ZûNLêNG S2 BY Natasha Hrahsel (Completed)

[Ngaia]

*ZûNLêNG S2 * ch~19


#a tawp note chhiar hrâm ila





Staff ten kan awmkhawm chu chhuak then tur in min rawn ti a , mi rilru buai laia dân anlo sawi ve sek hi atuartu tân chuan alo hahthlak thin dawn mange .
"Dawnga i duh chuan va intifai la , inlamah matei nen lo va haw ula keinin chanchin kan lo ngaichang ange " ka nu in a ziaawm deuh hnu chuan a rawn ti lawi rat a , "Dawnga lo va intifai rawh ka awm ve dawn " ka ti lui deuh tlat . Inlama rilru hah deuha lo awm bik ka duhlo .





"Ka bâl angreng sia , ka va intifai zuai anga ka rawn let leh vat ang " Dawnga'n tiin ka pa thawhpui te ho nen an chhuak ho a , keini nufa thum chu kan inkuah khawm rial a , staff ho pawn min rawn hau tawh lemlo .
"Tukin zing te kha chuan ala tha pangai vek sia ! Ka hna kal tur te pawh minla enliam reng sia " ka û chuan a ti sep sep a , "lalpa khawngaihin tha chhuak leh hrâm rawh se" ka nu pawhin alo ti ve bawk .Kei erawh ka ngawi reng thung .





Sroke hlauhawm zia ka nu leh ka û te ai hian ka hrechiang a , chuchuan ani ka rilru ti hah a tibuai em em reng ni . Ka pa chân tur anga indah chhin ringawt pawh ka ngamlo ,ka ipik a ka thaw te hial a chham dawn mai .
Kan nufa thum chuan kan nghak tlawk tlawk a , kan vengchhung a tlawmngai zual leh kan hmelhriat tha te , ka pa thiante pawh Hospital kawtah an awm ve thu Dawnga'n ka nu a rawn hrilh a .Chung te hlei hlei chuan ka thaw a ti ipik , ka pa chân mai thei kan nih zia min hriat zual tir a minti hah ngawih ngawih .






Ka û ph a rawn ri leh a , ka û in a pick up chiah a "Mal Gideona " tih pahin min pe nghal zat .Ka ph ka kenglo ani tih ka inhre ve leh chiah bawk .
"Aw " ka ti thám chhel .

" Bawihi pawnah ka awm a , chanchin ka hre tlai viau mai " inthiamloh hmel zet hian a rawn ti a .Tunah zinglam dar hnih a ri tawh a , ka beisei ngamlo hrim hrim zawk .
"I tha em ?" A rawn tih chuan tah khum vak mai chu ka châk a , mahse ka mittui far khat pawh a rawn far thei der bawk silo ! "Umm a vawt awm sia " ka ti sap a





"Vawt hranlo , thingpui emaw coffee te in duh em ?" A ti leh a , ka nu leh ka û ka zawh chuan an in châk biklo aniang an duhloh thu in min chhang . "Kan duh hrihlo , mi in tam em ?"

"Kan awm ve nual , rawn luh ve a rem silo a hei Dawnga nen kan awm " a ti a , ka bulah awm ve thei se ka ti takzet .Ani uapna hnuai ah tal awm thei ila thla amuang ve deuh tur.





Rei pawh inbe chuanglo chuan kan dah a , a reh hian a reh tlawk tlawk mai .Hospital ah vawi tam ka duty in kan zirlai ngei pawhin ka lo tal tam ve tawh a .Hetiang dinhmun a dingte kalo hriat thiam loh zia ka inhre chhuak . 'anva khawngaihthlak ' kan ti liam puat a , ahnu ah kan nui zui leh har har thei a . Hetiang tak hian an rilru a ipik in an hrehawm dan tur kanlo ngaihtuah thleng pha ngailo , a tuartu tan chuan alo na ngei dawn mai .





"Doctor chanchin ala awm miahlo em ni ?" ICU atanga Doctor lo chhuah rualin ka nu'n alo ti thuai. "Ka pi keini lam atang chuan nghah tawp loh chu tihtheih a awm hrihlo a , Pathian kutah innghah tawp hrih ani mai "Doctor chuan beiseina insiam lo se min duhzawk niawm tak hian tlang takin a sawi a , ka nu pawh a beidawng ve takzet tawh . Kan rilru in kan tawngtai ru mawlh mawlh hlawm .






Gideona pov.





"A tlin talo anih chu " kan bula pa pakhat in a tih rual chuan Hospital lamah hmanhmawh zetin kan pên lut a , ICU kawta Bawihi te nufa ho lo tap hlawp hlawp chuan lung an ti chhe ngei mai .
"Bawihi " hrilhhai zeta anu leh a û tap lo melh tlawk tlawk tu chu ka ko a , a biang huh ve miahlo te chuan minti buai takzet .

"Ka pa...ka pa kha "





"Ka hria " ka ti sup .




Morgue Van in Pa Dama ruang chu kan phur phei a ,Bawihi kianga awm reng ka duh vangin ka motor pawh kalsan tawpin an rualin ka chuang ve .Bawihi ala tapchhuak thei miahlo a , anu leh a û erawh thlem theih rual loh in an insut ri hlawp hlawp reng thung .





An in chu khawtlangin anlo singsak sak a , Pa Dama kuang tur anlo chhawp ruih tawh bawk .Venghnai deuh te leh mi tlawm ngai te an lo awm fur tawh a , a then anlo phe deuh suau suau bawk .
Pa Dama ruang chu kuangah dah lut in YMA thuthleng pahnih chungah dah ani a , thuthleng anlo rem khat dul tawh bawk .An laina hnai te chuan an tahpui bawk bawk hlawm a , apa kuang kil a Bawihi thu ngawi reng kiangah chuan zah pawh dawnlo in ka thutpui ve chawt .




Tukthuan ei hun alo nih te chuan an kiam phah hawk ka rin laiin tu teh vak mah chu an haw lo nge inchhung bîk phei chu akhat thup reng ! An veng hi an in support tha hrim hrim nge Bawihi te hian then leh rual anlo ngah zawk ni ? An pa ber an chhungkua a mipa awmchhun a borala ,an lainat ve hlawm te pawh ani mahna .






"Maruat innufa ho hi inthlâk ve lawk ta che u " nu pakhat hian a rawn ti a , Nu Maruati chu inthlak turin a hruai a , Bawihi û pawh a thiante'n an hruai ve nghal bawk . "U Gideon nangman inthlakpui ve lawk mai la , nihloh pawn keiman kalo pui dawn ami " an kawmchhak nula Vanrami'n a tih chuan ka hruai tur thu in ka chhang sup .
"Bawihi inthlak ve lawk ta che " tisupin ka kuah tho a , min hnial lo a min chhang bawk heklo .A taksa lum ve hiam leh thaw ve dep dep ri hrelo ilang chuan mitthi nen danglamna an awm kherlo ang .






A room ah hruai chho in khumah ka thut tir a , a melh ngai melh ngawt ngawt hian engmah a sawilo .
A wardrope ni awm a ka rin chu ka hawng ve tawp a , thawmhnaw dum lam mawihnai ve deuh a ka hriat chu phawrh in puan dum ka la chhuak tel bawk .
Amah ka thlak lai takngial pawh chuan atawng lo a ka tih ang ang chuan a awm deuh tawp . A pheikhawk buntir lehin "i mu zuai duh em ?" Ka ti sup a ,a lu a thing ringawt thung .






Inhnuai kan chhukthlak leh chuan anu leh a û pawh anlo awm leh tawh .An bulah chuan kan thu veleh nghal zat .Nu Maruati te chu an tap chau tawh deuh nge ahma ang em chuan an tap tawh biklo a , lungchhe zetin anla inhrut leh zeuh thin .
Mikhual te an rawn thleng a , Vanrami te chhung in an in lamah chaw ei anlo buatsaih sak a .Thingpui lam pawh an ina lum tur anih hmel .Bawihi cousin te an rawn thleng ta nak nak hlawm a , Pa Dama ruang kil duh an awm ve ta nawk hlawm bawk nen Bawihi thutpui chu duh viau mah ila kalo thutve reng kha a remlo deuha hria in ka thawhsan zuaih a . Khuang ri leh zai ri te chuan lung a ti chhe thar duh khawp mai .Pa Dama inhre tha tak kan nilo chungin Pa tha tak ani a ,a nupui fanau te tan Pâ nih a tlin takzet .





"Bawiha i motor chu Chawitea kan va lam tir a , kawmthlang remlai ah khuan kan dah tir aw .Naomi bulah tinge i awm loh a "ka nu rawn thleng chuan a ti nghal vat .Ka motor lam tur tu emaw la va tir turin ka hrilh a , chanchin ka hrilh bawk a ka pa nen an lo lan ve erawh ka beiseilo thung .
"I nau pawh nau awmtu kal veleh rawn kal ve a tum kha " ka pa in a tih nghut chuan ka bu zeuh a "pawn lama awm reng zawng amawilo , i lût ang u " ti lehin kan pathum chuan kan inzui lût a , ka nu chuan Nu Maruati thutpui nghalin ka pa nen erawh an hnung deuh lawk ah kan thu thung .






"Nula tap velo saw Dama te fa napang zawk kha ani lawm ni ?" Kan hnunga nutling chuan a rawn ti sap a "aw ni e , an hmeltha unau anian" pakhat in a ti ve bawk .
"Ava chau duh dawn ve aw ,hetiang huna tahchhuah theihloh hi chu ahahthlak duh bakah a chauhthlak duh asin .Han tap bawrh bawrh thei sela a zia awm duh zawk a , ka va lainat em aw " a ti leh vawng vawng a , kei pawhin Bawihi chu ka lainatin ka ngaihtuah takzet .Kan hnunga mite sawi ang chuan tap chhuak ve bawrh bawrh se a ngaih a ti tha zawk ang mawle .






Pastor in vuina hunserh a hmang a , thlalak puitu te chu an thahnem takzet .Pa Dama thawhpui te , thiante tih ringawt pawh hmun hnih a inthen a ngai hial mai .Pa fel tak leh zau tak ani bawk a then leh rual alo ngah ngang mai .





Thlanmual lama kal turin kan inzui chhuak hlawm a , Bawihi te nufa thum keiin phurin Morgue van bawkin ka Dama kuang erawh an phur a ,motor inzui pawh kan thahnem ngang mai . Thlanmual a kan invui zzawh hnu ah , inhmu leh ngai tawhlo turin Pa Dama thlân chu leiin an vûr hnan ta a , mihring ngaihtuahna atang chuan amak in kan damchhunga kan hmu leh tawh miahlo tawh tur ringawt te chu awih pawh aharsa hial ta ve ang .





"Gideon , Maruati te nufa hi kalo va phur haw hmasa anga .Naomi khu rawn buaipui mai ta che ,nangin i buaipui thiam deuh ang " Pu Duhawma'n Bawihi melh zawka a tih chuan ka bu nghut a , Bawihi chuan apa thlân an vur hnan mek chu alo la melh tlawk tlawk .
"Bawihi " ka tih sup chuan "Ka pa...ka pa hi " ti nawk nawk in "ngati nge tihian intih " ti chhuak vakin thlân lai tuten an vur lai mek chu dan a tum ta mai . Ka kuahbet nghal thlawp a , avawikhatnan a rawn tapchhuak ta hawk ..






"Ka pa hi min kaihthawhsak leh rawh Ramngaihzual , ka phallo " a ti tiau a , a insut ri nghal hlawp hlawp . "Mawh ...ngati nge phûm intum ? Nimin zing ah te pawh chaw kanla ei rual reng kha " a riat buai nawk nawk ani ber .
"Pa ka neive tawh dawnlo a sin " ka awmah min chum pah dawt dawt , atap ri chuan min vilh ngawih ngawih ani ber . Hnem dan tur takngial pawh ka hrelo , a tah zawi hnawk hma thleng chu a in sut ri hlawp hlawp reng a . A tah bân theih meuh chuan ni in tlâk lam ahnaih tawh .Pa Dama thlan an vûr zo tawh bawk .






"Ka û in "keini chuan pa zurui buaipui tur tal kan la nei a " a tih kha ka hrethiam ve chiah " kan nagwih dun rauh rauh hnu ah a rawn ti sep a , a aw a lawi rat bawk . "Duat taka enkawl na hun tal Pathian khian min pe se aw" a ti vawng vawng a , abiangah mittui alo kuang zung zung bawk .A heh a pet fan fan a " tinge kalo ât bik em em le ? A zurui chatthla te kha buaipui that ahnekin kalo thinrim pui a ,ka laka inthlahrun ngawih ngawih tur khawpin ka pa ngei kha kalo siam thin sia ." Ka awma bei turin ka kuah bet zui thlawp a , a tap chhuak theilo ka ngaihtuah a tunah hi chuan a tap chau vek ang tih ka hlauthawng leh si .





In ka thlenpui rualin mipui zinga awmtir chi ah ngailo in a room ah ka chhoh tlangpui nghal a , ka nu leh pa lo la awm ve reng chu thaw huai in ka nu chu ka ko chho zui ve nghal .
Bawihi chu khumah ka mut tir a , a mit chhingzui vat mahse amuthilh theih mai ka ringlo .

"Ka va lainat em aw " ka nu pawhin a ti ve vawng vawng .





"Nizan a tlaivar thak tawh a , vawin ah tuisik takngial pawh aka ah ala lût silo a .Ka nu Vitamin emaw i khai sak mai dawn em ni ?" Ka ngaihtuah chuan ka ti ta tawp .Thil a ei theih mai a rinawm loh tlat ani..
"Ni e apawilo tawp ang, anu leh a û kha chu midang khân kawmchhak lamah khian an hruai chho a ,tlem tal an eitir thei tur ah ngai ila . Ka lo awmpui anga zuk lei lawk mai ta che " a tih chuan ka bu nghut . Damdawi vel a ziah zawh chuan ka chhuak zui nghal thuai .






"Gideon .." step ka thleng chiah tih in Bawihi û in min lo ko a "i tha em ?" Ka ti sup .Ani pawh atap nasa a achau viau in ka ring .
"Ka nu nen chuan ngaihtuah kan ngailo kan tha mai ang,Naomi hi zanin tal chu i awmpui thei angem ? A mizia i hriat kha , ka pa boral hi apawm thiam ve mai dawnlo " a mita mittui tling râm chuan a ti a , "lungngai suh ka thlahthlam lo tawp ang " ka tih chuan thaw chhuak huai in " ilo awm ve chu alawmawm khawp mai " tiin tawite a min nuih hnu ah in lam panin akal zui a .Tunhnai ah kan inbe lo ti ila a dik ang , min duhloh thu achhakchhuak tawhlo chungin Bawihi tan min iai tawh viau a , tun kha Bawihi accident hnu a min biak leh hmasak na ber ani .






IV set vel ka lei hnu ah Bawihi chu ka nu in akhai sak zui a , a phawi lam erawh ka thiam ve tho bawk a tiin ka nu te an haw zui mai bawk .
Thalai ho zai thawm atha viau a , an tin darh hnu ah Zualtei leh Vanrami Bawihi room ah anlo chho ve bawk .
"Amuhil ami ?" Zualtei chuan Bawihi thlêk ha chuan a ti sep a , kalo bu nghut .A muthilhna ala reilo a reilo te tal muhil thei se ka duh vangin athiante lo kal mahse ka kaitho duhlo .





"Ka hriat rualin ka lo kal ve nang in Naomi hnaih ah pawh ka awm thei lo , kuang kiltu kha an tam bawk sia " Balcony lamah Vanrami leh Zualtei te nen chuan kan ding a
"Keipawh mikhual ho te kha buaipui an ngai sia ka thutpui hman hleinem .U Gideona hi a awm hlauha " Vanrami'n a ti zui ve bawk .

"Pa Dama chu a mak teh thut e ! A ngainatawm bawk si ka ui e " Zualtei'n a ti vawng vawng a , Vanrami'n alo tuihnih ve bawk.







"U Gideon nizan lamah i tlaivar ve bawk sia , zanin chu kanlo riahpui mai dawn ami " Vanrami'n a tih chuan angaihloh thu in ka chhang vut . Min hnial zui lemlo bawk .





Bawihi thiante an haw a , inhnuai lam chu an la ri nak nak hlawm nang in Bawihi awmpui ka duh vangin ka chhuk buai lo ta law law .
Bawihi bulah chuan chair pawt hnai in ka thu a , a muhil reng chungin a mittui alo luang thla nguai nguai reng tho !
Mang thalo mang ang mai hian a rawn phu leh deuh zuk thin a ,a rawn tap chhuak ta hial bawk .





"Ka pa .." ti hliai in a rawn meng a , thu chhuak zuiin a hawi kual nghal ruai bawk. "Ka mumang ani tiraw ? Ani em ? Ka pa ala thilo tiraw ?" A mumang mai nise tih hmel zet hian beisei zetin min melh a " bawihi" kalo ti zawih sup chuan "ka mumang ani lo maw ?" A ti zawi sep .
"Apawi ka ti " ka ti sup a , "ka mumang emaw ka ti asin " a ti tiau .
"Engtin nge kan awm tak ang ? Ka nu ...ka û ka pa tello chuan kan awm thei lo ang " a ti zawi sep a , a mitbul a tahna vangin a bui lûk tawh .





"Duatte min en teh " ka ti sup a , amittui kar atang min melh meuh erawh chuan keimah zawkin amit ah taka en harsa ka ti takzet .
"I tân ka awm reng dawn , i tân chauh nilo i û leh i nû tan pawh , ka thlahthlam lo ang che u .I hrethiam em ?" Ka ti a , bu deuh nghat nghat mahse a zia awm phah in ka ring chuanglo .

Akiangah mu in ka vil deuh chawt a , a mu nghet hleithei meuhlo . A rawn tap chhuak leh thin a , kuah a hnem loh chu tihtheih ka nei tlêm si .Muhil nghet pangai thei tal se chuan a zia deuh tur .






Naomi pov.



After three weeks





Kan nufa thum leh Dawnga te nen chuan tukthuan kan kil ve rap rap a, tu chawei mah a tuilo tih inzawhchawp angailo ang .Ka nu a rûkin ala tap nitin thin a , ka û nen pawh kan bâng chuanglo .Dawnga awmve hlauh chuan tlemin thla ati muang deuh a , awmlo pheise chu kan in a reh viau in ka ring .

"Mal..ka nu hi dawr ah kal leh tawh se ka ti e " ka û nen chauh thleng kan seng fel a , ka nu pawh a dân ngaiin an room lamah a lût leh tawh .
"A ziaawm phah deuh iring ami ?" Ka tih chuan abu deuh nghauh nghauh. "Buaina tur deuh han nei se a khawhar lutuk pawh azia mai ang " a ti a,keipawhin ka ring .Kan unau pawh hna ah kanla kal leh lo a , ka û erawh naktuk atang a zawm leh tawh dawn a , kei chu ka hrelo le .

Paliana zantin a rawn la lang reng a, kan khawhar hlau a kan ina rawn leng lût tawk anla awm ve reng bawk a , kan zavaia chhuah vek chu a fuh ber chuanglo maithei .Karkhat dawn chu ka mumal hleithei lo a , Paliana'n min buaipui kartluan ani ber .A hah thin viau in ka ring , ka pa thihna chuan kan chhungkua min nghawng nasa a , hmuh theih khawpin kan tla rawk rawk hlawm . Kei phei chu chaw ka ei mai theilo rei bawk nen ka chêr zual bik ngawih ngawih te hian ka hria .





"Dawnga kha akal tawh em ?" Kan unau a kan lo inkawm melh melh lai chuan ka nu in a rawn ti nawlh a " tlai lamah chiah akal ang " ka û in alo chhang .

"Mate han ko lawk ta che " a tih leh chuan Dawnga chu ka ko nghal a , ka nu in "Dawnga lo thu teh" alo chhuah rual chuan a ti zui.





"I pate Motor khu ala thar tha angreng a , keini nufa ho chuan engtik ah mah kan khalh ngam dawn chuanglo a , nangin i hmangtangkai zawk ang rochun ta che " ka nu chuan a ti a , Dawnga ahawi buai nasa hman khawp
"...á... Nute in khalh thiamlo anih pawhin man tamin ala hralh theih ang ." Dawnga chuan a ti nang nang.

"I patea ta ani a , hralh chhawn leh chu ka remti lo . Nangin a tul tul ah hmang la ka duh, khawih loh a dah reng chuan motor in a tawrh ka hlau a , nangin enkawl la a tha ber ang ." Ka nu in a ti leh a , ka û nen pawh kan hnial lo khawp . Keini chuan kan khalh chhuak ve thiam dawn chuanglo a , hralh pawh kan phal dawn chuang heklo .Dawnga hian nei sela a tha ber ang .





"Nute.." ala ti fan a , a awm ve tho mai.





"Hna te avâng tawh a , i duh chuan taxi ah te i let anga .Zing hma tak taka thawh a inhlawh ai chuan hahdam deuhin i class kal loh chhungin i service thei anga sum pawh i lalut hnem zawkin ka ring ." Ka nu in a tih leh chuan Dawnga pawh chuan " ka bike pawh hi taxi a leh ka lo tum rilruk lai tak ania , ka va lawm dawn ve " lawmthu sawi ngaihna pawh ahrelo hial mai !

"Fapa ka nei ve lo a , i patea nen pawh kan fâ ang tak tak in kan en che a , i theih chhung chu kan bulah awmla ka duh takzet .I unaunu te tân lah i thlamuanpui awm dawn bawk a , kan inchhung reh lutuk tur pawh iti ziaawm khawp alawm. "






"In duh aia ka bengchheng kalo hlau ru zawk a " lu hiat neuh neuh a a tih chuan ka pa boral hnu a avawikhat na tan tihluihna tel miahlo in ka nu chenin kan nui ta hak hlawm .

"Engpawh nise naktuk atang keipawh dawrah ka kal leh tan tawh anga , in unau pawhin in hna ah kal leh tawh rawh u .Kan hmuhtheihin ipa awm tawhlo mahse vân atang min rawn thlîr ve reng ka ring a , kan lungngai hmel hmuh a duh ka ringlo ." Ka nu'n a tih chuan zangkhai takin sawi mahse a hlimruk loh zia kan hmuhhmaih chuanglo .Kan sawi lang lo mai ani .










#nizân ah link FB ah ka suan luh theihnghilh pek a , thenkhat in inlo nghah ngar ngar laiin ka up tawh bawk a tiin keilah thlamuang deuhin kalo muhil a a haihawt theih ngei mai . Zanin comment ka en thuak ka hmu mai chu mak ak ti si , â ka inti bawk si ka khawngaih cheu bawk sia .Ka haihawt zârah inlo tuar ve lawk a apawi tak tak .

# chuan story hi kân duai lawk ang aw , thui deuh hi keimah zawk hian ka ngaina lo a . A tam berah chapter 30 vel hi nise ka duhtawk chiah a , chuvang chuan naktuk zân a kalo dah hman hlauh chuan kan kân duai lawk angai ang .


"Leh lawks , naktuk tukleh hian test ka nei dawn a ,zirtur ka ngah deuh vangin ka rawn dah hmanlo thut thei tih ka sawi lawk aw .


Show post links
Top

[Ngaia]

*ZûNLêNG S2* ch~20




Whatsapp group ka siam ve chhin a , ka haihawt ka tih kha link ka dahtheihnghilh keimah chauhin group ah kalo awm ve ngar ngar . A duh tan a join theih aw.
https://chat.whatsapp.com/CPTi2hUm2TyI32ppcJPAVK

Chanchin inhrilh nan lo phei chuan atangkai em em na chu ka hre chuanglo a , han siam ve chhin phawt ang u .






Tûnah chuan Internship pawh ka ti zo tawh a , hna neilo chu ka lo nive ta reng mai a ! Hun hi a kal chak ka tiin hun kal tawh a let leh dan hi awmse chuan engkim huamin ka let leh duh hial ang . Ka pa ka ngai zual deuh deuh a , a damlai a ka theihpatawp a kalo duat lo khan min inchhir tir chho mek zel bawk .Tunhma khan ngaihsak in lo duat em em ta ang ni ila tunah hian ka tawrh dan anep deuh chu ka ring chuanglo ,mahse ka rilru a nawm zawk erawh ka ring .





Kan inchhung ka luh chuan alo reh thiap a , ka nu leh ka û an awm in ka hre sia !Kawngkhar lah chu a inkalh mang bawk silo a !
An pahnih chuan ka au a , mahse min chhang lo .Ka nu in nimin lam a apangpar lei thar kha an hung tha kual vel aniang tiin inchung lam ah ka chho a , anlo awm ngei e .
Inchung chhohna step tawp ber ah chuan dingin ka nu leh ka û lo ti ti siam siam chu hmuhnawm ti zet in ka thlir a , ka pa boral na in ka nu leh ka û te anghawng zia ka hria a ,ka nu bîk ngat phei chu zân a han muttheihloh phah hial châng angah .Chuti chung chuan inti pachangin pangai taka awm an tum hram hram zel a ,atak ni miah loh a an nuih châng te hian ka tah an ti chhuak thin .Ka zia thup har ka tih em em kha tûnhun ah pawh hian har ka la ti reng .Ka hlim loh chuan ka thup thiam ve tlat silo a , han nui lui ve ngial dawn thin mah ila ka thei thin ngang lo .





"I nau tân hian Gideona hi tha iti em ?" Ka nu'n ka û a zawh chuan ka beng ka tun nghal hra a , "ti e , an inkawp rem lo dawn viau in ka hre hman a ,mahse Gideona ai tha hi chu ahmu tawh kher lo ang" ka û in a ti a , ka pa boral laiin Paliana'n min buaipui nasa a , ka û pawh alo nem ve leh hman viau aniang .
"I pa khân i nau hi angaihtuah thei lutuk a " ka nu'n harsa ti zet a a tih chuan ka lo thaw halh a , ka awmve tih an hrelo a nilo se chuan an sawi kher pawhin ka ringlo Min hnungchhawn zawngin pot ah leitha an vûr a ,an hmel hmu thei ilang chuan an ngui ruai ang ka ring.





"Nangchu i puitling a , i chhel bawk a mahni i in enkawl zo in chhia leh tha i thliar thiam a tiin ipa khan a sawi thin a .I nau ve thung chu a rilru anaupangchhia in ana hma em em bawk si a , Gideona hi mipa rintlak anih chuan nei vat se a duh thin ." Ka nu chuan a mittui hru zeuhin a ti a , "nangpawh pasal nei ve tawh la a duh a , mahse i duhthlanna zahsak che in nangma inpeih hun nghah tha a ti thung a ." Ka û chu a inhrut ri hraih a , ka mittui lo luangthla ngiai ngiai chu kalo hru ve tawk bawk .






"I pa in min kalsan leh ta mai si a , i nau in mipa tha tak atawnlai hian keini pahnih min kalsan a duhloh vangin Gideona hi ahnawl mai ang tih ka hlau ru khawp mai " ka nu'n a tih leh chuan ka lo thaw hak , ngaihthlak zawm duh tawhlo in inhnuai lamah ka chhuk ta daih .
Ka nu sawi kha a dik chiah , ka û leh ka nu kalsan a pasal neih daih hi ka duhlo .An khawhar zual lai ala ni zui a .Paliana pawhin a sawi lang leh zeuh tawh chungin ka pehhel thei hram , ka pa kan sûn tih a hrethiam a min tur lui lo mai pawh a inneih lam a duh takzet tawh tih ka hailo .Tundinhmun a ka nu leh ka û chauh mai han kalsan hi ka hreh em ani.

Dawnga pawh la awm ve hrih mahse nu leh pa nei ani a , fapa mal ani bawk a .Nupui chhia a tha nei ve se helai ah a awm reng thei dawnlo .An khaw lamah a nu leh pa enkawl a ala awm chhoh te ala ngai dawn a , unaupa pakhat tal nei ve tal ila chu ngaihngam takin ka nu leh ka û pawh ka kalsan thei tur ania .






"Duati , ka nu in a dawra thawk turin a duh che a " in ngheng riala thu dûnin T.V. kan en a , ka nu a mu tawh a , ka û in hla a zir bawk . Mitmei vên tur an awmlo bawk nen kan inthut hnaih viau mai.
"A damdawi dawrah Lab a awm loh kha " ka ti zawi sep .
"Umm hawng turin a duh che , a dawr bul chiah dawrte kha a ruak dawn a.Chutah chuan Lab bun ve la a duh deuh a , a damlo te hmun danga tirh chhuah reng ai chuan ahmuna check nghal theih kha a tân leh damlo te tan pawh a awlsam dawn a .Lo sawipui tur che in min tia , i duhloh pawhin apawi chuanglo ania , ka hnial sak thei tho che " a ti leh a , midang hnuaia thawk lo a mahni a inbun ve chu ka duhthusam chu ani tehmeuh mai .
Mahse sum bawk hi ani buaithlak chu ,Lab êm han hawng ve tur chuan sum angai turu buru lutuk tlat.A bîkin khawl ato zual anga , dawrte han khawr chawp rawp rawp ang kha chu anive thei dawn der silo





"Ka nu te ka lo sawipui phawt ang " ka ti ta ringawt a , hnial nghal rikngawt chu ka duhlo .Min duhsak a minlo sawihmuh an ni ve awm si a.






A haw tur chu step thleng ka thlah a , kan ding dun leh vang vang phawt .Hnung lam atanga min kuahin a kut pahnih ka dul zawnah a suih a , ka dâr ah a khabe a rawn nghat bawk . Râl lehlam tlâng hnaih zeta thla lang bial kulh mai chu kan thlir dun vang vang a ,a thaw lum ham ham chuan ka biang a ti lum ve thei hial .

"Nangmah inihna a bo tial tial tih i inhria em ?" Kan ngawih dun rauh rauh hnu ah a rawn ti sup a ,a sawi awmzia ka hrelo hle ."i mize harhvang leh duhawm zet kha i hlauh hlen mai ka hlau takzet " a tih leh chuan ka thaw hak .





"Duati hmalam pan ve tawh rawh .I pa theihnghilh rawh ka tihna anilo ,tûn a i awmdan hi i pa in rawn hmu che se a hlim iring em ni ?" A tih chuan ka biangah mittui a rawn luang thla ngiai ngiai a "a harsa ...aharsa ka ti , nitin hian inchhirna in min chenchilh thin .Tinge...tinge ka pa kha ngaihsak a ka lo hmangaih tawk loh le " ka ti khur dar dar , ka tahchhuah ka hlauh vangin ka hmui tah insum vanga khur dar dar chu ka pet a , "ka ngai ..ka ngai takzet " ka ti chhuak leh tiau .

"Intap thawl rawh le ?" Amah hmachhawn zawnga min kuai herin a awmah min kuah bet a , insum lo in ka tapchhuak nghal hlawp hlawp .Hmeichhe tahbelh tak leh mittui ngah tak ka ni a , tunhnai a ka tahchhuak insum nasat lutuk vang erawh in minti zawi in min ti ipik takzet .
Zanin ..zanin chiah hi ka duh amg thâl in ka tap anga , ka pa ka ti lungngai tawh ang .Naktuk atang chuan nula hlimthei tak kha nihleh ka duh tawh ,ka lungngaihna vanga ka pa lungaia siam ai chuan ka nuiri avanga hlimna siamsak ka duh zawk .






"Hun kaltawh kan siam tha theilo ,mahse ipa pawhin chhel taka i awm hi a chhuang ngawt ang che .I inthiamlohna neih hian a ti lungngai viau zawk ngei ang " ka sam a chûl hliau hliau chung chuan a ti damthlup a , ka awmdanin ka bul vel ami te ,min hmangaih tak tak tu te alo ti lungngai thin a .Ka harhchhuah a hun ve tawh viau ani .







Darkar khat dawn pawna kan din hnu ah a ahw ve ta hrâm a ,ka zâng hawk thei hialin ka inhre mai ! zanin khan awmlo se chu tunah pawh hian ipik tunin kala awm reng ka ring .
Inchhung ka luh rualin Dawnga a rawn lût ve nghal zat a , "iva tlai ve " kalo ti vat .

"Nia passenger Mualpui a hruai ngai ka nei fuh lawm le , tlai tawh sa nak laiin Paliana nen inchance nei lai tihbuai cheu ka duh lo a ka nghak char char cheu lawm ." A tih hlar chuan ka biang a sa hat hat !





"Englo..."ka ti bah nak a "a pawilo , darkar chanve vel bak ka dinglo " ala ti tak deuh deuh a ! "Chawhmeh kan tih lum ang che " ti daihin rang zetin choka lamah ka luh san .
Dawnga hian ka pa car kha taxi ah a siam ta ngei a , kawmthlang garage an sak that vangin kawngchung lama Vanrami te inbul ah apark hrih mai thin .Beisei aiin passenger ahmu tha a , zanlai a rawn phone tu lah anei leh zeuh thin bawk .
A tir phei chuan passenger ahmu tha leh lutuk kha mak kanlo ti a , mahse Vanrami alo fing deuh nge a dawra leng lut apiang hnenah Dawnga nb lo pe in a taxi hire ve turin alo ti zel a .Group tam tak ah alo post bawk a , hriat mang loh hnen atang call a dawng zut zut reng mai .Vanrami zarah driver rei tawh zawk te aiin passenger ahmu tha ta hlauh zawk a .Thlatawp ah phei chuan singhnih leh tih lai ala lut ve nghe nghe , sawm a pakhat pe in abâk zawng ka nu hnenah pek vek a tum a .Ka nu'n in hnial thei hrâm mahse kan nufa ho kawr mawi zet min lei theuh tho .






Dawnga eina vel ka tifel zo ka room ah chhoh mai ka tum chu ka nu lo chhuak nen kan intawk a "i muhil theilo mi ?" Ngaihtuah zetin kalo ti thuai .
"Thei e , tui inchhawp sa kalo neilo alawm mawle .Mate zanin chu ka bulah lo riak ve ta che " a tih chuan "ka han intifai lawk anga kalo chhuk leh vat ang " hnial lo in ka ti thuai .Alung aleng ve deuh ani maithei ni .






"Mate Gideona hi pasal atan i duh lo em ni ?" Khumah inhmachhawn in kan mu a , kan titi sep sep laia a rawn sawi chhuak thut chu min ti phu deuh zawk alawm le . "Zodini'n inneih lam hi hnaih ve tawh ula a duh cheu a " a tih chuan "nu" ka ti sap a , "min hnial lo la , pasal atan i duh leh duhloh ka zawt ringawt che lawm "

"Ka duhloh pawh ka hrelo " ka ti sap .




"Pasal atan i iai lo a ,neih mai i inhuam em ?" A ti leh a "umm" ka ti sep .




"I duh ve tak tak anih chu " a tih chuan ka nui tawp .
"Mahse inneih lam chu ala hma lawm , kum khat em pawh kanla inzui tlin loh hi" ka ti leh a , ka neih duhloh chhan diktak erawh ka sawi duhlo .

"Mate ,Pu James Dokuma chuan " hmangaihna tak tak chu hun hrin niloin , thankin sa in a piang thin " a ti a , a dik ka ti viau . Tunah hian Gideona hi neih i inpeih anih chuan i hmangaih tihna ani mai .Kan duhloh leh hmangaihloh te hi chu neih chu sawiloh an bulah kan nihna thup pawn kan awm peih ngailo asin .I neih duh loh chhan hi i û nen min kalsan i hreh vang tih ka hria " a tih chuan "nu " kalo ti thuai .

"Minlo hnial lo la , keini chu ngaihtuah kan ngailo .Pathian zârah nghei ngai khawp a kan khawsak ka ring lo a , i pa pension ringawt pawn kan inchawm zo dawn lutuk . Dawnga awmlai ala ni bawk a , ipa pawh khan in unau ah a tu emaw zawk zawk hian pasal nei thuai ula a duh cheu a .Pasal tlâk i tawnfuh lai hian nei la ka duh .I û chuan angaihsak loh piah lamah ka nawrlui thei dawn chuanglo a , nang tal hian i pa duhthusam kha ti hlawhtling la ka duh . " A ti a , a mittui tling chu dîm light kârah atle ralh a , "ka nawrlui lo che , mahse Gideona hi mipa thatak ani a , a kum te ngaihtuah pui ve la Upa lua han tih tur la nilo mahse in kum a inthlau a , nang ila nulat dawn chauh laiin ani chu senior lam ani tawh a , nangin i hnial lo anih chuan nei ngei la ka duh "





"An ina ka lawi luh hunah ka che fel lo bawk sia engtin nge ka awm ang le " ka tih chuan ka nu pawh a nui ta hak hak .
"I nu Zodini nen in in vîn ve that that rei dawn ani mai "





Ka nu muhil thaw sak sak chu ka en a ,kanlo ngaihtuah ngailo a .A tirte atang khan ka û nen lo inriah pui chhawk ila tha tur .keini unau chu mahni a mu thang kan nia , ngaiah kan nei thei a , ka nu ve thung chu ka pa tello in a mu ngai mang lo ti ila ka sawi sual lo ang .Zan tam tak chu ka pa ala awm ve reng emaw tiin , a harhthut hian a zawng ve ruai thin anga , a pasal hmangaih em em tu he leia a awm ve tawhlo tih a hriatchhuah rualin a mittui ko chhuak tu bawk ani leh thin ngei in ka ring .
Tunhma atang tawh kan mizo culture ah hmeithai te dinhmun a hniam in chhaih fiam ,leh uangthuang tak emaw ,zahpah lo taka han biak a tam a kan ngai neih mai mai tawh in ka hre zawk .Chutiang dinhmun ah chuan ka nu hi a din ka phal ve dawn ngailo .Mipa awm lohna in chu a zahawm loh an ti thin a , mahse ka nu hian kan in hi zahawm takin a awm tir reng theih ka ring .Tun thla kalta reilo te chhung pawhin psal sûn mah nise inchhung a enkawl zo in rorel dân a thiam emai .






"I duh chuan kan innei dawn nia " ka ti sep a, a tui inlai a hâk nghal bawrh bawrh !
A dawr tihfai sak turin ka inhruai tir a , aman min tihfai pui leh vek sia , a tui in laia ka tawng thut chu a la hâk zui bawrh bawrh zui !
"Duati" phawk zet hian min melh !





"Enge ? Inneih i duh ani lawmni? Innei ila nimai lawm " ka tih chuan " tihsual ka nei em?" A ti sup .
"I mawl ami " ka ti hâ , inneih puiah min sawm tluk tluk a , ka duh thu ka sawi veleh a awmdan hi !
"I thin ka ti rim miahlo maw ?" A ti leh ! "Hmangaihzual ..min nei lo tawp rawh " ti vak a kalsawn ka tum chu min pawtlet in min kuah bet nawk ." Ka mumang ani em ? Ani lo tiraw ? Duati ka mumang anilo " ti nawk nawk in anui leh hak thin ! Inneih ka duh vang ringawt a heti taka atalbuai leh hlim hi ka hmu dawn tih hria ilang chuan kan intawn tirh atang khan inneih ka duh thu ka hrilh nitin ang mawle .






" Ka ngaihtuah a , ka ngahh rei tir ta mah mah che in ka hria .U Palian ka tan chauh nilo kan chhungkaw tan kan harsat lai ber pawh a min thlamuan a kan tana i awm reng thin vangin ka lawm lutuk aw .Ih..i nupui ka nih hunah chuan ka tlinlohna tam tak tun ai hian ila hmu hnem dawn a,chutiang hunah chuan min ning mai angem ?" Hlauthawng zetin ka ti a , a kiai suk ringawt .

"Ka nupui inih phawt chuan i damchhungin chaw barh ngai pawh ni la ka pawm vek " a ti dam thlup a , aban ah kalo piai hlak .
"Duati " ti nang nang in a tuai vut vut , ka va awihlo ber tak , "inu te pawh in min lo duhlo thei a , nula chhuanawm tak ka ni bawk silo .Eirawngbawl ka thiamlo bawk si " ka ti leh niah niah .






"Ka nupui ni tura duh ber tu che chu kei ka nia , a dawtah ka nu .Ka nu chuan i rawngbawl thiamloh lam angaipawimawh teuhlo ,ka nupui i nih chhung chuang a fapa ai mahin a duat ang che " mit ko san zeuh hian a ti a , ka thawveng deuh huai .





"Zanin ah palai ka rawn tir ang " phûr zet hian a ti a ! "Palai tur inei nghal sa mi ?" Mak ti zetin kalo ti ve thung.





"keimah ni mai lawm " uang zeta a tih rualin aban ah ka chum tawlh ."Ka Pa puia te pawh an awm a , an tam ang " a ti leh lawi a , kan laktlak loh dun mang e .





Tlai rawngbawl hun awm velah min thlah haw a , ka nu hnena zan a palai a rawn tirh tur thu a hrilh chuan ka nu nuih a za ngang mai "rawn tir ta pauh che " nui hak hakin a ti ve ta tawp.
Dawr lam atang ka nu a rawn haw hma ta ziah a , rawngbawl lam nuam a ti bawk a in kan thlen hi chuan alo bawl zo duak tawh zel .
Vawin tlai erawh pangpar alo buaipui hmasa leh nge rawng alo la bawl hman lo a , ka thiam ang tawkin ka bawl pui a .Tomato leh artui keiin ka kang a , ani'n antam alo bai bawk a , sakhi sa ka patea te'n an rawn thawn hlauh chu ka nu in a bawl a , zanin chu kan ei tui viau ang .






" awmpui hi la ila enge in ngaihdan? I pa pension bakah kan dawr atanga kan lakluh nen , Mambawihi hlawh te nen kan tlin ve mai ang a " ka nu chuan a rawn ti chhuak hlawl a ,"i thu thu ani mai " ka û in alo ti vat .

"Atha ngawt ang ,keipawn tam tum thei lo mah ila tlem azawng ka lo thawh ve thei ang " Dawnga'n alo ti ve bawk .




"Dawnga nanga hlawh phei chu angai hran chuanglo a , awmpui lâk ka tih deuh thut chhan pawh vawin khan in nu Muanpuii Thakthing ami kha alo kal a,tlangval pakhat zir paha mi ina awmna tur duh an awm thu a sawi a .Ka ngaihtuah zui a , an chhungkua an berh ve viau anih hmel a , ka lainat riau mawle .Hmeichhia kan tam a , ngai phei chu ka ti hauhlo a mahse midang tan malsawmna kan ni ve thei dawn a "ka nu chuan a ti leh a , tuman kan hnial lo .


"Tha intih chuan Muanpuii chu kalo be dawn nia , inchung lamah khi chuan room chuang a awm tawh silo a khawiah nge kan riah tir ang aw " a ti zui nuah nuah ..Ka nu hi chu aw ! Awmpui lak kan sawifel chauh a room a ngaihtuah lwh nghal chung tawh .





"Ka room saw ah sawn duhchuan awm se , keichu sitting room velah pawh ka awm thei lawm . Lehkha zir ka ngai hran tawh chuanglo a " Dawnga'n alo ti thuai a "angailo , e taka store room saw azau tha lawm .Inhnuai lamah thiar thla ila , bang saw thiah a har dawnlo a Dawnga room pawh kan zauh phah thei nghal anga atha phian ang a " ka nu chuan a ti a

"Nu tlangval iti mi khah? Hmeichhia chu nise ..." Ka ti niah niah .Mahni chhungkhat hnai lo mipa han awmpui chu a ka ti deuh






"B.A kal tan tur ania , Muanpuii meuhin a fak chuan a sual ka ringlo .Dawnga pawh a awm tho a hei , hmeichhe hlang kan ni hleinem .Lehkha athiam thei viau anih hmel lehnghal a , tunlai ah chuan mipa pawh hi hmeichhe tamtak ai chuan an lâktlak in an fel zawk ania " ka nu berin tha a tih chuan atha nimai .

"E zanin hian Matei tân palai an rawn kal dawn tak asin ei fel thuai ang u " ka nu chuan a ti deuh hluai .Kei pek pawn kalo theihnghilh leh hman tawh .





"Chuvang anih chu ahmel te a ên phet phet ni " rum zetin Dawnga ka melh a "Lalpa ! A êng lutuk ka meng theilo " a kuta ahmai hliahin an maimitchhing kual vel a , ka û leh ka nu an nui hak hak thung .Hepa hi chu kala khawng ang mawle .






Palai te chu an rawn kal ta ngei a , ka hmuhtawh hnu ang deuh pakhat leh kala hriat ngailoh pakhat an ni .An hawihawmin an fel khawp a , fiamthu an duh ngang bawk .
Ka û lah a nghal a chhuak a , thingpui min pek tir kher a , ka la thlauh lo chauh zui .
"Kan tupa hian Naomi hi chanloh ahlau sia , inneihna pawh a theih hram chuan a rang lama ti turin min rawn tur tel tak mawle "pakhat in nui huah huah hian a ti a , ka lo lai chhe lutuk ringawt .
"Keini lamah chuan a remlohna a awmlo e " ka nu in alo ti ve bawk a .





Inneih chu an han hmanhmawh khawp a , Thlathar ni hnih an han rêlthlu ngei ah! Ka piancham tak ala ni zui ! A kâr ang zawng phei chuan kar hnih leh ni tlemte bak zuk tla lo a ! Em em bawk hian a ..





Zualtei leh Vanrami ka hrilh ve thuai a , inneih sawmna card chu pinterest atang download chawpin ka edit a , kan class group ah kan thawn ve ngawt a ka û in min hau hrep .Inneih sawmna card pangai chhuah hun tal nghak turin min ti a , class group a ka thawn chhuah tawh chu ka delete leh thuai .Min nuih vak vak hlawm , thenkhatin 'che dangdai ve ' te an rawn ti thul .Keimah ber hi kalo phûr sual anih hi maw .






Inneih an tih hnaih em vangin chet zung zung angai a , man hlanna a ka kawr hak tur ka û in a duh dan angin a pan fo bawngkawm ami te dawrah a va thui tir tawp a .Lawi kawr ka duhdan in keiin ka order ve thung a , Mo kawr erawh hawh ka duh zawk vangin Zualtei leh Vanrami'n min en pui dawn thung .
Kan in te chu atheih dan dan in kan in singsa ve a ,man hlanna pawh hmun danga nei lo in kan inah ngei ka nu'n neih ni se a ti a , ka û ber abuai berah atang leh tawh bawk .Inchhung chei tihvel chu a zânlam hna ber ani .






"I duh chuan Vanrami pawh hi dinpui zawk mai la , keichu mo thian nih kher pawh ka pawi tilo " Zualte in a ti sap a , Vanrami lakah a inthla hrung deuhin ka hria .
"Keichu ka theilo bur min vengthawng suh u .Mipui hma ah ka ding theilo , ka thidang nghal ani mai " Vanrami'n alo ti ve thung .
Thian man ei tur kan han ruahman meuh chuan thian ka lo neih tlem zia ka inhre thar a , Vanrami ten tunhnai kan inzui ani mai a , Zualtei ani leh tawp a .Mahse ka classmate hlui ho an fel hlawm a ,thian man an ei ve deuh vek dawn .MLT lama ka zirpui ka kawm ve deuh thin ka Gorkhali thian pahnih in an ei ve dawn bawk .






"Naom a puk luih kha chuan a ti lang tawi zual che " ka stylist pahnih hi an duhtui ngang mai .Ka mawiloh an hlau leh lutuk chu ka lawm viau na in ka ning tawh viau thung .Mo kawr hi thawmhnaw hak nuam tak zawng alo nilo tawp mai a .
"Mermaid deuh style ha tur chuan ka tawi ve bawk sia " ka ti nang nang a , " mahse i pian a nalh alawm , i kawk a fek a han try ve reng reng teh .Khawmaw keiman i inhmeh tur kan zawng ange " tih pahin Vanramin mokawr inkhai dul chu a hai kual nghal ngat ngat .






"Uii heihi Rody in pasal aneih a ahâk kha a ang lutuk .Amawi sial den ! Han ha ve chhin teh " tuh pahin changing room lamah min nawr phei nghal nawk nawk . "Vanram Rody te pian leh ka pian in an loh zia hi ngaihtuah la , ka ke a kham si ka inhmeh loh tur ka ha chhin peihlo . " Kan bengchheng lutuk kha dawr nghaktu te pawn min buaipui peihlo tawp hial a , Vanrami'n hmelhriat alo nei lehpek hman hlauh a .Inthlahrung vak lo in kan en theih phah hlauh zawk .







"Perfect...sawisel na tur lai reng ka hrelo " Zualtei chuan alo ti var a , Vanrami'n thlangfuh inti zetin ka chhuak chu nui sang hian minlo en bawk.
"Ka inhmeh tak tak maw ?a kâwng hi ka thawl deuh a " ka ti sep a
"In duh inthlang fel tawh em ?" Vanrami thiannu Mawitei ,Dawr nghaktu pakhat chuan nui sâmg hian a rawn ti a Vanrami'n "Mawi enteh heihi , a kawngah hian athawl deuh a a tih tet theih ngem ?" Ap ti nghal vat .






"In lei dawn chuan a fit theih alawm .Heihi .." a ti vang vang a , a en chian hnu ah " tuman an la hawhchhuak lo , a la thar ngang mai.In lei duh chuan in duh ang thalin a fit theih ang .Bakah i inhmeh tawp , a kawng hi kan tih rek belh phei chuan a fuh thlap ang .Pheikhawk sâng nen pawh kalpui a harsa lo ang " a ti leh a ,fit dawn a lei kher ngai chu ka duh chiah lo deuh .
Vawikhat chauh hâk tur ania , a to dawn si ka chhungte ka ti hautak mai mai dawn in ka inhre tlat..





"Naom hei ai nalh hi chu kan hmu tawh kherlo ang , bakah dahthat reng ah pawh ahlu ve lawm " Zualtei chuan a lo ti ve bawk a, "analh ka ti lutuk mahse lei mai piah lamah anet hi duh ai chuan biakin a hâk ah chuan a langtam ka ti " thawmhnaw leh incheina lamah hian taksa langtam tih velah ka buai mang lo , mahse biakin a hâk tur erawh ka duh uluk viau thung.Taksa lang tam hâk te hi kei mawi ka tilo in,biakin ah hi chuan zahawm taka inthuam ka duh .






Ka thiani te pahnih nen chuan kan hai leh ngat ngat a , pa thum vel ka hak chhin leh hnu ah duhthusam amawi ka khai chhuak nawlh..
A nghawng V ani a , aban tluan niin mermaid design deuh tho mah nise akawng ah ahranpa in a puk ve laih a awm bawk .A zahawmin analh tel bawk a , a hawh man pawh a tlawm zawk zawk lo mahse lei tawp ai chuan atlawm zawk tho .Ka duhthusam ka hmulo a , hun a tep ter tawh si a duh han thlang viau thei ka nilo bawk nen ka la ta tawp a , Zualtei chuan Lavender rawng gown mawi zet ala ve bawk .







Kan in chu kan in chingfel thaw khat tawh viau a,Paliana te lam pawh an buai aniang kan inbe hman meuh lo .Zân lamah a rawn lang ve leh zeuh zel a , ani pawh chhunlamah reilo te hna ah akal a inlamah haw thuain a chhungte a pui leh thin .






"Mate i tho tawh em ?" Ka û in a rawn tih chuan ka thawh tawh thu hrilh in lo lut turin ka au vak a , "ehe " kalo ti hliai ...

"Vanrami'n i mokawr duh ang tak i hmuhloh thu min hrilh a , "heihian amit ala ber a , mahse alangtlang lutuk leh to " itih thu a sawi a .Akawmg ka tih tet tir bakah abân vel hi tlema langtlang lo deuh net ka hman tir a , an chei mawi nghal bawk a han ha chhin teh " nui sâng hian a ti a , nimin a ka momawr mit la ve ber , a kawnga ka thawl ngei kha ani .Han siam danglam deuh takah chuan amawi takzet ...ahma pawhin amawisa lutuk a , mahse tunah zet chuan sawisel tur lai remg ka hrelo !






"Mahse û..heihi chu lei angai sia " ka ti hap a





"Ka nau duat hi a duhthusam kawr nen taka thlahliam ka duh alawm , ka hlawh ka khawl tih i hriat kha i û hi ka hausa lawm " uangthuang zetin a ti a ,ka lawm bawk si ka hrilh hai bawk si chu ka nui hak . "Amawi lutuk " ka ti ngawih ngawih . "Ha chhin teh , nizan ah zanrei thleng an khawih a zing ah an rawn dah nghal a " a tih chuan ka inthawlh thuai a , a zipper kan han zip te chuan anih tur ang thlap ani.
"Sawiael tur lai ka hrelo " ka ti sap .

"I mawi lutuk " ka û pawhin ati ve bawk .


Show post links
Top

[Ngaia]

*ZûNLêNG S2* ch~21




Kan chhungte an rawn thlengkhawm tan hlawm a ,Dawnga nu leh pa leh unau te an rawn thlengkim tawh a ka nu lam an la rawn thleng kim lo deuh thung .Inneih ni nithum chauhin a dang tawh a , kan inchhung ah bengchheng tham lawih kan han awm ve te chu anawm piah lamah awmthiam ahar !
Kan unau za ho a kan lo nuih hak hak lai chuan Nu Zopuii Dawnga nu hian "Naom lokal teh vawin tlai chu rawng bawl dun teh ang " a rawn ti mauh mai a , ka unaute anlo tre dual !





"Mo ini ve tawh mai dawn a , rawngbawl ber hi aharsa a i thiamloh ka hlau emai " choka ka luh rual chuan alo ti var a , nu tawng bawrh bawrh leh fiamthu ngaina tak ani a .A bula awm pawh anuam viau bawk .
"Kan tamtham sia chaw hi cooker hnih a chhum angai dawn a , bel khat chu ka chhum tawh a kan nghah chhungin chawhmeh kan siam thung ang " Nu Zopuii hi hmar lam mi ani a, rawngbawl lah athiam narawh ! Keipawh a bula han bawl vel chu ka phûr takzet .





"Rawtuai kanlo ken kha fridge atang lo la teh , bai ila arsa kan siam bawk dawn nia .I unaute ve saw chuan rawtuai hi zuk ei theih peklo a , ka han eive chak deuh châng te hian tlemte siam angai a ,a tuiloh phah vek zel "rawtuai nikum lam daih tawh a an dahthat tawh chu fridge atang ka la chhuak a , tihian an chhum hmin phawlh a , freezer ah an dah tha char char thin ani awm e .

Rawtuai chu tuilum ah kan chiah hmasa te te a , hmarchapui sen thak chi chu zai in , saum te nen a bai zawm a , kalo en deuh tawp .Lak tharhlim ang tak takin zu sen chak thei a mawle ! A hmin dawn hnaihah nghathu hem deuh sak athlâk leh bawk a , ka chil a ti pût thei hial mai .






"Inu hian bawngsa a ei ngam tawh em ?" Bawng tin lakchhuah pah a atih chuan "ngam ang ,hmanni pawhin a ei ve lawm " kalo ti thuai a

"Arsa kan ah hian thlak ila a ti tui duh lutuk a , arsa kha aieng leh chicken masala nen khan lo hmet la lo inchiah vang vang rawh se "bawngsa tin hawn tum pah chuan a ti a , a sawi ang chuan kalo ti ve zel bawk.





Zanriah kan han kîl chu ka ei hnem ngang mai ! Rawtuai bai thak te hlei hlei chu ka ei hnem a , ka pum lam in athak lutuk kha azo lo nge ana riai riai bawk .





"Naom zanin chu inpa tur chu lengturin sawm teh a" Dami Dawnga û chiah chuan a ti a , kalo lai leh pek hle .
"A chhelo lutuk Dam , IG ah ka hmu lawm " Kâtei'n alo ti ve bawk .Ani hi an unau a upa ber ani a , pasal nei tawhin fa erawh an la neilo thung .
"Khawmaw a indah dân " a tih chuan Paliana'n IG ah account anei tih pawh kalo hre hleinem mawle !





"Hmeichhe pakhat nena an lanna ami nia ka hmuh , Naom u Gideona chuan ac anei lo mi ?" Min melh nghal thup .
"Ka hrelo !whatsapp pawh hi akhawih tha peih manglo ania neilo aniang " ka ti sap a , â min tih hmel hlawm viau .Kan ngaihtuah zawng inang lo hlawm hek ."lo lêng tur chuan sawm teh ,khawmaw call nghal teh " tih pahin ka ph an ban nghal zat a , laksak tumin kalo ban ve nghal uaih uaih . Ka ph ka lock bawk silo nen contact ah an lut nghal a , an la hmulo zui .Ka save dan kala thlak lo a an hmu awmlo emai a






"Engtin nge i save a ?" Ti nang nang hian an hai ngat ngat .
"Khawi " tih vak pahin ka laksak a , call mai mai chu apawilo tawp ang .
Paliana nb ka hmeh chhuah chuan an nui nghal tha hlawm ! Ka save dân vang bawk ani pek ang .
"Aw Duati " a pick ruala a rawn tih dut chuan anlo ê nghal dual a , rang tawkin an hmui an hup nghal chuk chuk hlawm . "Zanin ah ilo lêng dawn em ?" Ka ti sep .





"Ka hman ka va ringlo ve , office ah kala awm a .Bân ah ka rawn kawi zuai dawn em ni ?" A rawn ti leh vut a , "aaa angai chuanglo " ka ti nghal hap .
"U Gideona Naomi hi kan hruaichhuak lawk dawn ania " Dami'n a rawn tih vak chuan Paliana'n "Tute nen nge in awm a Duati " a rawn ti dut a , ka unau te an nih thu ka sawi rualin "kal hla lo ula " a rawn ti leh .
Call ka dah rualin "va thu deuh ve " an han ti ngei ah ! Ka cousin te nena kan inngaih tum ber aniang .





Chhuah chu kan ngai tak tak a , ka lawikawr tur lam kan ngai .Dawnga'n mim hruai thei dawn a .Kei tiamin ahnungah mi pali kan thu a , ahma ah ka û athu bawk .Kan unau kual ah ka û hi a upa ber a , Dawnga û te takngial pawh hian atlawn a tlawn châng an ngah . Tu pawh hian a thin tihrim an hlau vek ani ber !
Bawngkawn kan kawr thui tirna dawr kan thleng a , Zualtei nghah pahin an thawmhnaw thuisa chu kan enkual vel a amawi hlawm ngang mai .






"Naom ! Oh! Enge intih ve a ?" Veni leh mi pakhat an rawn inzuilut , engmah thlenglo ang mai hian nui sângin min bia a Paliana hnena ka chungchang diklo taka sawitu ni awm pawhin alanglo !
"Lawi kawr tur kan lam dawn anih hi " ka ti tha pangai ve mai bawk .Min biak chhiat loh a lo biak chhiat bik kha anuam tlatlo .






"Lawikawr ?aw ni tak e , D a nen in innei dawn tih ka lo theihnghilh pek " eng design nge maw anih le ? A hrelo der tih ka chiang ngam sak .
"Nia ilo kal ve ang chu "ka ti deuh kher a , ka be tha buai peihlo.





"Lo ngaihaw lo la , mahse apawi ngawt mai D~a tan hi chuan an chhungkaw sumdawnna a pui thei tur awm neise ti an kat nuk dawn sia .Nu Zodini te pawh tiamin , i chhel ve hle angai dawn anih kha .Troll na vel te pawh i dawng hnem viau in ka ring " nui sâng chuan a sawi a , keh hrep ania ka châk ni .

Ka kâ ka ang hman zuau tih in "engmaw i sawi a ?" Ka û in a rawn ti fiak that .





"Thil nihna ka lo sawi mai mai mawle , dinhmun inthlau deuh a inneih hi chuan chhel te hi angai ve a " a ti leh kher a ka û anui zui hak . " I buai ve na tur a awmloh chu .I license an cancel sak loh nan che i buai viau kalo ring a , mi chanchin sawiin helai ah ilo la ding a ! I buai viau ka ring sawiduh leh ngaihtuah tur i ngah dawn emai " ka û in a tih chuan Veni hmel chu a inthlak vek !

Tûm hmakin an chhuak zui a, anlo kal chhan ber awm pawh ka hrethiamlo e a !





"Û enge license cancel vel kha ?" Ka û melh ha a ka tih chuan " ka thawhpuite sawi chauh ania ka hriat ve tho ni .A damlo pakhat damdawi achawh sual an tia , an chhui mek an ti " a ti awlsam then a , ava mak awm ve le!
"Khanu kha...Dr.Veni politician fanu kha ani lawmni ?" U Kâteiin a a rawn ti ve bawk .
"A pawimawh lo emai , Zualtei chu call teh a rawn thleng tep tawh em? Nula ho kan chhuah reng kha a thalo "ka û chuan a rawn ti ta hlauh a , U Kátei te kianga kan buaina sawi ka duhloh vangin ka û in chutia thil dang a rawn sawi chhuak chu ka lawm khawp .







Ka zâm lutuk inthunun tumin boruak hîp lût vakin ka thaw chhuak leh ham ham thin .Nizân lam ka helhhawlh nge ka zâm lutuk ka muhil tha thei bawk silo nen ka pasal neihni mah nise ka fuhlo vel vek .
"Pleaseee ...i zâm lutuk makeup a chhia nge ,i thlan zel ania "min cheitu in a ti nem duai a , Vanrami hmelhriat bawk ani a ,a thiam reuh fû lehnghal a !





"Keimah tawp hi ka hahdam lo ! Engtin nge tiang chuan mipui hma ah ka din theih ang ? "





"Naom min ring rawh i nalh lutuk , bakah hahdam tum rawh .A tur ve reng ah ngai tawp rawh , i pasal vawi nga neihna nise i zâm bik nang " Zualtei'n nui hak hak in a rawn ti ve bawk a , ani pawh a mawi takzet .
Mokawr nen kan ni deuh tup tawh a , ka zun te chu achhuak leh velin ka hria ! Mahni pasal neihni a hetiang taka zâm hi an awm ve ngem ka hrelo le .





"Mate Dr.Josepha a rawn thleng tawh a , traffic jam te hlauhawm a chhuak tawh mai ila " ka û in a rawn ti a , Paliana'n Dr.Josepha a dinpui dawn a lehlam zawng tak chuan anuihzatthlak .Kan mipa te an lianin an puitling tawhsi , keini kan te in kanla naupangchhia ve bawk sia ..Kan inhmeh letling phian ang ka ring .

"Khai inva mawi ve ! Naomi chu aw ...Thianpa ai khan lo tawng hmasa che ila tha tur " pawn kan chhuah ruala Dr.Josepha'n alo tih hlut chuan ka ner nang a "anihloh pawn in pahnih khan lo inhnaih tir lo che ila, tunah hian tlangval pui tur ka la nei dawn a sin le " a ti fiam leh a , ka nui ve ta tawp .Paliana nen a kan inrem lehna kawngah Dr.Josepha hi a pawimawh ber te zinga mi anih ngei ka ring .A lakah pawh hian ka lawm takzet .







Biakin chhung kan lut a ,min hnungchhawn zawnga lo thu ka pasal nimai tur chuan kan thawm ahriat rualin minlo en vat a , a bul ka thlen hma chu amit ala sawn leh tawhlo .
"Duati ..i mawi lutuk " a bul ka thlen rualin a ti thawp sap .
Mipui min lawmpui a rawn inkhawm an thahnem viau a , ka pa thiante leh thawhpui te ka hmuhtel chuan ka mittui ka dang zo lo tep ani .Vawin te hian la dam ve se chuan intithei takin athiante bulah makpa aneih thu te a sawi ngei awm sia ,a thiante'n tû an neih khalh tawh thu in anlo chhang ngei bawk anga ..Ka ngai hle mai che ka pa







Biakin lam programme a zawh ah thla kan la leh a , Paliana'n ka zâm tih hria in min thlamuan reng bawk . Thla min lakpui tur anlo tam ngang mai ! Ka hriat ngai hleihloh keimahni chhung lamah pawh an awm nawk .





Skip...




"I chau tawh viau em ?" Min ngaihtuah zet hian ka bengbulah a rawn ti sup a , nuih sakin ka that thu in ka chhang . Present kan dawng hnem angreng a , hawnna hun kan nei mek ani . Tunah chuan ka chhungte lam an la awm ve vek a ,an haw angaih hunah engtin nge ka awm ang le ?

Naupang tap thawm te , patling aw rawl chhuah meuh a nuih hawk hawk thawm te chuan ka hlimni ber tur mah nise minti lungleng riau a ! Ka pa ka ngai zualin awm ve se ka tih na leh ka thlakhlelhna chuan min ti ngui viau mai .






Zan dar sawm a rik chuan ka nute chu haw turin an intintuah a , "riak ve mai ula " ka tih chhuah phawng chuan an nui hak hak hlawm .Ka mangan zia hi an hre tawp silo ! Tunah tak hi chuan ka hlauthawng a ,ka awmdan hi ka inhrethiam biklo !
Paliana'n ka kut a rawn hmer salh a ,ka nu ding uaih chu tah chhuak teuh in ka melh .

"aaa Zodin U Remruat ...kan fanu hi zawng ala puitlinglo leh lutuk a, lo hrethiam hram hram teh u aw " ka nu in nui lui sak hian a ti a , min kuah zui thlawp bawk .Ani pawh a lungchhe ve deuh tho tih ka hria , "fel deuh awm la , min rawn tlawh fo thei dawn a .Mahse i nu leh pa te zai ngai thiam la aw " a ti zawi sep a , a inlakhran hnu chuan "kan kal phawt ange , naktuk lamah a remchân leh kan rawn phei leh dawn nia " tiin midang chu amangtha zui a , pawn thleng chuan kan thlah ta tho .

"Naom i duh hun hun ah i nu te chu i tlawh thei ang ,kan phalna lak hranpa angai lo ania " Paliana pa chuan ka awmdan ahrethiam nge a rawn ti nghet charh a ,afapa hian apa ngei anih hi alo chhun ni .
"Ni e , min dîl kher angailo ania .Hmeichhia phei chu lunglen te hi kan la na a , i nu te pawh a tlawngawl zawk an nia rawn phei fo se atha ang ."Nu Zodini'n alo ti ve bawk .Paliana chu anagwi ngur a , a hmel chu a chang lam mah ani !







"Nu kan chau tlâng ang ,Tabby te chu an riak tlang dawn nge " a rawn ti thum dut a , Tabby te nufa an la awm tak e .
"An pa a rawn thleng tep ang , riah chu an tum loh kha " anu'n a tih chuan "room lamah kan chho tawh ange " a ti leh vut a , Nu Zodini te nupa pawhin chho turin minlo ti thuai .







Paliana room nilo..kan room tur ani tawh ang chu ! Kan lut chu duh angin kan la inrem fel hmanlo bawk a alo la hnawk angreng viau a , ka thawmhnaw tam zawk chu closet ah kan khai tawh a , thenkhat thawmhnaw nilo te erawh couch ah te ala awm deuh niah.

"Kan remfel zuaih.."





"Tikhan dah tawp hrih rawh " a ti hmuk a , tukverh lam a pan zui daih bawk ! A awmdan chuan min ti hrilhhai in a huatthu ka sawi ta emaw ka ti hman hial !
"Duati min nei hi i inchhir em?" Thutak zet hian rawn hawi let in a rawn ti thut a. Kalo melh deuh hâ "aih ngatinge ?" Ka ti hap .

"Nilengin i hlim hmel ka hmu lo a , ka tur mah mah che em tih ka inngaihtuah " a tih chuan ka khawngaih reuh lutuk . Ka pa ka ngaih luatah ka bula awm te kalo vengthawng leh pek lo .







"Ihmaw ..diktak chuan " ka ti hap a , ka thaw deuh halh bawk . "Ka pa in min lo telpui ve thei se ka ti a ,ka ...ka ngai zual takzet " a tawp lam phei chu a ri chang chang chauh.
"Sh*t Bawihi ka tihpalh " ti vutin min pan hnai a ,a awmah min kuahbet nghal thlawpin ka hnungzâng a chûl nghal hauh hauh .
"Kalo ngaihtuah lo ani " a ti zawi sup a , ngaihtuah tur atam em a ka dem hranlo .




"A pawilo keipawh hlimhmel pu lui hram tur ka nia " ka ti ve a , ka nui lui tih te thlengin alo hre vek anih hmel .
"Nilo ka thiamloh ani , ka ngaihtuah tawi deuh ani .Min neih i inchhir ta emaw ka ti hman zawk a " za lo zeta nui hak hian a ti a. "Ka inchhir phal teuhlo " ka tih chuan ataksa che dawtin anui .




Kan intihfai hnu ah inkuah chialin khum zau zetah chuan kan mu dûn a , ataksa lum hiam in min ur bawk nen tui khawih vanga ka taksa vawt vel pawh a lum leh rang ngei mai .
"Zinga ka harh hunah mumang mai alo ni ang tih ka hlau hle mai " nui nghawr dawta a tih sup chuan "kan inneihna hi maw ?" Ka lo ti zeuh .
"Umm"





"Chu i nupui ka nih hun ilo va nghakhlel awm ve " ka ti sak a
"I ringthiam phalo zawk ang , ka chân palh mai ang che tih hlauhna ka nei thin a .I tello a ka hringnun hmang tur anga ka indah chhin ringawt pawhin lunngaihna in min tuam nghal thin.Duati ka hringnuna ilo lan ve chinah hmangaihna hi enge anih chiah ka hrethiam ve chauh .Inhmangaih dangte angin kum tel inzui lo mah ila anni aiin ka hmangaihna che hi a tam zawk tho ang "





"Ka lawm e ...ih mizo nula chhelo deuh deuh tam tak kara min thlan a avangin " ka tih chuan akiai suk a , ka sawi dan ki avang chuan keipawh ka nui ve tho .Ka dâr ahmui lum thar thar a a rawn fawh rual chuan ka nuilai ka tawp chawt a , zâmna namen lo in min rawn tuam leh nghal .






Gideon pov.


"Ka zung dawn " ti a thawh nghal mai a tum chu ka kuai mu leh hnawk ."i mak e ka zung duh lawm " ti niah niah in min melh tha duh derlo !

"I chhuanlam anih kha " nui suk a ka tih chuan a chil alem khawlh a , ka ring dik chiah e . A hmuia fawh mai ka tum chu alo thlesawn rang ngei mai , "hetiang hi ka duh miahlo ania aw " a rawn ti chhuak phawng a , a ri meuhin ka nui chhuak ta hawk hawk ! God ! Ava han duhawm tak .





"Englo...aa ka mut a chhuak " ti a puan a inkhuh a tum rual chuan ka pawt bet a "no bawihi, zanin chu min hnar theilo ang " ka ti sup .
"I va sual tak " min melh thip ram chung hian a ti ta hlak !
"Sual..!! Ka sual maw ?" Cho zeta melhin a a pyjama hâk chu ka hlim chho a , a zâm luat vangin a taksa che ve dat dat khawpin a thaw ve hak hak !
Kunhniamin a hmui chhahtep ah chuan ka hmui ka nawr na na a , a mit a chhing nghal tlat chu hmuhnawm ti zetin ka thlir pah bawk....


.....



Ka bula ka hmeichhe hmangaih tui taka muhil thaw sak sak chu hmuhnawm ti zetin ka thlir a , zan tam kalo mangphan tawh hial thin hmeichhia ka nupui ngei ani thei ta chu mumang te pawh a ang rum rum hial mai !
Nimin nileng a a hlimlo hmel ka hmuh vang khan min nei hi a inchhir emaw ka ti hman hial kha ania , anu te haw lo turaw a ngen lai phei kha chuan amah zawk hian a zui haw daih duh mai ang tih hlauin kalo tang ru teuh bawk .
Apa angaih vang anih thu ka hriat rual erawhin ka ngaihtuah tawkloh vangin ka inthiamlo nghal veng veng .Ka nupui hi hmangaihtawplo a hmangaih in ka theihtawpin ka duat ang tih ka hming ka chian tluk zetin ka chiang .






Kan room kawngkahr inkik thawm ka hriat chuan sana ka melh zawk a , zinglam dar hnih chauh ala ni ! Ka la muhil lo hlauh zawk a nilo se chu min kaiharh zo kherlo maithei .Kawngkhar an rawn kik leh rual chuan Bawihi taksa lang lai chu puanin ka khuhtha sawk sawk a , dim zet a tho in kekawr ka hak hnu ah Bawihi tihharh hlauin kawngkahr chu ka hawng dim kher mai .

"Û " tap tiau hian Tabby alo ding reng !





"Tabby enge awmzia ?"





"Û Sangsangi...Sangsangi " tiin a tap zui hlawp hlawp a , a dar tawn tawn a vuanin "tabby enge thleng " ka ti nghut .
"Sangsangi hospital ah a awm , a O.D. an tia a beisei awm tawhlo an ti " ti zuiin a tapzui nghal hlawp hlawp . "Hetah naupang ho nen in riak em ?" Ka tih chuan abu deuh nghat a "ka nu leh pate an kal tawh " a tih leh chuan "naupang ho bulah lo awm rawh , ka inha anga ka han kal ve ang aw " dam thlup chuan ka ti a , la in hrut ri deuh hlawp hlawp in a room lamah a kal ve mai bawk .






Room ah lut lehin thawmhnaw remchang ka hmuh hmasak chu ka inbel nghal mawlh mawlh .
"Khawnge i kal dawn " mut khamlo zeta Bawihi rawn harh chu kan dinhmun in zir se kuah a awih mut ka chak hle mai .
"Bawihi Sangsangi dinhmun athalo hospital ah ka kal angai a " ka ti a , ahriatthiamloh mai hlau in abulah ka thuthla nghal bawk .


"Ehe! Kalo kal ve ang " ti nghal vut a thawh a tum chu kalo dang thuai . " Ka nu leh pate an kal tawh a , nangchu hahdam hrih la ka duh " inneihna boruak vang ringawt pawhin a chau dawn lutuk ringawt . " Chanchin minlo hrilh ve rawh aw " a tih sep chuan bu nghutin ahmui ah ka fawp zeuh a , "lo muhil leh rawh " ti supin ka chhuahsan zui .





Khawi hospital ber nge an panpui ka hrelo a , Pa Muanpuia te in atanga hospital hnai ber an panpui ve tawp ringin ka tlan mawl ve tawp .Kan inneihna ah Sangsangi ka hmu miahlo tih ka hrechhuak ! A rilru lamin hma a sawn theilo lutuk Doctor tha zawk panpui tura rawn ka tum laia tianghun kan thleng leh si chu ka inthiamlo ru teuh . Ngaihthah hmak lo khan lo la dawhthei deuh ilang tiang dinhmun hi kan thleng kher angem ?





"Nu enge chanchin ." Kanu mit lo sen ram vang chuan " ka pa " ka ti leh nghut a , "tun mai khan a chatthla fel chiah " ka pa in alo ti zawi sup .
Pa Puia pawh mipa mah nise a fanu meuh in akalsan chuan a ri meuhin a tapchhuak hial !





"Gideon ,Pu Remruat ka va be lawk duh cheu ve " Doctor in kan pafa chuan min ko hrang a , ka Papuia chu biak chi ah an ngai hrihlo ani mahna .





"Chhana fello a awm deuh em ni ?" Ka pa chuan a ti zawi sup .





" In nau hian damdawi akhawihna a rei tawh em? Min hrethiam ula , ahunlo inti viau maithei a mahse a damdawi ei hi ka hriat dân ah Mizoram ah pawh lei tur kan hmuh zen zen loh ania , mak ka ti deuh mawle " a ti a , ka pa nen chuan kan in en a kan hre lo ve ve anih hmel .

"Chhana kan va hrelo ve , Sangsangi'n damdawi akhawih chu ka va ringlo ve aw " ka pa pawhin a ti ve nghut . A depression damdawi piah lamah muthilhna damdawi bâk a ei keipawhin ka hre ngailo , tin amah pawhin a dose leh ei zât tur ahre chiang viau in ka ring bawk .













A hnuai a ads khu kan click theuh dawn nia aw, tumah click lo in back daih awih loh





Whatsapp group join duh tan link aw ...

https://chat.whatsapp.com/CPTi2hUm2TyI32ppcJPAVK


Show post links
Top

[Ngaia]

*ZûNLêNG S2* ch~22




Naomi pov.



U paliana'n chanchin a rawn sawi chuan han awm mai dan tur pawh ka hrelo ! Mahni nunna la duh tur khawp ah ka dah miah lo asin .
"Naom ..Sangsangi chu amak e ! Kan inpawh loh hmel pawh iti mai thei a , mahse hrehawm ka ti tho .Ka unaunu anihna abo lo a , tinge tiang hian a chet le " tabby tap chu ka hnem a , a tuar thiamlo kher mai .A fate'n an nu tap chu hrethiamlo in a bulah hnem tumin an rawn chûl ve hliau hliau bawk .





Ka ph a rîk chuan chhang turin ka tho sawn zuai a , tumah an la rawn let lehloh vangin engtia awm mai tur nge kan hre bik rihlo ani
"Bawihi , ka rawn lam zuai ang che u . Lo insiam ula , i theih chuan Tabby kha ilo buaipui dawn nia " lehlam atang Paliana'n a rawn ti sup a , a aw pawh a nguai ve ruih mai .
"I rawn kal nghal mai dawn nge ?" Ka tih chuan " umm inlam ah kan inphur haw tawh a , ka rawn kal nghal mai ang "ati a , a dah zui bawk.





Tabby te chu a û in minrawn hruai tur thu ka hrilh a , naupang ho kalsan ringawt chi ani silo nen thawmhnaw lum lam heta an kawlsa chu ka bel ve tawp a .Sangsangi thawmhnaw vel awmna ka hre silo , amah lah han zawh chiam chi ani bawk silo nen ka thawmhnaw ka hâk tur ta tawp .
Keipawh thawmhnaw pangai inbel in , kan haw leh mai theih loh takin tiin puan bih tur ka keng tel a ,thaw a ipik duh ngei mai .


U Paliana a rawn thleng a , ani chu inthlak ve hranpa tawh lo in kan chhuak tlang leh nghal .Naupang ho mawlh mai chu an muthlu leh ang lawp lawp thin a , an khawngaih thlak takzet .




Sangsangi te inkawt kan thlen chuan "Naom ka fate hi minlo buaipui sak lawk thei ngem ?" La insut ri hraih hraih pah chuan Tabby a ti sep .
An mut a chhuak ngang aniang thawm ri nuaih nuaih kâr ah pawh an harh eihlo !
"Umm kalo awmpui ang ngaihtuah suh " ka ti a , Tabby chu a fate melh zawkin a chhuak nghal thuai .
"Inchung lamah ilo awmpui mai dawn em ni ?" Paliana'n a ti sup a , "apawi chuanglo " ka ti let ve mai .





Ani'n Sarahi apawm a , kei in anau zawk ka pawm bawk .
"He room chu.."




"Apawi em ? Inchung lamah hian room awl an nei miahlo a , Sangsangi room chiah hi awl a awm .A dang chu bungraw dahnan an lo hmang vek tawh a " a ti sup a , ka awm hreh ahlau deuh aniang .
"Apawilo " tih pahin ka naupawm tui taka la muhil mek chu khumah ka mut zui a ,Sarahi a rawn mut ve bawk . "Inhnuai lamah ka zuk chhuk ve leh nge , nuamlo itih chuan minlo call la aw " ka chala fawp zeuhin a ti sup a , a chhuak zui a.






Ka hlau chu ka tilo mahse anuamlo duh ve viau mai , inhnuai lamah tap thawm a awm nak nak a , naupang te lah tui zeta mu in kei ka meng kawr ringawt a .
Paliana'n Sangsangi chanchin min hrilh te chu ka ngaihtuah let a , hmeichhe khawngaihthlak tak chu ani . Kan ina a rawn kal tum atang phei kha chuan a rilru chhiat tak tak loh zia ka hre chiang a , khatih hunlai khan kawng engtin emaw tal tanpui dan lo hria ila tha tur .





Kawngkhar ri rek ah chuan ka hawi nghal hra a , Veni mit bui lûk in kawngkhar biangah alo ding reng .
"Nang.." mitmeng buai nak a tiin a insiam tha zui vat a "i hlim tawh ngawt ang chu " a ti ta salh !
"Engvang chuan maw ?"hrethiamlo zetin ka ti hâ a "hrethiamlo der suh , Sangsangi'n D~a a atchilh zia hre reng chungin i nei lui a .A nunna in atawrh phah anih hi " atih chuan ka melh tlawk tlawk !





"Tlema a that chhuah deuh hun tal i nghak theilo em ni ? A rilru ti buai zual turin nang hian i siam a , mahni nunna la lo theilo in nang hian i siam " ka âng pam ringawt . Engthil nge maw a sawi chiam chiam hi le ?
"Ka thiamloh a awmlo " ka ti zawi sep a , ka tawng ring ngamlo viau thung .
"Huh! Hmeichhe zaktheilo ve tak chu ini chiang alawm tiraw ?" Nui ro hak a a tih chuan ka ding chhuak a " Sangsangi tunhnai ah a zual tih ka hrelo a , keimah vang a mahni nunna la anih ka ring lo bawk ." Ka ti ve sak . Ka pen hnaih dawn rual chuan engemaw hi ka rap palh a , kun hnai a chhar in en chian ka tum lai tak chuan rang zet hian a rawn phih thla lawp ! Henu hian enge maw a hriat le ?






"I room anih loh hi , i thil nilo khawih tum suh " a ti ram hmarh ! Zawk hian a ! "I room ani bikin ka hrelo " ka ti ve salh a , hnuaichhiah taka min tawngkhumna hi tawrh reng ka tum hauhlo.

"Ka hua che " ti vak hian a pen chhuak leh zui .





Kan thawm avangin Sarahi zawk a rawn harh a , a tap feih feih ri ka hriat rualin ka pan a ka thlem ngjal zat . "A û anu bulah ka kal duh " a ti tiau a , zân ah lehnghal amu tho a harh in anu ahmulo chu ahrethiamlo ve deuh ani mahna .

"Anu kha inhnuai ah a awm amaw , nakin ah kan kal dawn nia muhil leh phawt la " ka tih chuan a tap ring zual sauh ! Anau a tihharh ve mai ka hlau chuan ka puan bih tur kenin ka paw ta tawp .A lian ve tawh reuh sia a rit ru zek a , ka puakna puan pawhin a tlin lo lek lek hial a , suih that suih that angai .
Ka awih ka awih hnu ah a tap muhil ve leh ta mai a , amuhil nghet ni a ka hriat hnu ah muttir ka tum a alo la muhil nghetlo zui , ka awi leh nghal ngat ngat .






Sarahi awi chung chuan ka mutchhuak lutuk chu ka thle leh buk zel a , mi lusun laia chutianga ka awm chu hrehawm ka tiin min hmutu awm kherlo mahse ka inthlahrung takzet .
"Duati" ti thawp sup thawm ka hriat rualin ka meng nghal kawk .
"Tinge Sarahi kha i puak , an kiangah hian lo mu mai ta che " ti dam thlup in zo zetin Sarahi chu ala a ,khumah a mut nghal zat . "I chau tawh em ?" Ka zawh awm zawk tak chu min zawt let daih .
"Ka tha "






"Sarahi phei chu alian tawh si a , i intina mai mai ang puak kher angai tawhlo " a tih chuan "i chau tawh awm " kalo ti ve thung .
"Chau lo e " ti sup mah se amitmeng ah a hai theih chuangloh .





"Amak e .." ka ti deuh thlawt .





"Awih aharsa khawp mai " ani pawhin a ti ve sup tho . "Englo ..angai lehlo " Veni rawn tawngdan vel kha hrilh ka tum zet a , a chauh tawh sa teh lul dawn nen nakin lamah ka hrilh zawk mai ang.
"Reilo te chhing zawk la "ka tih chuan alu thingin "muhil lo law law zawk ang " a ti sup a "i bulah hian kalo awm hahdam lawk ang reilo te" a tih rualin ka malchungah a lu rawn nghatin ka lo thu rem ve vat bawk .

"Ka inthiamlo ve reng mai " ka ti zawi sep a "engvangin " alo ti thuai .






"Ngaihsak theilo tur khawp che in ka siam che in ka hria " ka tih chuan a rum nghut . "Ka duhthlanna ani a , thiamlohna i nei ve lo . Damdawi akhawih tih tuman kan hrelo a , chuvang chuan tu thiamloh mah ani chuanglo "





"Damdawi a ! Sleeping pills vel i sawina ni em ?" A lu a thin chuan "ruih theih pangai maw ?" Ka ti leh a, thaw chhuak hliai a thu chhuakin " ka hrelo le , eng damdawi chiah nge ka hrelo a , mahse a sleeping pills eithin ang chu anilo anih hmel " a ti sup a , ahmai tuai thuakin " ka zu chhuk leh tawh ange " a ti a , a tho kang nghal uaih .

"Lawk ..ihmaw ka ngaihtuahna mai mai pawh ani maithei , mahse ahma tang tawhin ka ngaihtuah tawh a .Sangsangi hian ziaawm lam aiin zual lam apan nasa zawk a , Psychiatrist pan reng chungin hmasawn lam aiin zual lam apan char char hi mak ka ti deuh ! Ih...a ka sawi ve mai mai anih kha " ka riat nawk nawk ani ber . Eng nge maw ka sawi ve chiam chiam ni a !






" Duati Sangsangi hi mahni intihlum anih i ringlo em ni ?" Min chhuk melh rûn ..

"Chutiang pawn ka sawi chuanglo mahse kalo hmuh ve dân atang chuan damdawi em chu akhawih ka ring lo " ka ti sep a , inngaihtuah mûk hmel zet hian amelh ngai amelh nghal ngut ngut .
A kekawr ipte tang aph a phawrh vut a , a beng ah chuktuah in angawih vang vang hnuah "Liansang..Ka Papuia te inah i rawn kal lawk thei ngem ?" A ti thum dut .






Inhnuai ah pawh chhuk lawk lo in ka bulah a awm ve ta reng a , ph call a dawn rualin a chhuak vut a , Liansanga a tih kan inneihni ah pawh lo tel ve nen chuan an rawn lût leh .Nimin lam nilo ah pawh khan hmuh tawhna ka nei tlatin ka inhria , ka hrechhuak zo tawh chiahlo thung.

"Thiana azia lo hle mai ,chanchin min rawn ph khan ka hre ve chauh a " a tih chuan Paliana'n " ka nau boral dan ah hian fello deuh awm in kan hria a " a ti sup a ,U Liansanga chuan a beng a tun nghal hra ..Lawk Police ani tak e ! Hospital ah ER ah khan hmeichhe pakhat nen ka hmu dûn tawh tak .





"Engti zawngin?"





"Damdawi O.D. chu ani ngei a , mahse tuman damdawi a tih kan hrelo . Dr .Chhana kan biak angai in ka hria . Ani pawh khan Sangsangi taksa atanga damdawi an hmuh kha awlsam taka lei theih anihloh thu a sawi ri a , khata tang tawh khan ngaihthatlohna chu ka nei tawh . " Paliana'n a tih chuan "Sangsangi hmu hmasa ber tu in khawi ah nge a hmuh ?" Pakhat in a ti leh a , an kiangah ngawi rengin kalo thu a , ka melh tawn zak zak bawk .


"He room ah hian " a chhan rualin Officer Liansanga chu ahawi kual nghal ruai . "Thianpa tiang case hi chu a sârhu laia buaipui tluk a awmlo . Naupang te hi chhuak se , ka nau te kan bia ange .Dr.Chhana pawh chu thu zawh fiah a tha ang "






Pa Remruata Paliana pa leh Sangsangi Pa chu an ko chho a , naupang chu inhnuailam ah ka chhukthlak pui ve thung . Nu Puii chu a tah nasat vangin atap hnang hial a , Nu Zodini'n a buaipui nghal sawk sawk .Chutia Police uniform ha an rawn luh tak tup ah chuan mipui te chu an ri nghal leih leih a, enge thleng hriat châkna in an khat ani ber .
Nu puii pawh apangai rualin Sangsangi ruang kîlin a rawn thu leh a , Veni'n a thutpui nghal thuai .





Tabby in naupang ho Nu Puii te room ah a awmpui a , Pâ ho inchung lamah an chhoh vek vangin mipui ngaihthalo chu zai tur an awm mang mang tawhlo . Tap ri leh inhrut ri in inchhung chu a luahkhat a ni ber .
"Bawihi ka nu nen khân lo chho lawk ta che u " Paliana'n min rawn koh chuan ka nu chu ka melh vat a , "kalo zui ang che " a tih sep takah chuan Paliana chu ka zui nghal thuai .




Room ka luh rualin minlo en thap a , tihsual neilo mah ila Paliana kut ka chelh nghal rawk rawk a anin nghet zetin minlo hmer ve bawk.
"Enge ni ?" Nu Zodini chu rawn lût veleh in kan pahnih chuan angaihna kan hrelo dûn khawp!






"Pa Muanpuia hian Sangsangi hospital an panpui atang helai room ah lût an awm tawhloh thu a sawi a , in a inlet leh hnu in Nu Zo nang i lût a , ahnu a lût leh awmchhun chu Naomi te ho an ni leh a a dik em ?" Officer Liansanga chuan a ti sup a , ka nu chuan "A dik ang , Puan kuanga dah tel tur la turin ka kal alawm enge ni a Liansang ?" Angaihna hrelo zetin ka nu in a ti hap .

"Sangsangi hi O.D vanga boral ani a , mahse Damdawi bûr ruak emaw a kawr ruak pawh nise kan hmuzo hauhlo . A damdawi ei hnem vanga boral ani ber a , ahna thawhchak dân ngaihtuah in a paih hmanin kan ringlo .A kawr ruak chu room chhungah hian a awmlo bawk a hmuh inneih leh neihloh kan hre duh " a ti leh a , ka lo thaw halh .






"Chutiang awm pawh ka va hmulo ve ? Ka lut zuai a , khuma puan nuam lo awmsa ka la a ka chhuak leh nghal mai a "






"Naom nang le ?" Room chhunga awm te mit chu keimah ah a fu thup tawh ."Duati hlauhtur a awmlo " Paliana'n min ka kut a vawnna hmer nghet sauhin a ti sup a , "ka..ka hrelo chutiang ka hmuh awm pawh " ka ti hap .
"Ngaihtuah chiang rawn , naupang helai ah i awmpui a rawn lût emaw an awm em ?" Pa puia chuan a ti ram hmarh .A fanu a chân a , a aw pawh ngaihthlak a hrehawm lek lek hial mai !

"Pa pui .." Paliana'n a tih nghut rual in " Dr.Veni alo lût a nimai , midang chu lo lût an awm ka hrelo " Veni lo kal ngaihtuah chhuak thutin ka ti chhuak thuai .






"Lâk chhuah emaw anei em ?" Officer Liansanga chuan chîk zeta min melhin a ti a. Ngawiteh ! Chhuata thil tla ka chhar kha a la daih tak e .

"Aw enge chu ka hrelo , chhuatah hian atla a ka rap palh in ka hmu a ka chhar kân a en ka tum laiin min laksak daih a ! A ak chhuak em tih chu ka chiang bik chuanglo " ka tih rual chuan rang zetin Officer Liansanga chu a pen chhuak nghal vut .





"Hahdam rawh kan hrechhuak thei tep " ka bana tuai hauh hauh chung chuan Paliana'n a ti sup a , inhnuai lamah kan inzui thla dial .





"Nangni hian min man ringawt theilo ang , enge inhriat a ? Tunge ka nih in hre nange ?" Veni lo râk tuarh tuarh chu kan zuk hmu nghal zat , police ten anlo vuan bet mek bawk .

"Nang ...nangnu vang vek anih kha Sangsangi pawh a thih " min rawn en rualin a ti chhuak tuarh a ,Paliana ka ngheng rawk rawk . A awmdan chuan ka thauah min man tlat ! A thusawi zawng zawng te nen khan ka awm a ti nuamlo vek tawk .






"Gideon in nupa khan min rawn zui thei ula ava tha ve " Liansanga'n a rawn tih chuan Paliana abu nghut a , Veni la rak nawk nawk chu an hruai chhuak zui .
"Bawihi station a kal chu i hreh em ?" Min vengthawng zet hian a ti nghat . "Hreh lo e " ka ti zawi sep a , tap ri te kan hun tawn zawng zawng hian min ti chau .
Tûnkum ah tho ka pa ka sûn a , kan boruak vel hian khang lai hun anga awm ang maia min in ngaihtir in ka thawk a ti ipik tak zet .






"Kan rawn zui ve ang che u " Pa remruata leh Pa Muanpuia chuan an ti a , kan pali chuan station lam panin kan tlân chhuak ve zui nghal .





Station kan thlen ve chuan Dr.Veni chu thu an lo zawtfiah tan der tawh .
"Engvanga he damdawi bawm hi i bag a awm nge anih ?" Officer chuan a ti vîn thah a, Veni chu an nui hak hak in "Doctor ka ni a , kawl theihna dân ka nei alawm "ati salh





"I ta ani silo a ! Sangsangi room atanga i lâk anih kan hriatloh i ring em ni ?" Liansanga chuan cho zetin a ti ve thung .Alangtheilo chinah dingin kanlo thlir thup .
"Tunge sawi ? Naomi maw ? Sangsangi thih pawitilo an awm anih chuan Naomi bâk a ni lo ang " ka awih theilo zawk !

"A sawitu Naomi anih thu ka sawi miahlo " tifuh inti zetin Liansanga chuan a ti sup a, "inpuang rawh le " nghet churh a tiin dawhkan chu a beng ri thawk . Kei pawh kalo phu dawrh thei .





"Ka pa min koh sak rawh u " Veni chuan zâm map lo hian ala ti talh!
"Ka huang chhungah chuan i pa chu Chief Minister pawh nisw tihtheih aneilo .I inpuang dawn nge kan hlap phawt zawk dawn che " a ti vin that a , Veni metmwng tlanchhe dui chu a hmuh hmaih lo kher mai .
"Vuak phawt i duh ah ka ngai " tiin a tho thut a , Veni mengbial nghal kawk kawk chu a pan hnai chher chher .





"Ka..ka tum ani biklo " a rawn ti nghal nawk nawk !
"Engchu "




"Sangsangi thi hi mawle , thah ka tumlo tak tak .Keichuan a thatchhuah leh vat loh nan damdawi ka pe ringawt a,tiang a thleng ang tih rin ngaihna ka hrw biklo " a ti a
"Zawngi ka fanu chu engtin maw itih a " Pa muanpuia insum zo lo chuan dan hmanloh in Veni chu a thehthlu hnawk ! An dangbet nghal vat a , Pa Muanpuian Patling thinrim tha chu mi pali pawhin an dang hneh meuhlo ."ka fanu khân a ring ber che asin .." ti chhuak leh thawtin a thinrim rilru na lutuk chu a biangah mittui a rawn luangthla ngiai ngiai thei .





"Ka that ve nghal law law dawn che , misual nu engvangin nge itih ? Keini ai pawhin a ring zawk che asin " Patling rum ri chu ngaihthlak a hrehawm takzet .
"Ka tih chhan maw ? In fapa vang vek hi lawm " Veni'n a rawn ti chhuah tuarh chuan kan ngawi nghal dak .



"Gideona hian min then lo se chuan Sangsangi hian a tawrh phah miahlo ang " anui hak a ,a rapawm takzet .
"I fanu mi anglo buaipui ka nin zia in hrelo ani ! D-a ka hnaih theih nan ka buaipui lo thei silo .Ka enkawl dam nghal mai anih chuan D-a ka hnaih chhan tur a awm dawnlo a , chuvang chuan Depression damdawi ai ah vitamins pangai a tir ah chuan ka pe a .Fuihpawrhin a unaupa a hmangaih zia ka hriat nawn tir fo bawk .Ka chhuanlam ber in thatlam a pan tih ka hria a , rilru lam tlema khawibuai thei deuh tur damdawi in ka thlaksak a , in inneih a tihbuai theih nan cheu . Mahse amawl luatah a dose chin tawk hrelo in a eitur ai tam ei in a thih phah anih kha. Inneih a thulhtir theihloh cheu man ahmu anih kha " rapthlak ti zetin ka melh tlawk tlawk .






Pa Muanpuia chu a insum zo lo mai ang tih hlau in an hruai chhuak a officer pahnih leh Paliana leh kei chiah kan awm .
"Psychiatrist pan reng chunga thatlam a pan thei miahlo kha mak kalo ti thin a , eng ang mihring nge maw inih le ? I mihringpui lainatna chhe te tal pawh inei velo em ni ?" Ka ti ta thlawt ! Hetiang em em !
Paliana inhum ruh nasa lutuk chu abanah ka vuan nghal thuai .A mitmeng a thim khup a , Veni melh ding ngurin a khawih mai ang tih ahlauhawm hial zawk .





"Naom Thiana kha chhuahpui mai teh , kan indang zo lo mai ang " U Liansanga'n a tih chuan pawn lamah ka pawt chhuak nawk nawk a , kawta kan chhuah rualin station bang chu thinrim zeta au chhuakin ahnek nghal mawlh mawlh.
"Keimah vang...keimah vang vek " ti chhuak thawt thawt in a thinrim a inhrithla ani ber .








Whatsapp group a awm duh tan link aw

https://chat.whatsapp.com/CPTi2hUm2TyI32ppcJPAVK


Show post links
Top

[Ngaia]

*ZûNLêNG S2* ch~23 last chapter








Dr.Veni chetdan rapthlak tak chuan rampum a dengchhuak ani ber a , doctor ve meuh si in a mimal nun vanga apatient thi khawp hiala asiam chu politician fanu mah nise dân lak atang a him phah chuanglo .
A license cancel sak ani a , tin hun rei tak chhung tâng tura a chungthu relsak ani bawk .Pa Muanpuia te nupa in an fanu neihchhun boral chu an tuarthiamlo hle a , Nu puii phei chu vawi tam hospital a luh phah hial bawk .Mihring pakhat sualna in a mi pawisawi lo nun anghawng nasat theih zia kan nunah hian alang chiang lehzual a .Sangsangi kha pangai taka enkawl ni se thatchhuah lehna chance angah viau in ka hria .





"Bawihi dawhkana file dum ka dah kha ilo hmu em ?" A ti leh ta ! A haihawt lutuk hi entir ala ngai khawp ang mawle . Rum zeta kalo melh chu hrethiamlo zetin min melh a "enge?" bo zet chuan a ti hû.
"Nizânah Ramthara i hawn tir kha " ka tih hlar chuan min nuih tlawn ta ringawt . Chhuanlam ah ka dul puar âl tawh chu a rawn pen keuh a "hei vang hi lawm " a ti zui hmak !





"Tinge i haihawt tâk em em le ? Kum engzah nge i nih tawh khah?" Ka tih chuan a la run teh e , hetianga chhaih thinrim hi nuam ka ti thar riau .A ti tau ve bar bar zel a , kan inneih hnu hian kei aiin a titau ngun tawh zawk.
Tunah hian nau thlaruk mi ka pai ve mek a , kan inneih atanga reilo te ah ka rai zui mai bawk nen ka zak ru ve deuh thin .Min fiamtu lah an tam a , 'in pai lawk anilo maw ' ti fiamthu tawk an awm bawk .
"I rualin ka chhuak ve nghal duh , minlo nghak ang che " ka tih chuan a phun leh hluk tawh .






Ka nu dawr bul ah chiah Lab ka hawng a , ka nu'n pantu angah bawk a ahlawk ve angreng viau . Ina awm ringawt hrehawm ka tih an hlauh vangin ka nu'n dawr hawng tur in min ti a.Ka rai zui leh nen Paliana pek hian hawn aphal leh tlatlo .Thlali na ah ka hawng ve ta chauh chupawh ka nu min puihna zar liau liau .Nilo se chuan ka thawh ve hi aphal dawnlo turu buru lutuk .

"Bawihi ka chawm zo tawk che hna i thawh ve fo hi angailo " zingtin a ruala kal ka tum apiangin tiang hian a ti ve ziah .Rai ka la na lo ti ila ka ngaih lutuk zawk mawle .Luakchhuak leh chaw ei theihloh tih vel ka nei eihlo a ,nei ngat phei ila chuan khumah ka hrin hma min awm tir duh hial ang .






"Anih lo va kal mai rawh , keimahin ka kal mai ang " ka tih hmak chuan a thaw chhuak hawk a .
Ka hmai chei tum a dressing table hma a ka ding chu hnunglam atanga min rawn kuahin ka dul ah akut a suih a , ka nghawng ah ahmai aphûm nghal zat bawk .
"Ina awm nilen reng hi a ninawm ve tho a , dawrah hna hahthlak ka thawk pawh anilo a nitin i sawisel ve ziah mai " ka ti nang nang .
Min chawm zawh zia ka hailo , mahse ka taima lo viau chung hian ina awm nilen chu ka ning ve leh tho !






"Thinrim lo la " ti thawp sup in a rawn dâk chhuak a , "i hah ka hlauh vang alawm " a tih chuan ka ner nang .
"Ka hahloh zia i hrechiang , tul miah lo ah Biaktei min rawih tir bawk a " ka la ti hmak .Mahni pawn ka buai loh nen hepa ber bur hian technician dang min lak luih tir tlat a , ka awlphah viau nangin a tul ka ti lemlo khawp .

"Ok..insiam la " a tihngaihna hrelo chuan a ti ta ringawt .





"Khawi lo awmsawn rawh ,ka chetna i dâl tlat alawm " ti hlar in keimah zawk chu ka tâlsawn .Ka dul alen ve deuh tawh vangin kekawr ka hak hian min phuar tlat zel a,tunah lawh kawrfual bawk ka inbel leh tawh .Nalh ai chuan ka nawmsakna tur ka ngai pawimawh zawk .
Dawr kawtah ka chhuk a , be miahlo in ka kalsan zui .Ka rai vang nge tunhnai ka huatthu a chhia in ka thinchhiat a zual a. A hnu ah inthiamlo leh thin tho mah ila a hunlai tak hian insum harsa ka ti tho .






"Ilo thleng der elaw " Dawr ka pen luh rualin Biaktei'n alo ti var a.A thothang atha a , mi ai kal a hospital lian meuh a lo thawk tawh ani bawk a kei ai mahin a thiam tih tur ani .
"U Gideon i rawn thlah ani maw?" Ka hnunglam melh a a tih leh chuan ka inher ve thuai .
Dawr kaangka biangah alo ding rûn .
"Enge i rawn tih ve dawn ?" Kalo tih chuan anuilo teh asin .
"Thingpui , coffee i in duh em ?" Biaktei'n alo ti thuai a "inlo mai ang , ka nupui ti tau ve nget nget hi ka rawn thlem lawk dawn " a ti kher !





Biaktei ring zeta a nuih laiin ngaihsak duhlo in chair ah ka thu hmak a , ngawi reng hian ka bulah chair daha rawn thu thla ve in min melh nghal ngar ngar .
"Hna i ngah ve lo mi ? Kal mai mai rawh " ka tih chuan "tha deuhin min thlah phawt rawh " a ti sup a , ka titau min thlem nge a titau thlem turin min ti pawh ka hre tawhlo e a !
"Gideon i mak , kal mai mai rawh " ka ti leh hlak..






Thawhkan tuma din ka tum rual in ka kalsawn loh nan chair ban ve ve chu alo man hmiah " i luhlul ve ngit nget si " ti hluk hian ka biangah a rawn fawp zeuh a " tlai ah kalo lam ang che , lo inbengdai hman tawhla " dam thlup a tiin akiai suk a, " ka kal phawt ang" ka thlah beisei zet chuan ala ding reng tho .
"Khawi kal rawh " ning zeta tiin pawnah kan inzui chhuak a , a nui vur vur thei tawh .
"Chhunah ka rawn kal duh ngem " Motor chhung atanga rawn dâk hian a ti sup a "enge i rawn tih chuan ang , i hna thawk ve mai mai rawh " chhunah te hian a rawn lang leh nawlh zel a ! Mi zingah min duatna ati lang hrehlo a,kei lahin mi mit kan tihkham hlauin ka khak ve fo chung hian a sim duh der chuanglo a ,






Tunlai angah ngat phei chuan ho te te ah kan hmingchhe hma a , mi mithmuh a han inkoh duat deuh te hian sawisel tawk anlo awm ve hman ziah thei ! Nupa meuh kut inkai a khawlai a chhuak minlo sawisel duh tawk lah an banglo bawk a ! Nu leh pate emaw bula kan hmangaihthu sawichhuah hi mizo te chuan kan harsat theuhin a rinawm .A chhan ber a ka hriat chu tunhma atang tawh social media vel thlengin tiang a hmangaihna chhakchhuah hi nuihzat ah kan la tlat a , damchhunga nu leh pa hmangaih thu vawikhat pawh hrilh lo Mizo te zingah an kat nuk ang. Kei ka ngaihve dân ah chuan hetiang hi zah emaw nuihzat chi ah ka ngailo ,hnam changkang zawk te pawn an uarin an sawi chhuak mai a , mi mawl leh over nih an hlawh phah lo nawk .
Hla thu a awm mah kan sa kur duai thei tho anih chuan a thlûk neilo pawhin kan sawi lang ve fo tur ah ka ngai .






"Naom i vannei ve e , chutihrualin U Gideona pawh hi avannei ka ti tho " Biaktei'n a tih chuan ka nui mai , mipa ka duhtawka lungawilohna ka lantir ngamna pasal ka nei hi keipawh vannei ka inti ve asin .






Chawhma lam chu dân ngaite in test tur kan ngahlo lehpek hle a , ka nu (gideona nu) hi chawhnu lamah a thut chauh avangin dar thum thleng hi chu test tur an awm pheuh pheuh ringawt zel .Dar thum hnu lam erawh an rawn indawt zût thung a, kan vannei hlauh zawk a Specialist thenkhat hian kan lab an rawn kawhhmuh leh thin a awl reng erawh kan ni bik lo thung .Ka hming ngei a bul tan ve ka duh vangin khawl ka mamawh ang tur hi U Paliana te'n bul tumin a lei a ,keiin thlatin ka rûl ve thung .Ka pasal aneih ka tawmpui theih chu ni teh meuh mahse an neihsa ring ringawta bul ka tan chuan keimah ah ngaihsamna te a rawn piang mai anga , peihloh ni deuh ah pawh ka chân phah dawnlo ah ngaiin ka kalpah mai mai dawn chiang .







"HB leh Bp test ka duh a atheih em ?"nula pakhat hian a rawn ti a "thei e lo kal rawh " kalp ti thuai .
A hleitling reuh khawp lehnghal a , ka chenlo vai vai viau ang ding ngat ilang chuan.

"Kalo tihsak dawn nge ?" Biaktei'n a tih chuan ka buaipui theih thu in ka chhang thuai .





"I Bp check hmasa ila,i damlo nge ?"





"Ka HB hi ahniam leh thin a achhan kan la hre biklo ,dam deuh si hian inrinloh laiin ka hb hi a rawn hniam leh thut thin a " nui sen sen hian a ti reuh a , hmeltha vur han tih tur anilo chungin a chezia chuan a chawi khawp .A tawngchhuah dan reng reng chu a dam thlup mai .

"Anih chu specialist pan la " ka ti ve mai bawk.





"Kan pan fo alawm , achhan an hre chhuak mai thei hrih biklo .Pathian zârah eng em kan ti bik lo ang " ngaihsam zet chuan a ti sep a , a nui sâng bawk nen abula awm ahahdamthlak takzet .
A hb test turin a thisen ka la a , finger prick ringawt hi chu keimah tak pawh hian ka ringzo meuhlo .






"A nghah chi em ?" A tih chuan " aw a reilo ang " ka ti sep .





"U Naomi ini em ?" A rawn ti hlawl a ! "Min hria em ni ?" Ka ti thuai .





"Hre chiahlo mahse ka thiante hian in chanchin an sawi thin a , U Gideona nen engtin nge in in tawn a ?" Thu khuh tit tet aneilo ve hmel ngang mai .
Keipawh chuan ka hrilh tha ve mai bawk a





"In chanchin hi ka ziah i remti em ? Englo website pakhat ah thawnthu ka ziak ve thin a ,thiam tak phei chu ka nilo mahse U Gideona nena in chanchin hi ziah ka chák riau a i remti em ?" A ti ta phawng mai a , "remlohchhan tur a awm hleinem " ka ti niah niah .
Hb rawn test vel te chu hemi chungchang min sawipui duh vanga chhuanlam ani mai angem tih te ka ngaihtuah rum rum .
"Heihi ka nb ania a rem chuan minlo be dawn nia " paper ah anb ziakin min pe a , ka la ve mai bawk.





"I HB chu 8.7 aw , ahniam lam hret chu ni " a result ka hriat rual chuan ka ti sep .Chhuanlam chu ani biklo e .
"Umm ka lawm lutuk aw minlo be ngei ngei aw a rem chuan " nuisang a tiin pawisa min pe a , a chhuak zui a a chezia chu ka sawithiamlo ! A dam thlup a, a tawngka thlengin .A sawichhuah dan ah erawh harhvang deuh a ang leh lawi sia! A mizia tur awm hriatthiam ahar ngang mai .






After 2 years...





"Nicholas i mak ê....dawhkan hnuaiah hian lut ziah suh i intauh leh ang " apa dawhkan hnuaiah hian toys akhalh kher zel a , diaper ka hrentir theihnghilh tum phei chuan zun lo chehin apa lehkha pawimawh alo zunkhum niai bawk .

"Pa pa "

"Aw i pa alo haw tep lo kal vat rawh " alu tauh tir hlau zetin ka la chhuak a , a kawr hak chu ka pawtrem nghal zat bawk .
"I dul te hi akiar ve ping peng si " ti a adul ka pen te chu alawm ber ber ah ala tang zui .






"Papa hmuak ang aw " ti sepin inhnuai lamah ka pawm thla a ,apu ahmuh rualin ka pawmna tang a tâl pit leh nghal zat tawh .Kan fapa hi chu a nung tha ve vet vet lutuk a alawmawm rualin ka hahphah viau thung .Ka thau thei tawhlo reng reng Nicholasa ka neih hnu atang hian !

"Nicho enge kalo hawn che hi le ?" paliana'n rawn ti lût hlutin ahnungah athukru pah tat bawk a , naupang pahnih ka enkawl leh hi ni ringawt .Room ringawt pawh hi nikhatah vawi nga tal ka tifai hman ang .Apa lah hian 'aih' tih khum ai chuan thawmhnaw zawng zawng phawrhchhuah a tâlpui pawh a duh zawk zel bawk si .





"Papa " ti khek ve ruah ruah a , apa apa'n chuan U Paliana'n lo pawm kâng vatin a thil hawn chu a hmuh a ,Nicholasa lawm zetin a khek nghal ruai ruai . A pa in lapawchini a hawna alawm akhekpui ve ruah ruah a ! Huiham ..






"Nicholas a tawk tawh , i pum ana ang " a thleng chu lâksawn ka tum a tah atum nghal ringawt !
"I ei hnem tawh lutuk " chaw rawtkawi in ka hrai a , vawi hnih ngawt ka rawt belh tawh ! A la duhbelh zel nia mawle !

"Duati thanglai anih kha a duhtawk ei tir rawh " kan mipa te lah hian an hrethiam lo si , ka nu awmse chuan min tan ang mawle .Nu puii damlo awmpui in hospital ah a riak dawn a, a awmloh hi chuan Nicholas a a sual phah ziah .






Ka pasal leh ka fapa khumah an inbuan a , an tlei bawk a tiin ka inbual san zawk .Nicholasa hi ala tet deuh vangin hna ah pawh ka kal zawm thei hrihlo a ,bakah nau awmtu kuta han dah tawp ai chuan atetzual lai hi chuan in awm hnem ila ka duh .Kan inpawh phah bik hian ka ring tlat .






Ka tai na ngut ngut vangin ka harh a .Khum bul drawer chu ka hai rak rak a , nachhawkna kawl kanlo nei miahlo mai .
"Duati na inei em ni ?"

"Ka ti harh che mi ?ka tai ana deuh a nachhawkna ei ka tum mawle ka period dawn hnai aniang " ka ti sep a "muhil leh rawh ka zuk zawng lawk " ka ti zui sep.





"Tho suh , lo mu rawh ka zuk zawng ang ." Tiin a tho nawlh a , chappal in rawlh thawk thawk in a chhuak zui.Ka tai nat dân ngut ngut chu tawrh a har lam hret chu ni .Period tai na hi chu ka nei fo tho a , mahse tun tum chu tawrh a har ve det .

"Duati ..i harh em ?tinge i va thlan nasa ve ?" A rawn luh leh lai pawh ka hrelo ! .
"Shit..hospital ah ka hruai ang che " a ti zui vut te chu ahla riai riai tawh .





Thawm ri nak nak ka hria a , eng ri nge tih ka hrechiang theilo thung .Ka taksa chu a rawn thîp leh zawk thin a , chet ka tum a ka thei der lo !





"Duati i harh tiraw ?" Ka mengchhuak riai riai .Zawh ngai lo in Hospital ah kan awm tih ka hre nghal mai bawk ..
"Tinge a ?" Ka ti thawp sap a thaw halhin lainat hmel zet hian min melh vang vang a , "Naom nâ ila nei em ?" Ti tu an awm ve rualin ka melh thuai Doctor chhuani Gynaecologist alo ni.
"Ka tai bawr hi la na deuh a "




"Nau i pai tih i in hria em ?" A tih chuan ka meng kawk "ka rai maw ?" Ka ti sep !
"Thlakhat na ala tlinglo deuh Vanduaithlak takin i chhiat a " a tih chuan "enga " ka ti bah nak ..Nau ka chhiat amaw ? Ka rai tih takngial pawh ka inhre silo .Paliana chu ka melh a ,a mitmeng ah min khawngaihna leh hrehawm tihna bak ka hmulo .
"I chhûl hriselloh vâng ani ber a , kan ziah angaih hmel .Ka admit cheu anga hlauhawm anilo ania hlauthawng lo la aw " a tih chuan lukham ah ka lu ka nghat dawt.Gideona engemaw hrilhin a chhuak zui a .Ka ngaihtuahna ah erawh ka fa ka chân tih chiah a awm .






"Bawihi "





"Ka...ka tihpalh lutuk " tahchhuak insum zetin ka ti sep .Ka hmui ka pet fan fan a , a taksa la insiam puitling hmanlo pawh nise ka fa anihna abo lo a , ka hriat har lutuk vanga chân ah ka inngai .
"Engvangin maw Duati ? " Ti damthlup in ka kut a rawn chelh a "engkim atha vek , hahdam tum rawh le " ka mittui kar atang ka melh tawk tawk .
Lo hre hma in lo inenkawl tha deuh ni ila tûn hun hi kan thleng kher lo thei a , ka pasal in fa a awh belh zia hrelo ka nilo a chung te hlei hlei chuan min ti na .





"Khawngaihin hahdam rawh Duati , i thiamloh a awmlo . "




"Mahse "





"Shhh ...Dr. in min hrilh a , pai tlang thei hlauh pawh nila i tân ahlauhawm phah thei zawk .Pathian in rem a tih chuan minla pe leh em em ang " a ti a , ka mit ka chhing vang vang .





Hospital karkhat dawn kan awm tawh a , inlam an buai viau in ka ring .A sen tet ata Nicholasa nen kan inkuah deuh chawt a , karkhat lek mah nise ka ngai in ani pawhin min ngaih hman viau ka ring .A haw duhloh mai hlau in Hospital ah an rawn hruai ngam der silo a , kei ka chûl an ziat indim kalo ngai lehzel bawk nen .
Ka nguai in ka fâ ka chan chu hrehawm ti mah ila Pathian remruat ani a , pawmthiam tumin theihtawp ka chhuah .
Mi thenkhat tân chuan a ho viau maithei .Mahse nû tan chuan kan taksa a minung lo awm ve chân mai chu ana ve em ani .






"Mate , inthiamlo tawh teh suh .I awmdan Gideona'n ahmuhin hrehawm a ti ve zel ania . "Ka û leh ka nu in min awmpui ve thung a , Paliana hna ah a chhuak zui a alo lêt leh vat tho chu ka ring .
"Nia Pathian remruat hi hriatthiam har mahse kan tana tha tur vek in ani a ruat ni .In dam anga fa dang ape leh em em ang che u .Hei amalsawmna in chang a , Nicholasa pawh ahrisel em hi mawle " ka nu'n a tih chuan ka nui ve hak a , ka nu pawh hian lawm viau mahse ka fapa hi chu a awmrei thei lo .





"Ka rai tih pawh kalo inhre miahlo a " ka ti sep a






" Keipawh in i û ka pai hian thlali na velah ka hre ve chauh alawm .Ka dûl puar ve ek te kha ka dulkiar emaw ka tia " ka û nen kan nui hak hak .





"Ama" Nicholasa rawn tlân lût chuan min rawn bawh nghal thawt thawt .
"Nicho ama kha iti na ange " Paliana'n a ti zui that ."apawilo ka ngai tawh lawm " a sama chûl pah chuan ka ti sep .
"Min ngên nasa lutuk a" U Paliana'n a ti sup a , afapa chu a melh deuh vung vung . A harh lutuk hi ka nu paliana nu te zawk pawhin "ngaih athalo rum rum dawn zawk alawm le " an ti hial .







...............................




Kan room kawngka biangah dingin ka pasal in a fate ho khumah lehkha chhap hnawk diai a a zirtir chu hmuhnawm ti zetin ka thlîr a , fapa pahnih leh fanu pakhat kan nei tawh a Nicholasa phei chu nau aneih chinah a inla tlangval ve tawh lutuk.
Paliana nen hian fa neih tam kan duh a ,tunah pawh kala insiam chuanglo .Unau tlem ve ve kan ni a , engemaw nikhua a akhawharthlak zia hria in kan theih chhung leh Pathian in rem a tih chhung chu indangloh kan tum .Chhiatni thatni ah unau tlem chu a hrehawm emai .







Pathian Malsawmna hi chhiarthiam ahar a , kan zân mu zînga kan tho leh ringawt te hi a tûr ve reng ah kan ngai a , Pathian Malsawmna vek ani tih kan theihnghilh thin .Ka pa boral khân Pathian ka dem lek lek hial a , mahse tunhnu hian Pa tha tak min pek piah lam a pa nei a min siam hrim hrim kha ka lawm takzet .
Ka fate pawh hi ka inchhir anga an inchhir ve loh nan ka zirtir ang .Ka pa ka duh ang tawka ka ngaihsak hmanlo kha tûn thlengin ka inthiam theilo a , ka fate chuan an nu leh pa ,pi leh pu thlengin an hlutna hria se ka duh .

Ka pasal fanau te chu nui sânga enin " Pathian Malsawmna "tiin ka phun zui sep








A tawp ta ....









# atawp dân hi in lungawilo viau maithei , atawpna siam hi a harsa ka tia han khar mai dan hi hriatthiam ahar thin.
ZûNLêNg S 2 minlo chhiarsak tute inchungah ka lawm takzet . In beisei ka phalo viau in ka ring a, thawnthu te kanla ziahzawm zel anga ka inzir chho ve bek bek zel ania



He thawnthu hi sei tak tura ka ruahman anilo hrim hrim a , tawi fel deuh kual nuaih lo hi keima duhdan pawh ania .Kual nuaih nuaih ang hian ka ziak peih thlawtlo .Akual nuaih nuaih ang kha in duh chuan ka ziak thei tho a .




Hidden Mafia kha ka zawm pangai dawn a ,zawm ti ila zantin nilo chapter ka ziahkhawl tam deuh hnu ah ka rawn dah zel anga , complete hnu ah fb ah chuan link ka dah lût chauh ang .Complete hma a chhiar duh tân erawh ka whatsapp group ah link ka dah a , story fb website ah a chhiar theih bawk.




# exam ka nei hnai a , story thar nen ka rawn let nghal dawn em ka la chianglo .Exam kâr ah ka ziak thei dawna ka inhriat chuan tûnkar ah ziah khawl hrimhrim kalo tum anga , ka rawn nei leh nghal thut thei bawk .

....


Ka story minlo chhiarsak thin tu zawng zaqng te in chungah lawmthu ka sawi tak meuh meuh e


Show post links
Top