Alo inbual hman bik a ,keichu zanin ah chuan ka inbual theilo phawt anga ka va ning tak .
"Û minlo hru tal teh ..Engtin nge Paliana kha ihriat a ?" Ka ti zui zat .





"Paliana a!" A tih hû chuan "aw Gideona kha " ka lo ti hlar .






"I na der zawk nge iva la vîn thei ve ..Gideona te chu middle school kan kal lai in kan senior ani thin .School khatah kan lût ho thin lawm .A lar thei teh an lo khawsa thei bawk nen engtin nge in inhriat zawk ? Bakah û rawh i û daih anih kha " a ti leh rih
"Kan inhriatna ala reilo "





"Hmmm angaihtuah hmel viau che si " tih pahin ka thawmhnaw bawm ahai nghal . " Hak nuam leh awlsam deuh hi ha tawp hrih mai rawh .Zanin chu ka riahpui ang che nachhawkna in ala chhawk hrih che a nakin ah anat ka ring i nâk kha " apawilo viau ang .






Wipes in ka taksa chu dîm zet in min hruksak a , kawr pawh ka nu puihna in ka ha thei mai .Ka pa a zin lai tak alo ni bawk si nen kan nufa thum chuan kan riak khawm tawp dawn .Ka û in min ngaihtuah a , ka nu in kan unau chauha kan inbuaipui tur chu min ngaihtuah lehzel bawk nen ka khum ah kan nufa thumin kan inhnawh dawn anih hmel .Ka khum hi ft nga khum ania , kan tawt viau lo ang .
Ka nu in ka pa chanchin hrilh tumin a call a ,mahse amutawh aniang ala theilo a . Zing lamah hrilh mai kan tum zawk .






Kan rindan chiahin zanlai ah chuan ka nâk na vangin ka mu theilo a,nachhawkna ka ei tawp .Min chhawk har phian leh nghal .





















# aaaaa ka ziak thei thlawtlo , in chhiar zawng pawn inhriat ka ring . A mood a ka chenloh vang nge ka ngaihtuahna ka hmang thei miahlo ! Ka ziah zawm dawn nge ka cancel dawn tih te hial ka ngaihtuah mai .


Show post links
Top

[Ngaia]

*ZûNLêNG S2 * ch~3








Beisei aiin ka nuam chho hma a , Hospital ka kal theihloh vangin chawlh ka dil deuh tawp a Internship ti mah ni ila an strict em vangin chawlh dil phawt ka ngai ve tho . Tin lawmawm deuh maiin Dr.Josepha khan ka damloh min hriatpui thu kan Senior te bulah alo sawi a ,buaina nei miah lo in kar thum ngawt chawlh ka neih theih phah . Ka damfel hman viau in ka ring .






"Mate i pa in a lehkha pawimawh atheihnghilh leh pek tawh anih hi ka va pe lawk ang aw " hmanhmawh deuh hian ka nu'n a rawn ti a , "reilo la " ka tih chuan "ka reilo ang kan chhun eitur vel ka rawn lei haw nghal dawn nia " ti zung zung in a chhuak zui nghal vat .
Ka nu in min awmpui chawt a ,a dawr lamah nula pakhat aruai tho a dawr pawh kan khar phah chuanglo .Ka duhduh danin chesawn thei mah ila nute bulah chuan kanlo no ve deuh nge nge lo theilo .
Ka pa lah mithi tur buaipui tak hian min buaipui ka ti mai! Ka ei duh zawng tur awm ang a rawn lei haw ziah a ,tin a zin rawn haw tang rui chhe takin ala rawn haw leh miahlo ! Ka nu pawh tunhma aiin ahlim sawt te hian ka hria ..






"Lo lut rawh " door bell ri ka hriat rual chuan ka ti vak a , ka nu khan min kalhkhum lo tih ka hre chiah .






"Nangmaw !?" A hmel ka hmuh rual in ka ti hap





"Minlo beisei vak lo animaw " a ti sup a , a kiai zui suk bawk .
"Enge ilo tih dawn a" ka ti hâ ..Min duh thu min hrilh a , ni li dawn a reh leh vang vang a .Min fiamkual mai mai tur ah kalo ngai hman tawh .
"Ka bialnu tur ka lo kan dawn che " tih pah chuan thuthleng ah athu thla dawt a , a mitmeng chu achauh hmel ngang mai ! A hmai hmul vel a ziat failo bawk nen alang bawrchhawr deuh chhup a ,mahse pâ ka ti tlat nia mawle! Keihi enge maw ka ngaihtuah ni ?






"Kan ka ngailo ka lawm e " ka tih chuan anui nghawr dawt a ,a hmai atuai zui nghal puat . "Sorry ka zin intlawh hmasa lo in ka rawn kawi a " a inchei dan kalo melh deuh tih a hriat rual chuan a ti sup a , khawiah chuan zin nimaw .






" Thatlam ipan anih hmel " min melh vung vung chuan a ti leh sup . " Umm ka tha tawh lutuk " ka lo ti thuai .





A hmel dul lutuk chu ka khawngaih ru riau a , amah pawh a inthup buai peihlo aniang sofa nghenchhan chu a ngheng dawt a , amit achhing zui vang vang .
Ngawirengin ka thlir reng a , mahni in tunah hian ka awm a mipa hriat pawh kala hriatchian loh a rawn lut a mahse ka hlau miahlo! Mkdang chu nise kei ka duh duh dana kala che tha theilo nen ka hlau hrim hrim ang .





Minute nga dawn hnuah pawh ala rawn men loh avang chuan amuhil anih ring in alamah ka tawlh hnai sat sat a , ka chet zawnga ka nâk rawn na leh zawk thin erawh ka nerkhum leh sawk zel .A thutna sofa ah chuan ka insawn a , ka belchiang châk tlat chu keipawhin mak ka inti !
Dâk deuh titih anih vang chuan ahrawk bawk chu alang chiang ngang mai..A hnar ngul mawi bik lutuk te , a mithmul buk leh sei bik lutuk te chu hmuhnawm ti zetin ka thlir a ,ka hmai ah rawn insawn thei se ka ti ru viau .
Kamiz dum leh smartpants dum a inbel a , amah ati lang lian lehzual .







"Ka hmuhnawm em ?" Meng hauhlo a a rawn tih dut chuan ka phu deuh zuk a , ka thu hla nghal sawt sawt . "Ka en ..ka en bawklo che "
"Takzet! Hnai set sawt a min en tu an awm emaw ka ti a " ti zawi ruih in a rawn meng a , ka awmdan lo lai lutuk min hmuh chuan a nui zui suk bawk .
"I muthilh leh muthilh loh ka en mai mai che nih kha , bakah i chauh te chuan inah haw la mu ta che " ka ti hlar .Min man chiang leh lutuk a ka che a buai vek .





" Ka chauhna chhan hi ka ngaih vâng che anih ka ring a ka rawn kal hmasa " a tih chuan awihlo lutukin ka nui hak " i daw e ..Ni li dawn ireh a min fiamkual mai mai tum suh " ka ti halh . Engvang chuan nge maw a reh thu te chu ka sawi le ?
"Nang hian min ngaihtuah ve , a dik em " rawn thut that pah chuan a ti sup .
"Teuhlo "




"No..min ngaihtuah , i inpawmduhlo mai ani " min thuthnaih sawt pah a atih chuan " min hnaih suh" thuthlat ve sawt pah chuan ka ti ve sap .Ka hnaih a a awm hian ka thaw a ti ipik vek zel ! A mi uap na lutuk te hi ka ngaina lo .
" Ih..khatin awm lo teh " a awma nam pah chuan ka ti zawi sep a , akil chet ah ka thu a , kan inkar ah chuan midang leng ve lo tur khawpin min hnaih tawh ! "Engtin maw ka awm ?" Ka mita min melh ngur chung chuan a arawn awn hnai telh telh tho !




"Hei...hetihian awm suh ..khawmaw ka sawitur ka ngaihtuah theilo " ka ti bah nuaih tawh . A kiai suk a "min duh thu engtik ah nge min hrilh ang ?" Awi ! Ava han zaklo tak !
" I zaklo e a "





"Zak rual ka ni tawh hleinem Duati , ka duhzawng ka hlah ngailo bawk .Ka nawrlui lo ang che ka ti a mahse ka thuthlukna ka thlak leh .." a tih chuan hrethiamlo zetin kalo melh ha " nanghi ka chhuah zalen tawh dawnlo che " a tih chuan rapthlak ti zet hian ka melh a , ahmel ah atihtak zia alang vek bawk si .
" Zalenna i pek a ipekloh theih pawh ka ni bawklo . Ka duhzawng ini lo bawk ,i palian bawk si " ka tih chuan â min tih hmel zet hian min nuih sawng .

"Duhawmnu " tih pahin ka chal ah a rawn tauh dawt a , "Hunrei tak lo hre tawh che ang mai hian ka ngai che" hnai set sawt a min melh chung chuan ati sup a , ka chil ka lem dawk ringawt .






"Khawngaihin tawlhsawn teh ..Ihmaw ..ka hnungzâng ana vek tawh " ka tih tak ah chuan awmsawn nghal thuai a , mahse min la thuthnaih viau tho .Kan awmdan kha a remlo lutuk a ka kawng akham hman vek .






"Ka nu alo haw tep ang haw tawh rawh " ka tih chuan hrelo ang hmakin hmalam a melh ngur .
"Ka ti tak tak ania ,nula leh tlangval lo awmdun kha athalo ,ka nu in angaikawi palh ang " ka tih leh chuan anui huk a , â min tih hmel zet hian nui sawng chungin mi rawn melh
"Enge ani reng alawm .." kalo ti hlar .





" Engmaw angaihkawih ang ?" Nghal zet chuan a rawn ti kher .
"Ininawm i hre reng " ka ti hlar a "aih ka hrelo Duati ..engmaw angaihkawih ang "atih leh ngat chuan rum zet hian kalo melh a "ok..ok anih ka haw ang . Zânah damlo kan tur nilo in rawn rîm tur che in ka rawn kal dawn nia " a tih chuan hlauhna in minrawn tuam leh tawh !
"Angailo ..rîm ka duhlo " ti nghal chung chung in "englo ..ka mu hma duh dawn a " ka inthlahrung leh si chuan ka ti leh hnuhnawh a , nula ve pui tawh rîm duhlo nih chu ka duh biklo .Mahse ka chhuanlam siam chu a awih aniang abu ve nghut nghut tho .






"Anih ka rawn biakna che chhang thin ang che " a tih chuan ' a rawn lên fo ai chuan atha zawk ' ti rilru in ka lu kalo bu nghauh nghauh .Ka chhip ah tuai zeuhin a tho a , "min thlah lo mai rawh hahdam la , fimkhur ang che "ti supin a chhuak zui a , a awmlo ta chu ka ruak huai in ka hria !
A mi uap ana lutuk a Zirtirtu vilna hnuaia thu reng ang mai ka ni .






Zanah chuan arawn call ta tak tak a , ka beisei lawk tho anih vangin room ah ka chho hma kha ania .
A reh daih chhan a sawi danah an thing lei tur vel ah buaina an tawk a , chingfel tura azin laiin a nu thiantha tak pa a boral a atlang ve leh nghal ani awm e .A chauh hmel lutuk te kha a abuai leh hah em vang ani ngei ang .Biak pawh min be reilo in a mu hma ta reng a .
Ka mipa duhzawng ani miahlo chungin ka ring nghal em em ringawt. A mi uap ana viau chungin abula awm nuam ka ti tho a , innghahna tlâk hliah hliah tur khawpin amah anghet bawk .






Kan inbe chho ta zeuh zeuh a ,kan inah pawh zan hnih chu a rawn lêng leh tawh .Thian angin ka kawm ka ti mai ,ka duh duh abulah chuan ka sawi pawp pawp zel .
Ka nu leh pa te akawm thiamin ahriatna azau em em a ,ka pa ngainat zawng tak tennis lam pawh alo hre fû .Ka chhungte lah chuan ka ngaihzawng chei in an chei nghal ngawt a , chutiang kan ni dêr silo .Ngaihzawng ang tur chuan kala en thei chuanglo ,ka mipa duhzawng te nen an landan leh mizia ah pawh an inanglo em em a ,ka rilru ah ka tleirawl lai atanga ka star tawh in hmun ala chang lian zawk fe bawk .







"Mate ..la chawl hrih mai la " ka pa chuan a ti sup a , vawin hi ka duty tan leh hun ni ania. Ka taksa pawh adam fel vek tawh ,athuina pawh kan phelh tawh bawk ." Pa ka dam tawh em hi ,intern ka zawh chuan hna te ka dil ve duh dawn a , ka chawlh reng chuan experience ka neihloh phah dawn a bakah apawimawh ber keimah ka dam tawh alawm "
Inlama awm pawh ka hne ve tawh hrim hrim , ka nu in ka ziaawm deuh tawh a dawr lamah min kalsan daih zel bawk si .

"Itih tlat chuan le , va fimkhur la aw ..indîm bawk la thei tharlam rawn hawn tur che ka rawn zawng ang " tiin ka pa pawh hna kal turin a chhuak zui a , a thianpa in arawn ph tawh ani ngei ang . Pa Vena ka pa thianpa hian a rawn lam phei thin a , ahma chuan ka pa zawk hian aphur char char thin zawk a mahse hetia zû te a inchhoh tâk ah chuan chetsual palh te alo hlauhawm nen a car chu ka nun a hralh a .Ka pa pawhin atan a tha tur ani tih hria in a ui bik chuanglo .
Ka nu that ve na chu ka pa in engtikni ah emaw ala lei leh duh ang tiin a car hralhna pawisa chu hmangthen lo in a dahtha tlat a , ka pa a ziaawm chhoh chuan alei ve leh mai tur ah ka ngai .









Inbual hmasa te te in ka insiam a , vawin chu tlai deuh mah ila min hrethiam tho ang tih rilru pu chungin ka hmanhmawh lo khawp mai .
Body lotion ka inchulh mawlh mawlh laia ka ph alo rik chuan ka ban vat a *Paliana* tih hi alo lang kulh .
"Aw" hello pawh ti hmasa lo in ka ti nghal thawr .





"In kawmthlang ah ka awm ,ka thlah ang che " tih te sawi in ka chhan ve hma in a dah daih! Hepa hi ka hrethiamlo ? Achangin nelawm thei ang ber in a awm a , achang leh biak huphurhawm ngawih ngawih tur ang mizia a pu leh a !








Kawngkhar ka kalh fel a , chahbi chu kan dah thin na ah dahin hmanhmawh lo fe chuan kawmthlang lam ka pan .
"Eh! I ti tak tak elaw ?" Ka thlen thlak rual chuan ka ti heu .T shirt dum leh smarpants vutbuak rawng ang deuh ha in tunlai motor chhuak thar nalh ka tih em em 'THAR' ngei nghengin alo ding rûn .

"Achang hi chuan iti lui ni hian ka hre thin " a tih nghut chuan "engchu" kalo ti vat .






"Lo lut phawt teh " ti halh in ka thutna tur lam chu a hawng a , ka thulut ve mai .
Ngaihzawng ang turin ka en thei miahlo a , mahse thian ah tal inchhuah ila nimai lawm .
Driver seat lama rawn thu lut ve nghal in a tlanchhuak zui a , vawin chu biak ahuphurhawm leh pek tawh e .


"U Palian i buai lo em ni ?"





"Buai e " a tih chuan ka thaw hap a "i buai chuan min hruai kher angai hleinem , bus te pawn ka kal thei a bakah engtin nge vawin atang ka kal tan leh tawh dawn tih i hriat theih a ?" Ka ti leh duah a , "ka hre ve tawp " ti a min chhan chuan ka zawt buai peih tawhlo .Ka nu emaw ka û in anlo hrilh lehpek tawh aniang .





"U Palian lo ngaihaw lo la maw , thian angin inkawm zawk ang ..hei nangma tan pawh anuam zawk ang " ka ti ta tawp , ka khawngaih lo thei bik bawk silo ka ning . "Duhlo ta ila " kiai suk a atih chuan ka chil ka lem dawk a " ka duh thei tak tak silo che a , ka khawngaih che lawm .Ka mipa duhzawng ini nganglo ani " hmalam melh ngawr ngawr in ka sawi . Ahmel ka en ngam tawh hrih lo hrim hrim .Tlang taka mi ka hnawl hmasakna ber ani.

"Chuan " a reh vang vang hnu ah a rawn ti nghut .







"Chuan.......thian anga inkawm chu i duh zawk ve mi " ama lam hawi chuan ka ti vut a " Nope ..Duhlo mai ang " ava han chhe tak .Hmalam hawi hmakin ka inkuangkuah than a , " i ngaiawm ve ngawt mai ..a chang hi chuan..." Ka ti a ka ngawi vang vang a "achang hi chuan ka nun ti buai tur hrim hrim a Pathian rawn tirh inih ka ring thin " ka ti chu a rawn nui chhuak hawk a , Motor chhung chu akhawk thei hial dawn lawm le !

"Sorry...Mi chu an kum an thansan a ,nangchu i kum in a upat san che ani dawn hi" la nui reng chung chuan a ti sup a , anuih ala zat hmel viau . Ka khawngaihna kha abo leh vek tawh ,ka hnawl avanga hrehawm ti hmel apu tur ka en ngamlo a ,alo khi thaw thei reng sia !







"Dr .Jospeha ka bia a , vawin chu ahahdam theihna ber hmunah a duty tir ang che " motor atanga ka chhuak tur chiah chu a rawn ti sup a , chhang duhlo in ka chhuak a na zetin kawngkhar ka khar khum .A phunhluk ri ka hriat rual chuan ka khi ver ver mai , film leh thawnthu ah pawh an motor kawngkhar khar nat hi an haw tlângpui a alo thawk tak tak anih dawn hi a .







Lab lam pan pah chuan ka whatsapp ka check a , class group ah reunion neih anlo rawt leh sup sup tawh .Mi te chuan kum khatah vawikhat emaw kum hnih thum danah te an nei a keini batch ho ve chu thlatin neih an rawt ! Kan hahthlak tlâng thin ania .
Karleh lama reunion neih leh an rawtna chu ka ner khum nang nang .Nikum lama an reunion neihna ah pawh ka kal peihlo kha nia , mahse tuntum chu ka kalve châk viau ani .







"Naom vawin chu U Chhuangi bulah i duty ang aw " Lab ka luh rualin kan senior in ka duty na hmun tur minlo hrilh nghal ! Paliana kha'n a lo be tak tak emawni dawn ni .
U Chhuangi thutna lam pan chuan ka chho a ,ani hi HIV test perform tu ber ani a ..Patient in an pan loh pawn patient thisen te an rawn pe mai zel ..A hna hi a risky in fimkhur angai nangin ahahdam viau .






"Senior vawin chu ka rawn tawiawm dawn che a " nui lut ver ver in ka ti lut a , tûnhma atanga inhre sa kan ni a ka û ai in a upa hret a mahse an inkawm ngaih viau .Anau ang tak tak in min en ve a ,Civil a intern ka tih chhan pakhat pawh amah hian 'inzir zau nan pvt aiin atha' ti a min hrilh vang ani .

"Rawn lût mai mai teh a "




"an duhsak riau mai che nanghi " a tih chuan "teuhlo lutuk " tihpahin abulah thutthlak mai ka tum a "mask leh glove vuah nghal rawh " a ti nghal hlar .
"Ninawm e heihi lawm ka nin chhan " tih pahin a sawi ang chuan mask leh glove ka vuah nghal hna hna tho.





"Kan hnathawh hi a risky bik a, fimkhur loh vang liau liau in HIV lo kai ta la i thil tawn tur i hriatchian kha " a tih chuan ka bu nghut nghut .Ka û ang mai hian mi hi a zilh ve ziah ..





"Mami , zanin ah ka rilphir hi zai angai a ka thisen hi a rang lamin min test sak thei angem ? Test ngai dang chu pvt in kan tihtir a ,HIV test hi chu nghah chhung a rei lo ang an tia hetah hian ti turin min rawn tir chho a " nupakhat la valai ve tak mai hian a rawn ti a , ka tihtur ka hailo.

Syringe leh tourniquet la in a thisen chu a draw sak a , "ka pi pawn ah sawn lo nghak ula kan zawh veleh kan rawn ko ang cheu " U Chhuangi'n alo ti ve bawk .






Titi malh malh in kan tetlai deuha an leng tur ka ngen thin chungchang te kan sawi a, kan thil khawih lai kan thulh phah chuanglo .
"I tetlai kha chuan i nghal ve thei khawp mai ,i û tshirt croptop atana ilo tan tum kha ila hria em ? I û kha atap nasa asin " a tih chuan kan nui vak vak .
Ka tetlai hian ka û hi ka ngaisang thei lutuk a ,aneih ang apiang kha neih ve zel kha ka duh thin .Tum khat phei chu crop top kha a rawn lar ve deuh a ,ka û kawr leithar kalo tan san hmiah a ka nu'n nilengin min hrem nan chhuat min nawh tir phah .Khami ni a kan chhuat fai zia kha aw !! Ka bân te kha a rawl vek thei ,ka ngaihtuah let hian ka ban rawl dan kha kala feel thei hial mai .






"I tetlai harh leh chimawm kha a reh deuh tawhin ka hria .."





"U chhuang en teh " ti sepin kan thil khawih lai chu ka hmuh a "ava pawi ve aw " ati ve vawng vawng mai .






"Va ko lut la " a tih chuan hreh zetin ka tho a ,kawngkhar atang chuan nichin lawka nutling lo lut leh an pa niawm tak lo thu chu ka hmu nghal mai ."ka pi lo lut lawk " ka ti chungin an pa pawh a rawn lut ve tho .






"Enge ni ta ? Result achhuak leh tawh animaw ? Ava chhuak hma leh si ve " a rawn ti lut a ,apasal niawm tak chuan a rawn zui lut ve bawk.






"Ka pi vanduaithlak takin i thisen test result hi apositive a .." U Chhuangi pawh chuan hrehawm a ti tih ka hailo ..




"Enga ..!? Enge awmzia ? HIV ka vei amaw?" Chu nutling chuan a ti bah nak . "Ka pi.." U chhuangi'n a ti hman tawk tih ah "intisual anilo maw " a ti zuai raih.
"Ka pi kan tihsual ka ringlo ,mahse test nawn leh iduh chuan kan test nawn leh dawn nia " damthlupin chu nu chu a chhang zel ..






"Engtin nge anih theih? Engtin nge ka kai theih a ? Pa a nanghian min rinawm loh san em ni ? Ka uire san silo che a " ti ngawih ngawihin an pa chu a melh tlawk tlawk a, amittui a rawn baw nghal zawih zawih bawk " inah kan sawitha dawn nia " an pa'n alo tih chuan " ka duhlo..nanghian min rinawm loh san ani tiraw ? Tinge hetiang hian itih " lei ah thu thla hnawkin a in sut ri nghal hlawp hlawp.
U chhuangi nen chuan an nupa chu lainat zetin kanlo en tawp a ,an pa thiamloh chu anih hmel si ...
An pa thiamloh anih a a uire vanga HIV hrik kai alo nih tak tak phei chuan alainatawm leh zual .Mahni thiamloh vang pawh nilo a hetiang case vanga kai hi an awm nawk in ka ring .






"U chhuang ...i hna thawh hi aaaa ...ka sawithiamlo ka thawh hreh pawl tak ani .Phlebotomist (Thisen la tu) nih a tlân kual reng pawh pawi ka tilo zawk daih mai " ka ti chuai raih .
"Umm khatiang case kha a rawn awm leh thin . Achang chuan kan mittui lo hruk ve mawlh mawlh chang te pawh kan nei alawm . Ila tawng tlem mai pawh a ,naupang pawisawilo thisen kan han test a ,an nu leh pa atanga kaichhawng te kan test fuh phei chuan an hmakhua tur te kan thlir lo thei lo a ..achang chuan ka hna hi keipawn harsa ka ti thin " a ni pawn ati ve mawlh mawlh .






Addict emaw , sex lama tlân nasa te'n HIV hrik an kai chuan hriatthiam dan ala awm deuh a ka khawngaih lo chu ka ti miahlo mahse ruihhlo leh sex a fihlim ,mahni thiamloh vang ni miahlo kai tan chuan ana dawn lutuk hian ka hre thin .Damchhunga natna tihdam theih loh han pai kumkhua mai chu ...A tuartu lo tan chuan an tawrhna kan hriatthiam pui tak tak in ka ring lo .Ram achangkang a ,thian ang pawn kawm bawrh bawrh tawh mah ila mahni ah inthlahrunna a awm lo thei dawnlo a , chutiang a damchhung tawite hman ral chu kei chuan ka thei in ka ring lo .






Haw lam chu Bus in ka haw a , atawt in ahrehawm ngar ngar khawp mai .Vawin a ka thil tawn te nen ka nguai ruih mai .Chuta karah rim na deuh deuh ka va hmuhsitna nilo se , chawhmeh rim te ,perfume rim na lutuk te nen ka luak achhuak hlui bawk .Paliana khan min rawn lam se ka ti rilru hial mawle ! ' Naom â â suh' ti rilru in ka inthing nawk a , ka bul chiaha ding vaipa hian mak tih hmel deuhin minlo en ..Ka khuh der ta vel ringawt .








Gideon Pov.





"Bro Naomi nen chuan eng level nge in thlen tawh a " Josepha'n khi sung a atih chuan ka phun hluk . "sawi ve mai mai teh a ,chhelo ka tih rûk deuh ah i mit a fu chat mai sia ka thlir zui ngamlo "




"Joseph haw rawh " ka ti nghut .






"Naomi bulah lem i zaidam nen i thian neih chhun te bulah sakei baknei ang maiin i rûm a " Ning zetin ka khawihlai ka khawihzawm hmak .






"Tumaw Gideona thinlai chu "





"E Sawmkim hlawl a che , hei kan thiana hian nula tharlam a hêl ve deuh mawle " nui ruh ruh in Josepha'n alo ti a "khai a ! Sangsangi a rawn haw hnai ani lawm ni ? A hnawtbo leh vat tho ang "
"Sawmkim" kalo ti nghut.





"Aho e tilai a awm te hi chuan Sangsangi'n a atchilh zia che kan hre vek alawm .A ig story ah a rawn haw tep tawh thu a sawi kha " ka thaw halh ringawt .
"Tak taka thiana tun ami chu eng ang maw ? Nangang mi khirh , mawza inkhinglo bun vanga km 12 ahla a tlân let leh duh mit la tu chu hmuh ve ava chakawm ve "






"Haw teh u " ka ti ta nghut .Anni pahnih nghal dan em em hi chu Naomi thurualpui te niawm an ni .Chintawk an neilo !





"Kan Hospital a intern ti lai mawle , a te na vang vang a ahmeltha nia aw "





Ka tho tharh a ka chhuahsan ta ringawt .Ka office ah pawh thlamuangin min awmtir theilo .Gosh! Ka sana ka bih chu alo tlai leh ruih tawh ..Naomi lam hman ka tum asin le..Ka hna buaipui teh hrep vanga ka tlai chu .






"Sir"




"Ka haw dawn a ka rawn let tawh lo ang ,dawr chu ahun ngaiah ilo khar mai dawn nia " kan manager bulah chuan ti nghutin ka kal zui a "sir i thiante saw " ti a a rawn au chuan " an duh hun hun ah haw mai rawh se " ti liam puat in garage lam ka pan nghal nal nal .







Naomi ah hian enge ka hmuh pawh ka inhre bik lo ! Ani telin alamah min hip hnai telh telh ni ber hian ka hria ! Heti khawpa min hnawl chung pawhin beidawn ka tum derlo thung a , hmeichhia ka umzui tak pawh ka la hrelo,ka nin khawpa min zar buai tu pawh an kat nuk bawk .Chutichung hmeichhe pumraw te ve tak , min hnawl mawlh mawlh tu kala umzui chu nia !







"Bawiha i rawn haw hma thei maw ? Han intifai la thingpui kalo siam ang che " inchhung ka luh rualin ka nu aw nem diai in minlo chhawn nghal vat .Ka pa'n atih fo thin danin ka nu bul cheta thu chungin TV alo en leh tawh bawk .
"I nu hi mo rawn hawn la chuan parthi nen alo hmuak duh mai ang che a " nui ruh ruh in ka pan a tih chuan "ka la veh mek " ti a nui sukin ka room lam panin ka chho a .
























# ka duh anga ka ziah theihloh vang leh ka mit a chakloh deuh vangin kar hmasa ka rawn dah theilo a ,ka inthlahrung khawp mai .Comment pawh ka chhiar ngam hrihlo ..Minlo chhiar sak thin vangin ka lawm lutuk ringawt .


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Show post links
Top

[Ngaia]

*ZûNLêNG S 2 * ch~4






Naomi pov.




"Naom ....Naom kawngkhar hi rawn hawng teh " ti a ka û in ka room kaqngkhar a rawn chum dawt dawt chuan rum zetin kawngkhar kan melh ringawt a ,a sawtlo teh e hawng turin ka tho leh hna hna tho .
"Rawn hawn vat tur che lawm " zawk za mah hian a ! "Mut hun anih tawh hi tinge khatia i rawn chum dawt dawt " ka ti nang nang a , inchungah ka û nen chauh mu mah ni ila ka haw ve hrim hrim . "Ka kohna che hria ni la ka rawn chûm dawt dawt lo ang ,khawmaw lo thu teh " tih pahin khumah min pawt thu nawk "anâh ..û ka nâk hi ala dam fel lo nia aw " ka ti leh hlar tawh ..Tu hi nge maw ka chhun a ka thinchhiat em em ni ?






"Sorry ...Mal tunlai ka pa awmdan hi i chîk ve em ?" Hmmm chu chu maw min koh chhan ! Ava han ho tak ! "Ka damloh chhûngte zû a intlem ve lawk anih hi " ka ti mai a ,ka û chuan thîp fe a min melhin "khatin ka pa hi hnehsawh deuh deuh in ti ziah suh .Kei ai daihin a duat che a , keichu nghei a tum tawh in ka hria " a tih chuan ka awihlo khawp.
"Û zu rim ala nam ther ther reng zel hi ahma angin a in bur lo a animai " ka ti sep a ,ka û hi û zawk tih takah inchhungkhur ka nu leh pa thleng hian angaihtuah a , ka pa hi abeisei anga a awm leh siloh chuan amah bawk hi a rilru ana leh dawn . A rilru no zia ka hria a , kei angin a âng ve pung pung ngailo ..Ka pa pawhin a zah ru viau tih ka hria , keichu ka lan ang tawp hi ka nimai a ,tah atul chuan tu hma ah pawh ka tap nghal hrehlo mahse ka û ve thung chu tleirawl te anih atang tawh buaina neiin a rilru na mahse mi hmuh ah tap duhlo in room ah emaw bathroom ah te a inkhung a alo tap ru leh kerh kerh thin .






"Tûna a in dan hi chu maw , nghei tum chho nghei fel thei chiah lo ataksa in a tawrh theihloh chin a in ve leh zeuh hi a ang ka ti .Ka rawn luh na chhan tak chu vawkin tlai ah ka pa ke in alo haw a " a ti ta daih a .."tinge pa Vena'n a rawn thlah nange ?"



"Umm a rawn thleng kha achauh hmel lutuk a , ka nu bulah hian ka pa hi Motor leisak leh mai turin dilsak ila ..Kan pahnih a kan sawi chuan ka nu pawh in rem atih ka ring .Zingtin mi ruala kal rikngawt chu a upa ve tawh a , ka khawngaih tlat "
"Umm kan ti dawn nia , mahse nangmah pawhin ka nu bulah chuan sawi la ahnial awm silo che a ?"





"Nau thurualpui tur ka nei che a , pasal ineih hunah te chuan tiang hian thurualpui tur ka nei tawh dawnlo asin " tih pahin min kuah nghal hlûn . "Ininawm ti ve ziah suh" ti hlar mah ila min ngaihtuah leh lutuk te , unau hmeichhe pahnih chauh kan ni a ka nu leh pa te enkawl tu an awm loh hlauh vanga pasal chu sawiloh ngaihzawng takngial pawh anei ngamlo te hi ka khawngaih thin .
"I lian chak ê , ahma te kha chuan tap bui bui in min zui kual thin a .In class ah lah atahbelh ber pawl inia chhan i ngai ziah bawk a ,tunah chuan ilo nula ve ta reng a.Achâng chuan i naupan lai kha ka ngai thin .A hunlai khan ning thin viau che mah ila khatia mei ang maia zui kual rengtu nau kalo nei bik che te kha ka vannei e " zanin hi enge maw ahriat le ?






"Tinge zanin chu min hmangaih thar thut tihna mi ?" Anui nghal uarh uarh . "I va han â tak " tih paha chek tlak tlak in anui uarh uarh a "mu ang i bulah ka rawn riak dawn " tih pahin a mu a puan asin tha nghal sawt sawt " drama ka en dawn ania min tibuai hlek suh ang che " ti mah ila ka entui leh tak tak thei dawnlo tih hriain en ka tum talo law law .





Ka û chu reilo ah a muhil mai a ,a sawi kha ka ngaihtuah chiang a ka tetlai atang tawh ka nu leh pa te abik in ka pa hian ka duh apiang min tih tir a , Bsc ka zawh hnu a Lab Tech zir ka duh pawh in hniallo in min tihtir zel a , mahse keichuan a tur ve rêng ah kalo ngai tawp zel .Nu leh pa an nih na anga an tih tur ve reng ah kalo ngai tawp zel a , ngaihtuah let hian ka û te chuan M.A a zawm hma in a inhlawh hmasa te te a a pawisa ngatin a zir zawm a , ka tan chuan engkim kha alo awlsam vel vek ni ber hian ka hre ta . Retheihna hrelo chu ka nilo mahse nghei ka nei ngailo thung .
Ka û tui taka amuhil chu ka en a , ka khawngaih thar hnuhnawh .Ka nu in naupai a harsat vangin kum inthlau zetin min nei a , ka tetlai zawng zawnga ka banbuai lai pawhin min nin thu a sawi ngailo .Ka nu leh pa an buai châng deuh pawhin riltam in min dah ngailo a , ka nu leh pa te lakah avui ngai heklo ! Ka pa zû in chho pawh tawngkam vîn in vawi khat pawh abe ngai chuanglo ,kan pa anih na angin a zah reng zel .Kei ve thung chu rui deuh a alo haw chuan vîn tak tak in kalo be nghal tawp zel a , ka û ka lo tlukloh zia zanin hian ka hrechhuak .







"Mate vawin chu dawr lo nghâk mai teh a , i û lah tution pêk tur anei a , ipa nen hian tihtur kan lo nei bawk si " tûkthuan kan kil laia ka nu'n a tih chuan "enge in tih dawn ?" Ka ti vut .

"Huan kan en duh deuh mawle , mêlriat a kan huan saw sâm fai tîr ila thlai engemaw dah ve kan duh deuh .Nangni pawh nakin ah inla kal ve duh ang " a tih chuan ngen ve mai ka duh ,huan ka kal lohna chin pawh ka hre tawh lo . "Heii ngen te kha itum ve ngawt ange , ala hnim lutuk i kal ve na chi anilo " ka û in ka mitmeng atang ka tum alo hre leh vek tawh !





"Han samfai tîr pawh ila kan la kal vek dawn nia " ka pa'n nui chungin a rawn ti a , "anih kalo nghâk ang " ti vakin ka chaw ka bâr nghal tawn tawn ."titau leh ta " ka û'n alo tih zeuh chuan ka melh rum ngang mai.Ka chhungte chu an nui nghal hak hak hlawm a , min naupang chhe chaih hi an sim thei tak tak lo .






Ka nu dawr nghak tur chuan ka insiam a , phet kual chhen angai dawn lo bawk a tiin kawrfual ka ha a ,loafers ka bun tawp bawk.Ka sam sei uchuak lutuk chu ka ti kawi chiat a , ka sam hi ngeiawm tawk lekin akawi a thlah phei chuan amawilo .Tan ka tum lah hian ka ui hnuhnawh leh zel bawk si ,tan then chu angai ani ..






"U Muante vawin chu dawr kalo nghah pui dawn che " ti lang langin dawr chhungah ka lut a "Naom kan va inhmu khat ve , i dam maw ? " Alo ti leh var tawh .Mi biangbiak hi athiam ania , ani hi kum li dawn chu ka nu'n a chhawr tawh ,a fel viau aniang a chhawr rei tawh emai .Bân kha atum deuh ûk tawh a , mahse ka nu'n a hlawh a sân sak a a dang bet thei hram .Thingtlang lam mi ania , aizawl a inluah chawp a eizawng ani nen atan chuan aharsa ve deuh pawh ani maithei ani .






"Ka nu te kan huan lam en turin an kal daih sia , nghah pui tur che in min tia " abula thutthlak pah chuan ka ti siam siam a "nghah pui ka ngai hran hleinem " nui chunga atih chuan "ngai alawm ilo eiru palh ang " thutak hmel zet chuan kan ti a , ka fiamthu tih ahre nghal nge anui zui uarh uarh .
"Nang tak hi chu , in inchhunga thawm nei lian ber an ti che pawh hi amak hranlo " ti chungin anui nghal uarh uarh .







"Mawh D a lem chu aho emai atak hi ahlu zawk alawm "ti ri ka hriat chuan "lo lût rawh u enge in duh..." "Nang maw " ka ti nghal hû .
Paliana chu nula chhelo ve deuh nen anlo lut hlawl! Nula lah chuan abânah ala vuan zui !

"Naom " a ti ve sup a ,a rawn hruai nula lah chuan min en tawk zak zak ..





"Enge induh ?" Kan ngawih tak vung vung ah chuan U Muantei'n a rawn ti thuai .





"Pangpar lei duh lo ila kan rawn luh in ring emawni ?"
"Sangsang" ti nghutin a rawn hruai nu chu a melh a , kalo ner vak .Chunu lah chu ka drama en lai a misualnu a la ang em em zui ! A awmdan te chu inlak cute chawp tum ..Lalpa engemaw ka ngaihtuah ni a !





"Naom Boquet kan duh a , rawng englampang siamsa a awm mai thei em ?" Chhang lo in ka thutna ah ka thu thla hmak .
"Aw awm e , nimin a an order sa an rawn cancel leh a awm a in duh angem kan la ange " U Muantei chuan lo ti sawk sawk in a chhuah dawn pahin ka bânah min piai kher a ,ka ngaihsak duh derlo .






"D alem hi chu ahlu lo e " no fân raih hian ala ti , ka luak te pawh a ti chhuak e a. "Heihi nia " tih pahin pangpar chu U Muantei'n a pe a , " kanlo la nge " tih pahin a kekawr ipte a zen ruk ruk a , amit erawh keimah ah a fu ngar ngar thung .
"1200 aw "





"Card a swipe theih em ?" Amit chu keimah ah ala fu ngar ngar tho .




"Aw theih e , Naom lo buaipui lawk mai ka ph a ri " U Muantei chu ka va ngei tak ,ka pehhel ve hram hram a ..






"Khawi " tih pahin ka ding a card chu ka laksak a , "password " tih pahin Paliana chu ka melh zawk a ,minlo la melh reng vang chuan ka hawisawn leh rang teh e .






"A zo e , chuan maw ka pi pangpar lem hi ahlu zawk aw .A tak chu ni thum ni li velah apangpar azirin a vuai mai mak zel a , alem chu i tar kûn khup bih thleng pawhin a chhe mai mai dawnlo a ahlu fe zawk aw " Paliana card pek let pah chuan ka ti kher .
"Ka pi a ! Kei..keimah hi maw ?" Mak ti zeta a a tih no hnap chuan " sorry ka mit hi atha vaklo a , nula nge pitar inih ka hre hranglo lawm le " Paliana lo nui huk chu rum zetin ka melh a , ka melhrum vanga thi thei nise a thi daih tawh ang .





"Nangnu " meng bial pawp a min rawn melh chuan ka thutna ah ka thuthla leh hmak .An inzui chhuak ta hna hna a , an chhuak tur te chu chunu chu aper tan tan mai ,nuih ati za reuh ."ngati nge khatianga customer te ibiak a ? I hriat zawng te an ni em ni ?" U Muantei rawn let leh chuan a rawn ti na na .

"Amipa zawk kha ka hria " kalo ti sup a "engtin ,avan pâ em em a chhelo si ?" Nghal mawlh mawlh a ! "I hriatthiam dan tur chuan 'Damchhung reilo pa chatuan tawi' tih tawngkam lo chhuahna chhan kha amah kha ania"





"Naom ka hrethiam chuanglo enge i ex tihna maw ?" Ninawm !ka mood an ti chhe vek dawn ..Min duhthu min hrilh a , midang a rawn kalpui leh a ! Kalo duh lo kha alo tha daih zawk anih hi a "sawi teh " a tih leh chuan ning zetin "min bem a ,ka hnawl a kha a thinlung avâkkual anih kha "ka ti hlar

"Awi ka awihtheilo ..achhiatloh tehreng nen engtin nge i hnawl theih ? I va â tak amelh dan che te kha ! A duh hmel ngawih ngawih che e ...Ji hyuk-a nen te pawh an in ang deuh alawm " a tih hluai chuan " iti ve tho maw? Keipawn maw ang ka ti deuha a tir chuan mahse Ji hyuka chu apa ê..., awi korean mipa ang hi engtik ah nge ka tawn ve ang le ana...U Muante "







"Kha i tawng reng alawm " min benna chu ka tuai vut vut , abula awm hi chu a buaithlak .A thinrimin min beng a , a nuihzat lahin min beng bawk a ! "An in ang pawh ka ti leh tawhlo ..Ka mipa duhzawng chu maw keimah min duh a min care bur tur , hmeichhe dang chu Garbage bag anga hmu deuh tawp tur sâng tha leh amawi tawk lek a sek nise " ka duhthusam mipa kan han sawi dûn tak tak mai chu anla piang velo ang tih theih tur kan sawi chhuak tawp thei .







"Lo lut..pangpar i lei leh duh mi ?" Enge a rawn tih leh dawn le ? "A zuartunu hi alei tel theih em tih ka rawn zawt dawn che" kiai suk a atih chuan "theih mai mai loh " tih pahin ka thu tûm hmak.
"Ka bialnu tur chu atau em ni ?" Ka bula rawn ding hnai in a rawn kun hniam kher a " tihtur i neih loh chuan haw rawh i hmuh ang hian ka buai " ti hmak chungin ka thu tawp a engmah ka ti chuang miahlo .
"Dawr ka nghahpui ang che " tih pah chuan chair ala lawk a ka hnaih chetah a rawn thu !






"I va han hman tak tihtur inei ve thlawtlo ami ? "






"Nei e "





"Ti ta che "ka ti vak





"I duh ka ring lo a " hnai zeta min en chunga atih chuan ka meng phawk vak "h*ra ingaihtuahna ava hmul ve " ka ti vak a , ka tukhum ah dawmin ahmuiin ka hmui arawn kharchilh hmiah .Chet ngaihna ka hrelo ka thu mawl tawp."i aw te hi a ring tha ve sia kawng kal in an hria nge ?" Ti sup in akiai suk a "fawh nuam nu " a tih thawp sup chuan ka inthing nawk a ka hmui ka nuai nghal nawk nawk . "I va zaklo tak nge min fawh ve ngawt a ! Naaaa" ti vakin ka hmui chu ka rawmawl in ka hru leh nawk nawk .Ka chelai chu hmuhnawm ti zetin min lo thlir reng ringawt .







"Tikhan a fai tawh in i hria em ?" Nui suk a atih chuan "fai ang " ka ti hlar a , ka inrin hma a rawn che leh thutin min fawp nghal ngawng ngawng .Nemsawn tumin a awmah ka nem tang tang a ,ka tukhumah avuan bet bawk si nen ka talchhuak theilo thinrim chuan a hmuiah ka seh ta ngawt , a awmhrang rang teh e . "Takzet...Naom leh " ti hlukin a hmui chu akhawih a ,a thi ser ser thei ..


"Ching nawn tawh suh ang che " ti tha inti fe in hmaizangthal ha chuan ka melh .Awihlo zetin min melh a ,a hmui chu atuai leh thin ,a thip chu ati ve ngawt ang .







"Naom Chow satui leih ka rawn lei...eh inleng ilo nei ani maw "






"U muante ka riltam tawh lutuk khawi ei vat vat ang " ka bula thu ngaihsak duh miahlo chuan ka ban a , "ngaihsak duh suh ani hi chu abialnu nen khan an ei tawh " ti hmak in lunchbox chu ka hawng a ,ka bula thu alo nui hul hak .
"Naom " ti a U Muantei'n min kheuh leh zeuh thin na chu ka hrelo der tlat . Paliana lah chu haw atumlo nge kan thil ei chu min lo en tlawk tlawk ringawt .U Muantei chuan nuam a ti zânlo aniang thil pawh tlem a ei a akhung tha ta ringawt . Ngaihsak map lo in chow te chu ka hip ri hrawih hrawih a , atuiloh phah lo emai.





"Muante ..Naomi hi hruaichhuah ka duh a arem em?"





"Ah..aw vawin chu kan buailo khawp mai .Hna pawh a awm lo " U Muantei chu melhin min ka siai khum zak zak a ,a hrethiamlo nge kan buailoh thu in zu chhâng tlat a ! "Enge ani i zawh ? A inthlahrung anih kha kan buai lutuk ka chhuak hmanlo "




"Naom" ti nghut in a thaw halh a " a reilo ang " a tih tak tlat ah chuan ka rem ti ve ta hrâm .A luhlul zia ka hria a , min nghak lui ngar ngar dawn tho "rei hman ka nilo ania "ti in ka bag ka ban a , a kiai suk chu ka hmu reng .






"Vawin a i ling hlar chhan ka hria in ka hria " Motor chhung kan luh rual chuan a ti sup a " awihawmloh"
"Anih engvang maw khatia ilo ling hlar chhan kha "





"Ka mize pangai anih kha ..Bakah khawiah nge min hruai itum kal hla thei ka nilo .I bialnu pawh khân hmeichhe dang i phurh aphal ami ?" Lalpa! Ka sawizo hman tawh si ,ka kâ kal leh lutuk hi chu aw... "Bialnu...umm ithîk tiraw a dik em ?" A tih chuan "teuhlo rapthlak mangtara ..ani ang kha thîk duh ni ila ka dam tawh nang " ka ti deuh vak.
"Ka thiklo tak tak ania aw " a nuih tak ah chuan ka ti leh vak .Amah ka duh vang ah te alo ngai leh ringawt anga abuaithlak.






"Ok..ok..thîk suh ka cousin anih kha ..Chuan ngaihzawng ila nei ngailo a dik em ?" Engtin nge ahriat le ? " Ka hriat dân ah buai suh ,tumah ka zawt hranlo i chezia atang ka hrethei ." A tih chuan ka melh tawp ringawt .
"Chhungkaw chaw eikhawm naah ka hruai duh che a "






"Ngawt ache ..inchhung zinga mi pawh ka nilo .Ka duhlo ding rawh ka chhuk duh"





"Relax ..Duati kan chhungkua leh ka pûte chhungkua an ni mai "chupawh nise ka kal duh chuanglo .."ka duh chuanglo ,nge min hruai i tum ve ngawt a " ka ti hlar a ,ka rilru amangang takzet ..
" Ka duh na che hi i ringhlel em ?" Traffic jam a kan tan lai chuan thutak zetin a rawn ti nghut " amak hle mai ,nang anga duh hi kala neilo..nilo hmeichhe ûm hmasak ka la nei miahlo zawk .Ka hmeichhe duh ve hmasa berin min hnawl a " min bia pawh a ang lo , a nui hmel te kha abo tawh a .Tunah chuan hrehawm ti hmel apû ! "Naom ...ka duh ka neih theih nan nasa takin ka bei thin ka hlah ngailo bawk .Nang te reuh vang hian nizan zankhua in ka mu theilo ..ka neih theihloh che ka hlau a " kiai suk in min rawn melh a " U Gideon " kalo ti sep .





"Apawilo..inthiamlo suh .Min duh nganglo anih pawhin ka hrethiam " a tih chuan ka thaw halh ,engvanga khawngaih thar ta tlat nge maw ka nih le ? Vawin chawhma lah khân ka thîk ni e ka thîk tih inpawm duhlo mahila thîkna ani tih ka hailo .
"Thian ang tal pawn vawin tlai chu reilo te tal min telpui thei ngem ?" A tih chuan "reilo te tak tak aw " ka ti sep a , abu deuh nghut .






Enge ka rilru puthmang pawh hi ka hre tawhlo .Ka duh in ka inhre silo ,duhlo ka ni chiah bawk silo ..ka va han buaithlak tak .Rinsiama ka tleirawl tet ata ka star tawh nen ka tehkhin chhen a , Rinsiama bûk a rit zawk ten ka hre thin mahse U Gideona hian ka rilru a tibuai bawk si .Ngaihzawng pakhat tal lo nei tawh nita ang ila ka awmdan hi ka hrethiam tal angem .Rilru khingbai lutuk a awm hi ava hrehawm tak .






"Bawiha eeee heite tunge ni a ?" In lian leh mawi deuh ah kan lût a , nu hmeltha deuh ka hmuh hnu ang zet hian minlo chhawn. "Nu Naomi anih hi " aw ni tak ! Sarahi lo car atanga lo pawmchhuak tu kha ani tak e .

"I hmeltha reuh hle mai ..Zodinsangi ka nia Gideona nu hi" tuh paha akut a lo phar chhuah chuan ka chelh vat a " Nangpawh i hmeltha tawp" ka tih chuan anui nghal hak hak "ka lawm e lo kal ru kan nghak thup tawh cheu ania " a tuh chuan ka bangbo khawp .U Paliana ka melh vat a "sorry" ti supin ka tlanchhuah hlau niawm tak hian min kuah bet nghal thak ! Hepa hian dawt min hrilh nge ?

Sitting room kan luh chuan anlo thu deuh thap ! Inthlahrung deuhin thutna awlah chuan kan thu thla a ,ka bula mi lah chuan ka kut a thlah duh derlo !






"U Gideon i bialnu chu avan cute , nautelem a ang reuh " nui pat pat chung hian hmeichhe tleirawl te hian a rawn ti a "bawihte a zak anga sin " patling hmel fai veng hian alo khap vat .Ka zak lutuk chu lum ka ti vek tawh .
"Duati inthlahdul rawh " ka bengbul a a rawn tih thawp sup chuan 'ka theih i ring ami ' tuh khum nek ka châk takzet .





"Naom ka inhmelhriat tir hlawm ang che aw ..Ka bula thu hi Bawiha pa U Remruata ania , chuan abul leh chiah ami hi ka û Muanpuia .Ka nu leh pa ,U Ruatsaka ..." Tiin min hmelhriat tir hlawm a , melh pawh ka melh kual hlawm ngamlo .

"Nute naupang ho khi an riltam tawh ania.." inchung chhohna step atang chuan vawin a U Paliana rawn kalpui nu kha a rawn pen thla thauh thauh ..





"E Naom ani hi Sangsangi U Muanpuia fanu anih hi Sangsang i û thiannu " Nu Zodini chuan minlo inhmelhriat tir leh thlap a ,Sangsangi meng rang kual chu ka hmuh hmaih loh nasa ...A tawrhhlelhawm ve ngawt ang chu "aw ei tawh ang u ka ril atam " inthing ngher ngher pah chuan a ti kher a puitling ho lah chuan an lawm zawk emaw tih turin an nuihpui mai .

"Duati choka lamah kan phei dawn em ni ?" Kalo bu nghauh nghauh a uap lutuk a ka thlanin min ti huh zo mai dawn alawm le ..Kan thawhkan rual chuan Sangsangi chu ka en leh kher a , minlo melh rum ngang mai! Vawin a ka tawngkhum dân vang ringawt kha chu ani thei dawn em mawni? Tinge min huat hmel deuh a min melh le ?




















#S 1 chhiar tawh chuan in hria ang Muanpuia te nupa khan fa an nei theilo tih kha Sangsangi hi an falak ava nih duh mai hmel ve


Show post links
Top

[Ngaia]

*ZûNLêNG S2 * ch~ 5







"Ka thaw te hi chham dawn hialin ka hria ! Ka uap churh a ka tawt up up " ka ti deuh vak a , ani tak tak reng bawk a ,chhungte a nei bawn hlawm em ani . A putea te lah kan hriat ve phâk khawpa sumdawng hausa an lo nia , anu Doctor lâr lutuk alo ni bawk a ! Chutah apa pawh ka û te thianho in an star rawn luai luai alo la nizui !






"Hrehawm iti em ?" Min ngaihtuah hmel zet chuan a rawn ti ta nghut .







"Hrehawm min tuar tir huami'n min hruai ani lawm ni " ka tih sep chuan ka biangah a piai nawk a ,a nui ri zui suk " tunge maw i chhun ni " a ti zawi sup a chutah "kan chhungkua chu enge i hmuh dan ?" A ti leh sup a ,ka ngawi vang vang a " in rual a chuan in ropui in mi uap ana " akiai leh suk tawh .
"Ka pa te lam hi an rual hranlo a ,ka pu a boral tawh a ,ka nî te nupa in ka pi anla awmpui a ka pa te lamah chuan anni deuh chauh khi an ni tawh . " A tih chuan "umm anih chu " kalo ti ringawt .






An chhungkua ang hian kan rual ve lemlo a ,ka pa nu leh pa phei chu an boral ve ve tawh a ..Ka nu pa ka pu hi ala dam a ,ka pa hian û mipa pakhat anei a ka nu phei chu fa mal ala nizui ..han awmkhawm tham pawh hi kan awmve lo reng reng keini chu .Ahma chuan chhungkaw rual deuh nih te kha ka châk ru thei asin aw mahse tunah chuan atheih dawn chuanglo tih hre reng chungin ka châk buai peih tawhlo law law zawk a .






"D kan inah minlo hruai lawk teh ,thil pawimawh deuh tihtur ka nei a " ti a rawn au lawng lawngin Sangsangi kan lam panin a rawn phei a , min melh chhin eihlo nia mawle !
"Bawihi hi ka drop angai Patea ahman lo em ni ?" Pakhat in alo ti rum ul ! "Ka ti buai hreh alawm ,unau a awmkhawm akhât sia nuam anla ti rih emai .Nangpawh pâwnah min tawmbo san reng a , kan ngai ve che a " a ti no leh hnâp a , ka luak dawnin ka hria ,ava han tawngno hleihlui tak .






"Zu insiam la " Paliana'n a tih tak nghut ah chuan nui ver ver in a tlân lut leh a , kei ai in a naupang miah lo ang mahse achetdan vel chu naupang kum 10 mi vel chetdan nen thuhmun reng ani ."ka thlah nghal law law mai ang che , i tlai lutuk chuan i chhungte'n an ngaihtuah ang che " min en ngur chungin a ti sup a , ka ngaihtuahna hriat tum vek niawm tak hian ka mitah tak min melh ngur !
"Nia haw pawh apawi tawhlo " kalo ti ve sep .






"Mama i nau kha i thlah dawn em ni ? " Inchhung kan luh rualin Pa Muanpuia'n alo ti vut a ,"Bawihi thlah haw pahin kanlo thlah mai dawn nia " ti a achhan nghut chuan "kha tihtur pawimawh ka nei e a tia , keini pawh kan rawn haw har lo turah ngai ang " a tih chuan abu nghut ringawt .
Kalo chîk ngai miahlo a ,ka bula atawng hnem ang hu hian midang bulah achhungte ngei ngei lawh nise atawnghnem ngai miahlo ! A bûk khum nghut loh leh 'aw' leh 'aih' tih vel hian achhang ngun ber in ka hria !



"Bawiha in lamah i haw tlang nghal angem ?" Nu Zodini'n awmze nei zet hian a rawn ti kher ! "Tlang lo ang" kiai suk hian achhang a , min melh pah ralh bawk ..
An chhungkaw inbiak dan reng reng hi a nawm hmel , an inthian kawm hmiah hmiah hlawm nimai in ka hria .





"D ka hman ,api pawh ka mangtha nghal a ." Sangsangi chu room pakhat atang hian a rawn chhuak a ,Paliana bân ah a rawn kuah nghal chat ! Pangrem ang mai hian a !





"I hman chuan kal ila Bawihi" ka sen nghal up up ..tinge maw 'bawihi' min tih kher thin ni a ! "Naom lo leng fo rawh aw , kan in lam te pawh ila rawn chuangkai miah lo ania " Pa Remruata'n a lo tih chuan ka bu deuh nawk nawk ringawt .An zavai chuan min mangtha tliar tliar hlawm a , pawn kan chhuak chu ka thaw leh huai tawh .
"D Naomi hi thlah hmasa ila ?" Abâna la kai reng chung chuan min melh ralhin a ti kher a ,"tihtur ka nei ,kan thlah hmasa ang che " ti nghutin amotor kawngkhar a hawng a "Bawihi lut rawh le " a ti sup ..





Sangsangi tih thinrim nan hrim hrim pawh hnial lo in ka lut hmak .Ka ngaithei derlo chu kei pawhin mak ka inti zawk !
Tûm hmukin ahnungah a rawn thu lût a , darthlalang atang a men rum zia ka hmu thei reng nangin ka hrelo der hmak thung .





Tumah inbe lemlo in ka tlân â , inlian deuh zawna Motor a dintir dawt chuan Sangsangi te in ani tih hrilh chawp ka ngailo .
"D i hman hunah lo leng la "
Paliana chu abu nghut ringawt a , kan hnunga thu chu peihloh hmel zetin a chhuk hna hna .Inchhung a luh thleng pawh nghak lo chuan a tlânchhuak nghal daih zui ! Anau ania a ngaihtuah ve ka rin tehreng nen .






"Heiii khawnge i kal dawn kan in i tlân pel daih ania aw " kan inzâwn a tlân pelh rual chuan mangang zetin ka ti ruai . "Khawiah emaw kal lawk ang " a ti sup ringawt a ,min thlah haw a tum emaw ka tia ?
"Ka nu leh pa te .."
"I nu leh pa te chu an rawn haw tlai dawn ,i û pawh inah a awm hrihlo hlauthawng suh " min ti dang lel mai ! Ka û alo ph leh hman vek tawh anih hi .






Hângi lunglentlâng lam pana atlân takah chuan kan kalna tur ka chiang ta ,Motor in a thlen theih tawk chinah chuan a ti ding a ..Khawthlir rem zet turin a inpark nghal thlap bawk .Chhuk pawh tumlo chuan a seat nghenchhan angheng dawt a ,amit achhing zui nghal vang vang .

"Tinge tah hian min hruai ?"ka ti zawi sep .Min chhanglo in angawi reng .Chutah zawi muang hian a rawn meng a , ka lam rawn hawiin ngawi rengin min melh vung vung .






Che thutin a seatbelt hrenlai a phelh a ,kawngkhar a lock nghal vek a chutah kalam ah a rawn awn hnai nghal rûn ..Ka thin aphu nasa lutuk a ka awm ka dawm ringawt ."khatin che phut phut zel suh " ti hlarin ka melh a ,vin chiam ka tum nen kan in en hnai lutuk a sawi pawh ka sawi ring theilo .
Zawimuanga akut lekin ka bekah a dawm a , a chetdân chu ka lo thlir mawl tawp ringawt .





"I hmeltha takzet " a ti thawpsup a ,ahrawkbawk che ralhin achil alem khawlh bawk . "Ka duhlo" min fawh atum rual chuan thlesawn zeuhin kalo hnial ,ka chal ah achal nawr sî in achhingzui vang vang a ka hmai zawnah a thaw lum ham ham bawk .
"Ka tân a hrehawm zia leh atlawmthlak zia i hria em " a ti zawi ruih a , ka che ngam eihlo thung .
"Ka duh che ..min hnawl in min ankhum chiam chiam thin mah la kala duh tho che " ti supin a nui ri suk a , "ka duhthu ka hrilh hnu ah che vawi tam min hnawl a , chuti chung pawh chuan kala umzui tawk tawk tho che a! Kan kum inthlauh zia min hrilh tawk tu an awm chungin ka kalsan phal chuanglo che ..Duati..eng zûn nge maw i neih le ? Ka rilru chawkbuai vek tur hian engthil nge itih ?" Ati thâm chhel a , a aw rilruih chuan min fan rawih rawih mai !





"U Gideon apawi.."

"No..Duati hnawlna thu ka ngaithla duhlo " ti supin ka biang anûl dan dan a , ka kawchhung hi atek chuaih niberin ka hria !.
Ka seat bul ahmet ri khep a , ka seatbelt hrên a rawn inphelh rualin zo zetin amalchungah min pawm kâng nghal nawlh! Ahma khân kan inhnaih viau a mahse tûnah hian alêtin kan inhnaih tawh zawk .
Ka tàlchhuah loh nan ka nghawngah vuanin akut lehlamin ka kawngah achelh bet tlat bawk .






Ka hmaitlâng a rawn nûl leh dan dan lai chuan ka chil ka lem kawrh a , min tawhna lai apiang mai chu asa ham ham thei hial! Ka pum leh ka tai bawr chu a za uaih zel bawk ..
"U Gideon "




"Sawi rawh Duati "




"Tihian..tihian awm lo ang " ka ti hman tawk ka tawnglai chu remchangah la in ahmui in ka hmui a rawn kharchilh hmiah a ,ka tukhum ah chelhin min fawp nghal ngawng ngawng. Mak deuhin dam ka duh a mahse keimahah nuam tihna leh pawilo tihna ka neilian zawk tlat .
"Min la hnawl fo dawn em ?" Kan hmui insi reng chung chuan a ti zawi sup ..
Ka thaw halh halh a , tawng nachang ka hre mailo . "Mawh Duati ...i mit ka tlinglo viau em ni ?" A ti leh sup a , min hmuhchian theih nan min nawr hla hret bawk .Amit ah tak ka en rual chuan hrehawm tihna leh a thusawi atih tak tak zia ka hmu thei a ,keimah ah inthiamlohna nasa tak min neihtir nghal ringawt bawk .






"ka ...ka hre biklo" ka ti halh a "diktak chuan hetiang hian kala awm ngai biklo .Ngaihzawng ka nei ngailo a ,englo ..".ka tih bah nuaih chuan "shh atawk ..tun atang chuan official takin ka bialnu ini tawh " kiai suk hian a rawn ti damthlup !
"Mahse ..."




"Mahse a awmlo Duati , min hnawlna thu i chhâkchhuak lo anih chuan min duhlo biklo tihna ani ."





"I phakar emai a " ka tih hlak chuan anui zui hawk a , ka che ve nghal dawt bawk .. "anilo em ni? Nidang ang chu nise min duhloh thu harsa miahlo in i sawi leh tawh ang " dik inti fe chuan min melh a , a sawi dik bawk si ..Ka duhloh viau pawh ka hre tawhlo .Ka mihring duh tak tak hi khawvel ah anla piang ve miahlo zawk a , chutiang karah Paliana hi ka hnawllo anih chuan ka duh ve deuh tawh tihna chu ani ngei mai .

"Ka..ka haw duh tawh " ka ti ta ringawt ..Min nuihzat tlata hriatna ka neih te chuan minti zâm thar a ,ahma zawngah amithmuha zak leh lai ngai miahlo kha ka lai thar em em ringawt ."ka bialnu thar chu alai ve emni ?" A tih chuan che thutin a bengah ka pawt vak .."ka lai kherlo aw " ti hlarin ka kut alo dawm behna chu lakkian phet ka tum a , "che suh" a tih nghut chuan ka che lai ka tawp chawt .






Thawk harsa tih hmel zet hian athaw halh halh a , "i thutna ah let rawh le " ti dam thlup mahse sawichhuah harsa a tih hmel viau tho ! A sawi ang chuan ka thutna ah chuan ka let tha ve mai bawk a , kawngkhar hawng in a chhuak nghal vut !
"Ngati nge le ?" Ti sepin ka thlek zui ha a ,motor hnunglam ah kalin khawvawt hnuai ah ava ding ringawt tho sia !







Reilo ah a rawn let ve leh mai bawk a ,Motor chhung a rawn luh rual chuan " i tha em ? " Kalo ti ha a
Min en vung vung a , lu thing nghut a kiai suk in "tha mah mah " a ti sup a ,motor a start zui nghal .







Kan haw kawng ah te chuan a kiai leh ang suk zel a ! Khawvel hi nuam a tih hmel bik ngawih ngawih.Kan pêng a tlân luh hma hret a dawrte awm zawnah a ding thut a , chhuk vutin dawr ah chuan ava lût leh rih .
Polythene a engemaw rawn khaichhuak teuhin motor chhung a rawn luh chuan ka malchungah a rawn nghat nghal .
"Enge..?"....





"Zanriah kha i eitha ngamlo tih ka hria lawm ,i riltam hunah i ei dawn nia " ati sup a ,kan hawng chu cup noodles leh spicy tih te drinks leh biscuit tih te alo awm nawk .Nui ver ver in " ka lawm e "ka ti deuh tawp .Puitling nitawh mah ila nepnawi hi naupang tan chauha siam ni heklo , kan kâ ah pawh a tuina abo chuang lo a , tui ti hlei hlei ah kan tang zawk .






"Ilo lût dawn em ?" Ka chhuk hma chuan amawi ah ka ti ve te te a "Nope ..a tlai tawh emai " a tih chuan ka dar sân euh in kawngkhar ka hawng nghal zat .Athutna lam kawngkhar inhawng ri ka hriat rual chuan ka hawilet vut a " tinge ?" A rawn chhuahve rualin ka ti hâ
"I bialpa hi min mangtha dawnlo maw " Lalpa a aw zet chu! Naupang titau ang mai alawm le !

"Aho eee kan inhmu leh vat dawn tho a " ka ti nang nang ..





"Min ngai ve dawn miahlo maw " ril ruih a tiin ka hma ah tak a rawn ding a , kei a thil min lei ho ka pawm tûn bawk si .Hla deuh atang phei chuan ka thil pawm min laksak tum te pawh a ang ngawt ang , chhoh melh deuh ha angai bawk sia ring akham duh dawn asin hetia in melh reng chu .
"Sawi la duati " ti supin min hnaih hret hret a , car ka nghen rualin ka tâlchhuah lohnan a kut pahnih in a rawn innemkhalh nghal zat .A taksa in min hnaih zual apiang chuan ka polythene pawm chu alo ri ve zel a , a ti romantic lo ve chiang asin aw..





"Engchu ?"





"Ka lungawina tur thlapa min mangtha loh chuan ka kaltir dawn miahlo che ania " a tih leh phei chuan ka thin aphu leh dup dup tawh .Hepa hi zanin chu enge maw ahriat ni .. "anih muttui mangtha " ti vuta kalsawn ka tum chu min dangbet hneh asin "No khati ringawt lo khân "

"Nangchu..ka zak tih i hreve reng a " ka ti nur nâng . Nikhat pawh kanla in ngaizawng lo a !






"Anih min kiss phawt la " khi suk a atih chuan "teuhlo" kalo ti vak .






"Anih chuan kan ding zankhua dawn anih chu " ka mit a min melh ngur in a ti ta sup . Ka va han ngei mai mai tak ..'enge maw KDrama ah pawh an ti fo alawm ' ti a inti paukhauh lui in " anih lo kûn hniam la " ka ti a , lawm hmel zet in a rawn kûnhniam nghal "maimitchhing rawh " ka tih leh hlar chuan nui suk in ka sawi ang chuan a ti ta tho .
A hmui nem thep chu hreh zetin ka tawk da da a ,inlaksawn leh mai ka tum rual chuan hnehzeta min pawmbetin amah zawkin min fawp nghal ngawr ngawr ..Ka tàlchhuah hlau a min kuahbeh na lamah ka thil pawm chu a ri rawp rawp a , a ngaipawimawh duh chuang derlo .







Thaw ham ham in kan inthlah a "kha kha nimai lawm " kiai sukin ala ti zui.."iva phakar tak " ti hlakin a inrinlohlai chuh in ka talchhuak a kan in lamah ka tlânchho nghal char char .Ka hnunglam a anui ri hawk thawm pawh hre reng mah ila ka hawi let duh bau lo .








Thaw hlawp hlawpin in ka thleng a , ka hah lutuk na lamah ka thin ana vek thei .
"Tinge khatia i rawn thawk vak vak a ! Hrâng hmu ang mai " ka û chuan alo ti hlak a , 'engmah lah hi i hre ve der silo a ' tih khum chak viau mah ila "thlahrang hmu ang deuh chu ka nimai " ka ti ta zawk .






"khawia hrâng mah kawmthlangah i hmu lo ange ..Gideona'n alo thlah lo che ami ?" A tih zawm zat a "Thlah e ka nu te anlo la haw lo mi ?" Ka ti ve thung .
"Umm kan huan enkawltur te inah zanriah an ei nghal alawm ,anlo thleng ve tep tawh ang .Keipawh ka thiante inah chaw i eichhuah dawn tho chuan ka tia ka ei ve nghal a " a ti zui zat a , ani pawh ahaw na ala reilo aniang athawmhnaw hak pawh alo la thlak bik chuanglo .






"Gideona te in chu enge a an a ?"





"A uap animai.Tinge nangai a upa sia i û loh a ?" A bula thutthlak dawt pah chuan ka ti sep . "Nakinah abuaithlak mai mai " a tih chuan ka hrethiamlo khawp ."khawmaw enge ipawm " tih pahin ka thil pawm chu aban nghal vut " yess spicy te ..eh! Tinge cup noodles hi akhâwr vek a ?" Ti hâ in min melh a , ka biang asa nghal hat hat .A khâwr chhan hrilh chi ani dêr silo "a zuartute tih aniang" ka ti ta ringawt





"Û"




"Enge " min ngaipawimawh lo zet in chips pakhat ahawng nghal mawlh mawlh .




"Nâ...min ngaithla la " ka ti hlar .





"Ka ngaithla reng che lawm le " a rawn ti ve nghal hlar , midang bula azaidam nen hian aw .."bialpa ka nei " ka ti chhuak tawl .
"Hmm i va easy leh si ve a " tih bakin min chhang lo! "Nangman anih kha 'afel ,apa , a chhelo ' ti tu zawk aw " ti hlarin "khawi i mit te kha a uihlit ang " tih pahin achips kenlai ka laksak hmak .Min ngaihtuah lo lutuk te chu ka thin a ti rim .

"Tak tak a ,Gideona te chu atha lawm ani ai tha chu i hmu tawh kher lo ang .Ngaihzawng neilo rual pawh ini tawhlo a ,inkum chu inthlau deuh mahse athatna chin atam .A dawhthiam dawn che a ,lo innei ta pawh ni ula a in sawizawi peih hmel sia mipa phei chu an tar har a mahni aia upa daih hi neih zel tur " ava sawi thui peih tak , inneih lam thlengin alo ngaihtuah thleng leh vek tawh !

"Mahse ka hlauthawng alawm , ka ngaihzawng hmasa ve ber ania minlo kawp ang tih te ka hlau a ..â ..hlauh ka ngah mai"...





"Nghal ngawt ache ..han intifai la naktuk i hâk tur te nawtsa rawh .Inkhawm te kha i thulh leh ngawt ange " ati ta daih a " spicy hi lo chhum la ei ang " ka tih chuan abu ve leh nghauh nghauh tho .Inthlak tur chuan inchunglam ka pan a , ka hmui chu ka tuai chho neuh neuh ..
Tian ngaihzawng ka nei chu ani ve ta dêr mai sia! Avan mak tak ! Zanin a kan awmdan te ka inbual laia ka ngaihtuah let chuan ka biang a sa leh hat hat tawh nia ! Azei si bialnu angah tawh ngawt ang ...Naaaa Naom chutiangah buaisuh a



......



Chawlhni chu kan chhungkua in kan inkhawm a , ka pa pawh hun rei tak hnu ah a inkhawm veleh ta nawlh .Kan kohhran mi te an fel zia ka sawilo theilo ..Ka pa biakin tuala alang ve leh nawlh chu tuma'n mak tih ah anla lo a , 'i rawn inkhawm thei maw ' ti zawng a sawi an awm heklo.Kan hriatloh a lo sawi tawk an awm maithei chu erawh ka hre lo le .Danglamna awm miahlo in anlo be ve nghal bawrh bawrh a , a inkhawm ngailoh thu tuman ahriatah an sawi lang kherlo bawk .
Ka nu bulah ka thu a , ka û erawh athiannu bulah athu thung .





Inkhawm bân chuan inkhawm ngailo ang maiin thla te ka û nen kan han la leh rih a, status a hman tur pawh ka duh ve hrim hrim bawk.





"Naom khawmaw la dûn ve reng reng teh ang " ti hluai in U Zopuia kan group hruaitu hian a rawn ti a , kalo ding tha ve mai bawk . "KTP inkhawm zan te hian rawn inkhawm ve ziah tawh teh .Nula hmeltha deuh kan nei che a hmuhtur i tlem emai " atih chuan ka nui tawi tak ringawt .Kan haw dawn thleng pawh chuan Thawhtan zan inkhawm turin minla sawm ngar ngar , ka peih leh ka inkhawm chauh ang .Chawlhni inkhawm hi ka ngaipawimawh ve viau a ,a dang KTP inkhawm tihvel hi chu chutiangin ka ngaipawimawh hranlo ,athalo ka ti chuanglo a chu Chawlhni a inkhawm hi ka duhtawk hrih viau ani .







In kan thlen rualin ka inthlak a , kan thlalak ho ka û ph atanga ka insend hnu ah ka lanthatna ber ka zawng kual nghal ruai .Nî asa bawk nen atam zawk ah chuan kalo meng mang miahlo hlawm a , U Zopuia nena kan lâkdunna berkher ah chauh chuan kalo lang tha .
Hman ve ngei ka duh si ,ka crop chuan analh dawn bawk silo chu U Zopuia hmai ah chuan sticker ka bel ta ringawt a , ka lanthatna ber ni miau hek status ah ka hmang ta tho .






Ka up atanga reilo te a , U Zopuia chuan nui tuarh lai lem in a rawn reply vak a , chutah 'tinge min hliah kher ?' a rawn ti leh .Ka status ahmu thei tih kalo hre miahlo! Group hruaitu anih vang khan in report ka ngai nen anb ka save ringawt kha nia ,ka nb alo save ve tih ka hre miahlo !
Reply lo chuan U Paliana hnen atanga message rawn thleng ve nghal zat chu ka open ta zawk .

'tunge ???' tih te hi a rawn thawn ! Ava ho tak






'KTP hruaitu zing ami ' tih ka thawn let a , typing a rawn inti nghal . 'delete rawh ' tih te a rawn thawn leh a 'aho e ' ka ti let ve leh nghal .
A type peih tawhlo niang a out a ,call a rawn lut nghal zat . "Aw.."



"I delete lo ang maw ?" A rawn ti thûm dut !





"Enge ka delete kher ang "..





"Ka thîk " teh tawp a !




"Thîk tur pawn ahmel sticker in ka hliah vek hi ,ahmelchhe lutuk thîk duh suh" ka ti lêt vak





"Duati i delete lo anih chuan ka rawn kal anga ka rawn delete sak tho ang che " a ti ta nghut a , ka va ngei mai mai tak nge maw alo thîk ve ngawt ni ."ininawm ê, adangah ka lang tha lo alawm ka inkhawm kawr nena ka thlalak ka hmang ve chák ani mai a " ti nang nang in ka phun nuah nuah .
" Ka rawn kal.."





"Anih ka delete ang " tih pahin ka off hmak a , whatsapp ah lût in ka status chu thinrim zetin ka delete nghal sawk . 'ka ph ah pawh thu ka neilo nia ' ka tih hlak laiin " ka hmai hliahlo khan rawn hmang leh la " U Zopuia'n a rawn ti! Ka tah ti chhuak zawk e a .

"Good girl " tih te hi Paliana'n a rawn thawn leh a , rûm zetin ka ph chu ka melh ringawt a asawt lo asin aw ...

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Show post links
Top

[Ngaia]

*ZûNLêNG S2 * ch~6






"Duati..." A ti leh nghut thin ,keilah nimin lama ka status min delete tir kher avangin ka titau laklawh ka ei duh bik thaklo . Traffic lah chu ajam a , ka titau rei dawn ngang mai .
"Duati " a tih leh nghut chuan "sawi mai la " ka ti ta hlar .Tukin zing ah ringawt hian vawi engzah nge min koh hman pawh ka hre tawhlo ! "I duhloh zawng tih ka nei em ?" Kan din lai tak chuan ka lam rawn hawi meuh in a ti ta khauh a ! Ka tihtauh chhan alo la hre reng reng lo anih hi a !







"Nge ka lan thatve na ber status a hman pawh i phal loh . Tiang anih chuan in ngaihzawn pawh ka peih lo "






"I status ka delete tir vang che khan maw ilo tauh ve ngar ngar a !" Nuih rik suk pah chuan a ti kher ! Ka duh ang taka ka lanthatna thlalak vân zia hi ahrelo ani .
"Ok...sorry mahse mipa dang nena inlakna chu hman ka phal chuanglo...nilo mipa dang hnaiha i awm ka phallo zawk ." Tih pahin remlo zet hian a kekawr ipte a zen a , traffic jam a kan din lai chu chuhin ka lamah a rawn awn hnai a a ph chuan thla ala ta mawlh mawlh !




"Heii khatianga lâk ka duhlo " ti vakin a ph chu chhuhsak ka tum . A duhtawk alak hnu chuan aph chu min pe ve mai bawk .Vawi sawm dawn alo click hman hrâm ! Mahse iphone chhuakthar ber ahman vang nge athlalak ho chu analh zek hlawm leh nghal a , ka hmel a lan chianglohna deuh phei chu nalh ka ti viau .
"I lungawi em ?" A ph biha ka nui ver ver lai chu a rawn ti kher .

"A mawiloh lemloh hi " ka ti duh lek chauh .






A ph ka khawih ta ro ro tiin a gallery te chu ka enkual a , ama thlalak chu a vâng ngang mai .Naupang thlalak leh furniture eng eng emaw thlalak a intlar thla dul ringawt ."ka in send duh ,engtin nge min save ?" Ka hming ka hmuh mai loh vang chuan ka ti sep .






"My World "





"Engmaw ?" Ka ti hâ





"Ka save dan che mawle " ti a nuih suk chuan ka biang asa nghal ham ham .A sawi ang chuan ka type a , 'My World ' tih mai nilo in a tawp ah love sen alo la dah tel tho .
"Tinge tiang hian min save kher a ?" A ph pêk lêt pah chuan ka ti sap ."engtin nge min save ve ?" A ti daih a , ka meng phâwk ta vak ...keite chuan 'Paliana ' tih bâk in ka save lo reng reng .
"Sawi chi loh "ka ti ta sap.Ani pawn min zawt lui tawh bîk chuang lo .






Zawi zawi in kan lir ve teng teng a kan thleng ve mai zel bawk a ,traffic jam hi chuan Motor mawi leh mawilo ,hlui leh thar hi a thliar ve vaklo zawk a ...Aizawl khawchhung pawh hi chuti teh lua a zîm chu ani pawhin ka hrelo .Kawngah mi thenkhatin motor te park lo se emaw , bungrua eng eng emaw hi lo chhawp hnawk ve nuaih zel lo se chuan tiang em em hian traffic jam vangin kan buai ka ringlo . Kan veng ah te pawh ani chiah reng a , garage nei mumal lo in kawng chinah an lirthei an han dah ringawt zel a ! Sawrkar lahin dah loh tur thu an han puang a, an sawi lai chiah in an dahlo ,kar aliam a an hûng tlar leh pût zel .Motor ke chep tu te lah hian thliar bik an la nei leh nghal a , an duhsak zawng te ta chu kawng lai takah pawh dah se an chep duh miahlo !






"Tlaiah kalo lam leh ang che ,minlo nghâk dawn nia " ka chhuk dawn chuan a ti sup a , bu nghutin ka chhuahsan zui .Han biak dan tur vak hi kala hrethiam lo , tunah hrih chuan ahming tak tak te in kan in ngaizawng ve ni ber hian ka hria.





Lab ma thleng chu intern ti tur mithar pali ngawt an lo awm belh leh tawh a, an zinga pathum chu DMLT an ni . An la naupan hmel hlawm viau lehnghal ..
"Naom vawin chu U Tha-a bulah intern ti thar pahnih te nen hian inlo awm dawn nia " kan senior in alo ti nghal a , ka inngaihtuah chiang a engmah tak tak hi kalo ti peihlo ! Khawi hmunah pawh min dah se 'ka peihloh ber ' hi ka ti thei zel ringawt .





Ka thleng chiah a ka thu hman leh tawh lo , sample rawn thleng thar apiang chu U Tha-a enpuina hnuai ah kanlo khawih nghal mawlh mawlh zel , kan thul khawih vangin ka glove bun pawh apawl leh niah tawh .
"U Naom intern itihna a rei tawh em?" Intern ti thar pakhat zawk chuan a rawn ti khauh a "la rei bîk lo ka chetsual avangin ka chawl leh vang vang tawh zawk " kalo ti tha ve mai bawk .





"Keichu ka huphurh e , diktak chuan kan zirlai khan theory kan zir hnem zawk a practical a kan tih dawn hian ka khawr tlat zel" a ti niah niah a , " keipawh ka ni tho lawm , thisen draw ringawt te hi an vein alang nghal anih loh chuan ka khûr nghal zel " a thiannu chuan alo ti ve bawk .

"Inti rei anga azia ve mai ang " tih bak han hnem dan vak ka hrelo .





"Umm nia intern kan tih chhung na na na hi chu theihtawp chhuahin thiambelh tumin ka thawk ang "





"Intern tih tawhloh lamah thawhrim itum vak nange " ka lo tih zeuh chuan kan nui tlâng ta dar dar . "Keihi Lalthanpuii ka nia ,Thanpui emaw puii ti pawhin min ko thei ang chuan ka thiannu hi Zualtei anih hi " tiin athiannu nen chuan an hming min hrilh a , kan han inkawm tak tak chu an ni aiin kum khat bâk in kalo upa lo a kan nui ta hak hak hlawm .

"Zual i reagent hman kha a rawng ava mak ve ?" Staining a tih mawlh mawlh lai ka va bih zeuh chuan ka ti sep a , "tinge ?" Alo ti ringawt .
"Khawmaw a bawm ?" tia a reagent hman bawm kan en chiang chu alo thi tawh reng mai !
Rang zetin U Tha-a hnenah ka report nghal thuai






"Ehe ava zialo ve aw ..." Ti ve sup in a tho nghal thuai a , kan thil khawih lai chu khawihzawm lo turin min ti nghal bawk .
A rawn let leh chuan " engzah vel ah nge in hman hman ?" A rawn ti lut a , a rilru abuai hmel ngang bawk.





"Sample hnih ah chiah " Zualtei'n alo tih chuan thaw huai hmel apu ."Naom nangin tute sample nge tih zawng la, an nb min rawn pe rawh .Zuali te abâk kha chu khawihzawm tawh hrih suh u, midangin rawn khawih zawm rawh se .A reng reng ah in hmanraw hman tur te chu enfiah hmasak phawt tur alawm le " ti phiar phiar in a tarmit kâr atang pawh chuan ameng rûm hle .






Patient paper chu ka hai a ,an nb ka lâk hnu ah U Tha-a pe in ani'n pehhel takin an thisen lak nawn angaih thu a sawi a ,pakhat zawk chu a rawn phun nasa mai ! Serchhip khua a haw leh tur Sumo lo chuang fel vek tawh hi alo nia kan buai nak nak hlawm khawp mai .
"Naom nangin Mapuia zui la sumo counter ah sample va la nawn mai teh u ,pakhat zawk hi chuan hospital alo la chhuahsan lo hlauh a kan vannei mai pawh a nangni pahnih kha inhnuai ah chhuk rawh u " a vîn lutuk chu ka ngaihdan nilo mahse ka sawisel ngam chuanglo .Diktak chuan intern te thiamloh pawh anilo ,kan hmanraw endiktu in a hmuh hmaih leh tihsual ani a ,a endiktu dem lo a intern a dem nghal ringawt chu ka ngei takzet .







"I hman chuan kal nghal mai ang aw " U Mapuia nen chuan Serchhip sumo counter lamah kan inkhalh phei a , a tawngduh phian lehnghal a .
"Tiang hi kan tawng khât tawh viau asin " a tih chuan "Zualtei leh Thanpuii thiamloh ani pawn ka hrelo keichu , achang chuan kan senior te hi an thinchhe thin ka ti ka sawichhan che nilo in " ka tih chuan a nui vak .
"Keipawh intern ka tih lai te chuan min vin phar nasa thei lutuk " a rawn ti fiamthu ve hlut a "tilai saw ania ,kan sample lakna tur ber tunge anih kan hre bawk silo ah " ti nang nang in a rem lai ah chuan a ding a , ka chhuk nghal tharh







"Minlo hrethiam lawk u , Zonunchami tih in awm em aw ?" Tiin sumo pali vel lo ding chu kan zawt kual hlawm .Passenger anlo thu dul tawh hlawm a ,a hmasa bera ding ah chuan kan sample lakna tur nu chu alo thu vang tawh .

"In va rei em em ve , keimah chiah min nghak tawh a ka lo la ti ding thei hram anih hi " alo ti nghal bawrh bawrh " nia pawi kan ti lutuk "U Mapuia chuan a ti tha mai a " tinge maw in fimkhur loh thin em em ni ? Civil hi chu nat tak tak phei chuan keichuan ka ring zo lo thin cheu kha la vat vat ru " ti phiar phiar in a kawrban a hlim chho tawk a ,"Naom la la " U Mapuia'n atih chuan syringe ka phawrh a , tourniquet kan kenglo tih ka hre chhuak chiah achum buang mai bawk sia a vein vân zia chu .








"U Mapui lo hmer mai " ti sepin a rawn hmer rual chuan avein ka zawng kual a , an chiuna hnu hma vel a lang ruih bawk .
" 2.5 hi tawk em ?"






"Aw tawk mai "





"Ka zo e " tiin ka phawi a , lapua ka bel hnan hnu ah Vial a dah lut in syringe chu fimkhur thei ang berin ka khung leh a "ka pi kan lawm lutuk e " ka ti zui sep
" Kei ka nia in vannei zawk hlauh a , midang chu nise in hmingchhs viau dawn anih kha " ala ti zui leh hram a ,mahse a sawi diklo chuang miahlo .Tunlai ah internet te a chakin hmang kan tam tawh a , vawin a thil thleng hi darh veih se zawng kan hmingchhe viau ngei ang .






"Lunch hun ani tawh tho Naom in eipuar law law mai ang aw " U Mapuia'n a tih chuan ka pawmpui khawp.Kan let tlang law law anih chuan an lunch tawp lam nen kan in nang law law tawh dawn .Restaurant remchang ah chuan kan inzui lut ve tawp a , chhun in eipuar hun lai tak alo ni nen mi pawh anlo tam ngang mai .Thutna awl awm awm ah chuan kan thu ve tawp .

"Chuan intern itih zawh ah engtia awmzui nge i tum ?" Kan eitur chah a rawn thlen hma chuan kanlo ti ti mai mai.





"Hospital a thawh hi chu ka tum hranlo , Pharmacist ka zawm loh chuan dawr te hawn ka tum rilru deuh a ka la chiang chuanglo " ka tih chuan " Doctor Josepha nen in in hre tha viau lawm ni ? Hetah anghet lo pawn a thun thei ang che chu " a tih chuan "tu.." ka ti vat .

"In inhre tha lo maw ?" A tih chuan ka bo telh telh !






"Chawlh te kha a rawn dil sak che a , i rawn join leh lah khan a hahdam tur lai deuh a dah tur che in Senior te a chah bawk a " a tih chuan " e kha kha maw " ka ti hluai a , ka accident zan ami kha ani dawn tak " kan inhre thalo " ka tih zawm chuan anui huk .
"Ka bialpa emaw ka û iti dawn maw tia " alo ti sap a ,anui zui hak hak.





"Ni lo e , ka hmelhriat thianpa anih kha " ka ti ta tawp .





"Anih chu , in inhre tha viau tur ah kanlo ngai vek mai sin "





"Vek a !?" Ka ti hlak





"Umm a rawn dil sak che sia , apangai ah chuan kan dept lam bikah ngat phei chuan an inrawlh tlem a " a tih chuan ka lo bu ve nghauh nghauh .






Kan eitur chah a rawn thleng a , ani'n Rice a order a keiin chow satui leih ka order thung .
"Bialpa i nei em ?" Teh thut a !
"Umm nei ve deuh reuh " ka tih chuan a khuh zui bawrh bawrh ..tissue kalo pass vat ." Nei ve deuh reuh maw " nui heu hian a ti a kalo bu nghauh ringawt . "Nangte hi kalo chîk ngailo che a i lawmawm reuh hi mawle " a ti hluai a , kalo nui mai .






Lab kan let leh chuan kan tihtur ang ang kan khawih ve leh nghal zung zung .Keiin report ka lo ziak mawlh mawlh a athen an la vei suau suau hlawm bawk .
"U Naom keimah vangin i buai phah ta vek sia ka tihpalh lutuk aw " Zualtei chu ka bulah inthlahrun hmel zet hian a rawn ding a " apawilo bakah i thiamloh pawh a ni chiah hleinem " kalo tih chuan hrehawm ti hmel ala pu .





"Diktak chuan ka first day ah min hau nghal chiam a , ka huphurh tawh e " a ti nang nang a , chair pawtin ka bulah a rawn thu thla nghal tihtur a awm vak tawhlo aniang . "A rei anga azia mai ang , bakah Junior emaw intern kan nih lai chuan kan tawn tur ve reng alawm " ka thiam ang tawk chuan ka hnem ve a , azia a zawi awih hmel sia hrehawm a ti viau ang .

"Ka beisei " atih sep chuan ka report ziah dan te chu ka thiam ang tawk tawk in kan hrilh ve leh chhawng a , pathum chiah abang tawh tho a tiin kan ziah dan tlangpui chu ka hrilh ani .





"Ehe kha kha U Gideona ani em? " Ka thlalak ho ka enkual mai mai lai chuan a rawn ti thut ! "Ah ...aw ni e "




"In inhria mi ? Engtin nge in inhriat ?" A ti nghal mawlh mawlh ,azia azawi ka ti zo chiah a !" Kan inhriatna ala reilo " ka bialpa han tih mai kala sak tlat .
"I bialpa mi " min thlêk vang vang chung chuan ati sep a , ka bûk ta nghauh ah chuan a hmui hupin a te vak ..kalo khap thuai .
"Awiha ..avan mak , kan thianho in kan star lutuk ringawt .An hna bang tur te hi kan class bang in kan châng thup zel .A chhelo si apa bawk si i vannei e ..Mahse nangpawh i hmeltha tho " a ti leh rih thin kalo nui tawp .





"engtin nge in hriat a ?"





"Engtin nge kan hriat loh ang ?" A tih let kheuh chuan ka nui tawp . " IG ah pawh fans account anei pha aw, an hausa si newspaper ah te pawh a rawn lang thin athlalak pakhat ka cheh thlak pawh ala awm " a lo ngaisang awm hle mai ka ti rilru neuh neuh . "aaa i vannei e " tehthlawt thin hian .

"A cousin hmeichhia kha i hria em ?" A rawn ti nawlh a "Sangsangi kha maw ?" Ka hriat awmchhun chu ka sawi ve tawp .





"Aw ni ang ,an sawi danah chuan maw ti ila ka û te thianho sawi ania ka chiang bik chuanglo a cousin khân angaizawng thin an tia " atih chuan "awihawm loh e " kalo ti ve mai a , a khawsa zia erawh mak ka ti ru viau anih kha .
"Nia keipawn ka ring chiahlo a mahse maw fa lâk ani sia thil ni thei chu ani tho in ka hria " a tih chuan "fa lâk a !" Kalo ti thuai .

"I hre nange , Sangsangi itih chu U Gideona nu te unau zinga upa ber fa anih chuan fa lâk alawm " a ti a , "ava mak ve " ka ti bah nuaih .
"Nia fâ kha an nei theilo a , fa atan an la lawm .Hrelo vak an awmlo ang , a la chhelo em em zui a keini pawn U Gideona nen an inzui kan hmuh tumin a bialnu emaw kan ti tawh chuan ig velah kan stalk vak a a cousin ani tih kan hre ve chiah " ka thil hriat ho chu a ! Min barakhaih thut thut ang ngar ngar ani .






Dar li dawnah kan bâng fel ve chauh a , dept dang phei chu anlo inkalh fel leh thân tawh hlawm .U Paliana'n min lam tur thu asawi vang khan bus stand ah thu in kalo nghak ve deuh tawp a , call pawh ka call hran chuanglo .
IG ah lûtin Sangsangi chu kan stalk ve ngawt a, Zualtei atang a indah dân ka hre hlauh a nilo se chuan ahming ziahdan atang ringawt lawh hian kar khat chhung pawn ka zawng hmulo ang .



A thil post ho chu ka enkual a , thlalak chu nuam a ti ve hlê ani . U Paliana nena an lâkna a post tam ngang bawk , a caption ah 'ka û' tih emaw 'bro ' tih pawh hmang lo in 'with D' a ti kher zel ! U Paliana koh nan 'D' tih kha ahmang tak e a ! Chiang takin sawi dawt theilo mah ila Zualtei thusawi ' a cousin angaizawng' tuh kha adik duh hmel ka ti viau .
A bio te chu kan enkual zel a , 'hmm' ka ti ta nghat .Kum 29 tunkumah zuk tling dawn tawh a mawle ! A inlâk cute ve nen , nula senior inla cute ani ringawt .






Dar nga a ri tawh , khua chu athim thet thet tawh a dawrte kai ho pawh an in sengfel than .Ka ph ah chuan Paliana miss called takngial pawh ala awmlo ! 'min thlah hman dawnloh chuan sawi loh law law tur ania' ti nang nang in ka call a , min lam tura a rawn kal leh ka hlau deuh si ani .
"Aw duati " a rawn ti thum leh sup tawh .




"Min...enge itih ?" Ka ti ta zawk , amah nghâk anga lan ka duhlo .




"Damdawiin ah kan awm " a tih chuan "tinge " ka ti nghal hluai ,ani pui hi alo damlo emawni tih ka rilru ah alo lang nghal mawlh mawlh .
"Sangsangi ka awmpui " a tih chuan â inti zetin ka ph ka dah hla a ka nui hak ." Hello duatii"




"Aw ka hre thei " ka ti nghut .A hmanloh te chuan min rawn hrilh lawk leh nimai se ka nghak reng lo tur . " Sangsangi khawsik ka inentir pui lawk a ,kan haw tep tawh i haw tawh em " ka bulah chuan awm se ka beng hrep duh ang , nghâk turin min tia engmah ahre leh tawhlo aniang ."la haw lo " ka ti nghat a , ka aw ri pawh anelawm tawhlo viau .
"Enge ila tih ? Inla bang lo amaw ?" A rawn tih chuan ka ner khum vak , ve mai mai a " min rawn hruai leh tur thu i sawi kha darkar khat dawn chu ka nghâk tawh che " ka thinrim ka sawichhuah loh chuan ka awm anuam dawn chuanglo .





"Shit...Sorry ka rawn kal nghal ang "




"Angailo taxi in ka haw mai ang a thim dawn tawh si " ti hmakin ka off a , khawilama mi piangthar tha ber anga ngaihdam kual vel ka tum lo . Inngaihzawn duh hmasa tu ani a , min thlah tur thu sawi hmasa tu ani bawk a ,ka damchhung pawn thinrim ila ka thiamlohna a awmlo .Damlohna thu anih chuan rawn sawi se ka thinrim miahlo ang , min theihnghilh hrim hrim pawh ka haw bawk .Min duh hmel deuhin an awm vel a ka va ngei mai mai tak a !






Two wheeler taxi ka la ta ringawt a ,kan inbiak chhung nen dar nga leh chanve ri hnai tawh .Thinrim nak laiin ruah ala rawn hmi zui leh nghal a ! Vawin zet chu ka vanduai nileng ani ber mai .
"Mami raincoat kalo keng miahlo a ,tlân luih zel i duh em ?" Taxi driver in a tih chuan "ka pu atlai tawh sia i theih chuan tlân lui ila apawi em?" Ka ti sap a , ka rilru hmanhmawh ru tawh takzet .Ka nu te pawn min ngaihtuah tawh ang .
"Pawi lo e ka haw lam ani tawh tho a " a tih chuan "tlân lui mai ang " ka ti ta ringawt.Inthlahrung viau mah ila ahaw lam ani tho bawk a keimah vangin a damloh phah em lo ang chu maw .






"Ka pu , kan rain coat i hawh duh mai em ?" Ka chhuk rual chuan ka ti lang lang .Ruah a tla hnem deuh tawh a huh phei chu kan huh zawr vek tawh . "A ka huh vek tawh tho a ,Bawngkawn lawk ah sawn kan awm alawm ngailo mai rawh se " a tih chuan ka chuan man ka pe a , atlânchhuak zui nghal .






Hmanhmawh zetin kan in chhohna step ah ka tlân chho a , kan veranda ka thlen chuan ka nu ka au vak .
"Awi mate tinge ruah i rawn do a ,Mambawih i nau hi towel rawh lâk teh ?" Kalo ding dir tluk tluk ahmuh rualin a ti nghal chûl .
Ka pheikhawk chu veranda ah ka phelh ta tawp a,ka kawrlum pawh ka phelh nghal vek ." Mawli tinge ruah i rawn do a ? " Ka û in arawn ti ve nghal chiam , "two wheeler taxi ka rawn hmang alawm mawle aw " ti vak in towel chuan ka intuam a ka lût nghal thak "inhru hul phawt rawh chhuat a chiau leh vek dawn " a ti zui nang nang . "Nu chaw minlo eisan mai ula kan inbual nghal law law " ka tih chuan "tuilum sa pawh ala awm hleinem , shower lah avawt vek hrih dawn a "ka û in alo ti a "pawilo nakin a inbual vawh leh ai chuan tui vawtin ka intleuh zuai mai ang khawnge ka pa " ka ti zui zat .






"Ani pawh a rawn thlenna ala reilo a inbual mek , chaw ei ah kanlo nghak law law ang che " ka nu'n a tih chuan ka hnial ta lo .Inchungah ka chho a , ka room chhung chu tih huh hlau zetin ka thawmhnaw te chu ka inphelh then leh hnuhnawh . "I thawmhnaw hâk tur kalo la chhuak ang , va inbual vat rawh i â thei emai tûn ang lai ruah te rawn do ! Hair dryer ka room ah a awm kalo va la anga i sam ti ro nghal bawk ang che " ka û chuan min lo zui lût reng , nuih tlawn ver ver in bathroom ah ka lût nghal thak .






Ka inbual lai te chuan a vawt bawk si ,ka thinrim bawk si chu ka ang leh hlak hlak thin .'Ka ning ' ti vakin ka inleih thut a ka phu chiang asin .Tui chu avawt pawh anilo ahik hi ni tawp .Thlasik laia tui vawt a inbual chu Korea ram a awm ang ngar ngar hi kan ni ringawt.

Ka chhuah chuan ka û alo awm tawhlo a , ka thawmhnaw hâk tur ka underwear thlengin alo dah chhuak vek .Inbel mawlh mawlh in hair dryer alo dah tel chu plug ah ka fit a ka sam ka chhem tir nghal bawk .






Ka vawt ti reh theilo chu dawhkan pawh kîl lo in heater bulah ka thleng ka chawi ta ringawt a , ka pa pawh a hahchhiau a hahchhiau leh tawh .Kan immune system a chaklo nge keini chhungkua hi chu hritlâng kan kai hma thei bîk ania aw ,tûnah pawh ka hnâr apin leh vek tawh hi !

"Mate kan mutlum san mai ang che u avawt emai " ka pa'n a tih chuan ka û nen kan nuih ralh ralh , rizai nen a intuam hlûn a vawt ala ti ngang aniang ."nia nangni pawh tihtur inneih loh chuan mu hma mai ru , keipawh ka kawng akhan riah mut zâl ka duh " ka nu pawhin alo ti ve bawk .An room a an luh hnu chuan ka û bulah ka insawn a "û enteh Paliana ka ngei zia chu " kan ti hmasa te te a





"Gideona maw " alo ti thuai





"Umm vawin zing ah tlai a min thlah leh tur thu a sawi a ,min rawn lam leh silo a ka rawn tlai phah vek alawm " thinrim zet chuan ka ti a "ava â ve " a ti sam et ringawt .
"Nangchuu min thinrim pui ve la " ka ti chiam

"Ava han â em em ve " a tih leh chuan abân ah ka beng pawp . "Ana Naom min beng pawp pawp zel suh " ti hlar in a banbul chu atuai hauh hauh.."nge min thinrim oui ve ta che " ka ti hlar a " i buai a leh thinrimna hi aho thei lutuk , a hmanlo aniang chu mawle .Bâkah i duh vak chuanglo ani lawm ni nge a rawn hruailo mai mai che i lâk nat viau " a ti mawlh mawlh a , min tan lo lutuk te chu ngei viau mah ila a sawi dik viau bawk si .Nge maw min thlah lo chu ka lâk nat viau ni ? Mahse amah vangin ruah te ka do a ka thinrim tho .






"Chu kawngkhar an hawn sak teh "





"Ininawm han hawng ve mai rawh" min melh ram ram in a tho hnu hnu. "Gideona anih hi " a tih chuan "a awmlo ti rawh" kalo ti vat . min tih hmel fe hian min melh a ,kawngkhar hawngin "lo lut rawh" a ti nem duai ..Ka û hi chuan min runluih hi achâk ve mawle .
Thuthlenga kalo thu kur chu min melh vung vungin a rawn pen lut a , kamiz nen a rawn induang leh zar tawh ! Hepa hi awmhmun ah pawh tiang hian a induang zar zel emawni ?


"Kha athinrim thu alo sawi char char lo ngaihthlak sak ve tawh teh " ka û chuan a ti kher a ,ka va ngei mai mai tak .Ka bulah tak Paliana lah chu a rawn thu thla zui .Ka û lah kan epah a thu hrang kher bawk .





"Duati " ti thum supin min melh a , kalo melh ling hlar a inthiamloh hmel viau nangin ka ngaidam mai mai dawn lo . "Nge i rawn tih dawn " ka ti fak a , "Naom" ka û in a rawn ti that .
"Gideon hrethiam rawh aw kan naui hi chu a kum phulo hian a rilru a puitling lo a " ka û in a ti nghal mawlh mawlh .
"Khawnge inu te ?"




"An mu hma anih kha . An chau..." "Hahchhiau"ka hnar ka tuai nghal nawk nawk .Ka hritlang tak tak dawn aniang ."Lo inkawm ru ka mu lum duh" ti sepin ka tho tharh a inchung lam ah ka tlan chho nghal daih .
Ka û in "ava han â mai mai tak e aw " a ti ri chu ka hre reng , nge maw ka hmu peih hrihlo ani ve mai a .Tikhuan a duh hun hun ah haw rawh se .


**Ehh ads kha i click ve hram dawn nia aw, ads atang hian kan writer ten hlawh an lo nei ve a, hahtaka kan chhiar tur ngaihnawm tak tak min ziahsaktute tan ads a hnuai a mi khu i lo click ve hram dawn nia**


Show post links
Top